هازال:: خطفوني 😭 هادو هما للي قتلو هداك للي درتوني قتلتو سي الحفيظي
انور:: شنووو
هازال:: ماتو ولا لا راه تفركعت لبلاصة كلها
انور:: لا كانت جثة ديال لمراءة خرا هازال هازااال
كانت داويا حتى سخفت بين ايديه هزها وبقا غادي بقا كيمشي بين الشجر حتى خرج للسيارة ديالو حطها وزاد طريق كلها وهو كيفكر فين غيديها دار عندها ايشوفها بانليه تيشرت جهة كرشها كلها دم وقف فالجنب طلع تيشرت بانتليه جرحة مفتوحة وكبيرة شوي ضرب فالكيدون وتحرك اول صيدليو هبط خدا كاع شنو غيحتاج ومشا مجا فبالو غير دارهم مشاتماك طلعها حطها فبيتو مشا للكوزينة دار الماء ايطيب مهم وجد كلشي ودخل عندها مسح الجرحة بفوطة بعد مخشاها فداك الماء وخيطها ليها ناضت كتنين بالالم لكن بقا معاها حتى سالى عاود نظف الدم للي خرج وغطاها ليها بفاصمة ومشا للجرحات للي فوجها وايديها ورجليها كلهم داواهم ليها ومشا اوجد ليها متاكل ....... ونرجعو لفاش مشا خرج وخلاها ناضت بشوي بقات كتشوف فالبيت عرفاتو ديالو غير من تصاور يالله غتخرج بانتلها تصويرة مقلوبة جات تقادها
هازال:: !!!!!!!!!! هدا 😳 ارتوك؟؟؟ شنو ...شش..شنووو كيدير ارتوك هنا مع انور و (كتدور عينيها فالغرفة شوي خرجت من تماك شادة فكرشها وعينيها خارجين عقلها خدام فكاع لبلايص مافهمت والو حلت بيت كان ديال واليدين انور وكانو حتى تماك تصاور ارتوك وانور حيت متبدل فيه والو خرجت مداك البيت كتترعد ودخلت للبيت لاخر وكان هو ديال ارتوك بقات كتشوف فالتصاور ديال الاخوة بزوج ومفاهمة والو او نقولو ترجمة هادشي بحاجة وحدة) كان كيكدب عليا ؟ هو هو اكيد كيكدب شنو كان باغي منني هو خوه بوليسي يعني يعني ماشي فالمنظمة يعني ماشي من المنظمة اكيد اكيد حيت كون كان منها مغاديش ادخل للبلاد عادي ياك اه اه ميمكنش وميمكنش ادوز ليه انور كلشي هكاك حيت بوليسي 😭😭😭😭 غنتصطا شنو ممكن ايكون شنووووو ........
شدت راسها وجلست فوق السرير باغا تفهم وباغا شيحد اوضح ليها هادشي بقات جالسة كتتسنا فانور ..... انور كان مشا عند مروان ....
مجاوبهاش كان قلبو كيخبط ماشي كيضرب حيت فرح راها بيخير ومواقع ليها والو وبللي كلشي هو هداك جرجراتو هاد المدة كلها وكان باغي غير اطمن عليها تنهد ورجع شد طريقو للدار غير وصل لتحت شاف الساعة كانت نص الليل رسل ميساج لباه بللي مغيباتش فالدار ميتشغلوش عليه ودخل مشا اطل على هازال ملقاهاش فالبيت خرج عينيه دور راسو بنظرة تشكيك مشا لبيت ارتوك وكيما توقع كانت جالسة وعينيها منفوخين بالبكا هازال فهمت بللي ارتوك كان كيوصل خبارها لانور وبللي باغي غير استغلها وصافي
انور:: هازال؟؟؟
هازال:: (شافت فيه وجلست بشوي) شنو تالين كنتو باغين تخبيو
انور:: اشغنخبيو
هازال:: بلاما دير فيها بريء ارتوك خوك
انور:: اه علا مقالهاش لك
هازال:: انوااااار
انور:: 😠 متغوتيش
هازال:: هو معاك فالبوليس ياك ومصيفطينو اراقبني ياك واجيبلك معلومات عليا ودرتو داك الفيلم باش تعرفو شكون قتل الحفيظي
انور:: اشكتخربقي اشكتخربقي ارتوك ماشي من البوليس انا للي بوليسي
هازال:: وشنو كيفسر موضوع اخوتكم علاش خبيتو الموضوع
انور:: ماخبيت والو ميمكنش ندوي على واحد تخلا على عائلتو سنين هادي بدون سبب
هازال:: كيفاش ؟؟؟
امور:: (تنهد وجلس فالمرسي للي حداها) كنا صغار هو كان يالله وصل ل ١٨ عام من تماك وهو خارج على الدار كان كيعيط مرة فشحال بحجة كيقرا برة فين تاحد فينا معارف وشوي بشوي حتى تقطعت خبارو الوليدة كانت سادة على راسها وباغاه غير هو حتى من هنا لهنا عاد رجعت طبيعية
هازال:: و ... ووقتاش شفتيه
انور:: نهار شديتك فاليمن تلاقيتو وصدمتني معاملتو ليا وكيفاش مرمشش ومفرحش لشوفتي ولا سول على واليدينا من تماك وانا كنعتابر راسي بدون اخ ... هازال انا عاونتك بنسبة كبيرة على قبل بهار والنسبة للي بقات حيت شكيت فموضوع الحادث وعرفت معندك ايد فيه باغي نعرف كلشي
انور:: كوني هانيا رغم كلشي كيبقا من لحمي ودمي وميمكنش نآديه حيت واليدية غيتآداو فالدرجة الاولى
هازال:: سميتو ابو عبد الرحمان
انور:: لا منين جبتي هاد السمية هو سميتو ارتوك !!!!!!!!....
هازال عوداتليه من الاول على حياتها كيفاش عاشتها وكيفاش دخلت لداك لحرام بسباب مصطفى وكيفاش تلاقات الحفيظي وكيفاش خطفوها وبغاو اتعداو عليها وحتى تفاصيل وصولها للكتيبة وشنو وقع فالكتيبة من الاول للاخير ......... وجات لفاش تزوجو هي وارتوك وكيفاش الرئيس صيفطها للمغريب وحتى فاش تلاقات بالعصابة وتفكرت هضرتهم فاش كانو كيدويو ونطق البوص
""البوص:: بغينا نعرفو غير شنو عارفة علينا من داك الحفيظي قبل منقتلوه ""...... هكا عرفاتهم هما للي قتلوه
انور:: هممم عاقلا عليهم
هازال:: والا عمرني ننساهم
انور:: غنجيب صديق غتوثفيهم ليه وهو غيرسمهم غنجيبلك نقاب باش ميوقع تاشي مشكيل و (شاف عينيها) وليلونتي طبعا
هازال:: دويتي مع بهار
انور:: اه علمتها باش تطمن وغدا فاش اعطيوهم الجثة متبينش
هازال:: نتمنى ادوز كلشي مزيان .......
نمشيو عند ارتوك للي مشا لدارهم بعد مخدا المعلومات من قسم الشرطة تكا فسريرهم وبقا شاد مخدتها ودموعو سايلين مامتيقش صافي مغتكونش حداه صافي خسرها بسباب طمعو هو بقا سهران كيفكر ومقادش انعس وعارفها مابقاتش فحياتو وهزال بعد مامشا انور لبيتو بقات كتفكر فشنو كيدوز عليها والحياة شنو مخبيا ليها اما انور فعقلو مع بهار وصوتها باقي فودنو والميساج جابدو فالتلفون كيقرا وايعاود ......... الكل بقا سهران حتى لوقت متأخر بلا قياس عاد غفاو ....
جا صباح جديد بهار جالسة حدا مها للي عينيها كيشوفو غير فالسقف بدون حراك او كلام وجداها جالسة كتقرا فالقرآن وتدعي ربي اصبرهم الجثة جابوها ليهم حتى لفاس استالمتها بهار ومشاو دفنوها........
هازال باقا فالدار كتتسنا انور للي خرج صباح اشري شنو غيخص هازال لكن قبل مشا عند مروان وخلاه ابين براءة لئيل حيت عندو شهود بللي مكانش تماك والايام للي تخطفت فيهم مكانش فالمغريب اصلا ........ سالا ورجع عند هازال عطاها المعدات مللي جا الرسام لبست داكشي وجلست قدامو وانور حداهم كتوصف ليه فالبوص هو الاول عطاتو كاع الملامح حتى من الضربات للي كانو فوجهو عطاتهم ليه وطلعو فالرسمة هو نيييت على حساب تأكيد هازال للي غير شافتو بكات وبقات على انور هو والله حتى هو هدا وهو كيهدنها وأجل لوخرين للنهار اخر حيت خصها الراحة .....
ارتوك كان حدا لبحر جالس حتى تاصل بيه جعفر للي كان معاه لبارح فالمركز
اتور:: وي
جعفر:: ارتوك ماشي هداك هو للي قتلها
ارتوك::!!!! شنووو
جعفر:: وي راه عطاو ادلة على براءتو مكانش فالمغرب فاش تخطفات ونهار الانفجار كانو عندو شهود
ارتوك:: وشكوووون لللي قتلهاااا وشكوووون خطفهاااا من الاول
جعفر باقين كيبحتو راه الجثة رسلناها استالمتها ختها (شاف فساعتو) غيكونو دفنوها
ارتوك:: شنوووو راااه انا للي راجلها اشكتخرااااو فاااااك صافي قطع قطع ...... ناض هز الطوموبيل وباينا الوجهة لفين ...... شد طريقو لتماك وهو حالتو باينة مقهوور اصلا مللي سافرت ومظهرو كيتراجع وباينا فيه لعيا .....
بهار كانت دغنتها ورجعت للسبيطار خرجت مها من تماك داتها للدار معرفت متدير خلات حتى خخرجت جداها ومشات حدا ودن مها
بهار:: ماما هازال مماتتش اماما ميمكنش تخلينا راه تاصل انور وعلمني بللي حية عارفاك مغتيقيش حتى تشوفيها المهم متستسلميش عافاك حتى تبان براءتها وغتبان اكيد ...اكيد مخبيا على قبل القضية والى عرفاتك هكا مريضة مغتبقاش على راحتها (دموع مليكة سالو ) متبكيش غير قوي راسك غنتبعولك دواك وصحي اماما عافاك انت نور حياتنا الوحيد متطفيهش لينا انت هي سندي انا وهازال متخليناش فهاد الوقت (تنهدت) ارتاحي دابا انا غنمشي نرتاح ليا شوي .....
ارتوك طريق كلها وهو كيغلي معطاوهش فرصة ايشوف حتى جثثها كان سايق بسرعة كبيرة وصل للفاس وشوي وصل لحدا دار عائلة هازال سمع القرآن وكيبانلك ناس داخلين وخارجين كيعزيو من الجيران وبعض من العائلة دخل ارتوك وكاع العيون توجهت ليه طبعا شاب دو بنية رياضية رائعة ووجه وسيم كيلفت انتباه لكبير والصغير كان داخل عاقد حواجبو وكيدور راسو تماك حتى لمح بهار جالسة كانت معصبة من هاد التمتيلية للي دايرين مكاتجاوبهمش هما احسابلهم صدمة انها مكدويش معاهم لكن غا شافت ارتوك ناضت دغيا جراتو لبيتها .........
عند هازال كانت فالبيت جالسة وعقلها خدام لمئة جهة حتى دخل انور
انور:: اجي تاكلي
هازال:: مافياش
انور:: عندك دوا خصك تاخديه اهازال
هازال:: انور كون غير جبتي داك الرسام
انور:: علاش
هازال:: خصني نعطك المواصفات باش الى تشديت ولا الى لقاوني وقتلوني تكون عرفتيهم
انور:: 🤨 علاش هاد الهضرودة دابا
هازال::(ناضت وقفت قدامو) انت معارفش هاد الناس كيف دايرين اانور راهم قتلو واحد قدام عينيا كيفاش مات معرفتش انا كان واقف حتى طاح ومامعانا تاحد ممكن فأي لحظة اديروليا بحالو
بهار:: ارتوك عافاك خليك بعيد هاد لوقيتا راه الى كانو مراقبينك دوك للي خدامين معاهم غادي اعرفوها عايشا هضر مع انور وبقا بعيد عليها
ارتوك:: غنحاول غنحاول ماماك عرفات
بهار:: 😔 ماما تشلات
ارتوك::!!! شنوووو
بهار:: اه فاش جيت كانت ساققت لخبار وغيبت داوها لسبيطار ليوم جبناها وهاهي فالبيت للي حدايا قلتليها راها عايشا لكن باقي كيف هي
ارتوك:: اجي خليني نشوفها ...... سبقاتو وهو وراها حلت الباب دخلت وخلاتو تبعها سدت الباب وقربت مليكة حلت عينيها وغير شافت ارتوك عينيها دمعو هو بقات فيه وعارف الى هازال عرفات غتحماق هبط باس راسها وهز ايدها باسها
ارتوك:: خالتي هازال عايشا وغيجي نهار للي اتقاد فيه كلشي وغتجي تشوفك (سكت وايدو كتدوز على راسها) مغيعجبهاش الحال الى شافتك هكا غتكعا وغتحمل راسها مسؤولية هادشي حاولي على راسك تبعي دواك وتعالجي بيما رجعت هازال ...........
وقف عاود باس جبهتها ابتاسم ليها وخرج وصا بهار عليها خدا من عندها نمرت انور وشد طريق وهو عكس كيف جا فرحان غادي وكيضحك كيف لهبيل ......
انور كان عاود لهازال كلشي ومخباش عليها على امل هي للي غتعاونو
هازال:: تقبتي لوراق كلهم
انور:: عارف
هازال:: شفتي انا نعاير ارتوك دلبا مغيعجبكش الحال واخا كاعي مننو (بقا غير كيشوف) انا ختها خايبة ولا زوينة كنبقا ختها مكانش خصك تتصرف هكاك وبهار راسها حجر صعيب تلين ليك
انور:: عارف وجربت
هازال:: وباقي كثر اانور متخلينيش انا عائق هاد العلاقة انت باغي بهار ماشي انا انت عارفها هي مزيانة وحتى ماما وجدة يعني غتعرفها منهم راها مربية مزيان
انور:: نو انا مقاصدش راك اففف هازال كيدوزو قدامي حالات مختلفة ومتنوعة واغلبية لبنات للي كيتشدو كيكونو رغموهم عارف هادشي لكن خدمتي محتمة عليا نشك فكلشي وانا حسيت براسي مشموت مللي كنتي بن ايدي وهربتي وجوج مرات نهار الحادثة وفاليمن ومنكدبش تنيرفيت مللي عرفتكم تزوجتو ماشي حتى على قبلك لكن على ود ارتوك حسيتو عايش حياتو بلاما اتسوق لباه وممو للي كيخممو غير فيه
هازال:: انت معارفش شنو داخلو ا انور داك العالم للي عايش فيه راه انسيك راسك ماشي غير واليديك حيت كتكون باغي تعتق غا راسك وديرليهم كلشي للي بغاو شفت انواع لحوايج تماك متخايلش شحال تعدبت تماك انا معارفاش كيفاش ارتوك كان كيغتاصب تماك وكياخدو بنات امارسو بفففف داكشي مقرف لدرجة كتبقاش باغي تعيش انا مابقيتش عارفا ارتوك شكون ولاش هو تماك وكيفاش خلا عيشتو للي مزيانة هنا ومشا لتماك
هازال:: واخا .... ناضت للبيت كتلبس انور دخل الولد جات هازال وبدات كتوصف فالراجل للي مغا البوص شي ساعة وهما جالسين عليه حتى ترسم وأكدت ليهم بللي ملامحو صحاح ودازت للشخصية للي مخفية ومابايناش ومامعروفا عند تاحد بدات كتوصف فالملامح بأدق التفاصيل كان رجل خمسيني وسيم باقي شاد فراسو واخا شارف وصفت حجبانو المعقودين وحركة اليد للي كيدير فاش كيهضر كانو متبعين معاها حتى سالاو وهز الرسام الورقة بانوليك عينين هازال من الخيمار ضاحكين وكتقولو اه هو هدا جبتيه لاصق وملامح انور للي مصدوم وممتيقش شنو كيشوف قدامو بحركة بطيئة خدا الورقة وكيتمعن فيها كرز على ايديه كيغمض عينيه واعاود احلهم مابغاش ادخل لراسو بللي هاد الشخص متورط فهادشي كللو .....
انور:: ميمكنش ...!!!!!
هازال:: مالك
الولد:: سمحو ليا غنمشي (خرج)
هازال:: انور واش كتعرفو (حيدت الخيمار
انور:: عمي!!!!!
هازال:: شنووووو
انور:: اه عمي ا هازال عمي وخدام مع البوليس مفهمتش انا مفهمتش كيفاش دار هادشي واش متأكدة هو
هازال:: اه عاقلا عليه ومزيان ا انور حيت كلهم كانو كيرجفو مننو كنت كنتسناه ايجي اقتلني
انور:: ميمكنش اقتلك وهو عارفك مرت ارتوك
هازال:: !!!!
انور:: لكن كينا شيحاجة ماشي هي هاديك
هازال:: شنو هي
انور:: معرت معرت اهازال دخت خصني ضروري ارتوك
هازال:: لاااا ماباغاش ارتوووك ايشوفني
انور:: حاصو اعرفك عايشا
هازال:: اعرف لكن ماباغاش نشوف وجهو مرة اخرى انا وارتوك سالينا
انور:: واش هادشي غير حيت عرفتيه حويا
هازال:: كانو عندي شكوك كثيرة ا انور ودابا توضحو هو تزوجني غير على قبل مصلاحتو باش نتيق فيه ونبقا نعاونو اوصل لشنو باغي وانا كيلهبيلة احسابلي باغيني بصح مي مزيان باقي مدرنا فااطاجين ميتحرق اصلا من مصطفى كان خصني نعرف راه كلكم جنس واحد
انور:: هازال ر...(تلفونو كيصوني) بلاتي ...الو
ارتوك:: الو انور
انور:: 😳 ارتوك؟
هازال:: !!!!
ارتوك:: وي صافا
انور:: 🤨 الحمد لله و انت اشجانا حتى تاصلتي
ارتوك:: كيكون تلفوني مراقب انا وقفت عند حانوت كنتاصل
انور:: 😏 عرفتيها عايشا
ارتوك:: امم
انور:: حيت عمرك خاطرتي على قبلنا حنا للي عائلتك مهم هي ماباغاش تدوي معاك
قطع عطا التلفون لمولاه وزاد ركب فسيارتو كمل طريقو ....
بهار حاولت تتماسك قدام الناس مرة مرة كتدخل عند مها تشوف شنو خاصها وترجع تجلس تبقا ساهيا كتفكر فشنو كتعيش ختها من جهة و مها من جهة وانور من جهة اخرى حطمها بديك الكلمة للي قال لكن مللي عرفاتو عاون ختها حست باحساس اخر فرحت واخا باقا شيحاجة مهرسة فيها لداخل ... باغا غير وقتاش ايدوز الوقت هادو امشيو وتهضر مع انور باش تشوف ختها ......
انور بقا فالصالون جالس وككيفكر فهاد المصائب للي كتنزل عليه كل مرة وحدة مشكيلتو مع بهار زيد عرف خوه مع هادوك وكملها ليه عممو الحاجة لمقادة للي وقعت هي انه عرف هازال بريئة ..... بقا جالس حتى غفا مدازش بزاف ديال الوقت حتى سمع الدقان ناض طل من العين دالباب بان ليه هو احل وسد دغيا
انور::(مخنزرين بزوج) تأكدتي تاحد متابعك
ارتوك:: وي مأكد حتى التلفون طفيتو
انور:: مزيان
ارتوك:: فين هازال
انور:: فبيتك ناعسا مي اجي ندويو
ارتوك:: لا نشوفها بعدا ونهضرو........
خلاه واقف ومشا لبيتو حل لباب بشوي وقلبو كيضرب بانليه شعرها هكاك مليوح فوق سريرو قرب بشوي وريحتها جاتو فنيفو غمض عينيه وزاد قرب شافها وقلبو زادو دقاتو قرب طبع قبلة فكتفها وهي حست بيه وتخلعت دغيا ناضت
هازال:: (قفزت وشدت على الضربة وعينيها خارجين ) هااااء !!! ارتوك اووف (كتتقاد فالجلسة) اشكدير هنا
ارتوك:: اوكي (دار عند انور) خليها تخرج انا جالس برا نهضرو ونمشي نق... فحالاتي (خرج)
هازال:: دايرها قد راسو وكيتنفخ
انور:: ارتوك من النوع للي ماكيحزرش بزاف دالمرات هضر معاك بشوي وانت هزيتي نيوغك للسما وا شوفي كيفاش تحليها زيدي (خرجو عندو للصالة كان جالس على السداري عاقد حواجبو ضم ايديه لبعضياتهم وكيشوف فالارض جلسو حداه وبقاو ساكتين حتى دوا ارتوك )
ارتوك:: مللي كنت صغير وانا حلمي نكون بحال عمي فالبوليس كانو كاع لي جو les jeux ديولي اسلحة وقنابل ومينوط فكرة دخلت لي لراسي من صغري وبقات وحتى عمي كان كيحفزني الوليد والوليدة مكانوش كيآنسيستيو على هادشي مخلينا على خاطرنا انور كان كيقوليا ديما غنكون بحالك وللي شافني كنديرها كيديرها مللي بديت كننضج الوليدة ولات رافضة الفكرة خصوصا بعد حوتدث الانفجار للي كيوقعو وكيموتو فيهم حتى البوليس مللي طلعت للثانوية وعمي بدا كيديني معاه لبلاصة التداريب ومن تماك وهو كيدخلني نتدرب معاهم وكل ويكاند كنخرجو فالصباح نترينيو المهم كان مواضب على هادشي وليت جاهز فضرف عام لكن كنت باقي موصلت للسن القانوني هادشي علاش بدا كيدربني على حوايج اخرين وليت كنعرف نتجسس على المكالامت وونهاكي وبزاف دالحويج لبي غينفعوني على قولو طبعا وهادشي كللو بلا خبار الدار
هازال:: يعني انت بوليسي
ارتوك:: تقريباة
انور:: هادشي علاش كنتي كتغبر
ارتوك:: اه ومكنتش نقد نقول شيحاجة كنت مواعد عمي
انور:: مي علاش غبرتي
ارتوك:: نهار ساليت الوطني جابليا عمي النتيجة قبل كلشي فظرف يومين بعد الامتحان كنت نجحت وهكا قالي خصنا ضروري نسافرو وضروري غتسلم مهمات انا مع الفرحة مفكرت فوالو وافقت وهو بقا مع الدار حتى قبلو على اساس غنكمل قرايتي برا ونيت مشينا لامريكا وتماك لديت مرحلة اخرى ديال التداريب حيت ماشي بوليسي عادي انا من المخابرات بديت بمهمات صغارين وكلهم نجحت غيهم وهكا بداو كيصيفطوني كل مرة لدولة كنت على تواصل مع عائلتي لكن بعد تلت سنين جا الوقت للي غيصيفطوني لهاد المنظمة ..... دخلت على اساس واحد شفروه كيف الكل بداو كيدربوني انا بينتليهم بللي عارف داكشي كنتبارز مع الزعماء وكنغلبهم مخديتش وقت بزاف باش وليت منهم كاع المعلومات كنعطيهم لعمي لكن ديما كيوقع مشكيل وكينجحو فالمهمات ديالهم
انور:: لكن هادشي ميبررش غيبتك
ارتوك:: فاش تمشي تماك وتشوف دراري صغار كيتغتاصبو قدامك ومراوات هكاك كيتلاوحو من عبد لعبد غتولي تفكر غير فكيفاش تنقدهم كاع المعلزمات كانو كوصلوني عليكم كنت عارف كلشي لكن مكنتش نقد نخاطر ونجي عندكم حيت هما حاطين فبالهم عائلتي فامريكا ماشي هنا وعائلتي ميتين
انور:: وراه بحالا ميتين بالنسبة ليك
ارتوك:: 😡 واش احسابلك دازت ساهلا عليا هاد المدة اانور كنت كنموت كل نهار وكل نهار روح كتكون بين ايديا وخصني ننقدهها
هازال:: تنقدها؟
ارتوك:: اه دوك للي كيقولولك قتلتهم لا انا كنصيفطهم لخلدون وهو كيصيفطهم لواحد الملجأ فيه غير لمراوات والدراري صغار للي عتقتهم !!!!!!!
هازال:: كيفاش؟؟؟
انور::!!!!
ارتوك:: دابا غير قوليليا انت مغتاصبتكش ومقربتش لك وغنقرب لدراري صغار
ارتوك:: مللي تخطفت هازال كانو حابسين خافو ليكونو البوليس وراها مي دابا كينين عمليات واهم وحدة هي ديال الالماس
هازال:: الماس؟
ارتوك:: وي الى كانت شي ضربة صحيحة كيشفرو علاه منين جاهم دوك الطوموبيلات والاسلحة كلشي سرقة كيصيفطو للي اسرق يا الماس يا ذهب يا فلوس اي حاجة غاليا وتعيش داك القوم كللو كيسرقوها ومرات كيسرقو الاثار وكيبيعوه ل للي كانو باغين اشفروه باش اربحو
انور:: يعني منظمة فيها داكشي متنوع خطف اغتصاب قتل سرقة للي تشد منكم عندو مؤبد
هازال:: !!! كيفاش
انور:: علاه انت كتسناي تدوزي غا هكاك تانتي من المنظمة يعني حتى انت الحبس واخا تتحيد تهمة قتل الحفيظي غتبقا تاع هاد المنظمة خصوصا انك زعيمة كيف قلتي
هازال:: ارتوك؟
ارتوك:: امم عندو صح وهادشي علاشش مكنتش باغيك تدخلي ليها لكن انت راسك قاصح غندوي مع عمي ايشوف كيدير ليك
انور:: غتدوي مع ق.... لا؟ 😡
ارتوك:: انور جمع فمك 😡
هازال:: ارتوك عمك سباب هادشي كللو
ارتوك:: شنووو اشكتخربقي انت مكتعرفيهش
انور:: لكن انا كنعرفو ارتوك انا مجيتش وعاونت هازال تأكدت راه كينا ان فالقصة وتأكدت راه معندها حتى علاقة بموت الحفيظي وهي للي وراتني العصابة للي تابعاها والواعرة هو رئيس العصابة
ارتوك:: عرفتوه
انور:: هو عمك
ارتوك:: اشكتخربق
انور:: (عطاه الصورة) هاك هدا شكون
ارتوك::!!! عمي
انور:: وهو سباب المشاكيل ا ارتوك
ارتوك:: كيفاش عرفتوه
هازال:: (تنهدت) انا للي وصفتو ليهم حيت (عاودت ليه ) شفتو وعاقلا عليه عمرني ننساه كانو خايفين بلا قياس مننو انا احسابلي مات فالانفجار للي وقع لكن ماتت غير وحدة معرفت منين جات
ارتوك:: لا لا ميمكنش يعني هو هو معاون مع العصابة
انور:: والعالم الله شنووباقي مخبي
ارتوك:: (ضرب ايدو مع الطبلة) مييييرد
هازال:: متقوليه والو اارتوك
ارتوك:: ميمكنش نخاطر بيك ونهضر
هازال:: 😳
انور:: خصك ترجع للمنظمة وتكمل خدمتك هازال هاهي هنا مرتاحة
هازال:: اوكي بونوي ...... ..... تخشات فيه كثر وهو كرز عليها بقاو هكاك حتى نعسو ........
الغد فاق ارتوك هو الاول بقا حداها وكيشم ريحتها عارف فراقهم اقدر اطول هاد المرة تاني بقا مدة هكاك حداها عاد ناض غسل توضا صلى وخرج للكوزينة وجد لفطور هاد المرة لتلاتة دالناس وكيوجدو وهو فرحان كثر حيت خوه معاه وجد الطبلة ومشا عند انور هو الاول حل الباب فرع لخوامي وحل الشراجم
ارتوك:: نوض اصاحبي نوض
انور:: (شاف فيه بعينين مسدودين) معندك ميدار مفيقني دابا
ارتوك:: باقي عزيز علك النعاس نوض يالله نفطرو باش تمشيو
انور:: وااا فرقني عليك خليني ننعس مغادي فين انا
ارتوك::(حيد ليه لغطا ) تكعد كلاك
انور:: واااا لبرد اصاحبي وطلق
ارتوك:: نوض غسل وزيد تفطر ولا نجيب لك الثلج
انور:: بفففف (جلس) هانا اووف رجعتي عوتاني
ارتوك:: غا مؤقتا 😊 نوض انا ننوض لوخرا تاهي
انور:: 😑 جنس
ارتوك:: سمعتك لبس راه شتا كتصب نساليو نخرج انااوياك عاد نرجعو
أميرة الراية السوداء الجزء الثامن
محتوى القصة
التنقل بين الأجزاء