...على صباح بكري فاق مشى قهوة قريب كلينيك يفطر و تيحسب فالوقت للزيارة و تلفونو ماتيسكتش ها جمعة و حميدو و سيمو باركو ليه و تيسولو على متى زيارة ..مع ضربات تمنية تحرك على رجليه قريب لكلينيك دخل استقبال تيسول على شومبر لي طلعوها ليه ، عطاوه رقم شومبر فكريقو تلقى فرملية البارح سولها على بيبي و طمناتو وكمل طريقو تافتح الباب ..
..دخل و سد الباب بانت ليه ناعسة بلامخدة ناعسة ومزال بللبسة طبية قرب ليها بشوية تيفقدها بنظرو ..
لعربي: (بصوت هامس ) هجججر ..هجررر
هجر: (حلات عويناتها بشوية من ملامحها باينة مقصحة) امممم
لعربي: (قبل راسها و يديها) على سلامتك اعمري !!-على سلامتك ..شفتي ولدنا ؟!
هجر: ااحح مممم ..لا مزال ...
لعربي: فيك حريق البنج ؟! نعسني بارح !؟
هجر: لا تافجر عاد داتني عيني ! فين ماما ؟!
لعربي: بارح جاو و مشاو بليل كنتي فالبلوك ! خرجتيها مني الله يسمح لنا من والدين
هجر: بغيت نشوف ولدي و رضعو ! يكونو عطاوه رضاعة !!
لعربي: ماعرفتش احبيبة!! خاصني نسول طبيبة ...
...بقى معاها مونسها ..تا دازت للطبيبة عملات الفحص ، شافت الجرحة و طونسيون لقات كاشي مزيان ناقصها تنفس باش تاكل ..اما رضاعة ممكن ترضع ...جات الفرملية جارة بيبي فالناموسية صغيرة لابس حوايج خالتو و عينبه مغمضين تيتحرك بيديه و برجليه حركات كرش مزال مواعي بالدنيا ...هزو لعربي اذن ليه جوج مرات و هلكو بوسان و مدو هجر لي ولو معذبة عينيه دازو بدموع على عذاب كبدتها و تتحاول تقرب تشم ريحتو و تشد فيديه ..عاونتها فرملية جبدات بوزلتها و عطاتو يرضع ولو ناعسة كلها ماتتقدرش تحرك ..
هجر نتابها احساس غريب ولدها تيرضع من تديها ...قلبها تفرفر من ديك للحظة ولدها استعمر كيانها و رجع هو عويناتها و ليه لمن تعيش ..بقات معاها فرملية تا نعس بيبي و حطاتو بلاصتو خلاتو معاهم خرجات ..
لعربي: (تيطل عليه) حبيبي البطل ديالي درتي دودو !
هجر: ماما ماجاتش !؟
لعربي: دبا يجيو ...شنو نسميوه !!
هجر: تتبتسم بحب ....لي بغيتي !
لعربي : (هبط باسو فيديه و راسو عقلو يخرج معاها ) كانت امنيتي يكون عندي وليد نسميه يوسف ولا بنت رهف ..
هجر: سميه يوسف ..بغيت غير نبرا نهز ولدي نرضعو مزيان
لعربي: نشاء الله حبيبة !! ارتاحي دبا دزونا صعيب ..
..مع نتهاء حديثهم دخلات جمعة فرحانة تتبوس فهجر و تعاود و تبارك ليها و حميدو كدالك و طامو فالكروسة جابوها و خوالاتها و عمامها و دوروها زرورة تا خلطات عليهم عكوزتها و لوستها مريم مابقاتش قداهم شومبر شي برا شي الداخل ..فرحانين بزيادة و مكاين عا يووسف يوووسف ....
جمعة: هانتي على شيفرونة ولدات عزري ..
طامو": عاامزيناتو عزري شعر و شفار الله يحجبو ..رفيسة من يديها (هزات يديها ليهم ) امرحباا بيكم كااملين ...
...مزال جابدة عليها من البارح هيا سهرانة مساجات مع كوسطا من البيت للصالون على برا ..تطفا تلفون فيديها عكزات تشارجيه بليل ..
كوسطا: (دخل يفيقها) نووراا !! (طير عليها غطا) نووضي راه شيفرونة ولدات ..
📻 جمعة: ابرطااالة تي فين رااكي راه ختك ولدات وليد عامزيناتو
📻 جمعة: واااقيلا ركوودتي !! راه ختك ولدات عيت مانصوني عليك و تلفون طافي !! فيقي باركي ختك ..
📻 سيمو: نورا راه شيفرونة ولدات بارح بليل ! انا يوم هابط الدوار نشوفهم ..واجااووبي
نورا: (تتضحك فرحانة) هههه وااختي ولدت وااا ولدت ..
كوسطا: عقبالك ...دخل دوش ..
نورا بقات طير و تنزل بالفرحة ..فبلاصة دوزات اتصال بلعربي تبارك ليه و دوز لها هجر لي فرحانة بولدها و جلسات تعاود لها كما القاعدة منين شدها وجع تاللحظة ...رجعوها مكالمة فيديو واتساب و بينات لها يوسف و تلفون بقا يدور من اليد اليد تسالمات مع كلشي و الفرحة اخيراا عرفات طريقهم ...
نورا: غير يوصل نكولها ليه !! دبا نتزوجو عاد تصيفط مك تخطب ؟
كوسطا: انورا الكاغيط مهم لي يطلع عليه الوراق و باقي متبوع !!
نورا: شتي هااد فيلم هداا راني فاااايتة متفرجة فيه !!
كوسطا: (وقف فالباب تيشوف فيها) شتي واحد فيلم اخر تيكول !! هاد مدة لي جلسنا بجوج كن راك نتي ترغبي فيا نزوجك ولا نطلع ليك وراق !! راه معاك راجل ماشي شماتة ..راه لقات ليك وحدة برررب تانقلب وشدي فبولة تسعين !!
نورا: (دارت يديها فجنابها و تتسوط ) انا عاا كلت لك !!
كوسطا: تانا غير كلت لك ...عرفتي ولقاك خرجتي من مورايا تنهرس لممك وجهك !!
نورا: هاء !! راه عندي ساعة ميناج فزارا !!
كوسطا: (شاف فالساعة ) عاااد عشرة !! انا الا تعطلت اربعة نكون هنا و نتي ميناج عندك مع سبعة !! و تبتي و خلي زرع ينبت و نتي رجعني حافظة سبانيا كثر مني !!
..خرج و بقات هيا تفكر و تعاود و تحسبها من كل جوايه ..ديما واحد غصة فالقلب تتحسر على عقل صغر و عدم المعرفة و خبرة الحياة ! كن كانت مع رضى بهاد عقلية حالية كن خوراتو لا هو لا قبيلتو لاكن المكتاب الله تيتصرف و ربي خدا لهم حقها منهم !!
.راسمة بلانات فراسها و برامج و خطوات و طموحات ولات تتحس ان حياتها مهمة ماشي فارغة !! طول عمرها كانت تتمنى تلبس و تعيش و تفهم الحياة فين غادة و تعاون والديها و خوتها !! تيقنات ان زواج مكمل للحياة و ليس هو الحياة و معدنها و اصلها منعوها تسمح فكوسطا لي وقف معاها فالشادة و الضارة و عيشة لي عاشتها معاه عرفات شخصيتو و بلي عندو وجه واحد ..ضروري من اعصاب و دبدبات الحياة لاكن هو رجل حياتها عمرها تفرط فيه
..ركب مترو قاصد قنصلية ...مسافة طريق كان تما ..بمبنى راية المغرب تترفرف ..احساس نبيل اتجاه الوطن انت مغترب ..الله مايجعلك تشوف غير طونيك درهم صدفة تتشعر بالحنين و الانتماء للوطن ..لاكن جل المغتربين من الطبقى الوسطى او للتقريب الواقع الطبقة المنعدمة لاننا من بداية ها القرن رجعنا فوراق الاجتماعية رجع عدما جوج طبقات وحدة اعلى من الاغنياء و التانية المنعدمة من باقي الشعب لا واسط لهما من هنا تلغات طبقة الوسطى ..
..استقبال جميل !! الموظفين فالخدمة الجالية صورة جيدة !! بساطة لانهم من الجالية فقط عكس فالوطن للحبيب من اصغر مقاطعة فيك يا بلدي مادهنتي السير لا تسير ..خرج شاد الموعد و الوثائق المطلوبة ...خرج برا فالجردة على كرسي يرتاح على مايقرب موعد المترو ...حول اتصال االام حادة ..
كوسطا: احناان لباس عليك !
حادة: يااوليدي حبيبي وتوووحشتك انقطعك من جنابي و خوووات عليا دار لا تا لا خيك !كدرتي اولدي ااااحبيبي !!
كوسطا: الااا واليدة سيري خطبي ليا و ديري لازم راه باغي ندير ولادي
حادة طلقاتها بتزغريتة تا صمكاتو و جلسات دعي و تعاود الوراق ضمسوها ...وفرحة زواج ولدها كدالك ..
قطع معاها مرتاح ...تيطلب من الله يجمعهم فالحلال لانه فعلا متمنيها ام ولادو ..ظروف فرقاتهم كانت قوا منهم ..كن كان خدام الوقت مع كاوري كن خطبها هو اول ..لاكن تتفارقو عاد رزق عيط ...
...من محطة الكيران واقف على روسفور يجبد ليه صاك ...مزاد غير بياض و صحاح و شعر كبر ليه ضارب اديداس فالرجل و دجين و بيل لاكوسط ..شد صاكو خارج من المحطة يشد طاكسيى صغير اتجاه دوار ..
..ركب فطاكسي و قلب تفاجا منين حط رجليه فالمدينتهم ولفها و كبر فيها و حافظ شوارعها ودروبها ..من نهار خرج مع نورا ة بقى فطنجة هو عاطيها الخدمة !!
شيفور: الحبيب حدي هنا !!
سيمو: اها مرحبا اسمية ! شحال عندي !؟
شيفور: 14 درهم ..
..خلصو و هز صاك يشدها طوالة لدوار طاكسي صغيرى ماتتدخلش تما .....من حسن حظ لقى معرفة وصلو حتى الباب طامو و تم داخل وقلبو تيضرب وقتاش عليه فوقاش يشوف جمعة ...
الباب مفتوح كما العادة داخل بهمس تيسمع الضحك و هضرة تبع صوت تاوقف عليهم فالباب البيت
سيمو: السلاام عليكم
...عنزهم تاهزو فيه عين !! جمعة عشرة يهزوها و عشرة يحطوها طارت عليه بتعنيقة تبوس و تعنق
وليدي و ليييدي و حبيبي و عوينة لي تنكسااب ووااا حبيبي توحشتك
سيمو: (عينيه حمارو دموع مانزلوش توحش ميمتو و توحش ريحتها و صوتها يعنق و يزير ) ههه تي جينا تبكي ماجيناش تبكي ..
جمعة: (ذرعاتو و تمسح دموعها) الوليدي وحشكم عماني ...
..سلم على خالاتو و طامو لي هيا و ياه كي طوم جيري بكات عليه ..دوره بينهم فرحانين بيه عاودو حطو كاسكروط و مشهي ماكلة جمعة و غير يسولوه و يعاودو وهو يعاود ليهم ..
طامو: شوفي طْفْلْ بياض و زيان و تكلظم !!
سيمو: وااشمس اطامو مانشوفهاش نخرج صباح بكري و راجع بليل و جوع مع ريسطورا ماتحسش بيه توحشت عا رفيسة و طعام
جمعة: ارتاح وليدي ! مزال الحال زيارة تبقى حتى تمنية
سيمو: ندخل نتكا !! حيدي جمعة التقضية من صاك و حوايج ولد هجر وشي حوايج ليكم ..
..فرح ميمتو و ترضي عليه و دموع فعينيها ناقصاها غير نورا !! دخل ارتاح و فتحات صاك حدا عائلتها تاهو كثر من نورا هدا فرماج زبدة قهوة روايح شامبوانات بيجامات و حوايج يوسف ...جمعة قلب كبير و جود كرم فرقات على خوتاتها و تكعدو يوجدو العشاا و الفرحة غامراها ..
...دار جمعة رجع عندها للون و طعم للحياة اي الام فالحياة امنيتها تشوف ولادها احسن منها ولو هناك قلة امهات خارجين على ولادهم !! جا حميدو كما عادة مثقل بالخضاري و دجاج البلدي و البيض البلدي للهجر مع دخلة شاف سبرديلة جديدة فبيت نعاس ريحة جديدة فدار ..
....منين خرج من خيمة طامو هو ماد اليد حنك للمعارف و صحاب و عائلة ...شد طاكسي اتجاه كلينيك عند هجر و طريق كلها هو تلفونو فوذنو مع نورا ...
نورا: ااسيمو غداا صباح صيفطو ليا اندفع الوراق !!
سيمو: مال دنمك وليتي تعطي كذوب دقة لعين؟؟ وراه خو كوسطا راه عايش معايا فخباري البلان كن ماشفتش فداك الولد الناس رجولة برررب لاخليتك تخطي خطوة وحدة !! كولي بغيت كاغط باش نتزوج !!
نورا: (جالسة فالفستيال تغير ملابس كانت يلاه سلات ميناج و تتبدل) صمت ......وراه يجيو خطبو ابعدا عاد نشوفو !!
سيمو: ليقيتي لي يصاوب لك الوراق تتشرطي !! راه ماشي كاع رجال ولاد حليمة !! فهمي هاد القضية ! مهم غدا نصيفطو لك يوصلك الغد ليه ...قطعي دبا انا داخل !
نورا: وااسلم على هجر و صور ليا بيبي !! وتهلا فجمعة عفاا خوويا و ماتديش على اباا
سيمو: واا تلاحي برطالة وتي شحال قوات فيك الهضرة ..
....علاقتو بنورا تقربات كثر و اكثر يوميا واتساب معاها تاخد رأيو فاي حاجة و تعاود هياا وياه !! فاتو مرحلة طفولة و شد ليا نقطع ليك ...سيمو كان لاخ لي يضربك و مايخلي شكوون يضربك ...
..استعلم على غرفة هجر و هاز فيديه الكاضوات و فرحان لشوفتها حتى دق فالباب و دفعو ادخل تلقاه لعربي بابتسامة .
لعربي: اهلاا اهلاا سيمو على سلامتك ..
سيمو: بادلو تحية ..يسلمك العزيز ..
.تقدم عند هجر لي تصدمات من شوفتو طار عليها عنقهااا و هيا تتبكي
: توحشتك اخوويا 😭😭😭
سيمو: وبلاا بكاا ههه (قبل راسها ) مبرووك عليك ختي و علة سلامتك ...(حط ميكات حدا رجليها و تيطل على وليد لي ناعس ) تبارك الله
هجر: (تمسح دموعها و لعربي مأثر بمشهد) يوسف
سيمو: تبارك الله ..الله يخليه ليكم ..
لعربي: ارتاح اسيموو ..(جاب ليه كرسي )
سيمو: يحفظظك ...(شاف هجر ) اوا شيفرونة هههه
هجر: هههههه خرجات مني عممرني نذكر ولادة
لعربي: ههههه ياك الالة
سيمو: هههه لا داراري زينين
....بقاو مجمعين و تبادلو اطراف الحديث ..حتى خلاهم و رجع عند جمعة يتعشى و يحس بالدفيء ميمتو ووخ حميدو مكاين غير طلق افك و كول ..
**** خرجات الغد ليه هجر من طبيب الدار امور كلها مزيانة و فرحانة بوليدها و لعربي هازهم على كفوف الراحة ...تجمعات العائلة و جمعة جابت تلتيام ديالها عند بنتها اارفيسة من يد طامو و حلوة و سلو ديالهم ...دازت تلتيام على خير و ناشطين حشمو من حفيظة و لعربي ماطبلو ما صفقو ..سلكوها مع قوافي طامو ...
..اسبانيا من اجمل بلدان شوارعها دائما ممتلئة و مطاعمها و محلاتها التجارية ...من داخل المطعم الخاص بالسمك جالسين ...
كوسطا: واا كولي حووت !!
نورا: شبعت حمد الله !! تعطلتي عليا كلت اتجي ديني خدمة !!
كوسطا: راه سديت مترو فالوقت ولاكن عيط عليا كاوري خوا بيهم واحد خينا
نورا: ااه حقا !! فوقاش عطاوك رونديفو ؟
كوسطا: من هنا ربعيام !
نورا: اااو !!! دغياا ؟
كوسطا: دنيا خاوية عندهم ...مهم راه تكلمت مع الواليدة يفوت الاسبوع ختك و تمشي عندكم ..
نورا: (قلبها تقبط ) الله يدوز هادشي على خير و بخير ياربي !!
كوسطا: مايكون غير الخير نشاء الله ..مهم نقادو امور باش ندخلو البلاد و تخدمي بوراقك و نشوف نتحولو من داك استوديو !!
نورا: فلوس تمشي لينا فالدار جديدة ووهنا الكرا غالي وخاصنا فراش !! نزلو مغرب ندير العرس نرجعو نشوفو دار !
نورا: غير صباح دوينا على هاد فيلم !! (تدق فالطبلة بصبعها ) بغيييت عررررس و ماااشي اي عرس !! الا انعاود نتزوج ! نتزوج باصول و العرس و الحنة و هنطقة ..
كوسطا: (هز زيف مسح يديه تيشوف فيها) زييدي خررجي عينيك ! نووضي ضربي نتي احسن !! تناقشو ماشي تنتخاراو !؟ منين نجيب ليك فلوس عرس ؟ و الدار؟؟ و نزول البلاد خاصو فلوس و طموبيل !؟
نورا: انا ماكلتش ليك نشد وراقي اليوم !! نزل غدا !!؟ نخدمو بجوج و نجمعو فلوس ونزلو ! الدار من بعد
كوسطا: (تيشرح بيديه) قليلة خاصنا عشرة مليون انورا !! راه واخ فلوس خدمتك و خدمتي ماتكفيش و نتي باغة عرس مطرطق !؟
نورا: صمت ..
كوسطا تلف معاها و ناض خلص العشا و تحركو الدار ، ساكتين نورا ماتتنازلش على طلباتها و كوسطا باغي يجمعو راسهم و يسبق من اولويات الحياة !! و فالنفس وقت متفهم طلبها و سبب ....
*** مرو ايام و نورا توصلات بالطلاق و كوسطا جامع اوراقو ..وصل اليوم الموعد كوسطا واقف فالباب تينتظرها لابس قميجة بيضة و سروال لاطوال زرق و صباط ، تمات خارجة عندو لابسة كسوة حد ركبة بيضة و طالقة شعرها و صاك شانيل مع صباط لويفيطون ...
نورا: نمشيو مترو !؟
كوسطا: لا كاوري عطاني حديدة ديالو !! (طلعها و هبطها) فوقاش شريتي هاد زمر ؟!
نورا: راها zara هادي كالك زمر !! زيد زيد
كوسطا: ماكرهتش سيمو ولا حميدو يحضرو ليك اما انا مابقيتش قاد عليك !! تنخاف شي نهار نعوج دنمك !!
.....شدو طريق للقنصلية ونورا حايرة مع شعرها و وجها مهبطة مرايا تتقاد و تعاود و طلقلت موسيقى ناشطة ......مسافة طريق وصلو مشادين اليدين وكوسطا دقيقة عليه بعام !! دخلو جلسو فالقاعة الانتظار تاو صلهم الدور و دخلو المكتب خاص بالزواج ...
....دار لعربي من البارح هما ناشطين ..البارح كانت ذبيحة السمية يوسف ..هجر تحسنات حالتها الولادة فالكلينيك و مقابلة و راحة النفسية و حب زوج تتلعب دور كبير فالنفسية النفيسة الجديدة ..مقابلة غير ولدها هيا حنينة و زادت كملات مع يوسف ماخاصوش يبكي ولا يهرنن ..جمعة و خواتها قايمين بالواااجب معاونين حفيظة و الشقا هازينو ...
❤اليوم العقيقة ❤
هجر: الووو نورا !
نورا: شيفرونة ! شكون معاك !!
نورا: انا ويوسف !!
نورا: هههه زيدك مع بوراس تاهو يتحسب علينا راجل ههه
هجر: مالو كي جاك ولدي !؟ الله يحفظو ليا !
نورا: سمعي غاادي نكوليك و احد هضرة و حق مولانا ياااهجاار و تخرجيها تا نحر مك !
نورا: عااكوليها !! تانا حددي معاك هنا ..يلاه تهلاي ...
..قطعات تضحك ..يلاه خرجو من قنصلية عقدو عقد زواج و فرحانين بغاات تشرك فرحة مع هجر لاكن خافت تشهر بيها هما مخبعين و سيمو ولو عايق للكن الحشمة بينهم ...واقفين بطموبيل فسطاسيون تيعمر مازوط ...
كوسطا: نتوصل بعقد من هنا سيمانا نترجمو و ندفعو البلدية هما يصيفطوه مكلفين بالجالية ..ماتيتعطلش داكشي ..
نورا: اوا دبا شهر 10 !! زعما صيف نزلو !!؟
كوسطا: صيف !! تا الصيف ؟ ماشي بزااف ..راس عام نزلو انشاء الله للعرس
نورا: او الفلوس !؟
كوسطا: نهز كريري من البنكة ! نديرو هاد العرس لي باغا
نورا عاد ضحكت من قلبها و عجبها الحال ...شدو طريق مدينة ساحلية قريبة عليهم ....الجو كان مشمس شادها من يدها و تيدورو فالمدينة ...نورا كل مرة تتكتشف البلاصة جديدة فإسبانيا و عاجبها الحال ..
تيقول لي يتسنى !! يتسنى الله !! اما العبد غير سبب ..بذاتها بتزويجة فالصو لا ساس لا راس دوزات العذاب و الجوع و المرض جربات الطلاق و للسان بنادم الاذع و لي كسرها موت بنتها و مرضها ..مثل الحلم كانت ذكريات أليمة خبعاتهم فجزء من قلبها كشهادة تجربة الحياة المرة ..و الجزء لاخر فتحاتو لعائلتها و زوجها مساندها و احلامها و طموحها ..
....دوزو عشية رائعة ضحك و غزل و اعجاب متبادل ..فاخير شدو طريق الرجوع للعشهم لاكن الفرب هنا انهم زوجين ....
كوسطا: (شاد تلفون تبخربق) نورا وجدي ليا دووش ..
نورا: عاااين ..
..بدلات حوايها و جدات ليه دوش ..ودخل دوش و هيا كانت فالكوزينة تتوجد براد اتاي تشهاتو ..شافتو خرج رجع بلاصتو قدام تلفزة دخلات دوشات تاهيا لاكن تتحس بواحد توتر غريب ..كملات وسالات و خرجات لابسة بيجامتها يلاه خارجة لقاتو قبلاتها ..
كوسطا : وو خيراااا الحب !!
نورا: اءء ..(رجعات للور )
كوسطا: وايلي تحشمي من راجلك ( مد يديه يجرها عندو و متنعت) نوررا !!
نورا: تافقنا حتى نديرو العرس !؟
كوسطا: علاش دبا حراام ؟! ولا تقة ماكيناش ؟
نورا: الا !! دبا غير فهمني ..
كوسطا: ههه نفهمك !!
..سمح فيها فالبيت خارج مخيخ و معصب ..مرضاتو و عصباتو ..لبس حوايجو و رش ريحتو و هز بزطامو و سوارت و خرج زدح الباب ..
....واقف مجمدة بلاصتها ...مافاقات تاسمعات الباب تزدح ..عاد ناضت تتويل مع راسها ..طارت على تلفون تصووني و تعاود و حلف لا جاووب ..
نورا: ويلي وحدي رااجل مشا ..كوسطا 😢😢😢
..دازت الساعة و تلفون لاصق فوذنيها ..حللف كوسطا لاجاوب ..نذمها على قلة نيتها بيه ...عرفات غلطها و تسرعات لاكن هو ماعطهاش وقت غير تاسف و ترااجع كلامها ...
❤المغرب❤
..لعربي: نزهة اااانزهااا
نزهة: نعام اخويا !؟
لعربي : كلمي هجر كولها طلع ..براكا عليها تعيا
نزهة: راه سبوع ولدها هدا !! خليها ناشطة مع العائلة ..
لعربي: اوا حبسوو عليا داك تطبال ...راسي يتنفخ ...
..نزهة خلاتو و دخلات تتضحك ..هجر كالسة بتكشيطة زرقا ملكية و نزهة جابت ليها كوافورة تا الدار صاوبات لها ..من بعد ماطعمو الناس و خرجو الرجال بقاو العائلة بيناتهم و قلبوها شطيح ..
..هازة ولدها فحضنها فرحانة بيه و حداها جمعة الفرحة عليها بعام ...امور بنتها بخير و على خير ....دوزو ليلة نشاط تاتفرق المجمع ..
لعربي: (تيلعب مع ولدو ) حبيب باباه يووسف كبيدة ..
هجر: (خارجة من حمام لابسة بيجامة بيضة نفيسات ) اوووف
لعربي: مالكي !!
هجر: تضرني فتحة !
لعربي: شطحتي ياك !؟
هجر: صمت ..
لعربي: كاع لا تجاوبي ! جاب ليا الله شكون يجااوبني ...(تيبوس ولدو ) ياكا بابا هههه
هجر: عطيني ولدي ارااه ..
لعربي: ولدناا حبيبنا ...ارتاحي مع مخك هاهو سااكت ...غدا نشاء الله رجعك طبيب تشوفي الفتحة
هجر: كالت ليا ماما فوقاش تختنوه !؟
لعربي: مزال صغير !! ولو سنة تتقول فالسبعيام
هجر تتشوف يوسف بحب وحنان هو منعسو لعربي على صدرو و ناعس جنب اخر و هو حاضيها
لعربي: تتبغيه كثر مني !؟،
هجر: (بعفوية ) ااه
لعربي: هههههههه راه انا لي داايم ليك !! راه يكبرو و يزيدو خلفة
هجر: ماسوقيش ولدي يبقى معايا ...
لعربي: (تتسخفو بضحك ) ااححح على شيفرونة ديالي ..(هزو و حطو فحضنها و قبل جبهتها ) اوااا غير ربي مزيان ...انا نازل عند ماما نتي ماتتبغينيش
هجر: هههه لا تنبغيك ..
لعربي: انا تنتسطى عليك ..
....عمرووو نذم على ختيارو لهجر ولو صغر سنها و جهلها بعض الامور الحميمة فالزواج طول بالو معاها و مع الوقت تتتعود و تفهم و صبرو مستمدو من صدقها و حنيتها و تباتة لي تتميز بيها..عمرها هزات الراس فعكوزتها او تجاهلاتها او نقصات منها ..عمرها سولات فرزقو !! لا واش تتعطي لمك ولا اش تتعطي ختك ..عايشة بدون نفاق ولا صداع راس ! الحياة الزوجية لي تكون فيها العروس مشاركة مع اهل زوجها المطلوب منها فقط تكون بنيتها و احترامها و ربي مايخبهااش ...
لعربي: (قبل راسها ) الواليدة !! عيتي ؟
حفيظة: لوااه اولدي مكاين عيا !! جمعة و خواتاتها ماخرجو تاخلاو الدار تتشعل ختك و ماخلاوهاش تشقى ..الله يعمر بيهم ..
لعربي: اوا راها ابنتهم هههه
حفيظة: لا اوليدي ماشي واجب عليهم جوود منهم و صافي..تهلا وليدي فهجر تهلاا ..
لعربي: الله يصاوب ...
..كوسطا: اش باغة !!؟ فرعتي لياا راسي
نورا: فين رااك !؟ اجي الدار !
كوسطا: ديك دار ربحي بيها !! ورواق هاهما يخرجو و عنداك ماتقبيش السما ..يلعندنمك فهاد نهار تفووو
نورا: واااغير رجع نتفاهمو !! سمحلي غلطت ..
كوسطا: سيري الله يسهل عليك !! ماعمرناا نتفاهمو
نورا: عفاااك الله يرحم ليك الوالدين !! غير اجي راه ماقصدتش
كوسطا: واش صحاب دنمك كاينة غير نتي !؟؟ ولا ولداتك مراة و عكراات !؟ سيري الله يجيبك على خير هاهما غير مزلعين
نورا: ورجع عفاك ! نبوس ليك راسك ويديك غير رجع !! غلطت و اسمحلي
كوسطا: مارااجعش ..مارجعش هم و غم ..جالس ناشط مع رااسي ماعندي ماندير بيك قاوودي علياا ..
نورا: يااااو بربي و تقطع تاانخرج نقلب عليك قنت قنت !! يااا اماا ترجع ولا نخرج نقلب عليك !
كوسطا : اااش بااغة دباا !! ااااش بااغة ؟؟
نورا: رجععع بغيتك انت !!
كوسطا: انا مامساااليش و معايا شي ناس ..تلاحي
نورا: دبااا واش غتندمني على كلمة !! جيب اخويا دوك ناس و اجي !!
كوسطا: نتي نذمتني على حيااتي !! واااسيري بعددي مني ..
نورا: وراه غلطت و غير خوف دارها ليا !! عفاااك اكريم ..porfavor my amori (ارجوك حبيبي)
كوسطا: لاء مارجاعش ...وديري لي بغييتي
نورا: اها تاهدا نظر ..(قطعت عليه ) ..
كوسطا شاف تلفون لقاها قطعت ..عافية كحلة بلاه بيه الله ..عطا كاوري سورات الطموبيل و خلاه بخير و ناض تكعد ....مع خرجة شد طاكسي باتجاه الدار ...
....دوز الباب فالساروت دخل مخنزر الضو طافي و سكات ...عض على شنافتو بعصب خايف لا تكون خرجات تما نيت تكمل بهية ...
كوسطا: نووووراااا
دون جواب ..حط سوارت و تلفون و قاصد البيت نعاس يلاه فتح الباب ضربت فيه ريحة الفريز ..
نوراااا !!
..سد الباب تيشوف فشميعات شاعلين عاطين منظر رومانسي للغرفة ..هز يشعل ضو هيا تشدو يد ..دار تيضحك عندها معاطاتوش فرصة و عنقاتو معلقة فيه
نورا: يلللعندددمك اكوووسطا ..طيحتي فيا نص
كوسطا : (زير عليها هزازها ) اناا طحت كلللللي ....دوز يديه على ظهرها لمس ظهرها مع توب حريري و هبطهم تحت مع لحمهاا ..شعرها نازل رطب و روايح تيضربو منها...بعد نتظااااار طويل نورا بين يديه حلالاا طيبا على سنة الله و رسوله ..فرقتهم الاقداار مرة و جمعاتهم مرتين و كل واحد فيهم شاد فلاخر بكل جوارحو ...
بالنسبة ليه رغم تجارب سابقى كانت اول ممارسة حلال و حب ...احتواها بكل حب و مودة و هيا وهبت ليه نفسو اعتبرت نفسها عذراء الروح و الجسد ....فمن تزوج غير محبوبته او غير حبيبها عاش اعزب روح .....
كوسطا: تنبغيك بزااف الله يخلينا ديما مجموعين
نورا: تانا تنبغيك بزاااف امين ياربي
⚠ سفالة ⚠
...كوسطا هاززها عندوو معنقهااا و مزير عليهاا تيخلي القلب لي تيصرخ باسمها و مدة هو منتظرها يتيق بلي حبيبتو فحضنو ..تنهد تنهيدة تتحمل كمية من اشواق و الحب ...قبل عنقهاا و حاسة شم تترفع معدل الهيجان نطق بصوت شبه منوم
: بغيتك تكووتي مرااتي و ماات ولادي ...
نورا: غاادي نكووون ..
..كسرت الحاجز الحشمة و فوبيا زواج لي عندها ..نتصر قلبها على عقلهاا بدلاتو عناق و تتبوسو فوجهو و فيعينيه لي عارفاهم ماتيشوفوش غيرهاا ..تحولو للسرير متبادلين نظرات الحب ..مع اول للمسة ليه حسات بقلبها تيضرب ..اول مرة تجرب هاد احساس ...ممارسة الحب بنكهة الحب ..احساس توجدي راسك للزوجك و محبوبك بيديك دون اجبار او فقط وااجب مسحاات ااي ذكرى من عقلها و اسلماتو نفسهاا ....
كوسطا: مي يااموري ...(تيفرق قبلات و تتجردها من للباس حريري لي برز جمال جسمها بقوة ماكان متشوق و محروق عليه مدة هو تيسقى عويناتو بيهاا ..
كوسطا: حصلتي دبا !! ندير لي بغيت !!
نورا: هههه لي بغيتي ..(هزات راسها باستو من فمو )
..كانت اشارة للبدء مراسم الدخلة ..قلوبهم اتحدت قبل من اجسادهم ..كانت مدة مامارسات تألمت فأول و كوسطا بقوة اشتياق مرة مرة تيفقد سيطرة ....
نورا: اااي كررررريم حاول ..
كوسطا: مابقاا والو ...تتهربي و معذباني ..
....رجع مذاعبة و قبل تاترخات و نغمسو فاجمل الاحتواء ....
.....بعد ليلة العمر تبعاتها ليالي ..كوسطا رجع ليه مورال و ارتاح فالعيشة اكثر و اكثر ..ايام مرت بين الخدمة و الدار و نورا خرجو لها اوراق و رجعات خدامة رسمية عند زارا فالميناج ..حب لي بينااهم زاد كبر ....تتحمد الله على زوج لي رزقها بيه الله ....الخطبة تمت على احسن مايرام حادة قصداتهم مكبرة بكل ما يلزم و جمعة استقبلتها احسن استقباال ..الخطبة كانت قليلة الكلام لان اولاد متفاهمين ..االفرق هاد المرة ان حميدو دار عشرة على فموو ماا اذكر لا #الكاغيط ولا مقولة مشهورة عندو #دير_كاغطها_تعكب_دارها ..شاف بعينيه و سمع بوذنيه قراو الفاتحة و بقات علاقة جيدة بيناتهم
..مرت الشهور و اقرب الموعد العرس لي تخطط ليه نورا صباح و عشية وهيا فالتلفون مع مها و هجر تسول على جديد و النكافات و حنايات ...
كوسطا: نورااااا !!
نورا: مالك تتغوت !!اويلي
كوسطا: هاادي رااه مابقااتش دار هاادي !! ااو حوايج ياكلوني من عينيا ...
رجعات كوزينتها تكمل شغالاها و تنكر ..رجع محمقهاا و مطير ليها مخ ...مابقا يخرج قهوة ولا يدور ..من لاكريي الدار الجامع ..وطلق افم وكول ولا حاضيها فداخلة و الخارجة !! الحمام الا مشات ليه يحسب لها وقت ....عيشة بالصبر و سلام ...
..وقفات طموبيل امام بيت جمعة !! نازلة بجلابتها لاوية شال على راسها و كاب وليبوط ..فتاحت باب لوراني... هزات بيبي من كرسي و تضحك معاه ...
هجر: موووواح عمر ديالي ...نشوفو لميمة ....لعربي هز صاك ديالو
لعربي: (هاز صاك يوسف تيحرك فراسو بلاحول) زدددتي فيه نتي لي والدة !!
..دخلو مناكرين ..هجر حياتها تختصرت فولدها درجة قاسها و سواس عليه من ناحية نظافة طال نهار هيا تمسح و تعاود و تغسل يديها بزاف مرات اما يوسف ماشي اي واحد يهزو ولا يبوسو ..لعربي ديما تابعها على حقو قليل منين تتفهم رااسها ...
....تجمعو على ديك الكصعة كسكسو مع حميدو و جمعة و طامو و الموضوع شاغل هو اقتراب مجيء نورا و عرسها منتظر ...
هجر: هاانتي اماماا يفيق عطيه رضاعة و شعلي ليه تلفزة خليه فكرسيه بلا ماتهزيه
جمعة: وصاااافي واااهيا ناري ..
لعرربي: (باس ولدو ) زيدي طلقينا ...
جمعة: ماوالدات غير شيفرونة هههه لعربي !!
لعربي: غير سكتي !! قربات ديرو فقاعة زجاج ...
..ركبات مع لعربي موصلها حمام فهاد البرد تكمد عظامها ...نزلات هازة صاكها و سطلها من كوفر و مد لها فلوس ..
لعربي: شدي مراة تحك ليك باش ماتعطليش ...انا نتسناك
هجر: رجع عند يوسف لا يبكي
لعربي: الا...سيري بصحتك ..
..دخلات حمام و صات كسالة تبعها ..ماجات تكمل ساعة تا خرجات عندو مزنكة و ريحة شمبوان تتعطي منها ...
لعربي: اواا بصحة ..
هجر: يعطيك صحة !! الله (تتمسح وجها )ماتعطلتش ؟؟
لعربي: ههههع لا ..
هجر: هاء !! دوز من شاريع فوق قريب !!
لعربي: غادين دارنا !! ماشي داركم !!
هجر: وووولدي !!
لعربي : راه مع مك !! مابقيتش انا فيك 🙏
..شداتها بكية تتموت على ولدها ..جرها بسيف دارهم طلعو نيشان الفوقي و هجر تتغبن و لعربي حالف فيدي فيها ليالي لي داز تخليه و بلاكة ..
هجر: وااغير نتفاهموو
لعربي: (طفا تلفونو تيحيد ساعة ) تكولي ليا جيب يوسف عاد نقضيو غرض ؟؟ والله لا عقلتي عليا ...
هجر: راه يبكي لماما ...
لعربي: (تيشير راسو مخنزر) مابقيتش فيك ؟؟ ما توحشتنيش !!؟ والا صافي قنعتي ..
..حضرات عقلها و زولات شال و جلابة دخلات حمام نشفات شعرهاا و لبسات ليه داكشي لي تيعجبو ..خرجات تتجري تحشات حدات فالناموسية من البرد
هجر: هههه برد
لعربي: دبااا تسخني احبيبة ..../////////////
....بعد مرور ايام من يامات الله مع الجو بارد و الخير ربي الشتا ..حان وقت طائرة نورا لي مؤخرا مابقات لا تنعس لا تاكل بقوة الفرحة و الاشتياق الوالدين و الوطن ...ايه الوطن لي عاشت فيه الويل لي جهة ضربها و جهة حمد الله داويها و الوالدين لي منهم الام للحنينة لي نورا مستعدة تحيد من عمرها و تعطيها و ابو لي رغم كلشي تيبقى اباها و نسبها ة للحمها و دمهاا و خوت لي دوزات معاهم الحلوة المرة ..من المعاناة تيتولد ترابط العائلة و قميتها ...فاميلة العزيزة و الغالية .......
من مطار مدريد ..
كوسطا معنقها و تيدوز يدو على شعرها و تيهضر فوذنهاا ..
: الله يوصلك على خير و غير توصلي تصلي بيا..و سلمي على مالين الدار و تهلاي فراسك و ديري لي بغيتي و لي خاصك فلوي صوني عليا ...
نورا: هههه وصافي سيمانا اتخلط عليا ..
كوسطا: اوا الله يعطي قلبي لعز اما ذل راه فيه !! (شاد وجها بين يديه ) نورا دخلتي ليا فالقلب دالقلب ..خرجي مع مالين الدار و نقصي ماكياج و تفركيس غير على مانوصل ميا موري ..
نورا: تهلا فراسك ..غير نوصل نعيط ليك ..
جرها عندو ماساخيش بيها و تيعنق و يعاود وهيا باغة تفاك .....دخلات مطار دفعات باكاج و باسبور و دخلات للمر المسافرين اما كوسطا شد قهوة فالمطار هيا وياها مساجات حتى شاف طيارة فالسماا عاد تحرك ....
..من داخل الطائرة نورا شدها وجع اول مرة وديك طلعة خوفاتها..غير تتقرا القرآن و زاد كملها الموظيف طائرة لي تيشرح لهم طريقة الانقاذ ..
نورا: (بهمس) اوولد قحبة الا طاحت طيارة عاد نعقل انا على ماسك و جيلي ....
....ساعة فالجو كانت هادئة و لله الحمد ..حتى اعلنو عن نزول الطائرة ..ابتسامة ارتسمت على محياها و تطرطق فصبعانها من توتر ....بانتظام نزلو المسافرين و نفس الموظيف فالباب خروج طائرة مبستم دعات فيه و نزلات ...
.هازة صاك فاليديها اخر موديل من لويس فيطون و سروال دجين من زارا و بودي و جاكيط ظودون و بوط ريحة متميزة تتفوح منها و نظاظر فوق شعرها وسالف هو لي ماتجمعوش .....مرت بإجراءات الخروج و دازت الصمطة هزات باليزتها اما باكاج صحبح راه سبقها الدار جمعة ....جارة الباليزة و قلبها تيضرب تيضرب و ريحة البلاد تتدخل فجيوبها الانفية و تتخطو نحو الباب الخروج و عيونها تلأأو بالدموع مع خرجة لمحو عيونها سيمو هاز طفل صغير ...
..جارة باليزة تضحك و تبكي شعور مختلط و غوتات ليه ..
: سيموووو ..
سيمو دار تيضحك و تيخطو نحوها طار عليها يتعنيقة و هيا معلقة فيه تابدا يبكي يوسف ..
نورا: اووووه حبيبي يووسف ..(شداتو عنقاتو تتبوسو)
سيمو: علة سلامتك ختي !! على سلاااامتك
نورا: (تتضحك مع يوسف) الله يسلمك اخويا ..فين شيفرونة ..
سيمو: (جر باليزة ) هههه شيفرونة منين وصلنا و هيا تقيا راهم فالباركينج مع لعربي تترتاح من سخفة ،محيت كتبو طيارة تعطل عليها !؟،
نورا: لا فالوقت ركبنا و فالوقت وصلات ...(تتبوس يوسف) ههه زين ولد عربي هدا ماتيشبهش هجر !! شحال عندو دبا !؟
سيمو: لا والو !! من صباح هو يبكي تاهزيتو ...شي تسع شهور وقيلا !!
..نزلو من دريجات قاصدين طموبيل لعربي شافتهم هجر غوتات غوتة وحدة و نزلات من طموبيل عند ختها تتعنق و تبكي ..
لعربي: (سلم عليها باليد) ختي نورا على سلامتك ...كدرتي لباس ختي راجلك بخير !؟
نورا: الله يسلمك اخويا ..حمد الله يسول ليك خير .....
..من بعد سلام و عناق و اشواق انطفئت و فرحة عمت القلوب ركبو فالطموبيل و متجهين للدار جمعة بي عاملين ليها مفاجأة ..عارفة نورا جاية لاكن نهار بظبظ ماعارفاش كان طلب نورا ...
...من دار جمعة لي سمعات نورا قربات تجي المغرب ..طلعات دارها فالفيلاج و طلعات معاها طامو و دار كما العادة تتشعل بنقى الناس يسيقو بيطرو جافيل هيا تسيق بجوج يطرو روح جافيل ..
حميدو: تي فين صْدْ (مشى) ولددك ؟!
جمعة: ناا عارفة !! من صباح خرج !!
حميدو: شت هجر جابت كاطو و للحم و دجاج واش عارضين على شي احد !؟
جمعة: راها تتوجد ختها جاية !
حميدو: وقتاش هااد جاية ؟؟ اشمن عام ؟ شمن نهار !! اولد اولاد و ربيهم !! ايديرو لي كالهم طنطون عقلهم !
جمعة: من فمك لي يقطر عسل و يكول تمر !! عليها مساكن طافجين منك !
حميدو: نووضي تااتي تبعيهم !! جمعي شطايطك لا تباتيش هنا !!
...حالهم هو هدا ..نكير و شد ليا نقطع ليك ..حميدو من جهة فرحان بولادو ..نورا لي فالخاريج ديما مفكراهم صيكان غادين جاين و سيمو لي خدام على راسو و يصيفط تاهو مصروف للدار و هجر لي حداهم طل و تزورهم و تعاون باش ماكان ، لاكن لي حازو فقلبو انهم تيشهدو من بعد الله بجمعة ..عارف راسو عقليتو و قلة الحنان و عدم اكتراث ليهم و قمع لي طفشهم منو لاكن قلب الاب ديما تيدعي معاهم يرجعو فأحسن المراتب ......
في زمن قيل ..ان احد الابناء بعد موت الاب ديالو .... اعتنى بالام ديالو و كان ابن البار و اصطحبها الحج و حملها على ظهرو و ادى بيها مناسك الحج ..قصد احد المشايخ و اسئلو !!
: ياشيخ انا اعتنيت بوالدتي من زمن و اديت ليها مناسك الحج على ظهري و ربي شاهد !! هل اسددت ديني !؟
شيخ: (هز صبعو بجواب لاخلاف فيه ) لم تسسد لها ولو ركلة من ركالاتك و انت في بطنها !!..
..خلاصة القول الام هيا الحياة بعد الله سبحانه و تعالى ...
....جالسة حدا طامو تيتفرجو فدوزيم و حميدو جالس حداهم فانتظار هجر و سيمو يحطو الغدا ...تا سمعات صوت تيناذي بسمياها ..
جمعاااااااااا !!
جمعة: (باقة على جلستها ) اززززيدددي شكووون !؟
طامو: تي نووضي شوفي شكون ؟؟ عندك دار الله يخلف ...
:-وااااااا بنيتي و كبيدددتي و اااامي ابنتي جاات ...
...تقلب للقاء بكاء و نحيب سلمات على باها و طامو و جمعة تعنق و تبوس تكول تتحلم ..تجمعو على الغدا و رجعات للمة من جديد بعد غيااب و دموع ...خوت مع بعضهم الضحك و نشاط و حميدو عينيه تيضحكو و جمعة عندها نهار العيد ...
....رجع دفئ العائلي و اصوات تعالات فالدار جمعة..لعربي خرح هو سيمو يتقهواو و حميدو دخل نعس فالصالون ووباقي فللبيت نعاس تيفرقو كاضوات
نورا صاك خاص غير بيوسف و صاك فيه كاضوات االرجال لعربي و سيمو و باها ...
: تتمد (هجر ماكياج ) هنا فيه كريمات ليل و نهار !!
هجر: شكراا ..راه مزال شي حاجة ما قستها كاع !؟
نورا: بقاي مقابلة كوزينة ولدك تتشرفي!! راه عاد قفلتي 18 عام ....
..دوزو ديك عشية نورا غير تجبد و تعطي هادي طامو هادي خوالاتها هادي نزهة ماخلات احد بلاش و جمعة غرقاتها الرضى تاخلاوهم بجوج فالبيت ناضو يوجدو طعام عشا بغاتو نورا
نورا: نوضي قيصي هاد للبسة (مدات لها سروال دجين كحل و تريكة مشبك مع لاشوميز ديالو ...
..هجر تتقيص نورا تقاد ليها و نورا حوايجها كلهم قسمتهم مع ختها و فرحانين ....ربي كبير الا بغى يرزقك فللحظة ...دوزو ايام الفقر و الحوايج ريكلام و كسوة ميتين درهم من ساسهم راسهم دوزو اعياد بدون كسوة العيد و حامدين الله ..
هجر: وااعرة هاد جاكيطة اختي !! يسهل عليك ..
نورا: لبسي صاحبتي مع راسك ....طايتك زوينة لا كرش لا والو !! نتي غارقة بديك جلابة كاشمير و كاب ..
الكاغيط الجزء الثامن
محتوى القصة
التنقل بين الأجزاء