القسمة والنصيب الجزء السابع

من تأليف خولة الغريب
2019

محتوى القصة

رواية القسمة والنصيب

💫💫 عبدوو 💫💫
من بعد ما تسالات الحفلة أصرت لالة ملاك عليهم يبقااو معاها هاذ السيمانة على ما يمشيو عند عائلة نوال .. 

بحكي و رد .. جلسات معاها لالة سعاد .. فحين هااجر و نزهة و الأب مشااو على ود القراياا و الخدمة .. أما حتى عبدوو ما عندووش إشكاال .. كيغيب نهاار كاامل حتى ليل و يمشي لبيتوا ما كيشوفوهش حتى الشوفاان .. 

و كالعاادة من بعد يووم متعب طويييل دااخل مساااااليي .. يالاه غيطلع لبيتو و سمع لالة ملاك من سيجور كتعيط ليه .. تمشى جهتهاا .. كانت جالسة بلبااسها التقليدي و مقاادة على حق و حقيق .. تحنى باس لها يديهاا و جلس حدااهاا .. حاط الكونطااكط و تيليفون فوق طبلة و متكي على الحيط مغمض عينيه ..

لالة ملاك :(دوزات على شعرو بحناان ) عيتي الحبيب 

عبدوو:(فتح عينيه حووومر ) غير ننعس و نرتااح الزين ديالي ما ديريش فباالك 

لالة ملاك : هييئ على ما نديرش فبالي !!! و شكون يتشوش عليك .. (عوجات فمها ) ولا جات لي تعمر بلاصتي 

عبدوو:(غمض عينوا و رجع فتحهاا بقلة صبر من هااذ الموضووع و تنهد بالجهد سااكت ) 

لالة ملاك :(كملات) كن كاان فيها الخير .. تبئى (تبقى) معااك هااذ الياامات و تشووف ماالك و شخااصك .. و هي ماا صابت هزات ئلووعهاا *قلوعها* و طاارت تئول *تقول* أنااكلووهاا تبئييستر *تبقيستر* 

تسمع صووت تيليفوونوا كيصوني و طلعات تصويرتهاا كااتب فيهاا my all ❤ و رجعات عوجات فمهاا .. 

لالة ملاك:(بهمس~ ذكر الكلب و وجد الزروااطة ) 

عبدوو:(سمعها .. و تسناها حتى قطعات و حيد الصوت و قلب تيليفون على وجهوا .. ربع يديه و هز حااجبوا فيهاا ) كيقولوا الميمة .. ابن الحلال عند ذكروا بيباان (غمزهاا ) 

لالة ملاك : ايواا شلى 

عبدوو: داابا غير بيني و بينك .. شنوو لي ما عجبكش فيها تال هااذ الدرجة ؟ و نتي يالاه مرة وحدة لي شفتيهاا !!؟ 

لالة ملاك :(تقاداات و هزات يديها كتشاالي بيهم و صووت دمالجها كيتسمعوا كيتقرقبوا ) لي سبئك *سبقك* بليلة سبئك بحيلة اولدي .. بلا ما دير واالووا ما تسرطااتليش كيفاش كدور فعينيهاا و تتصرف .. (شيرات لحلقها ) وحلات لياا هناا .. و نزيدك نااس زماان ئاالووا .. دووز على الوااد الهرهوري و ماا دوزش على الوااد السكووتي .. (داارت صبعها ففمها و علمات فالحيط ) و هاناا فين ئلتهاا يلا ما خرجش منهاا العجب ها أنا ها نتاا .. 

عبدوو:(جبد شعروو شوية ينتفوا معاها ) داابا هااذشي كاامل حيت سكوتية و دااخلة سوق راسها ؟ كن كانت شي شطاامطااطة تهضري معاها بكلمة تطليك بعشرة غتفرحي ديك سااعة و ضربيلهاا ألف حسااب يااك ؟ 

لالة ملاك: ايواا لهلا يحييهاا و يطول زماان عليهاا هااذ بنت المرااة لي تتهز و تحط علياا مزياان تباارك الله هااذشي لي بئى *بقى* و لا ئد *قد* الئب *القب* ئد السطل هاهاااي 

عبدوو: شفتي نتي بربي حتى هزيت يدي عليك ما عرفنا منين نشدووك .. (شربن) يااك أنا لي مزوج بيهاا ماشي نتي ايواا صاافي هنييناا 

لالة ملاك: غير المعزة لي كتهضر أماا عووم فبحرك و كيفما كنئولوا ما اغلى من الولد غير ولد الولد .. و نتاا رااك ولد الغاالية .. كن من لول تشااورتي معاياا نجيبلك لالة لبناات .. (دورات وجههاا عليه و كملات) حتى دااباا يلا بغيتي طلئها *طلقها* و نجيبلك لالاها لي تهنيك فراسك مااشي تزيد مشااكل على مشااكل .. 

عبدوو:(خرج عينيه فيهاا و هي كتهربهم ما باغاش تشووف فيه .. حتى وقف هز شغاالوو و زااد خاارج .. لكن قبل وقف و داار عندهاا راافع سباابتوا فوجهها ) 

~ قسما عظماا و بااش كيحلفوا الرجاال و نعااود نسمعك قلتي عليهاا نص كلمة نااقصة فوجههاا و لا فظهرهاا و لا هااذ الهضرة دالزبل .. بربي ماا تعااودي تشووفي وجهي و لا تشوفيه .. هاني حلفت و ديري نتي لي يسلكك ..

(خرج و زدح عليها البااب حتى تسمعاات فالريااض كاامل و طلع لبيتو كينكر ) 

~ طلااق قااالك لا مزيااان هااذشيي لي نااقصنيي و لاهيلا تسحر مع البرااهش تصبح فااطر تفوو 

لالة ملاك:(رجعات صفرة و خاافت يديرهاا لها قد فمهاا و جلسات مكمشة كتفكر و تبلاني غير بوحدها )

💫💫 نواال 💫💫

متكية فبيتها و هاازة تيليفونهاا فيديهاا .. كتصووني على عبدوو حتى كيقطع و واالوو لا حس لا خبر ... شي ثلاثة دالمرات .. فالأخير تعصبات و لاحتوا من يديها فوق الناموسية .. 

نواال: اوااخا ابا عبدوو دابا ترجع تعيطلي و نتفااهموو 

سمعاات صووت الدقاان فالبااب و تقاادات جاالسة و بصوت هاادئ قاالت .. 

~ دخل 

تفتح الباب من طرف الأم مريم و دخلات جلساات حدااهاا .. دوزات على حنكها بحناان و دموع فعينيها

نوال: ماما ماالك ؟ 

مريم: غتخليي بلاصتك ابنتي كبييييرة و تمشيي .. حااسة بقلبي غيخرج من بلاصتوا على بالك ؟ الفرق ماشي دسااعة و لا جووج .. سبعة ابنتيي سبعة (حناات راسهاا كتبكي و معنقاها بقوة) ما يجمعها غير لفم منقدرش منقدرش 😭😭

نواال:(جابتلها البكية حتى هي على سبة بدات دمع معاهاا و معنقااهاا ) 

بقااو مدة هكااك عااد بعداات كتمسح دمووعهاا و كتبتااسم .. 

مريم: قلبناها جناازة هناا .. أصلا هاذي هي سنة الحيااة و فوقما غاذي تتوحشيني اتجي عندي يااك ابنتي ؟ (كتحاول تقنع راسها بهاذ الهضرة )

نواال:(حركات رااسها بااه ) و كل نهاار نعيط لك أبيل فيديو غير تهنااي احبيبتي 

مريم:(باستها فرااسها و طولات فيهاا ) الله يرضي عليك ابنتي .. سمحيلي بزااااف يلا درتلك شي حااجة شي نهااار .. كووني أكيدة فووق خااطري .. وااش كااينة شي أم ما كتبغيش الخير لولادهاا و تشووفهم أحسن نااس .. أكيد لا .. سمحيلي بزاااف الحناانة

نواال:(حركاات رااسهاا بلا و زيرات عليهاا ) ما هاازاش فخااطري منكم نهااائياا .. مسامحاكم دنيا و أخرة الله يحفضكم لياا و يطول فعمركم 

مريم: أميين ياا ربي أميين .. نجييو للصح دااباا و فتحي وذنيك معاياا مزياان منبقااش نعااود هضرتي 

نوال: شنوو ؟

مريم: غتنووضي و تتوكدي و ماا تبقاايش منوونخة لياا هناا الله يرحم بيها الواالدين .. كووني عاايقة و فاايقة بحاال خووتك .. دااك السكاات و حنياان الرااس ماا مزياانش بزاااف .. غيركبووا علييك و نتي لي غتوحلي .. و نهاار تهضري تتسمااي ما تسوااايش و لفعة و زيد و زيد .. على هااذشي نهاار لول يمووت المش .. اتجمعي رااسك و توكدي و لي خشاالك كلمة رديهاا بعشرة ما تحشميش .. 

نواال: أويلي امااماا وااش أناا غااذية نتحاارب !!! 

مريم: رااه هضرت معااك .. لي حشموا مااتووا ..
بقااي هااكاا حتى فلخر يعطيو مك صبع و يحرتوا على طااسيلتك .. كوني مرااة و قاادة .. لي داار معاك لمزياان مووتي معااه و لي خرج للعيب عطيه علاياش كيقلب .. و ما تيقيش فدااك الحب دجدرياال .. رااه كااملين كيبدااو كنبغيك و نتسطى عليك .. و غير دووز سبعياام دالبااكوور كيتقلبوا .. متعطيهش وجه و خليه ديماا متشوق لك و تاابعك .. و شحاال ما قدرتي تجبدي منوو و ديري تحتك جبدي .. ما تعرفي شنوو يوقع .. دنياا و زماان هذا ... على الأقل تلقااي تحتك شي بركة .. 

نواال: وااخاا أمااما ما يكون غير خااطرك 

مريم: هااذشي ماشي لخااطري .. هااذشي لمصلحتك .. الداار من لول شرطي عليه تسكني بووحدك .. ويااك تم ويااك تسكني مع داارهم .. شحاال ما كنتي عزيزة فلخر غتولي ما تسواي ما تصلحي .. اللهم تيقاار .. نتي ما تدي عيبهم و هما كذلك .. 

نواال: أصلا عندوو دااروا غير ما كيجلسش فيهاا .. و داار معاياا قبل من العرس نمشي نشوفهاا .. باش نقاادو ديكور و شنو نبغي نبدل الخ .. 

مريم: امم مزياان .. حااجة اخرى .. عندااك يزغبك الله و ديري الدخلة قبل من العرس 

نوال:(خرجاات عينيها و تزنكاات) 

مريم: و حتى يلا زغبك الله علمي موو و خوتوا و عاد سيري 

نوال: ندير بيهاا بووم لا ؟

مريم: يلا جاات علياا غاا ديريهاا .. شحاال من وحدة نكرهاا راجلهاا و طلع ولد الحراام مقطر .. أناا لي كنشوف و كنسمع العيالات ااش كيعاودوا العجب المعجب .. هاا وذني منك .. و حواايجكم دييماا طرقي عليهم .. جمعي و خزني ..و بيتك كاامل ديماا مسدوود .. ما تخلي حد يدخلوا وااخا تكوون موو .. ما تعرفي بناادم شنوو تحت رااسوا .. 

سمعووا صووت الأب كيعيط و وقفاات خاارجة ..

مريم: هاني مشيت .. و ديري هاذشي حلقة فوذنيك ما تنساايهش ..

نوال:(حركات راسها بااه و جلسات تخمم .. خلعااتهاا و دخلات لها الوسواس فراسها )


💫💫 خولة 💫💫

قتلهاا الملل و ما لقاات ماا دير و هو بااقي نااعس .. حتى طااحت عليهاا فكرة و ابتااسماات .. داارت لي كيط و دخلات ليوتيب كتقلب على وصفات دالأكل ساااهلة ... منهاا تقتل الملل و منهاا تفرحوا بشي حااجة ..

رصاات على طااجيين داللحم و البرقووق معسل الخ .. نااضت للكوزينة كتشووف وااش كااين كلشي لي غتحتااج .. لكن لقاات بزااف نااقصهاا .. حطاات يديها على جنبهاا كتخمم .. فالأخير هزات كتاافهاا .. 

~ أنمشي للسووق دغياا نجيب شنو نحتااج قبل ماا يفيق .. ما يحسش بياا أصلا .. 

تبثاات على هااذ الفكرة .. و بالزربة لبساات بووط ديالهاا و الجااكيط .. تأكدات من الفلووس و السواارت .. و خرجاات كتسلت بالشوية .. 
كاانت الدنياا خاااوية تقريباا بشر قلييييل .. و الجو بااارد .. داايرة لكيط كتصنت للمووسيقى و تبتااسم و تغني معااهم .. و خااشية يديهاا فالجااكيط و القب فووق رااسهاا .. و مرة مرة كتنقز فبلاصتها فرحاانة .. حتى وصلات للماارشي .. 

كاان قريب حدااهم مااشي بعييد بزاااف .. مدة و هي كدوور تشووف شنوو خصهاا حتى تقداات كلشي و رجعااات بحاالهاا .. ماا حساات غير بوااحد وااقف عليهاا .. 

خولة:(ما اهتمتش و بعدات قاالبة طريقهاا )

الشخص:(رجع وقفهاا ) سمحيلي وااحد الدقيقة ..

خولة:(حيدات لكيط .. طلعاتوا و هبطاتوا بلا ما ينتاابه .. كان شخص عاادي سمر .. عاامر شوية .. و مربي اللحية بملابس شتوية عادية .. ) نعام أخويا كتعرفني ؟ 

الشخص: سمحيلي على ديرونجمون .. يلا عطلتك !!

خولة: وي بالضبط .. فااش نقدر نعااونك اخويا ؟

الشخص: الصراحة شفتك قبييلة فااش كنتي جااياا و ماا كرهتش نااخذوا كاافي و نتعرفوا 

خولة:(علات حااجبهاا و سااطت .. منين كيتسلطوا عليهاا هااذو هااا عااار ربي .. ) 

الشخص: ما غنااخذش من وقتك بزااف ا أنسة .. نيتي طيبة !! شنو قلتي ؟

خولة:(بحدة نطقات) لا أ خوياا قصدتي الشخص الغاالط .. الله يعااونك .. (تخطااتوو حتى قاالت تفكاات منوو و هو يبانلهاا فجنبهاا ) 

الشخص: علاش ؟ غير نتقهوااو و نتعرفوا .. ما طلبتش شي حااجة ما كينااش

خولة:(سااطت) خووياا سير بحاالك الله يرحم بيها الواالدين رااه غتجيبها غير فرااسك .. (خفاات رجليهاا و هو كذلك تاابعها كيقول) 

الشخص: أنا عمر فعمري 25 عام من فااس .. و كنقرا الطب غير عجبتيني و ما بغيتش نفلت الفرصة .. راه طوونيبيلتي فين خليتهاا .. يلا مشغولة دااباا .. نااخذ رقمك و نتلاقاو من بعد .. 

فهماات بلي كيطمعهاا .. رجعات حممممرة و تعصباات دبصح حيت ماا قاادرة تسبووا و تسمعوا خل وذنيه ماا قاادرة تغوت .. و الداار كتباانلها قرييبة بقاتلهاا شي ربعة دالخطواات .. و يلا مشى حتى سمعهاا يووسف مشاات كفتة .. و غيصدقوا فما هي و ما لونهاا ... خنزراات فيه و عوجاات فمعاا كأنهاا عاايفة و طاارت كتجري .. فتحات لبااب بالشوية و دخلات كطل من الجنب .. باانلهاا بقى شحاال وااقف و من بعد زااد .. عااد تنفساات و رجعاات فيها الرووح .. 

حطاات كلشي فالكوزينة و بدلات عليهاا عااد رجعاات .. جبداات كااع لي غتحتااج و مااشية دقة دقة مع الفيديوو .. فرحاانة و نساات لاخوور كتفكر غير فحبيبهاا منين يفيق شنو تكون ردة فعلوا .. صبراات على البصلة و عينيهاا لي حسااتهم طاابوو و بزز كتفتحهم نص فتحة .. و كتلف من هناا و من هناا .. حتى سالات و قلاات العافية و خلاتووا يطيب .. دخلات للدووش بالشوية طرفاات من ريحة دالمااكلة و قادات مساائلهاا و خرجاات تركناات فبلاصتها و مرة مرة كتنوض تطل على الطااجين .. حتى سمعاات التقرقيب و صوت الخطواات جاايين جهتهاا .. 

يووسف:(عنقها من ظهرهاا ) 

خولة:(ضارت عندو نص ضورة كاان باين عااد فاايق عينيه منفووخين و بااقي مبوق و شعروا هاابط على عينيه بطريقة كيووت ) النعااس دياالي 

يووسف: ههه ففف (تفوه) شنوو كديري المشة ؟

(حناا عينيه لقاها يالاه طفات عليه .. تصدم و جاتو الضحكة ) نوو وااي ههه نتي لي صوبتيه ؟ 

خولة:(فرحاانة) سي أناا 

يووسف:(غمض عينيه و طلعات معاه الريحة ) تباارك الله عليك .. ريحة ماا عندي منقوول 

خولة: حتى تذووق و رد علياا صاافي ؟ 

يووسف: وااخاا العمر .. (جرها من يديهاا حتى وصلوا لجهة الشومينوا و جلسوا فالجليسة لي قباالتواا معنقها بيديه و هي حااطة راسها على صدروا )

خولة: ارتااحيتي ؟ 

يووسف: سي .. شنوو درتي هااذ الصباح همم 

خولة:(رمشات ببراءة ) واالوو .. بقيت جاالسة و فلخر نضت جربت نصوب الغذااء بااش نفرحك و صااافي .. 

يووسف: هههه (لعب فشعرها) يخليلي لي كيفكر فياا 

خولة: و شحاال عندي من يووسف (غلغلات يديهاا فلحيتواا مقربة منوو و همسات بحب )
💐
أيا يوسف
افتخر فأنت تحمل اسم النبي يوسف عليه السلام دا الجمال الرباني و هو أجمل عبد من عباد الله..
أياا يوسف ماذا أكتب لك و الكلمات تخجل من عجزها عن وصفك فاعذرها..
أياا يا صديقي الكريم..
أيا من يتسم بالرجولة في زمن باتت فيه الرجولة شبه منعدمة...
حياك الله و أدامك لأسرتك و دمت فخر لهم و لنا
و بالياء يحيى الابتسامة من جديد..
و الواو وطن يحيط بي و يحميني..
و السين سيف أنت تغرس في القلب اذا غبت 
و الفاء فريد أنت في هذه البلاد نفتقدك.. #عايدة 
💐

يووسف:(فتح فموو ينطق و رجع سكت .. بعد المراات كتساالي معااه و ما كيعرف ما يقوول .. ابتااسم من اعمااقووا .. نفس الابتساامة لي كتذوبهاا .. و حط شفاايفوا فووق جبهتهاا و قبلها بقوة ) الله يرضي عليك ❤

خولة:(شحاال كيسالي معاهاا منين كيرضي عليهاا كتحس بقلبها فرفر و ملكات الدنياا .. برد فعل لا إرادي خذاات يديه و قبلاتهاا فبااطنهاا بكل حب و برائة .. الشيئ لي صدمووا كلياا .. زااد زير عليهاا مدخلهاا كأنهاا غتهرب ) 

بقااو مدة معنقين بعضهم و سااكتين .. مرة مرة كيدااعبهاا فيديهاا و يعنكشهاا .. حتى بعدات و وقفات .. شاف فيها و حرك راسوا بمعنى لين ؟

خولة: أنمشي نعسل لبرقوقات يالاه يوجدوا .. جاني الجووع 

يووسف: نعااونك ؟ 

خولة:(هزاات كتافها ) لي بغيتي ..

حط من يديه و وقف تاابعهاا ..جبداات البرقوق و سانيدة و القرفة الخ .. و قااداتهم فوق البوطة كتحرك بالشوية مقابلاهم بحال شي أم كترعى ولادها و فرحانة بانجازهاا .. و هو جنبهاا مكروازي يديه و متبع حركااتهاا ..

يووسف:(كيطنز) عشنا و شفنا لالة خولة فالكوزينة .. 

خولة: غانتعلم و نحنتكم كاامليين .. على الله غير يعجبك عاارفة ما عندكش مع الحلاوة بزااف بلحاق كيجي زويين و الله 

يووسف: لي جاا من يديك حلوو و عسل 

خولة: عمرك كليتيه ؟ 

يووسف: نووب .. ما عنديش مع هااذشي رااك عاارفة ..

خولة: سي .. مي كيجي بنيييين و الله و كيولي معسل و سخووون كيذووب فالفم .. ما فيها بااس تذوقوا .. اناا بعدا كتسطيني الحلاوة خصك تولف معاياا 

يووسف: يلا غير على الحلوة و المعسسسسل معنديش مشكل نااكلوو كل نهاار 

خولة: هاا هو شوية و يطيب و ذووق قوولي كي جاااك 

يووسف: غنبقااو حناا غير نذوقوا تئ بغيت نغمس أناا 

خولة: وااخاا غير على ما نحط (هزاات معلقة و مداتلوا شوية ) شفتي ها هو تعسل عندااك تحرق فمك 

يووسف:(كيعنكشها بيديه و مبعد وجهوا ) تئ حتى نااكل فخطرة .. يلا بديت دااباا غندخل طوول و عرض و جااب ما حبسناا و غنصدقوا محنسرين عااود ..

خولة:(بقات غير كتشوف فيه ما فهمات واااالوو )

كمل تعنكيشوا ليهاا و يجبدها من هناا و يجرها من هناا .. حتى قلقهاا و جراات عليه بالمغرف عااد تهناات و وجداات فخااطرهاا .. نقلات كلشي فووق الطبلة و عيطاتلوا .. 

جلسواا مقاابلين .. و هي سااكتة و جامعة يديهاا عندهاا و حااضية ملامحوا و شنوو غيقوول .. أماا هو متبعها بنص عين و حابس الضحكة بزز .. شكلها بحال تلميذة كتسنى نتيجتها على أحر من الجمر .. 

سمى الله و ذااق .. و هي متبعااه بلهفة .. حتى سالا و ابتااسم لهاا .. 

يووسف: متأكدة نتي لي طيبتيه ؟ 

خولة: و الله .. علاش 😯 

يووسف: حيت لي شااف لكبااار و مكيجيهمش هكاا .. (باسلهاا كفهاا ) تباارك الله عليك .. البنة و المذااق كلشي هو هذااك .. الله يعطيك الصحة ..

خولة:(فرحاات) الله يبارك فيك .. بالصحة و الرااحة .. 

بالرغم من أنوا ما كاانش واااو .. و ناقصوا شحال من حااجة .. لكن يكفي أنهاا داارت مباادرة على ودوا وقفاات وجدااتوا ليه بكل حب .. و أكييد مرة على مرة غتولي طبااخة مااهرة .. ما كينش شي وااحد تولد معلم .. و فعوط ما نحبطوا الأخر ما فبها بااس نشجعوه و ندعموه .. يطور من حالوا و يقدم أحسن بدرجاات ..

هااذي الفكرة لي مااشي عليها يووسف فبزااف دالحواايج فحيااتوا اليومية ..


💫💫 فالمسااء 💫💫 

خرجووا كيتمشااو على رجليهم و يكتااشفوا المكاان .. داازوا لجهة ديال السبع تصوراات و دااروا فالسوونطر مزيااان تاا عياات .. 

عااد رجعووا لوحدة من لي كاافي .. جلسووا فالجردة و قباالتهم وليداات صغاار كيلعبوا فالالعااب ... و البط و الطااوس كيتسارا حداهم .. جو زوييين و هوااء منعش كيضرب فيهم .. طلبوا جوج دلي غووفخ بنوتيلا .. و شوكولا شوو لخولة .. و كابوتشينو ليووسف .. 

دوزوا عشيتهم فووق السلك مرتاااحييين مع بعضهم خااصة كل وااحد فيهم كيتصرف مطلووق ما كاينش دااك الحدوود بينااتهم و عندااك بالك نقول شي كلمة و تفهم عوجة ..

فأخر السهرة وقفاات خولة كتجر فيووسف و تقوول .. 

~ و الله ما نمشييلك من هناا حتى نلعب .. 

يووسف: ابنتي رجووع الله (نعتلها ) شووفي قدااش كيلعبوا !! غتزااحمي معااهم ؟

خولة:(بضحكة شيطاانية ) اااه ما سوقيش هيهيهي 

طلقاات منوو و مشاات كتجري فااش بانت لها موطايشة خااوية .. ركباات و سفراات عليه حتى ضاار كلشي كيشووف فيهاا .. و هي ما مسوقااش .. 

يووسف:(قرصها فظهرها ) أناا لمك و مكنصفرش هكاا 

خولة:(غوتات) اححح 

يووسف: سكتيي الشووهة 

خولة:(حكاتها كتغبن ) احح قصحتيني حرام عليك 

دفعهاا شوية باش تسكتوا .. حتى تقاادات فبلاصتهاا .. و بداا يزيد فالسرعة و هي كضحك و تغوت فرحااانة .. ما نزلات حتى شبعاات و ملات .. و زاادووا رااجعين بحاالهم بماا أنووا الظلام طااح .. 

خولة: يووسف .. دابا منين غنرجعوا للحسيمة شنو غيوقع ؟ 

يووسف: غنقطع لك رااسك .. ااش غيوقع ؟ 

خولة: زعماا .. وااش غنبقاو بحال شحال هاذي .. كلها و سااكن فجهة و لا كيفاش ؟ 

يووسف: أكيد غتسكني معايا .. فينماا كنت اتكوني .. 

خولة: وااخا قبل من العرس ؟ 

يووسف: سي .. إلا يلا كان عندك شي إشكاال ديك سااعة هضرة أخرى .. 

خولة: نوو ماا عندي حتى مشكل .. (دورات عينيها و رجعات قاالت ) و عاائلتك ؟ 

يووسف:(حرك راسوا بمعنى ماالهم !؟ )

خولة: زعماا واش غنسكنوا معاهم و لا شنوو ؟ 

يووسف:(جرها من يديها كيلعب فيها ) نهاار لول قتلك ما غيخصك خير معايا و غنكبر بيك قداام كلشي .. 
لكن حااجة وحدة أخولة لي منقبلهااش .. هي قلة لاحتراام ليا و للعائلة .. مغنطلبش منك المستحيل .. يكفي تحتارميهم و تسكتي .. وااخا يكونوا هماا لي غاالطيين فيك .. ديري اعتباار لفارق السن الكبير لي بينااتكم .. و هماا ما غتشوفيهم من السيمانة لسيماانة و لا كااع للشهر .. دوونك خوي رااسك من هااذشي .. دااكووغ .. 
أما بالنسبة للسكن .. كوني هاانية .. قبل حتى ما نتزوج .. سااكن بووحدي .. غيبقى لك الاختيار فين تبغي تستقري .. الحسيمة ولا النااظوور .. 

خولة:(حركاات راسها ) وااخاا فهمت ..

يووسف: مزياان .. وصلناا ..

هز رااسووا باانلوا شي حد وااقف حدا البااب عااطيهم بالظهر .. عقد حواجبوا باستغراب .. و نحنح حتى ضاار لاخوور عندهم .. و هناا خولة خرجاات عينيهاا ولات صفرة و بالخلعة طلقاات من يووسف .. و كتكرر فنفسهاا .. شنوو جااي ديير هنااا المرررض !! .. كاان نفسووا الولد لي تبعهاا فالصبااح .. 

يووسف:(لمح نظراتوا لخولة و قاال بحدة ) كااين شي ما نقضييو الأخ ؟


عمر: سمحلي اخويا على هااذ الدخلة .. يلا كان ممكن نهضر معاك وااحد جوج دقاائق .. قصدي شريف .. 

يووسف:(باقي عاقد حجبانوا هااذ خونا ما تسرطلوش ) ا هااه ؟ كنعرفك ؟ 

عمر: لا اخويا لكذووب على الله حراام .. أصلا أنا ماشي ولد لمدينة .. و يالاه جيت ليووم غير سيااحة .. و لكن شووف الأقداار ..

يووسف:( قاطعوا محرك صبعوا بملل ) ممكن تلخص كلامك !! 

خولة:(همساتلوا ) يووسف أناا أنسبقك لدااخل ..

يووسف: نوو تسناي دقيقة نفهم ماالوو طابخلي رااسي و ندخلوا بجووج .. 

خولة:(حركات رااسهاا بوااخاا و فنفسها كتولول و ما فهمااتش ماال هااذ الزمر ااش بااغي ندماات على نهااار لي خرجات فيه و لا وقفات جاوباتوا ) 

عمر:(نحنح حتى انتاابهوا ليه ) هو فالصرااحة الموضوع خصوا جلسة بحقهاا .. مي ما عليش .. فالصباح تلاقيت بالأخت ديالك .. (شير لخولة لي صفاارت فبلاصتهاا خصوصا فااش داار عندهاا يووسف معلي حااجبوا فيهاا )

يووسف: عااود كيفاش تلاقيتيها ؟ 

عمر: واالوو غير وصلت و خذيت داار حدااكم .. و انتاابهت لهاا خاارجة .. عجبااتني و بقيت تاابعهاا .. فلول ما كنتش غنزعم و نهضر معاها .. لكن منين وقفتها و هضرت معاها و ما بغاتش تمشي معااياا .. زاادت كبراات فعيني .. 

يووسف:(زيييير على يديهاا بلا ماا يحس حتى تقطع فيهاا دم .. حاسة بيهاا شوية و غتفصل و مع ذلك ما هضراتش و ما شافتش تا فيه .. عاارفة حالتوا غير غتطيحلها النقطة .. ) 

عمر:(حااني رااسوو بحاال يلا حاافض ديكشي و كيعرض عليه ) هذاا ما كاان .. ماا تفكيت حتى عرفت داارهم .. و من قبيلة و انا نتسنى ماالين الداار نطلبها منهم .. 

يووسف:( رججججع حممممر بقوة ماا كتم أعصااابووو مززززييير على يدييييه و عرووقوووا مطرااسييين كيزدحووا بالجهد خصووصاا وااحد فجبهتووا خضضضر و كيضرررب بحاال شي قنبلة موقوثة و غتفركع .. هضر ببروووود عكس الناار لي شاعلة فيه ) 

~ نفهم من هااذشي كااامل .. طلعتيهاا و هبطتيهاا كيف بغيتيي ..و كملتيهاا مزلل علييهاا و تاابعهاا كي الكلب .. و دااباا جااي طلبهاا منيي للزوااج يااك ؟ 

عمر:(ارتاابك ) لا لا متفهنيش غلط كاانت نيتي حسنة .. و ما كنتش غنهضر معاها فلول .. و لكن خفت تمشي من يدي .. و حتى عينيها الزوورق ما بغاوش يمشيو من باالي .. نتا خوها ياك ؟ تقدر دير معايا وقت و نجلسوا نتفاهموا !! 

يووسف:(ضار عند خولة و ضحك مغذذ ) جااي يخطبك من عندي !! (قلبهاا تخنزيرة دالمووت ) اهاااه نتفااهمووا علاش لاا !!! 

خولة: احم يو يووسف عاافااك غير بالعقل 

يووسف: غنحسب حد ثلاثة نلقى خياالك كيدور هناا غنقسم مك على جووج .. تحركي *ودي (ما بقاش كيشعر ) لدااخل داااااباااا

خولة:(طاارت من بلاصتها و فااتتهم كتجري .. حتى سمعات لاخور قاال )

عمر:(بغى يبان وااعر قدامها 😂) ماشي أسلوب للهضرة هذاا أخووياا .. هي ما عليهاا واالوو .. الهضرة معاياا أناا .. رااجل لرااجل .. 

يووسف:(هز حااجبوا و زااد خنززززر و مشى ليه ) 

خولة:(فنفسها ~ ها هو غيختن مك قاالك رااجل نخاافك غير ترجع ختي ههههه )

فتحاات لبااب بالزربة و دخلات كتفرج من الشرجم .. عااضة على فمهاا .. وااخاا مااشي وقت التفرنيس مي شدااتهاا الهستييرية منين كتفكر وجهوا و هو كيقولوا جااي طالب مراتك لزوااج وييييع .. شداات على كرشهااا كتمووت بالضحك .. 

وااخاا عاارفة غتهجرووا و جااياا نوبتهاا .. و لكن هااذشي لي عطى الله .. ما قدرااتش تسكت .. و متبعة الكوومبة لي ناايضة .. خصووصاا عمر كيباان برهوووووش قداامووا و صغيير عليه لا فالسن لا فالقلدة لا فالصحة .. و مع ذلك داافع جبهة ههه 

يووسف: هز حااجبووا و زاااد خنننننزززززر مععععصصصب دبصصصصح .. شنق عليييه من قفااتووا و هزووا من الأرض حتى بقااو رجليه كيلعبووا ياالااه غيغوت ما حس غير بكلاك جااه للحنك حتى داار كااامل و دموو ساال و مع ذلك ماا بردش و فالبلاصة دخل فيه برااس خربق ليه ملامح وجهوا كاااملة .. 

نوضلوا قلبووا دفعوو عاايفوو حتى طااح فووق لكاازوون .. و كن كاانت حاالة أخرى غيخليه يمشي و ماا غيديرش رااسوا فبرهووش .. و لكن دااباا مستحييييل هضرتووا باااقي كتعااود فوذنييه و كيفااش تاابعهاا و كيتشهاا فيهاا و زاايدهاا بحلان الفم .. 

وقف عليه كي عااصي ربوا كيحيد فالجااكيط و كيطلع فكماامووا.. العااافية شعلااات فيه و الراااس سخنلوو دبببصصصصح .. نفففض من يديه و زااد جهتووا بالشوية مركب فيه الرعب و لااخوور كيزحف رااجع لووور و كيقوول ااش دااني و علاش مشيييت .. 

و خولة كتفرج و كتمووت بالضحك حيت بصح منظرووا كيجيب الهستيييرية .. خصوووصااا كتفكرووا كيفااش كاان كيهضر قبييلة و كييفااش هاارب دااباا .. و فالصبااح الأعصااب لي ركبهم فيهاا لسقة لااخوور .. و كتزيد تضحك و تقوول حوووح فييييه زييييدوو يستااااهل .. 

حتى غوت يووسف بصععععرة .. خلعهاا و سكتاات من الضحك .. فااش شاافتووا جااروواا من شعروواا فديك الجردة و ضهروا كااامل تحرد و هو كيغوت ب " طلقني " أماا يووسف فمبقااش كيشعر نهاائيااا عطااه بركلة لكرشوو زوااتوو حتى بداا كيرد غير المااء و يبكيي و هو وااقف عليه مخننننننزر و كوولووو كيييينههههج و يسووووط .. رجعلووا جبدوو من شعرووا بقووووة حتى قاال قلعووا فيدييه .. و تقااابل معااه الوجه لوجه .. و نطق مزييير على سنااانووو 

~ يااالااه نوووض الز*** وريينيي هااذ الرررجلة دجوووج درياااال لي فاارعلناا بيهاا ك*** و لا بقاات غييير ف ز*** 

خولة:(خرجاات عينيهاا بصدمة أول مرة تسمعوا كيخسر فالهضرة .. ماا عرفاات تخااف من يوسف و نوبتها لي جايا و لا تضحك من منظر لاخوور ) 

عمر:(كيبكي بااغي غير يتفك و مع ذلك ما تاابش ) واااش حمق اخووياا خلييناا ندوييو غيير بالعقل .. ااش وصلناا لهااذ الموااصل😭😭 ماا قلت عييب .. جيت طاالب غير لحلال .. حتى دااباا بلاااش و الله ماا بقيت بااغييهاا اخووويااا غييير خلييينييي نمشيييي 😥😭😭 هااا العاااار

يووسف: و هااذي هي تسحر مع درااري صبح فاااطر ينعل ملتك ال*** بااغي تتزوج بمراااتي مرااااتيييي و جاااالس تتتشهى فيهااا قدااامييي اولد *** عجبااااتك ياااااك .. مااا قدرتيييش تنسى عييينيييهااا يااك

جمع معاااه ببوونية للعييين نيييشااان و نزل عليييه بالبووني و الركييل فييينماا جااات و كيغوت و يسب غير من تحت السمطة صااافيي ماا بقااش كيقشع قداااموو .. حتى شااف راسوا غيزيد شوية غيغيب لولد فيدييه عااد بعد و تفل عليه كينفض فيديه عااايف ..

يووسف: هااذي نهاار خليك عااقل عليه مزيااان نهاار يقوولك ال** دعقلك تتلوط على عياالاات الرجااال تفكروو ..

ولييناا نوحلووا مع البراااهش و هماا الرجلة ماا عاارفين فيهاا غييير السمية .. فااااك .. *ود من هنااا حسن ناا نقتل *** لي حطك تتتتححححرك (نااض لاخوور بزز كيعثر فحواايجوو هااارب )

داار يدييه على جنبووا و ضاار كيمسح على وجهوو طاالعة ليه القردة للسطح .. باانتلوو خولة فالشرجم كتفرج خنزززززر فيهااا تخنزييييرة دالموووت .. 

خلعهااا و عرفاات نووبتهاا صاافي وصلات .. ماا ولااتش شاافت فيه و نيشااان طااارت للبيت و من زهرهاا ما فيهش سواارت ..

جلسات تولول تماا غااذية جااية مخلوووعة و خلااص منين تفكراات السمطة قربات ديرها فسروالها و شدااتهاا البكية و الرجفة و كلشي تخلط علييهاا ..

ما لقات غير لحماام قداامهاا طرقاات على رااسهاا تم و كتقرا القرأن فسرهاا و تنعل نهاار لي خرجاات فيه ولا بغات دير الخااطر لشي حد .. عااارفة معند جدهاا زهر و المشااكل كينزلوو عليهاا كي شتاااء .. وااخاا ما دير لا بيدهاا لا برجلييهاا ..

قطعاات الحس فااش سمعاات بااب الداار تززززدح بالجههههد .. صووتووا خلاهاا تقفز و تركناات ساااكتة .. تاا سمعااتوو دخل للبيت و بعدهااا تقططططع صووت .. لا من جهتوا لا من جهتهاا .. حتى قاالت مشى و هو يضرب فالبااب بالجهد .. حتى تخلعاات و غوتاات .. و كاان هذاا هو المطلووب بااش ما يحفييش معاها الحجرة .. و يبقى يعيط و هي سااكتة حقاا ما كينااش .. 

يووسف:(بحدة) خرجييي عندييي (رجع ضرب بزعفة ) خرررجييي 

خولة:(عضاات على فمهاا ) لا غتضربنيي 😭😭

يووسف: كتخاافي !؟ لا تباارك الله معندي منقوول

خولة: هاا نتاا غير سمعنيي 

يووسف:(قااطعها بالغواات) حسسسك ماا نسمعوووش غااا تخرجيي تباارك الله ماا خاارجااش غنفرع هااذ البااب و نعصر مك تم نتيي اختاارييي 

خولة: ي ي يووسف ففف عاافااك 

يووسف: ماا غتخرجيش ؟ 

سمعاات صووت خطوااتوا خاارج بحاالووا .. حتى قاالت أيمشي يبدل سااعة بأخرى و هي تغوت فااش تقطع ضووء و ما بقى كيباانبهاا واالوو .. حتى سمعاتوا قاال .. 

يووسف: ياالااه جلسي تم مع الجنوون

خولة:( لا حتاال جنوون اووهوو اللهم هو و لا هماا .. بقاات كتفتف بيديهاا حتى حلات السااقطة و خرجاات رااسهاا كتشووف .. باانلهاا وااقف قباالتهاا مربع يديه و محممممر فيهاا و هي تبتااسم ليه بثوثر ) هيهي يووسف !!!


خولة: هيهي يووسف !! 

يووسف:(جرهاا من وذنهاا جهتواا بالجهد حتى قالت غيطيرهاا و مزيير عليهاا و هي شاادة فيديه كتنقز ) 

خولة: اافف اااييي يووسف طلق 

يووسف:(زاد زير عليها و عض على حنكوو من الدااخل ) شنو قتلك مليوون ألف مرة ؟ 

خولة: الصمممت

يووسف:(غووت ) جااوبيي

خولة:(خلعها) ففف تت دااباا ماي اووف

يووسف:( طلق من وذنها و غفلهاا بتسرفيقة جمع لهاا وجهاا كاامل و طااحت للأرض شاادة فحنكهاا مصدوومة ماا توقعااتووش غيضربها بصح .. أماا هو نطق ببروود كيشووف فيهاا ) ياالاه جااوبي دااباا 

خولة:(شدات حنكهاا و عينيهاا مغرغرين ) أنا أنا ما سحاابنيش غااذي 

يووسف:(نزل عندهاا و زير على فكهاا بيديه و عينوا فعينيهاا معععصب و مكيقشعش قدااموو ) ماا سحاابكش ؟ ما سحاابكش غيتبعووك الز*** و لا ما يسحاابكش غتفضحي هااا ( جمعها معااها بطرشة ) هضريييي 

خولة: أناا بغييت غير نفرحك 😭😭

يووسف:(قاطعها ) وااش شكييييت عليييييييك هااا !!! مياااات ألف مرة قتلك لكذووب لاااااا (عطااها وذنووا ) شنوو قلت ؟ 

خولة:(كلها كترعد و بصوت ضعيف قاالت ) لكذووب لاا 

يووسف: و علااش فااش سولتك الحماااارة كتكذبييي فوجهييي 

خولة:(كترعد و حابسة دموعها بزز) الصمممت

يووسف:(جمع لهاا شفاايفهاا ملويهم ) نقطعهم لحسك دااباا ؟

خولة:(قصحهاا حتى طااحوا دموعهاا و حركات رااسهاا بلا ) 

يووسف: نهااار نحصلك كااذبة فنص كلمة ياا ويييل وييلك اخولة معااايااا يلا ماا جبدتش لساانك من بين حلاقمك و قطعتواا من جذر رااني ولد *** (زااد زير على شناافتهاا ) فهمتييي 

خولة:(دفعااتلووا يديه و شداات شنافتها كتبردهاا و هزات يديها لووخرى و ضربااتوا لسدروا ) بعد منييي بعااااد صااافييي مااالنااا على هااذ الحكااام د الخرااا كااامل ماا سووقكش فياااا شكوون نتااا فملللك الله لي ديير ليااا هااذ الحااالة (شاافت فيه مخنزرة ) خرجت تسخرت ماا مشييتش ن*حب

ما حساات غير بتصرفيقة أخرى جااتهاا للوجه خرسااتهاا نهاائياا و مع كاانت كتهضر عضاات على شنافتها بالجهههد حتى تفتحااتلها شوية و ساالت بالدم و قاالت مرعووبة 

~ الدددم 😨 

يووسف:(زير على فكهاا حتى شاافت فيه ) نهاار سنيتي ديك الورقة عطيتيني كل الححححق (ضربها بيديه جهة ناظرها) دخليهااا لهااذ نص عقل لي عندك .. مااشي عطييناااك وجه غتركبيي عليينااا .. كيفمااا عااملتك مزياان قااادر نرجع حياااتك سواااد فسواااد و ندمك مليووون ألف مرة فالنهاار (هز حااجبوا و زااد خنننزر ) و نتيي اختاااريي الوجججججه ليي تبغييي تشووفيييه من هنااا للفووووق 

(طلق وجها بالشنتة وقف و خرج زاادح عليهاا البااب .. ركب فطونوبيلتوو و قلع طااير و هي حااضيااه ) 

خولة:(بغضب) لهلااا يررررضك الحيواااان اعععع الله يعطيييك القققطععع ... 

تمشاات قباالت لمرااياا كتدوز على وجههاا و تتحسر عليه .. ما قدرااتش تكمل الشووفة فرااسهاا .. هااذي مااشي خولة دشحال هااذي ما حملاتش رااسهاا و كرهاات ضعفهاا قدااموو .. بقد ما حااولات تبدل شحال حاجة فرااسهاا غير على ودوا .. بقدر لي حسات براسها فهااذ اللحظة عديمة الشخصية و جفااف مسح فيه رجليه و زااد ..


نزلات مع الحييط كتشهق و تبكي خااشية وجههاا بين رجليييهااا و كلهاا كتترعد .. عمرهاا حساات بهااذ الحكرة د هااذ النهااار كرهاات نهاار لي عرفااتوو فيه و كرهاات نهاار لي واافقاات تتزوج بييه بااش يدير فيهاا هااذ الحاالة و كرهات لقلب لي باقي كيضرب على ودوا و داايرلوا ألف عذر ..
مااشي هي لي تتضرب و تسكت وااخاا مااشي غير يكوون رااجلهاا ما منحقووش .. 

زاادووا لعبوا عليهاا الهرمووناات و نفسيتهاا تأزمااات ماا لقاات غير دمووع تبرد بيهم على راسهاا .. حااسة أناا مكتووفة لأيدي و ما عندهاا ما ديير .. بانلها تيليفون محطووط فووق الكواافووز .. كحزاات بالشوية جهتوا و بقات شحااال كتفكر .. 

تعيط لداارهم يجيو موراها ؟ و لكن باها يلا سااق لخباار غيكحل بالعمى و غينوضها معاه و بحال واالو يقولوا طلقهاا .. باها و عارفااه .. هكاا غينووض صداع حتى لعبدوو .. و يلا عيطاات لخووهاا نفس الحااجة عااود الصدااع غيتجبد غيتجبد .. 

ما قدراات تقوولها لحتى وااحد .. و زاادووا غرغروا عينيهاا لأول مرة تحس بالضعف و بلي ما كااين حد لي يحميهاا و لي المفرووض يصوونهاا و يوقف معاها هو لي ضاارهاا و معذبها .. مسحاات دمووعهاا بالجهد و دخلات عندوا هو نيت للواتس .. و بيدين كيترعدوا كتبااتلوا ..

~ بلييز ما تخلينيش نندم مستقبلا .. ما تخليش عفويتي معاك و طفولتي توصل لنهايتهاا ..

عاافااك متخلينيش نبرد من جهتك و نتصنع حدااك حيت غنولي إنساانة لا تطاااق و عااقلة لدرجة الضجر .. و متأكدة غتكرهني و حتى أناا غنكره رااسي حيت اناا مااشي هكااك و عمري نكوون ..

متخلينيش نولي وحدة غير نفسي .. أناا هكذاا حمقة و طاايشة و كندير لي قاالي رااسي و ما كنفكرش فالعوااقب هااذي هي شخصيتي و نتا عرفتيني هكذاا و بغيتيني هكذاا .. يلا كنتي بغيتيني من الأصل !! (ضحكات باستهزاء فنفسها ) حيت لي كيبغي مكيضربش و ما كيضرش ..

كنترجااك ا يووسف كنترجاااك ماا تقتلنييش و أناا حية .. كون أكيد نزطم فكلشي إلا كراامتي و عمري (أكداتها ) عمرييي ننسى لك هااذ ليلة طوول حيااتي قتلتي كل حااجة كاانت زويينة بينااتناا ..

و ليكن في علمك بينااتناا عقد نكااح مااشي عقد تربية .. اووك ؟؟ يلا جيت تااناا نسطر بخط أحمر على فعاايلك و نعقب على الطاالعة و الناازلة مغنكملووش سيماانة مع بعضيااتناا .. و نتاا تعرف .. الله يعااون . 

سيفطااتووا و طلعاات تكمشاات فبلاصتهاا خااشية رااسهاا بين المخااذ و كضرب بيديهاا بكل قوتهاا و كتغوت لربي لي خلقهاا .. حتى تسالات طااقتهاا و حساات بالسخفة و هدنااات ..

طلعلها بلي قراا المسج لكن ماا جااوبهااش .. حتى هي ما كلفاتش راسها تولي تشوف فيه .. عينيها تفيكسااو فالسقف فقط و ساااكتة .. سااعة جووج ثلاثة ... و واالوو لا حس لا خبر ... حتى قرب يطلع صبااح .. 

و بزز هزاات تيلي كتصووني عليه حيت تشطناات و قلبها تزير عليهاا .. صووني لول الثااني .. جااوبااتها بنت بعداات من وذنيها كتأكد وااش تيليفونوا نيت .. و رجعات قاالت .. 

خولة: سمحيلي وااش تيليفون ديووسف هذاا !؟

البنت: وي ختي .. وااش نتي مراتوا ؟ لقيتيني يالاه خديت لفون نعيطلك .. 

خولة: وي وااش كااين شي مشكل ؟ 

البنت: السيد داار أكسيدوون .. و يالاه نقلووه لطبيب *** 

خولة:(خرجات عينيهاا مصدووومة مقدرااتش تهضر فقط كتسمع للممرضة لي كتنعث لهاا فين بالضبط ) 


ماا حسااتش برااسهاا كيفااش حتى وصلات لكلينيك و هي عقلهاا غاايب و دمووعهاا شلاااال بزز وصلاات حااسة برااسهاا غتسخخخخف و نفسهاا مكبووس نساات كااع لي وقققع فهااذ اللحظة .. جااو بين عينيهاا غير ذكريااتهم الزوينين .. و كتقوول فباالهاا وااش هااذي النهااية واش صاافي ماا غنعااودش نشووفووا .. دمووعهاا تطلقووا ما بغااو يحبسووا و شهقااتهاا مسمووعين على بعد كيلوميتراات .. وقفات فالاستقبال كتلهت بالخووف عليه و بزز نطقاات ..

حدهاا قاتلهم سميتوا و تسنااتها طابات فالبيسي و عطااتهاا رقم دالبيت و الايطااج .. و طلعاات كتجري .. فتحاات البااب بلهفة .. لقااتوو خااوي يالاه غادي دوور و هي تنتاابه ليه جاارينووا فالبيااص .. 

كاانوا ملبسينووا حواايج دكلينيك .. مضروب فوجهوا شوية .. و يديه مجبصة .. مغطيين نصووا و أووكسجين فنيفواا .. 

منظروا خلاهاا طلع شهههقة من أعمااقهاا كأنهاا يالاه تنفساات .. فااش شافتوا بااقي حي .. و بلا ما تشعر مشات جهتوا و خشات رااسهاا فصدروا كتبكي و هو غاايب .. عمرها تخيلاتوا نااعس و ضعييف هكاا .. همساات بصوت خاافت .. بسميتوا .. ""يووسف "" حطاات على ذرااعوا يديهاا بحذر .. فنفس اللحظة فتح عينيه غير نص فيهم .. و بزز حيد الأوكسجين .. بلل ريقواا شحاال و نطق بصوت متقطع .. 

~ س سم سمحيلي ( رجع غمض عينيه و طااحت يديه حدااه )

خولة:( بعدووها عليه و هي متبعاهم بعينين حووومر مغرغرين تسناتهم حتى قاادووه فبلاصتووا و ركبوا ليه السيرووم .. كتب الطبيب ملاحظاتوا و علقهم فجنب دالسرير .. يالاه جاا خارج و وقفااتوا ) سمحلي عاافاك .. وااخا نعرف المريض شنو وقع ليه ؟ 

الطبيب:(وقف و ابتااسم لهاا ) المريض داار أكسيدوون خطييرة فالدخلة دإفراان تقلباات بيه الطونوبيل .. تضرب فرااسوا مقصح شوية .. أماا يديه فعندو كسر فاليمنى .. و مقصح شوية فرجليه .. ما يكون عندو بااس .. 

خولة: أميين .. و رااسووا ما تضررش فيه ؟ ما كاينش خطر ؟

الطبيب: على الغالب لا .. نتمنااو خير .. الله يجيب الشفااء .

خولة: شكراا (بقات شحاال كتحلل فرااسها ديك نتمنااو خير !! و ما محلهاا من الاعرااب !! )

دخلات و جلسات ففوتوي حداه فجنب كتشووف فيه بحزن .. فلخر قلبات وجههاا و هزات تيليفونهاا سيفطات مسج لنواال تخوي عليهاا قلبهاا .. لقااتهاا ساادة الكونيكسيون .. مع ذلك كتبات لها مسج طويييل عرييض عاوداتلها فيه كلشيي و خلات لهاا سؤال مفتوح فلخر .. 

خولة: شنو رأيك دابا فهااذشي ؟ وااش أناا غاالطة ؟ الموضوع يستااهل هااذشي كاامل ؟ 

وقفاات و طلات عليه لقااتووا بااقي نااعس و تأثير البنج لاعب عليه .. مرة كيفتح عينيه شوية مرة مغيب .. دوزات بالشوية على رااسوا و هبطات بيها حتاال يديه ..

بقات شحاال وااقفة عليه حتى برداات عااد رجعات بلاصتهاا عيااانة و النعااس بداا يغلبهاا و هي ليلة كااملة ماا شاافتوا ما ذاقتوا .. تقادات شوية فالفوتوي وااخا معذبة مي صبراات .. ما دازش بزااف و كاانت غاابت و ساافرات لعالم الأحلام .. 

ماا فاقت غير على صووت أنيينوواا .. ضاارت عندوو لقااتوا حاال عينيه فالسقف و عااض بقوة على يديه الصحيحة و كلووا عرقاان و عروقوا باارزين .. شحاال و هي حااضياه و سااكتة .. يمكن كتشفى فيه فهاذ اللحظة و يمكن محرقة معاه .. لكن فملامحها ما بااين واالوو ..

ببروودة وقفاات جهتوا و قادات ليه الجلسة .. و جات ضاايرة بحالهاا .. ما حساات غير بيديه جبداتها بالشوية .. تحنات شاافت فيهاا .. و قبل ما تهضر نطق بصووت عياااان و معععذب 

يووسف: ااااااي راااسييي فففف فففف (كيلهث) عاافاااك عيطيي ففف لطبييب اييي (طلقهاا و زير على رااسوو و غوت لربي لي خلقوا) ااااااااااااه


ألمهاا منظرواا و ما ولاتش شاافت فيه خرجاات نييشاان كتقلب على طبيب بلا عقل حتى لقااتووا و وقفااتوو كتلهث .. 

خولة: أجي معااياا عفااك المريض فااق و و 

الطبيب: صافي صافي هاني جااي 

سبقااتوو و هو تاابعهاا .. وصلات للبيت و بقات وااقفة فالباب مترددة و صوت غواتوا كيتعذب حرقها .. 

بعداات للطبيب .. لي مشى نيشاان جهتوا كيحااول يهديه و يرجعوا ينعس لكن واالوو الحريق دالغصب فرااسوو ماا بقاالوو واالوو و يضربووا مع الحيط بقوة الألم .. 

ضربلوا مهدئ فالسيرووم .. و بقى مدة و هو شاادوو ما مخليهش ينووض حتى بداا كيرتااح و هدن و عينيه كيتشدووا .. 

الطبيب:(مسح جبهتوا و شاف فخولة) ضرووري من هااذ الحريق .. غاالباا فاش تقلبات بيه تضرب رااسوا بالجهد .. المهدئ ما عندوا ما يديرلوا من غير ينعس و يولي يفيق بألم كثر .. مهم خليت لكم الرااحة .. و يلا احتاجيتي شي حااجة يكفي تبركي هناا و غتجي عندك الممرضة ..

خولة: وااخاا شكراا .. و سمحلناا على العذااب .. 

الطبيب: هذا وااجبي ابنتي (خرج )

تسنااتوو حتى مشى و هزات كرسي حطااتوا حدااه و جلساات .. دوزاات على لحيتوا بالشوية و رجعااتها لراسووا 

خولة:(بصوت باكي ) شفتي لاش وصلتيناا بالأعصاب دالخراا ديااالك .. (حناات رااسهاا على يديه و زفرات بقوة ) فففف يااا ربييييي ياااا ربيي 

سمعاات تيليفونهاا كيصوني و مشاات هزااتوا لقاات نواال لي كتصووني .. فالبلاصة جاوباتها .. 

خولة: وي نواال 

نواال: عااد فقت و قريت مسجك .. شنوو وقع لخوياا ؟ وااش بخيير ؟؟ 

خولة:(شافت فيه و تنهداات) صاافاا شوية .. 

نواال:(بخوف) وااش مضروب ؟ فهميني رااه قلبي غيسكت 

خولة: تهرس من يديه و مقصح شوية فراسوا و رجليه و صااافي

نواال: صااافي !!! ايواا لهلا يزيد كثر اختي 

خولة:(جابتلها الضحكة و بزز كملات ) رااه صاافاا متخاافيش .. معندووش شي حااجة غرااف .. مهم أناا غنقطع بلاتي و ندوزولك ..

زربات عليهاا و قطعاات و طلقات ضحكة فالأعاالي حتى دمعواا عينيهاا و شاافت فيه معوجة فمهاا 

~ حوووووح ليمااااك (وقفاات كتجمع شعرهاا ماشية للحماام ) بركااتك ياا لالة خولة 🙌 

وقفاات قبالت لمراياا كتجمع شعرهاا و كتشووف فوجههاا لي صبح عاااادي .. كااع ديك الحموورية مشاات .. كاانت كتقوول غنفيق لقاه زرق .. 

سااعة مبقاتش ليماارة من غير شناافتهاا لي مقصحة فيها شوية .. داارتلها سباادرة صغيرة و غسلات وجههاا و جمعاات شعرهاا .. و تقاابلات مع المرااياا فحوار ما بين عقلها و قلبهاا ... 

~ عقلها : و ياااك تسمحيي ليييه أخولة واا ياااك 

~قلبها: و لكن هو مسكيين مقصح و خذاا جزااءوا و كثر 

~عقلها: خلييه يستااهل كثر بااش يتعلم يمد يديه علييك 

~قلبها: مااشي لخااطروا رااه ناار الغيرة حرقااتووا و ما بقااش عااقل شنوو كيدير 

~عقلها: اييه سمحي ليه و فوقما تحفى ليه الجرة يجي يبرد فيك أعصاابووا 

~قلبهاا : ياك هو 

خولة:(غوتاات ساادة وذنيهاا) اوووف اوووف صاااافي سكتووا يييخخ 

خرجاات شعلات التلفاازة كتلف الوقت على ما يفيق و تشوف شنو دير .. فنفس الوقت وصلها مسج من نوال فيه .. 

~سمحيلي بزااف قبيلة ما سولتش فيك .. فااش قلتي لياا أكسيدون تخلعت .. مهم أناا ما غنجي من حد .. بجوج بيكم غالطين .. نتي كاان عليك منين وقفك لولد و هضر معااك تقولي ليه أخويا راني مراة مزوجة و تسدي الموضوع و هكاا ما كانش غيجي و ما غتكبرش القضية .. و حتى فاش سولك يووسف عاادي قولي ليه خرجت ما غيقول لك واالوو .. عاادي ماالوا غيحبسك ؟ لا ..

أما هو فأكييد غاالط و ما كانش عليه يضربك و متاافقة معااك و من حقك ديري أي حااجة .. غير هو يووسف رااه فشششششكل ما عرفتش كيفااش نشرح لك شخصيتوا كي داايرة ..
من جهة حنين و ضريف و متفااهم و كيخدم عقلوا بزااف .. و من جهة أخرى عصبي لأبعد الحدوود و شي حواايج بسااط يقدروا ينيرفيوه و ما يبقااش كيعقل قداامووا رااه ماما لي ماما و كيدوور فيهاا بلا ميحشم حتى كيبرد و يرجع يحزرها ..
عليهاا كتلقاايه دييماا مببببعد و قلييل فين كيتجمع بالعائلة و ما كيبغيش يتدخل فنقاشاتهم قليييل .. حيت عاارف رااسوا غيعورهاا .. و فااش غيبرد غيندم أشد ندم .. ما غنقولكش خويا ملاك و و و .. بلحااق رااه ما كااينش شخص مثاالي 💯 كل وااحد و عيبوا .. و راكي قاادرة تبدليه.. كيفما كنقولوا المراة لحلاحة غلبات المراة السحارة .. والله يصفي الخواطر هذا ما نقول .. 

تندهاات و حطاات تيليفوون فالجنب .. 
وااش هي ما عرفاش هااذشي ؟ اييه وااخاا مدة قصيرة بااش عرفااتوا و لكن كاانت كاافية تفهموا كيفاش كيفكر و كيفاش كيتقلب كي البرد .. و وااخاا رزين و بعقلوا .. رااه فنفس الوقت عصبي لأبعد الحدود و غير كطلعلوا النقشة كيتلحس ليه الدمااغ كلياا و مكيبقااش يفكر .. و حتى هي ماشي ملاك و عاارفة رااسهاا طااااايشة و خفيفة أكثر من القيااس و ما عندهااش الحبااساات و ما مولفاش شي حد يتحكم فيهاا و دير بحساابوا قبل .. يعني جوج دالشخصيات متناقضين كليا بحال الزيت و المااء 


جوج دالشخصيات متناقضين كلياا .. بحال المااء و الزيت .. صعيب وااحد يحني راسوا للاخور .. و لكن مع ذلك كيحااولوا ما أمكن .. 

أكيد يووسف لي عرفااتوا نهاار العرس ماشي هو نفسوا يووسف لي معاها فاش تزوجوا .. لاحظاات كيفاش تبدل معاهاا دقة دقة و نفس الشيئ بالنسبة لهاا ما كانتش هكاا قبل ما تعرفواا .. و دابا تردعات و تربطاات و رجعات كتفكر فيه قبل من راسها .. 

ما بقاش فيها الضرب لي ضربهاا يااما كلاتها من عند عبدوو .. و لكن الحكرة لي حسات بيهاا متسرطاتلهااش .. و علاش ما يعطيهااش فرصة و يسمع لهاا و يناقش معاها بهدووء بحال ديما ..

بعد مدة فااق فااتح عينيه فالسقف كيسترجع شنوو وقع معااه ... تفكر شنوو دااز فهااذ ليلة كااملة و كيفااش خرج معصب طااير فالطريق .. حتى وصل للدخلة دإفراان و قرا مسج دخولة .. بلا ما ينتاابه للطريق و مع السرعة و السويكلاس .. ماا عرفش كيفااش وقع حتى تقلباات بيه الطونوبيل .. و مع ماكانش دااير السمطة تضرب راااسوو ضربة خاايبة مع الزااج حتى غيب طاايح على يدييه و من تم ما بقى عااقل على وااالو 

ضور وجهووا جهتهاا .. هااذ الأخيرة لي كاانت كتشوف فيه ببروود وااخا ما كرهااتش طير تعنقوا و تقولوا على سلامتك مي كرامتها فوق كلشي .. 

يووسف:(بصوت مبحوح ) ش شكون احم لي قالهالك و جابك ؟ 

خولة:(رفعات حااجبهاا .. هذاا همواا وااخاا فالسرير كيتوجع !! ) عيطولي من الكلينيك 

يووسف:(حرك رااسوو و جااتو الدووخة قبط فيه موجوع و عااض على فموو ) اننن 

خولة:( قالبة وجهها ) بسبعة د الروااح الله يستر 

يووسف:(سمعهاا و سكت كيتصنت لوجعووا )

خولة: طبيب قاالك عاادي لحريق .. دوونك صبر .. (عوجات فمهاا ) و بلا ما تبقى تغوت بحال بيبي هناا (جهداات صووت دالتلفاازة حتى لأخروو و كتدندن مع المووسيقى )

يووسف:(بصوت عياان ) نقصي الصوت 

خولة: نوو يالاه كنسمع .. (هزات كتافها ) سد وذنيك يلا ما باغيش تسمع

يووسف:(غمض عينيه ) بااغاا تشفااي تشفااي غير سكتييه هاا العاار .. ما تزيديش علياا .. (خشى رااسوو فالمخدة عااضهاا بالجهد ) امممم اووف اوووف 

شافت فيه بنص عين بقى فيهاا و لكن بغات تلعب معاه خوو لعبوا و كملات تدندينهاا كأنوا ما كااينش كتغوت و تنقز .. مهم تفقصوا و تعصبوا .. حتى هو ما رجعش هضر معاهاا .. أصلا ما قادرش يهضر و عاارف غير غيزيد يحرق راسوا و صاافي .. 

شد فالبيااص جاالس بزز حااس بالدنياا كلها كتدوور بيه .. بقى شحاال كيحااول يثبث رااسووا .. عااد هز الخذية و قاادهاا و تزدح عليهاا بالجهد كينهج .. و يديه كيقلبوا فالجنب على لبوطون بااش يقااد الجلسة .. ما سالا حتى ربي غفرلوا .. و رجع كلوا كينهج عرقاان و هي متبعااه بنص عين زعما ما مسوقاش ليك .. حتى تفتح لبااب و دخلات وحدة من الممرضاات .. جاارة وااحد العربة فيهاا ماكلتوا و الدوااء .. حطااتهاا فالجنب .. و شافت فخولة .. و قالت

~ ختي نقصي الصوت الله يرحم الواالدين رااه كلينيك هذاا و نااس مرااض .. (شاافت جهة يووسف لي سااكت و صاابر ) رااه سيد رااسوا مفرووع و ما نااقصووش صدااع .. 

خولة:(عوجات فمها و طفاتها حااضية لوخرى كي كتعوج حدااه و تقااد ليه و هو متكي برااسوا ما قاادرش يوقفواا كتجيه الدووخة .. نطقات و هي كدور عينيهاا .. ) 

~ وااش نعااونك أخوياا تااكل ..

خولة:(ما خلاتلوش فبن يهضر و دارت يديها على جنبها و جاوباتها بصرامة ) تقدري تتفضلي .. راجلي غنتكلف بيه (فتحات لها الباب معلية حااجبها فيها .. تسناتها حتى خرجات و زدحات لبااب .. مااشية جهتوا ) عااجبك الحاال نتاا يااك

يووسف:(فتح عينيه فيها ) خولة الله يهديك 

خولة: هااذي الحماارة ماشي خولة 

يووسف: شكون هااذ الحيوان لي قاالها لك 

خولة:(لاحتلوا المنديل على صدروا ) عارف راسك حيوان بعداا يااك !! 

يووسف: و كبيرهم كااع 

خولة: ايواا الحمد لله ..

ما خلاتوش فين يهضر و خشاتلوا معلقة ففموا .. حيت يديه ليمن هي لي مهرسة .. بقاات معاه حتى شبع و شرب الدوااء لي يكالميه .. هزات السينية حطااتها و قاداتوا فبلاصتوا و هو غير حاضيها و سااكت .. قبل ما تمشي .. قبط يديهاا بقوة ما خلاهاش تحرك و نطق بصوت ندماان 

يووسف: خولة بلييز سمحيلي .. ما كنتش باغي نضربك و الله .. (باس لها كفها ) تمنيت لو تقطعات يدي قبل ما تحط عليك سمحيلي عاافااك وااخاا عاارف ما عندها ما تزيدك و ما عندها ما تنقص لك .. و لي عطى الله عطاااه و لكن ...


خولة: شنو و لكن شنو ؟ صاافي بردتي أعصابك فيا و عااد تناادم معاك الحاال ؟ شنو كاان غينقص منك لو أنك سمعتيني و ما سبقتيش يديك هاا ؟ رااحنا بناادم ماشي حيوان كنتمشااو بالعصاا .. أناا ما درتلك واالوو بالعكس بغيت نفرحك و ندير جيسط زويين ... و شووف نتاا بااش رضيتيه .. حتى أناا دااباا لاش غنسمع لك هاا ؟ (جرات يديها ) طلق مني

يووسف:(زااد زير عليه ) كنعتاارف بلي غاالط معاك من راسي لرجلي .. ما ديريش بحالي.. غير سمعيني

خولة: ما بغيتش نسمع الخراا طلق منيي

يووسف: غير دقيقة منفوتهالكش 

خولة: و ماا بغيييتش المرررض اوووف دير فرااسك نفس شوية و بعععد منييي وااااه طلااااق المرض طلااااق

يووسف: خو 

خولة:(ما حساتش براسها كي داارت و سرفقااتوو حتى تسمعاات الصفعة فالبيت كاامل كتعااود .. طلق فالبلاصة من يديهاا .. و هي تبلوكات حدااه بالصدمة حاطة يديه على فمهاا عااد طلعات معاها .. يالاه جات تحط يديها عليه و بعد بالشوية ) يووسف 

يووسف:(هز يديه مقااطعهاا ) صافي سيري هااني بعدت .. سمحيلي ضايقتك 

خولة:(رجعات بلور حتى جلسات فبلاصتها قاارمة غير كتشوف فيه .. حتى هو ما رجعش هضر و بقى جو كلوو سكااات فسكاات .. من غير أنيينوو لي كيتسمع مرة مرة .. )

قنطااات و ماا لقاات ماا دييير و هي تنووض تدخل للحماام .. اللهما هو ولا هااذ الجو لي جالسين فيه .. حطاات رااسهاا على لافابوا و ضرباات بيديهاا .. 

~ اااخخ منك اخولة اااخخ .. كتجي تكحليها كتعمييهاا اوووف

برداات وجههاا و خرجاات لقااتوو جتى هو ناايض يالاه حااط رجليه للأرض و كيحااول يوقف .. بالزربة مشات عندو و قبطاات فيه معااونهاا .. 

خولة: ما تعرفش تعيط لياا ففف

يووسف:(بغى يبعد) غير خليني عليك صافي ..

خولة:(زيرات عليه معاوناه ) هنيناا من عزة نفسي ما بتسمحلي ..

يووسف: خولة صافي طلقي 

خولة: لا (حمرات فيه و غوتات ) باركة من فعاايل دراري صغاار وااش بااغي طيح فبلاصتك رتب يووووه

يووسف: الصصصمت

بقاات معاه حتى وصل للدووش و جلس فوق لاصااش .. 

خولة: فاش تسالي عيط ليا

خرجاات و خلاتوا حتى سالا و فتح لبااب كيتمشى بالشوية .. وقفات عليه عاوناتووا حتى جلس و هي كتنكر 

~ لي فرااسك فرااسك زعماا يلا عيطتيلي غتنقص منك شي حااجة بااز .. والله حتى غتمرضني معااك بهاذ الفعايل .. 

يووسف: يااك أناا غير لاسق فيك و ما فيااش النفس و شنو ااخر .. ااه مرض !! صافي هااني بعدت بااش ما نمرضكش رتااحي مع رااسك .. و سمحيلي بزااف يلا كنت عاالة عليك

خولة:(هبطاات شفايفها و عينيها دمعوا ) 😢


يووسف:(يالاه فتحات فمها تهضر و قاطعها بجدية ) صاافي أ خولة صاااااافي .. خذيت جواابي قبييييلة .. حتى دااباا ماشي مشكل و ما عندكش لاش تستحمليني .. وجدي رااسك انعيط لعبدو يجي مورااك .. و لحل لي بغيتي أنديروا معااك .. 

خولة:(تسمقلات و بقات غير كترمش فيه ) دااباا هذاا الحل لقيتيييه !!!

يووسف: يااك هاذشي لي بغيتي ؟

خولة:(بتلعثم) ط طلاااق ايووسف طلاااق !! وااش من نيتك !! 

يووسف:(مسح على وجهوا و بااين الحريق كيقطع فيه و غير مكاابر معاها ) شكون جبد شي طلاق ؟

خولة:(ضرباتوا لسدروا مغزفة كتغوت ) و شنوو معنااتهاا نسيفطك لدااركم ؟ صافي كلمة جووج لفرااق !!؟ وااخاا اسيدي ماا قلتي عيب عيط لهااذ عبدوو ياالااه 

يووسف: ما غتنقصيش صووتك ؟ من قبيلة و أناا صاابر عليك و قوولي صبري قليل .. دااباا بلعي لساانك نهضرووا بحاال النااس 

خولة: ما بغيتش نهضر 

يووسف:(جرهاا من يديها و لاحها فوق النااموسية و طلع فووقهاا ) ما غتساليش من هااذ النفخة و التبرهيش الخااوي ؟

خولة: حييت نتاا تباارك الله بعققققلك !!

يووسف:(خرج عينيه) خووولة 

خولة:(خرجات حتى هي فيه عينيهاا ) شنووو !! اااه برهووشة ومن نهاار نهااري هكاا و درت على ودك لي عمري درتوا على ولد المرااة .. و فلخر كنطلع أناا لي ما نسوى ما نصلاح و مني الغلط يااك ؟

يووسف: على أسااس أناا ما درت عليك وااالوو ياااك !!! حااجة وحدة حاااجة وحدة فيااا خاايبة و كنحاااول ماا أمكن نتكاالماا معااك و لكن نتي فففف (شد على رااسوو سااكت )

خولة:( عوجات ملامحها بألم حتى هي .. و فدقيقة هدناات و هضرات بهدووء عكس قبيلة ) لا أنا شايفة شنو دااير على ودي و معتاارفة بيه .. و عاارفااك كثر من رااسي و متقبلاك هكااك .. بميزاتك و سيئاتك كيفما نتا متقبلني .. لكن هذاا ما كيعنيش فوقما تعصبتي مني تنوض تضربني و أنا نسكت 

يووسف: لا نووضي ضربيني حتى نتي

خولة:(عضات على فمها ) ما قصدتش ماا عرفتش شنو وقع لي ماا حسيتش ..

يووسف: حتى أناا ما قصدتش !! حتى أنا بلا شعور !! حتى أناا ما كنتش غنضربك و لكن كلاموا نرفزني عصصصصبنييي اخووولة (ضرب بيديه فالناموسية ) حسيت برااسي حماار بالوذنيين فااش قاالي تلاقيتها فالصباااح .. و أناا مسولك كتقوولي بقيت غير فالدااار !!!! دااباا دخلناا عليك بالله وااش ساااد عليك البيباان ؟ حاابسك ؟ كتهضري معايا كنقمعك ؟ كنضربك على نص كلمة ؟مركب فيك الرعب ؟

خولة:(حركات راسها بلا )

يووسف: و علااش تكذبيي !! قووليهاا عااادي و مطلعينيش حماار قدااموو .. هااذشيي كووم و كيفااش كيتشهى فيك كوووم ااااخر .. (ضحك مغزف) عجبتيه و ماا قدرش ينسى عيوونك الزوورق (نطق باستهزااء ) يااا حبيييبييي 

خولة: اااه غلللطت فاش كذبت عليك مي قلت ما غيعجبكش الحااال .. أما لاخور فرااه ما عطيتوش وقت نهاائياا و ما جاوبتوش .. بلا متعصبني الله يرحم جدك وااش نسد لعبااد الله عينيهم .. (جبداات شعرها مجننة ) شنو ندير شنوو 

كل وااحد قلب وجهوا لجهة كينهجوا .. لدقاائق و داار عندهاا

يووسف:(بهدووء مسك فذقنها بلطف ) كنعتااذر مرة اخرى حيت ضربتك .. و غتكوون ااخر مرة نحط يدي عليك

خولة:(عينيها غرغروا) قسحتيني 😢

يووسف:(تحنى بااسها فحناكها بجوج ) هاا أنا تصالحت معاهم .. صافي ؟

خولة:(جراتوا عنقاتوا كدمع ) ما بغيتش نولي نشوف يوسف دالباارح هذااك كنكرهوا .. هذااك مااشي نتاا .. نتا الحنين لي كيفكر فياا قبل من رااسواا ..

يووسف:(حرك عينيه بوااخاا ) سمحيلي

خولة:(حطات يديها على حنكوا ) سمحلي حتى نتاا ما عرفتش كي درت حتى (عضات فمها و سكتات) 

يووسف:(عض فموا و حرك راسوا بااه ) صاافي هاانية .. 

خولة:(عارفة غيكون تقلق منها دبصح .. حيث اي راجل كيفما كان مغيقبلش ) منعااودش .. و الله ما قلت احترام غير 

يووسف:(حط صبعوا على شفايفها مسكتها ) صاافيي ششش .. 


خولة: ما غترجعش تضربني يااك !!؟ 

يووسف: صاافي كلمة دالرجاال .. يلا وليت هزيتهاا عليك انقطعهاا من بلاصتها ..

خولة: و عاارفاك قد كلمتك و غتوفي بيهاا .. و حتى أنا كنوااعدك عمري نعااود نكذب عليك فأبسط حااجة كيفما كاانت .. 

يووسف: أحسن حااجة غادي ديري اخولة .. كنكره جوج دالناس المنافق و الكذااب ..
ما غنهضرش معااك و ما غنعااتبكش يلا جيتي قلتي لياا درت و درت و درت .. كاملين كنغلطوا و عاادي .. و لكن لي غينيرفيني هو نسمع من البراني .. 

خولة:(عضاات على فمهاا ) هو أناا درت وااحد الحاجة و ما عرفت وااش تعجبك و لا لا .. 

يووسف: شنو ؟

خولة: فالصباح سيفطت مسج لنوال عاودتلها شنو وقع .. هي لي لقيت قباالتي نخوي قلبي عليهاا .. 

يووسف: اووك تماام .. بلحاق مرة أخرى متعااوديش .. لي بيني و بينك خااص و حتى حد ما يعرفواا .. 

خولة: وااخاا كن هااني .. 

يووسف: مزياان .. 

خولة:(حطات يديها على رااسوا ) كيحرقك بزااف احبيبي 

يووسف: شوية ففف 

خولة: نديرلك مسااج ؟ 

يووسف: ما كرهتش ..

ابتااسمات حتى تغمضوا عينيهاا و بعداات من تحتوا .. عاوناتوا حتى تقاد فبلاصتوا .. و داارلها بلاصة حدااه .. و مداات صبيعاتها لجبهتوا و بدات كتدلك فيها برفق حتى غمض عينيه و مرة مرة كيفتحهم يشوف فيها و كتبتااسم .. حتى قاال مغمض عينيه .. 

يووسف: عمري نتخلى عليك وااخا شنو ما يوقع اخولة .. وااعدتك و وعد الحر دين عليه .. ما بغيتش نوصلوا حتاال هاذ الموااصل .. على موضوع صغير و كاان من الممكن ما يكبرش من الأصل .. 

خولة: سي كن ما كنتيش نفسك فنيفك و خاص غير لي يجبدك و تتعصب .. و كن ما كنتش أناا وااحد سليطة لساان و ما كنحشمش .. أماا حناا ما يصلاحش ليناا الهدااوة ..

يووسف:(ضحك مبين سنانوا ) مع ذلك ماشي لهاذ الدرجة .. (قبط لها يديها و نزلها من جبهتوا ) ما بغيتش توقع حساسية بيناتناا .. نهاائياا .. ما بغيتش ديكشي لي قلتي فالرساالة تكوني كتحسي بيه بصح جهتي .. و لو فلحظة غضب ..

خولة:(حركات راسها بااه ) نبدااو صفحة جديدة و نسااو عليناا لي وقع 

يووسف: لكن هااذ المرة بشروط 

خولة: فااش تكون معصب غتمشي ضرب ضوورة حتى تبرد و ترجع نتنااقشوا بهداااوة ..

يووسف: الكذووب و قلة الاحتراام ما معاناش 

خولة: عمرك تعاود تجبدلي لعصاا .. ما بااغياش نترعب منك .. نتا رااجلي مااشي حااجة اخرى .. 

يووسف: لي ضرااتك تقوليهاا و حتى أناا نفس الحااجة .. نجلسواا ا طاابل و نهضروا .. 

خولة: عمرك تسمع للنااس و تيقهم حتى تسمع مني و تتأكد .. ما تخبي علياا حتى حااجة و أنا نفس الشيئ .. 

يووسف: غتكبري عقلك معاياا .. و متبقايش تتصرفي بطفوولية فالموااضيع الجدية .. 

خولة: و حتى نتاا غتصغر رااسك معاياا و تتفكر بلي صغر منك ب 14 لعام .. يعني شي حااجة نتاا غتجيك عاادية أنا لا .. و العكس كذلك .. 

يووسف: حااجة أخرى .. درااري فالمدرسة غتبعدي عليهم ماا أمكن .. و ديري بينااتكم حدوود .. ما تفوتيش معااهم السلام .. و لا هضرة على القراياا .. 

خولة: أصلا ما كنهضر مع حد .. و حتى نتاا دووك الطحباات غتديرلهم حدهم و تمقعهم .. يسحابك ما كنشوفش كيفااش كيهضروا معاك و يتعوجوا ييخ .. 

يووسف: هههه وااخاا .. اللبااس 

خولة: ماالوو حتى هو ؟

يووسف: واالوو غير كوولوا مقزب و نص لحمك كيباان و صااافيي .. كن ما كاان لبرد كن رااك لابسة لياا نص متروا .. 

خولة: و رااه عاادي لبنات كااملين كيلبسوا هكااك .. مااشي غير أناا .. 

يووسف: ما سوقيش فيهم .. نتي لي كنعرفك .. مهم مغنقولكش ديري لفولار .. واخا الصرااحة خصكي ديريه و الموضوع ما فيهش اقتنااع مي ما عليناا انخليك على خااطرك حتى تبغي ديريه .. غاا هو صدرك ميتعرااش .. و درعاانك متفوتش لمرفق .. و لتحت يكون تحت الركبة بشوية ..قل من هااذشي ما متاافقينش .. هاني درت معااك مت مزياان

خولة:صاافي وااخاا ميكون غير خااطرك .. 

هكاا كملووا جلستهم و حطووا النقط على الحرووف و ما جات فين توصل العشية حتى كانوا حطوا الرااس على الراس و نعسوا بالعيااء ..


منتصف الليل و كل مرة يتحرك يووسف يأنن برااسوا و يديه لي معذباه و مقنطااه .. ما بقاش قاادر يصبر .. حااس برااسوا كيتشقق عليه .. و حمد الله مليون ألف مرة فسرواا على صحتوا .. و كيتمنى غير فوقاش يهدن عليه الحريق و يرجع كيفما كاان أو أحسن ... 

نعم الله لا تعد و لا تحصى عليناا و أبسط موقف كنوااجهوه .. كيبين ليناا شحال حناا ضعااف و أبسط شيئ كيأثر عليناا .. لهذاا خصناا نديروا علاياش نرجعوا مع مالك السموات و الأرض .. لأن الموت كتجي بغفلة و كتخطفك بلا متحسب لها حسااب ..

هااذشي لي بقى يووسف كيفكر فيه ليل كاامل و كيرااجع رااسووا و مرة مرة يدااعب خولة فوجههاا و شعرها لي مليووح حدااه و معنقااه من كرشوا ..

بعد طوول صبر .. حرك يديه السليمة على رااس خولة .. و بعينين تعباانين و منفووخين نطق بصوت مبحووح .. 

~ خولة .. خولتي .. فيقي .. خووختيي

ثواني ما كاملاش و قفزات من بلاصتهاا .. كتقلب فرااسوا و وجهوا بخوف و نطقات بلهفة

~ ماالك احبيبوا .. مقصح يااك ففف نعيط لطبيب ؟ 

يووسف: تئ ما عندو ما يدير 

خولة:(حطات يديهاا على جبهتوا )

《 اللهم رب الناس، أذهب الباس، واشفه وأنت الشافي؛ لا شفاء إلا شفاؤك، شفاء لا يغادر سقماً 》

(باستوا فراسوا ) الله يشاافيك ياا ربي 

يووسف: أمين .. نوضي جيبي تيليفونك

نااضت بالزربة كتقلب عليه حتى لقااتووا و وقفات عليه ..

يووسف:(بتعب) دخلي ليوتيب و ديري الرقية الشرعية و طلقيهاا معااك 

خولة: هاا !! وااخاا 

داارت لي قاالهاا و حطااتوا فالكواافووز جنب حدااه و رجعات لبلاصتهاا .. حااطة يديهاا على رااسوو و كتحركهاا بمسااج خفيف و حنيين .. 

خولة: كيبرد عليك ؟

يووسف: أه 

بقاات كتحرك يديهاا و حااضيااه .. مراات كيتفكوا ملامحوا و كينعس برااحة .. و مراات كيتقصح و يفيق معذب لا بيديه لا برااسوواا ..

ليل كاامل دوزااتووا هكااك يديهاا عيااااو و طاابوا عليهاا شوية يشدهاا كلاكااج فيهم و مع ذلك صاابرة على ود يرتااح و ميبقاش محرق ..حاالة عينيهاا فيه بزز و رجعووا حووومر و نااعسين (تقول محششة 😂 ) .. و فووقما يحبس القرأن كتعااودوا من جدييد .. حتى قرباات تشرق الشمش عااد دااتهاا عينيهاا ما حاساش برااسهاا وااخا عياات تكاابر .. يديهاا محطوطة فووق رااسوو و رااسهاا معوج جييهتووا .. حاالة فمهاا شوية ..


صبح الصبااح عليهم معنكشين بجوج فالنعسة .. فتح عينيه شحاال متبث نظروا فبلاصة وحدة كيسترجع شنو وااقع و كيرد الذااكرة .. عااد ابتااسم و بعد شوية جاار خولة جهتوا و مقاادلها رااسهاا .. 

زاادت تمخششاات فيه عياااانة و ما حااسة بحتى حااجة .. رغم أنوا طبيب دااز عندوو و شااف حاالتووا و شحاال و هو معااه كيهضروا و شرح ليه كلشيي و حطوا فالصورة عااد مشى بحاالوا .. و ولات دخلات الفرملية بالفطوور و حطااتوا ليه فالجنب .. 

و الاميرة النائمة بااقية ناااعسة خاارج التغطية .. كتمدغ بحاال البنيتة الصغيرة .. و هو حااضييهاا مرة يجبد شعرها يهرهاا بيه .. مرة يلعب فشعرهاا و يجبدلها نيفهاا و حنااكها و يضحك على وجههاا لي كتعيبوا و تبعدوا .. ما تهنى حتى فااقت .. حاالة عينيهاا المنفووخيين فيه و مصغرااهم من الشعى دالشمش.. 

يووسف: مداام نعااسة .. صبااحوو 

خولة:(شافت فيه و تكسلات ) صبااح النوور (حركات راسهاا عوج ) اييي

يووسف:(حط يديه على عنقها ) نعستي معذبة .. محنتك معااياا هااذ ليلة .. سووري

خولة: تئ متقولش هااكاا بالعكس عذابك رااحة كي صبحتي بعداا ؟ 

يووسف: صاافاا حسن من لباارح

خولة: الحمد لله (شاافت فالفطور ) بااقي ما كليتي ؟

يووسف: كنتسنى وااحد الخنفوسة تفيق توكلني 

خولة:(ضحكاات ووقفات كتجمع شعرها ) اييه اسيدي تفشش علياا كي بغيتي 

يووسف: هههه 

تمشاات غسلات وجههاا و رجعات عندو .. كتوكلوا و داايرة معاه الخااطر و هو كذلك كيوكلهاا و مرة مرة يعضها فصبعهاا و يجبدهاا .. صاابح رااشقة ليه .. حتى سالات و قاالت .. 

خولة: لبارح عيطات نوال فاش كنتي نااعس و نسيت ما وليتش عيطتلها غتكون مشطووونة عليييك .. حتى خاالتي خصنا نعيطولهاا 

يووسف: شكوون خالتك ؟

خولة: واا ماماك زعماا 

يووسف: اااه .. لا بلاش غادي دير جناازة من واالوو .. اتقولك ديتيلي ولدي صحة سلام ورديتيه معطووب 😂 .. مهم حتى نوصلوا للداار و نهضر مع نوال نوصيهاا ..

خولة:(ضاارت مخرجة عينيها ) عااود شنو قلتي 

يووسف: نوصي نو

خولة:(قاطعاتوا ) لا لا لوخرى .. شمن داار نغ 🌚

يووسف: داارناا نغ 🌚 

خولة: لا أكييد حماقيتي بااقي مرييييض و عيااان و تنووض تخرج داابااا 

يووسف:(هز كتاافوا ) هضرت مع طبيب و عطااني المواافقة .. و أصلا يلا بقيت هناا لي غنزيد نمرض بهااذ المااكلة دالويل (عوج فموو مقزز) اللهم ماكلتك و لا دياالهم

خولة: بوول لبعير 😂 

يووسف: هههههه 

بعد مدة خاارجيين من الكلينيك .. متكي عليهاا غير شوية .. معااونااه و مااشيين على أقل من مهلهم .. لقااو الثلج كيطيح منظر راائع .. 

خولة:(غمضات عينيهاا مبتااسمة و طاالقة يديهاا للسمااء كتلعب و توريه و تسنى حتى تذووب و ترجع تهز شوية عااود ) 

يووسف:(هاايم فحركاتها الطفووولية ) بياااض الثلج ❤


منظرهاا و كيفاش فرحاانة و حنااكهاا حووومر و عينيهاا مغمضيين بضحيكتها البريئة .. نسااه فكلشي يكفي تكون فرحاانة و مرتااحين مع بعضهم هذاا هو الفضل كولوا بالنسبة ليه .. 

طلق منهاا و شيرلها بيديه تمشي .. حتى هي ما كاانتش من العااكزين خرجاات كتضحك و تلعب فالثلج و تنقز بسعاادة .. و تشكل أشكاال مختلفة بيديهاا و تحضيهم حتى يذوبووا و هي كتفرنس .. حتى شبعاات و رجعاات عندوو كتجري و عنقااتوو من كرشوا ..

خولة: نسيت رااسي 😅 اححح و شحاال كيسطيني لجو هااكاا 

يووسف:(جبدلهاا حنكهاا ) اححح و شحاال كتسطيني هااكاا لحسك .. علاش ما تبقاايش هااكاا دييماا نااكلك أناا (باسهاا بقوووة فحنكهاا )

خولة: أصلا أناا عسل .. حتى كيجبدني بنادم عااد كنولي قطراان 

يووسف: هههه 

خولة: ياالااه نمشييو البرد علييك .. 

بانتلهاا طااكسي شيرااتلهاا و ركبوا حتى وصلواا للداار و خلصاات و نزلووا .. عااوناتوا حتى بدل و قاداتوا فبلاصتوا .. 

خولة: داابا طونوبيل تشخشخاات 

يووسف:(حرك يدوا فالهوااء ) مشااات بااااحح .. حتى نولي بخير و نرجعوا و نمشي للاسوراانس يتكلفوا .. 

خولة: ااييه و فاش غنرجعوا ؟

يووسف: شكون قاالك غنرجعوا ؟ صاافي خطفتك ماافي رجعة 

خولة: ههه ما كرهتش الصرااحة بلحااق العرضة لي داايرين عاائلتك بقاالها 3 أياام .. و خصناا نكونوا حااضرين ..

يووسف: امم .. (تفكر ) دوزيلي نواال اينوو نوصيها بعداا 

خولة: ديماا كنبغي نسولك و كننسى .. شنو معناات ايينوو 

يووسف: امم تقريبا بنفس المفهوم د mine 

خولة: هي نتاا يوسيفينوو هههههه (مدااتلوا تيلي و غمزاتوا ) بلحاق نتاا حبيبي و ديالي بووحدي ماا نشاارك فيك حد .. وااخاا تكون حتى ختك 

يوسف: هههه حمقة .. غير من المعزة كنعيطلها هكااك .. قضية ولف و صاافي (قبط الخط و جااوب ) ألوو 

خلاتووا كيهضر و مشاات لكوزينة كدندن و تقطع فالخضرة و تفكر الشوربة لي كاانت مااماهم كتقاادها ليهم داائماا فااش كيكونوا مرااض .. و لي شحاال من مرة جلساات حدااهاا و هي كتصوبهاا .. بقاات كتستعقل المكوناات حتى سالاتهاا و عمراات ليه زلافة .. داارتهاا فبلاطووا و مشاات للبيت ..

لقااتوو بااقي هااز تيليفونهاا كيخربق فيه .. قربات عندوو بانلها دااخل للتصااور كيشووفهم و ضحكاات ..

خولة: عندااك تصدم رااني زيينة من صغري وااخا هكااك 

يووسف: ههه لا تصدمت و لي عطى الله عطااه .. 

خولة: هههه خصني نشاارك فبرناامج كي كنتي كي وليتي 

يووسف: لوااه لالاهم العروسة 

خولة: اهااه علاش ما نشااركووش !! فكرة ولاهيلا

يووسف: اييه و نحسن لحيتي و ندير الخماار ديك السااع حسن لياا ..

خولة: علاش عاادي .. شحاال من وااحد كيدي مرااتوا و عاادي 

يووسف: هاانتي قلتيهاا شحاال من وااحد .. مااشي يووسف .. و لي ماا عندوا نفس على مراتوا غير يمشي يمووت .. بفف قلال النفس و الرجلة .. نخدم صباح و عشية و نجيبها من فم سبع فضل من دااك الدل و الحمووضة بمياات ألف مرة ..

خولة: عندك الحق تانا بعد المرات كنتعجب مي من جهة اخرى زوين النااس يفرحوا لك و يدعيوا معااك واخا مكيعرفوكش و زيد الشهرة لي كتشهر .. و أغلبيتهم كيقلبوها من بعد قناات فيوتيب يدخلوا منهاا فليساات بدم بااارد 

يووسف: نفضل نتشهر بشي حااجة دالصح .. موهبة .. اخترااع .. اكتشااف .. و لا نص الشعب يتفرج فشنو خيطت لرااجلي و ردة فعلوو .. عرضت على حمااتي و هاا شنوو قاالت .. شوفوا صالوني جدييد كي جااكم .. بقاالهم غير يخرااو و يجيو يصوروهاالناا .. خليني سااكت الله يرحم بااك 

خولة:(بقاات شحاال سااكتة و طلقااتهاا بضحكة دالشيخاات فالأعااالي ) و هاااز فقلبك اخاااي 😂😂😂😂 تشى رااه بزاااف هههههه مع ذلك عندك الححححق غاا لي ما لقات ما دير تنووض تفرعلنا رااسناا 

يووسف:(ضحك و شااف فالبلاطوا ) شنوو صاوبتي؟

خولة: الشوربة السحرية .. جووج زلايف منها تولي بقوة العوود

يووسف:(مشى بالوا بعيد و ضحك حتى دمعوا عينيه ) ما نحتااجش الحب .. ديكشي عندي بلا مجهوود

خولة: هاا !!؟ مفهمتش !!

يووسف: واالوو ..عطيني نشووف هاذ المااجيك 

خولة:(مدااتلوا معلقة ) 

يووسف:(غمض عينيه و هز يديه بعلامة لايك ) الله يعطيك الصحة 

خولة: بيني و بينهاا قرن و زماارة من نهاار تحشمت فالمدرسة ماا وليت حطيتهاا ففمي .. نااري داازوا سنيين و بااقي ما تسرطااتلي هههه 

يووسف: ااش وقع ؟ 

خولة: نعااودها لك كي الخراافة كناا جاالسين فالقسم .. ما بياا ما علياا .. حتى سولاتني وحدة بااش تعشيتي قتلها بالشربة و نتي ؟ و هي تشهق مصدووومة .. قتلها ماالك ؟ قاتلي وااش الشربة الشربة قتلهاا ااه .. ايواا ياا يووسف هههه تسنات جاات الاستااذة و مشاات عندهاا هضراات معاهاا .. قااتلها خولة تعشاات بالشراااب !!! نتووماا رجووع الله شكوون جبد الشرااب اناااري .. و كلهاا نااض يحلل و يفسر لرااسواا .. و شي بنات ضااروا عندي قاالك عليهاا كتهضري ب " أ " حيت فديك الوقت كنت كنهضر بيها .. راه عاد تسرح ليا لياان .. ايوا قالك يا سيدي كنعرقوهاا شرااب فداارناا .. و اجيي فهم دااك القوم بلي شوووووربة ماااشي شراااااب ينعععععل طيييط (شاافت فيه ) تححححشمت تحشيييماا ماا من بعدهاا تحشيييمة تمنييت الارض تنشق و تبلعنيي (رمشاات عينيها ببطئ و عوجات فمها مفقووصة )

يووسف:(عيى صاابر خااصة مع تعاابير وجههاا و هي كتعااود فالأخيير طلقهاا بضحكة قوية فالعلى و كيضرب بيدييه فالناامووسية و يشووف فيهاا و يرجع يضضضحك ) هههههههههههههههههههههه اووووف ههههههههههههه و الله حتى مقطعة لورااق 

خولة: ههههه (وقفات كتشاالي بشعرهاا و تضحك معااه .. كدوور على رااسهاا و تشطح ) أناا طبعي كذا و بحب كذا و بحب أعييش و ما عنديش إلا كذاا .. عاايشة سني و بغني و بحب الحياااة 😍

يووسف: هههه

خولة:(رجعات عندو كضحك و هزات زلافة كتمد ليه بحال بيبي ) هههم ههههم هااا طيااارة جاااياا هوووب (خشاتهالوا و صفقاات ) براافووا 

يووسف: كح كح دااباا اناا بلحيتي رضيتيني بيبي ما حشمتيش هااا (غمزها كيضحك ) 

خولة: ناائح نتاا ولدي لغزاال .. و رااجلي الحنين .. و أستاذي المعقل 

يووسف: هههه رااجلك ما قلنااش .. أستااذك حتى هي .. ايواا و ولدك هي يلا خليتيناا نعمروهاا (حط يديه على كريشتها ) بشي بوبينووا (شاف فيها و غمزها ) ااش قلتي 

خولة: حتى ندير العرس .. بغيتيني نبرز بكرشي لفمي و بناادم يبداا يهضر و يأول ..

يووسف: حطي هااذيك و أجي نقوولك 

خولة:(هزات لبلاطوا و حطاتوا جنب و رجعاات عندوو ) 

يووسف:(جبدها على غفلة حتى طااحت عليه .. و هزلها راسها عندو بلطف ) دااباا غير بيني و بينك و بلا ما تحشمي راني رااجلك عاادي 

خولة:(كدور فعينيها ) ا هاااه !! 

يووسف: شنوو خالعك ف" السكس " و مخليك فوقما نقيسك تتفزعي ؟

خولة:(تزنكاااات و بغات تنووض) الصمممت 

يووسف:(زيرها و دوز على حنكها بحناان ) تئ جلسي غير هضري عاادي نفهم المشكل فين كااين

خولة:(ما قادراش تشوف فيه و هي جالسة فوقوا و مزيرها عندوا و كيهضر بهدووء و بروود عكسها هي لي رجعاات حمرة كثر من مااطييشة و عينيها شوية يدمعوا بالحشمة ) ففف تت دااباا ماي اووف (هزات عينيها فيه كيبريوا ) منقدرش 

يووسف: و علاش زعماا ؟ أكييد غيكون عندك وااحد التخوف و لا فكرة غاالطة فهااذ نص عقل 

خولة:(عضات شنافتها و هضرات ببرااءة حشماانة ) غنتقصح فيه و غاادي تتفركع و يسيل الدم و بحاال واالوو توقع ليا شي حااجة ففف بلاش عافااك .. 

يووسف:(بقى شحاال كيشوف فيها مصدووم و خصوصا فالدم .. تفكر فاش عضات فمها و سال ليها و كيفاش تخلعات .. و فهم بلي عندها فوبيا من الدم ) شنوو لي غيتفركع ؟

خولة: واا فف هذااك

يووسف: شنو هو هذااك ؟

خولة:(هزات عينيها فعينيه ) احم هذااك فف ديالي زعماا .. كنسمع لبنات كيقولوا طرطقت البوشونة 

خرجات عينيهاا عااد طلعاات معاهاا .. و فالبلاصة نزلات رااسها خاشيااه فعنقواا و عااضة على فمهاا 

يووسف:(نطق مصدووم و بصوت هاادئ) علاش عندك قنبوولة بااش غنفركعوها ؟

خولة:(شافت فيه و رمشات ) ما غيتفركع واالوا فكرشي ؟ 

يووسف: أكيد لا .. شنو غيطرطق الله يهديك .. رااه غير هضرة خااوية 

خولة:(قالت مترددة ) و كي غيدير يسيل الدم على هااذ الحساب ؟

يووسف: رااه خااوي من الدااخل غير لحيمة (دوز صبعوا تحتها حتى قفزااات مززززززننكة و مخخخرجة عينيهاا فيه صدمها ) خصناا نفتحووها و صاافي .. (شاف فيهاا و هي كدور عينيهاا ) و حيت نتي بنيتة عاادي تتجرحي حيت غتكوني مزيرة و بااش تتحل اتقصحي غير شوية و صاافي .. (دوز على حنكهاا بالشوية ) متخاافيش ما غتحسي بوااالووو و غنتكايس عليك .. علااه شحااال عندي من خولة امم (غمزهاا و هي ماا بقاتش قاادرة تشووف فيه و مع ذلك لي فيها ما هناها ) 

خولة: و كي غيدير يدخل هذااك فهذاا !! (حنات عينيها لحجروا ) شوف نتاا قدااش و أناا على قد الحال مسكينة (عضات فمها ) غتفرعني يااك (كتلعب بيديها ) غير كتبتني بهااذ الهضرة أناا عاارفة 

يووسف:(بهضااتوو ) ااش عاارفة ااش ؟ (رجع حط يديه على حنكهاا و بهدووء و حناان كيهضر كأنوا كيقنع بنت سبع سنين ) بلعكس غنمشي معاك دقة دقة حتى تبغي نتي عااد نكمل و يلا تقسحتي أنحبس .. و لاهماا تتهنااي منهاا و لا تبقاي متبوعة و خايفة من حواايجك ؟ هزي رااسك (شاافت فيه ) داباا أنا غتخافي مني نفرعك و نقسحك ؟ كااين شي حد كيقسح روحوا ههم ؟ كلشي بالمهل اخوخة (ضربها بصبعوا لنيفها حتى ضحكاات ) متاافقين !!

خولة: وااخاا

يووسف:(تنهد ) شنوو دااباا ما تخليناش نديروا ولادناا !! 

خولة:(خشات رااسها فعنقوا كضحك و قالت بدلع مطولاهاا ) و حتى تمشي مني ليييغييكل و نتاا تصح و يكون خييير

يووسف:(دور رااسوا بأحياانيي و طولها حتى هو كيعيبها ) اييه حتى تمشييييي و يكوون خيييير

خولة:(بدلع) واا يووووسف

يووسف:(هز يديه ) هههه صاافي صافي هااني سااكت

قلب عينيه كيفكر فهضرتهاا و يشووف وااش قنعها بكلامووا و كيحرك رااسوا بلا حول على أفكار عندهاا .. ضحك فنفسوا حتى شبع و هي لاسقة فيه و سااكتة مزنكة ما قادراش تهضر مزاال .. و هو يرجع يأكد عليها بجدية 

~ تافقنا دااباا يااك ؟ متبقايش تفكري فدااك تخربيق !! و يلا كان عندك شي سؤال فبالك متحشميش و أجي عندي ديريكت .. موضوع عاادي غير الناس لكبار كيزيدوا فيه بعندااك باالك و حشوومة و عييب .. 

خولة: ااه صاافي تافقناا 🙈

يووسف: ايواا على سلامتناا 

خولة:(باستوا فعنقوا حتى بعدوا مبوورش ) شكراا حيت نتاا معاياا .. و حيت شنوا ما درت ما كتهزش فخاطرك من جهتي و تكرهني 

يووسف:(ابتاسم باستغراب ) علاه نتي كرهتيني لبارح ؟ (حركات راسها بلا ) إذن عاادي حتى أنا نفس الحااجة (جبدلها حنكهاا ) و زاايدون سدينا دااك الموضوع صاافي .. ااش فكرك فيه ؟ 

خولة:(حنات راسها بحزن ) حيت أناا تبرهشت معااك و زدت على ماا بيك وااخا شفتك مريض قداامي .. فعوط ما نوقف معاك حتى تصح و عااد نغضب .. زدتك بقلة عقلي و تعااملت معاك بطريقة خاايبة 😞 

يووسف: أ لالة أنا باغيك هكاا و نتي ماالك ؟ سووقك ؟ أناا و حبيبتي و نتي اييه ؟

خولة:(شدااتها الضحكة ) يااك اسيدي 

يووسف: اييه ا لالة ما سووقكش فمرااتي .. أنا باغيها بنص عقل و تغوت و ما تسكتش على حقهاا و نهاار نداابزوا أناا نطلع و هي تطلع و ما تسكتش حتى نخويو قلبناا بجووج ..

(شاف فيها و ميق ) بغيتي نتي ديك دريوشة لي نغوت عليها و تسكت و تبداا تبكي علياا .. و على أبسط حااجة تبقى هاازة فخااطرهاا و ما قادراش تهضر تقول غنااكلهاا .. حتاال شي نهاار يتفركع فيهاا شي عرق .. أبداا .. أنا بالله و شرع معاك أختي تزوجيها نتي نيت 😏

أناا بااركة علياا غير مراااتيي البرهووشة العييشووورية الحنييينة المقزدرة و الحشوومية فنفس الوقت .. و هااا دخوول الصصحة عااااوود 

خولة:(ضحكاات بالجهد ) هههههه منعااودش صاافي بينك و بين عيشووريتك

يووسف: ايواا هكااك .. (همسلها بالشوية ) تسمعك كتعيبي فيهاا أتنتفك زغبة زغبة 

خولة:(ضحكاات و خشاات رااسهاا فعنقهاا مزيييييرة علييه ) و لايني هااذ المرااة عندك ما كتحشمش


خولة: فاش سمعتك تضربتي حسيت برووحي تسحباات منيي (شافت فيه و عينيها مدمعين ) خفت خففففت بزاااف نخسسرك و نبقى حيااتيي كااملة كنتعذب مع قلبي لي ايتحرق و مع عذااب الضميير بلي أناا لي دعيت فيك و بسباابي وقع لي وقع .. كنت أنموووت موورااك ما

يووسف:(حط يديه على فمها مسكتهاا ) شششش الله ينجييك .. و مااشي بسباابك .. شي حااجة مكتبها لنا القدر .. و أي حااجة كتوقع إلا لسبب كوني أكيدة .. (ضحك بمرح ) قولي دعوتك خرجاات فياا هههه و شرييفة مع رااسك .. 

خولة:(ابتااسماات و دمووع فعينيها كيبريوا ) نهاار وااحد بلا بيك رجع كيجيني ناااقص بزاااف .. عمريي كنت كنظن غنلقى لي يكملني و لي نرتااح ليه فمدة قصيييرة .. لي يحااول يفهمني و يصغر راسوا معاياا .. لي نهااري ما يدووزش يلا ما هضرتش معااه .. يلا ما حمقتووش .. يلا ما عصبتووش و جننتواا و رجعت ضحكتوا و بردتوا عاود .. يلا ماا سمعتش كلاامووا الحلووو و الرزيين .. و يلا ما برزطنييش ببساالتووا و تعنكييشووا .. 

(قربات لشفاايفووا حتى ما بقى كيفصل بيناتهم واالووا ) لي ينصحني و يفكر لياا قبل من رااسووا .. لي ما يقدرش يخسر لياا خااطري .. و يبين مشااعروا و نيتوا بالأفعاال قبل من الكلاام .. و لي منين يتعصب يتسيف على طاسيلتي ههه و لا كل جزء فياا كيناادي باسمك .. و قلبي كيخفق غير ليك .. (تنهداات كأنهاا هاازة جبل فوق ظهرها )

كنبغييييك ايوووسف كنبغيييك (زادت قربات و حطات شفايفها على ديالوا بقبلة بريئة و غمضاات عينيهاا .. حتى نزلات دمعة خفيفة .. و رجعات فتحاتهم فيه ) ما نقدرش نتخيل حياتي بلا بيك .. عليك حليت عيني و عليك باغا نفتحهم طيلة عمري حتى يدي مول الأماانة أماانتوا .. و نتمنى نكون قبل منك حيت ما نقدرش ما نقدرش نصبر ( حركات راسها بلا و هبطوا دموعها بلا ماا تحس ) احساس خاايب بزاااف بزااااف تكوون بلاصتك بااااردة و ماا كااينش .. احسااس كيوجع و كيقتل بالشوية .. 

يووسف:(أثرااث فيه لدرجة كبييييرة خصوصاا كتهضر بحرقة و صوتهاا منغنغ .. نطق بصووت مبحووح ) و ماا حراامش علييك تخليني نحس بيه أنا ؟ نتي ماا عارفااش شنوو كتعني لياا .. شي حااجة لي ما نقدرش نوصفهاا بالهضرة .. شنوو ماا درت تأكدي لمصلاحتك و من خووفي علييك و غيرتي .. و يلا كنتي نتي كتمنااي تموتي قبل مني .. فأناا مطلبي هو تجي ساعتناا قد قد .. تانا من لحم و دم و عندي قلب و كنحس .. و ما نقدرش ندفنك تحت الأرض .. كنتمنى ربي ما يحضرنيش على هااذ النهاار .. و نهار نتدفنوا نتدفنووا بجووج حداا بعضيااتناا .. و إن شاء الله يكون ملتقانا فالجنة ..

(قرب مسحلها دمووعهاا و جرلها شفاايفهاا بمصة و بعد ) برااكة من الدرااماا صااافيي قلبيي الإذاااعة .. 

خولة:(كتنش على عينيهاا ) اوووف جاااتنييي الحااالة عاااود 

يووسف:(زير عليها ) الحنينة ديالي

خولة:(عضات فمها و وقفات ناايضة .. خلاتوا متبعها بتسااؤل حتى رجعات هاازة فيديها فووتر ) تيرارا هههه

يووسف: ااش اديري .. 

خولة: نخلي بصمتي فيديك .. ما طلعاش ما طلعااش .. 

جلسات كتشوف فداك الجبص و تضحك بحمااس .. رسمات قلب كبيير جهة دارت فيها حرف K و جهة فيها Y .. رجعات كتباات .. إلى الذي دخل قلبي بلا استئذاان أحبك ياا أحمق .. 
خلاهاا كتخربق فيديه مرة تكتب عباارة مرة ترسم الخ .. و هو غير حااضي حركااتهاا .. حتى عمرااتهاا كااملة .. و رجعاات لوور فرحاانة بانجاازاتها .. 


الغذ ليه فطرووا و نااضت خولة جمعات حواايجهم و قادات الفاليز و رجعات حدااه كتفكر شنوو دوزوا فهااذ الداار و عينيهاا مرة مرة كيهربوا للزنقة ..

كاان جو زويين و ثلج ماالي الدنياا و لااسق فالشجر .. بمنظر ولا أروع .. بقاات شحال كتأمل .. حتى طاحت عليها فكرة ..

دخلات للكوزينة هزاات مووس و مشات عند يووسف كتجروا يتبعهاا للخاارج .. قصداات نيشاان وااحد الشجرة كبيييرة و وااسعة و غصوونهاا معليين و قااسحيين .. ضحكاات بفرح .. و شافت فيه .. 

خولة: بغيت نخلي تذكاار هناا .. و يلا كتااب و رجعنا شي نهاار نتفكروا هااذ لياام ..

بداات كتحااول تنحت فالخشب دالشجرة و ترسم قليب .. بعد عدة محاولات صدق لهاا و كتبات فكل طرف بدااية أسماائهم .. و رجعات ضاارت عندوو معنقااه جنب و الفرحة شوية غتنقز من عينيهاا حتى سمعوا صووت الطونوبيل وقفات فالباب دياالهم و نزل عبدوو منهاا قااصدهم 

عبدوو:(فاتح يديه كيضحك ) اسياادناا عااش من شاافكم (نتاابه ليديه و وقف بصدمة ) شنو وااقع ؟ (بخوف) يااك لبااس بعداا ؟ (شااف فخولة لي صحة سلام ) شنو درتي ليه الشيطاانة 

خولة:(خرجات عينيهاا و يووسف ضحك ) يااك أ ك

يووسف:(نغزها فظهرها حتى شافت فيه و حط يديه على فموا ) ششش 

خولة:(سكتات ) 😑

يووسف:( ابتااسم و سلم عليه بعناق رجولي ) ماشي شي حااجة خطيرة . المكتااب اخووياا 

عبدوو: ما يكون عندك بااس و الله يجيب الشفااء فالقريب العاجل 

يووسف: أمين يا رب شكرا 

عبدوو: و نتي اشنيولة ما تجيش تسلمي علياا و لا كيفااش ؟ 

خولة:(قرباات عندهم و طارت عليه عنقااتووا و باستوا فحنوكوا بجووج و يديها كتجبد فيهم ) ياا خوويااا على الفنووون و شحاال توووحششتك الصكع خليتي بلاصتك قدااش هي

عبدوو: احح و زكااي رااه حنووكيي 

خولة:(كطنز) قوول و الله نااري ياا باا عبدوو ما كانتش فخبااري .. ولايني معلووومة تستحق التصفييق عليها

عبدوو:(هز يديه يقرفدها و هربات تخشات فيووسف ) 

خولة:(خرجاتلوا لسانها ) هاي هاي السيبة عندناا رااني وليت مراات الرااجل اهيتاا جمع يديك 

عبدوو:(كيشوف فيوسف لي كيضحك عليهم ) صاافي درتي لحمية !!

خولة: ايييه و بصحتييي

عبدوو: هههه مشيناا ؟ 

يووسف: اووك ..

عبدوو:(سبقهم )

يووسف:(جرها من قرفاادتها ) زيدي اشنيولة زيدي .. 

دخلوا هزوا لي فااليز و شدوا لبااب بالسواارت و مدوهم لمولاهم لي لقااوه فالبااب وااقف كيتسنى .. و ركبووا .. يووسف حداا عبدوو .. و خولة لوور ..

عبدوو : للداار ان شاء الله ؟ 

خولة: نووووب ياااك ايووسف (كترمش فيه و تنغزوا فكتاافوا ) 

عبدوو: تقبي لسيد ظهروا 

خولة: وا نتقبوا و يتقبني و نتاا ماالك ؟

تا قالتها و طلعات معااهاا شي مرات كتهضر بلا حباساات و ما كتنويهاش عوجة غاا زهرها و صاافي .. شافت فيهم لقاتهم مخرجين عينيهم فيهاا و شاادين الضحكة بزز .. ما عرفوا يدوروا فيها ما عرفوا يضحكووا .. حتى رجعات قالت 

~ متفهمونيش غاالط هضرت على تقيب لاخور ماشي تقيب دياال فففف (ضربات فراسها ) ما قلت واالوو .. أناا غا حمقة و قالولها زغرتي .. تديو على هبيلة ؟

يووسف: سير اخوياا لمشليفن سير قبل ما تطلقها قد رااسهاا 

تكمشات حدا البااب كتفرج و ما ولاتش هضراات غير كتسمع لهم كيتهااودوا فمواضيع عااادية و سولوا كيفاش وقع ليه ..

اكتفى يووسف يعاودليه غير على أكسيدون و بلي ما نتاابهش و وقع لي وقع .. حتى وصلوا لمشليفن و دخل بيهم للدااخل بلاصة و نزلووا ..

خولة فالمقدمة فرحاانة و هماا مووراهاا .. كراات السكي و ديك الخشبة لي كيجلسوا عليهاا و تزحت ( نسيت سميتها 😅 مهم عرفتوهاا ) و طلعواا تاابعينهاا بالشوية لأعلى الجبل .. تقادات فالجلسة و عبدوو مورااهاا ..

فحين يووسف اكتفى يصورهم و يضحك عليهم .. خصووصاا فااش تقلبات بيهم و تبلونجاات فالثلج كلهاا و عبدوو فووقهاا مبزطها شوية يخرجوا مساارنهاا من بلاصتهم .. و مع ذلك كضحك و تشيرلوا زعماا ما وقع وااالوو غاا خليني .. 


دوزوا نهاارهم ماا بين مشليفن حتى شبعاات من الثلج .. و رجعوا داازوا لأزروا لجهة دالقرودة .. و فالأخير ختموهاا بزيارة خفيفة لمحمية دالأسمااك .. 

و من تم نيشاان لأيموزاار تغذااو بالشوااء و المجمر حتى رتااحووا و تساارااو تم شوية فالسووق و تقضااو لي عجبهم .. عااد رجعوا بحاالهم شااديين طريق لفااس ..

كااع ديكشي لي كاان عواال يديرولهاا و بسبااب الحااذثة تعكسوا .. جمعهم لها فنهاار وااحد و سارااهاا و عطاها الخااطر دبصح .. وااخاا بااقي عياان و رااسوا مرة مرة كيعطيه الصدااع و يديه مقنطاااه خصووصاا ليد ليسر مكيعرفش يخدم بيهاا نهاائيااا .. لكن خولة كاانت فيهاا الكفااية و الوفااية و ما مخلياه مخصوص من واالوو ..

بعد سااعتين دالطريق كاانوا جاالسيين فالريااض ضاايرين بيهم و كيسولوا و مخلووعين عليهم .. عااد جلسوا يعااودولهم و يقنعوهم و بردوا نسبياا و تمنااو ليه الشفااء العااجل .. 

لالة ملاك :(بقات غير سااكتة كتسمع و حتى سكت كلشي و هي تنطق ) مشيتي تاكلي طوفيطة صدئتي مهغسة * مهرسة * الغااجل (عوجات فمها ) ما منكشااي ابنتي بحاالك بحال مك تبئيستر عولناا عليك بكغي *بكري* تجيبيلناا الحفاايض

يووسف:(رجع وجهووا حمممممر بكثرة لي شااد الضحكة صدمااااتوووووو و فنفسوو كيقوول هاااا لمممن شااابهة هااذي لي حدااياا لي ولد ما ماتش 😂 )

خولة:(تزنكاات و ضارت عند عبدوو) شعلوو ديك التلفاازة

لالة سعااد :(وقفات ) نمشيي نوجد شي كااس دالقهوة .. مرحباا بيك اولدي (هرباات ) 

محمد (الأب ): شووف شووف اولدي الكرة معااك شنوو داايرين 

كلهاا و فين ضاار كيشووف و يهضر و يحااولوا يتلفوا ما قاالت لالة ملاك ..

لالة ملاك :(نغزات يووسف فيديه حتى شااف فيهاا ) متعرفنااشاي أولدي أناا جدااتهاا لديك سكوليطة لي حدااك 

يووسف:(شاف فخولة و ضحك ) سكووليطة ههههه

خولة: مييماا جااتك الحاالة عااود 

لالة ملاك : يعطييك الغمممة ابنتي .. خليناا نتعغفوا على النسييب نتي سووئك ؟ 

يووسف:(ضحك فنفسووا و عااض على حنكووا و هضر بهدووء ) مرحباا الحااجة على رااسي من فووق رااكي بركتناا 

لالة ملاك :(هزاات خناافرها للسمااء و ميقاات فخولة) شفتيي النااس لي كيعرفوا يتولووا و يسمئوا الكلاام مااشي بحاالك زرئة زرئة .. ماا عرفت لمن خرجتيي 

خولة: ايوااا مااااااا عرففففت .. تااانااا من دييييييمااا كنقووول شكوون هاااذ العرييييفة لييي عندنااا فالعااائلة و خرجنااا فيييهااا 

أية:(يالاه دااخلة .. جاات مع هااذ الجملة و هي تعوج فمها بطنز ) علاااه هااذيي ياا الحبيييبة دقلبي فيهااا شششششك و من غيررررهااا المصوووونة جداااااااتك لاااالة ملااااك و من لااا يعررررفهااا 

خولة:(عوجات فمها ) ئووولهاا لهااا ياا الحبيييبة 

أية: ايواا شمااشيي نئووولك غييير لييي بغى يدرئ الشمممش بغرباااال أماا كووولشييي وااضح يا الحبيبة 

رضواان:(شاافها قندشاات و همس لأية فوذنيها ) سكتييناا ولا طلعي لبيتك .. ختااري !! 

أية: مالك ؟ غير كنضحكوواا !!!

رضوان: مااشي هضرة دالضحك وزنووا كلامكم ..

أية: و صاافي هااني سااكتة .. مالنا دابا ؟

نعتلها بعينيه جيهتهاا و عااد فهماات و مشاات عندهاا تعنق فيهاا و تبحلس عليهاا ماا خلاتهاا حتى ضحكاات .. رجعاات سلماات على البقية و جلساات بين خولة و رضواان كيقشبوا بينااتهم .. و يسولوهاا على قرايتهاا و ينصحووهاا ما الى ذلك .. 

فحيين لالة ملاك شااادة فيووسف و كتهااود معااه لقاات علامن تحححط الرااس و يسمعلهاا و يعطييهاا الخاااااطر .. و حتى هوو عجبااتووا بنووطااتهاا و كيفااش كتهضر و ما كتحشمش نهائياا كتعطيها فالوجه و تخرج عينيها كأن شيئا لم يكن ههه ..

أماا فااش بداات تعااود على خولة و زباايلهاا فالصغر صااافي ماا بقااش قاادر يصبر .. كيفيبري فبلاصتووا بالضضحك .. و يضوور يشووف فيهاا و يتأكد من هااذ الكاارثة المتنقلة و ااش مدوزة .. ماا خلات ماا داارت و ماا خلات شكون جبدااات .. يلا قاالت عااشت طفوولتهاا فرااه عااشتهاا بالطوول و عررررض 


بقااو مجمووعين حتتااال شمن وقت و تزاادت عليهم لالة سعااد من بعد ماا حطووا كاسكروط على حقوا و طرييقووا .. و خولة اهتماامها كاامل غير على يووسف وااش عيى وااش يطلع يتكي وااش محتااج شي حااجة ..

فحين أية و أمها حااضيينها بنص عين كيضحكووا بلا حس .. حتى حساات بيه عيى و حشم منهم و همساات ليه .. 

خولة: أجيي معااياا 

وقفووا و استئذنوا منهم و طلعوا بجوح لجنااحهاا فتحاات لبااب لقاات الدنياا عاامرة بالطياافر و ديكشي لي جاابلهاا نهاار دالعقد .. 

خولة: مشااو من باالي تمااماا .. بااقي ما شفت وااالوو 

يووسف: هاا هما حدااك و يلا نااقصك شي حااجة علميني نزييدك .. و لا حتى نخرجوا بجوج و خوودي .. 

خولة: اووك مييغسيي ..

دخلات كتفتح فديكشي و تشووف .. ماا خلى ما جاابلهاا لي فتحاات عليهاا فمهاا كااينة تماا .. جهاازهاا من رااسهاا لرجليهاا و بذوق عااااليي .. ماالقاات ما تقوول من غير 

خولة: هااذشي بزااف علياا !! شكراا بزاااف 

يووسف: نعااود نسمع منك شكراا انتخااصموو .. 

خولة:(سدات فمها بجوج يدين ) 

يووسف: هههه حمقة .. (بجدية ) خولة أجي حدااياا (ضرب قداامووا .. زعما اجي لهناا )

خولة:(جلسات حداه ) الله يسمعنا خبار الخير 

يووسف:(مدلها سااك مستطيلي دالجلد ) مهم جهاازك كيفماا قلت لي ناقصك قوليه ليا .. و يلا ما عجباتكش شي حااجة و بغيتي تااخذي ما حسن قوليهاا كذلك .. ما نبغيكش تحشمي فهاذ المواضيع و تبغي شي حااجة و تبقى فخااطرك .. 

خولة: نو نو كلشي هو هذااك ..

يووسف: كنتمنى ..

خولة: ذووقك زويين حبيييت 😍

يووسف: أكييد زويين منين اختااريتك (غمزهاا ) مهم بالنسبة للذهب ما خذيت واالوو من غير لخاتم خلاص .. حتى نكونوا بجووج و اختااري بشهوتك .. جااني هكذاا حسن .. يااك ؟

خولة: وي من الأفضل و ناخذ شي حاجة خفيفة أصلا ما عنديش معااه بزااف .. و قليل فين كندير شي حااجة .. كيجيني اوووفر بزااااف 

يووسف: مهم حتى نخرجوا و خوذي لي بغيتي .. (شير لسااك ) و هذاا صدااقك .. تفتنت و نسيت ما عطيتولك دااك النهاار ..

خولة: لا لا عاادي ماشي شي حااجة فوقماا كاان عندك ما عنديش مشكل .. ما بيناتناش هااذشي .. عاارفة خصك لوطوا و شحال من حاجة و دابا مزير بلا منزيدك حتى أناا ..

يووسف: لا كل حااجة و وقتها .. و هاذي دياالك و حقك الشرعي 

خولة:(ابتاسمات ليه بخجل و وقفاات داارتوا فالمااريو و رجعات حدااه ) تبدل عليك ترتاح يااك ؟ 

يووسف: وي قربي معااك دااك الفااليز الله يحفضك .. و جيبي معاك شي كااس دالمااء نشرب الدوااء .. راسي عاطيني صدااااع .. 

خولة: تئ 😢 الله يشاافيك ياااا ربييي 

يووسف:(طبطب على يديها ) أميين 

وقفات جبداتلوا حواايجووا و خرجاات هاابطة للكوزينة عمراات قريعة داارتها فبلاطووا هي و كااسهاا .. حتى جاات خاارجة تلاقات فالباب لالة سعااد كطلع و تهبط فيهاا .. قبل ما تهضر نطقات

خولة: ماا درت واااالوو .. كيفماا سيفطتيني رجعت غاا تهنااي و نعسيي على جنب الراااحة 

لالة سعااد: امم و على الله (شافت فيديهاا ) سيري سيري و ولي عندي بااغية نهضر معااك فموضوع مهم .. 

خولة: وااخاا نساالي و أناا معااك 


طلعاات بالخف لقااتووا تخشى فبلاصتوا مبدل عليه و هااز تيليفونوا كيهضر مع ماماه مريم .. حطاتلوا حدااه و هزات ليه يديهاا بلي هاا هي رااجعة و خرجاات نييشاان للبييت دسعااد .. 
دقات و دخلات جلساتها قبالتهاا و هضرات بصووت ثقييل

لالة سعااد: انئولك هااذ الهضرة و خليها حلئة *حلقة* فوذنيك .. دابا ما بئيتيش د رااسك و وليتي متبوعة لرااجلك .. و ما بئينااش حنا لي مسؤولين عليك .. و رئبتك عليه هو دااباا .. و من وااجبك فالدين تطيعيه و تديري بشواروا فالصغيرة و الكبيرة .. 

خولة: عاارفة أ ماما و كوني هاانية من هاذ الجهة أصلا واخا نبغي نزيكزاكي ما نقدرش ندير لعكس يعلقني من وذني ههه

لالة سعاد: عبر عليييك (هزات يديها ) الله يحظرني فدااك نهاار يااا ربيي

خولة: ههههه حراام علييك

لالة سعااد: اييه اختشي رااه حااجة ما كتوئعش ديماا رااه مععععجزة

خولة: خخخ ما تزيديش فيه

لالة سعااد : المهم ما غنطلبش منك المستحيل و انا عارفاك ابنتي ااش كتسواي .. مي حااجة وحدة ما نبغي حد ينهض فيك و يئولوا الله ينعل لي ربااك .. ديري ئيمة لرااسك و لرااجلك ئداام كلشي ..

احتاارميه و احتاارمي عاائلتوا .. الله يجعلهم يسبوك فوجهك .. ضحكي لهم و ئولهم الله يكثر خيركم و سكتي ما تزيديش .. يلا بئااو هما كلمة و نتي عشرة رااه ما غتوصلوا لين .. غير ديما صدااع فصدااع و شحاال ما بئى الرااجل من جهتك فالأخير ايئلب عليك ئلبة خاااايبة .. الوااحد كيئلب فين يرتااح و يعيش هااني .. 

وااخاا ميكونش كيبغييك كااع وااخاا بااين نسيبي غير من عينيه و كيفااش كيشووف فيك رااه كيتشروط عليك مااشي غير بااغيك .. المهم زيدي تئربي منوو غير بالكلمة الطيبة و بالاهتماام و الاحتراام و تدلعيه و دلعي رااسك غيولي كيمووت على تراب رجليك .. عرفي كيفااش تكسبيه و تكسبي عكوزتك .. حمااك و خواتاتوا و البئية ما يهمكش .. 

خولة: صاافي وعد من عندي غندير فووق جهدي معااهم و عمرهم يسمعوا مني الكلمة الخاايبة .. لكن من غير واليديه ما نظمنش ليك .. أما حتى خوتوا موحال نلقى معاهم مشكل .. نواال رااه صااحبتي و أصلا غنولي نشوفهاا فين و فين .. و ختوا الصغيرة أميرة رااه بااقى برهووشة 15 لعاام كنت غير كنلعب و ضااربة الدنيا بركلة ما نضنش غتجبدلي شي صدااع

لالة سعااد: و المهم الاحتيااط وااجب ..و برااكة علييك غير هااذووا أما البئية لي جبدك عطييه باش ميطلعوش فووئ رااسك و توحلي .. و لكن الناس لكباار يتحطوا فووئ الرااس .. هماا مااشي بحاالناا .. حناا عندناا عااااديي تضحكي مع جدااتك و تجبديهاا بالهضرة و تتخاارجوا العينين .. لكن هماا لاا متحطيش رااسك فشي موقف يخليه يدوور فيك حتى تغرقي فحواايجك .. 

ما كاينش لي بعئلووا يفضل بنت المرااة .. على لي كبرووا و رضعوا و خرئواا و قرااوا و تعذبوا حتى وصلووه لي هو فيه .. واخاا يكونوا ما يسوااو ما يصلحووا يديرلهم أللللف عذر و عذر و ما يدوزهمش .. 

ما كنئولكش هااذشي من واالوو عاارفة فعاايل لعكاايز و لوساات و علاياش مطويين و كل وحدة كتبغي تكوون كلمتهاا مسمووعة و هضرتها ممشية و تحس بلي ولدهاا باائي دياالهاا و ما تبدلش عليهاا من بعد الزوااج.. و توريك مكااانتهاا .. فهمتيني يااك 

خولة: و الله حتى فهمت .. و الله حتى كلامكم على رااسيي و ماشي حمقة نوض نتعااير مع موو ااش وصلنا اختي لدوك الموااصل .. التيييقااار .. و أصلا بالشوية بالشوية غنكسبهاا .. ااش كتعرفي علياا ؟ رااني عسسسل ما كاينش لي ميبغينيش 😂 

لالة سعااد: هههه بااز ... و رااجلك بلا منوصييك عليه هذااكشي كطيري فيه نتي السلااامة 

خولة:(جمعات فمها )

لالة سعااد: مهم هااذشي ئولتوا لك دااباا .. حيت مووحاال نولييو نجلسووا بحاال هااذ الجلسة من بعد سييير لشحااااال و ما فيهاا بااس نأكد عليك .. تمشي بصفااء قلب و ضحكي مع كوولشي و خلي نيتك لي تغلب .. و يلا وئعات معااك شي حااجة شي نهاار هزي تيليفون و عيطيلي نئوولك شنوو ديري غير بالعئل و التااويل بلا تجعويق بلا مئابحة .. و نئصي من التفرفيير الله يرضي علييك 

خولة:(باستها و وقفات ) أميين الزين ديااالي .. (غمزااتها ) هااذشي كاامل مخبعااه لسيدي محمد هاي هااي على الوااالييد داا زينة البنااات 

سعااد:(غطاات وجهها كضحك ) الله يمسخك

خرجاات من عندهاا كضحك .. لقاات بااهاا جااي بلبااسوو المعتااد .. جلابة سخووونة و طااغية و بلغة دالصم فرجليه .. جرات عندوو باستلووا رااسوو و عنقااتوو 

خولة: ما خلااوناا نهضروو فخاااطرناا واالوو .. توحشتك ا باباتي 

محمد:(ضحك و عنقها مزير عليهاا ) كن تشووفي باباتك غيقطعك من لحمووا 

خولة: بعييد الشر عليييك (باستوا فحنكوا ) هااني معااكم 

محمد: و غذاا غتهربي عليناا عااود و نوليوا نقلبوا على خياالك للدوااء ما نلقاوهش

خولة:(غرغروا عينيهاا و زاادت تمخشاات فيه ) أناا نبقى معااك حتى نشبعووا و نملووا من بعضيااتناا 

محمد: يكفيني تكوني بخيير (وقفها قبالتوا و دوز على حنكها بحناان ) مرتااحة ابنتي ؟ ما ناقصك واالوو ؟ فرحاانة فحياتك دااباا ؟ 

خولة: اااه العزييز (جرات يديه من حنكهاا و بااستهاا ) لهلا يخطيك علياا .. كاانت ناقصاني غير شوفتكم (ابتاسمات حتى تغمضوا عينيها و تطراساو غماازاتهاا ) دااباا رااني فووق السسسلك .. و كيفاش ما نكونش مزياانة و نتووماا ضايرين بياا و فرحاانين لفرحي ؟

محمد:(ابتااسم لها و جرهاا باسلها جبهتهاا ) الله يخليك ديماا فرحاانة و عمرك تشووفي نهاار الكححل 

خولة: أمييين يااا رب

محمد:(طلقها ) يالاه سيري عند رااجلك تلقاايه قنط بووحدووا .. ما نزيدش نعطلك .. 

خولة: وااخاا اباباتي .. تصبح على خيير 

محمد: و نتي من أهلووا

مشاات كتنقز حتى فتحاات لبااب و دخلات كتعيط بصوت دلووع 

~ حووبييينووو (ضاارت باانلهاا نعس ) هييئ نعستيي

نزلات شنافتها بزعل طفولي .. عاد كاانت عواالة تشد معااه السهرة .. انتابهات للدوااء لي مشرووب .. عرفااتوو هو لي رخااه و جاابلوو نعاااس ..

جبداات حواايجهاا و دخلات للحماام تدوش عليهاا .. أخيراا مشات منهاا لي غيكل و ارتااحت .. حتى كلام يووسف قنعهاا و خذات الموضوع ببسااطة كيفما صورولهاا و فاش فكراات لقاات القضية ما تستااهلش هااذ الخووف كاامل .. و هي لي معرووفة عليهاا زعيمة غتخلعها حااجة بحال هاذي ؟ أكيد لا .. 

دلعاات رااسهاا بلي مااسك و الزيووت و الترطيباات حتى رجع لحمهاا كيتزلق و يبري رطيييطب .. عااد لبساات عليهاا لبينواار و لواات شعرهاا ففووطة مززززنننكة .. ذهناات لحمهاا بكريماتهاا .. و لبساات بالزربة من البرد .. و خرجاات كتنشف فشعرها بالفووطة .. لقااتووا بااقي نااعس مرخييي .. بقاات مدة من هنا لهناا حتى سالات روتينهاا .. يالاه اتخشى فبلاصتهاا و تفكراات السااك جبدااتوا .. 

لقااتووا مسطووكي بالفلووس .. عشرة ديال الرزماات .. كل رزمة فيهاا مليوون .. خرجاات عينيهاا مصدوومة .. كاانت كتقول الصداق ايعطيها 3 يلا كثثثر .. أصلا الفلووس عندهاا زاايدة نااقصة و ماا اهتمااتش بالموضوع و نسااتوو من بالها نهائيا حتى جبدولها هو ..

لكن مع ذلك تصدماات و فرحات فنفس الوقت .. بالرغم هي ما كتبااعش بالفلوس أكييد مااشي بقرة غيتزاايدوا عليهاا .. مي كيبقى لجيسط .. رجعاات كولشي لبلاصتوا و مشاات حدااه .. حااطة يديها على حنكها كتفكر فكلام أمهاا و فيه هو نيت ..

رااجل زويين و شخصية بدااروا و طونوبيلتوا و سالير وااااعر .. عاطيها قيمة .. مفكر فكوولشيي و حتى حااجة ما كينسااهاا .. غير من الجهااز جابلهاا شي حواايج هي ما مفكراهمش من الأصل و ما كانتش عوالة عليهم .. و الصدااق كذلك .. و عااد الذهب لي عااد عوال يشرييه و ما خلاهمش يشريوه هماا و هو تكلف .. و بلا متهضر على مشترياتها اليومية .. قبل ما تفتح فمهاا على الحاجة كتكوون عندهاا بلا ماا يستصغر فيهاا وااالوو .. مشى بالها نهار هضروا على العرس .. لي قالها حتى هو غيتكلف بيه .. 

#فلاش_باك

يووسف: ضروري من العرس اخولة ؟ يلا ما كنتيش باااااغيااه نييت نديروا غير عشية بينااتناا يحضرولنا غير المقربين و نجمعوا و نطوييو

خولة:(كدور عينيها ) بصراحة باغا نفرح براسي و ليلة وحدة لي كااينة .. بلحاق يلا كاان عندك شي اعترااض 

يووسف:(قاطعها ) ماشي قضية اعترااض غير هو ما عندييش مع قوة الهرااج و الدااخل و الخاارج و لكن صاافي .. ما يكون غير خااطرك 

خولة:(ابتاسمات ليه ) يخليك ليلي .. غتكوون أحلى عريييس 😍

يووسف:(نحنح ) غير للاشاارة و التذكير فقط .. العرس ما غيكونش مخلط ديريها فبالك من دااباا 

خولة:(خرجات عينيها ) و لكن غير العاائلة و ديما كيشوفوني عاادي 

يووسف: اييه غير العاائلة و ولد عم جد خال ربيب بااك .. و ريحة الشحمة فالشااقوور و هذاا صااحب هذاا و هذاا كنعرفووه و هذا و هذاا .. و أصلا كيشوفوك طبيعية مااشي حااطة كيلو دالمكيااج و باارزة مفااتنك .. و عااد عائلتي يلا كان مخلط مغيحضروووش اخولة .. و حااجة أخرى (سكت شوية و رجع قال ) أنا ما غاديش نبرز معاك 

خولة:(تصدماات دبصح ) نعاام اخوويااا اويييلييي 

يووسف:(حرك راسوا بااه ) ما غندخلش نبرز حداا العيالات بووحدي ما رانيش أدوومة 

خولة: و تخليني بووحدي بحاال المترووكة 😢 يقولوا غير مزوجني بزز 

يووسف: خولة هااذ الموضوع غير سديه .. ما فيهش نقااش .. انوقف على عرسك بكوولشي لييه و لكن بشرووطيي 

خولة: ايواا صاافي بلاش منو كااع 

يووسف: غتهنيني و ديري فينا خير ..

خولة: واا يووسف عاافاااك 

يووسف: لااا .. ما تساليني غير عرس مطرطق شي حااجة أخرى لا 

خولة: لمييييمة هااا العاااار 

يووسف:(وقف و خرج خلاها كتهضر بوحدها مفقووصة )


#عودة .. 

بالرغم من أنوا يووسف فيه شي حوايج لي كيكرهووها بعد المراات لكن كيبقى زوج مثالي .. و ما الكماال إلا الله .. فكراات و فكراات .. شووف هو شنوا دااير على ودهاا و هي حااجة بسيطة ما تقدرش ديرهاا ؟ لا أكييد ديرها و تفوتها لهييه ..

يلا جاات غير عليهاا تولي درويشة مع عاائلتوا و دير وذن ميكة و ما تهضرش .. فمستعدة تكون هكااك .. 

واخا هااذ الموضووع بالذاات كيعصبها و يخنقهاا .. شحاال خاايبة تكوني بحاال الأميرة فدااركم و كلشي كيرااري بيك .. و نهاار تمشي عند رااجلك .. يكرهووك عاائلتوا و ينغصوا عليك عيشتك بلا ما ديري ليهم واالوو .. و فوق ما تجيهم الفرصة يخشيوا الهضرة .. 

تنهداات بعمممق مزاال هضرتوا نهاار قالها لها بصريح العباارة و وضح لها المشكل كاامل بااش ما تبقااش فالظلام .. بااقي ديك الهضرة كتتعااود فوذنييهاا و مخوفااهاا ..

ماا عارفاهمش كيفاش غيتصرفوا معاهاا .. لكن مع ذلك على ودوا غتصبر و ترجع دريوشة و تسمح فحقهاا غير بااش تدير المااء فين يدووز .. 

حرقها رااسهاا بالتفكير .. هزات تيليفونهاا طلقاات القرأن لي من نهاار مرض يوسف و هي كتبيتوا مطلووق على رااسهم .. هزاات يديها كتلعب فشعروا و لحيتوا .. حتى نعساات بعاامل العيااء و الحماام .. و ساافراات لعاالم الأحلاام .. 

🌞🌞 أصبحنا و أصبح الملك لله 🌞🌞

شرقات الشميشة معلنة عن بداية يوم جدييد .. فاق يووسف قبل من خولة .. لقاها مشبحة كعاادتهاا و لايحة رجليها و يديها عليهاا و فمها مفتووح شوية .. و الفووطة دالشعر طااحت لهاا .. هز صبعوا كيلعب فشفايفها حتى كيسمع صوت طرطيقهم .. و مرة مرة كيلعب فشعرها لي كاان بااقي فاازك .. و خااصة مع البرد دااباا .. كيشد لها الوقت فالنشييف ... 
بقى معااها بالتعنكيش حتى فااقت مقلووبة .. حالة عيين و ساادة لووخرى .. 

يووسف: صباح الخير 

خولة: صبااح النوور ففف بااقي الحال ؟

يووسف: سي بلحاق أنا نعست بكري و ضرباتني الفيقة 

خولة: اييه و أنا تخليني بلا نعااس 

يووسف:(جبدها عندو ) باركة عليك .. أصلا تابعانا طريق .. يالاه نوجدوا و نشوف منين نكري لوطوا .. و شووفي نتي بااش تنشفي هااذ الشعر (خشى وجهوا فيه ) الله على روييحة 😍 (هز راسوا فيها ) أخيراا ربي عفى عليناا 

خولة: هههه مقزدر 

يووسف: حقييي

ناضوا بجووج لقااو لالة سعااد و ملاك .. و محمد فايقين كيفطروا .. صبحوا عليهم و جلسوا معاهم حتى فااق كلشي و تجمعوا كيتنااقشوا .. 
تافقوا لبنات و مشااو لصاالوون مجمووعين قاادوا حالتهم شوية .. فحين عبدوو ما خلاش يووسف يكري لوطوا و أكد عليه يوصلوهم معااهم .. حيت بااقي عياان و يقدر ما يتحكمش فيها مزياان زياادة على أن المساافة طوييييلة ماشي قصيييرة .. 

من بعد ما رجعوا للبناات مقاادين الحاالة و خولة محملة بكثرة لي سااشي .. نيشاان تحط الغذاء و غير سالاو .. بدلوا عليهم و الأغلبية لبسوا لبااس تقليدي .. حتى من خولة اكتفت بجلابة فبلون كااسي مع شاال خفيف فعنقهاا .. و صااك صغير فيديهاا .. مكيااج خفييييف بزااااف و مخلية شعرها مطلووق على طوولتووا .. و يوسف كالعاادة لباسوا كلوا كلاص قليل فين كيلبس السبوور .. 

مع العشية كاانووا وصلووا للنااظوور .. نعث لهم يووسف الطريق حتى وقفوا فالبااب .. دخل الكل فنقدمتهم عبدوو بمشموم دالورد و الشكلاط الخ .. و بقى يووسف و خولة معطلين .. هااذ الأخيرة لي كاانت هاازة سااك دالتووب كبيير شوية .. 

استقبلووهم بالزغاارييت و الحليب و التمر و الترحييب على الجههههد ... حتى وصلات نووبة يووسف و خولة و غير شاافتووا مريم شهقاات شهقة وحدة .. حتى خلعاااتهم و مشاات عندوو كتقلب فييه بلهفة و خووف و الدمووع شوية تنزلهم و ففمهاا فيه غير شنوو وقعلك .. 

يووسف:(ذرعهاا و هضر فوذنيهاا غير ببناتهم .. كيطبطب على ظهرها حتى هدناات و شاافت فخولة ) 

مريم: عيييين ماا صلاااة على النبيي

خولة:(ابتاسمات لها و سلمات عليهاا ) حمد لله دااازت سلييمة .. لهلا يعييدهاا علييناا 

مريم : أميين ياا ربي .. و انتاابهووا انتاابهووا شوية و نتووما ولاد ليووم مفتوونيين بلا عقل الله يحضر السلاامة 😒

عطاتهم بلاطوا دالحليب .. و حط يووسف يديه على صدرو كعربون شكر .. 

~ ما قادرش (شاف فخولة) حتى هي ما كتشربوش (خدا تميرة عضات منها شوية و كلا هو البقية )

خولة:(كدور فعينيها ) يااك غير عشية بيناتناا .. شفت الناس بزااف 

يووسف:(تنهد) تانا ديكشي علاياش عواال الواليدة الله يهديها و صاافي .. مهم أنا مشيت .. جلسي بعقلك بلا ما نوصي .. 

خولة: صافي 

تفرقوا و كلها دخل فصالون .. خولة لي لقات كوولشي جلس فبلاصتوا .. و كلشي حااضيها من راسها لرجليها بااغيين يكتااشفوا شكون هااذي لي خلات سي يووسف يتزوجهاا ههه .. حتى هي دارة عين ميكة على نظراتهم و داازت سلمات على كلشي و ابتساامة مزينة وجههاا .. و عطااتهم الصوااب دفوااسة حتى قاالووا بااركة 


يالاه غتجلس حداا نواال و هي تلمح مريم وااقفة فرااس الصاالوون .. ابتاسمات بعذوووبة و هزات دااك السااك و مشات جهتها .. حتى وقفات عليها..

خولة: خالتي بغيت نهضر معاك وااحد الدقيقة غير بيناتناا يلا كنتي مسالية

مريم: اهااه .. زيدي مرحباا راه ولات الدار دااركم .. كن غير جيتي قبل و شفتي الداار و درتي معانا الباروك .. 

خولة: مرة أخرى احبيبتي .. غير حيت يووسف عياان و ما قدرناش نجيوا بووحدنا .. حتى طلعنا جمااعة .. نفديوها مرة أخرى .. 

مريم: ان شااء الله .. دخلي ابنتي (فتحات لباب و دخلوا ) الله يسمعنا خير ؟ 

خولة:(حطات السااك فوق الطبلة ) كيفما كتعرفي اخالتي سافرناا هاذ السيماانة و خذيت لكم هدية بسيييطة نتمنى تعجبكم .. 

مريم:(فتحات عينيها بدهشة ) 

خولة: أكييد مااشي قد المقاام مي غير البااروك ديالنا و صاافي تستااهلوا كل خير .. (جبداات تووب فالبااج مع شاال دياالوو و مدااتولها ) هذاا ليلك اخاالتوا غير شفتوا و تخيلتك بقفيطن بيه ايجيك شهوة منوو .. و هااذي جلابة واازنية لعزيزي .. و خذيت لأميرة هاذ البوااط دالمكيااج شي حااجة باردة و خفيفة .. عاارفة البنات فهااذ لاج كيحماقوا على لميكاب .. أما لالة لعروسة هااذيك كادوها بووحدووا .. (ابتاسمات ) نتمنى تقبليهم مني و غنكون فرحاانة .. 

مريم:(تدهشرات ) شكراا بزااف غير عذبتي رااسك

خولة: عذاابكم رااحة اخالتي و دابا حناا عاائلة و حبااب لي و تقالة عليكم خفافت علياا 

مريم: الله يكبر بيك .. و شكرا مرة اخرى فرحتيني (فتحات لباب خاارجين و هي هاازة فيديهاا )

خولة : خاالتي فين هو بيت ديال يووسف بغيت نبدل علياا

مريم: ااه .. رااه هو غدوري مع هااذ الكولواار رااه لبيت لوحييد لي تماا ..

نعتاتلها و مشاات كل وحدة فطريق .. دخلات خولة كتكتاشفووا و تتخيل يووسف صغييور كيلعب و ينقز هناا و تضحك بووحدهاا .. حتى شبعاات و خرجاات و فالطريق يالاه غضوور سمعات هضرة خلاتهاا ترجججججع حممممرة و تعصبااات و بلا ما تشعر خرجاات لعند مها و أميرة و نغزاتهم حتى ضااروا عندهاا و داارت فيهم نص ضحكة .. 

~ ممكن تبعووني 

شاافووا فبعضياتهم و تبعوهاا حتاال بيتووا و شداات علييهم .. بعد مدة طويلة خرجاات كتبرد فوجهها و تجمع شعرهاا .. فنص طريق تلاقات يووسف جااي لبيتوا .. يالاه وصل حداها و هي تنطق .. 

خولة: نتفتهم (هزات كتاافها ) هماا جبدوني .. 

يووسف:(مصدووم ما فاهم واالوو ) 

خولة: شووف راني ما كنجبد حد و لكن لي قلب عليا يلقااني .. يلا غتغوت خلي حتى نكونوا بووحدناا .. و بيني وبينك غير ذبحني، وقدام الناس ماتفضحني . 

يووسف:(ما فهم واالوو ) شكون نتفتي ؟ و شغنذبح ولا نسلخ ؟ و نتي شنو كديري هناا من الأصل !؟ 

خولة:(تنهدات ) قبيلة ... ....

#فلاش_باك

من بعد ما خرجات من بيت يووسف لي جااي بووحدوا فدااك الكولواار هو و البيرو ديالوا فقط .. بعييد على الصدااع و الهرج .. باش منين كيكون تما مايصدعوا حد .. 

يالاه غادي تضور مع الكولواار بااش تخرج لجهة لوخرى .. و هما يبانولها مهى و أميرة وااقفين فالجنب و عاطينها بالضهر .. عند بالهم حتى حد ما كاين حد فدااك الجهة .. حيت بانلهم يووسف قبيييلة فاش دخل للصاالوون و ما رجعش خرج .. و عارفين حتى حد ما كيتجرأ يقرب لبيتوا بلا حضوروا و إذنوا .. 

حااطيين الرااس على الرااس و مصغرين عينيهم على عاائلة دخولة ..

أميرة: شووفي جدااتهم كي مجبدة و الشعر مصبووغ و المكياااج بشااااخ ما درنااش هااذ الحاالة حتى حناا 

مهى: شوفي الشاارفة و ااش داايرة يعلم الله الصغاار !!! (لوات فمها بتهكم ) من هناا يباانلك طااسيلتهم غير الشيخة و الطحبة لختهاا .. بففف ماا لقى يووسف و نواال غير هااذوو يتنااسبووا معاااهم 

أمييرة: و الله القسم على قلة العاائلات .. لا دااك عبدوو لا ديك العوجة دخولة ماا فيهم نفع .. هو ماا حملتووووش و شحااال بااااسل ما كيتصصصرطش و على ضحك عندوو دالبنااية ييخخ .. أماا هي خلاااص كطييير مع الطيووور و داافعة بوووخ تقوول بووحدهاا لي شهبة ولا عينيها ملونيين يييخ .. كن غير كاانووا جاايين معاها نقوولوا بعدا و بعداا بغاها على زينهاا .. ساعة لا زين لا مجي بكري .. 

مهى: بالسييف ماا طيير و خووك دااير معاها الخااطر دالدنيا و الدين .. أناا بعداا كيصدمني فييه حدااهاا كيطمس عمري شفتوا شااد الخاطر لشي حد حتى ليهاا 

أمييرة: كن غير كاانت تستااهل .. هااذ النووع ديماا وااحد فالقلب و وااحد فالجيب .. تلقاايهاا كتودعوا من هنا و تمشي عند لاخور من هناا 

مهى:(ضحكاات باستهزاء ) لي مولف ب*حووب و هزاان الرجلين عمرووا يتووب و بحاال X تكوون فتحاتهم ليه هو لول و ربطااتووا .. هااذي الطريقة الوحيييدة .. (طلعات حاجبها ) شكوون عرف شنوو دوزوا بجووج فالحسيمة تماا و كيفاش تلوات عليه !!

هناا خولة ما بقااتش قاادرة تصصصبر رجعااات حمممممممرة بالأعصااااب و رااسهاا سخخخخن كييييزدح .. 

زاادت عندهم كتحااول تتكاالماا قبل ماا تطيير عليهم هناا تشتف عليهم قداام كووولشيي .. تنفسااات و رسماات نص ضحكة مغذذة ففمهاا و نغزااتهم حتى ضاروا عندها متفااجئيين ..

~ ممكن تتبعوونيي

شاافووا فبعضياتهم و تبعوهاا حتاال بيتووا .. فتحات بااب دالمكتب دخلوا و شداات علييهم ..

أميرة: شنو بغيتي ؟ خوياا ما كيبغيش ندخلوا لهناا 

قبل ما تكمل هضرتهاا هزات يديها تال السماا و نزلات عليهاا للوجه حتى تسمعات فالبيت كاامل و أمييرة تصدمااات حااطة يديهاا على حنكهاا و كتشوف فيهاا بااقي ما استوعباات بلي طرشااتها 

مهى:(قرباات لهاا كتغوت ) شهااذ الهمجية (دفعاتها من صدرها ) ما تقيييسيييهااااش كنتي كتولدي فيهاا باش تضربييييهاا و لا كيييفاااش ؟ هاا ؟؟لقيتيهاا صغر منك تحكرييهاا 

خولة:(ابتااسمات و شاافت فيديهاا لي دفعاتها بيهاا ) هههههه (طلعااتهاا بصبعهاا من رااسها لرجليها ) 

~ دااباا نتيي غتخلعييني ؟ اوووه ماااميي شووفي كي كنرجف (قلبات الضحكة لتخنزييرة و قربات جهتهاا و هزاات يديهاا طبطباات على حنكهاا باستصغاار و استفزااز ) قاادرة نلعبك على صبعي الصغير ابب و نخلي حيااتك جحييييم فجحيييم و ندددمك على النهااار لي تولدتي فيييه نتي و هااذيك لي مووراااك .. ( خنزراات فأمييرة لي منين كلات ديك التسرفيقة ما ولات هضراات ) 

مهى:(زاادت قرباات حتى هي ) جربييي ياالااه جربييي .. أناا لي غندم أصل مك على نهاار لي دخلتي لهااذ العاائلة و حطيتي فيهاا رجلييك .. (عوجات راسها و ضحكات ) يلا ما خليتكش تقطعي حواايجك و تبكي دم فعوط دمووع .. رااهم ماا ولدوا غير الخلى 

خولة:(استفزااتهاا و هزاات يديهاا جمعااتلهاا شعرهاا موليااه على يدييهاا مع طوويل دغياا حكمااتهاا و نزلاتهاا للأرض كتدي و تجييب فيهاا ) علااش غنتسنااو ياالااه وريني دااباا .. الكلبة المطوطة لي مولفة بصح ب*حووب و رجع كيباانلك كووولشيي بحااالك بلااا أصل يااا تريييكة ربعمية مكككمشة

مهى:(كضرب فيديها تطلقهاا ما لقاتش كي دير توقف حكماتها دبصح ) طللللقييي الهمااااج طللللقييي

خولة:(قلبااتهاا و طلعات فووق منهاا كتسرفق فيهاا و تنتف ) تعلمييي تهضري على سيااادك .. صبرتلك بزااااف و قلت غتفهم رااسهاا و لكن معااامن الحماار يلا ما نغزنااهش ما يزييدش و هاااك ياالاااه 

نزلات عليها بالتسرفيق و نتييف و العضاان و القريص ماا خلاات فيهاا غير لي نسااات هاايجة و مععععصبة ما بقاتش تقشع قداامهاا خااصة صحييحة على مهى ما خلاتلهاا فين تقيصهاا حتى بنص صبع .. 

حكااتلهاا زناافرها مع الأرض .. شنتفاتها و زرقاتهاا عااد وقفاات كتنفض فيديهاا مخليااهاا مدكدكة و منشوورة فالأرض .. 

و عااد ضاارت لجهة أمييرة مغغغزفة .. صاافي ما بقات لا ختوا لا زعتر بلدي .. يلا ما ربااوهاش هي تربيهاا .. برهووشة دالخلى تحل عليهاا كاابينتهاا و تشكك فطهاارتها و شرفها و عفتهاا .. حتاال هناا و سطووب .. 

وقفات عليهاا و جبدااتها جهتها من شعرهاا مخنزررة و طااالع لهاا الخز للراااس .. داتها و جاابتهاا و هزات صبعها فوجههاا 

~ هضرة وحدة ما غنزيدهااش معااك .. ياا غتشدي معايا الطريق و تحتاارميني و تدخلي سووق جوااك و لا قسما عظماا حتى نشتف عليك و نجيب لي يشتف معااياا و نوريك الهضرة بشحاال كتطلع .. ماا غنحيرش فبرهووشة بحاالك يالاه فااقت من نعااس ..

و لالاك لي حاالة عليهاا فمك ماا توصليهااش حتى فخنززززهاا و وسسسسخهاا .. قبل ماا تجبديييهاا تشللي فمك بالماااء القااااطع كتسمعييي .. 

و راااجل ختك لي ما معمرش لك العييين حمممديي الله لي ماا سمعكش أماا متزييديش الضربة معاااه يلا كيضحك معااكم غييير وججججه منوو و دااير بلي رااكم نااس و همة و شااان .. مااشيي غير عااطيينكم وجه و كنضحكوو رااحناا وجييبة سااااهلة لااا يااا روووح أمك .. حتاال عاائلتناا نفسناا و خووتنااا نخرجوو عليييهم نيااابنااا 

(طلقااتهاا ) هاااذي داازت و ماا غنقيصكش على ود خووك و لكن بالله لي شاانووا عااالي و تعااودي تجبديني حتى نجبدلك لسااانك من بين حلاقمك و نلووحووا للكلااب يااكلووه .. 

تنهداات و شاافت فيهم بجووج مغزززفة و عيفااانة من هااذ الأشكال و هااذ العقلية دالويل.. خرجاات كتبرد على وجههاا لي تززززنك و كتجمع فشعرهاا حتى باانلهاا يووسف جااي قااصد بيتووا ..


#العودة 

خولة:(شافت فيه بااين تعععععصب ) هااذشي لي وقع .. نصبر لكلشي حتاال هااذ الهضرة و لا .. مااشي *حبة جبتيهاا من الموقف يمسحوا فيها رجليهم .. مك فهمنااهاا و بااك حتى هو و دوزنااه بجغمة دالمااء .. ايواا و هااذ الكلبااات مال امهم حتى هماا ؟

يووسف: ششش صاافيي (جرها عندو و باس جبهتها ) مسحييهاا فياا ااخر مرة يوقع بحاال هااكاا .. فين هماا دااباا ؟ 

خولة: فالمكتب 

يووسف: وااخاا (عض على شفاايفوو و زاااد مخنزززززززززر )

خولة:(وقفاتوا ) صاافي عافاك بلا ما تكبر المشكل و ينوض الصدااع ..

يووسف:(بعدها بهدووء ) ما تتدخليييش

خولة:(حركات راسها بلا و قبطاتلوا يديه ما مخليااهش يدخل ) و صاافيي 

يووسف:(حيدلها يديهاا و فتح لبااب عليهم و رجع داار همسلها ) بغيتي تاكليها فجلدك تبعيني

خولة:(بقاات واقفة سااكتة كتشووف فيه حتى سد لباب عليهم .. )

بملامح ممحية شااف فمهى و نطق بحدة

~ خرجي و حساابيي معااك هو لخخخر 

ما رجعش شاف جهتها حدوا فتح لها المجاال منين تدووز .. و هو مربع يديه و كيشووف فأميرة بشووفات دالقتيييلة .. و تحرك بهدووء هز الكرسي و قلبوا و جلس عليه .. و حرك صبعووا ببروود و عينيه منزلووش عليها

يووسف: هااذي هي أميرة الصغيرة و الحلوة دالعاائلة ؟ لي ياا حسرة كتحشم و تخااف مني و كتبين الحب و الاحتراام غير مدفق يااك ؟ صاافي كبرتي ؟ بديتي تزيغي و تربي الجنحين ؟ جاا وقتك نتي عااود ؟ (ضحك باستهزااء) و تخساار الهضرة يا لالة تسرح لمك للساان هاا ؟ جبدييه دااباا ماالك بلعتييه ؟ 

أميرة:(حاانية رااسهاا و سااكتة شوية ديرهاا فحوايجها بالخلعة .. كتمووووووت منوو بالخووف و ما كتقدرش تطول معاه فالهضرة .. دمووع تجمعوولها فعينيهاا عاارفة موور هااذ الهدووء غيتقلب عليها قلبة وحدة .. ما سحابهاش خولة غتسمعهم و تكبر القضية )

يووسف:(ضرب فالكرسي و نطق بحدة مزير على سناانوو ) كنتسنى سياادتكم .. حركي دااك لساان و عااودي شنوو قلتيي قبييلة بغيت نسمع على وذني وصلات بيك تهضري على شرفي ياااك .. اووه تباارك الله تباارك الله اللهما زدني علمااا

أمييرة: الصصصصمت

يووسف:(مد يديه للبيروا هز ديكوور و سيفطوا عليهاا كن ما بعداات يجيها فالجبهة نييشاان .. غوت بحدة ) نطقييي

💫💫 فالصالون 💫💫

كانت نواال داايرة الشدة دياالهاا مع قفيطن خفييف فالغووز بااارد .. مع مكيااج خفيف شوية .. جاالسة فرااس الصاالوون كتهضر و تضحك فرحاانة .. حتى جلساات حداها لالة ملاك .. كتبتااسم و دوز يديها على ظهرهاا ..

لالة ملاك : تبارك الله تبارك الله على عروستي الغزاالة 

نوال:(جاتهاا الدهشة ) الله يباارك فيك ا لالة ملاك 

لالة ملاك : شووف نئوولك ابنتي ما ديغيهااشاي مني ئلة الصوااب .. ديك المرة كاانت الكاانة شوية ماشي تاال تم .. عليهاا هضغت معااك هكااك .. 

نوال: ماشي مشكل الميمة .. السااعة لله 

لالة ملاك : ايواا هكااك .. ما بغيتش تشدي فئلبك علياا رااني بحاال مييمتك 

نوال:(باستلها رااسها ) لهلا يخطيك عليناا 

لالة ملاك : أميين .. هي الئلب صاافي يااك ؟ 

نواال:(حركات رااسها بااه مع ابتساامة )

لالة ملاك : الله يكملك بعئلك ابنتي و لا تديشااي علياا (وقفاات ) يالااه خلييتك دااباا

رجعات لبلاصتها جلسات كدور فعينيهاا من نهاار ضاار فيهاا عبدوو ماا رجعاات جبدااتهاالووا و تفكيرها كاامل فكي دير تصلح العلاقة و حفيدها ما يتقلقش عليها .. واخا باقي ما مسروطة ليها .. مي حتاال غضب عبدوو ما تقدرش عليه .. 


عند خولة وااقفة فالبااب عااضة على فمهاا و مزيرة على عينيهاا الصووت مكيتسمعش عندها نهاائياا .. بكثرة ما تعصبات رجعات كلها كترجف و فنفس الوقت كرهات تسرعهاا .. خافت يووسف يمشي يفوت فختوا شي ضربة يعوجهاا و لا ينوض الصدااع و يرجع عليهاا كلشي .. وااخا فنفسها كتقول يستاااهلوو و ما كرهااتش كن شركهم بجووج نييت ..

بقاات فبلاصتهاا حتى تفتح البااب من طرف يووسف .. و بهدووء حرك رااسوو 

يووسف: دخليي

خولة:(قربات لعندوو فصمت و عينيهاا غير على أميرة لي وجهها وذنيهاا حوووووووومر و الدموووع ناازليين شلاال و غير كتشهههق ) 

يووسف:( ببروود ) ياالااه اعتااذري 

أميرة: أنا أناا 😭😭😭

يووسف:(هز حااجبووا )

خولة:(بقاات فيهاا كيفاش كترعد و تمسح دموعها بيدين كيرجفوا ) يووسف صاافي غير خليها 

يووسف:( شااف فيها و تجاهلها ) ما سمعتش !! 

أميرة: ما 😭 ما قصدتش هئهئ نقوول ديك الهضرة هئهئهئ

خولة:ففف مااشي مشكل 

يووسف: كمليي 

أميرة: نتي بحال ختي لكبيرة 😭 و أناا غلطت فاش هئهئهئ قلت ديك الهضرة عاافااك سمحيلي

يووسف:(شااف فخولة ببروود ) تسمحي لها و لا لا ؟ 

خولة:(مسحات على وجهها ) صاافي ما عليش .. أناا نسييت لي وقع .. غير طلقهاا 

يووسف: اووك .. (شااف فأميرة محححمر عينيه فيها ) نعااود نسمع بحاال هااذشي ا نقطططع لك وذنييك من بلااصتهم .. هذاا اااخر إنذاار 

أميرة:(حركات راسها بأه )

يووسف: يالاه بيتك نيييشااان .. منلقااكش كدووري هنااا .. 

أميرة: وااخاا 😥

يووسف:(هز صبعوا كيتحلف ) تخرج هااذ الهضرة و لا هااذشي لي وقع من هناا ما تلومي غير رااسك نتي و لووخرى 

أميرة:(حركات رااسها بااه و غير مهبطااه ) 

يووسف: سيري 

غير قاالهاا خرجاات كتجريي من تماا و ما ولااتش شاافت موورااهاا ..

خولة:(قربات عندوو كتحرك رااسها بلا ) ما عندكش صبر نهاائياا تئ .. شنو درتي لها ؟ 

يووسف:(طبطب على حنكها ) واالوو غير هضرناا

خولة:(فنفسها ~ هااذي غاا هضرة عندك بالسلامة !! )

يووسف: تلفتوني علاش كنت جااي من الأصل ففف .. مهم باش نسدوا هااذ الموضوع أميرة ما غتعااودش تحل فمهاا عليك و لو بحرف .. و فرضا وقعات شي حااجة ما تعصبي ما تفقصي رااسك .. أجي عندي و كحزي جنب و تفرجي (هز سبابتوا ) نفس الحااجة كتطبق عليكم كااملاات .. حتى نتي منك منهم .. ما نبغيكش تكوني ظااالمة 

خولة:(حطات يديها بجوج على كتافوا و نطقات بدلع ) يااكماا غتقطع لي وذني حتى أناا 😜 

يووسف:(حمقااتووا ) وذن .. لساان .. يد .. رجل .. لي جاا بسم الله 

خولة:(غمزاتوا كتعوج فشفايفها ) و أناا كلي ليييك 😍 

يووسف: هههه دابا نتي علاياش كتقلبي ؟

خولة: على رااجلي توحشتووا 

يووسف: هاا راجلك غتبقااي معااه الرااس فالرااس و نشوفوا هااذ الزعاامة وااش غتبقى و لا غير الهضرة !! 

خولة: علاش ااش غيوقع ؟

يووسف:(همس لها بصوت داافئ) غنااكل (مع غمييزة) 

خولة:(طلقااتهاا بالضحكة دالشيخاات ) ههههههههههههه

يووسف:(كيتقلب كي الجو ) تباارك الله على الشيخة طراااكس

خولة:(جمعات الضحكة )

يووسف: نووضي جمعيي دااك الشعر و غطييه و تبعيني .. 

خولة: نغطييه ؟

يووسف: اييه تحركي 

خولة:(هزات كتاافهاا و حيدات الشاال لي فعنقها داارتووا فووق رااسها مغطية شعرهاا و عاكساه فالجنب ) 

يووسف: ماا تهضريش حتى يسولوك (ضربها فنيفها مع ابتساامة دلووعة .. فاش شافها تخلعات ) متخاافييش .. أناا معااك 

قبط فيديها و زاادووا حتاال لبااب الصاالون دالرجاال كاان وااقف جدوو بسلهاامووا و عكاازواا لي متكي عليه .. و لحيتوا البيضااء لي كتجيب الهبة للكبير و الصغيير .. و الأب دياالووا بكووستيم فالبلوو مربع يديه و شووفتوا حااارة و بااين من بعيييد طبعواا صعيييب .. هزاات عينيهاا فيووسف لي اختفت الابتساامة من وجهوا .. و رجعوا ملامحووا بااارديين ما تعرف شنو تحت رااسوا و فنفس الوقت شووفتوا حااادة و قوووية .. قارنات بيناتهم بثلاثة تقريباا كيف الجد كيف الأب كيف الابن ..


يووسف: ماا تهضريش حتى يسولوك (ضربها فنيفها بحركة دلوعة .. فاش شافها تخلعات ) متخاافييش .. أناا معااك 

قبط فيديها و زاادووا حتاال لبااب الصاالون دالرجاال كاان وااقف جدوو بسلهاامووا و عكاازواا لي متكي عليه .. و لحيتوا البيضااء لي كتجيب الهبة للكبير و الصغيير .. و الأب دياالووا بكووستيم فالبلوو مربع يديه و شووفتوا حااارة و بااين من بعيييد طبعواا صعيييب ..
هزاات عينيهاا فيووسف لي اختفت الابتساامة من وجهوا .. و رجعوا ملامحووا بااارديين ما تعرف شنو تحت رااسوا و فنفس الوقت شووفتوا حااادة و قوووية .. قارنات بيناتهم بثلاثة تقريباا كيف الجد كيف الأب كيف الابن ..

وقف حدااهم متكي على الحيط و صبعوا محطووط جنب فموو كعاادتووا .. طلع حااجبوا فخولة و حرك عينيه جهتهم .. حتى هي فهمااتوا و زاادت عندهم بتردد و باستلهم يديهم حتى رضااو عليهاا .. و كحزاات فجنب جاايين قبالتها بثلاثة .. ما عرفات ماا ديير .. كتلعب بيديها بثوثر و حاانية رااسهاا طااحت عليهاا وااحد الحشششمة فششششكل تزننننكااات و ما قدرااتش تهز رااسها فيهم من هبتهم ... عندهم وااحد الحظوور خطييير .. ما قدرااتش تفنفن و كيفماا وقفاات بقاات .. و حااسة الأنظارهم كلها عليهاا .. 

الأب:(بصوت قوي ) مبروك ابنتي .. ان شاء الله تكوني قد المسؤولية .. 

خولة:(هزات راسها فيه و نزلاتوا فالبلاصة ما كملاتش الشوفة فيه .. نطقات بصوت خاافت ) الله يبارك فيك اعمي .. ان شاء الله .. 

الجد:(طلعها و هبطها و ابتااسم موجه هضرتوا ليوسف ) Chwachway 3ad takohth ghir sarkhada wathat3almagh
* باقي صغيرة شوية بالشوية غتتعلم غير بالخاطر * 

الأب: Natmana نتمنااو 

يووسف:(حك لحيتوا و نطق بصووت تقيل و قوي عكس فاش كيكون مع خولة ) Darori ... oradij mayjhr9ad ghas l3ilm ..

* ضروري .. حتى حد ما خلاق معلم .. *

خولة مبلقة عينيها فيهم و متبعة فصمت .. حدها يلا سولوها كتجااوب بصوت خاافت على قد السؤاال و ترجع تسكت .. و مرة مرة عينيها كتمشي ليووسف ..

كيفاش سااكت غير كيسمع .. محاافض على جديتوا و صرامتوا و قليل فين كيتدخل برزاانة و ثقاالة و صوت جوهري قوي .. و كيفاش كلاموا قليل .. عكس تمااماا معااهاا بقاات مبهووضة فيه ..

وااش هذاا هو نفسوو لي كتعرف ؟ لي صوتوا هاادئ و حنيين معاهاا .. و فينما ترشقلوا يتبسل بكلاموا الحلوو و يدلعهاا .. و الابتساامة ما كتخطااش شفاايفوو .. و بيييس فحركااتوو ..

أتكذب يلا قاالت ما جاتهاش الرهبة من شخصيتوا .. أي وااحد يشوفوا من بعييد ماا يزعمش عليه نهاائياا .. كيبان قاااسح و صعييب و عااجبوا رااسوا حتى قاال برااكة .. 

نساات رااسها حااضيااه .. مرة تغووبش .. مرة تبتااسم .. و هو متبعهاا بلا حس .. و كيحرك رااسوا بالله يستر و صاافي .. 

يووسف:(نحنح ) خولة سيري دااباا .. حتى نعيط لك .. (هز حااجبوا بنظرة فهماتها مزياان ) بلاااصتك

خولة:(حركات رااسها بأه و ابتااسمات لهم و ضاارت بحاالهاا .. عااد تنفساات بارتيااح كأنهاا هاازة جباال على ظهرهاا ) هوووف 

دخلات جلساات حداا لالة سعااد منزلة شاال من شعرهاا كتنفس .. و لي شااف فيهاا تبتاسم معااه .. من غير عكوزتها مريم لي حاضياها بنظرات غريييبة كأنها باغاا تقرااهاا .. 

مريم من نوع دالناس لي بو وذينة تقدر تكون معاك مزياان و بخيير و يجب شي حد يعمرها و تتقلب فالبلاصة و العكس صحيح عااود .. سيدة حال و أحواال .. مرة من أطيب خلق الله .. و مرة متكرهيش تقجيهاا .. 

خرجها من تأملها صوت بنيتة صغيرة كتجر فيهاا .. حتى انتابهات ليهاا .. و تحنات عندها هضراتلها فوذنيها و مشاات كتجري .. فالبلاصة وقفاات و غمزات نواال تتبعهاا .. 

مريم: سيري لبيتك تكلمي .. 

نواال:وااخاا ..

كملات طريقهاا بابتساامة و فتحات البااب .. لقااتووو عااطيها بالظهر .. و خااشي يديه فجيبوا .. سهاات فتقااسيم ظهروا .. و عضلاتوا كيفاش كيتحركوا .. حتى نطق بصوت مستهزأ .. 

عبدوو: بردتي ولا باقي !؟ 

نوال:(نزلات شفايفها و نفخاات بغضب طفولي ) 

عبدوو:(ضار شاف فيها ) تطرطقي ياالااه !!

نواال:(سااطت) عبدوووو 

عبدو:(كيعوجها ) عااابدووو (جرها من قفاتها عندو ) مالنا منخافوش !! 

نوال:(خرجات عينيها ) لا خاف نيت

عبدوو:(ضحك جنب و مد يديه كيخربق لها الشال ) ايوا لي خااف نجى (قلبها جدية ) أنا علامن كندير هاذشي و نتقاتل بليل و نهاار 

نوال:(حنات راسها سااكتة ) 

عبدوو:(مسك بذقنها بلطف و طلعوا جهتوا ) شكون من غيرك ههم ؟ عند بالك أنا ما موحشكش ؟ و ما باغيش نشوفك و نجلسوا الراس فالراس نشبع من هاذ العوينات و الصويت ههم ؟ 

نواال:(بدلع) عليهاا كتخليني بالأيام و ما كتسول ما كتقلب فيا .. قبل زواج يا حسرة و عمرك درتيهاا جاتك تال دابا زعما .. 

عبدوو: فوااالاا هاانتي قلتييهاا قبل الزوااج .. أما دابا عندي مسؤولية و عندي وااحد البنووتة خصني نوفرها كااع لي تحتااج .. (تنهد ) رااه هااذشي كنديروا على ودك الصكعة .. بااش من بعد نااخذ كوونجي و نجلس قباالت قمقومك .. و نبقااو شوف فياا نشووف فيك .. حتى نطلع لك فطنوون درااسك 

نواال:( تزنكات )

عبدوو:(جرلها حنكها كيضحك ) ايواا هااناا على التزنيكة لي كنموت عليها يا لالة 

نوال: و صاافي

عبدوو:(سكت مدة طوييلة غير حاضيها و تنهد بصوت مسموع ) توووحشتك

نوال:(هزات عينيها كيلمعوا فيه و ابتاسمات بفرحة ) تاا أناا (غطاات وجههاا عااضة على فمهاا ) 

عبدوو:(حيدلها يديها و جرها جلسهاا حدااه كيلعب فيديهاا و بهدووء كيهضر ) تمشي معايا 

نوال: فين ؟

عبدوو: نهربوا بجووج هاذ ليلة .. 

نوال: غذاا خصني نولي للقرايا 

عبدوو: دوونك مزياانة .. يالاه ترتاحي شوية و نتي سيمانة كااملة شاادة عليك ..

نوال:(حطات راسها على كتاافوا ) وااخاا .. حتى تساليو الهضرة و نمشيو .. 

عبدوو: هضرنا .. بقااو غير يطلقوناا .. 

نوال:(هزات راسها و شافت فبه بتساؤل ) و علاياش تافقتوا ؟ 

عبدوو: على بزااف .. أما بخصوص العرس .. فخوك قالك نديروه من هنا 3 أشهر .. يالاه تكونوا دوزتوا الامتحانات .. باش ما تزيريش .. و تمشي معاياا نيشاان عااود .. ما نبقااوش نلعبوا .. 

نوال: بصح عندو الحق

عبدوو: من وااحد الجهة ااه .. و يالاه نرصي اموري حتى أناا .. 

نوال: الله يسر لك ..

عبدوو: أميين .. و هو برااسوا قاالك جاتوا المدة بزاااف و تافقوا يدير العرس مورانا بشهر بالضبط .. 

نوال:(فتحات عينيها بدهشة ) اووه مزياان الله يفرحهم .. 

عبدوو: أميين الزين دياالي أميين .. (شاف فيها ) ما بقى واالو و نتجمعوا فدار وحدة .. 

نوال:(بابتساامة و لمعة خطييرة) و نبقى نصبح عليك مبااشرة .. 

عبدوو:(دوز يديه على حنكهاا ) 
هي من بلاد الياسمين 
هي من طينة بياض الثلج و ألحان ريمي 
و وفاء روميو و اصدقائه 
هي البرائة
هي الدفء في وسط الرجف من العشق 
هي كل شيء جميل يبدأ بها 

و كيف لا و هي الحب بحد ذاته

نوال:(تزنكات و خبعات وجهها فصدروا و بصوت ملحون قالت ) و شكون هي ؟ 

عبدوو:(عوج راسوا فيهاا ) ما عرفتيهاش ؟ 

نوال: احم لا 

عبدوو: و هل يخفى القمر ؟ وحدة لي كااينة .. 

نوال: و شنو اسم سيادتها 

عبدوو:(بهدوء و شااد الضحكة ) لالة ملاك 

نوال:(رجعاات حممممرة و مع دغيا كتبان فيهاا .. و قلبات عينيهاا مقلقة ) ااه مزياان .. الله يديمها محبة .

عبدوو:(حرك راسوا بأه و عاض فمو من الداخل ) امم واخا الصراحة هاذ الهضرة ما كتنطابقش غير عليها .. 

نوال:(فرحات و بدات كتلعب فالجابادور لي لابسوا ) و علامن ؟

عبدوو:(هز حاجبوا ) مالك تكلختي

نوال:(هزات كتافها) ما عرفتش (عضات على فمها بابتسامة ) بغيت نسمعها منك 

عبدوو: ااه بوون .. (الصصصمت )

نواال: ايوا قوول 

عبدوو: لالة سعااد 

نوال:(شافت فيه مغزفة و ضربات لصدرو و جات نايضة مبعدة ) وا ديرها فين تجيك 

عبدوو:(ضحك و جرهاا عندوو ماايل كلو عليهاا ) مغيااارة و يلا قاالووا مغياارة 

نواال:(جامعة فمها مقلقة ) و بصحتي 

عبدوو: هههه (ضربها بصبعوا لجبهتها ) علاه كااين غيرك الوييلة لي ضرباتني على الشعى و خلاتني نجري و نجااري على ودها بحاال الحمق ... حتى شحفت و وليت كي الزومبي هاا ؟ 

نواال: باش تعرفي بقيمتي و عمرك تفرط فيا 😌

عبدوو: اودي لي فرط يكرط .. 

نواال:(تفكرات ) حقاا على ذكر لالة ملاك 

عبدوو:(جمع حواجبوا ) مالهاا ؟ ياكما قاتلك شي حااجة قلقاتك ؟

نوال: نو نو بالعكس .. جاات عندي قبيلة و اعتااذرات على لي داارت .. و صالحاتني .. 

عبدوو:(مسح على وجهوا كيضحك ) اودي يا ودي على لالة ملاك ههههههه (شاف فيها ) و الله حتى ضريفة و قلبهاا بييييض .. غير لسانها سليط شوية .. تقدر ما تخليلكش بالهضرة و تعطيك فالوجه حتى تغرقي فبلاصتك و هي ما تحشمش .. عاااادي .. و لكن نهاار تحتااجيها قبل ما تحلي فمك تلقاايها جنبك و واقفة وقفة الرجااال معااك 

نواال:(حركات راسها بأه و حاضية ملامحوا و كيفاش كيهضر عليها ) 

عبدوو: هي و الواليدة مقطرين عندي من العينين و خصوصا هي .. ماا نبغيش يكوون صدااع بينااتكم .. كسبيهاا لعندك .. و بعدي من المشاكيل معاها ما أمكن .. 

نواال: وااخاا

🚩🚩 فالخارج

مريم :(جالسة كترقرقب النااب مع سعااد و كيزيدوا يتعرفوا .. و ختها حدااهاا كتضور فعينيها و مشطووونة حتى انتابهات و سولاتها ) مالك ؟ 

ختها : مهى من قبيلة ما بقات باانتلي تشطنت عليهاا 

مريم: ما تخافيش اتكون غير مع لبناات .. جاالسين و صاافي .. رااه يووسف قبيلة قاالي جمع الدراري كااملين فبيت و خلاهم باش ما يقلقوناش .. حتى أميرة يمكن معاهم ما بقيتش شفتها و غاالبا حتى مهى ..

ختها : ايوا على الله ... كنصوني عليها ما كتجاوبش .. 

مريم: الله يهدي هااذ ولاد اليوم و صافي ... 

ختها: أميين ..

مريم:(وقفاات ) نوض أناا نشووف فين وصلوا .. مرحبا بيك ا لالة سعاد مرة اخرى .. 

سعاد: الله يكبر بيك اختي 


ما أصعب ودااع الأهل و الأحبة .. شعوور خااانق .. كتحسي بنفسك مكبووس .. و قلبك كيضررررب بالجههههد .. و على شوية غتفقدي الوعي .. و احساس دااخلي كيقولك كااع المصاائب غينزلوا عليك .. ما دام ما بقااوش معااك الركاائز لي كتكااي و تلوحي تقلك عليهم كلماا عييتي و كرهتي .. لكن كتبقى هااذي هي سنة الحيااة و لا بد يجي وااحد الوقت و تبعد تبني حيااتك و توااجه مصيرك بوحدك ..

وااقفة خولة فالبااب مع عائلتهاا من بعد ماا تواادعوا مع نساابهم .. و هي عينيهاا تاالفين و الدمعة متحجرة فيهم .. حاسة بقلبها غيسكت .. حتى جرهاا محمد ( باباها) عنقها عندو بققققوة .. و هناا نهاارت و طااحوا دموعهاا بالجهههد و رجعاات كلهاا كترجف و تشهق فحظنووا .. و هو كيقراا عليهاا القرأن و يحااول يسكتهاا .. 

محمد:(شاف فيوسف و دموع مغرغرين فعينيه ) عطيتك جوهرتي الغاالية .. حاافظ عليهاا و صونهاا .. 

خولة:(سمعات هضرتوا و زاادت فالبكي حتى حسات بشي حد جبدها معنقها كانت لالة سعاد لي كتبكي حتى هي معاها و تقول ما بكيت و رجع وجهها كلوا حمر ) مااامااا 😭

لالة سعاد : الحبيبة دماماهاا 😢😢 (مسحاتلها دموعهاا ) ششش صافي ابنتي بلا بكى 🥺 هانتي مع راجلك و غيتهلا فيك (شافت فيه بترجي ) يااك اولدي 

يووسف: كوني هاانية الحااجة .. بحاال فداارهاا بحاال عندي

لالة سعااد:(مسحات عينيها كتصبر راسها و تحااول تضحك بزز ) و هاانتي سمعتيه على وذنيك ياالااه مسحي دمووعك و ديري بوصاايتي الله يرضي عليك و يكملك بعقلك

خلاتهم خولة و داازت عند أية و رضواان لي بدورهم عنقوها كيسكتوهاا بالخااطر .. و توصيتهم الوحيييدة قرايتها ما تفرطش فيها .. و فينما احتااجت شي حااجة تعيط عليهم .. و هي كتحرك رااسها بالايجااب فصمت .. 

حتى باانتلها لالة ملااك كتبكي و عاطياهم بالجنب و تمسح دمووع بشاالها لي فعنقهاا .. و هي تمشي كطيير عندهاا و عنقااتهاا بالجههههههد و حتى لووخرى مزيييرة عليييهاا .. 

يووسف:(متبعها بعينيه و كيسمع للالة سعااد لي كتوصي فيه و تعااود .. و هو كيحرك راسوا بالايجاب .. كأنوا كيقولها كوني هاانية ما يكون غير خااطرك .. )

لالة سعاد: الله يرضي عليك أولدي لما سايس معاها .. غير بالشوية و بالهدااوة .. و صبر عليهاا رااه مع الوقت أدير عقلها و تترزن و ما تبقاش هكاا .. غير فترة و دووز .. رااه قطعة من قلبنا كااملين و حااسة بروحي خرجتها و عطيتهالك .. عاارفة بنتي ما سهلاش و لكن رااه هكاا ترباات و طوول عمرنا داايرين لها كيف لمااء لقليل .. و بشقاوتها و تشيطينهاا و هضوورها كدير بلاصتهاا و تدخل فالقلب دغياا .. 

يووسف:(حرك راسوا بالايجاب ) كوني هاانية الحااجة .. خولة على رااسي من فووق .. غير رتااحي من جهتها ..

لالة سعاد: الله يرضي عليك اولدي .. الله يرضي عليك 

يووسف:(باسلها راسها ) أمييين يا رب

أماا فالجهة لووخرى فكاانت لالة ملاك داايرة جناازة غاا بووحدهاا 

لالة ملاك : أتمشي و تخليني و شكون يبئى ينك علياا و يجيي يصدعنيي و يجبدنيي و ينوض الحيحة فالريااض 

خولة: انتوحشك الميمة انتوحشك 😭😭 

لالة ملاك : و شكوون يتفكرني بالحويجة .. و يجي يعنئني و يطبطب علياا و يئولي توحشتك ياا الحبيبة .. و شكون يهرب و يجي يتخبى عنديي

عبدو:(شاافهم ما غيسااليوش و مشى جر عندوو خولة و معنقهاا كيضحك عليهاا و غمزهم يتوكلوا على الله و بدااو يركبوا فبلايصهم و يمسحوا دموعهم .. ) يااكماا نديوك معاناا ... صاافي دغياا قنعتي من زوااج .. و بغيتي تركي السيد ميبقااش فيك ما هو مطلق ما هو عرووس ههه 

خولة:(حركات راسها بلا و شفايفها كيترعدوا .. خصووصاا فاش بانولها زاادووا .. و هي متبعااهم و كتشير بيديهاا ) مشاااو 🥺🥺 


يووسف:( شد لها وجهها بيديه كيمسح دموعهاا .. و هي بااقة حااضية طريق لي مشااو منهاا و كتنخصص حتى كتخنق و متبقااش قاادرة تتنفس ..)

نوال:(بقات فيها ) خولة الزين باركة طبختي عينيك .. هاذي هي الدنياا ما عندك ما ديري 

يووسف:(طلق منها و جرها من عنقها بهدووء لصدروا و حتى هي تخشات فيه معنقااه كتترعد ووهو كيدوز على رقبتها بحركات داائرية وهمية حتى بدات كترخى ببن يديه و تسكت شاداها التبوووريشة ... عاد قرب كيهضر بينوا و بينهاا بهمس و ابتساامة هاادئة ) باركة من الدمووع احبيبة .. شوفي كي نفختي عينيك .. 

خولة:(كترعد) ه هما هما 😢

يووسف: هما فوقما توحشتيهم أنديك حتاال عندهم .. و منين يبغيوا يشوفوك يجيوا مرحبا و ألف مرحبا .. ما عنديش مشكل .. و تيليفون كيقرب كل بعييد ..

عبدوو:(تدخل) مااشي نهااية العاالم اخولة .. بااقيين غتشااوفوا فالعرس و زيد و زيد .. و ها أناا باقي معاك هناا .. يالاه مسحي دمووعك الله يرضي عليك .. 

نواال: و خووياا رااه غيتهلى فيك و يديرك فعينيه و اتعيشي معاه مزياان معندك لاش تبكي الزين .. 

يووسف:(همسلها بصوت يالاه تسمعوا هي و ياه ) سمعتيهم و يالاه باركة احبيبة .. و قرااي أية الكرسي 

خولة: وااخاا (مسحات دمووعهاا و بدات تقراها بصوت خاافت و هو كيكرر معاها حتى ارتااحت و سكتاات ..)

يووسف:(هز راسوا لعبدوو) هو هذاا اباا عبدوو .. 

عبدوو: نتلاقاو غذا فالحسيمة يلا كتااب 

يووسف: ان شااء الله .. يالاه تصبحوا على خير ..

نوال و عبدو : و نتوما بخير .. 

ركب عبدو و نوال فلوطوا دياالهم .. و زاادووا مع طريق .. 

خولة: غنبقاو هناا فدااركم ؟ 

يووسف: نوو غتمشي لداارك تشوفيها .. (غمزهاا و فتح لبااب دروونج فالبيض كتلمع .. ركبات خولة كتقيس فالجلد الاسود .. دالكوساان و كتقلب فيهاا و تشووف .. حمقااتهاا و سطااتهاا لا من الدااخل لا من الخاارج ) 

خولة:(بابتساامة ) زوييينة بزاااف .. دياالك ؟ 

يووسف: لا .. بلحاق يلا عجباتك نااخذوا بحالها (غمزهاا و حرك لوطوو طااير فالطريق )

وقف قداام بنااية من 6 ديال الطبقات فحي جد رااقي .. و نزل و هي تاابعااه .. كتكتااشف المكاان .. لي كاان هااادئ جداا .. عجبااتهاا الجردة و شكل العماارة من الخاارج .. سبقااتو للدااخل لي كانت كلهاا مرااياات مزخرفين من الجنااب .. و قباالت الباب مبااشرة كااين المصعد وقفاات قدااموا كتسنى يووسف .. لي جبد لفاليز دياالهاا و رااجع عندها ..

طلعوا للطاابق الأخير .. كاان كولواار طوييل كلووا مزلج و نقي كيلمع .. و فأخروا .. بااب كبير من الخشب فاللون البني الغاامق .. فتح البااب .. و فسح لها المجال منين تدووز .. 

خولة:(دخلات برجليها ليمن ) بسم الله .. 

دخلات كتكتااشف الشقة بخطواات بطييئة .. عينيهاا مشااو مبااشرة لصاالووناات الكباار لي جاايين مقاابليين مع البااب .. و مفرشيين بطريقة تقلييدية ..
وااحد بطلامط دالبهجة فالبلوون كااسي مع وراادي فليوااناات فااتحيين .. و طباالي مزخرفيين بطريقة عصرية زويينة .. و سووندرياات فالجنااب بنفس الزوااقة و مزلجيين من الفووق .. هماا و الطبلة لكبيرة لوسطانية ..
و مرااياات كباار معلقين فكل صاالوون جاايين مقاابليين .. و الصاالوون لاخوور مقااد حتى هو على حقوا و طريقوا بتلامط دالخريبة فالصفر كيعشقووا .. و فالدراابز ديكووراات خفاااف و موودييرن .. 

و فالجهة الثانية .. جلييسة صغييرة بلي فووطووي و تلفاازة بلازماا كبييرة معلقة .. و مصحف دالقرأن كبيير فنص الطبلة .. مقاابل مع الكووزينة لي كاانت بشكل فرنسي محض و فوسطها صاال أموونجي متوسطة .. و عااد لي دووش و الحمامات ..

باانولها دريجاات من الخشب فالجنب و طلعات فيهم بحذر .. دخلات كاان عاالم ااخر تماا بشجيرات صغاار و ديكورات فنيين .. لقاات بااب صغييرة فالجنب فتحااتهاا .. 

بقات وااقفة مصدوومة و مبهوورة .. بحال جاامع صغيرة .. او بالأحرى بيت الصلاة .. مفرشة فالزراابي و السجاادات .. و فالجنب كتب دينية متنوعة .. و القرأن الكريم هو المتربع على عرشهم .. كانت غرفة نقية و طاااهرة كتدخلك تبووريشة مع الأعمااق .. عجباتها لدرجة عينيها غرغروا .. مستحيل كاانت تفكر هي فهااذ القضية أو تديرهاا ..

سداات لبااب و زاادت مكملة اكتشافاتها .. كاان بااب كبير من الخشب فلون الأسود .. فتحااتووا فيه .. مكتب كبيير طااغي عليه اللون الأسود .. مع مكتبة كبيرة فالجنب شاادة طوول الغرفة كاااملة .. و فالمقاابل جووج دلي فووتوي مربعيين مع طبيلة صغيرة .. شاافت الورااق و البيسي محطوطين فوق المكتب عرفاتوا هناا كيخدم فأغلب أوقااتوو .. 

بقااو لهاا جووج دالغرف .. وحدة فيهاا جوج ناموسيات صغاار و تلفاازة صغيرة مقابلة معاهم .. مع مااريووا كبيير .. و بيت كيغلب عليه اللون الأبيض .. فجدراانوو ما إلى ذلك ..

و أخييراا بيت دياالهم دالنعااس .. لي كان كبيير كتوسطوا ناامووسية كبييرة بلي كواافووز دياالهاا و كااع المستلزماات .. مقاابلة معاها تلفزة بلازما معلقة فالحيط .. لي مقسووم فالنص .. جهة فيها الباب دالدووش و جهة جااي فيها بااب صغيرة من زااج .. فتحااتهاا لقااتو تماا بااني بلاكارات و درااجي و مستف حواايجو .. و مخلي لهاا جهتهاا خااوية ..

عجبها لبيت بزاااف .. خااصة عندو باب كتخرج للباالكوون و كطل على منظر و لا أروع .. و مصوبة بجليسة حلللوة .. 

الداار سطاااااتهااا حمقااااتهااا طيراااتلها العققل هي لي مراااة و موحاال تفكر فهااذشي و بهااذ الدقة كاااملة .. 

خولة:(بابتساامة و عيون لامعة ) جاااست وااااااااااااااااو .. ما لقيت ما نقوول واااااعرة و بزااااااف .. 

يووسف:(بادلها الابتساامة ) هااذشي لي بغييت ❤

خولة: تبااارك الله علييك و الله .. أشطر المهندسين و ما يجيبوهاش هكذاا .. 

يووسف: متنساايش رااني مهندس فالأصل (غمزها ) 

💫💫 نوال و عبدوو 💫💫

غااديين طاايرين فالطريق .. نواال كتشهد فسرهاا .. و هو متبعها و كيضحك علييهاا و جاالس ألييز هاااانيي .. حتى وصلوا للحسيمة عااد تنهداات و طلقات شهيييق زفييير .. 

مشى نيشاان للأوطيل .. بلاصة و دخلوا جهة دالكاافي .. خرجوا لطيرااس .. قباالت لبحر مبااشرة منظر زويين و لكن صقيييييع د البرد .. 

عبدوو:(جرها عندوو معنقهاا ) دااباا حسن ؟

نوال:(تزنكات و طلعات معاها الصهدة حركات راسها بااه و هزاات menu تلف بيه .. مشات لجهة المشروبات كتقراا .. حتى بانتلها الشمبانيا .. و الفودكاا حتى هماا كاينين .. ضحكات بشيطاانية و شاافت فيه ببراءة كترمش عينيها ) عبدوو !! 

عبدوو: هممم !؟

نوال: نقولك وااحد الحااجة و ما تقوليش لا 😶

عبدوو:(ماشي معاها فالخط ) قولي بعداا و يحن الله .. 

نوال: دابا أنا ديك النهار كنت كنهضر مع صااحبتي يااكاا 

عبدوو: اهاه !!

نوال: و قاتلي مشات يااكاا .. لواحد الديسكو ياكا .. احم و لكن محترم و لاهيلا ياك . ا و سهرات فيه عاادي يااكاا ..

عبدوو: بغيتي حتى نتي تسهري ؟

نواال:(عضات على فمهاا و سكتاات )

عبدوو: ؟؟ 

نوال:(كتدور عينيها و قالت لي ليها ) ااه

عبدوو: فالمستعجلات و لا الانعااش ؟ 

نواال: هاا !! 

عبدوو: لا يمكن معلقة فالكوميساارية حسن !! عمرك جربتيهاا (عوج راسوا فيها و قلدها ) يااكاا

نواال: ما قصدت فيها واالوا !! ياك نتاا معاياا !!

عبدوو: بنتلك سميتي جااك و نتي جااكلين ؟ و لاهيلا قاالك تسهر و نضربوا أناا وياك الطااسة تاا هي .. علاش لا ؟

نواال: و أناا غير قتلك شنو دارت صااحبتي و صافي

عبدوو: صاحبتك طحبة .. بلووكيهاا .. و لا أراي نبلوكيها أنا نيت .. 

نواال:(شداتها الضحكة .. حيت مااشي بصح .. غير بغات تسهر و اول حااجة جات لبالها قاالتهاا .. تنهداات كتدور رااسها و تقول فنفسهاا كن عرفتي الطحبة دبصح شكوون كن لحتيني من هااذ الطيرااس نيت )

طلبوا لي بغااو .. و جلسوا فسكاات مرة مرة كيلوحلها شي كليمة و يطنز كعادتوا ... حتى عيى و جاا ناايض و حبسااتوو .. كتلعب بيديها و حانية رااسها ما قدراش تهضر

نوال: فف دااباا كيف شفتي 

عبدوو: باا بوو بيي .. علي عينك فياا .. رااني و الله ما هااز الفردي نتيري فيك ..

نوال:(غمضات عينيها و هضرات بالزربة ) عافاك خووذ جووج دالبيوت .. غير حتى نولفوا كثر .. (عضات فمها ) و ما تفهمنيش غلاط .. 

ما هضرش حدوا ركز الشوفة فيها مدة و وقف و تمشاو جهة دالاستقباال .. دااروا المعاملات الازمين .. و خذااو لي كاارط و طلعووا .. كاانوا ملاسقين وااحد حداا لاخوور .. 

عبدوو:(قرب و باسها من جبهتها ) تصبحي على خير .. 

نوال:(فتحات لباب و دخلات ) و انت من أهلوا .. 

عبدوو: و يلا غيرتي رأيك أنا هناا (غمزها و دخل كيضحك )

💫💫 خولة و يووسف 💫💫

خلاهاا على خااطرها كتشوف و تكتاشف .. و دخل للدريسنغ .. بدل عليه بملابس مريحة .. خصوصا مع الكبس كيعذبوو و مقنطهاا بيه .. لبس كلاكيط دالناايك فرجليه .. و خرج كيتكسل بتعب .. مشى لبيت دالصلاة تيمم و صلى لي عليه و قراا ما تيسر من القرأن .. عااد رجع عندهاا .. 

فهاذ الأثنااء كاانت ناعسة فبلاصتها .. ببيجاامة خفيفة بالكماام .. من حرير هي و سرواالهاا .. غاا حسات بيه .. غمضاات عينيهاا بالجهههد مزيرة عليهم بطريقة مفرووووشة .. خلاتوا غير كيضحك بلا صووت .. تخشى حدااهاا .. جرها بيديه السليمة جهتوا .. دخل يديه حااطها على كرشهاا لي كاانت سخووونة .. حتى قفزات بالشوية من برودية يديه .. عضات على لساانهاا .. مغممضة نص عين .. كأنها كتقول صاافي تفرشت ..

يووسف:(أنفااسوا سخوونة كتضرب فيهاا و بهمس حداا وذنيهاا ) غير فتحي عينيك .. 

خولة:(ضارت عندو كتضحك ببلادة ) جيتي 

يووسف: لا باقي 

غمضات عينيها فاش حسات بصبعانوا كيتحركوا فووق كرشهاا .. حتى هبطهم لفخااذها كيتحسس فيهم .. و هي مزييرة على ذاتها و مكنننزة .. رجع طلع يديه لكرشها و قرب لشفايفها طبع بوسة خفيفة و رجع بعد .. حااضي ردة فعلها و عينيها لي بااينة فيهم الشهوة و الخوف فنفس الوقت .. 
يووسف:(ضحك بجنب ) فكريني شنو قلتي قبييلة (داار راسوا كيفكر ) ااه كلي دياالك .. و غتااكليني فين مشاات الزعاامة الشريفة ههه

خولة: أناااا 😯

يووسف: لا أناا .. 

قرب مرة أخرى و هااذ المرة بااسها و هو كيمص و يتلذذ فيهم .. و هي مغمضة عينيها و مستسلمة .. حتى حساات بيديه طاالعة مع كرشهاا .. يالاه حطها على صدرها و هي تقفز رااجعة لور كتحرك رااسها بلا ..

يووسف:(جرها من رجليها حتى زحتاات متكية على ظهرها و هو فوقهاا ) ششش متخافيش 

خولة:(كتحرك بلا و نعتات ليه يديه ) غير حتى تبراا يديك .. عافاك 🥰 

يووسف:(شااف فيديه و تنهد .. نزل عندهاا بثقلوا خاشي وجهوا فعنقها .. و نطق بصوت كيذوب )
نهاار نشدك انخرج منك هااذشي كاامل غير صبري

بااسهاا فوذنيهاا حتى تسمعاات بالجهد .. خلات قلبهاا كيفرفر و ختمهاا بعضيضة فشحيمة د وذنهاا .. 

خولة: ااااه 

يووسف:(ابتااسم و دااعب حنكهاا بلحيتووا و رجع تقلب للجهة لأخرى مخليهاا مغمضة عينيهاا و ابتساامة مرسوومة على شفاافهاا )

💫💫 يوم جديد 💫💫

🚩🚩فلافاك 

وااقفة خولة و نواال كيتسنااو لبروف يجي بااش يبدااو الحصة .. 

خولة:(حاضية يوسف من بعييد) بقى فياا و الله .. زعماا غير الله يسمح لنا منو و صاافي 

نواال:(انتابهات فين كتشوف و تبسماات ) هو هكاا ميقدرش يجلس بلا خدمة و حركة .. وااخا معطوب دااير معانا المستحيل .. 

خولة: وااييه (سااهية فيه ) خووك فششششكل و الله ..

نواال: ههههه فكرتيني غير نهاار رجع من فرنساا .. و كاانوا داايرين ليه حفلة استقباال .. و شافتوا مهى بغات تسخف هههه 

خولة:(كتسمع مطلعة حاجبها و نوال كتهضر ببراائة ناسية راسها )

نواال: كتحلف و تعااود ماا هو هههه وااخاا رااه كاان زويين و شخصية من صغروا و لكن فااش مشى و غبر .. تبدل 90 درجة .. 

خولة: امم حتى الغربة كتبدل عاادي ..

نواال: سي هههه بااقي كنتفكرهاا .. كتكرر و تعااود .. فواش ما كنحلمش ؟ هذاا كااااامل كيتقاااسم معااناا الاووكسجيين و كيجييناا هههههه حمقة ديك البنت 

خولة:(العافية شعلات فيها و ابتااسمات بصفورية ) بااينة 

نواال: و الله حتى ضريفة و حمقة و ضحوووكية .. ما تديش عليها نهاار العقد دياالك .. يمكن ما كانتش على بعضهاا .. خصووصاا من الصغر و هماا كيقولوا مهى ليووسف و يووسف لمهى .. غتكون غير ما تقبلاتهاش و صاافي .. رااه سنيين مااشي شهر و لا جووج بااش تنسى دغياا ..

خولة: اهاااه !!! و شنو وقع حتى تبدلات فكرتهم بالسلامة ؟

نواال: واالوو .. أصلا خويا عمروا قاالهم ااه و لا عطااهم رااس الخييط .. و شحاال من مرة هضر مع ماما متبقااش طمعهاا و تسد الموضووع حيت بااقي عليه الحاال .. و لكن هي كاانت لاسقة فيها .. عندهاا مققطرة من عينيهاا .. كثر مني يمكن 😂 .. و هي لي جااتها على لكاانة .. و بيني و بينك حتى هي غزاالة و سعداات لي غيديهاا .. 

خولة:(حركات راسها باستهزاء ) كل قرد عند مو غزاال 

نواال: لا بصح حدا يووسف و ماما كتولي رزيينة و تقييلة فهضرتهاا .. الرااس ما تهزووش و الاحتراااام التااااام و زيد البرااءة و صوتها بزز تسمعيه.. هااذشي لي عجب ماما و كانت كتقول اتجي مع خوياا و تبدلوا .. حيت بقدر لي حنين و ضريف و كيديير لخااطر .. غير كيطلع ليه الدم كيقلب الدنياا فووق ريوسنا و يسمح فكلشي و ما يعااودش يدوور مورااه .. يلا حط لوااحد .. كيحطوا نيشاان و يمحيه من حيااتوا .. 

خولة:أنا كيجيني مااشي حتاال هااذ الدرجة .. بلعكش حنين و قلبوا بيض .. يقدر كيتعصب و يغوت و يضرب كااع و لكن من بعد كيندم و كيحااول يصحح غلطوا .. 

نوال: على حسااب أكيد معااك مااشي هو معايا .. و مااشي هي مع ماما .. و مااشي هي مع الطلبة .. و ماشي هي مع صحاابوا .. هو من نووع لي كيتأدبطا فين ماا حطيتيه .. كيفمل كيقول ديما .. لكل مقام مقال .. 

خولة:(حركات راسها بااه سااهية )

نواال: هااذشي علاش كاانت باغاها ماما ليه .. حيت كتبين لهم غير جاانب من شخصيتها .. و كتااكلها بلساانها الحلوو .. و معاناا كتقلب عااود .. مرة هاا هي هاانية .. مرة شدي كرشك بالضحك و التقشااب دياالهاا .. مرة ما كتطااقش و لساانهاا طول منهاا .. كتشبه لك فهااذي ما كتسكتش على حقهاا و لكن ذراعها خااوي .. مع ذلك يلا داارت شي حد فعقلهاا كتبقى تنبش تنبش تنبش حتى ترد ضربتها غير بالريط .. مسموومة و مكتنسااش مع ذلك ضريفة .. كل واحد و عيبوا .. 

خولة: مهم أناا لي ديتوا فالأخير ما فهمتش لاش كتحط راسها فشي مواقف لا حولة ولا قوة الا بالله 

نوال: أكيد انا غير قتلك .. الله يسعدكم 

خولة: اميين


💫💫 بعد مرور 3 أشهر 💫💫

مرت الأياام بحلاوتهاا و صعوبتهاا .. كل كووبل كيحااول يتأقلم فحياتوا الجديدة .. أكييد كلناا عارفين الأشهر الأولى دالزواج كتكون صعييبة .. كلها و شخصيتوا .. كلها كيف مولف فداارهم .. و بااش ترصي حيااتك على سيستاام دواحد أخور كيااخذ جهد و طاقة و صبر .. لكن اكييد بالمثاابرة و الحب و التفااهم و النقااش كلشي كيتحل ..

فهااذ الأشهر يووسف حيد الكبس و داار كااع الفحوصات اللازمة على راسوا و لي صدقوا مزياانين و الحمد لله استااعد عاافيتوا بسرعة .. أماا خولة فاهتمامها كلوا عليه و على قرايتهاا لي من المستحيل تفرط فيهاا ..

من أخر حوار مع نوال داارت اطونسيون من مهى و طيلة هااذ الفترة عمرها مشاات عندهم .. من غير مرة مرة كتعيط على مريم (ماماه ) تسول فيها و دير معاها الصوااب و تقطع .. لحد الأن مهنية فباالهاا لا صدااع لا مشاحناات ..

حااجة وحدة لي معصباها هي موضوع الدخلة .. و باقي لدااباا غير كيقيسهاا كتترعد و ما كتقدرش تكمل .. و هو الأخر دااير معاها فووق الخااطر و ما باغيش يخلعهاا و يشدها بزز .. و فالأخير خلاوها للعرس أفضل .. 

أماا نواال فكاانت مرتااحة .. فنهاار فلافااك و فليل كتهضر أبيل مع عبدوو .. لي تزير بمعنى الكلمة بالخدمة .. بااش من مور العرس يااخذ عطلة طوييلة .. 

الاستعدادات للحفل على قدم و سااق .. كلها كيجري و يجااري .. و اخييراا بعد صبر طويل .. وصل الوقت من بعد ماا ارتااحوا لبناات من الامتحاانات .. جااء اليوم الموعوود ..

💐💐 العرس الريفي كيتميز بأروع العادات و التقااليد .. لي عندهاا حلاااوة خااصة جداا .. و لي كيمتد طيلة السبع الأياام .. لكن حاالياا قليييل لي بقى محتااافظ بالتقااليد لقدييمة .. نظرا لبزااف دالأسبااب .. اكتفت عاائلة نواال هي الأخرى بثلاث أياام .. 

اليوم الأول لي كيتسمى 💐 السلكة 💐

وااقف يووسف بجلابة مخزنية فالبلون كااصي .. و معااه الأب و الجد بحطتهم التقليدية الرااقية .. كيستقبلوا الرجاال فالداار ديووسف .. 
وصل عبدوو بجباادور مع السلهاام دياالوو .. مربي اللحية و مقااد شعروو بطريقة زويينة و ابتساامة خفيفة على شفاايفووا و بااينة الفرحة على وجهوا .. 

بعد الترحييب و الاستقباال الحاار .. دخلووا للصاالووناات لي كاانووا ديجاا جاالسين فيهم الطلبة و بعض الفقية .. و فالوسط مبييخراات كباار كتفووح منهم رييحة العوود .. 
نفس الشيئ فالداار عند نواال .. الكل لابس جلالب و سااترين شعرهم .. جو ديني محض .. 

بدااو قرااءة القرأن الكرييم ابتدااءاا من سوورة الفااتحة حتى لأخر سورة .. و رجعوا عااودوه من اخر سورة حتاال سورة الفااتحة .. 
جلسة كااملة بالقرأن و الحذيث و الأذكاار و المديح .. و كيختمووها بالطلبة لي كيديروا حصتهم .. نفس الشيئ لا عند الرجاال لا عند العياالاات .. 

عشااوهم و دااروا الصوااب و كلهاا مشى لدااروا .. اولهم عاائلة خولة .. من غير المقربييين لي بقااو كيعااونوا فمريم .. هااذ الأخيرة لي كاانت وااقفة مع خواتاتهاا .. حتى لمحاات خولة وااقفة كتلبس فرجليهاا .. و مشات عندهاا .. 

مريم : خولة ؟

خولة: وي خاالتوا !!

مريم: شفتك كتجمعي حواايجك .. ما غتبقاايش مع البنات ؟ 

خولة: ااه يووسف عيطلي نخرج أيدوز مورايا بابا

مريم:(سااطت ما عاجبهاش الحال ) و لوااه ابنتي لوااه ماالنا غنبيتوك فالسطح هنا ؟ العرس جااياا بحاال الضيااف ما حطااش حتى صبع معاناا و من المنااسبة للمنااسبة ما نشوفوك .. و دااباا حتى هااذ اليومااين ما تجلسيش و تعمري الداار .. رااك عروستنا يا حسرة .. 

خولة:(تنهداات و هضرات بالشوية مع ابتساامة خفيفة ) صافي اخالتي ما يكون غير خااطرك .. أناا نهضر معاه و نقنعوا .. رااه هو لي ما بغاش ماشي أناا .. أما أناا بالفرحاات عليا نبقى و نوجد معااكم و لكن الظروف لي داارتها و كنت غاارقة حفاظة و امتحانات .. و يووسف لي مكيسااليش باش يجيبني عندكم .. و أنا منقدرش نخرج لرااسي و ما نديرش بشوااروا اخالتي .. 

مريم: امم هضري معااه .. (مشات كتنكر و تعوج ففمها ) و لوااه كااملين تزوجناا و عرسناا و ماا درناا هااذ الحاالة .. بقاالنا غير نرغبهم و لاهيلا بففف

نواال:(مشات عند خولة لي كانت كتهضر فتيليفون )

خولة: و صاافي غير هااذ الأياام .. المهم حواايجي دغذاا راني جامعاهم فوااحد الفاالييز .. سيفطهم مع شي حد .. اووك اووك صاافي (قطعات ) 

نواال: ماالكم ؟

خولة: واالوو احبيبة (حطات يديهاا على ظهرها و طبطبات ) دخلي رتااحي بااش غذاا تكووني منورة

نواال: و نتي ؟

خولة: أنمشي نعاون ماماك و نجمعوا روينة و ندخل ننعس 

نواال: أويلي رااه كااينين العيالات لي غيقاادوا كلشي ..

خولة:(شافت فمريم و تنهداات ) نوو ما عليش .. غير ندير يدي معااهم .. حشومة .. يالاه تصبحي على خير .. 

نوال: و نتي من أهلوا .. 


مشاات عندهم بلا هضرة بلا جوج .. كتعااون و تجمع و تنقي .. حتى رجعاات الداار كتلمع .. ماا فتحاات فمهاا بحتى كلمة .. تاا سالات شغاالهاا و ماا خلات لهم فين يهضروا .. عااد دخلات لبيتهاا مساالية .. لقاات لفااليز وصلات و دخلوها لهاا .. بدلات عليهاا و تخشاات فبلاصتها كتميساجى مع يووسف .. تا نعسوا بجووج بلا ما يحسووا ..

💫💫 يوم جدييد 💫💫

❤ ابتسموا لباب الصبح و اقفلوا عتمة الأمس تناسوا و إنسوا ❤ 

فااقت نواال على صوت الزغااريت و الصلاة على النبي .. نقزاات فبلاصتهاا كتلعب برجليهاا فرحااااانة .. لبساات قفيطنهاا و قاادت الشاال معكووس للجنب .. داارت روتينهاا و خرجاات عندهم .. كاانوا الأغلبية فاايقين .. صبحاات عليهم و جلساات كتقشب معااهم .. و الفطوور كيتحط بالأشكال و الأنوااع من طرف خولة .. حتى سالات و جلساات بهدووء .. 

خولة: صبااح الخيير .. 

الكل: صبااح النوور .. 

مريم:(ابتاسمات ) و هاكا نبغيك ابنتي .. رااه حتى هااذي دااركم .. 

خولة:(حركات رااسها بالايجااب مع ابتساامة )

خولة كيفما سبقلي قلت .. كتصرع الحلوياات و كتتفنن فيهم .. هااذووك عشقها .. و مع المدة فينماا ما لقات ما تدير كتدخل للكووزينة تخربق و تتفرج فيووتيب و تجرب و مع تشجيع يووسف .. بالشوية بالشوية بداات تتعلم و تتقن شغالها .. 

بالرغم من أنهاا نعساات معطلة .. إلا أنها فااقت قبل منهم كااملات و دخلات بلا حس كتوجد و تحط .. غير ما تسمعش الهضرة لي تعصبهاا .. أياام قليلة و تدووز ما فيهاا باس تصبر و تدير الخااطر .. 

تسالى الفطور و نااضت نواال جاارة معاها خولة .. جمعوا حواايج الحماام و لبسوا عليهم لحاايف مغطيين دااتهم كااملة .. و خرجوا فاتجاه الحماام مع بناات العاائلة .. 

تهلاو البنات فنوال و كاانت هي محط اهتماام الجمييع .. شبعوها مااسكات و زيووت ... إضافة للتبريماات و الخلطات الطبيعية .. من ورد و غاسول و حنااء ..حتى رجعاات كتبريي و بشرتهاا صااافية و رطيييطبة .. و شعرها الحريري العسلي الطوييل استعااد نظاارتووا و حيويتوا .. و من تم مبااشرة للصاالون .. قاادات يديداتها و رجليهاا .. و قلمات اظافرهاا .. و داارت لاسيغ لذاتهاا كااملة .. لا هي لا خولة ..

بخلاصة تهلاو فرااسهم حتى رجعوا كيضوييو .. و ختمووهاا بكااس دأتااي فالداار بالأعشااب يرد فيهم النفس .. استعدااداا لحفل الحنااء لي غيتقاام بالمسااء .. 

لبساات العرووسة ثوب أبيض من قمة رأسها إلى أخمص قدميها .. بلا حتى نقطة دالمكياج من غير كحل طبيعي حاار مزين عينيها .. و قاسمة شعرها فالنص مظفرين كل جزء بووحدو ..

خرجاات بالتعشااق و الصلاة على النبي .. لقاات العيالات مجموعين بأبهى حلة و كلهم وااقفين فاستقبالها .. 

جلساات فالبرزة لي فلون الأبيض مطروزة بالأخضر الملكي .. و فالأرض محطووط الحليب و الورد و الحنااء ياابسة .. و فصحن كبير كتحط الحنااء المخضبة وسط الشمووع و محااطة بقوالب السكر ..

كلساات جنبها الحناية و بداات بعملية النقش .. تحث أهازيج أمازيغية ريفية جميلة كيعاودوهاا البنات لي حااضريين 
أراحانينغ ذا ميمون يا ربي أكيث ذا ميمون 

* حنائنا مباركة يا رب اجعلها مباركة *

تطلقات الموسيقى و الاهاازيج لي كاانوا غرااب بالنسبة لخولة و عائلتها و مينكروش بلي عجبوهم و مشااو معااهم حتى هما كيطبلوا و يغنييو و يزغرتوا فرحاانين لفرح خووهم .. و مطلوووقين مااشي من نووع لي كيدي على هضرة بناادم ما داام وااثقين فراسهم و عاارفين ااش كيسوااو و لأهم متصالحين مع ذاتهم .. لبااقي ما كيهمش ..

بكل سعاادة وقفوا كيشطحوا و يغنييو .. حتى من لالة ملاك شاركااتهم .. و نااشطة الضرسة دالعقل كتباانلهاا .. عزيز عليها النشااط و الحيحة .. 

كملات لهاا يديهاا و تعلن عن قدووم العريس بجهاازها .. لي كيدير الشاال رااه قاادوو و تستروا و لي بلاش بحال عائلة خولة رااهم جالسين ألييز ..

دخل عبدوو بالهدية لابس لبسة تقليدية من عندهم .. حدو حطلهم الهدية و خرج .. و من عاداتهم الدفوع كبتقدم رفقة فرقة فلكلورية كتتسمى " أسشي " 

الجهااز لي كاان شاامل لكل شيئ من مستلزمات العرس .. من هدااياا و حنااء و ذهب العروس و حليها .. و لبااسهاا .. و ماا إلى ذلك .. 

💫💫 فالخاارج 💫💫

كاانوا باانيين خييمة كبييرة مجمووعين فيهاا الرجاال بأجواائهم حتى هماا و عبدوو جاالس فالرااس .. حتى دخلات عندهم لالة سعااد .. هاازة طااسة فيهاا الحنة من لي بقى لنوال .. و تمشاات جهتووا تحت انظارهم و أهاازيجهم هما الأخرين ..

عبدو:(باستغراب) شكديري ؟ نو نو ما غنديرش هااذشييي 

بالرغيييب و المزااوكة عااد خلااهم .. داارتلوا دواارة صغييرة فيديه .. و كحلات ليه عينيه حتى دمعووا من حرووريتووا و هو كيغوت و يتحلف فيهم و البقية كيضحكوا 😂 حتى يبساات ليه و جبداات دمليج دياال الفضة قلعااتهاا بيه و حط يديه فطااس كبيرة و شلاتهاا ليه بالحليب .. عااد مشاات .. أكييد هااذشي من بعد ما شرحولهاا و حفضوها شنو ديير .. 

كلهاا و كيف دوز عشيتوا لكن الفرح و الاحتفال كاان سيد الموقف لا بالنسبة للرجال لا للنساء .. لي الغنااء و الشطيح ما حبسش نهاائياا .. و غير سالات نوال من نقيش رجليهاا .. داازت للبنات كيديروا الفال .. منهم خولة لي صوبات صبيع فرحاانة بيه .. و تدوور تدوور تتصور و تصيفط ليووسف

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.