منفاكش الليل كامل و هو كينادي باسمها غير هي، هادشي اكييد ضر مايرا فنفسها كثر من اي حاجة خرى، و لكن حاولات تفادا فالتفكير فيه و تجنب كلامو، المهم انها كانت بيين ايدييه، قربات كثر دورات ايديها على خصرو و هي مبتاسمة : صباح الخير حياتييي.. عرفتيي كانت احسن لييلة بينا بزووح،
كيسر دفعهاا بقوة حتا كانت غطيح من فوق السريير و ناض كيلبس البوكسر ديالو : لاا لاا هادشيي ميمكنش، اناا، انا خنت هدييل، لاا ميمكنش،
لبس البوكسر و ناض كيلبس سروالو، و هي كترمش بعويناتها و تشوف فيه : كيسر، حياتيي صافيي، علاش تفكييرك فيها دباا، نتاا براسك استمتعتيي بليلة البارح، حيت كانت و لا فالخيال، نسيتيي هدييل و كلشي كيتعلق بييها،
كيسر مشا فاتجاهها جرها من دراعها بقوة كيديي و يجيب فيها : انا عشت معاااك على اسااس نتيي هدييل سمعتيي، مشاربش مخيي سمعتيي، و مزاال عاقل على كلشيي، و دباا غتجمعيي حوايجك و غتق*ديي علياا من هناا، منعاودش نشووف وجهك تانيي سمعتييي،
خبطها مع الكادر ديال السرير على بجهدو، حسات بدماغها مشا وجا و مشا يكمل لبسوو، لاحت ليزار من عليها و ناضت وقفات قدامو صولو كيفما ولداتها مها، شاف فيها بنص عين، لحمها و صدرها لي مطبعين،
مايرا : كيسر، شوف بنفسك شنو درتي، ليلة البارح انا كنت ديالك، ديالك بوحدك،
مشا فاتجاهها كاره راسو، مكرهش احرقها هاد الجسم لي خان بيه هديل، شدها من شعرهاا كارز علييه شوية و يطيرو من بلاصتوو : هاااد التق*بيين مصاالحش معاياا سمعتييي، لييلة الباارح مكنتش فوعيي، و حسن ليييك تنساايها بحالة عمرهاا كانت فهمتييي، و الى عرفااات هدييل غيير نبشة من هادشيي لي وقع، كنقسم ليييك حتا ندفنك حية سمعتييي، و لا غنخشيييك حداا صاحبتك،
لاحهاا بقوة جات طايحة فالأرض على وجهها و جبينها ضرب مع السريير، رجع كمل كلامو : واش مفهووووم.. ؟!!
مايرا هزات راسها باه و نزلات دمعة من عينيها بلا متحس، هاد المرة حسات بالخووف، و عارفاه يقد بكل كلمة قالها، كلامو فيه نبرة مخيفة من التهدييد،
كيسر: و متنساايش راسك، سيي كيسر، ماشي كيسر سمعتييي،
مايراا ناضت كتمسح فدموعها لي خانوها : هادشيي كامل على ودهاا، شكوون تكوون هي لي ديير عليها هادشي كامل، اماانداا هي الوحيدة لي كانت تستاهل هاد القصر ماشيي هي،
كيسر غير سمع سميتها الجنوون بداو كيلعبو فوق راسوو، بلا ميحس وقف عندها رجع شدها من شعرها و لاحها على المرايا تهرسات فوق راسها، شدها من عنقها تاني كارز عليها شوية و يغرس صباعو عليها و هو هازها لغوق و الدم سايل من جمييع النواحي د جسمهاا لي باقي عرياان نطق و هو كارز على سنانو و عينييه حمريين كينفتو النار : بااغاا تموتيي.. ! رخااصت علييك حيااتك، سمعييي مزيااان، عندك يومااااين، يومااين بالحساااب، غتجمعيي فيها حوايجك و تقودييي عليااا من هنااا، و الى زدتيي ساعة وحدة، كنقسم ليييك غتكمليي ما تبقاا من حياتك فالقبر، وااااش مفهووووم دبااا... ؟!!
مايرا خانقها و قاطع فيها النفس كتحس بروحها شوية و تخرج، هزات راسها باه و دموعها سايليين، لاحهاا فالأرض و خللاها كتلتاقط انفاسها، فلحظة تحل الباب عليهم بزوح،
اوگدان: واش مزال ناعسة ا النم من ن.....
سكت فاش شاف المنظر لي قدامو، كانت مايرا طايحة على الارض بدماياتها مزال عريانة كتلتاقط انفاسها و كيسر قدامو كيسد الصدافي د القميجة لخريين، هز الفيست ديالو و شاف فاوگدان : غدااا نبغيي وحدة خرىى تكلف بهااد القصر، و من الاحسن تكوون خدامة فييه من قبل بلا منلقاو معاها مشاكيل،
خرج و خللا كل واحد فيهم مصدوم، اوگدان بدا كيقاد السينتة و كيرتب الامور مع بعضهم و استنتج اش وقع، شاف مايرا وقفات لوات عليها ليزار و خنزرات فييه،
اوگدان : شنوو درتيي.. ؟؟
مايرا : داار ليييك، اووف انا منقدرش نخرج من هاد القصر بهاد السهوولة، غنلقاا حل اكيييد،
اوگدان خنزر فيها كيشوف فيها بنظرات غير مفهومين : حسن ليك بلا متعرف هدييل، الى وصلاتها الخباار غتقواد عليك، و منضمنش لييك كيسر اش اقدر اديير،
مايراا : صافيي سكت خرح برااا، مافياا ما يسمع شيي كلمة مزاال براكة من التهديييد،
اوگدان : نتي عارفة كيسر الى هدد راه كينفذ، لاباس عليك مزال حية لحد الساعة،
ردخ الباب و خرج و هو كيفكر فهاد الوحلة تانيي، مسح على وجهو و مشا يكمل خدمتو...
نرجعو والله لكيسر، غير خرج من عند مايرا طلع فاتجاه جناحو هو لول، خاصو يشوفهاا، مزاال مقادرش اتقبل اش دار بيديه، احتاقر نفسوو و كره راسو على هاد الفعلة، وقف قدام الباب و حلو بقوة بحال شي عجاجة داخلة، زااد تصدم فاش شاف حالة الغرفة، كلها مقادة بالشمع و الورد، دخل بخطوة بطيئة و عينو كتقلب عليها غير هي، وقف قدام الطبلة لي كانت مزينة مزياان، جميع انواع تأنيب الضمير دازو عليه فهاد اللحظة، كان الضو مزال شاعل و طاغي على الغرغة، و حتا الموسيقى مزالة، طفاهم و هو كيقلب عليها، حل الحمام مكاينش اثرها فيه، مشا فاتجاه الشرفة كيقلب عليها، حتا قال مكايناش و هو يلمح رجليها، قرب كثر لقاها جالسة فالقنت على الارض و جامعة رجليها عندها على وضعية الجنيين، مغطية راسها بين رجليها و شعرها طايح فوق كتافها، قرب كثر و جلس جلسة القرفصاء قدامها، حط ايدو على شعرها كيدوزها بشوية، حتا بدات كتحرك بشوية، بشوية، لمح اثر دمعة مزال على خدها، غير حللات عينيها و شافت فيه بعدات و وقفات، طاح الكاب من فوق كتافها و بانت الكسوة لي لابسة، كيسر هز عينو فيها و هو مستحقر نفسوو، وقف و تقابل معاهاا : صباح الخير،
هديل سكتات و هي كتشوف فيه، بحالة كتأنبو بلا متنطق، رجع تنهد و كمل كلامو : درتي هادشي كامل على قب....
هديل قاطعاتو : اه درتو على قبلك، و لكن باين ليا ليلة البارح كان عندك ما اهم منيي،
كيسر : هدييل لااا اانااا..
هديل رجعات قاطعاتو : عفاك ما تقول والو، و متشرح ليا حتا حاجة، اصلا حتا حاجة مبقات كتهم دبا،
تخطاتو و رجعات للغرفة نيشان للحمام، خللاتو ضرب ايدو مع الحييط بقوة و عينيه مركزة فجهة وحدة، حاس براسو مخنووق و معارفش اش اديير...
هديل غسلات و خرجات كتمسح فوجهها، طللات ملقاتوش فالغرفة، هزات حوايجها بدلات عليها و دماغها مسافر لبعيد فكرة ديها و لاخرة تجيبها، كملات التبدال و نزلات بخطوات بطيئة كتحسس القصر بعينيها، دورات وجهها فاش شافتها جالسة فالصالة، لابسة غير تيشورط مفضفض شوية و نازل، بلا حتا حاجة خرى، حتا لي سوتيان ملابساهمش، الراس د صدرها كيبان مطراسي من تحت التيشورط، جامعة رجليها عندها و مبتاسمة برضى رغم الجروح لي كانو واضحين على جبهتها و عنقها، هديل قربات جيهتها بخطوات بطيئة و هي هازة حاجبها، وصلات حداها و خنزرات،
هديل: حيدييه نتي گااع داك التيشورط حسن، ياكما تسحابي راسك جالسة بوحدك و لا.. !! و معندك ما يداار، مغتهزييش تشوفي خدمتك ا الاخت، متنسايش راسك،
مايرا هزات راسها شافت فيها بعلي و تفاخر : انا مناسياش راسيي سمعتيي، و هاد الهدرة خاصك تقوليها لراسك، سيري شوفي ليك ما يدار و حيدي من طريقي،
هديل الدم كيغلي فوجهها، شافت فيها واحد الشووفة ديال المووت، يللا جات تجاوب شافت اوگدان حداهم كيحاول ينقذ الموقف،
هديل: راا غنووض نبرد لييها العضاام لي سخنوو علييها،
دارت عندها شافتها مبتاسمة، صافيي كيبان ليها غير تقتلها فهاد اللحظة، نيشان طارت عليها جراتهاا من شعرها، ناوية تاكلها و تبرد فيها اعصابها، خدمات ايديها بزووح و اوگدان كيحاول يفك، مبان ليه ميفك و هي دورات گاع شعرها فايديها و لواتو على صباعها، نزلاتها للارض كتنتف فيها و تغدد، مكرهاتش تنهشها، گاع السم لي فيها خرجاتو، نتفات قمشات و عضات، مخللات فيها غير لي نسات، و مايرا كتغوت و تبكيي، حاسة بشعرها غيطير من بلاصتوو، جرها اوگدان من فوقها بالسييف، هديل جمعات ريقها ففمها حتا جمعاتو و بزقات فوجهها، دارت غادة بحالها مخلياها شادة فشعرها و هي كتبكيي، و وجهها مقموش حالتو حتا من الدم وللا سايل ليها مع وجهها، و شي بلايص عضاتها فيهم طيرات ليها الجلدة من بلاصتها،
اوگدان ببرود : هادشي غير معرفاتكش اش دايرة، كوني متاكدة كانت غتقتلك، دبا تهزيي من هناا بدليي هاد الحاالة، و منرجعش نشووفك قداام هدييل، و لا انا لي غندبحك سمعتيي،
مايرا مسحات الدفلة لي فوجهها بتيشورطها، مسحات دموعها و شافت فيه : علاش كلكم كتجييو منهاا علااش، هي متستااهل حتا حاجة، هادييك غيير كلبة عااشت حياتهاا كلبة و غتبقاا هككاااك،
اوگدان محسش براسو حتا جمعها معاهاا بصقلة، خللات وجهها يدوور و صبعانو يطراساو فحنكها، لي فيها ممهنيها هاد السيدة، مبردات حتا كلاتها من عندهم كاملين، شافت فيه و الدموع مجموعين فعينيها، و لكن مخللاش ليها الفرصة فين دويي،
و لكن مخللاش ليها الفرصة فين دويي،
اوگدان: هاديك مرات كيسر، دخليها لدماغك، و الى فكرتي فيها غتعرفي شكون الكلبة، هاديك متوصليهاش حتا فتراب رجليها ا لالة مايرا، دبا غتهزيي و لا نوض نسيفطك للقبر،
مزادتش معاه الهدرة و ناضت وقفات و هي كتعرج تبكي و تنخصص، لي خللاتو فيها هديل كملو هو، مقدراتش تعاودها معاه، حيت عارفة اوگدان، واخا هو الضحوكي فيهم، و هو المفروح فيهم، الى تعصب و مشا حتا هز ايدو، كيريب كلشيي،
مشا فاتجاهها، لقاها جالسة فوق الطبلة و ساهية، مكلات والو و مقرباتش للماكلة نهائيا، باقا كيفما تحطات، جلس جنبها و هو كيشوف فيها، نطقات و عينيها متزعزعاتش من بلاصتها : فين كان كيسر البارح.. ؟!
اوگدان بقا كيشوف فيها بلا ميجاوب، معرفش شنو خاص اقول بالضبط،
هديل تنهدات و شافت فيه : نتا صاحبو، و خدامين بزوج، غتكون عارفو فين كاان،
اوگدان سكت شوية فالتالي نطق : كان عندو عشاء عمل فشي اوطيل، سالا الاجتماع معطل داكشي لاش بات فالاوطيل، عفاك بلا متخلقي منها مشكل ا هديل،
هديل شافت فيه و هي كتحاول تحبس دموعها : هادشي لي كاين ا اوگدان يااك، ممخبي علياا والو، متأكد..!!
اوگدان هز عينو فيها كانت كتشوف فيه بنظرات غراب، نظرات موالفش اشوفهم فعينيها، تنهد محاملش يكدب عليها، و لكن هادا احسن حل : ويي متاكد، هادشي لي كاين، دبا فطريي عفاك،
هديل مفيهاش مياكل، دماغها مخربق الماكلة هي اخر همها، و كتحس حتا بخاطرها مروعة عليها، بقات ساكتة كتشوف قدامها و هي ساهية بلا متجاوب، اوگدان معجبوش حالها : طلعي ترتاحي الى كنتي عيانة،
هديل : عيطتي على اسماء و لا مزال.. ؟
اوگدان حك على راسو : لا مزال، مكيهمش ماشي وقتو دبا،
هديل خنزرات فيه : كيفاش ماشي وقتو، را خطيبتك هاديك واقيلا،
اوگدان: لا غير هاد الصباح مرون من بديتو،
هديل: ارا تيليفونك خلليني نعيط ليها، كوراها مسكينة كتسناك غير تصوني، و نتا مللي جيتي مدويتي معاها،
اوگدان جبد تيليفون حللو و دوز نمرة : هاكي ا لالة بقاي غير فخاطرك،
هديل : اوا هككاك،
خداتو دارت هوت بارلور و هي كتسنا الرد، بعد مدة قصيرة تفتح الخط، و لكن مكان حتا جواب،
اوگدان مسح على شعرو : توقعتها، قولي ليها توحشتها بزااف
هديل : اييه باينة.. !!
اوگدان خنزر فيها و هي تصقل رجعات للداريجة : قالك راجلك توحشك ههه،
اسماء ابتاسمات بحياء : يتوحشو الخيير،
هديل وسعات عينيها : اييه الخير الخيير ههه.. كيغادة مع مرات باك، رخفات عليك الشقا و تمارة و لا مزال عاد مزايدة فيه،
اسماء كتهدر بشوية : بيني و بينك، را كتشوفني كتغدد، كنحس بيها شوية و تلاح عليا، حتا من التيليفون موريتوش ليها لا تحيدو ليا، اما من ناحية الشقا و تمارة ولفتهم وللا شي حاجة ضرورية فكل نهار عندي،
هديل: غير صبري قريب يرجع راجلك و يدييك معززة مكرمة غير كوني هانياا،
اسماء : عرفتي ا ختي مكنعرف عليه والو، و زربو علياا، و نكدب عليك فاش جاتني فرصة بحال هاديك مقدرتش نرفض،
هديل: بصح عندك الحق، و لكن فيها خيير، و دبا تعرفي علييه كثر، كلشي يجي مع الوقت،
اسماء : سمحيليا خاص نقطع دبا قبل لا تجي خالتي و تشوفني،
هديل دوات مع اوگدان : قالت ليك غتقطع، باغي تقول شي حاجة،
اوگدان : نوو غير تهللا فراسها،
هديل: قالك راجلك تهلاي فراسك و ردي البال من دوك زوج عقروشات، يلاا بسلامة عليك منجبدش ليك الصداع،
اسماء: بسلامة ا ختي،
قطعات معاها و هي مبتاسمة، واخا معندها خاطر ضحكات معاها،
اوگدان: شنو كانت كتقول ليك،
هديل: والو ماشي شي حاجة هدرة العيالات،
سكتات فاش شافت كيسر نازل، تنهدات و وقفات تبدل البلاصة حسن، مباغاش تشوف فيه و معندهاش القدرة باش تواجهو، هو وقف متبعها بعينيه حتا طلعات للغرفة، شاف فاوگدان لي بدورو متبعها بعينيه : مزال مقلقة منك، هادشي غير معارفة والو،
كيسر تنهد بقوة : زعما تكون عرفات،
اوگدان : لا منظنش، كيفاش غتغرف، عاد سولاتني فين كنتي، و اصلا هديل كون عرفات مغتسكتش،
كيسر : غنحمااق ا صاحبيي، بغييت ندوي معاها و لكن مقادرش نشوف فييهاا،
اوگدان : صعيبة شوية، خلليها للوقت يحلها،
كيسر جلس شاد راسو : مبغيتهاش تعرف، مكنتش فوعيي محاسش بداكشي لي درت، الليل كامل دوزتو مع هدييل هادشي فاش كنت كنفكر، معرفتش كيفاش وقع، مفهمتش،
اوگدان ربط على كتفو : صافي غير خلليها ترتاح، هي وجدات لليلة البارح بزاف داكشي بااش، شوية و تنساها،
كيسر : هي وجدات كلشي على قبلي و انا كنت ناعس مع وحدة خرى، (وقف و هز اول ڤاز قدامو شير بيه على الحيييط) عمري حسييت بشي ندم قد هادااا، درتهاا بيديي اوگداان،
اوگدان: صافيي هي معارفة والو، و حتا مايرا مغتقدر تنطق بوالو،
كيسر : غنقتلها مفيهاش شك،
اوگدان: معندك ما تستافد لي وقع وقع، خلليها و متخافش عمرك غترجع تشوف وجهها، خاصها تخاف على حياتها دباا،
كيسر هز لكونطاكت ديال لوطو و تم خارج بلا ميزيد كلمة وحدة، شاف فيه اوگدان و نطق : فين غادي.. ؟
كيسر: لجهنم..
خرج و طلع فلوطو ديالو، كسيرا بقوة حتا تسمع صوت العجلات على الارض....
داز الوقت، كانو بزوح فلوطو ديالو، مكسيري على الجهد، محيد غطا السيارة من الفووق، كانت حالة ايدييها كتغوت و ضحك و تغنيي مع الموسيقى ليي مجهدة، شعرها مطيرو الريح و ابتسامة رائعة مزينة ملامحها، لابسة كسيوة فالزرق بارد حد الركبة، كان شاد الفولون بيد وحدة، عينو على الطريق و مرة مرة كيطل عليها بنص عين و يضحك على هبالها، شوية دور وجهو على الطريق لي داز من حداه كيبقا حاضيها، خنزر و جرها من ايديها بقوة نزلها و سد الفوقاني د لوطو،
اشراق: اوتش ايديي غير بشوية ا بنادم،
فهد طفا الموسيقى و دار كيشوف فيها مخنزر : اش قلتي مسمعتش،
اشراق خلعها، نزلات كتجري بلا هواها، شافت فيه بعيون دامعين، خاصها غا السبة باش تنزلهم، بقا ساهي فعينيها مباغيش يشوف دموعها، طلع نفس قوي : انا غنجيبو وقفي هنا متحركيش،
اشراق هزات راسها و هي مبتاسمة، سد الباب لي من جيهتها و دار للجهة الثانية يجيب ليها تيليفونها، هي بدات كتقاد فحوايجها مع هزات راسها شافتها دايزة من قدامها، بقات كتحقق فيها و كتأكد واش هي، اييه نفسها عمرها تنساا وجهها،
اشراق : شيماااء شيماااء،
شيماء دارت كتشووف فيها شحال عاد عرفاتهاا، بقات كتحقق فيها بصدمة : اشراق هادي نتيي،
اشراق ابتاسماات : هاا حيااتيي جيتي لا واالوو، هاديي شيمااء صاحبتيي من هاادا شحاال،
فهد هز حاحبو و كلمة حياتي مزال كدور فودنيه، مد ليها تيليفونها : مكيهمش ها تيليفونك،
اشراق خداتو بفرحة : اه حبيبيي يخللييك لياا،
شافت فشيماء لي مفاهمة والو و غير كتسقي عينيها فالزيين لي قداامها، وجه و طول و عرض و فخامة و هيبة كلشي مجموع فيه، فيقها من سهوتها غير اشراق لي خشات ايديها فدراع فهد و زيرات علييه، لصقات لصقة وحدة : ااه مدييش علياا نسييت مقلت لييك، هاداا راجليي حبيبيي فهد، جا لهناا على ود شيي خدمة، داكشيي لاش جييت معااه، منها نييت نبدلو الجو، (شافت ففهد) ياك ا حياتيي،
فهد بقا غير كيشوف موسع عينيه تا لخر و نحلف عليها الى فهم شي حرف، شافتو طول ، هزات رجليها تا هزاتها و نزلات عليه للرجل ، خنزر فييها و هي خرجاات فيه عينييها زاد تعحب كثر عاد نطق : ااه ااه مجاتش نخللي حبيبتي فايطالياا بوحدهاا، (جرها من خصرها حتا لصقها معاه) صافي حياتيي مشيناا،
اشراق حطات ايديها على صدروو : اه ضرووري، (شافت فشيماء) حبييبة خلليناك دباا، ااه و سلميليي بزااف على خووك و مراتوو، (غمزاتها) و متنساايش عاوديلوو اش شفتيي و سمعتيي، عارفاك مغتفلتيي حتا حاجة،
ضارت شافت ففهد لي كان عاض على شفايفو حابس الضحكة، جرها و كملو طريقهم، خللاوها غير مصدومة وراهم مفاهمة والو...
فهد : اممم راجلك، جديدة هادي،
اشراق : شنوو بغيتيينيي نقول لييها هوو مولاياا و انا قحبتوو، مجااتش كان خاصني نفقصها، مزياان شفتيي حالتهاا، شوية و نطرطق لييها المراارة،
فهد زير ليها على خصرها كثر : معمرك تعاودي تقولي هاد الكلمة، مبغيتش نسمعها مرة خرى،
سكتات فاش دخلو مع كافيي كبيييرة غير ديال الشخصياات، كلشيي كيرحب بيهم و هو ممسوق لحد، غاديين و كيدوييو مهامهم حد،
اشراق شافت فيه ببراءة : شنو هي، واش نطرطق ليها المراارة، مكيعجبكش هاد المصطلح صافيي مباقييش نقولوو،
فهد ابتاسم بلا ميحس : لا ماشي هاديي،
اشراق: اوا شنوو.. ؟!
فهد : مباقاش تقولي على راسك قحبة دياليي سمعتيي، عمريي نرجع نسمعها منك مرة خرى،
اشراق كترمش بعينيها : و علاه مالي كدبت ياك داكشي لي كاين،
فهد من تحت سناانو : لاا ماشي هو، و انا لي كنقرر اش لي كاين،
اشراق: صافي لي عجبك ،
مشاو لبلاصة بعييدة على النااس جلسوو، كانت عبارة على زوج كنابيي حدا بعضهم و طبلة متوسطة د الزااج قدامهم، جات مقنتة و بعيدة على البشاار، فهد جلس و جرها جلسها جنبو : و نهار كنا فديك الحفلة، شنو قلتي لشيهاڤير على علاقتك بيا، اكييد غتكون سولاتك، خاشية راسها فكلشيي ديك السيدة،
اشراق: ااه كنت قلت لييها صاحبيي، بووي فرييند زعماا،
فهد كيلعب بخصلات شعرها : امم صاحبك،
اشراق: ااه، مقدييتش نقول ليها... (عضات على شفايفها) رااك عارف،
فهد ابتاسم : صاحبك و راجلك مزياان هه، و شنو قصة هاد خايتيي (ورك على هاد الكلمة) و خوووهااا،
اشراق: واالوو، غيير وااحد بنت القحبة، كنت دايراها صاحبتيي زعماا، ساعة مصدقاتش،
فهد: عاوديليي،
اشراق شافت فيه بنص عين : وللا فييك الفضوول كثر مننيي،
فهد خنزر فييها يللا جا ينطق تكلمات هي : ههه غا ضاحكين انا نقولك، شحال هادا فاش كنت فالمغرب كانت صاحبتيي زعماا، و دااك خوهاا كان باغيي يتصاحب معاياا، و اناا عارفااه زهوانيي، بلا متبقاا تشوف فيا هككااك راا قلت لييه لاا، اصلا هو طامع غا فحاجتوو،
قاطعها السيرفور لي حا ياخد طلباتهم، خداهم و مشا،
فهد: كمليي..
اشراق: المهم هي كل مرة تلوح ليا الهدرة على خوها، انا كندير غير عين ميكة، و واحد النهار قالت ليا اجي عندي للدار ضروري خاصني نهدر معاك، سولتها اش كاين مبغاتش تجاوبني قالت لي جي و تعرفيي، لبست جلابتي داك الساع و نزلت عندها، فاش مشيت حل عليا خوها قال ليا دخلي را ختي فالدار، فاش دخلت لقيت راسي غير انا وياه بوحدنا، السيد بغا يقرب ليا و كذا، بدا كيقيس فياا فشي بلايص و كيبوسني بالسيف، انا مبان ليا غير واحد الديكور قاصح فوق الطبلة ضربتو بييه للراس و هربت جريا وحدة، صافي هادا مكان،
كانت كدوي و تعبر بيديها مرة تهز عينيها تشوف فيه مرة تنزلها، كملات كلامها لقاتو مزير اييدو على شكل قبضة و كيشوف فيها بنظرات غراب مفهماتش معناهم،
فهد : غيندموو بزووج على هادشي لي بغاو يديرو فييك، (شد فايديها) انا غناخد ليك حقك،
اشراق: علاش نتا مدرتيش نفس الحاجة، هو مخدا منني والو، و لكن نتاا....
هنا سكتات، مقدراتش تكمل حدرات راسها و حسات بيه زاد زير على ايديها، قرب ليها كثر و نطق حدا ودنيها : نتي ديالي اناا، سمعتيي، و لي فكر يقرب لييك غنمحيه من الوجود سمعتيي، حيت نتييي دياليي اناا، صافيي،
اشراق: عييت بهاد انا دياالك دياالك، صافي حفضتها، الى انا ديالك، و نتاا.. ؟
فهد: نتي ديالي، و انا ديالك،
اشراق: و شنو هاد المعادلة الجدييدة ،
فهد مجاوبهاش، قرب عندها كثر باسها على عنقها و هو كيشم فريحتها، حط ايدو على كتافها كيدوزها بشوية طالع حتا وصلها لعنقها، دور ايدو عليها قربها و حط شفايفو على دياولها......
نرجعوو لهديل.. كانت فالحماام كترد، خوات كلشي فمعدتهاا، بعدات كتغسل حالتها و هي كتحس بكرشها كتقطع، مسارنها مقلوبيين، معرفاتش اش كلات، مسحات وجهها و تمات خارجة من الغرفة بشوية و ايديها على كرشها، فكرات تنزل للحديقة ممكن الى ضرب فيها البرد توللي شوية، داكشي لي كان، نزلات و جلسات فوق واحد الكنابي كتسترجع انفاسها، بقات ساهية فالفراغ، حتا نزلات دمعة من عينيها، مسحاتها و هي كتحاول تقوي راسها، و افكار كثيييرة كتلخبط فدماغها، هزات راسها فاش بان ليها شي شخص خارج من القصر، جا عند كيسر على ود شي خدمة، و هاهو خارج، شافها جالسة بوحدها و ساهية كتخمم، بقا كيفكر واش امشي عندها و لا بلاش، و لكن خاف من كيسر ، يللا غيدور غادي بحالو شافها هزات راسها فيه و ابتاسمات فوجهو، محسش براسو حتا مشا فاتجاهها و هو كيحقق فملامحها و جمالها الربانيي، كيبقا ذكر، و اي انثى بهاد الصورة لي قدامو غتجذبو ناحيتها، و خصوصا ان هديل كتميز بجاذبية خاصة طاغية فشخصيتها...
قرب جلس جنبها و نطق بالروسية : هااي، انا كريس،
هديل ابتاسمات و جاوبات بالانجليزية : انا هديل، متشرفين،
كريس كمل كلامو بالانجليزية : الشرف لياا، انسة...
هديل تنهدات : مدام، هديل،
كريس شاف فيها بصدمة : اوو سمحيلياا معند بالييش...
هديل قاطعاتو : لا اصلا مكيهمش،
كريس جا يوقف نطقات : ممكن طلب،
كريس رجع شد بلاصتو : اكييد تفضلي،
هديل: نقدر نتكا على صدرك، محتاجة لشي حد عفاك، صدري راه ضايق،
كريس بقا كيشوف فيها معرفش اش اقول فلول، و لكن فالتالي نطق : اكيييد خودي راحتك،
قربات ليه تكات على صدروو و دورات ايديها على خصرو معنقاه بقوة، نزلو دموعها واخا حبساتهم حتا عيات، زيرات عليه كثر اما هو فكان غير كيشوف فيها و كيحاول يفهم تصرفاتها، فاش شافها كتبكي محسش و معرفش امتا دور ايدو على ضهرها و زاد خشاها فيه، هزات راسها بشوية كتشوف فالشرفة ديال مكتب كيسر التاني، مقابلة معاهم مباشرة، فاش كانت نازلة شافت كيسر و اوگدان لي هاز معاه شي وراق داخلين ليه، و واضح انهم غيتعطلو بسباب الخدمة، تنهدات و هي مراقباه فصمت...
كانو جالسين فالمكتب كيدوييو،
اوگدان: شفتيي، قلت لييك ميمكنش اعرف هاد المعلومات غير هككاك، هو لي لعب فالبدية، المهم دباا جمييع الشركات لي كانت فالمناقصة طالبين انك تقبل هاد الصفقة، حيت الى رفضتي غتكون خسارة كبييرة ليهم كامليين،
كيسر: اممم مزياان، خللينا نشوفو شحال ا يخسرو،
اوگدان ابتاسم : و خونا شدرتي معاه،
كيسر: انا واعدت فهد بللي مغتشرقش عليه شمس اليووم، و داكشي لي كان، راه فالديبوو مكيشوفش الضوو، و غنخلليه لييك حتا تفكر فاحسن طريقة يموت بييها،
اوگدان: متخافش خلليه لياا،
كيسر جغم من كاسو : خاص نكون حاضر فاش تصفيها ليه،
اوگدان بابتسامة : اكيييد،
كيسر وقف هاز كاسو فاتجاه الشرفة، وقف كيشوف فالحديقة و كيدور عينو عليها، وقف اوگدان جنبوو : و هديل اش غدير معاها.. ؟!
كيسر غير نزل عينو مجات غير عليها هي و كريس، معنقها و خاشيها وسط حضنو : غنقتلهاااا،
زير على الكاس حتا تهرس فيدو، نزل الشراب لي فيه مع دمو، عينييه وللاو حمرييين و حجموو ضاعف، اوگدان نزل عينيه و هو يشوفها، يللا تفك من الصدمة لي وقفاتو على الحراك، جاا يدور عند كيسر و يحاول يهدنو، و لكن فينوو طاار لعندهاا بقا غا الرييح..
هديل هزات عينيها لقاتو قدامهاا، عينيه كينفتوو النار، جرها من دراعها بقوة وقفها مبعدها على كريس لي مفهم والو، وقف و يللا جا ينطق محسش الا بضربة جاتو فالرااس، خللات دماغو يمشي و يجي، طاح على وقفتو، ضربة وحدة خللاتو يمشي مغيب، دار عندها شدها من معصمها بقوة و هي كتبكي و تنثر منوو و تم مطلعها للغرفة بلا مينطق......
بقا غادي بيها دخلها لاول غرفة بانت لييه، دخل و سد الباب، تم غادي فاتجاهها كارز على ايدو و عينيه شوية و يدمعو دم بكثرة ما هما حمريين، جنون الدنيا و الديين كيلعبوو فوق راسوو، كيقرب عندها و هي راجعة باللور كلها كترعد من راسها لرجليها، خطوتها صغيرة مقارنة بخطواتو الكباار، دغيا وصل قدامها، شدها من فكها بقوة حسات بيه شوية و يهرسو، بغا ينطق و سكت فاخر لحظة، اش غيقوول، و هو شافها بام عينييه معنقة واحد اخر و واخدة راحتها بين احضانو، هز ايدو للسما و نزل عليها بصقلة، خللات حنكها يدوور، و رجع ضربها فالحنك التاني باللور د ايدوو، تصورو صبعانو على حنكها و حتا الخاتم لي تجرحت بلاصتو على حنكها، كانت غير كتبكيي، دموعها حبسوها من انها تنطق بشي كلمة، رجع كيصرفق فيها من جميع النواحي فيما جاات، شدها من شعرها مزير علييه كتبكيي و تغوت و بزووح كيسمعو صوت اوگدان لي كيضرب فالباب و يدق،
كيسر: انااا تستحمرينيييي، عااجبك الحااال بين ايديييه، ااا، دوييي نطقيييي،
لاحها بقوة جات طايحة على الارض صوت شهقاتها مسموع بقوة، يللا جات تهز راسها، شدها من عنقها و هزها كاملة بيد وحدة ، حتا مبقاوش رجليها لامسو الارض خانقهاا، بقات كضرب على اييدو و عينييها خارجيين كتشووف موتهاا قدامها و هو عاد مكييزير علييه، حتاا تحل البااب بقوة، كان اوگدان لي جاب زوج فيليلات صغار حل بيهم الباب، فاش شافها تخلع الرووح شوية و تزهق ليها، قرب كيجر فكييسر كيحاول يفكها معارفش اش اقوول غير كيخربق بالخووف عليهاا، كيسر ضربو حتا هو جابو لاصق على الحيط، شاف فهديل سد عينو بقوة و الغضب لاعب علييه، لاحها بقوة جا راسها على الحيط، و طاحت للارض كتنفس بقوة و كتقيس جبهتها لي سايل منها دم كثيير اثر الطيحة لي طاحت جات على القنت ديال السرير، كيسر مشا كيهرس فكلشيي فالغرفة كلشيي دگدگوو، هديل شوية بشوية مبقااش كيتسمع صوتها، اوگدان نزل عند مستواها كيضربها على وجهها بشوية و كينادي باسمها على الله تفييق : هدييل، هدييل، فيقيي هدييل كتسمعينيي،
و لكن لا جواب من عندها، تنفسها ضعييف، دار عندوو كيسر و غوت بطريقة خللاتو يوقف : بعععد منهااا، بعدد،
شاف فيه اوگدان بمعنى شنو دبا، كيسر منطقش قرب عندها و هزها بين ايدييه فاتجاه غرفتو : عيط على الطبيبة......
خرجو من الكافيي ضاحكيين ناشطيين و اشراق ليوم عرات على جمييع اوراق الهبال و التسطية لي عندها، بقاو غاديين شافت واحد عندو عربة صغيرة كيبيع فيها الگلاص، هي شافتو حلفات حتا تاخدوو، و اكيد معند فهد غير يستسلم لطلباتها، خدا ليها الگلاص على شكل كورنيي سنافر، بقات كتنهش فيه ماشي غكتاكل، بابتسامة عرييضة على محياهاا، فهد حاضيها و كيضحك، قربات عندو كتشووف فيه،
اشراق: واش بغيتيي شوية، من قبيلا و نتا حاضيني،
فهد ابتاسم و حرك راسو باه، قربات حدا وذنو و قالت بصوت منخافض : الى بغيتييه سير شرييه، (بعدات عليه كتلذذ فييه) مزياان تباارك الله، قالك اه،
فهد عض على شفاتو التحتانية و قرب ناحيتها : لاا بغيت هاداا،
اشراق كتبعدو علييه : لااا، ا و الله لا كاان لييك يللاااه،
فهد قرب ليها كثر : و شكون قالييك انا باغي هادااك،
اشراق: و اش باغي، امممم، امممم..
كان كيلتاهم فشفايفها ليي عمرو كلهم بالگلاص، حالتها كلها عمراتها، كيساليي من وحدة كيدوز للتانية عاطي لكل شفاة حقها و كيتلذذ بنكهة الگلاص لي عليها، حتا بعد على خاطرو و هو كيشوف فيها عينيها مدمعة، كتشوف فالكورني لي فيديها، نزل عينو شاف الگلاص لي عليه طاح للارض،
فهد ضحك كيشوف فعينيها شوية و غتبدا تبكيي، شدها من ايدها دورها عندو و شادها من خصرها ملصقها معاه و تم راجع بيها عند مول الگلاص : غناخدوو واحد اخر (قرب مسح على عينيها قبل ما تنزل الدموع) بلا بكاا غير اجيي و لا غنديرو بلاش من شي گلاص،
اشراق : هاا لا صافيي مابااقييش نبكيي، غير خلليناا ناخدووه عفااك،
فهد ابتاسم: هككا نبغييك يللا،
خدا ليها الگلاص و خلص السيد لي بغا يرجع ليه الصرف و رفض،
اشراق: خللينا نبقاو نتمشااو شوية، شووف الجو شحال زويين،
فهد هز راسو باه و بقاو كيتمشاو فداك الجو الاكثر من الرائع، كان كيضرب فيهم برد زويين، نسيم هاز لاشراق شعرها مطيرو و هي مكايناش فهاد العالم، خاشية وجهها فالگلاص و كتلذذ، فهد مراقب كل حركاتها و تصررفااها، ترسمات ابتسامة على وجهو و عينيه كيلمعو مراقبينها، هز ايدو دورها على كتفها و خشاها فيه، حط ايدو فالجنب ديال فمها كيمسح ليها الگلاص لي معمر حالتها، ضحكات و رجعات كتاكل فالكورني،
فهد: مكتفاكيش كتاكلي كلشي،
اشراق: امم مالك حسدتينيي، اصلاا بنيين اممم،
فهد ابتاسم و نزل ايدو لتحت رجليها هزها بخفة و تم غادي بيها : انا غناكلك نتييي،
اشراق : هاا ا ناريي على السيد، ا تا حطنيي يهدييك الله ا ويليي، شووف بنادم كيكيشووف فيناا وااع حطنيي،
فهد ابتاسم : و من بعد، خلليهم يشوفو ، مبقا حد يهز حبيبتو،
اشراق سكتات و هي كتشوف فيه، و كلمة حبيبة مزال كدور فودنيها، و كتردد على مسامعها، فالتالي ضحكات على تفكيرها، غتكون غير زلة لسان و صافي معندها حتا معنى، حل باب السيارة من جيهتها حطها، دار للجهة التانية و كسيراا خللا غير العجاجة وراه....
كانو واقفين قبالتها، فوق السريير متكية و شعرها الحريري مدلي فوق الوسادة، سخفانة و جروحها مغطيين بفاصمات مداويين، كلهم مجموعين عند راسها، كيسر اوگدان و الطبييبة، نطق كيسر : دوييي نطقيي خلااص،
حللات عينييها على آخر كلمة، بقات كدور عينيها عليهم و كتشوف فيهم واحد واحد، دققات النظر فكيسر، شافت الصدمة و الفرحة فعينيه فنفس الوقت، تنهدات و هي كتقاد فالوسادة وراها باش تجلس، كلهم دارو عندها، جات عندها الطبيبة كتجري باش تعاونها، غوتاات فوجهها بلا متحس : بسعييي، متقيسينيييش بعديي،
الطبيبة شافت فكيسر لي بدورو دار ليها اشارة باش تبعد،
هديل: شنوو تقتل الميت و تمشيي فجنازتوو،
كيسر حل عينييه : و مزال عندك الوجه باش تدويي،
هديل ابتاسمات عكس النار لي شاعلة فقلبها كتحرق فيها : هااد الهدرة بالضبط، هي لي خاص تقوول لراسك،
كيسر غوت حتا قفز گااع لي فالغرفة : هديييل،
هديل حتا هي محساتش الا و هي كتغوت : شنوو شننوو اش بااغيي، اش باغييي منييي، سيير عندهااا هي، سيير عند مايراا، و حط حكاامك علييييهااا، ماشييي اناا سمعتييي، (هزات صبعها فوجهوو) عمرك تعاود دخل فحياتييي سمعتيي، حسن لييك تبقاا بعيييد،
كيسر و اوگدان بزوج غير ساكتين كيسمعو ليها و الصدمة على ملامحهم بزوج، و بالاخص كيسر، سكتاات شوية كتسناا رد من شي واحد فالتاليي طلعات نفس قوي و ابتاسمات،
هديل : حسيتيي بالناار لي شعلات فيااا، حسيتييي، واخاا متوصلهااش، و لكن حتا نتاا تحرقتيي، شفتكم بعيينيييااا ا كييسر بعينييااا، (دمعو عينييها و بدات كتدوي بصوت مخنوق خارج من الداخل ديالها) شفتك بعينياا مع وحدة خرى، فوق فراش واحد، المرة الجاية الى بغيتيي دوز شيي ليلة مع شيي وحدة، سد ورااك البااب مزيااان، الى عرفتهاا على الاقل منشوف والوو بعينااا.......
هديل : حسيتيي بالناار لي شعلات فيااا، حسيتييي، واخاا متوصلهااش، و لكن حتا نتاا تحرقتيي، شفتكم بعيينيييااا ا كييسر بعينييااا، (دمعو عينييها و بدات كتدوي بصوت مخنوق خارج من الداخل ديالها) شفتك بعينياا مع وحدة خرى، فوق فراش واحد، المرة الجاية الى بغيتيي دوز شيي ليلة مع شيي وحدة، سد ورااك البااب مزيااان، الى عرفتهاا على الاقل منشوف والوو بعينااا...
كيسر : هديييل غيير....
هديل غوتاات و هي سااادة ودنيها : سكوووت سكوووت، متقوول والوو صافيي سكووت، صاافيي عفااااك سككت، معندك متشرح و معندك ما تقووول،
محسااتش حتا هزاات فاز قدامها شيرات بيها فاتجاهو، هزات ديكور اخر زفات بييه، بقات كتغوت و تلوح اي حاجة قدامها، الفراش كللو تخربق و شعرها لصق فوجهها مع دمووعها، مشات حدااها الطبيبة كتجريي و كتحااول تشدها من ايديها : تهدنيي ا لالة عفااك، هادشيي ممزياانش للجنيين،
هديل دورات وجهها شافت فييه و دموعها شلال من عينييها، كان مصدوم و واقف مسمر فبلاصتوو، مزال كيحاول يستوعب، حاس بذاتو كتغليي ، و لكن غضبوو هاد المرة من نفسوو، ماشي من واحد اخر،
هديل شافت فيه بعينيها حمرين الدموع مجموعين فيهم كتخرج الحروف من بين شفايفها بالسييف : شنو باغيي، بعد مني عفاك، مبقيت باغا نسمع والو، خللينيي بوحديي، متعاودش تباان قداميي،
سكتات و هي كتبكيي، اوگدان شاف فالطبيبة، خرجو بزوج و سدو وراهم الباب، كيسر مسح على وجهو و تم غادي فاتجاهها، جلس جنبها ضمها ليه بقوة ، بقات كدفع فييه و تغوت، ضرباتو فصدرو و غرسات ضفارها على كتفوو كتحاول تبعدوو، و غواتها كاسر الدنياا، غوتات سبات و عيرات، و هو عاد مكيزيد يزير عليها، فالتالي استسلمات لعناقو، كتبكي بصوت عالي و تشهق،
هديل: و لكن، نتاا، نتاا خنتينيي، مكيهمش كيفاش، نتاا خنتيني و صافيي،
كيسر نزل راسو كيشوف فوجهها، حط ايدو على حنكها كيمسح دموعها بشوية : هديل انا كنت شارب، مثقل بزاف، و عاد معصب، مكنتش عاقل على اش كنديير، اه انا كنت معاها ففراش واحد، و لكن نتيي بوحدك لي فباليي، كنشوفك غير نتي قدامي،
هديل كدوي بحالة مسمعاتوش : اناا كنت موجدة كلشيي، موجدة كلشيي، فرحاانة، حييت عارفاك اتفرح، فاش.. فاش تشوف داكشي لي درت، و لكن نتااا.. نتاا مشيتيي عندهاا هي...
سكتات شوية كتشهق طلعات نفس عاد رجعات نطقات : قلبيي كيتقطع ا كيسر، نتا ماشي غير خنتينيي، نتا هرستيي اي حاجة زوينة كانت فيا جيهتك،
كيسر : هدييل نتي عارفانيي كنبغييك، هاديك كانت غير غلطة، غلطة فلحظة غضب و صافيي، كلشيي ا يفوت،
هديل : حتا حاجة مافايتة، على الأقل ماشي دباا، خلليني نمشيي بحالي، بغيت نبعد، ماقادراش نعيش انا و ياك فدار وحدة، مبغيتش نشوف وجهك قدامي مزاال، خللينيي علييك،
كيسر تنهد : هديل نتيي عارفة بللي معندك فين تمشيي،
هديل هزات عينيها الدامعين فيه : اذن خرج نتاا،
كيسر شاف فيها موسع عينيه : كيفاش.. !!
هديل: كيف كتسمع، بغيت وقت نرتااح فييه، و مباغااش نشوفك قدامي مزال، بغييت نرتااح، خللينيي علييك، واحد فينا ا يخرج، و دبا بسع مننيي، مباقيش تقيسني......
بعدات مننو كتمسح دموعها، اما هو بقا كيشوف فيها مدة طويلة، فالتالي تنهد و هو غادي فاتجاه الباب : انشوفو،
هزات راسها لقاتو خرج و سد الباب وراه، وقفات بشوية شادة فكرشها كدوي راسها : ولديي حبيبيي، علاش جيتي دباا علاش، حتا نتا مع باباك ياك، جيتي باش تعاونو منبعدش عليه، حتا نتا باغي تلصقني معاه، و لكن انا غنبعد، مبقيتش قادرة نشوف فعينيه، ديك الليلة مزال بين عينيا،
تنهدات و ناضت تبدل عليها، لبسات كسوة خفيفة بلا كمام و نازلة طويلة، حللات الباب بشوية و نزلات مع الدرج كتشوف فالقصر و دور عينيها عليه، دخلات لوحدة من غرف الضياف و جلسات فوق السرير كدوز ايديها على فراشو بشوية، حتا سمعات الدقان فالباب،
هديل: دخل،
تحل الباب بشوية، خرج راسو كيشوف فيها، دخل و سد وراه الباب،
اوگدان: شنو كديري هنا،
هديل: مغنبقاش فداك البيت، اي حاجة تما كتفكرني فيه، علاش جاي، شنو باغي،
اوگدان حلس جنبها : هديل..
هديل: سكت، ما تقول والو، حتا نتا متافق معاه، شفتي فعينيا و كدبتي، كيفاش قدرتي ديرها، ياك انا ختك اولا، و لا صاحبك اهم،
اوگدان: لا هديل متفهميش غلط، مبغيتش نقول ليك باش منخلليش علاقتكم تتوثر، نتي عارفة بللي مكانش فوعيو،
هديل: متبقاش دافع عليه، داكشي لي دار مكيتنساش بسهولة،
اوگدان : مبغيتش ندافع عليه، و لكن حتا نتي فهميه، انا بغيت غير مصلاحتك،
هديل: الى كنتي باغي مصلاحتي بصح، عاوني نخرج من هاد القصر،
اوگدان: و لكن...
هديل قاطعاتو و رسمات ابتسامة سخرية على محياها : كنت عارفة جوابك، (تنهدات) خرج و سد وراك الباب،
وقفات و مشات تخشات وسط الفراش بدون اهتمام ليه، اوگدان تنهد بقلة حيلة و خرج، غير سمعاتو سد الباب طلقات العنان لدموعها ياخدو راحتها فوق خدودها، عيات حابساهم..
اوگدان غير سد الباب شافو قدامو : مبغاتش تبقا فالجناح، و ماباغا دوي مع حتا واحد،
كيسر طرطق عنقو و نطق ببرود : عارف، خلليها فراحتها، حيت داكشي لي شافت ماشي ساهل،
اوگدان وسع عينو فيه : غتخلليها هككاا،
كيسر : الى فرضت عليها دير شي حاجة بالسيف، غير مغتزيد تكرهني، خلليها ترتاح و تبعنيي،
مشا و خللاه واقف، شاف حتا عيا و تبعو، طلع للجناح ديالو، كانو الخدم خارجين من بعد ما جمعو الدنيا، مشا للمكتب ديالو، جلس و تبعو اوگدان،
كيسر : عمر معاك شي كاس،
اوگدان مشا هز قرعة و زوج كيسان عمر ليهم و عطاه، بقا كيشوف فيه مستغرب للبرود لي غالب على ملامحو،
كيسر: متبقاش تشوف فيا هككا، معندي حتا حل اخر، الى هرست الدنيا مغنستافد والو،
سكت و هو كيجغم من كاسو، النار لي شاعلة داخلو كافية تحرق هاد القصر كامل، و لكن كيف قال معندو ميستافد الى حرقو،
كيسر: مايرا مشات بحالها ياك،
اوگدان : اه سيفطتها،
كيسر: مزيان، مبغيتش هديل تشوفها قدامها، غتزيد تحقد على الوضع،
اوگدان: كيسر بغيت غير نسولك، سؤال واحد كيدور فباليي، علاش مقتلتيهاش و هنيتي الكل منها، هادشي يقدر يفش غضب هديل،
كيسر حرك راسو بلا : مغيفشوش، هديل ماشي من النوع لي كتبرد حرقتها بالموت، خاصها غير الوقت، و عاد مزال عندي غراض بديك خايتي،
اوگدان : و لكن الطريقة باش خرجات، غتخلليها تحقد، نتا عارف مزيان بللي هي عارفة گاع اسرار هاد القصر، و الى فكرات تخرج شي حاحة،
كيسر كيشوف لبعيد : و لمن غتخرج، لشيهاڤير مثلا،
دار ابتسامة جانبية و هو كيلعب بكاسو : متقدرش، عارفانيي نتبعهم ليها بزووج،
كيسر وقف : اووك اذن مبغيتش نساا، هاديك كانت بنتيي اوگدان، متبقاش تملي عليا اش ندير،
حط الكاس من ايدو و مشا فاتجاه اللوحة، جرها بشوية و جبد الكتاب لي كانت محفورة بلاصتو فالحيط، بقا كيدورو فيدو حتا وقف قدام المكتبة لي لاصقة على الحيط، هادشي لي كيبان و لكن لا، ماشي هادي الحقيقة، حط الكتاب فبلاصتو، شعلات بولة صغيرة الكترونيا و بدات المكتبة كتجر بشوية، الكتاب كان مجرد مفتاح لباب مخفي، شاف فاوگدان لي بدورو وقف و تبعو، حيد الكتاب، حل باب تاني و دخل، تسدات المكتبة من وراه، كان ممر طوييل قدامهم، كللو كاميرات، و لكن مافيهش حس بني ادم، فاخر الممر كان باب، حللو كيسر و دخل معاه، كانو زوج غرف وحدة على ليمن و التانية على ليسر، قدام كل غرفة زوج د ليگارد، مكيدويوش و مكينطقوش، شافو كيسر و حناو راسهم، قدامو نيشان كاين درج، كينزل لمخرج من مخارح القصر على برا، كيسر تنهد و حل الباب لي على ليسر، دخل بخطوات بطيئة كيشوف فيها قدام عينيه،كانت جالسة على ركابيها و ايديها طالعين الفوق مشدودين بمينوط لاصق فالحيط، راسها نازل للارض و شعرها طايح فوق وجهها، لابسة غير كسوة قصيرة فوق الركبة و واسعة عليها، قديمة بزاف و كتبان مرقعة، مساترة والو كيبان منها لحمها، لي كللو مزوق، ها الجروح ها الزروقية، كلها آثار، ديال العصا ديال الحراق، كلشي مجموع فلحمها، هزات راسها بشوية فاش سمعات الباب تحل، فمها بيض، و تحت عينيها كحل، بكثرة الاعياء و الارهاق لي عايشة فيه، مكتعرفش للراحة اسم و لا عنوان، ثلاثة السنوات من حياتها دوزاتها فهاد الغرفة، و الغرفة لي قدامها، التانية مخصصة للتعديب، جميع انواعو دازت عليها، عصا اغتصاب ضرب سادية كتمارس عليها كل مرة، مكتنساش لولة باش دوز للتانية، اكيد من تحت ايادي رجال كيسر، اكثر وحدين مفقلبهومش الرحمة، مكيعرفوش معنى الرأفة، و اكثر ناس ثقة بالنسبة ليه، كتجي الماكلة ففمها مرة فشحال، فالغالب عايشة بالسيروم و اكل ترد مسارنك الى كليتيه، فالمجمل شتى و مختلف انواع العذاب كيدوزو عليها، لا النفسي و لا الجسديي، كانو زوج اخرين من رجالو، جالسين فالغرفة غير شافو كيسر وقفو، هي هزات راسها كتشوف فيه بحقد، مكرهاتش تخنقو بيديها، و كيف لا و هو سباب عدابها، كتمنا الموت فكل ساعة، فكل دقيقة، و فكل تانية و لحظة كدوز عليها، نطقات بالروسية،
ياسمين : غيجيي النهاار، النهار، لي تعرف مامااا اش داير فياا، و.. و غتندم على كلشي،
كانت كدوي بصوت خافت و مخنوق، بصعوبة باش كتخرج الحروف من فمها، كيسر رسم ابتسامة جانبية و قرب عندها كثر، جلس قدامها جلسة القرفصاء كيشوف فيها بتقزز : شكون ماماك، اااه بغيتي تقولي شيهاڤير، اممم خلليها تعرف، اش غدير فنظرك، مزال متزادش لي غيواجهني و يوقف فطريقيي، غنقتلها بدم بارد بحال الالاف لي دازو قبلها،
ياسمين : نتا واحد بلا قلب، غتندم واحد النهاار على كلشيي،
كيسر : ههه قلتي غندم، لا ا الزويينة، نتيي لي غتندميي مزال فكل دقيقة غتعيشيها، على بنتيي لي قتلتيي،
ياسمين : مكاانش بقصدييي، ماشييي بقصدييي، شحاال من مرة خاص نقولهاا، جيت فييها و دفعتهاا حتا طاحت من الشرفة، ماشيي بقصدي، خرجنييي من هنااا، رااه انحماااق، بعد منييي، قتلنيي و هنينيي، قتلنييي،
كيسر وقف ببرود دون اهتمام لا ليها و لا لكلامها شاف فرجالو و دوا : بغيتها تاكل مزيان هاد السيمانة، و لي طلباتها وفروها ليها، خلليوها فراحتها لمدة سيمانة، و تسناو منني الامر باش تنفذو،
رجالو بزوج هززو راسهم باه، تم خارج ، اما هي بدات كتغوت و تبكي بهيستيرية فاش عرفاتو ا يخرح : لااا لااا متمشييييش، لاااااا، قتلنييي قبل ما تمشيي لااااا، كييييسسر لااا،
بقات كتغوت و تنثر، حابسينها غير القيود لي رابطين ايديها، عيات تغوت حتا بح صوتها، كيسر و اوگدان مهتموش و تممو خارجين، سدو رجالو الباب وراه،
كيسر: مكتعرفش بللي الاضحية الى بغيتي تغدا بيها، خاص توكلها مزياان،
اوگدان : هي غتقتلها...
كيسر: واش بعقلك، اكييد مغنقتلهاش، مزال الوقت على هادشيي، غنزيد نعدبهاا، غيدوز عليها المعنى الحقيقي ديال العذاب، هاد المرة موجد ليها مفاجأة،
اوگدان: و هاد ثلاث سنيين لي دازت مكافياش،
كيسر: لا، مبرداتش نار بنتي لي ماتت،
اوگدان تنهد : و ام بنتك، اماندا.. ؟!
خرجو من الممر، حط كيسر الكتاب من الجهة التانية، تحلات المكتبة مرة خرى، جر الكتاب و دخلو للغرفة، ما هي الا دقائق و رجعات تسدات،
كيسر غادي فاتجاه اللوحة : مال اماندا..!!
اوگدان : نسيتيها..!!
كيسر ساس ايدو من بعد ما رجع الكتاب و مشا جلس : نسيتها شحال هادا و مبقاش كيهمني امرها، ماتت و جثتها حتا هي تبخراات،
اوگدان: و كايليي،
كيسر شد راسو : واش غدور عليهم كامليين، اش جابها تا هي للهدرة،
اوگدان: سولاتني عليها هديل ديك المرة،
كيسر شاف فيه : كيفاش سولاتك عليها، فين عرفاتها،
اوگدان: شافت شي تصويرة قدييمة كانت ليا معاها فانستا، و سولاتني، تصدمات فاش قلت ليها ميتة مفهمتش،
كيسر : مكيهمش، حية و لا ميتة مغتكونش عندها الجرأة باش دور بساحتي من بعد داكشي كامل لي شافت، حتا روحها مغتقدرش تقرب من هديل،
اوگدان : يمكن عندك الحق،
كيسر: هديل باغا تخرج من القصر،
اوگدان : عرفت، و لكن نتا اش فبالك،
كيسر: بالي هاداك احسن حل، خاصها ترتاح شوية،
اوگدان : من نيتك.. ؟
كيسر: اه، نتا غترجع للمغرب باش تشوف خطيبتك، و تقاد زواجك و عرسك، ديها معاك، تبدل شوية الجو،
اوگدان: دباا نتا غتخللي هديل تمشي معاياا.. !!
كيسر: يحرق الز**ل لي ولدك، صافي بلا متجعرني ا صاحبي باسئلة الغباء ديالك، غنخلليها امانة فيدك، و الى تقاصت فيها غير شعرة متلوم غير راسك،
اوگدان: و مالي على حالتي انا، خللي مرتك حداك،
كيسر خنزر فيه : مكنتفلاش، ديها معاك، مبغاتش تشوفني فهاد المدة، و داكشي لي غندير،
اوگدان : لي عجبك ا صاحبيي،
كيسر: احسن حاجة كون تمشيو غدا فالصباح،
اوگدان : دغيا باغي تفك مناا،
كيسر: هي مغترتاحش فهاد القصر دباا، تبعد حسن ليها، راني قلت ليك باغي نخلليها فخاطرها،
اوگدان وقف : واخا غنقولهم يوجدو الطيارة،
كيسر هز راسو باه و مشا خدا ليه كاس اخر عمرو و نزل عليه دقة وحدة، اماندا، كايلي و ياسمين، كانو بثلاثة اعز صديقات مكيتفارقوش، و لكن الضروف فارقاتهم و خللات كل وحدة تعيش حياة مختالفة، اماندا مكانتش مزوجة كيسر، و لكن عايشين فدار وحدة على هاد الاساس، عرسهم كان قريب لولا موت بنتهم، لي كان محض الصدفة و كانت سبابو ياسمين، اماندا ماتت بعد مدة قصيرة فظروف غامضة، اما كايلي فحتا هي دارت حادث مميت خللا الكل يظنها فعلا ميتة، مزال احداث جديدة تخللينا نتعرفو على قصتهم كثر....
داز الوقت، دازت ليلة جافة عند ابطالنا، حتا واحد فيهم مانعس و لا شافو، كيسر كان كيفكر غير فهديل و سفرها لمراكش، فالداهل ديالو مباغيهاش تمشيي، و عقلو مقادرش استوعب انها غتبعد عليه، راغم نفسو بالسيف ماينوض و يجيبها لجناحهم، تنعس بين احضانو، و لكن لا، ماشي هككا غيقاد الثغرة لي تخلقات بينهم...
هديل نفس الشيء، مخشية ففراشها و كتبكيي، الليل كامل مخلاتش عينيها يرتاحو، حاسة بقلبها كيتقطع، و روحها واحلة فعنقها، مبغات ترحع لبلاصتها، مبغات تخرج و تخلليها ترتاح، حطات ايديها على جبهتها، راسها مزال كيعطيها الصداع، نزلاتها تاني لعنقها مزال كتحس بايدو مزيرة عليها، طلعات نفس قوي و بالها مع ولدها، لي مزال محسات بحتا حركة مننو، بلعات ريقها و هي كتحسس فكرشها، هو هنا مستقر، و هنا غيكبر، نزلو دموعها مرة خرى، و هككا دازت ليلة كاملة.......
صبح صباح جديييد 🌞..
كانت جالسة فالصالون لابسة شورط دجين قصير و مطوي من التحت، مع ديباردور فالكحل، كللو معري من الضهر و نازل من جيهة الصدر، دايرة رجل فوق رجل و هازة تيلي كتلعب بيه فيديها، ساكها و الڤاليز ديالها حداها، اوگدان واقف عند راسها هزات راسها فيه بنفاذ صبر و زفرات : وا بناادم نطق خلااص دويي، واش نعيط و لا نهز حوايحيي و نزييد، تففف بشاار،
اوگدان : صافي صافي عيطيي،
هديل: قولها من الصبااح،
حللات تيلي و دوزات نيم د اسماء، بقا شحال كيصوني عاد جاوبات،
هديل: الو اسماء،
اسماء : ختي هديل لاباس عليك،
هديل: الحمد لله، و نتي كيصبحتيي،
اسماء: الحمد لله حبيبتي مزيان،
هديل: المهم اسماء مبغيتش نطول عليك، انا و اوگدان غنجيو ليوم للمغرب، غالبا غنوصلو فالعشية،
اسماء : وااه بهاد الزربة،
هديل هزات حاجبها : علاه مبغيتيناش نجيو.. !!
اسماء : هاا لا لا حاشاا، بالعكس مرحبا بيكم، غير استغربت فهمتيي، مع عاد مشا، واه خدمتو سالاها فيوماين،
هديل : و را هو مول الشي كيبداعا وقت بغا و يساليه وقت بغا،
اسماء: اه صافي سمحيليي،
هديل: المهم حنا راه انمشيو للمطار دباا، فالعشية نكونو عندكم،
هديل وقفات هزات ساكها و تجاكيط : زيد قدامي براكة من الهدرة،
اوگدان تنهد، محاملش الوضع معاها هككا، توحش هديل الهبيلة المفروحة، لي ناسيا الدنيا، دبا بانت هديل خرى، هاديك لي عيات صابرة و متحملة، عيات تهز فقلبها و ضحك فوجه البشرية، كان نازل مع الدرج عينو على تيليفونو، وقف قدامهم و هز عينو فيها، طلعها و هبطها على داكشي لي لابسة، هز حاجبو و نطق : غتخرجي هككا.. !!
هديل طلعات نفس قوي : اه علااش عندك شي مانع،
كيسر زير على سنانو و دار شاف فاوگدان لي بدورو كيدير ليه حركة بعينو بحالا كيقولو كالم ا صاحبي تهدن، زير على ايدو و مشا فاتجاهها، قرب جرها من خصرها لعندو و كبع قبلة خفيفة على شفاتها بخفة، زرب عليها، دفعاتو بقوة رجعات زوج خطوات لوور و هزات صبعها فاتجاهو : متقييسش فيااا،
كيسر قرب عندها حتا وللا فاص معاها، نظرة حادة على عينيه، حط ايدو على صبعها نزلوو بشوية كيحاول يتماسك نفسو، رجع هز عينو فيها و نطق بكلمة خرجات من اعماقوو بكل صدق : سمحيلياا،
هديل عينيها دمعو فاش سمعاتو، طلعات نفس قوي و دارت كتشوف بعيد، هي فقط كتفادى الشوفة فيه : سامحتي لراسك.. !!
كيسر وسع عينو كيشوف فيها، لسانو تعقد معرفش باش اجاوب، ابتاسمات بسخرية و رجعات شافت فيه : اكيييد لاا، و كيفاش بغيتيني نسامح لييك،
كيسر : علاش تبدلتيي، تصرفاتك كلهم تبدلو، فيوماين،
هديل: بسبابك، قلبي قصاح بسبابك، مشفتش الساهل معاك، نتا اكثر واحد، عارف ديك الهبيلة شحال هزات، كنغكي دمةعي بضحكة، و دبا الجهد سالااا، عرفتي اش غنمشي بحاليي صافي،
كيسر رجع قرب ليها باسها على عنقها بشوية كيستنشق ريحتها، حط ايدو على شعرها منزلها بشوية عاد بعد : غتمشي و غترجعي، ديريها فبالك، حيت فلول و لخر هنا دارك، غنتوحشك، كثر ما تخيليي،
تنهد و بعد عليها، اما هي صوتو و حركاتو بورشوها، حاولات تماسك بالسييف، دارت كتلبس التجاكيط ديالها محاولة تخبي دموعها، لي كان حاس بيهم كيسر، واخا تعيا تخبيهم مغيغيبوش على ناظرو، دار شاف فاوگدان، قرب ليه و نطق بصوت سمعوه غير بزوج : هديل امانة فيديك، خاف عليها حتا من راسك، كون مكنتش تايق فيك منصيفطهاش معاك،
اوگدان: هديل ختيي ا كيسر، غنديرها فعينيي،
كيسر ربط على كتفو : عارف، يللا سيرو،
اوگدان هز راسو باه و مشا فاتجاه هديل لي واقفة فالباب كتمسح الدموع لي فطرف عينيها، وصل عندها : يللا مشينا،
هزات راسها باه و مشات تابعاه، خارجة و كل خطوة كتخطيها كتحس بقلبها كيتهز منها، حسات بنفسها مخنوق، و دموعها مبقاتش قادرة تحبسهم، خللاتهم سايلين فوق خدودها، حل ليها اوگدان باب السيارة، طلعات و طلع هو التالي وراها، كسيراا بقوة كيف العادة، مخللي القصر كامل وراه مظلم، النور الوحيد لي كان فيه غيديه معاه.......
نرجعو لاسماء، غير قطعات مع هديل، عللات عينيها شافتهوم بزوج واقفاات عند راسهاا، كانت جالسة فوق كرسي فالكوزينة،
رقية : مزياان مزياان تباارك الله، كدويي من ورا ضهرناا،
سمية قاطعاتها و جرات ليها ايديها بقوة حيدات ليها التيليي : قلت لييك ارييه، گنس كيدااير،
رقية : مزياان قلتيي غيرجع اليووم،
سمية شافت فتيلي فيديها كتقلب فيه : بشاااااخ الايفووون، ا و الله لكان ليييك غير بلاتيي،
اسماء : ختيي لاا منقدرش رااه اوگدان لي عطاه لياا،
رقية خرجاات فيها عينييها : كيفاش لاا، اصلاا لا التيليفوون و لا دااك زيين السمية غيكونوو لييك، غيير بلاتيي الى تزوجك متكوون سميتيي رقية،
سمية : مزياان تبارك الله، مقارية معارفة حرف كييف تخرجييه و باغاا دييه روسيي، انا ليي نجيي معاه، قارية و واعية، و مغيلقاش مشاكيل باش اتفاهم معاياا، حالوو سااهل ندوروو فيديي،
رقية : ايييه ا بنتييي، مغيكوون لحتاا كلبة اخرة، هو ديالك غيي نتيي، و هو لي غتدييي،
اسماء تجمعو الدموع فعينييها : و لكن ا خالتيي...
رقية نزلات عليها بقرصة من الفخد خللاتها تغوت، شكات فيها زرقااتها : هاااك لمووك كتعاوديي معاناا الهدرة، تهزييي هادييك ااه نوضيي را تابعك ما يداار، لا تنساايش راسك، راك غيير خداامة تحت رجليين بنتيي، و حتا راجلها انشااء الله، يللا تهزيي،
اسماء وقفات كتحس بدموعها نازلين شلال من عويناتها، خرجات من الكوزينة كتجريي مغطية وجهها و دموعها بيديها و صوت شهقاتها مسموع، حتا دخلات فشي حاجة، علات فيه عينيها، كان باها احمد، شاف دموعها و عنقها : شوو بنتيي مالك،
احمد هز راسو شاف رقية جاية مخنزرة و سمية وراها، مسح على شعرها بحنان و نطق : بنتيي السيد روسيي، و مكيفهمش فالعربية، صعييب تفاهمو بزووح، و بنتيي سمية قارية و خدامة، هي لي غتفاهم معااه مزياان، و هي لي تصلااح لييه، متخافييش دباا يجيي لييك رزقك تا لبيين ايدييك،
اسماء بعدات علييه و هي كتحرك راسهاا بلاا : لاا لاا نتااا متقدرش ديير فياا هككااا، لاا ا بااا، شنو اناا ماشيي بنتك، رزقيي رااه جاا ا بااا، جااا، و لكن نتومااا مغتخللييوهش،
حبساات فاش لقاات الدرج وراها،
جلسات على الدرووج و حدرات راسهاا كتبكيي : حراام علييك ا باا حراام عليييك، ردااتنيي مرااتك خداامة تحت رجلييها، هي و بنتهاا، كنت كنديير كل ما طلبوو مننيي، مكنهز الرااس مكنقوول لاا، عمركم سمعتوو منيي حتاا اووف، ندمر فالداار و الزنقة، رياض كللو هزيتو فوق كتافيي، و مكنسمع حتاا كلمة زويينة، و نهاار جاا زهريي تا لبيين ايديي تحرمونيي مننوو، حراام علييكم شنوو درت لييكم، كوون.. كوون كانت ماماا حية دبااا، مكاان ايوقع والوو من هادشييي، صافيي دفنتييهاا ا باا و نسيتييها صافيي، نسيتيي شحاال وصااتك علياا و هي كتمووت، نسيتيي ا بااا صافيي،
احمد تنهد بقلة حيلة، معندو ميديير ليها، كلشي عارف بللي كلمة رقية هي لي كتمشاا وسط هاد الريااض : لا حول و لا قوة الا بالله،
دار فاتجاه الباب و خرح، رقية غير تاكدات مننو خرح، مشات عندهاا شدااتها من شعرهااا : ا دييك السلگووطة بنت المسلگطة، يلعن ليي ولدااتك و ماتت قبل لا تربيييك، راا و الله و متنووضي تقضيي شغاالك ياا حتاا نجفف ببنتيي هاد الرياااض،
دفعاتها على القنت د الدرووج على بجهدها : يللااا تهزييي، منبغيييش نشووفك كدوريي قداميي مزاال، يللاااه ، مسحيي علياا ديك الحاالة و برااكة من التمثييل،
اسماء بصوت مخنووق : اصلاا هو مغيشووفش فييها، نسيتيي نهار جاا خطبنيي، قال لييكم انا بااغيي اسمااء، مباغيي حتا وحدة خرى،
رقية كانت جاياا ليها، و حتا هي فيي سااع ناضت طايرة لبيتها سدات عليهاا، خللاتها كتغوت : وااخااا ياا المنتووفة وااخاا فمووك، حتاا تنزليي طاال الزماان و لا قصاار غتنزليي، و هااه بنتيي راهاا حسن منك، و زييين مننك، فيين تبانيي قداامهااا، غاا بلااتييي، الى عقل علييك هااوجهييي، غا بلااتيي حتاا تنزليي و نتفاهموو و الله ياا موك حتاا نزرقك،
خللاتها التحت كتغدد غا راسهاا و تلاحت فوق سريرها كتبكيي، هزات تصويرة د مهاا عنقاتها و بقات كتبكيي عليها، شوية بعدات الصورة عليها كتشوف فيها و كدويي : شفتيي ا ماما، شفتيي باا شفتييه، زااد و خللانيي، متسوق لياا محاشااه لياا، خداات لياا بنتوو كلشيي، حياتيي قرايتيي راحتيي مستقباليي، وحتا من الراجل الوحييد لي حلمت بييه هاهياا طمعاات فييه و ناوية تاخدوو لياا، الله ايااخد فييهم الحق كاامليين، الله ايااخد فيهم الحق،
رجعات عنقات الصوورة و طلقات العناان لدموعها مرة خرى.....
داز الوقت، نزلو من الطائرة الخاصة بزوج، هديل نازلة شادة من راسها، فيها الدوخة، و المعدة قاتلاها، بقات كترد حتا فشلات، شوية و ترد احشاءها قدامها، خرجو من المطار بخطوات بطيئة، نزلو فمطار مراكش، مد ليها اوگدان قرعة د الما، وقفات كتشرب منها بشوية، رجعاتها ليه و حيدات التجاكيط ديالها : هاا ميمتيي على صهد،
اوگدان ابتاسم : ههه بصح،
هديل سكتات كدور عينييها على الشارع، عضات على شفايفها و هي كطلع نفس هادئ، كتستنشق ريحة ارضها، لي سنين مشماتها و لا عرفاتها، اوگدان بانو ليه رجالو من بعيد، شدها بشوية من دراعها موريها الطريق، كانو مستفين خمسة السيارات، كلهم كحليين، و ثلاثة د لي گارد واقفين قدامهم، واحد فيهم حل باب السيارة لي الوسط،
طلعات هديل هي لولة و طلع اوگدان القدام، طلعو لي گارد فسيارات تانيين و كسيراو كامليين، اوگدان دار نظرات الشمس ديالوو و هز تيليي فاش سمعو كيصوني، شاف المتصل و اكييد شكون من غيرو،
كيسر: وصلتوو،
اوگدان : اه عاد نزلناا و حنا فلوطوو،
كيسر: كانو لي گارد كيف قلت يااك،
اوگدان : اه، كيف قلتيي،
كيسر : و هي كيراها دباا،
اوگدان: بقات كترد فالطيارة بزااف، و لكن دباا مزيان، راها لاصقة فالزاجة كتمنضر،
كيسر فرح مللي عرفها مرتاحة : مزيان خلليها، رد بالك بلا منوصييك، متخلليهاش تخرج بلا گارد و حراسة، واخت تكون معاها،
اوگدان: ويي ضروريي، متخافش،
كيسر: يللا تلاح،
قطع معاه و دار شاف فيها، مبتاسمة و حالا فمها فالدنياا : عرفتيي كلشيي تبدل على اخر مرة، الدنياا زويينة هناا، تفف تانا من نهار خللاوه ما جاو زاروه، فين غادين بعدا،
اوگدان : سيريي حطي حوايجك بعدا و رتاحي عاد فكري فاسماء،
هديل: واا الاخ، تا را ماسايراش نتشاور معاااك، غنمشييو لدار اسماء، و رجع عاودها معاياا،
اوگدان تنهد معندو مايدير من غير ادير ليها خاطرها : واخاا ا لالة،
هز تيلي دوز لابيل بالشيفور ديال السيارة لولة، باش ابدل العنوان، و الطريق لي خداها غيتبعوه فيها لاخرين....
مسافة الطريق و كانو خمسة السيارات مستفيين وحدة قدام لاخرة قبالت الدرب نيشان، و السيارة لي فيها هديل هي لي فراس الدرب مع الدخلة، نزل اوگدان داير نظاراتو الشمسية، رجع شعرو لور و هو كيقاد فالتيشورط، اما هديل فدار عندها واحد من لي گارد حل ليها الباب، نزلات رجلها لولة بشوية هازة ساكها فيديها و تجاكيط حتا هي، ابتاسمات و هي كدور عينيها، مشا اوگدان قدامها و حتا هي تبعاتو و زوج د لي گارد قدامهم و زوج وراهم، كلشي حال فموو كيتمنضر، كتبان شخصية مهمة قدامهم، مشيتها علو راسها و ثقتها فنفسها، و عاد القلدات لي معاهم، اما البنات لي حاضيات اوگدان الطايح كثر من النايض، واخا ماشي اول مرة يشوفوه، و لكن اول مرة كيشوفو هاد الحضور القوي، قربات هديل دقات بشوية بفرحة مقدراتش تخفيها، هي دبا فبلادها وسط ناسها، حللات رقية الباب، كانت لابسة و مقادة الحالة، متوقعة مجيئهم، شافت هديل هي لولة قدامها، طلعاتها و هبطاتها على لبسها و كلشي فيها،
هديل: اوو سلام،
رقية : و عليكم السلام ا بنتيي،
علات راسها بان ليها اوگدان ابتاسمات و حللات البااب مزياان : مرحباا مرحبااا، تفضلوو ا بنتيي الداار داركم،
هديل : ربيي يخللييك الحاجة،
دخلات هديل و تبعها اوگدان، و من وراهم لي گارد، زوج بقاو برة و زوج دخلو، رقية حللات عينييها تا لخر و هي كتشوف فيهم،
اما هديل فمشات نيشان للصالون، جلسات متبثة و مرزنة، كدور عينيها و عارفة شكديير، رغم البهلان لي موالف يكون فيها، جامعة راسها، تقدر تعول عليها فمواقف بحال هككا، اصلا مبقاتش عندها رغبة فالضحك مرة خرى، رجعات رقية جابت الضيافة و جا الحاج حتا هو جلس معاهم، و بعد مدة قصيرة نزلات سمية بأبهى حلة، اما اسماء فراها محبوسة فالكوزينة من بعد ما كلات قتلة من عند رقية و بنتها مخللاو فيها غير لي نساو، و هاهيا كتقضي شغالاتها و كتبكيي على زهرها لي وصلها لهناا، نرجعوو للصالوون،
احمد : مرحباا بييك ا بنتيي مرة خرىى، كوولي كوليي متحشمييش،
هديل هزات عينيها فيها بشك و ابتاسمات : اوا و فينها عروسة خوياا،
رقية : الله ياا ودي يا بنتيي هاهياا قداامك،
كتورييها سمية هي لي جالسة قبالتها، هديل وسعات عينييها و نزلات عند اوگدان كتهمس ليه بشوية : واش هاديي هي اسماء خطيبتك، نكدب عينيي مفهمتش،
اوگدان بنفس الهمس : من نيتك هاديي را ختهاا من باهاا،
هديل جغمات من كاسها : اممم و انا نفهم البلاان،
سمية كدوي و هي حادرة راسها : شنوو كتقولوو، شاركوناا معاكم اولاا،
هديل بابتسامة صفرا : مدويتش معاك ا حبيبة واخااا،
رقية : لوااه لوااه ا بنتيي...
هديل قاطعاتها : مكاين لا بنتي لا حفيدتيي، دخلناا علييك بالله واش هداك وجه و لا گفااك،
احمد : لواه بنتي شهاد الهدرة،
هديل دارت بيديها حركة سطوب : الحاج بلا مدخل، خللينيي محتارمااك، الهدرة مع مراتك و بنتك المصونة،
سمية : و علاه مالنا ا ختي شدرنا لييك،
هديل : داار لييك نتيي و مووك، شنوو هاد السيد لي جالس حداياا دمدوومة و لاا اش، باغاا تلصقي فييه بالسييف،
اوگدان بالانجليزية : شنوو واقع هديل مالك،
هديل: والوو غير لالة رقية بغات تزوجك بنتها بلاصة اسماء،
اوگدان وسع عينوو : من نيتهاا.. !!
هديل : بحاليي بحاالك،
سمية بالدارجة : اييه ا ختيي مالناا على هاد الهدرة،
هديل: ا حيي و مزال عندك الوجه بااش تهدريي،
رقية : سمعيي ا بنتيي نقوول لييك، اسماء مقارية ما وااعية، و متلييقش بمقاامكم، و بنتيي قاارية تباارك الله و خداامة، مرة و قاادة، خللينا نقادوو الاموور بالهداوة حسن من العاار، هو الزيين بزوج زيناات، و لكن هادي قارية و لاخرة لاا، كييبا يدير يتفاهم معاها،
هديل : واش شغلك ؟
رقية : كيفاش،
هديل : ا لاالة قلت لييك وااش شغلك، ياااك هو ليي ايتزوجهاا، دخليي سووق رااسك شوية، ما نتيي مها ما نتيي ختهاا، وا هنيينااا،
طلعات نفس قوي و دارت شافت فالحااج : سمع ا الحااج، بلا منجبدوو العار و حنا ماشي دراري صغاار، السيد باغيي دييك البنت، و من غييرها ما غايديي،
رقية : اييه و الى قلت لييك البنت رافضااه، راني قلت لييك ميلقاش حسن من بنتيي، اما اسماء قالك مباغااش تزوج، هاديك وجهها وجه تمارة و الشقااا،
هديل زفرات بقوة و وقفات كتنادي : اسمااااء، اسماااء،
بقات كتنادي و لكن لا جواب،
رقية : رااه مغتجاوبكش، غير شديي لرض،
هديل دارت خنزرات فيها و عيطات على واحد من لي گارد،
الگارد : لالة...
هديل: شوف نبغييك تقلب لياا الريااض كامل و تجييب لياا واحد البنت جالسة فيه، يللا تحرك و بدا بالكوزينة هي لولة،
الگارد حدر راسو و مشا و هي رجعات جلسات جنب اوگدان لي مزال لحد الآن صابر و كيحاول يتحكم فاعصابو، احمد شاف فهديل من بعد ما ترجمات ليهم سمية الحوار بينها و بين الگارد،
هديل تنهدات : ا الحاااج، هما قالوو بللي البنت رافضة، و حنا غنعرفوو جوابهاا دباا نييت،
رقية : و شكووون تصحابي رااسك نتيي ا لاالة گااع،
هديل : يمكن مزال معارفاش راسك معامن،
سمية : معاامن ا نكونوو گااع،
قبل ما تكمل كلامها شافو اسماء جاياا و الگارد وراهاا،
الگارد : مداام،
هديل : صافي غير سيير، اسماء دخليي،
اسماء بقات واقفة شوية كتشوف فرقية و سمية لي خرجو فيها عينيهم باش ترجع،
هديل : وااا لالة رقية مزال مبغيتيي تحشميي، اسمااء دخليي و مديها فحتا وحدة فيهم اناا معااك، اجيي لهناا،
اسماء قربات ليهم بخطوات بطيئة و مع كل خطوة كيزيد يبان وجهها لي عليه شوية الجروح، على حاجبها و حنكها ليمن، و فوق جبهتها، و شعرها لي مخربق تحت الزييف هو اخر همها باش تقادو من بعد ما نتفوها، و حتا عينيها مزال حمرين و مدمعيين، اوگدان وقف قبل ما توصل عندوو، قرب ليها و حط ايدو على حنكها، و الايد التانية كيحطها على جروحها، نطق كاارز على سناانو و عينييه حمريين : شكوون داار فييك هككااا.. ؟!
هديل : قاليك شكون مول هاد الحالة ،
اسماء سكتات و خللات دموعها نازلين، شافت فرقية و سمية لي كيخرجو فيها عينيهم و يغمزوو، بلعات ريقها و رجعات شافت قدامها بلا متنطق، هديل عرفاتها متقدرش تدويي شافت فاوگدان و نطقات بلونگلي : باين شكون دايرها، و شكون من غير مرت بااها و ختها يا حسرة،
اوگدان باس اسماء على جبينها بحنان، و شد من ايديها بزوج باس عليهم، شاف فيها و دار عندهم غير مصدومين و حالين فمهم، قرب كثر و حجمو كيزييد، عروقوو بداو كيتنفخوو و عينييه جمرة ، وصل عند سمية و شنق عليها شدها من عنقها مزير عليها بيد وحدة، رقية شهقات، و هي كتشوف فيه كيطلع فيها حتا مبقاوش رجلييها لامسوو الأرض، وللات كلها كترجف عينيها خارجيين كتشووف غير المووت قداامها، رقية شادة ليه فيديه كتحاول تبعدو و ناض حتا السيي احمد كيفك، اما هديل فقربات من اسماء، ضماتها ليها و خللاتها تبكيي فوق صدرهاا،
هزات راسها فاوگدان و سمية، وجهها زرااق و عاد شادها من شعرها بالايد التانية شوية و يطير ليها جلدة راسها، بعدات من اسماء و مشات عندو كتجريي كتجر فييه : هاا ا نااري تا طلق، ا ويليي على السيد دباا تقتلهاا، رااه اتموت لييك فييدك ا نارييي،
بقات كتجار معاه حتا دفعها، جات طايحة فوق السداري شادة عنقها كتحاول تنفس، اوگدان نزل لمستواها و شدها من دراعها بقوة : جربيي قيسيي منها شعرة وحدة مزاال، غنحفر قبرك بيدياا سمعتييي،
بعد منها خللا رقية و احمد كيعاونوها تجلس، كيسولو فحالها، و ينشو عليها الهوا باش تنفس،
دارت شافت اوگدان واقف حدا اسماء كيسول فحالهاا و كيحاول يسكتها و دموعها نازلين حجر من عينيها و كلها كترعد، و حتا هديل واقفة جنبهم كترجم ليها هدرتو و كتواسيها، قفزو كامليين فاش غوتات رقية و هي جاياا عندهم : يااا السحااارة، بنتيي على حقييقتك يااك ا بنت الكلبة، متكووني غيير دايرة لييه القبوول، شوفيي كيرد بنتييي يااا بنت السحاارة كييفك كييف موووك،
جات تلاح عليها وقف اوگدان قدامها و حط ايدو على كتفها، هاد الحركة كانت كافية باش توقفها و متخلليهاش تزيد : وقفي تما، و ياااك تجربي تقربي لييها، شفتك كبييرة فالسن و مزال محتارمك، و الى زدتي خطوة وحدة متلومي غير راسك، حيت داكشي لي درت فبنتك قليييل، و اي واحد غيمس شعرة من اسماء غندفنو حي، مكنهددش فالخاوي ا لالة، و راني قادر ندييرهاا، غنحفر قبركم بزوج حدا بعض سمعتييي،
رجع عند اسماء مسح دموعها و خللاهم كلهم كيشوفوو فيه، هديل فيما يكمل شي جملة كترجمها داك السااع وراه، شد ايد اسماء و طبع قبلة علييه : ماشي دمدومة قدامك ا سيي احمد، جييت خطبت اسماء و انا واعي على اش كنديير، مخطبتش ختها اسيي، و خلليتها امانة فيدك و لكن نتا مخافظتيش عليها، و حتا انا غندير لي فراسيي،
بقاو ساكتين شوية بيما كملات هديل الترجمة عاد شاف فيه احمد : كيفاش ديير ما فرااسك،
اوگدان : غنديها معايا حتا نتزوجو و سدينا، مغنخلليهاش فهاد الدار مزال،
هديل دارت ترجمات ليهم و عاد سرات معاها اش قال : هاا هااا كيفاااش، عاود اش قلتيي،
اوگدان : علاه مالك حتا نتيي.. ؟!
هديل : لا لاا ربيي ربيي واش من نيتك، ا ويليي باغيي ديي الدرية هككا من دارهم بهاد الحالة، لا خطبة كيف النااس، لا حنة و لا عرااسية 😱...
هديل : ها ناري و لاا و لاا، انا معاك الى خلليتيها معاهم بوحدها متعرفهم اش اديرو فيها، و لكن باش تحرمها مسكينة من زواج كيف النااس ا و الله لا كانت لييك،
اوگدان طلع نفس بقوة : وااش انا دباا فالعرس، يللا اطريبينا اش باغا ديريي.. ؟
هديل جلسات فوق السداري و دارت رجل على رجل بابتسامة : حالها ساهل، غنبقاو معاهم هناا فهااد الداار، حتا دوزوو الخطبة كييف النااس و ندييرو عرااسية متييولة لي تستاهل، مغنخلليوهاش بوحدها حييت بزوج غنبقاو هناا، صافي و هاهيا تحللات،
هديل : اووف كييسر كيسر، داااك السيد مبقاش كيهمنيي صافيي،
اوگدان : كيبقا راجلك،
هديل وقفات : واه ملقيت مشكيل معاه هو قد ما لقيتو معاك، اصلا مشغلووش نبقا فيين ما بغييت، و هو لي خللاني نخرح من عندوو، صافيي،
اوگدان شد فراسو : ياا ربيي الصبر من عندك، انا مفهمتش كيسر اصلا كيفاش متحملك و شااد خاطرك،
هديل ابتاسمات بسخرية : حيت دايرها قد راسو معرفتيش علاش،
اوگدان : كانت غلطة و صافيي فاتت،
هديل زفرات بقوة : ا سيديي مفاتتش، مباقييش دافع علييه الله ارحم بااك،
رجعات جلسات و هزات راسها فييه : شتيي اناا دوييت، و لي فرااسي هو لي غنديير، و انا هناا غنجلس، حبسنيي الى قديتيي،
كلشيي كان غير كيشوف فيهم متبعيين حركاتهم، مفهمو والو، اصلا اوگدان و هديل مكانوش مسوقيين ليهم كاينيين و لا مكاينيينش، سمية الوحيدة لي كتفهمهم، و لكن مستوعباتش اغلب هدرتهم، كانت مزال متكية فووق السداريي مسرحة كطلع النفس و العافية شاعلة فيها،
سمية سكتات كمداتها فقلبها و دارت ابتسامة صفرة، و لكن فالداخل ديالها كتحلف حتا تندمهم،
اوگدان : دبا درتيي غير لي فراسك،
هديل : راني قلت لييك حبسنييي الى قديتيي،
اوگدان : زدتيي فييه،
هديل وسعات عينيها فييه، زاد مأكد على هدرتو : مكنتفلااش، كيسر و ميديرش هاد الحالة، تبدلتيي على كيف كنعرفك، نتي ماشي هدييل المتسلطة،
هديل تنهدات و دارت شافت فرقية : عفاك كاين شي بيت واجد بغيت نرتاح،
رقية كتشوف فيها بصدمة، مزال كتحاول تستوعب هادشي كامل : ااه ااه موجوود، اجي معاياا،
هديل شافت فاوگان : حتا تقولهم يجيبو ليا الڤاليز،
هزات تجاكيط ديالها و ساكها و مشات تابعاها، دخلاتها لوحدة من الغرف لي فالطابق التانيي، الريااض كبييير و وااسع كللو غرف مستفيين، كانو كيكرييوهم للگور و السياح لي كيجييو بالصييف، هاد العاام قبل ما يكرييوهم جات خطبة اسماء لي حبسات كلشيي، دخلات لغرفتها و سدات وراها الباب، تكات على الباب و عضات على شفايفها لي كانو كيرجفو، بقات نازلة مع الباب حتا طاحت للأرض كتبكيي، جمعات رجليها عندها و طلقات العنان لدموعها، بصح اوگدان عندو الحق، هادي ماشي هديل لي كيعرف، هديل ضعييفة بزااف رغم كل القوة لي كتحاول تتبثها على شخصيتها.....
طلعات و خللاتهم شي كيشوف فشي، و اش باقي عندهم ميقولو، اوگدان مسح على وجهو و قرب لاسماء، كانت غير كتشوف و كتحاول تستوعب و والو، واقفة بحال الصنم، دور ايدو على ضهرها و جرها مخرجها معاه، تحت أنظار أحمد و سمية، لي مكرهاتش الأرض تنشق و تبلعها، حقدات على كلشي فهاد اللحظة، مشا أوگدان لوحدة من الغرف جلس و جلس أسماء جنبو، جبد التيلي و دوز نمرتو، سرعان مجاوب،
كيسر : وصلتو للدار ياك،
اوگدان : نوو حنا فدار أسماء دبا،
كيسر : و اش جابكم ليها، را الليل هادا مناويش ديها و لا ياكما ناويين تباتو.. ؟
اوگدان: نووب ناويين نبقاو هنا،
كيسر : عاود عاود، مسمعتش مزيان،
اوگدان : شوووف دويي مع مراتك هي لي باغاا تبقاا هناا، درت معاها جميع الحلول و لكن راك عارفها،
كيسر زفر بقوة : قطع انا نعيط ليها،
فعلا قطع معاه و دوز نمرتها، بقا كيصوني شحال فالتالي قطع، رجع صونا للمرة التانية و الثالثة، و نفس الشيء كيسرسر حتا يعيا و يقطع، المرة الرابعة لقاه طافي، سد التيلي كارز على سنانو و رجع دوز نمرة اوگدان،
اوگدان : اش لقيتي معاها شي نتيجة،
كيسر : مكتجاوبش، مفهمتش شنو خاصهاا هادي،
اوگدان : خاصها الوقت نتا قلتيها بفمك،
كيسر : اووف، صافيي بقاو الى هي بغات هككا، و لكن سمع، غتجيب لي گارد يدورو بالدار كاملة، و حتا الخدم، المهم منبغي حتا غلط، و منبغي حتا حاجة تقيسها سمعتيي، الى تقاست منها شعرة، راك عارفني اش غندير بلا منقول،
قال هادشي و قطع، اوگدان تنهد بقوة، هما مخاصمين و هو جاي وسطهم، هادشي لي بقا ليخ بالحساب، دار شاف فأسماء و ابتاسم، كانت كتشوف فيه و ترمش بعويناتها مفاهمة والو، حط ايدو على شعرها كيدوزها بشوية و هو ساهي فيها : امم الصراحة مزيان نبقا معااك، هديل دارت شي حاجة مزيانة فحياتها،
رجع ابتاسم و حط ايدو على الجرحة لي فجبهتها، تقصحات و سدات عينيها، رجعات حللاتها كتشوف فيه، مبقات كتفهم فيه والو، عاد شافاو وحش قدام ختها كان ايقتلها، و دبا كيبان من اطيب خلق الله، دار ابتسامة جانبية على وجهو، عارفها فاش اتكون كتفكر : متخافيش، انا مزال غندمهم على كل دمعة نزلات من عينيك، غيبكيو الدم، كوني هانياا،
اسماء ابتاسمات واخا مفاهماهش ارتاحت نسبيا من هدرتو، باسها على راسها و كمل : سيري لبيتك و متنزلييش، متدوي مع حتا واحد، حتا نعيط ليك انا و لا هديل عاد خرجي،
شافت فيه كترمش بعويناتها المشفرين، ابتاسم عارفها مفهمات والو، جبد تيلي و مشا لاب عندو ديال الترجمة، كتب اش قال و ترجم، وقف تيلي قدامها و خللاها كتقرا الترجمة بالفصحة،
أسماء : اه صافي واخاا،
وقفات و تبعها، تمات غادة فاتجاه غرفتها و هو وراها، وصلو قدام الباب، حللاتو و دخلات، بقات كتشوف فيه من ورا الباب و هو قدامها،
اوگدان : سيري ارتاحي،
سد الباب و رجع نزل، شاف سمية قدامو ضرب فيها و زاد، جبد تيليفونو خاصو يدوز شي ابيل....
داز هاد النهار، و جا نهار جدييد، شمس جديدة صبحات على أبطالناا 🌞...
الرياض كللو ضارو بيه لي گارد، الخدم فالمطبخ و الغرف كيقادو الدنيا و كيجريو من كل جيه، رقية جالسة فالصالون لي مفتوح على المراح، دايرة رجل على رجل و ايديها على حنكها و كتشوف فهادشي لي قدامها، الروينة نايضة على الصباح، هالي كيقادو فالكاميرات، ها لي واقف على ليگارد كيوري كل و بلاصتو، ها لي كيعاود يقاد الفراش، ها لي تمسح الغبرة و ها لي تجفف، ها لي يجرو السدادر و يقادو ديكور جديد، و آخرين فالكوزينة كيقادو الفطور، ايه هي دارها و لكن مبقاتش عارفاها، خملوها و قلبوها سفاها على علاها، شي حوايج تقادو معرفاتهم منين جبدوهم، نزلات هديل بشوية عليها كتجبد، مزال واضح عليها أثر النعاس، نزلات جلسات جنب رقية : صباحووو،
و رجعات في ساع حناتو و الحمورية طالعة معاهاا، هديل ضحكات و شافت فيه : قالت ليك صباح الخيير ههه،
رجعات شافت فاسماء : هانا ا نزل، شوية و نزلو باش تفطريي،
نزلات و خللاتهم، كان داير ايدو فجيابو، قرب باسها على فمها قبلة خفيفة ،
اوگدان : صباح النوور،
خلاها خرجات عينيها كدور وجهها واش مشافهم حد، غير تأكدات بللي مكاين حتا واحد دارت و عطات رجليها للرييح، موقفات حتا وصلات قدام الطبلة و وجهها غيطرطق بالحمورية، خللاتو كيضحك وراها نازل بشوية عليها كيدندن ناشط هاد الصباح، و كيف لا و هو صابح على وجه حبيبتو ...
تجمعو كاملين فوق طبلة وحدة كيفطرو، الصمت هو سيد الموقف بينهم من غير الحوارات الضرورية، الجو مشحون بين كلشي، و الخدم ضايرين بالطبلة من جميع النواحي، كان فطور ملكي، اوگدان و هديل ولفو بيه، و لكن افراد الأسرة لاخرين غير كياكلو و يدورو فعينيهم، كملو فطورهم و كللا و ناض لشغلو، احمد مشا للمحال ديالو، سمية مشات لخدمتها هي التانية، اوگدان خرج يتأكد بللي كلشي فالدار مقاد من ناحية الحماية، هديل جرات أسماء طلعو لغرفتها، حالفة حتا تبدا تعلمها اللغة من الصفر، بالسيف باش قدرات تقنعها، اما رقية فبقات حاضية الخدم، الطالعة و النازلة، الخارجة و الداخلة، مكدوز حتا حاحة حتا دوز على عويناتها هما لولين، عايشة الدور خخخ،
داز الوقت، تغداو مجموعين و كل فين مشا تانيي، هديل جالسة فوق سريرها، لابسة شورط دجين قصير مع مني فونطر فالبيض برسومات طفولية، جات كيوت، جالسة كتسنا أسماء تبدل، بالكشايف باش خللاتها تلبس كسوة طوييلة فالزرق بارد جات نازلة مزيرة من الفوق و واسعة من التحت نازلة فالنص د الكمام، ما قنعاتها حتا شحفات، خرحات بشوية كتقاد فيها، هديل غير شافتها دارت ابتسامة عرييضة على وجهها : اواا هانتيي شفتيي جاتك كتحمق، و بقاي عاصرة لياا على ديك الجلابة،
وقفات قدامها كتقاد ليها شعرها فوق كتافها : ياا ختيي شتي نتيي كتهبليي، اليوم طيريي لأوگدان العقل،
أسماء : ربي يخلليك ختيي شكراا،
بعدات شوية هزات زيف حياتي لي موالفة ديير، هديل غير شافتها خرجات عينييها : ا ناريي لاش باغااه،
روح الموت الجزء السادس
محتوى القصة
التنقل بين الأجزاء