الكاغيط الجزء الثاني

من تأليف Sousou Idrissi
2019

محتوى القصة

رواية الكاغيط

..جالسة فالصالون مع خوالاتو تا مشاو بحالهم مازالة مامستوعبة بلي مشاو و خلاوهاا و الديها....

حليمة: (جلسات حداها و تعنق و تبوس فيهاا) حبيبتي و عرووستي و من ريحة اباا الله يرحمو ..مرحباا بيك فالدارك 

نورا: (خرجاات ديك الابتسامة بزز ) لهلا يخطيك خالتي 

حليم: كولي لياا ماما بحالك بحال بناتي ..عدددي تلاتة البنات خواتات رضى دنيا و ليلى و فدوى فالعرس نشاء الله يجيو 

نورا: الله يجيبهم على خير اخالتي

حليمة: امين حبيبتي!! اجي معايا نعطيك جوخة للبسيها تبقايش بحوايجك شديناك على غفلة ..

..حنات راسها و سلمات راسها للقدر...قدرات تهز راسها فالدارها و تتشوف من غير الصالون الكبير المتواضع البيوت داخل ماتماش البيت جلاس طلامط حالتهم مخاد كل وحدة مشنقة من وذنيهاا..تبعاتها لبيتها حاشا واش بيت روح تطيح البالز محاولين خارجين منهم حوايج الناموسية من عهد المحاربين و الماريو فوقو قجقالة خت بلاطو بنت عم صينية مدات ليها واحد جوخة ستمية الريال فالاصفر فيها خميسة .... 

حليمة: راها جديدة ديال فديوة نسااتها ...بدلي ابنتي هانا فالكوزينة ...

نورا بنت جمعة المقرصة من طامو ..الفقر ايه عايشين فيه لاكن النقا و متولين من صغرهم...تيد جافيل تيشريوه كتر من السكر و آتاي ..خيبات سيفتها و بذات تبدل حوايجها جاتها ديك جوخة حساب طوات حوايجها و حطاتهم تماا..مع خرجة ضربات فيه داخل 

رضى: نورا!! ارتاحيتي شوية؟؟

نورا: امم 😊

رضى: يلاه نجلسو ..

..دخلو للداك بيت الجلاس لي تيعيط ياليل ياعين ..جلس هو حاط تلفونو حداه و نورا فالسداري لاخر بجنبو ....تدخلات عليهم حليمة 

حليمة: اوليدي جيتي؟؟

رضى: ايااه ههه مشاو خوالاتي ؟؟

حليمة: مشاو ...(خرجات تلفونها تتشوف فيه) خواتاتك و الله ماسليت نعيط ليهم ..

رضى: اناا نشوف واش دخلين واتساب ...

دوز مكالمة فيدو واتساب جامعاهم باربعة بداو لبنات يهضرو فرونسي مع رضى شوية قلبوها عربية و حليمة تتغوت بالضحك فالوذن نوراا ..وسلمو عليها و تعرفو عليها و باركو ليهم ..و نورا غير تتسجل وتشوف و رضى كل مرة يبتسم معاها و يهضرهاا ..

حليمة: تتفوه...عيت نووض نعس 

نورا: وقفات ..نمشي معاك خالتي 

رضى: (فهمها خايفة ) ههه ديها الواليدة معاك انا مزال مقصر مع كرة ..

.....مشات هيا و حليمة فرشو فالصالون و نورا حمدات الله لي منعساتهاش فديك جوطية ..جمعة حوايجهم ماعندهم حق يطويوهم ...تكات حداها من ربع ساعة ماكملاش تتسمع تران داايز خررر خررر ...

...هو لي تربى حرش و كبر حرش!! هو لي صغرو وااعر للكبرو!! ..هو لي مرة نتحماو بيه مرة نتشكاو بيه !! هو ريحة الوالدين و الاب التاني !! هو لي مع الدخلة يسول على خواتاتو هو لي يغير على خواتاتو هو لي باغي خواتاتو جوهرة فعينيه و فعينين النااس هو لي شرفو من شرفهم و لي جبدهم يجبد ليهم عينيه هو لي الصغير فيهم و الكبير عليهم هو سيمو خو البنات ...

على الصباح جالس فالقهوة فالشاريع جاية قبالت الدار حليمة ...عقلو ماكاليه ..خاف عليها لا يجريو عليها ولا يخرجوهاا ...ضرب تلاتة القهاوي و داك الباب من بعد 300متر مبان ليه تحل ..تلفونو تيصوني تيشوف نمرة حميدو و يميك ....تابان ليه رضى خارج لابس شورط و بودي لابس كلاكيطا و كاسميطة ..خلص قهوة و مشا راس الشاريع حاضيه ..تاشافو دخل المخبزة و داز حانوت و رجع الدار ..عاد تحرك سيمو الدار..

...دخل الكوزينة حط التقضية و حليمة على صباح طالقة حلوق فواتساب مع بناتها و نورا حلفات ماتهز كاس ..جالسة تاهيا تتسنى الفطور ..

رضى: نعستي مزيان؟؟

نورا: ااه 

رضى: نخرجو فاش نفطرو ؟؟

نورا: (بحشمة) لي بغيتي !!

...جلسو فطرو و هما على الهضرة و الضحك ..تاناضت نورا حشمات و جمعات ديك طبلة يلاه جات تغسلهم ..خبراتها حليمة تلبس حوايجها باش تخرج مع رضى ..مشات بدلات حوايجهاا و عينيها تيقلبو غير على مشطة و تكوول ..سدات الباب و رجعات تبقش طاحت فلاطخوز غوز حلاتها ..مكاين غير شمامبوان و كلونيا Fa ...سداتها و سرحاتو بصبعانها و خرجات 

حليمة: طلعاتها و هبطاتها ..سيرو احبيبااااا بصحتكم راه تحت ديمارا لافواتيغ ...

..خرجات عندوو لقاتو هاز كابو طموبيل و تيشوف الزيت ..تاخرجات عندو و سد كابو و فتح ليها الباب طلعات و قلعو طالق موسيقة سلوكينج vrom vrom

رضى: آلوغ لالة نورة !! (وقف سطوب و دار عندها عاض على شنافتو تحتية مبتسم) هههه نهار العراضة شفتك نتي وختك منين كنتو جاين ) ..تحرك تيصوك 

نورا: فخاطرها (كنت مع صاحبي) ...ااه كان عمي جا من مورنا ووجابناا

رضى: مزياان مزياااان ..اوا كفاش ؟ وقتااش؟؟ كدايرة هاد نورا؟؟ هههه ولا كولي سول قبل 

نورا: هههه الخير فيما ختاره الله 

رضى: اايه كاااينة ......شادين طريق تا خرجو فسونطر فيل ...و بلاصة لوطو و دخلو قهوة ..


جمعة: آااااهاجاااار 

هجر: زيدي غووتي نعطيك بووق

جمعة: راني طالياه معاكم اخضر ...هزيتي سدادر ؟؟

هجر: بقا ليا زليج نحيدو و ردوو ...

..منين الصبح الصباح وهجر مسكينة فالشقا و دموع على ختها تانشفو ....تا دخل الرعدة ..

سيموو: جمعاااا حطي ليا نوااكل 

جمعة: انت فعااار الله اخويي !! ويلي رابطينك 

سيمو: هااا (تيشير ليهاا ) وتيكول ليك ماتعصبش .....(بالغوات) حطيناا نحجرروو

جمعة: حجروك يشدوووك ...كاينة بيصارة توواكل ؟؟

سيمو: وقف تيجبد صرف ..رماه فوق طبلة ..شيفرونة طيري جيبي لياا واحد طون صوص ماطيشة 

هجر: وراه 160 !! انت عاطيني 120

سيمو: جيبي ليا دكاباليا ماشي ماريو ...

..خرجات على و عدها و سعدها تسخرر لا ينوض ليها ..جابتها و قطعات ليه معاها بصلة و ماطيشة و نزل فيهم اعور ...تاوقف عليه حميدو

: ادوي الكلب !! لاش ماجتيش؟؟لاااكريي

سيمو:(تيمضغ و عينيه فالتلفون) لقيت خدمة !!

جمعة: عاار ربي اوليدي لقيتي خدمة ؟؟

حميدو: ااييه الباشا ينوض و هو يجلس !! و الله لا تبعتك بشي قفة وليتي لياا بزنااز!!

جمعة: ربي يحفظوو ..اش تسالووو 

حميدو: هيا ااش دباا؟؟

سيمو: هز زيف مسح يديه فموو...هيا الا شفتني فالزنقة ماتعرفنيش ونعطيك لامان فالدار انت داخل اناااا خارج 

حميدو؛ دبااا انااا نوض نجيب خدام وعددي الولد ؟؟

سيموو؛ عددك مولاي الحسن..الواليد تسالات هضرة ..تتاكلني فالرزقي !! تمارة تنضربها ليل ونهاار ! سير جيب خدام و جررب ونا خليني نخدم عند الناس و نجررب

جمعة: ماكاال عاا الحق

حميدو: ايقططق حقووقك المحققة ...تي تييي لي مضسرااه ..

جمعة: مالي انا ؟؟ مالي !! مانا كي لالياااتي مذهبة ماناا كي الناااس لابسة ابيجااماا هيا لاخرة مانكسابها 

حميدو: واكلة شااربة ..اش بغيتي ؟

سيمو: تاا كن ماكنتي خدام فلاكريي ! خضرة فابور بربي لاكلينا !! 

حميدو: هيااا الا خرجتي علياا من دااري 

سيمو: بسييييف عليك نبرررك مزال قااصر 

حميدو: بالحرااام علياا تانخويها ليك تي ولاااادك

جمعة: جبتهم معايا من عند طاموو؟

حميدو: نهااار كحل و العام جفاف نهار خطبتك ..انا كنت بااغي ختك 

جمعة: ااااكيتتتتك و ححاااي عليك 

....تقلبات صببااط تاني مابين سيمو حميدو و جمعة تفك و تبررد ...هجر طلعات السطح عيات و تقهراات ....


...عمرها جلسات فالقهوة ولا جلسات فشي المطعم فااخر، الا كانت الحركة دايرة تتمشي هيا هجر الملبنة كاس رايب بسيرو احمر ولا هبطو مدينة مع جمعة تجلسهم عند مول براكة فالكراسة يضربو صوصيص و الحيااة السعيدة ..جالسة متوترة و سؤال لي مدوخحها الا سولها شنو تشرب اش تكوليه !! افلام تواركة تيشربو غير آتااي و هيا آتاي كارهاه ..تكوليه عصير ليمون جاتها معربنة نسات على سميتو بفرنسي!! هاا القراية لي مابغاتش ادخل راس ها هيا وقفات عليهاا...

رضى: نورا!! مرتاحة ؟؟

نورا: 😊😊😊

جا سرباي لقى تحية و تيسمع طلبهم 

رضى: واحد اسبريسو عفااك (شاف نورا) شنو تاخدي؟؟

نورا: لي بغيتي؟

رضى: (هز موني ) صلاد فخوي ..شكراا

.بالعمى و اش فهمات اش كال !! نطقها بزربة و هيا خايفة لا يطلب ليها شي عجب !! دقايق رجع سرباي بالطلب حط ليها قدامها كاس الكبير مزوق بلاكريم فخيش واحد سيكار شوكولا و الدسير مقطع وكاجو ..سرطات ريق ديالها من المنظر و رجع طاح عليها الضيم تفكرات شيفرونة و زعاك و جمعة كن رااهم معاها ولا كون غير هزات هاد الخير تديه دارهم يشاركوه كلهم ..هزات معلقة هزات كريم يلاه جات تحشيه فمها هو ينطق!!

رضى: بابتسامة...بصحتك ازين 

نورا: (للقوة ولد قحبة وقفتيها ليا) كححح كحححح ..

رضى: هههههه حلالك ههههه ..او (جر كرسي حداهاا ) مد ليها كاس الماا و كلينكس باش تمسح...عااا بشوية عليك بلا زين كااع ..(يلاه جا يمسح على ظهرها ..قفزات و كانت تنوض) ششششش نورا تخافي من رااجلك!!

نورا: لا غير نسيت ..

رضى: كولي لاصلاد بصحتك ..باش ندورو شوية ..

نورا : 🤗

..تنهدات تتكال و توفف هو شاد تلفون طالع نازل ..غيبات بعقلهاا و لي شاغل بالها هو ختها و خوها و مهاا ..اش يكونو تيديرو !! باين سيمو حاكر على هجر !! ولا حميدو تيسمم جمعة ..(طولات شوفة فرضى) دباا اناا هداا هو رااجلي؟؟ كفاش نتفااهمو ؟ كفاش تيفكر؟؟ واش منهم ولا ماشي منهم؟؟ دبا هدا ايحويني ؟؟ استفغر الله ..

رضى: (بهمس) ساليتي نتحركو؟

نورا: ااه يلاه...

ناض هيا موراه خلص سرباي..خرجو من قهوة طالقين رجلهم ....مع بنادم غادي جااي ...شد ليها فيديها و شاف فبها مبتسم ..

رضى: اوا!!

نورا: (ولدو اواوات ) من عندك !!

رضى: مغادي تسوليني ماابااغيا تعرفي والو ؟؟ 

نورا: (حنات راسها حشمانة) ههه واش انت تزاديتي فالخاريج؟؟

رضى: الا انا حتى درت 14عام عااد مشيت ..

نورا: ااه !!

رضى: انا الوليد الله يرحمو ...موراه الواليدة تزوجات بواحد فالخاريج خالاتني انا ختي صغيرة تامشات عاد رجعات ذاتنا !!

نورا: شكون ختك شقيقة؟؟

رضى: دنياا !! كلهم خواتاتي 

نورا: الله يخليهم ليك 

ررضى: اامين و يخليك ليا ...كالت ليا الواليدة جيتي بلاحوايج؟

نورا: (هااشوهة عنداك يكولي نمشيو داركم نجيبو حوايجك اتا منكساب مانعلام) ااايه ..

رضى: يلاه شوفي شنو خااصك ..

..تساروا فالمحلات و لي حطات عليها يديها تتخادها كل ماتحتااج من اللباس داخلي و للعصري للباس الدار !! وشرا ليها باليزة صغيرة فين تحط حوايجهااا


..رجعو للدار حليمة .. من فتح رضى الباب و صوت الضحك و الهضرة بالغوات تتسمع ...سبقها و هيا تابعاه تجه نيشان البيت ديالو حط فيه حوايجهاا و هيا دخلات عندهم الصالون و سلمات و جلسات معاهم ..شوية حطو الغذااا ..ناضت بدلات عليها و تغدااو ...ناضت تتعاون خالتو و هيا نفسها هاربة واحد لافابو كرطيه بموس مزفت ..

..دازت العشية و تابعو العشا اوذن ..و خوات الدار بقات عا حليمة و حلوق مطلوق فالواتساب ...و نورا جالسة حداها ..تادخل رضى و جايب العشا كاسطروطات ..عطاهم ليها و ناضت حطااتهم فالطبااسل و جلسو تعشااو و هيا قلبها تيضررب احساسها تيعطي ذبذباات القلق ... سمحات فداك كاسكروط فالنص ديالو و حطات يديها على عنقها تتمسح بحال تتقلب على نفس 

رضى: مااعجبكش؟ ياكما حاار ؟

نورا: الااا ..غير تكمهت 

حليمة: اكووولي و مرمرري مع رااسك ..

نورا: هههه شبعت

حليمة: نووض وليدي وصلني دوار عند خالتك

رضى: علاش اش تمشي ديري؟

حليمة: طاطاك غداا عندها الضالة وليدي تما مجموعين ..ضروري نحضر

رضى: يلاه نوضي !! انا تحت نخرج طموبيل من كراج ...تما منين دخلت كوليها!!

حليمة: لاناا شتك منين دخلتي ..(مشات تلبس جلابتها)

نورا: واش نوض نمشي مع خالتي ؟؟

رضى: فين تمشي دوار؟؟ صافاباا عامر عزاارة...هانا نوصلها و رجع ...

...خرجو خلاوها ربي لي عالم بيهاا ..جمعات ديك طبلة و جميع معيور لي تعلماتو فحياتها كالتو فنفسهاا ....ماجات ادخل داك صالون نايح تكى فيه ..حتى رجع و جايب بلاستيك عامرة سقاطة ..

رضى: مدها ليها ..هاكي باش مايجيكش جوع ..

نورا: ناضت شداتها من عندو ...شكراا..

..مشا هو بيتو و هيا جلسات تحل فديك ميكا و دموع جاوها على شيفرونة تتموت على شي حاجة سميتها شكلاط طال نهار و هيا تعلف غير فديال اربعة دريال ..تا سمعاتو 

: نوووراااااا 

نورا: تبلوكات بلاصتهاا ...ناضت تترمي رجل قدام و تحس بيهاا تترجع للور ...تجهت بيتو لقات الباب مفتووح و وقفات فالباب 

نعاام!!

رضى: زيدي دخلي ..ماتشوفيش بيتك ؟؟

نورا شداتها بكية و خلعة و خوف..خلات عينيها يدورو فالبيت فيه بيت نعااس رجولي باسود و الرمادي و الباب مفتوح باين دوش 

نورا: زوين ..

رضى: اتجه جهتهاا و جرهاا من يديهاا و جلسها فالناموسية حدااه ..ماعندك علاش تحشمي والا تخاافي اناا رااجلك نتي مراتي حلال ...

نورا: صدرها تيطلع و ينزل و زيرات على يديهاا ..

رضى ذرعهاا من كتافهاا و جرها عندو قبل راسها و هز يديها باسهم ..

رضى: نووضي دوشي وبدلي عليك انا تنتسنااك ...

..ناضت على وعدها و سعدهاا ..من صغرهم مربين الرااجل الكلمة ديالو مسموعة و حميدو قبل مايمشي وصاها تسمع كلامو ..تعكس تجيبها فراسها مع حميدو و جمعة تمشي فيهاا..ياك هما لي زوجوني و جاوبوني ليه امري لله .....حلات ديك شنطة هزات لاتخوز لي شرات ودوبياس وكسيوة خفيقة بسمااطي حرير ...دخلات دوش مغسلاتش شعرها بقوة الصهد لي فصحتها خوات عليها الما بارد و دوزات صابونية ..هزات عينيها تتقلب لقات فوطة...لقاتها معلقة مسحات بيها و بدات تلبس حوايجهاا و طلقات شعرهاا و مشطاتوو ..وجمعات حوايج للوسخ لواتهم و ردراتهم باليزة ...

رضى: بصحة احبيبة ...

نورا: تتسرط فالريق و لات صفراا ....ناض عندهاا جرها ناموسية و جلسها جنبو و بدا يهدن فيهاا مع كلماات الغزل و المداعبة ..هو طاب هيا الخلعة لاعبة عليهاا ..تجردو من ملابسهم و صوت نفسو تيتردد فالغرفة ///// //////

نورا: هيييء هيييء برااكة نووض علياا 

رضى: صاافي بلا غوات بكاا..تبعااك احببيبة انتي حيدتيهاا 

نورا: هيء هيء تترعد..عطيني باش نمسح ..

رضى: لبس شورطو و تيقلب بعينيه ...ماعرفتش نعطيك حوايجك ؟؟

نورا: جرات عليها كوفر لي و مع هزة عينيها بان ليها سوبلان (كاغيط مسيح يدين)قطعات منو شي اربعة و عطاتو جنب و هبطات بيديهاا تتمسح و تتبكي ...


....ليلة كلها تبكي و رضى تواسيها ..تاداتهاا عينيهاا ....ناض هو اول وجد دوش ودوش وعمر ليها الما فسطل سخون و لبس حوايجو و فيقهاا ..ناضت صحتها كلهاا تتعكرهاا 

رضى: حبيبة دوشي؟؟

نورا: بغيت نمشي حمام يضربني البرد هناا و صحتي تتضرني 

رضى: لبسي حوايجك و نفطرو نديك الحمام ....جمع ليها حوايجهاا لي فأرض و حيد ليزار لقاها مكمشة على كاغيط و منقط بالدم 

رضى: قبل راسهاا ...خوي راسك احبيبة اناا لي تيهمني امر ..عارف ولد المراة عمروو قاسك ..

دقة دقة لبسات حوايجهاا ....ناضت معوجة فالمشية ..ملقات حد فالدار ..تفكرات الصبوحي لي حطرات ليهم و الفطورات لي مشات ليهم و هيا صغيرة و عروسة لي تيطلو عليها من الباب منورة ولابسة تكشيطتها و تتضحك مع كرانتها ..تنهدات و سلمات امرهاا الله تاني و تالت و رابع ..

.حط ليها الفطور خبز يابس و قرعة نوتيلا و حليب مع نيسكافي ...سدات جوعهاا و ناضت نافرة كلشي و باغة غيرر تبكي ..دخلات تجمع حوايج حمام 

رضى: ماعندكش تا جلابة انورا؟؟

نورا: خليتها فدارنا!! ماعندكش شي صاك فين ندير حوايجي حمام ؟؟

رضى: ااه هاهو عندي ..حل بلاكار و جبد منو صاك اديداس كحل ...بقا معاونها تتجمع و خرجو بطموبيل و هو تيشوف محلات ..

رضى: واش تتاخدو جلالب من عند خياطة ؟؟

نورا: لا من محلات ..

رضى: ناخدوها هيا اولى ..تبقاي تخرجي من حمام بالسروال دجين عيب ..

نورا: راه غير نسيتها و صاافي 

رضى: ااه عرفت احبيبة ما كلت ليك والو !! (شاف فيها مبتسم) عنداك تقلقي ؟؟هه

نورا: لا هههه

...داز خدا ليها الوحدة ...و وصلها الحمام مد ليها الفلوس ..جلس فالقهوة امام الحمام تينتظرهاا .....

..**هكداا دازت كانز جوغ فاكونس ...نورا تتأقلم مع الوضع و تتولف شوية بشوية و حليمة طال نهار جلابتها على ظهرها ودور من هنا لهيه ..نورا تتبقى فدار حتى الا خرجها رضى كل ليلة مقصرين على الحلوة ...مرة مرة تتصل بحميدو و تكلم مع مها و ختها مزال مااقدرو يخرجو تلفون الوجود هيا شيفرونة ...وحميد محرم عليهم يمشيو عندهاا زعماا تيقاار...

مور كانزة زادو شهر مور شهر ززادو شهرين لاهو لا حليمة ..طولو فاكنس

حليمة: (جالسة هيا ورضى فالبيتها) اوا وليدي شهراين دازت ماتتوحم ماواالو ؟؟

رضى: آاااامي داكشي ديال الله ؟؟ شكون كاليك انا متنولدش؟؟

حليمة: هياا ناري عدااك تكوون عااكرة ؟؟ اااه كاورية لي طيحات كرش؟؟

رضى: آاامي تتجبدي ليا ايامات صغر ....

حليمة: ماباااليش!!!

رضى: الله و اعلم ..بعدي منها امي اللبنت عاجباني وزوينة و ظريفة 

حليمة: راه حميدو عاد سقساني على العرس !!

رضى: ااش كلتي ليه؟

حليمة: اوا تا بااقي شي عررس ؟؟ طفلة عدنا دروك نوجدو اسبووع !! 

رضى: يكون خير ...

حليمة: للعشية دينا دوار نديها المراة تمسد ليها و تهز ليها الوالدة ..

رضى: آااامي بنت يلاه عدها 18عام معارفة والو ..وراق مزال مادفعتهم !! تصدق والدة هنا و تمارة

حليمة: اناا زوجتك اناا قاادة بشغلي ..خرج منهااا ...


....بعد العصر ...لابسة نورا جلابتها و رامية عليها الشال و هابطة مور حليمة سدو الباب و ركبات حليمة القدام و نورا اللور و رضى صايك علامات العصب عليه......طريق كلها و حليمة نضغ مضغ فالهضرة رااديو .....وصلو الدوار غادي و توريه مو فالطريق و مكاينش لي مايدوزوش من حداه و يدوز سااكنير ..وصلو الدار السيدة لي جاية عندهاا ..

حليمة: تشمي ولا تسنى؟؟

رضى: ساط...انبقى آمي راكي عارفا حضايا هنا و ضسارة فهاد دوار ..قضي وخرجي ليا نورا بغيتي تبقاي بقااي ..

حليمة: هياا ناري ماتنكر...نزلي تاانتي تتسناي يحل ليك الباب...

..نزلات نورا مسلمة امرهاا الله ....دقو فالدار و حلات ليهم بنت صغيرة و دخلو الداخل اوراك الحلوقات ..غير السلام حامين روعة ماح ماح ...و دخلو فاانميمة نيشاان .....نورا غير تتشوف 

: تي هاادي عروستك؟؟

حليمة: ايه 

: تبارك الله!! كي داير حميدو و جمعة آبنتي؟؟

نورا: حمد الله اخالتي ..

: افووووزيااااا فوزياااااااا..جيبي ليا مقراش سخون و زويتة

: اوااااخاااااااا

: جبتي شي زيف؟؟

حليمة: يعطيني دقة نسيت ههه ...الا عايني (هزات يديها راسها حيدات زيف حياتي لي من تحت الزيف ..نورا كحلات بالعمى للحمها عزيز عليها و هياا عارفة شنو هو المسيد راه حفيدة طاامو مشات يحزموها بيه ...

.جابو ليها الزيت و الما سخون ...نعسات نورا فارض و علات جلابتها و عرات كرشهاا 

..مراءة تتحط يديها بين العانة و الصرة و تقلب وتعاود ..

: لااالااااا الوالدة ماانزلااش !!

حليمة: يااكي خويتي!!

: الكرون (تتغمض عينيه و دخل بيديهاا فكرش ) عادين ..هااد طفلة عددك ضاربها البرد ..بدات تمسد ليهااا و عكدات ليها زيف فكرشهاا

حليمة: يقيلوو خويني على تدااوش..اش خاصها مساخن؟؟

: ايااه مساخن زنين ولاكن دير خرقة الفليو و الخزامة (تتشرح بيديهاا) توضا مزيان و تحيد ما بارد بمرة و تسخن العشوب فمقيلة و دير هم فالخرقة بيضة نقية و طلعهم (تتحسب بيديها) تلتياام مايقيصهاش راجل و بقدر الله تهزز ..

حليمة: يسهل عليك اخوويتي...(ناضت عنقاتها و كمدات ليها الفرريال ..) نوضي بنتي خرجي عند راجلك انا مزالة معطلة !!

نورا: ناضت سلمات على المراة و خرجات ..بقاو متبعينهاا بعينها بداو ينهشو فاللحمهاا 

: (قربات ليها بهمس) خويتي طفلة زينة !!

حليمة: تي راها زينة راااسها..الولد مابقى يقشع واالو غير نويرة نويرة ...

: تتهضر بصبع...ياا طنكة راه خاااريج هداا ..تلقايها تعدل و تصايب و غير محاوطة عليه!! اوا ماشفنا عرس؟؟

حليمة: اوا يديرو ليها بااهاا ؟؟ باغي خاريج فابور !! انا لي عليا ندير سبوع مالي خويتي عرس و سبوع ..خاريج خاريج راه داين عاااالشنعة ...


....هكذا مرت الايام...اخيرا نورا تتجمع راجلها حوايجو رااجع فرنسا هو و حليمة ....غير يتغداو يشدو الطريق ....جمعات تاهيا حوايجهاا تادخل عليها رضى !!

رضى: اجي نورا !!

نورا: نعام ...جلسات مقابلة معااه ...

رضى: نشاء الله نوصل نقلب على الخدمة و نطلب الدار و ندفع الكاغيط لي ترجمتو و دغيا نطلع ليك الوراق

نورا: نشاء لله ..الله يوصلك على خير ..

رضى: قربها عندو عنقها و بدا يبوس فشنايفها بحال تيودعهاا ...تهلاي فرااسك و مكاينش خروج بوحدك ممنوع شي الحاجة سميتها الدوار !! هانا نورا تنوصيك خلينا مزيانين و متفاهمين ..

نورا: كن هاني..فين تبقى تعيط ليا؟؟

رضى: راه خديت ليك تلفون راه فالطموبيل ...(هاز صبعو تيحذر) ممننوع الفيس بوك واتساب فيه نمرتي بوحدهاا ...

نورا: سمعتك ووخ ..واش الوراق دغيا يخرجو ؟؟

رضى: على حسب الضوسي وصافي...علاش؟ 

نورا: ويلا خرجت حاملة ؟؟

رضى: هداك نهار سعد عندي و عند حليمة ..واش ماجاتكش الدم ؟؟

نورا: لا تعطلات !!

رضى: كلتيها تانهاار شاد طريق!! مهم نخلي ليك فلوس تادوزي نشاء الله راكي حاملة جالسة و تعلفي فاليمون فهاد البرد ...

نورا: ههههه ..الله يوصلك غلى خير ...

....كانت هادي آخر الحوار و آخر الجلسة ...هزوها هو مو من بعد ماتغداو وصلوها عند جمعة و سلمو عليهم خلاوهم بالسلامة و خرجات مع رضى لي عطاها تلفون و 1000درهم و سلم عليها ومشااو ....

....خلات حليمة السورات لخواتتها و جمعو الباكاج ..دون ديباغاا لافخونس....

.....حليمة: تااوواش كالت ليك حاملة ولااا عاد تشووف ؟؟

رضى: شااكة آمي !!

خليمة: اوا انشااء الله شي عزري و نشطح بيه العلالي و الخيل تشاالي و نطهروه فالسابع

رضى: انشااء الله الواليدة...اوا فيقي معايا ها الدخلة سبليون عنداك تنعسي 

حليمة: الا نعست ..طفي خرشاشة و نعس 

رضى: ههه باش بجيو شفارة يهزونا بالخرشاشة هه

..دوز النهاار انص ..تاوصلو فرنساا بالحي فين ساكنين يالديور الدولة ..مهلوكين بالنعاس ...لقاو فاستقبالهم البنات خواتاتو و حليم مدكدكة جالسة تخوي المزيودة اما رضى اتصل بنورا طمنها دخل بيتو ..نعس ...


....على طبلة الفطور ...

حميدو: امضراا وصلوو ؟؟

نورا: اااه وصلو 

سيمو: اري نشوف تلفونك !!

نورا: مداتو ليه ..

سيمو: وااا مابيهش ..(رجعو ليها و دار عند شيفرونة) اري نشوف تلفونك تي!!

شيفرونة: وبعااد مني جنس 😒

جمعة: هااتي على نسيب عااطيك جوج تلفوونات ..واحد ليك واحد شيفرونة !! تما عطيه لزعاك مسكين 

نورا: (فخطرها...عطاني قلاوي) زعاك راه عندو ..

حميدو: ااكولي !! دباا كاليك غير يوصل يدفع الكوااغط ؟؟ 

نورا: لي كاال 

حميدو: تي داكشي شن طن ..دغيا توصلي خاريج

جمعة: ايه هو اوبيما صحاب 

حميدو: ايااه البهيمة !! (وقف تيتسعد خروج) اوبيما كالك ،...خرج

سيمو: جمعة !! خليو لفرونسي فالتيقاار ..تعرفي تي اوبااما ؟

نورا: شدات راسها ..آميمتي هااهو نااض تتاانيى

سيمو: مدام نورا !! تزديش فيه حلوك عكوزتك يفيق دووار 

نورا: (شافت فمها تتغوت) هااااهو يعصبني دبا ..زمرر يعطيك طيير تا ويااهاا نحملهل ممانقبلهاا

جمعة: ايوااا بلا خراا تحمليها ولا تحملك ..نوض انت قهوتك شبر تيسااع ...

سيمو: هااهو خاارج..ماخرج تاجبد هجر شعرها لي طوال شوية وبان فيه ضو مع دريهمات لي جمعات دارت ترطيبة شعرها ..ناضت تاني جمعة تفك و نورا تتغوت و هجر تتبكي ...كارتة صافي ..

..تلاهاو مع شغل الدار و نورا بردات جنونها فالتيد و جافيل و طلع معاها ريحتهم و تكول الله..وجدو الغدا و الدار تتشعل تا دخلات عليهم مرات الصبااغ نزهة..

نزهة: جمعااا اااجمعاا 

جمعة: اااادخلي انزهااا .....دخلات عندهم تيحطو الغدا و شدوها تغداا و جا حميدو جايب ديسير و شاركو طعام الناس البسطاء نهار الكبير عندهم يشاركو الطعام و يتجمعو عليه ...تنطقات ..

نزهة: آسي حميدو !! باغي شي خطااب ؟؟

الكل : !!!!!

حميدو: تقاد فالجلسة ....اياه مرحبا وشكون و منين ؟؟

نزهة: لوسي لعربي شاف هجر صدفة و بغاهااا 

هجر: حطات طرف خبز و ناضت من فوق السداري تتزطم دخلات بيت 

نزهة: ويلي و مااالهاا؟؟

جمعة: غمزاتها ...زعمة حشمت

حميدو: فاش خدام ؟؟

نزهة: شيفور كاميو ..هو امو و ختو عدهم دارهم ملك و المفرشة يلاه سالامات 

حميدو: راكي شتي طفلة صغيرة !! هو شحال عدوو؟

نزهة: عدوو بالحسااب 32 عام !!

نورا: واش شافها هو ولا نتي لي كلتي ليه عليها؟؟

جمعة: الحلاااقم ابنيتي !! 

حميدو: يجيو و يدير الله خير ...لا فالمكتاب تمشي دارها و نبينا عليه السلام 

نزهة: الولد مزياان مفايت فيه لا زواج لا طلاق ...مصلي مايكمي ما يشرب ..آخر شوية زواج تا كمل الدار و فرشهاا ..

جمعة: اوا شتي ختي الوليدات تبارك الله....

نزهة: رااه تريكتنا غارقة بناات لاكن شااف هجر بغاها ..وكلت ليه راها مزال ماراشدة كالي باغيهاا ..وشحال عندهاا ؟؟

حميدو: 17وواقفة 

جمعة: امم يدوزوها فالكاغط ..

نزهة: و مالها دازو قل منهاا..

..ختمو الهضرة بموافقة الخطاب ...خرجات نزهة اوا ارااك البكا و نحيط ...

هجر: تتعصي فالدمووع جالسة فارض نورا حداها ...مااابغتش نتزوج ههيءهييء ...الله يعطيك مرت صباع تواام يعطيك الضرة هييء هيء 

جمعة: آاااقطعي اااقطعي .راني شاربة معاكم المراار ...سكتي راه مزال مااخرج ..

حميدو : تادخل عليهم بشوفة قتيلة..مالها ؟؟

جمعة: (ردات ليه سؤال) و ماالهاا؟؟

حميدو: جمعي خناينك والله ياابوك تاتدييه ..

..كال حميدووو كلمتو و زاد و بقات هجر حاطة راسها على كتف نورا لي هازة الهم كتر منها و مخيخة ..آااش ها الحياة ؟؟ اش هاد المكتااب ؟؟ كانو يبكيو على حوايج و الخريج و الحياة سعيدة ..بين ليلة ونهار اصبحت مزوجة و مسؤولية تزادت و هبطات عينيها كرشها لي حاسة 100% حاملة و كي غادي دير و كيفاش تزطك راسهاا...


...مر الاسبوع ...الموضوعين لي فالمتناول خطاب هجر لي جاو البارح تعشاو و جاو بالصوابهم لا فاللسانهم لا فاليديهم و تافقو يوجد الولد راسو يدير الملاك... هجر بكات ونوحات لاكن حميدو عطا الكلمة ...و الموضوع التاني هو ديال نورا و حملهاا ..لي وصلات خبار رضى و فرح هو حليمة و باركو ليها..

الايام تتمشي العادية و نورا حالتها حالة لعدا مع الوحم مابقاات لاتاكل لا تشرب غادة و تتضعاف ..دور و تقيا ...طول الوقت مرخية بحال المضروبة بالفليطوكس ..

..نورا: (تتغوت من طواليط ) مااااماااااا مااماااااا

جمعة: (دايرا يديها مور ضهرها و تويل) انااري يااامي اناا اش بغيت يااربي العكر و قلة الدواا ...اسيدي ربي و ااش عاا نااا لي واالدة بنات ..(سلات تقطاع شلاضة و مسحات يديها فالفواطة وغادة عندها 

جمعة: مالكي حامية روعة !! تقيتي و خوي الما و نووضي ..

نورا: ااااه تنموووت اااربي ...حيدو ليا هادشي فكرشي مابغيتووش اربي 

جمعة: نووضي احبيبة نووضي...عطاه ليك الله قدي بيه...خوات الما و غسلات ليها وجهاا ودخلاتها بيت (شافت فهجر تتنكر) دنمك نتي ماتنووضيش عند ختك !!

جهر: تنعيف...انا كلت ليها تقيا !!

نورا: (تتموت سخفانة) اااااسكتي (مجننة) ااستكي بنت الحراام اااا الماا بغيت نشرب..

مشات جمعة جابت ليها الما و مداتو ليها داقتو وناضت بوواع بوااع ..مخلات بيجامة مخلات يديها ولا رجليهاا ..تكولي الوحم الدنيا و دين جمعاتو ...

جمعة: اااامي يااامي..ويلي نوضي طواليط ..تيا لي تتوحمي ...بلا زبل ..

..تعاونو عليها بدلو ليهاا و مسحو و جمعوو ....و حالتههم هيا هادي معاها ..تتشهى و ماتلقى جهد حميدو تكول ليه ..الفلوس لي خلا ليها رضى مشات غير فالدويات و التحاليل عندها اعصاب فالمعدة و قلة التغذية و التفكير و الصغر سنها الحمل غير متوازن ..

الراجل لي يفهم راسو و يصيفط فلوس تيعطيها فالهضري و العكوزة لي تسول و تعاود قطعات الهضرة ....

داز الشهر اول و تاني ودخلات فالتالت والحالة غير تترجع للور و شدات الفراش فين داك الزين و البيوضى ولا طاي ...خففات بحال داخلاها موت ..يلاه تتطلب الما يكون متلج تتشكي بالحرارة فالصدرها.. 

جمعة: جالسة حدا راسها تتبكي على بنتها ...ابنتي تتموت 

حميدو: ززمي عليا!! تبعيها لا تي لا تريكتك..عطيها الدشيشة تنوض تشد فصحتها 

سيمو: (واقف فالباب بسيف نفس تطلع ليه) واش تنوض تهز البنت طبيب ولا نهزهاا؟؟ نت صاحبي فالقلبك الحجر ؟، 

حميدو: ادخلل سوووق راسك ؟؟ نعيطو راجلها ابعدا ؟؟

نورا منين سمعاتو كال راجلها بذات تقلب فعينيها و تجبد و تعوج فاليدين و رجلين ....طارت عليها هجر و جمعة يشدوها و هيا تتعوج و سيمو ناض يربب و ضرب طبلة تتقلباات ..

سيمو: فين هوووااا فين هووووا هااد راجلهاا!! اااه راااادني برهوووش ؟؟ ووو رررربكم تاانطيح رووح عاد نت تبدررررد ..هززها دبااا ولا نعيط عمي 

حميدو جبد تلفونوو تيتصل بخوه و سيمو دخل قلب ديك كوزينة و جيران تيطلو ...


....دوزات تلتيام فالطبيب !! زادوها القوة و قوة تحاليل وادويات ..تجمعو المرض على مرض!! اعصاب المعدة و ميكروب فالوالدة و القلب الضعيف...حطهم حميدو صحاح فالنعستها ..تيتصل بيه رضى ويسول و تيخسر عليه الواليدة غادي تجي و تقوم بيهاا..

...خرجوها من طبيب الهم دنيا و الدين عليها ..لسانها تجمد و غير تتشوف بعينيها ..عائلتهم جاين غادين يطمنو عليها خالات رضى جاو قضاو الصواب ..تادخلات نزهة عليهم ..

نزهة جايبة مسكوتة و الدسير وشاصي احمر مزوق و جلسو على طبلة الكوتي و جمعة وجها كحال من الفقصة و الخلعة ....

نزهة: دباا تولدي وتنوضي و تشوفي عويناتو و تنساي ..الله يشافيك احبيبة

جمعة: هاا حنا ختي عند الله ..مااتولد تاا تشيبنا ..و تقتلنا بالفقصة ...

نزهة: لالااا انا فوحمي لهلا يدوزو على شي وحدة ..هانا تنولد و نعااود

جمعة: (فقصة واكلاها) هاادي راها تاتقيا دم!! هاا اعصاب المعدة!! ها قلب كاليك سخفان..ستين الف لي خسر حميدو !!

نزهة: ويلي على حميدو !! لافين راجلها؟؟

جمعة: لاوعلم ..ختي راجلها بتيلفون ...الووو الووو صافا (تتعيبو) وووي ووي اووك ..(هزات يديها سما) انا بغيتها غير تفكك ..

نزهة: الله يدير خير ...فين هجر ؟؟

جمعة: تي هجر منين جبتي ليها خطاب مابقاات تحملك !!

نزهة: كيتهاا !! شوفي شيفرونة ..هجااار اهجااار ..

هجر: 😠 اش بغيتي؟؟

نزهة: يعطيك طير ..زيدي شيفرونة لعربي صيفط ليك كاضو ياك اليوم عيد ميلادك 

هجر: انا مالي عارفة!! خوديه مابغيتوش 

جمعة: شددي على كلبك !!

نزهة: ويلي ويلي كاليك ا تزوج..زيدي هنا الولد حمقتيه وراه عارضاكم حفيظة للعشا غداا 

جمعة: نكولها حميدو و نشوف!!

نزهة: ويلي على تشوفي ؟؟ راه ولد راشم البنت !! صواب جاوبو و فاتحة تقرات ..هيا تلعبو هنا؟

مع هاد الهضرة دخل حميدو !!

حميدو: اختي نزهة موهيم هو الكاغيط

جمعة: ااايه خويتي كاغيط هو كلشي !! 

نزهة: (سكتات و شافت فيها ودارت جاوباتو و حضرت عقلها) اياااه اخيي..حقااا الكاغيط هو الزواج لاكن كلشي بالتقاليد ..اش بغيتي جاا قااصد الباب و طالب الحلال وجاا بالصوابو،ماشي محيت لوسي انشكرو ليك (ضربات فخدها تتحلف) راني والدهم الخمسة البنات ..الا هجر حاسباها الوحدة من بناتي..

جمعة: الله يسهل عليك اختي

حميدو: واايه ختي نزهة ولاكن اناا ديك خيطي بيطي ماتتعجبنيش والهضرة بنادم بلا فايدة ..دير كاغطها ويديهاا

هجر : 😢😢😢

نورا: اااربي غاادي نذب وجهي و حيااتي ..واش انا مادرتش ليك العقل ؟؟ فين يديها؟

حميدو: تعكب خيمتها..

نزهه: خويا حميدو ...لعربي راه رااجل بمعنى كلمة ...لي عطلو تيجمع فلوس صداقها و بيت النعاس لي غادي تروح ليه بنتك مزال ماوجد....راه باغيها دخل اميرة معززة مكرمة !! اما كاغيط راه عاالورقة !! ويلا ماعجباتكش هاد نسوبية نكولها ليهم ..انت تعرف

حميدو: انا سولت على الولد مخييير الله يعمرها سلعة ..ولاااكن 

نزهة: مكااين مواالاكن ..حضر عقلك ودير العز لبنتك..واش شايطة علك ؟ هجر غير درويشة ماترد هضرها ما تجبد الصداع ..بغيت ليها لوسي و عكوزتي هيا عكوزتها راه شفتي المراة حقانية صلاة و دين..دوز تعشاو ليلة عدهم شوف بنتك فين تعيش وزيد سول ..ماديرش رمية نورا !!

جمعة: ايه ختي راحت بلا عرس !! هاهيا حاملة ...

نزهة: مكتاب الله ....

حميدو: ونتبعوك ...ناض خرج...

نزهة: يااختي سلعة ويلي بغا يحشمني مع لعربي!! انا طال نهار و نوصي و نعاود!! بنت صغيرة مخنتة عد باها و عزاز عليه 

نورا: يعطيه كسيدة..باش عرف عيد ميلادها ؟؟

نزهة: نهار خطبة كال باك فاش خالقة و ناض جاب ليه الحامدنية ...

شدات شاسي وعطاتو ليها ..وحلاتو لقات بواطة تلفون حلاتها لقات تلفون (oppo) احمر و معاه كارطة صغيرة "عيد ميلاد هجر ❤ ها رقمي تصلي بيا"

نورا: وواو اري ختي نشوف تلفون ...

هجر: مداتو ليها..(شافت مها تتشكي) شوفي جمعة كالي عيطي ليا 😢

جمعة: يعيط عليك نهارك بالهبيلة ...

نزهة: هههههه ههههه لباس عليهاا ..ياقحباا جاب ليك الله راجل بعقلو و حنين و مزال تفششي

هجر: خوديه تي !!

نزهة: 🖕🖕 شدي ..عدي خووه ..

...شدو فهجر و عجبها تلفون لاكن كلشي ماتهضمش ليها سميتو ...

نورا: ختي نزهة ديك ختك لي فرنسا !! عدها واتساب؟؟

نزهة: ايه

نورا: زامل كالي غير يوصل يدفع الكاغيط ويجاوبوني !!

نزهة: صبري نعيط ليهاا..عدي كونيكسيون 

...داكشي لي كان اتصلت بيها و كاميرا و من بعد السلام و سؤال عن احوال و بركات بتات جمع دخلو فالموضوع

نزهة: سوهيلة ..نورا بغات تسولك على وراق فرنسا

: اها مرحبا؟؟ واش عندو جنسية؟؟ زعما باسبور حمر؟،

نورا: لا خضر و خلوق فالمغرب

: قضيتك صعيبة كن كانت عندو جنسية ستة شهور تخلطي عليه وخ يكون ماخدامش ولا عندو دار !! منين عندو غير الاقامة خاصو يدير تجمع العائلي و 24فيش دوباي (وراق خدمة) يكون مرسم و الدار مفرشة وو يدفع و تخرج الدولة تشوق الدار عااد تيجيك الفيزا هاادشي ياخد ليك من 8شهور تل عاام 

نورا: اويلي مشيت نولد هنا!!

: انا عطيتك قانون فرنسا الله ما يجعلك طلعي تا قنصلية و سولي...


...وافق حميدو على العراضة ..صيفطو شفرونة الحمام و عطاتها جمعة 20درهم تمشي تسرح شعر...

هيا جاية من الكوافورة لابسة جلابة نورا وعاكفة. راسها بزيف حياتي و ماتقى ليك غير سيمو فراس الدرب شبعها معيور لاش خارجة بوحدها و شدها من شعرها داها و جابهاا و هيا تتغوت امااماا ..هادشي كلو داز امام العيون لعربي لي كان جالس فالطموبيل تينتظر نزهة تهبط هيا و بزها يوصلها دار باش توجد مع اموو للعراضة ...تادخلو دار

...هجر: 😭😭😭 واامااااماااا شوفي عليا هاد حماار ضربني 

سيمو: آااااسخنتي بنت كلبة ...(شاف جمعة جاية ليهم) جااية تتكسول ليا !! فين كاانت؟؟

جمعة: اااااايكووونك تحيح ازعاااك و مشوهني و طااعني و ااااخووتي انرمي حواايجي...اسيدي دخل سووق رااسك ...

سيمو: سوقي هما بناتك !! ....

....وذن المغرب و شمس تتغرب ..نورا جالسة كي نافسة بلا وقت حاطة حداها طاسة دورو درو و تذفل ...هجر محشية فداك تلفون مافهمات تا زبلة ..

هجر: تلفون كوسطا اش ديري فيه؟؟

نورا: انخدم بيه و ديال قواد يبعيو سيمو وخ يجيب غير ستالاف ريحتو مابقيت نحملها

هجر: دبا غادي تولدي فالمغرب؟؟

نورا: لا فنجليز (طانسيو طلع) تنووضي تقاودي من قدامي الا ؟؟

هجر : صمت ..

..جمعة: تكعدو خركو جلالبكم ..

نورا: (بدموع) اافين نمشي انا؟؟ نمشي بطاستي ولا لي نتبوع على الناس تما ؟؟

هجر: مامشتيش مانمشيش 

..جمعة: عاافري وصافي..جاتك تقية راه طواليط و دفال مضغي مسكة با مايجيكش الجاير (جاير هو فم تيجري بالما مالح من معدة)

...لبسو قادو و نورا مسات لاطاي وشعر كلو طاح ذبلات بمعنى كلمة ..داروها فالوسط موسدة ذراعهم و سيمو من للور تابعهم تا قربو الدار و صوناو على نزهة خرجاات عندهم عارفين فين شاريع ...


..دخلو مع الدرب ..الدار تلاتة ايطاج و لتحت كلها كراجات باين لبني جديد ..دفعو الباب من دخلة تتعطيك واحد الريحة تتفتح النفس ريحة الورد ومن دخلة كلورا زاليج بيض تيضوي و البيبان الخشب تيلمعو ..سماو الله و نزهة ترحب بيهم ..تلاقتهم العكوزة بترحاب و بنتها الصغيرة ...طلعو فالدروج جمعة حمقاتها دار غير تتشوف ..دخلو واحد مولايا صالون بالخشب ارابيسك كي زجاج و طلامط المبوبرة و زرابي جوج مفرشين و المصحف كبير مذهب فوق القنت و الصلايات محطوطين فالراس سدادر و ايات قرآنية معلقة فالحيوط ....

...جمعة غير تتنهد عجباتهها الدار و هجر نفس مابغاتش طلع ليها بالحشمة اما نورا غير تتشوف..من بعد الترحيب و السلام حطو ليهم الصينية آتاي بالحلوة المتولة و مملحات و غير تيضحكو و نزهة منشطة القضية و هزو اتاي حطو طبسيل فيه تلاتة الفرارج معمرين بالشعرية ااصينية ..و موراه طبق اللحم بالاناناس و دسير ...كل مرة يسولو على حميدو و سيمو ..جمعة بررات بلاكريي (اما دوك تريكة ماتيمشيو عند آحد)

....جمعو الروينة الماكلة و نطقات العكوزة تتهضر بالشوية و الصواب مع جمعة ..نزهة ناضت تعشي بزها

حفيظة: اوا لالة جمعة ..هنا فين تعيش بنتك الا كمل الله ..نديرها هيا هاد الوحيدة لي عندي بناتي .

جمعة: ربي خليك ختي حفيظة و يطول ليك فالعومر ...

حفيظة: هيا بيتها يكون فالفوقي ..لاكن مغاديش نفرقو القفة ناكلو جوعين ...

جمعة: اياه اختي ..اويلي لا شحال بيكم باش تفرقو ؟، الله يخليكم ديما مجموعين ..

حفيظة: امين ..مهم غير كولي سي حميدو يجمع ليها الوريقات راه ولدي واجد ..

جمعة: اياه خويتي ..يجمعهم..راه سول كال خاصها دوز فالمحكمة

حفيظة: وراه لعربي كاليك صداقها مليون و ذهبها لي فيه خاتم و سنسلة و باليزتها عليه ..اولهلا يحشمنا ونتما قبلو علينا!!

جمعة: (بفرحة زايدة) قاابلين !! قاابلين على تراب رجليكم كبرتوو بينا الالة حفيظة 

حفيظة: راه لبني الدار لي قصحو اماا ...مزال الخير القدام ...
... اتفقو و تفاهمو ...تاادخل عليهم لعربي و راجل نزهة لي طارو عليه بناتو ...لعربي الولد مابينش فيه العمر تعطيه ديه 28 بلاصة 32 و الزين مقبول سميمر و طويل ...باس لمو راسها و سلم على نورا و جمعة ..و مد يديه هجر خلاتو بلاكة 

بتسم و جمع يديه ...وجلس حدا مو ...

..الهضرة تجبد هضرة و نزهى و راجلها شادين فنورا وحمها و جمعة مجمعة مع حفيظة و لعربي عينيه غير على هجر بيضها الحمام و محيدة شال شعر ماغون مطلوق و 0مكياج عينين كي الكاس عندها و شنايف عامرين و عينيها فالزربية تكول تتعاود تنسجهاا ..

نزهة: هجر !! طلعي تشوفي بيتك الفوق؟؟

هجر: (تتهضر بلا فران ) لاء 

..قلبوها ضحك و لعربي تيجيه منظر صباح مع سيمو تيبغي يتسطى بالضحك ..عرف البنت الصغيرة و التربية مزيرة ..فضل يبعد و مايقربش ليها لا دور فيه...نوضات حفيظة جمعة و نورا هجر طلعاتهم الفوفي ..لي عندو فالدخلة الصالون مفرش و البيت نعاس من نوع طاليان مفرش بكل صغيرة و كبيرة ....علامة رضى على محيى جمعة و حمقاتها لا دار لا الفراش ..نزلو باش يمشيو بحالهم تسالمو و شكروهم على العراضة ..هما خارجين و لعربي غوت بسمية هجر ...

هجر: شافت فيه و شافت فمها و هضرت بهمس..😢 و الله لاهضرت معاه

جمعة: (تتنذب حنكها) اويلي وحددي راه راجلك

هجر: تبقايش تكولي ليا راجلك و الله تنكولها لبااا 😢😢

نورا: باش نيت يملخ مك عصا..تحركي ..هضري معاه هاحنا هنا تاتنزل نزهة ....تمشات عندو ..كان واقف برا بعيد شوية على الباب ..

لعربي ياكلها بعينيه باغي يحفظ ملامحها لي شي جوج مرات شافها فالدرب واقفة فالباب و مرة جاية من حانوت دازت من حداه مامسوقاش من تما تحفرات فالدماغ سول عليها نزهة و عرفها شكون و بنت من ..كل مرة يدوز من حومة على مسبتها مرة يلقاها مع مها ولا واقفة فالباب ..عمرو شافها مع شي بنات ولا اولاد ..

لعربي: (بصوت رجولي حنين) هجر لباس؟

هجر: (ماتتشوفش فيه) اممم ..

لعربي: علاش ماتصلتيش بيا ؟؟ واش مزال ماخدمتي تلفون؟؟

هجر: ماعرفتش ليه 

لعربي: منين نتصل بيك عفاك جاوبيني ؟؟

هجر: مايبغيش بابا !!

لعربي: ايبغي نشاء الله ..غير جاوبي 

هجر: نمشي؟؟

لعربي: سيري اهجر الله يحجبك ..


....الصباح

حميدو: هااكارني ديالي و كارني ديال لعربي دوزو ليا راجل نزهة هاد صباح ..سيرو باش تتحددو جلسة 

جمعة: دبااا ناا مصيفطني بوحدي انا شيفرونة ...داخلت عليك بالله واش عدك شي عقل ؟؟

حميدو : اااتشدي طوبيس ايحطكم فالمدينة ...تمشي ل خصة جردة تبان ليك محكمة دخلي و سولي 

جمعة: ااش نكولهم ؟؟

حميدو: كولهم بغيت نطللللق رااجلي 

جمعة: ااطلقك مولات الوااد لي تشوفك تعوواج اشلاهبي (تتلبس جلابتها هجر تابعاها) يااربي و يلا كااين شي عيطة فهاد نهار مببارك الا مهزوو عليا ..ولي خويتي باغي يديني دار عجزة هادااا ..

..طريق كلها هيا نضمغ فالهضرة و دعااوي ..تركبو طوبيس ..داك طوبيس كتر من يامها غادي ويوقف ..بيش فيش ..هجر جاتها دوخة .....تانزلو فين وصاهم و دخلو المحمة فضاء الاسرة ..

سرحي عينيك بنادم مايتسلاش شمنك اجماهير ...كلشي غادي يتزوج و كلشي غادي يطلق ...هجر لي داز ينك عليها لبكية بغات تجيها..وجمعة زعمات سولات داك شاوش ..كالها تمشي دير فوطوكوبي لي كارط و دخل يعمرو ليها طلب ...داكشي لي دارت نيت ..دخلات بيرو عمرو ليها طلب عطاوها موعد من هنا اسبوع تجي هيا وباها ....

.....مر اسبوع فالرمشة عين ...نهار الجلسة هجر غادة مع حميدو لي تكول ماشي معاهم هما فالشرق هو فالغرب ...وصلو المحكمة وشدو نوبة ..كاين صغر من هجر شادين نوبة هاا لي فرحانة و محنية ليك اليدين و رجليك و الجلابة بيضة و لي بحال هجر صدمة باينة فيهم ...دخلو عند القاضي لي نظاظرو قربو يطيحو ...ذكر أساميهم ...و بدا الاستجواب..

القاضي: سي حميدو هاد بنت لي غادي تزوجها قاصر!! مالقيتي ماتوكلها؟؟

حميدو : زواج سترة نعام اسي

القاضي: ماختالفناش !! لاكن بنت قاصر كاين من غير زواج ..تقرا تخدم على راسها تم حلال ايجي ..ويلا تقلات عليك انا نصرف عليها

القاضي": لا نعام اسي بغيتها تزوج دير محلها ..ماديالتش قرايا .

القاضي: تجاهلو ..خاطب هجر: ابنتي باغة تزوجى؟؟ 

هجر: (موصية من باها) اه 

القاضى: مضى على الطلب...(شاف والديهاا) ذنووبكم عليهاا انا شاهد فاليوم البعت ...

...شدو طلب بقى ناقصو شهادة طبية لعطاهم القاضى يدوزها عند طبيبة تابعة للمحكمة ..شدو طوبيس تاني بلاصة طبيبة .....دخلو مد ليها حميدو طلب لاسكخوتيغ ...شدات طلب ...

: جيب لها جوج يطرو الما ..

حميدو" بلا مايسول هبط يقلب على حانوت شراا الما و مدو ليها خرج برا ..جات بنت دخلاتها ..

: شربي ختي هاد ما كولو ويلا جاتك بولة دخلي بولي بلش والدة تخرج و تبان ليك مزيان..عبرات ليها طونسيون و الوزن سولاتها واش تعاني من شي مرض....دازت نص ساعة هجر تتبلع فداك ما و دخل طواليط تا جات نوبتها ...

طبيبة: حيدي حوايجك و طلعي ....

داكشي للي دارت هجر ..و طبيبة لبسات ليكة وبدات تعطيها فالهضرة..

واش قدك ديال زواج!! واش نتي قدك تيلعبو و يقراو نتي اتزوجي؟؟ واش عارفة شنو هو زواج؟؟ من غدا طلع ليك للوسة و العكوزة و رجالة تيتبدلو !! بغيتو طيرو ياهاد جيل ..هجر تتبكي و طبيبة تتنكر حتى سنات ليها شهادة لي تتبت عذريتها ...وخرجات ... 


....من البيت الجلاس..نورا متكية عاطياهم بالظهر الوحم قاهرها وهياا داخلة فالرابع شهر ...هجر مفرشة فارض و تتعجن فالكصعة و جمعة تتخوي ليها فالما..

جمعة: اااادللكي بوونية ددللكيي

حميدو: (واقف فالباب) : واعيطيني دباا خو جوابي؟؟

جمعة: العربية راه سايرة ندوي بيها!! البارح دوات معايا حفيظة سولات على وراق كلت ليها راه واجدين....كالت ليا انا ندير الملاك الولدي؟؟

حميدو: لاا كملي !!

جمعة: وحنا نديرو عرسنا !! (شافتو تيخنزر) ماالك ؟؟ كالت لي تيداار .

حميدو: دير هاد الملاك و تجمع طوي !! لاش حنا نطيحو و نوضو جوج مرات 

جمعة: عاطيح و تنوض فعرس بنتك!!.اما ملاكهم كاليت ليك ملح هيا تالية تجيبها و تجيب عائلتها و عرسكم تجيب ليك طبلة ديالها..

هجر: شووفي واش صافي؟؟

جمعة: (بنفرة) صفات مع تريكت بوكم (قلباتها بصبعها) دللكي دللكي

حميدو: دبا يدوز ملاك عااد نديرو عرررس !!يدورو ملاك و يدي مراتو شكون حيدها ليه؟؟

جمعة: (تتهضر بضحمة شفاية) وواش صحابك كاع النااس بحال بت خالك نااس خاريج النخوة عالخواا ؟؟ اتوووكض توووكض ...ابنتي دير ليها لعرس وخ تسلف !!

حميدو: ايه بت خاالي !! مزال دير عرس و السبوع !! 

جمعة: سيرر بدل سااعة بخرا ! يحموالديك ...


...فالخضم الحوار اللامنتهي ..تلفون نورا يصوني و يعاود و حلفات ماتهز ...

حميدو: (بالغوات) اجااااوبي على رااجلك اهياتاا..

..دارت تتوكض دفلات فطاسة لي حداها ..جاوبات 

الو: 

رضى: الو زين !! ناعسة ؟؟

نورا: متكية وصاافي ! 

رضى: كدرتي لباس عليك؟؟ كريشة لباس؟؟

نورا: حمد الله .

رضى: مهم الواليدة السبت توصل ..راه يجي ولد خالتي يعطيك سورات سيري مع مك سيقيها!! خالتي مسافرة لي تسيق

نورا: (هزات عينيها فمها لي براسها تتشوف فيها) : لا انت ماجايش ؟؟ 

رضى: مزال شوماج !! مانقدرش نجي مغرب تقدر مكتب الخدمة يتصلو بيا و خاصني نحضر فالبلاصة ..محيت الا تصلو لقاوني مسافر انخلص بروصي !!فهمتي؟؟

نورا: امممم 

رضى: هاني صيفطت واليدة تجلس معاك شوية ..الا تعطلات نقدر نخلط عليها ..توحشتك

نورا: هاد ربع شهور كلها ماكنتيش خدام؟؟

رضى: تنخدم جورني و فالنواغ ماشي مرسم ...فهمتي؟؟

نورا: الله يسهل !!..

رضى: ليل نتصل بيك ..بسلامة ..

...ردخات تلفون مع الطبلة ...

جمعة: تي مالكي؟

نورا: (تدفل ركبو فيها اعصاب) كاليك حليمة جاية نزلي سيقي الدار!!

حميدو: اوا نوضو عكبو ..

نورا: واش انا كاس تاجيني تقيل و تتكولي ليا عكبي ؟ تعكب آااخرتي ياسيدي ربي ..

..ماعند الميت مايدير قدام غسالاو ..بعد الحالات تتجعلك تردخي ليها ..نورا داخلها تيقول ليها فرتكي هاد جقلة !! ااش هاد الزواج؟؟ ااش هاد راجل؟؟ ااش هاد العكوزة!! واش نهز مي نمشيو نسيقو ليهم ؟ ولينا خدامات؟؟ ولا على خيرك ارمضان نصوم ليك عواشر ؟؟؟

لامانضة تيسفطهاا ؟ لا مو تتسول لا الوايسات يسولو؟؟ الغوات ناض فالدار مع جمعة و حميدو و نورا تتبان ليها طلع سطح ترمي راسها وتهنى من هاد زواح الذل !! ها ختها طاحت فالناس دايرين ليها الهمة و الشان !! ولاكن كلشي من باهاا ...

..لبسو جلابهم على وعدهم و سعدهم ...بتلاتة ،جاب ليهم الولد السوارت و هبطو الدار ....من الدخلة تتعطيك الريحة الغمالة. نورا طارت طواليط تبوع ...

هجر: هاد زليج خاصو كريزيل !!

جمعة: اوا غير مصااب وكاان ..و نيية تغلب ...

..تعاونات هيا هجر على دار ..سيقو و مسحو الغبابر ...واحد كوزينة كي كراج فاكنسي ..معلقة من شرق و الفرشيطة من غرب .......وذن المغرب يلاه كملو الدروج ..لبسو جلالب و شدو طريق حالتهم حالة بحال كانو فالموقف ...


...مرو الاياام قليلة ..وصلات حليمة بغواتها و حلوقهاا ..لقاتهم فالدارها مطيبين الغدا بحقو وطريقو ..فجأة خواتها كلهم بانو ....نورا تتفقص من داخل و لماكلة حلفات لادزت ليها ..

...جابت لنورا حوايج حالتهم حالة لا ماركة لا للون لا ذوق ..واحد باكية شكلاط و قرعة ريحة ...شداتهم نورا و سرطات الكية على ختهاا ... دوزو داك الغداا ..ناضت تاني جمعة الكوزينة ضربات غسلة ماعن ..تاوقفات تتودعهم 

حليمة: ااا و الله تاااتجلسي تقصري معانا!! 

جمعة: والو حبيبتي..اتنين الملاك هجر راه حنا تنجريو !!

حليمة: اواا مبرووك عليهاا..فينهاا؟،

جمعة: راه خليتها مع مرات لوسها مشاو عند الخياطة ..اوا هانتي خويتي نتي ديالنا ماشي براانية ..مرحباا بيك اجيو احد قبل نقصروو!

حليمة: يرحب بييك خير !! واش ملاك و ماغيااج ؟؟

جمعة: لا خويتي ...هادا ملاك ديالهم !! ماحطين فيه تااريال احنا .. من هنا تلت شهور نديرو العرس نشااء الله الا كتاب 

حليمة: ااواا لله يسخر.. 

سلمات على نورا لي حابسة دموعها...مااحملاش تجلس ابداا لا فهاد الداار ولاا مع حليمة ...

..من بعد مامشات جمعة و بقات نورا و عكوزتها اختها ..عطاوها صواب و ضحكة صفراا ..

حليمة: اوا عريس هجر شحال عطاها فالصدااق؟؟

نورا: مليون 

حليمة: هااتي ههه كاليك تاالي رزقووو عالي 

حليمة: تااهجر تستااهل سكوتية و حشومية و حاااادكة ..(شافتها هازة كاغيط تدفل فيه و صفرا) اواا بزااف !! اش هاد لوحم عمر عيني شاافوه ؟؟

نورا: ماكرهتش خالتي ...

حليمة : نوضي تكاي ارتااحي ..

نورا: تصبحو علة خير ..دخلات بيتها تتكركب فيهم عشرة للعين ...

..صبح صباح ..ناضت نورا توجد الفطور ..لا زيت كاينة لا سكر ...لا قهوة ...لا حليب ..بقات جالسة تفاقت حليمة ولبسات جلابتها مشات حانوت جابت تقضية ..وطيبات نورا افطور طيح و تنوض ...

..فطرو كملو ..ناضت حليمة مشات سويقة ..و جابت التقضية ..هزات نورا تنصب و حليمة واقفة عليهاا .و فمها ..غير 

نقصصي نقصصي بزااف ..

برااكة ويلي حي بزااف..

نصبات داك طاجين و طاب و دارت شلاظة و بقى بالها مع ليمون ...تغداو و هزات طبلة غسلات لماعن و شطبات الدار ..تاسمعات باب تسد خرجات حليمة ..ناضت نورا حيوط تيضربوها بدوخة تجيب ليمون !!

..ماخلات فين قلبات فالكوزينة والو مالقاتش ..لا فتلاجة لا تحت بوطاجي لا فالبلاكار...كاليها عقلها دخلي بيتها ..ومع دخلة شمات ريحتو ..مشات تحت ناموسية .لقاتها مخبعة تما ليمون و تفاح و تومة و عطرية ...

..خرجات نورا تتبكي تتبكي ...حميدو خاايب و لسانو قطران..لاكن عمرو عز فيهم الماكلة ..الخضرا غير تترمى و ديسير غير مزلع ...حرقة شداتها فديك العشية ..تاسمعات تلفون تيصوني ...

الو!!

نورا: (بصوت مخنوق) ااااش تتسالني اخووياا؟؟ اااش ديت ليك؟؟ اااا غير كولي ؟؟ 

رضى : مالكي؟؟

نورا: ييميل حالي !! الله يعطيينيي موووت و نتهنى هيء هييء هيييء ..علاش مك تتخبع علياا ليموون ؟؟ شحاال نااكل ليهاا كيلووو هيي هيييء

رضى: نوراا !! صاافي بلاا بكاا ..ديريها بحال مك و ماتديش عليهاا!! 

نورا: ممي الا ماسمحاتش ليا مااعندي فين نععس!! ممي لي ولات خدامة عند مكك !! ولي دوزت عليها فوحمي 

رضى: اش بغيتي دبا ليمون نجيبو ليك ؟؟

نورا: انا بغيتك ديري حل !! سمعتي؟ كلتي ليا نمشي ندفع ليك !! ماسفت والو 

رضى:واش انا كرهت !! راه خدمة معكسسة !! وااالله

نورا: شوف يقدي يكون اباا طالب معاشو لاكن عمرو عز فينا ماكلة!! انا تنتوحم و مريضة كول مك تفوتني!! ولا غير تخليني مع والديا !! اصلا ماتتجلسش فالدار غير تديني عند اباا هيا تجي عدنا

رضى : ياك كلتي ليا هجر تنين عندها خطبة ..صافي من تما بلا ماترجعي !! حتي نشوف شي حل !!

نورا: نخليك نعس 

رضى: صيفطي ليا شي سيلفي ؟؟

نورا: وخ. ....قطعات تتمسح فدموعهاا ...خدات ليها صورة بزيف كحل و عيونها داميعن ..

..دازت ديك العشية و حليمة بايتة مع خواتتها مامسوقاش غير رضى لي ونسها فالواتساب تا نعسات ......جا نهار اتنين ...ومشاو عل االصباح لدار حميدو ..

كما العادة طامو جداتهم ..التسعود صباج دجاج طايب و للحم فالطريق جابو خو عربي بارح بليل .....رحبات جمعة بحليمة لالة واش بغاات ..فطرو وجمعو الدنياا ...

..وقفاات هوندا برا و نزهة واقفى عليهم..دخلو صنادق ديسير البنان تفاح ليمون فريز كيوي و صنادق مونادا و الكاطو فاابلاطوبات بسولفان مغطين الخبر تا من الزيوفة لمسيح اليدين جابهم...حليمة تتحط العين و تهز عين و طامو داخل تتزغرت ووتعاود ..

هجر: عطيني نمشي ندير كارتين شعري 

جمعة: منين نجيب ليك فلوس؟؟ تاكاغط مزال ماضربتيهش تشدي عاصداقك

هجر: كما عادة سكتاات محسرة ....كالت ليا نزهة يجيبو ليا حناية و لبرزة و تاج ..(تتوريها شعرها) شوفي جيكس يضحكو علياا😢

جمعة: تاعرس ونديرو لاابنتي ..(تتبوسها) عفااا شيفرونة ديالي ..ابنتيتي اتزوج ليا بالعربي سيد رجال

هجر: شداها بكية ..

جمعة: كولي ليه تي اعرريررريب 

هجر مشات تكات فالناموسية غير تتشوف ..ماشي من نوع لي طيح روح على حاجة بحال سيمو ولا نورا ..لاكن ربي ماخيبهااش ...جات نزهة جايبة ليها جلابة جديدة بشال و بلغة فالصومو تتحمق ..ودااها للاحسن كوافورة كااضو ديالهاا ..


.....تتقاد ليها نزهة شال خارجة من كوافورة ...لي من صباح هيا فيهاا ..ضربات ليها كيراتين داك شعر و خرج زبدة و هجر عاجبها الحال و غير تتشوف ماتكول وريني ولا ديري لي هاادي ولا هاادي..كوافورة تاهيا مهوراها و عجباتها دخلات خاطرها معرفة نزهة ...دارت ليها مشيطة بالتاج رقيق و مكياج الوقت و ظفار لصقاتهم ليهااا ...طلعاات اميرة مع عمرها دارت ماكياج..نزهة غير تتزغرت و تعااود وتعشق على نبي ...

..خرجو متاجهين الدار و سيمو من بعيد تابعهم يا ويلو لي نكْ عليهم ولا تبسل ..وصلو الدار لقاو عماتها و خالاتها وصلو و كشطني نكشطك الوان تتشاير ...دخلوها بيت نعاس ..خرجات نزهة عند الحناية يصاوبو الجلسة ...

..جمعة كي ديك تينيسة فالملعب ...ماحيلتها السخرة ماحيلتها الضياف مااحيلتهاا نورا لي تتقيا و تنوض و جالسة حدا عكوزتها بسيف عليهاا...كلشي وااجد...و هجر لبساتها الحناية قفطان اخضر مغلوق و حزمات ليها خميسات بسينتا الخضراا فاليديها بجوج ...تا سمعو تعشااق على نبي .....خرجو العائلة جمعة استقلبلوهم و دخلو بتعشاق على نبي و شي تيسلم على شي و يبارك لشي ...عزارا العائلة موراهم مدخلين الطيافر فيهم الهدايا و المشموم الورد..و حفيظة تترتب فالصالون لي كلشي جالس فيه و احضياي...

....جابو جوج بيجاماات و اتواب جالابة دوبياس و قفطان الخريب مطروز بالصباط الافراح و صاكو و شربيل و مضمة الصم المكياج و البغودوي الغسيل و بينوار بالفوطات و الباليزة جديدة صغيرة للسفر ..طيفور مزوق بالتمر المجهول معمر بكركاع و الحنة مزوقة و الحليب و بلاطو مذهب فيه بواطات الذهب و شجيرة صغيرة مزوقة بلي دغااجي...

..يعشقو و يعاودو و يغنيو و يطبلو بيديهم ....الهنية يلالة وهنياا لهم ...خرجو هجر بتعشاق و جلسوها فالجلسة و مدات يديها للحنة و عكوزتها و لوستها حداها فرحانين مع العائتها ...

..اما واحد حليمة نيفهاا تيقطر السم !! مربعة يديها ماتتكلم ماتضحك ...تاشافت نورا داخلة بيت نعاس مهاا ..جمعاات وقفة تبعاتهاا تا دخلات عليهم !!


...دفعات الباب مدرمة ....

: امااالكم !! سخفاات تاني ؟؟

جمعة: (ماعرفات باش تبلات) ااه لاا ..كي شتي كلشي لابس و مقاد وهيا تجلس بيجاامة !!

حليمة: اواا يااه...اوا فين حوايجهاا ؟؟

جمعة: انا حوايج اخويتي ؟؟ ماخيطاتش !! طلبنا غير نزهة ضبر ليها ماتلبس 

حليمة: اويلي على ضبر ليهاا؟؟ علا اااش داارت بالصدااقهاا ؟؟

نورا نص طااح فيهاا و لات نفس تتحبس ليهاا ..التقية مابغات تخرج مابغات ترجع ...اعصاب تتحك بيهم بغات تغوت و تبرد جنونها لاكن تخسر ليلة ختها ويكولو عليهم تريكة هبال !! 

جمعة: اوا خيتي تخيط وتحطهم فالماريو !! ماعرفنا اش تافقتو نتي و حميدو !

حليمة: اوا دبا مزال شي تفاق !! راه دير سبوعها وتنوض جمع رليها و تكون مرأة خرقتهاا(الصحتها) والووو !! 

حليمة: وراهااا مزال صغيرة اخويتي!! اش ندير ليها نولدها قبل الوقت ...تما عطيها الفانيذ تشربو ليلة شديتهاا

حليمة: شدها رااجلهااا !! ماشديت احد البااطل الا !!

نورا: هزات فيهاا عينيهاا لي كلهم لوم و عتاب قمة نفااق .....ماتفاكو من تما تا عيط شي جمعة ....نوضي نتي احليمة هزي جلابتك بلا ماايشوفووك و عيطي جبد ....

..نشفات الحنة هجر ..و دفعو العشاا الرجال هما اولة ..تا كملو ليهم ..بينهم العدول و لعربي وخوه و العائلة المقربة ...جبد العدول كتاب يعمر بحيت عطاه العربي الضوسي و قاد مسائلو ..هزو فاتحة الدعاء و ..واطلب الحضور العروسة ....حتات ليها نزهة الحنة للرجليها فزيف و غسلات ليها يديها بالماء زهر فبانيو ..وطامو واقفة عليها تاخد الحنة و الما و الزيف تغبرهم لا يلعبو ليها بيهم .....رماو عليها شاال و جراها نزهة و لقات سيمو واقف فالباب الصالون رجال عينيه حمرين دخلوها جلسوها حدا حميدو و حانية راسها..سولها العدول و جاب حميدو بلاصتها ..عاود سولها عدول جاوبات بداك صويت رقيق ..مضات و ناضو رجال باركو بيناتهم و هياا خرجاتها نزهة عند العيلات تيعشقو و يعااودو ...شوية ناضو جابو لعربي لي السر طاح عليه وذنيه حومر من الحشمة لابس كومبلي و مقاد الحالة ..جلسوه حدا هجر مشتاق يشوفها ...واقفة جمعة فالباب مرفوعة عقلها مع نورا لي مرمية فالبيت تتبكي و نسات حليمة...

....حفيظة : (فتحات لابواط لي فيها خاتم الزواج ومداتو ليه بنتها تتصورههم بتلفون) ...

لعربي: شد يديداتها الصغيورين و المحنين ركب ليها خاتم و العرق خرج فجبهتوو نطق بصوت شبه مسموع...مبروك عععليناا

التعشاق ضرب عطيه الزغااريت 

هجر على هاد كلمة هزات فيه عويناتها متعجبة تافيقاتها نزهة و مدات ليها خاتم ديالو لي شاريه راسو ...

هجر (تتشوف فيها زعما عتقي ...تاقرب ليها يديه ليسرية هاز صبع فين تركبو ..يديداتها تيترعدوو وركباتو ..هو ماساخيش بدفئ صبيعاتها ..تاخطبات نزهة 

: خاتم كبير عليا 😢😢

....شد يديها برفق و تبتو ليهاا ..

لعربي: غير خليه فيديك دباا تنقص منوو ..

نزهة: غمزاتها باش تسكت ..و حفيظة مدات ليه سنسلة و قرب عندها وهيا منزلة راسها معاوناه يركبهاا ..علقها ليها و زاد قرب باش يسدها ...هيا قلبها تيضرب هو كالها شي ماعرفتي ..رجع قدام و تيشوف فيها وهيا عينيها فارض .....كملو تشراب الحليب و تمر ..و دوزو تمر و الحليب عويتقات يديرو الفال يتبعو هجر ....هما بداو يقادو العيالات يتعشاو ناض لعربي خرج ...و هجر دخلوها بيت نعاس ..

دخلات لقات نورا تتبكي عشرة العين ..بقات فيهاا ختها و مشات عنقااتها ...بدموعهم تيبكيو الحجر 

نورا: (تتشكي ليها بحرقة) هييء هييء شفني بااك فين رمااني هيء هيء ..كن خلاني بجوع و نخرج نطلب و نخدم ولا هاد التزويجة ...

هجر: وصاافي ختي ماتبكيش راكي حاملة !!

نورا: كن غير مات هادشي لي فكرشي و نهرب ليهم و االله مانبقى لا داك زامل ولا بااك ..

...تتخوي قلبها على ختها حتى تلفونها تيصوني ..شافت نمرتو وجاوباتت ..

: الووو

رضى: مزيان هادشي لي درتي انورا !! هاااادشي ماتسوى عندك ااامي !! انا لي حمار مصيفطها تونسك !!

نورا: مال مممك ؟؟ راهاا معاياا اش درت ليها انا؟؟

رضى: علااااش تتكذبي ؟؟ حشيتو فيها الهضرة و شفتو نساب الجداد و طيحتو من ااامي؟؟

نورا: شوووف الله يرحم بااك !! ماطيحنا منها مازمرنا ليها!! (بقات تتغوت ماامااااااا 

رضى: هااديك ممك بذات لي كالت علياا شلااات هضور خليهاا تنفعك ..يلاه بااي بلووك ...

..قطع خلاها تترعد تترعد ...بقات تنفض فجنابهاا 

آااويلي اااويلي اااويلي ...طاحت تتمخ تااني و الكشاكش فالفم ...هجر حلات باب تتغوت حليمة جات تتجري هيا نزهة 

جمعة: (بخلعة) ااا ماااا الكم ..ماالكم !!!!


...هجر تتعاود ليهم اش وقع و تتبكي و جمعة عينيها ولاو جغمة الدم بقوة مااترد دخل ..هزوها تيشمو ليهاا الريحة ..

نزهة: ويلي حاااي !! بزااف على هااد زمر مزال مدار عليها تانص العاام 

جمعة: (بحرقة) هاانتي خوويتي تشوفي على عينك .....بركي معاهم انا نشوف حميدو ...

..الفرح فرح و شكون خلاك ..عوض ماتحني مع بنياتها و يفرحو ها هيا قربات طيح وتتمشي على رجليها بقدرة الله...خرجات الباب ..لقات سيمو واقف 

: فين باك ؟؟

سيمو: مالكي ؟؟

تبعت معاها حميدو ..هانا !!

جمعة: زيد تبعني ...دخلو راجعين ودخلو كوزينة ....سدو الباب 

جمعة: اهااااا بت خااالك اهااااا نسوبية عوووجة هاااا شان و همة لي درتي ليهم رجعو بموزوي ..وااااابنتي تتمووووت 

حميدو: برب تنصلي مع مك!! طلقي رمي عظمة !!

جمعة: كاليك حناا طيحناا بيهااا و حشينا فيهاا الهضرة وناض ولدها مخلاش نورا و دار ليها داك جحز ولا بليك ..وو بغااو يقتلوو لياا بتي هييء هييء 

حميدو: برااكا زززمي علياا....فينها حليمة؟

جمعة: بحااالي بحالك ..هادشي علاش نكولها نورا ماعندها ماتلبس !! كاليك فين صدااقهاا؟؟ اناا شفت شي ريال ولاجووج ؟

حميدو: تلبسي الكفن لا تي لااا ديك بتكك..واش تزوج وحدة نطلق اخرى هااا؟؟ هاادشي لي بااغين نقطعو شواري ؟؟ ..انا تندير ليهاا فين تعيش تمشي خااااريج (تيقرب تاوجها بغا ياكلها) خااارييييج ...

جمعة: (دايرا يديها وراها بحال شادها وجع) واااسير لييه تااااا وواااسيير لييه .....كما تفقص ليا بتي بغيت ليهم طيير و يللا كاينة شي عيطة بغيت ليهاا ياااسيدي ربي كووونصير ..

.بقا واقف مصدوم اش تيسمع ...خرج و هياا تابعاه غوت واحط خوه عطاه سوارت طموبيل ..

حميدو: ركبي !!

حميدو: اويلي (تتنذب حنكها) ونااس نسمح فيهم ..

حميدو: ررركببي .....

ماعاودتهاش معااه ركبات بفواطتها و عكستها عوجة ....تاوصلو الدار حليمة ..صوناو وعاود ..بشوية عليها نزلات فتحات الباب ...حميدو شد بخاطرها و لو عارف بنتو مظلومة مابغاش يصعد المشكل و برك فجمعة ترغب تزاوك ..تا رجعوها معاهم .......

..مشاو عائلة العربي فرحانين مجايبين خبار الدراما لي واقعة و نزهة بنت ناس متتعاودش ...خوات دار بقاو بيناتهم ..وحليمة دارت بحال ماوقع والو ..تعشات شادة الحديت مع طامو و نورا دوخها دوا نعسات .....

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.