إبنة الجار الجزء السادس

من تأليف شيماء الصافي
2019

محتوى القصة

رواية إبنة الجار

يسرى:(قفزها)تف تف بسم الله الرحمان الرحيم..منين خرجتي نتا😱
ياسر:(حط مرفقو على كتفها وتسند عليها)من القبر ابيب 
يسرى:وا رجع ليه وهنيني من صداعك بشاااار..(بعدات عليه حتا كان غيطيح)
مرام:(جراتها وعنقاتها)بعد ليا من حبي نتا ولا مغيعجبك حال من قبيلة ونا كنجمع ليك😡
بهاءالدين:(جرها عندو عاقد حجبانو وقال وهو كيصوط)اولا انا لي حبك ماشي هي تانيا..بقا تعنقي شي واحد من غير نفصلك المفدعسة وهاودني منك
مرام:(شافت فيه وقالت فحين ياسر ويسرى كيضحكو عليه)المفدعس هو نتا 
بهاء:(شاف فيها شوفة قطعات فيها النفس وقال بعدما قرب ليها)بقا تهزي عليا صوتك نفدعسك كعر ما نتي مفدعسة(وبدا كيضحك عليها وواحد ياسر عاد محلات ليه عليها وبدا عليها بحال شي برهوش)
ياسر: وا المفدعسااااا وا المفدعساااا وععع هههه
بهاء:(شاف فمرام لي غطرطق بقوة العصاب لي ركب فيها وقال)حياتي سي زياد جا غنمشي عندو ونجي واخا
مرام:(دارت بانت ليها خولة قلبات عينيها وقالت بصوت عادي مع نبرة تهديد فهمها غير هو)ما تعطلش 
بهاء:(فهم وبتاسم)واخا حياتي(باسها جنب فمها ومشا وهو كيوصي)ونتا بعد منها ولا غنتحاسب معاك 
ياسر:واخا شاف
مشا بهاء الدين وعسون الفتيات عليه وقف بكل رزانة وقال بهيبة مع ابتسامة خفيفة بارزة 
-السلام عليكم
زياد:(ببتسامة)وعليكم السلام
خولة:(ببتسامة عريييضة وتبعكيك)بونسواغ بهاء الدين
حرك ليها راسو كرد على كلامها وعاود شاف فزياد وقال ببتسامة 
زياد:(ببتسامة)فين هي مرت ولدي مغتعرفنيش عليها
بهاءالدين:(ببتسامة وعينيه كيلمعو)اكيد الحاج تفضل معايا
تقدم بهاء الدين وتبعو زياد وهو كيتفكر النهار لي كلفو بالمطعم...
#فلاش_باك
بهاء(دخل بعدما ادن ليه زياد)سي زياد بغيتيني فشي حاجة
زياد:دخل اولدي بعدا
بهاء:(دخل وبرك قدامو وقال باهتمام)نعام اسي زياد
زياد:(بعد لحظات صمت قال ببتسامة)بهاءالدين نتا عارف بلي انا كنحسب ولدي ناشي واحد خدام عندي من نهار شفتك رتاخيت ليك بزافف وليوم بغيت منك واحد الطلب بما انك خدمتي معايا وعرفتي الخدمة كيف كتمشي والاهم هو عندي فيك ثقة كبيرة وما كينش لي غيتفانا فالعمل ديالو قدك ويحافض على الامانة
بهاء(ببتسامة):مرحبا الحاج اش حب الخاطر
زياد:بغيتك تكلف نتا بهاد المطعم ومن ليوم تقولي بَّا يعني تعتابرني باك ماشي المدير ديالك
بهاء:(باحراج..وخجل)احم سي زياد ما نقدرش نتحمل مسؤولية المطعم..بنتك اولى بهاد شي و(كيحك مؤخرة راسو بتوتر)و
زياد:(قاطعو)خولة ماشي بنتي..انا..انا مكنولدش...

انا مكنولدش..انا عاقر
بهاء:(شاف فيه بصدمة)كفاش!!وخولة؟
زياد:(تنهد)قصة طويلة اولدي فاش تجي الوقت نعاودها ليك..(بترجي)الله يخليك اولدي محتاج نسمع حلمة بابا وانا مرتاح ماشي العكس 
بهاء:(شاف فيه شفات مبهمة وقال)واخا الحاج لي بان ليك انا معاك فيه
زياد:عتابرني باك اولدي 
بهاء:(ناض وباس ليه راسو ومجموعة من الاحاسيس جتاحت كيانو كيف كل مرة حينده لو ولدي..من ديما كيحلم يكون عندو اب وينده ليه بابا بحال صحابو وها ربي مخيبوش طال الزمان وربي حقق لو امنيتو)واخا ا با (خرجها تقيلة وبصعوبة لانه اول مرة طول 26سنة ما خرج هاد الكلمة من فمو)
زياد:(ضاف فيه والدموع مالية عينيه)الله يرضي عليك اولدي
بهاء:(بفرح)امين ا با 
زياد:(مد ليه وراق وعطاه قلم)سني هنا اولدي الله يرضي عليك
بهاء:(بدون ما يقرا شنو فالورقة سنا وعاود ردها لو)الحاج خولة ما عندها دنب مسكينة وخا واخدة منك موقف(تفكر كلامها لي عاودت ليه عليه)ومع دلك ما لامتك على والو
زياد:(شاف فيه بحزن وتنهد تنهيدة طوييييييلة وقال)نتا مفاهم والو اولدي هديك را....
دق دق
قاطعهم الدقان ودخلات خولة بميوعة وكضحك 
بهاء:(ببتسامة)الحاج خليت ليك الراحة وعفاك فكر فكلامي....
#الحاضر
رياض:(شاد فايدو علبة مبين عليها ديال طقم)جلنار هابي بيرث داي والعقبة ل 100سنة ختيتي والله يدوم المحبة (غمزها ببتسامة)
مرام:(كضحك)ههه شكرا بزاف مكانش عليك تعدب راسك
رياض:ولو عندنا غير مفدهسة وحدة هههه
مرام:(خسرات ملامح وجها وقالت)بزاف عليكم انا ولي باقي يقولها ليا نتفاهم معاه
بهاء:(عقد حجبانو)رياض خليني نحتارمك وفرق عليك مرتي
رياض:(غمزو)وعليها الشاف دبا ما بقا حد يدوي معاها هه
بهاء:(جبد علبةطويلة وعطاها ليها)كل عام وانتي احلا وكل عام وانتي ملكة قلبي
جلنار:(حمرة الخجل اعتلت وجنتيها وعينيها فيهم لمعة)انشاء الله حياتي الله يخليك ليا
الكل:امين
ياسر:(ببتسامة لكن هاد المرة بعقلو هه كيدوي برزانة) ميس جلنار هابي بيرث داي..(عطاها الكادو ديالها لي كان مبين انو ساعة يدوية)كانت اجمل 3شهور معاك تعرفنا عليك وعتابرناك ختنا منا وفينا وفاش ما حتاجيتيني غتلقايني فجنبك
مرام:(شافت فيه فرحانة حاسة بلي ربي عوضها بعائلة تانية عينيها دمعو)شكرا بزاف 
يسرى:(عطاتها هدية عبارة عن قيتار)تفضلي حبيبتي وكل سنة ونتي بالف خير وعسى الضحكة ما تفارق شفايفك
محمد :الولاد مخلاو لينا ما نقولو من غير نتمناو ليك السعادة فحياتك الزوجية وانشاءالله بالرفاه والبنين
نزهة:(عطاتها الكادو لي خدات ليها شدات ايد بهاء وايد مرام وربطاتهم مع بعضهم)خليكم ديما هكا اوليداتي والله يبعد عليكم شر الخلق والحساد يارب
مرام:(صافي الدموع غيبداو ينزلو ليها)شكرا ليكم بزاف ربي عوضني باحسن عائلة الله يخليكم ليا وما يحرمنيش منكم
بهاء:(جرها من ايدها قدام الكل ودخلها فحين الموسيقى طلقات هادئة)حياتي لاش لبكة ياك كنقول ليك ما تبقايش تبكي ولو شو ما صار
مرام:(كتشهق)غير دموع الفرحة حبيبي
بهاء الدين:(كيمسح ليها دموعها)ولو دموعك كيحرقوني هنا(حط ايدو على قلبو)واش بغا تعدبيني وتنكدي علينا فرحتنا
مرام:(كتمسح فدموعها)لا حبيبي اكيد لا
بهاء:(عنقها عندو وهو كيضحك)المفدعسة يا المفدعسة كتقتليني بهاد دميعات
مرام:(ضرباتو لصدرو وقالت بثوت طفولي) ما تبقاش تقوليا المفدعسة 
بهاء:(بتاسم وقال)واخا المفدعسة ما نبقاش نعاود
مرام:(بطفولية)بهااااء هننن
بهاء:(كيعيبها)بهاااء هنننن 
مرام:(ضحكها)هههه
بهاء:واري شي بوسة
مرام:ههه سير بعد مني
بهاء:(بمرح طفولي)هاء وهادي هي دير خير ما يطرى باس..
مرام:ديرو فراسك (خرجات ليه لسانها)
بهاء:(عض على شفايفو)غتسطيني نتي..كون ما سي محمد عكس كون را حنا مزوجين دبا وكناكل ليك الحلوة ههه

ياسر:(كيطنز)وا خرج باش نتاكل الحلوة د بصح وباراكة من القر
بهاء:(غمض عينيه بالجهد وقاال)شي نهار نخلي دار بوك
ياسر:(ببرائة د بلعاني هه)راه برا خرج عندو وبيناتكم ا بيضاوة هه
بهاء(شد فمرام وقال)زيد قدامي قبل ما نشخشخ لخويا لكاركاس..
-خرج ياسر هو الاول كيضحك عليه وتبعو بهاء الدين مخنزر حيت خصر ليه الجو ومرام غير كتبتاسم بحال الحمقة ومرة مرة تشوف فبهاء الدين حتا وصلو لقاو الكل مجموع على حلوة د الميلاد داروها الوسط ويد بهاء مفارقاتهاش غناو ليها جوايزاني فيغسيغ كاملين وطلبو منعا تمنى امنية ومن بعد طفات الشمع ببتسامة خدات سكين على شكل الخنجر قطعات قطعة ووكلات محمد ونزهة وعاود قطعات قطعة عطاتها لبهاء الدين خشاتها ليه كاملة ففمو وقالت وهي كضحك..
مرام:وكول الحلوة على قلبك😂
ياسر:(نفاجر بالضحك بزز باش حبسها وقال)بصحتك الخاوة
بهاءالدين:(ولا حمر من الموقف وعند بالو كلشي فهم شنو قصدات بحال ياسر بدا كينضغ دغيا ويسرط بشوية عليه كيدوزها غير بزز وقال بصعوبة وابتسامة صفراء)احم الله يعطيك الصحة....

بقا كيضور فعينيه بخجل فحين مرام خدات قطعة حلوة وكملات عليهم كاملين يسرى ياسر رياض زياد فؤاد المهم الاصدقاء والحباب من غير خولة لي خلاتها بلاكة..تفرق المجمع وبقاو غير القراب بركو فجليسة فالجردة بينما عاملات النضافة كيقادو فالجردة مجمعين وبهاء مرة مرة يلوح كليمة فودن مرام حتا كتبدا تحنار وتخضار وعينين فؤاد وخولة غير عليهم
زياد:(ببتسامة)سيدنا هدا جهدنا خلينا ليكم الراحة
محمد:ا برك اصحبي مالك على هاد الزربة 
نزهة:باتو معانا ليوم 
زياد:ههه مرة اخرى انشاء الله 
محمد: وا والله لا كانت ليك ريح اصحبي..شحال ما تجمعنا من ايام رياض الله يرحمو
الكل:الله يرحمو
يسرى:(شافت فمرام وقالت بحماس)غتبقاي ياك غتباتي معايا
بغات تدوي قاطعها بهاءالدين بالزربة هه
بهاء:لا لا غتمشي ما غتبقاش 
يسرى:(حابسة الضحكة وكتشوف فمرام لي كتحرك راسها بلا حول هه)وحتا نشوفو بابا اش غيقول 
بهاء:(كيخرج فيها عينيه وقال ببتسامة صفرا)ياك ا يسرى ياك هادي هي نتا خويا وعزيز عليا 
يسرى:(بشر)هي من ناحية العزوزية راك عزييبيز ولكن جلنار عز منك 
مرام:بهاء خليني ليوم مع يسرى 
بهاء:(شاف فيها بجدية)لا هي لا وبلاما نكترو الهضرة 
يسرى:(قالت باش تسمع لباها)جلنار حبيبة غتباتي معانا ليوم ياك
بهاء خرج فيها عينيه وقال تحت سنانو
-والله لا بقات حلف بالله البلاصة لي نكون فيها انا تكون فيها هي 
جلنار:(شافتو ولا حمر ومن نبرتو عرفاتو بدا كيتعصب وقالت بسرعة) لهتء حياتي غير اليوم ها العار الله يرحم لميمة 
بهاء:(كيحرك راسو بالنفي)لا هي لا..(شاف فمحمد)الحاج حنا غنمشيو(وقف وشاد فيد مرام لي مساخياش تمشي ووقفات معاه حادرة راسها)
محمد:لفين اولدي
بهاء:للدار الحاج خاصنا نمشيو 
محمد:(بقاو معانا اولدي
بهاء(قصح وجهو وقال قدام كلشي):ما نقدرش نبات بعيد عليها
جلنار:(خرجات عينيها فيه من جرئتو لي عمرها شافتها)
محمد:(ضحك كيف ضحكو كاملين وقال)وشكون غيبعدها عليك را قدامكم العمر كامل
بهاء:لا الحاج وتقول نصبر ليلة وحدة وهي بعيدة عليا
محمد:(بقا كيشوف فيه بقلة حيلة وقال)اش غنقول ليك فهاد اللحظة كون ما كنتش عارفك بهاء الدين نقول غير رياض قدامي هكا دار فاش جات معاه سعاد الله يرحمها ما بقاش كيتفرق عليها هه...

رياض:(كيطنز)وا صبر على رزقك اصحبي مالك زربان
بهاء:(هز حاجبو ليسر)وااا عباد الله شحال فيكم د الهضرة وا مرتي وانا حر فيها الى ما باتتش حداية النعاس كيطير 
محمد:هههه وا ولدي را غتكون غير حداك كون تسمع الهضرة ولا غنحبسها عليك بمرة حتا تعرسو
بهاء:(شداتو البكية هه)وا لا الحاج حشومة عليك تبغي دبا نبعدو عليك لالة نزهة 
خولة:(بسم)وياك هي ديما حداك خليها تبات حدا صحبتها ليوم..هادشي كاع حب ههه
يسرى:(ببرود)حتا واحد ما سولك ابيب الراجل ومرتو بيناتهم 
مرام:(حبسات الضحكة وناضت عند نزهة وشوشات ليها فودنيها)خالتي العار متبينيش قدام ديك العزافة بلي حنا غير مخطوبين قوليها لعمي محمد..را كدور عليه والى مشات حتا فالت شي حاجة غنوليو فشي طاب وشي مطاب
نزهة:(وهي مبتاسمة وكضحكك قالت ليها فودنيها) كوني هانية ابنتي هه
مرام باستها ومشات رجعات لبلاصتها كضحك ونزهة نقزات وقالت بجدية وهي كتحاول تبت راسها باش ما تضحكش
نزهة:(بصوت انثوي)سيدي محمد خلي السيد مع مرتو مالك درتي ليهم العصا فالرويضة حشومة 
خولة:(قلبا عينيها وقالت بينها بصوت خاافت سمعاتو غير هي)نتي لي بقيتي ليا فالحساب الشارفة لخرى تفو
محمد:(شاف فيها باستغراب لانها هي لي كانت مصرة يبعدو على بعضياتهم وما يبقاوش يباتو بزوج فنفس الدار ومزال ما تكاتبو ودبا كتايد بهاء الدين طاح عليه العجب ويالاه غيدوي خرجات فيه عينيها وهو يقول)اش غنقول ليكم هدا الله معاكم ضبرو راسكم
واحد رياض غير بارك وكيشوف ضروه فراسو وفنفس الوقت ضحكو بهاء الدين لي شاد فراسو وكيحرك رجليه بعصبية وقال وهو حاضي خولة لي غير عاقداهم وفؤاد لي ناض مشا 
-شوفو عندي ليكم حل لي يرضي الكل(كلشي شاف فيه)بما انو غير الوكاند هدا ومكين خدمة وعلى مكيبان ليا حتا واحد مافيه النعاس علاش ما نبقاوش مقصرين ونسهرو مع بعضنا(غمز بهاءالدين لي فهمو وضحك)
زياد:انا غنعس عينيا كيتلصقو
نزهة:(غمزات مرام)حتا حنا خاصنا نعسو هدا هو الوقت را نص الليل يا ا سيدي محمد(محمد دوخاتو بصوتها وابتسامتها لانه نزهة قصتها قصة مع محمد ومزال شادة فراسها)
محمد:(قال بدون ما يحس)وي هدا هو الوقت.. 
وقف وشد فيها وقال يالاه خلينا ليكم الراحة 
نسا مرام وبهاء وقرب من اذن نزهة وقال
-من صباح ونتي تعوجي عليا احبيبة ليوم نجيبو شي فنيكيش توحشت احساس الابوة..وتوحشتك حلاوتك 
ماو الكبار وبقاو غير الشباب مجموعين....

مشاو الكبار وتجمعو الشباب وكل واحد وهمو رياض حتا هو ناض حيت غير دارها حيلة لكبار بلش يمشيو او بمعنى اصح باش يدير المزيان مع بهاء لي كان على شوية غيطرطق ههه 
جلنار:ريااض لفين العشير هه
رياض:(بضحكة)نمشي نعس ا شنيولة
يسرى:هاء ولاش جامعنا من الاول(ناضت عندو شداتو من يديه)واتا ريح بركا تفتح شوية 
رياض:ياك الخيبة وليت معقد
يسرى:ههه ولااا بغيت نقول ليك ما تبقاش تكبر راسك قبل لوقت 
بهاء(شاف فيه وقال بصوتو الرجولي وابتسلمتو المعهودة حتا خلا خولة سارحة فتفاصيلو)الخاوة ريح معنا مجاتش تمشي وتخليني وسط هاد جنون
ياسر و يسرى وجلنار(فدقة):يضربوك
بهاء:(شاف فيهم مخلوع هه)ياربي السلامة ياربي..ريح اصاحبي ريح
رياض:(تنهد وبرك)لي تبعكم زعما مشا خلااا فخلا
ياسر:(بحماس)ايوا اش غنديرو دبا نبقاو شوف فيا نشوف فيك اطاجين الحوت
يسرى:اش ضهر ليكم نلعبو جراة ولا حقيقة؟؟ولكن اي سؤال تقدرو طرحوه عادي واخا يكون +18 ولي مجاوبش نحكمو عليه باش ما بغينا
جلنار:(نقزات)ولا نلعبو الرامي اححح وبالحكيم
خولة:(شاركات معاهم الحديث وخا محاملاهمش)احم انا مع جلنار
(جلنار شافت فيها وميقات وقالت وهي كتبتاسم بشر)انا مع يسرى
يسرى:(وهي كتبتاسم:)انا مع راسي ههه
رياض:مع جلنار
بهاء:يسرى
ياسر:يسرى
يسرى:(نقزات من وسطهم)يسسس هه
خولة:(حسات براسها غير زبدة لانو حتا واحد ما معبرها وقالت ببتسامة صفراء)حتا هادي مزيانة شكون يبدا
ياسر:صبرو نجيبو شي قرعة 
(مشا ياسر بالجرا جاب قرعة وجلس وقال)لي جات فيه الفتحة غيسول ولي جا فيه القاع غيجاوب
(الكل اوما ليه براس)يالله على بركة الله 
جلنار؛حبس حبس انا نضور اللولة هه
ياسر:اوك
عطاها القرعة ضورات وجات فياسر ورياض
ياسر:(بشر)...

ياسر:حقيقة ام جراة
رياض:(بعد برهة من الصمت)حقيقة
ياسر:(سكت حتا عيا وفجرها هه)شحال من غولاسيون سيكسييل درتيها لدابا!!!
رياض:(تصدم كيف ما تصدمات جلنار وبهاء الدين ههه حشمو وهو يقول ليه)ما حشمتيش مني حشم غير من البنات ا راس الطارو
ياسر:(بعدم اهتمام)ما سوقيش جااوب
رياض:(حشم هه وقال) ممكن تبدل السؤال ا جحش را معانا لبنات 
ياسر:مغتجاوبش سوو غنحكمو عليك 
رياض:(شاف فيه وقال)دبا تجيبك الوقت حتل بين يدي والله ما نرحمك سير عالله
ياسر::(بشر والضحكة غتخرج ليه من عينيه)شطح الشعبي 
بهاء ويسرى ومرام وخولة طرطقو بالضحك هاد العضمة والشخصية كلها غنشطح الشعبي اش هادشي ا ياسر ليوم نخراو بالضحك ههه
رياض:من نيتك ا زمر
ياسر:ياااس من ريتي ونيتي ومنين ما بغيتي ههه
بهاء:ويالاه اصحبي لقاضية ساهلة ههه
يسرى:وا نوووض الحبيب نوض
جبدات لفون وبدات كتقلب فالفون حتا طلقات ليه الشعبي على حقو وطريقو شاخد وناض وقف ما عرف كفاش يبدا هه هز يدو لفوق بحال شكل طياىة وبدا يشتف وكيدور فبلاصتو طرطقو عليه بالضحك وهو ما عارف كيف يدير وحشمان هه وجهو ولا حمر راحت الهيبة ورااح البريستيج هههه😂😂😂
برك وعاودو دورو وهاد المرة جات فخولة وبهاء 
بهاء(سولها سؤال برييئ هه)شنو الحاجة لي ندمتي عليها واذا جاتك الفرصة تصلحيها ما تردديش
خولة:(سهات للحظات وقالت)بزاف د الحويج 
بتاسمو ليها وهاد المرة جات مرام وياسر 
مرام:حقيقة ولا جراة
ياسر:جراة 
مرام:تحدي ولا سؤال
ياسر:(بتقة فالنفس)تحدي
مرام:(بشر)ههه مرحبا غتنوض دير 30 طراكسيون
ياسر:(بفرحة)العز الغزالة عارف راسي عزيز عليك هه
مرام:(كضحك)اصبااار مزال مكملت..غدير طراكسيون كيف قلت ليك ولكن غتركب على ضهرك يسرى
ياسر:(خرج عينيه فيها)نعااام....

ياسر:(خرج عينيه فيها)نعاااام بعقلك نتي نهز هاد البقرة على ضهري وندير طراكسيون بغيتي فادي يخرجو 
جلنار:(بارتياح)والى ما قدرتيش نحكمو عليك..ها ونصيحة غير ديرها ولا غتجيك الدقة صعيبة نجمع ليك الصرف د النهار كامل ولا ديال 3 شهور كلها ههه
يسرى:نوض نوض العجل
رياض:(ببتسامة)سيري الله يعزك اشنيولة اول مرة ديرها زينة ههه 
مرام:يالا يالاه نوض نوض قبل ما نقلبها حساب 
ياسر:(فيه البكية)الله يحفضك ا جيل خوك انا الله يسهل عليك بدلي هاد الحكمة خوك را صحتو على قد الحال 
(كلشي كيضحكو عليه بالهصوص رياض لي بغاها فيه)
مرام:وا تغعد والله ما نشوف فبك..
ناض كيخبط فرجليه وفبه البكية نزل باش يبدا طراكسيون ما عرف يسرى منين نزلا عليه حتا باس الارض وعاود رجع كيف كان شاف اخر مرة فمرام لعل وعسى تحن الساعة هيهات هيهات معامن طاح ليوم تكرط ليه بلا ما خخخ
مرام:3..2..1.. goo
ياسر كينزل ويطلع روحو غتخرج ولا كيطلع بصعوبة كمل 15 ولا كلو كيترعد ويديه مهازينوش ورياض باغيه يطيح ومكرهش كون قالت ليه هو يبرك بلاصت يسرى ههه كمل عشرين يالاه غيزيد 21 وهو يطيح عرقان وكينهج 
رياض:احححح ربي معطلكش وغنتشفا فوالديك هههه
بهاء:(كيشوف فياسر وكيضحك)قو(شاف مرام كتشوف فيه و رجع قال)...كحلتيها اولدي ههه
يسرى(لي معرفات راسها كيفاش وصلات تحتوو كدفع فيه وتغوت)وععع نوض يعطيك الصعر خنقتيني..وامي عضامي اععع وا نووووض الخراا هنننن
جرو بهاء من فوقها وهو فاش بالضحك ومرام وخولة كدلك اما واحد رياض بقا غير يفركل فالارض بالضحك واخيرا نطقات ست الحسن والجمال
مرام:رتاح رتاح اولدي تابعك شلا وبلا والي ههه 
رياض:قرب حدها)حميمتك خليني نحكم عليه ها العار 
مرام:هههه ايه تفضل ا سيدي ولكن شفي غليلي فيه راه ليوم دار فيا مبغا هه
رياض:هههه كوني هانيا
مشا حداه وقال ليه تكَعد اولدي ليوم تشوف معايا التالي هههه 
ناض برك بعدما رتاح شوية وقال وهو موجد راسو لاي حاجة هه
رياض:انا لي غنحكم عليك
ياسر:لا هي لي غتحكم عليا بعد مني نتا 
مرام:الى حكمت عليك انا ما نتا فخير ههه
ياسر:همممم يالاه حكم نتا نشوف 
رياض:(بكل بىود مع ابتسامة مستفزة)ختحسن لحيتك 
ياسر:ها والا الا هادي ميمكنش الا مضهري مستحيل كلشي الا اللحية بغيتي تخليني باير اوهووو
مرام:(قالت حتا هي ببرود وهي كتشوف فدفارها)ادن غتحيد زغب د صدرك او تصلع لي بغيتي 
ياسر:واش حالفينها فيا نتوما
مرام$رياض:تمااااما هه
ياسر:(حار بيناتهم وفكر انو خاصو يخرج باقل الاضرار قرر يضحي)نحيد زغب من صدري
مرام:(ضحكات حتا تسدو عينيها وقالت)هي لولة (شافت فيسرى غمزاتها وهي فهماتها بالزربة وطلعات كتجري لبتها جابت لاسيغ ورجعات كتنهج)
يسرى:(مداتها لمرام)هاكي 
مرام:(خداتها وبدات كتحكها بين يديها بشر)حيد تيشورط بعدا
ياسر:(حيد تيشورط وتكا فالارض)اش داكشي بعدا
مرام:(بشر)هادي غير الحلاوة اولا لاسيغ بمفهوم اخر ههههه
ياسر:وااالاا ما كنتش عرف هادشي بعدي مني....

رياض:(دموع نزلو بالضحك)هههه وا ترجل اصحبي نتا لي ختاريتي
ياسر:(بترجي)الله يحفضك جلنار الا هادي غطيريه ليا من جدر وعععععع
مرام(جلنار):سمحلي هدي هي اللعبة ونتا لي ختاريتي
شدو بهاء ورياض تبتوه ومرام لصقات ليه لاسيغ على صدرو اما هو ولا كيتركل بحال الحولي فاش كتخرج روحو 
مرام:شوف ترخا مغتحس بوالو 
ياسر:(شهيق زفير)هووووف هوووف هوووف عفاك سربي را روحي غطلع 
(غمض عينيه ومرام معطلاتوش نتراتها ليه بالجهد حتا حل عينيه خارجين ووجهو ولا حمر وطلق واحد الغوتة تفيق الميت من قبرو)وععععععععع 
بهاء:(كيضحك عليه)نوض على سلامتك هههه
ياسر:(كيبرد فبلاصة لي نتراتها)احححح اميمتي اش هاد زبل هننننن طيرتيه من جدر المفدعسة تف تف هنن
مرام:را غنخسر معاك متبقاش تقول ليا المفدعسة وزيدون نتا لي بغيتي همم
ياسر:(بعدما بردات ليه)هوف باز ليكم كفاش تقدرو ديروها روح كتخرج 
مرام:هههه ايوا باش تعرف بلي حنا صح منكم وصبارات عليكم..زيد زيد نكملو 
رجعو بركو وبقاو كيدورو القرعة حتا جات فمرام وبهاء الدين لي كان مرتااح عارف راسو صفحة بيضة واش بصح ولا لا نشوفو..

مرام:حقيقة ولا جراة
بهاء:(بتقة)حققيقة
مرام:(للحظات كتشوف فيه وتفكر فشي سؤال)هممم شي حاجة درتيها وما قدرتيش تصارحني بيها 
بهاء:(صدماتو للحظات واستعاد رباطة جأشو وقال وهو كيحك فنيفو)احم والو
مرام:(عارفاه كيكدب وقالت وهي مسغرة فيه عينيها)متاكد!
بهاء:(عرفها عاقت بيه ودار نفس الحركة رغم انو تبت راسو لكن هديك الحركة كيديرها بدون ما يحس فاش كيكدب)احم وي
مرام:كتكدب..
بهاء:(شاف حتا عيا وقال)حكمي عليا
مرام:(بحاجب طالع وكتغدد من لداخل)ايه مرحبا..
بهاء:(قاطعها قبل ما تكمل)بلاما تقولي ليا حسن اللحية والله ما نحيدها وخخخا تعواجي
مرام:تتتتووو اصلا كتعجبني بيها...غادي دير جمد برجل وحدة ساعة والى تحركتي غنحكم عليك حكمة صعب منها 
بهاء:من نيتك كتشوفي فيا حال عيني غير بزز وعيان من صباح وانا خدام وجيت وباقي سهران 
مرام:(شافت فيه لقات عينيه حمرين ومسدوين عارفاه ولا كيضرب تمارة مضوبلة من نهار تكلف بالمطعم ولا كيوقف على كلشي..حيدات سنسلة من عنقها وقالت)هممم غنقاد ايك هاد السنسلة من السروال لور وغتخشيها فالقرعة ضبر راسك كيفاش دير المهم نعرفها غتخشا وبدون ما تستعمل ايديك
بهاء:هاا وكفاش غندير ليها انا
مرام:ضبر راسك 
ناض وقدتها ليه كيف قالت ليه وحلات ليه الفرعة وتبتاتها فالارض وبدا كيحاول يخشيها كيتحدر بحالا كيدير سكوات وكيرجع يطلع وكيعاود الكرة فجميع الجوانب كان منضر ما تبغيهش لعدوك لانو بقدو وقامتو وكيبان ليك كيتعصر بحالا فيه القبط باش يدخل السنسلة 😂😂ووالو حتى تعصب ووجهو ولا حمر 
رياض:(كيضحك)وا غير خليها تبدل ليك الحكمة
بها:(بنرفزة)دخل سوق راسك(شاف فمرام)اش هاد الزمر درتي ليا 
مرام:قول اش مخبي عليا ونعفيك
مجاوبهاش وعاود الكرة بدا بحالا كيلوز بالعرض البطيئ 😂 باش يدخلها وبعد عدة محاااولات تخشات حتى خرجات ليه الروح والدراري عواجو بالضحك عليه 
ياسر:وععععع وليتي بحالا فيك القبط ونتا كتعصر
خولة:(طلقات ضحكة عالية حتى ضارو كيشوفو فيها كاملين وبدات كتgراطي فيها)سمحولي ولكن المنضر ديالك كيقتل بالضحك هههه
مرام:(هزات فيها حاجب وقالت)وعلاش اختي كضحكي عليه هكا!!يكما بغا ندير ليك بحالو
خولة:(جمعات الضحكة وبتسمات ابتسامة صفرا)هه لا غير حيت ضحكني وصافي
سكتو للحظات وجرها حداه وعنقها اولا حاط راسو على كتفها ومغمض عينيه حتا نقزات يسرى
يسرى(مدات ليها لكيتار):بب عزفي لينا شوبة
مرام:(شافت فبهاء لي كان باين عيان د بصح وقالت:)حتل غدا ونديرو شي جليسة ونقصرو فيها 
الكل حرك راسو بالايجاب 
رياض:وي اصلا عيانين وجانا نعاس وقفو وتفرق المجمع بعدما تمناو ليلة سعيدة لبعضياتهم بهاء مشا لبيتو بعد اخد و رد هو ومرام ورفضات تبقا معاه فنغس البيت مشات لبيت يسرى بدلات عليها هي ويسرى وتخشاو فالفراش وسرعان ما غطو فالنوم..اما بهاء الدين غير دخل حيد حويجو ولبس شورط لقاه تما و تلاح فالفراش وبقا يتقلب شمال يمين حتا طار عليه النعاس 
#فغرفة_خولة
لابسة شوميز فالبلون كاسي مقابلة مع المراية وكتقاد فالعكر ديالها مع ابتسامة ماكرة قدات شعرها وهزات صدرها وخرجات من لبيت على صباع رجليها كتمشا 
#عند_بهاء
لي كان لابس غير شورط وعضلات بطنو بينين وشعرو مخربق بطريقة مهملة لكن عطاتو جادبية خاصة خرج من البيت فاتجاه بيت يسرى...

خرج من لبيت وهو كيحك فراسو توجه لبيت يسرى وقف وحط ودنو على الباب ما سمع حتا حس دق جوج مرات وتلاتة ما رد عليه حد تشجع وحل لباب بشوية وهو خايف يشوف يسرى فشي وضع ماشي هو هداك دخل راسو ساد عينيه ما سمع حتى حس وحل عين وتبعها لخرى تنفس بارتياح ودخل بانت ليه يسرى معنقة مرام وهو يعقد حجبانو ومشا حيد ليها يديها وقبل مرام على جبينها وقال..بهمس
حلفت تباتي حداية وماشي انا لي نحنت هه 
-هزها بين يديه بخفة وملامح وجهو بين فيهم الراحة وتمشا لجيهة بيتو..حسات براسها مهزوزة وكتحرك حلات عينيها بتتاقل شافتو هازها عنقاتو كتر وتخشات فيه وعاود غمضات عينيها كيحساب ليها غير كتحلم اما هو زادت وساعة ابتسامتو فاش شافها دارت هكاك زاد عدة خطوات وانتفضات من بين يديه جاب الله حاكمها اما كون طاحت من بين يدو
مرام:(مخرجة عينيها)اش كدير ويلي على شوهتي فين غادي بيا 
بهاء:لارد
مرام:هنننن واتي فين غادي حطني نرجع فحالي
بهاء:لارد
مرام:وا بهاء رجوع الله حطني حميمتك 
بهاء:(شاف فيها بجدية وقال)سكتي
مرام:(خرجات فيه عينيها)حطني ولا نغوت
بهاء:غوتي نشوف
مرام:هنننن (بدات كتركل ليه وهو مزيرها)
بهاء:بلاما تحاولي ا مرام عرفاني ما نقدرش نعس بعيد عليك 
مرام:وراه حنا ماشي فالدار بوحدنا فاش تفيق يسرى اش غتقول عل
قاطعها بهاءالدين بقبلة طويلة وشبه عنيفة حتا تقطعات فيها النفس وصقلات مرة وحدة معاوداتش دوات اما هو بتاسم برضى هه وتم داخل لبيتو لي سدو بعدما خرج لكن لقاه مردود وقف لبرهة ودفع لباب برجليه وهو هاز مرام فايديه....

دخل وخرجو عينيه ومرام ما كيناش فهاد الدنيا مخشية فيه وساكتة حتا قال بنبرة غاضبة
-اش كديري هنا نتي..واش هاد زبل لابسة!!!
خولة غير شافتو هاز مرام فايديه مكرهاتش تشق الارض وتبلعها ..كانت متكية على السرير ودير وضع مثير الشوميز طالع حتا سترينغ كيبان لو ما كانتش لابساه كن كلشي غيبان..جمعات الوقفة فاش شافت مرام دورات وجهها عندها مخرجة عينيها نزلات من بين يديه ومشات عندها بسرعة قالت بغضب 
اش كديري هنا؟؟ شنو جابك عندوو؟دوي الحمارة
خولة:انا..انا غير غلطت فالغرفة يحساب لي ديالي
مرام:(صرفقاتها حتا دار وجهها)يا الكلبة يحساب ليك غدوزيها عليا بهاد الهضرة هاا (شداتها من شعرها)ليوم ندير لمك الشوهة الق****
جراتها من شعرها قدام بهاء الدين لي ما قدرش يدخل نهائيا حدو فاش تبعها وهي نخرجها وخولة كتغوت من الحر نزلاتها هكاك عريانة حتل لتحت فحين لخرين كلهم سمعو الغوات وخرجو كيجريو نزلو لتحت لقاو مرام كتنتف فخولة وتصرفق فيها وتعض..
مرام:(شدها بهاءالدين لعندو)مرام زغاي غتقتليها
مرام:(كتنتر)طلقني نوري لكلبة مها ضور ليا بيك اعععع طلقني نشتف على والديها وااا طلااق
تسلتات من يديه ورجعات ليها كتغزز فيها شداها من شعرها كتدي وتجيب فيها جروها غير بزز عليها حتا الشعر بقا ليها فايديها ومع دلك بغا ترجع ليها حتا جرها بهاءالدين بالسيف عليها وغوت عليها بسمميتها حتى صقلات
بهاء:(بصوت مرتافع ونبرة غاضبة)مراااام رصااااي 
جرها وراه وطالع ليه الدم اما خولة فسخفات من بعد ديك القتلة لي عطاتها مرام غطاتها نزهة بايزار جابتو ليها الخدامة بشوفة ناقصة وحتا واحد ما قدر يهضر على قبل زياد لي كيحسابوه باها حتا مشا عندها وقفها وصرفقها بحر جهدو حتا تسمعات وبغا يجري عليها فداك الليل حتا دخل محمد ونزهة ورياض عاد خلاها تتبات حتل الصباح...نرجعو عند الحيبان ديالنا
بهاء:(كيغوت)واش مسطية ولا مال مك..علاش درتي ليها ديك الحالة
مرام:(وهي تصوط ردات عليه كدلك بصوت عالي وغاضب)الى بقات فيك سير عندها ولو شفتها دبا قدامي غنعاود نوريها شغلها مزيان وما غنترددش ندير ليها اسوء من داكشي لي درت
بهاء:(بغضب)واش انا مونبكة قدامك ما كديريش ليا حساب وكلمتي ما مسموعاش..ما تخلينيش ندير شي حويج لي ينفروك مني..

مرام:(بعصبية)اش غدير كاع ها!!
بهاء:(كيصوط وكيزير على قبضة يدو وكيدوي تحت سنانو)مرام سكتي بلا تكتار الهضرة را غنضربك
مرام:(شافت فيه للحظات)وليتي باغي ضربني على ود قحبة
بهاء(ضربها لفمها بشوية باش ما توعتش)سكتي ولا غنهرس لوالديك هاد الفم لي ولا غير كيخرج بلا حباسات
مرام:(تجمعو الدموع فعينيها وقالت بعصبية وهي كتحاول تخبي دموعها)سير تقود بعد مني اخر مرة تحط عليا يديك ولا تهضر معايا
بهاء:(صدماتو بديك الحلمة خرج عينيه وهز يديه حتل السما ونزل عليها وقال)نتي ماشي ديال الحزارة باقا تعاوديها نريب لمك سنانك نسمعك كتخسري الهضرة ما تلومي غير راسك 
مرام:(تلاحت عليه كضرب وتنتف فيه وتقول)شحون نتا الحمار لي ضربني هننن شكون تفو عليك اوجه الخصية...اعععع(عضاتو)
بهاء:(جابت ليه الضحكة مع كتنتف فيه وضرب حتا عضاتو)احححح جهل احح تي طلقي وا تي طلقيي اححح مرااام را غنضربك...

مرام:والله ليوم ما يفكك مني شي واحد انوريك انا تعيرني على قبل كلبة د الخلا اجي لوالديك لهنا (طلعات فوقو وضورات رجليها على خصرو وهو كيضحك ويطاكي على راسو)هااا لي يخاف على وحدة خراا وهاا لي يغوت عليا ويضربني (ضرباتو بكروشي لجنب فمو)
بهاء:(شد بلاصة الضربة وخنزر فيها)احح را غنكرد مك نزلي عليا 
مرام:(نزلات وعاودت هزااات رجليها عطاتها ليه للصدر حتا رجع لور مخرج عينيه فيها)واش بصح كضربيني!!
مرام:(زادتو كروشي ولكن طاكااا ههه)رصاي من لبسالة 
مرام:(ضارت وطلعات لبه فوق ضهرو بحال شي قرد معلق وبقات كتنتف فيه وتعض ليه فودنيه قرفادتو فينما لقات فين تشد تعض)يالاه شد لمك 
بركات فوق سرير كتنهج وهو مقابل معاها معصب وعاقد حجبانو اما هي كطلع فيه وتهبط وتعض على شفايفها كان كلو مشعكك وعاد سنانها مطراسيين فلحمو وكلو حمر شافها هكاك كضور فعينيها وحابسة ضحكة وقال 
-غير طلقيها 
معاودتهاش معاه بحالا كانت كتسنى غير لي يعطيها الاشارة ضحكات من قلبها ديك العصبية كاملة مشات ورجعات ضحك ..كضحك وضرب فايديها وفخاضها وتقول 
-شوف كيف رجعتي بحالا الفروج لمريش هههه
بتاسم لضحكتها وعجبو منضرها وهي كضحك من قلبها نسا اش دارت فيه وهداكشي لي كان كيحلف عليها بيه تكا وناضت تكات حداه حتا هي وقالت بعدما تنهدات 
-بهائي!
شاف فيها باستفهام عمرها ندهات باسمو بهاد الطريقة عمرها ضافت على اسمو ياء الملكية وقال ببتسامة 
-نعام
مرام:(شافت فيه بنضرات بريئين)سمحلي عيرتك وخسرت الهضرة قدامك
بهاء:(بجدية كانو عاد تفكر كلامها وقال بتحدير)اخر مرة ا مرام ولا غتشوفي مني لي ما تعجبكش..ما نبغيش المراة لي غتكون مرتي مستقبلا وام لولادي تكون تهضر بهاد الطريقة د الزنقة 
مرام:(تحسسات من كلامو وقال)مجرد لحظة غضب ودازت انا عمرني نوصل لهاد المستوى لي وصفتيني بيه نتا..وويدون راك كتقول كتر منو حاسب نفسك قبل ما تحاسب غيرك خليت ليك الراحة (ناضت)
بهاء:(جرها خشاها فيه)سمحيلي غير بغيت نفهمك بلي حشومة الانثى تخرج بحال داك الكلام وهي خلقت لتتدلل وخلق لها الجمال ماشي باش تقول هاد الهضور حشومة 
مرام:(بصوت خافت)همم اوك 
بقاو للحظات ساكتين حتا ناض بهاء الدين وطلع فوقها بطريقة قفزاتها لانها كانت سارحة فافكارها وقال ببتسامة شيطانية
-حبيبة مغطلقيش سراحي!!!

مرام:(شافت فيه لبرهة وقالت باستفهام)كفاش مفهمتش!!
بهاء:(ضحك ونزل باس شفايفها ورجع شاف فيها)توحشتك بزاف 
مرام:(بخجل)ويلي نعل شيطان 
بهاء:الله ينعلو ويخزيه..وا طلقينا لفراجة
مرام(بطنز):بلازما انا
بهاء:نووو الحب نتي 
نزل على شفايفها كيبوس ويقول ما بست وهي كتحاول تبعد عليه حتا عصباتو وحكمها بيديه ورجليه ما بقات فادرة حتى تحرك قال وعينيه نيمين
-حياتي رتاحي...نهار قرينا الفاتحة فحنا قدام الله راجلك ونتي مرتي اذا كان على لاكت فهو مجرد اثبات قدام العباد 
مرام:ولكن
بهاء:تيقي فيا
حركات ليه مرام راسها بالايجاب وهو بتاسم ليها ونزل كيقبل شفايفها بطريقة خلاتها تجاوب معاه وترتاح كتر..قبلة فرنسية بامتياز خلات شهوة كل واحد فيهم تحرك ويطالب بالمزيد حيد لمرام حويجها وهما فغمار القبل والاجساد على يعضها خلاتهم يزيدو يحسو بالنشوة اكتر واكتر نزل كيقبل فعنقها بلهفة وكل بلاصة كيخلي فيها رمز ملكيتو...

كانت مرام متجاوبة معاه حسات بلي هادي احسن طريقة تعبر ليه على مشاعرها وطبع عليه رموز ملكيتها ليه...اما بهاء فنسى الدنيا وهو كيرشف حلاوتها امطرها بكلمات الغزل الحب والعشق خلاها هايمة اكثر واكثر دازت عليهم ساعات وهما فغمار ممارسة الحب حتى انتهى بهم المطاف بفض بكارتها لي ما حساتش بالالم بزاف نزل راسو وهو مبتاسم برضى لكن مبان ليه لا دم لا والو عاود هز راسو فيها...

مرام:(مصدومة)انا انا عمرني غلطت مع شي واحد ا بهاء تيق بيا نتا اول واحد فحياتي ما عمر شي واحد قاصني غيرك دبا😭
بهاء:(باس جبهتها)عارف احياتي غير سكتي وتيق فيك غير تهناي
مرام:(كتشهق بالبكا)ولكن الدم و انا ما حسيت بوالو بحالا معنديش بكرة اهى اهى
بهاء:(كيحاول يهدنها)مرام غير سكتي راني عا
مرام:(شدات ليه فوجهو وقاطعاتو فبل ما يكمل كلامو)كنقسم ليك بالله ا بهاء عمرني دويت مع شي واحد ولا قاصني شي واحد نتا اول انسان بغيتو وسلمتو نفسي كنقسم ليك تيق بيا انا ما عرفتش هادشي كفاش طرا ولكن عمرني درت شي حاجة خيبة اهئ اهئ صدقني
بهاء:(جرها عندو وعنقها)عارف ا مرام عارف غير تهدني..كينين بنات كيتخلقو بدون بكرة وكين لي ما كينزل منها والو انا عارف بلي نتي عمرك شفتي فشي واحد عارف غير رتاحي والى بغيتي نمشيو عند طبيبة وتشرح ليك باش تفهمي
مرام:(شافت فيه وعينيها ونيفها حمرين بالبكا)بصح احبيبي!!
بهاء:(ببتسامة)اه حياتي غير خوي بالك 
مرام كتنخصص فحضنو وهما فوق السرير وما لابسين والو تكا وحطها فوقو وهي مازال كتشهق مرة مرة...يدو على شعرها كيقبل راسها حتى حس بيها نعسات وقادها فبلاصتها جر عليهم لغطا وتخشا فيها وهو مبتاسم حتى سرح عجول لاخرة
#اصبحنا_واصبح_الملك_لله
كانت الساعة 7:30 صباحا
فاقت مرام هي لولة كتفوه شافت فيه لقاتو معنقها وناعس ابتسمات وهي كتفكر ليلة لبارح لكن سرعان ما تمحات ابتسامتها فاش تفكرات بلي ما نزل منها لا دم لا والو نزلو دموعها بخوف...

ودخلها الشك فراسها ما عرفات ما دير من غير تنوض دوش وتلبس عليها بين ما فاق بهاء الدين قبلاتو فشفايفو وناضت بتثاقل للدوش فحين لتحت كان كلشي ناعس بحكم تاخرو باش نعسو وعاد كين لي خسر فيه النعاس فاش فاقو بسبب خولة...كملات دوشها وخرجات بالفوطة هزات حويجها لبساتهم ونشفات شعرها بالفوطة وخلاتو على راحتو شافت الساعة لقاتها 7:30 بركات فوق الفوطوي مقابل مع السرير هزات رجليها عند صدرها وحطات ايديها عليهم ودقنها فوق ايدها وكتشوف فبهاءالدين وعقلها كيدور كيدي وكيجيب افكارها متضاربة والخوف خدا حيز كبير فقلبها دموع نزلو ليها رغم انو واساها وبين ليها بلي هو تيق فيها لكن الخوف كان مسيطر عليها لانها فينما كانت كتسمع لبنات كيهضرو على هادشي كانت كتسمعهم بلي اي وحدة دخل عليها راجلها كيخرج منها الدم وكتوعت حتا روحها كتبغي تخرج وزيد وزيد توسوسات وزلات كتفكر بعيييد لدرجة فكرات انها ممكن تغتاصب وهي صغيرة معارفاش وزيد وزيد اسوء الافكار طاحو عليها...تقلب بهاء وهو كيقلب عليها بايدو فوق السرير لكن ما لقا والو ناض طافج كيقلب عليها حتا لقاها فوق الفوطوي باركة ودموع ديزين على خدها لبس كالسون ومشا حداها جلس على صباع رجليه(قَرَّضْ اذا عرفتوها)وحط ايدو على خدها بصوت مبحبح 
-علاش كتبكي احياتي ياك دوينا لبارح
مرام:(كتشوف فيه وعينيها منفوخين وحمرين)غتخليني ياك..اهئ انا طلعت بلا شرف اهئ اهى اكيد غتشك فيا بلي ممزياناش😭😭😭
بهاء:(بنفس الصوت وعينيه مجبدين بالنعاس)ششش مغتفرقني معاك غير لموت عاد البارح واعدتك قدام الناس وزيدون انا باغيك كيفما نتي وما عنديش اشكال البكرة ماشي هي اخلاقك ولا سبب وجودك فحياتي..وباش تهناي وتحيدي منك هاد الافكار غنمشيو لعند شي دكتورة نسائية تشرح ليك مع اني متاكد من الكلام لي قلت ليك هو لي كين
مرام:حلف عمرك تخليني
بهاء:(بتاسم على برائتها وسداجتها)كنحلف ليك باسم الخالق عز وجل عمرني نخليك..اصلا انا عايش غير حيت نتي فحياتي
مرام عنقاتو كتبكي وهي مرتاحة نسبيا من كلامو حتا بردات ودموعها تحبسو وقالت ليه وهي كتبكي يالاه نمشيو دبا للشي عيادة 
بهاء:(بتاسم وقال)واخا ندوش ونمشيو 
مرام:(حركات راسها بالايجاب وهو بتاسم ليها وناض)كنبغيك
بهاء:حتا انا كنبغيك 
دخل للدوش وخرج بعد 15 دقيقة بتاسمو لبعضهم وهو نشف لحمو ولبس حويجو لي كان بيهم فالحفلة اما مرام ففاش دخل يدوش مشات لبيت يسرى هزات لبسة من عندها لبساتها شد فيها وخرج مشاو بلا فطور ركبو على درجتو النارية باتجاه اقرب عيادة دخلو بزوج لقاو جوج د النسا قبل منهم وحدة بوحدها والتانية مع راجلها وكانت حاملة والدكتورة عاد داخلة ببتسامة كانت امراة فالاربعين من عمرها لقات التحية ودخلات واكيد تبعاتها المراة اللولة وتبعاتها التانية..
ممرضة:مدام تفضلو معايا
بهاء:(حرك ليها راسو وشد فمرام لي كانت مترددة وخايفة تسمع شي حاجة تصدمها)حياتي جات نوبتنا يالاه ندخلو 
-دخلو بزوج وبركو قبالتها فالبيرو ديالها
بهاء ومرام:بونجوغ
دك:بونجوغ..فاش نقدر نساعدكم
بهاء:(شف فمرام لي كانت صفرا وقال بجدية)هادي مرتي ولبارح كانت دخلتنا الحمد لله داز كلشي مزيان من غير حاجة وحدة هي انو مراتي منزل منها لا دم لا والو وما حساتش بشي حاجة ...
دك:(بتاسمات)اوك تفضلي معايا الالة
تبعاتها مرتم بدون كلمة وطلبات منها تسطح على سرير د الفحص وتزول السروال والسليب وباشرت ففحص جهازها التناسلي للحظات شافت فيها ببتسامة وقالت ليها
دك: لبسي حويجك وغنتسناك على برة 
حركات ليها راسها بالايجاب ودك خرجات ما كانوش جوج دقايق كانت جالسة حداهم ةباشرات دك كتشرح ليه الحالة ديالها ببتسامة
دك:ما عندك مناش تخافي ابنتي ونتا اسيدي الحالة د مرتك جد عادية الاشكال لي كانو هو انو الزوجة ديالك البكرة ديالها كانت قريبة بزاف من الفُتحة وكان الغشاء رقيق بزاف داكشي علاش ما حسات بوالو ونتا اكيد راك حسيتي بشي حاجة(حرك ليها راسو بالايجاب)وبالنسبة للدم فماشي البنات كلهم كينزل منهم الدم كل بنت وكيف كتكون كين لي كينزل منهم الدم وكين لي كينزل ماء وردي وكين لي كينزل منهم ماء عادي وكين بي مكينزل منهم والو بحال الحالة د الزوجة ديالك
مرام(بتردد وكانها بغا تزيد تاكد):يعني انا كنت فييغج 
دك:وي مدام كنتي فييغج 
مرام عاد رجعات فيها الروح وطلقات تنهيدة مسموعة كانها لاحت بيها جبال من الهم شكىوها وهرجو خلصو ورجعو للدار ديالهم لي فالحي الشعبي وكيف العادة الاعين كلها حاضياهم والحنزازا عطاهم الله الخاتم كان بين فايد مرام لي كانت حاطة ايديها على صدرو ومع اشعة الشمس كان كيلمع...

ووجها على ضهرو مغمضة عينيها معلى بالهاش بالعينين لي عليهم..
البنت:واش هدوك تزوجو!!!
بنت٢:مانعرف اختي شوفي..شوفي الخاتم كيف داير
البنت:كيبان واااعر وبين عليه غالي
البنت٣:ياختي بين بلي تزوجو شوفو الضحكة لي بينا فوجهو والراحة لي على وجهها هي..
البنت٢:ما مشات حتا داتو شفتي المقرصات علاش قادات غندب جنابي انا هنن
البنت٣:هادي ما تكون غير ديرة ليه شي تبيخة السيد غير جا ولصق هاد اللصقة لله فسبيل الله
البنت:واللهيييلا عندك الحق ابنت السعدية بحالا موكلاه سبرديلا انا عمرها تنسا ليا نهار ماتت مها والوقت لي كان ميتفرقش معاها 
البنت٢:ياختي دقتها صحيييحة انا بقا فيا غير راسي هاد الساعة 
البنت٣:وا ىا كووولنا بقا فينا راسنا البوغوص ديال الدرب ولي مصوفي وعيش مزيان ونقي فحالتو جات غير ورانا ولوات عليه الحاصول سيرو خليوني نتلاح فحالي قبل ما نولي فشي طاب وشي مطاب مع مِّي
كلام الناس ما كيتقاداش درتيه خيبة ولا زوينة عمرك تسد الفام ضروري يلقاو شي تغرة منين يشدوك...
وصلو قدام باب الدار وقف الموطور ونزلات منو مرام فرحانة وطايح عليها سر العرايس..نزل حتا بهاء وشد فايديها ودخلو للدار سد لباب وقنتها وراه ونزل عليها بالقبل الفرنسية لي كتفشلها للحظات بعد وقال ببتسامة
رتاحيتي دبا؟
مرام:(عينيها كيلمعو)اه هه
بهاء:(كيتفوه)الحمد لله عرفتي باقي فيا الموت د النعاس ما نعسناش بكري وفقنا بكري ونتي فقتي قبل مني اجي نكملو نعاسنا
مرام:والخدمة مغطلش عليها؟
بهاء:غناخد روبو محمد مبلاصيني الى كانت شي حاجة غيعيطو ليا
مرام:واخا..ولكن بلاتي نوجد ليك شي حاجة تاكلها
بهاء:هههه اش غتوجدي ليا ونتي فانية فالطياب 
مرام:(ميقات فيه)كنت غنجيب ليك عصير وشي حاجة ولكن دبا والله لا طاح فكرشك بقا تحك فيها(مشات وخلاتو كيضحك)
بهاء:(تابعها)بسكش..توتو..الحب..فسس..غير ضوري شوفي فيا بعدا
مرام:(مكملة طريقها)سير عطيني تيساع اوجه جوع غير لي بغا يدير فيك الخير 
بهاء:(وقف قدامها)صافي حبيبتي ما نبقاش نعاود غير كنضحك معاك..وزبدون حتا واحد ما تخلق معلم(قبل شفايفها وجرها وراه)واصلا انا باغي غير نعس هاد الساعة وحتا نتي خاصك ترتاحي راك منعساش
تبعاتو مرام وهي كضحك وفرحانة مقدهاش الدنيا حتا وصلو البيت د ماماها 
مرام(وقالت باسى..):اجي نعسو فبيت ماما
بهاء:(شاف فيها للحظات)واخا حياتي اجي معايا
هزها بين يديه ودخلو لبيت لي كان كيف ما دخلات ليه اخر مرة وحطها على سرير وقال بتسامة 
-حبي 
مرام:همم
بهاء:توحشتك
مرام:(شافت فيه بخجل)ههه هاني حداك 
بهاء:(كيحيد فحويجو)اش بان ليك نخدمو على واحد المشروع
مرام:(على نيتها)اشمن مشروع
بهاء:(بشر)الوليدات احبي
مرام(تزنغات):سير الله يعيطيك معطا لغراب الماسخ لاخر 
بهاء:ههههه الله يحفضني وتبغيي ليا السوء هاه
مرام:(عنقاتو)نتا لي بقيتي ليا غير كنضحك معاك احبيبي الله يحفضك وينجيك
بهاء:(باس راسها)امين احياتي 
مرام:امين...(ناضت من حداه)
بهاء:(باستغراب)فين غادا
مرام:نجيب حويجي باش نبدل
بهاء:احي نقول ليك 
مرام:(هزات فيه حجبانها)اش بغيتي قول من تما
بهاء:وا غير اجي نقول ليك وسيري
مرام:لا قول من تما
بهاء:(بنبرة جدية)اجي لهنا دويت معاك
مرام:(كتشوف فيه وتنهدات وتوجهات لعندو)نعام
بهاء:(جرها حتا طاحت فوقو)انا نعاونك احبيبة بلاما تعدبي ليا راسك
بدا كيحيد ليها فالحويج بياسا ببياسا وفاش كيوصل لشي بلاصا كتيرو كيتنهد من اعماق اعماق قلبو ويكمل حتا خلاها صولو وخشاها فيه وقال
بهاء:(براحة)هكا احسن وغترتاحي كتر

تخشات فيه بدون ولا كلمة وحتا هو كدلك زاد خشاها فيه قبل راسها وبقا كيلعب فشعرها حتا نعسات وعاد نهس موراها....
#فمكان_اخر 
واقف اسد فبالكون لابس سروال د سيرفيط والفوق عريان ودير كاسكيط شاد لفون وكيدوي بعصبية 
اسد:واش عارف شنو داكشي لي صيفتي ليا فالضرف ولا لا
.......:سيدي انا نفدت غير داكشي لي كلفتيني بيه المعلومات لي قلتي ليا جمعتهم 
اسد:شكون هداك لي فالصورة شكون
.....:اينا وحدة
اسد:لي كيشبه ليا
.......:هداك اسيدي رياض بن عمرو الاب د جلنار بن عمرو والمعروفة مرام كان جندي برتبة رفيعة فالجيش وعاد عندو بوست فالمخابرات المغربية عندو عدة مشاريع لي
اسد:(بعصبية)انا ما بغيتش نعرف هادشي بغيت نعرف علاقتو مع الواليد وعلاش كيشبه لي حتل ديك الدرجة
.....:سيدي الاب ديالك كان تعرض لغارة مخابراتية من طرف رياض بن عمرو وكان تقتل فيها ولدو الكبير 
اسد:(هز حاجبو باستغراب)على كان عندو شي ولد من غيري؟
......:اه ا سيدي اسمو يحيى 
اسد:واخا بغيتكم ليوم فالليل توجدو ليا الطيارة ونبغيك تبحث لي اكثر فهاد الموضوع
......:واخا سيدي
فصل الخط وهو ساخط و محتار مفاهمش اش واقع لاول مرة كيحس بتفكيرو مشلول ما قادر يعرف والو برك علىالفوطوي لي فالبالكون وترخا كيفكر فهادشي لي شاغلو....
#عند_مرام_وبهاء
كانت الساعة 6 مساء مرام وبهاء الدين منشورين على بعضياتهم والفون كيصوني مد بهاء يديه وبدون ما يشوف لفون اولا شكون متاصل جاوب بصوت تقيل مع بحة د النعاس
يسرى:افينك الق***** نهار كامل وانا نصوني عليك مكتجاوبيش كلا ليك الحلوة يا بنت اللذينة(بالمصرية)
بهاء:الوو
يسرى:(حيدات لفون من ودنيها كتاكد وعاود رداتو باحراج)الو
بهاء:واخا على مك البرهوشة اش هاد الهضرة كتقولي لمرتي
يسرى:ها اه بسلامة ماما كتعيط حتل من بعد ونهضرو اوك باي سلم لي على جلنار
قطعات عليه بلا ما تسناه يجاوب شاف الساعة وحطو فوق الكوافوز لي فجنبو وحط راسو على المسند كيحك فجبهتو حتا صحصح و عاود هز راسو فمرام لي كانت منشورة عالاخر كل رجل فجيه وفمها محلول ضحك على منضرها وناض قادها فبلاصتها وغطاها رجع لبس حويجو ومشا لبيت مقابل مع بيتها جبد حويجو من الماريو لبسهم ومشا للدوش غسل وجهو وقاد شعرو رش بارفانو لي مبقاش د العبار ولا ماركة وهز سوارتو وخرج لبيتها طل عليها باس جبينها وهز لفون ديالو وخرج من الدار توجه لمحال مختص فطاكوس خدا جووج والموناضة طرك الحانوت خدا السقاطة وتوجه للدار حتا تلاقا مع عشرانو القدام وكان معاهم فؤاد..
ايوب:افين ا عشيري غبورات هادو
بها:(دار عندو وابتاسم)غير الدنيا الخاوة صافا عليك(سلمو على بعضياتهم سلام رجولي وكدلك على الشباب لخرين الا فؤاد لي استاذن ومشا فحال سبيلو)
رضى:توحشناك اساط ما بقيتي غاع كتبان
بهاء:غير مع الخدمة وصافي ما كنلقاش حتا الوقت فين نحك راسي
محمد:ايوا الله يعونك الخويا ويسر امورك(ضرب على الخاتم فايدو)تا خطبتي ولا
بهاء:هههه تزوجت اعشيري ماشي غير خطبت
ايوب:اواااه وما عرضتيش علينا اصحبي غتخلص الفالطة
بهاء:مزال مدرنا العرس مرحبا بيكم 
رضى:وشكون هاد سعيدة الحظ
بهاء:(ببتسامة وعيون كتلمع)انا لي سعيد الحظ هه
ايوب:(قاطعو)ما تقووووولش ليا مرام
بهاء:(بافتخار)هي هاديك ههه
رضى:اواااه البوغوصة ديال الدرب
بهاء:(خنزر فيه)ولات مرتي وقيلة وزن وعرف اش تقول
رضى:(هز يدو)هه سمحلينا العشير راك عارف صدمتينا 
بهاء:المرة جاية غيكون تصرف تاني
ايوب:(بغا يقلب الموضوع)ايوا ايمتا العرس توحشنا النشاط
بهاء:قريب انشاء الله فاش يوصل الوقت نتوما لوالا..(لفون كيصوني جبدو)
محمد:جاوب المدام كتصوني هههه
بهاء:(بتاسم لبهم واستادن باش يمشي)العشران خليت ليكم الراحة اديوس
محمد:تهلا وما تغبرش الخاوة
بهاء:كون هاني..يالاه غيجاوب وهو يتقطع وعاود دوز الخط بسرعة وقال 
بهاء:الو
مرام:بهائي فينك!!
بهاء:(ببتسامة)خرجت نجيب ليك متاكلي انعاسة هه
مرام:ههه علاش ما فيقتينيش
بهاء:بنتي ليا مرتاحة وما قدرتش نفيقك
مرام:اممم واجي دغيا خليتيني بوحدي
بهاء:هانا حبيبة عند لباب....
.....:السلام عليكم

شاف وراه وهو مازال شاد لفون بكتفو والساروت فايدو التانية وقال باستغراب
وعليكم السلام
......:واش دار ادريس هادي
بهاء:(شاف فيه مصغر عينيه وقال)اه هي هادي كين شي ما نقضيو
......:(عطاه ظرف)هاد الدار غدخل فالسيزي الى ما تخلصش لكريدي لي عليها 
بهاء:حبيبة شوية وندخل 
مرام:وخا 
فطع معاها وكمل كلامو 
بهاء:كفاش كريدي؟
.....:كان خدا كريدي من البنكا ورهن هاد الدار تقريبا شي عام دبا وما بقاش كيخلصو واذا ما تخلصش الكريدي من هنا لشهربن غيتم الحجز عليها
بهاء:ام واخا شحال فيها د الكريدي
.....:عليها 10 د المليون 
بهاء:(بعد لحظات صمت)واخا غدا نكون عندكم ولكن اوراق الملكية بغيتهم يتحولو باسم شخص اخر
.....:هادشي اخويا كتصيبو عند النوطير حنا كنعرفو غير الكريدي يرجع ولي علينا كنعطيوك ورقة كشمن حقك فالدار وبلي نتا لي كتولي المالك الجديد 
بهاء:اوك..غدا نكون عندكم تما
ودعو ومشا وهو دخل ببتسامة على وجهو لقا مرام باركة فالصالون ولابسة كولون كري كيبين اللحم من جيهة الفخاد وطوب ابيض وفيه الاسود وشعرها كعكة مهملة لقا السلام وقبلها من شفايفها وحط لبلاستيكات فوق الطابلة 
بهاء:حبيبة فشلت بالجوع نهار كامل ما واكلين والو نوضي وجدي لينا هادشي
مرام:(ببتسامة)واخا حياتي ناضت وهزات معاها البلااااستيكة قدات طاكوس فالطباسل وهزات جوج كيسان كبار شوية وعاد قادات سقاطة فواحد طبسيل غارق بحال الزلافة كبيرة 
مرام:بهااائي
بهاء:نعااام
مرام:اجي هز معايا هاد شي ما فيا لي يبقا يمشي ويجي 
ناض بتثاقل من بلاصتو وهز معاها ومشاو لبيت فين تعشاو فجو مليئ بالضحك والنشاط حتا سالاو....
مرام:حبيبي شكون داك السيد لي كنتي كدوي معاه
بهاء:(معنقها)ماشي مهم احبيبة نساي 
مرام:ام واخا (شافت فالساعة)همم باقي الحال يالاه نخرجو ولا نديرو شي حاجة 
بهاء:مفيا لي يخرج احبيبة غير سمحيلي حاس براسي تقيل مع نعست بزاف
مرام:(دلات شنايفها)وراه مليت انا
بهاء:بغا تهرسي الملل؟(مرام حركات لو راسها بالايجاب)شطحي ليا 
مرام:(بتاسمات)والله ايلا فكرة هادي هه ...

بهاء:(بفرحة)بصح غتشطحي؟؟
مرام:(بخبت)واه صبر شوية..وحيد معاك هاد الطبلة بينما جيت
بهاء:(بحماس)واخا 
مشات بخطوات سراع لجيهة بيتها وهي مبتاسمة اما هو ناض بلا عجز علبه حيد الطابلة وقاد الدنيا فحين مرام لبسات لبس الرقص عبارة عن سوتيان وصاية مفتوحة من جناب حتل الخصر طلقات شعرها ورشات عطر خفيف برائحة الرمان ونزلات عندو على صباع رجليها اما هو كان جابد اليوتوب ف tv وكيقلب على شي اغنية حتا قالت ليه بصوت خفيف على شكل همس ختارق جدران قلبو وهي محنية عليه و شعرها نازل على كتافو استنشق ريحتها وتنهد مغمض عينيه..
مرام:دير DILBAR 
بهاء:(شاف فيها وخرجو عينيه وقال بغباء)ها!!!!!!
مرام:هه ارا ديك تيليكوموند 
خداتها من عندو بخفة ودخلات ليها وهي عاضة على شفايفها طلقات الاغنية زادت فالصوت حتا ولات كتسمع لعند الجيران وضارت عندو ببتسامة كبيرة على محياها هاديك راه موهبتها وفيها كتلقا راحتها بدات فالرقص بحماس وبهاء متبعها فكل حركة دارتها كتيرو وكتخلي رجولتو تحرك وفمو محلول عالاخر اما عينيه ما كيرمشوش كل مرة كتمايل فيها كان سهم كيضرب قلبو وكيخليه يتنشوى بشوفتها اما هي نسات راسها ونسات الوقت ودخلات لعالمها الخاص وكتحرك برشاقة 

سالات الاغنية وسالات معاها حتى مرام شافت فيه لقاتو حال فمو فيها وما هي الا تواني حتا ترسمات ضحكة عريييضة طوييلة على وجهو مبين انها ابتسامة رضى طلق تصفيرة طويييلة دليل على اعجابو برقصها 
بهاء:(بضحكة وجرها حتا بركات على فخاضو)انا لي مزوج فالصراحة هه
مرام:(طارت منها الحشمة وعنقاتو حتا ولا صدرها عند وجهو)هممممم وعنداك يقول ليك داك الطنطون د راسك شي نهار تلعب بديلك عليا
بهاء:قلبها على السداري وجا فوقها) واش لي عندو هاد الحلاوة وهاد الزين كامل يشوف فالزنقة حرام كاع
مرام:(بضحكة رنانة)ههههه وا نوض عليا خليني نمشي نبدل عليا هاد الفضيحة 
بهاء:(عض على شفايفو وهو منزل ايدو من صدرها حتل بطنها بالعرض البطيئ حتى بورشها وغمضات عينيها)همممممم غير خليك بيها جاتك زوينة(نزل راسو عند عنقها وقبلها بحنااااان)
مرام:(بصوت خفيف)ااه....
بهاء:(قال بصوت رجولي مع بحة فحلقو)فخبارك نتي اول وحدة غنقرب ليها فحياتي
مرام:(شافت فيه بغير تصديق وقالت)مستحيل
بهاء:(ببتسامة)وعلاش مستحيل..واش لي كيبقى وفي لشي شخص كيبغيه كيدير شي حاجة مستحيلة
مرام:(عضات على شفايفها بدون قصد وقالت بحزن) واش لهاد الدرجة كنت عميا
بهاء:(بتاسم)توء غير كنتي خيفة وكتفضلي تبقاي بوحدك على طيحي فشي راجل بحال ادريس
مرام:(تفكرات دكرياتها معاه والمواقف لي كانت كتعيشهم) عدبني بزاااف ا بهاء ما تخايلش اش كان كيدير ليا ولا لماما الله يرحمها وما كنتش كنقدر حتى ندافع على راسي وعلى ماما حيت عند بالي راه بابا(سكتات)
بهاء:(شاف فيها وقال)حياتي بغيت نسولك ولكن تجاوبيني بصراحة وخا روحي!!!!
مرام:واخا حبيبي
بهاء:(بعد لحظات صمت وتفكير فالكلام لي غيقول قال بعدما حركاتو مرام بتردد)واش عمرو تحرش بيك ولا قاصك؟؟

(شافت فيه بدون استيعاب)شنو ما فهمتش
بهاء:(تنهد وقال)ما تفهمينيش غلط احياتي ومتربطيش هادشي لي طرا بكلامي وخا حبيبة
مرام:(حركات راسها بالايجاب)ولكن شنو كتقصد
بهاء:(عض على شفايفو)واش عمرو قاصك..انا ونتي عارفينو كيف دير سكيري ما كيجي حتا كينسا سميتو وحيط يردو لحيط 
مرام:(عينيها غرغرو بالدموع غمضاتهم وقالت بضعف بعد لحظات طويلة من الصمت وبهاء على اعصابو)اه 
بهاء:(عينيه خرجو وقال بسرعة)اش وقع 
مرام:(تنهدات وهي كتشوف لبعيد)كنت مزال صغيرة يمكن 6 سنين كنت ناعسة ففراشي حتا كنحس بشي ايد كتحسس فجسمي بالخصوص فتضاريس الانوثة ديالي نضت مفزوعة بان لي دريس وديك الساعة ما كنتش كنعرف شنو هو الجنس ولا الاغتصاب كل ما كنت عارفاه ديك الساعة انني ممرتاحاش وهادشي غلط حاولت نبعدو عليا لكن هو كان اقوى مني كان(نزلو دموعها)كان كيقبل كل انش فيا بشراسة وبعنف كنت كنغوت وكندفعو بكل ما عطاني الله من قوة لكن والو بحالا كندفع حيط بقا على نفس الوضع حتا حيد ليا حويجي كاملين كان باغي يغتاصبني اهئ اهئ ولكن الحمد لله ماما سمعات صداع وجات عتقاتني منو اهئ ضرباتو لراسو بفاز وطاح مغمى عليه ودمو سايح حتى ضنيناه مات ولكن مع دلك ماما خلاتو مسرح تما بدون ما تشوف فيه وبدات كتقلب فيا واش قاصني دازت على خير من تما وانا كنعس حداها حتا كبرت ووليت قادة براسي عاد تحولت للغرفة ديالي
بهاء:(عنقها بكل قوتو وقال)والله ما تبقى فيه كنقسم ليك غنرد ليه الصاع صاعين ما تخافيش انا معاك 
مرام:(ببتسامة باهتة)مخيفاش ا بهائي......
#بعد_مرور_اسبوعين
دازت كلها افراح ومسرات بين مرام وبهاء ما بقاش وقع شي سوء تفاهم وولا دير لمرام كيف لماء القليل كتر من الاول....
#فالمطعم
بارك فالمكتب ديالو لي كان د زياد قبل كيراجع شي اوراق حتا دخلات خولة سكرااانة جايبة الكاو وقفات ليه عند راسو اما هو هز فيها راسو وشاف فيها شوفة قاصحة ورجع نزل عينيه كيكمل خدمتو حتا رجعات وراه وحطات ايديها على كتافو كتحركهم باغراء 
خولة:(فمها عند الاذن ديالو قالت بغنج)عطيني فرصة وحدة نتبت ليك حبي ليك(قبلاتو تحت اذنو)
بهاء:(عينيه خرجهم ودار عندها معصب عطاها بتصرفيقة حتا طاحت الارض)عمرك تقربي مني الموسخة 
شدها من يدها وخرجها من المكتب ديالو بالزعاف وطلقها بعنف وقال بتحدير
-اخر مرة نشوفك هنا ولا غتشوفي مني لي ما يرضيكش (تحت سنانو)اخر مرة
سد لباب ورجع يكمل خدمتو كيصوط حتا جاه ميساج خلاه يخرج عينيه وينوض بلاما يفكر شد طريق لدار دخل بالجرا والخوف مطيح ليه النص..

يتبع..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.