تيمور فالڤيلا ديالو هو و كنزة شاد تليفون كايشوف فكنزة اللي ناعسة على حالتها فالأرض .. مع حماية شدييدة حواليها من رجال الفرعون .. حاضيين عنداك يهجم عليها شي حيوان مفترس ولا شي حد يبغي يتعدى عليها، .. مصورينلها ليه فأي لقطة دازت عليها، أي ثانية دوزاتها على ديك الأرض القاسية، الباردة، وصلاتو لهاتفو اللي بين يديه .. كايشوف فيها بحزن شدييد و معارفش شنو يدير .. مباغيش يخسرها من حياتو و مايشوفهاش قدامو كي الزهر بين عويناتو و فنفس الوقت مباغيهاش تتآذى و عمرو مزال يشم حتى ريحتها فهاد الدنيا .. عارف باه و عارف لا قال الكلمة يقد بيها و واخا ياخذ كنزة لآخر الدنيا غايلقاها، غمض عينييه بحسرة كايوجد كلمات يواجهها بيهم .. كايدعي لله ماتجيش لعندو مزال .. مباغيش يجرحها كفاية غي شنو دار مع عذرا بزز منو قدامها، دازت تقريبا سااعة و هو على حالو حاضي كنزتو بهدووء ضاهريا و لكن دااااخليا .. الناااار شاعلة فصدرو .. عاااصفة شديدة الخطوووورة لا سمحلها تنوووض غايطييير باه من طرييقو .. يقدر يقتلو و هو داكشي اللي مابغاش .. بقالو هو بوحدو فعائلتو مابغاش يدير فيه حاجة يندم عليها و يقدر بعدها يبعد على كنزة كثر و كثر .. بقى على حالو فحالة تيهااان، تااايه و ضااايع فأفكااارو حتىى شافها كاتحرك و تعلي راسها ببطئ .. دوز أناملو مع الصورة اللي فالشاشة بتنهييدة حااارة كايشوف فيها بعمق
فالمقابل .. كنزة حلات عينيها كاتشوف حواليها باستغراب، معاقلاش شنو طرا حتى دازو ثواني قلاال و هوما يتدفقو ذكريات الباارحة لذمااغها .. وقفات بالزربة صدرها كايطلع و ينزل بقووة و شافت لبعييد كاتعض على يدها بقوة و تمتم بحزن شديد
-لا مغانثيقش .. لا لاا مغانخليش حاجة فحال هادي تفرق بيناتنا، مغايكونش هو انا عارفة ديك الكلبة باغا تفارقنا انا وياه .. تيمور كايبغيني أنا عاارفة (قلعات الطالون من رجلييها كاتجمع وقفتها برجيلاتها الضعااف و تقدماات فطريقها كاتجري باغا توصل فأقرب وقت لعند تيمور باش يشرحلها شنو طرا البارح بدون ماترد البال للگارد اللي تخباو أول مابدات تتحرك)
نصف ساعة دالجرا تقرييبا غي فطرييق المزرعة، عيات وتهدات فوق العياء النفسي اللي عايشاه .. دازت على تيموور أكفس نص ساعة فحياتو .. كايتسناها تجي، هي غي وصلات للطريق الرئيسية .. وقفات كادير أوطوسطووب، رجال الفرعون تلقااو أوامر باش يهزو كنزة و يوصلوها حتى للڤيلا و داكشي اللي كان .. وقفاتلها سيارة ميرسيدس سوداء و هزها رجل ثلاثيني، كنزة ركبات معاه كاترجف .. كاملة مغبرة و وجهها الماكياج مخسر فيه .. عينيها سايح فيهم الكحل و العكرر نصو ممسوع و نصو كاين و الدموع سايلين من عينيها بقوة .. مزيرة على الخااتم اللي فصبعها كاتنخصص و تمتم
-لا مايديرهااش😭😭 مغانثيقش حتى يشرحلي .. اكيد دار هكاك بسباب شي حاجة ولا ماعرفت مايكونش هو، اه هاديك عذرا دارت ديك الخطة باش نضن السوء فحبيبي تيمور، هو دابا يكون بقا بالو مشغول عليا طول الليل وانا غابرة .. (سكتاات شوية كاتفكر حتى زفرااات بقوة كاتبث راسها و تمتم) هو كايبغيني و قالهاالييي .. قالهاالييي قالهااالييييي هئىئهئ😭😭😭😭😭 (شهقات بصوت عالي كاتعصر و ترعد و عيوونها ماحبسوش بالدموع مسيكينة، الحب صعيييب و قاسي و جرحو أصعب و أقسى خصوصا ليها هي اللي تخلات على كل شيء فحياتها و خصصاتها بالمجمل لتيمور تيمور تيمور و لا شيء من غير داك التيمور)
مسافة الطريق اللي دازت طوييلة على تيم وكنزة بجووج .. على نااار كانو بزووجهم .. وقفات الطموبيل أخييرا جنب الڤيلا و نزلات كنزة كاتمسح فعينيها و تقاد حالتها .. زفرات بقووة و مشات للباب .. هزات يدها باغا تدق و هو يبانلها الباب مردود .. دفعاتو قلبها كايتعصر و فداخلها حاسة ناار شااخذة بقووووة باغا تحرق الأخضر و اليابس و السايح و المجمد
دخلات لداخل مباشرة للصالون اللي مفتوح قبالت الدروج .. بانلها تيمور گالس هاز كاس ويسكي فيد و ورقة بيضاء فيد أخرى .. كايشرب و يشووف فالورقة بنظرة ثااقبة و عينيه فالتوقيع اللي وقعو فديك الورقة مشافش فيها، كنزة صرطات ريقها و تقدمات جيهتو ببطئ بين عينيها منظرو مع عذرا كي عنقها و باسها و فاش قال أنه مل منها هي و كان غي مضيع معاها الوقت .. وقفات قريبة ليه وتمتمات بصوت خافت مبحووح من كثرة البكا اللي بكاتو
-ت تيمور
تيمور كان ساااهي .. ماهواش فهاد العااالم حتى فجأة سمع صوتها المنكسر .. الحزين .. الصوت اللي غي سمعو جاتو رغبة باش يموض و يضمها بقوة و يطبطب عليها و يقولها كل الضغط الللي متعرض ليه و اللي خانقو من صدرو .. خنقة خااايبة، غمض عينييه بقووة كايزيير على الكاس بين يدوو و تزييير حاس بقلبببو كايبكي .. قلبو مجرووح .. ضاروو .. مخنوووق .. أحااسيس سلبية كثيييرة فداخلو، وقف كايتصنع البرووود ضاااهريا و حط الكاس و الورقة فوق الكونطوار اللي كان مقابل معاه، دار عند كنزة .. شاف فيها بنظرة هادية .. مافيهاش ملامح و لكن فدااخلو ديك الرغبة ديال يعانقها بين ذرعانو و يخبيها وسط حضنو غادة و تكبر .. كايشوف فحالتها كي كاتبكي و ترجف، حالتها حالة مايتمنهالهاش عمرو كاامل زييير و بزز على نفسو مخرج أنفاااس سخاان هايجين فالأرجاء و قال بجمود .. باغي يبعدها عليه بأي طريقة كانت .. حتى لو يجرحها فوسط قلبها .. جرحو هو غايكون أكبر من جرحها بكثيييير
تيمور علا حاجبو فيها:نعام؟
كنزة بقات مطولة فيه الشوفة .. كاتسناه يسولها فين كانت .. علاش هي بهاد الحالة، علاش كاتبكي .. شنو طرالها ولكن بانلها بااارد و كايشوف فيها بنظرة الفرعون اللي رمقها بيها فأول مرة .. نظرة جامدة بااردة معايرهاش اهتمام .. داك الاهتمام اللي كان مغرقها فيه، تقدماات جيهتو كاتنخصص و تشوف فعينيه .. كاتقلب على داك الحب الكبير فنظراااتو .. نظراتو المغلفين بالجمووود، وقفات مقابلة معاه مباشرة .. بلا كلمة ولا زوج عطاتو طرشة بكلل قوتها لحنكو مخرجة فيه عينييها و قااالت بنبرة صووووت عاااالية مصاحباها رجفة و تنغنيغة
-و عندك مزااال الوجه كاتشوف فيا هاااا!!
تيمور زير على قبضة يدو بقوة كايحبس راسو باش مايعنقهااش بكل قووتو و يطبطب عليها و يواسيها و يقولها كولشي كذووب أكنزة .. حتى حاجة ما صحيحة .. ماتديريش هاد الحالة فراسك .. انا كانبغيك نتي و عمرني نبغي شي حد آخر مزال، نتي حبيبتي و مرتي و حتى بنتي، نتي بنتي الصغيرة مدللتي .. صغيرتي .. نتي وليدة قلبي اللي عمرني نبغيلها الأذية .. گاااع ديك الهضرة بلعها فجوفو و كمل على تمثيلو
تمتم ببرود:شنو بغيتي؟؟ علاش جايا؟؟ معامن دوزتي الليلة أاا؟؟ هه شغانتوقع من بنت عائلة العربي، أكيد دوزتي الليلة مع شي حد من ديك الحفلة ياك؟؟
كنزة خرجاات فيه عينيها بصدمة، قلبها حسات فحالا قرطسووولها برصاااصة كاتحرق:ش شكاتقوول نتاا و واش بعقللك .. رااك نتا اللي شفتك مع ديك عذراا .. عنقتييها و بستييها و قلتييلها راك مليتي منيي، ن نتاااا الخاااين هنااا، ب باااشمن حقققق ب باااااشمن هننننن هئ حقققق كاتقووولي هادشيييييييي (غوتاااات كاترجفففف .. الأعصاب خلاو جسمها كامل كايرجف) ن ن نتا لحمك قاس لحمها و فمك و أنفااسك تشاركوو معاها، دااكشي اللي كاان دياالي قبل يوماين رجع دياالها هيي .. ن ن نتااا غدااار .. خنتييني وانا كنت ثايقة فييك .. أ أنا و واخا داكشي اللي شفتو ماثقتش و جايا لهنا حييييت كااانبغيييييك ونتا كاتتاهمني هكاااا .. بإييينا حق هااا؟؟ قوولي بإييينا حققق، قولي داكشي اللي شفتو البارح صحيح ياااك .. صحيييح ألحمااااار (دفعاتو من صدرو كاتشوف فيه بعينيها الغارقين بالدموع)
تيمور قلب عينيه و دار نص دورة هز ديك الورقة مع ستيلو قدامها و شاف فكنزة ثاني:وقعي هادي و سيري ماتعاوديش توريني وجهك صافي مابقيتش مستحمل شوفتك فداري و فحياتي مزال .. ضيعت معاك وقت كثير و جا الوقت اللي نساليو هاد المهزلة
تيمور غزز سنانو كايحااول يحافظ على نبرة برودو، كايحاول يحافظ على صلابتو اللي بدات كاتهتز قدامها، عينيه كايهربهم من عينيها باش ماتقشعش الدموع اللي تغرغرو فيهم:غانطلقو .. صافي نتي تسالا وقتك، ملييتك جا وقت نفسخو العقد اللي بيناتنا
كنزة حسات بالدنيا دارت بييها .. قلببها كايخففق بشددة و عييينييها مدمعييين .. راسها بدا كايفتل بيها .. فقدات توازنها قدامو و طاحت على طوولتها حتى قلبو مشا و جااا .. نزل عندها بسسسرعة كايحركها و يشوف فملاامحها بخووف شديييد كايعننقها و يضمها لصدرو بقووة حااس بأن قلبو باغييي يخررج من بلاصتو من شدة خوفو عليها
تمتم بنبرة ملهوفة:هضرتي مخارجاش من القلب و عمر هضرة فحال هادي غاتخرج منو .. عفاك سمحيلي يا روحي و حياتي و نبض فؤادي، سمحيلي على ضعفي بيك و فشلي فحماية حبنا الكبير
تيمور بصوت ملهووف خايف:كنزة .. نبض القلب .. الفؤاد الولهانبيك، حلي عينييك حلييهم ماديريش فيا هكا عفااك مناقصش .. شوفي فياا (عنقها بقوووة كايمليي شووقو منهااا و بدا كايبوس فراسها و شعرها و يشم فرييحتها كايودعها .. عارف غي غاتفيق غايتسالا كولشي و مغايقدرش مزال يمسها .. شاف فملامحها بعيوون كاتلمع بالدمووع و لصق شفايفو مع شفايفها بقببلة قووية .. قبلة أخييرة بينااتهم .. قبلة باغي يخشييها فووسطو من خلاالها .. بعد فمو من فمها مساخيييش و دوز صباعو على ملامح وجهها، حطلها راسها على الأرض و وقف .. مشا جيهت الكونطوار .. هز القرعة دالويسكي ديالو و قرب عندها ثاني كايشوف فيها بحسرة .. مباغييش يخليها تمشي ولكن حياتها بالنسبة ليه أهم من بقائها معاه .. اللهم تبقى فهاد الدنيا عايشة برااااحة بوحدها واخا بعيدة عليه، ولا تموت و يموت معاها حتى هو .. من خلال تفكيرو الطويل فهادشي .. البنت من أول ماتلاقاتو و هي عايشة فمصايب .. ديما بسبابو كاتكون على بعد خطوات من الموت .. ديما بسباب قربها منو كاتكون معرضة للخطر .. شحااال من عائق على شكل انسان زاحو من حياتهم، ولكن حتى لفوقاش؟ يجي شي نهار و تموت بسبابو راه مايتحملش عذاب تأنيب الضمير و أكيد يقدر يتبعها و يخلي قبرو جنب قبرها .. تأفأف بحسسسرة .. بحرقة و بدم كايفوور، كب شوية ديك القرييعة الباردة على يدو و بشووية رش على وجهها بيدييه حتى شهقات و حلات عينييها بتفااجئ فييه .. رد ملامح البرود لوجهو و حنا عندها كايتمتم ببرود
-براكة من التمثيل عليا و نوضي تگعدي من هنا
كنزة جمعات وقفتها حاسة بالفشلة و الضبابة قبالت عينيها، شدات راسها بقوة كاتشوف فيه بقلب مرعوود و أنفااس بالكااد كاتلتاقطهم، تمتمات بصوت خافت:و واش داكشي د قبايلة سمعتو بصح ولا غي كنت كانحلم بكابوس خايب بزاف؟
تيمور عاود هز الورقة و شاف فيها:أه داكشي بصح .. من قبل ماتوافقي و توقعي على عقد الزواج قلتلك راه كولشي مؤقت و دابا جا وقت نساليو .. براكة من كثرة المضيغ فالهضرة و وقعي
كنزة حلات فيه فمها بعدم تصديق:ن نتاا م مافهمتكش .. ك كيفاش كاتقولي هادشي .. و واش نتاا هو داك الرجل اللي غي البارح قالي كانبغيك أاا؟. نتا راك راجلي و و كاتبغيني .. قايهالي و عاودتيها و و عاد ول البارح كنت قلب قلبك و روووحك هننننن .. تيموور شوف فيا شوف (شداتلو وجهوو بيدييها كايترعدوو و شافت فعينييه بتوسل) أنا مامثيقاش هادشي اللي كاتقولو و عمرني نثيقو .. عارفاك أنا كثر من نفسك .. أ أكيد غاتكون واقعالك شي حاااجة ياااك، ن نتا كاتبغييني اه .. أنا عارفااك .. ش شوف (حطات يدها على قلبو كاتنخصص و تشهق حاسة بقلبها كايتقطع) دقات قلبك كاتقولي كووولشي دابا .. غاننسى كوولشي .. صافي .. غاننسى أنك خنتيني .. غاننسى الهضرة اللي قلتيلي دابا .. غاننسى أنك قلتي غانطلقو .. صافي أنا ماسمعت ماشفت وااالو .. عفااك غي ماديرش فيا هاادشيي، شوف فيا تيموووور اهننننن شوووف فعييييني (شداتلو يدو باستهالو بقووة كاتنخصص و هوو غمض عينييه بقوة بألم .. باغي يعنقها .. بااغي يديرر حاجات كثاار ولكن القدر، كايلعب لعبتو الوسخة و كايقلب كولشيي) تيمور أنا كانبغييك .. قولي داكشي غي كذوب عفااك .. عفااك قولي كذووب كنتي غي كاضحك معايا ياااك .. كنتي كاضحك
تيمور حط يديه على يدها اللي على وجهو و اللي علىى قلبو و تمتم بهدوء:أه كذبت عليك أكنزة
كنزة بغات تبتاسم و هي تتمحى الابتسامة مللي كمل حديثو:كذبت فاش قلتلك كانبغيك .. أنا عمرني بغيتك أكنزة ولو حتى ثانية وحدةةة .. أناا كنت باغي ندخلك للمصيدة اللي بغيتي تدخليني ليها، أول ماجيتي للشركة كنت سمعت حديثك مع داك خوك المحترم .. قلتيلو أنك غاتخليني نبغيك ونحماق عليك و تتخلاي عليا .. ولكن نتي راك ماشي مع أي راجل، نتي مع الفرعون اللي حللف حتى يدخلك لمصيدتو و بإرادتتك .. أنا لعبت لعبتك ضدك و كنت أنا الرابح فيها .. نتي أكنزة دخلتي لمصيدة الفرعون برجليك و بإرادتك، و هادشي إنتقاما لييك و لعائلتك الموووسخة، ديك العائلة هي اللي كانت سبب فموت مااا و ختي .. باااك غتاصب مي و قتلها قدااام عيني و خوك تفلى على ختي لدرجة انتاااحرااات من ألمها .. عائلتي تدمرات بسباب عائلتك ونتي غاتدمري بسبابهم
كنزة بقات كاتشووف فيه مدة بنظرة صدمة كبيييييرة .. حلات فيه فمها غييي كاتشوف فيه مقاداش تنطق، صدمها بالمعنى الحرفي للكلمة .. ضحك عليها و بغا يدخلها لمصيدتو بسبااااب ديك العائلة اللي عيشاتها المرااار .. سبيطار الحماق .. تحرش خوها بيها .. تشردها فالزنقة .. خوها بغا يسممها بسباب الفلوس .. گاااع هادشي فكرات فيه و هي كاتشوف فيه و عايشة هاد اللحضة الصعبة قبالتو، خلاتو يحس بقلبو تزيرر عليه كثر ما هو مزير، شهقااات بصوووت مسمووع كانت فحالا أنفاسها تحبسو فوسط صدرها .. ماطلعات حتى نفس من صدمتها .. دفعااتو من صدروو بقووة و رجعات اللور ركابيها كايترعدو و تمتماات بهمس حاسة بأنها مابقاتش حاسة بوالو .. قلبها تجمد:ك ك كذذذااب .. خ خاين .. غ غدااار .. مناااافق .. كذااااااب ن نتا كذااب .. كذبتيي عليااا .. خنتييني و دابا كاتكذب علياا .. هئىىىننننن😭😭 گاااع هاد الفترة كنتي كاتخذعنييي بسبااااب دييييييك العااااائلةةةةة اللي بسبابها عااااااانيييييت و عانييييت، آااااااه ياربي و شنو درت فحياتي حتى نتعذب كااااع هاد العذاااب بسبااابهم شنووووو داااااارت (طرشااات راسها بقوة مامثيقاش شنو عايشة فهاد اللقطة) الله ياااخذ فييك الحاااااق يااااا ربييي خوذ الحق فهاد المنااافق هذااا ياربييي (شدات وجهها بين يديها كاتشهق قداامو و قلبها كايضررها حاسااه فأي لحضة غايسكت) أنا خلييت كولشي فحياتي و تبعتك نتاا .. خلييت كوولشي .. صحاابي .. حياااتي .. هوما غايسافرو السيمانة الجاية وانا ماودعتهمش غيي باش نكون معااك نتااااااا .. باش مانخسرلكش خااطرك و نتااا كاتقولي هاد الهضرةةة .. قالك بسباب عائلتي كايدير هادشييي ههههههههه (طلقات ضحكة عاالية فحال شي حمقة .. رجعات شافت فيه بعينين عامرين دموع) أصلااا نتاااا و عائلتك من اللول كنتو سباب فعذااابي .. من اللولللل أناااا بسبااااابكم كانعااااااني اهنننننن اهئ اهئ 😭😭 .. حياتي دمرتييها .. روووحي حرقتيييها .. قلببييي هرستيييه أتيموور .. ن نتاا أقذر إنساااان عرفتوو فهااااد الدنياااا .. أوسخ وااااااحد أوسخخخهم، ك كانكرهك كثثثر مكاتصور (قرباات عندووو كادفع فيه و تضرب فصدرو و هو مرخيي كايتصنطلها حاني راسو بلا مايشوف فيها، مقادرش يعلي فيها عينيه .. ماتجرأش يشوف فيها، فلحضة تزيير كثر من القياس ماتحكمش فرااااسو، زيرها معااه بقووة معنقها بكللل جههههدو .. هي بقات مخشية فييه كاتنخصص و تزير علييه كاتبكي بكل قوتها و حتى هو راسو معلييي لفوووق للسقوووف كايطلب من الله يخفف عليها هاد الألم و عينيه هبطو جوج دمعااات معنقها و كايزييد يزير عليها .. كنزة بقات كاتشهق فحضنو لوقت طوييييل و تنخصص بصوت كايقطعلو فقلبو حتى ولا نيفو حمر من كثرة مامزير .. و الدموع كاتنزل وحدة كاتسرسب لوخرى وراها كاتجري، عمرو توقع فحياااتو كولها أنه غايطيح فهاد الموقف هذا، ماحسش براسو حتى دفعااتو و رجعات اللور كاتمسح وجهها بلا ماتشوف فيه .. شدات الورقة اللي عطاها توقعها، وقعاتها و شافت فيه بنظرة عامرة غلل هو كان مدور راسو للجنب كايمسح عينيه .. باغي يبقى ثابت قدامها لوقت طوييييل باش ماينهارش حتى هو و يتشبث بيها كثر و يخسرها من بعد .. خاااايف عليها .. الفرعون اللي عمرو عرف للخوف طرييق .. خاف على محبوبتو .. على روحها اللي هي روحو و على حياتها اللي هي حياتو)
كنزة:عمرني كرهت شي حد فحياتي قدما كرهتك نتاا أسي الفرعون .. كانكرهك من كل قلبييي .. تفوووو (دفلاتلو على وجهو كاتطلعو و تنزلو بنظرة عااامرة كره) حيوااان
دارت خارجة من الڤيلا كاتعرج بحالتها الذي لا يرثى لها .. و هو متبعها بعينيه اللي ولاو كايدمعو بغزارة أكثر، كاتنزل دمعة كاتبعها ختها .. الحر اللي خباه فقلبو .. القوة و الصلابة و الجمود تمحاااو أول ما غبرات من قدامو .. كانت هادي من دوك المرات القلال اللي نزلو دموعو فيها .. من زماان مابكى بهاد الطريقة من اللي ماتت مو على يد أب محبوبتو .. من ديك الخطرة مابكى بهاد الطريقة هادي .. من ديك الخطرة مانهار بهاد الشكل، حتى مللي شاف جثة ختو الميتة قدامو مانهارش فحال هاكا .. أول ما سمع الباب تسدااات طاااح على ركاابيه بقوووة كايضرب بقبضة يدو على الأرض بقوووتو كاااملة قرب يحفرها .. الدموع نازلييين كايضربو فالرخام اللي فزگ تحت منو و تمتم بصوووت عاالي هزز أركااان الڤيييلا
-ياااااا ربييييييي .. ماكنتششس باغي يطراااا هاااادشي .. ماكنتش عاارف هااادشييي غايوقعلناااا، يا ربي عاونيييي (ضرب بقبضة يدو على قلبو بقووة و تمتم بصوت خااافت بألم) كانبغيك أكنزة .. كانبغيييك بزاااف .. أنا كذبت عليك بصح .. عمرني بغيت ولا غانبغي شي وحدة فحال اللي بغيتك نتيييي بوووحدك .. نتي بوحدك اللي ملكتي قلبي و غاتبقاي مالكاه حتى نموووت .. آااااخ ياربي آاااخ كون معاها و حميها طولما هي بعيدة عليا
على الطرقات الشبه خاالية فمدينة طنجة، غادية كنزة كاتعرج برجليها ومكاتشوف فحد .. رجلها كاتنزف بغزارة .. صطمات علىى شي حاجةة حادة و لكن محاساش بالحريق، محاسة بواالو .. داخلها بركان خااامد .. قلبها كايغلي ولكن ملامحها جاامدة .. عينييها جفو من الدمووع، كادوز من قدام الناس اللي كايشوفو فيها و يهربو .. كاين اللي كايدعيلها بالتيسير و كاين اللي كايضحك عليها .. ولات كي شي حمقة .. غي كاتعرج مكاتشوف فحد .. وقفات برجليها فوسط واحد الشارع حاسة براسها تهدااات .. حناات و تكورات على بعضها فنص الشااارع كاتشوف فنقطة وحدة قبالتها و الشي اللي طرا بينها و بين تيمور كايتعاود فذماغها باستمرار .. ابتداءا من لقاءااتهم .. قبلاتهم .. عناقاتهم .. اعترافاتهم بالحب، الليالي اللي دوزوها مع بعضهم .. خيانتو ليها .. الليلة دالبارح كي دازتلها و شنو قالها قبل لحضاات، زيرااات ملاامحهااا بقوووة كاتنهج و تمتمااات بصوت عاااليييي حتى ولاو كايشوفو فيها گاع دوك اللي دايزييين من داك الشارع
-يااااربييي كوون شاااهد علياااا، عمرنييي غاننسى شنووو دار فياااا .. عمرنييي غاننسااه .. ياااربييي بغيتو يتعذب كيفما معذبةةة اناااا .. بغييت قلبووو يتحرق فاللي عزيييز عليييه كييفما قللبيي محروووق أناااا😭😭 يااااربيي خوووذ الحقققق ياااربييييي (طااحت للأرض كاتبكي بقوووة و تنخصص و ترعدد قلببها طاااب بالبكااا، حاسة بعينييها نشفوو من الدمووع .. حيااتها حساتها توقفات فنقطة وحدةةة .. هضرة تيم اللخرى كادور فذماغها .. قلب عليها لعبتها .. دخلها لمصيدتو .. هو عمرو بغااها .. من ديما كان كايضحك عليييها .. ضماات رااسهاا بقووة ناعسةة فوسط الطريق و الناس تجمعو عليها كايشوفو فيها باستغراب كايقولو راها حمقة، كنزة علات راسها كاتشوف فجناابها و هي تجمع نوضتها مللي بانولها الناس مكونيين حلقة عليها، مشات كااتجري من قدامهم كاتنهج و تشوف ورااها فحالا خايفة منهم .. أصواات كثييرة كايتسمعو فوذنيها حتى من صوت باها ولات كاتسمعو بصوت عاالي كايتكرر فوذنييها وقفات قدام بناية عاالية عرقاانة كاتشهق .. خطات جيهتها كاتعرج و تنتف فراسها فوذنيها هضرة تيمور
أصواات كثييرة كايتسمعو فوذنيها حتى من صوت باها ولات كاتسمعو بصوت عاالي كايتكرر فوذنييها وقفات قدام بناية عاالية عرقاانة كاتشهق .. خطات جيهتها كاتعرج و تنتف فراسها فوذنيها هضرة تيمور
-قدامي ماتبقايش تجمعي شعرك .. كايحمقنيي مطلووق (كاتجر فشعررها بكلل قووتها باغا تسلو من جذوورو أي حاجة كانت كاتعجبو فيها باغا تحيدها .. ماكرهاتش تحيد حتى جلدها و تعاود تزرع واحد جدييد مقااصووش هوو .. وقفات أخييرا قدام واحد الباب .. بعدما طلعات مجمووعة من الدروج، دقات دقةة مجهههدة فالباااب كاتنخصص حتى تحلها الباب بالزربة .. غي تحل تلاحت على مصعب عنقاااتوو كاتشهقق حاانية على ركابيها و حتى هو عنقها مستغرب لحااالتها، .. هي بعدات منوو كاتمسح فعينيها و شافت فعينيه كاتجمع الشهقة حتى طلقاتها بصوت عالي كاتقطع فالقلب و قالت بشهقات متتالية .. هضرتها كااقطع و نفسها كايتحبس للحضات)
-اننننن اهئنننن مكايبغييينييش .. ه هو مابقااش دياالي أمصعب مكايبغينيييش
مصعب باستغراب:كنزة!! شنو طرالك ؟؟
كنزة حطات راسها علىى حجرو مزييرة عليه و تمتمات بصووت مخنووق:ت تيموور مكايبغيينييش .. ه هو غي ضحك علياا .. ب بغاا يدخلني للمصيدة اللي كنت باغا ندخلو لييهاااا .. ه هوو گاااااااع هاد المدة كان كايضحك عليااا😭😭 گااع هاد المدة كان كايمثل و قالي كايبغيني ولكن هو غي كذب علياااا .. أناا .. أنا دخلت لمصيدة الفرعون أمصعب هئ هئ هئننن😭 دخللت لمصيدتووو 😭😭😭 آاااااخ يااا قلبي آااااخ كواااني فيييه .. كواااااااني😭😭
مصعب جبد فيها عينيه معارف مايقول:ك ك كنزة
كنزة شافت فيه بعينين حمريين ذابلييين:و واش يقدر يموت شي حد بسبااب الحب أمصعب؟؟ نقدر نمووت ياااك😭😭 ق قلبي ح حاساااه ح حاسة بقلبي باغي يسكت .. حاسة بشي حد شدو و زييير عليييه و و و غادي و كايزير ه هضرتو السباب ياك أمصعب .. الشي اللي قالي هو السباااب، أ أنا باغا نموووووتتت بغيت نموووت حيييت بغيتو و هو مكايستاااحققققش
مصعب علاها عندو عنقها معارف مايقول ولا باش يجاوبها .. كايشوفها بهاد الحالة كاتبكي بغزااارة و قلبها باغي يسكت .. زااد زير عليها و تمتم بصوت خافت:سسسس حتى حد مايستااهل أكنزة عفاك ماديريش هاد الحالة، راني من اللول مابغيتكش لييه .. نبهتك شحال من خطرة يااااكي و لكن نتيييي مكاتسمعييش لهضرتي
كنزة كاتحرك راسها بلا:لااا يستااهل ت تيمور يستااااااهل هئ هئ 😭😭 ه هو كايبغي وحدة اخرى .. غايتزوج بوحدة اخررى😭😭 .. قالها كانبغيك قداامي .. عنقها و باسها قداامي .. عرفتي باش حسييت .. بالجمر كايكويلي فقلبيي و و اليووم وقعتلو وراق الطلااق .. قالي مل منييي .. حيت مامشيتش البارح للدار تاهمني أنني دوزت الليلة مع شي وااااحد .. حسيييت أنني عاهرة رخييسة بهضرتو .. حسيت أنني وحدة مكانسوااااش 😭😭😭 و و عاااد باش كملللها دااار هادشي كووولو بسبااب بااابا و خووويا عللليييي .. ه هوو هوووو هوووو مابغانيييش، عمرووو بغاانيييي😭😭 مصعب أنا خسرت الرهاان معااك .. خاصك تفرح حيت خسرتو يااك .. دابا نتا تقدر تطلب مني اي حاجة وانا غانفذها .. هئ هئ هئ😭😭مصصصعب علاش دار فيا هكاا علااش ااااااءءءءءء (طاحت للارض معنقااها بقووة محاسااش بتصرفاتها، تحل الباب على غفلة منهم و دخلو كلير و سي گي كايضحكو .. ولكن غي شافو حالة كنزة تكوانسااو .. هي معنقة اللرض كاتنخصص و مصعب عينيه مدمعين لحالتها معارف مايدير .. مقادرش حتى يحني عندها و يهزها و يعنقها .. كنزة علات عينيها فيهم غي شافتهم تمتمات بصوت خاافت مزييرة على قلبها بقبضة يدها)
-ت تيمووور .. أنا بغيتك و و نتاا اهئنننن نتا جازيتيني بخيانتك (رجعاات حمراااء اللون حاسة بدقات قلبها كاينخاافضوو و وجععع قاااصصصح فالجهة اليسرى دصدرها بالضبط فقلبها، كلير و سي گي حناو عندها بالزربة كايشوفو فوجهها اللي حماار و عينيها خاارجييين النفس مخارجلهااش كاتمتم بصووت ضعيييف) ت تيمور ماتخلينيييش آاااااخ آااا ءءء هنن نننننن (يدها ترخااات على صدرها و عينييها تغمضوو غاايبة عن الوعي .. سي گي ناض بالزربة كايعيط للطوارئ كشاكشو خارجيين اما كليير فكاتضغط على صدر كنزة حييت بانلها نبضها ضعييف و تنفسها قلاال و مصعب كايشوف فيهم خاايف كايعيط بسمييت كنزة بصووت عاالي بلا حول ولا قوة ليييه .. من لهفتو لييها، تلاح من كرسييه طاايح جنببها كايطبطب على حنوكها و هي متحركااتش فخطرة
تقرييبا ربع ساعة جات لومبيلونص لباب العمارة .. كان سي مي هاز كنزة بين يديه و كايتسناو فيها و كلير و مصعب معاهم .. غي وصلات دخلولها كنزة و مشات معاها كلير و هوما تبعوها فالطمووبيل مشوشيين عليها معارفينش شنو طراالها .. و هي غاايبة عن الوعي فلومبيلونص
وصلو للسبيطار بعد مسافة الطرييق و دخلووها لغرفة الانعااش بالزرربة .. الطبيب دخل بالزربة يفحصها .. قسمااين خرج عندهم بالزربة كايتمتم بسرعة
شاف لجيهت الغرفة مخرجينها الممرضات كايزربو بيها و دخلوها لغرفة العمليات، الثلااثي بقاو كايشوفو بصدمة .. من الخبر و أزمة قلبية .. صعييبة بزاااف، بقاو طووول ساعات العملية كايتسنااو علىى نار قدام باب غرفة العمليات حتى خرج عندهم الدكتور بملامح ممحية و شاف فيهم بنظرة غير مفهومة
-درنا گاع جهدنا معااها و الحمد لله بفضل قدرتو قدرنا ننقذووها .. حاليا غاتبقى فالعناية المركزة حتى نتأكدو من حالتها و تقدو تدخلو تشوفوها مللي ننقلوها لغرفة عادية حاليا ممنوعة الزيارة كانستأذن
مشا مزرووب بعدما لاحلهم ديك الهضرة بسرعة .. خلاهم كايتنهدو بقوة و يتمتمو بكلمات الحمد لله لأنهم مافقدوهاش
فبار من أفخم و أكبر البيران فمدينة طنجة (بار 36😂) گالس تيمور فجلسة خاصة .. بوحدو .. بلاصة مقنتة و بعيدة على البشار، صوت الموسيقى عاالي فالأرجاء ولكن مكايتسمعلوش فوذنيه .. مصمكينلووو، فحال شي واحد أصم .. عينيه كيف الجمر بالحمورية .. معسلين بالدموع .. فذماغو غي صوت كنزة المنكسر .. قلبو حاسو محرووق عليها و على فراقها .. مباغيهاااش تكون بعيدة عليه .. مباغيش ينوض الصباح بلا مايشوفها .. مباغيش يدوز نهارو بلا مايسمع ولا يشم ريحتها
كايكركب فالكيسان دالشراب كاس مور كاس ورا بعضهم، بلا مايحس بقصوحيتهم و حروريتهم فحلقو .. حيت التقصيحة اللي مقصح فأعماقو زااايدة على تقصيحة الشراب، عض على فمو بقووة قريييب يسيل الدم كايتفكر نضراتها الأخيرة ليه و كلامها .. دموعها و انكسارها، ضعفها و ألمو حتى هو عليها .. تنهد بقووة و شاف فتليفونو طل عليه بانلو رقم الگارد اللي كايكون تابع كنزة ديما .. هزو بالزربة و جاوب صوتو كايخرج ثقييل من مفعول الشراب اللي بدا كايأثر فيه
تيمور:شنوو واقع؟؟
الگارد:سيدي هادي ساعات كثار كانصوني عليك، مجاوبتينيش
الگارد:لا أسيدي مدام كنزة حاليا فالسبيطار .. من خلال البحث ديالنا عرفنا انها تعرضات لأزمة قلبية ولكن ولات بخير حاليا هي فالسبيطار
تيمور عينيه توسعوو بقووة كايشوف قبالتو بصدمة .. التليفوون مزير عليه فوذنوو بشششدة و هضرة الگارد كاتعاود فوذنو باستمراار "أزمة قلبية" "هي حاليا فالسبيطار" "أزمة قلبية" "أزمة قلبية" .. حس بتوازنو اختل و دمعة نزلات من عينو ليسرية بقوة ماضغط على نفسو و قلبو حسو كايتعصرر بالألم عليها و كايتحسر، طلق نفس عميييق بعد صمت طوييل .. ماسمعش الگارد اللي كان كايعيطلو شنو كايقولو
تمتم بصوت مبحووح:شمن كلينيك و شمن غرفة؟
الگارد:مشفى ***** الغرفة +± الطابق ++
تيمور قطع بالزربة و هز سوارت طموبيلتو من فوق الطبلة .. خارج و كايمسح فنيفو اللي بدا كايسيل .. عمرو حس بالضعف حتى لهاد الخطرة و قد هاكا، ركب فالطموبيل كايتنفس بقوة و صعووبة .. فسخ صداايف قاميجتو بقووة حتى لنصهم و حل الشرجم من جيهتو حااس بالخنقة قلبو معصوور .. شاف فساعة يدو كانت 12:00 ليلا، ديمارا بسررعة مكسيييري و بين عينيه صورة كنزة .. عينيها و ابتساامتها .. بكيتها ضحكتها شقاوتها عصبيتها و گاع تفاصييلها، فغفلة و سهوة منو فلتات بيه الطمووبيل غادة جيهت واحد الشجرة .. غمض عينيه و حلهم بالزربة كايحرك راسو بالنفي باغي يصحصح .. بسرعة تدارك الموقف و قاد طرييقو كاينهج و يتمتم
-ضبط راسك أتيمور .. ضبط رااااسك (كمل طرييقو بسرررررعة حتى وصل لبباب السبيطار .. نزل من الطموبيل بسرعة و دخل كايجري لداخل كايدور فعينييه .. طلع للطابق اللي خاصو يطلعلو كايزرب و يدور فعينييه بلهفة .. وصل للكورلوار دغرف العناية المشددة، كايحسب فالغرف و يطل فالزاجات دالشراجم على اللي فوسط دوك الغرف حتى بانتلو داخل غرفة من الزاجة اللي برا .. نااعسة محاساش بالدنيا حواليها و السلوكة ضايرين بييها و آلة تخطيط القلب كاتخرج صوت منتظم مسموع فأرجاء الغرفة و المسكر عند نيفها .. تكا علىى داك الشرجم بجسدو كايشوف فيها بقلبو اللي قرييب يسكت .. نظراتو ليها نظرات إنكسار .. نظرات رجل هاز جباال فوق كتافو و صعييب يستحمل مزال .. تمتم بصوت خاافت .. كايقييص فالزااجة بحنيين
-كنزتيي، حياتي، سمحيلي، ماكنتش باغيك تتآذااي ولكن عاارف آذيتك كثر من أي واحد فهاد الدنيا .. أ أنا عارف راسي جبان بزاااف فهاد اللقطة مكانسواااش .. حمااار مكانفكرش و ماكنتش داك الشخص اللي غايحميك طوول عمرك، انا على قبل تبقاي عايشة ختاريت نبعد عليك بطريقة خايبة، سمحيلي .. سمحيلي بزااف، كانواعدك غاننتاقم منهم كامليين .. غاننتاقم من هادوك اللي كانو سباب ففراقنا .. عفاك كوني بخيير .. ماتمرضيش فحال دابا .. مابغيتش نعرف أنك دخلتي للكلينيك مرة أخرى واخا .. عارفك نتي قوية و غاتواجهي گاااع هاد المصايب (تكا براسو على الزاجة كايشوف فيها .. حتى بانتلو كاتحرك .. قاد وقفتو بالزربة كايشووف فيها و همس) كانبغيك أكنزة .. نتي هي حبي اللول و الأخير عمرني ننساك
كنزة كاتحل عينيها ببطئ فالسقف و تسدهم فوذنيها صوت تصمييم القلب، حلات عينيها قبالتها مباشرة كاتزيح المسكر من عند نيفها .. حساتو عنكشها .. بدات كاطلع النفس بصوت عالي و كاتشوف فالأرجاء و هو يبانلها تيمور كايشوف فيها بنظرة حزييينة يدو محطوطة على الزاجة قبالتها .. حركات صباعها ببطئ و تمتمات بصوت ثقيييل
-ت تيمووور
تيمور رجع خطوات اللور و تخبى كايمسح على وجهو و الدمووع اللي كاينزلو بوحدهم .. حاس بصلابتو تشتتااات مع هاد الظروف اللي وقعااتلهم .. كنزة غمضات عينيها و حلاتهم باغا تشوفو و لكن مالقاتوش .. الدمووع تجمعو فعينيها و ميلات راسها للجنب راجعة لنعاسها، البنج اللي داروهلها كاينعس لساعات طووالل، تيمور تنهد بصوت عالي و تمشى مشية منكسرة خارج من الكلينيك .. حاس فداخلو شااعلة العافية و معارفش كي غايدير يطفيها و كنزة بعيدة عليه و عااد مريضة بسبااااابو .. عمرو كان يتخايل انه يكون سبب ليها باش توقعلها أزمة قلبية.
☀ يوم جديد ☀
مصعب فباب الشقة كايشوف فساعتو و يدوي بصوت عالي
-سربييو دابا تكون فااقت .. دغيااا باش تلقانا معاها
صوت كلير من لداخل:ثوااانيييي .. سي گي فيينككك
سي گي فوسط الحمام كايشوف فرسالة وصلاتو لتليفونو
"أيامات قلال غادوزوها مع بعضكم و فاللخر غاننهي حياتكم بيدي .. يا تكون ليا ولا ماتكون لحتى واحد"
تنهد بقوة و تمتم بحزم:غانمشيو عن قريب من هنا و لا نتا ولا غيرك غاتنغصو حياتنا (مسح على وجهو بقوة و خرج عند كلير مبتاسم ابتسامة مصطنعة)
كليب بتاسمات:هههههه فحال داكشي .. زيد نمشيو راه مصعب قرب ياكلنا (مشات سابقاه و هو تبعها لبرا لقاو مصعب على أعصاابو كايتسنا فيهم .. غي بانولو صهههل بعصبية)
كلير قربات عندو :ريلاكس مصعب ها حنا غاديين .. الدكتور قالنا مغاتفيق حتى للعشية
مصعب كايضغط على بوطون كايتحرك بيه الكرسي المتحرك:واخا هكاك .. ماعرفتي تفيق قبل .. براكة غي سمعت لهضرتكم البارح و جيت لهنا مابقيتش معاها
سي گي:صافي دابا براكة من النگير هاحنا غاديين (حل الباب و خرجو متاجهين للأسانسور)
🔔فداك المكان المضلم المخيف🔔
يومين و هي معلقة على حالها فديك البلاصة .. لا ماكلة لا شرااب .. كاتبكيي بخووف و وجع و تعيط بصوت ضعييف
-تيمووور، خرجني من هنااا هئ هئ جاني البرد و خايفة و فيا الجووع عفااك خرجنييي والله مانعاود ندور بييك اهئ اهئ😭😭
تحل الباب على غفلة و دخل تيمور بطولتو المهييبة، قرب عندها بملامح صاارمة عينيه قراب يحرقوها من كثرة كرهو ليها، وقف قبالتها و تمتم ببرود:كي دوزتي الليلة؟؟ رتاحيتي؟؟
عذرا بتوسل:تيموور عفاااك خليني نمشيي .. الله يعطيك مكاتمنى
تيمور بنبرة خاافتة ساهية:كانتمنى كنزة
عذرا ماسمعاتوش:عفااك أتيمور رحمنييي
تيمور قرب عندها مخنزر فيها:كيفما مارحمتيناش أنا وياها مغانرحمكش .. لا نتي ولا الواليد .. على تهديدو ليا بحيااتها و على داك السلاح اللي تهز عليها غايدفع الثمن غاالي، كولكم غاتخلصو ضريية غاالية و حياتها
عذرا بصوت ضعيف:تيموور عفاك .. و حياتها رحمني
تيمور دار عاطيها بالضهر مخنزر عاقد حوااجبو بشدة مشا مبااشرة لمجمووعة أحزمة معلقة فالحاائط .. لوا واحد على قبضة يدو و دااار عندهااا بملامح متجهمة
-ماتجرإييييش تفكري حتى فيييها .. ماتذكريش سميتها على فمك المووووسخ ألمووووسخةةة
قرب عندها فحال الثوووؤ كايتفكر حالة كنزة فالسبييطاار .. علا الحزااام بكلل قوتو و نزل علييييها بسسرعة بشحطةة قاسية حتىى غوووتاات بصوووت عااالي كاتنهجججج
-اييييي تييمووورر هئ هئ عفاااك لا براااكةةةة عفااااك لااااااا
تيمور زادها الثانية و الثاالثة و الرااابعة يدو مكاتوقفش عن الشحيط و هي جسدها كايهوى و يمشي و يجييي فالأنحااء من القوة اللي كايشحط بيها، مابقااتش قادة تصببر حتى فشلااات و ترخااات كاتصرط فريقها بصعوبة و ترخااات .. تيمور وقف يدو كاينهج و لاح داك الحزام للأرض كايخرج نفس قوييي
-ماكرهتش نقتلك اليوووم قبل غدا ولكن بموتك مغانشفييش غلييي فيييك .. باااقي عندك صرررف كثيييير عندييي و خاااصني نردووووليييك (علا يدو ليديها المربوطين كايفسخهوملها و نظراتو ليها ثااقبة هي فااشلة مكاتهزش راسها .. فسخلها يدييها و هي تهوى على الأرض بجسدها الضعيييف .. رجع تيمور خطوات اللور كايشوف فيها بقرف و تمتم) وجدي راسك من هنا لفوق كل يوم غتاكلي طرحة فحال هاادي و كثر منها گاااع .. حتى تخرج رووحك من الجسد ديالك و تتمناي المووت فكل ثانية قدااامي، تتوسلي رحمتي ولكن مغاتلقايهاااش
عذرا شداتلو رجلييه كااتشهق:برااكة رحمنييي هئ هئ ماقاداش انا صاافي والله حتى نصلح غلطي و نغبر من هنا .. عمرك باقي تسمع حتى سميتيي 😭😭
تيمور دفعها بقووة برجلو و عطااااها جووووج ركلااات زواااوها حتى تكوانسات بلاصتها مقاداش تتحرررك، زطم برجلو عللى يدها بكللل قوتتها حتى أناات بصوت خااااافت من ضعفها مابقاتش قادة تدوي ولا تغوووت، دفعها من قدامو برجلو فحال شي زبلة موسخةة مقرفة و مشا خارج فحالو كايتمتم بنبرة حادة:غدا غانرجع لعندك نخرجك من هنا .. على الله تكوني قربتي تمووتي (مشا سد عليها و خرج مخليها كاتبكييي و تغووت بسمييتو بصوتها اللي مكايتسمعش، كاترعد بالخوووف و الهللع و الندممم على شنو دارت و كاتلوووم فراسها علاش دارت اللي دارت و فرقاتو على كنزة)
💡المشفى💡
داخلين أصدقاء كنزة للداخل طالعين لفوق .. وصلو لغرفتها .. كلير سبقاتهم كاطل علييها لداخل و هي تتمتم بتفاجئ
-هاااء فينهااا؟ ( مشات للغرف المجاورة كاتقلب عليها و حتى سي گي مشا كايقلب مستغربين من عدم تواجدها فديك الغرفة .. مالقاوهاش فخطرة ، مصعب جبد فيهم عينييه بشدة ذماغو مشوشة و ماعرفش شنو طاري حتى قشع الطبيب ديالها خارج من غرفة كانت قبالتو و عيطلو بلهفة)
-سمحلي نسولك
الطبيب شاف فيه:نعام؟
مصعب قرب عندو بالكرسي المتحرك:كنزة فينهاا مالقيناهاااش فغرفتها
الطبيب شاف فيه كايحك على شعرو و شاف فسي گي و كلير اللي جاو عندو مزرووبين بالهم مشوش .. هو تنهد بصوت عالي و تمتم بنبرة متأسفة باللغة الفرنسية
-ممممم صراحة هذا المكتاب .. هي تزاد عليها الحال بزاف الباارح لدرجة قلبها سكت .. عيينا نحاولو معاها ولكن ماتجاوباتش معانا، للأسف المدام كنزة توفات البراكة فراسكم
مصعب خرج فيه عينيه بعدم تصديق أما كلير غي سمعات توفات فقداات وعيها بين يدين سي چي اللي شدها مصدوم و مخلوع عليها فنفس الوقت، الخبر نزل عليهم كي الصاعقة .. كيفاش كنزة مااااااتت؟؟
سي چي مشا بكلير للغرفة فين كانت كنزة و دخلها بسرعة و الطبيب تبعو مع مصعب كايجريو
الطبيب قرب كايفحصها:الضغط طاحلها ..غاندقلها واحد الشوكة (مشا كايوجدها و مصعب قلبو قرييب يسكت كايشوف فيه كايترعد)
مصعب بصوت عالي:واجاااوبنييييي كيييفاااش ماااااتت
الطبيب كايدق الشوكة لكلير و يتمتم:الموت صراحة كان راحة ليها .. السيدة كانت كاتعذب بزااف و حالتها ميئوس منها .. شهراين و هي فالسبيطار و والو ماتحسناتش حالتها غادة و تتراجع
الطبيب شاف فيهم:ااااااه .. سمحولي غلطت .. راها كاينة واحد السيدة فعمرها 80 عام سميتها كنزة هي اللي ماتت .. بالي كان معاها .. احم سمحولي ولكن السيدة اللي كانت هنا نقلناها لغرفة عادية .. فاقت البارح فالليل و حالتها تحسنات
سي چي هزها بين يديه:يلاه نشوفوها دابا (شاف فالطبيب) عفاك فين غرفتها
الطبيب:يلاهو معايا اصلا كنت غادي نطمن على حالتها
مصعب حط يدو على قلبو غادي مع سي گي و كليير كايتمتم بكلمات الحمد لله .. أول ماسمع كنزة توفات .. حس بروحو باغا تفارقو ولكن دابا رتااح .. و كايحمد الله على سلامتها .. وقفو جنب غرفة من الغرف .. و دخلو تابعين الطبيب اللي سبقهم .. مشا عند كنزة مبتاسم
كنزة شافت فيه بجموود حاسة باللا شيء:يا ريت كون كنت متت
مصعب تنهد و قرب عندها بكرسيو:كنزة .. ماتقوليش هاكا بلييز .. نتي راك قوية ماشي واحد فحال هداك غايردك فهاد الحالة
كنزة شافت فيه بنظرة جافة و تمتمات:حتى نتا حسيتي هاكا مللي أنا تخليت عليك على قبلو؟
مصعب سكت موودة كايشوف فيها يكذب لا قال لا .. مد يدو ليدها زيرلها عليها و أردف بابتسامة:نتي قوية
كنزة حاسة بالفشلة:كنت قوية ولكن هو هرسني .. كسرني .. كنت عافية ولكن دابا هو ردني رماااد أي هفوة ريح خفييفة طيرووو و مايبقالوش وجود
مصعب تنهد و شاف فالجميع:تقدو تخليونا بوحدنا عفاكم (الطبيب تحنحن و تمتم بهدوء)
-دابا حالتك مستقرة ولكن باقي خاصك تزيدي تچلسي معانا حتى نطمنو كثر على حالتك .. يعني سيمانة ولا جوج بالكثير تقدي تخرجي حتى نطمنو عليك كثر ، دابا نستأذن منكم عندي مرضى اخرين (خرج من عندها و تبعوه كلير و سي چي بصمت)
مصعب بهدوء بعد صمت و سكون طويييل بيناتهم:حسيت بحالك
كنزة شافت فيه كاترمش بعينيها بهدووء
هو كمل:حسيت بحالك و يمكن كثر منك لدرجة درت حادثة و مابقيتش قادر نتمشى .. انا أكنزة وليت مقعد حيت قلبي تعصر وانا كانشوفك مع واحد آخر من غيري، كاتبغيه و عينيك كايدورو و يقلبو عليه، كايبوسك و يعنقك كيفما بغا قدام عيني .. قلتيلي أنكي نتي كاتبغيه .. مقاداش تتفارقي معاه .. داكشي خلاني نعيا و بغيت نموووت فواحد اللحضة، انا عييت نحلم و نبني معاك .. باغي يكون مستقبلنا انا وياك فاللخر هو حقق اللي بغيتو .. ولكن واخا كوولشي اللي وقع انا دابا بخير .. حيت نتي بخير .. ماتكونيش ضعيفة عفااك .. رجعي ديك كنزة اللي كانعرفو كووولنا، كنزةة القوية، الشجاعة .. اللي اذا تجرأ شي حد يقرب منها كاتعطيه علاش كايقلب .. كنزة عفاك ماتكونيش فاقدة الأمل .. ماشي غي هو اللي كاين فالدنيا، كااين مياات واحد كايتمنااك و يمكنلك دابا تشوفي غي فواحد اللي هو أنا .. كانبغيك أكنزة .. أول مرة كانتجرأ نقولهاليك هاكا ولكن مباغيش نحبسها مزال فصدري .. كنزة انا كانبغيك و غانبقى نبغيك واخا ترفضيني حياتك كاملة
كنزة تبسمات ابتسامة حزينة كاتمتم:للأسف مقاداش نحس بيك هه .. حبك ليا مكايعنيلي والو، ديك الكلمة منك كاتدوز على وذني عاادية .. محاساش بيها .. مجرد حروف عاديين كانسمعهم، ماشي مميزين فحالي نطقهم هو .. الحب ديالك أمصعب مكانشوفو مكانسمعو .. مكانشمش حتى ريحتوو .. مقاداش نحس بيك، قلبي دفنتو الباارح مللي قالي أنه كان غي كايلعب بيا و قلب لعبتي ضدي
مصعب تنهد بألم و تمتم بهدوء:عارف شنو كاين وانا مكانقوليكش بغيني .. بغيت غي نقولك على شنو فقلبي و دابا رتاحيت .. كنزة عفاك ماتبقاييش ضعيفة هاكا
كنزة تنهدات بقوة و غمضات عينيها:يمكنلك تخرج؟ بغيت نرتاح
مصعب تنهد و دار بكرسيو خارج لبرات الغرفة .. خلا كنزة حلات عينيها فسقف الغرفة و تمتمات بنبرة حاقدة
-محيتك من حياتي ألفرعون .. أنا مغانبقاش ديك كنزة اللي كاتعرف .. من هنا لفوق غانمحي أي حاجة كاتخصك من حياتي (ناضت جلسات ببطئ شادة على قلبها حساتو كاينغزها من نوضتها المفااجئة .. زفراات بقوة كاتطلع النفس ثقيييل و تشوف حواليها، هزات مقص كان قريبلها كاتشووف فيه بحززن و غمضاات عينييها بقوة كاتزير عليه و هضرة تيموور كاتعااود فذمااغها .. تمتمات بصوت خاافت)
-باغا نموووت (غمضااات عينييها بقووة و المقص كاتدورو فيديييها حتى شهقااات بقووة حاسة بقلبها ضرها من شنو دااارت بداك المقص)
شهقااات بقوووة حااالة المققص على وسعو و دوزاااتو على خصلات شعرها كااتقطع فيهم و فكل تقطييعة قلبها كايبغي يسكت .. شعرها غاالي عندها بزااف و حيت كان كايعجب تيمور بغات تتخلا علييه، حيت مقررة تتخلا على تيموور بالكاامل من حياتها و غاتمحييه بحالا عمروو مكااان، قطعات شعرها كاامل مخلية غي بعض الخصلات القصااار .. عينييها محلوولين بجموود .. كاتمتم
-مغاتعاوديش تبكي على قبلو .. مغاتعاوديش تبكي فخطرة أكنزة .. نتي قوية .. نتييي قوووية و حتى حاجة ماتغلبك (رجعات نعسات فوق الكامة مع خصلات شعرها الأسود اللي قطعاتو و غمضات عينييها بقوووة نااعسة ولا مصطنعة النوم)
🕯بعد مرور عدة أيام🕯
دازو أيام كثيرة فحياة أبطالنا، دوزاتهم كنزة فالسبيطار حتى تعافات كليا .. عاد عطاها الطبيب الاذن للخروج، خرجات من السبيطار فالليلة المااضية من اللي وصلات و هي فغرفتها .. مكاتحرك ولا تململ .. عينيها فبلاصة وحدة و ذماغها مسافر بعييييد و فراشها تثقل من هموومها الكثييرة ..
فصباح نهار جديد .. مغيم شوية و كئيب كيف حالة قلبها الأكثر من كئيبة، گالسة فغرفتها كاتشووف فتليفون جديد شراااتو من اللي خرجات من السبيطار .. عينيها مجمدين عند خبر مكتوب فيه و تتنفسسها مسموووع بصووت عاالي فالأرجاااء .. تحل باب غرفتها و دخلات كلير مبتاسمالها
كنزة تبسمات ابتسامة باهتة و ناضت شادة الجهة اليسرى دصدرها مقربة جيهت الشرجم دغرفتها كاتحلو:لا ماتخافيش مناسية والو، أصلا مباغا ناخذ والو من هنا، كيفما قلتي هاد المدينة منحوسة .. مباغاش ناخذ داك النحس معايا يلازمني فحياتي (دوزات صباعها على الخاتم اللي باقي فيدها اليسرى، زيراات علييه بقوة و جبداتو من صبعها .. شافت فيه مطووولة و بالزربة لاحتو من يدها للزنقة بأنفاس منقطعة .. بقات مراقباه كايتكركب فالشارع حتى دازت فوقو سيارة غادة بسرعة كبييرة عجناتو، وسعات ابتسامتها المزيفة كاتهمس) هادي آخر حاجة بقات جامعانا وهانا تهنيت منها
- هادي آخر حاجة بقات جامعانا وهانا تهنيت منها و منك حتى نتا
كلير قربات عندها و حطات يديها على شعر كنزة:لا كنتي خليتييه طويل كان حسن
كنزة شافت فيها:علاش، جاني خايب هاكا؟
كلير تبسمات:لا ههه أصلا نتي زوينة فگاع حالاتك
كنزة تبسمات ابتساامة عرييضة و تمتمات:عارفة هادشي هه
تدق الباب و دارو الفتاتين يشوفو من الطارق بانلهم مصعب داخل بكرسيو المتحرك،
مصعب بتسائل:كنزة تبغي نخرجو شوية تبدلي الجو؟
كنزة تبسماتلو ابتسامة مصطنعة:اه واخا
مصعب غمزها:وجدي راسك هههههه
كنزة تبسمات و مشات للبلاكار قدامهم كاتختار شنو تلبس .. مصعب تبعها بعينيه بنظرة حزييينة على حالها و شاف جيهت كلير اللي حتى هي كاتشوف فصديقتها بشفقة،. كنزة هزات شنو غاتلبس و مشات جيهت باب الغرفة خرجات منها غادة للحمام .. دخلاتلو بهدووء و لبسات أجمل ما عندها .. تقابلات مع المراية كاتشوف فراسها مطوولة، فوجهها و عينيها الحزينتين .. غا بانولها الهالات السوداء تجمعو تحت عينيها و الكئابة اللي مغطية على ملامحها .. خنزرات بعدم رشى كاتمتم
-عمرك كنتي هاكا ولا غاتكوني، كنزة نتي قوية و جبل مايهدوش حتى ألف ريح .. نتي قوية و غاتبقاي قوية، هو اللي خسرك و غايندم عليك طول حياتو .. عمرو يلقى وحدة فحالك .. عمرو يلقاها .. براكة من الحزن على اللي مايستاهلش
سكتات مخللة صباعها بين خصلات شعرها .. تبسمات ابتسامة كبييييرة قويةةةة .. كاتبين على أنها تلك الانثى الجامحة القوية .. الأنثى النااااار اللي مايخليهاش واحد فحال داك الفرعون تضعااف، دوزات تجربة فاااشلة معاه ولكن تحمد الله اللي تخلصات منو .. كايبقى غي حمار مكايسواش .. هادشي فاش فكرات و هي كاتشوف فانعكاس صورتها فالمرآت، قادات شعرها مزيان بوكلاتو .. و دوزات أحمر شفاه قاتم على شفايفها و دارت مكياج للعينين .. مكياجها القوي الصارخ و خرجات لبرا مبتاسمة
كنزة:وجدت
مصعب تنهد:يلاهي
كنزة تمشات بهدوء خارجين من الدار
كلير:ردو بالكم لراسكم
كنزة تبسماتلها:كوني هانية
خرجو من الشقة مخليين كلير غادة لغرفتهم هي و سي گي .. طلات عليه بانلها كايتصنط للموسيقى متكي فوق الفراش مشات عندو و گلسو كايديرو شوية تالبسالة .. الدار خواتلهم و الجو خلاا للأصوات و الآهات و الصرخات الحميييمية اللي بداو يخرجو من فم كليير
_لتحت_
كنزة غادة هي و مصعب كايتمشاو و يشوفو حوااليهم فالناس و المدينة بكل هدوء
كنزة بتسائل:عمرك فكرتي تمشي تشوف واليديك؟
مصعب بهدوء:لا ههه خصوصا وأنا فالكرسي المتحرك
كنزة تنهدات غاديين جيهت واحد الجردة:ماكرهتش كون كانت ماما عايشة، توحشتها بزااف
مصعب بتنهيدة عميقة عاض على شنايفو، شاف فيها بنص عين و قال:نمشيو نزوروها؟
كنزة حركات راسها بالنفي:معاقلاش على قبرها فين المقبرة تبدلات و الأموااات كثرووو
مصعب ومألها بهدووء كايشوف قبالتو .. لحضات صمت كثييييرة دازو بيناتهم .. كنزة كاتشوف غي قبالتها و تفكر الخبر اللي شافتو الصباح فالتليفون .. غمضاات عينيها بقووة كاتستجمع الكلمات فحلقها و تمتمات بعد صراع كبييير بينها و بين نفسها
-مصعب تقبل تزوج بيا؟
مصعب خرج عينيه قبالتو بصدمة .. شاف فيها بعدم تصدييق لكلامها .. ماعرفش واش سمع بصح ولا غي تهيألو .. حتى هي دورات راسها جيهتو و تمتمات بهدوء:هو غايتزوج ب بنت خالتو .. حتى أنا خاصني نشوف حياتي و نتزوج و ننساه فخطرة، قولي أمصعب تبغي تتزوج بيا؟؟ تبغيني نكون مرتك!
نهاية الجزء الأول
نهاية دخلت مصيدة الفرعون
غاندخلو لبداية جديدة .. أحداث جديدة و شخصيات جديدة غايزورونا فالجزء الثاني
غايبدا غدا ان شاء الله .. مي ردو البال للعنوان غايتبدل
غايكون عنوانو "أحاسيس محظورة"
بعد الفراق و كل واحد تزوج بحد و شد طريقو .. شكاضنو غايكون جاي؟ كيفاش يعاودو يطلاقاو و هي غاتخوي للبلاد! و بزاف دالأحداث جايين زوينين .. الجزء الثاني غايكون نااااري متحمسالو .. مصاب تكونو متحمسينليه فحالي .. أحداثو شاااخضة
دخلت مصيدة الفرعون الجزء 19 والأخير
محتوى القصة
التنقل بين الأجزاء