عقل طفلة في جسد امرأة ناضجة...هادي هي هاجر بشخصيتها العنيدة و المرحة طفلة هي و عند عصام تفتحات كيف الوردة بالحب لي كيسقيه بيها كل تانية....
خارج الغرفة ديال هاجر كتواجد كل العائلة شي واقف و شي جالس و حليمة مسكينة شداها تلفة ما شدها ارض ما رفعاها سما ....غير دور و تندب و تقول درتها بيدي و خرجت على بنتي ....
عياو ما يصبرو فيها و هي ما قدرات تصبر على كبدتها المحروقة...و زيد راجلها لي عطاها على ودنيها و سمعها لكلام لي عمرها سمعاتو منو.....تقلق منها و خطاها لكلام و لات مسكينة كيف لمقطوع من شجرة كاع لوعارية ديالها مشات و بقات غير كدور في بلاصتها مرة تشكي على بنتها و مرة تشكي على ختها و هما ما صابوو غير يسكتو و يقولو كلشي ايرجع كيف كان...
تسناو تا عياو و لعند هاجر تمنع دخول و من سولو علاش قالو ليهم راجلها ما باغي حد يشوفها و لا يدخل عندها من غيرو ....
شي سكت و شي ما عجبو حال و منهم لالة الياقوت لي بغات طرطق في بلاصتها خصوصا ما عندها خبار و علاش هاجر رجعات لكلينيك و لي سولات ما كيعطيها خو كلامها تا طلع ليها دم و بدات تحمار و تصفار كثر من حليمة ..حسات بيها بنتها و لعندها قربات...
اسماء: ياك لباس اماما مالكي بزز باش كتنفسي....
الياقوت: والو بغيت غير نعرف مال هادي رجعات تاني هنا و تقول واش حد باغي يعطينا لكلام....
اسماء: وخلاص اماما عصام قاليهم ما تقولو والو وها البنت كلشي كيقول ولات مزيان غير هو خويا ما بغا حد يدخل عندها...
الياقوو : وعلاش ما مخلي حد يشوفها انا هادشي ما دخل ليا راسي البنت كل مرة جايا لصبيطارات بدمها انا ما نتيق فهادشي....
اسماء: لعني شيطان اماما البنت ما ليها والو مسكينة اتكون غير عيانة ...قالت بشوي حشمانة ...و لا خويا جا عليها كبير....
الياقوت شافت فيها بنص عين: الله يمسخك ا بنتي هادا ما جاك في راس و زيد سيدي عصام عارفاه ما يأدي حد و كلشي كياخدو بالخاطر و زيد وخا يكون ديال راجل كبير كتقدر البنت توساع على حساب راجلها..باين هاد صكعة بيها شي حاجة و ما عدنا عليه خبار...
اسماء: شغادي يكون كاع و تا لكان منها راجلها هو ما بغي حد يعرف مالها اش دخلنا حنا بيناتهم و راكي عارفة عصام مكيحملش لي كيدخل في حوايجو ولا يسولو على شي حاجة هو دارها....
الياقوت: وهادشي علاش ساكتة ما قدرت كاع نسولو تا على ديك عقروشة لي كاينة في دار ما قدرت نسولو اش ايدير معاها ما حدو قالك خليها و زاد كملها جايب ليها دوك فرمليات كملات ليا القضية تم تا قلت تهنيت من كمارتها و ها هي رجعات تاني طلع ليا الملحة و سكر...
اسماء: نو اماما مكنضنش شفتها متبتة و غير مخلوعة و خصوصا من كتشوف عصام كتهرب من قدامو قبيلة غير شافتو داخل غبرات و بانت لي تا حالتها ماشي تال لهيه بحالي دايخة ولا منعرف راكي عارفة معنديش معاها هادشي علاش مسولتهاش كاع وخا بقا فيا داك الولد لي فكرشها حيت متستاهلش تكون ام... كاع كيف اتولدو اتعطيه لمربيات يربيوه وهي ترجع لقصاير و صحابات تاني و عصام ميرضاش لي يربي ولدو من غيرو افففف فهادشي كامل بقا في خويا و مرت خويا هاجر مزال صغيرة و الحنة في يديها تا طاحت عليهم هاد لويل يخخخخ....
الياقوت تنهدات بجهد تقول جبل فوق كتافها: اودييي خليني ساكتة مكاين لي عجبني فديك هاجر قد نتفة لي عطاتها ليها بردات ليا لغدايد الله يرضي عليها بعدا قد دراعها قد فمها ما فيهاش غير بلا بلا.....
اسماء جابت ليها ضحكة: هههه وشوفي تا عصام و الله ما قال ليها شي حاجة سكت و خلاها تعصيها بحالي باغيها فيها ههههه جاني بحالي كيقوليها الله يرضي عليك ابرهوشتي ههههه....
الياقوت حطات يديها على فمها جاتها ضحكة من تفكرو داك نهار تا تم خارج عندهم كيف لغول شعرو هابط و مغطي ليه لعنين و صدرو منفوخ و كتافو عراض و طولتو ما يفوتها منو حد..راجل كامل مكمول لا من زين و لا شخصية و لا جيب ما فيه ما يتعاب....
هز راسو تا هزو بدوك العنين حمرين و يا ربي ما حطهم غير على حليمة لي تهزات تال سما و تخبطات مخلوعة بلا ما تحس بدات كتويل و تندب....
في بلوك كيتواجد جسد مغمى عليه بحال جثة لونها اصفر و ملامحها مرهقة..هازين ليها رجليها كل وحدة في قنت و الوسط كاينة طبيبة دايرين مصباح قدام جرحة لي تفتحات من جديد و مع كامل الاسف كان جرح قريب يلتأم و من عاود تحل بديك طريقة بحالي تمزق ليها لحم .... لقاو صعوبة يرجعو يعاود لغراز من جديد خصوصا ديك بلاصة تنفخات ليها بشكل ملحوض....
وهو مزال واقف عليها خاشي راسو في شعرها كيتنفس ريحتها بهدوء و يدو مشبكة مع يديها و حاطها فوق قلبو لي كيضرب بجهد...معرفش شحال داز ديال الوقت تا كملو ليها مسكينة ..هز راسو في طبيبة بعنين مضببين و مشفرين و مجبدين و لونهن زرق مغلووق....
عصام بصوت غليض و قاصح : شنو وقع ليها....
طبيبة: مع كامل الاسف جرحة رجعات تحلات ليها من جديد و بزز باش رجعنا جمعناها حيت صعيبة بزاف و جرحة كانت قريبة لمخرج ديالها و لكن حفضها الله و نجاها اما كانت اتعدب بشكل مضاعف عن الالم لي هي فيه حاليا....
عصام عض فمو من لتحت و ملامحو بارزة و عينيه زادو حمارو و وساعو : وقتاش اتفيق....
الطبيبة: من هنا ساعتين تقريبا غير يمشي منها لبنج اتفيق....
عصام مزير و حروفو كيخرجهم و هو ضاغط عليهم بزز : اتعدب ...
الطبية : مع كامل الاسف اه ،، الغراز ماشي ساهلين ومن تعاودو تحلو فهادا مشكل اخر و هادشي علاش انشدوها مدة 15 يوم و انقابلوها تا يلتأم جرح من جديد حيت صعيب يرجع كيف كان......
عصام غير كيسمع و بقا ساكت معاودش سول غير عنيه لي كيضورو و ممركزش على بلاصة وحدة يدور يشوف في هاجر لي لا حياة فيها و يعاود يهبط عينو لوسط ديالها ..بقات نضراتو متعلقين غير بينات هاد جوج.....
طلعوها لفوق لغرفة جديدة و هو حداها مخطاهاش و العائلة برا عياو ميسولو فيه و هو مكيعطيهمش خو كلامهم و من دخل عند هاجر ما خرج و منعهم كاملين ما يعرفو اش واقع ليها و لا يدخلو يشوفوها قطع عليهم لما وضو متصوقش ليهم كثر ما مصوق لهادي لي بينات عنيه......
واقف حدا شرجم و البرد كيدي ليه شعرو و كيشوف في هاجر بنضرات حزييينة و غالب عليهم الالم....
دخلات لممرضة عودات قضات ليها سيروم و بلا ماتقصد جرات ليزار لي كانو مغطين بيه رجلين هاجر و كيف تجر خرح عصام عينو في فخاضها لي فيهم نقاطي زرقيين و من لوسط حمرين بحالي تسحق دم فيهم....
قرب ليها و عينو خارجين و بدا صدرو كيطلع و يهبط و ودنو كيعطيو صفيير ....حط يدو على فخاضها و هبط عينو بشوي لقاهم ملونين بي اتر القريص لي عطاتها حليمة..
هنا عقلو بدا كيخدم و يستنتج غير وحدو ...زير على سنانو بجهد تا الفك ديالو عراض ولا كيسوط نفس سخونة بحال ثور عرفها مها لي دارت ليها هاد الحالة......
تم خارح عندهم بحال الوحش معاقلش على راسو اش ايدير في حليمة من غير ايلصقها مع الحيط وخا يوقع لي يوقع مغديش يرحمها يكفي الحالة لي وصلات ليها هاجر و هو حدرها متقيصهاش وهي ما دارت لا بوجهو ولا كلمتو هبطات منو و ما حسبات ليه حساب و لا مكان... نقصات من رجولة ديالو بهاد تصرف لي دارت تا ما بقا يشوف قدامو وعلى حفير قبر حليمة عول.....
كيف وصل لباب حس بصوت ضعيف هامس في ودنو...بسرعة ضرب دورة مخرج عينو في هاجر لي بدات كتحل عنيها و تخرح انين من فمها بسرعة طار عندها حط يدو على جبهتها و عينو كيبحتو في تفاصيل وجها...
عصام بخوف: حبيبة ديالي باش كتحسي...
هاجر بصوت تقيل طاغي عليه المخدر: ما كنحس بوالو ب غيت ن نشرب....
عصام باسها في جبهتها و يديها : ماشي دابا ا حبيبة تا تفيقي مزيان و نعطيك تشربي...نعطيك لي بغيتي غير رجعي بصحتك و بزلزال لي كنبغيه فيك....
و سط هديانها تبسمات و عنيها مغلوقين بحال شي طفل صغير بريئ وهو كيبوسها في كل قنات وجها و عنيها و راسها... باين خوفو عليها غير من عنيه .....
هاجر رجع غلبها نعاس و قبل ما يتقطع صوتها هضرات بشوي: م ماشي ما ما ماشي حليمة هي ب بغات م مصلحتي و ن نتا كتبقى ت تاج ف فوق را راسي....
كيف كملات كلامها رقد عليها لسان و غلبها المخدر و رجعات نعسات غايبة عن الوجود وهو بقا غير كيشوف فيها بنضرات ممفهومينش....
كيفاش فاقت فديك اللحضة لي كان ايخرج عند حليمة يخلي دار عشتها بالمزيان..كيفاش حسات بيه انه خايف عليها و اعصابو خرجات عن سيطرة و ميقدرش يتحكم فيهم كيف عادتو وهي بهاد الحالة...
كأنها وخا غايبة عن الوجود مزال احساسها بيه حاضر كأنها فعلا خلقت من اجله فقط...كأن روحها امتزجت مع روحه ليشعرا ببعضهم اكثر من اي تنائي اخر في الوجود.....
حط يدو على جناب البياص كيشوف فيها.... جبد الهوا تا دخلو لريتو مزيان عاد خرجو بصوت مرتفع بحال الحنش.....غمض عنيه و رجع تحكم في اعصابو مزيان ....خرج عندهم كيف لغول شعرو هابط و مغطي ليه لعنين و صدرو منفوخ و كتافو عراض و طولتو ما يفوتها منو حد..راجل كامل مكمول لا من زين و لا شخصية و لا جيب...راجل ما فيه ما يتعاب....
هز راسو تا هزو بدوك العنين حمرين و يا ربي ما حطهم غير على حليمة لي لخوف دخلها و على بنتها غوتات و كيف سمعات صوتو سقلات و لعند راجلها هربات و ورا ضهرو تخبات و بنص عين شافت في نسيبها لي طيح منها نص و كل و وعاريتها تسرطات قدامو ..
حدرات راسها و ما عرفات فين تعطيه و هو عينو ما هبطو عليها و كل كلمة خرجها وهوا باغي يطرطق من لداخل ....
عصام: لي عندو شي دااار يمشيييي لييييها ...خنزر في حليمة مزيان ...على وجه هاديك لي معطيتييييها وجه انسكت...زفر بجهد و غوت بحر جهدو ...لحساااااب مااااشي دااااباااا.....
خنزر فيهم كاملين وضرب دورة عطاهم بضهر دخل عند هاجر و زدح الباب في وجهم تا فقزو كاملين من بلاصتهم... رجال و نسا كلهم تخلعو قدامو اما سي حميد مالقا فين يعطي وجهو لي ولا حمر و تزير عليه الحال ...و بلا ما يزيد كلمة ضرب دورة خرج بحالاتو و نفس كطلع و تهبط ليه ......
في دار العسكري كلشي مجموع في صالة ساكتيين و صاقلين و عنيهم غير على سي حميد لي داير يدو ورا ضهرو وهاز فيهم سمطة.... كيمشي و يجي قدامهم ما لقا راحتو لا فجلاس و لا فنوضان و نفسو حارة ما كيرضاش و زيد بنتو لي تمنع يشوفها و هي منو و من دمو و اغلى ما عندو .....
هز عينو في حليمة لي لخلعة فشلاتها و رجعات ورا ختها و بنتها مسبقاهم ليه و مبعدا راسها من بين يديه وحاطة يديها على فمها كتطلب و تزاوك فيه....
حليمة: لعاااار اسيدي حميد ما نعاود و الله ما درتها بلعاني بغيت غير نهضر معاها تا لقيت راسي كنليع فيها.....
حميد مخنزر و كيضرب في سمطة فجناب تا كتنقز سلوى و سومية مخلوعين كيبغيو يهربو من قدامو كيلقاو حليمة شاداهم من لور ما مخلياهم فين يزيدو...
سي حميد عنيه حمارو: يااااك قلت ليك اهاد لمرة نقصي من دييك لوعارية عندك و فارقي عليك البنت راه تزوجات وراجلها قاد بيها هو باغيها كيف ما هي و نتي اش دخل شطاطتك بيناتهم يضربها ولا يقتلها كاع اش جاااااابك....
حليمة كتنقز من كتشوف سمطة جايا لجيهتها: وووواع لحمي ما يقدر على عصا اسي حميد راه لي نويت ما صدق بغيت غير نقريها و نعلمها تحتارم راجلها.....
سي حميد صهد دخل عليه و بدا كيعرق و يسوط و يدور في راسو: مااااشي شغغغلك الالة دخلييي سوووق حمااارتك... قاااالك مااا تحطيييش علييييها صبع و نتي دااايرة فيها يديك و رجليك ..دايرها قد راسك لي يزلق فيها بغل و ولدو .....
هز سمطة عطاها بين رجلين تا تهزات تال سما و تخبطات كيف البيدوزة و قبل ما يعاودها جمعات الوقفة طايرة من بلاصتها و شدات في بنتها جابتها قدامها و سومية كتجي فيها دقة مسكينة تا مبقات قادة تصبر...
سومية: ووو ااااااح ا با راااك مشاركني معاها اهئ هئ ...تقهرات بضرب و تا لبغات تهرب كتلقا مها شادها من لور ....ابا ها نتااا ضرب في جناب و غادي تقيصها غير هيا الله يخليك راه مقادة على سمطة واش تبغيني نمشي عند راجل مزوقة و يتجبد مشكل اخر بحال راجل ختي.....
حليمة عطانها بطرشة لجدارة لودن تا قلبات سومية مسكينة: ياااك ابنت لحرااام باغياها فيااااا و داااك راجل عندك بحااال داااك لغول لي عند ختك شوووفة فيه هبطات مني نص تا بديت نشهد فنفسي....
حميد كيضرب و يعاود : هاد مك لا ما قسمتش ليها راس راه عمرها تحمدو ....هضرتي كدوز ليها من ودن و تخرج من لخرا عيت ما نهضر معاها و لا بغات تفهم تا عيت و قلت نسكت و خليها هي تربي ساعة ما شفت منها تربية حادكة غير فتخرااج العنين كيف لعجل....
حليمة رمات بنتها من قدامها بحال لورقة و خنزرات في حميد : ياااك اراااجل وليييت ليك بهيييمة في عنيك هادي هي لحبيبة و لكبيدة لي ضل تغنيهم عليا ......
حميد شحطها بين رجليها تا بدات كتنقز من سداري لسداري بحر شحطة لي كيعطيها : الله يعطيك مصييبة فهااد نهااار حشمتييني مع نسيييب و مرغتي ليااا وجهي في الارض قداااامو ....ما قدرت نهضر و لا نتكلم قدااامو حيت مرااااتي يديها شااايطييين علييييها......
حليمة سنطيحتها اتخرج عليها و كيقولو لمن جات هاجر كتشبه وهي مخلات والو من حليمة .....
حليمة: ومااالي اسيدي اش درت كاااع يااك هادييك بنتي و انا لي حاااملة بيها و معدبة بيها و مربياها تا ولات مرا وجا و داها كاملة مكمووولة مااالنا تشرطنا عليه ياك هيا منا و من دمنا ....
حميد تلاح عليها كيعطيها غير بينات رجلين وهي حماتها لغوات تا قربات تصخف و سومية تفك و سلوى تفك اما واحد ايوب مسكين كيطل من جناب الباب و كيبكي بوحدو ما عرف باش تبلا تخلع....
سلوى: الله يرحم ليك الوالدين اسي حمييد لما ديير غير بوجهي و باركة عليها راه صافي سلختيها ما بقا فيها ما يداااار...
حميد كينهج : شهدي ..شهديي علييها اختي سلوى من نهار تزوجت بيها عمري حطييت عليها يدي وربي شااهد عليا هادي اول مرة و لكن ما دارت فيها مااا يصلاااح سيد من نهار دخل لدارنا و هو مكبر بي بنتنا و انا عارف بنتي وحافضها جات لمها..و عارف ما دوزات على راجلها كيف دوزات عليا هاد العودة ...هز يديه لسما....واااش كاااين شييي ولد لمرااا لي يعطييي فصداااق مياااات مليوووون اعباااد الله اش اتزييدي تشرطييي على هدااا مزاال و هو مخلاك فين تحلي تا فمك ....
سلوى كتحاول تهدنو و حليمة في القنت كتبرد عضامها لي مبقاو صحاح: عااارفة اخويا حمييد راه عصام كنعرفو مزيان هو راه يهز الواحد فوووق راسو غير ميبغييش لي يدير عكس هضرتو و ختي غلطات لكن غير حيت تخلعاات على بنتها و الكبدة اخويا ما كتشاور....
حميد جلس فوق سداري مخنزر: لاا هيا عندها كبيدة انا اااش عندييي ياااك تا هي بنتي و من شفتها دااخلة مع راجلها و مشادين ليدين ميكت و قلت ما حدهم حلو مشاكلهم راسهم ما عندي ما ندخل و نحرج بنتي بكلامي و ربي عطاها راجل لي فهمها ...و شنو دااارت لالة حلييمة مشااات كتضربها قداااام ناااسها ما دارت لا بوجها هي و لا بوجه راجلها و لا بوجهي اناااا.....
سلوى : صاافي برد اسي حميد انا انهضر معاها و عصام راه غير معصب دابا تشوف ايجي عندكم تال دار و يدخل ضاحك و ناشط بحالي ما وقع وااالو راه قلب داك سيد ما كاين بحالو غير رخف على راسك و يكون خير....
سي حميد مزادش الهضرة جمع الوقفة هز فوقية ديالو حطها فوق كتفو و خرج مخنزر خلا ليهم دار و حليمة بقات كتنين و توري لسلوى ضريب لي مصور في لحمها و هي غير كتخنزر فيها و ما قالت غير....
سلوى: ا والله اختي تا عجبني فيك و برد غدايدي فيك انا بغيتو يعصيك كثر تا تبولي فسروال ساعة لقيتي لقلب هشيش و عليك ولف .... بدات كتعيبها...ما لنا تشرطنا عليه الله يعطيني وجهك فهاد نهار اختي.....
حليمة بالغدايد طارت على سومية بعضة تا طارت من بلاصتها مسكينة كتبكي....
حليمة: ااالله يلعن زااااامل ب.....عضات لسانها بجهد مكملاتش لهضرة مخرجة عنيها في سومية...اتنوووضي تجيبي ليا زييت تجي دهني ليا هاد الحالة لي دااار ليا باااك لا.....
سومية نضات كضرب رجليها مع الارض و كتغنغن غير وحدها.....
حليمة: بقااااي تبركمي عليا تم هااادااا سرييي نيييت لي حااالة كرشيي على راابعة المساخيط الله يعطييكم دقة فهاااد نهااار .....
سلوى كطلع و تهبط فيها: اللله يستر اختي هادشي لي نقول ليك مكاتسااالييييش....
في فيلا بن جلول داخلة اسماء هي و لالة الياقوت غير كيتنهدو....
الياقوت: شتي عصام كيف غوت قبيلة و جرا علينا ....
اسماء: متزديش فيه اماما راكي عارفة خويا حاطك بينات عنيه غير هادشي لي وقع عصبو و ما بغا تا حد يبقى معاه و راه من حقو....
الياقوت جلسات و باين في وجها بقا فيها الحال: الله و اعلم من نهار تزوج ما بقا كيديها فيا و لا يسول عليا كيف مولف....
اسماء: لعني شيطان اماما مراتو مريضة فين لعقل لي يفكر بيه و الله يخليك رخفي شوي راه يسمع منك شي حاجة متعجبوش راه يدور فيك راكي عارفاه مزيان .....
الياقوت: اوا شنو دابا ايبقاو في كلنيك ميجيوش الفيلا....
اسماء: فين عمر خويا كيقول شنو ايدير نهار ايبغي يجي ايعيط يقولها كيف العادة و نتي عطي راسك راحة بلا متبقاي تفكري بحال دوك العكيزات لي كيقولو دات لي ولدي راه عصام ماشي بحال هدوك راه كلشي عندو بالعبار و كل واحد عطيه وقتو و قيمتو و قيمتك اميمتي ما يزعزعها جبل عندو.....
الياقوت غير بكلام بنتها بدات كطلع معاها ضحكة و ملامح الارتياح ضهرو على وجها....تقدر تصبر لكلشي الا ولدها يعطيها بضهرو هادي ما تقدر تصبر ليها مسكينة لكن بهضرة اسماء رتاحت.....
اسماء جمعات الوقفة: مهم انطلع نجمع حوايج هاجر فداك البيت لي كانت كتنعس فيه حداك اما تا الجناح راه مكيخلي حد يدخل ليه...انرسل ليها حوايج مع زهير قالي ايدوز عليا نمشي لداري خليت ولدي بوحدو مع الخدمات....
الياقوت: ديري لي بغيتي غير غدا رجعي عندي نوجدو شي حاجة نديوها ليها راه ماكلة صبيطارات ما فيهم مداق....
بقات اسماء كضحك و هي طالعة في دروج: احياني عليك اماما باين هاجر دخلات ليك لخاطرك غير مرضياش تقوليها....
الياقوت جمعات ضحكة بزز: اوا صافي بقات لي غير ديك لفعة نديها فيها.....
طلعات اسماء الفوق كيف قربات لبيت هاجر شافت ميار جايا كتلوى بين رجليها بحالي دايخة..عقدات اسماء حجبانها بتسائل.....
اسماء: ميار مالكي....
ميار كيف سمعات صوت اسماء صفارت في بلاصتها و خرجات فيها عنيها...بزز باش شدات في راسها و قدات وقفتها و تكلمات بصوت تقيل: لا والو علاش كتسولي....
اسماء شمات شي ريحة ماشي تال لهيه و هي تخسر ملامحها: شهاد ريحة الخايبة و مجهدة منين جات....
ميار كترعد في بلاصتها: لااا هادي غير ريحة خديتها من كنت في جنوب افريقيا ...قولبوني فيها و عطاوني مزورة في الاول كتكون ريحة زوينة وفي تالي كترجع خايبة ...
اسماء هزات حجبانها : ومالكي كتمشي و تجي في بلاصتها بزز باش واقفة ...ياك قالت ليك طبيبة ما تحركيش بزاف على ود البيبي.....
ميار جميع الوان طيف دازو في وجها: غير عيت بلجلاس و قلت نتمشا شوي و كنت شربت دوا كيتقلني و يدوخني لقتيني راجعة نعس....
اسماء حركات راسها بلا متزيد معاها الهضرة اصلا عمرهم تفاهمو و لا هضرو بحال ناس مكيتحاملوش و غير خوفاً من عصام كانو كيديرو هدنة قدامو و غير يغبر ينوضها عوتاني.....
دخلات اسماء لبيت هاجر خدات ليها كل لي تحتاج من ملابس داخليه و بيجامات مع فولارات و لاتروس ماكياج مع ديال لحمام و كريمات لي كدير..كلشي جمعاتو في فاليز و هبطاتها معاها لقات راجلها كيتسنا فيها...
سلمو على الياقوت و شدو طريق لكلينيك...دخل زهير لحوايج عند عصام بلا ميهضر و لا يتكلم و لا يسول كيف حط لحوايج خرج عند مراتو و كمل طريق لدارو.....
عصام حط فاليز ديالها فوق فوطوي و مشا جلس فوق كرسي مقابل معاها و كيتنهد غير بشوي و مرة مرة كيهز يدو يحطها على حناكها بمداعبة خفيفة....
وغير وحدو تبسم من طاحت ليه فراس وهو يقول بشوي: ما عندي زهر معاك ابنتي......
حلات عنيها مبتاسمة من سمعات هضرتو و حركات راسها بشوي شافت فيه بنضرة حنينة و عينيها كيلمعو بقاو كيشوفو في بعض لمدة طويلة بلا ما ينطق فيهم تا واحد......
هضرات بصوت مجروح غالب عليه نعاس: اااجيي نعس حدااايااا.....
عصام وقف قرب ليها باسها بشوي فوق فمها و بعد : باش كتحسي دابا....
هاجر بي ابتسامة : ما كنحس بي والو غير اجي نعس حدايا......
عصام شبك يدو في يديها وهزها لفمو باسها و عينو في عنيها: خلعتيني عليك بزاااف......
هاجر حلات يديها بجوج: اجي عندي.....
طلع بحال طفل صغير دخل بينات احضانها و حط راسو فوق صدرها غمض عينو بكل راحة لي تغلغلات في نفسو وهو حداها و قريب ليها و مخشي بين احضانها....حس بيها كضحك وهو يهز راسو بي استغراب فيها....
عصام: مالكي.....
هاجر كضحك بشوي تا تغمدو ليها لعنين: ما بقات حلوة هههههه....
بزز منو تبسم و طلع عندها باسها في فمها و طول لبوسة كيلتهم شفاه ديالها بكل جوع و عطش و يجمعهم وسط فمو بحالي باغي يسرطهم ليها ما خلاهم تا رجعو حمرين و منفوخين....
بعد راسو كيشوف فيها بعنين لامعين و داير واحد ابتسامة دوباتها كاملة وهو يغمزها و هضر بواحد صوت معسل و غليض في نفس الوقت...
عصام: كاين منين ناكل خاص غير مولاتهم تحل لباب.....
حط يدو على صدرها و هبط بشوي تا لكرشها و و دور يدو على خسرها بلمسة حنينة و نضراتو حنان كثر من المعتاد باسها فوق نيفها
عصام: غير كنضحك ماشي مكبوت لديك درجة....يكفي تكوني معايا و حدايا هديك هي دنيا عندي .. عارف راسي كبير عليك بزااف و لكن القلب بغاك و نتي لي فيه ما عندي حكام عليه و ما طالب كثر من تكوني حداه يشبع شوقو غير بشوفة فيك.....
الزوج...الزوج بالنسبة للمرأة هو داك الشخص الدي تستند عليه من يحميها و يحبها و يحترمها ..من يدلعها و يعاملها كطفلته قبل زوجته... يرا فيها دنياه وعالمه يجتمع فيها....
في فراشها مغمضة عنيها و مزيرة عليهم و دموع شلال فوق خدها مزيرة حجبانها و ملامحها متألمين وهو جالس على ركابيه قدامها و مدخلها في صدرو و يدو فوق شعرها كيحركها بحنان....
عصام: ششش صافي متبكيش قريب و يرجع كلشي كيف كان....
هاجر سردات ليه صدرو بدموع : هئ هئ كيحرقني لتحت بزااف ما قدرت ندير والو ....
عصام زير عليها في صدرو كيحاول يفهمها غير بشوي: واش تقصحتي من دخلتي لحمام....
هاجر حركات راسها وسط سدرو: ااه بغيو ندير بيبي و ما قدرت لا نجلس و لا نوقف حاسة بلحمي مزير بزاف من لتحت هئ اهئ هادشي صعييب بزاااف ا عصااام ديير ليا شي حاجة عافك قول ليهم يعطيوني شي دوا يهبط ليا لحريق راني مقداش عليه.....
عصام تكاها بشوي فوق ناموسية على ضهرها و باين خايف عليها غير من عنيه هبط عينو لبين فخاضها بغا يشوف جرحة و هي تولي تهرنن غا وحدها....
عصام خنزر فيها: حيدي هاد تخربيق من راسك انا راجلك و لا مشفتش انا هادشي شكون يشوفو.....
حط يدو على رجلها بغا يفرقهم بشوي و هي تجمعهم بزربة و خا تقصحات كتمات صوتها و خرجات عنيها فيه..
هاحر: واااش نتااا طبييبة ياااك طبيبة لي كداويني عييط عليييها اااش باااغي تشووف ليااا تما اااش ايكووون كاااع و شكووون سبااابي اصلا اخويا لي وصلني لهاااد الحاالة درت لغراز و انا مزال ما قلت تا بسم الله....
هز حاجب و هبط لخر عض فمو من لداخل و غير كيشوف فيها و هي وجها و لا حمر و حنيكاتها مطبزين و طالعين لفوق و صدرها كيطلع و يهبط غير بوحدو ... قرب ليها شدها من يديها و باسها بوسة خفيفة فوق فمها و هضر غير بشوي و بالعقل كيف عادتو.....
عصام : مزال دنيا قدامنا عارف زربت و مكنتش متوقع انوصلو لهادشي كامل كنت حاس بيك خايفة و تا انا كنت متوتر فديك اللحضة و خايف انك توقفيني فنص و ترفضي كيف ديما و هادشي لي خلاني ندير معاك داكشي بديك سرعة ...باسها في حنيكاتها لي سخان... نتي عنيا لي كنشوف بيهم بجوج منبغيش لي يضرك و لا يمسك ...خشا راسو بين عنقها كيستنشق ريحتها لي كيعشق....نتي روح لي منقدرش نعيش بلا بيها و كيف نقدر نعيف روحي ا زلزالت قلبي.....
كلامو خلاها تنسى جرح و الحريق و تحس فقط بي انفاسو ساخنة على عنقها و كل ساعة كدوز معاه كتزيد تعلق فيه كثر و كثر و تحمد الله على راجل لي عطاها سيدي ربي...
اربعة ايام و هي فكلنيك و هو مخطاهاش و لو دقيقة تا من كتجي طبيبة دير ليها دوا هو كيكون معاها معنقها و خاشي ليها راسها في عنقو و كيسكتها بحنانه المعتاد لي ولفات منو...
هو لي كيدوش ليها و يغسل ليها و يلبس ليها حوايجها وخا قليل لكلام لكن تغلب على نفسو وجاب روايات رومنسية كيف كتبغيهم هي اما تا هو معندوش مع هاد نوع و غير ليها قراهم بلا جداه و بعض لمرات يدير لييها فيلم باش متحسش بالقنطة...
كيدير لي فجهدو باش تبرا و ميشوفهاش كتبكي و محروقة ... ولا بحال الام لي كتقابل مولودها...يبات سهران معاها و هي كتنين بالحريق و يبقا حداها بلا نعاس يداوي جرحها بكلامو القليل و المعسول لي ينسيها فكل ما داير بيها......
عصام: معندك علاش تحشمي مني غير انشوف جرحة فين واصلة و صافي.....
هاجر نفخات شفاه ديالها بطفولية مع حرج ضاهر على ملامحها: ولكن راه ممزيانش تشوف داكشي حيت اتعيف....ولات حمرة و بزز باش كملات لكلام...وخا نبرا و لكن فين ما تبغي دير معايا داكشي اتفكر جرحة و تنفرني و متبقاش حامل كاع...بصوت هامس..تنعس معايا....
حطات يديها على وجها حشمامة مقدراتش تشوف فيه ولات كلها حمرة و هو بقا غير كيرمش في عويناتو مزال ليومنا هادا كتصدم عيشتو بالكلام لي كتخرج من فمها ما كيعرف اش يقول من بعدها و لا اش ايدير هرباتو ليه نيت ...
حل فمو ورجع سدو و عاود حلو و تكلم بشوي: منين جبتي هاد الهضرة...
هاجر مخبية و جها ومزال الحرج طاغي عليها و تكلمات بصوت هامس: كنت سمعتهم كيقولوها في سبوع بنت ختي....
حيد ليها يديها من فوق وجها بزز و عينو على ملامحها و حنيكاتها الحومر و عنيها لي كيلمعو هي زوينة وزادت الحشمة زيناتها كثر و عاود سولها غير بشوي و غادي معاها دقة بدقة....
عصام: شنو سمعتيهم كيقولو....
هاجر عضات فمها من لتحت تا بانو لغمزات ديالها: كانو كيقولو راجل ممزيانش يشوف مراتو كتولد و لا يشوف داكشي ديالها وهي عاد والدة و لا فيها لغراز حيت كينفرها و...بصوت متردد....و و مم ممكيبقااش ع ععاجبو ه هداك.....
عصام عض فمو من لتحت: شنو هو هداك....
هاجر خرجات عنيها فيه و بدات كترمش بزربة: غير هداك و صافي....
عصام كمش حجبانو: شنو سميت هاد هداك!!....
هاجر : ا اا اا س سس سميتو ....بخجل في صوتها...و انا صراحة كنسمعهم كيقولو عليه الفشلوق.....
كلمة لي طيارتو و حبسات ليه العقل خلاتو بحال الحمق كيبحلق فيها و هي كترمش ببرائة عاد سرات معاها الكلمة لي قالت و هي تشهق بجهد و حطات يديها على فمها و هو مقدرش يصبر هز راسو و طلقها بواحد ضحكة تسمعاها من باب لكلنيك....
بقا كيضحك تا ضراتو كرشو و دموع هبطو و مقدرش يحبس ....طيراتو ليه بالمعقول وخلاتو يضحك بحال الحمق....
اما هي ما عرفات فين تعطي راس غرقات في بلاصتها بالحشمة و غلباتها ضحكة من شافتو كيضحك بحال دري صغير و ضحكتو زوينة و متولة تخليك حال فمك فيه بزز منك....
عصام حبس ضحكة بزز و هز عينو فيها مع غمزة : اوا حني على هاد الفشلوق و خلي مولاه يزورو و يعرف مال حالتو و فين وصل بجراحو.....
هاجر مكرهاتش تغبر من قدامو: غير خليه راه دغيا كيبرا و الله.....
عصام حط يدو بجوج فوق البياص حدا رجليها و هي وسطو عاض فمو و هاز حجبانو فيها: شنو دابا منشوفش ديالي.....
هاجر غارقة في حوايجها: لا تا نبرا و ندوز من ربيعن يوم عاد نشوفو....
عصام ردد بصوت متقاطع: ربعين يوم........
ماقدر يزيد معاها الهضرة من شافها حشمات بزاف و هو يميك و حط راسو فوق كرشها و تكا عليها كامل دفن وجهو كامل في كرشها و ردد بشوي: ان الله مع الصابرين.....
وصلات لعشية دخلو ليهم لعشا لي كيجيبوه لخدامة من الفيلا اما تا من العائلة حرم عليهم زيارة لي جا كيرجعوه من لباب ...و من دار هادشي مع نسابو دارو تا مع عائلتو باش يكونو بجوح فخط واحد و ميقولو فضلتي هادا على هادا....
هو لي مقابل مراتو و واقف على كل لي كيخصها و تا هي بدات كتولفو و تولف طريقة تفكيرو عارفااه مقلقل من جيهت حليمة حيت هبطات منو قدام العائلة و مدارتش بكلامو هادشي علاش تا هي مسولاتش و كتفات غير بيه هو قريب ليها و لكن محبسهاش و عطاها تليفون فين تهضر معاهم و طمأنهم على صحتها ......
ولفاتو بزاااف و بدات شخصيتو كتأتر عليها بكلامو الموزون و تصرفاتو و طريقة كلامو و حركاتو و طريقة كيف كيلبس و ضحكة لي كيبين فيها غير سنانو بي ابتسامة خفيفة ...
بدات كتلاحظ كل الاشياء صغيرة و الكبيرو فيه و هنا فهاد الغرفة خصوصاً انها مكتقدرش تمشي و كيبقاو غير في الغرفة و نهار كامل و هما مع بعض كيتعرفو على بعضياتهن اكثر.....
حط لعشا فوق طبلة ..كمش حجبانو من شاف بواطة فيها فلفلة حارة مرقضة وهو يدور عندها...
عصام: نتي لي قلتي ليهم يجبو ليك هادي.....
هاجر: اه تشهيتها و طلبت اسماء تسيفطها ليا كنت صاوبت منها بزاف نهار سافرتي نتا و بقيت انا فالفيلا.....
حرك راسو بشوي مع نضرات غامضين و كمل الحطان فوق طبلة ... عاطيها بضهر و تكلم بصوت هادئ...
عصام: ما قلتيش ليا كيف دوزتي دوك الايام من كنت مسافر و نتي بقيتي بوحدك مع الوليدة....
شافت في ضهرو مطولا و بقات ساكتة تا دار عندها و بتسمات ليه : علاش كتسول....
عصام قرب ليها هزها بينات يديه و حطها فوق لكرسي لي مقابل مع طبلة و جلس فوق كرسي حداها: جاني لفضول نعرف شنو كنتي كديري....
بقات كدور في عنيها مبغاتش تقوليه شنو وقع نيت خصوصا ان دوك ليام نوضاتها هي و الياقوت نيت سرطات ريقها بصعوبة و تكلمات بصراحة...
هاجر وهو الحق يتقال داكشي كيبقا بيني و بين حماتي ما عندك علاش دخل فيه....
كمش حجبانو كيشوف فيها و مستغرب من اجابتها و هو كان شبه متوقع انه ما حدو فتح ليها المجال تهضر الا و اتقوليه شنو دارت فيها مو كما كانت كتعاود ليه ميار قبل منها لي نهار كامل و هي تشكي ليه مك دارت ليا ...مك دوات فيا...
اما هاد هاجر معطاتوش خو كلامو و ضللاتو بكلامها و بينات ليه انه لي يوقع بين حماتي ما عندك علاش تعرف بيه و لا دخل فيه...
فهاد اللحضة بضبط زاد كبرات في عينو كثر ما هي كبيرة ...حط يدو فوق شعرها بحنية و هبط يدو بهدواء تال جنب خسرها و قربها ليه ..خشا راسو باسها تحت من ودنيها و بعد كيشوف في عنيها بنضرو غريبة مزينة ملامحو رجولية ..شبك يدو مع يديها و ورك عليها مزيان...
عصام بصوت تقيل: الله يرضي عليك و يكمل ليك عقلك.....
هاجر تبسمات ابتسامة خفيفة: علاش معنديش عقل كامل......
عصام: بعقلك احبيبة و انا كنطلب غير الله يزيد و يبارك ..كاين لي كبر منك و ما عندهم عقل لي عندك.....
حط ضهرو على لكرسي و غير كيشوف فيها كيفاش تفتحات ليها شهية على الماكلة مهزاتش راسها و هي مولفة غير كتنقب و تنوض اما دابا نسات راسها و نسات راه عندها لغراز بقات غير كتسلح و تقول واش شبعات ...
وهو ما قدر يقوليها حبسي و خلاها تاكل عل خاطرها....
شافها كدخل صباعها و سط قرعة ديال الحار و تهز فلفلة هكاك تاكلها و تبقا تولول غير وحدها و فمها حمار و تنفخ فين ما بغا....
عصام حنحن بشوي: هاجر باركة عليك من لحار ايضرك في معدتك و ليل هادا....
هاجر: لا متخافش اصلا مولفاه كنكلو بزاف و مكيدير ليا والو و زيد راه هو لي رجع ليا شهية لماكلة حيت كيجيب جوع.....
عصام شد ليها يديها و بعد القرعة ديال الحار من حداها: وخا كيعجبك خاصك تاكليه بالقانون و ممزيانش لحالتك دبا تاكلي هادشي تا تبراي مزيان.....
هاجر بدون فهم: وعلاش اش ايوقع ليا لا كليتو دابا.....
هز حجبانو و بقا غير كيشوف فيها بعض لمرات كتفهم الهضرة طايرة و بعد لمرات كيجيها لكلاخ المبين.....دور يدو على شعرها و ركزها على حنكها.....
عصام: حيت دابا نتي مريضة و هداكشي لي لتحت ايزيد يضرك لا كليتي بزاف....
حركات راسها و هي مقشبلات والو من كلامو ......
هاجر مزال كتخشي في فمها: اجي شتك ديما معايا واش نسيتي الخدمة....
عصام داير رجل فوق رجل و كيشرب غير كاس قهوة كحلة عارف راسو ايسهر معاها تاني :انا هو مول شي وكلشي كيوصلني وغير بتليفون كندير خدمتي....
هاجر حركات راسها: واو شحال زوين تكون نتا هو مول شي مكرهتش تا انا شي نهار ندير شي حاجة....
عصام حط كاس القهوة فوق طبلة و تقابل معاها: شنو درتي مع القراية بعدا....
هاجر ساطت بجهد: اففففف متفكرنيييش نهار انرجع اندخل نيشن مع الامتحانات و من بعدو نيشن لوطني غير الله يستر و صافي....
عصام: وعلاش مكتراجعيش ما حدك جالسة ما كديري والو....
هاجر: يععععع ما لقيتي لي يراجع غير انا عرفتي انا و لقراية خطان متوازيان لا يلتقيان غير كنجبد لكتاب كيجيني ضيق في تنفس.....
سكت و عض فمو بقا غير كيحنزز فيها : غدا انجيب ليك كتوبا ديالك و انراجع معاك....
هاجر: ولكن....
قطعات صوت من خنزر فيها و قصح شوفة و هضر بصوت تقيل ...
عصام: القراية ا هاجر مكنبغيش لي يتكاسل فيها مغديش نقولك نقطة الاولى جيبيها و لكن باغيك تنجحي و تهزي براسك قدام عائلتك هي الاولى تفاهمنا....
حركات راسها بلا مترد عليه و دارت لجهة ديال طبلة و كتفكر غير في نقطها زينين لي جايبة ولا شافهم عصام يعلق يماها من رجليها و يبيتها في سطح و يرسل على هتلر تجي تكمل عليها.....
شافت فيه وجها حمر و مزيرة و هو يتنهد غير بينو و بين راسو و بلا متقوليه والو هزها بين يدو وحابس ضحكة حيت شكلها من كتبغي دخل طواليط كيضحك.....
دخلها و تحنا على ركابيه حيد ليها سروال مع سليب بشوي و حيت لابسة تريكو طويل كيغطي ليها العورة ديالها...
عصام: من تسالي عيطي عليا...
حركات راسها و وجها حمر كيغلبها وجها فهاد اللحظات ... خرح و سد لباب خلاها تاخد راحتها....
مشا جهة ديال طبلة جمعها و رما لوسخ و بدل غطا ديال لفراش بواحد جديد و قاد لفراش مزيان...كلشي كيديرو غير منو راسو تا حد ما كيقوليه شي حاجة....
عارفها مريضة و مجروحة و بزز باش كتمشى مغديش تفكر فالحوايج و لا تبدل لفراش و هي فهاد الحالة هادشي علاش راسو و مايقوليه يدير وتا من لفرمليات مكيضوروش جيهتها و كيدخلو غير من كتجي طبيبة تعاود ليها دوا و تشوف جرحة اما طول الوقت كيكونو غير بجوج راس في راس...
مشا جهة ديال بلاكار بدل حوايحو لسروال كيطمة لاصق من جهة ديال فخاض و عندو باندة من لتحت مع تيشوورط بيض لاصق على عضلات صدرو لي بارزة وكل حاجة مفصلة و واخدة بلاصتها بعرضها و فتوليتها.....
كمش حجبانو لوسط من سمع صوت انين جاي من لحمام و هو يقرب لباب دق بشوي....
عصام: هاجر مالكي....
هاجر كتهضر بزز وعلى سبة كتولي تبكي: اهئ هئ هادشي قاصح بزاااف مقدرتش عليه اهئ اهئ....
عصام دور باني ديال الباب يدخل عندها خصوصا من سمع صوتها الباكي بغا يعرف مالها تا صمكاتو في ودنو بواحد لغوتة خلاتو يجمد في بلاصتو....
عصام بعد يدو من لباب صمكات ليه ودونو: ماغديش ندخل غير قولي ليا علاش كتبكي......
هاجر صوتها مقطوع: غيير سير تنعس انا انسالي و نخرج بلا ما تبقا وااقف عليا الله يرحم ليك الولدين.....
مبغاش يزيد معاها الهضرة و بعد من لباب و مشا جهة ديال شرجم هاز راسو لسما كيشوف نجوم و ساهي كيتسناها تخرج .....
بقا مدة وهو ساهي تا سمع الباب تحل و خرجات كضرضك و تغوت و تلوى في بلاصتها ....مع دار يشوف مالها مع نقزات عليها خشات راسها في عنقو كتلوى و كتهضر بواحد صوت صغير و رقييق....
هاحر: كنتحرق ا عصاااام سووووط اهئ هئ سووووط.....
عصام بعدها منو و هز ليها راسها بين يدو مخلوع من شاف وجها حمر كيف المطيشة و عنيها مدمعين و مزكياش في بلاصتها غير كترعد وهي لي مكنتش كتقدر تمشي دابا ولات كتشطع شعبي قدامو.....
عصام: شنو دارك ...غوت بجهد..مااالكي....
هاجر فرقات رجليها قدامو بزز منها كتنش على راسها : تحرقت تحرقت اهئ اهئ بغييت البرد و لا ثلج يبردني اهئ اهئ بغييت لي يبردني ا عصااام....
هزها بينات يديه حطها فوق ناموسية و قلبو كيضرب بجهد و هي كتلوى في بلاصتها و كتجرو تال عندها تا كيطلع جسدو فوق منها عاد كتنفس كأنها كتحس براحة ..دوخاتو بالمعقول و هو متحكم في راسو بزز وزاد هاد تصرف لي دارت كملات ليه طرح....
هاجر هزات تريكو تال صدرها بقات عريانة من لتحت و حاطة يديها على ديالها كتلوا و تبكي تخربقات و في فمها غير
هاجر : سوووووط ....سووووط اهئ هئ عصام عافك راه كنتحرق سوووط ولا ديير ليا تلج يريحني.....
عصام راسو تنفخ ليه و عرق و حوايجو لسقو عليه ما عرف اش يدير معاها واش يرسل على طبيبة وهي في هاد الحالة هازة عليها كاع حوايجها ...
قبل ما يدير اي خطوة فرق ليها رجليها كيطل على جرحة بان ليه ديالها من جيهة شنايف طايب وحيت هي بيضة ولات ليها ديك بلاصة حمرة بزاااف واحد لحمورية ماشي طبيعية.....
قرب لعندها يهز لكريم لي كدهنو كل ليلة يشوف واش يقضي معاها و كيف حسات بيه قريب ليها و بداك لحريق لي كتحس بيه دورات يدها على عنقو و طارت على شنايفو بعضة تا خرج عينو بجوج و تكوانسة في بلاصتو....
حط يدو بجوج على ناموسية وهي لوسط معلقة ليه في عنقو و فمها وسط فمو كتفرس ليه شنايفو و كتعضو بجهد كتبرد فيهم لحريق لي كتحس بيه...
تنفسو ولا حاد و سخون كيضرب وجها و صدرو كيطلع و يهبط ...هو موحشها لدرجة مكتصورش و متحكم في راسو بلا قياس و هاد سلوك لي دارت خلات نفسو تشتت و بزز باش كيجمع افكارو قبل ما يصدقو فشي حاجة ماشي تال لهيه و غير من تصرفها عرف شي حاجة كاينة ...
كيف حطات يديها على عنقو طلع معاه لحريق فعنقو و هو يخرج عينو بجهد يالله بغا يفصل القبلة و هي تزيد تورك عليه خدات لسانو بين سنانها كتمسو و تعضو بواحد طريقة خلاتو يستسلم بلا جداه....
دور يدو ورا خسرها و جبدها عندو كثر معمق القبلة اكثر كيلتاهمو شفاه بعض بجوع و عطش... و هي كتنين وسط فمو و تزيد تعضو تا رجعات شنايفو كلهم دم ...
بعد منها بشوي كيشوف في عنيها لمدمعين و فمها المنفوخ و حناكها الحومر ..خدا ليها يديها لي قاصت ليه عنقو هي نفسها لي كلات بيها الحار...تنهد بجهد عرفها توضات بيها و قاصت لتحت ديالها هادشي علاش شعلات فيها العافية....
هاجر تكلمات بصوت ضعيف : كنتحرق اهئ هئ بزاااف عليا انننن هادشي سخوووون يا ربي انموووت 😥...
عصام حط يدو على حنكها: ششش قلت لك ما تكليش الحار اهاجر وراسك قاصح مكتفهميش صافي ششش متحركيش بزااف اتزيد ضرك جرحة ....
جمع الوقفة وهي لاصقة فيه كيف لبرغوتة مبغاتش طلقو وهو غير كيسوط و يطلب صبر ايوب مع هاد لبرهوشة لي تزلزلات عليه.....هزها بيد وهي كتبكي فعنقو ...
مشا تلاجة صغيرة ديال لما جبد بواطة فيها تلج مكعبات ..حطهم فوق زيف ابيض و جمعو على شكل كورة....
دخل هو وياها لدوش ..وحيت مكانش لبانيو جلس غير فالأرض و جلسها هي فوق حجرو ضهرها ملاصق مع صدرو.....
حط ليها راسها فوق كتفو و فرق ليها رجليها بشوي.....
هاجر بتردد: ش ش شششنو كككدير.....
عصام همس ليها في ودنيها: اتحسي براحة متخافيش....
دور يدو على خسرها و حط كورة ديال تلج فوق ديالها تا تنفدات من بلاصتها و هي تخرج واحد تنهيدة ديال الارتياح زلزلات ليه الكيان ديالو وخلات بو عروق يزيد يعلي راسو كثر ما هو عالي و هي غايبة عن الوعي عاضة فمها من لتحت و كتبنن بديك راحة لي حسات بيها بثلج...
هاجر هزات صدرها كثر و هبطات راسها على عنقو بطريقة مغرية و صوتها كيخرج غير الله يحفض مع الله يستر و صافي: اممممم اه اه تتتتم اممم زوين ا عصام زوين بزاااف اااااااه زييييد ووورك كثثثر عصااااااام ....
كيف قاصت يديها ديك بلاصة طلع معاها لحريق ديال بصح ضبابة ولات على عنيها و لعقل لي يفكر مبقاش و و لا كيفكر غير فالحريق لي فيها لتحت باغيا غير تبرد من ديك جيهة و متصوقات لتا حد من غير ديك لبلاصة....
غير عصام لي بان ليها وفيه لصقات و ما في فمها غير "بردني" ...و كيف حسات بتلج على المنطقة ديالها حسات براحة تغلغلات في عضوماتها و بلا هواها خرجات كلام ما من ولفها....
نسات ما جاري وبانت ليها غير تبريدة لي تبردات و متفكراتش داك راجل لي عالم بيه غير الله و كانت ديما كتحاول ما تيروش بما انه صابر و موافق على كل كلامها و داير خاطرها فوق كلشي ..تا من لباسها كيكون طويل و مغطي قدامو وهي فهاد الحالة لي ما يقدر لا يقرب ليها و لا يمسها...
عارفاه باغيها و لكن ما لقات جهد... مزال عندها تخوف من الممارسة و زيد ما وقع ليها ماشي لخاطرها تخرج داك الكلام و تمتع بداك البرودة لي حسات بيها بعد معاناتها مع الحريق.....
عصام جبهتو ولاو فيها حبات عرق و شعرو لاصق في جناب وهابط على جبهتو خشا راسو في عنقها كيقبلها بشوي و كيتكلم بصوت تقيل معسل....
عصام: باش كتحسي دابا شوي....
هاجر هازة راسها لفوق وكتكلم بصوت غالب عليه راحة: اااه زوين بزااف خلي يديك تما متحيدهاش....
عصام غمض عينو كيسوط هز راسو بانت ليه رشاشة فوق منو وهو يمد يدو طلق عليهم ما بارد تا قفزات من بلاصتها و تعلقات فيه بحال لبنت صغيرة....
هاجر: اااااع بارد بارد علاااش طلقتي لما هئ هئ....
رجع خشاها وسط منو و تكلم حدا ودنيها: سدي فمك و منعاودش نسمع حرف واحد ا هاجر باركة غير نتي قدامي بلا متزيدي...
هاجر كلها فزكات وسط منو و شعرها هبط و حوايحها لسقو عليها و هو دور راسو لجنب و عاود هبطو لتحت بلا جداه ولا كيضحك على راسو بغا يبرد ساعة زاد كحلها على راسو ...قبل ما يزيد يدير ليها شي موصيبة يندم عليها جمع الوقفة و تم خارج بزربة مكيدورش جيهتها....
هاجر شافتو خارج و هي تخرج عنيها: فييين غااادي اتخلييني هاكا هئ هئ.....
عصام باسها في جبهتها و تكلم بصوت مجروح و حنين: بقاي دوشي و خرجي لبسي حوايجك و نعسي متسناينيش....
قبل ما تزيد هضرة خرج خلاها حالة فمها فيه ما فاهمة والو...نيشن مشا لبلاكار بدل حواجو لي لصقو عليه لشورط كحل حد لفخاض مع تيشورط و لبس سبرديلة و خرج من لغرفة سد عليها لباب و مشا نيشن هبط في سانسور و خرج من الباب لوراني ديال كلينيك .....
حط يدو على خسرو و جمع لهوا تا جمعو وهو يسوطو بقوة سخووون ...دوز يدو على شعرو خربقو مزيان و وجهو مزير وعاض على سنانو بجهد تا بان الفك ديالو رجولي ...
عصام ضحك بجنب و بي استهزاء: فين وصلات يامك اعصام بن جلول.....
في منتصف الليل حل عليها باب لغرفة بشوي و دخل بهيبتو المعهودة و رجولتو الطاغية و ريحتو لي ميزاه و سابقاه ..مكمش حجبانو كيف العادة و عاض فمو من لتحت ...داير يدو في جيبو و كيتمشى بهدوء كيف عادتو ...
وصل حدا الناموسية لي ناعسة فيها هبط عندها بشوي تا انفاسو ضربات في وجها الملائكي
قاص ليها حناكها ملقاش الحرارة و هو يبعد ...جر كرسي حداها و جلس قدامها مقابل معاها و عينو فقط في وجها و لباسو مختلف عن اللباس لي كان خرج بيه...
كان لابس بدلة انيقة متكونة من سروال توب اسود مع قميجة بيضة حال ليها صدياف لأولين و مخلي جزء من صدرو العلوي باين للعيان و شعرو مقادو و مرجعو لور.....
حس بيها كتحرك في فراشها بحالي حسات بي وجودو و ريحتو لي مكتغلطض فيها تغلغلات مع الهوا لي كتنفس ..حلات عنيها بصعوبة و صوتها مزال فيه نعاس....
هاجر: اممم عصااام جيتي.....
قرب ليها جلس على جنب ناموسية ..حط يدو على حنكها و دور شعرها ورا ودنها....
عصام: كيف بقيتي شوي....
هاجر بي ابتسامة خفيفة غالب عليها نعاس: شوي و صافي تسنيتك بزاف و معلقتش على راسي امتا نعست.....
عصام بي ابتسامة جانبية: قلت ليك نعسي متسناينيش درتي دوا لي قلت ليك....
هاجر حركات راسها فقط و ضارت في بلاصتها بحال القطة حطات راسها وسط كرشو: امممم ريحتك زوينة بزااف علاش تعطلتي....
عصام ضمها لصدرو و غطاها من جناب: غير درت صبور و مشيت لدار دوشت و بدلت حوايجي ....
هاجر: اممم قنطت هنا بزاف بغيت نمشي لدار....
عصام كمش حجبانو: دار ولكن مزال ما بريتي...
هاجر هزات فيه عنيه ببرائة: عافك اصلا نبقى نجي كل نهار تشوفني طبيبة بلا ما نبقى هنا ممولفاش هاد لبلايص فيهم القنطة بزااف......
عصام فقط حرك راسو و ما عطاها خو كلامها بقا غير كيعض فمو من جناب و يدو على شعرها كيحركها بحنية تا نعسات بين يديه......
اصبحنا و اصبح الملك لله....
نايضة فرحانة و ناشطة و ضحكتها من لودن لودن غادة قدامو وهو تابعها من لور وغير تابعها بذوك العنين غادي تحمقو بتصرفاتها الطفولية و في يديها سلة ديال الورد لي جاب ليها صباح غادة و تفرق بيهم على المرضة و ضحك مع هادا و تسلم مع هادا
...
غير اربعة ايام دارت بلاصتها بين المرضى بقباحتها و ضرافتها و نية لي فيها...وصلات لواحد لبيت وهي طل بيه براسها كضحك....
هاجر: مي شعيبية نتي مزال هنا ولا....
شعيبية هزات راسها كضحك: بنتي هاجر دخلي متبقايش في لباب...كمشات حجبانها من شافتها لابسة جلابة طويلة بي خياطة عصربة...شفتك ابنتي لابسة جلابة فين غادية...
هاجر جلسات حداها باستها في راسها كضحك: صافي اميمتي دارو ليا نخرج بحالاتي....
شعيبية طاح عليها ديم: ياك ابنتي دغيا صخيتي بينا....
هاجر طارت عليها: عطييني دوك الحناك نعضهم واش كاين لي كيصخا بهاد زين يخليه و اصلا كل نهار انجي نشوفك كوني هانية....
شعيبية ضحكات بزز منها: الله يعطيك الخير ابنتي كون ما كنتي نتي لي كتفوجي عليا كون المرض دار ما بغا في حالتي...
هاجر: الله اميمتي راك مزال دردكي في بلاصتك وغير صبري و تشوفي صحة لي اترجعي ليها فين نبان انا قدامك....
شعيبية تبسمات في وجه هاجر لي منور و طايح عليه سر بداك الحمورية لي فيها...كانت كل نهار تجي عندها تشوفها و دير لبلبالة في كلنيك تا كتقلب ليهم راسهم و وخا هكاك عطات نكهة خاصة في حياتهم بعداتهم من جو صبيطارات و المرض و اليوم من شافوها خارجة طاح عليهم ضيم من كبيرهم لصغيرهم من غير لممرضات لي فرحو حيت كانت مكتخلي فيهم غير لي نسات بداك لسان لي عندها.....
شعيبية شافت بجنب عنيها لي كانو مكمشين و باين من ملامحها دوزات الزمان و غير من الوجوه تعرف المزيان من الخايب...
كيف دورات عنيها لنعسلين و المبهوتين جاو نيشن في عصام بي طولتو و تجريدتو واقف في باب الغرفة مربع يدو على صدرو و داير ابتسامة في شكل و عينو غير على حبيبة قلبو هاجر...
تبسمات ليه شعيبية و هو حرك راسو جزئياً كرد لتحية ابتسامتها الدافئة و الخجولة في ان واحد....
رجعات عنيها لهاجر لي قدامها و زادت في نور ابتسامتها و قالت كلمة لي ممنها عشرة كلمة كافية و وافية وبزمان لي عاشت قادرة تحكم منين مصنوع راجل....
شعيبية حطات يديها على خد هاجر: تهلاي فراجلك ابنتي بحالو مبقاوش و صعيب تلقايه فهاد زمان موحال تفهمي كلامي دابا لكن نهار تولي في عمري اتفهميه مزيان...حطات يديها وسط يدين هاجر....ما تخلي غريب يجي وسطكم ولي جاب لكلام ردي عليه بخو كلامو ما تغرك صحبة ولا ضحكة القريب في الوجه...شدي بيه بيديك و سنانك و يا ويلك يغرك بنادم و تخليه من يديك حيت رجال بحالو لا مشاو تا بعدو ما ليهم رجوع تاني...راجل راجل ابنتي...وراجلك سيدهم ما كاين بحالو....
هاجر بقات غير كدور في عنيها شي شداتو وشي زهق مع ريح حسساتها بكلامها ان غا عصام لي راجل فهاد دنيا و بحالو نقاردو ....وخا ما فهمات الكلام فين غادي لكن المقصد واضح و باين....
هاجر تبسمات: حسبي وصيتك وصيت ام لبنتها و لبنت ما كتفرط في كلام مها ...كلامك انخليه حلقة في ودني...
شعيبية هزات راسها كضحك: من امتا ولا كلامك متول ابنتي....
هاجر خرجات لسانها: لعقل كاين اميمتي غير كندير هبل تربح و لي بغا يربح العام طويل .....
سلمات عليها و خرجات تابعة عصام لي سبقاها لباب ديال برا.. وصلات عندو كضحك غير وحدها تخشات بين يدو وهو هاز فيها حجبانو....
عصام:علاش كنتو كتهضرو....
هاجر حولات عنيها لجنب: اممم كنا كنهضرو على واحد راجل لي ممنوش جوج و بحالو نقاردو فهاد زمان و بقا غير هو كيدور ....
كتهضر وضحك و طلع فدوك الحناك تا كيتغمضو عنيها مطبزين و مهزوزين بحال المشماشة تشهاي غير تاكليهم....
عصام هز حاجب و هبط لخر عاض فمو من جنب ...حل ليها باب طونبيل دخل وهبط راسو مع راسها تا وصل لودنها....
عصام: و شكون هاد راجل لي ممنوش جوج و بحالو نقاردو فهاد زمان....
هاجر هزات عنيها فيه ببرائة : اناري متقوليش معرفتييهش....
عصام زاد علا حجبانو: منك نتي نعرف....
هاجر جلسات في بلاصتها و هزات فيه راسها : اوا اسيدي هو تاج راسي و حبيب قلبي ولي ما لا يعرفه سي حميد العسكري لي بحالو ما بقاو فهاد زمان....
عصام ضحك بجنب و قرص ليها خدها بمداعبة: الله يخليه ليك ....
سد عليها الباب و مشا جيهة ديالو كيدور راسو و يضحك غير وحدو زمطاتو في هادي لكن عندها الحق تا حد ما يجي في مقام الاب لي ربا و كبر و ضيع عمرو وصحتو باش يكبر و ما كيتسنا منهم مقابل...و هو عارف بحق الاب لأنه تحرم منو وهو مزال صغير و فعلا مكانة الاب ما يعوضها لا راجل و لا اخ.....
ديمارة طونوبيل و جرها من جنب دخلها و سط منو و تكلم بهمس حدا ودنها زلزلها بديك رقة لي فصوتو ...
عصام: زلزالي بنت العسكري مكاينش شي راجل اخر بحالو كتعرفيه.....
هاجر: اممم كاين جواد خوية بحال با فوطكوبي سبحان الله.....
عصام دور وجهو كيضحك بزز منو و معاودش سول قبل ما تجبد ليها طاسيلتها كاملة....شد طريق الفيلا وهي مدورة راسها لشرجم و متكية عليه و حابسة ضحكة لي غلباتها ...ولاو فيها شي تحرميات شيطان و ميديرهمش و ولات كديرهم مع عصام لي شي نهار ايعوجها من شي جنب...
حبس طونوبيل قدام باب لفيلا كيف خرجات جات عنيها نيشن مع اسماء لي جايا عندها كتجري تا تلاحت عليها قجاتها بتعناق و البوسان.....
اسماء: وينووو صغييورة ديال دار رجعات و انا كنقول مال هاد نهار منور قول زين ايطل علينا كيف بقتي بعدا شوية....
هاجر بي ابتسامة غالب عليها الاحراج و الخجل: شوي حمدلله و نتي....
اسماء: كلشي مزيان كنا مشوشين غير عليك و راكي عارفة عصام دار عليك الحبس ما يشوفك تا حد تقول غادي ناكلوك...
كيف كملات كلامها سمعات تحنحينة لي خلاتها تهز من بلاصتها و تخشي راسها في الارض و دور بي العرض البطيء لعند عصام لي كانو حجبانو معقودين...قرب ليها باسها في حبهتها و هضر بصوت غليض....
عصام لختو: دخليها معاك هاني جاي....
قبل ما يكمل كلامو لقاها طارت من قدامو جارة معاها هاجر غبرو من قدامو....
هاجر داخلة كضحك هي و اسماء....
هاجر: مالكي بذيتي تخضاري و تحماري راه ما قلتي تا كلمة ديال العيب....
اسماء: وخا هكاك اختي راه خويا لكبير و غير سميتو حرفية مكنقدرش نطقها قدامو....
هاجر: غير كيجيب ليك الله عصام و الله تا حنين و ضريف و كلامو زوينة...
اسماء: انا ما قلتش العكس و لكن راه اصاحبتي في بلاصت الوليد بالنسبة ليا و عمري قلت عصام حرفية فوجهو ولا سمعها مني ديما خويا تا قبيلة من دار ديك تحنحينة مركت في حوايجي.....
هاجر: اممم قولي هو لي رباك....
اسماء: الا ماشي هو لي رباني ولكن هو لي كان تقريبا كيصرف عليا و قراني و اي حاجة حليت عليها فمي كيعطيها ليا تا من راجل هو لي زوجني ليه و صدق نعمة زوج مجموع فيه كلشي و زيد ولد عائلة و بلاصتو معروفة في لبلاد....
هاجر كمشات حجبانها: كتهضري على راجلك زهير ماشي هو لي طلع و ولا وزير تعليم....
اسماء: اييه هو نيت...اجي بعدا نجلسو فصالون و نتعاودو على خاطرنا.....
هاجر جلسات حدا اسماء و كدور عنيها في لفيلا: كاع ما بانت لي خالتي فين مشات....
اسماء : راها في لكوزينة شوي و تجي راكي عارفاها وخا جاب خويا الخدمات مزال كدخل لكوزينة تقول واش كدير فيهم تيقة و حيت ولفات دير شغل بوحدها كيخربقها شغل الخدامات و مكترتاحش ليه ....
هاجر: صراحة اختي لكان غير على لكوزينة و طياب ما عندي مشكل فيهم ولكن فيلا كبيرة بزاف و باش نبقا كل نهار تخمال راه بزاف عليا و منقدرش عليهم.....
اسماء: اناري كتهضري من نيتك حنا جبناك عروسة لخونا لي هادشي كلو ديالو و ندخلوك لكوزينة بغيتي عصام يرسلنا لروضة و غير مديش على ماما عندها تفكير بلدي و كتقولك العروسة تخدم على دار راجلها و لمرا لي مطيب لراجلها ما كتسمى مرا ...اودي بلا منعاود ليك انا اش دارت ليا نهار تزوجت كتجي عندي كتلقا لفيلا عامرة خدامة و هي تبدا تنكر عليا علاش مطيبيش نتي علاش تخليه ياكل من يد مرا خرا ..راه رجال قلبهم في معدتهم الحاصول طيبات ليا راس تا وليت كندير شغل غير باش منعاودش نسمعها كتنكر تاني.....
هاجر هزات راسها كضحك: قولي تا نتي ما فلتيش منها ....
هزو عنيهم في شخص لي دخل عندهم ..كيف شافتها هاجر تقرصات ولكن مبيناتش و ميار كتهز فيهم و تهبط.....
ميار كتعوج في فمها: اوا على سلامتك من خرجتي و طلقتي داك راجل شوي يتنفس....
هاجر بدات درجة الحرارة كطلع فيها ... مكتبينش و جالسة متبتة: اوا هداك راجلي لا مرساش لوتاد عندي فين بغيتيه يرصيهم....
ميار: اوا لكان راجلك انا راه راجلي قبل منك و دوزت معاه ست سنين زواج و ربع سنين قبل زواج و زيد راني حاملة بولدو و مغديش تجي نتي لي عرفتيه عاد لبارح تقولي فين ايرصي لوتاد....
اسماء خرجات عنيها في ميار: ميار منسمحش ليك تقولي هاد لكلام حنا دايرين وجه خونا فيك و عاطينك تيقار بداكشي لي فكرشك وهاد لكلام لا سمعو عصام راه ما غادي يسكت عليه....
ميار مخنزرة كتشوف في هاجر بكره و هاجر لي صفير ولا كيعطي فودنها و جنون كيشطحو فوقها واحد راس كيقوليها نوضي دردكي على باباها و نص لأخر كيقول خليك مبردة و جمعي ليها تال من بعد....
هاجر بنضرات ربي لي عالم اش تحت منهم :.شكون قالك اصلا انا عاد عرفتو البارح ....
ميار كمشات حجبانها: شنو كتقصدي....
هاجر هزات كتافها: تفكري نهار عرسك و ديك ساعة اتعرفيي معامن كان ....
اسماء و ميار بجوج خرجو عنيهم فيها و نطقو بصوت واخد: كااااان معاااااك ديييك ليييلة ......
مكانتش معولة تقولها او يعرف شي حد انها هي ديك طفلة لي خربات ليه عرسو و خلاتو ليل كامل معاها في كلنيك بلاصت يكون مع عروستو في عرسو....طلقاتها هكاك من فمها بلا متحس او توزنها باغيا غير تفش غليلها في ميار لي كتبونبة قدامها و مبغات دير يديها فيها بحكم حملها غير المستقر.....
دوراتها في راسها و طلقات قدامهم قنبلة من العيار التقيل لي ما تقدرش ميار تستحمل الصدمة ديالها....
ميار لي صدمة ضاهرة على ملامح وجها و لونها ختافة ورجع اصفر مائل للأخضر كأن الهوا تحبس عليها.....
مخرجة عنيها في هاجر لي جالسة متبتة وكتشوف فيها بنضرات لي فيهم الف معنى و معنى.......
مقدراتش تزيد تصبر وهي تنطق بصوت متقاطع....
ميار: م متقوليش خخخ خلاني ف فففنهار عرسي على ودك نتي ....
هاجر هزات كتافها بجوج: اوا من راسك حكمي ..كيف طلقك متسناش بزاف و جا طلب يدي و رجعني تحت اسمو.....غمزاتها مع ضحكة جانبية ....شنو بان ليك فهادشي ...
ميار تهزات من بلاصتها بينما اسماء بقات غير كتشوف ما عرفات ما تقول و غير حالة فمها في هاجر ......ميار كترعد في بلاصتها كارزة على سنانها كتشوف في هاجر شوفة ديال الموت مكرهاتش تقتلها فهاد اللحضة...
فقط كيحي في بالها ان نهار عرسها خلاها عصام بوحدها و كان مع هاجر ليل كامل و هو كدب عليها و قاليها كنت في صبيطار مع بنت صغيرة ...
ممستوعباش ان ديك طفلة ممكن تكون هي نفسها هاجر لأن هاجر لي قدامها كتبان كبر من عمرها ما باينش فيها 18 لعام وهي مشات مع لي كتشوف عنيها ضناً ان هاجر قدها في لعمر و ما جا في بالها الا و عصام دوز ديك ليلة مع مرأة اخرى و خلاها بوحدها في لعرس مشوهة مع ناس وهو كيستمتع مع مرأة اخرى غيرها و ماشي في اي نهار بل نهار عرسهم لي حلمو بيه بزاااف.....
فكرة لي خلات الغضب يزيد يعميها اي واحد تكدبو الى عصام... كان كيبغيها بزاااف ميمكنش طول ست سنين كان كيمتل عليها وهو دايير عشيقة اخرى غيرها.....
هادشي مبغاش يتقبلو عقلها لكن كلام هاجر زاد كحل قلبها عليه بدا عقلها كيسترجع ست سنين ديال زواج بعصام ..تدكرات كيف صبر عليها و على كل المصائب لي كانت كدير و كان كل مرة كيسامحها و قليل فين كيغوت عليها ...رجعات كل هاد دكريات بحال شي فيلم قدام عنيها في مدة قصيرة....
هاجر ناضت ليها : من هو كيبغييييييك اختي سيريييي عندو و شووووفي واااش ايشوووف فيك شووووفة هي لخرا .... شكووون حبسك راه برااا خرجي عندو و انشوووفو شكووون لي كيبغي ااانا و لا نتي....
ميار مكرهاتش تشد هاجر تنتفها لكن ما لقات صحة... هاجر تبارك الله عامرة و طويلة و غليضة عضمها صحيح اما هي غير عضومة و صحتها على قد الحال ما لقات غي لسانها لي بحال سيف ضرب بيه و ما فراسهاش ان هادي لي قدامها جتيها في لكلام تمحنك جتيها في لعصا دوز بيك تجفيفة على حقها و طريقها....
ميار كتهز و اسماء جات وسطهم كتبعد وحدة على لخرا و هاجر بداو الاعصاب يخرجو ليها و من كتعصب ما كتفرق لا بين حبيب و لا بين عدو....
هاجر كدفع في اسماء: حييييدي من قدامي نتيييي... الله يلعن طواسل جدها بال**بة لخرا.....هزات يديها في ميار كتحلف عليها و اسماء معنقاها و كتبعدها.....عطيييني تيقاااار حسن ليك و لا ديلمك اندير فيييك شي كارتة ما يلقاو ما يجمعو فيك.....
ميار خلعاتها و هي تبدا ترجع بلور و كتعاير بداك المعيور ديال المسلسلات: الحقيييرة مكتسوايش ديتي ليا راجلي هادو باش حاكدين لمغربيات سراقات رجال الله يلعنكم فهاد نهار ....
هاجر: و نتي منين تريييكتك ارباعت ربعة دريال جيتي من قندهار يا غادي تجمعي فمك يا انهرسو ليك راه معنديش مع كلام الفم بزاااف ... كنعرف غير نفصل و منعقلش على طاسيلت بوك......
ميار: بزاااف عليك انااا توصلو ليا بعدا مكنسحرش و نسرق لعيالات رجالتهم بحالكم يا تريكت سحارات......
هاجر جعرات ولات غير تخرج من فمها مكتعقلش: معدرتك حااافضتي عليييه الخانزة كون كنتي مرا قادة كون راه حدااااك دابااا ميجيييش يتزوج بيااااا....نتي راجعة بكرش ما عرفنها ولدو و لا ولد لحرااام و ما حد تريكتك من الق*اب راكي مولفة بهزان رجلين مع لي كااان و شكووون عرف كاع كنتي كتهزييهم تا ورا ضهرووووو ......
مزال كتغوت تا سمعات سميتها بصوت غليض بحال البرق مليئ بالغضب.. تسمع في كل ارجاء لفيلا....
عصام: هاااااااجر.....
تهزات كاملة هي و لي كان معاها ... دارت بي العرض البطيء كيف شافت عنيه لي حمرين و قاصحين كيشوفو فيها ركباتها الرعدة من صبعها الصغير بخوف
واقف في جردة ديال الفيلا قدام لابسين و تليفون في ودنو و باين من ملامحو لي مكيتفرزوش معصب لأقصى درجة تكلم بصوت قاصي و بارد كيف الجليد...
عصام: نجي نعرف الغلط منين كاين....
المساعد-ولكن اسيدي....
عصام قاطعو عاض على سنانو بجهد و عروق جبهتو تنفخو: قلبوووووووو منين جاااات سلعة نعرف وقتاش دخلات و شكوووون مدخلهاااااا و بربي نجي و منلقاش هاد مشكل تحل تا ندمكم واحد بواحد.....
المساعد -عارف اسي بن جلول المشكل في سلعة كلها كتخرج من الهند مطبوعة و حقيقية و كنتأكد بنفسي لكن بمجرد ما كندخلوها لمعمل كنلقاو دهب كلو مزور.......
عصام عضالاتو بداو كيتشنجو بكثرة الغضب لي كابتو من تحت سنانو: منين كدوز سلعة قبل ما دخل لشركة....
المساعد: اي حاجة كنخدو من الهند كتجي مباشرة بالباطو تال افريقيا الجنوبية و بنفسنا كنحملوها لمعمل.....
عصام بنضرات مضلمين و فمو على شكل خط: مادير تا شي حاجة غدا انكون تم.....
قطع الاتصال و بداك الغضب لي فيه ضربو مع الارض تا شتتو ...اكره حاجة عندو هو شي حد يتلاعب بيه و لا يغضرو و هادي تاني مرة كتوقع ليه فشركتو و دهب لي كيجيبو كيكون مزور....غير يفكر ان شركة الهندية لي دار معاها العقد تكون هي ورا هادشي كامل كيبداو شياطن يلعبو شعبي فوق راسو....
ضرب دورة بي الغضب ديالو لي مزال كيلعب بي اعصابو لي على نقشة يقدر يخرجو .....و قبل ما يبرد نفسو دخل هكاك شاعل بحال البركان و على دخلة سمع لكلام لي زاد كمل عليه وزادو اعصاب فوق اعصاب و غضب فوق غضب......
هاجر: نتي راجعة بكرش ما عرفنها ولدو و لا ولد لحرااام و ما حد تريكتك من الق*اب راكي مولفة بهزان رجلين مع لي كااان و شكووون عرف كاع كنتي كتهزييهم تا ورا ضهرووووو ......
لكلام لي غمض ليه لعنين و قاصو في كرامتو كرجل و للأسف كان من شخص لي يبيع لي وراه و قدامو على وديتها ....
داخل باش ينسا هم الخدمة بين يديها ساعة سمع الكلام لي عمرو ضن يسمعاها منها...وخا ميار مبقات كتجمعو بيها علاقة ولكن غير هاد لكلمة شعلات فيه العافية... " وشكون عرف كاع كنتي كتهزييهم تا ورا ضهرووو"....
غوت بحر جهد و صوتو خرج كرعدة مليئ بالعاصفة .....
عصام: هااااااجر.....
كيف شافت فيه شداتها لقوة و الرعدة طلعات معاها اما هو جاي بحال ثور بعنيه لي حمرين و عروق جبهتو منفوخين كيف قرب ليها ترمات عليه ميار كتبكي...
ميار: عصاااااام اهئ هئ قول ليا كتكدب و ماشي هي لي كانت معاك نهار عر.....
مزال ما كملات هضرتها دفعها و داز فيها نيشن لهاجر لي عنيه غير عليها و هي مخبية ورا اسماء تخلعات منو......
اسماء حلات فمها تهضر و هي ترجع تسدو مكتقدرش تدخل في امور خوها لي كبر منها و تا لسانها قدامو كيتربط ليها و كتفضل تبقا بعيدة و مدخلش....
شد هاجر من دراعها و جرها من ورا اسماء تا خبطها بحهد مع صدرو و انفاسو الساخنة كتضربها في وجها بحال شي بركان كيستعد ينفاجر...معطهاش فرصة فين تهضر جرها معاه لفوق....
الياقوت سمعات غوات ولدها وهي تخرج كتجري مخلوعة ...كيف شافتو جار هاجر بغات تهضر ساعة داز من قدامها بحال ريح خلاها مبلوكية في بلاصتها...دارت بتسائل عند اسماء لي كتويل في بلاصتها....
الياقوت: اش كاين مالهم دخلو هاد دخلة.....
اسماء كضرب في حناكها و تويل: سيري عتقي لا عندك ما تعتقي ليوم يهرس البنت من شي قنت....
الياقوت حركات راسها : لا لا اخيتي منو لمراتو بغيتيني نتعايب معاه يضربها و لا يقتلها كاع ما ندخل ما يسمع صوتي منو ليها .....
اسماء بقات غير كتخنزر في ميار لي جالسة كتقفقف ...بقات كدور في بلاصتها بحال دجاجة لي مقطوع ليها راسها و كتقول بينها و بين راسها لمشات تا سمعات لغوات اطلع تفك ولي ليها ليها و لي بغا يوقع يوقع....
زدح الباب وراهم بجهد وهي قدامو كتقفقف و يديها عطياها لحريق بكثر ما زير عليها.....
هاجر: عصام راك قصحتيني طلق مني شوي.....
عصام خلخلدها في بلاصتها مزيان مزير على سنانو عينو في عنيها كيشوف فيها بغضب ما خرج من فمو تا حرف ....بقا فقط كيشوف فيها و هو يدفعها و مشا نيشن جهة ديال بيت تبدال خلاها مبلوكية في بلاصتها ، نفس كطلع و تهبط فيها و شادة لبكية بزز........
جلسات فوق كرسي و دايرة واحد نضرة ديال لمشاش و جناب فمها مهبطاهم لتحت تشوفها تبقا فيك.....
هو ما هضر ما غوت ما قال كلمة وحدة...هز حوايجو و دخل دوش ....قفزات من بلاصتها من سمعات صوت تهراس في لحمام.....مشات كطير مخلوعة حلات عليه لباب لقات يدو خاشيها في لمراية تا شتتها كاملة و يدو داخل فيها جاج و مجروحة كتسيل بدم ...
هاجر بخوف: عصاااااام يديك.....
بغات تجي عندو و عنيها حاملين خوف.....
عصام حيد يدو من وسط يديها ..نهض فيها بجهد من تحت سنانو: خرجييييي.....
هاجر كترعد: عافك ا عصام لا يديك كتسيل هئ هئ....
مزادش معاها الهضرة جرها من دراعها خرجها و زدح الباب بجهد قدام وجها خلاها مبهوضة في بلاصتها بحالي ضربها ضو...
بداو دموعها يهبطو غير وحدهم ما عرفاش اش دير ولا كيف تصرف وهي مولفاه ديما مرزن و ساكت و حنين و دابا ما فهمات فيه والو.....
رجعات جلسات فوق ناموسية جامعة رجليها و كتمسح دموعها بطرف كمها بحال شي بنت صغيرة مخلوعة عليه ...
مقصهاش او غوت عليها ولا خرج حرف واحد قدامها...وخا الغضب كيغلي فعروقو لكن قدامها متحكم في راسو و برد غدايدو في لمراية ..ضرب يدو على يدربها ولا يقيصها هي....هي الامانة لي عندو ولي حاطينها والديها بين يديه ....
فعلا كتستحق لعصا على الكلام لي خرجاتو وخا هي خرجاتو على قد عقلها و ما نوات فييها والو....
لكن كلامها سم و دخل مع عصام في العضام هانتو بطريقة محساتش بنفسها و هبطات ليه كرامتو قدام ختو و طليقتو.....
كلام لي هي نواتو في شكل ولي ايسمعها اينوي في شكل اخر و هادشي لي زاد عصبو كثر ما هو معصب.....
عزيزة عندو و غالية بزاف و ساكنة في القلب و مقامها عالي ما يوصل ليه حد.. هادشي لي خلاه ميحطش يدو عليها و ميقيصهاش و ما يغوتش عليها...
عارفها زلزال و زلزال من كتخرج فيه عاصفة كيزيد يجعر و يقلب دنيا كاملة... و شخصيتو الصارمة مع شخصية هاجر المتزلزلة مغاديش يتوالمو هادشي علاش بدل تصرفاتو و اسلوبو معاها تا تولفو مزيان و خا هاد الكلام لي قالت ما غاديش يدوزو ليها غير هكاك و يسمح ليها.....
بقات مدة طويلة فوق ناموسية كتنخسس و كل مرة تمشي تال باب الحمام تحط ودنيها عليه كتسمع صوت لما و ترجع تجلس بلاصتها تمسح في دموعها.....
خرج من دوش ملوي عليه الفوطة و داير على يدو فاصمة و يد الاخرى كيمسح بيها شعرو و لما لي هابط على صدرو بشكل سلسل و مغري...هزات فيه عنيها لي لامعين بدموع وهو مدارش جيهتها مشا جيهة ديال لمراية كيمشط شعرو بحالي متصوقش ليها.....
هاجر مسحات نيفها لي كيسيل بحال دموعها و تكلمات بصوت مخنوق: عصااااام ....
عصام مدارش عندها وهز غير حجبانو في لمرأة بي معنى "شنو"....
هاجر نزلات ليها دمعة بزز منها : علااااش ضربتي يديك😥.....
عصام دار عندها كامل ..حط نصو على الكافوز و ربع يدو على صدرو هاز فيها حجبانو وعاض فمو من لتحت و ما نطق بتا حرف ونضراتو في كل الاتجاهات الا فيها.....
جمعات الوقفة مشات كتجري لعندو وقفات قدامو ...حطات يديها و جراتو بجهد هبطاتو تال عندها وهو مبهوض فيها و هي شفاه ديالها كترعد بحالي شادها البكية...
هاجر: و الله الا هي لي جبداتني نتا عارفني مكنجبد حد و هي عصباتني و خرجت ليها داك الكلام و الله ما نويت شي حاجة انا كنقدرك بزاااف و بلاصتك كبيييرة في عيني ..انا لي عقلي صغير و كنهضر بلا ما نفكر ..نتا جبتيها و سكنتيها معايا في نفس الدار باش بغيتيني نحس ا عصام و وخا هكاك سكت و ما قلت والو حيت قلتي تيقي فيا و انا تايقة و لكن كلشي عارفني لي كيجبدني كيلقاني و هي من بدات انا مغاديش نسكت ليها و نهبط راس واش كاين شي مرا كتجي تقولك على سلامتك من عفيتي على راجلك واش انا مزوحة باش راجل يبقا معايا في جنبي و ديالي بوحدي و نفارقو عليا....ااااه غلطت من قلت داك الكلام و عارفة غلطت ولكن هي عصباااتني بزاااف محاااملاااش نشوووفها مزااال ا عصااام هنا... عييييت ما نشد في قلبي و نسكت .......
بقا كيسمع ليها و دوك الحجبان لوسط كل دوك الاعصاب لي كانو فيه خمداتهم فقط بمجرد كلمات من فمها...كفاش يقدر يتقلق على هاد الزلزال لي عطاه سيدي ربي و هو كيموت عليها و قلبو ما دق غير لبرهوشة ديالو......
عض فمو من لداخل و داير راسو مزال معصب و محاملش يهضر و هي مسكينة كتشوف فيه ببرائة وعلى شوي اتهبط دمعة.....
عصام دوز يدو على شعرو: شنو قالت ليك.....
هاجر شافتو مزال مقلقل وهي دور يدها على خسرو و خشات راسها في صدرو حابسة لبكية بزز: و الله تا كنبغيك اقسم بالله ما نويت شي حاجة ورا ديك الهضرة غير خرجات و صافي سمح لي ما عمري نعاود اخر مرة....
عصام حط يدو على شعرها وهبطها بشوي على خدها ...دور يدو على فكها هز ليها راسها مقابلة مع عينو.. فمو حدا فمها كتنفس من انفاسو الساخنة و ملامحو ممقروئينش تكلم بهدوء: بغيتي تمشي لداركم.....
هاجر طارت على يدو مخرجة عنيها فيه: واااعلاااش كتقوووولي داااابااا هاااد لكلاااام يااااك صخيييتييي بياااا دغيااااا و بغيييتي ترسلني عند هتلر عوتاني اهئ اهئ هئ....
رجعات تخبات في صدرو كتبكي من نيتها جابت ليه ضحكة بزز منو هز راسو كيضحك بصمت على اسم نسيبتو لي عطاتها بنتها "هتلر".....
هبط راسو لعندها خشا وجهو بين عنقها و شعرها كيشم ريحتها مزيااان و كيسوط على عنقها تا كتبورش كاملة .....باسها في ودنها و نطق بصوت مجروح.....
عصام: كتبغيني......
هاجر حركات راسها بجهد: و الله تا كنبغيك و بلاصتك عندي بحال با......
هز راسو مكمش حجبانو طيراتو ديك كلمة بحال با......هاجر عاد طلعات معاها لكلمة لي خرجات و هي تهز فيه راسها شداها البكية نييت...
هاجر: وراااني قلت لييك مكنعرفش نهضر هئ هئ و الله تا كنبيغيك بحال با و لكن ماشي بحال با يعني نتا راجلي بلاصتك بوحدها و هو با بلاصتو بوحدو و لكن في قلبي بجوجكم بحال بحال يعني نتا عزيز عليا بحال با و با عزيز عليا بحال راجلي.....
داخت مسكينة وهي تسكت و بقات كدور غير في عنيها و ضحكات ليه واحد ضحكة صفرة....
هاجر: مدييش عليا بعد لمرات كيمشي ليا لعقل و ما كنبقا عارفة اش كنخرج من فمي......
عصام طيرات ليه العقل لي يفكر بيه و لا معاها كينحي عقلو باش يقدر يتوازن مع كلامها لي ديما جايبة ليه الجديد...زير فمو على شكل خط و حط يدو على شكل قبضة فوق منو حابس ضحكة مبغاش يهبط كواريه دغيا قدامها....
عصام : دابا لي نفهم اني كبير قد باك ولا شنو.....
هاجر حلات فمها فيه: الاااا و الله ما هكااااك زعمة راني حطاك في نفس المرتبة لي عاطياها لبابا كنحتارمك و كنبغيك و كنتفشش عليك و لي جا في فمي نقولو بحالي راني مع با فهمتيني ياك.....
عصام فهمها من لول اش بغات تقصد و خا هكاك كلامها عسل وخا هي زلزال بعض لمرات كتقول شي كلام تخليه يزيد يبغيها و يتعلق بيها بلا ما يحس ...معاها و لا كيحس براسو طفل صغير و مكاين لاش يبين ديك شخصية صارمة ديالو و كيتعامل ك عصام فقط لي مشتاق لحب هاد لبرهوشة بجنون.....
غير بينو و بين نفسو نطق "الله يرضي عليك"
لكن ما قالهاش ليها في وجها.....في الاخير نفسو عزيزة و مباغيش يدوز المشكل غير هكاك ...خاصها تفهم و توزن كلامها مزيان قبل ما تخرجو و خا مزال صغيرة لكن الولف صعيب و عندو دور و لا ولفات اي حاجة كتخرجها ايسامح عليها عصام ادا الهيبة مشات و لي بغات تقولو اتخرجو بلا ما تفكر....هادشي علاش زير سمطة فهاد اللحضة و يبدا عليها غير بشوي تا تقاد معاه في الخط.....
عصام بعدها منو شوية و مشا جهة ديال بيت تبدال و هي تبعاه من لور ....حيد الفوطة قدامها و هي تشهق و عنيها خرجو من بلاصتها و دغيا وجها تصبغ بي الاحمر......
عصام دور راسو ليها بحالي ما دار والو: مالكي...
هاجر كترمش في عنيها و كتمتم غير وحدها : لا و.
ووو والو ععع ععلاش....
عصام لبس شورط ديالو و رش برودوي لي مولف يديرو على صدرو: ما عندك علاش تحشمي نتي مراتي و انا راجلك و هادشي عادي.....
هاجر دوخها جسدو و هي من نوع لي كيعجبها راجل طويل و لعامر و صبورتيف و عضلاتو بارزة و متناسقة و كتافو عراض ...يديه مفتولين و عروق منفوخين من عند الله مستحيل تقول هاد شخص عندو 39 عام كاملة..
كيبان صغر من سنو و زادت و سامتو و تقاسيم وجهو الرجولية تخليك دوخ بلهلا يطريه ليك و هي ماشي غير داخت دابت قدامو و ستحلات تشوف خيرها كيتمشا قدامها عاجبها و معمر ليها العنين و جالسة تهضر بلكلام لي متول و خارج موزوون ....
هاجر: اييييه زين و لمن عطاه الله... يا ربي شمنك يا وقفة و شمنك يا طولة و تجريدة الحاصول نقول انا لي تزوجت و ما كاين لي دا راجل بحالي...كون تشوفني ديك العوجة ديال بنت خالتي لي جالسة تعيق عليا بداك تركي ديالها شكون خديت و فين يبان قدام راجلها كون نقزات من سطح اححححح عليك يا زهري و خلاص .....
شافت في عصام كيشوف فيها بنضرات غريبة و هي تبتاسم ليه بخجل ضناً منها انها كتهضر بينها و بين راسها ساعة دارت بوق و كاع كلامها سمعو عصام لي تجمد في بلاصتو و كيسمع اش كتوقل هاد البنت و كيفاش كتهز عنيها فيه و تهبطو .....
هاجر كتشوف في عصام لي كيشوف فيها: اححححح وعلى شوفات العنين زورق لي غرقت فيهم تال ودني.....دورات لسانها على فمها بشكل مغري...الوحدة تشها غير تاكلك يا نوتيلا ديالي......
عصام غلباتو ضحكة و هو يعطيها بضهر كيلبس حوايجو و كيضحك بحال لحمق بصمت سطاتو بضحك ما غادي دير عقلها هاد زلزال تا تزلزلو في مخو بالمزيان....
دار عندها كيسد عقاد قاميجتو داير راسو مغوبش و هي غير شافتو مغوبش و هي تجمع ضحكة .....
عصام نيشن دخل في الموضوع و مزال ضحكة غالباه : غادي نسافر لضروف الخدمة و نتي بغيتي تمشي تجلسي عند والديك تا نرجع سيري بغيتي تبقاي هنا بقاي ما غاديش نحبسك.....
هاجر بقا فيها الحال لداخل من معبرهاش : ولكن نتا قلتي ليا مزال ما اترجعش لخدمة....
عصام حط يدو في جيبو : كنت و لكن دابا لا خاصني نمشي نشوف شغلي و نتي فين ما لقيتي راحتك سيري لكن قوة دخيل و الخريج منبغيهاش تبتي في بلاصتك ....
هاجر جاها صوتو بارد مبدل على صوت الحنين و دافئ لي مولفها بيه صرطات ريقها بصعوبة و نضراتها حزينين : انا منقدرش نمشي لدارنا بوحدي عائلتي اتقول نتا مزال مقلق منهم و رسلتيني بوحدي.....
كمش حجبانو كان كيتسناها تقول هاد الهضرة و خا بقات فيه بدوك نضرات لي كتشوف بيهم فيه مبغاش يقصح معاها لكن هي لي دارتها راسها..
عصام: قضية ديال والديك معايا و ما عندك تا علاقة ..نتي بنتهم مغاديش نحبسك عليهم بغيتي تمشي عندهم و لا هما يجيو يزوروك مرحبا .....
هاجر بصوت هامس: مزال مقلقل من جيهت ماما هي ما دارت والو انا لي طحت و الله و وقع لي وقع نتا عزيز عليها بزاااف ......
بقا غير كيشوف فيها كفاش ديما كتهز بي والديها قدامو صباح شكرات باها قدامو و تا من قالت ليه كنبغيك ما قالتش ليه بوحدك بل جمعاتو في نفس ترتيب مع باها ....
و دابا كتحيد تهمة من ماماها و كتقول غير طاحت و حليمة ما عندها يد في هادشي...شنو الواحد يبغي كثر من بنت تهز براس والديها قدام كلشي و اولهم راجلها...
احساس غريب خالج كيانو في هاد اللحضة مبغاش يزيد يقصح معاها و لا يكدبها حيت باين شنو دارت ليها حليمة و من هي دفعات عليها هو ما عندوش حق يتاهم مها لكن كتبقى كلمتو لي هبطات متسرطاتش ليه و خاصو وقتو باش ينساها......
عصام تنهد بشوي: فليل عندي طيارة و كلشي قدامك ديري لي بغيتي...هز فيها صبعو مع تحدير...عاطيك حرية ديري لي بغيتي لكن في كل تصرف اديري و كل حرف اتخرجيه من فمك ديري بحسابي انا الاول.....هبط يدو مع نضرة غير مفهومة...ديري عقلك ا هاجر....
هاجر بنضرة حزينة : و ميار....
عصام عض فمو مزيان و هضر بكلام غامض ما فهمات فيه والو : نتي لي كاينة دابا و نهار لي نعرف فيه كلشي غادي نقول كلمتي.....
وخا ما فهمات والو حركات راسها بي الايجاب و هضرات بصوت رقيق: نجمع ليك حوايج لي اديهم معاك....
قرب ليها حط يدو على حنكها و دوزها بطريقة حنينة على جنب عنيها..رجع ليها شعرها ورا ودنها و باسها بشوي فوق فمها
عصام: غير رتاحي عندي كلشي لهيه....باسها في راسها....ديها في قرايتك و سيري شوفي طبيب كل نهار و تبعي دواك ....
هاجر جاتها البكية اول مرة ايسافر و يخليها : اتعطل بزااف ياك....
عصام: على حساب الخدمة...طبطب ليها على حنكها و عاود قال كلمتو ... ديري عقلك و انا بعيد.....
هبطو ليها دموع قدامو بزز منها عيات ما تحبسها و لكن هبطو ولفاتو بزاف مبغاتوش يمشي و يخليها ما عرفات غير صدرو تدخل فيه و تبكي بحال بنت صغيرة لي اتفارق على مها....
هاجر: ديني معاك عافك و الله ما ندير لبسالة و لا نقول شي حاجة انتبت في بلاصتي و لي قلتيها نديرها غير ديني معاك هئ اهئ مابغيتش نبقى بلا بيك ...
حس بيها ولفاتو بزااف و ممولفاش على غيابو عليها..دور يدو على خسرها و حط فمو فوق شعرها....
عصام : ما غاديش نتعطل بزاف و نتي مزال مريضة السفر ممزيانش ليك فهاد اللحضة بقاي هنا تا تولي مزيان و انرجع نديك معايا....هز ليها راسها باسها في فمها بوسة خفيفة مع غمزة...اصلا محتاج نكون انا وياك راس في راس لكن تا دوز هاد ربعين يوم لي لصقتيها ليا......
توردو خدودها بي الحشمة و مع دموع ولات كتبان بريئة بزاف ..خبات وجها في صدرو...
هاجر : انصبر و الله غير ديني معاك و لفتك بزاف بلاصتك اتخوا عندي و ما كاين لي يجي في مقامها و لا يعمرها ليا انحس براسي بوحدي هنا و غادي نقنط و ما اتبقا عاجباني تا حاجة اهئ هئ اصلا نتا لي عاجبني بوحدك فهادشي كامل....
غمض عينو مع تنهيدة من قلبو ..باسها في جبهتها بي قبلة طويلة دافئة ...يكفي هاد لكلام تخليه يسامح ليها كل اخطائها لي دارت و لي غادي دير...كيف القلب يقدر يصبر على كلام زلزالو لي كيطرب قلبو و يرويه....خشاها وسطو بتعنيقة حارة بحالي بغا يخشيها في لداخل ديالو و يديها معاه ميخليهاش بوحدها...
عصام: مغاديش نتعطل احبيبة دغيا غادي نرجع و من بعد فين ما مشيت رجلي برجلك عمري نخليك مرة خرا....
هاجر بصوت باكي: وعلاش مدينيش معاك دابا...
عصام: صعيب احبيبة مغديش نكون مسالي على حساب الخدمة مزير بزااف...
هاجر زادت خشات راسها في صدرو و زيرات يديها على ضهرو كثر : انتوحشك بزاااف ...
عصام دفن راسو في عنقها و همس بصوت مبحوح و معسل : نتي بنت قلبي قبل ما تكوني مراتي عقلي على هاد لكلام مزيان و متصوقي لتا حاجة خرا من غيرو ...باسها في عنقها و ردد بشوي ...عصام ديال زلزال بوحدها ...ديتي قلب عصام بن جلول كامل امراتي صغيورة....
إنها زوجتي الجزء 11
محتوى القصة
التنقل بين الأجزاء