تيمور جالس فمكتبو الخدمة عندو مزيرة باقي ماخذا بريك باش يتغدا .. سمع صوت الدقان فباب مكتبو و دخل جوزيف بلا مايسمع منو الإذن .. توجه عندو مباشرة و نطق مبااشرة
-بغيتك تعاوني أتيمور
تيمور حط الستيلو من يديه باستغراب:جوزيف! شكاين؟
جوزيف جلس قبالتو كايدوي و يحرك يدييه باينة فيه مشوش واصلة بيه للعظم:كانبغييها و كاتبغيني و غاتزوجها مها
تيمور باستغراب:وضح!! شكون هادي؟؟
جوزيف بجدية كايشوف فيه:شيماء بنت عمتك
تيمور شاف فيه بالزربة قارن حواجبو:بيناتكم شي علاقة؟؟ ها علااش مكانبغييش البنات دالعائلة يخدمو فهاد النم دهاد الشركة
جوزيف خنزر فيه:بيناتنا هادشي أصاحبي واش عارفني غاندير شي حاجة ماشي هي هاديك؟؟
تيمور بجدية:جوزيف نتا صديق عمري و صديق السنين .. عزيز عليا و كانثيق فيك و كولشي ولكن مالك مع بنات عائلتي؟ فاللول ختي و دابا بنت عمتي .. باقا خاصاك غي عذرا؟؟
جوزيف بعصبية:تيموور مناقصش عتاب .. انا وياها أصلا كنا مخاريين عاد تصالحناا و قاتلي مها أي عمتك باغا تزوجها لولد صاحبتها الكبير
تيمور طول فيه الشوفة بجدية:ايوا و شنو المطلوب مني؟؟
تيمور تبسم بالجنب:صراحة مانقدرش نعاونك فهاد الموضوع مها تكون عاطية الكلمة لصاحبتها .. غاتجي خايبة تتراجع
جوزيف بترجي:تيموور عفاك ترجل معانا أصاحبي و عمري ننساهالك، راه بصح تربطت و أخيرا من بعد سنيين طويلة مباغيش نخسرها و إلا هاد المرة مغانعرفش شنو يطرا فيا
تيمور تحنحن و حنا عينيه للوراق كايقرا فيهم و يوقع بلا مايجاوبو خلا جوزيف باغي يخنقو من كثرة ما مثوثر و باغي حلل سرييع،
جوزيف بعصبية:وااا تيمووور
تيمور شاف فيه و غمزو:سير دابا و غانشوف مع عمتي مللي نرجع للدار
جوزيف:قالك الخطوبة بعد غدا .. دوي معاها اليووم و قولها راني دويت معاك شحاال هذا فالموضوع غي نسيتي تخبرها
تيمور:عارف شنو غانقول ماتحتاااجش تقريني
جوزيف وقف؛واغي كانبهك .. بربي و خطبها واحد آخر غانديرلكم مووصيييبة فديك المزرعة
جلسات فوق كرسيها عند مكتبها مخنزرة و كل شوية تبركم بكلمة مكاتحملش يقوللها شي حد غلاضيتي
دازو سويعات العمل فالشركة و فتمام الخامسة مساءا .. كانت كنزة خارجة من الشركة بووحدها تليفونها عند وذنيها
-وييي دادا التليفون كان صيلونسيوز و مارديتلوش البال، أه غاندوز عندكم دابا واحد نص ساعة منها نقول لداك خينا يجمع شراوطو من داري
دادا بترجي:بنتي عفاك خليلو غي هاد الفيلا راه بقا بلا فلوس .. حتى باش كايصرف ماعندوش
كنزة بهدوء:يدبر خدمة على راسو .. ياك هو قاري و عندو ديبلوم و راجل يااك (ركبات فسيارتها و قادات جلستها و حزام الأمان) انا ادادا ديك الفيلا مخططة ندير فيها دار رعاية المسنين .. تصلاحلهم بموقعها و جردتها .. نييت باغا ندير الخير
دادا؛و فدار واليديك أبنتييي؟؟
كنزة ديمارات مخنزرة:واليديا شنو دارولي فحياتي مثلا؟ واالو غا ردوني حمقة و شردوني على برا
الدادا تنهدات:حتى تجي و نكملو الهضرة
كنزة:هانا فالطريق (قطعات عليها و نطالقات بسرعة و كيف ديما .. جوج سيارات كايتبعوها فينما مشات من أول ماوقعات عقد العبودية بينها و بين تيمور)
مسافة الطريق .. وصلات كنزة للفيلا القديمة دعائلتها .. بقات دقااائق فالطموبيل كاتشوف فالجردة ابتسامة ترسمات عند فمها كاتخايل منظر طرا معاها من القديم
🎀🎀 بنت صغيرة كاتجري و تضحك و مرى فسن يافع كاتجري وراها باغا تشدها
علي غزز سنانو و شارلها جيهت الصالون:اجي نجلسو بعدا نشربو كويس ديال اتاي مالك زرباانة .. تعلمت نصاايبو خصييصا على قبلك
كنزة باستغراب:علي واش نتا صاڤا؟
علي بتاسم :اه صافا .. جلسي نتي هنا نصايبلك أتاي من تحت يديي بااش نرحب بختيي العزيييزة .. دادا جلسي معاها ونسيها (تبسم بشيطانية و مشا جيهت الكوزينة .. الخدم مابقاوش معاهم غي الدادا اللي ماسخاتش تخلي علي بوحدو .. الإنكانيات باش يخلصها مابقاولوش ولكن معول هاد الليل غايولي كي كان و وصية باه تتحول ليه .. هادشي بنجااح خطتوو الجمييلة)
وقف فالكوزينة كايغلي أتااي مبتاسم كايدندن:اليومم اناااا غانولي لاباااس علياا دان دانة دااان دانةةة .. اليوووم غانوليي لاباس علياااا .. دان داانة (جبد محلول أبيض اللون من جيب سروالو .. قريعة ساائلة .. و وجدها فوق البوطاجي) اليوووم كنووزة غاتمووت .. داان داانة
وجد أتاي بالزربة .. دار للكيساان .. ستفهم فالصينية و خوا أتاي فثلاثة دالبرارد .. شاف فالكاس الوسطاني .. خوا فييه المحلوول كاااامل مبتاااسم و هز الصينية خارج لبرا بملامحو اللتي لا تبشر بالخيير
حط الصينية فوق الطبلة و شاف فكنزة بابتسامة:مرحباا بكنزة .. مرحباااا (مدلها الكاس الوسطاني)
كنزة تبسمات ابتسامة صفراء كتتحنحن و شدات من عندو الكاس:احم .. دادا مكاديريش ديك الحلوة دكعب الغزال .. توحشتهاا
علي بابتسامة:كاينة ... كااااينة .. هانا نجيبها لختي الزوينة باش تعرفي معزتك عندي (مشا جيهت الكوزينة .. دخل كايوجد فالحلوة طبسيل الطاووس كبيير و خرج غادي للصالون عند كنزة .. دخل عندهم بانولو بجوجهم شادين كيسان دأتاي و كنزة كاتزكف منو و تبسم للدادا .. ابتسامتو وساااعت و حط الطبسيل قداامها) مرحباا بيك .. هاكي الحلوة
كنزة تبسماتلو و هزات الحلوة كتاكلها .. حتى هو جلس جنبها و شد كاسو كايزگف منو:ايوا .. قوليلي شنو قلتيلي قبايلة؟؟
كنزة بثقة:بغيت الڤيلا غانديرها دار دالعجزة
علي شرب كااسو دقة وحدة و طلق ضحكةة عاالية كايتشفى فييها حاضي كااسها اللي تقريييبا خوا:هههههههههههه .. ماتحلمييش بيهاا لا هييي ولا أيييي حاااجة ديااالييييي .. حتى دوك الشركات اللي بعتي غانرجعهم .. تعبييي مغايمشييش غي هكااك .. جيتي بين ليلة ونهار باش تاخذيي كوولشي .. ولكن لاااا .. أنااا أنااا اللي ربحتك .. و بقاولك غي ثوااني دابا و تودعي هاد الدنيا
كنزة كاتشوف فيه باستغراب حتى فجأة ملامحها تقلبو للوجع و الألم و شدات فكرشها مخرجة فييه عينييها .. تزنگااااات رجعااات حمراء اللون .. لاحت الكااس دأتااي من يدها كاتشوووف فيييه مخرررجة عيينييها و هو يوقف علي مربع يدييه بابتسامة شرييرة
-غاتمووتي اليوووم أكنزة .. اليوووم نهااايتتتتك نتيييي و بدايتي أناااااا .. بدااية علي العررربي
تيمور جالس فالمكتب الخاص بيه فالمزرعة، عندو فجناحو الخاص .. داير واجد المكبرة فيديه و كايقرا واحد الوثيقة بجدية حواجبو مقرونين و عينيه مصغرين فيها بجديية مركز .. حتى سمع الدقان فباب المكتب .. علا راسو عاطي الإذن للطارق بالدخول .. كايقاد فالوثيقة و المكبرة بهدوء
دينا داخلة عندو مبتاسمة .. هازة فيديها صينية فضية اللون فيها زوج فناجين دالقهوة حطاتهوم فوق المكتب، حطات قدامو فنجانو و خدات ليها و جلسات قبالتو دايرة رجل على رجل كاتشوف فيه بتسائل:طلبتيني أولدي؟
تيمور تبسم بهدووء و هز داك الفنجان كايشم فيه بهدووء .. فيها ريحة القرفة المعطرة كاتشهي:ممممم .. من ديما كاتعجبني قهوتك أعمتي
دينا تبسمات:مكاتشربهاش بزاف
تيمور زگف منها بهدووء كايشوف فيها بجدية .. ورجع حط الفنجان فين كان محطوط مباشر حديثو:سمعت أنكي غاتزوجي شيماء؟؟
دينا باستغراب:قالتهالك هي؟؟
تيمور كايدور صبعو على فوهة الفنجان بهدووء و يشوف فيها نظرة كاتجيب هيبة:لا .. سقت الخبار من بلاصة أخرى، قوليلي من فوقاش هاد القرارات مكانسيقلهمش الخبار أعمتي؟؟
دينا بهدوء:مكاتجيش لهنا نتا .. قليل فاش كانشوفوك، باباك و بابا و ولد عمك فخبارهم
تيمور بصرامة نطق:هادشي مغايكونش
دينا باستغراب:شمن شي؟
تيمور تبسم ببرود:شيما مغاتزوجش بولد صاحبتك
دينا باستغراب كثر:شكاتقصد؟؟
تيمور:سمعيني أعمتي .. أنا عندي صاحبي من زماان كنت عاطيه الكلمة فشيماء و باغيها للحلال .. كيفما قلتي انا تشغلت مؤخرا و مكانجيش بزاف لهنا تنساتلي القضية من بالي .. هو و بنتك متافقين و باغيين يكملو حياتهم مع بعضياتهم، شيماء مللي ساقت الخبار لقرارك ماعجبهاش أبدا .. واش باغاها تعيش متمرتاحاش مع واحد مكاتبغيهش؟؟ واحد مغايعرفش بقيمتها؟؟ صاحبي راه بصح باغيها و غي فاش كايشوف فيها كانعرف أنها هي الحب الوحيد فحياتو
دينا تصنطاتلو مزياان حتى كمل هضرتو و تمتمات:حتى نتا سمعني أتيمور .. هاديك بنت و هداك ولد ختي ماشي غي صاحبتي .. كانعرفها من أيامات كنت باقا كانقرا و حتى ولدها كايبغي بنتي و غايعيشها أمييرة .. مغاتكرفصش معاه
دينا بهدوء:الحب ماشي هو كولشي أتيمور .. هانا تزوجت عن حب فاللخر تطلقت و مشا سمح فيا أنا و بنتي و مابقاش سول .. داك الحب اللي كان بيناتنا تبخر بقاتلي غي بنتي هي الذكرى الوحيدة اللي كانشوف فيها كانتفكرو
تيمور بثقة:عمتي .. جوزيف مشابهش لراجلك القديم
دينا باستغراب:جوزيييف؟؟ داك صاحبك اللي عامر وشاام و شعرو ديما طويل و حتى سميتو ماشي ديالنااا حنا المسلمين .. كاتسناني نعطي بنتي لواحد بحال هداك .. مستحيييل
تيمور وقف بقلة صبر و مشا داير عندها جلس مقابل معاها:هو سميتو الحقيقية يوسف .. من زمااان داخل للإسلام .. راحنا غي مولفين نعيطولو بجوزيف، و هو كاتعجبو السمية ديالو معروف بيها عند كولشي .. و الوشام و الشعر الطويل هداك لحمو و هداك شعرو و هاديك حريتو أعمتي .. دابا غي فهميني أنا داوي معاك فمصلحة بنتك .. عمرني تدخلت فشي حاجة كاتخصكم من غير لا شفت مافيهاش مصلحة ليكم، واش بنتك ماعزيزااش عليك؟؟ راها كاتبغي واحد آخر غا فهميني .. نتي كنتي كاتبغي طليقك و تفارقتو و هي اللي مكاتبغيهش؟؟ مكاتقوليش غاتجاهلو و تكرهو عيشتو و يسمح فيها بعد فترة قصيرة؟؟ أش عرفك نتي أن جوزيف مغايبقاش باغيها و غايطلقها .. واش هو شابه للاخر .. أكييد لااا .. غي حضري عقلك معايا و شوفي مصلحة بنتك ماشي وعدك لصاحبتك
دينا؛وانا شنو غانقولها دابا؟؟ راه هادشي ماشي لعب الدراري الصغار .. عطيتهم موعد يجيو يطلبو يدها بشكل رسمي
تيمور ببرود:قوليلها الحقييقة، بنتي مباغاش ولدك كاتبغي واحد آخر
دينا وقفات مخنزرة:مغانخسرش علاقتي بختي على قبل تفاهات الحب
تيمور وقف معاها:و تقبلي تخسري بنتك؟؟
دينا شافت فيه بحدة كاطلعو و تنزلو و دارت خارجة من عندو معاجبهاش الحال .. هي مقررة لمستقبل بنتها و مغاتقبلش تدخلات من شي حد آخر شكون ماكان، تأفأف تيمور بققوة و شاف فتليفونو كان كايشعل الضو .. دايرلو الصيلونص .. مشا ليه هزو بانلو تقطع ولكن اتصالات كثيرة فاتوه و من دوك اللي حاضيين كنزة .. استغرب .. اللي عارفو أنها مشات عند خوها اللي كايمقتو و بسباب هاد الموضوع بغا يضيع الوقت مع عمتو مباغيش يمشي يجرها من شعرها و مايخليهاش مع المدعو بخوها .. مكايحملووش و باغي يخليها ماتحملوش حتى هي .. ذماغو بدا كايتشوش و كاينزل فرضية أنه مغايطبقش خطتو الأولى و غايخلي كنزة معاه دييييما، ولا كايحس بيها إنسانة ضروري تكون فحياتو
شاف التليفون كايصوني ثاني جاوب بلهفة ونبرة الخوف فصوتو
تيمور:أش طاريي؟؟
المتصل:سيدي .. جات اومبيلونص للفيلا اللي فيها الأنسة كنزة و ماعرفناش شكون خرجات ولكن باينة حاالة خطييرة
تيمور حسس بالخنققة فصدرو، شاف يمين و شمااال كايمااصي عنقوو و يتنف فشعر رااسو و بلا مايحس برجلييه مشا كايجري طاااير خارج من المكتب و كايسول المتصل على المشفى اللي خاص يمشيلها
⏳بعد مرور بعض الوقت⏳
المشفى🏥
الدادا غادة جايا مشوشة فالكولواار كاتحك فيديها مع بعضهم بثوثر و خووف و تشوف قبالتها بعينين دامعين
كنزة دارت شافت فيها مخنزرة:شمن شي؟؟ كنتي متافقة معاه يااك؟؟ بغيتو تقتلوني بزوجكم ولكن أناا ماشي هبييلة نجي عندو برجلي و نخليه يسممني .. وااش سحابلو أنا غبية ولا شنو!!
الدادا بنبرة بااكية:بنتي رااه ماكنتش عارفة .. انا ضنيتو توحشك و بغاك تجي ندوزو وقت مع بعضنا
كنزة بنرفزة:كون ماكنتش تبعتو للكوزينة و شفتو كايديير داك السم و هو فرحااان كنت غانكون دابا ميتة يااك هه .. يحمد الله اللي جبتو للكلينيك أما راه مايستاهلهااش
الدادا جلسات فوق واحد الكراسة كاتبكي و كنزة دارت شافت جيهت غرفة العمليات اللي عاد كي خرج منها الطبيب
كنزة ببرود:مات؟
الدادا وقفات بالزربة كاتشهق:ماتفايليش عليه أبنتي؟؟
الطبيب بجدية:تعرض للتسمم .. و بكميةة كبيييرة .. و داك السم نوعييتو كاتقتل ولكن حيت سرعتو بيه للمشفى قدرنا نغسلولو المعدة و نسعفوه ولكن للأسف الأثار الجانبية دياالو دارو خدمتهم و خلاو الذماغ ديالو يتعرض لتلف كلي بالتالي جميع وضاائف جسمو تشللات
كنزة غززات سنانها كترجف من الغدايد و العصبية:متأكد من هادشي؟
الطبيب:للصراحة كاينة عملية لا درناها يقدر يولي مجرد شلل نصفي و يقد يدير ترويض و يرجع حسن من اللول
كنزة بهدوء:لا بلاش
الدادا باستغراب:ك كيفاش أبنتي بلااش؟؟
كنزة شافت فيها بحقد:نتي سكتييي .. ماشي نتي اللي بغا يسممك أدااداا .. و جلس كايتشفى فيا فاش مثلت أن كرشي ضراتني .. بغاني نموت على قبل الفلووس و ها هو تقلب عليه كولشي .. يحمد الله اللي ممااتش .. هذا عندو 7 دالارواح فحال القط
الطبيب طوول فيها الشوفة:غانعيط للبوليس باش يحققو فهاد الشي أأنسة، نشوفو سبب التسمم
كنزة تبسمات ببرود و نطقات:بغا يقتلني و دارلي السم فأتاي ولكن، هو اللي شرب داك الكاس .. هانية عندي عيط للبوليس و غايحققو و يكتاشفو الحقيقة .. زيادة على هذا (جبدات تليفونها و وراتو فيديو) تبعتو للكوزينة مللي كان كايوجد أتاي و كولشي قدامك بدلائلو
الطبيب ومئلها:اووه واخا
كنزة:كانضن ماتحتاجش تعيط للبوليس و نخليو هادشي بيناتنا
الطبيب تنهد وومألها:واخا أأنسة .. نخليكم دابا
مشا من قدامهم و هي تتنهد كنزة .. شافت جيهت باب غرفة العمليات كانو مخرجين خوها فپاياص أبيض فاقد وعيو .. مشات متبعااه شداتلو فيدو و تمتماات بحزن
علات راسها حااسة بقلبها مغمووم خصووصا من شنو طرا و كيفاش خوها خطط يقتلها و كان فرحااان كايتشفى فييها، شافت ليمينها و هو يبانلها واقف بجمود كايشوف فيها و فالباياص و يحلل حالتها اللي بانتلو حزيينة على خووها!! .. تقدمات جيهتو عينيها كايبريو بالدموع و تخشات فحضنو باغاه يواسيها حيت حسات بالحكرة و مكاين حد معاها فهاد الدنيا حتى أقرب الناس ليها مابغاوهااش تعيش
تيمور غزز سنانو بقووة كايشوف فشعرها و يديها المحاوطينو .. عض على شفتو التحتية بقوة هاز يديه .. يلاه بغا يحاوطها و هوما يتجهمو ملامحو أكثثر و نترها منو متراجع اللور .. بانتلو حزينة على خوها و خايفة علييه .. حس بأن خطتو بدات تفشل و أنه مغايشمتش فخوها حيت طبق عليها كيفما دار هو لختو .. حس بالخنقة ودار غادي فحالو خارج من الكلينيك .. خلاها كاتشوفو غادي عطاها ظهرو .. ضمات راسها بقوووة و تمتمات بحزن
-مالقيتش المواساة حتى منك نتاا .. كنت كانضن غانلقا حضنك هو أول مأوى ليا ولكن 😢 (حنات راسها للأرض مغززة سنانها كاتحااول تضبط راسها باش ماتبكيش .. مباغاش تطيح الدموع لا على قبل علي ولا على قبل داك اللي عطاها بظهرو و مشا)
تيمور ركب فسيارتو حاس بغصة متشكلةة فقلبو كايتمتم:ناقصني غا نواسيك على قبلو .. ولكن ماشي مشكل أهم حاجة بانلي أنه مماتش و باقي عايش .. غانحرق قلبو بيك أكنزة العربي .. كيفما حزنتي نتي حيت خوك تسمم حتى أنا حزنت كثثثثر منك على ختي اللي نتاحرات و تقطع نفسها من الدنيا .. هي و مااا .. و دمهووم وروحهم الغالية .. نتي غاتدفعي ثمنها .. بسباب باك و خوك .. نتي غتتخلصيي (ديمارا بسرررعة غادي فالطرييق منيييير .. و كولو توعد باش ينفذ خطتو و بكل حززم كايخططلها .. بانولو مابقاوش أياام كثاار، حتى هي لانتلو و ثايقة فيه و هو مخطط انه يكون محل ثقة لإنتقامو😈)
خارجة من بيتها مبتاسمة و متحمسة لهاد النهار اللي غاينتاقلو فيه لدار أخرى من غير هاد الفيلا المنحوسة اللي عاشت فيها أكفس أياام حيااتها، دازت من قدام غرفة كنزة .. دقات عليها جوج دقات خفااف و حلات الباب داخلة تطل عليها .. بانتلها غاارقة فالنعاس مخشية بين المخاد و قدامها قريعة ديال الكينات المهدئة و المنومة، تفكرات أنها جات فالليلة الماضية غي سااهية و الدموع فطرف عينيها .. الشي اللي دارو خوها خلاها تتأزم و الذكريات دالماضي يرجعولها، من دييما ماعندهاش الزهر مع عائلتها.. لا باها ولا خوها .. حتى ماماها ماتت و خلاتها بيناتهم بوحدها .. ولات كاتحس بالوحدة و البروود فحياتها حتى من تيمور اللي تلاحت فحضنو باغاه يواسيها تخلى عليها و مشا عاطيها بظهرو معايرهاش ولا ذرة اهتمام
مشات كلير جيهت الشرجم كاتزيح الرواق للجناب و تحلو:كنزة .. تعطلتي على الخدمة
كنزة شدات مخدة دارتها فوق راسها كاتنيين:انننن مابغيتش
كلير قربات عندها مبتاسمة:كنوزة .. فيقي أحبيبتي
كنزة بصوت خاافت:فيا النعاس مابغييتش
كلير تبسمات و جرات من فوقها الغطا:براكة عليك راكي تعطلتي على الخدمة اليوم
كنزة:مغانمشيييش
كلير باستغراب:علاش أش طاري؟؟ شي عطلة اليوم!
كنزة جرات عليها الغطا مخنزرة:لا مافيا مانمشي عيااانة
كلير قرباتلها كاتحط يدها على عنقها و جبهتها:واش مريضة اكنزة (تحسسات جبهتها و بالزربة بعدات يدييها شاهقة) هيييي .. سخوونة بزاااف
كنزة مداتهاش فيها غمضات عينيها كثر و تكمشات فبعضها:خرجي باغا نعس
كلير تنهدات بقوة و دارت خارجة من البيت من عندها، نزلات لتحت كاتقلب على مصعب .. حتى بانلها شاد شي وراق كايقرا فيهم بتركيز .. مشات جيهتو كاتزرب:مصعب
مصعب شاف فيها بتسائل:وي .. وجدتي راسك؟؟
كلير شارت للفوق:كنزة!!
مصعب وقف بالزربة كايتسناها تكمل هضرتها:؟؟؟؟
كلير:مريضة بزااف .. حرارتها مرتافعة
مصعب خلاها واقفة و مشاا طاااار من قدامها .. طالع لفوق .. حل باب البييت بسررعة ملهووف .. بانتلو منكمشة على بعضها و كاترجف، السخاانة زاااادت لدرجة ولات كاترجف .. مشا عندها كايتفحص حرارتها و وجهها .. و هي عرقاانة مابقاتش واعية
مصعب بخوف:كنزة .. حبيبتي واش نتي بخيير؟؟ كننزة (حط يدو على جبهتها و حنوكها و عنقها) سخوونة بزااف .. أش طرالك اعمريي أش طرا
ناض واقف حاس بأنه تالف معارف مايدير مزال، شاف جيهت باب البيت اللي تحل بسرعة و دخلو سي گي و كلير لعندها باندفاع
كلير قربات عندها بالزربة كاتفحصها:سي گي بليز جيب علبة الإسعافات الأولية راها عندنا فالبيت .. كاينة شوكة كاتخفض الحرارة و الدوا حتى هو (شافت فمصعب) سير نتا دوي مع البنت اللي فالكوزينة تقاد شي شوربة سخونة .. و جيب معاك شي كمااداات بااردين عفاك
مصعب خرج مزروب تابع سي گي اللي سبقو و مشا يجيب علبة الإسعافات الأولية
دازو جوج ساعات تقريبا .. مصعب جنب كنزة كايديرلها كمادات فجبهتها .. وهي نااعسة بعمق بعدما شربوها الدوا و قادولها الشوكة فيديها، الشوكة فيها حتى منوم كايزييد تنعسها .. وقف كايتكسل فجنبها حاس بأعضاائو تشنجو .. شاف فيها كايتنهد و تمتم بصوت خافت
-خفت عليك بزااف أكنزة (قرب جيهتها بشووية و تكا جنبها كايشوف فملامحها .. حواجبها، عينيها، رموشها، حنوكها، نيفها الرقيوق، فييمتها المنفوخة .. عض على شفتو التحتية بقووة كايتفكر فاش باسها تيمور قبالت عينيه .. غزز سنانو بقووة كايحرك قرون صباعو على شفايفها مخنزر) ماكرهتش ناخذك لشي بلاصة حد مايبقى يشوف فيك أعمري .. نتي حبيبتي أناا .. هداك القوااد عمرو يحلم حتى بضفرك (حط يدو على شعرها كايتحسسو) كانبغيك بزاااف أكنزة .. كانبغييك فوق القياااس
كنزة تحركات ببطئ كاتنيين بخفووت:انننننن .. م ماااما
مصعب شاف فيها بخوف:كنزة؟ فقتي أعمري؟
كنزة بوهن:ماما عنقيني عفااك .. توحشتك بزاااف
مصعب عض على شفتو التحتية بقووة .. جرها لعندو و حطها فوق صدرو كايزييرها معاه و يهمسلها:انا معاك أكبيدتي، انا معااك
تيمور دخل من ورا الخادمة قارن حواجبو:أنا هو هاد الضيف
بعدما دوز ساعاات كثاار فمكتبو حاضي مكتبها من كاميرات المراقبة و مبانتلوش فخطرة .. تشوش عليها .. و لا تقدو تقولو حس بالشوق ليها، توحشها غي فساعات قلال دازو على آخر مرة شافها .. ناض كايمشي و يجي فكتبو ويتفكر حالتها البارح كي كانت حزينة و كي خلاها منكسرة باغا اللي يواسيها .. فالحقيقة هو كان باغي اللي يواسيه كثثر منها هي، خصوصا مللي شاف الشخص اللي كان باغي يتشفى فيه متعرض للتسمم و فحالة خطيرة .. عرف هاد المعلومة من موظفة الاستقبال ماتعمقاتلوش فحالتو شنو طرا فيه .. دوا مع الرجال اللي كايضلو حاضيينها أكدو عليه أنها مللي دخلات للڤيلا ماخرجات و بانولهم غي دوك الصديقين ديالها اللي خرجو .. فكرة وحدة اجتاحت ذماغو أن كنزتو بقات مع داك العاشق اللي من عينيه قدر يفهم انه كايحماق عللييها .. بالزربة خرج من الشركة بلا عقل باغي يمشي يشوفها .. كيف مكانت حالتها و لا احتاجت اللي يواسيها .. هو غايواسيها .. مغايخليش المدعو بصدييقها ياخذ بلاصتو هو .. بلاصتو بووحدو و حد ماعندو الحق ياخذها .. ديمارا بسرعة جيهت الڤيلا ديالهم تزامن وصولو مع الخادمة كاتسقي شي زهور فالحديقة مشا عندها مزروب مايسولها
-كنزة هنا؟؟؟
الخادمة شافت فيه باستغراب:شكون نتا بعدا؟
تيمور بحدة:أنا مديرها فالخدمة فينها؟؟
الخادمة شارتلو بصبعها لداخل الفيلا:راها فبيتها ..صبحات مريضة اليوم
تيمور ومألها براسو:خوذيني نشوفها .. داااباااا
الخادمة حركاتلو راسها بالايجاب و مشات قدامو و هو وراها تابعها فأي زطمة زطماتها .. وقفات عند بابها و دقات .. غي سمع صوت مصعب من لدااخل زييير على قبضة يدوو بقووة و شاف الخادمة دخلات
سمع الخادمة شنو قالتلو و كي جاوبها ماستاحملش مزال حتى ثانية حتى كان ندافع لداخل البيت قارن حوااجبو كايتمتم
-أنا هو هاد الضييف (غزز سنانو بقووة حتى تشنج فكو و تمتم بصوت عاالي بسخط) كنزةةةةةة العربيييي
مصعب خرج فيه عينيه وقاد كنزة فوق الفراش بهدوء، شاف فيه مخنزر و وقف متاجه عندو:نتا شكادير فدااري .. باااشمن حق جاااي لهنااا و داااخل لهنااا (شاف فالخادمة ساخط) نتيييي كيفاش جايباه حتى لبيت النعااس .. الضيووف كانستاقبلووهم فالصالوون
تيمور دفعو من قدامو بقوة حتى تضرب مع الحيط ورااه كان قريب يطيح غي الحيط كالاه .. مشا جيهت كنزة .. كايشوف حواليها بانولو الكمادات و الدوايات و داكشي قلبو تزييير أنها مريضة بلا مايسيقلها خبار .. حنا عندها بالزربة كايتحسس وجهها:كنزة .. مالك كنزة؟ واش نتي بخييير غزالتي حلي عويناتك نشوفهم يلاه
جا عندو مصعب كايغوت:هيييي نتااا خرررج من دااري داابا .. خراااااج ..
تيمور علا فيه راسو مخنزر:اششش طرااالهااا .. (زير على حنكها بيدو كايهمسلها بلهفة) كنزة انا هنا معاك .. كاتسمعيني؟؟
كنزة كاتنين:ت تيمووور
تيمور تبسم:اه تيمور .. هانا معاك أعمري
مصعب بعصبية:شكاااتخووور نتاااا شمن عمريي ولا زمررر، خررج بحاالك
تيمور خرج فيه عينيه بنظرة شرررسة:نتااا مانشوفكش مزاال كادور بجيهتها حسنلك خررج عليا من هناا
مصعب جبدو من قداامها بنفاذ صبر:قاااود عليا نتاااااا من هنااا .. نتا شدخلك .. الدار داري و البيت فداري و كنزة ديااللي و نتااا آااااش؟؟؟
تيمور شدو من كوول حوايجو مخرج فيه عينيه:آاااش قلتيييي .. عاااود .. دياالك؟؟؟؟
مصعب:اه دياليي .. كنزززة ديااالييي
تيمور علا بونية مكورها ناوي ينزل بيها على حنكو:غااننن..
حبسو صوت كنزة العالي كاتمتم و تشهق و تدور فراسها يمين و شمال:لا لا لا لاااا بعدووو منييي بعدووو ... علييييي لاااا، ت ت تيموور عاونييي .. تيموووووور 😭😭😭
قرب عندها ببطئ كايشوف فحالتها .. حط يديه عند شعرها و همسلها فوذنيها:تيمور هنا معاك .. تيمور مع قلبو دابا، مع قلبو و روحو
كنزة شداتلو يدو كاتشهق:هئــــنننــهئ ت تيمووور (حلات عينييها بشووية كاتعرااق و اللون هارب منهاا .. شافت ملامحو قداامها .. عاودات غمضاات عينيها و حلاتهم و تيمور مزيير على يدها كايشوف فييها بحناان همسات بصوت ضعيف) تيم
تيمور دوز يدو على ملامحها مبتاسم .. جا ينطق سمع صوت الباب تشعط حتى انتفض جسدها بخوف .. دور راسو مبانلو حد مزال فالبيت، صاط بقووة و قرب باسها فجبهتها كايهمس:بخير دابا؟
كنزة حركات راسها بالنفي:لا لا مانحتاجش صبيطار .. انا بخير غيي تهنى، و ولكن شكاديرر هنا نتا؟؟
تيمور دوز بإبهامو من تحت عينيها بهدوووء هامسلها:تشوشت عليك بزااف مللي ماجيتيش للشركة على داكشي
كنزة تبسمات بحزن كاتفكر شنو وقع البارح .. تمتمات:علي تشلل
تيمور حل فيها عينيه بتفاجئ .. كان عارف حالتو خطيرة ولكن ماعرفوش تشلل:ش شنو؟؟
كنزة بصوت خافت:ع علييي، خويا .. تشلل
تيمور قربها لحضنو محاملش الوضع و ضمها بقووة مغمض عينيه .. هي تخشات فييه محااوطاه بيديداتها بزووج بقووتها الهزييلة، حابسة دموعها اللي باغيين ينزلو بالزز
قالت بصوت مبحوح:ماكنتش باغالو هاد الحاالة
تيمور غزز على سنانو كايتمتم بحقد:شششش ماديريش هاد الحالة .. هادشي مكتاابلو
كنزة بعدات من حضنو كاتمسح فدموعها:اه مخاصش نبكي .. البكا مغايفيد فوالو، أهم حاجة أنه حي دابا .. (ناضت ببطئ متاجهة جيهت الدوش كاتمتم بصوت خافت) واخا مايستاهلللش هاد التشليلة ولكن .. (سكتات شوية مكملة هضرتها بهمس خافت) يستاهل مااكثرر (تيمور فهمها عوجة من هضرتها اللولة اللي سمعها بوحدها)
طول فيها الشوفة مخنزر و قال مللي وصلات لباب الحمام:بقاي تلبسي حوايجك و نتي ناعسة
كنزة شافت فيه باستغراب و هبطات عينيها لشنو لابسة .. كانت بصوفيطمة صماطي و سليب .. تبسمات بهدووء و شافت فيه:راني لابسة دابا .. أصلا كانعس عريانة بعد الخطرات
تيمور وقف يديه فجنابو مطلع فيها حاجبو:واش بريتي ولا غي جابلي الله؟
كنزة:حاسة بشوية دحريق الراس ولكن شوية .. علاش؟
تيمور:غسلي وجهك و اجي عندي نقولك علاش
سدات عليه باب البيت و هو يمشي للدريسينغ ديالها .. جبد منو سروال ثوب عملي مع بودي و كاب فوقهم و خرج كايشوف فيهم .. بانتلو خارجة من الحمام مشا عندها و عطاها الحوايج فيديها:لبسيهم غانخرجو
كنزة شافت فيه بعصبية:بشويييية مااالك كاتغوت مانخااافوش ولا شنوووو
تيمور قرب عندها لايح الحوايج فوق الفراش قدامها:بصفتك العبدة ديااالي دااااابا نفذيييي باااش آمرتك
كنزة وقفات معلية راسها فييها حتى بقا كايضرها من قوة طولتو:نتا عيقتييييي بزاااف عليا بهاد الأوااامر دالزمر😡
تيمور جرها من ذراعها كايخنزر فيها:ديري اللي قتلك و بلا ماتناقشيني .. راني شاد راسي بالزز باش ماننزلش نخسسسر عليييه رصاااصة وحدة وسط جبهتو تقطع نفسووو من هاد الدنيا و تهنينيي من سيرتو
تيمور ربع يديه ببرود متبسم بالجنب:بصفتك مراااااتي بكل بساااطة ياكما نسيتي عقد النكااح اللي وقعتيه أزوينة ديالييي (غمزها مبتاسم بالجنب و هي تتلون باللون الاحمر بسباااب عصبييتها ولات حمراء غاتطرطق و داايخة و مريضة و مزمرة و زايدها هو بزمرو)
تحل باب البيت بالزربة دااخل مصعب مزيير على قبضتو كثثر من اللول صااعر من شنو سمع:أش قلتي نتاا دابااا؟
تيمور غا دخل صوتو لوذنيه رد كنزة وراه مدرق مفاتينها البارزيين بحجمو و تمتم ببرود:كاتصنط على راجل ومراتو؟
كنزة شافت فيه من ورا تيمور .. بغات تنطق و هو يزيرلها على يدها بقووة .. نطرات يدها من يدو بقووة و تمتمات بحدة:طلق مني نتا، صافي طلعتولي فمخيي بجووووجكمممم غاتحمقوووني و تمرضوووني كثرر مانا مريييضة .. و نتا اللي سمعتيه صحييح و دابا خرجو خليوني نبدل عليا
مصعب حس بانقباض فصدرو و خنقةةةة كبيييرة:ك كيفاش هادشييييي اكنزة .. كيفاش و و نتي مشيتي على قبل التح..
قاطعاتو كنزة بصوت عالي مجبدة فيه عويناتها:سكاااات و خرج
مصعب طلعها و نزلها بعينييه بعصبية و نظرة خيبة أمل كبيييرة، مشا ضرب بالبااب بقووة .. ناددم على النهاااااار اللي قتارح علييها شي تحديي
تيمور شاف فيها بجدية:صافي ساليتو؟ وااااالبسي حوايجك و بلا ماتجمعي قشك .. اللي بغيتيها غاتكون حاضرة عندك .. غانخرج نشوف داك العاشق المجروح لانداويه بشي كليمة
كنزة شدات راسها مزيرة عليه بيدييها حاسة بأنه غايتشقللها .. مداتهاش فيه حتى خرج من البيت .. جلسات فوق الناموسية بقووة و تمتمات ببغض؛شييييت فاااااك ميييييي اععععععع (لاحت المخاااد اللي فوق الفرااش بقووة .. و ناضت كاطلع السروال و تلبس البوودي و تمتم بعصبية)
-ماكرهتش نشد الفردي و نخوي فدين مهم رصاصة للوااحد و نتهنى تفووو .. اللول كايستافزني و الثاني مباغياش نجرحوو .. عارفااك حاس جيهتي شي حاجة ولكن سمحلي أمصعب .. عمرني نقدر نتقبلك فحياتي كثر من صديق و أخ، حنانك عليا بالنسبة ليا انا مجرد حنان أخ .. داك الأخ اللي فتاقدتو فحياتي نتا عوضتيه .. (شدات الكاپ غاتلبسو و هي تكواانسا بلاااصتها مصدووومة من صوت القرطااس جاي من لتحت .. حساات بتواازنها اختل و قلبهاا ضررب بسررعة و خووف .. فشلااات عينييها خارجييين كاتمتم) م مصعب .. ق قتلو لاااا لااا (مشات كاتجري خارجة من البيت .. وصلات لراس الدرووج و هي تحس بالفشلة شادة راسها بقووة كاتشوف فتيمور و مصعب كل واحد على حدى قلبها بغا يسكت من المنظر اللي شافت)
🏙 شركة الفرعون الضخمة 🏙
مع وصولها لداك الطابق المحضور لجميع الموظفين تقريبا من غير القلة القليلة، مشات مبااشرة لمكتب عند يميينها فممر طوييل .. طالونها الأحمر كايتقرقب مع الأرضية اللامعة الجمييلة و النظيفة .. عابسة بملامحها و شعرها اللي طالقاه كايفلتلها للجناب فكل خطرة، وقفات عند باب مكتبو و حلات الباب باندفاع داخلة لعندو باغا تشكي عليه ولكن مع الدخلة مع قرنات حواجبها بنظرةة حااادة مشرااارة و تمتمااات بصوت عاالي
-جوزييييف
جوزيف كان واقف كايشوف فبنت قدامو .. كاتمسحلو فلباسو بمنديل حريري، المنظر كان عادي فاللول ولكن مللي بانولها كايدويو و يضحكو فحالا معارفيين من زماان ماشعراتش براسها حتى غوتات .. شاف فيها بالزربة و كحز البنت من قدامو باغي يهدنها عاارف غيرتها و عارفها دغيا ذماغها كايفهم المواضيع غلط وكاتبقى تتوقع من راسها حاجات مكاينينش
جوزيف بصوت هادي:شيما .. دخلي أحبيبة
شيما كاتغزز سنانها و تشوف فيه و ترجع تشوف فالبنت مخنزرة .. حتى لشوية و فكات تخنزيرتها مستغربة:عذرااا هادي نتي؟؟
عذرا مبتاسمة كاترد خصلات من شعرها ورا وذنيها:شوشو حبيبة صافا؟؟
شيماء ومآتلها براسها بابتسامة صفرا و شافت فجوزيف كاتقولو شرحلي شكادير عندك غا بعينيها و حجبانها
جوزيف مشا لعندها مبتاسم باغي يهدنها .. هو مامثيقش أنهم عتارفو لبعضهم بالحب ديالهم، أكيد مباغيش شي حاجة تنوغش علاقتهم الجديدة .. شدلها يدها قبلها بهدووء و عمق و شاف فعذرا:هادي هي حبيبة قلبي اللي دويتلك عليها
عذرا بابتسامة:اوووه اذن نتا كاتبغي بنت عمة تيمور
جوزيف ومألها براسو:بالضبط
شيما بفضاضة:شكاديري هنا؟؟
عذرا علات فيها حواجبها باستغراب:أنا .. هههه مشيت نشوف تيمور فاش مالقيتوش دزت نطل على جوزيف و بغيت نسولو على واحد الإشاعة سمعتها مؤخرا
شيماء شافت فيه مبتاسمة كاتقرصو فجنبو و هو كايعوج جنبو حاس بالنغييز:اه طبعا هههه .. مرحبا بيك أحبيبة فوقاش جيتي من السفر؟
عذرا:غي مؤخرا و بديت الخدمة هنا فالشركة .. راكي عارفة ولد خالتي هو مولاها
شيماء تبسمات:اه اه عارفة .. متنسايش راه ولد خالي و انا فالشركة قبل منك نتي
عذرا تحنحنات حاسة براسها غير مرحب بيها بين هاد الكوبل:الموهيم .. بغيت غي نسول واش بصح تيمور عندو علاقة مع ديك المصممة؟؟
جوزيف جا يدوي و هي تقاطعو شيماء مبتاسمة:أااااه ههه كنزة هاديك الزين و الظرافة صراحة جاو مع بعضياتهم هههه .. راهم كايتحاابو و بزااف .. ناااري خاصك تشوفي مللي مشينا مؤخرا لفرانسا مجموعين .. ياااي عرفتي ديما كايتقنتو فشي بلاصة و يبقاو يترومانساو هههه، كايخاف عليها و يحمييها .. اححححح كوبل كايحمق الله يحميهم من عين الحسووود يا ربي اللي يبغي يفرقهم تعمى عينوو (خمساتلها قدام عينيها دايرة راسها كاضحك و عذرا قربات تطرطق وجهها ولااا حممممر)
جوزيف حنحن كايخنزر فيها:شيما شششش صافي حشومة🤫
عذرا كاتزير فقبضة يدها مغززة على سناانها كاتشوف فشيما بنظرة كاارهة .. قالت بغيض:و علاش كادوي عليهم نتي بهاد الطريقة هااا؟؟
جوزيف باغي يهدنها:عذرا .. تكالماي .. راه من اللول نتي كاتعرفيه مشادش خط واحد
شيماء مشات جلسات فواحد الكرسي:ولكن مع كنزة بانلي خطها شااد مزياان، نتي علاش سولتي؟ يااكما باقا كاتبغيه؟؟ ماتنساايش أنكم كنتووو زمااان مخطوبين و لكن داكشي فاات و دازو عليه سنييييين .. يعني ماعندك لاش تنفاعلي هاكا
عذرا بنرفزة:غانمشي دابا عندي خدمة كثيرة
مشات جيهت الباب كاتخبط رجلييها مع الأرض بقووة و تمتم بكره و عصبية:مستحييل نخلييه لييها .. تيمور من زمان دياالي كون كانت كملات خطوبتنا كنا غانكونو دابا مزوجين و مكانتش غاتكون عندها فرصة قدامي .. و حتى دابا مغاتكونلهاش فرصة (شعطات البااب بقووة مع تسدات مع تاجه جوزيف عند شيماء مخنزر)
-نتي مالكي كاتعطيها من تحت لتحت
شيماء بعصبية:المبعككة لوخرى تمشي تعاودها لمخها تفوووو (خنزرات فيه) و نتااا اش كانت كادييييرلك هاااا .. جالسة كاتمحلس علييك
جوزيف تأفأف:واراه القهوة هرقات
شيماء خرجات فيه عينيها:ماشي سوووقي انا .. آخر مرة ندخل و نلقاكم فهاد الوضع .. براكة غي شنو فيا ماتزيدنييش هم الغيرة
جوزيف: ماتخافيش .. انا دويت مع تيمور و هو غايحل هاد المشكل
شيماء طلقات ضحكة عالية:ههههههههه غايحلها؟؟ و ها هو ماحلهاش ألحبيب ديالي، دوا مع ماما و فاش خرجات من عندو جات مباشرة عندي كاتغوت و تقوولي غاتزوجي بالزز منك .. أنااااا مغانقبلش بيه واخا نعرف نهرب غدا .. كتاشفت ان ماما عندها عقلية متخلفة، وااش حيااتي انا اللي غانعيييشهااا غاتختاارلي شكون نتزوج بيه واماحاملااهش .. كانتخاايل أننا نكونو فبلاصة وحدة بزوج و نباتو فنفس البيت مكانقدرش ييييييع تفوو تفووو
جوزيف خرج فيها عينيه:نتيي واش عارفة شكاتخرااي من داك الفمم و قداااميييييي .. سحاب لمك داوية مع شي صاحبتك ولا شنوووو؟؟؟ انا شمااتة اللي تقوليلي هاد الهضرة؟؟ كاتخاايلي حياتك مع وااحد آخرررر من غيييري ياااك
شيما تحنحنات عاضة على لسانها من لداخل .. زلقلها ومشاات بالهضرة:احمم صراحة مارديتش البال لهضرتي .. سمحلي
جوزيف وقف طالعالو:وابقاي تردي البال رحم باك انا مناقصش أعصااااب باش تغدديني هاكا، لا مانفعش تيمور و ماماك بقات ميبسة راسها غاندوي معاها أنا
شيما بقلق:لا لا بلاش عفاك
جوزيف:كيفاش بلاش و نتي قريبة تضيعي من بين يدي .. سبقلي و خبرتك صبعك مستحيلل يلبس خاتم واحد آخر من غيري
جوزيف تأفأفات واقفة:بفففف حتى انا مجانيش النعاس البارح كانفكر .. جيت باش نشكيلك قبايلة وانا نزيد نتعصب مع ديك المونيكة اللي كانت هناا
جوزيف تبسم و قرب عندها كايضحك:نتي وااحد المغيارة منك مكاين ههههه
شيما تبسمات:هههه عارفة
جوزيف جرها عندو بالجهد عنقها بقووة:شهااد الريحة الغزاالة امممممممم (كايزير عليها و هي كاضحك محاوطاه كاتمخشش فيه)
شيما؛ههههههه خنقتيينييي
جوزيف رخف عليها شوية و نزل راسو كايبوس فوجهها:أوووووو على خذيوذاات و على زيين ناكلك انا يااك اممممم (نزل لعنقها كايبوس بمشاغبة و هي كاضحك و تعوج بين يديه كايهرها)
شيما بقهقهة:هههههه جوزيف كاتهرنييي اممممم لا لا عفاك أااي نااري لا ماتمصصش
جوزيف كايمصلها فعنقها بنهم حتى كايخلي طابع ملكية حمييمر مزيير على خصرها بيدييه .. همسلها:ماكرهتش نااكللك .. من زماان وانا كانحلم بهاد الشدة هادي اللي نشدك ونزوققلك هاد العنق اللي كنتي كاتخليه عريان بعلاماات ملكييتي اناا .. .. تعاودي تخلي شعرك مجمووع نخلط مك .. اوووو بلاتي نشوف بلاتي (دوز لسانو من عنقها ببطئ حتى تأوهات بصوت عااالي كاتضحك و تتغنج بين يديه، همسلها) طوول عمررك غاتطبعي غي بعلاماتي انا و غاتكوني غي ديالي انا بوحدي
شيماء بتاسمات مبعدة اللور مزنگة .. كاتشوف فوجهو و ملامحو بحب و عشق .. حنات عينيها لشفايفو .. نظرة مثملة و حتى هو كايبادلها النظرة فشفاايفها، تقاربو ببطئ منجااذبيين فحاال المغنطييس لبعضهمم .. يلاه جااو ينغمسو فتقبيل بعض ثاني، صوت عالي دهاتف دوى فجمييع أرجااء المكتب خلاهم يتباعدو بشووية كايشوفو فبعضهم مساخيينش و دار جوزيف لتليفونو، هزو كايشوف فنمرة المتصل و يلعن فيه على الوقت الغير مناسب .. جاوب مخنزر
-شنو، كيفاش؟؟ أهه؟؟ ايواا؟؟ لا لا ماتقولهااش! موصيييبة هادي
شيما كاتشوف فيه باستغراب:شنو طاري؟
جوزيف:واخا انا غانشوف شنو كاين ونتاصل بيك
قطع وشاف فشيما هاز حواجبو
شيما:شنو كاين شوشتيني؟؟
جوزيف صااط بقوة كايتمتم:مووصييبة أشيمااء موصييييبة و طاحت على راسنا
كنزة فراس الدروج كاتشوف مرة فتيمور مرة فمصعب حاسة بقلبها طاح لسلييبها من الخلعة اللي تخلعاتها .. تأفأفات بقوة كاتمتم بصوت خافت
-دوليبران اففففففف
فالصالون لتحت .. واقفين تيمور و مصعب كايشوفو فدوليبران و رجالو اللي قتاحمو الفيلا على غفلة هاجمين عليهم
دوليبران المسدس فيدو منيش بيه جيهت مصعب:نتا ماشي تافقنا على جوج سيمانات و نشد فلوسي؟؟
مصعب بعصبية:هادي طريقة كايدخلو بيها النااس!
دوليبران مخنزر:عطيييتك مهلة كثر من جوج سيمانات و تعطلتي .. اذن خاااصك تعطيني 80 مليون فعوض 50
مصعب بعصبية:بنتلك عندي الملاايرر مخلعيين ولا كيفااش؟؟
كنزة نازلة فالدروج بالزربة:اش طاري هنا ثاني؟؟
دوليبران شاف فيها مبتاسم:اهلا اهلا بزينة البناات .. نورتينا سانيورة
تيمور جرها من يدها بقوة دارها وراه كايتمتم بعصبية:علاش جايا لهنا مكاتشوفيش السلااح
تيمور بحدة:نتا أش باغي هاجم على هاد الفيلا بهاد الطريقة ؟؟
دوليبران بحدة مخنزر فيه:و نتا شدخلك أداك الزوين؟؟
تيمور تبسم بالجنب:هه مغانديرش فيك راسي حيت غانضرك
مصعب قرب عند دوليبران:هادشي بيني و بينك أجي ندويو فيه بيناتنا بلا دخلاء (خنزر فتيمور بحدة و شاف فكنزة بنظرة عتاب خااطفة و قرب عند دوليبران كايتمتم بصوت خافت) .. المبلغ اللي طلبتيلي كبير بزاف و أنا شركتي ماكبيراش بزااف يعني لا عطيتك داك المبلغ راه غايجيني إفلاس .. خاصك تنقص منو .. زيادة على أنني مغانقدرش نجبدو دقة وحدة
دوليبران طول فيه الشوفة عاقد حواجبو وزاح نظرو للجنب شاف فتيمور كايطلعو و ينزلو بعينيه و قال بحدة:لاا .. فلوسي نبغيهم دابا و إلا مغايعجبك حال و كاااش ماعنديش مع الشيكات
تيمور قرب عندو مكنزز على جسمو .. ضربو بكتفو حتى رجع دوليبران خطوات اللور قرب يطيحو:اش قلتي؟؟ يطيرولها راسها!!
دوليبران طلعو و نزلو بعينيه عاقد حواجبو بشدة:غاتبقاو غا تسولو هنا .. عطيوني رزقي نتقاود فحالي
مصعب بقلة صبر:مغتاخذش من عندي الرياال يلاه خرج داباا برااااااا (غوت بنبرة عااالية حتى)
علا دوليبران المسدس عليه مخنزر:شفتك فحااالا كاتغووووت
كنزة شهقات بخوف:مصععب .. ت تيمور عاونوو عفاااك
مصعب خنزر فيها:حد مايقرب هادي مسألة شخصية و مانحتاجش اللي يعااونيي
دوليبران:عطيني رزقي
مصعب:خديت 5 دالمليون غانردهالك هي هاديك .. بغيتي هو هاداك مابغيتيش سير *وي مك
دوليبران تغدد و تعصب من هضرة مصعب المستفزة .. أصلا مصعب معصب و ماعندووش الگانة لهاد بنادم اللي ضهر فقلب دارو بلا احم ولا دستور، براكة عليه غي الخبر اللي نزل عليه أكثر من الصاعقة و خلاه يبغي ينفاااااجر و ياكل رااسو من الغدايد دالعلاقة اللي صنعها هو بيديه
ضغط دوليبران على الزناد بسرعة و بحركة سرييعة منيش لكنزة خرجات الرصاااصة سريييعة غادا جيهتها، شافو فيها مصعب و تيمور دقة وحدة مغوتييين بسميييتها "كنززززة" بأعلى صوووت عندهم حاسين بقلبهم وقف و عاود رجع يدق فاللحضة اللي تطلقات الرصاصة ..
سمعو صوت غوووتة أنثوية جاية من جيهت الباب .. كانت غي كلير اللي عاد داخلة مع سي گي بعدما دارو على مجموعة من الشقق باش ينتاقلو فأسرع وقت و عاد كي رجعو .. مع دخولهم مع تصدمو بشنو طااري و كلير غوتات بصوت عاالي
-ش ش شنو ه هااااادشييييي ك كنزة
بانتلهم مخرجة عينييها كاترعد و تدور فعينيها و تشوف فدوليبران كاتصرط فريقها و تشوف جيهت الرصاصة اللي ثقبات الحيط موراها
مصعب يديه حسهم كايترعدو من خوفو عليها و هي كاطل من ورا تيمور غي بعينيها كاتشوف فيهم و تغزز سنانها يدييها زيرو على تيشرت تيم اللي كاايغلي قدامهم .. مثبتها ماخلاهاش مزال تتزحزح من خوفو عليها
مصعب بنبرة صوت راجفة:فالليل نجيبهوملك .. صبر عليا نخرجهم من البنك
دوليبران تبسم و جمع مسدسو:دابا دوييتي ههه .. قولي السانيورة عزيزة بزاف لدرجة 80 مليون جاتك رخيصة مقارنة مع روحها يااك
مصعب طول فيه الشوفة كايعض على سنانو بقوة حتى حس بطعم الصدأ فلثتو:فحال داكشي
تيمور جر كنزة من يدها حاوطها فوسط حضنو مخبيها من گااع دوك الأعين ومشا خارج بيها من الڤيلا متخطي رجال دوليبران بسررعة كايخنزر فيهم و ينهج حااس بقمة العصبية، و هي كاتنتر منو و تشوف للوراء:مصصعب .. بلاتي نتا طلقني بغيت ندوي معاه.. مصعبب ..
تيمور زيييرها كثثثر هزها بين يدييه و هي كاتفركل حتى وصل بيها لطموبيلتو .. حل الباب و حطها لفوسطها كاينهج و يشوف فيها بحدة:نتي غايطرطقلي شي عرق شي نهار بسباابك .. شحال من واحد مات مؤخرا غي على قبلك .. شحااال من موصيبة كاادخلي فيييه .. واااش مكاتقاااضااايش أوجه المصاااايب
كنزة كاتشوف فيه بعينيها بحدة و كاتنهج:ماباغاش نمشي معاك انااا .. م مصعب محتاااجنيييي خاص نعاونووو
تيمور:ماشي بعد هادشي اللي طرا اليووم عمرك مزاال تبقاي هنا معاااه دخلييييه لراااسك القاااصح (شعط عليها الباب و دار لبلاصتو ركب وديمارا بسسرعةةة)
كلير قربات عند مصعب بعدما خرج دوليبران و رجالو:كنزة برات .. فين خداها هداك؟
مصعب شاف فيها بنظرة منكسرة و تمتم بصوت خافت:هداك راجلها (سكت شوية كايشوف فنظراتها المصدومين فيه هي وسي گي) مشات مع راجلها
مشا من قدامهم مزروب خارج لبرا حاس بقلبو مقبوووض مزييير .. خبر زواج كنزة من تيمور مابغاش يتصرطلو ولا يتهضملو ولا يتقبلو
🚗 الطريق السيار 🚗
كنزة كتتهزهز فرجليها و تفكر فنظرات مصعب ليها:اووووف
تيمور شاف فيها بنص عين:مالك من الصباح و نتي تصوطي؟
كنزة شافت فيه مخنزرة:كولشي بسباابببك علاش جبدتي حس شي زواااج
تيمور تبسم بالجنب:باغا تنكري راجلك حبيبك؟
كنزة خنزرات فيه:اوووف مصعب مسكين بقا فيه الحال و عاد معارفاش واش عندو المبلغ كامل .. خاص نعاونو هو عاونيي بزاااف
تيمور ببرود:ساكنين فكوريا و كل خطرة مبدل طموبيلتو و كل خطرة شاري ڤيلا و لا دار .. ماتخافيش يبيع غا جوج ديور من دوك اللي مخليهم فكوريا يعطي للراجل فلوسو
كنزة تنهدات بقوة:بقا فيا
تيمور شاف فيها بنص عين مستغرب:ياكما كاتبغيه؟؟
كنزة خرجات فيه عينيه:أش كاتقوول نتااا
تيمور خنزر فيها:لاكنتي كاتبغيه قلببببك نجبدو من بلاصتو و نشتف على دينموووو .. هداك ديالي بوحديييي يدق دقة وحدة لواحد آخر يولي فخبر كااان
كنزة بعصبية:هداك صديييقييي .. خووويا .. سندي الوحيييد فهاد الدنيا
تيمور شاف فيها باستهزاء:سندك الوحييد؟؟ و خوك علي؟
كنزة تفاجآت من سؤالو المفاجئ .. دورات عينيها للجنب و تمتمات بصوت خافت:صوگ و سكت براكة من كثرة البلا بلا
تيمور مجاوبهاش .. صايك حتى وصل بيها للفيلا ديالو اللي كايجيبهالها ديما .. نزلات هي اللولة من الطموبيل غادة لداخل .. وقفات فالباب كاتسناه يلحق عليها .. وصل لقدامها شاد تليفونو مستغرب من كم الاتصالات الهااائلة اللي وصلوه من عند جوزيف و شيماء و ناس أخرين من فرانسا و بزااف خلا التليفون فالطموبيل و صيلونص ماردلوش البال .. حل الباب مدوز الخط لجوزيف هو اللول وعطا المجال لكنزة تدخل هي اللولة
دقائق وتفتح الخط:جوزيف؟ اشنو واقع؟
جوزيف:تيمور فين غابر أصااحبيي
تيمور باستغراب تابع كنزة اللي داخلة كاتشوف فالأرجاء مامداياهاش فيه حتى حسات بشحطة فمؤخرتها .. شافت فيه بتفاجئ شاداها و هو يشيرلها بصبعو كايتمتم بصوت خافت:دينمك نسالي الاتصال و نتفاهم معاك على هاد التقزاب .. فين الكاب؟؟؟؟
كنزة خنزرات فيه:تفو على مريييض
جوزيف فالتليفون:تيمور واش سمعتيني؟؟
تيمور عاد نتابهلو:اه نعام جوزيف ماسمعتش؟
جوزيف تنهد بقوة:الفندق اللي ففرانسا
تيمور باستغراب:مالو؟؟
جوزيف:تعرض لهجوم إرهاابي ماتو فيه 20 واحد و 17 فحالة خطييرة
تيمور وقف مسمر فبلاصتو مصدوم:نتا أش كاتقول أجوزييف
🔮بعد مرور شهر كامل🔮
كاتجري جنب البحر .. فأول سويعات الصباح .. الشميسة حاامية و عنقها عرقان .. التيشرت اللي لابسة لااصق عليها .. الكيت فوذنيها بموسيقى محيحة مخلياها غادة و تزيد فحماسها فالجري .. حتى تقطعات الأغنية و سمعات صوت تليفونها كايصوني .. وقفات للحضات كاتستارح و تنهج .. و جاوبات فتليفونها
-ألووو (صدرها كايطلع و ينزل و قطرات العرق كاتصبب منها)
تمتم بصوت خاافت كايتفوه:شحال من مرة كانقولك ماتزيريش على ديك الطرمة يا بنت الإيه؟؟
كنزة صاطت بعصبية كاتشوف جيهت البحر:واش ونتا هنا محمقلي مخي و نتا ففرانسا غاتحمقلي مخي كذلك؟؟
تيمور بنبرة غااضبة:غاتسناي غانجي نوري لطاسيلت مكك الضد و العرا و التزياار و ديك الدار اللي مشيتيلها ثاني .. علاش خرجتي من الفيلا اللي خليتك فيها؟؟؟ ساكنة ثاني مع داك الزامل
كنزة كاتمشى جيهت الطريق مخنزرة:واش كل نهار غاتصبح عليا بهاد الخراا ديالك
تيمور بنبرة خبيثة رجوولية هاامسة:غا كانبغي نفكرك فيا ألعبدة ديالي الزوينة هه .. شهر وانا هنا باغي نحل هاد المشاكيل اللي طاحو عليا خطرة وحدة .. الأوطيل اللي تفرگع ماتو فيه ناس كباار .. أصلا كايجيولو الأغلبية المسلمين .. ولاد الكلاب دارو اتفاقية ضد اوطيلي تافقو يفرگعوه باغيين ينتاقمو من المسلمين ففرانسا ولكن انا حالف مغانرجع للمغرب حتى يتشدو كااع اللي مشاركين فداك العمل الارهابي
كنزة تأفأفات بصوت مسموع كاتنهد .. حاسة بالشوق لشوفتو قبالتها .. كل صباح كايصوني عليها ولكن متشاوفوش طول شهر كاامل .. حسات براسها توحشااتو بزااف .. حاسة بأن وجودو رجع حاجة أساسية فحياتها .. تمتمات بعبوس طفيف:و الماركة غاتطلق غدا .. مغاتجيش تحضر للحفلة؟ راك نتا مول الشركة خاصك تكون ضروري .. علاش مصمم تتطلق غدا
تيمور وقف كايتكسل كان فوق الفراش اللي فغرفتو فأوطيل آخر ماشي ديالو:ماشي مهم نكون كاين .. اهم حاجة كولشي اللي طاري تم عارفو .. دابا غانقطع .. عندي حاجات أهم من هاد الهضرة معاك
كنزة مساخياش بيه:اصلا غي مدوزة بيك الطريق هانا وصلت للعمارة .. تلاح
تيمور بهمس:داك الفم اللي كايقول تلاح غانعضوو لمك أول مانشوفك
كنزة قاصت شفايفها كااتتخايل ديك اللحضة و دقات قلبها كاتخفق بسرعة .. همسات بصوت أنثوي خفيف:أنا غانبوسك بوسة كبييرة من شفايفك (عضات على لسانها بقوة عايقة بشنو قالت .. تنحنحات بصوت عالي حاسة بحنوكها تزنكو و قطعات الاتصال فالبلاصة .. خلات تيمور مبسم بعمق كايشوف فصورتها المعلقة قبالتو.. صورة كبييرة مكادرية .. دوز قرون صباعو على شفايفها و تمتم بهمس و نبرة فيها شوي من الشووق و الشهوة)
-توحشت هاد الفم، كنزتي غدا غناكلو لمك
🎈المغرب🎈
فشقة كبييرة و واسعة متكونة من أربعة غرف وااسعين و كبار .. مطبخ و حمامين و جوج صالات
فصالون من الصالونات .. جالسة الفتاة الأمريكية كلير كاتفرج فبرنامج للمواهب وتكركر معاه .. عينيها مرة فيه مرة فالكوزينة اللي جات مقابلة معاها، الشقة مفتوحة على بعضها حاضية سي گي اللي كايطيب و يصفر و يشوف فيها و يغمزها
كلير بصوت عالي:حبيبي زييد الحاار
سي گي ومألها:واخا واخا
كلير ناضت واقفة مللي جا الإشهار، مشات عندو كاطلو على المقلة:مممممم باين هادشي كايشهي
سي گي بتاسم:نتي كاتشهي كثر هههه
كلير تكات على كتفو كاضحك و تنقب من الصوصيص اللي كايطيبو مع البيض:و فوقاش غاتسالي خلااص فيا الجووع باغا نفطر
سي گي تبسم و قرب لعنقها باسها بوسة خفيفة:حتانا باغي نفطر هههه
كلير تبسمات كاتشوف فيه و تنهد:هااح على زماانيي .. فوقاش غانديرو العقد دابا؟
خارج مصعب من بيتو كايحك فعينيه مشافش كنزة اللي غادة كاتغبن حتى تساطحو مع بعضهم .. شاف فيها بهدوء و انزاح للجنب الثاني غادي للحمام .. كنزة دارت شافت فيه معبسة شهر و هو كايتفاداها و الهضرة قللها معاها .. قلييل فاش كاتشوفو حيت كايقيل خارج الدار .. بغا يبدا مشروع شركة جديد فالمغرب دالأزياء .. دخلات لبيتها كاتنصل حوايجها و تمتم بعصبية
-تفو ماعرفتش علاش الحب كايديرر هاد الحالة .. يعني حنا أصدقاء و من اللول عارف عمرني نكون معاه بصفتي حبيبة اوووف .. كان يقدر يمشي لكوريا من زمان بلا مايطول الوقت بحجة الشركة الجديدة ولكن كولشي من تحتك نتي أكنزة .. مصعب أحسن صديق فالدنيا و فنفس الوقت سند نقدر نعول عليه و لكن عمر تكون بيناتنا شي حاجة كثر من هاكا .. هو مجرد صديييق و بس (مشات للبلاكار كاتهز فواط و ماتلبس و خرجات من البيت جيهت الحمام الثاني باش تدوش)
💰الشركة💰
داخلين جوزيف و شيما مع بعضهم للشركة مخنزرين هذا مكايشوف فهادي
جوزيف بعصبية:نعاود نشوف مك لابسة داك الخاتم ولو غي فصبعك الصغير نقرطووولك
جوزيف بعصبية:شيما ماتنيرڤينييش .. انا راني على أعصابي داابا .. درتي خطوبة و ماقدرت نديير واالو .. يكون فعلمك مغانبقاش مربع يدييي و آخر مرة نسمع انه جا لعندك و بقيتو مع بعضكم على انفراااد
شيما مشات جيهت السانسور طلباتو كادوي و تدير حركات بيديها حتى هي معصبة:و شغانديير فنضرك هوما كايديروها بلعاني باش نتقربو من بعضنا زعما .. كنت كانقول لماما خليينا حتى يرجع تيمور باش نكونو كولنا مجموووعين ولكن هي راسها قااصح و صممات على عشاء رسمي بيناتنا نلبسو الخواتم .. واخا باقي ماعلناش على الخطبة الرسمية ولكن راه رااشمني .. (جوزيف جرها للسانسور مللي تحلل و قنتها مع المراية دياالو مخنزر فييها .. هي تكمشات فبعضها كاترمش بخوف و تحنحن قالت بنبرة فحال شي مواء دشي قطيطة) هادشي اللي قالتلي ماما
جوزيف طول الشوفة فيها كايضغط على العضوومة دفكوو بققوة و يتمتم:شبانلك نتزوجو و نمشيو نقولوهالهم نحطوهم امام الامر الواقع .. مايقدو يقولو والو ديك الساعة
شيما بنفي قاطع:لااا مستحيللل .. جوزيف هاديك عائلتي و نبغي نهار عرسي يكون فخباارهم .. حتى انا كانفكر فحلول لدرجة انني فكرت فالهرب ولكن شفت ان داكشي ماشي حلل .. يعنيي فالآخير هادوك كايبقاو عائلتيي و عندهم حق عليا .. و ماما شحال مابقات ميبسة راسها غاترطاب (تحل باب السانسور .. نزلو قد قد .. جوزيف كايتنهد بقووة حااير) غايجي تيمور و نقولو يدوي معاها نيشان هاد الخطرة .. هو اللي يعرف يقنعها ماشي فحالي أنا اول مشافتني مشات و خلاتني بلاكة مارضات تسمع مني حتى السلام
شيما وقفات قدام باب مكتبها شادالو فيدو بقوة كاتبسم:غانلقى حل انشاء الله .. واخا نعرف ندوي مع جدي و نرغبو يدوي معاها ههههه
جوزيف شاف فيها مبتاسم:لا ماشي نتي اللي تدوي مع جدك .. تيمورر جدك كايسمعلييه بزااف
شيما بتاسمات:واللهيلا فكرة و نيت جدو غايعرف يقنع ماما
جوزيف قرب باسها بوسة خفيفة ففمها:يلاه نخليك دابا .. الخدمة كثيرة عندي فغياب تيمور
شيماء شدات فشفايفها بخجل كادور فراسها لايكون قشعهم شي حد .. غا بانلها حد مكاين تعلقاات فييه و باستو بووستها حتى هي .. ضحكات عينيها كايلمعو بنظرات الحب و دخلات جيهت مكتبها كاتنفس بقوة و تنهج .. هذااا هو الحببب كايجي في لحضة كايدق القلب، مكايتسناش فتراات ولا أعواام ولا حتى يتعارف الواحد .. لااا المشاعر بوحدهم كاينجاذبو لبعضهم و الأحااسيييس كايتكونو بطريقة غريبة و سريعة حتى كايتحول الحب لشغف و هوس و غيرة و تملك .. و گااع دوك الثوابل المراافقة لديك الكليمة المكونة من حرفين "حب"
🎆فرنسا🎆
تيمور فكافي للطبقة الرااقية .. شاد صيكار بين صباعو كايسف فيه و عندو قهوة كحلة قااطعة كايزكف منها و عينيه فشخص أزرق العينين .. شهب مبتاسملو
تيمور باللغة الفرنسية:إذن!! اليوم متأكد غايتشد زعيم ديك العصابة؟
الشخص بابتسامة:وي مسيو تيموغ .. متأكد .. اليوم على حسب اتصالات تلقيناهم فهاتف واحد من دوك اللي تشدو .. غايمشي عميل من عندنا نركبولو ماسك شابه لوجه الشخص اللي تشد باش نشوفو هاد الرئيس ديالهم
تيمور وقف:بون .. مزيان .. و شوف عائلات الضحايا و العملاء كاملين اللي محتاجين للمساعدة ماتنساهمش .. غانوجد مسائلي باش غدا نرجع للوطن ديالي
الشخص وقف مبتاسم صافحو:اكييد كولشي غايكون تحت السيطرة و الحكم ففرنسا صااارم بزااف .. مللي غايتشدو غايتحكمو أكييد بالمؤبد ولا حاجة اكثر
تيمور ومألو براسو:مزيان .. (مشا من قدامو كايشوف بحدة قبالتو، معصب للعائلات اللي ماتو فالفندق ديالو .. لا العملاء ولا النزلاء كان مصر على عدم رجوعو للمغرب إلا لا تلقى الزعيم دالمنظمة الارهابية و داابا اخييرا تلقى و غايقدر يرجع لبلادو و لخدمتو و لكنزتو اللي بمجرد ماتفكرها الحدة اللي فنظراتو ترخفات و ملامحو استبشرات بهدووء غي مللي تفكرها هي و صوتها و تخنزيرتها و عنادها .. حاس براسو توحشها وحش كبيييييير باغي يفرغو فيها ببوسات مجنوونة فساائر انحاء جسمها الصغير)
🌞يوم جديييد🌞
الساعة الثانية زوالا بتوقيت المغرب 🎈
حطات طائرة خااصة مصبوغة باللون الأسود .. الخاصة بالفرعون، فمطار ابن بطوطة بطنجة، خرج من بوابة المسافرين متاجه لسيارة خاصة ليه كاتسناه .. معاها مجموعةة من البادي كارد للحماية
ركب فالسيارة و نطاالق بسرعة مخلي البادي كارد تابعينو من اللور، هز تليفونو دارو فوذنو مخنزر
-شنو درتو؟ مزيااان هادشي اللي بغيت نسمع .. أهم حاجة تديرو الإحتياطات باش مايتعاودش هادشي ثاني و كانوصيك على قبل العائلات اللي ماعندهمش و ماتولهم ناس أبرياء، فاش تكون عندهم المحاكمة خبرني نجي لفرانسا بغيت نحضرلها بيدي و نسمع الحكم عليهم القواود لوخرين .. يلاه غانقطع دابا (قطع مخنزر كايشوف مباشرة قبالتو و وجهتو محددة .. المزرعة ديالهم باش يشوف عائلتو)
🔮فسونطر دبيوتي هاااي كلاااص للطبقة البوجوازية🔮
كنزة متكية مسترخية و موظفة كاديرلها مساااج بمواد عشبية كاترخي الأعصااب مع موسيقى كلاسيكية هااادييية .. فجنبها كاينة كلير المستلقية على باياص ثاني حتى هي كايديرولها مساج .. مدة نص ساعة و كثر و هوما مكملينلهم المساج حتى شبعو البنات و ناضو يديرو حمام بلدي فالصالون نيت عندهم فيه حمام .. دخلو مرخيااات عطاو للبنات كسلووهم و حكوولهم و فركوولهم .. سلاو الحكان و ناضت كنزة كاتدير فماسكاات لوجهها و لحمها كايرطبو .. و حتى للتوتو ذهناتو بكرييمة مرطبة فيها ريحة الشوكوولاطةةةةة و ما أدراك ما الشوكولاطة 😉 .. رغوات شعرها مسرحاه كاتدوش تدويشة دالغدايد نييت دالحماام و كلير جنبها حتى هي عجبها الحاال و سخناات مزياان .. سالاو الدوش و خرجو ببينوارات بيضات و الحنييكات مزنكيين طالع عليهم السر
كنزة بابتسامة كاتلبس عليها فواحد الڤيستيار جنبها كلير:رتاحينا شوية ياكي .. الدوش هنا حسن من الدار .. زيدي عليها البيوتة بلا دوش خايبين مكاناخذش راحتي
كلير سخفاانة كاتشرب فالما:اففف انا سخفت .. ههههه ناري اليوم مخططة ندير ليلة حمرا مع خطيبي ولكن بهاد السخفة هادي مكانضنش هههه
كنزة حركات راسها بلا هي مزنكة و زاادت تزنكات:ل لاا .. منين جبتي هاد الهضرة .. أ أناا غيي .. احممم غيي تقدي تقولي كايعجبني ولكن مكانبغييهش .. و أصلا حتى لا طحت غانجرو معايا .. مايمكنش ندخل للمصيدة بوحدي
كلير بتاسمات ابتسامة وااسعة:بنتيلي من هضرتك مكاتحبيش ولكن انا حاسة بأنني مالكة الدنيا بسباب حبي لسي گي .. كايقدر فثواني ينسيني فبرزااف دالحاجات .. كايرجعني درية صغيرة بالدلال اللي كايدييرلي .. بتصرافاتو الحنيينة و هضرتو الهاادية و فاش كايبوسني ولاا كايقيصنيي .. كانطيير فالسماا .. حياتي مانقدرش نتخايلها بلا بييه والله
كنزة تبسمات كاتشوف فيها سااهية:الحب ززين ياك؟ كاتبداي تتخايلي حياتك معاه القادمة كي غاتكون و فاش غاتكبرو كي غاتبقاو تنگرو على بعضياتكم والخصامات اللي غايحليو علاقتكم و الغييرة اللي كاتزييدلكم إثارة فيها
كلير شافت فيها كاضحك و تمتمات:هههههههه لا لا مامثيقاااااش واش هادي كنزةة اللي كاتدوييي
كنزة خنزرات فيها و وقفات كاتلبس عليها:اوووف مكاتخليوش الواحد يعبر
كلير وقفات حتى هي كاضحك عليها:أحيااني عليك يالعفيرييتة .. وقعتي و محدش سماا عليييكي
كنزة قلزاتلها كاتميق بفمها و زييراات عليه كي النقطة كاتنفي داكشي اللي قالتو فذماغها تستهزأ على رااسها
-وليتي كي الخرية أكنزة .. وليتي كييييي الخرية تفووووو عليك
🎈مساءا🎈
الساعة السادسة⛅
فأوتيل من أفخم اوتيلات الفرعون، الموسيقى الكلاسيكية كاتسمع من الجردة الفسييحة ذات الديكورات الهااائلة اللي تدارو فيها .. فرقة اوركيسترا معرووفة كاتعزفلهم .. الموظفين دشركة الفرعون و نزلاء الفندق و بعض من رجال الأعمال و زوجاتهم .. مع نساء الأعمال كذلك .. و عائلة الفرعون كايتجمعو فديك الجردة .. صور الأحذية الرئيسية اللي تدارو فجمووعة الأحذية معلقين و كاينة منصة كبيييرة لعرض دوك الأحذية كذلك عبر عارضات كايوجدو راسهم للظهور .. الشمس على وشك المغييب و مجموعة من الحرس توزعو فالدخلة دالقاعة و جنايبها .. دخل جد تيمور برفقة أبنو عبيد و بنتو دينا كل واحد شاد فيه من جيه مبتاسمين كايشوف فالأجواء الجميلة و الراقية .. همسات و ابتسامات من الحضور اللي وصلو بكريي قدامهم، موراهم داخل خليل بوحدو كايقاد فكوستيمو الأنييق و الپاپيون اللي فعنقو .. عينيه كايدورو فالأرجاء و يشوف فالبنات و الحسناوات دالحفلة اللي وحدة كاتنافس مع لوخرى فمن الأجمل و من الأشيك و من الأحلى من ناحية اللبس و كولشي .. تدفق دخول المدعويين واحد مور لاخر و الظلام خيم على الأجوااء .. شيماء واقفة عند طبلة بلا كراسة قدام ماماها االي شداتها كاتخنزر فجوزيف اللي قريبلهم كايدوي مع بعض الموظفين و رجال الاعمال بكاس نبيذ معتق فيدو .. دازو دقاائق عاااد حلاات الحفلة بدخول أربعة أشخاص من ضمنهم تلك الأنثى الرقيقة الفااتنة .. بمشيتها و قوامها وبشرتها البيضاء الحريرية .. شعرها طالقاه راداه للجنب و الميكاب ثقييل دالحفلات مع فستاان راااائع مبين فورمتها كاتحمق و نقاوة جسمها وااعرة .. قدامها مصعب اللي جا بزز منو يحضر بعدما أصراات علييه و سي گي و كلير أيضا .. بلباس جد انييق متشابكين اليدين ..
كنزة:واش أمصعب مكاتفهمش العربية .. شرحتهالك حتى بالكوورية و نزيدهاالك بالانجلييزية (قلباتها للغة الانجليزية) أنااا راه تبزز عليا هاد الزواااج .. خيرني بين الحبس و بين التوقيع على وثيقة الزواج و طبعا انا وافقت .. علااش فنظرك؟؟ واش على كحلة عيونو .. طبعا على حريتي .. و أصلا قالهالي بفمو هادشي مؤقت .. يعني وقت قليل و كولشي غايتفرتكك
مصعب تأفأف محاملش فكرة انها على ذمة رجل آخر دابا .. ماشي على ذمتو هو اللي شحاال و هو يحلم:كنزة صافي .. انا فهمتك ولكن ماباغاش تتصرطلي حتى نتي فهميني بلييز
كنزة تنهدات بقوة واقفين عند طبلة كولهم:اووكي .. بعدا شفتي تصمييميي .. هو هدااك (شارت لتصميمها مبتاسمة) الببغااء
مصعب بتاسم كايصفقلها:براافو قتلك نتي اي حاجة حطيتيها فذماغك كاتصرعيها
كنزة بابتسامة:عارفة أبيبي ههههه
مصعب هز يدها قبلهالها مبتاسم .. حتى سمع صوت من وراه .. دار و هو يعلي حاجبو فداك الشخص اللي خلا ابتسامة كنزة توساع و عينيها يتجبدو فيه تمتمات بسميتو
-خليل .. فين الكبيدة ههه (قربات عندو عنقاتو)
خليل عنقها بدورو مبتاسم:هانا غي هنا .. نتي اللي مابقيتش كانشوفك
مصعب كايحنحن بحدة:احممم احممم
خليل شاف فيه و تبسلمو:سلام (جر كنزة من يدها) اجي معايا اجي
خليل:لا والو غي قررت أنني مغانبقاش معتامد على فلوس عائلتي وغانبدا من الزيييرو
كنزة بتسائل:كيفاش زعما؟
خليل:من خدمتي الطوييلة فشركاتنا قدرت نجمع مبلغ محترم و بهااد المبلغ هذا مقرر نفتاتح بوتيكات دالأحذية النسائية .. غاندير مجموعة دالفروع .. بوتيك فالمصلة .. بني مكادة .. فالنجمة .. فشي زنقة شعبية و غاندير ماركاات دالأحذية غي الفريع و فاللول نبدالهم بثمن مناسب حتى نديرر بلاصتي و نتعرف داك الساع مشروعي يوسااع و علاش لا ندير ماركتي حتى انا و شركتي
كنزة بتاسمات:واااو فكرة وااعرة والله .. كانشجعك عليها
خليل تنهد بقوة:راني كانقلب على المحلات المناسبة باش نبدا
كنزة:و راس المال عندك كافي؟
خليل:يعنيي .. كاين شي براكة غانخلفها
كنزة تبسمات:شبانلك ندخل معاك شريكة فالمشروع و نعاونك بنص المبلغ اللي تحتاج
خليل:كاضحكي معايا؟؟
كنزة بالنفي:لا من نيتي داوية .. انا ورثت فلووس كثااار من بابا ولكن معارفة ماندير بيهم هههه
خليل بتاسم:مزيانة هادي ندخلو شركاء علاش لا
كنزة بتاسمات:صافي متافقين (مداتلو يدها صافحاتو .. حتى هو صافحها مبتاسم .. جا عندهم مصعب قاطعهم مخنزر)
-كنزة .. جيتي معانا بقاي معانا
كنزة شافت فيه بتاسمات:ههههه كنت كاندوي مع شريكي الجديد ههههه غانبداو واحد المشروع
مصعب خنزر فيه كايتمتم؛صببرك يا ربي .. يمشي واحد جي لاخر
خليل باستغراب:شنو قاصد نتا؟؟
كنزة بهدوء:سكتو داابا .. شو شيماء و جوزيف غايقدموني انا .. اوووف كان خاصو يكون حتى تيمووور ماصوناش عليا اليوم ماعرفت ماالووو (قالتها كاتنهد بصوت خاافت)
شيماء مبتاسمة كاتشوف فكروت مربعة فيديها مكتوب فيها اش خاصها تقول .. بصفتها ترقات فخدمتها و ولات زاايدة كراد على كاع المصممين و شافة عليهم:احم .. سيداتي أنساتي سادتي .. نحب نرحب بيكم فهاد الليلة الزوينة هادي .. بمناسبة إفتتاح كوولييكشن جدييدة فماااركتنا الجمييلة .. المجموعة كيفما كاتشوفو فالصور حواليكم .. مستوحااة من الحيوانات .. تصامييم نااذرة و راائعة .. عن نفسي جربت تصميم من التصميمات و انبهرت فيه حيت فعلا سووو أمييزيينغ
جوزيف تبسم كايشوف فيها .. حتى هو جا مقدم معاها لهاد الحفلة نطق بصوتو الشجي:فعلا شيماء عندها الحق .. المجموعة هاايلة .. مع مجموعة من المصمميين المحترفيين فشركتنا الضخمة و المعرووفة .. شركة الفررعوون ..
شيماء:طبعا كيفما شفتو فالصور .. فقط جوج تصاميم من التصمييمات اللي تعرضولكم .. و هادو هوما تصميماتنا الرئيسية اللي منهم تصميمم خااص بالفرعون بنفسو و تصمييم آخر دمصممة جديدة معانا فالشركة ولكن رغم هادشي مببدعة ما شاء الله عليها
كنزة تبسمات كاتشوف فالحضور كايصفقو
جوزيف بابتسامة:هادشي مكاينفيش ان باقي التصاميم الأخرى ايضا هايليين .. من أنامل عبقررية و إلهاام زويين ..
شيماء:دابا .. سمحولي نقدملكم .. المصممة ديالتنا، كنزة اللي دارت تصميم من إحدى التصاميم الرئيسة
كنزة تحنحنات و شافت فصحاابها اللي كايصفقو عليها مبتاسمين .. قادات شعرها ومشات طالعة جيهت المسرح الطوييل بفستانها الحريري ذو اللون الأحمر الفاقع و حذااء فخم من تصاميم ساابقة لشركة الفرعون
وقفات كنزة جنب شيماء و جوزيف مبتاسمة كادور عينيها فالحضور .. حتى دق قلبها بسرعةة و عينيها ولاو كايدورو بلهفة و شووق مللي سمعات جوزيف قال
-و سمحوولي أنا نقدملكم .. تيموور باشا الملقب بالفرعون .. صاحب شركتنا و هو المبدع الرئيسي فييها و صاحب فكرة الأحذية و المسير لييها .. عفاكم تصفيقات حااارةةة عليه
كنزة كتقلب عليه بعينيها مبانلهااش .. كاتشوف ليميينها و عند الطبلة دعائلتو اللي عرفاتها من خلال شيما اللي كانت معاهم .. شافت فالجناب و دارت كاتشوف فالكواليس و هي تغمض عينييها بقوووة كاتشم فريحتو الرااائعة الرجوولية اللي دخلات لجيووبها الأنففية .. استوطناات أنفاااسها و دقات قلبها تزاايدو فخفقااتهم و تزنييگة طلعات معاها لا إرادية .. حاسة بهاالة خاااصة كاتجذبها تدور ليساارها و تشوف فيه .. و فعلا غي دارت بانلها واقف بهدوء و ملامح متصلبة كايشوف فالحضور والصحافة اللي كاتصور .. تبسمات ابتساامة واااسعة وتمتمات بصوت خاافت فنفسها
دخلت مصيدة الفرعون الجزء 14
محتوى القصة
التنقل بين الأجزاء