الكاغيط الجزء الثالث

من تأليف Sousou Idrissi
2019

محتوى القصة

رواية الكاغيط

...مر على ضريب الصداق اسبوع..و حليمة جالسة واكلة شاربة تا تصلت بيها ختهااو مشاات ..نورا حالتها غادة تترجع للور و كرش تتبان ..نهار جمعة مجموعين على الكصعة الطعام و هجر لي تتدخل طيب و جمعة شبعات ترياش فيها باش تعلم ......

..جمعة: شتتك اخوويي جالس ناشط ماشط ؟؟

حميدو: انوضي خطبي لياا ونزييييد ندردك كااع!!

جمعة: علااا زينك علاااا فلوسك ولا فيلا لي مطلع و لا طموبيل لي عددك.....وراه البنت خاااصها ترووح محاالهاا 

هجر: 😢😢 تتولد ختي 

جمعة: ززميي علياا !! فينها الولادة مزال قدامها خمس شهور!! رمضان داخل هيا عااد تكون فالسابع فين العيد و بين عياد !! لااا حبيبة روحي محالك

نورا: اترووح بلاا عرس ؟؟

حميدو: الله يعطي يجذر بابكم لهرس !! تي داك نهار موسيقى و نكافة ماشي عرس تماا كان عليها تجمع شطايطهاا و تزيد !! خاصكم عاافين نبريو (نصرفو) فلوس

جمعة: اهيااااا ناري و بغاا يشوووهناا

حميدو: كاغطها دارتو !!

نورا: تاا نوووض الله يجيبك على خير !! داك كاغط لي عدك نت هو زوااج راك غاالط ..ختي ادير ليها عرسهاا عااد تمشي !! مالها شنوو ناقصها؟

جمعة: ايااه صاحْبْكْ نوض نجمع ليها شروطها و نكول ليهم ها عروستكم !! 

حميدو: عينيه مع تلفزة بحال تكول ماتيهضروش معااه 

نورا: عاطيها مليون صداقها و بالذهبها و باليزتها و نهار صداق مخلاوك تحط درهم ..نوض انت تحشم بيها كما درتي لياا 

حميدو : اداار لك !! اش درت للك ااااش ؟؟ يلعن جد بووبكم ...الاللة اناا مدااير عرس ندير للناس سوليما فينا يتفرجو و يوااكلو فابور ..احقاا عرسى

حليمة: تراااك تمووت كاز على ريال ..بتككككك وااااجب عليك دييرلهاا عرسهاا كلااك 

حميدو: واجب عليا ؟؟ كبر و لبس و وكل نووض نعرس لها؟؟ مانزيدوش صداقها ؟؟

نورا: العاالي ياااه مع هاااااد راااجل !! ورااهاا بربي تاادير ليهاا عرسهاا ولا تنغوت عمامي و عمااتي و نشوهك معاهم ...

حميدو: تي اتريكة كي دااير هاد عرس كي داير ؟؟ تخرجها 40فروج و 25كيلو للحم و قوامها من خبز و موناضدا و دسير ؟؟ هو هداا؟

نورا: او نكافة و كوافورة و الحلوة و ديسكو ؟؟ لا خويا نديرو عرس صومك ؟؟ طللق فلوووس ياك حلفي عليها تزووج و طلقهم 

جمعة: فين خياطة الحوايج و شلاا مزال تابعهاا ..

حميدو: (شد راسو دايخ) اناا عااامسكين مااعديش مقاادش على هاادشي !!

جمعة: عددددك ربي يحاسبك عليهم الشلاهبي ..تنوعير ماعرفت فين باغي توصل ؟

حميدو: مريخ العوجة ..

..كما العادة تقلب نقاش صدااع كلها منين يجر و طلق افم كول ..فعلا نورا تاصلت بعماها جاو العشا بركو فيه يدير العرس هجر هما كل واحد فيهم يعاونو بالحاجة ...تحدد العرس من هنا شهرين قبل رمضان ...

...عرس ليلة تدبير عام ..من ليلة لي تحدد فيها العرس هما يوجدو و يشوفو التمن لي يسلكهم ..دفعو ليها الحوايج للخياطة ..هجر غير تتشوف ماتهضر ماتكلم غير مكيدة من جمعة و نورا و نزهة ..ملاهية مع شقاا و طيااب كاشي هياا تديرو و واحد تلفون مسكين غير ملاح و لعربي شداتو فقصة معاها ماتجاوب ويلا جاوبات ماتشبعو هضرة...

..نورا مور غدا ضروري تنوض تبوع ..جالسة فالطوليك تقيا و تعاود و عكوزة من داك نهار مارجعاتش وراجل مزال مبلوكيها اصلا مانفعها بوالو لا خلصة لا فلوس لا هتمام ...لاكن تيبقى راجلها و بالها معاه و تتفكر فين يخرج هاادشي ..تسمعات تلفون تيصوني ...غسلات وجها عرفاتو تلفون هجر ..

نورا: هاجااار يلعندمك جاوبي خرا 

هجر: (جات تتجري هزاتو تجاوب) الو 

لعربي: الو هجر لباس عليك ؟؟

هجر: لبااس 

لعربي: مهم شوية ندوز عليك نخرجو !! 

هجر: ااه !!! بااباا مكاينش !! 

لعربي: ااهجر ...ماتحتاجي لا باك لا مك راكي مرااتي !! لبسي حوايجك و جيبي معاك لاكارط ناسيونال ديالك ..

هجر: وخ .....قطعات

نورا: شنو بغا؟

هجر؛ كالي نخرجو 

نورا: سيري اختي فوجي ..

هجر: نطلع عند ماما سطح تعطيني لاكارط مخبعاها كالي جيبيها ...

نورا: (تقدات فالجلسة ) شنوو لاكاارط!! كوليه عند بابا مخبعها يمشي يقاود 

جمعة: جاية شادة فراسها ...آميمتي على شمس ...

هجر: هووو بغااهااا 

نورا: سيري لبسي و قادي وجهك ....هه كاليك لاكارط 

جمعة: لا مالها فين خارجة ؟؟ شمن كارط ؟؟

هجر: لعربي جاي نخرجو بغا لاكارط ..

جمعة: وديها

نورا: ويلا داها لوطيل و حواها قبل وقت؟

جمعة: اايه خويتي عند برطالة صح ..
.....مجمعين فالبيت معاها لبسات لبسة لي كانو شراو فيامات لش مشاو عشا حليمة و قدات ليها نورا مكياج خفيف و طلقلت شعر و جات كيوت و صغيورة منورة و غير تتحكرك فدوك لعوينات و هضرة قليلة و ابتسامة كتيرة ..


...سمعات كلاكصون وخرجات بحال دافين فيهاا ...كلشي تيطل من شراجم ....تجبد فتح ليها الباب و طلعات لقات سلام و ساكتات ...ديمارا و مرة مرة يشوف فيها

لعربي : هجر !!

هجر: اممم 

لعربي: زيف علاش مادرتيهش؟؟

هجر تعقد لسانها و ولات حمرا غير تتشوف ..سكت تاهو و غادي صايك حتى وقفو امام محل المكياج باينين عندو الشلات تيبعهم ..

لعربي: شمن لون ناخد ليك؟؟

هجر: لي بغيتي!!

لعربي ..وخ ...نزل بوحدو دخل داك محل بقى تيتحسس توب بيدية و طلب منو يعطيه موديل جديد و توب نوعية جيدة ..لبى طلبو البائع و ختار ليها اربعة خلصو و رجع عندها مدو ليها

لعربي: هزي واحد ديريه!!

فعلا خترات للون لي مقارب لبسة و جمعات شعرها فوق و قدات شال هبط ليها المرايا فدراكة اشمس ..

هجر: صاافي ؟؟

لعربي:ابتسم ...صافي !! جبتي لاكارط ؟

هجر: عند باباا 

لعربي: بغيتها باش ندخلك فالضمان جتماعي ..ماشي مشكل تا نطلبها منوو 

هجر : صمت (تتدور هضرة فراسها ) 

لعربي: سكتي فتلفون و سكتي قدامي !! يخليلي سكوتي

هجر: هههه 

،...حط للوطو نزلو قاطعين شارع القهوة ..دخلو و جلسو فلاطيراس فوق و هجر اول مرة تاهيا تحط رجلها فالقهوة بقات غير تتشوف ..

لعربي: شنو تبغي الغزالة تشرب ؟

هجر: ليمون 

لعربي مابغاش يحرجها ويضحك لاكن باين ان لبنت اول مرة دخل قهوة ... هادشي ماشي يستهزء بيه بلعكس عاجبو الحال ...طلب ليها عصير مع حلوة هو نورمال .....بسيف تيهضرها و تجاوبو ..وزنها و عرف البنت مزالة صغيرة وجاهلة حاجات هما ...بغاها و بغى يقربها منو ..

لعربي : حددتو لعرس؟

هجر: من هنا شهرين 

لعربي :عنداك ازين ماتعرضينش؟؟

هجر: ههههه كون هاني ..

لعربي: (شد يديها ) طارت حنة ؟؟

هجر: اوا تصبين و كوزينة 

لعربي: هيا نعول عليك تعاوني واليدة !! ولا تكولي ليا بغيت داري بوحدي ؟؟

هجر: غير تشوف فيه ماعرفاتش باش تجاوب....

لعربي: عارفة عندي غير واليدة و ختي ؟

هجر: ااه 

لعربي: نعيشو مجموعين نشاء الله ..مايخصك تاخير معايا ابوعويناات ..(باس يديها)

هجر: عارفة و قابلة ..

لعربي: مزال داك خووك حاكر عليك 

هجر: سيمو ؟؟ 

لعربي فلتات ليه ضحكة تيضحك بصوت رجولي و تيكح...ااااه ربي ...

لعربي: ايه سيمو..كوليه يبعد منك ولا نتفاهم معاه ..

هجر: هههه انت مع ختك؟؟

لعربي: هههه لالا متتضربش ازين انا ....

...عندو مواضيع اهم وواكبر لاكن فضل يمشي معاها دقة دقة ..كملو قهوتهم و داز فالرجعة لصناك خدا ليها طاكوس و تجرات طلب ختها و مها ...وضوبل ليها داكشي و فرحات بااخرجة و بريئة لا تصنع لا تسوال بالقوالب ....حمقاتو و مسخاش بيها ..حطها امام البيت تادخلات و رجع بحالو ..


..دخلات فرحانة بلي فيديها حتى تتلقى حليمة...سلمات عليها و حلفات لا ذوقاتها ..دخلات بيت بدلات و تتسمع جمعة و تضحك مع حليمة بسيف عليهم يعطوها صوابها ....تادخاالات نورا 

هجر: فوقاش جات ؟،

نورا: عاد دبا ..كاليك جات ديني طبيب عيط ليها ولدها فكرها ! 

هجر: مزال مبلوكيك؟؟

نورا: يبلوكي ولا يخرا ..شتيش كالت ليها ماما متبعة عند طبيبة خاصة ..كاليت ليها نديها طب عام راهم بحال بحال ...

هجر: تاكلي طاكوس؟

نورا: ناكلو ختي ..

..جبداتو هجر من تحت ناموسة و عطاتها تبرد غداديها فالماكلة ضربات طاكوس و تتبنن ..

هجر": كولي و هني وقت لاتنوضي تقياي ..

نورا: مااشي خاطري ....

...مجمعة هيا ختها و هجر كل مرة مساج من لعربي و تجاوبو ...تا جا حميدو و سيمو تعشاو ....

🌄🌄🌄

..فاقت صباح فطرو وتجهت نورا و حليمة طبيب العام . روح تطيح و نوبة ...من صباح تا جوج عاد دخلو منها جوع و عطش ..على ميات درهم ناقصة ..

..دخلات عند طبيبة و حليمة معها ..و شدات هضرة مع نورا عاودات ليها نكسات لي مرت منهم ..نصحاتها تبع مع اخصاائي و كالتها تا حليمة ..

..دارت ايكو و تقلب و تشوف ...و نورا ماهمها كاع اش تدير ..تانطقات بالخبر لي قلب المود حليمة ..

: بنية عندك ابنتي !!


...خرجو من عند طبيبة ...ساكتين دازو سويقة ..وو حليمة غادة تساوم نورا غير تتحسر كانت تتندم مها على مساومة و ها هيا العكوزة دايرة ضوبل جمعة ماتقدر لا تكلم ولا تهضر...شرات ديك الخضرة جوع ...وزادو الدار ..

.من الباب تتعطي ريحة غمالة منين جاو سيقوها اخر مرة ...دخلات حيداات جلابتها و فتحات شراجم ..تتسمع تتعيط ليها من كوزينة 

نورا: نعام خالتي 

حليمة: حاسبة ليها تما طرف دجاج بصلة تلاتة بطاطات و مطيشة شوية ربيع و طبسيل فيه عطرية مخلطة ....هانتي نصبي ديريها فالكوكوط باش تجي مرقة داك طاجين تايجي شاحف 

نورا: وخ خالتي 

حليمة: وبلا ماتعيطي رضى تكولي ليه راه عندك بنت غير تفقصيه !! كنا عوالين على ولد و نديرو شي مولايا سبوع لاكن ماكتابش ....

..رمات ليها هاد جوج كلمات و خرجات لجلابتها لي مزالة على ظهرها ...نورا بحال رميتي عليها سطل الما باارد...جلسات تتبكي تتبكي تانشفو دموعها ...ناضت على و عدها سعدها تنصب وحمها كلها دوزاتو ناعسة و مفشة من جمعة و هجر تاجات عكوزة ...داك الغدا منصباتو تا ماتت كل مرة تقيا و تعيف ...ماحد ديك كوكوط دور واس نورا ومعدتها دوور ..

..ضربات جوج و هيا فالعذاب داخلة خامس من الحمل و الوحم ماتيزيد يكتر عليهاا ...تا سمعات ضحك من دروج تا دخلات عليها حليمة و ختها ..

خالة: اسلاام 

نورا: سلام 😊

خالة: (طلعاتها و هبطاتها) اهياا نااري على عروووستك حليمة و جدي ليها كفن واا تمسحاات 

حليم: هعهه لباس عليها دبا تولد و تنوض توقف على رجليهااا ...انوضي ابنتي حطي لغدا 

...ناضت و هضرة تتحفر فقلبها كلشي تهضمو الا نفاق حليمة ..قطعاات الخبز لي جابوه و حطات ليهم غداا و رجعاات للور نفس لي تاكل والو ..

.....مر شهر على نورا و كريشة تتخرج ...لي شافتو فهاد شهر عمرها فحيااتها شافتوو !! جووع و نووع و نفاق مع حليمة ...تتموت بجوع تاا تعيط سيمو يجيب ليها ماكلة تاكل وتمسح فمها لا تشوفها حليمة لي ولات تخرج عيب طاي طاي ..تحشي هضرة ..

نتي ماحادكاش !! شوفي هجر ختك حادكة !!

ايواا هاد الولدة بنت نفكر ليها صباح و عشية!!

...وهضور هماا ..نورا تتقيل تشكي على جمعة لي بدورها تتكولها صبري صبري ...اما راجلها لي ديبلوكاها ولات عندو هضرة بالعباار و فرح بالخبر البنت و ارسل ليها 500درهم عطاتها ليها حليمة بتنفاخ ....عائلتها تيفرقها معاهم بضعة شواريع ماتقدرش تمشي عندهم وحالة تتسوء و قلبها عالم بيه الله،.....


هجر: امااماا وااشووفي (تتوريها كيكة) !!

جمعة: نووضي يرحمباك فارقيني عليك ..لهلا يعلم باك 

هجر: واانوضي نمشيو عد نورا ؟؟

سيمو: واش ديك حليمة عاا مسمي عليها خاريج ..تجلس هنا كتر من لهيه !!

جمعة: تجلس فجهنم بت كلب !! وليدي نوض دي ختك شوية حوت مقلي ؟؟

سيمو: عيطاات لك !! ماعيطاتش ريحي ارض 

هجر: كالت ليا قتلاتها بطاطاة و كرعة !

جمعة": (تتحك راسها من فوق زيف تتحس بشيب تيخرج لها) اوااا خااريج !!

سيمو: فينماااا نخرج لقاها هياا ديك ختها !!

جمعة: اناا طبت و عيت اولدي ..كلو من حميدوو ذنوبها عليه 

سيمو: (وقف ) عقلي عليها الواليدة الا مارجعاتش ليك نويرة بديك تربية وراجلك لي كان فالوحدة يصدق فجووج انا ماشي سيموو

جمعة: (بغضب) خررررج عليا ازعاك فمك لاحسوو كلب ...شوفي تريكة يفايل على ختو بالفراق ..

هجر: كالت ليها بغاو ولد !!

سيمو: شكون كالها لها؟؟

هجر: حليمة العوجة 

جمعة: هاااا عداااو مازمو علياا ..سير قهوتك

سيمو: كولها هيا بعدا والدة بنت حقيقة ماانتي داك رضى ماعرفناه بت ولا ولد 

هجر: ههههههه يلبس عاشورطات 

جمعة: تنهد.....يلاه بغينا عانديوها حمام و تجي تاكل و تغسل كرشها مع تريكة جوع 

سيمو: للبسي جلااابتك و جرري بنتك و هببطي عدهاا !! 

جمعة: ورااه حاالف علينا ! كالك نعطيوهم تقااار 

سيمو: (تتيخرج و يرجع و على نقشة تيطلع طانسيو) هاااد حليمة هياا ملكة فرنساا؟؟ نولي شوفي بنتك هدااك راه ماعدوو كبدة ماعدوو قلب!! كن هوو راجل يهبط يسول عليها !!

جمعة: وااش انااا نقد عليه الاناض لياا؟ راااه ميسوااش بصلة هيا تالية !!

سيمو: هااهيااا تبقى تعصب عدووو ربي!! واااش راه الا صابرة علينا را كبرنا يعاااودها كروووو ...نوضي هبطي انا خاارج ..

..دارتها جمعة ربحة ولا ذبحة لبسات جلابتها و هجر كدالك ..دخلات كوزينة مخلات ماعمرات لها ....سدو الباب و خرجو هابطين عند حليمة طريق كلها و سيمو يغوت و يربب فحليمة و بااه .....

مع دخلة الباب لقاو الباب محلوول و جيران تيطلوو من شراجم ..قلب ام تيحس رمات ديك قفة و طلعات تتجري و هجر و سيمو تابعينها ..مالقاو منين يدخلو عيالات واقفين فالباب ..دارو يشوفو شكون !! حتى تتسمع 

مهاا جات !! هاا مها جاات ...

#قبل
....جالسين هياا خواتها فالصالون كولها و ضحك عليها..جالسة فبيتها تتحس بجوع دنيا ودين ولات تحشم تصوني على هجر تكولها صيفطو لياا...هزات تلفون تلف شافت رضى يلاه كان اون لاين ..صيفطات مساج اول و تاني و تالت ...طلع ليها vu ...

..ماتقبلاتهاش و صلات نهاية لا راجل لا عيشة كي نااس ..العكوزة شوفاتها الجوع و الذل و جالسة مجمعة مع خواتها مامسوقينش !! ..جنون لي فيها ناضت سخفانة و مشات كوزينة بقوة ديك جوع و الحكرة مبانت ليها واحد باكية الكينة ماعرفاتهاش حتى ديلاش ..حلاتها فيديها و عمرات داك كاس الما تترعد تعمات ليها البصيرة، جمعات ديك كمشة بلعاتها فمها شربات الما ..باغة داكشي مابين حلق و الفم المعدة مابغاش يدوز ..قلبها تيضرب تتكول الموت هياا هادي ..بغاات غير توصل صبعها حلقها ماقدرااتش ..واقفة عاكفة تابانو ليها شي رجلين قاصدينها...مع هزات رسها تبوعات ..

خالة رضى: (تخلعات و حماتها غوات) وااااهياااا نااري ووااااا حليماااا عتقي عتتقيى بنت تتموووت 

..ناضو كي عجلات تيتجراو حمواها غوات و صعصيع ..طلعو جيران لي عندها تحت .....جلسو يشربو فالحليب و شي موجد معلقة زيب بلدية ..

....#الان 

..داخلة جمعة قلبهاا مقبووض لقات داك المنظر بنتها تتموت وسيمو دفع دوك عيلات طار على ختو هزهاا ..حطها فوق سدااري هجر تتبكي

جمعة: وااا العااالي هاااا وااااقتلتووو لياا بنتي (شادة فصدرها بجوج يدين و تتراري بللفقصة) ويلعععن بووو خارريج وبووو زوااج وااا زواااج محنة و قتلتووو لياا بنتي 

حليمة: لهلاا يطيح علينا شي باااطل ..هززي عليا هااد بتك فاضحانا بيهاا ..بنتك هبيلة و حمقااا 

جمعة: آااا ياا كافرة عااد بانت ليك هبيلة ؟؟ اووو من حكلهاا اااختي ماتحمااق اتريكة جوووع و بطاطة و كرعة باش معيشاها؟؟ اااااكيتك احليمة ماااخاصك عاا عرووسة هدا هو خناتها و وحمها ؟ ...سمعي اختي كناا و كنتووو مغااديش نعاود نولدهاا الله يااخد غيك الحق يووووم قبلل غداا 

سيمو؛ (تيضربها فوجها) نوراا نورراا نووضي ختي نمشيو 

هجر": صافي ماماا شوفي بنتك سكتينا

..دارت عليهم حليمة و خواتها حمية ..هضرة بجوج و معيوورة بعشرة ..

سيمو نوض ختو هو هجر بيتها لبسوها جلابة و حلات مخدة علامن تنعس هزات منها الفلوسها و حملهاا سيمو على ضهرو هبطهاا تحت وخلا معاها هجر وطلع يهبط جمعة لي بردات غدايدهاا 

..خليمة: الماا وشطابة نسوبية نحس و قلة العرض!!

جمعة: مكاين قلة عرض كتر مننك طال نهار نتي تخيطي شورراع و ولدد لي تكسابيه ماعرستي ليه ..اااشنعة خاريج

جمعة: (تقلي ليها سم) ايحييك الله اجمييعة و ندير ولدي ميهرااجان عرس نجيبها لالت لاللاياتك ..كيتك تي بنتك لي هازة بنت 

جمعة: ادياال االله العدوة و خليك ليك عالله و الطعامي يوقف ليك فركاابي 

حليمة: هااااهوووااا (عطاتها كازي)هااا ماتصوري مني ولدييي فيديي ..هزي خراك لهلا يجعل فين تزاد ديك بنت 

سيموو: وااارب زيدي قداامي لا نغرع شي قوادة هنا هبطييي 


...جاب طاكسي هزوها ..متجهين الطبيبة ..طريق كلها و جمعة و تبكي وتعد وهجر تتبكي على حالة لي وصلات ليها ختها ....

..وصلو طبيبة و السكرييرة شافت حالتها سبقاتها و الناس قبلو و تيدعيو معاها....قلباتها طبية و هيا تتخاصم على حالة لي وصلات ليها ..

:اوو بزاف!! الفم المعدة طايب و البيبي عيان قلة التغذية (شافت جمعة) اشريفة راك مراة زمان زعما طيب بنتك و عطيها تاكل !

جمعة: (تتبكي ) نشدها و نوكلها ماعنديش منها عشرة الله ياخد الحق لي كان سبب !

: لاحول ولا قوة الا بالله..الصبر االالة تنصادف هاد حالات منهم عدد لاكن نتوما سبب تتزوجو بناتكم صغار !!

نورا مسهوتة ماتتكلم ماتتهضر بحال لي داخلاها الموت ..شافت فيها طبيبة بشفقة !!

: واش حاولتي تنتحر ابنتي ؟؟

نورا: غير تتنخصص ..

: نوض بنتي معايا بيرو...

.جلسات و جمعة معاونها ....عطاتها من عندها شي فيتامنياات ..

: اسمع ابنتي راه كلنا تنطيحو و نوضو و نطيحو و نوضو ، المشكل هيا نطيحو مانوضو من بلاصتنا ...غادي نعمر ليك حالتك الحالية ربما تنفعك فلايام راك مضرورة نفسيا و جسديا ...هاد بيبي شنو ذنبو ؟؟ لهدا قابل صحتك ابنتي

جمعة: لهلا يخطيك الدكتورة و يخلي ليك ماعز عليك ..راه معاونينا غير وجوه

بحال وجهك ..

: الله يحسن العوان ..

عمرات ليها الوراق مزيان و حطات كاشي ديالها و معاها الدوا لي خرجات لها ..و شكروها و خرجو خلصو ...عاوتاني سيمو هازها و ركبو تجاه الدار ..

...دخلو الدار حطها سيمو فالبيت الجلاس غير تتبكي و تنوح ..وهجر هازة تلفونها و شافت رضى مصوني طفاتو وحطاتو فوق تلفزة ..

سيمو: هاا وقفتو على هضرتي؟؟ هاهياا باغة تنتحر باش حميدو يكولو عليه زوج بناتو ..كون غير خلاها تاخد لي بغات ولا حتى طالب معاشو! قاد بعشرة بيهم راه مكان عندي شغل من غيرهم ..

جمعة: عيط عمك كوليه كالت ليك دباا ااجي !!

سيمو: انا خارج و نعيط ليه 

..خرج سيمو ..و حالتهم حالة كافر بالله ..هجر ناضت تسخن ليها كاع داكشي لي فتلاجة اما قفة لي داو نساوها تما..و حطاات ليها نوضاتها توكلها و جمعة غير تتشوف فيهم و تبكي ..ااه عندها صعابات و حرات من صغرهم باسلين لاكن راه بناتها و كبدتها صبرات عليهم مع حميدو دوزاتها مع ضرب و جوع وقلة شي ..تاهو كان بخبيتزو شمنك افساد و سهير و تضياع رزقك لاكن صبرات عليهم تاكبرو ...

..وصل الليل ..تادخل عمها الكبير و حميدو معاه وسيمو جايين تيعاود ليهم ..دخلو عليهم للبيت ..

عمها: (قرب عندها وباس راسها) ااعمي!! شوية ؟

نورا: غير تتبكي ماحملاش تشوف باها

عمها: شي باس مكان اعمي ..الحل نديروه(شاف جمعة تتبكي ) اش تم اجمع؟

جمعة: (عاودات ليها من نهار جاو يخطبو حتى بارح ) هدا مااكان نورا حنا رميناها بلا موجب شرع 

حميدو: ارااها دايرااا كاغطهاا ...ديما تنكولك خليني مني ليهم

جمعة: دااك كااغط امسح بيه..بنتي لقيتها تنتحاار!! شمن حل ديروو الحااس كاابة 

العم: (بتحذير) حميدوووو !! غالط غاالط غالط


حميدو: تاا كي داايرة هااد غالط؟؟ ياك الكااغط عليهم لعمدة ضاربااه ؟؟

سيمو: داخلت عليك بالله واش مااتتعيااش مااتكول نتسوخر للور راه زدت فيه؟؟

حميدو: (كان فيديه تلفون ...ضربو بيه ..يللعن بووك و جد بوووك خراااج علياا العيفة المسخووط 

العم: اااهياا اهياا ..نعلي شيطان !! سيمو بدل سااعة بختهاا 

سيمو جاراه جمعة و تيتهز و باغي يطير على باااه ..

سيمو: بررب العاالي تاا ندير ليك اكبر شووهة !! انت زعما ماتتقضااش ؟؟ الشفار ..

...تقلب بيت حلبة كاتش تا لصالون هجر تتبكي و جمعة ترغب فسيمو يخرج و عمهم ما حيلتو حميدو ولا سيمو لي طوال و دار الكتاف ..جيران سمعو غواتهم و نزهة وراجلها دخلو يفكو و جمعة مارضاتش ليهم كما كان حال راه تناسبو ....فكوهم و خرج سيمو مع راجل نزهة يبرد و نزهة دخلات عند البنات خلات جمعة و حميدو ولوسها يهضرو ..

..حميدو: نااس عندهم ولادهم انا عندي رباااايب(شاف جمعة) كلوو منك مضسرااهم 

جمعة: راه عيبك بان ..راه ولدك ولا رااجل 

حميدو: راجل برزقي كبرتو تتقادو كتتاف !! ااش دااه هوو عندهاا ؟لاااش يخرجهاا من داارهاا ؟؟

العم: واش نت مسوطي احميدو؟ راه تتكول ليك حليمة زكات عليهم و كالت لها هزي عليا بتك ؟؟ الله يهديك تلصق فيهم بت صحة؟؟

حميدو: هياا اااش ؟؟

العم: هياا دير الحل !! واش ديك نورا لقيتيها فالسوق مع بطاطة تخوطرتي انت فمرة !! هضر مع راجلها ياا يجي يدير حل والا فكاك !!

حميدو: واش طلاق هو الحل ؟؟ نولي عدي هجالة فدار ؟ 

العم: لا ختك لي كل مرة تجلس عد واحد فينا ماشي هجالة؟؟ بنتتتك (تيضبرب ليه فالكتفو) بتتتتك دير العز 

حميدو: سكت تالف ..راني نذذمت ماظنيتش تخرج هاد نسوبية فالصو!! ولاكن بغينا نديرو حل لاضرر لا مضرور 

جمعة: ضرر بعينيه هياا ديك بت لي مليوحة داخل..عاد جبتها من عد طبيبة ..بت تتموت بجوع 

العم: لواه مزال شي احد تيموت بجوع ؟؟

جمعة: حليمة فاكنسية !! راه وراق طبيبة معمراهم يلاه سلاماات بلي راها بغات تنتحر و مريضة 

العم: دباايوها فنورا ترد صحتها..دااك جنس حليمة هاد مرة اناا غادي نتفاهم معاهاا .

حميدو: اوا ورااجلها؟؟

العم : هاد راجلها والا جاك ..دور نمرة و عطيه المنكي خيارو ..تلعبو هنا ..

....مرت اللية فسلام و مر عليها اسبوع و عمها تيحاول يلقى حليمة لاكن والو ....اجلو هضرة لمن بعد

جات طامو من بلاد بيديها قابلات نورا طيب و تعطيها تابان فيها الضو ..و نهار جمعة دارت تخليطة الحنة بالعشوب و تختخات ليها داك سالف و جمعات فالزيف و هجر مقابلة غير كوزينة و شقا داك لعربي يقيل يصوني و يعاود قليل فين يشدها ..اما نورا تلفون فمرة طفاتو كرهات.

..مشاو الحمام صباح بكري باربعة و جسلوها و خرجوها تتشعل ..سبقاتهم هيا هجر توجد الطعام ....لابسين جلليلبات و تحتهم بيجامات عاد ولاو بحال الناس لاكن شكون خلاك مشاكل غرقو فيها هما صغار ..كن تبعو قرايتهم على اقل يلاقاو متنفس ....

..دخلو هجر تتحيد نورا جلابتهاا رشات ليها ريحة توكض شوية و خلاتها ترتااح و مشات كوزينة تبدا نصب ..تا تتسمع صونيط فالباب ..خارجة بمشيتها عوجة ..تافتحات الباب وخرجات عينيهاا 


...هجر: (تتشوف فالسيد و تتاكد و تتعاود تنطق بصوتو لي تتعرفو يقين معرفة)....كااين بااااك ؟؟

هجر: ااه ..الاا

: هااد بااك إمتى يجي؟؟ شمن وقت عندو؟

هجر: اااه !!!

...يلاه جا يهضر هو يوقف عليهم حميدو هاز خنشة عامرة خضراا و البوط عامر حمري ...

حميدو: (طلعو هبطو سيد لابس كلاص و داير نظيظرات ....مد هجر خنشة دخلات مخبعة مور باب تتسمع )..نعام اسي!!

: انت هو االاب ديال محمد البوري ؟؟ لي تغوتو ليه سيمو؟

حميدو: ايااه !! شكوتا؟؟

: انا سيدي جاي نتبراا فااولد هاد المرة برجلي و بفمي !! مرة جاية قسما بالله تنديه فين يترباا !! سولت عليك عرفتك راجل داخل سوق راسو جيت نبهك!! هاااوذني منوو 

حميدو: تاا عاا كوولي ااش دار؟؟

: ولدك سيدي حصلتو مع ابنتي حدا داري جالس يهدد فيها و يخلع فيها و خدام يلقي عليها هضرة لي تاكل دمااغ 

حميدو: أْسيموووو؟؟

: هووووااا شفتو بعيني حدا كوليج فين سااكن و هرب ليا!! بنتي انا عارف شغلي معاها ولدددك الله يجازيك بخير تكفل ...راني مدير الإعدادية نخسر عليه مكالمة بالله تنغبروو ..السلام عليكم ...

..مشا السيد و خلا حميدو عايشووف ..داخل داار ولقا البنات يوشوشو ..

حميدو: شيفرونة؟؟ كي دايراة هاد اعدادية!! هيا تيكوين مهني؟؟

هجر: هدذااك اباا مدير لكوليج فوقااني و ولدك مصااحب مع بتوو (تتاكد برااسها ) 

نورا: اهياا ناااري مشى بت العوفير وداتها فيه !!

حميدو: (طونسيون تيصوني فوذنيه يلاه جابو تيغوت دفالو تيتشت) الوووو سسيمووو

سيمو: تاكالو ليك انا صمك مالنا؟

حميدو: دااابااااا تكون عددددي هناا دااباا ..

..قطع عليه دار يديه من مورااه غادي جاي فديك بوصدار تيعبرو ..هو دااخل سيمو و معاها جمعة و طامو سخفااانين ...

حميدو من دخلة شنق عليه زيرو مع الباب ..

: دوي ااااصاالووبااار نت تجيب ليا تبرياا من عددد موودير بااغي دخلنا لحبس ؟ دوي البااكور باغي تشفي فياا عبااد الله؟؟

سيمو: هاااو هااااو !! اطلللق وهضضر ولي سميت موو رااجل يجي ...بتوو هياا لي لااصقة فيااا 

جمعة: اهياا ناري طلكوو طللكووو (تتف و تجر)

طامو: اويلي حاااي توما مالكم؟؟

سيمو دفع حميدو وخلات بينهم جمعة تتلقط انفاسها و طامو جلسات تترد نفس

حميدو: تااه بقات ليك عا بت امووودير!! تفاارق منهاا و بعد لياا على مشاااكيل !! هااا حجر عاافية !! ااه باغين تقتلووني هااا؟؟ وجهك ولا كفااك شبعتي تافكرشك ابعلوك بقاا ليك عا بغوو!!

سيمو: (صوتو يزلزل فات باه) واااايمشي يقضيي حااااجة كرووو بتو لااااصقة فيااا يلعندمهاا لا هياا لا بووهاا ..

جمعة: تا شكوون هادي البرهووش ويلي حي باهاا جاي تا هْنْ ؟؟

حميدو: تربيتك !! ضسااارتك هااا جمعي يوما بت مودير غداا بت كنونيل زمر كلو يمشي حبس 

طامو: تا هداا مانعطيه تا بت خمااس !!

سيمو: (تيهضر مجنن) بعدي مني اطامو ماشي شغلك 

جمعة: ااشوية حطرام اسفالي بقا ليك عاا بضاض ..حطرم مي !!

حميدو: انا يهز حواايجوو و يخرج علياا الالة اانا مافياا لي يبقى طالع هاابط فالمحاكم على ود بعلوك

طامو: زوجووووه

سيمو: مالك ماتزوجي تي !!

طامو: (هزات صندالة شيرات عليه خرج هارب ) سير الله يطجحك الكلب .. اوجه مونكاار 

حميدو: روح مشات ليه يلاه تينطق ..هجااار اهجاار 

هجر: انعام جيبي

: نشرب جيبي جيبي

جمعة حاطة يديها على وجها مصايب هما هادو تنوض من وحدة طيح فوحدة ..دخلات حدا نورا تتنش على راسها من حر فقصة ....تا سمعاتو تيدق فالشرجم البيت 

سيمو: (بصوت خافت) جمعا جمعاا 

جمعة: (طلات عليه) شباغي ؟؟ سير بدل ساعة بختها

سيمو: شارجوري 

..ناضت مدات ليه شارجور مشا حالف بنت مدير و فبااه ......بردات قضية شوية و جدات هجر كصعة طعام ...يلاه حطوها سمعو دقان ...


نورا: هاا مرض !! منساليوش يوم 

جمعة: كولي عتقي راسك ..اش بغا يكون وزير ..

طامو: انا نوض نعكب خيمتي ..تيا لا بيضط خامج مايجلسش بنادم معاكم تا دقيقة 

جمعة: تي فين اتعكبي؟؟ عرس هجر بقى ليه جوج سيمانات تخليني وحدي ؟

طامو: نووضي شوفي عااشكون لا شيفرونة لا المسرول راجلك سكنو فالباب ..

..جات تنوض هما يتم داخل عمهم مع مراتوو حميدو سلمو ..جابت ليهم يغسلو يديهم ..تجمعو على ديك الكصعة و هضرة تجيب هضرة ..حتى نطق عمهاا

عم: اوا نورا بنتي لباس؟؟

نورا: يبعد منك اعمي غير بنادم ووصاافي

عم: ماايكون عاا الخير !!..(شاف جمعة) قرب شي عرس ولا مزال هه 

جمعة: اوا قرب اخويي راه مابقا والو ..

عم: اوا راه هاد صباح كانت عدي حليمة و راجل نورا!!

حميدو: تاا كدرتي ليهاا!! 

عم: اوا راه حليمة كالك هاد دار جمعة هياا لي مادخلش ليهاا ..عيراتهاا و سبتها 

جمعة: (شافت فمراتو) عاا كولي لياا اخويتي واش نشوف بنتي بالعة بلاطو دوا وتتموت نسكت ولا نزيد نضربهاا

زوجة عم: آاااجمعة راه كبرناهم غير بالصبر ..حقاا كلتها فوجها !! كلت لها كفاش بت معاكم ناضت شربات دوا ؟؟

طامو: اهااا اش كالت ؟؟ 

عم: اووودي ..دبا خلينا من هضرة عيالات !! (شاف حميدو) الولد كان ناوي يجي عدكم نيشان لاكن حليمة جابتو عدي انا نقاد لمور

حميدو: هياا آش؟؟

جمعة: تاا حضي لياا غير هياا اش !!

عم: نورا بتي آش ضارك ؟؟-

نورا: موو مانحملها مانقبلها..يخليني فداارنا تايخرج ليا ورااقي 

عم: هاد هضرة كالتها حليمة بفمها بقيتي فيها و بكات عليك ..ولاكن دبا ابتي رااجلك جا خاصك تشوفيه و تبركي معاه و تفاهمو 

حميدو جبذ تلفونو تيخندش فيه ..كان فلاكريي سمعو صونا بزاف مدهاش فيه .....بقات هضرة تجيب هضرة و ندي هضرة نورا ماحملاوش الوضع هما يصبرو فيها و هجر كرهات زواج قبل نا تبدااه ..


...تمسى الحال و الدار حليمة مزالة عامرة ها نزهة و بناتها ها عكوزة هجر جات طل على نورا. .ها مرات عمهم انا البراهش عاا ولد طلق.. طبلة قهوة محطوطة هجر مسيكينة خدامة من الدار الدار ..

نورا منين عرفاتو هناا ..ناضت شعلات تلفون مع شعلة تبلوكا بقوة ميسجات و ليزابل ..خلاتو تا تقاد بقات تشوف فالمكالمات غير منوو ..اغلبهم فيهم

جااوبي نورا!! صاافا جااوبي!! اناا جاي مغرب !! انا جيت !! 
.حطاتو يتشاجراا و دخلات بيت نعاس هزات 200 درهم من فلوس لي شاطو من طبيبة ..لبسات جلاباها و جرات نزهة معاها مشات عند كوافورة ضربات بورشينك و قدات حجبان وحيدات دوفي ..درات ليها ماكياج خفيف ....دازت الشاريع خدات كسوة كوتشي لاسقة طويلة و نص كم ريكلام كي عادة ..وراجعين دار ..

نزهة: ختي ياختي لمن تقاادي؟

نورا: لعمري مالو لزامل..صحابو يلقاني تنموت !! ولا هبيلة كي كالت موو ..

نزهة: زيري قواد بوه !! كوليه انا حكاا مابغيت خاريج ! دير ليا خاريج هناا صيفط ليا شهرية و قوم بيا و صير عليا ..

نورا: والله اختي انزهة الا ماحسة بيه راجل والا تيتسرط ليا راااه ربي لي علام ماتنحملوش تايجيني تقيل على قلب 

نزهة: قولي اعوذ برب فلق هااناري ..رااه راجلك تي تاني!! 

_دخلو الدار ..جالسين بشربو قهوة لقاو عكوزة هجر مشات و طامو تاهياا ..بقاو بينااتهم مع مرات عمهم ..و هريد ناب كولها و ضحك عليهاا ...جمعة ها هياا معاهم ها هياا مع كوزينة طيب العشاا للنسب بلاخاطر ....

...مع العشاا تسمع صوت السيارة ..هجر طارت تطل مع الشرجم قلعات رضى جااي ..دار كوفر تيهز شي ميكات ..

هجر: رضاا رضاا جاا 

نورا: عنزتني يعطيك بوك طير ...اجيه فراااس 

هجر: زيدك مع قحبة منين تجيه فرااس لمن تتزوزي 

نورا: راجل مك ..

جمعة: (تهضر بسهات و تنذب حنكها) العكرررر و قلة دوااا اناا تايبة الله عاا هزهم عليا ياا سيدي يااربي ..نشد عليهم جوووج كيراان عاد نشووفهم ...(شافت هجر) تياا داك لعربي قرب يخرج من تلفون

هجر:مااا يفرعش لياا كرري ..كاعد علياا كولي لياا !! وعاودي لياا !! يشد علياا تلفونو انا تنعرف نعاود 

نورا: هههههههه 

جمعة: يااا نعاود لك سبووع اشيفرونة الا مااردك فسااعتك ...الله ربي شكون يتزوج ..

..جلسات تنذب وتعاود و هجر حلفات لا جاوبات لعربي ..و الرجال فالصالون مع رضى يهضرو و تيتحدتو ...حطو ليهم العشاا ....من بعد ديسير ..
.كما تيكولو سلو شوكة بلا ذنب ..تا نورا تتسمع. باها تيغوت ليهاا...جاتها تقيلة و نفس تتقطع ...طالقة داك سالف و لابسة بيجاما هجر جديدة غير تبان فيها ديك للحظة و كرش خارجة ..وجه مقاد زطمت على قلبها وخرجات عندهم ..لقات سلام بللفم و جلسات حدا باها و رضى غير تيشوف فيها موحشهاا ..

عم: نورا بتي الله يرضي عليك انا و باك رااضين عليك...نوضي سيري مع راجلك وراه مايكون عالخيرر

نورا: صمت

رضى: نورا لباس عليك ؟ شوية دباا 

نورا: حمد الله 

حميدو: نوضي جمعي حوايجك و عكبي الله يرضي عليك دارك 

نورا: لاكن فاش يكون راجع فرنسا يرجعني درانا ؟؟ 

رضى: ما يكون عخطرك...نوضي دبا نمشيو ..

ناضت تتسوط حيدات ديك بيجاما هجر تاني تتدمع على ختهاا ..لبسات ديك كسوة و جاكيط دجين من فوق و سبرديلة و هزات صاك فيه مسائلها و تلفون كوسطا شارجور و سلمات عليهم وهو كدالك و مشاو ..


...وصلو الدار ..نورا غير تتدور فعينيهاا ..فتحو الباب الظلام عاد شعل الضو !! لبلان باين حليمة خوات ليها الدار ..عادة حليمة هيا عاددتها الدار كي زريبة ..تجهت بيتها نيشان ماحملاش تجلس فهاد الدار ولو الدقيقة ..

رضى: (عنقها من للور ) توحشتكك بزااف (تيدوز يدو على كرشها) بنوتي كبراات 

نورا غير تشووف فيه !! واش تقلبها مع زامل بوه صباط ياك مابغينش بنت ؟؟ ياك هو باغي ولد؟ واش هدا لي جالس يبوس و يعنق هو لي بلوكاها و مامسوقش !! نعلت شيطان خلات فين تزاد هاد الكرش و تكبر ...

.رضى: ههه اصبحان الله ..

نورا: فوقاش جيتي المغرب؟؟

رضى: البارح بليل!! توحشتني ؟؟ (جلسها فحجرو و تيذاعب كرشهاا) 

نورا: ههه شكون ماتوحش راجلها...خالتي حليمة مقلقة مني؟؟

رضى: (تنهد )من بعد نهضرو ..نوضي نوريك شنو جبت ليك ..

ناض اتجه بلاكار جبد شي صاشيات و شي كارطونة و نورا قلبها باارد الراجل فاش تتبردي منو ومايكونش داك راجل لي حامي ظهرك و غيبتك وجودك تتبقاي اما تجري تا يتقطع الحبل ولا تتلبسي قناع التجاهل ..فين عمر نورا كانت تتفكر هكا؟! كانت اكبر همومها تلبس و دير تلفون و تولي تمشي مدينة و دور تسارا !! لاكن القدر عطاها متحان اكبر زوج و مسؤولية ..لي تينفخ على للبن يشداكو !! اللهم حميدو ولا حليمة ..فالخضم تفكيرها راسمة بتاسمة تتستقبل هدايا لي عجبوها هاد المرة لان بساطة شراهم هو ماشي حليمة ..صبرديلة اديداس و شوميز بسروالها لحاملات و عطر شانيل بكوفخ ديالو و شكلاط من كل انواع و دوبياس و شوميز دونوي..تقدمت باستو و عنقاتو كاللشكر لاكن هوو شدها مابغى يطلقهاا ..//////////


🌄🌄🌄🌄

..ناعسة عريانة مدكدكة من ليلة البارح لي حتي تتكول تنعس ويسالي و ينوض يعاود ماتش ..داك شكلاط لي حلفات ما تحلو تاتديه جمعة... ليلة كل مرة يفتح بواطة و يعطيها زعما تقوى .....تكعدات بشوية ملوية فليزار ..جات عينها فالمرايا بلاكار كلها مطبعة ولات حمرا و مارضاتش ....

رضى: زين صباح خير !!

نورا: (تتشير عنقها) شووف شنو درتي ليا !!

رضى: لاموغ هداك حبيبة ..دخلي دوشي باش نخرجو نفطرو 

..طارت دوش لا يقنتها شوفاتو كانو فالشكل ..دوشات على خاطرهاا ..كريشة تتخرج و تبان السادس يناادي ...نشفات راسهاا ..لبسات من حوايج لي جاب البارح و جبدات دوك كريمات دهن تعاود و ترش فريحة ..لبسات ديك لبيسة جاتها غزالة ..خلات فوطة فراسهاا ...

رضى: بصحة ..(شدها تيعنقها و يبوس ) جاتك زوينة .ختريت قياس عالله ..

نورا: ديني كوافورة نقاد شعري فازك

رضى: نشري ليك سيشورا،؟

نورا: غير نشف بيه وصافي منعرفش نقاد بيه !! 

....دوزها كوافورة قدات شعرها و دارت ماكياج ..نورا تتحماق على شي حاجة سميتها للبس و المكياج و الاناقة غير قلة شي لي دارتها ..زينها مقبول و عوينات تيجدبو و شنايف منفوخين الصغر باين عليها ...خرجات عندو غير شافها بقى يفرنس ليهاا ..ركبو اتجهو القهوة و فطرو ..

نورا: شنو درتي فالخدمة؟؟ 

رضى: خرجت من ديك لكنت فيها..مابغاش يرسمني!! راني سوماج عاود لاكن تقيدت يقدرو يتصلو بيا فاي وقت 

نورا: اممم

رضى: كولي ليا!! شنو لي خلاك تشربي دوا؟؟

نورا: تتسولني انا؟؟ سول مك ؟؟ سول راسك تتطلع ليا vu ..راني مراتك 

رضى: انورا!! مي راها بنت خال باك بنت دوار!! رااكي عارفة ديك تريكة ديال نواعر خاوية تحمليها وصافي ديريها بحال مك 

نورا: (تجمعو دموع فعينيها) فخبارك كالت ليا منكولكش راني حاملة بنت؟؟ علاش هاد كرش درتها بوحدي ؟؟ على عينك داتني تمسد ليا !!

رضى: شوفي انا جن جنوني مشاكل !! لقيتي ماتسلكي سلكي!! بنت ولد ماعنديش الفرق 

نورا: علاش بلوكتني ؟؟

رضى: انا تنتعصب بزاف ....نتي خاصك تصبري و تفهمي

نورا: انا الا مآذتنيش علاش نوض نقلب على صدااع ..مهم شرطي فاش تكون انت نكون معاك تمشي ردني دارنا

رضى: اوا الواليدة؟؟ 

نورا: دبا بيني بينك !! مك جاية مغرب على وودي؟؟ تتقيل رامية جلابتها و تدور 

...رضى تقلب ليه مزااج ..ماحملش هضرتها..دورها فراسو مزيان و نطق ....

رضى: اووك لي بغيتي 

..دوزو نهار فالخروج ..مراعي ليها لي تشهات لي بغاات ....هكا مر اسبوع الامور هانية اما حليمة مسافرة سيدي سليمان غرب تحضر شي موسم ..يوميا تلفونات هو وياها نورا غير تتصنط ....اما راجلها طلقات عليه زينها و ديك دار تتغسل فاش تتاكل و فين تتنعس مامسوقاش ....

رضى: نورااا

نورا: نعام 

رضى: صوني على باك يجيب ليك نسخة كاملة 

نورا: علاش ؟

رضى: باش ندفع ليك باسبور ..

نورا: وخاا

..تصلت بحميدو خبراتو بلي خاصهاا ..


....اسبوع فاصل عن العرس...دار حليمة لي عمرها خوات و لب بابها عمروو تسد حتى لليل ..زادت عمرات بخواتاتها و احباب و الجيران و لويساتها..تحضيرات بدات ..كلها يفتي رأي و كلها يعاون كاين لي جابو تبركيك ضارهم راسهم...الشغل هجر راه واضح وضووح الشمس لاكن نورا شاغلة بالهم ..

علاش مادارتش عرس!!

آويلي على حاااملة ؟؟

دابزات مع حليمة ؟؟ هياا ناري عمرها تحلم بالخاريج !!

راجلها هنا!! تانتي يجي يخويه فيها و يمشي ..ضحك هداا درية غادة بلا عرس !! سرها نيت ..

...نص هضرتهم صح و نص باطل و نص دخلول شبوق ..كن يطلو على نورا و قلبهاا كن دموعهم تخالطو مع دموعهاا ..ارحمو اكل اخيكم بالنميمة ...ليوم علياا و غاادة عليك ...

حميدو: ااااجمعااااا جمعااا 

طامو: اتكلمي المسرول راه يعيط ..

جمعة: الله ياربي ( جوخة فالاكحل بحال يامها و فواطة ملمطة فيها من خصرها و زيف حياتي فالراس) اماالك ؟؟

حميدو: فينها ديك الحامدنية؟؟

جمعة: اناا عارفة؟؟ شنو هيا بعداا هاادي

جميدو: (خربق ليها داك ماريو) شنوو هيا؟؟ شهاادة لي نعكبو بيها شهادة الخلق اجمعة!! 

جمعة: اهداا هدااا ..راها فالباليزة فوق ..

حميدو: انا بغيت ها نعرف قوة كوواغط علاش علااش ..ديالاش هداا ؟؟

جمعة: انا دبا فالكواغط ؟؟ حياتي كلها دازت معاك كواغط ها ضو ها الما ..الا شرا عااسيرو يكوليك دسيه(خبعي) ليا كواعطو ..(تتهضرر و تخدم تقلب) هاهياا !! 

حميدو: (شدها تيقلب و يشوف) اش خاص دبا ؟؟

جمعة: نهار جمعة جيب دجاج نغسلوه 

حميدو: دبا سبت عرس؟؟

جمعة: اهيااا نااري انخرك جلابتي و نطججج جبد

حميدوة : دي معاك ولدك الله يعؤض ليكم سلامة ...

جمعة: ااطلق فلوس كوفرة !!

حميدو: هاا ضسارة ..جيب دجاج جيب لحم جيب جيب جيب جيب 

جمعة: ورااا عددك عرس احميدو بتك اتزووج !!

حميدو: (قرب وجها بهمس) مولفة بوووك بلعراسات هاا؟؟ بتي توووما لي بيغيتو عرس ..بتي دايرا كاعطها دار ليها راجلة حفلتها تم تعكب عندو 

جمعة: توووما ولا بصلة و الله مااخصك حاط فلوس

حميدو: نا طالع قيادة ..عيطي داك لي شاد ليا راس درب كي ردار يهبط مع ولد عموو يمشيو يعرضو لي بقا فالدوار

جمعة: عااسير و طلقلنا فرااجة ...


🖐نهار حنا🖐

..ايام مرت بسرعة ..غير جري عليا نجري عليك حليمة صوتها بحاح مع حميدو ارا !! مانعطيكش!!..

نورا مع راجلها يجبها دارهم لنهار بليل يجي يديهاا 
.فاش قرب العرس حميدو تصل بحليمة و عرضها و حط ليها العار ..مكانتش من العاكزين جات هيا عجلات خواتاها بجوج رجعو الدار تيتعاملو عادي بحال ماطرا والو ..نورا حطات على قلبها حجرة حلفات لاتسوقات ليهم و تخسر عرس ختهاا ..

..هجر ..اليوم داوها حمام صباح بكري مع العويتقات و نزهة هيا وزيرة مامفرقهاش بنت صغيرة ...دخلو بالزغاريت و الشطيح بالشمع الشاعل و الحنة و السكر ..لقاو حمام خاوي ..غسلو و فركو و هجر شداتها نزهة فركاتها و خروجو تاني بالتعشاق ...

..دخلو الدار لقاو الفطور. واجد ..غير كملو مشات عند كوافورة ....دارت لميش خفاف و رطبات شعر..بشراها نقية و للحمها مافيهش زغب ..حيدات ليها تحت بيطان بلاسير و هيا تتغوت ..اما توتو وخ يعطوهاا مليون لا درااتها فالحمام هضرات معاها نزهة و رفضات خسرات على ماكينة سبعين ريال...قدات ليها مشيطة خفيفة بتاج و ماكياج خفيف الحنة ....صاوبو معاها لبنات و كملو رجعو الدار

..هجر: ماما فين ختي ؟؟

جمعة: راها مع تريكة ناقصة راهم رجعو ...تحركيش من بيت ها حناية جاية ..

نورا : او ختي ؟؟

جمعة: يخووي لمك ضروس ..دباا تجي 

تاتفتح الباب 

نورا: سلام ..مالك باركة تعايري فيها ؟؟

هجر: تعطلتي 

نورا: انا كرهت 

جمعة: فين عكوزتك؟؟

نورا: كالك مشاو يكريو لغدا تكاشط 

هجر : تي اش تلبسي ؟؟

نورا: كالت ليا شوفي مع راجلك !!

جمعة: اوا ديه يكري ليك !!

نورا: يديه الواد ..بْسْغي مني..ملابساش كاع!!

جمعة: اه !! هنا نتمغط لكم جيو لومبيلنص تهزني!! عارفين عا فقصة فقصة ....نوضي لبسي قفطانك وقادي وجهك وتحني قبل ختك و زمي عليا فمك ...هيا ناري غير بااك 

نورا: وارااني كلت ليه ديني نكري كالي من بعد ..وداهم هما اولين !! 

جمعة: تيااا اش مشا ليك ..ياك كاليك من بعد صافي من بعد 

هجر: يلعندموو زامل تفوو كرهتهم...خاتم مشراهش ليها !!

جمعة: (حطات يديها بجوج فوق راسها) عدااو عباد الله...هاانا متاايبة له ...واش نطج عااكولو لياا 

نورا: تكسلات هيا ختها و جبدو يتصور و خلاو حليمة تنكر ...

..حل المساء و عونيات دوار جاو ..و الجلسة الحنا مقادة و شطيح و رديح نشاااط هاهو شااط ..و البز بز مكاين عاولد واطلق..نورا جالسة بكريشتها محنية و طامو حداها فرحانة بيها ..

دخلو هجر بتعشاق و الزغاريت و كلشي تيصور و طالقين ريحة شبة و حرمل ..جلسوها تحني و نزهة حداها ....ليلة حنة دازت مخيرة وناشطة مع عونيات دوار ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.