جبل هز عويناتو اللي كانت فيهم لمعة خاصة كتعبر على مدى فرحو بمحبوبتو نورسين لمعة مخلطة بدموع كيحس بإحساس فشكل لداخل ديالو نورسين حداه بثوبها الابيض و غايديروا حفل زفاف أكيد شي حاجة اللي من سنين طويلة و هو كيحلم بيها وهاهو حلمو تحقق حتى حاجة ما مستحيلة مع الله حب طفولي تحول لعشق و تحول لهوس جبل ما يقدرش يتخايل حياتو بلا نورسين شي نهار حط يدو بجوج على وجهها كيشوف فيها و يبتاسم مسح ليها دمعة اللي كتسيل من عينيها و عنقها و ضمها لصدرو بقوة و همس فودنيها
جبل : ما تضيعيش المايكاب ديالك بدوك دموع
يعقوب قرب لسلمى كيضحك و يعاود و يطلع فيها و يهبط
يعقوب : هانا تاني على تبوكيصة تعالي حدايا اجي و عنقيني تعالي حدايا ميمتي و مرمديني ههه
باسلها راسها و بقا مغمض عينو و حاط شفايفو على راسها و بعد و شاف فيها
يعقوب : شحال كتباني كيوووت و نتي عروسة
سلمى بعدات عليه و دورات وجهها كتشوف فجبل و ريوكها سايلين و كتعض فشفايفها ما مسوقاش كاع ليعقوب
يعقوب دور وجهو شاف فين كاتشوف و ابتاسم و دور ليها وجهها باش تشوف فيه
يعقوب : زوينين ياك
سلمى : زوين بزااااااف و خصوصا عينيه
يعقوب :*باستغراب * شكون هو جبل زعما ؟
سلمى حركات راسها بالايجاب و دورات وجهها كتشوف فجبل
يعقوب : جبل من ديما بوكوص ماشي عاد اليوم و لكن هاد نهار طاح عليه السر و الملحة حيت عريس اوا و انا شفتك نسيتيني
سلمى دورات وجهها و شافت فيه و بعدات ريحتو كتجيبلها التقية رجعات جوج خطوات للوراء
سلمى : حتى نتا زوين غير هو بعد عليا شوية ريحتك ما كنحملهاش
يعقوب : *خنزر فيها * لا واش كدوي من نيتك
سلمى : بنتلك كنتفلا شوف نتا وجهك كي داير
يعقوب عض على شفايفو و قرب ليها و هز يديها و حط عليها شفايفو و طيرها ليها بعضة حتى تأوهات بألم
سلمى : يعقووووب يدي
يعقوب بعد و ابتاسم بشر و شاف فيها
يعقوب : نوريك انا ريحتي خانزة كاتقوليها فوجهي شفتي هاد العطر اللي داير واخا تخدمي حياتك كلها محال تشريه
سلمى :*عوجات فمها * شحال فيك ديال نفخة اوا بعدا هاد العطر انا ما حملتوش بدلوا و لا لوحو راه ما واكلش حتى هاد ليلة ما نعسش حداك
يعقوب : برب حتى نتشرمل على والديك مزيان تبارك الله نتي مالك وليتي هاكا كيبان ليا نعطيك ضربة نلصقك مع الحيط عييت ما نشد ليك الخاطر و نتي غير طالعة و نافخة علينا مالنا ياك لابس
سلمى : لاااابس الحمد الله نتا اللي واش هو هداك
يعقوب :*غمزها * انا هو هداك حيت عندي هاد زين كاامل دابا نتي واش بصح مراتي *جرها من خدها *
سلمى : دابا واش هادا سؤال
يعقوب : حيت انا تبارك الله هاد الزين كاامل و ندي وحدة خيبوعة بحالك ما جاتش ياكما نكون فقدت داكرة و لصقوك ليا
سلمى : شحال حامض نسيتي يام كنتي تجي ترغب و تزاوك
يعقوب : ما كنتش فالوعي ديالي انا متأكد غانكون كليت شي حاجة
سلمى : اوا بعد مني الا ما بقيتش عاجباك
يعقوب جرها لعندو و عنقها بجهد و هي بادلاتو العناق واخا مخيبة وجهها ما حملاش ريحتو
يعقوب : ما تفرقني على سلمى غير الموت *باسها فكتفها و بعد *
عند جبل و نورسين
جبل جر نورسين من يديها و زغاريت من موراهم و حل ليها الباب ديال اليموزين و طلعات و طلع حداها و سد الباب و تقدمات سيارتهم هي اللولة جبل شد بقوة فيد نورسين و كيتأمل فيها بتمعن كبير كأنو اول مرة يشوف وجهها و قال
جبل : فرحانة ؟؟؟
نورسين تنهدات و هزات عويناتها شافت فيه و ابتاسمت ليه
نورسين : أكيد فرحانة نتا راحتي و حياتي كلها *كتمسح دموع اللي واقفين فحافة عينيها * شكرا على المفاجأة ما عرفتش كيف غاندير نشكرك
نورسين : *حطات يديها على صدرو * جبل الحنين ديالي ما يقدرش يآدي حتى نملة كيفاش غاتقدر تقتل بنادم
جبل : خليت دار بوه
نورسين ضحكات و تنهدات
نورسين :قلتهالك رجاء
جبل : اي حاجة كتوقع كتوصلني ما عندك مناش تخافي و ماشي بضرورة تكون قالتهالي رجاء
نورسين : مشاء الله عليك نخاف نقوس عليك
جبل :*مرر يديه على شعرو * كتصلي ياك أنورسين واخا ما كنتش معاك
نورسين حركات راسها من فوق صدرو
نورسين : بطبيعة الحال حتى واحد ما كيعرف فوقاش يقدر يودع و لا تطرا ليه شي حاجة خايبة الله يستر ما حدنا عايشين فدنيا كلشي ممكن و كيفما كنجيو لدنيا بسرعة نقدروا نودعوا بسرعة عمرنا محدود شحال من سوء كيدفعو عليك الله غير حيت كتدير الخير او لا غير حيت كدير العبادات ديالك كما ينبغي
جبل :*باس على راسها * مشاء الله وليت كنحس بنورسين اللي كنت كنعرف اول مرة بدات كترجع
نورسين : نتا جيتيني فواحد الفترة اللي كان خاصني علامن نتفشش و نحس بلي انا أنثى كيفما كانقولو و لكن كانعترف بلي نتا بدلتي من شخصيتي بزاف كنت ماناضجاش و لكن بكلامك بتصرفاتك كتخليني نولي كيف كنت اول مرة ديك البنت اللي كان همها كامل تهز عائلتها و كانت بنت درويشة ختها كانت حاكراها و باها كان قاهرها و لكن ربما دابا كنحس براسي وليت احسن من قبل عشت كااع داكشي اللي كنت كنتمنى و احسن كاع و هادشي كامل كيرجع الفضل ليك نتا بحال شخصيتي ولات كتنضج شوي بشوي اكيد غانكون المراة اللي تعول عليها و تهز ليك ولادك و تكبرهم *شدات فيديه بقوة * ما عمري ما غانتخلى عليك ثيق بيا من غير الا مات شي حد فينا
جبل : *شبك يدو مع يديها * ما تدكريش هاد الكلمة على فمك علاش كاتفكري فيها حنا دابا فأجمل لحظة الا متي نتبعك ما يمكنش يكون جبل بلا نورسين و ما يمكنش تكون نورسين بلا جبل حنا مكملين بعضياتنا شوفي الانسجام اللي جاي فسميتنا #جبل_نورسين تصلاح تكون عنوان لروايتنا
نورسين : ههه روايتي انا و ياك خاصها تدار فيلم قصتنا خاصة و غريبة و زوينة قصتي انا و ياك كتبين بلي الا كان مكتاب ليك شي حاجة راه مكتابة ليك تصور معايا واحد البنت شفت قصتها فاليوتيب حتى هي تقريبا بحال قصتنا فاش كانت صغيرة كان راجلها صاحب عائلتهم و كان جا عندهم و عطاها درهم ههههه تصور هادي هي كانت مازال صغيرة و هو كان عايش فامريكا و دازت ايام و ايام و رجع و شافها و عقل عليها و لكن هي ما عقلتش عليه و طلبها لزواج و تزوجوا و هو اللي قال ليها هاد البلان اللي طرا (هادي راه قصة حقيقية ) عرفتي غير شفت داك الفيديو تفكرتك
جبل : اي واحد كيتزوج فسما قبل الارض ابنت قلبي ربي هو اللي كيختار لينا شريك الحياة اللي كايشوفو هو مناسب لينا { الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ } الزواج هو رزق يقدر يكون نعمة لناس لي رزقهم ربي بزوج صالح و يقدر يكون نقمة لناس لرزقهم ربي بزوج غير صالح و لكن اكيد غاتكون شي حكمة فيها اي حاجة كيعطيها لينا الله سبحانه و تعالى واخا تبان لينا فضاهر نقمة و لكن فداخلها كتلقاي نعم كثيييرة
نورسين هزات راسها و ابتاسمت ليه
نورسين : نتا أكثر نعمة كنحمد ربي صباحا و عشية حيت عطاها ليا شفتي داك شي القبيح كاااامل اللي عشت فيه جيتي نتا و نسيتيني فيه
جبل ضمها لصدرو أكثر و أكثر و عم الصمت بيناتهم حتى حسوا بليموزين حبسات و نزل شيفور و حل ليهم الباب كانت نكافة فانتضارهم امام الباب و ماماها و ختها و كلهم كيزغرتو وصلوا يعقوب و سلمى من موراهم حتى هما ووقفوا حداهم بدا كيتسمع صوت عيساوة كيضربوا ضربة واعرة نورسين قبطات فيد جبل و زيرات عليه كتحس براسها متوترة خصوصا داك الكم الهائل اللي حاضر لعرس و كتحس بجميع الانظار موجهة ليهم بجوج و كتحس بالخلعة كتشوف فديك العمارية و كتفكر دوك الفيديوهات اللي كانت كتشوف فاش كيطيحوا العروسة فوق العمارية شداتها الخلعة من صبعها صغير شافت سلمى جلسات فالعمارية و كتضحك نورسين بقات غير كتشوف و حنات على ودن جبل و قالت
نورسين : ما بقيتش باغا نطلع بناقص
جبل :*حك على لحيتو و ضحك * ما تخافيش ما غايطيحوكش ياك من شحال هادي و نتي باغا تركبي هاهي جاتك الفرصة حتى لبين يديك ما تخافيش أنا معاك
جملة انا معاك خلاتها تشجع باش تطلع شحال من مرة كلمة وحدة من عند شي شخص كتخليك دير شي حوايج كنتي خايف منهم
جراتها نكافة من يديها و جلسات نورسين فالعمارية و قلبها كيضرب بجهد تهزو دقة وحدة سلمى و نورسين نورسين حسات بدوخة فالاول و لكن من بعد ولفات و عجبتها ركبة بقات كتشير بيديها و الموسيقى مطلوقة كانت القاعة كبيييرة بزااااف بحكم كاينة العائلة د سلمى و نورسين كلهم مجموعين نورسين بانلها جبل جلس من فوق البرزة و بقات كتصيفطلو قبلات فالهواء 💋💋و هو كيبتاسم ليها بحب كبير حاس بيها و عارفها فرحانة بزاااف فهاد اللحظة حيت نورسين كتبان فوجهها فاش كتكون غاطير بالفرحة بقوة الضحك كتبان ليها ضرسة د العقل نفس البنات المسمومات اللي كانو معاها فالحمام حسوا بقلبهم توقف للحظات فاش شافو جمالية العريس اللي هو جبل حسوا بدنيا مشات و جات بيهم ما تيقوش نورسين المشعككة البايرة اللي كانو دايرين ليها كيف شي سور قصير اللي جا كينقز عليه تدي راجل بحالو فالزين و فديك الهيبة اللي عطيه ربي الكلام بدا بيناتهم اللي بطبيعة الحال كولو حقد و حسد
- شدييييني اختي لا نطيح اختي و...وو....واش هاداك هو العريس أعباد الله
- أ أ أ ختي راه بزاااف على زين اواااه يا ختي كيشبه لداك اللي جا فالهيبة
- لا انا جاني كيشبه لداك المغني العراقي ياااختي واش دابا نورسين كاتنعس مع هداك اررررربي اش هاد ضلم
- اجي ياكما تكون فاطمة دايرة ليها شي حجاب و لا القبول راه ما ميمكنش مااااايمكنش واقيلة مها كتسحر ليها
- اختي راه بزاااف على سحور ماشفتي انا مي مشات دارتلي القبول ياختي جا دوا فيا واحد سنانو كولو رايبين ياااااربي على الفقصة
- اجي باينة غاتكون لقاتو فالشاط
- اختي سنين و منين و حنا كنشاطيو ما شفنا والو انا قربت نبكي بقوة الفقصة و الغدايد
- يا ختي تشهاي تحطيه غير ديكور شوفي يا ختي كيف كيشوف فيها شوفي كتصيفطلو البوسات فالهواء اويلي با كنموت ماااااتستاهلوش بل لمشعككة لوخرى
- و ضربي ليا على العريس لاخور يا ختي شوفي هاد ناس كي دايرين اللي شاف لفلوس و اللي شافهم مقشاشة شاركين جوج عراسات فعرس هادا هو الحماق
- مانعرف بلاتي شوفي ديك البرهوشة اللي جالسة كتشطح تماك باينة فيها كتعرفهم انسولوها عليه
- اه عيطي ليها
ناضت بنت فيهم و مشات عند سارة اللي كانت جالسة ناشطة و فرحانة كتشطح مامسوقاش حنات ديك البنت على ودنيها و قالت
- حبيبية واخا نسولك
سارة هزات عينيها فيها و طلعاتها و هبطاتها ما عجبتهاش
سارة : شكون نتي ؟
- نتي كتعرفي العريس و العروسة ياك
سارة :*ميقات * اووف شكون نتي عاود اللي جاية تفرعليا راسي باركة غير الموسيقى سيري جلسي دابا يفرقوا الغاطو كتلصقي كي المسكة اصلن باينة فيك مسمومة
ديك البنت ما رضاتش برهوشة تقمعها و لكن قلباتها ضحك حنات و باستها
- ياختي وشحاال غزالة شنو سمية العريس
سارة :*كتمسح خدها * ماسوقكش مالك غاديري ليه لكارط ناسيونال ولا غاتليكاليزي ليه الوراق فالمقاطعة بنادم ما كيدخلش سوق راسو بحالكم هوما اللي كيخليو البلاد اللور اللور سير اختي لبلاصتك جيتي لعرس شطحي و غني و كولي و كلها يقصد بلادو بسالات كي دايرة نتي اش دخلك لواه شنو سمية العريس شنو سمية العروسة
ديك البنت غاتكول قلبها بالفقايص برهوشة جات و قمعاتها و عطاتها أحسن درس فحياتها كن لقات تشدها تلوحها من شي سرجم وقف عليهم ربيع اللي كان لابس كوستيم فالاسود و جامع شعرو اللور و مقاد اللحية جا كيوت بزاف هز سارة من الارض و بدا كيشطح معاها ديك البنت هزات راسها شافت فيه و هي تكالا فيه عاود حطات يديها على قلبها و قالت مع نفسها
- الله ياربي تيتيز غير مشتت هنا فين كينبت عندهم هاد الخير كاامل
ربيع : ها لواه سي لوااااه يوووووي يووووي
حول عينو و جات فعينين ديك البنت ابتاسمت ليه و بادلها الابتاسمة
ربيع :*شاف فسارة * كتعرفي هاد البنت
سارة : لا اخووويا انا كنت جالسة ما بيا ما عليا حتى هجمات عليا قالتلك بغات تعرف شنو سمية العريس
ربيع ضحك حتى بانتلو الضرسة د العقل و طلع فديك البنت و هبط و قرب حدا ودنيها باش تسمعوا بحكم الموسيقى مجهدة
ربيع : من اللخر نورسين دااااتو ليكم ياكما باغا طيحيه فيك و تقلبي عليها فالانستغرام لا بلاتي نتي باينة غايكون عندك غير الفايسبوك جاو بنات فين تباني نتي باش يطيروه ليها و لكن قلبو بغا بنت وحدة اللي كيشوفها ملكة قلبو اللي هي نورسين عجبك الحال ولا ما عجبكش كتبقا هادي هي الحقيقة ما تسرطاتش ليكم وااااااموتووووووو بسم الله يعاون واااااموتو بسم الله يعاون
ديك البنت صوت ربيع عجبها و حسات بيه تغلغل فاعماق قلبها ما حدو كيهضر و هي كتصنت ليه بامعان و تعض فشنايفها مشا ربيع و خلا قلبها كيضرب فالالف رجعات لبلاصتها و ركزات شوفة فربيع اللي كان جالس على ركزة كان حال الفيستة ديال الكوستيم و قابط فيها بيدو بجوج و كيشطح ما مسوقش ضااارب دنيا بركلة و مرة مرة كيحرك شعرو ناااشط فالعرس ديال نورسين و جبل اللي بالنسبة ليه عندهم قيمة كبيرة فحياتو بمثابة عائلتو ثانية
فنفس الاثناء دخلات رجاء هازة فيديها كادو
كانت رجاء فكامل أناقتها لابسة قفطان ديال الموبرا فالكحل و دايرة مايكاب خطير و مع هي بيوضة جات معاها جات كيوت بزاااااف و لابسة صباط طالون عالي تلاقات بفاطمة فلباب باستها و باركت ليها و عطاتها الكادو اللي كانت جايبة و تمشات بخطوات بطيئة بانتلها نورسين و سلمى فوق العمارية بقات كتصفق بيديها بقات واقفة مدة كتلوح ليهم بيديها و تمشات جلسات حدا دوك جوج بنات و اللي وحدة فيهم مزعوطة فربيع رجاء حولات عينيها بان ليها ربيع داير حالة بشطيح ابتاسمت بلا ما تحس و دارت رجل على رجل و حطات يديها تحت دقنها و بقات كتأمل فيه بإعجاب كبير حتى كتطيح فودنيها واحد الجملة اللي طلعات ليها جنون
- هاااح يا ختي و على شطيحة عندو و داك شعيورات ما نتهنا حتى نجيب نمرتو و نطيحوا و الا ما جاش على رجليه يجيبوه المجامر
رجاء طرطقات عنقها غير بشوية و دورات وجهها شافت فيها و نغزات البنت اللي حداها بصبعها
ديك البنت دارت عندها بالعرض البطيئ و شافت فيها
- مالك اختي كاين شي مشكل
رجاء : كاين مشكل كبييير ماشي غير مشكل النصيحة اللي غانعطيك جمعي عينيك احسن ليك لا تلقايهم فيديك
- اشكاتقولي نتي اش كاتخربيقي
رجاء: داك راجل اللي باغا تجيبي نمرتو أحبيبة انا مرتو شرعا و قانونا ونقدر ندخلك للحبس بسباب هاد الهدرة اللي قلتي هادشي كيتسمى تحرش أحبيبة و نزيدك انا بوليسية و بمكالمة مني تلقاي راسك مرمية فالحبس لدلك خلينا زوينن و دبري على شي فيكتيم أخور هاداك ما يصلاحش ليك
ديك البنت بدات كلها كترعد و قالت بصوت فية نبرة خوف
-سمحيلي اختي يصحابلي سيليباطير
رجاء : *حطات يديها على كتفها و زيرات عليها *هاد المرة قبل ما تزعطي فشي حد عرفي بعدا واش مصاحب ولا مخطوب و لا مزوج باش ما تخوريش بحال هاد تخويرة اوكي بيبي
هاديك حركات ليها راسها بالايجاب و ناضت من ديك البلاصة فخطرة رجاء ضهرات على ملاميحها ايتسامة نصر و ناضت كتكسول غير بشوية و عيون شباب اللي تماك غاتكلها قربات لربيع و دوراتو لعندها و قبطات فيديه و بقات كتمايل بخصرها بطريقة إحترافية ربيع تشلل تخدر حس بدنيا كتلعب بيه ما عرف راسو باش تبلا واش بصح هادي رجاء اللي كيشوف قدامو اش هاد الجمال و من فوق هادشي هي اللي جات عندو يعني هي اللي كاتقلب عليه دوز لسانو على شفايفو كدليل على مدى إعجابو بيها و عينيه فيهم بريق خاص بقا واقف ما قدرش يسايرها فرقص مازال تحت تأثير صدمة
رجاء قربات حدا ودنو و همسات
رجاء: شفتك وقفتي كمل شطيحك أصاحبي
ربيع : كيقولك اللي تلف يشد الارض و كيبانلي خاصني نمشي نجلس
رجاء: *كتقول فودنو بصوت محلون * لهلا يعطيك ما يتلفك
بعدات عليه و كتشوف فعينيه و كملات شطيحها
ربيع : واااش تقبلي تزوجي بيا ؟
رجاء دورات وجهها جنب و ابتاسمت و شافت فيه و قالت
رجاء: بهاد سرعة
ربيع : اشنو بغيتي نفصل بيك دروبة و زناقي عاد تكوني فخاطرك عرفتي شنو ديري بحال ماسمعتي والو
رجاء: قابلة
ربيع : *ابتاسم بشر * علايش؟
رجاء: قابلة نتزوج بيك
ربيع : اوا انا ما قابلش جيبي داركم لدارنا و نفكر بعدا و نشوف واش نقدر نتخلى على صاحبي القديم و نتزوج بيك نتي حيت كيفما كتعرفي انا عليا طلب بزاف
رجاء ضرباتو لكتفو بجهد حتى غوت بالم و قبط فيه
ربيع :الله ياختي اش تساليني يدين هادوك و لا خباطات
رجاء :نتا غير اللي بغا يدير فيك راسو اوف
بغات تمشي بحالها و هو يشد يديها و دورها لعندو و عنقها بسرعة و بعد
ربيع : و اخيرا قبلتي تزوجي بيا ياك شحال و انا نرغبك و يا الهيشة شحال سيفطتلك فالورد و شحال صيفطتلك فشكلاط ميزانية دشهر كامل ضيعتها غير فالتفاتف الخاوية و انا كنحاول نرضيك حيت من اول مرة دخلتي لهادا * أشار لقلبو * و عجبتني عرفتي علاش ؟
رجاء ابتاسمت و حركات راسها بنفي
ربيع :*حنا على ودنيها و همس * من نهار قلتي واش كلشي طويل و لا غير لسان بغيت نوريك و نأكدلك بلي عندي أشياء أخرى طويلة أكثر من لسان
رجاء: بحالاش
ربيع مرر يدو على شعرو و شاف فيها و غمزها
ربيع : شعري مثلا كلها يخلصو الله على قد نيتو ههه
رجاء : أحمق
ربيع :*تنهد و جرها من حنكها * شوفي ديك المشعككة د نورسين طاحت عليها الملحة شوفي كيف جالسة كتشير بيديها كي الهبيلة بحال خارجة من صبيطار ديال الحماق انا كن يديرو برأيي يقلبو والديها من فوق ديك العمارية طيح على قنوفتها تشهيتها ليها صراحة
رجاء: علاش ما كتحملهاش ما فهمتش؟
ربيع : و دابا انا هادي هي مشكلتي فاش تشوفيني كنعايرك بزاااف عرفي بلي راك عندي عزيزة أكثر من القياس
رجاء: ادن عندك خلل فمخك
ربيع: قالتلي الواليدة فاش كنت صغير طحت من فوق السرير و جيت على راسي يمكن تكون ديك ضربة مازال مأثرة عليا
رجاء: غالباو لكن ماشي مشكل نعطيك ضربة وحدة لراسك ترجع لوعي ديالك
جبل كان جالس من فوق البرزة كيشوف فنورسين و حاضيهم لايمشيو يطيحوها دخلاتلو شك جا جلس حداه يعقوب و ربت على كتفو و حنا على ودن جبل و قال
يعقوب : افين أمولاي سلطان كي جاتك عروستك
جبل : *شاف فيه و ابتاسم و عاود شاف فيها * نورسين من ديما زوينة ماشي عاد اليوم حاس بيه فرحانة بزاف
يعقوب :بطبيعة الحال اي بنت كتخايل هاد نهار نورمال و لكن تبارك الله عليك مامشيتي حتى وفيتي بالوعد ديالك
جبل : جبل الا قال الوعد ما كيخلفش بيه
يعقوب : سلمى من صباح و هي تشوف فيك ما نعرف مالها
جبل: لا غير كيجيب ليك بالك
يعقوب : و مؤخرا ولات كتبعد عليا و كتقولي ريحتك فشكل ما عرفتش مرضاتني ولات ديما ناعسة كي الباندا على كلمة صغيرة كتقولي بعد مني نفسيتها تبدلات
جبل :*كيحك فلحيتو و حط يدو على كتف يعقوب و ابتاسم ابتاسمة خفيفة و حنى على ودنو باش يسمعوا * Creo que esta embarazada ( أظن أنها حامل )
يعقوب بقا ساكت مدة بحال ضربتيه بتصرفيقة شوية بدا يضحك غير هو راسو و شاف فيه
يعقوب : ب..باش عرفتيها
جبل : قلبتها
يعقوب بقا حال فيه فمو
يعقوب:ك...كيفاش
جبل : *دوز يدو على لحيتو *مالك تكلختي النساء en général كتولي نفسيتهم فشكل فاش كايكونو حاملين انا غير درت فرضية تقدر تكون صحيحة تقدر تكون غالطة و انا ما غانعرفش لمرتك أحسن منك ديها لطبيب و تأكد مسألة بسيطة
يعقوب عض على شنايفو و قبط فراسو بيدو دور راسو كيشوف فسلمى كتدير باي باي بيديها فوق العمارية و بدا كيتخايل عندو الاولاد كينقزوا من فوق راسو و تخايل الا كانو عندو شي ولاد عفاارت كيطلعوا فالحيوط و باسلين
يعقوب : ياكما بصح حاملة
جبل : خاصك تأكد غدا إنشاء الله سيروا عند طبيب
يعقوب دور وجهوا شاف فيها و عينيه كيبريو بالفرحة
يعقوب : دابا تصور تكون حاملة ناااري دابا انا غانولي اب هههه
جبل دور وجهو جنب و ابتاسم و حط يدو على كتفو و قال
جبل : نتمنى ربي ما يحرمكش من هاد الفرحة و لكن خاصك تأكد بعدا باش ما تصدمش من بعد
حطو العرايسات لارض و ناض يعقوب من حدا جبل و مشا جلس فالبرزة ديالو نزلات نورسين بزغاريت و وقف جبل من بلاصتو و مشا شد فيها و عاونها حتى جلسات حداه و حنات على ودنو و قالت
نورسين : عرفتي الركبة شحال زوينة فيها ما سخيتش كن غير خلاوني مهزوزة العرس كامل
جبل هز يديها باسها و همس فودنيها
جبل : ما توحشتينيش
نورسين : الله ياودي كنت كانفكر غير فيك ياك غاتطلع حتى نتا معايا
جبل : ما نقدرش ما عنديش مع داك تخربيق هاد الهراج كامل صابر ليه غير على قبلك
جات فاطمة كترشهم بما زهر و كتقرا القران عليهم نكافة نوضاتهم باش يبدلوا نورسين لبسات قفطان فالغرونة و سلمى لبسات قفطان فالاخضر
سلمى : بعدا يعقوب غايلبسها ناااري جبل و جلابة محال واش يبغي يلبسها ليك ما قادراش نتخايلو لابسها غاتجيه كاتحمق
نكافة : اه يا ختي عندك داك راجل غزاااال و حتى نتي تبارك الله مسرارة تواتيتو
نورسين :*فنفسها * العمى
دخل جواد و قاد ليهم المايكاب و دار ليهم كوب جديدة لشعرهم نورسين ردلها شعرها جنب و ضفرو ليها جاها زوين سمعوا دقان فالباب ناضت نكافة و حلات الباب لقات جبل و يعقوب غير حلات ليهم و هوما يدخلوا نورسين و سلمى التاقتو بسرعة و هنا ادا بصدمة الكبرى جبيلو لابسة جلابة فالغرونة مع بليغة فنفس اللون جاه البلدي كيخردل نورسين بقات غير حالة فمها فيه و المشكل ماوقفش هنا بل حتى سلمى بقات حالة فمها فيه تكاللو فيه بجوج جبل تقدم بخطوات بطيئة ووقف حدا نورسين و مد ليها يدو ووقفها جرها من خصرها لعندو و دار ليها واحد الشعرة كانت خارجة من مور ودنيها و قال بصوت خشن فيه بحة رجولية بامتياز
جبل : خرجوا بغيت نبقا مع أميرتي
يعقوب : ياك أ المرضي و حنا فين نمشيو
سلمى : لا بغينا نبقاو معاكم
جبل دار خنزر فيعقوب فهم راسو و جر سلمى من يديها و خرجات حتى نكافة جبل حط يدو تحت من دقن نورسين و هز ليها راسها حتى جات عينو فعينيها
جبل : العكار اللي دايرة معيق
نورسين تلفات بقات غير كتشوف فيه و قالت نورسين بصوت دلوع و حنيكاتها حومر
نورسين : لا عادي
جبل قرب ليها أكثر و أكثر لدرجة أنفاسو كضرب فأنفاسها و قال بصوت حنين كيبورش
جبل : ماا عاديش ابنت قلبي *حط صبعو البارد على شفايفها الدافيين نورسين بقات غير كتشوف فعويناتو كيخدرها بلماساتو * نتي زوينة بلا بيه و هادشي اللي دايراه فوجهك من حقي نشوفو غير انا
قبط وجهها بين يديه و حنا باسها بوسة عمييقة كتعبر على مدى إعجابو بيها القبلة دامت لدقائق بعد منها جبل و هو ما سخيش كان مغمض عينو وهي كدلك
جبل: النظر لكي دون أخد قبلة من شفتيك جهاد 💋💋 ما تبقايش ضحكي بزاف حداهم ما تشوفي فحتى واحد من غيري حتى صوتك ملكي بوحدي ما من حقك تهدري مع حتى واحد حيت انا كنغير ابنت قلبي *حط يديها على قلبو * و هادا كتشعل فيه العافية فاش كنشوف نضرات إعجاب فعيونهم اش بانلك نخطفك و نمشيو لبلاصة بعيدة غير انا و ياك ما فيهاش البشر باش حتى واحد ما يشوف فبنتي امم
♤♤♤♤♤♤♤♤
و إني أغار على تلك العنيدة جدا لو كان بيدي لوضعتها تحت وساداتي و انا نائم
♤♤♤♤♤♤♤♤♤
نورسين ابتاسمت و وجها رجع حمر عضات على شفايفها و شافت فيه
نورسين : نخاف عليك نتا من عينيهم جيتي زوين واتاك البلدي ما عمري توقعتك غاتلبسوا
جبل : الحاجة هي اللي فرضاتو عليا و ما بغيتش نخسر ليها الخاطر
نورسين : ماما هي مولاتها الله يعطيها صحة جينا انا وياك زوينين بجوح بينا لابسين الغرونة انا و ياك كوبل زوين ياك أكبيدة
جبل حرك ليها راسها بالايجاب تحل الباب و دخلات النكافة اللي كانت امراة كبيرة من دوي البشرة سوداء
- واجدين
جبل بعد على نورسين و قبط فيديها و خرجوا من الباب و تعالات زغاريت من جديد لقاو سلمى و يعقوب واقفين حتى هوما سلمى غير شافت جبل التافتت لجيهتو و بقات كتشوف فعينيه حمقوها تقدم نورسين و جبل هما اللوالة و لوخرين من موراهم جلسوا فالبرزة كيفما العادة لقاو كلشي كيشطح و ربيع طالع من فوق القعدة و فاطمة كتعلق ليه الفلوس و رجاء كتشطح حداه حاضية رزقها تبدلات الموسيقى فالبلاصة ربيع نزل من القعدة و دار شاف فنورسين و دار ليهم قلب بيديه 💓 نورسين ابتاسمت ليه جات الحناية بدات كتحني لنورسين و سلمى حتى هي كتنقش ليها نقاشة اخرى و طلقوا أغنية صفاء و هناء
🎵🎵🎵🎵🎵🎵🎵
يالا يا البنات قولو لجيرانا
يجيبوا زغرتات الليلة ليلة الحنا
حبيبي غدا يجيبلي هدية دفوع بعيساوة
و دقايقية و كلشي يفرح معايا و انا فالعمارية
كلشي يفرح معايا و انا فالعمارية
فرحة عمري هاهي ربي حققها ليا
عريسي بارز حدايا لبسلي الخاتم فيديا
نكافة دوري بيا لبسة شلحة و فاسية
شمالية و صحراوية و الغاطو بسواريا
🎵🎵🎵🎵🎵🎵🎵
نقاشة دارتلها غير رشيمة صغيورة فظهر يديها بحال الرمز ديال الامازيغ تطلق شعبي و كلشي ناض يشطح و خصوصا شي بنات كيقربوا حدا البرزة باش زعما يشوف فيهم جبل ساعة شكون تسوق ليهم جبل حاضي غير نورسين و مرة مرة كيمسح ليها العرق من جبهتها بكلينيكس حيت صهد بزاف لداخل ديال القاعة همس فودنيها
جبل : تشهيتي شي حاجة احبيبي امم
نورسين : قبيلة بانليا كيفرقوا دوك سواريات و العواصر شهاوني فيهم
جبل عيط لواحد السيرفور تماك طلب منو يجيبلو داكشي اللي قالتلو جابولو فبلاطو و بدا يشرب ليها العاصير بيدو و كيوكلها حتى سالات
جبل :*بابتسامة * شبعتي ولا تزيدي شي حاجة اخرى
نورسين : لا بلاش شكرا دبدوبي الغزال 💓💓
جبل ابتاسم ليها دور وجهوا بانلو ربيع و فاطمة جايين لجيهتهم
ربيع :*قبط فيد نورسين * تي نوضي تشطحي و نتي منين جيتي و نتي باركة ما طابوش جنباك
نورسين شافت فجبل باش يسمح ليها تنوض
نورسين : نوض نشطحوا
جبل حرك راسو بنفي
فاطمة :يااااو زيدوا ليلتكم هادي ياو شوفي يعقوب و سلمى جالسين على ركزة
فاطمة جرات نورسين و جبل حتى هو و داروهم فالوسط و دارو عليهم على شكل دائرة جبل غير كايشوف ما فاهمة حتى وزة عكس نورسين اللي نسات راسها و جلسات تركز دخلات سلمى و يعقوب حداهم و كملات الباهية و زاد ربيع و فاطمة و سعيدة كلهم كيشطحوا على أنغام شعبي رجعوا لبلاصتهم و جات عبد المالك و ياسمين باركو ليهم دارو صورة جماعية فيها العائلة كلها و جات آخر مرحلة هي الفستان الابيض ناضت نورسين بمساعدة نكافة لبسات غوب فلون الابيض سامبل و مشبكة من اليدين و فيها دونطيل وااعرة و جد أنيقة و بدلات المشطة جمعات شعرها كولو للور بمساعدة جواد عطاوها بوكي د الورد دارتو فيديها اما سلمى لبسات غوب فلون الاحمر جاتها سوو كيوت سمعوا دقان فالباب حلات نورسين الباب تفاجأت منين لقات الاب ديالها محمد ابتاسمت ليه و عنقاتو دوز يدو على وجهها و تغرغروا عينيها بدموع
محمد:الله يرضي عليك ابنتي
مد ليها يدو و قبطات فيه كان ممر طويل باش يوصلو لباب ساد صمت بيناتهم حتى دخلات نورسين للقاعة كان جبل داير بضهرو و قابط تيليفونو و مصدوم من الخبر اللي كيقرا فيه و مع كل حرف كيتوسعوا عينيه بحال ما مصدقش شنو كيشوف و ما كاينش إحتمال يكون خاطئ فيا ترى شنو غايكون هاد الخبر اللي غايخليه مصدوم حتى لهاد
جبل هز راسو بانلو بلي كلشي كايشوف فالباب و موسيقى هادئة تطلقات عرف بلي نورسين غاتكون وصلات حاول يتمالك أ عصابو و يتهدن طلع نفس و عاود هبطوا و دور وجهو و هنا كانت الصدمة الكبرى المشهد اللي لطالما تخايلو نورسين بالفستان الابيض و قابطة فيد باباها و مغطين ليها وجهها بشبكة بيضة جبل حس بداتو تشلالات حس بقلبو بوحدو اللي خدام كيضرب بسرعة بحال باغي ينقز من صدرو تخايل حتى تخايل و لكن عمرو كان متوقع نورسين غاطلع بهاد الجمالية كلها تقدمات نورسين مع باباها حتى وصلو لعندو و عطاها ليه و رجع اللور جبل غمض عينو و عاود فتحهم و تقدم بخطوات بطيئة مع عيون ممتلئة بدموع فتح عينيه وهز ديك الشبيكة من على وجهها لقا عينيها عامرين قبط وجهها بيدو و قرب و باسها فجبينها تطفات الانوار و تطلقات أغنية
🎵🎵🎵🎵🎵🎵🎵
وخا نعيا ما نوصف ما نقدر حقو نوفيه
ناري شخصيتو تخطف وبسرعة تتعلق بيه
راجل ماكين بحالو فالقمة الصف الأول
ما عندي مانتسالو قالشدة عليه نعول
**********************
داني ديتو والله ما خليتو
ديتو داني والله ما خلاني
بغيتو بغاني راه هو زماني
**********************
مرة مرة يتعصب ودمه سخون وحامي
أنا كنت عليك نقلب أنت فارس أحلامي
وخا ماشي رومانسي كيف ما هو عاجبني
المهم يغير عليا محتار مني وفاهمني
**********************
🎵🎵🎵🎵🎵🎵🎵🎵🎵
جبل دور يدو على خصرها و هي حطات يديها على صدرو و بقاو مغمضين عينيهم لفترة من زمان حتى كيحسوا بشي حاجة كطرطق حداهم فتحو عينيهم لقاو ربيع و رجاء كيطرطقو واحد اللعيبات جابو لطارط وقفوا بربعة كيقطعوا فيها جبل و نورسين و يعقوب و سلمى كان عرس ثنائي زوين كلشي داز في أمان الله و حفظه حتى لتالي نورسين جرات جبل لوسط و خدات الميكروفون وابتاسمت و شدات فيد جبل
نورسين : احم اولا كنشكر اي واحد و اي وحدة جات تشارك معايا الفرحة ديالي مع أكثر شخص كنبغيه و كنحماق عليه أكثر من نفسي جبل بنسبة ليا هو الحلم اللي كتحلم بيه اي بنت راااااجل بمعنى الكلمة وقف معايا معايا فشحال من حاجة عمرو حرمني من شي حاجة و اي بنت هنا مزال ما مزوجاش كنتمنا ليها راجل بحالو
جبل ما حس براسو حتى عنقها و ضمها لصدرو بجهد و همس فودنيها
جبل : كنبغيك ابنتي و ملاكي الطاهر
تعالات التصفيقات فالقاعة و سلمى و يعقوب جالسين كيشوف فالرومانسية حتى نغز يعقوب سلمى
يعقوب : شفتي علاش هو كيدير داكشي كامل على نورسين حيت تستاهلو شوفي كي مكبرة بيه نتي منين جلسنا و نتي كتبعدي عليا تقولي فيا جدام
سلمى : اوا ريحتك ما زويناش اش غاندير لك انا
يعقوب : اودي دارتلي معاك غدا غانديك عند طبيبة
سلمى : لا ما بغيتش
يعقوب:كني تسمعي لهدرة هاد الحالة ديالك ماهياش
سلمى : و علاش غانمشي عند هاد طبيب مالي فاتحة على المعدة
يعقوب: خاصنا نمشيو ضروري ما تزايديش معايا فالهدرة
سلمى: اوا شفتي علاش نورسين دايرة على جبل هاكا شوف كيفاش كيعاملها و رومانسي معاها و ما كيدويش معاها بهاد الاسلوب
يعقوب: بحال ما بغيتيش باغاني و لا كيفاش
سلمى : فهمها كيفما بغيتي
يعقوب : *عنقها جنب و جرها من حنكها * شكون قالك تخطبيني اختي من نهار اللول
سلمى : اوا باز وجهك قاصح
جبل جر نورسين لبرا و طلعوا فطوموبيلتهم و قلع و زاد
نورسين :*حيدات صباطها من رجلها ضرها * اووف عييت *عنقي كيضرني و ضهري و صحتي كلها بحال واكلة العصا
جبل : غير بالعيا فاش نمشيو ندير لبنتي ماساج و نعسي و رتاحي
نورسين تكات راسها لور و شافت فيه و ضحكات
نورسين : زعما ما غادير والو زعما دابا غاتخليني نعس
جبل ابتاسم و عض على شفايفو
جبل : علاش انا ما كنخليكش تنعسي ؟
نورسين : الله ياودي
جبل : حبيبك ضريف الليلة غانرتاحو انا و ياك باش غدا نسافرو *هز يديها باسها *
نورسين :*بفرحة * وااااااو فين غانمشيو
جبل دار و شاف فيها و قال بابتسامة
جبل : جزيرة ايبيزا
جزيرة إيبيزا هي واحدة من الجزر الموجودة في البحر الأبيض المتوسط، وتقع في الجزء الشرقيّ من البلاد الإسبانيّة في الناحية المقابلة لسواحل مدينة فالنسيا، وتوجد في الجزء الغربيّ من مايوركا، وهي أكبر جزر البليار، وتخضع إدارياً للحكم الذاتي في إسبانيا
بعد مرور شهر
دازت أربع أسابيع و جبل و نورسين فجزيرة من بين أرقى الجزر فمدينة إسبانيا خداو فيلا صغيرة جنب البحر كان تما الجو سخون خداو منطقة معزولة على البشر باش ياخدو راحتهم كان معاهم حتى ماكس مونسهم داز شهر واعر اكيد ماهو مع حبيب القلب جبل اللي كان مشبعها فشوش و رومانسية حتى من التيليفونات حيدوا ليهم لكارط باش ما يعيط ليهم حد
كانت نورسين ناعسة فحضن جبل ضرباتها الفيقة و شعلات الفيوز اللي حداها و تفوهات جبل مع ناعاسو خفيف ناض حتى هو شاف فيها و مرر يدو على خدها
جبل: حبيبي اش فيقك.
نورسين :بغيت نمشي للطواليط كمل نعاسك
حنات و باست جبينو و و لبسات صندالة فرجليها و دخلات للحمام باش تقضي حاجتها ادا بها تتفاجئ من بعض قطرات الدم عندها فسليب و لكن كانو قلال
نورسين :*حطات يديها على جبينها * و انا كنقول مال ليريكل تعطلات و اخيرا جات بنت اللدينة
هزات فوطة صحية و دارتها و قالت
نورسين : العجب هادا جاتني ليريكل بلا حريق بلا والو اش هاد العبث
خرجات و طفات ضو و رجعات تكات حدا جبل بانلها ناعس و بدات تنبش فيها و حطات نيفها على عنقو كتستنشق عطرو حسات بشي حاجة فيه زوينة كلما كاتبغي تبعد كتحس بحال شي حاجة كتزيد تجرها ليه جبل حل عين و سد عين و قال بصوت ناعس
جبل: علايش كتقلبي امم
نورسين : عجباتني ريحتك واش اول مرة غاديرها
جبل: واش حماقيتي هادا دابا سؤال تسوليه فنص الليل
نورسين :*بغضب * علاش ما عجبكش
جبل: و عمري هاد العطر راه ديما كنديروا ماشي عاد اليوم
نورسين : حلف بالله
جبل :*دوز يدو على لحيتو بالفقايص * حبيبة طفي داك ضو و نعسي راه قاسك حمار اليل
نورسين : كنسولك جاوبني ما تبقاش تفلسف ياء
ناضت و هزات مخدتها و خرجات لبرا و حطاتها فوق الفوتوي جبل ناض بلا عكز عليه و خرج عندها لقاها جالسة كتفرش فالارض
جبل: نورسين رجعي لبلاصتك
نورسين : انا اصلن غادي نرجع نتا اللي غاتنعس هنا
جبل حط يدو على عنقو و عينيه ناعسين و قال بصوت فيه البحة د نعاس
جبل: نورسين شنو واقعلك بغيت نفهم
نورسين : ما واقع ليا والو نتا اللي وليتي ما حاملنيش و ما بقيتيش كتبغي تجاوبني شنو درت ليك سولتك جاوبني
ناضت كتبكي دموعها على سبة و نيفها و لا احمر جبل غمض عينو و عاود سدهم و تنهد و قرب ليها و عنقها عندو و خشا وجهو فعنقها كيهرها فيه بالعاني حتى كتقفز بين يديه
جبل: مالنا على هاد البسالات و هاد البكا ابنتي شنو واقع ليك واش على حاجة تافهة بحال هادي غاتنوضي تبكي
نورسين :اهئ اهئ ريحتك زوينة *خشات نيفها فعنقو كتشمشم فيه كي الهبيلة * واش عاد درتيها جديدة امم
جبل : ياربي صبر ياربي لا و الله حتى هادي اللي ديما كندير
نورسين : هااح و شحال كتحمق
جبل هزها من لارض و دورات رجليها على خصرو و شعرها رداتو جنب و كتشوف فيه و تضحك
جبل : نتي اللي كتحمقي ابنتي شنو جاك فهاد الليل على عطري امم اش بانلك نلعبوا شوية انا و ياك
نورسين :ليريكل احبيبو مفسدة لحظات الجميلة
جبل باستغراب
جبل : ليريكل بلا حريق كي درتي ليها
نورسين: انا براسي تصدمت بالله ما فهمت والو يقدر حيت درنا شكلي فالعكلي مشا الحريق داكشي علاش كيقولك البنت منين كتزوج كيمشي منها الحريق
جبل ضحك حتى تغمضوا عينيه
جبل: شنو درنا ؟
نورسين : شكلي فالعكلي
جبل :*جرها من حنكها * منين كتجيبي هاد الهدرة بغيت نفهم
نورسين : من راسي
جبل تمذا بيها لبيت و حطها من فوق السرير و تكا حداها و جرها لعندو و حط راسو على صدرها و حط يدو على كرشها
جبل : يعني ما كايش حمل هاد شهر
نورسين : اينا حمل عاود ؟
جبل : فاش شفت ليريكل تعطلات عليك فرحت قلت صافي بنتي جاية فطريق و لكن ماشي مشكل الخير فيما اختاره الله
حنا باس كرشها و طفا الضو و رجع تكا على صدرها حتى غفا نورسين بقات كتمرر يديها على شعرو حتى نعسات حتى هي
🌤🌤🌤🌤🌤 اصبح يوم جديد
فاقت نورسين كتكسل و حطات يديها على سرير بانلها خاوي عرفات جبل غايكون هبط لتحت كيجود الفطور مثل كل صباح ديما كيسبقها هو كيوجد كلشي ناضت دخلات للحمام و ادا بها تتفاجئ ان دوك القطرات ديال دم بقاو كيفما هوما يعني ما تزاد عليهم حتى حاجة بقات مستغربة
نورسين : العجب هادا
خدات دوش خفيف و خرجات نشفات شعرها لبسات شوميز دو نوي فالبلوسيال و زادت بينوار من الفوق فنفس اللون جاها مزيون هزات تيليفونها دخلات ليوتيب حتى كتفاجئ بخبر صادم أكبر محامي فالبلاد مريض بمرض خطير و صدمة كانت كبيرة فاش دخلات و لقات بلي هداك 《سعيد الابراهيمي 》 بقات غي مصدومة و قالت بهمس
نورسين : مايمكنش
سعيد الابراهيمي اللي هو الاب ديال جبل الابراهيمي اللي هو زوج ديالها مريض بمرض خطير اللي هو سرطان خبر صادم بالنسبة لنورسين جلسات فوق السرير و حطات يديها على فمها من الصدمة زعما جبل ما يكون فخبارو والو ما يمكنش كيبقى باباه هداك زعما يقدر يكون باباه مريض وهو جالس متمتع هنا جبل ما يمكنش يديرها جبل كيبقى هو صاحب القلب الحنون أكيد ما غايكون فخبارو والو زعما الا ساق الخبار بلي باباه مريض غايقدر يتصالح معاه هو اصلن ما كيحملش حتى سميتو كيفاش غايقدر يتصالح معاه و ينسى داكشي اللي دوزو منو نورسين ناضت و بقات كتمشي و تجي فالبيت كي الموري د الماكانة و دايرة ضافرها فيديها كتغززهم كيفاش غاتقدر تقولو هاد الخبر وهو اصلن قلبو ضعيف ما كايستحملش صدمات واش هادشي اللي كان ناقصهم
حلات الباب و تمشات بخطوات بطيئة كتحس بكرشها كضرها وصلات لكوزينة لقاتو كيوجد الفطور و عاطيها بضهر و طالق أغنية إسبانية 《despacito》 كان لابس غير شورط ديال لاكوسط فالاسود و كيقطع فالفواكه بطريقة احترافية و ضهرو كيتحرك و العضلات نعام اسي كلشي فبلاصتو نورسين سهات فعضلاتو و تكات على الحيط كتعض على شنايفها كتحس بشي حاجة لداخل كتخليها ما تحيدش عينيها عليه بحال مسحورة بيه شنو هادشي كيوقع ليها ريحة عطرو كتأسرها نسات كاع شنو واقع و علاش جات تهدر معاه
بقات غير واقفة فبلاصتها لثواني و حطات يديها على كرشها كتضرها سمعات صوتو اللي زاد طين بلة
جبل:غاتبقاي واقفة تماك امم
نورسين طرطقات عينيها و شافت فيه
نورسين : باش عرفتيني جيت و انا حتى الحس ما درتوش
جبل حط داك الموس اللي كان فيدو و دور وجهو شاف فيه طلعها و هبطها من رجليها حتى لراسها و قال
جبل: ريحة عطرك ابنت قلبي ما تخفاش عليا
نورسين ما حسات براسها حتى وقفات حداه و حطات يديها على صدرو و جبل حتى هو ماشي من العاكزين دور يديه على خصرها و قربها ليها حتى ضربات فصدرو نورسين كتشوف فشفايفو و كتخايلهم بحال شي حبة د الفريز اش هادشي كيوقع ليها غاتحماق اما ريحتو جنناتها تعلات على صباع رجليها و نزلات على شتايفو بالبوسان و جبل ما عرف راسو باش تبلا طريقة اللي كتبوسو بيها فهاد اللحظة عمرها دارتها كتبوس فيه بلهفة بوحديتها و كتمرر يديها على عضلاتو بعدات كتنهج ما عارفاش شنو كيوقع ليها حطات نيفها على عنقو كتستنشقو و كتحشي راسها فيه بحال غايهرب
بعدات عليه بسرعة و مشات حلات الثلاجة لقات جبانة ديال الزاج عامرة فريز هزاتها و مشات خرجات لبرا شعلات التلفازة و لقات واحد البرنامج اسباني ديال الاطفال فيه واحد البنيتة سمرا و شعرها مبوكل حطات ديك جبانة فوق رجليها و بقات ساهية فديك البنيتة حتى دخل جبل هاز فيديه كاس د القهوة و شاف فيها و حول عينو شاف فالتلفازة و بقا كيضحك
جبل : عجباتك ؟
نورسين : زوينة بزاف بحال ماماها
جبل : *باستغراب * و نتي باش كاتعرفي ماماها
نورسين : باينة غاتكون كتشبه لماماها حتى انا بنتي غاتكون بحالي ما غاتشبهلكش نتا كاع
جبل جلس فوق الفوتوي و رشف من كاس د القهوة و حطوا فوق الطبلة
جبل: *بابتسامة * ما كرهتش داكشي اللي بغيت حتى انا غير يكونو عندي جوج بنيتات
نورسين : امم ولكن انا باغا ولد يكون كيشبه لباباها باشحتى انا يكونو عندي جوج اولاد
جبل بقا ساكت و كيشوف فالتلفازة ما جاوبهاش
جبل : نورسين نوضي تفطري
نورسين حركات راسها بنفي و ضربات الجلسة و بدات تاكل فداك الفريز و مع كان حلو كل حبة كاتكلها كيصدروا أصوات من نورسين كتبين بمدى إعجابها
جبل ناض لعندها و جلس حداها و حيد ليها ديك جبانة من يديها و حطها فوق الطبلة و جرها لعندو و جلسها من فوق ركابيه
نورسين: اش كدير
جبل قرب ليها و حط فمو على شفايفها و يدو كيحلو البينوار اللي لابسة من الفوق و قال و شفايفو على شفايفها
جبل : واش من ديما كتفيقي حلوة هاكا ولا غير هادا صباح
حل ليها البينوار و طيحوا من على كتافها نورسين بعدات عليه و قالت بهمس
نورسين: انا مريضة أجبل اش كدير
حشا يدو اللي كانو باردين تحت من شوميز اللي كانت لابسة حتى قفزات و حطها على كرشها اللي كضرها و بدا كيدور يدو برفق على سرتها بحال كيدير ليها ماساج و حشا راسو فعنقها و قال بهمس
نورسين بعدات عليه و بدات كتجبد هزات ديك جبانة د الفريز من فوق الطبلة و بدات كتاكل فيه ما مسوقاش و كلما كتدوق شي وحدة كيصدرو منها نفس الاصوات
جبل : نورسين باركة أبنتي غايضرك
نورسين : لديد
جبل : ما كانش كايعجبك ؟ شنو وقعلك
نورسين : جبل غانمشي نعس
جبل طرطق فيها عينيه
جبل : عاد فقتي ؟
ناضت من عليه ووقفات و لبسات بانطوفتها فرجليها
نورسين : ما نعرف كنحس براسي عيانة باغا نعس
جبل :*حك على لحيتو *واخا سيري شوية و نفيقك
نورسين : ونتا شنو غادير
جبل : غانمشي نخرج انا و ماكس نتمشاو جنب البحر و من بعد غانقرا شي كتاب و من بعد غانتفرج فالماتش د البارسا و الريال
نورسين : و انا ؟؟
جبل :نتي غاتنعسي او لا
نورسين : غاتخرجني بليل قنطت
جبل : غانمشيو لواحد الريسطو زوين حجزتو على قبلنا اصلن
نورسين : غير انا و ياك راس فراس
جبل : ياس
نورسين مشات دخلات لبيت غير حطات رجليها و هي تحس بالتقية مشات كطير سدات الباب و بدات كترد حتى كتحس بمرارتها غاتخرج فاش سالات تكات على الحيط كتحس براسها فشلانة غسلات وجها بالما بارد باش توكاض حلات الباب و مشات تكات وو كتحس بشي وجع فكرشها كيقطعها حطات يديها على كرشها و كتردد نفس الدعاء اللي قال ليها جبل حتى غفات
بعد مرور اربع ساعات
فاقت مفزوعة على إثر شي أصوات كتسمعهم لبسات بينوارها و بانطوفتها و خرجات مدوخة بنعاس بانلها جبل جالس كيتفرج لماتش د الكورة مابين الريال و البارسا و مجهد لصوت دورات وجهها شافت فيه و عاودت شافت فتلفازة
هزات راسها و حطات يديها على لحيتو كان مركز مع الماتش
نورسين : فاش كتكون مركز مع شي حاجة بحال دابا فاش كتكون كتقرا شي كتاب فاش كتكون كتشرب القهوة فاش كتلقي شعر صوتك كلشي فيك كامل مكمول
مررات يديها على عنقو حتى تبورش كامل
جبل: رصاي أنورسين رصااي
نورسين : علاش ؟
جبل : غانصدقوا فحوايج أخرى خليني نتفرج دابا الله يرضي عليك
نورسين : حرام عليك انا كنهدر معاك و نتا ما مسوقش ليا
ناضت من حداها و مشات جلسات بعيدة عليه و دارت يديها على خدها
نورسين : نتا ولا عاجبك راسك صافي غير تزوجتي بيا و نتا تقلب فين داك جبل ضريف الحنين اللي حتى حاجة ما كاتبعدو عليا
جبل :*دوز يدو على لحيتو و ضحك * قاسك داك الحماق عاوتاني منين جبتي هاد الهدرة عاود
نورسين : كنقول الحقيقة دابا نتا بارساوي و لا ريالي
جبل : مع كريستيانو
نورسين : هههه انت مع اب جويليلي
جبل : كيفاش؟
نورسين : كيقولو لولدو جويليلي حيت كيشبه للمغاربة
نورسين جاها الملل و ناضت للكوزينة حلات الثلاجة وجلسات فوق الكرسي كاتاكل فالفريز و تفكرت موضوع ديال الاب ديالو منين غاتبداه ليه و اش غاتقولو و هو حتى سميتو ما كيحملش يسمعها اش هاد الحصلة قررات بليل فاش يخرجوا تجبد ليه الموضوع
نورسين ناضت و مشات جلسات حدا جبل كتنبش فيه و تلعبفضهرو و عنقو مرضاتو ما خلاتوش يتفرج فخاطرو
نورسين : و دابا غير شوف فينا ودابا غير عطينا دقيقة من وقتك أزين غير نمرة ابو لحية واااا دعشوشي وااااا جبيلو
جبل عيا صابر فالتالي طفا ديك تلفازة و هزها من فوق ضهرو و هي كتفركل و ضحك و دخل و زدحها من فوق الناموسية
جبل : مالنا على هاد البسالات
نورسين : انا ضريفة و الله
جبل :*حك لحيتو و تنهد * كنحس بربي عطاني بنت قبل ما يعطيني زوجة كنحس بلي انا اللي ربيتك داكشي اللي درتو انا وياك ما درتيهش مع واليديك اللي رباوك الا كتب الله و بعدتي عليا غانفقد بنتي و مرتي و ختي و عائلتي فوقتما كتجي عيني فعينيك كندعي الله فسر باش تكوني نتي أسعد خلقه انتي ماشي شي حاجة عادية فحياتي نتي ماشي مجرد إحساس عابر نتي شي حاجة عظيمة اللي كتستحق هادشي اللي كندير عليها ربما يجيك كنبالغ فحبي ليك و لكن كلشي نديروا على قبلك حيت نتي تستاهلي روحي
ناض من عليها و قال
جبل : لبسي حوايجك باش نخرجو حاس بيك قنطتي
نورسين :*بفرحة * تنحبك انا ما كاينش بحالك
ناضت بطيرة دوشات و قادات حالتها لبسات كسوة طويلة فالابيض و جمعات شعرها و قدات مايكاب خفيف و خرجات لقاتو واقف جبل كيتسناها بكوستيم فالاسود احساس فشكل تملكها من لداخل حسات بقلبها كيضرب بجهد حل جبل الباب و خطات خطوة لامام و قلبها كيضرها سمعوا صوت ديال شي حاجة تهرسات فالكوزينة نورسين قفزات من بلاصتها
نورسين : شنو واقع ؟
جبل: غير ماكس قاس شس حاجة بلا ما تشوشي بالك
قبطات فقلبها اللي كيضرب و خرجوا هز الطوموبيل و خرجوا من ديك المنطقة شبعوا دوران برا حتى طاح الضلام طوموبيل كانت ملاحقاهم من بعيد وصل جبل لواحد الريسطو و نزل حل لنورسين الباب و دخلوا لداك المطعم كان خاوي كيصفر حيت محجوز ليهم كان منظر ديالو زوين و الورد منثور فالارض بشكل زوين موسيقى هادئة مطلوقة و اضواء خافتة جو كيبعث احساس براحة و طمأنينة جلسات نورسين و تقابل معاها جبل
جبل: شنو تبغي تاكلي
نورسين : اي حاجة من دوقك اولد قلبي
طلبوا الاطباق و بعد مدة من زمن تحطو قدامهم عم الصمت بيناتهم للحظات نورسين حطات الفورشيط وهزات راسها شافت فجبل و قالت بصوت متردد
نورسين : جبل
جبل: نعام
نورسين : بغيت نهضر معاك
جبل حط الفورشيط و الموس من يدو و هز منديل مسح فمو و حطو و قبط فيديها و شاف فيها
جبل بقا كيشوف فيها للحظات و حيد يدو من يديها و حسات بيه تعصب و دوز يدو على لحيتو بانولها بلي عضلاتو تزيرو عليه وواحد العرق فجبهتو كيضرب بقوة الاعصاب دور وجهو جنب و قال بصوت خشن
جبل : كملي ما كلتك
نورسين :*قبطات فيدو بجهد * ب..باباك أجبل مريض بسرطان ماشي مرض عادي كلشي كايهدر عليه فالاعلام واش مزال ما بغيتي تصالح معاه و تنسا الماضي
جبل ضرب داك الطبسيل حتى تشتت فالارض نورسين غوتات و قفزات من بلاصتها
جبل : قلتلك كملي ماكلتك
نورسين : ج...جبل
جبل : نساااااااي هاد الموضوع ما تعاوديش تجبديه ليا
نورسين : ح..حرام عليك اجبل نتا اكثر واحد ملتازم و عارف بحق الواليدين اهئ اهئ واخا يدير فيك اللي دار كيبقا باك ربي و كيسامح
جبل : *قال بعيون حومر و بانفعال * هاااانتي قلتيها الله ماشي العبد
نورسين : حتى انا اجبل شفتي شنو دار فيا بابا و سامحتو راه حرام هادشي اللي كتدير هادو ماشي فعايلك اهئ اهنئ
جبل : هاااااااداك الانسان بضبط مايستحقش
نورسين : *قالت بصوت مرتفع * و راه بااااااك هاداك واش كتفهم باااااك و مريض من الفوق بغيت نسولك واش كنتي عارف بمرضو
جبل : عاااارف و انا اول واحد عااارف و ما غانسامحوش واخا تنطابق سما مع الارض دااااكشي اللي عيشني فيه ماااااا ساهلش مااااااساهلش سدي هاد الموضوع انورسين
نورسين هزات صاكها و ناضت
نورسين : الا ما سمحتيش لباك ما عمرك تشوفني مازال اجبل
جبل دوز يدو على لحيتو ووقف و ضرب داك الكرسي و غمض عينو و عاود حلهم
جبل : نورسين ما تلعبيش معايا فمثل هاد الامور الله يرضي عليك
نورسين عطاتو بضهر و دموع من عينيها شلال و خرجات لبرا بسرعة و هو تبعها وهي غادة لحق عليها و قبط فيديها و دورها لعندو و عنقها بجهد و بعد و حط يدو على وجهها
نورسين : ب...بعد مني
جبل : هاد الموضوع تافه ابنتي ما يستحقش نتخاصمو على قبلو
نورسين بعدات عليه
نورسين : موضوع تافه واش من نيتك راه باك بين الحياااو و الموت أجبل و نتا ما باغيش تسامح معاه اش هاد القلب عندك ا دوي *كتجرو من الكول د القاميجة * اش هاد القلب و من اللخر الا ما كنتيش كتحن على واليديك راه ما فقلبك لا رحمة و لا شفقة
جبل : نووووورسين سدي هاد الموضوع نتي اكثر وحدة عارفة شنو دوز عليا داك سيد اللي سميتو سعيد انا كنكره كنيتي حيت خديتها منو كنشمئز منها الدم اللي كيمشي فعروقي ما كرهتش نحيدو حيت من داك سيد
شي خطوات كيقربوا من اللور كان واحد الرجل داير قب على راسو و لابس كولشي فلون الاسود و فيدو موس كيبري
نورسين بعدات منو و دفعاتو
نورسين : الا ما تسامحتيش مع باك نسا شي وحدة سميتها نورسين ...
بعدات عليه و لمحات شي حد لابس الاسود و فيدو موس بقات غير مصدومة فاش شافتو جاي لجيهة جبل قرب ليه بزاف و كيبتاسم بشر بانلها عوال عليه غوتات بجهد
نورسين : ججججججججبل
جبل بغا يدور و هي تجرو لعندها و دارت بسرعة بغات تنقدو فرمشة عين الموس تخشا فيها هداك غير خشاه و جات واحد الطوموبيل طلع فيها و انطالقت بسرعة البرق جبل ما فهمش شنو وقع كلشي دازبسرعة البرق بقا غير مصدوم و هو كيشوف فدم اللي عند نورسين و العرق اللي هابط منها طاحت لارض جبل ما حس براسو حتى غوت باعلى صوت
جبل : نووووووورسين
طاح على ركابيه حداها و هي قابطة فجنبها و العرق كيتصبب منها و عينيها كيتقلبو بقوة الالم و الدم نازل منها مشهد صااادم بنسبة لجبل بقا غير مصدوم مازال ما متيق هادشي اللي وقع
جبل : ن...ن....نورسين جاااوبيني حلي عينيك نوووووووورسين
نورسين : ك...كنبغيك دبدوبي 💓💓💓
قالت هاد الكلمات قبل ما تسد عينيها و تغيب
وجه مألوف غادي فطريق شخص عندو لحية كثيفة و طويلة واصلة حتى لصدرو شعرو طوال بزاف و لكن نفس نظرات البريئة و الحنونة كان لابس ثياب متسخة كان غادي فطريق بعيدة و لابس حداء مقطع شنو هي الحاجة اللي غاتخلي شخص كان فثراء فاحش و جمال خلاب يوصل لهاد تبهديلة كان غادي بخطوات بطيئة و هاز فيديه راديو قديم و طالق أغنية 《بلا عنوان 》 مجهدة و كلما كيسمعها كيتفكرها هي بالضبط البنت اللي خدات قلبو و كيانو و روحو و احساسو البنت اللي نساتو سميتو و هو بين أحضانها شكون من غيرها نورسين
بقا غادي فطريق و كيضحك كي الهبيل فطريق سنانو ولاو صوفر بدا كيغني بصوت مرتفع و شجي و كلو إحساس
جبل : يا كون تشوفوا حالي يا بعد واش صارالي واه عليها كيا جيت نحيدو من بالي يا ميمتي زاد هبالي واه عاللي بيا ولراح اللي نبغيه وشنو يبقالي ياه لي بغا يحب نوصيه ما يامن للدنيا
طاح لارض و دموع من عينيه شلال طيح داك راديو من يديه و بدا كيضرب فيه بقوة و دموع من عينيه غير ما زايدين كينزلو
جبل : علااااااااااااااااااااااااااااااااااااش انورسين علاااااااااااااش شنو درت ليك باش تمشي شنو درتليك علاااااااااااااااش اربي علاااااااااش ديتيها و انا ما زال ما شبعت منها علااااااااااااااااش
تسطح فالارض و بدا كيضحك بهيستيرية و اللي داز من ديك طريق كيبعد عليه و لا كيلوحو ليه بعض الدراهم غمض عينيه باش يتخايلها هادي هي طريقة الوحيدة اللي كيقدر يشوفها فيه كيتخايلها هازة بنتو و كتضحك معاها و كتقول
جبل حل عينيه و ناض من ديك طريق كيبتاسم و كيضرب فراسو كان غادي واحد الراجل فديك.طريق وقف اونفاص ليه و دموع من عينيه شلال
جبل : مشااااااو بناتي بجوج مشااااو
داك راجل دفعوا من طريق و كمل السير ديالو
جب كمل طريقو و طلق يدو بجوج و هز راسو شاف فسما و كيردد
جبل : ياااااااااارب يااااااااااارب نووووورسين مااااابقاتش معايا ماااابقاتش و لكن من ديما نووورسين كاينة هنا * أشار لقلبو * نورسين كاين فدعاء ديالي نورسين هي كل ما كنملك ديتي ليا حبيبتي اربي بغيت نشوفها توحشتهاااااااا اربي تصدقت باملاكي كلها غير باش نشوفها علااااش اربي خدني حتى انا حياتي بلا نورسين ماتسوا والو
بانتلو واحد البنت سمرا و شعرها مبوكل و عندها نفس لاطاي د نورسين جاية من نفس الطريق اللي غادي فيها هاديك البنت غير شافتو و هربات كانت هازة بوكي د الورد فيديها و شوكولا غير شافها و بدا كيضحك و تبعها و هي غادة هربانة و هو تابعها لاحت داكشي من يديها و بدات كتجري حتى اختافت على أنظارو هز داك البوكي دالورد و الشوكولا اللي لاحت و بقا كيضحك و بقا غادي غادي حتى وصل لمقبرة بقا غادي كيتمشى حتى وصل لواحد القبور مكتوبة فيه من لفوق 《نورسين الابراهيمي 》 انهار و طاح لارض و حط راسو على الراس ديال القبر و حط داك البوكي د الورد و الشوكولا من فوق القبور ديالها و تنهد وقال
جبل : هاني جبت ليك شنو بغيتي ياك يالاه نوضي توحشتك ابنتي واش مابقيتش فيك ياك كنتي كتقولي ليا عمري ما غانخليك علاش كلشي كايمشي و كايخليني واش انا ما مزيانش حتى لهاد الدرجة *باس راس دقبرها و حط نيفو على تراب اللي مدفونة بيه * حتى تراب اللي مغطيك فيه ريحتك اللي توحشتها ماعييتيش من نعاس احبيبي *كيمرر يدو على تراب * انا عارفك كسولة و لكن ماشي حتى لهاد الدرجة هاد المرة طولتي فنعاسك نوضي باش نوجد ليك الفطور اللي كايعجبك ندير ليك اللي بغيتي *دموع نازلين من عينيه * واخا تغوتي عليا واخا ديري اللي درتي كنبقا انا باباك اللي ما كيتقلقش منك
حس بيد تحطات على كتفو دور وجهو بسرعة بانلو يعقوب اللي كان لابس كوستيم فالاسود مع نضارات طبية و لحية ديالو فيه شي زغبات بويض كتبين انو كبر فسن و لكن الوسامة ديالو ما تبدلاش بقا كيف ماهي كان كيشوف فيه نضرة شفقة حيد نضارات من على عينيه و قال
يعقوب : باركة أجبل واش ما بغيتيش تنسا
جبل عينيه حمارو و عضلات يديه تزيرو عليه و قال بصوت كيبعث احساس بالخوف
جبل : دخل سووووق راسك
يعقوب : نورسين ماتت أجبل صافي ما بقاتش شي حاجة سميتها نورسين نساها عليك
جبل وقف و دفعوا و كيحرك راسو يمين شمال و كيردد
جبل :نورسين ماااامااااتتش نورسين ماااااااامااااتتش مااااااماااااتتش مااااااماااتتش
فاق من هاد الحلم اللي كان كولو حزن و كآبة لقا راسو جالس فالارض و حاط راسو على الحيط ديال واحد الاوبيطال و كولو عرقان و شعرو مخربق و القاميجة ديالو محلولين صدايفها من الفوق و عينيه حومر و الدموع فيهم مرر يدو على شعرو و حرك راسو يمين شمال و قال بصوت مرتفع
جبل :نورسين مااااماااتتش
وقف من الارض و بدا كيضرب فالباب ديال البلوك اللي كاينة فيه نورسين و كيغوت على حر جهدو
جبل : نوووووورسين عفاااااااااك ما تخلينيش نووووووورسين قاااااومي على قبلي نوووووووورسين واش كتسمعيني حلوا الباااااااب على مرتي
جاو واحد الرجال كيجروه من يدو و هو كيفركل و يضرب كلشي تجوق عليهم و كيحاولو يهدنوه والو حتى سمع صوت ما خافيش عليه
يعقوب : جبببببل باااااااركة
جبل توقف و دار شاف فيعقوب و ما حس براسو حتى عنقو و حط راسو على كتفو و دموع فعينيه
جبل : الا وقعات ليها شي حاجة نموت ا يعقوب نمووووت نتبعها نمشي من موراه
يعقوب :*كيمرر يدو على ضهرو كيحاول يكالميه * صافي أجبل تهدن انشاء الله ما غايوقع ليها والو
جبل : هادي اربعة د سوايع وهي لداخل أيعقوب عنداك تكون واقعة ليها شي حاجة
بعد عليه و مشا كيضرب فالباب ديال البلوك على حر جهدو يعقوب مشا كيطير كيبعدو من على الباب
يعقوب : جبل تهدن تهدن راه كلشي غايكون هو هداك خليهم يديروا خدمتهم
جبل بعد من عليه و مشا وقف و عطا وجهو لحيط و بدا يضرب فراسو كي الحمق يعقوب بقا غير كيشوف فيه عارفو خاصو يبرد الحر ديالو فشي حاجة
جبل : شكووووووووون هاد الز*** اللي ضربهاااااااااااا شكوووووووووون هو شكوووووووووون
يعقوب: داكوسطا
جبل دار عندو بالعرض البطيئ و طرطق عنقو و شاف فيه و عينيه حومر
جبل : هاد الاسم كنعرفوا فايت داز ليا فدماغي
يعقوب : هو اللي كان صيفطات كاميليا كان كيبيع ليها المخدرات و كان جا عندنا واحد نهار قال بلي باغي يخطب نورسين و ضربتيه
جبل مرر يدو على شعرو و عض على شنايفو حتى كان غايطيرهم من بلاصتهم و ضرب داك الحيط على حر جهدو
جبل : وجد الكفن ليه
عطاه بضهر و تمشا بخطوات مسرعة حتى وصل لبرا و حل الباب ديال طوموبيلتو و هو يسمع صوت الادان ديال الفجر بقا واقف فبلاصتو و دور وجهو شاف فالاوبيطال كيحس بقلبو كيضرب بسرعة خايف نورسين توقع ليها شي حاجة مجرد كيتفكر شنو وقع ليها كيبغي قلبو يسكت حل الباب و طلع و انطالق بسرعة لاقرب مسجد لقاه فطريقو دخل توضا و صلاو الفجر جماعة و بداو ناس كيمشيو بحالهم وهو بقا ساجد و دموع فعينيه و كيدعي و يناجي الرحمان باش نورسين ما توقع ليها حتى حاجة حيت أكيد غادي يتبعها ما هي روحو و حياتو و زيد عليها تعطلو بزاف فالعملية ديالها
جبل : اللهم يامن تعيد للمريض صحته و يامن تستجيب دعاء البائس الضعيف اسألك أن تشفيه و تلطف بجسده و تكتب له الشفاء يا أكرم الاكرمين اللهم ما عجز عنه الاطباء فأنت رب الاطباء لا يعجزك شيئ اللهم اشفي لي زوجتي و حبيبتي انك تقدر ولا أقدر يا ارحم راحمين ارحم قلبا تعلق بيها و لا تريني فيها ضرا
وقف و ناض خرج من المسجد و طلع فطوموبيل هز التيليفون ديالو عيط ليعقوب
جبل : مازال ما كملوا ايعقوب
يعقوب: مازال
جبل : على الاقل غير خبر صغير
يعقوب : مازال أجبل اي تطور غانعلمك بيه
جبل : فين ديتو داك الز***
يعقوب : فالديبو القديم راه مربوط
جبل قطع و لاح التيليفون و عفط على الكسيراتور حتى وصل لواحد الديبو و غير صوت الكلاب اللي كيتسمع
حل المجر اللي حداه و جبد واحد الفردي فالاسود و شاف فيه مدة حل الباب و زدحو و تمشا بخطوات مسرعة حلوا ليه لكارد الباب دخل بخطوات ثابتة وواثقة تشعل الضو و بان داكوسطا مربوط ووجهو كولو عصا و ضرابي غمض عينو و صورة نورسين طايحة فالارض و كلها دمايات ما بغاتش تحيد من عينيه هز الفردي و صوبو لجيهتو و ضربو جات فرجلو نيشان غوت داكوسطا بالم جبل ابتاسم وهو كيسمع صوتو كيتعدب كيفما عدب نورسين شنو دنبها باش يضربها بديك طريقة البشعة لدرجة العملية استغرقات اكثر من اربعة د سوايع
داكوسطا حل عينيه و كولو كيترعد و الدم كيشرشر من رجلو جبل تقدم و قبطوا من شعرو على حر جهدو و ردو كامل لور
جبل : علاااااااااااااااااااش هي
داكوسطا كيهضر و كولو كيتصبب بالعرق
داكوسطا : اله...ه....ه...هدف ك..ك....كاااااان ن....ن...ن ..نتا ما.....م...ماشي ه.....هي (الهدف كان نتا ماشي هي )
جبل : *كيهدر بانفعال *شنووووووو دنبها هي شنووووو *كيزيد يجرو من شعرو * بسبااااااااابك هي مابين الحياة و الموت غاتبقا هنا لطاسيلة بوووك الا وقعات ليها حاجة صغيرة اقسم لك يمينا غانقتلك بيدي بجوج غاتعدب اشد العداب مازال ما عرفتيش نتا معامن
دار اشارة لدوك لكارد و جابو ليه واحد الفردي كيضرب بضو وقف اونفاص ليه و بدا كيورك عليه و داكوسطا كيبقا يترعد بزاااف حتى كيتمنا الموت الف مرة و كيحبس الحركة و يعاود يضربوا شي عشرة د المرات و هو كيعدب فيه بنفس الطريقة لاح داك الفردي و طلق يديه و جابو لكارد واحد السطل فيه واحد الفار لداخل و حطوه على صدر داكوسطا و هو كيغوت بربي اللي خلقو و بداو لكارد كيسخنوا داك السطل بالعافية و داك الفار كيتحرك فصدرو و كيبقى يخبش فيه بطريقة هيستيرية الالم اللي كيحس بيه رهيب ندم اشد ندم كان كيصحابلو بلي ما غايعيقوش بيه و لكن نسا بلي هو مع جبل الابراهيمي و عندو لكارد الخاصين اللي كيخرجوا معاه و من ديما كايكونو حاضيينه من بعيد خصوصا فاش كيكون فاسبانيا حيت تماك معروف بزاف و عندو الاعداء كثار لدلك فاش داكوسطا ضرب نورسين و هرب لكارد تبعوه و داوه لداك ديبو و زيد عليها الكاميرات اللي كاينين حدا المطعم يعقوب جا فالبلاصة حيت لكارد اللي خبروه بشنو وقع فالوقت اللي دا فيه جبل نورسين لاوبيطال
جبل خرج من ديبو و حل الباب ديال اللوطو و انطالق فاتجاه المستشفى 🏢🏢🏢🏢
عند يعقوب
كان متكي على الحيط حتى شاف طبيب خارج من غرفة العمليات و اخيرا انتهت العملية كان كيحيد ليكات ديالو اللي كانو علمرين دم و عينيه عامرين دموع كان داك طبيب راجل عجوز و باين لطيف بزاف يعقوب غير شافو مشا كيطير وقف حداه و قبطو من يدو بقوة و لمح الدموع فعينيه غمض عينو و عاود فتحهم
يعقوب :Qué pasa si ella está bien? * شنو واقع واش هي مزيان *
طبيب بقا كيشوف فيه و تحدث معاه بالدارجة صدموا
- واش نتا صديق ديال موسيو جبل الابراهيمي
يعقوب : مغربي ؟ اه انا اللي خلاني مسؤول على حالة مرتو كي بقات
- ما نقدر نقول والو واش بامكانك تفضل معايا لبيرو
يعقوب : و...وووو....واش واقعة ليها شي حاجة شفت دموع فعينينك عااااافاك قولي شنو واقع راني ما قادرش على شي صدمة
- معجزة رهيبة شفتها هاد نهار ثلاثين عام ديال الخدمة كثر من اربعة د سوايع و حنا كنحاولو معاها لداخل صحتها مزيانة فقط الجرح اللي كان فجنبها تخيط و ضربة اللي جاتها فراس حتى هي تخيطات
يعقوب تنهد براحة
يعقوب : اوووف الحمد الله كان قلبي غايوقف و منين الجرح بسيط علاش تعطلتو هاد المدة كاملة ما فهمتش
- اكثر من اربعة د سوايع و حنا كنحاولو نقدوا غير داك الجنين اللي فكرشها معجزة مني مازال عايش مشاء الله
يعقوب طرطق فيه عينيه مزيااااااااان و قال بصوت مرتفع
يعقوب : ع...ع..عاود
- زوجة ديال سي جبل الابراهيمي حاملة
يعقوب بقوة الفرحة عنق الطبيب و بعد حس بواحد الاحساس فشكل بحال هو باباه
يعقوب : ههههههه ولد و لا بنت
ابتاسم طبيب و ربت على كتفو
- مايمكناش دابا نعرفو حيت مازال عندو أ الله شهر و من حسن الحظ انه تكون عليه غشاء حماه من هاد الحادثة اللي تعرضات ليها الام ديالو
يعقوب عض على شتايفو و قبط فيد طبيب
يعقوب : غانطلب منك واحد الطلب الا جات على خاطرك
-تفضل
يعقوب : ما بغيتش جبل يعرف بلي مرتو حاملة
- *باستغراب * علاش هادا خبر مزيان
- يعقوب : بغيت مرتو حتى تصح و تقولهالو هي الفرحة ديالو غاتكون مضوبلة حيت انا صاحبهم و عارف جبل كيف كيفكر هاد الخبر الا قالتو ليه نورسين ماشي بحال قلتيه ليه نتا و زيد عليها هو من زمان و باغي الاولاد تقدر تكون نورسين باغا تقولها ليه بطريقة رومانسية ما عرفتش المهم ما تقوليه والو دابا هو باركة عليه غير تكون نورسين مزيانة
طبيب ضحك و حرك ليه راسو بالايجاب و انصارف
خرجوا نورسين من البلوك كانت مغمضة عويناتها و شعرها مطلوق ووجهها كولو صفر و معلقين ليها سيروم
من زهر جا معاها جبل نيشان غير شافها و هو يمشي كيجري لعندها قبط فيديها و كيمرر يدو على خدها
يعقوب : خليهم ينقلوه اصاحبي غير لشومبر بعدا
جبل هز راسو و مشا عند يعقوب وعطاه بونية حتى دار حنكوا يعقوب بقا غير مصدوم
يعقوب : جبل شنو واقع ليك واش حماقيتي ااااح على ضربة
جبل : ياك قلتي اي تطور غاتخبرني بيه
يعقوب : وراه عاد خرج طبيب
جبل : شنو قال ؟ ياك هي لابس ؟ ياك ما عندها والو
يعقوب بقا كيشوف فيه مدة و غلباتو ضحكة
يعقوب : قالي طبيب بلي مرتك مزيااانة ما عندها حتى مشكلة غير جرحات الللي كانو عندها فجنبها و راسها خيطوهوم
جبل بشك
جبل : و علاش تعطلوا حتى لهاد الدرجة غانمشي نهدر مع طبيب
يعقوب خاف يخسر ليه المفاجأة و يصدق قايلو طبيب شنو واقع قبطوا من يدوا و ردوا لعندو
يعقوب : واش دابا فعوط ما طمن على نورسين و تمشي لشومبر عندها جالس واقف هنا داكشي اللي قال طبيب هانا قلتو ليك
جبل جلس فوق من واحد الكرسي و قبط راسو بيدو كيحس بقلبو كيزدح عاد رجعات فيه روح منين نورسين ماعندها والو
جبل: الحمد الله كنت غانحماق على شوية اقسم لك برب الكعبة حتى حسيت بروحي غاتزهق *حط يدو على قلبو * و لكن ما حد هادا كينبض نورسين غاتكون بخير
ناض و تمشا بخطوات بطيئة تبعهم لشومبر فين حطوها حط يدو على البوانيي و بقا مدة وهو هاكاك و حل الباب لقاها متكية على ضهرها و سيروم معلق فيديها و غير صوت ديال نبضات قلبها كيتسمع فالغرفة منضر ما عمرو ما تخايل غايشوف نورسين فهاد الحالة اللي هي فيها حط راسو على الحيط و تفكر آخر كلام دار بيناتهم على الاب ديالو
🔙🔙🔙
جبل : هاد الموضوع تافه ابنتي ما يستحقش نتخاصمو على قبلو
نورسين بعدات عليه
نورسين : موضوع تافه واش من نيتك راه باك بين الحياااو و الموت أجبل و نتا ما باغيش تسامح معاه اش هاد القلب عندك ا دوي *كتجرو من الكول د القاميجة * اش هاد القلب و من اللخر الا ما كنتيش كتحن على واليديك راه ما فقلبك لا رحمة و لا شفقة
جبل : نووووورسين سدي هاد الموضوع نتي اكثر وحدة عارفة شنو دوز عليا داك سيد اللي سميتو سعيد انا كنكره كنيتي حيت خديتها منو كنشمئز منها الدم اللي كيمشي فعروقي ما كرهتش نحيدو حيت من داك سيد
شي خطوات كيقربوا من اللور كان واحد الرجل داير قب على راسو و لابس كولشي فلون الاسود و فيدو موس كيبري
نورسين بعدات منو و دفعاتو
نورسين : الا ما تسامحتيش مع باك نسا شي وحدة سميتها نورسين ...
🔚🔚🔚🔚
تقدم بخطوات مسرعة و جلس على ركابيه و قبط يديها اللي كانو باردين ودارهم فوسط يديه اللي كانو دافيين و سالت دمعة من عينيه على يدها و حط يدو على خدها و هو كيشوف فيها هاكاك مريضة قدمو كيف شي وردة دابلة وقف و حط شفايفو على شفايفها و بقا مدة هاكاك و بعد و مرر يدو على شعرها الحريري و تنهد
جبل : سمحيلي بسبابي وقعلك هادشي ضحيتي بروحك على قبلي كن وقعات ليك شي حاجة نتبعك ابنت قلبي
حط راسو على صدرها
جبل : حلي عينيك ابنتي بلا بيك حتى الهوا كيخنقني باراكة من العداب هانا حداك دابا و ما عمر ما غاتوقع ليك شي حاجة
حس بيديها كيتحركو هز راسو لقا عينيها كيتفتحوا شوي بشوي وقف و بقا كيشوف فيها و يدو كيمررها على شعرها
جبل نورسين الجزء 25
محتوى القصة
التنقل بين الأجزاء