يامنة الجزء 85

فلاااااااااااش بااااااااك ......

كان كيهضر مع يوسف حتى تسمع اطار السيارة (بنو ) طرطق ...فهاد اللحضة ماشي البنو ديال سيارة فؤاد وانما بنو الرجال الي كانو سابقينو ...ماعرفوش كيفاش حتى فلتات ليهم سيارة بقات تدوز يمين شمال مقدروش يسيطرو عليها ...قبل فاش تسمع صوت قطع على يوسف فديك اللحضة ...يلاه بغا يفراني حتى تضرب ليه تاهو البنو ..

السيارة لاخرا فقدات سيطرة كانو جنب الواد ضربوهم بالقرطاس من بندقية قناص غير مسموع ...بثلاثة الي كانو فديك سيارة شيفور والي معاه زوج بوديكارد ....حتى تكركبو زوج بوديكارد مطاحوش فالواد الا شيفور الي طاح فيه ....تبعتها سيارة فؤاد مع كانت مسرعة بزاف مقدرش يتحكم فيها تا هو وهو يتقلب معاهم بقات غاديا وتكركب كان بغا يتلاح من شرجم لكن 

الاير باگ واحد اثر اول اصطدام تصطادمت بيه سيارة كان الي قدامو واحد من جنب ولاخور من جيهة لاخرا جيهة الي كيركب حدا سائق ...حيث عادة الايرباگ ( هو واحد فحال مخدة هوائية كتخرج للامان من اي ضربة كيسببها شي حادث اصطدام السيارة كتخرج فور مكتحس بضربة اوطماتيكيا )....حتى جات جنب الواد ...

فاش بقات كتكركب واحد لحضة راسو من جبهة ناضرو تضرب مع قنت سيارة قبل ميخرج الايرباك الشي الي خلاه يفقد الوعي ....حتى حبسات سيارة ....كان ايلاف فديك اللحضة نسا الفون ديالو فطيارة الخاصة الي جاو فيها ...وضرب ضورة رجع لمطار باش ياخذها من بعد ما عيط لربان الي كيعرفو وخلاه ليه ف الامانات الي فالمطار ...

من بعد ما وقع الي وقع وقفات سيارة كبيرة سبعة البلايص سوداء زاج ديالها فيمي واسود حتى تحل الباب اوطومواتيكيا ...خرجو منو ثلاثة رجال كل واحد قد سخط ...مشاو كيجريو هبطو لتحت وصلو لسيارة فؤاد لقاوها واقفة ...بقات تكركب اول ماحبست حبست واقفة كلها معجنة لان جنب الواد كان حجر كبير فحال صخر ...

لقاه حاط راسو عالزاج دايز بدم وغايب عالوعي حتى حلو الباب وخرجوه سرحوه فلارض ...حتى هزو الفيستة ديالو الي كان محيد مسحو بيها دم الي فناضرو الي كان باقي دايز ...الشي الي دار ليه هادشي هو حزام السلامة مكانش دايرو الي غادي يعاون او يخفف نسبة الاصابة ...

وقفو زوج دوزو الخط ...

رفاييل : امضرا ؟ 

الكارد : مكاينش ايلاف ....

رفاييل : من حسن الحض بغينا فؤاد وحدو ...فين هو ...

الكارد : تقلبت بيهم سيارة هو مكانش داير حزام الامان تعرض لاصابة فراسو و "حدر عينيه بانت ليه ايد فؤاد مطوية " يمكن تصاب بكسر من الدرجة الاولى ....

رفاييل : خفيو اي اثر وشتتو انتباه الشرطة ...

الكارد : بمعنى الشاف ؟ 

رفاييل : خليهم شوي يحساب ليهم خذاه تيار ديال الواد ...تصرفو على هاد الاساس ...قرصة الاذن عندنا ماشي بالهين ...كل يتعلم درس ..

الكارد : كان ممكن يموت اشاف ...

رفاييل : الى مات درس لصاحبو ...قرارات فحال هادوك صعيب يتفكر فيهم ماشي غير يتقررو ...

الكارد : ايشان مغادي يعجبو حال "غوت ليه رفاييل فودنيه تا غمض عينيه بالخلعة " 

رفاييل : اناااا الي كنعطي الاوامر هنا ...انا شاف على ايشان ...دير خدمتك وخليه عالاقل اسبوع محبوس بدون خبر عاد طلقو سراحو ...

الكارد : علم وينفذ ...

قطع عليه وامر. رجالو باش يهزو فؤاد وينتابهو ليه ولايدو الي كان المعصم ديالها متني ....كتاكد اصابتو بكسر ليس بالهين بل صعب ....

يلاه بغاو يهزوه حتى بان ليهم كيغوبش باغي يحل عينيه ...شافو تغوبيشة رجعو لور حيث عارفينو شنو كيسوى ..

الكارد"ضار شاف فيهم لقاهم كيشوفو " : شنو قلت انا ؟؟؟

هما اوماو ليه باش يشوف حدر عينيه بان ليه فؤاد كيتمتم باغي ينوض ...

فؤاد : ي ي "عقد حجبانو الي رسمو زوج خطوط بيناتهم " ...ييي ...اللحضة الي بغا يشوف اش كاين محس غير برشاشة ترشات عليه اخر كلمة قالها هي ...رفااييل ....ومشااا غاب

داكشي الي دارو خذاو ليه صباطو لاحوه فالواد الفيست من بعد ما مسحو بيها دم لاحوها لاحو شحال من حاجة باش يشتتو انتباه البوليس باش يبقاو يقلبو عليه ويحساب ليهم مات في الواد ....

فديك اللحضة هزوه وداوه لمكان ميعرفو حد ...عاد جا ايلاف ولقا واحد سيارة واقفة دايرة اونپان وبانت ليه سيارة فؤاد مقلوبة فرانا بجهد ومشا كيجري يقلب حتى لقا الي لقا ووقع الي وقع وتعلمو البوليس وفرق الانقاذ ...

حتى خذاوهم لامورغ من بعد عاد علنو بالي مضروبين بقرطاس وشيفور الي مكانش مضروب حيث فقد سيطرة ومات بالحادث وطاح فالواد ...خلاو شي منطقي وشي مشكوك فيه وحتى ولو شكو ميقدروش يهضرو الى فات تا دخل شي حد من الفوق دغيا كتضمص القضية ...بقاو واحلين غير فالبحث عليه حتى كملو اخر النهر وعطاوهم امل بالي ماشي مقتول ....

اه ماشي مقتول لانهم عرفو انه من فعل فاعل هادشي ومدبر ....كان ايلاف على وشك يقولها ليوسف لكن بغا يعطيه امل ...ايلاف كان بين البينات يا مقتول يا مخطوف وفاخر المطاف يقتلوه ...كان بين نارين وعذابين ...يمكن كان اكثر من يوسف ....

في المكتب في فيلا رفاييل ... بعد اسبوع ونصف تقريبا ... دخل عليه ايشان وعلمو باش يلزم حدو ...

ايشان : باقي كنتسنى ... فين فؤاد ...

رفاييل : مزال الحال ...

ايشان : بغيت طلق سراحو "كيشوف فساعتو ويقاد فيها قاليه هادشي ببرود تاام زعما قلت كلامي خاصو يتنفذ " ....

رفاييل "طفا سيگار وتكعد شاف فيه " : قلت ليك بديتي تعدى حدودك ايشان ....

ايشان : مغاديش نهضر مكنبغيش نهضر فهادشي لكن نتا الي تعديتي حدودك ...فؤاد عضو اهم منك عند خوليو ...شخص في كفائته وذكائه ميمكنش يتفرط فيه ...بالنسبة لقانون الي غادي تهضر عليه ...ما خرق حتى قانون لحد ساعة ونتا عرضتي حياته لخطر ...كنتي غادي تسبب فالموت ديالو ....

رفاييل : عبرة ودرس لصاحبو باش يتعلم يفكر فهاد القرار ...

ايشان "ناض وقف مغزز عليه ..." فؤااااااااد شخص مهم بزااااف ماشي ليا وانما لخوليو ...متقاس شعرة منو حتى يخرج على طريق ...اختارق القانون عاد نعيطو ليه ونهضرو معاه فاجتماع سري مغلق خاص وديك ساعة كيتخاذ القرار و "خبط البيرو بجهد " ماااشي نتا الي كتاخذو .....

رفاييل : انا الي عندي صلاحية فاتخاذ هاد القرار ...

ايشان : وانا عندي صلاحية باش نحيدك من هنا ونحسبك كانك مكاينش ...الصلاحيات عندنا فاتحاذ القرارات الي بقوانينها ماشي دير الي قاليك راسك ...فؤاد شخص مهم كتر منك ارفاييل ...والى فات حتى توگض ليك مغاديش يرحمك وخوليو غايكون فصفو ...

رفاييل "بقا كيشوف فيه فالاخير نطق " : موقع ليه والو هو دابا كاين ...

ايشان : طبعا مغاديش يوقع ليه والو ...دابا غادي طلق سراحو وغادي تسلم رتبة ديالك وتعتازل المنصب الي عندك ...

رفاييل "غوبش فيه " : موقع ليه والو ايشان لدابا مختارقتش القانون ومقتلتوش يعني مزال محتافض بصلاحية ديالي ...ولزم حدك ...

ايشان "كان داير الفون فوذنيه " : معاك اشاف ...

مد ليه الفون ...

رفاييل "غير دارو فوذنو سمع صوته وهو يبياض ليه وجهو وبدا يصرط فريقو " : و و وخا شاف هي اللولة ..علم وينفذ واخا ..."قطع عليه فوذنو " 

ايشان : نوض من تما وخليني نجلس بلاصتي ..."الفيلا ماشي لسكنة خاصة بالخدمة داكشي باش مطوقة باليگارد " ....

رفااييل "ناض وقف كيشوف فيه بنضرة غير مفهومة واحد نضرة كانه كيتحلف عليه ...ولا كيهدد ولا كيقوليه ماعليش الايام جايا ...لةن ايشان مشافش فيه حدو ملي ناض من المكتب مشا ايشان جلس فيه طوا كمايم قميجتو من بعد ما حيد الفيستة ..." ...

ايشان "اشار ليه باش يجلس " : فؤاد ...بغيتو واقف قدامي 

رفاييل : ملي دار الحادث تصاب بكسر فايدو جا طبيب قال خاصو عملية ليها ...سيمانة وهو فالعناية "شاف فساعتو " كاين لتحت ...

ناض ايشان ...تبعني ...

ناض رفاييل كون صاب يفرشخ لايشان راسو ...تعدى الحدود رفاييل وضرب فواحد من القوانين المهمة فعرض الحائط وطبعا ميسلكش بدون مياخذ العقاب واولهم تنحيه عن المنصب الي موصل ليه غير بمشقة الانفس ...بكلمة من ايشان لشاف كانت كافية تحيدو من داك المنصب بلا كلمة بلا جوج بلا صداع راس ومعندوش الحق يعتارض ولا راسو يطير فالبلاصة ...

مشاو لسانسور ركب رقم وهبط بيه لتحت لاكاف ديال لفيلا الي قد سخط اصلا كبيييييرة بزاف تقولي عليها قصر ...هي خاصة بالمنضمة ديالهم ...حتى تحل ودخل من الباب كان فيه ممرات كلهم عامرين بليگارد ...ثاني باب حلو ليه الكارد ودخل ...لقا طبيب واقف ليه عند راسو ومعاه زوج فرمليات ...

ايشان "ضار مشربن عند رفاييل " : حسااابك ثقاااال ...

رفاييل : ماشي لهاد درجة كيبقى خدام عندنا ...

ايشان "مشا شنق عليه " معااانا ماشي عندنا ...خدم دماغك ربع فالي مخدمو هو غادي تعيا ...كون فحالو عاد هضر ...مزال عقابك مكملش ارفاييل ...

رفاييل "شدو من ايدو " : شنو وصلتي لخوليو ...

ايشان : تعديك على القوانين دون استشارة والاهم تعديتي على شخص مهم ...فؤاد رمسيس نسر موسكو غير سميتو تخليك تحسب حساب ونعاود نقولها ليك اهم منك عالاقل كان كيخدم بنزاهة ومكيعرفش الخوف ...عارف صواريه وحافض شنو كيدير وعارف يستغل المواقف دون اضرار ..."دفعو بجهد وضار عند طبيب " شنو اخبارو ؟

طبيب : تعرض لاصابة فراسو فهاد الجهة "اشار ليه جهة ناضر " درنا ليه ربعة الغرزات وكسر فالمعصم اضطرينا نديرو عملية باش درنا ليه الحديد باش يتلم ليه العضم ويرجع لبلاصتو ...حيث تعطلنا وكان غادي يفقد ايدو ...

ايشان "خرج عينيه " : ش شنو كيفاش تعطلتو "ضار شاف فرفاييل الي حدر راسو " 

طبيب : ماعيطو ليا حتى داز تقريبا اسبوع ...

ايشان : ودابا ؟ 

طبيب : دابا مزيان بالمهدئات ممخلينوش يفيق حتى ترتاح ليه ايدو العملية كانت صعيبة مع الانتفاخ الي تعرضت ليه والالتهاب كنا غادي نطيحو فمشكيل كبيير ...دابا ملي استقرت حالتو كنتسناوه يفيق ...

ايشان : غايفيق دابا ؟ 

طبيب : كنتسناو يفيق دابا ...

ايشان "دار ايديه وراه وقرب ليه كان مغط قد شحط فداك سرير دايرين ليه سيروم مقوي وسيروم اخور لدوا ...مغطي نصو كيبان غير صدرو العريض المكسو بالشعر والمبندر التبنديرة الي فيه عاطياه هيبة حتى فمرضو ...كان غادي ينساحب رفاييل حتى وقفو بصوتو" : تمااا تبقى متحركش ....

رفاييل : موقع ليه والو ايشان هاهو مزيان ..

ايشان : تعديتي حدودك بزاااف حياتك كاملة وانت حاضي راسك جيتي حتى ليه وخرجتي على مسارك وهادشي كامل حيث هو دار داكشي الي قدرتي ديرو نتا سنين كااااملة ديال حياتك تلاتين عام جا هو فعشر سنين حتمهم ليك وهادشي علاش نتا باغي تصفيها ليه اسي رفااييل لقيتي سبة ....

رفاييل : الصمت ...

ايشان "قشع فؤاد حل عينيه ورفاييل مشافوش حيث كان عند الباب حابسينو لكارد باش ميخرجش ....

فؤاد "حل عينيه شاف ف ايشان وشير ليه بصباعو باشارة ونطق بين شفايفو بكلام فهمو ايشان ...جبدو ليه مورا ضهرو عطاه ليه فايديه ...

واحد شوي حتى كحز ايشان شاف فيه.رفاييل وهو يخرج عينيه ...

ايشان "مربع ايديه " : عارفو قبل متعرف نتا تخبيه قلت ليك انا فايتك بسنوات ضوئية رفاييل وفايتك بصلاحية الى نتا بنيتيه حنا حطينا ليه الاساس ...الكلام الي قال طبيب عارفو وبغيت نسمع الخبث ديالك من فمو ونتا حدانا وسي رمسيس فايق وبيخير وعلى خير....

رفاييل : فؤاااد ...

فؤاد "ناض بشوية عليه هاز ايدو الي دارو ليه ليها العملية مع الاسف كانت ليمنية ...هز الفردي بليسيرية فرمشية عين مهضر فؤاد متكلم وجد الفردي هزو يلاه بغا يخرج رفاييل طلق رصاصة جابها ليه لراس نيشان جا دم ديالو طار على ليگارد والحايط " 

ايشان "حط ايدو على كتف فؤاد " : شوية ؟ 

فؤاد "جاوبو براسو " : جيبو ليا ملبس غادي نمشي عند ايلاف نرجعو فحالنا ...

ايشان : فؤاد ...عرضك طرحتو على خوليو مبدئيا متردد ...لكن غادي نقنعو ونخليه يوافق عليه ...خاصك تعرف بالي خاصك ضروري تجي لهنا الى كانت شي صفقة غانحتاجو ذكائك ومعلومات نتا وايلاف ...لكن بشرط تبقى هنا شهور تتكمل صفقة ونتاكدو من المعلومات ...

فؤاد : ماشي مشكيل ...

ايشان : راك عارف العالم ديالنا نهار دخلتو علاش اقسمتو ...

فؤاد : الولاء او الموت ..."هز ايديه وجهو عيااان حيث ذازت عليه تمارة نييييت بقات ايدو منفوخة سيمانة عاد سعفوه ..." انا دابا معاكم ونفس الوقت خارج منكم مامن حياتي وحياة عائلتي وحتى ايلاف ...عند كلمتي ونتا عارف كلمتي كيدايرة ...

ايشان : مزيااان ...

شير لگارد يجيبو ليه حوايج مايلبس ..

ايشان : راجع دابا ؟ 

فؤاد : تعطلت على داري وولادي ...لمراة عندي غادي تولد ...

ايشان : مبروك مقدما ولدي ...

فؤاد : ولائي دابا لدارنا ومرتي وولادي عاد نشوف نتوما ...هذا "على رفاييل " كان خاصني نصفيها ليه شحال هادي ماعليش وصلات نوبتو دابا ...

ايشان : نوبة جايا فيمن ؟ 

فؤاد : بقاو حابسين هاذيك "ايشا " دابا تانجي من لهيه ونتفاهم معاها هادشي متوصلش خبارها لداك ليهودي تنسالي اموري ونرجع هنا عاد نتفاهمو معاها ديك ساعة خليه يدير فيها مابغا ...فالاخير كيبقى عندو الحق فيها ....

جرها وحاوطها بايدو الصحيحة قربها ليه اكثر ماحتال تهز راسها تشوفو حيث حسات بيه وعرفاتو من لمسة ايدو ومن الشدة الي ضدها وحاوطها قربها ليه جنبها على جنبو ...قال الكلام فوذنيها تبتها بيه ...نار شعلت فيها وهو عافيتو طفات بشوفتها كتحرك وتخرج ...تواحد فيهم مفخبارو من غير ايلاف الي عرف فين كاينين وكانو عاد حطتهم طيارة ديك ساعة شدو طريق ووصلو عليهم فين كاينين دابا ....

فؤاذ "باقي حاط راسو على راسها جات يسرى لقاتهم فداك الوضع حطت ايدها على فمها متفاجئة بقدوم فؤاد ..." : غزااالي ...

يامنة : الصمت ....

فؤاد "حس بيها سكتات لكن الي حس بيه هو كتافها الي بداو يطلعو ويهبط حتى عفد غوباشتو وهبط راسو لقا دموعها هابطين " : يامنة ؟؟ 

يامنة "مخرجة شنيفاتها فحال دريرية صغيرة ...هبط راسو لقاها عاصرة عينيها مغمضاهم مزيرة عليهم فحال كتقول لا كنحلم كنحلم ...الريحة جديدة عليها هو غير بدلها اول مرة كيديرها معارش ليها اي انتباه مدا مجاب ...اما هي ديك ريحة خلاتها تاكد انها كتحلم ولات تخيلو لهاد درجة ..." : انننننننن اهى اهى ...

فؤاد "كيقيص ليها فحنكها " : يامنة ؟ مالك ؟ هاني علاش كتبكي ؟ 

يامنة "كتنفي براسها " : اهى اهى لا لا ميمكنش نتا مكاينش باقي مجيتيش ...ياااربي يااربي ...

فؤاذ : ششش يامنة علاش اش واقع ؟ هاني حداااك ؟ 

انتابهو الناس الي تما حيث صوتها بدا كيعلى ديال البكا حتى ضارو كلهم اولهم يوسف الي غير شافو طااار وقف ومشا كيجري حتى وقف ليه عند راسو بغا يزغرت يغوت ماعرف كي يدير ...باه تاهو وقف صهيب طار عند يوسف ...راوية قشعات ايلاف كان عاد داخل عند الباب ديال لقاعة وهي طير وقفات مشات كتجري لعندو نقزات عليه عنقاتو ...بغات تسبق فؤاد مدهي مع الفجلة تلفت بيهم لارض ههه

فؤاد : باقي واحل مع عمارة دار الي حلفت عينيها لا هي تحلهم ...

يوسف : خووويا ...

فؤاد "شاف فيه غمض عينيه وحلهم ليه ورجع كيطبطب على يامنة الي عقلها بغا يخرج بالبكا " : ششش يامنة انا هنا هانتي حلي عينيك وتاكدي ...

مبغاتش تحلهم شدت بايدها جنب الكرسي وناضت كتعكز ...شادة كريشتها حتى وقفت ووقف حتى هو عاد انتابهو لايدو الي مهزوزة ...

تمات غاديا ومغمضة عينيها ودموعها دايزين كيشوفو فيها غاديا حتى ناض على وقفتو ...

يوسف : غير تبعها غير تصدمت افؤاد ...

يسرى : متخليهاش تبقى تبكي فيقها ..

فؤاد "شاف ف ايلاف " : عطيني سوارت "لاحهم ليه وشقمهم وتبعها مخليهم يكملو فرحانين برجوعو وخاطرهم هنا من جيهتو ...حتى يلقاهم فالفيلا عاد يسلم عليهم ....غاديا وتعكز فالحيوط وتنخصص ممتيقاش جاها فحال الحلم مسكينة يلاه وصلت عند الباب برا حتى خشا ايديه ورا خصرها وهي تحل عينيها شافت فيه ...

يامنة "حطات ايدها على لحيتو عينيها حمرين كتشوف بتحت باقي مشافتش فيه لحد الان " : فؤااااد ...

فؤاد "باسها فكف ايدها " : لالة دارو هاد فؤاد ...هاني اغزالي معاك وحداك ...المكاتيب بعداتني عليك وغبراتني ...ارادة الله اما لا جات عليا جنبي متفارقيه وعيني متشوف غيرك فنهاري وليلي ...يامنة : اهى اهى "رجعت غمضت عينيها " خليتيني خايفة عليك وكنتسنى فيك ...ماشي يوم ماشي يومين جوج سيمانات افؤاد بلا متهضر ولا تكلم ...

فؤاد : ارادة الله ايامنة ...هو الي قدر هادشي ...ماشي لخاطري اغزالي ...درت المستحيل باش نجي ليك بخير وعلى خير ...كون لخاطري منجيكش هاكا ...

يامنة : علاش ؟ "عاد هزت عينيها وعاد شافت ايدو المهزوزة والي داير ليها بلاكة لفوق وبلاكة لتحت مضورينها بسمطة باش تبت ايدو متزعزعش من بلاصتها " ف ف فؤااااذ مالك ؟ ااا "شافت حاجبو فيه سبارادرا قداش ..." ا شنو "كتصرط ريقها وعينيها كيتغمضو " اا ش و وقع ليييييك ؟ 

فؤاد محتال يقوليها حتى بانت ليه كتغمض عينيها وقواها كتفشل شادة كريشتها حتى غمضتهم ...شدها بايديه بزوج من فوق الباندة حتى تعگر غمض عينيه ...ونطق بالغوات ...

فؤاد : ياااااامنة .....

من بعد ما خرجو من المناقشة الي محضرش ليها فؤاد مع الاسف سخفات ليه بين ايديه حتى هزها معاون حتى بايدو المريضة ....نقز كيغوت ويشالي قدام ناس ....واااا هيا العالي هاااه خويا وجااا ...

الحاج ضحك عليهم ورجع لبلاصتو هو ومجود فرحانين اصلا ولفوه غير مسالة الحادث خلعتهم ....

صهيب "كان واقف تما نيت و ضور وجهو ووقف تاهو " : وتا قول ربي الجليل تا هو ولا عينيا غيسو ...

يوسف "قشع يامنة شادها فؤاد معافر مع ايدو وهو يطير كيزرب جار صهيب " : واااعتق الفجلة سخفت وخوك فشل ...تا راه ماعرفنا نضحكو ولا نبكيو ولا نفرحو ولا نسخفو مع الفجلة ...حتاال نهار ماستر الياس على زهر عندو ...

صهيب : خوك الياس زهرو مكوز نهار تگعد ليه تگعد فبنت المصفرط ....من تم طفا ضو ...عتق عتق ...

في غرفتهم في عش زوجيتهم الصغير ...حلات عويناتها على سقف نيشان كترمش وتحاول تستوعب شنو جاري حتى حست بايد على مريشتها كداعب فيها ...ضورت عينيها وهي تلقاه حدا راسها كيتلمس في كريشتها بحنان للحضة حسات بتبوريشة ...

فؤاد "خذا ايدها باسها بحنان خاشي فمو ونيفو فكفها ونطق بصوت خفيييييف وحنيييين " : يامنة ...شوية ...

يامنة "بداو عينيها كيغرغرو " : شنوو وقع ليك ؟ 

فؤاد : مااشي شي حاجة ايامنة ...هاني حداك مزيان ...هاذشي الي وقع ارادة الله اغزالي ...انا كنبقى انسان والله فوق كلشي الى كتبها عليك من الخير ...شنو نقولو لا ؟ 

يامنة "حطت ايدها على ايدو المريضة " : كضرك ؟ 

فؤاد : هاد ساعة نتي الي ضريتيني ...قلقتيني عليك ...حتى جيت وقلت مرتي دايرة عقلها فغيابي وجات بلاصتي حضرت لخويا نابت عليا ...بديتي كتبكي ؟ 

يامنة "مسحت دموعها ": كيحساب ليا كااا ن "كضارب مبغاتش تبكي وشفتها تحتية كتفلت وتهبط " كااا ن نحللااااام "كنحلم زعما " اهى اهى ...

فؤاد "خرج فيها عينيه الي شحال هادي مخرجهم وهي تجمع البكية كيبان ليك غير صذرها كيتنخصص بالحس هههه " : يامنة ؟ هضرنا ؟ ... 

يامنة "مدلية شنيفتها " : لا رد ...

فؤاد "هبط ليها لدوك شنيفات ومصمصهم ليها تا جرها معله بجهد ..." : سكتي ...براكة من البكا ...

يامنة : واخلييني ...

فؤاد "خنزر فيها " : هضرت ...

يامنة "محساتش براسها وهي تنخشش فيه كان باقي بحوايجو فاش هزوها معاه دراري فحصتها يسرى وخبرتهم بالي غير صدمة هزوها حتى لسيارة وداها معاه يوسف ويسرى تا طلعوها لبيت ورجع لافران بطلب من فؤاد باش يوقف مع الياس وميخليهش وفرصة ينفارد بمراتو ..." : رجعتييييي ...

فؤاد "شعلات فيه العافية اصلا موحشها وهي بدات كدير شي حركات فشكل استغرب ليهم " : رجعت لغزالي وولدي ...

يامنة "كتحرك فراسها فحال شي مشة وسط كرشو " : فؤااااد ...

فؤاد "باس ليها راسها " : نعاام ..

يامنة : متبقاش تخليني وتمشي عاااافاك ...

فؤاذ "حط راسو على راسها ونطق بشوية ممشي صوتو على حساب صويتها رقيق الحنين ...فحال ميعيب صوتها ههه " : خاصك تولفي اغزالي ..."كيمرر صباعو على دراعها العريانين حيث لبستها يسرى بيجامة ساتان غوز بضوني وشورط قصير تبرد فيها ..." تا تولدي ونرجعو فحالنا ....

يامنة "حطت ايدها على كرشو كتدي فيها وتجيب وخاشية راسها فيه " : هاد المرة حسيت بشي حاجة ماشي هي هاديك خاطري مزير عليا ...ماشي كيف كدير هاذ المرة وقعات شي حاجة وهانتا جيتي مريض ...عفاك بقا تعيط ليا متخلينيش كنتسنى ...

فؤاد "محدها كتحرك فايدها وهي كتشعل فيه العافية كيغمض عينيه " : واخا ...دابا رتاحي شوي وغايجيبو ليك متاكلي وشربي دوا ...غادي نبقا هنا معندي فين غادي تتولدي ودوزي ايام الي شرع ليك الله (ربعين يوم ) ونرجعو فحالنا ...

قال راه غادي ترجع تنعس ساعاك سيدة مخربقين ليها الهرمونات ...مشهياه ومحاساش براسها محدها كتنخشش فيه هو كيشعل ويلعن شيطان حيث لحد الان مزال ممسموحش باش يديرو علاقة حتى الايكو جاي الي غاذي دير عاد تطمئن على البيبي ...هي مسكينة من زهرها الهرمونات تخربقو وجات فوقيتة الي الرغبة الجنسية يا اما كتنخافض يا اما كترتافع على حسب تقدم اسابيع الحمل عند المراة وتقدر تختالف من مراة لاخرى ....

فؤاد : يامنة ...

يامنة "شدات فيه مكمشة خايفاه لا يهرب تاني مصدقت هههه " : خليييني عفاك ...

فؤاد "عض شفايفو مغمض عينيه ريحتها كتسلب ليه العقل والكياتة الي فيها كتجننو هذا غير انه موحشها " : وخا رتاحي "دوز بكف ايدو على حنكها " ...

مزگاتش عليه من نغيش كتحكك فرويسها وتقرب ليه ...وهو مسكين ربي الي عالم بيه ...حتى بعد بغا يحل صدافي القميجة وهي تشد ايدو وبدات تحلها ليه ...

يامنة : نعاونك ايدك ليسرى متعرفش دير بيها والو ...

فؤاد "حذر عينيه لايدها الي كتحل ليه صدايف ...عرفتو تفاحة ادم كتبان ليك كطلع وتهبط ليه بزربة فقرجوطتو هههه ...مكملت ليه الحلان تا شاب ليه المخ هي كتحل عادي ولكن مع موحشها وشحال مقاسها اي احتكاك او لمس كيخلي ضو يسرح ليه فذاتو ...غير حيدتها ليه مشعرش براسو حتى حط شفايفو على شفايفها وايدو دايرها ورا شعرها ساحبها ليه عضها تا حلت فمها وخشا لسانو في فمها لداخل دغيا ساحت ليه ...هو كيقرب وهي كتقرب حبسهم غير ياسين ههههه ...بعد كينهج وهي خشات وجهها فعنقو ..." : بزاف اغزالي بزاااف 

يامنة "حشمات وخشت وجهها فعنقو حتى زفرات ليه فعنقو نفسها سخووون ...وهي تبدا تنغش ليه فيه كضور فراسها وتنغش حتى حس بالضو ضربو تما جاتو ما بين وذنو وعنقو " ...

فؤاد"ساط بشوي حجبانو معقودين " : يااامنة يهديك الله ... الى نسينا راسنا …فاش نفيقو ما غايسلكنا معاك لا ربي لا العبد ...شدي فراسك ولي لباس وميخصك خير… الله اودي...

يتبع...