صورة مصغرة لـوقعت في غرام زوجي الجزء الثاني والأخير

وقعت في غرام زوجي الجزء الثاني والأخير

tani l2akhir fi zawji  gharam wa9a3to 
رواية وقعت في غرام زوجي

وصلت للدوار من بعد 9مسافة الطريق كلشي فيا كيضرني مولفة طول عمري تمنيت غا نبعد على هاد الدوار ولكن هاد المرة العكس وقع الحنين ليا ليه والشوق اني نشم ريحتو ترابو قوى من كلشي بديت كنتمشا وسط الناس تحت نظراتهوم واستغراباتهوم اول بلاصة مشيتلها هي البراكة ديال ماما قربت منها بزاف هاد المرة وهزيت شوية من الرماد الكحل ليمحيط بيها نزلو دموعي بقيت بحرقة حيتاش فهاد الرماد كاينة ماما بكيت وبكيت عليها على راسي وعلى ولدي تحرك البرد شوية وعاد انتابهت وفهمت سر النظرة دالناس ليا كنت لابسة كسيوة ازرق ملكي مع سميطة فضية من الخصر وفرجلي لبست صندالة عالية فالفضي ووشعري خليتو غا مطلوق الصراحة حشمت ندور بين الناس هاكة ولكن بقوة الزربة نسيت كاع نبدل عليا كان همي غا نخوي توجهت جيهة دار مي رقية وفطريقي تلاقيت حنان كانت كالسة مع صحاباتها وعلامات الصدمة باينة عليهوم من هادشي ليوليت عليه ابتاسمت وكملت طريقي وصلت لدار مي رقية ودقيت حلات الباب وتلاحيت عليها كنعنق فيها تا هي بادلاتني العناق مع الدموع اكيد ودخلنا لداخل.مي رقية نهار كبير هدا على سلامتك.انا.الله يسلمك امي.مي.اوا ابنتي لباس عليك اش كتعاودي.انا بقيت ساكتة قبل ما انفاجر ووعاودتلها كلشي باستثناء الحمل ديالي حيتاش كنت كنبكي انا وياها وبقوة البكا والعيا دالطريق نعست فحضنها.فدار السعدية.حنان.(داخلة بحال الصاروخ)مي مي مي.السعدية.حنان هاني اش واقع.حنان.مي مي(وكتلهث)زهرة رجعات امي.السعدية.(بفرحة)مزيان تا انا قتلني شغل الدار قولها ترجع للدار.حنان.ولا امي راها جات عند مي رقية وجاتلك بواحد اللباس بحال دالافلام راه غدا غايتعقد مجلس القبيلة على قبلها حيتاش الناس تشكاو.سعدية.اممم اذن القضية فيها انا مشات غا شهراين ورجعات هاكة دوزي تركدي تا لغدا ونشوف هاد الحريرة...فالفيلا...فدوى طالعة كيف المعتاد طل هلى زهرة هاد المرة ملقاتهاش مخلات تا بلاصة ومشات لعند انس ليكان كالس مع سوسن فالجردة.فدوى.انس مشفتيش زهرة.سوسن.اشنو مكيناش الداخل.فدوى.مخليت فين قلبت عليها.سوسن.اويلي دات الولد ومشات.انس.تهدني اسوسن انا غا نقلب عليها معندها فين تمشيي.فدوى.نجي معاك اخويا.انس.لا افدوى دبا نرجعها ونجي...عند البطلة ديالنا...حليت عيني بتثاقل على صوت الديك واو توحشت هاد الجو البارح طحت كاو فحضن مي رقية بقيت مجبدة فالفراش قبل متجيني واحد الريحة كانت كتحمقني قبل مي مع الحمل وليت كنكرهها القهوة نضت كنجري تحت نظرات مي رقية للطوواليط كنرد ومي مزال مراقباني رديت وغسلت ومشيت حليت السرجم نتنفس ششوية تا تحطات عليا يد ميمتي.مي رقية.بنتي واش لباس.انا.لباس امي راه شوية.مي.بنتي حالتك معاجبانيش شوفي كي صفرة وكتردي.انا.(بعينين مغرغرين)حيتاش حاملة.مي رقية صمتات لمدة ومن بعد عنقاتني.مي.الله ياربي حمدتك وشكرتك تا شفت هاد النهار وسمعت هاد الخبار.انا.امي وشنو عاودتلك البارح انس باغيه لمرتو.مي رقية.مكنظنش ابنتي انس ولدي كنعرفو من شحال هادي وهو طيب ونزيدك راه جا سول عليك من بعد ما مشيتي.انا.بصاااااح.مي.اه غا نسيت نقولهالك.رجعاتلي الامل هدرة مي وبديت كنحاول نربط بينها وبين كلام فدوى فاش قاتلي كيبغيني واقلة عندهوم الحق حيتاش كان كيتعامل معايا مزيان قبل ديك الليلة ومن بعد مادوا مع سوسن زعما تكون قالتلو شي حاجة ديك المصيبة ياربي تسرعت وجيت خصني نرجع باش نعرف شنو ليوووقع كلست كنفطر انا ومي وكنتهاودو من بعد جمعنا الدنيا وهي مشات دير الغدا.فمجلس لقبيلة.الشيخ.اوا سيادنا بانلي ديك البنت العهر عندها فالدم من مها مابقانا تاشي حل من غير نصفيوهلا ونقيو صورتنا قدام الناس.صوت نسائي.السعدية.اسي الشيخ مصيبة مصيبة المسخوطة جات حاملة.الشيخ.اشنو ماكدة ملي كتقوليه.السعدية.مية فالمية سمعتها كتدوي مع رقية هاد الصباح وقالتهالها.الشيخ.على هاد القبل بان الحكم لينفدوه فيها يالله تحركو..فدار رقية..مي حطات الطاجين يطيب واستاذنات مني باش تمشي لعند مول الحانوت تجيب شي صخرة انا بقيت فالدار شوية سمعت الدقان.انا.(وغادية نحل)ههه مي رقية اشنو نسيتي.حليت الباب وبديت كنترعد كان شيخ القبيلة ديالنا فالباب حنيت راسي احتراما ليه ولكن هو جمعها معايا بتسرفيقة وشدني من شعري وتم جارني مخرجني.انا.اي اي اسي شيخ اهئ اهئ شكادير كدرني.الشيخ.غا نظفو قبيلتنا منك الفاجرة بنت الفاجرة جايبة كرش من الزنقا وجايا تخباي فينا.انا.بعد مني شكا تخربق مي رقية اهئ اهئ عاونيني.الشيخ.متعيطي لتا واحد راه غا نقيو القبيلة منك وغانفدو فيك الحكم فوسط الناس.انا اكتافيت شديت على كرشي وعطيتها للبكاوات متاكدة هاد الناس المتخلفين غا ياديوني وصلنا لوسط الدوار وبقا الشيخ جارني لوسطهوم ولاحني وبدا كيخاطب الناس .الشيخ.اليوم غا نقيو قبيلتنا من الفجور والفساد والفسق وهاد البنت مها فالبداية جابتها لهاد الدنيا بطريقة غير شرعية وهي كتنهج نفس المنهاج دمها قلب البرمة على فمها تطلع البنت لمها.انا عليت عيني فيه تمنيت نموت ولا نسمع ديك الهدرة....

الشيخ توخر وبدا كيتقدم شخص اخر مكلظم وهاز معاه سوط باش كيسوطو البهايم الرعب دب فقلبي بديت كنبكي غا بشوية شفتو علاه باش يضربني انا قلبت وجهي للجيهة لخرا كنتسنا الدقة ولكن مكليتهاش حليت عيني نشوف لقيت انس وكيشوف فهاداك ليكان غايضربني بحال الى غايقتلو غا بانلي هتفت بسميتو هو دار جيهتي وهود لمستوايا انا تلاحيت عليه عنقتو وانا كنبكي وكنزيد ندفن راسي فيه انس عيا معايا يهدني ومي رقية كدلك ولكن والو واضطر يهزني بين يديه ولكن قبل منخرجو وقفنا الشيخ بكلامو.الشيخ.السي المرنيسي هادشي عيب وعار ليكدير فيه.انس.(بنظرة حادة تهديدية)العيب ليغانديرو هي الى وقعات شي حاجة لمرتي ولا ولدي غا نهد هاد الدوار فوق ريوسكوم.كمل انس طريقو وانا كنترعدلو بين يديه قرب مني وهمس انس.زهرة طول ما انا معاك عمر شي واحد ياديك.زدتو عنقتو وزيرت عليه مبغيتش نتهدنلو وصلنا للفيلا وطلعني لبيتو بغا يخليني ولكن مبغيتش.انا.عافاك اهئ اهئ انس متخلينيش غا يضربني عافاك اهئ اهئ.انس.(عنقني وطبع قبلة على راسي)ششش انا معاك وطول ما انا معاك تا واحد مياذيك.شد وجهي ليولا حمر بقوة الدموع وقابلهوم مع عينيه ليكيبريو .انس.معمر شي واحد نسمحلو يآذيك وانا معاك فهمتي.وباسني من جبهتي انا زدت تعلقت فيه وعنقتو فحضنو حسيت بالامان بوجود سند قوي نعول عليه ترخيت بين دراعو ونعست..نشوفو ناس القبيلة فاش كيهدرو.الشيخ.فين هي مرت خالها فين.السعدية.(بخوف)هاني اسي الشيخ.الشيخ.كون ماجيتيني ولية كون وريت فيك عجائب خلقه.السعدية.والله اسي الشيخ ماكنت عارفاها مزوجة انا غا سمعتها كتقول لرقية بلي حاملة وجيت قلتهالك.رقية(توجهات لسعدية وسرفقاتها)المنافقة مكفاكش شنو درتي فالبنت مزال باغيا تآديها دعي متوقعلها تا شي حاجة لا هي ولا ولدها والا انس غا يدفنك حية.السعدية.الله اختي رقية البنية ربيتها من الصغر وعندي عزيزة منبغيلهاش الضر.رقية.سكتي الكدابة المنافقة راه الى تمسات منها غا شعرة وحدة شهدي على روحك وتا نتا معاهوم اسعادة شيخنا الموقر..نشوفو البطل ديالنا..قلبت على زهرة الدنيا كاملة ووالو معندهاش اثر بقات بلاصة وحدة وهي الدوار واخا كان عندي شك فانها تكون تما تبعت احساسي والحمد الله وصلت فالوقت قبل ميسوطها داك الحقير كنت غا ندفنو حي قبل ماتنادي زهرة بسميتي وتلاحت فحظني كتبكي وكترعد هزيتها للفيلا دخلنا بغيت نخليها ولكن تعلقات فيا كانت خيفانة بزاف وكترعد خليتها تا نعسات وخرجت لقيت خالتي رقية تما وصيتها ترد البال لزهرة على منقضي واحد الغراض خرجت دوزت تيلي لفدوى باش يبقى غا بيناتنا طلبت منها تسرع فالطريق حيث كانت تابعاني هي وراجلها حمزة بما انو محامي وتوجهت لدار الشيخ دخلت عليهوم كانو مجموعين كيف عادتهوم تا دخلت عليهوم.الشيخ.سمحلنا السي المرنيسي مرة خرا ولكن الغلطة ديالك حنا ليعارفينك مزوج ديكشي علاش.انا.دبا جاتكوم غلطة نتزوج مرة خرا وتنفدو الاحكام من الطنطون دراسكوم شكاتسميوه.الشيخ.سمحنا راه غا خفنا تاثرنا على بناتنا وصاف راك عارف مها.انا.(قاطعتو)بانا حق كتدوي وشنو علاقت مرتي بشي حاجة دارتها ماها قبل معلينا انا مغاندوزهالكومش على خير وفعلتكوم غا دفعو الثمن ديالها.قاطعنا صوت فدوى.فدوى.خويا ها حنا وصلنا.انا.اجي افدوى قربي حمزة.حمزة.السلام عليكوم.حنا.وعليكوم السلام.انا.حمزة بغيت استشارة قانونية.حمزة.اهاه على الراس والعين.عاودت لحمزة كلشي وهو كيتسنط كيفو كيف لخرين تا ساليت.انا.شنو بانلك.حمزة.اصاحبي هاد الناس قضيتهوم صعيبة مافيهاش غا جريمة وحدة بزاف يعني مشاو فيها.الشيخ.الله اسيادي اش دانا لهاد الهدرة شنو المطلوب منا اسي المرنيسي نديروه.انا.طلبو مرتي ميوقعلها والو ومن بعد ونقولكوم شنو ديرو.خرجت انا وحمزة وفدوى تفاجات بواحد الملاك صغيور حدا اللوطو غا شافني جا كيجري لعندي هزيتو.سمران.خالو.انا.زوينة دخالها لباس.سمران.لباث حمد الله(ههه كتهدر بالثاء تفرمات)حمزة.فاش عيطاتلي فدوى مقدرتش نخليها والديا راهوم على برا واضطريت نجيبها.انا.درتي مزيان تا انا مدة مشفتها.فدوى.انس يالله نمشيو بغيت نشوف زهرة.انا يالله توجهنا للفيلا ودخلت لقيت خالتي رقية يالله هوادة من عندها وهازة بلاطو فيه الماكلة باقي كيفما هو.انا.فاقت زهرة.رقية.اه وطلعتلها ماتاكول ولكن والو مقرباتلوش.انا.دي فدوى وراجلها يرتاحو انا نتكلف.شديت من عندها البلاطو وطلعت.عند زهرة.عيات فيا مي ناكل ووالو معندي منين يدوز من بعد ليعشتو كونت متكية وعاطية براسي للسرجم تا تحل الباب.انا.وامي معندي منين يدوز.قلبت وجهي وانا نبلع لساني كان انس وهاز بلاطو الماكلة معرفت مندير غا حدرت عيني وسكت انس قرب مني وهزلي راسي بيديه.انس.خصكي تعرفي بلي هادشي عمري درتو مع تا واحد معاك خصيصا غا نوكلك بيدي وبدون اعتراض.انا مدويتش بالعكس رحبت بالفكرة بقا كيوكلني وانا كناكل واخا معندي نفس هازا روح لداخل مني ومعندها تا دنب فاش ساليت بغا انس ينوض شديتو من يدو.انا.عافاك تقدر تعنقني.وكحزت درتلو بلاصة هو كلس وحلي....

دراعو تخشيت فيهوم وهو عنقني كنشم فريحتو بقينا مدة كالسين وحنا على نفس الوضعية تاتحل الباب ودخلات فدوى ومعاها الصغيورة دسمران.فدوى.سمحولي ححسابلي بوحديتها.انس ناض وانا تعاوطت فالكلسة.انس.معليش اجي دخلي.وخرج فدوى قربات مني وعنقاتني.فدوى.سمعت بلي وقعلك الحمد الله على سلامتك.انا.شكرا اختي ربي يخليك.سمران.ماما هادي هي خالتو زهرة.انا.(قربتها مني وبستها)شحال زويونة سلام اسمران انا زهرة.سمران.متشرفين اخالتو .بقيت مع فدوى والصغيورة نساوني همي جا حمزة غا شفتو قلبي رف حسيت بشي حاجة كتربطني بيه دغيا نفضت هاد الافكار من راسي هو سلم عليا ودا سمران تاكل وبقيت انا وفدوى.فدوى.امم شنو كنتو كديرو قبل مندخل.انا.(حماريت)ميمشيش بالك بعيد اختي غا عنقني حيث انا طلبتها منو.فدوى.اممم طلبتيهالو ههه.انا.فدووووىىى.فدوى.ههه غا كنضحك الله يدومها محبة بيناتكوم.انا.حتا تبان سوسن.فدوى.متخمميش فيها محد الحاجة تما متجيش وتخليها واخا تكون مكرهاتش تكون هنا والحاجة مستحيل تمشي وتخليها.انا.فدوى زعما يقدرو يديولي ولدي.فدوى يالله جات تجاوبني لمحنا انس واقف.فدوى.يالله انا نمشي نشوف بنتي.انس.واخا.مشات فدوى وانس قرب مني .انس.زهرة خصك دوش ياك.انا درتلو اماءة براسي بمعنى اه.انس.نوضي ها الدوش راني صردت خالتي رقية تجيبلك ماتلبسي.انا.واخا.دخلت للدوش دوشت وفاش ساليت جيت نقلب على الفوطة ملقيتش غير وحدة صغيرة يالله غطاتلي صدري وشوية من فخادي حشمت نخرج هاكا بقيت كنتصنط واش انس مزال فالبيت مسمعتش الحس وخرجت باش نتفاجئ بيه كالس على الناموسية وكيشوف فالارض غا سمعني خرجت علا عينيه وحلهوم مزيان انا حشمت بزاف كنت متاكدة بلي راني وليت حمرة كون صبت الارض تنشق وتبلعني بقيت مسمرة فبلاصتي انس بقا كيتاملني مدة وناض.انس.(وكيشير لحوايجي كانو على الناموسية)ها حوايجك.وخرج حمدت ربي وشكرتو منين دار هاكة كنت حشمانة بزاف خرج وانا مشيت لبست ديك الشي ليكان عبارة على بيجامة فالباج بسروالها شعري جمعتو سفنجة وكلست دازت العشية وتعشيت مع فدوى ومشات تنعس ومزال انس معندو اثر قررت نهود نتمشا شوية فالفيلا هوادة بشوية باش منديرش صداع تدخلت فانس.انس.فين غادية.انا.(بتوتر)اا غا مبغاش يجيني النعاس وقلت نتمشى شوية.انس.نجي معاك الى بغيتي.انا.اه واخا.خرجت انا وياها على ضوء الكمرة كنتمشاو فجو حميمي والصمت سيد الموقف تا نطق انس.انس.علاش مبغياش تعطي الولد منين قبلتي فاللول.انا.سمعتينا قبيلة.انس.اه دبا جاوبيني بصراحة علاش وافقتي تاخدي لفلوس الى مغا تعطيش الولد.انا.نتا راك فاهم غالط انا موافقتش انا تجبرت.انس.(باستغراب)تجبرتي؟؟.انا.اه مراتك جبرراتني.انس.سوسن شنو علاقتها.انا.نتا مفاهم والو وكنفضل مندويش فالموضوع الله يخليك.انس.صافي ليبغيتي.بقينا كنتمشاو تا عيينا وطلعنا باش نعسو وهنا غا نتفاجئ بلي غا نعسو فنفس الفراش فالبداية تجبدت وعطيتو بالظهر ولكن من بعد قلت غا يكون ناعس ودرت كنتامل فوجهو زدت قربت منو هو كان عاطيني بالظهر ودار فرمشة عين تلاقاو عينينا وكنا قراب بزاف من بعض بغيت ندور ولكن انس باغتني و وجرني عندو بيدو جيت ملاصقة معاه كنحس بانفاسو كتضرب فوجههي ويديه كيتساراو فجسمي والمفاجأة انا ليقربت منو معرفتش علاش يمكن من الوحم قربت منو وقبلتو بانلي فاللول تصدم ولكن من بعد تجاوب معايا بقيت كنبوسو وكنحبس كنبقا نشوف فيه ونعاود مرة خرا نقبلو كنت فاقدة الاحساس على اوصالي انس منين لقاني متجاوبة معاه تمادى لما هو اكثر ومعارضتوش بالعكس هادي هي اول مرة فالعلاقة الحميمية ديانا كنت باغيا اي حاجة كيدير العكس قبل كلشي كان ببرود وجفاء من طرفي.مايقارب الثلاث ساعات وحنا هاكاك تا عييت انا ونعستلو بين يديه كنفيق هاد المرة شعور رائع نحل عيني وانا فحضن حبيبي اه منكدبش واخا يدير ليدار كنبقا نبغيه ونموت عليه هزيت يدي كنتلمس وجهو وشعر صدرو العاري اويلي دصرتي ا زهرة هاد الوحم طيرليي العقل ولكن سرعان مخطفت يدي فاش حسيت بيه فاق وبديت كنمثل بلي ناعسة انس ناض وهز راسي حطو على المخدة وطبع قبلة خفيفة على طرف شفايفي غا حشمت ما انا نطير عليه نبوسو حسيت بيه ناض مشا للدوش وبقيت ناعسة تا خرج بدل عليه وهود عاد حليت عيني كنتلمس بايدي البلاصة منين باسني وكنفرنس عاد نضت للدوش كندوش وانا ناشطة وخارجة فرحانة ومانلقا قدامي غافدوى.فدوى.بالصحة تدويشة.انا.الله يعطيك الصحة.فدوى.خويا صبح مدوش ونتي كدلك شنو تما.انا.(حشمت)فدوىىى.فدوى.ههه هاني ساكتة لبسي عليك وهودي تفطري.انا.واخا.واخا بالفعل لبست حوايجي ليكانو عبارة على سروال دجين ازرق مع بيل بيض وسبادرين فالبيض وهودت كانت فدوى وراجلها وبنتها كالسين وانا كلست حدا انس كناكل وكنشوف فحمزة كيشبهلي من عينيه بزاف بقيت كنفكر تا فيقنا صوت فدوى.حمزة تبغي نتسابقو بالخيل.حمزة.ههه وي.سمران.تا انا بغيت.حمزة هزها من فوق كتافو.اجي مع بابا ابنوتي.فدوى.انس تبغي تجي.انس.نمشيو ازهرة.انا.واه.انس.يالله مشينا للاسطبل حمزة وفدوى هزو.....

العودان ومشاو وانا وانس بقينا كنتمشاو.انس.اختاري شي فرس.انا بقيت كنشوف ولمحت واحد بيض.انا.ديك البيض.انس.(بابتسامة) هو البغيفيغابل عندي مشا جبدو دارلو هاداك ليمقابلهوم السراج ديالو وخرجنا غاديين جارينو وكنتمشاو.انس.تبغي تركبي.انا.اه.انس.اجي اوبلا.هزني وحطني ههه مع قصيورة هه وركب هو اللور وانا لقدام كالسة بالجنب وشادة فيه لانطيح كنتمشاوو فواحد الجنان معمري حسابلي هادشي كامل كاين هنا فهاد الفيلا.انس.ياكما عييتي نرجعو.انا.لا بالعكس عجبني الحال.انس.مزيان.بقينا مدة وولينا نزلنا كنتمشاو على رجلينا لمحت واحد الحجرة وطلبت من انس نكلسو هو ربط الفرس وجا كلس بقينا ساكتين مدة تا دويت انا.انا.علاش مكنتيش كتجي لهنا من قبل.انس.هاد الفيلا من نهار مات الواليد مقربنالها انا كانت كتعجبني وكنت كنجيلها مرة مرة غا نتي مكنتيش كتردي البال.انا.يمكن.انس.ههه دباا انا كنكدب ياك.انا.(بتوتر)لا والله مقصدت هادشي.انس.غا كنضحك معاك علاش كلشي كتاخديه بجدية.انا.ههه معرفتش.انس.مزال كلامك البارح شاطني كيفاش سوسن جبراتك.انا.انس الله يخليك بدل عليا هاد الموضوع كيشطني.انس.صافي متقلقيش ممزيانش للبيبي.انا عجبني الحال حيث مهتم بولدو وابتاسمت.انس.علاش خبيتي عليا واش ممنحقيش نعرف.انا.كون كنتي نتا فبلاصتي شنو دير مباغيش تتخلا على ولدك.انس.امم عندك الحق.بقينا كنتمشاو ورجعنا خلينا الفرس لليكيقابلهوم وشدلي فيدي وشافلي فعيني.انس.تبغي نخرجو للبرا نتمشاو فالدوار.انا.(تبدلو ملامح وجهي)لا عافاك.انس.(قاسلي بيدو فخدي)تيقي فيا وانا معاك تا حاجة متوقعلك.جرني من يدي واانا زيرت عليه وخرجنا غاديين فالجنان وكنتمشاو تا وصلنا لوسط القبيلة وهنا رجعتلي الذكرى الاليمة ليعندي معاها شديت على يد انس وزيرت.انس.شش تهدني.انا.انس انا خايفة.انس.محدي معاك كلشي مزيان وعد.ريحاتني هدرتو وكملنا انس تعمد يديني لوسط الجماعة ليكالسين فيها العيالات بما فيهوم مرات خالي وبنتها وفالجهة لخرا كاين الرجال بحال تقولك جامعهوم على قبلي انا مجرد الشوفة فيهوم كتخلعني ناض الشيخ هو وهاداك ليبغا يضربني جايين باتجاهنا غا قربو بقوة الخوف ترميت فانس كنتخبا فيه.انا.انس عافاك قولو يمشي كيخلعني اهئ اهئ عافاك.انس.ششش زهرة سمعيلهوم بعدا شغايقولو.انا.لا عافاك يالله نرجعو مبغيتش نبقا هنا اهئ اهئ انس يالله.صوت قاطعنا. .السعدية.بنتي زهرة.بعدت من انس وشفت فيها هي قربات مني يالله بغات تحط يدها على راسي بعدت.انا.متقربيش مني.السعدية.بنتي....انا.(قاطعتها)انا ماشي بنتك بنتك هي هاديك(وكنشير لحنان)ليكالسة لهيه متحاوليش تقربي مني مرة خرا ولا تقوليلي بنتي.واحد المرا من الجماعة معرفتهاش شكون.هي.فاش كنتي عايشة معاها كنتي لاعبة فيها البراءة ودبا وليت نكراها.انا.شوفي نتي ليكتدوي فين كنتي فاش كنت كنبات كنبكي فاش جرات عليا من الدار كنتي كتكوني معايا علاش مدويتيش وقتها ولا همكم غا تبينو بلي زهرة غالطة.سعدية.زهرة.وجات تقرب انا بعدت بالجهد وجاتني الدوخة كنت غا نطيح كون مشدنيش انس.انس.(بخوف)زهرة مالكي اش كيضرك.انا.انس قلتلك منجيوش لهنا يالله نرجعو.انس.واخا تبغي نهزك.انا.اه عيانة بزاف.انس.واخا.هزني عاود هاد المرة الصراحة حسين براسي رجعت شوية من اعتباري لنفسي السعدية وبنتها اداوني بزاف ومنقدرش نسمحلهوم انس بقا هازني طيلة الطريق تا وصلنا للفيلا .انا.انس نزلني.انس.لا تا نحطك فالبيت.انا.اويلي حشومة.انس.شنو مراتي ومن حقي نهزها.انا ضربت الطم وسكت عجبني كلامو بزاف طلعني للبيت وتكيت فيه من بعد ماصردت ورا مي رقية شوية جات.مي رقية.زهرة كيف بقيتي.انا.الحمدالله امي.رقية.بنتي نسولك.انا.اهاه.مي.منين جبتي هاد المنديل.انا شديتو وبقيت كنشوف فيه.انا. معقلتش منين جبتو اهاه عطاتولي واحد المرا.رقية.(حطات يدها على صدرها)ماكدة ابنتي.انا.اه امي علاش.رقية.(قربات مني وشداتلي يدي)بنتي حلي ودنيك مزيان وسمعيني واخا ماشي وقتو ولكن خصني نقولك هاد الكلام.انا.مي خلعتيني ياك لباس.رقية.شوفي ابنتي هاد السر مدة وانا مخبياه وكننظن جا وقتو باش نعاودولك.انا.مي على انا سر كتدوي مفهمتكش.مي.بنتي ماماك.انا.دوي امي مالها ماما.مي.مزال حية.منقولكمش البنات حبس الوقت فهاد اللحظة بالضبط ماما مزال حية سمعتوها شنو قالت ولا غا انا ليسمعتها.انا.(بلهفة)مي شنو كتقولي واش متاكدة.مي.اه ابنتي مزال حية.انا.(بوجه حزين)وفين هي دبا وعلاش هاد السنين كاملة متفكراتنيش.مي.معرفتش ابنتي هي بصاح بنت هاد القبيلة والحقيقة الاكبر هو باباك انا عارفاه شكون.انا.اشنو شكا تقولي امي.مي.اه ابنتي غا نعاودلك القصة كاملة ونتمنا تسامحيني المهم ماماك كانت بنت زوينة وعاطية للعين ومعرفتش بالضبط واحد الليلة شنو ليوقع بينها وبين وواحد الراجل من صحاب السي لمرنيسي من بعد مدة عرفنا بلي حاملة حاولت ندرق عليها حيث كانت صاحبتي الوحيدة ولكن سرعان متكتاشف الامر وبداو المضايقات ماماك كان كيحسابليها بلي النهاية واسرات باش تولدك وبدات كتكتبلك...

الرسائل ليخلاتلك تا لنهار ليجاها المخاض فديك البراكة المحروقة وولداتك(مي غلبها البكا وكملات)انا ليعاونتها باش ولداتك ومن بعد هزيتك من حضنها وديتك وقلتلها بلي متي باش خليتها مشات منهنا حيث كانو غايقتلوها اكيد ميخليووهاش تعيش.انا كنت غا مصدومة وكنشوف معرفت منقول بغيت نفاجر فمي رقية ونحملها كلشي ولكن تفكررت بلي هي الوحيدة ليوقفات معايا وهدنت رراسي.انا.ودبا لاش لاش تا لدابا عاد كتعاوديلي هادشي .مي.كيفما قتلك مك مشات من هنا وانا حرقت البراكة ولفقت هاد الكدبة ديال انتاحرت بنتي هاد القصة قديمة ولكن ليحياها هو هاد المنديل.انا عليت عيني فديك المنديل وبحال الى فهمت لاش كتلمح لدلك ركزتلها على شنايفها كنقرا كل حرف كيخرج منو باش نتاكد.مي.هدا دماماك وعمرها متخلات عليه حيث دمها.سديت عيني وهودات منها دمعة سخونة ممصدقاش ديك السيدة ليتلاقيتها كانت ماما كنت لهاد الدرجة قريبة منها ومعرفتهاش مقدرتش نكبح راسي وبديت كنبكي.انا.اهئ اهئ لا يا ربي شنو هادشي ليكنسمع اهئ اهئ كنت لهاد الدرجة قريبة منها ومعرفتهاش اهئ اهئ.مي رقية قربات مني وعنقاتني.سمحيلي ابنتي كلشي بسبابي اهئ سمحيلي.بقات مي معايا شوية ومشات انا محاقداش عليها حيتاش دارت ليلقاتو فصالح صاحبتها انا شديت ديك المنديل عنقتو وكنشمو فيه واحد الريحة زوينة امم اماما ونشوفك قدامي نتلاح فحضنك ونعنقك نشم ريحتك ونشبع منك اهئ اهئ ياربي شوف من الحال فيقني من هاد التفكير صووت الباب كيتحل مسحت دموعي ودرت راسي ناعسة عرفتو من ريحتو انس جا دوز يدو على خدي وتمتم بشي كلام مسمعتوش وخرج انا حليت عيني ورجعت لتفكيري تا ليل عاد عاود جا انس هاد لمرة هاز الماكلة.انس.زهرة نوضي تاكلي.انا.مافياش.انسس.نوضي على قبل البيبي.انا.قتلك مافياش بغيت نرجع للرباط.انس.ولكن.انا.قتلك بغيت نرجع هي نرجع.انس حسيت بيه معجبوش لحال انا همي دبا هو نرجع ونقلب على ماما تخشيت ففراشي انس جا تاهو ونعس جيهة لخرا باينة فيه معصب قربت منو ولمستو لمسات خفاف فظهرو هو مدارش باينة فيه معصب مني.انا.انس انس اانس.انس.(دار عندي بعصبية)شنو مالك.انا.سمحلي على قبيلة مقصدتش.انس.وشنو كتسناي مني نسمحلك.انا.مقصدتش والله.انس.معلينا نعسي غدا راجعين.انا.ممقلقش مني.انس.(ابتاسم ابتسامة خفيفة)لا مستحيل نتقلق منك.انا شكرا ليك.نعسنا الغد ليه نضت ناشطة غا نرجعو للرباط فقنا فطرنا وشدينا الطريق فدوى وعائلتها مزالين فالدوار مسافة الطريق كونا فالفيلا غا دخلنالها وجات سوسن كلشي رجعلي وكاع المآسي تفكرتهوم جات عنقات انس ليبادلها بعناق بارد عجبني فيها وتبعاتو الحاجة ولكن كنت ملاحظة نظراتها ليا خصوصا منين شافتني مع ولدها تا تدخلات سوسن وقالتلها بلي تلاقينا غا صدفة ومع دلك بقات كترمقني بدوك النظرات انا اعتاذرت منهوم وطلعت لبيتي بدلت عليا وخرجت من بعد ماخليت ميساج لانس بلي عندي منقضضي وميحتاجش يتقلق من جيهتي خرجت مشيت للجردة فين تلاقيت ماما ديك المرةبقيت كالسة تما ووالو لا اثر ليها تاظلام الحال ونضت مشيت للكافي فين كنت خدامة خصني ضروري ندير خطة وشكون من غير صحاباتي غا يعاونوني.ياترى شنو مزال كيتسنا البطلة ديالنا من مفاجآت

من بعد خيبة الامل ليتلقيتها وانا كنستنا النهار كامل غالجردة هه كنضحك على راسو شنو كنت كنظن غا غا نمشي ونلقاها تما قررت نمشي لعند البنات يعاونوني تسنيت وقيتة الخدمة ودخلت للقهوة خديت طابلة وكلست بانتلي هبة كتسربي كيف العادة ولكن فاش لمحاتني بحال متيقاتش ومشات باش شوية ترجع هي ونهيلة كيجريو وقفت فاستقبالهوم هما جاو وتلاحو عليا بجوج كيعنقوني تا كانو غا يخنققوني.انا.كح كح خهه لهاد الدرجة توحشتوني.هبة.واشنو توحشتك بزاف خليتي بلاصتك.نهيلة.(ضرباتني لكتفي)وشنو من نهار دفنوه مازاروه.انا.اودي انهيلة.هبة.زهرة ياك لباس شواقع.انا.كلسو البنات بعدا ونعاودليكوم.هبة.اهاه كلسي انهيلة رانا روبو دبا.كلست مع البنات وبديت كنعاودليهوم كلشي وكنبكي انا وياهوم تا ساليت وشافت فيا نهيلة ووجهها هامر دموع.نهيلة.ااهئ اهئ سمحيلي ازهرة هادشي كامل وقعلك بسبابي.انا.شش متقوليش هاكا على قبل ريتاج ندير كثر من هاكة.هبة.اهئ اهئ هادشي كامل داز علييك ومزال صابرة.انا.(حاوطت كرشي بيدي)وومخرجتش منها بيدي خاوية.هبة.هه الفنيكيش هازاه معاك.نهيلة.احبيبتي شنو ليداز عليك ودبا على حساب مفهمت ماماك ياك كتقلبي عليها.انا.آه انهيلة ومكرهتش نلقاها اليوم قبل غدا.هبة.اهاه ولكن شنو ليعندك دليل باش يوصلنا ليها.انا خشيت يدي فصاكي وجبدت المنديل حطيتو قدامهوم البنات بقاو كيشوفو.نهيلة.معندو فاش يفيدنا المنديل ماشي شي حاجة باش تقربنا منها.هبة.معندكش شي تصويرة ديالها.انا.لا التصويرة الوحيدة ليعندي هي صورتها فذاكرتي.نهيلة.مزال عاقلة عليها مزيان.انا.اه.نهيلة شافت فهبة.نهيلة.هبة مزال كترسمي.هبة.اه ولكن انا كنرسم غا حوايج بساط ماشي عباد الله.نهيلة.معليش نحاولو زهرة غدا نتلاقاو فالقهوة لييجنب التيرموييس عرفتيها.انا.اه.نهيلة.صافي يالله نوضي اهبة الباطرون غا يعربط علينا.انا.اه سيرو البنات تا انا غا نمشي للدار دبا بالسلامة.البنات.بسلامة.خرجت من عندهوم شديت تاكسي للفيلا وصلت دخلت كانت سوسن كالسة مجمعة هي والحاجة.انا.مساء الخير عليكوم.الحاجة.بنتي ماشي مشا الحال تعطلتي برا بزاف.انا.اا سمحولي نسيت راسي هاني غا نطلع لبيتي نرتاح تمساو بخير.الحاجة وسوسن.تلقاي الخير.جيت طالعة وسمعت الحاجة كتعطي للسوسن الفواكه وكتقولها مزيان للجنين ضرني خاطري راه انا ليخصني نكون فبلاصتها بقيت طالعة وانا كنخمم معجبنيش الحال تا دخلت فانس طلعت عيني فيه برعب لا تكون شافتنا ماه وهو فرمشة عين جرني من يدي ودخلني لغرفة المكتب وسد وكوانساني مع الحيط وكان قريب ليا بزاف.انا.ااا انس بعد لا يشوفنا شي واحد.انس.فين كنتي اا خارجة وراجعة تا لدابا.انا ااا كنت مشغولة وزايدون ماشي شغلك ياك عندك مراتك سير حكم فيها بعدني عليك انا.تفكيت منو وجيت غادة هو هاود شدني من يدي وجرني لعندو جيت مزدوحة على صدرو وقريبة منو بزاف.انا.(وكنتنر منو)بعدني واش حماقيتي غايشوفنا شي واحد.انس بقا ساكت مدة وكيشوف فيا قبل ماينقض على شفاهي بقبلة نارية حاولت نقاومو ولكن احاسيسي تمكنو مني واستسلمتلها بلا منشعر لقيت راسي كنتجاوب معاه كانت قبلة حنينة كتحمل فطياتها كاع ديكشي ليكنحس باتجاهو من مشاعر كنا منساجمين فتقبيل بعض قبل ميتحل الباب انا نقزت من بلاصتي وبعدت على انس هو دار يشوف شكون كانت سوسن وواققة فالباب مصمرة فبلاصتها معرفت مندير تخطف اللون من وجهي حدي انساحبت فصمت خرجت من حدا سوسن ليحسيت بالحرارة الناتجة على الغضب ديالها فاش قربتلها طرت لبيتي وسديتو ووركت على الباب كنهج وشادة على قلبي هادشي قبل منبدا نضحك بهيستيرية وكنقيس ففمي اكيد حماقيت مافيهاش ولكن عجبني الحال والنظرة دسوسن مخلعاتنيش هه بالعكس عجبني تشوفنا فديك الوضعية نعلت الشيطان ودخلت للدوش دوشت وخرجت لبست بيجامتي وتخشيت فبلاصتي نعس ولكن شكون خلاك يالله غا نعس دخلات عزيزة وهازة الحليب والتمر وشي ادوية.انا.اوووه عزيزة خليني نعس.عزيزة.ههه شنو نديرلك الالة اوامر سيي انس..انا.اوووف منك ومنو اراي لهنا.بقيت كناكل ديكشي وهي واقفالي على راسي تا ساليت.عزيزة.لالة نسولك ههه شنو درتي لمدام سوسن.انا.على مالها.هي.معرفتش العشا كلو وهي كتخمم ومهمومة.انا.ههه بصاح.عزيزة.وي تا من الحاجة لاحظاتها.انا.عزيزة عافاك بغيت نعس غانموت بالنعاس.عزيزة.واخا الالة يالله تصبحي على خير.انا.تلاقي الخير.خرجت عزيزة وانا تلاحيت فالفراش نعس كنت عيانة بزاف ومخديتش وقت باش نعس وانا ناعسة شفت حلمة قبيحة بزاف شفت راسي انا وانس مشادين باليدين وكنضحكو ومعانا ولدنا شوية بانتلي ماما هي وسوسن سوسن جات كتجري وهاازا موس باش اضربني بيه ماما جرات و جراتني فآخر لحظة قبل متقتلني وبقات غادا وكتجري بياا وانا كندور براسي نشوف انس هو ولدي كيبعدو كيبعدو تا مبقاوش كيبانو نقزت من بلاصتي فقت مخلوعة وكلي كنترعد كندور راسي لهاد الجيهة وهاد الجيهة وكنتخايل فشي حوايج....

لهاد الجيهة وهاد الجيهة وكنتخايل فشي حوايج محسيت برجلي الا وهازيني خارجة من البيت بلا منشعر حليت باب بيت انس وسوسن كانو ناعسين واحد عاطي ضهرو لاخور هزيت يدي كنزعزع فانس حل عينييه وولا سدهوم قبل ميعاود يحلهوم بالخلعة وتم واقف.انس.(بهمس)زهرة مالكي كضرك شي حاجة.انا.اهئ اهئ انس انا خايفة عافاك بقا معايا شت حلمة خايبة بزاف.انس.شش متبكيش سيري تنعسي راه غا الشيطان هاداك.انا.اهئ اهئ عافاك اجي معايا انا خايفة.انس.واخا غا سكتي.جا خارج انا شديتلو فيدو هو دار شاف فيدي وابتاسم وكملنا طريق مشينا لبيتي تخيت ففراشي وتكا هو حدايا انا خليتو تا تجبد وتكيتلو على صدرو انس هز يدو كيلعب بخصلات شعري.انس.وينو الخواافة ديالي.انا.امم شت حلمة قبيحة بزاف(وعنقتو بجوج يديا)منبغيهاش تحقق ابدا.انس.ششش نعسي وارتاحي.انا.وماتمشيش.انس.وعد صافي غا نعسي مغانمشيش.مارتاحيت تاخلينو يقسملي بلي ميمشيش عاد قدرت نعس فقت لغد ليه لقيت راسي مزال موسدة صدر انس عجبني الحال حيتاش بقا عند وعدو طليت على الساعة كانت ديك الستة دالصباح وبديت كنفيقو.انا.انس انس وا انس.انس.اوووف شنو.انا.نوض سير لبيتك لا تشوفك الحاجة.انس.اووف فالليل تجي مفيقاني ودبا كتجري عليا.انا.وراه الى شافتك الحاجة دبر على شي عذر تقولولا.انس.مراتي نقولها مراتي.انا احماريت والدم تحقن فوجهي من كثرة الحشمة .انا.انس عافاك نوض سير متحطنيش فهاد الموقف.انس.واخا هاني غادي.خرج انس لبيتو وانا مشيت للبالكون كنطل على البحر ومبتاسمة وفنفس الوقت مقلقة تمنيت كون كان بامكانا نعيشو حياتنا عادية بحال جوج مزوجين ولكن الحياة لاقاتنا فظروف قبيحة مشيت دخلت للدوش توضيت وخرجت صليت وحليت البلاكار نجبد مانلبس بقيت كنتامل حوايجي مدة عاد اختاريت كسوة طويلة فالاخضر بارد مشدودة فسميطة من العنق شعري غا طلقتو وهزيت صاك صغير درت فيه منحتاج وشابوية مدورة اليوم زعمت ودرت شوية ماكياج واو كيجيت غزالة فرجلي لبست صندالة صبع وخرجت هودت للجردة فين حاطين الفطور كانت تما الحاجة كالسة.انا.صباح الخير الحاجة.الحاجة.صباح النور بنتي.انا.عزيزة ختي مشهية كلشي هاد الصباح حطيلي من كل حاجة شوية.عزيزة.واخا اختي.بالفعل حطاتلي من كلشي شوية وبديت كناكل بشراهة قبل ماتوقفهالي الحاجة.الحاجة.بشوية ابنتي كتوحمي ههه.هي قالتها غا بالضحك ولكن انا وقفاتهالي وبديت كنكحب من حسن حظي كان انس قريب لينا وجرا عطاني الما شديتو كنشرب وانا كنترعد.انس.الوليدة حشومة عليك وقفتيها للبنت.الحاجة.سمحيلي ابنتي كولي بصحتك اه نسيت قوليلي مزوجة نتي؟؟.انا شفت فالحاجة والتافت لانس ليكالس كيفطر وممسوقلناش وانا نجاوبها باش يردلنا لبال.انا.اه الحاجة.عليت عيني فانس ليكان مطرطق عينيه فيا.الحاجة.امم وراجلك فين راه.انا.انا وياه غا نطلقو غا مدة وصافي.الحاجة.اوا الله يدير ليفيها الخير.انا.امين.كملت الفطور ونضت نخرج لبست الشابوية وانا خارجة من باب الجردة تلاقيت بسوسن طلعاتني وهبطاتني وشداتني من يدي وزيرات عليا.سوسن.شنو كتحسبي فراسك راه انا ليعطيتك هاد الشان باش تولي تقربي ودوري براجلي راني عارفة بنات الزنقة بحالك.يالله جيت نجاوبها لمحت سوسن بدلت تعاملها وولات كتمثل قلبت عيني نشوف كان انس واقف وكيشوف فينا تخطيت سوسن وخرجت من لفيلا غادية فديك الشارع على منلقا طاكسي تا وقفات عليا لوطو كلاكصونات درت نشوف كان انس مبغيتش نوقف ولكن بقا تابعني وكيكلاكصوني تا شوهني وانا نطلع.انس.فين غادية من على الصباح ومزوقة .انا.واء فين هاد مزوقة راه غادية نتلاقا صحاباتي.انس.شكون هاد صحاباتك.انا.هاء زدتي فيه.انس.وابربي لامشيتي ومتقوليلي فين ومعامن.بالفعل موافق تا عاودتلو على البنات وفين غانتلاقاهوم بالحق مقتلوش علاش وصلني وبالسيف باش تفاكيت منو دخلت للقهووة بانولي البنات مشيت عندهوم وكلست زاعفة.انا.اوووف.هبة.امالكي.انا.انس دارلي لونكيط هاد الصباح عاد خلاني نجي.هبة.هايهاي على الحب.نهيلة.ههه واييه طايح فيك الموسيو.انا.هنيونا قولولي شنو غانديرو.هبة.(جبدات وراق واقلام)وصفيلي ماماك وانا نحاول نرسمها.انا.واخا.بديت كنوصف ماما وهبة كتخطط وتمسح دازت جوج سوايع كانت هبة راسماها وجات طبق الاصل على الحقيقية شديتها بين يدي وعيني مغرغرين.نهيلة.شنو كتشبهلها ياك.انا.ااه.هبة.احم احم اكيد غا تجي كتشبهلها راه الانامل الذهبية ليرسماتها.نهيلة.المتكبرة لخرا.انا.ودابا شنو.نهيلة.غا ندويو مع واحد ولد عمي خدام فالبوليس فالدائرة دليكارد ناسيونال ونعطيوه الصورة والسمية ويحاول يجيبنا معلومات عليها.هبة.اوا هي اللولة يالله نتحركو.خرجنا انا والبنات تلقينا ولد عم نعيلة وافق يعاونا بالحق المهمة غا تاخد الوقت تفارقت مع البنات ومشيت لنفس الجردة عالله تجي ماما ولكن كيف المعتاد رجعت للدار بخيبة امل كبيرة غا وصلت.....

وصلت للفيلا كانت مفاجاة سارة كتسناني فدوى وسمران جاو لعندنا واو متصوروش فرحتي جات عندي الصغيورة سمران هزيتها كنلعب معاها لحق علينا انس غا شاف سمران بانت عليه الفرحة كلسنا ليفهمت الحاجة وسوسن مكينينش بقينا مجمعين تا تمو داخلين وكانو باينين علامات الدهشة على وجه الحاجة وهي شايفة سمران لدرجة انو الصغيورة توترات وجات حدا فدوى وكلسات.سوسن.واو كيلسيغبغيز شكون هاد الصغيورة.كلشي سكت تا نطق انس.انس.هادي سمران بنت فدوى.سوسن.اااشنو.الحاجة تصدمات مضناتش تكون بنتها الوحيدة عندهاا بنت قد هكا وليزاد كمل الباهية سمران ليبدات كتدوي.سمران.ماما ماما شكون هادو.فدوى هزات عينيها المدمعين فمها ورجعات شافت فبنتها وجراتها ودخلات لداخل وخلات الجو مكهرب فالجردة الحاجة كلسات وتنهدات ووجهات كلامها لانس.الحاجة.كنتي عارف.انس(حنا راسو)اه.الحاجة.(بعينين مدمعين)عندي حفيدة وانا ليطول عمري كنتمنا نشوف حفيدي ومعندي خبار.انس.الحاجة راه لافوطط ديالك نتي ليكنتي رافضة كليا نجبدو سيرة فدوى الى كذكري راه كنت جيت عندك قبل خمس سنين نخبرك بواحد الخبر غاجبدت حس فدوى انفاعلتي ووليت قفلت على السيرة.سوسن.انس ماماك هادي.انس.سوسن مدخليش الحاجة غلطات بزاف كون سمعات لفدوى وعطاتها فرصة كون متحرماتش من هاد اللحظات كاملة.انس كمل كلامو ومشا دخل تبعاتو سوسن بالجرا وانا بقيت كالسة مراقبة الحاجة ليدموعها عند شفارها قربت منها وكلمتها.انا.الحاجة ديكشي ليكتفكري فيه مفاتش عليه الحال.الحاجة شافت فيا مزيان واسترسلت.الحاجة.كظني هادشي ابنتي.انا.اه فدوى راه كتبغيك بزاف وتيقي بيا راه محظوظة حيتاش نتي ماماها كاين ناس ليتمناو يكونو امهاتهوم حداهوم ومالقاوهومش.الحاجة.ولكن بنتي هي غلطات وقهراتني بغلطها قهراتني بزاف.انا.ومكظنيش بلي هاد سنين القطيعة كاملة والحرمان عقاب كافي باش تعرف غلطها وتنددم عليه.الحاجة.ولكن.انا.الحاجة نتي كتكدبي على راسك هاد العقاب راه ماشي لفدوى بوحدها راك نتي هي اول واحد كيتعدب شنو اكبر عقاب لاي ام فهاد الدنيا من انو يبعد عليها ولدها.الحاجة سكتات وحدرات عينيها انا وقفت.انا.كنتمنى الحاجة تفكري مزيان راه العمر قصير واليوم حفيدتك الوحيدة فعمرها خمس سنين ومعارفاش تا شكون نتي غدا ولابعدو والاعمار بيد الله توفاي نتي ولا اي واحد فينا سمران الصغيرة مغاتبقاش صغيرة وغايجي نهار وتعرف بلي جداها كانت حية وعمرها رضات تقبلها كحفيدة فكري فكلامي مزيان اميمتي.خرجت من الجردة وانا غادية منتلاقا غا بفدوى وعينيها غارقين دموع سمعاتني فاش كنت كندوي مع مها جراتني لبيتها فين كانت ناعسة سمران وعنقاتني وبقات كتبكي وانا كنحاول نهدنها حيث انا اكثر واحدة عارفة هاد الاحساس ديال عندك ام وماقادرش تعيطلها بحالي تماما بقيت معاها تاسمعنا صوت حدا الباب عليت عيني جيهة الباب كانت الحاجة واقفة ودموعها شلال جات باتجاه فدوى.الحاجة.فدوى بنتي.فدوى بقات كتشوف فماماها بزاف قبل متنقز عليها عنقاتها وبقاو معانقين وكيبكيو انساحبت وخليتهوم على راحتهوم حيث اكيد عندهوم بزاف فاش يهدرو طلعت لبيتي وانا كنبكي كنتمنا يجي النهار تا انا لينشوف فيه ماما ونحضنها ياربي واش مكتابلي نتلاقا بماما ونشوفها ونعنقها ونشبع منها من بعد فراق هاد السنين كاملة تكمشت على السرير فوضعية الجنين وخشيت راسي ونعست بغيت غا نهرب من كلشي الواقع باسره كنحل عيني كلشي كيضرني لقيت راسي مزالة على نفس الوضعية ااي على حريق فكرشي ااي نضت للطواليت واحد الحريق رهيب بقيت كنتوجع تا فاتني شوية واخا باقي فيا ديك النخاص مي الحمد الله غسلت وجهي وتقابلت مع المراية صبحت صفرة وكلشي كيضرني باين عليا حالتي النفسية كتاثر بزاف عليا توضيت وصليت ليكان فيا ياربي سمحلي قصرت بزاف من جيهتو صليت ودعيت ربي يشوف من الحال لبست حوايجي وخرجت لتحت كانت الحاجة هي وفدوى كيفطرو والحاجة مكلسة سمران فحجرها وكتوكلها عجبني منظرهوم تمنيت نكون فالمستقبل بحالهوم ماما وانا وولدي ليهازاه هاد الفكرة كانت بمثابة زاجة وتشقفات الداخل مني لقيت راسي كنقول بزاف انا وولدي واش زعما غايكون عندي مستقبل مع ولدي قبل منتراجع لمحاتني الحاجة وتجبرت نقرب منهوم صبحت عليهوم وكلست حدي كنشرب كاس دالما معندي شهية لوالو وزادني هاد الحريق ليفكرشي لحقو انس وسوسن كلسو انس الفرحة باينة عليه حيث تمنا ختو تجمع بيهوم اما سوسن فهي كانت السبب فكولشي اكيد غا تكون معصبة بقينا كالسين وهي تنطق سمران موجهة خطابها ليا وكان كلامها بمثابة النقطة ليفيضات الكاس.سمران.خالتو زهرة المرة جاية لينمشيو فيها للمزرعة نركبو بجوج على الخيل ماشي غا نتي وخالو.كلشي سكت ووجه انظارو لسمران من بعد للحاجة ليكانت مصدومة سمران دوات ببراءة طفولية ولكن الوقع دكلامها كان قوي على الحاجة بزز باش تمتمات.الحاجة.شكا نسمع...

.الحاجة.شكا نسمع...مكملتش كلامها حيث قاطعتها صرختي انا من شدة الحريق هودة راسي باش نلمح بقع دم صغيرة فالسروال.انا ااااييي اكرشي ااا دم.انس وفدوى ناضو بالجرا عندي.فدوى غا شافت الدم غوتات.انس عندها نزيف خصها لوبيطال والى غا نفقدو البيبي.انس كان واقف مشدوه قبل مايهزني بين دراعو وخرج بيا كيجري للوطو انا من هادشي كامل كنتوجع وكنتمتم.انا.اهئ اهئ انس عافاك مبغيت والو مبغيت والو من هاد االدنيا غا ميتآداش ولدي اهئ.انس مجاوبنيش حطني اللور وكسيرا باللوطو انا بقيت كنحاول منعسش حيث عيني كانو كيتسدو ولكن ديكشي كان قوى مني وفقدت الوعي ...........كنحل عيني على صوت الالات كيتسمع التنفس ديالي وطقطقة دشي آلة حاولت نتحرك شافتني واحد الممرضة تماك وخرجات كتجري باش ترجع غا شوية من وراها بزاف دالاطباء وكلهوم علامات الفرحة عليهوم حاولت نتحرك وندوي ولكن والو ماقادراش نحرك تا حاجة فيا غا عيني ليكنحركهوم دورت عيني للجهة الزاج لمحت واحد الشخص مولفتش عليه هاكة كان انس وعلامات التعب والارهاق باينين عليه تا من ذقنو طوولو بقيت كنشوف وحاولت نتحرك ولكن حبسني الطبيب.الطبيب.متحركيش امدام.انا علامات التساؤل كلهوم باينين عليا واحد الحاجة لاحظتها واحد الانتفاخ على مستوى البطن ديالي بلا منشعر بديت كنبكي شنو هادشي ياربي انا عاقلة آخر مرة جاني نزيف وكنت يالله حاملة بتلت شهور شنو هادشي بقيت هاكة تا حيدولي دوك ليزاباراي ليكانو دايرينلي وحاولت ندوي.انا.(بصعوبة)شنو واقع هنا شرحولي.الدكتور.تهدني امدام متنفاعليش غا نشرحولك كلشي.انا.شنو غا تشرحولي وعلاش مكنقدش نحرك يدي ورجلي.الدكتور.عادي حيث يالله فقتي من غيبوبة دامت 3شهور.انا فقدت القدرة على التكلم من هول الصدمة مقدرتش نحرك ساكن تقدمات من بين مجموع الاطباء ليكانو تما وحدة صغيرة ودايرة الحجاب وكلسات قريبة مني.هي.(بابتسامة)على سلامتك ا مدام انا دكتورة نسرين دكتورة نفسية.انا.(والدموع شاداهوم فعيني)عافاك شرحيلي شنو هادشي ليكنسمع.هي.ششش متجهديش راسك بالهدرة اووك غا تفهمي كلشي فوقتو.انا.(انفاعلت)شنو غا نفهم اهئ اهى شنو غا نفهم.نسرين دارت اشارة بعينيها لواحد الممرضة ودارت شوكة فالكيس دالسائل ليدايرينهلي فيدي دقائق قليلة وترخاو اوصالي واستسلمت للتخدير..>>>>منين خرج اادكتور من عند زهرة>>>فدوى.دكتور بصااح فاقت زهرة.الدكتور.اه و كيفما توقعنا متقبلاتش الموضوع واضطرينا
واخا كانت فغيبوبة التكوين دالجنين كان عادي وطبيعي.انس.حيد عليا من هادشي كامل انا بغيت زهرة واش غا تكون مزيانة.الدكتور.خصها بزاف ديال الدعم منكوم حيتاش الغيبوبة اصلان جاتها من الحالة النفسية ديالها المتازمة وحتا النزيف ليكان جالها خصها متابعة نفسية حيتاش كانت فاقدة الامل فالدنيا ومكتجاوبش مع العلاج وانشاء الله تولي مزيان بالاضافة للترويض حيث مدة متمشات مغاتقدرش تتحرك بسهولة فالايام الاولى.انس.شكرا دكتور.>>عند زهرة<<كنحل عيني بتثاقل هاد المرة فغرفة عادية مبدلة على ليكنت فيها تا من الاجهزة مبقاوش بزاف حاولت نحرك يديا مزال كنلقا صعوبة انا هاكاك حسيت بوكزة فكرشي كان ولدي كيتحرك الداخل مني بلا منشعر بديت كنبكي بهستيرية تدخلات واحد الممرضة بغات دك ننفس الشوكة.انا.(وقفتها)لا عافاك متخدرينيش بغيت نبكي دموع فرحة وحزن عافاك.الممرضة بقيت فيها وخلاتني على راحتي وبقيت كنبكي تا خويت مافقلبي هاد المدة كاملةكنت فيها غايبة على الواقع ومكنحس بوالو قاطعني صوت الممرضة.الممرضة.على سلامتك امدام.انا اكتافيت بابتسامة.الممرضة.الصراحة سعداتك راجلك مخلاك تا لحظة وكان كيقيل يطلب الطبيب يخليه يدخل عندك للعناية المشددة واخا غا جوج دقائق هه ولا معروف عندنا هنا كان واخد غرفة هنا مكيفارقش المستشفى.بقيت حالا عيني وفمي فيها واش كدوي على انس بصااح هادشي ليكتقولو ممصدقاش انساحبت الممرضة وخلاتني شوية تحل الباب ودخل انس وجهو فيه هاد المرة الحيوية انا بقيت غا كنشوف فيه حيث اللحية ليكان كبرر جاتو زوينة وزادتو جمال هه جا قرب مني وكلس ودوز يديه على شعري وهمس بكلمات صمكوني.انس.كون وقعاتلك شي حاجة كون تصطيت.انا دورت وجهي لعندو بصعوبة ممصدقاش شنو كيقول.انس.(قرب من ودني وهمس)انا كنبغييييك.حليت عيني مزيان واش سمعتوه ياكو قالي كنبغيك كنبغيك انس بعد عليا وشد وجهي بين يديه.انس.مكتهمني تا حاجة من غيرك.لا بزاف عليا هادشي قلبي الصغير لا يتحمل كون حسابلي ندخل فغيبوبة يخليه يعتارفلي هاكة كون مشحال هادي درتها منكرش الفرحة ليكانت فيا زادتها واحد الركلة ديال الفنيكيش لكيبر الداخل مني على اثرها غوت.انا.اييي.انس.(بخلعة)شنو شنو كضرك شي حاجة.انا.لا كيركلني.انس.(ترسمات على وجهو ابتسامة عريضة وحط يدو على كرشي على اثرها اهتز قلبي)ولدي حاوليا على ماماك.بقيت كنشوف فيه وعيني مدمعين هاد المرة دموع الفرح...داز اسبوع وانا فالمستشفى

وانا فالمستشفى تحسنات نفسيتي مزيان حيث انس كان واقف معايا وليت كنقدر نتحرك شوية مع الترويض فهاد المدة كاملة كنت كنشوف غا انس وفدوى ليكتجي عندي كتعاوني نغسل ونبدل واليوم غا نرجع للفيلا مخلوعة بزاف كيفاش غا نتعامل معاهوم انا متاكدة بلي غا يكونو عرفو كلشي خرجت مسندة على انس وركبنا اللوطو للفيلا بغا انس يهزني ولكن رفضت بقينا غاديين وانا مسندة عليه تا دخلنا اول مالمحت سوسن ليتمات جاية عندي وبابتسامة وصلنامصطنعة.سوسن.على سلامتك.انا.(بادلتها نفس الابتسامة)شكرا.جيت غادة بااش نطلع لبيتي ولكن انس غيرلي الاتجاه ومطلعناش بالعكس مشينا لواحد البيت غا فالسفلي كان مفرش وموجد دخلنا وتخشيت ففراش.انس.تحتاجي شي مخدة ورا ظهرك.انا.😊لا شكرا.انس خرج وخلاني انا بقيت كنخمم وساهية تا تحل الباب ودخلات منو ملاك صغير سمران شفتها فرحت.انا.سمراان حبيبة اجي عندي.سمران قربات مني وعنقاتني وبابتسامة كلسات كتلمس فكرشي.سمران.دبا هنا كاين الصغيور ليغنبدا نلعب معاه ياك.انا.ههه اه هنا فين ساكن دبا.مزالة كنلعب مع سمران لمحت خيال عند الباب هزيت راسي كانت الحاجة حاولت فالكلسة.انا.الحاااجة.الحاجة.(بملامح نتقادباردة)خليك مرتاحة سمران خرجي احبيبة دجداها راه عزيزة وجداعلى الكوتي.سمران.واخا ا ميمة.خرجات سمران وخلاتني فجو مكهرب مع الحاجة انا من شدة التوتر كنت كنلعب بصبعاني وكنحاول نشغل راسي باي حاجة باش نتفادى نظراتها الحاجة كلسات على واحد الفوطوي تم وكلماتني.الحاجة.كيف بقيتي دبا.انا.😳ااا الحمد الله.الحاجة.امم باينة وليتي بيخير(وتقادات فالكلسة وشدات يديها جمعاتهوم القدام)دبا بغيت غا نعرف واخا ماشي وققتو واش بصاح كنتي ساخية بولدك وباغيا تعطيه لمرا خرا تربيه.انا حدرت راسي ومعرفت باش نجاوبها.انا.لا انا عمرني كنت غا نعطيهلها راه هي ليجبراتني.انا.واش غا تحمقوني بجوج هي كتقول خديتي من عندها فلوس باش تولديلها ولد.انا سكت حيث عارفة راسي منقدش نجاوبها.انا.الحاجة ماشي هاكاك كناكدلك بلي هادشي غالط انا مكنكرش بلي خديت الفلوس من عند سوسن ولكن ماشي لراسي.الحاجة.وليمن بالسلامة.انا.على قبل بنت صاحبتيفمقابل كانت عندها عملية وخصنا ضروري الفلوس باش يديروهالها جيث عند سوسن كنطلبها باش تعطيني الفلوس ولكن هي رفضات وطلبات مني الفلوس نعقد معاها هاد الصفقة.الحاجة.مستحيل سوسن مديرهاش.انا.عافاك الحاجة متقولي هادشي لتا واحد.الحاجة.هاد الولاد غا يحمقوني مغا يتهناو تا يدفنوني من تحت التراب.خرجات الحاجة وبقيت معرفتش واش ليدرتو صحيح ولا لا مي احسن من ماتبقا واخدة عليا نظرة قبيحة انا مبقيتش غا نسكت ونزيد نغرق راسي بقيت كالسة بوحديتي تا سمعت الدقان فالباب تسنيت شكون غا يدخلل وتما كانت المفاجاة.ياترى شكون جا؟؟؟؟ 

مقدرتش نتيق ليكنشوف قدامي هبة ونهيلة كون ماكنت مريضة كون نقزت لعندهوم هما حسو بيا وجاو عنقوني تاطفينا نار الشوق عاد طلقوني.البنات.مفاجاة هادي.نهيلة.الشكر لراجلك هو ليجابنا عارف شحال كنعنيولك.انا.اننننسسس؟.هبة.اه هو ليجا جابنا.انا.والله الى مزيان توحشتكوم.نهيلة.الحمد الله على سلامتك.انا.الله يسلمك احبيبتي.هبة.(دارت يدها على كرشي)الفنيكيش صافا.انا.كيلعب الماتشات الداخل مكاين غا الركل.نهيلة وهبة.ههه.هبة.احم احم.نهيلة.اه نسيت.مشات لصاكها وجبدات ظرف وجات مداتولي انا شديتو.انا.شنو هادو.هبة.حليهوم بعدا.نهيلة.باش تعرفي راه منسيناكش.حليت داك الظرف وانا نتصدم صور لماما فيه وبملامحها الجداد.انا.(شفت فالبنات)ماااماا.هبة.اه وعرفنا بزاف دالمعلومات عليها البوليسي جابهومنا.نهيلة.اه ماماك احبيبتي كاينة فكازا وراه مزوجة تما اغنى الرجال كنظن هو باباك حيث على حساب معرفت كانو صحاب هو وحماك ولكن فاش فرقو الشركات تفرقو ومبقاوش على علاقة.انا عيني مغرغرين بالدموع ممصدقاش.انا.البنات واش بصااح غا نقدر نعنق ماما ونقولها راني بنتك.هبة.اوهو متندميناش هاد الهدرة نسايها تا تصحي وتولدي بعدا عاد نشوفو هادشي اووك.نهيلة.اه هبة عندها الحق نتي مزال مريضة.انا.😖اه عندكوم الحق مي مجرد التفكير بلي عندي امل كبير نتلاقا بماما كيفرحني.هبة.ديكشي ليبغينا تاحنا الحبيبة ديالنا.بقاو البنات معايا ومشاو ياي شحال فرحت ندور ندور ونشد الصورة دماما نتمعنها ونعنقها يالله عمري حسيت بهاد الاحساس سمعت الحس فالباب وخبعت الظرف بالزربة كانت الحاجة وعزيزة.الحاجة.حطيلها الماكلة انا ليغا نتكلف بيها.عزيزة.واخا بالصحة مدام زهرة.انا.شكرا.الحاجة هزات الماكلة وقرباتها مني وكلسات كتوكلني.الحاجة.طلع عندك الحق.انا وقفاتهالي وبديت كنكحب مداتلي الحاجة كاس دالما.الحاجة.بالشوية عليك متخايليش خيبة الامل ليكنحس بيها دبا ممصدقاش مرت ولدي يطلع منها هادشي كامل.انا.الحاجة سمحيلي مكنتش باغيا.الحاجة.شش سكتي ابنتي هادشي ماعطا الله كولي دبا وتهلاي فراسك وفحفيدي وانا كنواعدك مغاتفرقيش على ولدك.كلام الحاجة كان كفيل باش يحلي الشهية فاش كتبتاسم الدنيا فوجه الانسان كديرها فخطرة خبار ماما ودبا هاد الخبار كليت وساليت وشربت الدوا هادشي كامل تحت اشراف الحاجة ليحرسات على كولشي وتاكدات بلي تخشيت فالفراش عاد مشات يالله غا نبدا نعس دخل انس بقيت متبعاه غا بعيني هو جا تخشا حدايا وحاوطني بدراعو.انس.غا تنعسي.انا.اه عيانة بزاف.انس.امم احلام سعيدة.وجرني وخشاني فيه مقاومتش بتاتا وترخيتلو بين دراعو واستسلمت للنوم......... مر شهر كامل الحمدالله وليت لحياتي العادية هادشي كامل بدعم عائلتي اه نقول عائلتي بكل فخر حيث بالفعل لا الحاجة ولا انس ولاو كيعطيوني قيمتي انس كيشوفني كمراتو ليكيبغيها والحاجة مرت ولدها اما فدوى ففرحتها مكتساعش ديكشي ليكاع بغاتو لقاتو ماماها وخوها فرحانين التعيسة الوحيدة فينا هي سوسن ونظراتها كيبينو غيرتها والكره ديالها ليا اكيد ما انا خديتلها بلاصتها اليوم كيف العادة فقت وانا فحضن انس ليولفت نوسدو كل ليلة هه تسليت منو ونضت للدوش درت روتينياتي وخرجت كنلبس تا فاق انس.انس.صباح الخير.انا صباح النور نوض النعاس.انس.امم ها هو نايض.انس ناض مشاا للدوش وانا خرجت مشيت للجردة فين كاينة الحاجة وتا سوسن كانت كالسة.الحاجة.صباح الخير بنتي.انا.صباح النور.كلسنا كنفطرو جا انس فطر ومشا لخدمتو وهي تدوي الحاجة.الحاجة.فدوى معيطاتلكش.انا.راجلها وعائلتو هنا وخصها تقابلهوم.الحاجة.امم مزيان باش يجيو يحضرو للحفلة.انا.انا حفلة.الحاجة.دبا عندك سبع شهور وغاندير حفلة باش نعرف الناس عليك.سوسن.شنو واش كضحكي معانا.الحاجة.لا حفيدي غا يتزاد وخص الناس والعائلة يعرفو ماماه الحقيقية.سوسن.الحاجة متقدريش ديري هاكا متقدريش.الحاجة.سوسن غا تسكتي حسلك راه مزال معاودت لانس شنو درتيه وكيفاش جبرتي زهرة راني منسيتوش.سوسن.ولكن.الحاجة.سالينا غا ندير ديكشي ليبانلي وااخا زهرة وجدي راسك الحفلة اليومة بالليل.انا.وااخا.ناضت الحاجة وخلاتني مع سوسن.سوسن.فرحانة يااك كلشي خديتيه مني.انا.سوسن انا مكنفرحش لمآسي مرا خرا.سوسن.متمثليش عليا بلي نتي ملاك كنواعدك والله لا كانت لك ولا خليتك تفرحي بيه كنواعدك. قالت سوسن هاد الجمل وناضت الصراحة خلعاتني ولكن عدرتها بسبابها خسرات كلشي فعايلها وصلوها لهاد الشي طلعت لبيتي فين كانت النكافة كتسناني باش توجدني للحفلة داز الوقت بسرعة وانا كنوجد راسي لبست قفطان فالبلو مارين موبرة مطرز بالفضي مقدرتش نلبس الطالون ليدلك اكتافيت غا بالبلا دارتلي مكياج ديال الحفلات ومشيطة طليت على راسي فالمراية جيت غزالة بكل تواضع كان وقت الحفلة وجيت خارجة نمشي للوطو وانا نلقا واحد الجوج آخر مكنت نتوقع نشوفهوم دبا.انا.شكاديرو نتوما هنا....

.انا.شكاديرو نتوما هنا.قاطعني صوت من ورايا.مي رقية.سمحيلي ابنتي مقدرتش نخليهوم بقاو كيرغبو جبتهوم الحياة فالدوار مبقاتش تعاش الناس كيهاجمونا حيث كلشي محملنا مسؤولية ليوقع.انا.مي رقية(مشيت عندها وعنقتها)امتا جيتي توحشتك.مي رقية.يالله وصلت ابنتي انا والسعدية وحنان.السعدية.(طارت وجات لعندي)انا مزاوكة فيك ابنتي الى مديري بحساب الدم ليمشاركين معندنا حد من غيرك.انا بقيت ساكتة وكنشوف فيهوم واحد الراس كيقوليا رجعليهوم الصرف وواحد اخور كيقولي تربيتي متسمحش بقيت كنشوف ودويت.انا.صافي واخا تقدرو تبقاو تا نلقاو شي حل.السعدية.اللهلا يخطيك علينا ابنتي.حنان.فين غادية.انا.شنو.حنان.غا سولتك غادية لشي حفلة ها العار الى ماديني معاك.انا.(وبااز بنادم مكيحشمش)امم واخا وجدي راسك.حنان.واخا.طارت تلبس تبعاتها السعدية وانا استاغليت الفرصة باش ندوي مع مي.انا.مي رقية عرفتي عندي ليك واحد الخبار.مي.الله يسمعنا خير ابنتي.انا.لقيت ماما.مي.بالصاح ازهرة لقيتي فاطمة بالصاح انا.اه وانشاء الله غا يتجمع شملنا.مي.امين ابنتي هادشي مبغيتلك.جات حنان هاد المرة الحمدالله مدارتش الشوهة ديالها المعتادة وخرجنا لقينا الشيفور كيساين ركبنا ومشينا للقاعة فين دايرين الحفلة كانت كبيرة بزاف وعامرة بالناس دخلنا انا وحنان وبقينا واقفين شافنا انس وجا قرب مني.انس.اووه حبي جيتي كتحمقي.انا.احم انس .انس(انتابه لحنان ليكانت كترمقنا بنظرات غراب)انا.جاو اليومة وراهوم معانا فالفيلا.انس.نتي باغيا هادشي.انا.اه.انس.واخا ليبغيتيه.مشا انس عنند شي ناس وبقيت واقفة مع حنان شوية مشات معرفت فين بقيت واقفة مدة ماشي طويلة تا رجعات عندي.حنان.زهرة انس خرج الباركينغ وقاليا نعيطلك تلحقي عليه.انا.اشنو الباركينغ شنو كيدير تما.حنان.ماعرفت يمكن مفاجاة.انا.😊اووه عندك الحق.خليت الحفلة وتميت غادة فاتجاه الباركينغ ولكن فطريقي بانلي شخص مكنتش متوقعة نشوفو ماما ومعاها راجل كبير نزلو من اللوطو وخرجو باتجاه الطريق الرئيسي بلا منشعر بديت كنتمشا بخطوات سراع باتجاههوم كانو يالله قطعو الشانطي فاش قربتلهوم انا وغوت.انا.مااااماااا.ماما وديك الراجل دارو انا سرعت فخطواتي باش نقطع ونوصل لعندهوم ولكن سيارة مباغثة معرفتها منين خرجات كانت جاية فاتجاهي بسرعة خيالية فرمشة عين وقبل منحرك تا ساكن ضرباتني اخر حاجة عقلت عليها ماما بانتلي شدات على فمها قبل متداعا وتسخفليهوم تما وانا تهزيت تا للسما وجيت مزدوخة فالارض.............................. عند انس فالحفلة《《《 الحاجة.انس فينهيا زهرة راه غا نعرفها على الناس.انا.معرفت(دورت عيني فالقاعة لمحت ديك حنان).انا.حنااان.حنان.نعام.انا.فين زهرة ياك كانت معاك.حنان.اا كاع مشفتهاش قاتلي غا تمشي لعندك وصافي.انا.كيفاش.وانا غادي لمحت سوسن ومتوترة.انا.سوسن مبانتلكش زهرة.سوسن.لا غا تكون غا هنا.قلبت الحفلة كاملة والو معندها اثر صابني البانيك وهودت للباركينغ ناخد اللوطو نمشي نقلب عليها وانا خارج لمحت سيارة اسعاف وناس محاوطين شي واحد غادي وكنكلاكصوني باش يخويو تا شفت اخر شخص نتوقعو زهرة هازينها وهي غارقة فالدمايات الوقت توقف بالنسبة ليا محسيتش براسي الا وانا كنزل من اللوطو وكنتمشا بجيهتها تا قربت.انا.زهههرررة.بغيت نقيسها ولكن المسعف منعني وركبوها فالاسعاف ومشاو انا بقيت واقف مصمك معرفت مندير قبل ميجيني الجنون طلعت للوطو وانطالقت بسرعة خيالية وراء الاسعاف وصلت للمستشفى كانو دخلوها للعمليات ممراتش مدة طويلة وهما يتمو جايين الحاجة وسوسن وفدوى.الحاجة.انسس انسس زهرة شنو واقع.انا غا كنشوف فيها انا راسي معارفش بقينا على اعصابنا تا خرج الدكتور.الدكتور.شكون فيكوم راجلها.انا.انا.الدكتور.مع الاسف الحادثة اثرات على المدام والجنين فوضع حرج وخصها عملية ضرورية ولكن يا اما نعتقو الام ولا الجنين شنو غا تقرر الامر راجع ليك.انا بحال الى سطل دالما بارد تخوا عليا وديك نتا تقرر كتكرر فمخي الحاجة انهارت على الكرسي شدوها فدوى وسوسن انا بلا منشعر نطقت.انا.عتقو زهرة اه زهرة.الدكتور.واخا اجي معايا عندك شي وراق تسنيهوم.تبعت الدكتور وانا جسد بلا روح روحي هي زهرة والا وقعاتلها شي حاجة نحماق وقعت الوراق الدكتور.غانديرو ليفجهدنا اموسيو نقدوهوم بجوج انا.كنتمنى.رجعت لعند العائلة فحين بدات العملية..>>فمكتب الطبيب قبل ما تبدا العملية بدقائق>>سوسن.دكتور بغيت ندوي معاك.الدكتور.دغيا معنديش وقت عملية كتسايني.سوسن.(جبدات شيك ووقعاتو على الفارغ ومداتو للطبيب)هاك عمر المبلغ ليبغيتي ولكن بمقابل.الدكتور.مفهمتكش امدام.سوسن.العملية ليغادير بغيتك تعتق الجنين.الدكتور.شنو ولكن الزوج دالسيدة اختارها هي.سوسن.وانا مبغيتهاش تعيش بغيت الجنين ليعيش والشيك بين يديك المبلغ ليبغيتيه تاخدو.الدكتور.ليبغيتو ليبغيتو.سوسن.اه.>>>عند انس.مرت ساعات.......

مرت ساعات العملية بحال الدهر بالنسبة ليا ممصدقاش ليوقع مستحيل نقدر نعيش بلا زهرة وحنا فهاد الجدل الداخلي تحل الباب وخرجات الممرضة دافعة عربة صغيرة فيها رضيع صغيور بحجم الذراع قربت منو والرجفة فرجليا.الممرضة.مبروك اسيدي جاك ولد يتربا فعزكوم.انا.وزهرة كيبقات.الممرضة.العملية مزال ماسالات والدكاترة كيديرو ليفجهدهوم منقدش نقوليك كثر.الحاجة.فين دابا حفيدي.الممرضة.للحاضنة ا مدام الجسم ديالو مزال ضعيف حيث ازداد قبل وقتو.دات الممرضة ولدي تبعاتها سوسن والحاجة وانا بقيت تما كنتسنا العملية تسالا باش نطمائن على زهرة انا وفدوى دقائق معدودة خرج نفس الدكتور وقرب منا.انا.(بصوت خائف)زهرة كيبقات زهرة.الدكتور.مع الاسف درنا لعلينا ولكن الجسم دالمدام ماستحملش البراكة فراسكوم.نزل عليا كلامو بحال الصاعقة محسيت براسي الى وقوايا انهارت وتزدحت مع الارض.....الدنيا مكتكونش عادلة فالنهار ليوهبات فيه الحياة ليفلدة كبدي فقدت روحي اه فقدت زهرة دازو الايام طايرة بين عزوها وفراقها مزال ممصدقش بلي زهرة ماتت ممصدقش نفقدها من بعد ماتربعات على عرش قلبي الشيء الوحيد ليكان مصبرني على وحدتي هو ريان ثمرة حبي انا وزهرة كيكبر قدامي وهو غا مكيزيد يشبه لزهرة فكولشي مخدا مني غا العينين مزال السر دشنو وقعلها ديك الليلة المشؤومة شاغلني تا حاجة ما واضحة تامن الكاميرات ممسوحين وهادشي غا يقتلني فدوى هي لخرا تبعات راجلها وعائلتو لالمانيا وهادشي زاد وحدتي حيث فدوى كانت كتدعمني رغم المحاولات ديال سوسن باش تآزرني ولكن والو سديت قلبي فوجهها مبغيتش نقمعها ونمنعها من تربية ريان حيث كتعاملو بحال ولدها لا هي ولا مرت خال وبنت خال زهرة ليمزال عايشين معانا بطلب من سوسن اهم حاجة عندي لا انا ولا الحاجة هي راحة ريان وحنا كنشوفو هاد الثلاثة مكيقصروش من جيهتووو》》》 في المااانيا》》》》》كوكو نسيتوني ياكو كظنو بهاد السهولة غا نموت ونخلي العديان يشمتو فعلا مخلاو مدارو باش يتهناو مني ولكن ارادة الله قوى منهوم وكان مكتابلي عمر جديد من بعد معانات كبيرة مع الشلل ليتسبباتلي فيه الحادثة وبالدعم من عائلتي اخير من بعد سنة كاملة قدرت نرجع لطبيعتي اليوم قدرت نتمشا مغانساش النظرة ليفعينين ماما وهي كتشوفني قبالتها وبصحتي ماما اه ماما معجزة ياكو اكيد تخربقتو غا نعاودليكوم كلشي>>فلاش بااك<< فالنهار ليوقعات فيه الحادثة سوسن كانت كتدوي مع الطبيب ومارداتش البال لفدوى ليكانت كتسنطليها هو صحيح انو الطبيب خدا الرشوة ولكن بالتهديد ديال فدوى طلبات منو يعتقني وفحالة تعتقت انا وولدي فنفس الوقت يصرح بلي انا مت بالفعل هادشي ليوقع ولكن ليمكانتش عارفاه فدوى عليا بلي انا لوستها هه فدوى مرت خويا من بابا فنفس المستشفى كانت ماما ناعسة من بعد ماسخفات فاش شافت الحادثة ماما كانت ممصدقاش بلي انا بنتها ولكن اللقاء بمي رقية فاش كانت جاية للمستشفى اكدليها كلشي كانت غا تحماق حسابلها بصاح مت كيف لخرين ولكن فدوى جات كتقلب على حمزة باش يعاونها ينقلوني برا البنات حيث حالتي كانت حرجة وسوسن مغاتهدنش تا تصفيهالي الى عرفاتني مزالة حية ومكاين تا شي دليل ضدها وهنا غا تعرف الحقيقة عليا انا وماما دبا انا فالمانيا مع ماما وبابا ومي رقية تا من فدوى وخويا وسمران دايرين بيا ولكن عندي فراغ كبير فحياتي من جهة ولدي ومن جهة انس ليكيفكر بلي مت ولكن تا هوو جرحني قرر يعيش حياتو مع سوسن بحال انا كنت مجرد نزوة عابرة بالنسبة ليه همي دبا غا نرجع ولدي لحظني>>فالوقت الحالي<<.ماما.(وكدوز يدها على شعري)بنتي واش متاكدة باغيا ترجعي وتظهري فحياتهوم.انا.اه ونرجع ولدي.مي رقية.بنتي ديك المرا خطيرة ونخاف عليك.فدوى.(قاطعتنا)زهرة خبر قبيح باش ترجعي ريان صعيب بزاف..حمزة.اه اختي انا محامي وعارف هادشي ريان مسجل بسمية انس وسوسن فحين انو سوسن هي الزوجة الاولى ولي الناس كاملين عارفينها.انا.(بانفعال)اشنو كيفاش قدرو يديرو هاكا كيفاش.فدوى.زهرة تهدني انس كيظن بلي نتي ميتة.انا.اهئ اهئ واخا هاكاك انس طلع كذاب وخداع باغي يخدع ولدي حياتو كاملة ويخليه يعيش على اساس انو سوسن هي ماماه ديك اللفعة انا كنكرهو كنكرههوم كاملين بغيت ولدي اهئ اهئ .ماما.(عنقاتني)شش ابنتي غا تاخدي ولدك شش.انا.علاش اانس درتي فيا هاكة اهئ باغي تعييش ولدي فكدبة اهئ اهئ.فدوى.زهرة عافاك سكتي كلشي غا يتحل.قاطعنا صوت بابا.بابا.بنتي.انا عليت عيني فيه هو قرب مني وعنقني.بابا.كلشي غا ياحل وولدك غا يرجع تا لخضنك انا وماماك عارفين مزيان شحال قبيح ديك الشعور .انا.اهئ اهئ كيفاش ابابا كيغانديرلو.بابا.فدوى وحمزة عندهوم خطة غا ترجعي للمغرب على اساس بنت رجل الاعمال الكبير محمد الخلوفي وغا تراسي مجموعة شركاتي تما بمعية حمزة والباقي دبا تعرفيه مع فدوى واخا ابنتي.انا.بااباا اهئ غا يرجع ولدي لحضني ياااك.بابا.اه ابنتي اه.عنقت.....

.انا.بااباا اهئ غا يرجع ولدي لحضني ياااك.بابا.اه ابنتي اه.عنقت بابا متستاغربوش هو صحيح غلط مع ماما ولكن بمجرد ما ولداتني وهربات من الدوار تلاقاتو فالرباط وتزوجها بابا كان عندو حمزة من مرتو اللولة ليماتت بغاتو بزاف بحال ولدها وتا هو كان كيتعامل معاها بحال ماماه وانا كيعاملوني بحال الاميرة هنا هه كيفديو سنين الشوق دازو الايام طوال وانا كنتسنى بفارغ الصبر امتا نرجع للمغرب كادولي وراقي وقلبوهوم على سمية بابا واخيرا وليت زهرة الخلوفي اخيرا وليت عندي هوية تفارقت مع والديا ومي رقية بالدموع ومشينا انا وفدوى وحمزة واكيد الفنيكشة سمران للمطار فدوى الطريق كاملة وهي كتقري فسمران باش متقولش للحاجة بلي انا حية حيث ماشي فمصلاحتنا تعرف لا سمران ولا لخاينة دالسعدية وبنتها بلي انا مزالة حية مزال منسيتش الخيانة ديالها فاش جات عندي وقاتلي انس كيتسناك وغا ندمهوم عليها كاملين ديك العائلة غا تندم تا من انس كيفاش سمح لراسو يسجل ولدي على سمية المجرمة دسوسن غا بلاتي غا ندفعهوم الثمن حطاتنا الطيارة بمطار محمد الخامس مجرد الاستنشاق لهوا بلادي كيعطيني واحد القوة لا توصف تلقالينا الشيفور ليوصاه بابا باش يجي مورانا ركبنا ودانا للفيلا ديالنا فالرباط دخلنا وطلعت للبيت ليمخصص ليا باش نرتاح غا دخلت جاني واحد الشوق وواحد الحنين كبير لحبيبي وولدي رياان متشوقة نشوفو ونهزو بين يديا مليت من التصاور ليكتصردهوم عزيزة ليا بغيت نكون قريبة منو فلحظة ضعف وتهور كنت غا نضرب كلشي فالزيرو ونمشي عندهوم نشوفو ولكن فدوى تدخلات ومنعاتني.فدوى.زهرة حبيبتي عارفة مزيان احساسك تا انا ام وعارفة مزيان باش كتحسي ولكن الظهور ديالك دبا معندو فاش ينفعك خلينا نسويو الوضع قانونيا باش تاخدي ولدك لحضنك حيث دبا هو مسجل بسمية سوسن وتقدر تهزو وتديه برا البلاد ومنعرفوش فين صدات تامن عزيزة كتجمع الادلة ضدها ولكن كون غا نلقاو تسجيل الكاميرة ديال ديك الليلة.انا.فدوى انا خايفة بزاف سوسن متقدش تديلي ولدي ياك.فدوى.لا غا التازمي بالخطة انا اليوم غا نمشي للفيلا باش ناخد عينة من شعر ريان بلش نديرو تحليل الحمض النووي باش ندفعوه للمحكمة ونسقطو حق الحضانة على سوسن.انا.فدوى بقاي معايا على تواصل اووك.فدوى.اه ونتي نوضي سيري للشركة باش يتعودو عليك الموظفين.انا.ااا وحمزة فينو.فدوى.تشجعي زهرة حمزة مغايكونش معاك ديما خصكي تعلمي تواجهي المشاكل بوحدك .انا.اه عندك الحق.مشات فدوى وانا خديت دوش خفيف ولبست جيب قصيرة فالاسود مع قميجة خشيتها فيها فالابيض وفيها نقط سوداء لبست طالون كحل وهزيت بوشيط اما شعرري طلقتو ودرت مكياج ماتستاغربوش زهرة القديمة بالفعل ماتت اما هادي ليقدامكوم وحدة خرا خرجت من الدار طلب الشيفور يرافقني ولكن رفضت خديت البيرمي لاهوما نجربو طلعت فاللوطو وديماريت باتجاه الشركة ولكن لسوء الحظ وانا غادية منلمح من اللوطو غا سوسن هازة ولدي ومعاها الحاجة غاديين للمستشفى الما نشفلي فالركابي شنو واقع ياربي محسيتش براسي واانا تابعاهوم دخلو لعيادة طبيب الاطفال سمعت سوسن كتقوليه بلي كيبكي بزاف وطالعالو السخانة كنت غا نسخف بالخلعة خرجت الحاجة وسوسن مع الطبيب يديرو لريان شي تحاليل وبقا ريان الداخل مع واحد الممرضة استاغليت الفرصة ودخلت ودموعي شلال شافتني الممرضة.اش حب بالخاطر الالة.انا.(ودموعي كيسيلو)ولدي ريان شوفي اختي عافاك ممكن تخليني معاه واخا غا جوج دقايق هادا ولدي اهئ اهئ.الممرضة بقيت فيها وخلاتني معاه قربت منو هو كان كيبكي.انا.ريان حبيب ماماه.هزيتو لعندي وقربتو لصدري اه حسيت ملكت الدنيا قربت نيفي منو كنشم ريحتو ياربي حمدتك وشكرتك محرمتينيش من هاد اللحظة تا ريان حس بيا وسكت مابقاش كيبكي بقيت معنقاه وكنبوسو تا سمعنا صوت خطوات وريحة باغفان كتقرب كان انس عرفتو هادا هو بخلعة كبيرة تخبيت من ورا ديك الريدو البيض ليكيفصلو بيه جهة العلاجات على مكتب الطبيب وبقيت مراقباه.انس.(جا قرب من ريان)بابا الحمد الله راك مزيان(وجه خطابو للممرضة)كيف بقا ولدي.الممرضة.معرفتش اسيدي دبا يجي الطبيب ويخبرك فهاد الاثناء رجعات الحاجة وسوسن ومعاهوم الطبيب انا كنت كندعي ربي ميشوفونيش كلشي غا يمشي فالزيرو.سوسن.انس جيتي(وهزات ولدي)ماما مزال كتبكي.الحاجة.قولنا ادكتور مالو حفيدي.الدكتور.غا شي التهاب وصاف تبعولو الدوا والى عاودات طلعاتلو السخانة رجعوهلي.انس.شكرا ادكتور.خرجو مع الطبيب وانا بقيت متبعاهوم تا مشاو وسدات الممرضة الباب عاد ارتاحيت وخرجت كلست على الباياص تما وانا كنبكي لمحت واحد الطربوش دريان هزيتو كنشمو.الممرضة.بقيتي فيا اختي الله يشوف من حالك.انا.اميين.خرجت من تما رجعت لدار وانا كنبكي وغا كنشم فطربوش ولدي كنصوني لفدوى مكتجاوبش تخلعت ياكما يكون تزاد الحال على ريان اصعب موقف مريت منو هو هادا ياربي والشيطان كيجيبها غا حولة متهدنت تا جاوب

تزاد الحال على ريان اصعب موقف مريت منو هو هادا ياربي والشيطان كيجيبها غا حولة متهدنت تا جاوباتني فدوى وطمناتني على ولدي تلاحيت على الناموسية ومزالة شادة الطربوش تا نعست وريحتو مالية نيفي...كنفيق على لمسات خفاف من عندحبوبتي سمران ولفات هاد المدة كاملة ليقضيتها معاها تفيق وتجي عندي.انا.حبوبتي صباح الخير.سمران.صباح النور خالتو تعرفي البارح تلاقيت بالمومو ريان سميتو ياك زوينة.انا تغرغرو عينيا ولمحت طربوش هزيتو بستو.سمران.خالتو يالله نفطرو ماما وباباتي مكاينينش.انا.فين هما.سمران.معرفتش يالله(وكتجرني بيدي).انا.واخا احبيبة غا نبدل عليا ونجي.سمران.واخا.مشات سمران وانا دخلت للدووش درت روتينياتي وصليت بدلت حوايجي وهودت لعندها لتحت نفطر معاها واخا معندي منين يدوز ولكن على قبلها كليت بزز باش تاكل كلينا وبقينا كالسين فالجردة كنحاول نلعب معاها ونلهي راسي تا رجعات فدوى وجات عندنا.فدوى.هاي هاي على الفنون.سمران.ماما(ومشات عندها عنقاتها فدوى حطاتها وخلاتها تلعب وجات عندي).فدوى.كيصبحتي.انا.كيف بغيتيني نكون البارح كان صعيب عليا كيبقا ولدي بعدا.فدوى.الحمدالله راه شوية.انا.الله غدا عيد ميلادو اكيد غايكونو دايرينلو شي حفلة كبيرة تمنيت نحضرها.فدوى.😀فرحتك غا تكمل راه درنا التحاليل اليوم وخرجو ايجابيين طبعا وراه داهوم حمزة للمحكمة انشاء الله يخرج الحكم وتشدي حضانة ولدك.نقزت من الفرحة وطرت على فدوى عنقتها ممصدقاش غدا غا يكون حبيبي الصغير فحضني نعنقو ونبوسو ويعيش معايا ممصدقاش داز النهار طويل بزاف وحنا كنتسناو حمزة ليماجا تا ليل غا سمعت صوت طوموبيلتو طرت تا لقاني حداه.انا.حمزة قولي غا يرجعلي ولدي ياااك.حمزة.او او خلعتيني غا بشوية.انا.حمزة عافاك غا يرجعلي ريان ياك.حمزة(بابتسامة وجبد وراق)اه هادو هما وراق حضانة ريان بين يديك.انا شديت دوك الوراق عنقتهوم وطحت على ركابيا كنبكي دموع الفرحة حمزة وفدوى جاو كيحاولو يهدنوني.انا.يالله نجيبو ريان دبا.حمزة.لا ماشي دبا مشا الحال.فدوى.اه عندو الحق وتامن الولد مامزيانش ليه تخرجيه دبا خلي تا لغدا ياك تمنيتي تحضري فعيد ميلادو اوا ها امنيتك غا تحقق غا نمشيو للحفلة ونجيبو ريان.انا.اووف شحال غا يطوال الوقت.فدوى.صبرتي عام كامل زيدي صبري غا هاد السوايع.طلعت نعس ولكن حلف النعاس لا جاني كنفكر غا فغدا خيفانة من سوسن دير شي حاجة نفضت هاد

نمشيو للحفلة ونجيبو ريان.انا.اووف شحال غا يطوال الوقت.فدوى.صبرتي عام كامل زيدي صبري غا هاد السوايع.طلعت نعس ولكن حلف النعاس لا جاني كنفكر غا فغدا خيفانة من سوسن دير شي حاجة هاديك مجرمةوتمشي دير شي حاجة نفضت هاد الافكار وقررت نعس باش نلقا الطاقة باش نواجههوم غدا كنفيق على اشعة الشمس فرحانة بزاف كنعدالسوايع و الدقائق والثواني باش توصل لعشية واخيرا جات كنوجد راسي وكنتخايل نظرتهوم كيف غا تكون لهاد المناسبة السعيدة ختاريت كسوة باج بلا كتاف حد الركبة طالون فضي شعري سشورتو ورديتو جنب ودرت مكياج حفلات غامق وعكر ماط كرونة جيت واو كنحمق هزيت بوشيط فضي درت فيه مستلزماتي وخرجت للوطو فين كان الشيفور كيستناني فدوى و حمزة سبقوني انا تعمدت نوصل معطلة باش نفاجؤهوم....

واخيرا وصلت للفيلا ليعشت فيها احلى لحظات العمر واكفسهوم الفيلا ليعطاتني بزاف وخدات مني كثر من بعد غياب طويل رجعتلها حطاتني اللوطو كانت موسيقى هادئة كتسمع درت شهيق وزفير حيتاش صعيب عليا بزاف نواجههوم من بعد هاد المدة كاملة قويت راسي ودخلت تا حاجة متبدلات كلشي باقي هو هو دخلت بخطوات هادئة عيني كيقلبو على شخص واحد اكيد عرفتووه لا ماشي انس ولدي ريان بانلي جيهة المسبح مع عزيزة سرعت فخطواتي لعندهوم عزيزة كانت ملاهية معاه تا وقفت عليها ودارت.عزيزة.(بفرحة)مداام زهرة الحمد الله على سلامتك.انا اكتافيت بابتسامة وعيني مفيكسياهوم على ولدي وقربت منو.انا.السلام الفنيون دماماه وينو ولدي كبر وولا عندوو عام تباركلاه.قربت منو ونزلت لمستواه حيث كانو حاطينو على كرسي وقردت شديت يديه كنبوسها تا وقف علينا شخص من صوتها عرفتها.سوسن.سمحيلي امدام شكون نتي(لعزيزة)كيفاش خليتيها تقرب من ولدي.ابتاسمت ابتسامة نصر هادي هي اكثر لحظة كنت متشوقالها درت عندها وانا مزالة شادة فيد ريان الصغيورة بصبعي منقدرش نوصفلكوم الصدمة الكبيرة ليكانت على محيى سوسن.سوسن.(بصعوبة) زززززهرة.انا.(بابتسامة)اهاه زهرة بشحمها ولحمها.سوسن.لا مستحيل نتي متي متي.انا.ههه مضحكينيش واش هادي سيفة شبح.سوسن.لا شنو جايا ديري هنا خرجي من حيااتنا.يالله جيت نجاوبها سمعنا صوت الحبيب دقلبي ريان وهو كينطق اول كلمة ليه.ريان.ماااماا.درنا عندو كاملين انا تغرغرو عينيا سوسن جات تهزو انا خطفتولها وهززيتو.انا.(وكنشم فريحتو)قول ماما قول ماما اولدي.سوسن.اراي ليا ولدي رجعي منين جيتي.انا.(شفت فيها بغضب)نسمعك مرا خرا كتقولي ولدي نتفاهم معاك ريان ولدي انا مالك نتي ليحملتي بيه وولدتيه.هزيت ريان وتمشيت بخطواات ثابتة لوسط الحفلة وخليت سوسن مورايا قبل متجاوز الصدمة كان كلشي مشغول ولكن صوتي وانا ماشية كان عندو اثر عليهوم كلشي علا عينيه كيشوفو فيا بصدمة ممسوقينش انا كنت كنشوف فشخص واحد انس شوق حنين عتاب كره حب فهاد اللحظة بالضبط مشاعيري مخربقين هو بقا غا كيشوف فيا ممصدقش بحالو بحال للخرين الحاجة بقات كتشوف وكلسات على كرسي بلا متدوي تا من الخاينة دالسعدية وحنان تصدمو انا شفت فيهوم ودويت.انا.واياكوم تفكرو بلي هادي شبح ليقدامكوم راه انا زهرة.السعدية.الله اكبر معجزة هادي زهرة بنتي حية.انا شفت فيها ودرت ابتسامة جانبية.انا.(وكنقلدها)زهرة بنتي كنبغيك نتي بحال بنيتي حنان مكتنفعش معايا اسعدية ونزيدك راك غالطة زهرة ماتت هادي ليقداامك زهرة خرا زهرة مكتيقش اكاديبك اووك.حنان.سعدية؟؟؟هاكا وليتي تعيطي لماما.انا.وباش بغيتيني نعيطلها بالسلامة اه فكرتيني حنان مطيريش من المقلة نوبتك واصلة اوووك...قاطع كلامي ريان كينعنع فحضني ههه.انا.وينو الحبيب دماماه كيلعب (طبعت قبلة فجبينو).الحاجة.(ناضت وتوجهات لعندي وبعينين مدمعين)بنتي بصااح هادي نتي.انا.(قدام هاد المرا رجعت زهرة القديمة حيتاش مشفت منها غا الخير )اه الحاجة انا زهرة.الحاجة عنقاتني تا انا بادلتها العناق.الحاجة.على سلامتك ابنتي.انا.الله يسلمك.كنت كنتسنى شخص يدوي ولكن بقا غا ساكت وكيشوف فيا بحال ممصدقش بلي انا بغيت نتوجه عندو وندوي معاه ولكن الحضور دسوسن قاطعني.سوسن.(كتحاول تاخد ريان مني)اراي ولدي رجعي فين كنتي لاش دبا عاد راجعة.انا.ولدك؟؟نتي ليولدتيه ياكما دمك ليكيجري فعروقو ومافخباركش.سوسن.اوا الى مفخباركش ريان مسجل بسميتي انا وراجلي انس وانا ماماه فالوراق.انا شفت فانس ليكان مزال كيشوف فيا حيث كنت طنتسنى هاد الفرصة باش نأنبوا وكنظن نظراتي لكلها احتقار وليوجهتهالو كانو كافيين.انا.كنظن ديجا قلت انا ماشي زهرة القديمة وان يكن ريان مسجل بسميتك كان زمان ريان حضانتو عندي انا.سوسن.شنووو مستحيل.انا.لا ممكن حمززززة.حمزة.(قرب منا)احمم بصفتي محامي مدام زهرة خلوفي اولا نقول ختي راها خدات حضانة ولدها وبالقانون.السعدية.(نقزات)لا زهرة معندهاش خوها.انا.(درت وشفت فيها باستنكار)ليفيه شي قاعدة ميحيدها لمعلوماتك ماما مزال حية وانا ماشي بنت حرام كيف ما ولفتي تعيطيلي عندي ماما وبابا وهادا خويا لكبير حموزة(وشديتو من دراعو).سعدية.زهههررة.انا.✋زهرة اه مي ماشي ليكانت معاك قدامك زهرة الخلوفي بنت محمد الخلوفي.قلت هاد الجمل وهزيت ولدي وسمران ليتبعاتني وتميت خارجة حاولات سوسن تمنعني شدها حمزة ومنعها تقربلي انا خرجت ومشيت للوطو ركبت انا وسمران وحبوبي الصغيور وصاك الشيفور مرجعنا للدااار《《《《فالفيلا》》》》سوسن.متقدش تاخد ولدي متقدش.حمزة.تهدني راه ولد ختي فحضانتها معندكش الحق تمنعيها تديه.سوسن.مغاتديهش مغانسمحلهاش.فدوى.وشنو غاديري بالسلامة غا تحاولي تقتليها.كلشي دار كيشوف ففدوى.فدوى.اه زهرة الحادثة ليوقعاتلها كانت بسباب هاد الحقيرة.سوسن.شنو كتخربقي نتي.فدوى.مكنخربقش نتي مجرمة وقتالة....

سوسن.كتاهميني بلا دليل.فدوى.غا يكون غا يكون وساعتها غا نجرك بحال الكلبة ونرميك فالحباسات لا نتي ولا هادوك ليعاونوك.كلشي كان مقابل هاد النقاش ومردوش البال لانس ليكان بركان غا ينفاجر ما انتابهو ليه تا هز الطابلة دالبوفيه ولاحها.الحاجة.ولدي انس تهدن تهدن.فدوى.خوياا تهدن.انس.(شاف ففدوى بعينيه حمرين)كتعيطيلي خويا يااك(وشدها من كتافها)مخلياني كنتعدب هاد المدة كاملة ووانا كنظن بلي زهرة ماتت وكتعيطيلي خويا.فدوى.اهئ اهئ خوياا.حمزة.(تدخل)انس طلقها الغلط ماشي منها زهرة مبغات تا واحد يعرفها مزالة حية.انس طلق منها وبقا كيشوف فحمزة ليبدا كيعاود كلشي من نهار الحادثة تا اليوم.حمزة.كيف ماشفتي زهرة مبغاتكش تعرف بلي حية.انس بقا كيشوف فيه وعينيه حمرين بعدها ضرب فيهوم وخرج《《《عند انس》》》الموقف ليتحطيت فيه صعيب بزاف وتا واحد ميقدر يفهمني المرا الوحيدة ليبغيتها من قلبي كوااني موتها رجعات بعد غياب بشخصية جديدة من مراقبتي عن بعد لمحت التغير ديالها السطحي فقط واخا من نظراتها بغات توصلي بلي هي تبدلات كليا ولكن انا كنعرفها كثر من راسها هي مزالة هي هي زهرة الطيبة الحنينة غا خدات قناع مزيف كدرق بيه شخصيتها كنعدرها الظروف ليمرات بيهوم صعاب بزااف ولكن معجبنييش الحال من النظرة ليواخدة عليا بخصوص تسجيل ولدنا بسمية سوسن انا كنت عارف راسي غالط ولكن بغيت نوفر لولدي حياة عادية خرجت ركبت طموبيلتي وكسيريت موقفت تا للبحر كان هايج وهيجانو كيبين الغضب والنار ليشاعلة فيا بقيت تما تاغفيت فاللوطو فقت على صوت البواخر وطيور النورس الصوت ليكيميز البحر ديماريت اللوطو وانا مقرر غا نرجع عائلتي مهما كان الثمن《《《عند زهرة》》》البارح مقدرتش نعس وانا غا مراقبة ولدي ليناعس فجنبي كنخاف نفيق ومنلقاهش حدايا مسيكين تا هو حس بيا ومافاقش نعس ومافاقش تا لصباح عاد بدا كيبكي هزيتو كنسكتو اول نهار حسيت فيه براحة وانا كندوشلو وكنبدلو بمعية سمران اكيد بدلت تا انا وهودت نفطرو كلست كنرضع ريان عاد ناكل انا تا جا خويا وفدوى.خويا.احم احم فرحانة دبا ياااك.انا.اه مكاينش بحال هاد الراحة(انتابهت لفدوى ليمقلقة)فدوى ماالكي.فدوى.لا والو احبيبة.انا.لا اكيد واقعة شي حاجة انس يااك.فدوى.امم متفكريش فهادشي فكري غا فراسك دبا.انا.اه عندك الحق.فطرنا وسالينا وانا هزيت ريان ومشيت للجردة عنا واحد الكرسي هزاز كلست عليه وتكيت وريان حطيتو على صدري وبقيت كنهز بينا وكنغنيلو تا حسيت بالحس مورايا درت وانا نتصدم كان انس وبابتسامة عريضة على وجهو.انا.نتا شنو كدير هنا.انس مداهاش فيا وجا لعندي هز ريان كيلعب معاه وهو كيضحك انا مقدرت ندير والو وانا كنشوف فيهوم الصراحة عجبني الحال وانا كنشوفهوم تا لمحت انس كيشوف فيا وانا نقلب وجهي.انا.اراليا ولدي وغبر منهنا.انس.راه مجهودي الخاص هادا متنسايش(وغمزني).حشمت بززاف وحدرت راسي باش نعاود نعليه منلقا لا ريان لا انس تخلعت ومشيت كنجري لقيت انس واقف مع خويا وفدوى وكيضحكو.انا.(وكنهج)فينو فينو ولدي.فدوى.(بابتسامة)غايمشي مع باباه فرحلة.انا.لشنو وبانا حق.انس.على بركات الله اوووبلا.وهزني بين يديه.انا.واش حماقيتي حطنني حطني حمززة فدوى عتقوني خاطفني هادا فين غاديي بيا واحمززة.حمزة.الله يكون فعونك اانس ههه.انس.وي خويا ونتي غا ضربي طم ولا نسدلك فمك بطريقتي وشوفي شوهتك قدام خوك.انا ضربت الطم حيث عارفاه يديرها داني للوطو وحطني فالقدام بديت كنتنعنعلو تما وهو يحمر فيا ويبدا يقرب مني تا وليت كلي حمرة عند بالي غايبوسني سعا دارلي السمطة وركب كيضحك عليا.انا درت شفت ريان ليشاد البيبرون وكيفرنس كالس فكرسيه داللوطو.انا.فين غادي بيا مبغيتش غا نرجع بحالي انا وولدي .وحاولت نحل الباب والو مابغاش.انس.متحاوليش راه مسدودة اوتوماتيك.انا.اشنو حلها حلها ولا نغوت ونجمع عليك الناس.انس.هه شنو غا تقوليلهوم راجلي ودايني فرحلة انا وولدنا يااك.انا.راجلي؟؟؟؟.انس.اوا الالة راك مزال مراتي لدبا ولا نسيتي الصراحة سكتني معرفتش فين غاديين حدي سكت وباش نتفادى الوجود والقرب دانس كنتلف االوقت مع ريان والجنيون لاخور مالقا امتا ينعس وخلاني غا انا وياه الراس فالراس معرفت مندير توترت بزاف انس لاحظ هادشي.انس.ههه حشمانة من نيتك.انا.(شفت فيه بنظرة حادة)مكنضحكش الى لقيتيني سكتلك على هاد الفعلة راه ماشي حيت خفت غا مبغيت صداع ومتنساش بلي راني منسيتش ومغانساش فعلتك.انس عينيه حمارو وشد واحد الفران خلعني درت بالزربة لعند ريان كان ناعس انس نزل وجا جرني من بلاصتي فاللول انا مبغيتش ولكن جبدني بزز خرجني وكوانساني مع اللوطو وبيديه بجوج حاصرني دورت عيني فالبلاصة غا الخلا وغا حنا ليكاينين.انس.غا تسمعيني انا كنعتارف بلي درت غالاط مكانش خصني نوافق نسجلو ريان بسمية سوسن.انا.ههه حيث لقيتيني حية نفتارضو كون كنت فعلا ميتة ولدي غايعيش حياتو كاملة على اساس انو سوسن هي ماماه.انس.(غوت)انا كنعتادر مرة خرا ولكن هادشي درتو على قبل ولدي مكنتش باغيه يعيش حياة مخربقة ماماه وحدة وليكيعيطلها ماما وحدة خرا فهمتيني.انا خلعني وحدرت راسي كنحاول منبكيش.انس.(هزلي راسي)مزال كتبغيني ازهرة.انا بقيت غا كنشوف فيه انا ماشي غا كنبغيه كنموت عليه ولد الحرام استاغل الموقف وباسني ويلي على شوهة وانا ليكنقول غا ندمو سايرتو بحال البهلة انس علا راسو كيشوف فيا وكيضحك.انس.متبقايش دايرة هاكة ههه انا لقيت جوابي.طلعت للوطو ومحاملاش راسي الصراحة عندو الحق من واحد الناحية هو فعلا كان باغي مصلاحة ولدنا ولكن خصني نجرجرو شوية باش يعرف قيمتي هه كملنا طريقنا للمجهول تا وصلنا عاد بداو المعالم كيبانو جابنا للدوار درت عندو باستغراب.انا.لاش جينا لهنا.انس.عطلة نبدلو الجو.انا.ومالقيتي غا هنا.انس.هاد البلاصة عندها سحر خاص انا عارف عندك ذكريات خايبة هنا ولكن متنكريش كيبقا هاد الدوار عندو قيمتو فقلبك.ضربت الطم ولا كيسكتني حيث فعلا عندو الحق وصلنا للفيلا انس هز ريان ودخل وانا تابعاهوم معارفة علاش كيخطط دخل انس ريان لبيتنا ورجع للوطو يجيب حوايجو انا بقيت واقفة تفكرت المدة ليدوزتها هنا معاه كانت ولا في الاحلام سمعت ريان كيبكي ومشيت عندو كان جيعان تفكرت واحد الكاطو كان فجيب الجاكيط هزيتو حليتو يالله غا نعطيهلو دخل انس وشافني وشدولي من يدي ولاحو انا بقيت كنشوف فيه قبل ما انفاجر فوجهو.انا.شنو كتحسب راسك كدير راه ريان ولدي ولا نسيتي كيفاش تجراتي.انس بقا كيشوف فيا بعصبية وشدني زيرني مع الحيط.انس.(بالغوات وبعصبية)كلشي كتفسريه براسك تعرفي تعرفي كون كلا ديك الكاطو كون تخنقلك هنا عندو حساسية من الكريمة دالفستق واش كتفهمي حسااااسية.قال هاد الكلمات وهز ريان وخرج انا بقيت كنشوف غا فالفراغ قبل منتهد وهودت كنبكي حقيقة مكنعرف تا حاجة على ولدي شنو كيعجبو و شنو لا شنو ليغايمرضو بقيت مدة تما تا رجع انس ولقاني فنفس الوضعية كنبكي وليت حالتي حالة انس قرب مني ونزل لمستوايا وهز وجهي بيديه وقابل عينينا.انا.اهئ اهئ مكنعرف تا حاجة على ولدي تا حاجة اهئ اهئ.انس.ششش متبكيش تا انا كنت بحالك ولكن مع المدة تعلمت.انا تلاحيت عليه وعنقتو فعلا كنت محتاجة حضن حنين نتلاح فيه وهاد الحضن كان هو انس.... وتمضي الايام تصلحات علاقتي بانس الصراحة وليت كنحس بلي حنا عائلة متكاملة انا وياه والفنيكيش الصغيور ديالنا كيكبر قدامنا هاد العطلة نفعاتني بزاف وليت كنخرج وسط الدوار ليديما كان كيهيني وانا رافعة راسي احسن احساس عشتو وانا كنشوف الناس ولاو يحتارموني اليوم غا نرجعو للفيلا عندي واحد التخوف الداخل مني ولكن كنحاول نخبيه هنا هي جنتي وعالم احلامي مع الراجل ليكنبغيه وولدي ولكن لهيه كاينة النار وشاعلة بزاف اه سوسن ليمتاكدة غادير شي حاجة الى حاولات تقتلني قبل غا تعاود ديرها وتفوتها عاد لاحظ انس توتري وانا كنجمع ليفاليز وشدني من يدي.انس.متخافيش محدنا مع بعض تا حاجة مغاتوقع.انا عنقتو.انا.كنتمنى.شدينا الطريق العودة ريان كيف عادتو غا كتحرك اللوطو كينعس وتا انا هاد المرة نعست مافقت الا على انس كيزعزني. انا. (وكنحك فعيني)وصلنا.انس.اه.ترجلت من اللوطو وهزيت ريان وتميت داخلة وانا نتفاجئ عائلتي كاملة ماما بابا مي رقية الحاجة فدوى حمزة وسمران فالاستقبال طرت بالفرحة كنعنق كل واحد بوحدو ههه ولكن دغيا نساوني وتجمعو على ولدي لحق علينا انس ودوا من ورايا.انس.عجباتك المفاجاة.انا(درت) نتا مولاها.انس.اه.بلا منشعر طرت عليه ببوسة.انس.كح كح كح دسرتي اشعيبية.انا درت بسرعة نشوف واش شي واحد شافنا ولكن الحمد الله كلشي مشغول بريان الوحيدة ليشافتنا من البالكون سوسن وكانو نظراتها كيخلعو غا لمحاتني شفتها دخلات وسدات الباب مديتهاش فيها دوزت الوقت عادي مع عائلتي واحد اللحظة هودات السعدية وبنتها جاو كيتحلونو على ماما ولكن عطاتهوم العصير ههه لحظات الفرح كيطيرو وكيكونو قصار واقفة مراقباهوم كيلعبو وكيفرحو تاحسيت بشي حاجة باردة فكرشي درت بالزربة كانت سوسن ودايرالي فردي فكرشي.سوسن.زيدي قدامي وبلا زيادة فالهدرة.تحركت معاها ماشي حيث خفت منها بالعكس خفت على ولدي وعائلتي عارفاها حمقة ودير اي حاجة وحنا غاديين تلاقينا فدوى كانت هازة طبسيل غا شافتنا لاحتو.فدوى.زهرة (وشافت فالفردي ليدايراهلي وشدات على فمها).سوسن.هه مزيان باش نجمع لحبايب تانتي الى بغيتي حبيبتك زهرة تبقا مزيان زيدي قدامي.تمشينا انا وفدوى وداتنا للبيت انس ليفجردة دخلات وسدات الباب وبقات واقفة وموجهة المسدس لينا.سوسن.اممم كيحسابلكوم غا تربحوني مستحيل.فدوى.اصلان نتي خسرتي من البداية واش الى قتلتينا غا تربحي.انا.سوسن متهوريش حطي البيسطولي.سوسن.مكيهمنيش خسرت راجلي....

خسرت راجلي ولدي عائلتي كلشي نقتلكوم ونقتل راسي المهم متربحونيش .انا.سوسن متهوريش عافاك.سوسن.اختارو شكون بغات نبدا بيها.فدوى.نتي حقيرة مقدرتيش تقتليها ديك المرة وجاية تحققي امنيتك دبا.سوسن.اخر مرة مكنتش غا نقتلها غا بغيت نخلعها ولكن هي خرجات من الباركينغ انا قلت لحنان غا تجيبهالي للباركينغ ولكن حظها عاتر.انا.كدابة مطلبتيش من الطبيب يقتلني ويعتق ولدي.سوسن.اه ومصاب كون متي كون تهنيت منك ودابا قررت غا نبدا بيك نيت عاد نلحق عليك لوستك العزيزة .الوقت توقف وبدا كلشي كيمر قدامي بحال العرض البطيء سوسن كتبرك على الزناد بالشوية واحد اللحظة معرفتش شنو ليوقع سوسن بركات وتسمعات طلقة ولكن مجاتش فيا فدوى تدخلات وهزاتلها يدها وعطاتها تسرفيقة طيحات من يدها المسدس سمعت لخرين كيغوتو على برا اكيد سمعو صوت اطلاق النار تشجعت وقربت حليت الباب دخل انس وحمزة مخلوعين شدو سوسن وكيستاففسرو على حالتنا من بعدها عيطنا للبوليس فهاد البيت انس داير كاميرة وسجلو الاعتراف دسوسن داوها البوليس تا حنان والسعدية حيث عاونوها عرفت قصتها كاملة من بعد من انس وقضية فقدانها للجنينها بقات فيا ولكن هي مختلة عقليا تقدر تقتل باش توصل لاهدافها دازو ليام وحياتنا تقادات انا مع عائلتي وكنقابل الشركة مع خويا والحمد الله كلشي غادي مزيان تا لنهار ليجانا خبار انتحار سوسن فالسجن حيث حكمات المحكمة عليها هي وشريكاتها بالسجن بقات فيا وبكيت عليها بزاف فجنازتها حضرنا كاملين واخا دارت فينا بزاف كتبقا روح تسد فصل سوسن الماساوي من حياتي وكملت حياتي حاليا راني حاملة بتوااام ههه ريان عندو ثلث سنين كنت بغيت نخليه تا يزيد يكبر شوية ولكن شكون خلاك انس باغي فرقة دكورة ههه هادي هي قصتي قصة عشق الم ومعاناة ولكن فالاخير نهاية سعيدة قصتي سالات اكيد غا تكونو استافدتو منها ياكو متنساوش فقط صفاء النية والخير كيفوز اما الشر والكره عمرو يلاقي قبول مكيانش كلشي مباح فالحب والحرب اولا الضرورات تبيح المحضورات البيض بيض والكحل كحل هاكا طبيعتهوم والشر عمرو يطفرو بوحدو الخير كيفوز فالنهاية😘😘😘

تمت