ميمتو كل ماعندو فالدنيا ولكن بغاها الله وداها وقالت بعدما قلبها تزير بشوفتو هكاك)فين الميمة!!!
لحظات من الصمت دورات وجها عليهم بريبة وجهم كان بين فيه الحزن حتى شاف فليث لي حرك راسو بالنفي قصد بلي منجاتش هزات عينيها وركزات على بهاء لي عطاهم بالضهر وحط ايديه بزوج على خصرو وهز راسو لفوق قلبها تهز بشوفتو هكاك اما ليث شاف فسعاظ ورياض وخرجو سدو وراهم لباب خلاو جلنار كتشوف فيه وقلبها ضرها على حالتو وقفات وتمشات بخطوات تقال لعندو دوراتو لعندها والدموع فعينيها كان عاقد حجبانو بعصبية وعاض على شفايفو حتى تحبس فيهم الدم قالت بصوت خافت وحابسة الدموع مينزلوش
جلنار:روحي
بهاء:(شاف فيها بغضب كانه كيلومها)
جلنار:(وقفات على طراف صباعها وحطات ايدها على خدو وقالت)سمحلي ا عمري مقصدتش سمحلي الله يخليك
جلنار:(عنقاتو من لور ودموعها نزلو وقالت بتانيب)حنا السباب ياك كون غير كنت انا فبلاصة الميمة اهئ اهئ سمحلينا من نهار دهلتي لحياتي كلشي تقلب سفاه على علاه فحياتك سمح ليا انا السباب اهئ اهئ كنت انانية مفكرتش ليك سمح لي بزااف اهئ اهئ
بهاء:(بقا واقف للحظات كيسمع لبكائها واعتداراتها حط ايدو على عينيه وتنهد ظار لعندها هز وجها بايدو قبل بلاصت الدموع بحب وقال بحنان)نموت بلا بيك سمعتي متبقايش تعاودي بحال هاد الهضرة اخر مرة نسمعها منك وبالنسبة لمي(كمل بغصصة)مكتاب ليها توفى داك النهار حتى لو مكانتش خالتي سعاد كانت غتموت بطريقة اخرى الحمد لله على كل حال حنا عباد ضعاف وممكن فاي لحظة يسالي الاجل ديالنا صحيح انه الموت ديالها باقي ماتر فيا حيت متوفاتش ديال الله ولكن هدا مكتاب الله وكيتصرف..شش صافي دبا من البكا انا حداك ومرتاح مكين والو
جلنار:(كتشوف فيه بعينيها المدمعين)بصح
بهاء:(بتاسم)وي احياتي
جلنار:(عنقاتو)عفاك خليك حداية
بهاء:(بادلها العناق تسلات دمعة من عينو مسحها بالزربة وزاد زير عليها ختى حسات بيه)انا معاك ديما مغتفرقنا غير الموت
جلنار:(كتدوز على مؤخرة شعرو بايدها)انشاءالله احبيبي
بهاء:(بعد وشاف فيها مبتاسم)انشاء الله..(شاف الساعة)وقت النعاس ابيب غدا تابعنا نهار طويل
جلنار:هم وخا..ولكن غتبقا حداية ياك؟؟
شاف فيها بصمت شد فايدها وجرها موراه حط حتى وصلو للسرير وقال ليها
بهاء:انا معاك ديما معمرني نخليك ولكن الا نعست حداك اليوم منضمنش راسي عليك ونتي مازال مريضة اللهم خليني نعس فالفوطوي
جلنار:(لصقات فيه كتغبن)هنن لا بغيت نعنقك ونعس حداك
بهاء:(هز ليها راسها بايدو وقال)شوفي فيا ومكين لاش ديري حاجز بيناتنا هدا انا بهاءالدين ولدك لي شحال طيبتي ليه وتهليتي فيه وحفضتيه مبغيتش موت الوالدة ياتر فعلاقتي معاك الى مشات الغالية راه بقا عندي نتي ومرتي ونتي راك فمتابة الام ديالي متحسسنيش بلي غير مرغوب فيا و
سعاد:(جراتو لحضنها وقالت)وياك اراس الطارو من ديما كنتي ولدس كنت كنشوف فيك ولدي من ديما كنتي عزيز عليا وغتبقا ديما عزيز عليا كنت خالتك ودبا ماماك متبقاش تقول اولدي هادشي الله يرضي عليك را نتا لي بقيتي لي من الميمة اهئ اهئ
بهاء:(عنقها للحظات وبعد وباس ليها راسها)ودبا لاش لبكا صافي الالة فرحان ومرتاح وكنعتابركم عائلتي لي ولداتها لي الدنيا والحمد لله تقريبا جل مشاكيلنا تحلات وغنكملو حياتنا بيخير وعلى خير
سعاد:(كتمسح دموعها)عندك الخق سالا وقت الدموع دبا وقت الفرح الله يرضي عليك
تسالمو ومشاو فحال سبيلهم وقف للحظات كياخد انفاسو بتاسم ودخل لبيت دور راسو مبانتش ليه مشا حدا الدوش طلق ودنيه كيسمع الرشاشة مطلوقة حل لباب بشوية طل وبلع ريقو وركز الشوفة فيها كانت عريانة وكدوش عينيه كيتساراو عليها بلع ريقو للمرة التانية وحدر راسو لجهة السروال سد لباب بسرعة ومشا كيضور فالبيت
بهاء:هووف استغفر الله العظيم استغفر الله العظيم(بقا كيمشي ويجي ويستغفر الله حتى سمع الدقان برك فالفوطوي وحط مخدة على فخاضو وقال)وي
جوهرة:(طلات براسها)السلام خاص نشوف المريضة
بهاء:(ببحة)كدوش
جوهرة:اوك شوية ونرجع..خليت ليك الراحة
حرك راسو بتاسمات ليه وخرجات فحين بهاء حيد الوسادة ودوز ايدو على وجهو ناض هز كاس عمرو بالما وهبط عليه يالاه كيحطو سمع البوانيي د الباب تحرك دار كيشوف فيها وهي خارجة لاوية عليها فوطة وشعرها فازغ مطلوق وقالت
مشا لدوش غسل وجهو ورد نفسو وهرج مشافش فيها نهائيا ضحكات بمكر وناضت حيدات الفوطة لبسات دوبياس لي كانت لابسة ولي جابوهم ليها الممرضات كانو مصبنين وناشفين لبساتهم كضحك ومشات للدوش نشفات شعرها ودارت عكر خفييييف مبينش نهائيا خداتو حتا هو من عند الممرضة ولاحت عليها بينوار لقاتو فخزانة الملابس ناسياه شي وحدة كانت فنفس الشومبر وركات على واحد اللعيبة كتكون فالمستشفيات باش كتعيطي لشي ممرض لخصاتك شي حاجة(معرفتش سميتها ديرو عين ميكة ها العار)وجات عندها ممرضة على وجه السرعة
جلنار:عندك شي ريحة خفيفة الله يخليك محتاجاها ضروري؟؟
جلنار:لهلا يخطيك وعفاك كلمي لي راجلي قولي لو محتاجش يجيب لي شي حاجة عطيتوني منلبس
الممرضة:(بتاسمة بميوعة)هههه ايه واخا الالة
جلنار:(خاطرها هرب من هديك الابتسامة)هم بليز سربي
الممرضة:اوك
خرجات الممرضة بعدما رشات جلنار ريحة فكفها جهة العرق وورا ودنها اما جلنار فناضت كدور فالبيت حتى سمعات الخطوات حدا الباب سرعات جهة الدوش وحلات البينوار شوية حتا بان صدرها بشكل مثير اما بهاء فحل لباب ودخل بدون ما يرد البال ليها سد الباب ودار غادي لجهة السرير مبانتش ليه عقد حجبانو كيقلب عليها حتا بانت ليه جاية من جهة الحمام كتحك فعينيها وطالقة شعرها عض على شفايفو وبقا متبعها حتى هزات راسها فيه وقالت
جلنار(كتسبل فعويناتها):ايمتا جيتي!
بهاء:(بصعوبة)احم غير دبا
جلنار:(قربات ليه وحطات ايدها على خدو)دوز ترتاح ما رتاحيتيش نهائيا احبيبي وجروحك مازال جداد
بهاء:(كيشوف فيها وكيحس بايديها على خدو)على نتي خليتيني نرتاح
جلنار:(كضحك من لداخل قالت ببرائة)علاش شنو درت ليك انا
الجدة:(بغضب)ايييه عرفو اش كتخرجو من داك الدلقوش ولا ميعجبكم حال..اش هاد قلة الحيا هداك را عمكم وقيلة وميت الله يرحمو
ياسين:مالكم مع ديك البنت بغيت غير نعرف!
سماح:والو
ياسين:لا ممسروطاش ليكم نهائيا ديما كتجبدوها بالخيب فحين هي عمرها مجبداتكم ولا حتى بالضحك
عبير:غالط ا عمو شكون هي اصلا لي متسرطش لينا؟
فؤاد:واقيلة راكم داويين على مرتي وانا هنا..(كمل بتحدير ممزوج بغضب)سماح عبير من الاحسن فوتو ساحتها
عبير:مكين لي كيبقا فيا قدك اخويا فؤاد راداك كيف الخاتم
فؤاد:(شاف فالجد وقال ببرود كانها مكيناش)عمي جلنار راه مع يسرى بيتين بجوج قالتها لي فالفون(كيورك على كل حرف) وطلباتني نخليها تبات
الجد:اصلا هدوك الجوج مكيتفرقوش ههه
كملو يثهم فمختلف المواضيع ومنها حفل ضريب الصداق لي غيكون فالفيلا
#عند_جلنار
بهاء بقا كيشوف فيها للحظات وحط ايديه بزوج على خصرها زاد قربها ليه حتى لصقات مع صدرو وحطات ايدها على مؤخرة راسو وبدات كتحركها بشوية نزل راسو لعندها ولتاحمو شفايفهمم بقبلة فرنسية ساخنة جمعات ما بين الشغف والحب لي كيكنوه لبعضهم ولي وصلوه لبعضهم من خلال هديك القبلة زاد خشاها فيه بتملك وهي كذلك دورات ايدها على عنقو والايد التانية حطاتها على خدو زادت وتيرة القبل لي شعلات نار جهنم(تعبير مجازي) فداتهم بجوج ملاتهمش يتحكمو فراسهم هو باغيها وهي كذلك جاء الوقت لتلتحم اجسادهم من جديد زادو بخطوات وهما فنفس الوضعية شفايفهم مع بعض حتى وصلو للسرير وقفو بزوج هز ايدو حل البينوار وهز ايدو جهة كتافها كيقبل فيها بحرارة وعينيه مغمضين وهي كذلك بنفس الوضعية نزل البينوار وبقات بالدوبياس نزلها على السرير مساخيش يبعد عليها حتى تسرحات فوقو بعد عليها كينهج حيد التيشورط لاحو فالارض بقا كيشوف فيها ومتبع كل قنت بعينيه كيسكانيها جسمها الغض زاد كبر وولات انثى متكاملة جسمها صار ناضج ويضخ بالللانوثة تنهد بشوق ونزل عنده وقال وهو كيشوف فعينيها المعسلين
بهاء:(بصوت رجولي خفيف مع بحة)توحشتك..توشحت اي حاجة فيك باغي نقيصك كاملة باغي نقبل كل انش فيك
نزل بقبلاتو عليها وطبق كل كلمة قالها مخلاش شي بلاصة مطبعش فهاا رمز ملكيتو كان الشوق لبعضهم قاتلهم محسوش بالوقت ولا بالدقان لي كان فالباب وجوهرة لي كانت عند لباب جاية تفحص جلنار ولي حطات ودنها على الباب باستغراب وسمعات اهات خفاف من صوت جلنار طلعاتها حمرة الخجل ودارت راجعة فحال سبيلها بخطوات سراع وكتقول بينها وبين نفسها"اش غنفحص فيها وهي بحال العودة كتجاهد فسبيل الحب"ضحكات بسخرية على راسها وتفكيرها لي مشا نيشان لياسر ستعادت بالله من الشيطان الرجيم ولاحت هدوك الصور الخليعة لي ترسمو فخيالها بسرعة وكملات شغلها بين المرضى وخرجات من الكلينيك لقات ياسر كيساينها ركبات سلمات وكيف العادة المناقرة هي هي محال واش تبدل شي نهار...اما الكوبل ديالنا فكانو مجردين من الملابس وصوت انفاسهم هو لي مسموع فارحاء الغرفة مع بعض الاهات لخفاف حتى تكسر بصوت صرخة من جلنار خلات بهاء ينتافض من فوقها مخلوع عند بالو طرات ليها شي حاجة اولا قلبها ضرها حتى بان ليه الدم فوق الفراش ولي زاد كمل على مبيه لبس بسرعة حويجو وهو خايف ندم علاش قرب ليها
بهاء:حبيبة مالك واش كيضرك قلبك جرحتك
جلنار:(دموع سالو ليها)لا مكيضرنيش اممم موقع والو
بهاء:بخوف وهاد الدم ديالاش صبري نعيط لشي دكتورة
جلنار:وخا
بهاء:(بندم) سمحيلي عفاك انا السباب كون تحكمت فراسي مكانش غيوقع هادشي كامل
جلنار:موقع والو متبقاش تقول هكا(بغات تنوض تلبس حويجها حسات بالم مهول تحتها تالمات بصوت مرتفع شيئا ما شيء لي خلا بهاء يخاف كتر وكتر مفهمش منين جا هاد الدم وعلاش كتالم هكا)ااي اهئ اهئ كيضرني تحتي بزاف اهئ اهئ
قبل ما تجاوبو لبس سبادرية ديالو بالزربة حتى السيور معقدهمش وخرج كيقلب على دكتورة حتى نعتات ليه الممرضة مكتب دكتورة مختصة فطب النساء والتوليد شرح ليها شنو وقع بالضبط ومشات معاه حشمانة ومتعجبة من هاد الحالة عمرها تصادفات مع شي واحد ضاجع مرتو فالكلينيك حتل هاد النهار مشا سابقها وهي حادرة راسها حتى وصلو لغرفة حل ودخل لقاها لبسات بينوار ومتكية ملامح وجها مخصرة نضرا للالم لي كتحس بيه شافت فيه وفالدكتورة لي جاب معاه
الدكتورة:(شافت فيه وقالت وهي حادرة راسها)احم تقدر تفضل تخرج حتا نفحصها(واقف كيشوف فجلنار نضرة الخوف فعينيه وعاقد حجبانو مردش عليها وبقا فنفس وضعيتو لي خلاتها تستنج بلي مغيخرجش من الغرفة حيدات لغطا على جلنار لي بغات تدرق المسائل وشافت بهاء لي كيشوف فيها بمعنى من نيتك عاد كنت كن** قلبات وجها لجهة التانية حتى سمعات صوت الدكتورة
دك:باش كتحسي؟
جلنار:(بخجل)بالحريق بزاف
دك:هم ايمتا اخر مرة مارستو فيها قبل هاد المرة
جلنار:الصمت(وعضات على شفايفها بخجل)
بهاء:(بدون خجل)قبل خمس سنين
دك:(شافت فيه باستغراب ورجعات شافت فجلنار وقالت)ام عادي غيكون هاد الحريق نضرا لطول المدة لي ممارستوش فيها غتكون تجمعات وبحالا عاد دخلتي بيها داكشي علاش خرج هاد الدم مكينن لاش تخاف غنخرج ليها شي دوة ونصيفطو مع الممرضة
بهاء:وخا شكرا
دك:خليت ليكم الراحة والله يجيب الشفاء العاجل
بهاء:امين
خرجات الدكتورة وبهاء توجه لعند جلنار وقال شي نهار تسكتي للبويا القلب نهايتي على يدك غتكون المفدعسة...
بتاسمات وتخشات فحضنو كتر وكتر اما هو زفر براحة وعنقها بحنان مدازش بزاف حتى غرقو فسبات عميق محسوش اما رباض وسعاد وليث فمشاو لفيلا د بهاءالدين وباتو تما..
#اصبحنا واصبح الملك لله
ليوما اليوم الموعود ولي غيتكشفو فيه جميع خبايا القصة وغيبانو فيه عدة وجوه غيشكل صدمة لي غتكون قوية لبعض والبعض الاخر فرحة ورضى..مهما طال الزمن عمر الشر يغلب وان الله يمهل ولا يهمل الطغاة مهما طغاو وعلاو غيجي نهار لي غيطيح وجميع الخبائث لي دارو فحياتهم والاوراق لي مخبينهم غيتكشفو للعَيان ناض ليث واول حاجة دار هي قلب لفون لي تناساه لبارح ولي لقاه غيطرطق بليزابيل د يسرى دوز لابيل وهو كيتكسل صونا المرة الاولى والتانية جاه الرد بصوت غاضب
يسرى:وي
ليث:صباحو حبيبة
يسرى:الرقم غلط انا محبيبة حد
ليث:(بتاسم وقال بصوت حنين)سمحيلي حبيبة ماشي لخاطري مجوبتكش لبارح
يسرى:(بغضب)شنو كان عندك حتا متجاوبنيش ها مخليني غنحماق حتى واحد مباغي يجاوب معترفة شنو واقع ليكم عالاقل صيفط لي مساج قولي ممساليش منبقاش محمقة راسي انا
ليث:سمحيلي
يسرى:الصمت
ليث:وصاغي احبيبة نعوضها ليك فاش نشوفك غتعرفي كلشي
يسرى:وخا اسيدي...
ليث:كيف ير الجو عندكم تما
يسرى:(عوجات فمها وقالت وهي كتشوف فالمسيمات)حنا ففيلا جلنار كنوجدو لهاد الحريرة كلشي واقف على قدم وساق وخويا مقداه فرحة(بحزن)معرفتش لاش كتخطط جلنار وهي تصالحات مع بهاء كيبقا فيا خويا
ليث:(مركز فنقطة وحدة تنهد وقال)حبيبتي مديري فبالك والو يكون خير
قطع وهي مشات تكمل شغالها فحين ليث دوز لابيل لبهاء وهو نايض لدوش دار كيث بلوتوث فدونيه وناض لدريسينغ جبد بعض الملابس كانت تما الظاهر انها د يال بهاء كانت ملابس رسمية جاه الرد من عند بهاء لي كان معنق مرام وكيحل عينيه بزز قال بصوت خشن مع بحة صباحية
بهاء:الو
ليث:صباح الخير
بهاء:صباح النور
ليث:مناويش راه 9:30 هادي
بهاء:(شاف فجلنار لي شانقة عليه باديها ورجليها قبل جبينها وقال)منعستش بكري داكشي علاش..اش واقع
ليث:الفيلا مقربلة سفاها على علاها كلشي كيوجدو لضريب الصداق
بهاء:ام اوك شوية نكونو عندكم
ليث:اوك
قطعو لفون ورجع ليث يكمل داكشي لي كان كيدير اما لهاء حط راسو على ضهر السرير كيرد عقلو للحظات وشاف فمرام حط ايدو على وجها كيتمعن فملامح وجها بتاسم فاش بانو لبه ريوغ نازلين😂 نزل ايدو مسحهم ليها وقبل جنب شفايفها وجبينها وناض من حداها بشوية باش متخسش بيه لكن معامن هو لقاها معلقة فيه كيف العلقة حط ايدو على وجهو وبتاسم حرك راسو بمعنى لاحول ولا قوة الا بالله وناض بدا كيحيد ليها فايدها وصل لرجليها وهي تبدا تخصر فملامح وجها حتى حلات عينيها لقاتو كيحيد ليها فرجليها عليه بشوية وهي تقول مغمضة عين وحالة عين
جلنار:اش كدير فين غادي!!
بهاء:(هز راسو فبها وقال)غادي نهرب هه
جلنار:(حلات عينيها على وسعهم وقالت بالزربة)بغيتي تخليني عاود اهئ اهئ حرام عليك علاش رجعتي كاع كون غير بقيتي غابر تفو عليك البغل كون مفقت بيك كنتي غتمشي الكذاب هادي هي معمرني نخليك مزال اهئ (ناضت بالزربة حسات بالم تحتها وقالت بتهديد مخرجة عينيها)والله لكانت ليك مكين فين غتمشي غتبقا هنا بالسيف ولا بالخاطر وفينما بغات توصل توصل ومولاها ربي
بهاء:(مبرق فيها عينيه والفرحة كتاكل فيه من لداخل حتى سالات وطرطق بالضحك من شكلها المضحك وطريقة تهديداتها الصبيانية البريئة وقال وهو كيضحك)ههههههه واش صافا با هعههه غير ضحكت معاك كالم حبيبة (قرب لوجها حتا ولات كتحس بانفاسو على وجها)5 سنين وانا ميت وروحي ماشي معايا فنضرك غنعاود نبعد!! عمرني نخليك عاود غنبقا معاك حتى يدي مول الامانة امانتو وطلع روحي لعند الخالق والله شاهد على ما اقول..يكفي داك العذاب لي عشتو وانا بعيد عليك
جلنار:(قربات لعندو كتر بقاو بعض الانشات على شفايفهم وقالت بعدما هزات عينيها فيه)الله يجعل يومي قبل يومك ا روحي متبقاش تقول هاد الهضرة عفاك(نزلات دمعة من عينيها)كنبغيك بزاااف ا عمري
بهاء:ها هو غادي..(لبس سبادريتو)انا غنمشي لخدمتي غيجي عندك واحد من الرجال ديالي غيمشي معاك ومتخطايهش انا كنقولك عارفك كطيري فوتي هاد النهار بسلام
جلنار:(حلات لباب وطلات عليه مدرقة)لا خليك معايا حتا نمشيو بجوج
بهاء:(دفع لباب ودخل نيشان لفابو غسل وجهو وسنانو بدون ميجاوبها هي لي مغطية مفاتها بايدها)خاصني نمشي لمقر عندي بزاف ميدار
جلنار:(بخوف)عنداك تعطل ا بهاء
بهاء:(حط ايدو على خدها وقبل جبينها)تيقي بيا
جلنار:(بتاسمات)كنتيق بيك
احبيبي..رد البال لراسك وشنو سميت هدا لي غيجي عندي!
بهاء:رضى القدميري ملازم..متمشي مع حتا واحد من غيرو انا كنقولك (جبد الفون وراه ليها)هو هدا
جلنار:اك حبيبي..(تعلات على ريوس رجليها وقبلاتو فشفايفو)الله معاك وكنبغيك بزاف
بهاء:امين المفدعسة دخلي دوشي ولبسي عنداك يضربك لبرد حقا الدوا ديالك راه محطوط فوق المكتب واقيلة حطوه الصباح انا مشيت كولي عاد سيري انا غنوصيهم قبل ما نمشي
جلنار:وخا حبيبي
خرج بهاء مبتاسم تحت دعوات جلنار ليه وهي كملات دوشها...فحين ليث كان عاد وصل عند يسرى لي كانت كتسناه فراس الحي لي فيه الفيلا بن عمرو دار ليها الفار د لوطو عاد تمشات عندو بحكم السيارة كلها فيمي مشافت والو ركبات بدون سلام ولا كلام
يسرى:فين كنتي غاطس البارح الغدار ها صافي هدا هو المضمون فيك يا
ليث:(دار عندها كيضحك)تي مالك ديما مسبقة العصا على القطيع صبري نشرح ليك فالطريق
يسرى:(ميقات فيه)عندي لفون ديالي..(دوزات رقم نزهة قالت ليها داكشي لي قال ليث فصلات الخط وشافت فيه بمعنى هضر)
ليث:(ديمارا السيارة)المهم غنبدا ليك بالمهم مجوبتكش حيت ماشي لخاطري لبارح بهاء ضارب مع شي وحدين فالحي ديالهم القديم وجلنار
يسرى:(خرجات عينيها بخوف وقالت)مال جلنار اويلي
ليث:راه لباس عليها معندها والو غير
يسرى:غير شنو
ليث:احم جاتها جلطة قلبية خفيفة
يسرى:(شهقات وحطات ايدها على فمها مصدومة)اش وقع ليها اهئ
ليث:(شاف فيها وشد ايدها قبلها)شش رها مزيانة وغتحضر لكلشي ماشي شي حاجة غير تخلعات على بهاء بزاف وصافي انا غنديك عندها دبا مواقع ليها والو
يسرى:(قلبها كيضرب بالخوف)اه عفاك سربي بغيت نشوفها
ليث:وخا...
زاد فالسرعة باتجاه لي محددين الشباب ولي هو مركز تجميل راقي..اما عند رياض لي واقف قدام دار الغالية شموخ مهاز معاه والو وكين ياسر و جوهرة وراه بحكم الاب والام ففيلا بن عمرو ولي غيتقام فيه حفل ضريب الصداق حلات الام الباب ومعاها التوام سلمان وسليمان وقيس فرحانين بمجرد مشافوه تلاحو عليه بتلاتة نزل عندهم كيضحك وعنقهم بتلاثة هز التوام فايديه بجوج وقيس حداه كيضحك معاهم ويهضر خلا خوه مصدوم فيه معمرو شاف هاد الوجه لي كشوفو بيه دبا طول عمرو كيشوف رياض الحدودي والجدي ولي مكيضحكش الى ضحك كيبتاسم ابتسامة خفيفة مكتبانش كاع همس لجوهرة فودنيها خلاها تحبس الضحكة بزز وضربو بكوعها
ياسر:خويا تفورماطة ههه(بدا كيحرك راسو ممتيقش هه)
جوهرة:(حابسة ضحكة من شكلو اما هو كيضحك ممسوقش
طلقات جوهرة وام الغالية تزغريتا خلات كلشي يسمعها فرحانين باركو ليهم وخداو ليهم بعض الصور واكيد فيديو وهما كيركبو الخواتم ولي خداه ياسر باش يوريه لنزهة لي محضراتش لخطوبة ولدها شاف رياض الساعة وقال
رياض:هدا هو الوقت خاصنا نمشيو دبا مع ديك 4 د العشية غندوز عندكم كونو واجدين وخا!
الغالية:وخا رد البال لراسك الله معاكم
رياض(ببتسامة دوب الحجر):امين
خرجو من دار الغالية وسدات وراهم الباب عنقاتها مها وقالت مبروك عليك ابنتي صبرتي وجزاك الله بلي يستاهلك
نمشيو عند لبنات لي تلاقاو بزوج فمركز التجميل ولي كان خاوي مفيه حد من غير اميراتنا والعاملات بالمركز دخلو وهما كيضحكو بعدما طمئنو على بعضهم ومل وحدة تكلفات بيها وحدة من عاملات المركز فحين رضى واقف عند باب المركز هو وعماد الدين لابسين لباس رسمي وتحت منو واقي لاسلكي فودنيهم كيتواصلو بيه مع بعضهم وسلاحهم فالخصر من الخلف ايد على ايد قدامهم وقفة مستقيمة نضارات شمسية من ماركة ريبان كانو كيبانو كحراس شخصيين والشوفة فيهم تفتح النفس الغادي والجاي كيشوف فيهم الشابات بنضرات اعجاب واضحة على محياهم وبعض الميمات كذلك عشاق الشباب دازو ساعات على دخول يييسرى وجلنار وجدو ولبسو قفيطنات راقيين وعصريين برزو جمالهم وبانو كانهم حوريات عصرهم خداو سيلفي مع بعضهم فرحانات براسهم وبوسطاوها فالانسطا والسناب حطو لفون وخرجات وحدة من العاملات بالبيوتي سسانتر
عطاها بالضهر كيشوف قدامو اما هي دخلات بعدما تنهدات باستسلام قالت ليهم يتفضلو كيتسناو فيهم خرجو كيتمخترو بثقة وصوت كعب الاحدية مسموع لقاو سيارة ميرسيدس بينز كلاس فضية ركبو فالخلف ورضى وعماد الدين ركبو لقدام ديمارا عماد السيارة فاتجاه فيلا بن عمرو ولي كانت عامرة بالحضور فضلو يديرو ضريب الصداق فالمساء وكانت ديك الساع حوالي 7مساء موسيقة هادئة خفيفة منغنة المكان تزيين رائع لحديقة الفيلا وامام بابها واقف الجد(قادر)بعكازو وابتسامة مصطنعة على وجهو مثل ابنو صابر وبناتو عكس الجدة لي كانت كضحك من قلبها فرحانة بحفيدتها كذلك سيف الدين وزوجتو وولدو كيستقبلو الضياف برسمية وبرحابة صدر دخلات عائلة فؤاد وهو كذلك معاهم كيقلب بعينيه عليها ظخلو من الباب كيرحبو بعضهم ويتبادلو اطراف الحديث فحين فؤاد ورياض وجوهرة والغالية وعائلتها وقفات سياراتهم امام باب الفيلا كل واحد شد خطيبتو من ايدها وااتوام شدين فرياض والغالية وقيس شاد ف ماماه لي كانت راكبة مع جوهرة وياسر دخلو وام الغالية حشمانة مموالفاش بحال هاد الاجواء وقف رياض كيتسنا فيها باش تمشي معاه يعرفها على عائلتو رجع جوج خطوات حط تيدو على كتفها وابتاسم فوجها وهي كدلك بادلاتو الابتسامة باطمئنان وتمشاو لجهة عائلة الماكي لي كانو مجموعين وكيضحكو فرحانين لولدهم....لي كان واقف مع صابر والجد المزور خاشي ايد فجيبو وايد مطلوقة كيهضر برزانة عكس عادتو
فؤاد:بغيت كلشي يدوز مزيان
صابر:غيكون كلشي بهير غير تهنا البنت عطات كلمتها وراه جاية فالطريق عاد هضرات ماماك مع ختك وقالت ليعا بلي جايين فالطريق
فؤاد:ام اك
#عند_اسرة_المالكي
رياض:(ببتسامة بعدما سلم)ماما بابا هادي لالة نجية ام الغالية خطيبتي
نزهة:(ببتسامة عنقاتها كانها كتعرفها من زمان)متشرفين الالة نجية انا نزهة ام رياض وهاد جغل هه
نجية:(بخجل)متشرفين الالة نزهة
نزهة:الشرف لينا الالة..هدا محمد راجلي
نجية:(حدرات عينيها وقالت بخجل)متشرفين ا سيدي
محمد:(باحترام)الشرف ليا الالة وانا غير محمد الله يخليك😊
نجية:لهلا يخطيك ا سي..
محمد:لالة نجية هضرنا هه لا داعي للرسميات غنكونو عائلة وحدة
نجية:ههه وخا
نخليو العائلات يتعرفو على بعضهم ونمشيو لمكان اخر فالمعسكر واقف سليم واسماعيل ومترأسهم بهاء الدين واقفين بتبات ووقفة عسكرية وامامو الكلونيل هاز ورقة فايدو مدها لبهاء وقال
الكولونيل:هادي الموافقة ديال وكيل الملك والانر بالقاء القبض على المتهمين..تقدرو تمشيو
بهاء:خداها من عندو ودار التحية هو ولي معاه وانصارفو مشاو جهة الاسلحة كل واحد لبس اللبسة الخاصة بفرقة القوات الخاصة ودارو اسلحتهم والواقي من الرصاص خرجو ومعاهم اشخاص خرين اقل رتبة كيتسناوهم فسيارات عسكرية دات دفع رباعي ركبو فاتجاه الفيلا..فحين الفيلا الكل كانو الاعين على باب المنزل ولي كانت واقفة فيه جلنار بتوتر عكس فؤاد لي ناشط وفرحان باغي غير ايمتا يكتب كتابو تسمعو الزغاريت والصلاة على اشرف المرسلين فجو من المرح والاهازيج بركات هي وفؤاد فجليسة عصرية امامها العادلين وفجنبها قادر ببتسامة مزيفة وفؤاد فجنبو باباه محمد كشاهدين على هاد الزواج تحت انغام الموسيقى وفرح الاهالي والضيوف بالمناسبة الجدة عطات اشارة باش توقف الاغاني فنفس اللحظة عم الصمت فجميع ارجاء الحفل تسمع صوق العدول وهو كيطرح اسئلتو المعتادة موجه كلامو الفؤاد ولي جاوب بكل فرح وسرور عكس مرام لي بقات ساكتة وعينيها على الباب خلات قلب فؤاد يرجف من الخوف ومن رفضها خصوصا قدام الناس صحابو والاقارب ديالو كرر العادل السؤال ثلاث مرات وقبل ميكمل كالتالتة كانو داخلين بهاءالدين بلباسو العسكري الخاص بالقوات الخاصة ومعاه رجالو وفرقة من الشرطة وقفو قدام فؤاد وجلنار لي غير شافت بهاء بلباسو العسكري حلات فيه فمها اما فؤاد فكانت صدمته لا تقل عن صدمة محمد وعائلتو ودون ان ننسى قادر والعائلة البنات ريوكهم طاحو عليه كان كيبان جد وسيم وتاه لباس الخدمة العسكرية المخابراتية رجولته فاحة فكل مكان نضرات الاعجاب والتساؤل الصدمة واكيد معاها الااستغغررراب بالنسبة للحاضرين
بهاء:(وقف قدام العادل وقال باستهزاء)فين عمرك شفتي شي وحدة مزوجة غتعاود تزوج بدون طلاق!
فؤاد(بنرفزة):اش كتخربق نتا
بهاء:(شاف فايديه لي شادة جلنار بالسيف وكتنطر من ايدو وعاود هز عينيه بنضرات حادة وقال)طلق منها
فؤاد:(شاف فيه بتحدي وعناد)مطالقش شنو غدير
بهاء تقدم جوج خطوات ووقفو سليم لي كان هاز لاكت فايدو وراه لفؤاد قابلو ليه مع وجهو
سليم:كنضن هدا دليل كافي
فؤاد:(طلق منها بدون ميحس)هادشي مزور هي كانت غير مخطوبة ليك وضحكتي عليها
سعاد:(لي بانت من وسط الحاضرين شادة فايد رياض وابنها ليث لي نسخة مصغرة عن رياض وقدامها الجد الحقيقي)عندو الحق جلنار مرتو لبهاءالدين بالشرع والقانون
محمد:(بصدمة وعينيه خارجين)رياض سعاد!!!!!!!!!!
رياض:(شاف فقادر بعدما بتاسم لمحمد)جا الوقت لي غيبان فيه كلشي تعدبنا بما فيه الكفاية جا الوقت لي غيتحاسب فيه كل واحد على افعالو وكل واحد غيحصد داكشي لي زرع
تسمع صوت تمتمات الحاضرين وعلامات الصدمة على قادر لي خلات اللون يتخطف من وجهو ورجليه يفشلو اما عاصم وسيف الدين وباقي العائلة غير كيشوفو مفاهمين والو من غير الجدة لي بمجرد مشافت وجه الجد بن عمرو تذكرات قادر وقفات مسمرة بلاصتها عينيها جاحضين مكتسمع والو من غير طنين قوي فودنيها
بهاء:(وقف قدام قادر وهز مينوط فايدو)قادر نتا مقبوض عليك بتهمة التحريض على القتل وانشاء مافيا والقتل العند والتزوير والعديد من التهم لي غتعرفهم فالمخفر
قادر:(شاف فولادو لي واحد فيهم تصدم واي اميد هو سيف الدين اما عاصم كان عارف كلشي وقال بصوت شبه قوي)انا مدرت والو معرفتش علاش كتهضر
بعد صابر ودار ليه الاصفاد وهو مدلول حادر راسو مقادرش يهز راسو ويشوف فشي واحد براكة غير الكلام لي كان كيطيح فودنيه من عند الحاضرين للحظة وقف هز راسو مستغرب هو يبان ليه الجد واقف قدامو وقال
الجد:قادر عمر الضلام يدوم وعمر الشر يربح..جا الوقت لي غتخلص على كل كبيرة وصغيرة ان الله يمهل ولا يهمل
قادر:(بنرفزة وهو كيتنطر)هديك الابتسامة مسحها حيت غنرجع وغندمرك الى كان هداك الكلب مدار فيك والو هاد المرة غنتكلف بيك انا وغنوقف على موتك وهاد الابتسامة لي على وجهك غنشوفو واش غتبقا
بهاء:(زير ليه على المينوط حتى تهز)انا لي غنشرف عليك واذا لقيتي كيف دير تخرج تنتاقم ديك الساعة نتاقم
دفعو قدامو حتا وصلو لطرافيك د الشرطة ركبو فيها ومشاو معاه رجال الشرطة للمخفر باش يحققو معاه..خوات الدنيا من الشرطة اما بهاء رجع عند جلنار قبل جبينها وشد فايديها وقال وهو كيشوف فيها
بهاء:اخيرا غتقاد حياتنا الحمد لله
جلنار:الحمد لله
محمد مشا عند رياض والدموع فعينيه وقف قدامو ممصدقش وكدلك رياض لي بتاسم بمخبة اخوية وجرو عنقو عناق رجولي اما الجد كانو عينيه كيقلبو على زوجتو حبيبة قلبو لكن ملقاها دخل لفيلا ومشا نيشان لغرفتهم وخل لباب بدون ميدق دخل وسد الباب وراه لقاها جالسة فالارض وكتبكي..كتبكي بحرقة صوت شهقاتها مسموع فارجاء الغرفة كضرب فراسها وفلي جات قدامها شافها هكاك ومشا عندها بخطوات كبار وقف وراها وحكم ايديها بمشقة بحكم صحتو رجعات مبقاش عندو الجهد وقال بصوت هامس بعدما بدات كتهدن
الجد:شششش انا معاك دبا نساي لي فات وخلينا نبداو من جديد..(دورها عندو)حتا حاجة مغتبدل
الجدة:(بحزن واشمئزاز)كلشي تبدل اهئ اهئ حتا حاجة مغترجع كيف كانت اهئ اهئ غينما غنشوف وجه ولادي غنتفكرو غنتفكر بلي ولادي ولاد الزنا اهئ اهئ ضيعني فحياتي الله ياخد فيه تلحق اهئ اهئ باش من وجه غنشوف فيك وكفاش غنكمل حياتي ولادي غيضيعو اهئ اهئ
الجدة::(بتاسمات وسط دموعها)من ديما حنين فيا لهلا يخطيك عليا يارب
الجد:ودبا قادي هاد الحالة واجي نزلو راه رياض ومرتو وولادو كينين لتحت بغيت نشوف حفيدتي
الجدة:(بتاسمات)هه اك عطيني جوج دقايق ونزلو
مشات دخلات لدوش لي فنغس الغرفة غسلات وجها وخلاتو طبيعي متشوقة تشوف ولدها وحفيدها لي عمرها شافتو قالت بحماس
الجدة:يالاه نمشيو
الجد بتاسم وناض معاها نزلو بخطوات سراع فالدروج حتا وصلو لجرد لي كانو فيها وسائل الاعلام والناس بداو كينساحبو حتا سمعو صوت الياس فالميكرو وجوهرة ضربات جبهتها بقلة حيلة
ياسر:طيست طيست كلشي يسمعني الله يخليكم..دبا كلشي بان وعائلة بن عمرو رجعات وبما انه مبقا ضريب صداق يشرفني ان اقول لكم اعزائي انه مازال غبكون ضريب الصداق ولي غيكون ديالي انا وهديك المخلوقة
جلنار:(صفرات وقالت بحماس)جوهرة جوهرة جوهرة
بقات كتعاودها حتى بداو الحضور كذلك يعاودو معاها فحين جوهرة مكرهاتش تخشا وسط الارض من مترت الخجل لي حاسة بيه حتا نزل ياسر ووقف قدامها وقال
ياسر:وزيدي نتزوجو من شحال هادي ونتي كتقولي ليا سير حتا نتزوجو ونبوسك يا المسمومة زيدي قدامي والله منرحمك زيدي شافت حتا عيات وتمشات قدامو عند العدول لي كان بارك هو والمساعد ديالو وقدامو كتاب كبير بركو بزوج ومعاهم شهود ولي هما محمد ورياض لي كانو غير كيضحكو كانهم عاد حياو من جديد وفعلا كانو كيحسو بروح جديدة متخللة داتهم الكل انتبه للعادل لما قال
العادل:عطيوني ليكارط ديالكم(عطاوهم ليه ودون شي حتجة فالروجيستر)السيد ياسر ابن محمد المالكي هل تقبل الزواج من السيدة جوهرة الصافي على سنة الله ورسوله
ياسر:(فمو مشرك بالفرحة)قابل قابل هه
العادل:(شاف فجوهرة)السيدة جوهرة الصافي هل تقبلين الزواج من السيد ياسر ابن محمد المالكي على سنة الله ورسوله
جوهرة:(بخجل)اقبل
العادل:(سنيو لي هنا الشهود حتا هما يسنيو ببتسامة)اعلنكم زوجا وزوجة مبروك عليكم بالىفاه والبنين
جوهرة:(عفطات عليه حتا قفز وقالت تحت سنانها)تاكل جنابك
العادل:(وقف وقال)هو هدا اسيادنا مبروك عليكم
ياسر:الله يبارك فيك
يالاه تحرك العادل وهو يوقف عليه رياض لي كان كيضحك على خوه دورها فراسو ولقاها مسلكاه شنو غيبقا يتسنا حتى هو اللهم بجمع كلشي فنهار واحد هه
رياض:(برجولة)حتا حنا بغينا نتزوجو
الغالية:(لي كانت شادة فايديه هرجات عينيها بصدمة)شنوو
رياض:(شاف فيها هاز حاجبو وقال)عندك شي مانع
الغالية:ها لا بالعمى ولكن ماما
رياض:(شاف فنحية لي كانت كتشوف فيهم مبتاسمة وعينيها فيهم الدموع)ماماك قابلة زيدي قدامي
جرها معاه وعطا ليكارط ديالهم بعدما خداها من عندها برك العادل وكرر نفس العملية ولات بدل الفرحة ثلاثة افراح تسمعو الزغاريد والصلاة على النبي ورجعات الموسيقى الشعبية عطاوها للشطيح والرديح فحين رياض متفارقش على مو لي دور وتعنقو وتبوس فيه هو و ليث وجلنار فرحانة بحفايدها بجوج حتا قال ليث فاش شاف يسرى كتخنزر فيه ومعاجبها حال
ليث:سي محمد بغيت نهضر معاك الى جات على خاطرك(هنا يسرى طلقات ودنيها هه)
محمد:(ببتسامة)ايه اولدي تفضل
ليث:(شاف فالعدول لي غادي)بغيت نطلب ايد بنتك يسرى على سنة الله ورسوله(شاف فبها هي لي حدرات راسها مزنغة ومقاداها فرحة)
محمد:(بفرحة)وعلى انا غنلقا حسن من الغالي ولد الغالي..مبروك عليكم اوليداتي
نزهة:(عنقات بنتها)مبروك هه
سعاد ورياض:مبروك عليكم
بهاء:مبروك السبع هه
ليث:الله يبارك فيكم
جلنار:وا العدول اصكع خرج نوض نوض شدو
بهاء:تي اش غيشد ريحي لارض
ليث:ههه اطط(جلد لفون ودوا مع واحد من ليكارد وقطع مكانتش دقيقة بانو ليهم راجعين ومعاهم لكارد)
جلنار:(شافت فبهاء)شفت كلشي تزوج بفينا غير حنا
بهاء:وراك مرتي على سنة الله ورسوله اش من زواج باقي!!
بهاء:(شاف فليث ورياض لي كيقولو ليها بعينيه" الله يرزقك الصبر معاها")وخا الالة..سي رياض راني طالب راغب فايد بنتك المصون
رياض:(جوبو سيربلاص وقال)موافق اولدي بالرفاه والبنين الله يجعل كلشي مبارك ومسعود
هنا الكل طرطق بالضحك غافلبن على البركان لي كيشوف فبهم من بعيد عينيه جمرة
ناض ليث شاد فايد يسرى لي مقاداها دنيا ودارو نفس الطقوس وكملات الفرحة العزاب كلهم تزوجو فنهار واحد وتجمع الشمل فحين صابر وسيف الدين الصدمة مازال ماترة عليهم مكانوش عارفين بلي باهم منتاحل شخصية واحد اخر وعايش مع مىت انسان اخر لكل دم بارد والثعب من هدشي هو هما ولاد الزنا مبغاتش دخل ليهم لعقل مقدروش يتقبلو بشاعة باهم لي كان بالنسبة ليهم مكينش فحالو فالدنيا هو اطيب خلق الله طلع اخبثهم خصوصا سيف الدين اما صابر كان عارف خبتو الحاجة الوحيدة لي مكانتش على بالو هي شخصيتو الحقيقة كل واحد فيهم غارق فهمو سيف الدين حداه مرتو وبنتو وولدو كيواسيو فيه وصابر ليه الله فوقت الحزة تخلاو عليه حتا من بنتو معقلاتش عليه سمحات فيه ومشات مع مها كل واحد كيحصد داكشي لي زرع تعاملو الفظ مع جلنار وكلامو المسموم لي كان كيقولو ليها كل نهار والتصرفيقة لي عطاها كلشي رجع ليه بين عينيه دبا تفكر كاشي ندم خفا خليه بلي الدنيا دوارة وممكن السمطة دور وتعطيه بالبزيم وهادشي لي وقع لصابر دبا غواه الشيطان وغاص فالمحرمات ناسي بلي لي خلقو غيجي واحد نهار وغينتاقم لهادوك لي ضلم ولا لي ستقوى عليهم
وغاص فالمحرمات ناسي بلي لي خلقو غيجي واحد نهار وغينتاقم لهادوك لي ضلم ولا لي ستقوى عليهم..سالا الحفل مشا الغريب وبقا العائلة والاصدقاء المقربون دخلو كيضحكو وصوت ضحكاتهم مسموع فالارجاء دور صابر وجهو هو وسيف وعاود رجعو راسهم وحدروه شافوهم هكاك وهما يجمعو الضحك الجدة شدات فالجد وزيرات عليه تجمعو الدموع فعينيها ربت على يدها وطمئنها مشاو لصالون لي كانو فيه ولاد قادر جلسو امامهم ضل الصمت للحظات كان الجو متوتر بزاف حتا واحد مقدر يتكلم ولا بالاحرى معرفو ميقولو حتا نطق سيف الدين
سيفالدين:غنمشيو من هنا وغنبداو حياة جديدة بعيدة عليكم
رياض:(برزانة وهو كيشوف فيهم)معندكم فين تمشيو هادي داركم تولدتو فيها وكبرتو فيها نتوما ماشي بوحدكم نتوما عندكم عائلة لي هي حنا(نعت فالعائلة كلها)
الجدة:(كتبكي)معندكم فين تمشيو انا عاد تجمعت مع عائلتي وحتا قلت الحمد لله غنرتاح ولادي حداية وتنوضو تمشيو اهئ اهئ
صابر:حنا مكنتاميوش لهاد البلاصة
الجد:هادي داركم اولدي غتكونو كلكم بحال بحال مغيكونش فرق بينكم
صابر:(رغم ندمو الا وغرورو مكيسمحش ليه يتواضع من شب على شيء شاب عليه)ميمكنش نبقا هنا
بهاء:(كيحرك رجليه بعصبية)ها الباب قدامك(كلشي ضار كيشوف فيه)
بهاء:(وقف وتوجه لعندو بغضب شدو من الكول ووقفو قدامو وقال بنبرة قاصحة)انا راجل هادي(كينعت فجلنار)لي صرفقتيها وهنتيها طعنتيها فشرفها ولي هو شرفي فاش قلت ليك باقي بيناتنا حساب راني مناسيش
صابر:(قلبو رجف من صوت بهاء ومن شوفة وجهو لي ولا حمر وقال)طلق راني قد باك حتارمني
بهاء:(كيجرو فيه باش يبعد ضربو بدماغ حتا هرس لسه نيفو دم نزل وقال بتهديد)كون حتا قد جدي نلقاك كدور بساحتها نعطبك
رجع عند جلنار لي كانت كتشوف فيه بصدمة شدها من ايدها وجرها معاه بدون ما يهضر ولا يقول حتا كلمة موقف حتا سمع صوت سعاد
سعاد:فين غادي اولدي
بهاء:(شاف فيها ببتسامة عكس كيف كان وقال لاحترام)غنمشيو لدار ا خالتي
سعاد:الله يخليك بقاو معانا
جلنار:(زيرات على يدو وقالت بصوت خافت)عفاك ا حبيبي خلينا ليوم
بهاء:(بعد الحاح جلنار وسعاد سكت لحظات)وخا الالة
رجعو وجلسو فمكان بوحدهم بعاد عليهم
جلنار:(حطات ايدها على وجهو ودوراتو كضحك اما هو عاقدهم)وصافي موقع والو..بيني وبينك عجبتيني فيه وخا عمي هه(شداتو حتا تجمعو شفايفو وقالو)يخليلي لي يحامي عليا
بهاء:واش نتي مكترصايش اعباد الله مصيبة وتطليت بيها
جلنار:(عقدات حجبانها وقالت بصوت طفولي)انضربك
بهاء:(شاف فيها وابتاسم كتحمقو فاش كدير هاد الحركات قرب بغا يبوسها من شفايفها وهي تبعد راسها حشمانة عقد حجبانو وقال)مالنا!
جلنار(وجها ولا حمر):ناري الدار كلشي كيشوف فينا ويلي
بهاء:(جرها عندو معنقها كيضحك)وا عباد الله اش هاد الحلاوة كلها ههه..(قرب لودنيها)منمشيوش نعسو خلاص
جلنار:(ضرباتو بجنب ايدها وقالت محاولة تغير الموضوع)فين غنسكنو دبا
بهاء:(هز كتافو وقال)معرفتش كينا الفيلا
جلنار:لا غنسكنو فدارنا القديمة انصلحوها ونعاودو ليها الفصالة ونسكنو فيها اش ضهر ليك!
جلنار:(عضات على لسانها وقالت)هيهي غير خرجات والاهيلا
نزهة:هههه فمك سابقك يا بنيتي
سعاد:بعدو ليا من بنتي هه
بقاو كيتناقشو ويهضرو على احوال العرس ومعاهم حتا سيف ومرتو وولادو لي فرحانين للعرسان ولي قدرو بقنعوه بلي هو واحد منهم وحتا هو كيشارك ارائو عكس صابر لي كان مىكن فواحد القنت ومحاملش راسو بعد اخد ورد تافقو على العرس ووافقو على شروط جلنار ويسرى الغالية ورياض شاركو فالحديث ونجية كذلك العائلة كاملة عطات رايها وحددو العرس بعد 15يوم من هاد الليلة حتا تفرقات الجوقة كل واحد مشا لبيتو يرتاح واكيد كل واحد دوز ليلتو الاولى مع زوجتو ليلة خاصة بيهم بزوج...#بعد_15_يوم_
دازت كلها فتحضيرات العرس ولي تقرر يدار فقاعة فخمة كبيرة كانها قصر خيالي مصممة احسن تصميم وقع عليها الاختيار لكبر حجمها ولرقيها الساعة حوالي 10 القاعة عامرة بالناس ولي كان فيهم الطبقة المخملية والطبقة الفقيرة كانو ليسيرفور كيقدمو المقبلات للضيوف حتا تسمع صوت الفرقة المكناسية دخلو العرسان لقاعة الحفلات تحت زغاريد الحضور(كنقصد الطبقة الفقيرة)ولي كانو احسن من الطبقة المخملية بلباس البلدي لي واتاهم وعطاهم نضارة وزادهم جمال..بركو العرسان فبلايصهم مستفين كيف السردين هه وخدم الشعبي ناضو البنات يشطحو وتارو الانتباه بجمالهم وبساطتهم لي خلاتهم متميزات..داز العرس على اكمل وجه فرحة جلنار فاش هزها زوجها واخوها ورياض وياسر كانت كبيرة حتا دمعو عينيها هي قالتها غير بالضحك وداروها بصح..خلا كلشي كيهضر عليه وعلى جمال العرسان
تفرق المجمع تحت دعوات الاهل ودموع الامهات على بناتهم ياسر وجوهرة نيشان لمطار رياض والغالية قررو يدوزو شهر العسل غيؤ فالمغرب يتساراوه كامل وبهاء وجلنار هدوك ختارو يرجعو لدار لي فالحي الشعبي بعدما تصلحات وتقادات ورجعات عصرية 100% فصالة اوروبية راقية وليث ويسرى مشاو كذلك لمطار الوجهة اسبانيا.......
قادر تحاكم وضربوه مؤبد مع الاعمال الشاقة متحملش الحكم وانتاحر عن طريق جرح الوريد فالطواليط داخل زنزانتو فالحبس نزف حتل لموت بدون ما يحس بيه شي واحد اما سيف فبقا هو وعائلتو مع عائلة بن عمرو علاقتهم متغير فيها ولا عاد زادت توطدات فؤاد هاجر لخارج لبلاد من نهار الوقعة وصابر ولا عاطيها غير لشراب وكيضيع فحياتو على الخاوي من نهار سمع بموت باه وهو على حالو
#بعد_سنة
فغرفة مستشفى خاص كتمشي وتجي حاطة ايدها على جنبها كتوجع بصمت ومعاها بهاء لونو مخطوف كيمشي ويجي معاها وكيشجعها باش متخافض كل مرة دخل ممرضة تقلبها وتلقاها مازال مطرطقات ليها السقية
سعاد:(كتبكي)صبري ابنتي غير صبري دبا يدوز هادشي غير تشديهم فايدك تنساي كلشي اهئ اهئ الله يفك وحايلك على خير ابنتي
كانت هادي هي اخر الكلمات لي سمعات قبل مدخل لبلوك بهاء بقا برة مقدرش يدخل يشوفها كتعدب بكفي صوت غواتها لي كيوصلو كيخليه يجهل كل ما غوتات كيدير شي ؤدة فعل عنيفة يا اما يضرب ايدو مع الحيط ولا رلسو ولا رجلو المهم يدير شي حاجة كانه كيعاقب راسو على الالم لي كتحس بيه مهدا حتى سمع صوت الصغير الاول كيغوت توقف للحظات كيسمع فيه مقدرش يصبر ودخل عندها كانت مبتاسمة وهي كتشوف ولدها حداها باستو وحيدوه من قدامها للحظات وحسات بوجع اكثر حدة من لي قبلو غوتات حتى تهز قلب بهاءالدين توجه عندها بلا عقل شد ايديها كيقبل فيها وكيقبل فجبينها وكيحفزها بكلماتو الايجابية ولي كتخليها تصبر لحدة الالم
الدكتورة:دفعي كتر وتنفسي مزيان
جلنار:(عطاها بهاء ايدو عضات فيها وبدات كدفع)اععععععععع...اعععععععععع
بهاد الدفعة خرج الكتكوت التاني قطعو ليه الحبل السري وقلبوه ضربوه ضربات خفاف لاسفل ضهىو وتسمعات الزكية التانية لي خلات اهل جلنار يفرحو ويحمد الله على نعمتو مسحوه من الدم وحطوه فوق صدرها هو وخوه كانو توام متطابق ضحكات ودموع نزلو ليها وقالت متناسية الالم..
جلنار:شوف شحال صغيورين هه
بهاء:بزاف ا حياتي
فهاد اللحظات قوة جلنار خارت واغمية عليها واطفالها فوق صدرها بهاء هز راسو فاش مرداتش عليه لقاها مغمضة عينيها قلبو طاح ببن رجليه وعبنيه خرجو غوت بسميتها وبدا كيحركها
بهاء:جلناااار شواقع لمرتي
الدكتورة:اولدي تهدن راه غير سخفات بسبب الاجهاد تقدر تفضل نكملو خدمتنا وغنديوها لغرفة خاصة مع وليداتكم
بهاء(شاد فيها وكيهضر بخوف):لا غنبقا مع مرتي منخليهاش بوحدها
الدكتورة:ضروري اولدي غنقيو ليها غير الوالدة ونحيدو المختط وداكشي لي باقي فكرشها ونجيبوها للغرفة ديالها تبق بيا
حرك راسو بالايجاب وخرج مخلي عقلو وقلبو معاها لقا والدليها وخوها والجدة والجدة ياسر جوهرة الغالية ورياض العائلتين بجوج فالكولوار نهالو عليه بالاسئلة حدو قال ليهم"بيخير والوليدات حتا هما" ووبف بعيد كيتفكر صورتها وهي بهديك الحالة الخوف من الفقدان نهش كيانو ستغفر الله فاش سمعهم مخرجينها وتمشا عندها كان وجها شاحب
قبل جبينها ومشا معاهم حتا وصلو الغرفة دخلوها ودخل معاها جر كرسي وجلس فجنبها حط راسو على كرششها ومرة مرة كيقبل ايدو وكيعتادر منها تبعوه العائلات بجوج ومنهم يسرى لي فشهرها 3 وجوهرة لي فالسابع والغالية فاللخر ديال التامن دخلو لغرفة لقاوه على هداك الحال هز فيهم راسو وابتاسم ليهم قال ليث يجيبو ولادو وداكشي لي كان جابوهم ليه غاسلين ليهم ملبسينهم لبيسات فالابيض سخان بحكم كان البرد مشا وقف حداهم كيشوف فيهم فرحان بيهم مقادرش يهزهم فايدو من خوفو عليهم جاوه صغار بزاف بتاسم فاش شاف واحد من وليداتو كيفركل برجيلاتو وخاشي ايدو ففمو حيد ليه ايدو ودار صبعو وسط يد ولدو لي شدو وزير عليها فهاد الاثناء بدات جلنار كتفيق بغا يطلق من ولدو ويمشي عندها لكن بقا قارم عليه ضطر يهزو وهو خايف يزلق ليه ولا يفورسي عليه وقف قبالتها مبتاسم حلات عينيها بتثاقل جات غير فيه وفولدها وقالت بصوت خفيف
جلنار:الماء
سعاد جات قداتها فبلاصتها عطاتها الما شربات شافت فيه شاد ولدو بين يديه وقالت ببتسامة ولهفة عطيه ليا نشدو هه مدو ليها بهاء وشداتو من عندو بشوية كضحك اما هو قبل راسها وقال
بهاء:شكرا لانك فحياتي ولانك هديتيني جوج توام كيحمقو مشاء الله الله يخليك ليا
غير كملاتها بدا لاخر حتا هو كيبكي خرجو كلهم وبقا غير هي ووليداتها مع بهاءالدين دخلات الممرضة وراتها كفاش تردعهم وداكشي لي كان بمجرد ما ردعاتهم رجعو نعسو ادن ليهم بهاء وسماوهم
جلنار:هداك لي غوت الاول هو لي غيكون رعد هه
بهاء:وهدا عهد هه
حطوهم فبلاصتهم وقال وهو كيشوف فيهمم عهد رعد....
داز جوج اسابيع رجعات فيه جلنار لدارها مع راجلها ومعاها عائلتها حيت خاص لي يقابلها دبحو الضحية وسماو وليداتهم كيف كانو مخطين ودارو سبوع كبير لعهد ورعد ولي فرحو بيهم الاقارب والاصحاب وكذلك الاحباب شطحو فسبوعهم وغناو ليهم مقاداهم فرحة بولاد الغالي العزيز على الكبير والصغير...عاشو حياهم هانيين بفضل ايمانهم بالخالق ولي جزاهم على صبرهم باسرة كاملة متكاملة بعدها الغالية ولدات بنت سماتها الماس موراه بشي شهورة جوهرة كدلك ولدات بنية سماتها روعة ويسرى ولدات ولد شابه ماماه سماوه اسد نسبة لاسم ليث الاول ولي مشا زار العقرب عدة مرات ودا معاه حتى ولدو لي شافو العقرب وفرح بيه بزاف....
#بعد_مرور_عدة_سنوات
فتاة عشرينية دات جمال رباني متوارث من جداها والقليل من ابيها الحاجة المميزة فيها لون عينسها المختلف كانت كل عين فيها لون مختلف عن الاخر باركة فبالكون د بيتها شعرها الاسود منسدل على كتافها لابسة تريكو حد فخاضعا عريض بيج لابسة تقاشر دوال حد الركبة ونضارات ديالها وضوء القمر ضارب فوجها عطاها جادبية خاصة هازة كتاب على شكل مدكرات بتاسمات فاش قرات اخر كلمة فيه وسداتو عنقاتو وسرحات فخيالها وقالت:احسن قصة حب على مر التاريخ كنتمنى نعيش بحال ماما وبابا قصة حب صادقة
بمجرد ما كملات همساتها سمعات صوت مها كتغوت
جلنار:اديك الضهصيصة مناوياش تنعسي!
آيات:(دخلات من البالكون سداتو وراها وبتاسمات لامها لي كانت كتشوف فيها مبتاسمة)ماماتي الغزالة مبغيتيش تحيدي منك هاد الفعيل
جلنار:لي فيه شي لولة فيه ابنتي
آيات:ماما ليوم كملت المذكرات لي عطيتيني عشتي نتي و بابا قصة حب زوينة بزاف
جلنار:(بتاسمات وهي كتذكر الماضي ديالها مع بهاء)دوزنا الصعيب ا بنتي وصبرنا
آيات:الله يخليكم لبعضكم الغزالة دياللي
جلنار:امين ودوي تنعسي خلاص راك تعطلتي
ايات.اك اك ههه بون دودو حبيبتي
جلنار:بون نيني ضهيصيصتي هه
تخشات ايات فمانطتها وقبلات جلنار جبينها فات الضوء وخرجات من البيت فاتجاه غرف رعد وعهد لي كبرىو وولاو رجال مرورا بغرفة اخر العنقود تاج الدين......
إبنة الجار الجزء 15 والأخير
محتوى القصة
التنقل بين الأجزاء