خالد: من نيتك اصاحبي راحنا عشرة واش انا ندير شي حاجة لي تضرك
زكرياء: عارفك عشيري وخويا ولكن علمني قولها ليا مفيها باس تشاااوشر الخاوة تشاااااور راه مراتي هاديك
زينب (تبسمات): كتغير اكبور والله تا بدا كيغير هانتا شووو مطيحش فيا راه فلخر انمشي ونخليك تبكي موراية
دار مخنزر فيها: ملقيت علامن نغير غير علي كلبة والله يمك حتي تخلصيهم بالتاني ولمتني نوضي تهزي قدامي
زينب: غنوض حيت شبعت ماشي حيت قلتيها (ناضت وقفات وطاح الشال لي كانت لاحية علي كتافها ومغبي صدرها من البرد لي محرك فهاد البلاصة )
زكرياء (خرج عينيه فصدرها العريان وناض شدها من دراعها): واش القحبة يماك باغة تركبي فيا السرطان عاد ترتاحي شهاد الفتقة فين نازلة بيها ياكما باغة تعري علي المعلومة وحشمتي (بدا ايجهل طلع ليه الدم ) دوي الحمارة هاااا (زير عليها من ايدها)
زينب (كدفع فيه) : اااووووه بعد قصحتيني واش غتدخل حتي فلبسي وا هادشي بزااااف
زكرياء: من حقيييي لمك نتدخل من حقيييي (زير حتي قطع ليها الدم فايدها وخنزر فيها ): اخر مرة ازينب ااااااخر مرة تعري لحمك هكا ولا نقطعو ليك ونحطو ليك قدامك تاكليه
زينب: اااااي طلع ازكرياء من الضحك الباسل ضريتيني طططللللق
طلق منها : يالله تحركي ندويو من بعد ماشي هنا
هزات صاكها بالزعافة و دارت عندهم : ممكن نمشي لطواليت ولا حتي هي لا
مدواش معاها خنزرات فيه ومشات للطواليت ، رغم انو المطعم شعبي الا انو من اشهر المطاعم فهاد المنطقة وتصميمو واعر وجا فجنب الغابة كلشي خضار وطبيعة وجو ايحمق ، دخلات غسلات ايديها ودوزاتهم علي عنقها كتتهدن و دارت روج ورشات ريحتها جمعات صاكها وخرجات
خارجة من الطواليت ودازت من حدى واحد الطبلة فيها زوج بنات كانو كيشوفو فيها وايدويو
البنت ١: شوفي شوفي هاهي لي قلت ليك فاش كنتي نتي فالطواليت جا داك التيتيز اححح يقلبي حمقني وحصلها كتخونو مع لاخر حتي هو مطرطق القوووق ، القحبة عندها الزهر قالك الله ايعطينا زهر الخايبات مكدبووووش والله
البنت ٢: حتي هي بحقها فالزين شوفي طايتها
البنت ١: من نيتك العورة كلها سيليكون وباينة هداك ماشي شعرها غير بيرووك زعمة گاع داك السالف ديالها
وقفات بوووز كتسمع دارت بالعرض البطيئ مخنزرة فيهم كتشوف فخيتي لي كانت كدوي عليها مشات قربات ليهم وحطات ايديها علي الطبلة وهبطات كتشوف فيها ودوات بنبرة هاااااااادئة مخبية موراها اعصار ايقد ايضرب فاي تانية : عاودي شقلتي مسمعتش
البنت: مالك ياك لاباس؟ لاش واقفة عليا ياكما كياكلوك جنابك
زينب (زادت خرجات عينيها): وزايدة فيه وخاااااا
تسمعات صرخة قوية هزات المكان وطيرات الطيور من فوق الشجر
رجع زكرياء ايجري هو وخالد شد زينب من خصرها رفعها علي الارض باش زعمة ايحولها لجيهة الاخرى ساعة لسقات فالبنت لسقة وحدة شادة فيها بايديها ورجليها وسنانها وتعض وتقمش
زكرياء (ساخط): زييييينب طلقي من البنت واااا المسخوطة وطلقي منها غتقتليها زينب زينب غتقتليهاااا
البنت سخفات من شدة الضرب وزكرياء جرها بالجهد لاحها لجنب وخالد هبط ايشوف البنت ياك ما ماتت الناس صوناو للبوليس وشي كيصور وتا حد متدخل
زينب (ناضت من الارض وراجعة ليها تجري تا حبسها زكرياء شادها): واطلالالاق الضبع طلالالاق نوريها
زكرياء: وسخفاااات البنت المسخوطة رصاااااااي (وشادها بالجهد باش متفلت وهي تركل وتضرب برجليها فالهوى باش توصل ليها )
زينب: ونووووضي دابة حلي لسانك عليا نوووووضي
ويييييييييو اوبلالالا البوليس جاو زكرياء دار شاف فيهم مخرج عينيه زينب باقة كتنهج وخالد وجهو صفر
خالد(بخوف): زكرياء البنت مكتنفسش
مستفين بتلاتة كي السردين فمكتب مفتش الشرطة لاقرب مركز قريب لديك البلاصة ولي كان نواحي اكادير ، واقفين بزوج كل واحد قد الحيط وهي وسطهم كي النملة وتنگر وتسب
زينب (دارت عند زكرياء): علاش شديتيني علالالاش مخليتينيش نقتلها (هزات صبعها فوجهو) اقسم بلي بعت فيا الروح وتشوفني باقي مدابزة وكنريش فشي وحدة وتدخل حتي نخليك حتي تنعس وندوز عليك الموس من لودن لودن وهاني علمتك البنت حبسها علي كلشي الا فاش تكون مطايفة متدخلش
زكرياء(هز ايدو عليها): سكتي لحسك سكتييييي منسمعش صوتك عمري فحياتي دخلت للكوميسارية الا نهار جيت نقاد لاكارط ونتي اليوم مدخلاني ليها فمحاولة قتل عمد غتزيدي كلمة وحدة ندخل علي صاسيلتك الحبس مؤبد وفرحاااان (خرج عينيه حتي دورات وجها مفقوصة)
ضربو الطم بزوج ودخل المفتش رجل خمسيني عينو زايغة مقابل غير القصاير والتروم ايموت فالزين ايشوف بنت بحالي شاف الدهب حيت هنا مكيجوش ليه البنات فقط الرجال ، دخل ماد كرشو القدام وحاني راسو ومفرعن غير وقف قدامهم هز راسو للوسط وحل فمو وجميع مداخلو ومخارجو تيتيزة قوووووقة قنبولة بوووومبة هيرووووشيييما واقفة قدامو ايحلف عليها عمرو شاف زين منها فحياتو ريوگو سالو شي حاجة وسط سروالو تنفخات وعينيه ولاو ايخرجو القلوبة والقليب بدي ايفرفر
مصطفي(المفتش): اااحححح القوووق
زينب (هزات حاجب وهبطات لاخر ): sorry؟
مصطفي(هز ليها ايديها باسها ): متشرفين بالتوت الدي لا يموت
زينب (جرات ايديها بلباقة): احمم شكرا (شافت فزكرياء) شفتي كيف الواحد كيتصرف الي شاف جمالي ماشي بحالك تعلم شوية
زكرياء (مسمعش هضرتها حاضي مع راس البلوطة لي قدامو شباغي ايصنع): الصمت
خالد: الشاف حني جاب.....
قاطعو فاش هز ايدو قدام وجهو : ششش ولا كلمة غتزجعو الانسة نتوما اصلا شكديرو هنا (وشاف فيهم) حراس دياولها وقفو برة لاش داخلين
ابتسامة اعجاب فشفايفها اول مرة تشوف زكرياء بهاد الشكل وصلات فيه العضم وناوي علي خزيت كتحماق علي الراجل الحرش وهاهو جابها الله تحضر لمطايفة سيد الرجال حرش حتي تقادات الحروشية والليلة تطيح الروح
زينب: بسس خالد اجي جلس تتفرج لاش واقف
مشا خالد جلس فوق الفوتوي حداها وتكي ، تعالي صراخ مصطفي من اول كروشية هبط علي بيها زكرياء طلق غوتة بحال زواكت رمضان ولانو المركز شبه خالي فقط شي بوليس لي كاينين زكرياء ايلقي مبغا
زينب: دوي معاهم مسوقييييش دوي معاااهم ايلقاولي حل ولا والله تا نتعري عليكم هنا
خالد(حدر راسو)؛ اعود بالله
زكرياء: راه بينجي نجلخ مك
زينب: والله تا نديرها لقاولي حللللللل
زكرياء (ربع ايديه): يالله ديري گاع نشوف خالد دور راسك الخاوة لهيه
بقات كتشوف فيه مربع ايديه وكيتسناها شغدير قربات ايديها لحزام السروال رخفاتو شوية وهو باقي حاضيها شافتو كيشوف فيها وهي تخبطو بصاكها : اااعععع شكتشوف المتحرش الجنسي بالجميلات بحالي عند بالك غندير لي فبالك
زكرياء (غادي جيهتها): المتحرش الجنسي بشكون؟
زينب (راجعة اللور): هييه وقف تما فين مقرب
قاطعهم خالد فاش دار وشد فزكرياء: صافي صافي العار صافي طبختولي راسي نتوما كيفاش اتزوجو والله تا تحرقو الدوار وتحرقو سوس وتتبعوه المغرب كلو ، تبتو الارض (شاف فزينب) ختي زينب درتيها بايدك انا لي مگيد فهادشي كامل ومدويتش صبري الله ايخليك (ودار عند زكرياء) وليتي بحال العيالات اصاحبي غير كتتناغر ليل ونهار برد شوية ومديرش عقلك فيها
تضارب مع السمطة حتي حلها و ناض من بلاصتو بشوية كحاز فوقها ماد ايديه لشعرها كيفك فيه : نتي كيف درتي تا زعلكتيه هكا شوفي كيف تخبل
زينب(شادة ليه فدرعانو وخاشية راسها فعنقو) : اي اي اي متجرش ا زكرياء عفاك غنتقسح
زكرياء: لا عنقي لا حيدي من عنقي الويلة حيدي كتهريني
زينب (كتنفس ليه فعنقو نقطة ضعفو جهلاتو ولا حمر بدون متقصد): وراه بجغتيني اااااححح اممم بشوية بشوية قصحتيني اااححح
زكرياء (فك اخر خصلة وصابر بزز بورشاتو فاش كتنفس فعنقو اعصاب عنقو تنفخو ): صافي هاهو حيدتو (رجع بشوية اللور وتقابل وجهو مع وجها قراب بزاااااف من بعضياتهم وبقاو شوف فيا نشوف فيك فجو غريييب اول مرة ايحدت بيناتهم حتي خرجات زينب عينيها فاش شافت قدامها
زكرياء (باستغراب)؛ مال... مي ياك؟
زينب (حركات راسها بالايجاب): هي ومعاها
زكرياء (باقي عاطي ضهرو لفاطنة لي واقفة قدام الطوموبيل ومخرجة عينيها فيهم وكيشوف فزينب): شكو.. شكون معاها؟!
زينب (شافت فيه مخرجة عينيها): العدووول
دور راسو بالعرض البطيئ حتي تقابل معاها كتشوف فيهم هكاك تبسم ليها وهز ايديه كيحييها وخا ايحلف هاد المرة فالقرآن متيقو ، هزات ايديها وشيرات ليهم بصباعها باش ايجو عندها وهي مخنزرة ، رجعو شافو فبعضياتهم وكأنهم كيستعدو للملحة لي غتنوض دابة ، هبطو بشوية بانو ليهم العدول بتلاتة واقفين مورى فاطنة لي لابسة قفطان و هازة عكاز اشارت ليهم بالعكاس مدواوش وحلفو لدواو تيشوفو فين غيوصلو ، تحركات زينب وتبعها زكرياء عاد العدول عاد فاطنة لي مطلعة حاجب ومهبطة لاخر ، دخلو للدار اشارة ليهم للصالون مشاو العدول جلسو و زينب وزكرياء جلسو حدي بعضهم ، دخل المختار لابس فوقية و خديجة لابسة احسن تگشيطة عندها والمعطي لابس شورط قصير بالخضر وقاميجة غوووز وفيست كحلة من الفوق ، واخيرا اسماء لي دموعها عند عينيها لابسة كسيوة ووجها دابل وحمر واقفة بعيد كتشوف
فاطنة (اشارت للعدول براسها): بدى اسي عزيز اعزك الله
كيقول ليك واحد المتل مغربي مشهووووور معند الميت ميدير قدام غسالو هدا حال زينب وزكرياء طارو طلعو نزلو دابزو تخاسمو فالاخير جمعاتهم ورقة وحدة وهي كاغيط النيكاح ، بمجدر مسنات زينب لي بقات شحال مترددة وزكرياء حتي هو هو لول دوز نوبتو وسناهم ربع ساعة ، تعالاو الزغاريت اسماء شاء القدر انها تكون شاهدة علي زواج حب قلبها وهادشي تلبية لاوامر فاطنة المعطي شحال بكا باش ايسني ولكن مقبلوش حيت هبيل دايز لواحد الجيه شهادتو باطلة داكشي باش عيطات فاطنة لخالد لي غير سمع الخبار وجا طاير شهد حتي هو وسنى ، مشاو العدول عاد جا وقت الحساب فاش وقفات عليهم فاطنة
فاطنة: مسمار وطرقناه كنت عارفاكم فاش غبرتو بزوج الليل كلو وحني نعيطو ونقلبو كيف الهبل متكونو غير بزوج ودايرين شرع ايديكم ورجليكم داكشي باش ضربت الحديد ماحدو سخون وغسلت العار لي كنتو اتلوحو عليا
زينب (بغات تدوي): ولكن حنا بتنا فل...
قاطعها: ششش ولا كلمة صافي سدينا العشية غتروحي لدار راجلك وولا كلمة اخرى العرس مبقات ليه حلاوة بعد فعايلكم الليلة نديرو حفيلة صغيرة بيناتنا ونعيطو لجيران ايحضرو نديرو تصيورات للدكرى وصافي وجمع وطوي
زينب (شافت فزكرياء لي غير ساكت حاط مرفقو علي ركبتو وشاد عينيه بصباعو ): مغتدويش مغتقول والو
زكرياء (شاف فيها ): تقاديت صافي الجهد سالى القدر لاعب بيا لعبتو عييت نمشي ضد التيار من اليوم غنمشي معاه ولي بغاها الله هي لي غتكون والله منعتارض واش غير الزواج وزوجتوني صافي شنو باقي غنخسر كتر لاش نحرق فاعصابي وفلخر لي غيوقع غيوقع صااااافي عييييت
زينب : تبارك الله عولنا عليك بكري الضبع لاخر (ناضت وقفات خارجة ودارت شافت فيهم) لا حنة حنيتها ولا حمام شفت حيوطو ولا دهاز وجدتوه ليا ولا عمارية غركب فيها ولا حلوة غنقطها وكلشي هادشي قلنا معليش ولكن اقسم بخالق الخلق هاني غنطلع نعس وايفيقني شي قمقوم حتي نحرق الدار بلي فيها وسولوه (شيرات لزكرياء) ايعطيكم الخبار . وطلعات تتخبط خلاتهم ايشوفو
تفرقات الجقلة فاش خرج خاليد وزكرياء وتبعهم المعطي صحاب العريس قاليك خاصهم ايوجدوك للعشية ، زينب طلعات دوشات تدويشة فاعلة تاركة نقات حالتها مزيان لبسات بينوارها وتلاحت فبلاصتها ضرباتها بنعسة بايتة مناگرة هي وزكرياء منعسو مشافوه ، وخديجة وفاطنة دخلو للكوزينة ايكملو توجادهم لي بداو مع الصباح
خديجة: اسماء زيينة ومربية رزقها ايكون زين ان شاء الله
فاطنة (شداتهم من عندها): يااااااربي
جالسين تحت ضل شجرة كطل علي عين كبيييرة فجنب جنانات القايد ، بلاصة كلها خضورة اشجار وطبيعة تحمق تهبل شلال صغيور تما مصدر الماء والوان الحجر كيهبلو الجو نقي ونسيم زوين بزاااااف عصافير ايزقزقو هنا وتما ومرة مرة ايدوز شي خيل ولا بقرة تابعين لزريبت القايد ايرعاو ، الامن والامان كتحس براسك فحضن الطبيعة واهم حاجة الكاااااالم ، كانت ضامة رجليها لصدرها ومحاوطاهم بايديها والدموع منشفوف من علي خدودها الحومر المنفوخين ، خالد بجنبها قلبو كيتعصر عليها ومقادر ايدير والو من غير انو ايجلس ساكت وايشوف فيها مرة ومرة قدامو علي الاقل قربو ليها مخليه مهني عليها من بعدو عليها ، شحال خايبة الحب من طرف واحد ، خايبة لدرجة كتحسي براسك باغة تموتي مخنوقة معاجبك العجب وكأنو الحياة مستمرة عند الكل جات حتال عندك ووقفات ،حتي حاجة مكيبقا ليها طعم كلشي كيجيك باسل وناقصو حاجة وحدة كيف كتنقص الطعام التتبيلة نتي ناقصك الحب وماشي حب اي واحد خلصك حبو هو معشوقك الشخص لي سلمتي ليه قلبك سواء رفضو او كان جاهل بامتلاكو اصلا ، كاين منا لي تشجعات وعتارفات ومبالاتش بالنتائج سواء ايجابية او لا المهم متبقاش ساكتة مع هاد الحمل التقيييييل علي العقل والقلب وكاينة لي فضلات تسكت ومتقول والو وهاد النوع هو لي كيتعدب اكتر بحال اسماء خصوصا الي كنتي شخص غير اجتماعي بزاااااف وولفتي الوحدة فحياتك ،اسماء عندها كلشي ومعندها والو ، عندها كلشي بحيت اي حاجة طمحات فيها هي واحلامها البسيطة الا وحققاتها تبارك الله قارية ومسافرة وعندها اللبس زوين كتاكل احسن ماكلة وكتكملك حب العائلة والناس واحترامهم ومعندها والو من ناحية اكتر حاجة محتاج ليها الانسان فحياتو وهي الحب ، من اول نهار شافت زكرياء حسات بشي حاجة غريبة وقوية جيهتو عيات تحاول تحيدها من دماغها ولكن مقدراتش ايمكن حيت هو الرجل الوحيد لي عرفات فحياتها وفاش بانو اخرين من بينهم خالد معطاتش اهتمام لانو مبقاوش كيبانو ليها وعقلها ترسخات فيه فكرة وحدة هي حبها وولف زكرياء فاي لحضة و كل يوم . تنهدات تنهيدة طويييييييلة دخلات اكبر كمية من الاكسجين وطرحاتها دار شافت فيها خالد وبعض صمت طوييييل دام سنوات قرر اليوم ايقول لي عندو وميبقاش ساكت وفين بغات توصل توصل
خالد: اسماء
دارت شافت فيه وعينيها عامرين دموع
خالد (مد ايديه بلطف مسح دموعها): متبكيش صافي
اسماء (حشمات منو ولكن مقدراتش تبعد ليه ايديك خالد عزيز عليها بزاااااف وحاطاه فمرتبة عالية): مقردتش
خالد: عارف (تنهد) اصعب حاجة تبغي واحد مكيبادلكش نفس الشعور او كيبغي شي واحد اخر ما عداك الي تزوج متأكد انو احساس قاتل
اسماء (بصدمة): نن...نت...نتا با...باش عرفتي
خالد: كلشي باين وواضح ميحتاجش مجهود كبير للتفكير
اسماء (زادت فالبكا هاد المرة بقات بقوة وبصوت عالي): اهئ اهئ اهئ علالاش ، علاش ياربي اهئ اهئ والله مبقيت قادرة اهئ اهئ عارفة عارفة واش زواج تمتيلي ولكن مقدرتش اهئ اهئ
ضمها لصدرو بقوة شدات بصبيعاتها فتيشورت وجمعاتو وسط ايديها كتبكي بالجهد علي صدرو وهو كيمسح علي راسها وشاد اعصابو بزز بقات فيه قلبو كينزف علي ودها
خالد (خلاها حتي بكات وفشات قلبها تهدنات شوية وبدي كيدوي وهو باقي ضامها لصدرو): نهار رجعت من السويد لهنا كنت راجع لسبب واحد نشوف عائلتي ونرجع فحالي حياتي كانت تما ماشي هنا ، مكانش كيخطر غلي بالي واحد فالمية اني غنبقا عايش هنا بعد السنين لي ضربت دمرت وقريت تما حتي تلاقيت زكرياء وحيا بيناتنا رابط الصداقة لي كان من الصغر خويا لي مولداتوش ليا مي خويا لي ماشي من لحمي ودمي ، لقيتو كبر تبارك الله ودار مشروعو ماشي الصبي لي كنت شفت اخر مرة مشيت ، قتارح عليا نخدم معاه بلاصت منرجع نتكرفص فالغربة ونبقا حدي اغلي حاجة عندي هنا وهي والديا ، رفضت فالاول وفعلا رجعت رجعت للسويد ولكن مبقات حتي حاجة كتحلي ليا تما مبقا عاجبني والو وقررت رجع وهاد المرة غرجع بمرة دازت تلاتة الشهور بين مشيتي لسويد ورجعتي للمغرب ، تلاتة الشهور وصورت انسانة وحدة مفارقاتش بالي ولا مخيلتي وحتي هي كان ليها دور كبير بسبب رجعتي ولكن مكنتش معتارف بهادشي لراسي كنت محط انضار الكل كلشي البنات كيجو عندي بدون اي مجهود الا هي ، هي وحدها لي محاولاتش تتقرب مني هي وحدها لي متغرماتش بيا من اول نضرة ولا علي ود فلوسي ولا تا علي ود شخصيتي ، فالاول كنت كنتسائل علاش شنو ناقصني عييت نلحم ووالو ، خدمتي بالقرب منها مع زكرياء خلاني نشوفها يوميا وحتي فزيارتي لعائلتها لي كيعتابروني واحد من العائلة ، كنت كنتعقل بيها كل نهار بدل المرة مليووووون و ولا مرة ندمت كان كيعجبني نوقف بعيد ونشوف فيها كتخدم ، ريحتها وليت مدمن عليها ضحكتها خلاصلات شعرها الكحلة بحال ضلمت الليل وابتسامتها الرقيقة بحال شي قمر سبحان من خلقها ، (تبسم بحرقة) ههه بغيتها كتر مبغيت شي حد فحياتي بغيتها لدرجة كبيرة منقدرش نوصفها وباقي كنبغيها وغنبقا نبغيها حتي نموت غير هيا وحدها مليهاش متيل ، مشكلتي ا اسماء بحال مشكلتك بالضبط رغم عشقي الكبير ليها مقادرش نشوف ليها فعينيها ونصارحها معرفتش علاش والله معرفت حاولت وحاولت وحاولت وغير كنوقف قدامها عقلي كيغيب كنبغي نبقا غير نشوف فعينيها لي كيسطوني وكيسلبوني كياني
اسماء (مدهوشة من الكلام ومدي الحب الكبييييير لي حساتو من كلام خالد لهاد البنت ، بعدات عليه شوية وشافت فعينيه وعلامات الصدمة واضحة عليها): شكك..شكون؟
خالد (بقا ساكت مدة طويييلة فالاخير تبسم وحط ايدها علي قلبو لي غيسكت من كترة الخفقان بسرعة): حطي ايدك هنا غتعرفي شكون
وساعو عينيها كتر من شدة الصدمة ممايقاش هادشي لي وقع دابة
خالد: هاد البنت هي نتي ا اسماء
اسماء: ولكن انا..
قاطعها خالد فاش حط صبعو علي شفايفها: ششش ولا كلمة ، قلت هادشي باش كيبقاش مخبي فقلبي وايحرقني كتر قلتو باش نحطك امام الصورة حيت خاصك تعرفي ، تعطلت وتعطلت بزاااااف ولكن اليوم عاد كتاب ، فكري ا اسماء وخودي كل وقتك تسنيت سنين وعلي ودك نتسا اخرى معنديش مشكل فحالة كنتي غتعطيني فرصة مطالب منك والو من غير فرصة صغير وتفتحيلي هدا (حد ايدو علي قلبها) عارفها صعيبة ولكن ماشي مستحيلة الكرة فملعبك دابة ونتي قرري
بقات ساكتة وكتسمع مصدومة لحد الان من كلامو قرب ليها بشوية وكيشوف مرة فعينيها مرة فشفايها حتي حط شنايفو علي حبات الكرز لي عطاها الله كانو باردين وكيرجفو قبلها بكل هدوء وحنية وكانها تحفة من الزجاج وتقدر تتكسر فاي حين ، متعطش بزاااااف لاول قبلة ليهم من سنين ولكن مبغاش ايعيق خصوصا انو عاد عتارف ليها و الايام الجاية توريه ، بعد عليها بشوية باقا مغمضة عينيها باسها فيهم بزوج وناض وقف
خالد (بجدية كيف السابق): نوضي نوصلك منتعطلوش كتر
حلات عويناتها وهزاتهم كتشوف فيه خلاها تالفة حايرة جامدة وقلبها ايخرج من بلاصتو اول مرة ايقرب ليها شي حد لهاد الدرجة وايتجرأ وايبوسها وهي مدارت والو بقات جامدة بلاصتها ، ناضت وقفات مسحات حوايجها وتبعاتو سابقها بعدة خطوات وعلي وجهو ابتسامة وسعادة عارمة مدام مرفضاتوش تما فاش باسها وقرب ليها الا وانو باقي عندو امل وخاصو ايتشبت بيه لاخر رمق
وصل الليل والحفلة بدات عروستنا الحلوة جات كتحمق لابسة تگشيطة من دياولها بالابيض طالعة عليها بزبابل دالفلوس مكياج خطييير ومشطة شعر عاوناتها فيهم اسماء لي كانت مرة مرة كتبسم وعقلها غايب مع شنو وقع بينها وبين خالد فالعين ، زكرياء جا بالدفوع لي وجد فرمشة عين وصا علي كلشي من اكادير جا داكشي علي حقو وطريقو وبالدقايقية وجا معاه خالد ضارب ليك كومبلي بحال زكرياء جاو بحالى خارجين من شي فيلم البنات لي حضرو تغيددو وحسدو زينب علي الباطرون لي دات ليهم وهوما لولين شافوه وحطو عليه العين واليوم ببدلة العريس كحلة انيق ومستيلي جا طياااااح من الدرجة الاولي ، حضراات السعدية وراجلها وبنتها وولدها حتي هوما خدامين فالفيرمة وحضر القايد ومرتو وبنتو حاملة وراجلها وشي جيران فاطنة قراب للدار وحضر الشيخ ومرتو ومامات خالد وباباه وخواتاتو بزوج ، الحاصول الدار عمرات والدقايقية دارو خدمتهم علي اكمل وجه دخل الدفوع المضخم وخا زكرياء مراضيش عليه وجاه كلشي مزروب رغم انو محاملش زينب الا انو كيبقا زواج كيف ما كان نوعو ، غير دخلو للصالون بانت ليه زينب جالسة فالراس وقدامها طبلة فيها بوكيات ورد وشي كادويات من الجيران ، سهى فيها للحضة كانت كتبان زوينة ومكالمية اصلا زينب حالتها الوحيدة وهي زوينة فاش كتكون مكالمية ، هزات راسها وتصعقات فاش شافتو بطولتو وقامتو بداك الكومبلي لي واكل منو حتة داخل وجاي حداها تبسمات وحدرات راسها حشمانة طاح عليها السر الحاجة الوحيدة لي ميمكنش تتصنع فيها ، قرب باس ليها راسها تحت طلب مو وجلس حداها وهنا بدا شغل الدقايقية فرجوهم ديال بالصح بعدها تفرقو الرجالة من لعيالات هوما طلعو لسطاح لي كان مجهز وفيه شي وحدين ايديرو الامداح والعيالات التحت مع اللعابات
سخن الطرح وبين العيالات مكاين حجاب ، ناضو ايشطحو وايردحو وفاطنة نوضات اسماء وخا مبغاتش بززاتها تنوض دخل المعطي فاش سمع الطارة فالسما العالي حلف ليهم ميخرجوه شافو تا عياو وخلاوه وفاطنة تتحلف فيه مشات خديجة نوضات زينب لي غير تتحرگ بلاصتها كتسنا غير لي ايجي اينوضها باش متنوضش وحدها حشومة وطبقات ليهم متل نوضو لعروسة تشطح دارتها بالصح دفعت ليلي من فوق الجفنة فسخت طالونها وناضت
مكاين ليك غير شتف هيتف خرجات زينب الشيخة بنت الهم كلشي تصدم فيها تشطح حسن من الطراكس وزادتها فاش تحزمات فاطنة تويل وتضرب فحناهكا وخديجة شاداها بزز فينها الحشمة والرزانة والتبانة باااااح مع زينب ، الشيخات شادين معاها الميزان حتي سخفات ومبقات قدات ولات كلها عرق عاد رجعات لبلاصتها جلسات قربات ليها فاطنة تتحلف وتعاود ولكن شكون تسوق ، جبدات تيليفونها تصور وتسيلفي مع الشيخات مع ماماها مع فاطنة و اسماء اما المعطي مخشي فكل تصويرة ، وصلات 12 دفعو العشا كان فيه الدجاج محمر واللحم بالمروزية والسفة هادشي لي قادات فاطنة حتال لعشية وفاجئها زكرياء فاش سيفط طورطة العرس فيها خمسة الطبقات شكلها ايحمممممق و البساطل دالحوت ، تعشاو الناس كلاو شكرو الطعام وداو معاهم باقي ، وغير تعشاو هبطو الرجالة لي مشا مشا ولي بقا جلس باش ايشوف تركاب الخاتم وتقطاع اللحلوة ، دخل زكرياء مع خالد والمختار وزوج رجال والقايد للصالون وقف حداها وجابو ليهم صينية كبيرة شلا بواطات فيها وغير حلوهم تحلو معاهم افواه الحاضرين زوج كوليات ديول الالماس خمسة الدبالج عصريين ديال الدهب الابيض الحر ، ساعة اخر مغنات ام كلتوم من dior وحلقات وشي خويتمات اخرين من الدهب تروة محطوطة فوق الطبلة وهاك علي العين باش تتفرج ، واخيرا وليس اخرا سل بواطة صغيرة فيها الخواتم حلو وهي عاود حلات فمها باقة مصدومة من هادشي كلو لي جاب عند بالها مغيحاشيهاش ليها ولا ايجيب شي حاجة وغادي ايشوها بين الحضور ولكن كبر بيها وخلي كلشي حال فمو ، كان خاتمها بسيط راقي ومن الدياموند اكيد بجمال الخاتم الاول ولكن هداك عندو قيمة معنوية كبيرة الشئ لي كيخليه لا يقارن مع اي خاتم
وخاتمو هو بسيط عادي ومن الفضة كيف كينص الشرع والدين ، ركب ليها الخاتم وركباتو ليه وهوما كيشوفو فعيون بعضياتهم وكلشي الاعين عليهم كيقفصو وايزغرتو شبو الحليب والتمر وهزو سيف كيلمع مزين باش ايقطعو الطورطة لكبييرة ولي بهرات الحضور عاود
مقطعو ديك الحلوة حتي عياو الضيوف من التصفاق عاد فرقوها السرباية و بعدها بساعة بداو ايخرجو حتي مبقا حد غير مالين الدار
واقفة زينب وزكرياء قدام الطوموبيل لي مزينة وكيودعو فيهم ، خديجة والمختار لي كيبكو علي زينب واسماء متحملاتش مشات لبيتها وخالد ودعهم ومشا حتي هو وفاطنة واقفة توصي فزكرياء بالصبر وايكون راجل قد الحمل واخيرا المعطي لي مربع رجليه وجالس مسالي الطورطة هادي تنفع هادي تضر والسرباية حالين فامهم فيه
زينب: وصاااافي ا ماماتي اوووه هانا غير حداكم
خديجة (مسحات دموعها): علاه شحال من مرة غتزوجي اهئ اهئ الله علي كبيدتي الله
زكرياء: يالله امي بسلامة (شاف فزينب) يالله ازينب
زينب (باست ماماها وباباها): يالله تصبحو علي خير
ركب زكرياء ومشات زينب باست لعمتها راسها ودعاتها وركبات ، تحركات الطوموبيل وبزوج ساكتين مدواوش غير وصلو للفيلة كان ليها شكل تاني بالليل الضواو فكل مكان ايحمقو حلات فمها ومشات تزرب فخطاويها مخلية زكرياء ايجيب البالز دحوايجها من الكوفر ، حلات الباب ووقفات حداه كتشوف فالفيلة عاد بانت ليها مزياااااان كتهبل ، حطات ايديها علي خصرها ونطقات: اححح مرحبا بيا فداري
زكرياء (سمعاها شقالت خبط لبالز مع الارض): اللهم إني لا أ سألك رد القضاء وانما أ سألك اللطف فيه
دارت شافت فيه فرحانة: فينو بيتي؟
زكرياء(طالع مع الدروج ممسوقش): طلعي ختاري البيت لي عجبك ومتصدعينيييييش عياااان
زينب(شافت لي vاليز): اييييه شكون غيهز هادو
زكرياء (دار فالنص ديال الدروج): سيادتكم شكدير ؟
زينب: تقااال عليا
زكرياء(هز كتافو وكمل ايطلع فالدروج)؛ جريهم بلسانك راه ايهز جبال
جرات باليزة بانو ليها الدروج عرفات غتكرفص معاهم تحاربات حتي طلعاتها و رجعات للتانية نفس الشئ والتالتة كدلك عاد الرابعة والخامسة كانت خفيفة شوية فيها غير المكياج والمجوهرات وهي تسب وترعرع لزكرياء لي مهزهمش ، وقفات فراس الدروج تشوف فكل جهة مشات فجهة ليمن كتحل البيوتة لي بانو ليها تضرب دويرة تفقدية ميعجبهاش تسدو وتمشي لاخر حتي وصلات لاخر واحد كان بعيد علي غرفة زكرياء بزوج غرف ، كانت مفرشة بحال جميع الغرف لي فالفيلة دخلات وعجبتها بزاف انيقة ومناسبة ليها واااااسعة والضو داخل ليها مهوية ، مشات جرات البالز دخلاتهم ليها وخبطات الباب حتي تهز زكرياء من بلاصتو لي دخل ديريكت اينعس عيان بايت فايق وفاش جا بقا كيجري مع تجهيزات العرس
زكرياء (حال عين وساد الخرى ): الجحم المجحومة تولي لي لقيتيه قدامك تعضيييه ومتبردي تفووو يخليها سلعة (وغطة راسو بالمخدة)
زينب عاد رشقات ليها تطلق الاغاني فاش قال ليها هو متبرزطينيش بركات حتي رتبات حوايجها فالدريسينغ وهدا سبب اخر خلاها تختار هاد الغرفة انها من بين جميع الغرف لي شافت الوحيدة لي فيها دريسينغ بحال غرفة زكرياء ، حطات كلشي بلاصتو وطالقة اغنية like that وتشطح عليها ، فسخات القفطان وحيدات المجوهرات حطاتهم بلاصتهم تفكرات لي جاب ليها زكرياء وهي ترسم ابتسامة عريضة علي تغرها كيف لا وهو جاب ليها اغلي حاجة فحياتها ولكن باقي مجابتهم معاها حتال غدة وايجيبوهم ليها مع الفطور ، لبسات دوبياس بالكرونة ومسحات وجها من المكياج دوزات عليه كريم ودهنات ايديها وعنقها وشافت فالمراية : احح عليا وخلاص تيتييزة طياااحة (وضربات بشعرها) همم حتي هو مبيهش علي الاقل الي تمشينا بزوج فالزنقة ايقولو جاو مع بعضهم او ايقولو هي تيتيزة عليه (باست انعكاس صورتها فالمراية) تصبحي علي خير يا احلي انا
عاد رحمات زكرياء وطفات الموسيقي لي صدعاتو ومبغاش اينوض الي مشا حتي ناض ايجندخها فهاد الليل ، حطات تيليفونها فوق الكوافوزة حدى راسها طفات الضو و تخشات فالفراش نعسات
مع النبوري الساعة تقريبا 7 الصباح داخلة فاطنة وخديجة والمختار والمعطي للفيرمة جهة طريق فيلة زكرياء ولي لقاهم ايبارك ليهم مدار الباطرون و بنتهم السطاجيرة لي مكملات حتي سيمانة طارت بعريس مريييييش
فاطنة: انا لي بينبجغك المسخوط شوووووف كيرضيتيهم بالوسخ وهرستي الروايض غير بلاتي غير بلاتي نحط هادشي لي فايدي، واااااا الماااااااعطييييي (كان ايجري حتي تعكل فحجرة وعطر جا علي وجهو تجلط كلو ولا دم) واااااااغزاااااا فيك الحال وبغيتتتهااااا لييييك
ناض طاير مسح حوايجو وجر البالز لي فيهم الكادوات والمجوهرات لي جاب زكرياء لبارح و طار ايجري تاني كون شافتو زينب كون نحرتو نحير الجمل ومتبرد
خديجة: واااا الهبيل والله وتشوفك زينب
المختار: واااارجع رجع
فاطنة: زيدو خفو رجليكم هو معندو فين ايمشي تابع ريحت الماكلة كي السلوكي فين ما مشا غيرجع
بعد دقائق اخري وصلو حطات فاطنة الصينية وحطات صبعها علي جهاز التعرف علي الاشخاص فباب الجردة عاد تحل ودخلات تبعها المختار و خديجة والمعطي لي هرتك دوك البالز وشرگهم تكرفص عليهم ولاو بيضين بالغبرة ، وصلو قدام الباب والمختار وخديجة حالين فامهم
خديجة: وقت ما جيت لهنا نحل فمي مبقيت نسدو شوف سعد بنتنا كيف داير علي الاقل هي تفوز بشي حاجة
المختار: هاااااح حسااااان من قصرنا فاش كنا ساكنين
طنطن.....طنطن
تسمع صوت قوي دالجرس فجميع ارجاء الفيلة ، ناض السيهم مولاي السلطان مقلوب جاه بحالي كيحلم حتي عاود سمع الصونيت
زكرياء (عينيه مسدودين بزز حل وحدة شاف الساعة): اوووه 7:30 هادي شكون جا ؟ ياك عطيتهم اجازة
ناض بزز حك عينيه ومسح علي وجهو وتحرك كيجر فرجليه وايحك فمؤخرة راسو ، لابس سروال كيطمة فقط والفوق عريان مخلي عضلاتو باينين وديك الفراكة لي فكرشو تضرب علي الشعا ، لبس كلاكيطة وحل باب البيت خرج هابط مع الدروج ناسي كليا بلي واحد المخلوقة ناعسة فالبيت لاخر هبط حتي وصل للتحت عند بالو غير خالد ولا باه علال الجارديني حتي داز من وقف حدي الباب ووسع عينيه فشاشة كمرات مراقبة قدام الباب بانت ليه مو و المختار وخديجة هازين صينيات الفطور عاد تفكر المجحومة لي لفوق ناعسة فبيت اخر: fuuuuck
دار 180 طلع طاير زگل صنادلو ايجري اينقز بربعة الدرجات بربعة غير وصل الفوق وخوات بيه رجلو جا ساجد حتي حس بعضمو طرطق ناض ايجري وايتعكل : دعيتك الله ازينب دعيتك الله حتي ونتي ناعسة كتسببي فالكوارت
بقا ايقلب فالبيوتة والصونيت تقب الدار وست الحسن والجمال مجايبة لدنيا خبار نعاسها تقييييييل ، حل البيت الاخير لي بان ليه ودخل ومع الدخلة مع خرج عينيه الانسة مكرشخة ناعسة علي كرشها بوضعيتها المتيرة للجدل رجل مطوية والاخرى مسرحة وايديها شادة فيهم المخدة وشعرها طايح علي المخدة ، المشكلة ماشي هنا المشكل فدوبياس لي جابو ليه تمام بينو طايتها مقوووودة الترمة كلها معرية لانو البيكيني بحال سترينگ وبانت مكورة سميمرة ومجموعة
زكرياء (مخرج عينيه كيشوف فيها): شهادشي ياربي ، واش انا جبت ديك المصيبة لي نعرف ولا جبت ميا خليفة للدار
زكرياء (حرك راسو بالجهد ونعل الشيطان): اعود بالله ياااخ علي صباح
مشا بالزربة حداها كيفيق فيها وشنو غيفيق غير اعصار وضرب المكان ديك الناموسية قدها قد السخط تتقلب فيها بحال العجل گاع روناتها زينب من عوايدها تنعس فقنت وتفيق فقنت تقدر تنعس فالناموسية وتفيق فالطواليت ، كتبات مدابزة غير مع عضامها وتضرب وتسلخ وتسب كلشي لي دارت فنهار بليل تعاودو وهاد الحالة كتجيها خصوصا الي بدلات بلاصة نعاسها كتبطااا باش تولف ، زينب ماشي غير كتدوي وتخاسم زينب كتمشي وتقدر تتسارا الدار كلها فليل وترجع بلاصتها تنعس وهاااانية بحالى موقع والو ..
زكرياء(هزها من كتافها كينخضها ): وفيقيييييييي البهيمة فيقييييي
والو صدماتو فاش عيا ايصرفق فيها فوجها واينخض وايغوت ووالو فلخر دار شرع ايدو وهزها وهو كيحاول ميشوفش فالخيورات لي ملاصقة مع صدرو وغادي وكيقول اعود بالله ، عاد حطها فوق ناموسيتو وهي تقلب خبطاتو بتصرفيقة حتي كحاز للور مصدوم شاد علي حنكو
زكرياء: شوفلك لقح..(تمالك اعصابو ورجع غطاها كلها مبقا كيبان فيها والو ردها بحال بولفافة ورجع ايجري قفل البيت لاخر وهبط ايجري ايحل وايلبس تيشورت ديالو فنفس الوقت ، حل الباب كينهج وكلو عرقان : صباح الخير
فاطنة: صباح الزفت نص ساعة بالحساب وحنا واقفين هنا (وكتخنزر فيه) رجليا طااااابو
زكرياء (شد من عندها الصينية بايد وليد لخرى باسها علي راسها): سمحي لينا امي كنا ناعسين مسمعناش
فاطنة (دفعاتو)؛ هممم باقي شي نعاس هاد الوقت التمنية هادي ولا غير تزوجتي ووليتي بغيتي تشد ليا لفراش حتال الضهر
زكرياء(تبسم لخديجة وشاف فالمختار باقي هاز من خاطرو جيهتو): دخلو مرحبا (لحق علي مو) حاشة اميمتي غير البارح منعسناش بكري
فاطنة (تبسمات تبسيمة عرييييييييضة ودورات وجها لعند زكرياء خلعاتو بديك التبسيمة بحالى خارجة من شي فلم ديال الرعب): هي طرطقتوها
حلات عويناتها بان ليها الضلام خرجات راسها بشوية وهي عرقانة حتي بانت ليها فاطنة وهي تعاود تغمض عينيها وتزيد تخشا لحت: تف تف انقرضي ايتها الارواح الشريرة تف تف
فاطنة (جرات ليها الغطا): انوضي الله ايمسخك
ناضت مخلوعة طيرات الفراش وهي توقف ووقف معاها المعلم منتصبا وقفة رجل واحد ، زكرياء حل عينيه وهي واقفة غيييييير علي وهي ناعسة بشااااخ امولاي بشاااخ اش منك يصدر واي منك يفخاد والكرش لالالاصقة وفيها خلخال فالبوط صغيور علي شكل نجيمة زاد الباهية ، بقا مخرج عينيه وكيحس بمولاه وقف وبان من السروال بالزربة هز خدية صغيرة حطها عليه وتقاد فالجلسة مقدرش ايحيد عينيه عليها
فاطنة: اعود بالله علي المسخوطة شلابسة
زينب: نتي شجابك مع الصباح عاد قلت تهنيت منك
فاطنة: متهنيك مني غير الموت ابنت خويا (قرصاتها) تي شهاد المسخ لابسة
زينب (طاحت تنقز والخير اينقز معاها وقلب زكرياء واشياء اخرى ايتهزو حتي هوما ): اححح ولا ولا رصاااي ابنادم اتخليلي لحمي زرق
زكرياء: انا لي جبتك الصباح عييت نفيق فييييك جابو الفطور شنو ندخلهم وايشوفونا كل واحد ناعس فبيت والله فاطنة حتي تمشي فيها
زينب: يااااك هيا لي زوجااتنا
زكرياء: ومتنسايش راسك وافقتي وبركتي تقولي گاع ايمتا العرس (هز صبعو) باش اينجح هادشي خاص حتي شي حد حتيييي شي حد ميعرف بلي مزوجين زواج تمتيلي خصوصا مي والله متبقا تشوف فيا مرة اخري اتقول كنتفلاو عليها ونضحكو عليها وانا منسمحش بهادش
زينب: واااسماااح ولا لا وانا مااالي
زكرياء (قرب ليها مغدد): حتي نتي جزء من هادشي مي ونعرفها تخلي صحاباتك حتي يجو وتفرشك قدامهم وديك الساعة شوفي فين تديري وجهك
بقاات كتخنزر فيه عندو الحق معندها مدير ، هبطات تتمشي وتجي فالبيت معرفات مدير وكتحك فراسها فيقوها مخلوعة
لاح عليها فاز جاب الله سدات الباب بالزربة وتشتت مع الحيط
مشات لبيتها تسب وترعرع ليه حلاتو كان مقفول والحمار مخلي الساروت فالباب حولات راسها بلاحول ودخلات دوشات بالزربة وقادات راسها لبسات شوميز بيضة معرية من الصدر والكتاف كتعقد فالصرة مع سروال عريض بالاحمر طالع و محلول علي طولت الفخاج كيتسد بطراقات من الجناب ، كعب عالي احمر ، مكياجها اليومي مع بارفان شعرها خلاتو مطلوق و هزات تيليفونها وخرجات ، هبطات للتحت لقاتهم مكاينينش سمعات صوت الهضرة جاية من لاتيراس ، تبعات الصوت وخرجات من باب الصالون الزجاجي للتيراس لي كيطل علي الحديقة كانت صال امونجي كبييييرة حدي لابسين عامرة باشهي ما لد وما طاب وهوما مجموعين كيتسناوها شافتها فاطنة جاية وناضت بالزربة مشات عندها : فيناهو؟؟؟
زينب: شناهو؟؟
فاطنة: السرواااال فيناهووو؟!
زينب(باستغراب): لا نتي حماقيتي سراولي ميقدووووكش طايتك غليييضة ومبجغة
فاطنة: امتحماقييييش عليا ابنت خويا فيناهو السروال لي فيه المعلومة
زينب: دوي نيشان شمن معلووومة
فاطنة: الله ايقلل حياك ضروري نقولها ، السروال لي فيه دم ليلتك المسخوطة
زينب: ودابة الله ايمسخك نتي نيت
جا زكرياء هاز طبسيل ديال الكريب وجدو بالزربة وسمع اخر جملة لزينب وقف موراها: غنصمك حسك نتي عرفي دوي مع لي كبر منك والله تا ندير فيك شرع ايدي قد ما خضيت
زينب: سمعها هي شقالت فالاول عاد حل عليا فمك ا الضبع
زكرياء: مي شكاين مال هادي تاني
زينب: لا والو غير بغات دم جلدتي
فاطنة صفارة وحمارة وزراقت هي بالصح مقزدرة ولكن ماشي بحال هكا
طلقات منو ومشات تجري مور الفيلة تبعاتها خديجة وزكرياء وفاطنة و المختار حتي هو والمعطي شرب كاس دالما وكمل علي فطورو ممسوقش كرشو هي لولة ، غير بانو ليها شي حوايج مشروطين وهو ايبرد ليها الما فركابي ، شوميز بمليون شراتها من باريس فاشن ويك ولات شريوطاااات ، غادة وكتصدم ايفون باقي جديييد كيقشقش بالو عليه شداتها السخفة وتقفقيفة رجليها كيترعدو المعني الحقيقي ديال طاح ليها الما فركابي الكلاب كيلعبو بزبابل ديال الفلوس حتي بانو ليها مدابزين مع الفاليز لي فيها المجوهرات ايحلوها طارت تجري مقالت بيعضوها مقالت بيقمشوها شداتها و شدها كلب زكرياء من الجنب هي تجر وهو ايجر هي تجر وهو ايجر
زينب: وطلاللالالالالااااق رزقييي اولد المجحووومة طلالااق الكلب بن الكلب عائلة بني كلبوووووون
جا بشوية زكرياء حط ايدو علي ضهر روكي ضربو زوج ضربات خفاااااف علامة كيفهم منها روكي باش ايطلق من شي حاجة الي كان كيلعب بيها ، وفعلا طلق منها مع الجرة ديال زينب جات مزدوحة بامتار اللور علي ترمتها وشادة الشانطة معنقاها بحال المجنونة : اااه نحمدك ياربي ونشكرك رزقي رجع اااااه قلبي كنت غنموووت
تجمعو علي راسها كيشوفو فيها معنقة الفاليز وتشكر الله وتبوس فيها
فاطنة (قربات لخديجة): بنتك شحال تموت علي الجوالق
خديجة: نص مليار لي تما احبيبة انا ونموت عليها محساك زينب
الفلاح الوسيم الجزء الخامس
محتوى القصة
التنقل بين الأجزاء