سميرة : ايوا الحمد لله ما وقع ليها والو غيييير تقاست من الجنب شوية وتشقات البولة .... الحمد لله اللي كنت سايقاها هي صحيحة اما ضاسية ديال داك الراجل مسكين راه ضربتو تا طار ماعرفتو فين مشا حتى جا على رجليه وسخف ليا حدا رجلي
اميرة : ها السوارت وا عنداااك راه توقع ليها شي حاجة نموت ليك
تفرقات الخدمة وناضت سميرة تقلب وتجري وتجاري ... اما عبد الاله فا ساق الخبار مرض ليهم فالبلاد وجلس تما داير السبة خلا سميرة واحلة كطير وتنزل ويااااافرحاتها فاش كتهز طموبيلت اميرة وتبدا تباها بيها منين مادازت . اما اميرة تسخسخات مع سلوى كل مرة فين جاراها .. مرة نكافة .. مرة عيساوا مرة صالون .
هربات وجهها: لا صافي ماندوقش ... يالاه نمشيو عند تريتور نشوفو المالح ... ماما تما كتسنا
تنهدات سلوى وخرجات من بعد ما دارت حجز لحلوى اللي بغاو .
ودخلو لمخبزة اخرى كبيرة فيها كل ما تشها النفس من حلويات ومملحات والناس كتشري .. دخلوهم لمكتب لفوق لقاو سميرة جالسة كتشوف فالتصاور ديال الماكلة فالحاسوب
سميرة : زيد ليا حتى ليسلاد .... بغيت يكونو ديال الحوت
بدات تقيس ليها لقفطان وتشوف اللون : هوا اللي غديري ... غدخلي بالاميرة .. وديك لبلو سييل غتعشاي فيها ... من بعد غتلبسي داك القفطان لخريب ديري بيه الطيفور ... ولبسي لاغوب ... ربعة صافي ... والحنة غديريها فالدار مع العائلة
اميرة : لا الحنة نديرها فالقاعة
سلوى : بصح حسن ... تزيد الحنة فالقاعة مع الدفوع
سميرة : ايوا المهم .... هادو هما اللي عندك ... انا اللي كنفهم فهادشي ... والحنة حتى هيا خضرا بلدية داك الزواق والجديد ماعندنا ما نديرو بيه البلدي الاصلي اللي كيدوم واها دوز عليه حتى 100 عام تشوفي تصاورك تقولي غير لبارح
اميرة : لا غوب انا اللي غنعزلها .... وعيييت صافي غنعس وسط هاد التكاشط
خلاتها ومشات هي وسميرة شدو واحد الكتاب فين مقيدين كلشي وبداو يعرضو الناس ... سلوى شادة قنت و سمييرة قنت كل وحدة هازة تيليفون كتعرض من جهة .
نهار جديد نهار زوين خرجات فيه سلوى اميرة بزز من الدار داتها للصالون بالنكير .... سبقات ليها تنضيف الوجه وازالة الشعر والادافر هما اللولين ... جالسة اميرة فوق الكرسي كتمايل براسها باغا غير تنوض تكا ... ماعندها خاطر لا لعرس لا حتى حاجة ... سالات داكشي اللي خاصها من صباغة الشعر الى اخره هي وسلوى اللي مزاحمة معاها كل حاجة كيدروها بزوج .. طلعات فالطموبيل حدى سلوى وتكات اللور كتوسط
اميرة : ناري عييت تخنقت ... بغيت غير نتكا
ديمارات سلوى الطموبيل فرحانة : اححححسن حاجة درناها هي جينا لهنا لكازا .... كن بقينا تما فمكناس كوراه فرعو ليك راسك ... عيطات ليا ماما فتيليفون قالت ليا راه خوالاتي جاو يعاونوها قلت ليها مزيان حنا حتا لصباح عاد غنجيو
اميرة : بتعب) ماقداش ماقداش على صدع الراس ... مافياش والله
سلوى: بلاتي بلاتي حنان كتعيط . (فتحات الخط ) الو حنان كي دايرة لاباس عليه (كبرات الصوت فالطموبيل)
حنان : الحمد الله احبيبة ونتوما لاباس فين وصلتو مع شي جرا ههه
سلوى : ها حنا غاديين ... وصلتو ؟؟
حنان : لبارح بالليل وصلنا للدار .... لهلا يوريك اش داز عليا . . . جالسين نعرضو على الناس من لهيه من المانيا هههه ... عرفتي كنت انموت بالخلعة كنقول يا ربي ماتوقعش شي حاجة اللي تعكس لينا وتخلينا ما نحضروش
سلوى: اربي السلامة ياك لاباس وعلاش خليتو حتى لبارح عاد جيتو ... راه غدا الحنة !!!!
حنان : وا ماكرهنااااااش اختي راه مابغاااااوش يطلقوه ... بزززز باش غومبلاصاه واحد صاحبو ...
سلوى: ياك خدا كونجي!!! ومن الشهر اللي فات خدا سيمانة
حنان : وا ااااه ولاكن راه كان عندهم شي مشكل والمشكل كان سي محمد اللي شاد الخدمة يعني ميمكنش يطلقها ... عرفتي هاد السيمانة مكانش كينعس ومععععععصب باغي يجي وخايف يتعطل .... انا كندعي وماما كدعي يتحل داكشي اللي خدامين عليه .. اييوا حتى لول لبارح عاد جا قال لينا يالاه صافي حلوه وخلا شي واحد بلاصتو ... عرفتي شنو ... راه هادي سيمانة والزيادة وحنا جاااامعين حوايجنا كنتسناو غير امتا يجي نخرجو ... ولبارح الصباح مشا للخدمة ورجع مع العشرة قالينا يالاه صافي راه تحل نضنا كنجريو .... كان مقطع ليا انا وماما نجيو لبارح نسبقوه على الاقل حتى يلحق علينا هوا ... صدق جا وصدقنا جايين كاملين وحتى راجلي مكانش غيجي صدق حتا هوا جاي ... كلشي تيسير فآخر لحضة.... السفر داز مزيان وصلنا فالوقت ... ايوا واجي تشوفي كي لقينا الدار ... الغبرة الغبرة الغبرة نضنا نخملو من الصبااح لدابا انا وربعة ديال لعيالات جابهم ليا سمير وباقيين ماسالينا ..
سلوى: ناااري تمارة مارتاحيتوش
حنان : والو ... كنزة حتى هي عاد جايا فطريق من طنجة ... سي محمد وسمير مشاو الصباح يجيبو داكشي اللي خاص ويتقداو وباقي ماشرينا ليه والو لا حوايج لا حتى حاجة
حنان: صافي توصل كنزة نجي انا خاص ضاروري اللي يبقا مع ماما
لقاء الاحبة
قطعات معاهم حنان وكملو طريقهم الدار .
طاحت اميرة فوق الناموسية طيحة وحدة نعسات ماهزاتش الراس بقات غير سلوى بوحدها اللي جالسة قدامها واحد الشبكة فيها براسليات بخميسة مدهبين كتقاد فيهم وتعقدهم .. جاها اتصال من حنان وفتحات الخط
- الو وي حبيبة وصلتي
حنان : اه واش راكم فدار اميرة ياك
سلوى: اه نتي فين انا نجي عندك ماتعرفيش الطريق
حنان: لالا صافي انا غير ناخد شي حاجة عاد نجي .. وديك الساعة نعيط ليك تعرضي ليا
حنان صافي واخا
قطعات وسمعات صوت اميرة كيعيط من بيت النعاس ومشات عندها طلات عليها لقاتها متكية فبينوار وردي ناعم وطالقة رجليها كتفشش على سلوى
- سلوى جيبي ليا كبيدة مشوية من عند الكزار اللي تحت ... واصلاني الريحة حتى لهنا
سلوى : ناااري هاد الكزار واااقيلا عارفك كتوحمي فين ما ندخلو لهاد الدار يطلق علينا دخاخنو ... كل مرة هابطة طالعة عندو
اميرة : سيري سيري دغيا ... قولي ليه يدير ليك شوية شوية من الحاجة
سلوى : امري لله ... شي يحمل و يتوحم شي يطلع ويهبط (مشات كتنكر) وجه الحمالة حماااالة .... و وجه الشريط شريط
مشات سلوى على سعدها ووعدها شدات الصف عند الكزار شوا ليها داكشي اللي بغات وطلعاتو لاميرة حطاتة وجلسات حداه كتاكل معاها تا سالات وناضت غسلات يديها ووقفات قدامها كتعقد حزام البينوار على كرشها ... ابتاسمات ليها سلوى وقالت
- بانت ليك الكرش تبارك الله .. غتبان ليك مع التكشيطة والحزام
هبطات اميرة راسها وحطات يدها على كرشها
- بانت بزاف زعما ؟؟؟ يالاه شي ربع شهور هاكاك
سلوى : باينة شوية ... كتحسي بيه دابا؟
ابتاسمات اميرة وقالت : كنحس هه... كنتهر شي مرات
سلوى: دابا يكون عندك ولد ولا بنت ؟
اميرة : ماعرفتش عاد غنشوف
سلوى: لا ماتشوفيش حتى يدوز العرس ونمشيو نشوفو ولاكن ماتقولش ليك الطبيبة تقول ليا انا وديك الساعة ندير ليك مفاجأة تكتاشفي شنو عندك
حلات سلوى الباب ودخلات هي وحنان للدار كيضحكو ويهضرو على التكاشط ... يالاه دخلو خرج ليهم محمد من البالكو بحوايجو باش جا هاشي نص رجلو فبانطوفة داميرة الغوز وشعرو باقي فازك وريحة الكارو داخلة معاه
بتاسم وقال: فين مشيتو؟؟
جلسو سخفافين كيرتاحو وقالت حنان
- مشينا نشوفو ما نلبسو فالعرس .. (حطات كاركونة رمادية فوق الطبلة ) شوف واش تجيك هادي
قرب هز لكارطونة حلها وقال : شنو هادشي.
لقا لباس بلدي اخضر مطوي وحلو بتساؤل
- لمن ؟؟
حنان بتعب : ليك ... قيسها الى ماجاتش قدك نردها نبدلها راه درت معاه الى ماجاتكش غنبدلها
محمد : صافي خلي حتى لمن بعد مافيا اللي يحيد ويلبس
حنان : اويلي مابقاش الوقت قيس دابا باش نردها الى ماجاتش ... اش بقا بقا غدا و مغنكونوش مسالين
تنهد : واخا يالاه اري نشوفو هادشي
مدات ليه علبة اخرى: هاك حتى هاد البلغة قيسها
شدهم بجوج ودخل لواحد البيت سد عليه ... اما سلوى ناضت مشات طل تشوف اميرة شنو كدير لقاتها سادة عليها الباب ودقات
رشات عليها الملحة وخرجوها بغطاء مشبك ذهبي على وجها كيصليو على النبي وداوها للصالون فين مجموعين العيالات كلشي فأبهى حلة .. جلسوها فبلاصتها بشوية تحت انغام الفرقة النسائية وبدات النقاشة كتنقش ليها سطح يدها وسلوى جالسة حداها دايرة رجل على رجل وتهمس ليها فودنها
- نقشي رجليك حتى هما ويلي اشمن حنى هادي!!
قالت اميرة بصوت منخفض: لا راه بزز باش خلاني ندير هاد الخط
تلفتات سلوى عند حنان اللي حداها حتى هي بقفطان وشربيل ولشعر بوكلي اشقر وقالت
-اوييلي واش بصح محمد مكيبغيش الحنة!!!
فلاش باك ___
جالس متكي واميرة وحنان وسلوى كيتجمعو حتى بدا كيجيه النعاس وناض بتعب وقال
- انا غنمشي نعس ... يالاه نفيقو الصباح بكري شوية
اميرة : سير للبيت (ناضت ) اجي تنعس
داتو لبيتها وردات عليها الباب ورجعات عند البنات بابتسامة وقالت
- حتى انا عييت ... غنمشي نعس
ضحكات سلوى وقالت : سيري سيري اختي سيري ... تصبحي على خير
- غدا غندوز نهار كامل ونتي معانا مغتمشيش معاهم غتمشي معايا اوك ههه يالاه تصبحو على خير
دخلات للبيت كضحك عاحبها الحال ... اخيرا تجمعات هي وياه تحت سقف واحد .. اخيرا كل ما حلمات بيه معاه غيتحقق ولازم تحققو وتعيشو لحضة بلحضة كما حلمات بيه سواء فاش كانت صغيرة او كبيرة .
لقاتو متكي فالفراش صدرو عريان شاد ليها بلاصتها وبلاصتو ... ابتاسمات ليه بخجل كما ابتاسم ليها فاش دخلات وبقا كيشوف فيها شنو كدير . حيدات البيجامة وهي عاطياه بالضهر قدام الماريو ولبسات سوميج برونز فوق الملابس الداخلية السوداء ودازت للمراية جلسات قدامها كتشوف فيه وضحك وطرف بالقطن
اميرة : مالك كتشوفي فيا؟؟! هه
هز يدو ورا راسو بابتسامة وقال : كنشوف وصافي
ضحكات وكملات شغلها بسرعة ..رشات بريحة خفيفة زوينة جدابة فنفس الوقت وطلقات شعرها ومشات هازة فيدها كريم مربع جلسات فطرف السرير حداه وبدات دهن رجليها ... ناض عندها بشوية دار يدو على كرشها وجرها وهي كضحك
عوجات فمها وقالت : اممم ... حيت مغنقدرش نتفاهم مع شي واحد من غيرك ... يعني نتا فاش كتقلق كنحس بيك وحتى فاش كنبغي نصالحك مثلا كنحس بيك باغي تصالح معايا .. كنفهمك غير من عينيك
عض على شفاهو هي كتهضر وقال مع غمزة خفيفة
- فهمتيني دابا
ضحكات وقالت: غدا عندي الحنة خاصني نوض صباح
عقد حواجبو وقال : عنداك احبيبة ديري شي حنة خايبة ... كفاش غديري هاد الحنة
اميرة : غينقشو ليا ... يديا ورجليا
قال باشمأزاز خفيف : وعلاااش احبيبة غديريها بلا مديريها كتعيفي
تكات على جنبها كترتاح فبيتها سابقا دخلو ليها بلاطو فيه اكل صحي للبيت وبدات تاكل وتجمع مع شايلا اللي جالسة معاها .. شوية طلات عليهم سميرة بالقفطان من الباب وقالت
- ها باباك جاي ومعاه العول متخليو حتى واحد يدخل لهاد البيت
حنان: لالا كوني هانيا حتى واحد مغيدخل
اميرة : وخالتي ؟،، فين هي؟
سميرة : هاهيا غتجي هبطات عند محمد لتحت غطلع هي وياه سدو الباب عليكم متخليو حتى واحد يدخل
دخلات عليهم حنان وتبعاتها سلوى ..شوية دقات سميرة كطل ودخلات هي و عبد الاله والعدول وموراهم محمد بجبادور خضر خفيف وبلغة سفراء والريحة كتجدب ... السر طايح عليه وفير كيضحك فرحان ... جلس حداها وجلسات حداه مو بالحنة حمرا فيديها ورجليها وسدة الباب ... فتاتحو العدول الجلسة بالضحك معاهم واجواء جميلة وعطاوها وقعات فالكتاب ووقع حتى هوا معاها .. دعاو معاهم وقراو الفاتحة بلا ميعرف حتى واحد شنو واقع فالبيت . . خرجو العدول مع عبد الاله و سلوى مشات تكلم و بقات غير اميرة مع محمد شاد فيها شوية ومو وحنان وشايلا كيضحكو
خرجات الحماة وحنان حتى هي وخرجات معاها شايلا وبقا محمد مع اميرة متكي على جنبو ويدو مور ضهرها كيداعب جنبها وهي فرحانة
محمد بابتسامة : فين غتباتي ليوم هنا ؟
اميرة : اه هنا علاش؟
شاف فيها مع غميزة ونضرات حنونة وقال: ويالاه باتي معايا ... ترتاحي من الصدع ... الدار عندكم عامرة
ابتاسمات وقالت: حتى نتوما عندكم الدار عامرة
تحنا براسو باس ليها لكريشة ومع هوا محني كيبوس دخلات عليهم بنت عمها على غفلة كضحك ...شافت الوضعية وهي تجمع الضحكة بسرعة مع الادب والصواب المسطنع وقالت دايخة .. اول مرة تشوف لعريس وبقات فير كتشوف فيه بلا متشعر
ج : ايوا صافي راه تكون حملات تما فاش مشات عندو المانيا عادي كلشي كييديرها ... راه تزوجااات بيه هادي شي خمس شهور باش شفت تصاورها ... وراه هي مابايناش عندها اصلا خمس شهور .... هي هاديك
بنت العم : حيت كتريني راه مغتبانش عندها
هما كيحسبو ليها برا وهي لداخل كتهضر وضحك هي وياه
اميرة : حتى داركم عامرة
محمد منمشيش للدار الى كنتي غاتباتي معايا غنريزيرفي شومبر فأوتيل.. حتى انا مغنبغيش نمشي للدار
قالت بابتسامة كتشوف فيه: ما عرفت
جرها من خصرها كيشوف فيها بحنان عن قرب وقال
- باااركة 11 لعام ديال العداب ... بلا تمارة اللي دوزتي عليا وتنقاز السطوحة ههه
هزات راسها كضحك وقالت : عقلتي
ضحك بسخرية وقال : عندك الزهر ... هاد الكرش راه جات معاااطلة صراحة كان خاصها تجي فشي سطح ولا تحت شي شجرة ولا وسط الربيع ... صافي برااكة ... نتي دابا مررررتي.... ودياااالي .... عرفتي كنتفكر شنو داز عليا معاك كنسخف . مجرد فكير كيسخفني
دار ابتسانة عريض وقال : بصح كنهضر والله منقدر ... مغيبغيش يدوز عليا النعاس وغنتعصب غير بوحدي .... مافيها والو تمشي تباتي معايا (ابتاسم ) نقصرو شوية ونضرب بيك دورة فطموبيل بالليل.. عزيز عليك دوري بالليل ياك .. نضرب بيك دورة و نمشيو لوتيل ... حسن كاااع ماتباتي بوحدك وسط بنادم ونمشي انا نبات بوحدي ... المرض والله تا المرض
تنهدات وقالت بتردد: ماعرفتش!
بدا يتمسكن وقال: ماتمشيش معايا دابا تونسيني ... نشم غا ريحتك بعدا كنرتااح .... مغيجينيش النعاس بوحدي راه كنهضر معاك بصح (باس حنكها) نمشي انا وحبيبة ديالي ندوزو ليلة زوينة ... لحد الآن مزال ما فديناش دك 10 سنين فاتت ... جات مع الحمل ... اما راه منخلي بيك تا قنت لا بالنهار ولا بالليل
شافت فيه بابتسامة وقالت: صافي واخا نمشي معاك
بقا جالس معاها كيضحك ويضحكها ويتذكرو المراهقة بلا ميصدهم حتى واحد . شوية ناض خرج خلاها متكية من بعد ما شبع فكرشها بوسان اما هي ضرباتها بنعسة مافاقتش حتى لقات كلشي كلا وشرب وتفرق وضلام طاح . هزات تيليفون بسرعة طلات لقاتها 11 ... ناضت دايخة جلسات لقات سلوى جالسة فالارض كتستف ليها حوايجها بانتضام فالباليزة
اميرة : ناري راسي كنحس بيه تقيل
سلوى: نعستي .. مابغيناش نفيقوك .. عيط ليك محمد شحال من مرة وعيط ليا كيسول عليك قلت ليه ناعسة .. قالي فاش تفيق تعيط ليا ضاروري
اميرة : خالتي وحتا مشاو!
سلوى : مشااو . كولشي مشا بقاو غير اللي جايين من بعيد
اميرة : فين ماما
سلوى : خرجات مشات تقضي شي غرض باقا ماجات .
هزات تيليفونها كتصوني وحناكها وفمها حومر بالنعاس ...رد عليها فالحين
شدها فالفراش كيضحك وتلوى هوا وياها وفكل مرة كينسا باللي عندها كرش وكيتكا عليها كتغوت ودفعو بسرعة عاد كيتفكر .. طلعات الغطا عليهم كضحك ونسات راسها معاه حتى رجع تيليفوت كيصوني حداهم ويقطع ويعاود يصوني ويقطع عاد مدات يدها سخفانة وبعدات وجهها للجنب وردت
سلوى: وا فييينك ره كنتسناوك
ردت بسرعة : انا فطريق انا قريبة
سلوى : فين فطريق مبايناش عليك كاع فطريق واباااز
اميرة : وصافي 5 دقايق وانا معاك
قطعات وناضت بسرعة وهوا متكي حداها عرقان
- اميرة : نووض يالاه دغيا وصلني ... تعطلت
رد بهدوء : وا بلاتي شوية
بعدات كضحك قبل ميجرها ومشات لبسات قفطانها في حين دخل خدا دوش خفيف وخرج .
وقفات الطموبيل حدا صالون كبير وهزات صاكها فيه جلابتها ونزلات بالقفطان والبلغة وشعرها مجموع
- يالاه باي باي
جرها كيضحك وريحة الشمبوان كتعطي من شعرو .. لابس تيشورط وشورط . نفس الحوايج باش جا عندها الليلة الماضية . باسها فحنكها ومشات دخلات بالزربة سمعاتها سلوى خل ودنيها
والعلامات ومولاي سلطان قدام لعمارية كيضحك بطاقم انيق اسود وسباط اسود كيشعل وشعر كتيف كيلمع .. فكامل وسامته صدم البنات الموجودات فلعرس كاملين .. بقاو واقفين كيسفقو ويشوفو فيه فصدمة ! هاي هاي على راجل اميرة ! غير هي اللي تقول تزوجت ! لالالا مكانش من المتوقع ابدا تزوج واحد بهاد الوسامة ! ... فيين كيلقاو هاد الرجال فين ؟؟؟ فين كيلقاوهم وكيفاش حتى كيشدوهوم ... الضحيكة يا سلام غير كيفرنس .. اما الفرحة فعينيه كتبري وغير كيشير بيدو بلخصوص فاش قشع صحابو واقفين فالجناب مع الحضور خرج من بلاصتو كيضحك ومشا عندهم كيعنق فييهم .. 3 منهم اجانب وواحد باينة من ملامح وجهه عربي ومعاهم بنت شقراء بغوب سوداء انيقة وقصيرة ضحكات معاهم بعفوية وعنقها بواحد اليد وسلم عليها من الوجه في حين جالسة اميرة كدور فالعمارية وحاطة عليه غير كتشوف فيه وتسوط وتبتاسم بمجاملة للناس وعقلها معاه مكمشة واحد الحاجب وبزز باش كضحك ... كتشوف فيه كيضحك مع صحابو ويسلم على عائلتو اللي كل مرة يجي واحد يعنقو وبارك ليه .. وهوا بعفوية كيضحك مع كلشي ... وسط الزغاريت والاهازيج والضحكة الصفرا ديالها بدات تشير بعينيها لسلوى باش تهضر مع النكافات يديوه يجلس راه عريس زعما .. فهماتها سلوى اللي كتلوح البوسات بيديها ودايرة فيها حشمانة ومصاوابة زعما وعينها كتمشي لعند واحد فصحابو كل شوية ... ابتاسمات بأدب ومشات كتجر فتكشيطة والطالون والشعر والمكياج كتقول انا وانا .. غادية وكترمي فشباكها وتفرش لأشقر صاحب العضلات السداسية فلافيست شيبية مع قميجة بيضاء وسروال رمادي . وقفات قدامهم بابتسامة لقات السلام بالانجليزية وقبل متهضر ابتاسم محمد وحط يدو على كتفها بحال ختو وقدمها ليهم ... داكشي نيت اللي بغات حتى هي وشحال عزاز عليها محمد فديك اللحضة كأنه هزها فوق العمارية . بدا كيقدم صحابو ليها فجو مرح بيناتهم وهي كطلق فزينها وهما كيسلمو عليها واحد واحد حتى وصل للي حاطة عليه عيينها ومد يسلم عليها
محمد : (رتب على كتفو) صاحبي
[14/8 16:50] 🌸حسبي الله عليه توكلت ...: رفاييل ... (شاف فرفاييل) سلوى اخت المدام
مد يدو بابتسامة سلم على سلوى اللي كتلوى فبلاصتها طالقة الجمال .. دارت الصواب وجرات محمد من وسطهم بسلاسة وقالت
- تكلم لأميرة .. راه غيجلسوها فالبرزة خصك تجلس حداها
حرك راسو بعفوية : اه اه عارف واخا هانا غنمشي
بغا يرجع عند صحابو وهي تجرو : وا دااابا اوييلي
محمد: واخا صافي
مشا غادي للبرزة وكل مرة يوقفو واحد يسلم عليه ما وصل حتى نزلات اميرة وجلسات برزات عاد جلس حداها بابتسامة وقال
- حبيبة
دورات وجهها منفخة وشافت لجهة اخرى وضحكات مع الناس، بدات العائلة كتنوض تصور معاهم من بعد نوضوهم بالزغارت داوهم
وخرجو خلاوهم ، يالاه بغا يجلس ويسرح رجليه وهي دور عندو مهرجة عنيها خلعاتو ودارت ييديها على جنابها
قاطعاتو : شكون ديك الكاورية اللي مشيتي عندها وكضحك وعاجبك الحال حساب ليك راسك فبار ولا شنووو؟
ستغرب معوج فمو وقال: الله يهديك يا هاد المرا اش كتقولي واش عارفة شنو كتخرجي على فمك ولالا ... اشمن بار راه غير السيدة خدامة معايا جات مسكينة منين ومنين ومعااها لبوي فراند ديالها وخداامين معايا بجوج .. زايدون انا ماكنتش عارف واش غيجيو كاع وعرضت غير على الله ...وهضرت معاهم زعما وقالو مغيجيوش حتى لقيتهم هنا دابا!! شنو فيها الى مشيت عندهم راه جايين من المانيا واش عارفة شحال ديال الطريق ضاربين! مجاتش نشوفهم ومنمشيش عندهم حشومة .. ونتي راكي فعماريتك كدوري واش نزلتك منها؟
اميرة : بجنون ) فضلتيهم عليااااا انا هادا نهااااري تبقا معايا فيه انا صحابك راه غتشوفهم وتعاود ... بغيتي صحابك سير عندهم حتى دابا مزال ما درنا والو
بغات تحيد التاج وبدات تعصب وهوا ينوض شد ليا يديها كيرغب ويزاوك .. دخلات مها فديك اللحضة لقاتهم منوضيها وتدخلات كتهدن الامور باش يدوز العرس بلا مشاكل . تهدنات اميرة وجلسات للارض لاكن بقات مغوبشة مكضحكش وهوا حداها غير كيدور ويتسنا ساكت مكيهضرش . حيدو ليها التكشيطة الاولى خلاوها بشورط قصير مشبك وديباردور ديالو وعاودو لبسوها الثانية وقادة ليها وخرجات شادة فيه كضحك وهوا كذلك لاكن متململش من حداها وغير حاضيها
العرس كامل والناس كتشوف فيها وتحك عينها .. ويلي واش حاملة ؟؟؟ لالا غير خرجات ليه الكرش ! لا واقيلا حاملة ! .... لااالا موحال واقيلا غير تكاشط اللي بينو ليها الكرش.. يكون حملها عاد تزوج بيها !! واقيلا داكشي اللي كاين حتى حملها عاد تزوج بيها
الناس كياكلو فالحلوى وياكلو فلحم اميرة اللي واقفة كتشطح وضحك من قلبها هي وياه و الواليدين والصحاب مضاربين حساب لحتى واحد ، الضحك والنشاط فرحانين وبنادم كيشوف بعينو ويكدب ويختالق شي حاجة اللي مكايناش كاع .
سالا العرس وتوادعات معاهم بالضحك ومشات فرحانة للاوتيل متكية على كتف محمد حتى نعسات. وصلو لباب الاوتيل وهزها ماعلا بالو بحتى واحد .. عجبها الحال وطلعها لغرفتهم الموردة لقاوها مضوية بشميعات ومزوقة بالورد .
شميسة داخلة للبيت ضاربة فالارض حدى الناموسية فين ناعسة على جنبها مغطية صدرها ومتكية على يدو كتهضر معاه بصوت هادىء وهوا كيلعب فكرشها ويضحك . اخيرا تجمعو وغيكملو حياتهم الى الابد ... حب الطفولة غيرافق دروبهم حتى للممات . طولو فالفراش كيتجمعو بيناتعم بشوية ويضحكو فاللخر قررو ينفضو العكس وبلخصوص اميرة اللي مابقاتش مرتاحة فالفوضى اللي رجعات عايشة فيها ... وقتها منضمش والرياضة سمحات فيها وكلشي مخربق عندها . ناضت بحماس لبسات كولون رياضي وتيشورط وسبرديلة وجمعات شعرها دير حصان ونضاضر وخرجات معاه حتى هوا بشورط رمادي مقطن وحداء رياضي وتيشورط بيضاء ونضرات شمسية ومشاو جيهة واحد الجردة والطبيعة على الشارع كيتمشاو ويتجمعو ولكريشة باينة قدامها .. مرة يضحكو مرة يعنقها ويشد فيها حتى خرجو فجارت سميرة هي وبنتها هازين صيكان ديال تكشاط غاديين يدوهم لماليهم . مكانوش من العاكزين ودغيا ضسرو فاش شافوهم ومشاو عندهم كيضحكو وقفوهم .. السلام وعليكم و عليكم السلام ... حنا محمد راسو وزاد لقدام كيتسنا اميرة اللي مصدونة فيهم .. اصلا مامضسراهمش عليها .. كفاش حتى زعمو ووقفوها وهي مع راجلها .. ولا صافي غير حضرو للعرس خاصهم يضسرو ويبينو راسهم قراب !
تسدو الحقائب وتهزو تحطو فلكوفر .. طلعات حداه بكسوةة صيفية وانطلقت الرحلة لتعويض كل الوقت اللي ضاع منهم وهما بعاد على بعضياتهم . دخلو للشمال وبداو يتساراو .. مرة فالباطو وسط البحر هي وياه .. الحب والغرام فالهواء الطلق وكل مرة تحط تصاورها دوخات اللي قراب ليها وحتى للي بعاد عليها... كل مرة بحلة جديدة وكسوة جديدة والوان صيفية ... مرة البحر مرة البر .. مرة فأزقة الشاون الزرقاء بكسوتها البيضاء وطربوشها الاحمر ...مرة بالطربوش والشاشية واللبسة الجبلية ... مرة مرة فسطح من سطوح الشاون كطل على الجبل ... مرة فمطعم تطوان وسط الماء بكسوتها الحمرا ودفيرة ولونها البرونز اللي تحمر بالشمس ، ولا كومبينيزو قصير صيفي اصفر وصندالة راكبة فوق البغل وطالعة لأقشور ، او اتاي فبوعنان مع شي طرح ديال البارشي هي ومحمد فشي جلسة فالجبل كطل على تطوان . هاهي فمارينا سمير كتغدا ... ها هي وسط السويقة فالمديق والجوطية كتقدا ... حوايج سبانيا جداد مزلعين لعلك ترضا .. ماعندهاش فرق بين الفيترينة او الفراشة المهم الحاجة عجباتها كتاخدها علاش لا فين كاين المشكل المهم زوين ونقية ودات جودة عالية وثمن رخيييص . مرة ضرب الحوت والبيصارة فالمرصة ومرة ضرب اولول والبايلا فأوغيزون ... ماخلات لا اكلات شعبية ولا راقية ولا ورقية .. شبعات مساريا وزاد داها لطنجة تكرملات مزيان وقلب ليها الاتجاه لبحر الحوسيمة جلسات فيه اسبوع كامل فالاوتيل كل نهار البحر والنتاضؤ الخلابة اللي كيطل عليها الاوتيل كأنها ففيتنام ودخلات الشك لمتابعينها بالامكان اللي كتمشي ليهم وتصور فيهم .. الاغلبية كيحسابهم برا المغرب لو لا تحديد الموقع اللي كدير . لاكن كل مكان كانت كتكملو هي بجمالية الصورة وعفويتها .. حتى يديها ويديه مسلكوش من التصاور كل مرة شد فيه وتاخد صورة ... او تقرب وجهها من عنقو وتغمض عينيها وتاخد صورة عن قرب بلا متبين وجهه .. او تغطي ليه وجهه بطربوشها وهي جالسة بين رجليه كضحك .. يد شادة الطربوش يد كتصور بيها حتى فاض صبر المتتبعات وبداو يطلبوها تبين حتى وجهه راجلها
العطلة دازت اكثر من رائعة عند اميرة... دارت فيها العرس... و صافرات فيها مع حبيب القلب ... وعرفات فيها نوع الجنين من خلال المفاجأة اللي دارت ليها سلوى .. جهزات ليها حفلة فكازا غير بيناتهم فالدار مساق ليها حد الخبار من غير حنان وشايلا اللي كانو معاهم .. طبلة طويلة وسط الدار فيها الحلويات ونفاخات كبار فالهوا شادينهم خيوط بجناب الطبلة ... الحماس والتشويق كلشي باغي يعرف نوع الجنين وكل واحد فيهم وشنو كيقول .. كاين اللي كيقول ديك الكرش عندك ديال الولد ... لالا داك الفم اللي طبز ديال البنت ... البنت كتكرش .. لا الولد اللي كيكرش ... وشي كرش ما خارجة بزاف باش يقولو ديال توام . حارو وكل واحد شو باغي .. اميرة مغمضة عينيها لابسة كسوة قصيرة صيفية وكطلب الله تكون بنوتة .. بنوتة تلبسها كسيوات وتلعب ليها فشعرها ، وفوق الكرسي جالس محمد بشورط وتيشورط كيتسنا ومخاطر معاها على الولد ويضحك وحتى هوا متشوق يعرف وباغي الولد .
وصلات اللحضة الحاسمة ووقفات اميرة كضحك وتسوط وتغمض عينيها وهزات ابرة بدات كتهد على البالون الاسود وهما كيحسبو ليها ويصوروها ، " بااق" طرطقات البالون وهبط لقش كيبري رقيق ازرق .. شافو محمد اللي كانو عينيه معلقين كيتسنا وضرب بونية فالهواء ووقف فرحان كيضحك عنقها وكيمزح معاها باش متقلقش حيت بغات البنت .. وطبعا متقلقاتش وفرحات حيت كما كان الحال بنت او ولد كيبقا جزء منها ... فرحات وحتافلات فجو مليء بالسعادة والسعادة لكبيرة هي رجوع محمد اللي كتعرف ليها ... و واش غيبقا هاكا ولا غيعاود يتبدل عليها ؟ هادشي اللي غيبان ليها من هنا لقدام
بعد مرور سنتين ...
بالطابلية بيضاء جالسة فالمكتب من بعد ما سالات الخدمة ديالها فالعيادة اللي فتحات ببرلين بمساعدة محمد طبعا باش تجلس ليه تما وما تبقاش فالمغرب . محنية على الكتاب كتقيد وتعاود وعيانة بستريس الخدمة .. رجعات اللور رتاحت شوبة مغمضة عينيها حتى فيقها تيليفون كيصوني وفتحات الخط
- الو . وي ... اوك ساليت .. هانا هابطة عندك
قطعات ووقفات هزات صاكها ولبسات مونطو اسود على حوايجها من البرد وخرجات كتوصي المساعدات بجوج . نزلات مع دروج العمارة من العمارات القدام ببرلين وخرجات كتجري هاربة من الشتا لقات محمد وسط الطموبيل جالس كيتسناها .. طلعات بسرعة وسدات عليها وسلمات عليه من الوجه وقبل ميهضر هزات يديها بجوج وقالت
تنهد وفوض امرو لله وقلب الطريق للسوبر ماركت ونزلو مناكرين كل واحد كيسوط فجهة ... هوا كيهز الحلويات والشكلاط وهي كترجعهم ... لا ياكلهم .. لا مياكلهمش كيديرو ليه لحنوشة... لا خليه عزاز عليه ... لا والله لا كلاهم . مني منك مني منك حتى دابزو ودارو بناقص وغضبو كل واحد قلب وجهه على حلوى ديال سلطان ... تقادات للثلاجة اللي خاص وخرج سابقها وهي موراه معبسة طلعات حداه ورجعو للدار ... دخلات منفخة وخلاتو مدخل التقدية موراه ... هي دازت تشوف ولدها الاشقر بحالها الخالق الناطق كيشبه لمحمد غير فرجلين وليدين فقط البقية غير اميرة .. اما الاخير مشا للكوزينة عند مو حط ليها تقدية معصب . تلفتات عندو بتساؤل وقالت
- مالك ياك لاباس!! شنو وقع ؟
قال بنرفزة: والو ... مكاين غير اللي يعصبك افف
خرج من المطبخ لقا اميرة جالسة وسط الدار مجلسة على رجليها سلطان كتلعب معاه ... الحب كامل والخاطر والدلال اللي كان عندها كتعطيه لمحمد حيداتو ليه وفرغاتو فسلطان الشيء اللي خلا فراغ عند محمد ورجع كيتعصب على نقشة .
جرو محمد مم يديه عض ليه دوك لحنيكات ماكفاتوش بوسة عطاه عضة حتا بكاه وهي تنوض ليه اميرة
- كولول كولو .. كولو حسن اويلي شفطتيه مسكين
عوج سلطان دوك شنيفات كيتنخصص ودميعات فلعيينين كيقطع فالقلب بقا فيه الحال وغضب بغا يمشي عند اميرة لاكن ماخلاهش محمد وعنقو كيصالحو ويتسامح معاه بحال العادة .. ضاروري يتسامح ويرغب ويزوازك ويراري عاد يرجع معاه سي سلطان للطبيعة ... من غير هادشي ميرجعش واخا يبقا معاه تما سيمانة . ايوا الطبع ديال الاب نتاقل للأبن حتى هوا !!
[22/8 03:06] 🌸حسبي الله عليه توكلت ...: خلاتو اميرة معاه من بعد ما تصالح هوا وياه وناضت لروتين المسائي كالعادة ... توجد العشا مع حماتها اللي واقفة معاها وخيرها سابق ... معاوناها فتربية وشاداه ومقابلاه ليها وكدير ليه كي الماء لقيل . حطو للعشا وتجمعو كاملين تعشاو وكل واحد مشا فحالو يرتاح و اميرة مشات مع سلطان لبيتو كتبدل ليه وتلعب
[22/8 03:29] 🌸حسبي الله عليه توكلت ...: معاه ونسات راسها حتى طل عليها محمد بملابس النوم معبس وقال
- وا نوضي نتي براكة عليك من اللعب .. عطينيا شوية الوقت عيقتي كاع
شافت فيه وقالت : شنو بغيتي ياك عيان واسير تنعس
محمد : وا نوضي تنعسي
اميرة : مافياش غدا الويكاند باغا نبقا شوية مع سلطان
بقا كيشوف فيها ساكت شحااال حتى حساب ليها غيغضب عاوتاني ويمشي يقلب وجهه لاكن هاد المرة لا ... دخل حتى هوا وترما حداه فالسرير ودار يدو تحت راسو وقال
- نسهرو كاملين يالاه
هزات حاجبها فيه ودارت ابتسامة تعحب وقالت
- فيك ما يسهر!!
محمد : ياك قلتي غدا لويكاند ... وا صافي
اميرة : وا طفي الضوء خليه هوا ينعس
ناض طفا الضوء ورجع تخشا حداها وهي منعسة سلطان عندها حتى داهم النعاس كاملين .
ت 3h ديال الليل ... غارقين فالنعاس بجوج فسابع نومة كاع التعب والارهاق ديال النهار رجع عليهم .. لاكن شكون خلاهم .. ناض سلطان كيعرنن غير بوحدو ويبكي فيقهم بجوج دايخين كيسولو مالو ... مالو اش واقع ... السيد ضرباتو الفيقة طار عليه النعاس وبغا يصدع ... واكل شابع مبدل علاش لا ميسرحش شوية حلقو فالبكا والتعرنين . طفش محمد عيا يصبر والنعاس ساد ليه العينين فاللخر ناض هرب من حداهم خرج دايخ مشا لبيتو خلاها معاه كتسكتو ... مكانتش حتى هي من العاكزين هزات سلطان وتبعاتو جلسات حداه
اميرة : شدو شوية نرتاح
شاف فيها كيرغب : شديه الله يحفضك ... مقادرش مقادرش فقت بكري شديه نتي معندي مندير ليه انا
طيح محمد وجهه على المخدة كيسوط وخلات ليه سلطان اللي سكت من البكا وبدا يطلع عليه باغي يلعب معاه فنصاص الليل .. تقلبات عطاتة بالضهر وخلاتو منو ليه كتسمع فيه
محمد : شووو اجي دير دودو يالاه نيني هنا حدايا ... حتى لغدا ونتفرجو فيها يالاه شووو
طيحو حداه كيلعب ويلوح رجليه على اميرة وحط راسو ... يالاه بغا محمد ينعس ويدخل فالنعاس معنقو بيدو وهوا ينوض ليه على وجهو كيغني ويزطم
حل محمد عينو كيسوط وقال : نتا بااغي تلعب ما ناويش تنعس
ناض هزو داه لمو لاكن بدا يغوت ويتعلق فيه ورجعو للبيت مرة اخرى... طل غلى اميرة لقاها فسابع نومة وطاح حداها على ضهرو ستسلم للمعانات وخلا سلطان كيتشعبط فيهم ... مرة يطلع ليه على صدرو مرة يمشي ينتف اميرة حتى كيخرجو عينيها من النعاس ... مرة يخور لمحمد عينو ولا نيفو .. مرة يركب لاميرة على وجهها حتى عيا باللعب وتشبح حداهم راسو على اميرة ورجليه فوجه محمد .
المكتوب فرزقي الجزء السابع والأخير
محتوى القصة
التنقل بين الأجزاء