يامنة الجزء 82

من تأليف Sana mina
2019

محتوى القصة

رواية يامنة

نسااا يوسف واش معاه فالخط كان بغا يقوليه هضرة اخرا باش ميتخلعش ويطمن يامنة متبقاش مشوشة تايشوف اش كاين تا سها حتى بانو ليه جبدو شي حد من الواد ونطق بلا شعور " : يمكن راااح الغالي ...
هاد الجملة الى سمعتيها قلبك كيتقسم على زوج كتحس بمووووس ماضي فحال البرق حسكو لييييييك ...ومن خيبها هاد الكلمة لاااااا جاتك فوذنيييييييك ....تسمع الي تسمع ولا انك تسمع كلمة راح اعز ناس ....وشكون الي يسخا بحبابو وشكون الي يسخا من الي لحمو ودمو ....والبراني فلان الى سمعتيه مات كيضرك خاطرك فما بالك بواحد من دمك ...باك مك خوك ....
تعرفو معنى ان واحد فخوتك يموت راه فحال مات ليك نصك لاخور ...خاصة الى كان هو الي حليتي عليه عينيك هازك من راسك لساسك ...داير عليك الويل ...هيبتو كتدخل ليك مع العضام ...
هو الكل فالكل هو درع الحامي ليك وعليك وفيك ...كلشي فيه ...فؤاد الشبل الكبير الي ولا سبع وقريب يجيه الشبل الكبير فولادو والحفيد الاكبر ....تسمع عليه "يمكن راااح الغالي " ...هاد الجملة بقات تردد فوذن يوسف الي تحولت ليه ل طنين ...كيسمع غير طنننننننننننننننن وصفاارة تطلقات فوذنو ...باش يقوليه اشنو ؟ اش كتعاود ...فمو تشل بمعنى الكلمة ....
ايلاف خلا الفون مطلوق الخط وخلا يوسف عينيه مشرعين ممستوعبش اش تيقول ...
يوسف : نن ف فف فتت دا دددد ا ايلاااف خويا ش شنو هادشي كتقول ؟ هاا ؟ عفاك ايلاف جاوبني ...غير كضحك واش سهيتي ...ايلاف جاوب ...ا ايلاف ...
مقدرش يقطع كاع كيسمع صوت الهضرة بالروسية وصوت لومبيلونص كتطلق واحد صوت قصير وصوت انذار البوليس والهضرة دنيا مطوقة ....
مشا ايلاف لعندهم تبع البوليس غادي داخل معاهم حتى حطو داك الي هزوه داروه فالكيس وسدو عليه بالسنسلة ....مشا كيدفع ويدّافع ...حتى هبط ومشا وصل عندهم ووقف ...
يوسف "خدام يسمع " ....
وقف حدا واحد شرطي ونطق بسؤالو ...
ايلاف : يا خاشو افيدينتيسيروڤات اياطو ...بغيت نتعرف عليه ..."دموعو على طرف ...صحيح هو مولف الاموات مولف دم القتيلة لكن اعز شخص ليه صاحبو خوه توام روح ديالو الايد ليمنى فكلشي كابر معاه عايش معاه كلشي معاه اقرب اقرب ناس ليه شاف فيه عائلتو كلشي في فؤاد ...ف راه شعوره كشعور الابن ملي كيشوف امو ميتة ...باه خوه ...نفس الاحساس ...وياااا الله ما اصعبه احساس ...
الشرطي اوما ليه براسو وضرب ليه على كتفو بمعنى اجي معايا ....
مشا معاه حتى لفين واقف طبيب والي مزال كيقلبو ...تحنى الطبيب ومد ايدو لسنسلة حتى حلها ...
يوسف : ايلااااف عفاك شنو كاين ...
ايلاف "سمع صوت يوسف فتيليفون ..طفاه عليه خلاه كيهضر " ....
يوسف : لا لا ايلاف ايلاااااف لا ...ايلاااااااااااااااااااف ....واااااااااااااااااااا لاااااااااا علاااااااااااااش وخليييييييييييني خلييييييييني نسمع وخا مكنفهاااااااااااااامش خليني نسمع ....وااااايلااااااف ....ايديه كيترعدددووووو ...قلبك عند فمو تلفت بيه دنيا ولارض ....واربي واااااااااااااااربي واااااعلاش تقطع يحرق اصل مووووووك ....واااااااااااااااااا قووووووول .....
بغا يغوت ربي الي خلقو الخوف ورعدة ...حتى سمعو صهيب وسارة وراوية ....جاو يجيريو ...صهيب لبس عليه شورط وتيشرت بالخف ومشا كيجري ينقز ويتلاح مع الحايط ويضربو لاخور ....حتى فرانا كان غايجي على وجهو غا حفضو الله ....
صهيب "جات وراه راوية وسارة ..." : ش شنو يوسف شنوووووووو ....
يوسف كيشوفو فيه كينقز وجهو باكي ومخسر ...معارف ميدير حالتو حالة ....
صهيب : يوسف شنو الله يخليك تهدن "كيصرط فريق مباغيش يسمع الي متوقع " ... ش ش ا اش كاين ....
يوسف "مع قطع عليه ايلاف قال راه شافو ميت ولا شوف اشنو طريقة باش تصرف ايلاف خلاتو يهبل ويضن السوء ....هز راسو لفوق دمعة هبطت تتجريييييييييي ....شافها صهيب " ....
صهيب : الا هو الا هو ....

بقا يتركل وينقز ...خلاهم كلهم حالين فمهم سارة وراوية الي قربات لصهيب الي مشا ليه كيرد فيه ويهدن فيه وهو كيترطى ليه عقلو بغا يخرج من بلاصتو ....كيجر فيه وهو كيتنتر ليه ...
صهيب : تهدن ايوسف تهدن ايوووووسف ...
يوسف : واربي واربي وااااالخراااا قطع عليا ....ينعل بووووو حياة مووووو ...
راوية : اش واقع مال ايلاف "تاهي قلبها كيضرب اصلا حاسة غير من صوت ايلاف ..." واش واقعة شي حاجة ....
يوسف : ع ع "دفع ايد صهيب " عاود عيط لخرا ديال راجلها الي قطع عليا ...عاود عيط "شاف فراوية وسارة " غير سيرو مكاين والو غير مقاشح مع راجلك وصافي ...
راوية : ولكن كتقول الا هو واش واقعة شي حاجك لفوؤاااد اهى ...
يوسف "خرج فيها عينيه تا تفافات سارة الي غمزها صهيب واشار ليها براسو باس تخرج وتخليهم ...دغيا انساحبت وخرجات ..." : شدي خرااااك "على تيليفون " وتحااااااركي خرجييييييييي تقودي قلت ليك 😡😡
راوية : ول ...
صهيب "شير بايدو باش تخرج " : رااااوية بدلي ساعة دابا "خرج فيها عينيه وكيومي ليها باش تخرج ..." 
راوية "شداتو وحدرات راسها ومشات خرجات " ....
صهيب : ارا تيليفون نهضر معاه 
يوسف "لاح ليه تيليفونو الي شعل فاش حطو يتشارجا ..." : شد راه كيتشارجا باش ميطفاش ليك ...."حط ايديه على المكتب كيلتاقط انفاسو ...جناوح منخرو كيترعدو ...صدرو كيطلع ويهبط وفمو كيترعددد ...عينيه حمرين ...بقا يتنفس ويشوف قدامو حتى خسر ملامح وجهو فحال بغا يبكي وهز ايديه شد راسو " ....ياربي ياربي ياربي "بصوت منخفض " ياربي متسمعنيش خبارو ياربي يهضر ياربي ياااربي ...
صهيب "شاد الفون كيصوني لايلاف الي مزال مجاوبهمش ..." : شنو قاليك بعدا بغيت غير نفهم ...
يوسف : ماعرفتش بغيت غير نفهم تا انا فحالك ...كنهضر معاه باش يطمني على فؤاد ...حتى كنسمع كلمة هزات ديلمي من جدر ....راه عدو ربو كون كان قدامي نقتلو ....واش تسمع يمكن راح الغالي اااااااش غيايجي فباللك ....ااااا ..."تحجرو دموع فعينيه الي حبسهم بحكم هو راجل احساسو كيكون قاصح مكتهرسو الحاجة الا لكانت قاصحة حتى هي وميقدرش القلب يصبر ليها ...." ....هاااا قول غا قول ...
صهيب "خرج عينيه " : لا لا منتوقعوش سوء لا اخويا اش اودي بغينا بهاد الفال ...تا ملقيتي شكون يمشي غا فؤاد هههه "قلبو ربي الي عالم بيه مكيبغيش صهيب يتوقع الاسوء ديما متفائل كيكره شي حاجة اسمها تشاؤم والحكم السيء المسبق ..." تا را والله ميديرها بينا ....الى مرسلنا كلنا وتبعنا لا مشا هو ....
يوسف "كهز فراسو مغمض عينيه " : وخا وخا انا غادي نحاول نتهدن تانا مبغيتش نتوقع الخايب غير شوف واش غايجاوبك تاني راه ايديا مبقيتش حاس بيهم ...
صهيب "مزال تيصوني " : مزال ...فففف ...ها هاهو ....
يوسف مشا كيجري بغا يشد ليه تيليفون ساعاك لقا راسو فاشل القوى ...ولا وقف ورجع بلور ...هضر جاوب ...
صهيب : الو اييلاف ...اش واقع اودي اش طاري علاش قطعتي على يوسف خليتي عقلو خارج ....
ايلاف "مسح دمعة نزلات ليه بطرف كمو ...شاف لفوق باش يدخل ليه البرد لعينيه ويتنفسو ليه ...بقا شحااال عاد قدر يجمع شتات الكلمات الي تبعترو ليه " : صهيييب ...
بحكي معك بصراحة ...هالشي يبقى بيناتنا ..."قلبها دارجة باش يقدر يفهمهم " فؤاد وقع ليه حادث يمكن كلشي ملخبط ببعضو ( مخربق ) ما فهمت ايش صار الحين ...الرجال الي كانو معاه ماتو بالنهر ...وهو سيارتو كلها راحت ...ايش صار ماعرفنا حادث مدبر ولا حادث من عند الله مانعرف ...
لما كنت بحكي مع يوسف كانو كيجبدو الي ماتو من النهر وجبدو ثالث عند بالي فؤاد لكن ماشي هو اعصابي تلفت ...لكن ااا "صوتو فلت حابس البكية " لكن لقينا فيست ديالو ساحبها النهر ...
صهيب "كتبان تفاحة ادم مشات وجات " : ايه كمل "كان طلق سبيكر " ...
يوسف "دار ايديه على راسو مزيييير عليه صدرو كيطلع ويهبط " ....
ايلاف"عض شفايفو " : اااااه ياااا الله ...."كيخرج نفس من صدرو الي تخنق "راحت فرقة الانقاذ تبحث عندو على طول النهر ...الجاكيط مليااانة دم ...بدي منكم تحاولو مع الي بالبيت ميعرفو لا حتى نتاكد ...
يوسف : ههههههه والله فؤاد مايموت بالله ...والله ميموت ...والله ماااااااااااااااااااااااااااااايموووووت ...."بلححوحتو خرجات جاب الله لفوق وجاب الله يامنة فبيتهم هي وفؤاد الي اصلا بيتو عازل لصوت "...

فاش قطع معاه ديك ساعة ومشا لعند فين هزو داك الي لقاوه فالواد ...حل ليه طبيب سنسلة ووسع حتى شافو لقاه ماشي هو كان شخص ثالث وهو الي كان سايق سيارة لكارد بجوج الي تبعو فؤاد ...
الشرطي : تي ييڤو زناييش ؟ واش كتعرفو ؟ 
ايلاف "كينفي براسو " : نيييت ...هو حارس شخصي لفؤاد رمسيس ..."هز عينيه بانو ليه شي جوج جايين كيزربو تا وصلو عند الضابط ...ووراوه جاكيط فؤاد كانت كلها مطلية بدم ...خطفها ليه ايلاف من ايدو متسوقش لضابط الي حداه ....
ايلاف "عينيه خرجو حتى هزهم فالي لقاها ." : ڤي ناشلي ييڤو...هااا ؟؟ ؟ واش لقيتووووه ؟؟؟؟ هاااا ...
هو / لا لم نجده ...لكن يوجح ان التيار المائي اخذه بعيدا ...ارسلنا باقي الفرق المختصة والمحترفة في مجال الغطس فالتيارات المائية ...نامل ان لا يكون ....
مخلاهش يكمل حتاها عليه بشنقة ايلاف ونطحو براسو تا جا مسكين الولد الي غطاس مشبح معرف منين نزل عليه تا جاو البوليس جرو ايلاف بربعة تحاماو عليه ....
ايلاف : وينحرق زا**** على هاد الامل الي عندك ...واااااااتلقاااااااوه تلقاااااوه حي حيييييي ...طاااااالقو مني نتوما ....
جعر عليه واحد جعرة وايلاف محاسش بالي دمعاتو دايزين ...خصوصا ملي شاف جاكيط عامرة دم وهو مكاينش اذا راه تقلب بطوموبيل وطاح فالواد الي داه بعيد ويعلم الله واش غرق ولا اشنو وقع ليه ؟؟؟ هاد الافكار كتخلي قلبو يتعصر مباغيش ديك كلمة فؤاد مااات ولا راااح الغالي ....كتخليه يبكي دم ويتحسر قلبو كيتحرق وفكرة ان صاحبو يمشي شاب وعاد مزوج ومرتو بغات تولد ....
هاديك المراة فين تعطي راسها وفين تمشي وهي مزال صغيرة غادي ترمل وتلبس البيض على سبعطاش العام ....
ايلاف : صافي صافي غير طلقو ...طلقو صافي 
الشرطي : انا متفهم وضعك ولكن الولد ماعليه والو هو مجرد شخص كيقوم بالعمل ديالو ...الي فجهدنا كنديروه ...ولكن اي عرقلة للعمل ديالنا غادي تكلفك ...انا مدرت والو حيث درت بوجهك كنعرفك وكنعرف سي فؤاد رمسيس مزيان ...مرة ثانية غادي نتصرف حسب القانون ...
ايلاف "هز ايديه " : صافي صااافي هاني ...تقدرو تكملو ....
هز عينيه فالسما لقا الحال بغا يبدا يضللم والفرق جابو ديجانكتور باش يطلقو ضواو فين كيقلبو ...ناهيك على الهيليكوبتر الي مشات تابعة الغواصة الي كيقلبو فالواد سانية ليهم ضو باش يقلبو بالاضافة لضو الي كيدخلوه معاهم وسط الما لتحت ...نضرا ل عمق النهر ...
اكثر من ساعتين وهما كيبحثو ...ايلاف تيليفونو محبسش من الاتصال لا من يوسف لا من صهيب لا من راوية تاهي ....
حتى تمو جايين واحد زوج من تبع الفرقة ...لابسين لباس الغوص مگدرين ومدربين على الغوص ضد تيارات الخطيرة ...كل واحد قداش ....
قرب ايلاف حدا الضابط ...
ايلاف : امضرا ؟؟؟
الضابط : كيرستوف اخر الاخبار ؟؟
كريستوف "واحد من الغواصة ...شاف فيه بخيبة امل " : ملقيناهش ...مع الاسف ...غادي نضطرو نكمل على طول النهر لان تيار قوي يقدر يكون سحبو لابعد حد ...مهم حنا عيينا ولحقو علينا غواصة جداد تاهما تيبحثو ثاني ونرجعو تاحنا غادي نديرو تناوب باش منعياوش ويكون البحث دقيق ....
ايلاف : واش متاكدين بالي سحبو تيار ...يعني "باغي مسكين غير امل عليه " ...يعني مكاينش امل يكون ماوقع ليه والو ؟ 
الغواص : الى ملقيناهش حتى لاخر نهر غايكون امل انه عايش ...ماشي غير حنا الي خدامين ...حتى سكانير الي كدير الهيليكوبتر من لفوق خدام ...فكلتا الاحوالى الى داه النهر غادي يتلقا ...ميمكنش يكون وحدو الي متلقاش ...وهاد النهر ياما وقعو فيه حوادث ولقيناهم ...
ايلاف "دار ايديه على فمو ونطق بهمس " : ياربي يااااربي ...
كريستوف "شاف فالضابط باسف " ....
الضابط : ممكن يكون سحبو تيار ؟ 
كريستوف : جميع الادلة كتبت انه طاح فالنهر وسحبو تيار ...لانه كان قوي داكشي باش صعب علينا لقاوه ....
ايلاف "هز فيه راسو عينيه مرمشوش " : لا مغاديش تلقاوه مغاديش تلقاوه ...
الضابط حدر راسو باسف والغواص كذلك ...حتى هما متمنيين ميلقاوهش ...

في هاد اللحضة يامنة كانت متكية وشادة كريشتها كتطبطب عليها وتدي في ايدها وتجيبها عليها بحنية وتهضر مع الي فكرشها ...
يامنة : ولدييي ههههه ...بقا صابر معايا عافاك حتى نولدك ودير الي عجبك ...عنداك تخرج فيا العجب فاش تكبر ...كون حنين وبعقلك فحال باباك ...وسمع ليا كيف ما باباك كيسمع الهضرة من باه ويحتارمو حتى نتا دير فحالو ..."جمعت فمها كتبتاسم " ....امممم هههه ...عرفتي فاش كيقيص باباك كرشي كنحس بتبوريشة ....
فحال ملي كيعنقني كنحس بشي حاجة دااافية فيا وقلبي كيبقى يضرب ...وتاهو كيحس بيه فاش كيبقى يضرب ومكيقوليا والو حيث عارفني كنحشم ومنقدرش نقوليه هادشي ....وفاش كنمرض كيبقى واقف عند راسي حتى نبرا ونولي لباس ....كنفيق شي مرات فصباح قبل منو كنبقى نششوووووف ليه فوجهو ...قاصح ومغوبش ولكن فاش كنبقى نحقق فيه ...حنين بزااف ...كنحس بيه كيضحك ولكن كيبين وجهو المغوبش فحال هكا "جمعت فمها وغوبشات "وديما هو داير فحال هكاك ...مكيضحكش 
ولكن فاش كيضحك ههههه ضحكتو زوييييينة وخا دغيا كيجمعها ...خرج فحالو ميهمش مكضحكش المهم تكون فحال قلبو ....عنداك تخرج داير منو جوج غادي تخرجو ليا عقلي بجوج ههههه "ضحكات تتسدو عينيها " ...نتا هكا وهو هكا كيف غاندير ليكم ...مزال هو الى درت راسي كنبكي ولا خايفة ونبدا نحلف ليه ههههه كيجرني يعنقني ويقوليا ...صااافي اغزالي صاااافي اعمارة داري صاااافي اجنة ولادي ....ويتكا هنا ويجرني فوق صدرو ....وفاش كيبوسني شفايفو على فمي "تزنكات وجمعت فمها " ....كيعجبني الحال وخا كنحشم ....
"حطت ايدها وبقات مزگياااها شحال كتحسحس شي حاجة " ...اي اهههههه بشوية جاتك الغيرة اولدي ...هو راجلي وباك ونتا راك ولدي بجوج منقدرش نفرط فيكم منقدرش ....
عرفتي شنو كيقوليك باك ؟ ههههه كيقوليك شبل غرامنا "عضت شفايفها " ...عندو هضرة زويييينة كنحس بيها راها ليا لدرجة منقدرش نسمعو كيقولها لشي وحدة من غيري "هزات كتافها " انااا هي عمارة دارو وفراشو وغزالو والحبيبة ديالو ومراتو ...كنسا راني بنت عمو ...
منقدرش من غير فؤاد منقدرش نتخيل حياتي بلا بيه ....لقيت فيه كلشي راجلي وبا وخويا وختي ومي وكلشي فيه ...معمرو خسر ليا خاطري ...حدايا ومعايا وكيخاف عليا وكيبغيني كيف ما انا كنبغيه ....وخا هاد اليومين غادي نتوحشو بززاااااف ...معرفتش حاسة غايغيب عليا كتر ...مقدرتش نتخيلها ....ومنقدرش نهضر معاه حتى يهضر هو ....بغيت غير نسمع صوتو اولدي وخا غير صوته صافي ....
~~~~#في احدى الدول التابعة للاتحاد السوفياتي ...بالضبط دولة ارمينيا ...وبالتحديد العاصمة يريڤان ...هي دولة تابعة لدول الاتحاد السوفياتي ....وهي بلد تمتاز بالجبال ...وغير ساحلية …هي جمهورية سابقة للاتحاد السوفياتي ...
فيلا على الجبل ... مطوقة بليگارد لابسين الاسود واقف شخص فعمر خمسين سنة ...شيب غطا ليه شعرو الكثيف ...مدايرش اللحية ......كان في عطلة استجمام وراحة ...هو من اصول روسية ...وهو احد الروس الكبااار الي متهزش كلمتهم في عالم المافيا ...كافح وتقاتل وحط حياتو على المحك تا وصل فين وصل ....واقف كيكمي فسيگار ....حتى دخل ووقف عليه من اللور ونطق نيشان وهو كيسمع ليه ...
ايشان : هو قاليك غادي يبقى لكن بدون مياخذ ارباح ولا يحضر الاجتماعات فقط يعطينا المعلومات الي محتاجين ارفاييل ...فؤاد عضو مهم وعزيز عندنا علاش درتي ليه هادشي ...؟؟؟
رفاييل "ابتاسم بجنب " : درس خااص...
#يامنة…
قبل ميمشي خلاني نعطيه وعد نحاول نصبر ونتهدن باش نحافض عليك ملي يجي يلقاني وليت بيخير ...انا غادي نحافض على حلوفي الي عطيتو باش نحافض عليك ماشي حيث حلفت ليه ...وماشي حيث خفت يتقلق ولا يخاصم عليا ....غادي نصبر ونشد فراسي بزز باش نحافض عليك ...
حيث نتا ولدي وكبيدة ديالي وعينيا والولد الكبير الي غايحافض على خوتو ويديرهم تحت جناحو فحال باه ....
حطات ايدها على صدرها كتدلك فيه عالله تزول ديك الغمة الي فيه ....كتحك وعينيها بداو يتجمعو فيهم الدموع شوي بشوي ....
يامنة : وحيث نتا شبل غرامي بباك الغالي 😢

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.