المجتهدة وأستاذ الرياضيات الجزء السابع

من تأليف Hanae sghiouri
2019

محتوى القصة

رواية المجتهدة وأستاذ الرياضيات

جد: كنت حاسبك كتر من حفيدتي وعمرني رفضت ليك شي طلب
ديما كنت كندير ليك بي بغيت وخا باك ديما كان كيقولي ديك لفشوش ديالك ليها فتالي غدي دير شيحاجة لي تصدم أبابا ولكن انا كنت باغي نعيشكم احسن من كلشي ولكن شوف تربيتي فين وصلاتك وغوت بأعلى صوت وااااش حتا لهد درجة معندكش كرامة بااش تكذبي على راسك وتاهمي ولدي نضال بلي غتاصبك وحنا لي متبعينك ولكن من اليوم غدي ندمك مزياااان 

خرجييي عليا وعمرك غدي ترجعي لهد دار وعمرك تبقاي تجبدي سميت جدك على فمك نسايه ونساي كولشي انا مبقيتش جدك انا عندي غير جوج حفيدان نضال وأركان(ولد عم نضال دبا تعرفوه من بعد ) وحفيدة وحدة أحلام نتي صافي مبقيتيش حفيدتي وغدي نقول كولشي لمك وبااك غير يجيو فلعشوية وهما غدي يعرفوا يتعاملوا معااااك يلاه طلعي لبيتك متورينيش وجهك حتى يجي بااااك ويتبالا بيك 
سمية طلعات للبيتها وطموع كيسيلوا بحال شلال حيت هي فعلا كتبغي جدها بزااااف كتر حتى من ماها وباها حيت هو لي كان ديما كيديرلها داكشي لي بغات و بسباب هوس ديالها الخاوي لنضال فقدات جدها بقا فيها الحال من جدها لي حرقها 

تحت فصالون💝💝
ليلى: بنتي كنشكرك بزاااف حيت نتي لي فتحتيلي الطريق وجليتيلي عينيا كنت غدي نديروا واحد الغلطة كاملين ونزوجوا نضال لسمية وهو معندو حتى دخل فهدشي وعطيتيني الخطة باش نبينوا الحقيقة ونسيتي خوك لي حتى هو عندو نفس المشكل وعاونتيني بنتي نتي واحد البنت مكاينش بحالها 
اب نضال: بنتي معرفتش كيفاش نشكرك ولا اش غدي ندير نتي ناذرة فهاد الزماان شفتي اش دارت لينا بنت ختي ونتي مكتعرفينا مكنعرفوك وعاونتينا ونسيتي خوك (ليلى عاودات ليه كولشي حيت مقدرتش تصبر الحب يا ساد 😂😂) 
وعاونتينا ومشا عنقها وبدا كيبكي وكيقولها شكرا ابنتي كون مكنتي نتي كون خرجنا على ولدنا الوحيد 
لينا: صافي اعمي بلا متشكرني هدشي واجب 
جد: اجي ابنتي عندي 
مشات لينا عندو وبقا كيعانق فيها 
جد: مكرهتش ابنتي كون كنتي حفيدتي مكرهتش كون كنتي خت نضال 
نضال: فداخلوا سكت اجدي سكت لاش هد الدعوة اجدي واش باغيني منتزوجهاش وااش بغاني تكون ختي الله اجدي اش هد دعاوي ولاو عندك 😂😂😂
نتي ابنتي ضحيتي بحياتك باش تبيني الحقيقة 
ونسيتي خوك وخا مكنعرفوش حقيقة كولشي لي قالو عليك ولادي (ام نضال وباه ) عندهوم الحق فيه نتي بنت مكينش بحالك فهاد الزمان وراك شفتي كولشي بنت بنتي وخدلاتني 
لينا: شوف اجدي متقولش هكا راها ماشي لخاطرها راه لحوب لي خلاها دير هكا واش هي ذنبها اجدي راه القلب هو السبب والقلب لا بغا شي وحد يقدر يدير كولشي على قبلو وهدشي لي دارت كامل ماشي باش تعصيكم ولا شي حاجة راه غير باش تجمع مع لي كتبغي وراكم مجربيين الحب وعرفين اش تقدرو ديروا على قبلوا 
سمع اجدي مديرش هدشي لي قلتي قبيلا ومتبقاش معتارف بيها حيت راها معرفا والو غير مراهقة ويمكن تكون اول مرة حسات بشي حاجة من جيهت نضال وشيطان بقا كيلعبلها براسها داكشي علاش دارت هكا شوفو غير واش منين كانت صغيرة قبل هد الفترة واش كانت هكا 
متعدبوهاش هكا اجدي دير بلي مكيهدرش معاها غير باش تحس بذنب وتصلح الخطأ ديالها حيت شحال ما طال الزمان غدي تعرف الخطأ ديالها وغدي تعرف بلي هداك غير إعجاب ماشي حب حيت الحب حاجة أخرى عفاكم كاملين عطيوها فرصة اخرى وهي غير شي ايام وغدي تحس بالغلط ديالها بوحدها

وتجي هي تعتاذر ليك ومع الوقت غدي تلقا لي تبغيه نيشان ماشي غير اعجاب وهو يبغيها وانا كنظن بلي تخليها حنا معاكم فدار بااش تشوفك كلا نهار وتحس بذنبها وانا متاكدة غدي تحس بلغلط ديالها (شوفو العفريتة رجعات كتعرف تهدر للعلم لينا وخا سمية خطفاتلها حبها الوحيد ولكن عارفة بلي غدي تحس شي نهار بذنب ومنين شافتها كتبكي عاد زادت تاكدت وبغات تخليها فدار باش كلا نهار تشوف جدها وتحس بذنب والخطأ ولينا عارفة بلي سمية زوينة وضريفة وغير الحب لي وصلها لهنا )
جد: لا مستحيل نخليها خصها تمشي باش تحس بذنب مزيااان 
نضال: جدي سمع انا لي دارتلي هد لعب خاوي وراني سمحتها حيت هي بنت عمتي وانا عارفها منين كانت صغيرة كانت ديما كتساعد الناس وااش معقلتيش وكانت كتسرق الماكلة وكتخرجها ديرها حدا باب دلقصر باش فين ما جا شي قط ولا شي حاجة ياكلوا ومنين كان أركان كيغضب زعما ومكيبغيش ياكل حيت مكتخليناش نخيبو على المدرسة ههه وكانت كتبقا تسلت وتديلوا ماكلة ونتوما ديما كان كيحسابلكم بلي كيبات بلا ماكلة ههه وااش اجدي زعما هي غدي تكون رجعات شريرة تا لهد درجة غير فترة المراهقة اجدي وشيطان لعبلها بعقلها هد ليلة منين غدي تبقا بوجدها غدي ترجع لعقلها وانا متاكد وغدا غدي تشوف راه خصها غير الوقت اجدو 
جد:عندك الحق اولدي كانت ديما كتساعدكم نتا واركان ومنين كديروا شي زبلة كتقول بلي هي لي دارتها حيت هي صغيرة ومغديش نعاقبها هي فداخلها قلب بيض ونتوما اولادي عندكم الحق مي غدي نمتل بلي باقي فيا الحال باش تعلم دغيا 
وهانتي ابنتي لينا عاوتاني رشدتينا لطريق الصحيح تاني مرة اش كنا غدي نديرو بلا بيك ابنتي شكرااا بزاف 
لينا: هدا واجب اجدي

ليلى: دبا ابنتي نتي وفيتي بوعدك وانا خصني نوفي بوعدي ونعاونك باش تبيني الحقيقة ديال خوك لواليديك 
نضال: ماما بغيت نقولك واحد الحاجة مقدرتش نقولها ليكم من قبل بسباب هد مشاكل ومكنتش بغي تلاقاو فهاد ظروف ماما لينا ماشي كانت صدفة فاش شافتك هي كانت كتمتل وهدي كانت خطة ديالها باش تحلك عينيك حيت انا عودتليها كلشي وهي معندها لا خوها لا والو كان كولشي غير خطة وانا ولينا كنبغيو بعضياتنا مت شحال هدي 
وشد فيد لينا وهي وخا سمعت اش وقع لي مع سمية تاقت فيا وبقات مصرة باش دير هد الخطة وتبين الحقيقة وتوريكم الحقيقة ديالي وديال سمية 
هي لبنت لي عاودت ليك اماما عليها لي دارت ليا داك المشكل اول نهار وقلتيلي راها متبقا تلميذة متعاندش معاها أولدي هي هدي ومن تما وهي كيطور علاقتنا حتا رجعنا كنبغيو بعضيتنا بزاف وهدي هي البنت لي ضرب سمية على قبلها حيت كذبات عليها وكانت غدي تفارقنا وهدي هي لي بدلاتني اماما ورداتني واحد آخور 
اب نضال: ههه كنت عارف هدشي غير من الهدرة ديالكم كتهدرو منسجمين تقولو حافضين الكلام 
جد: والله حتا انا حسيت بشي حاجة لينا كتقول هدرة وهو كيكمل عليها انسجاام باين فيكم والحب باين فعينيكم عرفتي اولدي اش تختار ختاريتي بنت مكينش بحالها وخا هدشي كامل لي دارت فيكم سمية سامحتوها وعذرتوها نتوما مكينش بحالكم وغدي تكون ان شاء الله سعداااء فحياتكم معندي منقول غير الله يكمل عليكم بالخير وفرحت بزااف وشرف ليا تكوني بنتي الينا 
ليلى: دموع كيهبطو ليها ومشات عند لينا 
نتي ابنتي ديرتي هدشي كامل غير على قبلنا وعلى قبل ولدنا نتي الوحيدة لي تيقتي نضال ووقفتي معاه فنهار لي كنا حنا كاملين معصبين منو وخاطرتي بحياتك على قبل حبك ومستسلمتيش ودرتي هد تمتيلية معرفتش ابنتي اش نقول نتي متستاهليش تكوني غير مرات ولدي نتي خصكي تكوني بنتي وعنقاتها وبداو كيبكيو بجوووج 
جد واب والام كاملين وافقو عليهم وعتارفوا ليهم بلي جاو مع بعضيتهم وبغاااو لينا بزاااف 
لينا بسباب هد تضحية فازت بحب وقلوووب جميع العائلة ووصلات لأش بغااات هي ونضال

لينا: خالتي انا خصني نمشي راه تعطلت بسلامة عليكم 
ليلى: شكرا ابنتي مرة أخرى غدا زوريما راه غدي نتوحشك بزاااف 
أب نضال: دبا غير سيري ولكن غدا رجعي دوزي معانا النهار ابنتي ياك مقرينش غدا عندكم إضراب 

جد: فكرة زوينة أبنتي ونزيد نعاودلك على زبايل نضال فصغرو ونتي عوديلي ابنتي ومنها نيت نحاولو نحسسو سمية على الله ترجع لعقلها 
لينا: ضروري اجدي نرجعوها لعقلها راها غدي تولي ختي ان شاء الله يالاه أنا مشيت أجدي بسلامة 
وتمات غدا حتى وصلات للباب ونضال غوااات 
نضال: واااااااااااش بغا تمشي بوحدك فهاد ضلام لداركم 
لبنا: آه مالك غدي نمشي واش غدي يكلوني ذياب 
نضال: 😠😠😠 لا مغديش يكلوك ذياب غدي يكلوك ذياب ديال هد المجتمع 
زيدي قدامي نوصلك من هد نهااااار غدي نبقا ندوز عليك نوصلك واااش مفاهميين 
لينا: كتشوف فليلى لي كتقولها براسها غير قولي آه حيت نضاال كان معصب 
لينا: آه ميكون غير خاطرك

نضال مشاو هو ولينا 
عند الجد 
جد: هههه كيفكروني فيامات الحب ديالي أنا ولالا كريمة ايه سبحان الله نسخة وحدة كنت كنغير عليها بحال هكا 
اب نضال: بالي ابا تفكرتي غير راسك ههههه وانا لا 
جد: هههه سلالة 
كل : ههههههه 
جد: يالله بسلامة انا طالع نعس تبقاوعلى خير 
ليلى: تصبح على خير ابابا 
ياسين: (اب نضال) يلاه حتا حنا نطلعو نعسو 

نضال وصل لينا ورجع لدار كان الحال معطل مشا للكوزينة شرب الما ودا معاه الما ومشا للقاعة درياضة يتريني وينسا شوية هد شي ليوقع (للعلم قاعة درياضة عندهم فدار من جهة الخلفية) 
نضال بقا كيتريني شي جوج سوايع وطلع للبيتو بدل حوايجو وخدا حمام مشا باش يعيط لصاحبو جاد لي توحشو وهو يتفكر بلي خلاه فلكوزينة منين كان كيشرب وهو يرجع باش يهبط يجيبو هبط وجابو ومنين كان طالع سمع صوت البكا وهو يبقا تابع صوت البكا كانت 3ديال صباح حتى وصل لصوت كانت سمية جالسة فأجروحة لي فجردة وكتبكي وكتهدر مع لكلب ديال نضال هد الكلب هي لي رباتو وكانت كدوشلو وكتلعب معاه كتر من نضال حيت نضال كان عندو الخدمة فداك الوقت 
نضال منين شافها هكاك بقا حاضيها وهي مرادالوش البال كتهدر مع الكلب وكتبكي بهسترية 
سمية: هىهئ قولي واش انا عمرني كنت هكا هى هئ ديما جدي كان كيديرلي لي بغيت وعمرو مخلاني نحس بنقص علاش علاش دبا خلاني علاش وعمي ديما كان كيفهمني من نضرة ديال عيني علاش دبا مفهمونيييش علاش انا كنبغي نضال هى هئ انا وخا ممتأكدتش من حبي ليه مي هو لي كنرتاح ليه هىهى 
علاش مكتجاوبنيييش واااش حتا نتا كتقول بلي انا خاطئة اه عرفت راسي خاطئة ولكن قوليا كيفاش نرد حب جدي وعمي وخالتي 
علاش انا لي كيوقعلي هكا علاش هد شيطان تبعني وااش معندوش من غيري انا عمرني كنت حقيرة هكا أش وقع ليا اوووووف

هئ هئ علاش انا وليت هكا قوليا واش أنا حتا لهد درجة حقيرة كنت غدي نفرق جوج على جبهم علاش علاش رجعت هكا 
اوووف يارب سمحلي ياربي انا مكنتش هكا وأنا غدي ندير كولشي باش تسمحليا نتا لول ويسمحولؤ عائلتي ولينا لي آذيتها بزااف ونضال لي ضيعت أحسن علاقة كانت بيناتنا مينين كنا صغار هئ هئ عاقل (كتهدر مع الكلب) كنا ديما كنلبعو انا وياك ونضال واركان ديما مان نضال كيغلبنا أنا وأركان وكانوا كيحكموا عليا باش نوجد ليهم الماكلة منين كيغلبوني عاقل 
هئ هئ ولكن دبا وااش هدشي غدي يرجع ولا لا هى هئ توحشت بزااف أركان مكرهتوش مون كان معانا ونتجمعوا ماملين ولكن هو دبا راه فتركيا وعندو الخدمة هئ هئ انا خسرت كولشي وحتى لقال جدي هدشي لماما وبابا تاهوما غدي نخسرهم هى هئ 😭😭😭 علاش علاش 
سمية بقات كتبكي وكتهدر مع الكلب مرة درعو مرة تضحك مرا تغوت كلا مرة واش تقول ونضاال غير حاضيها وصلات 5دصبااح
سمية ناضت باش طلع لبيتها قبل ميفيق شي حد ويشوفها معندهاش الخبر بلي نضال من صباح وهو حاضيها 
نضال منين شافها جايا تخبع بزربة باش متشوفوش خلاعا حتا طلعت وطلع حتا هو مشا لبيتو ونعس 
فصبااح 💥💥
خدامات كيحطو الفطور فطبلة وكيوجدوا 

سلاو توجاد وجلسو ليلى والجد واب نضال 
يفطروا فطروا وسالاو 
جد ولدو (اب نضال) مشاو للخدمة 
وليلى مشات مع صحبتها باش يبدلو الجو 
دربات12ديال وعاد لالا سمية ونضال فاقو فاقت اللولة سمية عبطات بشوية ومنين شافت مكاين حتا واحد مشات بدلات حوايجها ومشطات شعرها من البارح وهي طرقا عليه 😂😂 وهبطت تشوف اش كاين ميتنكل مشات للكوزينة مكان فيها حتا واحد بقات كتقلب عند نضال لي فاق ولبس حوايجو ومشط شعرو ورش ريحتو وهبط حتا هو يشوف اش ياكل 
كانت سمية كتعلق باش تجبد سكر 
وهو يجي نضال من موراها وجبدولها 
هي منين شافتو حسات بتأنيب الضمير وبحال معرفتش اش دارتلو عينيها تغرغرو بدموع وبغات طلع مي نضال وقفها 
نضال: بقاي تتفطري معايا

سمية : شنو 
نضال:واش مبقيتيش تسمعي قتلك بقاي تتفطري 
سمية: لا بلاش منستاهلش نفطار معاك فنفس الطبلة 
راني عارفة اش درت وانا حسيت بالخطأ ديالي وندمت علاش درت هكا فيكم وكنطلب منك السماحة نتا ولينا دبا نعتاذر ليها ونتمنى تقبلو اعتذاري 
ولكن ممحتاجاش شفقة ديالك لهذا انا هد نهار غدي نمشي بحالاتي 
نضال : مشا شدها من يديها وتكا عليها 
واااش نتي مخورة فعقلك ولا لا أشمن شفقة ولا زمر 
وااااش نسيتي عشرتنا وطفولة لي دوزناها انا وياك واركان واحلام وااش دغيا نسيتي واش نسيتي نتي لي كنتي كتحليلي مشاكلي وديما كتنقدينا وااش نسيتي شحال كنتي كتعتاني بكلابي وااش نسيتي اش دوزنا كاملين فطفولة ديالنا ودبا جايا تقوليلي شفقة 
لاش غدي نشفق عليك وبأشمن صفة وااش دربك ضو فهاد صبااح 
دوزي دوزي تفطري ومنهنا مغاديش تمشي حتا نتصالحو كامليين 
بالمناسبة أنا مسامحك حيت فعلا نتي مكنتيش هكا مي حسيتي بخطأ ديالك وانا عارف شحال نتي ضريفة 
او يلاه واااش غدي تبقاي وقفا زيدي باش تعاونيني نحط على طبلة 
نضال مشا وهو كيضحك وسمية بقات واقفة فبلاستها وكتشوف فيه ودموع كيسيلو لها من عينيها وكتقول مع بالها ياربي انا تش درت تا وليت هكا وبغيت نآدي صديق حياتي ولد خالي لي ديما كان مساندني أش كنت غدي ندير كنت غدي نزل باطل على واحد قلبو بيض عمروا آدى ولو نملة بففف كيفاتش رجعت ولكن حمد لله منين لينا رداتني لطريقي ورجعاتني لعقلي لي كنت قريبة نفقدو 
نضال: اوووف اسمية وااش غدي تبقاي تما واقفة مسحي اصاحبتي دموعك وآجي عونيني واش مغديش تنساي هد شي رجعي كيف كنتي فلول سمية ضحوكية لي كضحك كولشي وكتبغي النشاط يااااه 
سمية مسحات دموعها وبغات ترجع كيف قالها نضال وهد نهار قررات بتش طلب منهم السماحة كاملين 
نضال وسمية وجدو طبلة وقادوها وgلسو كياكلو كيتهاودو وكيرجعو لحضات الطفولة وسمية كضحك فنضال مهم داز فطور بيناتهم زويين بزااف 
من بعد سمية طلعات للدوش باش دوش وتنسا كولشي بااش تبدا كولشي من لول مع شخصيتها الولة الطيفة 
ونضال عيط على أركان منين سمع سمية توحشاتو وحتى هو توحش ولد عمو لي من شحال هدي ما شافو وطلبو بااش بجي وقالو راه كاين هنا سمية (للعلم أركان من شحال هدي كان كيبغي سمية بزااف ولي عرفها غير نضال واحلام لي مكيخبي عليهم حتى حاجة وحتى هما) 
ومن بعد منين وافق 
تاصل بأحلام باش تجي حيت غدي يكون عندها فهاد شهر

نضال عيط عليهم وصالا وقنعهم وgلس كيشوف أش كاين فانستغرام شوية وهو ناض وباقي عاطي بظهروا وهي تنقز عليه لينا من اللور وتشبطات فيه هه 
نضال: وااع واضهري وااا بقرة وتي هبطي راكي قسمتيلي ظهري 
لينا هبطات بزعفة 
لينا: واااحاشاك أحيماري (بقا فيها هد قاعدة كانت كتقولها لجاد ديما)
راه لطاي زينة وبدات كدور كولشي بلاصتو تبارك الله وخلاص 
نضال: عاااااودي اش قلتي 😠😠
لينا: كضحك لطاي زينة تبارك الله كولشي فبلاصتو ولا مرضيتيش 😂😂
نضال: لا ديك لي قبل هدشي 
لينا: على أنا قلت شي حاجة 
وهي تعلق وطلعات فوق فوطوي 
نضال تم جاي 
زلينا كتحلف وحق ربي حتا نتاحر من هنا ( زعما من فوق فوطوي هههه) وشوف خطوة وحدة تزيدها راني نلوح راسي ولامشيت حتا احتو مضمنش ليك نعيش (😂😂 لا حول ولا قوة إلا بالله ) 
نضال: بصااح لي سمعك يقول غتلاحي من كطريام طاح ونتي فوق فوطوي بعدا كون طلعتي غير فوق طبلة شوية 😂😂 
الله ياربي بيمن تبليت اللهم رزقني صبر سيدنا أيوب 
لينا: دبا أنا غدي نهبط مي والله وتقيسني على ديك كلمة حتى نحاول نتاحر مرا أخرى ودبا ماشي من هنا راه غدي نطلع فوق بوطاجين 😂😂
نضال: غير هبطي راه مغديش نحاديك ولكن بالقسم ونسمعك عاودتيها حتا نفرشخك على ألف 
لينا: ههههه ناري طيرتيني بالله لا نتا درني طلاحة حسن اوا بااز راه عادي أصاحبي حيماري عادي بحال حيماري بحال بقرة 
نضال: وااااش بقا كتعاوديها لا والله نتي حتى كتقلبي على شي فغاجو فدوك الحناااك 
لينا: هبطات من فوطوي ومشات عندو 
لينا : ولحقيقة حتا أنا تسالالي فغاجو ههههه 
نضال: اوا الله يعطينا وجهك 
لينا: هههه داك ساع نصبح مزوجة بلينا تزدق مك كتقولي سيري ابنتي عيطي لراجل لينا هههه وااامي كرشي نتا فشكل وحق الله 
نضال: دوزي دوزي تgلسي راك فقصتيني 
مشاو gلسو 
لينا: شدات بيسي ديالو 
اممم معليش ندخل للانستغرام ديالي 
وتيلي ديالي بليز ديرولي يتشارجا راه طافي 
نضال: معليش خودي راحتك حاجتك ولات حاجتي وحاجتي ولات حاجتك يعني بلاما تبقاي طلبي مني إذن 
لينا: مااح باستو نموت فيك انا 
نضال: حتا انا حبيبتي اريلي نديرلك تيلي يتشارجا 
لينا عطاتو تيلي يديرو يتشارجا وهي مشات تحل انستغرام ديالها ولقات ديال نضال محلول ودغلات ليه قالك منين حاجتو هي حاجتي حتى هدا غكي يتحسب ديالي 😂😂 
دخلات ليه وبقات كتشوفلو فميساجات ولقات واحد داخل بأركان العمراني

بأركان العمراني كيهدر معاه بزااف وهي دخل لباج ديالو ولقاتو لايح أغلبية ديال تصاورو مع نضال ومع الكلب ديالهم ومع سمية وأحلام و تيتيز طويل وشعرو رطب وعينيه قهويين غامقين ولحية مرتبة كتار ممرتب استعمال الزمن ديالي 😂😂 كيشبه بزااف لنضال غير هو كتر منو 
لينا شافت نضال جاي وجايب معاه جوج كيسان ديال العصير وتفكرات منيم كان كيفقصها وكيبقا يشوف شي بنت كيقولها زوينة وهي تبغي تردلو الصرف وهي خلالتو حتى جلس 
نضال: تفضلي 
لينا: شكرا 
خلاتو حتا بدا كيشرب وهي تسولو 
لينا: نضال شكون هد أركان العمراني عندك فانستغرام 
نضال: ولد عمي ياك قلتي غدي دخلي لديالك ماشي ديالي امم 
جا يشرب جغنة تانية 
وهي 
لينا: وااا تيتيز واا قرطاس هد المخلوق واااش من نيتك هدا ولد عمك ميكونش شي تركي تلف ليهم من شي فيلم وبقا هنا وتيحساب ليكم ولد عمك 
نضال : وحلاتالو كح كح كح 
لينا: بشوية 
نضال: عندك الحق دبا مرات عمي منيم جات تولد مشات لتركيا وصدقوه عليها تما وجابتو 
اوا بااااز وكتقولهالي حدا وجهي وهكا بلا حشمة كيعوجها واا تيتيز وا قرطاس هد المخلوق 
لينا: وخويا أش ندير جمااالو لا يوصف لحية مطراسية وعينين قهويين وطولة وتجريدة وسمية زينة احححح كون غير جا قبل منك اصاحبي 
نضال: كيشير للحيتو لا بالي هدي غير زريعة محروثة هنا ياك وهدا يمكن عينين زرقين ماشي قهويين ووقف واااقيلا مكنبانش ليك ياك رجع بحال سنفور يااك اوا الله يعطينا وجهك 
لينا: ولحقيقة ماشي زريعة هاديك لي محروثة تما كنضن جلبانة ولا الفول 
ههههههه 
نضال: أري داك مشقووف وسد حساب ديالو وردولها ودبا حلي مرض دياااك

لينا : ميغسي 
اجي فكرني بسميت ولد عمك شيحاجة العمراني 
نضال: ولاش نتي ألالا 
لينا: واااش منديرولوش أبوني بعدا لمهدرنا معاه نتنزهو ونسقيو عويناتنا 
اوا قول اش سميتو اصاحبي 
نضال: بركان العمراني 😂😂
لينا: اوا بااز لواه زلزال العمراني 
نضال: بغيتو يضربك باش مخك يرجع لعقلك رااه نتي دخليها لدمااغك ديالي فهمتي ابنادمة 
لينا: هههههه ناري يا حبيبي والله حتا نتا زيين عليه بألف درجة وخا حقيقة كتشبهلو بزااف ههه 
غير بغيت نرد ليك الصرف ديال فين ما تشوف شي تعريجة كتبقا تقولي زوينة 
نضال: عرفتي كنت شوية ونوض نهرس عليك هد جقلول بااش مرا أخرى تبقاي تهدري حدايا على شي خنشوش 
بالمناسبة هدا هو أركان لي هدر عليه جدي وهو بحال خويا ضريف بزاااف هو راه دبا فتركيا وبدا كيعاودلها علييه 
لينا: ااييه دبا قولي هو كان معجب بسمية اممم 
نضال: ودبا معرفتش واش باقي ولا لا 
لينا: تا يجي وهدي خليها علينا انا وأحلام حنا غدي نتكلفو 
نضال: اوكي اوا واش غدي نبقاو غير كنهضرو يالاه نديرو شي حاجة 
لينا: أش غدي نديرو 
نضال: غدي نخرجو انا وياك وسمية نتغداو برا ونتمشاو باش شوية تبدل جو 
لينا: واااو ياااس انا غدا نمشي نعيطلها 
لينا طلعات كطير مشات عند سمية لي كانت جالسة على كرسي وكتضفر شعرها 
لينا: دق دق دق دق 
سمية: دخل 
لينا سلام 
سمية : ليناا دخلي دخلي 
لينا : سمحيلي لكنت جيت فوقت ماشي هو هداك مي جيت نقوليك بلي حنا خارجين وبغيناك تخرجي معانا 
سمية: لا بلاش مفيا لي يخرج غير خرجو بجوج وخودو راحتكم 
لينا: خرية مالك هكا غدي تخرجي معانا هي غدي تخرجي معانا صافي مكينش تا أعذار 
سمية: بداو عينيها كيدمعوا ومشات عنقاات لينا وبقات كتبكي وكتقولها وتعاودها سمحيلي عفااك سمحيلي 
لينا: مسحات ليها دموعها صافي بلاما تبكي اصاحبتي كون مكنت مسامحاك غدي نجي لعندك ونطلبك تمشي معانا اوا بلاما تزيدي فيه صافي حسبيني بحال ختك انا عارفاك اسمية شحال ضريفة ولهدا بلاما تقولي والو ودوزي لبسي حوايجك 
سمية: منكونش قدك نتي غاية من الأخلاق سمحيلي كنت غدي نفرقك على نضال كنت بلا عقل الحقيقة نتوما مواااتين بزاااف ياربي يخليكن لبعضيتكم الحقيقة عرف اش يختار بنت بحالك قليل فهاد المجتمع زين والحجاب وأخلاق تبارك الله عليك وصافي 
ورجعاات عنقاتها وحتا لينا بدلاتها العناق 
مهم لينا ختارت لسمية اش تلبس وسمية ختارت للينا من حوايجها

حيت لينا قاصت حوايجها بالعصير بلاما تشعر وسمية شافتها وعطاتها من حوايجها 
لينا لبسات ( سروالدجين وسوميجة كحلة وفيديها جاية فيها طبيقات وسندال طالو فلكحل طالو غليظ وشال 
اما سمية لبسات سروال دجين غامق وسبرديلا حمرة سوميجة حمرا وهزات شكارتها وهبطو ) 
نضال: كون غير باتو شوية تما 
زيدو زيدو تغدينا بكري 
ركبو البنات ومشاو لواحد مطعم راقي 
جلسو طلبو اش بغاو وبقاو كيهدرو ويضحكو وكيهدرو على طفولة ديالهم 
لينا: ههه كنت ديما كنخلي ماما تمشي لشي لسوق مع خالتي ولا لشي بلاصة ونعيط لجاد مع كان طويل باش يعليني لبلاكار ديال كوزينة فوقاني ونجبد فقاص وكيكة ههههه ديما كنا منديروها 
سمية: هههه 
نضال: قوليليا أنا غدي نتزوج شفارة ظوي ألفعة 
سمية: ههه وهي مغديش تزوج عناااب 
نضال: سكتي متفضحينتش حدا العروسة خلينا غير نتزوجو وتما ارى نتفضحي 
لينا: فضحي فضحي اختي اسمية 
سمية: ههههه منين كان صغير عندو شي 12سنين كانت واحد بنت حنا كان عندها22عام ههه كانت كتقرا فكلية الطب كانت تيتيزة وديما فين ما تكون جاية من الكلية وغدا للدارها كان كيتلاقاها حدا باب دفصر وكيعطيها الحلوة لي كان جدي كيجيبهالنا من فرنسا وكيقولها شوفي والله غير نكبر ونعجبك ههه 
نضال: ههههه هانتي فضحتينا 
لينا: عنيبة لاخور هههه بنت فايتاك ف10سنين هدشي 
سمية: هههه اما ديك أركان خلاص غنيبة فوق قيااس

نضال: الحقيقة دوزنا طفولة زوينة 
لينا: شافت فساعة ولقات الحال تعطل معا بقاو كيهدرو ويضحكو نساو راسهم 
لينا: واا عتق انضال هد نهار نبات حدا حانوت دعمي حمد واا نوض اصاحبي ما هد نهار تخرجني فجورنال قتلها غدا غير عند هند وجيا دبا 
نضال: لا جرات عليك اجي باتي معانا 
لينا: داوي من فمك 
نضال: لا ماشي منو هههه 
نضال مشا خلص ووصل لينا لدار وكمل طريق لدارهم 
فصبااح 💥💥💥
جد:شوف شوف شكون زارنا 
ليلى: توحشنااك أولطي بزاااف اجي عندي نعنقك 
بقااات كتعنق فيه 
أركان: كيبادلها العناق حتى انا توحشتك بزااف أخالتي بنتيلي ضعافيتي 
ليلى: هههه راه زعما كنكبرو ونشرفو 
أركان : هههه لا نتي بقا جون عليا شوفي زين ولطاي ولحنيكات وكتقول شرفتي اوا بااز 
(أركان ديما كيضحك معا ليلى وعمو من طبعو ضحوكي)
سلم عليهم كاملين وgلسو كيتهاودو وكيهضرو ويضحكو حتى تسمع دقان 
ليلى: عيطات للخدامة حلات الباب 
وكانت لينا جايا (كانت10:30 ) 
كانت لابسة صايا مزيرة فلكحل وتريكو فلgرونة واسع وقصير جاي مع صايا نيشان حد سمطة وسبرديلة فلgرونة وشال من نوع المفخفخين 
فلgرونة ولكحل ولابسة شكارتها فلبيض باش تكسر دوك الألوان 
جد: صباااح الفل شكون زارنا نورتينا 
اب نضال: زرتنا البركة توحشنااك ابنتي 
لينا: صباح الخير كيف صبحتو 
كل: لاباس حمد لله 
لينا: حتا انا توحشتكم وجيت نشوفكم قبل منمشي للمدرسة 
لينا مشات سلمات عليهم وسلمات على أركان 
ليلى: لينا بنتي سيري فيقي نضال من صباح وحنا نعيطولو مبغاش تا يفيق 
لينا: واها اخالتي أنا غدا 
لينا مشات تفيق نضال 
فبيت نضال 🌹🌹
لينا: شوت شوت شوت واااا لعجل 
اووف هدا واش ناعس ولا ميت 
قربات عندو 
وااانضال نضال واانوض عفاك نضال 
وهو فسابع نومات 
ملقات مدير عيات متفيق فيه والو وهو يبانلها كاس ديال ماء متقشع غير هو ههه وتكبو عليه 
نضال: اح اح اح مالك أبنادمة واش مكتعرفيش تفيقي بنادم بحال ناس 
لينا: وااش من صباح وانا كنطبل ونتا واالو تقول ميت ملقيت مندير 
نضال كان كيحك عينو وكيهضر مكانش شايفها وهي تgلس حداه وهو يقشعها 
نضال: نوضي نوضي نشوف 
لينا: أش غتشوف ياك ديما شايفني 
نضال: اجي حدايا نشوف ألالا 
لينا ناضت وبقات كتشوف فيه 
لينا: اش غتشوف هااك ياك هدي غير انا 
نضال: لا عرفتك ماشي نتي 
اش هد الباس ألالا 
لينا: واا زوينة هدي كيفاش اش هد لباس وااش شفتيني عريانة بلا حوايج

نضال: غدي تمشي دبا تبدلي عليا هد الحوايج بلا متصرعي دين مي فهد صبااح 
لينا: وااا سي محمد واا هيا وااش ضربك ضو غير قولي اش عريان فهد شي قول 
نضال: ياااك ديك نهار قتلك منعاودش نشوفك لابسة هد صايا ولا نتفاهم معاك 
لينا: وااش من نيتك من نبقاش نلبس انا حوايجي اوا هي ندير انا حجاب شرعي ونهني راسي gاع 
نضال: دبا ديريه مع الوقت غير صبري دبا سيري بدلي هد شطايط وبلا متصرعيني الينا 
لينا: نضاااال عفااك غير هد النهار 
نضال: لييينا حبيبتي بلاما تحاولي احياتي 
غدي تبدلي هد شطايط هي غدي تبدليهم 
ودبا سيري خودي شي حاجة طويلة ومستورة من عند سمية ومنعاودش نشوفك بهاد الباس 
لينا: لينا طلعتلها قنطيشة 
نضااااال والله حتى عيقتي بالله واش من دبا نبداو بهاد حكام دزمر كون غير كنت لابسة ميني ولا معرية نقولو وها ولكن راني لابسة عادي 
نضال:و ألالا هد صايا مزيرة كتبين ليك طايتك ماملة وعاد هد طريكو قصير اوا دوي كولشي فطايتك باين وجاية كتباااني زوينة بزاااف وكتفتني 
وغوت لهدا غدي تمشي تبدلي هد شطايط ونتي وطايتك وكولشي ديالك من حقي غير أنا تا واحد معندو الحق فيك 
لينا: تعصباات واااااااااا الله منبدل شي زمر وغدي نبقا هكا وااا عياقة مزال مدرتا فطاجين ميتحرق ونبداو بهاد حكااام دزبل والديا ومكيقولولي وااالو انا غدي نبقااااااا بهااادو بغيتي ولا كرهتي 
وتنات خارجة زنضال شدها ولدفعها مع الحيط وحاوطها بيديه 
نضال: لا بالي نتي منافعاش معاك الهدرة ولكن أنا غدي نعرفك بقااي هنا انا جاي 
نضال سد عليها الباب ومشا عند سمية دق عليها وطلب منها شي خاجة طويلة وزوينة وتكون مستورة عطاتو كسوة طويلة بيضة زوينة 
نضال رجع لعند لينا 
نضال: هاك هدي لبسيها 
لينا : شنو هدي 
نضال: كسوة طويلة وغدي تجي معاااك زوينة 
لينا: خدات كسوة شافتها عجباتها بزااف وعرفاتها غدي تجيها زوينة وهي تقولو اري انا غدي نلبسها 
نضال: اوا هكاك 
لينا شوفي انا مباغيش نحرمك من اللباس ولكن فهميني راه منين كنشوف شي مخلوق كيشوف فيك كنحس بالعافية داخل مني 
لينا: راااه غدي نبدل خرج واش نبدل قدامك 
نضال هبط للتحت وتفاجئ منين شاف أركان حسابلو غدي يجي حتى للعشية سلم عليه وجلس حداه 
شوية وهي تهبط لينا وسمية لينا كانت لابسة ديك كسوة جاتها زوينة وبينت طايها كتر من اللول ههه وجااات فنة 
نضال منين شافها هكاك تصدم وندم على نهار لي قال ليها

سمية منين شافت أركان طارت لعندو عنقانو
سمية: افين أعنيبة فوقتاش جيتي ياك قلتيلي مغديش تجي 
أركان: كوني غير بحال بنادم قولي بعدا سلام وكيداير كيف كانت الرحلة مالك فين مربية اعينية 
ههه
سمية: اممم كون اوا بااز ليك وجهك صحيح هههه اوا مقلتيليش غدي تجي 
أركان هدشي حا مفاجئ ههه 
سمية: باقس نتا هو نتا اععع بحالك بحال جدك سلعة وحدة تجيو بلا متقولوها لحتى واحد نسات جدها جالس حداهم 
جد: يمكن انا هنا لا 
سمية: جدي مقصدتش بغيت نقول اجدي 
نضال هدر باش ينقد الموضوع 
نضال: جدي هي بغات تقصد جدها لاخور ماشي نتا 
سمية: اه اه هدشي اجدي مقصدتش 
أركان: امم على جدك دباك كيجيني شي خاجة اتيتيزة 
كل:هههههه 
أركان: اوا متعرفونيش على تيتيز 
نضال كان جالس حداه وهو يوطا عليه على يدو تكان غدي يدخلاليه فلفوطوي 
جد: جاجة ديال مولاها تستاهل 
نضال:هدي ديالي اولد العم وجمع فمك شوية راه الموت كدور وعينيك ردهوم لبلاصتهم شمن نحيدملك وراك عرفني نديرها كيف قالت سمية مكتبدلش بااز وجهك اساط صحيح 
سمية: غير جيتيه ولد عمو لكبير كون خرج ليك 
عينيك من بلاصتهم راه خديت تجربة مسبقة اتيتيز وغير جمع عينيك هههه 
أركان: مالكم مخورين فعقلكم كاملين غير بغيت نتعرف على درية شفتها فدارنا وصافي 

أركان: انا أركان العمراني ولد عم نضال الكبير كبر منو فعامين مستقر ديا فتركيا 
لينا: لينا الصغيوري 18لعام عندي هد العام الباك وكنقرا عند هد دحش 
نضال خنزر فيها زعما جمعي فمك اهيا تي 
لينا: بغيت نقول زعما ولد عمك الصغير نضال 
اركان : متشرفين لينا ومدلها يدها وهي مدتلو يدو وهو بغا يسلم عليها بلوجه ونضال ناض 
نضال: ت توتوتوتوتوتوتو ساط ديالي هدي وحقي هدا وجرها عندو تا تصاطحات لعنو لصدرو وعنقها 
شوف اولد العم قلب الدورة شمن نقلبك معاها وديالك بقربك وأظن أنها تبادلك نفس الشعور 
أركان: الله على استاذي العزيز كتفكري بأستاذ لحبيب دلعربية ههههه 
ورحم باك يرحم عمي لما سكت راك فضحتينا ألبشار سكتنا شوية 
نضال: هههههه ديزولي أركانو مقصدتش وتا نوض راه عندها كونكسيون هديك تقيلة والله لقلعت شي لعبة ههه 
أركان : اوا هكا معليش (كيهدرو على سمية 😂😂 أركان كيبغي سمية وهو عارف كولشي أش دارت وجا باش يخليها حتى هي تتعلق بيه حيت حتا هو معجبة بيه ) 
أركان: جدي بسلامة انا غدي نرتاح عيان شوية 
نضال نتقاشعو من بعد يلاه بسلامة يا أخواتي 
نضال: بسلامة لعشية اساط
أركان: ضروري ألحبيب
لينا: بسلامة 
اركان: بسلامة ختي وتهلاي فهاد مسعور هههه 
ختي سمية وها ديريلي تيلي يتشارجا عفااك 
)هوبغا غير يفقصها )
سمية: تحت سنانها يخويك ان شاء الله تفو كولشي عندو انا بحال ختو 
وهي تقولو بجهد 
عندك يديك لا ونزيدك انا مخت ونتا مخويا وموداتكش مي ولا با دونك مختي مختك 
أركان:علاش باك كيولد وحنا مفخبارناش 
كل: هههههه 
سمية: لينا انا خارجة بسلامة منين نجي نهدرو 
جدي انا غدا بسلامة 
جد: بسلامة 
سمية مشات ونضال وأركان ناضوا كيضحكو 
للعلم نضال عارف بلي اركان كيبغي شمية وغير كيبغي يفقص فيها 
اركان: هههه يلاه نخليكم بسلامة 
كل: بسلامة 
جد: انا غدي للخدمة اولادي 

لينا نضال: بسلامة الله يوصلك على خير

بقاو غير نضال ولينا 
خرجو لجردة يجلسو 
لينا كانت جالسة شادة تيلي وكتكونيكطا مع صحابها ودراري من الدول كتعرف عليهم وكتهدر مع هند كتعاودلها اش وقعلها مع جاد وكضحك مع تيلي ونضال كتعيطلها وهي مكيناش فهاد عالم راها كتكونيكتا مع ناس من جنسيات مختلفة (كدير بحالي عندي فيس فيه جميع جنسيات😂😂)
نضال كان جالس مقابل معاها 
نضال: اري هد المشقوف 
لينا: امم قلتي شي حاجة وباقا كتشوف فتيلي 
نضال: قتلك اري هد زبل 
لينا: ومالك اخويا شاعل ونتا لاش تيلي ديالي ياك عندك ديالك 
نضال: هضرت معااك الينا مديه اشمن نهرسوا فوق راسك 
لينا: عطاتولو بالنفخة : هااك هحتا نشوفو اش غدي دير بيه 
نضال: اجي تشوف اش غدي ندير بيه 
حلي الكود 
لينا: نضال راك غدي تبلوكيلي شي واحد نتفاهم معاك 
نضال: حلي كود وسكتينا 
لينا حلات ليه الكود 
وظخل للفيس وشاف كولشي ههه وبدا كينقيه من الشوك بلوكالا لوالا داك لي من جنسيات مختلفين 
لبنا: حبسسس اصاحبي هداك عراقي حم باك خليه راه غير كيعلمني طب حيت هو طبيب جراح عفااك عفااك 
مداهاش حتى فيها ومشا دار ليه بلوك 
لينا: لا هدي لا هدا راه راجل صحبتي كانت كتقرا معايا فسيزيام عفااك متبلوكيهش راه والله بحال خويا 
نضال مخليها كتهضر مع الحيط مدايهاش تا اش كتقول مشا دتر لدراري كولشي بلوك خلا غير 
ريان وجاد وهو من طبيعة الحال ولبنات مبلوكاش ليها حتى واحد 
نضال: دبا مزيان يلاه ألالا اش بغا تعلمي انا لهجة 
لينا: واااا زمري والله حتى عيقتي بزااف اووف صباح متلبسيش هكا كون كنت غير معرية ولا معيقة ودبا بلوكيتيلي كولشي والله حتا حشومة 
نتا تا وحد مكيهدر معاك اععع 
نضال: هكي لالقيتي شي بنت بلوكيها 
لينا شدات تيلي ديالو و قلبت فلفيس لقات فيه غير هي وأحلام وماماه وصحابو صافي 
ملقات عندو حتى درية وهي دير وحد ضحكة تا بانو ضروسها 
ومشات فلاتلو تيلي كامل ودخلات لفوطو وبدات كتقلب حتى لقات واحد فوطو مع واحد البنت فواحد بلاصة بحال قسم كبير 
لينا: شكون هدي 
نضال: هدي واحد صديقة كانت كتقرا معايا 
بينا مسحاتها 
دبا اسيدي مكين لا تصويرة ديال صديقة ولا حديقة 
تيلي غدي يدير سطوكاج ان شاء الله غير بتصاوي 
نضال: صافي ألالا ميكون غير خاطرك 
اوا بديتي توجدي للامتحان 
لينا: آه ضروري ديما كنوجدو أنا وهند 
نضال: اوا هكا نبغيكم 
بقاو كيهدرو حتى غوتات لينا 
نضال: مالك 
لينا: عتق عتق راني قارية بقيلي نص ساعة وصلني دغيا للدار 
نضال: اوكي انا نوصلك ومنيم نكون غدي ندوز موراك باش نمشيو بجوج 
ليما: لا انضال غدي يشوفنا شي واحد وينوضوا يهدرو بلاش غدي نمشي انا وهند مع جاد بعدا كيعرفوه ولد خالتي 
نضال: ويهضرو تا يشبعوا انا راني كنبغيك الينا وغدي نتزوجو وااش عوالا نبقا مخبي هدشي على صحابك وتلاميذ من نيتك انا غدي نصبر تا لتالي ديال العام وانا كنخاف لايشوفنا شي واحد انا كنبغيك وكولشي خصو يعرف بلي نتي تلميذتي وغدي تولي مراتي 
لينا: صافي من بعد ونهدرو فهاد شي دبا وصلني لدار نبدل ونجمع ادواتي 
نضال: اوا سيري لبسي بحال صباح والله تنردك من باب دلقسم تا تبدلي عاد دخلي عندي ولا غدي نخرج على شي قمقوم حيت كيف كيشوفوك هكا كيبقاو حاطين عينيهم فيك 
لينا: ا كي بب ومغديش نلبس بحال صباح دبا وصلني ولا غدي نباتو هنا 
نضال وصل لينا ورجع حتى هو بدل حوايجو لبس سروال كحل وسوميجة حمرا وسبرديلة حمرا وعندها سوميلة عالية جا تيتيز وساعة كحلة ونظاظر ومشا 
لينا وصلات لدار وكلات وجمعات ادواتها وبدلات حوايجها 
لبسات سوميجة حمرا طويلة ويديها واسعين وفيهم الطبيقات وسبرديلة حمرا وسروال كحل وشال حكل هي لبسات هكا غير من هكا مشي تافقات هي ونضال غير الصدفة 
مهم لينا وهند وصلو ودخلو قراو ساعة دالعربية وكانت عندهم موراها الماط 
مشاو ولينا كيتعاود ليها اش وقع معاها حتى وصلو للقسم لقاوه مسدود حيت تلاميذ لاخرين باقي مسالاوش كتابة 
وهما كيستناوهم حتى نطقات واحد تلميذة منهم 
ت: نااري يالبان شوفو استاذنا شحال جا تيتيز حمر واتاه 
ت2: واايه ياختي زين ولطتي ولفلوس سعدات هدي لي غيد ديه 
ت3: ان شاء الله يطيح فيا 
لينا: تخت سنانها يطيح عليك شي جبل ان شاء الله

لينا: كلبة لخرا انا حداها وكتقول هكا 
هند: لينا متنسايش بلي هوما معندهومش الخبار واش من نيتك غدي تريشيها 
لينا: الالا متهدرش تسد فمها اويلي واش بقات غير البنت دير عينيها فأستاذها 
هند: سكتي اعنيبة ياك انا وياك ديرنا العين فالأستاذ 
لينا: هههه نسيت هههه 
مهم دخلو وقراو وسالاو حصصهم ومشاو للدار 
فقصر 🌹💚
جد: أمينة أمينة 
أمينة: نعام اسيدي 
جد: سيري نوضي أركان قوليلو يجي راه من صباح وهو ناعس وممزيانش يبقا تا لدبا غدي يمرض 
أمينة : وها اسيدي 
أمينة مشات تنوضوا وهي تتلاثقا فطريق سمية 
سمية: امينة فين غدا 
أ: غدا نفيق سي أركان 
س: وبصفتك شكون ألالا 
أ: كيفاش أش كتقصدي واش زعما أنا غير خدامة ولا شنو 
س:أمينة حبيبة سمحيلي راكي عرفاني غير معصبة شوية مقصدتش نهدر معاك هكا ونزعف غير شوية ديال المشاكل حبيبتي سمحيلي غير سيري كملي خدمتك أنا غدي نمشي نفيقوا 
أ: صافي انا غدي نمشي نكمل خدمتي شكرا بزاف 
أركان كان فايق وكان غدي يخرج مي منين سمع الهدرة ديالهم رجع لبلاصتو ودار راسوا باقي ناعس

سمية مشات لعند أركان ولقاتو ناعس زعما داير راسو ناعس وجلسات حداه 
سمية: بقاات كتشوف وهي تقول 
اححح شحال زيانيتي وطلعتي فراسك ولكن من حقك طلع فراسك اخويا 
معرفتش علاش منين كنشوف فيك كنسى كولشي متا فشكل من صغري ونت كتعجبني معرفتش واش غدي نقدر نفوز بقلبك ولا غدي تسمع أش درت لنضال ولينا مساكن وكنت غدي نخرج ليهم على علاقتهم وخا طلبت من جدي وعمي وخالتي وطلبت منهم السماحة وسمحولي ولكن معرفتش علاش رجعت هكا ولكن أنا فعلا دبا تبدلت ورجعت بحال كيف كنت فلول وبقات كتهدر وتهدر .....
اووف نسيت بقيت كنهدر حتى نسيت نفيقك 
وبدات كتفيقوا 
أركان أركان 
وااااااااا أركان واوتقون ميت نوض دغيا اووووف مال هد زمر هدا مبغاش ينوض وهي تجيب زياطة من فوق ماريو كانت عندم من صغره ههه وتزيط ليه فودنو 
أركان كان عارف غدي دير ليه هكا حيت ديما كديرها ليه منين مكيبغيش ينوض وهو يستغل الفرصة وشدها وحشاها تحت منو وهو وفوق منها ولكن مملاصقينش 
أركان: علاش كتقلبي 
سمية: كتبلع ريقها والله غ ي ر كنت بغا نفيقك ومبغيتيش تفيق خفت تكون متي وانا نديرها ل ي ك ص ا ف ي والله 
أركان: بدا كيقرب ليها لفمها 
ياك خفتي نموت الالا علاش شكون أنا بالنسبة ليك 
سمية: أركان أركان لا أ أركان بعد مني أزمر والله حتى نتفاهم معاك 
أركان: باقي كيزيد يقرب بشوية 
وأش فجهدك مديري ألالا سمية 
سمية: ضرباتو لمعلم 😂😂
ودبا نوض ادحش راك قسمتيلي يدي 
سمية: سلتات ليه وهو بقا شاد فيه ههه 
سنية بالخلعة مشات كطير لبيتها بدلات حوايجها وغسلات وجهها وبقات شخال عاد هبطات 
منين هبطات لقات أركان ونضال لتحت كيصححوا شي فروض ديال نضال 
مشات وجلست حدا اركان 
أركان: او اصاحبي هدشي صعيب الله يكون فعاونك كتبقا تشوف لكل واحد 
نضال: اوا معدنا منديرو خصنا نعلموهم شكون غدي يعلمهم من غيرنا حنا 
أركان: هدي نحسبولها صحيح راه مكملتش المعادلة 
نضال: اري نشوف لا هدي ديرلها غير0,25
سمية: او مالكم هكا زيد لهم شوية مالكم قرزازين فنقاط 
نضال: ةاش نطلعوهم بنقاط وخاويين راه مكيهموش نقاط كيهم اش عندم فداك الدماغ 
اركان: واش بغا نزيدلك 
سمية: تفكرات قبيلا وهي تنوض بحالها كطير لعند جدها

يتبع....

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.