نورسين بعدات على جبل و دورات وجهها باش تشوف أجمل هدية عندها اكثر حاجة كتحمااااق عليها الخيل 🐎🐎🐎🐎🐎 و من ديما كتحلم يكون عندها واحد و داكشي اللي كان جبل جابلها عود عربي أصيل فلون الابيض نااااري شحال كان كيخردل دارت عندو و عينيها كيلمعو بالفرحة و دموع فعينيها دارت يديها على فمها و جبل كيشوف فيها و مازال ما مستوعبش بلي هدرت معاه بالاسبانية
نورسين : ما عرفت ما نقولك أجبيلو من غير الله يخليك ليا اهئ اهئ ما عرفتش اهئ اهئ
طاحت على صدرو و عنقاتو بجهد و هزات عويناتها كتشوف فيه كيف شي قطيطة 🐈🐈
نورسين : مالك كتشوف فيا و ساكت
دورات وجهها و عاودت شافت فيه
نورسين : ياك هاداك العود ديالي ياك راه ما متيقاش اهئ اهئ
جبل :*رد ليها شعرها من مور ودنيها و باسها فجبهتها بوسة حنينة * فوقاش تعلمتي l'Espagnol أبنت قلبي
نورسين باستو فقلبو و علات عويناتها شافت فيه
نورسين : فاش تفارقنا كنت من ديما كانشوف مقابلاتك كيفاش كتهدر بطلاقة و كيفاش واثق من نفسك جاني الفضول نكتاشف هاد اللغة و اصلن اي حاجة كديرها كيعجبني نقلدك فيها حيت نتا المثل ديالي الاعلى ياك نتا بابا و انا بنتك المفششة اللي كتحماق عليها حاجة وحدة اللي ما قلدتكش فيها هي السكرة ههه * جراتو من سوفيطمة لعندها * آأآآخر مرة نشوفك كضرب طاسة ياك نتا عارف بينك و بين الله علاش كتسكر أصاحبي راه حرام
جبل :*حك مؤخرة راسو و دور و جهو و ابتاسم و عاود شاف فيها و غمزها * متأكدة ما عمرك سكرتي ابنت قلبي
نورسين : شنو دابا باغا تشككني فراسي
دورات وجهها كتشوف فداك العود متحمسة تركب عليه و خصوصا منين عرفاتو ديالها بدات تنقز ليه تماك كيف شي برهوشة شافت شي حاجة عزيزة عليها
نورسين : بغيت نركب فيه دغيا اجبل راه ما قدراش نصبر
خرجات كطير لحداه وبدات كتمرر يديها عليه و هو حاني ليها راسو بدات تلعب فشعرو و حطات و جهها عليه و غمضات عينيها جبل بلا مايحس هز تيليفونو و صورها و ردو لجيبو
نورسين هزات راسها و بدات تعيط لجبل باش يلحق عليها
نورسين : جبييييلو *دارت يديها على شكل قليب وقالت بصوت مرتفع كنحماااااااااااااااااق عليك
جبل ابتاسم ليها و خرج من الدار و مشا و قف حداها و جرها من خصرها حتى ضربات فصدرو و حط نيفو على نيفها و قال
جبل : الا كتب الله و كانت عندي بنيتة ما غانبغيهاش بحال اللي كنبغيك نتي
نورسين عوجات فمها و ابتاسمت ليها
نورسين : وعلاش زعما
جبل هزها من الارض و دورات رجليها على ضهرو وكيمرر يدو على خدها بحنان و حط يدو على شفايفها و ابتاسم ليها و قال
جبل : حيت البنت الاولى ديما كتكون معزتها بوحدها و نتي هي بنتي الاولى
قال هاد الجملة و طار على شنيفاتها كيقبل فيهم بكل حب و شغف و حتى هي منساجمة معاه بعد عليها و مرريدو على شعرها
جبل : عجبك العود ديالك
نورسين دورات وجهها و شافت فداك الخيل و فرحاانة ماقاداها فرحة
نورسين : و جبتيهلي فالابيض و انا كنحماااااق على العودان فهاد اللون لون الملائكة
جبل حط نيفو على شعرها كيشمو
جبل : حتى نتي ملاك كلما كنشوفك كنحس بأنفاسي ثقالو و كلما دكرتك كنحس بقلبي كيرجف بين ضلوعي أبنت قلبي
نورسين نزلات و عنقاتو
نورسين : عارفة أ الكبيدة كتحماااق عليا و الله حتى عارفة كتسطاااا عليا و حتى انا كدلك كنمووووت فيك غير هو كاينة واحد القضية
جبل : شنو هي
نورسين :*تأففات * واااااابغيت نركب فوق العود
جبل دور وجهو و ابتاسم و عاود شاف فيها و حط يدو على خدودها و باسها فنيفها
جبل : شكرا حيت كتخليني نسا الحزن و انا بين يديك كنسا حتى راسي شكون معاك الابتسامة ما كتفارقش وجهي شكرا على الفرحة اللي ديما كتخلقيها فقلبي بهدرتك و تصرفاتك شكرا على كلشي ابنت قلبي 😍
شبك يديها فيدو و قرب لداك العود و هزها من خصرها ركبها عليه و هي تبدا تغوت ليه جاها عالي و كتحس بحال غطيح
جبل بقا لتحت كيشوف فيها و كيضحك و كيدوز يدو على لحيتو جبد تيليفونو و جلس كيصورها فيديو و هي كتبكي
نورسين : ج....ج....جبل العار لما طلع حدايا عفاك
جبل : ياك كتقولي باغا تركبي و كتحماقي على الخيل هانتي راكبة فيه مالو ما عجبكش
نورسين : وادابا خطينا من العياقة و طلع الا غادي طلع و لا و الله حتى نقز اهئ اهى واما بقيتيش كنبغي بوخيل ما بقيتش اهئ اهئ
جبل بحركة سريعة منو طلع فوق الخيل من موراها عاد ارتاحت وتهدنات دور جبل يدو على كرشها و شد اللجام و بدا كيتحرك بيهم الخيل غير بشوية نورسين عاد بدات كضحك و كتصفق بيديها
نورسين : يااس أ الله على ركبة شحال زوينة
جبل حط شفايفو على عنقها حسات بيهم بأنفاسو فوق كتفها دور ليها شعر جنب باش ياخد راحتو و قال بهمس
جبل : فرحانة أ حبيبة امم
نورسين : بطبيعة الحال فرحانة علاه شكون يكون معاك و ما يفرحش عرفتي كن كانت هضرت معاك شي بنت اخرى من تحت ديك شجرة كنتي غاتبغيها هي ياك
نورسين : لا حاشا و الله ما كرهت نشوف شي تصويرة ديالك و نتا صغير
جبل : انشاء الله عندي واحد التصويرة مع ليلى حتى نوريهالك
نورسين : دابا واش ولادي غادي يطلعوا بيطيزين بحالك
جبل :*بابتسامة * الله اعلم حتى نشوفو بعدا واش ماماهم غادي تخلينا نديروا شي حاجة باش يتزادو و يكون خير
نورسين سكتات حيت غير كيدخل معاها فالمسكي حنيكاتها كيحماروا ما كتلقا ما تقول
بدا داك العود كيجري بيهم و نورسين عاجبها الحال و مغمضة عينيها أحسن شعور هو منين تكوني فرحانة مع شخص الللي كتبغي كتحسي براسك مخدرة و فرحانة و اي حاجة ما تضاهيش داك الفرحة
رجعوا لحدا الفيرمة و نزل جبل من فوق منو هو اللول و عاونها باش تهبط و شبك يدو فيديها و جرها معاه وهي مخشية فيه كيف شي بريهة
نورسين : طلعت من فوق العود ببيجامتي خايبة حتى لمعاودة و نتا كنتي كتصور فيا تفوو على شوهة
جبل : بنت قلبي ديما زوينة اللي لبستيها كاتجي معاك
نورسين : امم زعما زعما
جبل : *حط جبهتوا على جبهتها * واش انا عمري كدبت عليك *حط يدو على صدرها * ما بقيتيش كتحسي بضيقة أ حبيبة ياك خاصني نديك عند طبيب
نورسين : *حطات يديها على خدودو و تعالت و باستو فشفايفو بوسة خفيفة و فنفس الوقت حنينة و قالت بهمس * انا دابا معاك كنت كنحس بضيقة فاش ما كنتيش نتا اما دابا حمد الله انا مزيانة غير بقا ديما حدايا و ما عمرو ما غايوقع ليا حتى حاجة
جبل :*كيشوف فساعة اللي فيدو * خاصنا نمشيو لدار
نورسين : واخا
جبل : لبسي مزيان الجو بارد حتى انا غانطلع ندوش ونلبس حوايجي
نورسين : واخا *غمزاتو * فاش تحتاج اللي يحكلك ضهرك هانا موجودة
قالت هاد الجملة و طلعات فدروج كطير و خلات من موراه جبل كيبتاسم غير هو و راسو
دخلات نورسين و بدلات حوايجها لبسات نيت داكشي باش جات و بقات جالسة طالعة هابطة فالانستغرام مالقات مادير بدا كيجيها الملل حتى وصلها ميساج من عند أنور و هي تفتح و بانلها كاتب 《hello 》 طلعاتلو vu وخلاتو بلاكة
نورسين :هاد الزعتر د أنور لاصقني كي ضلي اوووف ناري و يشوفو جبل يضربلو نتفة فاعلة تاركة
عاوتاني وصلها ميساج منو فتحاتو و لقاتو كاتب ليها 《 علاش ما كتجاوبينيش واش كاين شي مشكل 》 بقات كتفكر و حطات تيليفون تحت دقنها و صيفطاتلو ميساج و صيفطاتو وهو يتحل الباب و دخل جبل وهي بالتلفة خبات تيليفون من مور ضهرها بسرعة بحال مخبية شي حاجة و بدات كترعد جبل شاف فيها بشك و سد الباب و قرب ليها
جبل : نورسين مالك ؟
نورسين وقفات و عاودت جلسات و ردات شعرها من مور ودنيها و ابتاسمت ليه
نورسين : ما كاين والو أحبيبي بصحة تدويشة
جبل حول عينو بانلو تيليفون مخبياه من موراها و باينة فيها متوترة هز عينو و شاف ليها فعينيها و قال بنبرة فيها نوع من تهديد
جبل : واش مخبية عليا شي حاجة ابنتي
نورسين : اش كتخرف اش غادي نخبع عليك مثلا الله يهديك
جبل غمض عينو و عاود فتحهم و هز راسو شاف فسقف و عاود شاف فيها
جبل : انا كنتسناك لتحت أنوووورسين
عطاها بضهر و زدح الباب بلا مايحس بقوة الاعصاب اللي كتركب فيه
نورسين :*كدوز يديها على شعرها * لا انورسين لا ما خاصني نقولو والو غادي ينوض الحرب لا وهو مريض قلبو على سبة فاي لحظة يقدر يسكت الله يحفظ لا الا قلتلو على انور غايتعصب اووووف واش انا ديما كيطيحوا عليا غير المصائب
خرجات من البيت و هبطات لسفلي ما لقاتوش حلات الباب بانلها واقف كيكمي حدا طوموبيل و باينة فيه مكررره وااصلالو لعظم نورسين مشات كتجري حيداتلو الكارو لاحتو من يدو
نورسين : شحااااال من مرة غانقولك هااااااد الزبل قطعوا عليك شحاااال من مرة نتاااااا مريض أجبل فهمتي شنووووو هي مريض و قلبك ضعيف فاي لحظة تقدر تطيح ااااخر مرة اقسم باللي خلقني و خلقك نعاود نشوفك كتكمي يااا ما عمرك تشوف وجهي مزاااال
جبل بقا كيشوف فيها مدة و قاد الوقفة و دار يدو فجيابو و شاف فيها واحد نضرة فشكل
جبل : شفتي الا ما قتلتينيش نتي بتصرفاتك راه ما كاين حتى حاجة تقدر تقتلني تأثير الكارو ما كيسوا والو قدام تأثيرك نتي عليا ديريها فبالك
ضرب دورة و مشا حل ليها الباب و بقا كيتسناها تركب باش يقلع هي بقات واقفة من جيهة لوخرى كتشوف فيه
جبل : واش باغا تبقاي هنا ما عوالاش ترجعي
نورسين : علاش كاتعامل معايا هاكا واش حيت انا كنخاف عليك هادشي باش كتجازيني *كتمسح دموعها * واش حيت خايفة توقعلك شي حاجة خايفة تموت و تخليني كتصرف معايا هاكا حرام عليك و الله حتى حرام هادشي اللي كادير فيه
جبل زدح داك الباب و ضرب يدو بجهد مع طوموبيل و هز عينو كي جمرة شاااف فيها وقال بصوت مرتفع بعض شيئ
جبل :ونتي ماشي حرااام عليك هادشي اللي كديري فيه ماااشي حراام أبنتي
نورسين ضربات دورة وقفات حداه و ربعات يديها
نورسين : انا ما درت والو مقارنة مع سيادتكم
جبل : مااازااال ما كثيقيش فيا انوورسين ماكثيقيش علاش فاش دخلت رديتي تيليفون من مور ضهرك علاااش واش بنتلك انا بالودنين ماااكنفهمش علاش بديتي كترعدي و متوترة غير نتي و راسك علاااش بغيت نفهم *شدلها فدرعانها بجوج * واش كاين عندك شي مشكل عرفتي و نعرف كاينة شي حاجة و خبيتيها عليا راه ما نسمحلكش انورسين
نورسين :*كتكلم ببرود و كتضحك * تصلا ح تخدم بوليسي البق ما يزهق مطور مع راسك عندك دقة الملاحظة ما عندي مايسالك
جبل : نوووورسين واش بانتلك حااالتي ديال شي حد كيضحك معاك جااااوبيني
نورسين : بغيتي تعرف علاش درت داك تصرف ياك
جبل : *ربع يدو و ابتاسم باستهزاء * الا جات على خاطر لالا نورسين و سمحات لينا باش نعرفوا
نورسين بقات كتشوف فيه مدة و بدات تضحك بهيستيرية و شادة فكرشها و جبل مكره
جبل : نوووورسين ما تزيديش تعصبيني
نورسين : ههه واخا وراك زدتي فيه اصاحبي علاش معصب حتى لهاد درجة هانتا فاش بدلت حوايجي جاني الملل و دخلت ليوتيب ياك أحبيبي اوا دخلت و بانلي واحد الفيلم امريكي دخلت نتفرج و ما نكدبش عليك داك الفيلم كان شوية اوووفر فيها لقطات احم ياك فهمتيني ياك اوا نتا فاش دخلتي كانت لقطة قبيحة بزاااف و انا بالتلفة ما عرفت ما ندير و رديتو من مور ضهري هادشي علاش
جبل :*دوز يدو على لحيتو و كيشوف فيها بشك * متأكدة ابنتي من هدرتك
نورسين : هاء ودابا نتا اللي ما كثيقش فيا خفت تدخل و تشوفني و تقولي اللهم ان هادا منكر ههه *قربات ليه و بدات كتمرر يديها على لحيتو رطيطبة و كضحك * شفتي هادشي علاش عرفتي فكرتيني فواحد نكتة بلاتي نقولها لك قالك هادا واحد الرجل ملتازم ياك كان جالس هو و لادو كيتفرجوا فالتلفازة فواحد الفيلم و هي تجي واحد اللقطة قبيحة و هو يقلب ولدو لقناة وحدة اخرى عرفتي شنو قالهم باباه قالو قلب اولدي نشوفو الكفارة بالله كيف كايعصيو الله هههههههههههه
جبل كيشوف فيها ما كيضحك ما والو
نورسين : ودابا اصاحبي ما عجباتكش جاتك حامضة ولا كيفاش و بعدا غير وريني الابتسامة ديالك الزوينة احتراما لمشاعري اللي ما كتقدرش تشوفك و نتا طالع ليك دم كيقوليك الا ما عجباتكش نكتة ضحك على مولاها
جبل : الله يعطيك عقل أبنتي * باس ليها راسها و حل ليها الباب *دخلي من البرد لا تمشي تمرضي و نوحل فيك
نورسين دورات يديها على عنقو
نورسين : يالاه طلب مني سماحة بعدا
جبل : الا كان شي واحد اللي غالط هنا هو انتي ماشي انا
نورسين : عارف أحبيبي ولكن انت تقلقتي و انا تقلقت حيت نتا تقلقتي داكشي علاش يالاه طلب السماحة
جبل باسها بوسة خفيفة فمها و بعد عليها
جبل : عارفك ما كتقوليش الحقيقة و لكن ماشي مشكل مازال غانعرف مع الوقت
نورسين بدات تصرط فريقها عرفات جبل ما معاه لعب بعدات عليه و دخلات لطوموبيل و سد جبل الباب و طلع هو لمكان القيادة و ديمارا و زاد ما كيهدرش غادي و كيفكر
نورسين : سعدات يعقوب و سلمى و جدي و جداتي مشاو يتفججوا مع راسهم علاش حتى حنا ما نمشيوش لشي بلاصة زوينة
جبل : فين باغا تمشي
نورسين : لاي بلاصة فيها انا وياك غير بوحدنا
جبل : هاد الايام عندي الخدمة ما نقدرش نسافر
نورسين : امم كانحس بيك بحال طالع ليك دم واش ما زال مقلق مني
جبل : هانا كنهضر معاك دابا علاش مقلق
نورسين بقات ساكتة مدة و شداتلو فيدو و باستها و حطاتها تحت من خدها
جبل : لا احبيبي غير مشطون مع الخدمة و صافي واش انا نقدر نتقلق من ملاكي امم *حط يدو على فخدها * ما تخافيش ابنتي باباك تيبغيك بزاااف و ديما غايفششك انا تخلاقيت باش نعبد الله اولا و باش نفشش ملاكي طاهر اللي ماكاينش بحالها
نورسين : بغيت نسولك واحد السؤال من قبيلة فاش قريت داك المدكرة ديالك وهو ضارني فراسي
جبل : بديتي فالاسئلة ديالك عاود العجيبة الغريبة
نورسين : دابا علاش ما قلتيليش بلي نتا كتبغيني من اول نهار سكنتي عندنا فالعمارة كنت غانتزوج بيك بعينيا مغمضين اصلن كنتي كتعجبني
جبل ابتسام و تنهد
جبل : كانو عدة اسباب من بينهم باباك ما كانش كايحملني هادي اولا و كن جيت خطبتك غادي يجري عليا و نتي بطبيعة الحال كتسمعي كلمتو و اي حاجة قالها كطبقيها صراحة نهار جرا عليك باباك فرحت و تقلقت فنفس الوقت حيت صافي غادي تولي قريبة مني بزاف و بقا فيا الحال كيفاش اب قدر يتخلى على بنتو بديك سهولة فكرني غير فداك سيد اللي ولدني و زدت حقدت عليه
نورسين : امم اجي بعدا باباك واش حي ولا ميت
جبل على اثر هاد السؤال حس بعضلاتو تزيرو عليه و العرق بدا كيتصبب منو و زاد فسرعة حتى نورسين تخلعات
نورسين :ج..جبل نقص نقققققققص
جبل غير ما كيزيد فسرعة حتى كتقول نورسين هادي هي التالية ليهم بقات كتغوت و هو مرفوع و جملة 《 باباك حي ولا ميت 》 كتكرر فودنو و بديك سرعة بحال باغي ينسا هاد الجملة من ديما الاب ديالو هو كان اكبر عقدة فحياتو كلها حبس جبل اللوطو حتى تحكو روايضها كان غادي يدير أكسيدون كن ماواقفش حط راسو على الفولون ديال طوموبيل و كينهج بحال كان فسباق ماراطون و بقا مغمض عينو مدة حس بيد دافية تحطات على كتفو هز راسو و شاف فنورسين مدة و جرها لعندو حتى جلسات فوق حجرو و حط راسو على صدرها و بقا معنقها عندو حتى هزات راسها شافت فيه لبات عينو حومر و دموع مجموعين فيهم
نورسين : مالك أحبيبي مالك خوي عليا شنو فقلبك و قولي شنو ضارك باش ترتاح
جبل : انا عيييت بزااف ابنتي ما عرفتش واش هاداك سيد واش حي ولا ميت ما عرفتش و ما عمري قلبت عليه باش نعرف كنحشم نقولو عندي اب حيت ما كاينش شي اب كايبغي يقتل ولدو تصوري اكبر محامي فالبلاد ما قدرش يدافع على ولدو و من فوق هادشي كاامل عارفني مضلوم خلاني فالحبس و من فوق هادشي كامل تدخل باش ما يتكلف بقضيتي حتى محامي كن ما جدي و جداتي كن راني تعفنت فالحباسات *حط راسو على صدرها * عفاك ابنتي ما تبقايش تسوليني عليه و لا على عائلتي كلها نتي فيك كلشي ماما بابا اختي ابنتي و مرتي و حبيبتي انا واحد الشخص اللي ما كيعجبنيش نهضر على الماضي
نورسين : سمحلي أحبيبي ديما كنقلقك مني سمحلي ما نعاودش
جبل : *حط يدو على كرشها * انا واش غادي نكون أب مزيان ابنتي جاوبيني عفاك واخا انا معقد وداز عليا داكشي كامل
نورسين :*باستو فخدو * جبيلو ديالي اكيد غاتكون أب مزيان و ولادك غايكون كيبغيوك أكثر ما كتصور نخاف غير تبقا بنتي الا كتب الله تبقا تشااركني فيك و تقولك اجي نديو ماما عند بوعو باش تبقا لها بوحدها
جبل بقا كيضحك و ديمارا طوموبيل
نورسين : واش غادي تسوق و انا هنا فوق حجرك كيدرتي ليها خليني نرجع لبلاصتي
جبل :*زير عليها و دار واحد السيسطام فطوموبيل كاتسوق راسها حدد ليها البلاصة و بدات سايقة بوحدها * شكون قالك انا اللي غانسوق ابنتي
بقاو غاديين معانقين حتى نعسات نورسين على صدرو و قف الطوموبيل و قادها فبلاصتها و كمل السوقان حتى وصل للفيلا ديالو و حبس اللوطو و هبط حل الباب و هزها و طلعها لبلاصتها و هي تضربها الفيقة و بدات تفوه
نورسين : فوقاش وصلنا
جبل : امم خاصني نسمي عليك الكوالا
نورسين جلسات و بدات تحك فعويناتها و دايخة بنعاس
نورسين كتكسل
نورسين : شكون هاد الكوالا عاود
جبل : واحد الحيوان ديما ناعس و معلق فشجر
نورسين هزات المخدة و ضرباتو بيها
جبل : غادي نخرج عندي شي شغال نقضيه نديك عند ماماك
نورسين : فين غادي
جبل : بحال وليتي تحاسبي معايا لا
نورسين : ونتا بحال وليتي ترد عليا الهضرة لا
جبل ابتاسم ليها و نوضها من الفراش و حطلها يدو على راسها
جبل : طالعة ليك الحرارة واقيلة شكون اللي كيقيل يرد الهضرة ما خليتي حتى حاجة ما قلتيها لي
نورسين : وا غير كنضحك معاك
جبل جرها من حنيكاتها
جبل : تهلاي فراسك و حتى الا خرجتي غادي يديك شيفور
مشا حل الباب د الماريو و جبد ليها كسوة طويلة سخونة مع جاكيط ديال جلد
جبل : الا خرجتي لبسي هادو واخا أبنتي
نورسين حركاتلو راسها بالايجاب و طلق ليها يدو و مشات كتجري عنقاتو
جبل : تهلاي فراسك ابنتي الله يرضي عليك
نورسين : ما غاتعطلش ياك
جبل : لا
خرج جبل و ووصا عليها الشيفور و هز طوموبيلتو و قلع و زاد بسرعة فائقة حتى خرج برا المدينة نزل من اللوطو و تمشا بخطوات بطيئة و وقف حدا واحد الديبو شافوه لكارد و حلو ليه الباب و دخل هزات راسها شافت فيه و كلها كترعد
جبل : توحشتوني واقيلة نسيتكم
عند نورسين
ناضت و لبسات حوايجها اللي حط ليها جبل من فوق الناموسية و لبساتهم و هبطات حلات الباب و خرجات لقات الشيفور جالس تماك شافها و مشا عندها كيجري
-لالا واش بغيتي تمشي لشي بلاصة
نورسين : اه بغيت سوارت ديال الطوموبيل غانسوق راسي
- واش خلاك سي جبل
نورسين : بطبيعة الحال و تقدر تهدر معاه و تسولو الا بغيتي
بقا كيشوف فيها و جبد سوارت عطاهم ليها ابتاسمت ليه و طلعات فطوموبيل و كسيرات بقات غادة حتى وصلات لراس واحد الدرب شعبي بامتياز ووقفات الطوموبيل و نزلات
نزلات نورسين من طوموبيل وبقات كتشوف فالحي الشعبي اللي عاشت فيه طفولتها كاملة الحي اللي شافت فيه الحلوة و المرة تمشات بخطوات بطيئة و كلما كتخطي خطوة كتفكر نهار اللي مشات من هاد الحي و نهار اللي جرا عليها باها فيه ما حسات بدموع حتى بداو يتساقطوا من عينيها بغزارة كلما تفكرت هدرة باباها
محمد: بالعكس ا لا لا انا فاهم كلشي صحيح من اليوم انا مبري منك نساي بلي عندك واليديك
سمعوا جيران صداع كلهم هبطوا يشوفو اش واقع تبركيك و الفضول اللي فالمغاربة
- سي محمد ياك لابس اش واقع
محمد: اليوم مرحبا بيكم كلكم للجنازة ديال نورسين بنتي ماتت دعيولها بالرحمة كانت بنت شريفة
نورسين طاحت على رجلين باها كتبكي
نورسين :*كتحرك راسها يمين و شمال * عفااك ما تقولش هاكا ابابا اهئ اهئ الله يرحملك الواليدين ابابا علاش كتحكم عليا ونتا ما عارفش شنو واقع 😭😭😭😭
فاطمة: محمد نعل شيطان خلينا نعرفوا شنو كاين بعدا
محمد: اللي خاصني نعرفوا راني شفتو
محمد دفعها برجليه انهارت نورسين بالبكا جبل شاف داك المنضر وهو تنوض فيه العافية
جبل : ماااااااااااتقيسهااااااااااااااش *حنى على ركابيه و شدلها فوجها بيديها * تهدني انورسين غادي نحل كولشي ما عندك مناش تخافي
وقف جبل ووقف اونفاص ل محمد وكيخنزر فيه
جبل :بنتك نورسين اللي جالس كتعاير فيها وطعنها فشرفها اطهر من الشرف نفسو ولكن نتا كتحكم على الواحد غير بشوفة العين بحالك بحال بزااف ديال الناس الجاهلين حاشا واش تكون اب نتا حيت كن كنتي بصح اب غادي تجلس وتسمع من بنتك الحقيقة *رفع صبعو فوجهو☝️☝️ وشاف فيه بنظرة تحدي* دابا نتا نكرتي بنتك و قتلتيها كاع وباغي ديرلها جنازة ولكن كنواعدك بنتك نورسين غادي نهزها بسناني الا ما هزهاش هاد الكتف يهزها هاد الكتف والا ما هزاتهاش الارض نبنيلها قصر فالسما و تفكر مزيان هضرتي بنتك غادي تولي احسن و انا اللي غادي نوصلها بيدي وانا اللي غادي نديرلها القيمة اللي ماعطيتيهالهاش نتا اللي باها يا حسرة فاقرب فرصة تخليتي عليها و فاش غادي تندم غادي تلقا فات الفوت و تفكر هدرتي مزياااااااان
جبل مشا زدح الباب على دوك جيران اللي واقفين كيشوفو و كيهدروا بيناتهم
نورسين طايحة فالارض كاتبكي مشا عندها جبل عنقها وكيطبطبلها على ضهرها
جبل : ما عندك مناش تخافي انا معاك من هنا الفوق ما عمر دمعة تنزل من عينيك كنواعدك
نورسين زادت تحشات فيه و عنقاتو كتبكي بحرقة
نورسين:ظلمني ا خويا ظلمني بابا اهئ اهئ حشومة عليه اهئ اهئ دارلي الجنازة وانا حية ما بقيتش فيه ما سمعش مني حتى الحقيقة اهئ اهئ انا بغيت غير نعاونك اهئ اهئ مادرت حتى حاجة غلط اهئ اهئ ظلم صعيب و صعيب بزاااف خصوصا الا كان من اقرب ناس ليك اهئ اهئ
جبل دوز يدو على شعر نورسين
جبل : انا معاك *طلق منها و حط يديه على خدودها * ديري هادي فبالك نتي مادرتي حتى حاجة اللي تندمي عليها انا سباب سمحيلي
🔚🔚🔚🔚 نهاية الفلاش باك
مسحات دموعها و ابتاسمات فاش تفكرات جبل كيفاش وقف معاها و كان هو سند و ضهر اللي تكا عليه فوقت شدة حقا هي إنسانة محظوظة اللي عندها شخص بحال جبل تمشات بخطوات بطيئة حتى وصلات لباب العمارة اللي ساكن فيها الاب ديالها حلات الباب و دخلات طلعات فدروج حتى وصلات لباب ديال دار فين كان ساكن جبل تفكرات اول نهار شافتو فيه هنا ابتاسمت بدون شعور و قلبها كيضرب فالالف تمشات و حطات جبينها على الباب و يديها حتى هي و ابتاسمت فوسط دموعها و همسات بكل حب و سط دموعها
نورسين : دبدوبي توحشتك * باست الباب *
وبقات حاطة راسها عليه و دكرياتها معاه كتزورها بين الفينة و الاخرى مسحات دموعها و طلعات لفوق فين كانت كتسكن مع واليديها خدات نفس طويييل و دقات فالباب مرة جوج حتى واحد ماحل و فالتالي سمعات واحد صوت جاي من لداخل ديال خديجة مرة باها
خديجة :أ صبااااار وا فرعوا داك الباب كنوووس ما دايرينش كرسي حدا الباب ياء
تحل الباب و هي تبان خديجة لابسة واحد الفراشة و كتقطر بالماكياج و كتمضغ فالمسكة كي شيخات حطات يد على الحافة د الباب و يد على جنبها و نفخات المسكة و طرطقاتها و طلقات واحد الضحكة ديال الق*** المقطرين و قالت بصوت مستفز
خديجة : عاد طفات عليك الشمعة و تفكرتي باك
نورسين طلعاتها و هبطاتها و غمضات عينيها و جمعات يديها على شكل لكمة ما كتحملش اللي يستفزها خصوصا هاد السيدة ما عندهااااش معاها دم سنانها فتحات عينيها و شافت فيها بنظرة مستفزة أكثر منها و كطلع فيها و تهبط و قربات لحدا و دنيها و قالت
نورسين : هانتي قلتيها جيت نشوف بااااا الوااااليد ما جيتش نشوفك كمارة شيخااات ناقصك غير الغرامة *دفعتها من طريق * حيدي و نتي سادة علينا الهوا الشكوى الله
خديجة عقدات غوباشاتها و طلعات حاجب و هبطات لاخور ووقفات ليها فالباب
خديجة : نتي راك ناقصة تربية
نورسين :*دورات وجهها و ابتاسمت باستهزاء و شافت فيها * انا مربية مع اللي مربي اما اللي ناقصة تربية معاملتو بوحدها
خديجة : ضسرتي ابنت فااااطمة داكشي ما تعلمتي من مك غير تفرعين و تخراج العينين
نورسين : مي أحسن من شيخة اللي حطاتك و حيدي من طريق قبل ما نريشك ما فيا اللي يداابز قلبي ستة تسعود
خديجة : لا أجي ضربيني احسن
نورسين : ما كرهتش و لكن ما فيا اللي يوسخ يدي عاد غسلتهم حيت راك عارفة اللي كيقيس الكلاب خاصو يغسل يدو بتراب باش أبحرا تولي يدو نقية
خديجة كتجنن عليها بغات تجرها من شعرها تريشها و لكن غير تفكرات راجلها شكون و هي ترجع اللور و بدات كتغزل وهي تحيد ليها من طريق
نورسين : ديريها من صباح أمرة الواليد
دخلات للدار و سدات خديجة الباب نورسين بقات ساهية كتشوف فالدار اللي كبرات فيها كيف ولات خديجة بدلاتلها الديكور
نورسين : فين هو الواليد
خديجة : راه لداخل فبيتو
دخلات نورسين لعندو و بانلها متكي ولا شارف على قبل و باينة فيه عيااان و تحت عينيه كحل و مغطي بواحد الملاية و متكي فوق ناموسيتو شافها و ابتاسم ليها نورسين تغرغروا عينيها بدموع ما قدراتش تشوف باباها فهاد الحالة دخلات عندو بخطوات بطيئة و جلسات حداه و هو يطلقلها دراعو بحال كيقولها اجي تكاي حدايا نورسين ابتسامتلو فوسط دموعها فهماتو حيدات صباطها و طلعات تخشات فيه و عنقها لعندو و دموع غير ما كيزيدو يهبطو من عينيها الحنان اللي ما عمرها ما حسات بيه هاهي دابا كتحس بيه أجمل إحساس هي منين كتقربمن باباك لهاد درجة و خصوصا الا كان شي اب قاصح بحال الاب ديالها كتحس بشي حاجة فشكل كتجيك غريبة نورسين حطاو راسها على صدرو و مزيرة عليه و كتبكي و تشهق حتى الكلام باش غتعبر ما لقاتوش باباها هز يدو بتثاقل و بدا كيمسح على شعرها غير بشوية و بحنان و قال بصوت متقطع و واحد الدمعة سالت من عينيه كتجري
محمد: س...س...سمحيلي أب...ب....بنتي
نورسين ناضت من عليه و شداتلو فيدو بجوج و قالت بصوت غالب عليه البكاء
نورسين : بابا كي بقيتي
محمد: ح...ح...حمد الله ابنتي كنتسنا ساعتي
نورسين : شووت ابابا ما تبقاش تقول هاد الهدرة
محمد:*بابتسامة * ياك كلنا كنتسناو ساعتنا اولا ابنتي فين ماماك و كنزة لا..لابس عليهم
نورسين : حمد الله ابابا جيت باش نديك لعندنا لدار ما تبقاش مع هاد خديجة
دخلات خديجة و دايرة يديها فجنابها
خديجة : غير ديه جالس ليا فالركنة الشيبة العاصية ما بغا يموت
نورسين دارت و خنزرات فيها و هي تشعل عليها
نورسين : يااااااك أ الطماااااعة ياااااك أشارفة د بصح كتمنايلو الموت اوا انا بغيتها ليك انا بغيت ربي يااااخد فيك الحق أ خديجة سيري لهلا يسر ليك ما كايناش شي بنت الحرام قدك حتى كتبلك دااار بسميتك و باغا تجري عليه من دارو يااااا نكارة الخير انتي اصلن غير واحد الموسخة و با دار فيك خير لي تزوج بيك و سترك و هادشي باش كتجزيه
باها كيقبط ليها فيديها باش تسكت و قال
محمد: خليها عليك ابنتي ما تستاهلش
نورسين دورات وجها شافت فيه
نورسين : نوض ابا نديك معايا و الله لا ضربتي ضربة عند هاد الشيخة
محمد: غير خليني ابنتي و الله ما عندي الوجه اللي نشوف بيه فاطمة
نورسين : أبا اللهم مي و لا هاد الكمارة د الخنز اللي جالس عندها مي ما غايعجبهاشالحال اه متافقة معلك و لكن راه غاتسامحك انا متاكدة واخا هاكاك ماما قلبها بيض
خديجة هزات صاك كبير و دارتلو فيه حوايجو و حطاتوليه حدا الباب
خديجة : هاهوما حوايجو الا بغيتي تديه غير ديه
نورسين : ماشي نتي اللي غاتوريني شنو غاندير يا لاه قطر بيك سقف جاية تباني عليا بالفهامات الخاويين كي كمارتك *شافت فباباها * نوض أبا نوض زعما يصحابلها غير خدات دار قطعات الواد و نشفوا رجليها الحمد الله حنا قاديين نشريو مية دار اخرى هادي غير ربحي بيها
نورسين وقفات و نوضات باها غير بشوية حتى وقف على رجليه
نورسين : ياك لابس دابا ما بقاوش رجليك كيضروك
محمد: لا ابنتي الحمد الله منين درت العملية داك الراجل اللي كان ساكن تحت منا كتشوفيه
نورسين : وراه ابابا تزوجنا راه راجلي مالك كتنسا
محمد: اه ابنتي نسيت راكي عارفة الداكرة ولات عندي على قد كي بقا لابس عليه
نورسين : الحمد الله يسول فيك الخير
محمد شد ليها فيديها بقوة
محمد: سمحيلي ابنتي ضلمتك معايا و جريت عليك و تخليت عليك سمحيلي الله يرضي عليك
نورسين : هانية ابابا كلشي كيفوت *باست راس باباها * واخا دير اللي درتي كتبقا نتا هو با و انا نسيت كلشي الحمد الله دابا هاحنا غانتجمعوا من جديد و نبداو صفحة بيضة احسن من قبل
هزاتلو صاكو و خرجو و من دار و زدحات خديجة الباب عليهم بجهد
نورسين : هاد الشيخة خاصها شي نتفة بنت الكلبة عضامها كاياكلوها * ضربات الباب بركلة * تفووو الله يخليها سلعة
محمد غير كيشوف فبنتو تبدلات عليه بقا غير مصدوم دارت لعندو لقاتو ساهي فيها و هي تحني راسها
نورسين : بابا مالك
محمد: تبدلتي ابنتي ما كنتيش هاكا
نورسين : اودي أبابا كلشي كيتبدل مع الوقت الا ما كنتيش ديب ياكلوك دياب
شدات فيد باباها و هبطو فدروج حتى وصلو لبرا ووقفوا حدا الطوموبيل اللي كانت من نوع كاط كاط فالبيض حلات نورسين الكوفر و دارت فيه الصاك دباباها و سداتو و شافت فباباها مصدوم كيشوف فيها
نورسين : بابا مالك ؟ واش كتحس بشي حاجة
محمد: هادي طوموبيلتك ابنتي
نورسين : *تنهدات * ديال راجلي و لكن حتى انا عندي طوموبيلتي علاش ؟
محمد: سبحان الله كبرتي و زيانيتي و درتي لابس الله يحفظك من العين ابنتي انا ندمان على داكشي اللي درت معاك و نتي دابا هانتي غادي تديني لعندك انا ما عمري ما تعملت معاك ابنتي مزيان سمحلي واخا ما عندها دابا فاش تفيد * كيمسح دمعة اللي هبطات من عينو *
نورسين حنات و باستلو يدو و طبطات عليه و ابتاسمت ليه
نورسين : المسامحة أ الواليد شفتي كن ما جريتيش عليا من دار كن ما عمري نوصل لهادشي اللي وصلت ليه دابا كلشي مكتاب و كلشي فيه الخير *فتحاتلو الباب ديال طوموبيل * دخل أبابا راه البرد هنا
دخل باباها و سدات الباب و مشات لمكان السياقة و ديمارات و قلعات و بقات ساهية كتفكر كيفاش حتى جبل عاونها باش تلقا واليديها
🔙🔙🔙🔙فلاش باك
فاطمة : وليدي جبل هو اللي جابنا الله يطول فعمرو و الله يحفضو
نورسين : كيفاش جبل أماما واش عارفة راسك أش كتقولي
فاطمة جراتها و داتها جلساتها فالسيجور
فاطمة : اوا اش غنقولك ابنيتي داااك باك المسخوط صدق مزوج عليا و انا مكلوبة عليا القفة دعيتو لله الله ياخد فيه الحق و اما داك الكيدار داك الحتروف ديال راجل ختك صدق كيخونها ياو وليدي جبل فضحهم نهار العرس د ختك و باك بالفقايص و حيت تفضح سخف و طاح جاتو سكتة أزمية ولا أزمة قلبية و لا ما نعرف اش كيقولو لباباها ياو تشلل تشوهنا يا بنيتي حدا ناس ياااو من بعد قالولنا فسبيطار خاصو عملية بالملاييين ياو انا كنقول منين غانجيبو ليه هاد الزردة د الفلوس يابنيتي كحلات دنيا فعينيا ولكن جبل وليدي هو اللي تكلف بالمصاريف ديالها و جابلو طبيب من ميريكان حيت هاد العملية صعيبة ياو من بعد مشينا لدار فين كنا ساكنين و حنا نلقاو ديك خديجة مرة باك جالسة فدار و كتقولك هادي داري و جابتلنا المخزن و جرات علينا انا و بنتي كنزة ياااو زادت كحلات دنيا فعينيا كنقول يااااربي حبيبي شنو غادي ندير و فين غانمشي ياو حنا خرجنا ووصلنا لباب دالعمارة و هو يجي عندنا واحد الرجل صحيح و طويل
نورسين : و فوقاش جرات عليكم من دار
فاطمة : ياو عاد هادشي وقع غير البارح نيت فالصباح ياو صباري نكمل ليك جا عندنا واحد الرجل طويل و صحيح قالنا انا من طرف سي جبل يالاهو معايا اوا و داكشي اللي درنا واخا خفنا منو فالاول ياو ما بقات ثقة فهاد الزمان ياو المهم مشينا معاه و جابنا لهاد الفيلا و نيت هدر معايا ولدي جبل فالكورطابال الله يحفضو قالي بلي نتي و ياه راكم فسبانيا و قالي دابا نجيو فاسرع وقت ياو باش نشوفك نيت ياااو ما قداتني فرحة فاش عرفت بلي غانشوفك قالي راه حتى هي توحشاتك *عنقاتها * ياو تزحشتك ابنيتي نبات نخمم و نحلم بيك و هادشي كولو بسباب داك كحل سيفة دباك دعيتو الله هو و ديك خديجة ياااو مالك ابنيتي ساكتة و كتبكي و لونك مخطوف ياكما حاملة
نورسين على إثرهاد الكلمة الاخيرة سخفات لماماها فيديها
🔚🔚🔚🔚🔚🔚نهاية الفلاش باك
فاقت من سهوتها على يد باها الي تحطات على كتفها
محمد: بنتي شفتك ساكتة واش عندك شي مشكل
نورسين : لا أبابا نتا مرتاح ياك جبتي معاك دوا
محمد: كح كح ما بقاليش ابنتي و خديجة ما شراتوليش
نورسين : بنت الحرام هاديك خاص والديها شي نتفة
محمد: بلا ماديري راسك فيها ابنتي اصلن راني طلقتها كح كح
نورسين :ياك شحال من مرة جيت عندك و قلتي بلي نتا مرتاح معاها علاش ما بغيتيش تجي معايا شحال هادي
محمد: ما عنديش الوجه اللي يشوف فمك ابنتي و الله ما عندي
نورسين وقفات الطوموبيل حدا العمارة و نزلات منها و ضربات الدورة و حلات لباباها الباب و حلات الكوفر هزات الشانطة ديالو و حلات الباب د العمارة و قبطات فيد باباها عاوناتو حتى وصلو لدار ديال ماماها و دقات فالباب و هي تسمع صوت فاطمة من لداخل
فاطمة :أشكوووون
نورسين : قريب أماما
فاطمة كتحل الباب و كتنكر
فاطمة : يااا ونتي ما عندكش سوارت ديما مصدعانا
بالحلة باش كتحل الباب فاطمة كطيح ليها المغرفة اللي كانت هازة لارض
فاطمة : م...م...محمد
محمد بقا غير حاني راسو و قابط فيد بنتو
فاطمة كفضات على كمامها و خنزرات فنورسين
فاطمة : تي اش جااااي يدير هاد باك هنا *شافتها هازة فيديها شنطتو * ههههههه هاي هاي على محمد ناااوي يدك الوتاد عندي فدار
نورسين : م..م .ماما حرام عليك شوفي حالتو و الله حتى مريض و خديجة جرات عليه شنو يبقا فزنقة
فاطمة : ياااو عبرات عليه ياااو يستاهل هو اللي غادي مزوج بشياطة ديال سوق خيييك أ محمد ياااو بغيتها ليك نيت
نورسين جرات باها ودخلاتو و هي تبعها فاطمة و ردات الباب
فاطمة : وتي شفتك كديري شغال يديك شفتك مدخلاه مالنا ما نخافوش حتى انا داري هادي
نورسين : اووف أمي واصافي اللي غلب يعف مال قلبك ولا كحل بحال هاكا ربي و كيسامح
فاطمة : ياو هانتي قلتيها ربي سبحاانه اما انا غير بشر ضعيف
نورسين : ماما زدتي فيه بالله
دخلات باها لبيتها فين كانت كتبات
نورسين : بابا هانا غادي نفرشلك بلاصتك واخا *حطات يديها على كتفو* ماما راه غير مقلقة ما تديهاش على هدرتها
نورسين قاداتلو بلاصتو و مشا تكا فيها
نورسين : نتا غير رتاح و ما يكون غير خاطرك ماما ان غانهضر معاها ما تهز الهم لحتى حاجة واخا
محمد: سيري الله يغطيك و يفرشك برضا ابنتي و الله يسمحلي منك
نورسين ابتاسمت ليه و خرجات عند ماماها
نورسين : صافي أماما و الله حتى حشومة هادشي اللي كديري فيه راه طلق خديجة
فاطمة : امم دابا عاد عرف بقيمتي و راجع كن غير بقا عدها ما عرفت لاش جاي
نورسين : و صافي اماما هاهو لداخل سيري و هدري معاه و صفيو الخواطر راه راجلك هاداك ياك أفطيطيمة دغيا نسيتي يامات كان يجيب ليك المصاصات و يدوقك من الحلوة ما تكونيش نكارة الخير هههه
فاطمة دارت طرف ديال شانها على فمها كضحك
فاطمة : ياااو ما نكدبش عليك فرحت منين شفتو غير تانا بغيت ندير فيها ديك اش تيقولولها عزة نفسي
فاطمة : راها مشات تخدم اه أبعدا كي بقا داك نسيب الغزال اللي عطاني الله
نورسين :*بابتسامة * لابس عليه راه لقيتيه مشا لخدمة
فاطمة : ياو جلسي تقيل معانا ما عندك ما ديري فداك الفيلا بوحدك
نورسين: واخا أ الواليدة
عند جبل
دخل لديبو و تقدم بخطوات بطيئة شافتو كاميليا و منال و بداو يترعدو ابتاسم ليهم جبل و قرب لعندهم
جبل : توحشتوني واقيلة شحال هادي ما زرتكم
كاميليا : اهئ اهئ ج...ج...جبل عفاك سمحلينا و طلق سراحنا اهئ اهئ الله يجازيك بخير آآآخر مرة غانقرب لساحتك آآآآخر مرة
جبل قرب ليهم و جر كاميليا من شعرها و هي كتغوت بالم و حنا على ودنيها و قال بهمس
جبل : شحال من مرة كنقولك لاصل مك ماشي نتي اللي غاتوريني شنو ندير و شنو ما نديريش
زدحلها راسها مع الحيط حتى قالت راسي مشا
جبل : *كيحك فلحيتو * صافي دغيا بغيتو تمشيوا من هنا ما عجباتكومش ضيافتنا واقيلة
منال:*كترعد* لا... حاشا ضيافتك زوينة أسي جبل
جبل قرب ليها و جرها من شعرها حتى تأوهات بالم
جبل : امم واش قلتلك هدري واااااش انا قلتلك جاااوبيني
منال كتحرك راسها بنفي و دموع من عينيها نازلين شلال طلق منها ووقف و دار يدو بجوج فجيابو
جبل : اليوم جبتلكم خبر زوين اليوم غنفك سراااحكم
منال و كاميليا على إثر هاد الجملة الاخيرة كانو غيطيروا بالفرحة و دموع من عينيهم كينزلو شلال بقوة الفرحة و اخيرا عفا عليهم جبل
جبل : فرحتو بزاااف
كاميليا و منال كيحركوا راسهم بالايجاب و كيترعدوا و كيتقلطروا بالعروقات ولات حالتهم حالة
جبل : باركة عليكم عااام و نتوما تعدبوا الله يجعل شي باركة اصلن انا رجعت لبنتي و نتوما مابقيتوش كتهموني بغيتوا تفرقوني عليها و لكن فشلتوا و لكن ما تفرحوش بزاااف غادي تخرجوا و غادي نصيفطكم لواحد الفيرمة عندي زوينة فامريكا كبيييرة بزاااف غادي تخدموا فيها ما تخافوش غادي تاكلو و تشربوا و كلشي انا ما بغيتش نعدبكم بزاااف بنتي كتقولي انا حنين حشومة نتكرفص عليكم أكثر من هاكا شفتوا درت معاكم طوب د المزياان
كاميليا : ش...شكرا
جبل :*كيدوز يدو على لحيتو * كنت باغي نجيبلكم بنتي تشوفكم و لكن ما بغيتهاش تشوف وحوش بحالكم غادي تخلعوها و غير هي اللي عندي نخاف عليها منكم صراحة ما سخيتش بيكم و لكن قد جاء وقت الوداع و عنداك يصحابلكم تقدروا تهربوا كاين الكاميرات و غادي ندير اربعة د لكارد خاصين يحضيوكم غير نتوما و الا سخن عليكم راسكم و بغيتو ديروها القرطاسة غاتجيكم فراس خليتلكم راحة تهلاو فراسكم
عطاهم بضهر و خرج و طلع فالطوموبيل و مشا مكسيري حتى وصل للفيلا ديالو كان طاح ضلام ديك ساعة زدح الباب ديال اللوطو و طرطق عنقو كيحس براسو عيااان بطريق جا يدق الباب و هو يصوني ليه التيليفون هزو و جاوب
يعقوب : افين أصاااحبي شحال هادي ما جلسنا معاك غير شفتي المدام و نتا تقلب وجهك
جبل دوز يدو على شعرو
جبل : واش نتا غاتبقا غير حاضيني كي بقات سلمى لابس عليها
يعقوب : غدا الا كتاب غادير الحنة راها فرحانة جالسة كتوجد ما قاداها فرحة علاين تنقز من السرجم
جبل : مزيان ياك بعد غدا كنتو غادي ديروها
يعقوب : لا بدلنا الموعد داكشي علاش عيطت ليك و بغات سلمى نورسين تبات عندها الا جات على خاطرك راه من صباح و هي ترغب فيا و تزواك قلتلها راه داك بولحية انا اللي عارفو و الله لا باغا اوا قالتلك لا والو نتا صاحبو و كيسمعلك غير رغبوا
جبل :*دوز يدو على لحيتو * بنتي ما كتبات غير فدار باباها سالات الهدرة
يعقوب : وا صاحبي حرام عليك غير ليلة وحدة اش فيها
جبل : غدا فصباح غادي نجيبها اما باش تبات عندها لا
يعقوب : يالاه تصبح على خير و سلم على المدام
جبل : تصبح بخير
قطع الخط و رد تيليفون لجيبو و دق فالباب مرة جوج ثلاثة ما حلو حد جبد سوارت من جيبو حل الباب ما لقاش نورسين و لكن ضو شاعل حيد لافيسط ديالو و علقها و بدا كيعيط ليها بصوت عالي
جبل : نووورسين
لا من مجيب تمشا بخطوات مسرعة لفوق ما حدو كيقرب ما حدو كيسمع موسيقى ديال البراهش مطلوقة حل الباب و ادا بيه ينصدم نورسين معاها بنيتة صغيرة كتحمق آية فالجمال و عندها بالونات فيديها و نورسين طالقة ليها موسيقى ديال 《بابا جاب لي بلون 》 وديك البنيتة كتصفق بيديها و كتضحك مع نورسين عويناتها كانو فالغري و بيوضة و لبسة كسيوة فالغوز و دايرين ليها سكاتة ففمها
جبل : نورسين
نورسين كانت عاطياه بضهر و مجهدة لموسيقى ما سمعاتوش كاع جالسة كتلعب مع ديك الكتكوتة شوية ناضت كتبكي ليها نورسين طفات الموسيقى و هزاتها لعندها
نورسين : اوووف واشنو نديرلك أصاحبتي من صباح و نتي طالقة حلوقاتك نتي باينة غاطلعي بحال عمك كضربي البندير ههه ياك أ الكتكوتة ياك أمامي ياك
البرهوشة غير ما كتزيد تبكي ليها جبل بقا واقف حدا الباب و مصدوم و كيقول شكون هاد البنت اللي مع نورسين تقدم بخطوات بطيئة ووقف حدا نورسين
جبل : ملاكي
نورسين دورات وجهها لقات جبل واقف وداير يدو فجيبو و كيشوف فالبنيتة صغير ة باستغراب
نورسين وقفات كتراري بالبنت واخا ما لغاتش تسكت ليها
نورسين : جبيلو فوقاش جيتي
جبل : شكون هاد البنت اللي فيديك
نورسين : وااااع من صباح و هي تبكي أشداني نجيبها أشداني
جبل طلق يدو لديك الكتكوتة صغيورة و هي تسكت و بقات كتشوف فيه
جبل : واش ممكن تجي عندي
نورسين : بطبيعة الحال هاكها ها هي
عطاتو لبريهيشة و هزها فيدو و ضمها لصدرو و هي تسكت فيديه
نورسين : شوووفلك البرهوشة من صباح و هي فيدي حرام واش بغات تسكت
جبل جلس من فوق السرير و حط البنيتة صغيورة فوق رجلو و بدا كيهرها و هي كضحك و حتى هو كيضحك معاها و ديك البرهوشة بقات كتشوف فلحيتو عحباتها و حطات يديها عليها كتقيس فيها جاتها رطبة
نورسين :*دارت يديها على جنبها * لاااااا و الله حتى بزاااف واشنو درتي ليها أعباد الله وا انا من صباح و انا نضحك معاها و انا نهرها و حرام واش بغات تبتاسم البرهوشة لخرى شوف نتا كيفاش كتضحك معاك
جبل هز راسو شاف فنورسين
جبل : زوينة بزااف مشاء الله *ضمها لعندو و باسلها راسها * شنو سميتها
نورسين : لامار
جبل : تبارك الله سميتها زوينة بحالها
جبل خرج من البيت و حاط راس لامار على صدرو وهازها و كيبوس فراسها و كيضحك
نورسين ضربات الارض برجليها
نورسين : شو فيلك جبيلو غير شاف ديك البرهوشة ما داهاش حتى فيا تفووو
خرجات من البيت و هبطات لعندو لقاتو هازها عندو و كيشوف فيها و كيضحك وحتى البنيتة كتشوف فيه و كضحك و حاطة يديها على لحيتو عجباتها نورسين خطفاتها ليه من يديه و هزاتها عندها و خنزرات فيه
جبل : نووورسين مالك ؟
نورسين : ياك أجبل ياك كتقولي نورسين حرفية فين مشات العسيلة ديالي و ملاكي طاهر و حبيبة و الكبيدة و العمر و زمر كلشي طار منين شفتي هاد البرهوشة
بدات لامار كتبكيلها فيديها عاود جبل وقف و خداها ليها من يديها و عنقها عندو و هزها لفوق و هي تبدا تضحك لامار
جبل : مال لامووورتي كتبكي مال زين د بابا كتبكي
نزلها و ضمها لصدرو و هي تبدا تقيسلو فلحيتو عاود
جبل : واش عطيتيها ترضع الحليب
نورسين جاتها البكية
نورسين : عطيتو ليها صافي
جبل : مزيان
جلس من فوق الفوتوي و جلس حداه لامار
جبل : منين جبتي هاد الكتكوتة
نورسين :*عوجات فمها و دارت يديها على جنبها * بنت فهد خو ربيع قبيلة جابها ربيع لماما و انا قلت لماما تعطيهالي نديها معايا قالتلي ديها
جبل : انا الا كانت هادي بنتي ما نعطيها لحد *باسها فخدها *
نورسين : جبيييلو علاش ما كتهدرش معايا امم
جبل: وشنو كندير دابا
نورسين : لااااء قلبتي عليا وجهك كتهدر غير مع لامار و انا نسيتيني *تغرغروا عويناتها * الا كنتي غاتبقا تعاملني بحال هاكا الا ولدت ما بقيتيش انا باغا الولاد كاع
جبل هز راسو و خنزر فيها و دار للامار لمخاد باش ما تطيحش من فوق الفوتوي و ناض وقف حداها و جرها من خصرها و قرصلها خدها
جبل : مالنا على هاد الهدرة غرتي من بنيتة صغيرة
نورسين :*حطات يديها على لحيتو* اشمن درية صغيرة هي منين جات وهي حاطة يديها على لحيتك عجباتها واقيلة امم *باستو فشفايفو بوسة خفيفة * عجباتك لاموورة
جبل : مشاء الله زوينة بزاف و لكن ما توصلش لجمال بنتي حبيبتي *بلسها فعنقها بوسة دافية حتى قفزات بين يديه * اااخ على المغيارة ديالي شحااال توحشتك ابنتي
هز راسو شاف فيها بعينين معسلين
جبل : مازال ما غايعفو علينا الله حتى حنا نديروا وليدات زوينين أ العسيلة امم
نورسين : عندي ليك واحد الخبر غايفرحك غدا انشاء الله صافي ما غانبقاش مريضة *كتلعب فلحيتو *
جبل :*تنهد * واخيييرا اه قبل ما نسا غدا كاينة الحنة د سلمى
نورسين : فخباري قالتهالي علاش حتى حنا ما نديروش عرس زوين
جبل : انشاء الله كاين شي عشا و لا والو
نورسين : تشطنت مع البرهوشة و ما صوبت والو
جبل :*كيدوز يدو على شعرها * زعما كن ما كانتش كنتي غادي ديري شي عشا ولا فيك غير تخراج العينين
نورسين : وهو صراحة لا
جبل : لامار غاتبات عندنا واقيلة ياك
نورسين : لا غايجي ربيع يديها
جبل :غانطلع نبدل حوايجي و نصوب شي سندويشات نتعشاو بيهم
انصارف جبل مشا دوش و بقا عريان من الفوق لبس غير سروال غري د الكيطمة واخا كاين الموت د البرد ولكن دار سخونة من لداخل نزل و سمع صوت لامار كتبكي
جبل : نورسين
نورسين دورات وجهها شافت فيه و لامار فيديها و صرطات ريقها و عينيها على عضلاتو سهات فيهم قرب ليها جبل و طلق يديه باش تعطيه لامار و هي تبعد
نورسين : شنو باغي دير
جبل : عطيني لبنت كتبكي ما كتبغيش تسكت ليك
نورسين : لااااا و الله لا خديتيها اوا صافي
جبل : بالحلوف كاع علاش ما بغيتيش
نورسين : اوا سير تلبس حوايجك هو اللول عاد اجي خودها مزيان تبارك الله من صباح و هي تلعب ليك فلحيتك و دابا غاتبقا تقيس ليك فالعضلات
جبل دور وجهو جنب و ابتاسم و عاود شاف فيها
جبل : واش كتهدري من نيتك ابنتي
نورسين : واش بنتلك كنتفلا اصلن صافي هاهي سكتات
جبل جر نورسين من خصرها حتى قربها ليه و البنت فيديها و نورسين حطات يديها على صدرو
نورسين : اش كدير اجبل البنت فيدي حشومة
جبل :*دار فيها شوفة خطيرة * كنحماق على بنتي اللي كتغير على باباها
نورسين سهات فيه و هو يطير ليها البنت من يديها و باسها و ضمها لصدرو و غمز نورسين
سمعوا الدقان فالباب و هي تمشي نورسين حلات الباب لقات ربيع واقف فالباب
ربيع : جيبلي بنت خويا
نورسين : واغير دخل ما تبقاش واقف
دخل ربيع وهو يبانلو جبل عاطيه بضهر و هاز لامار فيدو كيلعب معاها
ربيع : برج ايفل كيلعب مع البرهوشة وا العجب هادا فخبارك اول مرة غادي نفرح حيت كاين راجلك فدار
نورسين : علاش
ربيع :بغيت نهدر معاه
نورسين : علايش بسلامة
ربيع : ونتي مالك ديما خاشية نيفك دخلي سوق راسك شوية وااه البسالة هادي
جبل دور وجهو بانلو ربيع واقف
جبل : ربيع دخل ما تبقاش واقف
ربيع صرط ريقو و دخل لداخل و جلس و تبعاتو نورسين و تبعهم جبل
ربيع : سي جبل انا جيت قاصدك و المقصود الله بغيت نهدر معاك فواحد الموضوع
جبل : تفضل
نورسين : ربيع و المواضيع الله يسمعنا خبار الخير
ربيع : *بدا كيصرط فريقو * ب...بغيت نتزوج بجوري على سنة الله و رسوله
عم الصمت لثواني و نورسين بقات غير مصدومة كتشوف فربيع و كتحك فودنيها
نورسين : ع...ع..عاود العااااار شنو قلتي الميمة
ربيع شاف فنورسين و ابتاسم ابتسامة صفرة
ربيع : الا كنتي سمكة سيري غسلي ودنيك
نورسين : واغير عاود العااااااااار
ربيع : جيت بغيت نطلب يد جوري من سي جبل على سنة الله و رسوله واش انا قلت شي حاجة ماشي هي هاديك شفتكوم كتشوفو فيا بحال بنتلكم بوهالي
نورسين حولات عينيها شافت فجبل و عاودت شافت فربيع و هي طلقها بوااااحد مولاتي ضحكة
ربيع :*عوج فمو و شاف فيها * تهجريه يا بنت فاطمة انا ناوي المعقول و نتي جالسة تضحكي كيهروك ملائكتك ولا بنالك كنشطحوا القرود خلاوها ماليها واحد يعجبك من نضرة وواحد تعجبك فيه الهضرة وواحد كن تصيب تخبطوا بحجرة ونتي ما كرهتش نوض نهرسلك دلقوشك
جبل هبط حاجب و هبط لاخور و جر نورسين جنب و تكاها على صدرو و هي مازال كضحك بالدموع ما قدراتش تحبس الضحك باسلها راسها
جبل : هدر باحترام أسي ربيع
ربيع بدا يصرط فريقو ولا كولو أحمر و كيكح وقفاتلو
ربيع : كح كح سمحلي اسي جبل نورسين بحال ختي داكشي علاش كايعجبني نضحك معاها كح كح ياك أنورسين
جبل :*شاف فربيع * عرفتك كتحسبها بحال ختك داكشي علاش ما نضتش هرستلك فمك
ربيع بدا كيتقاطر بالعرق جبد كلينيكس من جيبو كيمسح وجهو و كولو كيترعد اما واحد نورسين كتشوف فربيع و ضحك و قالت
نورسين : هههههه قالك الفم ما بقات فيه حتى سنة و ما بغا يتهنا سولوه أش خاصك أشارف الهارف قالهم بغيت صغيرة مولات السوالف هههههه وهي ديالك أربيعة مشيتي نيشان لجوري أصاحبي نتا تصلاحلك غير شي نكافة هههه باش تديروا مشروع ناااجح نتا ضرب البندير وهي تزغرت ههههه واااامي كرشي *كتمسح دموع من عينيها *
ربيع هز راسو شاف فجبل
ربيع : اوا دابا هادي ماشي تنوض تريشها غير قولي دابا هدر مع مرتك أسي جبل راه شهماااتني و شيباتني ما كتبغي تحشم كن تزوجت كن ولدت قدها
جبل طلع لنورسين راسها شافت فعينيه ديريكت و كتموت بضحك جبل حس بقلبو كيترعد بين ضلوعو ضحيكة ديالها زوينة بزاااف بقا كيشوف فيها مدة
ابتسامتها نساتو شنو كان باغي يقولها تلف بقا غير كيشوف فعويناتها و شفايفها و بقا مركز عليهم 《 هي فاتنة للحد الذي تكون فيه ابتسامتها دعوة للتقبيل 》 نورسين كتعرفوا فاش كيبقا يشوف فشفايفها مدة طويلة و عندو واحد نضرة فشكل فاش كيبغي يبوسها بغات تبعد وجهها و هو يزيد يزير عليها بيدو نورسين طرطقات فيه عينيها و لامار بدات تبكيلو فيدو عاد بعد نساااو بلي ربيع جالس كيشوف فيهم و كيتفقص على زهرو و كيقول فنفسو
ربيع : يا لاه اوا زيد مع هاد بو لحية و مرتو ما بقاو يحشموا جالسين شوف فيا نشوف فيك امم وانا ما باغيينيش نتزوج محسااادين ما باغينييش نعيش رومانسية دعيتكم لله انا زعما ما نستااااهلش
نورسين بعدات على جبل وهو ربيع ينطق
ربيع : اوا منين جيت ما قلتولي والو جالسين نشوفو فبعضياتنا بحال طاجين الحوت راني زعما جاي نخطب
نورسين : هههههه وفين القوالب د سكر جاي بيديك خااوييين كيشيروا يد لقدام و يد اللور
ربيع : اوا نشوفوكم بعدا واش موافقين و نجيبلك كاميو د سكر ماشي غير باكية غير فكونا
جبل تقاد فالجلسة و باس لامار الي عندو فيدو و شاف فيه بنظرة خطيرة وقال
جبل : واش نتا كتبغي جوري ؟
ربيع : اوا كن ما كنت نبغيها كاع ما نجي نخطبها منك أسي جبل
جبل : سولتك جاوبني ما بغيتش هاد التلاوي فالهدرة عطيتك سؤال مباشر عطيني جواب مباشر
ربيع :*كيمسح جبهتو من العرق * احم كنبغيها اسي جبل و الله شوف داتي كيف كتبدا ترعد فاش كندكرها
نورسين : و رومانسية عندك أربيعة زوينة قالك داتو كترعد فاش كيدكرها مالها ولات جنية هداك غير الخوف من جبيلو تبقا تريكل علينا
ربيع : هاااا عار الله اسي جبل الا ما هدر معاها تخلينا نهدروا راجل لراجل ولا عرفتي شنو نوضي صوبينا كأس ديال اتاي راني ضيف زعما
جبل : *هز يد نورسين باسها * نورسين غاتبقا معانا هي قالت غير الحقيقة
ربيع :*فنفسو * كتحمااو فيا يا تريكة هايش مايش تفو اشداني لشي خطبة ولا شي زواج
جبل ناض عطا لربيع لامار و رجع جلس فبلاصتو حدا نورسين و دار يد من مور ضهرها و يد لوخرى شاد بيها يديها تقول خايفها تهرب و كمل هدرتو
جبل : سير دي لامار لدار جوري ما تصلاحش ليك
نورسين طرطقات عينيها فيه و حتى ربيع و قالو بجوج دقة وحدة
-علاااش ؟؟؟
جبل : ما كاين لاش تعرفوا غير سير أربيع الله يسهل ليك فما أحسن
ربيع : علاش زعما حيت انا كنضرب البندير و كنغني و فنان ما منحقيش نتزوج بطبيبة
جبل : *دوز يدو على لحيتو * المسألة ماشي مسألة ديال نتا كتغني و هي طبيبة لا ما بغيتش نصدمك وصافي ولكن ضروري تعرف جوري اصلن مخطوبة بواحد الدكتور فلاميريك
ربيع :ك...ك...كيفاش واش بصح جوري مخطوبة
نورسين : واااايلي على جوري مخطوبة و ما قلتيهاليش حرااام عليك
جبل : داكشي كيبقا اسرار ديالها و من المفروض ما كانش خاصني نقولها و لكن باش ما يبقاش معلق أمالو عليها الله يسخر ليه فما أحسن
ربيع :*دوز يدو على شعرو و بقا غير مصدوم و لامار فيدو * لااااا ما يمكنش واش انا اللي حطيت عليها العين كتطير تفو تقول دايرين ليا العكس شي واحد سااحر ليا انا متأكد الله يا ربي الله على زهري و ميموني العوج نهار بغيت ندير عقلي مع البنت اللي دق ليها قلبي هاهي مشات الله يا ربي واش داير شي مصيبة فحياتي الله يا ربي الله ياك اربي ما كنظلم حد ما كندي ديال حد غير كنغني و نهز البندير ياك اربي غير كنشط فعباد الله اوا اش غنقولكم رضينا بالهم والهم ما رضا بينا درناه عند راسنا صبح عند رجلينا.
وقف و بغا يمشي و هي تنوض عندو نورسين مصغرة فيه عينيها و كتخنزر فيه
نورسين : ربيع متأكد بلي ما عمرك درتي شي زبلة دوي أ الكداب نتا شحال فعمرك
ربيع : ونتي اش بغيتي بعمري غادي تصوبيلي لكارط حيدي من طريق خليني نمشي بحالي
نورسين : علاااش كتكدب علاااش نتا فعمرك ثلاثين عام ماشي ثلاثة و عشرين
ربيع : وا البسالات هادي و نتي اش حشاك يكون فعمري حتى خمسين عام نتي اش مشا ليك
جبل : نووورسين ما تدخليش فيه ابنتي داكشي حياتو الخاصة
نورسين دورات وجهها شافت فيه
نورسين :لاااا خاصو يشرحلي علاش كيكدب علينا علاااش انا لحد الان ما عارفة عليه حتى حاجة حتى من عائلتو علاش سامح فيها عييت نقولو يقولي علاش ديما كايخليني بلاكة و ما كيجاوبنيش
ربيع: اوا دخلي سوق راسك الله يعاونكم تصبحوا بخير واخا جرحتوني فقلبي ما ضنيتش جوري غاتكون كاتخوني فالخفاء و لكن هادي هي الحياة ما كتعطيكش داكشي اللي بغيتي اييه أجوري شحال دوزنا و فالتالي غدرتيني طلعتي حتى نتي بحالهم ما نسمحلكش اري ليا الصاك د البنت نمشي فحالي
نورسين مشات مداتولو و مشا بحالو و سدات الباب و مشات جلسات حدا جبل اللي كان متكي فوق الفوتوي و مغمض عينو كايحس براسو عيان و مدكدك خصوصا بطريق اللي ضرب و تمارة د الخدمة نورسين حطات يديها على صدرو العاري و هو يحل عينو و شاف فيها و ابتاسم
نورسين : مال جبيلو ديالي امم
جبل : كنحس بضهري كيضرني بقوة السوقان
نورسين حطات راسها على صدرو و باستلو قلبو و مع هو عريان بورشاتو و هزات عويناتها شافت فيه
نورسين : كي بقا قلبك خاصنا نمشيو نديروا كونطرول عند طبيب أحبيبي صحتك هي اللولة
جبل : بلاش منو حاس براسي مزيان و ما عنديش الوقت أصلن باش نمشي
نورسين طلعات من فوق الرجلو و تكات على صدرو كيف شي بريهشة و حطات يديها على خدو و بقات كتمرر يديها على لحيتو و كضحك و هو كيبتاسم ليها
جبل : كتعجبك أبنتي
نورسين : امم اللحية هي اللي كتزين راجل نتا اصلن زوين بلحية و بلا بيها كتحمق و كتسطي و كلشي فيك زوين ابابا ههه
جبل كيمرر يدو على شعرها
جبل : اش بانلك نحيدها
نورسين : شنااااااهو تحيدها نوريك وااااياااااك اجبل عرفتي و ديريها نخسر انا و ياك
جبل : *بابتسامة * حتى لهاد الدرجة ا بنت قلبي
نورسين : وأكثر شنو يصحااابلك كلشي الا لحية
جبل : ياك نتي قلتي انا زوين بيها و بلا بيها
نورسين : اوا انا غير كنشكر فيك و صاافي اما نتا زوين اكثر بلحية انا من صغري و انا كنحلم نتزوج بشي شخص عندو لحية ههههه حيت كيعجبني لعب فيها ما عرفت علاش و خصوصا فاش كنت كنشوف دوك الممثلين تواركة اااح كنت كانبغي نتسطا
جبل ما حدو كيسمعها كاتهدر على الممثلين وهو كيلوي ليها شعرها بين يديه حتى قصحها
نورسين : اااح أجبل اااح واش حمق طلق طلق
جبل : كانو كيعجبوك ياك كنتي كتمنضريليا مع راساتك فالتلفازة امم
نورسين : واااجبيلو وراه هادشي فصغر اصلن اي بنت غادي تلقاها كانت كتحلم براجل زوين و كيوت مالي كدبت و زايدون نتا أحسن منهم كاملين
جبل : راك ما مخلياش من جهدك ديما خاصك تعصبيني عاد تكوني فراحتك
نورسين بعدات عليه و تغرغروا عينيها بالدموع و دلات شنيفاتها
نورسين : مزال كنقلقك اهئ اهئ انا قبيحة ياااك ديما كنعصبك انا ما نستاااهلش واحد بحالك اهئ اهئ شوف نتا شحال زوين و انا غير واحد المشعككة مني ما كاين ياك
جبل : ااااخر مرة نسمع هاد كلمة انا ما نستاهلكش من فمك ااااخر مرة انورسين واش ضروري خاصك تنكديها علينا كانكونو مزيااان حتى كاتنوضي تبكي و كتبغي تدابزي غير نتي و راسك واش هااارب ليك الفريخ وليت كنشك فيك *ضمها عندو اكثر و زاد عنقها * واقيلة خاصني ندي بنتي لطبيب
نورسين : علاه مالي بنتلك محيدة حواايجي
جبل بعد عليها و شاف فيها شوفة خطيرة و عض على شنايفو
جبل : ما كرهتش صراحة نشوفك محيدة حوايجك
نورسين ضرباتو لصدرو
نورسين: نتوما رجال ديما عينيكم غير فداكشي
جبل دور وجهو و ابتاسم و حك مؤخرة شعرو و عاود شاف فيها و غمزها
جبل : اينا شي ما عرفتكش علاش كتهدري ممكن توضحي اكثر
جبل : علاش عزيز عليك تخصري لباباك الهدرة امم علاش ما كتحتارميش باباك
نورسين كتحيدلو يدو و هو والو حرام واش بغا يطلق
جرها لعندو اكثر و حط شفايفو على شفايفها و هي حشات يديها فشعروا و انغامسوا فقبلة فرنسية و ختمها ليها جبل بواحد العضة حتى غوتات عاد بعد عليها كيضحك
نورسين : اووف مالك مسعور ضروري تعض
جبل : نتي حلوة شنو نديرلك انا ما كنقدرش نصبر عاامين و انا صايم كنبرد جنوني فشنايفك
نورسين كتبتاسم و مررات يديها على شنايفو
نورسين : غانعترف ليك بواحد السر
جبل : نورسين و الاسرار
نورسين : شنيفاتك حلوين ما كنشبعش منهم
قالت هاد الجملة و تحشات فعنقو حشمانة زعما 🙈🙈🙈🙈 و جبل شداتو لهيستيرية ديال ضحك حيت تفكر اول مرة قالتهالو نورسين هزات راسها شافت فيه لقات عينو دمعو بقوة الضحك اللي كيضحك نورسين بقات مستغربة و كتشوف فيه
نورسين : واش قلت شي حاجة ماشي هي
جبل حل عينو و شاف فيها و عض على شنايفو و دار فيها شوفة خطيرة و قال
جبل : شفتي نتي كلك ماشي هي هاديك و هادشي باش كتسطيني أ العسيلة
نورسين : ودابا علاش كتضحك
جبل : الا عرفتي غايضرك خاطرك
نورسين : اوووف وابغيت نعرف
جبل : تفكرت اول بوسة لينا بجوج ابنت قلبي كنتي قلتيلي هاد الجملة اللي ما بغاتش تحيد من بالي
نورسين : على حد علمي ما عمري ما قلتها ليك
جبل : نهار كنتي سكرانة أحبيبتي
نورسين حلات عينيها على وسعهم و شافت فيه مزياااان و بدات تصرط فريقها
نورسين : اش كتخرف عليا عاود انا ما عمري سكرت الله يسترني
جبل : واحد النهار ديتك للمعهد و فاش رجعت قلتيلي شنو وقع بيناتنا عقلتي ولا والو
نورسين بقات ساهية مدة و كتحاول ترجع داكرة ديالها دورات عينيها و شافت فيه
نورسين : لاااااااا هاديك كااانت غير حلمة لااااااا اويلي على سكرت اهئ اهئ
جبل كيضحك عليها و هي كضرب فصدرو ما متيقاش بلي سكرات
🔙🔙🔙🔙فلاش باك
نورسين:*مغمض عينيها* ههههه اه انا *حلات عينيها و شافت فيه* غادي نقولك واحد الاعتراف و يبقى بيناتنا شوووت ما تقولو لحتى واحد
جبل :*داير يدو على فمو و كيضحك* شنو هو
نورسين: شنيفاتك زوينين ما سخيتش بيهم
ناضت و حطات شنايفها على شنايفو بسرعة و حيداتهم و دارت فيه شوفة خطيرة وقالت
نورسين: كنبغيك
ودورات وجهها و نعسات
جبل قلبو تزعزع مع هاد الكلمة الدم تجمد فعروقو ما قدرش يطلع نفس و قلبو كيضرب بسرعة مجرد هاد الكلمة كتشعل فيه العافية و ما يكرهش دابا يطفي نار شوق منها و لكن ما يقدرش يستغلها و هي فهاد الحالة حاس براسو هو اسعد انسان على وجه الارض و مستعد يضحي بممتلكاتو كلها فسبيل هادالكلمة مرر يدو على شعرها
جبل:*بابتسامة*كن يصحابلي شراب يخليني نسمع كلمة كنبغيك من فمك كن عطيتو ليك شحال هادي ههه ردتيني احمق انورسين بالله الا كنحس براسي بحال شي مراهق معاك
جبل : ربي كيحاسبنا على الافعال اللي كنديروها عن قصد و حنا عارفينها حرام ماشي شي حاجة اصلن نتي ما كنتيش عارفاها فهمتي ابنتي 《انما الاعمال بنيات 》 فعلاش غادي يتقلق منك امم *باسها فنيفها * و لكن ما نكدبش عليك أحسن ليلة دازت هي نهار سكرتي فداك الليلة كانت اول بوسة ليا مع ملاكي طاهر
نورسين :*غمزاتو * امم عجبك الحال
جبل : و علاه كاين شي حد يكون معاك و ما يعجبوش الحال عرفتي ابنتي ضهري كيضرني ما ديريش لباباك شي ماساج خفيف ضريف امم *عضها من عنقها حتى تأوهات *
جبل ما حس براسو حتى طار على شنيفاتها كيقبل فيهم بكل حب و شغف و مابين كل قبلة و قبلة كيهمس و يقول
جبل :كنبغيك أبنتي ❤❤❤
بعد عليها و حط راسو على جبينها كينهج و أنفاسو ثقالو عليه
جبل : كنبغيك ماشي مجرد كلمة فيها ستة د الحروف هي بزاااف د المشاعر اللي كتجتمع فالقلب حتى كيعمر *باسها بوسة خفيفة فشفايفها و بعد و كمل هدرتو * كنبغيك كتعني نكون جناحك فاش تضيق بيك الارض نكون كتفك اللي تحطي عليه الراس *باسها فكتفها * فاش تكثر همومك نكون الوطن ديالك اللي ما عمرو ينكرك واخا تفقدي الهوية ديالك نكون ظلك فاش تحسي بشمس كتحرقك كنبغيك كتعني بلي صوت قلبك كيوصلني قبل ما تكلمي *كيمرر يدو على دراعها غير بشوية * كتعني نكون اليد اللي تمد ليك قبل ما طيحي و حتى الا طحتي غادي تكوني يدي اول يد تمد ليك باش توقفي على رجليك
جبل : *ضربها بصبعانو لراسها غير بشوية * اش هاد الاسئلة الغبية أ العسيلة
نورسين : لا بغيت نقصدلك بالراحة فداكشي زعما اول ليلة كانت بيناتنا رتاحيتي معايا امم
جبل : بصراحة لا
😂😂😂😂😂 بطبيعة الحال ما غاتعجبيهش و نتي دايرة كي المونيكة د عيشور يالاه تشهلاو نتلاقاو غدا مع احداث فيها تفرشيخ و دق و التشنديل و الرومااااااااانسية تلاحو طنحبكم 🙄🤗🤗🤗🤗
جبل نورسين الجزء 21
محتوى القصة
التنقل بين الأجزاء