صورة مصغرة لـقصة المجتهدة وأستاذ الرياضيات

قصة المجتهدة وأستاذ الرياضيات

qisat 9isat riad ostad riadiat
رواية المجتهدة وأستاذ الرياضيات

ماما : نوضي أهاد الموصيبة راها 11:35ونتي باقا ناعسة 
أنا:وامي غير 5دقايق وهنا معاك 
ماما:نوضي قالك 5دقايق مزيان تبارك الله 
أنا :صافي هاني نايضة 
من بعد ما مشات ماما نضت غسلت سنيناتي وتوضيت وصليت صلاتي ومشيت نفطر وهي توقف عليا منبع الحنان تيتيزة ديالي 😊😂 ماما 
ماما : مزيان تبارك الله ناس دابا كيتغداو ونتي عاد جيا تفطري إوا باز. يلاه سالي دغيا راها خالتك فاطمة عارضة علينا لغدا 
انا: أوكي ماماتي 
سمحولي على هاد دخلة مي الواليدة ديما منوضها معيا 
احم احم انا سميتي لينا 18سنة هاد العام عندي لباك انا طويلة 1,65 مارقيقة ما غليضة طاي هي هاديك انا زوينة عينيا كبار فلقهوي غامق وشفار طوال كيقولولي بحال دايرة مسكرة نيف صغير .. مهم ختكم تيتيزة حسب قول الناس 😂😂

مهم ساليت نضت لبست سروال غوز بيبي وتيشورط بيضة وفيها كتابة فنفس اللون من لفوق جاكيط دجين مقطعة شوية وسبرديلة بيضة ودرت شالي ساليت هبطت لقيت ماما كتستناني شدينا من بعد 10دقايق وصلنا تلاقينا حدا الباب ولد خالتي فاطمة جاد (طويل وعندوالعضلات وعينيه بحال عينيا ولحيا مطرسيا بيني وبينكم تيتيز بمعنى الكلمة هو ضريف بواف وضحوكي عندو 26عام ،لعام ليفات تخرج استاذ فرحتلو بزاف كنحسبو بحال خويا حيت انا معنديش الخوت وهو كذلك كلشي كنعودلولي كيوقعلي وحتى هو )
جاد :اهلان خالتي كيدايرة توحشناك
ماما:لباس الحمد لله أولدي ونتا بيخير كيداير مع الخدمة 
جاد:لباس الحمد لله فهاد الساعة 
ماما:اوا مزيان يلاه بسلامة ندخل نشوف ختي
جاد:اوكي خالتو 
جاد:هاي هاي على لينا زيانيتي ألفعة 
انا:امم علاش كنت خايبة أحيماري 
جاد:عاودي اش قلتي طولك لسان خصني نعودليك ترابي 
جريت جرية وحدة حتى وصلت عند خالتي ههه شمن نجيبا فعضيماتي

مهم تغدينا فجو مليء بضحك ومن بعد ماما رجعات لدار وانا وجاد خرجنا ندورو وبقا كيشرحلي وينصحني كيفاش ندي لباك بنقطة زوينة من بعد وصلني لدار تعشينا كاملين انا وجاد وماما وبابا جاد رجع لدارهم وحنا كل واحد تاجه لغرفتو 
يوم الاثنين 🌹 هذا اول نهار فلقرايا فقت دوشت بزربة ولبست حوليجي وهزيت شكارتي ومشيت دزت على صاحبتي هند (هي صاحبتي وختي وكولشي بنسبة لي) لقيتا كتسناني قدام داهم مشينا طريق كاملة وحنا شادين ناميمة فناس 😂😂طلاقينا فباب لمدرسة مجموعة ديالنا لي كتكون (مني المجتهذة وهند خيط لبيض ههه حيت هي ديما كتحل لينا المشاكل وكتعطينا افكار وامين ضحوكي ديالنا وريان لي كيجب لينا اخبار دلمدرسة كنقولولو مقدم ديال مدرسة 😂😂)
مهم دخلنا كانت اول حصة عدنا هي فلسفة جات فينا واحد عقروشة محملتهاش من نهار لول وموراها اجتماعيات عند واحد شارف سد لي شهية ديال قرايا 
مكا داز اسبوع لول غير تعارف وتقويمات تشخيصية

نهار الاثنين هذا أول نهار غدي نبداو لقرايا نيشان نضت لبست حوايجي وفطرت وتجهت للمدرسة حدا باب المدرسة طلقيت بالمجموعة وقالنا عشيري ريان انه مغديش نبقاو كنقراو عند استاذة ديال الرياضيات حيت مشات تولد وجابولنا استاذ جديد مشينا عند حارس العام باش يعطينا استعمال الزمان حيت بدلوه نهار سبت وحنا مكناش قريين قالينا عدنا الرياضيات قاعة18 مهم مشينا عوالين على شي استاذ شارف بحال gاع الاساتذة طلعنا وحنا كنغنيوا وريان كيطبل بدفاتر وصلنا حدي لقسم كان مسدود دقينا وليتني لم أدق 😂😂وهو يفتحلنا واحد تيتيز وناري تركي (والله لمغاربة تيتيزين بنات وولاد 😍😍)بقيت مبلوكية لمجموعة دخلات وانا بقيت بحال داك تمثال حالة فمي ههه بسيف واش هاد الجمال كامل ومنحلش فمي حاشا بقيت ساهية حتى قفزني صوتو الرجولي ناري على صويت احح قلبي الصغير لا يتحمل صافي قلبي مشا فتات 

هو : أآنسة بغا تبقاي برا ولا شنو دخلي لا بغيتي دخلي ولا رجعي منين جيني 
انا :(نسيت راسي) زين مغربي هذا لا 
هو :لا زين تركي هذا 
انا : حتى انا فلول قلت هذا باينة تركي ماشي مغربي مي وسوسني شيطان المسخوط وقالي هذا مغربي وتشا فين تعلمتي ازين دارجة 
كندور كنلقا لقسم كامل كيضحك وهو يقولي :جيا تقراي دخلي وسدي فمك ولا جيا ..وتشوفي زين تركي ولمغربي رجعي لدار مك عونيها بعدا وغسليلا مواعن اصلا نتي لمواعن وبزاف عليك برهوشة 
انا فداك الساعة مرgت وكراهت ساعة لي لي سولتو فيها تفو على زهر دخلت وانا محملاش هاذ الحصة مشيت نيشان لطاولة الرابعة بركت حدا عشيري أمين وبدا كيعاودلي واحد النكتة (⚘قلك هذا واحد خسرلو راديون ومشا يصلحو ولقا فيه نملة ميتة وهو يقول هأ ماتت الموذيعة 😂😂 (زعمة نملة هي الموذيعة ) تحية لكل لي عارف هاد نكتة 😍 
وانا نطلق واحد سيدي ضحكة حتى زعزعني صوت االتيتيز 😂 عفوا الأستاذ :اش هاذ ضحكة ديال شيخات نتي وياه جمعوا حوايجكم وبرا عليا 

انا : معايا ااستاذ 
هو: يمكن راني هدرت لا
امين:ولكن ااستاذ 
قبل ميكملها 
أستاذ:مكين ما ولكنجمعوا أدواتكم وبرا عليا هذا أسي محمد قسم ماشي حمام 
امين:يالاه يالاه ياك 20جايباها جايباهااوا زيدي 
انا:زيد زيد اساط لحيرا فزين بففف وأخلاق دزبل زعما نتا هو طاليس 
من بعد ما خرجنا 
استاذ :تلاميذ دزبل مطلعينهم ب6لا قرايا لا مرض وزايدينها بضحك بففف بنادم 
ريان:سمحليا اأستاذ لينا تلميذة لي خرجتيها هي لي جات مرتبة لولا فليسي كامل لعام ليفات جابت 18,54
هند :واخا أأستاذ فيها ضحك مي قرايا ومأدبة غير معرفتش اش وقعلها هاد نهار 
هو :(غوت) دابا اناواش قتلكم عاودولي عليها سكتونا ولا غدي تبعوهم حتى نتوما مهم نرجعوا لدرس
على ما يسالي شرح الدرس نمشيو عند بطلتنا لي خرجات هي وامين ومتسرطاتش ليها حيت معمرها زعف عليها ولا عاملها شي أستاذ بحال هكا دائما الاساتذة مزيانين معاها وكيفتاخروا بيها وهي طيح عليها واحد الفكرة 
لينا :أمين انا عندي ....

مشيت لمكتب دقيت وقالي تفضلي مسكين تخلع منين شافني ههه
مدير:بنتي لينا اش واقع ليك ؟شكون دار فيك هاد الحالة 《تقول قتلوني ياك اسي محمد غير ضربة صغيرة 😂😂》
انا : بدموع التماسيح ودايرة فيها مظلومة أ أ أ ستاذ جديد *نطقتها حروف متقطعة*
مدير: كيفاش واش نضال 
انا : مع راسي (اححح نضال احح اقلبي سميتو كتواتيه عاد فقت ونعلت الشيطان لمسخوط غدي يخرجلي على الخطة ) آه هو 
مدير :لا ميمكنش هداك استاد خلوق ميقدرش يدير هكا 
انا: والله حتا هو (ياربي سمحلي ) كان كيهدر فتيلي وقتلو واش نخدم التمرين ناض زعف وضربني بلممحاة شوف اش دارلي (كنشيرلو لجرجة 😈) وقالي الحمارة انا كندوي فتيلي ونتي كتدوي وgلس ومبغاش يشرحناوقالينا انا ممقريش ولا بغيتو سيرو عند لمدير قولوهالو انا مكنخافش لا منكم ولا منو 《اجي نشعلو لعافية شوية 😂😂 》ولا متيقتنيش سير سول لقسم كامل 
مدير : اش كتقولي ابنتي انا عارفك بنت خلوقة ووالديك كلشي كيهضر على اخلاقهم انا راني متيقك منحتاش نسول لقسم 
انا:مع راسي (دبا اش جاب وليديا لهنا واش متخليوش حتى لمرض يخطط على خاطرو أووف )
مدير : غوت كيفاش قدر يدير هكا باشمن حق واش غير حيت هو استاذ انا نوريه 
نسيم نسيم (حارس) سير عيطلي على استاذ نضال مزيان على ما يمشي انا نعرفكم على بطلنا

على ما يمشي يعيطليه نعرفكم على بطلنا سميتو مضال العمراني ومن لا يعرف عائلة العمراني من أغني العائلات فالمغرب عندوا 24عام قرا خارج المغرب وحقق أحلامو عندو شركات فلمغرب وخارج المغرب مي هو كان حلمو من صغر يرجع استاذ ويقري التلاميذ قراية نتاع نيشات ماشي بحال لي ولات دابا (مكنعممش) باش حتى هما يوصلو بحالو داكشي علاش قرر يرجع لبلادو حدى عائلتو ويقري فالمغرب هو طويل وعندو العضلات يا سادي 😂😂 وشعر رطب كحل وعينين كوحل لحيا مطرسيا اححح 😍 خلاصة القول تيتيز أكتر من المعنى ههه 🙊 تسمعني اينا تدبحني 
🌹 بقلم نضال ❤
كان هذا أول نهار باش نقري دخلت للقسم ودخلوا تلاميذ شوية وانا نسمع الدقان فلباب مشيت فتحت وانا نلقى 4تلاميذ (2بنات و2 ولاد ) دخلو داك لولاد وواحد البنت وبقات واحد البنت واقفة بحال شي تمتال وغير حالا فمها صراحة عجباتني بزاف معمري عجباتني شي بنت حتى لهذ المرة أووف اش كنقول انا ولي ضحكي انه سولتني واش تركي ولا مغربي كنت حابس ضحكة غير بزز مبغيتش نبيلها انني مهتم بها وانا نزعف عليها من بعد دخلت طالع ليها دم وgلسات حدا واحد الدري بديت كنشرح ونا تسمعها كتضحك ناري على ضحيكة عندها دوب لحجار تيراتني بداك الضحك وانا نجري عليهم بجوج شوفتها معصبة صراحة ندمت حيت زعف عليها من بعد جات عندي هي وداك لولد وطلبت مني سماحة وهو طلب الاذن باش يجيب كتابو مهم كملت شرح درس وهو يجي استاذ نسيم وخبرني بلي مدير بغاني هبطت هعاه من بعد ما عطيت لتلاميذ بعض التمارين باش يخدمومه من عادتي إن درس نسالوه نخدمو عليه بزاف نتاع تمارن باش ميبقاش عندهم اشكال فيه 
نضال دق دق دق
مدير : تفضل 

نضال : سلام استاذ 
دخلت ونا لقا تلميذة ليجات طلب مني سماحة gالسة حدا المدير وفراسا واحد ضربة 
مدير : استاذ نضال اش هاد التصرف ماشي غير حيت استاذ تجرأ تضرب تلميذة ديالك حتى تلميذ عندو حق هدشي مشي من عوايدك كيقولو نتا استاذ خلوق 
نضال : ولكن انا معرفكش علاش كتهضر 
مدير :استاذ بلاما تبدا دير فيها مفاهم والو كلشي واضح 
شوف لبنت كيفاش كتبكي 😭😭😭 لينا بتتي صافي من لبكا صافي بلاما تبكي 
انا: ولكن ااستاذ انا مدرتلو والو غير بغيت نخدم التمرين 😭😈😈
مدير : صافي ابنتي راني عارف صافي 
نضال منين شاف داكشي بحالا كبيتي عليه سطل نتاع تلج متوقعش منها هادشي كامل ولكن حتى هو مساهلش وهو يقرر يكمل على تمتيلية ديالا 
نضال: سمحيليا لينا مكنتش قاصد نضربك انا غير حيت كنت معصب مع دار وصافي وحتا نتا ااستاذ سمحليا راك عارف منين شي واحد يكون عند عائلتو شي مشكل كيفقد أعصابو ومكيعرفش اش كيقول ولا كيدير عارف مشي من حقي نضرب تلميذ مي راه كانو عندي ضروف عائلية صعيبة ومقدرتش نتحكم فراسي 
مدير:انا مسامحك اولدي ميكن عند باس شوف لينا واش سمحاتك انا نخليكم تفاهمو نمشي نجيب شي وراق 
بقيت غير مصدومة وواقفة مكتحركش بحال الحجرة وكنقول مع راسي اويلي اش كنسمع هدا لاش كيمتل معايا ياك هو مدار والو اش هاذ البرودة تفو على بشار منين جاي 
نضال :مالك شفتك مصدومة ولا ضربة جمداتك 
انا : أ أ أ انا مصدومة لا (بقوة مصطنعة) وعلاش زعما غدي نتصدم امم 
نضال: خلي هاد القوة لي جاي راك غدي تصدمي بزاف وغمزلا 😉😉
نديك عند الطبيب 
انا: وعلاش بسلامة 
نضال: اوا انا لي ضربتك وخصني نديك لطبيب من الآداب أوووه نسيت نتي مكتهرفيش شي حاجة سميتها الآداب 
جا اامدبر 
المدير: اوا واش تصالحتو 

نضال:أه فهمتا اش وقع وهي تلميذة ذكية دغيا فهمتني وغمزلي 😉 كاينة ولا مكيناش ألينا 
انا:أ أه سمحولي غدي تمشي عليا الحصة 
نضال:يمكن راها مزال ما صونات وغمزلي 😉 راه بقا نص ساعةيلاه نشرحلك الدرس 
انا:لا دابا نكتبو عند لبنات معليش 
نضال:لا حشوما بعدا فها نص ساعة نشرحلك درس باش نصحح غلطي 
انا:لا شكرا نتفرجلو فليوتوب 
مدير🕴🕴: غير سيري ابنتي كملي حصتك متخليهاش تضيغ واصلان شرح مباشرة ماشي بحال اليوتوب 
انا:*مع راسي* اش هد الورطة اربي اش داني لشي زبل ولا نتقام اوف انا اسي محمد جاية عندك باش تبهدلو ولا جايا عندك باش تصالحني معاه كون بغيت نتصالح معاه منجيش عند أهاد الدب🐼🐼
نضال: تفضلي 
انا: اوكي 
مشيت وحنا نلقاو قام الدروج امين كيستناني اوف اش هدشي عاد زادت زيانت 😠😠
نضال: متكونش حتى نتا ضربتك بلماركو ونسيت امم
امين : كيفاش 🤔🤔علاش نتا شكون ضربتي 
نضال:داك لعب لعبو مع قرانك ودبا تبعوني بخوج 
مشا استاذ وحنا تبعيناه حتى وصلنا لقسم ودخل وحنا بقينا برا 
نضال:واش غدي تباتو برا ولا شنو يلاه تحركو 
دخلنا ورجعنا لور آخر طاولة صف لي حدا لباب ولأنظار كلا علينا تفو شحال كنكره هد لموقف شوية وهما تلاميذ يبداو ينودو يخدمو تمارين فسبورة انا كنت عيانة درت يدي على طاولة ودرت راسي على يدي (ديك لعيبة لي كديروها منين كيكون فيكم نعاس انا بعدا ديما دايراها عند الاجتماعيات 😂😂)
حتى سمعت سميتي وانا نهز راسي ونلقاه فوق راسي 
نضال: نوضي خدمي تمرين ياك عليه مشيتي لإدارة اولا 😉 اوا دابا انا لي كنقول هاليك نضت بزعفة وخديت ماركوا كان كيبتسم حيت يسحابليه مغديش نخدمو وغدي يشوهني مي انا كنت كنقرا دروس فلعطلة باش منيت نجي لقسم نكون فاهمة نضت وخدمت تمرين صحيح ورجع لبلاصتي وهو بقا مصدومة معامن طحتي أجيلالي 😂 لينا واجرك عالله صونات ساعة وخرجنا دخلنا لحصة نتاع الفلسفة افف شحال مملة اصلان مكانش عندي لgانة لقرايا مهم صللت الحصة خرجنا وهما لمجموعة تجي عندي 
امين:اش وقععلاش كان كيهدر معاك بهاد البرودة 

ريان: وعلاش رجع قرانا بحال موقع والو 
هند :وهضري اصحبتي مالكي ساكتة 
انا:اوووف سكتوني شوية الله يحفضكم لي فيا كافيني
ريان:صافي اساطةمالك معصبة ياك نتاقمتي اش بغا كتر 
انا:وتا اشمن نتقام راه ولد كلبة (والله حتى حشومة عليك الينا مو كلبة وهي لي جابا هد توتوز ادنيا اوا باز معندكش علاش تحشمي 😂😂)طلب مني سماحة وقالي انا كنعتذر حيت كنت كنهضر مع عائلتي وكان عندي شي مشاكل طلع ولد لحرام مطور وكمل على تمثيلية وقالي باقا مع الوقت غدي تصدمي بزاف 
امين :ملمدير مسولش تلاميذ 
انا:تا ظاك دب دلمدير تيقني يعني غير تعدبنا على والو 
امين:دابا انا مدخالني للقصة على والو امم
انا:وانا اصاحبي شكون عرفني انه مغديش يسول قلت ندير الاحتياط 
هند :ودابا اصحبتي هو اي خصك ديري الاحتياط راه ما قلك وتصرف بهاد البرودة الا انه مخطط لشي حاجة 
انا:اوف غير متفكرينيش 
امين:راها صونات زيدوا تقراو 
من بعد مسالينا الحصص مشيت لدار تغديت وصليت ومشيت نعس عالله ننسى شوية وفكر فشي حاجة 
عند نضال😍
لي من بعد ما سلا مشا لقصر بدل حوايجو ودوش وصلى ظهر(اييه طلع كيصلي اححح😍)جبد تيلي وعيط لشي واحد 
نضال:اهلان اصاحبي cv
؟:cv ett
نضال: حمد لله الا كنتي مسالي بغيت نشوفك 
؟:لقيتيني غدي نقوللك غين 
نضال:فلقهوة ليديما كيتلاقاو فيها
**فلقهوة **
لكيتواجد فيها نضال دخل من الباب واحد توتوز وgلس حدا نضال 
نضال:نهار دفنوك مزاروك فين هاد لغبور 
جاد:راك عارف غير خدمة دار وصافي 
جاد ونضال كيعرفوا بعضيتهم هدي عام تلاقاو غير بصدفة جمعهم العمل حيت هما اساتذة بجوج طورات علاقتهم ورجعوا اصدقاء روح بروح 
جاد:اوا كدوزتي نهارك 
نضال:متفكرنيشداز بحال زبل وتشوف اش وقع كنت نقري حتى جات واحد البنت متأخرة وبقات فلباب كتشوف وقاتلي واش نتا تركي 
جاد :هههه طيرتني اوا اش وقع من بعد 
نضال:ونا نزعف عليها.. من بعد مشاتةعند لمدير وقاتلو انني ضربتهابلممحاة 
جاد:اوا 
نضال:قالك لسيدي لاش درتيلا هكا واش من نيتو ممحاة كدير هد ضربة مخور هد لمدير فمخو وانا نكملا على مسرحية ديالا وغدي نوريها شكون هو نضال العمراني😈😈
جاد:مقدرش يحبس ضحة هعههههههه وخطيرة هد لبنت ههه اجي زوينة بعدا
نضال:صراحة زوينة وبزاف مي هدشي مكيخلينيش نسمحلا وندير بحالا حتا حجا موقعت 
جاد:حقيقة هد لبنت جريئة ليقدرت تلعب معاك ههه

نضال:دابا اصاحبي انا على نيتي نعودليك ونتا بارك تضحك 😡😡
جاد:صافي صافي غير برد 
اوا اش نوي تدير ليها 
نضال:سيمانة جاية منظمين واحد رحلة للغابة وتما غادي نوريها شنو كنسوا باش متبقاش تلعب معايا
جاد:اوا عندك عير تمشي ديرلا شي حاجة خايبة وتندم عليها فتالي 
نضال:لا متخفش انا مشي حقير حتى لهد درجة 
بقاو كيهدرو حتى ضلام الحال وكلا واحد مشا بحالو 
*عند بطلتنا* ليفلقت ناشطة صلات ومشات عند ماماها لكوزينة عوناتا وصيبات لقهوة لراسا ومشات لبيتها gلسات فلبلكون وبدات كتفكر اش دير فهاد الورطة والا سمعوا واليدها اش دارت غدي يتخاصمو معاها و.. بقات كتفكر حتى قررت تمشي طلب منو سماحة مي دبا نيشان مشي شي خطة مهم سلات قهوتها ومشات تعشات ونعسات 
**يوم جديد**
فاقت بطلتنا كانت داخلاةحتى ل10 مشات دوشات وفطرات ولبسات حوايجها لي عبارة على صالوبيط دجين فلبيض وكاب طويل فلزرق وسبرديلة فلزرق شال مورد فلزرق ولبيض وتاجهات لمدرسة دوزات حصتها لولا عادي ومورها كان عندما الماط دخلات كان نضال واقف كيكتب فسبورة وهو يدور وهي تبتسم ليه واقاتلو صباح الخير هو يرد عليها صباح النور 
نضال تعجب منها واش هد لبرائة كاملة هي هديك شيطانة نتال لباح لا ميمكنش
مهم بداو درس وهي تقولو استاذ بغيت نبدل لبلاصة اشارها براسو زعما اه 
مشات gلسات فطاولة لولا حدا لمكتب ديالو مهم بداو درس وهي مكتهدرش وكتصرف بواحد البرائة متقولش هدي نتاع البارح صلات الحصة كلشي خرج وبقات هي التالية 
نضال:واش منوياش تخرجي 
انا:بغيت نطلب منك السماحة 
نضال:واش بغا تدريها بيا انا وديري بحال لبارح وتمشي عند المدير وتقوليلو بغا يتحرش بيا امم 
انا:وتا مالك ناقص نية والله حتى بغا تقبل الاعتدار ديالي والله حتا ندمت على كلشي انا فعلا مشي هكا انا بنت ضريفة غير لبارح مهرفتش لش وقعلي مرضيتش تقمعني حدى تلاميذ راك عارف لبنات مكيحملوش لي يهينهم صافي سمحلي عفاك اجي نبداو صفحة جديدة 
نضال:بابتسامة شيطانية 👿😈 اوكي نبداو صفحة جديدة علاش لا 
حقيقة مرتاحيتش لهد ضحكة ديال نضال قلت يمكن تكون هذي ضحكتو (واش من نيتك ابنت لعبد 😂😂)المهم هو انه غدي نبداو صفحة جديدة بلا مشاكل (ومعامن طحتي الحبيبة قولي غدي تبداو صفحة كحلة)
عند نضال لي جاتو هد قضية حاجة زوينة باش تسهل عليه خطتو 
**تسرييع الاحدات**
مهم داز اسبوع عادي ان ونضال رجعنا بحال الأصدقاء (كتهضري نيشات😂😂)

هاد نهار هو نهار الرحلة نضت وجمعت حوايجي حيت غدي نبقاو فيها تلاتة مهم لبست حوايجي وتفركست وجيت تيتيزة شوية وهي تجي عندي صاحبتي هند مشينا فين غدي يكونو تلاميذ ركبنا بعد ساعة وصلنا واو كان منظر رائع وكان لكل جوج خيمة انا وهند خدينا خيمة جيا فلوسط ونضال خدا الخيمة لي بجنبنا مهم تغدينا وقالو لينا سيرو ترتاحو حيت فلعشية غدي نلعبو واحد اللعبة مهم مشينا لخيمتنا واو كانت زوينة وبزاف ومفرشة من لداخل كتحس براسك فداركم بدلت حوايجي ونعست 
عند نضال لي لبس حوايجو وتكا فبلاستو كيفكر اش يديرلا باش ينتقم متسرطاتش ليه هي تلعب معاه واخا طلبات منو السماحة 
💙 فساحة كيتواجدوا التلاميذ برفقة الاساتذة 💙
نسيم:بماأنكم كاملين مجموعين غدي تقسمو لخمس مجموعات كل مجموعة غدي يترأسها استاذ مهم نخلي اساتذة يختاروا 
كل استاذ ختار وجات نوبت نضال ولي صدمني وفرحني بزاااف انه ختارني انا لولا من بين تلاميذ كلهم معرفتش علاش فرحت يمكن رجعت معجبة بيه ولا منعرف (ههه من فمك تهضري ولا من بلاصة خرا دبا تشوفي ابنت فاطمة لاش ختارك 😂😂😈) مهم سالاو اختيار وجيت انا ونضال وجوج تلامذ وقالونا انه غدي ندخلو للغابة وغدي نقلبو على شي صنادق فلغابة مخبيين ولمجموعة لي غدي تحصل على اكبر صناديق هما الرابحين وغدي نبقاو نتقصاو حتى يبقا رابح واحد 
مهم بدينا كندخلو للغابة وكنقلبو حتى قال نضال لداك جوج تلامذ لي معانا انه يمشيو من الجهة لخرا وانا ولينا غدي نمشيو من هاد الجهة باش منضيعوش الوقت هيا هديك هما مشاو وحنا بدينا كنقلبو لقينا جوج صنادق شوية وبدا الحال كيظلام وكنسمع صوت ذياب وكلاب وانا كنموت من الخوف منهم حاولت نصبر راسي وصوت غير كيزيد وانا نلصق فنضال (شوف شوف لكلبة زعمات )
انا: عفاك انضال عفاك يلاه نرجعوا بحالنا راه كنموت من الخوف من هاد الصوت
نضال:صافي ألينا انا معاك متخافي من والو (زعما نتا شكون gاع 😂)
حسيت واحد شوية بأمان لحال كيزيد يظلام وحنا عاد كنزيدو نقلبو بدينا كنلقاو صنادق ونضال كيقولي غير زيدي وانا كنقولو راه هو صندوق علاش مغديش نخدوه واش نخليوه ولاشنو وهو يحمر فيا وقالي راني هضرت لا واش انا استاذ هنا ولا نتي 
معرفتش علاش مبقاش كيبغي يجمع الصنادق ولا بغي غير نقربو من حدا واحد البلاصة انا قلت معا راسي عادي

يمكن بغانا نلقاو صنادق لكبار ماشي الصغار حيت كينين كبار وصغار مي لكبار عندهوه نقط كتر من لكبر (اش هاد الكلاخ الينا من فوقتاش ونتي مكلخا بحاح هكا 🙁🙁) 
شوية كنحس براسي فواحد الحفرة باااف 
انا: آي انا فيني .نضال نضال 
نضال: شعل ضو وضوا فيا 
انا: زضال مدليا يدك عفاك راني كنخاف من هادشي 😭😭😭
نضال مدلي يدو وشديتو وانا جيت نطلع وهو يطلقلي يدي رجعت للحفرة 
انا:نضال مالك علاش طلقتيني اش هاد تبرهيش 
نضال:واش من نيتك غدي نشدك واش مخورة فمخك ولا شنو هههههه 😂 ليسي كامل كيهضر على ذكاء ديالك مي انا كيبالي لعكس خسم من لآن فصاعدا يهضرو على كلاخك هه
انا:نضال علاش كدوي هكا ياك حنا اصدقاء 
نضال: تو تو تو تو تو تو ههههه كضحكيني وشكون قالك حنا اصدقاء واش حسابلك نسيت اشنو درتي ليا خليتي ديك دب ديال لمدير يبهدلني حداك غوت واااش نضال لعمراني فآخر يامو يغوت عليه دب دوي 

انا : هأ هأ هأ 😭😭 عندك الحق أنا مكلخة أو بزاف لي حسابلي انك معجب بيا كما أنا معجبة بيك باش نتا ختارتني ففرقتك وكنت كنظن انك قلتي لديك جوج تلامذ يمشيو من الجهة لخرا باش تعترفلي ونبقاو غير انا وياك (😂😂😂 وااع راك مشيتي بعيد ) ولكن انا حمارة وكلبة لي تيقتك تتبعت قلبي عوض عقلي لي كان كيقولي ديما العكس فعلا انا اكبر مكلخة كنكرهك انضال نتوما كاملين حقرين بحال بحال (اوا هادشي لي مبغناهش لاش كتعممي 😂) كنكرهك هأ هأ😭😭😭
نضال: اووه طلعتي معجة بيا مزيااان واش نتي مريضة انا نتعجب بوحدة بحالك هههه كل مرة كنزيد نتصدم من كلاخ ديالك مي دابا عاد فرحت مزيان انا نتقمت منك مزيان وخليتك تولي تبغيني اوووه ههه متبكيش احبيبة خلي لبكا لمن بعد منين تبقاي غير نتي وكلاب وذياب ولغابة هههه 
انا: لا متقوليش غدي تخليني بوحدي اووه نسيت هذي اقل حجا ديرها 
نضال: ههه عندك الحق هذي اقل حجا نديرها يلاه مع سلامة ازوينة وديك ذكاء و لعب ديالك طبقيهم هنا مع ذياب ولكلاب وشكرا حيت عطيتيني نقطة ضعفك ووريتيني طريق باش ننتاقم منك يلاه بسلامة 
انا :كنكرهك كنكرهك ياربي اش غدي ندير حتى إلا غوت حتى واحد مغدي يسمعني اش هدشي درت خرجت على راسي علاش علاش وليت معجبة بيه وعترفتلو من لفووق اوووف .دبا انا غير نشهد على راسي بعدا نمشي مشهدا ياربي سمحلي على كلشي 
قلبي❤: لا لا ميمكنش دابا يجي لينا ميمكنش يخليني بوحدي 
عقلي : وتي نوضي هو جابك لهنا باش ينتقم ولا باش يلعب معاك 
قلبي❤:متدهاش عليه هووغير كيخربق 
عقلي:تبعي هدا ياك هو لي خرج عليك وسبب باش نتي هنا 
انا:سكتووووني هأهأهأ😭😭😭مشيت لقنت ديال لحفرة وتكمشت وانا غدي نديرها فسروالي حتى كنسمع صوت ذيب قريب ونا كنزيد نتخلع وكنترعد محسيت براسي حتا لقيت راسي فلخيمة ونضال وبجنب مني كيدير لي فوطا فوق راسي 
انا :فيني انا هئ هئ
نضال:صافي غير سكتي راكي فلخيمة 
انا: وهند فين راها 
نضال: راهم كاملين كيتعشاو 
انا عاد عرفت صوت ونضت نتا اش كدير هنا واش مقدكش هدشي لي درتي فيا خررج خررج هئ هئ هئ غوت بأعلى صوت خرررررررج واش مكتسمعش 
نضال: لينا تهدني انا كنعتاذر

نضال: لينا تهدني انا كنعتاذر فعلا كنت اناني ولكن نتي لي بديتي والله ما كنت عارفك كتخافي بحال هكا يحسابلي كنتي غير كتمتلي قبل ميكمل انا غوت كتر من لول وبديت كنهرس لي جا حدايا وكنقول خرج خرج وااش مكتسمعش وااعباد الله 
كلشي تجمع منين سمعو لغوات وتهراس 
هند: ختي لينا مالك علاش كديري هكا علاش كتغوتي على أستاذ كون مكانش هو كون راكي باقا فلغابة 
انا تصدمت واش هدا فعلا بنادم مي مبغيتش نبين ونا نقولا نتي نتي ممتعرفي واالو سكتي خرجووه منهنا دابا وبديت كنبكي 
هند طلبات من كولشي يخرج وجابتلي ماء شربتو وبدات كتهدني تهدنت شوية ومشيت نبدل حوايجي 
علاما تبدل نمشيو عند نضال يقولنا اش وقع راه مبقييت فاهما والو 
نتاقمت منها وعجبني لحال مي لي فرحني بزااف هو انها معجبة بيا ماشي فرحت حيت نتاقمت مي هدي فرحة خرا معرفتش كيدايرا مشيت وخليتها بوحدها وفرحان تقول ربحت كأس لعالم 
مهم رجعت لساحة وديت معايا صنادق لي لقيناهم ودزت على دوك لي كانت كتوريهم لي لينا ضربت عصفورين بحجر واحد نتقمت وكملت لعبة هههه (طلعتي ماسهلش اجيلالي 😂😂)
شوية وهما يلتاحقو مشاركين كاملين gلسنا كنرتاحو حتى قال أمين وكان مخلوع فين هي لينا علاش مجاتش ياك كانت معاك انضال واش نتا مريض راها واش خليتها بوحدها راها كتموت من لخوف من ظلام وصوت ذياب واش بغيها تموت .....
انا منين سمعت هكا ك معرفتش علاش خفت وحسيت بقلبي كيضرني مشيت كنجري وجرحت رجلي مشيت ونا نلقاها سخفانا وخدها فازك بدموع وبابنة عليها كانت مخلوعة هزيتها وديتها لخيمتها وهو يدخل عليا امين وبدا بنفس ديسك عوتاني انا محسيت براسي حتا شنقت عليه وقتلو بربي وتعاود دور بلينا غدي نهرس ليك سنانك وندنك على نهار لي تزاديتي فيه وخرجتو وحطيت لينا على ناموسية معرفتش اش ندير ونا ناخد فوطة وبديت كنفزgا بلما ونديرلا فوق راسها شوية وهي تفيق وبدات كتغوت ولكن لي خلعني كيفاش كانتوكتهرس لي جا حداها داك سااع كرهت راسي كرهت نهار لي قررت نتاقم منها معمري كنت حقير حتى لهد الدرجة

نمشيو عند لينا لي لبسات حوايجها وتكات وفبلاستها وهي كولشي شاغل بالا هو كيفاش هو نقدا وهو لي ديها لتما وبدات كطرح أسئلة وتجاوب عليها بوحدها (بالي بدات تحماق😂😂) حتى قررت تسول هند حسن متبقا على هذ الحالة لي مغدي تجيبلا حتى نتيجة 
لينا:هند بغيت نسولك 
هند : دوي اش كاين 
لينا: علاش قلتيلي بأن نضال هو بسبابو انا هنا ؟؟؟
هند:مهم منين تجمعنا ملقيناكش وبدا امين ميغوت بواحد طريقة فشكل وديم ساعة قالنا نضال انها مكانتش معايا ونتي فضلتي تقلبي بوحدك باش تربحو الوقت وداك ساعة مشا ميجري وجابك وهو لي قابلك حتى فقتي 
حقيقة هو ماشي بحال كنا كنقولو عليه هو متواضع وحنون بزاف والله .كلشي شاف هدشي منين كان مقابلك وكيف كان كيحطلك الفوطة بلطف حقيقة نقولك واحد الحاجة ومتجريش عليا 
انا:غير دوي اصحبتي والله منجري عليك من امتى كطلبي لإذن باش تقوليلي شي حاجة
هند: ولحقيقة جيتو واعرين بحال شي كوبل كيبغيو بعضياتم من شحال هذي احح
انا:كون غير خريتي قبل متقولي هكا لواه كنا كنبانو بحال قيس وليلى واتي سري تنعسي شمن نضرب لختي شي نتفا مزيان 
هند : ههيا مشيا نطفي ضو 
اه طفيه 
مهم كلا وحدة شدات بلاصتها هند نعسات وبدات كتشخر (ههه نسيت مقلتكومش هند كتشخر) اما لينا مبغاش يجيها نعاس وكتفكر فنضال واش هو بشار ولا شنو وكيفاش حنون كان كيعاملها مزيان هضرة ديال هند خربقاتلا دماغها كامل وهي تلبس سندالتها وخرجات لبرا حدا واحد الحجرة وgلسات تترتب افكارها وفنفس لوقت بطل ديالنا نضال لي حتا هو مجاهش النعاس بسبب تأنيب ضمير (لا اش وقع ليه هذا امتى شي نهار أنبو ضميرو اش درتيلو الينا لعقروشة طلقي راجل ليا ولا نخرج لختي 😂😂)وخرج حتى هو لنفس لبلاصة (كنحس براسي كنتفرج لفيلم تركي لا هدشي مكينش فلمغرب 😂😂 ) وهو يشوف لينا وقرر يمشي عندها يطلب منها سماحة على الله هذ المرة تسمحلو (وامعامن طحتي أكبور )
مشا وحط يدو على كتفها هي يحسابلها هند فاقت وهيا تقولها جيتي هههه واش حتى لهنا تبعاني اشعيبية 
نضال: آه جيت باش نطلب منك السماحة 
لينا:دارت وهي تشوفو بغات تغوت وهو يسدلها فمها ودها مورا واحد الشجرة وهي تعضو من يدو 
لينا:واش نتا مريييض لاش تبعني اش بغي مني ولاش جيبني لهنا امم علاش خبعنا على ناس واش نتى بنادم ولا 
قبل متكملها سد ليها فمها عاود وبسيف مسكين تقبتلو ودنيه واش سرطا كسيطة 😂😂
نضال: شششششش سكتي اهاذ الموصيبة 

مال مك عقلك موسخ اخخخ جبتك غير حيت فعلا ندمت وهذي اول مرة نطلب من شي وحدة 
انا: هههه دابا واش بغي ضحك عليا انا راني مشي مكلخة حتى لهد درجة واسي محمد وتا سير لعب مع قرانك 
نضال:عندك الحق انا لي مجي نهدر مع برهوشة مكتعرفش حتى تميز بين الحقيقة وانتقام مي مع لوقت غدي تفهمي يلاه بسلامة دخلي للخيمة غدي يدربك لبرد ونتي مزال حتى مبريتي 
نشا نضال وبقات لينا كضحك غير بوحدا 
لينا:هههه واو علاش قالي دخلي ...واش كيخاف عليا ناري واش يكون تزعط فيا احح 
اووف اش كنقول انا مخصنيش نضعف حداه وننسا كلشي بهاد جوج كليمات 
مهم دخلات بطلتنا وتكات فبلاصتها بغات تنعس وتقول هد نعاس بغا يجيها حرام بقات كتقلب من هد اجهة لهد لجهة حتى نعسات عكس نضال لي منعسش gاع ليل كامل وهو كيفكر فلينا 
نضال:اووف استغفر الله ياربي اش وقعلي انا علاش كنفكر فيها طوال الوقت اععع وعلاش فينما نشوفها مع امين ولا ريان مكيعجبنيش لحال واش زعما نكون تزعت فيها لا لا ميمكنش اصلان شنو لي فيها زوين باش نطيح علىراسي علاش كنقول هكا لحقيقة هي زوينة بقا هكا كيتساءل ويجاوب غير بوحدو دري مشالو لفريج حتى اذن لفجر ناض صلى وبقا متكيورجعت خرجت للغابة فنفس لوقت لينا حتى هي صلات شوية وخرجلت تشم هواء وتشد كونكسيون كان نضال كيتجول حتى برقا شادا طيلي وكتغني وتشطح مع اغنية نتاع ماشي موشكيل (لينا كتحماق على راب) بقا حاضيها كيفاش كتغني وكدير دوك لحركات بيديها بقى حاضيها حتى مشات بحالها مهم دازو 2ايام عادية غير سي نضال كلا نهار كيتزعط فلينا ورجعات عندو شي حاجة مهمة فحياتو (نعم ياسادة انه الحب ❤❤)
هد نهار هو نهار لي غدي نرجعو بحالتنا نضت لبست حوايجي وجمعت شطايطي ومشينا لمجموعة فين غدي نركبو ركبنا من بعد ساعة وصلنا وصلت دايخة وغنموت بنعس مشيت نيشان لدار سلمت على والديا ومشيت لبيت ضربتها بنعسة مفقت حتى قريبا لعصر صليت وخرجت لصالون لقيت بابا بوحدو كيتفرج فلماتش دلكورا سولتو على ماما قالي راها عند خالتك مشيت كنطير لبست حوايجي مشيت لدار خلتي قبل منغسل حتى وجهي من نعاس ههه دخلت وهو يطلقني جاد فصالون 
جاد:غير بشوية مهربينش عليك 
انا:وعتق عتق راني كنموت بجوع سير اصاحبي جبلي اش ناكل 
جاد:لي شافك يقول خلتي قطعا عليك لمكلا
انا: وا لعداو وا عباد الله وعتقني غدي نموت ليك هنا 
جاد:صافي صافي هاني غدي نمشي 
مشا جابلي ناكل طحت على طبسيل ما نضت وكملتا بكاس عصير شربتو دقا وحدة 
جاد:لا انا غادي قبل متكليني حتى انا 
انا:مالي شفتيني بقرة 
جاد:لا دابا شي حاجة كتير من بقرة 
انا:هههههه غير راني من صبح مكليت وصافي اجي حقا فين خالتي ولوليدة 
جاد:مش او يتسوقو gالك بعد غدا غدي يمشيو عند جدة 
انا:واش دار كاملة 
جاد:على غير فرد من دار مالك مكلخة بيانسوغ آه غدي تمشي ماما وماماك وبابا وباباك 
انا:ايه بعدا ناخد حريتي شوية 
جاد:يمكن انا غادي نبقا هنا لا 
وتي نوضي تقلعي لداركم طيبي لعشا 
انا:هاني غديا 
جاد:نوصلك
انا:اول على سلامتك منين فهمتي راسك يلاه 
مهم وصلني جاد دخلت طيبة لعشا على ما تجي ماما لوقت كامل وانا كنفكر فيه ايه هو لي فبالكم نضال رغم اش دارلي كامل مي قلبي مبغاش ينساه اووف معرفتش واش هو بحالي بقيت هكا كنفكر حتى دوزت لموس مع صبعي 
لينا:آي آي تفو اش هد زهار 
مشيت درت فصما لصبعي ديك ساعة جات ماما تعشينا ومشيت نعس

❤ عند نضال ❤
سميرة (ام نضال) :نضال ولدي فينك 
نضال:هاني أما 
سميرة: سير اولدي الله يرضي عليك جيب بنت عمتك سمية 
نضال: واش هيا معندهاش رجليها تجي لوحدها 
س:وراه شيفور ديالها عند و خدمة بزااف مع راجل عمتك وميقدرش يوصلها وصوناتلي قتلي gولي لنضال يجي يوصلني قلت لها واش نصيفطلك شيفور نتاعنا gالتلي لا انا بغيت نضال وراك عارفها شحال عزيزة عند باباك اوا يلاه سير تلقاها من قبيلا وهي تستناك 
نضال :اوكي غير على قبلك 
نضال عارفها كتبغيه وتقدر دير كولشي على قبلك نضال مكيحملهاش حيت هي بزاف ديال مرات خلقتلو مشكل مع باه مهم مشا وهو محملش يمشي غير على قبل ماماه يقدر يدير كولشي من بعد 10دقايق وصل نضال ولا سمية مع شيفور ديالها وكتقولو غير سير انا غدي نمشي بوحدي 
شيفور: ولكن امدام ميمكليش راه غدي نضيع خدمتي الا سمع باباك 
س:واااش مكتسمعش انا مبغكش توصلني انا غدي نمشي بوحدي واااش مكتفهمش وإلا ممشتيش هي لي غدي تضيع خدمتك يلاه سيير 
س: من بعد ما مشا شيفور. اووف شحال فيه نتاع تبعكيك واش ميخليش بنادم على راحتو 
نضال:وتشوفي نتي شمال مخليا بنادم على راحتو واش نتي بنادمة ولا شنو ياك شيفور بغا يوصلك لاش كدبا على مي ومشقياني

سمية:لا انا انا هو لي مبغاش يوصلني 
نضال:واش حسابلك انا حمار زيدي قدامي اش دارت عمتي مسكينة حتى ولداتك 
سمية:تزوجت ببابا هههههه ولباقي راك عارفة 😂😂😂
نضال:عقلك شحال موسخ اععع
انا كنقولالك غتمشي لدار وتبقاي خالتي ما خالتي بغا نخرج مع نضال والله حتى نخلي دار بوك هني خبرتك 
سمية حطات يديها على يد نضال ومنين عارفني علاش جايا علاش متعطينيش فرصة ونعيشو مزيانين ونولدو وليدات(هههههه واش هذي من نيتها) 
نضال:قالها اه ونولدو توام ونسميوهم فيروز وأحمد على سميت جدة وجدي (ههه سميت جداتك حسن من ماك 😂😂)
سمية:اه هذي فكرة زوينة 
نضال:نتر يدو منها و قالها متفوتيش حدودك كون كنتي حتي كون عاوتليك ترابي تعاودي تقيسيني فوريك وجهي لاخر 
ديك ساع سمية كانت بركان غدي ينفاجر حيت فين ما تبغي تقربلو كيقمعها مهم وصلو لدار سلمات سمية على سميرة ومحمد (اب نضال)
وgلسو فصالون كيهدروطلع نضال بدل حوايجو لبس سرفيط كحلة وهبط لعندهم مشاو لطبلة تعشاو وكلا واحد طلع لبيتو ينعس (حتى سمية دايريلها بيتها لوحدها حيت حسبينها وحدة من هوم هي وأحلام لي دابا تعرفوها من بعد هي بنت عمو )
💥فصباح عند لينا لكانت قاريا حتى ل 2
جاد:كيضربها بلمخدا ولا دحشة وا بقرة وتي نوضي 
بقا كيجر عليها لغطا وكيغوت والو لبنت تقول ميتة وهو يمشي لكوزينة جاب كاس تاع لما باارد وخواه عليها وهي تنوض 
لينا:وااع واعباد الله واش خلاوك ليا فعودي واش بايت تحلم بيا جاي تنوضني مع 8دصباح انا قلت هاد نهار داخلا حتى لجوج نعس شوية ونتا مصبح عليا 
جاد:لواه دابا عاد 6 ماشي 8 وتي نوضي ألغولة راها 12h30دابا 
لينا:شنو لا غير راك تكذب جبدت تيلي من لكوافوز وشافت الساعة وهي تنوض كطير 
لينا:وعلاش مقلتيليش راه 12:30دابا أمممم
جاد:وأشنو من صباح وأنا كنطبل 
لينا:سير طيبلي لفطور على ما نلبس انا حوايجي 
جاد:واش ناس كيتغداو دابا ولا كيفطرو 
لينا؛دابا غير سير لي طيبتيه هو هداك 
مشا جاد حطلها بيتزا وعصير ليمون وحط راسو عصير فريز (سبحان الله انا وجاد كنتشابهو بزاف نتاع حوايج نصلحو نكونو زوجين هههههه غير معرفنيش كاينة وصافي 😂😂😂😂😂)
لينا:أوووه ميغسي بيبي
جاد:هانية ma vie
لينا:فين هي لواليدة
جاد:مشاو قالك باقيلهم شي حوايج مزال مشراوهم ومشاو يشريوهم باش فلعشية يشدو طريق 
لينا:مزيان

بقاو هكاا كيهضرو حتى شاف جاد ساعة وهو يغوت نوضي اهاد لبقرة راها قربات تصوني ساعا نوضي نوصلك 
مهم جاد وصل لينا ومع رجعت طلاقا نضال بقاو كيهضروا وقالو بلي انه بعد غدا عندو حفلة بمناسبة الرجوع ديالو للمغرب 
وافق جاد وتوادعوا (جاد كان غدي للخدمة ونسا بلي لينا غدي تبقى معاه)
نضال مشا لقسم ديالو كان عندو داخلين سيزيام قراهم عادي وهي تصوني ساعة 
🌼عند لينا ليدوزات حصصها عادي خرجو للإستراحة وهو يعيطلها حارس لعام مشات عندو بقاو كيهضرو وكيسولها على باباها حيت صاحبو وعزيز عليه 
كانت خارجة وراحة بلور كتشوف فحارس العام لي كيوصيها وديك لوقت نضال لي كان داخل للإدارة وكيشوف فتيلي وهي تصاطح معاه وهي دور تشوف شكون
وهو كذلك علا راسو باش يشوف هي منين شافتو تبسمات بلا قصد 
نضال:علاش كضحكي ياك ما بانت ليك مهرج 
لينا:هاظ زين كامل مهرج 
نضال:أووه هنتي بديتي تعترفي ونسيتي غرورك شوية 
لينا عاد رجعات معاها أش قالت وهي تبدا دخول وتخرج فلهضرة أأأشنو اتا غادة بسلامة 
نضال:سيري وعلاش كتقوليهالي 
لينا:وهي لحيدتي من قدامي 
نضال:دوزي بلمناسبة جيتي زوينة 
(لينا كانت لابسة صايا مزيرا فلكحل مع تيشوط بيضة وفيها كتابة صغيرة فلكحل ومن لفوق جاكيط جين غامق ومقطعة شوية لينا كتحماق على جواكط نتاع جين عندها بزاف ديال ألوان فيها وسبرديلة دجين غامق ومقطعة حتى هي وشال فلبيض وفيه كتابة صغيرة بزاف فكحل مهم جات تيتيزة 
صونات ساعة ولينا كانت داخلا عندو أه عند نضال
طلعات هي وهند فدروج وعقلا غير مع ديك جيتي زوينة وضحكة وصلا حتى لخر نتاع فمها 
هند : واعويشة واشعيبية وازمر وتي فين عقللك

لينا:لاوالو بغات تبدل الموضوع عند لخبار ماما ليوما فليل غدي تمشي عند جداتي وغدي نبقا بوحدي وااو 
هند:اجي باتي معايا ألغولة 
لينا:حتى نشوف جاد موحال واش يخليني 
هند: ا ححح اقلبي وعلاش جبدتيه تفو انا قلت ننياه ونتي كتفكريني فيه ياختي داك ولد خالتك كون كنت منك كون رني خطفتو بلا منستنا ولو دقيقة 
لينا:سكتي ألبقرة راه بحال خويا وهو كيعتابرني بحال ختو زيدي زيدي هد نهار يجري علينا داك الغول (نضال كامل غول😕 إوا باز ألفعة😂)
وصلو للقسم دقو وقالهم تفضلوا لقاو أمين وريان شديلهم بلاصة مراهم طاولة تانية وهما طاولة لولا حدا مكتب ديال نضال 
بدا الحصة كان عندهم حصة تمارين بداو كيخدمو تمارن وكلا واحد كينوض علات لينا سبعها وقالها نضال نوضي هي ناضت وبدات كتخدم التمرين وهو يسمع نضال أمين كيقول لريان شوف أصاحبي لينا شحال جات تيتيزة مكرهتش نوض نخطفها دابا

نضال رجع حمر بحال مطيشة 🍅🍅 وتعصب وهو يغوت على لينا وقالها رجعي لبلاصتك ولمرا جايا تجيني بلا طابلية والله لباب لقسم لدخلتي وضرب يدو مع البيرو وكمل تمارين كاملين وقالهم يالاه نقلو كلشي بقا مصدوم خاصة لينا وهند لي كيحللوا ويستنتجوا تقول راهم فلعلوم 😂😂
لينا:مال هد زبل تاني اش درتلو 
هند:ميبقاش فيك الحال مي يمكن راه طاح على راسو منين شافك
لينا:لواه طاح على كرشو واش ضربك ضو 
هند:لاضربني لما مال جدك تيقي فراسك شوية أنقولك ولكن سمعيني حتى لخر 
امين قبيلا قال لريان انك جيتي زوينة بزااف وبغا يخطفك يمكن اختي امين كتعجبيه ونضال سمعوا ورجع حمر وديم ساع غوت عليك 
لينا:لواه أمين كيبغيني لا ميمكنش هو كيحسبني بحال ختو لا أقل ولا أكتر وانا كذلك 
هند:سكتي نتيكلشي كيحسبك بحال ختو

نضال شاف فيهم وقال سكتونا نتوما ولا خرجوا عليا 
لينا وهند شدوا طاولة وبداو كيلعبو ا خضر فواكه)🍒🍓🍌🍅🌽🍆) شوية وهي تصوني ساعة بداو كيخرجوا تلاميذ وهو نضال يعيط على لينا وقالها بقاي راني بغي نهضر معاك لينا قالت لهند تبقا معاها وهو نضال يقولها يمكن اتا عيطت على لينا بوحدها لا هند خرجات ديك ساع بلاما تهضر مع لينا حيت عارفاها غدي تبدا تقولو انا هي هند وهند هي انا بغات تخليهم بوحدهم حيت هي شكا بلي نضال كيبغي لينا 
نضال :بصوت رجولي وبحال غدي يتفركع آخر مرة تجي لابسة هاد صايا أولا شي حاجة تكون مزيرة 
لينا:هههه وبصفتك شكون 
نضال:دفعها لحيط وحاوطها بيديه وقربلا حدا ودنيها حتى بدات كتبورش كتحس بركابيها خواوها 
نضال:غير أجي بيهم لمرا جابياوغدي تعرفي بصفتي شكون 
طلقهاورجع بلور وضرب فطاولة واش مفهوم 
لينا:بقوة مصطنعة منين تكون عندك الحق تحكم فيا ديك ساع غدي يكون مفهوم بسلامة 
هي جات خارجة وهو سد عليها الباب ودفعها جات على الطاولة

لينا:واش حماقيتي ولا شنو خليني نمشي بحالاتي راه ولد خالتي غدي يكون كيستناني 
نضال:منين سمع ولد خالتي عاد نزاد جعر كتر من لول 
أوووه ولد خالتك كيتسناك وعلاش بسلامة أش بينك وبينو أممم
لينا تعصبت ورجعات حمرا تفووو عقلك شحال موسخ هو بحال خويا واش كتسمع بحال خويا وحاجة خرا متبقاش دخلي فلباسي مشي سوقك فيا بيني وبينك غير أستاذ وتلميذة وصافي 
نضال ببرودة (اوواه ياك عاد كان معصب😡 داير بحال لحرباء ) 
إوا الله يعمي هاليك وتجي بها ولا شي حاجة مزيرة ونشوفو حل الباب وقالها يلاه زيدي قدامي خرجوا من الباب لوراني دلمؤسسة 
نضال:زيدي نوصلك ولا بغا تمشي بوحدك ل
لينا:ماشي سوقك غدي نمشي بوحدي 
نضال:طلعي وبلاما تصرعي دين مي 
لينا:مطلعاش معاك غدا بوحدي *هدي باينة كتقلب على نهايتها 😂
نضال هزها ورماها فلوطو وطلع وكسيرا وهي طريق كاملة وهي حاطة وجها على الزاج وكتبكي 
نضال:نزلي هانتي وصلتي 
لينا:باش عرفتي داري هيا هدي 
نضال:نضال العمراني مكيخفا عليه واو 
قرب ليها ومسحلها دموعها وقالها بصوت حنين متبقايش تبكي راه كتقطعيلي قلبي 
لينا:كيفااش !! اش كتقصد
نضال:نزلي من بعد وتعرفي اش كنقصد

يتبع...