إنها زوجتي الجزء السادس

من تأليف Fatima Z-F
2019

محتوى القصة

رواية إنها زوجتي

كيلمس فيها بشوي قامع رغبتو بيها لأقصى درجة و قبلاتو كيحطهم على عنقها بكل حنية خلاها فقط من مداعبتو تستاجب معاه...رغم انها معارفة والو من هادشي لكن ككل انثى كتكون منجادبة لشخص لي كيعاملها بكل حنية فقط لمساتو الرقيقة فوق جسدها العدري تقدر تستلم ليه و تغوص معاه في لذة الرغبة تجاه بعضهم.....

غمضات عنيها بشوي و جسدها مرخي و انفاسها سخونة و فمها حمر بكثرة تبادل القبل بيناتهم....حسات بيه حدا فمها كيهمس ليها بشوي...

عصام بصوت مبحوح مليئ بالنشوة: بغيتك مراتي....

بمجرد ما سمعات كلماتو حلات عنيها بجهد و جسدها كلو تصلب...حس بيها وهز عينو فيها ساكت كيفحصها فقط من ملامحها و هي فوق حجرو مقابلة معاه و مدورة رجليها على خسرو....كمش حجبانو بشوي من شاف الخوف في عنيها و حالة فمها نص حلة كتشوف فيه....

عصام رجع ليها شعرها ورا ودنها و كيتكلم بحنية مبالغة غير باش يحسس بي الامان:مزال خايفة.....

هبطات راسها لتحت عاضة فمها و حركات راسها بشوي بي "اه" مقدراتش تنطق....

عصام حط صبعو تحت دقنها هز ليها راسها كيتحقق منها : كتيقي فيا ا هاجر انا مستحيل نأديك او نقصحك...بصوت كيحمل ترجي... فقط كوني ليا مبقيتش قادر نزيد نصبر كثر ...

شافت فيه بنضرة حزينة ومكسورة حلات فمها تهضر و ماقدر حرف يخرج ليها و رجعات سداتو كيترعد و عنيها تملأو بدموع...غمضات عنيها بلا حولة ولا قوة لها ..هبطو جوج دمعات قد لحجرة سخان فوق خدها و هو فقط مكمش حجبانو و كيراقبها بصمت....

وقفات و بعدات عليه و كلها كترعد مدورة يديها على صدرها كأنها كتحمي نفسها و بزز باش قدرات تخرج الهضرة: سمح ليا ا عصام سمح ليا😭 منقدرش ...هزات فيها عنيها لي حمرين و دموع شلال....اقسم بالله حاولت كثر من مرة لكن مقدرتش مااااقدرتش😢....

جمع الوقفة عاقد حجبانو لوسط و عنيه ما بقاوش كيحملو ديك نضرة الحنينة لي كان دايرها قبيلة ...ولات نضراتو ممفهومينش مخنزر او بي الاحرى معصب و هي كترعد قدامو...

فهاد اللحضة عقلو ستنتج اشياء لي من نهار صداتو اول مرة وهو كيحاول يبعدهم عليه و كيلعن شيطان لأنه تايق بيها اكثر من نفسو ..وهاد الافكار لي دخلو ليه فراس بحال سوسة كيزيدو يتأكدو في كل مرة كيبغي يقيصها و كتولي فهاد الحالة ديال الخوف.....

كرز على سنانو بجهد باغي يسحقهم من كثرة الغضب لي تملكو...هز فيها صبعو تا بغا يهض و رجع هبطو ..جمع يدو على شكل قبضة و صدرو بدا كيطلع و يهبط كيتنفس من نيفو بجهد....

بلا ميخرج تا حرف ضرب دورة خارج ...كيف شافتو خارج تبعاتو كتجري....

هاجر كتقرب ليه : عصام فين غادي....جراتو من يدو بجهد من مدهاش فيها...عصااااام راني سولتك فين غادي ليل هادا....

كيف جراتو تقاضا صبرو و تهدم صور لي كان شاد بيه اعصابو.... غرز صباعو بقوة في دراعها بجهد تا غوتات بلا متحس بحالي ضربها ضو ..و قبل ما تخرج تا حرف دفعها مع الحيط تا تأوهات بجهد حسات بسنسول ضهرها تقسم.....

خرجات عنيها بجهد مقصحة من غرس صباعو في حناكها و عروق جبهتو منفوخين و نضراتو مكيبشروش بالخير....كيف بغات تنطق سميتو و هو يغوت بحر جهدو ...

عصام: سكتييييييي....

تكونسات في بلاصتها و رعدة طلعات معاها بالخوف عمرها شافت عصام فهاد الحالة ....وجهو حدا وجها و عينو لي حمرين في عنيها لي مدمعين...هز يدو تال سما بكل قوتو ضربها مع الحيط حدا وجها..

هاجر مخبية وجها في يديها و الخوف تملكها:وااااع لا لاااا مضربنيييش هيهئ اععع لا لا عافك لااا مضربنيششش 😭....

عصام عاود ضرب يدو تا تصور دمو في الحيط: قلت ليك سكتيييييي....

قطعات الحس بحال شي دري صغير و تخنسيسة كطلع فيها و تهبطها ولات صفرة كتشوف فيه بحال شي وحش و هو معايقش براسو.....

عصام حط يدو بجوج على جنابها مكالي يدو بالحيط و هي وسطو من تحت سنانو كيخرجو ليه الحروف معصب...

عصام: تييقتيي فييك عمية ا هاجر عميااااا..درتك فوق راااسي و خلييتك على خااطر خااطرك و خا عمر شي بنت لمراا تسوقت ليها من غيرك قلت صغيرة و دابا تكبر و دير عقلها..عاملتك مزيااان و عمريي خسرت لييك لخاطر من نهاار وليتي ديالي..زاد ورك على سنانو والعرق هابط ليه من جبهتو مقاوم نفسو بصعوبة باش ميحطش يدو عليها.....ونتيييي مرجعااني حماار بودنييين كضحكييي علياااا طول هاد المدة علاااش بقييتي ساااكتة علاااش.... نهاار لول جيني لصرااحة علاااش مخلياااني نعيييش فهاد الوهم و كتهربيي نفسك عليا و كل مرة كتصدينييي علاااش ....خبط يدو بجوج مع الحيط ...نهاااار لول جيني نيشن و قولي ليا انا ماشي فيغ......

غمض عينو بقوة مقدرش يخرج ديك الكلمة لأنه ممتقبلاهاش كارز على سنانو مزير باغي يسحقهم بكثرة الغيض لي فيه... حاس بي اهانة في رجولتو و عقلو كأي رجل من كتصدو لمرا لعدة مراات و كتبين خوفها لكبير من المعاشرة بذيك طريقة لي دارت هاحر وخا هو دار ما امكن باش يحسسها بي الامان وهي ككل نهار نفس ردة الفعل خلا عقلو يبشي نيشن لحاجة لي عمرو يقدر يفكرها في هاجر لشدة تيقتو العمياء بيها و هي انها ماشي عدراء.....

فقط انه فكر شي حد قاسها قبل منو خلا شياطن يلعبو فوق راسو قلبو تحرق و اعصابو نهارت.....

وهي وسطو كترعد البولة اطلقها في حوايجها من كثرة الخوف و غير كترمش بعويناتها لي حاملين كل البرائة من تهمة لي وجه ليها عصام و حيت مكملش حديتو كمشات حجبانها بدون فهم و بزز باش نطقات بحروف متلعتمة...

هاجر: ااا ااانا مممماشي ششنو....

بعد منها كاره و مبقا حامل تا حاجة ...ضرب دورة هز سوارت و خرج زدح لباب بجهد تا بغا يطيرو من بلاصتو....


كيف خرج طاحت على وقفتها كتنهج حاطة يديها على قلبها لي كيشطح بالخلعة لي شداها...بزز باش جمعات نفس و جمعات الوقفة دخلات لكوزينة طلقات لما بارد على يديها و دوزات لما على وجها و عنقها تحيد منها الصخفة و الخلعة لي تخلطو عليها....هزات كاس كتشرب و كتعاير غير بوحدها.....

هاجر: الله يا ربي وشنو دار فيا كنت غادي نموت بتخنزيرتو يا ربي سلامة تفوووو الله يلعن شي زواج لكان هكا يخخخخ لي ضاربهم ضاربهم على رجلهم تالتة اتخرج عليهم...ياء على بشر كيف داير شافني خايفة يقلب ستة تسعود كيف مولف مالو ناض هاد نوضة كاملة يغوت و يخرج العنين و ينهج كيف الثور و لكن سريي اناا نيت لي مدصراه و مخلياه يقيس و يبوس فين ما بغا على راحتو انا لي سر مي شي سلخة بداك لمدلك ديال حليمة تقاد ليا ضلوع و نعطيه تيقار ...حطات لكاس مغزفة...غير صبر اولدي ا عصام لمخرجت فيك هاد لغوات و الحالة لي درتي فيا راه ما ولد فيا العسكري غير لخلا... 

بشات لطبلة كتجمعها و تخاصم غير وحدها بقات فيها لحرقة ديال الحالة لي دار ليها ...و دارت في راسها تقطع عليه لما و ضو متخليه يقيص حاجة منها ولي بغا يربح لعام طويل....

جمعات لكوزينة و ستفات كلشي لبلاصتو هزات لکلاص لي جاب ليها تبرد بيه و بشات جلسات فوق الفوطوي دارت رجل فوق رجل على طبلة لي قدامها و شعلات تلفازة لقات فيلم هندي كتحماق عليه ديال شاروخان شناي اكسبرس و فيه موت ديال ضحك....

بقات متبعاه و كضحك مع راسها نسات عصام و اصلو ولا رجعات تا فكرات فيه ولا سولات راسها على ديك ردت الفعل لي دار فيها مجاش ليها ابدا في راسها انه كيشك فيها لأن تيقة لي كتيق فراسها كتخليها مستحيل ان شخص يفكر فيها بديك طريقة و اخر واحد توقعها منو هو عصام لدا عقلها مستحيل يمشي لداك لجانب و ان تفكيرها محدود ...

فقط ربطات ردت فعلو انها مخلاتوش يقيصها وخا هو كان باغيها لدرجة كبيرة و لكن خوف متملكها و كيف كيبغي عصام يتعمق معاها كثر كتجي صورة صاحبتها بينات عنيها و هادشي كيزيد يعقدها في نفسها اكثر و للأسف مكتقول والو لأنها من صغرها كتخبي كلشي لراسها و ماكتعاود لتاشي حد... هي بوحدها لي كتواجه مخاويفها في لداخل ديالها ...

وهادشي كلو جاي من تربية من صغرها كانت اكثر وحدة باسلة في خوتها كطير من المقلة و كانت حليمة مكتسولهاش شنو سبب هاد القباحة كانت فقط كتهز تيو و تحمر ليها لحمها باش تشد لأرض حليمة كانت واعرة بزاف و بقات فيها الغدة لي داروها فيها عائلة راجلها و كانت كتبرد غدايدها في ولادها و اكثرهم هاجر لي بداك الضرب ولات كتخبي كلشي لراسها و مكتقدرش تخرجو لبرا و تعاودو لشي حد لأنها في راسها كتقول لا عاودت هادشي اضربني حليمة و حيت كتخاف من لعصا ولات كلشي كتشدو لنفسها لدرجة انها من كانت صغيرة تحرقات من رجليها بالما طايب و كلها تصلخات و مقدراتش تقول لحليمة راني محرروقة خوفا من انها ضربها و خبات ديك الحرقة لمدة اسبوع تا بدات جلدة كتخماج ليها و كتعطيها صداع و تغوت لربي لي خلقها وداوها لكلينيم عاد شافو حالت رجليها و كون زادو تعطلو شي ايام قليلة كانت رجليها اتبشي بحالها و ربي لي حفضها و جرا بيها باها قبل ما يفوت الفوت......

وخا كبرات و مزال قبيحة و واعرة لكن كلشي من تربية ما حد عندها خوف انها تعاود فاتبقى طول عمرها ساكتة و للأسف هادشي كاين بزاف في مجتمعنا شحال من طفل سكت على الاغتصاب و تحرش خوفا من عائلتو لي رباتو بي العصا ......وخا شخصيتها قوية و مكتسكتش على حقها ولكن من كتقرب ليها كثر و تعاشر معاها اتلقاها انثى هشيشة واي حاجة تقدر تجرحها و كتحمي نفسها بداك الوعارية و قلة الاداب لي فيها فقط باش ميشوفوش ناس ديك شخصية ضعيفة لي كتملك لداخل ديالها ...


شافت في ساعة لقاتها 3 ديال ليل ...عيات ما تصبر راسها و تقصح قلبها لكن خوفها على عصام بدا كيتغلغل في لداخل ديالها ...نسات لكلام لي من صباح و هي كتقولو انها اتندمو و متخليهش يقيصها الى اخره...

كلشي نساتو بحالي مقلتوش و مخرجاتوش من فمها من 12 ديال ليل و هي بحال الحنش لي مقطوع ليه راسو كتبشي و تجي غير في بلاصتها....طلعات لفوق كتجري هزات تليفون كتصوني عليه و هو يصوني حداها ...دارت لقاتو تيليفونو نساه هنا ..ساطت بجهد و طلات بشوي من شرجم كان كلشي مضلم غير ضو خفيف لي كيضوي لمنطقة من جيهة ديال شانطي و جيهة ديال لبحر مضلمة......

مبقاتش قادة تصبر بشات لماريو لبسات سروال ديال كيطمة و دارت فوقها كاب طويل و دورات زيف على وجها غطات شعرها.....لبسات صندالتها و خرجات من لفيلا و كلشي مضلم تكمشات في داتها و شعلات بيل ديال تليفونها و تمشات بشوي جيهة فين حاط عصام طونوبيلتو..لقاتها مزال كاينة في بلاصتها و هي تعقد حجبانها و قلبها كيشطح في بلاصتها مخلوعة حيت لبلاصة جات فطريق وطنية ما بين اصيلة و طنجة خاوية و فيها غير فيلات شي مصلوح و شي لا كيكريوهم ناس من كيدوزو فيهم لعطلة...

هاجر عقدات حجبانها و صرطات ريقها بزز و يذيها كيترعدو مسكينة خايفة يخرح ليها شي حد: ياااربي و فين بشا هادا ها طونوبيلتو هنا فين ايكون داااز افففف يخخخ كون غير ما قربتش ليه من لول شعلت فيه العافية و زدتها بالحوت بوجهي صحيح....

حسات بحركات ورا الفيلا من جيهة ديال البحر كاين كراسة محطوطين مقابلين معاهم...حركات رجليها بشوي بحال شفار و خا خايفة دافعة سنطيحة و متبعة لتار ديال تخرشيش و قلبها كيضرب بجهد.....

هاجر على شوي اتبكي ما جا في فمها غير سميتو: عصاااام..ما سمعات تا رد....عصااام عافك غير بااان ما تخلعنيش الله يرحم والديك راه قلبي ايسكت....

تمشات بشوي وهي تحس بشي حاحة شداتها من ضهراها طيحات تليفون و هي تغوت لربي لي خلقها طاحت على وقفتها كتركل : ولااا ولاااا واااااميييي وااع عصاااام عصاااااااااام هئ هئ بعد مني واااع بعاااد عصاااااام.....

شافت ضو من لبعيد كيضرب ليها و هي تجمعها بوقفة كتجري لداك ضو نسات تليفونها و زيف لي طاح و حالتها عامرة رملة....كيف قربات ليه بان ليها هو طارت عليه بتعنيقة مخبيا راسها في عنقو كتبكي ....

هاجر: هئ هئ فييين كنتيييي حشوومة علييك خليتيني وحدييي 😭..

بعدها منو بشوي مخنزر و معصب: علااش خرجتي....

هاجر رجعات عنقاتو مخشية وجها في صدرو كأنه الامان بالنسبة ليها: خرجت كنقلب عليييك و ووووشي حححد ششدني مم من ضهري زدحني ما الارض اهئ اهئ....

عصام بعدها منو بشوي وخا هكاك دارت معاه بحال لكولة مبغاتش تفارق معات هو يبعدها من جيه و هي دوز ليه لجهة الاخرى و هو محاملش يشوف وجها وهو مزال معصب كان معول تا يبرد عاد يحط ي معاها النقط على الحروف.....


بزز منو تنهد و هي مدورة يدها على دراعو تابعاها لبلاصة فين طاحت...هز لبيل في لعرش ديال لكرمة لي كان مهرس في لبلاصة فين طاحت...

دور وجهو ليها هاز حجبانو و هي كتشوف في لعرش غير بنص عين و حناكها حومر....

هاجر: بلا متشوف فيا هكاك راه جرني من لور حسيت بحالي راه يد لي جراني ماشي عرش....

بلا ميزيد معاها الهضرة معندوش الخاطر ليها و لتصرفاتها..هز ليها زيف لي كان مرمي هو و تليفونها عطاوهم ليها بلا ميشوف فيها...خداتهم منو مكمشة حجبانها حيت مولف كيدور زيف هو بنفسو على شعرها حسات بيه مبدل و ماشي هو هداك..دورات زيف على وجها و تبعاتو من لور و هو غادي قدامها مضوي طريق بالبيل و خاشي يدو في جيبو و يد شاد بيها لبيل....

هاجر حلات فمها تهضر و رجعات سداتو و بقات غير كدور في راسها..زادت قربات ليه كثر حدا دراعو : مزال مقلق مني....

عصام جمع نفس تا جمعاها و طلقها و حجبانو الوسط و نضراتو قاصحين ما ردش عليها اوا حتا جاوبها لأنه عارف راسو من كيتعصب ايخرج شي كلام ماشي هو هداك لدا فضل سكات خير...

من شافتو ساكت و هي تهبط تا هي راسها و سكتات و بقات تابعاه تا وصلو لبلاصة لي كان جالس فيها و حرك يدو لجهة ديال لباب لوراني ديال لفيلا..

عصام: طلعي تنعسي غدا غادي نرجعو بحالنا...

خلاها واقفة و بشا جلس فوق كرسي مقابل مع البحر و البرد كيضرب فيه كيهز ليه شعرو..حط يدو ورا راسو و مركز في نقطة وحدة وهي البحر بملامح جامدة مكيبينو والو....

بقات كتشوف فيه معجبهاش الحال بهاد البرود لي داير معاها و فبالها انه غير مقلق حيت معطاتوش حقو مجاش ليها فبالها ابدا انه شاك فيها .....

قربات ليه جلسات في لكرسي لي حداه وبشوي قالت: مالك معايا ا عصام علاش درتي ليا ديك الحالة قبيلة و دابا مبغيش تشوف تا وجهي واش حيت معطيتكش حقك ولكن نتا واعدتيني تا نبغي عاد اتقرب ليا بمفك قلتيها....

عصام بي الاعصاب لي فيه و مبردهومش فيها شدها من يديها جرها بجهد لعندو طاحت فوق منو و هو ناعس مخنزر من تحت سنانو نطق ...

عصام: وقتااااش...اااه واااعدتك ولكن وقتاااش ايساالي هااد لعهد انااا ماشييي خوك ولا تزوجت بيييك باااش نديرك ديكووور فداااري انا بغيييت مرااا لي نعيييش معاها حياااتي و نولد معاااها و لادييي ..بغييت مراا لي تشاركني فراااشي و فرغبتيي بيهااا مبغييش برهوووشة نبقا تاابعهااا حياتي كااااملة....

هاجر : نتاا نهار الاول عرفتي السن دياالي و وافقتي عليه و واعدتيني من لفوووق...

عصام بعصبية كيشوف فيها وهي فوق منو عنيها كيبريو بحالي اتهبط دموع: ندمت اختيييي ندمت كون عرفتك هكا نهااار لول ما نقربش لهاد زواج و لا زبل كوون عرفتك اتجرجريييني هكا فالله يلعن جد بو عصاام لي قال ااه نهار الاول....


هاجر تصدمات في بلاصتها مخرجة عنيها و حالة فمها رددات بصوت متلعثم: عصاااام ععرف اااش كتخرج مممن ففمك....

عصام خشا يذو في شعرها و قربها ليه مخنزر : نتي لي خاصك تعرفيي اش كتخرجيي من فمك مااخليت انا حل درت معااك و نتي ضاربة كلشي بركلة محسبانيش اصلا واش كاين عارفاك وخداني غير على فلوسي قلت كلشي ديالها بصحتها ما خدام و كنجمعهم غير ليهاو نتي شنوووو زدتيي معايا شي خطوة لقداام فهاد زوااج ديال الوييل ياك كلشي كيجس مني و نتي كتزيدي تصديني قلت صغيرة و تيقت الكدبة على راسي و هما كاين بنات صغر منك هازين مسؤولية دوار كامل و نتي رااجل مقدااش تعطييه حقووو .....

خرج عينو فيها كثر وهي غير كتشوف فيه و دموع في العين و غصة خناقاها كطلع و تهبط ...

عصام: عندك شيي حاجة جي نيشن قوليها ليااا متخلنيييش بحاال لحماار بينات يدييك ولا عرفتي شنو من هادشي كامل تلاقينا خوت نتفارقو خوت ابنت ناس نتي متصلاحي لي و انا منصلاح ليك و الله يسهل ليك مع ولد ناس اخر.........

كيف جبد لفراق هبطو ليه دموع سخان على حنكها ....بيد مرتجفة حطات يديها على خدو و شفاه دياولها كيترعدو ..كترجاه بعنيه ..قربات بشوي لحدا شفاه ديالو بغات تبوسو وهو يدور وجهو مزير على سنانو ..

رغم الجرحة لي جرحها في قلبها باستو بحنية في خدو و كلها كترعد تصبر على كلشي الا من جبد ليها لفراق حسات بقلبها تقسم على جوج و روحها بغات تخرج من الجسد ديالها فقط تخيل حياتها بلا عصام الحنين الضريف لي دوزات معاه افضل ايام حياتها متقدرش على فراقو عصام بي اختصار تغلغل ليها فروحها و كيجري في دمها ....

دوزات شفاه ديالها السخونين بشوي على خدو و قربات حدا و دنو كلها كترعد همسات ليه بصوت ضعيف كيملئو خوف شديد....

هاجر : انسلمك راسي و نعطيك حقك ....دورات يديها على 
عنقو مزيرة عليه بجهد وهمسات بشوي...متخلاش عليا و ندير ليك لي بغيتي ....


عيا ميصبر في راسو و يقول صغيرة خليها غير تولفني شوي وخا كلامها لي بحال سم غمض عينو و نسا كلشي من نهار جرحات راسها و هي شبه مغيبة طلباتو ميتخلاش عليها...هاد الكلمة عطاتو امل جديد في حياتهم تيق نضراتها ليه و دموع لي فعنيها..

غمض عينو و زاد في صبرو خلا كلشي وراه وعطاها وقتو الكامل ليها بوحدها وخا عمرو دارها لشي بنت لمرا ولكن القلب ما يشاور مولاه بغاها من كل قلبو وزادو تصرفاتها لي كيكونو عفويين كيقربو ليها كثر...دار بفارق السن بيناتهم و غمض عينو بشحال من حاجة عاملها عكس معاملتها لي كلها برود و هو عاملها بكل طيبة و حنية و حب دارها بحال بنتو اكثر ما هي مراتو....

من حس بيها ولفاتو وهبطات غلاف الحشمة بيناتهم و بدات كتجاوب معاه زعم ضناً منه انها تا هي حاملة نفس المشاعر تجاهو لأنه فقط تاق بنضراتها لي كيتبعوه في كل وقت وكيلاحضو كل حركاتو...

ستسلم لرغبتو بيها و علن انه مبقاش قادر يصبر بغاها بين احضانو و في فراشو.. بغاها اليوم تكون مراتو بكل ما تحمله الكلمة من معنى......

في جزء من الثانية تبدل كلشي من ولات كترعد بين يديه و طلبو ميقيصهاش.....بلا وعي و بزز منو بشا عقلو نيشن لشيء لي من نهار رفضاتو وهو كيبعدو منو و مبغاش يطيح فيه و هو الشك ...

الشك لي خرب بيوت و دمر قلوب و عدب ناس...ليوم عصام بين وجهو الاخر وجهو القبيح لي كيخلع و وجهو لي كيديرو غير مع ناس الخدمة و ليوم بينو لهاجر ...غوت و خرج الدقة لي كدق في قلبو ..قمع راسو بكل قوة باش ميحطش يدو عليها حس بالغدر و انه حمار فهادشي كامل ،حس بيها خانتو مقدرش يشوف وجها لأنه كره كلشي فهاد اللحضة ديال شك و خرج يبرد راسو قبل ما يزيد يدير فيها شي عاهة مستديمة......

مدور وجهو لجهة الاخرى كيتنفس من نيفو و جسمو كيترعد بقوة الغيض لي فيه ...شافها بغات تبوسو وهو يدور وجهو كارز على سنانو مخنزر .....ورغم رفضو الواضح ليها ...بجسد مترعد حطات شفات ديالها السخونين على خدو و حركاتهن بشوي تا وصلات حدا ودنو ...همسات بصوت منكاسر كيحمل خوف شديد....

هاجر : انسلمك راسي و نعطيك حقك ....دورات يديها على 
عنقو مزيرة عليه بجهد وهمسات بصوت باكي مخنوق ..متخلاش عليا ا عصام و ندير ليك لي بغيتي ....

كيف سمع لكلامها عقد حجبانو لوسط جرها من دراعها بعدها منو معصب و هي بحال ريشة دموع مغطين ليها رؤية كتبان ضعيفة بزااف و يديها كيترعدو ..وهادشي عاد ما كيزيد يوسوس ليه فراس....حيد ليها يديها من عنقو وهي تشد ليه في يدو بغا يحيدهم و هي تلصق و كتحرك راسها بسرعة يمين و شمال ب "لا"....

عصام مخنزر :انا ما درتش هادشي كامل باش تقولي ليا نسلمك راسي لكان بزز ما عندي ما ندير بيه نهار لول قلت ليك خلشي بخاطرك ما غادي نبزز عليك والو و نتي بينتي ليا العكس و تيقت راسي لكن ماشي مشكل ابنت ناس نرجعو بحالتنا و كلا يشد طيرقو......حس بيها زيرات على يدو و غرسات ضفارها في لحمو...غمض عينو و تنفس بشوي كيحاول يهدن راسو.......شنو بغيتي مني ا هاجر....

هاجر بصوت باكي و دموع في العين:اناااا اصلاااا ما عرفتش شنووووو باغااا 😭 علاااش انااا وليييت هكا شنووو واقع لياااا علاااش كنبكي وعلاااش مبغيكش تقلق منيييي علااااش باغياااا نعطيك وخاااا خايفة ..علااااش من ذكرتي لفراق تمنيييت الموت و متخلاااش عليااااا...حطات يديها على خدو مخرجة عنيها و كتغوت بجهد بجرح لي فقلبها.....انااااا مااااشي هاااادي اناااا هاجر زلزااال لي عمرها تسوقات لشي حد و لي بغااا يربح لعام طوييييل انااا لي مكتسكتش و تشد حقها بيديها و لي فقلبها تخليه بينها و بين نفسها..علاااش معاااك كنتبدل بحااال هكاااا فيييين هيا هاااجر فيييين شنوووو درتي ليااااا ا عصاااام شنووووو
... سكنتيي فقلبيي و دزتي ليا فدم و ليييت ما كنرتااح غير حدااااك و ليييت نتبع ليك العين بلااا ما نحس....

كتغوت قدامو و جسدها كلو كيترعد وهو جامد في بلاصتو كيسمع لكلامها و بلا ما يحس قاطعها.....

عصام: كتبغيني......

فور نا نطق هاد لكلمة تكونسات في بلاصتها كتشوف فيه بدون حركة ، ديك الكلمة دخلات بحال سهم قاصها في لدااخل ديالها و صابت الهدف


بقات كتشوف فيه و كترمش بسرعة حالة فمها نص حلة جامدة في بلاصتها وديك كلمة كتعاود في راسها...

قلبو كيضرب بجهد و كيحاول يفمها غير من ملامحها وخا مبغاش يتيق في ملامحها و افعالها لأنها كتغير بحال شهر فكل مرة ....هادشي علاش بقا تا هو كيشوف فيها ساكت كيتسناها بفارغ الصبر تهضر.....

كيف ستوعبات ديك الكلمة طلعات معاها سخونية فكل جسدها و حناكها بسرعة حمارو...هبطات راسها بالحشمة لي جاتها...عصام مسكين بقا غير كيبحلق فيها، معاها ما كيبقى فاهم والو كيفاش دغيا طلعات معاها الحشمة و مبقاتش قادرة تشوف فيه....هبط عينو بشوي يشوف ملامحها وهي تزيد تهبط راسها ودايرة واحد الابتسامة حشومية قلبات ليه راس بهاد تصرفات ....

هبط عينو ليدو لي شدات فيها بجوج يدين و حناكها حوومر كيف لمطيشة.....

هاجر هزات ليه يدو باستها ليه و حركات راسها بشوي ونطقات بصوت حشووووومي يالله باش كيتسمع: اااه كنبغيييك.....

كيف نطقات هاد لكلمة غطات وجها بيديها ودخلات في صدرو اتموووت بالحشمة و هو بقا غير حال فمو بي اعترافها المفاجئ كان داير في راسو تقوليه غير مولفاك ساعة جابتها ليه فتمام... نفس تقطعات ليه و قلبو بدا كيضرب وخا ضحكة غلباتو من باست ليه يديه بديك طريقة و الحشمة لي طلعات ليها ...هز راسو لسما كيضحك بلهلا يطريه ليه و دور يدو على خسرها نسا كلشي فهاد اللحضة و عنقها بكل قوتو كيتنهد براحة كبيييرة.....


هز ليها راسها بشوي بخودها خضراء و لمعان في العين كتشوف فيه غير بنص عين....باسها فخدها و حط جبهتو على جبهتها....

عصام بهمس عاود سولها : كتبغيني؟؟؟...

غمضات عنيها بخجل و عضات طرف لسانها و حركات رسها بي "اه"....

دخلها في حضنو مزير عليها بجهد وحط وجهو في عنقها كيتنفس ريحتها لي هدأتو من كل الاعصاب لي كان داير بيه تجاها...

عصام: اتحمقيني نتي شي نهار....

هاجر دورات يديها على خسرو مزيرة عليه تا هي: نتا لي غوتي عليا تا خلعتيني ما عرفت راسي من رجلي كتولي خايب من كتغوت و تعصب فراسك....

عصام باسها في عنقها: نتي لي جبدتيني عيت ما نصبر فراسي و مابغيتيش تفهمي راسك تا بدا كيدخل ليا شك لراسي....

هزات راسها فيه عاقدة حجبانها: شكيتي فاااش....

عصام باسها فوق نيفها : نساي دابا هادشي مبقاش كيهم ...

هاجر بقات كدور في راسها هضرتو لي عاد فاقت ليها دابا وراسها بدا كيسترجع كلامو تا خرجات عنيها فيه: شكيييتي فيااا ا عصاااام اناااا تشك و مزوجاااك بفلوووسك من لفوووق....

عصام غمض عينو كيطلب صبر معاها تاني ولف تغييرها المفاجئ بحال شهر : راه كنت معصب و معارفش اش خرجت من فمي و نتي كتبيني ليا كلشي بالعكس دخلتي ليا شك لراسيي خليتي عقلي يفكر غير فداكشي الخايب و خا مبغيتش نتيق و شحال من مرة قلت كنتيق فيها و نتي بدوك تصرفات ديالك كتزيدي دخلي ليا شك....

هاجر مخنزرة : يااااك اخوياااا فخر يامي تشك في عرضي و طهارتي....

عصام: راني قلت ليك علاااش و كنت خرجت غير باش نبرد راسي قبل ما نحط عليك يدي و ندير فيك شي حاحة خايبة قلت نبرد عاد نهضر انا و ياك باش نحيد هاد شك لي كيدور ليا فراس....

هاجر شداتو من لكول جراتو عندها بجهد بغات تقجو مخرجة عنيها: نتا اول وااااحد ا عصاااام قصتيني ...يدي هي الاخيرة و عمر شي راجل قاصها من غيييرك و باش تشك فعرضي راك زدتي فيه كثر من لقياس...وقفات مبعدة منو مخنزرة....اما فلوسك اخووووووويااااا(طولتها) راهم اخر همي قلت ليك تا انا نهار لول راني كنت انتزوج بي اول واحد ايجي يخطبني وجابك الله نتا وافقت عليك ما ديتها لا ففلوسك ولا فوااالو ونهاااار لي جيتي كتغوت عليا على داك كونان قلت ليك نتا اول واحد في حياااتي اعصااام وزااايد مغوت عليااا و شاااك فياااا....


عصام شد ليها في يديها: عارف غلطت و كنطلب سمااحة مغدييش نقصح راسي اه مكانش عليا نشك ولكن تصرفاتك خلاو عقلي يبشي لهادشي لانه بزاااف على الخوف و راكي شفتي خرجت باش منفاجرش عليك و نجرحك بكلامي كثر .....

حيدات يديها من يدو معصبة: اخووويا ممسامحاكش تال هادي لا و لاااا و الف لااااااااا....

خلاتو مكوانسي في بلاصتو و بشات لفيلا كدردك معصبة كيف دخلات زدحات لباب معصبة و عصام وراها سدات ليه لباب على وجهو....

غمض عينو كيسوط كيحاول يكالمي راسو مع هاد زلزال لي عندو بغا يحل لباب و هو يلقاه مسدود من لداخل.....

هاجر من ورا الباب: سيير فين كنتييي يضربك البرد بااش يلاااه يبرد ليك دااك راس شويي راه باين لي مزال سخووون....

عصام ضرب لباب بجهد معصب: حلييي الباب ا هاااجر بلااا تبرهيييش متخلينيييش نديير معاك شي حاجة خايبة خلي هاد ليلة تكمل بخيير...

هاجر: اخويااا نهااار كااامل دااز مزيااان نتاا لي قلبتيي لفيستة و طالق سم من فمك و جاااي دااابا بغيني نبرد و ندير بحالي ما قلتي وااالو....

عصام كيعض لسانو بي الاعصاب لي ركباتهم فيه: حليي لباب و نتفاهمو بلا كثرة الهضرة....

هاجر: سييير اخويا نعس حدا لبحر فين كنتي قبيلة وانا جالسة مخلوعة عليك نعاس طار ليا اما كون فهمت كلامك فين غادي و الله ما نقول ليك ديك كنبغييك راها زايدة فيااا انا نيييت و مدلة راسي من لفوق ...سير اخوياااا بحالك هنا ما عندك شغل معاااياااا.....

عصا بعصبية ضرب لباب برجليه : ديييك خوويااا مزااال تخرجييها من فمك انهرسووو ليك خوتك خليتيهم عند باااك....

هاجر : خويااا ...خوياااا ولا معجبك حااال نسميك عمييي راك في عمرو نييييت....

عصام دور يدو على شعرو بعصبية عرفها برهوشة وراسها قاصح ميهرسوهش لحجر حط يدو في جيبو و بشا لبلاصتو فين كان جالس مفقوص تا لفرحة ما كملات ليه بديك كنبغيك دغيا قلبات عليه القفة و ساهل باش يهرس عليها الباب لكن مبغييش يخلعها و عرف راسو غلط بزاااف وشكو طغاا على تفكيرو...

تنهد بشوي و حط يدو تحت راسو مجبد حدا لبسين لي في جنب الفيلا كيتنهد بشوي و كيشوف في سما و كيتبع نجوم لي مكيبان ليه فيهم غير وجها لمورد و كلمة كنبغيك لي قالتها كتعاود في ودنو بحال شي اغنية....

غمض عينو براحة و شعرو كيديه لبرد تا حس بشي حاجة ترمات عليه...حل عينيه بان ليه يزار و مخدة و هو يهز عينو فلباركو لقاها كتشوف فيه مخنزرة...

هاجر: جااتني حشووومة نخلييي خوووويااا بلا غطااا...

عصام بينو و بين راسو مفقوص بديك كلمة ديال خويا : يخوي ليك دراس.....
رجع نعس عطاها بضهرو ....

دخلات سدات عليه و بشات تكمشات في بلاستها تنعس و الله ما حن قلبها ولا حلات عليه الباب باش يتعلم يخرح ديك الهضرة من فمو و يتهمها في عرضها و بطمع .... و تا هو عرفها معصبة و تجرحات بكلامو هادشي علاش مبغاش يدخل عليها من لباب لقدامي ديال الفيلا لي خرجات منو كتقلب عليه عرفها بنص عقل و مغاديش تفكر تسدو ....بقا مسكين ناعس برا غير باش تفش شوي و تبقا على خاطرها....

بقا كيتقلب في بلاصتو جاتو لأرض مقصحة و ناموس مخلاهش فين ينعس زوق ليه لحمو كامل و صابر من لفوق و الله ما ناموس برا و لا زلزال لي عندو لداخل....


صبح يوم جديد ..يوم غير عن ايامه السابقة....فايقة في بلاصتها كتكسل ...هزات تليفون تشوف ساعة لقاتها 10 ديال صباح..غمضات عنيها ترجع تكمل نعاسها و هي تخرج عنيها من تفكرات عصام ..خرجات من فراشها بزربة بشات لباركو كطل عليه ملقاتوش بقات كدور في عنيها و هي تسرحها مع لبحر لي عمر شوي بناس لي كاريين فيلات حداهم...

بقات كدور في عنيها تا بان ليها وسط لبحر كيعوم منو لشورط و شعرو هابط لتحت....

حطات يديها على جناب الباركو و بقات حاضياه ساهية في ملامحو و جسدو طاغي الرجولة و متناسق كل حاجة في بلاصتها مكيبانش فيه عمرو كاع بكثرة ما مهلي فراسو و رياضة من لفوق لي كطراسي ليه لجسم ومع طولتو و تجريدتو يخلي اي وحدة تحل فيه فمها.....

شافتو خارج من لما و قطرات كينزلو مع الجسد ديالو بشكل مثير و شورط طالع شوي من جيهة ديال لفخاض لي كيبانو فيه لعروق بكثرة ما مطراسين و شعرو نازل على جبهتو زاد كيبان صغر من سنو بكثييير ...هز تيشورط في يدو لي كان حاطو هو و صندالة و تم طالع لفيلا تا وقفوه جوج بنات......

كيف وقف مع البنات وهي تقرن دوك الحجبان لوسط و هبطات كتجري مكتشوفش قدامها...

عصام عاقد حجبانو لوسط كيشوف فدوك المونيكات لي جاو قدامو و ما عندو خاطر ليهم ولا بغا تا يرد عليهم سلام ..غادي يتخطاهم تا بانت ليه جاية كيف لعجاجة ..هز حاجب و حط لخر دور لسانو على شفاه ديالو مبتاسم من جنب و شاف في لبنات....

عصام راد لبال غير مع هاجر: شنو كنتو كتقولو....

وحدة لابسة دو بياس حمر و سمرة ..مصبغة شعرها بصفر كتعوج في بلاصتها و تعض فمها من جناب: غير شفتك كتعوم في لبحر قبيلة وقلت نجي نعرض عليك لحفلة لي انديرها في وطيل ديال بابا...

عصام شاف في جهة ديال لوطيل لي شارت ليه: امم هادا وطيل باباك....

لي معاها بيضة ولابسة دو بياس صفرين كتشوف فيه بي اعجاب شديد عاضة فمها من لتحت:صراحة ماشي هادا لي جابنا ليك مكرهناكش تعلمنا نعومو في لبحر حيت عندي فوبيا من لبحر وحاسة معاك انرتاح فيه....

عصام هبط عينو و طلعهم فيهم بجوج عاقد حجبانو و ما خرج تا حرف من فمو فقط حاط يدو على خسرو و مخنزر فيهم ... كيف شافوه مردش عليهم وهي تجرء لبنت لي لابسة دو بياس صفرين و قربات ليه كثر يالله بغات تحط يدو على كرشو لي مطراسية وهي طير عليها هاجر جراتها من شعرها هبطاتها تحت منها كترفس فيها بحال جفاف....

هاجر من تحت سنانها كتريش و تغوت : هادااا راه راااااجلي الحمااارة راااجلي الكلبة ما باان ليكم غييير هو في هاد دنيا لي عامرة رجاااال....

لبنت تحت منها حماتها غير لغوات حالتها حالة مخلات فيها هاحر ما يتقاد رجعات ليها وجها كلو دميات بالقميش و ضرب اما واحد شعر ولا حلالة بنتيف لي دارت ليه.....

هبط عصام مخرج عينو فيها..هبط لعندها كيبعدها من لبنت وهي بحال زواق كتزلق ليه و تمشي تكمل على هديك تا كلشي تجمع عليهم و زاد تعصب و بداو عروق جبهتو كيتنفخو حيت كانت لابسة كلشي قصير......جرها من خسرها بجهد بعدها من البنت لي سخفات و حداها مولات لحمر كتبكي مخلوعة و هاجر كتركل في حضنو و هو هازها غادي بيها لفيلا...

هاجر: حيييد يدييك مني ازبل اليوووم نربي مها بالكلبة لي ولداتها....

عصام مزير عليها بينات يدو و كيهضر ليها فودنها: شششش صافي تهدني ما وقع والو...

هاجر: لااا اخوووياااا نخليها تا توقع عاااد نهضر و نتا عاجبك الحال كتمنضر و تهز و طلع فيهم عاجبك الحال..صافي الله يرحم والديك طلق منييي طلع ليا هادشي فراااس...

هاجر بنت حي شعبي و مولفة ترايش هي وبنات جيران عندهم كلشي بالغوات و المدابزة وخا قلبهم بيض كيف الحليب و ما كيحقدو على حد لكن هادي فيهم قاعدة لمدبزوش على الاقل مرا في سيمنة كدوز عليهم كحلة....

دخلها لداخل عاد طلقها و بقا واقف في لباب باش متخرجش و هي كتنهج مقصحة شوفة كثر منو...خلاتو في بلاصتو و طلعات لفوق نيشن دخلات لدوش تبرد راسها لي سخن عليها....

عصام قرب لباب و دق عليها بشوي: هاجر ديري عقلك و خرجي نتفاهمو بلا كثرة تبرهيش....

هاجر: سيير عند هاديك لس كنتي واقف معاها هضر معاها اخويا ....

عصام تنهد بزز منو كان معول غير يشوف اش ادير مكانش عارف ادير في البنت هاد الحالة..حط يدو بجوج على لباب عاض فمو من لداخل: وخاا اختيي نمشي عند ديك البنت....

كيف نطقها وهي تحل لباب عريانة و لحمها كلو كيتراقص بالما و شعرها نازل ورا ضهرها...كيف شافها خرجو ليه عنيه و حل فمو نص حلة مكوانسي في بلاصتو وهي تجرو من لكول مخنزرة....

هاجر: اقسم بالله و نلقاك مع شي بنت من غيري تا ندير ليك حالة ما تعرف ساسها من راسها....

مدار تا شي ردت فعل او جاوبها بقا فقط جامد في بلاصتو هزات عينها بشوي لقاتو كيشوف فيها بنضرات غير مفهومة نضرات اكثر حرارة و ملامحو ممفرزينش....


بدات كترمش بسرعة عاد عاقت براسها و هي تهرب تخبات ورا لباب و وجها ولا حمر تسرطات ليها الهضرة فهاد اللحضة و قلبها بدا كيضرب بجهد.....غمض عينو و مزال صورة جسمها بينات عنيه ..دوز يدو على شعرو و سرط ريقو بصعوبة حط راسو على لباب لي مخبيا وراه و نطق سميتها ببحة رجولية عميقة..

عصام: هاجر....

هاجر غمضات عنيها وعضات فمها من لتحت من نغمة صوتو و حناكها حمارو و سخانو ايطرطقو من بلاصتهم ما قدراتش ترد عليه بلسان لي رقد ليها فهاد اللحضة...

عرفها حشمات بزااف و مبغاش يزيد يحرجها..جر لباب بشوي سدو عليها و نطق بشوي....

عصام: دوشي و هبطي تفطري....

تحرك بسرعة نيشن لدوش لي لتحت تخشا تحت رشاشة و طلق عليه لما بارد يبرد ديك الرغبة لي طغات عليه وخا عيا ما يكبح فيها.....بقا مدة طويلة فدوش مغمض عينو مزير تا حس براسو ترخف عاد خرج لاوي عليه فوطة..دخل لبيت بدل حوايجو لبس شورط تجين بيض مع تيشورط زرق لاصق على صدرو...هز لبيسي و بشا جلس فوق فوطوي يشوف لخدمة فين ولات بحكم غاب عليها كثر من اسبوع......دغيا نسا راسو بين لخدمة ..

شاف ساعة في يدو بانت ليها جوج و هو يجمع الوقفة هبط لتحت يشوف هاجر يبشي هو وياها يتغداو ..وهو هابط كيشم ريحة الماكلة جايا من لكوزينة..دخل بشوي كيف عادتو لقاها لابسة بيجامة طويلة حد لفخاد مدخلاها في سليب من جناب و طالقة شعرها ورا ضهرها و دايرة طاجين كيطيب حداها و جالسة كتغسل لماعن ساهية تا حسات بيه وراها دور يدو بشوي على خسرها و لصقها معاه كثر ..حط فمو على عنقها باسها بشوي تا حس بتبوريشة ديالها...

هاجر بصوت متلعتم: ع ع ععصام...

عصام خاشي وجهو في عنقها كيستنشق ريحتها بكل شوق ولا مدمن عليها بحال شي لدروك...طلع فمو بشوي باسها تحت ودنيها ..

عصام بهمس: روووح عصاااام...

هاجر هزات صبعها جيهة ديال طاجين: نتغداو...

بتاسم وسط عنقها هز ليها يديها باسها و هي بكثرة الحرج لي شدها مقدراتش تهز فيه العين ..حسات بيه كيذور شي حاجة على يديها و رجع حط وجهو في عنقها: بصحة...

شافت في لبراسلي ديال دهب لي حطو ليها في يديها مشبك و وسطو جوهرات بي الاخضر و الابيض على شكل وردة..هزات فيه عنيها مبتاسمة: شكرا☺

بعد منها مبغاش يقوي عليها كثر وهي الحشمة بغات تقتلها وخا حفضها مزال كتفاجئو بتغيراتها المفاجئة وخا هكاج ولفها بكلشي ليها و عاجباه و معمرا ليه عينو بكل تصرفاتها الزوينين و الخايبين منهم....

عاونها في الحطان و تغداو بجوج وهو من نوع لي مكيهضرش في الماكلة لكن معاها حيد هاد القاعدة و شكرها للدة يديها ما مرة ما جوج...وقف كيسمح فمو...

عصام: انمشي نجيب شي وراق من طونوبيل و نرجع خاصك شي حاجة نجيبها ليك معايا....

هاجر: بغيت نمشي لطنجة ندورو فيها هاد العشية عااافك....

عصام: وخا بدلي حوايجك نرجع و نمشيو...


كيف خرج طارت على طبلة و لماعن دغيا غسلاتهم و طلعات لفوق تلبس حوايجها لي كلهم متكونين من كساوي طوال لي كان خدا ليها عصام و عمرهم في لبيت ديالها....هزات كسوة بيضا وفيها الورد عندها حزام من لوسط طويلة و صباط طالون بي الاسود مع شال دارتو على شكل عكسة كيف مولفة دارت كريم ديال شمس مع كلوز خلات وجها طبيعي....شافت تيليفون كيصوني وهي تهزو مخرجة عنيها من بانت ليها الياقوت....

هاجر: الووو..

الياقوت: الو فين راكم واش مغديش تجيو خلاص...

هاجر: معرفتش اخالتي يجي عصام و نقولها ليه يهضر معاك...

الياقوت: احياني عليك تلفتي ولدي عليا و شديتيه تم...

هاجر جاتها ضحكة: شمن انشدو اخالتي تا نتي لولاد هما هادو مكيبقاوش حدا والديهم دابا شوفي واش ماما كتقول لك ديتي ليا بنتي راه كل واحد كيمشي بحلاتو اماما ياقوت ...

الياقوت: اممم حلا ليك لسان هاد ليام يكما تعلمتيهم من شماليين راه ارضي هديك و حلاوت لسان جات منهم ....

هاجر غلباها ضحكة : اوا ها نتي فهمتي انبقا شي يام نجيك مقادة نبقا عليك غير نعام الالة وخا الالة مامات سيدي...

الياقوت: اوا الويل ابنتي لويييل لكنتي كتحشمي و بعدا مهليا فولدي شي ولا غير معدباه مسكين...

هاجر شادة الخاطر تا هي : كيما وصيتيني كنطيب ليه فدار و نوجد ليه شهيوات لي قلتي ليا كيبغي مبقيناش كاع كنخرجو على برة.....

الياقوت: اوا هكاك نبغيك تكوني حارة و قافزة تهلاي ليا فولدي و ديري ليه ليوم شي حفلة فاعلة تاركة تورخيها فديك اصيلة عاد اجي عندي ما ربانا تجي ببراكتك بشي بيبي نفرحو بيه...

هاجر بدون فهم: حفلة و علااش...

الياقوت: علاه نتي معرفاش عيد ميلاد ديالو ليوم....

هاجر حلات فمها و رجعات سداتو: ااااه غير نسيت و صافي...

الياقوت: اوا هي لا درتي براسك تفرحي ولدي حبيبي راه متزوح زواج زين بحال ناس و نتي بغيتك ليه ساعة صدقتي شيطان لابس هيدورة الخروف....

هاجر كضحك: الله اودي كون تشوفي راسك نتي اخالتي حرام عليك اش باغية عندي تا نتي كتبدلي بحال زمان كثر من سعدي مع ولدك ....

الياقوت: غير بعدي على ولدي و تناطحي تا مع الحيوط يالله نخليك و تهلاي في لولد بغيتي تكوني مزيانة معايا هي لا تهليتي فولدي و تجيبي شي ولي العهد يزيد بي سميتنا القدام....


قطعات عليها و هي كدور في عنيها ..جلسات فوق ناموسية و مركزة مع نقطة وحدة و كتهضر غير مع راسها تا حد ما يعرف اش تحت منو...سمعات حس طونوبيل و هي تهز صاكها شافت راسها في لمرايا و هبطات عندو ركبات حداه....

شدو طريق نيشن لطنجة و هي طالقة الموسيقى مخدمة الاغنية لي كتحماق عليها ديال اليسا مكتوبة ليك و كتغني معاها بي احساس و كتشوف في عصام كأنها كتهدي ليه هاد الاغنية و ليه بوحدو....

مكتوبة ليك إني أنا اللي تعيشلها..
مكتوبة على إسمك حياتي كلها..
أول ما قلت بحب كانت ليا أنا..
مين تستاهلها غيري أو تتقالها..

مكتوبة ليك و أهي كل حاجة بوقتها..
تكمل حياتك بيا لما دخلتها..
وقت أما شافك قلبي شافت عيني فيك..
صورة حبيبي اللي في خيالي رسمتها..

هز ليها يديها باسها و جرها من خسرها لصقها معاه و هي حاطة يديها على شعرو و عينيها كيبريو و قلبها كيضرب ولات كتبغيه بزاااف و قدامو كتنسى كلشي يقدر بكلمة يرجعها اسعد و حدة و بكلمة يرجعها احزن وحدة ....حطات فمها قريب لودنو و كملات اغنية بكل احساس...

قول بقي يا حبيبي..حبيبي..
لمين انا لو مش ليك
قول بقي يا حبيبي..حبيبي..
هحب في مين غير فيك
طب دا أنا أيامي..أحلامي..
و حياتي واقفة عليك....

موعودة بيك تبقي إنت بختي و قسمتي..
موعودة بيك من قبل ما اتقابل معاك..
مشاعري حبي حناني شوقي و لهفتي..
متصدقين مني لإني مصدقاك..

باستو بشوي في خدو مع انتهاء الاغنية و هو مدور يدو على خسرها مزير عليها وحاضي مع طريق فلحضة لي بغات ترجع لبلاصتها..جرها بجهد لعندو حط فمها على فمو كيلتهام في شفاه ديالها ونص عينو في طريق..بعدات منو حمرة كتنهج و فمها منفوخ ..دور لسانو على جناب فمو و حل عليه جاج من جناب يضربو لبرد حيت بدا راسو كيسخن عليه تاني...

وصلو لطنجة حطو طونويل فبارك و تمشاو غير على رجليهم في لمدينة القديمة لي مستحيل شي حد يجي لطنجة و ميزورش هاد لمكان التقافي و تاريخي لي كلشي كيشهد على الجمالية ديالو و طيبوبة ناس لي فيه فيه ولباس تقليدي الجميل لي هو رمز بنات الشمال لي معروفين بجمالهم الساحر ....

مدور يدو على خسرها و ملصقها معاه و هي من نوع لي كتلصق على الحوايج هادشي علاش كتندم حليمة لا خرجاتها معاها اما عصام غير زايد فيه لي شافتها كيقول ليها خوديها.....ودن عليهم لمغرب تم شاف ناس كيمشيو لجامع لي كان قريب ليهم....

عصام: هاجر بقاي هنا انمشي نصلي لمغرب في جامع و نرجع اوكي متحركيش...

هاجر: عطيني غير لفلوس اندخل هاد لمحل ناخد منو شي حوايح و من تخرج تلقاني فيه....

عطاها لي بغات و وصا عليها واحد لمرا كتبيع تواب تحضيها ليه تا يرجع عارفها غير نص عقل و مكتفكرش جوح مرات قبل ما دير لحاجة....

دخلات لمحل خدات كاع داكشي لي بغات و فين ما تاخد حاجة قلبها كيزيد يضرب تا كتولي ترعد و تلعن شيطان و تكمل تقضية لي خصاها.....


خرج لقاها كتسناه فلبلاصة لي قال ليها هز ليها لميكات في يد و شدها من ليد لخرا...

عصام: فين بغيتينا نمشيو نتعشاو...

هاجر: غير رجعنا لفيلا انا انصاوب لعشا و نرتاحو باش غدا نشدو طريق لرباط خاصني نرجع لقراية لوطني قرب.....

شدو طريق لأصيلة دغييا وصلو بحيت مبعيداش لمسافة في لمكان لي كارين فيه الفيلا....

دخل ليها كلشي لداخل لي تقداتو و تم طالع فدروج...

عصام: انطلع نكمل شي خدمة بزربة و نهبط نتعشا انا وياك..باسها في جبهتها و طلع لبيت بدل حوايجو و شد بيسي و شي وراق نسا راسو فيهم....

بزربة طلعات تقضية لبيتها بقات فيه تا دازت ساعة عاد خرجات منو كتنهج...هبطات لكوزينة خرجات كاع لي عندها صوبات حاجة خفيفة مع العاصير و جبدات طورطة لي خداتها و حطاتها في ميكا هزاتها بيديها باش ميشك في والو...دارت فوقها شميعات على شكل رقم "39"...

هاجر: الله على راجل شرف و هو كيبان قد خويا لي يشوفو يعطيه 29 عام اودي لفلوس يخليوك صغير وخا تكون عندك خمسين عام....

هزات كلشي طلعات لفوق لبيتها لي قداتو مزيات بي لورد و شموع و البالونات بي الاحمر و الابيض...شافت جيهة ديال لحوايج لي خدات هزات منهم لي خصها و دخلات لدوش عمرات بانيو بالما سخون و زيوت معطرة خواتهم فيه عاد دخلات فيه يرطاب ليها لحمها...تنهدات بشوي رغم داتها لي كلها كترعد...غمضات عنيها كطلب راحة وهي تجي في بالها صاحبتها مريم بدمها قفزات من بلاصتها كترعد...

هاجر: اففف ا ربي حاسة بقلبي ايخرج من بلاصتو و كلي كنترعد دير ليا شي تاويل ديال الخير يا ربي....

تنهدات بجهد و ناضت كتوجد راسها وخا كلها كترعد و يديها لي هزات كطيحم بقوت تفتيف لي ولا فيها...

عصام شاف ساعة لقاها 11 ديال ليل و هو يسد بيسي و جمع لوراق و خرج من لبيت هبط لتحت كيقلب عليها ملقاهاش في لكوزينة بدا كيدور في بلاصتو تا سيفطات ليه ميساج يطلع عندها....

كمش حجبانو و طلع بشوي داير يدو في كيبو وصل قدام لباب دق بشوي عاد دخل....

تصدم وهو في لباب مخرج عنيه في البيت لي كلو مضوي بشمع و مفرش بالورد لحمر و البيض و طابلة لوسط فيه كاطو و في الارض مكتوبة بي لورد "عيد ميلاد سعيد عصام"...

حس بي اقدامها وراه وهو يدور و يا ريتو مدارش ..تكوانسة مسكين في بلاصتو من شافها خارجة مقادة حالتها و لابسة قميص ديالو بي الابيض منو لحمها و محلول من جيهة ديال صدر تال نصف كرشها و مرجعة لكول لور كيبان ليها عنقها و كتافها عريانني و رجليها بويض كيف لحليب بقا مهبط عينو بشوي عليها وعاود طلعهم كيسد و يعاود يحل عنيه جاه راسو بحالي كيحلم....

قربات ليه بشوي عاضة فمها من لتحت ماشي كدير ليه الاثارة لكن الخجل و الخوف طغا عليها و مزيرة راسها باش تكون ليه مراتو بكل ما كتعني الكلمة من معنى ...ليه فقط تحدات خوفها و كبوسها لي رفقوها سنين لانها ببساطة مبقاتش قادة تعيش بلا هاد سيد لي عطاها كثر من لي عطاتو و باش فقد تعوضو شوي بغات تعطيه نفسها وكل ما كتملك.....

قربات ليه بشوي رفعات جسمها على اطراف اصابعها و باستو بحنية فوق شفاه ديالو و رددات بصوت هامس و خجول.....

هاجر: عيد ميلاد سعيد حبيبة.....


قلوب ترتجف لبعضها عشقاً سائداً لكل شرايين القلب..... كل ما كيقنع نفسو انه حفضها و عرفها الا و كدير شي حاجة كتخليه يتفاجئ منها....كل مرة كتغير غير وحدها تقلق منك و دغيا تنسا و تهضر معاك بلا متحزرها او طلب منها سماحة كأن داك الوقت لي تقلقات فيه خاصها تنفس عن غضبها و بعد ذالك اترجع كيف كانت بلا ميقوم الطرف الاخر بالمبادرة اتلقاها قدامك كضحك بخدودها الممتلئة الحمراء و ابتسامتها الشقية...

كلشي مسمي عليها زلزال لشقاوتها و قوة صداعها لكن كلشي عارف قلبها الابيض لي دغيا كتنسا فيه و هادشي لي شافو فيها عصام كل مرة كتبدل غير وحدها و بلا ميهضر كيلقاها بردات و رجعات كيف كانت...

بقا قلبو كيضرب بجهد و هي كتقرب ليه بخفة كيف طبعات قبلة على الشفاه ديالو غمض عينو و ستنشق رائحتها بإشتياق...

هاجر: عيد ميلاد سعيد حبيبة...

فور ما سمع منها كلمة حبيبة عقد حجبانو كيشوف فيها معطاهاش فرصة تراجع غرس صباعو في شعرها و طلعها معاه بكل قوة كيفتارس شفاه ديالها بلدة...حط جبهتو على جبهتها و انفاسهم كضرب في بعض...

عصام بصوت تقيل: اول مرة كتقولي لي حبيبة.....

شافت في عنيه رغبة كبيرة و عشق ليها بوحدها مقدراتش تبعد فهاد اللحضة و تخسر كلشي ...فور ما جسدها بدا كيرجف دورات يديها على عنقو و رجعات كتبادلو القبل بعنف كتحاول تخفي داك الخوف لي رجع تملكها....

بعدات منو و هي حمرة بحال المطيشة..شبكات يديها مع يديه و قربات لحدا الكاطو و حناكها ايطرطقو بدم عاضة فمها من لتحت مقداش تهز فيه عنيها و بكل خجل قالت....

هاجر: طفي شمعة....

عصام تبسم و دور يدو على خسرها معجب بشكلها و خجلها و جسمها الانثوي...مبقاش قادر يصبر داخ و زادت رغبة لي عيا ما يكبحها نفاجرات في كل انش من الجسد ديالو ما بقا كيبان ليه تا حد من غيرها....

عصام قرب حدا ودنها كيهمس ليها بشوي و صوتو ساخن كيدغدغ ودنها: نفهم من هادشي انك قابلة و اتولي ديالي.....

هزات طرف من الكاطو حطاتو ليه في فمو و باستو في خدو: انا ديما كنت ديالك و ديما انبقى ديالك....

جلساتو فوق كرسي و هي جلسات على حجرو كتوكلو بشوي و هو منباهر بيها.. الحروف تخربقو ليه فراس كان شكلها خلااب و بيوضة جسدها مع حمرة لي طالعة في خدودها عطاتها سر خاص ..تلف مسكين و هو يحط جبهتو على كثفها.....

عصام كلمة وحدة لي قدر يخرجها من فمو: قابلة....

هاجر مدارتش عندو بقات مدورة وجها لجهة ديال طبلة جالسة فوق منو كتحس بداكشي قاصح من تحتها و بالحشمة ما عرفات تنوض و لا تبقى جالسة فوقو كيف نطق "قابلة" عرفاتو بغاها في الفراش فهاد اللحضة زادت تخلعات كثر و قلبها بدا كيضرب بجهد ..كتحاول تزير راسها لكن بدون فائدة بززات و واجهات راسها لكن فور ما دخل عندها بدا الخوف كيرجع من جديد....

عصام حس بيها مزيرة كثر من لقياس و نطق بشوي عاقد حجبانو : شنو واقع ا هاجر...

هاجر هبطات راسها و شبكات يديها مع يدو لي كانت محطوطة على كرشها بصوت مرتجف نطقات: بغيت ننعاود ليك شي حاجة....


حط صبعو تحت دقنها هز ليها راسها كيتحقق من عيونها و مومو ديالهم كيتحرك بسرعة و هادشي كيوقع للإنسان لي كيكون فيه الخوف...حط يدو على خدها كيحركها بشوي و بكل حنية نطق...

عصام: خايفة مني....

حطات يديها على يديه لي فوق خدها قرباتها لحدا فمها باستها بشوي مغمضة عنيها ..

هاجر:مخيفاش منك بالعكس معاك كنلقى كل الامان و الحنية.. معاك عشت حوايج جداد و تملكوني مشاعر جداد بحنيتك تقربت ليك و بحبك ملكتي قلبي..نقدر نكون بغيتك بشحال هادي من اول مرة شفتك و كبر معايا هاد الحب او ربما تعاملك خلاني نغرق في بحر حبك ..ماشي نتا لي نخاف منك ا عصام ماشي نتا....

عصام غير كيشوف فيها ساكت و قدامو هبطات ليها دمعة و تبعوها خوتها موركة على يديه بقوة ...

هاجر: من كانت عندي 15 لعام كانت عندي صاحبتي من روح روح سميتها مريم كانت كتقرا مزياان كتجي ديما هي الاولى عكسي انا ... كانت ساكنة عند خالتها لي هي جارتنا كنا ديما بجوج مكنتفرقوش تال واحد نهار جا بها داها حيت ساكنين فالعروبية وجات لرباط غير باش تكمل قرايتها....
انا كنت كنسحاب غير اتمشي عطلة و تجي تا صدماتني من جات مها عرضات علينا لعرسها ..تصدمت داك نهار معرفت نفرح و لا نبكي و هي بحالي يالله عندها 15 لعام ما بقيت فاهمة والو بزز باش طلبت ماما ديني لعرسها و بشات معايا هي وخالتي...
من وصلت لقيتها ماشي نفس البنت لي كنت كنعرف ديك الوردة ضحوكية لي كانت ديما كطير كثر مني.. داك نهار كانت مهرسة و عيونها فارغين من اي لمعة حياة كأنها دمرات و انا مفمتهاش معرفتش رسالة لي قالت لي بنضراتها كان عندي 15 لعام ما فاهمة والو ضحت في عرسها و نشطت و شطحت و صورت قلت انا صاحبتها انفرح لفرحها مكنتض عارفة ان داك نهار كنت كنشطح في جنازتها ماشي فعرسها ...


عصام حط يدو على راسها كيدوز يدو بشوي و كيسمع ليها بكل خاطر كان حاس بيها عندها شي حاجة مخبياها لداخل ديالها و ليوم حس بيها دارت خطوة في اتجاهو و في اتجاه زواجهم و هي ساهية و دموع كيهبطو من عنيها و كتهضر بكل الجروح لي فقلبها تجاه صاحبتها لي رافقها خيلها طول هاد سنين....

هاجر: داك نهار درت بحال اي بنت فرحانة لصاحبتها غنيت عليها و شطحت ليها و هي بلباسها الابيض لي كبر من جسدها و وجها صغير لي كبر بالوان المكياج لي مجاش مع سنها كبروها قبل الوقت ...كنت كنسمع خالتي كتقول لبنت مزال صغيرة على زواج و وحدا جارتهم قالت راه عادي كيتزوجو بنات صغر منها على 13 لعام فلعروبية و كيعطيو لفلوس باش يدوزو في العقد و لا كيقراو غير الفاتحة....هما كهضرو هضرة لكبار لي انا مفهمتهاش في سني فقط متبعة لصاحبتي لي جالسة في برزة العروس و حاضيةغير مكياجها لي معجبنيش و كنقول ليها بدليه و هي غير كتشوف فيا....شوي تم داخل واحد راجل كبير عندو 40 عام و مشا جلس حداها من سولت شجون قالو ليا راجلها..تم تصدمت و بقيت غير كنشوف في صاحبتي تم عاد حسيت بيها ..فديك اللحضة حطيت راسي في بلاصتها..وتم فهمت نضراتها ليا سمعت ناس من ورايا جيرانهم كيهضرو قالو ان باها زوجها ليه حيت كان كيسالو شي فلوس و مالقاش باش يردهم ليه و باش يتحيد سلف زوجو بنتو لي مزال في مهد طفولتها..

ديك اللحضة تهدم كل ما كان داير بيا و لصقت في صاحبتي ما خليتهمش يديوها هما يجرو و انا نجر بكيت و غوت باش ميديهاش معاه داك الغول و لي خسرو فيا دفعني و دخلها لبيت و كلشي كيشطح و انا واقفة في بلاصتي كنشوف في باب لبيت لي دخلو ليها ...

كنت في لوسط وورايا ناس كيشطحو و يزغرتو كيتسناو سروال عامر بدم صاحبتي و قدامي كان لبيت لي كانت فيه كتعرض لي ابشع اغتصاب لي ساهمو فيه كل من عائلتها و لي حضر لعرسها...سمعتها كتغوت بكل قوة و فين ما كنبغي ندخل كيجريو عليا و يقولو هادا شغل لكبار خلي تا يجي وقتك و تفهمي...كل ما كيزيد غواتها كيزيد زغاريت ناس ورايا كأنهم دايرين انجاز عضيم و فور ما تقطع صوتها زادو فشطيح فرحانين ...ديك اللحضة تسللت منهم باش ميشوفونيش و حليت عليها الباب و ياريت ما حليتو....

شافت فيه و كلها كترعد منكاسرة....شفت صاحبتي غارقة في دمياتها و عنيها خارجين كيشوفو فيا و هداك الوحش فوق منها كيفتارسها بحال شي ديب.....كانو دموع و عنيها خارجين كتوضح الالم لي عناتو قبل ما تزهق روحها و تبشي عند الله ديك صورة مزال كتلاحقني لحد الأن مقدرتش نساها تعقدت و تبعت طبيب نفسي تا قلت مبقيتش كنحلم بيها و عاودت رجعات ليا من جديد مبقيتش حاملة يقيصني شي حد وليت خايفة نموت بحال صاحبتي و ليت كنكره شي حاجة سميتها زواج تا خرجتي ليا نتا ... بغيتك بلا منحس قنعت راسي انك ماشي بحالهم ..نتا متقدر تأديني.. نتا كتخاف عليا من لهوا .....

حطات يديها على خدو كطلبو بعنيها بتوسل: ياك ا عصام نتا ماشي بحالو يااك مغديش تقتلني ...

صرط ريقو بلكلام لي سمعو منها حس بضعفها و خوفها حس بمعاناتها لي تكتمات عليه و عاشتو بوحدها...دور راسو يمين و شمال بكل رقة قال..

عصام: انا ماشي بحالهم و عمري نقدر ندير بحالهم نتي اغلا حاجة عندي و قيمتك ما يعرفها غير الله فقلبي ...


هاجر وسط دموعها ضحكات: هضرت بزاف ياك...

عصام بنضرة حب كيلمسها بكل حنية كأنه خايف عليها تبسم لي ابتسامتها و كيمسح دموعها: لا علاش....

هاجر بخجل مدت فمها ليه : بوسني....

حط يدو بجوج على خدها كيحرك صباعو بشوي ساهي في ملاحم وجها لي كيغرق فيهم فكل دقيقة ..دوز شفاه ديالو بشوي على الشفاه ديالها ...

عصام: كنبغيك و كل مرة كنزيد نبغيك كثر و كثر و لفتك بزااف في حياتي و ....

حطات فمها على فمو قطعاتو وسط كلامو... كتحرك شفاه ديالها بشوي فوق ديالو..دورات يديها على عنقو ..و هو دور يدو على خسرها جرها ليه كثر متعمقين في لقبلة..بعدات منو بشوي بي انفاس حارة و خيط ريقهم متاصل بين فمها و فمو....

هاجر: بغيت نولي مراتك....سكتات شوي و كملات...مراتك في لفراش....

وقف بشوي وهي متعلقة فيه و مدورة رجليها على خسرو و عنيها في عينو ...حطها بشوي فوق ناموسية و هو فوق منها....

كابح نفسو كثر من القياس خصوصا من ولا عارف شنو سبب لي خلاها تهرب منو طول هاد المدة جسدها لي كيرجف فكل لحضة كيقيصها مابغيش يزرب و يضيع كلشي.....دخل يدو بشوي تحت حوايجها حطها على خسرها بلطف ..حس بجسدها كلو رجف من تأتير لمسة ديالو...خشا راسو في عنقها باسها بشوي و طلع لودنها....

عصام: متأكدة....

مجوباتوش بالكلام و انما الافعال دورات يدها على عنقو و قرباتو ليها كثر تا لتاحم جسدو مع جسدها و بادلات معاه قبلة ساخنة خلات كل جسدها يرجف....


بشا معاها غير بشوي كيداعبها في كل انحاء جسدها برقة كيقبلها قبلات متفرقة حول عنقها و ودنها لي هما حساسين بزاف و دغيا كضعاف ليه ...مغمضة عنيها و صدرها كيطلع و يهبط و فمها منفوخ و حمر بكثرة ما فتارسو ليها عصام...حلات عنيها بشوي كتشوف فيه و هو واقف ما بينات رجليها حيد تريكو ديالو بقا منو لسروال....حققات مزيان في شكل جسدو لي حمقها و زاد حمقها و دوخها فهاد اللحضة...حطات يديها بشوي فوق كرشو لمطراسية ساهية فيه و هو قرب منها مباتسم...

عصام: عجباتك....

هاجر بخجل: عندك زوينة بزاف ....

عصام خشا راسو في عنقها: نوريك حاجة تعجبك كثر...

قبل ما تجاوبو عضها بشوي في عنقها تا تأوهات تحت منو و دورت يديها على كتافو و جسدهم ملتاحم ببعض ..عرف كفاش يدوبها و ينسيها فكلشي و تعيش معاه فقط اللحضة ديال رغبة و نشوة لي خلجات جسدهم بجوج...

كلو عرق و ولا كينهج بجهد و صدرو كيطلع و يهبط متحكم فراسو غير باش ميخلعهاش..حيد ليها لقاميجة بشوي بلا ما تحس بيه...

هز راسو كيشوف صدرها لي واقف و مبندر و ريوسو غوزين و راس صغيور و خسرها نحيف و متوسط ... فورمتها عامرة و مقادة كل حاجة فبلاصتها جهل...خشا راسو وسط منهم مبقاش قادر يتحكم في راسو ولا في افعالو..غلبات عليه رغبة و عمات ليه عنيه...وهي تحت منو كتأوه بصوت مرتفع لي كيدخل لودنو بحال شي اغنية متمتع بيه ..بغيها تغوت كثر بي اسمو....بغاها تخبط تحت جسدو بي شهوة و رغبة تجاهو...و هي مفاهمة والو مغيبة بالمشاعر لي تخالطو عليها و رغبة لي خربقات ليها راس و وقفات ليها قدرة على تفكير....

حيد ليها سليب بلا ما تحس و تخشا وسط رجليها ...وهي هازة صدرها لفوق وشادة في لحاف ديال ناموسية و عنيها كيبريو....هبط يدو بشوي حطو فوق ديالها و هي تقفز بجهد بحالي ضربها ضو مخرجة عنيها فيه و حسدها رحع كلو كيرجف


عصام طلع عندها حط يدو فوق شعرها: شششش متخفيش رخي راسك معايا مغادي يوقع والو....

هاجر بتوتر: ولكن م....قاطعها بي قبلة هادئة فوق فمها...

عصام: كتيقي فيا....

هاجر كلها ولات كترجف عاد طلعات معاها لخلعة ديال بصح : لا منقدرش مريم صحبتي ماتت حيت......

عصام قاطعها: شوفي فيا اهاجر...

شافت فيه بعنين مدمعين و همس ليها بشوي: كتبغيني...

حركات ليه راسها بي "اه"...

عصام: تقدري تأديني و نتي كتبغيني...

هاجر بصوت ضعيف: لا منقذرش...

عصام كيدوز شفاه ديالو على خدها: كيف نتي متقدريش تأديني تا انا منقدرش نأدي حبيبتي كنبغيك ا هاجر كثر ما تقدري تصوري.....

كيقبلها بشوي و كيخبرها بمشاعرو القوية تجاها تا ستسلمات ليه و غمضات عنيها متجاوبة مع حركاتو و لمساتو ...فور ما تجاوبات معاه حيد سروال ديالو بلا متعيق....عروق راسو تنفخو ليه و لعروقات هابطين ليه على ضهرو....غمض عينو كيسوط مزير ... تبت ديالو فوق ديالها وهي تحل عنيها مكمشة حجبانها....
حط يدو بجوج فجناب راسها كيحاول يتلفها بالهضرة...

عصام : كيعجبوك دراري صغار...

هاجر كتحاول تهبط عينيها لتحت تشوف وهو مكاليها مكيخليهاش: اه كيعجبوني بزاف ..بتسمات ليه من تفكرات بنت ختها...اريج بنت ختي انا لي ربيتيها كنحماق عليها زوينة و غزالة بزاف ، تمشي معايا شي نهار لدار و نوريها ليك اتحمقك غزالة بزين ...

عصام: و شحال بغيتي نتي من ولد....

هاجر شادة معاه الخط: بغيت جوج ولاد و بنت....

عصام: شنو اتسميهم...

هاجر: البنت انسميها مريم و....

حس بيها ترخات و ساهية كتفكر شنو تسمي دراري و هو يغمض عينو بجهد كارز على سنانو طلعو معاها دقة وحدة تا غوتات بربي لي خلقها..دورات وجها كتقيا بكثرة طلعة لي طلعو معاها قسمها مسكينة على جوج غارسات ضفارها في درعانو كتبكي...

عصام حط يدو على شعرها من شافها تقيات تخلع: ششش صافي حبيبة ما وقع والو كلشي سالة دابا متخافيش....

هاجر ببكاء و صوتها كيتقطع: شش شنو ددرتي ليا اهئاهئ قصحتيني ببزاااف اهئ هئ بببعد منييي ضريتني😭...

عصام جر يزار مسح ليها فمها و دور يدو على عنقها دخل ليها وجها في عنقو : صافي متبكيش ضروري ما تقصحي في لول من بعد اتولفي ...

هاجر : لا عافك مبقيتش باغة الله يخليك نوض اهئ هئ...

عصام: عارف احبيية قصحتك ...باسها فراسها..سمحي ليا مغديش نعاود خليه غير يتبت في بلاصتو و نخرجو مغديش نعدبك كثر...

بقات كتنخسس في عنقو و هو مزير عليها كيبوسها في راسها و كيرضي عليها..تا تكمشات تحت منو بحال لمشة كتنين بي الم من بدا كيخرجو منها...هبط عينو بشوي شاف ديالو عامر بدم ديالها و بعد قطرات نازلين في يزار...

جمع ليها رجليها يجوج غير بشوي باش ميزيدش يقصحها و نعس على جنبو خاشيها فيه بكل قوتو و هي مزال كتنخصص....هبط عندها بشوي باسها في فمها و بينات عنيها...

عصام: الله يرضي عليك ذنيا و اخرة....

كانو كلماتو مليئين بالحب و الفخر و الرضا تجاها احاسيسو ميقدروش يترجمو على شكل كلمات...ليوم ولات ديالو بشرع و القانون...عصام لهاجر و وهاجر لعصام ...و غير لموت لي يقدر يفرقو عليها لأنه غرق فيها بكل تفاصيلها الخايبة و زوينة فيها...بغاها بكل نفس و كل دقة في قلبو كيحملو اسم واحد لا غير و هو "هاجر" صغيرته و زوجته و حبيبتة و ابنته...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.