صورة مصغرة لـسعد البايرة الجزء الثاني

سعد البايرة الجزء الثاني

tani 
حكاية سعد البايرة

صبح عليااا الصبااح فقت كي العرووس الدنيا ربيع و الجو بديع اش خلاوها المصريين .. ايوا مشيت جبدت احسن لبسة عندي في الماريو واخا غملت و لكن يضرب فيها الهوا طير العمولة .. مشيت الطواليط قديت حاجتي و غسلت و جهي تميت خارجة تا خرجت ليا عبووش في وجهي .. الله يا ربي راه عينيها عين الزرزور تشووف فيك شوفة وحدة تهرس ليك المفصل .. دزت تخطيتها و هي تسيفط ليا صندالتها لضهري 
مليكة ... عبوووش صباح الخير هاد الدقة كنت نتسالها ليك 
عبووش ... ايوا باش تعلمي تنخليني .. شتك فايقة مع 6 فين غادة اختي 
مليكة ... علاه انا نعست بقا غا نفيق الليل كولو تنسى غا نهار يطلع نمشي نشوف سيدي رشيد 
عبوش ... علاه دغيا ولا سيدك رشيد لا لا حالك ما يعجب ابنت كرشي رجلي على رجلك 
مليكة ..." طرت شنقت عليها " ... شووفي ا عبووش و متحطي ترمتك الارض يا هاد المرة تا ندي السخط من عندك وا سيري خليني نحتارمك ... زدت دخلت لبيتي و خليت عبووش تحلف مورايا 
عبووش ... "اييه ابنيتي ديري لي قالك الخانز تاع راسك و غندير داكشي لي قاليا راسي اخرتهااا تمي جاياني بكرش اووهوو ابنت كرشي اوووهو " ...ايوا بقيت انا في بيتي نقاد و نمسح في هاد الكمارة تا طلبت مني الشرع و حس عبووش تقطع ... وصلت 10 حتى كنسمع تيلي ديالي كيصونيي .. عرفتوو هو طرت طيرة على مشقوفي و هزيتو كنشوف فييه 
مليكة ..." اييه يا تويليفيني الحبيب كنتي تا نتا عطات ريحتك بالغمولية تافقت انا وياه على البلاصة و معاياش وفين غنتلقاو و قطعت معاه ... و جلست تركنت كنخمم ونتعلم كيفاش ندير البروطوكول مع شحال ما ترندفت ولا جلست الراس في الراس مع شي جنس خشن ... جات درمت عليا عبوش لي اكيد سمعت اش قلت ..
مليكة ... يا والله لا ديتي مني باش تنقي سنانك و سيري خلينا مزيانين

عبوش... تي شكون قالك انا غنسولك .. نوضي نطلعو التصبين نصبنوه 
مليكة ... " وقفت قدامها ودرت يدي على جنابي "انا راه غنطلع عند الحاجة نقوليها اش درتي ليها في الزربية وا سيري شوفي ليك متقضي اعبوش داكشي لي عينيك فيه راه مغتوصليش ليه 
عبوش ... شابهة بوك و تريكتو غا اللفاع و القعارب ..." خرجت و ودخت عليا الباب مبقات دواتني ولا كلماتني حتى تعاشات العشية .. ووصلت الوقيتة لي غنشووف فيها سيدي رشيد .. و هي تعيط ليااا 
عبوووش... ملييييكة وااا ملييييكة انا غادة الحمام سيري و لتعطليش .." و تتخبط في السطولة ايوا قلت هادي هي الفرصة نووض لبس نخرج قبل ليجي شي حد ...مشيت ما كيت وجهي و لبست حوايجي و هزيت صاكي و تميت خارجة مع الباب تنتسلت .. طليت حس عبووش مكاينش في في دار ... إيوا سباطي خليتو حتى خرجت عاد لبستو كل شي نأمن ليه الا عبووش .... كيف خرجت شديتها غا على رجلي بحكم الكافي غير حدانا .. اييه مالكم تحگرونا رحنا مقابلين مع البحر ... غادة و نلعب بشعري و لي داز من حدايا يبقى يشووف فيااا .. ما عرفتهم خافين و لا عجبتهم .. كيف وصلت الكافي صونيت ليه قاليا طلعي انا في كافي راضية الفووق .. ايوا دخلت و تميت طالعة لقيتو جالس و لايح بادرو على الكورسي اميمتي على حبيبة كي داير هذا اليوم نفتارسو ... هو كيف شافني ووقف سلم علياا وجر ليا الكورسي نجلس .. 
رشيد ... " كيف شووف منزلش مني عينيه واني تعالي اعبووش تشووفي بنتك و قدراتها هاني طيحتو" ... مرحبا ب لالة مليكة ايوا راني فرحان حيت وافقتي تشوفيني اليوم. 
مليكة ..." اويلي لاش كيدير ليا بعينيه هكاك ..بقيت كنشوف فيه و عاضة على شلقومتي تا فيقني من الگلبة "
رشيد ... حشمانة مني ولا مبغيتيش تسمعيني صووتك 
مليكة ..." هكاوا على الحشمة شافتني ورجعت اللور " ... ا لا لا مكاين بو حشمة غا ختك مموالفاش 
رشيد ..." خلعتو بديك النبرة و صغر فيا عينيه .. رجع تكى على الكورسي و حط يدو في فمو لا ناوي يشللني هذا ما فيهاش " .. ايوا يا لالة مليكة شنو كديري في حياتك و شحال عندك في عمرك 
مليكة ..."" ...خذمت في شحال من خدمة ودابا كنرتاح 
رشيد ... علاه شحال عندك في عمرك 
مليكة ....الى ما خفت نكدب خمسة وتلاتين عام 
رشيد ..." غا سمع العمر عينيه خرجو حيت انا كنبان صغيرة ماشي كبيرة .. غا شفتو خرج عينيها و انا نقوص فيه حواجبي "... احم شنوو تشربي 
مليكة ... جو دو غوونج بااااارد حلقي نشف 

ايوا جابو لينا شنو نشربو و السيد مرة مرة يلووح يديه على يدي .. واناا مع الجفاف العاطفي لي ساكني محدو هو يحطو يديووو و انا نزيد نتحل و نحلم بالعمارية .. شوية السيد حكز كورسيه حدايا ولاح يديه مورايا .. هنا الفار بدا يلعب في عبي ولكن قلت بشوية عليك ا مليكة لتسرعيش و ضيعي الراجل من يديك .. غير حدو هضر و يا ريتو ما هضر العمارية مشااات و الأحلام تبخرو
رشيد ... " شد ليا في يدي و بدا يطلع و يهبط فيها " ... يا الله نغيرو لوكال نمشيو الاباغتومو كريتها في هرهورة نا خدو راحتنا اكتر في الهضرة امم شنو بان ليييك 
مليكة ..." هكاااوااا على هرهورة بن جلفيطة لاخر تا هو قالك تباغتوموو ما حسيت براسي تا تگعدت و شنقت على بووه ... ماشي فين نعاير تا لقيت عبوووش شاداه من دوك جوج زغباات لي في راسوو " ... اويلي وحدي اش كديري هنااا 
عبوووش ..." يد شادة بيها الشعر و اليد الاخرى تتقرص ليه في الحناك " ... تا نكون انا هبيلة قلت ليك رجلي على رجلك هي رجلي على رجلك 
مليكة ... و الحمام لي مشيتي ليييه 
عبووش ... راني انا لي والداك ماشي نتي .. طلقيني خلااص هاد الرعواني اش قالك 
مليكة ... هاهااااي على اش قال قولي اشنو ما قالش .. السيد عينوو غا في فشلووقي .. و الله ياا مك تا تدي عزاااز اليووم 
عبوووش ... هاي هاي هاي على ولد المعفووونة اش بنا ليك حالين دار دعارة 
رشيد ... تي مالك باغا تقولي ليا بنتك باقا نيووووو وهي في عمرها خمسة وتلاتين 
مليكة ... و هانا غنوري المك بنت الخمسة و تلاتين علاش قادة ... ايوا تكيت علييه انا و مي بقينا عليه عطيييه عطييه تا سخف و طلعو سربايا ديال القهوى ما فكونا معاه تا رضينا والدين مووو شرويطة هكااوا على نا خدو رااحتنااا ايوا ها الراحة شحال زييينة .. 
عبوش ..." جراتني من يدي و هبطنااا تانجريوو " جري ابنت الكلب جري .. راه غيعطيو البوليس و موحال يلقاو ما يجمعو فيييه
مليكة ... و يخليهااا قاعدة فيك اعبوووش لبقاااش تبعيني اوجه المحاين ... " ايوا شدينااها جرية غا حتى الدار ... مع الحلة ديال الباب كيبان ليا مشقف الگدام هو ومرتو بووس يااا ما تبوووس " ... بشااااخ دخلي اعبووش تشووفي دار الدعارة ديالك ... 
عبوووش ..." لاحت شالها على وجها وخبياه" ... لاواه اكبيدتي ماشي في الصالون 
مليكة ..." ضرت خنزرت فيها " .. لا غاا جلسي حداهم و متعي عينيك هادشي لي بقى .." مشيت جريتو من شعرو " ... تگعد لبيتك اوجه الويل .. ونتي مبان ليك تفرزي افرازاتك الخانزين غيير هنااا 
سعاد ... اييييه باركة زدتي فييه نتي ياك انا وراجلي قرة عيني ونتي ماالك .. لي حسدنا يعاندنا 
مليكة ... اش غنعاند العفن و الخنز ولا عرفتي شنووو ملي جيتي و انا مشهية فيك شي حاجة ايوا اليوم نيييت نخرج منك العطبااار .." تلاحيت ليها على بزازلهااا نتفتها منهم تا فشلت و طلعت فووق منها نريش و نرتاح و نعاود نريش .. و عبوش و خالد عياو ميفكو ولكن داك الحر تاع ولد خالتها خرجتو فيهااا ... بقيت ناكل فيهااا تا طحت سخفت حداااهااا ... ونقزت عبووش تتقلب فيناا " 
عبوووش .. ناري قتلتها بنت الحرام قتلتها .. اجري جيب ليا المااا 
خالد ... وامي واش غنبقاو حنا ديما مع بنتك هكااا 
عبووش... واش تمشي تجيب لما ولا غتنوض ليك تكمل بييك .. انا راه ما عندي صحتهااا و هي غااا عودة و كانت مربوووطة ... وا سيري ا مليكة الله يعطيك فاش تلهاااي قوولي امييين قهرتيني و شهمتيني اخرتي الگفاف في الحباسات 

ايوا بقيت ناعسة تا رتاحيت عاااد نضت و كأني مدرت تاا حاجة ولا ريشت نص ميترو .. اما هي طارت البيتها تبكي و تعوگ و راجلها يصبر فيهاا .. ولكن راني حالفة على جد بووهم تا غنخرجهااا فيهم اجمعين و اولهم مرت خوويا و انا هابطة تا نبقى بووحدي في هاد الدار و ديك الساع الى ما جا الراجل نخطف جد بوووه ... ويلي عييت بالمسكات من فوقي لتحتي و شي سعد ما تگعد ولا ينووض ... مالي غنبقى حياتي كلها و انا نگعد في هاد سعد البايرة و لا بغى يتگعد .. ضرت لعند عبوووش لي يا الله غتحل فمهاا غت خرجت فيها عينيا معودتهاش معايا .. مشيت الكوزينة نعمر كاس ديال اتاي ويلي راسي غيطرطق .. فين ما ضرت ضور معايا عبووش و هي تترعد 
عبووش ... مليكة وا مليكة ليبقاش فيك الحال ابنيتي دابا ربي يجيب ليك ما حسن 
مليكة ... انا لي بقى فيااا هو مدگيتووىش مزيااان .. شوفي امي الى مسمعتووش مخبوط في السبيطار غانقلب على بووه تانصفيها ليييه نوريه الكوى بشحال كيطلع 
عبوووش... علاه دابا دگينا راجل غير حيت قالك انكويك 
مليكة ... و شنوو نعطيه يكويني ونتي لاش تبعاني ملي باغاني نتكوى 
عبووش ... علاه هو عندو شي بركة علاش كيكوي 
مليكة ... كيكوي الفشالق امي تتعريفهم و سيري راه تي تتقلبي على شي كلمة نخليك تضوري في بلاصتك ولا هيلا قالت ليك عندو البراكة و باركة نيييت عندووو ... 
عبوووش ... الوجه علاش تحشمي خليتيه في طواليط ابنيتي .. زيدي هزي حوايجك يا الله نباتو عند خاالك 
مليكة ... داك العقرووش ديال خوووك السم يقطع فييه بغيت ليه القطيعة 
عبوووش ... اش دار ليييك اناري تا هو 
مليكة ... علاااه ولدووو كيف تقبل في الجدارمية حطيت علييه العين ... ناض زوجو محشم ما رمش 
عبوووش ... يا ويلي باغا تا خدي الدري قد الضفر ترضعيه ابنيتي ترضعيه 
مليكة ... مالو ما عندو زنطيط هداك راه يحمل قبيلة و تجييه قليلة .. غاا سيري امي انا مغاداش طالعة ليااا حدهم تتشطح فوق رااسي .. " خرجات عبووش و خلاتني جالسة شداني فقصتي فكل ما مكنتفكر داك ولد المعفووون كنبغي ناكل جنابي .. الله يلگيها لييييه .. مشيت حليت الشرجم كنطل و كنضهر غير بوووحدي و ما عجبني حااال .. جيت نهبط عيني كيبان ليا واحد غريب على الحومة كيشووف فيااا و كيضحك .." ياااك لباااس نتاا كاينة شي حاجة كضحك ولا نهبط ندير لخويا علاااش

.." مجاوبنيش حدو رجع ضحك و ركب غي طموبيلتووو و زاد خلفة " ... كترتو الله يقطعهم ان شاء الله و رجعت سديت الشرجم و مشيت الدووش ضربتها بتدويشة ... و تا بلاصة مشداني باغا لي لقيتو قدامي نفرس جد مووو و منبرد ... ساليت و خرجت عند عبوووش لقيتها شادك عكسة في راسها و تتشرب أتاي ... كانت ساهية حتى تلاحيت عليها " 
عبوووش ... بسم الله الرحمن الرحيم مالك على هاد التنقيزة 
مليكة ... عبوووش انا غنمشي الامارات 
عبووووش ... هكاااواااا على شييخة البيالة قالت ليك الامارات اييه اش غديري فيهاا مثلا 
مليكة ... وااا مطالعاااش مطالعااش و ما مزوجة ما ممخطووبة لهمااا نخرج لجدها طاي طاي و بالكولور 
عبوووش ... "جبدت صندالة تحت منها و طلعت فوووق مني تتعطيني غا الراس و انا غا مزايدة فييييه " ... اخرتك تجي تتخراي من اللور و القدام يتصحابك راه عايشين مزيان هادوك .. وكل نهار مع واحد سيري ا بنت كرشي حمدي الله و لا والله تا نعاود لجد مك التربية و نووضي قودي من قدامي 
مليكة ... هاي هاي هاي على عبووش منين تعلمتي تخسار الهضرة راك زعمتي هههه ..." نضت و خليتها تتهضر مور ضهري و لكن هاد الفكرة طبعت ليا في مخي وربي كبيير خاصني ضروري ندير شي حاجة في حياتي مغنبقاش حاضية غا الراجل لا بغا يجي مرحبا مبغاش يجي لهلا يجيب بوووه

مقابلة تلفاازة نتسارا من قناة لقناة وكل وحدة تفقصني كثر من لوخرى مسلسل يدير فيا الغمة ولاخور يدير فيا الحماس غا واحد يجيب ليا ليأس وخوه يعطيني لأمل 
ملي نشووف وحدة كانت تشكي وتبكي وبين ليلة وسماها ولات شان ومرشان كنقوول وهي باش حسن منك امليكة دروك تانتي تضحك ليك ليام ويتگعد لیک السعد ولا لهلا ینوضو خلیه سخفاان ...مهم جلست مع راسي وقنعتو وصبرتوو ولقيت مدايم ليا غا ذراعي اما بووقل** يمشي واحد يجي عشرة الاهم هي الحبةة والصحة 
مليكة..." كتشووف في لمرايا ".....مالك اش خاصك زين ولاطاي كلشي كاين ...شحلل قدك ابنتي امليكة تعمري راسك بهاد تخاريف غتشرفي بلا وقت ...خوي دماغك وديري علاش ترجعي قلبي على صنعة وديريها في يدك وديري لاباس ودوزي البيرمي تانتي كيف لالياتك وتلفي الوقت باش حسن منك لي سايقين طوموبيلات مالها تانا نشري واخا غا ايردوز نوصل لعگبه نزل عبوش تدفه بيا ونعيش لحياة 
وديك ساع رجاال يتصافو ونبدا نتعزل على خواطري غمزت راسي وجمعت الوقفة يصبح ويفتح 
أصبحنا وأصبح الملك لله ... اليوم فقت كلي نشاط و حيوية نهار حسيتو ماشي بحال نهارات لي دازو ... من بعد تفكير لي خدا ليا الليل كولو و انا كنفكر قررت اني فاش يطلع الصباح اول حاجة ندير نمشي نتقيد في البيرمي .. و نمشي نتعلم شي صنعة و نضرب على حبهم الحديدة ... ايوا نضت قديت حاجتي و مشيت الماريو هزيت غير سورفيط لبستها و خرجت عند عبووش لي لقيتها موجدة الفطور و قاعدة 
عبوووش ... " تطلع فيا و تهبط و تتصغر عين و تعاود تعحل الاخرى " ... قرق سطيلة معندكمش صباح الخير في بلادكم 
مليكة ... صباح الجوع مدي ليا داك طرف الخبز و كبي ليا شي كويس ديال اتاي راني مزروبة 
عبوووش ... علاه فين بالسلامة تابعاك طريق و انا ما فراسيش 
مليكة ... غادة نتقيد في البيرمي و مم بعد ندووز نتقيد في معمل الخياطة 
عبوووش ..." قفزت عندي تتقلب ليا في راسي " ... ميمتي على بنتي مرضت ليا وحماقت .
مليكة ... حيدي عليا لهيه برا و الباس علييا هادشي باش تفايلتي عليا هاد الصباح 
عبوووش ... ايوا هادي ما هي دقة عادية ميكون غا شي واحد لاح عليك شي حاجة 
مليكة ..." لحت الكاس و تميت نايضة "... هاد كاس الحنطل لي وحلتيه ليااا بناقص منووو ..." نضت لبست سبرديلتي و هزيت صاكي و تميت غادة حتى بانت تتلبس في جلابتها " ... فين غادة اختي 
عبوش ... علاه نخليك تمشي بووحدك انا غادة معاك 
مليكة ... ولااااااااا بربي لعتبتيها معايا 
عبووش ... انا مزاوگة ديني معاك واخا ندي غير الطريق و نجيها .. الدار خنقتني 
مليكة ... ا هيا ناري على دار خنقاتك ونتي متتخلي تمارة ما تتخلي مدينة ما تتخلي منال و عاااد الحومة ضلي دايرة كرسي و جالسة شادة النميمة في عيباد الله .. سيري طلعي عند صحاباتك دوك الطيابات لي في الحمام 
عبوووش .. ايييه تعالي تعالي مقلتش ليك دكرتي الحمام و انا نتفكر .. مشتيش عزيزة كي شتيها ساكنة في برارك دوار الگرعة ايوا يا لالة عندها واحد البنت ناوية نزوجها لخالد باش يستافد من الدار 
مليكة ... يا ويلي امي هو مزوج وباغا تزوجيه بالثانية.. وااا هيا العالي على التجارة تي داك المعفون گاع ما يبغي 
عبوووش ... و مااالك راه الشرع عطاه ربعة عزية فابور و شكون قالك غنتشاور معااه كلامي غيتنفد 
مليكة ... قوية قوية ا عبووش هكاك نبغيك .. يا الله انا مشيت .. و شووفي تبعيني نشووهك هاني قلت ليييك ... خرجت بلا منتسناها تجاوبني حيت لمشات تا سخن عليها راسها تبعني نهارها كحل .. طلعت الشارع الفوق و جلست تنتسنى في طاكسي صغير .. ما جا فين يوقف طاكسي و ركب فيه تا لقيت عبوش ورا ضهري 
عبوووش ... هاي هاي هاي على بنت الوزير شادة ليك طاكسي صغير .." يا الله غنجاوبها تا ركبت القدام و سدات الباب " ... طلعي ابنيتي مشى علينا الحال ...

مليكة ... " ركبت اللور و سديت الباب " ... شمن حال اختي مشا علييك .." بقيت انا وياها نتناگروو تا ضار فينا مول الطاكسي" 
عبووش ... مالك اخويا ساير تغوت ياكما عادينا فابور ا حركهااا الشيفور .. “ إيوا الطريق كلها و هي و مول الطاكسي حتحت تا نفخو ليا راسي .. يا ويلي فين ما نبغي نحزق تحزق معايا .. وصلنا البلاصة فين غنتقيد على البيرمي .. خلصنا الطاكسي ر تمينا هااابطين تا وقفت و بدات ضور بجنابها " مليكة ما بانتش ليك هاد البلاصة بعيدة و حداها الشجر 
مليكة ... ومال الشجر غيغتاصبني 
عبوووش ... لا غيديك ليه شي حد يغتاصبك ماشي الشجر .. زيدي قدامي و نتي مكرزة كي البوطة .. مالك على هاد اللباس على قلتهم 
مليكة ... بسم الله يا ربي واش تترجعي داك اللسان اللور .. وامي بقا لينا غااا هنا تعالي نتشوهو و الله ينعل معاك شي بيرمي
ايوا معودتهاش معاايا تميت غادة وهي تابعاني تا دخلنا الداخل و سؤلنا فين يمكن ليا نتقيد ... ايوا قلت ليها تسنايني نتقيد و نجي باش نمشيو... مشيت قديت غراضي وأمين خارجة عندها تا بانت ليا مجمعة مع واحد خينا .. 
مليكة ... مشات تخنز البلاصة قبل منقول بسم الله ..." درت خطوة في جوج خطوات باش وصلت عندها ..." مي يا الله نمشيو 
عبوووش ... هااا بنتي جااات .." وجات نغزاتني و هاد الشوفات ديال مي انا لي كنعرفهم " .. مدي يديك سلمي على الراجل 
مليكة ..." مديت يدي و هو يوقف و يا ريتو ما وقف فكل ما كنقول توووبي يا مليكة تووبي هالاشكال متخليكش تووبي .. مد ليا يدو و سلم عليااا و ستأذن منا ومشااا و على وجهو واحد الابتسامة اححح ... بقيت متبعة ليه العين و عاضة على فمي وعبوس تتهضر معايا .. شافني مجاوبتهاش و طل عليا لقاتني في ديك الحال وهي تليعني تا غوت خليت كل شي كيشووف فينا " ... وا ميييي لبقاش تقرصيني لحمي زراق زراق 
عبووش ... وهاد الحركة .." بدات تقلدني بفمها " ... فين تعلمتيها ابنت الحرام ولاش تتصلاح 
مليكة ... تتصلاح الكوى امي و اي حاجة زوينة تابعة الكويان 
عبوووش ... اييه دابا فين ما نمشي عند داك مول الگويطينة باش نكوي ندير ليه هكا غيفهمني 
مليكة ... ايييه امي ديري ليه غا هاد الحركة و غيكويك .. غتجي من عندو دكي و دردكي مغيبقى فيك لا شقيقة ولا ركابي 
عبوووش ... ايوا صافي تنمشي هاد المرة عندو راه نيت ركابيا قتلوني ... وزيدي زيدي خلاص راني دايرا مع عزيزة الطيابة على قبل الخطوبة ديال خووك 
مليكة ... واتي داك الرعواني غيبقى يهرنن لينا في الزنقة راه والله تا ندگو دگديگ الحنة راني علمتك 
عبووو ... انا لي غندگو لوقف ليا فيها ويلي راه فيها دار هادي ... نيت راه سعاد كل ليلة فين ما ندوز من حدا بيتهم نسمعها تغوت .. تيضل الليل كولو وهو يدگ فيهااا 
مليكة ... ايييه يجعلو دگاني ان شاء الله ... شدينا طاكسي نيشان الدار راسي ضرني .. خليت حتى الغد هاد نمشي نتقيد في الخياطة ندي صنعة في عقلي كيفي كيف الناس ... قرينا تا عيينا و مادرنا والو .. 

ايوا كيف وصلنا الحومة .. غاديين انا وعبوش و الغواتنا تسمعوه من الدورة الاخرى ... وقفنا عند مول الحانوت و انا بقيت براا .. حتى كيوقف عليا واحد وجهو مغريبش عليا .. جرني من يدي و انا نشدو من قرفادتوو 
مليكة ... لعبتي بموووتك احنيني تا دير هاد الحركة .. شكون حكم عليك و سيفطك عندي تأكد راه باغي خلا دارك 
.... انا ما بغيت منك والو .. شفتك مع الام ديالك و حشمت وقلت نحرك لهنااا باش نهضر معاك على خاطري .. امم انا سميتي عمااد 
مليكة ... ايوا متشرفين اسي عماد لخص اش بغيتي 
عماد ... مغنهضروش دابا خلي ليا نمرتك و انا غنعيط ليك 
مليكة ..." غا جبد ليا تليفونو طحت فيه هو الاول ولد العبد ايفون x ماكس .. بقيت كنشووف فييه و خديت من عندو تليفون و قيدت نمرتي ... جاتو غا في النمرة غا لقاني دايرا بيها اشهار في العراسات و الجنازات اما ميديهااش " ... يا الله تهلى و هاد الحركة تعاودها مرة خرى نوري لخويا منين تتبول النملة مفاهمين الغزال 
عماد ... مفاهمين الغزالة 
مليكة ... ايييه متحاولش بهاد اساليبك سير ضرب ضورة في الحومة و سول على مليكة غيقولو ليك شكون هي ... يا الله ساعتك سواتش .. " خليتو واقف داير يديه في جيابو و كيشوف فياا .. اما عبووش لقيتها حاطة يديها على جنابهاا و تتقلب عليااا " 
عبوووش ... فين مشتي ابنت الحرام يصحاب ليا غا زدتي و خليتيني 
مليكة ... وفين غنمشي و انا مسنوني معاااك تيدي الله العمر غا زيدي قدامي .." الطريق كلها و انا تنفكر في هاد الاخ لي جا وقف عليا .. ايوا هو لجينا نفكرو من ناحية الزين غزال فيه واحد السمورية ديال البرازليين .. و طولة و العرض ولكن حلفت على جد بوووهم لباقي تقت فشي ق... وصلنا الدار كيف دخلت مشيت نيشان لبيتي نبدل عليا حالتي ... اما عبووش لي مكاينش لي واكلها قد عزيزة الطيابة لي باغا تزوج ولدها لبنتها باش تستافد تا هي من دار ... بدلت عليا وخرجت الصالون كنتفرج في التلفازة حتى صونا تليفوني بانت ليا نمرة ديال الخارج ماشي ديال المغرب " 
مليكة .... "يا حليلوووش الخارج تيضرني علياا "... الووو 
.... الوو الغزالة صونيت ليك باش نطلع عندك النمرة ...
مليكة ..." غا قال الغزالة عرفتو داك البرازيلي .. ايه راه لونو برازيلي مالكم " ... راه قلت ليك دوك الحركات ديرهم في جيه خرى ماشي عند مليكة .. زايدون شتك معيط ليا بنمرة من برا ياك بحرا وقفتي عليا بحرا طرتي 
عماد ..." تفرگع بالضحك على كلامي " ... لا لا هاد النمرة فين ما مشيت كنخدم بييها سوا الخاريج اولا هنااا

مليكة ... اممم لخص ليا الله يرضي على ولدي شنوو بغيتي ولاش داك اللقطة لي درتي من فيلم كوتشي كوتشي هو تا هي 
عماد ... شووفي ا مليكة انا غنجيك مم الاخير انا نتي تتعجبني بزاااف .. و قولي الوليدة ديالك غدااا انا عندكم ان شاء الله الخطبة و نتمنى تقبيلي بيااا .. يا الله تهلاي ليا في راسك الغزالة ..." مخلاني حتى نهضر قطع و خلا فمي محلول ما عرفت راسي تنحلم ولا في الحقيقة ... باقا ما فقتش من غيبوبتي تا دخلت عبوووش لا حت شالها و شداتها بركزة 
عبووش ... ايييه مك يا مك ضرب الشيشة و صبح منك .. الله مسمار و طرقناااه عزيزة وفقت تعطيني بنتها لخالد ... " شافتني ساهية " ... وا مليكة معاك سايرا نخيط اللغى خبار الخير اش صدمك 
مليكة ... مي جاني عريس 
عبووش ... فاش جا على رجليه ولا عودو كيشالي و لا جا فشي كادو ... يا ويلي تي دوي حي على الدرية تصرط ليها اللسان 
مليكة ..." عاودت ليها كيفاش شافني حتى عيط ليا " ايوا هادشي لي كاين قاليا غدا غيجي 
عبوووش ..." هي داك النووع لي يخلي الموضوع و يشد في قزيبتو " ... و يا بنت الحرام و هادشي انا معاك وليتي تعطي نمرة في الزنقة اما لمكنتش اش غديري 
مليكة ... مجرد تفكري فأش نقدر ندير يضرك خاااطرك ا عبوووش 
عبوووش ... ايوا هذا لي جاي يخطب منين هو و فين ساكن و اش كيدير 
مليكة ... حتى لغذا و سوليييه انا مشيت نعس 
عبوووش ... كيفاش غنعس على تلاقاو شفارك راه مي ساخطة علياا .. واخا سخطها راني سايرة نصرف فيييه دوزي قدامي نخملو الدنيااا .. والله يا بنيتي لمشيتي تتزوجتي يا ميميتهم غندير ليهم فريع الفارووعي 
مليكة ... الفريع الفاروعي فين سمعتيها هادي اعبوش 
عبوووش ... غا ولد رقووش كان مدابز و يقول فيها و انا تنحفظ فيها عجبتني 
مليكة ... شلا متتجمعي في داك الراس اختي العفو .. دابا خلصينا اش بغيتي 
عبوووش ... غنخملووو الصالة لقاو فين نستقبلو عيباد الله .. اييه منعرف واش المسامر كاينين ولا لا 
مليكة ... ولله وديري داك العجب لي درتي ليا ديك المرة تا نخرا عليك ا عبوووش ... اش درتي بيه اخر مرة طلع في اخير تيحك تمانياتون مع الحيط ... هربت الطواليط قبل متسولني ولا ندخل معاها في شي موضوع ماشي حتى لتم ... مشيت درت زيف حياتي على راسي و مشيت انا وياها هزينا الصالة كلهاا سيقناها و حكيناها على حقها و طريقهاا .. هزينا السدادر مطلعينهم السطح يتشمشو .. ايوا مع عبوش كيوليو فيها عشرين هابطة تتجري اي الدرووج تا جات مكركبة قدام دار الحاجة ... لي خرجت عندها و بقات وحدة تتخنزر في الاخرى 
الحاجة ... ايوا مول الفعلة بااان .. راه دعوتي متتنوض غبرة .." انا جيت نغز عبووش باش متهضرش حيت غتفضح راسها و لي فيها فيها " 
عبوووش ... ومال دعوتك تتفرق الجبال راه تضرب غا في السقف و تترجع وزايدون لي دار الدنب يستاهل العقوبة
الحاجة ... ونتي مراة قد هكا ديري بحال ديك الفعلة بالحق والله لا بقات فيك اعبوووش الى خليتها فيك اجي سيلي ليااا 
عبوووش ... وعلاش نتسناو تالداك الوقت تعالي نسيلووو ليك دابا نيت و نفضيو صداع ... ولهيلا دارتها قد راسها و تتخرج في عينيها 
مليكة ... " مشيت جريت ومي " ... وشكون هادي لي دارتها قد راسها و تتخرج ماشي نتي لي بلتي ليها على زربيتها 
عبوووش ... وااا اللفعة السامة باش تجي معايا تندگ والدين مهااا ضرتي فيااا ... ايييي امي مساطتي تهرست 
مليكة ... هاديك غا طيرة اختي غا طيرة زيدي خلاص راه باقي تابعنااا شلااا شغالات .. غا جالسة و تجبدي في القنات اش بغيتي بشي تخمال اش 
عبوووش ... اييه زيديني و عطيني انا لي باغا نكبر بالحمار تاع بوووك ... 

دازت عشيتي انا و مي غير في تمارة .. يا الله جلسنا نرتاحو من التخمال تا تم داخل المعفون ديال خويا و مرتوو معانقين و ضحكهم واصل تالدورة ديال مولات الرغايف .. اما عبوووش غا شافتو بحالا شافت راحتها و نعاسها .. طارت عليه في الباب تعنق وتبووس ايوا شنووو راها دار تم 
عبووش ... " تعنق و تبووس لا فيه ولا في مرتو خلاتني غا حاطة يدي على وجهي ونشووف " ... ولدي حبيبي وولد كرشي و الحنزيزة ديالي توحشتك اكبيدتي ..سعاد بنتي دخلي اليوم النهار كامل ناقصاني شي حاجة 
سعاد ..." مصغرة عينيها فيهااا و خلاتها غا تتشوف فيها " ... اييه خالتي عبووش غير خرجنا شوية يضرب فينا البرد 
عبوش ... قولي ليا مي عبووش اييه ابنتي ماشي عييب .. جلسو نمشي نعمر ليكم كويس نوضو بيه المجاج 
سعاااد ... لا لا غير رتاحي بنتو ليا مخملين انا نوض نعمرو 
عبوووش ... لواه ابنيتي غير جلسي .. مليكة نووضي عمري كويس ديال اتاي نوضي 
مليكة ... يعمركم بالدود ان شاء الله غنمشي نبول فيه ماشي غنعمرو .. سيري كملي داكشي لي كديري راكي غادة مزيان خاصك أوسكار 
عبوووش ... راه غنوض ريش جد بووك انا أوسكار وليتي تشبهيني بكلب الله ينعل جد بووك و ماشي تا شي كلب زين كلب ديال العساس الماسخة
مليكة ... دابا هو صراحة معيرتكش ولكن عجبني تفكيرك ... حيدي راه ضهري تقسم نمشي نعس باش نفيق اوونفوورم .. سعاااد وجدي ليا راسك غذا جاييني الخطاب .. ويااا صدمتك لشفتيه غتعيفي خانز السليب لي حدااك 
سعاد ... خالتي عبوووش دوي مع بنتك بلا منديرو شي فضيحة تخلي نهار واحد يدوز زين 
عبوووش ... واتي صافيي ابنيتي هاديك غا ضاير ليها الريح في راسها .." مشات عبووش عمرات اتاي و حطاتو في الطبلة و جلست عليهم بالحب و الحنان و تتفرش الورد لبداية القنبولة لي غتلووح " ايوا اولدي خالد عندي ليك واحد الموضوع 
خالد ... قولي الحنانة هاني كنسمع 
عبوش ... تعرف صاحبتي عزيزة الطيابة لي في الحمام كي شتيها عندها واحد الدرية .. ايوا مع دابا عندهم الاحصا حيت قراب يريبو ليهم و يستافدو من الدار 
خالد ... ايوا و شنو علاقتي بهاد الشلاضة امي ياكما بغاو لي يريب معاهم 
عبوووش ... لا قررت نزوجك لبنتها باش تستافد من دار تانتا و تولي هما وشان متبقاش غير في الشفرة و البوليس يقلبو عليك 
سعاد ... اشنووووووو عاااوديهااا تي مالك امي عبووش دختي ولا دار ليك الساتيليت ناوية دخلي عليا ضرة .. خالد شتك ساكت نووض جاوب مك ولا عجبك كلامها 
خالد ..." شد يد سعاد باسها " لا حبيبتي معاجبنيش كلامها ... "و هو ينوض وقف لعبوش قدام وجها " ... واا مي هادشي نعستي حلمتي بيه وفقتي تتعاودي ليا على حجايتك .. ودفلي امي على كتفك ليسر ولا سيري الطواليط عاوديها راه صعيب عليك الحال 
عبوووش ... "دفعت الطبلة برجليها " ... والله يا ميمتك تا داكشي قلت هو غيكون ولا هز مرتك و عري على كتافك 
سعاد ... " غا سمعات الزنقة و هوما يطلعو ليها الجنون " ... ا عبوووش تتباني تتقلبي على شي حاجة ماشي عي هاديك مرحبا نخرجو ليها 
خالد ... سعاد بلاتي غير بالعقل احبيبة 
سعاد ... حيد من حبيبة ولا نمي غنبدا نخسر في الهضرة .. كلامك يتسحب اعبووش ولا اليوم شي يبات في السبيطار وشي يبات حاط ترمتو على ضس التسيلون ..

عبوووش ... ا شلا ميعاود ليك الخانز تاع راسك ابنت الهاترة .. اش زعما نفهم من كلامك غضربيني ولا شنوو و الى قديتي حطي عليا يدك غدا تلقاي راسك في دار مك و شادة ورقت طلاقك 
خالد ... سمحي ليا امي نتي لي جبدتيها و هاديك ماشي هضرة لي قلتي انا كنبغي حبيبتي سعاد و ميمكنش نبدلها ولاو بمال الدنيا 
سعاد ..." عنقات راجلها من صدروو " ... راجلي السبع هكاك نبغيك يخليك ليا العمر 
عبووش ... سبع منين جاه سبع هداك غا ضبع قالت ليك سبع .. و حگل مليكة فيك اوليدي عندك من الرجلة غاا الحجر و شي لاخر الله يجيب 
سعاد ... " مشات شدات عبووش من دراعها و مزيرة عليها " .. اش كتعني بكلامك العقروشة راجلي ماشي راجل .. جمعي فمك شوية 
عبوووش ... اييه زيد شوفيها مزياان .. صبري نعطيك شعري نتفيه نتي حسن .. واااا ملييكة تي تعالي تفرجي ..." خليتها تتعيط من خرج تتربى و تولي تحشم .. حدي بديت نسمع الغوات غادي و كيتجهد .. وسعاد نزلات على مي غا بالسبان و انا نخرج ليهم " ..
مليكة ... سعاااد يدك تجمع على مي ولا نگرضهااا لحبك و نتااا غتجمع داك نص ميترو لي عندك ولا نخشيكم بجوج تحت مني و ما يفكم مني غير الخااالق .. 
سعاد ... ونتي عجبك هادشي لي سايرك مك تتقول فييه 
مليكة ... وها هي قااالتو و ها هو گاع تزوج .. وراه غا خااانز و معفووون و شفار واتي هداااك راه غا شياااطة ديال المجتمع .. راه غا غلطت الوليد الله يرحمو زهق لييه اما مكانش يكووون 
خالد ... مليكة جمعي فمك ولا نجي نهرسووو ليييك 
مليكة ... هاي هااي على الرويجل ..." مشيت حليمة الشراجم و خرجت و جمعت عيباد الله " ... تعالووو ا عيباد الله تفرجو في الرعواني ديال خويااا قالك ا سيادي بغا يضربني .. وصبروو تسمعووو موو تتاكل العصى قدامو على يد مرتو و هو مربع يدو تيتفرج 
عبووو ..." طارت عليا بعضة من گدم رجليا " ... هاديك بنت الحرام دابا يقولو عبوووش ضربتها مرت ولدهاا و يعاد لي يسوى و لي ميسوى يضحك علييا 
مليكة ... و مالها مكانتش فووق منك و باغا تأكلك اختي نووضي كلي ديلمهااا .. راه دارك هادي و لي معجبووو حال يقود الباب وسع من كتافو .. و الى مقدهمش نهرس بوووه انا گاع 
سعاد ... نفهم من كلامك تتجري عليناا .. و متنسايش احبيبة حقوو فيها هو كتر من حقك .. يعني غا لحسي خمسة 
مليكة ... بعدا باش تتعجبيني تتفوجي عليا ..وراه نصدمك انااا نصدمك و لا بغيتي غا فعايل ليهود هوما لي غيكونووو واش يصحاب ليك با الله يرحموو غيخلي شي حاجة لهاد الحشايشي راك غالطة احنينتي .. دابا يا تمشي تكمشي نتي وهاد ربع راجل ولا هزو قلوعكمم و انا نخرج نشد ليكم خطاااف .. عبووووش نووضي تگعدي وااا قلت ليك غسلي يديك ورجليك على هاد الرعواني .. غا حالة داك البزطام و تمدي ليييه .. ها هو زدحك ونكرك وهداك تاكلي العصى گاع .. يا الله هاد الجقلة فرتكووها .." مشات سعاد تتخبط في رجليها لبيتها و كحل اللهى تابعها كي المرأة من موراهااا .. اما عبووش ناضت وقفت فووق اللحاااف ووقفت كي العسكري " ..
عبوووش ... وراه بنت عزيزة غتديها غتديهاااا بزز راا بالخاطر 
مليكة ... واااا عاااصي ربي هبطي دابا تلاحي من الشرجم .. و متتحشميش اختي عاد كنتي تحت مني كي فلوس الما ... يخخخ غدا يصبح وجهي مكمش معاكم يا التريكة الناقصة الله يلگيها ليكم ان شاء الله ... شووفي امي انا غنمشي نعس باش يصبح وجهي مرتاااح راه والله وتنوضي الصداع تنخليك منك ليهم .. ولبقاش تعيطي لياا هاني دويت معااك 

خليت عبووش جالسة حاطة يديها على وجها و تخمم كيفاش غدير حتى تزوج ولدها ببنت عزيزة .. وًانا مشيت درت كريمي الليلي و تجبدت في بلاصتي غدا عندنا نهار طوييل وخصوصا جايين فيا الخطاااب ... غير حطيت راسي غيبت ديك الساع قتلتني عبووش اليوم تمارة و غوات و صداع تا خلات القرودة كيشطحو فوق راسي 
أصبحنا و اصبح الملك لله .. كيف فقت نضت ضربتها بتدويشة فاعلة تاركة درتها حمام و دوش ... خرجت لبست شراوطي و خرجت عند عبووش .. لي لقيتها فايقة وتتوجد و تقاد .. علمتها بلي غنمشي الصالون نصايب شعري دغيا و رجع .. وداكشي لي كان مشيت دغيااا مكاملاش ساعة ورجعت .. لقيت عبووش كملت و جمعت ولابسة قميس وتتبنى ..
مليكة ... عبووش شنك لابسة قميس علاه باش عرفتيه غناخدو 
عبووش ... ومالو لي متاخديه غتعودي تشرطي ليا هنااا .. عريس جااا بربي لفلتناه 
مليكة ... تي مالنا غندبحوه و ندفنوه تحت الدار .. صبري غير حتى نتعرفو علييه .. يا ويلي نتي واقيلة لا جات زوبية تلوحيني ليهااا 
عبووش ... وا غا الفرحة هاادي معاياش غيجي السيد 
مليكة ... " يا الله غنجاوبها تا صونا ليا في التليفون" ... هانتي اختي جبد الكلب و حضر الزرواطة .. الووو 
عماد ... صباح الخير و الخمير ا أميرتي 
مليكة ..." ما حيلتي نجاوبو و لا نبعد عبوش لي خشات وذنهااا غي التيليفون " ... راني قلت ليك هاد الكلام الحلووو ما كيمشيش معايا احنيني .. معاياش غتجي باش نعلم مي 
عماد ... الخمسة العشية انا عندك يا الله نتشاوفو في العشية 
مليكة ..." ما جاوبتوش و قطعت علييه " ... وهبطي امي من فوق كتافي فدار و نزل عليا تي مالك 
عبووش ... ايوا التلاتة ونص هاادي سيري تي وجدي راسك بعدا 
مليكة ... اجي بعدا فين دوك الرعاوين ديال ولدك ومرتو شفت حسهم مقطوووع 
عبووش ... مشات غبرت عند مها وداتو معاها اودي خلي عليا الگنس القصيف .. ندوزو غا هاد النهار على خير و بيخير و يحن الله ..." مشيت لبيتي قاديت حالتي صايبت وجهي غا خفيف ... اصلا مبقيتش كنحمل هاد الاجواء .. ديال العريس ها هو جا و لا ها هو مشا ... صافي مليت بعد ما ساليت جلست في البيت حتى وصلت الوقيتة ... يا الله غنخرج عند مي حتى كنسمع الباب كيصوووني .. مشيت طليت على مي لقيتها جالسة في الصالون يا الله غتنوض بااش تحل الباب و شيرت ليها باش انا نحل ... كيف حليت عليه لقيتو هاز بوكي ديال الورد ولابس كوستيم خلا عقلي دايخ ما عرفت ما نقدم ولا نوخر "
عماد ... " مد ليا يديه نسلم علييه " .. جيتي غزالة تتحمقي 
مليكة ... و شحال عندك الكلام الحلو ولكن طحتي في وحدة هاد الكلام ميكمشيش معاها من هنا لديك الدرجة 
عماد ... وًانا معااك حتى تولفي عليه دابا واش غندخل ولا غتخليني واقف في الباب 
مليكة ... دخل دخل نسيتيني ونتا يا خويا فيك الهضرة ملي حليت عليك و نتا دودودودودو دخل..." تم داخل وحادر راسو وًانا موراه تنشطح بترمتي .. الله يا ربي و اخيرا جاب ليا الله عريس فيه جميع وصفات أحلامي .. يا الله السيد دخل و هي تهز عبووش راسها فيييه و هنا كانت الصدمة " ..
عبوووش ..." بقات تتشوف فييه مدة و هي تغوت " ... عمااااااااااد 

عماد ..." شاف فيها بحالا سرفقيته مضنش انها تعقل عليه ولا تفكرو گاع " 
عبوووش ... " وقفات ليه في وجهو هازة حواجبها قدامو " ... ياااك اولدي ا عمااااد اخرتهااا بنتي اش قالك الخانز تاع راسك ملي دقيتي باب عبوش على اساس راك عريس 
مليكة ... " بقا فمي غا محلول هادو فين كيعرفو بعضياتهم ولاش هضرت معاه مي هكا " ... واخا شي واحد فيكم يشرح ليا الفيلم لي كيضور هنااا و نتي فين تتعرفيه 
عبووش ... ايييه على فين كنعرفوو و قوولي اش كنعرف عليييه 
عماد ... خالتي عبوووش خليني غير نهضرة و نشرح ليك ما متفهميش غلط 
عبووش ... خلخل الله عضااامك هادي عمرها كانت على البال و لا على الخاطر .. ااه نسيتي شحال بست الرجلين على قبلك و بانت ليك غير بنتي 
عماد ... سمحي ليا اخالتي عبووش راه مكنتش عارفها بنتك 
عبووش ... لا عااارفها و متأكد منهااا بلا متزوق ليا الهضرة ودابا اوليدي الباب الحباب بلا منزيدو نتعايبو 
مليكة ... واااش غيهضر شي خانز فيكم و يقوليا اش كاين و اشنو الموضوع .. تي فين تتعرفيه و شكون هووو گاع 
عبووو... باغا تعرفيه شكون ايوا سمعي مزيان و حلي وذنيك باش تعرفي راسك فين كنتي غتلوحي راسك ... وباش هاد الخطرة ماشي غير لي جرك من يدك تعطيه نمرتك و يقوليك غنجي نخطب تيقيه راني على بالي محزمة براجل ماشي مرأة 
عماد ..." وقف قدام عبووش " عبووش كنصحك انك متقولي واالو وايلي عارفة راسك معامن تتهضري و باغا تلوحي راسك الخطار ... اللعب ماشي معانااا 
مليكة ...ااا معانااا ولا معاكم تاا شكون بعدا و شكون هادو لي تتهضر عليهم ... واش يصحاب راسك مي غتخبي عليا خزقة راك غاالط .. عبوووش خووويها خلاص 
عبوووش ... " وجهت صبعها قدام وجهو " ... خااانز بحالك ميهددنيش انااا تتسمع .. " جارتني من حدااه " ... شوفي ابنيتي وحلي عقلك .. تعقلي على المرأة لي كانت في الدورة تتبيع البغرير و دابا راه رحلات قالك لبلاصة خرى ... تي رقية الحولة 
مليكة ... واش لي كانت عندها خالة كبيرة في وجهاا ااه نعقل عليها مالها 
عبوووش ... ايوا هاد السيد راه ولدها 
مليكة ... اييه و من بعد ها هو ولدها تي فين كاين المشكيل .. واش انا غتزوج بيه ولا بمو 
عبووش ... لا غتزوجي عصابة عرفتي اشمن عصابة .. هذا ابنتي راه كان حرگ لواحد البلاد سميتها ملاوطة .. وًخدام مع عصابة تيتاجرو في الغربة و في بنادم وتا سلاح 
مليكة ... " خبطت حناكي مع وجهي " ... اويلي على عصابة اخرتي ناخد بزناز 
عماااد ... قادي كلامك شوية اشمن بزناز .. عبووش هادشي لي خرجتي من فمك غيخرج علييك كوني أكيدة 
عبووش ... ايييه وليدي بصح هدد و زيد هدد .. اااه ياك اولد الحرام شحال من وحدة هنا خطبتي و تتفلا عليها .. و دير ليهاا ديك سلعة الحرام في حوايجها باش تهربهم لييك حيت نتااا ريحتك عطاات وگاع البوليس و الجدارمية شمو ريحتك ... ااه شحال من دار مشيت ليها انا ومك نبوسو الرجلين و نطلبو في عيباد الله باش ما يمشيوش يشكيو بييك .. دابا بانت ليك في بنتي اناا ايوااا راك دقيتي الباب الغالط احنيني 
مليكة ..." مشيت شنقت علييه " ... يا ولد الخانز ياك قلت لبوووك متجيش تلعب معايا اناا .. واتا واخااا ناخدك انا راه كنقلب سليبي قبل ما ندير حتى حاجة وتجي نتااا تبغي تلعب على مليكة .. إهانة فحقي .. ودابا نزيدك كلمة وحدة الباب اعمي الباب ..." اما عماد فمقدر يجاوب بحتى كلمة مكانش ضان انو تقدر تعرف عليه عبووش .. خصوصا انو مدة طويلة مجا المغرب ملي وقعت ليه اخر وقعة مع وحدة من البنات لي كيستاغل ... كيف خرج مع الباب جاه اتصال " 
عماد ..." وقف حدا الباب و جاوب و كيمسح في شعرو " ... الوو داكشي لي خططنا ليه ضااع ديك الشارفة عندها عقل ديال صحاب 10 سنين .. المشكيل مكايناش شي وحدة بحال هاد الشلوطية ديال بنتهاا قبيحة .. كانت تكون معاها الخدمة ساهلة ..

بعد ما خرج عماد ضارت ليا عبووش ما خلات فيا لا طسيلة و لا ملا ... اما انااا وكلت امري لله الراجل لي حطيت علييه يدي لقى فيه عييب .. واش گصتي من اينا طينة تقووول لايحين عليا عكس ديال الرجالة .. بالحق طيرتي لي دارتها ليا غا لي بغا النمرة نعطيها لييه .. خليت عبووش جالسة و شادة في راسهااا و مشيت دخلت لبيتي وسديت عليااا .. بقيت مدة و انا غا جالسة و نخمم تا تمت داخلة عندي مي 
عبووش ... مليكة حلي يحرق جدك و جدو ياكما حزنتي علييه 
مليكة ... تي مريضة انا نحزن على خانز الترمة واتي راني مكليتوووش كون غاا شديت والديه و سدينا علييه الباب و ربطنا والديه و نحيدو ليه دوك جوج خصيات لي عايق بيهم 
عبووش ... شنو هوما هاد خصيات وزايدون هانتي ربطتيه بغيتي تجي عصابتووو يقطعو لينا البزازل تي راكي تتقلبي عليها ... لبقاش لي جرك تعري ليه سنانك راه غنجي نريشك والديك تا نطيح قدامك .
مليكة ... عبوووش خرجي قبل. ما نديرك انا تحت منك امي .. تي راني غنهز عليك فااااتحةة تاا يبرد ليا الگلب منك .. ومكاينش قدك اي خارج عليا راجل كامل مكمول طيراتو 
عبوووش ... بحرا كنتي باغا تربطيه و سخات بيك راسك تلوحيه لبزناز 
مليكة ... وماااال البزناز ماشي راجل يكووون غا بحال الكوبرا ندفع عليييه حيااااتي و كياني 
عبوووش ... " دارت يديها ورا ضهرها و بدات تعدد " و شكووون هاااه هاد الكوبرا ثاني و منين جااا .. ووااا هيااا مي طلي عليا و على سخطك فيمن نزل .. وا طلي هاااا مي و تشفاي فيااااا 
مليكة ... اييه زيدي زيدي ياكما نشد ليك الميزان باش تكملي غناااك .. يااااا ربي ولا كانو عندي شي جدود يااك عبووش غا ضرسة و گلعها علياااا راه عطاتني الصداااع 
عبوووش ... دعي دعي يا مسخوطة مهاا و شووفي شكون يشدك .. راكي دايرا كي الدرهم المتقوبة لي مشيتي عندو يجري علييك .. نوضي نمشيو نجيبو خوك و موصيبتووو 
مليكة ... عليااا بليمين و متخرجي تعطي لجدي التيساع حتى نلوح راسي من الشرجم ... ياكما نفكرك اخر مرة مشيت معاك اش طراا .. ايوا سيري بحرا تلقاي ولد خالتها تم يريشك هو و لدك و مرتووو 
عبوووش ... زعما المسخووط يديرها يخليهم يضربني 
مليكة ... هانتي امي لبسي جلابتك سيري جربي و اجي 
عبووش ... دابا عطيني حل كيفاش نزوجو من بنت عزيزة 
مليكة ... واااااا يااا ربي طيرني و فكني من هاد المخلوقة ... واش مكتووبيش ميمتييييييي الحبيبة 
عبوووش ... تي حق مولانا لفلت بنت عزيزة و زينة اش بغى و غتستافد من الدار هادشي كولو و باغاني نتوووب مالي كنضرب السبسي
مليكة ... وكون غا ضربتيه يدوخك شوية اختي راكي غادة و عقلك ايفرفر .. نوضي خليني نعس غذا عندي فشلووق ديال البلانات 
عبووش ... غتديني معاك احبيبة ميمتها 
مليكة ... نو انا ما حبيبتش ماماها انا مسخوطة مهااا الى منضتيش خرجتي غنوض نريشك .." تخشيت في بلاصتي و خليتها تتنگر في راسي تا داني النعاس و هي باقا تتهضر فوق راسي ... ملي شافتني مجوبتهاش ناضت خرجت الصالون تنعس فييه 

صبح عليا الصباح كي الجرانة لي خارجة من الما ... نضت غسلت و جهي و قضيت حاجتي ولبست حوايجي و هزيت شي وراق على قبل نتقيد في تكوين الخياطة و خرجت كنتسلت و لكن هيهات ثم هيهات الناس عندهم امهات و انا عندي مووكة ... يا الله نويت نخطي الخطية شدتني من دراعي .. تطل فيا و تهبط اوو واهلي السيدة لابسة جلابتها و تتسناني غير ايمتى نوي نخرج 
عبووش... فين غادة بلا ميمتك 
مليكة ..." كنت عاطياها بالخضر حتى ضرت لعندها و هي تخرج عينيها في صدري " .. وا مي جلسي الارض نمشي نتقيد في التكوين و ندوز البيرمي ونجي 
عبوووش ..." ما جاوبتني ما كلمتني حدهاا طرطقت عينيها في صدري " ... هادشي كولووو لي قلتي مسمعتووش .. تعت ربي مال داك الصدر ضرو الصهد اليوم ونوى تا هو يخرج يضربو البرد ... مسكين مغموق بحالي بغا غا يدي الطريق و يجيبها 
مليكة ... اكتر فيك الطنز العكري داك الكبير گاع .. الى محشمتيش ضرك نخرجها تا هي تدي الطريق و تجيبهااا 
عبوووش ... سيري جمعي بزازلك عاد غتخرجي من هاد الباب 
مليكة ... واتي شكون بغاااهم مستورين ولا معريين هاني مشيت أمي و لتبعينيش ها حجر با في القبر 
عبوووش ... الله يمسخك الماسخة بقا ليك غا باك گعدي ليه راسوو .. يا الله سيري و لتعطليش .. انا غنمشي نيت نجيب خوك و مرتو .." ايوا سديت الباب مورايا و هبطت في الدروج كيف ديما يا الله غنحل باب العمارةو نعتب العتبة الزنقة تا وقف علياا واحد غاا سبع وهارب من الحديقة "
مليكة ... ابشويا ابگر علال فين داخل 
.... " حط يدي على كتفي و قرب لوذني" ... داكشي لي درتي نتي ومك غتحاسبو عليه كلامي واضح ميحتاج لا طبة و لا فقهى ... ردي بالك مزيان " ايوا زاد وخلاني تنغوت من موراه و نعرعر تا هبطت عبووش تتجري ... لقاتني كلي كنترعد و باغا غا فيمن نشد .. او مع انا فمي كياكلني غا حدها سولتني مالي خويت عليها المزيودة .. تا شدت فيا ما طلقت و قالت ليك نون يكحل عيونو رجلي برجلك "
عبووش ... اويلي على ولد الحولة ولا تيهدد و يعرف يسيفط عيباد الله .. زيدي قدامي غنديكلاريو بيه 
مليكة ... واتي اخرتنااا يا في الحبس ياا مقتولين على يد شي عصابة زيدي قدامي خلااص "ايوا شدينا طاكسي من المشروع نيشان الكوميسارية لي في دوار الگرعة .. كيف دخلنا عاودنا لدوك البوليس لي كيكونو في الباب دوزنا ديك الساع الشاف ديالهم .. لي كان اصلا كيقلب علييه وراسوو دايخ علييه ... دقينا في الباب تا سمعنا الاذن بالدخول عاد دخلنا ... لقيناه حادر راسو على المكتب و شادو كيمسد فيه " 
مليكة ..." نغزت مي و قربت لودنيها " .. الله يا مي الله يا ريتني يديه و تنمسد ليه راسوو 
عبوش ... العام لي جا ندخلوو فيه القاعة ديال العرس يعجبك واااحد ابنيتي ... تي راه فيك دودة تاع سبع ريووس ..." ما حسيتش براسي تا تفرگعت بالضحك و هو يهز راسو " 
الشاف ... تفضلوو قالو ليا عندكم شي حاجة خطيرة بغيتو تقولوها 
مليكة ..." هبطت البودي شوية باش يزيد صدري يبان و رفعتو الفوق و خرجت الترمة و جلست " .. اييه ا سيدي الشاف جينا نبلغو بواحد البزناز سميتو عماد كيجي من هولاندا ... كينزل المغرب يخطب البنات باش يهرب بيهم السلعة .. ولكن الحمد الله انا مخطبنيش ماشي ديال هادشي 
عبوش ..." طلات ليا على وجهي " هداك وجهك ابنتي ولا گفاك
مليكة ... گفايا امي گفايا رجعي اللور ولا نقوليه راك كنتي تتعاونيه .. تهبطي تانتي تگلاصاي 
الشاف .. اش كتوشوشو تم فين اخر مرك شفتوو الكلب لي حطووو... مدوخ ليا راسي كتر من شهر وهو غير حدايا 
مليكة ... ملوكتك في الدمة اي حاجة حتاجيتيها انا معاك في السراء و الضراء .. حتى يرت الارض و ما عليهااا 
الشاف..." شاف فيها و ابتاسم على كلامها لي ضحكو " ... احم واخا ا مليكة غنجيبو واحد الدري خدام معانا نتي وصفي ليه الشكل و هو غيرسموو و لي الاخير تقدري تعرفي علييه 
مليكة ..." خبطت صدري و جبت شعري عندي القدام " مي شي حاجة تتاكلني في قلبي سمعتي مليكة كي خارجة .. احم اييه نتعرف عليييه ران قلت ليك على ودك ندير اي حاجة 

ايوا جاا لسيد هو يرسم و انا نوصف ليه و ندفل .. كمل تا كمل ووراني تصويرتووو .. جابو هو هداك لااااسق .. الله يعطيه غا شي موصيبة تشتتو و ما تخلي ما يتجمع فيييه .. شديت التصويرة ودرت راسي تنحقق فييه .. وًانا ما كرهت كون شديتو و كليت موو بسناني .."
الشاف ... شووفي ا مليكة حلي عقلك و عينيك مزيان .. دوك المواصفات لي عطيتينا راه هوما هادوك لي قدامك .. واش متأكدة هوو هذاك نفسوو لي وصفتي 
مليكة ... " بديت نغمض عين و نسد ختهاا وخبطت الطبلة تا قفزت كل شي " ... ايييه هو هذا البرازيلي ولد الحرام ولد الكلب الله يلگيها ليييه 
الشاف ..." صغر فيا عينيه" ... اممم معندكش دراية بيه شخصية ولا شي حاجة ممكن انهااا تعاوناا باش نلقيو القبض علييه 
مليكة ..." قربت حدايا عبووش تتقرص فياا " ... اييه تنعرفو شخصيا راه مو كانت تتسكن حدانا في الزنقة الثانية راها كانت حولة و تتبيع البغرير 
الشاف....." هز ستيلو كيلعب بايديه وعاقد على حواحبو ومقوس عینیه هو یخمم وانا مابعه لیه لعین وحاضیا لیه لفن لش غیقوول " ......ملیکه واش کتبغی بلادک 
ملیکه....." تنهدت وحلیت فمی تا بانت اخر ضرسه مسوسه فی فمی " ......کنبغیی بلادی وولاد بلادی ولی حامين بلادي " گرفضت لیه "......الله الوطن الملللللک
الشاف ..." بان ليا كيضحك من قلبوو ضحكة خاترة بحال حريرة عبووش" ...معلييكش لمهم بغيتك تعاوني معااانااا 
مليكةة......" مديت ليه يدي " .....عطيني غااا لفردي وتسووخر اللور مولفة بتنياش اخر مرة جبتهاا لول دربنا بگنتوو 
الشاف......نو شی حاجه اخره .." وقف وهز سوارت طموبيلتو " مزيان تقدري تمشي معايا دابا 
عبوووش ... " وقفت في وجهوو " .. فين غتمشي معاااك اولدي .. بلا عقد مكاين مشي 
مليكة ..." جريتهااا من ترمتهااا " حيدي امي ولا نقوليه اش كاين غنمشي معاه هي غنمشي معااه .."
خرج هو قدامي و تميت تابعاه و عبوووش مورايا تندب .. ما ديتهااش فيهااا خليتها تهلل على خااطرهاا .. وصلناا لطموبيلتوو .. ركب شد مكان القيادة و ركبت حداااه ودرت السمطة .. هز عينو فيا و تبسم و انا هازة خنفاري السما " 
مليكة ..." حطيت يدي على وجهي و مرفقي على الكرسي " مقلتيش ليا فين غنمشيو 
الشاف ... غنمشيو لواحد الكاافي " ايوا يا مليكة نهارك هذااا الطريق كلها و انا نفكر .. اش تشربي يا مليكة نطلب جودوغونج .. لا لا داك كاس البول منحوووس عليااا .. نطلب شي حاجة ناكلهاا راه نيييت فيا الجوووع ... اويلي لا ياا مليكة غتباني طمااااعة ... ضورت راسي كنشووف فييه و هو مركز مع الطريق ... الله يا ربي و فين كنتي مخبي عليااا .. الى كتاب و تزوجنااا غندير احسن عرس فيك الرباط و احسن عمارية غنركب فيهااا ... احح ديت راجل و سيد الرجال .. لهلا يخطي عليا تاج راسي و غطا داتي .. وصلنا الكافي هبط هو اللول و انا من موراه تابعاه ودايرا فيه البريستيج و البروطوكول...

... مشا جلس في طبلة و جلست انا مقابلة معاااه .. وكنتسناه غير يهضر و يقول ليا داكشي لي مخبيه في قلبو " 
الشاف ..." هز عينو نيشان في عيني و حط يديه على فمو كيفكر .. وًانا تنتسناه غير وقتاش يهضر قلبي غيسكت " .. مليكة واش تقدري تعيطي ليييه دابا
مليكة ..." بحالا خوا عليا الما طايب وزادني بالبارد ".. شكون هذااا 
الشاف ... كنهضر على عماد حلي معايا عقلك .. شووفي غتعيط ليه و ديري معاه في هاد القهوى نييت .. وفاش يجي انا نتكلف 
مليكة ... " ميقت فييه يا ودي جبد الموضوع الاهم بعذا عاد شووف داك الدحش " .. اييه واخااا نعيط لييه ولكن راني كنخاااف 
الشاف ... ياك قلتي ليا انا معااك و نعاونك و بلي نتي كتبغي هاد البلاد ... ونعطيك سلاح و نرجع اللور فين شجاعتك تبخرات 
مليكة ..." محملتوووش ينقص بيااا " .. هي اللول غنعيط لييه راه واعدتك غنكون معاااك .." هزيت التليفون و صونيت على عماد .. لي غير شاف سميتي و هو يجاوب طاير ..و قلت ليه بلي كنتسناه في الكافي فين انا جالسة .. في الاول شك ولكن فاش جبدت ليه داكشي لي وقع الصباح اقتانع ووافق انو يجي " 
الشاف ... مقلتيش ليا تعرض ليكم شي حد الصباح 
مليكة ..." وليت غا ندخل و نخرج في الهضرة " ايييه راني فايت لياا وقفت في وجهو داكشي علاش سيفط ليا واحد يهددني هاد الصباح
الشاف .. واخا على الكلب لي حطوو انا لي عارف شغالي معااه و ديك الساع يتقاوى على الولياااات يديه غنگرضهم ليه ... مهم ا مليكة انا غنكون مع البارمان باش ميعيقش بشي حاجة كوني هانية 
مليكة ..." الله على الكبيدة كيخاف عليااا " ... انا مخيفاش و نتا معايا .." مشا هوو حدا البارمان .. وًانا بقيت تنتسنى في داك وجه الكلب مكملاش حتى ربع ساعة تتم داخل كولو سناسل .. غا ضوبيرمان و كيتمشى .. جا جلس مقابل معايا نيشان وحط رجل على رجل " ..
عماد ... ايوا الغازالة ديالي الى مبغيتيش تجي بالخاطر غتجي بزز 
مليكة ... ا شووف هاه ايكما يصحابك راسك خفت منك .. فيق الزين الصافي اناا راه ميخلعوونيش واخا يكونو عشرة منك .
عماد ... و بشوية علييك مالك كترعدي " قرب لوجهي و جبد زغبة من مور ودني و انا نخبط ليه اليد " .. ايوا قولي ليا لاش معيطة لياا 
مليكة .." وجهة صبعي في وجهو " .. شووف نقوليك غتقول لدوك سلوگيات العصر ديالك يبعدو من طريقي و طريق مي .. ترا والله تا ندير ليه مرض الراس 
عماد ..." وقف وجا عندي يا الله بغا يشدني من عنقي .. تا تلاحو عليه البوليس و ضايرين بييه "
الشااف ..." كيفصق بيديه و كيقرب ليه " .. اوووه سي عماااد توحشناك و البلاد توحشاتك .. طولتي الغيبة اصاحبي .. واش محشمتيش تمد يدك على وليه .. بالحق انا غنحد ليك ها قباحتك و اي واحد دخل غنقرقب على بوووه من الكبير فيكم حتى الصغير 
عماد ..." دار نصف ابتسامة " .. اووه ملوكتي لعبتي لعبة كبيرة علييك .. تسنايني مغنطولش 
الشاف ... الى لقيتي كيفاش تخرج غير هدد على خاطر .." غوت على البوليس لي معاه " ديوووه عليييا انا تابعكم .." بعد ما مشاو البوليس و هو يضور عندي .. وشد ليا في كتفي " ... شكرا بزااف اختي مليكة هادشي كيبين بلي باقي الخير و باقي لي كيبغي عاد البلاد .. تبارك الله عليك 
مليكة ..." ختي يخوي ليك الضراس مع الضهر ولد الكلبة " ... ايييه حنا نعطيوها و هي غااا ما غادة وتزوي فينااا .. سيري بسلامة عليييك احنيني..."."خرجت من القهوى و شديت طريق الطاكسيات و تنخبط في رجليااا و نهضر بوووحدي ... واش انا يا ربي تااا كنبغي نعيش حياااتي و منبقاش نفكر بشي بوو خصية يخرج ليا واحد من الجنب .. واش الناس مسگدة ليهم الدعوى و انا زاوياااني .. ويلي ولاو ساريين ليااا في عرووقي و دمي و كيجي غاا المعووقب علىىى خووه ... هزيت يدي السمااا ندعي و نقول ما دعيب .. ياااا ربي غااا لاهي من عندك انا قاااابلة بيهااا و مرحبااا و زيد القدام ... ولا هي من عند العبد غا وريني إمارة و ديك الساع لماااا دفنتهم حييية راه ما ولدااات فيااا العبوووش .. غا جوج بزازل و فشلووووق .. بقيا الطريق كلهاا و انااا نگر تا وصلت لعند عبووش لي لقيتها سخفانة البوليس وهوما تيكبو عليها. الما .. غا تتفيق تقوليهم مليكة جات يقولو ليها باقي ترجع تسخف ما فاقت تا سمعت حسي"..

كيف شافتني عبووش و تصح نايضة خلات دوك البوليس كلهم حالين فمهم فيهااا .. 
عبووش ... فين داك ابنت الحرام اااه صااافي جلدة خمسة وتلاتين عام ونتي خازناهااا نتي عطيتيها لداك الحترووف .
مليكة ... وااا مي واش باغاني نبقى ندب ونريش في حناكي تا نسيل دمي .. زيدي قدامي قالت ليك الجلدة 
عبووش...."قوصت عينيها " زيدي قدامي نشووف المشية زيدي .." زدت قداامها و حلفت عليها تنخرجها منهااا اليووم واخا غنتشوهوو .. مهم نسكت ليها القلب ... تميت دايزة قدامها و فرقت رجليا و بديت نتمشى على صباااعي .." 
عبوووش ..." بدات تخبط في فخاضها و وجها و عيباد الله تيشوفو " ... صافي درتيهااا و عطي ترمتك اااه ادوي ابنت الخانز ... شتي نتي نهار حملت بييك قالو لياا موحال تعيش .. من لي طحتي في كرشي و انا نعاني معاك ... كبرتي تااا كبرتي و كرمتي القريد .. ايوا تصنتي لودنيك دابااا 
مليكة ..." ضحكت عليها مشيت عندها من جنب " ... واتي ا عبووش واش أنا طرطقت الشيب في راسي عاد نمشي نخلي خانز تاع الخلا يضحك عليا .. زعما متتعرفيش بنتك 
عبووش ... نعرفها نعرفها ولكن ابنيتي غا تتشوفي الزين هاووو تتحلي مراودك علييه 
مليكة ... و زين يحبو مولانا شكوون انا لي منحبو ..زيدي زيدي مشا عليا الحال ندوز البيرمي راه عندي الحصة اليووم .." شدينا طاكسي صغير نيشان لفين تندوز البيرمي .. غير دخلنا و هي تولي عبووش تسلم و تعنق .. معرفتها وقتاش تعرفت على دووك البشار كلهم " واا مي تي فين تتعرفي هادشي كولو 
عبووش ... يا ويلي نهار جيت معاك عرفتهم صراحة غزالين الله يعمر ليهم الدار .. خصوصا واحد السيد داك لي كنتي لقيتيني جالسة معاه 
مليكة ... اويلي في ربع ساعة عرفتي كل شي ناري عليك امي ... شتي نتي نهار تموتي غتكوني نتي لي شادة المزناد تتزندي لعيباد الله و متتوبيش والوو 
عبووش ... علاه نتي تبتي بعدااا باش نتوب راه قالك من عاشر قوم ربعين يوم ولا منوو ...ويلي ويلي نسيت خوك و مرتوو .. غيديرو فينا الرجلين و ليدين في ديك الحومة
مليكة ... تاترجعي و سيري جبيهم الله ودني رتاحو منهم يا ختي كون غا خليتيهم واحد 10 سنين تم و عاد تمشي تجيبيهم .." غادة كنهضر انا و مي تا تساطحت مع واحد خينااا " ... وااا الميكرووب مالك جاي كي تران شوف قدامك شوية 
...." غادي و ممعبرنيش حدو سمعني اش قلت ليه رفع ليا يديه وبلا ميضور " ... كوني شوية فيك الأنوثة .." زاد وخلاني يا الله غنتبعو نجري تا جراتني عبوووش " 
عبووش .. اتي تعالي هاااه شو كي طير 
مليكة ... طلقي امي والله تا ندم اصلو على هاد الهضرة لي قال 
عبووش .. تي زيدي مالها غتلسق ليك ترمتك و زايدون ضهرو قد الحيط كون رجع ليك كوراه خلطك من اللور و القدام 
مليكة ... نسميه راجل و مزغرتة عليه حنان عشرين الف تزغريتة يحط يدوو علياا .. تي مشتيهش مخدلاناش نشوفو حتى وجهو هو الاخير 
عبوش ... " جراتني و تتهضر من تحت نيفها " ... اش باغا ديري بوجهو ثاني يبان ليك زين تنوضي تركبي ليا معاه و تخليني ناشرة رجلي هناا 
مليكة ... تعت ربي مالك درتي ديك الحالة البوليس ربعة شادينك وواحد يرش عليك الما 
عبوووش ... ايوا باش تا لا دار ليك شي حاجة نبقى تم منشورة ..
مليكة ..." جلستها في واحد الكورسي بيدما ساليت حصتي و وصيتها دير عقلها " ... ميمتي حميشتي. العنقودة ديالي .. الى فيك شي ڤيس و شي تبرزيط خليهم حتى الدار و جبديهم .. غتگعدي تركني تانسالي ونخرح
عبووش ... لا اكبيدتي رجلي برجلك .." مشات تجري سبقتني تا وقفت عند البنت لي في الاستقبال " .. ابنيتي المعلم جا
... " ضحكت على كلامها ".. ههه واخا الالة دخلو هاهو شوية ويبدا 

ايوا دخلنااا ومشيناا شدينا بلاصتنااا .. وعبوش عينيها كيضورو كي بوبريص .. بقينا هكاك جهد ربع ساعة وتا حد ما بااان .. بان ليا واحد جالس من مورايا .. وًانا نضور عندو نسولو 
مليكة ... خوويا سؤال واش هاد الاستاذ مجايش اليووم .." يا الله غيجاوبني الدري حتى كنسمع شي حد داخل و تيهضر .." 
... " تم داخل بهيبتو المعهودة ولي تتخلي كل شي حال فموو فييه .. هاز تليفونو فيديه و معاه تلاتة ديال بالبنات .. وكيطمنهم انهم كل شي ساهل تا حاجة ما صعيبة و غير يحلو عقلهم و ميكون غير الخير ان شاء الله .. اما انا بقوة الصدمة ما عرفت منقول ولا اش نخرج من فمي .. اللقوة ضربتني و انا يا الله كنحاول نستوعب حتى كتنغزني عبووش " 
عبووش ... ويك ويك صدق هو الاستاذ ابنيتي مليليكة هذا هو لي عايرتي غا قبيلة و كنتي ناوية تريشيه .. غا لا شديتي البيرمي اجي حني ليا بالخراوي
مليكة ..." وقفت تندير صاكي على كتفي " .. نوضي نوضي باين البلان من دابا غا يا الله نمشيو امي شداتني البكية .. " جيت نضوور حتى كيلسق و جهي على وجهو وًانا نبعد" ... هووب بشوية عليك احنيني بقا ليك غا تبوسني .." ما حسيت غا عبوش جراتني من التحت رجعتني في بلاصتي. ".. 
عبووش... " قربت حدا ودني " جلسي الارض راه نتي لي بنتي ليا باغا تبوسيه گعدي و هبطي كواريك ولا غادي يكركبنا بجوج مع الباب .." اما هو جر كرسي وجا جلس حدايا وهي تعطيني ريحتوو دخلت لياا الجوف ديال القلب تا تنهدت .. وهو حط مرافقو على الطبلة و يديه ففمو و دار واحد الابتسامة مبايناش لكن خلات عويناتو يتغمضو ... هادشي كولو كوم و الموصيبة فاش حيد يديه و تكلم" 
... اول حاجة السلام عليكم و مرحبا بيك الالة مليكة معانا .. فين كنتي هربانة عليناا ولا معجبناكش .." خلاني غا حالا فمي فيه واش هذا هو نيت لي سبيتو قبيلة .. وزاد كمل عليا فاش طل على عبووش .." خالتي عبووش كيف دايرا صحيحتك .. مهم نعرفكم براسي اناا سميتي يوونس العلاوي .. وًانا الاستاذ لي غيقريك " وغمزني " 
عبوووش ... اييه يا وليدي وًانا كنقول فين شفتك "قرصت راسها " ويلي عليك يا عبوش كاين شي حد ينسى هاد الزين .. مليكة واش معقلتيش عليه هو لي جينا ديك المرة و لقيتيه جالس حدايا 
مليكة ... اييه ولكن وجهو مغريبش علياا معقلتش فين شفتو 
يونس .." ابتاسم ديك الابتسامة الخفيفة لي تتفشل " .. احم مليكة جبدي داك الستيلو و دفتار باش تقيدي اي حاجة قلتها ليك 
مليكة ... ما جبت معايا والو مفراسيشاي هادشي 
عبوش ... هاويلي ولاش جاية ملي مجايبة معاك والو .. تدي زگيتي تا في صغرك بقا غا فكبرك 
مليكة ... سمحي ليا اختي معرفتكش خبرة وشادة شلا بيرميات 😒
يوونس ... صافي ماشي مشكيل انا غنعطيك واحد من عندي .." مشا جاب ليا ستيلوو ورجع جلس حدايا " ... هانتي قيدي سميتك وشوفي هنااا وقيدي الراقم وحدته الإجابة تنعاود نرجع عندك 
مليكة ... تا فين غنعرف انا لهادشي 
يوونس ..." هبط حتى لحدايا " ... كتبي و جاوبي نتي قدري و حاولي ديري مجهود ..." مشااا وخلاني حالة فمي فييه "
عبووش .. يا الله قربي حدا داك الكتاب و كتبي .. وااا مليكة هادي فين زادت 
مليكة ... هاااا 
عبوش ... هاكيني على هااا هذا غا نهار اللول ودختي دوز تكتبي .." ايوا جريت داك الكتاب و جلست نحسب لي جات فيها عشرة نكتبها .. ساليت وحطيت ستيلو تا تم جاي عندي " ..
يوونس ... هز الكتاب وجلس يصحح وحطو قدامي حتى بانت ليا الورقة كلها حمزة 
مليكة ... شتك زوقتي ليا الورقة بلون الحب 
يووونس .. هادوك اخطاء لي درتي الى حسبتيهم غتلقاي 35 خطأ 
عبووش ... تتزربي ابنيتي تتزربي 

يتبع...