حلات عينيها بالزز حاسة بعضامها ثقاال عليها، شافت لجنبها كانت سارة كاتنقز على الناموسية قدامها و تقهقه بصوت عاالي، تبسمات ابتسامة خفيفة و شافت فالأرجاء .. مكانش مصعب .. هزات تليفونها شافت شحال الساعة .. كانت التسعود دالصباح .. تفوهات كاتكسل و غفلات ساارة جراتها من رجليها حتى طاحت فوق الفراش قدامها غاتموت بالضحك
كنزة كاتهرها و تضحك:أجي لممك مفيقااني من النعاس ياكي .. ياكي يالقردة
سارة كاتكمش على بعضها و تضحك بصوت عالي:هههههههه مامييييي ههههههههه وااااع ههههههههههه
كنزة تبسمات كاتبعد يدها منها بشوووية و شافت جيهت الباب، تحل على غفلة بلا دقان .. دخل تيمور يديه فحيابو و الضمادة اللي على راسو بانتلها مبدلة .. قرب عندهم مبتاسم بهدووء و حنا عند سارة باسها فحنكها و رجع شاف فكنزة اللي مخنزرة فيه .. مستغربة من جرئتو الكبيرة .. داخل بلا دقان فحالا راه فبيتو و بلا مايدوي ولا حتى يستأذن للدخول .. هو چلس فالفراش جنبهم و شاف فيها بنظرة مخلطة بين الإبتسامة و الحزن .. قلبو مقبوض شوية، خصوصا من معرفتو أنها كاتدوز ليلة كااملة ناعسة جنب مصعب و يعلم الله شكايديرو .. غزز على سنانو و تأفأف بصوت مسمووع، جمع وقفتو بلا مايزيد يشوف فيها، كولما كايتفكر أنها مزوجة بواحد آخر و كايقيص فيها كيفما بغا .. كايتزيير و مودو كايخسر .. شد من سارة و مشافش مزال فكنزة كايدوي بنبرة خافتة
-غاناخدها معايا، نتي نوضي بشووية عليك و لبسي شي حاجة مقادة طويلة شوية .. غانمشيو جولة باليخت ديالنا
كنزة سكتات مجاوباتوش .. كاتشوف فعينيه اللي مزادوش طلعو فيها .. تنهدات و ناضت واقفة .. شاف بنص عين باش كانت ناعسة جنب مصعب .. بانتلو بشورط قصيييييور و طوب سماطي .. علا فيها عينييه مخنزر كثررر و هز سارة خارج بلا مايزيد يشوف فيها شعط الباااب دالبيت حتى غمضات عينيها مزيراااهم هازة حواجبها فالسما .. ناضت غادة جيهت الحمام كاتمتم بصوت خافت
"Tayza" .. تيمور و كنزة-
هه هاحنا غانشوفو واش باقي بديك السمية ولا لا
سدات عليها باب الحمام كاتدير روتيينها اليوميي الصباحي بكل هدوء
🏮أما لتحت🏮
على مائدة الفطور .. فين مجموعة العائلة
يامنة بابتسامة:نيت محتاجة نتوغل فالبحر هههه كنت موحشاه
تيمور جاي من بعيد سارة بين يديه:ماتبقايش غي توحشي .. قوليلنا و حنا ننفذولك (تبسملها ابتسامة خفيفة و حنا باسلها على راسها فحالا كايشكرها حيت هي اللي جابتلو قلب قلبو .. ولداتها و كبراتها)
يامنة شافت فيه بهدوء بنص ابتسامة .. من مدة عرفات بشكون هو و شنو طرا بينو و بين كنزة فالليلة اللي فلتات لخليل أنهم كانو فعلاقة .. زادت سلاتلو لسانو كثر تستفسر منو .. و عاااد عرفات أنه هو الراجل اللي خلا بنتها تعاني لفترة كبيييرة .. ومأتلو براسها و قالت:واخا أولدي انشاء الله
سارة معنقة تيمور:طييم دياالي غانمسيو للبحل؟؟؟
مصعب مخنزر:تيم ديالي؟؟
سارة تبسمات:حازة بيني و بين طيم ديالي🤩
مصعب قلب عينيه مخنزر .. و شاف فيامنة بهدوء:اليوم كولشي غايدوز كيفما مخططين ياكي؟
تيمور علا فيه عينيه مخنزر فيه و حنا عينيه ثاني .. كاااااااايجمعلو و نهاار يفيض الصبر مغايزيييدش يعقل عليييه و حد مغايمنعو عليه مزال .. حتى كنزة ماتمنعوش
خرجات كنزة من الحمام مقادة و مستيكية على الحالةة، تمشات جيهت الدريسينگ اللي تقادو فيه الحوايج البارح، جبدات دوبياس مايو دالعومان .. لبساتو فالبلومارين بينلها الفوورمة كاتحممق مع لون بشرتها و شعرها صغرات فيه عينيها .. بدا كايطلعلها الزعر فراسها خلاتو مطلوق و لبسات كسوة طوييييلة فالأورونج فيها فتحة حتى للفخض و فتحة الصدر كبييرة و باارزة .. دوزات گلوز على شفايفها .. فالأوروونج .. بانولها الشفايف كايشهيو غا دالتشلقيم ههه، لبسات صندالة عاالية طالون و هزات صويك صغير دارت فيه عكرها و ماسكارا و عطر برويحة فوااحة غزالة و كاش مايو فالبيض مشبك كاااملو .. خرجات من الدريسينغ كاتعوج فمشيتها، هزات تليفونها .. جات تدور و هو يبانلها ميساج جاها فالواتساب .. دخلاتلو و هوما يفشلولها الركاابي فحال كل مرة مللي كاتلقى رسالة من هاد الهبيل .. هذا تهدييد بصريييح العباارة
غززات سنانها بشدة تنرفزاات مزيرة على قبضتها .. دارت خارجة من البييت .. نزلات لتحت كاتجري .. شافت فالأرجاء بانلها تيمور معلي فيها عينيه هاز تليفونو فيديه و كايشوف فيها باستفسار .. تفكرات بأنه دايرلها تجسس فتليفونها .. تحنحنات كاترد خصلات من شعرها ورا وذنيها و قربات جلسات جنب ماماها عاضة على شفتها التحتية بانولها زوج كراسة خاويين و عذرا و نور مكاينينش، شافت جيهت تيمور ثاني باستغراب.. هو حاط سارة فوق حجرو كايوكلها مرة مرة عينيه على كنزة كايتبادلو النظرات دالتسائل بيناتهن
مصعب حاضيهم .. كل خطرة يبانولو يدويو بعينيهم .. غمض عينييه بقوة و قال بهدوء
-غدا غانرجعو بحالنا
كنزة شافت فيه بهدوء كاتحنحن و شافت فتيمور ثاني .. عينيها كايهربو ليه بلا ماتحس
خليل شاف فيهم بجدية:لا مغاتمشيوش غدا
يامنة باستغراب:علاش؟؟
خليل شاف فيها عاقد حواجبو:واش سخيتو بيا؟؟ زايدون أنا الخطوبة ديالي نهار السبت و عرسي قريب واش غاندير خطوبة بلا بيكم .. مغاتمشيوش معايا؟؟
مصعب عض على شفتو التحتية مخنزر و حنا راسو ساكت بلا مايدوي، تيمور زيير على ناظر عينيه بقوة و زااد زير على سارة بين يديه .. الميساج اللي وصل لكنزة خلاه مشوش و زاااد عقلو تخربق
⚡بعد مرور بعض الوقت⚡
وقفو السيارات عند الميناء، نزل الجميع كايشوفو فالأرجاء و النسيم العليل و الهواء دالبحر كايشرح النفس، قربات كنزة بخطوات بطاااء لليخت اللي سبقلها جاتلو مع تيمور .. نفس الديكور و نفس اللون ونفس الإسم فيه "tayza"
شيماء بابتسامة:زوين بزاف اليخت ولكن شنو معنى إسمو؟؟
تيمور تبسم بهدوء كايشوف فكنزة:نصو معناه تيمور و النص لاخر كايعني وحدة عزيزة عليا
الحاج عبد الناصر بهدوء:زوين ماشاء الله .. عمرك دورتينا فيه
كنزة شادة فيد سارة اللي لابسة كسوة فنفس كولور الكسوة ديالها .. غي ديالت سارة قصيورة و مفرفرة و شعرها مشدود بمقيبطات صغار .. كاتضحك و تنقز .. كايحمقها البحر
مصعب قرب عندهم و شد لكنزة فيدها كايدوي بصوت شبه عالي:عجبك اليخت أحياتي؟
كنزة شافت فيه بهدوء و ومآتلو براسها بلا ماتنطق، مشاو داخلين واحد مور واحد حتى صفاو لداخل كااملين
شيماء بابتسامة:اه بزاااف ههههه (قربو بشوووية جيهت حافة اليخت كايشوفو فالمحيط .. أما البقية فتفرقو فأنحاء اليخت .. مشا تيمور لمركز القيادة يحركو و كنزة چلسات جنب مصعب و سارة و باقي العائلة كايشوفو فالأرجاء .. دقة دقة بدا يتحرك اليخت و يبعد من الميناء و سارة ناضت كاتلعب .. كنزة وقفات بهدوء .. دخلات لداخل و نزلات لتحت .. تحت نظرات تيمور اللي حضاها مزياان حتى غبرات .. شار لجوزيف يجي يتكلف بالقيادة و هو مشا نازل كايقلب عليها بعينيه .. هي دخلات لغرفة النوم اللي كاينة لتحت .. تنهدات كاتقلع فكسوتها .. بقات غي بالمايو .. قلبات فصاكها على الكاش .. هزاتو غاتلبسو و هو يتحل عليها الباب و دخل تيمور كايشوف فيها بنظرة متفحصة و كلما تقدم خطوة لقدام هي رجعات خطوة اللور كاتصرط فريقها
تيمور كايشوف فيها بنظرة متفحصة شاااملة .. باينة مثيرة بزااف بداك المايو اللي كايكشف جميع مفاتنها بطريقة تخلي اللي يشوفها يرغب بملامسة جسدها بكل حميمية و رغبة .. عقد حواجبو بشدة كايهمس بحدة:غاتطلعي هكا؟؟
كنزة كاتحرك راسها بلا:لا غانلبس الكاش .. (خنزرات فيه) نتا اصلا مالك نطلع حتى عريااانة ماسوقكش
تيمور قرب عندها أكثر مزيل الحواجز بيناتهم .. حاجز المسااافة و حاجز البعد حط يديه بزوووج علىى مؤخرتها من اللو .. شدها بيديه بزوج من الفلقتيين كايزيير عليييها حتى عضات على شفتها التحتييية مجبدة فيه عينيها لفعلتو الجريئة .. تزنگاات و تزيراات ولات حمراء .. كاتصرط فريقها بالزز، همسات بنبرة خافتة
-ش شكادير نتا واش حماقيتيي!
تيمور مشا لكتيفاتها البلقيين كايبوس فيهم بقبل متقطعة و يهمسلها:حمقتييني، صطييتييينييي، (خشا وجهو فعنقها كايشم ريحتها) عندي بزااف مانقوليك ولكن غي كانشوف فيك كاتلفييني .. كنزززة (همس بسميتها بنبرة هاايمة كايقبل فرقبتها و كتفها بشوق و هي غمضات عينييها مزييرة علييه كاتعض على شفاايفها من حلاوة قبلاتو و لمساتو و يدو اللي محطوطة على مؤخرتها كاتزيرررها بطرييقة مثيييرة، كاتحرك هرموناتها الأنثوية و تهيييجها بطرييقة ساااخنة .. رغبتها ليه كاتزااد كيفما رغبتو ليييها زاااايدة .. بزوجهم مشتاقين لبعضهم)
كنزة بهمس و صوت متقطع:ت ت ت تيمووور .. أ آاااه، غ غايجي شييي حددد أاااح (تأوهات بنبرة خاافتة محاالونة حاسة بفمو كايمص فلحيمة عنقها الرطبة و يطلع لوذنييها بلساانو كايدوزو بطرييقة كاتبوورش حتى كايرتااعش جسدها)
تيمور غمض عينيه فلحضة باغي يمتالك نفسو، وجهو فوسط عنقها .. حاسها كاترجف .. كاتنفس بقوووة و مزيرة عليه بيدييها بقوة على كتاافو المگدريين .. طلع بشفاايفو لوذنيها مصلها ديك اللحيمة الرطبة ثاني حتى حساات بهرموناتها تزحزحو و تأوهات بصوت خافت و همسلها بفمو كايمص وذنيها و يوزع عليها قبلات ثقاال و خفاااف
كنزة قريبة تسخفلو من الحلاااوة و الرقة اللي كايبوس بيها:افففڤ ت ت تيممممم اههه (غمضات عينيها حاسة بفمو على فمها كايبووس فيها بقووة و كايضضغط على فكها حتى حلاات فمهاا سامحة للسانو يدخل يتجول دااخل ثغرها كايسف فرييقها الحلووو)
تيمور عنقها بقوة كايتحسس ضهرها و يدور عليه صباعو بطريقة دائرية حساااسة .. دوز لسانو على شفايفها كايمصلها الشفة الفوقية و يهمس:جاوبينيي أكنزة .. (مصة كاتبورش) جاوبيني
كنزة همساتلو بنبرة خاافتة مستسلمالو كليااا:عمرني خليتو يقيصني أصللااا امممممم عمر يدو احححح (حسات بقرصة فجنابها خلاتها تتعوج بجسدها بطرييقة سيكسي و تهمسلو) عمرو قدر يقيصني ولا يبوسني فحال اللي درتي نتا
تيمور رد راسو اللور و شاف فيها باستغراب معلي حاجبو:أش قلتي؟؟
كنزة حلات عينيها كاتنهج .. شدات على فمها باستيعاب كاتشوف فيه بتفاجئ عمرها فهاد الربع سنين كانت كاتصور راسها غاتستسلملو من جديد .. قبلاتو، حركاتو، لمساتو، همساتو كايفشلوووها كايذوبووها .. كايدخلووها لعاالم آخر .. تحنحنات و قادات الكاش على جسمها واخا شبيكات إلا انه مغطي شوية منها
تيمور سولها ثاني مخرج فيها عينيه:كنزة مغاتلفييينييش بسكوووتك، دويي
كنزة شافت فيه وجهها حمررر مزنگ .. حاسة براسها شاااعلة من لتحت الإفرازات خدامين:شنو غانقولك؟؟
تيمور تبسم غامزها:عمرك ماخليتيه يقيصك
كنزة مابغاتش تأكدلو و مابغاتش تنفي .. تبسمات ببرود و قالت باستفزاز:ماشي سوقك
تيمور وسع ابتسامتو:تأكدت دابا هه (دار باغي يخرج من البيت وهو يرجع عندها ثاني غفلها ببوسة قوووية مزيير على وجهها بين يديييه زعزعهاااا خلااها تغمض عينيها بلاا ماتحس و تبادلو بطرييقة ساااخنة كايتباااوسو بالألسنة حتى سفو ريق بعضهمم .. دفعها بشوووية حتى دفعها لفوق الفرااش طالع فووقها .. فمو مزاحوش من فمها و يدييه طالعيين مع فخااضها حتى زيييير عليهم بقوووة مميل راسو معاها و هي محاوطة عنقو بيدييها كاتأن بطريييقة مثيييرة خفيييفة .. همسلها مبعد فمو على فمها بمسافة صغييييورة) سارة بنت من؟
كنزة شافت فيه بدون حركة كاتنهج و حاسة بالنشوة كاتشوفو فوقها كايشوف فعينيها بشوق ولكن فضولو أكبر من شوقو .. باغي يعرف و يتأكد من حياتها كي دازت .. كايقيصها كيفما بغا و مكاتقدرش تقاومو .. داير فحال شي مغناطيس بالنسبة ليها .. مغناطييس زوييين عااجبها .. هي براسها كاتبغي تمشي عندو .. كاتبغي قبلاتو واخا تعيا تقاوم مكاتقدرش ترفض
تمتمات بهدوء كاتدوز صباعها على حنكو حتى كايغمض عينييه بهيااام:سارة بنتي
تيمور حل فيها عينيه مخنزر:باااهااا؟؟
كنزة غززات سنانها كاتصرط رييقها و تزييرااات أول ماحساات بيديه طاالعين من فخضها لجيهة الفريتين .. تمتمات بخفووت عاضة على شفتها التحتية:مصعب
تيمور خرج فيها عينيه و نااض من فوووقها جاااعر خلاها حاضياه بعينيها و ناضت جالسة كاتقاد شعرها، هز التليفون ديالها كانت جبداتو مللي كانت كاتقلب على الكاااش و دخل للواتساب بسهولة واخا الكود اللي دايراه عرفو فحال الجن ..قابلو معاها مخرج عينيه
-و شنو هاد الميسااااج هذاااا؟؟ شكون كايهددك أكنزة .. قوليلي أنا نقدر نعاونك .. أي حاجة كاتزعجك غانحيدها و نقلعها من جذورها، قوليلي
كنزة تنهدات كاتشوف فيه بنظرة شوية خايفة .. خايفة على بنتها و بزااف .. زفراات بقوة و حلات فمها كاتهمس بقلة حيلة:سارة هي بنت...
كنزة زفراات بقوة كاتهمس:سارة هي بنت.....
حبسها صوت الدقان فالباب .. دارو بزوج جيهتو و هو يتحل داخل حوحو كايتلوى شاد تحتو
-فين الطوالييط فييينوو
كنزة تحنحنات كاتشوف فيه:ر راهو سير لهيه
حوحو ومألها و مشا كايجري بمشية معييوجةةة .. كنزة شافت بنص عين فتيمور و ناضت وقفات بغات تمشي و هو يجرها من يدها مخنزر فيها:مجاوبتينيش!!
كنزة بهدوء:ماشي دابا، من بعد و غانقولك كوولشي .. كانواااعدك (طولات الشوفة فعينيه و هو كذلك حتى حيداتلو التليفون من يدو و مشات خارجة من البيت طالعة لفوق بداك الكاش مايو كاتعيوج و تسترجع انفاسها .. باغا تبرد على نفسها ديك السخونية اللي حسات بيها)
تيمور زفر بقوة و مشا طالع الفوق تابعها يديه فجياب سروالو
سارة كانت كاتحنقز .. شافت كنزة طلعات بالمايو مشات عندها كاتجري عنقاتها:مامي نعوومو .. سوفي حتى انا بماايو تحت الكسوة
كنزة تبسمات:طبعا أحبيبتي غانعومو هههه (كوزات
كاتحيدلها كسوتها و هي تقفز واقفة بتفاجئ حاسة بشحطة فمؤخرتها .. دارت و هو يبانلها مغوبش فيها و شارلها غي بحركات بعينيه باش توقف مقادة .. خنزرات فيه حتى خنزرات و عاودات دارت تكويزة أخرى كاتحيد لسارة الكسوة على خاااطر خاطرها .. ماحسات براسها غي مدفوعة للجنب و حنا تيمور عند سارة كايحيدلها الكسوة)
تيمور:سيري چلسي و نتي عاجباك داك البلابور اللي جاراه وراك
كنزة خنزرات فيه:جمع راسك شوية و ماشي سوقك هي سبعالاف
مصعب مقرب عندهم بكرسيو:عمري .. عندك شي موشكيل؟
كنزة تبسمات:لا والو (دورات عينيها فالأرجاء كانو فوسط البحر حتى حاجة ماجنبهم) وقفنا هنا، بغيت نعوم!!
كنزة شافت فيه بغيض من عمري و حياتي، ولكن دارت راسها تبسمات:اممم واخا .. مادمتي نتا طلبتيها مني
تيمور عقد حواجبو فيها بشدة و هي دارت مع مصعب چلسو فالأرجاء .. مصعب و كنزة جنب بعضهم .. خليل و صونيا ناضو كايقلبو على شوايات يشويو شي حويتات لقاوهم فالثلاجة الصغيرة .. فريزر .. كايتضاربو و يتمازحو ناشطين
تيمور عقد حواجبو فيها بشدة و هي دارت مع مصعب چلسو فالأرجاء .. مصعب و كنزة جنب بعضهم .. خليل و صونيا ناضو كايقلبو على شوايات يشويو شي حويتات لقاوهم فالثلاجة الصغيرة .. فريزر .. كايتضاربو و يتمازحو ناشطين .. جوزيف و شيماء كايترومانساو بعييد .. فخر الدين و يامنة كذلك، أما حوحو فكايتصور بالسنااپ و يبرگگ فالانسطا و دينا عندها معجب سري جديد كاتميساجا معاه .. تيمور شاد سارة كايلعبها و الحاج كايتفرج فيهم مبتاسم
داز النهار بيناتهم هكاك .. كلاو الحويتات اللي صايبو صونيا و خليل .. عامو شوية حتى كنزة ما خلاتهمش يتحكمو فيها و عااامت على خاااطر خاطرها، طلعو لفووق مجموعين كولهم فجو النشاااط و الضحك .. جات العشية فوقت غروووب الشمس .. شد مصعب فيد كنزة مبتاسم و دوا بصوت عالي
-عمري .. اليوم هو ذكرى ديال أجمل نهار فحياتي كوولها .. 6 فبراير .. عاقلة على هاد التاريخ!
كنزة شافت فيه باستغراب .. و الجميع كايشوف فيهم حاضيهم .. هو تبسم
-عارف انشغالاتك كثار على داكشي عااذرك أعمري عندك الحق ماتعقليش ههههه .. اليوم هو ذكرى ديال زوااجنا الرابعة .. كنت بااغي نديرو حفلة كبييرة بهاد المناسبة ولكن بما اننا هنا فاليخت و ماكتابش أنا درت مفاجئة صغييورة و صافي (علا عينيه فالسما مبتاسم .. كان الضلام طاح .. حتى هي علات عينيها و هي تتبسم بهدووء)
شافت فيه بابتسامة تأنيب لراسها .. هي مزوجة بيه .. يعني مرتو هو .. مخاصهاش تخلي تيمور يتمادى معاها فحال البارح و فحال اليوم .. لمساتو كاتخذرها ولكن مخاصهاش تستسلملو .. حنات عندو معنقااه بقوة .. مع التعنييقة مع تيمووور زيييير على قبضة يدو بقوووة كايتغدد و دور عينيه للجنب .. باغي يتحكم فأعصااابو .. صبر و صبر و صبر ولكن للصبر حدووود .. شاف فيييهم ثاااني مخنزر و تمتم بحدة و صوت عالي
-برااااكة
شافو فيه بزوج باستغراب .. ماشي غي بزوج حتى باقي العائلة
تيمور بحدة:نتي برااااااكة من هاد الحركاات .. مكاتبغيييهش فهميييها
كنزة باستغراب:حماقيتييي يااك دابا عاااد تأكدت منك
تيمووور قرب عندها كايغوت:صطيتيييييينييييييي .. عارفااااني كانبغيييييك عارفاااني و كاتعذبييينييي بهاد التصرفااات ..
كنزة خنزرات فيه:جمع راسك حسنلك .. لاكنتي كاتبغيني انا ماعندي حتى دخلة .. هادوووك أحاسيسك أما انا مكانحملكش
الحاج عبد الناصر:كنزة بنتي حشومة
كنزة شافت فيه:جدي راك معارفش شنو واقع .. هو اللي خاصك تقولو حشومة .. راني مع راجلي و خاصو يحتارم وجووودو
تيموور خنزر فيها و بلا مايزيد كلمة .. ضرب الدورة قالب اليخت .. هي شافت فيه عاابسة و شدات على قلبها .. حاساااه مزيييير عليها .. تقبط و ماعرفاتش علاش .. جبدات تليفونها تشوف الساعة و هو يطلعلها ميساج فالنوتيفيكاسيون دالواتساب .. دخلاتلو و هي تصرط ريقها بثوثر
-كانتسناكم😈
تأفأفات بصوت عالي و شافت جيهت تيمور .. كان عاطيها بالظهر راجع باليخت للميناء اللي كان بعيد شوية .. مشات عند سارة شدات فيها بخوف من دوك الميساجات .. دازت موووودة كايتسمعو غي وشوشاات خافتة
يامنة بهمس:بانلي ولد خوك باغي مزال يزيد عليييها هم فوق غم
فخر الدين:غا تهناي مابقالنا قد مافات هنا و أكيد مغايطرا والو فهاد المدة
يامنة زفرات بقوة:انشاء الله
وصل اليخت للميناء .. نزل تيمور هو اللول منو .. تبعوه الجميع .. بقات كنزة هي اللخرة هازة سارة بقوة خايفة عليها من داك الميساج، بغات تخطي لخارج اليخت .. علا تيمور عينيه فيها مقلق عليها و باغي يعاونها .. مد يدو ليها .. شاف فيها بنظرة سريعة خاطفة .. غا جات عينييه عليها جبدهاا عندو بالزربة .. قلبووو حسو مشا و جا .. بانلو ليزر عند راااسها فاللون الأحمرر .. خباها وسط صدرو بقوووة هي و سارة و فديك اللحضة بالضبط تسمع صوت عاااالي درصاااصة .. الكل شااافو فبعضياااتهم .. كنزة عينييها تجبدو بخوووف .. شافت فتيمور اللي حمااها و هو يبانلها كايترخى و فديييك اللحضة طاااح على طووولتو راسو كايسيييل بالدم و عينيييه تسدو مكايتحركش بالمرة
شهههقة .. مجرررد شهقة عميييقة و مصدوووومة .. كاتشوفو قبالتها طايح مكايتحركش .. الدم تجمع تحت رااسو و دااار خط طوييييل فالأرض .. عييينيها دمعو .. يدييها فشلو لدرجة طلقات سارة من يديها .. جات شيماء و جوزيف و الجميع عندها كايجريو، شيماء هزات سارة جارها لبعييد كاتشوف فاللي واقع بصدمة .. كنزة حنات عند تيمور كاترجف و تحرك راسها بلا .. الكل تجمعو عند راسو و فخر الدين هز تليفونو كايصوني للإسعااف .. الدنيااا عمرات حواليهم .. شي ناس كانو فالميناء جاو كايطلو عليهم، تحنات كنزة عليييه حطات يدها عند عنقو .. تحسسات نبضو .. كان باقي حي و خفقات قلبو مستمرة .. دوزات يدها على حنكو مصدوومة .. مفزوووعة و خااايفة .. مامثيقاش كاتقول غي كابوس خاايب دابااا غانفيق منووو .. تكات بوجهها على صدرو كاتصنط لخفقات قلبو اللي بدات تقلال .. غمضات عينيها بقوووة كاتستجمممع أنفااااسها مزيييرة بقبضة يدها على القميييجة اللي لابس حتى كمشااااتها فيديييها .. حلاااات فمههها لآأااااخرو فمههااااا كايترررعد .. حتى فجأة زلزلااات الأرجاااااء حوااالييييييها بصرررررررررخة خاااااارجة من أعمااااااق قلبببها .. صرخةةة ألم .. صرررخة وجععععع .. صرررررخة كاتبوووووووورش، غوتااات و عاااااوداااات بصووووت عاااالي من أعمااااق قلبهااا
-تيموووووووووووررررررررر هئ هئ .. ت تيمممممووووووووووووور لاااااااااااااااااااااااا .. لاااااااااااااااااا اهئ م م ماااااتموووووووووتش عفاك ماتخلينيييش (عنقاتو بقوووة كاتحرك راسها بلا كاترجف و تنفض بجسمها و تشهق) لااا عفاااك لاا ماتمووتش أحبيبي .. تيمور ماتمووتش (علات فيه عينيها كاتشوف فملامحو و هو مكايتحركش فخطرة .. علات راسها فالأرجااء عينيها حمريييين كيييي جغمة دالدممم .. غوتااات بصوووت عالللييي صاااعرة حتى بانو عروووق عنقها كايززززدحوووو) حيييييييييييدوووووو من هناااااااااا بااااااعدووووووووو (طلعاات نفس مرعوووود بالزز كاتسترحع انفاااسها اللي بغاو يتقطعو و عنقاتو ثاني) عفاك أتيمور ماتخلينيييش عفاك .. لا لا ماتمووتش .. ماديييرهاااش هئ هئ .. غ غاتقتلنييي معاااك أ أناااا كانبغييك أنا، كانبغيك بزاااف .. عمرني كرهتك .. عمررني عمررررني
تسمع صوت لومبيلونص جاية .. هزات كنزة عينيها كاتشهق و ترعد توقفات سيارة الإسعاف قدامهم .. هي وقفات شادة فيه و تمتمات بصوت مرعود:ر رصاصة ف فراااسوووو هئ هئ فراااااااااسوووووو (عضااات على يدها بقوةةة كاتبرررد فييييها حرررررها قلبهاا كايتعرعدد و كاتطلع شهقة من أعماااق أعماااقها) مغايمووتش ياااكو (دورات عينيها فالأرجاء على گاع الناس اللي تجمعو عليهم .. ولكن فجأة غوتات كاتمتم) بشوووية عليه بشوووية غاتوعتووووه (قربات عندهم شادالو يدو بيديها كايترعدو و عروقهم تنفخو باارزين .. باينييين خوووضر) ماتوعتوليش حبيبي ماتوعتووهش
تمشاو بيه جيهت لومبيلونص بالزربة و هي غادة معاهم كاتجري طلعات معاهم لاصقة فتيمور مامداياها فحد و كاتشهق حاسة بقلبها كايتقطع .. كاتشوف فتيمور كاترجف وطبيب جا مع لومبيلونص كايفحص تيمور و يشوف حالتو باغي يحبسلو النزييف، حاالتو خطيييرة بزاااف .. و النزيييف كايتفاااقم .. كنزة سهاااات كاتفكر فسرها و تشوف فيه قلبها فاااشل مقبووض
بلسان كنزة🔥
الحياة .. ديييما كاتعشينا لحضاات مفااجئة .. مكانعرفوش شنو طرا فحيااتنا .. شنو وقع .. كي وقععع .. قلوبنا كايتفااجئو .. عقلنا كايتبلوووكاااا .. حياتنا تقدر تتقلب سفااها على علاها بدوون احم ولا دستووور
ولكن رغم كووولشي بدوك المفاجئات تقدر تحلى حياتنا، كانخرجوو من واحد النمطية كنا موالفين علييها .. تقدر تكون مفاجئة خايبة بزاااف مفاجئة تخليني نبكي و نشهق و نتحاسب ولكن مللي كايدوز وقت تقدر ترجع غييير تعاوييد و ضحك بيناتنا، أنا دابا و فهاد اللحضة .. كانعيش أسوء لحضات حيااتي .. كفسس حتى من اللحضة اللي تخلى عليا فيها و جاتني أزمة قلبية بسباابو .. قلبي حااساااه كايتكوى على الجمر و كايضرب ضربات متتالية خااايفة بزاااااف، الحياااة فاجئااتني بحاجة ماكنتش متوقعاها فخطرة مكااانتليييش على البااال .. داك اللي كنت كانقول عليههه أنني كانكرهو من اعماااق شرايين قلبييي .. دابا تأكدت أنني عمرني نكرهو حيت خوفي عليه فهاد اللحضة .. خوف كبييير بزاااف .. روووحو معللقة بين الحياااة و المووت مرة أخرى بسبابي أنااا، كاينزف بزاااف .. راااسو عااامر دم من ديك الرصاااصة اللي كانت قاصداااني أنا ولكن خداااها هو بلاااصتي .. حاليااا انا خااايفة .. خايفة لانكون فقدتو للأبد... و عمرني نعاود نسمع قلب قلبي مزال من فمو 💔
💔أرجوك لا تتركني💔
أحبك، أجل أحبك ...
لم أنساك، أجل لم أنساك ...
لا أريد فقدانك، أجل لا أريد ...
لا تتركني، أرجوك لا تتركني ...
لم أكرهك، أبدا لم و لن أكرهك ...
لا تتخلى عني، أرجوك لا تفعلها ...
قلبي المسكييين يتألم .. قلبي اليتييم انقهر ..
أرجوك لا تفعلها يا روح الروح، لا تتركني💔
غادة جايا فداك الكولوار .. قدام قاعة العمليات .. كاترجف بوحدها .. شاداها التبوريشة، خااايفة .. غاتموووت بالخلعة عليه، المفروض أنها هي اللي كانت غاتضربها الرصاصة .. المفروض أنها تكون هي بلاصتو .. تمناااتها ألف مرة و عاودات تمناتها .. هي مجرد أمنية وحدة مكاينش غيرها، أنها تكون هي لداخل بلاصتو، علاش يموت بلاصتها؟ لمن غايخليها؟ واخا كانت كاتقول راها كاتكرهو .. كاتمقتو .. مكاتحملوش .. دوزات سنييين كاتقنع راسها بهادشي، ولكن حااليا .. مجرد فراغ حاساه .. إحسااس الكره تلاشى من قلبها .. ولات غي باغااه بوووحدوو .. تيمور بوحدو .. لا مات غاتبعو، مغاتفكرش فالعواقب .. هادشي باش واعدات راسها .. تكات على حيط من الحيوط كاتدعي لله و تعاااود .. كاتدعيلو بالشفاااء .. نسات كووولشي مللي شافتو فديك الحالة .. نسات حتى بنتها اللي كانو كايهددوها بيها .. نسات حتى راسها أصلا .. تيمور روح رووحها مخاصوش يموت بهاد السهوولة .. هو ماشي ضعيييف لهاد الدرجة و غايقاااوم .. غايقاوم و غايرجعلها .. جلسات فالأرض بتعب .. حاسة بالدنيا كادور بيها .. إحساس لا تحسد عليه كاتحسو، قلبها مزييير .. عقلها واقف فلحضة وحدة .. مللي جرها تيمور و تلقى الرصاصة بلاصتها .. تنخصاااات بصوووت عااالي كاتبكي بحررقة ..
دازت مدة طويييلة، ساعات كثااار .. جل العائلة ولات مجموعة فداك الكولوار كايدعيو مع تيمور بالشفاء، كايدعيولو بالنجاااة
ما عدى شخص واحد گالس مخنزر كايتغزف بووحدو و يخنزر فكنزة الللي دايرة هاد الحالة كوولها على قبلو .. أكيد عرفتوه شكون غايكون "مصعب"
وقفات كنزة غادة جايا قدامهم كاتمتم:طنجة منحوسة .. ديما جايبة المصايب .. غي جيتلها فطريقي ليها درت كسيدة و تعرضت للتسمم و دابا تيموور .. علاش غييي حنا علاااش (تكات براسها على الحيط كاتشهق .. شافت فجنابها كان الجميع بالو مشغول عليه .. غمضات عينيها بقوة لحضتو مللي جرها و عنقها و حماااها بجسدو كاتعاود فذماغها فحال شي شريييط كايتسالا و يتعاود من جدييد .. ذمااغها قرب يتسووطا)
تحل باب غرفة العمليات أخيييرا .. خرج الطبيب عرقان من وعاارة العملية ..شاف فگاع اللي تجمعو عليه كايستفسرو منو على حالة تيمور
الطبيب كايزفر:كنا على نقطة و نفقدووه .. حالتو كانت ميئوووس منها .. الرصاصة كانت قريييبة لمخو و لا كانت زادت انش وااحد لييه كان يقدر يموت ساعتها .. الإصابة فالراس كاتكون خطيرة بزاف و هادشي اللي طاري حاليا .. حالتو مكاتبشرش بالخير .. العملية كانت صعييبة بزاااف، بالزز باش جبدنا الرصاصة و لكن حااليا (سكت كايشوف فالباب تحلات خارجين بتيمور كايجريو جيهت غرفة العناية المركزة، مامخلليين مجال لحد يتبعهم .. كنزة ماتبعاتهمش كاتسنى تعرف حالة تيمور كي بقا .. حتى هو باشر هضرتو بهدوء) حاليا حالتو خطييرة بزااف، غايبقى تحت المراقبة هاد 48 ساعة حتى ينوض و نشوفو لا وقعولو مضاعفات ولا لا عاد نقدو نطمنو عليه، و حااليا الزيارة ممنوعة نهااائياااا
مشا من قدامهم خلا كنزة دارت بصمت مادوات ماتكلمات مشات كاتقلب عليه .. زربات كاتجري حتى وصلات لغرف العناية .. كاتقللب فالبيوت من خلال شراجم كايبينو شنو لداخل، بانلها فغرفة من العرف كايركبولو السلوكة و الأجهزة و المسكر فوجهو، تكات كاتشوف فيه بحرقة و حاسة بتأنييييب ضمييير كبييير لحااالتو .. دازو دقاائق .. خرجو دوك اللي كانو معاه خلاوه بوحدو و لتاحقو بيها العائلة سارة معاهم
كنزة حسات بالدوخة بدات كاتشدها .. عضات على فمها حتى فجأة صوووت عااااليييي خلاااها تدووور مستغربة بحوااجب منقضة، دارت هي و دار معاها الجميع بانلهم عبيد جاي كايجري ملهوووف خااايف و كايغووت و يعرعر و يسسسب
-بنننت الكلللبة .. نتيييي سببباب وللللديييي .. نتي سباااب كاااع المصاااائب ألحماااارة .. (مشا كايجري جيهتها ناوي يضربها ماحس غي بشي حد وقف قبالتو .. شافو جميع جيهت داك الحد و هوما يتصدمو .. مصعب قرر يتخلى على كرسيو و وقف كايدافع على كنزة أمام اعين و نظرات الجمييييع، شافو فيه مصدووميييين و علامات التعجب كاينقزو عند راسهم)
مصعب بنبرة عااالية مغزز سنانو بشدة:مرااااتي حد مايتجرأ و يقييصها مزااال
مصعب وقف قبالت عبيد شادلو يدو بقوة و مخنزر فيه .. كنزة كاتشوف فيه بعدم استيعاب، لا هي ولا جل العائلة اللي تصدمو من وقوفو على رجليه! ياك كان مقعد؟ كي دارلها!! هو زيررر على يد عبيد اللي كانت غاتمد على كنزة و قال بصوت عاالي مغزز على سنااانو و مخرررج فيه عينيييه السووود
-مغانبقااش ساكت من هنااا لفوووق، مرررتي حد مايقد يقييصها فهمتيييي .. نفدييييييها برووووحي و لا تجأتي تمد عليها يدك مزال حسب عمرررك وصل للحد ديالو
كنزة بعدم استيعاب:م مصعب ش شهادشي ك كانشوف!!
مصعب دار شاف فيها بنص دورة و تمتملها:غانشرحلك كولشي فالقريب غي تهناي .. عفاك ماتفهمينيش غلط
كنزة مزادتش شافت فيهم .. عطاتهم بالظهر بعدم مبالاة لحتى حد .. حاليا هامها شخص واااحد مغاتشغل بالها بحتى واحد من غيرو، دارت كاتشوف فتيمور من داك الشريجم .. حاطة يدها عليه و فبالها حاجة وحدة "تيمور مايخليهاش"
همسات بنبرة مخنوقة:ماديرهاش عفاك .. على قبلي و معزتي انا و سارة عندك .. و معزتنا و حياتنا ماتخلاش علينا
دينا قربات عندهم مستغربة: مصعب ن نتا ماشي كنتي مقعد؟؟ ذهادشي واقع هنا
مصعب بصوت خافت: من بعد و غانشرحلكم (خنزر فعبيد بحدة) نتا ماتزيدش تقرب لمرتييي
عبيد نتر يدو من عندو مخنزر:غاتندمو .. نتا و ديك مرتك كانواااعدكم غاتندمو أشد ندم (قرب واقف كايطل على تيمور .. من الجيهة الثانية دالزاجة .. الصمت حل فالأرجاء .. سارة نعسات بين يدين شيماء و الأغلبية عيااا .. جاو زوج ممرضات كايشوفو فيهم)
-عفاكم .. ممنوع تبقاو كاملين هنا، غي شي ثلاثة دالناس
كنزة مشافت فحد عاطياهم بالظهر، عبيد حتىى هو حاضي ولدو اللي بقالو فهاد الدنيا .. ناضو كاملين كايشوفو جيهت غرفة تيمور .. تنهدو يلاه غايمشيو تسمعلهم صوت فشكل من فوسط الغرفة كنزة عينيها تجبدوو حاسة بقلبها تزييير، قلبها حساتو وقف مع قلب تيمور اللي بانلهم وااقف لدااخل .. اللحضة كاتعااودلها للمرة الثااانية .. نفس شنو وقع قبل مدة ماطويييلاش .. نفس الصووووت .. نفس داك الخط الطوييييل اللي ترسم فشاشة تخطيييط القلب .. فعوض داك الخط اللي متذبذب، حلات فمها مقاداش تدوي .. الصووت هرب من حلقها
حلات فمها مقاداش تدوي .. الصووت هرب من حلقها .. عينيييها خااارجييين و دامعييييين بغزااارة
قادو الصعقة اللولة مع قلبو .. معاها جسدو اهتز .. ولكن ما من استجااابة .. كنزة بغات تسخف .. من المشهد اللي كايتكرر .. كاتقول هاد الخطرة مغايستاجبلهمش فخطرة .. صافي غايموووت .. مغاتعاودش تشوفو كايتبسملها .. مغاتشوفوش كايتبسملها واخا كانت كاتجرحو .. كايهتم لأمرها .. حاسبها بنتو الصغيرة .. مامتخيلاااهش يكون مات صافي .. قلبو دارها للمرة الثانية، شحااال قدو يستحمل شحااال؟ كاتغوووت و تجدببب و تضرب بقوتها كاااملة فديييك الزاااجةةة .. جا عندها مصعب بالزربة كايجرها عندو ولكن هي كاتدفعوووو و تغوووت بأعلللى صووتها .. استعد الطبيييب يقاااد الصعقة الثاانية، يلاه ضربووه بيييها كنزة ضربات الزاااجة بقوة حتى تشققااات و بقاو كايبانو صور كثيرة منها فدوك الشقوق .. فديييك اللحضة بالضبط قبل مايصعقو الصعقة الثانية القلب رجع لنبضو فثانيييتها
زفرااات بقوووة .. حاسة بالرووح رجعاات فيها .. شافت فجنبها كاترجف .. بانلها مصعب تلاحت على صدرو كاتبكي و تشهق، هو زيرها عندوو كايوااسي فييها .. يااال سخرية القدر .. كايواسيها على راجل آخر من غيييرو .. هو اللي راجلها، الطبيب بقا عندو كايفحصو مدة طويييييلة و هو علىى حالو مكايتحركش .. خرج عندهم مللي سالا الفحوصات كايتنهد و يزفر .. شاف فالجمييع و بالخصووص فكنزة اللي مشات عندو كاتجري شدات فحوااايجو كاتدييه و تجيييبو كاتشهق .. حالتها كاتقطعع فالقلب
-شنو وقعلو أدكتور علاش وقفلو قلبو😭😭
الطبيب تنهد معلي حواجبو بزوج:صراحة ماعندي مانخبي عليكم .. حالة المريض تدهوراات كثرر .. كان غايوقعلو نزيف داخلي غي حفض الله و صافي ولكن حاليا دخل فغيبوبة
كنزة شافت فيه بصدمة .. "غيبوبة" كلللمة كبيييرة .. مكاتستحملهااش، لا دخل لغيبوبة فوقاش غايفيق؟؟ براكة غي سي چي و كلير .. ثلث سنين والزيادة و هوما فغييبوبة و للحين باقي مفاقوش .. رجليها فشلو بيها .. عينييها كايشوفو الضباابة .. قلبها تزييير كثررر و نبضها قل .. ترخااات طاايحة بين يدين مصعب مكاتحركش .. الخبر كان قاااسي عليها .. قاسي بزاااف
⚡بعد مرور عدة أيام⚡
حلات عينييها على صوت رصااصة تضرب عاالي فوذنيها .. قفزات فبلاصتها .. شافت فالأرجاء و هي تزفر بقوووة حاسة بأنها فكابوووس و مقاداااش تفيق منوو .. حياتها ولات بلا طعم .. تفكرات آخر حوار بينها و بينو .. كان قاسي عليه و عرفاتو بقا فيه الحال الحال بزاف .. وجعاتو فقلبو عن قصد باش تبعدو عليها و مكانتش ضانة ان مور داك الحوار غايطرا داكشي هداك .. ناضت حااسة بالفشلة .. رجليها و عضامها و راسها .. نفسيتها كولشي فيها فاشل .. غادة جيهت الحمام فغرفتها فالمزرعة .. دخلات قضات حاجتها و غسلات وجهها، سالات و خرجات فحالها للدريسينغ .. هزات سروال و بودي لبساتهم و جمعات شعرها عادي خارجة من البيت .. نزلات لتحت كاتجري فالدروج .. مشافت فحد .. الطبلة دالفطور كانت واجدة و جل العائلة كايفطرو ولكن هي مداتهاش فيهم .. مشات لسيارتها ركبات و ديمارات .. مشات بسرعة عاادية فالطريق، حتى وصلات للكلينيك .. خرجات من الطموبيل داخلة بخطواات ثقاال .. مشات جيهت العناية المشددة .. وقفات كاطل عليه .. شافت فيه بأسى .. قلبها مكوييي علييه .. كاتشوف فيه بنظرة متألمة .. مباغاش تشوفو ناعس بهاد الطريقة، باغاه يفيق .. يشوف فيها و يقولها قلب قلبي .. يبوسها .. يعنقها .. يهمسلها بصوتو الرجولي .. بحتو فيها نبرة خااصة كاتبوورشها .. طريقتو فالهضرة كاتعجبها .. توحشات أياماتهم .. مصالحتهم .. حبهم .. توحشات كووولشي ديالهم، هي وياه .. مقاداش تتخايل حياتها بلا بيه .. جات ممرضة دايزة من قدامها بغات تدخل لعندو .. شداتها كاتدوي بتوسل
-عفاك بغيت ندخل عندو
الممرضة:ديزولي مدموزيل، ممنوع الزيارة حاليا .. حالة المريض مكاتسمحش
كنزة:عفاك .. غي خمسة دقايق و ندور معاك .. نعطيك شحالما بغيتي
الممرضة طولااات فيها الشوفة:شحااالما بغييت؟؟ مممممم لاكان هاكا واخا .. غاتدخلي و تسبقيلي النص و تكمليلي النص فاش تخرجي من عندو، عطيني 500 درهم دابا
كنزة علات حاجبها كاتشوف فيها مخنزرة .. دارت يدها فجيبها كاتقلب .. بالزربة اللي خرجات بيها ماجابت حتى درهم معاها .. قالت بحدة:ماعنديش حاليا من بعد و نجيبليك
الممرضة:لا كان هكا .. سمحيلي نقوليك ممنوعة الزيارة
كنزة طولات فيها الشوفة تبسمات ابتسامة جانبية حنات عينيها لواحد البادج معلقالها فعنقها و حفضاااتها مزيان هي و سميتها .. مشات من قدامها، نزلات لتحت بلا عگز عليها بانلها واحد الدكتور .. مشات عندو وقفات قبالتو
-سمحلي أدكتور نقوليك
الطبيب شاف فيها:وي مادموزيل
كنزة بابتسامة:واحد الممرضة عندكم هنا زعجاتني صراحة .. هادو ماشي أخلاق كاتعاملو بيهم ..زيادة على الرشوة كاتطلبها بالعلالي .. راني نتشكى بالكلينيك ديالكم و يي..
قاطعها الطبيب بالزربة:لا أمدموزيل علاش هادشي كامل .. قوليلي غي سميتها و أنا نتكلف
كنزة بابتسامة لبقة:بثينة الهادي .. عفاك لازدت شفتها هنا الكلينيك ديالكم يقدر يتسد .. لحد الآن داوية بهدوء .. مابغيتش ندوز للمدير و دويت معاك نتا اول واحد شفتك قدامي
كنزة خنزرات فيه و فالممرضة اللي كاتشوف فيها باستغراببب دفعاااتها كنزة من صدرها بقوة:خررررجييي علييااا .. و مرة اخرى أحسنلك قلبي الطريييق مللي تشوفيني حيت تعااملييي كل خطرة كايتقلب مع ال*حااااب فحااالك
الممرضة يلاه بغات تحل فمها جرها الطبيب بالزربة خرجها برا .. هي تأفأفات بصوت عاالي و دارت شافت فتيم
بانلها ناعس على حاااالو .. قربات عندو بشووية و جلسات جنبو .. كاتشوف فيه بألم و حرقة .. حطات يدها على يدو و زيرااات علييه، هو گااع محاسش بيها .. عضات على شفتها التحتية بقوووة و حنات ليدو باستهالو كاتهمس بنبرةةة مخنووقة
-واخا شنو كادير فيا توحشتك .. كانبغييك .. و مانقدرش نعيش فهاد الدنيا و نتا مكاينش .. واخا شنو درتي فيا، واخا انا كنت بالنسبة ليك مجرد فرييسة دخلتيها لمصيدتك .. واخا كووولشي .. أنا كانبغيييك .. كانحمااق علييك .. و غي غاتنوض مغانحيدش من قدامك .. مغانخليكش مزاال تبعد عليا .. غانعيش معاك أيام سعييدة .. واخا تكون غييي كاتفلا عليا فحال اللول و كاتوهمني أنك كاتبغيني .. غانبقى معاك .. غانلصق فيك و غانبغيك غي نتا و سارة، واخا ماشي بنتي اللي ولدتها .. إلا أنها بنتي اللي ربيتها و اللي ربا حسن من اللي ولد .. غي نتا ماتتخلاش علينا و ماتخليناش عفاك، أنا و ياها كانبغيوك و غانبقاو نتسناوك دييييما (عاودات باستلو يدو و تكات براسها جنب راسو كاتشوف فيه بحب كبييير .. دوزات قرون صباعها مع وجهو و همساتلو) ماتتخلاش عليا مزال .. عفاك ماتخلينييش
🍃المزرعة🍃
فحديقة قريبة للغابة ديال المزرعة .. كاينة شيماء و سارة .. كايلعبو مع بعضهم .. طول هاد الأيام اللي مرو شيماء كانت كاتعتاني بسارة و تتعامل معاها كأنها بنتها اللي ماولداتهاش .. كتعاملها بحنان الأم .. بطبعها كاتحماق على الدراري الصغار و بما أن الله باقي مارزقهاش بالذرية الحسنة .. هي كاتدعيلو و آملة يحققلها أمنيتها الوحييييدة فهاد الدنيا
شيماء وقفات مبتاسمة:و كي جاوك دابا؟
سارة بابتسامة:زوييينييين
شيماء:خاصنا غي نسقيوهم دابا .. تسنايني هنا .. غانجيب الما باش نسقيوهم
سارة ومآتلها براسها:واخا أخالتو ثيما
شيماء تبسمات خلاتها جنب وريدات زرعوهم فديك البلاصة و مشات تجيب الما، دازت هزات البريق الخاص اللي كايسقيو بيه .. كان خاوي .. عمراتو و مشات راجعة مبتاسمة، وقفات فالبلاصة فين كانو و هي تدور راسها مستغربة .. نادات بصوت عالي
-سااارة فيينك؟؟
دارت يمين و شمال كاتقلب فالأرجاء .. تبسمات كاتمتم بصوت عالي:عررفتك ألمشاغبة .. باغا تلعبي معايا ياااكي، هااانا غانقلب عليك و مللي نلقالك غاناكل مك ههههه
دارت كاتقلب فالأرجاء القريبة و كولما كاتمشي لبلاصة و مكاتلقاهاش كاتحس فحالا سطل مثلج دالما تكب علييها .. خصوصا مع سارة مامسموووعش حسها .. رجعات لبلاصتهم اللولة ولات كاترعد و كاتدور فراسها فالأرجاء بهستيييرية .. البريق اللي كان فيديها طلقاتو حتى طاح و فاض منو الما .. شافت لبعيييد كاتعيط بصوووت عاااالي
-ساااااااارةةةةةةة
"الصمتتتت و صدى صوتها كايرجع عندها"
عينيها دمعو برعب كاتغوت ثااني:سااااااارة فيييييييينك براااااكة من اللعب الخااااايب
-الصمت .. مجرد صمت .. صوت الرياح المخييييف كايضرب فوذنييها .. شافت لبعيد بانلها جوزيف جاي كايجري من صوتها المسموع
-شنوو واقع مالك كاتغوتييي؟؟
.. مشات عندو كاتجري شدات فيه مرعووبة خاايفة و تمتمات كاتدور فراسها فالأرجاء
-س س سارة أجوزيف .. سارة ض ضاعت .. م ماعرفتش فيناهيا! خليتها هنا .. مشيت جبت الما و مللي جيت مالقيتهاش .. هئ هئ هننن فين غاتكون سارة فيييين؟؟؟ فينن غاتكوووون مشااااات (علاات صوووتها ثاني كاتعيطلها بأعلى صوت عندها) ساااااااااارة ماديييريش فيااا هااااكااااا .. (شافت فجوزيف مخرجة عينيها) الأمانة ضاعت أجوزيف .. هي أمانة من عند كنزة أماااانة
بعدما دوزات معاه ساعات كثااار فوسط غرفة الإنعاش و حتى طبيب مقالها تخرج ولا شي حاجة من هاد القبيل، وقفات كاتكسل و تشوف فيه مبتاسمة بحب، حنات عندو باستو فحنكو مطووووولة البوسة .. همساتلو فوذنو بصوت خافت
-كانبغيك (تنهدات بصوت عاالي مدوزة شفايفها على حنكو حتى وصلات لفمو .. باستو بوسة خفيييفة مغمضة عينييها و تمتمات) حياتي بلا بيك مكاتسوى وااالو يا روح الروح
ناضت كاتشوف فيه بابتسامة و دارت خارجة من عندو .. خرجات لبرا، قلعات داكشي اللي لبسات اللباس الخاص بالإنعاش، خرجات من الكلينيك كاتنهد و تدور راسها يمين و شمال كاتعوج فعنقها حاسة بالتعب .. ركبات فسيارتها أول ماوصلات برات الكلينيك .. نطالقات بسرعة جيهت المزرعة .. حاسة براسها توحشات سارة .. هاد الأيام كاااملة دوزاتهم فالسبيطار مع تيمور .. كاتجي فالليل و تخرج فالصباح گااع مكاتشوفها .. وصلاتلها و دخلات كاتشوف فالأرجاء .. بانتلها الدنيا عامرة شوية، الحرااس غاديين جايين و الأضوية شاعلين بكثرة فالجردة و المناطق البعيدة .. دخلات مستغربة مدلية شفتها التحتية .. غا وصلات لداخل استغربات كثر بانلها مصعب واااقف .. كايغوووت على شيماء و هي مخشية فجوزيف و جوزيف مغطييها كايتراد مع مصعب
جوزيف مخنزر:غانلقاوها .. المنطقة محمية و ماعندهم منييين يخررجو حتى حد مغايخررج، سااارة مغادوزش نهااار بعيييدة ولا خارج المزرعة
كنزة قربات جيهتهم مستغربة:ش شنو؟ .. س سارة!!!
شيماء سمعات صوتها .. شافت فيها خااايفة عينيها عامرين دموع .. مشات عندها كاتجري و تمسح دموعها و تتنخصص:ك ك كنزةةة😭😭أ أنااا والله غي مشيت نجيب الما و فاش رجعت مالقيتهااش .. ماضنييتش غايوقع دااكشي .. لاكنت عاارفة واللهما نمشي .. ل لا ماكنتش نخرجها للجردة فخطرة .. عفاك سمحيلي أكنزة سمحيليييي😭😭😭😭😭
كنزة باستغراب:علاياش داوية؟؟ شنو طرا لسارة!!
مصعب قرب عندها مغلغل:المحترمة خرجاات بالبنت و خلاتها بوحدها .. بنتنا تخطفاات أكنزة تخطفات
كنزة جبدات فيه عينيها بعدم استيعاب و شافت فشيماء كاتحرك راسها بلا .. شافت فوجوه الجمييع و مشات كاتجري طالعة لفوق لبيتها كاتغوت بصوت عالي
-ساااارة .. نتييي لفووق ياااك .. بنتي ساااارة لفووووق (مشات كاتجري لباب بيتها دفعاتو دااخلة .. مع دخلتها عينيييها خرجووو فالفراااش .. قربااات جييهتو ببطئ .. بانتلها دمية صغيرة فوق الفراش عمرها مكانت عند الصغيرة .. قرباتلها و هي تححس بالفشلة فركابيها و ذاتها تنملااات عليييها مابقاتش حاسة بعضاامها .. چلسات فوق الفراش جنب الدمية .. كانت معاها رسالة خطية .. هزاتها كاتقرا فيها بعينيين داامعيين و قلب كايتقططططع
كنزة كمشاات ديك الورقة بقوووة كاتشوف فديك الدمية .. علات عينييها قبالتها كاتنهجججج .. كاترعدد .. ذماااغها وقففف .. جمدااات بلااصتها كاتشوف قبالتهاا بدووون حركة بانلها مصعب فباب الغرفة، تقدم عندها ببطئ و بنظرة متفحصة كايشوف فيها .. جلس عند رجلييه فالأرض.. شدلها فركابيها كايشوف فيها بنظرة ثقة
-غانلقاوها أكنزة .. غانجيبها
كنزة ولات كاتشهق .. قلبها حساتو كايتقطع .. حرررقة كبيييييرة و غصة أكبببر تكوناات فقلبها .. بنتها الصغييورة تخطفات .. هي حاليا مع مجرم .. حمق .. قتاال، خايفة عليييها و بزاااف .. ذماغها حبسسس .. مقادة تفكر فوالو من غير فييها .. خرجااات شهقة كبيييرة من فمها و بدااات كاتضرب بقبضة يدها على قلبها اللي كاان ضااارها .. كاضرب و تعاااود حاااسة بالنااار شااااعلة فييييها .. مصعب قرب كايشدلها يدها و هي كاتغوووووت و تدفع فييييه و تضرب فراااسها و صدرها .. قلبها بغاااا يوقفففف كاتغوووت و تعاااود
مصعببب شدهااا بقوووة حاااكمهاااا .. زيييرها مع صدرووو معنقققها و كايزيييير عليييها و هي كاتحرك بقوووة بين يديييه .. بااااغا تمووووت من خوووفها على بنتها .. فترة و هوما على هاد الحالة حتى شافو بزووج جيهت جيب سروالو .. حطات يدها عليه و جبدات التليفون اللي كان كايصوني .. عينيها خارجين و قلبها بغا يسكت .. عينيها توسعو فالرقم اللي كايصوني .. هو نفسو اللي كان كايراسلها .. جاوبات و دارت السبيكر .. مع تفتح الخط سمعات صوت بنتها
الصوت:لااا هههه بنتي بلاصتها معااايااااا .. هي بنتي أنا .. بنت حبيبتي .. بنت هوسي .. بنت المرى اللي حلمت بيها سنيييين .. بنتيييييي أناااااا (غووووت حتى قفزات كنزة شدات يد مصعب مزيييرة عليها كاتصرط فريقها و قالت)
الصوت بنبرة مستهزئة:خهههههه لا لا ماضحكوووش عليا .. ورااااوني الحقيقة بالدلييل أزوينة
كنزة شافت فمصعب باستغراب:ش شكون هذا؟؟
الصوت بخبث:هو بابات حبيب قلبك اللي خاطر بحياتو و تلقى رصاصة بلاصتك
كنزة تكوانسااات بلاصتها كاتسمعو كايدوي
-اللي عاوني باش نلقى بنتي هو عبيد .. عبيد آل باشا .. عمك أزوينة عمك
كنزة طيحاات التليفون قلبها كايضرب بقووة و كاتشوف فمصعب بعدم استيعاب، سمعو صوت من التليفون اللي طاح
-أووووه .. بنتولي تصدمتو، ولكن ماعليييش هههههه أهم شيء بنتي معاايا و عمرك مزال غاتشوفيها أكنزة آل باشا
كنزة وقفات على إثر آخر جملة قاللها .. "عمرها تشوف بنتها" .. عمرها تشوفها .. تسمع صووتها .. تشم رييحتها .. لا لا لا ماتقدرش تتخايلها .. شافت فمصعب كاترجف و شدات فيه كاتنخصص .. حناكها و وجهها گاااع حمر مزنگ .. عينييها كذلك و شفاارها فازگييين بالدمووع .. همساات بصوت كايطع فالقلب
مصعب وقف مبتاسملها:يلاه و لكن غاتبقاي فالطموبيل مني نوصلو .. مابغيتكش تتآذاااي
كنزة ومآتلو براسها:أه أه غانبقى فالطموبيل غير زيييد (جرااتو من يدو خارجيين من المزرعة كايجريو .. مصعب جبد تليفونو كايحدد بلاصة جهاز التعقب اللي كانو داروهلها .. فواحد الحلقات من زماان مللي كانو فكوريا، كانت ضاعتلهم واحد المرة و بغاو ياخذو احتياطاتهم للمستقبل .. ها هي نفعاتهم حاليا .. كاتعطيهم الإشارة غي قرييبة .. مشااو كايجريو للطموبيل تابعيينها .. كانت الإشارة واقفة فبلاصة وحدة مكاتحركش .. بقاو غاديين و كنزة كاتدعي من قلبها بنتها تكون بخييير .. حسااات برووحها مزيييرة و نفسها كذلك .. وصلو لديك البلاصة اللي كانت واقفة فيها الاشارة .. كان كوخ وسط الغابة القريبة للمزرعة .. وقف مصعب الطموبيل و نزل بالزربة .. تبعاتو كنزة بالها مشوش على بنتها كاتفكر غي فيها و مكاتعرف حتى حاجة اخرى من غيييرها .. وصلو للباب دالكوخ .. مصعب وقف هو اللول .. حط وذنو على الباب كايتصنط و هوما يسمعو صوت سارة عاالي كاتمتم
كنزة هتفااات بلهفة:س سااارة سارة هنااااا .. حل البااب حل امصعب حلللل
مصعب ومألها براسو و حل الباب اللي مكانش مسدود بالساروت .. دفعها لداخل كايطل بعينيه و يلولبهم فالأرجااء .. يلاه خطا خطوة داااخل الكوخ .. دور عينيه فالأرجاء الدنيا خااوية مكاينش الحس د سارة .. دخلات كنزة تابعاه شاداها البكية مللي بانلها خاوي .. شافت فجنابها و هو يبانلها كرسي .. فيه مسجلة كل شوية كاتقول بصوت عالي مامي بغيت مامي و جنبها بواطة .. قرباتلها بشووووية هزاتها .. شافت فمصعب بعينين مدمعين، هو قرب عندها .. حيدلها البواطة من يدها و فتحها .. مع الفتحة بانولهم الحويلقات د سارة و جنبهم رسالة مكتوب فيها
-5 ثواني و غاتوليو مجرد رماد من خبر كان .. طحتو فالفخ
كنزة و مصعب شافو فبعضياتهم باستغراب و
4
3
2
1
بوووووووووووووم 💣💣💣💣
صوت إنفجاااار قوييييي تسمع فالأرجااااء .. انفجاااار كايدخل الرهببببة و الخووووف فالنفوووووس و العاااافية شعلااات فداااااك الكوووخ كااااااامل حتى مابقاش كايبان بقوة العااافية اللي كانت اللهبة ديااالها واااصلة لبعييييييد
"أصبحت مجرد رماد .. تدمرت و تدمرت .. يئست و تشجعت .. احترقت و اندفنت .. لم يعد لي وجود يا أمي"
أحاسيس محظورة الجزء السابع
محتوى القصة
التنقل بين الأجزاء