صورة مصغرة لـيامنة الجزء 77

يامنة الجزء 77

رواية يامنة

قطع معاها المكالمة وهو مرتاااااح فخاطرو انه حيد عليه هاد العبء الي كان هاز على كتافو جبل ديال الهم انزاح من عليه ...والى متبرأش فين غايخليها وكيفاش غاتربي ولدهم وحدها وهي مزال صغيرة تربى هي وولدها ...وكيفاش غاتصرف فبعدو عليها وهي ولفاتو الى مكان معاها حاميها متحرك لبلاصة ...
واش اصلا غاتقبل ولا لا وموحاال تقبل دغيا كتهز فخاطرها من جيهتو وتقلق عليه وتقليقتها صعيبة بزاف وموحال تحمل وتخسر ولدها وكلشي وتمرض فصحتها ...
مقدرش يخبي عليها انه خرج حيث غاتبقى تفكر وتازم وتخلع ومقدرش يقولها ليها حيث الفرحة وتوتر غادي تازم يعني مسكين ديما كيجي بين البينات ...لكن ضرور مايخبرها وباذن من يسرى الي سمحات ليه ولكن بالتي هي احسن ...
قطع معاها وعطا الفون لهصيب مع ضورة الي غايضور حتى كيقشع الي مكانش يطيح ليه فبالو غايتلاقاه جاي ..
صهيب "ضار شاف فين كيشوف حتى غمض عينيه " : عميييي مصطفى شيييييت ...
فؤاذ : ماعليش ماعليش تاحاجة مكتخبى ...
مصطفى ٠جا لعندهم كيشالي بايديه " : تا اش هادشي اولدي واش بصح ولا لا ...
فؤاد "هز راسو داير ايديه على نصو كيزفر باش يصبر ويحاول يفهمو...سلم عليه من راسو باسو ليه " : شنو عرفتي بعدا ...
مصطفى : كلشي اولدي ...منين جاك هادشي وفين تعرفها مكانت لا عالبال ولا طيح فالبال ...
فؤاد : هانتا كتشوف مكتاب وصافي ...خرجات سالمة ...
مصطفى : وعلاش خبيتي اولدي وعارفني غانكون ونعرف ...خفتي منتيقش فيك ...
فؤاد "هز ايدو " : حاااشا لله… الله اودي ...
مصطفى : وهي هادي ...تنكون معارفكش اولدي ...
فؤاد : عارف الي كاين ...يامنة ومكانت غاتعرف غير عيطو ليها تشهد ...وهانتا عرفتي كلشي ...
مصطفى : والحمد لله على سلامتك كون مكنتي مرضي واليديك كون مانتا ولد ناس متخرجش منها ...ربي معاك اولدي راني نعاود نقولها ونعاود يرجع بيا زمان لول راه نعاود نتناسب معاك ونامن بنتي عندك ...
عارفها تحت جناح من غاتكون ...وبالفرحات عليا ...الحمد لله على سلامتك اولدي ...
فؤاد : الله يسلمك ...بنتك بنت ناس وانا الي مرضي لقاني الله بيها ...
مصطفى : الله يرضي عليكم بجوج ...
صهيب : منين عرفتي اعمي ؟ 
مصطفى "ضار شاف فيه " : واش نقوليك غير ولد جارنا بوليسي هو الي قالها ليا قبيلة فصباح وجيت نجري يلاه كي ساليت وصلت عليكم جيت مع الخبار زينة نيشان ...
فؤاد "رفع حاجبو " : شكون هو ؟ 
مصطفى : وماتعرفو شاااي هههه كان خطب بنتي يامنة ديك ساعات فاش جا الوليد خطبها ليك وعاطي لكلمة ومكانتش فنصيبو ورضى بالنصيب ...
صهيب "قرصو ضو وتيقول ياربي سلامة ههه " : اش سميتو يااا ...
مصطفى : صلاح الورديغي البوليسي الي عاد تخرج تبارك الله عليه ....
بلا منقوليكم وجه فؤاد فهاد اللحضة جيبي غير بريكة محتال تشعليها غاتشعل فالحزاق كامل ...نضرة ديالو تجمدت عينيه ولاو حمرين عروق نواضرو تنفخو ...ايديه تزيرو تا خرجو عروقهم ...الفك ديالو كيمشي ويجي ...حتى خلا صهيب يعض شفايفو بمعنى قواااادت ....

كان يوسف وايلاف خارجين يجيبو سياراتهم ...بطلب من صهيب خلاو فؤاد يرجع معاهم لكن ضروري يرجع لغذ ليه لاتمام اجراءات الخروج ....
مصطفى : فين غاتمشيو دابا ياك دار عندي ؟ 
فؤاد"الصمت باقي مزير " ...
صهيب : يقدر اعمي غير نسالي شي اجراءات ...هانتا ها يوسف جا واقف برا سير عندو باش متعياش هنا باقي شي ورقات يسنيهم فؤاد ونخرجو عندكم ...
مصطفى : ايييه وعليه ..."استاذن مصطفى خرج عند يوسف برا وايلاف " 
فؤاذ "بدا يحك فجبهتو يحك يحك يحك تا بغا يطيرها من بلاصتها ...حتى نطق بصوت مجهد خلا عباد الله تما كلها ضور تشوف اش كاين تا قفز صهيب " : طيييييير سربي شوف اش خاصهم نقضيه ....وشوف ليا هذاااك "زير ايديه وهزها على شكل بونية حتى شك صهيب بالي غايعطيها ليه لعين " فييييين ساكن 😡😡😡😡
صهيب : احم وخا خويا غير تهدن انا دابا نجيب ليك الوراق لعندك بلا مدخل غير رتاح هنا نهضر مع واحد سيد صاحبي يعطيهم ليا وخرج عند ايلاف ...غير تهدن 
فؤاد "هز ايديه وعينيه خارجين تا بغاو يطيرو من بلاصتهم " : داااابا ..."شاف فيه عض في فمو " ...
صهيب : دابا "طار من حداه قبل ميخلطو فطريق ههههه ...بقا فؤاد يمشي ويجي يمشي ويجي تما ويحك فايديه تقربي ليه تخلطي رتجخلطي تما باغي غير فيمن يدخل براااس ونتاااااري لو كان قدامو داك صلاح بربي تيطرطق ليه رااااس ويخربق ليه الكارط مير عضامو ميتجمعو ...وسنانو ميلقاوهم ....
حتى جا صهيب بزز باش عطاوه داكشي سناهم بعصبية وعنف تا بغا يتقب الورقة ...سالا داكشي وخرج كيزفر ودفالو باغي يخرج وجهو حمررر تا خرج عندهم وهما يرجعو بلوووور كيشوفو فيه ...
يوسف : ياربي سلامة شوف وجهو كيداير اش وقع ؟ 
الياس : معرفتش روي ستون متهضرش لا يجمعك يخلطك خليه باينة تعصب من شي لعبة ...
يوسف : ناري تقيسو تشوط ...زيد زيد ركب ها صهيب جاي ..."عيط " العميييييييم يلاه نمشيو ...
مصطفى "كان تيهضر فتيليفون ويكشكش مع الفلاحة تاهو تيجعروه وجيب وخاص واش مخاصش هلكوه فصحتو ...قطع معاهم وخشا تيليفون فالقب ديال جلابتو وتم جاي لعندهم " : يلاه تيسرو ...
الياس : ركب حدا يوسف العميم انا غانركب لور ...
مصطفى : فين فؤاد ...
يوسف : غايركب مع راجل ختي وصهيب غايتبعونا ....
ركب معاهم وانطالقو وركب فؤاد مشربن مهضر متكلم كيصوط حتى ركبو وانطالق بيهم ايلاف ....
غادين فطريق ساكتين صمط لمط تاحد مهضر مسولو وميقدروووش يسولوه ...اما هو غير كيحك فقرفادتو ولحيتو بعصبية ويحل فصدافي القميجة ...ويعض فشفايفو ....
حتى نطق بصوت مرتافع قفزهم بالخلعة ولاو غير يضورو ههههه 
فؤاد : فيييييييييييييين غادييييين 😡
ايلاف : اهدا لعند عمك يا اخي ايش فيك ...
فؤاد : يعني لدوار اااا ؟ 
صهيب : احم قم اه اخويا ...غير صباح خاصك تحضر تاني باش نكملو وصافي باش تاخذ وراقك كنزرب باش مكاين باش تاخذهم ...
فؤاد : مزياااااان مزياااان داكشي الي بغيت دوااااار نيييييييييت "خبط قدامو بجهد تا شوي تشق وتهرس " ....مزياااااااان 😡😡....
صهيب "بالحس كينذب خايف يتوكل تاني فقضية جديدة ههه ...نطق بالحس " : هااا تاجين افاااتي ....اش داني نكون محاااامي 🙆🏻

مسافة طريقة حتى خرجو على مراكش وخذاو الوجهة لدوار ...مبغاش يحشم عمو وفنفس الوقت مكاينش كيفاش يبقى فمراكش وعمو ودار عمو كاينة ...ومبغاش يعذبو واصلا مسبب نييييت باغي يتلاقا بصلاح الي الى بان ليه وحهو راه ميضمنش شنو غايدير فيه ....
خذا الفون ودوز الخط ل ...
فؤاد : سيمانة جايا تكون فموسكو بغيت نشوفك ...
ايشان : على سلامتك تطلق سراحك ...
فؤاد : الي عندي قلتو ليك فاش نجي نلقااك تما .."متسناش تيهضر قطع عليه فالبلاصة خلاه فبلاكة " ....
ضار عند ايلاف وهضر معاه بروسية باش صهيب ميفهم والو تيبان كي الحمار وسطهم هههه 
فؤاد "كيهضر ويشوف قدامو ويشير بصبعو " : غاتمشي معايا وحدك نصفيو حساب هاديك وعاد تهدا الامور تولد المراة عندي ونرجعو كاملين تما ...
ايلاف : يمكن نسبقك خاصني ناخذها معايا باش تعرف على دار والجو تما عاد نرجعو وعاد عندها دراستها فباريس من هنا لتولد يامنة كيخصها تكون تما ...
فؤاد : ماعليش ...المهم الحساب يتصفى يتصفى ...وخا غادي نساحبو غادي نبقاو عايشين تما ...
ايلاف : عرفت ...تمام من هنا لديك الوقت نشوفو ...
فؤاد "شاف فصهيب فالمراية " : لقا ليا هذااااك باش مكان لقا كمارتو قدامي ...
صهيب : هااا ومكا"خنزر فيه " واخا كون هاني 
فؤاد : ميعرفش عمي بيه ..."ضار شاف فيه " قدام وجهي انااااا ...
ايلاف : تمام ارتاح وبجيبو انا وصهيب لعندك والله ...
فؤاد "حدر راسو وعينيه فلارض وهز ايدو لسما " : مانرتاح تنصفي حساب هنا ..."زير على سنانو " منعاااودش هضرتي ..."ضور وجهو لشرجم كيصوط كي ثور الهايج الى شاف دم ولا اللون حمر وباغي امتا ينقض يفرس ....
ايلاف شاف فصهيب وغمزو باش يصمط ويخليوه لان لاااا مفر لا مفر ....
وصلو لدوار وخذاو طريق البيست حتى وصلو لقاو يوسف وصهيب بلاصاو سيارة ودخلو لدار ...
وقفو حتى هما ودخلو لداخل كان ليل ليل ...
كي دخل طلع الفوق مشربن مهضرو معاه متكلمو ولاو غايبرقو فعينيهم ....
مصطفى : خليون يرتاح الله يحسن العوان ...المهم انا دابا غادي نمشي لشي خدمة وخا الليل دار هاهي عارفينها كلشي ديالكم اوليداتي ....شوي وغاتجي نسيبتك اصهيب غاتجيب ليكم العشا ...
صهيب : ايييه الله يكثر الخير ...
خرج مصطفى وخلاهم حيدو حوايجهم ولبسو الي جابو معاهم ديال دار خفاف ...كلهم لبسو شورطات ...ايلاف خلا فؤاد وحدو ميقدرش يطلع عندو عارفو مشربن باغي فيمن يفرغ ....حتى مشا لبيت ودار اتصال براوية ...وصهيب عيط لمو وسارة ويوسف طبعا يسرى حاضرة الى مكانتش فمناوبة ...بقا غير الياس ههههه ...
صهيب "خرج هو برااا كاااع باش ميسمعوش يوسف ههه " : زين ديالي ...اش كيدير ...
سارة : كنتسناو عشا يطيب ونطلعو ليمانة غانتعشاو معاها كلنا ...
صهيب : يخليلي الحنين انا ... 
سارة / هههه ايوى شنو مبغيناهاش تبقى ديما تاكل وحدها ...
صهيب : مزيان متخليوهاش وحدها الله يحسن العوان ...
سارة : واييه ...
صهيب : وعواني تا انا ...
سارة : علاااش ؟ 
صهيب : من نهار ذقناك ولينا غانسمعو صوتك تينوض لينا اش نديرو داباا ؟؟
سارة : وااااتقول واش دوز ليك الحشمة طريق "تزنكت " اويلي حي ...
صهيب : واااش حرام حرااام ؟ اشووووفي ملي نجي بليميييييييين لا طلقتك تيطيب تحتك ونصوط ليك فكلشي ...
سارة : غانقطع ....
صهيب : تقطعي نقطع لملتك لمراود ..عرفتي اشنو سيري سير راه شوي مك نبدا نكف*** ولا نحكو مع الحايط ...غبريييييي ...
طووووط ههههه كانت على سبة دغيا قطعات هههههه 
صهيب : ايوى لااااش "قشع واحد الكلب كيشوف فيه معري على نيابو " سلامة سلامة سلااامة ...عطا رجليه ريح ودخل خبط الباب تا تسمع عند فؤاد وغوت ...
فؤاد"بعصبية وبصوت مجهد " : اش كاين تمااا ؟؟؟؟؟ 
صهيب"خلعو هههه " : مكاين والو غا العجاج سمح لينا ...😐

اصبح يوم جديد اشرقت شمسه في مكان اخر ...كان فايق ومدوش ومبدل ...كيشوف فتيليفونو من بعد ما هضر معاها ...كمل وخشاه فجيب وهبط لعندهم لقاهم كيتسناو فيه فالفطور الي كان كلشي طري طبعا ...دخلاتو ليهم نسيبة صهيب ( اييييه نساااااب وميديرو ...هههه ) ...كلشي باقي سخون يترتر ...
ايلاف : لك احلى افطااار ههه مامزوج غا انت يا صهيبو ...
صهيب "طاوي رجل ورجل مسرحها ...شاف فيه معسل عينيه " : وتلعبو هنااااو ...
يوسف : شوف ليك كيف تشتح نعماس وتيقول انا الي كاين فالبلاد امولاي تهامي خخخ 
صهيب "جمع رجلو تا جمعها وزدحو تا جا متكي على الياس الي هاز الكاس ديال اتاي فاييديه " : موك انا 
الياس : ااااحاااح ايمااا تشويت وتكويت ومكاين فين نبرد ....
صهيب : برد فبنت المصفرط خههع ...
ايلاف : والله عندي فضول اعرف مين بنت الموصفريط خخهه 
يوسف : نههههه موصفريط هههههههه ...
صهيب : باها زعر تيقولو ليها بنت المصفرط هههه فحالك ا ايلاف نتا مصفرط ...
يوسف : لا نتا معندك لون الشهيب لهيب ....
صهيب "بغا يزدحو قاني وهو ينوض " ...
يوسف : تحرك نحرك فمي ونفشي الاسرار ونحط ليماك ضوصيك اش قلتي ؟؟ 
صهيب "خرج عينيه " : شا شااو شاش ششش اشاوا اتنمزحو معاك ....
بغا يهضر حتى دخل فؤاد حنحن وهما يتقادو فالجلسة ...
فؤاد : الى ساليتو يلاه نمشيو ..
يوسف : فطر بعدا خويا ...
فؤاد : انا برا "شاف فصهيب " لقيتي داكشي نتا ؟ 
صهيب : تكمل اشنو عندك ليوم تلقاه فالبلاصة كون هاني ...
مجاوبوش خرج برا يكمي وهما بقاو تا جمعو داكشي وعيط صهيب لنسيبتو واستاذنو باش يلبسو عليهم ....
فؤاد "واقف بعيد على دار كيكمي ...ويشوف فالمنطقة حجبانو راسمين حداش معصب لاقصى درجة ...ملحقش يتهنى ببرائتو حتى خرج ليه من جنب ولابد ميفضي معاه يفضي معاه ...كمل الكارو ولاحو عسف عليه ....
صلاح : كتقلب عليا ولا اشريف ؟ 
فؤاد "غمض عينيه وعض تا عض واحد مولاتي العضة فشفايفو عصررررر عينيه مزياااان قبل مصور غير نصو مشافش فيه ومهضرش معاه " ....
صلاح "كان متكي على سيارة شرطة الي سايق جاي فيها غير وحدو ...ومتحامي بيها زعما راه بوليسي مغايدير ليه والو ...سد الباب وتكا عليه مربع ايديه " : هاني اشريف شنو بغيتي ؟ 
كان جاي ايلاف والياس سابقين صهيب ويوسف الي بقاو لداخل ملبسوش حوايجهم ...حتى فرناو ...
الياس : واااااربي سلااامة ...لهلا يطيحك فايد فؤاد اولدي قفارت اودا اراجل ختي ....
ايلاف "حط ايديه على راسو " : يااا لاطيففف اش جابو هنا هذا ؟؟؟ 
مع كان مبعد من دار فواحد الخلا مقابل معاهم ...
فؤاد "حل صدافي الكمام حتى طواهم وحل صدافي فوقانييين طوا هنا وهنا ....طرطق عنقو مزيان ...حك منخرو وضار قرب ليه ...شاف هنا وهنا قبل ميهز فيه عينيه الي حمرييييين ونطق " : الدراري الصغار بلاصتهم الدروبة فين يلعبو معندهم بشغل الكبار ...
صلاح : ههههه نتا الي كتسول عليا اشريف ...فين كتعرفني اسي اش بيني وبينك ااا ياك ديتي ديك بنت ناس كانت غاتكون معززة مكرمة ولكن "سرح ايديه عينيه فيه صغار " مكتابتش ...ونتا بقيتي تبحث عليا ..."دار ايدو وراه حطها على الفردي ديالو ..." 
الياس فهاد اللحضة خشا ايدو فجيبو ....
صلاح : لا عندك مدير ديرو دابا ...غاتمد ايدك على بوليسي ااا ؟ 
ضورة الي غايضور فؤاد عندو جبد صلاح الفردي بسرعة ووجهو ليه ....
صلاح : تحرك نفرشخ لملت مك رااااس اولد رمسيس "عض على شفايفو " ...
فؤاد "لداخل ديالو راه جهنم الكحلة خاص غير لحضة امتا ينقض عليه فحال نسر ...شاف فيه بواحد نضرة هاز حاجبو ...بمعنى من نيتك اشريف ؟ ...

صلاح"موجه سلاحو كيفرغ مااا فقلبو الي جامع من عام وزيادة من نهار شاف عينين يامنة " : كون كانت من نصيبي كانت غاتكون ملكة فدارها ما محنة ما معذبة مع قتال فحالك مفيوزي خبارك واصلة اسي فؤاد ...."ورك الوتر الحساس شعل فتيلة تصفية الحساب هنا برك عالبوطونة الي كان خاص يتكليكا عليها ...
فؤاد مبقاش شعر اشنو داير صلاح وواش موجه ليه الفردي ولا لا ....عرووووق راسو تنفخو حتى بانو نواضرو خارج منهم عرق خضرررر كيضرب وجهو رجع لملامح ديال قبل ميتزوج رجع داك الوحش …كان يوسف وصهيب خارجين كيسوسو حوايجهم كانو يترامكو مساكن هههه شي محلف على شي وخا غي بضحك هههه حتى تصعقو بالمنضر الي قدامهم مغايجيو نيشان فغفلة من صلاح استغل فؤاد هاد نقطة فاش صلاح ضار شاف يوسف وصهيب الي خارجين تلاح عليه كي الزواق تا طاح الفردي من ايد صلاح الي معرفش كيدار فؤاد تتلاح عليه ....تلاح عليه بشنقة نيشان ....
منقولوش نسر حيث لحضة فاش تلاح عليه كان كيسمع بسرعة طار عليه معرفو كيدار كانت هادي هي ردة فعل نسر ...
شادو من ايدو كيقلب عالنفس ملقاهاش وجهو ولى زرررررق ..: قخ قخ ق ط "بصوت مخنوووووق بزز باش كيتسمع " ط طلقققققق
ايلاف "دار ايدي فراسو خاف لا يطرطق ليه عنقو بغفلة حيث عارف هاد النضرة الي كيدير فؤاد" : ف فؤاااااد .."بروسية " حناا ماشي فموسكو راك فالمغريب ا فؤاد ...
فؤاد " نطق بحروف متقطعة عينيه حمريييييين " : لا ا رض لا بلاد "زعما ماسوقيش فينما كنت منرحمش ...حتى تسمعت طرررراق حاااااااااارة خلات ايلاف والياس يغمضو عينيهم " ......
اما صهيب ويوسف دارو ايديهم فراسهم وضارو لجيهة لاخرا ...وصهيب كيخمم كيفاش يدخل لجلسة ثاني حس بسخفة والخلعة ههههه 

يتبع...