نورسين حطات يديها على فمها و شهقات بقوة الصدمة جبل براسو بقا مشوكي مصدوم مازال ما مستوعبش هادشي اللي وقع بقا كيشوف فيها و هي كتشوف فيه لدقائق جبل ابتاسم وميل ليها راسو شوية و غمزها نورسين تمنات الارض تشق و تبلعها تحجروا فعينيها دموع جاتها صدمة قوية حولات عينيها شافت فسلمى اللي كانت بدورها كتشوف فيهم و مبرققة عينيها 😲😲 ناضت نورسين عندها علاين يطيح دموع من عينيها
نورسين: عفاك فين كاين الحمام
سلمى: سيري نيشان و دوري على يديك د ليمن
داكشي اللي دارت نورسين خرجات من عندهم وهي علاين تطيح بقوة الفقصة و الصدمة والحشمة جبل بقا غير كيشوف فسقف و كيبتاسم وكيمرر يدو على شنيفاتو حتى قالت سارة
سارة: اووف ديما كتجريو عليا خاصكم تجريو على ديك نورسين اللي كتبقا جالسة و كتنقز حتى كتجيبها فراسها
مشات سارة وبقات سلمى مع جبل فالبيت
سلمى: ماهادا الدي تراه عينياي يا جبل
جبل هز راسو شاف فيها حاس براسو فرحااااان لاقصى درجة و كن لقا ينوض يكمل ديك البوسة ما يكره
جبل: بحالي بحالك انا براسي ما فهمتش ههه ولكن والله حتى فرحان اللي نقدر نقولك هو الحمد الله علاقتي معاها كتحسن نهار على نهارما نكدبش عليك ولينا كنتقربوا لبعضياتنا اكثر ولات كتبغيني ولات كتغير عليا كيصحابلها ما كنفهمش اولا ما كنلاحضش تصرفاتها حاس بحال عاد الحياة ولات كتضحك ليا و ربي كيقربني منها بدل الخطوة جوج خطوات شنو بغيت اكثر *تنهد* و الله حتى خاصني ندير صدقة مازال ما مصدقش بالله * رجع راسو اللور و كيعض شنايفو *
سلمى: الله يدومها محبة اوا العقبة تعتارف ليها
جبل: ما تخافيش الاعتراف ديالي غادي يكون مميز بحال عشقي ليها
سلمى: حيت هي كيصحابلها بلي نتا كتحسبها غير صديقة ديالك
جبل:*حرك ليها رايها بالايجاب* وي عارف ولكن مابقا والو
عند نورسين
دخلات لحمام و زدحات الباب و تكات عليه و بقات ساحتة حتى وصلات لارض و بدات تفركل و تنتف فشعرها كيف شي مجدوبة و كتهرنن غير هي و عظامها
نورسين: اهئ اهئ وااااااع أش هادشي درتي أ الحيمارية أشهادشي درتي أ نورسين اهئ اهئ فين غادي ديري دابا وجهك اهئ اهئ وااااااع تلاحيت على راجل كيف الهيشة الله ينعل طواسل مي تفوووو *كتصرفق راسها * اشهاد الخفة زايدة اللي ولات فيا اهئ اهئ و بزاااااااف أ عباد الله مالي ديما كنجي نعورها كنعميها وقفات و مشات جبدات الوراق ديال بابيي جينيك و حشاتهم ففمها باش مايتسمعش صوت دبال بكاها و تكات على الحيط و تقابلات مع المراية
شوية حيداتهم من فمها و دورات وجهها للحيط كتضربو و تهرنن
نورسين:*كتضرب راسها مع الحيط و كتهدر*زهري يا زهري مالك داير كيف العزري شاد معايا العكس من بكري
ومخليني معدب نعوم فبحري نتا غادي هربان و انا تابعاك كنجري وامي يا مي هلاش انا زهري مكوز
عند جبل
سمعت سلمى دقان فالباب مشات حلات لقات ماماها و باباها
سعيدة: شفت طوموبيل ديال جبل فالباب واش جا
سلمى: وييه جا
عدنان: واش جا هو و مرتو
سلمى: اه راه جالس فالصالون
عدنان: غادي نمشي لعندو
سعيدة: اوا يا بنت الحرام من فعايلك ما عطيتيهومش غير تمر و الحليب راه عرسان جداد زعما
دخل عدنان عند جبل و مشات سعيدة و تبعاتها سلمى للكوزينة
سعيدة : جبدي داك تمر جبدي
سلمى:اوا حتى نتي اماما راه عادي
سعيدة: اشمن عادي راه كتبقى فصواب و الادب اجي و فينا هي مرتو
سلمى:راها فالحمام
سعيدة:واري داك البلاطو اري
خرجات سعيدة تمر و الحليب فالبلاطو و دخلات عند جبل كتزغرت
سعيدة: صلى و سلام على رسولها الا جاه الا جاه سيدنا محمد أ الله مع جاه العالي لوووووووولوووووي
جبل كيبتاسم و كيشوف فيها كتفكروا فالمربية ديالو ليلى كن كانت معاه اكيد حتى هي غادي تكون فرحانة ليه ولا ماماه نورسين اللي ماتت اكيد حتى هي غادي تكون جد سعيدة حيت ولدها تزوج بالبنت اللي بغا قلبو ولكن ربي عوضوا بهاد الانسانة الرائعة سعيدة اللي كتعتابروا بحال ولدها و اكثر ما عمرها دارت الفرز بيناتهم كتقولهم كانو عندي جوج بنات و ربي رزقني بجوج رجال على يعقوب و جبل سبحان الله ربي واخا كياخد منك اعز اناس عندك ضروري ما يعوضك بأناس رائعين اللي كيملئو داك الفراغ اللي كيكون عندك اتجاه شي شخص و هادي هي الدنيا
جبل: شكرا
سعيدة: مرحبا بيك أ مولاي سلطان و سمحلينا راه كنا مسافرين داكشي علاش ما حضرناش بقا فيا الحال
جبل: كلشي جا مزروب حتى حنا ما كناش عوالين عليها
سعيدة:اوا فين هي العروسة مخبعها علينا دابا ولا كيفاش ههه
سعيدة: امم مسكين وليدي يعقوب هو يقيل فتمارة و شي ناس ما مسوقينش كيفقصوا ليا وليدي
سلمى عرفاتها كتحشي فيها الهدرة حيت عاودت ليها كلشي ما كتخبي على ماماها حتى حاجة
سلمى: ماما اري شي كاس د الحليب
سعيدة:هاكي بردي القمعة
سلمى : لا نورسين تعطلات خاصني نمشي نشوفها ضروري
ناضت سلمى بطيرة مشات كتدق عليها فالحمام فاش ما جاوبتهاش دخلات عندها
لقاتها جالسة فالارض و كتبكي و شعرها طالعة فسما
سلمى:ويلي يا ختي مالك على هاد الحالة جالسة تبكي فالحمام نوضي نوضي لا تمشي تشيري ولا يضربك شي جن
نورسين: اهئ اهئ وافين غادي ندير وجهي وا تشوهت مع جبل شحال و انا نطير حتى جبتها فراسي اشداني نتبع ديك البرهوشة دختك دعيتها لله اهئ اهئ
سلمى كتموت عليها بالضحك
سلمى: ههههههه لا واش دابا من نيتك كتبكي راه ديك البوسة وقعات بالغلط أ صاحبتي صافي جبل نساها غير نوضي الله يرحم ليك الواليدين راه ماما جات و من قبيلة و هي تسول عليك باغا تهدر معاك
ناضت نورسين من الارض و مشات غسلات وجهها و خرجوا من الحمام و مشاو دخلو لصالون نورسين مهبطة عينيها ما هزاتهومش مشات سلمات على سعيدة و عدنان و جلسات فطرف مهبطة عينيها
سعيدة غمزات سلمى باش تبعها لكوزينة
سلمى: ماما مالك
سعيدة: شوفي كيف ديري نوضي نورسين من تماك و طلعيها للفوق باغا نهدر معاها
سلمى: ونتي اش بغيتي بيها
سعيدة: ونتي مالك ديري داكشي اللي كنقولك
مشات سلمى دخلات عندهم لصالون و جرات نورسين من يديها
سلمى: نورسين اجي بغيت نهدر معاك
طلعوا للفوق للبيت لقاو سعيدة جالسة فوق الناموسية سابقاهوم دخلات نورسبن و بقات غير كتشوف ما فاهمة اش واقع
سعيدة : بغيت نسولك أ بنيتي نورسين و ما تديريهاش مني قلة الصواب
نورسين: سولي اللي بغيتي أ خالتي
سعيدة: كيف دازت ليلتك مع جبل
نورسين و سلمى طرطقوا فيها عينيها 😲😲😲😲
سلمى: ماما اش هاد سؤال واش حماقيتي داكشي اسرار بينها و بينو نتي اشحرق شطاتك
سعيدة: نتي مالك كطيري ياك انا كنهضر معاها هي نتي شكون حاشاها لطاسيلتك *شافت فنورسين* اوا جاوبي ونتي تربطليك لسان عبري كيفما بغيتي انا دماغي متفتح ما تحشميش مني
نورسين بدات كتعض فشنايفها و كتشوف فيها ما عرفاتش باش غادي تجاوبها استغربات من الجرأة ديال سعيدة ما عمرها ضنات غادي تكون شي أم متفتحة لهاد درجة فهاد لحظة حسدات سلمى على الام اللي عندها حتى هي كانت كتمنى ماماها تكون كتعاود ليها كلشي و ما يكونش بيناتهم حدود كن بزاف د المشاكل تحلو
نورسين:*حنات راسها *مازال مادرنا والو
سعيدة تصدمات و ناضت تندب فحناكها و سلمى غير كتشوف و تضحك
سعيدة: اويلي حي على ما درتو والو علاه كاين شي بنت بكامل قواها العقلية غادي تكون مزوجة بواحد بحال داك السيد و ما تدير معاه والو لا نتي خاصك العصا راه حلالك هاداك أ الموصيبة كن كنت انا فبلاصتك كن طرت عليه ويلي داك زين و داك طولة و تجريدة و الادب و الصواب و مازال مادرتو والو * ضرباتها ليها بقرصة حتى غوتات*
نورسين: اححح ضريتيني أ خالتي
سلمى: ماما بعدي من البنت باراكة ما تفسديليها أخلاقها
سعيدة: لا حياء في الدين قال كنفسدليها اخلاقها انا باغالها الخير لا يمشيو يطيروا ليها براجل و تبقى حالة فمها كي الضبعة الا ما عطاتوش داكشي اللي باغي منين مراتو شنو غادي يمشي يقلب عليه فبلاصة اخرى سمعتيني يا المحلولة وا بقاي حالة فيا فمك
نورسين: احم لا ماشي هاكاك غير حيت فيا ليريكل داكشي علاش
سعيدة: سمعيني ابنتي نتي بنت تبارك الله مزيونة و خاصك تحمدي ربي بالليل و بنهار منلي تزوجتي بداك سيد تبارك الله الاخلاق الادب و الصواب و الجمال ما عمرو يآديك انا كنعرفوا من زمان ما عمري شفت بحالو داكشي علاش خاصك تكوني مراة و قادة شفتي ابنتي انا راني عشرين عام وانا مزوجة بعدنان عمرو ما خاني ولا مشا هدر مع شي وحدة واخا كانو كيجيوه فرص كانت واحد صاحبتي بنت الحرام باغا تلعب عليه باش تاخدولي ساعة صدق هو اللي دايرها بيها ما ثيقي فحتى وحدة و سمعيني مزيان شنو غادي نقولك كني لحلاحة عرفي تخدمي لسانك و أنوثتك أصاحبتي تهلاي فراسك عنداك تمشي تشري دوك البيجامات طوال وتبقاي بيهم فدار فاش تكوني معاها ابنتي لبسي غير كسيوات قصار و ديري الماكياج د الفريع ياك شفتي ابنتي انا مازال كنشري الحوايج و لي شوميز دو نوي بحال عاد عروسة جديدة وهاهو عدنان وا كيبقى غير حال فمو فيا يكدب عليك الكداب اللي يقولك العلاقات زوجية كتولي باردة مع مرور الوقت ابنتي المراة هي اللي منها كولشي خاصها ديما تخلق السعادة فدار و تعرف كيفاش تجدد حياتها مع راجلها انا كنقولك هاد الهدرة حيت بنتيلي سطلة فهادشي ديال زواج
سلمى: الله عليك يا شيخة ماما والله حتى نتي علام حسيت بيك فهاد اللحظة بحال صباحيات دوزيم نوضي عطينا نتغداو وباركة على البنت هاد نهار راكي نصحيتيها بما فيه الكفاية
سعيدة: راه كنصحك حتى نتي باش نهار تزوجي بيعقوب تعرفيلو واش انا غادي ندوملكوم ديما
خايفة عليكم والله من لفعات اللي كاينين فهاظ الوقت و الزمان مع نتوما رجالتكوم ندتبارك الله مشهورين خايفة غير تديهم ليكم شي وحدة و تخليكم كتشوفوا
نورسين: بالعكس أ خالتي شكرا بزاف والله حتى كنت محتاجة لشي وحدة اللي عندها خبرة فالزواج تنصحني سعدات سلمى عندها ام بحالك مصاب كن كانت ماما بحالك
سعيدة:*كتشوف فيها بحزن* قالتلي سلمى بلي وقعلك مشكل مع عائلتك و ما بقيتيش كتشوفيهم شوفي من هاد نهار اللي ثقالت عليك خففات علينا ما ترفدي الهم لحتى حاجة ابنتي واخا
نورسين: * بابتسامة* شكرا اخالتي لهلا يخطيك صراحة نتوما لقيت فيكم شي حوايج والله ما كانو فعائلتي اللي من دمي و لحمي تعلمت بلي كلشي من الخير كن ما جراوش عليا واليديا ما عمري ما كنت غادي نتلاقا مع ناس بحالكم الله يجازيكم بخير
♤♤♤♤♤♤♤♤♤♤♤
هناك قلوب تحتاج منا شكرا لكننا نعجز عن صياغته
جمال الدنيا ان تجد قلبا يتمنى فرحتك قبل فرحته
سمعوا دقان فالباب ناضت سلمى حلات ليها الباب و هي تلقا الخدامة واقفة
سلمى: نعام
-الغدا واجد أ لالا
سلمى: واخا هاحنا جايين ماما نورسين هبطوا تغداو
ناضو كلهم هبطوا لتحت لقاو الخدامة حاطة الدجاج محمر فوق الطبلة مع شلايض و العصير لقاو جبل جالسة عندوسارة كيلعب معاها و هي كتضحك شافتها نورسين كحلات بالعما حنات راسها ما كتشوفش لجيهتهم جلسوا كلهم مجموعين فوق الطبلة
عدنان : على سلامتكم مشيتو غبرتو
سعيدة: اوا كنا كنهدرو مع بعضياتنا شوية راك عارف العيالات
جبل: علم الله فيمن كنتوا شادين نميمة
سعيدة:كنا كنهدرو فيك نتا نيت
جبل هز راسو شاف فيهم
جبل: اوو وليت مهم حتى لهاد درجة باش دايريني حديث ساعة
عدنان: اولدي العيالات فاش كيتجمعوا غير الله يستر مع الله يحفظ
سارة:*دارت عندهم* وعلاش ما عيطتوليش باش حتى انا نعطيكم رأيي فعمو جبل
سعيدة:حنا كنا كنهدرو بشر على عمك جبل كن ديناك معانا غادي توصليلو الهدرة
جبل:سارة سمعيني داكشي اللي وقع بيناتنا قبيلة عادي حيت داكشي يقدر يوقع مابين راجل و المراة اللي كايكونو مزوجين فهمتي ماماك كتقولك حرام حيت داكشي اللي شفتي عيب مابين راجل و مراة ما مزوجينش هادشي علاش كتقولك عيب مزيان تشوفي الحاجة و تسولي عليها و ما تحشميش واخا ا بنتي
سارة: اه صافي دابا فهمت أعمو جبل
صونا لجبل تيليفون مسح يدو فالمنديل و هزو
جبل: وي جوري اه هانا جاي لدار دابا باي
قطع التيليفون و ردو لجيبو شاف فنورسين اللي كان وجهها غادي يطرطق بالحشمة كن لقات تنوض من حداهم ما تكرهش جبل ابتاسم و سهى فيها علاش ملاكو دايرة بحال هاكة علاش هي زوينة فجميع حالاتها ما قدرش يحيد عينو عليها نسا حتى شنو كان باغي يقول
سعيدة: ولدي جبل مالك ساهي
جبل:*ناض من فوق الطبلة* خاصنا نمشيو انا ونورسين
عدنان: كمل ماكلتك بعدا وسيروا
جبل: جوري كتسناني حدا الدار حشومة نخليها شكرا الله يكثر خيركم
ناضت حتى نورسين و سلموا عليهم و خرجوا لطوموبيل حل ليها الباب كيفما العادة و طلع ديمارا وقلع
نورسين حانية راسها و كتلعب بصبعانها ما كتشوفش لجيهتو دورات شعرها لجنب و بدات تنش على راسها
جبل: سمعي نقولك واحد الحاجة وقع داكشي بالغلط صافي طوي صفحة و ماتبقايش حاشية راسك كي الفكرون و فينما نشوف فيك دوري وجهك واصلن حنا مزوجين اولا لا
نورسين دورات وجهها شافت فيه وقالت بدون وعي
نورسين: مزوجين غير فالوراق أجبل
جبل ضرب واحد الفران سيك حتى مشاو وجاو علاش ديما خاصها تجبد ليه هاد نقطة هادي و تدكرو فيها حتى كينساها حار معاها واخا عارفها كتبغيه شي بعض المرات كيحس بلي يقدر تكون كتمثل عليه ويقدر يكون غير كيتوهم بلي كتبغيه بحال كيكون عايش فشي حلم زوين و كتكب عليه سطل د الما بارد من خلال هدرتها جبل حط راسو على الفولون ديال طوموبيل و دقات قلبو كيتسارعو حس براسو ماشي هو هاداك حس براسو مخنوق باغي يغوت ويقول لعالم بلي كيبغيها وبلي زواجهم حقيقي ولكن فاش كيتفكر هدرتها و اللحظة فاش قتل عمو كيبغي يحماق حس براسو تخنق و نفس تقطعات فيه
نورسين :*حطات يديها على كتفو* جبل مالك ما تخلعنيش عليك
جبل غمض عينو و بقا هاكاك نورسين وقفلها زغب د راسها دوراتو لعندها لقاتو مغمض عينو و بحال مغيب
نورسين بدات كلها كترعد والعرق كيتصبب منها و كتضرب فوجهو باش يفيق
نورسين: جبل جبل عفاك جاوبني جبببببل
بدات كتفسخ ليه الازرار د القاميجة ديالو و حطات يديها على قلبو حسات بنبض ديالو ضعيف صافي نورسين فهاد اللحظة حسات بقلبها غادي يسكت حتى هي ناضت كتبكي و كتغوت ما عرفات شنو دير
نورسين و جهها مشا منو دم ولات صفرة وكلها كترعد حطات يديها بجوج على خدودو و الدموع من عينيها نازلين شلال
نورسين: جبل عفاك حل عينيك شوف فيا كنترجاك الله يا ربي شنو ندير اهئ اهئ
أصعب موقف ممكن يتحط فيه شي حد هو يحس بلي كيفقد الانسان اللي كيبغيه حدا عينيه نورسين فموقف لا تحسد عليه شداتها الهيستيرية د البكا تلفات ما عرفات شنو دير كتدوز يديها على لحيتو و شعرو و كلها كترعد طاحت على صدرو كتشهق و تبكي جاتها صدمة قوية ياك كان صحة سلام علاش ما بقاش كيجاوبها ياكما غادي يموت ياكما عندو شي مرض خطير و الا ما نقداتوش غادي تفقدو فخطرة وهي ما تقدرش على فراقو الا مشات حتى وقعاتلو شي حاجة تبعو ما تقدرش تعيش من موراه هادشي اللي كيقولها دماغها شافت فيه لقاتو مغيب و مغمض عينو ما كيتحركش
نورسين: *غوتات باسمو *جببببيبيل *كتحرك فيه و يديها كلها كترعد * عفااااك ما تمشيش و تخليني عفااااااااك اهئ اهئ * تكات على صدرو كتسمع نبض ديالو لقات قلبو مزال كيضرب * عفااااااك اجبل ما تمشيش و تخليني اهئ اهئ ماشي حتى لقيت الحضن الدافي الا مشيتي لمن غادي تخليني والا مشيتي شكون اللي غادي يتهلا فيا بحالك و الا مشيتي شكون غادي يقريني لونكلي و يعلمني نسوق ياك *ناضت من على صدرو كتضرب فوجهو لا من مجيب * لاااا خاصني نلقا شي حل يا ربي تحميه ياربي شنو ندير اهئ اهئ
صونا لجبل التيليفون فجيبو سمعاتو بحال سمعات صوت الفرج بحال فاش كتكون فالظلام و كتشعل عليك الشمعة او لا فاش كتكون تايه فصحراء و كتلقا اللي يرشدك لطريق صحيح نورسين حشات يديها فجيبو بانلها يعقوب اللي كايتاصل دوزات الخط كيفما وراتها منال و دارتو فودنيها
يعقوب: افينك ا ...
نورسين: اهئ اهئ يعقووووب جبل كايموت عفاااااااك دير شي حاجة راه غاااااادي نحماااااااق أيعقووب قولي شنو ندير عفاااااك اهئ اهئ
يعقوب قطع الخط و مشا كيطير هز السورارت ديال طوموبيلتو و مشا مكسيري هز التيليفون ديالو كيقلب على المكان اللي هوما فيه عن طريق GPS بعد عدة دقائق وصل شاف طوموبيلت جبل واقفة فجنب نزل كيطير حل الباب لقا نورسين متكية على صدر ديال جبل وهو مغيب
يعقوب : جبل خويا
ناضت نورسين من على صدرو كتشوف فيعقوب كتمسح دموعها بيديها ووجهها حمر
نورسين: اهئ اهئ عفاك دير شي حاجة أ يعقوب
يعقوب براسو تصدم من حالتو حنا و هزو واخا ثقيل عدبوا بزاف طلعوا لطوموبيل و طلعات حداه نورسين هزات يدو كتبوسها و كتبكي علاين تسخف بالبكا لما لا وهو الشخص الحنين اللي حلها عينيها على الدنيا بفضلو عرفات شحال من حاجة هو اللي عطاها الامل باش تصبر و تعيش هو اللي زرع ليها الثقة فنفسها هو اللي خلاها تعرف بقيمة الحياة عمرو ما بخل عليها باي حاجة اللي حلات عليها فمها كتوصلها حتى لبين يديها هو اللي فتح ليها عينيها على الدنيا بعدما كانت ما كتعرف والو هو الشخص اللي باغي ليها الخير و باغي يشوفها واصلة فحياتها هو الشخص اللي عمرو تقلق منها واخا ديرلو اللي دارت حيت كتبقى #ملاكو الطاهر اللي ما كاينش بحالها اول مرة كتشوفو ضعيف و سخفان غايب على العالم الخارجي عمرها شافتو ضعيف ديما هو اللي كيعطيها القوة وهاهو دابا حتى هو طايح حداها بحال شي طفل صغير مغمض عينو و نبضو ضعيف و شعر طايحلو على عينو والعرق كيتصبب منو تمنات تشوفو غير حال عينو كيهضر معاها نورسين غادي تخوطر بالبكا حداه
يعقوب براسو عينو دمعو فاش شاف صاحبو بهاد الحالة عرف المرض اللي عندو رجعلو وهادشي اللي خايف منو داكشي علاش من ديما كان كيقولو نسا نورسين حيت شحال من مرة طاح مريض و شحال من مرة بات فلوبيطال بسباب القلب اللي عندو ضعيف بقوة المشاكل و الضغوطات و الحب اللي هاز فقلبو من عشرين عام هادي و صابر و مقاوم اللي شافو من برا يقول ما كاينش بحالو فالقوة ولكن من لداخل قلبو هشيش وفاي لحظة يقدر يتكسر
يعقوب كيسوق بسرعة كبيرة باش يوصل لاوبيطال اللي متبع معاه جبل و اللي فيه طبيب اللي مشرف على الحالة ديالو يعقوب سايق و عينو حومرالدموع علاين ينزلولو من عينو خايف يفقد صديق عمرو اللي دار فيه خير كبير و ماعمرونساه علاش جبل ديما كيوقعلو غير الحاجات الخايبة فالدنيا ممكن حيت هو انسان مزيان و هادشي كامل اللي كيمر منو مجرد ابتلاء من عند الله ياك المؤمن مصاب واش يقدر يجي نهار اللي يختافي فيه جبل عن الوجود ما يقدروش يتحملو الدنيا بلا جبل ظلام فظلام هو الشمعة اللي منورة حياتهم كاملين والا مشا غادي تولي حياتهم كلها ظلام غير فهاد اللحظة اللي غاب عن العالم الخارجي علاين يخرجليهم دماغهم ماقادرينش يتيقوا هادشي اللي كيوقع ليه علاش جبل بالضبط اللي خاصو ديما يعيش فالمشاكل ويلاحقوه من صغرو لكبرو امتى حتى هو يرتاح و يعيش بحال أيها ناس يعقوب هز عينو كيشوف فالمراية الامامية باش يشوف واش حال عينو
نورسين:عفااااك أيعقوب دير شيحاجة راه غادي نحماق اهئ اهئ
يعقوب:*ضرب الفولون بيدو بالفقصة و الغدايد* ها حنا قربنا نوصلو
حبس يعقوب الطوموبيل حدا واحد الاوبيطلل و خرج كيغوت عروق يدو بارزين و كيغوت على حر جهدو
يعقوب: اجيييييييو دغيااااااا خويااااااا كيموووووت
جابو البايص فالبلاصة و حل ليهم يعقوب الباب و جاو واحد جوج تعاونو فيه هزوه و داروه فوق منو ودخلوه و نورسين نزلات حتى هي شادة فيديه ويعقوب من موراهم هوما كيجريو بيه لقاعة و حتى هي كتجري معاهم وقابطة فيدوو كتبكي دخلوه لشومبر و طلقات منو شدو عليهم الباب و نورسين طاحت لارض كتبكي و تشهق حطات راسها على الحيط ما قدراتش تستحملو فكرة انو يكون واقعة ليه شي حاجة يعقوب براسو بقا غيرمصدوم و حاط راسو على الحيط و نزلات دمعة من عينو فاش تفكر آخر مرة وقع لجبل نفس القضية
🔙🔙فلاش باك
في إحدى الملاهي الليلية فأمريكا كان جالس يعقوب مع جبل و هاز فيدو كاس د الويسكي عينو حومر والعروق د يدو بارزين
جبل: بغيت نموت أيعقوب ما كاينش شي حل
يعقوب: أشهاد الهدرة عاود أ صاحبي
جبل:بغيت نرتاح عييت من دنيا تعدبت بزاف
يعقوب: نتا ما عمرك كنتي ضعيف حتى لهاد درجة زعما راك قاري و عارف و تبارك الله ماشي انا اللي غادي نوريك امور دين واش كتعتارض على القدر ديالك أصاحبي ها دشي اللي كدير فيه كيتسمى شرك بالله
جبل:*رد راسو اللور و ابتاسم باستهزاء* حاشا واش كنعترض على القضاء و القدر ولكن راه حتى انا كنبقى غير بشر ضعيف {لا يكلف الله نفسا الا وسعها } قولي واش كاين شي حد تولد و ماتلو ماماه قبل ما يرضع من حليبها و لا على الاقل يعيش معاها غير بعض دكريات اللي تقدر تبقى مرسخة فداكرة ديالو امم واش كاين شي حد باه كان باغي يقتلو شحال من مرة و هو مزال صغير ما عندو لاحول ولا قوة امم واش كاين شي حد دخل فحالة إكتئاب حاد فاش كانت عندو عشر سنين سمعني نقولك واحد الحاجة انا انسان مريض بزاف عندي عقد نفسية كثيرةو عارف هادشي ولكن انسانة وحدة اللي خلاتني نحس بلي انا انسان كن ماهي كن راني انتاحرت عرفتي فاش كنت صغير شحال من مرة فكرت نطلع لسطح و نقز حيت ما كان كيبغيني حتى واحد تصور طفل صغير باغي غير شي واحد يلعب معاه و يقدرو ويحس بيه و لكن ما كاينش ولكن انسانة وحدة اللي بانت فحياتي خلاتني نسا هادشي كامل اللي مريت منو و الغريب فالامر انني ما بقيتش معاها بزاف نصف ساعة ما كاملاش واااو *غمض عينو * وليت كنعشقها أيعقوب كنعشقها واحد العشق اللي كنظن عمر جربوا شي حد من غيري * حط يدو على قلبو *كنحس بقلبي ضعيف أ يعقوب ما بقاش قادر يستحمل مابقيتش قادر
بدا كيتنهد و النفس بدات كتقطع لو و النبض د قلبو بدا كيتسارع حتى غيب جبل و غمض عينو يعقوب ناض عندو و بدا كيضربلو فوجهو
يعقوب:جبل فيق أ صاحبي جبل مالك
نوضو غير بشوية واخا عدبو بزاف عيط لواحد من لكارد جا هزو معاه و داه لاوبيطال و بقا كينتاضرو برا على احر من الجمر خايف تكون واقعلو شي حاجة و جملة *قلبي ضعيف ما بقاش قادر يستحمل * كتكرر فودنو كيف شي لحن مزعج ما باغيش يحبس دار يعقوب يدو على ودنو و عينو حمارو
يعقوب: لا اجبل نتا قوي عفاك
بعد مرور عدة ساعات خرج عندو الطبيب مشا يعقوب وقف حداه و كلو كيترعد
يعقوب: Is he okay? Does he have a problem in the heart? Please tell me (هل هو بخير هل عنده مشكل في القلب ارجوك أخبرني )
- انا طبيب اللي مشرف على الحالة ديالو كانعرف موسيو جبل أحق المعرفة بامكانك تحدث معايا بدارجة تفضل معايا لبيرو عفاك من فضلك
يعقوب تصدم حيت سمع طبيب بلي مغربي استغرب بزاف مشا معاه و دخلو لبيرو
يعقوب: جاوبني دغيا الله يرحم الواليدين
- ما عندك علاش تقلق على صاحبك انا جبل كنعرفوا منين كان صغير كانو كيوقعلو مثل هاد الانتكاسات فالصدر ديالو انا طبيب المشرف على حالتو ما نكدبش عليك ونقولك بلي قلبو خدام مزيان ولكن هو كتوقعلو واحد الحالة كنسميوها حنا متلازمة إنكسار القلب
-يعقوب: كيفاش واش خاصو عملية ولا شنو عفاك ما تخلعنيش الله يرحم واليديك
-لا الامر ما يداعيش عملية هو خاصو غير يبعد من الحوايج اللي كيسببو لو الضغوطات النفسيةو الحزن جبل على ما أعتقد كيتحمل شي حوايج فوق طاقتو هادشي اللي كيخلي نبض ديال قلبو يرتفاع و التنفس ديالو ما كيبقاش منتظم حيت هاد المرض هادو هما الاسباب ديالو
يعقوب: و يقدر يكون خطورة عليه من بعد
- انا ما باغيش نخلعك ولكن الامر الا بقا كيتكرر بزااف و بقا ديما ضاغط على راسو نقدرو نفقدوه فاي لحظة ولكن نادرا ما كتوقع ولكن حالتو هو ساهل باش تعالج
- 🔚🔚🔚🔚🔚 نهاية الفلاش باك
نورسين كانت حاطة راسها على الحيط و ساهية فنقطة وحدة ما كرهاتش حتى هي تغوت باعلى صوتها فهاد اللحظة باش تخفف ولو شوية ديال الالم الللي كتشعر بيه لداخل فقلبها حتى هي حاسة بلي دنيا كحالت عليها فاش شافتو فديك الحالة حتى هي كيضرها قلبها بزاف فاش كتفكر اللحظة اللي شافتو مغيب كيبغي قلبها يوقف حتى الهدرة ما قدراتش تخرج ليها من فمها بقوة الالم و الحزن شافها يعقوب فديك الحالة مشا لعندها حاول ينوضها من الارض بقات فيه واخا حتى هو مقصح اكثر منها
يعقوب: عفاك اختي باركة من البكا راه جبل غادي يبرا و غادي يوقف على رجليه ما تديرش فبالك
نورسين:لا أيعقوب لا اهئ اهئ راه والله ما قادرة نصبر علاش تعطلو عندو لداخل اهئ اهئ يعقوب ما وخبيش عليا واش عندو شي مرض واش هادي اول مرة كتوقعلو فيها هادشي عفااك راه قلبي غيسكت راه قلبي و عقلي كيبغي يخرج من بلاصتو فاش كنشوفو بهاد الحالة اهئ اهئ
يعقوب:*حاني راسو * لا ما عندو والو اول مرة كتوقعلو بحال هاكا ما تشطنيش راسك راه دابا غادي يخرج طبيب غادي يقولنا بلي ما عندو والو و غادي يرجع احسن من اللول
نورسين كتشوف فيه و عينيها كيبريو بالفرحة كانت محتاجة لشخص اللي غادي يعطيها مثل هاد جرعة الامل
نورسين : انشاء الله جبل ما يمكنش يمشي و يخلينا ياك اصلن ما يقدرش يسمح فيا ما يمكنش ياك أيعقوب ياك ربي ما يمكنش يديه و يخليني ياك واخا انا عارفة راسي ما كنصليش ربي ما يمكنش يعاقبني بهاد طريقة ما يمكنش يدي لعندو جبل و الله حتى نتاحر الا مشا ياك أيعقوب علاش ما بغاوش يحلو الباب ندخلو نشوفوه أ ياكما غير مثلين علينا كاميرا خفية ياك ياك أيعقوب قولي بلي جبل غادي ينوض و يقولي بنتي ياك و يقولي الله يرضي عليك ياك أيعقوب جبل غادي يفيق و غادي يعلمني لونغلي و يعلمني كيفاش نسوق ياك أ يعقوب ياك جبل غادي يفيق و يجيبلي لكادو اللي ديما كيجيبلي ياك اهئ اهئ اهئ عفاك جاوبني
نورسين كتصرف بحال شي وحدة هبيلة ما بقاتش عارفة اش كتقول دخلات فحالة هيستيرية يعقوب جابتلو البكية جرها لعندو و عنقها و باسلها راسها
يعقوب: عفاك أختي الله يرحم ليك الواليدين ما تديريش فراسك هاد الحالة جبل ما عندو والو دابا يفيق نتي خاصك تكوني قوية تبفي فاش يفيق يلقاك بهاد الحالة
نورسين بعدات عليه و مشات حطات راسها على الحيط و شافت فسقف و بدات تهدر بالغوات
نورسين: يااااااا ربي ياااااااربي عييييت بزاااااااف خديييييت من تعب ماااااايكفيني يا اااااا ربي ياااااربي ما تحرمنيش منو ياااااربي ياااااا ربي إرحمني يااااااا أرحم الراااااحمين
فنفس الاثناء خرجات عندها الممرضة مشا عندها يعقوب كيجري و حتى نورسين قبطاتلها فيديها
نورسين: عفاااك جاوبني عفااااك شنو واقع لجبل عفااااك
- واش نتوما العائلة ديال سيد اللي لداخل
يعقوب جمدلو الما فالركابي علاين يطيح
يعقوب: اه هوما حنا ياكما واقع لو شي حاجة جاااااااااوبيي خلاااااص
- احم ا سيدي راه سيد اللي لداخل راه فايق و طبيب عاينو و شافو راه شوية و يخرج عندكم الطبيب بامكانكم تكلنوا معاه انا ما نقدر نقولكم والو
نورسين كتمسح دموعها و علاين طير بالفرحة
نورسين: عفاك واش نقدرو نشوفوه دابا
- اه غير على ما يخرج طبيب بامكانكم دخلو تشوفوه هاكي ألالا * عطاتها واحد الساشي فيه تيليفونو و سورات و الوراق و بزطامو * ما يكون باس عندو
يعقوب عاد رجعات فيه الروح منين سمعوا فاق كان غادي يسكتليهم القلب
نورسين : *بفرحة * يعقوووب جبل فاق هههه
يعقوب: شفتي قلتلك ما عندو والو
نورسين شافت فديك الساشي و حلاتها و جبدات التيليفون ديالو بقات ساهية كتشوف فيه شعلاتو وهي تبان ليها صورتها تصدمات بقات غير كتشوف ما فهمتش علاش غادي يكون داير تصوريتها فالشاشة هادشي عندو تفسير واحد اللي هو كيبغيها و مغرم بيها ضهرات الابتسامة على ملاميحها و لكن واخا هاكاك خاصها تاكد بقات كتشوف فتصويرتها و تعاود و كتحك عينيها كان داير تصويرتها و هي ناعسة كيف شي ملاك و شعرها طايحة ليها على عويناتها بقات كتسائل فوقاش غادي يكون صورها نورسين عضات على شنايفها بالفرحة وقالت بصوت همس
نورسين: جبيلو
فنفس الاثناء
خرج الطبيب و مشا عندو يعقوب كيجري
يعقوب: عفاك كي بقا
- ما عندكم علاش تقلقوا هو دابا حالتو مستقرة و ما كاين عندو حتى مضاعفات
نورسين: ممكن تقول لينا علاش سخف كان صحة سلام
- ما نكدبش عليكم هو عندو متلازمة انكسار القلب هاد المرض كيصيب ناس اللي عندهم ضغوطات نفسية كثيييرة فحياتهم اللي ما بقاوش قادرين يستحملوها اولا فاش كيشعروا بالحزن و الالم من شي حاجة و من الاعراض ديالو انه النبضات د قلبو كيتسارعو و التنفس كينخافض و يقدر يغيب الشخص المصاب داكشي علاش موسيو جبل ما خاصوش يحزن بزاف ما خاصوش يتلقا شي خبر اللي يقدر يألمو حيت الا قدر الله نقدرو نفقدو المريض الا بقات ديما كتوقعلو هاد الحالة وهو هاد المرض نادرا ما كيقتل ما نكدبش عليكم موسيو جبل خاصو العناية التامة و حاولو تبعدوا
عليه اي حاجة تقدر تألموا فقلبو و ما يكون عندو باس
نورسين: نقدروا ندخلو عندو
- اه بامكانكم و تقدروا تخرجوه
يعقوب : شكرا
نورسين حلات الباب بسرعة متلهفة تشوف جبل كي بقا لقاتو جالس وراد راسو اللور و مغمض عينو كيحاول يرتاح مشات كتجري لعندو طاحت على ركابيها و شدات فيدو حس بيها و بقا مغمض عينو و ضهرات الابتسامة على شنايفو
جبل : نورسين ما تبكيش عفاك
نورسين: *حطات خدها على يدو و حماتها بكا * اهئ اهئ علاش مرضتي علاش
نورسين هزات راسها شافت فيه ووقفات حطات يديها بتثاقل على لحيتو و تنهدات
نورسين:عفاك ما تعاودش تخلعنا عليك بحال هاكا كان قلبي غادي يسكت
جبل : مرض عادي وداز بلا ما تبقاو تشوشو عليا تخلعتي بزاف * هز يديها و باسها * غير تهناي ما عمري ما غادي نقدر نخليكم مازال ما غادي تهناو مني
يعقوب:طيرتيها منا خلعة ا صاحبي
جبل : ما جبتوليش دانون زعما راني مريض
كلهم بقاو كيضحكوا جبل حول عينو شاف فنورسين و هز يدو حطها على خدها و قرصها منو لقاها ساهية فيه
جبل: سمحيلي خلعتك على والو
نورسين: *كتحرك راسها بنفي *عفاك ما تعاودش تقلق و ما تعاودش تحزن الدنيا ما تستاهلش قالنا طبيب بلي هادشي كيوقع ليك من الضغوطات اللي عندك عفاك ما تبقاش تجهد على راسك
جبل: * تنهد*كنواعدك ما نعاودش
يعقوب: هانا برا أجبل الا حتاجيتي شي حاجة عيط ليا
جبل: مازال ما تصالحتي مع سلمى
يعقوب: باش تعرف دين مي منحوس نهار قلنا نمشيو نتصالحوا هانتا مرضتي هادا اللي داعي فيا ما دارش وراه المهم هانا خرجت باش نهدر معهم باش نخرجك دابا باش ترتاح فدارك احسن من هاد ريحة صبيطارت
خرج يعقوب و بقا غير جبل مع نورسين كيشوفو فبعضياتهم عينيهم كيقولو داكشي اللي ما قادرينش يقولو فمهم كلشي يقدر يكدب و لكن العيون ديما كتكون صادقة اخخ جبل شحال تمنى يعنقها فهاد اللحظة و يقولها قداش محتاجها
نورسين:*بابتسامة * علاش كتشوف فيا
جبل: لا ما كنشوفش فيك شكون قالهالك
نورسين: يالاه غمض عينيك ههه
جبل:*تنهد* ياااريت كن كنت نقدر نغمضهم
نورسين:ودابا علاش كتشوف فيا و ساهي بغيت نعرف
جبل :Me pregunto si crees que los incrédulos de tus ojos crees ( كنت أتساءل لو رأى كافر عيناك هل يؤمن؟)
نورسين : اووف العياقة هادي علاش كتهدر معايا بهاد اللغة هدر معيا بدارجة باش نفهمك
جبل:*دوز يدو على شعرو *خليني غير أنا اللي فاهم ممكن نسولك
نورسين: تفضل
جبل: كن ما كنتش انا فحياتك و تقدم ليك شي شاب ضريف عارف بينو و بين الله و خدام و رومانسي ولكن فيه عيب واحد
نورسين: *نورسين استغربات من هاد السؤال و من هاد الهدرة اللي كيقولها فيها * شنو هو
جبل: فاش كان صغير قتل شي شخص عن طريق الخطأ واش تقدري تقبلي بيه
نورسين: لا ما نقبلش
جبل حس بنفس تقطع فيه من جوابها و قلبو بدا كيضرو والعروق د يدو تزيرو عليه و عينيه حمارو و العرق بدا يتصبب منو و قال بصوت متقطع
جبل:علاش
نورسين: ما عرفتش علاش طرحتي عليا هاد سؤال أصلن ولكن غادي نجاوبك قلتي الا تقدم لي شي شخص مزياان و كلشي و لكن فيه عيب واحد هو انو ديجا قاتل فاش كان صغير انا بالنسبة ليا عندي كيف قاتل عن طريق الخطأ او قاتل عمدا كيتسمى قتال وانا ميشرفنيش نتزوج بشي واحد قاتل و كنظن اي بنت ما تقدرش تربط اسمها بشي واحد قتال ربي الحبيب وقال فالقرآن (مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا) أسوءحاجة هو تقتل شي حد واصلن هادا اللي غادي يكون قاتل من صغرو فاش يكبر شنو غادي يدير أكيد غادي يكون مريض و معقد و يشبعني عصا و تكرفيص حيت اكيد غادي يكون مولف بالحباسات
جبل مسكين تعصب لدرجة كبيرة و عينيه ولاو حومر و الهضرة ديالها كتكرر فودنو كيف شي صوت مزعج ما باغيش يسمعوا يعني هو كان عندو الحق فاش ما صارحهاش العروق ديال يدو علاين يطرطقوا و قلبو بدا كيضرو لواحد الدرجة كبيرة حط يدو على قلبو و رجع اللور و غمض عينو وبدا كيهضر بصوت متقطع وباينة فيه عيان
جبل : عرفتي ربي شنو قصد فالاية و لا ما عرفتيش
نورسين: وراه باينة اي واحد قتل شي حد بحال قتل ناس كلها
جبل: ربي قصد انك الا قتلتي شي نفس بريئة ما دارتلك والو يعني القتل العمد أ نورسين يعني بحال الا قتلتي شي حد وهو ما تعدا عليك ما ظلمك ما تاحاجة يعني مادارش شي حاجة لي تستحق القتل فهمتي أنورسين و لا ما فهمتيش تصوري معايا انورسين كن شي نهار دخلتي لدارو شفتي ماماك كيتعدا عليها شي حد واش غادي تبقاي كتشوفي فيه شنو غادي تكون ردة فعلك
نورسين:بطبيعة الحال غادي نهز اقرب حاجة ليا و نعطيه بها لراس
جبل:والا ماتلك فيديك حتى نتي غاتسماي مجرمة و قتالة و بحال قتلتي البشرية كلها اولا
نورسين: ولكن....
جبل: ها لي قلتلك يعني نتي كنتي فحالة دفاع على ماماك يعني اعز انسانة على قلبك ياك
نورسين:اه كاينة انا كنت كنشوف الامور من زاوية أخرى فاش عطيتيني هاد المثال عاد حسيت بهادوك ناس اللي كيضطروا يقتلو باش ينقدوا شي حد عزيز عليهم
جبل : اوا الا كان داك الشخص اللي تقدم ليك واقعلو نفس القضية شنو غادي ترفضيه ولالا
تحل الباب وهو يدخل يعقوب
يعقوب: جبل راه بامكانك تخرج
جبل شاف فنورسين مطولا و حول عينو شاف فيعقوب
جبل: *شاد فقلبو و كيطلع نفس غير بشوية و كيهدر بصوت متقطع * بغيت نمشي معاك لدارك أ يعقوب هاد الليلة ما قادرش نبات فداري حاس براسي مخنوق
يعقوب تقدم و مشا وقف حداه
يعقوب: واش كيضرك قلبك نعيط لطبيب
نورسين تغرغروا عينيها بالدموع كلشي تخلط عليها فاش شافتو فهاد الحالة و شاد فقلبو و كيهدر بصعوبة قلبها تزعزع من بلاصتو و من جيهة اخرى فاش سمعاتو قال ليعقوب بلي بغا يمشي معاه كيحس براسو مخنوق فدارو يعني هي اللي خانقاه بقا فيها الحال بزاف من خلال هدرتو هي بغات تقابلو هاد الليلة و كانت فرحانة بلي جاتها هاد الفرصة حتى لبين يديها باش تزيد تقربلو اكثر ولكن كلشي دمروا بهدرتو ما حسات براسها حتى بدات تبكي و تشهق
نورسين: جببببل واش كضرك شي حاجة اهئ اهئ عفااااك ما تزيدش تخلعنا عليك اكثر من هاكا الله يرحم ما اعز عليك اهئ اهئ حاول على راسك ما تبقاش تجهد نفسك
جبل: *مغمض عينو و كيهدر بصعوبة * بغيت نرتاح عييت من دنيا والله يمكن الا مشيت عند ربي يرحمني
نورسين غير سمعات هاد الهدرة جمد لها الما فركابي طاحت على صدرو و بدات تبكي و تشهق وحطات صبعها صغير على فمو بمعنى 🤫🤫
نورسين: سكوووووت أجبل سكوووووت أش هاد الهدرة كتقول حرام عليك اهئ اهئ علااااااش باغي تعدبنا معاك حتى لهاد درجة علاااااش الا نتا كنتي ما باغيش دنيا حنا اللي ما عمر دنيا تحلانا بلا بيك اهئ اهى آآآآخر مرة تقول هاد الهدرة عفاااااك اهئ اهئ نتا دابا ما عارفش اش كتقول اهئ اهئ عفااااااك واعدنا ما عمرك تمشي و تخلينا اهئ اهئ *كتحرك راسها يمين الشمال فوق صدرو * الا مشيتي حياتنا ما غادي تبقا عندها معنى
جبل هز يدو دوزها على شعرها
جبل:* كيتكلم بصعوبة* صافي ما تبكيش عفاك غادي نقاوم على ودكم و غادي نصبر على قبلكم غانحاول ما نبقاش نتعصب باش ما يكونش الخطر على حياتي صافي
يعقوب كيحاول يضحك واخا هو ما عالم بيه من لداخل غير اللي خلقو
يعقوب: وصااافي باركة من هاد الهدرة مرضتوني جبل باركة من الفشوش هاد نهار هضرنا على الموت بزاف يا ربي تحفظ و صافي يالاه نوض تقعد نديك فين بغيتي
نورسين ناضت من على صدرو و شافت فجبل
نورسين: واش غادي تمشي لعند يعقوب لدار
جبل حركلها راسو بالايجاب
نورسين: وعلاش ياك فدارك غادي ترتاح أكثر و لا انا وليت مثقلة عليك * كتمسح دموع من عينيها * صافي واخا سير عند صاحبك و شوف شكون يقابلك ديك ساعة
جبل شد ليها فيديها و شاف فعينيها مباشرة و قال بابتسامة
جبل: نتي اش بان ليك نمشي ولا نبقا
نورسين :*هزات كتافها كيف شي بنيتة صغيرة * دير اللي بغيتي ماشي سوقي
جبل: آخر هدرة عندك
نورسين :*عوجات شنايفها * احم غير هو فدارك احسن المخدة ديالك و فراشك مولف عليك ماشي بحال دار ديعقوب المخاد و الناموسية ما غايعرفوكش فهمتي شنو بغيت نقصد يقدرو يقرصوك بليل
يعقوب دار يدو على فمو و بدا يضحك و جبل هز راسو و عض على شنايفو و كيبتسم على هدرتها هبط راسو شاف فيها
جبل: يعقوب مشينا
يعقوب: واخا نوض ا خويا هاد نورسين طلعات واحد الهبيلة منها ما كاين هههه ولهيلا قالتلك ناموسية و المخاد غادي يقرصوك *شاف فنورسين* طحتيلي من عيني صدقتي اختي مقطعة الوراق
نورسين هزات كتافها و عوجات شنيفاتها
نورسين: جالسين كضحكوا عليا حشومة عليكم و لا عرفتي شنو ديروا الحاجة اللي تريحكم انا ما سوقيش
ناض جبل من فوق السرير و شدات فيه نورسين باش تعاونو واخا كان قادر يتمشى بوحدو دار يدو من مور كتف نورسين معنقها عندو و شاد فقلبو و كيبتاسم من قربو ليها حتى وصلو البرا حل ليهم يعقوب الباب و طلعوا للكرسي الخلفي جبل رد راسو اللور و كيشد فقلبو حيت مزال كيحرقوا شوية و نورسين جالسة حداه و كتشوف فيه و فرحانة حيت رجع ليهم سد يعقوب لباب و طلع لمكان سياقة و ديمارا و زاد
يعقوب: اخويا جبل سير ترتاح فدارك نورسين عندها الحق فداري انا ما كاين شكون يقابلك هههه
جبل: بحال كتجري عليا لا
نورسين :غزا فيك يالاه و سمع على ودنيك
جبل: *شاف فنورسين و ضحك* عجبك الحال فيا أشريرة ياك *ضربها لنيفها بحركة سريعة منو هي بقات غير كتضحك و كتشوف فيه ما كرهاتش طير عليه بتعنيقة بقوة اللي فرحانة حيت جالس قدامهم *يعقوب تصالحتي مع سلمى ولا مزال
يعقوب: اودي نهار بغينا نتصالحوا هانتا مرضتي خرجتي ليا من جنب ما نعرف شكون سلطك عليا هه
جبل: اه بعدا جوري خليتها كتسايني حدا دار قبيلة هدرتي معاها
نورسين غير سمعات سميتها و هي تعوج فمها ما كتحملهاش دم سنانها هي جوري
نورسين:تلقاها مشات بحالها فاش ما لقات حد
جبل:*صغر فيها عينو * علاش ما كتبغيش جوري
نورسين:*عوجات فمها * علا شما غاديش نبغيها مالي شاركة معاها البقر ولا الغنم اش بيني و بينها اصلن ما كنعرفها ما كتعرفني
يعقوب: ههههه لا ما تقوليهاش أنورسين حتى نتي ما كتحمليش جوري والله حتى باينة فيك نتي و سلمى سلعة وحدة شنو دارتليكم البنت ما نعرف
جبل:They are jealous of her ( يغارون منها )
يعقوب بقا كيضحك و نورسين حسات بشمتة منين ما فهمتاش شنو قالو
نورسين: *شافت فجبل*مالك نتا عايق بزااااف و الله حتى حرام عليكم عارفيني كنعرف غير داريجة كتبقاو تبانو عليا زعما ولا كيفاش
جبل :*بابتسامة* بقا فيك الحال
نورسين: وقولي شنو قلتيلو
جبل حرك ليها راسو بنفي و بدا كيطلع حجبانو كيفقصها
جبل: *بابتسامة* لا
نورسين:*دلات شنيفاتها و طلات على يعقوب* شنو قالك أيعقوب نتا ضريف
يعقوب:*كيحول عينو و هدر كيف شي دري صغير * لااااااءح ما نقولكش ههههه
نورسين ردات راسها للور
نورسين :والله حتى الحكرة
جبل هز يدو و شعكك ليها شعرها مزيااان
جبل: فاش كانو ناس كيتعلمو لغات نتي فين كنتي اجي بعدا داك الكتوب اللي شريتلك كتقرايهم ولا والو
نورسين : *كتقاد فشعرها اللي تشعكك* احم كنضرب طليلة عليهم مرة مرة
جبل: فخبارك أيعقوب شحال كانت كتجيب هاد الكسولة فلونكلي
نورسين هزات يديها دارتها على فمو
نورسين: ها العار بلا شوهة الله يحفظك
وصلوا لدار ديال جبل و هبطات نورسين هي لولة و جبل هبط من موراها و تبعهوم يعقوب
نورسين: واش ما غاديش دخلو
جبل: لا غير سيري نتي لداخل حنا دابا نتبعوك
نورسين:اوكي
نورسين دقات حلات ليها منال الباب و مشات لكوزينة دخلات نورسين و هي تصدم و طرطقات عينيها مزيان😲😲😲😲
عند جبل
يعقوب: كي وقعلك أخويا حتى ضرك قلبك ما يمكنش غير تجي و تمرض
جبل: والو غير جات صدفة و صافي عارف ضغوطات و العشق اللي هاز هاد القلب راه ما هازو حتى واحد
جبل: القلب اللي فيه نورسين عمرو يضعاف و عمرو يتآدى ديرها فبالك تهلا فسلمى و تصالح معاها فاقرب وقت حتى واحد ما عارف فوقاش يقدر يودع المهم ديما خلي هدرتي فعقلك هانا مشيت تهلا فراسك
دخل جبل لمح جوري جالسة معاها نورسين فالصالون مشا وقف حداهم هزات راسها جوري شافت فيه و هي توقف طارت عليه بتعنيقة
جوري: جبل قالتلي نورسين كنتي مريض كي بقيتي دابا
جبل : انا مزيان ما كاين لاش تقلقي عليا
نورسين جالسة كتخنزر فيهم كن لقات تنوض تريش جوري ما تكره خصوصا ان جوري لابسة واحد الكسيوة فزرق غير حد الفخيضات و طالقة شعرها الاشقر هي براسها بقات غير حالة فيها فمها و كتقول فنفسها
نورسين:تفووو على كمارة ما نعرف اش جاية تقضي اووف دايرة كي الكولة د أمير فاش ما لقيتي حد سيري لدارك تفو على كنس قصيف
جبل بعد عليها و قال
جبل:من فوقاش و نتي هنا
جوري:من قبيلة و انا هنا كنت كنتسناك حيت هاد نهار غادي نمشي لاميريك عندي الطيارة مع التسعود د الليل
نورسين شافت فساعة لقاتها الستة د العشية
نورسين: اممم ما بقالكش بزاف غير واحد ثلاثة د سوايع و تودعي المغرب
جبل كيشوف فنورسين و يبتاسم عارفها كتغير عليه جبل: مزيان دابا نديك ل aéroport ( المطار) فاش تقرب الوقيتة
نورسين نقزات من بلاصتها كتهضر
نورسين: لا نتا مزال مريض جوري ياك اختي عندك نمرة ديعقوب قولو هو يوصلك
جوري:*حطات يديها على دراع جبل* شنو كان كيضر جوجو ديالي
نورسين وقفات ليها بدات غير كتكح و كتخنزر فيها
نورسين: كح كح جبل واقيلة خاصك ترتاح
جبل حابس ضحكة بزز عارف الغيرة لاعبة عليها مزيان بغا يزيد يفقصها
جبل:لا انا مرتاح هاكا غادي نبقى مع جوري شوية نتفرجوا فشي فيلم
نورسين: *كتصرط ريقها بصعوبة * احم حتى هادا نظر تفرجوا فالفيلم فرجة ممتعة انا غادي نطلع نبدل حوايجي حيت عييت
جبل مدور و جهو جنب و كيبتاسم و كيعض شنايفو باش ما تبانش ضحكة
جبل:سيري
نورسين: هاهي غادة
طلعات نورسين لبيتها كتزدح فدروج ما حاملة حد كن لقات تشدهوم تريشهوم بجوج سدات الباب بجهد و بقات واقفة كتاكل ضفارها وكتفكر كيفاش تحرم عليهم مشاهدة الفيلم
نورسين: لا ولهيلا وحدة اخرى هادي عاود مزيااان تبارك الله *كتعوج جبل * أ والله لا حلمتوا تفرجوا فشي فيلم مع نورسين بنت فاطمة العيشورية و اجرك على الله الا ما نطجج والديها ديك جوري ولا زموري ما نتسماش انا نورسين
ربطات شعرها كو دشوفال و لبسات بيجامة ديال دار و بقات كتمشي و تجي فالبيت كي الموري د الماكانة
نورسين : لقيتها اودي يا جبيلو الا ما نحمقكومش ما نتسماش نورسين
مشات هزات الكتوبة اللي جاب ليها جبل د لونغلي و شافت فيهم
نورسين: ياك باغيني نتعلم اوا هانا غادي نتعلم
خرجات من البيت و مشات هبطات لتحت لقاتهم شاعلين التلفازة و دايرين فيلم أمريكي المعروف و المشهور *Twilighet * و جوري متكية على كتف جبل وهو مدور يدو مور ضهرها وكايكلو البوب كورن نورسين صغرات فيهم عينيها و دمعة وقفات ليها على حافة عينيها
نورسين:شهيق زفير تهدني كلشي غادي يكون مزيان
تقدمات بسرعة و وقفات عليهم كي العسكري جبل و جوري هزو فيها عينيهم
جبل: نورسين
نورسين: اه هادي نورسين ياكما بنتلك شي وحدة أخرى
جوري: نورسين حبيبة اجي تفرجي معانا
نورسين:خسارة كنت باغا نتفرج ولكن مالقيتش البلاصة
جبل: *كيفقصها و كيتكلم ببرودة* أ الله ياودي هاد البلايص كاملين و ما بانتلك حتى وحدة
نورسين زدحات دوك الكتوبة من فوق الطابلة
نورسين: بغيتك تقريني لونغلي انا ما عنديش الوقت اللي نضيعو فمشاهدة الافلام البايخة و الحامضة اللي حالين فيها فمكم
جبل حيد يدو من مور ضهر جوري ووقف و قرب ليها حتى ما بقات كتفصلو عليها حتى سنتيم كيحس بانفاسها كتضرب فانفاسو و عينيه كيشوفو فعينيها نيشان وقال بصوت منخفض و غمض عينو و قرب لودن نورسين اللي كانت متوترة بزاف من قربو ليها علاين تسخف العرق كيتصبب منها و كترد شعرها مور ودنيها
جبل: * كيهدر بصوت منخفض فودنها و مغمض عينو* علاش كديري هاد تصرفات أنورسين ممكن تعطيني شي تفسير
نورسين العرق كيتصبب منها و داتها كترعد غير بوحدها
نورسين: *كتكلم بصوت متقطع بفعل توتر* انا ما كندير والو
جبل:*بصوت منخفض و حنين بورش نورسين* ممكن تكوني كتغيري مثلا
نورسين طرطقات فيه عينيها وحلاتهم مزيااان ما متيقاش هادشي اللي قال ليها يعني عاق بيها ماكرهتش تحل الارض و تبلعها صرطات ريقها و بعدات عليه و حنات راسها ساد الصمت بيناتهم لثواني حتى قالت جوري
جوري: اكيد غادي تكون كتغير عليك راه مرتك زعما و من واجبها تغير شوية
نورسين هزات راسها و خنزرات فيها ما عجبتهاش هدرتها جاتها بحال كطنز عليها
نورسين: شكون قالك غرت ههههه من نيتك
نورسين دازت فجبل قاستو فكتفو و هزات راسها شافت فيه
نورسين:اوبس قستك سمحلي
مشات جلسات حدا جوري و عنقاتها جنب و بدات تضربلها فكتفها بيديها بحال راه غير كضحك معاها وهي مغزفة عليها مزيان
نورسين: حشومة تقولي هاد الهدرة علاه مالي حمقة نغير عليك من جبل عارفاه كيحماق عليا و مايقدرش يشوف فشي وحدة من غيري واخا طير ولا تنزل انا ملكة قلبو و حتى واحد مايقدر ياخد العرش من موراي غير بنتو اللي الا كتاب الله وجات لدنيا سمعتيني أحبيبة ودليل نقدر نوريهليك أحبيبة ما يحتاجش
جوري طرطقات فيها عينيها صدمتها من الجرأة ديالها اما جبل علاين يطيح من هاد الهدرة اللي كتقول بدا كيشك فراسو واش قالها كنبغيك حيت كتهدر بواحد ثقة فالنفس عجيبة جبل بقا مستغرب و فرحان فنفس الوقت بصح عبرات على أحاسيسو من جيهتها بطريقة زوينة بصح نورسين هي ملكة قلبو بصح نورسين ما عمر شي بنت المراة يبغيها كيفما بغاها هو اخخخ أنورسين كن تعرفي شنو كدير فقلب هاد العاشق الولهان بهدرتك جبل شد فقلبو و عض على شنايفو كيحس براسو بحال وصل لجنة من خلال هدرتها
جوري بنظرة تحدي
جوري: شنو تقدري تديري مثلا
نورسين: هانتي غاتشوفي
وقفات نورسين و مشات وقفات حدا جبل و بقات كتشوف فعينيه نيشان و هزات يديها و حطاتها على لحيتو و بقات كتلعب فيها اما جبل مسكين حس بقلبو غادي يوقف ولات جريئة أكثر من القياس ولات كتصدموا
نورسين كتبتسم و عوجات وجهها و دارت فيه شوفة خطيرة
نورسين: قولها شحال كتبغي مرتك اللي هي أنا
جبل تخدر فهاد اللحظة بقا غير كيشوف ولا زيزون واش هاد البنت باغا تسكتليه القلب كتقول الهدرة اللي ما قادرش يقولها من زمان حقا نورسين ولات بنت خطيرة عمرو ما كان كيتصور غادي تجي تقول هاد الهدرة هاكا واش الغيرة تقدر تخلي الواحد يوصل لهاد الجرأة كاملة حقا نورسسن سالت معاه جبل غير كيتنهد وحاس براسو غادي يطيح هو كان غارق فيها و بهاد تصرفات كتخليه يزيد يغرق فيها أكثر و أكثر كل مرة كتأكد لو بلي هي روحو و حياتو و عمرو ندم على هاد سنين د الغرام اللي كان هاز فقلبو من جيهتها ما كرهش يطيح على ركابيه و يقولها شحال كيبغيها ممكن هادي هي الفرصة اللي خاصو يعتارف ليها بحبو نورسين فاش شافتو ساكت ما عجبهاش الحال جاتها بحال جوري ربحاتها فالتحدي
نورسين حولات عينيها شافت فجوري لقاتها كتضحك و كتبتسم جابلها بالها بحا ل لكضحك عليها حيت جبل ما جوبهاش تعصبات و غمضات عينيها و جمعات يديها على شكل لكمة ولكن حاولات ما تبينش الاعصاب ديالها عاود دورات وجهها و و قررات تزيد لدوز و تطلع نيفو قربات نورسين اكثر حتى وصلات حدا جبل و حطات يديها بجوج على لحيتو و رققات صوتها بلعاني
نورسين: جبيلو ما جاوبتينيش أ حبيبي قولها شحال كتحماق عليا
جبل كيحس بالحرارة طالعة معاه داك شوية دالعقل اللي عندو داتولو بهدرتها ما قدرش يتحكم فراسو حاس بداتو كترجف هز يدو و دوزها على شعرها بنعومة و رفق و عينيه كيشوف فعينيها ديريكت حط صبعانو بجوج تحت دقنها و قال
جبل: عمر بنت المرأة ما غادي تجي فبلاصتك أنورسين القلب قلبي و نتي هي نبض ديالو بلا بيك ما يعرفش يعيش ما عرفتش شنو كديري فيا علاش كل نهار كتخليني نبغيك أكثر من اللول أنورسين ما بقيتش فيك امم من نهار شفتك قلبي تعلق بيك بوحدك قلبي تربى على يديك و ما عمرو يقدر يشوف فشي وحدة غيرك أتغارين و أنت أجملهن ؟
نورسين تخدرات بهدرتو أنفاسها ما بقاوش منتاظمين ما توقعتاش يقولها هاد الهدرة حسات بهدرتو بصح خارجة من القلب و ما كيتفلاش هي كانت دايرها غير ضد فجوري واخا كانت مستمتعة وفرحانة حيت كتقرب ليه حتى لهاد درجة ولكن ما توقعاتش منو يقول هاد الهدرة اللي فيه كمية مشاعر و رومانسية واعرة بزاف واش بصح كيبغيها ولا غير داير ليها خاطرها نورسين ندمات كاع علاش قرباتلو لسانها تربط بقات كتشوف فعينيه اللي محيدهومش عليها بتاتا
جوري هزات صاكها و وقفات
جوري: نتمنالكم ليلة سعيدة جبل غادي نمشي راسي بلا ما تعدب راسك باي باي
خرجات جوري و هوما مزال بنفس وضعيتهم ربما ما سمعوهاش حتى أش قالت مرفوعين و عايشين فعالم خاص بيهم غير هوما حتى كسر هاد الصمت صوت نورسين
نورسين: مشات جوري أجبل
جبل عاد توكاض و بعد عليها و دوز يدو على شعرو و مشا جلس فوق الفوطوي و هز دوك الكتوب
جبل : * كيحاول يبعد عينوعليها باش ما يضعافش عيا ما يخبي ولكن غير فاش كيشوف عويناتها كيتفرش * اجي تقراي أ الكسولة
نورسين تحجروا فعينيها الدموع و مشات جلسات حداه و حطات دوك الكتوبة من يدو و قالت
نورسين: شوف فعيني أجبل
جبل هز عينو و شاف فيها
جبل: نعام
نورسين: شنو كنتي كتقصد بديك الهدرة اللي قلتي عاد دابا
جبل بقا كيشوف فيها مدة و رد راسو اللور و غمزها و بدا يضحك و دوز يدو على وجهو شوية بدا يصفق
نورسين: مالك؟
جبل: صراحة ما عندي مايسالك كتعرفي تمثلي دور ديال أنكي تكوني مراتي فالحقيقة كن غير درتلك معهد تمثيل فبلاصة معهد المايكاب اش بانلك نديرلك إنتقال
نورسين: شنو كتقول ما فهمتش
جبل ناض و ضربها لنيفها
جبل: يعني انا وياك كنعرفوا نتقنوا دور ديال نكونو أزواج حقيقين باش ما تشك فحتى حاجة حيت حنا كيفما كتعرفي ...
نورسين : عارفة حنا غير أصدقاء بيناتنا ولكن حدا ناس خاصنا نبانو مزوجين صافي انا مرضت بهاد الهضرة حفضتها عن ضهر قلب
ناضت نورسين و هبطات ليها دمعة من عينيها و مسحاتعا بالخف
نورسين : تصبح على خير
بغات تمشي و هو جبل يشدلها فيدها ووقف دورلها وجهها وقال
جبل :Perdon(آسف) نسيتي الكتاب ديالك
نورسين زادت تكرهات نترات يديها من يدو و هزات الكتاب من فوق الطبلة و طلعات كتزدح فالدروج مكرهة و قلبها محطم علاش ديما خاصو يفكرها بلي هوما مجرد أصدقاء كتحس بروحها غاتزهق الا كانو هما غير اصدقاء علاش دايرة تصويرتها فالتيليفون هي متأكدة بلي كيبغيها ولكن علاش ما باغيش يعتارف مانعرف دخلات لبيتها و زدحات داك الكتاب مع الحيط و تزدحات فوق ناموسيتها كتبكي و تشهق و كتضرب فقلبها
نورسين: علاااااش أجبل علااااااااش أقلبي بغيتي واحد بحالو ما عندو إحسااااااس علااااااش هو من دون نااااس علااااااش أقلبي علااااااش اهئ اهئ اهئ
♤♤♤♤♤♤♤♤
أخبرني أنت ماذا أفعل بتفاصيلك المحفورة على صخرة ذاكرتي ؟
كيف أمضي إلى حال سبيلي وأقدامي عالقة في أرضك ؟
لو أن الحب قرارا ما أحببتك
♤♤♤♤♤♤♤♤
عند جبل
طاح لارض على ركابيه و شد فقلبو و عينيه حمارو حاس بقلبو كيضرو عاود و هاد المرة ربما أكثر حيت هو اللي جرحها شنو دنبو الا كان باغي الاعتراف ديالو يكون مميز باغي يعتارف ليها فاسبانيا حيت عندو تماك واحد المفاجأة ليها اللي كان كيخدم عليها من سنين و من زمان بقات فيه بزاف حيت عارفها تآدات من هدرتو بزاف و شاف الدمعة اللي نزلات من عينيها اللي زادت على مابيه و زادت تراقصات على أوجاعو
جبل: سمحيلي أنورسين سمحيلي عفاك
غمض عينو و كيحس بأنفاسو ما منتاضمينش قلبو مازال كيضروا و هادشي اللي كيعيشوا كيزيد يضرو فقلبو أكثر و أكثر حط راسو من فوق الفوتوي وهو طايح فالارض و شاد فقلبو و العرق كيتصبب منو كيحاول يقاوم ما أمكن باش ما يوقعلوش بحال صباح كيحاول يرخي راسو باش ما يتزادش عليه الحال
عند نورسين
نورسين مسحات دموعها وتكات فوق الناموسية كتشوف فالسقف و بدات تسب و تعاير
نورسين: ديك الحيمارية د جوري هي سباب فهادشي كامل بغيتلها تطيح من ديك طيارة انشاء الله هي سبابي هي اللي خلاتني نتعصب الكيدارة لوخرى اووف صفرة الكمارة دايرة كي الكبال ولكن جبيلو علاش تصرف معايا هاكاك وقال ديك الهدرة اووف غادي نحماق حتى هو جبدني *كتعوجو * ياكما كتغيري مثلا
اه اه اه أسيدي كنغير صافي واجي حيدهالي من فمي حتى نتا زيدك على ديك زموري ديال الويل نورسين تهدني أحبيبة ما تجهديش على راسك شفتي جبيلو شنو وقعلو حيت كيتعصب هاهو مرض بالقلب
على إثر هاد الكلمة الاخيرة قفزات نورسين من بلاصتها و بدات تصرفق فراسها
نورسين: اويلي يا الحيمارية خالية زمانك بوحدو و هو مريض
ناضت بسرعة لبسات صندالتها و طلعات عندو لبيتو يصحابلها طلع حلات الباب ما لقاتوش
نورسين: اويلي فين مشا هادا
سدات الباب و هبطات لتحت لسفلي لمحاتو جالس فالارض و مغمض عينو و شاد فقلبو و راد راسو لور و العرق كيتصبب منو ضربات على فخادها و مشات كتجري لعند طاحت على ركابيها كضرب فوجهو و كتعيط بسميتو
نورسين: جببببل جببببل حل عينيك لميمة الله يخليلك ما اعز عليك جبببل اهئ اهئ
جبل كيهدر بشوية و بصوت متقطع
جبل: رصاي باركة ما تصرفقي فيا كتبردي غدايدك
حل عينو بشوية و بدا يبتاسم ليها
جبل: انا بخير غير بغيت نرتاح
نورسين مسحات دموعها و حطات جبهتها على جبهتو و يديها بجوج عل خدودو
نورسين:لاااا انت ماشي بخير لاااا خاصك تمشي لطبيب
جبل : انا مزيان كاع هانا غادي نوض نعس بلا ما تشوشي عليا
وقف جبل و ناضت حتى نورسين عاوناتو حتى طلعاتو لبيتو مشا جبل تزدح من فوق السرير حيت بصح حاس براسو عيان بزاااف
نورسين ضرها قلبها على حالتو شافتو ناعس بحوايجو و بصباطو تقدمات نورسين و حيداتلو صباطو من رجلو و مشات حنات على ركابيها و بدات كتلعب ليه فشعرو
نورسين: جبل
حل عينو بتثاقل و شاف فيها
جبل: سمحيلي كنعدبك معايا
نورسين:*بابتسامة* عدابك راحة
رجع جبل سد عينو و بقات نورسين كتشوف فيه كيف ساد عويناتو و شعرو طايح على عينيه كيجيها بحال شي وليد صغيور مزالو خاص رعاية و الاهتمام لاحظت نورسين بلي عرقان بزاااف
نورسين: جبل واش فيك صهد
جبل حرك ليها راسو بالايجاب واخا مغمض عينو
ناضت نورسين واخا مترددة واش دير هاد الخطوة ولالا فالاخير دارتها فيد لها و جلسات من فوق السرير و بدات كاتحلو فازرار القميجة ديالو حتى فتحاتها كاملة وتصدمات من عضلات البطن السداسية اللي عندو و صحتو المبرونزية بزااف نورسين بقات غير كتصرط فريقها و كتنعل الشيطان
نورسين: جبل عاوني باش نحيد ليك القميجة اللي لابس
جبل واخا عيان ناض و حيدها راسو ولاح القميجة جات فالارض و شاف فنورسين اللي عينيها غير على عضلاتو ما حيداتش عينيها عليهم جبل ابتاسم
جبل: ياكما بغيتي بحالهوم
نورسين بحال ضربتيها بتصرفيقة هزات عينيه شافت فيه
نورسين: احم أستغفر الله العلي العظيم انا غادي نوض نعس كح كح يالاه تكا باش نغطيك
جبل دور وجهو و بقا كيضحك و تكا على كرشو فاش جات نورسين تغطيه انتابهات لجرحة كبيرة فضهرو شهقات و بقات كتشوف فيها
نورسين: ضهرك أجبل
جبل: ما تخافيش أنورسين غير جرحة عادية بامكانك تمشي تنعسي راكي عيتي هاد نهار و غدا راكي داخلة بكري لمعهد
نورسين تغرغروا عينيها بالدموع حيت عرفات بلي داك جرحة عندو فضهرو منين ضرباتو كاميليا بالقرعة د شراب فاش دافع عليها كن ماهو كن جاتها ضربة فوجهها خسراتو لها غطاتو و خرجات هبطات لبيتها و تكات من فوق السرير و نعسات
🌤🌤🌤🌤🌤 أصبح يوم جديد
حسات نورسين بلي شي حاجة كتلعب ليها فوجهها عرفاتو الكانيش ديالها حلات عينيها و هزاتو و باستو
نورسين : نتا شكون كيسلطك عليا كل صباح كتجي تلحسلي كمارتي امم هادو غير فعايل جبيلو ههه
حطات الكانيش ديالها لارض و ناضت دخلات لحمام قدات حالتها و لبسات سروال اسود مع تيشورت فالابيض وزادت من فوق منها فيستة ديال تجين وحلات واحد المجر جبدات منو نضاضر ديالها توحشاتهم حيدات لي لونتي و لبساتهم جاوها مع لبسة مزيونين و دارت واحد السنيسلة فعنقها و خويتمات فيديداتها جات سوو كيوت و مشات وقفات حدا المراية طلقات شعرها و قاداتو
نورسين كتشوف فضفارها و كتهدر
نورسين: اووف شوف كي صوفر عندي هاد اليدين سلمى ديما كتدير الصباغة فالالوان و الاشكال حتى انا عندي ما عرفتش علاش ما كنديرهاش
حلات واحد المجر أخور عندها فيه المايكاب اللي شرات ليها سلمى و معاه صباغة ديال ضفار فلون الاسود عجباتها بزاف
نورسين: ولكن انا ما عمري درتها كيف كيديرو لهاد زمر عنداك غير نجخطن يدي
فنفس الاثناء سمعات دقان فالباب مشات حلات الباب لقات جبل
جبل: صباح الخير
نورسين : صباح نور
جبل: ما عوالش تمشي تقراي شفتك تعطلتي بزاف
نورسين:*هزات صباغة ديال الاظافر * بغيت نصبغ ضفاري و ما عرفتش خفت نجخطن يدي
جبل : غادي ضرك فضفارك أبنتي حطيها و دوزي تمشي تقراي راه غادي يمشي عليك الحال
جبل ربع يدو و كيشوف فيها كيفاش كتهدر كيف شي بنيتة صغيرة غادي تسطيه شي نهار بهاد تصرفات دياولها خطفلها القرعة د صباغة من يديها نورسين بقات غير كتشوف دخل جبل لداخل وقال
جبل: سدي داك الباب و اجي
نورسين سدات الباب و دخلات لعندو
نورسين: شنو ناوي دير
جبل: نصبغلك ضفارك
نورسين حطات يديها على فمها و شداتها الهيستيرية ديال ضحك
نورسين: لا واش من نيتك ما عرفت نصبغهم حتى انا بقا غير نتا اللي راجل ارا داكشي ارا هههه
جبل:*كيتكلم ببرود* ما كنضحكش جربي و شوفي واش كنعرف ولا ما كنعرفش
نورسين جلسات فوق الناموسية و مداتلو يديها
نورسين: اوا هاحنا غادي نشوفو
جبل حل القرعة د صباغة و قبطلها فيديها و بقا مركزة مع ضفارها كلهم حتى صبغهوم بطريقة إحترافية هي اللي بنت محال واش كانت تصبغهم بهاد طريقة
نورسين: شكرا بزاااف و الله انا اللي بنت ما كنت نعرف نطلعهوم بحالك
جبل: بصحتك نديروا كلشي على قبلك وادابا غير فكينا *كيشوف فساعة* هادي تسعود و نتي كدخلي مع العشرة أ الله يكفيك الوقت تفطري
خرج جبل و بقا تابعو داك الكانيش حيت مولف بيه هزو و هبطوا معاه فيدو و نورسين بقات خلاص فالبيت كتنقز غير هي و عظامها و فرحانة
نورسين: احححح موسيو جبل الابراهيمي كيصبغ ليك أنورسين ضفارك أوالله حتى هاد الراجل ما منوش جوج قالي كلشي نديروا على قبلك واااااو والله حتى طايحة على زنافرو فيا مسكين غير ما باغيش يقولها و لكن انا وراك وراك و زمن طويل يا جبيلو حوبينو
هبطات فالدروج حتى وصلات لسفلي لقات الفطور واجد عركاتها مزيان شربات مع راساتها كويس ديال العصير بارد مع الفواكه و ناضت
نورسين: جبل مشينا
ناض جبل خرج و هي تابعاه حل ليها الباب و طلعات فطوموبيل و طلع هو لمكان القيادة وديمارا وزاد
نورسين : جبل بغيت نسولك
جبل: نعام
نورسين: دابا نتا كتصمم ساعات اليدوية ياك
جبل: وي كنصمم الساعات اليدوية
نورسين: النسائية ولا رجالية
جبل: بجوج علاش هاد السؤال
نورسين:وا زعما حشومة عليك انا مرتك و عايشين انا وياك فدار وحدة و ما عمرك جبتيلي غير ساعة بالكدوب و عطيتيهالي
جبل ابتاسم و شاف فيها
جبل: ما طلبتي غير الموجود فالعشية نجيبولهالك صافي
نورسين: *كتعوج فمها * لا صافي انا بغيت نشريها من عندك
جبل: واخا حتى هادا نظر هانا غادي نقولك الاثمنة ديالهم باش تعرفي شنو تشري
نورسين:واخا باش حتى انا نوجد فلوسي
جبل : أرخص ساعة يدوية كنبيعها كدير بمية مليون واغلى وحدة تقدر توصل حتى لمليار اش بانلك تشري
نورسين وقفات ليها وبدات كتكحب مسكينة ما عرفات راسها باش تبلات
نورسين: كح كح اويلي مية مليون احم بناقص انا كنشريها من سوق غير بمية درهم و كتبقا فيا بقا غير مية مليون عرفتي شنو ندمت علاش سولتك كاع درت بناقص ما بقيتش شارية
جبل دار يدو على فمو و بقا كيضحك
نورسين: كي بقيتي بعدا شوية
جبل:صافا
حبس اللوطو حدا المعهد و نزلات نورسين دارتلو باي باي بيديها وهي تلاقا بربيع حتى هو داخل وهي تعيطلو بجهد
جبل نورسين الجزء 12
محتوى القصة
التنقل بين الأجزاء