دخلت مصيدة الفرعون الجزء 13

من تأليف هناء المنصوري
2019

محتوى القصة

رواية دخلت مصيدة الفرعون

هو الحب .. يأتي في لحضة يدق ذلك الذي يقطن في الجهة الأيسر من صدورنا .. 
هو الحب عندما يقشعر الجسد و تحس بزقزقة عصافير تتمايل داخل بطنك من ذلك الإحساس اللذيذ الذي ينتابنا من مجرد لمسة أو همسة و قرب المحبوب منا ..
هو الحب عندما نشعر بالألم إن تأذى من دق له الفؤاد العاشق الولهان ..
هو الحب عندما تشتااق و يعتصر قلبك بقوة تريد فقط رؤية ذلك الذي استوطنك بالكامل و ضممه إلى حضنك الداافئ ..
هو الحب عندما لا تستطيع السيطرة على مشاعرك الجامحة و تنهال عليه بقبلة ساخنة حميمية تأخذكما إلى منطقة اللاوعي وتتلاحم الأجساد و الأرواح و القلوب ..
هو الحب عندما ستكتمل تلك المشاعر وتتكلل بالإعتراف بتلك الكلمة .. "أحبك"
فهل هي صادقة فعلا مشاعرهما معا؟؟ أهي كاافية لبقيا معا طوال العمر و الدهر؟؟ ماذا إن كانت كلمة "أحبك" غير كاافية و الوعد القدييم مازال يلاحقهم .. نعم إنه الحب، ولكن.....


🔹💖هو الحب، ولكن....💖🔹

كنزة كاتشوف فتيمور بعزم، تمتمات بنبرة متقطعة:أ أااه ن نقتلوه

تيمور حطلها سلاحو بين يديها .. عييينيييه خااارجييين و عروووقو بارزيين قرييب يتفرگع من العصبية .. مايكرهش يقلع روح المدعو بمراااد من حلااقمو:هذا غانقتلوه بيه

كنزة دارت قشعات مراد باقي فالأرض شاد على ماطيريالو و كايدور فعينيه بين كاع دوك الرجال .. من ملامحو باينة فيه خايف على حياتو .. توجهات جيهتو كاتشوف فيه بحدة السلاااح مزيراااه بين يديييها و أردفت ببغض:باش تبغي تتحامى على وحدة فحاالي .. خاصك تكون رااجل مااااشي شمااااتة (مدات يدها بالسلاح جيهتو) غاتموت اليوم و العالم غايتهنى منك و من بحاالك .. كاتستقوى على النسااااء .. لاكانت عندك مشكلة مع تيمور خاصك تواجهو هوو ألجباااان (حسات بجسم ضخم حاوطها من اللور و يديه تحطو على يديها حتى جاتها الرعدة و التبوريشة و صوتو همسلها فوذنيها)

تيمور:نقتلوه بجوجنا

كنزة كاتشوف فمراد اللي كان جمع جلستو كايحرك راسو بلا بخوف و شي رجال تقدمو عندو شدوه مثبتينو و هو كايتنتر و يغووت:م م مانعاااااودش .. س سمحووولي .. م منعاودش عفااكم .. عفااكم واللهمااااااا تعاااود .. أخيييير مرةةة

كنزة عضات على شفتها التحتية بقوة ويديها ولاو كايترعدو بين يدين تيمور .. صرطات رييقها بقووة و فلاش زاارها لذماغها مللي باها بلا رحمة بلا شفقة أطلق النار على ديك المرأة بعدما اغتاصبها .. جفلات بقووة كاتحرك راسها بلا و رخفات بقبضتها على المسدس حاسة بيدين تيمور كايزيرو عليها ويهمسلها

تيمور:ماتراجعيش، ماتخليهش يأثر فيك أكنزة، ماتكونيش خوافة .. لا بقا عايش غايدير فيك فعلة كثر من فعلتو داليوم .. ماشي بعيد ينجح الخطرة الجاية و يقتلك و لا يغتاصبك .. خاصك تردي اعتبارك لراسك و تقتلييه .. تنتاقمي لشرفك اللي بغا يمرمدو .. ماتنسايش لماكنتش جيت داابا .. كانو دووك الزوامل غتاصبووك و خداو منك كوولشييي .. كنتي غاتوليي فخبر كان أكنزةة

كنزة كاترعد و تحرك راسها بلا:لا لا لا تيمووور لا مابغيتش انا ماشي قتاالة .. ماشي قتاالةة😭😭

تيمور:لا نتي ماشي قتاالة .. نتي غاتردي حققك .. يستااهل يمووت .. أي واااحد تجرأ و قااصك و دار فيك هاد الحالة غايمووت

كنزة كاتشهق و تنخصص مامتقبلاش فكرة أنها تطلق النار على شي حد و تقتلو؛لاااا مانقدررش .. تيموور انا ماشي فحالك نتا و ماشي فحاال حتى واحد منكووم .. أنا أتيمور مانقدرش نقتل شي حد .. داك اللي مات بسبابي بالغلط باقي مكانقدرش ننعس حاسة بالذنب جيهتو .. عفاك عفيني أتيموور عفاااك

تيمور تنهد و خشا وجهو فعنقها كايهمسلها:لاماقتلتيهش نتي غانقتلو أنااا .. واحد كان سبب أنه يخلي زوامل دالخلا يعرييوك و يقيصو فيك كي بغاو .. غانقتلو و مانرحمووش (غزز سناانو بقووة مغزززف) كون كانو باقيين عايشين كنت نحرقهم و ندفنهم و هوما حيين وكايشوفو فياا .. (ضغط على الزنااد ببطئ كايهمسلها و هي كاترجف فوسط حضنو) حتى شي حد ماعندو حق يشوف فالأنثى ديالي، مرتيي دياالي، العببدة دياالي، نتي بكااملك ديالي و اللي تجرأ علييك نمحيييه من على وجه الكرة الأرضية

كنزة غمضات عينيها كاتومألو و تشهق حتى سمعاات صوت القرطااسة تطلقات .. حسات بوذنيييها فحالا تصمكو من داك الصوت العاالي .. حلات عينيها مخرجاااهم قبالتها و هو يبانلها طااح مراااد عينيه مفتووحييين و الدم سااايل من راسو اللي تفرع، شداات فمهاا بقووة عيينييها منفوخين بكثرة مابكاات .. قفزاات ثاني من جوج رصاصات أخريين تطلقو فييه حتى كايتهز جسمو و يتحط .. و جوج أخرييين و آخريين .. السيد ماات و تيمور كايعدم فيه بالرصاص فكااامل أنحاااء جسمو حتى خوالو الفردي من الرصاص .. ولات غي كاترعد خايفة من دوك اليدين اللي محاوطينها و كايطلقو فالرصاص بدون توقف و بدون رحمة .. على جثة هااامدة خرجات منها الروووح .. ذرعااانو ولاو كايبانولها كي شي قيوود رابطيينها .. زيرات عليهم بيديها باغا تدفعهم .. حتى فجأة غشاتلها الضباابة على عينيها، بدات كاتشووفها غييي الكحوولة كاتغطيي على الشوفة ديالها .. ماحساتش براسها إمتى ترخااات بين يدييه و فقدااات وعيها بالكاامل، تيمور شدها بقووة بين قبضتو و شاف فوجهها و ملامحها بتشوييش .. هزها بالزربة كي شي قطيوطة ضعييفة بين يدييه .. مرخيية و فااشلة .. التعب باين فملامحها و رموشها فازكين بقوة الدموع اللي بكاتهم .. علا راسو فدوك اللي قبالتو و تمتم

-حرقوهم واحد بواحد و تبعوولهم هاد البناية بكولشي فيها و داك الزااامل هداك بالضبط ماتحرقوه حتى تذوبو جثتو بالأسيد .. يكون عبر لأي واحد تجرأ يقيص شرفي أنااا (خلاهم و خرج كايزرب بيها لبرا .. هي بين يديه و قلبو حاسو كايضرب بسسرعة من رهبتو عليها)

🌻 نهار جديد، فيه شميسة جديدة .. داخلة للغرفة فين ناعسين دوك الجوج بعمق .. ضامها بقووة لحضنو .. بين صدرو العاري و أذرعو الضخمة محاوطينها فحالا باغي يخبيها من العاالم و يخليها غي عندو، غيي معاه بوحدو .. مازالت بقميصو الأبيض .. بدورها نااعسة نعسة عمييقة محاساش بالدنيا حواليها

مرت مدة ماشي طويلة حس بحركتها بين يديه كاتدور فراسها و تشهق و ترعد فنومتها و تمتم:ت تيموور .. ب بابا .. ت تييمووور .. ب بابا .. كاتشابهو .. شياطيين

تيمور حل عينيه بالزز شاف فيها .. كانت عرقانة و كاترعد و تشهق

-انننننن ب باباااا ماديرهااش عفااك .. ت تيموور انا ماشي قتاالة

تيمور زير ملامحو بحدة و طلق منها مبعد اللور .. سميتو هو و باها فنفس الوقت من فمها خلاوه يحس بالغداايد .. ناض مغدد كايمشي و يجي قدامها و يتمتم مغززف:بابا هههه .. هادشي كولو باش نولي أنااا سميتي مع داك القوااد

كنزة كاتشهق و صوتها كايزييد يعللى الكابوس مأثرر علييها:لالالااااااا باباا لاااااا .. هااااااه (شهقات بقوة نايضة كاتشوف فجنابها .. بانلها تيمور واقف مقابل معاها و مخنزر فيها .. تراجعات اللور مزييرة على ليزار بين يديها كاتشوف فيه بخوف) ق ق قتاال .. ف فحالك فحالووو

تيمور قرب و جلس جنبها فوق الفراش .. غي جلس وقفات بالزربة كاترجف بالخووف .. زيييير على قبضة يدووو كووورها حتى بياااضت و صهلللل بصووووت عالي حتى قفزاااات:مالك ثاانيي مااالك؟؟

كنزة حاسة بقلبها مقبوض:كانكرهههك ن نتا قتاال .. مكاتحسش

تيمور تأفأف و وقف:شوفي أكنزة ماتحمقيلييش مخيي .. درت اللي خاصو يداار .. براكة ماتزيدي فييه

كنزة بنظرات فارغة:هو و ياسميينا .. تقتلو بسبابي و و أنا ماقديتش نمنعك أتيمور .. ن نتاا كاتقتلهم بلاا ماترمش ولا تحسس .. قلبك حججر، خ خاااصك تدخللل للحبسسس نتاااا

تيمور ببرود:قتليك أنا قلبيي صخخخرة، مكانحس بوالو .. لا حب ولا تأنيب ضمير و غي تهناي حتى ظليل مكايبقى ورايا أزوينة


كنزة تنهدات بقووة كاتقيص فعنقها و تماصيه بهستييرية:بغيت نمشي بحالي .. مامستحملاش نبقى معاك مزال فبلاصة وحدة .. تقدر تكون مستني غي الفرصة باش تقتلني حتى أنا

تيمور تبسم بالجنب و مشا جيهت الحمام:ماتخافييش .. ماشي أنا اللي غانقتلك (سد باب الحمام و كنزة حاضياه بنظرة خوف .. غا مابقاش باينلها مشات كاتجري تشوف فالماريو واش كاين شي حاجة تلبسها، بانولها شي كسيوات نسائية فالألوان و الأنوااع .. كمشات جبهتها مستغربة و هزات كسوة من دوك الكساوي كاتشوف فيها باستغراب)

-شكايديرو عندو هادو؟؟ واش يكووون كايجييب البنات لهنااا؟؟ (حسااات بعصبية زااايدة نغغزة على داااك الخوووف، لاااحت ديك الكسوة فالارض و شتفاااات علييييها بالفقصةةة) الحمااار لاااخر بوبنااات

مع الكلمة اللخرة مع تحل باب الحمام و خرج تيمور كايمسح وجهو بفوطة بيضاء اللون، شاف فيها و هي تبانلو مخنزرة فيه بحدة كثثر من اللول:مالك؟

كنزة قربات عندو مكمشة الكسوة اللي لاحتها بين يديها و عينيييها مطرطقيين فيه .. هزيتي كنزة الخواافة و حطييتي بلاصتها وحدة أخرى .. غيوووورة حقودة على اللي تمس شخص خاص بيها:ديااالمن هاد الكسااوي هاااا .. شكوون كاتلبسهممم دويييي .. ماااالك كاتشووووف فياااااا جاااوبنيييي

تيمور كايشوف فيها بعدم اهتمام و بابتسامة جانبية خفيفة .. نطق ببرود:دالبنات اللي كانجيبهم بعد المرات كايخليوهم هنا

كنزة حساات بالنار كاطلع و تنزل فقلبها .. تمتماات بصوت عاالي بعصبية:ك كييفااااش بناات .. و وااش عشيقاات؟؟؟ د د دوووك اللي كتزوجهم باش ت ت ت تدوووز معااهم الليااالي أبلحمااااار لاااخر؟؟

تيمور مشا للماريو كايجبد شنو غايلبس و يشوف فيها ببرود:أه .. أولا غانتغاضى على ديك الحمار حاليا و ثانيا علاش هاد السؤال؟؟ واش نتي سوقك!!

كنزة شفايفها ولاو كايترعدو من غيضها:ن نتااا .. كيفاش كاتقولهالي هكااا و بببرررود .. عشيقات كايباتو عندك و محتافض بحوايجهم و شحاال يكوونوو

تيمور شاف فيها باستغراب:و نتي مالك علاش كاتسولي؟؟

كنزة حركات راسها بالنفي:ل لاا واالو والو .. ب بغيت دابا نمشي بحالييي

تيمور ببرود:سيري

كنزة:ماعندي مانلبس

تيمور:و شنو داكشي فيدك .. لبسيها

كنزة لاحتها للأرض:لااا مستحيل نلبس شي حاجة دشي قحبة جات و دوزات معاك ليلة و و كانت عشيقتك أتيمور

تيمور هبط سروالو قدامها كايقلع حوايجو:إيوا سيري عريانة

كنزة خرجات فيه عينيها:نتا واش مكاتمرگشش كاتبدل قداامي!!

تيمور:مراتي هانية

كنزة خنزرات فيه:لاماجبتيليش شنو نلبس داابا .. غانمشي هاكااا (شيرات لقاميجتو اللي لابساها)

تيمور طلعها و نزلها بنظرات متفحصة و هو يدور مستهزء هز قميجة كايلبسها:لاكان لحمك كياكلك خرجي هكاك

كنزة بعصبية:تيموور ماتعاملش هاكا راني قريبة نطرططق .. غانتفرررگع عليك هناااا

تيمور شاف فيها بجدية:كننزة .. الحوايج راهم فالماريو .. هزي أي كسوة لبسيها و قودي صافي ماتحمقيليش كرييي على الصباح مكامي مشارب قهوة و زايداني بفريع الكر

كنزة ومأتلو براسها بعصبية:واخااا اسي تيموور واااخاا (مشات جيهت الماريو .. كاتقلب و تشوف شنو تلبس .. بانتلها واحد الكسوة مقزززززبة .. ماا هي كسوة .. مشات بيها للحمام و دخلات شعطات عليه الباب .. قضات حاجتها و غسلات وجهها .. شللات فمها غي بليسترين لقاتو فلاڤابو باش ماتبقاش الريحة ففمها .. قلعات القميجة و لبسات ديك الكسوة اللي كانت ببونجات فصدرها معلياهلها .. يعني واخا ملابساش السوتيان جات عادية و الكسووة قصييييرة قريب يبانلها السليب ومكروزة عليها فالكحل بيناتها خطييييرة .. فووورمتها منحووتة .. حنات لديك القامييجة .. بالغداايد بدات كاتقطع فيييها حتى شرگاتها على جووج و لاحتها فالطارو دالزبل .. جمعات شعرها عشوائيا و خرجات لعندو لبرا .. بانلها كايلبس صباطو

كنزة ببرود:غاتوصلني؟

تيمور علا عينيه بشوووية معااها .. بدا من صباع رجليها و هو طالع حتى تفحصها بالكااامل .. علا فيها حاجبو و وقف غادي جيهت الماريو .. جبد كسوة أخرى طويلة فاللون الأزرق كاتجي واااسعة
-لبسي هادي

كنزة بغات تنطق و هو يقاطعها بحدة:لبسييي الخراااااا بلااااا ماتعصبييني

كنزة خنزرات فيه:و علااش؟؟؟؟ انا عاجباني هادي غانبقى بيها

تيمور بعصبية:وا بالسييف مايبغيو ي*وييوك فاش كاتخرجي بهاد المنظر .. تقادي حسن ماننننن (علا يدو بتهدييد غاينزل عليييها .. بقات مخرجة فيه عينييها)

كنزة دفعاتو و شدات من عندو ديك الكسوة كاتنگر:الحمااار بالحماااار .. الحيواان الحقيير تفوو على كلب و قط و حديقة الحيوانات كاااملة .. كاتشبه لديك المحمية اللي مسينالها ففرانسا (شافت فنظراتو و هي تسرط ريقها من الشوفة اللي داير فيها .. قريييب يطيير عليها بشي قجة .. تراجعات للوراء كاتمشى جيهت الحمام و تمتم بعينين خارجين .. اللي فيها مامهنييها) نتا أصلا مرييض علاش غانبقى نتناقش معاك

تيمور غوت حتى قفزات:كنززة العرربييي سگديي مخك معاااياا ولا مغايعجبك حاال

كنزة خنزرات فيه و دخلاات للحمام اللي كانت بابو مفتووحة .. سدااتو بقووووة حتى جفلات من ديك الشعطة و تمتمات بطريقة خافتة

-خلعتيني ألخرية تفو عليك

خلاتو متبعها مخنزر و خرج بدووورو من البييت شاعط الباب وراه

⏳بعد مرور بعد الوقت⏳
كنزة راكبة فالسيارة جنب تيمور اللي صايگ بسرعة عادية مكايشوفش فيها و حتى هي كذلك

كنزة بهدوء:ماتبقاش تقتل الناس

تيمور ببرود:اللي كايقلب على شري كايلقاني

كنزة بنرفزة:نتا مخاصكش تكون قتااال

تيمور باستهزاء:ههه وعلاش انا مخاصنيش نكون قتال؟؟

كنزة كاتعلي كتوفها ببرود:عندك شركة عللى قدها و مبايناش فييك يعنيي، احممم .. حاول ماتبقاش تقتل الناس .. تقدر تعاقبهم بطريقة أخرى

تيمور تبسم ابتسامة بااينة خلاتها تتبسم معاه حتى نطق و تمحات الابتسامة من ملامحها:مكانعرفش نعاقب .. كانعرف نقتل

كنزة بعصبية دورات راسها للجنب:نتا مامعاكش الهضرة، عفااك سربيي كثر باغا نوجد راسي و نفطر فيا الجوووع

تيمور شاف فيها بجدية:خاصك تنتاقلي تعيشي معايا أكنزة

كنزة شافت فيه بتسائل و تفاجئ:ش شكاتقوول نتااا حماقيييتييي وااقيلا اويلي وعدي وحدي على نسكن معاك تاارااااك ڤيييييو مالني تسطييييت أنا ساخية عليا بوشووونتيييووووو اويلي هذا باغي يكويني واقيلا هااااااء 😨

قالت كلامها دقة وحدة كاتشوف فيه بتفاجئ عينيه لاصقين فييه .. خلاتو علا حاجبو كايشوف فيها بنظرة استهزاء و تبسم ابتسامة جانبية غامزها
-بحالا علمك الله أمراتي البنينة باغي نطيرلك ديك البيشينة (غمزها حتى شدات على قلبها اللي بغا يسكت و صرطات ريقها دوك العوينات دالمشة عندها كايدورو)


مصعب غادي جاي فالڤيلا كايصوني لرقم كنزة عاطيه طاافي و بالو مشووش علييهااا:فيين تكوون مشااات فييين

سي گي بتسائل:مكاتجاوبش؟

مصعب منرفز:لااا .. ماعرفتش فين تكوون .. عنداك تكون طراتلها شي حااجة .. قلبي مامهنيش عليها

سي گي:تكون بقات مع شي صاحبتها؟

مصعب:و التلييفون علاش طااافي؟؟

كليير:تقدر يكون طفالها من الشارج و ماخداتوش

مصعب غادي جاي كايحرك راسو بلا:لا لا لاااا غاتكون بقات معاااه .. مع داااك الفرعووون، هادشي زااد عن حدووو

كلير:بفففف كان عليها تطمناا .. تشوشنا بزااف .. ولكن، عنداك تكون طرات معاها شي حاجة لا قدر الله و حنا غي كانحكمو

سمعو صوت طموبيل على برا .. مشاو كايجرييو يطلوو عليها 
مصعب خارج كايجري:هادي طموبيلتو .. قلتلكم غاتكوون معااه .. قلتهاااالكم

⛓⛓⛓⛓⛓⛓⛓⛓⛓⛓⛓⛓⛓

كنزة بعصبية:ماتزيدش تدوي معايا فهاد الموضوع مستحييل كاتسمعني .. مغانجييش نسكن معاك

تيمور بسخرية:بغيتي ولالا غاتنفذي أوامري ألعبدة ديالي .. مرتي مغاتسكنش فدار واااحد آخر من غيري

كنزة تبسمات باستهزاء:لا وثاايق من رااسك .. تيموور أنا كانسكن مع عاائلتي فهمتييي .. و هادشي عمرو يتبدل .. بلا ماتحماق معايا

تيمور بعصبية:دوك الأصدقاااء مغاتبقاايش معااهم .. داك الحمااااار اللي حاط عليك العين و اللي فضلتيه عليا داك النهار .. نشوفوو مزاال معاك مغانتفاهمووش اكنزة، نتييي رااك مرااتي واش عارفة شناهييي مراااااتيييي يعني ديااليي و فينماا كنتت خاااصك تكوووني .. فينما بتت تبااتي و شنووو ماقتلك غادييرييي .. فراااشنا انا ويااااك خاصو يكوون واااااحد

سمعات الدقان فالزاجة دالطموبيل قاطع كلامها اللي كانت غاتقولولو، دارت بالزربة و هو يبانلها مصعب قارن حواجبو باينة فيه معصب .. بغات تحل الباب و هو يجررها عندو .. جرة وحدة حتى دارت عندو بوجهها شافت فيه، مع الشوفة مع حط شفايفو على شفايفها مااصهم مصة مجهههدة كايشوف فمصعب بنظراات تحذييريةة .. كايحذرو باش يحط عينييه علييها مزاال .. هو راجل فحالو و عاارف نظرات الإعجاب اللي كايشوف بيها كنزة و غييرتو الواضحة اللي بينها جيهتو ديك الخطرة


كنزة خرجات فيه عينييها متفااجئة قبل ماتتصرف ولا تدفعو رد راسو اللور ماتعمقش فقبلتو ليها بزااف .. بغا غي يعطي تحذيير لمصعب .. شافت فيه كنزة بانلها مصدووم من شنو طرا قبالت عيينيه للمرة الثانية .. باسها واحد آخر قدامو و ماشي غي مرة وحدة!!

هو اللي من زماان و هو كايحلم بهاد البوسة معااها .. حس بعينييه تحقنو فيهم الدمووع .. قلبوو تزييير و تزنننگ مزييير على قبضة يدو .. كنزة دفعات تيمور مخنزرة فييه و تمتمات بعصبية
-ماتبقااش تقربليييي

تيمور تبسم كايقيس شفايفو و يشوف فمصعب:غانتسناك باش نمشيو للشركة مع بعضنا .. ماتنسايش التصميم اللي درتي خاص يتنفذ و نتيي اللي عارفة نوعية المواااد اللي غانستعملوها فيه و گاع اللواازم

كنزة صرطات ريقها و حلات الباب بالزربة خارجة من الطموبيل .. علات عينيها فمصعب .. غي شافت فيه علا يدو على غفلة غاينزل بيها على حنكها، كنزة غمضات عينيها بحركة غير إرادية .. حتى ماحسات غا بيدها مجروورة بقووة و مصعب داخل بيها لدااخل

تيمور نزل من الطموبيل متبعهم بعينييه و تمتم ببرود:ديك اليد كون كانت تحطات عليها .. كانت غاتقطع من الجذر (جبد صيداار مزيير علييه بسناانو و شعلو كايشوف قبالتو مباااشرة و ربع يديه كايتسنى كنزة تخرج عندو)

كنزة كاتجر يدها من عند مصعب و تمتم:مصععب ماالك جهلتتيي طلللق

مصعب طلقها و دار شاف فييها مخنزر بحدةة:أكيييد غانجهل مللي نشووف داك ولد القحبببة بااسك قداام عييني و كايشووووف فييااا فحالي كايقوولي هاانا خدييتهاالك

كنزة علات فيها حاجبها مخرجة فيه عينيها:كيفاش خديتهالك ثااني؟؟ علااش انا من فوقاش كنت دياالك باش ياخذني ليييك

مصعب بصووت عاللييي العصبية مسيطرة علييه:من ديييما أكنزة من اوللل ماشفتتك .. من دييما نتيي دياالي من ديمااا كانبغيكك علااش مكاتشووفيييش هادشييييي

كنزة شافت فيه بتفاجئ:ن ن نتاا شكاتقووول

مصعب كاينهج و يشوف فجناابو بلا مايشوف فيه .. فلحضة جهل و ماعرفش شنو كايخرج من فمو حتى فرش راسو عاد عاق .. شاف فيها كايحاول يتهدن .. عارف لا عتارفلها بمشاعرو دابا غاتهرب منو .. بغاها حتى تزبد تتقرب منو ولكن مللي شافها مقربة من تيمور ولا حااس بالعججز .. تنهد بققوة و تمتم:كنزة .. أناا كانبغييك كصدييقة عزيزة علياا و خاايف علييك .. داك بنادم باينة فيييه مكايبغييكش و غي باغي يضحك عليييك .. و نتي شفتك بديتي تميلي ليه و كاتباتي معااه گااااع .. واش قااصك بصح؟؟؟

كنزة بنرفزة:نتا بعقلك داوي أمصعب؟؟ واش من نيتتتك

مصعب كايزفر بقووة:كننزة سمعيني راني ماقصدتش كيفما فهمتي ولكن خ خايف لايضحك علييك

كنزة بعصبية:واش بنتلك انا بنت صغيرة كانرضع صبعييي؟ .. مصعب أنااا كبييرة و ناضجة و وااعيةةة و عارفة شكانديير و غيي كون هااني أناا بااقا ڤيرجن

مصعب بلع ريقو كايشوف فيها حاس بأن قلبو مزيير:ماتخليهش مزال يتقرب منك و يبوسك اكنزة .. بقاو ايامات قلال و يتسالا التحدي .. عفاك ماتخليهش يقيصك

كنزة بهدوء:مصعب، أناااا عارفة شكانديير واااخا .. عرف شكاتقوول عفاك انا ماشي عاهرة (مشات من قدامو معصبة .. خلاتو متبعها بعينيه كايتنهد و يتحسرر على رااسو حاس بفرصتو الكبييرة اللي كانت معااها كاتلاشا و هاادشي بفضلو هو طبعا .. حيت هو اللي ضبرلها التحدي و مع من هاد التحدي .. هو اللي قلب على هادشي اللي شافو اليوم .. تيمور و كنزة تقربو بفضلو هو .. حبيبتو اللي خفقلها قلبو لسنواات .. ضاعتت منو بسباابو بوووحدو .. حد مابزز عليه يعطيها تحدي مع داك الفرعون!!)


خارجة كنزة من بيتها بعدما لبسات صالوبيط طويل فالأورونج، لون قوويي .. و طاالون أصفر اللون مع حقيبة صغيرة و مكيااج ثقييل داارتو بيدييها .. شعرها صايبااتو بوكليي و إكسسوارات خفاف فوذنها و عنقها

نزلات لتحت بانولها سي گي و كلير شادين البيسي كايتفرجو فمجموعة من الديور باش ينتاقلو لبلاصة أخرى و مصعب جالس على تعصابو كايتسناها و يهزهز فرجلييه بعصبية .. غا وقفات قداامو و استنشق رييحت بارفامها الخفييفة .. ريحة الورد .. تنهد و شاف فيها بالو مشغول

مصعب بتسائل :فين بقيتي البارح

كنزة كاتطل لبرا بانلها باقي متكي على طموبيلتو كايتسنا تبسمات وجلسات فوق واحد الفوطوي دايرة رجل على ختها:ماقلتلكمش فاش كنت خارجة من الشركة تخطفت

مصعب وقف بخوف:ك كيفااااااااش

كنزة ومأتلو:يييه و اللي خطفني هو داك مراد السباعي اللي مشييت دويت معاه على قبل الفرعون .. ايوا و بعد ليلة دالرعب عتقني تيمور .. فاش عتقني فقدت الوعي ديالي من الخلعة (تبورش لحمها مللي تفكرات شنو طرالها مع تيمور) احمم على داكشي ماجيتش البارح و دابا جيت نبدل عليا

مصعب تنهد حااس بالراحة حيت عرف أنه بصح مقاسهاش .. قرب عندها و شدلها يديها بزوج قبلهم بعممق و قوة كايهمسلها:سمحيلي ضنيت فيك السوء

كنزة حركات راسها بالنفي:ماشي موشكيل كاتوقع .. مكاينش فطوور؟؟

مصعب شارلها لواحد القنت:راه سيري شوفيه فوق الطبلة

كنزة مشات كاتشوف شنو تاكل و تدور تشوف جيهت الشرجم كاتطل على تيمور اللي كل شوية كايشوف فساعة يدو ومبتااسمة حيت مخلياه كايتشمس على برا

كلير لكنزة:فخبارك غانتحولو من هنا؟

كنزة باستغراب:علااش؟؟

كلير:حتى تكوني مسالية و نعاودلك

كنزة:اليوم بالليل

كلير:واخا

كنزة بتسائل:فين غانمشيو؟
كلير:هاحنا كانقلبو .. بغينا منطقة بعيدة من هنا و عامرة بالسكان

كنزة ومأتلها كاتشرب كاس دالعصير:واخا .. الموهيم دابا غانمشي .. راه كايتسناني

مصعب طل باستغراب و هو يقشعو ماردلوش البال فاللول واش باقي كاين:شنو باقي كايدير هنا؟؟؟

كنزة:راه غايوصلني للشركة الطموبيل بقات تما

مصعب علا حاجبو بعصبية كايتمتم فسرو:مابقى والو أمصعب صاافي .. أصلا بانتلي مطايحااش فييه .. مطايحااش (برد على قلبك أبيبي 🥃)


كلير و سي گي وقفو:نمشيو نشكروه حيت نقذك البارح

كنزة تبسمات:اه يلاهو

مصعب:هانا جاي😒

كنزة تبسمات و مشات خارجة و الشباب معاها، وقفو قدام تيمور اللي كان واقف على أعصابووو تعطلاات علييه .. لاح الصيگار فالأرض عافط عليه و نطق بعصبية:ركبيي

كنزة شداتلو فذراعو بحركة عشوائية و زيرات عليه كاتمتم بابتسامة:بغاو يشكروك حيت نقذتيني البارح

تيمور طلع يدو شابكها مع يدها و تبسملهم عينيه فعينين مصعب كايتحداه بنظراتو:ولو .. مايحتاجوش يشكروني حيت نقذت مر

كنزة تحنحنات بصوت عاالي مزيرااالو على يدييه و قاطعاتو بكلماتها:اذن نمشيو

تيمور بتاسم بهدوء:واخا يلاه (مشا حلها الباب دالطموبيل .. تزنگات مبتاسمة لحركتو الرجوولية اللي دارها ضد فمصعب اللي مزيير على قبضة يدو ولكن بالنسبة لكنزة .. بانلها جيسط زوين و ديك النظرة و الخوف اللي كاتخااف منو .. فلخضاات كاتلاشا غير إذا تبسم و رطب معاها فالهضرة، ركبات فالطموبيل .. حتى هو ركب .. شاف فيها واش دارت السانتيغ .. بانتلو كاتجرها تقادها .. قرب كايعاونها و هي تحس بقلبها كايترعد من قربهم الكبيير من بعضهم)

تيمور بتاسم كايشوف فعينيها:جيتي زوينة .. جا معاك الاورونج

كنزة تحنحنات كاتدور فعينيها مزنگة .. خذوذها مورديين:احممم احممممم

تيمور تبسم و دوز سبابتو على نييفها بنقرة خفيييفة .. قلب طريقو غادي جيهت الشركة، و الأصدقاء ديالها دخلو للڤيلا لداخل بقا غي مصعب اللي متبعهم بعينيه بنظرات حزينة

كنزة كاتشوف فجنابها:تليفوني مشااالي البارح بفففف خاص نشري شي واحد جديد

تيمور شاف فيها و جبد التليفون من الطابلو دالطموبيل:لا ها هو

كنزة شداتو من عندو مبتاسمىة:شكراا .. بعدا فين لقيتيه؟؟
تيمور:قلبت عليك عن طريقو ولكن كانو لاحولك الصاك فيه التليفون

كنزة ومآتلو براسها كاتشعلو .. كان طافي .. شعل شافت فيه مبتاسمة:كانحس بيك بعد المرات نتا منقذي و بعد المرات مجرد وحش و شيطاان

تيمور تبسم باستهزاء:ماشي سوقي فأحاسيسك

كنزة غززات سنانها من فظاضتو فالهضرة و حنات عينيها مكونيكطية سمعاتو نطق:صدقتو بصح بعتو شركاتكم .. علاش زعما؟؟

كنزة بعدم إهتمام:ماعنديش گانة ليهم

تيمور بتسائل كايشوف فيها بنص عين بترقب:و خوك معارضش؟؟

كنزة سكتاات شووية كاتفكر و شافت فالواتساب طالعلها ميساج من عندو .. عينيها دمعو و تمتمات:ماشي سوقو

تيمور:علاش زعما؟

كنزة شافت فيه مصطانعة ابتسامة وااسعة .. كاتدوي متخايلة أن بصح هاديك عائلتها اللي داوية عليها:بابا حبيبي عطانا الحق فورثو نتصرفو فيه كيفما بغينا .. خويا مامعمرش راسو بيهم و أنا كذلك على داكشي بعتهم و خويا ههه خويا كايشجعني وووو ا ا (غززات سنانها ساكتة ملاقية ماتقول)

تيمور كايزيير بيدييه على الگييدوون مخنزر تمتم فسرو: على قبل عائلتك السعييييدة غاندمرك كيفما تدمراات عاائلتي اللي كانت أسععععد و أحسسن

زااااد فالسرررعة فجججأة مللي دخل لوذنو صووت داك العدو .. مللي فتحات كنزة الميساج ڤوكال اللي سيفطلها فالميساج: كنوززة الزوينة باقي كانتسناوك انا و دادا تجي تتعشاي معانا .. ماتنسايش وعددك أختي الحبيبة

كنزة خسرات ملامحها ببغض لصوتو و للطريقة اللي داوي بيها عرفاتو طانز علييها و حسات أن سبب إصراارو باش يعرضها شي إن تماا .. غززات سنانها و سجلات ڤوكال ليه باغا تعرف لاياش باغي يوصل .. دوات بنفس طريقتو:خويا الزوين مناسياش وعدي ليكم و تسناوني اليومة للعشا .. غانجي أكييد

تسيفط الميساج و عينييها كايغلييو كاتفكر فشنو غايكون سبب إصرارو باش تمشي عندهم و سااهية محااسة بحتى حاااجة حوااااليييها .. تفكيييرها تشوووش معاااه .. أما تيموور فغااادي بسرررعة مفففرطةة و عينييه مكايقشعوووووش بقوووة ماتعصصب .. كااايشوووف غي الضلااام قبااالتو .. حاااس بغغغغصة تكونااات فقلبووو .. باغيي هاد العلاقة الزوينة بين هاد الخوت يقطعها و يحرمو منها كيفما تحرم حتى هو من ختو الوحيييدة ليييه .. على غففلة بان قدااامو طيييف دبنننت قبالت عيينييه شاابهة لختووو .. خرج عينييه فيييها كانت مبتاسمالو كاتشووووف فيه .. حتى فجأة تسمع فحال همس فوذنييه

-قتلها .. قتلها .. قتلها

تردد صدى داك الصوووت فوذنيييه المصمكييين .. شاففف راااسو غايدخل فداااك الخياااال .. بسرررعة قلب الطموووبيللل مغيير الإتجااه و مع السرررعة و الدووورة اللي جات على غفلة تكحطووو الرواايد فالأرض بصوووت مسموووع حتى شهقاات كنزة شاادة فالطاابلو قباالتها و غوتااات بسميييتها بصوووت مسمووووع

-تيييييموووور غاتقتلناااااااا

خرجااات عيينييها فمجموووعةة من البرااامييل الحدييدية متااجهة جيهتها الطموبيل بسبب انحراافها على الطررييييق .. شدااات فكتتتف تيموووور برهبة .. حتى شاف فييييها كايشهق فحاالا خرررج من شي صدمة .. شاف ملامحها الخاائفة و عينيييها .. خارجيين .. رجع شااف قبالتو فالطريييق .. مع الشوفة مع "طراااااااق" 

خبببطة قاااصحة تخبطاات الطموووبيل مع دوك البراميل اللي كانو عامريين بالماا حتى سااالو بقققوة حتى تنخضوووو فبلاايصهم بقوووة .. كون مكانش حزام الأمان كاانو يتلاااوحو من الطمووبييل، و كنزة تضربلها راااسها بالجهههد مع الطاااابلو


🎀شركة الفرعون🎀
واقف جنب السانسور دالموظفين مربع يديه .. شي نص ساعة و هو قدامو كايتسنى و اللي كايخرج منو كايتبعو بعينيه لاتبانلو .. حتى تحل هاد الخطرة و أول ماخطات خطوة براتو توجه عندها بالزربة رفعها ماحسات غي بيديه هزوها كمشوووها فييه بقوووة و مشا بيها جيهت الدروج .. هي شهقت بخوف مع الدعقة دالهزة ولكن غي شافت فوجهو تهدنات و مدارت حتى ردة فعل .. كان داك الطابق شبه خاوي حد ماردلهم البال، دخل بيها لمكتبو الواسع بديكورو الرجولي الأنيق، حطها فوق الكرسي الرئيسي ديالو و شدلها يديها بحنية كايشوف فعويناتها بنظرة خاائفة متسائلة

-كي بقيتي!! .. واش ضاراك شي حاجة من البارح؟ .. بقيت مشطون عليك النهار كولو و ماعنديش حتى فين نصوني لك .. بلوكيتيني من كولشي .. ماشي حرام عليك أشيما خليتيني باغي نحماق

شيماء كاتشوف فيه بهدووء و هضرتو حساتها كاتقيصها فقلبها من عمقها .. اهتمامو عجبها و الشطنة اللي تشطنها عليها عجباتها .. تبسمات بهدوء و حطات أناملها على وجهو دوزاتهم ببطئ كاتهمس
-أنا بخير
جوزيف تنهد بقوة كايشوف فعينيها:كنت نحماق لاوقعاتلك شي حاجة
شيما تبسمات:بغيت نسولك سؤال و جاوبني بصراحة!

جوزيف:شناهو؟؟

شيماء شداتلو فيديه بجوج و زيراات عليهم كاتشوف فعينيه .. حتى هي حاسة بأنها خسراتو ثاني:واعدني تجاوبني بصراااحة

جوزيف من جدية كلامها و ضغطها على يديه ومألها و نزل باس باطن يديها بهدووء:كانواعدك و حيااتك نتي أغلى حاجة عندي غانجاوبك بصرااحة

شيما تنهدات وتبسمات كاتمتم:كاتبغيني ولا لا؟ جاوبني بأه ولا لا

جوزيف بقا كايشوف فيها لمووودة متفاجئ من هضرتها .. تنهد بقوة مامتخيلش أنه شي نهار كان غاينطق هاد الكلمة لوحدة أخرى من غير حورية اللي ماتت .. تبسم تبسيمة خفيفة و تمتم بصوت خافت:كانبغيييك (لحضة صمت حلت فالأرجاء .. القلوب كاتضرب بسرعة، النظرات متشابكة، الأنفاس تخربقو، الريق شحف، و الدموع تجمعو فعينيها من مدى تأثير هاد الكلمة عليها .. نطق ثاني مكمل هضرتو) كانبغيك أشيما، كانبغيك بزاااف


تبسم تبسيمة خفيفة و تمتم بصوت خافت:كانبغيييك (لحضة صمت حلت فالأرجاء .. القلوب كاتضرب بسرعة، النظرات متشابكة، الأنفاس تخربقو، الريق شحف، و الدموع تجمعو فعينيها من مدى تأثير هاد الكلمة عليها .. نطق ثاني مكمل هضرتو) كانبغيك أشيما، كانبغيك بزاااف

شيما عينيها بداو ينزلو الدموع وحدة ورا وحدة و مسرسبين ورا بعضهم، كاترجف و يدييها زييرات على يدييه مبتااسمة، نطقاات حااسة بالخنقة و غصةة متكوونة فصدرها:ب باااغييين يزوجووونييييي أجوزيف😭

جوزيف بعدم استيعاب:شنو؟ م مافهمتش! ك كيفاش زعما؟

شيما طلقات من يدو و تخشات فحضنو معنقااه بقووة كاتشهق و تمتم:باغيين يزوجوووني هئ هئ هنننننن😭

جوزيف كايشوف قبالتو بتفاجئ:ك كيفاش يزوجووك .. ن نتي اللي وريتيهم داك الكللب ياااك .. نتيييييي .. قتلييك ماديريهااش مستحييل نخلييك لوااحد آاااخر من غييييريييي

شيما بعدات من حضنو كاتمسح دموعها:م ماااشيييي هوووو .. قررووو بووحدهمم حتى علمووني الباارح .. ماما من زمااان كاتمشي عند واحد صاحبتها و يبقاو مع بعضهم بزاااف، و و ديك صاحبتها عندها جوج ولااد كباااار .. ب بغاااو يزوجوووني لولدها الكبير فاش مابغيتش بدات كاتسب فيا و قالتلي بالزز مني غانااخذو حييت هي مواعداها من زمااان و قالتلها أنها مغاتعطينيي غي لولد من ولاادها .. جوززيف مابغيتش نتزوج بيه .. ن نمووووت .. ب بغييتك نتااااا😭😭😭

جوزيف غزز على سنانو و جرها ثاني لحضنوو معنقها بقووة:مغاتكونييش ليييه .. مغاتكوني لحتى شي حد من غيري، لا لا لااا (حرك راسو بالنفي كايزيرها معاه) نتي هي الحب و المشااااعر الحقيقيية بالنسبة ليااا مستحيييل تكوني لشي حد غيرييي

شيما حتى هي كاتزير عليه بيديها و تشههق و تببكييي:ب بعد غدا غايجيو يخطبوني😭

جوزيف بعد منها مخرج عينييه محمرر فييها .. حاوط وجهها بيدييه مخنزر:مستحييل تلبسي خاتم واحد آخر غيري انا أشيما .. فهمي هادي

شيما كاتشوف فيه بضعف و خوف من انها تكون لواحد آخر من غير الشخص اللي من فترة مراهقتها و هي كاتحلم بيه و كاتبغييه و قلبها ضرب ليه بوحدو .. اه كانت كاتقولو غاتزوج بالمدعو بطارق ولكن غي كانت باغا ترجع كرامتها معاه و صافي .. بغات توريه انه ماشي غي هو اللي كاين .. و فاش نجحات خطتها خرجاتلها مها من الجنب، قربات بشووية لعندو حاطة نيفها فوق نييفو ومغمضة عينييها بقووة كاتمتم:و واعدنييي أنك مغاتخلاش عليا، جوزيف مانتخايلش حياتي مع شي واحد آخر من غيرك

جوزيف تنهد بقووة من قربها و أنفاسها اللي حسسوووه بالراااحة و هي قربو و كاتدوي معاه على أساس انها باغاه بوحدو .. غمض عينيه بدوورو و حط يديه على حنوكها محاوطهم، قرب ليها كثر حاط جبهتو على جبهتها و تمتم بهمس خاافت:كانواعدك أنك عمرك ماتكوني لشي واحد آخر غيري أنا (حط شفااايفو بهدووء على شفايفها حتى دمعو عينييها .. أول مرة يقبلها .. أول مرة يجي فمو عند فمها، كانت مواعدة راسها و محتاافضة بقبلتها الأولى ليه بووحدو .. جرلها شفتها التحتية بشووووية بين شفايفو بمصة كللها إحسااس و قلوبهم كايضربو بسرررعة .. حاسييين أن حبهم أخيييرا تلاقا مع بعضو .. ديما كان معااكس .. علات يدييها معاه بشوووية كاتقيص فخصلات شعرو برووية و هدووء و حتى هي حركات شفايفها معااه باايسة شفتو الفوقية بوسة طويييلة .. خلاتو يتبسم فوسط البوسة عرفها ماعندهاش تجربة و بوستها كانت رقييقة زوييينة .. بعدات شفايفها من شفايفو كاتنهد و هو يحل عينيه فعينيها كايتمتم) هاد الحلاوة مغاتكونش لواحد آخر من غيري أنا

شيما حلات فيه عينيها أنفاسها سخاان و قلبها باقي على حالو خفقااتو سرييعة .. تبسمات عاضة على شفتها التحتية و قالت بهدوء:انا ثايقة فيك

جوزيف تبسم:غاندوي مع تيمور .. هو كايعرف يأثر على ماماك ياك

شيما ومآتلو براسها:اهه مابغيتش داك ولد صاحبتها⁦☹️⁩

جوزيف بابتسامة:واخا نعرف نهرسلو رجلييييه بجووج و نعميلو عينيه و يديه نكسحهم لديينمووو .. مغانخليكش ليه

شيما تبسمات و قربات عندو ثاني معنقااه بقووة .. و هو محاوطها حاس أنه فالنعيييم و هي بين يديه و ريحتها كاتسلل لجيوووبو الأنفية بهدووووء كاتخليي خلااياااه يتهدنوو و كايزير علييها بقوووة باغيها ليه بووحدووو و أكيد عمرو يخليها لواحد آااااخر من غيرو هو


تخبطات بيهم الطمووبيل بقوووة مع مجموعة البراميل الليي كانو عاامريين بالما .. مع الخبطة مع نفاجرو البراامل بقووووة بالمااا اللي طوووش لبعييييد .. و بقاا كايسييل مجهاااد، و كنزة راسها تضرب مع الطاابلو بقوة و فالوقت المناسب خرجو جوج أكياس هوائية بويض كايكونو فالسيارات رطبيين كالاولهم الألم بجوجهم

علات راسها شادة راسها كاتشوف فيه مخنزرة:نتااا وااش باغي تقتلنااا😡

تيمور كايحاول يتبث رااسو .. كايزيير على الگييدون و ينننهج .. صوت علي كايتعاود فمساسمو و صورة ختو منتاحرة قبالت عينيه .. عض على شواربو بقققوة كايشوف قبالتو مباشرة .. كليكا على واحد البوطون تقادو دوك المخاد فبلاصتهم مخبيين و رجع اللور بالطموبيل مديماري ثاني بلا ماينطق و كنزة غي كاتشوف فييه مستغربة لحاالتو .. باينة فيه معصب و ماعارفاش علاش .. بقات متبعاه بعينييها مرة كايمسح على وجهو .. مرة يماصي عنقوو مرة يتأفأف .. سهاااات فييه ناسية أنها قبل دقاائق كان ممكن تكون فحالة خطييرة بسباب تهورو فالسياقة، ماحساتش بالوقت مراقباااه هو و ملامحو كي منقضيين و عينييه الكحليين كايشوفو مباشرة قبالتو و لحيتو كايحك عليها حتى حبس الطموبيل بقوووة .. مشات وجات فوق كرسيها حابسها غي حزام الأمان للمرة الثانية، شافت فيه ثااني عاقدة غوباشتها و تمتماات بحدة

-بانلي نيييت مخطط تقتلناااا

تيمور بصووت عاالي صهلل حتى قفزات قلبها مخطوف:سكتيييييييي

كنزة جبدات فيه عويناتها مستغربة .. هو نتر حزام الأمان و حل باب الطموبيل خارج بلا مايزيد حرف معاها .. حتى هي حيدات حزامها و حلات الباب خارجة كاتشوف فضهرو العرييض .. و هو متاجه لداخل الشركة بلا مايدور عندها مزال .. قرنات حواجبها و تبعاتو داخلة لداخل، مع الدخلة مع سمعات صوت خليل عيطلها بصوت عالي

خليل:كنزةةة
كنزة شافت فيه .. كان مع تيمور واقف .. بان قاطع عليه الطريق و تيمور محاملش الوقفة .. خلاه و مشا جيهتها كايجري حاوط وجهها بين يديه مخلوع كايسولها
-واش نتي بخيير؟؟ اش طراا الباارح؟ شكون عتقك؟

كنزة شافت فيه بملامح ممحية كاتدور فعينيها بينو وبين تيمور اللي كايشوف جيهتهم بنص دورة:ا انا بخير .. تيمور عتقني

خليل تنهد بقووة و عنقها مزير عليها فحضنو .. فحال ديما كنزة كاتحس بالحناان فحضنو .. غمضات عينيها و حاوطاتو بيدييها معانقااه بدورها .. ثواني مدازوش حتى حسات براسها مجبودة بقووة من حضنو و جررها الفرعون بالجههد حتى شافت فيه بتفااجئ

كنزة كاتمتم بصوت خافت:تيمور واش الفيزيبلات دمخك طااارووو .. تقطعولك السلووكةة .. مشاااربش دواااك؟؟؟؟

تيمور مجاوبهاش غي جاارهاا حتى وصل للسانسور ديالو الخاص بيه وطلبو

كنزة كاتدور فراسها بانولها الموظفين حاضيينهم وكايتوشوشو و خليل متبعهم بعينييه غي كايشوف فيهم

كنزة بعصبية نترات يدها من يدو و هو يعااود يجرررهالهاا و شابك صباعو مع صباعها مامداايها فحد، الوشوشات تزااادو و السانسور تحل .. دخل جارها موراه و بروودو جابلها الشلل فذماغها بقوة مفاهماش علاش تبدل 180° ماعرفاتش شنو طرالو و شنو جاه .. أصلا ديما كايديرها و كل نهار كاتشوفو كايكون مبدل على النهار اللي سبقو

تحل باب الأسنسور و جرها ثااني معاه .. طالونها كايتقرقب فالأرضية اللامعة بصووت مسمووع فكااع الكوولواار و هي كاتجبد يديها و تغوت بغاه يطلقها

-تيمووور عييقتيي طلاااق منييي صاافي راك طلعتييلي الدممم

تيمور حل باب مكتبو .. دخل و جرها ورااه طالق من يدها .. دخلاات كاتقاد حوايجها و تشوف فضهرو .. كاتمتم
-شرحلي مالك .. أش وقعلك؟؟

سمعو صوت من وراهم دارو بجوج مستغربين:تيمور!! أشنو واقع

كنزة طلعاتها و نزلاتها بعينيها و خنزرات بقوة كاتمتم:صبحنا على الله

تيمور مشا عندها مستغرب:عذرا؟ علاش نتي هنا؟ واقع شي مشكل؟

عذرا تبسمات ببلاهة كاتحرك راسها بلا:تت غي مافطرتش و قلت علاش مانفطروش أنا وياك .. بغيت نرجعو أيامات زمان .. فاش كنا كانتجمعو .. أنا وياك و ماما و خالتي و حورية و.....

قاطعها تيمور بصوت غاضب:عذرااااا دوك الايام مغايرجعوووش ماتبقاايش تجبدييهم

عذرا تحنحنات من المرگة اللي عطاها .. كاتشوف فكنزة بنص عين .. بانتلها حاضيااهم .. قربات عندو كاتبسم بثوثر و شداتلو الفيسط اللي لابس كاتقادهالو وتشوف فيه برقة:سمحلي عفاك .. عارفة هاد الموضوع حساس بالنسبة ليك .. غي نجارفت شوية كاتتفكر دوك الأيامان الزوينين بيناتنا

كنزة المنظر غددها .. قربها ليه و هضرتها حتى هي، بانولها قرااب بزااف لبعضهم مكاينش حدود بيناتهم .. عضاات على شفتها التحتية بقوووة كاتغززها و دارت عاطياهم بالضهر كاتجمع شتاات نفسها .. حاسسة بمشااعرها تجرحو .. ماعجبهاش الحاال و قلبهاا حساتو كايتشووط .. خطات بخطوات مسموعة بسباب طالونها جيهت باب المكتب .. يلاه جات تحلو سمعات صوتو نطق بنبرة جافة

-كنزة العربي .. قتلك سيري؟؟؟


تيمور ببروود .. عينيه فعينيين عذرا و ملامحو صاارمة:كنزة العربيي .. قتلك سيري؟؟؟

عذرا جبدات فيه عينيها مستغربة علاش وقفها كانت باغاها تخرج و تنفارد معاه بوحدهم .. لعلا و عسى تتقرب ليه كثر .. أما كنزة فزفرات الهوى بقووة من فمها و دارت شافت فيه هو و المدعوة بعذرا .. باقيين قرااب و قربهم حااارقها فقلبها و أعصاابها و عينيها اللي قراب يشعلو بالعافية

تمتمات بصوت مبحووح:مابغيتش نقلقكم نتا و الآنسة

تيمور حط يديه على يدين عذرا نترلهوملها بلبااقة و دار شاف فيها بجدية:عندنا خدمة أنا وياك .. (شاف فعذرا بهدوء) أنسة عذرا تفضلي لمكتبك .. هنا أنا ماشي ولد خالتك الله يرحمها .. أنا هنا مديرك و رئيسك فالخدمة

عذرا صرطات القمعة ثاني بابتسامة مثوثرة و شافت فكنزة بابتسامة صفراء متراجعة اللور:واخا، احم نخليكم و ديزولي على الديرونجمون .. فالليل غاندوز للمزرعة نطل على جدي

خلاتهم و مشات خارجة كاثقل فالمشية بلعااني .. تيمور شاف فكنزة اللي بقات كاتشوف فيه حتى هي باغاه يشرحلها و يفهمها حاجات كثاار ولكن ختاصرات هضرتها فجوج كلمات:شمن خدمة؟

تيمور:التصميم اللي درتي أكنزة مانحتاجش نعاودها

كنزة تبسمات ابتسامة مبايناش حاسة بأنها زايدة مرتبة على المدعوة بعذرا من طريقة هضرتو معاها هي .. كايلين صوتو و مكايدويش برسمية تحنحنات و قالت بتسائل:شنو مطلوب مني؟؟

تيمور مشا للكرسي الخاص بيه .. جلس فبلاصتو و جبد ورقة تصميمها من واحد الدرج كان مسدود بالقفل .. وقف و مشا جيهتها .. جرها من يدها و توجهو جيهت واحد الكنبة متوسطة الطول جلسو فيها

تيمور ورالها التصميم:فنظرك كيفاش غايتنفذ التصميم .. نوع الجلد اللي نستخدموه .. الرييش .. و بزااف دالحاجات خاصك نتي تحدديهم باش نعطيهم لواحد الراجل يصنعولنا ك شنتيو أولي

كنزة شافت فالرسمة كاتفكر .. حسات بالشعر نوغشها رداتو للجنب الثاني حتى تعرا عنقها و بانلها الوشم اللي عندها بسميتها جيهت عنقها .. زغيبات نازلين على عينيها د القصيصة .. تبسم تيمور بهدووء ساااهي فيها حاضي أدق أدق أدق تفاصيلها .. ماحسش كي وقعلو حتى كان غاااايص فتفاصيلها و ملامحها كايتأملهم بنظراتو العميقة و المشتااقة


شافت فيه على غفلة و هي تلاحظ نضراتو ليها .. غي حصلاتو جمع راسو و بدا كايحنحن و يحك لحيتو بطريقة رجولية .. 

قالت بتسائل:واش گاع المصممين كايجلسو معاك ويقررو هادشي؟؟

تيمور بتاسم ابتسامة جانبية مميل راسو معاها :نووو ولكن نتي تصميمك غايكون رئيسي .. غانعرضووه مع ديالي خاصو يكون مسالي قبل مدة محددة

كنزة ومآتلو براسها و قالت بعفوية و صوت غنوج أنثوي:واختاار نتايا انا مكانفهمش فدوك الموااد .. غي رسمت وصافي أصلا كايعجبني نصمم الحوايج و نختار الثوابات ديالهم ماشي الصبابط

تيمور بتسائل كايشوف فيها بإعجاب باين من لمعة عينيه و هو حاضيها:وعلاش داخلة لهاد الشركة؟ كنتي تمشي لشركة أزياء!

كنزة شافت فيه مبتاسمة:لاا كانبغي التحديات و هذا كان تحدي بالنسبة ليا

تيمور مد يدو ليها و جرها عندو بشووية من ذراعها .. عينيه كايغليو فملامحها ماقدرش يحبس راسو مايقيصهاش .. كاتباانلو كي شي لؤلؤة بعييدة و بغا يقرب منها .. خفض من نبرة صوتو و همسلها قدام وذنها أنفاسو كاتضارب مع بشرتها كاتحسو كايحرق فيها بشوووية .. كايحرق فقلبها أكثر و يذوبو معاه:كيفاش تحدي؟

كنزة كاتشوف فعينيه البنيتين و غرقااات فيهم .. حجمهم صغير و مجبديين كايعجبوها .. طولات يديها كاتقيص جناب عينيه نازلة لديك الخالة اللي عندو فجنب ديك العين ليمنيا، تبسمات كاتمتم:ههههه كايعجبوني عينيك

تيمور تبسم كايقربلها بوجهو كثر و يهمس بنبرة رجولية:بصاح؟

كنزة كاتدوز صباعها على حنكو ببطئ و همسات بنبرة أنثوية:بصح

تيمور حط فمو على فمها بلهفة .. قبلة خااطفة فاجئاتها حتى حسات بصعقات خفااف فقلبها .. غمضاات عينييها معاه عاايشة فجو القبلة شفايفو غلااض قاسيين كايجرو شفايفها الرطيطبيين بقووة و يحرك فراسو يمين و شمال باغي يتذوق فمها بالكاامل .. قبلة كانت جاامحة بكل المقااييس و يدييه كايدوزو على عنقها بشووية حتى كاتميل راسها مقشعرة و تخرج همهمة من فمها كاتزييد تهييجو، غرقوو فبحرر غااارق .. يدييه كايفتحو السلسلة دالصالوبيط اللي لابسة .. نزلوولها بشووية من لفوق حتى بانلو نص صدرها قبالت عيينييه، عض على شفاايفو بإثارة و نزل لعنقها كايوزع قبلل ثقااال سخااان حلووييين بصووت عاللي كايتسمع فوذنييها


.. بدات كاتحك رجليها مع بعضهم حاسة بالسخوونية جتاحتها فديك المنطقة المحظورة ديالتها .. قبلااتو الحاارة ذووبوووها حتى غاابت عن وعييها منتااقلة لعاالم ثااني فييه غي هوما بجووج ورغباااتهم و شهوااتهم الجاامحة، يدييه كايدوزهم مع فخاضها من فوق السرواال دالصالوبيط غادي بيها جيهت التوتو بكللل بطئ و سلااالة و راسو نازل بييه لجييهت صدررها .. تأوهااتها بداو كايخرجو بطررييقة ثقيييلة كاتهمس بسميتو و تهمهم

-ت تيموو آاااه ررررررررر .. تيممممم ففففففففف ممممممم اااااح

تيمور دوز لسانو بطريقة دااائرية على بزولة من بزولاتها خرجها من تحت السوتياان و قروون صبااعو كايدوزو على منطقتها الإكسس من فوق السرواال و هي كاترجع باللور بجسمها حتى تكات على الكنبة و هو قاد نعستو فوقها .. كايسمعها كاتأوه بضععف أمام لمسااتو المحترفة و قبلااتو اللي نقلااتها لعاالم الشهووة الساااخنة

كنزة حطات يديها على وجهو كاتهزو من صدرها و تنهج و تشوف فيه و هو مساخييش بجسمها و طعمو المسكر .. تمتمات كاتعض على شفايفها بدورها ماسخاتش ولكن مقاداش تكمل فهادشي كثر حبت عارفة ماتقدرش مزال تستحمل .. يقدرو يديرو حاجة ماشي وقتها

-ت تيمور ح حبس ماشي دابا ماشي وقتو واعدتيني عفااك

تيمور شاف فيها عينيه منيمييين مسكرييين فييها مثمليين من حلاوتها بلع ريقو ببطئ سامح لتفاحة آدم كاتحرك برجولية فحنجرتو .. عينيه ذاايبين فعويناتها، همسلها بنبرة أشبه للفحيح:ليس في الأرض خمرا كالذي في عينيك .. أقسم أن الثبات أمامها جهاد

نزل لعويناتها ببطئ كايبوس فيهم بطريقة خفيييفة بورشااتها و حركات مشاعرها إتجاهو أكثر و أكثر حتى غمضاتهم كاتزفر أنفاس سخااان، رجع براسو للوراء مجددا مطووول الشوفة فدوك العوينات الزريرقات .. ساحرتين اللي فتحاتهم ثاني أمام نظراته الملهوفة .. تنهد بنبرة مسمووعة محروووقة و مشا لفمها ثاني جبدلها شفايفها بجووج بقبلة خلاتهم يغمضوو عينييهم مستسلميين لبعضهم ثاني كايمصص فقنينفاتها وحدة بالوحدة .. حتى حلات فمها ببطئ مرخيية بيين يدييه، غا حلات فمها خشا لسانو مع لسانها .. كايتبااوسو بالألسنة و قبلات مجههدة .. فييهم شوووق كبيير .. تنهد حاس برااسو قرييب يخرج عن السيطرة .. داز من فمها لحنيكاتها .. كل حنك باسو بوسة طووووويلة و يديه كايدوز على خصلات شعرها ببطئ .. تنهدات كنزة حاسة بالفشلة .. لمساتو و قبلاتو ذوبوها .. حلات عينييها بشوووية حاسة بلسانو غادي من حناكها للشفيفاات .. تأوهاات بطرييقة سيكسي حتى خرجات لسانها حتى هي عاطياهلو ثاني .. بدا كايمصولها و يدييه زيييرو على صدرها حتى رجع اللور ببطئ عينيه مغمضين كايتنفس بقوة و عروق جبهتو بارزين من السخونية اللي حاسها تنهد بعمق صبعو كايماصي صدرها العرياان بإبهاامو .. حاسة بيها كايغوييها و قرييبة تنطق بكلمة ماشي وقتها دابا .. قريبة تخضعلوو هو و عينييه و لمساتو و قبلاتو

تيمور همسلها فوذنها بنبرة سااخنة:كانتسنى إشارة صغييرة منك باش ناكل حلوتي فففففففححححححح (نفخلها أنفاسو الساخنة فوذنها حتى ميلات عنقها للجنب .. و قهقهات بطريقة خفييفة كاتصنط لبقية كلامو) متشوق لداك النهااار بزاااف أغزالتي

كنزة تبسماتلو كاتشوف فعينيه بنظرة كيووت .. حركات يديها باغا تنوض و بدون قصد منها قاصتو فمنطقتو الإكس .. جرات يديها عندها بالزربة كاتصرط فريقها و تدور عينيها و هو تبسم ابتسامة جاانبية و همسلها

-باقا غاتبوسيه ماشي غي غاتقيصيه بالغلط

كنزة غي قالها تصوراتلها فذمااغها انها حانية عندو خدامة فيه .. عافت قلبها طلعلها .. دفعاتو من فوق منها و قادات جلستها كاتسد السلسلة على صدرها

تيمور تبسم بالجنب بخبث و ناض وقف كايقااد الماطيريال اللي وقف وقفة وحدة و شاد زااوية 45° .. هو كايقادو و لاخر كايعوااجلو .. مشهيي كنزة و حلااوة كنزة و طعاامة كنزة

وقفات بعدما قادات حالتها و علات فيه عينيها مزنگة:غانمشي للمكتب ديالي

خرجات بالزربة بلا ماتسناه يكمل .. صادفات السكرتيرة داخلة عندو بشي وراق .. غا قشعاتها هي و وراقها و لبستها السيكسي .. تفكرات حالة تيموور كي خلاتو .. تراجعات خطواات اللور .. و حطات وذنها عند الباب اللي تسدات عليهم كاتصنط

كنزة بهمس:ز زعما يقضي فيها الغرض؟؟ ماعرفتش هي زوينة و عندها الطرمة بنت القحبتااه، ويييليي على آخر اياامي نوقف ورا البيبان كانتصنط عليه واش كايكوي شي وحدة ولا ل...... اااااااا (تحل الباب علييها بسسرعة حتى طاحت على جنبها بقوة مكانت متكية عليه و تيمور ربع يديه فيها مصغرر عينييه)

قال بنبرة جدية:باغية تدخلي معانا؟


كنزة علات عينيها فتيمور دايرة تعبيير البراائة بوجهها و ابتسامة غبييية كاتجمع وقفتها

-أ أ اناااا

تيمور ببرود:تبغي تدخلي معانا؟؟

كنزة حركات راسها بلا:ل لااا غانمشيي

تيمور باستهزاء:واقادي راسك معايا .. براكة ماتصنطي مور البيبان على الناس .. عيب هادشي ولا مامعلماهش فصغرك؟؟

كنزة خنزرات فيه و تمتمات بصوت شبه طفولي:اصلاا أناا نسيت صاكي لداخل و بغيت نرجع موراه
تيمور دار لفين كانو جالسين و ڤري لقا صاكها تما شاف فييها و جبدلها نييفهاا مبتاسم:ويينو على كنييزة الحنيقييزة

كنزة رجعات براسها اللور شادة نيفها:آاااي بشووية قصحتيني أزمرر اححح

تيمور بل ريقو حاضيها بعينيه و تحنحن:احممم بلا أحح ثاني ولا باغي نتكيك مع شي حيط .. راه باقي واقف باغي اللي وقفاتو تحن عليه

كنزة بدات كاتدور فعينيها و تزنگااااااااات كاتصرط فريقها: (الصمت)
تيمور تبسم على تزنيگتها .. حضااها عاض على شفتو التحتية حتى دار و شاف فالسكرتيرة:مديلي داك الصاك

السكرتيرة مشات هزاتو و مداتولو حاضياهم بنظرات مترقبة .. و تصرفات تيم مع حنيقيزتو كي عفوية، خدا الصاك من عندها و شاف فكنزة اللي مداتلو يدها تاخذو .. غمزها راد الصاك مور ضهرو:تت خلصيني بعدا و خوذيه

كنزة باستغراب:كيفاش هاد خلصيني ثاني؟؟

تيمور تبسم بهدووء، قرب لفمها بشوووية و هي حاضياه بدوك الشوفات اللي عندها .. أو مكايقرب عندها كاتذوب حاضياه، باسها بوسة خفيفة فشفيفاتها بزووج مبجغهووم حتى خرجات فييه عينييها، و السكرتيرة كذلك تفاجآت حطات يديها عند فمها .. قرب لوذنها همسلها بصوت خافت بورشها:سبق و قتليك من قبل مكانقيص حتى وحدة لماكنتش عاقد عليها .. و حاليا عندي وحدة اللي عاقد عليها .. (بعد مبسم بالجنب و شاف فيها غامزها) بنت وحدة قريب غانرجعها مرتي ديال الصح .. بنت وحدة هي بوحدها حلالي

هي نتراتلو الصاك من عندو عينيها كاترمشهم بالزربة و الصهدة طالعة معاها من هضرتو .. قلبات الطريق بالزربة و دارت غادة لجيهت مكتبها كاتزرب .. الحشمة تمكناات منهاا و ديييما تيمور كايخليها تتزنك و تحشم عكس كاع الرجاال اللي قابلاتهم فحيااتها .. تيمور تبعها بعينيه حتى غبرات فخطرة و دار شاف فالسكرتيرة ببرود)

-تفضلي لمكتبك مللي نوقع على الوراق غانعيطلك تاخذيهم

السكرتييرة ومأتلو براسها و تاجهات لمكتبها كاتحسد فكنزة فسرها و الغييرة ولات تاكل فيها .. غا جلسات بلاصتها دخلات لغروب دالواتساب فيه غي البنات الموظفات دالشركة و نشراتلهم الخبر مصدووومة، فدقااائق انتشر الخبر بين كااع الموظفيين و الموظفات .. على أن كنزة و الفرعون .. فعلاقة غرامية و كايبغيو بعضيااتهم بجنوون و قريب غايتزوجو و ماشي بعيد كنزة تكون حاملة منو، زادو فيه شوية ولكن هادو هوما المغاربة ديالنا .. ديما زايدينلها اليدين و الرجلين

🎀 داز نص النهار كاامل فالخدمة .. كنزة جابولها شوية كطالوگات قدام لتصاميم كانو فالشركة تدير ليهم تعديلات و داكشي ناويين يعاودو يصنعوو التصاميم القدام بنسخة جديدة و الروااج كايدور فالشركة ..

وصل وقت الغدا نزلات لمطعم الشركة .. غي دخلاتلو جميع العيوون نتاقلو ليها كايشوفو فيها و يوشوشو .. هي لاحضات نضراتهم و همساتهم استغربات .. مشات شرات غداها و جلسات مع خليل و شيما اللي كانو سابقينها فطبلتهم المعتادة ديما كايتجمعو فيها

كنزة كاتوشوش باستغراب:واش فيا شي حاجة ماشي هي هاديك؟ مالهم كايشوفو فيا و يوشوشو (وقفات و دارت عطاتهم بالضهر بالزربة) وااش خرجااتلي؟؟؟ ولكن عاد مؤخرا مشات مني!!!

خليل شاف فشيما كايتغامزو و شاف فيها:لا والو غا ساقو الخبار لعلاقتكم نتي و ولد عمي هههه

كنزة باستغراب:اوييلييي شمن علاقة؟؟؟

شيما غمزاتها:زعما زعما كاتخبي علينا و هو كايبغي يحماق لا طراتلك شي حاجة

كنزة عوجات فمها للجنب:بيناتنا غي الخدمة

خليل ضحك باستهزاء:لواه البعاااابعععع ماشي الخدمة يالكذيذيبة

كنزة شدات الطاكوس ديالها كتاكلو:يمشيو يعاودوها لمخهم و اللي كايعرف با يمشي يدعييه

شيماء هزات تليفونها كاتقرا الميساجات عليهم بصوت عالي:سمعو شنو مكتووب، قاالك ألالة السكرتييرة شافتكم كاتباااوسو .. ياكي و وحدة اخرى كتبات أنها سمعاتكم كاتدوييو فنهار العرس قرب و غاتديييرو زفااف أسططوووري و وحدة اخرى قالت انك غلاضيتي مؤخرا اذن راك حاملة ههههه

كنزة وقفات ضاربة بيديها على الطبلة حتى شافو فيها گاع اللي فالمطعم ... قالت بصوت عااالي:شناااااهواااااااااا؟؟؟؟ غلااااااااضيييييت؟؟ وابزاااف عليها هادي اللي قالتها .. طاااي 38 و حووووتةةة لاكانت شداتها الغييرة من علاقتنا انا و حبيبي تيموور ماتبقااش غا تزمرر بداك الفمم .. فورمتييي حسن منهاا الحماارة لوخررى

خليل تكا بوجهو على يدو كايقهقه بخفة:ههههه لا حول الله على هاد البنت، دابا نتي خليتي كووولشي اللي تقال و شديتي فغلاضيتي؟؟

كنزة تبسمات و شافت فالموضفين كاترقصلهم حواجبها كاتقليلهم السم:أه بيناتنا علاقة أنا وياااه و نتوما اييييه؟؟ آااااش دخلكممم؟؟ .. هأنا غانقولهالكم بوضوووح، كنزة العربي اللي هي أنا و تيموور باشا اللي هو الفرعون .. كانتباغاو ألحبيباتت و بيناتنا علاقة حب كبييرة واااانطحو راسكم مع ستين حييط دابا يالمحساادااات .. تدور بيه شي وحدة ننتف جدها

غي سالات هضرتها .. تسمع صوت التصفار من تليفونات كثيييرة .. تقريبا كااع هادوك اللي كانو فالمطعم رنو تليفوناتهم بإشعارات .. شيماء علات تليفونها كاضحك و تمتم فمها مشرع بالضحكة:هههههههه وااااميييي كرشييييييي ههههههه هااا هيي لوخرى أكدات الخبر .. سجلاتلك أوديووو گاااع انبسطييييي 😂😂

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.