خارج من غرفتو الفخمة بعدما رش عطرو الرجولي ذو الرائحة الأخاذة .. هابط فالدروج و ملامحو صاارمة .. مكايشوف لا يمين ولا شمال كايشوف غي مبااشرة، متشوق لهاد النهار بعدما دازو يومين كاملين على مجيئهم للمغرب و من داك النهار مشاف كنزة .. وصل للسفرة الكبييرة فغرفة الأكل الخاصة بعائلتو .. شاف فالجد ديالو و فباه و عمتو وولاد عمامو
خليل بمزاح:قدماتها ولا جريتي عليها هااا (بغمزة فآخر كلامو)
تيمور علا حاجبو فيه بلا ماينطق و هز كايفطر بهدووء و شياكة ولباقة و رجولة و اححح على حوباي
💜فمكان آخر💜
مقابلة مع البحر الهايج .. الموااج كايضربو فالرملة و هي جامعة شعرها كعكة مهملة كاتدير تعديلات على 3 دالتصميمات اللي قدرات توجدهم فهاد الثلث أيام .. من النهار اللي خلات فيه تيمور فديك الغرفة مشافتو ولا سمعات صوتو، حاسة براسها ولات كاتكرهو و محاملاش تشوفو ولا تبقى معاه فبلاصة وحدة .. كرهات التحدي اللي دخلات فيه و كرهات كوولشي .. ولات غي كاتفكرو كاتفكر الشيطااان .. كارهة أي حاجة كاتعلق فيه .. غالشوفة فتصاميمها كاتخليها تبغي تقطعهم و تمرمدهم حيت كايفكروها فيه
سمعات تليفونها كايصوني محطوط بين حجرها .. هزاتو كاتشوف المتصل و هي تجاوب كاتحنحن و تقاد صوتها
كنزة:سلام عليكم
المتصل:أنسة كنزة .. كولشي تقريبا واجد و الشركات تعرضو فسوق البورصة بأسهمهم .. تشراو من واحد الشخص اسمو _فخر الدين_ .. من هنا يوماين نساليو التعاملات و غايكونو ديالو
كنزة بتنهيدة طوييلة:ايييوا تهنية و راحة، دابا غانشوف فالأراضي اللي كاينين بغيت نبني شي منتجع سياحي و شي فندق يكوون واعر .. تقدر تتكلفلي بدوك الأمور القانونية ياك أأستاذ؟
المحامي:اه طبعا نقدر و يشرفني نتعامل معاك .. السي مصعب موصيني عليك و راه فحال خويا
كنزة تبسمات و وقفات كاتجمع فوراقها و تقاد شعرها اللي كايطيرو الريح:واخا .. نهارك مبروك
المحامي:نهارك مبروك أمدموزيل (قطع)
تمشات جيهت الفيلا كاتلعب فالتليفون بيد و الوراق دالخدمة فيد .. دخلات للفيلا طالعة لبيتها و هي تجي فكرة لبالها مع شنو وقع معاها مؤخرا تنساتلها .. و بالها كان مشغول بالتصميم حيت قررات تركز عليه باغا تتهنى من تيمور و سيرتو فأقرب وقت .. مع دخلتها للبيت حطات وراق التصاميم داخل واحد الملف .. و مشات للواحد الصاك كاتقلب فيه .. جبدات منو ورقة طوييلة و مشات بيها فوق الفراش بالتليفون فيديها .. دوزات عينيها على الورقة مزياان كاتقرا المعطيات اللي فيها .. باغا تشوف أكثر عدو كايكره تيمور فدوك اللي عندها فديك لاليست و هي توقف عينيها عند واحد السمية .. تبسمات بالجنب بخبث و دوزات ديك النمرة حاطة التليفون عند وذنيها و كاتدور فعينيها عاضة على شفتها التحتية، دازو ثواني و تفتح الخط عليها
كنزة تبسمات:ألو هذا مراد السباعي؟
الشخص:اه شكون معايا؟
كنزة بابتسامة:أنا كنزة، كنزة العربي .. بغيت ندويو فواحد الموضوع لا كنتي مسالي
مراد:ماعرفتكش أانسة واش سابقلي دويت معاك؟
كنزة:لا لا انا وياك عندنا مصلحة مشتركة و بغيت ندويو فيها مباشرة
مراد:بنتيلي غا كاتفلاي وانا مامساليش لهاد التبرهيش داروها قبل منك و مافلحوش
كنزة دوات بالزربة:باغا ندوي معاك على قبل الفرعون
مراد باستغراب:الفرعون؟
كنزة:لا كنتي مهتم بالامر اليوم فالستة دالعشية فكافي la ruche جنب البحر نطلاقاو .. راحنا فنفس المدينة (قطعات عليه بلا ماتسمع منو جواب و ناضت كاتكسل و تطرطق فعضيماتها نازلة لتحت حيت باقي الحال على الستة)
❌فالجردة الصغيرة دالڤيلا .. جالسة كاترعد و تدور فعينيها حواليها .. عارفة فأي ثانية يقدر يجي قدامها، بعدما تسناتو ايامات ومجاش .. عارفاه كايجي فالنهار اللي مكاتكونش متوقعاه يجي و دابا جالسة و كاترعد خايفاه يبان قبالتها .. خصوصا برجوعها للمغرب مع سي گي و الكليكة، سمعات إشعار ميساج فتليفونها .. حنات عينها ليه بانلها سي گي مصيفطلها
تبسمات كلير عينيها كايشعو بالفرحة .. حبو هو أحلى حاجة وقعات فحياتها، بالنسبة ليها سي گي هو كنزة عطاتولها الدنيا .. علات عينيها ناوية توقف باش تدخل لداخل و هو يبانلها مربع يديه كايشوف فيها و يبتاسم حتى هو .. غي الفرق بين ابتسامتو و ابتسامتها .. ديالها بريئة و ديالو شيطااانية
كلير وقفات بالزربة كاتراجع اللور:ن ن نتااا
مارك كايقرب عندها:ماتوحشتينييش؟؟ كي دازت سفرتك لباريس؟ فكرتي مزيان؟؟
كلير خرجات فيه عينيها:باش عرفتيني مشيت لباريس!
مارك بابتسامتو وقف قبالتها غايفتارسها بنظراتو:عارف عليك كوولشي .. و دابا يلاه معايا .. عارفك كنتي كاتسنايني البارح و ول البارح
كلير ولات كاترجف قدامو و تدور فراسها .. كاترتب الكلمات فذماغها .. كلمات شحال و هي كاتحفظ فيهم باش تتوسلو يخرج من حياتها ولكن غي وقف قدامها كولشي ولا سراب فسراب فذماغها:م م مارك س سمعني .. ا أ أنا ب بغيت نطلبك طلب بليييز لاكنتي كاتبغيني بصح غاتنفذو
مارك تبسم كايقرب جيهتها كثر:اه آمري مستاعد نلوح راسي من مرتفع عالي على قبلك
كلير لسانها حساتو رگد و رجليها بلا ماتحس كايتراجعو اللور .. خايفة منو موووت:م مارك أ أنا (حنات على ركابيها چالسة شادالو رجليه) أنا كانتوسللل رحمتك .. عفاااك .. الله يعطييك مكاتمنى نساني عليك و خليني نكمل حياتي كيفما بغيت مع الإنسان اللي بغيتووو .. مباغاكش نتا انا مانقدرش نتخلا عليه .. انا حياتي راسماها معاه هو .. سي گي هو كل حياتي أمارك
مارك خنزر فيها بحدة .. حنا عندها بجسمو و علاها من شعرها كايزيييير عليهااا .. و يضغط بيدييييه على الجلدة دشعرها .. هي كاتزير عينييها و تغمضهم بقققوة كايدمعوولهاااا:مستحيييل تكوني لواحد غيري فهمتيييي، نتي دياالي ولا مابغيتييش نقتلك نتي وياااه .. كليير علاش مكاتشوفيش حبي ليك هااا .. انا درت بزااف دالحاجات على قبلك .. تزوجت بماماك الشارفة غي باش نبقى قريب ليييك و و فاش حلات معايا موضوع أنها كاتفكر تسفرك لمدينة أخرى باش تكملي قرايتك انا تهنيت منها وضبرت حااادثة قتلتها .. ماتت فنفس النهار اللي بغيتي تقوليلها عليا .. انا قتلتها و تهنينا منها أكليير .. و و حتى هداك اللي كان كايتحرش بيك فالثانوية أنا اللي دزت فيه بالطموبيل حتى تشلل و مابقاش كايتمشى .. ولا داك اللي كان خدام معانا و فوقما كايشوفك جيتي تشوفي ماماك كايبقى متبعك بعينييه .. عميتهووملو .. كلير انا درت حاجات كثار فحياتي و قتلت ناس و رتاكبت جرائم .. عطيتك نتي فرص كثيييرة ولا ماستاغليتيهااش داابا .. كانواعدك غاتقتلك نتي ونتبعوووليييييك (ختم هضررتو بصررخة عالية خلاتها تقفز كاتدمع و تحرك راسها بلا)
الصدمة .. هادشي باش حاسة كليرر حاليا، مخرجة فيه عينيها مصدومة كاتحرك راسها بالنفي .. عينيها كايقطرو بالدموع كل عيين كاتنزل خط طويييل تاابع خوووه اللي سبقو .. حاسة بالعرق كايقطر منها و قلبها زاد كحال من جيييهتو كاتمتم بخووف وكره:م مامااا ق قتلتيييهاااا ن نتاااااا
مارك بتاسم ابتسامة جنونية:اه قتلتها أحياتي .. باش نعيشو انا وياك بخييير هههههه (حاوط وجهها بيديه و هي كاتشوف فيه مامثيقاش طينة هاد بنادم اللي قدامها، دفعااتو بكاااامل جهدها و دارت كاتنهج و تدور فرااسها .. حاسة بقلبها كايغلي بالكررره، جا يشدها و هي تنتر منو ثاني بقووة كاتشهق بالبكاا كاتمشي و تجي و تزعزع يدييها بحركة جنونية .. كاتحلها و تسدها و عينيها غي كايدوورو .. بانتلها واحد البالة صغيورة فمجتل الزهور اللي مزروغين فالجردة .. مشات ليها كاتجري هزاتها و دارت عندو كاتشوف فيه مخرجة عينيييها و معلية البالة فيديها (بالة من نوع صغير بلا عود طوييل حديييدية و باينة مااضية) سنانها كايتقرقبو و نفسها كايخرج سخووون .. قربات عندو ببطئ كاتدمع و تمتم:قتلتيهااا ياااك .. ماااامااا أناااا .. حبيييبتييي .. المرى اللي ولدااتني .. هي اللي كبراتنيي .. هييي كووولشي بالنسبة لياااا .. موتها بالنسببببة ليااااا جهنااام .. كانتفكر أنها تحت الثراااب كانبغي نتبعها و نكوون جنببها قبري حدااا قبرهااا، ن نتااا دااابا كاتقووولييي رااااك قتلتييييييهاااااا (خرجات فيه عينيها كثرررر .. تسيفااات) غ غانتبعك ليييها .. ن نتاااا خاصك تمووت و نتهنى منننك اععععععععععع (مشات جيهتو كاتجري يلاه غاتخشيها فيه خوالها مع كانت موجدة راسها تضرب فيه .. غي خوالها طاحت للأرض حتى تجرداات فركبتها، شداتها مزييرة علييها .. شافت الدم كايسيل من ركبتها .. .. علات فيه عيينييها كاترمقو بححقد، وقفات كاتطلعو و تنزلو بعينيييها و تزير بالبالة على يدييها .. حتى هو مخنزر فيها و مصمم ياخذها معاه اليوم بالزز ولا بالخاطر .. اندافع جيهتها بسرعة باغي ينترلها البالة من يدها و هي تزرب عليييه بقققققوة علات رجلها ضرباتو للمنطقة الحسااسة حتى غووت شااادها و قبل مايدرك يتصرف بشي طرييقة ماشي هي هاديك .. غززات فيييييه البااالة على حرررر جهدهاااا فكرشو و خرجاااتها كاتنهج عرقاانة و شعرها مشنتف و اللون الأخضر فعينييها مخلط بالأحمممر كايخلع .. عرووق عينيييها حمااارو كي دالدم ولااو
خرجات يدها بالبالة من كرشو و تراجعات خطوات اللور كاتشوف فيه مزنننگ شاااد على جرحوو .. فمو حااالو فيييها كايتنفس بالزز الدم كايسيييل بغزااارة من كرشو .. كايقطر فالارض تراجعات اللور خااايفة كاتحرك راسها بلا .. حتى قفزات من صوت كايعيط بسميتها
كلير كاتدور فراسها بلا و تغوووت و تنتف و ضرب فراسها:انااا قتللتو تهنيييت منووو علااش مشاااا علاااش .. د داااباا مايكووونش مااات و غايعااود يجييييي عنديييي .. غايبغيييي ينتااقم منيييي .. غايقتلني انا و يقتل سي گي و ماشي بعيد يقتلكم حتى نتي و مصعب .. ماسمعتيييش شنو قالي أكنزة ماسمعتييييش😭 (طاحت على ركابيها مابقاوش هازينها كاتزييير على العشب بيدييها) ه ه هووووو قتل ماااامااااا و أذى ناااس ماعندهوم دخللل .. هو حمق أكنزة .. حمق و هبيييييل .. كانكرهووو .. بغيت نشوف جثتو قدااامي
كنزة حنات عندها مخلوعة عليها:كلير شووت صافي دابا ها هو مكاينش .. صافي غي تخايلتي .. حبيبة تهدنييي (عنقاتها كاتطبطب عليها و هي كاتحرك راسها بالنفي وتمتم بخاصو يمووتت باستمرار و بدون توقف .. بغات تحمااق مللي مالقاتوش وراها)
داخلين سي گي و مصعب من باب الڤيلا كايضحكو
مصعب:ساعتاين و نتا كاتختارلي فخاتم باش تلبسو ست الحسن
سي گي كايشوف فبواطة حمرة بين يديه:خاصك تفهم أن شخصية كلير مكايفهمها حد من غيري وانا درت كااااع جهدي باش نختار خاتم يعجبها
دورو راسهم لجيهت الجردة مستغربين لصوت الغوات اللي جا منها .. مشاو كايجريو جيهتها بانتلهم كنزة شادة كلير بقوووة و هي كاتغوووت بين يديها و تتعووود و تتجبببببد يديها و رجليها كايعواااجو و صوتها قريب يبح من كثرة مكاتغوت و كنزة مخلوعة معنقاها باغا تسيطر عليها
سي گي قرب عندهم كايجري مصدوووم، شدلها رجليها كايقادهوملها و جا حتى مصعب شدلها يديها مستغربين لحالتها
سي گي باستغراب:آش وقع اكنزة .. كلير تهدني عفاااك .. شنووو طرااا هنااا
كلير كاتعود و تخشب و تغوت؛بغييييييتو يموووووووووووت بغييييييت نقتلووووووو اعععععععع هو مايستاااهلش يعيييييييييششششش أغغغغغغغغ وااااااااااااااااااااا😭😭
سي گي طلق من رجليها و مشا لجيهت وجهها كايدوز يدو بحنان و يهمسلها باغي يهدنها:عمري تهدني عفاك .. قوليلي شنو فقلبك علاش كاتخبي عليا هااا واش انا ماشي حبيبك؟؟
كلير كاتغوت بحر جهدها:سي گييي هو بااغييي يقتلناااا هئ هئ😭😭😭😭 كايدخل حتى لهنا و كايهددني .. (شداتلو فيدو بقووة كاتنهج عرقاانة) باغيني انا ولكن انا باغااااك نتاااااا .. كانكرهوووو أسي گيي 😭😭 دمرلي حياااتييي اهعععع
سي گي هزها بين يديها كايهمسلها:هششش دابا رتاحي .. نطلعك لبيتنا ترتاحي و فاش تحسي براسك مزيانة عاوديلي صافي (غادي بيها جيهت بيتهم)
كلير كاتشهق مكمشة فيه و كتبكي بالجهد:هووو خاصو يمووت هئتننننن😭😭😭 خاصو يموووت😭😭😭😭 خاصنا نتهناو منوووووو (حطها سي گي فوق الفراش بعدما دخلها للبيت و تكى جنبها كايدوز يديه على جبينها و يتنهد .. قربهالو و زيرها معاه بقوة و هي كاتشهق و تنخصص و ترعد و تبكي حتى نعساتلو بين يديه و هووو خايف عليها، كان عارف غايجيلها شي نهار للي تنفاجر فيه و يوقعلها فحال هاد النهار هذا .. حيت سكوتها الداايم كان مشككو فشي حاجة .. خوفها من أي حاجة .. حالتها الصعبة حسساتو بأن حاجة خطيرة مخبياها عليه و دابا باغي يعرفها آش مخبية عليه .. حيت فاش خلاها على خاطرها كايتسنى حتى تصارحو لراسها نهاااارت بلا مايسيقلها الخبار)
🎃لتحت🎃
مصعب باستغراب:ماعرفتيش مالها؟
كنزة جالسة فوق الفوطوي فالصالون كاتحك فروة راسها بطريقة دائرية حاسة بالشقيقة زارتها:لا .. راها صعراات عييت معاها تتهدن ووالو .. ماعرفتش شنو شافت ولا تفكرات ولا شنو طرالها
مصعب تنهد و قرب عندها وقف موراها كايماصيلها راسها؛ممممم عمري ماتعييش راسك مباغيكش تمرضي
كنزة تنهدات و تكات براسها على الفوطوي:زيييد ماصي بليييز حاسة براسي غايتشق
مصعب بتاسم سولها بفضول باغي يعرف مشاعرها و كايتمنى ماتكونش بدات كاتميل ليه .. حيت مخطط يدخل يخرب عليها الخطة و يخلييه مايبغيهاش .. على كل حااال باغيها تخسر التحدي باش تكون ديالو:كاتكرهيه؟
كنزة خسرات سيفتها كاتفكر آخر لقاء ليهم من الكلينييك للغرفة دالرعب:شي حاجة كثر من كانكرررهو .. تفووووو اكثر بنادم عفتو فحيااااتيييي (قرنات حواجبببها بقوة حتى جا لبالها فلاش ليهم فاش تباوسو نهار شطحات ليه و فلاش آخر نهار طاح عليها السبع و ماصالها صدرها كرزات على يدها بقوةة كاتغزز سنانها و تدوي بتلعثم) تفوووو على حمار باغا غا فوقاش ن ن تهنى من ووو
مصعب بتاسم ابتسامة واسعة كايتمتم بهمس:غانخليه حتى هو مايحملكش أكنزة (علا صوتو) بانلي طولنا هنا .. اش بانلك نحددو مهلة لانتهاء التحدي مثلا من هنا لشهر؟؟؟
دخلو للكوزينة يشوفو واش كاين شي غدا .. منها تشرب كنزة .. غي سالات شريبها تكات براسها مع الثلاجة مسندة عليها و ربعات يديها ساااهية .. ذماغها سافر لداك النهار البي خلاها تزيد تكرهو فيه .. حاليا باغا غي تبعد منو .. حتى داك التحدي كارهاه، تنهداات بصوت عالي و خرجات من الكوزينة مخلية مصعب كايتمازح مع مدبرة المنزل و يضحك معاها .. چلسات فوق واحد الفوطوي كاتشوف لبعييد و تمتمات بنبرة جااافة
-كانكرهك أتيمور باشا .. كانكرهك كثر مكاتصور
خارجة من المزرعة الخاصة بعائلتها، على رجليها بلا من طموبيلتها .. لابسة صالوبيط طويول فالغوزانديان و الشعر مطلوق و المكياج قوي مع عكر فنفس لون الصالوبيط .. دورات راسها حواليها و هي تبانلها سيارة قريبالها .. مشاات جيهتها مبتاسمة، حلات الباب و دخلات مع دخلتها مع تصدمات كاتشوف باستغراب فداك اللي فوسط الطموبيل
جوزيف شاف فعينيها بنظرة مطوولة حتى سهى فييخا و نطق بنبرة خافتة:باغي نرجعو كي كنا
شيما بتاسمات كاتومئلو براسها و تصفق:هههههه برااافو .. عاااد فهمتتتك دابا عااد فهمتك، باغيني نولي ديك الكلبة اللي غي تابعاااك ياااك هههه .. دابا عاد عرفت طييينتك نتاااا .. عمررررررك مغاتكون كي الناااس .. يكون فعلمك أنني عمرنييييييي غانولي كي كنت وانا خدامة عللى هادشي .. مغانكونش ليك نتااا .. واش عاقل شحال رغبتك و زاوگتك غيييي تشووف فياااااا
جوزيف كايغزز سنانو و يتمتم بحدة و يضرب بيديه مع الگيدون حتى كاتشهق:كنت شااايفففك نتيي اللي مافهمتينييش
شيماء غادة و كاتعلي نبرة صوتها حتى هي و تجابه معاه:شنوو غانفهم شنووو .. انا اللي فهمت من تصرفااتك أنك كاتكرهني و كنتي باغيني نولي فهااد الأنا اللي وليتها داابا .. ولكن غا وليت هاكاا نتا وليتي تابعنييي .. علاش ماديرش شوية دالنفس و نساااني عليييك!!
جوزيف كايضرب بيدو فالكيدون و يغوت صوتو غادي و يعلى و عصبيتو غادة و تتزااد حتى هو:مابغيييتكش توليييي هااااكااا .. انا كنت مخرربق .. كان قلبي مجروووح من بنت خالك و خفففت ندخل فهاد العلاقة و تديريلي بحاالها .. تضحكي عليا و تبغي واحد آخر و فاللخر نولي نتقصح علييك .. قلبييي يضرنيي مللي نسمع غي سيرتك .. مابغييتش يوقعلي هادشي ثاانييي
جوزيف وقف الطمووبيل فنص الطريق حتى بداو يكلاكصونيو عليه الطموبيلات من وراه:ماتهربيييش .. مابغيتكش تهربيي مباغيكش تكوني لواحد آخر انا باغيييك أشيماااء باغييييك (وقع بيناتهم تواصل نظري طويييل .. حل صمت رهييييب فالأرجاء غي دقات قلوبهم كل شوية كاتتزايد و تسمع بصوت أعلى فأذنيهم، مد يدو ببطئ كايتلمس وجهها و بشرتها و يهمسلها) ماتهربيش مني أشيماء
شيماء طولاات فيه الشووفة عينيها مدمعين .. ردات راسها اللور كاتمسح عينيها:تعطلتي أجوزيف، تعطلتي و خليتي قلبي يتهرس لقطع كثاار صعيب يتعاودو يتجمعو .. مغايتجمعوش بهاد الكلمات اللي قلتيلي ولاهاد الشوفات و لا لمسات ولا توسلاات .. جوزيف نتا خسرتيينيي صاافي انا قررت قرار لا رجعة فييه، غانخرج من حياتك و حتى نتا نسانيي .. مانصلاحلكش (حلات باب الطموبيل بالزربة وخرجاات غادة كاتجري بلا ماتشوف وراها .. خلاتتو غي مصدوم كايشوف قبالتو و قلبو كايضرب بعنف فقفصو الصدري متجاهل أصوات الكلاكصون الكثيرة ورااه و كايتمتم)
شيماء دخلات لواحد الدرب كاترعد و تنهج و تشوف فجنابها .. تبسمات بالزز وتمتمات:لا استسلمتي دابا غانعرفك عمرك مابغيتيني و عمرك ماحسيتي بشي حاجة من جيهتي، لا بغيتيني حارب على قبلي، حارب قلبي بحبك و خليه يلين ليك من أول و جديد
⌛بعد مرور الوقت⌛
تيمور جالس فمكتبو فالشركة .. واخا داز الوقت دالخروج ولكن الخدمة كثارت، و المخططات و التواقيع .. خصوصا و أنهم قربو يطلقو ماركة و موضة جديدة فسوق الأحذية .. حس بتليفونو سيفطلو ميساج بنغمة مألوفة عندو .. علا حاجبوو طل على الميساج و هو يطلعلو جهاز تتبع لصقو فتليفون كنزة عطاه إشارة انها اخيرا تحركات من المنطقة اللي كانت جالسة فيها (وقف بالزربة متبعها و دار نمرة خاصة كايصوني عليها)
تيمور بخشونة:خرجات و ماوصلونيش الخباررر!!!
الشخص:سيدي حنا حاضيين ماخرجاتش من غير سيارة داك الصديق الكوري ديالها
تيمور غزز سنانو بقوة:دارتها بيكم أدمااااااادم (مشا خارج من المكتب مخنزر .. متأكد انها ماخرجاتش غي هكاك و صافي و عاد ماشي فطموبيلتها، ركب فسيااارتو و نطالق بسرعة مخلي الغبرة موراه كاتطاااير)
🌀عندها هي🌀
صايكة سيارة سي گي اللي طلباتها منو و مكايبينش فيها الزاج حيت متأكدة أن تيمور داير حراسة مشددة عليها .. صايكة بسرعة كاتشوف فالساعة كانت 5:53 زادت صطمات على الكسيراتور غادة بسرعة خاصها توصل فالوقت باش تبين قدام الشخص اللي غاطلاقاه أنها إنسانة صاارمة و منظمة .. وصلات أخيرا لجنب القهوة .. شافت الساعة كانت 55 دقيقة .. جبدات عكر كادوزو على شنيفاتها فالغوز بارد و فراجو كذلك حمرات بيه خذوذها .. قادات شعرها و رشات جوج رشيشات من عطرها الأنثوي المثير .. هزات صاكها و تليفونها خارجة من الطموبيل جيهت القهوة داخلة كاتمايل فمشيتها و تدور فعينيها على المدعو بمراد السباعي سابقلها شافت صورتو قمواقع التواصل قبل ماتجي عندو باش تعرفو أول ماتشوفو .. سكانات الوجوه اللي تما مزياااان حتى بانلها جالس عند واحد الطبلة كايتسناها، كانت متأكدة انها غاتلقاه سبقها .. توجهات عندو مبتاسمة كاتعييوج و تمايل فالمشية وقفات قبالتو و مداتلو يدها
كنزة:مسيو مراد السباعي؟
مراد حال فيها فمو عجباتو من كل النواحي حتى شوفاتها و نعومة صوتها مدلها يدو مصافحها:هو هذا
كنزة گلسات قبالتو مبتاسمة:جيت ندوي معاك فموضوع خاص .. انا وياك عندنا نفس الشخص باغيين نتهناو منو و ندمروه
مراد:نطلبلك شي حاجة بعدا؟
كنزة بتاسمات بلباقة:كاپوتشينو عفاك
مراد عيط للسيرڤور و قالو الطلبية .. شاف فكنزة شارك يديه مع بعضياتهم كايزير على صباعو .. قال بنبرة جدية:على الفرعون داوية ياك؟
كنزة بابتسامة انتصار واسعة:تيمور باشا
مع نطقات السمية مع تجر كرسي و جلس قدامهم كايتمتم:بغيتيني ألعبدة ديالي؟
كنزة علات فيه عينيها و خرجاتهم فيه .. كايشوف فيها معلي حاجبو مبتاسم ببرود .. صرطات الريق مامثيقاااش .. حسات بحنااكها تزنگوو من هاد الفرشة .. زيرااات بيدييها على فخاضها بقووة و تمتمات بعدم تصديق كاتصرط فريقها بالزز:كي درتي عرفتيني أنا هنا
كنزة مخرجة عينيها فتيمور:ك ك كي درتي عرفتيني أنا هناااا
تيمور تكا بيدو على حنكو كايشووف فيها بابتسامة باردة:ههه لا و وااااثقة من نفسك أنني مكانعرف عليك والو أعبدتي الزويونة، كاتحسسيني أنني انا الغبي بهادشي اللي كاديري
كنزة كرزات على قبضة يدها كاتزييد تزير على فخااضها:شنو جاي تدير هنا؟
تيمور شاف فمراد:نسولك نتي أعبدتي .. شنو جاية تديري هنا؟ مع هاد ال.. (طلعو و نزلو بنظرة حادة و رجع شاف فكنزة)
كنزة علات عينيها فمراد اللي معلي حاجبو فيها مخنزر باينة فيها معاجبو حال، شافت فتيمور كاتغزز سنانها بلا ماتنطق .. تفرشات و تخرسااات معارفة ماتقول
تيمور تكا بضهرو على الكرسي مريح و تبسم فوجه مراد:مراد السباعي، صاڤا!
مراد مخنزر:شهادشي أأنسة كنزة؟
تيمور .. ضررب بيدو فالطبلة قداام المدعو بمراد بقوة حتى دارو دوك اللي فالقهوة كايطلو عليهم، قال بصوت حااد:آاااااسي .. دويييي معايا ماتشوفش فيها هي
قاطعو تيمور باستهزاء:داكشي اللي باغيه مغايطرااش .. لا بالنسبة ليك نتا ولا بالنسبة ليييها .. غي كونو هانيين أعمالي الشخصية مغايكونوش فمتناول الجمييع، خصوصا فمتناولك نتي ألفيفيعة (كنزة خنزرات فيه) و نتااا .. مزيان اللي شفتك دابا .. خاصك تعرف أنني مكانتهددش و ديك المناقصة غاتكون ديالي كيفما أي حاجة كنتي باغيها خذيتها
مراد كايشوف فعينيه مباشرة و بحدة:غانشوفوو واش ديالك و لا ديالي
تيمور وقف و جر يد كنزة بقووة وقفها معاه:ماتشرفتش بشوفتك أسباعي (جرها معااه بالجهد من يديييها و هي كاتنتر منو و تجر يدها ولكن كايزييد يجرهالها و يزيير عليها كثر خارجين من الكاافي)
مراد تكى على كرسيو كايشوف ففنجان قهوتو مبتاسم بالجنب:كنت كانضن الفرعون ماعندوش نقطة ضعف، ولكن دابا لقيتها هه كنزة العربي غا شوفاتك ليها خلاوني نتأكد أنها نقطة ضعفك يا تيمور باشا .. نقطة الضعف اللي غاتخليني نسجل هدف ضدك
كنزة كاتغووت فوسط الطموبيل و تدق فيها باغا تحللها و تيمور ديمارا بسرعة منطاالق:فيين غادي بياااا .. وقفف هناا باغا ننزل محااملااكش .. تفو على شيطاااان
تيمور جرها من شعرها بقوة و حطلها راسها فوق حضنو مزيرها معاها و كايتمتم:فخباارك كون كانت وحدة أخرى باغا تتآمر مع عدويا شنو نديرلها! كنت نقطعلها راسها من الكسدة (كنزة صرطات ريقها برعب من هضرتو .. خصوصا الجدية اللي فنبرتو، انفااسها كايطلعو و ينزلو بقوة و من الشي اللي دارو فياسمينة زادت خوف منو .. حساتو علالها راسها بصباعو .. شاف فعينيها مبااشرة صايگ بواحد اليد .. و يد مزير بيها عليها فوسط حضنو العرييض .. عينيها ذاابو فيه .. تبدلو نظراتها ليه من كره و خوف لأخرى معجبة .. الإعجااب تمكن منها و من داك القلب اللي عندها، كاطلعو و تنزلو بعينيها و هو كذلك عين فيها و عين فالطريق .. همسلها بطريقة خلاتها تتبورش أنفاسها يضطاربو) توحشتك
غمضات عينيها كاتحرك راسها بالنفي و رجعات تكات على صدرو كاترجف من الثوثر، خصوصا و داك الإنجذاب الأول بدا كايرجعلها ثاني غي من مجرد الشوفة فيه عن قرب .. تفكرات المدة اللي باقالها فالتحدي .. صرطات ريقها و علات راسها فيه كاتهمس بصوتها الأنثوي بدورها:تسنيتك تصوني عليا (عضات شفايفها بإغراء بلعاني كاتماصيهم مع بعضهم و عينيها كايرمشو ببطئ فعينيه حتى سهى فييها .. سهوة طويييلة و عينيه فشفايفها، بقا كايشوووف فيهم شحاال حاس بمغنطيسها كايجذبو .. كاينزل بشوووي لفمها باغي يتذوقو و هي باقا على حالها كاتشوف فعينيه و تقاسيم وجهو .. حتى دوورو رااسهم بزووجهم دقةة وحدة من تكحيطة تكحطات بيهم الطمووبيل، فلتات بيهم منحارفة على الطريق .. علا عينييه بالزربة مزيير عليها فحضنو و رجع الطموبيل فمسارها اللول بمشقة الأنفسس كانت غاتزهق بيهم لواحد الحافة .. بدا كايحنحن، و يحل صدايف قاميجتو و الشرجم من جيهتو بلا مايشوف فيها .. حس براسو تزير و بدا كايميل على الطرييق من جديد .. بقات هي متبعاه بعينيها قلبها كايضرب بسرعة، تبسمات كاتشوف فالطريق .. ردات شعرها مور وذنيها متكية على صدرو كاتصنطو لدقات قلبو اللي كانت سريعة و تمتمات)
-فين غاديين؟
تيمور ببرود صايگ بلاما يشوف فيها:نديرو خريجة أنا ومراتي الزوينة
كنزة تبسمات كاتعض شفايفها بخذوذ مورديين .. مزنگة .. مجرد كلمة منو كاتأثر عليها يا بطريقة إيجابية ولا سلبية .. آااخ يا كنزة و هاد الأحاسيس كايخربقوك .. مرة يخليها تكرهو من أعمااق قلبها .. مرة كايخلي رغبتها فيه تتزااد .. التوق و الشوق و اللهفة كاتحسها جيهتو .. غي من كلمات و تصرفات حنان و هاديين .. بقات كاتفرج فالطريق بصمت بلا ماتدوي حتى قاطع الصمت صوتو الجوهري
تيمور:ضنيتي أنكي تقدي تتافقي مع الأعداء ديالي؟
كنزة شافت فيه بهدوء:بغيت ننتاقم منك على شنو كادير فيا .. تحلفت عليك
كنزة بتسائل كاتشوف فيه مصغرة عينيها:نتا مامقلقش مني حيت دويت مع هاد خونا؟؟
تيمور ضحك باستهزاء:تعصبت فاللول لدرجة كنت باغي نقتلللك و ندفنك بيدي تحت الثراب (حس بجسدها اقشعر بين يديه .. زيرر على كتفها فحالا كايهدنها و كمل هضرتو بنبرة هااادية) ولكن دابا بردت و عرفت كيفاش نتعامل معاك .. نتي خاصك اللي يرطب معاك ياك؟
كنزة علات فيه حاجبها الإستغراب ماليها و مفاهماش علاش كايتصرف بهاد الطريقة معاها .. مولفة معاه الدق و البرود و التجاهل و الإستهزاء ولكن يجرها عندو و يعنقها و يقولها توحشتك و يحصلها داوية مع عدوو و عرف انها بغات تتافق معاه ضدو و مايديرلها والو من غير أنه يتعامل بهدوء هنا دخلها الشك و قلبها بدا كايضرب بخوف و الأفكار كايتضاربو فذماغها كاتفكر فين يكون غادي بيها و كيفاش غايعاقبها هاد المرة حيت بانلها فحالا هذا الهدوء ما قبل العاصفة
دقائق من الطريق .. حبس الطموبيل جنب البحر و دار شاف فيها مبتاسم ابتسامة جذباتهالو كثر:مستعدة لرحلتنا؟
كنزة باستغراب:شمن رحلة؟
تيمور تبسم:هه من ديما كانتشاحنو و ندابزو و نتخاصمو بزاف عمرنا جربنا ندويو بهدوء و نمشيو فشي رحلة غي أنا وياك بلا ضرب و معيار
كنزة علات فيه حاجبها كاتمتم باستنكار:هه معول تاكل الحلوة ولا كيفاش؟
تيمور قرب بوجهو من وجهها صاط أنفاسو عليها بهدوووء حتى غمضات عينيها بعمق حاسة بالسخونية مجمعة فحنيكاتها و همسلها:لا غانواعدك من دابا أنني مغانقيصكش إلا فاش تبغي نتي و تكوني واجدة نتي
كنزة تبسمات حاسة أنه فحالا طاح فيها و كايتصرف هاكا حيت بدا يبغيها و قريبة تربح تحديهااا مع نفسها و مع مصعب، حلات باب الطموبيل و خرجات بلا ماتنطق كاتشوف فالأرجاء و فاليخوت الكباار اللي كاينين فالأرجاء قدامها .. خلات ابتسامتو الوسيمة تتحول لأخرى جانبية خبيثة و تمتم كايحل باب طموبيلتو و يعبرها بعينيه:هانا غانوريك انتقام الفرعون كي داير .. غانورييك لا بغيتي تصيدي شي حد .. كيفاش تتصرفي و قانون الصيد كي كايكون .. الصياد خاصو يلوح طعم فالمستوى للضحية .. و طعمي ليك هو هاد الاهتمام و الحب الزاائف قربات نهايتك أكنزة العربي .. شوية بشوية و غادخلي للمصيدة ديالي .. غادخلي لمصيدة الفرعون
توجه تيمور لعند كنزة بمشيتو الرجولية و ابتسامة سااحرة رسمها ففمو كايعبرها بعينيه و هي دايرة كاتشوف فمجموعة اليخوت و تدور فعينيها عليهم
وقف موراها و حط وجهو عند عنقها كايهمسلها مطلع قرون صباعو مع طووول ذراعها حتى تبورشات:راهو اليخت ديالنا .. كنت مخطط نجيولو فهاد اليوماين، جامع سمياتنا أنا و نتي "TaYza"
كنزة كاتصرط الريق و تدور فعينيها و تمتم مستغربة:ك كيفاش زعما؟ و وعلاش داير هادشي؟
تيمور لصق جسمها مع جسمو و حاوطها بيديه معانقها من اللور كايشوف فالوشمة اللي عند عنقها بسميتها:هممممم نتي مرتي خاص تكون شي حاجة شاركانا أنا وياك
كنزة دارت عندو كاتشوف فيه بثقة:مرتك؟ هههه و عبدتك فين خليتيها؟
تيمور تبسم سااهي فعينيها:خلينا ننساو ديك الهضرة دعبدتي ... دابا من اليوم غانبدا نحسبك مرتي دياالي
كنزة محافضة على جمود وجهها و تمتمات:هممممممم، جاني هادشي فشكل بين ليلة و نهار؟
تيمور تبسم:لا ماشي داكشي اللي فبالك .. تيمور مكايحبش .. تيمور قلبو قصى من الحجر أزوينة
كنزة حطات يدها عند قلبو كاتلمسلو صدرو و تعلات على قمقومة الطالون ديالها كاتمرر عينيها على تقاسيم وجهو و تهمس:وشنو غايطرا لا بغيتيني؟؟
تيمور صرط ريقو مخلي المجال لتفاحة آدم تتحرك فعنقو و تزيدو وساامة و رجوولية و تخلي قلبها يحس بضربات خفااف مثوثرين .. همسلها:أنا مكانبغيش
كنزة عضات شفتها التحتية بإغراء ..موازاة مع نضراتو العطشانة ليهم:هاحنا غانشوفو واش هاد القلب غايضربلي ولالا .. أتيمووور (رجعات براسها اللور و دارت متاجهة جيهت داك اليخت كاتلوي فشعرها بين أناملها الرقاق البيضين، خلاتو متبعها بعينيه بلهفة .. إغرائها يكون نجح معاه .. قلبو كايضرب ضربات متوازية كايسمعهم فوذنو و شوفاتو ليها مترقبة ماكرهش يحصل عليها بكاملها الليلة و يسمع صرخات المتعة من ثغرها الشهي و هي تحت منو .. ماكرهش يتلذذ كل بليصة من جسمها الحلوو و يدوز لسانو عليها بالكامل .. آااخ على عضة عض شفتو التحتية و هو كايتخيل تخيلات جامحة مع أنثاه الجامحة .. ماكرههاش فهاد اللحضة بين يديه و هو فوقها ملهووووف عليها)
توجه عندها كايلوي فلحيتو بهدوءء و مطول فيها الشوفة .. وقف جنبها و خشا يدو الحرشة و الضخمة .. بين صبيعاتها كايتحسس رطوبيتها .. جرها وراه و هي مبسمة ابتسامة وااسعة و غي تابعاه .. طلعو لليخت اللي قالها .. كان ذو حجم متوسط أبيض اللون .. كايلمع باينة فيه فحالا جديد .. دخلات ليه كاتسارى فيه وتدور فيه عينيها .. كان واسع من لداخل بجوج طوابق .. تيمور تاجه لغرفة القيادة كايحركو و كنزة نزلات للطابق التحتاني .. كان فيه بحال صالون صغييور فيه جوج فوطويات فالقهوي و بلازما صغيورة و أباجورة و طبلة فالجنب و باب آخر مشات حلاتو بانتلها غرفة متوسطة الحجم فيها غي فراش لشخصين طولات فييه الشوفة و خرجات برا طالعة لفوق .. ضربات ضويرة فالطابق الفوقاني .. بانلها الحمام و الكوزينة صغار فالجناب و براتو كايطل على البحر .. الليل طاايح و الغربي محرك و اليخت محرك فوسط البحر .. تبسمات متوجهة جيهت حافة اليخت كاتحس بالنسيم و الهواء العليل كايتضارب مع وجهها و لحمها اللي تبورش من شوية دالبرودة تخللات جسمها .. دارت كاتقلب على تيمور .. بانلها فغرفة القيادة محرك باليخت .. بتاسمات و مشات جيهتو كاتضحك .. دخلات عندو كاتدور فعينيها
كنزة:زوين اليخت عجبني
تيمور شاف فيها مبسم غي بعينيه:أجي لهنا
قربات عندو كاتشوف فجنابها .. وقفات جنبو و هو يجرها جابها قدامو و جسمو محاوطها .. و عجلة القيادة قدامها، همسلها:تبغي نعلمك؟
كنزة بتاسمات:اه ماكرهتش
تيمور حط يدو على يديها فوق عجبلة القيادة وكل شوية كايقاد اتجاه اليخت باش يمشي غا نيشان .. تكا براسوو على كتفها و همسلها
كنزة تبسمات بهدووء كاتقلب على الكلمات المناسبة فعقلها .. كيفما هو باغي يطيحها و يدخلها لمصيدتو ماننساوش حتى هي باغا توصل لنفس النتيجة:ماشي كاتعجبني و إنما غي نصيحة من أنثى زوينة فحالي هههههه (ضحكات ضحكة انثوية مدللة ملحنة .. خلات عرش رجولتو يتقيد عند أنوثتها الطاغية)
تيمور تحنحن و بعد يديه منها:غانبقاو هنا باش مانتعطلوش فالرجعة .. اجي معايا (جرلها يديها خارجين لبرا .. وقفو مقابلين مع البحر اللي محاوطهم من كل جيه) كايعجبك البحر؟
كنزة تبسمات:اه
تيمور:كاتعرفي تعومي؟
كنزة شافت فيه باستغراب:اه
تيمور حط صباعو على صدايف قاميجتو البيضة كايفكهم:مزيااان
كنزة باستغراب:شنو كادير؟
تيمور حل آخر صدفة و قلع القاميجة عاطي غميزة لكنزة:هانتي غاتعرفي
كنزة عضات شفتها كاتشوف فالعضلات السدااسية المرسومة المنحوووتة المخدووم عليها مزيااان .. غا كتااافو يدييرو منها جوج .. أما عرض صدروو فخلااص و طووولتو وزغب صدرو الرطب القليييول .. حساات بالصهدة طالعة معاها و دقات قلبها كايتساارعو .. فعوض ماتغريه هي غراها هو .. حط يدو على صدفة سروالوو هي تخرج فيه عينيها
كنزة:ش شكاديييررر؟؟؟؟
تيمور تبسم بالجنب و قلع السروال .. بقا غي بكالصون فاللون الأسود مبين الماطيرياال مشعشع، قرب عندها بخطوات قلاال و هي صدرها كايطلع و ينزل بقوووة .. دقات قلبها غادة وتتساارع .. غا وقف قدامها نترلها الكويرة اللي لابسة .. وحط يدو على التيشرت اللي لابسة كايطلعولها .. بقات هي غي كاتشوف فيه مستغربة .. تمتمات بثوثر
-عاهدتيني مغاتقيصنيش!!!
تيمور بتاسم و قلعلها التيشرت .. حنا عينيه للصاية اللي لابسة غي حط يديه عليه شداتهالو مخرجة فيه عينيها، هو مانطقش غا شد يديها بزووج زيرهوووملها مور ضهرها و هبطهالها بسهوولة بيديه بقات قدامو بالدوبيااس فقط .. طلق من يديها مبسم بالجنب كايسقي عينيه بشوفة تقاسيم جسمها المثييير، هي حطات يديها على صدرها بشكل إكس كاتراجع اللور غا شافها كاتبعد بدا كايقرب عندها مادوا ماتكلم .. غي ديك الإبتسامة الجانبية اللي خلعاتها
كنزة كاتراجع باللور و تمتم:ت ت تيموور، ح حرام علييك تجيبني لهنا و دير فيا هاد الحالة
تيمور همسلها ببرود:تنفسي مزيااان
كنزة شافت فيه باستغراب .. قبل ماتستوعب كان هزها بين يدييه و نقز بيها من اليختت للما حتى ترررش بقووووة تسمعاات منهااا غوتةةة بصوووت عااالييييييي حتى تقطعاات مللي نزلووووو فأعماااق الميااااه لتحت فوووسط البحررر و فاعماااقو و الضلللللمة المحاااوطة الأرجااء مابقااوش كايبانو فخخطرة مامعروفش فين صفاو
فوسط داك الضلاااام و السكوون و الهدووووء طلعات لسطح الماا كاتشهق وتكح بقووة و تشوف حوالييها و تغوت:حمااااقيييييتيييييي أتيمووور حماقييتييي (دورات راسها فالأرجاء كاتقلب عليه و الشعر لاصق عليها و مع السمرة دالليل الببرد تمكن منها كاترعد فوسط الما و تعيط بسميتو) تيموور .. فيينك!! تااااايممم .. واش نتا بخيييير؟؟ (شداتها البكية و التقفقييفة) وااتيمووور .. الفرعوووووون .. تيمووور باشااااا واش نتا هناااااا .. وااداااك الحمااااار آااااااااغغغغغ (غوتاااات بقوةة مللي حسات برجلها تجبدات تحت المااا حتى دخلاتلهاا ملوحيتو لقرجوووطتهااا .. و تعلاات بالزربة لفوووق ثاني كاتشهق و تكح و تدور كاتعوم) واااخا فيك أزااامل .. اييي، واش كاين شي حد بعقلو كايديير اللي كادييرو نتااا .. من قباايلة وانا كانقول هذا مغايتصرفش هكااا غييييي هكاااك .. مخططلي لشي حااجة .. قول نتاا باغي تقتلنيي هنااااا
حسات ثاني برجلها تجبدااات بدات كاتفركل فوسط المااا و تغرغر و تضرب بيديها و رجليها هرباانة .. غا بعدات شوية جمعات النفس و غطسات تحت الما كاتقلب عليه بعينيها .. حتى بانلها متوجه عندها كايعوم .. حطات يدها على كتاافو و غززات فيه ضفااارهاا و دفعاااتو طالعة لفوق كاتستجمع أنفاااسها
بدات كاتنفس بقووة حتى شافتو طلع لسطح الما بدورو كايشوف فيها ببرود و يجذف عندها .. غا قربلها علات يدها باغا تطرشو و هو يجرها عندو و مع الما بالزربة تلاصقو أجسادهم وتحسسو مع بعضياتهم بطرييقة ساااخنة، عضوو تلامس مع عضوها حتى صرطات ريقها من قساوتو حساتو وااقف
كنزة بصوت عالي كايتسمع صداه مع الليل .. باغا تتجااهل داك الثوثر اللي حاسة بيه:ماكرهتش نبقى نعض فييك حتى نغززك كاامل واش نتا بعقلللك أزمرر
تيمور تبسم بالجنب و قرب لعنقها كايحك لحيتو الفاازگة معاها بطريقة كاتبورش:شنو توقعتي مني همممم (باسها بوسة خفييفة تحت وذنيها حتى تنهداات بطريقة عمييقة) .. تخيلتيني غانجيبك و نعشيك تحت ضو الشمووع واقيلا ياك هههههه .. انا ماشي بحالهم ازوينة ديالي مممممم
كنزة زفراات بقووة و رجعات براسها اللور كاتشوف فعينيه:دابا علاش منزلنا لهنا و الموت دالبارد .. بغيت نطلع فحالي
تيمور تبسم بالجنب و غطس بيها تحت الما لمدة دقييقة و طلعو .. كاينهج و يشوف فيها و يتمتم:ممممم بغيت نعوم معااك .. غي ترخاااي ششششش سلميني جسدك
كنزة كاترد شعرها اللي لصق مع وجهها لمور وذنيها:نتا نحلفلك عليها حتى باغي تقتلنييي هنا
تيمور بتاسم وغطس بيها ثاني تحت المااا .. كايعوم بيها .. بغات دفعو و تطلع و هو يجرها بقووة و قبل ماتدير اي حركة ولا ردة فعل شارك شفايفهم بمصةةة ماااااالحة المذاااق ذغدغاات قلبببها .. و مع مذااق الملوحية ففماامهم .. و الما اللي مخليه يحرك يدييه فساائر جسمها بأريحية .. دخل يديه مع مؤخرتها فوسط السترينگ مخشع فتقبيلو لييها و هي بدات كاتخنق بعد مرور خمسة دقاايق كاااملة بلا ماتطلع النفس .. مربية السوفل فالعوماان .. بدات كاتنترلو و ضربو لصدروو و تزعزع بقووة .. حتى طلع بيها لسطح الما .. بدات كاتشهق متكية على صدرو وتكح و هو عاايم بيها جيهت اليخت .. نطق بطريقة مستهزئة
-البوسة واخا مع الملوحية دالبحر صدقاات حلووة أمراتي البنينة
تيمور تبسم كايدوي بهمس رجولي ببحة مميزة:اممممم لااءح .. انا بغيت نبوسك هنااا (باسها قبلة سطحية فقنانفها بورشااتها) بغيت نلعبو شوية فالما أكنزتي (خشا يدو ثاني مع مؤخرتها كايتحسسها بطرييقة حمييمية و باسها فعنقها بوسات خفااف كايبوورشو اللحممم و القلبب حتى طلقات تأوه خفييف .. رجليهم كايلعبو فالماا)
كنزة بهمس:تيمووووور أححححح خلينا نطلعوو عفاك بردت
تيمور هبط براسو بشووية جيهت شفايفها .. كايشوف فعينيها بنظرة ساااحرة و شفايفو حمااارو مع الما دالبحر .. وقع تواصل بصري طويييل خلا انجذاابهم لبعضهم يكثر .. هو كايقرب لفمها و هي كاتقرب لفمو و بكل بطئ و سلاااسة و الأنفااس كايتسمعو عااليين مع صمت ديك الليلة السوداء الكاحلة .. تدمجو شفايفهم ببطئ بقبلة خفيييفة هااادية .. بعدو كايشوفو فعينين بعض و رجعو ثاني لقبلة جديييدة حااااارة و سخوووونةةة .. مصة تابعة مصة و قبلة تابعة قبلة و لمسة تابعة لمسة .. السخوونية طلعات معااهم مع برودية داك الما دالبحر ماحسووش بييه .. أجساادهم الفاازكة كتتحاااك مع بعضها و كايحك فيها لحيتو، نزل بقبلات خفااف على ذقنها و عنقها و هي كاتأوه مغمضة عينييها و حاسة باللحضة .. حاسة بمتعة كبييرة .. طلعات يديها معاه من صدرو لضهرو معانقااه بقووة كاتقيصو فيه حتى دازتلها يدها على الجرحة دالسهم اللي تغرز فيه مؤخرا .. بقات كاتحسس فييها بشوووية بقرون صبيعاتها .. الجرحة تسدات .. وجهها و فمها كايتمخششوو فيييه حتى بدات كاتحس بدااكشييي قااصح كايتحااك معاها من لتحت ردات راسها اللور كاتشوف فخصلات شعرو اللي باينينلها و قبلاتو اللي حاساهم كايشووطو لحممها بالحراارة .. تنهدااات بقوووة و حطات يديها على كتافو كاتبعدو عليها
كنزة بهمس:تيموور .. مامستاعداش لهادشي دابا بلييز
تيمور رد راسو اللور كايشوف فيها بهدوء و ينهج .. حاوط وجهها بيديييه و خشا لسانو مع لسانها بقبلة فرنسيةة سااخنةة خلاتها تغمض عينييها بقووة و تبادلو بدورها القبلة عاطياه لساانها حتى هيي كايتذقوو رييق بعضهمم .. انفااسهم سخاان كاينهجو .. عينيهم مغمضين .. رجيلاتهم كايتحركو فالما و فنفس الوقت فامهم كايتمااصو، شفاايفها تنفخو من دوك المصيصات اللي كايديرلها .. حساتو رجع اللور بهدووء و شاف فيها .. مع الشوفة مع عاود هجم على شفايفها ببووسة مججهدة قاااسيةةة حتى عضلللها على شفتتها بققوة و بعد ثاني .. زفررر بقوووة حااس برااسو مزييير وبالعربية سخن عليها، تأفأف بقوة كايصوط و جرها بيدو جيهت السلم داليخت اللي نازل
تيمور بنظرة غاامضة:عندي مشكلة فهادشي .. وعودي مكانعرفش نخلف بيهم .. لا وعودي لنفسي ولا لأي شخص كان
كنزة بتاسمات و طلعات فالسلوم لفوق .. خلاتو حاضيها بهدوووء حتى وصلات لفوق و تبعها .. هي تمشات بخطوات خفاف كاتزرب و تحني تجمع حوايجها الطايحين فاللرض .. هو بقا وااقف حااضييها و حاضي تكويزتها حتى وقفات و دارت شافت فيه .. مع الدورة مع شعرها دار معاها و غطا على ملامح وجهها .. شافت فيه شوفة خطيييرة خلاتو يكرز على قبضة يدو بقوووة حاضيها باغي يضبط راسو و مشاعرو و قلبو اللي حسهم بداو يتمردو عليه و يخرجو عن سيطرتو .. مشا حتى هو كايلقط حويجاتو .. حاضيها بعينيه بانتلو نزلات لتحت باش تلبس عليها، لبس حتى هو حوايجو و مشا دور اليخت باش يرجع بيهم
داز الوقت .. وقف اليخت بيهم فمكانو، نزل تيمور هو اللول كايحمحم و يشوف فجنابو .. علا راسو فيها مادلها يدو .. مداتهالو حتى هي وهبطات عندو جامعة شعرها الفازك على شكل كعكة مهملة
تيمور خشا صباعو بين صباعها كايتمتم:فين ناخذك دابا؟
تيمور باسها بوسة سخووونة ففمها حتى حسات بركابيها فشلوولها .. رجع اللور كايشوف فيها بابتسامة و هوما يدورو راسهم فجأة من صوت مصعب الحاد العااالييي
مصعب بحدة:شهادشييي كانشوووف أكنزةةة؟؟؟؟؟؟
كنزة و تيمور شافو فيه قد قد .. يلاه بغات تنطق تجبدات لحضنو محاوطها بقوة كايشوف فمصعب بدورو بنظرة قاااسية .. حااادة .. مهددة
تمتم ببرود:آش كاتشوف؟
مصعب حس بذاتو كاترعد من المنظر الغيييرة تمكنات منو و ناااارها كاتحرق فصدرو و منظرها بين يدين واحد آخر كايتعاود فذماغو باغي يحمقو دوا بصوت مبحوح و صوت مرعود:ك ك كنزة أجي لهنا دخلي فحالك
تيمور شاف فكنزة بهدوء و تمتم:حبيبتي، نتي ساكنة مع هذا حتى هو؟
كنزة تجبدو فيه عينيها من كلمة "حبيبتي"، أول مرة كاتسمعها منو .. قلبها أحبها بزاااف و بدا كايخفق خفقات شديدة كاتشوف فييه بنظرة كولها إعجاب ..
مصعب بصوت عالي:كنزةةةةةة
كنزة شافت فيه بالزربة قفزها و خرجها من سهوتها:أجي لهنا باليز .. راه بالي تشوش عليك، تعطلتي .. ندخلو و ندويو
كنزة بغات تخطي عندو و هو يجرها تيمور بقوة و دارها موراه كايخنزر فمصعب:ولا قتلك مغاتجيش و مغاتدويوش؟؟
مصعب قرب عندو محمر فيه عينيه:كنزة زيدي دخلي
تيمور ضرب صدرو معاه بقوة حتى تزعزع مصعب و قال بحدة:مغاتدخلللش
مصعب بعناد:دخليييي
تيمور:مغاتدخلش
مصعب:دخليييييييي
تيمور بهدوء:مغاتدخلش غي بلا ماتعيي حلاقمك بالغوات
مصعب مد يدو لكنزة اللي من ورا ضهر تيمور و تمتم بحدة:لا كنت كانعنيلك شي حاجة فحياتك عطيني يدك
كنزة تأفأفات جات تمدلو يدها و هو يشدهالها تيمور مخنزر فيها:لا شديتي فيه ولا دويتي معاه مغايعجبك حال
كنزة طولات فيهم الشوفة بجوووج كاتغزز فسنانها .. بعد طول تفكير نترات يدها من تيمور و شدات فمصعب غادة عندو .. كايبقى هو داك الصديق و الأخ اللي عاونها و كان معاها فالوقت اللي گاااااع الناس عطاوها بضهرهم .. زيراتلو على يدو و شافت فتيمور بشجاعة
-كايبانلي راك نسيتيني مكانتهددش
تيمور طول فيها الشوفة واحد النظرة اول مرة يديرها فيها، ماغيرة .. ما حدة ما عصبية .. نظرة غريييبة بزااف، دار جيهت طموبيلتو بلا مايزيد كلمة .. خلاها حاضياه بعينيها و يدين مصعب حاوطوها بقوة معنقها بالجنب .. ركب فسيارتو بلا مايعلي فيهم عينيه و نطاالق بسرعة حتى تكحطو روايد الطموبيل مع الأرض و خلاو أثر كحل
كنزة تبعاتو بعينيها كاتعض على حنكها من لدااخل مثوثرة، شافت جيهت مصعب اللي كايشوف فيها بحدة .. تنترات من يدو و مشات داخلة لداخل كاتنتر و ضرب رجليها فاللرض بغيض
مصعب تابعها:شرحيلي أكنزةة .. علاش تعطلتي و كي داز اللقاء مع هداك و علاش شعرك ففاازك اكنزة .. شنو وقععع؟
كنزة شافت فيه طالعاالها جاها فحالا خسرلها كولشي .. نطقات كلمة خلاتو يخرج فيها عينيه بصدمةةةة:تحاوينا أمصعب، هادشي اللي باغي تسمممع (خلاتو و مشات جيهت بيتها طالعة بالزربة خلاتو راكل واحد الديكور كان محطوط جنبو حتى تشتت و غوووت بصوووت عاااليييي)
كنزة دخلات لبيتها مغدةة .. زدحات البااب و مشات جيهت فراشها تكات علييه .. شافت فجنبها للجهة الثانية من الناموسية و هو يبانلها فحال طيفو متكي جنبها كايشوف فيها بديك النظرة اللي دار فيها .. تمتمات بصوت ثقيييل:تيمووور، ماتعصبش منييي (تأفأفات ومدات صباعخا كاتقيص المخدة متهيألها هو فصورتها) مباغاكش تتقلق بليييز (غمضات عينيها ببطئ جارالها المخدة معنقاها بقوة) مباغاكش تتقلق أتيمور
غرقات فنوم طويل .. مشاعر الأنثى دائما كايغلبوها ولو كانت أقوى وحدة فالعالم فالمشاعر كاتخون مولاها و تتمرد عليه .. لذلك كاننصحكم تقيدو دوك المشاعر بسلاسل حدييييدية و تكونو متأكديين عمرهم يتمردو عليكم و عقلكم يربح الرهان ضد القلبب
☀صباح جديد☀
بدايتا من غرفة مضلمة .. جالس جنبها كايشوف فيها بنظرات ألم .. مألم عليها و عللى حالتها .. من البارح و هي كاتنوض تغوت و تبكي و ترجع تنعس حتى اضطر يعطيها مهدئ باش هي غااارقة فالنعاااس بهاد الشكل .. ناض من قدامها غادي جيهت الحمام مخليها ناااعسة بداك العمق و داك الهدوووء .. أعصاابها مهدنيين و المهدئ مفعوولو ثقيييل خلاها تنعس أطول فترة ممكنة
❌في مكان آخر❌
جالس عند طبلة طويلة دالفطور و شاد جورنال بين يديه كايقرا فيه .. حتى دخل عندو خادم مدلو ظرف و وشوشلو فوذنو .. شدو من عندو داك الشخص و حل الظرف .. غي حلو بانولو الصور اللي باغي .. تيمور و كنزة معنقها و كايبوسها و دايرها وراه مخنزر فمصعب .. تبسم إبتسامة جانبية خبيثة و ناض وقف من ديك الطبلة هاز تليفونو كايتمتم بشر
-اليوم بغيتها تكون فاستضافتنا، مدام گااااع تهديداتنا مانفعو معااه .. إذن نقطة ضعفو غاتنفع و بزااااف .. خصوصا لا تاخذات من قدام عينييه .. حرصو على هادشييي (قطع و هو مستمتع باللعبة الجديدة اللي ناوي يدخلها ضد الفرعون .. المناقصة حاالف حتى ياخذها ولو يضطر يقتل على قبلها .. حتى لو قتل نقطة ضعف داك الفرعون فسبيلها .. استسلم فالماضي ولكن حااليا لااا)
نااعسة بكل عمق مخشية كولها تحت الغطا و المخاد كايبان غي بعض من خصلات شعرها الأسود خارجين لبرا .. صوت تليفونها خلاها تحل عينيها بالزز و تعلي راسها من تحت المخدة اللي كانت فوق وجهها .. دارت للكوافوز اللي جنب راسها، هزات التيلي و دارتو فوذنها عين مفتوحة و عين مسدودة، همهمات كاتفووه
-همممممم؟؟
المتصل بصوتو العميق:صباح الخير عمري
حلات عينيها على الآخر و تمتمات بصوت عالي:جوزيييف
جوزيف تبسم:ههههه كبيدتي دغيا عرفتيني، هذا دليل على أنكي عمركي تنسايني
شيماء بحدة:اصلا غانبلوكيك من گااع نمارييك .. نتاااا ماعندكش الحق تكون فتليفونيي (قطعات عليه مخنزرة .. مشات مباشرة بلوكاتو من الآبيل و الواتساب و الميساجات كاتمتم بعصبية) على زمر تفو بايت كايحلم بياا (لاحت التليفون وراها و مشات بشوية جيهت الحمااام كاتكسل و تفوه مبتااسمة عاااجبها الحال اللي قلبات الأدوار و ولات حاليا هي اللي مجرجراه وراها .. كاترد صرفها بالثاني و المثني)
فالبحر 🌊
داخل الرملة جنب الشط اللي مواجو كاتضارب قريبة لرجلين كنزة اللي كاتجري بسرعة عادية و الكيت فوذنيها بموسيقى كورية لفرقة Exo، فلاشها البارح مع مصعب و تيمور كايتعاود فذماغها مشوشها و عااد كي شاف فيها و مشا .. ديك النظرة ترسخات فذماغها .. طرجماتها على أنها خذلان .. ولا بقا فيه الحال، مارضاش، ماعجبوش الحال
بقا فيها الحال لداك المنظر اللي طرا .. كاتلعن مصعب فنفسها و تعاود اللي خسر عليها ليلة زوينة دوزوها خلات أثرها فقلبها و خلاتها تزييد تمييلوو و تنجاذبلو بغير إرادتها وبدون وعي منها كاتبقى تفكر فيه .. رغم أنها كاتكرهو فبعض المواقف ولكن ماشي بالضرورة تكون كرهاتو بالكامل .. كاتكره غي أفعالو و تصرفاتو الشيطانية ولكن كشخصية و كاريزما و رجولة فهي معجبة بيه .. وقفات كاتنهج و دور فعينيها حاسة بالعيا و العرق مجمع عند جبهتها .. شافت الساعة فتليفونها و هي تبانلها 7:15 قلبات طريقها بالزربة راجعة فحالها للڤيلا باش توجد راسها تمشي للشركة .. مدة ثلث ساعة دالجرا عاد وصلات .. دخلات بالزربة لداخل كاتجري .. بانولها واحد جوج حراس فالجردة كايدورو و فالباب دالفيلا كذلك .. كملات طريقها بعدم اهتمام و طلعات فحالها لبيتها مباشرة بعدما دازت على مصعب و سي گي فالصالا مونجي كايفطرو مادوات معاهم ماتكلمات .. حاسة بأنها واخدة موقف من مصعب رغم أنه مدار والو ولكن نضرات تيمور و كي مشا معاجبو حال داكشي خلاوها تاخذ منو موقف ..
حاسة بأنها واخدة موقف من مصعب رغم أنه مدار والو ولكن نضرات تيمور و كي مشا معاجبو حال داكشي خلاوها تاخذ منو موقف .. تصرفاتو كايتعاودو فذماغها و مخليينها مشوشة و مخربقة .. دخلاتت مباشرة للدوش كاتقلع حوايجها .. خدات دوش خفيف و خرجات من تحت الرشاش كاتدهن كريمات مرطبة برائحة زكية منعشة فسائر أنحاء جسمها .. حتى شعرها دارتلو واحد الماسك .. و لبسات دوبياس فاللون الأسود كانت ديجا حاطاهم فالدوش .. شدات سوشوار دوزاتو على شعرها و دارت ميكااب خفييف .. مع خط أيلاينر رقييوق فوق عينيها و ماسكارتها ديال ديما كادير خلطة طبيعية لرموشها باش كايبانولها كثار و طوال .. شدات عطر جديد عمرها ستخدماتو .. بريحة الورد .. ريحتو خفيييفة ولكن زوينة وكاتجذب، دارتو فعنقها وتحت وذنيها و يديداتها و خرجات للبيت تبدل عليها .. لبسات لبيسة عملية زوينة .. قميجة شفافة فاللون الأبيض باين تحتها لون السوتيانات و صايا مزيرة عليها كحلة و قصييورة حد فخيضاتها .. مع طالون فاللون الوردي .. دوزات عكر وردي اللون غاامق على شفايفها و فغاجو حمرات الحنيكات شافت فراسها فالمراية و تبسمات كاتقاد فخصلات شعرها الأسود و تتفكر هضرتو على شعرها البارح تنهدات بابتسامة خفيفة و تمتمات بنبرة جد خافتة
-لاماخليتش عقلك يطييير ويتغرم بياااا ألفرعون مانكونش هاد كنزة اللي كاتقولها قلبك قصى من الحجر ومستحيل تبغييها .. أناا هي ديك الصهاارة اللي غاتذوب الجليد دقلبك .. غانخلييه يلييين و يولي ديالي (تبسمات عينيها كايلمعو .. و تشوف فانعكاسها على المرآة .. مشات هزات الملف اللي فيه التصاميم اللي قاداتهم مع تليفونها و صويك صغيور فاللور الوردي .. خرجات من البيت كاتمايل فمشيتها و صوت الطالون كايتسمع صداه فگاااع أرجاء الفيلا .. نزلات لتحت و هوما يبانولها مصعب و سي گي باقيين جالسين عند الطبلة دالفطور)
كنزة بابتسامة خفيفة:صباح الخير
مصعب شاف فيها كايزير قبضة يدوو بغيض .. المنظر د تيمور و هو كايبوس شفايفها بغا يحمقو .. قال بنبرة متهكمة حادة:غاتمشي تشوفيه هااكا .. لبسي شي حاجة مغطية شوية شوفي القميجة كاتبين اش لابسة لتحت و الصايا قصييرةةة
كنزة قربات للطبلة جلسات ببرود:هه و نتا سوقك؟ انا حرة فلبسي و يكون فعلمك ملابساش هاكا على قبلو .. على قبل التحدي اللي بيناتنا
مصعب منرفز .. نبرتو غادة وتعلا:بانتلي علاقتكم واخدة منحى جدي و بانلي راه عاجبك الحاال معاه
كنزة كتاكل بالموس و الفرشيط بلباقة و بهدوء:مصعب بليز صوتك ضرني فوذني .. غا بشوية عليك .. و زايدون ماتحمقليش مخي على الصبووحي .. الصباااح لله خليني نعرف اللقمة منين دايزة
سي گي بهدوء:ممكن ماتغوتوش .. راه كلير مريضة
كنزة شافت فيه:باقا ناعسة؟؟
سي گي تنهد:بفففف فالليل والو مانعساتش حتى للصباح عطيتها مهدئ، و من هضرتها بانتلي فحالا شافت شي حد هنا على داكشي دويت مع شي رجال جاو يحرسو الفيلا
كنزة:امممم مزيان بانتلي شي حاجة خطيرة مأثرة عليها على حسب حالتها مكانتش كاتبشر بالخير
مصعب تأفأف و ناض وقف:زيدي نوصلك
كنزة علات فيه عينيها:باقا كانفطر أتيمور
مصعب شاف فيها بتفاجئ:ش شنو قلتي دابا؟؟
كنزة باستغراب:شنو؟؟
مصعب شاف فسي گي كايتأكد:عيطاتلي تيمور ياااك؟؟؟؟
كنزة تحنحنات مزنگة:لا ماقلتهااش
سي گي ناض بالو مشوش مامركزش معاهم:غانمشي نشوف كلير
دخلت مصيدة الفرعون الجزء 11
محتوى القصة
التنقل بين الأجزاء