كنزة بتمتمة و عينيها خارجين بصدمة:ا ال الحمااار هو مولاها
كلير حطات يدها عند كتفها:فالصباح خرجنا انا و سي گي لقيناها هاكا .. حتى بياس مابقات فيها صاالحة .. حتى اللون زال منها و تعجنات تعجااان
مصعب جا عندها مخنزر كايشوف فيدو مجروحة:بفففف الطموبيل كولها تعجناات و داك الحمار اللي فالباب لقيتو فحالا دخل فغيبووبة ناعس مجايب للدنيا خبارر
كنزة كااتغزز فسنانها مكوورة قبضات يديها و تنفسها كايتساااارع عينيها خارجين بشدة:مكاينش شي حمااار قدوو .. غ غااانقتتلوووووووووو اععععععععع (ضربات برجليها مع الأرض بعصبية كاتغووت و تنفس على غضبها)
مصعب شاف فسي گي اللي وقف جنبو وقرب عندها شدلها يديها زير عليهم:كنزة تكالماي .. ششش صافي .. غانعوضك بوحدة حسن منها غاتكالمااي
كنزة دفعاتو بقوة:مغانتكاالما حتى نشدلو وجهو و نعجنوو و نكرطوو و نجرحووو و نسييل دمووو ولد القحباااا اعععع (عاودات دفعات مصعب كاتخرج فيه أعصاابها، مداتلو يدها منرفزة) عطيني سوارت طموبيلتك
مصعب بهدوء:مغاتسوكيش دابا و نتي بهاد الحالة .. زيدي نوصلك و فالعشية تلقاي وحدة بحالها هنا
كنزة دفعاتو ثاني و مشات جيهت طموبيلتو ركباات و ربعات يديها كاتزعزع فرجليها بقمة العصبية و كاتحلف على داك الفرعون .. كاتوعدلو بالإنتقام نااسية انها هي اللي جبداتو و بدات هاد اللعب
🔮عند مدخل تلك الشركة الضخمة🔮
داخلين جوج طموبيلات مع بعضهم .. وحدة دالفرعون و الثانية دولد عمو .. وقفو جنب بعضهم و نزلو قد قد من الطموبيلات
خليل قرب عند تيمور مبتاسم .. طلعو و هبطو بعينيه .. ركزلو فحنكو بالضبط فأثر الحرقة دالصيگار اللي بقاتلو تما حمرة مطبعة و بااارزة هي أول حاجة كاتمشيلها العين :بانتلي بصح داكشي اللي قالتو دارتو ههههه شنو فيها مخليك باقي ماقتلتيهاش اولد عمي .. عارفك مكاتسامحش واخا يكون الغلط قاااد هاكاا (دار مقدار شووية بصباعو) باقي عاقل على هويدا و شنو درتي فيها ياك!!
تيمور ببرود و عدم اهتمام:هويدا! شكون هاد هويدا؟ بلاتي نفكرر .. امممم اوووه عاد عقلت .. داوي على بنت الخدامة اللي بقات كادور بيا فالوقت اللي كانت كادور بيك حتى نتا .. غي الفرق بيناتنا انك طحتي فيها وانا عقت بيها .. و مابغيتش نخليك فدار غفلون .. زيادة على انها حملات يا مني ولا منك و بجوجنا وهماتنا انها حاملة مننا هههه حمل مشترك اولد عمي .. هاديك تستاهل ديك القرطاسة اللي ستقرات فجبهتها .. اما هاديك اللي دويتي عليها دابا .. هاديك خااصها الوقت كثيير حيت المصير اللي باغيهلها حتى حد معارفو من غيري انا
خليل كايشوف فيه بحدة:تيمور .. عطيها التيقار ديك البنت ماشي داللعب ديالك
تيمور باستهزاء:شنو! .. حطيتي عليها العين حتى هي؟ دابا غاتخليني نفكر وااش هويدا هي اللي بغات تطيحك ولا نتا اللي كنتي كي الضبع و بغيتي تجرها ليك !!
خليل حمر فيه عينييه و قربلو ناوي يبدا فمشاحنة حتى وقفات سيارة مصعب قدامهم و نزلات منها العاافية شااااعللللة و ملتاااهبببة .. أردفات بصووت عااليي كايصمممك
كنزة:الحمااااااار غانقتلاااااااااك (مشاات كاتجريي جيهتو بغات تتلاح عليييه و هي تتشد من طرف حارس شخصي ليه .. بدات كاتركل و تنتر) اعععععع طلااااق منيي طلااااااااااااااق
خليل باستغراب:كنزة .. ماالك شنو واقع؟؟ (خنزر فتيمور) نتا اش درتييلها!! و نتا طلللق منهااااا (قرب مخننر عند داك الحارس اللي مزير عليها)
تيمور تبسم و ربع يديه كايشوف فيها كي مجننة و معصبة .. ضحك ببروود بصوت عاالي و قال باستفزااز:القرييصة وصلاتك لديك الوذيينةة؟؟
تيمور شاف فيه بنظرة فارغة . رجع شاف فيها مطوول الشووفة .. خنزر فيها و خصوصا فيد الحارس فين محطوطة .. عقد حواجبو و قال ببرود:هه كنت ناوي نعجنك معاها ولكن بغيت غا نقرصلك وذينتك وحدة .. الخطرة الجاية تتجرإي عليا نقرصك كووولك (دار غايدخل لدااخل حتى وقف على صوت الزدييح .. دار و هو يعلي حجبانو بزووج مللي قشع الحاارس ديالو طايح فالأرض و كنزة كاتقاد حالتها و تنهج بعدما نجحاات بضربة) اممم خاص نبدلهم مدامت نملة فحالها طيحاتو للارض
كنزة طلقات زفييير عااالي كاتشوف فييه بحدة و بااغا تتحكم فأعصاابها و هو كايشوف فيها ببروود و استفزااز .. بغات تمشي عندو و هي تتشد من يديها بجوج كل يد تشدات من طرف شخص "مصعب" و "خليل" دورات عينيها و هي تخنزر فيهم بجوج
كنزة:ماالكمم؟؟
مصعب جرها لعندو بهددووء مخنزر فخليل:حبيبتي تهدني .. نتي بلاش عليك من هاد الزعت كولو يالاه نمشيو صافي (مسح على حنوكها بهدووء كايهدنها .. و فالطرف الآخر الملقب بالفرعون قووص فيهم حوااجبو بحددة حاضيهم من بعيد)
كنزة دفعاتو و قالت بعناد:غي سير دابا انا قادة بشغاالي .. (دارت و هي تلقى خليل عند وجهها .. تأفأفات) شنوو دايريين الصصصف؟؟
خليل بتاسم و شدلها يدها جررها منها قدام عينين دوك الجوج اللي بقاو تما .. بغاو ياكلولهم دوك اليدين المتشابكيين .. الأول من الغييرة و الثااني .. يمكن من غيرة الكره!! شكون عرف .. شافو فبعضهم .. تقابلو العيون و هو يعطيهم تيمور بالضهر و دخل فحالو كايتمتم بحدة
-قرييب بزاااف غاتدخلي للمصييدة .. قرييب بزاااف .. طال الزماان ولا قصاار .. انا وياك والزماان طوييل يا كنزةة
وقف قبالت السانسور الخاص بيه و هو يقشع بنص عين دوك الجوج قدام مصعد الموظفين .. دور رجلو نص دورة لجيهتهم و هو يوقف يسترجع ذاتو مللي تحل المصعد، زيير على قبضة يدو بقوة ودخل ليه، شاف بحدة جيهت دوك الجوج حتى تسد عليه الباب و مشا طالع لفووق
خليل تبسم كايهدنها:ماديريش في بالك مشاات طموبيل تجي طموبيل .. لابغتي نشريهالك انا (سعداتها💔)
كنزة خنزرات فيه و غوتات حتى دارو كاع اللي كيتسناو السانسور شافو فيها:بنتلك كانسعى علييك هنااا .. عندييي فلووسي ولكن اللي دارو داك الزاامل كايتسمى شمتنيي بييه .. واش طموبيلتي محطوطة فالباركيينغ دالفيلا فاش خرجت ليها فالصبااح لقييت حتى الصبااغة ممسووحة منهاا .. ولاات غي القزديير مافيها مايتجممع .. ولكن بربي لا بقاات فيييه، (عضات شفايفها بعصبية) و هاد الخراا ماالو معططل .. و نتوما مالكم كاتبحلقوو فيااا دابا نعريلكم طبوني طلوو علييه .. خرااااا التبرگييگ جاريلكم فالدم
دارو كاع دوك اللي كانو كايشوفو فيها دخلو سوق راسهم .. و خليل خنزر فيها ماعجباتوش الطريق كي هضرات .. هي عصبيتها اللي هضراتها .. من ديما لا تعصبات ياكتضرب ولا تسب و بما انها ماقداتش تضرب اذن السبان هو اللي كاتنفس بيه على راسها شوي .. عيات كاتسنا .. فاش طلعلها الدم داارت جيهت سانسور المديير و طلباتو معصبة .. نزل عندها و تحلات بابو .. جات تدخل وهي تتفكر النهار اللي حبس بيها .. زيراات على راسها كاتشجع راسها .. خاصها تواجه مخاوفها، هي ماشي ضعيفة .. هي شجاعة .. دخلات لييه مصطانعة ملامح الجدية و البرود .. شافت فخليل دخل معاها هو و تبعاتهم شيماء اللي عاد كي وصلات كاتنهج
شيما تبسمات:هههه سلاام
كنزة خنزرات فيها مجاوباتهاش أما خليل فبتاسملها:صبحتي ناعسة اليوم
شيما:امممم وي ولكن جيت فالوقت
كنزة معلية حاجبها:منين كاتعرف هاد العوراجة نتايا؟
شيما باستغراب:شنو .. شهاد الوقاحة؟؟
خليل تبسم و عنق شيما بالجنب:ههههه العوراجة بنت عمتي ههههه
كنزة ميلات فيهم فمها وقالت بتهكم:واش نتوما ولاد عمو دداك الحمار و كاتخدمو عندو مصمميين؟؟ علاش ماشي مديير ولا مستشار ولا زفت كحل .. علاش مشادينش الإدارة أزعتر
خليل تبسم ولف قاعدتها .. غا شيما كاتشوف فيها مستغربة من طريقة هضرتها الفضة:حنا قرينا على التصميم انا و شيما كنا فنفس المعهم والرسم كايعجبني من الصغر انا و ياها على داكشي
كنزة مميلة شفتها للجنب:اممممم مزيااان (وقف السانسور عند الطابق اللي قبل اللخر) هانتوما وصلتو يلاه ديكاج
شيماء باستغراب:نتي مالكي شفتك شاعلة و كاتجري علينا فحالا السانسور و الشركة دبااك
كنزة خنزرات فيها:ماعجبكش الحاال؟
شيما:لااا
كنزة:وانطحي راسك مع ستين حييط🙂
خليل تنهد و جر عندو شيما:اجي نتي اجي راه هادي شاطة ماطة ماتقدريش على لسانها
كنزة:مزيناتك نتا و لسانك يييخ (خوا بيها الأسانسور و طلع بيها لفوق الطبقة الأخيرة، غي وصلات غمضاات عينيها بقوووة و دخلاات شهيييق زفيييير طوااااال .. كاتكالمي رااسها ولكن غا حلات عينيها كوراات قبضة يدها بقووة من الفرعون اللي واقف قبالتها مربع يدو كايطلعها و ينزلها بنظرات استهزاء)
كنزة عياات تزيير على رااسها باش تتحكم فعصبييتها ولكن شووفتو و الطريقة اللي كان كايطلعها و يهبطها بيها بعينييه استفزااتها جرااتو بقووة من كوول حواايجو و دفعااتو لحييط السانسور موورااه مغددة
تيمور حط يدو على يديها اللي شادين فحوايجو ببروووود و زيير عليهم مبتاسم:شششششش بنوتة زوينة فحالك مخاصهاش تتعصب و تغووت هاكاايا .. فين الأنووثة و التحلويين دالبناات اممم
كنزة بغات تجر يدها من يدوو ماقدااتش زيررلها عليهم بقوة محافظ على ابتسامتو الباردة المستفزة:طللق منييي .. طلاااااقققق .. الانووثة خليتها لييك نتاااا تقد تستعملها كثثر منييي .. ترييكة ادوومةة .. تفوووووو
تيمور محتافظ على تعبيرو الجامد و البارد و ابتسامتو المستفزة:اووه مسيكيينة .. ضراتك يدك؟؟ باغاني نطلق! (زيرلها عليهم كثر)
كنزة تبسمات باستهزاء:غاتطلق مني ولا مغايعجبك حاال .. و زايدوون مالك ماعلقتي على ديك أدومة هممم (غمزاتوو كادوي بنبرة خبث) .. ولا نتا من نووعهم ههههه وانا نفهااام (ضحكات ضحكة عاالية رناانة مستهزئة .. خلاتو يتعصب .. ملامحو تجهمو و عينييه ولاو أكثر شرااسة فنظراتهم ولكن رغم ذلك حاافظ على برودو)
تيمور :تعصبتي بزااف اليووم يااك ازويينة (طلق من يدييها و قاص حنكها بلطاافة هي تشووكات .. بلعات ريقها من كيفاش كايدوي) كانتمنى ماتعاوديش تشاغبي بزاااف حيت مغانضمنلكش تصرفي كي غادي يكون
كنزة طولاات فيه الشوفة وقالت مستهزئة:شهاد المهزلة كادير؟
تيمور كايدوز يدو على حنوكها بهدووء .. كانو لمساتو باارديين جابولها الرععشة و التبوريشة .. قرب بوجهو لوجهها بشووية و همسلها بنبرة رجولية:كانفذ وعدي لراسي .. هاد الصباح حلفت حتى نبدا أول الخطوات اليوم .. حيت بانلي ماطلت بزاااف
كنزة كاتشووف فيه باستغراب و قربو و همسو ماحركوش فيها شيحااجة من غير الكره اللي كايتزااد:بنتيلي حمق مزعزع شوية لا، بعدد دااابااااا
كنزة كاتشووف فيه باستغراب و قربو و همسو ماحركوش فيها شيحااجة من غير الكره اللي كايتزااد:بنتيلي حمق مزعزع شوية لا، بعدد دااابااااا (دفعااتلو يدوو بقووة و ضربااتو من صدرو حتى رجع خطوة اللور .. بغات تخرج من السانسور و هو يجرها ثاني هاد الجرة كانت قوووية لدرجة ضهرها ترطم بقووة مع الحيط ورااها و يدو البااردة حساتها زيراات على عنقها خنقاااتهااا .. خرجاات فييه عيينييها باغا تدفعو ولكن هو كايزيير علييها)
تيموور ببرووود و نظرات مشتعلة:سحاااب مكك انا مونيكة همممم ... ياكماا ثيقتي كررك و كادفعي و ضربييي .. انا بتزييرة وحدة منيي لهاد العنق نردك فخبر كاان .. نتي هنا مجرد موظفة عااديية مرتبتك فمرتبة اي خااادم فالشرركة .. هاد السانسوور مامنحقكشش تطلعي ولا تنزليي فييه فهمتيييي، نعاود نشوووف حسك راكبة فييه غانتصرف معاك تصرف 100% ماااغايعجببكششش .. جمعي رااسك حسنلك و عرفي راسك معااامن كاتعااامليييي .. انا ماشي صااحب من دوك الصحااب اللي عندك .. انا المديير دياالك .. الرئيييس دياالك .. انا اللي مالكك داباا من داك العقد اللي وقعتييه مع شركتيي .. (تبسم ببرود و حط فمو عند وذنها كايهمسلها بنبرة خاافتة .. شفايفها كايقيصو جلدها) .. عندي الحق نتحكم فكاااع تصرفااتك أزوينة و داابا قوودي قدااامي للمكتب دياالي يلااااه (ماطلق منها حتى جاافت بالمعقوول .. عنقها رجعع حمرر و أثار صباعو بانو فييه .. النفس مقطووعلها غي طلقها بدات كاتكح و تنفس بقققوة و بكل جهدها كادخل الأوكسسيجين لصدرها، و هو حاضيها بملامحو المعتادة)
كنزة كاتلهث:ح ح حممق اه اه انننننن
تيمور شدها من شعرها و قابلها معااه مخنزر:هضرتي مانعاودهااش قااودي قدامي للمكتب ديااليييي
كنزة دفعاتو بقوة كاتملص منو .. حطات يدها عند قلبها كان كايضرب بقووة من النفس اللي قلال .. شافت فيه بحححدة و تلااحت علييه باندفاااع شدااتو من عنقووو بيدييها بجوووج .. و من كثرة ما عنقو ضخم مع بنيتو يدييها بجووج و مساعوهش، تعلقاات فييه رجلييها محااطينو من خصروو و كاتزيييرلو على عنقو بكلل قوتهااا
كنزة طولاات الشوفة فعينييه الكووحل و نظرااتو لييها قربات ليه براسها بشوووية و هي كاتقج فييه حتى سرح حواجبو من التخنزيرة اللي دايرها .. بقا إنش وااحد فاارق بيناتهم .. تبسمات بالجنب كاتشوف فعينيه و بحركة سرييعة رجعات براسها اللور و عاوداات نداافعاات جييهتو عطااتو روسية دوخااتو و خلخلااتووو و نقزات من عندو للأرض كاتنفض فيديها
كنزة:بصحتك هه
تيمور غزز سناانو .. الصببر مابقالووش، جرها من ذراعها بهمجيية و شراااسة جاارها موورااه و هي كاتنتررر و تبغي تجر يدها و لكن قبضتو كاااانت محكوومة على معصمها لدرجة حسات بعضامها ضرووها، وصل لمكتببو حلو .. مع الحلة مع لاحهاا فووسطو و شارلها بسبابتو بتهديييد:غانديير مقاابلة دااباا نجي نلقى هادشي تنظفف دوري عينيك و تعرفي شمن شي يلاااه يالكللبة (دفعها برجلو فحال شي كلبة حتى طاحت للأرض بقوووة و سد عليها الباب بالساروت.. خلاها مخرجة عينيها كاتشوف فالباب قبالتها بحدة .. وقفات كاتنهج و تدوز يدها على مؤخرتها اللي طاحت عليها .. ضراتها بزاااف .. دورات عينيها على المكتب و هي تصعق من شككلو .. كان فحالا ناضت فيه شي حررب .. الورااق مليووحين مترشيين و الزببل مشيير .. غبرة بااينة مفتعلة معمرااه و الكراسة مقلوبين .. غززات سنانها و تبسماات ابتسامة جانبية .. كفضاات يدييها و قربات لواحد الكرسي هزاتو كادور عينيها فالمكتب و تمتم
-واااخا أسيهم الفرعوون واااخا .. بغيتيني نجمعلك المكتب .. غااانجممعو .. غانجمعولك على حقو و طريييقو
تقدمات جيهت الخلفية الزجااجية و رضخاااتها بالكرسيي بكلل قوتها لدرجة تشتت الزااااج و تهرسااات و الكرسي طاااح على الزنقة
عندو هو .. وصل لواحد الغرفة فواحد الردهة طوييلة عن الطابق السابع .. هي ردهة مقابلات العمل .. عندو مقابلات باش يشوف ويتأكد بنفسو من الموظفة اللي غايديرها سكرتيرة خااصة بييه .. دار رجل على رجل و شاف جيهة جوزيف اللي كان بدا المقابلات قبل منو دوز جوج .. مدلو سيفياتهم وعيطو لوحدة تخرى تدير مقابلة ثالثة .. و هاكا داز داك الصبااح حتى للطناش دالنهار تقريبا عاد سالاو المقابلات .. تيمور وقف كايشوف فجوج سيفيات
تيمور:هاد الجوج شوف الأحسن بيناتهم ..
جوزيف تبسم و خدا منو الوراق:اوكي واخا .. بعدا شنو درتي مع العاهرة
تيمور تبسم بالجنب متفكرها:هه باقي مادرتش عااد غانديير ههه هانا غاديي دابا (مشا من قدامو مغوبش يديه فجيابو .. دخل للسانسور و طلب الطبقة الخاصة بيه .. طلع بيه لفوق .. خرج منو و تاجه جيهت مكتبو .. جبد سوارتو و حل الباب .. دفعو و دخل .. مع الدخلة و أول ملاح الخطوة لداخل المكتب خرج عينو فحاالة المكتب اللي كاانت سييئة ولكن داابا زااااااادت سووووء ومولات الفعلة .. نااعسة فوق الفوطووي و ضاااربة الدنيا بركلة)
تيموور بعصبية و صووت غلييض كايزعزع:شدرررتي أبنت القحباا
داخل للمكتب ديالو كايشوف فتليفونو .. مشطون و فبالو ميات حاجة .. علا عينو بالزربة مللي سمع الحس قبالتو .. شرك حجبانو فديك القابعة قبالتو فوق كرسي جنب مكتبو، شافها وقفات و تاجهات عندو مبتاسمة هبط عينو لتليفونو مكمل على شغلو بعدم اهتمام ليها .. مشا تجاوزها و جلس فوق كرسيو الخاص .. خلاها كاتشوف فيه بنظرات يلينو الصخر من برائتهم، تأفأفات و تنهدات و مشات لعندو تكات على المكتب و حطات يدها على يدو .. شافت فيه بابتسامة حاسة بذاتها و نفسها و قلبها و كولشي فيها كايترعد من القرب اللي بيناتهم .. هو علا حاجبو فيدها اللي فوق يدو و راسها اليابس اللي هرسو ما مرة ما جوج ولكن هي كاتصلحو .. واخا مكايرجعش كي كان و فكل مرة كاتفقد قطعة منو إلا انها كاتنااسا إهاناتو ليها .. هادي قوة حبها اللي ماقلاتش ليه .. من أول نظرة .. من أول نهار شافتو .. شافت فيه بنظرة رجلها المثالي .. الحبيب الحنوون .. كانت كاتشوفو كايتعامل مع بنت خالها بطريقة زوينة و كايخاف عليها .. كانت كاتحسدها من ديما كانت باغا واحد فحالو،
زفرر بكل قوتو و شاف فيها مخنزر .. نتر يدو من يدها و صهل فوجهها حتى جفلات و قفزات
-مكااتفهمييييش العربييية نتيييي .. مكااتعرفييش شنوو هي سيييري .. غبرييي من حيااتي .. مبااغيييكش فييها .. مكاتفهميهااااش
شيماء بعينين دامعيين و كبرياء مكسور:ج ج جوز
جوزيف بعصبية:سكتيييي مادويييش نتي صووتك محااملوووش، كوولشي فيك كايعصبنيي .. بغيييتك تخرجي من حيااتي .. يكوون عندك شوية نفس و قودي منهااا
شيماء تبسمات بالزز كاترمش باستمرار باش تحبس دموعها اللي نزلو رغما عنها و قالت بصوت مبحوح:ماديرش فيا هاكا
جوزيف شارلها جيهت الباب:برا عليا
شيماء عضات شفتها التحتية بقووة و همساتلو:م م متأكد؟
شيماء تراجعات ثلاثة دالخلفات اللور من شنو تفوه بيه بفمو .. رسمات ابتسامة مرغمة على شفايفها و قالت بنفس كايتقطع و حروف خارجين بنبرة راجفة:و و وخا كانواعدك مغانعاودش نزيد نزعجك، سمحلي على تطفلي
بقات محافظة على ديك الإبتسامة و مشات جيهت الباب مطأطاة راسها للأرض .. سدات باب مكتبو و تكات عليها باقا مبتاسمة كاتشوف فالفرااغ .. عينيها مغرغرين بالدمووع و تعبير وااحد فوجهها .. الإبتسامة الكاذبة و المزورة .. غمضات عينييها بقووة حتى تمردو الدمووع اللي كانو باغيين غي دفيعة و نزلو ورا بعضهم .. مسحاتهم بالزربة كاتمتم
- صافي أشيما صافي .. هو أصلا عمرو عبرك .. عمرو حشاهالك .. ماكنتي متوقعة منو والو .. ماكنتيش متوقعاه يبغيك .. ماكنتيش متوقعاه يشوف قلبك و روحك و حياتك المتعلقين بيه، ماكنتي متوقعة والو .. غي نتي اللي نجارفتي صافي (تمشات ببطئ جيهت الدروج من داك الطابق هابطة لتحت و صدرها حاساه شاعلة فيه العاافية ماباغااش تطفى .. هضرتو كادور فذماغها و تعابيرو و جمودو معااها .. كولشي معروف نهايتو .. هو عمرو يبغيها و هي مكاتضنش غاتقدر تنساه بسهولة .. وصلات لقاع الدروج فداك الطابق و جلسات عليهم .. كاتمسح فدموعها و تنخصص وتشووف فالأرضض بقلب منفطر)
♣♣♣♣♣♣
تيمور بصوت غلييض عصبييي:أشش درتيي أبنت القحباا
كنزة كانت فساابع نومة .. حتى قفزات من صوتو العاالي، دورات عينيها فالأرجاء وشافت فيه مخسرة تعابيرها:اووووف منييين مفييقنيي .. نااري على حلمة شحال زوينة
تيمور قرب لعندها .. كانت كاتجمع وقفتها فوق الفوطووي .. حتى تلاح علييها ردها متكية و طلع فوقها مزييير على عنقها للمرة الثاانية هاد النهار حتى خرجو عيينييها و تزنكاات:باااغا تمووووتيييي .. باغاني نقتتللك قبل وقتتك هاااا .. قوولييها و هنييني نخسر علييك رصااصة و ثيقيني جثتتك مايلقاووهاااش ولو يقلبو علييها فگااع الدنيااا
كنزة كاتدفع فيه و تحرك بقووة وضربلو فيدو:ب ب ببببعددددددد اااااااا
تييمورر زااد زيرلها على عنقها و علا عينو فالمكتب .. كان كولشي مترش .. الزااج مهرررس .. و المكتب مقلوب و البيسي مدكدك .. حتى الواجهة الزجااجية اللي كاطل عليها الشركة كانت مهررسة .. نتر يدو منها و ناض من فوقها لديك الواجهة الزجاجية .. كان الرييح كايدخل منها، طل لبرا و هو يقشع الناس مجمعين لتحت على شي حد طايح فالأرض و شي حاجة مليوحة فوقو .. دار شاف فيها و شارلها بيدو:لا باانليي بلا مانوسخ فيك يدي رااك غاتدخلي للحبس على جرييمتك
كنزة وقفات بسرعة مستغربة شادة عنقها كاتلتاقط أنفاسها:ا انا اللي غانرفع علييك دععووة .. بغيتي تقتلني جووج مراات و و كاتعااملني بطريقة مهيينة .. غانرفع عليك دعوة محاولة قتل و رد اعتبار
تيمور ضحك باستهزاء و مشا لعندها .. شدلها معصمها و جرها جيهت الواجهة الزجاجية .. هبطلها راسها لتحت كان الريح قوي داخل من ديك التهريسة كايشعككلهم شعرهم .. عينيها حلاتهم بالزز مع ديك الريح القوية:شوفي شدرتي من داك الكرسي اللي لايحة .. حاسبة راسك كليندايززر .. غادخلي للحبس تتعفني فييه
كنزة شدات فمها بصدمة مخرجة عينيها فداك الشخص اللي طايح عااد وصلات عندو الإسعاف هزوه:اوييلييي .. ا ا انا م ماب .. ماشفتووش و و مالحتش الكرسي بلعاني وو ماااشيي انااااا اصلاا هذاا مكتببك نتااا .. ماشي انا اه ماشي انا .. نتااا درتيها (خرجات فيه عينيها)
تيمور ضحك باستهزاء:أووووه ههههه تقتل القتيل و تمشي فجنازتو هي هادي ديالك، (ملامحو تبدلو للحدة) مكتبي أزوينة فيه الكاميرات .. وراك تصورتي بالجرم المشهوود
تيمور ضحك ضحكة عاالية و خنزر فيها .. جرهاالو من يدهاا ملصقها معاه حتى حسات بالصقييع من برودية جسدو، همسلها:بانلي كاتخافي من الحبس ياكي
كنزة جسمها كايرجف بين يدو من أيامات مشفى المجانين و هي كاتكره الحبس ولا الطبيب ولا شي بلاصة يشدوها فيها بالزز .. شافت فعينيه كاتصنع الشجاعة و حركات راسها بلا:م م مكانخاافش
تيمور مرر صبيعاتو بين خصلات شعرها مبتااسم و همسلها:كاتعجبني شجاعتك (كنزة حلات فيه عينيها مصدومة .. هو هبط بأناملو كايدوزهم بشوووية و بلمسة رقييقة على وجهها) أنا بغييت نديرو اتفااق ولا وافقتي عليه نقدر نخرجك من هاد القضية كي الشعرة من العجيينة .. كيفما شفتي المكتب مكتبي و الشركة شركتي .. هادشي كوولو ديالي حتى نتي هه (تبسم بالجنب) موظفتي ديالي
كنزة مخرجة فيه عينيها:داباا نتاا لاياش كاتلمحح همم .. جيني گوووود .. ولا قوولي .. ياكما كنتي مخططلها .. تجيبنيي لمكتبك و دير هاد التمثيلية ياااك
تيمور:تت مامسالييش ليك و لتبرهييشك انا غي غانخيرك بين جوج حوايج أزويينة و نتي ختاري
كنزة كاتشوف فيه معلية حاجبها و بنظرة حارقة كاتمتم:و شنو هوما هاد جوج حواايج؟؟
تيمور تبسم و جبد تليفونو من جيبو دار رقم و شغل السپيكر:بلاتي نتأكدو بعدا و نشوف واش نخيرك ولا لا .. كيفما مكاتعرفيش أ.. هه بلا ماكمل اللقب غانجرحك ثاني وتنفاعلي .. خليك زوينة و مهدنة هاكا .. دابا نتي كيفما مكاتعرفييش .. أنا مكانبغي نظلم حد و اللي دار الذنب يستاهل العقوبة (تفتح الخط و هو يسكت)
-سيدي
تيمور بتسائل:شنو واقع لتحت؟
-سيدي طاح واحد الكرسي .. هرس واحد الزاجة و طاح داكشي على واحد الموظف من الأمن دالشركة .. حالتو خطييرة بزااف حيت من غير الكرسي و شنو دار فيه راه دخلو الزاج فراسو .. كانضن يقدر يموت .. البوليس غايجيو باش يحققو فهادشي عيطنالهم
كنزة قلبها هبط بالخلعة و شدات ضفارها كاتغززهم و تفكر فداك الشخص و حالتو و كيفاش تقدر تكون قتلات بنادم من انفعالها و عصبيتها .. و عاااد "الحبس" هي تمشيلو .. غي تخايلاتها لحمها شوكاات .. حركات راسها بلا كاترااجع اللور و هو يقطع تيمور الخط شاف فكنزة و بتاسم
كنزة بلعات ريقها و قالت بصوت مرعود:م م مابغيتش ندخل للحبس
تيمور قرب لعندها بنظرة مططولة و همسلها:لقييتها .. لقيت نقطة ضعفك
كنزة عضات شفتها التحتية و همسات كاتصنع الشجاعة:م ماعنديش نقطة ضعف
تيمور ضحك باستهزاء و قرب لعندها كثرر .. وقف قرييبلها .. كايباان ضخم و طوييل مقارنة معاها هي قد النملة قدامو:أش بانلك دابا؟ نعاونك و نخرجك من هاد القضية كي الشعرة من العجينة؟ (كنزة حركاتلو راسها بالإيماء بسرعةة، خوفها اللي متحكم فيها .. هو تبسم بمكر و قربلها براسو هاامسلها) إذن .. كوني العبدة ديالي، هادشي لامابغيتيش تدخلي للحبس .. أكنزة العربي .. لابغيتي تبقاي حرة خاصك تقبلي تولي عبدة ديالي أنا .. عبدة الفرعون
كنزة كاترمش فيه باستمرار كاتستوعب هضرتو و شنو كايقصد .. تمتمات بهمس:مافهمتكش!!
تيمور باستهزاء:كاتبوهلي عليا ولا كاتبوهلي عليا؟
كنزة عضات شفتها التحتية بقووة .. عينييها رجعو كي جغمة الدم باللحموورية .. دفعااتو حتى تزدح مع الجيهة السليمة من داك الحائط الزجااجي .. علات سبابتها كاتحذرو مخرجة عينيها:واياااك تعااودها فهمتيي، وااياااك .. انا عمممرني .. كاتفهااام .. عااامررني نكوون عبدةةة ليييك .. انا كننزة العربييي .. كنزة العربييي .. كنزززة القوويةة .. كنزة اللي مغاتخاافش منك و من هضرتتتك .. عمرك غاتشوفني حانيالك رااسي و كانترجااك .. عممممرك تحلممم بهاااادشي .. عمررررك
تيمور ربع يدو كايشوف فيها مبسم بابتسامة جانبية:مزيااان .. صرااااحتا كنت نااوي نعاونك ولكن بهضرتك بنتيلي ماتحتاجينييش .. فاش يجيو عندي البوليس غانعطيهم تسجيل الكاميرات و نرجع اللور، (دور راسو و قال بنبرة أشبه بالهمس) غاتدوزي گااااااع حياتك فالحبس أكنزة العربي
كنزة بلعات رييقها كاتحك يديها مع بعضهم من ثوثرها .. دارت باغا تخرج و كاتفكر فهادشي حتى تصمرات بلاصتها مللي سمعات الدقان و دخل شخص ضخم البنية .. بملامح صارمة فيدو البادج دالبوليس
-السلام عليكم السي تيمور .. معاك المحقق عبد السلام .. بغيت ندوي معاك بخصووص الزاجة اللي تهرسات و الكرسي اللي تلاح من مكتبك وو .. الشخص للي بين الحياة و الموت
كنزة غمضاات عينييها بقووة .. كاتفكر واش هادشي حقيقي ولا كاتحلم .. كيفاش فلحضة عصبية رتاكبات جرييمة و عااد مارداتلهاش الباال .. ماعرفاتش شنو خاصها ديير .. يبساات فبلاصتها كاتفكر فهضرة الفرعون .. كاتفكر فحياتها كي غاتولي .. غاتدوزها بين ربعة دالحيوط .. بين المجرميين .. ماكفاهاش أنها دوزات سنوات مع الحماق و دابا غاتدوز اللي بقا مع المجرمين جاتها البكية .. قفزات من الفرعون اللي نطق كايشوف فيها
تيمور:الموظفة ديالي هي اللي لاحت الكرسي .. تقدر تحقق معاها هي
المحقق دار شاف فيها و هي تتخشى فبعضها برهبة:اممم انسة تفضلي معايا الله يخليك لمركز الشرطة
كنزة كاترعد:م م مادرتهاش بلعاني
المحقق قرب عندها:فمركز الشرطة قولي اللي بغيتي .. عندك الحق تكلفي محامي (جبد المينوط) عطيني يديك
المحقق جرها معاه و هي غادة و تشوف فتيمور آملة ينقذها .. حتى تسد باب المكتب و هي تتحول ابتسامتو الباردة لتخنزيرة .. ضرب واحد الطبلة مقلوبة جنبوو شخشخهها كايتمتم بعصبية:منيييين خرجلي هاد البلاان هذاا منيييين افففف (جبد تليفونو ناوي يدير اتصالات مع معارف ثقااال ولكن دورها فذماغو) لا لا لا .. مانزربش واخا باغيها تكون برات الحبس باش نقدر ننتاقم إلا انها لادوزات فيه شي يوماين تتروضى شوية و تفففكر مزياان فعرضي .. كنزة العربي غاترجع عبدة ديال الفرعون هههه مثير للإهتمام
❌داخلين لواحد المطعم مقابطين بجوج .. يديهم متشابكين و البسمة مكاتخطااهمش .. الثناائي المرح ديالنا .. كلير و سي گي .. مشاو لواحد الطبلة خاوية و شدو قائمة الأكل كايشوفو فيه .. كان مكتوب بالعربية و الفرنسية و الإنجليزية، يعني قادين يفهمو شنو مكتوب تم
سي گي بتركييز:اممم نطلبلك انا على ذوقي شبانلك؟
كلير تبسمات و شافت فيك:ويي بكل رحابة صدر نقبل هههه
سي گي علا فيها راسو و تبسم .. قرا القائمة كااملة و شاف فيها:بانلي فالسلطة اللي كاتحماقي عليها .. و الروز الصفر مع الخضرة و فواكه البحر مع صوص خاص و ديسير خفيف زوين فحالك
كلير بابتسامتها المعهودة:كوول تافقناا
سي گي شير للسيرفور جا خدا طلباتهم حتى هو طلب فحالها .. مشا السيرفور و جلسو كايدوييو و يبتاسمو .. هاادئيين
كلير:المطعم زويين
سي گي:ممممم بوجودك فيه
كلير عضات شفتها التحتية و تنهدات مطوولة فيه الشوفة:حبيبي، قولي علاش نتا هكا داير
سي گي بعدم فهم:كيفاش هاكا؟؟
كلير كاتحسب بصباعها:متفهم .. منفتح .. ضحوكي .. هاديي .. جنتلماان .. صراحة الصفات اللي كنت كانتمناهم ففارس أحلامي لقيتهم فيك .. عمرك سولتيني على الماضي ديالي ولا بززتي عليا شي حاجة مباغاهاش .. كولشي كاديرولي بخااطرييي و مكانتخاصمووش بسباب هادشي
سي گي تبسم:ههه حيت كانبغييك ألحمقة .. هادشي اللي قلتيي فيا طبع انا عاطيك خصوصية و ثقة .. و متأكد ان الماضي ديالك خليتيه فالماضي .. اه عارف أنك كنتي فمركز إعادة التأهييل .. كنتي مدمنة و كنتي و كنتي و كنتي سووو واات،؟ .. راك كنتي .. هادشي فالماااضي و حنا ولاد اليوم خاص نفكرو غييي فحاضرنا و مستقبلنا
كلير بتسائل:و لاعرفتي بشي حاجة ماشي هي هاديك على الماضي ديالي .. غاتبقى علاقتنا فهاد المنحى؟ مغانتفارقوش شنو ماعرفتي؟؟
سي گي صغر فيها عينيه:لاياش كاتلمحي؟
كلير تنهدات و قالت مبتاسمة:والو غي سولتك .. يعني نتا لقيتيني فييرجن أول مرة رغم انني كنت عايشة عيشة متحررة و قتلك أنك نتا أول واحد فحياتي .. ولا كان شي حد فحياتي من قبل كنتي تبقى معايا
سي جي تأفأف شدلها يديها بجوج باسهم:كلييير بايبيي انا عمرو الماضي ما همني، واخا كون ماكنتيش فيرجن كانت غاتكون عندي عادي فهمتي أعمري ! .. انا ماشي من صحاب الفكر المتزمت راك عارفاني .. بي كووول
كلير تبسمات براحة:ههههه كانبغيك
سي گي عاود باس يديها:ميي تووو
قاطع رومانسيتهم السيرفور اللي جا بالغدا حط كاع الأطباق مع المشروبات المرافقة اللي طلبوها .. حط لكلير جا يحط لسي گي و هو يتزلعلو الكاس حتى فزكلو حوايجو .. وقف سي گي بالزربة كايشوف فاللون الأحمر لصقلو فالشوميز و السروال:شيييت
السيرفور:بارغدون مارديتش البال
سي گي بتفهم:ماشي موشكيل غا قولي فين الحمام
كلير وقفات معاه:نعاونك؟
سي گي:لا لا غي تغداي غانمشي للحمام دالرجال
كلير بتاسمات؛اوك
مشا سي گي خلا كلير جالسة كاتشوف فطبقها .. شدات الفرشيطة ناوية تبدا تاكل حتى شافت طيف شي حد جلس قبالتها، علات عينها و هي توقفف بسررعة مصدوومة من داك الوجه و ديك الإبتسامة الشبيهة لإبتسامة الشيطان الخبيث
كلير شدات قلبها بذعر ووقفات مصعوقة: ن ن نتاااا
قرب عندها مبتاسم عينو كايتفحصو فيها بالكااامل:أه انااا .. توحشتتك يا زهرتيي
كلير تراجعات للور بخوف حتى تعكلات مع واحد الطبلة و طاحت للأرض كاترعد دارو كاع الحضور فالمطعم كايشوفو فيها:س سير سييير بحاالك
حنا عندها بنفس بسمتو و مدلها يدو:تت تت تت عطيني يدك بعدا .. خاصني نوض زهرتي و نمشيو انا وياها .. أعواام وانا كانقلب علييك مممم .. أعواااام كثااار
كلير شدات قلبها و ناضت بالزربة كاتدور فراسها:ن نتا مرييض س سير بعد مني مباغااكش
سي گي بعدها من عليه باستغراب و شاف فيها بتسائل:شكون هذا؟ شنو وقع؟؟
كلير كاتبكي بخوف .. سمعات صوت الباب تحل و هي تقفز و عاوداات تخشات فييه:لا لا جريي علييه .. ضربوو قوولو يمشيي قولو يمشيييي
سي گي تخلع لحالتها .. علا راسو فشكون دخل كان السيرفور اللي قال بهدوء؛مدام ممنوع تدخلي لهنا .. تفضلي معايا عفاك
كلير معلقة فسي گي:لا لاا سي گي بلييز يلاه معايا .. نخرجووو انا ويااك هو غايكون كايتسنانييي كايتسناني
سي گي حاوطها بيدو مستغرب كايشوف حواليه مفاهمهااش و هي كادوي بحالة هستيرية خاايفة من الماااضي، و خايفة من داك اللي رجع من المااضي دياالها .. همسو و نبرة صوتو ماتبدلووش .. نضراتو و ابتسامتو المخيفة .. كولشي فيه كايخليها تبغي تموووت من الخلعة .. خرجها من المطعم بالكاامل معنقها و هي مخشية فيه مكاتشوفش قبالتها .. خداها للطموبيل ركبها و ركب جنبها و الفضول و الإستغراب كياكلو فيه .. باغي يعرف شنو وقع باش دخلات فهاد الحالة الهيستيرية و شكون اللي رجع و شنوو وقع فدقاائق معدودة خلاها فيهم
♣ تحل واحد الباب بالقفل و السلاسل و دخلات كنزة المصدومة بشنو وقع .. دورات عينيها فضلام الزنزانة و هي تصرط الرييق بخووف .. دارت باغا ترجع تخرج و هو يتسد الباب قدامها بقوة حتى جفلات .. سمعات أصوات من وراها .. دارت الدموع مغرغرين فعينيها .. غي شافت مجموع البنات اللي جالسين فالأرضية كايشوفو فيها حسات برجفة فساائر أجزااء جسمها .. تفكرات أيامها الخوالي فمشفى المجانين و الحمقات اللي كانو فيه كانو كايشوفو فيها بنظرات مشابهة .. كايصيبوها بالرععب .. الفرق بين الحبس و مشفى المجانين هو أن الحبس مضلم و المشفى مضوي .. مشات لواحد القنت الطالون كايتزعزع بيها و جلسات كاتقارن بين الفرعون و باها .. جاوها كايتشابهو .. بجوجهم كاتكرههم .. قلوبهم حجر و مكايحسوش بالناااس، ديما عندهم بنادم زايد ناااقص .. ولكن الفرعون مبدل فحاجة وحدة على باها .. ديك الحاجة هي أنه عطاها خيار تخرج من هاد الورطة و لكن المخرج غياخذها ليه .. غاتولي مقيدة بيه .. تولي عبدة لييه .. مغاتبقاش كنزة ديالت راسها .. غاتولي كنزة ملك الفرعون .. الفرعون ذو القلب القااسي المتلبد .. خللات صباعها بين خصلات شعرها كاتنتفوو و تررعد معارفا مادير .. مخها حبس فهاد اللحضة
بعد مرور الفترة النهارية عند الخامسة مساءا
#عند_بوابة_شركة_الفرعون
واقفة سيارة مصعب .. شاد تليفونو فيدو كايصوني على كنزة ولكن مالقاش إجابة .. التليفون كايعيا يصوني و حد مكايجااوب .. عارفها ماعندهاش طموبيل و هذا وقت خروجها جا موراها حيت بالو ديما معاها .. و لكن بعدم إجابتها و مرور نصف ساعة من خروج الموظفين حتى بقاو غي حراس الأمن تما .. تقلق و بالو تشطن عليها .. خرج من الطموبيل و تاجه عند حراس الأمن .. توازى وقوفو معاهم خروج الفرعون ووزيرو كايتناقشو حول واحد الصفقة مع واحد الشركة
مصعب بتسائل:نسولك على واحد الموظفة هنا!!
الحارس شاف فيه مخنزر:مكانتسولوش هنا سير بعد .. وقت الخدمة سالا و حد مكايقرب من الباب فهاد الوقت
مصعب دور عينو فالأرجاء .. جبد بزطامو و بدا كايحسب قدام الحارس جبد كمشة و مدهالو:و دابا؟
الحارس تحنحن و قال بصوت منخفض:شكون بغيتي؟
مصعب:كنزة العربي .. مصممة جديدة فالشركة
تيمور كان غاادي حتى وصلات لوذنو السمية
تيمور كان غاادي حتى وصلات لوذنو السمية .. وقف ودار شاف فيه، قرب لعندو مبتاسم ببرود و قال باستهزاء:كاتقصد المجرمة كنزة العربي!
مصعب دار باستغراب مع كان تيمور موراه .. قشعو و هو يخنزر فيه:شكاتقصد نتا؟
تيمور:كانقصد الحقيقة هه كنزة العربي المجرمة .. بغات تقتل موظف عندي و هي دابا فالحبس
مصعب حمر فيه بعينييه .. شخصية تيمور المستفزة كاتخلي اللي كايدوي معاه يبغي يضربو .. مازادش معاه الهضرة مشا نيييشان لطموبيلتو ركب و ديمارا بسسرعةة .. عارف كنزة و عارف مخاوفها .. حافضها كثر من نفسو و عااارفها غاتكون مييتة بالخلعة
جوزيف تبسم باستهزاء:مممم كايبغيها
تيمور شاف فيه بجدية:ماشي مهم الأهم واش هي كتبغيه هه لاماكانتش فغاتولي كتتبغييني و حتى لاكانت كاتبغييه غانخلي مشاعرها يتقلبو لصاالحي انااا
جوزيف:متأكد غاتقبل عرضك؟
تيمور غمزو:كل التأكييد و تقدر تعتابرو وعد مني .. ديك العاهرة .. غاترجع عبدة عند سيدها
جوزيف تبسم و طبطبلو على كتف:گود لاااك
♣ وصل لمركز الشرطة .. نزل طااير شاد تليفونو كايصوني للمحامي الخاص بيه كان خارج البلاد عندو شي قضية .. تواصل معاه باش يشد أول طيارة و يجي عندو، مشا مبااشرة لعند أول بوليسي شافو
مصعب:جابو غي قبايلة واحد البنت ضربات شي حد واقيلة هي زوينة و قليولة ... سميتها كنزة العربي
البوليسي شيرلو:سير سول لهييه هداك الظابط المسؤول على هادشي
مصعب ومئلو و مشا لديك الجيه كايجري وقف قدام الظابط عبد السلام:السلام خويا
الظابط علا فيه عينو غي شافو تبسم و وقف:مصعععب
مصعب باستغراب:عبد السلام
سلام قرب عندو:خوويا جيتي للمغريب
مصعب تبسم بالزز:احمم جيت نسولك على واحد البنت بغيت نشوفها
سلام بابتسامة:متفهم ردة فعلك ولكن عفاك ماتعاملش هكا راه كانبقاو خووت
مصعب نطق بجدية:كنزة العربي .. بغيت نشوفها
سلام تنهد و قال بهدوء:كنزة العربي متهمة تهمتها ثقييلة ممنوع تشوف حتى واحد من غير المحامي ديالها
مصعب:اه تاصلت بالمحامي راه جاي دابا .. راه خارج البلاد .. دابا بغيت نشوفها عارفك تقد تلاقينا
سلام تنهد:بفففف على وجهك و صافي واخا عارفك صعيب تسامحلي ولا تسامحلنا
مصعب مصطنع عدم الإهتمام:عفاك بغيت نشوفها أسيادة الظابط
سلام شاف فواحد البوليسي واقف فالباب:سير جيب كنزة العربي من لتحت
مصعب غمض عينو بقووة كايزعزع فرجلو و جلس فوق واحد الكرسي كايزيير قبضة يدو و يلوم راسو علاش قالها على هاد التحدي اللعين .. هي عصبية زيادة عن اللزوم و عصبيتها ديما مخرجاها فشي بلان مقود على مو .. دازو دقاائق من الإنتظاار غي كايفكر و غاايب مكايشوف مكايسمع للشخص اللي قدامو .. حتى دخل لمسامعو صوتها .. وقف بالزربة و دار شاف فييها مع الشوفة مع تلاحت عليه معنقاه كاترجف
كنزة: خ خرجني من هنااا أمصعب خرجني عفااك ماتخلينييش هناا .. خ خفت خفتتتتت بزااف لتحت الدنيا مضلمة و تخننقتت
كنزة شافت فيه عينيها مدمعين و بصوت مبحوح قالت:انا هو تعامل معايا خاايب .. من ديييما كايتعامل معايا خاايب و اليوم عاملني كي شي حششرة .. خ خداني للمكتب ديالو اللي رونو بلعااني و قالي جمعييه و نظفييه .. انا تعصبت و تصرفت بلا وعي منيي زدتت روونتو و هرست الزااج و كوولشي و فلحضة عصبية لحت واحد الكرسي حتى تضرب فواحد الواجهة كاطل على الزنقة و طاح على شي موظف .. م مابغييتش نوصلو لديك الحالة .. قالو يقدر يموت .. مباغاش ندخل للحبس أمصعب واللهما درتها بلعاني اناا...
قاطعها صوت عبد السلام الصارم:للأسف ماشي يقدر يموت راه مات .. عاد كي وصلني اتصال دابا عاد .. كنزة العربي راك قتلتييه
كنزة دورات راسها بلاا كاترعدد شادة قلبها .. شافت فمصعب اللي عض على شواربو بقووة كايفكر فحل للمشكلة .. و هي من قوة الفشلة و الصدمة ماقدرااتش تزيد تستحمل فقدات وعيها بين يديين مصعب اللي بقا كايغوت بسميتها و يطبطب على حنوكها باغي يفيقها
...
عزيزتي، أردتي العبث بمشاعره .. أردتي أن تدخليه في رهانااتك .. أردتيه أن يكون ضحية مشاعره تجاهكي .. لكنك تراهنتي على شيء كبيير .. إنه الفرعون!! ليس بالخصم السهل .. ليس من أوولئك الأشخاص الذين يقعون لكي من أول نظرة، ليس مرهف الأحاسيس بل هو جااف منها .. يريد تجريدكي من نفسكي .. يريد تعذيبكي و يريد الثأر عن طريقك .. لن تعرفينه حق المعرفة إلا عندما تقعين في مصيدته أنتي .. ستصبحين عبدته، ملكه، راضخة له .. أنصحكي بعدم الوقوع له .. لأنك ستدخلين في صراع مع نفسك .. من الأفضل ان تستمري في انتقامك حتى ترسمي طريقا في قلبه الأسود .. عندها ستصبحين الملكة لا العبدة👑
🔹❌عبدة الفرعون❌🔹
🚔 قسم الشرطة 🚔
جالس مصعب فالأرض كايدوز غلاقة دالريحة عند نيف كنزة الفاقدة وعيها فوق واحد الفوطوي صغيير، قدامو واقف سلام .. الأخ ديالو .. من زماان ماتشاوفو .. من نهار طج بسباب شي مشاكل كانو بينو و بين الأب ديالو من داك الساع ماتشاوفو ولا عرفو خبار بعضهم، شافو فكنزة كاتستاعيد وعيها و تكمش جبهتها بانزعااج وقف مصعب كايدوز يدو على شعرها
مصعب عض شفتو التحتية بقووة و شاف فسلام:كاين شي طريقة نخرجوها من هاد القضية بلا مشاكيل؟
سلام:تت للصراحة التهمة ثابتة عليها بالدليل واخا قتل غير عمد إلا أنها تصرفات بغير مسؤولية .. واخا الحكم يقدر يكون مخفف إلا أنها ضروري ماتدخل شي سنوات للحبس
مصعب كايعض فصباعو و يشوف فيها هي كاتهلوس بضعف:ماتخرجش بكفالة؟ غانشوف مع المحامي .. بفففف مايمكنش نخليها تحبس
سلام بتسائل:شكاتجيك كنزة؟
مصعب شاف فيه و تبسم ابتسامة وااسعة صاادقة كايردف بصوت خافت:حب حياتي و قريبا، مراتي
سلام تحنحن و قال بصوت مبحوح:كلثوم ختنا .. من نهار مشيتي و هي بالها مشغول عليك، توحشاتك .. هي و الواليد
كنزة بصوت ثقييل جسمها كايتهز:م مادرتهاش بلعاني أمصعب شنو غاندير .. م مايمكنش ن نبات هنا .. لتحت باارد و و...
سلام بصرامة:خويا خاص نهبطوها لتحت .. طولات هنا .. حتى يجي محاميها و دويو
مصعب شاف فيه :غي شووية
سلام حمحم:للأسف مانقدرش .. هادو القوانين
مصعب تنهد و شد لكنزة فوجهها:كنوزة حبيبتي .. صبري غي علاما يجي المحامي و غانشوفو حل .. غانخرجك من هنا كانوااعدك
كنزة كاتشوف فيه بخوف فعينيها:مابغيتش نبات هنا😢
سلام قرب عندها:أنسة عفاك، ضروري هادشي
كنزة زيراات على قبضة يدهاا ووقفاات حانية راسها فالأرض مشات مع داك اللي طلعها هابطين لتحت جيهت الزنزانات و كادور فعينيها بخوف .. جاها البرد واخا مكاينش .. لحمها مشوووكة و الرعدة متمكنة منها، ذكريالت خايبين زاروها خلاوها تحس بالضعف
ذكرياات خايبين زاروها خلاوها تحس بالضعف .. الصبيطار و بردو .. غرفة كانو كايتعاقبو فيها لا خالفو القوانين، دوزات يدها مع ذراعها برهبة و قفزات .. حسات فحالا شي صعقة كهربائية دازت مع لحمها و ضراتها فعضامها .. كان غي شبح الذكريات تابعها كايوهمها بداكشي، حكات ذاااتها بقوووة كاتنفس بالجهد
تحلات باب الزنزانة اللي كانت فيها و هوما يدمعو عينيها .. خطات خطوة داخلها و هو يجي لبالها واحد الصوت *اش بانلك دابا؟ نعاونك و نخرجك من هاد القضية كي الشعرة من العجينة؟* *كوني العبدة ديالي، هادشي لامابغيتيش تدخلي للحبس اكنزة العربي .. لابغيتي تبقاي حرة خاصك تقبلي تولي عبدة ديالي أنا .. عبدة الفرعون* عضات شفايفها بقووة من الأفكار اللي جاو لذماغها .. فهاد الوقت رجعات باغا غا تفك راسها من هادشي .. باغا غاتخرج من هاد الربعة دالحيوط و الضلاام و البرد .. واخا تتخلى عن كبريائها و ترضخلو .. إلا أنها غاتكون حرة خارج الحبس و تقدر تنفذ أفكارها ضدو .. تقدر تندمو .. تقدر تعيش حياتها .. ماشي توقفها بين هاد الربعة دالحيوط .. كنزة ماشي دالحبس .. تنهدات بقوة كاتسمع صوت السلاسل فباب الزنزانة اللي كاتسد و دورات عينيها فالبنات اللي معاها تما حتى هوما، كانو حاضيينها كايطلعو فيها و ينزلو .. علات حاجبها بقوة مصطنعة و كبرياء كبيير و مشات للقنت اللي تكونات فيه قبايلة يلاه بغات تجلس و هي تحس براسها تجرااات و طااحت للأرض بقوة الجرة .. شافت فديك اللي جراتها مخنزرة بحدة و وقفات مخرجة فيها عينيها
كنزة بصوت عاالي؛نتي اش درتي دابااااا؟؟
-كانداافع على بلاصتي أزويينة .. لابغيتي تجلسي سيري لهيييه
-اه مكتوية بسمييتيي .. ولا ماجمعتييش راسك و سوالفك و مشيتي و تركنتي لهيييها ليووما نتعشاا بالزويينة
كنزة حمراات فيها العينيين .. هي أصلا على اعصاابها و باغا غاللي يجبدها .. دورات راسها للجيهة اللي قاتلها .. دارت راسها غادالها و هي ترجع على غفلة تلااحت على ديك خيتي بنتفةةة جرااتها مغددة و هبطاتلها راسها للأرض كاتجر و تنتف تجر و تنتفف و تضرب و تركللل و تتجنن حتى تجمعلها الزغب فيدهاا كببببة .. و ديك البنت كاتغوووت و تدفع فييها، باغا تنتفها ولكن ماوصلاتهاش .. ماحسات كنزة براسها غيي مشدودة من اللور بربعة داليدييين .. دارت و هي تتشد بالنتييف و القرييص و العضاان .. جوج بناات تحامااو علييها .. بغاات تضربهم و تنتف حتى هي ولكن تحاماو عليها بالمزياان ..كاتبقى ديما الحمية كاتغلب السبع، زادت معاهم حتى ديك اللي بداتها كنززة و ناضو كااع البنات اللي فالزنزانة تقريبا خمسة تحامااو عليها حتى بغات تسخفلهم بين يديهم عاد ناضو كايضحكو و يشوفو فيها .. طايحة فالأرض كاتنهج .. وجهها مخبوش و شعرها منتوف و حوايجها مقطعين واحد العين عندها مزرقة و لحمها مطبعة و مغززة بالعضان و القريص و الضريييب .. عطاوها قتلة نيت .. مع الفشلة دالحبس و النفسية المزفتة تهداات .. غمضات عينييها فبلاصتها ناعسة ماتحركاات ماتململاات .. و البنات تجمعو مع بعضهم كايضحكو و كل وحدة تقول شنو دارتلهاا و منين شداتها
حل باب الڤيلا داخل مهدوود كايفكر فحل لهاد الموصيبة اللي طاحت علييهم، علا راسو و هو يقشع سي گي هاز بانيو غادي طالع بيه لفوق
سي گي قشع مصعب قال باستغراب:فين كنزة؟
مصعب صاط بفموو معارف مايقول و تلاح فوق واحد الفوطوي مزير على راسو بيديه:بففففف كنزة وقعات معاها موصيييبة
سي گي بتسائل:شنو وقع؟؟
مصعب تأفأف:كنزة فالحبس ..
سي گي تشوكا:أشكاتقوول؟؟
مصعب وقف :هادشي اللي كاين .. قتل غير عمد
سي گي عض شفتو التحتية كايشوووف فيه بصدمة:أوااااه، كي طرا وشنو غايوقع دابا؟؟
سي گي ومئلو براسو:داكشي اللي غاندير .. و أي جديد خبرني بيه
مصعب ومألو:واخا (جبد تليفونو داير نمرة المحامي) غانصيفطلو المعلومات اللي كاينين يشوفلنا حل
سي گي:بففف كنزة تكون مدمرة
مصعب عض شفايفو بحسرة:انا اللي عاارفها .. كثر من مدمرة .. حالتها عالم بيها غي الله
❌جالس فواحد الغرفة من غرف الشقة الخاصة بيه❌
شاد البيسي ديالو بين يدو كايقرا فواحد المقالة بنظارات طبية فعينيه .. حتى سمع صوت تليفونو، هزو شاف المتصل و هو يقرن حواجبو .. حطو بلا مايجاوب .. حتى تقطع الخط .. جا يكمل المقال حتى عاود صونا .. تأفأف و قلع النظارات من عينيه بسخط .. لاحهم فوق الطبلة بالنترة .. جاوب و قال ببرود
جوزيف بفضول:شنو واقع أشيما .. شوشتيني، ياكما شي لعبة من عندك ثاني
شيما:لا كاندوي بصح .. راني نسيت بزطامي فالدار و مالقيت باش نخلص .. حجزوني هنا فالمطعم بلييز عاوني
جوزيف تأفأف:واخا هاني جاي (قطع عليها عاقد غوباشة و مشا مباشرة للماريو ديالو .. جبد صوفيطمة لبسها و تاجه للخارج بعدما هز بزطامو و سوارتو)
_شيما🔮_
جالسة فداك المطعم كاتغزز فسنانها و تشوف يمين و شمال واحد السيرفور واقف قدامها حاضيها باش ماتهربش .. ماعرفاتش كي طرالها نسات البزطام و تحطات فهاد الموقف .. رغم أنها حلفات ماتعاود تتحاك مع جوزيف ولكن بعد التفكيير فالأمر .. هي ولات عايشة على قبلو .. تنوض على تصاورو وتسهى كاتفكرو .. تاكل كاتفكرو و تنعس كاتفكرو .. حتى فاش حصلات هاد الحصلة مافكرات فحتى حد من غييرو .. فعلا الحب داير كي شي لعععنة .. لعنة كاتتربص بالقلوب و تخلييهم تابعين غي داك الإحسااس الزوين .. رغم انه كايقتلها بالقمييع و كايبنلها انه مكايحملش يكون معاها .. إلا أنها مكاتصرفش على هواها، كاتصرف تبعا لديك اللعنة اللي كاتحركها .. لعنة الحب الأعمى .. علات عينيها بالزربة مللي شمات ريحتو داخلة للمطعم مع صوت خطوااتو كايقربو لفين جالسة و صورتو توضحات قبالتها .. وقفات بالزربة كاتبلع فريقها و تشوف فيه، هو قرب ببرود معلي واحد الحاجب .. شاف فداك السيرفور اللي جنبها و قال مكايشوفش فيها
جوزيف:شحال عندها؟
السيرفور مدلو حسابها، هو جبد الفلوس و خلص و دار خارج فحالو .. خلاها عابسة فيه حاسة بصدررها تقبض عليها .. رسمات ابتسامتها المصطنعة المعتادة و مشات خارجة موراه حانية عينيها .. شافت جيهتو ركب فطموبيلتو .. حتى هي مامشاتش جيهتو .. حاولات تضبط تصرفها و تخدم كبريائها شوية .. تاجهات لطموبيلتها وركبات فيها بلا ماتشوف فيه .. ديمارات و مشاااات .. خلاتو متبعها بعينيه من فوسط طموبيلتو .. غي بعدات بالقدر الكافي .. ديمارا تابعها .. بقا موراها حتى وصلات للمزرعة ديالهم و دخلات من بوابتها .. تنهد و قلب طريقو .. بلا مايدير حتى تعبير بوجهو .. مباغيش يتقرب من حتى وحدة .. فنظرو كاع البنات فحال فحال .. بدءا من نظرتو لحورية حبو الأول .. أخت تيمور .. كان كايبغيها تقريبا نفس حب شيماء ليه .. كانو مع بعضهم كوبل و كانت كاتخونو مع ولد عدو عائلتها .. ولسخرية القدر فاش عاق بيها قاتلو كنت غي مضيعة بيك الوقت .. عمرني بغيتك .. عمرني حسيت معاك بشي حاجة .. مكانتش كاتخليه يقيص فيها الشعرة بالمقابل عدو عائلتها وهباتو كاااع نفسها و حياتها .. هادشي خلا عندو فوبيا من الحب .. كايخاف يعاود يتحط فنفس الموقف .. كايخاااف تكون شيماء فحالها .. أصلا مشاركين فنفس الدم .. و خاايف من داك الدم المشترك بيناتهم .. مبقاش كايثيق فالبنات بالمرة
🌻صباح جديد🌻
حلات عينيها على صوت البنات العاالي و التطباال و الغنى .. ناضت بالزربة حاسة بعضامها مدگدگيين و لحمها گااع ضاارها .. شداتت راسها كان ضاارها بزااف .. بغاات توقف ولكن مشاداش توازنها .. كولها كاترعد .. دوزات ليلة فالجحييم .. أخييرا جمعات وقفتها شافت مبااشرة فالبنت اللي نتفاتها البارح .. كانت كاضحك و تطبل و تغني و تعليلها حواجبها .. تكررهات و تنرفززات .. بغات تتلاح عليها بنتفة ثاني ولكن عارفة غايتحاماو عليها فحال البارح و هي مناقصااش، شدات فالحيط قدامها مللي حسات بالدوخة شداتها من قااع راسها .. تأفأفات و تنهدات بقووة، شافت فباب الزنزانة بسرعة مللي سمعات الباب كايتحل .. دخل بوليسي كايشوف فدوك البنات وعيط بسميتها كايقلب عليها
-كنزة العربي
كنزة مشات عندو كاتعرج كولها مجرتلة:أ أناا
البوليسي طلعها و هبطها بعينيه .. شارلها بيدو:المحامي ديالك جا .. اجي معايا (مشات عندو كاترعد و تعرج .. كولشي حساتو وقف بيها .. حياتها وقفات بالكاامل، وصل بيها البوليسي لواحد الغرفة حلها و عطاها الطريق تدخل ..غي خطات لداخل قشعات مصعب مع المحامي .. بلعات ريقها كاتمتم بنبرة منغنغة)
-:مابقيتش باغا نبقى هنا أمصعب .. لازدت نهار واحد غانقتل راسي
مصعب قرب عندها مصدووم من حالتها:كنزة أشش وققع؟؟
كنزة بصوت مبحووح و نفس مهدوود:تحاماو عليا كولهم .. بغيت نمشي فحااليي
مصعب قرب عندها عنقها بقووة كايطبطب عليها:غانخرجك كانوااعدككك أعمري غاتخرجي
مصعب قرب بيها لجيهت واحد الكرسي جلسها و شاف فالمحامي اللي معاهم:التهامي قولنا شنو غادير؟؟
التهامي تنهد و قال:بعدما شفت القضية و الدليل اللي كاين و دويت مع البوليسي اللي واخذ القضية .. الموهيم خديت شنوو غانحتاج فهاد الصباح من الطيارة لهنا .. بانلي أن القضية تعقدات .. زائد عائلة الضحيية مصريين على أقسى عقوبة للآنسة دوينا معاهم على قبل الكفالة و يتنازلولنا ولكن واالو ماقبلوش .. زياادة بانتليي كاااينة يد خفية خدامة فهاادشي يعني الڤيديو اللي تعطى للبوليس و كولشي داز بالزربة .. حتى محاكمتها دايرينها فأقرب وقت
التهامي؛بغيت نقول أنك ماعندك حتى شي حل ضروري غاتحبسي واخا غانديير جهدي معاك يخففو سنوات الحبس ولكن حتى حاجة مامضمونة
كنزة عضات شفتها التحتية كاتحرك راسها بلا .. الدمووع تحقنو فعينيها باغيين ينزلو .. عياات تحبسهم حتى مابقاتش قاادة، شدات يدين مصعب و قالت بصوت مقهور:واعدتيني أمصعب واعدتيني
مصعب حك شعرو كايشووف فيها مابقا عارف مايديير .. حتى شافها وقفات كاتمشي و تجي قداامهم .. شدات شعرها كاتحك فيه و تعض فصباعها و تفرك فيديها .. كل مرة وشنو كاديير .. حتى وقفات على صوتو كايتردد فعقلها *لا بغيتي تبقاي حرة خاصك تقبلي تولي عبدة ديالي أنا .. عبدة الفرعون* .. رجعات عندهم عينييها منفووخين و حالتها تشفي العدياان .. شافت فمصعب وقالت بهدوء:بغيت نمرة الفرعون
مصعب بتسائل:شنو؟
كنزة كاترعد:ه هو قالي يقدر يخرجني من هنا بسهولة
مصعب طول فيها الشوفة و شاف فالمحامي:كي غايديرلها هذا .. علاش هو يقد و حنا لا
المحامي قوص حواجبو باستغراب:ماعرفتش .. كانضن غا هدرة خاوية كيفاش غايخرجها! هادشي لاماكانوش عندو معارف صحااح و سلطة كبييرة يقدر يتصرف بيها
كنزة غوتاات مامحكماش فنفسها:مااااعرررفتش ماعرفتش كي غايديييرلها أهم حاجة غايخرجني من هنااا .. بغييت نمرتو و لا عرفتي شنو .. غي عطيني تليفونك (مداتل لمصعب يدها)
مصعب عيا يشوف فيها مالقى مايدير من غير يمدلها تليفونو .. شداتو بيديها كايترعدو .. مشات للفايس دخلات لكونطها و دخلات للميساجات لقات ميساج من خليل كان ديجا سيفطولها و مداتهاش فيه .. صيفطاتلو نييشان
-بغيت نمرة ولد عمك دابا
كان اونلاين داك الساع شاف الميساج و كتبلها:شنو درتي ألمسخوطة .. الشركة مقلوبة بداكشي
كنزة بعصبية:وااالزمر عطيني نمرتو محتاجاه
خليل :بففف واخا هاهي 06******** و خاص تشرحيلي
كنزة مداتهاش فهضرتو شدات النمرة ديالو كتباتها كاتصوني عليه وقفات كاتعض فضفارها و تسناه يجاوب .. صوووونا مودة طويييلة و تقطع الخط .. عاودات صونات حتى تشدلها الخط و هي تقول مباشرة بلا لف ولا دوران
-انا موافقة
تيمور علا حاجب باستغراب و شاف فالنمرة المصونية عليه .. رد التليفون فوذنو و قال بعدم فهم:شكون معايا ابعدا؟
كنزة بهمس:كنزة
تيمور تبسم بمكر و قاد جلستو بشموخ فوق كرسيو الفخم فمكتبو:و شنو باغا أزين؟
كنزة أعصابها فالزييرو مامستاحملاش استفزاز:اناا موافقة .. عفاك خرجني من هنا .. شنو مابغيتي نديرو غي خرجني
تيمور تبسم بانتصار:هممممم ولكن تعطلتي .. كانضن عطيتيني جواب البارح
كنزة شداتها البكية:عفاك ماباغاش نبقى هنا عفاك
تيمور باستهزاء:وااو .. حدث تاريخي هذا .. لا انا مابغيتكش تقوليها هاكا .. قوليلي انا كنزة العربي و مواافقة نكون العبدة ديالك نتا .. العبدة دالفرعون
كنزة بلعات ريقها كاتدور فعينيها على مصعب و المحامي .. تحنحنات و مشات لقنت الغرفة و شدات التليفون قريب لفمها كاتهمس:عفاك ا انا موافقة .. موافقة نكون العبدة (حسات بغصة فحلقها و الذل و هي كاتقولها) موافقة نكون العبدة ديالك عفاك عاوني
تيمور وقف مبتاسم:واخا .. تسنايني هانا جاي
كنزة باندفاع:غ غانخرج اليوماااا
تيمور تبسم و قال بابتسامة جانبية:مانخليش العبدة ديالي تبات محبوسة .. غانغلط فحقها
كنزة تنفسات بارتياح:و واخا غانتسناك (تقطع الخط .. هي تنهدات و قربات عند مصعب و المحامي حطات التليفون فالجنب) غ غايخرجني اليوم (بتاسمات لمصعب)
مصعب عض شفايفو غااير منو .. كيفاش غايخرجها اليوم .. بشمن طريقة! شنو يقدر يدير؟ .. شمن نفوذ عندو باش تخرج اليوم!! شدلها يديها و تبسم ابتسامة مصطنعة:انشاء الله، فيك الجوع بعدا؟؟
كنزة ومأتلو براسها:ب بزاف
مصعب عطاها واحد الشاصي:جبتولك معايا عرفت غاتكوني جعتي
كنزة تبسماتلو و حلات الشاصي .. كان دويتش .. بدات كتاكل بالزز منها واخا فيها الجوع إلا انها فاش بغات تاكل تفكرات الشخص اللي مات بسبابها تسداتلها الشهية .. الغصة زاادت كبرات فحللقها و قلبها تقبض عليها .. شدات قرعة دالما كانت فالشاصي شربااتها و بدات كاتنقب و تشوف فالمحامي و مصعب كايتناقشو فالقضية، و هي كاتفكر غا فحياتها كي غاتولي من هنا القدام و حياتها على أنها عبدة دداك الفرعون كيي غاتكوون .. دوزات اللقمة بجغمة الما كاتفكر فذماغها و تتحاور مع راسها
*اصلا براكة غا يتسد الملف و يخرجني من هادشي و ننكر كولشي .. و شنو فجهدو مايديير .. غانمشي من هناا بعدما نخرج صافي .. المغرب عمرو مكان زوين ليا .. من ديييما كان كاابووس من وانا صغييرة .. من وانا فسن المراهقة، من داك النهار الكحل* .. تغددات كاتفكر فالماضي ساااهية حتى سمعو صوت الباب تحل و دخل سلام كايقول بهدوء
-مصعب تسالا الوقت خاصها تنزل لتحت
كنزة شافت فيه كاتحرك راسها بلا:ل لا عفااك ه ها هو جاي و غايخرجني من هنا بلا ماترجعني لتحت
سلام طلعها و هبطها بعينيه شاف فحالتها:شنو وقعلك بعدا
كنزة قالت مراضيااااش:تحاماو عليا لتحت
سلام علا حاجبو و شاف فمصعب:غانشوف معاهم دابا (خرج و شعط الباب خلا مصعب كايشوف فين كان واقف بحسرة توحشو و توحش أيامات الصغر مع عائلتو ولكن .. مكايقدرش يتخطى الموشكيل اللي وقعلو مع باه و كي كان كايتحكم فيه و كايبينلو انه مكايحملوش)
دازو ساعتين تقريبا بقات غي كنزة و مصعب جالسين تما .. مقاداش تنزل لتحت و مصعب دوا مع خوه يخليها معاه وقت كثر .. دوز يدو على حنكها تحت عينها كانت عندها كدمة زررقة صاط بعصبية و قال مغدد
-ماكرهتش ننزل نقطع لباباهم دوك اليديين
كنزة غمضات عينيها و قالت بعدما تنهدات:حگروني
مصعب مسح على شعرها كايشوف فيه بحزن:بفففف بنات القحاب هادوك
كنزة تخشات فيه معنقاه:عنقني أمصعب .. كانحس معاك بالحنان .. ديما كاتحسسني أنك معايا فينما كنت .. ن نتاا هو ملجئي الآمن فالدنيا .. نتا بطلي و منقذي .. نتا أحسن أخ بالنسبة ليا
مصعب كان مبتاسم من هضرتها حتى للكلمات اللخرة و غوبش محاملش راسو:انا ماشي خ...
قاطعو الباب اللي تحلات عليهم بقوة .. و دخووول الفرعون عليهم بوراق بويض فيدو .. شاف فكنزة مخشية فمصعب و معانقين قرن حواجبو بقوووة و خطا مقرب لعندهم .. حتى وقف قدامهم .. علات فيه راسها شافت فيه مراضياش .. محاملاهش .. مامتقبلاش أنها ذلات راسها بديك الطريقة و قبلات تولي عبدة ليه .. هو حل فيها عينيييه على الآخخخر كايشوف فحالة وجهها و شعرها مشنتف و حوايجها مقطعيين .. زيييير على الورااق بين قبضتو بقوةةةة و غوت بصوووت عاالي حتى قفزات كنزة فحضن مصعب
تيمور بصوت عاالي:جوزييييييف
تحلات الباب و دخل جوزيف كايشوف جيهتهم مخنزر، قرب لعند تيمور:نعام؟
تيمور ببرود:عرفلي شنو وقع باش تزوقات هاكا (شار لكنزة اللي راسمة ملامح العبوس و عدم الرضى فوجهها .. محاملااش شنو طاري)
جوزيف شاف فيها، حتى هي شافت فيه بانلها مبتاسم فحالا عاجبو الحال لحالتها .. غززات سنانها و قالت بالزز:ل لتحت تحاماو عليا
تيمور زااد زيير على الوراق بين يدو .. شاف جيهت مصعب اللي محاوطها من كتوفها كايطبطب عليها .. تبسم ببرود و قال بنبرة متجهمة:خرج
مصعب مخنزر فيه:حاسب راسك صعصع داخل كاتآمر هنا ولا كيفاااش؟؟؟
تيمور:جوزيف خرجو عليا بغيت نتفااهم مع هاد المجرمة
مصعب وقف باندفاع مكووور قبضة يدو بقووة .. مشا جيهتو ناوي يضرربو .. حتى شدو جوزيف بقوة و جرو معاه لبراا و هو كايغوت و يصعر
مصعب:طلللقنيي .. طلاااق نوريي دينمووو شناهوا الحكااام .. بربيي حتى ننننن (تسد الباب و تقطع معاه صوتو .. بقات غا كنزة مع داك الفرعون .. كايتشاوفو .. هي كاترمقو بنظرات الكرره و الحقققد و الغللل و هو بنظرات منها البرود و الإستفزااز و عدم الرضى لحالتها و كي مجرتلة)
كنزة باستهزاء:غاتشفى فيا دابا هه
تيمور تبسم و قرب جلس جنبها فين كان جالس مصعب:لا .. بالعكس كانفكر نصيفط لدوك اللي أذااوك من غيري اللي يربيهم
كنزة عضات حنكها من لدااخل كاتغدد و تمتم بنبرة أشبه للطفولية:گاع شعري تقصف (شداتو محاملاش راسها و هو كايشوف فيها معلي حاجبو ببروود .. مد يدو بشووية قاص خبشة عندها فحنكها الشمال حتى قفزات و رجعات راسها اللور)
تمتمات بعبوس:ضريتيني
تيمور بهدوء:ممممم إذن داك الراس رطاب!!
كنزة عقدات حواجبها بتجهم:غاتخرجني؟
تيمور كايحك فلحيتو و يشوف فيها مطووول:واخا عذبتيني معاك هاد النهار ببزاف دالمشي و المشي ولكن تت .. حتى توقعي هاد الوراق هادو عاد غاتقدي تخرجي
كنزة باستغراب:شمن وراق؟
تيمور باستهزاء:لا نسيتي نفكر العبدة الزوينة ديالي ههه (خنزرااات فيه من شنو قال) هادو ألغزالة وراق ثبوت العبودية .. غاتوقعي عليهم باش نضمن أنك عمرك ماتمشي لشي جايحة كحلة .. زاائد لا تجرأتي و خالفتي أمر من هادشي اللي هنا الحبس كايتسناك و هاد القضية مغاتنساش حيت فأي دقيقة نقدر نعاود نحلها، اللي مكاتعرفيهش أزوينة الفرعون يدو واصلة فأي بلاصة مشالها عندو شكون ينفذلو مطالبو .. انااا نقدر نخرجك للحبس و ندخلك ليه فأي وقت بغيتو
كنزة زفرااات بقووة كاتعض شنايفها بثوثر بلعات ريقها بعد تفكييير طوييل و قالت كاتومئ براسها:واخا .. عطيني
تيمور مدلها الوراق .. شداتهم كاتقراهم و هو ربع يدو كايتسناها توقع ..
مدة طويييلة دالقراية حتى شافت فيه مخنزرة
كنزة:شنو هادشييييي؟؟
تيمور ببرود:شنو؟
كنزة وراتلو شنو قرات:يجب على عبدتي أن توقع أوراق زواجها من الفرعون!!!! من نييييييتك
تيمور بنفس برودو طول فيها الشوفة:لا بغيت نحويك مثلا نديروها بلا موجب شرع؟؟ يكون فعلمك أنا گااع اللي مارست معاهم فعمري كوولو كايوقعو على وراق الزواج لمدة محدةة .. ليلة سيمانة .. شهر .. ثلاثة .. ستة، مللي كانشبع منهم طلاقهم كايكون وصلهم .. و معاك نتي نقدر نتشهاك شي نهار .. رااااك (عض على شفتو بانحراف و غمزها غمزة خلاتها تتزيير)
كنزة صرطات ريقها متقززة غي من مجرد مجات لبالها ديك الفكرة:م مكاينش هنا مدة محددة
تيمور كايدوز صباعو مع لحيتو:ممممم بنتيلي متقبلة قضية نحويك ياااك مادويتيش فيها داوية غي على المدة؟
كنزة كاتمتم فسرها:نعرف نقتلك و عمرني نخليك تقيص فيا الشعرة (تحنحنات و قالت بصوت عالي) ماعرفنا شغايطرا؟؟ تقدر كاع ماتقيصني؟؟
تيمور قربلها بوجهو بشووووية كايشوف فعينيها و يهمس:هادشي لا كنت من تريكة أدومة مغانقيصكش .. ولكن الهضرة اللي قلتيها غاتحاسبي عليها أزوينة و نوريك واش انا من ديك التريكة ولاااا.....
كنزة غززات سنانها مخنزرة فيه:أصلا لا قربتيلي نقطعولك ونوريك أدومة كي كايحويوه 😡
تيمور ببرود:بنتيلي باغا ترجعي للزنزانة لتحت؟
كنزة قفزات حركات راسها بلا و حنات راسها كاتكمل القراية .. حتى تسالاو الوراق ووقعاتهم:صافي .. نخرج دابا
تيمور بمكر:تت تت ماوقعتيش الورقة المهمة هه (خشا يدو فجيب جاكيطتو و جبد ورقة مطوية حلها و حطها قدامها) يلاه وقعي
كنزة كاتعض حنوكها من لداااخل بقووة حتى حسات بطعم الدم؛كيفاش هاد الزواااج؟؟؟ منين جبتي الوثائق ديالي، غانوقع بلا موافقتييي!! انا مباغاكش
تيمور ببرود:حد هنا ماطلب رأيك .. باغا ولالا، هذا أمر ليك اعتبري هذا هو أول امر ليك ألعبدة ديالي .. مغاتنفذيهش؟؟
كنزة زيراات على قبضة يدها ليسر و شدات الستييلو كاتقرا عقد الزواج مكررهة .. سميااتهم اللي جاو فعقد الزواااج .. لأول مرة كاتعرف سميتو كاملة *تيمور باشا* تأفأفات بضيق يديها كايرجفو .. عينيها مزيراااها و سناانها مغززااهم ... زفرااات نفس طوييييل فالأرجاء ووقعات على الورقة بلا ماتزيد تضغط راسها
تيمور شدها و طواها:مزياان .. اذن مبروك علينا ياك؟
كنزة محاملاهش:حمار
تيمور بحدة:دوك الكلمات اللي كاتسبي بيهم نعاود نسمعهم غاندخلك 48 ساعة و غاتحبسي مع الرجاال
كنزة شافت فيه بعينيين حمرين كي جغمة الدم ووقفات:وقعت كولشي غانخرج
تيمور:يلاه ديگاج
كنزة دارت بسرعة خارجة كاتنتر و تعرج .. خلاتو جالس حاضيها .. غا شعطات الباب ورااها تقلبو ملامحو الجاامدة للعبووس و العصبية كايتمتم:غانعيشك فالجحيم ألعبدة ديالي غانذلك و نقهرك .. و غانخليك تبغيني و تموتي فيا .. كولشي غايدوز كيفما باغي انااااا (وقف و جبد تليفونو .. داير اتصال) جوزيف .. اللي تجرءو و أدااوها من غييريي بغيت يديهم يتهرسو كاملاااات (قطع و هو كايشوف جيهت الباب) حد ماعندو الحق يآذيك و يدمرك و يذلك و يذوقك المراار من غييري اناا .. من غير سيدك الفرعون
دخلت مصيدة الفرعون الجزء الخامس
محتوى القصة
التنقل بين الأجزاء