يا ترى في معركة الإصطياد .. في تلك المملكة الخاصة بالفرعون، من سيصطاد الآخر؟ .. هل أنتي عزيزتي النار .. ستصطادينه و توقعينه في شباكٌكي؟ .. هل ستكملين تحديك مع ذلك الصديق العاشق!؟ هل ستجعلينه تحت سيطرتكِ و قبضتكِ و توصلييينه لدرجة .. الحب و العشق والهوس؟
أم ذلك الجليد .. سيصطادكِ .. سيعذبكِ .. سيسيطر على حياتكِ .. أنفاسكِ .. همساتكِ .. لمساتكِ، جسدكِ .. حتى أفكااركِ و خفقاات قلبك التي سوف تضطرب بوجووده .. أسيسطر عليك بالكامل عندما يصطادكي؟
من له الحق بالإصطياد أولا؟
الملك الفرعون ⚜ أم الأنثى الجامحة 💄
🔹🔥من سيصطاد من؟🔥🔹
🎀صباح جدييد .. اليوم هو الأحد .. و كيفما كانعرفو الحد مكاين حد .. إجازة عند المغااربة .. فاقت بنشاط هاد النهاار .. عندها فحال كاع النهارات حيت من نهااار خداات شهادتها بتفووق شدات الداار و هي اللي عمرها توقعاتها لراسها .. طوول عمرها طمووحة ولكن فهاد الصبااح كتاشفات أن طموحاتها مكافياش حيت اي حاجة كانت كاتحلم بيها ماحققاتهاش .. لا الطموبيل اللي كاتبغي ولا الخدمة اللي باغية ولا حتى الراجل اللي كاتبغي
خرجات من بيتها محاملاش راسها .. مباشرة للجردة الخاصة بالفيرمة الكبيييييرة الخاصة بيهم .. امبراطورية آل باشا .. قررات أنها تقتل الخوف فداخلها و تدوي مع جدها .. حتى لإيييمتا غاتبقى سااكتة و تخلييهم يتحكمو فحيااتها .. اصلا شحال قدها تعييش .. هي حياة وحدة و هو عمر واحد خاصها تستاغلهم .. خاصها تعيشهم على طريقتها وهي تختار طرييقها اللي واخا تغلط فيه إلا انها غاترفع راسها لفوووق و غاتسعى جااااهدة تصلح غلطها .. وقفات قبالت جدها كاتشوف فيه بصراامة .. محددة رأيها، براكة ماتسنى ماماها تدوي معاه .. حيت بانتلها خاايفة من سيرة الحديث من أساسو
الجد بابتسامة:بنتي شيما .. مالك؟
شيما تبسمات و هبطات عند الجد باستلو يدو:جدو حبيب قلبي توحشتك
شيما ضحكاات و مشات كاتنقز من قدامو .. متحمسة لحياتها القادمة و لخطوتها الجااية فالدنيا .. متحمسة لكونها غاطلاقا محبووبها على طوول اليوووم .. متحمسة بزاااف
خارجة من طموبيلتها مغوبشة .. بعدما حيدات النظاظر الكوحل من عويناتها الزرقيين .. ردات شعرها مور وذنها و تقدمات بخطواتها وبعجرفتها لداخل ديك الكاافي .. جاو لجنابها كليكتنا اللي نزلو معاها من الطموبيلات .. و دخلو لداك الكافي .. توجهو مبااشرة لعند واحد الطبلة .. جلسات مقابلة مع داك المحامي .. صاحب النظارات الطبية والشعر الشايب
كنزة يلاه جلسات نطقات:عطيني شنو نوقع
المحامي بابتسامة:تشربو شي حاجة بعدا؟
كنزة مخنزرة:مباغا والو من شي حد كان على علاقة بعبد الهادي خصووصا نتاااا .. بنتييليي متملق بزااف فحاالو تلقاك فحال تاتا غي كاتلونن على حسب الصباايغ اللي كاتجلس عليهم
المحامي تحنحن بإحراج و مدلها وراق تسينيهم:سيني هنا باش تقدي تستالمي الوصية و كاع الأملاك و العقارات ديالك
كنزة جرات من عندو الورقة و سناتها .. جرات حتى وراق أملاكها و عقاراتها و قالت بعدما وقفات:ماتشرفتش بمعرفتك (شافت فكليكتها اللي ماكلسوش أصلا و تاجهو لبرا ثاني .. خرجو مع خرجتهم مع تلونات تاتا)
المحامي شد التليفون فوذنو:خرجات دابا من الكافي .. هي مع ثلاثة دالناس .. اه اه .. اه .. اه اسيدي .. واخا كون هااني أصلا النقطةة اللخرة فالوصية اللي كاتقول لا وقعاتلها شي حاجة تستالم نتا الورث وراها ضفتها على حسابك باش تعرفني أنا وفي ليك رغم أنها مكانتش .. واخا أسيدي واخا .. غانتسنا على أحر من الجمر مكافئتي شكرا (قطع مبتاسم بخبث) غاانربح مع هاد العائلة ههههه
سي گي شاد يدين كلير:فين غانصفيو دابا؟
كنزة بابتسامة:الخيل
كلير:ياااس بغيييت
مصعب بتاسم:اووكي ركبو نمشيوو لنادي الفروسية
ركبو بربعة فالسياراات و نطالقو بسررررعة لجيهت النادي المنشوود كايتسابقو مع الرياااح، فظرف نص ساعة مع السرعة ديالهم وصلو .. دارو وقت قيااسي .. نزل مصعب مبتاسم بشر
مصعب:رباااحت
كنزة معوجة فمها للجنب:غا بالي مشوش و خليتك تربح و صافي
كلير شادة فيد سي گي مزييرة عليها:بديتي تخسري من داااباااا
كنزة خنزرات فيها:سكتي نتي لانطحك
مصعب بتاسم و عنقها من الجنب:بقا فيك الحاال أعمرييي!!
كنزة مزيرة على شنايفها كي النقطة:تت تت مابقاش فيا الحال ولكننن .. غايبقى فيا لا ماربحتكش فالخييل اليووم .. يا بيا ولا بيييك
مصعب ضحك بشبه نبرة استهزاء:هاهاهاااي لا ربحتيني كانواعدك انني نشريلك الخيل اللي بغيتي و نعطيهلك
كنزة حلات فيه عينيها:حللللف
مصعب غمزها:بلا حلوف عارفاني الكلمة
كنزة جراتو من يدو بحمااس كاضحك و دخلو مباشرة للإسطبل .. كادور فعينيها بين الخيولة .. حتى لفت انتباهها واحد مخلط بين الأبيض و الأسود .. وجهو مقسم على جوج .. نص بيض و نص كحل .. بتاسمات و حطات يدها على شعرو كان رطبب مخللط بين اللونين المذكورين
كنزة بعينين كايلمعو:بغيت هذاا 🤩
مصعب حط يدو عليه:امممم يجييك لا غلبتيني هههه
كنزة تعلات باست الخيل بحمااس:غنااخذوووو
مصعب عض شفايفو بابتسامة عرييضة حاااسد الخيل على البوسة الي خداها:اممممم
كنزة شافت فالراجل المسؤول عن الأحصنة:عفاك وجدلي هاد الخيل
قرب عندها الراجل بابتسامة:اممم انسة مانقدرش هذا دواحد آخر
كنزة شافت فيه عاقداهم:شاريه؟
هو حرك راسو بلا:لا ولكن..
كنزة معلية حاجبها:وجدولي بلا زيادة فالهضرة .. غايعطيكم الفلوس وانا نعطيكم الخرا ولا شنو؟
الراجل حنا راسو حشمان من طريقتها فالهضرة و هي خرجات من الإصطبل .. خلات مصعب كايتفاهم معاه و سي گي و كلير كانو بعااد .. كلير فوق واحد العود جالسة و سي گي شادها من اللور كايتفرجو فخيول آخرين هادوك فعااالمهم الخااص
كلير بابتسامة:سي گي شنو كايعجبك فيا؟
سي گي بتاسم و زير عليها بقوة:شعرك و فمك .. و عينيك وعنقك و قلبك و عقلك و كووولك
كلير تبسمات و دارت شافت فيه مبتاسمة:نتا أحسن حاجة وقعاتلي فحياتي .. قبل منك كان الظلااام عايشة فيه .. كنت مدمنة مخدراات ..كنت معاشرة مع ناس خاايبيين .. كنت دايرة حاجات بزاااف خايبين بزااف
سي گي باسها فعنقها مطوووول البوسة و همسلها:حتانا قبلك كنت واحد آخر ولكن حبي ليك بدلني هههه (خدا انتباههم صوت كنزة اللي غوتاات بصووت يسمعووه)
كنزة:نادي العشااااق
كلير تأفأفات و شافت فيها:خرااايةةة
سي گي تبسم:اش بااغااا
كنزة شيرات لمصعب جنبها .. كان راكب فخيل أسود و هي فخيلها اللي ختارتو:صورووني كانربحوووو
كلير تبسمات و شافت فكلير .. طلقها و هبطها للأرض جبد تليفونو و قربو للبلاصة اللي غايتسابقو فيها .. تجهيييزز استعدااااد انطلااااقققق .. و نطالقو بجوج بالكاميييرا كاتصوور .. كنزة ممتاطية الحصاان كاضحك كااتهز و تحط فوق الحصان اللي كايجريي بكلل سرررعة عندو .. مخايفاش منو بالعكس هي هوايتها ركب الأحصنة، مصعب جنبها حتى هو مسابقها و كايضحك لضحكتها .. كايحمااق على رووح التحدي و الحمااس دااخلها و نظرااتو ليها كايلخصو كل من الإعجااااب و الإنفتاان .. فخضم سباقهم وقف شخص فباب الإصطبل مخنزر و شاف فالسيد اللي مقابل الأحصنة
-فين برق؟
الراجل:سيدي سرجتو لواحد البنت
-بنت؟؟؟؟
الراجل ومئلو:اه اسيدي ..
غوت بصوت عاالي:بننت ركباات علييه .. هداااك مامنحق حتى شي حد و زاااايدوون نتا عارف المشكلة اللي فيييه
الراجل حاني راسو:هي ماخلاتليش مجال نشرحلها ووو
هو دفعوو بقووة و مشا جيهت أول حصان بان قداامو .. ركب فييه و نطاالق بسسررعة كايقلب على الحصاان المدعوو ببرق بعيوونو السودااء القااتمة..حتى سمع صوت غواات انثوي من الجيهة الغربية .. بالزربة قلب طرييقو و مشا من ديك الجييهة .. بالو مشغول أول حاجة على حصانو الغالي ..هداك أول حصان ركب فيه مع مو .. هو و ختو .. أول حصان تعلم فييه .. عندو عزييز بزااف و كراكتيرو صعييب خصوصا لمافهملووش شي حد رااه يقتلو .. وقف بسررعة جنب الحصاان ديالو اللي غادي بسرررعة مفرررطة وكنزة اللي كانت فووقو مايلة على جنبو شاادة غي فالسررج كاتغوووت .. رجليها كايتكحطو مع الأرض .. مصعب كان جاااي كاايجري باغي يعتقها قلبو غايخرج بالخوووف عليييها .. هي كاتغوووت لربييي اللي خللقها .. قريبة تفلت على و السررج و الحصاان غادي بسرعة جنوونيةة .. ماحساات غي بصوت حصان آخر موازي مع داك البرق و شي شخص نقز و طلع فوقو .. علات راسها كاتنهج عرقاانة .. ولات كاتقطر بالعرق عينيها خاارجييين كاترجججف .. تشعبقات فهذا اللي خااطر و جااي ينقذها و هو فالحقيقة جاي مور حصانو الغالي .. مداهاش فييها هي اللي قرباات طييح و حط يدو على شعر برق كايلمس علييه كايعااملو بحنيييية .. حتى بدا كايتهدن و سرعتو كانتقصص .. شافو كايتهدن مد يدو مغزف و جر كنزة اللي مابقالها والو و تفلللت، طلععها بقوووة جابها جالسة قداامو جسمها متضااد مع جسسمو و عيينيييها مقابليين مبااشرة مع عيينييه .. يدييها مزييريين على كتاافو و هو يدد مزيير بيها على خصرها .. شعرها كايتطااير فالأرجااء حتى كايضرب فوجهو .. شافت فييه مغددة مخنزرة و هي تغووت على حرر جهدها
كنزة بعصبية؛واش نتااا حمااار
سمع ديك نبرة الصووت و ديك الحمار .. شاف فييها بححدة .. هنا هي تكوانسات من ديك الشوفة اللي شاف فيها و الحدة ديالها .. سابقلها شافت دووك العيينين، أه شافتهم متأكدة .. صرطات رييقها كاطلعو و تنزلو بعينيها وتمتمات بهمس:ا الف الفرعون!!
كنزة تكوانساات من شووفاتوو .. الحددة و السوااد و الكبريااء مجمووعين فيهم زاائد العصبية من كلمة الحمار اللي نطقاتها، صرطاات ريقها كاتنفس بقووة يدها مزييييرة بيها على كتفو لاطييح .. كاتشووف فملامحو و تمعععن فييهم، واخا مكانش زوييييين لديك الدرجة إلا أن هييييبتووو كاتخطف القلووب .. عرفااتو .. تنبئاات شكوناهوا غا من ديك الشووفة اللي داير فيها .. عضاات شفتها التحتية بقوة حتى حسات بألم طفييف فشفتها التحتية من عضاتو ليها بالأمس و تمتمات بهمس:ا الف الفرعون!!
كنزة صوتو حفضاتو .. زاادت تأكدات أنه هو .. الفرعون .. خنزراات فيييه بعصبية و دفعااتو بقووة نااسية فين راها حتى قربات طييح من العوود عاوداات تشبتااات بييه حاسة بيدو زييرات على خصررها و القرب اللي كان بيناتهم تزااااد:سيير تموووووت نتاااا ألحمااار
مصعب توازن أخييرا مع الحصان ديالهم:كنزة وقعاتلك شي حااجةةة!!
كنزة شافت فيه و رجعات شافت فتيم اللي كايغزز فسنانو لطرييقة هضرتها معاه .. "وقحة لأبعد حد" .. شاف فداك اللي فجنبهم و ضحك باستهزاء، طلع يدو من خصرها لجيهة صدرها .. شدو و زيير عليه حتى خرجاات فيه عينيها و همسلها فوذنها:ديك الحمار غانخليك تدفعي ثمنها غااليي .. و داباا .. دييگاااااج وسختي العود ديالي (دفعها بقووة حتى طااحت على ضهرها للأرض و طلقاااات زگييية عااالية، تفاجآت و شهقاات و غمضاات عينيها بقووووةةة من الألم اللي اجتاح ضهرها .. هو علا راسو بعدم اهتمام و مشاا بالخييل بسسرعة لجيهة بعييييدةةة من تم)
مصعب حنا عندها بسرعة:كنزة .. كنزةة واش صافاا
كنزة شافت فيه عاضة شفايفها:الزامل الكلوشار لاخرر ايييييي
مصعب شدها باغي يوقفها:أجي وقفي .. كاتعرفيه؟؟
كنزة خنزرات فيه و شافت فسي گي و كلير اللي جايين عندهم كايجريو:هداك هو السيهم الفرعوون الزاامل الغااامل ولد الزوامل
مصعب حل فمو فيها و رجع شاف من الجيهة اللي مشا منها:واايليي
..:هداك هو أكبر ممول للمساباقات اللي كاتقام هنا .. الخيوول والماكلة ديالهم كايجيو من عندو .. هو عندو النص الكبيير هنا
كنزة عقدات حواجبها و شافت فصحابها:هادشي مغايبقااش والله حتى يولي يطلب دوك الفلوس .. أجيو معايا نتوما (مشات مخلياهم تابعيينها .. خرجات لبراا ووقفات فالباركيينك دالطموبيلات كادوي بهستيرية) خاص نندموو .. نندمو نندموو نندموووووو .. عطيوني شي طريقة
مصعب تنهد:كنزة .. غاتندميه بالخطة اللي باغيين
كنزة شافت فيه و حركات راسها بلا:تت مكافيااش .. خاصني نشفي غلييليي بحااجة كثثر، بغييتو يتهدم هو و سميتو و فلوسو و كوولشي عندو .. قلب فالسووق على المنافسين دشركة الفررعون .. مللي تعرفهم قولهاالي انا غانقولك شنو نديرو
سي گي بتسائل:كنزة لشنو كاتخططي؟؟
كنزة شافت فيه بملامح عاامرة بالغلل، غززات على سناانها بعصبية و مشات جيهت طموبيلتها حتى وقفات قدامها و دارت شافت فيهم:كانخطط ندمررر الفرعون .. ندمروووووو و نذوب داك الجليد اللي فرحان بييه (ركبات فسيارتها و نطالقاات بسررعة .. خلات البقية ركبو بدورهم فسيارااتهم و نطالقو تابعينها)
⚜الفرعون⚜
واقف عند واحد الجرف عااليي فوق الخيل دياالو، كايشوف فالأرجاء و يشم الهووا برحاابة صددر .. نزل من الخيل مبتاسم و دوز يدو على شعرو بحنية كايتكلم بخشونة
-ماعجبنيش الحال كثر منك حيت الكلبة دعائلتهم طلعات فوق منك، ديك الكللبة غايكون ليها عقاب عسير .. باش ندوز لخووها .. خااصهااا تموووت موتة باائسة .. كانبغي نضبط أعصابي معاها و نتعامل بهدووء باش نطيحها فيا ولكن، شوفتها كاتستافزني .. مكانقدرش نحافظ على برودي و هدوءي معاها .. كانبغييي نستفزها و نهيينها ونعذبها ولو غيييي شووية .. الكلبة بنت الكلللللببببب (عيينو حماااارو فاش زارو فلاش بااك لباهاا و شنو دااار مع عاائلتو من سنيين) باقي عااقل حتى هي كانت حضرات داك النهاار .. شفت فييها و خبرتها تعاوننا .. عيني مع عيينيييها تقابلو و هي شنو دارت .. مشااات و ماجعااتش .. قلتلها تخبر البولييس ولكن هي قلبهااا حجرررر .. كحل فحاال باها، مارجعاتش شافت فالعائلة اللي خلاتها كاتعذب .. و فالأم اللي ماتت ديك الموتة الشنيييعة .. ماااا .. ماتت تحت قبضة داك الكلب دبااها .. ماااا .. مااتت بعدما تعرضات لأبشع إغتصااب قبالت عينيينا، مااا قدما تألمت لييها غانأللم كلبتهم .. لا ما و لا ختي .. هي و خوها غايدفعو ثمن غاالي .. غالي بزااااااف أبرق .. غانشربها المرااار .. غانخليها عايشة و معايشااش، غاتشوووف من عنديييي الوييييييييييل (عينييه زادو وساااعو حمرييييييين .. كلهم توعد لديك الأنثى، كايتوعدلها بالجحيييم و هي عاايشة)
بعد مرور ذلك اليوم
يوم جديد فحياة أبطالنا الملييئة بالكره لبعضهم، على طابلة الفطور دعائلة الفرعون .. جالس بشموخو المعتاد .. جنبو باه و جدو .. عمتو وولد عمو و بنت عمتو .. كياكل بدون مايدير شي تعبير حتى نطق أب تيمور بتسائل
الأب (عبيد):تيمور .. فوقاش غاطلقو الماركة جديدة
تيمور شاف فيه بهدوء:اليوم غاندير اجتماع للمصممين فالشركة .. و غانعطيهم الموضوع اللي غانبنيو عليهم الكوليكشن
خليل بتسائل:و يا ترى تقدر تعطيني الشرف نعرف قبل منهم؟
تيمور شاف فيه ببرود:لا (جا ينطق خليل حتى قاطعو) و من الاحسن ماتجتامعش مع الموظفين بزاف .. خصوصا ديك العاه.. اممم ديك المصممة
خليل عوج فمو للجنب:امممم و علاش؟ واش على شنو دارت فالحفلة؟
تيمور خنزر فيه:هضرتي غير قابلة للنقاش .. بلا مانتزايدو فالهضرة .. مادويش معاها ماتختالطش بيها .. هادشي وااضح؟؟
خليل جمع وقفتو كايشوف فيه مخنزر:حياتي و قراراتي و معاارفي انا اللي غانحددهم ماشي نتا أولد العم (مشا من قدامو بلا مايزيد يشوف فيه)
تيمور ضرب الطبلة بقبضة يدو حتى قفزات شيماء و ماماها:خليييل .. (نطق الجد برزانة)
الجد:تيم .. تهدن
تيمور زفر بقوة و بغا ينوض وقفو جدو:جلس باغي ندوي معاك
تيمور شاف فيه:شنو؟
الجد وقف كايضرب بعكازو فالأرض .. غادي و يخلف لبعيد:تبعنييي
تيمور وقف و مشا موراه مخلي دوك اللي بقاو فوق الطبلة غي كايشوفو فبعضهم .. وشيما كاتبلع فريقها .. عارفة جدها فاش باغي يدوي مع تيم و خايفة لا يرفض من شنو وقع خلال لحضات دازو
🎀 خارجة من مكتبها المتوسط الحجم .. كاتقرقب بطالونها فالأرض و ترد شعرها ورا وذنيها .. حاسة بنشاط فشكل هاد الصباح هذا .. راسها معلياه فالسما كاتشوف بشمووخ حواليها، حتى وقفات قدام باب غرفة الإجتماعات .. قادات البادج فعنقها و شعرها كذلك .. رسمات ابتسامة مصطنعة و حلات الباب كادور فعينيها على الموظفين .. خسرات سيفتها بعدم رضى فجوزيف كاطلعو و تهبطو بعينيها بنظرات عامرة كره، توجهات لأقرب كرسي خاوي بانلها .. جلسات فوقو .. جات مقاابلة مباشرة مع الكرسي دخليل .. غي تقابلو بتاسملها
.. جات مقاابلة مباشرة مع الكرسي دخليل .. غي تقابلو بتاسملها .. هي ماعطاتوش اهتمام كبيير، دورات وجهها للجنب كاتشوف فساعة يديها .. كانت 8:30 علات حاجبها بعدم رضى و شافت فگاع الكراسة كانو عامرين و كاااع الموظفين لازمين الصمت فحظور وزير الفرعون
دقاائق طواال دازو .. ثقااال .. و ممليين .. تأفأفات بملل عينيها مقابلين مع خليل اللي دارلها تعبير مضحك بوجهو .. غا دارو تبسمات من كثرة مللها بغات غي اللي ينغزها، هو بابتسامتها بتاسم .. حنا راسو لوراق محطوطين قدامو .. كتب فيهم و علا راسو فجوزيف .. كان مشا للجنب شاد تليفونو .. تبسم و كمش الورقة و لاحها لكنزة .. جات قدام يدها .. شافت فيه مبتاسمة باستهزاء و حلات الورقة بلا عياقة
-ولد عمي مكايحتارمش المواعيد😑
تبسمات و شدات ستيلو كتبات فنفس الورقة
-مثيق راسك من عائلتو!!
لاحتلو الورقة و شافت للجنب .. هو قراها و كتب و عاود لاحهالها
-حيت بصح انا من عائلتو
-اممممم مزيان .. فين خليتيه قبل ماتجي؟
-قالي ماندويش معاك فاش كنا كانفطرو و نخلتو و زدت ههه
كنزة عوجات فمها و كتبات: بعدا راه ماصبحش ناعس .. عديم مسؤولية 😑
خليل تبسم شاد الورقة فيدو كتب:شبانلك نوضو نديرولهم إضراب
شدات الورقة حلاتها بغات تكتب فيها وهي تحط يد قدامها بقوة قفزااتها .. علات عينيها و هي تخنزر فجوزيف اللي حصلها
جوزيف:آاااااش هادشي؟
كنزة شافت فيه معوجة فمها:آااااش بانلك؟
جوزيف شد الورقة كايقراها:طلعتو برااهش
كنزة باستهزاء:مديرك مابرهوشش اللي داير أول قانون من قوانين الشركة الإلتزام بالمواعييد و هو معطل على اجتماع على قدو .. مخلينا هنا مشمشين كانتسناوه 🤨
جوزيف باستهزاء:ماعجبكش الحال ديكاج .. خاص تكون فيك شوية تالنفس و تمشي حيت المدير ماملتازمش بقوانين الشركة
كنزة طولات فيه الشوفة و قالت ناوية استفزازو:مانديهاش على برهوش هه (رجعات جلسات بلاصتها بلا ماتشوف فيه .. هو خنزر فيها ناوي يعطيها درس .. حتى تحل باب قاعة الإجتماعات و دخل الفرعون فجنبو فتاة حسناء جمييلة)
تيمور شاف جيهتها مخنزر .. دور راسو لجوزيف و قال ببرود:التأخير خارج عن سيطرتي .. كان عندي مشكل عائلي حليتو، احم .. الموهيم غاتزاد معانا وحدة جديدة فالمصممين دالشركة .. الآنسة شيماء حيون
كنزة حمرات فيه عينيها هو شارلها ثاني ببروود لجيهة القنت اللي توقف فيه:سيري
كنزة جمعات وقفتها مخنزرة و مشات جيهت باب القاعة .. باغا تخرج .. ماحاملاش تصرفو .. وقفاتها هضرتو اللي خلاتها تبغييي تاااااكلو وتااكل جناااابها معاااه بسباب تسرعها و توقيعها على داك العقد الملعون
تيمور بنبرة مستفزة:لا لا لا لا، لاخرجتي من تممم إذن راك خالفتي أوااامري .. نتي فاش سنيتي على ورقة تعاقدك مع شركتنا .. راك سنيتي حتى على كلمة عدم مخالفة أواامر السيد الفرعون و إذا خالفتيهم .. غاتتعااقبي عقاب كانأكدلك مغايعجبكش فالمرة
كنزة دارت مخنزرة و شافت فيه بنرفزة:لاياش باغي توصل نتاااا؟؟؟؟
تيمور مشا لبلاصتو جلس ببروود و قال:عقوبتك نفذييهااا
كنزة :ولا مابغيييتششششش؟؟
تيمور شاف فيها بحدة و قال بنبرة تسمعها غي هي:اذن غاتكوني خالفتي إحدى قوانين شركتنا و بالتااااليييي غايخصني نعااااقبك عقاب عسيير خاص بيك نتي بوحدك
كنزة باستغراب:عقااااب هه؟؟ من نيتك ازين!! حنا فالحضانة ولا شهاد العقلية عندك
تيمور شاف فيها:كاتعاطاااي معااياااا؟؟ كانضن راك قريتي الكونطرا اللي سنيتي أأنسة و دااباا وقفي تم على رجل وحدة راك كاتعطلينا على الإجتماااع
كنزة بعناد:انا اللي عطلت الإجتماع ولا نتا اللي جااي حتى لزك النهااار
تيمور ضرب بيدوو بقووة على المكتب حتى قفزو الحضوور فالإجتماع:هضرتيييييي تنفذذذذذذذذ ولا مغايعجبك حاااال (خرج فيها عينيه بنظرة زعزعااتها)
كنزة طولااات فيه الشوفة بعيينيين حمرييين كاتفكر شنو دير شنو دير شنو دييير .. حتى كتافات فالأخير على أنها تسمع لهضرتو .. باش تقدرر تربح التحدي مع مصعب هادي أولا و تحديها مع نفسها ثانيا و تقدر تندمو على گاااع الإهانات اللي سببهوملها، مشاات لداك القنت اللي سبق شارلها ليه ووقفات كيفما قالها مغددة كاتحلف عليه
تيمور بتاسم برضى .. و قاد جلستو على الكرسي ديالو:إذن نبداو الإجتماع .. احم، اليوم غانعطيكم الموضووع اللي باغيين نخرجو منو أجمل التصاميم انشاء الله .. هاد الموضوع هو الحيوانات البرية و البحرية .. أي نوع اللي بغيتو تصممو عليه .. باغيين حذاء بمواصفاات خياالية وخااصة .. و الأهم زويينة .. تجذب الناظر و تحببو فالحذاء و تخليه مقادش يستغنى على لبسو .. (دور عينو على الموظفين اللي كايشوفو باستغراب .. هو حنا عينو بملامح ممحية و جبد واحد الرسمة) جبتلكم شانتيو .. مغاديروش فحالو و إنما غاديرو على حسابكم نتوما .. شكوناهوا أحسن حيوان كاتبغييوه .. عزيز على قلبكم
همس من بعييد تسمع فوذنو مباااشرة .. عندو وذنيين خطاار فحال الرداار كايسمعو منين و منيين:الحمار
تيمور دار شاف فيها هي واقفة على رجل وحدة كاتشوف فيه بكره .. وقف بلا عكز عليه و مشا لواحد الصنادق محطوطين فواحد الجناب .. كانو ثقال شوية .. هزهم فوق بعضهم و مشا عند كنزة حطهوملها فوسط يدها .. نطق ببرود:ممنوع تطلقييهم و قادي وقفتك مزياان، على رجل وحدددة
دار عاطيها بالظهر و مشا مكملهم الإجتماع مخلييها بااغااا تنقز علييه تاااكلو .. إبتسامة جانبية خرجات من فمو بلا مايردلها البال ووقف فراس الطبلة كايشرح على التصاميم اللي باغيهم و كايحبب المصممين فهاد الفكرة و يدخلهالهم لذمااغهم .. طبعا هو كايجيب فكرة كايطبقها و كايعطي لمصممين الشركة يصممو و أكثر تصمييم عجبو كايديرو هو الرئيسي مع باقي التصاميم الأخرى .. و صاحب أحسن تصميم كياخذ امتياز و عدة مكافئات على حسب الأرباح .. كايحاول يخلي العاملين يعشقوو داك التصميم اللي غايديرو و يصمموه بكل شغف .. تقريبا ساعة و الزيادة فالهضرة و هو غييي كايطول بلا فايدة باغي غا مولات اللسان الطويل تتربى شوية .. هي عياات و رجلها كاتميل بيها بدات كاترعدلها مع الطالون مامخليهاش واقفة مرتااحة و داكشي فيدييها ثقل علييها .. حسات بالغليااان فصدررها مزاادتش صبرات حتى لاحت البواطاات بقوووة اللي أعصاابها و قادات وقفتها كاتشوف فالحضور كاتنهج بكمية عصبية كبييرة .. فحال شي ثور باغي ينطح
كنزة بعصبية:جمع علياااا خراااك .. الزممر الزمر الزمرررر تفو تفو تفوووو .. لاكانت هادي هي الخدمة فراك غي كاترگع .. زعما راك مديير و فرعوون .. أتا سيير عندك عقل تلامييذ الحضاانةة .. برهووووششش تفوووووو على حمااااار
مع ديك التفو و الحماار مع غوت حتى تسمعو شهقات من المزظفيين و الرهبة دخلات فنفووس الكل .. عصبيتو كاتخلي الواحد كايترعد .. النفووس كايتزعزعو:تبعيييييني لمكتبيييي نتيييييييي (مشا و خلاها شادة على وذنيها من صوتو العالي)
كنزة طلعاتو و هبطاتو بعينيها خنزرااااات فيه حتى خنزرات .. خطوات على الرجل اللي كانت واقفة عليها لقاتها تنملات .. شدات فالحيط قدامها و غمضات عينيها كاتسب فداك الفرعون:السااحق و اللاحق و الرصااص المتلااحق يااااااربييييييييييييي اووووووف (صبرات حتى تسرحاتلها رجلها و مشات خارجة من القاعة .. مخلياها كاتخوى شوية بشوية و النميمة خداامة عليها)
شيماء كاتشوف فخليل:هههه حمقة هاد خيتي
خليل عض شفتو التحتية بقوة ووقف:لسانها واكلها (مشا من قدامها خرج و هي تشوف فجوزيف .. تبسمات و تقدمات عندو)
شيماء بابتسامة:هاي🙋🏻
جوزيف خنزر فيها .. طلعها و هبطها بعينيه و دار عاطيها بالضهر:باي
خرج من قاعة الإجتماعات .. خلاها حاضياه بقلب مكسور .. ديما كايديرلها فحال هاد البلان و كايخلي قلبها ضارها .. وواخا كاتصطانع القوة و أنها عمرها تبقى دور بيه .. إلا ان حبها لييه فايت الحدوود و فايت حدود كبريااائها .. هو بالنسبة ليها حاجة بعييييدة و باغا توصلها بأي ثمن .. وختارت الخدمة فالشركة باش تقرب منو شوية .. رغم أنها لقات صعوبة فإقناع تيمور إلا انه قتانع فالآخر و ها هي دخلات تحارب على قبل حبها المتجاهلها
🔥فمكان آخر .. بعيد كل البعد عن تلك الشركة الضخمة، واقفة عن شرفة ديك الفيلا كاطل على البحر .. فيديها فنجان داللويزة سخوونة، حاضية بعينيها سي گي اللي كايعوم فالبحر مبتااسمة .. تنهداات حاسة بالوجع فكرشها كايتزايد على حسب جاتها الدورة .. دخلات للبيت اللي كايشاركهم هي و سي گي و تبسمات مللي شافت صورتهم هو وياها معلقة فواحد الحيط .. مكبرة واخدة تقريبا ربع الحيط .. باينين فيها فرحانين بزاااف، تنهدات بقوة و حطات الفنجان اللي فيدها فوق واحد الكومود .. هزات تليفونها تضيع فيه الوقت علاما يجي سي گي وهي تبلع ريقها من ميساج وصلها لتليفونها بالإنجليزية
*سأكون هناك من أجلك، عن قريب*
أنفاسها تسارعو .. و قلبها ولا كايضرب بسررعة كبييرة .. لاحت التليفون لبعيد عينيها مدمعين و تمتمات بين سنانها بخوف
-ل لاا مغايرجعش مستحيل يرجع داك الكابوس مستحييل .. هوووففففف ماشي ماما ماتت و هو بقا باش يدمرلي حيااتي .. لا لا هو دمررها و فاات دمرها كون مكانش سي گي كنت غانكون فخبر كان .. م مخاصنيش نخرج من هنا .. غايلقاني .. غايلقااني و يدير فيا اللي مكايداارش .. هو حقيير خااصو يموووووت
صوت من وراها:شكون خاصو يموت؟؟
كلير دارت بالزربة و هي تبلع ريقها فداك اللي وراها:س س سي گي ف فوقاش جيتي
سي گي باستغراب عاودلها السؤال:شكون خاصو يموت؟
كلير أنفاسها حاسة بيهم كايخرجو مرعودين و الهضرة وحلات فحلقها .. قالت بالزز:أن ا ا ننن ه ه هو واحد البطل فواحد المسلسل، بطل شرير خاصو يموت حيت منكد على البطلة عيشتها
سي گي بتاسم و قرب لعندها عنقها و باسها ففمها:امممم والبطلة غاتكون واعداتو بشي حاجة باش منكد عليها عيشتها ولا؟
كلير حركات راسها بلا باستمرار:ل ل ل لااااا ه هي كانت عايشة بخيير مداريااش حتى بييه .. حتى ماتت ماماها و خلاتها معااه هو كان راجل ماماها و و كان باقي صغير .. تقريبا فنص الثلاثينيات
سي گي علا حاجبو:اووو اذن هذا مريض نفسي
كلير عينيها دمعو تخشات فوسط حضنو كاترعد:مرييض بزاااف .. كايخلع .. هضرتو و حركاتو و تصرفااتو .. ه هي هربات منو بالزز و لقات حب حياتها و ودابا ع عاود بان فحياتها .. خاصو يموت
سي گي بتاسم باستغراب و قابل وجهها مع وجهو:حبيبة .. مالك متأثرة بزااف تقولي نتي هي البطلة راه غي فيلم ولا هههههه .. اجي معايا اجي .. لبسي عليك نخرجو تفوجي شوية .. بعدا خفلك الوجع شوي؟
سي گي باسها فحنكها مبتاسم:اوكاي .. ندوش و نمشيو نطيبو ..
كلير:اوكي🙂
دخل للحمام فديك الغرفة الوااسعة و هي تنهداات بقووة ورجعات للبالكون كاطل و تفكر فحياتها الماضية و كيفاش ستاغلها راجل مها .. و كان قريب يدخلها لمصيدتو و يضحك عليها .. كان كايعطيها مخدرات و يشربها فغفلة عنها .. الأغلبية كايديرلها منشطات جنسية كاتغيبها عن الواقع و يدير راسو كوول معاها منفتح و يعاملها زعما فحالا هو باها بصح .. ولكن نواياه كانت خبيثة و فوقما كاتخرج على الوعي ديالها ما مرة ما جوج كان كايمارس معاها سطحي .. وفالصباح مكاتعقل على والو .. ولكن فواحد النهار نسات البيسي ديالها شاعل و كانت دايرة فيه واحد الكام .. بالصدفة تسجل فيه واحد الفيديو .. مللي شافتو تصعقات و مللي واجهات راجل مها عتارفلها بأنه كايبغيها و تزوج بمها غي باش يوصلها هي .. حيت من الأول كان شريك مها فالمشاريع و كانو كايطلاقاو .. عتارفلها بأنه مافقدهاش عذريتها حيت كايتسنى النهار اللي تبغيه فيه و مللي سباتو و ضرباتو و فشات غلها فيه .. بغات تكشف حقيقتو لماماها .. ماتت فنفس النهار فحادثة سير .. ديك الحادثة قلباتلها حياتها .. دازت جنازة ماماها و فثاالث يوم منها حاول راجل مها يتعدى عليها ولكن ضرباتو و هربات .. مللي هربات جلسات مع صاحبتها و لقاها راجل مهاا ثاني .. خطفها تقريبا أسبووع دار فيها اللي مكايداارش كايقيصها و يمارس معاها كيفما عادتو غي من الفوق ولكن فنهار نسا عليها الباب مفتوح تما هي هربات منو و مشات عند نفس ديك الصديقة اللي عاوناتها تسافر لعلى برا .. ختارت وجهة محددة و اللي هي كوريا الجنوبية
تأفأفات حاسة بالضيق فنفس الوقت سمعات إشعار ميساج جاها لتليفونها .. غمضاات عينيها بقووة .. ماعرفاتش واش هو ولا ماشي هو ولكن إحساااسها و خوفها منو مخليها كاترجف من مجرد أنها كاتفكرو .. سمعات صوت سي گي من وراها خرج من الحمام بفوطة ملوية على نصو من لتحت تصنعات ابتسامتها و دارت عندو عينيها كايبريو بالدموع، تقدمات جيهتو و عنقاااتو بقووة كاتهمس حاسة بيديه كايزيرو عليها
-الحمد لله اللي راك فحياتي، نتا هو الشمعة اللي ضويتيلي على الضلام اللي كنت عايشة فيه
فداك المكتب الفخم .. يدير بحجمو تقريبا شي 70 ميترو .. جالس عند واحد الأريكة رمادية اللون .. داير رجل على رجل و شاد سيكار فيدو كاينتر منو كول شووية و عينيه على كنزة اللي كاتشوف فيه بجرأة مخنزرة
تيمور غزز شفايفو بقووة ماكرهش ينوض يلاوحها من الشرجم ولكن حااول يضبط أعصابو و يحافظ على برودو .. تبسم و قال بلكنة جليدية و باستهزاء:القحاب فاش كايوقفو قدام سيادهم كايحنيو عينيهم أزوينة هه (گوووول)
كنزة طولااات فيه الشوفة مخااانزرة حتى تبسمات و ردات خصلة من شعرها مور وذنها:خساارة .. كادوي على دوك القحاااب اللي كايعرفووهم دوك الرخااص فحالك مثلا .. اما انا، انا كنزة العربييي ولو تحلم بيها بكولورادو عمرك غاتشوفني راضخة لييك ازوييين هه (تمرييرة .. تسديييدة .. و هداااااف)
تيمور طوول فيها الشوفة محافظ على ابتسامتو المستفزة رغغغم العصبية اللي ركباتها فيها، هضرتها وققحة فوق القيااس:اممممم براڤو براڤو كاتقني دور الشريفة .. نتي و الوقاحة خاصكم تتزوجو، فنظرك هادي طريقة كايدويو بيها بنات الناس المربيات الشريفات العفيفات مع مديرهم!!
كنزة خنزرات فيها بكمية حقد زااايدة:واش عمرك شتيني جيت لعند زامل بوك و قتلك ألقلاوي حويني و عطيني الفلوس لا نتا ولا غييرك باش كاتقول عليا هاد الهضرة دالقلااااوي؟؟؟
تيمور وقف صدروو منفوووخ عينيه غايخرجو فيييها، قرب لعندها بداك الصيگار بين صباعو كايزييير علييه .. أما عينييه الحدة ديالهم غادة و كاتزااد .. نظرة فرعووون حرررشة كاتخلع ولكن مع كنزة .. جاتها كي واللوو، وقف مقابل معاها مطاول فيها الشوفة بلا ماينطق و حتى هي مطولة فيه نفس النظرة الحاقدة .. حتى واحد فيهم مادوى حتى تسمع صووت عااالى ذوى فكاع أرجاااء داااك المكتتب .. معاه صووت رضخخة وتلك الأنثى الجامحة تساقطات بققوة فالأرض مرتاطمة بالأرضية الرخااامية .. شدات على حنكهااا مغددة و علات فيه رااسها .. نييفها كايسييل بالددم من القوة دديك الصفعة و عينييها فوووق حمااارو .. حنكها خلااص الصبعين تطراساو فيييه، وقفات بالزربة مراضياش تطيح قدامو
وقفات بالزربة مراضياش تطيح قدامو ولكن قوة صفعتو كااانت كفييلة تطيحها .. مع وقفتها مع علات يدها باغا تردلو صفعتو ولكن يدو كانت ليها بالمرصااد .. شدها و لواهالها بقوووووووة جابهالها ورا ضهرررها و زيرهاالها حتى حلاات فممها من الألللم ولكن رفضاات تغووت و سمراات عينيها فعيينو .. متظاهرة بالقوة و بأنه ماهزمهااش .. تبسماات فووسط إحساسها بداك الالم و تمتمات باستفزاز:هه باش تعرف راسك أنك مكاتمت للرجولة بحتى صلة .. قاالك الفرعون قاال .. فررعون بهاد اليديين الطواال .. مالقيتييش منين تشدني و كي دير تستفزني .. كاتضرب ههههه ت ت ت انا كانشفق عليك (عينيها دمعوو من القوة اللي كايضغط على يديها مع كل كلمة كااتفوه بيها ولكن كاتقااوم) كانشفق عليك آسي الفرعون حيت مابيدك مادير من غير تضربني .. الضرب اللي يقدر يديرو أغبى حيوان فمملكتهم .. فحالك نتاااا أاااخ (شدات حنكها ثاني من صفعة أخرى تلقااتها و بدات كاتمسد يديها اللي طلقهوملها زفرات بقوة كاتغزز فسنانها و تخطط كي تدير تردلو هاد الصفعات مع طووولتو .. هو دار عاطيها بالضهر، تبسم ببرووود حااس دااخلو البراكين كاتغلي و باغي لو يقدر يقتلها من دابا ولكن خاصو حتى ينتقم مزياان .. خاصو هي تقتل راسها .. اه خاصو هي تقتل راسها .. هو مغايوسخش يدو بدمها .. دار عندها ثاني شافها مخسرة ملامحها باينة كاتألم و كاتشوف فيه بنظرة كون كانت عافية بصصصصح كانت حرقااتو .. ولكن واخا هي مااشي عافية فعلا فهي عاافية قوولا و غاتورييه شكاتسوى العاافية .. قربات عندو متظااهرة بالشجااااعة و حطات يدها عند يدو بالزربة خطفااتلو الصيكار اللي بين صباعو .. قبل مايتداارك الموقف كانت حطاتولو عند حنكو و ضغطااااات عليييه محمرة فييه عيينييها .. هو غمضض عينو بقوووة من سخونييتو عااض على شفتو التحتية بقوة من الغفلة اللي غفلاتو .. تمتماتلو بين قضبان سنانها بكمية غداايد كبييرة
-نحب نقولك أمستر فرعون .. أنني وحدة مساهلاش نتا رسمتييليي صببااعك فحنااكي وانا رسمتللك رمااد سيكااارك فحناكك، قلتلك من قبل انا عااافية و هاد العافية غاتردك كووولك رماااد نتا بالكاااااامل ماتنسااش أن ... العين بالعين و السن بالسن و البادي أضلم آااا هه .. آزوييون (لاحت داك الصيكار فالارض و خنزرات فيه .. هو شد حنكوو تحسسو بصباعو .. ضرو شافها دايرة غاتخرج فحالها جرها لعندوو زيرها معاه و بتاسم فوجهها حاس بحنكو كايوزوز .. رجعلو حمرررررر)
تيمور:أوووه شحال زوينة و نتي مقصحة ولكن كاتقاومي .. كاتردي صفعاتك بطريقة اخرى و كاتبينيلي زعما رااك شرييفة و عفييفة هه ولكن شحالما بقييتي مغاتغطييش وسخ عااائلتك (كنزة خرجات فيه عينيها مللي ذكر عائلتها) عااائلة موسخة .. باك موسخ .. خوك مووسخ مووك مووسخة ونتي أكثثر وسااخة منهم .. عااائلة دمها وسسسخ وانا غانسعى باش نطهر العاالم من وسااختكم (طلع يدو بسرعة شابكها مع خصلات شعرها بقووة حتى تأوهاات بألم .. جرها بالزررربة لجيهة باب المكتب حلو و دفعها بقوووة لاحها براااتو كايشوف فيها بقرف .. قبل ماتدير ردة فععل سد علييها البااب على وجهها و تكا علييه مووودة .. حااس بالعاافية فحللقو و قلبو .. مابغااش يبين على كرهو لييها من داابا ولكن أفعالها و هضرتها كاتزيييد من كرهو لييها .. حط يدو على حنكو كايغزز سنانو و تمشى ببطئ جيهت الحائط الزجاجي فين كاطل شركتو على الشركة اللي كاتهدم .. مد يدو و لتاقط منظار حطو عند عينو كايشوووف كيفاش كايهدمو ديك الشركة بأقصى سرعة عندهم، تبسم ببرووود كايتفكر ضحكات أطفال صغار فوذنو و طيف لجوج دراري صغار بنت وولد كايجريو فقطعة أؤضية فيها مرجولة و سرسيبة تنهد و تمتم بغل) كيفما هدمت شركة ليكم على قدها غانهدمكم معاها .. كولشي ليكم غايتهدم غايبقى غي رمااد منكم .. الرماد اللي معولة تحرقيني بييه .. أنا اللي غانخلي منو غي البقايا ديالو .. غاترجعي مجرد غبرة ننفضها فوقما بغيت و نحيدها من قدامي .. ممممم متشوووق لداك النهار، متشووق بزاااف باش نخليك نكرة مكاتسواايش
كنزة وقفات مصدومة من شنو قالها و هضرتو على وساخة عائلتها .. تشووكات بكل ما للكلمة من معنى، خربقها و لخبطها .. تمشات ببطئ جيهت مكتبها حلاتو و دخلاتلو مع الدخلة شهقاا بقووة كاتشوف فاللوحة اللي جابتلها الريبة من أول ماشافتها هي و الكتبة اللي فيها .. قراتها ثاني و مجرد ماقراتها هاد المرة عينيها تجمعو فييهم الدموع وقلبها بغا يوقف من الرهبة و التبوريشة اللي شداتها .. جسدها تنمل، شعر راسها وقف .. زيراات قبضة يدها مكووراااها بجهدها كوولو و دخلات للمكتب لداخل حتى رمشات فخليل اللي كان جالس فالكرسي الخاص بيها فمكتبها كايتسناها .. شافتو وهي تتكوانسا .. مابغات تشوف حتى واحد فهاد اللحضة و هي بهاد الحالة، وجود خليل خلاها ترتابك، هو وقف وتقدم لعندها مستغرب طول فيها الشوفة و حط يديه بجوج على حنوكها حاوطهم بنوع من الحنان .. حساتو قاصها فقلبها .. حسات أن باها ولا خوها اللي قبالتها .. حسات بالحنان اللي فتاقداتو غي من ديك الشدة، غا حط يدو على حنوكها نزلاتلها دمعة دمعة من العين و خرجات شهقة من أعمااق قلبها .. الحاجة اللي من زماان مدارتها حتى بوحدها مدارتهااش .. الحگرة اللي حگرها و طريقة هضرتو خلاتها تتقصح فداخلها، واخا اصطانعات الشجاعة .. إلا أن داخل ديك الأنثى الجامحة .. كاينة أنثى رقيييقة .. داخل العافية كاين هوااء خفييف سخون ولكن مكايآذيش
خليل باستغراب:كنزة .. واش ضربك؟ (دوز صباعو مع حنوكها اللي بقاو فيهم أثر صبعانو)
كنزة الهضرة كاتخرجلها مرعودة:ه ه هووو حماار ماكذبتش .. هو كلب مكايسواش .. كايحگر عليا من أول ماشاافنيي ءءءءءءءءء😭😭😭😭 (الدموع بقاو هابطين بوحدهم .. گاع دوك المرات اللي خزناتهم فيها تختازلو فهاد المرة و تجمعوولهاا بغزاارة كايطيحو) علاش كايدير فيا هكاا! .. شنو بينو و بين عائلتي حتى جبدهم ءءء .. علااش هو ماشي فحال كاع الحمير اللي شفتهم من قبل .. علااش فااش واعدت راسي انني دغيا غانوصل لهدفي ماقدييتش .. علااش علاااش اهيييئ (تخشات فوسط حضنو كاتشهق و تبكيي كاتقلب على شووية من المواساة والحنان اللي لقاتهم فصدر خليل، حاوطها بيديه بجووج و كايطبطب علييها .. قرب لوذنها كايهمسلها بصوت خفييف)
-ششششش تهدني اكنزة .. صافي عفاك هو خايب مايستاهلش
كنزة كاتشهق بصوت مبحوح:هو ضررني .. يدي بغا يهرسهالي و حنكي زوقووليي .. هانني بهضرتو و جرحني فقلبي الحمار لاخر
خليل عض شفتو بقووة .. قلبو ضروو علييها و على حالتها أول مرة يتحط فهاد الموقف مع بنت ماعرف مايدير من غير انه يعنقها و يحاول يواسيها:شششش هو حمار وكلب و قط و بغل و جحس وحش وحديقة الحيوانات كااملة غي تهدني
كنزة كاتحرك راسها بالإيماء فوسط حضنو:اه هو حديقة الحيوانات كااملة .. هو خاايب لا زين لا مجي بكريي تفو على لحية و على تشعكيكة .. فحال شي متشرد ماعندو حتى باش يحسن .. خراي لاخر تلقاه فالصباح عيا مايتعصر فالطواليط و مابغاتش تخرجلو و جاي عندي أنا كايدوي معايا بديك الطريقة .. حااضي التقحبين و التزومييل ولد القحبااااااا الحيواااااان (غوتااات مغددة معصبة مغلغلة باغا تفقصلو قليواتتو)
خليل تبسم و بعدها من حضنو كايشوف فيها و يمسح عويناتها:تت تت شو شو الدمووع دابا نتي هي ديك العافية اللي كانعرف امممم
كنزة دلات شفتها التحتية فحال شي بنوتة صغييورة كاتشوف فيه محطمة:ب بغيت نخرج من هنا (خرجاتلها تنخصييصة بقووة) باغا نشم هوى نقييي
خليل تبسم و حاوطها من كتوفها خارج بيها لبرا كايهمسلها:ناري على بكاايةة ههههه
كنزة بغرور و كبرياء:مايجيبلكش الله غي طرشني رانا سكتلوو .. ر راني حرقتلو كمارتو بالصيكار اللي كان فيدو .. تبقالو الكوية طووول عمرو يتفكر بيها هاد العافية
خليل شاف فيها بعدم تصديق:لاا واللهييي ياختيي .. حرقتيه ههههههه
كنزة خنزرات فيه و عطاتو بوكس لكررشو حتى شدها مألم:مادوييش هكاااك معاايا ماشي بكيت خطرة وحدة قدامك راني ضعييفة .. أصلا أصلا راك حضرتي للحضة تاريخية فحيااتيي .. من زماان مابكيت قدام شي زاامل .. واناااااري بغييت نضربو ونقمشو واناااري لاجا قدامي شغانديرلو و نااااري على داك الفرعون دناامييييي 😑
خليل ضحك بخفة:الله يرزقني معاك الصبر
كنزة خنزرات فيه:سحابلك داير فيا خير نتا ولا شنوووو حاايد منييي يدييك يلااه (بغات تنطر منو و هو يجرها كثر كايضحك)
رجع حافظ كراكطيرها و عرفها مارضاتش حيت شاف دموعها أردفلها بجدية
خليل:نتي راك حمقة
كنزة خنزرات فيه بنص عين واقفين فباب سطح الشركة:فين غانمشيو دابا غانطيرو ولا شنو؟
خليل قلب عينو:ياك بغيتي تشمي هوا نقي واجي معاايا و تشمييه (حلو باب السطح و خرجو حتى ضرب فيهم هوى بااارد .. كنزة غمضات عينييها بانتعااااش و تبسماات)
كنزة:ممممممم زوييين
خليل ضحك و جرها معاه للحافة دالسطارة .. طلو لبعيييد كايشوفو فالمباني و الطرقان و الناس صغاار:شوفي قد النمل كايبانو
كنزة معوجة فمها للجنب:انا معجباتنيش البلاصة😒
خليل قرصها فخذها كايضحك :بكااايةةةة
كنزة تقصحات .. شدات حنكها مخنزرة فيه:آااااي جمع يدييييك
خليل تبسم و قال بتسائل:باينة فولد عمي مكايحملكش! عمرو تعامل مع شي حد بهاد الطريقة ... زياااادة على الطريقة اللي كنتي كاترادي معاه بيها كان يجري عليك فدقييقتك ولكن هو صبر و فاش نفارد بيك عطاااااك، عارفة سبب كرهو ليك لهاد الدرجة؟؟
كنزة طولاات الشوفة لبعييد و هضرتو كاتعاود فذماغها *باك موسخ .. موك موسخة .. خوك مووسخ .. و نتيييي اكثر وسااخة منهم .. عاائلة دمها وسسخ و انا غانسعى باش نطهر العالم من وساختكم* عضات شفتها التحتية بقووة و قالت بعد صمت طويل:يمكن حيت أنا كانرد عليه الهضرة و مادخلتلوش لخاطرو كيفما مداخليش لخاطري داك الزامل الغامل لاخر
خليل ضحك:هههههه عندك مصطلحات خاصين بيك
كنزة شافت فيه و غمزاتو؛بيكوووز أياام كنزة ابيييبيي
خليل تبسم باستهزاء و شاف فساعة يدو:اجي دابا عندنا اجتماع
كنزة باستغراب:شمن اجتماع ثاني
خليل:اجتماع للتصميم الجدييد .. ماكنتيش فمكتبك على داكشي معارفاش .. راه المديرة ديالنا .. ديك ياسمينة البوكووصة اححح على طررف عندها مشهييييه .. هااادييييك غاديرلنا اجتماع باش نقدرو نركزو فالتصميم الجااي
كنزة خنزرات:امممم اوكي يلاه (خرجو بجوجهم من تم .. هابطيين لتحت و هي كاتقاد شعرها شافت فيه) وجهي زويين صباعو مطراسيين؟؟
خليل شاف فيها مطوول:مممم الصراحة اه
كنزة بعصبية:الخرااااا تفوووو
خليل تبسم:ولكن جمالك طااغيي
كنزة ميلات شفايفها:الصباغة دالنم (ركبو فواحد السانسور خاص بالموظفين .. ماشي فحال هداك د المدير ووزيرو .. تقابلات مع المراية كاتحاول تقاد شعرها مع حنوكها .. جمعاتو و هبطات القصة على حنوكها .. تدرقلها شوية ليطراس دصباعو .. شدات ستيلو من جيب خليل دقميجتو و قادات شعرها جامعاه بيه .. دارت شهييق و زفير و شافت فصديقها الجديد اللي كان حاضيها كايشوف فيها مبتااسم .. غي شافت فيه .. قرب و باسها من جبهتها بوسة كوانساتها وخلاتها مخرجة فيه عينيها .. هو تنهد و جرها من يدها فاش تحل السانسور .. وصلو لباب القاعة اللي غايتقام فيها الإجتماع غيير القاعة لوخرى .. جرات يدين خليل و شافت فيه معلية حاجبها
-نتا اش ناوي همم؟؟
خليل باستغراب:مافهمتكش؟
كنزة:علاش ماتعتمل معايا هكاك و بستيني فجبهتي .. ياكمااااااا؟؟؟🤨
خليل باستغراب:مااللك؟؟
كنزة:ياكما طاايح فياااا
خليل تبسم باستهزاس و جرها لداخل:مالقيت فين نطيح غا فعافية بحالك ههههه (وقفو قدام طبلة مستديرة .. مجموعين فيها تقريبا 5 دالمصممين و المصممات و مع خليل و كنزة مكملين سبعة .. أي الشركة عندها 7 مصممين إضافة للفرعون .. جلسو فجوج بلايص كانو باقيين و هي تنطق ياسمينة موجهة هضرتها لكنزة)
ياسمينة:تنسة كنزة .. كانضن وقت الحضور كان قبل خمسة دقايق
كنزة خنزراتت فيها .. جاتها فالوقت اللي باغا غاااتلصق:و بالسلااام...
قاطعها خليل اللي شد فيدها و قال بابتسامة:انسة ياسمينة .. انا وكنزة كنا مع بعضنا علاش دويتي معاها غي هي على التأخير؟
ياسمينة تزيراات و قالت بعبوس:احم باردون ميستر خليل ن نتا من العائلة دالفرعون و هي...
قاطعها خليل:انا مصمم فحالي فحالها و لا جيتي تحاسبي المرة الجاية .. تعاملي مع كولشي بنفس المرتبة .. و دابا يلاه .. نبداو الاجتماع لا سمحتي
شاف فكنزة اللي معوجة سيفتها ماحملاتش ديك ياسمينة .. و شيما كانت كاتشوف فيهم .. غا قشعاتها كنزة بتاسماتلها .. كنزة دورات عينيها منها مداتهاش فيها حطات يدها على حنكها كاتدوز ثبيعاتها عليه و تنهدات كاتصنط لياسمينة اللي بدات هضرتها على موضوع التصاميم
🎀فمكااان آااخر🎀
شاد تليفونو فيدو جالس فواحد القهوة خااوية .. حتى تحل بابها مصدر واحد الصوت دواحد الجرس و جلس قبالتو شخص ضخم البنية .. وجهو كااع مشروط كايخلع شاف فيه بجدية و مدلو واحد الجوا
-فأقرب وقت يوصلني خبارها
لاخر فتح الجوا و طول فالصورة كايتحقق منها .. جبد ورقة أخرى فيها معطيات عليها .. قراهم و شاف فالشخص اللي قبالتو:كنزة العربي .. عن قريب يوصلوك خبارها ألبووص
♣الساعة الخامسة مساءا♣
خارجة من الشركة هازة راسها فالسما كاتشوف حواليها غاا بنص عيين .. وعارفة اللي دازت من قدامو داوي عليها .. مدوزة غا أيامات قلال فهاد الشركة و تشهرات فيها، فالأول من فلاشاتها مع جوزيف و دابا مع تيمور .. خصوصا من وجهها الحمر .. تنفخولها حنوكها و زاادو بانو أثار صبعين داك الفرعون .. اللي كادوز من قدامهم كايوشوشو عليها .. غززات سنانها بحقد محاملاش الوضعية و خرجات لبرات الشركة .. وقفات فالباركينگ فين كاينزلو كاع الموظفين طموبيلاتهم .. يلاه جات تطلع فيها و هي تحل عينيها فطموبيل سوداء كاتلمع قبالت عينيها .. تبسمات ابتسامة جانبية كاتشوف فسمية "الفرعون" مكتوبة بالخط العريض فبلاصة الماتريكيل دالطموبيل .. ولكن تحتها جاو أرقام بطريقة زوينة مكتوبين .. دورات عينيها يمين و شمال .. و مشات كاتسحب جيهت ديك الطموبيل، وقفات جنبها كاطلعها و تهبطها .. كانت وااعرة آخر موديل فالسوق، دالمازيراتي .. حلات صاكها جبدات منو واحد المقيبط حديدي .. حنات مع العجلات وهي تخشي فيهم المقبط .. فشات الجوج اللي من الجيهة اللي جاتلها .. غمضات عينيها بقوووة و دوزاات داك المقبط على الطموبيل كاتخبشها .. تضرسات و لحمها شوكات من الصووت اللي سمعاتو ولكن كملات على شغلها حتى فشاااات ربع غيضها، وقفات .. ردات شعرها اللور بكبرياء و مشات جيهت طموبيلتها كاتمتم
-القاعدة رقم واحد .. باش تنتاقمي من أي راجل مهما كان نوعو .. قيصيه فطموبيلتو .. فلوسو و مو .. اللولة نفذتها .. الثانية قريب أما الثالثة هه حتى نشوفها و يكون خيير
ركبات فطموبيلتها و نطالقات بسرعة فالطرييق بعدما شعلات الموسيقى من تليفونها .. بالتصرف اللي دارت قدات تنفس على راسها و تحس بالإنتصار ولو لدقااائق معدودة
♣ عند داك الفرعون ♣
خارج من شركتو ووزيرو فجنبو كايشوفو قبالتهم بحدة .. وجهو داير عليه فاصمة صغيرة بلاصة الحرقة دالأنسة المصونة كنوزة .. كااع الموظفات متبعينهم بعينيهم غياكلووهم من ديك الإثاارة ديالهم، وقفو فبوابة الشركة و شاف فالحرس حانيين راسهم .. جا واحد الشيفور بطموبيلت جوزيف بوحدها و عطاه مفاتيحها .. جوزيف شد مفاتيحو و مشا لسيارتو بالو مشغوول و حاس براسو ضارو .. بقا غي تيمور كايشوف فالحرس معلي حاجبو و قال بتهكم
-كاتسناوني نتفركع على زامل بوكم؟
الحارس كايدوي حاني راسو:س سيدي م مشيت نجيب طموبيلتك و ولكن لقيت فيها واحد المشكل وخديتها للصيانة باش يقادوها
تيمور معلي فيه حاجبو:شمن مشكييل لقيتو؟؟
الحارس؛شي حد فشلك الروايض و و خبش الطموبيل بآلة حادة
تيمور مطول فيه الشوفة بنظرة مضلمة مخننننزر بحدة:عاود آش قلتي؟
الحارس ؛شي حد فشلك الروايض و و خبش الطموبيل بآلة حادة
تيمور باستهزاء:ونتا شنو كنتي حاضي باش ماشفتيش هادشي كايوقع؟
الحارس شاف فيه كايبلع ريقو:م مشيت ن نشرب
تيمور قرب عندو بلا كلمة بلا جووج عطااه روسية حتى طااح؛دينمووووك هاد المرة مووت بالعطشش و ماتغفلش عليييها .. شكووون هااااد الحد هذااااا اللي تجرأ علياااااا أنااااا
جا حارس آخر كايجري بيوزبي فيدو:سيدي ه هذا تسجيل دكاميرات المراقبة .. مبين شكون اللي دارت هاد الفعلة
تيمور شاف فيه مميل وجهو للجنب:داارت؟
الحارس:اه هي بنت اسيدي
تيمور بنفس الحركة معلي حاجبو:بااانت ممممم مزيااان (نترلو اليوزبي من يدو) جيبو طموبيل أخرى داباا (دور راسو لبعييد كايلعب بديك اليوزبي فيدو .. عض على شفتو التحتتية بقوووة و دوز صبعو الصغيير على الفاصمة اللي فحنكو) يديك طوااال خاص اللي يقطعهم أكنزة العربي خاااص اللي يقطعهم (جات طموبيل وقفات قدامو بشيفورها .. ركب فيها و جبد تليفونو من جيبو كايطلع النوامر فالريبيرطواار .. شاف النمرة اللي باغي .. طلبها و حط التليفون عند وذنو)
جوزيف بصوت خشن و ابتسامة ترسمات عند شفايفو:علم و ينفذ
تيمور:مزياان غانصيفطلك طريقة القرصة فميساج .. غدا توصلني الخبار ولا من التحسسن اليووم أهم حاجة ماتفوتش 24 ساعة
جوزيف:كون هاني
تيمور قطع عليه و دخل للگالوري عندو .. جبد واحد الطوف بدا كايخربق شوية فيها و شركها مع وحدة أخرى و صيفطهالو .. غا صيفطهالو حلها جوزيف و هو يتبسم بشرر مللي قشع طموبيلتها مقارنة مع وحدة اخرى فنفس اللون ولكن الفرق بيناتهم .. ان اللولة مقادة و الثااانية كاااع معجنة و مشقلبة ميل راسو كايضحك باستمتااع و تمتم بهمس:اللعب بدا يحمى🔥🔥
كنزة وصلات أخييرا للفيلا بعدما دارت جولة عااالمية على المدينة، كادخل لهاد الشارع و تخرج فهذا و تدوز لهنا و هنا حتى حسات بالليل جا و هي تقلب الطريق لتم .. نزلات من الطموبيل كاتأفأف و تصووط .. حلات الباب و دخلات و هي تقلب عينيها من مصعب اللي واقف مربع يديه كايتسنى فيها
مصعب تنهد و جرها لعندو عنقها .. حسها بدات كاتبعد عليه شوية بشوية و بعدها اللي مايقدرش عليه .. زيير عليها بين يدو ضااامهااا .. فترة داازت حتى حسها دفعاتتو و رجعات اللور كاتحنحن:غانمشي دابا
مصعب تبسملها بالزز:سيري
مشات من قدامو خلاتو غي كايتنهد و حاضيها عاض شفايفو بقوووة و يتمتم:هاد الفجوة بيناتنا شحال ما بقيينا غانسدها و نخليييك ليا ديييما اكنزة دييما
خرج من سهوتو على صوت الثنائي كلير و سي گي خارجين من الكوزينة كايضحكو و يدويو بالجهد كاملين عامرين كيتشوب و مايونيز و خل .. دوزو نهارهم كوولو فالطبخ و العجن و المشااغبة فالأخيير
كلير زمات فمها مخنزرة فيه:كنتي غاتكون نتا ولكن مللي درتي فيا هاد الحالة مابقيتييييشششش (أوبا كايقولوها فكوريا يا للحبيب ولا للأخ الاكبر بالنسبة للبنت تقولها للولد)
سي گي عبس بخفة و شاف فمصعب:ياااا هيووونغ .. غانبدا نغاار منككك اناا خاص نكوون اوووپااااا دياالك انااااا (هيونغ كاتقال بين الولد و الولد .. كايقولها الأصغر للأكبر سنا .. مثلا لاكان صديق صغير كايقولها لصديقو الاكبر ولا أخ كذلك .. و هي فالأغلب كاتقال للأخ)
كلير ضحكات و مشات جيهت الدروج كاتجري:اللخر غايكون حماااار
سي گي سمعها و هو يكشر و ضرب ثلاثة دالدرجات فخلفة حتى لحقها و فاااتها جيهت بيتهم كايغوت بنبرة طفولية:حماارة حمااارة حمااارة
خارجة من بيتها تليفونها فيدها كاتصوني لرقم محدد و تمتم
-باااربي يجاوب ياااربي ياااربيي (تفتح الخط و هي تكوانسا بلاصتها)
-آااش باغية
شيما بصوت طفولي:حبيبي توحشتك
جوزيف بملل:ختاصريي عندي مايدااار
شيما زمات شفايفها حاسة بألم فقلبها من جفائو رغم ذلك بتاسمات و قالت بحيوية:بغيت نشوفك
جوزيف بعدم اهتمام:لا مكانتش شي حاجة مهمة غانقطع!
شيما عضات شفتها التحتية بقووة و تبسمات بالجنب كاتمتم:كانبغييييك (قطعات ضامة التليفون لصدرها، خلاتو كايشووف فتليفونو مخنزر .. مدارش ردة فعل من غير أنه حطو فالجنب ووقف باغي ينفذ قرصة وذن لكنزتنا)
هبط من بيتو بشوميز خفيفة فالأبيض مفتوحين صدايفها حتى للنص فصدرو و سروال قندريسي فالأسود بنظراتو المخننزرة، دخل لواحد الصالون كاتجمع فيه كاع العائلة و جلس مزلع كايشوف فالجد اللي شاد عكازو كايسبح و يشوف فعائلتو اللي تجمعات فداك الصالون بطلب منو
الجد سالا تسبيحو و تنهد كايدور السبحة بين يدو:أكيد كاتسائلو علاش عيطتلكم اليوم نتجمعو كولنا هاكا
خليل تبسم:جدي اكيد توحشتي جمعتنا هه واخا كاين نقص فالعائلة ياك
الجد شاف فيه بهدووء و قال بتهكم:باك اللي ختار طريقو اولدي خليل هو اللي ختار يخليك صغير معانا و يمشي يشوف حياتو فمدينة بعيدة ماشي انا اللي بغيت ننقص أي فرد من هاد العائلة، ماعلينا .. دابا من هادشي كوولو انا باغي عائلتنا تزيد تكبر .. باغي نشوف ولادكم قبل مانموت و نتدفن تحت الثراب
تيمور بهدوء:باقي تشوف ولاد ولادنا ألحاج
الجد تبسم و شاف فعبيد:ماعندي مانتسالك أعبيد ديما كانتيقن أنني عرفت نربيك باش ربيتي ولدك على خطاك
عبيد تبسم:الله ياودي ألواليد
دينا بابسامة:بابا شكون ناوي تزوج فالعيال هههه
الجد تبسم برزانة و قال:ديما كاتفهميني أبنتي هههه ماكرهتشاي نزوجهم كااملين .. ولكن قررت نبدا بالكبير فيهم بعدا (شاف فتيمور) ولدي .. نتا خاصك تتزوج عن قريب .. براكة من العزوبية راك داخل فالثلاثينات وانا بغيت نشوف وليداتك
تيمور تبسم بهدووء و قال بعدم اهتمام:فاش نلقى العروسة المناسبة لعائلتنا غانتزوجها ألحاج
الجد ومئ براسو بلا و قال بهدوء:لا مغانتسناكش حتى تلقاها .. عارفك كاتسكتني بهاد الهضرة .. انا اولدي لقيتلك العروسة المناسبة
تيمور علا فيه حاجبو بعدم فهم و هو يبتاسم جدو:عاقل على صاحبي المختار؟
عبيد بتسائل:اللي كنتو نتا وياه فالخدمة العسكرية داك اللي تقطعاتلو يدو زمان فالعسكر؟
الجد ومئلو براسو:هدااك اولدي هدااك، امممم عندو حفيدة حتى هو .. زوينة و متخلقة .. غي ول البارح شفتها، مللي درت الفحص السنوي فالكلينيك .. جات مع جدها .. حتى هي امرأة أعمال معرووفة
تيمور مطول فيه الشوفة:شفتك متأكد انني غانقبل بيها ألحاج! عنداك يسحابلك انني غي قبلت شوية طلبات من عندك فالصباح منهم اننا نخدمو شيما فأنا غانقبل كولشي .. حتى لحياتي الخاصة و خط احمر
الجد بحدة:هضرتي غير قاابلة للنقاش أتيموور، فاللخر دالسيمانة درت موعد مع المختار .. غانمشيو نقابلو حفيدتو و منها تزيد تتعرف عليها .. و هادشي هذا بغيتيه ولا كرهتيه غايكوون
تيمور وقف مخنزر .. كايكره اللي يآمرو ولا يفرض عليه شي حاجة مباغيهاش:ماشي تيموور .. الفرررعون .. ماشي هو اللي غايتقبل أواامر فحال هادو و يلبي طلباتك اجدي، لاكنت مزيان معاك و كانسمع لهضرتك ونحتارمك مكايعنييش انني دييما غانبقى نسمع لهضرتك .. حياتي الخااصة خط أحمر اجدي .. زوااجيي انا اللي غانختاروو معامن غايكون
الجد طوول الشوفة فتيمور مخنزر .. ضرب بعكاازو مع الأرض بسخط و مشا من قدامهم كايعرج برجلو .. خلا گاع الحضور كايدورو عينيهم من المحادثة الحادة اللي وقعات بين الجد و حفييدو، مللي بدا جدهم الهضرة ماتوقعوش أنها غاتسالي بهاد الحدة و ان تيمور غايرفض بهاد الشكل طلب من طلبات جدو، مولفهم دييما اي حاجة بغاها الجد كاتكون تنفذات قبل مايقولها ولكن مللي كايوصل الأمر لحياتو الشخصية .. فهي كيفما قاال، خط أحمر لا لجدو و لا لكااع أفرااد العاائلة .. قوص حواجبو بعدم برضى و مشا جيهت باب المزرعة الضخم فين عايشيين .. خرج منو مخليي كاع الفام مسدودين و العيون كايدورو و الأفكار كاتحلل و تناقش فالأذهان .. حتى من باه مادواش معاه حيت عارف راسو غي غايكب الما فالرملة على داكشي كايخليه على خاااطروو .. عارف ان ولدو ماشي من النوع اللي كايعجبو ينفذ الاواااامر بالزز منو
🍖على مائدة العشاء🍖
جالسة معلية حاجب مخنزرة .. كاتشوف فطبق ليباط دايت قدامها، مقاصتهاش فخطرة .. هضرة تيمور كاتعاود فمخها، هضرتو على عائلتها خلاتها تتنرفز و الشهية تغلقاتلها .. باغا تعرف شنو علاقتو مع باها و خوها .. و مها كذلك، منييين كايعرف عائلتها .. و الواضح أن كرهو ليهم هو سبب گااع هاد المشاحنات اللي كطرا بيناتهم .. تأفأفات كارهة الوضعية .. شافت فمصعب مخنزرة كاتفكر كون كان ختار شي حد آخر فالتحدي كانت سلاتو و رجعو لكوريا و مريضنا ماعندو باس ولكن مع داك الفرعون، باااينة رحلتها شاااقة و طوييلة
مصعب علا عينو فيها و هو يلاحظ نضراتها لييه .. كانت مخنزرة فيييه تخنزيرة دالمعقول وقفاتلو اللقمة فحلقو .. بدا كايككح بقووة وتزززنك، شد كاس دالما من جنبو كايشرب منو و يشوف فيها باستغراب
مصعب حط الكاس دالما و قال باستفهام:كنزة؟ مالك؟؟
كنزة تأفأفات و شافت فكلير و سي گي اللي حبسو ماكلتهم كايشوفو فيها
سي گي:بعدا حنكك مابقاش حمر كيفما اللول
كنزة ومآتلو براسها:مممم درتلو واحد الكريم
كلير بتسائل:شنو طرالك .. شكون ضربك؟
كنزة شافت فمصعب بنفس التخنزيرة و قالت بتهكم:السيهم الفرعون الزامل لاخر
مصعب باستغراب:وعلااااش بالسلاامة؟؟
كنزة تنهدات و قالت بفضول:بانلي انه كايكرهني بزااف و لسبب مجهوول معارفااهش .. ذكر عائلتي وقالي أنهم موسخين وحتى انا و قال انه غايسعى باش يطهر العالم مننا
سي گي شاف فكلير و مصعب عاقد حواجبو:كيفاش ثاني هاد البلان؟؟
كنزة علات كتوفها:هادشي اللي ماعرفتوش .. أميييد عبد الهادي غايكون دارلو شي حاجة .. هادشي ماصعييبش على داك الوحش و هو غايكون عرفني بنتو .. ماعرفتش تخربقت والله و ذماغي تشوش من هضرتو .. باغا نسول دينمو ولكن راني حالفة فيه .. ولو شنو مكان ماعندوش الحق يتصرف معايا بديك الطريقة
مصعب بصرامة:لا كان هادشي فيه المشاكيل بلاش منو .. صافي غانعفيك من هاد التحدي و نرجعو لكوريا من غدا
كنزة طولاات فيه الشوفة و تبسمات ببرود:تت لااا أصلا هاد التحدي مابقاش بيني و بينك بالأول .. هاد التحدي ولا بيني و بين رااسيي، داك الفرعون غايجي يبوسلي قاع رجلي باش نكون ليه وغانقوولووو لاا .. غانخلييه و نمشي .. غانكسرلو قلبو و نحرقولو حرق
مصعب طول فيها الشوفة وقال بعد صمت طوييل:كانتمنى مايتقلبوش الأدوار اكنزة ..
كنزة وقفات مبتاسمة ابتسامة جانبية:تت كون هااني .. هاداك هو اللي يستحييل يتقلبو الأدوار بيناتنا انا وياااه، (كانت غادة و رجعات) بعدا قلبتي على المنافسين ديالو فالسوق؟ عندو عداوة؟
مصعب هز الكاس دالما كايزگف منو:جاري البحث
كنزة تبسمات بشر و مشات جيهت الدروج:قرييب بزاااف غانصيدك اسيهم الفرعون .. قريبب بزااف .. انا وياك و الزمان طوييل
دخلات لبيتها و هي تعلي حاجبها باستغراب .. تاجهات لعند الكوافوز و طلات على تليفونها اللي كايصوني، ملامحها جمدو و البرود طغا عليهم مللي شافت اسم المتصل .. تأفأفات و هزات التليفون دارتو فوذنها
كنزة:نعام أدادا؟
دادا بنبرة حنيينة (هي المربية د كنزة من الصغر كانت معاها):بنتي الحبيبة .. توحشتك
علي متصنع الحزن:كنووزة .. ختي الصغييورة .. واخا حنا ماشي خوت شقاايق و نتي بنت با بوحدو إلا اننا مربيين مع بعضنا و كنا كانحنو على بعضنا و..
قاطعاتو كنزة:مامسالياش لهاد الهضرة (بغات تقطع و هي تسمعو قال باندفاع)
علي:واااابلاتتي حتى ندخل فالمهيم .. يلاه بدينا فالمقدمة
كنزة تءفأفات:بففف شنو بااغيي داابا شنووووو!!!!
علي تبسم بشر:زعما حنا خووت ولكن الواليد ضلمنا فالورث .. دابا انا اللي بنيت و عليت فالشركات حتى ولاو يسوااو الملايين عااد تجي نتي تاخذيهم باردييين .. جاتك عادية
كنزة ببرود:اه عادية و عجبني الحااال، هادوك حقي من عبد الهادي، و دوك الشركات غانبيعهم و فلوسهم نصدقهم ولا نقطعهم ولا نحرقهم و متاخذهمش نتا فهمتي، فلوسيي دياالي ماعندكش حق فييهم
علي:احم .. غي حكمتي عليا هاكا و صافي أكنزة حرام علييك .. راه الخاوة حدها الدنيا، علاش ماتخلينيش نخدم فالشركات كيف اللول الأرباح غايكونو ليك ولكن أهم حاجة ن..
قاطعاتو كنزة:ماتحلمش بيها .. من غدا غانبدا إجراءات بيع دوك الشركات .. و ديك اللي كاتهدم عرفت انك نتا سبابها أبلمووسخ داخل فصفقات موسخين فحال وجهك .. و بسباابها عبد الهادي جاتو الأزمة القلبية و مات ولا شنو؟؟
علي:وقلبتيي ماعندي مانسالك، عارفة شغلك
كنزة:دابا تلاح مافيا مانضيع وقتي مع واحد فحالك .. تفووو ضيعتيلي دقاايق مهمين من حياتي
قطعات عليه خلاتو مصمر مخرج عينيه قبالتو .. غزز شناانو بققوووة و نطقق مزييير على التليفون بين يدو:مغاتدركييش تبيعي ولا تصرفي حتى درهم من داك الورث غاتكون روحك طلعااااات عند الله
بعدما قطعات عليه .. تلاحت فوق فراشها و شدات وراق بويض بين يديها، مع أقلام ملونة و قلم رصاص .. نعسات على كرشها مقادة الورقة فوق الفراش و بدات كاتخطط علييها .. كاتحااول تركز و تصمم شي حذاء فرييد من نوعو بالفكرة اللي بغاها الفرعون .. بغات تجذب انتباهو بخدمتها .. لاكانت شخصيتها و جمالها مانفعوش و خلاوه يزييد يكرهها خصوصا هويتها، فهي غاتاخذ طريق جدييد .. الخدمة المثقونة و التصاامييم الجمييلة .. رغم انها ماعندهاش الكانة على الصبابط إلا أنها كاتحاول .. كمشات الورقة اللي كانت كاتخطط فيها ولاحتها وراها معاجبهاش التصميم، زادت الثانية و الثالثة .. اي تصميم بداتو كاتلقى فيه ديفو و تلوحو .. تأفأفات بضيق و دفعات الوراق من قدامها هوما الملونات حتى طاحو فالأرض .. جبدات مخدتها عندها و نعسااات بعمق أيامات كثاار كاتفيق بكري و هادشي جابلها النعاس بكري
💓أصبحنا و اصبح الملك لله💓
بدايتنا في هذا الصباح المشرق مع كنزة .. خارجة من الدريسينغ بعدما لبسات و تمكيجاات على خااطر خاطرها .. وقفات قبالت المراية كاترش رشيشات من عطرها عند عنقها دوزات عكر لماع على شفايفها و هزات صويك صغير .. دارت فيه تليفونها و ساروت طموبيلتها و عكر و ريحة .. مشات جيهت باب البيت .. حلاتو و هي تخرج فكلير واقفة عند الباب ديالها كاتشوف فيها بوجه مخطوف
كنزة باستغراب:كوكو مالك؟
كلير كاتلتاقط انفاسها و تشير لوراها:ه هي هييي
كنزة مستغربة:هي شكون .. شنو وقع؟؟
كلير جراتها من يدها الحروف مامجموعينلهااش .. هبطات بيها لتحت كايجرييو ووقفو فباب الڤييلا .. غا وقفو كنزة خرجات عينيها فمصعب و سي جي واقفين قدامها .. تكوانسات و تصعقاات كاتشوف فيها بكل صدمة
دخلت مصيدة الفرعون الجزء الرابع
محتوى القصة
التنقل بين الأجزاء