دخلت مصيدة الفرعون الجزء الثاني

من تأليف هناء المنصوري
2019

محتوى القصة

رواية دخلت مصيدة الفرعون

هي النار ... و هو الجليد .. هي متوهجة .. متقدة .. ملتهبة .. ساااخنة .. تهلك كل ما هو صالح .. تأكله .. تحرقه .. تربحه .. تتحداه بأن يهزمها .. تتحدى مشااعره لكي تلين لها .. لكن جلييده صامد أمامها .. هو ذلك الباارد .. القااسي .. العااتي .. المثلج .. المتملك .. الغيوور .. هو ذلك الفرعون القاسي الذي وضع نصب عينيه ذلك الكنز و أراد الاحتفاظ به في مصيدته .. كنزه هو .. هو الجليد و هي النار فما سيحدث يا ترى في اللقاء .. كيف للجليد أن يختلط مع النار!؟

🔹 لقاء النار 🔥 و الجليد ❄ 🔹

وقفات الجيب الفخمة د مصعب قدام ناطحة سحاب عااالية و كولها زاااج، نزلات منها كنزة من المقاعد الخلفية .. بكسوة فالأحمر قصيرة .. صدرها نصو جا باين .. و عندها كمام طوال .. شعرها مطلووق و راداه غي لواحد الجنب، اما مكياجها فهو خفيف كيفما عادتها .. مع عكر فالأحمر الدموي، علات عينيها فديك ناطحة السحاب و هي تحل فمها بلا ماتحس .. كانت طوييلة بزاف و فخمة و ضخمة .. كولها من الزاااج اللي مكايبينش وواقي للرصاص، زيرات على الملف الأسود اللي كانت هازاه بين أناملها الرقاق و توجهات لمدخل الشركة بنظراتها المعهودين و ثقتها فالنفس اللي مكاتهزش، مشية فحال الطاووس و طالونها كايتقرقب مع الأرضية المستوية دمدخل الشركة .. وقفوها فالباب جوج أشخاص يستفسرو شكوناهي .. قاتلهم أنها جات للأونطخوتيان و فسحولها المجال تدخل .. كملات خطواتها لداخل بعجرفة، سولات فالاستقبال على مكان مقابلات العمل و ستقلات واحد السانسور كان فواحد الجنب باش تطلع للطابق العاشر اللي مديورة فيه الأنطخوتيان .. تحل باب الأسانسور على ردهة طوييييلة .. أرضيتها كاتلمع و الزاج ماليها من كل الجواانب .. السقف فيه ثريات كريستالية و كولشي كاييبهض خلاها غي كاتشوف فداك التصميم الراقي دالشركة بلا ماترد بالها أنها تبهضات .. وقفات قدام أول مكتب قابلاتو فطريقها و تمتمات باللغة الفرنسية مبتاسمة: مادموزيل .. جيت على قبل واحد لونطخوتيان

السكرتيرة علات فيها راسها مبتاسمة بدورها بنفس اللغة:واخدة موعد أأنسة

كنزة:وي عندي موعد .. سميتي كنزة العربي

السكرتيرة حنات عينيها لواحد لاليست عندها و بتاسمات مللي بانتلها سميتها .. شارتلها لواحد البلاصة موراها:تفضلي أمدموزيل تسناي نوبتك تم .. علاما يدوزو الناس اللي جاو قبل منك فاش غاتجي نوبتك غانعيطلك تدخلي

كنزة بتاسماتلها ابتسامة صفرا .. كاتكره الإنتضار .. دارت لفين شارتلها و هي تتشوكا من الناس اللي كايتسناو فهاد المقابلة .. يعني هي غاتسنا مع گاااع هاد الناس حتى توصل نوبتها .. غوبشات بسخط و تمتمات بين سنانها معاجبها حال:الله يعطيك يا مصعب الدوود فخرززتك دابا انا كنزة نتسنى مع هاد الناس كوولهم .. اووووف (تقدمات مقندشة لواحد الكرسي .. جلسات فيه بشموخ معلية خنافرها فالسما و جبدات تليفونها من صاكها الصغير اللي كانت هازاه فنفس لون طالونها الاسود .. دارتو فوذنها على اساس غادوي فالتليفون و هي تضغط على سماعة وذنها و قالت بسخط) هادي هي ديالك يالقوااد جيت باش نجلس نتسنا مع هاد البشار كامل

مصعب كايضحك:ههههه صبري باش تولي مديرة فشركتي

كنزة بعصبية:اووووف😡

ضغطات على بوطون طفات السماعة و حنات عينيها لتليفونها كاضيع فيه الوقت .. تقريبا ساعة دالمگانة و الزيادة و هي جالسة حتى بدات كاتمل و كاتقول نوض نخرج نقود فحالي و ينعل بو شي تحدي، تأفأفات بصوت عالي و جات تنوض حتى سمعات صوت من جنبها

الصوت ببحة رجولية:مابقى والو لدورك

كنزة شافت فيه معلية حاجبها هو بتاسم:انا خليل (مدلها يدو .. هي مداتهاش فيدو باقا معلية حاجبها .. شاف تصرفها ماعجبوش .. حتى هو ماشي من الناس اللي كايمرگو جرلها يدها بقوة و سلم عليها بالزز) متشرفيين

كنزة حلات فيه فمها من جرأتو:كيفااش تجرأتيي

خليل بابتسامة:السلام دالله أزين ..زائد حاجة .. انا غا بغيت ندير فيك خير و نقولك تفشي شوية و نتي كاتنفخي بوحدك مللي جلستي و نتي اوف .. اوف .. اوفف .. نزلي اللرض شوية

كنزة بنرفزة:و نتا شدخللل حمااارك سوووقك

خليل معلي حاجبو:مالك همجية ماالك .. شهاد لافااصوون .. سحابلك غي بهاد الشياكة و الزين غاتتقبلي .. راه بربي و مااكانو تصاميمك عال العااال و منضبطة فخدمتك بربي لا تقبلتي

كنزة مخرجة فيه عينيها:نتا سوقك .. نتقبل ولالا و نتااا إييييه

خليل ضحك ببرود:هههههه غا كانصحك.. نصيحة لوجه الله ناخذ فيك حسنة .. عموما لداخل كايسولو واحد السؤاال و كايشوفو تصاميمك .. عجبوهم تصاميمك و جوابك فمحلو غايقبلوك.. ماعجباتهم حتى حاجة هزززك الما و شعطك الضوو

كنزة قلبات عليه وجهها؛الله يشعطك عندوو يالموصيبة

خليل:موصيبة تصيبك يالخوينزة .. هاي هاي كانصحك و نتي كادعي

كنزة غتاكلووو:أربي لاماتفرق على ملتي مامسالياللللكش

خليل قهقه بخفة كايضحك:بغيت غانضيع معاك الوقت كيفما شفتي أنا قنطت كانتسنا و نسيت تليفوني .. بغيت نتوانسو زعما .. 

كنزة شافت فيه مخنزرة بحدة علات قبضة يدها عند وجهو:غاتسكت ولا مايعجبك حااال

خليل حل فمو باغي ينطق .. و هو يحل فمو على آخرو و عينيه كذلك .. حس ب*لاوييه تدقصو بقبضة يدها .. تزنننگ و خرج عينييه فييها .. هي قلبات عينيها خااسرة معاوداتش شافت فييه و هو ضرب الطم و غلق بالعضم .. معاودش دار بساحتها، كايبرد على راسو ماطيريالو دقاائق قصار و سمعات السكرتيرة عيطات بسميتها .. وقفات كاتقاد فحوايجها و تاجهات لواحد المكتب وقفات عند بابو و زفراات بعمق كاتوجد شخصيتها القوية لهاد الأنترڤيو و الكاميرا فحوايجها كاتصور اللقاء بينها و بين هاد الفرعون اللي تشوقات تعرفو وجها لوجه

طقطقات كعبها العالي هي اللي كاتسمع فغرفة داك المكتب الفخمة .. كانت مصبوغة بالگري و أثاثها بالفضي اللاامع و الكريستال اللي كايبان كايشعل .. هاد الديكور المبهج شغل عويناتها مانزلاتهمش حتى وقفات قدام دوك الكراسة كانو ثلاثة مستفين جنب بعضهم .. فيهم ثلاثة دالأشخاص .. بنت و جوج رجال .. قبالتهم كرسي وحييد باين هو اللي خاص تجلس عليه، تقدماتلو بأنفاس ثقييلة كاتشوف فأول شخص جاو عليه عويناتها.. كان بشعر طويل مع وشاام مغطيين فيه النص حتى عنقو كاااااامل عامر بيهم .. مخنزر و لابس قميجة فالبيض نص صدايفها مفتوحين و سروال ثوب مع حذاء كلاسيكي .. طولات فيه الشوفة كاتسائل واش هو الفرعون ولا شي حد آخر ولا داك اللي قدامو ..جات تشوف فداك اللي جالس جنبو و تحقق فيه حتى هو و هي تنطق ديك البنت اللي معاهم بطريقة صارمة
-عطيني السيڤي ديالك و التصاميم اللي وجدتي للأونطخوتيان

كنزة وقفات و تاجهات عندها بالملف الأسود ديالها اللي جمعات فيه وراقها و رجعات لبلاصتها جلسات مانطقات ولا تكلمات .. كاتعامل بهدوء و برود مكاترجف مامثوثرة .. شافت البنت قربات من صاحب الشعر الطويل كايتشاورو و يشوفو فوراقها .. علات فيهم حاجبها كاتحاول تفهم تعبيراتهم و بشنو كايتمتمو مامداياهاش فالشخص الثالث اللي معاهم .. حتى هو بدورو كان كايشوف فتليفونو ببرووود و ملاامح وجهو فيهم الصراامة و الهدوء

البنت علات عينيها فكنزة: "كنزة العربي" هادي سميتك!!

كنزة ومأتلها:وي

البنت بجدية:كنزة قوليلنا .. شنو اللي يخلينا نقبلوك نتي تكوني مصممة معانا فالشركة مابين گاااع هاد الناس اللي متقدمين للمقابلة .. خصوصا و أن تصاميمك فمعدل لا بأس به، يعني كااينين اللي ماحسن منهم

كنزة طولاات فيها الشوفة كاتفكر فشنو تقول .. و أنفاسها كايطلعو و ينزلو بهدوء .. مارداتش البال للشخص الثالث اللي كان معاهم أول ماسمع سميتها و كنيتها مع بعضهم .. غزز سنانو بقووة و شاف فصاحب الشعر الطويل باستغراب عاقد حواجبو .. حتى صاحب الشعر الطويل كان كايشوف فيه مبتاسم بشر و غمزو كايتحاورو غا بالنظراات .. حتى خرجاتهم من داك الجو كنزة اللي قالت بنبرة واثقة
-اللي يخليكم تقبلوني هو أنني غانحسن معاكم تصاميم الشركة و غانخليو الطلب يزيد عليهم و شركتكم تزيد تطور ان شاء الله .. كيفما قلتي تصاميمي ماشي فالمرتبة اللولة .. و لابأس بيهم ولكن خاصك تعرفي أن هادوك هوما أول تصاميم درت .. يعني دابا تطورت فتصمييماتي و أكييييد غاتشوفو هادشي مللي غانبداو الخدمة مع بعضنا .. بما أن أول تصاميم ليا خرجو بنتيجة لا بأس بها .. هادشي غايخليني فخورة براسي وانا متأكدة أن باقي التصميمات اللي عندي غايكونو النمبر وان .. يقدو ينافسو حتى صاحب الشركة او المصمم العالمي الفرعون (مع آخر كلمة شافت فصاحب الشعر الطويل بابتسامة فاتنة ضانة أنه هو الفرعون و كاتخططلو كيفاش غاتطيحو فشباكها .. حتى سمعاتو قال بصوت خشن)

-مزيان .. تقدي تفضلي دابا .. تسناي اتصال من عندنا لا تقبلتي غانتاصلو بيك

كنزة بتاسمات مغددة على الطريقة اللي دوا بيها، مبانلهاش أنها عجباتتو و لا شي حاجة من هاد القبيل وقفات .. هزات صاكها و دارت خارجة من تما عاضة شفتها التحتية .. سدات الباب و تكات عليه مخنزرة كاطلع النفس بعدم رضى حتى قشعات داك خينا اللي تسلط بيها فقاعة الانتضار هاز الثلج حاطو على ماطيريالو عل العلني .. غا شافت فيه خنزر فيها و قلب وجهو .. هي كذلك مامساليالوش .. كملات طريقها جيهت السانسور .. وقفات كاتسناه يطلع لعندها.. فالوقت اللي كانت كاتسنى .. خرج الشخص الثالث من المكتب دالمقابلة .. شاف فورقة طويلة كانت بين يدو ..طول الشوفة فواحد الصورة كانت فيها و تبسم ببروود .. تاجه جيهت الأسانسور وهو يوقف على مقربة منها كايطلع ويهبط فيها ..طوا ديك الورقة ببرووود و دارها فجيبو و تاجه لعندها .. وقف موراها مبااشرة كايشووووف فخصلات شعرها الأسود الفحمي .. هي حسات بهالة فشكل محاوطاها من اللور و بروديية محاوطة سخونية جسدها .. بغات تدور وهي تسمع همس بصوت ضنات أنها سابقلها سامعاه و فيين فكابوسها اللي شافتو هاد الصباح

الصوت بهمس و نبرة باااردة رجولية خلات جسمها يقشعر:كنزة العربي .. شكاديري هناا!!

كنزة استغربات .. جات تدوور و هي تحس بيد تحطات على كتفها ثبتاتها فالوقفة والهمس استمر فوذنها:تت تت تت .. هادي ماشي بلاصتك .. نتي خاص تنزلي فمصعد الموظفين .. ماشي مصعد المدير ديالك

كنزة عقدات حواجبها ثاني، بغات تدور و هو زاااد ثبتها .. بغات تنترر منو و هي تشوف الأسانسور بابو تحل .. دفعاتلو يدو اللي على كتفها ودخلات للسانسور بلا ماتديها فهضرتو .. غي وقفات حسات ثاني بأنفاسو موراها .. ماعرفاتش كي دار حتى قربلها بديك السرعة و جا وراها .. بغات تدور ثاني وهو يثبها من كتاافها و همسلها:بنتيلي متشوقة تشوفي مديرك هه

كنزة بنرفزة:طلق مني ماعندكش الحق تقيص فياااا، طلللللااق

قهقه باستفزاز:اووووه ههه بنتيلي تعصبتي دغيا .. مالكي شاعلة بحال العافية!

كنزة بعصبية:و نتا ماالك .. سوقك طلق منيي

ماسمعاتش جواب منو .. حتى قفزات من صباعو اللي تحطو على عنقها .. كانو باااردين كي الجلييد، تحسس وشمتها اللي عندها فعنقها بسميتها و قال شفايفو قراب يتلاصقو مع وذنيها:خاصك تفرحي حيت الفرعون بنفسو جا لعندك باش يخبرك أنكي تقبلتي معانا و من غدا تبداي خدمتكك (تفتح باب الأسانسور قبل ماتجاوبو .. غا شافتو تفتح تنترااات منو بقووة و خررجات باندفاع لبراتو بلا ماتدور ورااها .. غادة و كاتقرقب بطالونها و تمتم)
-حمق ستيلو دالوساخ لااخور .. عندهم الحق مايديروش تصوييرتو فالإعلام ناري كايخلع أويلي دابا انا هدااك خاصو يولي يبغييني و فشهر .. يييع انا عيفني بففففففف على مصعب كي دااير تفووو عليييه تفوووو

سمعات صوت فسماعة وذنيها:سمعتك

كنزة وقفات قدام الجيب .. ضربات العجلة برجلها حتى ضراتها و قالت منرفزة:ولد الحرااام جاابتو الصددفة خاص نطيحو اما كنت فقستلو قليوااتو بوشعكااكةة لاخر تفوووووو

مصعب:كالم بب بشوية على دوك الرجيلاات

كنزة بعصبية:واخا على مك .. مالقيتي معامن غي مع بوشعكاكة أوووف فوقاش يكمل الشهههر

مصعب بنبرة راحة ..رتاح لأنه ماعجبهاش و لأنها كاتدعي فوقاش تكمل المدة المحددة معاه .. يعني احتمال تبغيه غير واارد و هادشي فكرلو و هو بااقي فيومو الأول ماعرفش شنو مزال مخبي فالقادم ..و حتى هي مانتابهاتش أن صوت "دفتر الوسخ" كيفما سماتو ماشي هو داك الصوت اللي خاطبها .. ركبات فالجيب مع الشييفور اللي نطالق بيها بسررعة و غبرااات الطموبيل من تم .. غي مشات خرج ضخم الجثة .. على فمو ابتسامة ماااكرة و عينييه كايشعو بالحقد كايشووف فالطريق منين مشات سيارتها

-داخلة لمصيدتي برجليك ههه متشوق لبداية اللعبة يا كنزة العر بيييي (غزز الحروف مللي نطق الكنية .. طايكرهها و يمقتها، حاقد على ديك الكنية، دار لجنبو مللي حس بصاحب الشعر الطويل وقف تم و قالو)

-يعني قررتي هادشي اللي غاتديرو .. هي ماعندها دخل أتيمور

تيمور شاف فيه ببروود الجليد و قال بعدم اهتمام:يكفي انها من دمهم .. يكفي أنها بنتهم .. يكفي أنها خت داك القواد و يكفي أنها بنت داك الزامل ..هادشي يكفيني باش ندخلها لدائرتي و لمصيدتي أجوزيف

جوزيف بتسائل:و شغادير معاها؟

تيمور بنظرة حاقدة و ابتسامة برود على شفايفو المغطيين بلحيتو الكثيفة:كيفما دار خوها مع حورية غانديرلها أجوزيف .. غانذوقو من نفس الكاس اللي ذقتو

جوزيف طول فيه الشوفة .. عارف الهضرة مباقياش نافعة معاه .. هو مشا من قدامو جيهت طموبيلتو الفخمة اللي جابوهالو الحراس ديالو كايتمتم:وجدو لفريستي مكتب فخم .. قريب للمكتب ديالي .. (ركب فسيارتو و ديماارا بلا مايسمع صوت من جوزيف اللي دار راجع للشركة كايتكسل و يتمتم)

-ثاني مشا و خلالي الخدمة فوق راسي .. افففف فوقاش غايدير عقلو 🤨

📍وصل بسياارتو اللي كانت مسرعة فالطريق لبلاصة من زمااان مازارها .. نزل من السيارة كايدور فعينيه و مشا للمقاعد الخلفية .. جبد بوكي دورد الجوري الورد المفضل عندها .. تقدم بخطوات ثقااال كاينقل عينيه بين كثرة المقابرر اللي كايدوز بيناتهم .. حتى وقف قدام واحد القبر عامر ورد جوري و مبني بناء زويين مع الشاهد فراسو مكتوب بطريقة زويينة و فيه زلييخ غاالييي .. گلس فطرف القبر بعدما حط البوكي دالورد عند راسو .. مدة طوييييلة دوزها فالصمت حتى قرر يفتح فمو أخيييرا مخرج تنهيدةةة حااارة من أعماااقو مع إسسم نطقوو بحنييين لييه
-حوووريةةة

تنهد بعمق و تبسم كايتمتم:توحشتك بزاف .. كنتي معمرة عليا الدنيا .. علاش درتي داكشي علااش .. لاكان حيت حرقلك قلبك فغيي فرحي غانردلك حققك .. لقييت علامن غانحرقلو قلبوو .. غانبدا بيها هي و نكمل بفلوس داك القواد دباااه و نساليها بحيااتو .. غانحررق قلبو مللي يكون عايش و غانحرقولو مللي نقتلو أحورية .. كولشي غايدوز كيفما باغي أنا .. كيفما باغي الفرعون، عمرني ننسى الطريقة اللي متتي بيها و رسالتك اللخرة ليا .. عمرني ماننسى آخر نظرة شفتي فيا بييها .. عمرني ماننسى دوك التفاصيل الصغييرة حيت غانطممح نزرعهم فييها .. غانخلييها تعااني فحااالك باش تكون عبرة لأي واحد قرر يآذيكم ليا .. لا مَّا .. ولا نتي تختي .. لاكنتي طلاقيتي مع مَّا .. سلمي عليها و قوليلها انا و الواليد موحشينها بزااف .. تيمور توحشها و كايتمنى يشوفها ولو يشوف غي قبرها اللي تحرم منو حتى هو .. تيمور مجرووح و جرحو مغايتداوا حتى يعقمو مزيااان و يتخلص من وجيعاتو، غانخلييه يندم .. كانتحسر على عبد الهادي اللي ماقدرتش نشفي فيه غليلي حتى كانو دفنوه تحت الثراب .. هو مايستاهلشش الدفين أحورية مايستاهللش .. أحسنلك ماتعرفيش السبب حيت لا قلتولك غاتكرهي راسك حيت بغيتي ولدو لدرجة الانتحار ... غاتكرهي راسك و بزاااااف


وقفات الجيب فباب الڤيلا .. نزلات كنزة شاعلة .. دخلات مقندشة لداخل كاتدور فعينيها .. حتى قشعات مصعب مع سي گي فالجردة كايدربو على واحد الخنشة دالبوكس كبيييرة .. سي گي شادها و مصعب كايضرب فيها بكللل قوووتو، قطرات من العرق كاتصبب من جبينو و طاتفو العرياانيين و عينييه حمرييين .. مشات كنزة عندو كاتجري عينيها كايطلقو شرارات الغضب .. ماحسش مصعب براسو إلا و هو طايح على زنافرو بسباب طالونها اللي خبطو من قزيبتو، وقف صدرو كايطلع و ينزل مستغرب و شاد على مؤخرتو .. شاف فيها كاينهج يلاه جا وجهو فوجهها عطاتو بووكس لحنكو حتى شد فيه داير تعبير دالألم بوجهو .. باقي ماستوعبش الضربة دفعاتو ثاني بقوة حتى طاااح للأرض

كنزة بعصبية:دابااا أنااا خاصني نطيح بوشعكاااكة أااااااناااا .. اعععع هذا أكفس و أحمض تحدي غانديييرو وااافين الحركة و الحيويةةة و المخااطر فيينهمم .. واناااري فين مدخلة قزيبتيي حتانااا

سي گي كايضحك:واشرملااتك ألخاوا هههههه

مصعب شاد حنكو مغوبش تمتم بالمغربية:كنزة هبلتييي

كنزة جراتو من كول حوايجو مقرباالو بوجهها بجرأة .. تعصبات من الموقف دالسانسور كانت باغا غا فيمن تبرد غدايدها لقاتو غا هو .. مصعب عاشقها السري .. غوتاااتلو فوسط وجهو:شووووف شي تحدي آخر و لا شي كمارة دالزب آخر هدااك لااااا بلييز إلاااا هدااك واناااري واااادفتر الوسخ

مصعب ضحك بسخرية و شاف فسي گي غمزو:ههههههه العافية ديالييي أول مرة تخسر شي تحدي هذا شرف لياا .. امممم عاقل كنتي قلتيلي لا خسرتي غاديري شنو ماقلتلك أش بانلك ف...

قاطعاتو كنزة بوااااحد مولاتي الروسية جابتهالو فنيفو حتى رجع اللور جوج خطوات و الدم كايشرشر من نييفو .. هزات ركبتها و كملاات علييه .. جابتلو دقة خطيييرة فمكركز العياال و الحيوانات المنوية .. دفعاتو كاتنفض يديها و تنهج و قالت كاترد نفسها:هاااا هو اللي خسسرت .. و هاااااا هووو اللي غانديرلك شنو مابغييتي .. كنزة مكاتخسررش و هاد التحدي غانقبلو حتى لو كان داك الفرعوون أعفن واحد فالكرة الارضية .. (بتاسمات كاتستنشق الهوا برحابة صدر و قالت) هههههه فاش ضربتك خرجت طاقتي السلبية .. اححححححح هههههه (ضحكاات بحيوية فحال شي هبيلة غا بوحدها هي و مزاجها)


مصعب ناض كايكح شاد نيفو:واخا على ديلمك

كنزة غمزاتو بمباغثة:عارفااك كاتبغيني و غاتدوزهاالي هههه .. كانبغيك حتى انا يا اجملل صديييق .. ويينو على حنييكاات (جبداتلو حنيكاتو كاضحك و عنقااتوو من خصرو .. تحولات مية و ثمانين درجة .. هو تنهد و حاوطها بيديه مبتاسم نص ابتسامة و شاف فسي گي اللي كان جابد تليفونو كايصورهم)

سي گي:أووووها .. لا بغيتو رأييي انا الشخصي .. تزوجوو .. واااو كوبلكمم غزااال

كنزة بعدات من مصعب مخنزرة فيه و خرجاتلو لسانها:انا و مصعب اللي عمرنا نتزوجو وعمر تكون بيناتنا شي حاجة من غير الصداقة .. حيت علاقتنا جدد مقدسة (شافت فيه مبتاسمة) باقا لحد الآن كانتفكر أول مرة تشاوفنا و كي حميتيني و كي توليتي مسؤوليتي من داك النهار كأنك أخ و أب و سند ليا .. على داكشي عمرني نفكر أنني أنا وياك تكون بيناتنا شي حاجة من غييير الصداااقة .. الصداقة المثييينة ديالنا انا وياك

مصعب تبسم ابتسامة صفرا كايخطط فبالو كي يخليها تبدل هاد الفكرة من ذماغها .. ماحس غا بيدها جارااه داخلة بيه لداخل .. جلساتو فوق واحد الفوطوي و جابت حقيبة إسعافات أولية .. و جبدات القطن كاديرولو فنيفو .. جات كلير من الفوق باينة مدوشة .. هابطة شعرها فازگ و مزنگة بالدوش .. عنقات سي گي

كلير بتساؤل:شكايديرو؟

سي جي مبتاسم:كاتداويه بعدما أذاتو فحال عادتها و هو فحال عادتو جالس مستسلملها .. مخليي روح الحب تتلبسو بكاااملوو .. مخلييها تتحكم فيه ديك الروح لدرجة أي حاجة كاتديرها كانت خايبة كايتغاضى عليها .. كانت مزيانة كاتخلييه يزيييد يعشقها .. مصعب أكليير طاايح فصدييقتنا فالمعنى الحرفي للكلمة

كلير باستو ففمو مثأثرة:اوووه بايبي نتا كيوووت هضرتك كاتخليني نزيد نبغييك

سي گي شاف فيها مبتاسم و باسها فجبهتها بعممق: اي لاف يو سويتي

كلير عنقااتو كاتضحك و شافو جيهت كنزة اللي قالت بنبرة متقززة:إيييييو نتوما باقي كاتحااابو عليينا .. غاااا قولولييي واش مكاتملوش من أنكم تبقاو مع إنسان واحد عمركم كوولو و تحبيه و يحبك و تبقاو تبجقو فبعضكم و عاد واااكلين حلوة بعضكم .. مامليتوووش؟؟

كلير عوجات فمها للجنب جارة معاها سي گي:نتي قلبك حجرة .. خاصو حتى ينصهر و يولي ليفة عاااد أجي ندوييو ابييبي .. حتى تحبي شي حدد و سولي راسك داك السؤاال .. واش مامليتيش منو!

كنزة ضحكات باستهزاء و قلبات راسها لمصعب:جالسة كاتخربق علينا الحب كايبدل الواحد نهههه .. قولي نتا تقد تكمل مع إنسان واحد حياتك كاملة بلا ماتحتاج تبدلو

مصعب ومألها براسو مبتاسم ليها بهياام بلا ماينطق ولكن فنفسو كايقولها لا كنتي نتيي مرحبااا و ألف مرحباا

كنزة قلبات وجهها مدلية شفتها التحتية ووقفات:ماشي سوقي .. دابا مانخرجووش اليووم!! زعما غدا غانبدا الخدمة ديالي و باغا نفوج شوية

مصعب وقف:اللي بغيتي .. لبسي عليك ونخرجو

كنزة بتاسمات و مشات طالعة فالدروج كاتغوت بصوت عالي:نمشيييو لشييي باااار .. باغا نشطح ونحيييييح (دخلات لبيتها سدات الباب خلاتهم هوما تفرقو يبدلو عليهم كاامليين .. حتى هي دخلات للدريسينغ كاتجبد و تستف قدامها شنو تلبس .. حتى ستقرات فكسوة قصييييرة حد الفخاااض .. كاتلمع كووولها بالبريون و ليزيسطراس .. ألوانها كايتبدلو على حسب الضواو من داك البريون .. لبساتها و هزات طالون عااالي فالذهبي .. طولتو فيها شبر تقرييبا .. جمعات شعرها على شكل مشيطة مستييلية .. و دارت مكيااج خفييف .. كحلات عينيا فعوض الآيلاينر و دارت ألوان دالفاغاپوپييغ .. حواجبها طراساتهم و عكر فالغوووز بيبي كايلمع .. هزات تليفونها كاتسيلفا عاجبها راسها و تحط فالانسطا و السناب تصاورها .. عندها متابعيين كثااار فالسوشل ميديا .. هزات بارفام نسائية .. عطر العود الأصلي رشات فعنقها و مور وذنيها .. ولات ريحتها كاتسللب .. سالات و هزات صويك فالذهبي دارت فيه عكر و بارفام و تليفون، خرجات من البيت كاتعوج و ريحتها سابقاااها .. شعرها كاييتمايل وراها .. وقفات فأعلى الدرج و هي تبتاسم لمصعب اللي كان بلباس مستييلي كايتسناها مع كلير و سي گي اللي كايتحابو فوق واحد الكنابي .. مشات عند مصعب كاتشطحلو حواجبها و قالت بابتسامة

كنزة بصوت انثوي ناعم:كي جييتك

مصعب حط يدو على قلبو و جرها من يدها:طيااااحة ابييبي هههه يلاه نمشيو دابا

كنزة تبسمتت و خنزرات فالكوبل لاخر:نتوما مزايدينش ولا نجيبولكم شي كامة تريحو فيها هنا

كلير وقفات كاتضحك مامداياهاش فيها .. تأبطات ذراع سي گي و تقدمو عندهم .. خرجو لبرا بلاصة الطموبيلاات و هي تحل كنزة عينييها على آخرررهم فواحد BMW فالغوز بيبي قدامها

كنزة بانبهار:OMG مصعب بغيييتها بلييييز بليييز

مصعب بتاسم كايشوف فيها كي كاتنقز بداك الطالون قدامو باغا ديك البي إم .. هو أصلا جايبهالها ولكن ماشي موشكيل يراوغها شوية .. طولل فيها الشوفة مبتاسم بالجنب و قال بمكر

-لا بغيتيها نفذي التحدي اللي غانعطيك هاد الليلة

كنزة ومأتلو:موافقة ولكن شناهوااا؟؟

مصعب غمزها و مشا لجيهت البي إم ركب جيهت السائق:حتى نوصلو للبار و نقولك ههههه .. بار وااعر، 36 دياال الحماااق نييت

سي گي جر كلير لطموبيل أخرى و كنزة ركبات جنب مصعب كاتشوف فيه بحنق كانت باغا هي اللي تصوووگ ديك التيتييزة

داخل داك البار الفخم .. الضجيييج و الصخب ماليينو .. الناس فالوسط كايرقصو بجنووون .. و شي وحدين جالسين فطبالي محجوزين لهم من قبل .. روايح مخلطيين معمريين الأجواء أغلبهم روايح الحشييش والكااارووو .. الذخااخن مخليين الرؤية ضبابية و الأضوية كل شوية كايتلونو ... الدي دجي كايخلط بين الأغاني كايخلي الراقصيين و الراااقصاات فوسط القااعة يهبلوو .. داخلين الرباعي ديالنا لداك الجو كايدورو عينيهم .. مع الدخلة سي گي جر كليير لبعييد باغيين ينفاردو ببعضهم .. بقاو غا مصعب و كنزة كايشوفو فدوك الأجواء اللي خلات كنزة تشطح بمؤخرتها بدون وعي منها و كاتحرك راسها يمين و شمال تابعة هيت الموسيقى .. النيت راها كاتنوض الهواايش دالشطيح

مصعب همسلها فوذنها:بنتيلي متحمسة

كنزة بابتسامة:ههههه على طوول يا عمري .. قولي دابا شنو التحدي باش ناخذ ديك الغزالة همممم هممممم .. بليييز بغيتهااا نبقى نمشي بيها لشركة الفرعوون 😰

مصعب طلق قهقهة عااليةة و جرها معااه للكونطوار قدام البارمانات .. جر واحد الكاس عمرولو واحد البارمان و مدولها:شربي هاد الكاس و سيري لوسط القاعة وشطحيي .. هزي وسسطك يلاه

كنزة باستغراب:نتا عارفني مكانشربش!!

مصعب ومألها ضاحك .. عارفها مكاتحملش الشراب و ماجاوره من المشروبات الكحولية:كاس واحد مادا ماجاب
كنزة بعدم اقتناع:لا شوف تحدي آاا..

قاطعها مصعب:شنو نعطي البي إم لكليير

كنزة خنزرات فييه محاملاش الوضعية هزات الكااس شرباتو فزكفةة وحددة ضد فيييه، جاها حااار و مرر خرجاات لساانها كاتشوش علييه مخسرة سيفتها:اعععععع حااار حااار

مصعب صفق بيدو:برااڤو .. يلاه كملي التحدي

كنزة قلبات عليه عينيها ووقفات:تت .. سحابلي شيييي تحدي اللي ندير شي حاجة مكاتدارش ولكن بما أنه سهل ماشي موشكييل ههههههه (مشات جيهت الوسط كاتماايل بخصرها وتحرك راسها يمين و شماال بغنج) اوووو

دارت كاتشطح شطحة مقوووودةةة مقاااحبنة كاتحرك خصرها فحالا مافيهش العضاام .. كاتحرك شعرها بطريقة مثيييرة و عاضة على شفاايفهاا .. طريقة رقصها كاانت مية فالميية فايتة الإثارة بدرجاات .. دارت كاتضحك و تدوز لسانها على شفايفها .. نشوة غريييبة تجمعاات فييها و طااقة فششكل

نشوة غريييبة تجمعاات فييها و طااقة فششكل .. غابت عن العاللم من داك الكااس اللي شرباااتو .. لدرجة كايتحسسو فيها الرجال مكاتدييهاش فييهم .. مشات من البلاصة للي شارلها مصعب لبلاصة أخرى .. قدام واحد العود طوييييل، تعلقات فيه و بدات كاترقصص و تشوف فمصعب اللي كان وقف قريبلها كايشوف فيها بشههوة و إثاارة، باغيها و باااغي يمتالكها .. ماكرهش يطلعلو الزهر فهاد الليلة و ياكل الگاطو مدامت سكراات و طاارت فوق السحااب، كان عارف غاتكون هادي النتيجة و عرف كاس واحد يطيرها بحكم أنها عمرها ذاقتو .. عينيه كايتفحصوو فييها بجموووح .. هي دارت على العموود بالثقااالة حاسة بكسوتها ديك نص شبر خنقااتها، هبطات ليها يديها كاتطلعها بعدم وعي و تحييدها حتى طلعاتها للنص و الناس كايتفرجو .. فينما كان شي حد مقابل شي وحدة ولا مقابل كنزة .. مصعب شاف القضية كاتبساال طلع عندها بالزربة و جرهاا .. هي كاتضحك و تشطح

كنزة:تت لا لاا طلااق خليينيي هههههههه اوووف باقي خاصني نحيد الكسسوة اووووومممممممننن .. مصصعب نتا زوييين (حطات يدييها على وجههو كاتشوف فيه بابتسامة، هو جررها مخنزر .. هزها فوق كتفو و هي كاتفركل علييه .. ندماتو على اللقطة اللي بغا يتحدااها فييها و سكرها فييها ولا علاش فكر فشي حاجة "شمال" .. وقفها برات الباار قدام الطموبيل و شارلها بصبعو)

-بقاي هنا غانجيب قرعة دالما و نجيي (خلاها و دخل للبار لداخل يجيب الما بالزربة باغي يصحيها .. هي دورات راسها حواالييها.. كانت بووحدها فالگرراج الخارجي دالسيارات، دورات عينييها كاتضحك و بدات كاتلوح فخطواتها فينما جاتها بسم الله، خرجات من الگراج غادة و كاتشوف فالسما و النجوووم .. النعاس غلبها حتى تعسلو عيينييها .. شافت وراها مللي سمعات صوت عااليي جااي و هي كاتشهق .. جاتها "الفواقة" ولا "الحازوقة" .. بانلها سكوتر نوعو من نوع السكوتر اللي عندها فكوريا .. مشات جيهتو كاضحك مبتاسمة و تمتم)

كنزة:موطوري الزوين جيتي لعنديي حتى لهناا هيييئ .. اووووهه (غادة فالشانطي كاتمايل و الموطوور جااي بكللل سرعتو و هي كاتبتاااسم .. وقفات فاتحة يديها ليييه فنص الطريق، كاتسنى موطورها يعنقها و هو جاي يفلقها .. ماحسات بيه غي واقف قدامها مباااشرة .. كان قرييب يضهسلها رجلييها .. بتاسمات و تلاحت على سائق الموطور بتعنييقة .. كاتضحك) هههههههه موطووورييي توحشتك

السائق بغا يدفعها .. و مخنزرر .. هي لااصقة فيييه .. كان داير الكاسك عند راسو كايبانو غا عينييه اللي بلون البن وواحد الخالة عندو تحت عينو ليمنيا .. مابعدها عليه حتى عصبااتو بالمزياان .. دفعها حتى طاحت للأرض و تجردوولها رجلييها و فخااضها .. تمتم بسخط و عصبية:ناااقصصص القحاااب أنا

كنزة وقفات هضرتها مععكلة و كاتشير بيدها مرخخية:نتاا بإييييينا حق كادفعني أمووطووري هيييئ .. انا هييئ غيي توحشتتتك هييييييئ (قرباتلو ثااني شداتو من الكااسط و باستو فبلاصت فمو زعما و همسات) توحشتتك بزااااااف

مول الموطور طوول فيها الشوفة هي كانت مبتاسماالو .. استرجع صورتها بين عيينو .. هادي هي اللي شافها الصباح .. خنزر كايطلع و يهبط فيها و قال باشمئزاز:الأب و الابن كي دايريين .. شنو نتوقع من القحبة دعائلتهممم (دفعها ثااني و هاد المرة بقووة حتى طاااحت طيحة خاايبة وراسها تزدح مع جنب الطروطواار .. مع طيحتها فالحيين فقداات الوعي .. هو كمل على طرييقو بدون عنااء و بدون مايتلفت ورااه .. خلاها مكسلة تما و الدم كايسيل من جبهتها و الدنيااا خااااويةة كاتصفر

حلات عيينييها و هي فغرفة بيضاء بالكاامل .. رمشااتهم ببطئ كاتحلهم بالزز .. حتى قفزات مللي تداركات أنها فغرفة مشفى جابلها الله أنها رجعات لمشفى المجانين .. شافت فجنابها و هي تزفر براحة مللي قشعات مصعب فجنبها .. حسات براسها ضررها .. عاودات تكات على الفرااش و كاتشوف فالسيرم لاصق فيديها ... غمضاات عيينييها باغا ترجع تنعس .. باش تريح راسها و هوما يترسمو عينيين كحلين و ديك الخالة تحتهم فمخيلتها .. عاودات حلات عينيها كاتشوف فالسقووف .. و جبهتها تكمشاات باستغراب لحالتها و كي وصلات لهنا .. حطات يدها عند راسها و هي تحس بضمادة ملوية عليه .. زادت استغربات حتى شافت مصعب حل عينيه .. أول مشافها فاقت طاار لعندها بلهفة

مصعب:كنزة .. حبييبة .. صاافا داباا .. شوية .. ضاارك رااسك؟؟

كنزة حركات راسها بالإيجاب مستغربة:اممم ضاارنيي بزااف .. أشنو وصلني هنا شنو وقععع

مصعب تنهد بقوة:بفففف البارح الكاس اللي شربتي شقلبك .. سكرتي بالبيااان .. خرجتك من البار بعدما نوضتي الروينة بالشطيح وقفتك باش نجيب قرعة دالما نغسلك وجهك و تشربيها باش تصحصحي .. غا خرجت من البار مالقيتكش .. عييت نقلب علييك حتى لقييتك طاايحة جنب واحد الشانطي .. فاقدة وعيك .. طحتي على راسك كانضن كان كايسيل بالدم

كنزة تأفأفات بسخط:شفتيي .. على هادشي مكانبغيش نسكر تفوو .. زيد نخرجو من هنا ضققت .. عارفني مكانحملش السبيطارات (بغات تنوض حتى حبسها مصعب بيديه و قال بصرامة)

-لااا مكاينش تخرجي دابا حتى نطمن أنكي وليتي بخيير .. ماشفتيش حالتك البارح و خسرتي الدم بزااف

كنزة بعصبية:اووف أمصعبب .. خاص نخرجو واش نسيتي اليوم عندي خدمة

مصعب ردها لبلاصتها و قال بأمر و حزم:ماتناقشينييش أكنزة .. الخدمة أو التحدي مغايهربوش لا مانفعش داك خينا نشوفو حد آخر أهم حاجة دابا عندي هي صحتك

كنزة تأفأفات و رجعات تكات فوق الفراش:شحال الساعة دابا؟

مصعب شاف فساعة يدو:الطناش دالنهار

كنزة غمضات عينيها بتعب .. كل شوية كاتحلهم فييه .. كان حالتو حالة و قميجتو البيضة عاامرة بدمها دالبارح .. حيت ضمهاا لصدرو مللي شاف حالتها و كي مكانتش كاتحرك بين يدييه .. ناض وقف كايمسح على شعرو و قال بجدية...


مصعب:و بقاي تااكلي راه حتى قلة الماكلة كانت سبب فأنك تفقدي وعيك .. علاش البارح بقيتي بالجوع واش تقاضات الماكلة من الدنيا!!

كنزة تأفأفات:اوووووف أمصعب بلاش من هاد الهضرة دابا .. باغا نرتاااح

مصعب علا فيها حاجبو مخنزر:واخا رتااحي .. غانمشي نجيبلك متاكلي (خلاها و خرج من عندها .. هي تنهدات و غمضات عينيها ثاني حتى عاودو زاروها دوك العينين لمخيلتها، حلات عيينييها بقووة كاتأفأف و تمتماات بين سنانها)
-ديالمن هاد العينيين هادووو (زيراات على عيينييها ثاني بقوووة حتى مابقاتش كاتشوفهم .. عاد رخااتت ملامحها، غفااات مع المنوم اللي ضاربينلها .. دغيا مشات لعالم الأحلام)

بعد مرور اليوم بأكمله بالضبط عند الساعة السابعة مساءا .. وقفات البي إم فباب الفيلا .. نزل مصعب من مقعدو لمقعد كنزة بالزربة خرجها من الطموبيل و زيير عليها داخلين لداخل و هي حاسة براسها شوية خف عليه الحريق .. وقفو فالباب حط يدو على جيبو غايفتح الباب حتى تفتحات بوحدها و بان موراها سي گي و كلير مخلوعين عليهم

كلير بتشوش:فين كنتوو .. كنزة أويلي مالك فراسك و نتا مال حوايجك عامرين دم

كنزة شادة راسها:ضارني دابا .. من بعد و نقولك ولا خليو مصعب يعاودلكم (مشات من قدامهم كاتمشى ببطئ طالعة لبيتها)

سي گي لمصعب:أش طرااا

مصعب تنهد و مشا للكانابي جلس فوقو كايمسح على وجهو بعصبية:اففففف دوزت ليلة فالجحييم الباارح

كلير:شنو وقع من بعد ماخرجتو نتا وياها من البار؟

مصعب شاف فيها و قال بتعب:خليتها قدام الطموبيل باش نجيبلها الما .. فاش رجعت عندها لقيتها طاارت .. عييت نقلب عليها حتى بانتلي طايحة جنب الطريق فاقدة وعيها طرت بيها للسبيطاار .. قلبي كان غايخرج عليها

سي گي عض شفايفو بأسى:اوووه .. دابا ولات بخير؟

مصعب ومألو:ياب .. فاقت فالصباح ولكن ماخليتهاش تخرج حتى طمنت أنها بخيير تماما

كلير زفرات براحة:الحمد لله .. علاش ماصونيتيلنااش تشوشنا عليكم بزااف

مصعب وقف كايتكسل:فين بقا شي عقل فييين (مشا من قدامهم كايفسخ صدايف قاميجتو طالع لبيتو)

سي گي شاف فكلير:شحال مابقاات غاتطيرلو عقلو من بلااصتو .. غاتحمقو و تجننو شي نهار

كلير بتاسمات:هههه ولكن عينيه فيهم لهفة كبييرة ليها كانتمنى تقدر حبو ليها

سي جي:نتمنااو

☀صباح جديد☀
حلات عينييها على صوت زقزقة لعصافير عند نافذة غرفتها .. شافت فيها عينيها معمشين مغمضين ووقفات كاتكسل و تفوه .. جرات بينوار خفيف تلوات فيه حيت عادتها هي عادتها مولفة النعاس عريانة ولا بالدوبياس .. هاد الخطرة كانت بالدوبياس، وقفات عند شرجمها كاتفرح فجوج عصافير بناو عشهم قريبلو، قالت عاضة شفتها:آش كاتسالوني أخوتي مفيقيني على بونبيير .. شوفي فيا نتي يالشيخة عاجبك حلوقك ييخ تفوووو (دارت مخنزرة و هي تقشع مصعب مربع يديه كايشوف فيها بنص إبتسامة قفزات) هااء فوقاش دخلتيي

مصعب تبسم كايقربلها:ههههه عادتك هي عادتك .. (طل معاها على العصافير) زعجوك! نحيدهم!

كنزة حركات راسها بلا:تت غي خليهم نييت خاص نمشي للخدمة الزيينة اللي ضبرتيهالي
مصعب ضحك:هههههه صباح الخير بعدا مكاتنسايش مسؤولياتك

كنزة دفعاتو غادة للدوش:صباح الزفففت أزفت .. شمن مسؤولية هادي راها ضعيييرة

مصعب بتاسم حاضيها حتى سدات باب الدوش .. تنهد بقووة و تمتم:و أحلى زفت لا كان من فمك نتي هههه (تاجه لباب الغررفة نيشان للمطبخ وصى الخدامة على فطور صحي و مشا للجردة)
.
.
.
.
سالاو الفطور مع الثمنية. بالتمام .. شافو فبعضهم بربعة

كنزة وقفات:عطيني مفاتح البي إم

مصعب وقف:تت غانوصلك انا نتي مريضة

كنزة صغرات فيه عينيها:لا أبيبي شكرا غا عطيني سوارت طموبيلتي

مصعب علا فيها حاجبو:طموبيلتك!!

كنزة معوجة فمها:أه طموبيلتي .. كنت غانموت بسبابها
مصعب تبسم و مدلها السوارت:هاكي ورديلها البال

كنزة:عارفة شنو غاندير ماتحتاجش توصيني (شافت فالثنائي) بااي گايزز

كلير/سي جي:باي باي

خرجات كاتعوج بمشيتها كيفما العادة .. راسها مرفووع لفوق .. رغم الكدمة الصغيرة اللي باينة فجبهتها إلا أن جمالها غلاب .. ركبات فالطموبيل مبتاسمة بانتصاار وديماارات بعدما تلمساتها بالكامل و دوزات عليها يدها و عينيها

كنزة بحمااس:ليتس گوو بايبي .. كوني مطيعة و خلينا نتفاداو الحوادث .. من اليوم غانسمييك بيبي گيرل .. ههههه جا معااك (زاادت فسرعتها فالمنطقة السكنية دالڤيلات مبتاسمة ابتسامة عريييضة حتى وصلات لباب ديك الشركة أو ناطحة السحاب العملااقة)


واقفة عند الاستقبال .. شافت فواحد الموظفة بنظرة عجرفة و قالت هازة خنافرها للسما

-انا مصممة جديدة فالشركة .. بغيت نعرف البوسط ديالي

الموظفة بتاسماتلها ببشاشة و شافت فالبيسي عندها .. طاپات فالكلافيي و شافت فيها ثاني:امممم أنسة .. دابا كاين إجتماع مهم لكاع المصممين اللي تختارو جداد فالشركة .. خاصك تلحقيه دابا .. قاعة الإجتماعات فالطابق العاشر .. ثاني غرفة عند يدك الشمال

كنزة ومأتلها:واخا .. (قلبات الدورة جيهت السانسور .. كادور عينيها فالشركة و تصميمها اللي زااد لفتها على المرة اللولة .. زادت تمعنات فيه، وقفات عند السانسور اللي طلعات فيه الخطرة اللولة .. تسناتو حتى تحلها و دخلاتلو .. وقفات قبالت واحد المراية لاصقة فالحيط وراها و قادات شعرها .. شدات گلوز كادوزو على شنايفها و رشات جوج رشات من عطرها .. حلات الصدفة الفوفية من القميجة اللي كانت لابساها و قادات السروال العملي اللي لابسة .. غمزات راسها فالمراية و تمتمات فسرها

-الخطوة اللولة باش تطيحيه ... كوني زوينة (دوزات يدها على وجهها و شعرها مبتاسمة) .. مثيرة (دوزات أناملها الرقاق على عنق قاميجتها) .. شامخة (علات راسها بشموخ) .. ريحتك كاتسلب (استنشقات ريحتها بععععمق) و صوتك حنييين (لينات صووتها كثر و دارت مقابلة مع الباب مللي شافت أنها قربات للطابق المنشود)

تحل باب السانسور و خرجات كاتقرقب بطالونها بقمة الأنوثة، وااثقة من نفسها ووااثقة من إمكانياتها.. وقفات قدام الغرفة اللي شارتلها ليها الموظفة و ستنشقات الهوا مزياان .. دقات جوج دقات بالخف و حلات الباب .. مع الحلة كولشي اللي فالقاعة دارو شافو فيها حاسبينها شخص آخر ولكن غا ضهرات هي .. الكل تنهدو براحة .. كملات دخولها تحت نضرات الشباب و التوتوز دديك الشركة .. شافت بنص عين الشاب اللي كان جلس كايبلبل جنبها نهار المقابلة و قضاتلو على الخصيات ديالو .. ماداتهاش فيه و إنما ركزات الشوفة فصاحب الشعر الطويل (جوزيف) اللي كان كايشوف فيها معلي حاجبو .. غي تقابلو عيونهم حاولات تجذبو بنضراتها ولكن عبسات مللي شافتو ضرب على المكتب بقووة و غووت بصراامة قفزها

-فييين داااخلة نتييي عندنا كوووري هنااااا!!


كنزة تزنگاات مراضيااااااش كي دوى معاها .. غززات سنانها باغا تراد معاه ولكن تفكرات .. هذا الفرعون .. يعني تحديكي الجديد يا كنزة .. ضبطي أعصاابك .. تحنحناات بحرج و قالت بثقة رغم أنها مراضياش

-لا بما أنني مصممة فشركتكم، إذن داخلة نحضر الإجتماع

جوزيف بتهكم:ديك الساعة اللي فيدك خدامة ولا دايراها غا دييكوور أااا!! الإجتماع بدايتو فالتسعود .. نتي جايا فالتسعود و خمسة دقايق .. تأخير خمسة ديال الدقاايق .. سحاب مك حناا هنا مساليين للتقح.. (سكت فآخر كلمة مخنزر فيها .. و قبل ماتنطق كمل ثاني) زائد حاجة .. مابنتيليش البارح مع الموظفين الجدااد .. و الباادج ديالك فينها .. أش عرفني نتي موظفة هنا ولا جايا تتجسسي علينا؟؟؟

كنزة مكورة قبضة يدها بعددم رضضى .. رجعات حمرة حمرة حمرة قريبة تتفركع و فكرة وحدة كاتدور فبالها .. تمشي داابا لدفتار الوسخ تقطعلو لسانو .. نطقات بين سنانها بالزز كاتسمع فالهمسات وراها من الموظفين .. "همسات سخرية"

-ميستر .. كانضن نتا اللي تبعتيني ول البارح فالمقابلة و قلتيلي أنني مقبولة .. البارح وقعاتلي موشكيلة .. كنت فالكلينيك لا بغيتو الشهادة الطبية نجيبها و اليوم قديت نجي جيييت .. البادج معارفاش بأمرو على داكشي مدايراهش .. و..

قبل ماتكمل قاطعها:تفضلي جيبي البادج ديالك دابا من غيير مانزييد معاك الهضرة حيت لا زدتها غانخليي دوك العوينات يدمعو .. و الخطرة الجااايااا حتارمي القواانين و الموااعيد .. ممنووع التأخييير وممنووووع التهااون وممنووع الغياااب .. يلااه برااااا

كنزة صدرها ولا كايطلع و ينزل من كمية الإهانة اللي تلقااتهااا .. دارتت عينيها كي جغمة الدم حمريين .. كاتعضض شفاايففها بقووة حتى تضبرووولها و كاتحللف:بربي حتى ندمك .. لا ماندمتكش موالدانيييش مرى بنت مرى .. حمااار .. كلللب .. زاااااملللل اععععععععع (حلات الباب بالنترة غاتخرج .. مع الحلة مع تزدحاات مع كتتتلة قااصيية .. كان جسم عملاااق .. طول بعررض .. راسها خاصو يتعوق باش تعليه فييه .. مادركاتش تشوف فيه شمات غا ريييحة رجوولية سبيسياال كاتجذذب الجنس الأنثويي، شافت وراها فضهرو العريض حيت دخل للقاعة .. طلعاتو و نزلاتو بعينييها بحدة و خرجات شاعطة الباب ورااها)


مع شعطاات الباب مع دار بنص وجهو و شاف بقنت عينو جيهت الباب مستنشق ديك الريحة الأنثوية اللي خلاتها فالغرفة، شاف فجوزيف اللي كان جالس مخنزر فيه .. دور عينو فالموظفيين و تقدم جلس فالكرسي الرئيسي فمقدمة طااولةة الإجتماعات الضخمة وومئ غي براسو لجوزيف يبدا الاجتماع بلا ماينطق هو بحتى كلمة

🍁كنزة🍁
غادة جايا فالساانسوور اللي هابط بيها لتحت .. عينييها كايغلييو و النففس سخوووون كايخرررج من نيييفها .. شافت فالمراية اللي كانت كاتتزين قباالتها فالطلعة دياالها و بلا ماتحسسس خشاات فييها يدها بكلللل قوووة حتى تشتتات ديك المرااية و يدها تجرحااات ولات كاتسيل بالدم، غززاتتت سنااانها بقوووة و خرجات من السانسور بعدما تفتح الباب قريبة تطررطققق .. خرجات لبرات الشركة جيهت طموبيلتها، تكاات علييها بيديها و كاتشووف فديك اليد اللي تجرحااتلها بحددة .. عضاات على شفتتها بقووة و تمتماات بين سنانها

-كاااالم .. كالم اكنزة كااالم صافييي، نتي بخيير .. صافي تهدنييي اكنزة تهدنييييي اعععععععععععععع تهدنييييييييي (عاودات كاضرب ديك اليد المجروحة بقوووة حتى زاادت كاتدمي بغزااارة أكثثر و صدرررها ضااااق .. وقفاات يدهاااا قريبة تطرطق حتى سمعات حنحنة من وراها، دارت و هي تخنزر كثثر و جرات هدااك اللي جاا لعندها .. دورااتو بقووة جيهت الطمووبيل مقابلة معاه و غوتاتلو فووجهوو بحدة) ضحكتييي علياااا يااااك .. ضحكتوو ليااا كاملييين .. نتا و دوك القحااااب و الزوااامل اللي كانو مجمووعين تمااا ياااااك .. بقيتو كاااتضحككووو اناااااا كنززززة العرببيييييي طووول عمرري لفوووق يجييي دااك دفتااار الوسسسخ و يهييييننيييي . اااااعععننننن غانقتتتلو و نشررررب من دمووو ولدد ستييين كلللب (علات يدها ناوية تعطييه لوجهو و لكن خوالها .. وجدات رجلها تضربو لحجرو .. باغا غاتبرد غدايدها و لكن ماحساتش كي دار كان لصقها مع الطموبيل قالب الأدواار و مزييرها كايضحكك)

-وااااحجر العاااافييييية والعاااافييييية بروووحهااااا .. جااي غانهدنك بغيتي تكملي على مابديتيلي ول الباارح .. راني لدابا باقي كانبردو بالثللج زرقتييهلي يا كليندايززر


كنزة كادفع فييه شااعلة:طلاااق مني ألخرااا طلاااقققق .. زايدوون شكون نتاااا باالش تشدنييي طلاااق

بتاسم و رخف يدو عليها:انا خليل راك عارفة (غمزها كايضحك .. هي بغات تاااكلووو بقوة العصبية اللي ركبها فيها)

خليل مبتاسم:دابا تهدني و نتي تعصبتي غاااا من هضرة الوزيير اما المملك فرااك غاتموووتي وااقفة

كنزة باستغراب مخنزرة:أش كاتقصد

خليل جرها من يدها السليمة .. فالباركينگ دالشركة حتى وقف قدام واحد الميرسيدس .. حلها و تخشى فوسطها جبد شي فاصمات و كول و داكشي دالتعقيم:عندك الزهر ديما هازهم معايا (حلها الباب اللوراني جلسها و جلس على ركبتو و شدلها يدها كايقلعلها بقايا الزاج من يدها و بدا يعقمولها و هي كاتفكر فهضرة جوزيف و ترجف رجلييها كاتزهزهزهم بقمة العصبية) داك الوزير دالفرعون اللي بهدلك شخصيتو مستفزة

كنزة علات فيه حاجبها كاتهرب يدها مللي كاتحس بالالم:كيفاش وزيير؟؟

خليل:جوزيف دفتار الوسخ على قوولك ياختشيي هههه

كنزة باستغراب حالة فيه عينيها:ماشي الفرعوون هداااك؟؟؟

خليل علا فيها عينيها:ألاا أصااحبتييي .. قالك هداك الفرعون، ههههه الفرعون هو اللي دخل فاش كنتي خارجة أزين

كنزة جبدات فيه عينيها:العملاااق!!

خليل وقف بعدما لوالها فاصمة على يدها و دارلها صبارادرا:اه داااك العملااق ههههه .. هداك هو الفرعون ديالنا أزين .. و هو الملك هنا و داك اللي بهدلك وزييرو .. عندك الزهر اللي مابهدلكش الفرعون بحد ذااتو كنتي غاتزيييدي تشوهييي

كنزة عضات على شفتها بقووة كاتمتم:مزيان اللي ماشي هو حيت غاندم دينمووو .. ناااري داك اللساان اللي عندو نشدو و نشلضوو ولا دوك العينين نثقبهووملووو .. ناااري و نشدو ناري

خليل ضحك:هههههههههه نتي مفرعنة عالخوااا .. أجي أجي تاخذي البادج ديالك

كنزة عاقدة حواجبها:امممم و هاد البادج بالسلامة غايعطيوهالي غي هكاك!

خليل:مدام السيفي ديالك عندهم و هوما قبلوك غاتقولي لمديير شؤون العماال غيييي سميتك و كنيتك و جوج تصيورات صغاار من عندك و بصمة يدك .. نص ساعة و توجدلك

كنزة عاقدة حواجبها:تت انا مغانبقاش فهاد الخدمة 😡

خليل جرها مدخلها لداخل:زيدي و سكتي و نتييي فيك الفم بزااف .. أصلا انا قليل فاش كانرتاح للواحد و نتي رتاحيتلييك، غاتولي صاحبتي الانتيم

كنزة مخنزرة فيه:وييينو على صاحبتي الأنتيييم، نتا شفتك مثيييق راااسك و لصقتي فياااا

خليل بتاسم:هههههه للصراحة أه .. مثيق و بزااف حيت غانعرف نتعامل معاك ألعاافية .. هالبيرو دالمدير .. دخلي و عطيه تصيوراتك و جيبي البادج ديالك نساريك فالشركة

كنزة غوتاتلو فوسط وجهو:وااااالخرااا مادويييش معاااايااااااااا (دفعاتو و دخلات للبيرو دداك المديير .. فنفس الوقت كاتحلف على وزير الفرعوون .. نااوية تلقنو دروووس ماينسااهمش و ترد حقها و ترجعلو إهاانتووو.. ماشي كنزة اللي تتهااان بديك الطريقة .. قدام داك الكم دالبشار)


جالس مرجع راسو اللور فوق كرسيو فمكتبو الفخم، بين يدو صيگارو الضخم البني اللون .. فمو كاينفخ منو الدخان و كايشوف فالوزير ديالو منيم عينيه

تيمور ببرود:آش درتي؟

جوزيف بعدم اهتمام:نقيتلها وذنها شوية هه .. (غمزو)
تيمور مميل فمو للجنب:كانضن عاهرة فحالها دغياااااا تدخل للمصيدة .. خاص غير الوقت المناسب اللي غايكون عن قرييب

جوزيف بتاسم:هههههه وانا متافق معااك .. ماترتاحلهااش من الشوفة

تيمور نتر من صيكارو و صاط الذخان ثاني:اممم ثيقني انا كثر منك .. و ثيقني أنني مخططلها لبزاااف .. مغانرتاح حتى نشوف ديك العائلة مدمرة كيفما كنا مدمرين هادي سنيين و كيفما تشردنا فالزنقة

جوزيف بتسائل:و كون مكانتش عائلة بوك و عمك اللي عاونك كنتي غاتبقى مجرد خراز!

تيمور بابتسامة بااردة و هدووء:هاد المنصب هذا مخططلو من زماااان .. مللي كنت كانقرا .. كنت مخطط أنني نكون الفرعوون هه .. دابا بغيت العينين يكونو حاضيينها هي و داك خوها حيت مداخلالييش لهاد الذماغ قضية مصممة و فشركتي أنا! على قلة الشركات اللي عندهم .. بحث مزيااان ..

جوزيف وقف:ولا علييك .. هانا غادي دابا

تيمور شارلو بصبعو السبابة:سييير (غاتسد عليه الباب شاف فصورة عندو فوق المكتب و نطق بحنيين) ياليييت كل هادشي كان حلم (تأفأف و ناض جيهت زاجة عملاااقة .. كانت خلفية للمكتب ديالو .. هز منظاار و قابلو مع واحد المبنى بعيد بشي أربعة شوارع .. جا مقابل معااه .. تمعن فين كان كايتهدم .. تبسم بالجنب و قال ببرود بديك النبرة الهاامسة)
-عائلة العربي غادة و كاتنزل .. متشوق للنهار اللي نخرج قلبك من بلااصتو و نشويييه بين يديييه .. متشووووق أعلي العربيي .. ولكن قبل، خااصك تذوق من الكاس اللي ذقتوو .. كنت متمني داك القواد دباك يلقى نفس المصير ولكن ماكتاابش .. ولكن نتا و العاهرة ديالكم غاتلقااو مصيير عائلتي .. كنت متمني حتى مك تكون باقا حية .. كنت متمني نخلييها تلقى نفس مصيير مَّااا (زييير على قبضةة يدو وملامحو تشنجو لدرجة عروقة جبهتو باانو بارزيين و عينييه زاادو حمااارو) كنت متمني كل ديك العائلة تلقى نفس المصير اللي لقات عائلتيييي

🍁🍁🍁🍁🍁🍁🍁🍁🍁🍁🍁🍁

بعد مرور نصف اليوم .. كنزة أخيرا خرجات من مكتب المدير بين يديها البادج الخاص بيها و اللي غايخولها تتجول بكل راحة فديك الشركة .. اللي تقريبا كاع عيون الحراس و العمال علييها .. الحراس من أوامر الفرعون و الوزير ديالو والعمال من التبهديلة اللي كلاتها الصباح .. مشات مباشرة كاتشوف فواحد الجي بي إس تربط فتليفونها .. فيه خارطة خااصة بالشركة .. غادة من الطرييق بالمكاتب الخاصة بالمصممين الجدد .. حتى وقفات من الرجلين الطوال قدامها .. علات راسها و هي تخنزر فخليل اللي غمزها

خليل؛تعطلتي أبيبي وقت الخروج هذا

كنزة بغات تطرطق:أووووف

خليل ضحك:ماشي موشكييل .. غدا نساريك فالشركة و نعطيك ليديطاي دكوولشي و نعاودليك حتى على الشافة ديالنا التيتيزة الفنة الغزاللة .. هاااااح هبلاتنيي (عينيه ترسمو بالقلوبة .. كنزة خسرات فيه ملامحها و مشات من قدامو متجااهلاه .. خرجات جيهت مخرج الشركة، وقفات جنب طموبيلتها غاتهز السوارت و هي تسمع تليفونها كايصوني .. هزاتو و شافت اسم المتصل .. خنزرات و جاوبات بالنفخة)

-شنو أدادا؟

دادا:بنتي كنزة بخير؟
كنزة كاتأفأف:بخير شنو كاين؟

دادا:بنتي راه الوصية دباك خاص تتحل اليوم و خاص كاع أفراد العائلة يكونو حاضرين

كنزة حلات الطموبيل و ركبات فيها:اه و شكاتقوليلي انا شدخلني فديك العائلة؟

دادا تنهدات:بنتي .. خاصك تجي باش تتحل الوصية .. الحاج عبد الهادي وصا محامييه و أصصصر لحضورك نتي بالذااات

كنزة بعدم اهتمام:مجاياش .. مافيا مانطلاقا بشي قماقم خصووصا هدااك الملقب بخويا الله يخويلو القلاوي

دادا بعتاب:بنتييي حشووومة، هكا تدوي معايا أنا فمقام ماماك؟؟

كنزة تنهدات الجهد ملاقياهش تتناقش:دادا .. سمحيلي ماقصدتش .. الموهيم غانقطع (قطعات بلا ماتخلي مجال للدادا تنطق و نطالقات بسيارتها، مع انطلاقتها مع تبعاتها جيب فالأسود ضخخمة فيها جوج ڤيادر .. فأي خطوة ليها كاتصور و صورها كايتصيفطو مباااشرة لهداك اللي چالس فمكتبو بشمووخو و ملكييتو .. ملامحو بااردة و داخلو كايتحرق .. ماكرهش گااععع أصحاب دم العربي يقتلهم و مايخليهمش يعيشو فهاد الدنيا مزال)

📍وقفات بسيارتها فباب ديك البوابة الضخمة .. كلاكصونات كلاكصون طويييييييييييييييل مخنزرة فداك الباب حتى تحلها و دخلات بطموبيلتها، نزلات منها و تنفسات بضيق بسباب عودتها لهاد الڤيلا .. ڤيلا عائلتها المتبرية منها .. الڤيلا اللي ودعاتها بقلب صافي .. بريء خااائف و راجعالها بقلب جااامد .. و روووح نااارية تحرق كل من بغا يستغلها ولا يدير فيها كيفما تدارلها فالماضييي


مع دخولها لداخل الڤيلا مع مشات السيارة اللي كانت تابعاها بأمر من داك الفرعون .. تبسم ببرووود ووقف محاملش دوك الصور اللي وصلوولو ليها فالڤيلا دعائلتها الحقيرة .. مشا لواحد الماكينة عندو فحال الخلاط .. ولكن هي كاتقطع و تطحن الآلات الحاادة و القااسية، حيد الكارط سيم من داك التليفون و لاحو فديك الماكيينة .. شعلها و حضا التليفون حتى تفرتت مزياااان كايهمس لنفسو:مادمتي توسختي بتصاور عاهرتهم خاصك حتى نتا تهلك كيفما غاتهلك ديك العائلة .. هه لا للرحمة في قاموس الفرعون

🔱بالرجوع لتلك الانثى القوية .. الجامحة .. المنهكة، دفعات الباب الداخلي للڤيلا بعدما حلاتلها الخدامة الباب من الأنترفون .. دخلات مخنزرة كاتدور فعينيها فالأرجاء .. حتى توقفات لدقااائق نضراتها تحولو لجموود مللي قشعات عائلة باها الكرييمة .. جالسين فداك الصالون أمام زرقتيها، ملامح الإشمئزاز غطاو على جمودها من شوفتها لعلي اللي غي شافها وقف غايااكلها بعيينييه باغي يتلاح علييها يهلكها عصا و يربيها من شنو داارت فيه آخر مرة تشاوفو .. هي زاحت عينيها عليه و تقدمات جلسات فوق واحد الطابوري .. شافت فالمحامي دالعائلة اللي كان حاضر مع العائلة .. نطقات ببرود

-انا كنزة

المحامي ومئلها:ممكن لاكارط ناسيونال!

كنزة مداتهالو .. شدها من عندها و تأكد من هويتها .. بتاسم و جبد واحد الباليزة كاتسد بالقفل .. حلها و جبد منها مجموعة من الأوراق، دور عينيه بين الحضور و جبد ورقة الوصية اللي كانت مكتوبة بخط اليد .. تحنحن و بدا كايقراها

"عائلتي العزيزة،

في الوقت الذي ستقرأون فيه هاته الوصية .. سأكون تحت الثرااب .. ستكون قد انقضت اياامي و انقضى عهدي في هذا العالم .. أستوصيكم أعزائي، أنا أهدي جميع أملاكي الخااصة لابنتي .. كنزة .. هي فقط من تستحق تلك الثروة .. لقد حرمتها من جميع حقوقها عندما كنت على قيد الحياة .. و هذا فقط بسبب غضبي عليها .. غضب الأب صعب ولكنه حنون في بعض الاحيان، عزيزتي كنزة! أتمنى ان تسامحيني .. أتمنى أن تترحمي علي بعد مماتي .. اتمنى ان تنسي الماضي .. اتمنى الكثيير يا عزييزتي .. منذ أول يوم رأيتك فيه، في غرفة الولادة .. دمعت عيناي عندما أدركت انني قد ملكت الدنيا بولادة كنز مثلك حبيبتي الصغرى، أنتي طفلتي من المرأة التي كانت حب حياتي و اكثر .. اتمنى منكي المسامحة"

مع آخر كلمة مع علا المحامي راسو فالحضور اللي مصدومين من شنو تسمع، كنزة معلية حاجبها بدون ماتنطق ولا تدير ردة فعل بوجهها .. أما علي فكان كي الجمرةة اللي تحمراااات مزياااااان .. ولا كي القنبلة الموقوووتة دقااائق و غايطرطققق .. و بصصصح تفرركععع كايغووت بحدة
علي؛كييييفااااش هاد النمممم .. كيييييييفاااااااااااااش .. لا نتييييي ماتستاحقيييش الثروة دالواليد .. نتي ماشي بنتوووو .. نتي تبرااا مننك لاااااا ماتستاحقييهاااااااش

كنزة شافت فعصبيتو و كيفاش غايطرطق بتاسمات باستفزاز .. لقات فين تبرد الغيض اللي ركبو فيها جوزيف:هه شكون اللي مايستاحقهاش! انا ولا نتااا يالحشاايشييي .. السكاايريي .. المغتصببب .. يالقتااااال (قالتها ووقفات كاترمقوو بحدةة .. جميع الاعمام و العمات شهقو من شنو تقاال)

علي عينييه كايدورو فنفس الوقت غوت:نتييييييي يالكللبة .. بررربييييييي ماتكوون لييييك .. وابرررربييييي ماتااخديييهمم اناااااا اللي كنت معااه اناااا اللي خددمت معاااه .. انااااااا اللي عطييتو افكااار و وزاايدوون ديك الشركة فرعها الرئيسي كايتهددم و قريب نديرو فاييت، شمن ورث بقاالك

كنزة باستهزاء:لاكانت مشات الشركة ولا تهدمات ندير وحدة أخرى من الفلوس اللي غانورتهم و من العقارات و الأرااضي و الطموبيلات و الطيارة الخااصة و البااطو و.. (سكتات كاتضحك باستفزاز) ههههههه و كاع دوك الأملاك اللي عند پااپيي هه

علي ضرب برجلو طبلة دالزاج حتى تشتات و ناضو الحضوور مبعدين من قدامو:غانقت...

المحامي نطق مقاطعو:بلاتي و نتوما هجتو .. باقي ماكملتش كاااع الوصااية تهدنووو

علي شاف فيه مخنزر:شنووو باقي غاتقوول شنووووو

المحامي بتاسم و كمل قراية الوصية:امممم هنا قال السي عبد الهادي في حالة ماوقعات للآنسة شي حاجة .. ولا فارقات الحياة لا قدر الله .. كااع ديك الثروة غاتتحول لخوها، إلا فحالة لا الانسة تزوجات غاتمشي الثروة للزوج ديالها ولا هي تبرعات بيهم لبلاصة اخرى

كنزة ضحكات باستهزاء:حتى توقعلي شي حاجة و قسمو ورثييي هه (شافت فعلي كاتطلعو و تنزلو باستحقار) بلااا ماتخليك الهضرة اللخرة اللي سمعتي تخطط بزاااف .. حيت انا مابقيييتش كنزة دزماان .. هاد كنزة هادي تحرقك قبل ماتفكر تآذيها .. آاااا .. هه .. خووويااااا .. و نتاا أسي المحامي غانتواصل معاك باش ناخذ الورث دياااليييي .. غانديرو الإجراءات عن قريب ( كملات طريقها كاتعوج .. فالوقت اللي بقات العائلة الخاصة بيهم كاملة مبهوضة .. كنزة وصلات لسيارتها و طلعات فيها كاتنهج الدموع تجمعو فطرف عينييها باغيين ينزلولها ولكن هي راافضة .. رافضة تنزلهم و تضعف .. حركات راسها بلا كاتنيش على عينيها و تمتم) ششششش كنزة صاافي .. صااافيي هو مايستاهلش هادشي .. صافي ماات و خلالك منفعةة .. هه موتو حسن من حياااتوو .. هو بدورو كفس من ولدو .. مجرررم قتااال .. قتااااال .. مغتصصب .. عمرني ننسا ديك الليلة وشنو طراا فييها .. عمرنييي ننسااها أسي عبد الهادي (ديمارات الطموبيل كاتفكر فكلمات وصيتو و كتتستهزء عليهم فسرها) حتى متي عاد باغي السماحة .. حتى متي عاد ندمتي يالقتااال، حتى ماما نتا قتلتييها .. نتتا ماشي بنااادم .. ماااشييي بنااااااادم

فالڤيلا عند اخ كنزة .. بعدما خوات من الاعمام و العائلة بقا بوحدو مكوررر قبضة يدوو و مزييير عليييها بقوووة .. قريييب يتفركعععع تبسسم ببرووود مزيير على فكو بسنانو و تمتم بحقققد و غللل:روحك غانسلها بيديي .. غانقتلك و غانرد ما هو ملكي .. اصلا ماتستاهلي حتى فرانك يا الحرااميةةةة .. ماتستاهلييش ديك الثروووة .. تستاهلي الدفييين فالقبوورة يالقحبة .. تستاهلي الدفيين فالقبورة


وقفات بسيارتها جنب الكورنيش .. منطقة كاتطل على البحر، نزلات من طموبيلاتها و تكات عليها بضهرها كاتشوف فعمق البحر بعينيها و لونهم الأزرق العمييق .. عضات شفتها التحتية بقووة كاتستذكر كلمات وصية باها .. كاتفكر كي طلب منها السماحة و على ورقة .. بلا مايتواجه معاها .. بلا مايعتارف بأخطائو .. علاش حتى مات عاد بغا يتسامح معاها؟ .. علاش مللي كان عايش مداهاش فيها و معاونهاش رغم أنها عاشت 2 سيمانات فالزنقة وبسبااابو هو، 2 سيمانات و هي فبلاد غريبة .. مع ناس غريب و مجتمع غريب مافكرش أنها بنت بوحدها .. و نفسيتها مدمرة .. كانت غاتموت .. جاعت .. عطشات .. بردات .. عانااات .. كون مكانش صديق العمر مصعب .. كانت غاتبقى متشردة .. بلا مأوى بلا واالو .. غمضات عينيها بعممق كاتفكر لقائهم الأول كي كان

🔙🔙
جالسة فبيت قد القفص .. عاد كي كراتو .. حيت هربات من الولايات المتحدة .. مابغاتش تبقى تحت قبضة باها و من الفلوس القلال اللي كانت كاتجمع سافرات و كرات هاد القفيص .. زفراات بقووة حاسة براسها باغا تبكي ولكن هي حالفة عمرها تطيح دمعة على قبلهم مرة اخرى .. هي غاتقوي راسها و حد مغايبقى يتحكم فييها .. تنفساات بقوة وناضت وقفات .. لبسات مونطو و كاشكول و قفازات سخاان حيت البرد كايقطع .. طلعات ليبوط دالريش طواال كانو موضة داك العام .. خرجات من تم ضامة راسها بقووة و كاتشوف غي لتحت ناوية تقلب على خدمة باش تسير حياتها أحسن، علات راسها فجأة من شي همساات من جنابها .. شافت فالمنطقة فين ساكنة كانو الديور زوينين و كبار .. هي كارية غي بيت صغيييور فواحد المستودع مكايحتاجوهش .. بانلها شاب مبايناش فيه كوري من ملامحو .. كان كايشوووف فييها مطوول غي تقابلو عينيهم تبسملها .. هي كانت النفس كايخرجلها بالربو و الذخاان غا غمزها قفزات و حنات راسها معلية حاجبها بحدة و كملات طرييقها بلا ماتشوف فيه حتى توقفات فجأة من سيارة واقفة قريبة للحي فين ساكنة .. كان زاجها مكايبينش ولكن ماعرفاتش علاش جاتها الرهبة مللي شافتها .. تقدمات جيهتها ملامح الرهبة معتاليين أحاسيسها.. حتى قشعات واحد شاد تليفون كايدوي فيه عاطيها بالضهر .. قفزات مللي عرفاتو .. كان حاضيها فأياماتها فالولايات المتحدة


بالزربة قلباات الدورة ديالها و مشات متلبكة غاتقصد المدينة و المطاعم الشعبية الكورية، من خلال مسلسلاتهم كانت واخدة نظرة على انها غي غادور شوية غاتلقى محل تخدم فيه بلا مجهود كبيير ولكن فكرتها كانت غاالطة.. عيات تدور و تسول بلغتها الكورية البسيطة ولكن مالقاتش .. رجعات جارة وراها جرعات من خيبات الأمل حتى وقفات قدام المستودع فين ساكنة و هي تصعق منو شاعلة فيه العافيية .. شهقاات بققووة و بغات تمشي جيهت المستودع ولكن الناس كايجرووها .. هي عينيها دمعو كاتحرك راسها بلاا مامثيقااش شطرالها، الفشلة شداتها و قلبها بدا كايقفقف و كاتررعدد .. كوولشي مشالها ماعندها والو لا فلوس لا حوايج كولشي تحرق .. حتى وثائقها الرسمية مشااو .. شهاادتها دالقرااية مشاات .. كولشي ضااع .. شافت لبعيد كاتنهج و الدمووع محقوونين فعينيها و هي تتيبس مللي قشعات داك اللي شافتو جنب الطموبيل فاش خرجات، غمزها مبتاسم بالجنب و دار غادي فحالو .. هنا ستوعبات ان باها باغي يقضي عليها فهاد البلاد الغرييبة .. طاحت للأرض شنايفها كايترعدو و غمضات عينيها بقوووة باغا تبكي ولكن الدموع مراضيينش ينزلو .. شهقات ووقفات كاتجول فالزنايق بدوون وجهة .. كانت مرخييية و عياات .. تكونات فواحد الزنقة خاااوية جنب واحد الطارو دالزبل طوييل و عرييض .. تخباات مورااه و نعساات حد مشاافها .. هكاك دوزات جوج سيمانات .. كاتنعس جنب داك طارو دالزبل و الخدمة حد مابغاها بسباب حالتها الرثة و الريحة الخانزة اللي لصقات عليها من الزبل .. الماكلة كتاكل غي من البقاايا ولا كاتسعى شي بعض المرات ولا من داك طارو الزبل اللي كاتنعس جنبو نييت كاتعشى منو، فيوم من الأيام كانت كاتمشى سااهية وجهها مغبر و حوايجها مقطعين شعرها مشععكك و كولشي فييها مكايتشاافش .. الأغلبية من اللي كايشوفوها كايهربو منها حاسبينها حمقة، وقفات لدقااائق كاتسترجع أنفاسها حسات بصدرها ضيااق بييها .. رجعات خطواات للورااء و الضباابة تجمعاات عند عيينييها .. غمضااتهم و عاوداات حلااتهم باغا تطير الضباابة .. حتى ماحسات غي بجسمها كايهوى للأرض .. فقدات وعيها بالكااامل .. غي فقداتو قربلها شخص كان مراقبها من بعييد .. قشعها فالصبااح و من الصباح و هو تابعها .. هزها بين يدو بالزربة و مشا بييها كايجري فالطريق حتى وصل لسيارتو و نطالق بيها لأقرب كليينييك، فترة طويييلة و هي غايبة عن الوعي بعدما دارولها عملية غسيل معدة من الشي اللي كانت كتاكلو من الزبل و البقايا دالطعام، 

جالس جنبها كايتأمل فملامحها بعدما غسلولها وجهها .. كانت بشرتها بييضة كاتلمع، زوينة كاتفتن .. رموشها طواال وخذووذها حميمريين مطبزيين .. شفاايفها متشققين رغم ذلك كانو فاللون الوردي .. تبسم و دوز صبعو على ملامحها .. نزاعجات من يدو اللي نوغشاتها مع بدا يزول مفعول البنج .. حلات عينيها و تقابلو مع شعينيه .. هنا ابتسامتو زاادت وسااعت و همسلها بالمغربية

-على سلامتك
كنزة كاتحل عينيها بالزز تمتمات بصوت مبحوح:ف فين انا

-راكي فالكلينيك غي رتاحي دابا

كنزة باستغراب:شكون نتا؟

بتاسم و شد يدها بين يدو كايسلم عليها:انا مصعب .. من اليوم غانكون صديقك الجديد

كنزة رمشات فيه عينيها مستغربة و سااكتة .. كاتشوف فابتسامتو الهاادئة و تصرفو الشهم معاها، من داك النهار و هو معاها كايجي عندها للكلينيك اللي جلسات فيه سيمانة علاما تتعافى .. تعرفو على بعضهم و رتاحتلو .. عاوداتلو غي شوية دالتشاش على حياتها و هو كذلك عاودلها بالتفاصيل و على انه عندو عائلة فالمغرب ولكن مخاصم معاهم و طج معارف عليهم والو و هوما كذلك .. عرف بأوضاعها لذلك عرض عليها يعاونها و تسكن معاه .. هي ماقداتش ترفض من ظروفها الصعبة و من المشفى مبااشرة سكنات معااه .. بقاو أصدقاء من داك الوقت و هي من ديك الفترة قدات تقوي شخصيتها خصوصا من شنو وقع معاها .. تعارفو على سي گي و كليير عن طريق الصدفة .. كنزة فمعهد تعليم اللغة باش تزيد تتعلم كثر تعارفات على كلير و مصعب كان دييجا صديق مع سي گي ايوا و شكلو الرباعي ديالنا

🔚🔚

فاقت من سهوتها الطوييييلة على صوت من ورااها .. دارت و هي تميل راسها للجنب مللي بانلها ولد صغير تكون عندو شي 6 سنين كايشوف فيها

كنزة باستغراب:مالك؟

الولد:سولتك!

كنزة:ماسمعتكش

الولد ضحك:ههههه سولتك شكاديري هنا .. هادي منطقتنا

كنزة باستغراب:شكون نتوما؟

الولد شير بيدو للجنب:رااه المطعم دياالنا و تما كانسكنو و هنا كانلعبو انا و خوتي

كنزة بتاسمات:امممم انا جيت غانشم الهوى دالبحر شوية

الولد:مافيكش الجووع؟؟ ماما عندها ماكلة زويينة

كنزة بتاسمات:هههه و شنو كاطيب

الولد:الحووووت

كنزة بتاسمات كاتشوف فالأرجاء كان وقت الغروب:امممم واخا نمشي معاك .. نيت مواكلاش من الصباح .. من قباايلة وانا هنا ماحسيتش

الولد جرها كايضحك:على داكشي جيت دويت معاك، عائلتك مكاتخلعش عليك؟؟

كنزة عبسات بملامحها و تمتمات بين سنانها:عائلتي حرقولي القجر اللي كنت ساكنة فيه حيت ختاريت نهرب من قبضتهم سحابلهم غانتناازل و نرجع عندهم كانرغب

الولد بتاسم ووقفو جنب دارهم غوت بصوت عالي:مامااااا

خرجات مرى كبيرة من داخل داك الكووخ الخشبي المتوسط الحجم بطابلية عند نصها و فواطة كاتمسح فيها يدها:أشنووو

الولد مبتاسم:ماما جبت كليانة فيها الجوووع

المرى شافت فكنزة بابتسامة:مرحبااا أبنتي مرحباا ..زيدي دخلي

كنزة بتاسماتلها .. ملامحها شبهاتهم لملامح ماماها .. عينيها دمعو مللي شافتها و تفكرات مها .. تنهدات و تبعاتها بصمت لداخل .. كان مطعم صغير فيه ثلاثة ديال الطبالي خشبيين .. جلسات فواحد الطبلة بلا ماتنطق غي ساهية كاتشوف فالمرى اللي كانت كاتحرك فمها و كادوي معاها مبتاسمة .. مشات من قدامها غي كاتبتاسم .. رتاحتلها كنزة و رتاحت كثر فهاد البلاصة .. حسات فيها بالدفئ .. جا داك الولد جلس قبالتها كايلعب فواحد المربع دالروبيك بتركيز .. كان ذكي بزاف فخمسة دقايق رتب المربعات كل واحد فلون و شاف فيها مبتاسم:عطاهلي عمو الطويل

كنزة باستغراب:عمو الطويل؟!

الولد مبتاسم:اه هو طويل على داكشي كانقولو عمو الطويل

كنزة قهقهات بصوتها الانثوي:ممممم مزياان ههه كاتقرا أاا ..شنو سميتك بعدا؟

الولد:ريان😋

كنزة:اووو سمية زوييينة انا كنزة

ريان ضحك:ههههه سميتك زوينة حتى نتي .. انا كانقرا فالتحضيري


كنزة وماتلو براسها:امممم برافو علييك و عندك باباك؟

ريان ومئلها براسو:كايقيل يصيد على داكشي دابا مشا ينعس شوية

كنزة:الله يعاونو هههه (بتاسمات براحة ..تطلقات معاه ماعرفاتش علاش .. بعد فترة صمت تحطات قدامها شوية سخوووووونة دالسردين مع شوربة دالحوت حتى هي سخونة و جوج خبزات صغار)

كنزة بابتسامة:شكرا

المرى:مرحبا ابنتي .. انا عبلة تقدي تعيطيلي ماما عبلة

كنزة ومأتلها:واخا هههه غاناكل دابا (حنات راسها و هي تعض شفايفها بارتباك ولفات الماكلة فالموس و الفرشيطة .. ولكن تواضعات شوية و شدات الخبز كاتاكل فالسردين بتلذذ كان لذييذ بزاااف .. و هي فأوج انغمااسها فديك الشهييوة البنييينة سمعات صوت عبلة كاترحب بشي حد .. حلات عينيها شافتها كادوي مع شي حد وراها .. بغات تدور تشوف من فضولها ولكن تبثات رااسها، سمعات ريان مشا كايجري جيهت داك اللي رحبات بييه .. كايعيط بسميت "عمو الطويييل"

عمو الطويل بتاسملو و هزو فيدو و مشا لواحد الطبلة جات مور طبلة كنزة:اوووووه الفنكوش كبرتي

كنزة تبلوكات مودة من داك الصوت الخشن الرجولي، فيه بحة مألوفة عندها .. ماعقلاتش فين سمعاتو، جذبها و زااد فضولها تدور تشوف شكون هاد عمو الطوييل .. ولكن حيت عندها عزت نفسي مابتسمحلي عوجات فمها و شدات الشوربة كاتشرب منها .. حسات بالكرسي اللي قبالتها تجر .. علات راسها فعبلة اللي جلسات قبالتها

عبلة:شنو سميتك ابنتي؟

كنزة شافت فيها بابتسامة:انا كنزة

عبلة بتاسمات:سمية زوينة .. و مال يدك

كنزة شافت فيدها و تبسمات:هادي غي ضربت يدي و صافي

عبلة ومآتلها:وابقاي تردي البال ابنتي

كنزة:واخا

عبلة شافت وراها:ولدي تيمور هانا كانسخنلك شهيوتك

تيمور بصوت باح:واخا أزوينة ديالي

عبلة بتاسمات بخجل:يخلييك بالخلااا

تيم ضحك ضحكة رجوولية:ههههه نتي راك النوارة

كنزة كاتدور فعينيها باغا تدووور .. الفضوول غايقتلها تشوووفو .. قلبها كايضرب بالزربة ماعرفاتش علااش و بالها تشوش .. شرباات آخر مغرفة من الشوربة و قررات مللي غادور غاتشوف فيه مباشرة باش تعرف صاحب هاد الصوت شكون .. شافت فعبلة و بتاسماتلها:شحال عندي أخالتي

عبلة حركات راسها بلا:اول زيارة لعندنا فابور ابنتي .. زيدون انا ماما عبلة ولا نسيتي!

كنزة تبسمات ووقفات كاتقاد حوايجها .. :شكرا أماما عبلة .. رتاحيتليك بزاف .. هاد البلاصة خلاتني نتهدن واخا دازلي النهار مشاارجي بالمشاكيل و الأعصاب ههه

عبلة تبسمت:حرمة المكان ابنتي .. واعاودي زورينا

كنزة:ضروري و غانجيب صحابي معايا هههه

عبلة ومآتلها:مرحبااا بيييكم كامليين .. لا ماهزوكمش الكراسة نهزكم فوق راسي

كنزة حركات راسها بلا:يهزوونا و يشيط الخير غاتهناي .. احمم.. دابا غانمشي

عبلة:بسلامة

دارت كنزة كاتدور فعينيها على صاحب الصوت الباح العميق المميز و هي تعبس و قرنت حواجبها مللي بانلها فقنت بعيد .. عاطيلها ضهرو كايدوي فالتليفون .. كان طوييييل كيفما وصفو ريان ذو كتاف عرااض و جسم رياضي بلباس كلاسيكي، عضات شفتها بقوة و كملات طريقها بلا ماتدور وراها كاتفكر فأحداث هاد النهار و آخرتها فين صفات .. غي خرجات من الكوخ دار ذو الأكتاف العريضة و بانو ملامحو و تغوبيشتو المعقودة .. بدورو شاف جيهت الطبلة فين كانت كنزة و دور راسو يمين و شمال كايقلب عليها .. أيقن انها خرجات و قرب جلس بلاصتو بلا ماينطق ولا يتكلم .. غاسااارح لبعييييد و تفكيييرو مسااااافر كايحك على الخالة اللي تحت عينو

📍كنوزة📍
وقفات بسيارتها جنب الڤيلا الخاصة بيهم .. نزلات مرخية باغا غا تكى تنعس باش توجد راسها لحربها مع الملك ووزييرو سليط اللساان .. حلات باب الڤيلا بمفاتح إضافية عندها فصاكها و هي تصعق من داك اللي تقدم عندها مكشكش بعدما ضرب بتلييفونو فالحيييط ورااها و غووووت بصووووت عااالييي تسمع فالأرجاااء صداااه

-لاااا كون كنتتيييي غا زدتييي تعطللتيييي .. فين داك التلييفون عندك و شهاد السااااااعة جايااااا فييها هااااا .. معامننن كنتييييييي

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.