شدات فيه ومالت كما قال ليها وهوا يدور روتير وهي كتشوف يمسن يسار .. الشوفة من فوق الروتيير مختالفة وزوينة ... تقاد مع الطريق باش يقلع ويالاه طلق داك الصوت كي الرعدة غوتات فالسما
غيرة
وقف فالسطوب مكالي برجليه وجر ليها يديها على خصرو كيضحك وقال
- ماتخافيش غير شدي فيا ... غطي ضهرك
اميرة : دارت يدها ورا ضهرها هبطات لافيست ديال السورفيت خشاتها فالسروال وشدات ليه فتيشورط وزاد بيها يضوبل السيارات ومنين ما دازت كتشوف كولشي كيشوف فيهم .. عجباتها الركبة والصوت والبنات كيشوفو فيها ... واهم حاجة ماراكباش مع موسخ .. راكبة مع واحد نقي ... وبوكوص اهم شيء ... وصلو للطبيعة فين مشاو تصورو المرة الفايتة ووقف نزلها بشوية وحيد ليها الكاسك وقال ببهجة
- كي جاتك الركبة
ردات حتى هي ببهجة : زوينة ههه . . . وااعرة ... واش عاد شريتيه ؟
سيمحمد : ماشي بزاف باش شريتو ... كان واحد صاحبي بغا يبيعو وحتى انا من شحال هادي كيعجبني الموطور .. جات لوكازيو وخديتو من عندو وديتو كسيتو ههه
اميرة: بالصحة ... زوييين
سمحمد : وماقلتيش ليا مبروك حتى انا !
اميرة باستغراب : علاياش مبروك ؟
سيمو : خديت الماستر
شافت فيه فدهشة وقالت بفرحة : مبرووووك ... فرحت لييك والله
سيمحمد : الله يبارك فيك شكرا .
اميرة : شنو غادير دابا ؟؟
سمحمد : بسرور) غنبقا معاك
اميرة : هههه زعما شنو غدير مور الماستر ؟
ضحك كيحك فرسو وقال : اااه ههه .. معرفتش .. حتى نشوف اش ندير المهم تهنييت
اميرة : اوووف حتى انا رتاحييت ...ولاكن بقا ليا لبيرمي .. خاصني ننجح فيه .. ماحسابش ليا حتى هوا هم يخخ
ضحك وقال : عاادي ههه .. جبتي الباك و غتوحلي فبيرمي !
اميرة : بغيت غير فوقاش ناخدو ونتهنا .. كرهت ديك لليسي بااز للي غيعاودو فيها ... خصوصا فاش دابزيتي فيها داك النهار بالموس
جمع الضحكة وقال : راه ماشي ديال بصح داك الموس ... راه غير ديال بلعاني
اميرة : حلف!!!
سيمو : اه راه ماشي ديال بصح
اميرة : وااكن قالو ليا ضربتي شي واحد بيه
ارتابك وقال : اااالااالا ماضربت حنى واحد ... غير كدبو عليك ... ياكما تخلعتي مني؟!
اميرة : شوية ههه
صغر عينيه كيضحك وقال : شوية !! باينة
شد ليها فيدها كيضحك معاها وهوا ينتابه للساعة فيدها وقال بابتسامة
- كادو ديال باباك ؟؟
ردت بعفوية : لا عطاه ليا واحد الردري فلانيف ديالي
جمع الضحكة وقال بهدوء : مزيان ... انشوف
حيدها ليها بشوية من يدها وهي كتعاود ليه كفاش حتى مادارتش عيد ميلاد حيت كانت منهمكة فالحفاضة و مادات ما جابت فاش طلق من يدها وخدا الساعة ودار بشوية كيسرح عينيه حتى هز يدو على غفلة وطوع الساعة وسط الربيع بعيد بقوة .. شافتو لاحها وهي تنقز عليه كتغوت بعات تبكي
صدمها بطريقة الرد وبقات ساكتة كتشوف فيه لحضة وقالت
- مشا عليا الحال ... خاصني نمشي بحالي
دار عندها وطلع فالموطور وقال : يالاه
ركبات حتى هي هازة خنافرها ودارت يديها وراها شدات فحديدة وجلسات بضهر مستقيم .. تلفت بعنقو وهوا شاد المقود وقال
- واش بغيتي تجي على راسك !!! شدي فيا
اميرة : هاكا مرتاحة
سيمحمد : راكي غتجي اللور . راه موطور هادا كيمشي ب 300 لفوق ماشي حمار
تصدمات فجوابو وهي تنزل بسرعة وقالت بغضب
- انا كنعرف غير الركبة فوق الحمير... وحتى دابا غنمشي نقلب على شي حمار يردني منين جيت
زادت وخلاتو كيعيط ومشات كترجي قطعات الشانطي ... وقفات ليها سيارة فالجنب وقبل مادور جرها من يدها بقوة وقال
- فيين غااادي؟؟؟
اميرة : ماشي شغلك (نترات يدها)
سي محمد : اجي مغتمشيش
شاف بنص عين فااسيارة وعنقها بقوة بواحد اليد وهي كدفعو وردها للموطور كلاها معاه ووقف قدامها كيشوف فيها عن قرب وهي كتشوك غير بوحدها واحاسيس مخلطة كتجمع عليها .. شاف فيها ونيفو حدا نيفها وقال
اميرة : عادي ...راه كان كيقرا معايا ... فين كان المشكل ؟
بقا ساكت كيشوف فيها ويتأمل ملامحها عاقد حجبانو وهي متبعاه بعينيها وقال
- بينك وبينو شي حاجة؟
حركات : راسها بالنفي
سكت وكانت فرصة مناسبة فين يتقرب منها .. قبلها بشغف وحسات بشفاهه كيلامسو شفاها ... حسات براسها فديك اللحضة انها فايقة وناعسة فنفس الوقت... كتحس بكلشي ولامن مقادراش توصف حتى حاجة من داك ااشي... كتحس ببساط خفيف تحت رجليها فوق الهواء ماشي ارض صلبة واقفة عليها ... ماقدراتش دير حتى حاجة من غير تبقا فبلاصتها بدون حركو بحال القطة ... مستسلمة .. ومستمتعة ... عشقات رائحة فمو المنعشة ولمسة يدو الحنونة على خصرها ... وحتى نضارتو الهائمة
احاسيس مختلطة
انتهت القبلة وحلات اميرة عينيها بحال الى نعسات بزاف ...
كتحس الدوخة وصداع وتروعات ولقات رجليها كيرجفو وماقادراش توقف داك الارتجاف وبغات تخبا منو ولاكن فنفس الوقت فيه .. احساس غريب ماعرفات ما دير مور ديك القبلة من غير دور وجهها كدخل وتخرج فالهضرة
تعطلت... خاصني نمشي .. مشا الحال
ماعاوداتش هزات فيه العين مرة اخرى وحتى هوا مقال والو وطلع قدامها ... شدات فيه بتردد فالاول ... وفاش قلع الموطور قربات كتر وحطات راسها على ضهرو معمضة عينيها فصمت حتى وصلات وحلات عينيها فشلانة بحال الى يالاه فاقت .. نزلات من موراها ومشات كتجري قبل ميهضر وطلعات لدارهم نيشان لقاتها خاوية وكلشي باقي فلخدمة .. دخلات لبيتها وتكات فوق الناموسية مكمشة وعنقات واحد المخدة بحب وتنهدات مغمضة عينيها مستمتعة فصمت بداك الشعور اللي ماباغيش يتفرز ليها
بالليل حلات الفايس وبدات كدور .. جاها الملل مابقا عاجبها فيه حتى حاجة .. مشات نيشان ديبلوكات سيمحمد وجلسات كتسناه يدخل ويجبد معاها الهضرة ... لاكن وقع العكس .. دخل سي محمد وشافتو حاضر لاكن ماهضرش معاها .. زدات حجبانها بانزعاج وبدات تسناه ... ساك ديبلوكاتو ... واش مشافهاش!! .. بغات تبت الحضور وحطات صورة ديال قطة مكتوب عليها " مساء الخير " .. كولشي رد عليها الا هوا ... مادار جيم ما حط تعليق ما هضر معاها ... بقات مستغربة وقلبها بدا كيضرها و الافكار مشتتة فدماغها ... يمكن كيتعشا .. ولا خلاه محلول وناض ! .. لاكن وقع العكس مرة اخرى بدل صورة البروفايل ديالو كدليل على حضورو ودارت ليه جيم .. بداو التعاليق ديال صحابو و ديال البنات وهوا كيرد الشيء اللي خلا الغليان كيزيد فيها وكتسنا فيه يدخل يهضر معاها .. تسنات حتى عيات وهي على الجمر وكل ما كتزيد تسنا كتزيد الجمرة تشعل .. بدلات صورة البروفايل حتى هي وبداو لايكات وبدات كترد على الناس وتفاجآت بيه دار ليها لايك حتى هوا وهي تبتاسم وقتحات نافدة المحادثة ديالو كتسنى يسيفط ليها لاكن خاب ضنها وماسيفط ليها حتى حرف وبدات تسنى حتى حسات بحلقها كيتخنق ونفسها كترعد
حادثة سير ..
شافت راسها كتمرض بوحدها وهي تمشي قال ليها راسها تبدل المودباس ديال الفايس ودير شي واحد اخر ساهل مايبقاش يتعكس ليها .. افكار الليل الغبية خلاتها كتخربق حتى تلفاتو وجلسات باغا تندب وترجعو . . . فكل مرة كتبغي دخلو كيطلع غالط وزادت تفقصات بغات طرطق ... طار عليها النعاس وقلباتها سوبر ماريو كتبرد فيه الجنون وتلعب حنى عيات ومشات نعسات .
صبحات على البيرمي كطيح فالحديدات ... كتزطم على الكسيراتور حتى كيتقج وكترجي لومبرياج تا كتسكت .. بغا المونيتور يحماق وهوا داير طربوش ديال القش على راسو من الشمس ... تبحبح بالغوات وسخف ومزالة قدامو ساعة حيت اميرة مخلص عليها باها سوايع اضافية باش تعلم دغيا .. لاكن باينة مغتعلم حتى تسطي كاع اللي كيعلموها ، ركب حداها كيوريها بشوية ويدورها وهي كنقلب المقود كامل فاش كتبغي دور وجهها تشوف فالجنب .. كولشي كيدزر معاها وحتى طموبيل . بغفبة منو وهوا مخرجها وسط المدينة دارت بسرعة وكسيرات وهي دخل فواحد الطموبيل تا تهزات وطلقات كلشي كترعد وخرجات من الطموبيل خلات المونيتور غينتف لحيتو وباغي يبكي .. كاع فلوس اللي خلص عليها باها غيحطوهم فالطموبيل باش تصلح وكتر.. هي شافت القضية حامضة وتخلعات بحال بغات تعقد من السياقة وعيطات لباها مخلوعة جا عندها كيطير هزها وكيهدن فيها باش ما ترجعج عندها فوبيا وهي يالاه كتعلم والمشكل الامتحان عندها مع النبوري .. غادية فطريق حدا باها وكتندب
- باينة غنسقط فيه ... باينة غنسقط
عبد الالاه : ياك حفضتي الكود نالك مخلوعة
اميرة : حفضتو ولاكن الطموبيل باقي
عبد الالاه : انا ليوم ماعندي مايدار ... غادي نخليك طلقي شوية يدك ... بلااا متخلعي ولا دهشي . غير بشوية وكولشي غيدوز ... كنتسناك غير تسالي هاد الامتحان نتهناو منو باش نسيفطك عند ختك تسافري وتبدلي الجو شوية ... هاد العام داو عليك صعيب .. ولاكن فرحتيني ... وحتى انا قلبت ليك على واحد الكلية فكازة فيها طب الاسنان ... باش تبقاي حدا ختك ... واخا غالية .. ولاكن ماشي مشكل المهم هوا تقراي ... ونفتح لبنتي العيادة ..ياك ابنتي
عبد الالاه : غتسكني مع سلوى بوحدها ... مغتبقاش مع صحاباتها فاش تمشي نتي ... راه هضرت معاها تقلب على شي دار قريبة من البلاصة فين كتقراي باش متشدي لا طاكسي لا والو ... وراه لقات الدار وغدا غتحول ليها
سفر ...
اميرة : غنسكن انا وياااها !!!
عبد الالاه : ولاكن راه غنبقا تابعك ماغاديش تسيبي غير كوني هانيا ... يالاه نزلي اجي بلاصتي
تبادلو البلايص وبدات السياقة مخلوعة وباها كيوريها فداسيا لوكان ديالو ويعلمها ... لعشية كاملة وهي كتعلم حتى عيات ورجعات للدار .. بغات تمشي للبيسي وهوا يشدها باها جرها دار ليها السيدي ديال البيرمي وجلس عند راسها كيحفضها تا سخفها ومشات تعشات نعسات . صبح معاها على النبوري داها دوزات الكود نجحات فيه وبقا مخلوعة على السياقة . من الكود داها نيشان لواحد الساحة عطاها الطموبيل كتعلم حتى تعاشات لعشية ومن تما داها للسياقة وفالطريق شرا ليها سوندويش تغدات بيه وتوكلات على الله . نجحات ورجعات للدار كطير بالفرحة .. فرحة تابعة فرحة الحمد لله وهادا جزاء اللي مكيسيء لحد ونيتو على قدو . جمعات ليها مها حوايج السفر تمشي تشوف فين غتقرا ويمشيو معاها حتى هما يشوفو الكلية وتقيد فيها . داكشي اللي دارت هزات صاكها ولبسات حوايجها وصايبات شعرها وشدات طريق لكازا وهي فقمة السعادة .. فالطريق وهي متكية على الزاج جبدات تيليفونها كتشوف فيه مترددة وتكتب نمرة ديال سيمحمد اللي حافضة وكتفكر .. تعيط ليه ؟؟ لالا .. هوا اللي قلب وجهه عليها .. شنو دير؟؟
دوزات النمرة وهي اللور جالسة مور واليديها فطريقهم لكازا وصونات حتى رد عليها وسمعات صوتو اللي حيا دقات قلبها وقالت بسرعة دارت راسها ماسمعاتوش
- الو سلوى انا اميرة ...
رد بسرعة : اميراااا ؟؟؟ واش اميرااا
اميرا : الو !!! ... شكون معايا؟؟
سمحمد : اميرا !! انا سيمو ..
اميرة : ماشي نمرة ديال سلوى هادي!!
قالت مها : انا نعطيك نمرتها واقيلا غلطتي فيها غير قطعي
رد عليها فالحين : شوفي انا داير مع جمتي هاد العشية وهي شكات فيا كنهضر مع وحدة اخرى وبغات تعيط ليك تأكد واش بنت ولا ولد .. عفاك اختي ماتبقايش تصوني عليا فهاد النمرة راكي درتي ليا مشكل معاها وانا حاسبك بحال ختي
رد عليها فلحين : انا اكبر شماتة عارف راسي اختي مي مابغيتش المشاكل .. واش نتي بصح دابا فكازا ؟؟
اميرة : اه والله مي ماشي مشكل يخلصك الله
رد عليها : سمحي ليا اختي .. وراه جمتي حدايا كتقرا هادشي اللي كتبت ليك .. الله يسهل عليك
شدات كرشها وبدات ضحك لور بوحدها وماعاوداتش جاوباتو لاكن بدات كتصوني عليها نمرة جديدة مكتعرفهاش ..شكات فيه يكون هوا نيت وبدات كتقطع عليه وتعاود وهوا كيصوني تا طفا ليا تيليفون
اشتياق
وصلات لعمارة ونزلات فرحانة كتشوف يمين يسار .. طلعات مع واليديها للدار ودقو ودقو حلات ليهم سلوى بالفرحة .. كتشبه لاميرة غير هي صحيحة عليها ماشي بحالها ضعيفة وشعرها كاري بليميش .. بدات تعنق فيهم فرحانة ودخلو للدار كيشوفوها ..
عبد الالاه : هادي هي الدار؟
سلوى : هيا هادي ... بيت النعاس وكوزينة صغيرة .. مراح وحمام صافي ... ومفوحة واخا صغيرة
عبد الالاه : لا خاصكم دابت شي مكينة ديال الصابون صغيرة وشي تلاجة صغيرة ... الكلية قريبة ؟
سلوى: قريبة ... وياك عندها الطموبيل دابا ومبروك لبيرمي هههه
سميرة : لااالا متسوقش هنا فكازا ومزاال خصها واحد العام عاد تزعم تسوق بوحدها
سلوى : وراه غير قريبة... لعشية نمشيو نشوفوها
جلسو فالصالون الصغير الوحيد اللي كاين وحطات ليهم سلوى الغدا بالدجاج محمر والشلايض والديسير ... تغداو وناضت معاهم لبيت النعاس كتوريهم البلاكار والناموسية ... خوات لاميرة واحد الجهة ستفات ليها مها فيها الحوايج ديالها وخرجو فلعشية مشاو شافو الكلية ودار ليها باها الاجرائات اللازمة باش تبدا القراية مباشرة من بعد العطلة .
بالليل شارجات تيليفونها وشعلاتو وجلسات تلعب فيها قدام التلفازة حتى غفلاتها سلوى وجلسات حداها عطاتها علبة مغلفة بالاحمر
اميرة : شنو هادي؟!!
سلوى : الكادة ديال النجاح ... ايوا حليه بعدا
حلاتو لقات فيه تيليفون جديد بالكاميرا وهي تعنقها وقالت
- شكرااااا ... واااو فيه كاميرا !!
سلوى : ايوا شفتي .. نتي غير قراي وحتى حاجة ماتخصك
حلاتو اميرة بسرعة حطات فيه لاكارط ديالها وبدات تصور بيه ولاحت تيليفونها القديم ... مافرحاتش بدوك التصاور تكملهم حتى بدا تيليفون كيصوني وناضت للبيت النعاس تخبات فيه وهرجات راسها من السرجم
اميرة : الو شكون ؟؟
سيمحمد : سيمو
اميرة : شكون سيمو !!!
تعمدات تقولها ورد عليها حتى هوا : كفاش شكون سيمو !! سيمو سيمو ... فينك باغي نشوفك
عطاتو المعلومات وقطعات معاه ومشات طلبات لختها البيسي بورطابل عطاتو ليها وجلسات تلعب وتهضر فالامسن مع الناس اللي كتعرف حتى وصل ليها مسج فيه الميل والكود ودخلات فرحانة حلات الفايس وبدات تقلب على الجديد .. يالاه بدات دور سيفط ليها لاكام وحيداتها وسيفطات ليه مسج
- راني فالدار منقدرش نفتحها
سيمحمد : اوك ماشي مشكل شنو كديري ؟
اميرة : والو
سيمحمد :
تعشيتي ولا باقي
اميرة : تعشيت الحمد لله
فنفس الوقت دخل عليها واحد اخر كيهضر معاها وردات عليه تا هيا وبدات فمرحلة التعارف وكتجاوب سيمحمد فنفس الوقت .. شوية طار الدري مافهمات فيه والو .. دخلات للبروفايل ديالو عطاها باج بيضاء فيه صبع ابيض عليه فاصمة . رجعات مافاهمة والو وقرات مسج سيمحمد
- مالكي كتعطلي باش تجاوبي شنو كديري
اميرة : كنلعب فسوبر ماريو
سيمحمد : مزيان .. سوبر ماريو حسن ليك
مارداتش عليه وبدات تعارف مع واحد اخر يالاه قاليها عطيني نمرتك وجات تجاوبو وهوا يطير حتى هوا وكذلك لبزااف ديال الدراري طارو .. شافت بلاصة المحاداثات خاويين من صور البرزفايل وهي تستغرب مال الدراري كاملين طارو تصاورهم !! واش تبلوكاو!!!
دخلات عند سيمو وقالت : سيمحمد عندي مشكل فالفايس
جاوبها : مالو ؟
اميرة : كيتبلوكاو ليا الناس
سيمحمد : يمكن عندك فيروس دابا يرجعو
اميرة : على شحال كيرجعو ؟
سيمحمد : على حسب الفيروس اللي عندك
اميرة : وكي غندير نحيد الفيروس؟؟
سمحمد : ماتآكسيبطي حتى واحد حتى يرجعو اللي مشاو باش مايمشيش ليك كولشي
فيروس
حارت ومعاوداتش قبلات حتى واحد .. زاد استغرابها ومابقات فهمان والو .. شوية تفتحات نافدة ديال المحادثة قدامها وبدات كتقرى داكشي كيطلع ويهبط راسو مافهمات فيه والو ... بحال الى داكشي كيهضر بوحدو . دخلات كتكتب وقالت
واحد اللحضة طارت النافدة من حداها وحتى هادوك كاملين اللي كانو كيهضرو وهي تعجب اميرة .. وييلي تبلوكاو !! فين مشاو عاد كنت كنهضر فيه
دخل عليها سيمو : شكاديري؟
اميرة : راه الفايس حمقني شي داخل شي خارج وانا مكنهضرش مافهمتش؟؟ واللي كتبتها كتمسح!! وحطيت واحد البوسط كتبت عليه الفايس عندي فيه مشكل راه الشاط كيطلع وينزل بوحدو وهوا يطير حتى داك البوسط
سيمو : سدي الفايس سيري تنعسي راه تعكس خاصو يرتاح شوية باش يتسرح
اميرة : بغيت نشاطي شوية
سيمو : وا تعكس دابا حتى يتسرح وشاطي تا تشبعي
اميرة : لا بغيت نحل المشكل كي ندير ؟؟؟ كيطلعو ليا شي وحدين مكنعرفهمش!!
الصباح حلات الفايس لقات النص طار ... بغات تحماق وبدات تقاتل وتفرج فاليوتوب باش تعلم كي دير ردهم .. ضرها راسها ووقفات عليها ختها جراتها معاها مشاو كاملين كيتساراو فكازا ويتصورو .. قاظلت اميرة امورها فالسكنة والقراية ورجعات فاليوم الثالت مع واليديها لمكناس ومع حطات رجليها فالمدينة جاها اتصال وهي طالعة فالدروج سابقة معا وباها للدار باش تجاوب
- اميرة : الو
سيمحمد : وصلتي؟؟
اميرة : اه وصلت عاد دابا
سيمحمد : انا غنجي عندك نشوف اوك
اميرة : لالالا ماشي دابا حيت غنخرجو غنمشيو بدار جداتي راه بنت عمي عندها العرس واليوم الحنة وتعطلنا
سيمحمد : وا دقييقة نشوفك فيها مالكي !!
اميرة : منقدرش نخرج راه بابا قالي هزي حوايجك دغيا باش نمشيو كيتسناونا للغدا
تنهد وقال : وفوقاش غنشوفك ؟؟
اميرة :
دابا ماعنديش كي ندير
سيمحمد : فين كاينة جداتك ؟
اميرة : فالفخارين
سيمحمد : غير هنا فمكناس ايوا مزيان
اميرة : يالاه نخليك دابا بابا طالع بسلامة
قطعات ومشات هزات قفطانها ديال جوهرة مخيطاه ليها مها فالباج وشربيلها ومشات مباشرة لدار جداتها .. دار فبناء عشوائي فأحياء شعبية كتكون من طبقة وحدة سفلية وملاسقة معاها دار عمها وغاديين الديور فصف واحد شي باني الفوقي شي يالاه كيطلع الدار شي عندو البقعة خاوية بين الديور ، وكانت وراء ضارهم بقعة كبيرة خاوية مضلمة فيها الحجر مضاربش فيها كاع الضوء . دخلات لدار جداتها لقات عماتها تما جالسين ..رحبو بيها وباركو ليها النجاح وفرحو معاها ودخلات لبسات
قفطانها ودارت ليه السمطة وشربيلها وخرجات هي ومها لدار عمها فين كاينين الناس والحيحة .. جلسات معاهم ونقشو ليها
حنة خفيفة ونشطات وضحكات فرحانة ورجعات لدار جداتها تبات فيها فين ما كاين لاصدع لابشار غير هي ومرت عمها اللي سكانة تما ومها وجداتها اما باها رجع للدار يبات . يالاه بغات تحيد القفطان فالبيت وهوا يصوني ليها تيليفون وسلتات بشوية للطواليط جاوبات
ابتاسمات اميرة وردات عليها ومشات طلقات الخامية دالبيت عليهم وكل واحد مشا نعس بلاصتو وضلامت الدار كلشي طاح مهدود نعس .. جلسات فوق السداري وسط الضلام بتوثر كتسناه تا عيط ليها وناضت لدروج السطح كتسلت ردات عليه
اميرة : فينك ؟
سيمحمد: واش داركم هي اللي مصبوغة بالصفر ؟ فيها واحد الراية دالعرس معلقة فالسطح !
اميرة : هي هاديك .. شوف انا نطل عليك من السطح حيت البيت جا فالقنت مافيهش السرجم
سيمو : اوك
طلعات هازة داك القفطان وشعرها مطلوق كتسلت وضوي بالتيليفون لقات باب الحديد محلول والغربي داخل وطلعات للسطح كتشوف غير النجوم مضوية الصمت حتى واحد مكيضور فالزنقة .. طلات عليه بان ليها جالس على الموطور بجينز وتيشورط بيضاء وسبرديلة وشيرات ليه بابتسامة حشمانة .. شافها وضحك وعيط ليها فتيايفون
جرات داك القفطان كتقاب وسط الكراطن وشي ياجور مستف فواحد القنت وبدات تبقش مضوية بتيليفون حتى لقات واحد الكوردة طويلة غليضة ديال العيط وهزاتها وجاوباتو حيت كان الخط دايز
اميرة : لقيتها ههه .. ناري عنداك تحصل انا راه غنهرب ونخليك
سمحمد : ماتخافيش ربطيها كما قلت ليك وصافي
اميرة : دور مور الدار مضلم وانا غنربطها ليك تما
قطعات ومشات للور ربطاتها مع لحديدات ديال الركيزة اللي كيكون خارجن وبدات تسناه حتى دور الموطور وشدو بحديدة مع واحد الحديدة اخرى وبدا يتمشى ويضحك فوق الحجر الصغير حتى وصل للرملة وهي كطل عليه وتشوف يمين يساار .. رجعات هبطات طلات تأكدات من كلشي ناعس وطلعات واحد الزربية صغيرة وبدات تقاد شعرها ورشات الريحة .. فرشات الزربية بالزربة ودار لقاتو وصل ولاح رجلو كيتعصر طلع عندها كيضحك وجا نيشان فرحان عنقها بقوة
تأمل...
عنقها بقوة وسرور وبادلاتو العناق وهوا كينهج سخف وقالت
- سخفتي
شاف فيها ويديخ مدورينها وقال : صعيبة والله تا صعيبة كتهز تقلك كامل ... توحشتك القنيصة ديالي
قالت بابتسامة وخجل : جلس ترتاح .. نجيب ليك تشرب
جلس فوق الزربية وجرها جلسها وقال : اجي جلسي حدايا ماتجيبي والو باغي نشوفك
جلسات حداه كتشوف فيه ويشوف فيه تحت ضوء الكَمرة وقال كيشوف فلباسها
- عاد جيتو ولاا؟
اميرة : عاد ... ليوم الحنة وغدا العرس
ابتاسم كيشوف فعينيها وقال: لعقبة ليا انا وياك
حمار وجهها وبقات كضحك وقالت : انااا باقي عليا لحال حتى نعيش حياتي
رد وهوا كيتأمل مالامحها بشوق وسعادة
- تعيشيها معايا مالي انا معجبتكش!! (هز حاحبو)
اميرة : متأ لاااههه راه بغيت نقول زعما ماشي مع شي واحد .. زعما نخدم ونرتاح من القرايا ونشبع تسافير مع راسي .. نعيش حياتي بلا ميصدعني شي واحد
ليها يدها باسها مغمض عينيه وقال : غتعيشيها معايا وحتى واحد مغيبغيك بحال .. واخا تساراي العالم
سكتات كتشوف فيه وقالت بابتسامة وخجل: زعما كتبغيني ؟
هز عينيه فيها بحال الى ساهي وقال : نتي مزااال غالطة يمكن ... انا راه رجعت كنبغيك لواحد الدرجة مكتصورش .. مابقيتش كنتخيل راسي بلا بيك
اميرة : زعما يالاه شي ست شهور باش عرفتيني... خاصك اعواام باش تخيل راسك بيا ولا بلا بيا
ضحك بسخرية وقال : دابا نتي هاكا كيحساب ليك!! خاصني نضرب معاك سنين باش يالاه نكَول هاد الهضرة؟؟... ديك الساعة غيتسمى ولف ماشي حب القنيصة ديالي .. ونتي ماحتاجيتيش كاع هاد الوقت باش نبغيك ... راه غير شفتك وعرفتك صافي بغيتك
اميرة : بيه فيه!!!
ضحك وقال : وا قلبي اللي بغاك واش انا لخاطري هه! جاي عندك فهاد الوقت وكنتعلق كي ماوكلي باش نشوفك .. علاش ضاري هاد التمارة وفهاد الليل ... باش يبرد هاد الكلب ماشي القلب ويخليني نعس
ضحكات وقالت : ضحكتيني ... مالك هضر نيشان علاش كتشوش
دور عينو هاكا وهاكا وقال : الى هضرت راه غتريب الدار وكولشي غيسيق الخبار ونصدقو حنا اللي معرسين ماشي ديك بنت خالك ولا عمك .. كتسمعي صوتي بالوش وا برااكة عليك
ضحكات وبقات ساكتة صغر واحد العين وقال : اجي بعدا... كفاش قضيتك مشيتي لكازا وما سولتي ما علمتي ... ياكما داك ليها شي سيمو اخر ؟!
قال في حيرة كيشوف فيها : ماعرفتش شنو ندير ... ختي تما كتقول ليا اجي هنا حسن ... واحد الراس كيقول ليا نبقا هنا .. وماباغيش نمشي... ماعرفتش شنو ندير
بثات كتشوف فيه في حيرة وقالت : والا مشيتي شحال غتجلس .. واش غتقرا ولا تخدم
سيمحمد: غنسطاجي فالاول ... عاد نخدم ... ديبلوم ديالي مطلوب تما ببوسط واعر .. ماشي بحال هنا ... داكشي اللي غنشدو فشهر تما غنشدو فسيمانة ... وديبلوم ديالي هنا قليل فيم تخدم بيه .. ندمت اللي تبعت هادشي
اميرة : بلعكس ... عندك فيه الماستر ووتخدم
ضحك بسخرية وقال : فين هي هاد الخدمة ... راه المشكل كاين هنا ... ها ديبلوم وااعر .. والخدمة اللي يستاحقها فين هيا ؟ ماكايناش ... غيعطيوني شي بوسط يسكتوني بيه وانا عقلي نشف باش وصلت لهادشي .. فاللخر نتخشا مع صحاب الباك واش بغيتيني نرجع مجرم
سكتات لحضة وقالت : وشنو دابا
تنهد : نقراو هاد دانك دونخ ونشوفو شنديرو من بعد (ابتاسم) نساي هادشي دابا وخلينا نهضرو فحاجة اخرى
عوجات راسها وقالت : شنو هي خهه
جرها من نصها كيعض على شفاهو قربها وقال
- خاصك تعرفي واحد الحاجة ... انا كنبغيك ... ماشي كنتفلا عليك ... اصلا مابقات حتى حاجة عاجباني فهاد الدنيا وكتفرحني من غيرك نتي ... والى مشيت لهاد المانيا ... راه غنمشي ليها على قبلك نتي ... والى رجعت لهاد البلاد غنرجع على قبلك نتي ... بغيت نعرف حاجة وحدة ... واش كتبغيني ؟ ... وواش تقدري تسنايني حتى نرجع
بقات ساكت مارداتش .. كمل وهوا كيشوف فيها مهبطة وجهها ودوز يدو على راسها وقال بهدوء
- على بيدمن تكملي نتي قرايتك ... باقا قدامك واح 5 سنين ولا 6 سنين ولا شوف حتى لفين بغيتي تقراي ... وتخرجي ... ونكون انا جمعت شوية ديال لفلوس باش نقدر نرجع لهنا وندير شي حاجة ... ونجي نتزوج بيك
حبيبتي ...
تصدمات وبقات ساكتة كتشوف فيه وقالت
- طلق لينا شي اغنية زوينة
ابتاسم وجبد تيليفون وقال: شنو نطلق ليك ؟
هزو فالسما وهي كتهضر عنقها بواحد اليد وابتاسمات وشافت فالكاميرا وخدا صورة ليها هي وياه معوجة عنقها عندو .. تضري الفلاش فوجههم وبانو فالصورة بحال مبوقين .. بداو كيضحكو شوية سمعو تشرشير الماء وناضت اميرة قافزة وحتى سيمحمد تخلع مشات كيطير للصور على صبعان رجليه بغا ينقز وهي تعيط ليه اميرة بشوية
- اااجي .. اجي .. غير اجي شي واحد ناض لطواليط بلاتي نشوف شكون .. عنداك تكون ماما .
رجع بشوية جلس هوا وياها وقال : انا براسي تخلعت بدات كتبان ليا الارض بحال البحر نتسوطا فيها
اميرة : غتهرس !!
ابتاسم وقال كيجبد راسو عندها وباسها فحنكها
- خايفة عليا القنيصة ديالي
ضحكات بخجل وقالت: وادير لينا اغنية
جبد تيليفون وقال : شنو ندير ليك
اميرة : شي وحدة زوينة
سمحمد : ماعرفتش .. عندي غير الراي خهه... بلاتي نشوف واش مسجل شي وحدة
طلق ليها ديال عمرو دياب ونقص فيها وحط تيليفون كتسمع بصوت هادىء ... بيننا معااااد ... لو احنا بعاااد ... اكيد راجع ولو بينو وبينو بلاااد ... اصد عييني ... فكل مكان ... اصد عيني ... في كل مكااان ... ومن تاني اكيد رااجعين انا دايب وكلي حنين ..
ولا عمري ابيع لو مين .. ومش قادر على الايام ولايوصف هوايا كلام. وطول ليلي ولما بنام .. اصد عيني..
خلا الموسيقى مطلوقة .. ووسط الصمت وضوء القمر .. قرب منها قبلها للمرة الثانية وسدات عينيها معاه بين يديه وهي جالسة بين رجليه كتشوف فعينيه حب وشوق بحال شي ولد صغير كان كيبكي وشاف فمو سكت كيتنخصص باغي يمشي عندها .. عنقاتو بقوة زادت كملات على مشاعرو وهز راسو شاف فيها بطريقة غريبة وقال بهدوء
- عمرني بغيت شي وحدة كما بغيتك نتي ... كنواعد واخا يوقع للي وقع عمرني نخليك ... نعطي حياتي ومنعطيكش
تحرش
هزات عينها فيه فجو رمنسي تقشعر له الابدان وابتاسمات وحطات راسها على صدرو تخشات فيه .. عنقها وتكى على لحيط ديال الباب ساكت وهي ساكتة .. نسات العالم ونسا العالم ولقات فحضنو الراحة اللي عمرها حسات بيها ومابقات كتفكر من بعدها بحتى حاجة اخرى .
شرقات الشمس وضربات فيهم .. حل عينيه لقا راسو جالس وهي بين رجليه متكية على صدرو ناعسة .. شاف الساعة بالزربة فيدو وتخلع وبدا كيفيق فيها بشوية . حلات عينيها لقات النهار طلع وناضت مخلوعة
- ناري طلع النهار ... غادي يشوفنا شي واحد
سيمحمد : وقفي شوفي واش كاين شي واحد فشي سطح
وقفات سرحات عينيها مالقات حتى واحد وناض بسرعة وهي كتشوف فيه وخايفة عليه .. طلع فوق الصور زغمضات عينيها حتى تسمعات دااف فالارض ومشات كتجري طلات لقاتو واقف وقالت
اخيرا مشات اميرة مع ولد عمها عبد السلام اللي مزوج وحدة من البادية بلدية عندو معاها ولد وبنت .. سامح فمرتو حالتها حالة ولابس هو الدجين والقميجة مزوقة وداير واحد السمطة فيها بزيم مدور كبير كيدور بوحدو الوسط وصباط مقمقم.. بلدي وبغا يتبلد حتى هوا .. تمشات معاه على رجليهم ساكتة وهوا كيهضر مابغاش يسكت .. بغاو يقطعو الشانطي وشد ليها فيدها قطع معاها .. استغربات ماجباتها ديك الحركة منو وهربات يدها ... تلفها شوية بالهضرة وحط يدو على كتفها وهي كتبتاسم بمجاملة وتبعدها ومخنوقة بغات غير تفك . دخلات لصالون فيه ولد وجلسات وجلس وراها عبد السلام بواحد الكويديمة مربعة .. طلقات شعرها وناض كيشد ليها فيه وقال
- نقص ليها منو شي شوية ..حسن غادي يجيها
ماهضراتش .. جمعات شعرها بالزربة سفنجة وقالت
- مابقيتش باغا نصايبو غنرجع بحالي
خرجات وهوا تباعها من اللور كيعيط ليها .. سمحات فيه ومشات لايليبوتيك عيطات لمحمد
اميرة : بقلق ) الو سيمحمد
سمحمد : وي حبيبة ديالي
سمعات صوت الصدع والموسيقا والدراري والحديد كيتقرقب وقالت
اميرة: انا كنتسناك حدا فين حاطين الفخار فراس الشارع
محمد : صافي انا جاي بقاي تما
قطعات ومشات ضربات جيدة مع الشارع حتى لفين كايصايبو الفخار وبقات واقفة مريعة يديها كتسناه وفين ما يدوز شي موطور دور بالزربة حتى سمعات صوتو كيشق الارض ودارت بان ليها هابط مع الشارع شعرو فازك كيقلب منين يدور وسط الطموبيلات .. دار عندها وهي تستقبلو بابتسامة ومشات كتجري عندو شدات ليه فيدو وجرها طلعها وراه عنقاتو وقلب الدورة بيهت وهي كضحك في حين كيطل عليها عبد السلام من مور واحد الدار حاضيها حتى مشات مقلزة فالسماء معاه وهوا لابس شورط رماضي قصير ديال القطن وسبرديلة بيضاء كيبانو منها تقاشر بيضين وتيشورط بلو ماين وكيضحك معاها وصوت الموطور القوي كيلفت الانتباه
ضرب بيها دورة بطلب منها بغات تسارا شوية فوق الموطور واخا لابسة سروال بيجامة فيه القلوبة كامل وتيشورط ديالو ودايرة زيف حياتي .. لاكن الزين بااين ميحتاج شعر مطلوق ولا مكياج ولا تقزاب . داز بيها حدا واحد الشاعر عامر وسط المدينة كانو ثلاتة ديال البنات طالعين معاه كيتساراو هازين الصيكان فيديهم وتلفتو بثلاتة دقة وحدة تبعو الموطور بعينيهم مصدومين وقالت وحدة فيهم لابسة سروال وااسع من لتحت وتيشورط مقزبة
- ماشي سيمو دينيا؟ !!!
دارت وحدة اخرى جامعة شعرها ديل حصان اسود لابسة حتى ينفس الشكل وقالت
- ناااري والله تا هوا ... هوااا افايزة
تلفتات فايزة اللي لابسة شورطيال دجسن قصير بالسمطة وليبة تحتو مشبكة بمربعات كبار وبودي ابيض زوينة فوجها لا كن مخيبة راسها بتقزاب الحجبان كي لخيط وطانكة فالنيف والمكياج باين وقالت
- راه هوااا .. راه قال ليا رشدي شرا روتيير كحل ... واش مالو غيخفا عليا؟؟ (حمار وجهها وتعصبات) انا ضربت عليه هوا اللول ... ناري قيصي قلبي ..قيصي قلبي كي كيضرب
- يمكن مابغا حتى واحد يعرفها .. ماحاط حتى صورة مع شي بنت ومكيكتب حتى حاجة على شي وحدة ... غيكون مابغاكش تعرفيها ومخبيها راسو ... ولا كيبغيها مابغاش بنادم يدخل بيناتهم ويدير ليهم مشاكل .
الطعن في الشرف
خرجات من الصالون بشعرها مصايب مطلوق وطلعات وراه كضحك
زادت وخلاتو كيشوف فيها ويسوط .. بزق بالجنب ومشا جلس فوق واحد الكرسي بين الرجال فالزنقة كيتبردو وحداه خوه كيتجمع معاه .. دازت قدامهم اميرة متولة ومأدبة وبقا كيشوف فيها وقال
- ضسروو هاد البنات ضسروو ... مابقاوش كيحشمو ولا يخافو الله ينعلها تربية
الاخ: اودي كتروو
عبد السلام: صباح شفت اميرة راكبة مع واحد البرهوش فوق واحد الموطور ... دابا تقول هادي ديرها !
تعجب الاخ : ايوا صااافي!!! راكبة فالموطور!
عبد السلام : ااايه ومشات معاه راه عاد جات ..
الاخ : ولاهي لا ختها خارجين رجليهم الشواري .. واش العزبة اللي تسكن بوحدها فدار بيضاء عزبة !! شووف شنو راه كيدير تما حتى هاديك .. والله منتزوج بيها واخا تهبط ليا عند الرجلين
عبد السلام : اماااشي ديال الزواج هادوك ... شوف غير هاد البرهوشة دابا وشنو كدير .. مامزيانيش وماصالحينش
الاخ: هاكاك غيبقاو بلا زواج حتى يشرفو وميقبل عليهم حد .. كيعرفو لقلة الحياء وكيلبوس داك اللباس زعما راه كيقراو ويخدمو وهما كيفسدو
عبد السلام : داكشي اللي كاين .. مايصلاحوش مامربيينش
- اااهلا ببنت العم ... اش خبااارك .. مبرووك النجاح
ابتاسمات وسلمات بيدها : الله يبارك فيك شكرا
الاخ: مالك مابغيتيش تجي تسلمي علينا وكدوزي من حدانا ماشي حشومة ؟ راه ولاد عمك زعما
اميرة : نتا اللي خاصك تجي تسلم عليا واش نجي انا وسط الرجال نسلم عليك !! حشومة
الاخ: اييوا مكاين باااس .. مرحبا بيك .
اميرة: الله يبارك فيك
في حين جلسات الام حدا عبد السلام ولدها كتسول شكون جا وشكوم ماجاش وجبد معاها الهضرة بنفس الطريقة وفضح اميرة قدامها واخا مادات ماجابت حيت مرفوعة مع العرس بقات غير كتحرك راسها . كذدلك ومثال مع العائلة .. منين ماداز كيجبد الهضرة على اميرة ويفضح فيها وكلشي كيمشي معاه فالخط لاكن فاش كيوقفو قدامها كيتعاملو معاها نفس تعامل الاخ .
بدا العرس واميرة مزالة بقفطانها .. بسيطة فمضهرها وعندها فكرة وحدة. صافي خيطات ليها مها قفطان زوين تحضر بيه مكاين لاش تبدل كل شوية وتجرجر فتكاشط .. دار صباغة فضفارها خفيفة وشعرها مطلوق عادي و جبدات ليها مها عقد ديال الذهب ديالها عبارة على عقد فالعنق ذهبي بحال لكورميط بلا حجر شكلو خفيف وباين وزوين و براسلي ديالو فاليد بنفس الشكل بلا حجر وحويلقات وثلاتة ديال الخويتمات فيدها خوت كيركبو فصبع واحد . جلسات متبتة فوق الكرسي فالسطح والعروسة داخلة خارجة وهي كنصور بتيليفون من بلاصتها ... جلس حداها باها داير رجل على رجل كيفرنس و فاتحو واحد من العائلة واميرة كتسمع
- ايوا تبارك الله البنت كبرات السي عبد الاله دابا ونتا بالنسيب ههه
عبد الاله رتب على كتف اميرة وقال كيضحك بافتخار : هادي راه الطبيبة ديالنا
- تبارك الله على الطبيبة ... ايوا فوقاش نفرحو بيك
عبد الاله: قريييب نشاء الله قريب راه كنوجد ليها
شافت فيه اميرة وابتاسمات
بناتي ..
كمل عبد الإله وقال : مابقا والو .. ونفتح لبنتي لعيادة
جمع الشخص الضحكة وقال : انا كنهضر ليك على النسيييب ااالسي عبد الاله اشمن عيااادة
خشا عبد الاله يديه فجيابو وهز كتفافو وقنوفتو بلا مبالات وقال
- ماعندها مادير بشي زواج تجلس مع باها ماخاصها خير ... غااادي ندير ليها العيادة وتخدم على راسها وتبقا حدا مها وباها اللي كيبغيوها ... ياك ابنتي
ضحكات اميرة بسخرية على الراجل اللي بقا مصدوم وقالت
- داكشي اللي كاين خهه
الراجل: انعل الشيطان ... خلينا نزوجو الدراري راه عندي واحد الولد باغي نزوجو
حشاها ليه عبد الاله بالضحك وقال : واش نزوج انا بنتي ونجلس ؟؟ شكون يصرف عليا ؟
بغا يدير فيها الراجل راه هوا مول لعقل وبدا يوعي عبد الاله اللي لهضرة كدخل من ودن وتخرج ليه من ودن
- راه البنات سترتهم فديورهم مع رجلاهم ... شحال غدوم ليها نتا السي عبد الاله .. راه الوقت كيطير ماتخليهاش حتى دير 24 عام بحال ختها
تلفت عبد الاله عندو وقال كيشوف فيه بسخرية
- علاه كيحسابك ختها مكيسول فيها حد!! راه غييير هادي شهراين جا واحد القايد باقي صغير قدها ... مابغيتش نعيطها ليه .. رااها مستووووورة كتخلص كل شهر . ومهندسة نعام اس
تعجب الراجل وقال : تباارك الله على هي مهندسة؟؟
ضحك عبد الاله كيشوف قدامو فالعيالات كيشطحو وقال : هه !ايوا شنو يحساب ليك .. جالسة فكازا غير هاكا !
بقا ساكت الراجل شوية وقال : ايوا الى مابغيتيش تزوج الصغيرة .. زوج الكبيرة .. نتناسبو خخه اش بان ليك السي عبد الاله
كحب عبد الاله وقال : الاااا ااشمن .. اماعندهم مايكجدرو بشي زواج
عيا عبد الاله يفهمو بالمزاح ولا داك السيد بغا يفهم فالاخر...
سكت الراجل وقلبها ضحك بدل الموضوع وناضو فاللخر يتعشاو . يالاه جلس فالطبلة جا حداه واحد الراجل اخر بدا معاه الهضرو وكيسولو كل شوية على الطبيبة ... وكل شوية يسول .. بدات الطبيبة لقرايا .. الله يخلي لينا الطبيبة .. الله يسهل على طبيبة ... تبارك الله على بناتك تبارك الله على قرايتهم .. الله يزوجهم .. الله يفرحك ولعقبة ليهم . بدا كيفرش ليه شوية بشوية وعبد الاله كيتهرب منو عارفو علاش كيدور فاللخر دخل معاه نيشان فلموضوع وطلبو منو اميرة لولدو لاكن عبد الاله رفض فالبلاصة وكمل عشاه ومشا كمل العرس وهز بنتو ومرتو رجعو فحالهم
بدات اميرة كتجمع حوايجها وتستعد للسفر .. لاكن هاد المرة ماشي لكازا .. لآكادير باش دوز صيف مع واليديها اللي خداو عطلة . مشات سافرات من بعد ماخبرات سيمحمد بسفرها . دوزات اسبوع فأكادير فمنطقة سياحية كاريين دار صغيرة كطل على لبحر فالطبقة الثالتة عندها بالكون زوين كيضل جالس فيه عبد الاله بالشورط كيتشمس. اما اميرة كل صباح تنوض تفطر كتمشي دق على واحد البنت حتى هي بوحدها غير مع واليديها ويمشيو يا اما لابيسين ولا ينزلو للبحر حتى شدو اللون وكل مرة تحط اميرة تصويرة ليها فرحانة وكضحك مرة بشورط مرة بكسوة . نزلات الصباح كتجر فكلاكيطة مصبغة دفارها وشعرها مدهون بوكلي ومايو من لتحت والكاش من لفوق ابيض فيه الهدب . وصلات للبحر وفرشات لفوطة هي وصاحبتها وجلسات وحدة دهن لوحدة وباها من الشرفة حاضيها شكادير واخا كتبان ليه قد لبينتة .
صونا ليها تيليفون وردات كضحك
- الو سيمو
سمحمد: الو حبيبة ... شكاديري؟
اميرة : كنتبحر هههه
سيمحمد : كتبحري بوحدك .. منتبحروش كاملين
ضحكات وقالت : اجي هههه
سيمحمد : عرفتي فين انا ؟؟
اميرة : فمكناس
سمحمد : انا فأكادير هخخخ.. فينك بالضبط انا جاي
لقاء
اميرة : اويييلي كيفاش ف أكادير!
سمحمد : كنت ناوي نسافر انا وصحابي لشي قنت .. وبدا كل واحد يغوت ..شي باغي تطوان شي باغي مراكش وكل واحد اش باغي ودرنا قرعة جات فيا وجببتهم لهنا القنيصة .. وادابا سربي فينك بغيت نشوفك توحشتك
بقات ساكتة مصدومة وتلفتات شافت فصابحتها وقالت
- اوييلي جا
البنت : شكون !!
اميرة : لا والو والو .. احمم سيمحمد انا فالبحر
سمحمد : اششمن بحر نجي عندك فيه مالكي تلفتي!
داخت وعطاتو العنوان وبقات جالسة مصدوكة وفنفس الوقت فرحات حيت جا اللي يخيط معاها الزناقي ويركبها عاى الموطور وميقولش ليها ومكاينش من غيرو اللي كيفوج عليها واخا مسافرة ومبحرة قنطانة مكاينش النشاط والحماق اللي كيعجبها .. ناضت للدار شيرات لباها من لتحت وقالت
- باااباااا ... انا غنمشي ندور شوية لهييييه صافي
الاب : فين لهييييه؟؟
اميرة : غير لهيييه شوية
سميرة من اكوزينة : قول ليها طلع تغدا
عبد الاله : طلعي تغداي
اميرة : غيير خليوو ليا حقي مافياش الجوج
عبد الاله : واش غتعومي لييييه ؟؟؟ عومي هنا قدامي
اميرة : منعومش غير نمشي نتسارا شوية ونرجع
عبد الاله : يالاه سيري وردي بالك متبعديش والى كانت شي حاجة فيبي عليا
اميرة : وااخا
مشات نوضات صاحبتها وهزات الصاك ديال البحر فيه الفوطة ومشات كتسارا
وقفات كتشوف قدامها حنى قفزهاا من اللور هرها ونقزات كتغوت وهوا كيضحك عاد تلاحت عليه عنقاتو وصاحبتها واقفة حمرا كدور فعينيها مانواتهاش فأميرة بنت ماما وبابا ديرها
انتقام
وقفات فالجنب حداه كضحك وقالت
- صاحبتي بسمة
مد يدو وقال : متشرفين اختي
سلمات بسمة وقالت : متشرفين اخويا
جر اميرة من خصرها كيشوف فيها بلهفة ويهبط ويطلع بعينيه ويضحك وقال
- ايوا لقنيصة ديالي .. تبرونزيتي شوية
اميرة : حتى نتا سماريتي بزاف فين كنتي
سمحمد: غيير بيسين وصافي نتي للي شد فيك اللون
سبقاتهم بسمة كتمشى قدامهم ساكتة وكل شوية تشوف فيهم وتنسا راسها حاللة فمها كتسمع وهما كيضحكو
سمحمد: بوشوشة ) توحشتك
دورات راسها كتشوف فصاحبتها وضحكات بخجل وهي كتلعب بيديها شادة فيه
اميرة : جبتي لموطور ههه
سمحمد : ياكما بغيتي نضرب بيك دويرة
حركات راسها وقالت : اه ههه
سمحمد: هاكا عريانة !!!
اميرة : غير فلاكوط
سمحمد : اللي بغيتي
طلقات منو سبقها لقدام ومشات شدات فصاحبتها وقالت
- شوفي غير رجعي انا غنمشي معاه
عبسات بسمة وقالت : يااك!!! صافي غير جا عندك قلبت عليا مابقا عندك ماديري بيا واخا ختي شكرا
حتى مشات بسمة غضبانة عاد فاقت اميرة بشنو قالت ليها وبدات تعيط تابعاها لاكن بسمة مشات وساطت اميرة بندم وهي غادية تابعة السيمو وكل شوية دور وراها بأسى ندمانة .. مشات اميرة ركبات مع ااسيمو داها يشري ليها السقاطة كما موالفة ورجهات بسمة ماحاملاش راسها كتسوط وتحلف ومشات دقات على واليديها فدارهم .. حل ليها عبد الاله وهي تقول بابتسامة
- واش رجعات اميرة ؟
عبد الاله :علاش ماراهاش معاك!!
بسمة : لا قالت ليا غدخل تعوم مع واحد الولد فالجهة الاخرى وترجع حسابني واش سبقاتني ورجعات
حمار وجهه عبد الاله ودارت بيه الدنيا ولبس صندالتو كيجري وبسمة واقفة كتردد
- يالاخ شدي ل**** لخرى
حصلة ...
مشا عبد الاله كيجري ورجعات بسمة هبطات كدور مع راسها .. لقات سميرة جالسة مع العيالات حدا واحد الباب فالسفلي مشمسن كيتجمعو لابسة كولون وتيشورط طويلة حد الركبة وصندالةالصبع كتقشر الزريعة .. شافتها سميرة كدور حداها وستولاتها بتشكيك
- فين خليتي اميرة ؟؟
بسمة : مشاات وخلاتني ورجعت بحالي
لاحت سميرة الزريعة من فمها : فين مشات وخلاتك؟
بسمة : مع واحد الدري فوق الموطور
تصدمات سميرة وناضت وقفات قالت
- اويلي على فوق الموطور
بسمة : والله اخالتي الى مشات معاه
سميرة : شووو راه غيسمعك باها سكتي
بسمة : راه مشا يقلب عليها
كفضات سميرة وتخلعات وناضت كتجري خرجات كطير لاكوط وتقلب بالخلعة والموطور اللي داز من حداها كدور تشوف فيه مخلوعة .. وجهها صفار وقلبها بعا يسكت وهي كطلب الله تلقاها قبل ميلقاها باها .. دارت تشوف وراها على غفلة وهي تشوفها نزلات من الموطور شادة كلاص ديال الشكلاط كتمص فيه وضحك . قطعات سميرة الشانطي كتجري وهي تجرها من اللور قدام سيمحمد ققزاتهم بجوج وداتها كتقطر فداك الايس كريم خلاتو واقف مخلوع ماعرف يهضر ولا يتبعهم ولا شنو يدير .
سميرة : زيييدي ... زيييدي قدامي زيييدي
شدات اميرة فرقبتها مقجوجة وبدات تغوت
- اييي . شعري شعري
سميرة : زيدي قدامي ليوم نريشك ..تحركي والله حتى نصفيها ليك
دخلو للرملة دالبحر جاراها من عنقها ويديها سايح معاهم الشكلاط .. شافت عبد الاله قدامها كيقلب بعينيه وهي طلق منها كتنهج وقالت
- قطعي الحس باك ... باك شافنا
سكتات اميررة قاطعة الحس خايفة ووقف عليهم مخنزر طيح ليهم الماء فالركابي
عبد الاله : فييين كنتي ؟؟؟
تخلعات اميرة يالاه بعات تكر تقول ليه فين كانت بالخلعة وسبقاتها سميرة قالت بنرفزة
- مالك كتغوت مشينا شرينا لكلاص وجينا اش واقع
عبد الاله : كانت معاك؟؟؟
سميرة : ومعامن كانت راه تبعتها فاش قالت ليك بغات تمشي دور . . . بغيت ندور شوية حتى انا نتا خليتك فالبالكون متكي مالك هبطتي؟
عبد الاله: باستغراب) قالت ليا ديك البنت صاحبتها راه مشات مع شي ولد
الربطة زغبية الجزء الثالث
محتوى القصة
التنقل بين الأجزاء