مفارقاتش خيالو وديما كانت بين عينيه صورتها..قامو الصلاة وصلاو وكيف عادتهم بركو مجمعين حتا جا وقت لفطور وخرجو ضاحكين وهما كيتبادلو اطراف الحديث كل واحد كيعطي رايو وكل واحد كيحاول يقنع لاخر بفكرتو كان منضرهم زوين كان اب وحداه ولادو بزوج كان من وجهو بين بلي فخور بيهم قال بصوت حنين
العم:عرفتو نتوما بزوج عوضتوني على احسن حاجة تقدر توقع فحياة الانسان
بركو فواحد البلاثة فيها شي كراسة طوال كيضحكو ومجمعين حتا وقف عليهم الحارس
الحارس:بهاء الدين تفضل معايا للادارة
بهاء:(باستغراب)خير كين شي مشكيل
الحارس:بحالي بحالك حتا لتما وتعرف شنو كين زيد قدامي
بهاء:(عقد حجبانو من طريقة كلام الحارس الفظة وقال)كندويو معاك غير بالاداب يمكن!
العم:سير اولدي وساعف الله يرضي
حرك ليه راسو بالايجاب ومشا تابعو بعصبية حتى وصلو للادارة ودق الحارس خدا الادن ودخل بهاء بعدو عاقدهم لكن سرعان ما تحلو حجبانو وبدات كضهر ابتسامة على وجهوو وقال بفرحة:الواليد!!
زياد:(ناض من بلاصتو بفرحة ومشا عندو عنقو بقوة وبعدو عليه كيشوف فوجهو كيدوي بلمعة فعينيه)ولدي لباس عليك؟؟؟واش مزيان؟؟؟مواقع ليك والو؟؟؟؟؟
بهاء:(ببتسامة)الواليد يهديك الله غير بشوية وحدة وحدة
زياد:(جرو لكرسي مقابل معاه)لباس عليك
بهاء:الحمد لله الحاج
زياد:قالو ليا دابزتي!
بهاء:(حرك راسو بالايجاب)
زياد:علاش؟موقع ليك والو!!!
بهاء:قصة طويلة..ولا موقع لي والو غير رتاح...وشنو فكرك فيا الحاج اش هاد الزيارة لي على غفلة
زياد:بغيتك فواحد الموضوع
بهاء:خبار الخير؟
#عند_مرام
باركة فسرير د المشفى شحوب وجهها وشفايفها البيضين دليل على التعب والمرض حلات عينيها كتشوف فارجاء الغرفة وحاطة ايدها على بطنها تحركات باش تنوض لكن دخلات الممرضة لي منعاتها تحرك
الممرضة:(عاوناتها باش تكا)على سلامتك الالة..كيف بقيتي شوية؟
مرام:(حركات راسها بالايجاب وكتهضر بزز بصوت خافت)اش وقع ليا؟
الممرضة:صبري نعيط على الدكتورة تشرح ليك الحالة ديالك
مرام:(بتعب)واخا
خرجات الممرضة بعدما قاداتها فبلاصتها وابتاسمة ليها بعد لحظاات قليلة كانت داخلة الدكتورة المكلفة بحالتها ولي دخلات ببتسامة كبيرة فوجها
الدكتورة:(ببتسامة عريضة)اوووه واخيرا فقتي..صافا !
مرام:ام..شنو وقع ليا
دك:(وهي هازة كتاب الملاحظات)باش كتحسي مزيان دبا
مرام:اه حاسة بشوة د الدوخة
دك:عادي مدام مرام..خاصك تهلاي فصحتك وفالبيبي كنتو فخطر وكان من الممكن تخسري الجنين لولا لطف الله
دك:(ببتسامة)يسس هازة شي فنيكيش ولا فنكوشة هنا(حطات ايدها على بطنها)سوو خاصك الراحة التامة وتكوني حريصة على الاكل ديالك للاسف لقينا عندك فقر الدم حاد واذا غفلتي على نفسك فاكيد غتعرضي حياة الجنين للخطر
مرام:(بفرح)اوك دكتورة شكرااا شكرا بزاف
دك:هدا واجب خليت ليك الراحة والله يجيب الشفاء(ببتسامة)
مرام:امين يارب..دكتورة...!
دك:(دارت بعدما وصلات لباب)نعام
مرام:واش فخبار كلشي
دك:على ما اظن اه
مرام:(عضات على شفايفها باحراج)واخا شكرا
دك:العفو
خرجات من الغرفة وطمنات عائلة محمد كاملين وعطاتهم الاذن باش يدخلو عندها..انا مرام فحشمانة من راسها وكفاش غتواجههم فكرة تدبها وفكرة تجيبها حتى سمعات الدقان شافت بترقب فالباب شكون غيدخل وكان محمد والعائلة كلها ...
وجها ولا حمر بقوة الخجل مقدراتش تكلم ولا تنطق حتا الابتسامة مقدرات ترسمها على وجهها عينيها غير كيضورو مقادراش تركز الشوفة فشي واحد حتى نطق محمد
محمد:بنتي كيف بقيتي
مرام:(بلعات ريقها وقالت بصوت خافت)الحمد لله اعمي
محمد:الحمد لله
نزهة:خلعتينا عليك ابنتي
مرام:متشوشيش عليا اخالتي انا بيخير
رياض:(باس ليها جبهتها)ميرو صافا ختيتي
مرام:الحمد لله
ياسر:وليتي كتخلعي اصاطة ههه وليتي صفرا كيف خرية الميت(اعزكم الله)ههه
مرام:(كضحك)تفوو لي فيك فيك ما عمرك تبدل هه
يسرى:(بركات حداها)حبيبة كيف راك
مرام:الحمد لله البكاية هه
يسرى:لا مبكيتش
مرام:عينيك منفوخين وحمرين البقرة ههه
يسرى:خلعتيني اختي اهئ اهئ
مرام:(شدات ليها فايدها)شششش علاش لبكا هانا رجعت بيخير وعلى خير ما بيا والو
يسرى:(ترسمات بتسامة وسط دموعها)الحمد لله لي قدرو يعتقوكم نتي و البيبي
مرام:(عضات على شفايفها حتى تجرحو ونزلات عينيها بخجل وخوف من ردة فعلهم)لا رد
نزهة:(تنهدات)شوية ابنتي تصدم بزاف كيف تصدمنا كاملين ولكن هو كتر بالخصوص عارفك مازال مديرا لاكت يعني نتي وياه درتو علاقة محرمة ونتج عليها ولد ف...
يسرى:(قاطعتها بسرعة)ماما تقدري مع بابا جيبو لمرام حويجها باش تبدل
مرام:(عينيها تجمعو فيهم الدموع)تقدري تكمليها اخالتي
نزهة:(حطات ايدها على شعرها وقالت)سمحيلي ا بنتي
مرام:لارد
يسرى:سيري ا ماما الله يخليك جيبي ليها ما تلبس...
نزهة:واخا ا بنتي خليتكم على خير
خرجات نزهة وسدات وراها لباب ومرام طلقات دموعها لي كانت حابساهم كتبكي وتقول مابكيت اما يسرى بقات فيخا وما لقات ما دير من غير تعنقها وتخليها تخوي قلبها دام الصمت ودام صوت الشهقات لدقااائق عدة
يسرى:لا مخسرتيهاش وهادشي عادي نقولك واحد الحاجة شتي ماما حملات برياض قبل الزواج وعادي
مرام:لي بقا فيا اختي ماشي الكلام لي قالت خالتي بقا فيا عمي لي كان كيوصيني وبقا فيا الحال حيت حملت فالحرام وبقا فيا الحال ولدي غيتزاد وباه بعيد عليه مغيشوفوش اهئ اهئ السند لي عندي تحرمت منو
يسرى:عنقاتها )ششش كون كان بهاء مغيبغيكش تبكي تهدني اختي انشاء الله يكون خير
مرام:انشاء الله اختي..بغيت نخرج من هنا
يسرى:اممم لا ميمكنش عالاقل خاصك تبقاي واحد اليومين فالمشفى
مرام(حركات راصها بالنفي):لا تخنقت هنا مكنحملش صبيطارات
يسرى:صافي حتى نشوفو الطبيب اش غيقول ليك ما نواعدك بوالو
مرام:اوك..(بعد لحظات صمت)شنو دار عمي فالقضية د بهاء
مرام:معرفتش واش هو بيخير ولا لا واش واكل ولا لا غنحماق
يسرى:بهاءالدين قوي ومغتغلبوش محنة بحال هادي مسكين داز من بزاف د الحوايج خيبين وتجاوزهم وحتى هادي انشاءالله يتجاوزها
مرام:انشاء الله
#بعد_مرور_ثلاث_اسابيع
قدرات مرام تخرج من لكلينيك وتمشي لدارها هي وبهاءالدين لي فالحي الشعبي ورجعات لروتيناتها لي كانت كدير وفهاد ثلاث الاسابيع لي دازو كانت كتمشي عند بهاء للزيارة لكن كانت كترجع بدون ما تشوفو فاي زيارة كانت كتسمع رد بهاءالدين بالنفي وكترجع يائسة وبدون ما تفهم سبب رفضو لزيارتها واليوم باركة فمكتب المدير كتهضر معاه كابنة القائد رياض بن عمرو لي بمجرد ما سمع الاسم استقبلها بحفاوة وطلبات منو تشوف بهاءالدين لكن بدون ما يذحرو ليه سبب استدعائو خرج المدير وخلاها على راحتها بعدما ضايفها بقات متبعاه ببتسامة حتى خرج وعقداتهم بدات كضرب فالمكتب باصابع يدها بعصبية كتسناه وكتحلف فخاطرها حتى سمعات جوج دقاات على الباب وتحل بقات على نفس وضعيتها بدون ما تلافت حتى نطق بهاءالدين بجمود وهو واقف بشموخ
-شنو بغيتي!
مرام:(ضارت بصدمة)نعام
بهاء:(بنفس النبرة)شنو بغيتي ولاش جاية عندي
مرام:(تعقد ليها لسان كانت باغة تعاتبو لكن صدق العكس قالت بعدما وقفات قدامو وعينيها بعينيه حطات ايدها على خدو الملتحي شيء لي خلاه يغمض عينيه ويعاود يفتحهم بسرعة ويرجع خطوات لور)حبيبي مالك شواقع ليك كدوي معايا هكا
بهاء:(بجمود)شنو مازال بغا مني!!علاش جاية؟؟واش مازال ما بردتي؟؟حياتي ودمرتيها؟؟شنو باقي تاني!!!!
مرام:(دموع بداو كيتجمعو فعينيها)انا ح....
بهاء:(بغضب وصراخ)نتي شنوو ها شنووو برهوشة ابتلاء ونزل عليا شنو دنبي انا ها اش دخل حماري لهاد زبل كامل لا وزايداها جاية عندي بلا حشمة ولا حياء(رفع صبعو فوجها)اخر مرة نشوف كمارتك ولا مغيعجبك حال
مرام:(ضرباتو بلكمة قوية لوجهو حتا ضراتها تيدها وقالت)الله ياخد فيك الحق اولد الحرام
بهاء:(عض شفايفو وهو عاطيها بالضهر وقال)ما نبقاش نشوف وجهك عند
قبل ما يكمل كلامو تسمع صوت الباب تخبط بالجهد..
تنهد بغضب وخرج فحالو لقا نفس الحارس كيتسناه داه لنفس لبلاصة لي جابو منها لقا العم ويوسف مجمعين وضاحكين حتا وقف عليهم ساخط برك بغضب ما كيدوي مع حد غير كيخمم ويسوط حتا واحد ما قدر يحاورو ولا يفتح المجال باش يهضرو معاه بقاو غير ساكتين وشي كيشوف فشي وعلامة الاستفهام بين عينيهم
#عند_مرام
لي خرجات وهي مواعدة نفسها متنزلش الدمعة على ودو كانت عندها قوة عجيبة مسيراها ورغبة كبيرة باش تبين ليه بلي بيه او بلا بيه عيشة لكن واش هادشي بصح؟ ولا غير كتبين الله اعلم بعلمه! توجهات لدارها مسافة الطريق وصلات دخلات بالزعفة وزدحات الباب بعنف مشات لبيتها نيشان ووقفات كتسترجع كل ذكرباتها معاه كلامو وعودو احلامو معاها ونظرتو للمستقبل وهي فجنبو دون ان ننسى كل لحظة جمعاتها بيه سواء جميلة او العكس كلشي داز بين عينيها كشريط سنمائي شيء لي خلاها تنكث بالوعد لي عطاتو لنفسها وتنزل للارض على ركابيها بضعف وانكسار لي شافها قبل لحظات يقول قوتها تعادل قوة جيش لكن الانثى تظل انثى رقيقة المشاعر رغم ادعائها بالقوة واللا مبالات لكن كيانها كيان من ورق سهل التمزيق لكن صعب التصليح..بكات وبكاات ولراسها لاامت ندمات على الثقة لي عطاتو وعلى هالة الغباء لي كانت محيطة بيها نسات تهديدو ليها ونسات كلشي فلحظة ضعف مالت ليه هادشي كامل قالتو وهي كتبكي بحرقة على حالها
دازت ثلاث ايام فالبكا والندم وحتا شي حاجة متبدلت بالعكس صحتها رجعات للور وكل مرة شادها الحريق فبطنها وغير سخفانة وجها صفار والجهد مشا ليها ناعسة ففراشها بنفس البيجامة لي لبساتها هادي ثلاث ايام..
كتبان بحال شي ملاك ناعس رغم شحوب وجهها وملامحها التعبانة الفون كيصوني مرة وجوج وتلاتة وربعة ما من رد....
#عند_رياض
وهو شاد الفون وعاقد حجبانو وكيقول بعصبية:
جوبي ا جلنار جاوبي اووووف
-ناض بالزعاف لبس وركب فاللوطو ديالو باتجاه منزل مرام لي مسافة الطريق وكان تما دخل للدرب بسيارتو الفخمة ولي خلات العادي والبادي يحل فمو دون ما ينتابهو لشكون فالسيارة دور عينيه على الاجواء د الدرب بان ليه فشكل داك الجو جاه غريب طبعا ما هو رياض المالكي رجل الاعمال الشهير لي تزاد ففمو ملعقة من ذهب رغم انو كون راسو براسو لكن عاش من صغرو فالبدخ تنهد وحل باب لوطو خرج رجلو والاعين حاضيين شكون غيخرج بالخصوص البنات عاد خرج هو وخرج معاه عينين البنات لي فموهم تحل لاخر ذرجة اعجابا به وهادشي مازاده الا غروراا بتاسم باستهزاء لنظرات الفتيات الموجهة ليه وهو كيدور عينيه بانت ليه بنت فمقتبل العمر لفتات انتباهو من خلال مشيتها المحتشمة وكفاش حادرة راسها شعرها لي كيلعب مع كل هزة خصر وكل خطوة كتخطيها شاف حتا اللا مبالات فعينيها رغم انو وسيم ومبين عليه انو شخص غني لكن هي كملات طريقها بدون ما طول فيه الشوفة بتاسم باعجاب وبقا متبعها بعينيه حتا غبرات من قدامو دار نظاراتو الشمسية وتوجه لباب الدار دق المرة اللولة والتانية والثالثة وكيصوني عليها فنفس الوقت لكن ما من مجيب وما كين حتا رد رجع لور كيشوف فالارجاء سول غير واحد الراجل كان ديز
رياض:(باحترام)شريف الله يخليك نسولك
....:(وهو كيطلع وينزل فيه)نعام اولدي تفضل
رياض:واحد البنت سميتها جلنار كتسكن فهاد الدار واش مشفتيهاش ولا عندك عليها شي خبار؟؟؟؟
....:شكون جلنار اولدي!!!! مكينة حتا شي بنت فالسيكتور بهاد السمية
رياض:راه كتسكن هنا اعمي غير تفكر انا متاكد هادي دارهم وراجلها اسمو بهاءالدين
.....:بهاء عرفتو الله يرضي عليه دري دريويش ولكن هاد البنت لي قلتي ليا سميتها معرفتهاش كنعرف غير مرام بنت سعاد الله يرحمها لي ساكنة هنا
رياض:اه اه هي هديك مرام واش ما شفتيهاش ولا عندك عليها شي خبار؟
....:اش غنقولك اولدي شفتها هادي 3 ايام من تما ما بقات بانت
رياض:غين شفتيها؟؟؟
.....:غي هنا نيت كانت جاية من شي بلاصة وبين بلي معصبة سلمت عليها ومجوباتنيش
رياض:(جبد 200dh وعطاها ليه)شكرا اعمي
.....:لواه اولدي
رياض:هاك اعمي راني بحال ولدك
.....:(خداها من عندو بعد اصرار والحاح)شكرا اولدي الله يكتر خيرك
مشا الراجل وهو بقا فالدرب كيتسناها تجي عند بالو خارجة داز دقايق والدقايق ولا ساعات وساعات داز النهار وهو بارك فاللوطو كيتسنا فيها وكل لحظة كيصوني عليها ما كيجي فين يقولة ليه"ان مخاطبكم لا يجيب حاليا"كيقطع ويعاود الاتصال حتا عيا وقرر يحل الدار بأي طريقة يدخل خرج من لوطو وكان طاح ضلام وكانت حوالي 11:30ضربو بقوة حوالي المرتين او ثلاث وتفرع الباب دخل كيقلب فالدار فحين الجيران لي كيطل كيطل ولي عيط لبوليس عيط ولي باغي التبركيكة راه عاس عند الباب..اما رياض كيقلب وكيغوت بسميتها لعل وعسى تجاوبو وتختاصر عليه التقلاب لكن والو خاف بالخصوص فاش تفكر شنو طرا ليها اخر مرة وكلام دكتورة ومرضها تزاد معاه الزايد وكل خطوة كيدر فيها ١٠ قلب جميع البيوت حتا وصل لبيتها فين ناعية حل لباب بالجهد لا بل فرعو بالخوف لي ركبو وقف مصمر فبلاصتو كانت فنفس المنضر لي لقاتها فيه يسرى غير هاد المرة كانت نزفات كتر من القياس ويمكن كتحتاضر..
للحظات عقل رياض تبلوكا ما عرف ما يدير بقا غير واقف وكيشوف فالفراغ حتا فيقو صوت الفون لي كان كيصوني بدون ما يعيرو اي اهتمام مشا بالجرى عندها وبدا كيصرفق فيها بشوية والخوف طاغي على ملامح وجهو
رياض:(وهو كيصرفق فمرام بخفة)جلنار فيقي اختي..جلنار فيقي (كيضرب ليها فوجها ضربات خفاف حتى بدات كتنين وكتحل فعينيها بزز لكن كيعاودو يتسدو قال بالزربة)جلنار بقاي معايا متغيبيش
مرام:(جراتو بضعف لعندها باش يسمعها وبصوت ضعيف خافت ومتقطع )رياض ولدي عتق ليا ولدي (دمعة حارة نزلات على خدها وغيبات)
رياض:غيكون بيخير غير رتاحي وتهدني
هزها بين يديه وحويجها عامرين دم حطها فاللوطو لور وركب حتا هو فبلاصتو ديمارا ومشا فطريق المشفى بسرعة قسوى مرة مرة كيشوف فيها من المراية حتى وصل خرج وهزها بين يديه بخوف ودخل لكلينيك كيجري شافوه الممرضات وجابو السرير المتنقل حطوها فيه ودخالوها لبلوك نيشان اما هي فدخلات فهلوسات كل مرة اش كتقول جا البناج دق ليها البنج وبقا ملاهيها بالهضرة حتى فشلات ونعسات عاد بلشو فالعملية لي داامت اكثر من اربع ساعات.....
#عند_بهاء
ناض قافز من نعاس وحاط ايدو على قلبو وهو عرقان كيلهث شرب الما لي كان محطوط حداه فواحد القرعة ضاربة قرن وزمار ورجع تكا حاط ايدو على جبهتو وهو ممرتاحش قرا ما تيسر من القرآن وبقا كيردد فنفسو "لعله خير استغفر الله واتوب اليه.."قرا ما تيسر من القران..
العم فاق معاه بهاديك القفزة والشهقة لي دار بحكم نعاسو اخف من الريح ناض من بلاصتو وبرك حداه وهو حاط ايدو على راسو كيدوز على شعرو بلطف وقال
العم:مالك اولدي ياك لباس
بهاء:قلبي ضارني اعمي
العم:خير اولدي عساه خير
بهاء:كنتمنى اعمي
العم:(بعد لحظات خير)مالك اولدي من داك نهار ونتا ماشي على برجك(ممرتاحش)وغير كتخمم
بهاء:(بحزن)انا درت واحد الحاجة خيبة بزاف اعمي
العم:(كيشوف فيه بخوف)اش درتي اولدي
بهاء:مقادرش نتيق راسي اعمي كفاش قدرت ندير هكاك..كان بامكاني نبعدها بطريقة مقبولة ومضرهاش لكن انا تكلخت وتصرفت بطريقة خيبة
العم:(كيحاول يهدنو)تهدن اولدي وحكي لي شنو وقع وعلاش كتقول هكا وشكون هادي لي بعدتيها عليك
بهاء:مرتي اعمي خسرتها خسرتها بمرة انا هرست اي حاجة فيها زوينة(بدا كيعاود ليه من نهار بدا كيبغيها لحد نهار لي قال ليها ديك الهضرة وكمل)..مكنتش قاصد اعمي والله ما كنت قاصد عقلي كان مشوش وقلبي كان ضارني من جيهتها عارف راسي ولكن كون ما درتش هكاك كان قلبي غيغلبني
العم:(بدون ما يدخل فالتفاصيل من طريقة سردو عرف بلي حتافض ببعض للاسرار لنفسو)نتا غلطتي بزاف اولدي البنت مدازش عليها القليل وكانت معتابرك كلشي فحياتها والسند الوحيد لي عندها بالرغم من ان عندها جدها وعائلتها الكبيرة لي اي واحد فينا يتمناها وزيادة على هادشي العز لي غتعيش فيه ولي كتحلم بيه اي بنت فسنها ومع دالك سامحات فكلشي وبقات معاك نتا..واخا تشوفها اولدي قوية وضرباتك وقادة براسها لكن "لا تكسر قلب امرأة احبتك بصدق" صعب صعب يتصلح الوضع....الرسول عليه الصلاة والسلام يوصينا بالنساء اولدي وقال تعالى في سورة الاحزاب:"ان تقر اعينهن ولا يحزن" والعديد من الايات القرآنية لي ركز فيها الله سبحانه وتعالى على الا تحزن المرأة الحزن ديالها كيكون عميق اولدي عكس الرجل لي وخا يتجرح كيصبر بحالك دبا حتا نتا مجروح ولكن صابر وواقف اما هي معرفت حالها كيف غيكون الله يهديك اولدي
بهاء:دار وجهو بين يديه بندم كلام العم كان بمثابة صفعة على خدو خلات الندم الشديد يزورو وتانيب الضمير لي كان كيسكتو تحرك شاد راسو بزز باش ما يبكيش ربت ليه العم على ضهرو وباسو على راسو وعطاه قران
العم:قرا هدا لربما ترتاح من تانيب الضمير والندم...
خدا من عندو القران وشكرو ومشا العم لبلاصتو تكا وبقا كيشوف فيه بحزن حتا داه نعاس اما بهاء فبقا الليل كامل كيقرا القران حتا صبح الصباح وسمع اذان الفجر...
#فاراضي_البيرو
فنفس الفندف ونفس الشومبر ناعس فسريرو مرتاح والفون كيصوني هزو حال عين وساد عين جاوب بسخط
اسد:الوو
....:(بخوف)مسيو اسد البنت لي كلفتينا نراقبوها راها فالمشفى وبين الحياة والموت
اسد:(جلس فالسرير بخوف وقال بصوت مرعب)اش كتقول فين كنتو نتوما وشنو وقع ليها
.....:(بخوف)ملي جات اسيدي من الحبس وهي فالدار مخرجاتش اسيدي حتل
ليوم جا عندها رياض المالكي وهو لي لقاها مغيبة وكتنزف وداها لكلينيك
اسد:(بالغوات)فين كنتي نتا ولي معاك اولد(شتيمة)انا لاش حاط (شتيمة)بوكم تما ديركم ديكور وعلاش ما تاصلتوش بيا حتل دبا هاا...
...(ورجفة الخوف فصوتو)سيدي سمح لينا مكناش عارفين غتوقع ليها شي حاجة وهي فالدار
اسد:(ناض بالزربة كيلبس حويجو وهو شاد لفون فايدو)دور(شتيمة)انا جاي
قطع عليه فوجهو وعاود الاتصال بطاقم الهيليكوبتر الخاصة به باش يوجدوها ليه من هنا ل 15 دقيقة تكون فسطح الاوطيل وقطع عليهم وهو كيلبس برودكان ديالو دار كاشكول ولبس تجاكيط لكوير فالنواغ وتيشورط بيض مع سروال مينيتيغ طلع لسطح الفندق لقا الهيليكوبتر واقفة ركب ودار الكاسك وهو عاقد حجبانو والخوف مبين على وجهو
#في المغرب
داخل الكلينيك الممرضات كيجريو كل مرة داخلة وحدة وخارجة التانية ورياض كيمشي ويجي غينما يوقف شي ممرضة يسولها كتقول ليه مازال فوسط لوبيراسيون حتا خرجات عندو ممرضة وجهها خالي من التعبير وقفات عليه
الممرضة:(برسمية)مسيو نتا لي مع المريضة لي فالبلوك؟
رياض:ماعنديش O+ وحتا واحد من العائلة معندو هاد الزمرة
الممرضة:ضروري اسيدي من شي متبرع حنا غنديرو جهدنا ويا ليث حتى نتا تقلب معانا باش نلقاوه فاسرع وقت ممكن..
ركب اسد فالهيليكوبتر الخاصة بيه وحجبانو عاقدهم كيفكر فكلام الكارد ديالو وكيفكر فمرام لي عرف عليها الشادة والفادة فهاد المدة لي دازت كاملة سول القائد لي سايق ببرود عكس احاسيوسو المشوشة
قلعات الهيليكوبتر فالطريق للمغرب بالضبط كازا واسد غير كيخمم
#في_المغرب_بعد_45دقيقة
رياض غادي جاي فالكلوار شاد الفون كل مرة كيصوني على شخص يسولو وللاسف لي كيلقا عندو نفس الزمرة طيكون يا اما خارج المدينة اولا عندو شي حاجة لي ما يمكنش تاجل... بالزعاف خبط لفون مع الارض وهو كينعل لوقت لي خلاتو يحتاج لشي واحد فيهم حتى وقفات قدامو الممرضة ببتسامة
الممرضة:سيدي لقينا المتبرع غير رتاح نتا وانشاء الله يكون خير
رياض:بصح؟
الممرضة:وي واحد دكتور معانا عندو نفس الزمرة
رياض:اووف الحمد لله..وكيف بقات مرام واش خرجات من الخطر
الممرضة:للاسف ما نقدر نخبرك بوالو هاد الساعة حتا يخرج دك لي مكلف بالحالة هو لي غيخبرك ..خليت ليك الراحة اسيدي
مشات وخلات عقلو معلق
#فوق سطح المشفى
حطات الهيليكوبتر نزل منعا بخطوات سراع ومشا لاول باب لقا قدامو كانو دروج نزل فيهم بسرعة كبيرة...
حتا وصل للطابق لي فيه مرام مشا بلا عقل وقف على اول دكتور بان ليه سولو
اسد:(بهيبة ونبرة قوية)غرفة العمليات فين جات
دك:(كيدور فعينيه عليه وعلى ليكارد لي وراه)تفضل معايا اسيدي
تقدم الدكتور وتبعو اسد ومعاه ليكارد ديالو كيتمشا والعينين عليه حتا وصلو امام غرفة العمليات ووقف وراه ليكارد شيء لي صعَّب على رياض الرؤية
اسد:(موجه كلامو لدكتور)بغيت ندخل
دك:ممنوع اسيدي يدخل شي واحد من غير الاطباء
اسد:(حمر فيه)قلت ليك بغيت ندخل
دك:ولكن
رياض:اش واقع هنا شكون نتا؟
اسد:شاف فيه بدون مبالات ورجع شاف فالدكتور شوفة قاصحة وقال بنبرة حادة) دويت معاك
دك:(بخوف)ووو..ووااخخاا سسييدديي
دخل دك لواحد الغرفة داخل غرفة العمليات وعطاه لبسة زرقاء واحد لعيبة كدار على الانف والفم(معرفتش سميتها) لبسها وخرج من هديك الغرفة باتجاه غرفة العمليات لي بمجرد ما دخل ليها تهز قلبو والدموع تجمعو فعينيه كانت الغرفة بييضااااء مع سرير طبي ابيض مع غطاء خفيف فالاخضر كان الطبيب عرقان وكل مرة يقول للمساعدة ديالو شي حاجة مرة مشرط مرة مقص...الخ عينيه مفيكسين على مرام لي كان الشحوب مسيطر على الجسد ديالها والدم لي كان فكل مكان بسبب النزيف لي جاها على غفلة من الدكتور وقدرو يوقفوه مشا وقف حداها وهو حابس الدموع حالتها تشفي الحاجة الوحيدة لي قدر يدير قبل جبينها وشاف فالدكتور بجمود وبصوت كيخلع وقال بتهديد
اسد:(وهو هاز صبعو فوجه دك)توقع ليها شي حاجة منرحمكش لا نتا لا لي معاك كنحلف ليك غندوفك العذاب الاليم...
شاف فيها بانكسار وخرج مهموم عكس كيف دخل لقا رياض فبلاصتو وكيشوف فيه وحجبانو معقودين قلب عينيه عليه بغضب تفاديا لاي مشكل او مشادة مع رياض ووقف اونفاص ليه فحين الكارد كان منتاشر فجميع انحاء المشفى بعد 15دقيقة من الانتظار خرج طبيب وهو لابس بلوزة بيضاء والخوف طاغي عليه بمجرد ما وقف بان ليه رياض واسد لي كان كيشوف فيه بنظرات تهز النفس رعباً وقال وهو كيتمتم بخوف حتا وقف عليه اسد وزاد على ما بيه
دك:(بارتباك وخوف)لل..لللااااسسف
اسد:(بحدة)دوي مقاد ا (شتيمة)
دكتور:(حرك راسو بالايجاب وبلع ريقو وقال بسرعة)للاسف المريضة جهضات وتعرضات لنزيف حاد داخل غرفة العمليات
اسد:(وهو شانق عليه من ياقتو بقوة حتا حبس فيه النفس وقال بالغوات)دوي خلاااص اش وقع ليها
دك:(عينيه خرجو لانو تخنق فكو غير رياض من يدين اسد لي صافي العرق د الصبر تبوشا..قال وهو كيلهث)دخلات فغيبوبة لاجل غير محدد ويمكن تعرض لشلل نصفي او كلي هادشي احتمال ضعيف وغنعرفوه فاش تفيق
اسد:(ضربو بلكمة قوية)غنقتلك اولد(شتيمة)
رياض:(مفاهم والو وماعارفش حتا شكون هدا)طلق اصحبي من سيد لي عليه دارو واا طلق
اسد:(دفعو بقوة حتا رجع لور)ماشي سوقك نتا..(شاف فالدكتور)غتوجدوها وغنديها من هنا لامريكا تعالج
اسد:(دفع ليه يديه و رد عليه بغضب وعينيه كيطلقو الشرار بنبرة رجولية قاصحة)بصيفتي خوهاااا..
رياض:(طلق منو بصدمة وشاف فيه ما متيقش وكلمة خوها كتعاود فودنو بصدى ثلاثي الابعاد قال بصعوبة)شش..شششنننووو
دكتور:(تدخل وهو كيترعد)الله يخليكم حتل من بعد وكملو حواراتكم لكن المريضة ما يمكنش تمشي لشي بلاصة وهي عاد خارجة من عملية اجهاض صعبة وعاد داخلة فغيبوبة ..
اسد:(وهو شاد لفون فايدو)ميمكنش نخليها هنا
دك:(مريعود)كين حل واحد تجيب ليها الدكاترة لهنا لكن باش تنقلها من بلاد لبلاد القضية صعيبة وغتزيد من احتمال الشلل وتعرض حياتها للخطر اكثر واكثر
اسد:(ضرب ايدو مع الحيط بقوة حتا حس بالعضومة تهشمو وقال باللاتينية)Heck(تباا)
مشا طبيب والبولة حابسها بزز بالرعب لي ركب فيه اسد اما واحد رياض فصدمتو كانت ما فحالها صدمة اخر حاجة كانت طيح لو فالبال هي يكون عندها خوها ما حاولش يدخلو الشك من الشبه الكبير "بالمرحوم رياض بن عمرو" لي مشافوش قبل بحكم كان عقلو كامل مع مرام بقا متبع ليه العين وهو كيمشي ويجي ومعصب غير بوحدو هز لفون وتاصل بباه لي بمجرد سمع الخبار تهز قلبو وشد طريق المشفى اما اسد فقام باتصالاتو على ود الاطباء وليبروفيسور لي غيتكلفو بالحالة د مرام لي خرجوها من غرفة العمليات شاحبة اللون كانها جثة هامدة لا روح فيها لغرفة الانعاش تبعها اسد حتل لغرفة ومنعوه ييدخل بقا واقف كيشوف فيها من الزاجة وكيلوم فراسو لي خلاها بوحدها فالوقت لي كانت فامس الحاجة ليه....
#بعد_ثلاث_سنوات_ونصف
اسد ما بعدش عليها كان معاها ديما وكل نهار كيدخل يدوي معاها وفهاد المدة توقف قلبها حوالي ثلاث مرات باعجوبة كترجع للحياة لدرجة انو الاطباء طلقو عليها لقب"الاعجوبة الفاتنة" فعلا كانت فاتنة كتسحر الناظر رغم لونها الشاحب ووزنها الضعيف الا ان جمالها طاغي يسر العين ويحيي القلب وكيف العادة اسد بارك حداها وهو لابس لباس واقي فالازرق ماسك فيديها بحنان ابوي واخوي كيتكلم معاها بحنان وعطف...
اسد:مازال مبغيتي تفيقي الماستي الصغيرة مازال باغا تعدبي خوك لي كيتسنا غير شوفة منك ويسمع كلمة خويا من شفايفك هم ما بغيتيش تحني فيا الفنيكيشة د خوها همم توحشتك الحبيبة ديالي...
فهاد الاثناء وهو كيتكلم معاها زيرات ليه على ايدو ناض قافز كيشوف فيها ممتيقش كيتسنى فيها تعاود دير نفس الحركة بفرحة وعينيه كيلمعو حتا زيرات ليه على ايدو مرة ثانية وهز واحد الرموند كبس على الزر لعدة مرات بسرعة وبدون توقف اما مرام فحلات عينيها ببطئ على اثر صوتو وهو كينده باسمها شافتو وبتاسمات بتسامة خفيفة وقالت بصوت ضعيف قريب للهمس:
مرام:بابااا
شاف فيها اسد بصدمة وفرحة وخوف وجميع الاحاسيس زارتو فديك اللحظة تلخبط ما عرف ما يقول لسانو تربط اما مرام فرجعات لسباتها العميق لثاني مرة دخلو الدكاترة كيجريو ولي كان اسد مكلفهم خصيصا لمراقبة حالتها الصحية...
دخل دكتور الماني الجنسية وهاز فايدو بسل صغير فتح ليها عينيها بزوج وسلط ضوء لبيل عليهم شاف الاجهزة وتنهد شاف فيه وقال باسف
وخرج من الغرفة لقا فؤاد عند وجهو(بس:عقلتو على فؤاد)شاف فيه باستغراب وقال:شنو مازال جاي دير هنا؟ياك قلت ليك ما تبقاش تجي لهنا لا نتا لا عائلتك واش كل مرة غنبقا نجري على واحد
فؤاد:غير سمعني اسي اسد..انا كنبغي ختك بزاف من شحال هادي وباغيها تكون مرتي
اسد:مرتك! فهاد الوقت وفهاد الساعة واش بان ليك حنا فوقت هاد الهضرة؟ اش هاد الغباء نزل عليك دقة وحدة
فؤاد:(غمض عينيه باكراه من كلامو وكمل)انا مبغيتش نخسرها كيف خسرتها المرة لولة
اسد:(بصرامة)انا ما عندي باش نفيدك..رجع منين جيتي
شاف فيه فؤاد بانكسار وخرج من المشفى اما اسد فمشا لبيتو لي ولا فلكلينيك دوش وبدل حويجو وتكا فبلاصتو كيفكر حتا داه نعاس..
دازت 6شهور على اخر مرة مرام فتحات عينيها وكسف العادة اسد حداها كيدوي معاها ورياض ومحمد واقفين مور الزاج كيشوفو فيها باسى...باركة فبلاصة كانها جنة فوق الارض لابسة كسوة بيضاء اللون وتاج من الزهور على راسها شعرهها مطلوق ووجها منور كتقطف فازهار وكتلعب بيهم بدون مبالات حتا سمعات صوت رجولي عند ودنيها "توحشتك المفدعسة ديالي"دارت كتقلب على مصدر الصوت بلهفة لكن ملقات حتا واحد حداها رجعات كتقطف وتقطع فالورد بحزن حتا سمعات بنفس الصوت لكن هاد المرة قريب لودنيها لدرجة حسات بلهيب انفاسو"رجعي لعندي بلا بيك انا جسد بلا روح"
دارت بنفس الطريقة وعينيها مجموعين فيهم دموع نطقات بصوت متلعثم:بهاءالدين فينك
بنفس الصوت ونسمة ريح باردة ضربات فوجها:كنتسناك لهيه ا روحي
مرام:بهاء..
صوت بعيد شوية :انا كنتسناك وكلشي كيتسناك طولتي هاد المرة احياتي....
ختافا الصوت ومرام بقات كدور فبلاصتها كتقلب على مصدر الصوت وكتنده باسمو...
-باس جبينها كيف كل نهار وتم خارج حتا ستوقفاتو شهقة واسم على شكل همس:بهااااء
دار بتثاقل كيشوف فيها واسارير وجهه انشرحت فرحا بمجرد شوفتها حالة عينيها وكدور فيهم حتا شافتو وركزات فيه الشوفة وقالت ببتسامة بريئة وعينان لامعتين:باباا جيتي نتا مازال عايش
قرب ليها بتثاقل برك حداها وشد فايديها وقال بفرح:ختي
مرام:(ستنكرات كلامو وقالت)كفاش؟؟
اسد:(حرك راسو بالنفي)انا خوك ولد باباك وماماك اختي
مرام:(ببتسامة)عندي خويا وكبر مني هه
اسد:(باس يديها)اه الماستي الصغيرة انا خوك الكب..
دخل الدكتور ببتسامة جذابة وقال بالانجليزية:واخيرا فقتي وشفنى ابتسامتك (وقف حداها بعدما بعد اسد وهو فرحان بختو وبدا دكتور فالفحص)مدموزيل جلنار غنضرب ضربات خفاف فرجليك وقولي لي واش حسيتي اوك
مرام:حركات راسها بالايجاب
دك:(عرا على رجليها وضربها ضربة خفيفة على رجليه بدون ردة فعل عاود ضرب ضربة اقوى بقليل من لي سبقاتها بدون جدوى هز راسو فيها وقال)واش محسيتي بوالو؟
مرام:(ردات عليه بالانجليزية)لا
دك:(بتاسم فوجهها)اوك بون مسيو اسد تفضل معايا واحد دقيقة
دك:(شاف فاسد لي مخرج فيه عينيه وكيتسناه اش غيقول ورجع شاف فمرام ببتسامة)عادي راك ربع سنين ونتي كومة ضروري مغتحسيش بالاطراف ديالك الا بعد الترويض..دبا غيجيو عندك الممرضات باش تبدلي الغرفة وديري شي فحوصات
مرام:(ما سمعات حتى حاجة من غير ربع سنين وهي كومة وعاد تفكرات شنو وقع ليها بالضبط وكلام بهاءالدين لي داز على مسامع اذنيها كانه البارحة وقالت بصوت مرتجف والدموع فعينيها وهي حاطة ايدها على كرشها)ولدي...
دار عندها اسد كيشوف فيها وهي كترعد والدموع فعينيها ما لقا ما يقول ليها غمض عينيه وخرج خلاها مع الدكتور
مرام:(كترجف)ولدي شنو وقع ليه بغيت نشوفو اهئ اهئ
دك:ششش سمعيني ابنتي وتهدني اي ردة فعل ماشي هي هديك ماشي فمصلاحتك
مرام:(برجفة فصوتها)واش مات اهئ اهئ
دك:(بقات فيه)شوف ابنتي ماشي اي حاجة بغيناها فالدنيا كتكون ديالنا
مرام:(كتشهق بالبكا)يعني انا خسرت الحاجة الوحيدة لي بقات ليا فالدنيا
دك:(بحسرة)تفائلي ابنتي اي حاجة كيديرها لينا الله الا وفيها خير كبير علينا..(شافها بدااات كتقتانع وكمل كلامو)تخايلي معايا دبا كون تزاد ولا قدر الله تزاد بشي عاهة او مرض لي يقدر يعدبو فحياتو ويعدبك نتي كذلك كفاش غتكون حياتو وحياتك؟ اولا حتا تزاد وتوفى لاقدر الله غادي يكون جرحك اعمق واعمق من ما كتصوري الله يرضي عليك ابنتي قولي الحمد لله على كل واكيد الله غيعوضك بما هو افضل
مرام:(باقتناع لكن الغصة لي فقلبها مزالتش قالت)الحمد لله على كل حال
نزلات دمعة حارة من عينيها ودورات وجها للحيط كتبكي اما الدكتور فخرج من الغرفة بعدما دورات وجها.. رغم اقتناعها وايمانها بالقضاء والقدر الا انها عتابرت نفسها هي السبب بموتو هي لي هملاتو تفكرات بهاء الدين واخر نهار شافتو شنو وقع وقالت بكره وحقد
مرام:نتا السبب عمرني نسمح ليك نتا اكثر واحد اداني فهاد الدنيا اقسم برب الكعبة اني غندوقك العذاب الاليم فاش غنوض من هنا غنحرق قلبك كيف حرقتي قلبي ولو تكون ماشي غير فالحبس تكون تحت الارض السابعة غندوقك من نفس الكاس لي شربتيني منو...
عند اسد لي بمجرد ما خرج من الغرفة تلقا ليه محمد ورياض عند باب الغرفة خنزر فيهم بزوج ومشا حتى وقفو رياض بلهفة
رياض:مسيو اسد شنو وقع واش مرام فاقت؟؟
اسد:(شنق عليه بغضب)قلت ليكم عطيوها تيساع ما نبقاش نشوف وجاهكم هنا شنو جاي دير واش مكتعياوش
محمد:(دخل وهو كيفك بيناتهم)اولدي الله يرضي عليك مرام رها بحال بنتي وباها خويا لي مولداتوش ليا الام ديالي...
...وقبل ما يموت وصاني عليها رياض الله يرحمو عفاك اولدي نسا اي حاجة فبالك را مرام ولات من العائلة وطبيعي نجيو نطمنو عليها حنا اصلا ما عندنا ايد فهادشي لي وقع ليها
رياض:(بغل)كلشي بسباب بهاء
اسد:هداك حسابي معاه هو التالي نهار نلقاه من غنرحموش...
بقاو فنقاش كل مرة كيحاول محمد يقنع اسد بلي مرام بنتو ماشي بنت صاحبو وبلي حتا هو را بحال ولدو رغم انو اسد كان باغي يبعدها على اي واحد هنا لكن كلام محمد وفاش جبد ليه باه لي ماعمرو شافو ولا عندو حتى ذكرى ولو صغيرة عليه خلته يرطاب ويعيد حساباتو تصافات الخواطر ومرام حولوها لغرفة تانية دارت الفحوصات والنتيجة كيتسنا فيها اسد ورياض ومحمد وياسر بفارغ الصبر حل الدكتور لونفولوب وجبد النتيجة قراها وهما متبعين ملامح وجهو لي مكان فيها حتا تعبير شاف فيهم وقال باسف
دك:للاسف داكشي لي كنا خيفين منو وقع الانسة تعرضات لشلل نصفي للجزء السفلي ديالها
اسد:(ضرب ايدو مع المكتب وخرج فيه عينيه)انا لاش جيبك لهنا...
دك:(قاطعو)غير سمعني ا سيدي..ولكن الايجابي فهادشي ان نسبة العلاج كبيرة بزاف يعني تقدر فمدة ديال 4اشهر ولا 6اشهر تعافى وترجع كيف كانت
رياض:وايمتى غتبدى العلاج
دك:من دبا اذا بغيتو ما كين حتا اشكال بالخصوص ان المريضة بغا توقف على رجليها فالقريب
محمد:واخا تقدر تبدا فالعلاج لكن كنضن من الاحسن ما تعرفش بلي تعرضات لشلل حيت تقدر تازم نفسيتها بالخصوص عاد عرفات بلي جهضات
ناض الدكتور من المكتب وسلم عليهم ببتسامة وهما كذلك بادلوه السلام ببتسامة من غير اسد لي غير عاقدهم خرجو ومشاو لعند مرام لي كانت باركة مع نزهة وفؤاد ويسرى كيدويو ويهضرو
مرام:(شافت فيهم وابتاسمات)عمو محمد لباس عليك توحشتك
محمد:(عنقها عناق ابوي)حتا انا ابنتي كيف بقيتي شوية
مرام:(ببتسامة)الحمد لله اعمي مزيانة غير رجليا مكنحسش بيهم
محمد:(دور وجهو فاسد لي غير عاقدهم)عادي ابنتي 4سنين ونص ونتي كومة ومكتخركيش ماشي ساهلة
يسرى:(قلبات عينيها وقالت)عطا الله تيساع راهما لكراسة
اسد:(هز حاجب وخلا التاني)عجباتني ديك البلاصة
يسرى:حتا انا عاجباني ومغنتزعزش منها غير رتاح(بتسامة صفراء)
اسد:(عض على شفايفو بغضب وقال)ما نديش على برهوشة
شاف فيها باستهزاء ومشا جاب كرسي جلس فجنب مرام وخلا يسرى القرودة كيلعبو وينقزو فوق راسها بالاعصاب عقدات حجبانها بغضب وقالت موجهة كلامها لمرام ببرود عكس العاصفة لي نيضا فالداخل ديالها
-حبيبة واش سمعني شي دبامة كتزنزن!!!!
مرام:(على نيتها)لا
يسرى:واقيلة شي شنيولة اووف ياختي صدعاتني..(بصوت حنين مع نبرة مصطنعة كانها حزينة)عرفتي حبيبتي توحشتك والله وهاد القرد لي حداك شحال جرا علينا
مرام:(عاقت بيها)اممم وعلاش جرا عليكم
اسد:(عض على شفايفو بعصبية وقال)ماشي وقت هاد الهضرة الماستي..بون انا غنمشي نقدي شي شغال وخاصك تكوني قوية وديري الترويض ديالك باش تقدري توقفي وتستانفي حياتك عادي واخا
مرام:(ببتسامة)واخة حبيبي
قبل جبينها وناض شفا فيسرى لي كانت كتخنزر فيه ومبحلقة فيه عينيها...
داز النهار بين مرام ويسرى وعائلة المالكي فرحانين بيها فحين اسد خرج من تما فاتجاه الشركة الخاصة بيه وجاء يوم جديد مليئ بالتفائل بدات فيه مرام الترويض لي عطا النتيجة ديالو فغضون خمس اشهر وهاهي الحين فمنزل عائلة لن عمرو بصفتها وريثة رياض بن عمرو وحفيدة مصطفى بن عمرو واقفة فوق منصة كتشكر عائلتها وكتشكر كل واحد وقف معاها بكل شموخ وجبروت لابسة فستان ومخليا شعرها على راحتو
مرام:(بشموخ وبكل ثقة فالنفس)بصفتي رئيسة مجموعة شركات بن عمرو وابنة المرحوم رياض بن عمرو كنرحب بيكم فالحفل ديال ليوم باش تشاركو معايا نجاح اول صفقة ليا مرحبا بيكم
تعالة التصفيقات والاعين كلها عليها اعين اعجاب واعين فضول ...الخ
واقفة وشادة فيد رياض لي مبتاسم ليها
رياض:(ببتسامة)برافو عليك خليك ديما هكا
مرام:اصلا مكيناش شي حاجة لي غتهزني هادي جلنار ماشي مرام
رياض:(حرك ليها راسو بالايجاب وبتاسم فاش سمع موسيقى هادئة وقال وهو واقف قدامها وماد يدو ليها بكل جنتلمانية)ممكن تشرفيني بهاد الرقصة ميس جلنار لن عمرو
جلنار(مرام):افكوورس مستر رياض
شدات فيه وتوجهو لوسط حلبة الرقص كيتمايلو بكل رقي وكيهضرو ويضحكو بيناتهم
رياض:جلنار بغيت نسولك واها ماشي وقتو
جلنار:سول هه
رياض:علاش خوك مبغاش يبان دبا
جلنار:بحالي بحالك مبغاش يقولي اسبابو لكن مبين انو عندو دافع كبير لي مخليه يبقا بعيد هاد المدة
رياض حرك راسو بالايجاب وكملو الرقصة فحين اعين عائلة مصطفى عليهم او على جلنار لي ضهرات من العدم ودات كلشي..
صابر:بابا واش دبا حنا غنبقاو هكا؟
مصطفى:(شاف فيه)كفاش هكا
صابر:حياتنا كاملة وحنا هازين الشركات د رياض وفالاخير تجي بنتو تدي كلشي!!!
......:سيدي انا بحث مزيان فالسجل راه كين فالحبس لكن فالواقع را مكينش خرج فنفس النهار لي مرضات فيه ختك
اسد:(بعصبية ونبرة حادة)بغيتكم تجيبوه ليا حتى لو كان فسابع ارض تجبدوه
....:سيدي را قلبنا عليه ووالو ما بقالوش اثر
اسد:غين غيكون مشا ضروري شي واحد يكون عارف خبارو..(تذكر)اه تفكرت زياد لي كان مخدمو اكيد غيكون عارف شي حاجة
....:(بتوتر)امم..ممم..م
اسد:(بنفاذ صبر)دوي خلاص
.....:مم..احم مات اسيدي
اسد:(بصدمة)باش مات وايمتى؟؟؟
.....:مات بسرطان الراس قبل 3سنين
اسد:(صاط بالجهد)اووووف اش هاد زهر .....
قطع ليه لفون فوجهو وخبطو على سرير بعصبية مبرداتش ليه عملت بهاءالدين واخا معارفش القصة كاملة لكن حالة ختو خلاتو يحقد عليه ويبغي ينتاقم منو كان كيتسنا غير يشوف ختو واقفة على رجليها ويقاد اومورو ويعطي وقتو كامل للانتقام...شاف الفون كيصوني هزو وقرا السمية جاوب بغل لكن ممبينش
-وي
العقرب:ولدي صافا غبرتي شحال مبقينا شفناك
اسد:(عض على شفايفو بالفقصة وقال ببرود)غير الاشغال راك عارف الشركات لي هنا خداو وقتي كامل
العقرب:معليش اولدي..هاص نشوفوك كينا عملية خاصنا نسلمو واحد الشحنة د السلاح لواحد الماقيا
اسد:لا مغنحضرش شوف شي واحد اخر من غيري
العقرب:مكينش لي غيوصل السلعة بسلام من غيرك
اسد:(زفر بقوة وقال)ام واخا غدا نكون عندك.....
قطع الخط بدون ما يسمع لرد العقرب لي ولا نقطة سوداء فحياتو وخاصو يمحيها من نهار عرف حقيقة نفسو والقصة حاملة بعدما بحث وبحث وحطو فاللائحة السوداء ضمن الاشخاص لي خاصو ينحيهم من طريقو...
لاح لفون بنرفزة وقال بحقد وغضب...
اسد:غنتاقم منك اولد****(شتيمة)
#عند_العقرب
العقرب:اوهوووو شكون زارنا اش فكرك فينا هاد المرة
.....:(ببتسامة)نفس لي جابني عندك قبل 25سنة
العقرب:(بضحكة شيطانية قال)هههههههههه واش معندك والو من غير عائلة بن عمرو!!!
......:(جبد شيك على بياض وقع وعطاه ليه)المبلغ لي بغيتي تقدر تاخدو
العقرب:ههههه اوك متافقين فالقريب تسمع خبار زوينة
.......:انشاءالله في الانتظار
خرج الشخص وخلا العقرب متلع ليه العين حتا خرج بتاسم باستهزاء وهز لفون كيدوي فيه
#نرجعو_عند_ميرو
لي كانت فالبينوار وغرقات فسبات عميق واقف جنبها مبتاسم كيشوف فكل انش منها كيشوف فشكلها الحالي كيشوف فجمالها الخلاب وجسمها المثير لي ما زادته السنين الا جمال واثارة عض على شفايفو بشوق وحب وزاد قرب عندها تحدر ودوز يدو بكل حنان وقال بصوت خفيف
إبنة الجار الجزء الثامن
محتوى القصة
التنقل بين الأجزاء