الفلاح الوسيم الجزء الثالث

من تأليف Zineb Skaro
2019

محتوى القصة

رواية الفلاح الوسيم

خلاوها ترتاح من بعد منعسات بدلو ليها حوايجها لي تقطعو غطاوها وهبطو لتحت فقط المعيطي لي بقا حداها حلف لا تزحزح بقات فيه فاش شافها هكاك گاليهم انبقا حاضيها حتي تفيق ، خديجة تبكي والمختار معنقها وايطبطب عليها فاطنة بقا فيها الحال بزااااف واسماء حتي هي بقات فيها زينب ، دخلو للصالون والسكاااات كلها حاني راسو 
المختار: خديجة شنو وقع مالها بنتي زينب عارفها متوصلش لهكا الا الي تقهرات وحسات بالضلم ولا الحگرة 
خديجة (شافت ف فاطنة وهي كتنخصص ): خاصنا نمشو من هنا 
المختار (دار شاف فيها): كي..كيفاش واش حنا عندنا فين نمشو ومبغيناش 
خديجة (خنزرات فيه): بنتك شفتي حالتها اليوم وغدة علم الله شنو يوقع اسيدي الي نتا عاجبك هاد الدل والقهرة انا لا ومستحيل نخلي بنتي هنا
فاطنة (تدخلات): خديجة وقيتة تعصبت فيها وخرج داك الكلام من فمي والله كون كنت عارفة هادشي ايوقع نقطع لساني قبل نقول كلمة وحدة 
خديجة : زينب سمعات كووووولشي نتي مخليتي مقلتي بقا ليك غير تطلعي وتضربيها واش عند بالك حتي الي كمدتها فقلبي وسكت وجلست هي غتبغي تجلس بعد لي سمعاتو والله وخا تبات فالزنقة بنتي وعارفاها نفسها حارة
فاطنة : انا ندوي معاها زينب وخا لسانها سليط حاسة براسها ومحاملاناش راها عزيزة وربي فاش دخلات من داك الباب حتي حسبتها من معزة اسماء والمعطي 
خديجة: لا باينة تبارك الله ، انا صافي هضرة وحدة قلتها تفيق زينب نجمعو حوايجنا ونمشو فحالنا بغيتي نتا المختار تمشي مرحبا مبيتيش بقا 
جمعات النوضة وخرجات تبعها المختار ايراضيها وبقات اسماء وفاطنة 
اسماء: ماما حشومة عليك هادشي ماشي ديالك
فاطنة (ضربات ففخاضها الندم واكلها): لسااااني لي دارها ليا هاك افمي (كضرب ففمها ) هااااك افمي 
اسماء (جلسات حداها حبساتها): صافي اماما صافي براكة خاصنا نفكرو شنو نديرو واش انخليوهم ايمشيووو؟!؟!
فاطنة : معرفتش ابنتي معرفتش تفيق زينب ونهضر معاها علي الله نوضي دابة نوضي نوجدو لغدا وايحن الله 
مشات اسماء وفاطنة وجدو الغدى وحطوه عيطو علي المعطي وجات خديجة والمختار من بعد مدواو وبردو شوية ولكن خديجة مدوات مشافت ف فاطنة معصبة منها وحتي فاطنة قلبها هشيش كتمد ليها اللحم وتحط حداها الخبز وفاش تخنزر فيها خديجة تشوف فيها زعمة سمحيلي ليا ، حتي واحد مقدر ياكل لي دار ايدو ايرجع اللور
ناضت اسماء جمعات الطبلة شافا فالساعة كانت تقريبا 2 ودعاتهم ومشات بالزربة للفيرمة لخدمتها وخدات معاها المختار حتي هو خاصو ايقابل خدمتو مجاتش اول نهار ايتغيب بقات خديجة وفاطنة والمعطي لي هبط للدوار عند الدراري

طلعات خديجة نعسات فالبيت حدى زينب وفاطنة بقات فالكوزينة كتوجد المسمن والبغرير وكيكة لزينب باش غير تفيق تراضيها دازت شي سعتاين فاقت زينب كتحرك فراسها بتعب مدة وهي كتشوف فالسقف نزلو دموعها مسحاتهم وناضت كتحس بداتها كلها منملة عليها وكتوجعها بزااااف ، شدات فراسها كيوجعها وناضت وقفت شافت فالساعة فالحيط كانت 4:30 تنهدات ومشات للباليزة ديالتها شربات واحد الدوى ديال الراس ولبسات سروال جينز طاي اوت مع قبية قصيرة بالكحل جمعات شعرها شفنجة ولبسات سبرديلتها اديداس بالكحل دارت ايكخون علي الشمس وخرجات من البيت مخلية مها ناعسة ، كانت الدار خاوية حتي فاطنة مشات تدي المسمن كيكة لزكرياء ، خرجات من الدار وقفات فباب الجردة غمضات عويناتها طلعات النفس ونزلاتها بتعب دارت ايديها فجيابها وتمشات نحو المجهول

فاطنة وصلات لدار زكرياء دخلات كان السقيل مشات للكوزينة لقات السعدية مشات من بعد مسالات شغالها ، عمرات براد اتاي وحطات المسمن والبغرير والكيكة فالطبسيل مع العسل الحر وشي دواز اتاي عارفة زكرياء كيبغي كسكروط فهاد الوقت بالدات ، حطات داكشي فالصالون وجلسات تخمم حتي سمعات الباب تحل ، مشا نيشان للصالون بانت ليه جالسة ومعمرة الطبلة تبسم ومشا عندها باسها فراسها : اووهوووو الحنانة عندي فالدار ههه
فاطنة (تبسمات بزز): علي سلامتك اولدي جلس جلس
جلس زكرياء وخدى طرف كيكة كياكل هلكو الجوع الخدمة فالفيرمة خاصها مجهود عقلي وبدني كبييير
فاطنة: ساليتو الخدمة؟!
زكرياء ؛ همم (كياكل) الخدمة فيها مكتساليش ولكن الخمسة هادي كلشي كيخرج 
فاطنة : ايوا مزيان
زكرياء (طلع راسو شاف فيها): مالك امي شفتك ماشي حتال لهيه ياكما خوك دار شي حاجة
فاطنة: اناااا لي درت هاد المرة اناااا
زكرياء (باستغراب )؛ شنو واقع ياك لاباس
فاطنة (عاودات ليه كلشي): البنت حالتها حالة بقات فيا (وبدات كتبكي)
زكرياء (ناض طاير جلس حداها ضمها لحضنو): صااافي ششش مواقع والو صافي حتي هي راه مسخوطة فين ما مشات تجبد الصداع مكتشلخش ومكتحتارم حد
فاطنة : البنت مليها دنب كبرات وتربات هكاك واش هي لي ختارت تكون هكاك 
زكرياء: مييي هاديك هضرة خاوية كنعرف ناس عندهم الملالالالاير ومربيين احسن تربية رغم انو والديهم ممزيانينش
فاطنة: صافي هاهوما غيمشو وغيخلوني انا سباب انا سباب
زكرياء (ضمها ليه وباس علي راسها): فين غيمشو الله ايهديك معندهم حتى مياكلو وتقولي ايمشو
فاطنة: زينب نفسها حارة هادشي لي قالت ليا خديجة متبغييييش تبقا دابة خليتها ناعسة فاش تفيق علم الله اش ايوقع
زكرياء: مالها هاد خيتي صعصع هي خالعاكم كيفاش علم الله شغدير تجلس تتركن بحالها بحال خلق الله لقات لي ايحن عليها ومزال تزيدها بالنفخة 
بقات فاطنة وزكرياء ايدويو وايتناقشو حتي طاح الضلام نساو رااسهم وهوما كيحاولو ايلقاو حل لهاد الموضوع شوية سمعو الدقان فالباب 
فاطنة: ويلي ويلي شهاد الوقت مشا الحااااال نسييييت البنت تكون فاقت
زكرياء: جلسي امي انا نشوف شكون ونمشي معاه تال الدار 
مشا زكرياء حل الباب بان ليه المعطي بحالي مخلوع 
زكرياء: المعطي مالك شواقع بغيتي مي فاطنة؟!؟!
المعطي: جري جري زي...زينب زينب
زكرياء (باستغراب): مالها زينب ؟! 
جات فاطنة بالزربة وقفت حدى زكرياء: مالها زينب سمعت زينب شواقع
المعطي: زينب كنقلبو عليها زينب من شحاااال مكايناش خديجة والمختار ايبكو عليها مشات مكايناش 
فاطنة (بصدمة وضربات علي رجليعا ): شنوووووووو؟؟؟؟

زكرياء (شد ف فاطنة) ؛ صافي امي صااافي فين عندها متمشي انا نخرج دابة نقلب عليها
المعيطي: وااااااقلالالابنا عليها وملقيناهاش تكون طاحت فالواد وماتت
فاطنة: تموت نتا يعدو الله (ضرباتو فضهرو) زيد قدامي زيد قدامي نقلبو علي البنت يالمسخوط كلشي بسبابك اوجه النحس كلشي بسبابك
زكرياء: تسناااي امي نلبس ونجي نقلب معاكم
فاطنة: هااااحنا سبقناك لبس وسير قلب عليها فالدوار الداخل وبيناتنا التيليفون 
مشات تجري هي والمعطي وهو دخل للدار كيبرگم وايتحلف عليها لبس كيطمة لاح فوقو تجاكيط كحلة كان البرد محرك شوية وسبادري بيضة ، هز تيليفونو والسوارت وخرج ايقلب حتي هو عليها... دازت ساعة سعتاين والو غابر ليها الاتر مكايناش زكرياء طلع ليه الدم كيكره هاد التبرهيش ولا ايقلب علي شي حد وهاهو سعتاين وهو ايقلب عليها داز من حدي جنان الجامع وهو ايشوف شي وحدين كيضحكووووو زربانين فالمشية وكيهضرو علي شي وحدة محيحة فالصاكة لي فقلب الدوار وخاصهم ايمشو ايشوفو معرفش علاش احساسو قال ليه غير سير تشوف علا وعسى ايكون تما شي حد شافها ، مشا ساااخط كيزرب فالمشية وكيكبر فخطواتو فنصاصات الليل كانت الوحدة دليل تقريبا ، غير قرب للصاكة وهو ايسمع الغوات الحيحة والنشااااط والدنية عااااامرة كتتفرج جمع حواجبو كيشوف باستغراب حتي سمع صوت بنت مجهد كيغني: يالغادي فالطموبيل هالعار ديلي لخـبار
عـنواني في جنان سبيل بين لغـصان تصيب الدار
والى لقيتي ياخويا الوردة البيضة
قـوليها ياخويا الحالة فـريدة
من فـراقك وفراق حبابي
وفـراق بلادي وصحابي
يالغادي فالطموبيل
الكل : ملقيت سباب الحباب باش نرجع لبلادي
لفـراق صعاب الحباب والجرح في قـلب فؤادي
يالغادي فالطموبيل
زينب : هالعار العار جيب لي لخبار
واش يمكـن يكـون نساني
هالعار العار قـلبي محتار
واش قـلبو يمكـن عـداني
لله يالشيفور وقـف ديني معاك
والى هداك ربي وقـف ركـبني حداك
نمشي ونشوف حبيبي
الحبيب دوا لقـليبي
يالغادي فالطموبيل
خرج عينيه فاش دخل ولقاها هي لي طالعة فوق الطابلة دالبيااار وكتغني مقدرش ايدوي 
زينب (سكرااااانة ضاربة 10 لقراعي داللبيرة و الماحيا غير دخلات لهاد الصاكة وهي تضرب الدنيا بركلة عطاوها تشرب كانت شحفانة عيات بالمشي وتلفات علي طريق الدار حتي لقات راسها شربات 10 لقراعي وطلعات تحيح ، بان ليها زكرياء واقف مصدوم فيها عند الباب وهي تشير ليه كلشي لي كان تما دار شاف فيه): اوووووهووووو هاهو جاااااا صفقو صفقوووووو عليييييه (كلشي بدا كيسفق وهي كتتمايل مشاداش التوازن والقرعة فايدها) شششش صافي صافي العشران غيتعصب منا دااابة هشششش 
الكل: هششششش غيتعصب غيتقلق من الباطرونة (كلشي جايب الكاو معاقلش)
زينب: يالله غنو غنو معاااايااااا عطيييييه عطييييه العاصييير 
الكل: عطيييييييبه
زينب (كتشير ليه بايديها): في كاااااس كبييييييير هااااء (كانت اطيح)

حس براسو غيطرطق مبقاش قادر ايشوف قدامو بالاعصاب طلعات ليه لالة عيشة للراس مشا نيييييشان لعندها حط ايديه علي خصرها وهزها من فوق الطابلة دالبيار وحطها الارض شدها من ايدها وجرها موراه
زينب: ووووووووووواااااو شفتووووه شفتووووووه كيف هزني قلت ليكم طاااايح فيا وااااااو هههههههه لولولولولولوووووووووي 
زكرياء (مخنزر مبقاش قادر ايوقف تما بدا كيدفع فبنادم لي تجمع بحال الدبان وعاد كلشي جا ايتفرج وقف فسخ تجاكيطو لواها علي راسها باش متزيدش فضيحة خرى وبقا غادي ولاويها فجاكيطو خاشيها فصدرو بحال بولفاف وهي كتضرب فيه وتتعكل ليه مبغاتش تخرج ، مخرجها من تم غير ب 66 كشيفة كانو تابعينو ودار خنزر فيهم وهو حمر بالاعصاب: اقسم بمن خلق السماوات والارض فسبع ايام وايتبعني شي قواد حتي نح** مو فالدورة 
بقا كيشوف فيهم كلشي تصدم زكرياء معروف عليه السمعة الطيبة وعمر كلمة العيب سمعوها منو كلشي كيشهد باخلاقو وبتربيتو اليوم حطها ليهم فوجهم ولكن راه وصلات فيه الطوووب ، كلشي رجع فحالو وهو جرها من ايدها وغادي زربان وهي تابعاه من اللور تجري باش تتقاد معاه فالمشية 
زينب (كتضرب بايدها الاخرى ليد لي شادها بيها): طلالالاق وطلالالاق قصحتيناااا
زكرياء (وقف جاهل دار كيشوف فيها): وااااااش جهلتي لمك هااااا جهلتييييب منين سلطك الله عليااااا منيبييين ومصيييييبة كاااااارتة مكملتي اهاد الخانزة حتي 24 ساااااعة ومزبلاها منوضة الحيحة فالدوارااااار وااااش باغة لي ايحش لجد بوك الركااااااابي وااااش بغااااني نديبيييير فيك عاهة مستديمة عااااااد ترتاحي هااااا واش بغاني نشلل مك عاد تجلسي وتشدي الارض (كيغوت وايكشكش وعروقو خارجين وهي كتشوف فيه وتتبسم)
زينب: هههه هااااق (مشات تطيح سكراااانة) كتغار عليا العفيرييييت هااااق ههههه كت...كتغااار 
زكرياء (مصدوم فيها): لا لا والله حتي غادي ندير فيه ايديا (شد ليها فكها بقوة قرب خنافرو لفمها): سكرااااانة سكراااانة ابنت القح** سكرااااانة وااااااش باغة تجهلييييني شااااطو علي مك رجلييييييك 
زينب (هو قرب ايطرطق وهي مقابلة شفايفو وفاش قرب خنفرتو لفمها جمعات فمها باش تبوسو): هههه شربت هااااق هههههه شربت غير هادو (حسبات ليه 6) هاااء لا لا هادووو (حسبات ليه 10 بصباعها) صاااافي 
زكرياء: لهلا يزيد كتر الحمارة (شدها من القب ونخضها) وليتي سكايرية لمك تشطحي وتنقزي جامعة عليه الزوافرية والزواااامل ايزهاو عليييييه

زينب (دفعاتو): وانا...وانا بغيت نشرب وووو...وهوما جابووولي هاداك هاداك حااار هاااق هههه وعجبني بنييين وخا قاسح ولد لحرام (كتدوي وتشير بصبعها وتبغي تطيح وايشدها)
زكرياء: مخليانا كيف الحماق يالكلبة نقلبو عليك مك وباك ومي فاطنة واسماء والمعطي ايحماقو بالبكا ونتي جاية تشطحي للليااااااا هنااااا هااااا (ضربها لكتفها) دوي لحسك ماااالك سكتي دويييي 
زينب(حطات صبعها علي شفايفو ): شششش سمع سمع
زكرياء (مخنزر فيها): واش انا لحسك معاااامن داوي هاااا
زينب : ششش سمع سمع 
تنهد وعلي نيتو سكت كيشوف اش غيسمع
زينب: سمعتي
زكرياء: شغنسمع ااااااش
زينب: حاجيب كيغني ديه وجيبو حتي يفيض حليبو ههههه
زكرياء (خرج عينيه): واش باغا تحمقيني اهااااد المسخوطة والله لمك ممربية ولا التربية عرفات بابكم فين جاااا اقسم بالله كون كنتي مرات..
زينب: ههههه كون كنت اااش كمل ههه هاااق هههه كمل كون كنت مراتك
زكرياء (كيخنزر فيها): زيدي لمك للدار تما نتفاهمو 
زينب: وعطيني بوسة ياك انا مرتك
زكرياء : غنعطي لحسك قتلة لعصى غير حتال الدار
زينب: عيطيني بوسة هي لولة عاد لعصي هاااق (شهقات مشات تطيح تا شدها)
زكرياء: زيدي لحسك تحركي
زينب : وعطيني بوسة
زكرياء (كيدفع فيها): سيري فحالك 
زينب : وعطيييني بووووسة
زكرياء : قلت ليك سيري فحالك
زينب : والله حتى تعطيني
زكرياء: والله تا نفرشخ طواسلك هنا زيدي للدار
زينب: عطيني بوسة الاول
زكرياء(قردفها حتي مشات وجات) : يهاد البنت واش جهلتي
زينب(شدات فراسها): اااااه نتا كتجهلني يالله عطيني بوسة(ومدات ليه شنانفها علي شكل بوسة)
زكرياء: يا والله لا شميتيها زيدي لمك لدار 
زينب (دفعاتو ودارت راجعة منين جات): صاااافي انا غادي نمشي لهييييه (كتشير بايديها) نطلبهم ايعطوني بووووسة
زكرياء (خرج عينيه ومشا بالزربة شدها من القب وتخشات وسطو بحال الفكرون): لا صافي هنا قودتي السوايع معايا لدين مك (ضربها بنص فرشها فالارض وباقي شادها من القب) عاااودي لحسك فين غادة هممم (مخرج عينيه)

زينب (كضرب فيه): ااااي ااااي الحگار واااااع وكيضرب العيالالالالالالالات ويو ويو ويو ويو سمع سمع ها الاسعاف جات مت انا صافي مت هادشي غير الروح لي كدوي معاك (وتسرحات ليه فالارض)
زكرياء (كيهز فيها وهي تتعكس وشادة فالارض): زيدي لمك زيييدي لداااار اهاد المجعورة (هزها لاحها فوق كتفو خلاها مدلية راسها جهة ضهرو وترمتها حدى وجهو ) والله يالخانزة تاع باباك حتي نوريك
زينب: هبطني هبطنييييي مبغيتش نركب فالطيااااارة كندووووووخ 
زكرياء: غنركب مك فوق الحمار الي مسكتيش
زينب (حطات ايدها علي ضهرو وشادة بيها حنكها): هاااء مكنعرفش نتبورد
زكرياء: غنعلمك غير حتال الدار غير صبري ونسرج والديك
زينب (كضرب ليه شوية فضهرو): الشريف ااا الشريف عفاك سربي شوية واش غنباتو هنا
زكرياء (لواها معاها بقصرة لترمتها): راكبة فطاكسي لطواسلك تبتي براكة من الطيران
زينب (كتحك فرمتها): اااااح قرصتيني اححح كتحرق كتحرق سوط سوط عليها
زكرياء (عاود لواها معاها وشدها مزيان فاش بدات كتركل): زيدك هادي لحسك
زينب ؛ واااااع ولا ولا ترمتي لالالا غتزراااااق وااااااع اهئ اهئ ولالالالا ترمتااااااااي وااااااااا ترمتااااااي اعيباد الله
زكرياء(تصدم معرف ايسكتها ولا ايهزها ولا شنو ايدير): سكتي الكلبة سكتي الله ايقطع حسك شوهتينا
زينب: واااااترمتاااااااااي وقرصني فيهاااااا (دازو شي واحد الزوج من حداهم بقاو احالين فمهم مصدومين شافتهم وبدات تشري عليهم) سلالالام عتقوني عتقوني قرصني فترمتي وغادي ايديني نتبرود تمشو تبوردو معانا؟!؟!
زكرياء (زرب فالمشية وغوت عليها): سكتيييييب والله يحسك وباقي نسمع شي كلمة حتي لوحك فالواد 
زينب: علاش عندكم البحر هنا
زكرياء: عنا مقبرة وكبيييرة غندفن مك فيها واحد شوية غير تسناي 
هادوك طارو للدوار ايقولوها ليهم مكيخلوهاش تحرق فيهم ، بقا زكرياء غادي حتي دخل للفيرمة وصونا تيليفونو جبدو من الجيب كانت فاطنة شد زينب بايد وليد لخرى شاد بيها التيليفون: الووو 
فاطنة: ولدي فينها امضري لقيتيها
زكرياء: لقيتها امي هاني غادي للدار دابة 
فاطنة: لاش دايها لعندك
زكرياء: مي هاد المسخوطة راه لقيتها سكرااااانة جايبة الكاو منخلوش والديها ايشوفوها هكا 
فاطنة : مزيان مزيان اولدي الله ايرضي عليك غير ديها 
قطعات فاطنة مع زكرياء دارت لقات خديجة والمختار كيشوفو فيها 
خديجة (هازة حاجب وحاطة لخرى): شكون هدا لي دا بنتي لدارو نطقي
فاطنة بقات تدور فعينها معرفات مدير

زينب (داخل بيها مع جردة الفيلة وهي حالة فمها): وااااي واااي واااي شوووف شوووف الحلوف حنا فالجنة هههه والله تا الملائكة للجنة 
زكرياء(رغم الاعصاب لي ركبات فيك لكن شداتو الضحكة وحبسها): جابوك لجهنم نتي درتي علاش تمشي للجنة الجنية 
زينب: درت وبزاااف ولكن هاااق من ... منقولش ليك
زكرياء: علي اساس انتحزرك باينة نيت 
مشا قدام الباب وتحل ليه اوتوماتيكي ودخل
زينب(ضربات ليه علي ضهرو): وااااه مجهااااد هادشي بحال الاوطيل لي كنت دوزت فيه الصيف الفايت فدبي 
زكرياء(حطها لارض فوسط الدار): هاد العام ادوزيه مع عزرائيل تتحاجاو فالقبر
زينب : زوين عليك هو بعدا ههههههههههه
زكرياء (شدها من شعرها وجرها عندو ): شندير فمك دابة هاااا شندير فيييييك
زينب (كتشوف فشفايفو): دير فيا لي بغيتي كلي ليك اكحل العيون
زكرياء: وليتي نزار قحباني لطواسلك هااا
زينب(قربات ليه وكتسبل فعويناتها): علي ودك نولي حتي نيزار حوياني اححح بوسني عفاك
زكرياء (دفعاها): زيييينب جمعي راسك معاية ولا نخلطك هنا ومكاين لي ايعتقك
زينب (دلات شفايفها): نتا ديما كتتعصب عليا وانا مدرت ليك والو (عمرو عينيها دموع) اصلا عمر شي حد بغاني كلشي كيكرهني
زكرياء: سرك نتي لي كطيري
زينب (شافت فيه بنضرة غريبة سكتات شحااال ودوات): شكرا 
دارت غادة فحالها وهي كتدور فعينيها وكتعصر عينيها اينزلو الدموع وبدات تحسب فخاطرها وهي كتتمايل سكرااااانة بزز شادة التوازن : واحد...زوووج..تلا..
زكرياء (ورك علي ايديه بزز نطقها): وقفيييي
وقفات وتبسمات بمكر حركتها المعتادة مكايناش لي مكتأترش عليه
زكرياء (كيخنزر فيها): شوفي فيا
زينب (دارت شافت فيه): شنوو هاااق (ومشات مايلة كانت غطيح
زكرياء(بالزربة لحقها شدها قبل تطيح): عنداااااك

زينب : هي اتعطيني بوسة حيت هاااق حيت ههههه حيت وقفتيني
زكرياء(وقف مربع ايديه وكيشوف فيها): ممفاكتش
حركات ليه راسها ب لا
زكرياء (عوج فكو وكيشوف فيها ): اوكي ولكن صغيرة ومن بعد تتكمشي
زينب : وعد صغيييييورة قد هاكا(وشيرات ليه بصبعها قداش)
زكرياء : همم اوكي ، اجي قربي 
قربات ليه كتتمايل حتي وقفات قدامو مطلعة راسها كتشوف فيه حيت طويل عليها وبدات كتحس بالدوخة والم فمعدتها
زكرياء (حط ايديه علي خصرها وجرها بشوية عندو وعينيه فعينيها ودوي بشوية): زيدي قربي 
غير كتشوف فيه مشااات مسافرة فبحر عينيه وقفات وجها حدي وجهو وعينيهم علي بعض نزل راسو بشوية شم شعرها حدى ودنها تبنجاااات وغمضات عويناتها كتحاول تتنفس ومعدتها زادت توجع كتر وكتر والدوخة راكباها ، غادي وكيقرب لوجها مغمض عينيه وكيشم فيها حمقاتو ريحتها رغم انو ممزوجة بريحت الشراب الا انها جات كتهبل ، لامسات لحيتو حنيكاتها رطبين وهي تزير عليه بايديها هو تعمد ايدير هكا رغم انو مجرد بوسة بالنسبة ليه الا انو اي حاجة كيبغي ايديرها خاصو ايديرها بقوانينها ، قرب لشفايفها عاد غيحل شفايفو ايبوسها وهي تحدر رايها تتبوع عليه كلشي علي صدرو ايييه لالة زينة وزادها نور الحمام تقيات ليه علي صدرو خرج عينيه مصدوم وبالزربة رجع اللور وغوت : شنووووووو داااااارتييييي

زينب (مهبطة راسها كتقيي): هااااااااااق كح كح كح هاااااق (هبطات الارض كتقيي هو بالزربة فسخ التريكو ومسح صدرو)
زكرياء (جعر): وحق الله حتي حماااار حماااار داير فيك عقلي كلبة دالخلى الجاااااهلة صاااااااافي بردتي غنااااكلك غنااااااكلك (كيمسح وايعاود هز راسو فاش سمع حسها مقطوع بانت ليه بدات تفقد الوعي مشا طاير شدها طاحت علي صدرو و هزها )
زكرياء : فيقي فيقي متنعسيييش الموصيبة باش بلاني الله فيقي وحتي ونتي سكرااااانة مزبلاها 
زينب (كتشير بايديها): فيا فيا هاااااق (تقيات عليه تاني)
زكرياء (غمض عينيه مقدرش ايشوف كيعيف بزااااف وهي تقيات علي صدرو وهو عريان ): غنقتتتتتتلك غنقتتتتتتلك ازينب والله تا ندفنك حية 
زينب (مسحات فمها بضهر ايدها): شنوو...شنووو درت انا هاااا...
زكرياء: بلعييييه بلعييييه المسخوطة لا لا متتقيااااي... هااااااااق عاودات تقيات عليه 
مزادش الهضرة الريحة دوخاتو ووسخاتو ووسخات الدنيا طلعها مع الدروج مشا لبيتو نيشان دخل ديريكت للدوش حطها فالبانيو وطلق عليها الما بارد 
زينب: واااااااااع بارد بارد باااارد (جات نايضة وشد فيها غطسها فالما)
زكرياء: رصاي لمك رصااااي شوفي كيف رضيتينا 
فسخ هو سروالو بقا غير بالبوكسووور وقرب ليها حيد ليها قبيتها وتريكوها بقات بسوتيامات وهي بدات تضرب ليه فايده فاش شافتو فسخ غير الفوق : التحت التحت فسخ السروال
زكرياء(ضربها علي راسها): مولفة لقحبة مك هاااا!! فسخ السروال (عاود قردفها) هااا؟!
زينب (كتحك راسها): اااححح بللاش انا نحيدو
زكرياء (شاد ليها ايديها ): رصاااي شدي ايديك
زينب: اتقصحني بشوية 
زكرياء: قلت ليك تبتي مغنقصحكش
زينب: هبط هبط اللور اللور دخل ايدك 
زكرياء (مدابز معاه ايهبطو حيت مزير): مزييييييير
زينب : وماشي تم ليمن اااااه ليمن ليمن
زكرياء: رصااااي حيدي ايدك خليني ندخل دياولي
زينب: دخل زيد زيد وجر اااه اااه سير سير سير (جبداتو من عنقو فاش كانت اتحاول تنوض تخشا حداها فالبانيو وجا وجهو ديريكت فالفرقة دصدرها)
خديجة والمختار وفاطنة هنا هجمو دفعو الباب مصدومييييين من شنو سمعو من كلام لا حولة ولا قوة الا بالله ايسحاب ليهم لي فبالهم وشنو كيشوفو

زينب (ضحكات):هاااء حتي نتوما جيتو تتبوردو 
زكرياء (دور راسو مصدوم لقاهم واقفين مخرجين عينيهم): لا صافي كملات

ناض بالزربة جمع الوقفة وهو عرياااان عضلاتو باينين مشدودين وعامل تاتو فصدرو مكتوبة فيه جملة بالاسبانية بطريقة زوينة ، فقط البوكسور لي لابس فاطنة حدرات راسها وخديجة بقات حالة فمها فيه حمقها شافها المختار وغمض ليها عينيها ، هو بالزربة لوي علي نصو ففوطة وشاف ف فاطنة: مس ماشي لي فبالك والله مكاينة شي حاجة 
فاطنة (هزات ايدها قدام وجهو): سكت منزيدش نسمع حسك 
زكرياء: والله امي حتي...
قاطعاتو فاطنة: هادي هي تربيتي ليك هااا؟! الحراااام ازكرياء اولدي هاااا؟! الحرااااااام
زينب (ناضت كتتمايل من البانيو صدرها نصو خارج سوتيام مشبكين لي لابسة والسروال هابط فيه النص بالزربة خديجة لوات عليها بينوار 
زينب: ههههه واااه شحال فيكم ديال الدراما كنا غير غادي متبوردو
فاطنة(خرجات عينيها): اعووود بالله اعود بالله
المختار: لا حول ولا قوة الا بالله
زينب: تف تف تف شفتو الجنون فيناهوما
زكرياء (خنزر فيها ): كيانين شي جنون قدك شوفي ضسارتك فين وصلاتنا 
زينب (مشات تلاحت عليه وتجبد ليه فحنوكو): ههههه ويتك ويتك شحال غزاااال فاش كتتعصب
شدها المختار وخديجة وخرجو وهي تتغوت وتتجبد مبغاتش تفرق من زكرياء وفاطنة دارت شافت فيه : يا خسارة تربييتي ليك 
مشات وخلاتو شاد راسو معرف ميدير والموقف لي طاح فيه ميسمحش ليه ايدوي دابة من الاحسن ايصبخ وايفتح
هي غاديين بيها مخرجينها من الدار راكبة فوق ضهر باها وخديجة وفاطنة شادينها لطيح وتغوت وتغني : واااا العاليااااا وكيدايرة لمييييييييما هااااق (مالت لواحد الجنب ومالو معاها كاملين ، بزز شدوها وقادوها والمختار ضهرو تقسم) ومريضة بزااااف وشادة الفراش وباااااغي نشووووفها هاااااق (مالو للجهة الاخرى ) 
موصلو للدار حتي غفر ليهم الله كلمن دنب داروه فحياتهم اسماء

والمعطي كانو جلسين فالصالون غير سمعوهم وناضو بالزربة جراو حلو الباب شافوها هكاك وتصدمو 
زينب: اوهوووو شكون هنا شوفو شوفو الانسة مجتهدة باقا فايقة (دار عند المعيطي) اووه نتا الهبيل انا بغيت غير نعرف هاااق انا بغيت غير نعرف كيفاش نتوما الخوت متكونش تبناتكم
فاطنة (غوتات علي خديجة): خديجااااا دي هاد الخانزة لفوق مبقيتش قادرة نشوفها شوهات راسها وشوهاتنا معاها وغدة غدة نشوفو حل لهاد المصيبة لي نزلات علينا 
زينب (مطلعينها فالدروج وكتغوت علي فاطنة): والخاااانزة هي نتي قالك خانزة ااااجي شميني وتشوفي كي نقية طلقوني طلقوني نهبط نعطيها تشم
المختار: زيدي زيدي اهاد المسخوطة خرجتي لينا من الجنب

صبح الصباح وفاقت لالات البنات مدوخة راسها غيتفرگع عليها بقوة الحريق ناضت بزز لقات البيت خاوي غمضات عينيها وهي متكية علي الحيط جاها بحال شي خيال قدامها وهي بين احضان زكرياء شدات فراسها وتأفأفات : تف تف كابوووس كابوووووس تابعني حتي فالحلم ياااخ علي بنادم
هزات فوطها وخرجات لدوش دوشااات مزيااااان وحكات سنانها وخرجات بزز قادرة توقف وراسها عاد معاطيها الصداع فايقة خاسرة بالبيان ، رجعات للبيت خدات سروال جينز بالابيض فيه تقطيعات من الفخاد مع تريكو بالرمادي عقداتو حدي صرتها لبسات صندالة بكعب عالي وشعرها نشفاتو وطلقاتو ودارت مكياجها اليومي فقط ركزات علي عينيها لي صبحو مبوقين هزات صاكها فيه التيليفون وريحة وعكر و نضاضرها وهبطات تتمختر ، كانو كيجمعو فالدار خديجة معاونة فاطنة والمعطي كيتفرج فالروسوم والمختار خرج هو واسماء مع النبوري للخدمة مشات هي للكوزينة وبانو ليها 
زينب: ماما شي قهوة عافاك راسي غيتشقق عليا
وجداتها خديجة بالخف وحطاتها فوق صال امونجي فاش جالسة زينب شرباتها بزز شافت فيهم كان السكات طلعات حاجب وهبطات لاخر : خييير يا طيير شفتكم ساكتين ياكما مات شي كافر 
فاطنة خنزرات فيها وخديجة دوات وهي كتشوف فيها : كافر نيت لي غيموت اليوم 
زينب: مفهمتش
خديجة: غتفهمي باقي ابنت كرشي الليلة تفهمي 
زينب (متسوقاتش ليهم كملات قهوتها وناضت ): كتدوي بالالغاز جالسين فجزيرة الكنز حنت مهم غنمشي للخدمة تعطلت داك راس الضبع ايدير حالة عاود 
خرجات وخلات فاطنة كتطبخ : شفتيها شفتييييها علي تصرفات كدير ولكن غير بلاتي الييييوم اليوووووم نقاديهم ليها 
خديجة: تهدني دابة يطلع ليك السكار ونوحل فيك غير انا مكاين حد لي ايعاوني فيك
فاطنة: السكار هو لي غنشربو ليهم فليل ابلاتي
خديجة: سكاتك هدا خالعني البارح دخلتي وسديتي عليك والصباح فايقة تقولي اليوم بليل اليوم بليل شكاين؟
فاطنة (دارت تمسح فالكيسان): توصل وقيتها وتعرفي
خديجة (تنهدات): الله ايستر شوية العقل لي بقالي مع المختار غتسالي معاه نتي

غادة فالطريق دايرة نضاضرها وراضة البال لتلوي ليها رجلها مع الحجر ، لي داز ايشوف فيها وايبقا ايوشوش عند بالها كيمدحو فجمالها تقتها فنفسها فاتت الحدود ومشات للجزائر الشقيقة تسرح فيها ، وصلات للفيرمة كانت ل 10:30 دالصباح كلشي خدام علي يد وساق الكاميونات داللحم جاو ياخدو اللحم من المجزرة و كاميونات دالتبن ووحدين اخرين دالزرع والعلف بخلاصة الحركة كيف العادة فالفيرمة ، هي غادة وكتشوف فبنادم لي كيحنزز فيها وكيبقي شاد ففمو وايشير ليها دخلو ليها الشك لراسها ولكن مبغات تدوي ولا تغوت علي حد يكفي حريق الراس لي هالكها وطايح ليها المورال حاسة براسها بايتة كتاكل فالعصا وعاد الجو سخووون ، مع دخلات جهة الادارة وهو ايبان ليها خالد هاز شي ملفات كيشوف فيهم وتابعاه ليلي وكتشرح ليه حتي هي ، قربات ليهم وهوما ايشوفوها 
خالد : ليلي سيري دابة دي هادو لعماد قولي ليه ايديفعهم لقسم الحسابات 
شداتهم ليلي ومشات جهة زينب وكتضحك بسخرية قربات ليها وهي تنطق بصوت خافت: الشيخة
مشاات وخلات زينب كتحنزز فيها مسمعاتش شنو قالت مزيان

زينب: الي عندك شي حاجة متقوليها قوليها نيشان متخبايش كيف الفكرون 
ليلي (وقفات بعييدة عليها ودارت شافت فيها): قلتي شي حاجة
زينب: داكشي لي قلتي نتي (ودارت شافت فخالد) ياااخ علي صباح باين من ماليه
خالد: صباح الخير هههه 
زينب: شمن خير ايجي مع هاد قوم لوط
خالد: هههههه والله تا علالالام نتي ، كيف بقيتي من البارح
زينب (شدات فراسها): علاش انا عقلت علي شي حاجة بحالي درتيلي مسح الداكرة شنو وقع وشنو طرى معرفتش وعلاش بنادم صابح كيشوف وايشير ليا ، مصدومة حتي فراسي شهاد البرود فاش وليت وكيفاش منتفتهمش نوريهم ايشيرو ليا 
خالد: كالما كالما هههه البارح قصتو قصااا اربي معقلتيش زعما
زينب: متزيدنيش حتي نتا راني واقفة بزز قولي شنو ندير وخا مفيا ميخدم مي مبغيتش نشوف هاد راس الضبع
خالد: الي قصدك براس الضبع زكرياء راه كيتسناك من الصباح فالبيرو ديالو اول مرة نشوفو هكاك معصب ومكشكش ، وزايداها بالتعطال اوهووووو 
زينب: بففف خباراتك ملاوطة فراسك
خالد: ههههههههه مقبولة منك سيري متعطليش كتر راه ايشعل فيك وفينا وفالفيرمة كلها 
زينب: ايشعل غير فراسو ايموت وايهنينا اجي معرفتيهش شنو بغاني؟!
خالد: غالبا علي ود البارح
زينب: هوووف البارح البارح البارح شنوووو وقع البارح وانا مفراسييييش 
خالد : نتي نجم الليلة سيري عندو يعاود ليك
زينب: يالله حيد من قدامي نمشي نشوف شبغا ياااربي الحبيب نتهني منو ولا كيف الكابوس فحياتي

خلات خالد كيضحااااك ومشات دخلات للادارة تقلب علي المكتب ديال زكرياء بقات كتسول حتي لقاتو طلعات النفس وهبطاتها ودقات 
زكرياء(بعصبية): دخووووول
حلات الباب ودخلات غير شافها كحل بالعما 
زينب: وكتتنفض من الفوق جات معاك (ولوات شنوفتها للجنب)
زكرياء (جالس فالبيرو وكيشوف فيها من الفوق للتحت كتعصبو كتخرجو علي طوعو كتركب فيه الاعصااااب كتجننو كيبغي اياكلها ايغززها ، ورك علي ايديه باش ايكتم غضبو شوية قبل اينوض ايهرس فيها شي قنت): علي السلااالالامة( وكيوووورك عليها)
زينب: لهلى ايسلمك (وكتقلي ليه السم بعينيها تحت نضاضر)
زكرياء (تبسم من شدة غضبو كلامها قرطااااس ، ناض وقف وهي جمعات التبسيمة تخاف متحشم): قضية التعطال علي الخدمة ل 11 هادي عاد جاية نتفاهمو عليها من بعد 
زينب (تكات علي الكرسي ): غدرني النعاس وفقت مقلوبة وراسي ضارني بزز قدرت نجي
زكرياء (خبط فالبيرو حتي قفزات): ابسييييييف الالة بعد فضيحة البارح بسييييييييف 😡😡😡
زينب(كتفوه): هااااخخخخ ، انا بغيت غير نعرف كلشي البارح البارح شنو وقع انا معقلت علي والو
زكرياء (تفرگع): شهااااد البرووووود كتدوي بيه شهاااااد قلة الاحترام والمسؤوووولية شهاااااد الزملة الالة والتقحبين وهزاااان الرجليييين وليتي فيه
زينب (طلعات حاحب ومهبطة لاخر كتحاول تركز معاه النعاس قالبها): هوووب من الاحترام والمسؤولية للتقحبين وهزان الرجلين 
زكرياء (خبط الكرسي فاش كان جالس وناض جاعر): واااااش نتي مصييييبة ولا شنوووو منااااااش مصنوعة هااااا منااااش خرجتي علي حياتك وباااااغة تخرجي علي حيااااتي واش سلطك عليا شي حد واش مخلصك شي حد باااااش تنغصي عليا حياتي
زينب (جامعة ايديها فوق كرشها وحاطة رجل علي رجل وكتتصنت ليه وعينيها كيتسدو وحدهم وتحاول تحلهم): اهاه كمل 
بقا كيخاسم وايسب وايرعرع وكل ساعة ايضرب شي حاجة ايهرسها جهل جهلة وحدة وفاش كيضور وايلقاها بديك الجلسة وكتشوف فيه من تحت النضاضر دالشمش كيزيد ايجهل طلالالاها شبعها معيور ونعيل وسبان وتهديد بالدفن حية وهي غير ساكتة و جالسة 
زكرياء (مشا جيهتها): الله اينعل حسك من الصباح وانا كندوي ونتي باركة تحنزي فيا حيدي هاد النضاضر ودوي شكون مسلطك عليا 
هوووووب والصدمة الكبري السيدة نااااااعسة ومجايبة لدنيا خبار بقا مصمك وكيشوف فيها مبقاش قادر ايدوي

كانت ناااعسة حتي حسات بكاس دالما بارد تكب علي وجها شهقات وناضت بالزربة ؛ واااااش حماقيتيييي
زكرياء: عاد تفيقي لمك مزيان ودابة زيدي معاية ليوم نبداو تصفية الحسابات
بدات تتركل شدها من ايدها وجرها موراه خارج بيها وهي كتضرب ليه فايدو وتسب وتخاسم وكلشي الموضفين تفرجو فيهم وعاااد بدا التوشويش دبصح ، خرج من الادارة ومشا نيشان جهة مجازر اللحم عندو زوج كباااار كل واحد مكون من طابقين السفلي للدبح والعلوي عبارة عن مبردات كبار لتخزين وتبريد اللحم علي ميجيو ليه الكاميونات ، وقف فالوسط وغوت بالجهد: كلللللشيييييي ايخرج كوووووولشيييي
مزادوش معاه الكلمة كلشي لي فايدو شي حاجة واش حطها اليوم ديال التنضيف مكايناش دبيحة حيت من السيمانة لسيمانة فارض عليهم اينضفوه من الفوق للتحت وايحكو وايمسحو الشئ لي كيخلي للحوم جودة زوينة 
زكرياء (دار شاف فيها): يالله بداي 
زينب: لا لا والله حتي هبلتي
زكرياء: اديري خدمتك جاية باش تبرونزاي عنا هنا ديري خدمتك مغنخلصكش فاللخر دالشهر علي الكلام الخاوي 
زينب (قربات ليه وخنزرات فيه): واش كتستحمرني واش هادو (مدات ايديها قدام وجهو) ايدين وحدة غادي تنضف وهادشي كووووولو (دارت كتشوف فالمساحة الكبييييرة للمجزرة
زكرياء (قرب ليها حتي هو وكيخنزر معصب): ابربي لا خرجتي هنا حتي تغسلي وتحكي وتمسحي هادشي كوووولو
زينب: وشكون غادي ايجبرني علي هادشي
زكرياء: هدا لي قدامك 
فجأة ولات صيفتو كتخلع تعصب والي زادت كلمة وحدة ايقدر بالصح ايقتلها ، تأفأفات ودارت كتشوف فهاد المكان العمال بداو التنضيف ولكن خاصها تكمل ووحدها واول مرة ليها اكيد غادي تعيا

زينب (دارت شافت فيه ودوات بالنفخة): فين نبدل 🤨؟
زكرياء (شير ليها بصبعو): لهيييه
مشات بالنفخة كتخبط فرجليها مع الارض دخلات لطواليتات كانو نقيين كيشعلو ماشي كيف بالها كانت غتلقاهم علي الاقل هادو مغاديش تدطر تنقيهم ، بانو ليها لباسي خاصين هزات وحدة باقا نقية ومطوية فالبلاكار وهزات الصابو دالميكة بدات تنكر وتنعل فيه وتسب مخلات ليه لا طاسيلة لا ملة ، تخشات فديك اللبسة ولبسات الليگات والصابو دالميكة وجمعات شعرها وخرجات ، بان ليها واقف بعيييد فواحد الجيهة نقية وحداه ادوات التنضيف مشات حداه مدهم ليها وجلس
زينب: بنتي ليا جلستي معندكش خدمة
زكرياء: هاد الساعة خدمتي هيا نتي يالله براكة من الهضرة الخاوية بداي 
هزات داكشي بالنطرة ومشات لواحد الجيهة بعييييدة عليه ، لاحت الشيتة فالما وهزاتها بزوج صبيعات وبدات تتمسح ومع كتعيف جاتها الرضة
زينب: اااااع واش هدا دم؟
زكرياء: لا الدوى لحمر كنخلطوه مع الما وكندوزوه بالبرة لكرش البقر والحوالا ، واش كتسطاااي؟
زينب: مهضرررررتش معااااك 
زكرياء: راه بينوض ليك حكي مزيان
زينب: دخل سوق راسك وخليني ندير خدمتي
زكرياء : هاحنا انشوفو والله متخرجي من هنا حتي ترضيها تشعل

متسوقاتش ليه ومشات هزات الشيتة وبدات تتحك وتعاود بزز داك الدم تمسح ليها وهو جالس وطبيلة قدامو فيها شي وراق كيدقق فيهم وكاس دالقهوة ومرة مرة ايهز راسو ايشوفها واش نيت كتخدم ولا شكدير كتبان ليه تروعات ومشات تجري تتقيا وايتبسم غيبدا ايرض ليها الصرف من هنا والحسااب بااااقي طويييل 
زينب (هزات سطل دالما عامر تقييل محاربة معاه كفحاتو كلو فالطريق وصلات فيه زگييفة لفين كتنضف): هووف علاش كيتكف هاااخ (وضربات برجلها الارض ؟!؟!
زكرياء (حاني راسو مع الاوراق): داك الما نتي لي كتخلصيه لحسك باش تبقاي تكفحيلي فالسطولة هدا عاشر سطل كتكفحيه فالطريق قبل توصليه
زينب: وشنو ندييير راه تقيل الي بقا فيك الما نوض نتا هزو
زكرياء: غنوض نهزك بنص الي مسكتيش الكلاخ وراتي عندكم فالعائلة ايمكن (شير ليها لتيو دالما) شنو كيدير هداك حداك من الصباح نتسناك غير تخدمي شوية من مخك وتسولي شنو الدور ديالو فهاد الحياة وفاش فكر الحمار لي ختارعو شي نهار
زينب: علي اساس مولفة كنخدم فام دميناج 😒
زكرياء (كيقلب فالوراقي وكيكتب ملاحضات): من اليوم فصاعدا غير عولي عليها حتي تولفي 
مجاوباتوش وحلفات متعاود تجاوبو مشات تتكمل شغلها وحتي هو متسوقش ناض كيدوي فتيلي مع الشركات لي كيتعامل معاهم ومرة مرة ايجي ايوقف عند راسها ايقول ليها مسحي هنا ونقي هنا غير بالاشارة وفنفس الوفت مركز مع المتصل ، دازت ساعة ونص من العداب الاليم ساعة ونص فالجحيم والتكرفيص كلشي دفرانها واش تهرسو وكل واحد تهرس تجلس تبكي عليه ربع ساعة حتي اينوض ليها ايجرها من الكول داليونيفورم وايرجعها تخدم عصباتو وهي متسكت كيف المش مع الفار 
زكرياء (كيشير ليها برجليه): تي حكي هنا ، هناا
زينب (جالسة علي ركابيها وكتحك ): ورااه كنحك مبغااش اينقاا
زكرياء: كبي جافيل الهبيلة واش كتحكيه بسانيكروا نتي هبيلة؟
زينب (بلاصة متهز جافيل هزات الما القاطع وكباتو بالجهالة ): هااااهووا 
بدا ايكشكش وعطي ريحة مجدها زكرياء رجع بالزربة لور وجرها من ايدها بعدها بالزربة علي الارض لاحها مسرحة علي ضهرها بعيد
زكرياء: وااش باغة تقتلينا الحمارة !؟
زينب : ااه بشوية عليك لحتيني مالك حماقيتي وانا باش عرفت جافيل ايدير هكا
زكرياء : راه الما القاطع هداك البهيمة 
زينب : علاش ماشي بحال بحال؟
زكرياء (شد فراسو): لا والله تأكدت مكتليقي لحتي حاجة فهاد الحياة 
زينب: لهلا يحيك
زكرياء: غتسكتي ولا نجي نشربو ليك

خالد: واحد السلالالام عليكم 
زكرياء: السلام
خالد(مدهوش): زينب نتي هادي
زينب (متخبي وجها بسطيلة دالما): الصمت
زكرياء(شاف فيها كتخبي وجها)؛ هي هاديك
زينب(حيدات السطيلة): اللقوة العسرية
زكرياء: تضربك ان شاء الله تدي ليك الدوق والشم والسمع والبصر واللمس
زينب: سمك كتر من ديال البنات
زكرياء: السم ليا فيا باقي مشفتي فيه حتي الربع
زينب: بشييي (وحولات عينيها)
خالد: ههههههههههههههه علالالالام نتوما بزوج ، شنو مغتغداوش هههه
زينب(ناضت): اول مرة تجيب شي خبار مزيانة
زكرياء: افييين غادية الحاجة
زينب: نتغدي راه (شافت فالساعة) ل 1 هادي فاتت وقت الخروج بساعة ونتا حابسني هنا
زكرياء: حتي تكوني كتجي للخدمة بحال الناس عاد غتخرجي بحال الناس ودابة سيري تكمشي مغاديش تمشي فين
زينب (خرجات عينيها): حماااااقيتي والله تا نصورك ونرفع عليك دعوة فجمعية حقوق الانسان وجمعية حماية المرأة وجمعية حقوق العامل
زكرياء: اه وجمعية متقيسش بلادي وحتي متقيسش ولدي ورضيها نتي قضية رأي عام ونوضي
زينب: وعلالالاش لا
زكرياء: والله يا حسك ومتشدي الركنة وتكملي خدمتك حتي انا لي نرفع علي جدك قضية تحرش وكلشي بالدليل 
زينب : لهلي يحييك اااانا نتحرش بيك وخا تكون تحلم
زكرياء : وخا الالة مدام معاقلاش انا نفكرك (عاود ليها كلشي شقالت وشدارت قدام خالد لي مات بالضحك) عقلتي دابة 
زينب: ااااانا ؟! اااانا نقول ليك بوسني يالجمل ااااانا؟؛ ومحشمتيش فاش قلتيها بالحق عبرت عليك فاش تقييت عليك 
زكرياء (كان غادي ليها وشدو خالد): الكلبة لخرى وعلي هاد الهضرة والله لا دقتي لغدا بقاي لمك لواي هنا؛ ونجي لقاك ساليتي باقي المجزرة الاخرى 
خرج هو وخالد وسدو عليها الداخل غوتات وسبات ومخلات مدارت فالاخير جلسات فواحد الجنب ودرباتها بنعسة

مشاو للدار عند زكرياء لقاو السعدية وجدات الغدا ومحطوط فوق الطبلة ومشات لدارها دخلو غسلو ايديهم وبداو ياكلو
خالد: الالمانيين غيجيو السيمانة الجاية
زكرياء: هممم فراسي 
خالد: خاصنا نديرو لي فجهدنا باش نالو استحسانهم الي مشاو حتي تعجبو ببرنامج المزرعة غادي نحتلو الصفحات الاولي فاول جريدة رسمية لالمانيا
زكرياء: الخدمة عاد مغتزاد وغيكترو الطلبات علينا
خالد: وحني قدها وقدود
سكتو كياكلو شوية نطق خالد: بقات فيا ديك المسخوطة اتبقي بلا غدى 
زكرياء: سرها الحمار لي حطها كتمرضني
خالد: حشومة اصاحبي حتى هي راه كتتحط فمواقف ممزياناش ماشي تعمدا منها
زكرياء (لاح الفرشيط من ايدو): خااالد كووول اصاحبي وهنينا متمررهاش فينا 
خالد: صافي صافي هاهو سكت
كملو غداتهم زكرياء جاه اتصال وناض ايدوي حدى لابسين خالد بالزربة مشا للكوزينة هز طرف دالخبز دار فيه الفرماج والكاشيير والزيتون عمرو مزياااان وهز قرعة دالعاصير خشا داكشي فساشية ولاحها فصاكادو ديالو 
زكرياء: خاااليد خااليد فينك؟
خالد (خرج من الكوزينة): وييي
زكرياء: صافي ساليتي؟
خالد: وي يالله مشينا!
زكرياء: شنو فداك الصاك؟
خالد: حوايجي اصاحبي غنسالي الخدمة فالبيرو ونهبط نعاونهم فالجنانات دالليمون
زكرياء : همم يالله زيد
خرجو ومشاو للفيرمة زكرياء دخل ايشوف شي وراق فالبيرو ديالو ضروريين وخالد سلت مشا لعند زينب لقاها كتشخر 
خالد (كيحرك فيها): ششش زينب هيييه انوضي اديك المسخوطة الي جا ولقاك هكا والله تا يدبحك
زينب: هممم بعد مني خليني نعس (وكضرب ليه ايدو)

خالد : انوووضي المسخوطة نوووضي
ناضت بزز ساخطة شبعاتو سبان ومع دالك مداهاش فيها عزيزة عليه وخا هكاك كيحس بلي وراء هاد زينب المصيبة كاينة وحدة ضريفة وقلبها كبير غير ايمتا غتبان الله اعلم وموحاااال واش تبان ، عطاها الخبز لي جاب ليها والعاصير 
خالد: هاكي كولي انمشي نلاهيه علي متسالي 
زينب: الله ايلقيها ليه كنت كنتغدي غير فروسطورات كل واحد اينسيك فالتاني وليت كناكل نص خبزة فيها الفرماج والعاصير وفين فمجزارة 
خالد: هادشي لي عطا الله و قولي الحمد لله
زينب: اربي بسع مني حتي نتي 
خالد: هاني مشيت تهلاي وفاش تسالي غبري هادشي ليشوفك
مشا خالد ايلاهي زكرياء وهي تاكل وتبرگم وتنعل وتسب فصاحب دعوتها حتي سالات وناضت تكمل شغلها ، جا زكرياء لقاها فين خلاها ونوضوها سباط تاني مني منك حتي تغلب زكرياء هاد المرة تفرگعات عليه خنزر فيها وخرج خلاها مغددة وكبات غضبها فالتنضيف 
وصلات 7 لعشية عاد خرجات من المجزرة حالتها حاااالة ولات كتخلع وريحتها تقلب ، ضرباتها بتكسيلة زوج مرات بسباب صندالة الميكة لي لابس ، كانت الدنيا خاوية حمدات ربي وشكراتو لي كلشي خرج بان ليها خالد غادي خارج وعيطات عليه : هييييه خالييييد
دار شاف فيها ومشا عندها: ساليتي؟
زينب: ااه فينو داك راس الضبع
خالد: ههههههه زكرياء سميتو ، راه فالبيرو باقي خدام
زينب: سر جد بوه غير الخدمة اصلا شوووف خاصني ضروووري ندوش
خالد: سيري للدار ودوشي 
زينب: مستحيل او الله مغادي نتحرك ليكم من هنا حتي ندوش
خالد: معناش دوشات هنا غير طواليطات صافي
زينب: شوفلي شي حل
خالد (بقا شحاااال ايخمم): هو فالصراحة كاين واحد ولكن لا لا مستحيل
زينب: قولو هدا هو لي بغيت هاااد الحل لي بغيت
خالد: دار زكرياء
زينب: لا فرشتيها من نيتك 
خالد: هدا هو الحل
زينب: هوووف اوكي اوكي يالله زيد 
خالد: هزي حوايجك وسربي قبل ايسالي خدمتو وهاه مشتيني مشتك
زينب: علاش انا كنعرفك اصلا
خالد: وهاكاك
مشات بالزربة هزات حوايجها وصندالتها وخرجو ايتسلتو مشاو جهة دار زكرياء وزينب حلفات متسكت

زينب : هاد راس الضبع فين ساكن
خالد: قلت ليك سميتو زكرياء و ساكن هنا
وقف قدام باب فيلة كتحمق حلات فمها من هول الصدمة متخيلاتوش ايكون ساكن هنا 
زينب: متأكد هادي دارو
خالد: وزيدي اصاحبي طلقينا
زينب: هووف متخلي حد ايتمنضر هاهيا غادة 
دخلها خالد للدار وداها ديريكت لبيت زكرياء 
خالد : هانتي متنسايش هاد الخير ، والي حصلتي ضبري راسك ها الدوش فاش تسالي خرجي كيف دخلتي
زينب: اوهووو فرعتي ليا راسي صافي فهمت بسلامة
خالد: هاحنا انشوفو اخرتها معاك
مشا خالد وخلاها هي دارت جولة تفقدية فالبيت كلشي واش دارت عليه وتشوف وتبقشش وسط حوايجو وتشم ليه ريحتو عاد مشات للدوش تفكرات واخيرا بلان البارح تافأفات وحركات راسها بالجهد باش تنسي شوقع ومشات تخشات فالبانيو من بعد معمراتو

فاطنة: زيدي مشي نشوفو ديك المسخوطة فين غابرة النهار كامل 
خديجة: وفين بتقلبي عليها
فاطنة: وفين غتكون الي مكانتش فالفيرمة 
خديجة: زعما تمشي عند هداك 
فاطنة: لا حربوووووش قولي ليهم نشوفهم بزوج تاني تحركي طلقي راسك
سالي شغلو هز وراقيه وخرج من البيرو من بعد مقفلو خرج من الادارة وتوجه لدارو عبر طريق مختصر حل الباب ودخل لاح الوراق فوق الطابلة لي عند الباب وفسخ صباطو وتبعو التيشورت بقا بالسروال صافي ، مشا للكوزينة هز قرعة الما نصها شربها ونصها خواها علي راسو شاف سروالو عمر وهو اينصلو هدا هو زكرياء عزيز عليه ايبقا بالبوكسور فالدار ، طلع مع الدروج وتفاحة فيدو كياكل منها ، شوية حس بشي حد موراه

كانت خارجة ولاوية فوطة علي نصها مغطية بزازلها وحدها نازلة شوية علي ترمتها وفوطة اوخرى علي راسها محاربة معاها لطيح 
زكرياء (مخرج عينيه فيها): شكديري هنا فداااااري وفبيييتي
زينب: بالزعطة الي دارك جيت غير ندوش النهار كلو ونتا تحرت بيا هادي اقل حاجة تقدر تديرها
زكرياء: نتي شكون دخلك هنا هضريييي
زينب: خالد (هاااء فرشاتو هادي هي صافي كون هاني علاش انا كنعرفك اصلا)
زكرياء: حسابي معاه هو لخر هداك ، واش نتي معند جد بوك نفس واش ديما لاصقة فيا كي الگرادة الف مرة قلت ليك بعدي مني شكووون سلطك عليا
زينب: سيري ربي الحبيب باش تتحاسب علي دنوبك دنية قبل الاخرة 
زكرياء(شنق عليها من عنقها زداها مع الحيط حدي الناموسية): والله تا نقتلك اليوم نصفيها ليك علي هاد طولت لسانك ومصايبك ونتهني منك
بقات تدفع وتضرب ووالو متزحزح هزات رجلها وعطاتو بالجهد للمعلم طاح وجرها معاه من الفوطة جات فوقو نيشان لحمها علي لحمو صووووولو والفوطة طاحت علي ترمتها مغبياها وهو ايديه جاو فوق ضهرها العريان ، هنا تدفع الباب ودخلات تجري فاطنة وخديجة مصدومين بشنو شافو 
زكرياء (دور وجهو هو وزينب دقة وحدة): لا هادشي بزااااف علي الصدف

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.