الإنسان بطبعوا أنااني و طااغي يلا لقى الفرصة فين .. كيطلق العناان لنفسوا و كيزيد يتمرد و يتمرد تاا كيوقع ما لم يكن فالحسباان و يخلييه يعييد حساباتو .. لكن واش يتغير كلياا و لا غير تفووت لمصيبة يتنااسى و يرجع لعاادتوا القديمة ؟
وااقفة فبيتهاا كتغزز فظفارها بالخوف .. مااشي على خولة أبداا .. الخوف من أنهاا تخسر ولدهاا .. يقلب عليهاا وجهوا و عمرهاا تحلم بيه يولي معاها كيفما كاان .. تحسراات على خولة و كلامها أثر فيها و ندماات على كااع لي داارت معاها خصووصا كيفاش اعتاذرات منها و صوتها فيه صدق كبييير وااضح ..
قطعات وعد على رااسها تعطيها التيقاار و تحااول تتقبلهاا .. لكن داابا همهاا كاامل فيووسف ... هاازة تيليفوونهاا كتصووني علييه تا كيتقطع بلا جوااب .. و ففمها كتردد " يا ربي يا ربي " تاا تفتح لبااب من طرف نواال مبتااسمة لها
نواال: ماما حنا خصنا نمشيو .. عبدوو تسالى ليه الكونجي و غذا غيبدا الخدمة .. يالاه نوصلوا و يرتااح
مريم:(مسحات دموعهاا و عاد ضارت عندها مبتااسمة بدورها ) الله يوصلكم على خير
نواال:(بحزن حطات يديها على حنكها ) ما تبكيش أماما .. هااذي هي الدنياا و كلنا ليهاا .. غيخلي بلاصتوا محروقة فقلبنا كااملين و لكن دمووع غير غيزيدوا يعذبووه
مريم:(حركات رااسها بااه و شهقات و عنقااتها ) يلا خلاني نحمااق نحمااق .. و أناا ما لقيت جلس قريب لياا نشبع عيني منو
نواال:(باستغرااب ) علامن كتهضري اماما ؟
مريم:(بعداات و مسحات دمووعهاا و تنفسات مزيااان و ابتاسمات ) ما تديش علياا (كتنش على عينيها ) هااذ الأياام ما عرفت شنوو وااقع لياا وليت على سبة ههه سيري الله يسهل عليكم
نواال: أميين ياا ربي (باستها ) يالاه نخليك دااباا
ضاارت تماات خاارجة تا سمعااتها عيطااتلهاا و شافت فيهاا ..
مريم: بنتي مرتااحة فحيااتك ؟ كي غاادية مع رااجلك و نااسك ؟
نواال:(ابتااسماات ) عمري كنت مرتااحة بحال لي مرتااحة دااباا .. عبدوو كيبغيني و ما كيخسرش لياا و حاطني بين عينيه و تا ماماه و خواتاتو و عاائلتوا كااملة الله يعمرلها الداار .. حااسبيني بنتهم ماشي غريبة عليهم ..
مريم: و جداتوا ؟
نواال: لالة ملاك (ضحكات ) هاذيك شنو نقولك عليها .. حاال و أحوال مرة حلوة و حمقة و ما كاينش بحالها و مرة كتسيف غا بوحدها .. و مع ذلك مزياانة معااياا و تقدر ما كتبينش عزيزة عليها مي تصرفاتها كيقولوا كلشي .. و عااد هي الكوميدية دالعاائلة و الله تا هبيلة و فشكل خخخ
مريم:(حنات رااسها ) ايوا الحمد لله .. الله يزيد فرااحتك و يخليك ديماا فرحاانة
نواال: أميين .. يالاه باي باي و بيناتناا التيليفوون
مريم: بسلامة (مشاات )
تنهداات كتفكر ضحكة بنتهاا مقارنة مع قهرة و دمعة خولة .. طلات عليهم من الشرجم بانولها وااقفيين كااملين كيتحااوروا ..
عبدوو: نتوماا بااقيين هناا ؟
محمد : نكملوا معااهم الثاالث و ندوزوا شي يامات مع خولة و عااد نرجعوا ان شاء الله
لالة سعاد : كاع ما بئات بانتلي لا هي لا راجلها .. المهم حنا بائيين .. بلحائ لالاك بغات تهبط بحالها
لالة ملاك:(جات موراهم هاازة ساكها ) ايوا باركة عليا .. توحشت ريحة بلادي و بلا ما نزيد نتئلكم تانا .. نهبط مع ولدي
لالة سعاد: لي بغيتي ا ماما .. غير هو اتبئاي بووحدك فالرياض ؟
لالة ملاك: ما عليش ابنتي الدواام لله سبحاانه ..
عبدوو:(درعها بيديه ) و علاه أنا شنو كندير منين نخلي هااذ الفنون كاملة بوحدها .. دوزي معانا للدار تونسي نتي و نوال .. حسن ما تبقاو بوحدكم ..
نوال:( خرجات فيه عينيها و بقات ساكتة )
لالة سعاد : رااك عارف جداتك ما تحلالها غير دارها
لالة ملاك :(عوجات فمها ) لا نمشي مع ولدي و نئوم بيه علاه شحاال عندي من عبدوو .. غير وحيحد الله يرضي عليه ..
عبدوو: أميين .. هو هذا .. الله يعااون الشرفة ..
تساالموو معااهم و ودعوهم و ركبوا فطونوبيلتوا .. سبقات لالة ملاك للقدام كضحك فنفسهاا زعما دارت الطيلة خخخ .. و نواال لوور حااطة يديها على حنكهاا كتشووف فيها و تشووف فالطريق سااكتة كتفكر كي غيدوزوا هاذ الأياام .. و مرة مرة كتشاارك فالحذيث معااهم منين كيهضروا معاها ..
💫💫 يووسف 💫💫
وااقف بوحدوا فالكولواار مرفووع كأن شي قوقعة محيطة بيه و عاازلاه على العالم .. كيسمع الهضرة تقييلة ..و كلامها كلوو كيتعااود فوذنييه ..
نزل عينيه ببطئ فااش سمع صوت التيليفون كيصوني جبدو لقااها مريم لي كتتااصل خلاها هكااك تا صدعاتوا و زاادت وتراثوا و هو يدخل بلوكااها من لي زاابيل ..
متكي على الحيط مغمض عينيه كيسووط .. تاا تفتح البااب و خرجات الطبيبة المسؤولة عليها ... و بملامح جاامدة و كلها جدية نطقات
~ ممكن تتبعني لمكتبي
زاادت قداامووا و وقف مااشي حدااهاا .. تاا فتحات وااحد الباب و تسناتوا يدخل و جلسات فبلاصتهاا مشاابكة يديها و مخنزرة فيه .. هو لي حالتوا مااشي أقل منهاا .. جاامع حوااجبوا و مخنننزر و رجليه كيتحركوا بووحدهم بقلق .. من الطياارة بااين معصب و جاالس على أعصاابووا .. فقصااتوو و هي كتبحلق فيه فعوط ما تشرح ليه حالتهاا
يووسف:(نحنح و نطق بجدية ) ممكن نعرف حاالة المريضة .. و شنو وقع معاها بالضبط ؟ و كيف بقات داابا ؟
الطبيبة:(سرحات حلقها و نطقات ) أولا المريضة داابا بخير جسمانياا .. و رااهم غينقلوها لغرفتها .. لكن نفسيتها مدمرة كلياا .. أناا بغييت نفهم حااجة وحدة شنو هااذ الاستهتاار كاامل ؟ بااش شاابة فعمرها يوقع لها هااكاا ؟
يووسف:(تغاضى على كلامها و نبرتها و سولها ) شنو سبب النزيف لي وقع ؟ ممكن تحطيني فالصورة ؟
الطبيبة:(تنهدات ) جاتها ايموغاجي بسبااب شي دوااء خذااتو و ما وافقهااش و على الأرجح كتمر من حالة نفسية مكفسة و دمهاا زااد سخن و وقع لي وقع .. قدرنا نحبسوا النزيف ما عندك منااش تخااف .. لكن باش وحدة فعمرها يجيها انهيار عصبي !!! هناا فين خصك تخااف و تتقرب منهاا تفهم ماالها و شنو وصلها لهاذشي
يووسف:(عض على شناافتو بالجهد تا تذوق طعم الدم ففمووا و حرك رااسوا بالايجاب ) غادي ندير جهدي .. نقدر نشوفها دااباا ؟
خرج من عندهاا متوجه نيشان لإستقباال .. سولهم عليهاا و عطااوه رقم الغرفة و الطاابق .. و خلص بالكاارط كااع لي عليهاا .. عااد طلع عندهاا .. فتح البااب بالشوية ..
لقاها نااعسة فبلاصتها وجهها شاااحب .. فمهاا ياابس و بيض .. قرب شوية تحسي يديهاا لي ملصقين لها السيرووم فيهاا .. دووز يديه على حنكها لي فيه طرااس د ظفاارهاا .. تنهد بقووة و نزل بااسهاا فرااسها كيهمس لها
جبد كرسي و جلس حداها كيدوز على خصلاتها الذهبية بحناان .. و قلبوا كيتقطع على الحالة لي وصلات لها ... داازوا سااعات على نفس الحاالة تاا بداات كتفيق و تأنن .. حلقهاا ياابس و حالة غير نص من عينيهاا .. بزز خرجات الهضرة
خولة: احح ل لم لماء
كب ليها كاس دالماء بلهفة و عااونهاا تاا شرباات .. و رجعات تكاات مهدوودة .. و مزاال مفعوول المهدئ لاعب عليهاا .. غير كتحاول تفتح عينيها و تبحلق فالغرفة .. و كتسمع ليووسف لي كيهضر معاها و يحاول يوكدها .. مواازنة مع يديه لي كتلعب فديالها
خولة:(شافت فيه و حركات راسها بالايجاب ) باقي داايخة
يووسف: شوية و تتوكدي .. حااولي تتنفسي باش يمشي مفعول البنج و المهدئ
خولة:(شافت فيه ببلاهة ) ر راني كنتنفس
يووسف:(حك فلحيتوا ) من التحت الحب
خولة:(فهماتوا و تزنكااات ) لا رد
يووسف:(قرص لها حنكهاا ) عاادي خوودي رااحتك
خولة: اووف يووسف 🙈
بقى معاها شحاال تاا توكداات نييشاان و عااد بدااو يرجعولها الأحذااث و كمشاات ملامحها بحزن بحال طفلة صغيرة بااغة تبكي و تشكي لباباها ..
يووسف: ششش تاا دمعة ا خولة ... كاابوس و دااز .. (حرك رااسو محلف و عض على فموو ) كلشي تسالى دابا ..
خولة:(بلعات ريقها و نطقات بصوت منغنغ ) تا حاجة ما غتسالى .. ديما غنطيحوا فنفس المشكل (سكتات شحال و رجعات كملات متبعة ملامحو كي كيتغيروا ) أفضل حل هو نبعد شوية .. نعاود نرتب أفكاري و نرتاح نفسيا ..
يووسف:(خرج عينيه بصدمة و حرك راسوا بلا )
خولة: عاافااك .. أنا ما بقيتش قادرة على الصداع و المشاكيل .. بغيت نرتاح (رمشات فيه و جمعات فمها بحال شي قطيطة ) عاافااك
يووسف: نتي لي عاافاك
وقف و طلع فووق منهاا جاياا بين رجليه و تحنى عندهاا تاا حط جبهتوا على جبهتها و نيفوا معااكس مع ديالها .. كيفصل بين شفايفهم مساافة قصييرة بزااف .. حااسة بأنفااسوو حااريين كيضربوا فيهاا و يحرقوا فبشرتهاا .. كااع دااك الانفعال مشى بمجرد ماا التاحموو شفاايفهم فقبلة شررررسة و قوووية كتحس بيه كيغزز فيهم و يديه خااشييهاا فشعرهاا كيجرهاا عندوو كثر .. تاا هي كاانت كثر منوو و محتااجة لهاا .. تحس بلي رااه معااهاا و مااشي بووحدهاا .. حطاات يديهاا على لحيتوو متجااوبة معااه فعاالمهم ..
كاانت قبلة من نوع خااص غير جمييع المراات .. هااذ المرة ماا قاادرش يبعد .. بحاال يلا كاان مخنووق و آخييراا استنشق أوكسيجينوا .. قبلة كلهاا مشاااعر .. كااع لي ماا قدرش يقولوا بالكلام ترجمووا فيهاا ... استمرت لمدة طوييلة كلماا كتبعد كيردهاا عندوو مطاالب بالمزييد .. تاا حسهاا صاافي تخنقاات عااد بعد كيلهث و صدروا كيطلع و ينزل بالجهد و كيشووف فيهاا قدااموو مااشي قل منوو ..
كتنفس بالجهد مزنكة و شفاايفهاا منفووخيين و حوومر فاازكين بلعاابوو كينبضوا بالجهد .. مخليين دقاات قلبهاا تزاادووا و قشعييرة خطييرة سراات معااهاا .. ما قاادراش تشووف فيه مزاال .. حااسة بنظرااتوا ملتاااهبيين .. ببحة صوت خطييرة زعزعات لها كياانهاا من الدااخل نطق ..
يووسف: كيفاش قدرتي تقوليهاا .. لفرااق !!! بغيتي تقتليني !! يلا كنت مزاال وااقف لحد الأن فغير على ودك ، متذبحنيش تا نتي !!
خولة:(شافت فيه بملامح حزيينة و بااين من وجهوا نييت رااه صاابر صاابر و كيخزن فقلبوا و نهاار يطيح غيطيح طيحة وحدة ما يهزش الراس مزال .. بقى فيها .. و بقى فيها رااسهاا تا هي كثر .. ما عرفات ماا تقوول .. اكتفت بالصمت )
يووسف:(قبط فيديها باصرار ) باغا ترتااحي انديك لفينماا بغيتي .. غير أنا ويااك ننسااو لعالم كاامل .. و حد ما يعرفنا فين صديناا .. تا ترجع ليا خولة القوية و لي حد ما يهزهاا و ديما ضاربة الدنياا بركلة المهم تضحك و تفرح .. أنا ماشي أنااني باش نخليك بووحدك فهاذ الوقت .. و خصوصا أن السبب الرئيسي هو أناا وااخا ما درت واالوو و لكن ..
خولة:(تنهداات ) أنسافروا و نرتااح و منين نرجعوا يتعااود نفس السينااريو !! حد ما يعرف بلاصتنا ؟ بااش منين نرجعوا ماماك ترد لومة كااملة علياا و بلي بدلتك و بعدتك على نااسك و زيد و زيد .. هااذشي ما بقااش مسلكني ايووسف .. ماا بقاااش .. (تبسمات ) زهرك طيحك فياا .. أنا ماشي صباارة .. هااذشي لي عطى الله
يووسف:(مسح على وجهوو سااكت .. شنو غيقول أصلا ؟ )
خولة: ما بغيتش نوصلوا لهاذشي .. عاارفاها ماماك و تعذباات علييك و ليها كل الشكر .. ما غنقولكش ختاار بينااتناا حيت عارفة الجوااب من الأول .. أنا ماشي بنت الحراام باش ندير هااذشي .. و لكن بصراحة و بلا نفاق .. كرهتهاا واخا دوزهالي فالعسل ما غاديش دووز ..
يووسف: و شنو غندير شنو ؟ رااه الوااليدة هاذيك !! و نتي مرااتي عااود .. (هز يديه باستسلام ) أنا لي جيت فالنص .. عطيني لحل نتي يلا عندك ؟ وحلت ما بقيت عاارف ما ندير معااكم !!
خولة:(نحنحات ) غنعطيك مقارنة صغيرة .. يلا جات أنا ماما و سممااتك بالهضرة ما مرة ماا جوج .. و فكل مرة كتبينك قل مني بزاااف و بلي ما تستااهلنيش و خصك تحمد الله لي شفت فيك .. و الرجاال وااقفين فالبااب بالسرابس غير نشوف فيهم .. و هضرة كثيييرة .. ما غاديش تتهاان فكراامتك !! فرجولتك !!! ففحولتك !! تقدر تتعصب و دوور فيهاا دورة خاايبة .. و تقدر تسكت غير على وجهي .. و لكن فالمقاابل عمرك غتولي تحط رجليك عندهاا .. و غتبعد ماا أمكن .. و لبلاصة لي هي فيها نتا غتخويهاا .. نفس الحاجة بالنسبة لياا .. ما بقيتش باغاها فحياتي .. صاافي بلا ما تاخذ هي عيبي ما ناخذ عيبهاا .. كلها يشد تيقااروا .. بغيتيها سير شووفهاا .. و لكن أنا لا و ألف لا .. هذا الحل لي عندي هاذ السااعة .. هي ماماك ما غنمنعكش منها .. و لكن أناا بعيييدة علياا .. تساالني يلا تلاقينا فشي منااسبة السلام من بعييد و كلهاا يشد قنت .. هي لي بغات هاذشي ماشي أناا ..
تنهد و نااض وقف متكي على الشرجم ... خااشي يدييه فجياابوو و سااكت كيفكر .. تا هي خلاتوا على خاطروا .. عاارفة غتجيه قااسحة و مغيعجبوش الحاال .. لكن هااذاا هو الحل الوحيد لي بقالها قبل ما طج ..
خااص الوااحد يكوون أنااني بعد المرات و يفكر فرااسوو شوية .. تاا وااحد ما غيااكلهاا قدهاا .. تا من موو ما غيوقع لهاا واالوو .. الضرر الأول و الأكبر لخولة يليها يووسف .. هااذ الأخيير لي غير كيتنهد مزير و حااس بيدييه مكبليين .. من ديما حياتوا كتكون مرسوومة و ماشي على منهج محدد .. كلشي مخطط ليه باش يتفاادى الخطأ ما أمكن .. لكن داابا شنوو ؟ ما لقى ما يدير .. رااه موو .. مااشي شي وحدة غرييبة ..لو ما كانتش هي هو ميكونش .. لو ما حملاتوش فأحشاءها و توجعات عليه .. ما غيكونش يووسف ديال دااباا ..
لكن خولة شنو ذنبها هي الأخرى ؟ شنو لي غيخليها تصبر لوحدة غريبة كلياا عليها و ما كتربطها بيها تاا صلة من غير أنها مامات الشخص لي كتبغيه و قررات تكمل حياتها معاه !! لا شيئ ... دارت بوجهوا مراات عديدة لكن دابا صافي فاض الكاس ..
هاذي وحدة من بين المرات لي هو مقتاانع بكلامها تماام الاقتنااع .. و عاارف هضرتها صحييحة .. خصوصاا المرحلة لي وصلات ليهاا و نفسيتهاا لي ولات كي الزفت خلاوه يففففكر و يفففكر .. ليها أول قبل من رااسوا .. أكيد مااشي دييماا غتخرج سلييمة بحاال دااباا ..
سااط بالجهد و دخل للدووش مزير على لافاابوو .. هز يديه و ضربهاا مع المرااياا تاا تشقفاات و يدييه ولات كتسييل بالدم .. مغوت بعصبية
يووسف: اععععع فااااك
بقى شحاال كيرد النفس و صدروا كيطلع و ينزل بقوة .. عااد غسل وجهوا و يديه حيد منهاا الزااج و عقمهاا .. بعدها خرج عندهاا .. لقاها كتحااول توقف وملامحهاا مخلووعين علييه .. تنهد و نطق بجدية و رزاانة كيفما عرفاتو ديماا .. كيسبق العقل على أي حااجة أخرى ..
يووسف: أنا مواافق .. الحل لي باانلك ديريه .. ما غادي نفرض عليك تا حااجة .. صحتك و خااطرك هي لولة .. ( تنهد ) عندك الحق نتي تزوجتي بياا مااشي بعائلتي .. و من الأحسن كل وااحد يوقف عند حدودوا .. لكن هاذشي حل مؤقت لا غير .. ما غنافقكش .. أناا ما نقدرش على هاذشي .. هاذي ماشي حيااة غنعيشوها .. ما غنقول والو دابا كلها يشد تيقاروا .. تا نلقى الحل لي يرضي كلشي ..
خولة:(هزات رااسها تا هي بالموافقة ) نتمنااو خير (سكتات شوية و قالت ) مرااكش
يووسف: ؟؟
خولة: نمشيو لمرااكش .. ما قلتيش لياا غتسفرني فينما بغييت .. و لا صاافي غيرتي رأيك
يووسف: ما غنسمح لتا حد يآديك و لو بنص كلمة .. مزاال خصني معااهم جلسة مطولة يفهموا شي حواايج ضروريين (شاف فيهاا ) نتي مراتي و ديالي .. تا حد ما عندو لحق يمد عليك يدو و لا يقلل من قيمتك .. لا فحضوري لا فغياابي .. مكاانتك من مكاانتي .. و لي ما محتاارمكش ما محتارمنيش تاناا ..
خولة:(ابتاسمات بحب و قربات عنقاتو) فخباارك كنبغييك يااك .. و هااذشي ماا غيبدل واالوو فعلاقتناا كنوااعدك ❤
دوز على ظهرها بحناان و عقلوا ماشي معااه .. كيفكر فالحل لي جاا لبالوا فااش كان فالدووش .. متأكد مليوون فالمية بلي هو الحل الوحييد لهااذ الصدااع بلا ما يتضرر تاا حد .. و بهكذاا غيقدر يلملم القلوب مع بعضيااتهاا و ينساو لمااضي و يفتحوا صفحة جديدة .. استغرب بدرجة كبيييرة علاش ما فكرش فيه من قبل .. لكن على كل حاال فوقماا جااء الخير ينفع ..
يووسف:(ابتاسملها ) تكااي رتااحي هااذ ليلة
خولة: تء بغيت نخرج
يووسف: نوو تاال غذاا و نشووف على حساب حاالتك
خولة:(ببراءة ) و راني وليت مزياانة والله .. ما كنحملش الطبييب و ريحتوا و ماكلتوا اععع
يووسف:(ضربها لنيفها بحركة دلوووعة ) ايواا تهلاي فصحتك و حاولي على راسك بااش تكون آخر مرة ان شاء الله ..
خولة: ان شاء الله (تكاات فبلاصتها) بغيت ننعس
يووسف: رتااحي
خولة:(عضات على فمها بابتساامة ) عاودلي شي قصة
يووسف: برهووشة ههه
خولة:(خرجاتلوا لسانها ) و طيحااتك ههه
عم الصمت لدقاائق .. تا غمضات خولة عينيهاا و بداات كتنعس من هدوء لمكاان .. عااد سمعاتوا قاال بصوت خاافت و حنيين ..
يووسف: كان يا مكان فقديم الزمان .. فوااحد المدينة صغييرة .. عاايش فيها الأمير بعيد على القصر و أقاربوا .. كان عزيز عليه يتلاقى بالنااس و يعيش ببسااطة مع صحابوا و معارفوا مبعد على جهة البناات كلياا ..
تاا النهاار لي تسلطاات عليه الأميرة من حيت لا يعلم .. كاان وااقف بوحدو مشطون و مشغوول .. تاا حس بيديدات صغيورين كيحركوه .. استغرب و التفت عند الأميرة الصغيرة لي كاانت ملتاابكة و عينيها لي كيسحروا بلون لامع كيدوروا فالمكاان بتوثر .. تسناها شحاال تهضر و أخيراا فتحات فمهاا و نطقات بصوت رقيوق غير ديال لي بيبي و حنييين بحاال قلبهاا ...
خولة:(تبسمات من قلبها و فتحات عينيها فيه ) هاذشي كااملوا لاحظوا الأمير غير من أول مرة !! و شنو كاان رد فعلوا ؟ أكيد بينلها اعجابوا بيها !!
يووسف: لا بالعكس تصرف عادي بحال أيها الناس .. عاونها كأي وحدة وقفات عليه .. تاا مشات بحالها .. ولكن ما تنسايش نقطة مهمة .. هو هاذ الأميرة الصغيرة خلات قلب الأمير يفرح غير لابتسامات خفييفة و كلام عفوي طاالع من القليب .. دقاائق قليلة غيراات مودوا و رسماات البسمة فشفااهو بلا ما يحس ..
خولة: و هنا تسالات قصة الأمير و الأميرة ؟ ما تبعهاش ؟ ما حاولش يعرف شكون هي ؟
يووسف: نوو هي كاانت بحال شي نسمة خفيفة داازت على قلب الأميير و فااتت موااكبة الريااح .. لكن القدر كاان ليه .. كلام و نظر أخر فالموضووع .. و سمو الأميرة ردهاا التياار لمكاانها الأصلي ..
خولة:(عضات على فمها بإثارة و ابتساامة سااحرة كتلمع فعينيها ) كنظن فاايتة سمعت هاذ القصة من قبل امم !! و لكن فيين يا ترى ؟
يووسف: ممكن لكن مااشي من عندي و بطريقتي (غمزها ) ما تبغيش تسمعيها بلساان حبيبك
خولة:(مالت كاملة جهتوا و مكايلة بيديها ) بلعكس حبيبي كلشي من عندوو عسل (غمزااتو) ياا عسل انتاا
يووسف: هاذشي لي كان كيظن الأمير .. لكن بعد ساعات قليلة عااود لمحهاا فسااحة المدينة (خولة وسعات عينيها ) كاانت بحال شي حورية بحر .. و لا عصفوورة صغييورة كتفرفر بسعاادة و ضحييكة من القليب .. عينيها لامعيين و ملامحها مبشوورة .. بحال شي وريدة يالاه كتفتح و تكتااشف الدنياا .. و لا بنووتة صغييورة خرجااتها ماماها تلعب و تنقز .. عاايشة الحياة .. هاكا كانت الأميرة فعينين الأمير بلا ما يحس سهاا فيها و فكمية البرائة و الشغف و الرغبة فالحياة لي فهااذ البرغووتة الصغييورة
خولة:(ابتاسمات سااهية تتفكر ) الأميرة فكراتني بشي نااس .. كان كل همهم يرسموا الابتساامة فوجوه النااس و يخلقوا جو فريييد ليهم ..
يووسف:(حرك راسوا بالايجاب ) بعدها الأمير تشغل بأموروا و مشات الأميرة من بالو نهاائياا .. لكن فكل مرة كاان القدر كيلعب لعبتوا و يلاقيهم كأنوا باغي يقربهم بزز .. نفس المكان .. نفس الزمان .. لكن كل واحد فيهم بعييد على لاخوور ..
خولة: امم ياكما غتخرج فيه بحال الأفلام و الأمير غيلتااقطهاا فأخر لحظة و يضمها عندوو .. و هي غتصدم و تفرح حيت نقدهاا و تحسوا بطلها و منقذها الشجااع هه
يووسف: ههه تمااماا .. كاانت بالنسبة للأميير وااحد التعنيقة يعطي فيها الملاين .. جااذبية كبييرة داايزة بين عينيهم بجووج .. كل وااحد فيهم مركز فعينين التاني .. كأنهم باغيين يكتااشفوا شي حااجة .. شنو هي ؟ الله اعلم
خولة: و ياا ترى هاذ الانجذاب غيبقى لمدة طويلة فصمت ؟ شنو الخطوة الماجية !؟
يووسف: عمرك شفتي شي حاجة كتلمع و فور ما قربتي لهاا و تعرفتي على هاذ الجوهرة فقدات النصاع ديالها فعينيك ؟
هكاا وقع تماام للأميير .. فور ما هضرات معاه و شاف طريقتها و جرأتها و وقاحتها .. تبخرات ديك الصورة لي كان وااخذ بين عينيه .. و تحول الانجذاب لتناافر قوي بيناتهم ..
خولة:(خنزرات فيه ) ممكن يكون الأمير نفسوا هو الخاطئ .. و كيفما كنقولوا الجمل ما كيشوفش حذبتوا كيشوف غير دالنااس ..
يووسف: أكيد ماشي غير الأميرة لي كتحمل المسؤولية .. تا الأمير نفس الشيئ .. لكن أحسن حااجة وقعات للأمراء هي هااذ التغيير و التناافر .. لي كاان كيسحاب ليهم فالأول كره ..
خولة: هاكاا بلا ميحسوا غيزيدوا يتقربوا من بعضياتهم و يكونوا بطبيعتهم بلا تصنع .. حيت أصلا فبالهم وااحد ما كيحمل لاخور و وااحد باغي يرد الضربة للاخور ..
يووسف: بالضبط .. و هاكا كيبينوا على معدنهم الأصلي بلا حس .. يقدروا يداابزو و يتغااوتوا و لكن فنفس الوقت وااحد يخاف على لاخور و قلبهم كيهتم للطرف الثااني ..
خولة: و هاكا ايديروا كااع لي ميقدروش يديروه حدا حد أخر .. يبكيو و يشكيو على بعضهم .. يغنيو و يلعبوو .. يضحكو .. يتشاركوا أسراارهم و زيد و زيد .. وااحد يجبد لاخور غير بااش يعصبوا ..
يووسف: و بالتالي لا إراديا و بلا ما يحسوا كيطيحوا فبعضياتهم و الأمير نهاروا ما كيدوزش بلا الأميرة و مشاغباتها .. و العكس صحيح ..
خولة: سي ❤
يووسف: و بعد بزاااف دالأحذاث أخيرا الأمير تجمع مع الأميرة تحت سقف واحد و رجعوا رووح وحدة فجسدين متفرقين ..
خولة: الأميرة غتكون فرحات بزااف و قلبها فرفر من بلاصتو .. حااسة بمشااعر جديدة كتختالجها يوم على يووم ..
يووسف: ولفوا على بعضياتهم بزااف .. داازو أشهر عدييدة بين حب و صرااع .. لكن لي متأكد منو .. أنهم عاشو أحلى أيام حياتهم و تا حد ما يلقى ما حسن من لاخور لي يكملوا و يفهموا بطريقتهم .. (نحنح ) تا لنهار لي اعتارفات الأميرة لزوجها و أميرها بحبهاا لكبيير لي كتكن فقلبها
خولة:(شهقات و حطات يديها على فمها زعما مصدومة ) الأميرة اعتاارفات قبل من الأمييير !!
خولة:(شهقات و حطات يديها على فمها زعما مصدومة ) الأميرة اعتاارفات قبل من الأمييير !! و هو شنو رد فعلوو (هزات حاجبها )
يووسف: كاان سعييد و فرحاان .. لكن باقي ما معتاارف تا لرااسوو و متردد .. احساس فشكل ..
خولة:(عوجات فمها ) اهاه !! كمل !!
يووسف: لكن هاذشي تبخر فمدة قصيييرة بزاااف و بلا ما يحس رجع كيعشق كل تفصيل فيهاا .. تغييرها على ودوا .. طفوليتها و صراحتها و عقلها الصغيير معااه ضعفها قدامو .. رزانتها و تباثها و قوة شخصيتها قدام البقية .. كل نهاار كان كيبغي يعتاارف لها كتوقع شي حاجة كتمنعوا ..
تا لنهار لي الأميرة وصلات للمستشفى بحاالة حرقااتوو فقلبوا و خلاتوا يخااف يخسرهاا و هو بااقي ماا فرحهاا بأكثر كلمة كتتمنااهاا .. و هو بااقي ماا حقق معاها كااع ديكشي لي باغي .. و هو باقي ما جاب نسخة مصغرة منهاا .. و هو باقي ما شبع منهاا و من راائحتهاا و من طيبة قلبهاا و تشيطينها ..
خولة:(متبعة معاه بنظرة كلها حب ) مزال الحال باقي لهاذشي كاامل خااص غير الأمير يزعم و يقولها ..
بإبتساامة وقف و جلس جنبهاا و زير على يديها تا جلسها و بقى قابط فيهم .. و عينيه لي بحال نقطة قهوة وسط كااس من الحليب صاافي .. مقاابليين مبااشرة مع عينيها الزمرديين ..
ضهرات شبه ابتساامة على ثغروا و نقط بصوت هاادئ مع بحتو الرجوولية ..
~ قبل سنة بالضبط لو كان شي وااحد جا عندي و قاالي فهاذ الوقت بالذااث غتتغير نظرتك كلياا .. غتلقى نصفك الثاني .. غتأسس داارك .. غتفتح قلبك و تطلق العناان لمشااعرك ..
كنت غادي نضحك باستهزااء كبيير .. (هز يديه و دوزها على حنكها بحناان ) دخوولك لحيااتي بفجأة .. بدل فيا بزاااف و خربقني داااخلياا كنشووف لأول مرة كنتبع قلبي عوط عقلي ..
كااع مخططاتي تبخروا بمجرد حضورك .. بطفوليتك و شقاوتك و دلالك .. قدرتي تديري بلاصة كبيرة فقلبي .. يووم عن يووم كنت كنغرق فبحر عيوونك و عفويتك ..
يووم على يووم كتسلبيني قلبي و أناا كنشووف فيك الانسانة لي طيلة 33 عام و أنا كنتخيلها و أنا كنتأمل النجووم فعتمة الليل .. و كنرسم ملامحهاا بلا ما نحس .. تحت دقات قلبي .. فعز منتصف الليل و هدوءوا .. غير أنا و متمنيااتي .. و نبضاتي لي بحال شي سنفونية حزيينة و رووماانسية فنفس الوقت ..
فهي محبوبتي التي لا يمكن مقارنتها بشـخص أو بأشـياء ملموسـة ..
تُقارن بلذة الفودكا ، بدفء أغنية قديمة ، بحنين الليل ، بزرقة السـماء ، و هدوء الفضاء..
ثم تفوز❤😽
و غير كتفوت وحدة و حنين الليل كنتيقن و كنقتاانع تمااام الاقتنااع بلي عمري نلقى اللبؤة لي تكملني ..
عمري نلقى لي تصبر على مزااجيتي .. عمري نلقى لي تفهمني غير من عيني و نبرة صوتي وااش فرحان و لا قرحاان .. معصب و لا فأوج فرحي ..
تاا لنهاار لي تسلطتي علياا كي الصااقعة هههه و قلتيلي هااانيي جييت .. هااني كااينة و غنطرطق لك المرااارة تا طج و نولي نتبعك و نبردك غير بجوج كليماات ..
قرب منهاا و جر شفاايفها ببوسة خفيفة و همس لها #هديتك_قلبي_تهلاي_فيه_ماشي_حيت_ديالي_ولكن_حيت_نتي_فيه
تنبغيييك البريهيشة (لعب فشعرهاا و حناا رااسوو كيشووف فيهاا هي لي منزلة رااسهاا للتحت و شعرها مغطي وجههاا .. ) واا شوفي فيناا الحب لي بلاني بيه الله ..
طلعات فيه رااسهاا عااضة على شناافتهاا و وجهاا فاازك .. شافت فيه بعينيهاا لي كيبريو بالدموع و هزات يديه لي مشابكة مع ديالهاا و بااستهاا فكفوا بكل حب مخليااه مصدوووووم من تصرفهاا .. بهضاتوا و ما عرف ما يدير ولا يقول ..
خولة: هاا علاش كنبغيييك و كنمووووت و كنحماااق و كنتسطى و نتوفى عليييك (بعينين كيلمعوا ) حيت نتاا مااشي بحااالهم .. نتاا بوووحدك .. كلشي كديروا كيكوون فريييد من نوعووا و غييير كلشيي .. تاا الاعترااف لي شحااال و أناا نتسنااه
شهقاات و طااارت عليه معنقاه بقووووة و خااشية وجههاا فعنقوو كتشبع من رييحتوو .. و كتردد بحب " لهلا يخطيك علياا و لا يحرمني منك يا رب "
(خرجات رااسها و شافت فيه) .. كل مرة كنتعلم منك حااجة فشكل (ضحكاات وسط دمووعها ) ما شفتينيش وليت رزينة على لي كنت .. عديتيني ههه و أحلى عدوى يا أحلى أستااذ 😍
يووسف:(ابتااسم و مسح لها دموعها ) و لاش هااذ الدمووع دااباا خصك تكوني فرحاانة مااشي كتبكي .. رجعتي حسااسة بزاااف
خولة: هااذو غير دموع الفرحة و الدهشة من لي قلتييه .. فاجئتيني كنت كنقول عمرك تقولها .. وااخا بااينة فأفعاالك و لكن قلبي كاان بااغي يسمعهاا من قلبك و يشااركوو دقااتوو و فرحتو ..
يووسف:(غمزها ) و ما باغاش نتشااركوو حااجة اخرى ؟ تاا هي كتعجبك !!
خولة: ههههه مااسخ
يووسف: عرفتي شحال شديت عليك رااسي .. و شحاال من مرة تمنيتك تكوني لياا ... ههمم .. (حط يديه على شفايفها ) و كلماا كتعضي عليهم كنتمنى نذوقهم .. سكنتيني لدرجة وليت نشم ريحتك و نحلم بيك ليل كااامل و الصبااح نقلب عليك و نشووفك وااخاا غير من بعييد
خولة:(ضحكاات فنفسهاا و الابتساامة كتزلق ليهاا .. و هي كتفكر نهاار رشاات ريحتهاا فبيتوو .. )
يووسف: كضحكي لحسك هاا (هز يديه كيهرها فكرشهاا و هي كتلوى بالضحك و كتحااول تشدوو )
خولة: هههه لا لا الميييمة هههههههههه ويييع لاا ههههههه
يووسف:(حبس كيشوف فضحكتها و فرحتها لي بااينة و تكى على كرشها نيت جارها عندوو مدااحزين فالباياص ) توحشت دوك الأيام .. و توحشتك نتي كثر
خولة:(دوزات على شعروا) هانا معااك احبقلبي
يووسف:(طلع راسوا فيها كيضحك ) ههه زكي معانا فوحدة .. ماشي مرة يوسيفينو .. مرة فار الدقيق .. و دابا حبقلبي ..
خولة:(ضحكات و نزلات باستوا بخفة و بعدات ) لولة يلا بغيت ندلعك بالريفية .. زعما رااني معلمة خخخخ و أنا يسبوني و نضحك ليهم 😂 (هاذي وقعات لياا ماشي سبان مي حاجة كفس خخخ ) و الثاانية منين تعصبني و يولي رااسك قسح من الحجر .. اوهو طاارت معزة .. ايوا و الاخيييرة منين تكوون فنييون و قطقووط بحال دااباا (جبداتلوا حنااكو كضحك ) يخليلي الروماانسي ياا أناا ..
اخخخ و شحاال فرحهاا كلاموو و دخل البسمة على قلبهاا و عااود حيااها من جدييد .. كاانت ديما كتسناه يقوولهاا .. لكن فهااذ الوقت بالذاث خلاها تحس بحال أول مرة نبض قلبها ليه .. أحااسيس خطييرة سرااو معاهاا .. صحييح ديجا قالها بعفوية و بلا ما ينتاابه نهاار كاان وااقع الصدااع .. لكن بااش يدخلها بهااذ الشكل و يقولها لها غير بينوا و بينهاا بطريقة حلوووة .. خلى فرق واااضح و كبيير .. و كلاموا لعب على نفسيتها بدرجة كبييييرة و عطااها طااقة و قوة أكبر للمستقبل ..
💫💫 نوال و عبدوو 💫💫
بعد مدة من الزمن وصلوا للحي فين كااين داار دياالهم .. بلاصة قداام وااحد العماارة كبييرة و نزلوا دااخلة نوال كتدور عينيها فالجريدة لي متوسطة المكاان و الشجيرات الصغاار لي مغروسين فالجنااب ..
نفس الشيئ بالنسبة للالة ملاك .. لي أول مرة غتجي لعندو و تشوفها .. حيت كاان غير مجهزها و ساادهاا .. جاالس مع واليديه .. غير منين كيبغي يريح دماغوا و يبعد على الصدااع عااد كيجي ليها ..
طلعوا فالدروج للطاابق الثاالث .. كاانوا جووج دالبيباان كباار دالخشب فالقهوي الغاامق مقاابليين مع بعضيااتهم .. فتح لبااب و فسح ليهم المجاال ..
دخلوا برجليهم ليمن كيسميو الله و كيدوروا بالشوية فأرجاء المنزل .. لي كاان متوسط مااشي كبير و مااشي صغيير .. كاافيهم و معديهم بجووج .. مجهزوا و مفرشوا على حقوا بذوقوا الخااص .. لكن الأهم من هااذشي كاامل .. مجرد ماا كدخلي كينشاارح قلبك و كترتااحي فالمكاان ..
جلساات لالة ملاك ترتااح .. فحين عبدوو رااه كيسااري نواال و يوريها كل حااجة .. و هي فرحاانة و كضحك و كتنااقشوا شنو يبدلوا و شنو يزيدو و شنو ينقصوا الخ ..
نواال:(خاارجين لصالون ) دخلنا عليها بالصحيحة و التيسير ..
عبدوو: أميين (ابتااسم لها ) أتكونوا عياانيين بالطريق .. رتااحوا لكم على ما نجي ..
لالة ملاك:(نحنحات ) عاارفني اوليدي ما كنااكلشي ماكلة دالزنئة .. ها هي نواال تنووض تفتف لي كااين .. تاا هي غتكون فرحاانة تئضي الشغل فداارهاا (شافت فيها ) يااك ابنتي ؟
نوال:(تحرجات .. بالرغم من أنها ما قادرة تهز تا كااس .. لكن ابتاسمات لها و قالت ) اييه الميمة عندك الحق
عبدوو: يلا كنتي عياانة رتااحي .. مااشي مشكل
لالة ملاك :(سبقاتها كتشوف فيه حاطة صبعها على حنكها ) ماالهاا كانت جاية على رجليها ؟ رااه فالطونوبيل .. ما تحسشي بالطريق .. و زاايدوون نتاا ما تفهمشي العيالات ئدي .. رااه بالعشئ " العشق " اتدخل لكويزنتهاا .. و تدوور من هنا و تئاد من هناا و تحس بلي رااها داار دياااالهاا .. أو لا ؟
لالة ملاك:(فتحات الفولار و وقفات ) وي ديكشي لي كااين .. انمشي نبدل علياا و نجي
عبدوو:(تكسل و تزدح فوق الفرااش شااعل التلفزة) هنيتوني .. تانا ما فيا لي يخرج ..
لالة ملاك:(وقفات تا هي ) تسناايني نمشي معااك ..
خلطاات عليهاا كدور فرااسهاا و تتمشى بالشوية و هاازة يديهاا بالعباار و الانااقة و الشيااكة كتقطر .. دخلات نوال لبيتهم دالنعااس يالاه حيدات الفولار غتزول كسيوتهاا و هي تفتح البااب و دخلات ملاك كتسووط بالصهد
استغربات كيفاش داخلة عليهاا هااكاا !! ما عجبهاش التصرف نهاائياا .. رااه بيتهم لخاص زعما و عندو حرمتوا !!!
أما لالة ملاك رااه ما داتهاش فيها كتنكر على الصهد و تسووط ... حيداات الجلابة لي لابسة و حلات لماريو كتقلب و تشووف فالأخير علقااتها و سدات ..
عاد جبداات بيجاامة صيفية نص كم مع شورطهاا ناازل تاال تحت الركبة بالشوية .. وقفاات حدااهاا قبالت المرااياا و قاادات شعرهاا كتمسح فوجها خاارجة بحالهاا .. لكن قبل شاافت فيها و قاالت لها
~ سربي غااسك شوية .. جااني جووع و بغيت نرتااح و نسرح عظيمااتي
خرجات مخلياها حااطة يديها على حنكها و كتشوف فلخر قلبات وجههاا كتجبد حويجاتهاا تبدل عليهاا و تبرد شوية بالماء باش ترتااح شوية من الدووخة ..
أما لالة ملاك رااه هبطاات تتسووط بالشوية عليهاا تا جلساات قداام عبدوو لي كيتفرج فالكرة ما رااهش فهااذ العاالم
عبدوو: يالاه يالاه يااالاااه (كيضرب فالطبلة و مخرج عينيه جاالس غير بشوورط و حواايجوو مقلعين و محطوطين جنبوا .. يالاه غتجلس حدااه و هو يضرب برجليه ديك الطبلة كيغوت ) وااا سييير الزززمر سيير
لالة ملاك:(شدات على قلبها ) اهياا مولاي دغييس نتاا ماالك
عبدوو:(شاف فيهاا و ضرب حدااه مركز فالمبارة ) اجي جلسي حدااياا تفرجي فهااذ الفنياانيين
لالة ملاك : ااه حيت ضربو ؟ و علاش هذااك هااز الكرة بيديه ؟
نزلات نواال داايزة من حدااهم للكووزينة و هي كتسمع للحذيث
لالة ملاك : و علاش هااذ ولاد الحغاام مجموعين عليه هكذاا .. وااحد عليهم كااامليين .. ما عااطينووش تاا منيين يسجل !! و شكون هو هااذ يااسين ؟ و مالو لمعلئ بااغييناا نخسرو ولد الحغاام تاا هو فعاايلوو !!
عبدوو: واا لالة ملاك تفرجي و هنيناا
لالة ملاك : وااخاا (بقات سااكتة و هي تنطق عااود ) ناااغي دخل فيه بغااس مييمتي غيداابزوو كن غير نااض ديك الجمهووغ يفرئ بينااتهم مسااكن
عبدوو:(حط يديه على حنكو كيشوف فيها ) اييه يدخلوا يفرقوا و يعطيوهم حليوة لوااحد تا هي علاش لا !!
لالة ملاك:(على نيتها ) وااييه مسااكن من ئبيييلة و هماا جري ياا ماا تجري .. ما يرتااحووش !!
عبدوو: لا يرتااحوو الله ياا ودي
تقلب مكمل المااتش دياالو تا تساالى و نااض من تماا معصب .. مااشي للكووزينة عند نوال .. لي كانت وااقفة كتوجد و تخربق من هنا و من هناا .. حيت ديجاا الثلاجة عامرة و كلشي مقااد من قبل ما يجيو .. عنقها من لوور خاشي وجهوا معاها كيشوف شنو كتصوب
نوال:(ابتاسمات ) ااش داارو فالماتش ؟
عبدوو: شعندهم ما يديرو رجلين لبلاستيك .. ما يعرفوا تا يشدو كرة هااذ الخراا غاا كيمرضو
لالة ملاك:(بقات متبعاه مرة تشوف منين دااز مرة فالكوزينة ) تاا شبعت زكي عااد نشوف ربي خيااار علياا 😏
💫💫 يوم جديد 💫💫
✔✔ عند خولة
فااقت تكسلات فبلاصتهاا و وقفات كتجمع شعرهاا .. كاانت بوحدها فالغرفة ..بقات مدة كترجع الذاكرة .. عاد تفكرات بلي قاالها عندو شي شغال غير هنا يقضيه و يجي عندها و يمشيو .. جااها المووت دالقنط بلا بيه و بلا تيليفون ... بانلها لبلان غير فالدووش مشاات ليه كتعكز .. تعكسات لها البااب حراام وااش بغات تشد فلخر خلاتها هكااك و وقفات كتبحلق قداام المرااياا .. لي مشقفة شوية و بااينة فيها الضربة دياال يووسف لباارح ..
حناات غسلات وجههاا ووقفات كتشوف فالمراياا و تعابير الحزن مكتاسيين ملامحها حطاات يديهاا على قلبهاا و نطقاات
خولة: لااا عااافاك متخلييينييش .. أناا كنبغييك (حركات رااسهاا بسرعة و هيستيرية ) ااه كنبغييك و مهووسة بيك هااذشي لي درتو درتو على ودك نتاا (قااست فحنااكهاا كتمسح دااك المااء على أسااس دمووع و رفعات رااسها بجبرووت ) مستااعدة نبرهن لك بصدق احساااسي
(حنات رااسها بأسف و ولات طلعااتوو كتفرنس و داايرة يديها على شكل ميكرو )
~ ريمي قلب زااهر ... ريمي بالفرح كبير .. ريمي حلم ساهر .. رييمي رييمي رييمي
~ (ضربات بشعرهاا و نقزاات بحال المغنيين دالرووك ) هل شاهدتم ذئبا في البراري ياكل أخااه ؟ هل شاهدتم يوما كلبا عض يدا ترعاه ؟ هل شاهدتم فيلا يكذب يسرق يشهد زورا ؟ ينكر حقا يفشي سرا يمشي مغرورا بأذااه ؟ (نقزات و بدات كتشطح و تغوت ) سيييمباا سيييمباا .. سيمباا قاادم سييمباا جااء 💃
ولات سكتات و حطات يديها على كرشهاا و هزات صبعها مقاابل من المراياا بتهدييد و نطقات
~ ولااااا كلمة و لاااا كلمة !! ماا تستااهلش تاا هااذ الوقت لي مضيعااه معااك دااباا و كنشرح لك .. يلا جااي على ود بنتك فكوون هاااني عمري نخليك تقييصهاا .. بلا قلب الكلب .. لحتيني أناا و قطعة منك للزنقة بلا ما تسول و دااباا عااد جااي ؟ عمري نسمحلك .. بنتي نهزهاا بسناااني و ما نخليهااش لكلب بحاالك .. (حنات كتشوف فكرشها لمسطحة ) يااك أ ماما يااك .. ااااي كضربيني !! مااماا هااذي !! احححح ابنتي (شداات لحييط ) وااا نااااريييي عتقووووني وااا فييينك ايووووسف لي وحلتينييي اجييي فكني اجييي خرج بنتك ويييك ويييك اعباد الله يااا ربي اوووف اوووف هااا لي يحل رجليييه فيينك الراااجل و لا الحيرة تدخلوو ما تعرف تخرجوو احححح غنمووووت غنموووت عتقووا الرووح ..(هزات كفوفها لسمااء ) يااا ربي تفرحني بعويناتهاا و تنسيني وجيعااتهاا يااا ربي لهلا تحرم مراة من هااذ اللحظة .. اعععععع فينك ايوووسف
يووسف:(مربع يديه و متكي كيتفرج منين بداات المسرحية ) هااني امراتي لعزيزة
💫💫 نوال 💫💫
تهزات من بلاصتها بشهقة مخلووووعة و كتشوف فلالة ملاك مبهووضة فيهاا و هي تبتااسم لهاا
لالة ملاك : خلعتك ؟ ما ديغيهاش مني ئلت صواب من ئبيييلة و أنا نفيئ فيك و نتي حغااام وااش بغيتي تفيئي سحابني غير متي الله يستغ
نوال: بعيد لبلا و البااس .. ما فقتش تنوضي تكبي علياا الما بارد ؟
عقدات حوااجبهاا و وقفاات مكرهة و لالة ملاك موراها كتعوج ففمهاا
لالة ملاك : علاش ماماك ما علمااتكش بلي خصك تفيئي بكري و توجدي لفطور لرااجلك قبل ما يخرج من الخدمة ؟ ولا لحيرة تحل فمها غير على بنات الناس
نواال:(كتمسح فوجهها مكرهة و مخنززرة .. سااطت من منااخرها بالجهد و ضارت عندها ) مولفة نفيق بكري غير دااباا عييت بالطريق و تماارة دالجناازة
لالة ملاك: و وليدي مسكين ما عيااش ؟ نتي بعدا كنتي غير جاالسة هو لي صاايك و معذب و حااضي طريئ .. مهم خرجي ئاديلي الفطوور بااش نشرب دوااياا .. هااذ الوئت النااس هزوا الدنياا و جمعووهاا و ريحة كتعشئ دالنقى و الكوكوط ئربات طيب .. و نتي عااد فاايئة ؟ لا لا هاذشي ما يعجب
خرجاات كتنكر مخلية موراها نواال مغذذة و معصبة و باقي الخلعة دالفيقة لاعبة عليهاا .. جمعات دااك المااء و خرجاات داك الفراش لي فزك يتشمش .. عااد داازت للكوزينة كتوجد الفطوور تحت الطرب الاندلسي دياال لالة ملاك ..
لالة ملاك : و هكااك ابنتي يرضي عليك .. خصك تكوني متييولة و نئييئية و ئاادة بداارك و مولا داارك و شغلك يكون مسمئ "مسمق "
💫💫 خولة 💫💫
يووسف:(مربع يديه و متكي كيتفرج منين بداات المسرحية ) هااني امراتي لعزيزة
يووسف: لا عاد جااي فالطريق (هز حااجبو ) تشيرتي لا ؟ شهاادشي !!
خولة:(ولات مزنكة و فنفسها كتقول ~ واا فكهاا بامن وحلتييهاا و اجي فهمييه بلي غير كنت كنمثل !! مااشي حمقة !! ااااه ضاااع البريستيج ) احم لا غير مرة مرة كيهربلي لا تديشااي علياا .. من فوقاش و نتا هنا ؟
يووسف: من ريمي قلب زااهر خخ (كيطنز) شووفي و كاان !! ياكماا خصك تصرعي !!
خولة: بالرااقي هههههه
يووسف: لا بالمسيوطة
خولة: هههه حراام عليك .. غاا ملييت و صاافي (قربات منو و تعلقات فيه باستو فحنكو ) بقيت بووحدي أنا و الحيووط بقاالي غير نهضر معااهم
يووسف: علاه باقي ما درتيها ؟ (شاف فيها مغوبشة و ضحك ) قلت ماا يداار موووصيبة ياا بنتي
خولة:(صغرات فيه عينيهاا و نطقات بحال شي بنيتة دربع سنيين ) باااااباااا
يووسف: هههه
خولة: خرجني من هناا اباابيتوو رااه عيييت .. أنساافرو ؟
يووسف: وي .. بلحاق تا تشوفي واليديك .. عيطوولي قبيلة مشوشين عااد هضرت معااهم .. انشوفوهم و نتوكلوا على الله
خولة: علاه بااقيين هنا ؟
يووسف:(حرك رااسو بالايجاب) امم
مشى جاابلها الاذن بالخرووج و بقى مدة مع الطبيبة كتزيد تأكد عليه على حاالتهاا و هو كيسمع لها فالأخير شكرهاا و مشى عند خولة و خرجوا مجمووعين .. ركبوا فطونوبيل و زااد ..
خولة:(نزلات الشرجم و تنفسااات ) اووف أخيييرا كنكره السبيطارات
يووسف:(بابتساامة حاضي طريق ) تا جدي نفس الشيئ كيكره شي حااجة سميتها السبيطاار بالرغيب و المزااوكة عااد (سكت و جمع ابتسامتو )
خولة:(تنهداات و حطات يديهاا على ديالو فوق لوفلا و زيراات عليه ) الله يرحمو و يجعل مثواه الجنة
يووسف: أميين
عم الصمت فالأرجااء يووسف تقلب ليه لمووراال و خولة حااضياه بنص عين و كتنهد .. عاارفااه كيكاابر و كيتنااسى .. و أبسط حااجة تقدر تفكروا فيه .. لكن فالأخير هاذي سنة الحيااة ..
وصلوا للداار دالعاائلة و وقف .. و هناا خولة لي عقداات حوااجبهاا و ملامحهاا تغيرو لكن التاازمات بالصمت .. تا هضر هو ..
يووسف: ما غتشوفي حد .. أنعيط لهم يجيوا عندك
خولة:(حركات راسها ) وااخاا
نزل و خلاها هي جاالسة حااضية البااب و فوقاش يخرجوا .. فحين هو رااه دخل .. كاانو فقط نااس قلاال غير عماامو ولادهم و بعض من خوالاتوو .. المهم المقربييين نييت ..
شاافتوو مريم و وقفاات مااشية عندوو بلهفة و عينيها حوومر و دااخلين .. يالاه وقفات عليه و هز يديه و رجع لور بخطوة
يووسف: مااشي داباا الواليدة .. مااشي دااباا ..
بانت ليه لالة سعااد لابسة عليهاا و حداها شاكوش صغيور و لاسقة فيها نزهة .. شيرلهم و وقفوا و هو ساابقهم .. على ما يعيطوو للأب .. غير شاافتو خولة خرجاات عندوو ..
باانتلها سعااد و طاارت عليهاا معنقااهاا و لوخرى كتبوس فيها و تسول وااش بخير ؟ و فين مشات ؟ حمااقت عليه لباارح بالتقلاب و الصونيت فتيليفون لي بقى فالبيت تال الصبااح عااد بانلها و تاا من يووسف ديشتارجا ليه و طفى ..
سلموا عليهاا و زاادوا طمنوا على صحتهاا و وصااو يووسف عليهاا و مداات ليه سعاد ديك الشاكوش فيه الحواايج د خولة و شي حواايج دياالوو و تيليفونهاا الخ .. و ودعووهم و مشااو شادين طريق .. أما عاائلتهاا حلفووا عليهم يبقااو للغذااء عااد يمشيو لفااس ..
💫💫 نوال 💫💫
حطاات لفطوور ليهم بجووج .. مرة مرة كيهضروا و التلفاازة مطلوقة حدااهم مونسااهم .. تاا كملوا و وقفات جمعات كلشي و غسلات و نقاات .. عااد جات عندهاا
لالة ملاك : نعاونك فشي حاجة ؟
نوال: لا بلاش غير رتااحي
لالة ملاك: نيت رجلي حرئوونيي .. تا نتي غتكووني مولفة بشغل فشكل على ديالي ايوا بلا ما نصدعك .. غير ما تنساايش تسيئي معااك الدنياا و تجمعييهاا هي لولة .. رااه لمووت دالصهد .. بعداا الماا يتكب يبرد عليناا
نوال: وااخاا الالة ملاك
لالة ملاك : و عجني معاك الخبز راني ما تناكولش دالزنئة تيمرضني فمسارني ... ايواا و الغذااء ديري لي بغيتي غير هو ئاديلي معااك شلاضتي ضرووري
خرجاات مخليااها غاارقة طلباات و كتسووط بالصهد خصوصا الشمش ضااربة فديك الجهة و عااد العاافية دالفراان ولات كتقطر بالحر
كملات الخبز و جمعااتوو و داازت للطيااب كتصوب بالزربة و تفك دغياا .. تاا ساالاات و خرجات من تماا كتقطر بالعرق .. كاان لجو جهة الصالونات باارد شوية حيت مطلووقة لكليماا .. عمراات سطوولة دالمااء و بدات كتسيق و تجمع .. و ملاك حاضياه هااذ البلاصة ما قستيهااش هناا بااقي الماا و هي غاادية تاا كملات و طفاات على البووطة و فنفس الوقت رااه كتنقي الشلاضة و تصوبهاا و خلاتها فالتلاجة باش تبقى بااردة .. عااد تنفساات براااحة ..
شاافت السااعة لقااتهاا ضربات الثلاثة دالعشية .. و ملاك كتعيط و تنكر بالجووع .. حساات برااسهاا تقسماات ما حيلتهاا لهااذي و لا لهااذي .. فالأخير داازت من حدااها ما كتجااوبش و طلعات لبيتهاا جبداات فووطة و حواايج خفااف و دخلات للحماام كتشلل دااتها من الريحة دالطياب و تبرد من الصهد لي شعل معاها .. تاا كملات بخااطرهاا و تعطراات و قادات وجههاا بمكياج خفيف .. عااد نزلات جلساات حدااهاا
لالة ملاك : من ئبيلة و أنا نعيط و ماشية و مخلياني ؟
نوال: ما سمعتكش .. كنت داايرة لي زياات فوذني .. و طلعت دخلت دوشت عااد سااليت
نوال: بقات نص سااعة و يدخل عبدوو و نحطو مجمووعيين حسن ما ياكل بوحدو
لالة ملاك: امم تا هذاا نظر
تسنااوه تاا جااء و سمعاات بااب الداار كتفتح و مشاات كطير جهتهاا فتحااتها بابتساامة و خذاات من عندو سااك دالخدمة
نواال: على سلامتك
عبدو :(سلم عليها ) الله يسلمك الزين
دخل مسخسخ بالشمووش سلم على لالة ملاك تا هي و طلع نيشاان للدووش كيبرد .. شي نص سااعة عااد هبط بشوورط خفيف و فيديه فووطة كيمسح شعرو و ينشفو
عبدوو: الله على راااحة .. لمووت فالزنقة
لالة ملاك : الصبر هذاا ما نئوول (شافت فنوال ) و ها هو جاا نووضي حطيلناا رااني غنسخفلك هناا .. حااسة بالسكر هبطلي هااذ النهاار
عبدوو:(حرك رااسو باستغراب ) علاش ماالك ؟
لالة ملاك: غير بالجووع و صاافي .. فهااذ الوئيتة رااني حااطة كسكروط مااشي عااد نتغذى
عبدوو:(شاف فنوال و وااضح عليه الانزعااج و كيتسناها تهضر )
نوال: غير تعطلت فالتوجااد .. و قلت نسااينوك و نتغذااو مجموعين حسن من الفريق ..
عبدوو: أناا راه كنديباني فالخدمة ماشي مشكل .. و لكن هي تبقى تال ربعة و نص بلا ماكلة لا !! واخا تكونوا غتصنعووه !! انا وياك هاانية بلحاق هي لا !! راه مريضة بالسكر خصهاا تااكل ستة دالمرات فالنهاار .. وااش هبلتوا نتوما ؟
نوال:(وقفات ) وااخاا سمحلي .. انا نحط دااباا
مشات بالزربة من قداامهم و هو تنهد و وقف تاابعهاا باانتلو عااطيااه بالظهر .. نغزها و بعداات كتوجد و مكتشوفش فيه و دمووعهاا فعينيها على بونت .. تا حساتو حيدلهاا لي هازة و قلبها عندو بزز هازلها راسها جهتوا و غير طاحت عينيها فيه طااحوو دميعاتها بلا ما تحس
عبدوو: دااباا غير ماالكي نفهم ؟
نوال:(هزات كتاافها ) شوف نتاا !!
عبدوو: قلت شي حااجة عيب ؟ يلا طااحت لك سخفاانة شنو غاادي ديري سااعتهاا ؟ رااه مرض مزمن مااشي تخربيق !! و عندهاا ماكلة خااصة بيهاا !! ما عرفاش هااذشي ؟
نوال: قالتهاالي فالصبااح بالخق ماا سحابنيش أناا غير على ودك و صاافي .. و نتاا جاالس تتغوت علياا قداامهاا
عبدوو:(خرج عينيه) أناا غوتت ؟
نوال:(مسحات دموعها و هزات كتاافها ) مهم ضرتي فياا قداامهاا
عبدوو:(حرك راسو بلا حول و جرهاا عنقها كيضحك ) صافي المرة الجااية نضور فيك بينااتنا صاافي خخخ
نوال:(ضرباتو لكرشو ) باااسل
عااونهاا حطوو الطبلة و تجمعوا عليهاا بالنشااط دعبدوو و القواافي دلالة ملاك .. و نواال كتحااول تنداامج معاها و يبعدوو على أي حسااسية بينااتهم .. لحد لأن ما وااخذة منهاا تاا موقف .. أصلا من طبعهاا صباارة ..
طلع عبدوو يتكي و هماا بقااو جاالسين كيتفرجو فسكاات و مرة مرة كتبداا تعااودلهاا على احذاث الفيلم و تنفااعل معااه .. تاا فااق و نزل عندهم تيحك فعينيه و يتفوه و هي تنطق
لالة ملاك : ولدي غير ترتااح و نوض وصلني لدويرتي
عبدوو:(تفاجئ) عااد جيتي الميمة خلييك معانا شوية غير تونسيناا
لالة ملاك: لا باركة الحبيب بااش نبئى عزيزة و رااك عاارفني الرياض متنفارئوش ..
عبدوو: و تمشي تبقااي بوحدك عااود ؟
لالة ملاك: لا رااه خواالك رجعوا من سفر رااهم مجمووعين و تا خالاتك و لبناات غير تهنى علياا
عبدوو: ايواا لي بغيتي .. ماا عندي ما نقول .. رااه تاا هاذي دااركم و مرحباا فأي وقت بلا ما نعرض عليك رااك عاارفة لي كااين
لالة ملاك: الله اودي ياا ولدي بلا ما تهضر عارفة لقلب و ما فيه
عبدوو:(شاف فنوال) وااش وقعات شي حااجة فااش كنت نااعس ؟
نوال: لا بالعكس كناا جالسين هاانيين .. ماا عرفت ماالهاا ..
عبدوو: ايواا صاافي كلها و فين كيرتااح .. اصلا قليل فين كتخوي الريااض إلا يلا كاانت شي منااسبة ..
نوال:(حركات رااسها بالايجاب في صمت )
عبدوو: نوضي الله يحفضك جيبيلي معااك تيشوورط و سواارت راهم فووق لكزاافوز
نوال: وااخاا
طلعاات لقاتها فالبيت كتلبس فجلابتها و تقاد فحالتهاا .. دخلات هزاات ليه حواايجو و وقفات قداامهاا
نوال: كن غير زدتي معانا شي يامات
لالة ملاك: لا غير خليني نمشي بحالي و أنا دااري ديما مفتووحة ليكم هااكاا حسن
نوال: ايواا لي بغيتي
لالة ملاك : و لكن ئبل ما نمشي بغيت نئولك شي هضرة
نواال:(بفضول) الله يسمعناا خير ؟؟
لالة ملاك : نهار لول بصح ما بغيتكش لولدي و تانتي ما درتي تاا مجهوود بااش نبغيك .. بلعكس ما تئربتيش مني بأدنى حااجة .. هااذشي ماشي كنلومك عليه غير بغيت نحط نئط على لحروف ئبل ما نمشي .. المهم من بعد مدة بزز مني تئبلتك و عاادي حيت بغيت ولا كرهت رااك مراات حفيدي .. ما بغيتش نخرج معاك للعيب و نوصلوا لموااصل خااايبة و نتي يالاه عروسة جديدة ..
نوال: ما فهمتش شنو باغا تقولي ؟ أنا راه ما درت لك والو باش ما تبغينيش !!
لالة ملاك: نفس الشيئ لحفيدتي مع ماماك و عااد هي عملات جهدها تتئرب منهاا .. تا هي ما داارتلهاا وااالوو بااش تكرههاا و تمرضهاا فصحتهاا تاا طااحت فالفرااش بسبتهاا .. ممكن نديرلك كفس من لي دارتولها و لكن هاذشي ماشي تربيتي و ماشي اخلائي .. ما عاجبانيش ما عاجبانيش و غنبئى نسممك كل سااعة اللهم نبعد و تبئى العلائة مزياانة و محترمة و لا الاحتكااك لكثيير و كل سااعة موضوع .. هااذشي رااه كينطاابئ على ماماك .. أما نتي دااباا بيني و بينك غير الخير و الاحسان و ما عندي لاش نكرهك .. الله يسر لك أمورك مع رااجلك هو لي يدووم لك أما أنا غذا ولا بعد غذاا تسمعوا خبااري .. دوزت حياتي و وصلت وليداتي لحمد لله ..
من هااذشي كاامل بغييت رساالة وحدة توصليهاا لماماك بلي بنات النااس مااشي لعبة و الله ماا كينسى حئ تاا وااحد .. و شحاال ماا بئيتي غتوئفي على هضرتي .. تتفكر غير شيخها عاد كان صحة سلام و ها هو توفى .. شكون ضاامن لهاا غتزيد تعيش !! دير خير لي يوئف معااهاا .. و ديك لبنيتة رااه ذنووبهاا معلئيين فرئبتهاا .. (تنهداات) نخليك دااباا و ما ديريهاش مني ئلت صوااب .. لي كتسمعوا هي رااه تريبل دهااذشي و صبراات و سكتاات ..
قاالت كلامهاا و خرجاات من تماا ناازلة هاازة شاكوشها فيديهاا .. لقات عبدوو جاي لعندهم حيت تعطلوا .. وقفاات معااه معنقها و كيبوس فرااسهاا ما سااخييش بيهاا نهاائياا .. لكن هي مصرة تمشي .. تاا خلطاات عليهم نوال هاازة ليه حواايجوو .. لبس عليه و خرجوا بجووج من بعد ما ودعااتهاا تاا هي بالأحضاان ..
أماا يووسف و خولة فرااه كاانوو فوااحد الاووطيل فمنطقة جبلية بامتيااز .. من بعد ما فكروا مزياان لقااو مرااكش موفيز أفييغ و ماشي وقتهاا .. الصيف غيذوبوا بالصهد و صاافي .. و بما أن يووسف مولوع بشي حاجة سميتها الجبال و التسلق داها لمنطقة أول مرة تمشيلهاا ..
منااظر روعة و جو أروع .. هدوووء و نقاء و استجمام .. متكيين فالبيت و هي مخشية فيه كتسمع ليه و كيهضرو فمختلف الموااضيع .. تاا سولهاا بجدية
يووسف: خولة كتشربي شي فاانيد دماانع الحمل ؟
خولة:(استغربات ) لا !! منين تزوجنا عمري شربتوا و أصلا كنخااف كااين لي كيخربق لهم الهرمونات و طااين لي عندو أثار جانبية و زيد و زيد
يووسف: يعني غير على هااذشي ؟ و لا مستااعدة تحملي ؟
خولة:(بعدات عليه بالشوية و تقاابلوا ) علاش هااذ السؤاال ؟
يووسف: بغيت نعرف واش مستاعدة تحملي ؟ وااش بااغية داباا و لا من بعد !! بغيت نعرف فكرتك على هاذ الموضوع !!
خولة:(تبسمات ليه ) نتاا عاارفني كنحمااااق على لوليداات الصغاار و ما كيناش شي وحدة تكره تشوف قطعة منها و من حبيبها كتمشى قداام عينيهاا و تبجغط .. غيكون النهار لكبير عندي انا بعداا .. و ما عنديش تاا مشكل
يووسف:(نحنح و شابك يديه ) بصرااحة تانا نفس الشيئ و كنشووف هذا هو السن المنااسب لياا باش نولد ولادي و نقاابلهم و نكبرهم صحاابي و قراب مني .. أما يلا تاا كبرت غتكون وااحد الفجوة من وااحد النووع خااص .. و نقدر ما نعيش معااهم جميع اللحظاات المميزة ليهم كيفماا بااغي ..
خولة: أنا والله ما عندي مشكل بلعكس بااغية و بزاااف عااد .. و يلا عطانا ربي شي بجغووط و لا بجغوطة انكون فرحااانة فوق لقيااس
يووسف: بغض النظر على كااع هااذشي لي قتلك .. خصكي تشوفي من جميع الجوانب .. تقدري تكوني باغا تزيدي تساافري و تعيشي حياتك قبل من هاذ الخطوة .. و الأهم قراايتك فكري بلي مزال لك ربع سنين عاد تكملي .. واش غتقدري على مسؤولية الحمل و القرايا فنفس الوقت ؟ أما تا التربية و المقابلة منين ما تكونيش نتي غنكون انا و لعكس صحيح .. ماا بغيتش نظلمك معاياا .. فكري مزياان و عطيني جوااب نهاائي (جبد لها نيفها بابتسامة ) اووك ؟
خولة: اووك .. من هنا لغذاا نرد علييك ..
💫💫 يوم جديد 💫💫
✔✔ عند نوال
فاقت فالصباح بكري أو بالأحرى ما نعساتش من التفكير .. تاا فااق عبدوو للخدمة و نااضت معااه كتلف الوقت و تضحك .. الضحكة لي غاادراتهاا مجرد ماا خرج .. تنهداات و هزات تيليفون كتعيط لأمها مريم .. بقى مدة كيصوني تاا قبطااتلهاا ..
نوال: صباح لخير
مريم: صباح النور .. كي صبحتي ؟ كيف راكي و كي دااير رااجلك ؟
مريم: أناا و أميرة بلحااق رااهاا بااقي نااعسة علاش ؟
نوال: بغيتك فشي هضرة مهمة
مريم:(بفضول ) الله يسمعناا خبار لخير
نوال:(تنهداات و صوتها تنغنغ بنبرة بكاء ) واش لهاذ الدرجة كتكرهوني ؟ غير بغيت نفهم !!
مريم:(قندشات) شهااذ التخربيق كتقولي !!
نوال: يالاه عطيني تفسير اااخر من غير هذاا !! عطيني تفسييير .. وااش باغااني بسبتكم نطلق و نرجع عندكم هاا ؟
مريم: شمن طلاق و شمن وييل !!
نوال: و رااه هااذي نهاايتهاا .. شنوو سحاابلك رااجلي و عاائلتوا ملائكة هاا !! لي يشوفوكم كتكرفسوا على بنتهم و يسكتوو
مريم:(بانفعال) وااش داارولك شي حااجة ؟
نواال:(بالغوات) هذاا هو المشكل .. المرة لولة ما غيهضروش و الثاانية كذلك و الثااالثة تاا هي و الراابعة ما غيبقااوش يحملوا فياا الشعرة حيت منكم و العاااشرة غيخرجوولهاا معاياا نييشاان .. (تنهدات ) بااغيااني نعيش بخير و مهنية و بنت نااسي و لوستي تخرجوهاا منهاا !!
ااش هااذ لووجييك .. ماا فباالكش بلي ممكن نذووق من نفس الكااس ؟ ما فباالكش يلا بغااو يشطحووني و يديروا لي نفس الحااجة غيديروهاا !! يلا ما غتتقايش فيهاا هي الله تاقايه فبنتك و ما تدمريش ليهاا داارهاا و زوااجهاا
مريم:(بحزن) يااك ابنتي دااباا أنا لي طاالعة من هااذشي خايبة و أناا لي بااغا نشتت ليكم الشمل يااك ؟ اييه زيديني ... خووك كنعيط و مكيجااوبش هز رااسو و مشى و مااكلفش نفسوو تاا يهضر معااياا و نتي معيطة على الصبااح تصبنيني .. بقاات غير أميرة تاا هي تنووض تدير حقهاا .. اييه ربي و خرق و غسلهم خنزهم و يكبروا و يبغييو يربيوك هماا .. أجيي تسمعيي اميييمتيي (ضربات على فخاذها ) حناا لي ماا كنااش نقدروا نهزوا فيكم تاا العيين .. أجي تشووف ولااد ليوووم بقاالهم شوية و يعصييوناا أجييي اميي اجيي
نوال: ماما راه كنهضر معاك من نيتي .. هاكا غير غتخرجيلي على دااري .. و لو ما كانش فقلبهم ذرة إيمان غيديرو كفس و نحس .. و خير مثاال لي وقع لباارح .. و عندي رساالة من عند لالة ملاك ليك ..
عااودااتلهاا كااع لي وقع .. و هضرتهاا الأخييرة .. و كملات كلامهاا ب
نوال: دااباا الكرة فملعبك و نتي تعرفي .. بغيتي تدمريناا كملي فشغاالك .. بغيتيناا نكونوا فرحانين و مرتااحيين ترااجعي اماما .. و فكري بلي دعوة المظلوم توصل توصل .. ما حدكم باقي فأول العلاقة و ما وصلتوش لشي حااجة خاايبة بزااف تصاالحوو و صفيوا لخوااطر ..
مريم:(تنهداات و قاتلها جوج كلمات قبل ما تقطع ) يكون خير ..
✔✔ عند خولة
لابسة كيطمة فالأزرق الفااتح تمااماا بحال عينيهاا .. جاامعة شعرهاا كووب شووفاال و طاالعة فوااحد العقبة كتلهت تاا عياات و وقفاات شاادة على ركاابيها
خولة: اناا عييت .. ما نزيدش معااك تاا دقيقة .. بغيتي ترزيني فرزقي ياك ياك 😢 كن غير كاانوو عندي الهضااب و السهوول بعداا و أناا كااملة غاا راابعة دلحم
يووسف:(وقف كيضحك عليهاا تاا شبع عااد خرج عينيه ) تحررركيي
خولة:(خرجاتهم تا هي ) لا أخووياا ما لعبااش
يووسف: غنسمح فيك و نخليك
خولة:(هزات كتاافهاا) سيير تاا تساالي و تلقااني هناا ماا عندي فين نمشي (ربعات رجليهاا و جلساات ) الله على رااحة اااش داا طااسيلتي لشي سبوور أنا ..
يووسف:(تحنى و هزهاا على كتاافوو طالع بيهاا )
خولة: ايواا ديرهاا من الصبح و هنيناا
يووسف:(هز يديه و شحطهاا للوور) هاا لي ما يسمعش الهضرة
خولة: احححح و لااا
يووسف:(زادها وحدة اخرى كيضحك ) هاا لي يدير ليبيتيز
يووسف:(زادها اخرى و هز حااجبو كيضحك ) علاه شحاال عندك
خولة:(طاارت عليه بعضة لعنقوو تاا بردات جنوونهاا ) هااا شحاال عنديي .. اححح على مسااسطي .. بربي و نلقااهاا زراااقت تاا نخرجوا أناا ويااك فالجوورناال .. و لا عرفتي شدير حطيني (بدات تفركل تنزل تاا حساتو جمعها بين يديه عااود و بعداات وجههاا كتشوف فيه و تمسكن ) حراام علييك .. نااري لحمي كيوزوز
يووسف:(رفع رااسو لوور كيضحك ) و نتي عندك زوينة و مفشفشة شغنديرلك هههههه
بقات تصفار و تخضاار و تغبن و تعض على فمهاا فلخر سكتاات و زاادوو شوية و هي طلقهاا بضحكة
خولة: زوييينة عندك هااذ مفشفشة عاااود خخخ
وصلوا لأعلى التلة و نزلهاا كيرتااح .. جاالسين فوااحد الكريساات دالخشب و قباالتهم الجباال و الشجر بمنااظر روعة .. غمض عينيه و تنفس مزيااان نفس الشيئ ليهاا تاا هي .. بقاات مدة و هي هكااك و هو حااضيهاا .. تاا قاال
يووسف: أحسن حااجة درنااهاا هي جيناا لهناا .. الجو غيسااعدناا بزاااف نرتااحوو نفسياا و خصووصاا نتي
خولة:(فتحات عينيها و ابتاسمات ) سي .. أصلا منين غير أناا وياك فااك للبشر فليتقودو (شدات على فمها عااد طلعاات معاها تاا نطقاات و لي عطى الله عطااه )
يووسف:( خنزر فيها و هز جوج صباع كيتحلف ) دااك لساان شحال ما بقيت غنقص ليك منوو ها وذني
خولة: فلتاات 🙊 أنا متنخسرش الهضرة لاهيلا (غطات على وجهها تضحك )
يووسف: ههههه الله يعفوو
خولة:(حركاات حجباانها بقليان السم ههه ) و ماالي كذبت كن مشيت انا وياك لشي قااارة ما يعرفنا فيهاا حد و نعيشووا بيييس ماا كااين حد يصدعناا و لا يجبدناا .. قوة التدخلات و الاحتكاكات هي لي كتجبد الصدااع .. أما راسي فرااسك بووحدناا و الله تاا نعيشوو بخيير نحلوا مشاكلنا بوحدنا حد ما سوقوا فينا و طووز فالعالم
يووسف:(جبد يديه و قرفدها ) كتكوني غااادية مزيااان تاا كتعورييهاا فلخر .. لي يشدك يلووحك من هناا
يووسف:(قهقه بالجهد و نطق بطنييز ) يااا ولاهي نااس كيقلبوا على النااموس بالريق النااشف و اناا آخر من يعلم !!!!!
خولة:(ضحكاات ) و شكوون بحاالك ناامووسة حلوة طاايحة فييك
يووسف: اسعداااتيي ههه
خولة: اييه و من ليل ليل تخلي كلشي و تجي لعندك غير نتاا .. و تبووسك من دووك لحنييكاات .. و تضربهاا مسكيينة و هي غير كتبرد شووقهاا منك (داارت ملامح الحزن على وجههاا ) و تمووت المتعووسة فحبك مبعوووصة
يووسف: ههههههههههههه لا نتي برب تاا سبيييطااار متنقل
خولة: شكوون بحاالك عندك لي يفوج عليك ليلا صبااحاا خصك تحمد الله علياا احبقلبي فكل ركعة
يووسف: كندعي معااك فكل صلاة .. و منين نتي بديتي فالموضوع .. الأخت فووقاش عوالة تبداا تصلي (غمزهاا مشابك يديه و كيشوف فيها بجدية )
خولة:(شافت فيه كتدور فعينيهاا ) كتقلب كي الزماان الله يستر .. ما تشوفش فياا بهااذ الشووفة كتديرلي التأنيب
يووسف: رااه كنهضر معااك مكنضحكش
خولة:(حنات رااسهاا ) غير مكنلقاش الوقت و صاافي .. دااباا نبدااهاا ان شاء الله
يووسف:(هز حااجبوا ) ما عندكش لوقت اااه بوون !! غتبداايها العام لي ما عندو خااه !!
خولة:(تزنكاات ولات كي مااطيشة و ما حملاتش رااسها فهاذ اللحظة )
يووسف:(كمل هضرتوا فاش ما هضراتش ) رااه تاا لصلاة و ما غنتفااهمش أناا ويااك .. لاحظت من زمااان و كنت كنقوول داابا تدير عقلها بلا ما نهضر .. و لكن باالي ضروري نجبد لك ودنيك
خولة: و صاافي ايووسف و الله تا نبدااها غا تهنى
يووسف: اتبداايها عليك مااشي علياا و بااش ترضيني .. غتبداايها حيت هي عمااد الدين و الفرق بين المسلم و الكاافر .. غتبداايهاا حيت هي حصاانة لنفسك من العين و الحسد و السحر و الأهم من ناار جهنم .. (جبدلها حنكهاا و ابتااسم فاش باانت ليه تزنكاات فووق القيااس و عينيها مدمعين ) و بااش نتلاقااو أناا ويااك فديك الداار و نكونوا بجووج من أهل الجنة إن شاء الله ..
خولة: إن شاء الله
يووسف: و بااش تكوني مثاال زويين و قدوة حسنة لوليدااتك أو لا ؟
خولة:(هزات فيه عينيها ) فكرت فالموضوع مزياان كيفماا طلبتي مني و خرجت بقراار (تنفساات مزياان و مسحات عينيها لي دمعوا شوية و عااد قالت ) ما غنحرمكش و ما غنحرمش راسي من هاذ النعمة .. و ما دام نتاا بااغيهم و متلهف على ودهم .. ماا عندي تاا ماانع و لا إشكاال ..
السفر و الخروج .. يعني نعيشوا الحيااة بصفة عااامة .. لولاد ما غيكونوش حااجز .. نقدروا نديرو لي بغيناا معااهم .. و بلعكس هماا كيزيدوا يقربوا القلوب و يحببوهاا .. أماا بالنسبة للقرااياا .. فعاادي غنقدر نتحمل .. و الوحم و الشهورة لخرين لي كيدوزي قااسحين مووحاال واش نكون كنقرا فيهم من الأصل .. (حطات يديها على ديالوا و زيرات ) ما دام نتا معايا ما نخاف من واالوو .. نشوفوا طبيبة تقولنا وااش ما كاين تاا مشكل و مستعدة نحمل .. و أناا قاابلة و متأكدة غتكوون أحسن أب فالدنياا
يووسف:(وقف و عنقهاا فرحااااان و الابتساامة طااغية على ملامح وجهوا ) شكرااااا و تانتي غتكوي أحلى و أرق أم فالعاالم .. إن شاء الله ما يكون تا مشكل و يوليو عندي جووج بنيتاات فالداار (جبدلها حنكها ) نتي و الكتكوتة دبنتك ولا الشبل دولدك
تبسماات كتخيل رااسهاا حااملة و كريشتهاا قداامهاا .. اححح من أكثر لحواايج لي كتمنااهم يوقعوا شي نهاار ..
و هاا قد مر شهر .. شهر كااامل بدوون أدنى مشكل .. عاايشيين حيااتهم بخييير و هاانيين .. نااس قلااال فالمنطقة و كلهم نية و قلبهم طيب .. اعتاابروهم من أهلهم و عاملوهم بالحسنى ..
هااذ المدة كاانت كاافية لخولة باش تجدد طااقتهاا و حيويتهاا من جدييد .. خصووصاا مع يووسف لي ولى حااضيهاا و دااير جهدوا معاهاا .. كل يووم كيخرجوا بجووج فالصبااح بكري يجريوا فدااك الجو و الهوااء النقي لي كيصفي الرئتين و كتحسي بالانتعاااش .. كيكملوا جولتهم بحركاات ريااضة و خصووصاا ليوغاا لخولة بااش تتعلم تتحكم فأعصاابهاا و ترخي ذااتهاا و تنسى العاالم .. تا من الصلاة كان ليها دور كبير فراحتها النفسية .. شغلات راسها بكل ما هو مفيد خصوصاا منين خذاالها تيليفون و حلف ما يعطيه لها بقوة لي فقصاتو و هي هازاه و عينيها خارجين فيه ..
هكذاا داازوا أياامهم كل نهاار و بروكرااموو و شنو كيديروا فيه .. مشااو على سيسطاام معين و ارتااحو فيه .. و أكيد كل ليلة كيدوزوا ليلتهم بجووج كيلبيوا رغباتهم و شهواتهم و كينعسوا معاانقين فحضن بعضهم ..
خولة لي ملامحهاا زادوا ارتااحوا و باان فيهم الضوء كيفماا كنقولوا و زاادت ربات الصحة و الطرف بالأكل الصحي و السبوور .. ذااتهاا رجعات كتحمق و باان فرق كبير كي كاانت و كيف ولات ..
نفس الشيئ بالنسبة ليووسف .. أخيرا لقى الهدوووء و السكييينة لي كاان كيقلب عليهم .. بعيداا عن المشاكل و الصدااع لي ملهم و خيخ منهم .. و على ذكر الصدااع من نهاار الجناازة ما رجع عيط لمريم أو هضر معاها .. تاا البلووك نسااه من باالوو و باقي ما حيدوا خلاها غتحمااق عليه بالتعيااط لولى الأب لي كيهضر معاه مرة مرة و كيطمنهاا كاانت تحمااق ..
تاا خولة فينماا عيط عليه كيدوزلها عائلتها تهضر معااهم و تتطمن عليهم .. و تسمع آخر الأخبار .. لي أهمهاا .. لالة ملاك بعد طوول انتظاار و سنييين و هي كتدفع .. أخييراا تهزاات فالقرعة دالحج و بداات كتجمع حويجااتهاا بااش تمشي .. و تا تواادع مع حباابهاا ..
أما عبدو و نوال فهوماا على حالهم عايشين مع متقلبات الحياة مرة ضاحكين مرة باكين .. المهم حااطين الراس على الرااس و كيتقاتلوا مع الزماان بكل حب .. هااذي هي خلاصة الشهر ..
مبلاصية طونوبيل قباالت الداار دالواليدين ديووسف .. بعد ماا سالاو كونجيهم و هزو حويجااتهم .. رجعوا للداار ارتااحوو و بدلوا عليهم و جااو عندهم .. بلا أي تعقيب من خولة بلعكس قابلاتو بابتساامة داافئة .. نفس الابتساامة لي زيناات ثغرها و هي ناازلة من لووطوو و يديهاا مشاابكة معااه .. و فنفسها كتكرر جملة وحيدة ..
خولة: لا تبالغ في الاهتمام فبعض القلوب لا تشعر .. ما عندو ما يوقع ..
طلعوا فالدرووج بالشوية و هو حااضي ملامح وجههاا وااش مرتاحة ولا لا .. لكنهاا نوعاا ما كانت جاية بإرادتهاا و ما بقى كيهمهاا واالوو من غير نفسها و راجلها .. صلابتهاا و قوتهاا رجعات من جديد و بطريقة أحسن بكثييير لأنها بدون تسرع
طرق البااب و بعد انتظاار تفتح البااب من طرف مريم لي من وجههاا بااين بلي عاارفاهم غيجيوا عندهم .. كاانت لابسة قفيطن وااقف فالمخييضر و شاال خفييف على رااسهاا و مكحلة عوينااتهاا العسليين .. لي لمعووا بالدمووع ... و هي حااطة يديهاا على فمهاا و كتزغرت كأنوا الليلة عندها عيد ..
ابتااسم و هزهز رااسوا بطريقة شي حد كيتحلف ولا كيقولهاا زعماا رااك عاارفة شنو داايرة .. تاا هي رمقااتوا بنظرة أم مشتااقة و مستعطفة و فتحات يديهاا عنقااتووا بقوة .. مجرد ما باادلها و حسات بيديه زيروا عليهاا كيبوس فراسهاا .. طلقات العناان لدموعهاا لي منين قالها راجلهاا غيجي يتعشى معااك و هي حابسااهم ..
داازت لخولة و سلمات عليهاا تاا هي بحراارة و عنقااتهاا جاارااهاا معااهاا مدخلاهاا للصاالوون و يووسف مورااهم شاداه الضحكة على الطريقة لي معنقاها بيهاا و على وجه خولة لي تزنك ..
لقااو أميرة و الأب وااقفيين كيتسنااوهم سلموا عليهم تا هما بحراارة .. خصوصا الأب لي خولة رجع عندهاا عزييز و فمثابة باهاا ... و كتشوف فيه بقدر ما هو صعيب و ما كيتفاهمش بقدر ما هو حقااااني و ما كيبغيش الظلم ..
داازت عشية زوينة ضحكوو و نشطوو و مريم تدوور تدوور و تعنق فيووسف و ترحب بيهم .. تحط العشااء و كلاو لي كتب الله و وقفوا كيجمعوا الطبلة .. معاهم تاا خولة لي حشمات تبقى جالسة و مرأة كبيرة تخدمها .. غير جلسوا و حطاات مريم سينية دأتااي و هو ينحنح يووسف و قاال بجدية تاامة ..
يووسف: ليوم جيت نعلمكم بموضوع مهم .. هااذ الوقت كاامل و أناا كنفكر فيه .. تا حد فيكم ما عندو علم بيه .. خذاا مني شهر دالتخطيط و التفكير و لقيتها فرصة لا تعوض بالنسبة لياا .. و تاا ليلك أخولة .. نوعاا ماا .. المهم نتمنى تكون خطوة فيها الخير ليناا كااملين (ركز نظروا لمريم لي كتشووف فيه بريب و خوف باطني و فباه لي كيتسنى القرار بفضول كبيير )
الأب: خير اللهم اجعلوا خيير
يووسف:(حرك راسوا بالايجاب ) كل خير ان شاء الله .. احم نتوماا عاارفين مزال عندي المعاارف ففرنساا و من ديماا لمدير دالشركة لي كنت خداام فيهاا كيعيط لياا و يطلبني نرجع ..
الأب: اهاه !!
يووسف: لكن بسباب الضروف لي كنتي كتمر منهاا و بسبااب دوك المشاكل لي داازو .. كان من المستحيل أنني نخليكم غاارقين و نمشي بحاالي .. صبرت و كاافحت و تعذبت حتى خدمت و ارتاحيت فحياتي الحمد لله ..
مريم:(شاادة على قلبهاا و بدات نوعا ما تفهم لاش كيلمح ) يووسف شنو بغيتي تقصد ؟
يووسف:(هز يديه و حركها بمعنى بالشوية ) أنا جايكم فالهضرة .. المهم داازت سنيين و أياام و بالصدفة لقيت الإيماايل دالسيد سيفطتلوا فيه و عرفني و فرح بزاااف فاش هضرت معاه .. أياام قليلة و رجع عرض علياا نرجع لخدمتي .. فبووسط حسن بزاااااف من لي كنت فييه و عطاني فواائد و امتيازات كثييرة .. خصوصا فاش وليت سيفطت ليه السيفي و شااف شنو درت فهااذ الأعواام ..
جااتني غريبة قوة إصراروا لهاذ الدرجة وااخا دازوا سنين .. ممكن حيت كنت ملتاازم بشكل كبير و عدت عليه بالنفع .. (ضرب على رجليه ) على أي هااذ الشهر كاامل و أناا كنفكر و ندرس الموضوع من جمييع الجواانب
شاف فخولة لي غير كتشوف فيه و كتسمع بهدووء و بلا أي ردة فعل .. عكس مريم لي عينيها تغرغروا بدمووع و نطقات
مريم:(حركات راسها بالنفي ) ما تقوليش اتمشي
يووسف: ااه الوااليدة .. قررت ما نضيعش هاذ الفرصة من يدي .. عرض مغري بزااااف .. ما قدرتش نرفضوا .. غنطلع لورااق لخولة و نرصي مع الشركة و غنساافرو ان شاء الله .. غنرجع أناا و مرااتي لفرنساا نكملوا حياتنا تماا يلا كتاب ..
الاب:(تدخل ) تال ايمتى ؟
يووسف: حاليا ما عاارفش .. نمشيوا بعداا و يحن الله ..
سكت كيتسنى ردة فعل مريم لي كاانت مصدوومة بحاال يلا ضربتيها بمقلة لوجه .. أكييد ما هو فجرها قنبلة موقووتة فوجههاا ما كانتش متصوراها نهاائياا ..
أما خولة فالتاازمات بالصمت و بدورها ما عقبات على واالوو تا يكونوا بوحدهم و يهضروا مااشي دااباا .. و تاا هي كتسنى تدخل مريم و الأب .. أما تا أميرة رااه سااكتة و كتفرج من بعييد ..
بانلوا كولشي سااكت و خصوصا مريم لي صدمهاا صدمة العمر .. و هو يوقف و غمز خولة تنوض ..
يووسف: هو هذاا نخليوكم داابا .. مشى الحاال و بااقي شاادنا العياء دالطريق ..
خولة:(وقفات تا هي و سلمات عليهم ) داازت عشية زوينة .. نعااودوهاا مرة أخرى إن شاء الله .. تباتوا فراحة الله ..
خرج معااهم الأب جهة لبااب و ودعهم عااد رجع عند مريم كيتنهد و يفكر فهااذ القراار .. أماا يووسف و خولة فرااهم ركبوا و زاادوا مع الطريق سااكتين ..
مساافة الطريق و ها هماا فبيتهم جاالسين كيتنااقشوا من بعد ماا بدلوا عليهم و تخشااو فبلاصتهم ..
خولة: دابا من نيتك ديك الهضرة لي قلتي ؟
يووسف:(هز حاجبوا ) مولف كنكذب ؟
خولة: لا و لكن جااتني فشكل ماا عرفتش .. فوقااش درتي هااذشي كاامل و فوقااش قررتي و بحتثي و علاش أنا آخر من يعلم ؟
يووسف: أولا رااك ماشي آخر من يعلم .. فضلت أنني نجمعكم كااملين و تعرفوا دقة حيت كلكم معنيين بالأمر .. ثانيا الموضوع ما غيااخذش شي مجهوود كبيير فالبحث ..
خولة: اهاه و أناا ؟ قرايتي .. عاائلتي .. حياتي !!
يووسف: حيااتك معايا و مرتبطة بيا فينما كنت غتكوني .. أما عائلتك فبجميع الأحوال قليل فين كتشااوفوا تا دااباا .. من منااسبة لمنااسبة .. غيكون نفس الشيئ و ممكن حسن كااع و غتجلسي معااهم فالكونجي كثر من العادة .. زياادة على هااذشي ختك و رااجلها كااينين تما هماا يعوضوك على لمة العائلة و أنا كذلك و صحابي لي كنعرف تماا .. يعني ما غتحسيش بالقنط و غادي نونسوك و أنا متأكد بسرعة غتأقلمي و تتعرفي على نااس جدااد و ديري بلاصتك ..
على أي القراار ما خديتوش غير على ودي .. تاا عليك نتي .. يااك ديماا كتقوليلي كان حلمك ديري بحال ختك و تخرجي تكملي قرايتك فالخارج .. إذن ها الفرصة جات تاال بين يديك و غتقرااي فاحسن الجامعات على الصعيد العالمي و غيتفتحوا لك آفاق كثيرة .. و ولادك غيااخذو الجنسية الفرنسية و حقوقهم غيكونوا مضمونة ..
خولة:(تنهداات ) وي عندك الصح و لكن أناا غير بااش نجي لهناا و نبعد على داارنا جااتني قااسحة بزااف فماا بالك نخوي المغرب كاامل ..
يووسف:(هز يديها كيلعب فيديها ) هكاا غنرتااح أناا و نتي فحياتنا و فنفس الوقت غتبعدي على الصدااع و المشاحنات .. عائلتي ما غتبقاي تشوفيهم من العاام للعاام و غتولي شوفتنا عيد و غيفرحوا بمجيئك لعندهم و تاا النغاملة غتبدل ... التيقاار زويين .. تا عاائلتك نفس الشيئ .. كل وااحد غنعطيوه حقوا شوية .. و نرتااحوا ... (جبدلها نيفها ) و نتي بفمك قلتي ما كرهتيش تمشي لشي قارة ما عارفك حد و نعيشوا طيط أ طيط مشااكلنا نحلوهم بينااتناا و حد ما يدخل و هاا حناا بييس ..
خولة:(قنعها و لكن باقي مترددة ) ما عرفتش الصراحة
يووسف:(تفوه و عينيه بدااو يتسدو ) طفي معااك دااك الضووء دااباا يصبح و يفتح ..
خولة: اووك (باستوا فحنكوا ) تصبح على خير
يووسف: امم
ضحكاات على شكلوا و طفات الضووء و تكاات فبلاصتها كتفكر تا حساات بيديه داارو على كرشهاا و جرهاا عندوو معنقهاا و هو مغمض عينيه
يووسف: نعسي بااركة من التخميم
خولة: خالتي مريم تصدماات مسكينة .. يلا كاان هاذشي غادي ديروا غير على ودي .. فكنظن بلاش .. غيكون عقاب قااسي ليهاا .. متستااهلش .. أنا نسيت لي وقع .. عاادي رااه اي عائلة عندهم مشاكلهم .. عاادي عندي و الله
يووسف: على ودي أنا اخولة .. على ودي أناا
بهااذا قطع معاها الكلاام و ما عااودووش هضروا .. يووسف لي نعس مبااشرة بالعيااء و خولة لي بقاات شحال كتضرب حسابها فراسها و تفكر فهضرتوا .. تاا بانلهاا الوقت تعطل .. عااد نفضاات عقلهاا من التفكير و داارت عندوو مخشية فيه .. غضات عوينااتهاا و نعساات ..
💫💫 يوم جديد 💫💫
يووسف:(فااق و لبس عليه كيوجد رااسوا و هي بااقى نااعسة .. ضحك على نعستهاا لي كل رجل مليوحة فجيه و معتقة الخدية و معوجة رااسهاا متكية عليهاا شوية و السوفيتماا طاالعة ليهاا على كرشهاا .. مشى جهتهاا كيفيقهاا بالشوية )
خولة:(بعداات وجههاا ) اووف خليني عليك
يووسف: نووضي نقوولك
خولة: ولااا تانفيق ما نااعسااش ليل كاامل اننن
يووسف: و غير نعتي لياا البااسبور ديالك فين داايرااه بعداا
خولة:(حلات نص عين و هزات صبعها و شيرات ليه ) تماا فالمجر لي تحت ****
يووسف: اووك رجعي تنعسي
خولة:(تا غمضات عينيها و تفكرات و هي تعيط ليه بنبرة دلع ) يووووسف حبقلبي
يووسف:(خرج هاازوا فيديه هو و شي ورااق ) ماالك ؟
خولة: عطيني تيليفوني 🥺 راااه والله تاا ندعيك 😢 شهر أعباد الله شهر و أنا بلا مشقووفي
يووسف: ههه يالاه رتااحي و شوية و نوضي بااش فليل تقدري تنعسي .. أنا مشيت ..
خولة: وااخاا .. الله يسر لك ..
بقاات متبعااه بعينيهاا تا مشى و هزات رااسهاا كيفتل عليهاا جبداات الفوون و داارتوا يتسرجاا و و ولات غمضاات عينيهاا .. ماا داازش تاا نص سااعة و وقفاات بالزربة من بلاصتهاا حااطة يديهاا على فمهاا و مشاات للدووش تحناات كترد (حشاكم ) غير الماا و خصوصاا ما وااكلة واالوو حسات بقلبهاا غيخرج من بلاصتوا و معدتهاا تعصراات و عطاتها الحريق .. لدرجة الدموع نزلولهاا .. بقاات هكااك شحاال .. عااد وقفاات غسلات وجههاا كتبرد و تنهد
خولة: هاا لي يبقى ليل كاامل مبلق عينيه .. اووف ياا ربي
هزات تيليفونهاا بشاارجوروا بكلشي و مشات جهة لكوزينة .. شعلاتو هو لول و عااد وقفاات قباالت التلاجة كتشوف شنو تااخذ .. باانلهاا كلشي مقااد و مرتب .. عرفااتوو خرج فالصباح تقدى و عااد جااء .. باانلهاا الليمون (الحامض ) و مصمصات شفاايفها بتلذذ و جبدااتوو .. كتعصر فيه .. زاادت معاه شوية دالمااء بااش يتخفف و قااداتو .. عمراات كااس كبير و جلساات كتشرب فيه فرحاانة و مرة مرة كتعوج فمهاا من الحمووضة فنفس الوقت كتقرا الميسااجات ديال هااذ الشهر لي فاات .. تاا طلعااتلهاا هااجر مسيفطا مسج دااباا
هااجر: عرفتي ياا الطحبة و كن كنتي حدااياا نغزز مك بسنااني .. شهر ياا لكلبة ما تفكرتينيش فيه .. ما عرفت جد مك متي و كتقلاي فجهنم و بأس المصير .. ماا عرفتك رااك مصيفة و مبحرة لياا و أناا لي كنتقلى فهااذ فااس الله يعطيها لجفااف كثر ما فيهاا
خولة: هههههه ماا نمووت تا نسكت لعديااني لقلب هاي هااي على نمووت ..
هااجر: هههه عاارفة طااسيلتك ما تسواايش
خولة: اييه أناا هي الشوكة لي وااحلة فالقرجووطة .. ما قاادرين يسرطوني و يرتااحوو ماا قاادرين يخرجووني .. كلما كيقلبوا علياا كنزيد ندخل و نرصي حجااري و نفقصهم .. احح علياا و خلاص
هااجر: تي شكوون هااذو الموصيبة
خولة: هههه عديااني ابب .. بااقي ماا قرييت مسااجاتك هاذشي طويل .. كتبي لياا بالمختصر .. ماا حدوو باقي ما دخل
خولة:(شافتهاا و زوماات على عينيهاا كاانو عسليين و مخلطين بالزيتي وااحد لوون عجييب ) ناااااري على عينين كيسطيييييو 😍😍😍 اححح على زيين
هااجر: رجووع الله ابنتي رااك مزوجة
خولة: بسيد الرجاالة غاا هذاا سطااوني عينيه ياا ختي .. لي غير يبقى يشووف فيهم .. سيفطيلي طووف ااخرة .. فيه غير عينيه لمييمة
هااجر: و نااري على خرية هااذي خليناا من عينيه عقلتي فاش قتلك شي جروب داايرين ميتينغ و أناا مااشية لعندهم نفوج شوية
خولة: اهااه
هااجر: ايواا تماا تلاقيت هااذ التوت الذي لا يموت
خولة: اووه كنشم ريحة شي حااجة .. كملي
✔✔ مريم
محزمة رااسهاا بشاال و بااين من جنااب الليموون و شي ربيع .. و كضرب ففخااذهاا و تندب .. عينيهاا حووومر و منفووخين .. هاازة طيليفون و كتهضر بحرقة ..
مريم: أجي تشوفي حاالتي ا ختي ... ااااجيي .. ولدي غيمشي و يخليني .. اميمتي 😭 ما قلت تاا دخل و سكن حدااياا .. اميمتي لحبيبة .. غيمشي يتغرب علياا خمس سنين اخرى و لا كثر .. يعلم الله وااش نولي نشووفووا عااود ولا لا
ماماها دمهى : الصبر ياا ختي الصبر .. ولاد ليووم كيديروا غير لي قاال ليهم راسهم .. كثير شي فااش كيتزوجوا .. كيتقلبوا قلبة وحدة .. اجي و مراتوا شنوو كتقول ؟
مريم: ااش عندهاا ماا تقول ؟ شكوون بحاالهاا داات دجااجة بكاامونهاا و يكملهاا لهاا بالخاارج و الورااق و الجنسية .. ااش بغاات كثر .. (ضربات على فخااذهاا ) شووفي حاالتي أنااا .. أماا تاا الرااجل قالك شغلوا هذااك مااشي دري صغير نربطووه .. يدير لي بغى .. و يلا مشى دااباا يرجع ..
ماماها دمهى : لا حول و لا قوة إلا بالله .. هذاا ما نقوول .. كااين لبنيتاات لي كيجمعوا رجاالهم و يديرولهم علاياش يرجعوا و يردوا لهم عقلهم و كااين لي كيزيدوا ماا بيهم و يزندوا لمبااخر .. الله يديرلك تاويل دالخير
مريم:(مفقووصة) أميين ياا ربي أميين .. و لكن تااناا درت معاهاا الفاالطة من لول ماا نمسهاا ما نقرب لهاا .. السلام السلام و كلهاا يااخذ تيقااروا يعوموا هماا فبحرهم و أناا ماالي على هااذ صدااع الرااس .. نضربهاا و لا تضربني .. نعاايرها و لا تعاايرني .. ااش وصلناا لهااذ الموااصل .. لا لا لا ولدي و أناا عاارفااه .. شهر و هو مقااطعني و بقى سااكت سااكت تاا داارهاا قد رااسوو .. يلا مشى عمروا يرجع .. و الله ماا يرجع و لا يرجعهاا
ماماها دمهى : و لاوااه اختي .. نتي رااك عكوزتهاا مت رااجلهاا .. السلام من البعيد دياال الغرباان أماا نتي بزز منهاا تديرلك الشاان و تحتاارمك و تحيد من رااسهاا و تعطيك .. (سااطت ) ما تفقصيش رااسك تمشي توقع لك شي مصيبة .. الله يدير مسلك الخير
مريم: أميين أختي و سمحيلي صدعتك فهااذ الصبااح
ماماها دمهى : ويلي امريم رااحناا خوت و يلا ما هزيتش عليك همك و سمعتلك شكوون يسمعلك .. تاا نتي ما قصرتيش معااياا فالمشااكل لي داازو .. ربي كبيير
هاجر: تلاقيناا تماا نهاار لول .. عرفتي شفتوا غير من بعييد جاالس مع بنات و درااري مبعدين شوية على البقية .. بااينين كليلة دالحمااق .. تسطييت و عيني خرجوا منهم القلووبة
خولة:(تنهداات حااطة يديها على خذها و كتباتلها ) كن تشوفي أناا .. حمقني حمقني .. ويلي على عينين كي مشفرين تقوول مكحلهم و ديك الداارة دالبؤبؤ فالكحل مبينة لون العين وااضح ..كيسطي
هاجر: و يعطيك لوييييل لماا سدي علياا موضوع عينيه ويلي ..رجووع الله نتي شوية تقوليلي قلعيهم ليه و سيفطيهم فالبوسطا
خولة:(ضحكات ) و الله ما كرهت سطااوني .. كن غير كاان يووسف عندو بحاالهم 😢 دااباا أنا فين نلقااهم فين
هااجر:(جابتلها العجب ) دااباا غير واش نكمل ليك و لا نمشي بحاالي
خولة: بفف كملي خليتيني بلا شغاال
هااجر: و المهم مشيت حدااهم حشماانة و ما كنعرف حد .. نااري ندمت علاش مشيت و لا حطيت رجلي تما و هماا كااملين كيعرفوا بعضيااتهم من غيري أناا لي ما كنعرف حد
خولة: هههه و ديك السااعة تعرفي عليه .. و دخلي معااهم صحة .. ياا ختي تيتيز .. كن كنت معااك كن علمتك .. كيف تطيحين رجلا خلال خمس دقائق
هااجر: تعلمي غاا العربية نتي بعداا و هي وااكلة الشحط معااك مسكيينة .. المهم بقيت جاالسة جاالسة .. تاا نااض هو عندي .. وسعت عيني على الجهد و السيد وااخذ رااحتوا و لايح يديه موراياا بحال معنقني .. شوية غيدخل فياا بوجهوا .. و كيهضر عااادي .. و صحاابوا متبعيينوا .. من بعد فهمت بلي رااه داايرينهاا بينااتهم تحدي .. و فلخر جاا و اعتااذر مني .. و خذاا نمرتي
خولة: احح اربي 😍 ياا ختي لبدااياات دالحب و شحاال زويينة اححح (سمعاات لبااب تفتحاات و طلات باانلهاا يووسف دااخل .. و رجعات كتباتلهاا ) نخليك غااجلي قرة عيني جاا
يووسف:(دخل عندها و بااسهاا فحنكهاا ) ااش كديري ؟
خولة:(هزات لكااس و ورااتوا ليه ) واالوو غير جاالسة
يووسف: و منين غير جاالسة نوضي طلعي وجديلي معااك الدووش
خولة: اووك
وقفات و تماات طاالعة للبيت مخلية يووسف تحناا كيعمر كااس ليه .. غير دااقوا و عوج فموا من حموضيتوا و حطوو .. تاا كان خاارج و سمع صوت مسج .. شاف فوق طبلة و هزوا يطلعولها .. طااحت عينيه على لمسج بالصدفة حيت الشاشة تشعلات .. و قرااه
هاجر: عاد دابا جوجي قرة عيني .. من قبيلة و نتي توحوحي على السيد و دااباا عااد جااك الحب ياا ختي باااز ههه مسحي تصااور و المسجاات يمشي يقراا هااذشي يطلق مك خخ
يووسف:(هز حااجبو بشدة .. فتح الشاشة و دخل كيقرا الميسجات بملامح جااامدة تااا كمل و سدوو خاارج من الكوزينة و طاالع لعندهاا للبيت .. كاانت وجدات ليه الدووش و عااطية ليه بالظهر كتجبد ليه الحواايج .. تاا حساات بشعرهاا تجبد بقسوة .. رجعاات بجووج خطواات لوور و ضارت شافت فيه كتوجع )
خولة: اححح شعري شعري .. طلق ايووسف
يووسف:(زاد جرهاا تاا كالاها مع الحيط و جمع لها حناكها بين يديه مزير عليهم و كيهضر مغذذ ) بغيتيني نقتل مك هااا
خولة: اننن ضريتيني طلق
يووسف:( زاد زير قبضتو عليهاا و هز تيليفون باليد لوخرى ) هااذشي لاش بااغاه ؟ هااذشي لااش شهر و نتي تنكري عليه هاا !! خليتك مقطووعة مسكيينة !! العويناات قاللك سطااوهاا تباارك الله (ضحك باستهزااء ) قاالك كن كنت معااك كن وريتك كي طيحيه !! مزوج ببااطرونة و أناا آخر من يعلم و لا كيفاش !! هااذو معاامن مصااحبة لياا بالسلامة ؟
خولة:(مع كل كلمة كاان كيزيد يزير على يديه .. حااسة بصبااعوا دخلو فحنااكهاا .. تصدمات ما عرفات باش تبلات و وجعهاا حااسة بحناكهاا غيطيروا من بلاصتهم نفضات وجههاا كتضرب ليه يديه يطلق ما قادرااش تاا تهضر .. تاا رخف عليهاا و بقات كترد النفس عاد شافت فيه عينيها مدمعين ) مااشي ديكشي لي فباالك .. ما تفهمش غاالط
يووسف:(زاد قرب لهاا الشراار كيطير من عينيه هز يديه تا غمضات عينيهاا كتسنى الدقة و سمعااتوو ضربها مع الحيط .. تسنااها تا فتحات عينيها و نطق مكره ) أناا مكلخ و جلاااخة شرحي لجد مي شكاادير تصويرة رااجل عندك ؟ شرحي لي ديك التوحويح د*** لي جاالسة ديريه (ضرب يديه مرة أخرى مع الحيط تا قفزات ) ياالااه .. (مسح على وجهوا كيتحكم فأعصابوا و شاف فيهاا ) هااناا مبرد و ما معصبش يااك .. هااناا ما درتش فيك يدي قبل ما نسمعك .. بااش ما ترديش لياا اللومة .. (هز تيليفون تا للسماء و ضربوا مع الأرض تا تشخشخ كاامل ) هاناا انساان حضاااري .. يالاه شرحيلي
خولة:( ولات كتقفقف فبلاصتهاا شوية ديرهاا فحواايجهاا ... و هو مكواانيهاا فوااحد الجهة ما عندهااش تاا فين تهرب .. و نار لغيرة لاعبة عليه و مع ذلك كيحاول يتحكم فأعصابوا و كيتسناها تهضر .. هي لي ما قادرة تاا تكون جملة مفيدة و أصلل شنوا غتقول و شنو غتشرح ليه !! تقولوا عجبوني و ما قدرتش نبعد عيني عليهم شي حاجة جذبااتني شنو هي الله و علم !! بااش يدفنهاا فبلاصتهاا ساعتها .. حاجة وحدة جاتها لبالها و قالتها ) نتاا هنهن قلتي لياا ففف عمرك تحط يديك علياا
مسح على وجهوا و بعد كيشوف فيها بنظرة كلها خيبة و ضار خاارج بحاالو .. هااذ النظرة حاازتها فقلبهاا بزااف و خلاتهاا تفهم حجم الغلط لي داارتوا .. و لكن فنفس الوقت خاافت تبعوا و يضربهاا تاا دوور .. بقاات جهد خمسة دقاائق كترد النفس .. عااد ناضت بالزربة هابطة عندو و لي ليها ليها .. يالاه وقفات عليه اتهضر و هماا يسمعوا الصونيت فباب الداار .. مشاات غاادية تفتح تاا جرها من شعرها مخنزر .. طلعها و هبطها بصبعوا
يووسف: خاارجة لياا هااكاا ؟ ما عندك رجال ديريلهم لحساب ؟ ما لقيتي لي يحكمك ؟
خولة:(حطات يديها على شعرها كتدمع .. عارفاه على نقشة شااعل و خصوا غير فمن يبرد .. نطقات بخفوت ) ااي شعرييي اييي 🥺
يووسف:(طلقهاا و هز صبعوا كيتحلف ) طلقت لك اللعب بزاااف .. تاا عششتي فووق رااسي و ما بقيتي ضربي حساب .. بلحاق من هناا لفوق كلشي غيتبدل .. غير تسنااي ( زااد جهة لبااب يفتح و داار عندهاا ) طلعي لبسي علييك .. تنزلي عندي هااكاا رجليك نقطعهم لك و يااا ربي تنزلي .. يلا ما درتهاا يا بنتي رااني مااشي رااجل
خنزر فيها و هي طلعات فالدروج بالزربة تاا تخبعاات كتشووف شكوون عااد تمشي تلبس عليهاا .. بقات شحاال مخرجة عينيها كتبركك
هبطات جوج درجات و تفكرات هضرتوا .. ضربات رجليها فالأرض بفقصة و طلعات للبيت كتجري .. وصلات كتلهث .. هزاات فرااشة خفيفة و طويلة وااسعة لبسااتهاا و نزلات عندهم ..
كاان جاالس مربع يديه كيشوف و سااكت و رجليه كيتحركوا بعصبية .. و قبالتوا مريم تاا هي سااكتة و كتنهد .. حدااهاا مهى جاالسة مهبطة رااسهاا وجههاا مكيباانش .. يالاه غتقلب وجههاا و هي تلمح شاكوش صغير حداا رجليهم ..
جمعات حوااجبها باستغراب و داازت من جهتهم رماات السلام عليهاا و تحناات عند مريم باستها من وجهها و ضارت جلساات حدااه .. و هو متبعهاا و حاضيها بنص عين ..
خولة: نهاار كبير هذاا اخاالتي .. مرحباا
مريم: ترحب بيك الجنة و نعاايمهاا ابنتي
مهى:(نحنحات و هزات راسها فيهم ) عارفة راسي غير مرغوب بيا معااكم .. و عاارفة أنا السبااب و أفعالي لي دااروهالي ..
مريم: تانا سمحولي و ما ديروهاش مني قلة الصواب و لكن فااش جات عندي و قصدااتني و طااحت على يدي ما قدرتش نرفضلها .. و كيفما كيقولوا لحم يلا خنااز كيهزوه مااليه ..
مهى:(تنهدات مركزة فيوسف ) أناا فهمت غلطي مزياان و تعااقبت عليه .. دوزت أكفس شهر فحيااتي .. لي تخربقات كلهاا و تردمات فوق رااسي .. فهمت هضرتك لي كنتي ديما كتقولها لي و أنا مكنديرش بيهاا .. و عرفت بلي الخطأ راكبني من راسي لرجلي .. جيت ليوم عندكم و أنا كلي أسف و كنعتااذر منكم بجووج .. خصوصا نتي اخولة و نتمنى تسمحيلي من قلبك .. نهار على نهار كنت كنعطل هاذ المجية حيت ما عنديش الجرأة و الوجه لي نشوف فيكم .. لكن فاش سمعت بلي غتساافرو و تمشيو قلبي ما طاوعنيش نخليكم تمشيو بلا ما نتساامحوا .. و يعلم الله فوقاش نوليو نتلاقاو مرة أخرى ..
خولة:(الجن لي فيهاا ما حاملهااش و داباا زاادت كثر و إحساس قوي كيقولها هضرتها كلها كذووب و نفااق .. تمتماات بسخرية و بخفووت حدو سمعها يووسف لي حدااها لا غير ) سمحيلي ااه و الشااكوش لاش ؟ و لا يااكماا عواالة نديرولها شهادة السكنة معااناا
يووسف:( نحنح مشابك يديه كالعادة فاش كيبغي يهضر بجدية ) مااشي المهم حجم الغلط بقدر ما أهم أن الإنسان يعتارف بيه و يحاول يصلحوا و ما يتماداش فيه (شاف بنص عين فخولة لي حاضياه تا هي .. كأنوا كيخشيلها الهضرة خخ )
مهى: يعني مساامح لياا اخوياا
يووسف: ما حدك مترااجعة على أفعالك و ماشية فطريق مزياانة .. فما عندي تا مشكل معااك ..
مهى:(شافت فخولة ) و نتي أحبيبة
خولة:(عوجات فمها و فنفسهاا ما كرهاتش طير عليه تقجوا .. شكيزعتر هذا !!! ) غنكون مناافقة يلا قتلك مسامحاك و ما غتكونش طالعة من قلبي .. ممكن من بعد تصفى الخواطر أما حالياا يكفيني راك بعيدة علياا .. و حنا بجوج مرتااحين
مهى:(شافت فيها و حنات رااسهاا كتبكي و تشهق ) أناا كنت عاارفة ما غتقبليش تسمحيلي و غيبقى قلبي ديماا محرووق و تأنيب الضمير بليل و بالنهاار و لكن من حقك 😭😭😭
يووسف:(زاد طلع ليه دم و نغزها فجنبها ) فكينا خلاص بجوج كلماات نساليو هاذ المسرحية دالويل
خولة:(بخفوت) و منين عاارفهاا مسرحية بالسلامة لاش ماشي معاها فالخط
مريم:(نطقات مقاطعة حديثهم الصامت ) بصراحة مهى قبل ما تجي لهنا كانت عارفة هاذشي غيوقع .. و لكن أنا لي قتلها غنحاول نقنعكم و ما نمشيو من هنا تا نصفيوا الخوااطر .. و حيت عاارفاك اولدي باغي تبعد غير على ود صدااع الرااس .. أنا كنوااعدك قداامهم كااملين و ربي شااهد علياا .. أندير خولة فبلاصة بنتي و لي نبغيه لراسي و لوليداتي نبغيه ليهاا .. و ان شاء الله ما نمشي أنا و مهى من هناا تاا تولي علاقتناا بثلاثة سمن على عسل .. و ننسااو كااع دوك الخلافاات
يووسف؛(كز على سناانو و همسلها ) هاا علااش .. ارتاحيتي دابا !!!!
خولة: وااش من نيتهاا كتهضر !! مك على الراس و العين و لكن لوخرى تخرج عليا من داري
مريم: ايواا ااش قلتي اولدي .. غتقبل عليناا و تدخلناا لداارك و لا غتسد لباب فوجهناا و تجري علينا ؟
يووسف:( تحط أماام الأمر الوااقع و تززززييير رجع حممممر كثر من لي كاان .. عض على شناافتوا كيقشرهاا و رجليه تزاادوا فحدة حركتهم .. كيشووف مرة فمريم و مرة فخولة .. فالأخير نطق ) الله يا ودي الواليدة الدار داركم و مرحبا بكم فأي وقت
خولة:(شافت فيه بنص عين بغاات تااكل ريتها بالفقصة )
مريم:(ابتااسمات برضى ) الله يرضي عليك اولدي و يزيد فرضااتك بغيت فينماا حطيتي يديك ربي يسرلك
يووسف: أميين يا ربي .. خوذوا رااحتكم (شاف فخولة و وقف ) أجي وااحد الدقيقة ..
تبسمات لهم بصفورية و وقفات تاابعااه تاا دخل للمكتب .. فتح لها المجال دخلات و سد لبااب .. غير تسد و هي تنفااجر عليه ..
خولة؛ وااش من نيتك كتهضر !! و لا كضحك علياا !!! أناا نتجمع بهااذيك فنفس البلاصة !!! لا غير وااش من نيتك !! و لا جاالس كترد لياا الصرف !!
يووسف: كنرد لك الصرف !! بنتلك برهووش فعقلي !!
خولة:(جلسات فالكرسي كتلعب برجليها بعصبية و رفعات عينيها فيه مدمعين ) ما ندخلش أنا لفعة لدااري ايووسف (ضربات فالبيرو بعصبية ) ما ندخلهااش .. مك مرحبا بيهاا لوخرى تخرج تقود علياا من لخر
يووسف:(دلقشها لفمهاا مخنزر ) عااودي خسري الهضرة لما قطعتولك
خولة:(شدات فمهاا كتبردوا و بلعات لغصة مخنزرة فيه )
يووسف:(كيمشي و يجي و يديه كيجبدو فشعروا ) سمعتيها بفمك ما غنوضش نجري عليهاا .. كلشي منك .. من لول كن قلتيلها مسامحاك بلا تفلسيف .. تا دااباا عطيهم فرصة و ديري فين يدوز الماا .. نسمع شي حااجة عليك ما تلومي غير رااسك
خولة: يااك ايووسف
يووسف:(ما جاوبهاش و فتح لباب خرج )
خولة؛(هزات وااحد الديكوور و شيراات جهة لبااب تاا تشتت و رجع شقوفة و جلساات كتنهج )
~ الله يااخذ الحق فيك ابنت لكلاب اععع ما بغييتهااااش وااش عيييب
تكاات راسهاا على لمكتب بقات شحاال كتنفس و كتطبق ديكشي لي علمهاا باش تحكم فأعصاابها تا ارتااحت و نااضت وقفات مبتاسمة
~ بغيتي غير الحرب أنا غنوريك القواالب على حقهم .. تندمي على النهار لي حطيتي رجليك هناا .. غير صبري علياا .. تفوو
نزل عندهم مخنزر و طاالع ليه الخز .. تاا هماا ما لقااو فوقاش يجيو غير هااذ النهاار .. دخل و تزدح فوق الفرااش
يووسف: الواليدة طلعي عند خولة توريك البيت فين ترتااحي و تبدلي عليك ..
مريم: وااخاا أولدي .. الله يرضي عليكم
تسناها تا مشاات و نحنح دااخل فالموضوع نيشان بلا تقديم بلا هم يحزنون ..
يووسف : بااغية الصلح و تديري لماا منين يدوز .. تبارك الله .. بااغية غير تمرضيني و تخرجيني على طوعي .. من دااباا غنقولك لباب و ما تعرفيني ما نعرفك .. (شير لها بيديه ) نتي مغتبدليش بين ليلة و نهاار و لكن نتمنى تكوني كتعني هضرتك و بااغا ترااجعي نفسك مااشي تزيدي تكفسيها على رااسك .. رااني مااشي ولد لبارح تضحكي علياا بجوج كلماات .. جدي لي كنت كندير على وجهوا مااات الله يرحموا صاافي باااحح .. رااه بربي و تقيصيها و لا تحاديهاا تاا نقتلك و ندخل عليك للحبس .. هاانا فين قلتهالك .. حيدي ديكشي لي فباالك و فكري فراسك و مستقبلك .. حيت هما لي غينفعوك .. (وقف و خرج من البيت )
✔✔ مريم
طلعات فالدروج تلاقات بخولة ناازلة تبسماات لهاا
خولة: خالتي تبغي ترتاحي فبلاصتك ؟
مريم: ااه ابنتي الله يرضي عليك
خولة: أميين ياا ربي .. أجي معااياا ..
وصلاتهاا للبيت و فتحاتوا كانوو فيه جووج نااموسياات صغاار لشخص وااحد .. مفرقين .. و قباالتهم تلفازة صغيرة .. مهم بيت صغير مقااد تا هو و مثول ..
خولة: ها نتي ارتااحي و بدلي عليك .. هاا الدوش .. و يلا احتاجيتي شي حاجة أناا غير هناا .. نخليك دااباا
مريم:(قبطاتها من يديها و جلساتها ) عارفة شادة فقلبك مني (جات تهضر و قاطعاتها ) أناا عاارفة غاالطة فحقك و كرهتك قبل تا ما نشوفك و لا نعرف معدنك كي دااير .. الكذوب على الله حراام .. كنت بااغى ليه مهى و لكن ربي ما كتبش و الزوااج كيفما كنقولوا قسمة و نصيب و كلهاا و شنو هزات ليه مغرفتوا .. هااذشي فهمتوا مععععطل .. أنا جيت ليوم نتسامح معاكم و نصفيوا لقلوب أنا وياك و نبداو صفحة جديدة .. ديريني بحال ميمتك يااماا قلناا لولادناا كلاام كيف السم و ياما ضربنااهم فلحظة غضب مكنبقاو نقشعوا والوا قدامنا .. و كندوزوا مدة و نرجعوا بحال لي ما وقع واالوو .. (مسحات دموعها ) تسمحيلي ابنتي و تهضري معاه ما تمشيوش و والله ماا يخصك معاياا خير .. الله يرزيني فصحيحتي تاا نديرك بحال نوال و كثر
خولة:(حسات بكلامها نابع من القلب و ناضت تبكي معاااهاا تاهي تسناتها غير كملات و عنقااتهاا ) مساامحااك والله تانتي سمحيلي يلا درتلك شي حااجة .. و سمحيلي على ديك الهضرة ديال دااك النهاار و الله ما كنت قااصداها بصح و ما فهمتش شنوو وقعلي 😭😭
خولة:(ضحكات فوسط بكائهاا و هي كتمسحهم ) كيهبطوا بووحدهم
مريم: الله .. هي نوض نبدل علياا
خولة:(بتردد ) خالتي .. نسولك و ما يبقاش فيك الحال .. سؤال عادي
مريم: سولي ابنتي
خولة: علاش جبتي معاك مهى و نتي عاارفاني انا وياها ماشي تال تم و من زمان عينيها فيوسف
مريم: نكذب عليك ؟ أنا جمعت حويجااتي و كنت جااياا عندكم نتساامح معااكم .. هضرت مع ختي شحاال و عاودتلها شنو غندير .. و مع حليت لباب خاارجة لقيتهاا فالبااب كتبكي و تشهق و طااحت علياا كتبووس و تعتااذر .. بقاات فياا و سمحتلها على لي داارت فأميرة و تصاالحوا تا هماا .. و ديك سااع قااتلي بلي اعتاذرات من كلشي بقيتولهاا غير نتووماا .. و لسقاات فياا تجي معااياا لهناا .. حيت يلا جات بوحدها مغتحلوش ليها تا البااب .. و عرفاتني عوالة نجلس معااكم و اقتاارحات عليا هااذ الحل نتجمعوا كااملين عندك و نتصاالحوا و بلي تاابث و نسات يووسف و خذاات درس من لي فاات عليهاا .. هذا ما كان أما أنا منجيبهاا ما نتوسطلها غير بقات فياا كيفااش كتبكي و تضرب فراسها ..
خولة:(تنهداات و وقفات ) يكوون خيير .. نخليك ترتااحي دااباا
خرجاات من عندهاا تلاقاات يووسف فالباب داايز قالب وجهوا بلا ميشووف فيهاا .. ساااطت و بقات شحال وااقفة كتفكر واش تمشي عندو ولا لا .. فلخر قلبات الطريق و تبعاتوا ..
كاان دااخل كيبدل عليه عااطي للبااب بالظهر .. مسفح كاامل تقريباا غير بالبوكس .. طلعااتوا و هبطااتووا بنظرة فششششكل .. عضاات على فمهاا و سداات لبااب كتمشى بالشوية تا وصلات عليه ..
عنقاتووا من ظهروا لعرياان و طبعات بووسة طويييلة عليه ختمااتها بتنهييدة خاارجة من القلب ههه .. تاا ضاار عندها كيشوف فيهاا باستغرااب ..
يووسف: شكديري ؟
خولة:(تخشات فيه معنقااه و راافعة رااسها جهتوا كتعض فشفاايفها و عينيها كيدوروا على ملامحوو بنظرة كلها إثارة ) فخبارك أنا مخااصمة معاك يااك ؟ (دوزات ظفارها على صدرو تا حساتو تبورش و ضحكات رافعة عينيها فيه ببراءة كترمش )
يووسف:(بعدلها يديها و شاف فيها بنظرة غريبة ) مزيان و لاش جايا عندي ؟
داار مبعد عليهاا و خلاهاا وااقفة كتشوف فيه و دموع دغياا تجمعوا لهاا فعينيهاا .. تبعااتوا و جرااتوو من يديه تاا لجهة الناامووسية و هو غير متبعهاا فهبالها .. تاا دفعاتوا بيديها بجووج و طااح متكي على ظهروا و طلعات جلسات فووق منوو ..
خولة : اليوم ما فهمتش شنو وقع لياا .. جااني وااحد الاحساس فششششكل .. بحاال شي بنيتة صغييرة منين كتعطيهاا الشكلاط و يالاه كتمد يديهاا تااخذوو و كتعااود تحيدولها و تمشي ..
أنا براسي ما عرفتش شنو وااقع معااياا .. عجبني لوون لا غير و كنت غير كنضحك مع صاحبتي و صافي ما نويت فيها واالوو .. هضرتنا ديماا مفشكلة انا وياها .. والله ما شفت فيه تاا كيدااير و تخيلتك نتاا بدووك اللوين دالعينين ..
نتاا عاارفني عمري شفت و لا نقدر نشوف فغيرك .. حيت نهاار لول ما بغيتش عوينااتك (تحنات باستهم )و ما بغيتش حنيكااتك (دوزاات عليهم شفاايفهاا ببطئ مغلغلة يديها فلحيتوو و نزلات عينيهاا لشفاايفوو بنظرة متعطشة .. و رجعات رفعاات نظرهاا فعينيه لي متبعينهاا بذهول و إنصات .. تحناات عليه كتقبل فثغروا بشهوة لسقاات عليهم تمصمص و تعااود بحال يلا فيهم العسل و ما قاادرااش تبعد على حلاوتهم ..
تاا هو مخليهاا دير لي بغاات و عاايش معاها اللحظة .. صدرو كيطلع و ينزل بوثيرة سريعة نوضاات فيه الهواايش عااد حبساات .. حااطة جبهتها على دياالوو مبتااسمة كدوز بلساانها على شفاايفهاا ..
يووسف وسع عينيه فاش تحناات لجهة عنقوا و خشاات وجههاا كتشم ريحتوو بحاال شي مدرووكية .. كطلع نفس من أعماااقهاا و مبتاااسمة و هو راافع رااسو للوور و مبعد شوية مبوورشااه بحركااتهاا ... عجبااتهاا لحيمتوو و تحنات عضااتوو بالجهد تاا غوت و هي بعداات كدور فعينيهاا و الضحكة فالتة ليهاا
خولة: نتاا لي لذيييذ 😋 سووري
نزلات بظفاارهاا بحركة جد بطييئة لجهة قلبوو و حبساات
خولة: نهاار لول بغييت هذاا .. و بيني و بينك ما كان لا حب لا زعتر غا بغيت غير نرد الصرف و نفقصك تاا لقيت رااسي طايحة فيك من راسي لرجلي هههه قلبي ولد الحرام تجبد عليك جبداا وحدة تاا تلاقى مع الكبدا و هيدا الحب كيبداا (نزلات عليه كتبوس فيه بوااحد الطريقة تتهيج و تتذوب .. لحموا وقف بوااحد الاحسااس غير جمييع المراات تاا حبساات و شاافت فيه عينيهاا كيبريو ) نتاا ضريتيني فحنااكي و غوتتي علياا و أناا مااشي لخااطري ماا فهمتش ماالي ماا فهمتش .. نتاا خاايب و قبيح و هيمااجي (نعسات عليه كتبكي و ضرب فيه بيديهاا مغذذة و تشكي فلخر قاتلوا ) غننزل كيفماا بغييت يااك دااري و نتاا ما سووقكش فياا ياالااه 😭
يووسف:(بقى غير كيشووف فيهاا و فلخر بعدهاا بالشوية و وقف )
خولة:(شاافتوو مااشي جهة دالبلاكار و نزلات شناافتهاا ) فين مااشي مخليني 🥺 (حيدات الفراشة و تبعاتهاا السوفيطمة تاا بقاات غير بالسوتياام و شورط قصيير فنص دالفخاذ ) بغيتك دااباا هنهنهن
خولة: ما كليت واالوو (شاافت فيه ) خليتيني بالجووع 😒
يووسف: أنااااا
خولة: لا أناا .. شربت غير احح (دوزاات لساانهاا على فمهاا و تقلبات لبكية لابتساامة ) امممم
يووسف: غير ااش نطقي !!
خولة: احح اللييموون و شربتيلي دياااليي (شيرات عليه بخذية ) بغييت ليييموووونييي 😭
يووسف:(بهضاتوا ) وااش حالفة تحمقيني ليووم و لا مالك ؟
خولة:(ناضت تبكي ) تتغوت علياا !!!!
يووسف:(بقى غير كيشوف فيها سحابلوا غير كضحك تاا بانت ليه كتشهق و ترعد عااد طاار عندهاا تيسكتهاا و عقلوا كيحااول يستوعب ماالهاا ) بغيتي غير الليمون أناا نجيبوولك و صاافي احبيبة برااكة من البكى صاافي
خولة: هءهء يكوون عصيير
يووسف: وااخاا نصوبولك عصير
خولة: و بلا سكر (بعداات عليه و دوزلت على لساانهاا مغمضة عينيها كتبنن ) و فيه دووك حبيباات طواال لي تيلصقوا فالجنااب اممم
يووسف: صاافي واخاا
خولة:(مسحات دموعهاا و ربعات رجليها ) و متعطلش
مشى لبس عليه حواايجوا دالداار و نزل للكوزينة كينكر فنفسوا على هاذ النهار لي بااين من صبااحوو .. لقى مريم وااقفة تماا كطيب الغذااء و حدااهاا مهى جاالسة فوق كرسي داايرة رجل على رجل بكسيوة سميطاات هاابطة لحد فخااذهاا ..
حدوا لمحهاا فاش كان دااخل و قلب وجهوا .. غادي للتلاجة جبد ليموون كيعصروا و يسمع لمريم لي كتسولوا على خولة .. تاا كمل و داارولها فقرعة كبيرة و تم خاارج .. عااد قالها
يووسف: خولة عيانة ليوم شوية .. رااه نعساات غير بلا متسنااوهاا و تغذاو
مريم: و نتاا أولدي
يووسف: انا كليت غير بالصحة ..
طلع لعندهاا لقااهاا نااعسة على كرشهاا و هاازة رجليها كتلعب بيهم و تدندن .. مدة و هو حااضيها و متبع حركااتهاا و عينيه على جسمهاا لي تقريباا كولوا عرياان .. تاا ضاارت بالصدفة و لقااتوا وااقف مكرواازي رجليه فالجنب و ابتااسمات تاا تغمضوا عينيهاا و باانوا غماازااتهاا بملامح طفوولية و نبرة حنيييينة هضرات
خولة: جيتي 😄 عطييني عاافااك
حيد التيشوورت و تلاح حدااهاا عطااها القرعة و حااضي ملامحهاا كي كيتبدلوا و كي كتمصم فمهاا و تعوجووا من الحمووضة و الاصواات العجيييبة لي كتطلق .. حاال و أحواال
خولة:(شافت فيها ) تااخذ
يووسف:(حرك راسوا بلا ) تء
بقات شحال كتشرب و فلخر سدااتهاا و حطااتهاا جنبها فووق الكواافووز و ضاارت عندوو كتشوف فيه شي شووفاات دلا حول ولا قوة الا بالله .. جابت ليه الضحكة و الدهشة و كلشي تخلط عليه ما بقى فااهم رااسوا من رجلييه .. تاا لقااهاا تلاحت عليه كتطفي شوقهاا منوو .. بقاات تاا شعلاتوو و تقلب عليهاا كمل لي بداات ...
💫 بعد سااعاات 💫
بيت مظظظلم و كل حااجة فين مليووحة فقنت تقوول داازت عليه الحرب .. نااعسين كالعاادة مخشيين فبعضياتهم .. لكن سرعاان ماا بدات خولة كتحرك بالجهد و تكمش وجههاا و تأنن و صوت بكااءهاا كيتسمع ناازلين دمووع من جنااب عينيهاا .. تاا فيقااتوو مخلووع .. كيطبطب بالشوية عليهاا و يحااول يهديهاا عااد تفيق .. بقاات هكااك شحال و هو كيقراا عليها القرأن تاا هدناات و فاافت فالبلاصة مفجووعة و طاارت عليه عنقااتوو كترعد و هو كيدوز على ظهرهاا
يووسف: ما وقع واالوو غير كتحلمي .. قولي اعووذ بالله من الشيطان الرجيم
خولة: أعوذ بالله من الشيطان الرجيم
يووسف: شنو حلمتي ؟
خولة:(شافت فيه ) حلمتك تزوجتي بمهى و أنا زعماا حااضرة فعرسك و مشيت نباارك ليك و قتلك سمحلي جااني هااذشي على غفلة و ما جبت تا حاجة فيدي .. رديتي علياا بلي نتاا خليتيلي أحسن كادوا نتفكرك بيه .. و مشيتي كتشطح معاهاا .. مخليني كنقولك .. بلي كادووك ضااع و مشى ما وليتش لقيتوا .. تاا حسيت بشي يد جرااتني و رمااتني للزنقة و فلحظة ضااروو بياا الكلااب كلهم كووحل و كبااار و جاايين جيهتي كينبحوا بصوت كيخلع و أناا هاربة كنطيح و نوض و نبكي .. (شافت فيه ) هااذشي لي عقلت عليه
يووسف:(تنهد و عقلوا تشوش .. ابتااسم لها باطمئناان ) ما تخاافيش حلمة ديال مور العصر غير الشييطاان .. نسااي
خولة:(عنقااتوا بقوة حااساه كيلعب لها فشعرها لي بااقي فازك شوية ) سمحتيلي يااك ؟ مغتخلينيش واخاا شنو ماا وقع ؟
يووسف: واعدتك من قبل .. ارتااحي .. ما تفكري فواالوو هااذ السااعة
بقااو شحاال سااكتيين و كلهاا تيفكر فجيه .. خصوصاا خولة لي بااقي مأثرة عليهاا و حااسة بذاتها كااملة كترجف ..
يووسف: شوية دااباا ؟
خولة: وي الحمد لله .. كيفما قلتي غير الشيطاان كيوسوس و صافي .. ما عندو ما يوقع
ناض تاا هو يلبس عليه .. مدة و خرج لابس كندوورة فالكحل جاايااه كتحمق .. البلدي كيوااتيه و يبيني فورمتوا هاائلة .. رش ريحتوو و وقف كيقااد فشعروو .. و خولة فااتحة فيه فمهاا سطااهاا .. تاا حسااتوو سد ليهاا فمهاا كيضحك
يووسف: سدي فمك .. المووت كدوور (غمزهاا )
خولة:(رمشات فيه ببراءة ) حبقلبي 🥺
يووسف:(حرك رااسو بمعنى ااش )
خولة: وااخاا تعطيني تيليفونك (غمضات نص عين كتشوف رد فعلوا )
يووسف: بااقي عندك الوجه تقوليهاا
خولة: عاافااك 🥺
يووسف:(جبدوو و لاحولهاا جاا فووق النااموسية ) مهم راك عاارفة بلا ما نهضر
خولة: صاافي .. مااحح علييك
خلاهاا و نزل لتحت لقى غير مريم جاالسة فالسيجور شااعلة التلفزة كتفرج .. جلس حدااهاا كيدور عينيه على مهى .. فهمااتوو قبل ما يسول
مريم: طلعات تا هي قبيلة تنعس شوية .. باقي ما نزلات ..
يووسف:(حرك راسوا بالايجاب ) و نتي كي بقيتي ؟
💫💫 خولة 💫💫
تسنااتوو مشى و طلعاات الريدو و جلساات مربعة رجليهاا دوزاات لابيل لالة سعاد .. بقات كتسنى تاا قبط
خولة: ألوو
هااجر: افيين ...
خولة: هاجر ؟ سيري الله يااخذ فيك الحق ياا بنت الحراام خرجتي علياا الله يلقيهاا لك كحلة زحلة بغيت غير جووح يشدووك و وااحد يخلي داار بووك ياا شعاالة العواافي
هاجر: تف تف الله ينجيني .. وااش قبيلة راجلك و داابا نتي ؟
خولة: رااجلي !! ااش وصلك ليه !!
هااجر: نزلت عند ماماك و عيطتلك من عندي لقيت تيلي طاافي و عطاتني نمرتوا عيطت غير قتلوا أنا شكوون .. طلااااني .. غرقت فبلاصتي .. ما خلالي غير لي نسى .. خليني بلا ما ندعي فيه
خولة: حووح فيك اوجه النحس دوزيلي مااماا
لالة سعااد: ألوو !! كيبئيتي كيبئى راجلك ؟ رجعتوا و لا بائي ؟
خولة: رجعناا لباارح فالصبااح .. لاباس عليه يسول فيك الخير .. و أناا شوية دابا هاذ السااعة
لالة سعاد: علاش ماالك ؟
خولة: قتلاتني المعدة الصباح كاامل و أناا كنستفرغ .. و رااك عاارفة مكنقدرش و كنمرض .. قلبي غيخرج من بلاصتوو .. و تاا دااباا حاابسااهاا بزز و رااسي كيفتل بالدوخة دالطريق .. تفوو ما بغااتش تحيد مني .. و زاادت حمااتي و ديك بنت ختوا جاايين جاالسين عندي فالداار بغييت نمووت بالفقصة .. كتقااد من هناا تعوااج من هناا .. و بااش تكمل و تتقااد نييت حلمت واااحد موولااتي حلمة نوضااتني مخلوعة و دموعي شلال .. قلبي تزير حااسة برااسي بااغاا غير نبكي و نفسيتي مأزمة تحت الصفر .. و فياا الجووع و ما قاادرااش نااكل .. مشهية شي حاااجة شنو هي ماا عرفت .. هلكت مساارني بالليموون ييخ يكوون هو السباب فزمر دالمعدة زعماا ؟
خولة: ياااك 😭 أصلا عاادي أنا تا وااحد ما بقى كيبغيني .. سمحيلي صدعتك ..
قطعاات عليهاا و خشاات رااسهاا بين المخااذ كتبكي و تقوول ماا بكييت .. تاا حساات بقلبها طلع و نااضت كتجري للدووش .. مدة و خرجاات وجههاا صفر و شاادااها الدووخة و البكية و كلشي مجمووع عليهاا .. لقاات 10 دلي زاابيل من عند سعااد و جلساات كترد النفس عااد قبطاتهاا
خولة: شنوو ؟
سعااد: من نيتك ابنتي ؟ غير كنت كنضحك معااك الحبيبة وااش كااين شي حد كيئنط من بنتووا لكبيدة دياالوا
خولة: واخا واخا .. تلفتيني يغيت نقولك تطلعي عندي نتي و بابا هاذ السيمانة نشبع منكم شويا و تاا لالة ملاك و نزهة يلا بغااو
سعاد: علاش فين مااشية بالسلامة باش تشبعي مناا ؟
خولة: نسيت ما قتلك يووسف جاتوا خدمة ففرنساا و راه كيفكر يمشي ..
سعااد: اوييلي
خولة: والله فالصبااح عطيتوا لبااس و مشى يجبد دوموند دالفيزاا و ديكشي لي غنحتااج .. و قبيلة كاان كيهضر مع صااحبوا بااش يسول ليه تماا شنو لورااق لي نحتااجوا بااش نديروا العقد عندهم الخ .. ما كنظنش كيضحك رااه عواال 80% يمشي ..
سعااد:(صدماتها ) وااخاا أناا دااباا غير يدخل باباك و نهضر معاه غذاا و هاا حناا معااك .. ختك نخليهاا مع جدااتك .. غير غيتعدبوا فالطريق و يتقلوناا .. ما كينااش الطونوبيل انجيوا غير فالتراان
خولة: صاافي وااخاا .. شدووه فالصبااح و توصلوا فالعشية ولا مور لغذااء لمهم .. أجي شنو غذاا بعداا ؟
سعااد: ياا ودي ياا ودي .. الجمعة ابنتي الجمعة
خولة : ايواا قولوهاا لعبدوو يجيبكم بلا عذااب منهاا مراتوا تشووف عائلتهاا و منهاا نشوفوا تاا هو .. من زماان ماا تجمعناا
سعااد: امم فكرة و لاهيلا .. ايواا صافي نهضر مع الشريف .. نتاافقوا و نسولوه يلا مساالي رااه يجي معانا ان شاء الله
خولة: اووك ان شاء الله .. أنخليك دااباا ننزل حدااهم
سعااد: صبري صبري .. و يااااااك تم وياااااك تخلي حواايجك حدااهم و بيتك ديماا مطرق دخلوا بالساروت و خرجوا بيه .. هاانا فين قلتهالك ديري احتيااطك ...
خولة: كوني هاانية هااذشي بلا وصااية ..
سعاد: الله المعين .. سلمي على كلشي
خولة: يسلم عليك الخير
جمعات لبيت كاامل ما خلات تا حاجة مليووحة و طرقااتو بالساروت عااد نزلات عندهم مبسمة لقاات كااسكرووط محطووط و غير هماا بجووج .. جلساات حدااه و دور عليهاا يديه
خولة:(بهمس ليه ) غذاا يمكن غيجيو عندناا يااك ما عندك تا مشكل ؟
يووسف:(ابتاسم لها ) مرحباا بيهم
خولة: و راك عاارف أول مرة غاادي يدخلوا لداارناا .. بغيت نخرج غذاا ندوور و نتسوق على ذوقي
يووسف: اووك غذاا نوصلك فينماا بغيتي
خولة:(ابتااسمات ليه )
دوزوا عشيتهم مجمووعة مرة كيتحذثوا مرة سااكتين و كيتصنتوا لاأخباار تاا طااح الظلام و كلهاا شد بلاصتوو .. تاا من مهى ما باانتش ليهم العشية كااملة و تااحد فيهم ماا ولا سول عليهاا .. داارت فيهم خير أصلا ..
🌞🌞 يوم جديد 🌞🌞
من بعد ماا هضراات لالة سعاد مع راجلهاا و تاافقوا مع عبدوو لي ما كاان عندوا حتى إشكاال تاا من نوال رحبات بالفكرة .. فطروا مجمووعين عندوو فالداار و انطاالقوا فرحلتهم ..
أما خولة فرااه فااقت مسكينة على نفس الحاالة عااود غير لفرق يووسف كاان حااضر و تخلع عليهاا .. طمنااتووا و سكتااتووا بالمعدة ..
نزلوا كاان كلشي بااقي نااعس وقفاات كتوجد لهم الفطوور و هو معااونهاا من هنا لهناا تاا كملوا .. خلاتوا كيااكل و طلعاات لبساات عليهاا .. علموا مريم بلي خاارجيين .. و أمنوها على الداار و خرجوا ..
وصلهاا لسوونطر فيل و نزلات بالكشيييفة بااش خلاهاا بووحدهاا .. كن ماا صوونااش ليه تيليفون بشغال ضروري .. مستحيل يخليهاا .. يمشي رجليه على رجليها .. تاا هي فرحاات منين تفكاات بلا ما يعيق .. بااش تا يلا كان بصح حمل .. تخبروا بمفاجأة و طريقة أفضل بكثير ..
دخلات للعياادة هضراات مع لي مكلفة بالاستقبال و جلساات فالانتظاار كاانت الدنيا خاوية من غير وااحد الكووبل مقابل معاها .. جاالسة مرااة بكريشتهاا مكورة قداامهاا بااينة قربات تولد و حداها رااجلهاا كيهضر معاها و مرة مرة كيضرب بصبااعوا بالشوية بااش يحس بالاستجاابة دالجنين و تيضحكوو بفرحة ..
لا إرادياا حطاات يديهاا على كريشتهاا و ابتااسماات كتخيل رااسهاا هي ويااه فموضعهم كيتسنااو بنتهم ولا ولدهم و فرحاانين بأول جنيين .. و هو كيفششها و يدلعهاا .. مجرد التمني خلى شعر لحمهاا يوقف و تبوورشاات لدرجة عينيهاا دمعووا .. و حنات كتشوف فيهاا مبتااسمة ..
خولة: إن شاء الله ..
تسنات نوبتهاا و دخلات مثوثرة .. سلمات على الطبيبة لي كانت مبتاسمة لهاا ابتساامة مطمئنة ناابعة من القلب ... شرحاتلها حالتها و شكووكهاا .. و ناضت معاهاا لغرفة الفحص بالايكوو .. تكاات فبلاصتهاا عرات كريشتهاا و فتحاات السنسلة دالسروال منزلاه شوية ..
جبداات طبيبة لاباراي و داارت عليهاا الجيل .. حطااتها فوق كرشهاا كتبرك عليهاا مزيااان و تنزلهاا لجهة رحمهاا .. لتحت عند منطقتهاا و ترجع تطلع مرة أخرى .. مركزة فالتلفاازة و خولة حااضياها و كتشوف معاها .. تاا ابتااسماات و قاتلها
الطبيبة: مبرووك علييك .. حااملة ابنتي
خولة:(فرحاااااات و غرغروا عينيهاا بدمووع الفرح و السعاادة شاافت فالتلفزة بلهفة ) فين هو كااع ما بااين لي ؟
خولة: يااا ربي يااا ربي الحمد لله (غمضات عينيهاا تا طاحوا دمووعهاا و شاافت فيهاا ) نقدر نسمع دقااتوو .. و تسجليهم لي هماا و حركتوو ففيديو نوريهم لراجلي
طبيبة :(حركات رااسها بالايجااب ) أكيد .. مرحباا
بركاات على وااحد البووطوون فالجنب و تسمع صووتهم فالبااف مجهديين و سريعين .. كيتعااودوو فوذنين خولة بحاال شي مووسيقى زويينة .. بحال شي حااجة مالووفة عندهاا .. كتصنت ليه بحب و حميمية و أموومة ..
دق دق دق دق دق دق دق دق دق دق دق دقدقدقدقدق
حساات بقلبهاا وقف معااهم و تزاادوو دقااتوو بسرعة كبيييرة دمووعهاا زاادوو نزلووا و هي كتسمع ضرباات قلب جنينهاا الصغير .. الحلم لي من زماان و هي كتسنااه .. القطعة لي جمعاات منهاا و من معشوقها و نصف قلبهاا .. كتشووف فالتلفاازة و تزيد تأكد وااش هااذاا كبدتهاا و ولدهاا هي .. دااباا غتولي حتى هي أم و بعد اشهر قليلة غتحملوا بين يديهاا هكااك صغييور ..
غطاات يديهاا بين كفووفهاا كتبكي بفرحة من الاحساس القوي لي غمرهاا .. احسااس ماا قدرااتش توصفوا بالكلماات .. احسااس عجز لساانهاا عن البوح بيه .. احساس ترجماتوا و بينااتوو من ملامحها لي وااضح عليهم التأثر .. من دمووعهاا لي ناازلين بغزاارة .. من شفاايفهاا لي كيترعدوا و هي كتردد " ولدي ديالي " .. من لحمهاا لي مبوورش ..
حاالتهاا و ردة فعلهاا خلات الطبيبة بدورها تبكي معاها و نااضت ضماتهاا عندهاا بقوة كتباارك لهاا .. كاانت إنساانة من وجههاا بااينة طيبة و بشوشة و داات و جابت فالزماان شحاال ..
بعد هااذ اللحظاات التي لا تعوض بثمن و من بعد ماا برداات مسحاات كريشتهاا و خلاتهاا تقااد حواايجهاا و تتبعهاا للبيرو ..
خولة:(عااد تفكرات قبيلة بالفرحة غفلات على الموضوع ) شهراين ؟ و لكن أنا قبل بشهر و شي أيام كان جاني نزيف و مشيت للطبيب .. لكن ما قالتناا واالوو
طبيبة : متأكدة من كلامي أبنتي عندك شهرااين .. ماا عرفتش هااذ الطبيبة كي داايرة و شنو تخصصهاا .. على العمووم .. النزيف كاان ممكن يسبب فالاجهااض لا قدر الله .. لذلك بعدي فهاذ الفترة غير على ما دوز 3 اشهر على الأقل .. على الاعصااب و اي حااجة تقلقك .. على الثقل و الحركة السريعة .. و الله يثبث حملك .. غنعطيك هااذ الدواايات بقااي تشربيهم بانتظاام غيعااونوك .. مجرد فيتاامينات .. و هااذوو تحااليل ديريهم و الحصة الجااية ان شاء الله جيبيهم معااك
خولة:(ابتااسمات لهاا ) وااخاا شكرا بزااف
الطبيبة: العفو .. مبرووك عليك أحبيبة
خولة: الله يباارك فيك
خداات الريشيتاا ديال دوااء و التحااليل و الفيديو و التصااور دالايكو .. خرجات للاستقباال و خلصاات و خرجاات فرحاانة ما قاادرااش تجمع فمهاا من الضحك و عينيهاا كيلمعووا بفرررحة كبيييييرة .. حطاات يديهاا على كريشتهاا كتقلد صوت الاطفاال
خولة: نعيطوا لباابيتوو نفرحووه يااك أ مااميي 😍 (ضربات على جبهتها ) و لكن بابيتو هرس تيليفون خخخ
خرجاات من تماا لأول بنكة بانتلهاا جبداات كاارط كيشي و تيراات لفلوس لي غتكفيهاا .. داازت لمحل ديال التيليفوناات .. اختاارت وااحد و خلصاتوا ب 1000 درهم تعدي بيه على ماا يشريهلهاا ( هاذ جوج غير كيهرسوا فالتيليفونات كن غا عطاوهوملي يخليهم بالخلى 😒😂 )
ركباات كاارط جديدة معبئة .. أكتيفات الأنترنيت و دخلات الواتس هو لول من بعد ماا قيداات نمرتوا لي حاافضاها عن ظهر قلب .. و دوزاات ليه أبيل فيديو .. بقى شحاال كيصووني و مكيجااوش .. تاا طلعلها مسج من عندو
يووسف: شكون معايا ؟
خولة: خووخيتاا ههه جااوبناا خلاص و نتاا داافع كبيير
يووسف:(سيفطلها بوسة فالهوااء ) love of my life " حب حياتي "
خولة:(ضحكاات و قطعاات عليه معنقة تيليفون ) الناس صاابحين روماانسيين هههه
كملات دوراانهاا .. لي فتاتحاتوا بباتيسري دخلات و شرحااتلهم الشكل دلاطاغط كيفااش بغااتهاا تكوون كدل على طفل صغير جااي فالطريق .. يكونوا مقاادين فووقهاا سكااتة و بيبغوون مهم بحال ديك الشكيلات ..
تاافقات معاهم على الوقت و كااع ديكشي لي بغاات و خداات بلاطوياات دالحلوة لعائلتها لي غيجييو .. شكلات من الماالح و الحلوو .. اختاارت لي عجبهاا و خلات لهم كلشي تاا ترجع من بعد ..
كملات طريقها لقات محلات دالوليداات الصغاار .. ابتااسمات بحب و فرح و دخلات كدوز يديهاا عليهم .. على ملمسهم الرطب و تشم رويحتهم و تتخاايل رااسهاا مستقبلا ... باانلهاا سبيبط مزوين و صغييور بزاااف هزااتوو فيديهاا حمممقهاا .. ماا خرجاات من المحل تاا شراات كااع لي طااحت عليه عينيهاا و عجبهاا شكلوا ..
هزاات جووج دلي سااشي و تفكراات لي سااشي دالحلوياات و ما الى ذلك .. خاافت تقل كثر خصوصاا كلام طبيبة وااضح و آخر حااجة تجي لبالهاا يوقع شي حااجة للجنين بسباابهاا .. ضرباات فالخشب و جرات وذنها شوية
خولة: بعيد لبلا و البااس ..
تمشاات بالشوية عليهاا و مركزة فخطوااتهاا تاال وااحد الكاافي باانتلها محترمة و شكلهاا كلااس و بااين زبائنهاا شكون و شكون غير من الطونوبيلات لي فالباب .. شي لي خلاها تزعم و تدخل .. خداات بلاصتهاا و جلساات ...
شاافت فالسااعة بانتلها باقي ساعتين على الوقت لي داارت معااهم .. تنهدات بفرح و هزات يديهاا .. طلباات حليب مع كريب بالشوكولا .. و جلساات كتمنضر .. و فنفس الوقت جاات لباالها الحلمة ..
دخلات لغوغل و كتبات " تفسير العرس في المناام " طلعولها بزااف دالمقالات دخلات لأول وحدة " العرس فى الحلم له تفسيره غير حميد، فقد تكون حالة وفاة او "
ما قدراتش تكنل لقرااياا و قلبها تزير فاش شافت ديك غير حميد و وفاة .. خرجات بالزربة و سدااتو
خولة:(غمضات عينيها و تنفسات مزياان ) ما عندوو ماا يوقع .. كيفما قال يوسف الحلمة دالعشية غير الشيطان كيوسوس .. كل الأمور تحت السيطرة (حطات يديهاا على كريشتها ) يااك أ ماامي
القسمة والنصيب الجزء العاشر
محتوى القصة
التنقل بين الأجزاء