...الميمة و الام النبع الحنان و الواليدة الحنانة..جمعة يااجمعة ...مرت خمس ايام ...كلهم و غم ...العيد الصغير ماهو عيد ..نورا خرجات قبل ابنتها فالدار و طامو مقابلاها و هجر تطل عليهاا..اما جمعة و حميدو يوميا شادين الطريق للطبيب لبنية يطمنو عليها ..كل نهار مخرج ليه طبيب دوا و الحليب ....
اخيرا اليوم عطاها ليهم الطبيب ..ديك بنية فيها جوج كيلو و نص مزال ممفرزة لا عينين لا نيف صغيورة و سمرا مزيرة حمرانية صوتها رقيق ...جمعة هزاها فالحضنها شدات طاكسي و حميدو رجع باالموتور ..
حمعة: عيات ..طللقي طللقي بت ..(حطاتها فوق ناموسية) عطيها رضاعة و نبينا عليه السلام ...
..بقات طامو تويل و نورا تتبكي من غراز ..هجر تتغوت ختها مابغاتش ترضع بنتها..دخا سيمو تشاد مع طامو ..حماوها غوات ..
..مرو الاسبووع..دوزو فيها تلتياام و الخير لديك البنية من عند الجواد و الجيران و الاحباب...االاخبار من عند حليمة ولا رضا مكاينش ..ولو خبار فالدوار طلقات ...البنية من ليلتها هما فالحليب من الفارماسيان الطاسة علاين توصل. 80 درهم..
..حميدو: يلاه طلعو سطح نذبحو !!
طامو: وطلع بت تشهد على سمية
جمعة: انا نطلعها اامي ..وهاا مها مابغاتش تحني !!
هجر: (جاية من البيت تتغوت) مااماااا نزهة ببغاتك
حميدو: وااانورااا ..ااش تمسي اطفلة؟؟
طامو: ففاااطمزهراا
جمعة غير تتشوف فيهاا ..وحميدو تيشوف فالبنية
نورا: سميوها ملاك (تتشوف بنية ناعسة )
حميدو: باسم الله ..لاتفقصيش ابتي لا تفقصيش انا بوهااا
قرب لبنية باسها فراسها و نورا تتكركب فيهم و هجر تتشوف ختها بقات فيها....طلعو السطح ذبحو على السمية و جمعة طلقاتها بالزغريتة بلاخاطر ...تكلفات جمعة بالدوار و المصارن و طامو معاوناها ..و هضرة ماتتساالاش ....
حميدو: دجاج لعشية يوصل !!
جمعة: عيط خواتاتك و خوتك ...هانت تتشوف اليد وحدة خدامة بيها
حميدو: فين سيمو؟؟
جمعة: لي سافك تحملوش وانت يخطاك نهار تهبل
حميدو:(تيطرف كمل تم خارج) يطيرك تي ويااه
..مر النهار بتمارة جمعة قتلوها عاد الدروج طالعة نازلة ..غسلو دجاج و جدو تشرميلة و عرضو على الناس و نزهة تكلفات بالكاطو و خوالات نورا دارو سلو و عماماتها عطوها الفلوس ...نورا رفضات تحني بتاتا و لا تكحل و من النهار سمعات الخطبة ديالو ووهيا تتفقص وتعاود ...تربية صعيبة و غير تتبكي !! كن مكانت جمعة و طامو كن خنقاتها ولا قتلاتها ماعارفة ماتربي و الدماغ مرفوع ...ماهمها لا اسبوع لا روينة ..طال نهار وهيا محشية فاليوتيب تتشوف قوانين طلاق و تجارب الناس...
جمعة: هجر نوضي راجلك جا
هجر: كلت ليه انبات ...زمر
جمعة: دوكي طريق ...صباح سبوع واجي ...(شافت نورا) تعشاي
جمعة: بسلامة حبيبة ....(خاطبات نورا) غدا صباح سيري حمام ..
نورا: شكون يديني؟؟
جمعة: نزهة ..انا نشد ملاك وسيري و ديها فصحتك بتك مكاين يحن فيها غيرك و لي عطا الله عطاه
نورا: (طولات شوفة ملاك) غادي نعيط باها و نكوليه راه تزادت عدك بت !!!!
...على صباح ناضت جمعة ترون الحنة بالعشوب وخلاتها ترقد ...ودخلات عند نورا
جمعة: نورا اا نورااا فيقي بنتي فيقي...
نورا: اممم واش نعست باش نفيق...
جمعة: تكعدي كوزينة تفطري و ندير لك حنا راسك ..
نورا: اووف
جمعة مسايسة معاها لااقصى الدرجة ..قلب الام و الكبدة معاودة تلاقاو على جمعة ....دخلاتها كوزينة و حطات لها اتاي بفليو و حرشة منسمة بالزعتر و السمن ..فطرات تاحبسات...ودارت ليها الفواطة على ظهرها ..وطلقات داك سالف لي من ولادتها مشاف مشطة ولا ضو ..عطاتو زيت بلدية وبدات تسلك و الكبات شعر تيطيح مدة ما تمشط ..و نورا سااهية بحال لي تتقلب على شي حاجة ومالقتهاش ....
نورا: اححح ماما بااردة
جمعة؛ جلدتك طايبة ابتي ...
لطخات ليها داك الشعر بالحنة علة طولتو تاكملان و جماعتو و دارت ليها زيف و عكداتو ليهاا ..جابت ليها جلابتها و جمعة تتوريها حوايج لي تدي للحمام تا دخلات نزهة
نزهة: صباح خير
نورا و ج: صباح نور
نزهة: يلاه الا واجدة حمام صباح خاوي
جمعة: يستر عليك اخويتي نعطيك حنة ديريها لها للحمها ..
نزهة: اها...
..عطاتها حنة لي بقاات و شدو طريق الحمام ........ضربات ليها نزهة فركة و بان فيها الحمام هاد ولا ليها بياضها طبيعة و شعر فيه روح ولا تجلس. تمشى عادي مع غراز لي طاح ليها خيط ديالهم فالحمام ...
.....👶الاسبوع👶
سيمو: نورا عيطت ليا ؟؟-
نورا: صوتي الذبيحة البارح ؟؟
سيمو: صورة و فيديو نشارجي نصيفطهم لك
نورا: (مدات ليه 10دراهم) طير دبا شارجي بغيتهم !!
سيمو: واصبري لا طيريش !! راه تندفعو طعيم للرجال
نورا تنهدات سكتات ...دفعو للرجال الماكلة وديسير و مشاو ..عاد داز العيلات و حطولهم و الاسبوع باين ناقص لا شطيح لا رديح ولا نورا بغات تخرج عندهم ...
نورا: (شافت فيدوات وصلوها من سيمو) هجر نوضي ختي سدي الباب
هجر: مافيهش ساروت
نورا: وقفي عليه انهضر مع رضا
هجر: وخ ...
..شدات تلفون و ختارت صور لي تصيفط ديال ملاك ..ديبلوكات رضا و رسلات ليه مساج
📨slm reda ,hadi bentek malak
....رسلاتو و تماركات جوج شرطات وبقات حاضية فوقاش يرجعو زورق ....دازت قسمين و طلع اون لين ....تا صونا و جاوبات ..
نورا: الو
رضا: نورا !!! بصح هادي بنتي؟؟
نورا: هادشي فيه الكذوب؟؟
رضا: كنت حاسب مزال ليك شهرين
نورا: حمكة الله
رضا: سميتيها بلا خباري ؟
نورا : علاش مك مكالتش ليك ؟؟
رضا: نو
نورا: فخبارها ولدت وفخبارها اليوم عندنا اسبوع .ومشى اابا يعرضها ملقهاش فالدار و تلفونها ماتجاوبش ..
رضا: صمت
نورا: انا مدابزتش معاك انت ! انا بغيتك تعرف بنتك تانا ماعزيزش عليا مشاكل
رضا: حرام هادشي بنتي تزاد و مافخباريش !! حرام
نورا: اوا شنو دير مع مك و خطيبتك ؟؟
رضا: كوا؟؟؟ شمن خطبة تتضحكي معايا؟؟
نورا: مكك خطبات ليك من دوار و رجال وصلوها ابا ...منين باغي تزوج اجي غير طلقني
رضا: و بنتنا ؟
نورا: نخليك تشوفها فوق ما جيتي مغربى..لاكن تعطيني حقوقي ماضيعنيش !!
رضا: وعلاش مارجعوش مع بعضنا ؟؟ مابغيتش نخليك واحدا اخر و نتي صغيرة
نورا: ديني خارج انا وبنتي حداك ؟؟
رضا: مانقدرش حاليا ..و مي مابغاكش و حلفات ليا !!
نورا: اجي عطيني حقوقي وفاش تكبر بنت ديها نقذها...
رضا: انا ماباغيش لا نفرط فيك لا فابنتي!! انا مخطبتش وماخاطبش ومااغاديش نخطب ..
نورا: اوا مك خطبات لك ...و انا عيطات ليا فالتلفون كالت ليا ولدي راه بمراتو فرنسا و تتصرف عليه و تيعرف زْيْنْ منك ..
رضا: مي كالتها ليك ؟؟
نورا: علاش نكذب عليك؟؟ انا خويا راني وليت مريضة باعصاب و عندي دبا مسؤولية ...الا مقاد على زواج اجي طلقني و عطيني حقوقي!!
رضا: نتي قيديتي بيا تتكولي ليا اجي!!
نورا : (حمورية طلعات معها و تنزنكات ) كفاش قيدت بيك؟؟ راه فخبارك و جاتك استدعا جوج مرات و مابغيتوش تشدوها ؟؟ دبا عيطت ليك نتفق انا وياك اخويا، اجي ..شوف المحكمة باش حكمت ليا و حطو ليا و كلها الله يسهل عليك
رضا: علاش ماتزيديش تصبري؟؟
نورا: عطيني علامن نصبرر؟؟ سمع نكول ليك جوج كلمات شتي مك برب العالمين لا خلات معاك بنت مرااة كما بغات تكون ..
رضا: تانا المراة لي توصلني مخزن!!! غير نختار مي عليها
نورا: اها تاهاادي هضرة !! ويلا سميتك ولد حليمة دخل مغرب !! زيدك على داكشي لي مقيدة عليك اسبوع ملاك تاهو فالحساب ..عنداك حليمة ماتخلصش عليك و تحك جيبها
رضا: هادشي كلو على فلوس؟؟ جيني نيشان وصافي
نورا: لا خفت تسوطك مك !! لا نهار درتي كاغط بيا راه واجب عليك تنفق عليا !! منين درتي فيها من هنا دازو مخليني حاملة !! دير فيها راجل و صيفط لمراتك و بنتك !! ولا حليمة مقرصاك
رضا: نتي خرجتي عيب
نورا: عيب راكبكم من ساسكم راسكم ...انا حاسبة راسي مطلقة منك من نهار خرجت من ديك لقاهرة لي مسميها داركم ..ويلا كان عندك هدا مفهوم زواج !! انا خارجة نقحب على راسي و بنتي و ذنوبنا تهزهم انت و مكك .....
..لبسات بينوار و هبطو يتعشاو مع ضياف و هجر شافت جوج رجال وخ كبار مابغاتش تجلس تعشا ..بقات فالكوزينة توجد و تغسل الماعن .....
لعربي: مالك ماخرجتي ..غير راجل خالتي هداك و خالي
هجر: حشمت
لعربي: تعشيتي ؟
هجر: مزال شبعانة ...
لعربي: انا خارج نضرب دورة نهضم هادشي ..شنو نجيب ليك ؟؟
هجر: والو ...نطلع بيتي...
...خرجو هو وياها هو خرج و هيا طلعات ...حيدات بينوار و شدات تلفون وخدامة ميساجات مع نورا ..تاشداتها تقية و ناضت تطير حمام تبوووع تامصارنها يخرجوو ..
..طرفات و مخيخة و ريحة تقية بقات نيفها ..تاخرجات تتلهت جات معاه نيشان
لعربي: كترتي دجاج هه
هجر: صمت ..(تتسرط ريق و مخيخة)
لعربي: هاكي طوفيطة تحيد ليك مرارة
تجهت عندو شداتها و دارتها فمها و تتقلب على مذاق جديد ساعة بحال عطاها شي حاجة حامضة ..ناضت تتجري تبوع ...
لعربي: واش معدة
هجر: بوااااع ..انننن امممم ..
..نوضها معاونها تتغسل وجها ...عيا يهضرها ماتتجاوبش ...مارتاح تا نعسات بين يديه وجها صفر ..ماعرف مالها و تتبقى فيه
...بعد مر الايام قليلة...
...جمعة عاد رتاحت من العيا و جري الاسبوع لاكن القلب مايعلم بيه الا الله ..الصراخ تربية ليل و نهار ماتتنعس ما تتخليهم ينعسو ..لدرجة نورا ولا شي مرات تتخليها تبكي بوحدها تا تتنعس..عيات و تربية صعيبة ..نورا رجعات صحتها و نظارة بشرتها و لات مأقلمة مع جو و لات مهتمة براسها قبل من اول ولي شاغل بالها هو قضية طلاقها ...درات فيس بوك و لات دخل كروبات و تسول مع بنات نفش مشاكلها...لقات ما اكفس من مشكلتها ....لاكن اغلبهم سبب واحد لي هو الزواج الجالية احي عرس و تقب و شد طريق ..السواعدة و كانو تيخلصوهم اولاد البلاد ماحن فيك...
جمعة: (تهضر بالهمس) الالللة و خويتي والدة سووودانية
نورا: حليمة ...
جمعة: لابتك عدها زهر حليمة ؟؟ حليمة راها رجعات فرنسا
نورا: ترجع ولا تجلس ...هجر ماجاوباتنيش !!
جمعة: احيدي عليا راها باينة حاملة !!
نورا: مالها ماتولد ؟؟ راجلها باغي دراري و باغيها و عكوزتها باغياها
جمعة: اااالاتلصقيش فياا يحموالديك ...
...داز روتين صباح عادي و حميدو جاب ليهم التقضية كما العادة هو جمعة مني لك تا يتاقضاو ..حطو للغدا و تغداو و سيمو غير تينكر ماعندوش مع ااقطنية...
حميدو: نوض اكلب شوف شكون تيدق
سيمو: (ناض وقف طل من شرجم) هجر و راجلها
جمعة: نورا جمعي جمعي دغياا ...
..فتح ليهم سيمو الباب و سلم و هجر داخلة صفرا و شادة فيديها ميكا الدوا....دخلو سلمو و لعربي شاد الهضرة مع حميدو و هجر شادة ملاك تتلعب معاها و جمعة و نورا فالكوزينة تيوجدو اتاي تادخل عليهم سيمو
سيمو: جمعة انا غادي
جمعة: الله يعرض ليك السلامة هنينا عا من مشاكل ..
سيمو: انا راجع تاغدا ...بقاي تاني تبكي و تويلي و تنوضي قيامة!! هانا علمتك
جمعة: دارتها ليا الكبدة العدوا سير سير..
_حطو داك بلاطو اتاي و معاه طبسيل الحلوة بقات من اسبوع ..عطاوه الصوابو تتناض وقف ..
لعربي: وااا نخليكم ختي جمعة هاهجر عندكم تا غدا و نجي ليها
حميدو: اتاا لا هااا !! نووضي عوكبي مع رااجلك
هجر: 🙁
لعربي: لا سي حميدو بالخاطر ..وكان ترتاح و صاافي
جمعة: مرحبا خويي ..هاهيا معانا
لعرربي: الله يخلف خليت ليكم الراحة .
جمعة: نوضي وصلي رااجلك. شيفرونة
حميدو: هاي هاي مولفة بوك توصليني
جمعة: نوصلك روضة كول امين
..خرجات هجر خلاتهم منوضينها .....
هجر: لعربي!!
لعربي: واغير ارتااحي عارف طريق و شربي دواك
هجر: ماتجينيش ليل ؟؟
لعربي: ارتااحي مانجيكش غير ارتاحي و بقاي تجاوبي فالتلفون وتهلاي ليا فالبيبي
.يلاه كمل الهضرة وناضت دمع تاني ...هيق ميق
الاسبوع مر على هجر كلو عيا و مرض ..لي تتاكلها تتردها..كانت هازة شغل على عكوزتها و كلشي منها ..تولات تفيق هيا اخيرة و غير محشية فبيتها و لعربي كانت عندو خدمة مزيرة ..غير عكوزتها لي شكات ....اصطحبها نفس الطبيبة لاول مرة ..فحصتها و بشراتهم بالحمل و لعربي فرح و قبل راسها ...وصى طبيبة تعطيها دوا الدوخة و التقية ..رجعوو دارهم يشر امو و ختو و فرحو بيها و امنيتهم يشوفو اولاد لعربي ...لعربي حس بيها غير ساكتة يلاه سولها بقات تبكي ...كبر عقلو و عكوزتها تصبر فيها و خبراتو يديها دارهم ترتاح...
نورا: وراها قتلاتني اماما ..مرضعة و مبدلة و تبكي ..
جمعة: تيكون فيهم وجع مساكن ...
هجر: كن صحابني مانجيش...
جمعة: موت ابتي ماتتعلم ...
اخر خطوة و هيا توصي وتعاود ...رجعو البنات جالسين تيتفرجو و نورا غير هازة بنتها تكول و اش تسكت غي لبكا ..تتعصب و تبغي تغوت عليها ..ناضت هجر هزاتها عليها شوية ..
..توادعو مع صحابهم و خرجو تيهضرو عطاه يشوف عنوان ..بقى تيشوف و كال ممكن صدفة ..تجهو فرماصيان شارو حليب يلاه ايقلعو ..
***2: هضر معاها بعدا تمسح صوص و تأكد من عنوان ...
...دوز رقم دار هوت باغلوغ من الو اولى ديالهاا ..قلع صوتها و بقى تيسمع و تيزيد يتأكد ...وشوش لصاحبو فوذنو على سمية ...تا اكدات فالمكالمة الاسم عرفها هياا
....شد طريق نيشان دارهم لي حافظهاا ...و الف سؤال تيضرب ليه فدماغ ....وقفو فرااس الدرب عطاها كلاكصون ..تتبان ليه جاية هيا و هجر عندهم مكمشة فلوس فيديها ...
...التاريخ يعيد نفسه .....فرق هناا للقاء صدفة و االاشخاص نفسهم نورا و هجر لاكن متل لأأغراااب ..
ولد حال فمو فهجر لي شافت كوسطا فالطموبيل جهة شيفور شاد فالكيدون و محنى راسو عندهم تيشوف و يعاود فنورا ..عيات متنغز نورا اوالو ...تا وقفهم صوت لي زلزلهم ...
حليمة: سير تكعود!! بغات طلاق طلق راسها و الله ريال لا شافتو ...هاي هاي على بت حميدو اجي سير خاريج
رضى: مانجيبهاش فرنسا امي!! على وجه بنتي نقادو امور
حليمة: و تكووول واش ترجع دخل داري ..مالها اش كان خاصها ؟؟ تطير باغا دير بابي ! اطووونسيون جيبها ترمي ليك بنت و تزيد درية مزالة صغيرة زوينة ..انا كلت زعما نحطوها فالدار بخيرها تاتوولد الولد و عكوبها خاريج ويلا طاوعاتني ...لاكن هيا بغات طير
حليمة: سي طروووطاار ...زايدون مزاال نخطب لك حسن منها و خير منها ويلا بغيتي سخط ديك خاجة اخرى؟؟
رضى: اناا تنهضر على بنت !! لاش تتجبدي نورا ؟؟
حليمة: نهبطو نسايسو على بت؟؟
رضا: واش نجيب انا بيبي نقابلو راسي بلا مها؟؟
حليمة: (تتاكد و تخرج عينها) بْبببتتتْت حميدووو الااااء ....
..سكت و سكت ...كما العادة كان الزوج و محاربش على عش الزوجية ديالو واصبح الاب و ماحاربش على فلذة كبدو ...الخاريج لافخونس اوروبا!! بلاد الغربة ركبات فبعض ناسها الكبر و قلة الرحمة ...خرج كما عادتو كل ليلة يسهر و ينسى راسو و ينسى عالم ....
..دخل الديسكوطيك تلاقى مع زماكرية صحابو مكاين عالطاسة و شراب ..ضرب كاس اول و تاني ..و والو بنتو ونورا ماخرجاتش من االبال ..جبد صورة ملاك تيشوف فيها و يعاود تطوشو دموع من عينو...و ددوز الخط لرقم نورا من لاكارط جديدة ...📲📲📲📲
...لعربي اش واقع هنا !!!!!
دارو عندو لبنات يابسين بلاصتهم ..الولد جا يركب هو يشنق عليه
لعربي: دخول الحمام بحال خروجو ؟؟ شكون انت
ولد: خويا والله الا غير من خير !! هانتا سول بنت جبت ليها الحليب راها من العائلة
لعربي: (مزال شانق عليه ودار عند هجر) دووووخلي دنمك الداااار
طارت دخلت مخلوعة الولد بقا متبعها بعينيه لزاد طين بلة
لعربي: (داه و جابو وخرج فيه عينيه) وااااجااااوبني اناااااا اناااا فين تتشوف فالرزقي
ولد: اخوويا ....يهديك الله
نورا: خويا لعربي راه غير جاب ليا الحليب بنت مالقيتش منين نجيبو !!
لعربي: فين باك ؟؟ فين سيمو؟،
نورا: درات يدها على رااسها ....كن كان ابا ولا سيمو نسخر الولد يجيب ليا حليب(تتوريه فالساشي)
ولد مالقى مايكوليه كوسطا مابغاش يخرج ...سلك معاه جرة و مشاو بحالهم ..لعربي مابقاش لعربي الحنين عينيه طلع فيهم طانسيون مابقاش تيقشع ..نهار كلو شاد طريق تيسوك ..يلاه دخل الدار دار تلفون يتشارجا محيت طفا هو يطلعو ليه اتصالات هجر فالبلاصة قصدهاا..
..هجر محشية فختها فالقنت سداري لي تترضع ملاك ..
لعربي: اش هاد خصايل هادوو !!
نورا: اخوويا لعربي ..آمن بالله !! الا جابو ليا حليب ..ها نزهة سولها الا دقيت نشوف خوك وواش كاين سااعة خدام ..و عيطت ولد عمي صيفط صاحبو
خرج تينخط و يسخط...مخليها فامان الله تا جا لقاهم مجمعين مع عزارا مابغاتش دخل ليها قضية السخرة ..كل ما يتفكر الولد كي كان تيشوف فيها تيشعل ...
..طريق كلها هجر ساقرة و نورا هازة بنتها و طريق كلها تلفونها تيصوني رداتو سيلونص ....نزلو هجر طلعات تطير بيتها ...اما لعربي دخل صالون القنت جبد ملايات جداد و حط فارض لحوفة سدادر و و غطاهم بملاية و قاد ليها المخاد
لعربي: هانتي ختي نورا ..نعسي ارتاحي ها كوزينة فالخرجة صالون !! الصباح و نكمل معاك الهضرة نتي بذات ...تصبحي على
نورا: 🙁 تصبح على خير ..
..طلع تيدير فالدرجة جوج ..سد الباب اول عاد دخل بيت ..لقاها جالسة فالناموسية تتعض ضفارها مشا تقرب ليهاا و طار عليها شاد عنقهاا
لعربي: دووي لدنمك !! مخليك فداااركم ولااااا فزنااقي اااه!! تتعرفي داك قوااد لي حال فموو فيك ؟؟
هجر تتحاول تبعد يديه و تتحرك راسها بلاا و تتبكي
: لااا هييء هيييء والله ماتنعرفو والله و الله
لعربي: طلق من عنقها و جمع معاها بطرشة .صلااي ...هادي باش فوق ماكالك عقلك نوقف مع شي برهوش تفكري راسك مزوجة ..قسماااا بالله كوون ماكنتش عاارف اصلك ولا منين جبتك ولا شنو خديت تاا نصيفط داركم تكملي تقحبينك ولاكن شفعات ليك معزتك فقلبي و عارف معدنك ولاااكن باش تيحلفو الرجاال يااااا هجر و يكوليك برهوش عقلك ندير هاا ولا هااا يندفن دنممممك حياااا تتسمعي ..
لعربي: طلقي هنا (جر ليها شوميز خلا ليها بيض كلو معري) كلت لبسي واحد ماشي كلهم ..
دخلات حمام تبكي و تنخسس..حيدات بيجامتها و بقات يدوبياس ابيض ..و لبسات داك شوميز كلو مشبك ، هيا تتلبسو و تزيد فالدموع ..غسلات وجها ودارت كلوص و قلم عينين و طلقات شعرها بوكلي ..جات بوكوصة...تمات خارجة عندو لي كان متكي بالكالصون ..طلعاها و هبطهاا تاسرط ريق
لعربي: رجعي حيدي داكشي لاخر و لبسيه بوحدوو
هجر: 😢😢😢 عفاك
لعربي: نوض نسلخ مك ؟؟
..رجعات حمام حيدات سوتيمات و سليب و توضات و مسحات ....خرجات عندو بسيف تتمشى و وجها ولااحمر .....غير شافها قيم و ضحكة شقت طريق وجهو ..
لعربي: اقربي
..حنات راسها مقربة ليه ..تاشدها حطها فوق حجرو ..
لعربي: كون تحسي بيا اهجر !! تفهميني ..ماعرفت واش صغرك ولا عدم خبرتك !! لاكن فيقي معايا شوية
هجر: و الله ماتنعرفو !! ووالله ..
لعربي: تتبغيني؟؟
هجر: ااه
لعربي: !!!
هجر: تنبغيك بزااف
.....مجرد ماقالتها طار عليها تيبرد عافية لي فيه..ماعرف واش جوابها من قلبها او جواب عفوي لاكن بغا يعيش للحظة ...
...مع اذان الفجر ناضت ملاك تتبكي ..ناضت نورا بلا يكزيه ليها شعلات بيل ديال تلفون ..مكرهتاش كن حليب بقى فالصدرها ماضربش هاد تمارة ..حلات صاك جبدات من الحليب و طيرموية فيها ما سخون وجدات الرضاعة لي عكزات تعقمها ...هزاتهت تراري بيها و تتبر الرضاعة فيديها و مقلوبة بالنعاس ..التربية الصعيبة و الجزء الاكبر تيرجع الام يا مريضية يا صحيحة يا ناشطة تتنوض مع والادها ..عطاتها ترضع وكلما شافت فابنتها تتسها و تغيب ..تا شافت تلفون تيسني ..شافت رقم خاريج عرفاتو هو من لليل هو تيصوني .
الو!!!
رضى: (بصوت متعب) عارفاني انا لي تنصوني ماتتجاوبيش؟ علاش زعما
نورا: (تتهضر بهمس) واش نبقاو غير نعاودو!! ياك سسالينا
رضى: اشمن ساالينا ؟؟ وابنتي انورا؟؟
نورا: شكون حيدها لك؟؟ بتك الحالة المدنية ماعندهاش مامسوقش ليها؟؟ فين حليب بنتك لي كل تلتيام خاصني طاسة!! فيك ليكوشها؟؟ بقات ابنتك بالفم ؟؟
رضى: صمت
نورا: سمع اولد حليمة عندك المفيذ مرحبا مااعدكش لاتبقاش تصوني عليا .....بنت فلتات ليها رضاعة و ناضت تبكي و حطات تلفون فوق سداري و رجعات ترضعها و تتهضر معها طمنها بصوتها ..تانعسات و حطاتها ..و لقات الخط مزال دايز
...جات تجاوبها و هيا تسمع لعربي تيغوت من فوق طلعات عندو البيت
لعربي: شاد ضحكة ...ديري عنقك داك مبيض لي تديرو وجهكم..تيقرب ليها و هياا تتهرب
هجر: عيت بارح ماندفعك و نت مغيب
لعربي: قررررربي هنا ..(قربات) ...كنت مغيب بالحلوة..
جرها لحضنو بين يديه و رجع يبوس فالطبايع و تيشم ريحتهاا ..
لعربي: مالكي مكنزة ؟؟
هجر: بغيت نمشي نجلس مع ماما شوية
لعربي: وخ تولي نتي هياا مانعرفت شنوو ..واللهم حدايا مغبونة ولا بعيدة و راسي ضارني ..(طار عليها بوسة) اااح حلووة ..انا موصل ختك نعسي مع راسك ..
..خلاها تتغبن نيت ..و خرج هو نورا هازة ملاك ركبات للور على بنت و غير تتبكي ..وصلها الدار و دخل اسلم عليهم و تم خارج و عيط نورا تابعاه وقفو حدا طموبيلتو براا
لعربي: مهم ختي نورا ندخل فالموضوع نيشان...بلان بارح ماحملتوش لا ليك لا مراتي محيت حاسبك ختي ..ماعلينا !! شنو درتي مع راجلك
نورا: تنهدات ...اش ندير اخويا لعربي ؟؟ تزويجة من اول ماتماش ..با تيق هضرتهم و عطاني ليهم دارو مابغاو
لعربي: كاليك لي فاتك بليلة فاتك بالحيلة !! انا شفت الناس و عاشرت الناس !! والطلاق للمراة ماشي ساهل لهدا غادي ندخل واسمحيلي انا نزهة عاودات ليا
نورا: عارفة من خير اخويا !! واش انا كرهت نطلق ؟؟ كرهت نربي ديك بنية مع باها ؟؟ راني طحت مع تريكة ناقصة قاطعين يديهم من رحمة الله ..راه سهيلة تكوليك على مساجات ..الولد ولد امو !! غير تيقواو مشاكل تيهرب ...ها بنتو ماسبعش ليها و سامح فيهاا ..
لعربي: حاني راسو متبع معاها...لاكن نتي درتي غلط الدعوة لي هزيتي الطلاق كان عليك ديري الدعوة النفقة !! ماشي طلاق ..
نورا: و الله لا عاود يتحسب عليا ....راه نهار اسبوع صورت بنت و صيفطتها ليه ودرت الحيلة معاه و فاخير كالي امي تسخط ععليااا
لعربي: لااحول ولا قوة لا بالله ...فين وصلات الدعوى ؟،
نورا: انا عاد نوض نشوف ...
لعربي: مهم سيري شوفي و انا نشوف معارفي ..وبلان بارح مانحملش يتكرر ..شنو ما خاصك باك و خوك ماكينينش انا موجود ...يلاه تهلاي
نورا: غير اسمحلي خويا لعربي و الله يسهل عليك ..تسالمو و تمات داخلة ..
جمعة: تي مجمعة مع لعربي !! شيفرونة دارت شي زبلة؟
نورا: سولني على دعوى مع ولد حليمة ..
جمعة: صحاابني!! هانتي مسكين الخير فالبراني
نورا: اوا هرب من دمك لا يطليك
نورا: كوليها راجلك لي طيحني فالحفرة
جمعة: يجي احبيبة و كوليها ليه....والدة عصابة كولي ليه و كولي ليهاا ....
..جلسات نورا تتخمم و تعاود حريرة محررة جالسة فيها...ماهيا مزوجة ما هياا مطلقة فرمشة عين هازة مسؤولية بنت ..تاوصلها ميساج واتساب ..
📨 nora labas ..bentek hadik ??
بقات تتشوف فالميساج و تقرا وتعاود نمرة مارفاتهاش ..دارت بلوك ماناقصة حرق راس ..تاصونا فلاكارط نفس نمرة فتحات جاوبات ..
الو!!
: دغيا بلوكيتني !!
نورا: شكون انت ؟؟
: كوسطاا !!
نورا: (بهمس) كوسطاا
كوسطا: هوو علاش زعما ماكلتهاش ليك هجر البارح؟
نورا: الا
كوسطا: اممم ..يكما راجلك بارح حيح عليكم بجوج؟؟
نورا: علامن تتهضر؟؟ فين كنتي انت باش تشوفك هجر ؟
كوسطا: شكون جاب ليك حليب البارح؟؟
نورا: واحد الولد
كوسطا: هداك ولد كان معاك كوسطا هو لي صايك ..
نورا: (طلعات معاها حمورية و سجدات فوق سداري براسها بصدمة ...تاتكعدات) والله ماشفتك !!
كوسطا: مهم اتصلت باش نطمن ....تهلاي فراسك و فابنتك ..
نورا: احم وخ شكراا ..(تنهداات تا قلبها يطرطق) ...اقطعوو .....
رجعات بيها الشريط الماضي وراء ..الصدفة خير من الف ميعااد ..كالت عمرها تعاود تشوفو ولا تسمع صوتو ..تا الحليب بنتها لاقاهم ..بغات تسول على أحوال و حسات ماشي من حقها...تتحس بقلبها غادي و يتزير و دموع واقفين ..ماتقبلاتش وضع لي فيه كن لقات ترجع زمان للوراء من هربات ولا هاد دوامة مشاكل...دخلات واتساب و ديبلوكاتو و طلع ليها بروفيل ديالو فيه صورتو مصور فطموبيل ولابس قميجة كارو بقات تتشوف فيه و تتحس براسها خسرات حقها فيه و ماتستاهلوش ...
....الوقت و الزمان الا تحماو عليك هاد جوج اسلم الامرك لله هو كفيل بيك ...سيمانا على طولها و نورا تتفكر و تخمم ليل و نهاار ومحشية فالتلفون و كروبات تتسول و تتعاود ..جميع جنس حواء نصحوها بطلاق وخ تعرف تخلص ليه برية طلاق...لاكن هيا حلفات تشد مستحقاتهاا...
..جمعة فالكوزينة محشية تاوقفات عليها نورا لا بسة ومقادة بصاكها
نورا: وراني غاادة نشوف شغلي مااشي نتسارا !! سيمو راه بايت فلاكريي مع راجلك مايجيو تا ظهر
جمعة: ويلا جاا بااك و سول عليك !! راه ماايبغيش تخرجي وحدك و مزيزة هووكا !!
نورا: باا يدخل سوق كروو !! بسبابو هانا معلقة و غارقة لوذنيا مع ولد حليمة !! راني غير لابسة كي بنادم ماشي مزيزة
جمعة: وراه ولد حليمة ولا يصوني كتر من ساعة صاالون كل مرة بيب بيب ..ديري حل معاه !!
نورا: تتشوف تلفونها وتتشوف فالساعة ...جمعة انا باغة نطلق و نرتاح فمخي وخ نعرف نضرب جفاف على ابنتي !! هداك الا حاسبينو رااجل اناا عندي ززااامل وغادي نضرب على ريحة رجال
جمعة: اواا الله يمسخك اتريكة لافاار!! شووفي برطالة ولا طيح هضرة كي باااطل ...ويلا باغة ضربي على رجال خاصك تيا تكوني بحال راجل ماشي مزوزة كي بباطمان
....خلات حليمة تولول موراها ...خارجة من الباب دايزة فالدرب تتحس بواحد الغراابة تيجيب ليهاا الله راه كلشي تيشوف فيهاا .او كلشي عارفها غادة اطلق !! ...طلقات خلفة لمحطة الطاكسيات وقفات تشد نوبة ماتتشوفش فالبشر وخ تتسمع كلمة هنا و كلمة لهيه ...وصلاتها نوبتها وركبات خلصات و حاضية المحطة لا تفوتها .....نزلات من طاكسي غادة قاطعة شاريع للمحكمة و عاد تنفسات على اقل هنا تتكول شكون عرفني ..هنا تتاكد بان العقلية لي تتذكرها بواقعها ....يلاه داخلة محكمة و هيا تتسمع شي احد تيعيط ليها باسميتها!!!
..تجهو لليسي و اتصلت بمعرفتهاا و خبرها بلي جاي ..فاتو باب لليسي فين مجمعين الطلبة و كليكات بنات ولاد و ضحك و نشاط ..نورا بقات تتشوف فيهم و تحسرت على يامها مزالة فعمرهم !!! وبلاصتها معاهم ولاكن مكتاب ...طموبيلات طالقين مااسق و ماتر غادين جاين تيبركيو و صيادة ...وتاقفين مامسوقينش لبنادم و نورا تتخوي قلبها على حفصة لي تاسفات ليها....
حفصة متبعة شوفة غطموبيل وقفات حداهم و هزات عينيها فالشخص لي قاصدهم و مطرطقة عينيهاا فيه ..
حفصة: نورا كوسطا !!
...بقات نورا عاطياها بظهر و قلبها تيتسمع زداااف زداااف و حفصة تبلوكات ....وقف عليهم بديك طولة لي غطا عليهم الشمس و مخنزر حاشي يدو فالجيبو و نطق بصوت رجولي
كوسطا: هاواحد السلام عليكم !!
ب2: عليكم السلام
..كحزت عند نورا لي راسها فارض و هبط راسو عندها
: دزت جوج مرات و كذبت عيني!! اش تتصنعي هنا!!
نورا: راك تتشوفني اش تندير واقفة مع صاحبتي
كوسطا: مطلع حاجب و مخنزر و تيعبرها بالشوفاتو رجع شاف فحفصة ...اش تدير نتي هاد صاحبتك هنا؟؟
نورا: كان عندي شي شغل وصافي..
كوسطا: (تعصب تيحس براسو مكتف ممنحقوش يسول و فنفس وقت لسانو واكلو) تحركي تقااااودي داركم عند بنتك راكي زعمة مزوجة وهاد وقفة ماتماش!!
نورا: نسالي شغلي ونمشي ..
حفصة بقات غير تتشوف و تشافت حنشة جاي لابس سفيل وقاصدهم تشيرات ليه ..ودار كوسطا يشوفها لمن تتشير و زاد سخونية طلعات معاه
كوسطا: اش تتقودي فسوايع ابنت حميدو ؟؟
نورا: كوسطا الله يرحم ليك والدين شغلي لي جابني ..
كوسطا: تانا ممحركش يلاه ...
..ربع يديه مخنزر تيشوف حفصة تقدمات عند ولد سلماات عليه و تيهضرو ...تا جاو عندهم تسالمو بالايدي ...
حفصة: هاا بنت خالتي مسكينة لي عندها مشكل؟
***: الله يفك امور اختي !! شنو دبا تعكس ليك
نورا: (شافت فكوسطا لي مخنزر و طالق وذنيه و حاضي ولد و نورا و الفضول دمرو) مهم اخويا..انا رفعت دعوى على سيد لي مزوجني خلاني حاملة و مشا مارجع ..و مشاكل كتيرة ..رفعت دعوى طلاق و نفقة لاكن هو ماشدش استدعا و مادار معايا تا الحل
كوسطا دوز يديه على راسو و زعروية الوجه رجعات بالحمورية الاعصاب و عروق خوضر تنفخو فعنقو .
***: هانتي اختي على حسب معرفتي بقانون ..الا بيتي طلقي راسك بلا بيه تبقاي متبعى دعوة تادوزي فالاذاعة عاد طلقك دولة هاد قضية باينة تخرجي طويلة ..
نورا: انا خويا نضيع فاحقي و حق ابنتي ؟؟
*** : شوفي معاه حبيا !!
نورا: حشاك شماتة الخلا !! تيخاف من ضلو ..بنتو و ماحضرش عمرو شافهاا ..عاد يجي يطلق!!
حفصة: يعطيه موصيبة ..(تتشوف كوسطا لي تتعرفو من خلال هجر فاش تتعاود ليها و تتشوفو فالحومة)
كوسط غير تيطلع نفس
***: عرفتي شنو انصيفطك واحد جمعية للنساء يعاونوك ..
نورا: الله يسهل عليك !! واش قريبة؟؟
***: اه فالشارع علال بن عبد الله ..شاريع مور المحكمة
كوسطا ..تلف ماعرف مايقول ولا يسبق ..حط يدو على راسو تيدور البلان لي داز قدامو...طلاق !! هو كان يضن انها راها فالخايج او عايشة مزيان على اقل !! لاكن تتطلق و باينة نورا اليوم ماشي بارح ..هازة الهم دنيا و الدين ...اتفكر ليلة جاب ليها الحليب !! نيت واش تكون مزوجة و اب موجود يخليها ضبر فالحليب !!..من اخر مكالمة قرر ينساها كما كان متناسيها من قبل ..اش يفكر فالوحدة مزوجة والدة !! مافكرش جوج مرات انها تتعاني فزواجها للدرجة تلقب راجلها بشماتة ....
كوسطا: زيدي تحركي قداامي!!
نورا: فين نتحرك ؟؟ نمشي جمعية
كوسطا: تزيدي ولا نخلط لدنمك مكارتك (خرج فيها عينيه و جهو تيرجع احمر ) ....تحركات بجنبو و شيرات حفصة بسلامة ..زاد عند دراري لي معاه فالطموبيل عطاهم كونطاكط و جر نورا من ذراعها ...
نورا: طلقني اكريم ماتشدش فيااا !!
كوسطا: هااهوواا طالق بلا ماطلقي حلوووقك كاقصدت فيها والو بلا دااك تنااوي فريا!!!
...اتجه بيها جمعية لي نعث ليهم بوليسي....كانت بحال الدار ..
نورا: تسنى هنا؟؟
كوسطا: هانا هناا ..
..دخلات هو متبعها بالعين ...دخلات لقات القضية عامرة و قوة بيروات ..بقات تتشوف و تعاود ..عيلات بولادهم و شي داخل شي خارج ..تقربت واحد مراة سولاتهاا
نورا: سلام ختي ..سمحيلي نسولك؟؟
: سولي ختي !!
نورا: انا ختي نعثو ليا هاد جمعية على اساس تعاوني فطلاقى من واحد مسخوط الله يلكيها ليه
: يعاونوك ختي!! عندهم معارف و تيجريو فالخير ..(طلعاتها و هبطاتها) مابينش عليك مزوجة !! فين هاد وجه ويل ؟؟
نورا: فرنسا و سمح فيا بالبنت و مشا
: ناري ياختي قلبهم قاصح ..(قربات ليها بهمس) شوفي رجعي غدا اجي بكري تتكون هنا رئيسة جي هازة بنتك و لبسي شي جلابة محرتكة وجي بكي و شكي يوقفو معاك
نورا: ياكي ختي!! الله يسهل عليك ..زعما يعانونوي ؟
:-تي والله تايعانوك بالله ..جيبي وراقك و يتك وْجِي
....شكراتها نورا و خرجات ..
كوسطا: آش كالو ليك؟
نورا: خاصني نجيب وراقي و بنتي و نجي بكري !!
كوسطا: واش فري باغة تفاكي والا غير باغة تجيبيه وصافي؟؟
نورا: تطنز علوقت اكوسطا؟؟ تتشوفني تنطير و نزل تتفاك من زبل و نت تتسول عاد
كوسطا: الله ياخد حق فداك باك ...
نورا: راه خداه متلت و مربع ....صيفطني وحدة و رجعت ليه بجوج ...مطلقة من فوق .
كوسطا: ماكان زواج تا كان طلاق..خوي راسك من داك هضرة انم ...ماحشمو تا لي زناو فخلا بوجهم احمر !! ..زيدي ريحو فقهوة نهضرو
نورا: سمع نكوليك جوح كلمات ..انا الا جنسكم كرهتو والا يكول ليك عقلك حدورة و دوز راك غالط ..انا حاسبة راسي بحال عمرني تزوجت !!
كوسطا: نورا !! خلينا نهضرو و نعاونك تفكي هاد مشاكل !!! ولو دوزنا قليل مانسيتش ماشي ولد حرام
نورا: انا محرمت ما حللت ..انت اه ولد ناس !! الله يعمر بيك !! ماتصدعش راسك معايا ..
كوسطا: من باب الاخوة ..راني خاطب تانا ..
نورا: صمت (مشات بيها ارض وجات) شنوو
كوسطا: خااطب انورا !!!
...النهار لي تتحس براسك خسرتي قبل مااتربح ..مْتِي قبل مااتعيش !! تدفنتي وانت حي !! ...خليط من الالم و المعاناة تتحس بيها نورا...تنكر !! تقنع عقلها بللوجيك؟؟ و القلب صادق أي مبرر تعطيه !! غادة متجهة طاكسي من بعد ماخلات كوسطا بخير بعد الكلام لي قال هو مااحكرش ....
..طريق كلها و سخانة شاداها ..نذمات ؟؟ نهار قالت بيغيت نتزوج فالخاريج؟؟ ذنوب كوسطا ؟؟
ايه لي نفخ على للبن يولي يشذااكو !! ...اش تنظن ينتظرني بالاحضان؟؟ (بتسامة استهزاء على محياها بدون شعور) ....ضربات مسافة للدار و هيا ماحاساش من الباب تتسمغ غوات ..
.حطات ليها فالطبسيلها و كبات لعربي و عكوزتها و تتحط ليهم ملوي قدامهم ..ورجعات جابت الحامض وجلسات تتشرب حريرتها .....كملو العشا و جمعات تاني طبلة و غسلات لماعن و دوزات تشطيبة للزربية و لعربي واقف تيشوف فيها ....
هجر: خالتي نجيد دجاج غدا من فريكو؟؟
حفيظة: لي تشهيتي ابنتي خاااطرك ..
.هجر: وخ خالتي ..
لعربي: تصبحو على خير ...(شاف فيها واقفة) زيدي قدامي ....طالعة قدامو تادخلو بيت و جلسات تتكمد فرجليهاا !!
..ماتتزيدش معاه الهضرة ..تتحس بالغلط تتعتذر ..من صغرها مسالمة و ظريفة و شخصيتها اكتر سلمية ...هزات شوميز دونوي و دخلات حمام طرفات و دهنات كريم كولدن و للبسات حرير و طلقات شعر لي رجع بووكلي و طوال كحلات عوينات خرجات تضحك ..
..ماعطلهاش و بدا طقوس الحب عليها و هايم فيهاا ..فصلاتو و دعواتو تيطلب من االله يحفظ ليه عائلتو و مراتو و يكملها بعقلها و يكملو لمشوار ..عارفها صغيرة و الزمان تيتبذل عليها مزير معاها و تينبها صغيرة و كبيرة ...
..سؤال الذي دائما يحير الناس هل نحن مخيرون ام مسيرون!!..خصوصا فالمفترق طرق حياتهم و اختياراتهم ..قليل قلة من الناس متأكدين من قراراتهم !! اما اكترية من الناس ولات قلة التقة و التردد مرافق حياتنا ولو فابسط الامور ..
..من الداخل بيت كوسطا .مجموعة العائلة على عراضة لي قامتها الام ديالو للنساب .....مرت الامسية كجل المغاربة يهضرو فشلا مواضيع وفالاكل هم صحاب الكرم و حسن الضيافة ..ناضو الناس مشاو بحالهم و بقات العائلة الصغيرة لي فيها ام كوسطا و خوه صغر منو بعام ..و خواتاتو كبار مجوجين لاكن غايبين
حادة الام: بقيتي على خاطرك ...ها حنا اجلنا خطبة كبيرة !!
كوسطا: (شاد تلفون تيلعب بيه) الحناانة و حاادة و حنااان ...اش كلت ليك انا؟؟ هااا !!
اخ: اصااحبي انت اضرب حبل فهاد كونطرا لي تتسنى و حق الرب !! دي درية تخرجك لخاريج !!
كوسطا: نهار اول كلت ليك خطبيها لهادا لي جالس دبا يحلم بالخاريج صباح و عشية !! ماشي ليا انا ..
حادة: اوا نسبقو الكبير!!
كوسطا: مااشكتيش عليك الواليددة ..راني خدام حمد الله و خدمتي صافية ..و خاريج راه دافع كونطرا تتاتخرج!! مادافع فيها تاريال ..باطرون لي خدام معاه هو بغا يديني تا من طموبيل مخليها ليا ..نووض انا نتزوج من زبل خاريج باش نقطع البحر !!
كوسطا: ضاامن الله اصااحبي ويلا مات ؟؟ ويلا ترفضات فالقنصلية ..تبقي تمرضني هناا
اخ: عقد بيها خليها دفع وراق ..خرجات كونطرا سير خرجو وراق زواج سير ..
حادة: ايه تاهدا نظر !!
كوسطا: الا خرجات كونطرا تحسب عليا مراة انا؟
اخ: حادة ولدك ماعينوش فالدرية ..قلبيها ليا و نعجبك !
حادة: اويلي حااي ...كي ندير ونا كلت ليهم كريم ..
اخ: خرجي سوقهم ..ياك ماركبتو خواتم ما زمرتو ..خليني من الدرية ولدك راه تيحب هههه
كوسطا: نووض تقاود برهوش!!
حادة: يحب ولا يكعود...والله بت المراة لادخلت عليا من غير ضيفة ..سير اقد بيها فمحالك ..
كوسطا: مامزوجش عارتااحي ...
حادة: درووك اش ندير ؟؟
اخ: و خوووطبيها لياا احنان ..
..حطات مها يديها على فمها و غي تتخمم ..وكوسطا تنهد و خرج ...غادة فالحومة خارج ..غادي يفكر و يعاود تالقى راسو قدام دربهم ..هز عينيه فالدارهم باانت ليه جماعة قدام الباب ...عيا ما يحقق مابنتش ليه ..جبد تلفون و حول ليها اتصال .....صونا مرة و جوج ماتتجاوبش ....دخل واتساب لقاها من صباح مادخلات ...تفكر الفيس دخل يشوف ..تاض
كوسطا: نتسنى غير باطرون يرجع..كولي اخاوة طير واحد كونط واقف عليه !!
***: ديامن هاد كونط!! فاين مافتوح؟
كوسطا: فالفيس ديال العشيرة !! راك عارف خدمة ضد .
***: وااسرد وااحد ليا واحد خامسين ددالدرهم تعبئة و رابط كونط و دبا نطيرو ..
كوسطا: هيا دبا ....
....كمل طريقو حانوت لي قدامو صيفط الولد 50درهم تعبئة و بروفيل كونط ..و شعل كارو و راجع واقف فالبلاصة مقابل مع دراهم ...ماكاملة تا ربع ساعة رسل ليها لولد كونطها بموباس جديد ..شداتو الضحكة ...هو يرسل ليها مساج ..
📨 *jawbini bghitk*
..جالسة فالبيت تلفزة مع تلفون ..طالعة نازلة فالتلفون تا فجأة تسد فيس ..عيات دخل والو مابغاش ....شافت مساج كوسطا ..و تصلت بيه واتساب معصبة..
نورا: كوسطا تتحرق حجرة و الله ..اش تكولي كاع؟؟ ياك خاطب ؟؟
كوسطا: انا خاطب و نتي تتطلقي !!
نورا: مزال ماطلقت و انت قريب تزوج !! نساني عليك
كوسطا: يلعندمك !! مااشي نتي لي تكولي ليا نسا ولا عقل ..واش هاد قرطاس تتعرفي تخدميه غير معايا ؟،
نورا؛ كوسطا مانضحكوش على بعضيتنا !! اش باغي؟
كوسطا: الله يعطي لدنمك شلل فداك للسان ..غير بردي الفيسبوك لي شاغلك انا لي طيرتو ..ونا لغادي نعاونك فطلاقك وهاد مرة تخوي بيا نذبح دنمك عروق ودبا تلاحي تقاودي تنعسي ..غدا متين تسالي شغلك عيطي ليا..بلا خصايل قطيع تلفون و vu. ...راني عا مجلوق هاد ساعة فين ما مشيتي نتبعك ...اقطع ..
..جلسات شادة تلفون و غير تتشوف جنابها ..ماعرفات منين تسلط عليها و لاشنو نيتو ...لاكن ماكرهاتش يعاونها بصح تفك من رضى ولاكن الا غير زواج كرهاتو ..كوسطا ماشي هو رضى ...كوسطا يحرق قبيلة و تجيه قليلة ...
..على صباح فاقت نورا للبسة جلابتها لي تتكساب كلها كاشفة و رمات شال عليها و بدلات بنتها و جمعة واقفة فالباب تتسناها ....
نورا: شدي بت نجمع وراقي !!
جمعة: (شدات بنت) اش كتي ديري فليل ؟؟
..ماجاوباتهاش ..جمعات اوراق طبيب فاش كانت تتداوا فالحمل وراق طيبب الولادة وراق لي دفعات محمكة دارتهم فصاكها ....خرجو متجهين للطاكسيات ..كما العادة نوبة تاركبو و ملاك غير تتبكي ..عطاتها جمعة رضاعة ..تانزلو و شدوها خلفة للجمعية ....دخلو و نورا غير تتشوف بعينيها تاشيرات لها شي وحدة من بيرو و مشات عندها
: شنو عندك ابنتي؟؟
نورا: انا ختي صيفطني عندكم واحد بوليسي ! هازة دعوة طلاق على راجلي و محكمة ماداتهاش فيا
: لاحول ولا قوة...جلسي ابتي جلسي ..(جلسات) عاودي ليا..
..نورا عاودات ليها من اول ليلة عندهم فالعراضة داور حتى اخر مكالمة منسات والو ..
نورا: يعطيني غير نفقة البنت ..نقدر نسمح ليه انا...
: شنو اخر مدار بينكم ؟؟
نورا: ماتيتبتش فالهضرة باغي بنتو و باغيني لاكن تيتمشى على حساب امو !! انا حياتي اضيع معاه ..بغيت طلاقي
: هانتي ابنتي نعمر ليك الضوسي !! و اول حاجة نبادرو بديك البنية ادخل السجل الحالة المدنية ..خلي ليننا رقمو ممكن نتوصلو معاه الحل ..شكون تيصرف عليك ابنتي؟؟
نوا: ابا !!
: العيد الكبير جاي نقيدك فالجمعية تستافدي و حوايج للبنتك ...
نورا: شكرا ختي لهلا يخطيك ...انا الا لقيتو ليا حل معاه ندعي معاكم حياتي كلها...
..: نشاء الله ابنتي...زواج ابنتي راه محطة اخيرة فالحياة المرأو فعصرنا هدا!! ايام الزواج المعقول و النية مشاو مع جدودنا......فتحات ضوسي تعمر ليها معلومات ..السيدة تتسول و نورا تتجاوب ..عطاتها جميع الوراق لي عندها و نمرة تلفونها..نورا خدات رقمهاا و عيطات جمعة دخلات هيا و ملاك و شافت فالبنية و غير تتاسف و جمعة تتدعي معاهم ..
...خرجو من تما و هيا كوسطا خدامة ميساجات .........وصلو الدار و جمعة دخلات كوزينة و نورا حايرة مع ابنتها غير تتبكي ماتتعرف مادير ليهاا ....بقات معاها تا نعساتها وتلفون تيصوني .
كوسطا: اشنو ؟
نورا: من صباح انا تنفكر كندير نخرج و انت فرعتي راسي !!
كوسطا: واش على بنتك!! هزيها جيبيها غير طلقينا لله مرضتي دنمي تفوو ...
نورا: اناا غادي نشوف ..قطع ..
كوسطا: اجي هنا !! واش نهزك من هنا ولا نتسناك تهبطي سونطر ؟؟-
نورا: تلقاني حدا جمعية تما ...
كوسطا: اجي عاوتاني مزوقة و روح تطيح ..قطع ..
..بدلات بزربة تموت و ماتخرجش مبهدلة ...هزات صاكها و زربات على جمعة بلي جمعية بغاتها و خرجات تطير ...
...من داخل طموبيلتو ..لابس و مقاد الحالة و قلبو مرتبط بهاد اغنية ..و عينيه فالمرايات مراقب منين تبان ليه ..عيا مايكاابر و يبعد راسو منها لاكن القلب و مايريد ..تزوجاات و ألماتو و ذفن راسو فالخدمة و اعرف بنات طول و عرض و خرج و ضحك و فكر يتزوج كاع من ظماكرية ..و ديما فلاش نورا تيضرب ليه..هدا واقعنا كلنا عندنا فلاشات فحياتنا واحد بلاصة صغيرة مخبين فيها ذكريات وحب و شوق ة عذاب ..لاكن تنعيشو الحياة بحالنا بحال ايتها الناس..نبكيو ليلة وشهور و اعوام ونساو ..لاكن رجالة فهاد نقطة مختلفين تيكمل حياتو من دقيقتو و لي فالقلب قالقلب ... ..شافها جاية و قلبو فرح ..بمشيتها معتادة و راسها ديما فارض ..لابسة كسوة مخططة بالكمام جايها حساب لاطاي زوينة واتتها ..تصونا ليها بتلفون و شافتو .....
نورا: تحرك تحررك لايشوفني شي احد
كوسطا: (حرك و نقص موسيقى) خوك وباك فلاكريي ..
نورا: زادني راجل هجر تاهو ..فين نمشيو؟؟
كوسطا: فين ما بغيتي!! نمشيو قهزة فطريق لوتوروت !!
نورا: سير ...
طريق كلها و اغنية يعاودها و يردهاا وهيا غير ساهية فالدنيا مدة ماخرجات ..خلاها على راحتها ..تادخلو طريق لوتورت و دازو على واحد القنطرة و خرجو فالباحة الاستراحو على شكل ماكدونالد ....بلاصة طموبيل و نزلو ..
نورا: نجلسو برا مافيا لي يدخل ..
كوسطا : زيدي قدامي ..نشوفو اش ناخدو ....
...زيدها قدامو و غير تيخنزر القهوة كاتت عامرة .شد هو قهوة كحلة وخلاها تشوف شنو بغات ...تاطلبات لاكلاص ..خلص وخدا لاكموند و خرجو جلسو برااا
...نورا غير تتشوف فالناس ...ها لي بولادهم ها البنات مضبرين على باكص محيحين ..
كوسطا: هاانااا قداامك جالس ...و الله تا قدامك ..
نورا: و الله تا شفتك ..خليني نشوف راه قلبي ايطرطق و محتاجة هاد الخرجة ..
كوسطا: اهاا شوفي على خاطرك ..
يلاه دوورات راسها تشوف هو يجرها من شعرهل تا غواتات ...نوضها جلسهاا حداه ..
كوسطا: اوا !!
نورا: ماكرهتش نبقى غير دالعة نبقى غادة غاادة تنطيح على وقفتي و نسى و ارتااح ..تقدر تكول هادي تطير جاية تشوفني و مزال ماشدات حتى براتها و هضرة الناس تاهيا لا صقة فياا لاكن خليت ليهم الله ....محتاجة نخرج نهضر و نفوج غير اقسم المكانة قلبي تنحس بيه ايطرطق !! طيحت راسي فالزوبية مابقى ليا دماغ و خاطر نربي ابنتي ولا عارفة نشد طلاقي ولا عارفة نهز راسي ...عييت و غادة و تنغرق (تنهدات تنهيدة حارة )
كوسطا: (مربع يديه على طبلة وحاني راسو مدورها جهتها تيسمع ليها) ...انا لي تنقلب عليك انااا لي بااغي نشوووفك انااا لي باغي نعاونك !!! الا نيتك ناقصة فيا هااحناا خوت نخرجك نسمع ليك نعاونك انا باك و خوووك ..شنو درتي مع الجمعية؟؟
نورا: دار ليا ضوسي تما. كالك يشوفو ياكما يتوصلو مع تريكة ناقصة شي الحل !!
كوسطا: نوراا !! واش نيت بااغة طلقي من هاد خينا ولا غير مفقوصة و شادة و باغة ترجعي!!
نورا: لمن نرجع؟؟ تريكة جوع
كوسطا: نشد ليك محامي الا طار فشهرين يشد لك طلاقك وهانتي تهنيتي !
نورا: خلي نشوف هاد الجمعية اش دير ليا مابغيتش نضيع فالنفقة!!
كوسطا: تيصرف علة بنتو؟؟
نورا: هو اسبوع ماسبعش بحال سيادو ..بقى ليه غير صرف ..
كوسطا: شوفي ربي ما تيسد باب حتى تايفتح بيبان ..نفكو هاد منامة باش ماكان ..
نورا: او انت !! فين وصلتي فخطوبتك ؟؟
كوسطا: واليدة خطابتها ليا على اساس تديني خاريج!! انا كاوري لي خدام معاه دافع ليا كونطرا اسبانيا تنتسناها تخرج ..اش ندير بشي زواج مع دوك قماقم ..
نورا: الله يخليها سلعة...هاد طموبيل ديالك؟
كوسطا: ديال كاوري ..حاصني نبيع حشيش باش نطلع دغياا ..
نورا: الله يسهل عليك ...احقا!! رد ليا الفيس بوك ديالي ..
...دخل هو الريسطو ..وبقات هيا تتشوف و اتحس بقلبها تفاجا دارت ميز اجوغ نفسهاا ..و عينيها نايمين من الجو و الشمس ..و فبالها غير بنتها و الحياة لي تابعاهاا ....
كوسطا: يلاه زيدي ..
نورا: زوينة هاد بلاصة ..
كوسطا: فوق ما تقنطي نجيبك ..
نورا: حتى لاين ؟؟
كوسطا: حتى تشدي براتك و نتجمعو ياابياا ياا بيك ...
ولات حمرا و بتسمت هو شاد راسو بسيف ..باغي يحترمها و مايصعبش عليها الامور على اقل تشد طلاقها ....
الكاغيط الجزء الخامس
محتوى القصة
🇳🇱 فرنسا
التنقل بين الأجزاء