صورة مصغرة لـسعد البايرة الجزء الثالث والأخير

سعد البايرة الجزء الثالث والأخير

talt l2akhir 
حكاية سعد البايرة

دوزنا ديك العشية انا ومي في البيرمي لي فينما تهز عينيها تلقاني كنشووف في يووونس .. ما عرفتش هاد السيد فين شفتو و تقول دماغي لحساتو بگرة .. محنية ساهية تنفكر و نعصر مخي شوية فين تقدر نكون طاحت عيني فيه .. جيت نهز راسي لقيتو جالس لي كرسي مقابل معايا و كيشووف فيااا .. الله يا ربي تيدير دوك الحركات بوجهو غيفشلني بيهم .. لأول مرة تنحس براسي وليت تنحشم ... ضرت نغز مي لقيتها مجمعة مع واحد المرأة حداهاا .... اويلي على مي فينما ديتها دير ليا المعارف 
مليكة .." وقفت و هزيت صاكي " .. مي نووضي نمشيو 
عبووش .. ربي لما جلسي تكمل ليا غا المرأة شحال عطاو لولدها في الحكم 
مليكة ... و مالك تي محامي غادا تخرجيه بكفالة .. نوضي امي رانا عضامي فاشلين علييا و العواشر هادي 
عبووش ... ها حي على العواشر مالك يمناك عيشة .. گعدي بلاتي انا را منايضاش ليك من هنااا تنكمل ليا المرأة 
مليكة ... وااااا ميييي واش باغاني نخلط السيد بوسان عااد ترتاحي نووضي راه گاشوش قلبي تنفخ 
عبوووش ..." و قفت قدام وجهي " ... اويلي ابنت الحرام فشمن فيلم شتي هادي .. وشكون هذا لي تدوي علييه واش تي صافي طار ليك ابنيتي 
مليكة ... ما بغيتيش تمشي و سيري بالسلامة .. جي كعطة على رجليك .." تميت خارجة مع الباب و عبوش تتعيط ليا بالغوات و كل شي كيشوف فيهاا ديما مشوهاااني .. ما جيت فين نخطي الخطوة تا حسيت بشي حد جرني من يدي " .. لا لا هادشي بزااف علييياا يا ربي نكون كنحلم. 
يوونس ... " عاض على شفتو التحتانية هاد الحركة لي طول الوقت وهو كيديرها يمكن قعيدة فيه .. هووف الله يصبرني معاه " ... فين غادة مزال مسالات الحصة .. ومازال خاصك دوزي عند المونيتور تشوفي وقتاش يكونو عندك حصص الصوگان 
مليكة ... صراحة مشا علياا الحال عندي واحد الغراض 
يووونس ... شمن غراض هذا عندك و حصتك مزاا ما سالات دوزي دخلي 
مليكة ... " هاويلي على خليط فرحات من مهند من عمران " ... غنمشي نلوح راسي في البحر يعطيك الستر غا طلق راه غنتشلل ليك هنا وتوحل فيا 
يوووونس ..." زاد قرب ليااا و انا كنحس بلدياغي شداتني و الخرية غتهبط " .. ماشي مشكيل توحل فييك انا قاد بوحلتك 
مليكة ..." طليت على عبووش لقيتها واقفة و متكية على الطبلة مكوزة تتسنى الكمالة من المرأة " ... وااااا عبووووش سربيني خلااص راه خاصني ندير الرقية الشرعية هادشي ماشي طبيعي .." شفت فيه " .. عار ربي و البزيزيلة لما يدي طلق منهاا و الى گاع بغيتيها قطعها و ديها 
يونس ..." طلق من يدي ودار يديه ورا ضهرو و رجع راسو اللور و خرجت ديك تفاحة ادام " هاني طلقتهاا سيري و غدا متعطليش كوني عندي في الوقت ..." خليتو واقف و شديتها بجرية حتى الباب .. يا الله غنشد طاكسي تا بانت ليا عبووش جايا تتجري و طايح ليها و شعرها غا شميشة و تتشرق " 
عبوووش ... أديك بنت الكلب شتك غادة و مخلياني هناا بووحدي 
مليكة ... " شنقت عليها من كتفها " ... واش انا تنعيط ليك وا عبوووش و ااا مغميتي عتقي ريقي نشف ونتي تتصنتي لواحد في الحبس ... مغتاصب وحدة و دعي معاه .. هداك كون جات عليا كون قطعوه ليه 
عبوووش ... اش غيقطعوو لييه وزايدون علاش غنعتقك كنتي تتغرقي 
مليكة ... ميمتي على غرقة كنغرق فيها و غير ما زايدة فييه .. " بان ليا طاكسي صغير جاي يا الله غنهز يدي نشير ليه و هي تهبطها ليا " ... ا مالك اناري بحرا نا لقينا طاكسي 
عبوووش ... زيدي نخرجو على المركز السنيمائي نشدو طاكسي كبير ... ياكما تنخرا الفلووس انا زيدي سرحي رجليك

ايوا شديناها كعطة على رجلينا ما شدينا طاكسي تا بين فخاضي طااب ... ركبنا فيه و تقول ركبنا في بلاصة الموتة الله يحضر السلامة تقول بنادم ميغسل ميدوش .. ولا يدوز غا صويبينة تحت بيطانووو .. و مع عبووش تتسكت لي حسات بيها على قياس فمهااا تطلقها ليك و تخليك غا تتبرقي .. ناض واحد جالس حداها ودار يديه موراها ... غير هوو هز يدو و هي تغوت "
عبوووش ..." خشات نيفها في الجلابة و هي ضور ليه " .. هبط هبط باطك احنيني راه ثعلب ميت تحت منهم .. توما ما عندكم الما في داركم .. سير غا السقاية و لا تخشى في البحر ودوز صويبينة 
مليكة ... واا مي راه من عوازة تي فين غيفهمك سدي نيفك تا نوصلو تي لي بغيتي طاكسي كبير و صبري و سدي فمك 
عبووش ..." غا قلت ليها راه ميفهمكش وهي ضور عندو تدير ليه حركات بيديها زعما راه بيطانو خاانزين ... و مانعرف باش جاوبها و هي تبدا تركل وتفوت ليهم تم .. قالت ليك عايرها و هي معرفاتو تا اش قال ليها " ... واااا شيفور يااا غتوقف هاد الكرويلة و لا قلب بوووه 
مليكة ... وااا عبوووش نعلي الشيطان تنهبطو نشنقووو عليه .. تي اش دار ليك ياكما تملس فييك 
عبووش ... سيري الله يعطيك المسخ .. راه عايرتي كحل السوا 
مليكة ... هاحي على عايرك و باش عرفتيه وهو لغتوو ماشاي لغتك 
عبوووش ... غا حرك شواربو عرفتو عايرني و زايدون متقابحيش معايا 
مليكة ... واش مقالوش ليك سخفتيني اليوم غا بالهضرة و سكتي سكتي و هياااا العالي ..." ايوا ما سكت عبووش غا بزز واخا الطريف كلها و هي تضرب السيد بمرفقهاا ..قالت ليك خنزهااا وشدتها الترويعة .. واتي راه انا لي عارفة مي غااا عينيها في الراجل و بغات تشد فييه شدة العمى في الضلمة .. و موصلنا الحومة تا قهرتني ... وهكاك قبل متسد الباب طلت عليه و عيراتو .. شديت فيهاا و هبطنا الحومة تا بدات تنصل في جلابتها في الزنقة "
مليكة ... عبووش ياكما عجبك شي واحد وباغا تبيني ليه المؤهلات لي عطاك الله ..
عبووش ... راه خنز ليا جلابتي بالجلفيطة للآخر الله يلگيها لييه .." ضرنا على فين كاينة العمارة حتى كيبان لينا ولد رقووش كيدابز و محيح و شاد واحد البنت باغي يگريسيها " هاي هاي شووفي ليك ولد المعفونة باغي يگريسي البنت و كل كيتفرج فيها 
مليكة ... خايفين الرعاااوين خايفين " لحت لمي الصاك و قصدتوو شديتو من قرفادتو " ... ادوي اولد الهاترة يااا لي مووو مختلي فقهى ولا سحارة .. حكم غاا فمك و سير گريسيها هي نيييت لي ضل تشفر في عيباد الله ... غطلق من البنت و لا يوووك ندير في خويا شي عاهة مستديمة 
عبووش... " جات تتجري شدات البنت " ... مقاصحكش ابنيتي بعداا .. وا سير اوليدي انا بغيت ليك مووو عريگ ان شاء الله يا المسخ شوو كيدار وجهو كي الكلب 
مليكة ... " حيدت ليه ديك الجنوية وبديت نشالي بييها " ... واا طلقييي ا رقوووش يا لي ضل في الفقهى .. سببي غا الولدك يدير علاش يرجع و طايلة و هو مصبغ شعرو كي الهاربة ..." طلعات مي البنت عندنا الدار و انا بقيت شاادة دااك رابع تاع اللحم تا تمت هاابطك موو بزولتها خااارجة و تتغوت غاا شافتني انا لي شاداه و هي تلبدهااا "
رقووش ... اش تم ابنت عبووش مال ولدي اش دارك حتى دايرا ليه ديك الحالة 
مليكة ... مسنووونك ا رقووش خاااشيااه هنااا بيت صدري ولدك الى معرفتيش تربيييه .. نعاود ليك ليه التربية " لحت عليها برهوشها" شدي هاا نص رويجل ديالك و سيري جمعي بزازلك و نتي ريحت خرقتك عاطية .. العالم الله شكووون هاد الصگع لي غيتكمد الله يلگيها ليكم .. خخخهخ تفوووو 

طلعت وخليت رقووش گاع لي كان مجموع تم شي كيدفل عليها و شيي كيلعنهااا .. وضارت لولدها ما خلات فيه غا لي نسات بسبان و المعيور ... اما انا دخلت الدار لقيت البنت كلها تترعد و تبكي و خايفة لتعاود تخرج .. باينة ماشي بنت هناا و هي غير سمعات راسها دخلات المشروع بدات تتقفقف .. حومة معروفة بالتشمكير و الاجرام ... من ايام حزق للور .. سيفطت عبووش معاها تتشد طاكسي وترجع وداكشي لي كان .. مشات مي مع البنت و انا مشيت عمرت ليا كاس ديال اتاي و تنكب و نشرب .. حتى وصلني ميساج مفاده اني غدا نجيب لكارط ناسيونال وفي اخر الميساج فيه يوونس .. طرطق عينيا و قلبي تهز و تحط غا قريت سميتو "
مليكة ... احي عليا و على يامي هذا قريت غا السمية و جبتووو ... يعلم الله غدا كيف غندوز معاه النهار الله يااا ربي الحبيب .. " نضت غادة جاية في ديك الدار .. تا تمت داخلة عليا عبوش كي العجاجة " ... بسم الله اش طاري دوا معاك شي خااانز 
عبووش .. ا لايه نوضي نجيبو خووك و مرتو راه قرقو عند مهاا 
مليكة ... ياكما داك شياطة المجتمع خرجتو من تحتي .. غا سيري اختي الله يسر ليك الامور
عبوووش ... واش بغيتيهم يتحماو عليا كلهم تا من ولدي عقلو دايخ نوضي زيدي قدامي نتي لي تعرفي ليهم 
مليكة ... ياك عارفة غايريشووك حتى من ولدك داير كي ضبع واخا يشووفك تيفرسووك ميهضر .. خانز السليب 
عبووش ... " هزت زيفها وبدات دير راسها ديمع " .. غير سكتي على وليدي باينة موكلينو مخ الضبع مسكين ما بقى لا يعقل ولا والو ..راه عاد كي الأمانة خيييك مسكين يا الله لبسي جلابتك و زيدي معايا 
مليكة ... جيني من الأخر و عتارفي بلي خفتي ليريشووك .. و نمشي معاااك 
عبووش ... اييه خفتهم ليريشووني غا زيدي معاايا نجيبوو الخانز تاااع بوووه و نرجعو عفا بنتي 
مليكة ... شو كي تقطعي في القلب .." هزيت ديك الحلاسة درتها فوق ضهري .. هابطة ونلبس فيها في الدرووج .. الطريق كلها و انا نغوت و ندگدگ عليهااا ... من اخر مرة جيت لهنااا خرجت فرحانة عند بالي شديت راجل و انا صيدت غا فحفوح .. ايوا وصلنا لدار سعاد .. بقيتا سرن سرن بقات يدينا في الباب على جهد ساااعة .." عبوووش زيدي قدامي هادووو ما كاينينش 
عبووش ... راه الخانز تاع بوهم شاعلين الضو غا مبغاوش يحلوو ..
مليكة ... ايوا الله يحرقهم زيدي قدامي واش غنبقى نتسنى في بيبان الخنز .." يا الله غنعاود نصوني تا تحل الباب و خرج كحل اللهى لابس غا سليب " هااااكاوااا على متقووب الگراصن شتك خارج مسفح 

خالد ... " خنزر فياا " .. خبار الخير امي اش جاابك عندنا 
عبووش ..." ضارت شافت فيا و ميقت " هكاوا على عندنا تي سمعي ا مليكة السيد مكرنا المجمر قاضي غراض ... زيد هز مرتك و شراوطك و زيد قداامي 
خالد ... وعلاش غنرجع معااك هاا ياك باغا تزوجيني و تفرقيني على مرتي 
مليكة ..." شديت غا الفخاض و بقيت عليهم بالخبيط" .. هااا ويلي حييي هااا ويلي شووف دمع ندفن مك هنااا .. بالحق هاااا لي داروها لياا رجليااا خاصني نقطعهم و نحشهم و نعطيهم الكلاب يكلوهم لي شادة الخاطر لهاد نص عقيل 
عبووش ... سكتي الضرسة ضربك ان شاء الله .. زيد اكبيدتي قدامي راه متقبل عليك و على خنزك غا داركم .. جيب ديك نص ميترو و يالله 
خالد ... واتي سيري ا عبووش قلبي الضورة .. وزايدون انا راحل من الرباط كولو خليتو ليك تي وهاد الموصيبة لي حدااك ..
مليكة ...." ضربتها بتزغريتة في وسط الحومة " ... لولولولولووروي يا حليلي ريحتك مغنبقاش نشمهاا .. عينينا ولاو كي ترمة الدجاجة .. و فين غادي 
خالد ... جاتني خدمة في كااازاا و غذا الصباح غنطلع انا و مرتي .. يا الله اعبووش دي بنتك و سيري و الى قلبي رطاب راه شي نهار نجي نطل عليكم. 
مليكة ... حنا مسامحين ليك و لد ميمتي غاا سير ولا باقيش ضووور ... ليييك الله اكويزة .." دخل و زدح علينا الباب في وجهناا " ... هاااك على مشگف الگدام سد علينا الباب .. واا عبووش مالك تصدمتي احنينتي 
عبووش ... " بدات تخبط في الباب و تغوت " ... وااا نهار نمووووت اولد الكلب لتجيش تعزي فيااا .. الله يغبر لجد بووكم الشقف .. شووفي هذا نهار نموت مدخليهش 
مليكة ... تا تموتي و نقطعو من الحالة المدنية غا رتااحي لياا .. تي زيدي و انا فرحتي ما عاطياها لحد ..." رجعت انا و مي لدارنااا ملي دخلنا دازت لبيتو هو اللول تتهز الحوايج و تلووح .. ومع انا كنبغي الخير .. وريحتو قتلتني درت سطل فيه جاڤيل و گاع شراوطو خشيتهم فيه .. و تعاوناا خملنا داك البيت و طلعنا المضربة السطح تضرب فيها الشمش .. ريحتها تقبص " الله ياا ختي شمي ريحت الدار كي ولات داك الدري عندك غا قولي ليا فين وبلزتيه واش في شي زبالة 
عبووش ... تي شتيه خانز البيطان اش كان يقوول الو سامح قلبي .. ايوا هاك حيت كنت باغا ندير همة و شان و تزوجو ياخد دار ميتعب عليها ما يشقى .. تجيه تا العندو بالحق خلييه وجه تمارة و الحباسات .. هانتي و ها اناا الى مشدووه و عيطو ليا من تم راني منتسماش عبووش 
مليكة ... واتي ناقص واحد ناقص مشكيل و خنز و طووط .. خليه راه تيجي معاه الحبس كيخرج حناكو كي البندير تي عاد تتفكري فييه .. حيدي امي خليني نحط راسي نمشي نحلم ليا شوية و نور عويناتي .. غدا خاصني نمشي البيرمي عندي شلا ميتقدا فييه 
عبووش ... نور عيوونك شكوون هذا 
مليكة ... اغنية ديال تامر حسني قديييمة و تعرفيهشاي ..
عبووش ... هااااه ايوا نمشي تا انا نحط راسي باش نمشي معاااك 
مليكة ... عليا بليمين لعتبتيها هاد المرة معايا راه ما والد فيااا عزيز غاا الخلا وا سيري تكمشي ونتي كي الگراد لي تيلسق في الكلاب 
عبوش ... عارفة راسك كلبة الله يبارك 
مليكة ... ايوا هنا عرفتي راسك گرادة انا مشيت نرگد لبقيت معاك هك مغنساليوش

صباح جديد معرفتو اش مخبي لياا وليت فينما نفيق نقول يا ربي دوز هاد النهار بلا صداع بلا نگير عبووش .. لي فين ما نحزق تسلط لياا على حياتي ايوا نضت قديت حاجتي و لبست حوايجي .. طلقت دوك جوج زغبات و خرجت عند مي لقيتها دايرا زيف حياتي على راسها و تشكي بييه .. 
مليكة ... صباح الخير ا مي انا غاادة باش مغنتعطلش .." لبست صباطي و هي مدوات متكلمات .. وايلي دخلني فيها العجب مولفة غاا نعتب الباب تسبقني لييه " عبووش ماالك ماشي على برجك 
عبوووش ..." هزات فيا واحد التخنزيرة خلاتني غا كنشوف " ... تي اصلا طينتك من اليهود شايفة ميمتك مريضة و غادة خارجة ... غا بلاتي دابا تبقى غا بلاصتي 
مليكة ..."صغرت فيها عينيا راها مي وًانا عارفاهاا اش تسوى و تمتيلها حااافضااه " .. وايلي عبوش كاملة مريضة و حنا مفرسناش .. صبري نقولها الحومة يرضو معاك البال .. حيت اميمتي راك مغادياش تمشي معايا واخا هاد المرة نربطك راك مغتمشيش 
عبووش ..." جبدت عليااا بزوولتهااا " .. ها عار هاد البزيزيلة لي رضعتي لما ديني معاك تكمل ليا غا المرأة على ولدهااا 
مليكة ... وااا تعالو جريو و شووفو ما بيااا و اش عايشة .. واش كاينة شي ام دير لبنتها هاد الحالة .. بسلامة و الله و تبعيني تغنهرب اعبووش و نخليك بووحدك هنا 
عبووش ... تهربي اجي ابنت الحرام هي حاطة عينيك على شي ولد ميمتو ... هاا سيري هاااه عانداك غا تجيبيييه قتال راه هو لي بقى هاد النيبة .." خرجت بلا منجاوبها كون تعرف شكون معشش لي مخي و قريب يعشش ليا حتى قلبي كون مشات شنقت عليه العدوول .. ولكن حالة منقوليها حاجة گاع سباب مصايبي غا خطاويها الكحلين .. مشيت شديت طاكسي نيشان البيرمي .. كيف دخلت لقيتو واقف وداير يديه في جيباو و مرة مرة كيعض ديك الشلقومة لي غنطير ليه عليها و منحيد منها تنطيرها بدمها ... ميمتي اخرتي غنموت و يسكت ليا القلب ... كان كيهضر مع واحد السيد .. وًانا مشيت لعند لبنت لي في الاستقبال و تنهضر معاها بالغوات بلعاني باس يسمعني .. بقيت نهضر و ندور واش كيشوف فياا ووالو واش داها فيا .. تا طلع ليا الدم دورة لي غندور تساطحت معاه .. " 
يووونس ..." باسني في حنكي " .. صباح الخير جيتي في الوقت ما عندي منتسالك 
مليكة ..." بقيت حالة فمي فيييه ده انا تشليت يا جماعة تشليييييت " 
يوونس ... مليكة يا الله زيدي نبداو الحصة ديالنا باش تشووفي مع المونيتور وقتاش تصوگي ... ملييكة 
مليكة .. هااا ااه اشنوو قلتي 
يوونس ... باين لياا الطريق مزال طويلة معااك زيدي قدامي 
مليكة .... ااا حنيني شمن طريق تتهضر عليها .. جيني گود بلا متبقى تخوا علياا في الهضرة 
يوونس ... مزال ما قلت والو لي غنبقى نتحوا و صوووتك حدريه و لا نخشي ليك وجهك في داك الجاج سربي قدامي خلاص ..
مليكة ... شوووف اولد ميمتي انا راه مليكة بنت عبوووش لي الطير يطير في السما و نعرفو شمن لوون وعلاش ناااوي .. العين توقف قدامي نقراها و نفهم مضمونهااا .. فا الله يعطيك الستر لفيك شي تبرزيط خليه عندك

يونس ... اخرتي نهرس ليك داك الراس وديك كترت الفهامة عندك قريب غادي تحد ليك .. و ديك ساع خليني نسمع رنين صوتك ... زيدي خلاص قدامي
تمشيت قداامو و هو تابعني .. علاه انا هضرت ولا تكلمت .. كون كانت معايا عبووش كون حيدتني من الحالة المدنية تقوليهم ماشاي بنتي .. ولا كوراها زورتني السادات ويك ويك على حالتي و مسنوني .. هادشي ماخاصوش يتقال مشات هيبتك اميليكة .. وصلنا القسم وقفت وهو يشدني من ضهري .. وتم مهبط يديه و انا صبعي الصغير كيزغرت اما ترمتي ولات تشطح على بجكليطو .. التبووريشة اعيباد الله " 
مليكة ... " فينك ا عبووش ندمت لي ما جبتك معايا اليوم الجلدة يطير ." ... تم تحبس و حيد يدك فين غادي هاابط واش بعقلك ولا جاليه راه الحال صعيب علييييا ..
يوونس ..." رجع يديه موراه و ضحك ديك نص ضحكة ديال و حدر راسو " .. واخا ا لالة دخلي دخلي .." ضرت خنزرت فيه و دخلت شديت بلاصتي و فين ما نضور نبغي نسول الدري لي مورايا حتى كنلقاه فووق راسي .. مدوزت ديك ساعة تا غفر الله ما تيسر من الذنووب .. نضت كنجمع في صاكي حتى كنسمعو من مورايا كيهضر " ... فين غااادة سيادتك 
مليكة ... وااا سخطك وصل ا عبوووش تعت ربي واش انا سانية معاك كونطرا فين نمشي و فين نجي ولا تتقريني نشد جد اصل مو هاد البيرمي .. حيد تا كي صور الصين العضيم .. غادة عند الصواگ 
يوونس .. " شد لياا نيفي بجوج صباع " .. مرك اخرى لسانك نقطعو و نعطيه ليك تاكليه .. وهداك ما سميتووو الصواگ سميتو المونيتور .. ودابا دگي عندو قبل مندير فيك شي حاجة .. راه قلت ليك طريقي معاك طويلة وبزاااف گاع 
مليكة ... غا خليك مرتاح و قري عيباد الله راه حاطين فلوسهم بقا حاضيني اناا اخرتك سبيطار الغازي .. تعرفوو و لا نوريه. ليك 
يوونس .." شدني من دراعي مزير " .. شووفي هاد الهضرة ديال المشروع خليها تم معنديش مشكيل .. مزيانة ليك حتى نتي ولكن تجي قدامي راسك يهبط امليكة ودابا زيدي قدامي نشووفو وقتاش غتبداي الصوگان .." دفعني جيهت الباب و ناس تتشوف فياا و انا تقول ساحرين ليا صم بكم .. ولكن هذاا منين عرفني في المشروع و شنوو كاين تم و لا اش كندير انا تم گاع .. هذا غادي و الوسواس تيدخل ليا في عضامي .. تمشيت انا وياه بلا تا واحد ما يهضر مع لاخر .. كيف وصلنا عند السيد تقدم عندو يوونس .. 

يوونس ... محمد عطيني داك الدفتر ديال الحصص الله يرضي على ولدي نشوفو لهادي وقتاش تجي 
مليكة ... دابح عليااا باا حولي بگروونو وعينيه خضرين اخويا ... سميني راه سميتي مليكة .." مديت يدي لمحمد لي ملي وقفت و هو حاضيني " 
محمد ..." بقا شاد ليا في يدي " .. متشرفين مدموزيل مليكة .. ان شاء الله انا أستاذك في الصوگان 
يوونس ... " نتر ليا يدي من يدوو " ..مدام اسي محمد مدام .. او ماشي نتا لي فتعلمها الصوگان هادي بالأخص علياا انااا .. وتحرك كمل شغالك من هضرت البراهش. 
مليكة ..." حدر السيد راسو وزاد خلفة " .. اش دار ليك اخويا تا دير ليه هاد القمعة ديال دورة طوبيس 57 تا راه خاصك تعالج 
يوونس .. هاد المرة فاش نكون معاك غتركني و ترجعي مورايا .. والى مدكرتش سميتك جمعي فمك مع يديك راه غنگرضها ليييك .. لحد الان بلقي غا فمي لي كيهضر مرك خرة يدي لي غيخدموو .. دابا دااركم ..." حلفت ما نجاوبو اصلا تيكون عندي اللسان باش نهضر عاد نجاوبو وهو تقوليه داير ليا السحور الاسود .. خرجت نيشان شديت طاكسي لدارنا .. هابطة تا وصلت الدار كنهز راسي كنلقى عبووش .. تطل و حاضية الشرجم لي مقابل معانااا .. طلعت كنجري و انا جاية مسخسخة لتمشي تجبد ليا شي غوتات مقادة عليهم تصبر غا تنشرب كاس تاع الحنطل ... وصلت وحليت الباب و هي مكيناش في هاد العالم " 
مليكة ..." لحت صاكي و مشيت قربت ليهاا " .. وا عبووش مالك مصدومة في الشرجم 
عبووش ... تعت ربي واش هاد الناس مكيحشموش ملي حليت الشرجم و بنت فاطمة هي وراجلها عنق و بووس تقوليه غائب عليها عاام .. المسخ كي داير 
مليكة ... و المسخ هو لي فيك نتي لي حاضياهم .. جالسة تتعلمي مثلا 
عبووش ..." بدات تشم ريحت الحراق " .. مليكة شمي معايا .. كتشمي هادشي لي كنشم 
مليكة ... ياكما عاودو ليك عليا سلوگي الغابة .. ريحت الحراق هادي منعرف شكوون حرق غدااا 
عبوووش ... اويلي على بنت الحرام و سااكتة الغدااا مشا .." طارت تتجري الكوزينة " 
مليكة ... هااء علاه شكووون يحضي جوج خدامين على ولادهم من غيييرك 

جلست انا و مي ديك العشية قولها و ضحك عليها ... نضت الطواليط وخليت عبووش شادة التفازة مشيت قديت غراضي الرجعة اي راجعة كنسمعها تتهضر .. ويلي واش مي تسطات ولات تدوي غا بوحدهاا ... الطلة لي غنطل على بيت الجلاس كنلقاها شادة تليفوني و تتهضر 
عبووش .. يا ويلي تا شكون اوليدي لي تتهضر الووو .. الله يعطيك الصمك اولد المعفووونة .. لاش تتعيطو ملي متتهضروش .. تتهرنطوو كي الحمير 
مليكة ..."درت يدي على جنابي و تنخنزر فيها " ... وتي شكوون قالك هزي داك المشقووف و جاوبي الالة ..
عبووش ... شدي شدي مبغا يهضر غا كيهرنط بنفسو كي الحمار .. 
مليكة ... علاه باش عرفتيه نتي ذكر اختشي 
عبووش ... حيت عارفة جد بووك متتعرفي بنات . غا لكاينش شي حمار بحال هذاا .. شدي مشقوفك علياااا 
مليكة ... ولبقاااش توصلي ليا لحاجتي امي راه ميعجبك حااال ا بسم الله الرحمن الرحيم ما عرفتك انس ولا جن بهاد الطيرة ..." طرت على مشقوفي حيدتو ليهاا .. دخلت نشوف شكون معيط ويااا ريتني ماا شفت ... حطيت يدي على حنكي و بلابز عيني خرجو فكل ما نتفكر معيور عبوش لييه " 
عبووش .. هاديك بنت الحمار مالك تصدمتي ديك الصدمة الحارة .. ياكما وصلاتك خبار المور اناري جري جيبي ليااا جلااابتي جري 
مليكة ... و كون غاا كانت خبار الموووت و كون غا مت انا و منشوفش شكون معيط و ما خليتي فيه لا حمار لا ولد المعوفنة ... وااا فمك سريف و هو لب غيلوحك الزوبية 
عبوووش ... وشكون هاد ولد الخانزة لي على ودو عاودتي ليا التربية عليييه 
مليكة ..." تلاحيت حداها تنغدد في سناني و تليفوني خشيتو لي صدري " ... هاو خشيتو هنا ايوا تعالي خوديه .. وزايدون تا واحد غير اتصلات سولت فينااا مساكن 
عبوووش... اااه مساكن و يقولو غا الو ديك ساع مخلييني تنسول و نقول ما سولت 
مليكة ... حاطين ليك الموس على عنقك باش تجاوبي الله يخليها قاعدة فيييك ..." بقيت مناگرة انا و مي على التيليفون تا سمعتو كي ڤيبري في صدري ... وقفت تبلوكيت ما لقيت مي ندير نووض و مي حاضياني غا بنص عيين " ... احم مي انا جاني النعاس غنمشي لبيتي 
عبووش ..." صغرت فيا عينيها وطلعتني وهبطتني غاا سكانير و كيقلب على المرض الخبيت " ... اييه ابنيتي راحت هي اللولة سيري تنعسي و تغطاي مزيان و لبسي حوايجك ليضربك الجن العاشق 
مليكة ..." تمشيت لبيتي " ... ضربني الأنس العاشق اما الجن قلبنا عليه تا مسخنا ما لقيناه .." كيف دخلت البيت جدبت الفردي من صدري وتلاحيت على كرشي فوق نموسية و هزيت رجلي الفوق وجوبتو بصوت حنين " ... الووو 
يوونس ..." كان متكي على الكورسي في الخدمة و غير سمعني شد في قلبووو و عض على شفتو التحتانية " ... بشوية عليا ا مليكة دقة دقة باش يتهضم ليا هادشي 
مليكة ... ويلي وشنو هادشي لي غيتهضم ياكما كليتي عضم وحل ليك 
يووونس ... واييه عضم واشمن عضم كيف وصلتي لداركم 
مليكة ... لباس عليااا و شهوا منييي ... غا سربي و لخص 
يونس ... ما باغي والو غير نسمع صووتك قبل منتحرك 
مليكة ..." غا سمعت نتحرك وقف ليا زغب فشلوقي " ... فين غتحرك اناااري

يووونس ... بشوية عليك مالك تخلعتي ولا خايفة علييا .. باش نتحرك الدار 
مليكة ... " رجعت لنفس وضعيتي " ... اااه ايوا سير هانتا سمعتي صوووتي بسلامة 
يوونس ... غدا جي بكري عندي باش تخرجي تصووگي شوية 
مليكة ... ان شاء الله ولباقيش فين ما تبغي تحرك تعيط احنيني ..." قطعت علييه و نضت طلقت اغنية ديال الميلس العلوى و عطيتها الشطيح و الرديم تا فرعت عليا عبووش الباب .. لي كانت اكيييد حاطة ودنيها على الباب و تصنطت و دات ما تعاود في فمهاا " 
عبوووش ..." طفات الموسيقى و وقف عليا " ... عليا بليمين و ما تگري و تخوي المزيودة علما شوهتك في الحومة و قلت لي سمعت راه ما ولدت فيا مي غا الخلا 
مليكة ... وراك خلا نيييت راني تنقولها و نعاودها مكاينش لي خارج عليا قد مغميتي ..
عبوووش ... " جلست حدايا و عرات على ودنها " .. دوي خلاص هاني كنسمع 
مليكة ... واتي غا البنت لي في البيرمي قالت ليا جي بكري هادشي لي كاين 
عبوووش ... ايييه واخااا تالغدا و سيري و بكري تصبحي على خييير .. نعسي نعسي باش تفيقي لبيرميك مزيان ..." خرجت عبووش و انا گاع ما مرتاحة ليها .. ميمكنش دوزها ليااا باردة و اليوم تزهر و تخطط علياا .. راها مي و انا عارفااهااا كحلت الخطاوي فين ما نقول ربي سهل علياا غا تحط صبعها هي تقلب فوق راسي ... لهما خليك بعيدة ا عبووش تا نشوفو فين غيوصل هادشي ... اما عبووش كي خرجت من عندهااا مشات جلست في الصالون .." 
عبووش ... ايوا ابنيتي الى ما عرفت من فمك نعرف من فام خرين .. الدرية غا زبدة ودايبة فوق الفراش و قالت ليك البنت لي في البيرمي ايييه ضحكي عليااا راه انا لي والداك مشاي نتي 

أصبحنا وأصبح الملك لله .. فقت قبل الوقت الفرحة و ما دير و خصوصاا الى كان فيها الحب والارنبات وداكشي ... ولكن حالفة منتيق حتى نعرف اش تحت راسوو .. هو اييه طويل و عريض و زين غا ما خاصنيشاي نزرب لنصدق ثااني طايحة في زبلة ... نضت الماريو هو اللول جبدت احسن لبسة عندي حطيتها في الناموسية و خرجت هزيت الفوطة ديال وجهي و دخلت الطواليط ... قضيت حاجتي و غسلت وجهي .. بعدا ملي مشااا داك شياطة المجتمع صابونتي وليت لقاها في بلاصتها حمدتك يا ربي و شكرتك عليها نعمة .. دزت البيت لجلاس لقيت عبووش فايقة و موجدة الفطوور .."
مليكة ..." جلست حداها و كنشوف فيها غا بنص عيين لا طير عليااا " ... صباح الخير اعبوش مالك عاقداهم قياس الخير 
عبووش ... مالي اختي بنت ليك لايحة حوايجي في الزنقة و لااا معرية بزازلي في الشرجم .. ولا تنضرب بالحجر 
مليكة ... غا تنشوف فييك عابسة الله يحفظ ما طل عليك موحمة ولا شادة في حبل .. السلامة راه لي جا شاف كمارتك و هي هك يقول القيامة غتنووض 
عبوووش ... تنوض عليك ضرسة ابنت المعفووون نوضي تگعدي لا عندك شي شغال سيري قضيهم و جيني مصدومة ثااني .. داك البيرمي قلبي ممهنيني هاا ودني منك .. راه كل شي نسمح ليك فيه الا جلدتك 
مليكة ... عليا بليمين و باقي تجبدي ليا جلدتك ياا تا اليووم نمسحها في كلينيكس و نجيبها ليييك " نضت حطيت الكاس و نضت غادة لبيتي نقاد حالتي ولا نبقى مقابلة مع هاد الشيبة العاصية " ... ها هي خلاتها ليييك زرعي فيها خيزو 
عبووش ... الله ينعل الحمار تاااع بوووك ا خانزة البيطان .. بقاي تلوي عليا في ترمتك تنوض نواطيها لييك 

مشيت دغيا لبست حوايجي وًانا حاضية المگانة ليمشي عليا الحال بحالا عندي امتحان الباك .. خرجت كنقلب على سباطي العالي لقيت عبووش حاطة عليه رجل تاع السداري قالت ليك مكالية بييه .. دابا هادي مدبحووهاش و تمشي عليها الحبس ... هزيت صاكي في كتفي و عطيت رجلي الريح نجري ونقول ما جريت غا باش متلحقش عليا مي ... كيف وقفت شديت طاكسي نيشان البيرمي غا قربت قربت ليه قلبي بدا يضرب .. حطني طاكسي و تميت داخلة رجل دخلني و رجل تخرجني .. وصلت الباب لقيت الحصة بداات حليت و دخلت كل شي تلفت فياا خصوصا هوو غير ضور راسو عندي ما بقى ململو ... مشيت جريت الكرسي و ريحت .. بقا كيشرح و كيكتب في السبورة و انا حاضية تفاصيل كتافو كيفاش كيتحركو .. باينة غنشد البيرمي و نصوگ رانج ايڤوك .. ملي سلا الشرح جا جلس حدايا وأما درت راسي گاع مكاين شي حد حدايا و انا غا ريحتو غتدفني حداااه ... الله يا ربي مكرهت نخشي غا نيفي في عنقو .. ويلي ويلي استغفر الله امليكة اش سايرة تقولي ... جر من قدامي داك الكتاب و بدا يشرح لياا بووحدي گاع الرموز وداكشي .. الهزة لي هزيت راسي فيه هز حتى هو راسو و كنت مفارقين بزااف .. غمضت عيني و كنتسنى البوسة بغيت ندير داكشي الأفلام .. ما حسيت غاا بتقرفيدة نزلت علييها .. الله يا ربي شنووو هذا زلزال ولا تسوونااامي .. حليت عيني لقيت يونس شاداه الضحكة وحاط يديه على فمو .. الدورة لي ضرت لقيت عبووش واقفة ليا على راسي و دايرا يديها في جنااابهااا " 
عبوووش ... هاي هاي هاي على بنت المعفوون سيفطاتها تقرا جالسة تمعشق ليا مع الاستاذ 
مليكة ... احم ماما حبيبة واخا تخرجي واحد الدقيقة هاني تبعاك 
عبوووش ... هكاااوااا على بنت العروبي قالت ليك ماما وتا تعالى ا عزيز بنتك ولات تقول ماما .. ونتا اسي الاستاذ هكا كدير مع التلاميذ ديالك 
يوونس ..." وقف قدام وجها " ...خالتي عبووش انا خاطيني التبرهيش قريب غندخل من الباب ماشي من الشراجم 
عبووش ... ا شلا فلام شفت هادشي اناا .. نوضي نتي تگعدي نديك الطبيب 
مليكة ... اويلي على الطبيب لااش امي دابا شووفي خرجي هاني تبعاك وا شوهتيني شوفي گاع أمة محمد تتشوف 
عبوووش ... معلوووم يشوووفو عقلتي نهار كنا تنتفرجو في داك الفيلم توركي لي كيجيو لمهند داك الزين الفسر .. عرفتيه فاش الاستاذ ضحك على تلميذة ديالو و حملها و هرب و خلاها ..." غير هي نطقتها و هو يتفرگع يوونس بالضحك .. ميمتي تشوهت و فين نصد و فين اينا جائحة نعطي وجهي " 
مليكة ... " ضرت خنزرت فييه باش يجمع ديك الضحكة ما حيلتي ليه هوو لي جاتو هستيرية ديال الضحك .. ولا لعبووش لي تسلطت علياا بحال عاصي ربي .. ولا الناس لي كيتفرجو فيااا "
يوونس ... ماالنا ياك لباس لاش تتخنزري مك عندهاا الصح 
عبوووش ... ا يرضي علييك اوليدي راني عاارفة اش عندك في داك الراس 
مليكة ... " ضرت لعندو " ...كيفاش مك عندها الصح .. " و قفت وهزيت صاكي " .. ونتي زيدي قدااامي ليلتك كحلة و الدگ الكحل 
عبوووش ... نووون و كحل عيونو الطبيب عاد الدار 
مليكة ... زيدي عبريني بشمعة وزيدي خرجي خلااص .." تميت دافعاها الباب حتى خرجت انا وياها و هي تتنتر لياا في يدي " ... ا ياااك امي ياااك محرشينك عليااا تا ديري ليا هاد الشوهة
عبووش ... باش تعلمي ملي نسولك تقولي ليا غا البنت لي خدامة تم الله ينزل عليك النعلة تي وياااه ..."بان ليا طاكسي جاي يا الله شيرت عليه تا وقف علينا يووونس " 
يوونس ... " شدني من يدي خلا عبووش غا تتبرق في عينيها " ... زيدي غنوصلكم

مليكة ...." نترت يدي منوو " ... غا رتاح ليااا غانمشي رااسي .. مي زيدي خلااص الله ينعل النهار لب قررت فيه نشد شي بيرمي 
عبوووش ..." جراتني وراها" .. اييه زيد اوليدي نيت معندشاي فلوس طاكسي .. الفريال في نهار غا طاكسي ويلي سيزي هذا بعينيه 
مليكة ... " قربت ليها لوذنهاا " ... غير نمشي الدار غنديك لسبيطار الغازي واقيلة ولا فيك زهيمر .. راك بحرى شبعتي في السيد معيوور وزايداهااا محشمة بيا .. " بعدة عليها " ... احم عندي فلووسي اخوويا جزاك الله خيرااا 
يونس..." جرني من يدي و تمشى بيها الطموبيل و عبوش من مورايا تغوت وتجري " ... نتي راه مكينفعش معاك الكلام بشويااا .. ضروري مندير شي حاجة عاد تحركي .. و مقصحة راسك عليااا بالحق ماشي يوونس لي كيتقصح عليه الراس ...
هو ينگر وعبووش تغوت من مورايا وًانا جهدي سالا معاهم بجوج .. غير وصلنا لطمربيلتو حل البال لي حداه ولاحني فيها اما عبووش و قفت وتتشوف في الحديدة ..
عبووش..." هزات يديها السما و تطلب " .. يا ربي تيكون هذا سعدهااا و مسنووونهاا غا نتهنى عليهاا .. شوو العروسة لي تيصوگ كي دايرا واا طل ا عزيز بنتك جابت العز .. بالحق بانت ليا غا تتكون معاه تدووب لسانها تقول واكلو طير .. ويلي هادي ماشي بنتي 
مليكة ..." طليت عليها من الشرجم " ... وااا بغيت ليييك العااادر يااا موصيبة حياااتي طلعي خلاااص ولا نزيدووو ونخليوك تجي على رجليك 
عبووش..." طلعت ركبت اللور "... ايوا من دابا و سر يگطر ابنيتي خلي غا تدگي وتادك وآرا متهدي فينااا ..." ايوا الطريق كلها و يونس و عبووش قولها و ضحك علييها .. بان ليااا هو وياهاا مفاهمين وجاو مع عقليات بعضياتهم ... ما وصلنا لديك الحومة الكحلة تا غفر ليا الله .."
مليكة ... صافي اخويا وقف غا هناا ياكما ناوي دخلتا تالدار 
يووونس ..." هز ليا يدي و بااسهااا و مكرهت نخرج عبووش من الطموبيل و نقوليه عفط احنيني لشي قنت ... ميمتي هذاا دا العقل صافي حط ليا يدي على قلبووو " ... و مضيفينيش شي قهوى من يديك 
مليكة ... " غاا مصدومة و كنشووف ماا جاوبتوو تا نغزتني عبووش 
مليكة ... هاااويلييي يااا تي جاوبيه ونتي تشللتي .. "شدات كرشها و بدات ضرب فيها " ... امولدتييي غا الخلا ا عبوووش .. شوف اوليدي هاشي تاع البوزوازيين متنعرفوووش ليه حنااا .. بان ليا عينيك في الدرية دق بابها و هالشي تاع الهوزي مكاين لااش ... ا هبطي غاا زبدة وتحطت في الشمش ..." هبطت و دارت ليا حلات الباب و هبطتني منووو و رجعت خشات راسها في الطموبيل " ... سمعني نقوليك هاد البيرمي لي يخشي راسي في التراب ما عندي ما ندير بييه .. كلامي و قلتو لييك 
يوونس .." هبط عندها و باس ليها راسها" ... بعد غدااا أنا عندكم اخالتي عبوووش .. غناخد من عندك هاد البنت بكيف ما بغيتي. " طل عليا براسو و غمزني 
عبوووش ... ايوااا مرحبااا وزيد القدام و انا متسالني غاا مبارك و مسعود .." خلاتو واقف و جراتني موراهاا .. غا وصلتها الدروج و انا نقلب عليها الفيستا " ..
مليكة ... " حيدت سباط لي ضبرني و جايب ليا حريق البولة " ... ا تعالي الهنااا دابا بقينا غا في الراس .. واش تي سخطت علييك مك و داك السخط خرجتيه في طاسيلت اصل مي الكلب 
عبوووش ... بووك الكلب ماشي مك البنت المعفوون .. وزايدون انا معنديش بنات لي يديرو داكشي تاع العشق ممنوع 

مليكة ... هاد العشق الممنوع لقيناه نضربو معاه بوزات حدا البحر ... راك نتي لي غطيري مني الراجل هاااني قلتها ليييك .. هنا غنبقى حداك تنموت باااايرة و يبقى سعدي راگد 
عبووش ... ياكما باغا تفرقي رجليك هوما لولين عاد يتگعد هاد السعد ولهلا يگعد بوووه ... راه كيقولك واحد المثال البنت الى في دار باها بارت .. راه على سعدها دارت .. صبري بان ليا هاد مول الحروف الكحلين عفطتو زينة 
مليكة ... غااا لا عطيتي لجدي التيساع غيتگعد سعدي محدك تابعاني و سعدي يكحااال .. وًانا نقوول الدقة منين جااات هي راه جات من جيهتك .. شي نهاررر نديرك تحت مني امي و ندگك غاا بقاي ضوري بساااحت طاسيلتي 
عبوووش ... كووون ما انا كوراك باقا طيبي رجليك في البيرمي خيطي بيطي .. انا يااا بنت كرشي عندي غا نيشااان ." جالسة تنهضر انا وياها وغافلين على الحاجة لي حاطة و دنها و تتسمع تا بانت ليا من الشق تاع الباب .. حطيت خطوة وحدة و زدحت الباب برجلي تا خرجت كلهاا .." 
مليكة ... تاعت ربي الي مسميينك حاجة مقالوش ليك التبرگيگ حرااام 
عبوووش ... "ما جيت فين نضور تا لقيتها طارت عبو المرأة تتريش فيها و تعيط ليا نعونها" ... زيدي الحمار تاااع بووك عاونيني ... والله يااا قوادة السواعدة تا نخرج فيييك البالي و جديد .." ايوا عبوووش ريشت الحاجة و مخلات فيها غا لي نسات .. وًانا حلفت لا فكيتهم بغيتها فيهاا .. غا تشوهني غا تشوهني لهمااا تاكل دگي .. وتدي ديك الساع ما تعاود .... خليت عبووش تا طاحت بالسخفة فووق منها .. عاد مشيت جريتهاا و طلعتهاا الدار .. مشات تلاحت كي البطانة فووق السداري .. و تقاقي تقول ماشي هي لي دگت المرأة التحت 
عبووش ... جيبي ليااا كاس تاااع الما .. الحمار تاااع بووها غا لما درتش فريع الطرح و خليت الخطبة عرس راني مسميتيش عبوووش .. وديك الساع لي جبد سميتي يسوك بيهااا 
مليكة ..." مشيت جبت ليهاا الما وجلست حداهاا " .. سخفتي امي جات معاك الرياضة .. نوضي عاوديها ليها ثااني 
عبووش ... وًانا كرهت غا ضرني الضهر ما قديت نووض .. بالحق كنت حاكياها فيهاا نفرسها 
مليكة ... نعرف غا اش دارت ليك تا مهارة معاها ديك الهزة .. شووفي راكي مييي بلا مدخلي و تخرجي في الهضرة 
عبووش ... علاه ما مشيتش عندها واحد النيبة و قلت ليها علاش ولدك سيمحمد ميتزوجش ببنتي و نعودو نساب و عايلة .. قالت لياا اناااا نزوج ولدي لبنتك لي بارة في دار باها تا غملت ناخدها لسيدي محمد .. هاو تتهز عليا في دوك القنانف تاع الجمل 
مليكة ... في بلاصة منوض ندگها غنووض ندگگ نتي .. اناااا نتزوج بهاداك الهبيل سنانو تقوليهم عاااض في خرية بالحق عيب ماشي منها العيب من مي لي ولدتني .. 
عبووش ... اعطيني ابنت عزيز الحول حيت باغاك ديري دارك و تولدي ولادك و تگعدي بوتاادك ساعة انا معامن الله يعطيك ضرسة 
مليييكة ... وااا شكيت عليييك وااا بكيت عليييك وا غااا تابعاني بغيت ليك التابعة .. والعريس لي جااا طيريه .. والى جبتيه نتي يا يكون تيتكى على كرشو و لاا معفوون و شااابه ولدك .. بالحق شووفي تحطي صبعك في خطوبتي مع حبيبي يوونس ميعجبك حاال 
عبووش ... حبيبك يوونس لا صافييي نتي خاصني نديك الطبيب نشووف ديك الجلدة يصحابك انا ناعسة على ودني رانييي عارفة المزود و اش فيييه ابنيتي .. دابا سيري تالنهار الخطبة و يدار عرس في نفس النهار عيطي ليه علميه .. معنديش بنات خيطي بييطي 

يووم جديد كيحمل في طياتو بزاااف ديال الحوايج و كل واحد ملي كيفيق من نعاسو دائما كيفكر كيفاش غيدوز نهاري .. وكاين لي فايق على خبار زوينة و كاين لي العكس .. الدنيا و الحياة ديما تتمشي معاك بالعكس و لكن دائما خااص تكون عندنا الثقة في الله و الصبر لي هو مفتاح الفرج .. سواء خدمة اوو مرض اوو سفر اووو زواج بحال بطلتنا مليكة .. لي وصلات لعمر خمسة و تلاتين سنة .. هذا ماشي عمر كبير او شي حاجة لكن ديك كلمة مالها متزوجة .. لا خاصها تولد وليدات و اللقب لي بقا مرافقها ليومنا هذاا لي هو البايرة .. دازو يومين بالخف على عبوووش .. اما مليكة دازو عليها بحال العامين .. وهادشي كينطابق على بطلنااا يوونس لي منهار شااف مليكة مبقات تحلى ليه شي وحدة في عينيه .... 
٠٠٠٠٠٠٠٠٠٠٠٠٠٠٠٠٠٠٠
في بلاصة شوية راقية و بالضبط في هرهورة عايش واحد الشاب كيبلغ من العمر 37 سنة عايش حياتو عاادي .. مستقل على دارهم وهو لي عند واليديه .. لكن فضل انوو يخرج يسكن بووحدو و عيش نهار بنهارو ... داز من بزااف ديال الحوايج و بزاااف المراحل لي خلاوه يبعد على الجنس اللطيف لهاد المعنى .. حتى لواحد النهار لي كان دايز فيه على طريق البحر و هي الطريق فين كاينة حومة مليكة و طريقو لدارو .. كتبان لييه بنت عادية لابسة عابايتهاا و قاطعة الشانطي حتى كان غيضربهاا و هي ضور لييه 
مليكة ..." وقفت ليه حسيفة في الطريق " ... وااا عييوروون مالك متتشوفش ولا عور نجي نقاد لخويا لعينين 
يوونس ... "هبطت من الطموبيل بقيت غا كنشوف فيها كيفاش تتضهر بيديها و رجليه حسيت بيهاا رااجل بألف معنى .. حطيتي من بنات اليووم فيهم غاا الزواق الخاوي .." ... كنضن نتي بوقت ضعفك ما بقيتش تتباني 
مليكة ..." شفت جيهت المشروع و دورت راسي البحر " ... واش عارف راسك فيين ولا غا عاجبك راسك و باغي تبان لياا فيهاا ولد الوقت .. " دوزت صبعي على حنكو " ..وااا تصب ولا ندير لخويا خريطة اثوبيا في هاد الجمال .." مشات قطعات جيهت البحر و خلاتني وااقف وكنشوف فيهاا .. ركبت في طموبيلتي و بلاصيتهاا حدا القهاوي و رجعت بقيت حاضيها .. بقات مدة و هي جالسة مقابلة مع البحر وتتهضر غير بووحدها .. حسيت بيها هازة هم الدنيا فوق كتافها عكس ديك البنت لي وقفات عليا دابا و تتهضر بواحد الطريقة ديال الحباسة ... بقات ما يقارب الساعة و هي جالسة و انا غير حاضيها و ممليتش من شوفتها .. حتى بانت لياا ناضت و رجعت على طريقهاا .. ورجعت تبعتها تا شفتها في تتسكن .. عاد رجعت ركبت في طموبيلتي و كملت طريقي .. ووليت كل نهار ضروري ما خاصني نمشي نشوفها ومرة لي فقدت الامل و قلت غيديوها ليا .. ومشات شافت شي واحد في قهوى .. لكن لي دخل ليا العجب انو السيد كلا احسن قتلة من عند حبيبتي .. و ملي خرجت هي ومها و انا تابعها حتى طلعت لدارهم .. يا الله غنركب نديماري حتى كنسمعها حالة الشرجم و تتغوت وتعاير .. بقيت غا كنشوف و نضحك حتى ضارت فيا .. دازت مدة وًانا كنخطط و كنفكر كيفاش نوقف ونهضر معاها و هي شخصية صعيبة بزاااف وهادشي لي حمقني فيها ... حتى لنهار لي ربي فاجئني فييه و جات تقيدات في البيرمي فين انا خدام ... و حلفت ما نفلتها هاد المرة لأنو الله لي بغى يجمعنا .. وهاني اليووم كنتقاد و نصايب باش نجيبها تعمر لياا داري .. بتاسمت في كل مرة 
كنتفكر كيفاش حتى شفتها و كيفاش تلاقينا ... هزيت تليفوني باش نسمع صووتها ولكن غير صبري عليا مبقاش بزااف وتكوني في داري .. وفراشة هو فراشي ووسادتك على صدري .. 
بقيت شحال كنصوني عليها حتى قلت صافي بدلات رأيها فيااا ورجعت تخربقات ليا كارت ميموار لي في مخي .. يا الله غنقطع حتى كنسمع صووتها لي كيرجع فيا الروووح 

مليكة ... لخص وبلا كترت الهضرة عندي بزاف ميتقدى .. راه تشوفني عبووش هازة التليفون غاتجي تلقى وحدة في السبيطار ووحدة في الحبس 
يووونس .." ضحكت على كلامها " .. و الحمقة ديالي انا عيطت ناخد غا قوتي منك و نقطع انا شوية غنجي انا و الدار .. اليوم غتولي مدام مليكة يوونس العلاوي 
مليكة ..." قلبها لي غيسكت و مبقات عارفة ما تقوول .." و صافي سيري خليني نكمل هادشي لي في يديااا 
يوونس ... مليكة كنبغيك 
مليكة ... هوووووب احبس المرقة لدخلنيش هاد الدخلات تاع عكراش ..
يوونس ... صافي ها هو قاطع و قلت ليك شحال من مرة متبقايش تعلي صوووتك ولا لسااانك غنقطعو و نعطيه ليك تشويه ..." قطعت ليا في وجهي بلا كتجاوبني بالحق غير بلاتي هادشي كامل مغيبقاش .. وديك القصوحية لي فراسها غتولي رطروبية .. مشيت كملت حوايجي و هزيت داكشي ديال الخطوبة و خرجت .. دزت على دارناا لي كانو تا هوما فرحانين لياا ... لأنو اي ام كتبغي تشووف ولدهاا مزوج و فرحان و بوليداتو .. دخلت لقيت الوليدة كل شي موجداه تا حاجة مخلاتهاا ناقصة .. 
يوونس ... " مشيت بست ليها رااسها " .. الوليدة لهلا يخطيك عدبتي راسك اميمتي 
الحاجة فاطنة ..." ام يوونس " ... الله يا وليدي راه عندي غا عوينة وحدة ومنفوحش بيها .. الله يكمل عليك بيخير اكبيدت موو 
الحاج عبد الغني ..." اب يوونس .. جا من موراهم و كيهضر " ... هاي هاي على العريس جاا .. ايوا العزري الله يتمم على خير 
يوونس ..." مشيت بست ليه راسو ويديه اهم حاجة باش ربي يتمم ليك كل شي على خير و هي رضاة الوالدين " ... الحاج الله ينور بييك 
الحاج عبد الغني ... صافي خطفو لييك القلب ايوا هادي خبار زينة 
الحاجة ... هانتا تشووف الحاج ولدنا طيرووه ولكن البنت راها تستاهل زينة و طويلة
الحاج .. ايوا شنوو راه شابه باااه خاصو يختار الزين 
يوونس ..." مشيت عنقت الواليدة ".. ايييه اشنو دابا تتغزل ليا بالوليدة قدام عيني 
الحاج .." حيد ليا يدي و عنقها هوو " ... و مموگتيش تعنق ليا المدام قداامي السي ..جمع راسك 
الحاجة ..." دفعاتو وجات عنقتني " ... حيد بعد ليا من ولدي هو لي يعنقني 
الحاج ... واخا الالة مقلتي عيييب زيزو دغيا تلقى هل العروسة كيتسناو 

في دار العروسة لي صابحة عبووش طالقة عطيه العصير ... و طرطق المو المرارة ومرة مرة تخرج راسها من الشرجم .. وتغوت هاادي في خاااطر الحسادة .. الحومة كلها تستفت التحت ايوا شنوو راه مليكة البااايرة .. سعدگها تگعد و غدير داارهااا و هادشي لي مخلي عبووش گرصوونها فزگ غا بالعرق و الشطيييح .. اما انا كنت جالسة في بيتي وكنصايب لحالتي .. بحكم معنديش الصحابات و مكنديرهمش خصوصا في هاد القنت مكاين غا الله يعطيك صحيحتك .. يا الله غنلبس قفطاني حتى كنسمعها تغوووت 
عبوووش ... وااا ملييكة العرووووس وااا زينة البنااات لي دات سيد الرجال .. تعالي بغيتك 
مليكة ..." خرجت عندها و كنقلب عليها حتى بانت ليا معلقة في الشرجم و تتعيط " ... واااا طارزان هبطي من الشرجم ضرك لقا راسك مغروس التحت .. ونعود من خطبة لجنازة .. راكي منحوسة هبطي و دوي اش باغا 
عبوووش ... " جايا و تتشطح ببزازلها " ... شووفي هاد الكتاااب راني درت ليك فيه القبول باش عايلة راجلك تبغيك و دخلي ليهم الخاطر 
مليكة ..." لحت عليها كتابها " ... دخلي ليهم عا تي الخاطر و تي تحشمي وباقا ما بغيتي تووبي .. شتي هاد الخطبة غاا دوووز على قوانيني 
عبووش ... ياو راكي ممقرصاشاي را خاصك ديما تكوني مسلحة .. باش الراجل يكون تحت رجليك 
مليكة ... حگل بااا مشا بكري مسكين قولي تي كنتي ضلي دخلي ليه العضام .. اختي انا الراجل لي ميزدحني مع صباح الخير ماشي راااجل ... الى كنت انا لي غنكون راجل خليني في دار با حسن ليا 
عبوووش .. و عليا بليمين ابنت كرشي تا غتزيدي رجلك على رجلوو ... مشاات ايام و الله لمكان مهند لتبعت رجلي رجلوو 
مليكة ... كيشتيني انااا اعبووش غا مخلياااه الى عا ماربطتو بسنسلة راني مشتي بنت عزيز 
عبوووش ... عزيز كان يجري معاك في الفقهى و القهاوي و السبيطارات ... تا من الكوميسارية دخلنا ليها ... راك بنت بووك لفعة و ناكرين الخير تريكتكم هكا دايرا 
مليكة ... راه كيقولك بني مسكين عشرة في نص عقيل مكدبووش ... ضار ليك الريزو ثاني وا الراجل الله يرحمو مسكين كنتي معيشاه ساعة في الجحيم 
عبوووش... ومالي بغيت نعيشو ساعة في النعيم كام يضل في البيران مخلا لا حاحة لا ملاحة .. اودي لهلا طيحها ليه في دنو 
مليكة ... لا هي غا طاحت في ودنو راها تخللت ليه العضام .. زيدي زيدي و اذكرو امواتكم بخير 
عبووش ... ميليكتي منعطيوش زعما لخوك و مرتو يحضرو معانااا هاد العشية .. كازا راه غا هنا ساعة تلاقهم في الدار
مليكة ... لا مشيتي تا عيطتي لياا لداك كحل اللهى يا تا نسيفطك معااه وا سيري خلي هاد النهار المكف يدوز على خير .. و سيري لبسي حوايجك الكحل داب ليااا معاك السلامة يا ربي " مشات عبووش تلبس حوايجها و انا نقصت من ديك الفضيحة لي كانت دايرا .. بغيت غا شي نهار نجيو راسنا راحنا كي نااس و حنا لي مشرا يتنزه .. مشيت نطل من الشرجم لقيت گاع العيالات شي كيطل شي واقف التحت و الزوافريا هازين حشيشهم يضربو فيه .. شافتني رقووش و هي تشر ليا "
رقوش ... ايوا مبرووك ابنت عبووش ما درتي واخا معرضتوش علينا 
مليكة ... وعلاه مالي اختي تا لي نعرض على موصيبة كحلة مخليك ليا الوالي .. ولا محسوبة من الوراثة .. ا سمعووو شغنقوليكم لي فيه شي نبازات يخليهم عندو و بلا داك الهوزي ديال والو ... راه بربي منعقل على واحد فيكم من هنا لهيه .. و المخير فيكم عارف مليكة بنت عبووش علاش قادة 
رقووش .. راكي سخونة اميليكة معلوووم سمعنا ديتيه خااانز فلوووس. 
مليكة ... لواه خانز الزنطيط ماشي الفلوووس رقوووش قطعي خيط الشر بلا منوليو شد ليا نقطع لييك .. و الخاسر من هادشي راك عارفاه شكووون و توووما فرقووو عليااا الجوقة كنفرقو في الترامي هنااا ... الله يعطيكم التسونامي 

وأخيرا وصلات الدقيقة و اللحضة لي كانت تتمنى مليكة وتحلم بيها عبووش ... واخيرااا سمعوو دقة عريس لعروستوو مليكة .. لي صبرات و قاصات اييه هي مكانتش كتبين و قاصحة و جوابها على ناابها ..و لي حاول يحط يدو عليها تقطعها عليه قبل مينوي ... اما عبووش لي كانت فرحتهااا ما قداهااا هاد الام لي مخلات ما دار لبنتها باش تزوجها و ترتاح عليها في بيت راجلهاا .. مشات لعند الفقى ولعند مقدمة الحومة لي تتكون تجيب الخبارات و تخيط السلوكة .. ولكن ربي مكتبش ليها في داك الوقت .. ديما الحاجة لي نكرهوها تتكون خير لينا .. لأنو ربي كيكون مخبي لينا شي حاجة زوييينة غتوصلنا سوا اليوم ولا بعد شهر ولا بعد سنة ... سمعو الدقان ووقفت مليكة لي حسات براسها رجليها فشلوو عليهاا معلووم راه حبيب القلب جاا غيديهااا 
مليكة ..." شدت في قلبهاا " ... مي وا مي نمشي نحل ولا تحلي نتي 
عبووش ..." لي غير سمعتهم دقوو طلعت فووق السداري و شدتها الكرش " ... ميمتي جاااو اناري قلبي غيسكت الزغبية 
مليكة ... قالك تشبت غريق بغريق فغرقا الاثنين واش تهبطي ولا نلوحك من تم .. لاش قلبك غيسكت جايين يخطبوك نتي 
عبوووش ... تتسالي هاد الروينة و شرحي لياا داكشي لي قلتي ليااا ابنت المعفون وليتي تعايري فياا .
مليكة ... ايييه غا سيري حلي الباب انا في البيت تتعيطي ليااا خليني نحشم شوية ... " ايوا مشات عبووش حلات عليهم و استقبلاتهم بالبوسان و التعنااق ... و الضحكة لي مخطاتش وجهاا اما يوونس كيف دخل كيقلب عليا بعينيه .."
يوونس ... خالتي عبووش فين هي مليكة 
الحاج ..." ربط ليه على كتافوو " ... اتا تقل اوليدي لتصدق واكلاك المرأة 
يوونس ... اودي الوليد غير خليها تكون ديالي و لب بغاتها هي لي تكون 
الحاج ... اراك في خطر اولد بااه ههههه .." بقا يهضر مع باه غير بشوية تا دخلات عليهم عبووش كي عاصي ربي " 
عبووش..." خشات راسهااا وسطهم " .. ولدي يوونس جلس ترتاح ها مليكة غتجي 
يوونس ... اه هي اللولة أ خالتي غير عيطي ليهاا 
عبووش ... شووف اوليدي خود نصيحة من خالتك عبووش وديرهاا هناا في وديناتك ... الدرية راها بنتي و انا لي ربيتهااا لضسرهاشاي ها انا علمت ولدي .. لوح عليها نفاختك و خليها تزريط 
الحاج ... سيري الله يرضي عليك الحاجة الدري ملي دخل وهو ماشي على برجو 
الحاجة ... " جات جلست حداهم " ... هاه توما مالكم خليوها دير لي بغات هي تآمر وهو ينفد .. خاصها تكون ملكة وسط دارها 
عبووش ... لتسمعشاي لهاشي وليدي .. صبرو نعيط عليهاا تجي .. "جات مليكة عندي البيت تتجري حلات الباب و دخلات " ... نوضي ديري عكيرة وخرجي راجلك ملي دخل و هو يسول عليك 
مليكة ... تي بشوية عليك غادة طيحي تهرسي دگومك .. شكوون راجلي اناري 
عبووش .. نوضي غا ما مالفاش بكلمة راجلي .. تگعدي الناس تيسولو فيك 
مليكة ... وصافي غا خرجي هاني تابعاك راه شداتني الفشلة بهاد راجلك 
عبووش .. ايو نعنيو ملي دخلي معاه لبيتكم اش غتقولي ليه بلاتي شداتني الفشلة اتگعدي اوا تگعدي 
مليكة ... عبووش شتك دخلتي معايا لبيت نعاس ايوا لاا هادي راه سميتهاا التفشي في اعراض نااس الحاجة 
عبووش ... واقيلة غنضربها بشي حجة هاد النهار سمعتها جوج نيبات قالها ليا بات العريس ونتي ضرك واخا تاعتك غا دايزة 
مليكة ... ويلي امي سيري عند الناس خليتيهم بوحدهم انا جاية تابعاك .. ديري داكشي تاع الافلام ضلي متبعة التواركة تا حاجة متعلمتيها 

خرجات مي عندهم و انا بقيت نضرب في حناكي و نش عليا الهوى الى كاين .. واخيرا حيدت عليا الخوف و نضت يا ربحة ياا دبحة و اليوم ندي الراجل في يدي ولا نخطفووو ويلي فشلووقي عشش ... خرجت مع الباب و فين ما نخطي الخطوة نسمعهم تيضحكوو و خالقينها مع مي .. الا يونس لي مسمعتش ليه الحس .. يا اللع طليت في الصالة و هو يوقف مطرطق فيا عينيه .. تا خلاني نتفافى و السباط غيجيبني على وجهي .. جا شدني من يدي و انا كلي كنترعد ما حيلتي ليييه هو لي مقرب درگومو حدايا و لا لواليديه و عبووش لي حاطة يديها على فمها و تتشوف ... 
يوونس ... واخيرا نور عينيا بانت ودابا عاد تحلى ليا الجلسة و الضحكة 
مليكة ... هاخنمننمممم حيد انا مزاوگة الهضرة مشات ليا خليني نسلم 
يوونس .." عض على شلقومتو هاد الحركة لي تتجيب لجدي الكريز و ابتاسم جنب " ... غير زيدي سلمي عليهم وأنا شادك .." مشيت سلمت على الاب ديالو لي حط يدو فوق راسي و قرا عليا ما تيسر من القرآن .. ودزت لعند موو لي شدتني حداهاا و معنقاني حلفت لطلقاتني .. اما عبووش غا كنهز عيني فيها و تتغمزني تكنقول صافي شافوها .. ايوا جلسنا و ضحكناا و مي حطات الاكل من ألذ و طاب .. كيف ديما تتقول غتخرجني من عندها بالشان و المرشان ... وغدير ليا فريع الطرح هادي هي الام ديما تتبغي بنتها تكون حسن من گاع البنات ... ضحكناا و خلقناا جووو بحالا كنعرفو بعضياتنا من شحال هذا .. اما عبووش و بااه تقولهم كانو كيضربو الكارطة في الصغر ... لقات لي يهز ليها هبالهااا غا هو يطلق كلمة و هي تعاودها ليه .. بقينا هكاك حتى تكلم اب يوونس 
الحاج ... ايوا الحاجة عبووش حنا راه ولينا عائلة دابا و شركنا الملحة و الطعام .. زيارتنا ليك اليوم ماشي غير هكاك جينا طالبين راغبين في بنتك مليكة لولدنا يوونس 
عبوش ... ايوا شغنقوليكم الحاج الى مقاهمين انا مغنزيدوهم غير الله يتمم كل شي مبارك و مسعود .. و يتهلى ليا غا في مليكتي 
يوونس ..." ناض و جا قدامها و جلس قافز على رجليه وشد في يديها .. وعاود ليها كيفاش حتى شافني و قداش كيبغيني " ... خالتي عبووش بنتك راه غتولي مرتي و ختي و بنتي وصاحبتي وغنديرها في عينيا 
عبووش ... ايوا الله يرضي عليك نشوووفو غا العروس اش غادة تقوول ..." ناضت و جات حدايا و انا دايرا فيها الحشمة و والقر ..." بنتي مليكة كيف سمعتي هاد ناس طالبين فييك لولدهم 
مليكة ..." هزيت فيها عيني مخنزرة و انا نقرصهاا " .. غا لي درتوه امي انا موافقة عليه 
عبووش ... ايواا مبرووك عليكم انا عطيتكم و اصلا بانت ليا قابلة بييه غا بغات دير الحشمة 
الحاج ... ايوا مبرووك عليكم الله يتاويكم .. دابا ندخلو في السخون و الا الحاجة 
الحاجة ...اييه الحاج و انا باغا ندي مليكة اليوم قبل غذاا 
يوونس ... زيديني عليييك اميمتي مبقا صبر ..ولكن شغنديرو ندوزو المراسم خاص مرتي تمشي تكون معايا 
الحاج ... يا تاا سكت ا صگع ههه مهم لالة عبووش لي بالنسبة العرس و الصداق لي طلبتوهت حنا موجودين 
عبووش ... شووف ا سيدي انا مبيعاكم بگرة البنت بنتكم و الولد ولدي ولي درتوها انا معاكم فيها .. عندي غا شرط نهار العرس يكون العقد و و يكون قريب ... ما عندي بنات خيطي بيطي 

الحاج ... ونعمة التربية الالة عبووش خليهم يختارو النهار و حنا ما علينا غير نوجدو 
عبووش ... اش ضهر ليكم السيمانة الجاية نكونو طرقنا المسمار 
يووونس .. كلامك كيقطر العسل اخالتي عبووش .. صافي مشات 
الحاج ... بنتي مليكة ايوا سمعيني صووتك تانتي اش ضهر ليك في هادشي 
عبووش ... غاا خليها اودي ساكتة راها حشمانة ..." ضرت شفت فيها لقيت السيدة دايرا فيها الوزير و معاه الاعضاء .. صافي اتفقناا على كل شي و بقا غير توجاد .. ناض يونس او واليديه سلمو علينا و مشاو ....
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مر أسبوع علينا بالحساب داز كولو توجاد و تمارة و سير الخياط و الكوافورة و التريتوور .. واخيرا تبنات الخزانة في الحومة ... لي شدات الدرب من راسو تالرجليه .. ومي عرضت على گاع الحومة غا باش طرطق ليهم العينين ... وفعلا خلينا مل شي حال فموو وليت نخرج نافخة نيفي و مهبطاااه و لي يقدر يهضر يتفضل قدااامي .. 
صبح صباااح لي هو نهار العرس كنت باقا ناعسة و لايحة مراودي فوق الفراش و كل رجل شادة جييه ..تا دخل عليا تسوونامي 
عبووش ..." تلاحت حدايا كي العود " ... واااا العرووس تگعدي داز الحال ما بقا رالو وراجلك يدوز عليك تمشي ديري عقدك و مزال تابعك الحمام و الكوافورة 
مليكة ..." حليت عين و سادة الخرا " .. نوضي تگعدي حيدي عليااا خليني نعس وااش هداك مريض منعست تالصباح وهو الليل كولو دودودودودو مسكتش و صابح عليا 
عبوووش ... اش كنتوو تعاودو نتي وياااه الليل كولو 
مليكة ..." ضرت لعندها " ... راه فراااسك اش كاين الليل كولو تانتي سهرتي معانا حاطة و ذنك على الباب 
عبووش ... تيبقي الستر ونوضي نوضي .." سمعت الكلاكسوون التحت " .. هاه ها هو جااا نوضي غسلي و جهك و لبسي جلابتك و ديري درتك راه حشومة تمشي بشعرك عريان و دي لكارط ديالك و زيدي خلفة مع الباب 
مليكة ..." خلاتني غا كنشووف فييها " ... اييه زيدي اش كاين خر لي خاصو يدار نتي راه بنتي ليااا طااار لييك 
عبووش ... واتي سيري طلي على الدري قوليه يطلع و لا يتسناك 
مليكة ... فين غيطلع بغيتيه يهرب و انا في هاد الحالة ..." مشيت طليت من الشرجم لقيت متكي على الطموبيل اححح اميمتي هذا راه تاكليه ماكلة " ... يوونس غا گعد تم انا هابطة .." مشيت غسلت كمارتي و درت كحلية و عكيرة و لبست جلابتي و درت داكشي لي قالت عبووش و هبطت عندوو ... سلمت علييه و ركبت حداه " .. ايوا كيصبحتي 
يوونس ... منعستش انا گاع باغي هاد النهار و قتاش يطلع باش نكتب علياا خلاص و نتهنى 
مليكة ... تا مالك باغي تنتاقم مني هذا كولو زربة غا بشوية بشوية كيتكال بودنجال 
يوونس ..." ديمارا الطموبيل و شدينا طريق لعند العدول " ...وا هو غناكل الفريز اليوم الصراحة ولكن خلي تيجي وقتوو .." غا هو قال هاد جوج كلمات انا معودتهاش معااه ولا دويت .. الماسخ عرفتو اش عنى بالحق راااااجلي و ندير معاه لي بغيت .. اليوم نايضة نايضة و زاهية .. بقيت الطريق كلها و انا نفكر غا في هاد الليلة .. تا وصلنا عند العدول دخلنا عندو و رحب بيناا .. جلسنا في الكرسي و قلبي غادي يسكت و يخرج من بلاصتو و انا كنشوف يوونس كيضحك من عينيه و فرحان .. هادشي بحد داتو خلاني اني نفيق و نقوول هانتي امليكة ربي جاب ليك نقرة فين يغبر نحاسك ... مهم بدينا بالاجراءات و الأسئلة الروتينية و اخيرا عطانا الكتاب باش نسيتيو ... سينة هو اللول و عطاني انا غير سينيت طاحت دمعتي .. لي معمرها طاحت قدام شي حد بقوة الفوحة ... هز راسو فيا لقا عينيا عامرين دموع قرب ليا مسح ليا وجهي و خشاني فييه .. و خلص العدول و خرجنا شدينا ثاني الطريق الدار لقينا عبووش في الباب موجدة السطولة و معاها ناس الحومة لي تا هوما غيمشيو من العادة انو گاع البنات كيمشيو مع العروسة الحمام ... غير شاافتني و هي تبدا تزغرت و هبطو ناس العمارة هادين الطعارج و البنادر كيشطحو ودخلت عبووش طلقت ديك الشميمة لي في راسها و تتحير 

بعد ما كملات عبووش تحيارهاا و شتيفهاا هزات السطولة و زادت قدامنا فحالا ماشي هي لي كانت دايرا حالة .. اما يونس كيف حطني سيفطتوو حتى الليل ويلي نخلي الراجل يشووف داكشي يتخلع .. ايييه راجلييي وتاج رااسي .. مشينا الحمام فركاتني عبووش و عرفت كيف فركاتني لي تتبغي تقرب ليااا ضور فيها ضورة شيطانية قالت ليك خوفا من السحور .. عبووش گاع المصائب معششين ليها في المخ .. ايوا سالينا و كملنا وخرجوني بالزغاريت لبست شراوطي و انا غا غواتهم ضرني في راسي .. غير خرجت من الحمام تميت غادة الدار و هي تشدني مي من قرفادتي 
عبوووش... واتي فين غادة ابنت المسطي 
مليكة ... هاا عار ديك البزيزيلة لي تنرضع منك خليني نمشي الدار نعمر ليا كاس ديال أتاي يرجع ليا الراس و المجاج لبلاصتوو 
عبووش ... زيدي قدامي الكوافورة وجدي راسك و سيري شربي تا السم .." وكلت امري الله و تبعتها شدينا طاكسي نيشان الصالون .. كيف دخلنا لقينا المرأة موجدة و تتسناني غير نوصل .. دخلت نيشان شديت بلاصتي و خليتها تخربقني كيف بغاات ... ها لي تتصايب لي الشعر ر هالي تتصايب الدفار .. واخيرا دزت لعند لي غتقاد ليا المكياج و كيفاش غطلعني .. وعبوش واقفة ليهم فوق راسهم تنهي و تآمر ..
عبوووش ... ا شووفوو هاه طلعو ليا بنتي زيييينة واخا هي متحتاجش لهاد الصباغة ولكن خاص لي شافهاا يبقى حال فموو و نخلي ناس الحومة يقولو بنت عبووش طلعت زينت البنات و المخيرة فيهم تاكل جنابها 
مليكة ... انا لي غناكل جناابي وناري عرقت اعيباد الله .. شوفو البنات غا سربيوني خليوني نخرج راه غنخسر هادشي كولو لي منصباح و نتوما تعذبوو علييه .." ايوا كملوو ليا البنات ما ساليت تا كنت غنريش عبووش في وسط الصالون .. غا العكر عاودتو عشرة المرات ... كي خرجت شدات لينا طاكسي " .. وليتي سخية اعبووش مكاين غا الطاكسيات الصغار 
عبووش ... اتي راني فرحااانة و حالفة تنخرج غا ملكة و كانت شادة العرش 
مليكة ... كون عرفو فين كنت عايشة مع داك مشگف الگدام .. شياطة المجتمع وروينتي معاااه 
عبووش ... هوو مسيكين لي كان عايش الويل معاك .. فكرتيني فييه نعيط ليه يجي .. وقولي ليا ثاني لااا و الله تنريشك 
مليكة ... واتي غا عيطي ليه يجي يعيش معاك و يعمر ليك الدار 
عبووش .. اييه عدك الصح .." عيطات لخويا و علماتو يجي و هو فرح حيت واخيرا غنتزوج و نخوي ليه الدار ... و بلا متعرض عليه هي علمها غيرجع الرباط هو وديك نص ميترو يعيشو معاااهاا .. مشينا الدار و جلسنا عمرنا واحد البراد هوو لي رجع ليا المخيخ البلاصتوو .. و تكيت شوية تا وصل الوقت لي غتجي فيه النگافة و الخزانة عمرااات و مبقا ليها في تهز .. ما هي الا نص ساعة حتى جا يوونس و معاه النگافة لي كي دخلت جراتني البيت تلبسني و تعاود ليا المكياج .. لبست اللبسة الاولى و جا راجلي حبيبي داني من البيت و هبطت انا وياه العرس .. اما الجيران كيف شافو يونس شي تصدمت و تعجبت و شي بكى و شي كيقول و مليكة فقيهى صحيح .. دوزنا العرس و لي كان احسن عرس داز فيك المشرووع ... كيف خلاتها عبووش فريع الفرووعي .. خليت العادي و البادي حال فيااا فمو و في العرس .. ما سالا داك العرس تا وليت تنگمع على كتف يوونس .. "
يونس ... حبيبتي عييتي نوضي يا الله نمشيو ترتاحي شوية 
مليكة .... اييه نوض نوض قبل متسبقنا عبوش الطموبيل .." تميت نايضة انا و ياه و النگافة تهلل مورايا جوج مرات كنت غنرعفها قتلتني في راسي .. شافتني عبووش وقفت و هي تجي تجري .."
عبوووش .. صافي غاديين عييتيي ابنيتي سيري ترتاحي و الله يرضي عليك و يتمم ليك على خير .." شدات شالها تتمسح في دموعهاا تا بكاتني معاها .. معلووم راه كنت معمره عليها الدار و الام مهما كبرت بنتها تتبقى صغيرة في عينيها و تتبغيها ديما معمرة عليها الدار .. جا خويا خالد تا هو عنقني و بارك لياا وهضر مع يوونس و وصاه يتهلت فيااا .. شديت يوونس و جريتو الطموبيل ما جيت نوصل ليها تا سبقتني عبووش ركبت بحجة دوز غا هاد الليلة ... بالحق انا لي عارفة مي و اش تحت راسها 

مليكة .... " حليت الباب و خشيت راسي عندها " .. تعت ربي فين غاادة خرجي انا غذا نجي عندك 
عبووش .. عار ميمتك و البزيزيلة ديني معاك نشووف دارك كي دايرا و تلقاي بعذا غا الصباح شكون يوجد ليكم الفطوور 
مليكة ... هبطي انا غذا نجي نديك و انا نقاد فطوري راسي غا هبطي ..." سمعنا يوونس اش كنقولو و قرب لينا "
يونس ... مليكة غير خليها على راحتهاا ماشي مشكيل تمشي معانا راه غير في هرهورة وقتما بغات ترجع نرجعها .." بقيت غا كنشوف كون عرف نيتهاا لاش غادة كون هبطها بيديه .. ايوا ما عند الميت ما يدير قدام غسالو ركبت و حطيت يدي على حنكي نفكر في حريرتي هاد الليلة ما حيلتي ليوونس و لا لعبووش ميمتي الشووهة اليووم و صافي .. وصلنا الدار بلاصة الطموبيل و طلعنا لبارتمون .. كي دخلت شدتاني الصدمة الدار غزااالة و تتحمق و كل شي موفر فيهاا .. اما عبووش ما خلات كوزينة ما خلات طواليط تا من بيت نعاس دخلت لييه ... ايوا صبحناها على خير و دخلنا لبيتنا .. وخرج ليها يونس الغطا و الفراش .. دخل عندي " 
يوونس ... العمر ديالي واخيرا وليتي معايا و غتنعسي في فراشي 
مليكة ... و هو فراش احنيني نووض نبدل عليا نحط ترمتي عيييت .. ويلي ربط تقول غنعس في الجنة 
يوونس ... واقيلة اليووم مكاين نعاس احبيبة .."جرني خشاني فييه تاا تبورشت اناري هذاا اش بغا في هاد الليل يخليني غا تالصباح تمشي عبووش بعذا .. " اممم بدلي و اجي عندي 
مليكة ... علاش اخويا مكاين نعاس و انا قربت ندووب ليك هنااا 
يوونس ... سيري بدلي و غتعرفي علااش ." ايوا واخا ا سي يوونس مشيت بدلت عليا و لبست بيجامة بسروال و الكم و جيت تخشيت في بلاصتي هو غير شافني تفرگع بالضحك و كحز عندي .. " دابا لاش لبستي هاد الخ نشة مجاكش الصهد 
مليكة ... يوونس عارفااك علاش كتلوط ولكن والله تا مسخسخة خلي حتى لغذا و انا معااك واخاا 
يوونس ... تأمري امر .." باس ليا عيني بجوج " .. اجي نعسي على صدري و رتاحي .." كحزت عندوو وطلعت فووق صدروو و نعست اححح هاد اللقطة كانت كديرها نور لمهند .. هاني انا كنديرها لزماني .. يا الله داتني عيني تا كنسمع الدقااان .. ناض يوونس يحل لقاها عبووش في الباب راني عارفاها لاش جايا و اش باغا " ... خالتي عبووش مالكي ضراتك شي حاجة 
عبووش ... فين مليكة بغيتهاا 
يوونس ...راها ناعسة واش نوضها لييك 
عبووش ... اييه فيقها اولدي قوليها بغاتك عبوش 
مليكة ... " نضت تا وقفت مور يونس " .. غير رجع ا يووونس تنعس انا غنشووف مالها .. " خلاني انا وياها و مشا " ... اش بغيتي اعبووش احصي و قولي ليااا بلا مدخلي وتخرجي في الهضرة 
عبووش ... السرواااال اختي السروال 
مليكة ... شمن سروال اختي علاه سروالك انا تنلبسهم 
عبوش ... سروال جلدتك ابنت كرشي ا شووفي هاه سخط مي عليا لتحركت حتى نديه .. شكون ضمن ليا مدرتيهاش قبل العرس و نتي كنتي غا تتشوفيه كدوبي 
مليكة ... واش تسطيتي ولا مالك و سيري خليني ندخل نعس راه ما درت لا قبل العرس لا بعدوو 
عبووش ... واتي عليا بليمين تا تخرجيه ليا دابااا 
مليكة ... سيري تالغدا وجي ديييه و سيري اعبوووش خليني نعس 
عبووش ... هاني غادة ولكن ها السخط ها الرضى لمشيتي تا تردتي ديك اللقطة لي شفنا في ميرنا وخليل ضرب يدو زعما راه صباحهاا ... رانا نعرف اللون 
مليكة ... اييه واخااا تصبحي على خييير موصيبة هادي تبعتني تا غي نهاري " .. مشيت رجعت لعند حبيبي و تكيت على صدرو نسى الهموم و نحيد عليا الغم "
يوونس ... مال خالتي عبووش واش بغات شي حاجة
مليكة ..." شديت ليه في لحيتوو " لا احبيبي ما بغات والوو 
يوونس ..." هبط راسو لجبهتي و باسهاا وكمل هكاك وهو هاابط تا خلاني كي الشرويطة تحت منوو ... ما جيت نحس تا لقيتو و لقيت راسي كيف تولدناا نهار اللول ... ودازت ليلة دخلتي في أحسن ما يراام و على خير ... هز عينو فيا و باس ليا راسي " ... الله يرضي علييك ... كنبغيك اعمري 
مليكة ... حتى انااا كنبغيييييك و بزاااف 

٠٠٠٠٠٠٠٠٠٠٠٠٠٠٠٠٠٠٠

هادي كانت قصتي انا مليكة بنت عبووش لي تسميت في حومتي بكلمة البايرة و بقات لقب حتى لنهار لي سهل عليا فيه الله و خديت سيد الرجال .. عمر البنت تيأس و تقنط من رحمة سيدي ربي ضروري غيجي واحد النهار لي غتبكي فييه ولكن بدموع الفرح .. شكون هو العبد تا يحكم عليناا و كيف بغا من الفووق .. أمنوو بالخالق هوو لي كياخد و كيعطي .. اما العبد غير يضرك و ما يعطيك و هنا كتنتاهي قصتي معااكم دمتهم في رعاية الخالق

النهاااااااااااااااااااااااااااااااااية

اخخخ وأخيرا انتهت قصتي الحبيبة شكرا على وقتكم كنتمنى تكون كانت خفيفة على قلوبكم ..