جبل نورسين الجزء 16

من تأليف Fatima zahra ouba
2019

محتوى القصة

رواية جبل نورسين

جبل: سرسورتي سافا توحشتك بزاااف 
سارة: حرااام عليك أعمو جبل علاش مشيتي لاسبانيا بقيتي فيها بزاااف شوف شحال كبرت 
نورسين بدات كلها كترعد ووسخات حوايجها بلبن كلها تجلخات 
فاطمة: يا ونتي عورةما كتشوفيش 
نورسين حسات براسها بحال شي حد خانقها بدات كتكح بجهد وعينيها حمارو جبل سمعها قلبو تزعزع من بلاصتو ما حس براسو حتى غوت كان غادي يخرج ليهم من تيليفون 
جبل: عطيييوها تشرب 
ناضت كنزة كطير كبات ليها الما و شربات عاد رجعات فيها روح سارة شافت فنورسين و مشات جلسات من فوق حجرها و وقفات الطابليط بواحد اللعيبة كتكون فطابليط من اللور وحطاتها فوق الطبلة جات اونفاص ليهم نيشان نورسين بقات غير مطرطقة عينيها كتشوف فجبل كيف معنق جوري و جالسين فالارض حسات بيهم مقربين من بعضياتهم بزاااااااف نورسين ما كرهتش تدخل لداك تيليفون تجر جوري من شعرها و ضربلها نتفة فاعلة تاركة غمضات عينيها و هزات يديها كتقد فشعرها بطريقة مغرية بلا ما تحس و جمعات شنيفها على شكل بوسة 😙😙 وجلسات كتغزز فيهم بسنانها ولات كدير هاد الحركات فاش كتحس براسها وصلات ليها لطوب وولات معصبة بلاقياس وداتها كلها كترعد و كتطلع نفس بصعوبة جبل العكس ديالها تماما كان حاس براسو فرحان و نااااشط منين شافها خصوصا فاش دارت هاد الحركات اللي بانت فيهم معصبة بزاااف هو زادت بانتلو مثيرة و جميلة اكثرمن القياس هو كيحماااق عليها فجميع حالاتها سواء معصبة ولا عاجبها لحال حسد سنانها اللي كيلامسوا شنيفاتها حسد دوك اليديدات اللي كتلعب بيهم فشعرها بطريقة مثيرة كيحس بقلبو كيضرب فالالف و داتو كلها كترعد نورسين دورات عينيها باش ما تشوفش فيه وهو يهز يدو دوزها على شاشة و كيتنهد و كيصرط ريقو حاس براسو محتاجها بزاااف ماشي ساهل يبعد عليها عامين على قدهم حاس براسو محتاجها كحاجة القرى العطشانة لصلاة الاستسقاء كحاجة المهرج للبكاء كحاجة المهاجر الى الوطن كحاجة المتشرد إلى أسقف و جدران كحاجة المكتئبين لعقاقير الكآبة كيحس بلي قلبو تجرح بزاااف حاس بلي قلبو مخرب وغير نورسين اللي عندها دواه غير هي اللي تقدر ترمم داك الخراب اللي دارت ليه 
سارة دورات وجهها و شافت فنورسين ودورات ليها وجهها باش تشوف فطابليط و حطات راسها على صدرها 
سارة:*دلات شنيفاتها* شفتي أعمو جبل طاتي نورسين ولات مريضة بزااف شوف تحت عينيها كيف ولا كحل كدرقوا غير بالمكياج باينة فيها ما كتنعسش مسكينة *باستها فخدها * مرة مرة كتحس بضيق التنفس و ما كتبقاش قادرة طلع نفس الا ما كانش حداها بخاخ الربو تقدر تخنق و تموت الله يستر ومرة مرة ولات كتسخف و لات عايشة غير بدوايات واقيلة حتى هي ما قدراتش على فراقك أعمو جبل 

نورسين هدرة سارة ضراتها فقلبها بزاف سلمى و يعقوب و ربيع و فاطمة و كنزة كلهم حسوا بقلبهم ضرهم عليها ما بقاوش قادرين ياكلو فاطمة و سلمى تغرغروا عويناتهم بدموع و كنزة حتى هي كلهم كيتنهدوا ما بقاو كيقولو حتى حرف 

جبل حس بقلبو تزير عليه هو عارف حالتها كيف ولات و لكن حتى هو كيحس بالعجز من جيهتها هي اللي اختارت الفراق ماشي هو عينيه حمارو و دمعة وقفات على حافة عينو دور وجهو و ناض مشا شرب و حط يدو على صدرو اللي حاس بيه شاعلة فيه العافية 

جوري: الله يشافيها نورسين نتي بخير 
نورسين عوجات فمها و مسحات دموع من عينيها و حاولات تهدن 
نورسين: انا بخير الحمد الله 
جوري: علاش ولا كيوقع ليك هادشي 
نورسين :*ابتاسمت ليها فوق من خاطرها * اوا اختي كيقولك الله ينجيك من كحل الراس شي وحدين دخلوا لحياتي و رونوها و قلبوها سفاها على علاها طيحوني فالفراش وهوما جالسين حدا شهبات مفطحين مع راسهم الا ما سمحتش ليهم ما عندهم فين يتساعوا فقبرهم و لكن الله يسامح ما فيا اللي يتلاقاهم نهار الحساااب ما حاملة وجههم حتى فدنيا بقا غير يوم القيامة 
جبل كيسمع لكل حرف قالتو نورسين حس بيها تبدلات ولات كتعطي لقاصح حس بشخصياتها ولات مغاااايرة بزااف على قبل دوز يدو على لحيتو و مشا رجع لبلاصتو حدا جوري شافتو نورسين كحلات بالعما دورات وجهها ما باغاش تشوفو 
سارة:عمووو جبل فين مشيتي 
جبل: *ابتاسم باستهزاء* ماشي مهم 
سارة: خالتو جوري فوقاش جيتي 
جوري دورات وجهها شافت فجبل 
جوري: جيت عاد دابا جابني جبل الله يخليها ليا ديما كنلقاه بجنبي احسن انسان دخل لحياتي هو جبل 
نورسين بدات كتغزز فشنايفها حاسة بالقرود كيلعبوا فوق راسها دورات وجهها و لقاتها معنقاه جنب و متكية على كتفو و مغمضة عينيها و هو كيدوز يدو على شعرها بحنان 
ما حسات نورسين براسها حتى ضربات الوقفة و بدات تغوت 
نورسين: اش هاااااادشي كتوريو البنت وهي مازال صغيرة أ 
جوري قفزات و ناضت من على كتفو فاش سمعات صوتها جبل قادة الجلسة و دوروجهو جنب و حك لحيتو ورجع شاف فيها 
جبل: ممكن نفهم نتي 👈شنو مشكلتك ؟

نورسين: *دارت يديها فجنبها و دوزات يديها على شعرها و بدات كتغوت بلا ما تحس* نتااااا اللي شنو مشكلتك أما أناااااا الحمد الله ما عندي حتى مشكل جالسين كتعلموا لبنت المسخ وهي مزااااال صغيرة *ضربات فالطبلة* بصفتها أش حاطة راسها عليك امك اختك عمتك خالتك ولا مررررتك 
جبل: خطيبتي 
نورسين حسات بدنيا كتدوخ بيها و نفس بدات كطلعوا بصعوبة و عينيها حمارو جاب ليها راسها بحال ما سمعاتش مزيان 
نورسين:ك.....ك.....كيفاش ؟؟ 
سارة كتصفق 
سارة: عمو جبل و خالتو جوري تخطبوا ياااااي 
نورسين حسات بدوخة و رجليها ما بقاوش هازينها ناضت عندها سلمى و شدات فيها 
سلمى:نورسين واش نتي بخير 
نورسين تحجروا دموع فعينيها و شيرات بيديها لجيهة الطابليط ☝️☝️ و بدات كتبكي و كتضحك فنفس الوقت كيف شي حمقة 
نورسين: واش سمعتي لي سمعت أسلمى وااااااش سمعتي 
سلمى :تهدني اجي معايا 
نورسين بعدات عليها و شدات فراسها و دورات وجهها و مشات لبيتها كانت غادي تطيح كن ما شداتش فالحيط 
رابحة: ياو مال نورة سايرة تهدر مع ديك التلفزيون 
المعطي: ياكما مريضة ولا حمقة
يامنة: ياو معامن كانت سايرة تهدر بسم الله الرحمان الرحيم 
فاطمة:كولوا نتوما دابا مرحبا بيكم 
عند نورسين 
متكية على الباب و ساهية فنقطة وحدة و كتهدر مع راسها 
نورسين: خطبتي أجبل صافي دبرتي على الضحية جديدة *ردات شعرها جنب * تهدني أنورسين تهدني انا اصلن ما بقاش كيهمني يدير فحياتو اللي بغا *مشات وقفات حدا المراية و شتتات داك الماكياج كامل اللي كان عندهامن فوق الكوافوز * مرضتيني ومشيتي خطبتي و عايش ليا الحياة السعيدة وانا زعما نموت و من فوق هادشي كامل ما باغيش يطلقني زعماباغي ينتاقم واخا أسيدي ماطلبتي غير الموجود اللي كيقلب على نورسين كيلقاها كيقولك هبش هبش تلقا الحنش 

مشات حلات الماريو ديالها و لبسات كبوط فالكحل مع سروال ديال تجين وطلقات شعرها و دارت ما يكاب خفيف و هزات سوارت ديال الطوموبيل وديال دارها و خرجات من البيت 
فاطمة: فين غادية 
نورسين:غادا لداري 
فاطمة:يا و هادي ماشي دارك شفتك نتي خرجوا رجليك لشواري جلسي لارض ما عندك فين تمشي 
نورسين: ماما خاصني نمشي نشوف ماكس ونعطيه ياكول باغا نرتاح والله الا حاسة براسي عيانة 
فاطمة:ياو هنا مالك ما كترتاحيش 
رابحة:ياو نتي عندك دار وحدة أخرا هي نتي مزوجة و مخبية علينا 
نورسين:ماما راكي عارفة هنا صداع و خاصني نركز فشحال من حاجة 
سلمى: علاش غادي تمشي حنا زعما هنا مجموعين 
نورسين : ما كرهتش ولكن محتاجة نبقا بوحدي 
فاطمة:اه أبعدا نسيت أنور وليدي مسكين كاع ما عيطتلو يتغدا معانا 
نورسين:راه مشا لاميريك قريب يجي المهم هانا مشيت الله يعاونكم 
حلات الباب و خرجات و هبطات فلاسانسور لبسات المونطو حيت كان الجو بارد بزااف مشات ركبات فطوموبيلتها و قلعات حتى وصلات لدارها هبطات و مشات حلات الباب ديال دارها اللي كانت عبارة على فيلا صغيرة راقية بزاف و بقات كتعيط بصوت مرتفع 
نورسين:ماااااكس ماااااكس ويلي فين مشا هادا مولفة غير كنحل الباب كيجي عندي كيطير يكون زعما فجردة 
مشات لجريدة لقاتو جالس فواحد الركينة و باينة فيه فرحان بحال شاف شي حد عزيييز عليه بزااااف مشات حداه وبقا كيلعب حدا رجليها هزاتو من الارض و باستو 
نورسين:بنتيلي فرحان بزاف اجي بعدا نتا شكون جابك لجردة 
بقا داك الكلب كينبح هو نفسو اللي كان جاب ليها جبل الكانيش الاسود اللي زاد كبر على قبل 
خرجات نورسين من جردة و بقات هزاه فيديها و عطاتو الماكلة ديالو و بقات كتلعب معاه و بقات ساهية فيه تفكرات نهار جابولها جبل 
🔙🔙🔙🔙 فلاش باك 

حسات بشي حاجة كتلحس ليها فوجهها بقات كضرب بيديها و كتقبح فوجهها عاودت تقلبات على جنب لاخور ما بغاتش تفيق عاود حسات بداكشي تابعها و كيلحس ليها فوجهها ناضت قافزة تشوف شنو هادشي اللي خلاها ما تكملش نعاسها براحةخصوصا انها كتحس براسها غادي ينفجر حلات عينيها و هي تصدم من داكشي اللي شافت فوق منها كان كليب صغيور كنيش فلون الاسود من ديما كتحلم يكون عندها ولكن ماماها و باباها حلفوا عليها باليمين لدخل لدار كتحك عينيها باش تاكد راه كلب هاداك جا عندها الكلب بقا كيلحس فيها و كيهز رجيلاتو بحال باغي يسلم عليها نورسين بقات غير حالة فيه فمها و كتزيد تحك عينيها طلع عندها الكلب لحجرها و بقا حاط راسوعلى صدرها كانيش ضريف بزااااف 
نورسين بدات كتضحك و هزاتو لعندها 
نورسين: ههههه و الله حتى بصح و الله ما كنحلم 
شداتو عندها و شبعاتو بوسان نسات الحريق اللي عندها فراسها بفعل سكرة 
نورسين:*كتبوس فيه*شكون اللي جابك لعندي شكون اكيد جبيلو 
🔚🔚🔚 رجوع

ماحسات بدمعة حتى نزلات من عينيها و طاحت لارض و ربعات رجليها 
نورسين:حرام عليك أجبل والله حتى حرام عليك مازال ما متيقة بلي نتا طلعتي وحش و درتي داكشي كامل اهئ اهئ كنت كنبغيك أكثر من راسي اهئ اهئ 
*مسحات دموعها * و فالتالي غادي خاطب جوري اكيد حتى هي غادي يتزوج بيها و يحملها و من بعد يعدبها *ضربات الوقفة * والا كان تبدل و تعالج و ما بقاش مريض زعما يقدر يكون كيبغيها و يعيشوا حياتهم سعداء وانا نحشي صبع و الله لا كانت ليكم برب الجليل حتى نحرمها عليكم اجي بعدا ياك هو عندو ولد مع كاميليا زعما يقدر يكون طلقها *بقات غادة جاية كي الموري د الماكانة و حاطة يديها تحت دقنها و ضربات رجليها مع الارض * غادي نحماق بقوة التفكير يا ربي الحبيب وعلااااااش انا ما بغاش يطلقني علاااااش اوووووف غادي نمشي ندوش باش نرتاح 
طلعات لبيتها وهي توقف فنص دروج عاود كتشم نفس الريحة ديالو ما يمكنش تغلط فيها ولكن كيفاش غادي يوصل هو لهنا ضربات راسها بغباء 
نورسين:اوووف غادي يحمقني داك سيد وليت كنشم ريحتو و كنتخايلو فكل بلاصة *حطات يديها على قلبها اللي كان كيضرب بزاااف * اكيد غير كنتخايل هو اصلن اش غادي يجي يكجدر عندي فدار يجففها ليا مثلا خلاها ربيع و مصاب كن جا بعدا غير يعاوني نخملوها مربي دوك العضلات على والو *تفكرات فاش شافتو فصباح كيف زيان و كيف صحاح تنهدات * العفريت ولا زوين بزاف ما نعرف شنو كان كيعلف فديك سبانيا *ضربات رجليها مع الارض * شنو زعما يقدر يكون باس جوري من فمها **ريشااات شعرها *ولا زعما يقدر يكون دار معاها داكشي *تغرغروا عينيها بدموع و دلات شنيفاتها *والله حتى نحرهم نحير جمل اوووف دابا غادي تكون كتمتع بديك لحية رطيطبة ديالو *ابتاسمت بشر * وانا مالي أصلن دابا يعدبها هو اصلن غير مجرم تنكرهوا انا اعععع 
طلعات فدروج و حلات بيتها و دخلات ليه كان بيت كبير بزااااااف والوانو هادئة حيدات حوايجها بقات غير بدوبياس فالاسود و جمعات شعرها على شكل كعكة و دخلات للحمام و عمرات البينوار بالماء دافئ و الباندوش و تحشات فيه و بدات تلعب بالفقاعات و كتفكر كيف دير تنتاقم من جبل عوجات فمها 
نورسين: خاصو يطلقني خاصو يعطيني حريتي من حقي أعباااااد الله اوووف هو احمق و مريض و باغي حتى انا يردني بوهالية بحالو تفووو 
ناضت و شللات و لوات عليه فوطة و خلات شعرها مطلوق و القطرات د الما هابطين منو باين شكلها مثير بلا قياس دارت مرطب لفمها برائحة الفراولة و بدات تغني بجهد 
نورسين : ينعل بووووو الحب أ ينعل بوووو الحب ينعل بو الحب يطيح و يجيف ينعل بوووو الحب أينعل بوووو الحب ينعل بووووو الحب يضعف لي أنا القلب ياو جبل ياااااا زين ااااه جبل يااااا زين يااااا وجبل يا زين كواني بدوك العينين يا و زيد كووي كوووي يا و زيد كوووي كووي يا و زيد كوووي القلب اللي حبك بجمر *حطات يديها على قلبها * يااااا وزيد كوي كوووي ياااا و زيد كوووي كوووي يا ونستاااااهل ما عندي زهر *كتحير بشعرها كي الهبيلة * يااااا و ينعل بو الحب أ ينعل بوو الحب و ينعل بو الحب يضعف لي انا القلب 💃💃💃💃💃💃💃 
حطات يديها على البوانيي د الحمام باش تخرج وهي تحس بقلبها كيضرب بجهد نعلات شيطان بالحلة باش كتحل الباب كتشهق و كتحل عينيها على وسعهم 😲😲😲😲😲😲😲😲😲 و شدات فالحيط باش ما تطيحش حسات براسها تزيزنات و قلبها علاين يخرج من بلاصتو و كترمش عينيها و كتأكد واش هي فالواقع ولا فالاحلام واش بصح داكشي اللي شافت ولا حماقت ولات كتخايلو فكل بلاصة و فكل مكان قالت بصوت متقطع 
نورسين : ج...ج....جبل

حسات بأنفسها تسارعو و كتحس بحال دنيا كتدوخ بيها فاي لحظة تقدر تزدح طيح لارض 
كان جبل متكي فوق الناموسية ديالها و كيقشر فواحد التفاحة بالموس و كاياكلها هز راسو و شاف فيها طلعها و هبطها و تنهد وااااحد تنهييييدة خارجة من الاعمااااااق كيحس بقلبو شاعلة فيه العافية خصوصا فاش شافها بشكلها المثيييير جدا غمض عينو و ابتاسم و عض على شنايفو و عاود حلهم و كمل تقشار ديال التفاحة اللي كانت فيدو وناض من فوق الناموسية و بدا كيقرب ليها و هي كتحاول ترجع بلور هو كيخطي خطوة لامام وهي كتخطي خطوة للوراء حتى قرب ليها فاش بغات تبعد وهي تزدح راسها مع الحيط عرفات بلي ما بقا ليها فين تزيد تهرب جبل كيحس بداتو كترعد و العرق كيتصبب منو و كيحس بدم تجمد فعروقو حط ديك التفاحة من فوق الكوافوز و حاصرها بيدو بجوج ما بقا ليها فين تهرب و قرب لشعرها و بقا كيشم ريحتو لي توحشهااااا بزاااااف بقا مغمض عينو و كيحاول يستنشق اكبر كمية د عطرها حتى حس بيها حطات يديها على صدرو كتدفعو حل عينو و بعد على شعرها و جات عينو فعينيها نيشان نورسين نزلات دمعة من عينيها كتجري وقالت بصوت متقطع 
نورسين: ب....ب .....بعد مني 
جبل ابتاسم باستهزاء وقال بصوت خشن 
جبل: كنخنقك ياك؟ 
نورسين حسات براسها تخنقات و دموع نازلين غمضات عينيها و عاودت حلاتهم و شافت فيه و بدات كتغوت و كضرب فصدرو 
نورسين: علاااااااش جااااااي عندي لدااااااري علااااااش شكون اللي وراك فين كنسكن واااااااااا بعد مني ااااااه ااااااااه كتخنقني فاش كنشوووووفك مااااااكنقدرش نطلع النفس اهئ اهئ *طاحت لارض و شدات فقلبها *
جبل حنى لعندها و تكلم ببرود 
جبل:سمعتي ديك الاغنية الجديدة ديال سعد المجرد 
نورسين هزات راسها و شافت فيه 
نورسين:واااااااش حماااااقيتي اش هاد الهدرة كتقول 
جبل قرب ليها حتى ما بقات كتفصلو عليها حتى حاجةو باسها فعنقها حتى بورشها و بقا كيتكلم فعنقها 
جبل:نجيبك نجيبك وخ تطلعي للسماء ندير جناح ونجيك تلقايني تما نجيبك نجيبك راك مزال معرفانيش كلمة نستسلم فالقاموس معنديش

نورسين بعدات عليه و شدات فصدرها و بدات كتحس بانفاسها ما بقاوش منتاضمين و بدات كتنهج جبد جبل بسرعة بخاخ الربو من جيبو و دارو ليها ففمها عاد رجعات فيها روح و حطات راسها بلا ما تحس على صدرو و بدات كتهدر بصوت منغنغ بالبكا و متقطع 
نورسين: ب....ب..بعد مني عفاااااك اهئ اهئ سير عيش حياتك مع خطيبتك وانا فرقني عليك اهئ اهئ 
جبل باس ليها راسها و قال 
جبل: هوسي أنت يا حبيبتي

نورسين هزات راسها شافت فيه 
نورسين: كييفاش ؟
جبل: *حنا على ودنها و همس ليها * عرفتي علاش كنخنقك حيت انا عندي تأثير قوي على قلبك و عقلك عااااااااااامين أنورسين عااااااااااااامين وانا بعيد عليك و كنصبر راسي كل ثااااانية باش مانجيش و نخطفك ولكن حتى لهنااااااااا و بااااااااااركة عاااااااامين عشتي حياااااتك بطول و بالعرض وليتي اكبر مايكاب ارتيست ولات عندك دار طوموبيل تعلمتي لغات تعلمتي سباحة الرقص براااااافو عليك وانااااااااا ما فكرتيش فيااااااا كاع امم ما عمرك قلتي داك السيد شنووووو كان عايش و شنو كان كيعاني وهو بعيييييد علياااااااااا ولكن حشومة نتعدب غير بوووووحدي شفتي داك الورقة ديال الطلاق ما تحلمييييش بيها كيف جاك هاد العقاااااب زوين يااااك و من فوق هادشي كااااامل غادي نوريك وجهي لاخور ولفتي تشوفيني ضريف ياك اش بانلك نأكتيفيو المود د القباحة 
نورسين بعدات عليها و شافت فيه 
نورسين:عاد تأكدت بلي نتا وحش و انسان احمق و مريض 
جبل: *ميل راسو و شاف فيها * ااااه انا احمق و مريييض ووحش وماااا نسوا و ما نصلاح انا هو شيطان ونتي عباااااارة على ملاك طاااااهر *تغرغروا عينيه بدموع و شاف فيها واحد الشوفة خطيرة ديال الخدلان *ماااااعمري توقعتها منك انورسين مااااااعمري شحااااال قلتلك ما ثيقيش ببنادم شحااااال من مرة ونتي اول حاجة درتي ما ثقتيش فيا 
نورسين: خررررررج عليااااااا واااا بعد مني 
وقف جبل ونفض حوايجو 
جبل: غادي نمشي و كوني اكيدة غادي تندمي على كل حرف خرجتيه من فمك كووووني اكيدة ابنت قلبي بلي غاتندمي على كلشي و هادشي قريب بزااااف ولكن خاصك تكوني اكيدة من واحد الحاجة قلبي بغاك نتي بووحدك و ما عمرو ما بغا غيرك تهلاي فراسك و ما تبكيش حيت حتى حاجة ما تستاهل ابنتي انا هزيتك فضهري و نتي عضيتيني من الكتف هادي هي الدنيا عطيتيني درس عمر نساها 
دور وجهو و خرج من البيت و زدح الباب واحد الزدحة حتى قفزات نورسين من بلاصتها ناضت من الارض و مشات بتثاقل و تكات على سرير ديالها و هزات المخدة اللي كان متكي عليها و عنقاتها و غمضات عينيها 

....واحد السيارة غادة بسرعة خيالية فالطريق من نوع فيراري فالاسود كان سايقها جبل و هاز واحد القرعة دشراب فيدو و عينو حومر كي الدم و طالق واحد الاغنية مجهدة فطوموبيل 

🎵🎵🎵🎵
خليو دموعي راكدة حتى نكون فقبري وعلى خدي تهبط باردة
القلب قصاح والكبدة جامدة نتوما سبابي ادا وليت هاكدا
خليو دموعي راكدة حتى نكون فقبري وعلى خدي تهبط باردة
القلب قصاح والكبدة جامدة نتوما سبابي ادا وليت هاكدا
🎶🎶🎶🎶🎶🎶
ضرب جبل واحد الفران سيك حتى مشات طوموبيل و جات نزل و هاز فيدو قرعة دشراب هبط عليها و مشا فاتجاه واحد الديبو جاي من برا المدينة شافوه لكارد اللي كانو كوحل و طوال و صحاح لابسين كلشي فالكحل شافوه و حناو راس و حلو ليه الباب دخل جبل و عينيه حووومر ما كيبشروش بالخير و عضلاتو تزيرو عليه حتى من القاميجة علاين تقطع من على كتافو و ابتاسم بشر و قال 
جبل: توحشتي الوحش ياك أبنت خاااااالي 

كاميليا شافتو و بدات ترعد و بدات كطلع نفس بصعوبة و حسات بقلبها غادي يسكت كانو حوايجها باليين وموسخين كاميليا شدات على راسها بيديها و مشات كتجري تحنات على رجلو و كتحرك راسها يمين و شمال و كتردد 
كاميليا:عفاااااك أجبل رحمني عفاااااااااك اهئ اهئ 
جبل حنى لعندها و غرز يدو فشعرها و بقا غادي مجرجرها وهي كتغوت بربي اللي خلقها حتى زدحها مع الحيط و دار اشارة لكراد ديالو و جابولو كرسي و جلس عليه و جابو كرسي لكاميليا ربطوها هي كتفركل ليهم و كتحس براسها كيزدح و كيعطيها حريق مجهد بزاااف و عضامها كلهم مدكدكين و تحت عينيها كحل ولات حالتها حالة وكتبكي و تشهق باش يحن فيها مشا وقف حداها و جرها من شعرها و جات عينو فعينيها نيشان 
جبل: عاااااااااااودي شنو قلتي عااااااااااااااودي بغيت نسمع آخر جملة قلتي 
كاميليا: اهئ اهئ عفاك أجبل رحمني ما بقيتش قادرة أهئاهئ 
جبل طلق منها و بعد عليها و بقا كيمشي و يجي حداها شداتو الهيستيرية ديال ضحك دوز يدو على لحيتو وشاف فيها و قرب ليها حتى تقابل مع وجهها و بدا كيهدر بالغوات 
جبل: علااااااااااااااااه سيااااااادتكم رحمتييييني أنا باش نرحمك امم جاااااااااااااوبي 
كاميليا قفزات من بلاصتها خلعها بصوتو علاين تهبط ليها البولة بقوة الخوف منو 
كاميليا: اهئ اهئ سمحلي عفاك 
جبل: علااااااااااااااايش غادي نسمح ليك علااااااااااايش بغيت نعرف واش على الكدوب اللي كدبتي ولا الكره اللي ولات كتحس بيه نووووورسين ليا بسباااااااابك ولا على العاااااامين اللي بعدتينا فيهم على بعضياااتنا علاااااايش غاااااااادي نسمحلك *ضرب داك الكرسي اللي كان حداه فرشخوا * 
كاميليا: انا درت كلشي حيت كنبغيك أجبل اهئ اهئ هادشي كامل حيت كنحماق عليك اهئ اهئ ماشي لخاطري و الله ما لخاطري 
جبل مشا قرب حداها و عطاها بتصرفيقة حتى دار حنكها 
جبل: سي جبل شكوووووون نتي باش تعيطيلي بسميتي هاكاك صاااااحبك انا اااااه بلاتي بلاتي عرفتي علااااش جيت عندكم ليوم ولالا 
كاميليا هزات راسها شافت فيه و بدات ترغب 
كاميليا:الله يخليلك ما عز عليك الله يرحملك الواليدين عفااااااك طلقني نمشي بحالي و ما عمري نديرلك المشاااااكل مزال الله يرحم الواليدين 
جبل: اليوم جبتلك معايا واحد الضيفة زوينة صحيبتك تكوني توحشتيها ياك 
كاميليا: مااااعرفتهاش و ماااا باغاش نعرفها بااااغا نخرج بحالييي عاااااام و نتا كتعدب فيا عفااااااك باركة آآآخر مرة ندير شي تصرف ماشي هو هاداك آآآخر مرة 
كنوااااعدك ما نبقاش نطوووف بساحتك اهئ اهئ 
جبل دار يدو فجيبو وقال 
جبل: حشوووومة عليك دغيا سخيتي بينا ما دوزناااش القليل أبنت خاااااااالي ما عجباتكش ضيافتنا ولا كيفاش ولكن ما يبقاش فيك الحال جبناليك الونيس حتى هي كانت كتعدب بحالك ولكن اليوم قررت نجمعكم وأخيرا شفتي شحال انا ضريف 
دار اشارة لكارد بعينو وهوما يتموا مدخلين منال اللي كانت حالتها حالة أكثر من كاميليا حطوها من فوق الكرسي وربطوها و جابو لجبل كرسي جديد جلس عليه و ربع يدو و ابتاسم بشر 
جبل: واخيرا تجمعتوا ياك غادي تكونوا توحشتوا بعضياتكم بلا قياس

منال: عفااااك اسي جبل طلقنا نمشيو بحالنا راحنا تعدبنا بما فيه الكفاية و....
جبل: شوووووووووت ما نسمعكش صوتكم بجووووووج و ماااااشي نتوما اللي غادي تقولولي شنووووو ندير و شنو ما نديرش كيقولك ضيف ما يتشرط و مول الدار مايفرط وانا اكيد واحد الانسان اللي معروف عليا الكرم 
وقف و مشا صرفق منال حتى داز ليها دم من فمها وبدات تبكي و مشا و قف حدا كاميليا و حنى لعندها باش يجي فنفس المستو ديالها و زير يدو على فكها حتى تأوهات بالم 
جبل: انااااا احمق ياك جااااااااوبي 
كاميليا كتحرك راسها بنفي 
جبل: لااااااا نتي لي قلتي هاد الهدرة قلتي انا احمق وحش مريض وشنو أخور عندي ولد منك *شداتو الهيستيرية ديال ضحك* لاااااا واش من نيتك أبنت ق*** انا بنت وحدة اللي بغيتها حيااااااتي كاملة وبنت وحدة اللي قستها نتي ليك شرف حيت كنعطيك الوقت وكنجي نزورك مرة مرة امم وبما انني جيت نشوفك جبتلك معايا واحد الكادو ياك انا ضريف ديما كنجيبلك كادويات من نوع خاص 
كاميليا بدات كتحرك راسها يمين و شمال و دموع نازلين من عينيها شلال و كتهدر بصوت متقطع 
كاميليا: ع...ع ...عفاااك مااا ديرهاش 
جبل: ياااك انا غير احمق و الاحمق كيدير غير داكشي اللي كيقولو عقلو هادشي الا كان عندو 
تمشا بخطوات بطيئة ووقف من موراها و جر ليها شعرها لور 
جبل: هانا غادي نوري لاصل مك الاحمق شنو يقدر يدير 
دار اشارة لكارد ديالو و طلق يدو و مشا واحد كيجري لعندو حطلو الفردي فيدو و دار وقف اونفاص ليهم بجوج وحطو ليهم لكارد جوج تفاحات من فوق راسهم هوما بجوج بداو كيبكيو و كلهم كيترعدو ديما كيلعب ليهم على الوتر الحساس اللي هو الموت 
جبل:اي حركة ماشيهي هاديك تقدروا تودعو ما تحركوش بزااف 
كاميليا:اهئ اهئ عفااااك أسي جبل عفااااك لاا 
جبل: شنووووو قلت انا هااااا شنو قلت ما نسمع حتى حرف ولا غادي نجيب هاد القرطاسة فحلقك تسكتك مدى الحياة 
هز الفردي و صوبو لجيهتهم و بداو كيبكيو علاين يبولو فسروالهم 
جبل : عرفتو شنو اش بانلكم ندور وجهي و نضرب فينما جات تقدرو تعيشوا تقدروا تموتو نتوما و زهركم 
منال: ع...ع...عفاك لااا اهئ اهئ 
جبل: انا احمق و مريض ما عندي ما ندير ليكم 
دور وجهو و عطاهم بضهر و طلق الرصاصة جات نيشان فرجل ديال كاميليا سمعها غوتات بألم دور وجهوا شاف الدم هابط من رجليها و هي كتغوت بربي اللي خلقها 
جبل: اوووبس انا كنت باغي نقيس التفاحة ماقصدتش سمحي ليا 
كاميليا: ااااااااااااااااه اهئ اهئ كنمووووووووت اااااااه 
جبل: ما كرهتكش تموتي ولكن أخلاقي ما تسمحليش نقتلك مصير حياتك غادي يكون بين يديها هي الا قالت لي نقتلك نقتلك قالتلي طلق سراحها نطلق سراحك اش بانلك 
كاميليا كتحس بواحد الالم رهيب فرجليها و العرق كيتصبب منها ما بقاتش قادرة تستحمل و سخفات جاو لكارد كيجريو هزوها داوها يداويوها جبل دور وجهو شاف فمنال اللي كانت كترعد و البول هابط منها بقوة الخلعة ابتاسم باستهزاءو شاف فيها 
جبل:اوو دابا جات نوبتك فكريني فسميتك 
منال: *كتصرط ريقها *م...م....م...
جبل: ما سمعتش مزيان *ضرب الرصاصة فسما *
قفزات منال من بلاصتها 
جبل: ما كنحملش فاش نهدر معا شي حد ما يجاوبنيش كنولي وحش ديال بصح 
منال: اسميتي منال اسي جبل 
جبل:امم اوا دابا مزيان علااااااااااااش لعبتوا مور ضهري واش يصحابلكوم انااااااااااا حماااار ما غاديش نعرفكم زعماااااا ولا كيفاااش كتلعبوا بالعافية الجامع اللي قريتو فيه انااااااا اللي بنيتوا وانا اللي غنهدموا فوق ريوسكم حيت نتوما حاااااشا واش تكونو قاريين فجامع بزاااااف على اصل مكم نتوما قاريين تق*** مع جنون و تحرااااميات مع ابليس

منال كتشهق بالبكا 
منال:انا و الله ما عارفة شي حاجة هي اللي من تحت راسها كلشي اهئ اهئ 
جبل مشا وقف حداها و صرفقها 
جبل: ماااااا كنحملش الكدووووووب مااااااااكنحملوش و نتوما داكشي باش معروفين اليهود احسن من اصل باباكم منين نتي مسكينة وما عارفة والو علاش دوزاتلك الفلوس فالكونط امم زعما صدقاتهم عليك في سبيل الله اجي بعدااااا نتوما كتعرفوا الله بعدا من هو ربك ؟ ممكن تجاوبيني على هاد السؤال 
منال: *كتصرط فريقها * الله 
جبل: اووو و الله حتى طلعتي مسلمة كان كيصحابلي صهيونية كيبانلي بلي طولت معاك الهدرة بزااااف حتى نتي خاصني نعطيك الكادو ديالك 
منال:لاااااااااااا عفاك اهئ اهئ 
دوروجهو وهز الفردي و ضرب القرطاسة جات فديك تفاحة اللي كانت من فوق راسها نيشان دوروجهو لقاها مغمضة عينيها و كترعد 
جبل: صراااحة عندك زهر ولكن حشومة تخرجي من جماعة * ضرب القرطاسة فرجليها حتى هي* 
منال: اهئ اهئ ااااااااااااااااااي اهئ اهئ ااااااااااااي أرجلي 
جبل عطا لواحد الكرد الفردي و قاد قاميجتو 
جبل: كل مرة غادي نجي غادي نجيبلكم كادو معايا نتمنى يكونو كيعجبوكوم 
عطاها بضهر و خرج من الدييبو وطلع فطوموبيلتو وديمارا خلا غير العجاجة وراه 
عند نورسين 
كانت ناعسة من فوق ناموسيتها ومعنقة المخدة و طافية ضواو حتى سمعات تيليفونها كيصوني بدات كتقبح وجهها حلات عينيها و هزات تيليفونها جاوبات بصوت عيان و مبحبح 
نورسين: الو 
- ما عوالش تفيقي من نعاس 
نورسين طرطقات عينيها و شعلات ضو اللي حداها و داتها كلها كترعد و كتأكد من صوت اللي سمعات 
نورسين: ش..ش..شكون معايا 
-ماااايمكنش ما تعرفيش صوتي ولا ياكما مازال مأثرة عليك صدمة ديال قبيلة 
نورسين: ج...ج..جبل *كتصرط فريقها* منين جبتي نمرتي 
جبل: ما يمكنش ما تكونش عندي نمرة ديال اكبر 
مايكاب ارتيست فالتيليفون خايبة فحقك 
نورسين: واااش نتا احمق ولا مسطي واش كتبقا جاالس و كنبانلك فالبلان ديها فخاطيبتك شوية و فرقني عليك 
جبل: ما يمكنش 
نورسين:شنو اللي ما يمكنش ؟
جبل: بغيتي جبيلو ديالك يدخل لجهنم 
نورسين: اش جالس كتخربق عليا
جبل : عَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( مَنْ كَانَتْ لَهُ امْرَأَتَانِ فَمَالَ إِلَى إِحْدَاهُمَا جَاءَ يَوْمَ الْقِيَامَةِ وَشِقُّهُ مَائِلٌ ) بغيتيني نتعدب يوم القيامة نتوما بجوج بيكم زوجاتي والا ما عدلتش بيناتكم نقدر نتشوا مع فرعون الله يستر

نورسين: جبل واش باغي تخرجلي العقل انا ما مرتكش وابعد مني انا باغا نطلق منك و نتا لاصقلي فجلايلي طلقني و عيش حياتك مع جوري وولدو وليدات ومنها نيت تربي حتى الولد اللي عندك 
جبل:اينا ولد؟ 
نورسين: شوف نتا ياكما خليتيه لماماه تقابلو 
جبل:*دوز يدو على لحيتو * يا ربي تصبرني راك غير كتخربقي ما عارفة والو و ما فاهمة حتى وزة 
نورسين: صافي انا مكلخة غير نتا اللي عندك صح انا غير واحد المطنكة مني ماكاين غير عطيني ورقة ديال طلاقي بغيت نعيش حياتي 
جبل: وانا نموت 
نورسين: *حسات بانفاسها تسارعوا و قلبها كيضرب بجهد * انا ماشي سوقي فيك ما بقات كتهمني حتى حاجة مرتابطة بيك 
جبل: ما توحشتينيش 
نورسين :*دموع تحجروا فعينيها و صرطات ريقها و سكتتات مدة * لاا 
جبل: واخا غير شوية 
نورسين: وااااااا لاااااا واش ما كتفهمش لاااا 
جبل: *تنهد* لبسي حوايجك دابا يضربك البرد *قطع عليها * 
نورسين عطسات بجهد و طرطقات عينيها و شافت راسها بصح لابسة غير الفوطة و شعرها مزال فازك من قبيلة حسات براسها كيزدح و بدات كتفكر 
نورسين:هادا كيفاش عرفني ما لابساش حوايجي و مزال ناعسة *طرطقات عينيها * لاااااااااااا عنداك يكون داير ليا الكاميرات فدار برب حتى نحماق *عطسااات * اتشي الحمد الله اوووف هانا تروحت عاود ضربني البرد بلاتي بلاتي هاد العفريت منين غادي يكون جاب نمرتي اوووف يا ربي والله حتى نحماق شحال هادي فساعة *هزات تيليفونها لقات العشرة د الليل * ناااري شحال نعست حتى انا العفو الله 
ناضت بدلات حوايجها لبسات دوبياس فالابيض مع بيجامة سخونة فالغرونة جاتها كيوت بزاااف و مشطات شعرها و دارتلو البلاك و دهناتو بسيروم و بدات كتكح و تعطس نيفها ولا كولو احمر و راسها كيزدح دلات شنيفاتها و بدات ترمش بعويناتها جاتها البكية 
نورسين:دابا انا غير بوحدي فدار و فيا جوع و ما قادرة ندير حتى حاجة كن غير سمعت لماما و بقيت معاهم حتى انا كنطير تفو 
لبسات بانطوفة ديالها و هبطات فدروج غير بشوية و كتحس بواحد الحريق رهيب فراسها و داتها كلها مدكدة بحال واكلة العصا ما حدها كتقرب ما حدها كتسمع تقرقيب عندها فدار لتحت طرطقات عينيها 
نورسين: اويليييي شكون كاين فدار ياكما غير كنتخايل *صغرات عينيها و ابتاسمت بشر و مشات طلعات لبيتها و هزات واحد الرشاشة فيها سودانية خازناها لمثل هاد المواقف *و دابا انورسين ما عندك مناش تخافي 
امم الهاجم كيموت شرع 
هبطات فدروج غير بشوية كتسلت و بانتلها الانوار طافية و سهات يعني ما كاين حد ياكما غير تهيئات 
هبطات حتى وصلات للكوزينة و خايفة و هي تشعل ضو و هي تحس بشي يد جراتها و لصقاتها مع الحيط و هي تغمض عينيها و طلقاتها بواحد الغوتة فااااعلة تاركة 
نورسين: شفاااااااااااااار أ عبااااااااااااد الله شفاااااااااار 
هزات يديها و هي ترشو لعينو بسودانية عاد حلات عينيها بشوية و هي تشهق و طاحت ليها هاديك رشاشة من يديها و شهقااات 
نورسين: ج..ج...جبببببل 
مشات كطير تعلات على ضهرو وريشاتو من شعرو 
نورسين: ياااااااااااك كنقولك بعد مني دوي ونتا لاصق كي المسكة 
جبل حابس ضحكة غير بزز و عينيه كيعطيوه الحريق 
جبل: رصااااي انورسين رصاااااي راه عيني كيضروني باش رشيتيني 
نورسين عاد تفكرات بلي راه ضرباتو بسودانية لعينو و هي تنزل من فوق ضهرو ولات كلها صفراء و مخلوعة عليه مشات وقفات حداه و حطات يديها على خدودو 
نورسين:كيحرقوك عينيك ااا ويلي ويلي الله يعطيني الكرد 
جبل مغمض عينو كيحرقوه بزاااف كيحاول يحل عينو ما كيقدرش 
جبل:عيني مشاو 
نورسين ضربات على فخادها بجهد 
نورسين: اوا نتا اللي هاجم عليا خيك غزا فيك الله اجي معايا اجي 
شداتو من يدو و داتو لفابو و طلاقات الماء و بدات كتغسل ليه وجهو غير بشوية و خااايفة عليه حتى حل عينو و دور وجهو شاف فيها 
جبل:دابا شوية 
مشات كطير جابت الفوطة و بدات كتمسحلو وجهو غير بشوية وهو ناشط عليها اصلن ما قاستوش غير مطلعها عليها عجباتو كيفاش مهتمة لامرو و خايفة عليه 
نورسين: اش داااك تجي لعندي اشداك انا غير واحد المسعورة اجي بعدا 
لاحت نورسين داك الفوطة لارض و صغرات فيه عينيها 
نورسين: شفتك نتا غيرما تلقا مادير تم جاي لعندي وااااامنين كدخل اعباد الله و منين سوارت ديال داري عندي غير انااااا واش كطلع من القوادس كي الفار أ 
جبل: *غمزها * فاش كنبغي لحاجة كنوصل ليها ما نحتاجش نطلع من القوادس حيت كن كنت انا فار نتي غادي تكون اكبر طوبة احبي * قرب ليها و بقا حاط شفايفو على خدها بغات تدفعو وهو يظورها بحركة سرعة حتى لصقها على البوطاجي و عضها من خدها حتى غوتات*
نورسين: ايييييي احححح واش مريض 
جبل محصرها بيدو بجوج و بعد عليها و شاف فيها واحد شوفة خطيرة وقال 
جبل: مريض بيك

نورسين ربعات يديها و شافت فيه واحد الشوفة ديال التحدي 
نورسين: شنو زعما يصحابلك غادي نرجع ليك بهاد تصرفات ولا كيفاش 
جبل: نتي ديالي من اللول علاش غادي نرجعك 
نورسين: *تعصبات *جببببببل 
جبل: نعام أروح جبل و قلبو و حياتو كاملة كتعجلك سميتي بزااف ياك عاوديها نسمعها *قرب ليها و باسها فعنقها حتى تبورشات و بعد عليها و شاف ليها فعينيها وقال بصوت خافت* توحشتك ابنت قلبي 
نورسين بقات كتشوف فيه مدة و دورات وجهها وتغرغروا عينيها بدموع ولكن حاولات ما تنزل حتى دمعة دفعتوا بصبعانها وقالت بصوت متقطع 
نورسين: ب... باركة ما تعدب فيا و فراسك صافي ما بقيتش باغاك اجبل و ما بقيتش كنبغيك شنو ما فهمتيش فهاد الجملة 
جبل: ولكن عينيك كيكدبو نتي باغاني كيفما انا باغيك 
نورسين بعدات عليه و غمضات عينيها وشافت فسقف و عاودت هبطتهم و شافت فيه 
نورسين: واخا يقتلوني ما غاديش نرجع ليك سمعتي 
جبل على اثر هاد الجملة الاخيرة حس بقلبو ضرو بزااااف علاش كتبغي ديما تعدبوا معاها هو مايستاهلش هادشي اللي كدير فيه مشا وقف حداها و هي تبدا تعطس و تكح و شدات فراسها اللي كيعطيها الحريق 
نورسين: اييي *بدات كتغمض عينيها و كتعاود تحلهم بسرعة * 
جبل تخلع عليها و حط يدو على درعانها بجوج 
جبل: نورسين مالك ؟ 
نورسين: اتشييي ضربني البرد *كتمسح نيفها اللي ولا كولو حمر* حيت بقيت غير بالفوطة و شعري كان فازك ما نشفتوش اتشيييي سير نتا دابا خليني بوحدي 
جبل: *حط جبهتو على جبهتها وقال بهمس * مرضاتلي بنتي ما نقدرش نمشي و نخليك بهاد الحالة 
نورسين انفاسها تسارعوا اكثر و اكثر على اثر هاد الجملة الاخيرة و قلبها بدا كيضرب بسررعة كبيرة هزات راسها و شافت فعينيه نيشان و دلات شنيفاتها و سالت دمعة من عينيها ما يمكنش يكون وحش جبل عمرو ما كان وحش هو من ديما حنين فيها و خصوصا هاد الجملة الاخيرة اللي قالها حسات بشي صوت فداخل ديالها كيقولها بلي كلشي كدوب هو ما عمرو ما غادي يقدر يكون قبيح مااايمكنش ما كدخلش ليها لدماغها ولكن غير كتفكر الهدرة د كاميليا و الادلة اللي جابت ليها عليه كتقول بلي بصح هو احمق و مريض بعدات عليه و حسات بدنيا كتدوخ بيها و الهدرة دكاميليا كتعاود فودنيها 
🔙🔙🔙 فلاش باك 
كاميليا : انا قلتلك بلي هو وحش اهئ اهئ ما كيعرفش رحمة فلول كيبانلك كيف شي ملاك ولكن تيقيني من بعد غادي يولي يتعامل معاك بقسوة اهئ اهئ وغادي يكرهك فحياتك ثيقي بيا انا باغا ليك الخير حيت عرفتو تزوج بيك و حتى نتي غادي يدوز عليك نفس هادشي اللي دوز عليا و انتي بحال ختي صغيرة و انا خايفةعليك ما بغيتكش تأدايا اهئ اهى هو راه مجرم و قتال منين كان صغير فعمرو عشر سنين قتل عمو اهئ اهئ 
كاميليا: جا عندي البارح بليل حتى لهنا و قالي ديري الاجهاض ولكن انا مابغيتش وشوفي شنو دارلي *حيدات جاكيط ديال الكوير اللي كانت لابسة نورسين دورات وجهها شافت فيها و هي تشهق كانت يديها عامرين ضرابي بالموس و اسم جبل محفور فداتها نورسيين بدات كتدوز صبعانها على سميتو و كتبتاسم كتصرف كيف شي هبيلة 
كاميليا: اهئ اهئ هو اللي دارلي هادشي البارح قالي الا ما بغيتيش تطيحي هادشي اللي فكرشك كلما شفتي سميتي فيديك غادي تفكريكاع شنو دوزت عليك وغادي تجهضي الولد بسيف عليك اهئ اهئ وانا ما بغيتش اهئ قالي الا ما بغيتيش غادي نقتلك 
🔚🔚🔚 رجوع 

ما حسات براسها حتى فقدات توزان ديالهاكانت غادي طيح لارض كن ماشدش فيها جبل و كيحس بقلبو غادي يسكت تخلع عليها بزاااف النفس ما بقاش قادر يطلعوا و عضلاتو تزيرو عليه و العرق كيتصبب منو حط يدو على خدها و بدا يعيط ليها بصوت مرتفع باش تحل عينيها 
جبل: نوووووووورسين حلييي عينيك ما تخلعينيش عفااااك 
هزها و مشا خرج بيها حطها فالصالون من فوق الفوتوي و دخل جاب الما و بدا كيرشو عليها حتى بدات تحل عينيها بتثاقل وهو يطير عليها جبل بتعنيقة حتى كان غادي يفلعصها بعد عليها و بدا يدوز يدو على شعرها برفق و حنان 
جبل: باش كتحسي؟ 
نورسين تقادات فالجلسة و شدات على راسها وقالت 
نورسين: غادي نسولك واحد السؤال و بغيتك تجاوبني عليه نتا شنو كدير هنا 
حط جبل يدو على خدها و قال 
جبل: *تنهد* صوبت ليك العشا 
نورسين طرطقات فيه عينيها و بقات كتشوف فيها و بدات كتضحك 
نورسين: لا واش كتهدر من نيتك 
جبل: واش بنتلك كنتفلا *حط يدو على راسها * حرارتك نازلة ماشي شي حاجة grave المرة جاية ردي البال لراسك راه الجو بارد و نتي ديما كتلبسي المعري اكثر من المغطي *جمع يدو على شكل لكمة * مازال نتفاهم معاك على داك اللباس الزين اللي وليتي تلبسي

نورسين :وماااااشي سوقك و عطيني شبرديال التيساع واش ما فيك نفس 
جبل بدا يقرب ليها و هي كترجع بلور وهو كيزيد يقرب ليها و هي كتبعد حتى ما بقا كتفصلو عليها والو وهي تغمض عينيها و دارت يديها على فمها جبل غلباتو ضحكة وقرب وباس ليها يديها لي من فوق فمها وناض مشا لكوزينة و حط ليها المعكرونة اللي وجد ليها فطبسيل و عيط على واحد من لكارد ديالو يجيبلو الدوا ديال الرواح و خرج عندها و حط ليها طبسيل من فوق الطبلة وهي قالبة وجهها ما عاجبها حال 
نورسين:ما عمري ماشفت انسان بحالك بالله ما فهمتكش
جبل : *دار يدو فجيبو * ما عندكش كلمة شكرا فالقاموس 
نورسين: مالي انا اللي قلتلك صوبوا و نتا اصلن شكون عطاك الادن دخل لهنا و دخل حتى لكوزينتي و دير شغال يديك اجي بعدا واش شكيت عليك انا قادة براسي الحمد الله اتشييي 
جبل: *٠تنهد* فاش جيت لهنا لقيت كلشي طافي و فاش طلعت عندك لبيتك لقيتك مازال ناعسة و حيت انا ضريف قلت ما نخليش بنتي تعدب و تنوض تطيب العشا وعرفت غادي يكون فيك جوع *قرب حتى لودنيها وهمس* انا ماشي وحش كيفما كيصحاب ليك 
نورسين: وشكون قالي ما تكونش داير فيه السم 
جبل: *دوز يدو على لحيتو * صبر ا ربي صبر 
سمع شي دقان فالباب و مشا حلو لقا الكارد ديالو عطاه الدوا و مشا
دخل جبل و حطوا ليها فوق الطبلة و دار يدو فجيبو 
جبل:كنت باغي نجلس نقابلك ولكن كيفما قلت انا ما باغيش ندخل لجهنم خاصني نمشي نشوف مرتي ثانية حتى هي و نشوف شنو خاصها 
نورسين حسات بواحد البركان كيغلي عندها لداخل فصدرها 
نورسين: خطييييييبتك ماااااشي مرتك غير انا اللي مرتك سمعتي 
جبل حنا لعندها و باسها فجبهتها وقال 
جبل:اليوم ضربنا لاكط ولات مراتي رسميا على سنة الله و رسوله 

نورسين ضربات الوقفة و تقابلت معاه و عينيها حومر والنفس كطلعوا بصعوبة كتحاول ما امكن ما تخنقش 
نورسين:عاااااودها 
جبل: *قرب ليها و ردلها شعرها من مور ودنيها و قال بهمس* تزوجت بجوري ياكما سماكيتي أحبيبة 
نورسين ضرباتلو يدو و بعدات عليه و بدات كتنهج و كتخنق جبل جبد البخاخ من جيبو ديماكيجيبوا احتياط و حطولها ففمها عاد حسات بانفاسها انتاضموا جبل دوز يدو على شعرها و كيشوف فيها بخوف 
جبل: حبيبة مزيان دابا 
نورسين دفعاتو من عليها و شافت فعينيه نيشان و ردات شعرها جنب و دارت يديها فجنباها و غمضات عينيها 
نورسين: ممممممكن تعاود شنو درتي 
جبل قرب حتى لوجهها و عض على شنايفو بطريقة مغرية و ابتاسم ليها 
جبل: تزوجت بجوري شنو ما فهمتيش فيها أحبي 
نورسين وصلات ليها لطوب و غمضات عينيها و طلعات لكمام ديال البيجامة اللي كانت لابسة و هي تصعر عليه 
نورسين: كيييييييفاش تزوجتي كيييييفاش وااااااش هبلتي ولاااا تسطيتي ولاااااااااا مطلعها عليا فهاد الليل اجبل واااااش باغي تقتلني باغي تخرجلي العقل 
جبل: *بابتسامة* نتي اصلن ما عندكش العقل 
نورسين: وشكوووووون اللي عندو العقل نتاااااا بعدا راااااه لحمق احسن منك واااااش بصح تزوجتي *دوزات يديها على شعرها *نتاااااااا كداااااب ما يمكنش تزوج بيها يصحابلك غادي نتيقك *كتحرك راسها يمين شمال* نتاااااا ما تقدرش ديرها ماااا تقدرش 
جبل: غير بشوية عليك احبيبة تكالماي باش نهدرو بالعقل 
نورسين ضرباتو لصدرو بجهد 
نورسين: وااااااااااا ما تقوليش حبيبة انااااااا ما حبيبة حد انا حبيبة راسي كتفهم *جلسات من فوق الفوتوي و عينيها دمعو وولاو حومر و حطات يديها على وجهها وبدات كتبكي بصوت مرتفع كيف شي برهوشة و مع صوتها مبحوح كملات الباهية * اهئ اهئ 
جبل جلس حداها و حط يدو على ضهرها 
جبل:ودابا علاش كتبكي ابنتي امم بغيتي باباك يتقلق 
نورسين حيدات يديها من على وجهها و بعدات عليه 
نورسين: لاااااااخر مرة كنسولك لااااااااخر مرة واش درتيه دبصح ولا جالس ناشط عليا 
جبل: بغيتي نوريك تصاور و حنا عندنا العدول نوريك ما عنديش مشكل 
نورسين صافي هنا حسات بدنيا كتدوخ بيها و قفات و زادت صعرات على اللول 
نورسين: شنااااااااااااااهو شنااااااااااااااااهو العدول أجبل العدول واااااااش فخر ايامي وليتي تجيب عليا ضرة هااااااادي اللي ما عمرها طاحت على البال 
جبل وقف و دوز يدو على شعرو و غمزها 
جبل: ما رضيتيش نتزوج عليك 
نورسين: *كتكلم بغصة فقلبها و وجهها احمر ومع رواح كملات اللي خاصها * وااااااااا طلقني وتزوج حتى بساري كول و ما سوقيييييش واش بااااااغي طرطق ليا مرارتي عاد ترتاح اتشيييي شنو درت ليك اجبل بااااش تعدبني حتى لهاد درجة *قرباتلو و بدات كضربو فصدرو و كتهدر بالغوات* ماااااااااااااا منحقكش تزوج و مااااااشي من حقك مااااااااشي من حقك 
جبل غلباتو ضحكة و تكلم ببرود 
جبل: {وَإِنْ خِفْتُمْ أَلَّا تُقْسِطُوا فِي الْيَتامى فَانْكِحُوا مَا طابَ لَكُمْ مِنَ النِّساءِ مَثْنى وَثُلاثَ وَرُباعَ ﴾ ربي عطاااااني ما عندي ما نديرلك 
نورسين : ياااااااااا سبحان الله ما كيبانلك دين غير فالامور ديال زواااااج و حتى اناااااا ما قلتلكش ما تزوجش سيري تزوج ولكن طلقني عطيني براتي 
جبل: ولكن ما نقدرش انا كنبغيكم بجوج 
نورسين غمضات عينيها و عاودات حلاتهم و طلعات نفس و عاود هبطاتو 
نورسين: نعم نعم يااااااروح أمك إنت بتهزر معاااااايااااا ولا اييييه خلوها المصريين واااااش من نيتك كدوي كيفاش كنبغيكم بجوووووج كيفاش بلاتي بلاتي يعني نتااااااا كنتي على علاقة معاها فاش كنت معاك ياااااااك كنتي كتفلا علياااااا من اللول اجبل من اللول وانا كي ضبعة كنبغييييييك * طاحت لارض و حطات يديها على راسها و بدات كتمشي و تجي كيف شي مجنونة * ماااااا يمكنش اهئ اهئ يااااااربي شنو درت فحياتي ياربي 

نزل عندها و جلس حداها و عنقها حط راسها على صدرو وهز يديها و حطها على قلبو وقال 
جبل: نتي بوحدك اللي كاينة هنا و ما كاينش غيرك 
نورسين:*كتنخصص بالبكا * عليها مشيتي تزوجتي اهئ اهئ حرام عليك بالله 
جبل: و ياك نتي قلتي ما كتبغينيش شنو تبدل دابا 
نورسين هزات راسها فيه و شافت فعويناتو بواحد الشوفة خطيييرة ديال البراءة بحال شي قطيطة جبل صافي داب جلسات نورسين من فوق منو و داتها كترعد و كتعطس مرة مرة و كتكح سهات فيه و حطات يديها على لحيتو و حطات جبينها على جبينو و نيفها على نيفو و قالت بصوت حنييين 
نورسين: مااا منحقهاش تقيس فيك ما منحقهاش انا اللي عندي الحق حتى وحدة ما من حقها تلعب فلحيتك رطيطبة حتى وحدة ما عندها الحق تقيس فشنيفاتك ما منحقهمش حتى واحد ما عندها الحق تحظى بحنانك و اهتمامك غيري انا حتى وحدة اجبل حتى وحدة *بعدات عليه و جراتو من الكول د القاميجة *نتااا ديالي بوحدي أجبل بوووووحدي ياك كتقول نتا بابا وانا غير واحد الطفلة اللي الا ما شافتش باباها تحمااااق تسطااااا عفاااااك أجبيلو طلقها ما نقدرش نستحمل نشوفك مع وحدة اخرى واش باغي تقتلني غير بالبارودي 
جبل: حط يدو بجوج على خدودهاوباسها فخدها بوسة طوييييلة و حنينة و بعد عليها وشاف فيها بعيون هايمين 
جبل:كتغيري عليا حتى لهاد درجة احبيبة 
نورسين تكات على صدرو و بدات تلعب فلحيتو و كضحك 
نورسين: بإحساس الطفلة المفتونة بأب لا تملك سواه ولا يملك سواها أقول لك: أغار عليك من أنثى تحدق بها طويلا للتأكد بأنها ليست أنا 
أغار عليك من البحرو عشقك له كل فجر 
بأي حق يكون هو صباحك وليس أنا 
أغار عليك من نفسك تحدثها عني طويلا ولا أسمعك 

جبل كيدوز يدو على شعرها بحنان و بحب و كيحس براسو طاير فسما بقوة الفرحة واش نورسين صافي سامحاتو و بدات كتعود المياه لمجاريها و بدات كترجعلو ملاكو طاهر ؟هادا هو سؤال اللي كيطرح نفسو جبل ركز شوفة فشنيفاتها و بدا غادي كيقرب ليهم و هي كتبعد و كضحك واحد الضحيكة محلووونة 
نورسين :جبيييلو 
جبل عض على شنايفو بطريقة مغرية و حط صبعو لكبير على شنيفاتها كيدوزو بحب و كيتنهد تنهيدة مور اختها و قال بهمس 
جبل: بغيت نبوسك 
نورسين ردات شعرها جنب و كتلعب فيه بطريقة مغرية و كتحرك راسها بنفي 
نورسين: لاااااااا 
جبل :*بهمس* رحميني 
قرب ليها حتى تخالطات انفاسهم و هي تبعد نااااشطة عليه جبل ابتاسم ليها و بحركة سريعة منو طيحها لارض فخطرة و جا من فوق منها و طلع حاجب و هبط لاخور 
جبل:دابا على بوسة منك غادي تجرجرينا احبيبة مابقيتش فيك امم

بدا كيقرب ليها من بدا وجديد و هي كتفركل تحت منو و كضحك بغات تهز يديها تغطي فمها و هو يجمعهم ليها من فوق راسها وقرب ليها بزاف 
جبل : ما بقالك فين تهربي ابنت قلبي 
نورسين بدلات ملامح دوجهها بسرعة و خنزرات فيه و تنترات منو 
نورسين:تيقتي راسك و دخلتي فدور واقيلة 
جبل طلق منها و ناض عليها و دوز يدو على لحيتو و شاف فسقف و غمض عينو و دار يدو على جنبو و حتى نورسين و قفات و قربات ليه شافت فعينيه نيشان 
نورسين : كيصحاب لراسك بلي الا جيتي وقلتيلي تزوجت غادي نعنقك و نبوسك و نقولك الله يكمل بالخير و نمشي نخطب معاك المراة الثالثة عاودو ليك عليا جاية من المريخ و لا من كوكب زهرة كوكب للبنات فقط امم دوي أ الزوين اصلن كدوبك عارفاه و حافضاه قلتي حقا ما حقا نورسين مربيها على يدي و اللي قلتلها تيقوا ياك داكشي اللي كتقول عند بالك غادي تردني لعندك بهاد التصرفات د والو زعما تخليني نغير و تمثل عليا بلي كتبغي جوري و صافي و من بعد انا نرجع ليك و هاكا غادي تلعب عليا كيف بغيتي راااااااك غالط أشريف *كضرب فصدرو بصبعها *نورسيييين اللي كنتي كضحك عليها بجوج كلمات بااااح مشااات هاد نورسين اللي كتشوف فيها تعودات على فراقك عااااااامين ما شفتش فيهم وجهك عاااااامين هانا عايشة الحمد الله كنتنفس و ما ناقصني حتى خير لقيت الخير فالبراني و ما لقيتوش فيك نتا راااااك غالط الا كان كيصحابلك غادي تردني لعندك ولكن برافو تفكير زوين عندك *كتصفق* ما عندي مايسالك ممثل بارع صراحة اه و حتى ديك وجه الكبالة د جوري حتى هي طلعات ما ساهلاش تلاقيتو صراحة تريكة الكدابة و المنافقين عند بالك انا ما قارياش القانون امم اصلن ما يمكنش ليك تزوج الا ما عطيتكش انا الموافقة على زوجة الثانية ماااايمكنش تكون تزوجتي بيها مااا يمكنش ما كدخليش لراسي انا ماشي غبية 

جبل بقا كيشوف فيها مدة و بدا كيصفق👏👏👏 
جبل: فخبارك بلي نتي اكبر غبية شفتها على وجه الكرة الارضية 
نورسين: انا بزااااااف عليك سمعتي كن نوزن عقلي نلقاه احسن من عقل اينشتاين 
جبل: قبيييحة فحق انشتاين صراحة قولي غير الله يرحموا مسكين فين توصليه 
نورسين: ياااااربي ترزقني صبر ياااربي شوف انا كي معصبة و نتا كي مبرد الله يعطيني من برودة دمك غير شووووية 
جبل: اوا نتي طالعة لراس جبل حشووومة نطلع حتى انا معاك كلشي كيتحل غير بالعقل أحبيبة 
نورسين: *دارت يديها فجنبها * المهم سيري بحالك داباو المرة الماجية قلب على شي كدبة جديدة حيت هادي قدامت * غمزاتو* 
جلسات نورسين من فوق الفوتوي و هزات الطبسيل د المعكرونة و بدات كتاكل فيه وهو واقف على راسها و كيشوف فيها و كيضحك 
جبل: اكبر برهوشة شفتها هي نتي 
نورسين هزات راسها شافت فيه و قالت 
نورسين:واكبر لصقة شفتها فحياتي هي نتا 
جبل: اش هاد الاسلوب وليتي تهدري بيه ؟ 
نورسين: اووو سمحلي ياكما بغيتيني نبوس ليك يديك و نبقا نهدر معاك بادب ياكما تيقتي راسك بلي نتا بابا و انا بنتك 
جبل : علاش وليتي قبيحة حتى لهاد درجة 
نورسين:*كتاكل و كتهدر* اوا شفتي ياك نتا بابا اوا علاش ما علمتيش بنتك الادب و الصواب 
جبل: مع الاسف فات الفوت ابنت قلبي فششتك اكثرمن القياس حتى وليتي تردي عليا الهدرة 
نورسين: *عوجات فمها*اوا راه عندك بنت وحدة اخرى ربيها مزيان حتى هي باش ما تطلعلكش بحالي 
جبل:*بابتسامة* قلبي كيعرف بنت وحدة هي نتي 
نورسين : اوا شفتي هانتا كتقول الحقيقة بلا عصا يعني انا اللي كاينة و ما كاينش غيري و من هنا نستنتج انك نتا و جوري كاع ما مزوجين 
جبل:ما تغريش بزاااف و ما تيقيش فراسك بلا قياس انا مزال مسايرك و داي ليك على هبالك و كاتهميني بالكدوب
نورسين: وااا عطيني شبر ديال تيساع سمعني نديرو واحد الاتفاق طلقني و عيش حياتك ما فهمتش انا كنقولك انا كنكرهك و مااااا كنبغيكش اتشيييي 
جبل: رحمك الله 
نورسين :بغيت نفهم غير علااااااش راجع زعما باش تفقصني نبغي نبشرك بلي وصلتي لداكشي اللي بغيتي الباب وسع من كتافك بامكانك تمشي 
جبل: *قرب ليها و همس فودنيها * فاش تقرري تلعبي بالعافية ما تفرعيش لينا راسنا بصداعك الا تحرقتي

صونا لجبل تيليفون و هزو جاوب و دار مكبر الصوت 
جبل: وي مرتي العزيزة 
نورسين طاح ليها طبسيل من يديها و هزات راسها شافت فيه 
جوري: جيجو من صباح وانا نساينك تعطلتي عليا 
جبل: هانا جاي عندك دابا 
جوري:اصلن خاصنا نهضروا على موعد العرس و نبداو نوجدوا 
جبل: بطبيعة الحال راه جدي عبد المالك و ياسمين حتى هوما هضروا معايا و قالولي هوما غادي يتكلفو بكولشي 
جوري: good صافي اجي لدار توحشتك و موجدة ليك Romantic dinner (عشاء رومانسي ) و من قبيلة و انا نساين 
نورسين صغرات فيه عينيها و ما تقبلاتش الفكرة كتحس بودنيها كيصفروا و عينيها حمارو ما حسات براسها حتى ناضت و طيراتلو تيليفون 
نورسين: اختييييي جوري سلاااااام 
جوري: شكون حداك اجبل 
نورسين: وااااايلي ما هرفتيش صوتي ما دوزناش القليل 
جوري: i think (اظن ) نتي نورسين 
نورسين: yes this is me ( اه هادي انا ) سمعيني نقولك احبيييييبة واش بصح تزوجتي بجبل 
جوري : اه علاش ما فخباركش 
نورسين: *غمضات عينيها و دوزات يديها على شعرها * عرفتي شنو قطعي قطعي حسابي معاك يا صفريطة من بعد 
نورسين بقات كتشوف فيه و زداحت داك تيليفون مع الارض و بدات تغوت 
نورسين: خررررررررج عليا ولا غادي نرتااااكب فيك شي جريمة 
جبل: *تنهد* ياك كتقولي انا غير مجرم العجب حتى نتي باغا تولي مجرمة مزيااان باش هاكا نجيو مع بعضياتنا اكثر 
نورسين: *هبطات دمعة من عينيها *كنكررررررهك 
جبل: * بابتسامة وقرب حدا ودنيها و همس*انااااااا اكثر 
نورسين :علااااش ولا قلبك كحل 
جبل:*داريدو فجيبو * وهل للاشياء المحروقة لون آخر ؟ 

نورسين: اناااااااا وياك سالينا عرفتي شنو هي سالينا وبإمكاني نكتب عليك بزااااف د الحوايج ولكن انا غادي نختصر ليك حكايتنا بجوج فجملة وحدة {أحببتك بصدق و خدلتني بعمق } واااااش ماااا كفاكش داكشي اللي درتي فيا راجع تعدبني اكثر و اكثر 
جبل قرب ليها و هز ليها راسها بصبعانو و عضلاتو تزيرو عليه و عينيه ولاو حومر كي جمر وقال بصوت خشن 
جبل: انااااا عمري ما عدبتك اللي معدب هنا و كيعاني انا مع الاسف و لكن ما زال صابر و مازال غادي نشوف هاد العناد ديالك فين غادي يوصلنا وشكون اللي غادي يعيا واش انا ولا نتي 
نورسين: اناااااا عيييت اجبل انااااا كنقولهالك من دابا اناااااعيييت منك و من كدوبك الليما كيتقاداش عييييت من الاقنعة اللي كتلبسهم كل نهار بوجه شكووووون نتا شكوووون ما بقيتش كنعرفك 
جبل: نهار غادي تولي تشوفي مزيان غادي تعرفيني شكون انا 
نورسين حطات راسها على صدرو و كتبكي و تشهق 
نورسين: علاااااش اجبل كن قتلتيني و ما درتيش هاد الفعلة 
بعدات عليه و مسحات دموعها 
نورسين: صااااافي سير عندها و انا كنواعدك طال زمان ولا قصار غادي نطلق منك 
جبل: واااخا طيري وتنزلي ما غاديش تشوفي طلاق 
نورسين: *نظرة تحدي* هااااا حنا غادي نشوفو شكون غايربح 
جبل: غير هزي راية البيضة نتي ما كتلعبيش مع اي واحد 
نورسين حسات بداتها ولات سخووونة و بدات تكح و تعطس ومشات جلسات من فوق الفوتوي و قالت بصوت خافت باينة فيها عيانة 
نورسين : سد الباب من موراك 
جبل بقل كيشوف فيها مدة و مشا عطاها بضهر وهو يسمعها كتعيطلو 
نورسين: جبببل 
جبل :نعام 
نورسين: فين غادي ؟

جبل : *دوز يدو على لحيتو* غادي عند مرتي واش ممكن 
نورسين :*كتكح و كتمسح نيفها و كتكلم بصوت عيان * ويعطيك خاطرك تسمح فيا و تمشي لعندها زعما غادي يكون ضميرك مرتاااح اتشي عقلتي نهار مرضتي و بقيت مقابلك حتى لنصاصات د الليل على الاقل ردلي غير الخير اللي درت فيك كح كح شوف راسي شحال سخون كح كح ولكن الا مشيتي صافي سير ما نسامحك لا دنيا و لا آخرة 
جبل غلباتو ضحكة اصلن هو ما كانش غادي يمشي غير غير كان داير ليها خاطرها و صافي عرف بلي نورسين مغيااااااارة و بزااااف عرف باش يهاجمها سلااااح اللي كيقتل اي بنت هو الغيرة ما كتقدرش تخبيها وا خا يوقع اللي يوقع 
جبل دار يدو فجيبو و قرب ليها و حط شفايفو على راسها لقاها بصح سخوونة بزاااف و داتها كترعد حس بقلبو مشا و جا فهاد اللحظة جلس حداها و بدا يفيق فيها 
جبل: نورسين حلي عينيك شوفي فيا 
نورسين : صافي سير عندها كح كح انت اصلن باغي تمشي أتشييي 
جبل: علاش ما لبستيش حوايجك قبيلة هانتي مرضتي دابا 
نورسين حلات عويناتها غير بشوية ولاو خدودها حومر بسخانة 
نورسين: بسبابك مرضت علاه نتا خليتي ليا شي عقل كح كح كنت جالسة حتى خرجتي ليا كي جن اتشييييي 
جبل:واخا مريضة ما كتقادايش 
نورسين دورات وجهها و غمضات عينيها ناض جبل و دار الما باااارد فواحد البانيو و هز واحد الفوطة و مشا حدا راسها و فزك ديك الفوطة و دارها ليها على راسها و كيقرا ما تيسر عليها من القرآن و أدعية الشفاء على الله تبرا 
جبل: نووورسين 
نورسين: امم 
جبل وقف و وتنهد و هزها من فوق الفوتوي و دورات يديها على عنقو و حطات راسها على صدرو جبل ابتاسم و باسها فجبهتها و هز راسو شاف فسقف و تنهد و قال 
جبل: ربي أوصييك بها خيرا فوالله ما أحببت أحدا مثلها ❤ 
طلعها فدروج و حل الباب د بيتها و دخلها وحطها من فوق نا موسية و شعل ضو خافت و تحنا على ركابيه و بقا شاد فيديها و حاضيها حتى حس بيها نعست ناض باس جبهتها باش يشوف الحرارة واش نزلات لقاها بلي انخافضت احسن من اللول حيد القامجة اللي كان لابس و مشا لجيهة لاخرى و تكا حداها و جرها لعندو حتى تزداحت على صدرو و بقا كيمرر يدو على شعرها تنهد تنهيدة خارجة من الاعماق و هز خصلة من شعرها حطها على نيفو وقال 
جبل: نقدر نتخاصم معاك و نتقلق منك ولكن كنقسم ليك أملاكي ما نقدرش نعيش بلا بيك ☹️☹️ 
⛅⛅⛅⛅⛅ أصبح يوم جديد 
نورسين حسات بشي حاجة كتهرها فرجليها ناضت قافزة لقات ماكس جالس كيلعب معاها حسات بشي حاجة قاصحة حاطة راسها عليها ناضت طافجة وهي تصدم بعدات عليه 
نورسين: جبل 
ابتاسمت لا إراديا فاش تفكرات بلي ما مشاش عند جوري و بقا معاها الليلة كاملة حداها عضات على شنيفاتها حولات عينيها لصدرو و هي تشهق ناضت و طلعات من فوق منو ما مصدقاش هادشي اللي كتشوف مررات يديها على الحروف اللي مرسومين جيهة قلبو كانت سميتها مكتوبة بخط عربي أصيييل وااااعر دارت يديها على فمها ما مصدقاش شنو كتشوف جبل حل عين و سد لوخرى وقال 
جبل : اش كديري 
نورسين: سميتي وشمها حدا قلبك هههههه والله حتى بصح *كتمرر يديها على قلبو * 
جبل بحركة سريعة منو جابها من لتحت و هو من فوق منها 
جبل:*غمزها* شنو نديرلك دابا امم 

نورسين خنزرات فيه 
نورسين: ما عندك ما دير نوض تكعد عليا 
جبل : والا ما بغيتش 
جبل بقا كيقرب ليها و هي تكور من فوق الفراش وجات طايحة لارض على عضيم طيو و غوتات 
نورسين : احححححح 
جبل دار شاف فيها و ضحك عليها ودار يدو تحت من خدو 
جبل: شفتي طيران فين كيوصل 
نورسين كتحك فطرمتها و كتنكر 
نورسين: كلشي بسباااااابك تفو 
جبل: انا ما كنديرلك والو 
نورسين : شفتك نتا عجباااتك الجلسة ياكما عاودولك عندي دار ضيافة نوض تكعد دير شي شغل ينفعك وبقا مقابلني 
جبل: دغيا كتسخاي بيا خليني نعيش ما تبقا من حياتي معاك 
نورسين: اووووووف يا ربي تصبرني سير عند جوري ولا زموري المهم ديك صفريطة و فرقني عليك 
جبل: غادي نوض عندها اصلن راها مقلقة مني 
نورسين بدات كتغز فشنايفها و ردات شعرها جنب 
نورسين:اوووو الحبيبة د قلبك مقلقة وحنا اش ماشي نعملو ليها نمشيو نحزروها ولا نديو ليها ثور يدخل فيها ينطحها و الله ما نكره *هزات المخدة و ضرباتو بيها لوجهو وغوتات* واااااااااا ما تمشيييش عندها مااااا تمشيش 
جبل :*بابتسامة* شفتي نتي انانية كتبغي غير راسك ياك البارحة بقيت معاك ليلة كاملة خاصني نمشي عندها باش ندوزوا ليلتنا لولة *غمزها * 
نورسين وقفات و بقات كتخنزر فيه و تحجرولها الدموع فعينيها 
نورسين: ك...ك...كيفاش غادي دوزو ليلتكم لولة 
جبل : اوا جوري مرتي على سنة الله و رسوله شنو انا مزوجها باش نخليها ديكور مثلا 
نورسين غمضات عينيها بقوة الفقصة و حسات بقلبها شاعلة فيه العافية و انفاسها تسارعوا ما بقاتش كتقدر تهضر غير الدموع اللي كيهبطوا من عينيها و نضرات اللي كتشوف فيه كيقولو داكشي اللي ما قادراش تعبر عليه بالكلام و قالت بصوت متقطع 
نورسين: ك...ك.. 
جبل وقف و تقابل معاها 
جبل: عاااارف غتقولي كتكرهيني وداك تخربيق اللي تعلمتي من المسلسلات و الافلام و شنو سمية هاديك خيتي اللي كتحرش العيالات اه رضوى الشربيني وليتي كتسمعيليها بزاااف مؤخرا عاااامين على قدها بحرا تعلمتي فيها كنكرهك و بعد مني وانت متسواش ياك بدلي هاد الكلمات طلعولي فراسي ولكن ماشي مشكل الا كنت عندك كنشبع سبان عند جوري كنشبع رومانسية 
هز قاميجتو من الارض باش يلبسها و بدا كيسد صدايف وهي تقربلو و بدات كتسدلو الصدايف و عينيها مدمعين و كتنخصص كيف شي بريهيشة 
نورسين: بصح انا كنشبعك سبان وهي كتشبعك رومانسية اهئ اهئ 
جبل دوز يدو على لحيتو و بدا يضحك 
جبل: كتشبعني من كولشي ما مخلياش من جهدها 
نورسين صغرات فيه عينيها و كتحس بجنون كيلعبوا من فوق راسها و الشيطان ديالها بدا كيخدم طلقات منو 
نورسين: يالاه سير عندها شنو كتسنا 
جبل قرب ليها و بدا يضحك واحد ضحكة شريرةو باسها فخدها 
جبل: خاصني نفطر بعدا حشومة تصيفطيني وانا مازال ما فاطر 
نورسين: ما فهمتكش منين كتحماااااق على هاد جوري و كتسطا عليها و كتشبعك رومانسية و ماااااااااا مخلياش من جهدها معاااااك يا مسكين علااااااش مادرتيش سميتها حدا قلبك و علاااااش داير سميتي منين انا ما نسوا ما نصلاااح هادشي كيعني حاجة وحدة نتا ما كتبغيش جوري وانا اللي كاينة فقلبك 
جبل بقا ساكت مدة و قال 
جبل: شكون اللي قالك هاد سمية اللي حدا قلبي ديالك 
نورسين:واااقيلة غير انا اللي سميتي نورسين و مزوج بيها الا كانت شي نورسين وحدة اخرى عوال تزوج بيها ما نعرف ماشي شي حاجة اللي غريبة عليك 
جبل : واش عند بالك غير نتي اللي سميتك نورسين فالمغرب 
نورسين: اه غير انا اللي كاينة 
جبل:*دوز يدو على صدرو* هاد سمية اللي كاينة هنا ديال الواليدة اللي ماتت الله يرحمها حتى هي كانت سميتها نورسين 
نورسين بحال كبيتي عليها سطل ديال الما باااارد و بدات تصرط فريقها حسات بشمتة مالقات ماتقول ضربات الارض بالفقصة 
نورسين: خررررررررررج خررررررررج ولا غادي نرتاكب شي جريمة فيك و فراسي 
جبل: هاهو غادي كنتسناك لتحت توجديلي الفطور من هاد اليديدات* هز يديها باسها و غمزها * كنبغيك ابنت قلبي 
خرج و سد الباب من موراه 
نورسين: اععععععععععععععععع ياربي بقالي غير شوية و نضرب بالحجر ما كرهتش نلوحك فشي حفرة نتا و ديك جوري و ندفنكم بجوج بيكم باش تعيشوا سعادة 
تحل الباب وهو يطل عليها جبل ووقال بابتسامة 
جبل: فكرة زوينة باش نزيدو نتقربوا من بعضياتنا
نورسين:وخرررررررج 
سد الباب جبل و هبط لسفلي ناااشط عليها 
جبل : والله حتى نوريك الوحش و الاحمق اش كيسوا 
عند نورسين 
نورسين:*كتعوجو* جوري كتشبعني رومانسية ونتي كتشبعيني سبان كيتك نتا وياها يا بولحية يا دعشوشي بزاااااف عليك انا يا الوحش محمل بنت خالك وسامح فيها يا المجرم القتال واااااا كنكرهك تفو *هزات المخدة و ضرباتها فالباب* كنس قصيف الما و شطابة حتى لقاع البحر *كتعوجوا عاود* كنتسناك توجديلي الفطور من هاد اليديدات عاودولك الخدامة د باك انا والله حتى نخرجها منك و ديك جوري مااااا تحلمش تمشي لعندها اواااا صافي جات من مورانا و كلات عشانا بسباااابك وانا كنعاني عااااامين باش تجي ديك وجه الكبالة تديك بسهوووولة والله لا كانت ليك وليها والله يا والديكم حتى نخرج فيكم بطول و بالعرض و بالارتفاع مزيان تبارك الله خلاوها ماليها أجيو يا ناس تشوفو هذا الحبيب ، مشى للديب وبغا يديرو نسيب .

نورسين مشات حلات لماريو ديالها و ابتاسمت بشر 
نورسين: والله يا وليدي حتى نخليك كدخل و تخرج فالهدرة معاك نورسين و اجرك على الله الا ما حمقتكش انا مانتسماش 
دخلات لحمام و دوشات و قادات و دهنات داتها بكريمات بريحة الفراولة و مشات رشات عطرها و لبسات غير سوتيان فالاسود مع شورط ديال ستان حد الفخيضات فالاحمر و طلقات شعرها ونشفاتو مزيان بسيشوار و مع شعرها ولا طوييل حدا خصرها جاها زوين بزااف ووقفات حدا المراية و دارت مايكاب واااااااعر و دارت لفمها عكار فالغرونة طلعات قرطاسة مع هي اصلن ولات اختصاصية فالمايكاب حلات المجر وجبدات منو ليلونتي فلاخضر و دارتهم نااااااري طلعات قنبوووولة ابتاسمت مع راسها فلمراية 
نورسين: اوااااا دابا غادي يبدا لعب أجبيلو دياااااااالي 
ابتاسمت بشرو مشات حلات المجر اللي حداها و دارت الخلخال فرجليها و حويلقات مزيييونين فودنيها ديال دهب و مشات حلات الباب و هبطات غير بشوية فدروج 
حتى وصلات لسفلي و طلات غير بشوية كيف شي قطيطة سمعات الحس فالكوزينة عرفاتو غادي يكون تماك 
نورسين: نهههه و دابا غادي نشوفو شكون كتبغي انا ولا ديك جوووري د الويل 
ردات شعرها جنب حيت عارفاه كيتسطا عليه هاكاك و دخلات غير بشوية على ريوس صبعانها لكوزينة و الخلخال اللي دايرة فرجليها كيدير واحد الصوت زوين جبل كان واقف فالكوزينة كيقطع فالفواكه و كيقادهم بطريقة احترافية من فوق واحد الطبسيل شم ريحتها اللي تغلغلات فانفاسو و هو يبتاسم لا اراديا وتنهد تنهيدة طويييييلة وحط داك سكين من يدو و بقا مدور وجهو و غمض عينو و الابتسامة ما فارقاتش شفايفو و مطلع النفس كيحاول ما امكن يستنشق اكبر كمية من عطرها اللي كيهبلووو كيحس بلي هاد العطر تخلاق ليها بوحدها غير هو اللي كيقدر يشموا فقط حيت حاس بيه بحال شي مخدر غير كيشموا كيترفع كتولي تبان ليه غير نورسين غير ريحة عطرها كترفعوا على العالم أما نورسين فراه كدوب قلبو و كيانو داك شخص اللي بحال جبل اسم على مسمى غير بكلمة منها كتخليه يولي طفل بين أحضانها ربما هادا هو العشق؟ او ربما الهوس ؟ من يدري ؟ 
نورسين قربات ليه حتى لصقات على ضهرو و جا وجهها فعنقو و دورات يديها على كرشو و قالت بهمس 
نورسين: جبيلو ديااالي 
جبل حس بقلبو ضرب فالالفين ما مصدقش هادشي اللي كيسمع ولا كيجيب ليه بالو غير كيتخايل حل عينو و انفاسو تسارعو حس بيها مقربة ليه بزاف و من مور ضهرو أش هاد الجرأة ولات فيها واش حتى لهاد درجة تبدلات واخا كانت جريئة ما كانتش كتقدر تقربلو حتى لهاد درجة كانت ديما المبادرة كتجي منو هو شنو وقع ليها هادي كلها غيييرة من جوري جبل حط يدو على يديها بغا يدور و هي تكا على ضهرو و زيراتو مع الحرف ديال البوطاجي ما قدرش يدور 
نورسين: شنوو كتدير أ تاج راسي 
جبل حس بدنيا كدوخ بيه واش نورسين هادي ولا كدب واش بصح قالت تاج راسي ولا غير كيتخايل و كيجيبو ليه ودنيه 
جبل:ك...كيفاش 
نورسين : شنو ما فهمتيش أحبيبي 
جبل حس بالعرق كيتصبب منو حاس بداتو ولات سخونة و عضلاتو تزيرو عليه و المعلم بدا يعطي تحية فقط بكلمة منها حتى لهاد درجة كدوبوا غير بهدرتها حاس بأنفاسو ما بقاش كيطلعهم 
جبل: نورسين 
نورسين: نعام أكبيدة ديالي اححححح على سميتي كيف خارجة من فمك فخبارك بلي كنحس بسميتي ولات زوينة اكثر ونتا كتقولها *باستو فضهرو * 
جبل بغا يدور و هي تزيد تزيروا مع الحرف و تعلات و باستو فعنقو و قالت بهمس 
نورسين: بغيتي دور تشوف حبيبتك ياك حاسة بقلبك كيتشوا وانا حداك *طلعات يديها لصدرو * قلبك كيضرب بجهد بحال كنتي كتجري فسباق حتى لهاد درجة عندي تأثير عليك 
جبل: *صرط ريقو * نوورسين اشنو كتحاولي ديري 
نورسين: ما كنحاول ندير والو انا غير كنعطيك حقوقك ياك انا مزال على دمة ديالك و مرتك على سنة الله و رسوله و كيفما كتبرعك جووووري *ضغطات على سميتها * رومانسية قلت حتى انا خاصني نعطيه غير شوية 
جبل:*تنهد* دابا هادي غير شوية *دوز يدو على لحيتو * كنموت أنورسين شنو كتديري فيا 
نورسين: *كدوز يديها على صدرو بصبعها غير بشوية بطريقة مغرية و تعلات على صبيعتها و تنهدات فعنقو حتى حس بداتو تبورشااات * ما كندير والو أحياتي كندير داكشي اللي كان خاصني نديروا من زمان و مادرتوش 
جبل صافي وصلات ليه لطوب بغا يدور و هي تزيد تزيرو بصدرها وباستو فضهرو بوسات خفاف متابعين 
نورسين: علاش مزروب على رزقك خلينا ها حنا كنهدروا هاكا مرتاحين أ شميعة اللي مضوية حياتي 
جبل ما بقاش كيقدر يتكلم بقوة الصدمة وقال بصوت خافت 
جبل: شمعة دوبتيها بكلامك مااابقيتش قادر أحبيبة 
نورسين: غادي نلعبوا واحد اللعبة زوينة انا نطرح عليك أسئلة و نتا تجاوبني والا درتي عندي غادي تخسر حتى نقولك انا دور عاد غادي دور واخا الا كملت الاسئلة و مادرتيش غادي تربح والا درتي عندي قبل غادي نربحك واللي ربح يطلب من لاخور اي حاجة بغاها و غادي ينفدها بدون نقاش أش قلتي؟ موافق 
جبل:*تنهد* موااافق أبنت قلبي موااافق الله يخرج هاد اللعب ديالك على خيرو بخير

نورسين : توتوتو كيقولك دير النية و بات مع الحية 
جبل:*تنهد* نخاف غير يتلوا الحنش عليا و نصدق انا اللي واحل 
نورسين: زعما نتا واحد الانسان اللي مومن و كتصلي و عارف بينك و بين الله واخا كنتي ضرب قريعات مرة مرة و كتكمي الله يسمح ليك ادن خاصك دير النية و تكون متفائل راه حديث د رسول عليه صلاة و سلام 
{تفاءلوا خيرًا تجدوه} 
جبل: سبحان الله ما كيجيك دين حتى كنحتاجك انا ياربي تصبرني شي نهار طرطقي فدينمي شي عرق 
نورسين: برا و الباس على جبيلو ديالي 
جبل : ااااه أنورسين طلقينا 
نورسين: *تعلات و همسات فودنو * شكووون نورسين بالنسبة ليك 
جبل بقا ساكت مدة و تنهد تنهيييدة طويييلة و حس بقلبو كيضرب بسرعة 
جبل:*بابتسامة * منين نبدا وفوقاش نسالي غادي نعطيك واحد التشبيه زوين لنورسين انا وياها بحال شي كأس ديال القهوة و هي قطعة د سكر ما كندوبها غير انا ولا أصبح حلوا إلا بسكرتي 💕💕 انا نورسين ما بغيتهاش حيت جميلة واخا هي اروع ما خلق الله سبحانه فعيني انا بغيتها حيت هي نصف روحي وقلبي كامل بغيتها و تعلقت بيها أكثر من عشرين عام منين كان فعمري عشر سنوات ممكن ما ثيقيش بيا و نجيك أحمق ...
نورسين:*قاطعاتو و همسات فودنو * نتا كداب مايمكنش الواحد يبغيك بلا ما يشوفك 
جبل: *بابتسامة* لا كيف جنة كنبغيوها بلا ما نشوفوها حتى انا بغيتك واخا ما كنتش كنشوفك اكثر من عشرين عام وانا كنبغيك ما عمري شفت فشي بنت او لا تقربت منها حيت عارف حتى وحدة من غيرك ما غادي تحلى ليا ربما ربي حطك فطريقي باش نبعد على طريق الحرام و ما نتفلاش على بنات ناس ربما حيت كن ما بنتيش فحياتي كنت غادي نحقد على كلشي وفاش نكبر نتاقم و هادشي راجع لاسباب كثيرة *هز يديها اللي حاطة على صدرو و باسها * 
نورسين:*قالت بهمس فودنو * علاش كتبغيني هاد الحب كامل واخا نتا عارف ما غاديش نكون ليك ؟ 
جبل: *بابتسامة * ونتي علاش كتنفسي واخا عارفة راسك غادي تموتي ؟ 
نورسين:* كتهمس فودنو * انا ولا جوري ؟ 
جبل: *تنهد* كتسولي و نتي عارفة الجواب
نورسين تعلات أكثر و باستو فعنقو نقطة ضعفو صاااافي جبل ما بقاش قادر طفح الكيل 
نورسين: بغيت نبوسك فشفايفك توحشتهم واش ممكن 
جبل بقا غير كيرمش وهو يدور عندها بسرعة لقاها بعدات عليها و كتموت بضحك 
نورسين:هههههه يا مسكين كتبقا فيا بالله هانتا درتي و خسرتي يااااس 
جبل كيقرب ليها و عينو على شنو لابسة اما وجهها حدث ولا حرج لعلك ترضى ليلونتي فلخضر و العكر أراك من بعيد و شعرها راداه جنب والخلخال اللي دايرة فرجليها عطاها لمسة خاصة جبل تسمر فبلاصتو طلعها من راسها حتى لرجليها ما متيقش اش هادشي اللي كيشوف واش هادي نورسين ولا لوحة مرسومة لاشهر الفنانين منظر رائع يستحق المشاهدة اما ديك الابتسامة اللي مرسومة على شفايفها وعويناتها اللي كيتغمضوا فاش كضحك كتسالي معاه بهاد الحركات هي لحد الان ما عارفاش شنو كدير فيه شي نهار تخرجلو العقل ما حدها كضحك وهو كيقرب ليها حتى حسات بيه واقف حداها وهي تحل عينيها و حبسات ضحكة بغات تهرب وهو جرها لصقها على الحيط 
نورسين: طللللق مني 
جبل حط جبينو على جبينها و بدا كيتنفس بجهد و عينو مغمضين و العرق كيتصبب منو و كيهدرو انفاسو ثقال عليه بدراع باش كيتكلم 
جبل : تنحمااااااااق عليك و كنتوفى عليييييك مابقيتش قادر أ حبيبة عيييت نقاوم باش ما نقيسكش ولكن هادا الله أنورسين هادا الله حسي شوية بقلب هاد العاشق اللي تحرم منك سنين هادي *هز صبعو و دوزو على شفايفها * قبل ما ندوق هادو كان السكر حلو و كان العسل لديد بزاف ولكن من مور ما دقتهم ولا سكر مر وحامض و العسل ما بقا عندو مداق شفايفك هوما اللي ولاو العسل و السكر ديالي

سكت مدة وكيحس بانفاسو تسارعو و قلبو كيضرب بسرعة كبيرة اما واحد نورسين دابت بين يديه حتى هي محتاجاه و موحشاه ربما أكثر منو حتى هي حاسة بقلبها كيضرب بزاااف و العرق كيتصبب منها و و داتها كترعد ربما فاش طلبات منو القبلة ما كنتش كضحك اولا كتلعب كانت خارجة من قلبها ياك شحال من حاجة كانكونو باغينيها و كنطلبوها بحجة اننا غير كنضحكو ولكن ما خفي أعظم بجوج بيهم كيتنفسوا بجهد جبل حط نيفو على نيفها و يديه بجوج على خدها 
و كينهجوا بحال كانو فسباق ماراطون و بدا كيقرب لفمها و هي ما حبساتوش يعني باغاها ابتاسم و حس بفرحة شديدة فقلبو يعني هي كتبغيه و كتحماق عليه بحالو واخا كتقولو كنكرهك واخا عمروها عليه قلبها مازال كينبض بسمية شخص واحد اللي هو جبل 
جبل حس بيها بلي باغاه ومحتاجاه قرب ليها حتى حط شفايفو على شفايفها و زاد لصقها على الحيط اول مرة جبل كيكون عنيف معاها فالقبلة ديالو ربما بغا يبين ليها من خلالها شحال مشتاق ليها و باغيها فجنبو ماشي ساهل يبعد على ملاكو طاهر لمدة عامين و ما يدوقش من رحيق ثغرها والغريب فالامر أن نورسين دورات يديها على عنقو و تجوبات معاه بطريقة رهيبة بحال كتقولو زيد ما توقفش هبط يدو لعنقها و بقا هابط بصبعانو حتى وصل لكرشها حيت اصلن مالابسة والو غير سوتيان وبقا كيمرر يدو على سهرتها بطريقة محترفة حتى كتقفز ما بين يدو ودور يدو على خصرها و زاد جرها ليه كن لقا يحشيها فضلوعو ما يكره حس بيها تخنقات و هو يبعد عليها خلاها تسترجع أنفاسها و دار يدو بجوج من مور خصرها و حط جبينو على جبينها و قال بهمس 
جبل: شوية أحبيبة 
نورسين مغمضة عينيها و كتسترجع أنفاسها و تنهدات ما كتهدر ما كتكلم جبل ابتاسم و قال 
جبل: مازال ماربيتي سوفل أبنتي هادشي عندك عيان زعما تعلمتي السباحة 
نورسين ضهرات الابتسامة على شفايفها وهو يقبل راسها بحب كبير و حطات راسها على صدرو و عنقاتو بيديها بجوج و سالت دمعة من عينيها و قالت 
نورسين: عرفتي إحساس ديك طفلة صغيرة فاش كيولي ظلام و كطيح شتا وهي مزال كتقلب كيف الحمقة على طريق باش ترجع لدارهم ولكن ما كتلقاهاش هادا هو أبسط حاجة نقدر نعبر بيها على إحساسي وانا كنقلب عليك وفقمة إحتياجي ليك ولكن ما كنلقاكش اهئ اهئ

جبل حنا و باس ليها راسها 
جبل: عااامين دازت عليا بحال صراط انورسين بحال صراط ما عرفتش كيفاش غادي نقدر نوصف ليك شنو قاسيت و شنو عانيت ربي اللي عالم بيا و لكن نتي اللي اختاريتي الفراق علاش؟ بغيت نعرف سبب واش ممكن ؟ 
نورسين بعدات عليه بسرعة بحال كبيتي عليها سطل د الما بارد فاش تفكرات بلي خاصها تكرهوا و ما خاصهاش تقرب منو حسات بشمتة فهاد اللحظة بحال قلبها كان هو المسيطر بحال كانت كدير هادشي وهي مرفوعة و مخدرة دورات وجهها و ضربات راسها كدليل على الغباء ديالها حسات بقلبها كيضرب بسرعة و بدات كتنهج و تكات على الحيط و شدات فصدرها و كطلع نفس بصعوبة و كتنهج و عينيها بداو كيتقلبوا جبل جبد بسرعة بخاخ الربو و دارتو ففمها عاد ردات نفس و بقات متكية على الحيط و غمضات عينيها و كتحرك راسها يمين شمال بحال كتقول اش هادشي كديري أنورسين واش هو ديما كيغلبها و كينتاصر و كيقرب منها أكثر من اللول ياكما باغي يدير ليها كيفما دار لكاميليا اكيد حتى جوري من مور ليلتو اللولة معاها غادي يعدبها حلات عينيها و شافتو مشا لافابو يعمر ليها الما بدات كتخايلو كيف شي شيطان و خارج ليه القرون من راسو و فاش دور وجهو بانلها بحال شي ملاك اش هادشي كيوقع ليها معاه غادي يخرج ليها العقل دا ليها كاس د الما و شد فيديها كيبوسها و حطها من تحت خدو و كيشوف فيها بخوف 
جبل: حبيبة شوية ماتخلعينيش عليك الا وقعات ليك شي حاجة نموووووت فيها 
نورسين نطرات يديها من تحت خدو و مشات زدحات الكاس من فوق البوطاجي و دورات وجهها شافت فيه و ربعات يديها و مسحات عينيها من الدموع و قالت بعجرفة 
نورسين :فخبارك بلي أنت هو الشخص الخطأ اللي بغيتو بصدق 
جبل غمض عينو و دور وجهو و دوز يدو على لحيتو عرفها غادي تبدا تسب و تعاير ولا حااافضها أكثر من راسها دور وجهو و شاف ليها فعينيها ديريكت و حاول يتكاالما ويبرد لاقصى درجة وقال ليها بابتسامة 
جبل: انا هو شخص صحيح اللي دخل لحياتك و هادشي نتي عارفاه و كتنكري *تمشى بخطوات بطيئة حتى وصل ليها * عفوا بغيت نقول بلي نتي بحال هاداك اللي داير باندة كحلة على عينيها و ما بغاش يشوف النور اللي على برا هادشي اللي واقعلك 
جبل قرب ليها اكثر و اكثر حتى حاصرها مع البوطاجي و حط نيفو على نيفها و عينو كتشوف فعينيها ديريكت و كنل هدرتو 
جبل: درت ما فجهدي باش نرضيك و نعيشك أميرة بغيتك بزااااااف و ديما كنفكر فيك غير نتي تصوري فاش كنسجد كندعي معاك غير نتي بوحدك تعدبت و انا بعيد عليك 
عل إثر هاد الكلمة الاخيرة هزها و حطها من فوق البوطاجي و هي طرطق فيه عينيها 
نورسين: اش كااااااادير 
جبل ابتاسم ليها بشر و قرب ليها وحط يدو من مور ضهرها و حط راسو فعنقها كيشم ريحتها و باسو و قال بهمس و تنهد فعنقها حتى تبورشات 
جبل: نفس الريحة 
نورسين كتبعد عليه 
نورسين : بعد عليا خليني نزل 
جبل:رائحة الفراولة اححح كتحمقني أحبيبة درتيها على قبلي 
نورسين : واااااش باغي تحمقني اربي الحبيب واشنو درت فحياااتي باش سلطتي عليا هاد اللصقة و ما كاتفاكش 
جبل : الا بعدت انتي اللي غاتخسري ماشي انا 
نورسين بقات كتشوف فيه مدة و هي تطلقها بواحد مولاتي ضحكة 
نورسين: هههههههههههههع لا واش من نيتك شكون نتا الهوا ولا الما ولا شارجور ولا تيليفون ولا الفلوس 
جبل غرس ضفارو فخصرها حتى تأوهات بالم و قربها ليها اكثر حتى مابقا لهوا فين يدوز و عينيه حمارو و عضلات صدرو تزيرو عليه 
جبل : انا هو قلبك والا مشيت غادي تموتي بغيتي نقولك واحد الحاجة انا مازال مسايرك فهبالك كنقول ممكن تعرف خطأها و ترجع تصلحو ولكن معامن انا مع اكبر غبية على وجه الكرة الارضية 
نورسين : انااااا بزاااااف عليك يا دعشوشي 
جبل بعد عليها و دار فيها ديك شوفة ديال من نيتك 
جبل:زدتي هاد كلمة دعشوشي فقائمة الوحش و المريض و الاحمق ياك؟
نورسين بغات تبعد عليه و هي تحس بشي حاجة قاصحى كتنغزها من لتحت طرطقات فيه عينيها و دفعاتو و هو يبانلها المعلم عاطي التحية 
نورسين : اويييلي اش داكشي *دارت يديها على عينيها * 
جبل: اينا شي 
نورسين :احم *اشارت بصبعها ليه * اويلي سير ستر راسك ولا شوف شنو دير 
جبل غلباتو ضحكة دار يدو على جنبو و عض على شفايفو و قرب ليها و باسها فعنقها و بقا كيهدر فعنقها غير بشوية 
جبل: هاداك توحشك 
نورسين بغات تدفعو من عليها وهو يعنقها عندو وبدات كتفركل ليه باغا تهرب 
جبل: رصاي أنورسين رصاي هاكا كيزيد يتوحشك اكثر و اكثر 
نورسين: واااايتوحشوا الخير و يبعد مني اش بيني و بينو يعطيني شبر ديال تيساع 
جبل: *بابتسامة * عااااامين وهو كيساينك قبيحة فحقو دابا ناض و محال واش يبغي يرجع 
نورسين بقات كتركل لجبل حتى بعد عليها و هبطات بسرعة من فوق البوطاجي و وقفات بعيدة عليه و بدات كتهدر 
نورسين : الا ناااض عطيه معيلقة د سيرو دنعاس بتجربة والله حتى يعاود ينعس 
جبل فشلاتو بضحك طلق ليها درعانو و قال 
جبل:اجي أ الحمقة د بصح اجي ابنتي بغيت نعنقك باش نمشي بحالي واخا ما سخيتش بحلاوتك

نورسين صغرات فيه عينيها و هزات حاجب و هبطات لاخور 
نورسين : فين بغيتي تمشي 
جبل : ما نقدرش نبقامع وحدة كتكرهني ما عرفتي ضربلك فالخوا و تبغي ديريلي سم 
نورسين:امم و دابا قولي فين غادي تمشي 
جبل بغا يلعب ليها على الاعصاب 
جبل: غادي نمشي عند جوري 
نورسين : بلاتي بلاتي قبيلة فاش ربحتك فاللعبة قلتلك اللي ربح غادي يطلب من هاداك اللي خسر اي حاجة و غادي ينفدها 
مشات حتى وقفات حداها و حطات راسها على صدرو و جبل دوز يدو على شعرها برفق وقال 
جبل:آمري وانا نفد 
نورسين: الا بغيتي تمشي سير ولكن بشرط ما تمشيش لعند جوري هادا هو طلب ديالي 
جبل :*باس راسها * كنت عارف الطلب ديالك حتى قبل ما تقوليه 
نورسين بعدات عليه و هزات الموس و قرباتلو 
نورسين:عرفتي و يمشي يزغبك الله و تمشي حتى تمشي عندها غادي تسمى ماشي قد كلمتك 
جبل : قلتلك طلباتك أوامر ما غاديش عندها 
نورسين: وفين غادي 
جبل : *باسها فعنقها حتى بورشها وقال بهمس* غادي نمشي نشوف الحل لهادا اللي نوضتيه و ما بغيتيش ترحميه تهلاي فراسك أ الحب ديالي 
باسها جبل فخدها و عطاها بضهرو مشا خرج طلع فطوموبيلتو و ديمارا اللوطو و ابتاسم و حط يدو على شفايفو و ابتاسم و ديمارا و قلع 
عند نورسين 
بقات واقفة كضحك و كتلامس شفايفها و كتبتاسم دورات وجهها لقات الطبسيل دالفواكه اللي صوب ليها عضات شنيفاتها و هزاتو و خرجات لصالون و لقات موجد ليها الطبلة د الفطور بقات غير مسمرة فبلاصتها 
نورسين :جبيييلو *دلات شنيفاتها * زعما هادشي كامل يكون غيركيمثل عليا الله يا ربي غادي نحماق *ابتاسمت بشر * و انا مالي المهم ها هو مبرعني 
جلسات فطبلة و بدات تاكل لقات وريدة من فوق الطبلة و حداها واحد الوريقة صغيرة هزاتها و فتحاتها وقراتها 
نورسين: انا ما كنمثلش عليك هادشي كولو حقيقة و نابع من القلب حيت تنموت عليك ابنت قلبي 
لاحت ديك الورقة و حطات يديها على قلبها وطرطقات عينيها 
نورسين: بسم اللهالرحمن الرحيم تسليم لرجال البلاد واش هاداك ولا كيقرا افكاري ناري ياكما يكون منهم اعود بالله من شيطان رجيم تف تف دكرنا سمن و العسل 
سمعات تيليفونها كيصوني ناضت هزاتو و دوزات الخط 
نورسين:الو 
سلمى :هادي هي الصحبة يا الكيدارة يا الحيمارية أ دوي خالية صحيبتك كتوجد بوحدها زعما راه قربات حنتي وخاصك تعاونيني و تعطيني افكار شنو ندير و شنو ما نديرش شفتك غابرة ما كتسولي ما كتاصلي ما كتقولي ديك سلمى اش كتعاود و اشكتدير واش مخلوعة حيت قربات حنتها و عرسها و ليلتها زعما والو اوا الله يقلل حياك يا الموسخة نتا ميكاب ارتيست نتي راه تصلاحي غير مربية منزل تفوووو عليك 
نورسين : غير بشوية عليك و نتي علاين تخرجيلي من تيليفون راني عوالة نجي لعندك لدار و نخرج نشريو شنو خاصنا راكي فبالي و بسبابك ما بغيتش نخدم هاد نهار واحد العروسة مسكينة بقات فيا قالتلي بغيتك نتي تصوبيلي قلتلها راني مشغولة اوا قولي شكرا 
سلمى: اكثر عليك طلب ابنيتي فين يامك أنورسين 
نورسين: نتوما هوما اعداء نجاح ضروري تفكروني فزلط 
سلمى: بالعكس داك زلط اللي نتي كتعايريه هو اللي وصلك و خلاك تشبتي بحلمك شي بعض المرات الأشياء اللي كنكرهوها هوما اللي كيخليونا نتحفزوا و نخدموا على راسنا باش نوصلو عمر الفقر ما كان عائق 
نورسين: الا ساليتي المحاضرة ديالك شيقة اجي عندي باش نخرجوا ندورو و نشريو الحوايح اللي خاصك 
سلمى: اجي نتي لعندي باش نخرجوا اوا صافي الخابية تسخر على الغراف انا اللي عروسة نجي لعندك نتي 
نورسين:اوكي يالله تلاحي

مشات نورسين لبسات سروال تجين و تاجيكط د الكوير مع تيشورت بيض من لتحت و دارت شعرها على شكل كعكعة و خرجات طلعات فطوموبيلتها و ديمارات و قلعات و شعلات الموسيقى باش تلهي الوقت 
وهي طيح فاغنية سعد المجرد 《نجيبك نجيبك 》 😍😍 
🎵🎵🎵🎵🎵
نجيبك نجيبك تهرب تبعد لبعيد طير ولاتنزل.
قريب نصيبك نجيبك نجيبك نتعذب ونزيد هروبك والله مايفيد حالف نصيبك.
عارفني بلي ولاف نعشقك انابزاف وحياتي والو بلابيك.

لاتخلي عقلي تالف نجيبك اناحالف انا عارف اش ندير حبي ليك نتيا كبير.
نجيبك نجيبك نجيبك وخ تطلعي للسماء ندير جناح ونجيك.
تلقايني تما نجيبك نجيبك راك مزال معرفانيش كلمة نستسلم فالقاموس معنديش نجيبك.

نجيبك وخ تطلعي للسماء ندير جناح ونجيك تلقايني تما نجيبك نجيبك وخ طلعي.
للشمس تلقايني تما عارفني بللي ولاف نعشقك انا بزاف.
لاتخلي عقلي تالف نجيبك انا حالف انا عارف اش ندير نجيبك نجيبك حالف نصيبك
🎶🎶🎶🎶 
ابتاسمت تلقائيا فاش سمعتها حيت اكيد كتفكرها فجبل 
🔙🔙🔙🔙 فلاش باك 

جبل:سمعتي ديك الاغنية الجديدة ديال سعد المجرد 
نورسين هزات راسها و شافت فيه 
نورسين:واااااااش حماااااقيتي اش هاد الهدرة كتقول 
جبل قرب ليها حتى ما بقات كتفصلو عليها حتى حاجةو باسها فعنقها حتى بورشها و بقا كيتكلم فعنقها 
جبل:نجيبك نجيبك وخ تطلعي للسماء ندير جناح ونجيك تلقايني تما نجيبك نجيبك راك مزال معرفانيش كلمة نستسلم فالقاموس معنديش
🔚🔚🔚 رجوع 

نورسين : جبيلو الحميمق دعشوشي ههههه 
حبسات نورسين طموبيل و نزلات و مشات كتدق فالباب وهو يحلها ربيع وقال 
ربيع :أهلللن بلالا مراة سيدي عاد طفات عليك شمعة 
نورسين :ههه ربيع اش تدير هنا 
ربيع: جيت نواسي سلمى جيت لقيتها كتبكي 
نورسين: ويلي مالها 
ربيع :هرب عليها العريس هههههههه دخلي دخلي تشبعي غير ضحك 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.