يامنة الجزء 70

ضار جيهتها ...تجمد من المنضر الي قدامو ...ثاني طايحة والدم نازل ليها تفكر اول مجاها نزيف فاش عرف بالحمل والصدمة الي نزلت عليه ...فاش متقبلش الحمل والي مكانش حاسب ليه حساب ...تفكر اللقطة فاش عطاها حبوب منع الحمل حتى كيتفاجئ بصدمة الحمل ...والنزيف لول الي وقع صراخها والمها وهي كتعصر وتبكي مادا ايديها ليه كتناجيه ...يامنة يااامنة ....ياامنااااا ....ياسيييين ....

مفيقو غير صراخ ايلاف على رجالو باش يجمعو دوك الرجال الي مليوحين وينقيو دنيا ....

يامنة : ف فؤاااااااد اهى اهى عتقنيييييييي عافااااااك ....اععععععننن "كتعض فايديها ودموع شلال من عينيها " ...

فؤاد "كيشوف فيها وجاي لعندها ريقو نشف والمنضر ديالها كتناجيه مخليه مشلول ...فؤاد الي عندو سرعة الرد هاهو الان مشلول التفكير في عقلو حاجة وحدة هي يامنة الي دابا كتناجيه ..." : يامنااا 

يامنة : فؤااااد اهى اهى "مادا ليه ايدها " ...عفاااااك مبغيتوش يموت عفاااااااك ...."طلقت واحد الغوتة حتى ضار ايلاف وشي رجال شافو فيها ..." ...فؤااااااااااااد ....اهى اهى ...

هاد الغوتة هي الي كانت خاصاه حتى يفيق من التفكير ويعرف انه خاصو يطير لعندها محني عليها ضامها ليه ...معقلش على راسو حتى لقاها بين حضنو مكمشة ليه فدراعو ....

فؤاد : ي يامنة مالك ؟ مالك ...

يامنة : عاوني عاوني مبغيتوش يموت عفاك كرشي كتقطع اهى اهى ...عفااااااك ...مبغيتوش يموت الله يخليك عتقنااااااااااااا 

فؤاد : و واخا غزالي واخا ...ناض واقف هازها خاشيها بين دراعو ...كيضور هنا وهنا تالف كيقلب على سيارة وهي راه حداه ...محس براسو تا غوت بغوتة زادت خلعتها وخلاتها تكمش فيه وتزير عليه ....

فؤاد "غوت بصوت مجهد تا قفز ايلاف " : ايلاااااااااااااف ...

ايلاف "مشا لعندو كيجري مشافش يامنة حيث كانت مضرگة جنب طوموبيل كان يحساب ليه غير كتعيط ...تاضار لقاه هازها مكمشة فيه ودم قايس ليه كرشو ..." : فؤااااد "مشا كيجري لعندهم ....ايش فيه ..."خرج عينيه " يا الله ...

فؤاد : وصلنا لكلينيك دااااااااااااااااااااااااباااااا ....

ايلاف : اي اي تمام اركب ورا انا بسوق ...داكشي الي دار حل ليه الباب دخلها ودخل حداها وطار ايلاف موصي راجال وهو كيركب لقدام ....ركب متسناش يدير سانتيغ دغيا طار بيهم مكسيري باقصى سرعة جاب الله كانو فدخلة ديال فاس ....

يامنة "شادة فكرشها بايدياتها بجوج وكتبكي " : اهى عفاك مبغيتش يموت ليا مبغيت الله يحفضك ويخليك خليهم يعتقوه ...ويعتقوني حتى انا باش نولدو ونكبرو انا وياك اهى ..."كتعض فشفايفها ودموعها هوادين " ...ففففففففف امممممم 

فؤاد : ششش مغادي يوقع والو ...رتاحي رتاااحي ...

يامنة : ارا ايدك اراها اهى اهى "مد ليها ايدو وشدتها حطتها ليه تحت كرشها " ...اهى اهى شد معايا هنا لا يطييييح اهى اهى ...متخليهش يطيح الله يخليك الله يخلييييك ااممممم فغغغغغفففف....

فؤاد "موس مسكين تغرس فيه من هاد الحركة حتى غمض عينيه وعض فشفايفو بغا يخبط شي حاجة تقهر حسكاتو بالمزيان عزات عليه ملقا كي ديدر من غير يضغط ويضغط على راسو ويهدنها هي " : و وخا مغايموتش سكتي باش ميوقع ليه والو يامنة الله يرضي عليك ...

يامنة : اهى اهى و واخا هاني صافي نسكت غير متحيدش ايديك باش ميطيحش ...هاني "كتنخصص حتى كتهز وتحط " ...هففففف هننن ...اهى ...

فؤاد : ششش وخاا وااخا ...

مبقاش قدر يتحمل بقا داير ايدو فين قالت ليه باش يخلي قلبها يرتاح شوي معرف ميدير ليها باش يعاونها ملقا غير هاد طريقة يتبعها فاشنو كتقول ليه وصافي ...باش يهدنها حيث حتى الى تهدنت تقدر تساعد راسها ...عقلها بغا يخرج ...مطلباتش يعتق دري بل كان طلبها تعتق تاهي معاه وغير عقلها ومقاليها ...خافت تموت ومتشوفوش بغات تعيش باش تولدو وتربيه وتكبرو معاه ....عقلو بغا يخرج تاهو في صمت ...

غادي بيهم ايلاف طاير لكلينيك ....حتى ...

فؤاد : عيط ليوسف يبلغ طبيبة الي متبعة معاها راه هو عارفها ...

ايلاف : اوك تمام ..."هاز الفون سايق وكيهضر بلغ يوسف بالي وقع وبلغو بشنو قاليه فؤاد ...حط الفون وكسيرا لكلينيك مسافة طريق بسيطة حتى كانو قدامو ولقاوهم كيتسناوهم حيث عيط حتى لكلينيك ...وقف سيارة تتسمع الفران وضارو ناس كيشوفو اصلا مولفين في بحال هاد الحالات ...حل ليه الباب وخرج هزها بين دراعو ....

حتى حطها فوق السرير متنقل ...داوها بزربة وهو تابعها خلا ايلاف وراه حتى دخلو ودخلوها جيهة الحالات المستعجلة ...لقا يسرى واقفة عند الباب كتسنى فيها غير شافتها ومدت ليها ايدها كتناجيها ...

يامنة : عفاااك عتقينا بجوج مبغيتش نموت ونخليه ومبغيتوش يموت ويخلييييني "دموعها منشفوش " ...

يسرى "بقات فيها شابكت ايديها معاها وضغطت عليها " : حبيبة ديالي يكون خير يكون خير ...دخلوها ووجدو كلشي غانحتاج بزرباااااا متعطلوش يلاه تنشرو ....

دخلوها وتم داخل فؤاد كيطل حتى وقفاتو ....

يسرى : الله يخليك غير صبر غاندير كتر ما فجهدي ...حاول تكالما على قبلها وميكون غير الخير ...

فؤاد "هز ايديه لفوق " : هاني هااااانيييي غير طلقي راسك ...متوقفيش قدامي دخلي ...

يسرى : و واخا هاني "ضارت ودخلات سدات الباب بلاكارط وخلاتو حتى تبعو ايلاف وقف حداه " ...

ايلاف : يكون خير فؤاد يكون خير ...

فؤاد "حط راسو عالحايط وهضرتها كتعاود ليه فدماغو مبغاتش تحيد حتى كتزنزن ليه ودنو وهو عقلو مرفوووع ...كيضور ليه فيه غير مناجات يامنة ليه ..." .....

ايلاف مبقا عرف ميدير ليه ميقدرش يهضر ويزيد يهضر ميقدرش يواسيه باش ميزيدش على مابيه ...وعارفو كيبغي يبقا راسو ميهضر معاه حد ولا غاينوض نوضة وحدة ميعقلش على المعقول من التبرهيش 

مركن دابا كيفكر فديك بنت الناس الي لداخل مخدم عقلو بزز باش ميريبش لناس شغلهم وهما معندهم ذنب ....شي ساعة وزايدة وهي لداخل ولا من مجيب شي ساعة وزيادة ونتا يا فؤاد غير ساكت مداير تا رد فعل ...باقي حاط جبهتو على الحايط ممحركش ....

حتى تمو جايين. رباعة كلهم الي فالفيلا ...حتى من باها تاهو جا وباه وكلشي جا ....

يوسف : ايلاف ...

ايلاف "غمزو بعينيه باش يسكتو كيشوف في فؤاد بمعنى هني الوقت ... " : تمام بنستنى ..

جات راوية لعندو شدات ليه فدراعو ...

راوية : اشنو وقع ليها "عينيها مغرغرين " ...

ايلاف "باسها فراسها " : كلشي غايكون تمام جلسو ...و "جرها وقرب لعندهم كيهضر بالحس " ...الوليذ عفاكم بلا هضرة راه مهدن وساكت راك عارف ميحتاج تاحد يهضر معاه الي فيه كافيه ...رجع صدرو كيحرقو منزيدوش عليه ...

الحاج : وخا ولدي وهي مقالو ليكم والو ؟ 

ايلاف : لان ما جا حدا يطمننا ...ارتاحو ...

مصطفى "بحزن " : وهي كي دخلات اولدي ريحني ...

ايلاف : حالتها مو تمام بس نحطك بصورة عمي ...

نجود : ياربي لطف ياااربي دير تاويل دالخير ياربي ريحنا ...

جلسو شي بعيد شي قريب جيهتو اما هو معزووول فواحد الجيهة ...حتى تحل الباب ديال البلوك ديال مستعجلات ...وخرجات يسرى بلباسها وجهها مكيبشرش ملامحها حزينة ...

فؤاد "هز فيها راسو كيشوف فيها مطول كيتسناها ترحمو وتهضر " : يامنااا ...

يسرى : اممم احم "قربو لعندها " ...تعرضات لصدمة وخلعة وتوتر فنفس الوقت البيبي متحملش هادشي وهو جا فواحد المرحلة ديال باقي ليه شهر ونصف تقريبا ويصبح بمفهومنا تيلاد كيتكون بالكامل ...تفرز تقريبا كلو ...تعرض لبزاف ديال الازمات ...على وشك نفقدوه ...

يوسف : كيفاش ؟؟؟ اشنو دابا ؟؟ 

يسرى : احم يامنة نزفات بزاف لواحد درجة حتى عوضناها بالدم والسيروم مقوي من جيه مبقاتش قادرة تحمل باش تعاوننا ...خاصنا وحدة من جوج ...يا نحيدوه يا نتسناوه حتى يطيح راسو وهي غادي تكرفص بالمزيان ...ونصدقو فاحتمال يا نعتقوها يا نعتقوه ...انا فنضري تختارو السهل ...وهو اول احتمال عطيتكم ...

صدمة خلات فؤاد عينيه يوساعو والخبر الي نزل عليه كيتعاود فوذنيه كيسمع داكشي بعيييييييييد بعيد ...بدات حرقة فصدرو ونفس ديالو كيديق ..

الضغط والتوتر والغضب كلشي تجمع عليه ...طاح على وقفتو داك جبل الي ميهزو. ريح دار زدف فوق الكرسي ...كيشوف فنقطة بعييييدة بدون ميرمش عينيه ...

نطق بحلق ناشف وصوت مقجوج مبحوح ... : بجووج بجووووج ...

ايلاف : فؤاد نعل شيطان ...

هز فيه عينيه بنضرة خلات دراري يرجعو بلور ...

صهيب : شنو المعمول مكاين تا شي حل ...

يسرى "يلاه بغات تجاوبو حتى " ...

فؤاد : ق ل ت بجووووووووج "هز فيها عينيه مخنزر بواحد نضرة خلاتها تصرط الريق " ...سمعتي ولا نعاود ...

يسرى "ميلات راسها بحزن " : غادي تكرفص ..

فؤاد : هي بغاتو باغاه مغادي تكرفص والو ...غادي يعيش بغيتهم بجوج باش مكان ...يمكن هادشي غريب عليكم فشكل عندكم ..."سرح ايديه بجوج وعينيه خارجين فيسرى تا بغاو يقتلوها على شكل قرطاس " بغيتهم بجوج ...هضرتي مفهومة ..."ناض وقف على وقفتو وهما كيشوفو فيه " ...لا بغيتو نفهمكم بطريقتي "ضار جيهة ايلاف " ...ساهلة ...

يوسف "عز عليه خوه بزاف ...مشا عند يسرى جرها ودخلها لداخل على انفراد " : يسرى عافاك يقدر يجيك مصدوم ولا ممتقبلش ...

يسرى : راه فعلا ممتقبلش ومصدوم ومن حقو انا معاتبتوش ولكن راه هادشي الي كاين حاولت ما فجهدي ايوسف والله العضيم الى حالات مستعجلة جبت ليهم اطباء اخرين غير باش نبقى معاها كنحاول ووالو ....هادشي الي كاين كل متعطلنا كل متفاقم الوضع ...

يوسف : عارف الي كاين والله ...انا غانهضر معاك بصفتي خوه وبصفتي شخص اخور "قبط ايديها بجوج باسهم وباسهم تا طلقت البشرة ديالها كتشوف فيه ..هز فيها راسو وشاف فيها بعينيه نيشان لعينيها ..." الله يخليك وبحبي ليك وبحبك لاعز مكاين عندك ....

يسرى : يوسف را....مخلاهاش تكمل وقاطعها ...

يوسف : بحياة اغلى معندك بزحمة باك الي عزيز عليك بمعزتي عندك والي بيناتنا ...باعز ما اغلى عندك ...حاول تعتقيهم بجوج ...خويا الي هضرت ليك عليه والي عاودت ليك راه اول مرة كنشوف لمعة فعينيه وبالي باغي يعيش على ود عائلتو اول مرة كيفرح اول مرة يدير 

عائلتو ويتجمع ويدير اسرة صغيرة ديالو فيها مرتو الي كيحماق عليها والي عندو بدرجة لولة ...حتى انه سلخنا على قبلها ...

يسرى"ضحكها " : ههههه ...

يوسف : معرفتش ولكن راه تنقوليك شنو كاين .."قبط ايديها وزير عليهم ...باسها بين عينيها " ....حاولي تعيشيهم بجوج ويبقاو بجوج شوفي كيف ديري ...

يسرى : هي صعيبة بزاف ولكن غانحاول ...غادي نهضر معاها تعاوني حتى هي ...

يوسف : ميحتاجش هي تعاونك منها لراسها ...كاين حل نخليوه يدخل عندها ؟ 

يسرى : يقدر يزيد يازمها ...

يوسف : امم مهم حاولي حاولي الله يخليك ...

يسرى : غادي نحاول ايوسف ولكن منواعدكش ...

غمض عينيه وحلهم وعاود باسها فجبينها وطلقها دخلات لعندهم لداخل وخرج هو لعندهم ...

نجود : امضرا ...

يوسف "تنهد " : يكون خير ...دازت شي ساعة ونصف…بقا فؤاد يضرب بايدو فالحايط ضربات خفاف يضرب يضرب وهما جالسين شي بعيد شي حداه وهو كيضرب يضرب حتى هز ايدو وضرب الحايط بجهد وغوت حتى قفزو ....سارة تخشات فصهيب كمش ليها فايدها كيطبطب عليها باش متخلعش وراوية تخشات فايلاف كان غادي عند فؤاد تا رجع خشاها وراه معنقاه ....

فؤاد : بغيييييييييييت ن دخل ع ن دهااااااااا بغيت ندخل عندهااااا ....

يوسف : وخااا تهدن دابا دخل ...

فؤاد "شاف فيه مخنزر بنص عين " : دااااابااا ...

هز يوسف الفون ودوز ليسرى ....حتى خرجات لعندهم واحد الفرملية رسلتها ليهم ...

الفرملية : راجل المدام ..."جا قدامها فاتها ودخل بلا ميهضر خلاها كترمش هههه ...دخل وتبعاتو حتى وصلاتو لعندها قدام الانعاش واحد البيت خاص ويسرى معاها كتقاد ليها فشي حاجة وتهضر ....حتى ضورات وجهها ...وخرجات لعندو ...

يسرى : كنحاول اخويا والله ...مهم حاليا زاگي معاونة بشحاال من حاجة طبية ولكن مبغيتش منها شي حركة غاتبقى مسطحة بهاد طريقة الي كتشوف "نعتات ليه كانت ناعسة متحت راسها لا مخدة لا والو حدها دايرة ليها شي مخدة تحتها ..." ديك المخدة غير محاولة بيها معاها مبغيتهاش تحرك غير ليوم بعدا ونراقبها تنشوف عالله ...وخاا...

فؤاد "عقد حجبانو كيتسنى تقوليه " ...

يسرى : الجنين سبحان من خلقه متشبت بيها واحد شوي حتى هو مباغيش يطيح هههه عجيب ...

فؤاد "هز عينيه فيامنة الي مرداتش ليه البال كتشوف فسقف وترمش دايرة مسكينة شنو قالت ليها يسرى ممعانداش كتسمع الهضرة وهادشي الي خلاه يطيح فعشقها اكثر ومبدلة فيه بزاف ..." : بغيت ندخل عندها ...

عينيه محيدوش عليها ...يسرى كتهضر وهو كيشوف فيها هي مشافتوش محساتش بيه ...سيروم فايدها من هنا ولاخور من لهيه متصطحة ...

يسرى : هادشي الي درت ليها غير حيلة باش نحاول معاها ...بغيتك تعاوني حتى نتا ...قبل متدخل عندها ...راني مسطحاها وجبت ليها مضربة (ماطلة ) خاصة متسطحة بزااف ...المخدة مدرتهاش ليها تحت راسها ودرت ليها وحدة تحت منها باش نحاولو نهزوه شوي ...طلبت منها متحركش وتبارك الله عليها كتسمع عاونتني ...جلس حداها ولكن متخليهاش تحرك غير هضر معاها عادي ريحها وطمنها ...متضحكش بزاف ومتبكيش ...يعني تكون عادية ...

لان تا ضحك والفرحة راه تاهي كتسبب توتر دونك خاصها تكون جد عادية ...هادي حيلة من عندي بمساعدة طبية باش نحاول معاها ...وفاش ندخل غادي نعاود نوصيها تاني وتنضن غاتسمعو مني وتطبقو شنو قلت ليكم صافي ... خلاتو معاها من بعد توصيات عديدة ليهم ولي كاينين تما من فرمليات جهد شي ساعتين وهي مضاربة معاها وتفكر وتحاول معاها ودوا من هنا ومن لهيه وتدخل سريع وعمل استعجالي ...حتى انها استاعنات بتلاتة الاطباء اختصاصيين منهم جوج اختصاصيات واختصاصي واحتراما لفؤاد عاونها غير من بعيد تاهو وتدخل وعاون ممقصرش من جهدو ...حالتها كانت صعيبة ....

عاد خرجات لعندهم وقفو كاملين عندها حتى طمنتهم ولكن الخطر راه باقي قائم ...

يوسف "بفخر وفرحة فعينيه " : شكرا يسرى بزاف ...

يسرى "ابتاسمات ليه " : الله اودي بالفرحات عليا حتى انا ولكن راه مزال الخطر يعني خاصها تبقى متبعة ...مهم راه شرحت للزوج ديالها ...

مصطفى : يعني هما مزيانين ابنتي ؟ 

يسرى : هاد ساعة شوية منكدبش عليك مزال الخطر ونتمنى منكم دعاء ليهم حنا كنديرو الي علينا والكمال على الله اعمي ...

الحاج : الله يرضي عليك ابنتي ..."شاف فساعة مع كانت الجمعة " ...خويا يلاه نمشيو نصليو ونرجعو منها نلبيو نداء الله لصلاة ومنها ندعيو معاهم ...

مصطفى : ايييه مقلتي عيب ...

خلاوهم تما وخرجو يصليو الجمعة بقا يوسف مع يسرى ولاخرين جالسين حتى شدها من ايدها وجرها وراه خلاهم كيبرقو جالسين تما...

وصلو لعند المكتب ديالها الي تما دخلو وسد الباب من وراه ....جات بغات تهضر حتى لقاتو جارها وخاشيها فحضنو مزيييييررر عليها وخاشي وجهو فعنقها وكيهضر حتى جاب ليها تبوريشة ...

يوسف : نميلتي شكرا بزاااف ...

يسرى "ااااح على تعنيقة داير ليها بقات مشرعة ايديها شحال حتى ولات حطاتهم على ضهرو كطبطب عليه ولداخل ديالها نايضة القيامة " : مكاين لاش تشكرني خدمتي هادي انا درت الي عليا ...هادشي الي درت راه خارج المجال ديالي استعملت حيل تقليدية وصافي غير مخاطرة وتا يامنة عاوناتني ماشي شي وحدة الي كتنقز وضرب ليا كلشي فزيرو ...

يوسف : هذاكشي علاش يامنة ...تي راه العسل ديال الفيلا هاديك مرات شاوينا الكاوينا العاطي ليمانا علاش نضورو ...

يسرى : هههههه ...

فصل العناق وتقابل معاها ...هز ليها وجهها من ذقنها ...حتى استقرو عينيها مع عينيه مباشرة ...

يوسف : شفتي هاد الولد الى كتاب ليه يعيش ؟ 

يسرى : ان شاء الله ...

يوسف : وشتي نتي الى طلقتينا لفراجة وعطيتينا الموافقة نعماس ...غانديرو شكلي فالعكلي ونضرب الكحل فكاع اللوان غاندوزو ليالي حمراء وصفراء وخضراء ...غادي نمرتك نمحنك ...

يسرى "خرجت فيه عينيها " : يووووووسف 😳 اويلي اش كتقول ...

يوسف : باش نجيبو بنية زوينة ...واخدة مني ومنك ونزوجوها ليه خهخ ..اش بان ليك ...

يسرى : اولا باقي الولد فمرحلة الخطر لا هو لا مو ...ثانيا باقي مقلتش ليك اه ...ثالثا الى قلت ليك اه وولدنا بنت شوف الولد واش غايبغيها ولا لا ...شوف هي واش غاتبغيه ...واش باه غايبغي ..واش هما غايبغيو بعضياتهم ...

يوسف : تي راه بنتي هادي الى مبغاها غايلوح راسو من سطح ...

يسرى : وكتقول ماما واحد المثل تا يزيد ونسميوه سعيد ...

يوسف : تت غاتزيد ونسميوها مينة ...

يسرى : مينة "بتفكير " اسم ماماك ...

يوسف : ههع اه ماما ههههه وي اسم الوليدة ...

يسرى : الله يرحمها ...احم يوسف "حطت ايدها بحركة جريئة منها فوق ايدو حتى هبط عينيه لناحيتها " انا درت الي عليا ...كيبقى هي خاصها تكمل شنو وصيتها ...

يوسف : وشحال غاتبقى هي هكاك ؟ 

يسرى : معرفتش بعدا من هنا لغذا نشوفو عاد نعطيها وقت غالبا غاتبقى عالاقل شي اسبوعين غير تيشد ... وهي متصطحة ...حالات كتيرة كتجينا فحال هاكا ...

يوسف "غمض عينيه " : بففف مدة طويلة ...

يسرى : الى بغات تحافض عليه ...عندها اربع شهور دابا حتى انه تفرز ...

يوسف : شنو عندها ...

يسرى "بابتسامة " : ولد اسيدي غاتولي عم ولد هو اللول ...

يوسف "بفرحة " : البكر ديال عائلة رمسيس عهههه اييييه ملي يكبر غايوليو يحسبو ليه حساب فحال باه واحترم من الكبير صغير "عض شفايفو " هههه ...

يسرى : ان شاء الله ...

يوسف "شاف فيها حنحن قبل ميزرب عليها باسها جنب فمها بزربة خرجت فيه عينيها " : سكتيييييي محدك كتعطلي وانا كنزيد ...مرة جايا في فمك ... نخطبك باش نمغطك ...

يسرى : اشنو ؟؟؟؟ 

يوسف : والو والو ...

يسرى : انا نمشي نشوف يامنة ...

يوسف "باسها فراسها " : وخا ...شكرا بزاف يسرى ...

ابتاسمت ليه ومشات ....

من بعد ما شرحت ليه ووصاتو ...فؤاد "غمض عينيه وحلهم بمعنى وخا .." ...

طلبات منو يتبعها دخلات لعندها ودخل حتى هو غير شافتو يامنة مدات ليه ايدها مشا لعندها بزربة شد فيها وجلس حداها ...اما يسرى عاودت وصاتها واكدت عليها عاد خرجات خلاتهم بزوج ...

يامنة : غادي يعيش ...

فؤاد : غادي يعيش اغزالي ...

يامنة : ههه ...

فؤاد "باسها فناضرها بوسة طوييييييلة حتى استنشق عطرها عاد هبط قابل وجهو مع وجهها ...احمرت خجلا من نضرته لها كالعادة حتى فمرضها تخجل " : ششش علاش حشمانة ...

يامنة : لاا ...

فؤاد "دوز بصبعو على حناكها " : هادو مالهم ولاو هاكا حمرين ...

يامنة "كترمش فيه " : م ماعرفتش ...

فؤاد : باش كتحسي ...

يامنة : والو ..."حطت ايدها على كرشها " كان فيا وجع خفيف دابا كيمشي ويجي ...

فؤاد : عرفتي علاش ؟ 

يامنة : لا معرفتش يمكن غايمشي ...

فؤاد : لااا ...حيث "حط ايدو على كرشها كيدوزها عليها حتى هبط باسها " ..حيث السبع كيقوليك انا مزال هنا معندي فين غادي ...حيث كيقوليك الوليدة تهلاي فيا وخليني نكبر باش تشوفي عينيا وتمتعي بشوقك ليا فيا ...ونكبر ونولي راجل ونربي خوتي مع الوليد ونتبع خطا جدي مع با ...

يامنة : بصح "بعينين لامعين " ...

فؤاد "باس كفوف ايدها دفن فيهم وجهو بقبل متتابعة " : بصح اغزالي ...صبري وزيدي فصبرك وكولشي غايكون كيف بغيتي وحسن ...

يامنة : مبغيتوش يموووت "صوتها بدا يتنغنغ " ...

فؤاد "حط صبعو على فمها " ...ششش شنو هضرنا ؟ شنو وصيناك ؟ زعما نتي صبارة وكتسمعي الهضرة وهادشي من سباب الي خلاتك تكوني مراتي وعمارة داري ومن سباب الي خلاتني نبغي ولدي منك وكنتسنى نهار الي يخرج لدنيا ويحل عويناتو فينا ...باش تولي جنة تحت اقدامك وتولي مولات رضى على ولادك ...

يامنة : و واخااا "صوت رقيييوق " ...

فؤاد "بدا يماصي ليها فشفايفها قبل ميتحنى عليهم واخذهم بين شفايفو فقبلة حنوووونة جدا قبلة دافية ...خفيفة وثقيلة كيف ثقل طبعو ...فصلها شوي وعاود قبلها ثاني حتى ترخااات ...عاد فصلها شاف فيها بعينيه الي مزال حمرين لداخل ديالو راه العافية شاعلة من جيهة داني ولكن مصبر راسو 

وضاغط على راسو ومبين الوجه الحنين المطمئن باش ترتاح ومتوترش وباش كلشي يدوز كيف بغاو ...ضاغط على صحتو على حساب راحة مرتو وولدو الي كيصارع باش يبقى ويكبر ويخرج لحياة " : ارتاحي دابا ...تفاهمنا ؟ 

يامنة : متمشيش ...

فؤاد : خاصك تبقاي وحدك تغمضي عينيك وتنعسي فاش تفيقي غادي تلقايني ...شنو تفاهمنا دابا وشنو وصاتك طبيبة ؟ ...

يامنة : وخا غادي ندير داكشي الي قالت ليا بالحرف ...

فؤاد "باسها فراسها " : هادشي الي بغينا اغزالي وراحة بالي ..صبري باش يكبر وتحسي بيه تقلب هنا وتولديه ونتي كتشوفي فيه ويحل عويناتو عليك ...وتاهو الى حس بيك مرتاحة غادي يرتاح ويصبر ..."حط جبهتو على جبهتها ونطق " ...ولد باه راجل 

غايكبر طبعو مثني على طبعي ...غايحسبو ليه الف حساب ويشرف باه ومو ...

يامنة : باش عرفتيه ولد ...

فؤاد : حيث ولد وحيث راجل متشبت باش ميمشيش والى عاونتيه غايبقى ...والرجلة غادي تكبر فيه حتى يتزاد ويقلب على رضى من واليديه ..."باسها في فمها " ...غادي نسميوه ياسين ...

يامنة "ابتاسمت ليه مع فمو في فمها " : ياسييين ههههه ..."حتى غوبشات وزيرات ليه على ايديه " ...اااااه ...

حدقات عينيه وساعو وتوقفو رموشو على ترماش ...بخوف هز راسو فيها بقلق ...شنو مالك ؟؟؟ 

يتبع...