بقا يتقاشح معاه ايلاف وكشاكشو خارجة عقلو ترفع عينيه ولاو حمرين عروقو تنفخو ليه وصدرو بكترت ما عرعر وكيهضر مغلغل ومفقوووووص لاقصى حد تنفخ ليه وهو كيلهث ...
ايلاف : شووووووف بغيت نرجع معندك مادييييير بينا دابا معاكم فالخدمة مغاديش نخويو بيكم عارفين من نهار دخلنا عمرنا منخرجو نهار لول قلتيها لينا "هز ايديه " قبلنا ودخلنا ...مديتي ايد المساعدة وشديناها الله يكتر خيرك ....انا واجع هو راجع مكاين لاش هاد قرصة الخرا الي درتي ليا هزيتيني وسط شهر العسل ديالي ...؟؟
ايشان "حك ايديه مع بعضياتهم وابتاسم بجنب " : ههه وايلي ايلاف اولدي نتا عارف قرصات الودنين عندنا كيدايرين هادي الي درت ليك ماشي قرصة وذن غير بغيت منك زيارة ليا ...وغادي ترجع اما الي كتعرف "غمزو " راك سنين وتربيتي معانا وليتي عارف كلشي وامتا وكيفاش ...
ايلاف "جا بغا يعرعر تاني حتى تحل الباب على مصراعيه جبد عينيه لباب حتى بان ليه واقف وشي رجال وراه مليوحين ...صدرو كيطلع ويهبط وعينيه فحال جمر لا قربتي ليهم تلفحك العافية لا بعدتي يعطيك صهدهم ...اييييه الشاوي الكاوي ...
ايشان "مستغربش حيث عرفو غايجي " : هههه فؤاد على سلامتك ولدي ...
معاروش اهمية واش مربيه واش قد باه واش قد مو ولا شكون هو في ملك الله دغيا طار دار ديك تنقيزة الي مكيعرفوهش كيفاش كيدير ليها حتى شنق عليه جرو لصقو مع الحايط ...وهما يوقفو رجال ايشان موجهين الفردي جيهة فؤاد وشي جيهة ايلاف الي كان بغا يتحرك ....
فؤاد "قرب عينيه لعينين ايشان مقجقجو كيهضر ودفالو كيطير مقطع الحروف " : تهضررررر ولا نهضر ؟؟؟؟ "خرج فيه عينيه " ...
ايشان "شير لرجالو باش يهبطو سلاح وشير ليه بايديه باش يطلق " ...
مطلقو تا حس بنقطات ضلام على عينيه كان شوي ويصفيها ليه ...
ايشان "هز ايديه وكيكحب " : كحكح ...فؤاد ...
فؤاد "كان ضاير كيحك جبهتو بنفاذ صبر وكيحاول يكالمي راسو حتى ضار هاز صبعو كيتحلف عليه ومكيشووووفش فيه ...دار ايدو على نصو ولاخرا هي الي هاز بيها صبعو " : كتعرف هادشي مكنبغيهش ...طلقو يمشي عند مرتو نهار نساليو غانجي عندك نهضر معاك انا وياه ....
فؤاد : نهار تكون صفقة عيطو لينا نعاونوكم بمعلومات عليها ونعطيكم الصح من الغلط فيها وشحال كتسوى وشحال تعطيو وبشحال تبيعو كلشي بدليل وبالوراق نهار تكون العملية ...عفيونا ...والارباح ديوهم نتوما ...
فؤاد : نهار كنحسب حسابي حافض صواريا ...نهار نبغي الحاجة مكنتسناش منك توريني ...نهار نبغي انا غادي يكون داكشي الي بغيت انا ...مشا وخلاه غير كيشوف ....
المعنى او القرار الي توصل بيه فؤاد هو ينساحبو ومينساحبوش ...يعني غادي يكونو صفقات ...لكن الارباح مغاديش ياخذهم لا هو لا ايلاف ومغاديش يسافرو على ود بيه الاثر ..وبهاكا بعد على الخطر بنسبة كبييييرة وقلل من الحرام ....
وفاش قاليه نعطيكم معلومات على صفقة اي المعنى انه يعاونهم بنوع الاثر ومنين جا وكيفاش جا وامتا كيتباع وبشحال كيتباع لانه عارفين فؤاد داهية فهاد المجال وبهاكا انساحب ولكن فنفس الوقت معاهم ....وبهاكا تقريبا حيد الخطر عليه وعلى حياتو ولكن باقي عضو معاهم ...لان المافيا مستحيل تخرج منها وخاصة الى كنتي عضو متغلغل فيها فحال فؤاد وهو احد اكبر الاعضاء فيها
ولما لا وهو الملقب بنسر موسكو ....
كان فهاد اللحضة جاي فؤاد كيحل فصدافي القميجة باش يدخل يدوش ويرجع لكلينيك لعند يامنة ...حتى وقف على اتر الغوتة وعقد حجبانو موجه نضرو لبيت فين راوية وايلاف ...
حك منخرو ورجع كمل مشيتو مبغاش يدخل ومغاديش يدخل لان كتبقى هي وراجلها ...تم غادي كيحل فالعقاد حتى حلها كاملة مع جا جيهة بيتها غادي لبيتو حتى تحل الباب وهي تم بغات تخرج تا بان ليها وهي توقف ملي شافت فؤاد ...
راوية "صرطت ريقها وخصوصا كسوة باقا لابساها الي عريانة حتى رجعت بزربة قبل ميهز عينو فيها وسدات الباب ضورة الي غاضور خرجات فصدر ايلاف "
راوية "دلات شنايفها باقي تتبكي ومن الخلعة نيت الي خلعها فؤاد جاب الله مشافهاش " : م عاد وعييت ورجعت نبدلها حيد بعد منيييييي اهى اهى ...باغي ضربني اهى 😭....
ايلاف "شدها من دراعها قربها ليه " : بس عليت ايدي مضربتك ومراح اضربك وماااني من ناس الي بيضربو ستات بيوتهم ..."داها وجابها بجهد تا تزعزعت " ...ولكن الضصاااارة وقلة الادب مع زوجك بنسا وما بتقي فيك الله يا راوية ...
راوية : واااا بعد اهى اهى
ايلاف : جملتين بس جملتيييييييييييين بس "طلق فيها تخنزيرة هي اول مرة تشوفها عرفاتو هنا جدي لا مجال للمزاح جمعات شفايفها وصدرها كيتنخصص " بترجعي لمكانك بتنامي ولا بتطفحي ولا بتقعدي ولا بدك اعملي ياه بس متفوتي رقعة بيتك ...لا حتى نفيق انا ..."خرج فيها عينيه تا تفافات " ...مفهوووووم
مخلاش ليها فرصة فين تهضر جرها من دراعها هاكاك غاديا كلشي فيها تيتقلقل حيت لابسة غير كسوة وشبه شفافة ...لاحها فوق ناموسية وطلع تلاح هو دار ايد ورا راسو ولاخرا فوق عينيه مغمضهم باش يرتاااح وربما يستسلم لنعاس ...
اما راوية بقات تتبكي بالحس حداه وتقول واش ضار جيهتها ولا داها فيها حتى عيا وتقلب عطاها بضهر ...مستسلم لراحة باش يرتاح دماغو من تفكير وضغط ...
راوية : لااااااااا بغيتك تسمعهم باش تفهم وتبعد مني ...ندمت الي تزوجت بيييييك اهى اهى يلااااه
ايلاف : والله بدك صراحة يمكن انا مثلك بس معندك ماديري هذا نصيبك ارواية لازم نقبل ...ودابا احكي معك بلغتك لا تفهمي غادي تسدي فمك وتخليني نرتاح مع راسي حيث من بعد ايام قليلة غاتنوضي تگلعي معايا لموسكو لدارك تما ...
ايلاف : فترة تدريبك التقرير غايعطيه ليك يوسف ممضي منو وكل الي تحتاجيه وحتى انه مترجم بالفرنسي ...دراستك ماحدا راح يمنعك عليها ...من هون لا حتى يوصل وقت دراستك راح رجعك تدرسي ...
راوية : ومااااا مبقيتش بغيتك يااالاه ...
ايلاف : بتسكتي ولا نخلي سبب للفراق .."ضار محنزر حتى رجعات بلور من ديك شوفة " ...والله بضربك وبخليه سبب مقنع للفراق ...شنو بان ليك ؟؟؟
راوية : تفو عليا تفو عليا انااا الي عليا تفو ....يلاه غااصهط،، ييييخ .."ضار عطاها بضهر رافع حاجب ومنزل لاخور نعس وهي دارت ايديها على حناكها تتسب وتلعن فيه طبعا بالحس ههههه
فؤاد معجبوش الحال الغوات ديالهم يتسمع جاب الله خرجت غير راسها ومال كون شافها بديك اللبسة كان غايكون ليه كلام ثاني ...
بقات هي كضور هنا وهنا حتى دازت نصف ساعة وهي تنوض لدوش غسلات وقضات حاجتها روتينها ديال كل صباح وخرجات حيدات ديك الكسوة ولبسات سورفيت صيفية لكن متسورة وفنفس الوقت مناسبة لشنو كيعجبها ...جمعات شعرها كعكة لفوق وجراتو من لقدام تتنفخ ليها وخرجات زغيبات من جنب ...
ذهنات وجهها بكريم نهاري ودارت مرطب لشفايفها ...شافتو ضار تشبح على كرشو شد ليها تا بلاصتها سرح رجل ولاخرا طواها مع طويل مشات رجلو لبلاصتها وبهاكا اكتاسح ليها الناموسية نعماس ...
راوية خذات تيليفونها دارتو فجيبها وشافت فيه بغات تخرج ومقدراتش ومراضياش تهضر معاه هههه ...تشجعات ومشات لعندو قربات ليه مدت غير صبعها وهي مبعدة ...
ايلاف : هالمرة راح اصفقك كف مضمووون ...راوية روحي احسن لك تريكيني ارتاح من شااان الله ...
راوية : هاني رگد رگد ...ناضت كتنتر لبسات فرجليها وخرجات عند الباب مع تصادف بيه جاي كيهضر فتيليفون مع يامنة شافها وسلم على يامنة وقطع ...
راوية "ابتسامة " : صباح الخير خويا ...
فؤاد "شاد الفون خشاه فجيبو قرب ليها باس جبهتها " : صباح الخير ...فين غادية ؟؟
راوية : تا فين غير نهبط نفطر بينما فاق ايلاف باش نمشيو نشوف يامنة ...
فؤاد : اجي تبعيني المكتب ..."مشا مضارش جيهتها صافي قاليها تبعو راه غاتبعو بلا هضرة بلا زيادة ...داكشي الي كان تبعاتو المكتب خصص ليها واحد عشرة دقايق من وقتو مافيها باس ختو ولازم عليه تاهو يشوف جيهتها ماشي غير يامنة الي مسؤولة منو "
راوية "دخلات وسدات المكتب لقاتو جالس على طرف المكتب مربع ايديه شافت فيه وهو ينعت ليها بعينيه باش تجلس " : هاني خويا ...
فؤاد : راوية غادي ندخل نيشان فالهضرة ...اي كان مشكيل بينك وبين راجلك غواتكم ميوصلش لبرا بيتكم مشاكيلكم حدها بيتكم سمعتيني ؟
راوية "شافت فيه الحامي بغات تستنجد بيه " : راه كان بغا يضربني وخفت ..داكشي باش غوت ...
فؤاد : وضربك ؟
راوية : لا غير كيحساب ليا واش غايضربني ...
فؤاد : سبقتي العيب ...وخا يضربك منك ليه "هز ايديه " خرجتي من تحت جناحنا ابنتي ( تيقوليها بنتي شي مرات ) وليتي تحت جناح راجلك الي علينا درناه ادينا واجبنا معاك كا بنتنا وختنا ونهار تحتاجينا غادي تلقاينا ....ولكن ...اي مشكيل بينك وبينو راه بينك وبينو ميعلاش صوتك عليه وتاهو راه ولد ناس مغاديش يكون رعواني وقليل الاصل ويضرب مرتو ...الي بينكم يبقا بينكم وميخرجش من بيتكم ...نتي راوية فشوشك قطعيه مابقيتيش ديال راسك ..
راوية : را وال..."خنزر فيها وهي تكمش تتقفقف " ...
فؤاد : دخلاتك مسؤلية زواج قربتي ديري ولادك خليهم يشوفو فيك العقل والتبات وكوني مثال ليهم متعلميهمش فشوشك لغذ ليه ولا بعدو توحلي فيهم مكاينش الي غايقبل ليك عليهم من غيرك نتي وباهم ....نهار سولناك واش تقبلي ديك ساعة راه قبلتي وعرفتي انك غادخلي تحت حمايتو وراك خرجتي من جناح باك وخوتك ودخلتي تحت جناحو … راجلك هذاك ....نقصي ردان الهضرة ولا انا غادي نتفاهم معاك بلاصتو "بجهد تا طارت ونزلت " سمعتيييني ؟؟ "قالها ورافع دوك الحجبان تا بغات تبول فسروالها "
راوية : ها سم سمعتك واخا خويا ...
فؤاد : نوضي قربي عندي لهنا ...
ناضت تفتف وترعد مشات لعندو وهو يجرها قربها ليه عنقها وهي تبادلو العناق حست براحة كبييييرة ...
فؤاد "باس ليها جبهتها وشد ليها حناكها " : وخا هكاك حنا معاك ولكن الاصول اصول والرسالة الي كانت عندنا من جيهتك اديناها وعطيناك لولد ناس ...فاش كتجي مسؤلية زواج كيرجع لعقل بلاصتو والى غاب نحضروه بزز ...تفاهمنا ...
راوية "ابتسامة " : تفاهمنا خويا ...
فؤاد : الله يرضي عليك ....
...محتال تحل عينيها حتى لقاتو عند راسها متكي حداها فجنب ناموسية وحاط ايدو على كريشتها كيداعب فيها ...شحال كتشوف في ايديه كيفاش كتمشي وتجي على كرشها حتى حسات بشفايفو على حبينها كيقبل فيها قبلة صباحية ديالها ...وحط راسو على راسها ...
فؤاد : تسناي نجيب ليك ما تشربي معاه ...شنو بغيتي ؟
يامنة : ماكرهتش حليب وشكلاط ...
باسها فراسها وحنكها وناض من حداها باش ياخذ ليها شنو بغات ...
خمسة دقايق حتى كان داخل هاز بلاطو فايديه فيه شنو بغات هي وفيه قهوة كحلة ليه هو باش يقاد المزاج من ليلة جد جد متعبة جدا حط فيها شنو كان خازن وناوي ومقرر من نهار حملت يامنة بهاد الولد الي خدام كيعذب فيهم ...حتى تبعاتو يسرى ...
يسرى : يامنة حبيبة صباح الخير ..."فؤاد جلس حداها قبط ليها في ايديها كيططب عليها وكيسمع ليسرى شنو غاتقول " ...
يامنة : صباح النور ...
يسرى : نشوفو ولي العهد واش باقي معاون معانا وشاد فراسو ولا غايعذبنا تاني هههه
يامنة : كيبقى يتحرك بزاف ههه
يسرى : باينة شويطين هذا هههه وخا حبيبة عري كرشك نشوف "جابت الة الايكوغرافي معاها هزت لاباراي ودارت ليها البرودوي فوق كرشها هازها معاها فؤاد حتى دارت لاباراي وضغطات عليها مزيان ..." كرشك تبارك الله كبيرة ...
فؤاد : عادي هادشي ؟
يسرى : وي عادي كاين الي كتكبر ليها اكثر من هاكا ...اممم "كتشوف فيه كيتشقلب " هههه كيتشقلب مع راسو ...واااواو ...
فؤاد : شنوو ؟
يسرى : فيه الحركة بزاف ههه ...اممم "حيدات لاباراي ومسحت ليها راسها وعاودت مدت ليها كلينيكس باش تمسح تاني شدها فؤاد كيمسح ليها راسو ...هبط باس ليها كريشتها تا تزنكت جاب الله يسرى مضورة وجهها كتقاد فديك الايكو " ...مزيان ضحتو مزيانة الخطر قل ...
يامنة : امتا نخرج ؟
يسرى : الالة سخيتي بينا هههه ...غذا ان شاء الله تخرجي ولكن غادي تمشي فسيارة الاسعاف غايطلعوك تالبيتك وسرير اسي فؤاد بدلوه يكون فحال هذا وتبقاي ديري مخدة تحت منك حتى توصلي لشهر سابع ومن هنا لتقربي تولدي غاتبقاي متكية تنوضي غير لا بغيتي دوشي او تقضي حاجتك وحتى دوش اسي فؤاد دوش جالسة ومتفوتش نص ساعة ...
فؤاد "عض شفايفو قبل ميهبط بقبلة وسط فمها عاود زاد قبلة وتانية وتالتة حتى نعل شيطان خلاها غاكضحك هههه ...حط ايدو على كريشتها تيدوز عليها " : هذا عذبنا وبززنا نقبلو بيه وخرج فينا العجب وهو فالكرش وغادي زايد فيه ...رجلة مجهدة هادي
يامنة : ههههه اي "حست بنغزة فحال هر " ...سمعك ههههه
كملات الفحص وخرجات من عندها بابتسامة بشوشة كيف عادتها ...هي شابة دكتورة اختصاصية في النساء والتوليد ...بنت ازرو نيت ولكن قرات حتى وصلت فين بغات ومشات لفرنسا كملت قرايتها ...هي صغر من يوسف بعامين وخا صهيب كبر من يوسف لكن ماشي بعام كبر منو فقط بالارقام يعني صهيب مزيود فشهر وعلى مرور اربع اشهر تزاد يوسف لكن كان تزاد فالعام الموالي هاكا تسما انه كبر منو بعام ...اما هي راه صغر منهم بزوج ودخلات فسن مبكرة جدا تقرا وهادشي سبابو انها وحيدة امها باها مات وهي صغيرة وعايشة غير هي ومها وخالها ومرتو وولادو
حتى قرات وخدمات وتعينات وخذات دار وجابت مها تعيش مها لكن عمرها متنسا خير خالها عليهم وديما على تواصل معاهم تمشي عندهم ويجيو عندها عائلة باها مسولوش فيها وعندها غير خال واحد ...هادشي كامل عاوداتو ليامنة ويوسف ...لقات راحتها معاهم واكثر شي يامنة ...
جايا دايرة ايديها فجياب البلوزة ...حتى دخلات المكتب بغات تحيد البلوزة وهي تسمع دقان ...تفضل ...حتى دخل غير. راسو ...
يوسف : ههه وهو ابنتي كون طلقتينا كون وليتي ام بنتي ...
يسرى : نتا مصر بنت وسلام ...
يوسف "قرب ليها بحركة جريئة باسها فحنكها تا تزنكات وحطت ايدها على حنكها " : ونكونو تحت سقف واحد وجامعنا غطا واحد لا بلاش شبغينا بشي غطا خلينا هكاك فالبراري ههههه ونشوفو ديك ساعات ...
يسرى : يووووووسف كون تحشم ...
يوسف : راني حشماااان وحاضيان ههههه
يسرى : شكون حاضي ؟
يوسف : لو تعرفي ضريرااتك ابتي ايسرى تبكي ...
يسرى "غوبشت " : ضريراات ؟ ايييه داير ضريرات وانا بارك عليا بالحلال وطلقينا وديك الهضرة ديال الي موالفين بيها باش دخلو البنت وتاحذو ما بغيتو "ربعت ايديها مخنزرة فيه " ...
يوسف "جمع ضحكة حيث شافها جدية " : تتهضري من نيتك ؟ كيفاش مولفين باش ندخلو البنت وناخذو ما بغيتو ...؟
الياس : كاين كل الخير اش كنتو تديرو ؟ "شاف فيوسف بغا يصرفق ملتو وهو يفرتح حدا الباب " ..ا بغيناك نتا. بغاك فؤاد ..
ضحكات يسرى على هبالهم واستاذنات منهم خرجات لمشاغيلها وخلاتهم ....
صهيب / صاف هنينا ...المهم رسلنا فؤاد ...بغا يهضر معاك ابا يوسف ونتا سكنتي هنا معرفت شكنتي تدير ؟
الياس "من بعيد " : ياراه غالقاها موگضة مال والله وثم الله تايخرجو بتوام ..."سر فر عيط جبد محتال يوصلو يوسف تالقاه طار والباب ديال المكتب مشا وجا هههههه "
يوسف "صغر فيه عينيه " : علاش حاس بالي مبغانيش ؟ ودرتيها بلعاني ؟
صهيب "لولب عينيه وتزنگ حيث شهب دغيا بانت فيه راه تيكدب " : هااا بالعما يعميني وشوا يشوينا كاملين ونتا لول ...تا درتها بصح ...🙄
قالها وفرتح تاهو …مشا كيجري لاخور دار تاهو سر وطار هرب غادي تابعو يجري ولاخور يجري ....غادين يتجاراو فداك الكلينيك كاع عباد الله دات حسهم ...مفراناو تالقاو فؤاد واقف داير ايديه على نصو ...
شوي حتى جات راوية هازا قنانفها زعما غضبانة من ايلاف ههههه ...حتى وقفو عليهم ...
شاف فيهم فؤاد ونطق ...
فؤاد : مكاين لاش تبقاو غذا غادي تخرج ونجي معاها ...
نجود : بصح ؟ اش قالت طبيبة ...
فؤاد : مزيانة مزيانة ...خاصها تبقى ناعسة تتقرب تولد ...
راوية : الله مسكينة مغاديش تعيا ؟
نجود : ويادلي لمصلاحتها ومصلاحة الولد الي فكرشها ...
خلاهم فؤاد تما ومشا دخل لعند محبوبتو تاني ...مقادرش وميقدرش يخليها ...اما هما بقاو تما جالسين منهم نجود وراوية وسارة ...من بعد ما دخلو سلمو عليها وخرجو مشات نجود مع شيفور وبقاو هما ...
صهيب "ضار جيهة سارة الي مزال طايح عليها سر الدخلة خخخه " : لمدام تمشي ولا تبقاي ؟
سارة : شوي ونمشي لدار الي هنا خاص نجمعها قبل منرجعو لفيلا ؟
صهيب : تا هذا نضر ...ما ت "شاف هنا وهنا " متخليناش نقربو تاني وتلغي ديك اليومين ؟
شوي حتى تمات جايا يسرى لعندهم ...شافها يوسف وعينيه لمعو ....
يسرى "بابتسامة " : مكاين لاش تبقاو هنا غذا غادي تخرج وغاتمشي لدار ...
راوية : واش مزيانة هي مبقا حتى خطر ؟
يسرى : لا مزيانة حاليا كلشي مستقر لكن الخطر راه كيحوم يعني الى مطبقاتش شنو قلت ليها غادي يكون خطر ...هي سنها صغير مقارنة مع الي جاري ليها دابا فالحمل ...ولكن وخا هكاك صبارة وكتسمع ....شي مرات الى كانت قنطات حاولو تخرجوها من القنط خلقو ليها جو زوين ...غير هو حاولو
ما امكن باش تبعد على اي توتر ضحك بزاف لا والبكا لا والقلق بزاف لا ...
يوسف : كيفاش ؟
يسرى : يعني تبقا مكالميا ماهي متوترة ماهي فرحانا بزاف عادية جدا ...غير حتى توصل بعدا لسبع شهور وديك ياعة يكون خير ...
صهيب "نطق بصوت شبه مسموع داير ايديه على حناكو " : تهههه زفوط عشرة لضص ...
الياس "قرب لصهيب عند ودنيه " : تا ياك قاليك بغا يمشي لشركة باش تفضيو غراضكم باش تمشيو مع فؤاد لمراكش لمحكمة ؟
صهيب : تا راه واحد ليهودي هذاك ...
ايلاف"جاه ضحك " : يحرق حريشو لها ليوسف ههههه
يوسف : لا لا طريقي اصلا غادي نقضي شي غراض وخا هكاك منخليكش نوصلك ماشي مشكيل ...
يسرى : وخا ولكن تقدر تصبر عليا واحد نص ساعة تنعطي شي ضواصا لواحد البروفيسور ونجي ...
يوسف : خودي راحة راحتك انا هنا معنديش مشكيل ...نصبر اصلا انا صبر معلمو لخوتي كلهم ..."صهيب والياس تگعدو على هاد الكلمة الي قال اما هي ...ابتاسمت ليه ومشات كضحك " ...ههههه ايييه
الياس : قاليك الصبر معلمو لخوتو كاملين 😐...
صهيب"بقا حال فمو فيه تا هو تا را شواهم بصدمة ...تاهو نزق دايرها ليهم بلعاني مطيور كتااار منهم خخخ ...بقا يحنزز يحنزز فيه تاجلس على طولتو كيعبر بايديه ونطق " : يااااختي كنا جالسين تا طلقت سلوگية وقالت هاو هاو ...
يوسف "غمض عينيه بابتسامة تيحك فلحيتو " : اههههه اهخخخ ختختخت اخويتي واش نقولي وهو لا زدتي غاا شوي غاتولي وحش يعض لموك لمصاصط ( هما لور هههه ) ....
يامنة الجزء 74
محتوى القصة
التنقل بين الأجزاء