كان اذان صلاة الفجر يهز الارجاء بصوت شجي كيدخل للقلب نيشان كيخليك تستاجب للاذان وتادي الواجب ديالك ناض بهاء الدين ديخ بالنعاس شاف فيها لقاها كاملة فوقو والكسوة طلعات ليها سليب باين ناض بالزربة غطاها ومشا للدوش خوى عليه الما وتوضى وتوجه للقبلة فبيت مرام فحين مرام بدات كتقلب وما مرتاحاش فالنعسة حلات عينيها بتثاقل بان ليها بهاء الدين واقف كيكبر وغيبدى يصلي بقات كتشوف وشبه ابتسامة تسللات بين شفايفها عجبها منضرو عجبها تشوفو كيصلي رتاحت و بقات متبعاه وهو كيصلي مبتاسمة حتى كمل الصلاة سلم ودار الدعاء ديال الصباح...
بصوت رجولي مع بحة صباحية:اللهم إني أصبحت أشهدك وأشهد حملة عرشك، وملائكتك وجميع خلقك، أنّك أنت الله لا إله إلا أنت وحدك لا شريك لك، وأنّ محمّداً عبدك ورسولك..(وكمل)اللهم اني استودعك نفسي واحبتي(كيقصد مرام) فانت الدي لا تضيع ودائعه..واسالك الخير في يومي هاد واعوذ بك من شره...اللهم احفظ لي من احبهم قلبي ورحم اهلي وادخلهم فسيح جناتك..اللهم اني استغفرك واتوب اليك واللهم بشرني بما انتظره منك وانت خير المبشرين..بقا كيدعي وجل دعواتو كانت لمرام قليل فين كيدعي مع نفسو والى دعا مع نفسو دعوتو كتكون يجمعو بيها(لكن بطريقة غير مباشرة) ويقدرو باش يحميها هي كتسمع وكتشوف فيه مخشع وكفاش ناسي راسو وكيشوف فيها غمضات عينيها فاش ناض (كان كيصلي على الضص حيت ما لقاش صلاية فبيتها وما قدرش يمشي يقلب فبيت اخر) مشا جلس حداها وكيتاملها فحين هي ما بقاتش قادرة تبقى مغمضة عينيها ودارت راسها تقلبات للجهة لخرى لكن تعرات وسليب كيبان حلات عينيها بالاحراج لي حسات بيه وما عندها كيف دير تقاد حويجها ما كملاتش تفكيرها حسات بيه كيغطيها شافت بجنب عينيها بان ليها مضور وجهو وكيسوط عجبها لحال ورتاحت ليه كتر غمضات عينيها ببتسامة وداتها عينيها مرة تانية فحين بهاء بقا جالس مقبلها بدون ما يغمض ليه جفن حتا بدات كتحرك بزاف
واقفة بنفس لبستها باش ناعسة وكدور راسها كان غير ضلام هي بدات كتغوت
مرام:بهاااء..واش كين شي واحد هنا..(كتمشى فداك ضلام وكدور راسها حتا بانت ليها شعاع بعيد بقات متبعاها وغادة فطريق حساتها بحال شي نفق غادة وكتقرب حتى خرجات فمكان كلو اشجار وزهور مكان جد.رائع لدرجة فكرات نفسها بلي فالجنة..بقات كتمشى وكتلعب والابتسامة على محياها حتى سمعات صوت رجولي
.....جلنار!
مرام:(ضارت كتشوف راجل دو بنية قوية لكن وجهو ما بينش مزيان..بتاسمة ببرائة)عموو!!كفاش عرفتي سميتي
....:ما كيهمش ابنتي..لي كيهم هو نتي لي جاي صعيب عليك بزااف غتعدبي بزاااف ابنتي
.....:ما تيقي فحد من غير بهاء هو لي قلبو مافيه حتا حقد وبافي ليك غير الخير
....:ما عمرك طلقي من يدو عمرك ابنتي... مرام بغات تنطق لسانها تربط كتبغي دوي صوتها ما كيخرجش بغات تحرك ما قدراتش حسات بحال شي حاجة متبتها فالارض مدات يدها ودموعها كينزلو فحين الصوت غادي وكيبعد ودموعها عاد فين زادو نزلو...بداات كترجع لور لنفس النقطة لي كانت فيها رجعات للضلام خافت وما عرفت مادير بقات كتغوت بسميت ماماها وبهاء الدين حتا حسات بشي واحد خانقها وكيضحك بقات كتركل وتبكي..حتا ناضت طافجة وكتلهت وعرقانة...حلات عينيها فوجه بهاءالدين لي كان خايف عليها..عنقاتو بمزيرة عليه ودموعها كيطيحوو
مرام:اهىء اهىء ماما توحشتها هىء هىء
بهاء:(ما لقا ما يقول سوى يطبطب عليها حتا تهدن حيت عارف شحال كانت متعلقة بماماها بعد مدة من لبكا)ششش انا معاك صافي باركة من لبكا طيبتي دوك العينين باركة ا مرام صافي...
بهاء(بعد ما بدات كتسكت وتهدن بعدها وهو كيدوز يدو على شعرها)صافا دابا
مرام:ام
بهاءالدين(شاف فساعتو):باقي الحال كنضن يالاه 8:00 دصباح
بهاءالدين:(برزانة)خاصك تصبري ولي زربو ماتو هاد الناس ادكياء بزاف وبينة حجرتهم تقييلة ما غنقدروش عليهم وحنا ما عندنا والو لا حجة ولا برهان..تيقي فيا وانا عندي لي غيعاونا
مرام:تيقة فيك..
بهاءالدين:(خربق ليها شعرها)دابا شنو غنديرو
مرام:غنوضو نوجدو لفطور ومن بعد نشوفو شنو نديرو
بهاءالدين:وعليها ههه يالاه نوضي
مرام:(ببتسامة)واخا هه ناضت بعدما خرج هو مشات لدوش دوشات عطرات جسمها برائحة الرمان لبسات كيف عادتها شورط بيض وتيشورط مبين كرشها بنفس اللون خلات شعرها على راحتو وكان باقي فازغ شوية عاد نزلات كتقلب عليه لقاتو فالكوزينة شاد جنابو وواقف
مرام:ههه مالك حير
بهاءالدين ببتسامة:ما عرفت ما نوجد ليك..
مرام:هممم غنوجوده انا وياك ليوم
بهاءالدين:(كيحك فمؤخرت راسو ومتجهم)همم كنعرف نطيب غير اتاي
مرام:هه لا لا نعتقو شوية علاش كينة اليوتيب غير باش تعتقنا فبحال هاد المواقف...
هزات تيليفونها وطلقات لكونيكسيون تفكرات بلي ما عندهاش شافت فيه وهو حاط يديه على جنابو كيتسناها باش تجبد شنو باغا
مرام:(ببرائة وكترمش عويناتها)ما عنديش كونيكسيون
اخخخ وشحال حمقاتو بديك الطريقة ما كرهش يجبدها عندو ويقبل كل ركن فوجها
بهاء:(ببتسامة ساااحرة)شي نهار تقتليني نتي
مرام:(باستفهام)نعام
بهاء:ههه لا والو قولي ليا شنو نجيب ليك معايا للفطور را ما غنقشبلو والو وزيدون حتا انا ما عنديش كونيكسيون هه
مرام:وليني مشكيلة هادي هه
بهاء:قولي ليا شنو نجيب معايا
مرام:(حشمات ما عندها حتى ريال وهو لي كان كيصرف عليها من نهار الجنازة)ام لا غير خليك ما محتاجة والو انا
بهاء:(كيشوف فيها)انا فيا جوع وغادي خارج ما عرفتش شنو نجيب باش نفطرو
مرام:(كدور عينيها وعرفاتو غيبقا لاصقها باش تقول ليه فضلات انها تصارحو)امم بهاء انا..انا..
بهاء(هز حاجبو وقال)مالك نتي
مرام:(كتلعب بصباع ايدها)مم ماعنديش فلوس باش نجيب داكشي لي خاصني ويكفي انك هزيتيني من نهار ماتت المرحومة..نقلب على خدمة وديك الساعة نرد ليك كلشي الله يكتر خيرك وما عمرني نسا وقفتك معايا
بهاء:(كيسمع ليها وساكت حتا كملات)ساليتي!
مرام:(حركات راسها بالايجاب)اه
بهاء:(وحجبانو معقودين)ايوا سمعيني نقولك ما كين خدمة وانا قاد بيك ولي خصاتك قوليها ليا نتي غتكملي قرايتك وتشوفي مستقبالك ونزيدك داك اللبس لي كنتي كتلبسي حاولي تحيديه الله يرضي عليك
مرام:ولكن(قاطعها بايدو)
بهاءالدين:دويت والله يخليك ما نبغيش كلامي يتعاود..وديري بداكشي لي قلت ليك..انا غنمشي نجيب شنو خاص ونتي رتاحي
مرام:واخا لي بغيتي
بهاءالدين:(بتاسم)الله يرضي عليك
خرج من لكوزينة وهز سوارت وخرج بعدما سد لباب كان الزنقة شبه خاوية لان مازال الحال كينين غير العيالات والرجال لي خارجين يجيبو الخبز لفطور مشا لاقرب باتيسري خدا شنيك و بتيبان شوكولا وما جاورهما عمر لبلاستيكة فحين مرام بان ليها ليمون فالتلاجة مشات خداتها لي يقدها وبدات تعصر فيهحتا دخل بهاءالدين محمل دخل البلاستيكات الكوزينة وهو مبتاسم فرحان حيت حاس براسو عيش مع مرتو وكيادي الواجبات لي عليه فحين هي جبدات داكشي لي جايب من حليب قهوة كراوصة...الخ وقالت ليه
مرام:ويلي كترتي مالنا عشرين واحد كينة غير انا ونتا
مرام بدات توجد ليه فالقهوة وهو مقابلها مرة مرة كيضحك معاها ويعاونها فالتستاف ديال داكشي حتا كملات وبركو كيفطرو...
مرام:(وهي هازة كاس د العاصير وباركة هازة رجل فوق سدارة موقفاها ومسرحة لخرى )اشنو غنديرو هاد نهار
بهاء:ما عرفتش لقيتيني كنفكر
مرام:اش بان ليك نمشيو لملاهي!
بهاءالدين:(شاف فيها بمعنى من نيتك)
مرام:بلاما تشوف فيا هكاك عادي اش فيها
بهاء الدين:الملاهي غير ديال لوليدات صغار.
مرام:(هزات كتفها)حسبني منهم وشد لي الخاطر هاد نهار
بهاء:(حاط كاس د القهوة على شفايفو)واخا لي بان ليك
فطرات مرام والابتسامة على وجها وبهاء فرحان لفرحتها ومستغرب لمعاملتها جديدة وكيقول الحمد لله فنفسو..دوزو الوقت فالهضرة حتا وصلات العشرة ونص قال ليها تمشي تبدل بين ما رجع
مرام:فين غتمشي وتخليني!!
بهاء:(عجبو لحال من كلامها وجاوب)ما عمرني نخليك يا جلنار مرام:(بتاسمة)اوك انا نيت نجمع هاد روينة بين نا جبتي تلقاني مسالية وعفاك ما تعطلش
وفعلا داكشي لي كان كل واحد مشا يقضي غراضو فحين بهاءالدين غير وقف عند لباب لقا فؤاد قدامو
فؤاد:(عقد حجبانو فاش شافو خارج من الدار)بهاء اش كدير عند مرام
بهاء(ببرود)علاش هاد السؤال
فؤاد:(بغضب)واش ما حسيتيش براسك قويتي دخول والخروح من عندها وزيدها كتبات معاها فنفس الدار
بهاءالدين(ببرود عكس الغضب لي بدا كيتخخل كيانو):ومن بعد
فؤاد(تنهد وقال ليه بهدوء):هاديك البنت ا بهاء باغي نتزوجها على سنة الله ورسوله ما بغيتش تكتر عليها القيل والقال كتر من هاكا
بهاء(ربع يدو وجمع حجبانو والغضب بان فملامحو):غنقول ليك جوج كلمات..بعد من طريقي وما نعاودش نشوفك كضور بساحتها ولا غنسا انك فيوم كنتي عشيري
عطاه بالضهر ومشا حتى وقفو بكلمة لي خلاتو يجن ورجع ليه بخطوات سريعة...
كان غادي وعاطي بالضهر وعاقد حواجبو وكينطق بشتائم ومسبات لفؤاد حتى سمع كلمة لي صعراتو وخلاتو يرجع ليه بقوة
فؤاد:(باستفزاز)دقتيها..كيف جاتك بنينة ياك داكشي علاش ما قدرتيش تبعد..اخخخ غتكون حطيتي يدك على داك الخصر المنحوت اولا داك صد
ما كملش كلامو حتى كان بهاء الدين ضربو بكلاك رعفو ما عطاهش فرصة فبن يهز راسو حتا زادو لكمة تانية وهو كيغوت
بهاءالدين:(بالغوات وعروق جبهتو برزو بشكل ملحوظ)ما تجبدهاااش على لسانك الحمااار
-ناض فؤاد وهو كيطاكي على راسو من ضربات لي صب عليه بهاء الدين حتا وقف وغفل بهاء لي كانو كيجروه الناس وضربو بلكمة لجنب فمو تجرح وخرج شوية ديال دم من جنب الفم ديالو صعر وتجمعو فيه الشياطين والجن دفع لي كانو شادينو بقوة ومشا ليه وهو كيغوت ونازل عليه بشتى الشتائم
كل واحد شد لاخر من ياقتو وبداو فالقتال ولي كان بهاء الدين هو المتحكم فيه بحكم بنيتو الجسدية وقوتو عكس فؤاد لي كانت بنيته عادية جدا وما عندوش حتا سوفل الخلاصة فيه غير تخراج العينين
-عند مرام لي كانت كتجمع فالكوزينة حتا سمعات لغوات طلات بفضول لقاتو بهاء كيغوت ويسب فلي جا قدامو وكينزل على فؤاد بدون ما تفكر او تخس براسها خرجات كتجري بلي عليها حلات لباب كان بعيد عليه شوية مشات وكتغوت بخوف
-بهاء ودنيه تسدو ما بقا كيسمع والو صعر و تجمعو فيه شياطين الارض والسماء...كان غير كيضرب ويغوت اولا كيسب بالمعنى الاصح ما لقات مادير من غير تشوف فاي واحد قدامها
جيبو سطل د المااا سربيو را غيقتلوو..
مشات وبدات كتحاول تجر فيه حتا دفعها بحر جهدو طاحت الارض وتاوهت بالم صوتها ختارق قلبو قبل ادنيه ضار عندها شافها طيحة ناض من غوق فؤاد لي كلو تشخشخ شدها من ايدها وقال بخوف
بهاء حدر راسو وهو كينهج وخرج عينيه لقاها لابسة نفس حويجها لي كانت بيهم وطلعات شوية على فخاضها فاش طاحت شاف فيها وعينيه فيهم شرار خلعها وتوترات فاش قرب ليها بهديك طريقة شدها من ايدها نوضها بنتير وقال بالغوات
-دخليييي وما نشوفكش كدوري هنا
مرام:(قلبها وجسمها رتاعش بالخوف كانت تاني مرة غتحس بالخوف لكن هاد المرة كان خوف كبير دوات وهي خيفة تجيها شي دقة)وولكن
بهاء:(غوت حتى قفزها وقفز لي حداها)دخلي للدااار ودابا...
دخلات كلها كترعد ومعصبة فنفس الوقت تجمع عليها الخوف والغضب بركات وهي كتزعزع رجليها وتعض شنايفها وعاقداهم ما رضاتش يغوت عليها قدام الناس هاكاك....دخل وهو شاعل مشا كيقلب عليها وكيغوت بسميتها
مرام:(نفاجرات فوجهو)ماشي سوقك فيا سمعتي نخرج حتا عريانة انا حرة فنفسي ما عندك عليا حتى حق صحيح انك هازني وكتصرف عليا ولكن هادشي ما مكيعنيش تفرض عليا شنو باغي نتا سمعتي واخر مرة دخل فيا هاكا
بهاءالدين:(شد يديها لي كانت كتضرب بيها على صدرو وزير عليها حتى ضغطات على شفتها السفلية بسنانها وقال بعصبية زايدة)عندي الحق وعندي كل الحق عليك اخر مرة نلقاك خارجة هاكا اخر مرة(بتحدير)
مرام:(تنترات منو)سمع نقولك حاجة ما غتمشنيش على كيفك ما نتا راجلي ما نتا با ما نتا خويا سمعتي انا حرة فراسي حرة فحياتي وديها فراسك ماشي حيت ضحكت معاك وشديت ليك الخاطر ديرني تحت صباط..ماشي انا لي نكون تحت الرجلين وتنزلني لاسفل السافلين
بهاء(جنناتو بكلامها..شدها من شعرها حتا رجع راسها لور وجهو عند وجها مسافة قلييلة بيناتهم وحطات ايدها على ايدو باش ناتفها)غتديري هادشي لي قلت ليك وايدك فوق راسك وعقلي على كلامي...
مرام:(شافت فيه بتحدي)ها حنا غنشوفو
بهاء:(بقا كيشوف فيها وكيشوف فشفايفها لي بقوة ما ضغطات بسنانها عليهم ولاو حوومر قال بتنهيدة)لبسي حويجك خلينا نخرجو
مرام:(بعدات) مابقيت باغا منك والو وغنخرج بوحدي
كتقتلو بعنادها كتصعرو بقصوحية راسها ما كرهش يضربها حتا ضور لكن ما يقدرش كتبقا البنت لي كيبغيها وناويها ام ولادو شاف فيها وقال بهدوء وصوت رجولي رزين شيء لي عطاه هالة من الهيبة لي خلاتها تسكت وما تجاوبش معاه
بهاءالدين:نتي ما عارفاش الحق لي عندي عليك لو تعرفي اكيد غتجيك جلطة بالخصوص فهاد الوقت..تسناها حتى سالات ونزلا لابسة قميجة د تجين وعقداتها حتا بان بطنها وسروال كحل سبادري ببضة خلات شعرها على راحتو ونزلات هازا تيليفونها فايدها فحين هو مربع يدو ومتكي على الحيط
مرام:(كتشوف فيه)مشينا
بهاءالدين:اجي لهنا
مرام:نعام!
بهاء الدين:اجي لهنا
مرام:خدامتك انا؟
بهاء:انا نجي ماشي موشكيل حيت الى زدت شوية غنفلعصك
مرام:(ستفزها خلاتو حتا قرب هزات ايدها وعطاتو كلاك لوجه على غفلة شاف فيها وحجبانو طالعين وبتسامة جانبية على فمو)انا ماشي هي فؤاد..وكنضن راني قلت ليك ماشي انا لي نكون تحت الرجلين
-بدون ما تجاوبو هزات ايدها بغات ضربو بلكمة على مستوى الوجه لكن تداركها وشدها من ايدها ولواها ليها حتا ضارت معاها ولا ضهرها على صدرو وجهو حادرو على عنقها شفايفو على ودنيها وقال بهمس:خليك زوينة وكوني تسمعي الهضرة الغزالة..(بدل نبرتو لتهديد)ما تختابرينيش ا مرام ولا غتشوفي مني التالي وياويلك مني ومن غضبي ما باغيش ندير شي حاجة لي ندم عليها من بعد
مرام:(خافت وتهديدو وصل وفهماتو شنو كيقصد تفكرات حالتو كفاش كانت فاش كان كيضرب ف فؤاد.ترخات باش يطلقها وفعلا داكشي لي كان غمضات عينيها وتنهدات)علاش ا بهاء وليتي خانقني هاكة..علاش كتخليني نحس بلي انا ما عنديش شخصية..علاش كتستصغرني ..علاش كتفرض عليا بهاد الطريقة..عييت من هاد التعامل الوقح ديالك معايا ما تربيتش باش نحدر الراس كنت ولازلت انسانة مستقلة بداتي وعارفة شنو كندير.... انا عندي شخصية وعندي كرامة ما يمكنش نحدر راس الى حدرتو من الاحسن تقطعو ا بهاء الدين..(تنهدات)خلينا نرجعو كيف كنا وكل واحد يشد تيقارو..لا نتا غتصبر ليا لا انا غنصبر ليك
بهاء:بمعنى!
مرام:نتا ما مجبورش تفني حياتك معايا..وما مجبورش تحضيني ..انا ونتا غنبقاو بحال هاكة الى ان يرث الله الارض ومن عليها عمرنا نتافقو عرنا نتفاهمو ..وعمرني ندير داكشي لي كتقول ليا الى ما كنتش مقتانعة بيه..(شافت فيه)انا باغا نرجع لحياتي ابهاءالدين وحياتي عكس هادشي لي كتفرض عليا نتا
بهاءالدين:(ببرود)وانا ما ميتش وما قتلش روحي عليك..نتي امانة فرقبتي وماماك قبل ما توفى وصاتني عليك الله يرحمها وانا وعدتها ووعد الرجل الحر دين عليه وانا غنبقا معاك وغنحميك ولو يبقى فيا غير عرق واحد كيضرب..وبالنسبة لطريقة لبسك لمصلحتك كنقول ليك ما تلبسيش ما باغيش فاش تخرجي يبقاو مقابلينك اشباه الرجال ويعبرو فيك ماباغيش بنادم يحل فمو ولو بكلمة بسيطة عليك حيت ببساطة الى مشيت حتا سمعتو غندفنو فبلاصتو
مرام:انا قادة براسي ا بهاء حياتي كاملة دوزتها ففنون الحرب(الكراطيه تيكواندو....الخ)قادرة نحمي راسي براسي ما محتاجاش لشي واحد يدافع عليا
بهاءالدين:(شد ايديها وبركها فالسداري وقال بهدوء) شنو الحل لي يقدر يرضيك وفنفس الوقت يرضيني فنضرك ونخرجو بلا ضرر ولا ضرار
مرام:خليني نكون كيف عشت هادي شحال..وما تفرضش عليا شي حاجة ما باغاهاش حيت ما عمرني غنديرها
بهاء(كيصبر راسو باش ماويفوتش فيها شي ضربة)ام واخا ولكن تحملي المسؤولية لشنو غيوقع اذا شفت شي حاجة ماشي هي هاديك...وديري فبالك بلي كون ما كنتيش كتهميني وخايف عليك ما غنديرش هادشي كامل
مرام:(ببتسامة بريئة)واخا كنواعدك نكون عند حسن ضنك..(مدات يدها )اصدقاء!
بهاءالدين:(كيشوف فيها حتى عيا وقال بعدما كروشا يدو فيدها)اصدقاء
مرام:ناضت)ايوا يالاه نمشيو للملاهي راه فات الحال نووض
بهاء:(وقف )واخا
باقي ما كملش كلامو سمع لخبيط فالباب شاف فمرام وقال ليها عاقد حجبانو
-بقاي هنا نشوف شنو كين
توجه لباب وهو عاقدهم وكيتنهد وكيقول فبالو العالم الله شحال ديال مشاكيل غيصادفوني هاد نهار غير الله يحضر السلامة..(حل لباب وقال بصوت غاضب)
-مالنا ياك.ما كين باس
الجار١:شوف اولد حليمة لي نطولوه نقصروه هادشي لي كدير فيه نتا ودرية راةعيب وحشومة
الجارة١:راكم عيقتو عيينا نغمضو نقولو ها هما غيحشمو ها هما غيحشمو ونتوما حلفتو ما تحشمو
الجارة٢:وااه ا بهاء الدين نتا مول لعقل شفتك بهاد العينين لي غياكلهم دود هازها وهي لابسة نص ميترو ديال التوب عالاقل حتارم غير جيرانك
الجار٢:لا حول ولا قوة الا بالله اش هادشي ولينا كنشوفو منك ا بهاء الدين كنتي نتا سيد رجال ويتضرب بيك المتل غير ماتت المرحومة ونتا تسيب
الجارة(بسم):هاديك اصلا كانت معروفة خارجا ليها غير من لبسها ونتا لي صدمتينا فيك
بهاء:(هز فيها حجبانو وقال بصوت جليدي)كفاش خارجة ليها نتي
الجارة:ايوا را الخبار فراسك حشمت نقول ليك
مرام(من ورا بهاء بغضب وعينيها عمرو دموع)بزاااف عليك انا شرف منك ومن بناتك اشريفة حتارمي راسك وخشمي غير على دوك شيبات لي فراسك..
بهاء:(بتهديد)لالة ليلى خليني نحتارمك ونحتارم الجورة وفارق السن بيناتنا ما تخلينيش نخرج على طوعي..ونزيدكم نتوما لي كتهضرو حنا ما كنمسوكم بوالو عاطينكم التساع ومرام مغنفرقهاش هي امانة فرقبتي الى يوم الدين ونعاود نقولها ما عمرني نفرقها والى دعات الضرورة نديها معايا لداري ولا نجيب حويجي ونسكن معاها باش نطمن عليها عجبكم لحال تبارك الله ما عجبكمش جريو طوالكم واخر مرة تجيو دير هاد دقة ديال لبوليس وراكم عارفيني اش كنسوى قد ما انا ضريق قد ما انا قبيح وخيب وكتر كٌاع..ما باغيش نعاود نسمع بحال هاد الهضرة..ونتي الالة ليلى ما تخلينيش ندوي ونجبد ليك الخيخ ديالك نتي وبناتك بهاد الكلام لي كتخرجي وطعني فشرف البنت ونتي ماعارفا علبها والو..ما تجبرينيش هنا كنحدرك..واي صبع شير ليها كنقسم ليكم غنهرسو لمولاه فبلاما توصلونا لهاد الماصل ولي عندو شي خربة يقصدها(سد لباب فوجههم) دخل كيسوط وكاره بانت ليه مرام واقفة ودموعها نازلين
قال بهدوء
بهاءالدبن:علاش كتبكي دابا
مرام:طعنوني فشرفي وفشرف المرحومة الله ياخد فيهم الحق...
بهاءالدين:(شد ايديها وحط ايد على خدها كيدوز يدو عليه)واش ما كتعرفيش هاديك المسمومة كيف ديرا بحال هاديك ما نديش عليها انا والاهم يكفي انك عارفة راسك وانا عارفك وتيق فيك..
مرام؛(كتشهق)انا عارفة ولكن ما قاد هاء قادراش نتحمل كتر هادشي لي داز هاء عليا كامل هدني هاء
بهاءالدين:(ببتسامة)رجعي ديك مرام لي ضاربة الدنيا بركلة ما مسوقة لحد ولي دوا ياكل دوا هه ما كيعجبنيش نشوف هاد الانكسار ونضرة الضعف فعينيك..بغيتك تكوني ديك مرام القوية والعنيدة ولي قد كلمتها قد دراعها
مرام(بحزن):ما قادراش تهديت حسيت براسي زدت عشرين سنة القدام فهاد الشهر لي داز وهاد الاحداث لي تراكمو ونزلو عليا دقة وحدة رجعوني ضعيفة..
بهاءالدين:نتي قوية وخاصك تبقاي قوية...
مرام:(كتحرك راسها بالنفي)انا عمرني كنت قوية انا عكس هاديك لي كتشوفو فالشارع..انا ضعيفة من لداخل..صحيح اني قادرة ندافع على راسي وعندي لجراة باش نتحدى اي واحد لكن قلبي كان مهرس كنت محتاجة لشي واحد يوقف بجنبي يساندي يقويني فلحظات الضعف...كنت كنبقى بوحدي كنواجه الالم ديالي بوحدي وكنتضاهر بالقوة قدام كلشي(نزلو دموعها)انا بحال شي خيط رفيييع ريح لي جا يديه ويقدر يتقطع فاي لحظة..انا اضعف من ضعف نفسوو
شافت فيه وعينيها حمرين بالبكا وقالت بثوت متشحرج
انا عييت ا بهاء ما بقاش عندي جهد لي يتحمل مازال انا تحطمت كل ما فيا تحطم اهىء اهىء
-بقا كيشوف فيها وقلبو واملو عليها حط ايدو على خدها ونزل لشفايفها بقبلة مليها الشغف كلها حب وحنان كان كيعبر لبها بديك الطريقة كان باغي يحسسها انه سند ليها..اما هي ما تصدماتش كانو احاسيسها والفراغ لي فقلبها غالبين عليها بقات مكوانسيا ومغمضة عينيها مستمتعة بداك الاحساس لي حسات بيه...وهو كيقبل فشفايفها بنهم بعد كيشوف فيها ومنتاضر منها اي ردة فعل عنيفة لكن فاش شافها مغمضة عينيها بتاسم بحب وبامل وحط جبهتو على جبهتها وشفايفهم مازال قراب لبعضهم وقال بصوت حنين ورهيف
-انا معاك وغنكون سند ليك طول عمري عمرني نتخلا عليك
طارت عليه بتعنيقة وتهشات فحضنو كانها كتمتص منو القوة والراحة وهو ما بخلش عليها زاد خشاها فخضنو وبقا كيطبطب عليها والابتسامة ما حيداتش من على وجهو..حتى حس بيها رتاحت وبدات كتنهد بعدها بشوية وشاف فيها مبتاسم وقال
بهاءالدين:يالاه معايا..
مرام:(حدرات عينيها ما قدراتش تشوف فيه وقالت بصوت خافت بالكاد سمعها)فين
بهاء:خليها مفاجاة..ولبسي شي حاجة مريحة
مرام:(بخجل)واخا
ناضت بالزربة طلعات لبيتها بركات على السرير شادة قلبها ومبتاسمة
مرام:(شادة قلبها وكتنهج)ياربي اش هادشي..اووف اش هاد الاحساس ياربي..هوووف ويلي بستو..(وقفات كتمشي وتجي) لا هو لي باسني ماشي انا..اعععع وا نتي لي ترخيتي ليه...يااااا ربي اش هدشي راه بزاف عليا
بقات على حالتها لمدة من الزمن كل مرة تحاول تفسر حالتها او احساسها ووجهها غيطرطق بحمرة الخجل حتا سمعاتو كيغوت عليها مشات بالجرى لبسات سيرفيط ستيل ديالها زوين وسبادري جمعات شعرها ونزلات عندو وخصر ملامح وجهو
بهاء:واش ما عندكش الحويج
مرام:(مازال متاترة بالقبلة وطاغي عليها الخجل شافت فيه وعي كترمش وقالت بهدوء)لا عندي علاش
بهاء(تنهد وبتاسم)يا اما كتلبسي نص ميترو خلاتها ديك خيتي ههه ولا كتلبسي شي حاجة كترسمك علاش ما نعرف
مرام:هاء عادي هه
بهاءالدين:لا ما عاديش ما تبغيش شي ***** يشوف فيك ويحل فمو عليك
مرام:ولكن انا هادا هو ستيل ديالي..وزيدون اش دخلك نتا
بهاء:(هز فيها حاجبو بصدمة عاد كانت حشمانة)من نيتك ابنتي
مرام:(عوجات فمها)لا طاطاك هادي ماشي بنتك
بهاءالدين:ياك
مرام:ايييييه
بهاء:ايوا سمعيني بعد هاد لبوسة لي خديتي(تزنغات)نتي وليتي ديالي وديري هاه ولا هاه ولا طيحي بكلامي غنتسيف عليك ونزيدك غير تقبليني حيت عزيز عليا ندخل فكلشي...
مرام:طرطقات فبه عينيها):ياكما انا شي تيشورط ولا سبادري تقولب ديالك انا ديال راسي اسيي تجمع نتا تحلي
طار علبها ببوسة......
طار عليها ببوسة وهي دفعو حتا رجع لور كيضحك شافت فيه مخرجة عينيها
مرام:شتك ولفتيها واحد جوج تلاح ليا على دلقوشي تبوس ياك لباس
بهاء:(عض على شفايفو بطريقة مغرية)علاش نتي زوينة وبنينة هاكا ما كرهتش ناكلك
مرام:(كضور عينيها)احم قلتي غنمشيو لشي بلاصة يالاه قبل ما يفوت لحال
بغا يدوي وهي تنوضو من يدو بالزربة والابتسامة كتسلل لثغرها اما هو ضحكة واصلة لبه حتل لودنين..غير وصلو لباب وهو يجمعها وعقدهم وشد فيها سد لباب بالساروت لي عندو والجيران حاضيينهم وكلشي مخرج عينيه وباركين كياولو فالحجايات عليهم ويعيرو فيهم وكين لي كيلعنهم..دور عينيه لقاهم مطرطقينهم فيه زاد قربها ليه وحتا هي ماشي من العاجزين تخشات فيه غير ضد فالجيؤان وفالبنات لي مزعوطات فيه ركب فموطورو وركبات وراه ونيشان فاتجاه صال د الفنون القتالية مسافة طريق ووصلو نزلو وخلاو الموطور عند الغارديان كان صال على قد الحال فحي شعبي كتر من هداك لي ساكنين فيه ما طلقش منها وهي كدلك غير كتشوف فالحي وناسو والبنات لي غياكلوه بعينيهم قلبات عينيها بغيظ وهي متعجبة من نفسها هاد نهار والاخاسيس المتناقضة لي كتلعب فكيانها زيرات على ايدو وهو نزل عينيه شاف فيها بحكم قصيرة علبه ضحكات وهو بادلها نفس الابتسامة
بهاء ما عبر حد كمل طريقو حتى وصل لهاديك الصال مرام شافتها وهزات راسها كتشوف فيه
مرام:شنو جينا نديرو هنا
بهاء جرها بدون رد ودخلها كانو دراري كيترينيو فلاج ديالها وديالو وما نقولكمش فاش شافوها ريوغهم سالو راكم عارفين لنغاربة من عشاق الزين والاهم الفورمة😉 داها لجيهة واحد الساك وقال ليها
بهاء:خوي كلشي فهاد الساك بغيت حبيبتي ترجع كيف كانت قبل واحسن ما غنخرجو من هنا حتى نتكوني صفيتي من كلشي ولحتي السلبيات وراك
مرام بتاسمة وزادت توسعت الابتسامة حركات راسها بالايجاب وهو عيط على واحد فيهم جاب ليها قفازات وقفات قدام داك الساك غمضات عينيها كتسترجع دكرياتها التعيسة بدات بلكمة خفيفة وتبعاتها بلكمة قاصحة وتوالات اللكمات بقوة وكل لكمة كتغوت معاها كاع هادوك لي فالصال كيشوفو فيها نساو راسهم وهما كيشوفو هاد العاصفة لي كدور وكتخرج سلبياتها بكل قوة وعنف..ما كتافاتش غير بايديها خدمات رجليها كدلك وبهاء الدين غير حاضيها وعاقدهم وكيشوف كمية العداب والالم لي كانت هازة والقوة باش كضرب داك الساك لي عالاقل كيوزن واحد ستة كيلو او سبعة وباش تحركو خاصك تكون عندك قوة بدنية كبيييرة بقات حوالي ساعة ونصف ولكماتها تتوالى ما خداتش ولو خمس دقائق من الراحة حتى طاحت على ركابيها كتنهج قرب ليها وعطاها قرعة الما تشرب.....فحين الشباب تبهرو فيها لا من ناحية الجمال او الناحية الرياضية المخيررر فبهم ما كبحركو حتا كتفسم لو ايدو وكتخرج منو بدا توشويش وكترت الهضرة...
خودي شربي شوية الماء
مرام:(حركات راسها وخداتها من عندو ببتسامة)شكرا
بهاءالدين:العفو
شربات ورتاحت شوية وقفات وشدات فيه
مرام:(ببتسامة وراحة كبيرة فملامح وجها)شكرا بزااف ابهاء
بهاء:(بنفس الابتسامة)اهم حاجة هي راحتك
مرام:وانا رتاحيت..(شافت فيه بنضرة شيطانية)اش ضهر ليك فشي كومبة
بهاء:(ضحك حتى بانو ضراسو)من نيتك ههه
مرام:واه من نيتي..(لاحت ليه قفازات كانو فالارض وهي بدات كتقاد فيهم ومبتاسمة هو غير متبعها بعينيه حتا قادات الوقفة ااستعدادا لاي هجوم بقا واقف كيشوف فيها ممصدقش كمية الايجابية لي حس بيها من جيهتها ما عرف راسو واش كضحك ولا دايراها بصح حتى هجمات عليه بلكمة رداتو جوج خطوات للوراء كيشوف فيها مخرج عينيه
بهاء:والله ايلا كدوي بصح
مرام:كتحرك بمرونة)يالاه يالاه باراكة ما ضيع لوقت
بهاء شاف فيها وهو كيضور راسو يمين وشمال وفنفس الوقت كيقاد لقفازات فايدو قاد الوقفة وهو كيضحك
مرام:(بجدية وهي واقفة بتبات)واجد
بهاء:(كيضحك عليها وعلى الجدية لي على وجهها)واه واج
قبل ما يكملها هجمات عليه بلكمة لكن خوا ليها وقال بضحكة
بهاء:الديب كدار بيه غير مرة وحدة
مرام:ههه وا وجد.راسك وخسب عدد اللكمات عنداك
بهاء:هههه اوك ولي ربح يحكم على لي خسر
مرام:(بحماس)مشات
هجم عليها بهاء وهي كطاكي مع العلم كيهجم غير بشوية باش ما يوعتهاش عكسها هي حاطة كل قوتها بستمتاع فلحظة زربات عليه ووجهات ليه لكمة بايدها ليمنى لجهة وجهو لكن شدها من ايدها ودورها لسق ضهرو مع صدرها وقال...
بهاء:الجمال والقوة والدكاء اش هاد زهر عندي واو
مرام بتاسمة وبعدات عليه وزادت ضرباتو بلكمة شد ايدها وبغات ضربو بكوععا لكن لقا يديه باسها ما بين كتفها وعنقها حتى قفزات دفعها عليه كيضحك وهجم عليها بلكمة تحدرات باش تفاداها ورجعات خطوة للخلف
زادت ضرباتو بلكمة كدلك تحدر وتبعها باش يرد لكمتو تخدرات للمرة التانية وعطاتو لكمة لجنبو
مرام:(ببتسامة)ما ترتاح حتى نطيحك
بهاء:ههه في احلامك سيدتي دام النزال ل عشرون دقيقة والمتحكم هو مرام توجهات لعندو بسرعة لكن تمسك بايديها بزوج ورفعها بشمال حتى طاحت لارض وهبط معاها وجهو قريب لوجهها
بهاء:(بانتصار)مبروك عليا هه..وجدي راسك لاحكامي هاد ليلة
مرام:(دفعاتو)ام ايوا ما تيقش فراسك
بهاء:(همهم بتقة)من زمان وانا تيق فراسي
مرام تعصبات ومرضاتش انو يربحها بقات اما هو غير كيضحك عليها ونرة مرة كيعنقها باش تطلق وما تبقاش معصبة بركو حتا بردو وخرجو من لاصال كيضحكو ومعنقها وهي غير كتبان ليها شي وحدة كتشوف كتزيد تخشا فيه وهو كيضحك..وصلو جيهة لموطور وركبو غاديين غير بشوية وكيضحكو حتا وصلو للدار وميف العادة جميع العينين عليهم حط موطورو ودخل معاها ريح فالصالون وقالت ليه
مشات وهو وراها مرة يجرها من شعرها وكضور عندو شاعلة مرة يقرب حتا كتخس بيه غيقبلها من عنقها وكتبعد بخجل كتسبقو بعدة خطوات ما وصلو لداك دوش حتا جهلها
مرام:(بغيظ)ها هو دوش دخل
بهاء:دخل بدوون مااا يقول ليها حتا كلمة وخلاها كتنغر
مرام:(بالغوات)ما كيناش شكرا فبلادكم
بهاء الدين ما جوبهاش خلاها كتغلي كيضحك وهو كيحيد حويجو دخل تحت رشاشة فحين مرام مشات فاتجاه دوش نيشان حيدات حويجها بدون ما تنتابه لفوطة ما كيناش حيدات حويجها ودخلات تحت رشاش وهي كتفكر هاد نهار وكتفمر شحال وقف معاها فاش كانت بوحدها كانت اول مرة غتعتارف بلي احساسها تبدل من كره لشي حاجة تانية ولكن شنو هاديك الحاجة ما عرفاتش كملات وبهاء كدلك لبس سروال وجا بغا يلبس تيشورط طاح ليه فالما هزو هكاك فاوغ عصرو وغادي بيه لعند مرام لي كانت يالاه سالات وكتقلب على لفوطة ما لقاتهاش بانت ليها غير د المسيح شوية كبيرة يعني غدرق معالم انوثتها لواتها عليها بالزربة وخرجات كتجري لبيتها لي كان مقابل مع الدوش دخللات وهزات فوطة كتمسح شعرها وتنشفو وقفات يالاه غتحل الفوطة تحل لباب
بهاء:(بدون استئدان حل لباب وهو حادر راسو كيشوف فتيشورط ومدو ليها بايدو بتساؤل وفنفس الوقت هز راسو فيها) مرام فين غنشر هادوو...
شافها هاكاك بدا كيطلعها وينزلها فحين هي لسانها تعقد بدات كتهبط غير لفوطة وكدرق بيها وتعاود طلعها على سدرها شعرها مطلوق فازغ هو بلع ريقو وتحرك فاتجاهها بدون ما يحس براسو حاوطها بايدووهي لسقات على لكوافوز قرب ليها بانفاس ملتهبة وسخونة وكيتنفس بصعوبة اما هي كانت كتشوف فعضلات جسمو وبطنو المشدود ولي واضحين فيه العضلات عضات على شفايفها بتوتر وهزات فيه عينيها
هزات فيه عينيها حتى حسات بانفاسو الحار على عنقها تقريبا تحت ادنها وقال خدا شهيييق وقال بصوت هامس وشفايفو كيتحركو فعنقها حتى تبورشات
-ريحت كتجري بشراييني
غمضات عينيها باستسلام للاحاسيس لي جتاحت كيانها وقلبها لي خرج على سيطرتها
بهاء قرب لشفايفها وهي مسمرة فبلاصتها صدرها كيطلع وينزل بقوة ما كتنفس بسرعة مغمضة عينيها نزل راسو بشوية وكل ما قرب نفسو كضرب فوجها وكتخليها تزيد تزير على لفوطة محاولة تمالك نفسها حتى حسات بشفايفو على شفايفها وبدا فقبلتو الفرنسية المليئة بالحب والشوق اما هي صافي الله يرحمها قلبها غيسكت وبدون ما تحس على راسها حاوطات عنقو بيديها صغيورين وزادت قربات ليه اما هو كانها عطاتو اشارة بلي ماشي بوحدو لي كيحس بشي حاجة.. هزها بين يديه فاتجاه السرير حطها وهي مستسلمة كليا ليه طلع فوقها بلش فتقبيل كل جزء من جسمها ومع كل قبلة كانت كلمة غزل كتخليها طير فعالم زهري ملييئ بالسعادة غلباتها شهوتها وبحكم اول مرة ليها كانت الشهوة قوية..
طبع قبل متفرقة على عنقها وخلا اثر حبو ليها حل لفوطة بايدو وبقا كيشوف فجسمها العاري قدامو كانو كيحفض تضاريسها..خطوط ومنحنيات جسدها حط ايدو على صدرها وهو كينهج دوز ايدو بشوية كان صدرها صغير كاي انثى فمثل سنها وكان جسمها ابيض مثل بياض الثلج طبع قبلة صغيرة وتبعها مجموعة من القبلات العنيفة ليكلتا الجهتين نزل لبطنها بلسانو طبع قبلات متفرقة مرة مرة كيعضها بشوية حتا كتعض على شفايفها وتطلق صوت حنين وخفيف دليل على انها مسمتعة...شاف فيها وعينيه ناعسين وكينهج باقي باغي منها بزاف ولكن ماشي وقتو ماشي دابا..قال ببتسامة
شاف فيها بصدمة وفرحان قلبو كينبض بقوة حط ابدو على خدها وقال عاودي شنو قلتي
مرام:(كانها عاد ستوعبات شنو واقع شافت فيه بخجل مبالغ فيه وحدرات عينيها كتقاد فالفوطة لي تحلات)احم ما قلت والو
بهاءالدين:(شلف حمرة الخجل قربها ليه وباس راسها)كنبغيك ويكفي اني قلتها وحيدت حمل كبير على كتافي
مرام:(بغات تنوض جرها عندو وعنقها)
بهاء:خليك من ليوم هادي هي بلاصتك حداية
مرام:(بقات كتشوف فيه بعيون لامعة وكتشوف الفرحة فعينيه وقال فنفسها:انا فعلا كنبغيه ملي قلتها وانا بدون وعي الا وانا كنبغيه علاش لي ما نقولهالوش ونرتاح حتى انا من هاد الهم لي هزيت من نهار ماتو حبابي)(قلت بصوت خفيف انثوي)
بهاء
(شاف فيها ببتسامة)روح بهاء
مرام:(ببتسامة وفرحة كبيرة)بغيت تقول ليك شي حاجة
بهاء:كنسمعك اروحي
مرام:(تنفسات بعمق وغمضات عينيها وقالت)كنبغيك بزااف كتر ما تصور
حلات عينيها كتشوف فيه لقاتو كيشوف فيها بكل حب وعينيه فيهم لمعة خاصة بقات كتسنى اي رد فعل حتى جرها وعنقها مزير عليها وقال
مرام:(وهي شادة ليزار على سدرها بتاسمة)انشاء الله هه
هز تيشورط ديالو وخرج بهاء من بيتها ببتسامة لبس تيشورط لي كان باقي فازغ وتوجه لباب كانت مازال لعشية تقريبا جوايه السبعة تمشا على رجلبه لدارو ما يقدرش يركب على لموطور وهو فازغ غادي ناشط وكيصفر واكيد بالو كيضور فحاجة وحدة ولي هي مرام اكيد..فهم كلام مرام وفهم المقصود ولدلك قرر ما يبقاش يبات ويستانف العمل ديالو..مسافة الطريق ووصل لدارو دخل دوش وخرج هز لفون وتاصل بمرام لي كانت فالكوزينة كتوجد شي حاجة خفييفة سمعات تيليفونها كيصوني ومشات هزاتو لقاتو بهاء الدين ترسمات بتسامة على شفايفها وجاوبات
بهاء(بصوت رجولي رزين):الو حياتي
مرام:(حشمانة هه)الو لباس عليك
بهاء:ما لاباسش
مرام(بقلق):علاش مالك ياك لباس
بهاء:لا والو باس غير واحد الفنكوشة خلات بلاصتها فحياتي
مرام:همممم وشكون هادي
بهاء:(ببتسامة ونبرة رجوولية)عندها جوج سميات ووحدة حسن من لُخرى
مرام:(عاضة على شفايفها)اها وشنو هما هاد سميات
بهاء:اممم الاولة وهي باش عرفتها والتانية معناها كيتجسد فريحتها
مرام:(كلات شفايفها بالعضان)اهم مزيان الله يخليها ليك
بهاءالدين:امييين ياربي
مرام:شنو كدير دابا
بهاء:يالاه لقيتيني ساليت دوش باقي ما لبست حتى حويجي قلت نتاصل بحبيبتي نشوفها اش كدير
مرام:بالصحة والراحة
بهاء:امين..اش كديري نتي؟كليتي بعدا؟؟نحيب ليك شي حاجة فاش نجي عندك
بهاء:واخا لالة..بقاو كيدويو ويتعاودو وبهاء ضحكتو كتسمع منين ومنين فالزنقة ولي داز من حداه كيشوف فيه حيت عمرهم شافوه فحياااتو كيضحكك بهاد طريقة كان طالعو السر وجمالو باين وواضح والبنت لي داز من حداها تبقا تشوف فيه وتشد فيه الهضرة بفقصة هي وصحبتها حتا وصل لواحد بيتزيريا صغيرة على قد الحال لكت عندو البيتزا بنييينة خدا ربعة د البيتزات جوج طون ووحدة كفتة وو الفواكه البحر ومعاهم مناضة سيطرون ومشا للدار محمل لي شافو يقول راجل ومقدي لمرتو وفرحان دق وحلات لييييه لباب ببتسامة دخل وعطاها بلاستيكات ومشا لبيت لجلاس لي فيه تلفازة ريح كيتسناها وهو كيتخايل راسو مزوجين ومعاها تحت سقف واحد وفدارهم..اما مرام فحطات لبيتزات فوق طابلة والموناضة وجابت لكيسان نع شوية ديسير فريز وحب لملوك والتفاح والاجاص وما نساتش نيوتيلا هه حطات كلشي وشعلات التلفزة دخلات ليوتيب ودارت فيلم امريكي د الاكشن والدراما زائد الرومانس بداو كياكلو ويتفرجو ونرة مرة يناقشو شي حاجة
مرام:(فمها عامر)معاش خدام
بهاء:(مركز مع الفيلم)حتل 12:30
مرام:ام مزيان نيت تونسني حتا نعس وسير
بهاء:(جرها عندو)واخا
عم الصمت بيناتهم وهما كيتفرجو فالفيلم اما مرام مركزة ديال بصح مع الفيلم بالخصوص فاش تعرف البطل على البطلة وبدات كتخايل فبهاء وهي لي متلين داك الفيلم هه وشادة قرغة ديال نوتيلا والفريز حداها مرة مرة تشد فريزة وتخشيها فالنوتيلا وتعض البلاصة لي فيها الشكلاط وتعاود تخشيها فالنوتيلا وقضم منها حتى تكملها وتعاود الكرة وعمراات جناب فمها وتحت عينيها.. جات لقطة رومنسية فيها البطل والبطلة نزلات عليهههم الشتا وهما نازلين فالطاكسي حيد تجاكيطتو وتغطاو بيها بزوج حتا دخلو لداخل وهما كيضحكو وصلو للدار بغاو يشعلو ضو كان مقطوع شاف حتا عيا(البطل د الفيلم) ومشا جاب الشمع شعلو الجو ولا رومنسي هادئ وصوت الشتا زاد الطين بلة هه شافو فبعضياتهم ومها كينشفو فراسهم فلحظة البطل قرب من البطلة وطبع قبلة على شفايفها وحتى هي معطلاتوش تجاوبت معاه بسرعة البرق اما لالة مرام مرة مرة درق عينيها بايديها وتشوف غبر من بين صباعها زعمة حشمانة هه وبهاء كيضحك عليها..البطل د الفيلم هز البطلة ومشا وهو كيقبل فيها لغرفة النوم حطها وهو طلع فوقها بداو كيحيدو لبعضياتهم الحويج وهما فاوج العطاء🤣
بهاء:(شافها معمرة وجها وقال وهو كيقرب)كاع عمرتي حالتك
مرام:(كضور فعينيها وهو كيقرب كتر وكتر..قالت بتوتر)اه اه انوض نمسح ولا نغسل ونرجع
بهاء:(شدها من ايديها وبركها)بلاما تعدبي انا نمسح لحبيبتي
قرب ليها وقبل جنب شفايفها ولحس داك شكلاط لي كان فديك لبلاصة وكمل جميع لبلايص بنفس الطريقة وقرب لشفايفها غمض عينيه وهي كدلك فاش حسات بانفاسو قربة لثغرها وبدا فموسم التقبيل الرومنسي وحساااان من داكشي لي شافت فالفيلم ههه حتا ترخات وبدات كتجاوب معاه واخا ماشي بحالو لكن غير تابعاه حرارتهم رتافعت ولاو بزوج كيلهثو من شدة الهيجان لي صابهم اكيد را هما بزوج او مرة ليهم او تاني مرة حيد شوميز وحيد حتا سروال وهزها حيد ليها تشورط وتبعو شورط لي لابسة بمساعدتها بقات بدو بياس وهو بالبوكسر...
قداو الغرض لكن غير من لفوق لان فبالو ديك اللخظة باغيها تكون فليلة العرس وداكشي لي كيدير معاها غير لحظة الرغبة لي ما بقاش قادر يصيطر عليها فحين هي ميتة من الحرج والخجل كتشوف فبه من تحت لتحت ناض مسح داكشي ديالو وبغا بمسح ليها لكن ما خلاتوش بحكم حشامنة ونا تقدرش لبس لبوكسر وهو كيضحك وهي جرات حويجها عنقاتهم
مرام:(بخجل)دور خليني نلبس
بهاء ضحك ودار خلاها على خاطرها لبيات بالزربة وناضت وقفات وقالت لو
مرام:غتبقى دور حداية هاكا لبس شراوطك😒
بهاء:(شاف فيها)فيا الصهد الجو سخون بزاف(كينش بايدو وهو كيضحك)
مرام:(ناضت كدفع فيه)وتكون حتا جهنم ماشي غير الحرارة لبس شراوطك اناري وليني راك مكتحشمش
بهاء:(باستعباط)كيت شي واحد كيحشم من مرتو😑
مرام ناضت بعدات وهو بدا يلبس حويجو شاف الساعة بانت ليه الحدية عشر والنصف شاف فيها وقال
بهاء:ما ناوياش تنعسي را ما بقا والو ونمشي
مرام:(بحزن)غتمشي دابا
بهاء:لا مازال واحد نث ساعة ولا ساعة الا ربع بحال هكاك
مرام:اوك..وجد راسك ورتاح انا غنطلع لبيتتتي نعس
بهاء:ام واخا
مشات لبيتها وهو كمل حويجو وتبعها لبيت لقاها تكات ومغمضة عينيها جلس فجنبها على المرسي لي ولا صاحبو فالاونة الاخيرة وبدا كيمسح على شعرها بشوية وهي فاايقة وعقلها كيدور وكتخمم حتا داها نعاس على لمسات ايدو بلاما تحس قبل راسها فاش وصل لوقت وغطاها سد شرجم وخرج بعد ما جر موراه لباب نزل كيجري فالدروج قاد صداف شوميز وهز تجاكيط من لمالا د الموطور لبسها دار كاسك وتوجه فاتجاه المطعم لي خدام فيه كان خدام ديك الساعة والداخل كتر من الخارج سلم على صاحبو محمد
محمد:(عنقو)وا فين اعشيري غبرتي علينا اصحبي بزاف
بهاء:(بادلو التعنيقة)غير مع الوقت راك عارف
محمد:اه خويا عارف الله يرزقك الصبر نتا وديك البنت مسكينة كيف بقات
بهاء:(ببتسامة)الحمد لله راها مزيانة
محمد:ايوا الحمد لله..حقا قبل ما نسى الباطرون كيتسناك
بهاءالدين حرك ليه راسو ومشا فاتجاه مكتب الباطرون
بهاء:(حل لباب بعد ما دق ودخل راسو)السلام عليكم...
زياد:(بضحكة واسعة)اووه واخيرا شفناك...تفضل اولدي دخل مرحبا بيك
بهاءالدين:(دخل وسد الباب والابتسامة على محياه)ترحب بيك الجنة ا سي زياد
زياد:(ببتسامة)والله ايلا بقات بلاصتك قداش كلشي حس بيها حتى من الزبناء كيسولو فيك
بهاء(بنفس الابتسامة مع القليل من الخجل)يسول فيهم الخير بارك الله فيك اسي زياد
زياد:(تقاد فبلاصتو وهو كيشوف فيه شوفة غريبة)ما تبقاش تقولي سيدي انا بحال باك اولدي
بهاء:(كيحك فراسو ببلاهة)لهلا يخطيك اسي..بغيت نقول الحاج
بهاء:(كيشوف فيه ببلاهة وجاتو غريبة وتقيلة كلمة الوليد لكن تحرك فقلبو واحد الاحساس كان دافنو من زمان)هه انشاء الله علاش لا...احم بغيت نسولك واش كين شي جديد فالقضية
زياد:(بتبسيمة)نيت عيطت ليك على ود هاد شي نيت للاسف هاد الناس لي قامو بهادشي ماشي ساهلين ووراهم حيط صحيح ماشي بالساهل يطيح وبين حجرتو تقيلة واكيد كان مستهدف شي واحد فداك الحريق والمشكيل نتا قلتي بلي ما عندك حتا عداوة لي تهلي شي واحد ينتاقم منك..ولكن على حساب ما عاودتي ليا كانو تابعينك نتا هاد
بهاءالدين:(قاطعو)الهدف ديالهم هو الام د مرام جارتنا لي كنت عاودت ليك عليها ومؤخرا لقينا واحد الرسالة مخلياها لبنتها والمضمون ديالها كان بلي كانت مزوجة عسكري برتبة قائد وكانت عندو يد فالمخابرات المغربية وبسبب شي واحد لقاوه وقتلوه هو ولدو وبلي مرام ماشي بنت ادريس بنت راجلها اللول وكانت عارفة راسها غتموت سواء دابا سواء من بعد هادشي لي فهمت من خلال الرسالة
زياد:(عقد حجبانو)شنو سميت هاد السيد
بهاءالدين:ما عقلتش بالضبط...امممم كنضن رياض بن شي حاجة
زياد:(وهو عاقد حجبانو)رياض بن طيب
بهاءالدين:(رفع حاجب وخلا لاخر)كتعرفو
زياد:(حط ايدو على البيرو وشبكهم)واه تقدر تقول زميل عمل ولولا الحادث لي وقع ليه كان غادي يكون كلونيل اليوم لي مات فيه كان غادي يترقى وعلى حسب علمي كانو قالو بلي نتاحر ماشي تقتل...
بهاء:(حاط قبضة يدو على ثغره ومركز)على حسب كلام الام ديالها كانت جريمة قتل محبوكة وباش ما يبقاوش ينبشو عليها ردوها عملية نتحار وكانت كتاكد على هادشي
زياد:(بتركيز)وي عندك الحق خصوصا ان رياض كان متدين ومتشبت بعائلتو بزااف وكان كيبغي مرتو وعلى حسب داكرتي كانت يالاه تزادت عندو شي بنت ولكن نا سميتهاش مرام..انا فداك الوقت قلبت عليها ولكن ما لقيتش ليها شي اثر حيت كنت شاك فشي حاجة ماشي هي هاديك وكان خاثني غير شي خيط لانو فداك الوقت كانت الغفلة وكامو الوجهيات بزاف يعني الى دارت شي جريمة وما كينش راس الخيط اكيد غيتسد الملف وحتا الى دارت الرشوة اكيد غيتسد وغيتحرق كاع وكان شيئا لم يكن..لكن للاسف ما لقيتش ليها حتا اتر ومع الوقت قتانعت بانو نتاحر
بهاء:وي اسمها الحقيقي جلنار(بتاسم) وهربات مها من الدار لانو شي واحد كان جاي باش يقتلها ومن حضها كانت غرفة سرية فبيتهم عارفينها غير هما تخبات فيها حتا دازت يومين عاد خرجات بقات فالزنقة تشردات وعانات بزاف مسكينة تعرضات لمحاولات غتصاب غير ربي لطف بيها حتا تلاقات بوجه الحبس ديال دريس وتزوجها كدبات عليه وزور ليها البطاقة الوطنية والبنت دخلها بسميتو
زياد:(شاف فيه بتنهيدة)عانات بزاف ديك السيدة الله يرحمها مسكينة..كنواعدك اولدي ندير جهدي كامل باش نلقاو شي خيط لي يوصلنا لحل هاد اللغز
بهاء:(تفكر وقال بحماس)عندي عندي منين نبداو البحت..عندي واحد العنوان خلاتو ماماها باش نمشيو نفهمو كلشي من واحد سيد كان صديق قريب لباها وكنضن خدام معاه
زياد:(ببتسامة)اه شنو هو العنوان
بهاء:(باحباط)ما عنديش دابا ولكن غدا نجيبو ليك ومرام ناعسة دابا ما نقدرش نفيقها
زياد:(ببتسامة)وا عليها غدا انشاء الله يكون خير
بهاء:(ببتسامة)انشاء الله(وقف)سي زياد خليت ليك الراحة يالاه نمشي نبدا العمل
زياد:قلت ليك ما تبقاش تقول لي سي
بهاء(بحرج):احم واخا الحاج سمحلي
زياد:(ببتسامة)واخا ولدي المسامحة..وسير الله يعونك
بتاسم ليه بهاء ودار مشا فاتجاه الباب اما زياد فبقا متبعو العين وهو كيبتاسم حل لباب وخرج لقا خولة(بنت زياد) عند وجهو
خولة:(ببتسامة وصوت مغري)اوووه بهاء لباس عليك(بغات تسلم عليه بلابيز)
بهاء(بعد وقال بصوت جليدي)الحمد لله وسمحيلي عندي شي شغل
مشا وخلاها متبعة ليه العين وكتبتاسم حتى ختفى على انضارها ودخلات لقات باها كيدوي فالفون ومركز معاه بركات وهي كتخبط فالبيرو بصباعها وحاطة وايدها على فكها بملل....حتى سالا المكالمة وشاف فيها عاقد حجبانو
زياد:خير اش جابك لهنى عاود
خولة(قلبات عينيها بغيض وبتاسمة باستفزاز)اوووه حشومة عليك بابي كتجري على بنتك الوحيدة
زياد:(كيشوف فيها وعاقدهم)اشمن بنت كدوي عليها نتي ما عندي بنات انا
خولة:(بغضب)عرف راسك اشكتقول اسي زياد خليفة راك غير كتخوي الما فالرملة معايا ما نصلاحش ليك
زياد:(كيشوف فيها)شنو بغيتي
خولة:(بركات ودارت رجل على رجل حطات ضهرها على الكرسي د الجلد وقالت ببتسامة)دابا دويتي اسي زياد...
زياد(بجمود):طلقينا ما عنديش ليك الوقت
خولة:(بنفس الوضعية وقالت بكل برود)كتب لي الشركة والدار لي كينة فكاليفورنيا(حي راقي وكيسكنو فيه غير لملعقين بنات كازا را يعرفوه)
زياد:(ربع ايدو كيشوف فيها شفات القتيلة ما كرهش بنوض يخشي ليها راسها فالحيط رد عليها بغضب ومع نبرة حادة)كتحلمي ابنتي هاديك هي لي عمرها تكون واخا نعطيهم صدقة ما تاخديهمش نتي ودابا نوضي تهزي عليا من هنا(بغات تدوي قاطعها عينيه خارجين فيها)بلاما تحاولي خرجي عليا
خولة:(جبدات لفون ديالها وعطاتو ليه)تفرج ومن بعد قولي قرارك الاخير
زياد:(كيتفرج فالفيديو وهو عاقدهم وشاف فيها)اش هادشي!!
خولة:(ببتسامة شيطانية)هاداك هو لي غيجيب اخرتك ا بابا حبيبي
زياد:(بعدم استيعاب)ما فهمتش شنو كتقصدي
خولة:(بنفس الطريقة)هاديك ماما ونتا كضربها وفنفس الوقت كتهددها بلي غتقتلها(هزات ايدها كتشوف فضفارها)ونتا عارف ماما الله يرحمها ماتت مقتولة وحتا واحد ما عرف شنو السبب اولا شكون قتلها (شافت فبه)والغاية من هادشي كامل كنضن فراسك دابا
زياد:(بصدمة)شنو باغا تلصقي فيا الموت د ماماك
خولة:(ببتسامة)تماااماا..
زياد:(ناض جرها من شعرها بغضب)نوضي خرجي عليا وما نبقاش نشوف كمارتك هنا
خولة:(كتحاول تحيد ايدو)اي طلق مني
بهاء:(كان جاي هو و محمد وسمع صوت الغوات زرب فخطواتو لقا زياد مخرج خولة من شعرها وكيغوت عليها زاد فسرعة خطواتو وهو كيشوف فيهم حتا وصل عندهم وبظا كيحاول يفكها من ايدو)سي زياد الله ينعل شيطان طلق لبنت..(شادها نييت من شعرها وهي دموع نزلاتهم بزز وبدات كتغبن وتبين الوجه لبريئ قدام بهاء)
خولة:(بدموع)هىء هىء بهاء قولو يطلقني ما درت لو والو هىء هىء
بهاء:(كيفك شعرها من ايد زياد)الله بهديك الحاج را بنتك زعما حشومة دير ليها هاكا قدام الناس
زياد:(بحدة وعينيه خارجين فيها)نا بنتيش ما عندي بنات انا (طلقها بالنتير حتا كانت غطيح شدها بهاء هز ايدو وصرفقها حتا دار وجها وكيقول ليها بتحدير)اخر مرة اخر مرة نشوفك كدوري قدامي كنقسم ليك بلي غنقتلك وما يجيب ليك حد خبار
خولة:(زادت فالبكا)هىء هىء حرام عليك اش درت ليك ا بابا..ما عنديش من غيرك هىء هىء نتا لي بقيتي ليا من بعد ماما الله يرحمها هىء هىء(بغات تعنقو دفعها وخرج فيها عينيه)
دخل بلاما يجاوبو وهو كيلهت وبهاء شاف فيها بشفقة كانت كتبكي وتنخصص وكتقول كلمة وحدة"ما تخرمنيش منك ا بابا""ما نقدرش نعبش بلا بيك" "نتا لي عندي" جرها بهاء ودور ايدو على كتفها حتا وصلو لواحد البيرو بركو فيه وبهاء كيشوف فيها ما لقا ما يقول حتا بدات كتبكي وتهضر وفنفس الوقت كتشهق
خولة:من نهار عقلت عليه وهو كيعاملني خايب كان ديما كيضربني انا وماما ويجيب النسا للدار وصغر منو يجيب صحابو يقصرو عندنا فالدار(تفكر مرام وعيشتها فاش كانت مع دريس) هىء هىء لدرجة كان واحد المرة جاب صحابو وواحد فيهم عجباتو ماما وبغا يدوز معاها ليلتو هىء هىء انا كنت مازال صغيرة ولكن كنفهم وواعية على لي دير بيا(كتشهق وبهاء عقد حجبانو)بابا ما عتارضش قال ليه سير الى بغيتبها ما كيهمنيش مشيت كنجرب عند ماما قلت ليها شنو كين دغبا سداات الباب بالساروت وخشاتني فحضنها كتبكي حتل لواحد نهار دخلت لبيت لقيت ماما غارقة فدمها اهىء اهىء بكيت وغوت باش ما تخلينيش ولكن ما كين حتا مجيب..اهىء تهىؤ(كتشهق) كانت حياتنا صعيبة بزااف ومع دلك ما عمرني كرهتو كيبقى بابا ودابا مازال قلبو حجر ما عمرو حس بيا بغبت غير يقول ليا بنتي ويحسسني بحنانو هىء هىء عييت ابهاء ما بقيتش قادرو(نهارت قدامو جرها عنقها وهو كيواسيها بحل اي صديق اما هي غير عنقها دارت ضحكة شيطانية وكتوعد لزياد بالاسوء فبالها...
بهاء:(غير معنقها وكيشوف فالفراغ مصدق و ما مصدقش كلامها وخاطرو ما مهنيهش بعدها شوية وقال)ختي خولة اكيد كين شي سوء فهم سي زياد ماشي ديال هادشي
خولة:(نزلات عينيها)للاسف ما كين حتا شي سوء فهم هنا انا قلت ليك الماضي فلحظة ضعف ديالي نتا الوحيد لي عارفو كنترجاك ما تقول لحتا شي واحد شي حاجة ما بغيتش نخسر الاب ديالي كتر ما انا خسراه ونهرس الصمعة ديالو هو اهم حاجة عندي(عينيها غرغرو)
بهاء:(تنفس باضطراب وقال)كوني هانية هادشي تقال هنا غيبقى هنا (وناض)كنتمنى تكوني مزيان دابا خاصني نمشي
خرج وخلاها متبعاه بعينين مدمعين حتا تاكدات منو بعد وهي ضحك حتى تسمع صدى ضحكتها فارجاء المكتب وقالت
خولة:(بتنهيدة)هاااه دابا مزيان ما خرجتش بايدي خاويين المهم ستافدت شي حاجة..(وشافت فزاوية من زوايا المكتب وقالت بصوت كانه فحيح افعى)وراك وراك والزمن طويل اخرتك على يدي ا زياد خليففة غنضمرك وغنضمر كل ما بنيتي هاد السنين كاملة
امبراطوريتك غتولي ليا
ناضت كتقاد فشعرها وحويجها ومشات للحمام تقاد حالتها فحين بهاء مشا لكونطوار راسو مرفوع وكيفكر فكلام خولة لي صدمو اخر حاجة كانت طيح فراسو هي يكون السيد لي داير فيه خير وكبعاونو وكيعاملو غير بالحسنى وديما مكبر بيه بهاد الشكل لكن احساسو متناقض كل التناقض مع تفكيرو والكلام لي قالت خولة بقا قرابت نصف ساعة وهو كيحلل ويناقش فدماغو حتى حس بايد تحطات على كتفو دار وبانت ليه وحدة من زبائن بتاسمة ليه وبركات فجنبو شافت فالبار مان وقالت بصوت انثوي وراقي
بتاسم ليه زياد وهو مشا بخطوات سراع خرج وركب على موطورو ديمارا ومشا زاااف حتا وصل للدرب سكتو وبقا دافعو على حساب صداع حطو حدا دارو وطلع دوش وحيد حويجو وتلاح على كرشو وعقلو كيضور كلام خولة صدمو ولكن فجهة تانية من عقلو ما مصدقش كلامها غمض عينيه باش ينعس وقال
بهاء:الوقت يبين كلشي
ونعس كاو ما فاق حتل صباح على صوت الفون
زياد:صباح الخير اولدي
بهاء:(كيتفوه بصوت رجولي مع بحة صباحية)همم اهلا سي زياد صباح نور
زياد:مازال ناعس اولدي
بهاءالدين:واه الحاج لقيتيني عاد غنفيق
زياد:(بضحكة)هه واخا ولدي امضرا لقيتي ليا العنوان
بهاء:(بىك على سرير)مازال عاد فقت دابا خاصني نمشي عند مرام هي لي عندها العنوان
زياد:ام واخا باش ما كان بيناتنا لفون
بهاء:واخا الحاج
زياد:نهارك مبروك اولدي في امان الله
بهاء:في امان الله
ناض بهاء خاسر لبس سروال سيرفيط مشا فاتجاه الحمام كيجر رجليه وحل روبيني كيتفوه غسل وجهو وخرج كيحك فراسو ديريكت لكوزينة دار قهوة كحلة وجلس كيشرب فيها ويخبش فالفون بغا يعيط لمرام كان مازال الحال يالاه 8 د صباح...سالا وحطو فوق الطابلة ناض رجع لبيتو بدل وقاد شعرو هز لفون وخرج فاتجاه مخبزة خدا كيف العادة بتيبان وتشيز كيك وشي تويشيات خرين ومشا فاتجاه دار مرام حل بالساروت وهو مبتاسم كين سقيل فالدار عرفها مازال ناعسة حط لبلاستيكات فالكوزينة وطلع فالدروج كيجري ويصفر حتا وصل لبيتها لقاها مازال ناعسة وحالا فمها وكل رجل فجيه قرب لبها مبتاسم وهما يبانو ليه ريوغ دايزبن هه ضحك بدون صوت ومشا حل لخوامي ومشا فاتجاهها كينوض فيها
بهاء:مرااام نوضي احبية(كيحرك فبها)
مرام:(مشقلبة بنعاس)خنيني نعس احمباك
بهاء:تي نوضي قالاك خنيني(كيضحك)
مرام:(فسابع نومة)اننن هانا هانا
رجعات كتشخر وصوتها مسموع
شاف حتا عيا وهزها هكاك كتشخر داها لدوش وخشا ليها رايها تحت لما حتا ناضت طافجة
مرام(عينيها خارجين):ها شنو كين اش واقع
بهاء:(حطها وكيضحك علبها بقهقهة رجولية ما قادىش يحبسها وقال وهو كيدوي)ونوضناك بالخاطر ما بغيتيش بقا ليا غير هاد الحل
مرام:(عطاتو صبع تسيفات عليه وبردات الفقصة لي فيها)هاك ها الفطور والله لا كانت ليك مفبقني طافجة وجاي تامر فيا يكما يحساب ليك راسك كدوي مع خدامتك..هاي هاي على سيد تيقتي راسك ولا..بغيتي تفطر صيبو لراسك
إبنة الجار الجزء الثالث
محتوى القصة
التنقل بين الأجزاء