روح الموت الجزء السابع

من تأليف Fati El Chakir
2019

محتوى القصة

رواية روح الموت

هديل : ااه اه هككا ا ويليي حطيي داكشيي، باغا تخصري لينا كلشيي،
أسماء : و لكن ا ختي...
هديل قاطعاتها : مكاين ما و لكن، يللا زيديي زيديي اوگدان كيتسنانا ليوم اسمعنا المنقيي خيااروو
أسماء تنهدات و تبعاتها، تمو نازلين مع الدروج رقية و سمية جالسات فالمراح كيطلعوهم و ينزلوهم، يللا جات رقية دويي باش تعقب على اسماء بالطبع، سبقاتها هديل : دخلي سوق راسك ا الحاجة، خللينا خارجين مزيان،
رقية كمشات فمها : اواا نقولو هي لابسة مستور بعداا، و نتي اش هاد اللبس راك ماشي برا، راك ا فالمغرب،
هديل وسعات عينيها : اييه هادشيي لي بقاا، ما بنت ليك غير اناا، را عنديي راجليي هو لي يحكم فياا ا الحاجة، خلليك بعيدة الله اعطيك الستر،
سمية : علاه نتي مزوجة.. !!
هديل حطات ايديها على جنبها : ايه صباح الخير مزوجة و حاملة من الفووق ياا لالة،
سمية : اوا فينو هاد راجلك،
هديل عضات على شفايفها : خداام، يسالي خدمتو و يجيي، باقي شي سؤال،
رقية : لا لا ا بنتيي ما دييش علييها، سيرو طريق السلامة،
هديل : الله اعاون،
خرجات و خللات سمية كتبرگم : مشية بلا رجعة إنشاء الله، ايخخخ،
خرجو لقاو اوگدان قدام الباب كيتسنا فيهم، شاف هديل هي لولة عبس فاش شاف لبسها كون كان كيسر يخربها عليها، و لكن غير دور وجهو عند اسماء حل عينيه مزيان، قرب شد من ايدها و نسا هديل و مايجي منها، اسماء مدات ليه ايديها و تممو غادين، و الدرب كامل بالطبع كيف ديما حال فمو فيهم، اوگدان و اسماء ناسيين الدنيا، هو غير مراقبها و هي حانية راسها بحياء، هديل غادة كتخربق فتيليفونها و طالقة ودنيها مع هدرة العيالات،
المرى 1 : اواا شتيي بنت الحااج تاهي ولااو يشدو فيها الرجال بلا حشمة بلا حياا،
المرى 2 : اييه شوفي السيد طايح فيها، هادا كللو زهر عندها طاحت غا مع الگور،
المرى 1 : اييه و شوفي ديك خايتيي لي معاهم، علىى من زيناتهاا، معرفتها اش تجييه، جاات غا البارح،
المرى 3 : ا تيي شوفيي الحديييد ااه، تيي راا باين لابااس علييهم ضربة صحييحة هاديي،
المرى 1 : دييك البنت لي معااهم يا ختي مكرهتش نزوجهاا غا لولدييي تصاوب لييه غيير الورااق بعداا،
المرى 2 : اييه و هادي كاملة تشووف فولدك نتيي ااه،
اامرى 1 : و مالها حتا متشووف، كيفما ضبراات بنت الحاج على گااوري تانا ضبر على ولديي مسكيين، اصلاا نتي متعرفييش لييهم، الگور يا لاالة را يموتوو فالمغاربة، 
المرى 3 : اوا لا ديتييها لولدك رااك مرى و نص،
المرى 1 : اايه دبا تشوفوو،
مع هزو عينيهم لقاو هديل فوق راسهم، مخشية معاهم كتسنط، 
المرى 2 : اوو هاديي منيين خرجاات،
المرى 1 : بسم الله الرحمااان الرحييم،
هديل : خالتيي حشومة تشدوو النمييمة راكم كبرتوو زعماا، اييه دييك بنت الحاااج، راها خطيبة داك الگاوري لي معاها، شنو ياخد منكم الإذن باش اخرجوو و يشد من ايدها، متبقاوش تخرجو الهدرة غا هككااك، اه و خالتيي اناا منصلااحش لولدك حييت مزوجة، و ماشي گاورية تانا غا بنت المغرب😉...
لاحت هدرتها و زادت خللاتهم، لقات اوگدان كيقلب عليها معرفها فين زهقات، طلعها للسيارة من بعد ما سمعها المنقيي نييت و كسيراا... 
مشاو للمول هو لول، واخا مكتحملوش هديل و لكن صبرات على ود اسماء، بغات تاخد ليها الحوايج على ذوقها، فالحقيقة كيلات ماشي خدات، غا كتشري و اوگدان وراها كيخلص، دارو مزيااان، حتا طلع لاوگدان الدم، جرهم و خرجوو، هديل لصقاتهم واالو باغا تمشي لساحة الفنا، اكييد مكان بيد اوگدان والو من غيير ينفذ، خرحو كيتساراو و يدوروو من جيه لجييه، حتا وقفات هديل عند كروسة ديال الببوش، شافت فاوگدان و عينيها كيلمعوو : الباابووش هاا ميمتيي غنااخدوو ضرووريي،
وقفات حدا مول الكرووسة كتشم فريحتو لي دخلات لاعمااقها، شهوتهاا فييه، طلبات اش غتاخد، مد ليها زوج جبابن وحدة فيها البلوول و التانية الببوش، يللا غتهز جبانية البلول وقفات عليها أسماء : ويليي اش كديري نتيي،
هديل : غنشرب ا ناري، بغيتيي تاخديي،
أسماء : لا مبيتش، و لكن ياك قلتي حاملة

هديل : اه حاملة و من بعد،
أسماء ضربات على راسها بشوية و جرات ليها الجبانية، قلبها مشا و جا فاش جراتها و البكية شداتها بحال شي بنوتة صغيرة،
اسماء : را ممزيانش لييك البلوول و نتي حاملة، سخون علييك بزاف و يقدر اضر بييك، و خصوصا نتي باقا غا فالشهورة لولين، خودي لييك غير البابوش بوحدوو،
هديل كتنخسس و كتحاول تحبس دموعها : هاا لاا، بغيت البلوول تشهيتوو،
اسماء خرجات فيها عينيها : ا ويلي باغا تخرجي على ولدك،
هديل فاش سمعات ولدك مسحات دموعها : صافي هاناا، ياك ناكل البابوش ماشي مشكل،
اسماء : ههه اييه كولييه،
هديل معاوداتش معاها الهدرة هزات عود د السنان و جلسات كتاكل بيه، مهزات راسها حتا ضربات جبانية كاملة، لقاتهم بزوج حاضينها و كيضحكوو،
هديل : مالكم كتشوفو فيا هككاا، را غير تشهيتو و صافيي، 
نطقات بالداريحة و رجعات عاودات نفس الجملة بلونگلي باش افهموها بزوج خخخ، 
اوگدان : يللا نرجعوو،
هديل : مسخيتش،
اوگدان خرج فيها عينو : قدااميي گالا مسخيتش، مكتعياايش نتيي،
هديل : صافيي صافيي ا وجه الوييل ها حناا،
جررهم قدامو بزوج و مشا فاتجاه السيارة، كسيرا و تبعوه لي گارد... 
اوگدان هز التيلي ديالو دوز لابيل كيتسناه يجاوب، 
اوگدان : يلعن ديلموك خاصك قرن باش تجاوب،
انس : هههه مالنا ا صاحبي كنت خدام اش كاين.. ؟
اوگدان : غتنسا كلشي خدمتك و اللعب كامل و غتجي عنديي،
انس : عاود ا صاحبي مسمعتكش، واش شوية لاباس،
اوگدان : ااه خاصنيي مترجم نقضيي بييه ا صااحبيي، جيي بلا كثرة الهدرة،
انس : لا نتا ضارب شي حاجة، صاحبيي رانيي خداام كيغنديير لييك، قلب على شي مترجم اخر،
اوگدان : كون بغيت اخر غنكون جبتو بلا مندوي معااك، سمع فالعشية تكون عنديي فالريااض سمعتيي، و خدمتك انا غنتكل بيها و نعوضها لييك،
انس يللا جا يجاوب لقاه قطع، زفر بقوة و رجع ابتاسم : ماشي مشكل جاتني فرصة باش نرتاح شوية،
دور ايدو ورا عنقو و مشا كيصفر، اما فالسيارة هديل شافت فاوگدان من المرايا و نطقات : ياك انا هنا، اش غدير بالمترجم،
اوگدان: نتي كتبقاي مع اسماء، محتاجوو فالشي لاخر،
هديل: اممم واخاا.....

دازو زوج أسابيع طايرين، فهاد المدة دارو خطبة رسمية لاوگدان و اسماء، دازت خطبة كبييرة تجمعات فيها العائلة و الصحاب و الجيران و داو ميعاودوو، رقية واخا هككاك فرحات و هزات الراس حيت خللات كلشي حال فموو ، كانت ليلة فالأحلام، هديل فيما كيعيط ليها كيسر مكتجاوبش، كتخلليه يصوني حتا يعيا و يقطع، و الى طلع ليها فراسها كطفييه و تحطو، يوميا كتجلس مع اسماء كتعلمها بشوية بشوية اللغة، و حتا هي راسها خفيف دغيا كتعلم، سمية كتقيل النهار كامل غابرة مكيشوفوها حتا الليل، اما السي احمد مرتاح، مابقا عليه لا مصاريف لا والو، جالس فخدمتو براحتو و كلشي من ايد اوگدان، اما كيسر كيقيل فالخدمة كيحاول يشغل بيها بالو، حاس براسو مخنوق، باغي غير وقت يرجع جنبها، عيا صابر و لكن بالنسبة ليه هادا هو الحد،
كان واقف قدام الدرب بسيارتو، اكيد اوگدان لي رسل ليه العنوان، دينيس جالسة جنبو كتلعب بصباعها بتوثر، كتسنا غير فوقاش تنزل و متبقاش جنبوو، قلبها ايخرج من بلاصتو، واخا باين عليه ممهتمش و مرادش ليها البال، و لكن خوفها منو متمكن منها، دار نظراتو الشمسية على عينيه، حل الباب خرج و دار حللو لدينيس، نزلات و هي كتبلع فريقها و تشوف فيه بنص عيين، هككا مللي جا لعندها لايطاليا مكتقدرش تهز عينيها فييه، 
كيسر : يللا مغنباتوش هنا،
دينيس هزات راسها : اه واخا ا خويا،

مشا قدامها داير ايد وحدة فجيبو و نظرتو الحادة على عينيه كتبان رغم النظاظر، بالطبع كيف العادة كلشي مجمع كيشوف و يبرگگ، مهتم لحتا واحد غادي مخنزر و راسو عالي للفوق، وقف قدام الباب كانو لي گارد قدامو، حللو ليه الباب و حناو راسهم احتراما ليه، دخل و شاف فدينيس لي تبعاتو غير كدور فعينيها من جيه لجيه، مع الدخلة لقاهم مجموعين فالصالون، سمية و رقية و احمد، اما اوگدان و انس واقفين جنب كيدويو، كلشي هز راسو فاش شافوه داخل، 
اوگدان مشا فاتجاهو بابتسامة و دار ليه تحية بيدو : مرحبااا،
كيسر : ملقيتي متقول ياك، 
اوگدان ضكك و شاف فدينيس لي تلااحت علييه عنقاتو : خوويااا اوگداان توحشتتك،
اوگدان خربق ليها شعرها و هو مبتاسم : الهبييلة ديالييي، تاناا توحشتك،
دينيس عبسات بطفولية و شافت فيه : اااه داكشيي لااش كتسول فيااا، خطبتي و قريب تزوج و مقلتيلي والوو،
اوگدان : هانتي غتحضريي عرسيي و شتيي،
دينييس : مبرووك بعداا فرحت لييك و الله،
قاطع حديثهم الأخوي كيسر : فينها.. ؟
اوگدان : غتزيد شوية القداام نيشاان، دور على ليمن ديالك غتشوفها جالسة،
كيسر هز راسو باه و مشا، هادشي كامل تحت انظار سمية لي غيختارقووه..
هديل جالسة وسط الريااض، كاينة بلاصة الوسط محلوولة من الفووق مهوية و دايير بيها الشجر و المغروسات لي دايرة رقية، و من جيهة مزلجة مزياان عليها زربية متوسطة و زوج سدادر و كبيلة صغيرة د العود، كانت جالسة فوق الزربية و مسرحة رجليها، حاطة قدامها طبسيل د الحلوى و كاس د العصير كتاكل معلى بالهاش، مع غتهز راسها شافتو قدامها حاضيها، كملات الغمة لي ففمها بالسيف، حسات بالدمعة واقفة فطرف عينيها، يللا بدات كتنسا فاش شافتو تفكرات كلشيي، مزال ديك اللقطة بين عينيها محفورة فذاكرتها، طلعات النفس بالسيف و حاولات تقاوم نفسها، وقفات كتسوس فحوايجها بشوية من الفرتيت لي لصق عليها، كانت لابسة كسوة قصييرة بزااف فالبض لاصقة على جسمها و مبينة جميع مفاتنها، كمامها طوال و كتيفاتها عريانين، رجعات هزات راسها فيه و حدراتو غادة خارجة بحالها حتا شدها من ايدها، هزات عينيها شافت فيه بنظرة هو بنفسو مفهمهاش، لاول مرة ميفهمش نظراتها، كانت نظرة حاادة مموالفش اشوفها، نترات ايديها مننو بقوة بلا متنطق و كملات طريقها، مشات مباشرة للصالون جلسات كتنفخ و تفش، دارت رجل على رجل مخنزرة، حتا دينيس مرداتش ليها البال، رجع تبعها و وقف متكي على الحيط قبالتها، دار ابتسامة جانبية و نطق : طلعي بدلي،
هديل هزات حاجبها : نعااام، جيتيي على سلامتك، مدخلش فياا،
كيسر كارز على سنانو : طلعيي بدليي دييك الحاالة، و لاا غنرجعو كييف لول،
هديل وقفات و مشات حتا وصلات قداموو : بعد منييي، يااك خرجت من عندك، بعد منيي صاافيي،
كيسر شدها من دراعها بقوة هاد المرة، دور ايدو على خصرها و زيرها معاه، عيات دفعو كان قوا منها، حط ايدو على شعرها كينزلها بشوية و وجهو فعنقها كيدويي بهمس : كيبقا ولديي،
هديل كارزة على سنانها : هادااك ولديي اناا غيير بلاا متحلم بييه،
كيسر : امم واخاا، غنشوفوو،
هديل : شغتشووف.. ؟
كيسر ابتاسم : مزال هبيلة، 
هديل دورات عينيها بان ليها كلشيي حاضيهم، حاليين فمهم، و اولهم رقية احمد و سمية، دفعاتو من عليها و بعدات كتحنحن : قلت ليك متبقاش تقيسني، 
كيسر مهتمش لكلامها حدو، نزل عينو على ايديها، عقد حجبانو و هز ايدها كيشوف فيها : فينوو،
هديل : شنو هو.. ؟
كيسر: خاتمك فيينوو.. ؟
هديل : هو ليي بقا لياا بالحساب، حيدتوو حيت اصلاا معندوو حتا دور، هادااك ا سيي كيديرووه فاش كتحتارم علاقة الزواج، و نتا اصلا مكتعتارف بحتا علاقة،

كيسر : غطلعيي تبدليي، و ديريي خاتمك، و لا اليووم غتشوفي وجه آخر،
بقا ساكت كيشوفيها متحركاتش، غوت حتا قفز كلشيي : يللااا دباا تحركييي، 
هديل طلعات نفس قوي، حابسة دموعها بالسيف، تمات طالعة كضرب برجليها مع الأرض محاملاش راسها، مرضاتش اغوت عليها قدامهن كاملين و عاد الفقصة و هي كتشوفو قدامها، دخلات لغرفتها سدات عليها و جلسات كتبكيي على الله تفش شوية، 
اما هو فضرب فيهم كامليين و خرج، خللا غير الصمت وراه حتا نطقات سمية : واش هو هادا راجلها،
اوگدان : دخلي سووق راسك شوية،
سمية سكتات و هي كدوي بشوية بصوت سمعاتو غير مها : الى كان راجلها را سعدااتها بييه، و لكن مالهم على هاد الحاالة،
رقية : منعرف ا بنتي، واضح عليهم مخاصمين،
سمية : الله استر،
دينيس شافت فاوگدان : انا غنطلع نشوفها صافي،
اوگدان هز راسو باه و مشا يقلب على اسماء، ما دينيس فسولات الخدم حتا وصلات قدام غرفتها، دقات بشوية حتا سمعات صوتها : اش باغيي تانيي اوگدان، صافي بعد منيي ماباغاش ندويي،
دينيس : هادي انا ا هديل،
هديل سكتات شوية كتحاول تميز الصوت، فالتاليي حللات البااب بقوة و الفرحة باينة على وجهها غوتاات بصوت عاليي : دينيييس،
تلاحت علييها عنقااتهاا، تبووس و تعنق و تبعد تشوف قييها حتا خبسات فيها النفس خللاتها غير كضحك : ههه ا ناريي برااكة قجيتيينيي،
هديل جراتها و سدات وراها الباب : يا ختيي متخيلييش شحاال توحشتك، بزااف و الله ا ختيي،
ههه اممم زعما زعما توحشتينيي، حگلك سولتيي فيااا، الله اجعلنيي نتييق،
هديل : يا ختيي و حق الله شحال من مرة كنبغي نعيط و كنسا، الزمييمر ا ختيي، و كيشتيي دباا نتي مطفرااه فين عمرك سولتيي،
دينيس : سكتيي سكتيي، صاافيي شبعتي حلوة و نسيتيينا ههه،
هديل : ا ودي شمن حلوة خللي داك الجمل راگد،
دينيس : اه فكرتينيي اش كاين، مالك نتي و كيسر.. ؟
هديل : واالوو والوو مديريش فبالك، نتي لابااس، اش كتعاوديي،
دينييس تنهدات بمرارة : الحمد لله كلشيي مزياان، غا مع القرايا و لافااك و دبا الحمد لله سالينا هه،
هديل : امم متأكدة هادشي لي كاين، ممخبية والوو زعماا، شي حبييب مثلا ههه،
دينيس بلعات ريقها، ابتاسمات فوق من قلبعا كتخاول تنكر : هاا لا لاا مكاين والوو، بغيتيي كيسر يدبحنيي ههه،
هديل : غا شوفي و كاان، عينييك فارشيينك،
دينيس : لاا لاا مكاني واالو من هادشيي، مديرييش فبالك،
هديل : اوا منعرف تانيي،
دينيس وقفات : المهم انا انخلليك دباا،
هديل : علاه فين غادة.. ؟
دينيس : غنمشي للڤيلا ديال كيسر، غنبات تماا،
هديل : و مال هناا ماشي ديال النعاس،
دينيس : لا ماشي هككاك، غير عيانة و هنا الدار عامرة، بغيت نعس و نرتاح،
هديل : و قلتيها لكيسر،
دينيس : اه قلتها ليه فالطريق، غيوصلني الشيفور،
هديل وقفات عنقاتها : مسخييتش بييك، و لكن غداا غتجيي فالصبااح ياااك،
دينيس عنقاتها كثر و زيرات علييها، كتحاول تحبس دموعها بالسييف : غنتوحششكم بزااف و الله،
هديل بعدات بشوية : ا ويلي على الهبييلة، نتي راك عاد جيتيي، و غداا غترجعيي فالصبااح باش تفطريي معاناا هه،
دينييس : اه ضرووري،
هديل : يللا بسلامة حبيبتيي، حتا لغداا،
دينيس : بسلامة،
خرجات بخطوات بطييئة حتا وصلات للباب، دارت كتشوف فهديل لي بدورها ابتاسمات ليها و هي كدير ليها باي باي بيديها، حدرات عينيها و خرجات سدات الباب، وقفات وراا الباب و نزلو دموعها حارين على خدوودها : سمحيلياا ا هدييل، مغنقدرش نجيي غداا، سمحييليااا....

داز الوقت.. السكوون و الصقيل فالريااض، كلشيي ناعس، كانت جالسة وسط سريرها مربعة و بالها مشغوول مع دينيس، فاش شافتها مكانتش على بعضها، بقات كتخمم تخمم، حطات ايديها على خدها متكية عليها : دبا بلاتي، هي مشات للڤيلا بوحدهاا، كيسر شفتو دخل شي بيت هنا نعس، 
قفزات و نقزات من بلاصتها : ا ويلي واش هاد البنت محكوم عليها تبقى بوحدها و لاا، اوووف، لاا لا قليبيي ضارنيي، واقعة شيي حاجة،
خرجات من غرفتها كتسلت، وقفات قدام غرفة كيسر، طلعات نفس قوي كتحاول تهدأ راسها : صافي ا هديل مشغلكش فييه، فكريي فدينييس دباا،
دقات بشوية، المرة لولة و التانية و الثالثة، لا جواب، دوزات لسانها على شفايفها لي نشفو و حللات الباب بشوية، دخلات راسها كطل عليه، كان ناعس على ضهرو عريان من الفوق حال عينيه و كيشوف فالسقف، سمع الدقان و مبغاش اجاوب، فاش سمع الباب تحل دور راسو بشوية و تصدم فاش شافها، ناض جالس كيمسح على شعرو : هديل،
هديل : اه اناا، سمع بلا مدوي بزاف، و ميمشييش بالك بعييد، 
دخلات و سدات الباب : جابتني غير دينييس،
كيسر: مال دينيس ؟
هديل : معرفتش، قلبي مقبوط من جييهتهاا، سمع غتنووض دباا نمشييو نشوفووها، كيفاش قدرتي تخلليها تمشيي للفيلا وحدها، مخايفش عليها،
كيسر : هي موالفة تبقا بوحدها غير رجعي نعسي مكاين والو،
هديل : سمع را مكنتناقشش معااك، و مبغيتش نخرج وحدي فهاد الليييل، غتزييد قدااميي دباا نشووفها، خاطريي مهانييش مغنرتاح حتا نشوفها قداميي،
كيسر مسح على وجهو و وقف : لبسي شي حاجة و تبعيني انا التحت كنتسناك،
هز تيشورط ديالو لبسو فوق الشورط و تم نازل، هي مشات للماريو ديالو جبدات فيسط ديالو لاحتها عليها جاتها نازلة و خرجاات، تابعاه تا لفين موقف لوطو، طلعات حداه و دار شاف فيها طلعها و نزلها قبل ما يدوي قاطعاتو : سمع معنديش الوقت باش نمشي لبيتيي، يللا تحرك دغيا خللينا نمشيو،
كيسر تنهد و كسيراا...

كانت وسط غرفتها، فوق البيرو كتكتب آخر كلماتها، كتبات و سالات، طوات الورقة بشوية على ربعة، حطاتها فوق الكوافوز لي جنب السرير، و كتبات عليها دينيس، مسحات دموعها بيديها، هزات مونطوها الحمر لبساتو و سداتو، هزات شكارة عمراتها بجمييع حوايجو لي مزال محتافضة بيهم، كل صغيرة و كبيرة من عندوو جمعاتهم، تفكرات فاش عطاتو كلشي، روحها و قلبها، شرفها و حتا ثقة خوها، و لكن هو مكانش كيف تخيلاتو، تعلقات بآمال تخيلها راسها، سدات الشكارة عنقاتها و ضماتها ليها بقوة و هي كتبكيي، تنهدات، معند البكاا فاش افيدها، فلحظة ابتاسمات، بصح هي فرحانة، حيت اخيرا غترتاح، طلعات نفس هادئ، دارت الشكارة ورا ضهرها و وقفات، خرجات كتسلت بخطوات صغار، طالعة مع الدرج حتا وصلات للسطح، خرجات و ضرب فيها برد قوي هاز شعرها، ابتاسمات و كملات طريقها، وقفات جنب السور، كتفكر لحظاتها معاه، كل لحظة كانت فرحانة فيها و هي جنبو، فاش كان كيتقرب منها كيبوسها و يهمس فودنها، فاش كانو بزوج مجموعين على سرير واحد، سدات عينيها بقوة و ضغطات عليهم، ممنحقوش يكون هو آخر حاجة تفكر فيها، حطات ايديها على السور و بدات كتهز فرجليها بشوية، طلعات كتوقف فرجليها لي كترجف، كتشوف فالارض بعيدة علييها، كانت كطل على الحديقة و البيسين لي الوسط، نزلات دمعة من عينيها ابتاسمات وراها، كتفكر واليديها لي ماتو شحال هادا، و من بعد خوها حتا هو، عاد عوض كيسر الفراغ لي فحياتها و كان اب و اخ ليها، تفكرات الاخ التاني اوگدان، هو غيتزوج دبا و مغتحضرش عرسو، تفكراات هديل و هبالها، تفكرات فاش كانت اتنتاحر و قالت عليها طايشة فنفسها، هي على الأقل تنازلات فاخر لحظة، و لكن هي لا مغتنازلش، مبقاش عندها هدف من الحياة كاملة، حللات ايديها و هي مستمتعة بالبرد لي كيضرب فيها، طلعات نفس هادئ، و تلاحت، خطوة وحدة عندها كفيلة باش تنهي حياتها، جات طايحة فالبيسين مباشرة...

فجهة خرى، كانت طالعة مع الدرج بسرعة تابعا كيسر، و مع كل خطوة كتخس بقلبها كيمشي و يجي خاطرها ممهنيهااش نهائيا، وقف كيسر قدام الغرفة و بدا كيدق علييها، و لكن المفاجأة الباب محلول، تحل بشوية، سبقاتو هديل دخلات و شعلات الضو كتقلب عليها، الفراش مخربق و حوايجها طايحين فالارض مرونين دليل على انها كانت هنا، دخلات للحمام و لكن نفس الشيء مكايناش،
كيسر : ميمكنش فين مشات هادي،
هديل : ياا ربيي دينييس فينك،
كيسر خرج كيقلب عليها، اما هديل فتارث انتباهها الورقة لي مطوية فوق الكوافوز، هزاتها و قرات سميت دينيس، بلعات ريقها و حللاتها، تكات على البيرو كتقراا و الصدمة متمكنة منها...

شدات الورقة كتقرا بكل تركييز :

أولا أود لو تقرأو كلماتي هذه بتمعن، اقرؤوها جيدا، فهي آخر ما كتبت يداي،
ها أنا ذا، أمامي بضع خطوات قبل الموت.. !!
صفقوو لي، فكوميديا حياتي قد انتهت، أعتقد أن موتي هذا هو الحقيقة الوحيدة التي تخللت حياتي، قد كنت مجرد زيف مفتعل أتقنو صنعه بمهمارة فحسب.. !
آسفة، على كل شيء، لا أستطيع الحياة بعد الآن، سأجن قريبا، لا تنفك الكوابيس تلاحقني، في نومي و يقظتي، عين الأشباح تطاردني كل حين !
أخي، عزيزي، لقد أضعت كل شيء، أضعت ثقتك و حطمت كبرياءك، أعتذر، لم أفكر حينها، صدقت حقاا أن الحب موجود !
آسفة، وجدت نفسي في مرحلة ما وحيدة، بلا رفيق و لا سند، لم أستطع التحمل، لقد أسأت للرب و لكم، أعمالي لم تكن بالجودة الكافية،
ما أود قوله، هو أني لا أسعى لتخريب حياتكم البثة، أنا أبتعد، كي لا أحزن أحدا، أرجوكم سامحوني، 
لا تقلقو لست خائفة، فقد أصبحت حرة منذ اللحظة، هذه النهاية أنا حقا سعيدة..
لست واثقة، أ أنا أحتضر، أم أني أولد من جديد ؟ 
فالمنظر بديع من هنا.. !!

"دينيس"

حسات بالدنيا ضايرة بيها فاش قراتها، لحمها تبورش عليها و عينيها تجمع فيهم الدموع، خرجات كتجري لقات كيسر مزال كيقلب غوتاات فوجهو خللاتو غير كيشوف : عيط للوومبيلوونس،
كيسر : كيفاش،
هديل : متسولش، عيط ليييهم دباااا،
و رجعاات طالعة كتجريي، تاابعة قلبها هو لي غادي بيها، طالعة للسطح، شافت الشكارة ديالها مليووحة تما، قربات كثر و طللات، كيبان ليها الما ممستاويش، دغيا جات فبالها غتكون تلاحت، رجعات نزلات كتجريي و دموعها على خدودها، كيسر عيط للاسعاف و جا تابعها ضربات فيه و نزلات، رجع نزل وراها شافها مشاات جنب البيسين كتغوت : عتقهاا عفااك عتقهاا راهاا تلااحت،
كيسر مفهم والو حدوو قرب كتبان لييها فالبيسين مستسلمة و نزلات للتحت، عارفها مكتعرفش تعوم، تلاح بسرعة و جبدها، خرجها سرحها فوق الأرض و بدا كيورك ليها على صدرها باش تنفس اولا تخرج الما لي شربات، بدات كتكح و تشهق، عينيها مسدوديين، و لكن كتنفس واخا بصعوبة، سرعان ماجات سيارة الاسعاف بحكم الكلينيك لي عيط ليهم قريب من هنا، هزهاا و تم مخرجهاا، كيغوت و ينادي عليهم، نزلوو الكروسة داروها فيها و نيشاان للمصحة، هديل بقات غير كتبكيي وراهاا قرب ليها كيسر و عنقها : شوو صافي، اجيي نتبعووها،
جرها فاتجاه سيارتو، طلعو و كسيرا كيسر بقوة تابع الاسعاف...

كانو نازلين من الطيارة الخاصة ديالو، شاد من ايدها و هي نازلة شادة من راسها كتحس بيه كيدور، شداتها الگلة تاني و بعدات عليه كترد فالأرض، مبقاتش قادة تشد توازنها و جلسات فالأرض على ركابيها كتفرغ، كلشيي فكرشها خواتو، كتحس بمعدتها كتعصر داخل منها، نزل عندها بشوية كيحاول يوقفها و هي دايخة تزيد خطوة طيح، جرها بشوية و شاف فواحد من رجال عطاه قرعة د الما، بدا كيخوي ليها على وجهها كيغسل ليها حالتها و فنفس الوقت كيبعد ليها الشعر من على وجهها و كيرجعو لوور، نطق بصوت حنين متميز ببحة رجولية خاصة : شوية.. ؟
اشراق هزات راسها باه، حالة عينيها بالسيف : واه شوية، بغيت، بغيت غير نرتاح، راني كنقوول ليك مكتصلاحش لياا الطيارة،
فهد بشك : لا هاد الحالة ماشي غير ديال الطيارة،
اشراق : امم شنو زعما نكون كليت شي حاجة،
فهد : منظنش لي كليتيه كليتو معاك،
اشراق : ما عرت صافي خللينا نمشييو،
فهد قرب طبع قبلة على شفايفها و بعد كيشوف فيها و كيدوز ايدو على خدودها : عرفتي الى كان داكشي فبالي صحيح،
قرب كثر و همس فودنها بصوت رجولي بورشها : انفرح بزااف،
رجع بعد كيشوف فيها و يحقق فتفاصيلها، اما هي هزات عينيها فيه كتشوف فيه براءة معارفاش اش فبالو، هزات عينيها كتشوف فالسما و طلعات نفس هادئ مع ابتسامة : توحشت ريحة بلادي،
فهد : ههه مبعدناش بزاف،
اشراق : سكت، ديتينا لايطاليا و من تما لروسياا ا مالناا، يخللي لياا المغرب دياليي، مبغيتش نبعد عليه،
ضحك و جرها من ايديها : يللا يلاا بحالك، مغنباتوش هنا،
جرها و خرجو بزوج، كانو السيارات فانتظارهم، طلعو و كسيرا فهد بقوة و سيارات لي گارد تابعينهم، كانت جالسة جنبو حاضية الطريق، قرب ايدو لايديها، شدها و قربها لفمو طبع عليها قبلة خفيفة، كان ايقول شي حاجة، يلااه ايدوي سكت فآخر لحظة، هزات فيه اشراق عينيها : بغيتي تقول شي حاجة،
هز راسو بلا : نوو والو،
هزات كتافها بلا مبالاة و دارت كتشوف فالطريق باستغراب : هادي ماشي طريق الدار، فين غادين.. ؟
فهد : غنتأكد من واحد الحاجة صغييورة، عاد نمشيو،
اشراق: شمن حاجة.. ؟
فهد: نوصلو و تعرفيي....

نبعدو شوية، كانو فالمصحة بزوج قدام الغرفة لي فيها الطبيب كيتسناو، كيسر واقف متكي على الحيط و كيفكر فهادشي لي دارت و يحلل، غتكون عندها اسباب قوية لي خللاتها دير هككا، الافكار كضارب فراسو و خوفو عليها كيزيد يكبر، فجنبو كانت جالسة فوق الكرسي كتبكي، منزلة راسها و مغطياه بيديها و كتشهق، حاسة بالدنيا كلها دايرة بيها، هزات راسها شافت فيه، نزلات عينيها على ايدو لي كارز عليها بقوة، محساتش امتا وقفات قدامو، علات عينيها فيه بأسى : فخبارك، هادشيي كامل وقع بسبابك.. !! 
شاف فيها مفاهم والو كيتسناها تكمل على الله استوعب، حطات ايديها على صدرو مزيرة على الورقة لي فيها كتخرشش و هي كتبكيي : نتاا السبااب ااه، قلت لييك متخلليهاش بوحدها، هي عانات بزاف فحياتها و خسرات ناس كتبغيهم، كان خاصك توقف جنبها، ماشي تخلليها حرام عليييك،
سكتات كتشهق، اما هو فشد ايديها بشوية و خرج منها الورقة، هي بعدات ايدها و مشات كتخبط و تبكيي، جلسات فوق الكرسي و دموعها شلال من عينيها مبقاوش باغين احبسو، حل الورقة كيقرا بشوية، و علامات الصدمة كتزيد توضاح عليه، قدر فقط افهم بللي عطات نفسها لشي وااحد، دار شاف فهديل من بعد ما كمش الورقة و زير عليها بعيون حومر : شكوون هاداا.. ؟ وااش قالت لييك شي حااجة علييه.. ؟؟
هديل: من وسط دييك الهدرة كاملة هادشيي لي قدرتيي تفهم، نتااا السبااب فهادشيي، مشييتي و خلليتييها حتا وللات كتحس براسها وحدها، محرامش علييك، هانتاا شوف حالتها دباا شووف، عجباتك يااك، شفتيي على حالة، محرامش علييك، مكافييهاش مسكيينة داكشي كاامل لي دازت مننو،
كيسر مجاوبهاش، حدو جبد تيلي ديالو و بعد عليها ، دوز لابيل لواحد من رجالو لي فايطالياا 
.... : مسيوو كيسر،
كيسر: سمعني مزياان، نبغييك تقلب ليا على شي واحد كان تيكوون ديما مع دينيس، تجبدوو من السما و لا وسط الارص مكيهمنييش، واحد كتخرج معاه دايما، 
...... : واخا مسيوو، غدا نوصل ليك الدوسي كامل،
كيسر: و سمع، گااع لي گارد لي مكلفين يحضيوها، غتجيبهم ليا للمغرب، سمعتيي، نبغيهم كاملين عندي،
......: اوامرك مسيو كيسر،
قطع معاه و رجع، بان ليه الطبيب خارج وقف عليه داك الساع و نطق بالانجليزية : اش درتو.. ؟
الطبيب : حالتها مستقرة حاليا، شربات بزاف د الما و لكن الحمد لله جيتو ليها فالوقت المناسب، فاقت و راها كترتاح،
هديل بالداريجة : نقدرو نشوفوها،
الطبيب: معلوم تفضلو، 
دخلات هديل كتجري و تبعها كيسر بخطوات بطيئة و موزونة، جلسات جنبها و شدات ليها ايديها : علاش درتي هككا حرام علييك ، خلعتيناا علييك كنت انحماق،
دينيس هزات عينيها بشوية كتشوف فكيسر، لي كانو ملامحو باردين و معلى وجهو حتا تعبير، بلعات ريقها بخوف، خايفة من لي جاي معاه، نطقات بصوت خافت كيرجف : خ خو.. خويااا..
كيسر: رتاحي متفكري فوالو دبا..
هديل حطات ايديها على حنكها بحنان : حبيبتيي كيبقيتيي، كيكتحسيي مزياان ؟
دينيس هزات راسها باه : مزيان، مزيان،
هديل : سمعينيي مزياان، عمرك ترجعي تفكريي فيها سمعتي، حياتك مرخيصاش عندنا، كلناا كنبغيوك، الى سخيتي بالدنيا، تسخاي بينا حتا حنا..!!
دينيس: هديل اناا..
قاطعاتها : شوو متقولي والو، نتي غير رتاحي دبا صافي، و كلشي ايكون مزيان،
دينيس : صافي انا مزيان، غير خرجوني من هنا،
كيسر : معندك فين تخرجي، حتا للصباح، 
خرج بلا ميزيد كلمة، حدرات راسها و نزلات دمعة على عينيها مسحاتها هديل بكل حنان : سلامتك ا حبيبتي، الى كنت عزيزة علييك، متفكري فوالو عفااك،
باستها على راسها و خرجات، مشات كتخبط فرجليها حتا وقفات قدامو : شفتك مبرد مع راسك ممسوقش، نتا لي طالعة ليك،
كيسر من تحت سنانوو : شنوو بغيتينيي نقربل هاد الكلينيك، و لا نحرقو حسن..!!

هديل : نتا عمرك مغتفهم، نتا السباب فهادشي، عاقب راسك نتاا ماشي لاخريين،
نزلو دموعها على خدودها حارين : حرام عليك هي متستاهلش هادشيي، مزال صغيرة باش تشوف هادشي كامل،
بعدات مننو عطاتو بالضهر و مشات كتجري و صوت شهقاتها مسموع، بقا متبعها بعينيه حتا شافها دخلات للحمام، زفر بقوة و ضرب بيدو الحيط وراه، معارفش باش خاصو يجاوبها و لا اش اقول ليها، و هادشي غير غيزيد اخسر علاقتهم، هز راسو كيشوف فالغرفة لي جالسة فيها دينيس، مينكرش انه حاس بالذنب جيهتها....

كانو عاد خارجين من غرفة الطبييبة، هزات راسها شافت فيه و هي كتقاد فحوايجها : شفتيي را قلت لييك مكاين والوو من داكشيي، غيير السفر فالطيارة كيقلب ليا المعدة، و نتا منعرف فين مشا بالك،
فهد تنهد بخيبة امل : صافي يللا نمشيو،
اشراق ؛ انمشي للطواليط دغيا و نرجع واخاا،
فهد: سيريي،
مشات و هو بقا متبعها بعينيه حتا دخلاات للحمام، دور وجهو بان ليه كيسر واقف من بعيد، دار ابتسامة جانبية، خشا ايدو فجيابو و مشا لعندو، وقف قدامو : اوو كيسر فالمغرب،
كيسر: قلب عليا هاد الساعة مناقصنيش، 
شاف فيه، كيبان مهموم و كيشوف بعيد : نخلليك،
مشا وقف بعيد و هز التيلي ديالو كيخربق فيه بيما خرجات اشراق،

نمشيو لداخل الحمام، كانو معانقات بزوج، هديل كتبكي فوق كتف اشراق، و لاخرة حتا هي قلبها طايب و اثرات فيها بداو كيتباكاو بزوج، هادشي اكيد من بعد ما تعاودو، حتا بعدو كيمسحو فدموعهم ،
هديل : عرفتي كنت محتاجة نبكي على كتف شي حد،
اشراق: يا ختيي الله اشافيا مسكيينة، بصح صعييب تربي الكبدة على شي حد و يزيد و يخلليها، و خصوصا لا طاحت معاه،
هديل: انا بغيتو يطيح فحفرة عامرة لفاعيي عمرو يخرج منها، تفوو، و لكن سبااب هادشيي هو راجلي ماشي غيرو،
اشراق: ا ويلي اتي ستغفري مولاك و كوني تحشمي شوية، اوا هادشي لي بقاا، را ختو هاديك، تلقايه تا هو مسكيين خايف علييها، 
هديل: المسكينة هي انا ماشي هو،
اشراق عللات حاجبها : اجي ا ديك الزغبية، ياكما مخاصماه، باين ليا ماشي غير على لوستك،
هديل: علااه مقلتش لييك،
اشراق حركات راسها بلا : بالعماا ا ختيي،
هديل: انا انقول ليك، و لاينيي يبقا هادشيي بيناتناا، و كون مادرتك صاحبتي و تقت فييم منعاود ليك،
اشراق: و علاه انا عاد اتوصيني، متخافييش سرك فبير غاارق،
هديل : اوا سمعي يا لالة السيي راجليي اش دار...
بدات كتعااود لييها ، سرسبات ليها كلشي و خوات قلبها، حتا نزلو دموعها و وللاات كتشهق، 
اشراق: الله يا ختيي حبيبتيي، اش هاد البلا منين خرج ا ناريي، 
هديل: و بوجهو حمر كيقول ليا مكنتش واعيي، عرفتي كوون مكنت حاملة و هازة ولدو داخلي، ا و الله لا بقا شافني، نزيد و نخلليهم بزووج،
اشراق طلعاتها معاها بقرصة من الفخد : اش كتقوولي ا بنت الهم، واش نتي بعقلك، بقاي حداا راجلك و شدي فييه، مزيااان تباارك الله، 
هديل كتحك بلاصة القرصة : اوتش حرام علييك،
اشراق مخنزرة : سمعي و طلقي ودنيك معاياا مزياان، السيد را بصح مكانش واعي، و دار المستحييل على ودك باش تسامحيه، جرجرييه مزياان، و خلليه يزييد يعرف بقيمتك عاد سامحييه، و متفكرييش تبعدي علييه، باغاا تخلليه لديك خايتيي طيرو ليك بالبارد، بالعكس لصقي فيه و بقاي جنبو، ديري عقلك ا المصيبة را راجلك هاداك، و الرجال كلهم هككا، معندك مديريي دباا، و زيد عليها راك حاملة، شنو باغاا تجرجري نتي و ولدك من قنت لقنت، 
هديل: معرفتش ا ختي و الله، دييك الليلة مزال بين عينيي،
اشراق: نتي كتبغيبه، و حتا هو كيموت علييك، ديك الليلة ا تنسا مع الوقت، مقلتش ليك سامحيه دبا، ضروري ميتجرجر شوية باش احس بغلطو مزيان، كلشي ايتصلح مع الوقت،
هديل: انشاء الله، اجيي نتيي قولي لياا، اش كديري هناا.. ؟
اشراق: ويليي غا سكتي ههه، عاد حطاتنا الطيارة فالمغرب و جابني فهد نييشان لهنا،
هديل: علاه مالو اش جاه،
اشراق: يا ختيي فالطيارة بقيت كنرد، مع السفر فيها كيقتل ليا المعدة، اوا السيد يصحاب ليه حاملة، جابني لهنا كيجريي ههه، ويلي شككني فراسي تا ولليت كنقول ياكما نسيت الفانيد شي نهار مشربتووش،
هديل: اييه كتشربي فالفانيد، و اجي نقولك نتوما باقين غا مصاحبين، و عايشين فدار وحدة ا الزغبية، متخافيش شي نهار الووحك ا ويليي،
اشراق: وا بالفرحات عليا يلوحني، تي شمن مصاحبين الله اهدييك ههه، تيقتيني حتا نتي، را غير كدبت عليك قدام شيهاڤيير،
هديل حطات ايدها على جنبها : اواا..
اشراق: ا ختي نكدب علييك، معرفت اش سميت ديك العلاقة بينا، هو فلول جابنيي بالسييف، دارني خدامة تحت رجلييه، و دوز علياا العذااب الله اياخد فيه الحق، اوا بشوية بدا كيتبدل، و كيتعامل معايا بشكل حنيين، ليي بغيتها كيوفرهاا لياا، و داير معايا الخاطر،
هديل: اوا و اش باغا مزال، 
اشراق: بغيت التيقار، كنتسنا غير النهار لي يسيفطني بحالي، و هو گالك مكنرتااح لا فالهدرة و لا فالفراش مع غييرك و جنبيي انا غتبقاي، اواا هاداا اش نديير معاه دخلنا علييك بالله، مصاب غيلوحني نتهنا مننو،
هديل جلسات كتندب حناكها : هاا وييليي ها ويلييي على لي سايرة توصي فيا، 
ضرباتها على راسها بشوية غير بصبع : تيي وااش عندك العقل و لا متكسابيهش، لااش ايلووحك ا بنت الهمم لااش، 
اشراق : و اش بغيتينيي ندير معاه، نبقا معاه هككا قحبتوو و لاا،
هديل: يعطيك مصيبة سمعينيي،
اشراق: كنسمع ا ختيي،
هديل: الرجال كلهم زايغيين، و كيدورو مابين عشريين وحدة ماشي غا وحدة، و خصووصا الماركات لي واحلين معاهم حناا، من غيير حاحة وحدة، الى لقا البنت لي يبغيها قلبوو، داك السااع حتا وحدة من غيرها مغتخلا لييه، السيد را طايح فييك ا المصيبة، باينة للعما، غا من تصرفاتو معاك، نتيي اكيد مغتبقايش معااه هككا، ديريي شي حل لراسك و لصقي فييه، و زيديي تقربي مننو كثر، معندو فين الوحك، باغا تبقاي تلاوحي و نتي شرفك و ضيعتيه، شكون ايقبل بيك، مفكرتيش كيف اتعيشي حياتك من بعد مغتمشي من عندو،
اشراق: معرفتش، انا غا نبعد عليه قربي ليه كيخنقني،
هديل: تخنقك الموت ا وجه المصايب، تيي سمعيي، الى رخفتي على قلبك رااك ا تميليي لييه، شدي فيه شدة وحدة، و عمرك باقاا ذكري ليه موضووع البعد علييه، بالعكس، الى كان ممكن من الاحسن حملي مننو، و زيديي شدي بلاصتك حداه، خلليه حتا يعتارف بحبوو ليك، 
اشراق: و الى مكانش كيبغيني،
هديل: تبغيك لفعة، ا ويليي را باينة فييه، كون مباغيكش غتلقاي راسك مزال معاه حتا لدبا، كون را لاااحك شحال هاداا،
اشراق : اووف منعرف،
قفزوو بزووج فاش سمعوو صوت الدقاان فباب الحمام، و صوت فهد و كيسر كيناديوهم،
اشراق : ويليي ويلي ا يهرسوو البااب،
هديل غادة خارحة : زيدي نخرجو، تلاهينا بالحتيت و نسيناهم، اه و سمعي لوصيتيي و ديري بيها،
اشراق هزات ساكها و تبعاتها : صافي، هدرتك هي لي غتكوون .....

خرجو لقاوهم شاعليين بزووج و واقفين عليهم كيعزرائيل،
فهد جر فاشراق : كنتي كتولدي،
كيسر شاف فهديل : لا باتي تما حسن،
اشراق: ها صافيي، را غيير تلاقييت مع حبيبتيي هديبل و نسينا راسنا بالهدرة،
فهد خنزر : زيدي قدامي حسن ليك،
جرها و مشاو خارجين، هديل هزات قنانفها : كون هرستو داك الباب نتوما حسن،
كيسر: زيدي قدامي خللينا نمشيو،
هديل: و دينيس...
كيسر: غدا غنرجع نجيبها، كلفت لي گارد يقابلوها، غير يللاه،
هديل كتقاد فالتجاكيط ديال كيسر لي لابسة : واخا هانا....

دازو يوماين بالخف، دازت عادية و روتينية على الكل، دينيس رجعات للرياض و حتا واحد مادوا معاها على اش وقع، نساو و حاولو يخلليوها تنسا، هديل كيف العادة مزال مكدويش مع كيسر و منفخة عليه، نزلو كاملين يفطرو، كيسر مترأس الطبلة، جنبو هديل و اوگدان، سمية جنب هديل و اسماء جنب خطيبها، مقابل مع كيسر جالس سي احمد تا هو فالراس د الطبلة، و رقية و انس حداه، بقات بلاصة دينيس لي خاوية، 
كيسر: فينها دينيس.. ؟
نقزات سمية : فبييتها، مزال عيانة مقادراش تنزل،
كيسر بعد الكرسي و وقف طالع،
سمية : فين غادي.. ؟
هديل خنزرات و نطقات بالداريجة : سيري تبعييه نتيي گااع، ايخخ، 
كيسر ابتاسم و كمل طريقو بلا ميجاوب، اما سمية فعوجات فمها و نطقات بشوية : اوا نتي لي مخاصماه، حنا معليناش الله، الى مباغاهش خوي الطرييق،
هديل وسعاات عينييها حييت سمعاتها اش قالت : عاوديي ا حبيبتيي عاوديي، راا و الله و متشديي لرض، و تعطييه وااحد الشبر ديال التييسااع، اتاا نريش ختيي و نفرج فيها البشار، مزيان تبارك الله،
دفعاات الكرسي و وقفات كتسوط : خلليتو ليك گاع، غا فطري نتي لي جات معاك، 
خللاتهم و طلعات كضرب برجليها الأرض محاملاش الوضع، داتها رجليها بلا متحس قدام غرفة دينيس، وقفات قبالتها، كان الباب محلول، قربات شوية كانت باغا دخل حتا وقفات، شافتو معنقها و كيمسح على شعرها بكل حنان، و هي مخشية وسط صدرو كتبكي فوقوو،
كيسر: شوو، هو مكيستاهلش دموعك صافيي،
دينيس كتشهق : اناا مكنبكييش علييه، اناا كنبكيي، حيت، حييت انا خنت، تيقتك ا خوياا، سمحلياا، سمحلياا بزااف، 
كيسر: انا مسامحك، مكاين لاش تعاتاذري، انا لي خلليتك بوحدك، و انا لي خاص نطلب السماحة،
دينيس : لاا ا خويا نتاا..
كيسر بعد عليها كيمسح دموعها، قاطعها و نطق : شوو متقولي والو، انا غناخد لييك حقك صاافي، هو بين ايديي دباا، بحال الكلب، صافيي، غندموو على كل دمعة نزلات من عينيك، متبقايش تبكيي، دموعك غاليين علياا،
دينيس ابتاسمات : صافي ا خويا مانبقاش نبكيي، و عمريي غنضيع تيقتك مرة خرى، شكراا بزااف،
كيسر : مكاين لاش، ياك انا خوك، 
دينيس هزات راسها باه : سيي خويا الحبييب، 
كيسر وقف باسها على راسها : عندي شي خدمة غنخرج دبا، تهللاي فراسك اووك،
دينيس : اووك،
عطاها بالضهر خارج، شاف هديل قدامو، ابتاسم خرج و سد وراه الباب، هي نزلات دمعة على عينيها مسخاتها بسرعة و عطاتو بالضهر قبل ما يدوي، تنهد فاههمها مزيان، دار باش اخرج بحالو، حتا سمع اسمو، من تحت لسانها، بصوتها، الصوت لي حفظ نبرتو و طياتو مزيان، دار عندها كيشوف فيها و كيتسناها تنطق، طلعاتو و هبطاتو، كان لابس كلاص، طقم فالكحل، و شميز حتا هي فالاسود، قربات بشوية بخطوات صغيرة تا وصلات قدامو، تعلات على طراف صبعانها و حطات ايديها على الكول ديال الشميز كتقادو ليها، نزلات عينيها و مسحات ليه على الشميز من جيهة الصدر و الكتاف : دبا مزيان،
بعدات شوية : احم باين عندك شي اجتماع، هادا ما كان،
بغات تمشي حسات بيها جرها من خصرها و وقفها قدامو، حطات ايديها على صدرو باش تبعدو شوية، و لكن كيف العادة كان حاكمها : كنبغييك،
قرب طبع قبلة على عنقها و حط ايدو على ايدها لي كانت فوق صدرو : امتا غيحن قلبك عليا،
هديل دمعو عينيها : معرفتش، يمكن نهار ابرا الجرح لي خلليتي فيه،
كيسر باسها على راسها : المهم خللي فبالك، بللي كنبغيك، فكل لحظة، كل دقيقة و تانية، صافي،
هزات راسها باه، و خللاتو بعد شوية، دار مكمل طريقو....

نزل لقاهم مزال كيفطرو، مشافش جيهتهم و نطق : اوگدان تهز خلاص، تبعنيي،
خرج و خللا اوگدان كيمسح فمو، وقف و مشا هز الوراق و الملفات لي خاصينهم عاد خرج تابعو، 
سمية همسات لمها بشوية : شفتيي علاش قلبت على داك اوگدان، هانتي شوفي غير خدام معاه، اما لاخر، راه الحلوى، احح الوقفة و الشخصية و الزيين الله يا ربي داكشي ديال القصص،
انس كان قدامهم كيسمع لهدرتهم : لي بغاها كاملة، كيخلليها كاملة 😉.. 
غمزها، مسح فمو و وقف،
سمية : دخل سوق راسك شوية، 
رقية بهمس: وا بنتي جاني عندو الحق،
انس كان غادي طالع، داز من جنبهم كيسمع : سمعي من موك ههه، 
سمية : سيير سير بحالك و هنيناا،
انس: هاهو غاديي ههه، 
طلع و خللاهم، غتسولةني على احمد، را هو باقي فراس الطبلة كياكل ممسوق لحد، زي الأطرش في الزفة، واخا تنوض العافية موحالش يحرك البيضة من بلاصتها،...

كانو مجموعين فوق الطبلة بربعة، فهد فالراس الاول، و الأب ديالو عادل مقابل معاه فالرأس التاني ديالها، فالوسط جالسة خالة فهد "امنية" هازة خنافرها للسما و غير كتسوط، و اشراق قدامها، كانت جالسة على اعصابها، ايديها كترعد و الماكلة كتنزل من فمها غير بالسيف، كان الصمت سيد الموقف صوت الطباسل و العالق الوحيد لي كيتسمع،
امنية : هادييك اه، ا لالة اشراق، حبسيي شوية من التقرقيب فوق داك الطبسيل، ضرني فراسي،
فهد كيمسح ففمو : شوفي فطبسيلك، 
حط السربيتة جنبو و وقف : و سدي ودنيك واخا،
مشا هز الكونطاكت ديال السيارة و تيليفونو، كانو فوق طاولة زجاجية صغيرة، حتا كان خارج و وقف، نطق بلا ميدور : اشراااق..
وقفات كتجري غادة عندو، غير قربات ليه، بدات كتمشا بشوية و خطوات مزونة، مشات قدامو حانية راسها، بدون سابق إنذار، دور ايدو ورا عنقها و حرعا عندو لاقا شفايفو بدياولها، بقا كيمص و يجر فيهم و هي مندامجة معاه، حطات ايديها على صدرو و زادت قربات ليه، غافلين على العيون لي مراقبينهم بغل و حقد، اكييد لالة امنية، اما الاب فهاز الجريدة متبع اخر اخبار البورصة و كيشوف اسم ابنو فالمقدمة هادشي كيزيدو فخر، فهد بعد بشوية كيشوف فيها، املهي عاد طلعات النفس، 
فهد: عندي شي خدمة، اما كنت نزيد نبقا معاك، نلعبو شوية،
اشراق : اه سير الله اعاونك،
فهد: امم شتك مبقيتيش كدعي فياا،
اشراق : هاا لاا لا، يتقطع لساني قبل ما نديرها، 
حدرات راسها، حط ايدو بشوية على ذقنها هزو و طبع قبلة جنب فمها : ا نتوحشك،
اشراق غير كترمش بعويناتها : و لكن نتاا، نتاا مغتعطلش بزاف يااك، غتجي غير فالعشية،
فهد: واخا هككاك، انتوحشك بزااف، مكرهتش نبقا ديما حداك،
اشراق عضات على شفايفها : صافي غتصبر غير شوية، غنكون معاك العشية كاملة،
فهد: امم يللا سيري قبل ما نبدل رأيي و نجلس حداك هنا،
باستو على خدو و مشات كتجري و تنقز فرحانة، ضحك على هبالها و حط ايدو بلاصة البوسة، ابتاسم و كمل طريقو، طلع فسيارتو و كسييراا..
اما اشراق فرجعات جلسات تكمل فطورها، 
امنية : مزال عندك الوجه باش تجلسي تفطري معانا،
اشراق: علاش مالي اش درت.. ؟؟
امنية: داار لييك، يخخ مبقيتو تختارمو لا كبير لا صغيير،
اشراق : مفهمتش.. !!
امنية: هادشي كامل لي دايرة و مفاهمة والو، واخدين راحتكم قدام عينينا، و داك البيت لي مشاركينو بزووج اا دويي، مخاطبك ممزوجك، اش علاقتكم مفهمتش،
اشراق دمعو عينيها، حبساتهم و كمداتها فقلبها، وقفات طالعة لبيتها،

عادل: يهدييك الله ا ديك المرى و خللي عليك البنت، امنية كتغوت باش تسمعها اشراق لي طالعة فالدرج : فرقيي علييك ولديي ا دييك الملاوطة، باغاا تلصقي فييه بالسييف، 
اشراق كملات طريقها كتجري و دخلات لغرفة فهد سدات الباب و طلقات العنان لدموعها ياخدو راحتهم فوق خدودها، 
نرجعو للتحت،
عادل : خللي عليك البنت، را الى سمعك فهد مغيعجبو حال،
امنية: شكوون رباا فهد، انا و لا نت، اواا هنييناا، ولدي و غيسمع ليا و غيلووح هاد خايتيي علياا،
عادل حط الجريدة فوق الطبلة بالجهد و وقف : كوون كان ايسمع لييك، كوون سمع نهاار جابها لهناا، 
تم طالع مخلليها كتنفخ و تفش غير وحدها، مغددة و مفقوصة....

نمشيو لبلاصة خرى بعيدة شوية، كانو جالسين فقاعة الاجتماعات، خمسة الأشخاص فقط، كيسر، فهد، و كمال سيد البورصة و الرقم الاول فالمغرب و ولادو بزوج لي هزو ليه راسو فهاد الاجتماع، علي و امير، كانو كيدويو بجدية تامة، اللغة المستخدمة بينهم هي الإنجليزية، كلهم كيدويو بالايطالية و الروسية و حتا الداريجة و لكن حتا واحد ما تنازل يدوي بلغة من غير اللغة الخاصة بماركتو، داكشي لاش كيلتاجؤو للغة بعيدة عليهم، غيديرو شراكة ما بين شركاتهم بثلاثة، غتكون شراكة ناجحة و ذات مكاسب ليهم كاملين، كملو الاجتماع ديالهم، كيسر هز كاس د الما شرب مننو و شاف فيهم : كنضن كلشي واضح دبا،
كمال ابتاسم : اكييد، مغتندموش على هاد الشراكة،
فهد وقف و شاف فكيسر : كنتمناو،
كيسر ابتاسم بسخرية، فاهمو مزيان، هما متنافسين و دبا دارو شراكة، امير هو لي قدر يجمع بينهم بذكاؤو، عرف كيفاش يقنع كل واحد بطريقتو الخاصة،
امير و علي وقفو بزوج سلمو على بعض مزادو حتا كلمة و كل واحد نزل فطريقو، فهد و كيسر خرجو من الشركة، لي هي فالاساس ديال كمال، و رجع كل واحد فيهم لشغلو، اما كمال فدخل للبيرو ديالو و دخلو معاه ولادو، جلس فالكرسي ديالو، امير جلس فوق البيرو كيلعب بالديكورات، اما علي فمشا يعمر ليهم كيسان،
كمال : تبارك الله عليكم، قدرتو تقنعوهم بسهولة،
علي: اوا شنو الولييد كنلعبو هناا،
كمال: مكنتش متوقع يوافقو بكل هاد السهولة،
امير: معااك اميير شخصيا هادا، شوية الاحترام،
علي مد ليهم الكيسان و ضربو خلف راسو : سكت شوية مزال مدرنا والو،
كمال: غنستافدو بزاف من هاد الشراكة، منها نقضيو خدمتنا، و منها نتهناو من واحد الجانب ديال المنافسة، فهد و كيسر منافسين ماشي ساهلين،
امير جغم من كاسو : دبا غيكونو فصفنا، 
كمال: يللا نوضو خاص نمشيو،
علي: فين.. ؟
كمال: غنمشي نشوف مراتي ا سيي، نسيتي دغياا،
امير: ايهااي الولييد تا هو كيحب،
علي: ههه معرفت اش عجبك فهاديك، غا ختار لي بغيتي يكونو حداك، متحتاجش گاع تربط راسك بشي وحدة،
كمال : سكت شوية، هاديك را قريب توللي مرات باك، خاص تحتارمها ا تكون بحال ماماك 😉..
امير: هههه واخا ا بابااا، واش فخبارك راها صغر مناا، 
كمال: مكيهمش، المهم انا هاديك لي باغي،
علي: واخا غير بنت العروبية،
امير: و مالها بنت العروبية، تشتف علييك و على 100 من مثاالك ههه، 
كمال وقف : نووضوو خلااص زيدو قدامي،
علي : صبر واحد الدقيقة، الى بغيتي تزوج بيها، جيبها لهناا و تزوجهاا، ديرو عرس مقاد، لاش غادي تزوجها فالعروبية،
كمال : مهاا لي مبغاتش، قالك خاصنا نتبعو التقاليد، و العرس كيتقام فدار العروسة، و شي تخربيق مفهمتوش،
امير وقف جنبهم : شتيي ا الولييد، كوون غير خديتيي مها حسن ههه باقا صغيرة،
كمال ضربو ورا راسو : سكت شوية و زيدو قدامي را تعطلنا،
امير كيحك على راسو : وااه وااه لي جا يضرب،
دار مخنزر فيهم : را غنضرب شي واحد، 
كمال : مزيان هادشي لي بقا، تحركوو دغياا،
خرجو ضاحكين مشاو مباشرة المصعد، علي شاد تيلي ديالو كيخربق فيه، امير واقف قدام المرايا كيقاد الكول ديال القميجة و كيصفر، اما كمال الوسط كيحل الصدافي لولين د الشميز و نظرتو كتشوف فبعيد، يمكن كيفكر فعروستو...

امير شاب فعمرو 26 سنة حروفو كحلين، شعر كحل و عيون كوحل، معندوش اللحية و لكن مناقصاهش جمالية ابدا، جسمو رياضي ١٠٠٪ عضلات بطنو مطراسيين، صدرو عرييض و كتافو الفوق، مفرووح و دييما ناشط، يقدر يضحك فمواقف مكيتحسدش عليها الإنسان، و لكن ذكي، و ذكاؤو هو لي مخلليه ناجح فحياتو، كيتميز بسرعة الاقناع، عندو بعد الرؤية فتفكيرو، بذكاؤو زاد بزاف فشركاات الأب ديالو،
اما علي فكبر من خوه بعاماين، فعمرو 28 سنة شعرو مارو ناقص مننو من الجناب، عينين كحلين و نظرة حادة، لحية خفيفة و مطراسية مزيان، نفس فورمة خوه، مزايدش عليه، جدي شوية مقارنة بامير، و يقدر يدوزو عندو ايام بلا ميضحك، و لكن مع خوه كيولليو فوق السلك بزوج، خرجو طلع كل واحد فسيارتو و كسيرا، شدو طريق لوطوروت نيشاان....

نبعدوو مزال شوية عليهم، دخلو لبلاصة الكيران من بعد ما قطعو التيكي، وحدة متكية على لاخرة، وداد هازا ساك كبير فوق كتفها باش تحكم فيه مع ثقيل، لاحتوو فالأرض بالجهد سخفها و دارت متكية على خديجة غير على دراعها حيت طول منها، خديجة بدورها موقفة الڤاليز و لايحة ثقلهم كاملين عليها، 
خديجة: نااري ا ختيي قهراتنيي الشمس، تي فينو هاد الكار،
وداد: منعرف، اووف هلكاتني تانا الشمس، شو كيف ولليت كنقطر بالعرق،
خديجة: اجي نرجعو ا ختي لداخل تا يجي الكار،
وداد: غتبتي لرض لاا، مفكرتيش فايلا جا و مشفناهش، نطلعو الصبع داك السااع، 
خديجة : اه بصح، و مناقصنااش، اللهم الشمس نصبروو ليها،
وداد: هككاك... ااه يللا زيديي زيديي هاهوا جا على سلامتناا، 
هزو صيكانهم و مشاو كيجريو، خديجة وقفات حدا لي مكلف بالحوايج كتسنا نوبتها باش دخل الڤاليز و الساك، اما وداد فطلعات جرية وحدة مزاحمة مع بنادم و خاشية راسها بزز باش تشد البلاصة لي عجباتها، وداد بنت طولتها عادية، شفايف منفوخين، نيف صغير و مقاد، عينيها فالبنيي داكن، كباار و مشفرين، شعرها بني نازل على كتفها شوية، فعمرها 16 عام، الفورمة هي هاديك، الصدر متوسط عادي و مسعودة حتا هي عندها حقها، لابسة سروال كحل طالع مع ديباردور كلاص فالبيض، و سنسلة مدوراها على عنقها و نازلة على صدرها، شعرها مخلياه على راحتو فوق كتافها، اما خديجة طوييلة عليها، كتهز راسها باش تشوف فيها، عينين فالبني كذلك و كبار، نيف مقاد، و شفايف صغار واخا هككاك منفوخين، شعرها عسلي واصل للنص فضهرها، قاسماه على زوج، ضافراه من الفوق و لايحاه قدامها، فورمتها زوينة، الصدر مابيهش و عندها لي هونش هما هادوك، فعمرها 20 عام لابسة قبية واسعة فالصفر، مع سروال دجين لااصق، من بعد ما خشات الصيكان، طلعات للكار كتأفأف، لقات وداد منوضاها مع شي واحد كيف عادتها،
خديحة : السلامة ا ربيي، مزال تا متحرك الكار،
وداد مع المرى لي واقفة عليها : اواا شفتيي هاا لي قلناا، مرانيش بوحدي، طلعت و شدييت ليهاا بلاصة، يللا تلاحي ا بنتيي،
المرى: اييه سيريي شدي ليها البلاصة فالقبر، اما هناا رااه انا لي جيت لولة و انا لي غنجلس، و من هاد البلاصة منتزعزع،
خديحة شداتها من الكول لوراني ديال تريكوها و جراتها موقفاها : هاااديك خايتيي، القبر هو لي غنصيفطك لييه، راا غتمشيي تجلسي لهييه بعييد عليينا و لا غنوري ختيي شكون اناا، 
دفعاتها و جلسات جنب وداد : مزيان تبارك الله هادشي لي بقا،
وداد دارت مخنزرة : يللا ا سيادنا لي عندو شي بلاصة يشدها، وا بقاو حاضيناا، 
خديجة : يخخ باينة هاد المشية كي دايرة من بديتها ا ربي السلامة،
وداد : وا يعلم الله شمن مصيبة حصلات معاه هاد ختك و بغات تزوج،
خديجة : ههه بغيتي تقولي، شمن ڤيكتيم طاحت علييه و قبل بييها، راه هي المصييبة ،
وداد: وا هو من ناحية مصيبة، و الله حتا مصيبة هههه،
خديجة : و لكن فاش عيطات ليا الوليدة، كانت فرحاانة،
وداد خرجات عينيها : خاالتيي السعدية فرحاانة،
خديجة : اييها ا بنت خالتي فرحاانة، بحالة سمعتيها بوديناتك،
وداد : اوا العجب، اخر مرة شفتها كضحك من عهد المرابطين، هي غتكون شي ڤيكتييم مزييانة، و شي دبيحة ممنهااش،
خديحة : ا حنا نوصلوو و نشوفوو،
وداد كتقاد فالكرسي : مصييبة مع هاد الكيران، قلت ليك كون ا ناخدوو الساتيام و لا غزالة، نمشيو مرحيين،
خديجة : عندك فلوسهم ا مسخوطة الوليدين، 
وداد: ماشي مشكل، ناخدوهم من المصروف ديال هاد السيمانة لي غندوزو فالعروبية، و نزيدوهم على الفلوس لي خللات السعدية،
خديجة خنزرات فيها : السعدية، كانت كتلعب معاك حابة فالدرب، خللييهم دبا نحتاجوهم، و مالنا نقدو نخرجوو ندوروو فقلعة سراغنة فالمدينة، خاصنا الصرف ا حبيبة، اللهم نصبرو دبا،
وداد: اتفوو، عندك الحق تانيي،
خديجة: وا هي لا سكتينا شوية،
وداد : اوا هاهيا ساكتة .....

كانت جالسة مربعة رجليها فالأرض و حاطة قدامها بانيو د الجلبانة كبيير على ليمن، و قبالها شبكة كتنقي و تحط فيها، جاتها على الجلبانة هاد الصباح، تنقي و تاكل مرة مرة، و اسماء حداها كتشوف الغدا مع الخدامات و دور و تحبسها من الماكلة، و هي لي فيها ممهنيها حتا جرات ليها الشبكة و البانيو من قدامها : ا ويلي نتي عيقتيي گااع، واش باغا تخرجي على داكشي لي فكرشك، غير غسليها بعدا و ارا متاكليي،
هديل: و راه بحال بحال ماشي مشكل غير اريي، واش بغيتينيي نحكهااا،
اسماء: مصيبة هادي، جلسي لرض انا نغسلها ليك و نجيبها، را تيكون فيها الدوا داكشيي لاش،
هديل وقفات كتسوس فحوايجها هازة قنانفها للسما و منفخة : صافي مبقيتش باغاها، شهوتي طارت منها،
اسماء: ا ربي السلامة ا ختيي، شغنقولك..
هديل: متقولي والو، انا نطلع نشوف دينيس،
اسماء: سيري، شوية و نزلو تغداو، راه قرب اوجد،
هديل: كوني هانيا،
تمات طالعة كتصفر و دور عينيها، طلعات لغرفة دينيس دقات، و لكن لا جواب، ناداتها و لكن نفس الشيء، حللات الباب كتقلب عليها بعينيها، كتحاول تمالك نفسها باش متخافش، و لكن غير دخلات و ملقاتهاش فالبيت كامل خرجات طايرة كتنادي عليها، معرفاتش لاش جا فبالها السطح داك الساع، طلعات جرية وحدة موقفات حتا وصلات لباب السطح، دخلات كدور عينيها و كتنادي عليها، كلها عرقانة كتنهج و نفسها ممنتاضماش، جميع الافكار الخايبة طاحو فبالها داك الساع، بدات كتغوت يللا اينزلو دموعها شافت انس و دينيس دايرين من الجهة التانية ديال السطح، مشات كتجري عندها بلهفة : دينييس.. دينييس..
دينيس : ا ويلي مالك اش واقع.. ؟
هديل: كنقلب علييك، خرجتييها منيي خلعة،
دورات وجهها شافت فانس : اش طالعين كديرو هنا،
انس : غير شفتها حابسة راسها فبيتها، قلت تطلع يمكن الى ضرب فيها البرد اتوللي مزيان،
هديل شادة فقلبها : حرام علييكم، داك الساع غير قولوها و لا علمو شي حد، غتولدوني قبل الوقت، 
دينيس: ههه سمحيلياا ا ماماا، المرة الجاية نوللي نعلمك،
هديل : واخاا فموك غا بلاتيي، و انا لي خايفة علييك، يخخ مشيت نموت فيها،
دينيس: ههه صافي سمحيلينا،
هديل ابتاسمات : اوا لاباس غا مللي شفنا ضحكتك،
سكتات شوية، انتابهات لشي حاجة و نطقات : اش هاد الريحة،
انس : اينا ريحة.. ؟!
هديل: لا لا واحد الريحة،
دينيس : كيفاش.. ؟
هديل هزات راسها كطلع الهوى من نيفها، تمات تابعة احساسها حتا وقفات قدام انس، قربات نيفها لصدرو كتشمشم، شوية و تلصق عليه و هو مافاهم والو،
هديل: هاديي ريحتك،
انس نزل راسو كيشم، لقا ريحتو عادية مفهم والو : مال ريحتيي.. ؟
هديل ابتاسمات بحال شي سكرانة : زويينة، ريحتك غزاالة، الله شحاال كتحمق،
دينيس جراتها من دراعها بعداتها عليه، مع بقا ليها شوية و تخشا فييه : ا ويليي اجي لهناا، اش جاك على ريحة السيد،
هديل : هاداك سميتو الوحم، الوحم ا بب،
دينيس وسعات عينيها : نتي راك هبلتي هادا غير وحم،
هديل رجعات دارت عند انس كدويي و تستنشق فرييحتوو : شووف ا خوياا، عطينيي هاد الرييحة الله ايحفضك، غزاالة و الله، بغيت غير نبقا نشم فيها، 
انس مفاهم والو : صافي نزل نعطيها ليك،
هديل بفرحة : هاا بصح، شكراا بزااف، 
ضرباات على راسها بخفة : اوبس نسيت مقلت ليكم، نزلو تغداو ايكون وجد،
نزلات و خللاتهم غير كيشوفو وراها،
دينيس: مديش عليها، هي هبيلة و زاد كمل عليها الوحم، بااين وحمها صعيب من بديتو، 
انس: كاينة هه، جات غير فالريحة هانيا،
دينيس: يللا نزلو،
انس شاف فيها، مساخيش ابقا معاها مزال، و لكن ملقا ميقول : يللاه..

بعيد عليهم شوية، واقفة فالكوزينة جامعة شعرهاشعرها مزيان و خدامة فداكشي لي قدامها، كتقاد فصوص بيشاميل، و دور تأكد من داكشي لي فالفران، و ترجع تشوف فالبوطة، عقلها مع ١٠٠ بلاصة، امنية جلسات الخدم كاملين و خللاتها هي كتوجد الغدا، و مع هما كيتجمعو على طبلة ملكية بامتياز، مااشيي اي غدا، حطات ليها ليستا عريضة طويلة على داكشي لي غتوجد، سخفات مزيان، الصباح كللو و هي كتجري فبلاصة عشرة الخدم و عاد لي شيف، مسحات على جبينها قطرات العرق، معارفاش علاش حاسة بالحرارة، فالعادة تيكون المكيف خدام، و لكن دبا صهد الدنيا تجمع عليها، محيتها للغدا لي مزال موجد، و قرب الوقت شوية و تنزل امنية تحيح عليها، محيتها للصهد لي فشلها و زادها سخفة على سخفة..
كان عاد داخل مع الدار، دخل و جلس فكانابي فالصالون مفتوح على المراح، دار رجل على رجل و بقا كيماصي عنقو بشوية، باه كان جالس كيتفرج فالأخبار قدامو، مهتمش ليه حتا جات كتماصي ليه على كتافو بكل حنان، ابتاسم ليها، عرفها هي،
امنية : الحرارة برى يااك، رخف على راسك شوية ا ولدي،
فهد: مكيهمش، فينها اشراق، غتكون غير فالبيت، انطلع نشوفها،
وقف اما امنية عبسات عاقداهم و جات قدامو : راك عاد جيتي ا ولدي، رتاح و شوفها،
فهد: غنرتاح معاها 😉..
يللا جا طالع سمع صوت باه : مراهاش فبيتها ا ولدي، راها فالكوزينة دوزات فيها الصباح كامل، خالتك حبسات الخدم و خللاتها هي تكلف،
فهد شاف فامنية : كيفاش شنو كيقول.. ؟
امنية تلفات و رتابكات، بدات غير كتخربق : دبا شوف ا ولدي، سمعني را غير.. بغيت. زعما، نجربها.. فهمتيي، غيير..
فهد : عرفتي اش صافي غير سكتي،
تخطاها و زاد فاتجاه المطبخ، دخل كانت عاطياه بالضهر، كتعصر فالليمون يدويا غير بالعصارة العادية، مفقوصة كتورك و تخبط، و معرفاتش فينها العصارة الكهربائية ديالو، عندها كيلوات ديال الليمون تعصرهم و ايديها طابو من دبا، قرب من وراها بشوية و دور ايدو على خصرها، حط فمو على عنقها كيبوسها بقبلات خفاف متفرقين، ابتاسمات لا إراديا، عرفااتو من ريحتو لي وللات حافضاها،
فهد : امم الناس حداگو، صبري اش كديري.. ؟
اشراق: كنعصر الليمون اش بنت ليك،
فهد حل عينيه : و غتعصري هادشي كامل بهاديي،
اشراق حابسة البكية كدوي بصوت مخنوق : معرفتش فينها لاخرة، اووف ضروني ايديي، شو كيوللاو حمرين..!
فهد بعد من خصرها و جا قدامها، شد من ايدها كيشوف فيها، عبس و بدا كيحل فالصدافي د الشميز : الصهد شوية لا.. ؟!
اشراق: هو غير شوية، را قتلني، شو كيكنقطر بالعرق،
فهد : و مال الكليمة مخداماش..
اشراق : معرفتش، صافي حيد خلليني نكمل شغلي، كتلاهيني راني معطلة،
فهد جرها : اجي معايا،
اشراق: لاين ا ويلي، را غتجي خالتي امنية و ملتقاش الغدا واجد، ناري واش بغيتيها تصبنيي تاني،
فهد مخنزر : مكاين لي غيصبنك، يللا،
خرجها من المطبخ جارها، هي غير حطات رجليها برى حسات بالبرودة ديال المكيف عكس لداخل، فهد شاف ازرار المكيف غير برة د الكوزينة، شي حد طافيه، شعلو و تم غادي بيها ساخط، حتا وقفاتو اشراق : لاا لا عفاك، هانتا را قربت نسالي غضرب ليا خدمة الصباح كامل فالزيرو،
فهد وسع عينيه : كتعجبك تمارة، الخدم لاش دايرينهم.. ؟؟
جاوبات كتلعب بصباعها حانية راسها : و صافي دبا لي عطا الله عطاه، اللهم نكمل اش بديت مبقاليش بزااف،
فهد ربع ايديه كيشوف فهاد المخلوقة قدامو : يللا سيريي،
ابتاسمات و مشات كتجري رجعات للمطبخ كتكمل شغلها، هاد المرة البرودة عكس قبل، سرعان متبعوها الخدم كيكملو معاها و كيوجدو الطبلة....

كانو مجموعين على السفرة من بعد مابدل حوايجو، جالس مترأسها و الخدم كيقادو اخر الاطباق، تمات جايا بخطوات بطيئة، بغات تجلس فبلاصتها حتا سمعات صوتو : اجي لهنا،
وقفات غادة لعندو و علامة استفهام كبيرة مكتاسحة عقلها، وقفات قدامو : نعام،
جرها من خصرها جلسها فوق رجليه، دور شعرها كامل لجهة وحدة و خشا راسو فعنقها، و ايدو كتلعب فوق خصرها و فخادها، عادل مبتاسم، عارف ولدو طاح هاد المرة، اما امنية فاللون مشا من وجهها : احمم، احمم..
شكون سمعك هو غاطس راسو فعنقها كيهمس ليها بشوية و هي كتبتاسم بخجل و وجهها حمر من الموقف لي تحطات فيه قدامهم،
امنية بصوت اعلى : احمم احمم.. ولديي..
فهد هز فيها راسو مخنزر : مالنا شكاين، كولو بقاو حاضينا، 
اشراق بهمس : فهد حطني، حشوومة قدامهم هككا مجاتش عييب،
دار شاف فيها مخنزر : مالك حتا نتي، مغتسكتيش، 
اشراق خلعها بشوفاتو : هااا.. صافيي سمحلياا، ديرني مقلت والو صافي،
فهد باسها على خدها بشوية : حتا واحد ما سوقو فينا، و حتا واحد ممنحقو يدخل صافي،
اشراق هزات راسها باه و رجعات حناتو فصمت تام،
فهد : يللا كولي،
هزات راسها فيه : و نتا مغتاكلش،
فهد: لا ضروري مناكل، حيت حبيبتي لي صاوبات هادشي، بغيت ناكل من ايديها، 
اشراق بقات كتشوف فيه بابتسامة و كلمة حبيبتي مزال على مسامعها، معرفاتش لاش حاسة بالفرحة، بقات ساكتة و كتشوف فيه،
خشا ايدو من تحت تيشورط كيدوز اطراف صباعو على بطنها : شنو مغتوكلينيش.. ؟؟
اشراق: هاا، اه ااه نوكلك، وا رصا بعدا راك كتهرني،
حط ايدو على بطنها و حبس من حركاتو : هانا رصيت، طلقينا خلاص الريحة زوينة كتشهي،
اشراق هزات الفورشيط قدامها عمراتها و عطاتها ليه، كياكل فيها،
فهد : امم هادشيي بنين،
اشراق: غير بغيتي تمدحني و صافي، الماكلة ديال الشيف حسن من هادي و مكتقول عليها حتا كلمة،
فهد خدا منها الفورشيط وكلها اول دغمة حتا هو : امم و لكن كاين فرق، هاديك ماشي من ايد مراتي،
بدات كتكح، وحلات ليها الدغمة لي ففمها، حسات بالضو ضربها من اخر كلمة سعاتها، عطاها الما داك الساع، شرباتو بشوية كتحاول ترد النفس، حطات الكاس و شافت فيه : شنو قلتيي.. ؟؟
فهد : مقلت والو غير كولي،
هز فورشيط بدا كياكل و حاضيها بنص عين، ضاربو الافكار فدماغها حتا عيات و فالتالي رجعات كتاكل...

فجهة خرى، مجموعين تاهما على السفرة، كلهم من غير كيسر و اوگدان، هديل جالسة قدام انس مباشرة، حاضياه فكل حركاتو و منزلاتش عينيها عليه، لدرجة خللاتو يتوثر بشوفاتها، و كلشي فالطبلة رد ليها البال، اما تا الغدا مابالهاش معاه، غير كتلعب بالفورشيط قدامهم و صافي، 
اسماء بهمس : ا ويلي ا صاحبتي نزلي عينيك، قربتي تاكلي السيد ا ناري،
هديل غير ساهية فيه جاوباتها بالجهد : يا ختيي غزااال... اااي،
قاطعات هدرتها دقة من دينيس نزلات عليها بالطالون د صباطها نطقات بهمس تاهي و لكن بالإنجليزية : ا ناري سكتي، واش باغا تباتي هاد الليلة فالقبر،
هديل كيف العادة داوية بالجهد : غا بشوية ا ختي، مالكي مشاركة معايا الورث، شوية و تهرسي ليا صباعيي،
دينيس عاضة على سنانها و كتحاول تبتاسم قدامهم : يعطيك مصيبة دوي بشوية، را الى جا كيسر و شاف هاد الحالة، مغيصبحش علينا الغد گاع،
هديل وقفات نافخة ريشها و دفعات الكرسي : كييسر كييسر كيسر، قهرتونا بهاد السيد، مناكلوش حتا فخاطرنا وااه، حتا كنقول الله على راحة مكاينش تهنيت مننو، كتجيو تفرعو ليا راسي بييه،
دينيس على ليمن ديالها كتنغزها باش دور و هي كتحيد ليها ايديها مفقوصة، و اسماء من الجهة التانية كذالك، واخا مفاهماهاش اش كتقول، سمعات كيسر و طريقة هدرتها عرفاتها ا تكون تعاير، مع دارت شادة فجلايلها طلع بحالها لقاتو قدامها، وجهها صفار و الريق مشا من فمها، بدا كيقرب بخطوات بطيئة و عيونو عليها بنظرة غير مفهومة خللاتها تخاف، نطق بصوت رجوليي، ببحة خيالية : مال هاد كيسر، مبقاش عاجبك..!!

كيسر: مال هاد كيسر، مبقاش عاجبك..!!
هي راجعة باللور حتا لصقات فالطبلة و كتحرك راسها بلا، تلفات و مبقات عارفة اش تقول، محسات حتا وقف قدامها و حبسها بيديه بزوج فوق الطبلة،
كيسر: مالك سكتي، سرطتي لسانك دبا.. !!
هديل غير كتحرك راسها بلا، بصح سرطات لسانها، و فينو الجهد لي غيخلليها تحركو، مشاا مع الخلعة، حط ايدو على شعرها كيدوزها بشوية، سدات عينيها كتسناه يكرز عليه فاي لحظة و يجرها مننو، و لكن لا، دور ايدو على خصرها و زاد قربها ليه، و ايدو كيدوزها فوق بطنها بشوية، وجهو غاطس فعنقها كيشم ريحتها، دورات راسها للجهة التانية و نطقات بصوت خافت : بعد، بعد.. متقيسش فيا،
ابتاسم باستهزاء و جاوبها بنفس الهمس : و شكون قالك انا كنقيسك، انا غير قريب لولدي، عندك شي مشكل،
هديل: و را ولدك وسط كرشي، يعني غتبعد علينا بزوج،
كيسر هز حاجبو : و كتسنايني نبعد.. ؟!
هديل : هااا.. !!
ابتاسم و قرب باسها على خدها، مبغاش ازيد اضغط عليها، بعد باش اخلليها فخاطرها، و تم طالع بحالو حتا نقزات سمية : مغتغدااش.. ؟؟
كيسر شاف فيها بنص عين و دار طالع مكمل طريقو بحالة مسمعهاش، هديل دارت كتشوف فيها و خبطات عليها الطبلة بالغدايد و الفقصة لي فيها : لاا ختيي العاار سيري تبعيه نتي حسن، و دي لييه الماكلة حتا البييت گاع علاش لاا..!!
سمية: و الله ا ختيي مكرهت نكدب علييك،
خنزرات فيها ناوية على خزيت حتا جراتها دينيس من ايديها كتبرد فيها و هي غادة كضرب رجليها فالأرض، طلعات هي و دينيس، دخلات لغرفتها و ردخات الباب فوجه دينيس، بقات غير كتشوف مسكينة، شافت حتا عيات و نزلات بحالها، شدات بلاصتها فالطبلة و خنزرات فسمية : واش بعقلك نتيي، السيد رااه مزوج و مرتو حاملة، فرقييه علييك، 
سمية : و من بعد، ياك مرتو ماباغاهش، و من الصباح و هي حاضية انس حاطة علييه العيين،
انس سمع هدرتهم و بدا كيكحب وحلاتها ليه، مدات ليه دينيس كاس د الما : غير بشوية علييك،
خدا الكاس شرب مننو و بقا كيدور عينو بيناتهم، حط الكاس فوق الطبلة : شكراا،
دينيس رجعات كتخنزر فسمية : نتيي عارفة السيدة كتوحم، و معارفاش راسها اش كدير، و غير كوني هانيا ا حبييبة، نهار يفوتها الوحم، راجلها مغيبعدش عليها حتا خطوة، و غيرجعو حسن من لول سمعتيي، بلا متعدبي راسك، و متخلليش كيسر يديرك فبالو، حيت ايصفيها ليك هانا علمتك، 
سمية حطات المعلقة و وقفات : بلاا بلاا بلاا.. مكتقاداوش ا ربيي السلاامة،
مشات و خللاتهم، انس بدا كيوسع الكول ديال التيشورط، جاه الصهد و تخنق، دار شاف فرقية و احمد، كياكلو عاادي ممسوقينش گااع للبشار حداهم، صمت تام مخيم عليهم بحالة مكاينينش هناا،
دينيس عرفاتو فين كيشوف : عرفتيي نموت و نعرف سر هاد البروود لي فيهم، شتي تنوض جنازة هنا و موحاالش واش يتحركو،
انس: يمكن حيت مكيفهموكمش، الى جاو يسولو اش واقع مكاين لي غيجاوبهم اصلا،
دينيس: ا وديي....

نرجعو للطبلة لي مكهرب جوها، كملو الأكل ديالهم، شاف فاشراق و نطق : كملتي ماكلتك.. ؟
اشراق: اه صافي الحمد لله،
فهد: يللا طلعي لبيتك،
اشراق: بيتي.. ؟!
فهد غمزها : بيتناا و بيتك،
اشراق هزات راسها: واخا،
مسحات فمها بشوية و وقفات طالعة فاتجاه غرفتهم،
فهد وقف : خالتيي، خاص ندويو، انا فالبيرو كنتسناك، متعطليش،
مشا للمكتب ديالو لي التحت و خللاها كتاكل ضفارها، عارفاه فاش ايدوي، و اكيد غيخاصم عليها كيف العادة على ود اشراق، وقفات مغددة، كتزيد تحقد عليها نهار على نهار..

سرعان ما دقات عليه و عطاها الإذن باش دخل، دخلات و جلسات فوق الكرسي قدامو،
فهد: خالتيي نجييك من لخر، ديك البنت، عطيها بالتيساع شوية، مكنبغييش ندخل فهادشيي ديال العيالات فالدار، راسي ماشي خاويي، و لكن كنشوف تعاملك معاها، راني لحد الآن محتارمك غير حيت دايرك فمقام الوليدة الله ارحمها،..
امنية: الله ارحمها ا ولديي، اناا را غيير..
فهد: متقاطعينييش، انا اصلا مغنطولش هنا بزاف، جاي غير على شي خدمة و غنرجع بحالي لايطاليا، دونك فهاد الوقيتة لي هي معاك فيهاا، خللي الامور دوز مزياان،
امنية: و لكن ا ولديي راه عييب، عايشين فبيت واحد و مكتجمعكم حتا حاجة، شغيقولوو الناااس، كلشيي وللا عارفها شحال رخيصة، معندك ما دير بيها انا نجيب ليك لالااتها،
فهد كارز على سنانو : عرفي اش كتخرجي من فمك ، واش بنت ليك شي واحد كيهتم بهدرة الناس، اشراق انا لي ضيعتها سمعتيي، و انا غنتحمل مسؤوليتي معاها، انا بغيت ديك البنت ماشي شي وحدة خرى، و قريب غنتزوحها و توللي حلالي، ديريها فبالك و بعدي من طريقها، تقدري تمشي دبا،
وقف عطاها بالضهر كيقلب على شي ملفات، حتا سمع الباب تسد وراها، خرجات بلا متزيد كلمة وحدة، و اصلا مخللاش ليها الفرصة فين دوي و لا تكلم، هدرتها مابقا عندها معنى من ورا هادشي.....

دااز الوقت، تعاشات العشية، و الجو بدا كيبرد، قريب يأذن المغرب، كلهم مجموعين ناويين اخرجو كاملين، من غير سمية لي قمعاتها دينيس و هديل حتا تكمشات بلاصتها، هديل مشات كتجري طلعات مع انس اللور، خافت على عضامها من كيسر الى جلسات القدام جنب انس، لابسة اونسومبل فالخزيي و الباج بسروال واسع و نازل حتا للتحت جات الكريشة معرية شوية، و حتا الضهر، لبسات فوقها ڤيسط ديال الدجين خفيفة، شافتها دينيس و طلعات القدام مبغاتش تخلليها وحدها، حتا هي كانت لابسة سروال واسع غير شوية، مخطط فالحمر و البيض و طالع، مع تيشورط سامبل فالبيض، حتا وحدة فيهم مقدرات تلبس قصير، بزوج خايفات من كيسر لا يحرمها فيهم، الحكام و مدير، اما اوگدان فطلع مع خطيبتو عايشين الحب، كيتقرب منها و هي حشمانة و كتبتاسم لكل كلمة كيقولها واخا متفهمهاش، اسماء حتا هي لابسة كسوة طويلة نازلة حتا للتحت، مخططة بزوج الوان الزرق و البيض، جات نازلة و معرية من جيهة الكتاف، مي كتحمق، خرج كيسر بخطوات بطيئة، كيشوفهم كلهم طلعو فالطوموبيلات، طل على هديل بنص عين و كمل طريقو فاتجاه سيارتو صابر بالسيف لا يقلبها عليهم هنا، مع طلع سمع الباب تحل جنبو، دار لقاها سمية، جلسات و سدات الباب،
سمية؛ حشوما تخرجو و تخلليوني بوحدي هنا،
كيسر طلعها و هبطها، لابسة شورط دجين قصير مع ديباردور فالكحل، طلع النفس بقوة و كسيرا، حتا يشوفها فين ا توصل، داك الساع تبعوه السيارات لاخرين....

فاقت على صوت الصداع، دايخة بالنعاس كتمايل، شافت فخديجة مزال ناعسة حالة فمها و بدات كتحركها : واا خدييجة، وا المصييبة فيقيي، 
خديجة: اممم اش كاين، شووف بغيت زوج زوج من الحاجة، الى مكانووش، سير تزوج فقنت اخر،
وداد طلعاتها معاها بزووح قرصات حتا فاقت، ناضت مفزوعة و مخلوعة مفاهمة والو : واش وصلنا، ا ناري ميمتي فخديي، احح هاديك غير قرصة،
وداد: نوضي ا المصيبة نشوفو راسنا فيين، را الكار وقف و الناس كلهم نزلوو، 
خديجة دورات عينيها كتشوف الجو : ا ويليي المغرب قرب اوذن، علاه شحال من ساعة و حنا فالطريق، عمرنا درنا هاد الوقت كللو
وداد: معرفتش ا ختي بحالي بحالك، قلعة سراغنة را قريبة لمراكش، ماشي هاد الوقت كللو، نوضي نشوفوو حنا فيين، 
وقفو يقادو حالتهم حتا سمعو الشيفور ديال الكار كيغوت : و يللا ا سيادنا مغنباتووش هنا،
ودااد : الشرييف نسولك،
الشيفور: سولي ا بنتيي،
وداد : اينا مدينة را حنا فيها دبا، معرفنا راسنا واش وصلنا و لا مزال و لا فين،
الشيفور: يهديك الله ا بنتيي، الكار را وصل لخر ديالو، باش نرجعو لمراكش تانيي، را حنا فالداخلة،
خديجة و وداد حللو فامهم فدقة : هاا ويليي متقولهااش،
الشيفور: علاه فين كنتو ناويين تنزلو،
خديجة يللا جات تجاوبو قاطعاتها وداد : مناويين فين ا الشريف، ها حنا نزلو ناخدو بگاجنا الله اعاون،
جرات خديحة و نزلو، هزو صيكانهم مفقوصين،
وداد : اووف و دبا شبغينا نديرو، ا ويليي شهاد البهلان وقع ليناا، نعسناا النهار كاامل،
خديجة : واا بالسيف ا ختيي، را يوماين و حنا كنسوسو فالدار بلا راحة، و ليلة البارح دوزناها غير فالطلماط و جميع الحوايج، و را حنا غا بنادم،
وداد : مصييبة هادي، دبا سمعي، نمشييو لشي اوطيل صغير على قد جهدنا نباتو فيه هاد الليلة، و نعيطو على خالتي السعدية نعلموها، 
خديجة: اييه غدا يصبح و يفتح، نجيو نشوفو الكار فالصباح و نقادو البروگرام ديالنا،
وداد : اوا يللاه، قبل لا يضلام الحال و نوحلو هنا،
جرات هاد المرة وداد الڤالييز، و خديجة هازة الساك كيقلبو على طاكسي بعينيهم.....

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.