بعدات من بعد ما نشف ليها شفايفها وجمعات معاه بطرشة خلاتو تابت بلاصتو كيشوف فيها ويحك فحنكو بسخرية كأنه نتاقم ورجع اللور خلاها كتغلي وتغوت وتدفع فيه ، اما سامر عقد حواجبو وجا ليه مباشرة كيغوت
تنهدات حنان بعمق: الموضوع عليك نتي ... وعلى محمد .... جيت باش نشرح ليك شحال من حاجة ... ماسيفطني عندك لا محمد ... ولا حتتتتتا واحد ... جيت من دايتي راسي حيت لبارح فاش تلاقيتو فمروكو مول نتي وياه ... رجع مريض للدار مكيهضر مع حتى واحد ... جلس وتحنا على واحد البكية ديال لكارو كيسف ويعطي لصدرو وحسيت بيه ماشي هوا هاداك حيت انا اللي كنفهمو ومكيتفاهم مع حتى واحد من غيري ... دخلتو بالهضرة وقال ليا تلاقاك ... وبغيتي منو مبرر يقنعك ولاكن ماعطاك حتى مبرر ومشيتي مفقوصة .... هادشي راه قالو ليا ... ولاكن خاصك تعرفي علاش ماعطاكش مبرر ... وشنو السبب ... وعلاش جيت عندك دابا ... انا قبل منجي عيطت لماماك الصباح وهضرت معاها نيييييشان ... باش نكون معاك واضحة ... قلت ليها يا أما تفسر ليك شنو كاين ... يا اما انا اللي غنفسرو ليك بطريقتي حيت الضلم خايب ميبغيه لا ربي لا عبدو
كملات حنان كلامها وقالت : حيت هادشي طول بزاااف ... وحنا حساب لينا راكي عاارفة كولشي وراضية عليه ... ولاكن فاش تلاقا بيك لبارح عرف باللي مافراسك مايتعاود والى قال ليك شي حاجة غادي يدير ليك مشكل مع عائلتك ويزييييدو يكرهوه كتر .. (تنهدات ) شوفي اميرة ... سمعييني مزيان ... نهار جا عندي لألمانيا جا فشكل ... الدري كتحسي بيه جاي غا بزز ... الدراري العاديين فاش كيجيو لألمانيا كتلقايهم فرحانين ما كرهوش يعنقو كولشي ... هوا لا ... جاي ومكيدور حتى وجهه يشوف الدنيا ! ... وكن شي واحد بلاصتو جاي لألمانيا ومزوج كاورية كوراه غيطير بالفرحة
اميرة : كي دايرة لكاورية اللي تزوج ؟ كبيرة ولا صغيرة ؟
حنان : قدو .... قدو قدها وانا جبتها ليه باش تزوج بيه وغزااااالة ... نتي عارفة كاوريات كي دايرين ... فنة وفاش جا مابغاش يمشي يعيش معاها وجا عندي انا للدار حتى لقا لسكنة ومشا وما عمرو مشا عندها ... واخا كانت غتسطاااا عليه عرفتي كون تشوفي كي كانت كدير عليه متخيليش و واااااالو كيقول ليها فوجهها انا عااااندي حبيبة ديالي على قبلها جاي لهنا ... وكيقولها ليا حتى انا كيقول ليا جاي على قبل اميرة ... سولتو قلت ليه شكون هاد اميرة و وراني تصويرتك ... وواحد المرة تلف تيليفون كان غيتسطا قلب الدار كاملة كنقول ليه دابا تشري واحد اخر كيققول المشكل ماشي فتيليفون فشنو كاااين فتيليفون ... عقت بيه غيكونو عندو تصاورك وخايف يلقاه شي واحد واخا هوا مقال ليا والو .. ماتهنا حتى لقاه ..باش تعرفي باللي واخا مكنتيش حاضرة رام كنتي عايشة معانا ديما كيجبدك . . . كيبغي يعيط ليا كيعيط اميرة .. كينسا
حنان : المهم ما علينا انا بغيت غير نوصل ليك الصورة كفاش كان عايش فاش يالاه جا .. نهار عرفتيه تزوج ... هز حوايجو باش يرجع ... انا كنرغب ... باه كيرغب من هنا ... مو طاحت ليهم فالدار ... الروينة ناضت ... عيطت انا لماماك باش نشرح ليها ولاكن داتني على قد عقلي وفاش هضرات معاه حطماتو قالت ليه بنتي هي اللي متكونش لي واخا تجي واخا تبقا تما وغندير المستحيل باش تنسيها ... هوا فاش قالت ليه هاكاك مارضاش ... حس براسو ناقص وتحداها كما هي مارضاتش بيه حتى هوا خاصو يكون قد المستوى ... واخا راه قااااري و حنا زعما دارنا ميسورين الحمد لله ماعندناش وماخصناش بحال كاع الناس ... هوا عرفها بغات لبنتها ماحسن منو حيت غتخرج طبيبة وميرضاوش ليها شي واحد المستوى ديالو نازل .. حط حجرة على قلبو وجلس تما .. حيت عارف راسو الى جا للمغرب مغيقصي والو . المهم بقا عاطيها للقراية وكيمشي يخدم وديك المسخوطة مابغاتش تفرق عليه .. ما تفك منها حتى بغات تحمقنا . كي طلق ماقدرش يزيد يصبر ..قاليا قاطعة الاتصالات لا فايس بوك لا تيليفون معرفش كيفاش يوصل ليك ... المهم قاليا درت الوراق غنمشي نخطبها باش ماتبقاش تقول سمحت فيها ونرجع الهم نخطبها ونشوفها وتشوفني .. فاش جا للدار قالها للواليد والواليدة قالو ليه بسم الله .. دار الصواب وبغا زعما يفاجأك .. صدق هوا اللي متفاجأ... لقاك نتي خويتي لبلاد كاع مشيتي لا حس ولا خبر ففرنسا ... وهضر مع واليديك ومابغاوش واللي زاد صدمو هوا نتي تخبطتي ... ماماك قالت ليه تخطبات ... ماقدرش يتيق حيت مستحيل عندو هوا نتي تقبلي بشي واحد اخر ... وزادت ماماك صدماتو وراتو تصاور ديالك وقالت ليه درتو الخطبة ففرنسا و فالصورة كانت حتى هي معاكم وكنتي كتباني فرحانة ... مالقا ميقول .. حشم ومارضاااش وحتى باه ومو مابغاش ليهم ديك تحشيمة وفاش جا خارج قالت ليه ماماك بنتي تخطبات الله يجازيك بلخير متوقفش ليها فطريقها و عطيها التيساع ... كن بغاتك متقبلش بالخطبة اصلا ... حب المراهقة وصافي وكانت نزوة ودازت والله يسهل عليك . بحال هاكا قالتها ليه وحتى هوا قال ليها الله يكمل عليها بلخير منزيدها غير الخير
حنان : رجع بحالو عادي ... سولتو عاود ليا عادي وقال ليا الله يسهل عليها مامكتابينش لبعضياتنا وقلت ليه دابا يجيب ليك الله شي بنت الناس ... فرحت قلت الحمد لله تقبلها دابا غيشووف مستقبلو . . . المهم بدا كيخرج عادي تعرف على واحد البنت رجع كيمشيو بحوج ويضحك معانا بحال الى مواقع والو ... شوية بدا كيجي عندنا فيه ريحة الكارو ... شكيت واش ديك صاحبتو كتكمي حيت هوا مكيكميشش ... المهم متدخلتش ولاكن فاش تعرفت على صاحبتو لقيتها مكتكمي مكدير والو ... هادي دازت ... واحد النهار مشيت نخمل معااه الدار وكان ديك الساعة قرب ياخد دكتورة والدار ديال عكوزتي الله يرحمها كان عايش فيها .. المهم هزينا الدار وانا نلقا عندو الغبرة ... الكوكايين ! نخلعت قلت اويلي شنو هادشي ...ماسولتوش ودرتو فجيبي حتى جيت للدار وسولت راجلي قاليا راه لكوكايين هادا ... هنا بديت نشك فيه ... وبدا كيتبدل عليا الدري ... رجعت كنمشي عندو على غفلة مكيبغيش يحل ليا الباب كيقول ليا تبقاي تعلميني ... كنلقا عينيه حومر ... الريحة ديال الكارو كاسرة الدنيا ... واحد المرة لقيت عندو الشراب فتلاجة ... سولتو قال ليا ديك زويا كتبغي تشرب مرة مرة .. تييقتو حيت زويا عندها عادي .. ولاكن واحد المرة مشيت عاوتاني على غفلة لقيتو شاري وشميت فيه ريحة الشراب .. وخرج عندي لبرا مابغانيش ندخل عندو .. هنا بديت كنتخلع عليه منكدبش عليه .. عقت بيه كيديرهم بعشرة وغادي فطريق الادمان
مابقاش كييجي حتى لعندي للدار وتفارق مع زويا قلت تقدر تكون هي اللي بلاتو قبت تهنينا وطاح مع وحدة اخرى نقية حتى هي وطلع هوا اللي مبلي ... كل مرة نلقا عندو ساشيات ديال الغبرة واش كينسا ويتلفهم ولا كيتلفو ليه مكيعقلش عليهم ... فمو بدا كيزراق وضعاف مابقاش كيما كان ... فين هي الصحة والبادر اللي كانو تشوفيه متعرفيهش ... بقا هاكاك وانا كنحشي ليه الهضرة مرة مرة حتى لواحد النهار قال ليا جاي يتعشا معانا وتعطااااال .. حسيت بشي حاجة ماشي هي هاديك وانا كنت ديك الساعة نافسة يالاه ولدت ولدي اللي جبت ليك لاعيادة ... قلت لراجلي شفتو تعطل على لعشا انا غنمشي للدار نطل حضي معاك الولد .. الى مشيتي نتا يقدر ميفتحش ليك ... المهم مشيت اصلا الدار قريبة دقيت حل ليا الدري وهوا مقلووووووب خلعني ... عينيه تحلفي عصرتي فيهم الدم وكيهضر معايا وباغي يدابز ولقاني فالباب مع حل ليا قاليا نتي السباب نتي اللي جبتيني لهنا . بدا كيغوت ويدخل فالهضرة والليل ودخلتو لداخل سديت الباب وانا نلقا الطبلة فيها اتار ديال السطر كن ضرب شي دوس كتيرة وهوا فديك الحالة معارفش اش كيدير كوراه مات ! الشراب محطوط والحشيش مبروم والغبرة .. الدري طاااير مصمك معارف راسو فين هوا وجالس عليا اميرة ما اميرة .. قلت انا راه نسا صافي وكمل حياتو وولاكن ديك الليلة ... دازت عندنا جنااازة .. جلس حدايا وبدا يبكي ... عمررررني شفت سي محمد كيبكي واخا تقطعي ليه دراعو .. مللي كاان باااقي برهوش مابكا ولاكن ديك الليلة بكا حتى ما قد وكيتمايل ويجدب ويتنخصص انا وبكيت معاه حتى طاب قلبي .. كيضرب فراسو ويقول ليا انا مااااشي راااجل ... انا ماشي راااجل ... شنووو اللي ماعجبهمش فيااا شنو اللي عندهم وماعنديش .. شنو اللي بغاو ليها ومافيااش انا .. كيجدب ويضرب فراسو وكنقول ليه راه مكتاب الله هادا الى كتب ليك ربي شي حاجة غتاخدها وهوا وااالو كيغوت وجالس فالارض على ركابيه باقا نعقل عليه وكيقول ليا شنو اللي طلبوه ليا وماجبتوش .. علاش واش انا ناقص شي حاجة واش انا فيا شي عيب واش درت ليهم شي حاجة . . مها عارفاني باغي بنتها ومابغاتش تعطيها .. بغات تكرها فيا .. خلعني رجع كيقول ليا غنمشي نحرقهم كاملين . رجعت كنرغب فيه ونعنق فيه وهوا كيبكي وناض ضرب يدو مع الحيط حتى طرطقو ليا لغراز ان نضت نشد فيه بالخلعة وجبتها فراسي وصباح صبح داير ليهم الجبص لصبعانو وماراضيش يشوف فيها مارضاااش مابغاش علاش نشوفو هاكاك فديك الحالة رجع كيشوفني كيدور وجهه
تصدمات اميرة وبقات ساكتة كتشوف فيها وقالت
- علاش عمرو ما سول فيااا ؟ علاش ماجاش عندي قبل ميمشي عند ماما وبابا؟
حنان : ماعرفناش كفاش نديرة نوصلو ليك نتي مشيييتي لفرنسا .. وحتى هوا بغا يفاجأك قال مدام ماصدقتش فاش دخلت من السرجم غادي ندخل ميشان من الباب ونفاجأها ... ساعة هادشي اللي وقع مرضنا ... كما نتي واليديك خايفين عليك حتى هوا عندو واليدين خايفين عليه وخوت كيبغيوه .. راع كل واحد كيبغي ديالو واللي قريب عليه وحتى هوا مو كتشوا عليه وانا داز عليا الويل لكحل معاه .. تبلا لينا ورجعنا خايفين يخرج على راسو ولا يتقرقب ويقتل شي واحد والى يدير ششي موصيبة تما فألمانيا والقانون مغاديش يعقل عليه تما واخا يكون باه وزير. (تنهدات ) والحمد لله مع المدة ولقاني انا حداه حاضياه عاد تجاوز ديك المرحلة بالكشايف وحيد عليه البلية وبدا كيولف شوية بشوية .. دفع للبوليس فالاول وتدخل معاه راجلي باش يدخل للمخبارات حسن ليه حيت عندو الدماغ دلانفوغماتيك والحمد لله دوز ونجح ودخل وتلهى مع الخدمة وبدا شوية بشوية ومع المدة ولف
شافت فيها اميرة بنص عين وقالت : ودار شي علاقة ؟
ضحكات حنان بسخرية : وفنضرك شنو ؟ طبعا دار علاقات ومطول مع حتى وحدة ... ماخرا قال للواليدة زوجيني نتي وشوفي ليا شي ببنت الناس وخطبات ليه بنت ختها .. اللي هي بنت خالتي...
قالت اميرة فدهشة : وخطب!!!!
حنان لا مزال الصراحة ... غير هي اللي دوات مع خالتي غير هضرة وصافي بيناتهم مكايناش شي خاجة رسمية .. ومن نهار خطبك نتي ماعاود رجع حتى مات بابا مسكين وجينا ... ماجيناش فالموت وجينا فالربعين ... الغربة صعيبة يموتو واليديك متخضريش ليهم ... الاعياد متعيديش معاهم .. بقا فينا الحال الصراحة وهوا مابغاوش يطلقوه الخدمة ديالو مزيرة مامعاهاش اللعب .. ايوا هادشي اللي كاين
قالت اميرة بتردد: شنو دار مع .... بنت خالتك؟
حنان: يا ختي هي كتعيط ليه ... بلا حشمة بلا حيا هادشي مزال مامشا عندها يخطبها ... هي كتعيط ليه زعما كدير الصواب وتسول فيه و كطير انا مابغيتهاااش ليه ماشي ديال وجهه
سكتات اميرة كتحك فودنها وقالت بتردد
- هوا قبل باش يتزوج بيها؟
ضحكات حنان بسخرية: هوا ماعندوش مشكل ... هوا بحال الى بغا يرمي راسو وصافي ... بحال الى كينتاقم من راسو ومبززها على نفسو باش يتبت لراسو انه قادر يكمل بلا بيك ... فهمتي. نتي شنو بان ليك من هادشي ؟
تنهدات بعمق: ماعرفتش... رجعت كنخاف من اي حاجة ... سواء كانت زوينة او خايبة.... رجعت كنخاف نفرح والله ... كنخاف نستسلم لمشاعري ونتصدم فاللخر
قالت حنان بأقناع وتبات : وعلاش غتخافي فين كاين المشكل... خايفة منو يسمح فيك ولا شنو
اميرة : انا رجعت كنخاف من خيالي اصلا ... كنفضل نعيش هاكا بلا صدمات حيت عارفة راسي الى فرحت غنتصدم
تنهد بعمق وقال: بانت ليا اميرة نسات كوووولشي ... انا ماعرفتش اش غندير معاها والله ماعرفت ... نقول ليها اش دارت مهاااا غادي ندخل بيناتهم كي الشيطان ... نسكت نا نهضرش .. غنجيبها فراسي ... ماعرفتش تخربقت مابقيت عارف اش ندير .. كيبان ليا نرجع بحالي وخليها هي تعيش حياتها ... الزهر ولد الكلب احنان ماعندوش معايا
حنان : وا غير ساعف... ساعف (غمزاتها واميرة حتى هي كتحرك ليها راسها بالايجاب متافقة معاها ) سااعف راه مغتلقاش حسن من قلب كتبغيه ...
قاطعها : وماكرهناش ولاكن ... الغالب الله ... والله اختي حنان يكفيني نشوفها فرحانة فحياتها الله يجل البراكة ... غير تكون مرتاحة ..صااافي المهم منكونش انا سبب مشاكلها ... الحاجة ديال بزز مكنبغيهاش وكن كانت مزالة كتبغيني بصح كما انا مزال كنبغيها وعمري نساها ... كانت غتشوفني غاتنسا كولشي ... هي نهار شافتني جاتها عااادي وحتى الضرسة حيداتها ليا بحال الى كتحيدها لشي واحد اخر ... عيت نشوف واش تبين ليا شي حاجة .. ولاكن والو من غير تصدمات فاش شافتني
حنان : وساعف ... غير ساعف وصافي
قال بعد صمت طويل: كيبان ليا نمشي رجع فحالي ... ماعندي ماندير هنا
- غمشوف مع رجاء ... غنبقا انا تابعها حياتي كاملة وهي مامسوقاش لحتى حاجة عاجبها خطيبها الله يسهل عليها ... واش انا فالاتينات ومزال كنتأمل الخوا الخاوي.. عشر سنين مشات فرمشت عين الناس دارو فيها العجب وانا مزال كنقلب معامن نساها . مالها رجاء ماشي بنت؟ .
تزيرات اميرة بدات تزفر وحنان تالفة ماعرفاتش اش دير وقالت
- واش عيطتي ليها بصح ؟ اويلي وتش كتهضر من نيتك
محمد : كنهضر معاك بصح ... عيطت ليها درت معاها نشربو شي قهوة ولا شي لعيبة ... نشوفو معاها ونشوف كي دايرة
حنان : مشااات صافي ماعندي كي ندير ليها . . . بقا فيها الحال مسكينة
محمد: وعلاااش ماعيطتيش ولا سيفطتي مسج علاش ماقلتي ليا والو ... تفوووو اشمن رجاء ولا ... صافي قطعي قطعي
غادية فالسيارو كتسوق وتبكي بوحدها وتيليفون كيصوني .. خلاتو كيصوني وعارفاه هوا .. صونات ليها نمرة اخرى زعرفاتو هوا وفتحات الخط باش تبين ليه انها مابغاتش تجاوبو وباللي ماعارفاش واش هوا اللي صونا بنمرة اخرى
اميرة : الو .. وي ..شكون معايا
تنهد ليها فودنها : سيمو ..
قاطعاتو : سمح ليا النمرة غلط
قطعات عليه ومسحات خدها بنرفزة وهي سايقة .. عاود صونا وفتحات الخط
- وي شكون؟
رد بسرعة : ماتقطعيش وسمعيني .. باغي نهضر معاك ضاروري دابا ... فينك
قالت بنرفزة: ما كنتلاقاش اللي مكنعرفش ... بنات الناس كتمشي تخطبهم مباشرة وانا كل مرة تعيط ليا تصدعني .. انا مامسالياش باي
قطعات عليه وهوا كيصوني ويعاود فاللخر بعت مسج وقال
- انا جاي نخطبك .. هضري مع داركم بلا متشوفيني مانشوفك يالاه بقاي ليا على خاطرك
قرات المسج وضرب قلبها بسرعة بحال البرق وترسمات ابتسامة على شفايفها ... فرمشة عين تلونات الحياة السوداء فعينيها ورفرف قلبها بين السحابات البيضاء وخفافت كأنها طايرو فالهواء . تبدل عليها الجو وتحل صدرها الديق وتقلبو عليها الاحاسيس وكملات طريقها فرحانة فقمة السعادة من بعد ما كانت مغبونة كتقطع فالقلب. وصلات لدارهم راشقة ليها رشقاتو حتى لباها ومها ودارت ليهم حلوى بالتفاح وهي كضحك وتقشب معاهم .. شحال هادي ماشافوها بديك الحيوية والنشاط. حلات الفران وهي جامعة شعرها كعكة ولابسة بيجامة حاضية الكيكة .. صونا ليها تيليفون ومشات كتجري للبيت فرحانة فتحان الخط
قالت اميرة كتلوي فسيور البيجامة : احمم ... بغيت نقول ليك واحد الحاجة
سميرة : الله يسمعنا خبار الخير ابنتي
بقات اميرة ساكتة شحال بابتسامة خجولة وقالت
- بغيت نقول ليك ... راه سي محمد غيجي يخطبني
تصدمات سميرة وقالت : شنووو!!!
حسات بيها اميرة بحال الى مابغاتش وقالت بتمرد
- انا ماقلت ليك والو فاش درتي داكشي بلا خباري ... وسكت حيت اللي فات مات .. ولاكن دابا انا غننتزوج سي محمد ... هوا اللي بغيت وراه غيجي والى جريتو عليهم غندير شي موصيبة فراسي
خرجات اميرة من الكوزينة زعفانة خلات المزاج لسميرة معكر ومشات البيت تكمشات وغضبات ليهم على العشا ... حتى هما ماهضروش معاها وخلاوها على خاطرها وطفاو الضوء ومشاو ينعسو .. ماضت باللي عند حقها ديال العشا تاكلو حيت موالفين يخليو ليها حقها مللي كانت صغيرة واخا تغضب . خرجات كتسلل ودازت حدى بيتهم تشوف شنو كيقولو . . حطات ودنها كتسنط وكتسمع الحوار بيناتهم داير عليها ومها كتقول وتحلف
- حااالف عليها حتى يديها ...
قال عبد الاله : داااابا تلوحو وتسمح فيه كما سمحات فلخرين
قالت سميرة بجدية : ااوالله هادا لا سمحات فيه ... الى سمحات فيه هانا هانتا ماشفتيش الى طلعات ليك للسطح وقالت ليك نتزوج بيه وىا نلوح راسي من هنا
عبد الاله : وا غير كتقول... ماعينها فزواج هاديك راه عشاقة ملاللة غتخطب شوية تقول ليك مابغيتوش
سميرة : اييه ... ءه ! ... واعقل فين قلتها ليك .. الى ما داتو هانا هانتا ... وحتى هوا ناوي عليها وباغي يديها بغينا ولا كرهنا . جا المرة اللولة قلنا ليه لا ..صافي يمشي راه عطا الله بنات الناس ... هوا لسق عليها
عبد الاله : وا هوا فالحقيقة.. انا جاني ولد الناس والله واعلم .. بعدا ديك المرة كان كيبان ليا ولد الناس .. وباه حتى هوا معقول ... ولاكن هاد قضية دألمانيا مبانش ليا فيها ..
سميرة : دابا تشوف الى مداها معاه لتما ... كاع قرايتها غتضرب فالزيرو ويعلم الله شنو راه كيدير تما
عبد الاله : فوقاش قالو ليك غييجيو ؟
سميرة : ماهضرت مع حد ... انا عاد قبيلا صدماتني .
عبد الاله : ندييييرو ليها هاد الخطوبة يالاه ... مغانعكسوش ليها... باش متقولش عكسنا ... خليها دابا تسمح فيه ... غير تشوف راسها متبقاتش مرتاحة عاوتاني غادي تقول ليه الله يعاون .. خليهم يجيو
سميرة : ااااودي نعل الشيطان راه هاد المرة ماشي بحال اللي دازو ... راه كنقول لييك حالف حتى يديها ويخلينا كنشوفو فالسما ... و بنتي وعارفاها فوقاش كتبغي الحاجة وتلسق عليها وراه باااغاها وكتحبو
عبد الاله : اشمن كتحبو اودي ياك عاد كيف عرفاتو قال ليها نجي نخطب ... خليه ... نسايروها حتى تجي من عندها
سميرة : حتى تجي من عندها ... حساب ليك هادا بحال هادوك .... بلاتي .. بلاتي تعرفو مزيان وتشوف الى مندمتي على النهار اللي قلتي ليه اجي ... غيطمسك ويدي ليك بنتك ... وكن غير كانت لكبيرة بعدا ... الصغيرة كاع ويخليك بلاش
عبد الاله ؛ ايوا صاافي كتزيدي فيه حتى نتي ... طفي طفي داك الضو ... نديرو الخطوبة ياك غييير خطوبة . طفي عليا الضو .. انا منقدرش نقول ليها لا ... قوليها ليها نتي .. خليها تكرهك نتي انا مابغيتش بنتي تكرهني .. غنسايرها حتى طج منو
صبح الحال وصبح هاتف اميرة كيصوني فيقها من النعاس .. هزاتو فتحات الخط لقات حنان
خرجات وخلات اميرة واحلة كتبكي معارفة شنو دير واول مرة دير فثها خطبة رسمية بحال البنات .. عيطات لسلوى شكات عليها وبكات وبقا فيها الحال وحتى سلوى ماعجبهاش الحال وقالت بعصبية
وصلات اميرة لدار البيضاء ومشات لدارها وبابتت الليلة كاملة هي وختها كيشوفو ويقلبو ويبحتو على كب ماكيخص العروس فنهار الخطبة من الالف حتى للياء وصبحو الصباح كيقلبو ويتقداو .. ها القفطان بالطرز الرباطي شراتو جديد على حقو وطريقو فالابيض مطروز بألوان باردة ومجدول .. فضلات كل ما هوا خفيف سامبل على التقيل والعقيق واي حاجة كتقيس كتجي معاها . حتى من الملابس الداخلية الييضاء شراتهم جداد وبلغة بالحجر عالية وبدات توجد راسها فصالونات التجميل ... ها الحمام ها الوجه ها الدفار ها الشعر ... حسات براسها عروسة ودخلها الارتباك والخوف والحشمة حنان معاها على تواصل كتخبرها على المشتريات و توجادهم حتى هما ... ناض الحماس فأميرة وختها وحتى من الماكلة حجزاتها عند تريتور فمكناس بطبلتها و اوانيها وديكورها ومقبلاتها من الالف للياء باش تكبر بيهم وماتخليهمش يحسو باللي غير مرحب بيهم من طرف واليديها اللي غير جالسين حتى حاجة مكيدروها من غير كل مرة يسولها باها .. ايوا فوقاش غيجييو ؟ وهي كل مرة تقول ليه فوقاش وباللي بقا غير نهار .. لاكن مع الاسف ما حرك ساكنا مصدعها غير بالهضرة وحتى سميرة كتقيل خارجة مابقاتش كتجلس فالدار بلعاني باش ميجبدوش ليها حس الخطبة . وحتى اميرة وسلوى ماجبدوش ليها حسها وكيعضرو معاها ناقص كما هي كتهضر معاهم ناقص . بقا ليهم نهار وجابو فيه مرى خملات الدار والصالون وشرات اميرة زربية جديدة طلقاتها مع شي ديكورات اخرين ستفاتهم فالصالون وباها كيمشي ويجي حداها وينكر ... اش هادشي كضيعي فلوسك ... خلي غير ديك الزربية باركة شكون غيجي يخطبك كااع! ... وحتى هي بغات تفلا وقالت
شنو عنديرو فالماكلة؟
رد ببرودة: انا ماعندي ما نعرف شو في ماماك
ضحكات سلوى من بعيد بسخرية وهي كتمسح الزاج وديكورات فالصالون الكبير وعارفة باللي الماكلة محجوزة وكولشي محجوز وما فخبارهمش .
وصل نهار الخطبة . . . نهار كبير عند اميرة وفرحة كبيرة لا توصف ... تاصلات مع الصباح بتريتور علماتو يجي بكري ويوجد داكشي اللي خاصو يتوجد ويتكلف بكلشي وحتى بالعود اللي غيتطلق فالصالون ووصات سلوى ترد البال .. اما سميرة ناضت و وجدات الفطور بحاا العادة وجلسات تفطر على خاطرها ما على بالها لا بخطبة لا بوالو ودازت قدام عينيها اميرة جار باليزة فيها حوايجها زعما نوضي تحركي شوية راني عندي الخطبة ليوم
دخلات للصالون من بعد ما حجزات بلاصتها ... خدات حمام تركي وخرجات صاييات شعرها متموج ودارت روتوش لدفارها باش يبانو ولبسات قفطانها عندهم وسالات وجلسات حتى وصلات سلوى كتجري شعرها فازك وجلسات كتصايبو واميرة حاها كتهضر وضحك بوحدها بالفرحة
سلوى : عييت اختي عقلي ماتردي ليا فالفرح نشاء الله ... ماجيت حتى جا تريتور خليتو فلكوزينة حط داكشي ديالو
اميرة: شنو قالت ليك ماما فاش جا مقالت والو؟
سلوى: تصدمات ببخخخههه.. عييت نشوف واش غتوجد شي حاجة .. واش غتنوض تقول ليك شنو نديرو للغدا ... واااالو . . . اماما خرج ما عرفت فين مشا
اميرة: عنداك يحشموني مع الناس !
سلوى : قلتها ليهم قبل منخرج ... قلت ليهم مادرتووووش يديكم فهاد الخطبة .... نهار تمشي عنداك شي واحد فيكم يبكي عليها ... ماخرجتو حتى درهم ... وماغسلتو حتى كاس ... واعقلو هاهوا كووولشي غيدوز كما داز هاد التوجاد هادا وديك الساعة عاد نتفاهمو . دابا ديرو اللي بغيتو عمرني شفت شي عروسة بواليديها حيين وكتوجد راسها ومها جالسة كتشوف بعينيها . حطيت الحلوى اللي دفعنا فلكوزينة للتريتور يوجدها ويقادها وخرجت خليتها باقا جالسة فبلاصتها
اااه نسيت راه عيطت للنقاشة
اميرة : النقاشة !!
سلوى : ومالكي راه تركاب لخواتم كاع البنات كينقشو
اميرة : انا خايفة غييير نتحشم... ضربت هاد تمارة كاملة فاللخر نتحشم .. وختو مل شوية تعيط ليا...اشمن لون كيعجبك ... شنو قياسك فالقفاطن ... شنو قياسك فالبلاغي وكتشاور معايا فأي حاجة
سلوى : تهلاي فهاد ختو باينة فيها ضريفة كون شي وحدة اخرى والله لا عيطات ليك .. يشريو ليك داكشي وقبلي عليه ولا لوحيه
مشات سلوى كتجري وبقات اميرة مستريسيا فالبيت كتجلس وتنوض . حلات سلوى الباب بسعادة تستقبل الضيوف لاكن تصدمات فاش لقات مرات عمها وبنتها فالباب .. وكن غير كانت ششي مرة اللي كدخل للقلب .. مكيبغيوهاش بسبب حشيان الهضرة ونضراتها وافعالها .. كحال وجه سلوى فاش شافتهم و تصدمات خالتها وبنتها فاش شافوها بالقفطان والشعر مصايب وقالت فالباب
- غاديين شي حضور!!!!!
فديك الاثناء سمعات سلوى الهضرة فالدروج وشي حد طالع وهي تقول بالزربة
- دخلو دخلووو .. دخلو
قالت بنت عمها بالدجين مزير والبودي والمكياج
- اويلي مالكي شنو كاين ؟
جراتهم سلوى بالزربة لواحد البيت اخر وحتى سميرة تصدمات من حضورهم ودخلاتهم للكوزينة بجوج مزاحمين وكيسلو في حين واقفة سلوى فالباب بالطالون كتستقبل الضياف واولهم حنان بجلابة بلدية والطالون والشعر وولدها حداها اشقر الشعر وازرق العينين وموراه سلمات على الام وهي لابسة الابيض من راسها لرجليها وغير ساكتة وكتبتاسم بزز باينة فيها مرضات من مور موت زوجها .. بان ليها محمد مور مو هاز الورد ولابس الكوستيم كيضحك .. اييه نعام السي الاناقة والشياكة ومعاه خوه الكبير المصمم و مراتو بلبسة بلدية وعصرية فنفس الوقت ... استقبلاتهم سلوى حشمانة حيت مالقات حتى واحد بجنبها لاكن جات سميرة بسرعة بابتسامة عتقات الموقف ورحبات بيهم وشدات من عندهم الهدايا اللي جابو وحطاتهم فالصالون وجلسو كاملين ... فديك الاثناء دخل عبد الاله ولقا اميرة كدور وسط الدار بعيدة على الصالون ومخلوعة .. يالاه دخل طارت عليه باغا تبكي
- ياك ... ياك ابابا عقل فيها ... عقل مزياااااان انا عمريييي خسرت ليك خاطرك ... واخا ماشي مشكل انا دابا غادي ندق على الجيران هما يدخلو يجلسو مع الناس
مشات مفقوصة جيهة الباب كدمع بغات تخرج وهي تجرها مها
- اجي لهنا .. دخلي تجلسي ... سير بدل عليا هاد الحالة والهضرة ماشي دابا حتى يسالي هادشي عاد نتفاهمو ( دفعاتو) دخل بدل عليا هاد الدربالة ورش شوية درسحة وسير عند الناس ها العاااار
داوه للبيت ومشات اميرة جلسات فالبيت بوحدها حتى دخلات عليها خالتها وبنتها عاقدين حجبانهم وجلسو
المكتوب فرزقي الجزء الثالث
محتوى القصة
التنقل بين الأجزاء