يامنة الجزء 103

عبيدات الرمى الي كانو تاهما حاضرين وكيضربو جاو توسطو المكان مقابلين مع برزة العرسان ...يوسف الي مرة يضحك مرة يهضر مع يسرى الي بدورها فرحانا وكضحك من قلبها لما لا وهذا عرسها بحبيبها الي كان اعجاب كبييير من طرفها هي الاولى وتمناتو وربي مخيبها طاحت فولد الناس الي نواها لحلال بلا لف ولا دوران ....عينيه يلوبو على صهيب والياس الي غبر ليه ساس ...حتى قشعو جاي مع تاهو لابس قميجة وسروال خاشي ايديه فجياب ..ومعاه 

بنت اية فالجمال شعر ذهبي حرير قصير عند كتافها جامعاه من لور وحناكها مزنگين حشمانة بزاف وحادرة عينيها لابسة غير لباس الزنقة بحكم عاد جات من مراكش وجابها شيفور من محطة الكيران الخاصة ...

يوسف "عقد حجبانو مصغر عينيه مع مزال مفخباروش راه سي الياس شد الخط مع نجوى ...وتيقول " : تا واش هي ولا عينيا ضربهم الغيس ...

يسرى "شافت فين كيشوف ...قربت حدا وذنيه " : مالك ؟ 

يوسف "قرب عند وذنيها " : وتي ضربي ليا على الكلب وممشا تا جابها وحضرها ولد العبد ويطيييير ...

يسرى : ههههه شكون هاد زوينة الي معاه ؟ 

يوسف : نهههه هادي هي الي عاودت ليك عليها ملي بان الياس لمي زينة وهي تقوليه عليها اتقولي شوافة ديك مي زينة ...

يسرى : هادي هي بنت المصفرط ...

يوسف : ههههههههع هي ...

يسرى : ههههههه امممم ...هي هادي ..صراحة تبارك الله غزالة ...

يوسف "طوا عنقو وضار عندها تيشوف فيها بمنضر مضحك هاد اللقطة دار ليها المصور صورة جات فشكل كضحك وليها ذكرى من بعد " : ايااام علاش تنشم ريحة ...

يسرى "ضورت راسها بطريقتو وتاهي خذا ليها المصور هاد اللقطة " : ااشمن ريحة خويا ؟ 

يوسف : خووك !!! الليلة نشوفو خاوتنا فين غاتوصل ...

يسرى : غاتنضحك معاك والله 😓...

يوسف : مكاين ضحك الي خرجت من هذا "لسان " متتعاودش ترجع ليلة نخلصو ضريبة الي لنا شهور هادي وحنا نتسناو نوبة الخلاص ...ونزيدك انتي الي كاينة غا فوتي بنت ناس راها غا ضايفة ...

يسرى : هنننن ...وااا يوسف خليني نبرز براحتي ...

يوسف : برزي اختي برزي ...اللهم بارك واتمم على خييير يااارب ...

الياس "حنحن حشمان تاهو قاليك بغا يدير حقو فالحشمة ههه " : احم نجوى اجي جلسي فين كاينة يامنة وسارة كتعرفيهم بعدا ...

نجوى "جامعة فمها كتبتاسم وعينيها لارض " : احم واخا فينهما ؟ ...

شير ليها بايدو باش تبعو وداكشي الي كان حتى وقفها عليهم ...شافتها يامنة ...

يامنة : هههه نجوى ؟ 

نجوى : يامنااا هههه "تحنات سلمات عليها ...نجوى كبر من يامنة بعامين .." على سلامتك ومبروك ماتزاد عندك الفجيلة هههه 

يامنة : ههههه الله يبارك فيك هي عاد وصلتي ؟ 

نجوى : غير دابا ولكن غذا فالعشية عندي مركوب باش نرجع لمراكش ...

يامنة : مزيان راه هضرت مع خالتي لا بغيتي تبقاي معايا شوية هاد اليومين ...

نجوى : ماعرفتش يمكن احسن نرجع ...

يامنة : الي بغيتي مرحبا بيك ها سارة ...

سارة "ناضت من حدا صهيب وقربات لعندها سلمات عليها " : نجوى على سلامة كيدايرة لباس عليك ...

نجوى : بييخير الحمد لله مبروك زواج ...

سارة : الله يبارك فيك العقبة عندك "عينها فلتت لالياس الي ضور راسو تيحك " ...

صهيب : سيدي مولاي سلطان التالي ...جلس اخاي زين ...

الياس: اا واخا حتى نمشي مع نجوى ..

يامنة : علاش فين غاديا ...

الياس : احم باش تبدل ...

راوية "من بعد ما سلمات عليها نجوى ..." : وعلاش نتا غاتمشي معاها ؟ 

الياس"التلفة مسكين مخلياه غا يقول الي كان " : باش تبدل 

صهيب : غاتبدل ليها نتا ؟ 

الياس : اه ...

ايلاف : ايييييش ها القلة الادب 😳...

الياس : وغا تنضحك 

يامنة : هههههه دعقتوه راه بغا يوريها فين تبدل ههه ...سارة عفاك سيري معاها فين تبدل ..ياك جايبة ولا نعطيك من عندي ...

نجوى : ههههه لا جبت معايا لهلا يخطيك وشكرا بزاف يامنة ...

يامنة : هههه ماشي مشكيل ...

ناضت سارة مشات معاها فين تبدل فرحانا بيها بحكم وحدة من بلادهم كيشمو فيها ريحة مشاو كيضحكو ويعاودو اشنو جاري فالدوار واخر الاخبار ...حتى يكمل العرس وتزاد عليهم يامنة تاهي تعرف اخر الاخبار فديك اللحضة عاد جات زينة من عند يوسف باركت ليه وتصور معاها جايبها ولد خال يسرى تال عندهم وجلست حدا يامنة...

حتى شوي داز الوقت ورجعات سارة هي ونجوى الي كانت بقفطان خضر بارد بالراندة بالحجر بلا حزام طلقات شعرها ...دايرة ماسكارا فقط وگلوص شفاف وريحة الي رشاتها لا غير وغير بزز بحكم دارهم محافضين شوية وبحكم هي بنت دوار مكيخليوهمش يديرو ميكاب باش نهار العرس يبان عليها سر زعما عههههه وصندالة ذهبية طالون ...جات حداهم تا وقفات على مي زينة باش تسلم 

زينة : تي هادي بنت المصفرط ولاو ...ولا عينيا عياو "مصغرة فيها عينيها " 

نجوى "قربات ليها وسلمت عليها " : هي هادي امي زينة تي كيداير لباس عليك ...

زينة : هايهاي هاي تي امتا جيتي يا بنيتي وشكون جابك ...

يامنة : ميمة انا الي عيطت ليها هههه "بلعاني " عرفتها جات لهنا وعرضت عليها راه دويت مع خالتي ام نجوى وعرضت عليها " 

زينة : مزيان زين مدرتي الفجيلة ...عگبي ابنيتي جلسي حدايا فين مشيتي ...

نجوى : نبدل امي زينة وجيت معندي فين غاديا 

زينة : وخا وجي تبتي حدايا نوريك واحد زين نويتك ليه لا بغيتي نهضرو مع باك راني من نهار شفتو شفت فعينيه بنت المصفرط الي تجي معاه ...

نقز الياس "عينيه ولاو فيه القلوبة " : دخلت عليك برب الجليل ...هو انا انا نجيوتي هو انا "ضور عينيه لقا خمسين عين تتشوف فيه غااا هما نيت ديك طابلة الي فيها هما عينيهم ضوبلو عليه من صدمة ضور عينيه لقا تا يوسف تيحنزز فيه " : يااا اله سموات ...

صهيب "ضرب فطابلة " : وشوف ليك سلوم اوس اتنان تاهو ...وتا كون تحشم الله يقلل ليك العراض ...

بقاو مجمعين فالطابلة الي معزولة خصيييصا ليهم غير الطوابل ديال الناس المعروضين ...من بعد ما تعرفو على نجوى شوي بشوي جلسات تاهي حداهم ...فؤاد ملي طلع مبقاش بان ومبقاش عيط ليامنة على ود الولد لايكون يبكي لحد الساعة هي هانية مخصها خير ...

ايلاف "قرب حدا راوية باش يغازلها ويغازل لباسها التقليدي الي عبارة عن قفطان فالذهبي اخر صيحة الموضة جاي على فورمتها طويلة وشعرها الي صاوباتو سامبل مقطعة لفخونش نافخاها كتبان بلوك جديد وهادشي عاد شافو ايلاف الي مقدرش يتغزل بيها بحكم الانشغال ودهوة ديال جري وتوجاد قبل متجي يسرى ...قرب حدا وذنيها مستغل الصخب الي جاري ..." : كيفو وكيف خواريفو ...(كيفو وكيف حكياتو زعما ) ...

راوية "حطت ايدها على فمها دايرة المعكر بعكر مارون خفيف مبتاسمة بخجل " : ههههه كيف جيييت ...

ايلاف "حك نيفو شاف هنا وهنا وعض شفايفو " : تتاكلي اكل روحي انا ...حلياني ماشا الله ...

راوية "دفعاتو بشوي " : سكت دابا بسمعك شي حد ...

ايلاف : اييي ويسمعو مرتي حلالي شو ممنوع اتغزل فيكيي ...اشتقتلك رورو ...

راوية : هاني حداك ...

ايلاف ؛ تت مو هيداك الوحش وحش اخر ...

راوية "حناكها حمارو شافت نيشان فدراري صابت كل مدهي مع شغلو (عيالاتهم ) " : احم ا اف ايلاف ...

ايلاف : روحي ايييش ؟ زوجك انا ولا مو زوجك ؟ 

راوية : طبعا !! 

ايلاف : لكان من حقي اكلك اكل شفايفك اكل خدودك انصهر فيكي وتنصهري فيني ..."قرب لوذنها ونطق بصوت عذب انفاس حارة وقال " ...بدي اعمل في رحمك نطفة لا تصير علقة لا تصير جنين ببطنك نبضو يتسابق مع نبضك لا حتى ياخذ نفسك ويكتسب نفس ويطلع لدنيي يتنفس مثلنا ونسمع اولى صرخاتو ونعمل مثل مانعمل ل ياسين ابن اخوكي ويكبر ويقلنا امي وبيي ...

راوية "حادرة راسها عضات شفايفها " : يوصل وقتو وانا جاهزة ان شاء الله ...خليني نكمل قرايتي هاد شهورة الي بقاو ونتفرغ ليك وليه ...

ايلاف "باس ليها ناضرها " : ان شاء الله روح قلبي ...

ناضت نجوى هي وسارة وراوية استاذنو باش يمشيو عند يوسف يسلمو عليه ويتصورو معاهم ويشوفو نجود شنو بغاتهم لانها عيطت ليهم بقات غير يامنة حدا زينة بعيدة شوي على دراري ...حتى نطق صهيب فوجه الياس ...

صهيب : تا اول مرة تشوفها ولاو ؟ 

الياس"داير ايدو على حنكو عينيه فيهم القلوبة عليها رجع شاف فيه " : هممم اه علاش تتسول ..

صهيب : باش نبقنن مك لعين ...شفتي ...

ايلاف : كنتو تحكو بس بسوشل ميديا ...

الياس "تنهد " : اااه اخويا اه وفليامات لولة مكانت تجاوبني تانبغي ريب عليها لمكان ...

صهيب : غزات فيك تا دخلتيها كي ثور الحمادشة بسيف ...

الياس : شي وقيتات كانت طلع ليا vu ...

صهيب "جات سارة مخليا راوية مع نجوى باقين مجاوش وجلسات حداه " : ونتا متتعرفش تقل راسك لا غا مدرم فكلشي فالهضرة فالمشي كي حمار طاحونة غا تضور ...

ايلاف : ثقل حالك مايصير هيك المراة بتحب الرجال الثقيل الي شو بتقولو عندكم الي اممم ايه الي شارب عقلو ...

الياس : الحب ميشاور اخويا كنت نبان ثقيل فلافاك واليسي كانو هما يجيو عندي تا وليت تابع ونزاوگ ماعليا وهي راه غير حشومية وكان ...

صهيب : لا ...وخا حشومية سمع مني انا فايتك راني دوزت وعاودت "شاف فسارة فرنس ليها زعما غير الماضي خهه " مخليت معامن هضرت كانو هما تيجيو عندي وشكون الي تشوف صهيب السباعي كنت مخرج فيهم شيب ب ثقالة وهزان المناخر كانو مسمين عليا العياق الحاس بك...احم براسو وانا را غير شارب عقلي تيجيهم راني حاس براسي ...ثقل فاش ترسل ليك هي ...خليها منشورة طلع ليها vu متجاوبهاش ومتجاوبها على شحااال هي غاتحس براسها تقمعت شي لعبة عاااد جاوب نيشان ثقل راسك اصحبي ...دير فحالي نهار رسلت ليا فلانة "ضارت سارة خنزرات فيه وقرصاتو من كتفو تا زوا وسط الهضرة ..." اوووو ...اي احح ... ممجاوبتها على خمسة ثواني ...🌚

الياس : واااااو مودهيش فااانطاستيك ...

ناضت يسرى من اللبسة لولة بصلاة والسلام على رسول الله ...ومشات هي ويوسف الي شادها من ضهرها بايدو وايد شاد بيها ايدها غاديا بيهم نكافة تصلي عالنبي ومشاو دخلو غمز لالياس وصهيب يتبعوه باش يعطيه صهيب الكومبلي الي غايلبس لاخور والي غايكون گري وقميجة كحلة ...وكرافاط گري ...دخلات يسرى لبيت ويوسف دخل لبيت لاخور تا تبعو الفردة ...

صهيب : اش بغيتي نتا اااااش فاليز ديالك حداك لاش لبسك انا نگافة ...

يوسف : تجي معاك نگافة زين ...فين داك الكلب ...

صهيب : مساليش ليك هذاك مدهي مع الخطيبة المستقبلية تيرصي الامور مع مي زينة ...

يوسف : واولد الهم صافي الى صدمني ..

صهيب "ضار هنا وهنا وشاف فيه " : بيني وبينك مكرهتش نزدح وردح اساط برجولة ...سمع لموسيقى ولد العبد تنوض راگد 

يوسف "حك ليحتو " : ايييه زعما تانتا ؟ 

صهيب : وايلي هي فالهوى سوا ...

يوسف : واخويا شحال هادي مشطحت وعرسي هذا بيني وبينك بغيت نبدا "شاف في ةتفو لقهه بدا كيفيبري " اتا زگا تا ....

جا الياس جايب ليه قميجتو الي صلحوها ليه وحطها لقاهم بغا يبداو يركزو ...وقال ...اويلي تسناوني اخوتي راني بغيت نشطح وحشمت من الحضور الكرام ....اجي اهياتا ايوا ....حتى سمعو ....

"سافرتي شي ايااااام مرة ورجعتي مطورة ...ورجعتي مطورة ...سافرتي شي ايام مرة ورجعتي مطورة ...ورجعتي مطورة ....

الياس : تيغني على حبقلبي نجوى اخوتي 🤤

صهيب حدر راسو كيضور فيه ويهز صبعو يشالي بغا يبدا يدردك كيتسنى غا زدحة ...يوسف حل لفيستة وشرعها كيشطح بصدرو ويهز فراسو معسل عينيه نعماس نسا انه خاصو يلبس قبل متخرج بسرى الحال ميشاور ....

اااااوااالله الى زينتي وعمرتي وسمنتي ...اوالله الى زينتي وعمرتي وسمنتي ....سافرتي شي ايام مرة ورجعتي مطورة ورجعتي مطورة ...سافرتي شي يام مرة ورجعتي مطورة ...اوالله الى زينتي وعمرتي وسمنتي ....

الياس "تاهو شد فقميجتو وجبدها شوي وتم غادي ويلوز قاليك بشوي تاهو منتشي مع الاغنية ...شوي حتى تلاقاو بتلاتة والحال غادي ويتزاد عليهم ....غا هو بدا يزدح وقلبوها رديح صهيب يضور فراسو ويوسف داير شطحة باطمان 😹😹😹😹 الياس كخبط فايديه فحال كيشتت الفلوس قاليك....

صهيب : نياهاااهاهاااععع ايييييييه سيييييييير ...

يوسف : يااا وليلة عرسي ومرتي عندي ....

صهيب "كيركز ويعطيه فالهضرة ولاخور مرفوع مركزش شنو قال " : يالليلة مرتك متولي عندك يا وحتى نشيبك ايييييييييو ....

الياس : يا نجوى وعليك الهضرة وهادي فخاطر العديااان اييييواااا سييييير ...

ايه اها اها ايه اها اها سييييييييير....

ترفعو ترفعو وعطاوها لجديب ونديب وتحنديب تا حيد يوسف الفيستة ولاحها على صهيب وحل صدافي القميجة ولاحها وهو....

صهيب "شاف فيه وضحك " : نياهااااعععع تعرى على والديكم ...

الياس : سييييييييييييييييييييير اه اهاه اه اها ...

بقات الموسيقى تزدح وهما يزدحو تا ...

العزيز على ميمتو عمرو ميتخص ....تا طاحو لارض عروقاتهم تكب ...ودخلت نگافة باش تقول ليوسف يخرج يسرى بغات تخرج لقاتهم وجاهم حمرييييييييين كيلهثو ....عيطت ليه ...

يوسف : هاني ميمتي هاني جاي 

صهيب : لعنداك قولي ليها اميمتي ( كيلهث ) راه طيحاتو ديك الي ساكناه الي متعلم قولي ليها تبرز وحدها ....

بقاو يلهثو بسخفة ديال شطيح ورديح بردو غذايدهم وعرفو كي بردو اتا وقف عليهم خيالو هز يوسف عينيه بان ليه طولة شخص الي ميمكنش ميعرفوهش من الوقفة ...كان نازل باش يكمي مبعد على دري بغا يكمي فالمكتب ديال باه ...

فؤاد"نطق بصوت غليض ذو هيبة ...بانو ليه ما هماش " : اش واقع هنا ؟ مالكم ؟

صهيب "قالها بالحس " : خيرك وخميرك دودك من عودك ودود نوعان كاين دودة القز ودودة الي فينا حنا بثلاثة ...بردنا وشطحنا ودرنا الي بغينا لا بغات تجي الموت غاتجي وهاهي جات واقفة عند الباب ...ابشر 🙂

يتبع...