عدنان فتح سلسلة دسيرفيت واسد جاب البواط لي فيها دوا ديالو ... لبس ليكات وعاونو يحيد حوايجو وبدا كيداوي ليه الجرح لي كيبان غير سطر دالخيااطة على شكل زائد .. وبدل ليه الفاصمة ودار ليه البانضة ضايرة عليه باش يبقى صدرو واقف مشدووود مجررد... وعاونو لبس واحد البووودي كحححل جاه مطططرطق مع كتافوو عرااااض بسيف باش هبط على درعااانو ..... ولبس سروال زيتي عامرر جيووبا فجنااب على عادتو كيف شي عسكري ... وبروطكار ديالو .. مكيعرفش يبدل ستيل ديالو ...
اسد : (كان كيصاوب ليه دواء عبارة على ابرة كيخوييها فكاس دالما ..ضار لقاه كيلبس بروطكار ) راه قتليك خليك هنا
عدنان : لاا اصاحبي مجاتش .... انا بيييخيير .. ( رد داك الكمامة على فمو وداير طربوش كحل حيت ضعف المناعة كتجيب ليه البرد .. وشعرو طايح من تحت طربوش على عييينيه ...
طامو : تباركالله تباركالله ... اشمن دار اخوويتي تي كولي القصر .... شتي شحال دالوصيييفاااات عندهم وكلهم زوييييينات وجههم والله ماديال تمارة ... تي هادي لي قدامنا ضفارها طووول منها كيف كدير تغسل لماعن لبنت ختك
عيشة : زيدي زيدي باركا من الهضرة غاااتسسمعك وتشوهينا ...
طلعو لفوووق ودقات رجااء جوح دقات فبيت حياة دغيا حلات ليها وطارت على ماماها عنقااااتهااا .. ورجاء هبطات
حياة : توووحششششتك تووحشششششتك .. ( شافت خواتتتها وهبطات عندهم كتسلم عليهم ) تووحششتكم .... تعطططلتوو .. زييدو دخلو خالتي مرحبا بيك ( سلمات على طامو بتقاالة ماحاملاهاش ودخلو وطامو كتشوف مع البيت وعيشة كتفسخ زيفها تنفس
حياة : عيير كنكلس فيه فاش كتججي بيتي خليتو فدوارنا ... ( شافت عنها ماماها ) توحششتتتتتكم .. ياك ماتعدبتووووش فطريق ؟
يلاه غاتههضر وهي تبدا طامو كتسرسر
طامو : يابنتي عا قوليلي داك الراجل عندك واش كيصوك ولا كيطيييرررر .. معدتي خروضها لياااا ماقال هادو باشار لي راكبين معاه ولا شكاوي داللبن ساير يمخخخض فيهم .. شربت واحد الكويس ديال الحليب قبل مانشد طريك .... عليا بالييمييين ردو ليا راااايب فمعدددتي .. ولاااايني شغانقولك ابنتي ماعرفناها طانوبيييل ماعرفاها بيييت بلفووووطاي .. عطاااتهم الليام ابنتي عطاااتهم والله يعطينا معاهم ...
عيشة : طاااموو تي هنيييينا ( شافت عند بنتها ) وعلاش ماعليمتنييش ؟ ياك فاطمزهرا قالك ماشي دابا .. تاجا راجلك قال هدرا اخرى وجابنااا ... مابقينا عارفين شنو كاين
حياة : لا لا اماما .. غير ... غير زعمة كنا مأجلين .. وساعة قلنا نديو العقد ..والعرس منبعد حسن مانبقا معلقة هاكاك .. اللهم بعدا الحلال باش مايفتح عليما حد فمووو ( كتشوف لطامو )
طامو : ايييه بتي هدا هو لمعقول الله يرضى عليك ....نقشة بحال هادو خصك تشدي بسنين ورجلين ... ضربووو الكاغبيييط هاولفيجطة وقتاش ماجات تنفع ... تي قوليلي مال خوهم داير داك اللتام ديال الطباا على فمووو ... ياكما فيه داك لافينزاااوا ؟
حياة : لافينزاو؟؟؟؟ ياربي تصصبريني .. لا اخالتي غييير مريض شوية وخاصو يديرها ...
عيشة : الله يشااافيييه ويزيد من راحتو مزييناااتو راااااجل .. دخل ليا فقلبي منها خطااابتكم بضرافتو وهضيراااتوو ومأدب ....
طامو : تي واش غا هو ... كلهم يدخلو فالللققلبب تقول مكياكلو ماكلتنا كولشي زيييييين كولشي نننقي وحمرييين كي بلعمان ... تي شتهم كاع مكيشربو اتاي ؟ حطوه دوك الوصيفات شربناه عا حنا .. ياكما اتاي هو لي فيه ديفو مامخليناش نزيانو بحالهم..
نفخات طامو لحياة راااسسسسها بالهضرة دودودودو مابغات لاتسكت .. وخوتاتاها كيضورو ويستكشفو .. ولتحت كيحاول ما امكن يديو مبارك على قد عقلو ... ولامار ورتاج ناضو كيعطيو تعليماتهم لداخل لخدامات على قبل العشا و الكلسة ديال العدول تصاوب فالجردة من جيهة لورااانية حدا لابيسسين ... لي كانو نثرو فيه الورد والشمع على العادة ... مشاو كيصايبو وهوما واقفين عليييهم دايرين كلييسسسة ديال العدووول عبارة على طبييلة طويييلة فوقها الورد ... وجوج كراسة دالعرسااان ... وفوطوي طويل للعدول ... ومقابلة معاهم كلسة قصبية كانت تما ديييجا قادوها بليبوجي ولاباجورات ...
لامار : ديي هادييييك لهبيييه علقيها فدك الشججرة غاتجي حسن .... وهادي جروها ترجع لور ...
رقية : الله على ولييييدي الله ... ديما كنقول لوليدي اسد لي الله يحححفظو لياااا تعودو تردو بالكم وتحصنووو ريوسكم راه العييين علينا حححق اوليييدي علييينا حق .. انا نووووض دابااا نقلب على فاطمزهرا ندير لويليدي اتاي بفلييييوووو
سفيان : ( قرب لعند رتاج ) فيين حياة
رتاج : لفوق معاها ماماها ....
سفيان : مزال ماجاو دوك العدول ؟ ياكما ناويين يتسحرو معايا راه ساااعة هادي باش قتليهم يججيو
هزات رقية قسم لي بلقات عينيها دايرة كيف جججن ... ودازو لبيت حياة لقاوها واجدة واقفة غاتخرج شادة فيها ماماها .. لامار غي شافتها ووسعااات عيييييينها شاادة على فمها ...
رقية : تباركالله تبااركاله مشااااااءء الله حجبااااااب الله .... ربي ييححححفظظظظك من العييييين ...
لامار : فخبااارررك شحاااال جيييتي زوووينية ههههه
حياة : ( تزنكات عاضة على شفتها ) حححلفي ؟ زعماااا ؟
لامار : والله تاجيييتي وااااعرة .. غفلتيبيتي يا جنية ههههه ... يلاه زيدو نهبطو مولاي سلطان غايكون مابقا ليه صبر
طامو : صلييو عنبببي العيلاااااات ...
بدت كيصليو على نطالنبي رقية وطاموو وعيشة ....ولامار هزات قسسسم باش ماتبدا تغوووت تاني ساعة لا هاد المرة عجبها الحال غير كضحك وتصفق دخلها النشاط فالدم ... وهبطو فدرووج ورقية شادها من ججنب وعيششة من ججنب وخرجو من الباب دجررردة دركييت عند العدووول ....
سفيان كان طاالق اببيل فيدو ليوونس ... وهو يطلع راسو شاافها .. تشووووكا بحال شي لقطة حبستييها .... تيل طاااح من يدو على ططططبلة .... كيييطلعهااا وييهبططهاا ماااامتيييقش اش كيشوووف قدامو ... صصدمااااتووو لدرجة الضحكة ديات كتووسع على فمو شوووية بشششششوية .. وووقف بفرررحة ... كانت جاااية وحانية راسها دايرة فوولاااررر دهبي .. جات قمممممممة فالبشاااااشة والجمااال والبراءة زادها الحجااب نووررر كبير لوججهاااا .. سطاااااتو بيه .. هو لي كان كيتمنااااه فيها ... وكان كيضن غايلقا معاها صعووبة باش ديييرو .. صدااامتووو ملي هبطات بيه .... زاد بشششوية لعندهم وشد فيدها وهي حشماااانة غير كتعض فشفايفها وتضضضحك .... بااس يديها قداامهم وجرررها معاه... وهوما كيييزغرررتووو قلبوو و دنياااا .... وجر ليها الككررسي كلسااات ... باغي غييير دغيا ييسسييني ويديها مايتعشا ماياكل مايشششرب ...
كلس تاهو حداها وكلسو العدول قدامهم . ولوخرين كالسين مقابلين معاهم فااكليسة القصبية ... كيشوفو فيهم ورتاج شادة تيليفون ليونس كييتفرج هو واريييج فيهم ولامار كتصزر لشيماء ... وناض مبارك كلس حداها بححكم باها جابد لاكارط ديالو من قبو ... وكلس اسد من جيهة اخرى كينوب على الوالد دسفيان .... وعيشة عينيها غير كيسيلو بدموع وتمسح بفولارها والفررحة على وججها لبنتها .. وسفيان ماهبطش عييينو عليها باغي يهضر ولاكن تلف ليه الكلااام ملي شافها بالحجاب .... تااعييق بالشوووفة كاع.... عيات تومي ليه يهبط عينو والو .... ماحشم لا من باها لا من مها ...لامن خوتو .. كيشوف بحال شي واحد عمرو شاااافها ... ... حل العدوول الملف قدامهم وبدااا الللمعقووول هي رجلييها كايترعدو علييييها وعاضة على شفتها جاها الموت ديال التوتررر ....
العادل : سي مبارك ولد احمد فاضيل .. سي سفيان القحطاني ولد عزيز القحطاني المرحوم .. لي كينوب عليه الاخ ديالو سي اسد الاسماعيلي . . كيتقدم للبنيتة ديالك السيدة حياااة فاضيل على سنة الله ورسووووله ..وبحظور الشهود الكرام ... وهذا يوم الخميس التامن غشت .. الموافق لتاسع وعشرين دو القعدة ( سفيان غير كيحك فجبهتوو امتى غايسالي هادا الخبيير ويطلق المعقول ) على مهر يقدر بقرآن كريم كتاب الله عز وجل ( مبارك طرطق عينو هو وطاااامووو الششششمتة بقا غير كيسرط فريقو ويرخف صداف دالقاميجة لي تحت جلابة ) وهذااا بحظوورر اسا(قاطعوو)
مبارك : قااابل اسيدي قااابل ...ولاكن غير هو .. عندي ( شاف معاهم حشم يقول ليهم على صداق ورجع سكت قال تالمنبعد ويهضر بنتو مهم هو غير داااتووو وغاتزوج بيه ويتناسب معاهم مابغاش يخسر هادشي ) اا .. قاااااابل ...قابل
العادل يلاه ضار عند اسد
اسد : قاابللين قابلييين ( كيومي ليه بيدو زعما غير فك وفضي للغراض ويد متكي عليها وجهو جاه الملل )
ضار العادل شاف عند حياة حتى قاطعو سفيان
سفيان : والله اسسسي محمد حتى قابلة تااهي ... عطيننااا فين نسنييييو ...
العادل : لا والو خدمتي نيديييررررها ..
حياة قرصااتوو من تحححت يسسسكت وهو غير شاد على راسو ولامار ورتاج كييموتو بضضضضحك اما يونسس واريج فالكاميرا خلااااص ... وعدنان غير مبتسسم حاااس بيييه وبالعافية لي شاعلة فيه مكلس قسم عندوو كتفرج ويلا ضحكو تاهي كضحك وخا ماعارفاش علاش...
العادل : سيدة حيااة فاضيل بنت مبارك فاضيل ولد حمد فاضيل ( سفيان كيرخف الصداف يتنفس ) قاااابلة بسيد سفييااان القحطاني ولد عزيز القحطاني لل ( قاطعو بعصبية )
سفيان : وداك عزيز القحطاني راك قربتي تنوضو من قبرووو بقوة ماجبدتيه هاد ليلة ... وااااكلشي عارفني ولدو وكولشي عارفو ميت لمن كتتخبر ؟ .. را مامعانا تاشي حد براني .. هادو خوتي عارفيني ولد من .. وهادي تاهي عرفاني ولد من ..والله حتى عااارقين سميتي سفيان وكوشلي عارف سميتها حيياااة تاهي صااافي رااااك طيبتيييناااا ..( هز سليتو ) فييين نسسسسسني ....
حبيبي الأصم الجزء 321
محتوى القصة
التنقل بين الأجزاء