دليلة الجزء الخامس

من تأليف ندى العمر
2020

محتوى القصة

رواية دليلة

دمو حامي جامي خدم عقلو وفكر بيه وشاف الامور من الجهة لمقادة ابدا من ديما كيشدها من البلاصة العوجة ، واخا يكون ياسر خوه وصاحبو وبحال نفسو ، لكن غير كيتخيل كيف كيشوف ختو وبلي كيحلم بيها مرتوو كيمحي من قاموسو العشرة وليام لي دوزو وكيحضر الشيطان ومكيبقاش يدير بحساب لا مو لا باه ، لكن شكون خلاه لقى قدامو وحدة كثر منو كرابا ممعتقااش قالت ليه مكتعرف والو الا كان هو زيت هي الما والا كان العافية هي بريكة باش كتشعل 

دليلة...." لي فراسها فراسها شدات ليه ايديه وحلفات متطلق ".....بعد من لبنت اعصماااان 
عصمان...."كيشوووف في ايدها مخنزر ".....حيدييييي يدك حسن ليك !!
دليلة.......نعل الشيطان والا عندك شي فم دوي بيه وفهم شنو ماشي ديما كنخدموو يدييناا 
عصمان....... هادشييي ادليلة مبقااش فيه ندوي بفمو ، " بدا يهلل ويعلي صوتو كثر ماهو عالي "....ختي وصاحبي كيلعبو ورا ظهري ختي بغات تبيدقني ، سيد جاي عندي كيقوليا نتزوج ختك ....
"دا ختو وجايهاا من يديها وهي كترعد غطيح ليه "...كون ما هي طمعاتو وكانت بيناتهم شي حاجة مغاديش يقوول ليا داك الكلام 
" عرفات قدامها واحد مقود في ريو ، عصبة مكيتفاكش ، لي قاليه عقلو هو لي غيفهموو ، نفسو حارة وسميتو عصمان ماشي سيباستيان والا مشات تا بقات بين يديه البنت غتولي في خبر كان .....بغات تدخل ليه بسياسة وبالمهل وتفهمو بالعقل وهو يتسمع صوت دقاان في الباب كان ياسر لي الحضوور ديالو زاد الخل على لخميرة

ياسر ...."خاف على رنا تمشي في رجلين وهي مدايرة لا بايديها لا برجلها....مسح دم من نيفو وسد المحل وتبعو في الحال ".....عصماان حل اصحبي ندويو بالعقل ...!!
عصمان......"سد عينيه ورجع فتحهم والعروق زرقين مشكلين في جبهتو وشاف فختو "....خايف عليك جااي تابعني تال هنااا 
رنا........"غتحماق بالبكى ".....والله اخوياا مابيني وبينو شي حاجة والا طمعتو كندوي معاه عادي وملي كنتي في الحبس كنا الا بغينا شي حاجة كنمشي لمحل نقولها ليه ونجي 
" تسمع صوت باه من لبيت كيغوت دارتها ليه صحتو اما يكون وسطهم ".....عصمااان حضر عقل ك اول دي راه خوك هاداك 
"ضربات حسنية في زريقة وقصدات الباب وحلاتو 
دخلات ياسر شاداه من يدو تا وقفاتو حتال عندو "
ياسر......."جا وراه وشد ليه يديه "...طلقها اصحبي هي مالها متخلينيش ندم راسي حيت قصدت الباب ، راني راجل اعصمان ماشي رعواني ولا شماتة ولا ولد القح** لي غنلعب وراك فهمتك كيف قريتيها ولكن راك غالط فيا بزااف ...
عصمان....."طلق من ختو وشنق عليه ودليلة وراه شادا ليه في ظهرو وتزاوگ فيه "....فلسافتك خليها عندك يكما يسحابليك انا ولد ماما غطيني تلعب ورا ظهري... لعلم الله اش وقع بينكم وانا مشدود ديلمي
دليلة.......حل عينيك اعصمان راه صاحبك هادا
عصمان....."دار خنزر فيها "...نتي دخلي تقودي لبيتك وتصمطي العظامك ملقاكش دوري هنااا 
الحسنية.....اتباارك الله عليك مبقى حيا ..."هزات ايدها في وجه ولدها ".......انا سااخطة عليك الا مطلقتي منو وشديتيه وجلستو الارض ودويتو بالعقل 
عصمان....."عض على شفايفو "....سخط اميمتي ولا عندك بحال شريب اتاي واش باغا تلوي ليا ذراعي بيه ، راه كنقسم برب الكعبة تا نغبر وجهي عليك بخطرة ومتعرفيش ليا طريق جرة وديرو لي عجبكم 
" طلق منو زمشى لبيتوو لي لقاها قدامو كيضربها برجليه مخلا تا حاجة مقادة اما دليلة دارت ايدها ورا ظهرها وظحكات باستهزاء معجبهاش الحال من شنو قال "

دارت بوجه مو وطليبها ورغيبهاا باش تدخل عندو تحت شعار لحلالة غلبت سحارة حتى يرطاب ...ساست راسها ومشات وراه هي حايرة مع هاد سخط ربي لي نزل عليها متعرف تحبسو ما تعرف تروضو وزادت الضربة على ما بيهاا ما قادة تتحرك كي ناس .. دخلات عليه لقات گاع البيت شتتو خلاهاا غير تتشوف و جالس ينفخ مكرهتش يخلطهم بجوج و عقلو واش قرا ليييه .. لكن سخط موو وقف ليه في الوجه و ماخلاه يتهور .. بغات تقرب ليه ورجعات اللور خايفة يقول شي كلمة تجاوبو ولا يسبق يدو وتعاودو داكشي علاش شدات في جنبها وجلسات فوق ناموسية حاطة مخدة فوق رجليها 
عصمان ..." حاط يديه على جنبوو و كيتنفس بجهد " ... دليلة خرجي فحالك حسن ليك 
دليلة ......هاء ..."قالتها باستهزاء "...وتهريسة درتي لييه صافي دمك برد ولا مزال تهرس شي حاجة .. "علات حاجبهاا "..ياكما نمشي الكوزينة نجيب ليك الماعن قدي بيهم الغراض 
عصمان ..." ناض من فوق الكرسي لي تم و قرب ليهااا كيدوي من تحت سنانو " ... بلا متحاولي تلعبي عليا، عرق الاعصاب راه طالع و يا خوفي ندم ملي نقدر نديرو فيييك 
دليلة ..." زادت قربت لييه و كأنها تتقوليه فتك بمراحل بهاد قصوحية الراس " ... ملييي نتااااا تتهدد مك باش تغبر كمارتك عطيني حريتي نخوي القنت 
" متنكرش بلي هاد الكلمة انفوا نطقهاا متقبلتهاش ، حيت حساتو غيكون اناني بحالهم وغيفكر فراسو وهي لهلا يقلب ولا يشقلب بيهاا ...وهادشي هو مكانش قاصدو بالمرة "

عصمان ... "عوج فمو "....اش كتزبلي تما من نيتك ، الالة بلاصتك هي بلاصتي و فين ما حطيت الرجل غتبعيهااا
دليلة ..." ناضت كحزاتو وعطاتو بالظهر كتمسح على عنقها ،بقا كيشوف فيها من لوور حس بيها تقلقات واخا مقاصدش ضرب ايد في ختها ومشى ورا ظهرهاا حط يديه على خصرها حتى لصق ظهرها على كرشو وانفاسو الحارة كانز كيضربو في عنقها ، بقات جاامدة متحركااتش ،بعد شعرهااا بيدو الخشنةة و حط نيفو على عنقهاا خلاها تخرج عينيها وتبعد عليه عاد دور تشوفيه طالعة لسماا " .....ناس في ناس ونتا في مشيط الراس واش مزعزع درب وعندك هانية 
" كانت بارعة في تجلويق الهضرة دغيا دريبلاتو "... علاش هاد العصبية كاملة حيت خوك و صاحبك طلب منك ختك على سنة الله ورسووله فين هو المشكيل ؟
عصمان...." عطاها بظهرو ومشا الشرجم "...مكاينش المشكيل شكون يكره الحلال ولكن ميرضونيش بغل بودنيه طوال، شكون يگول انا دخلت لحبس وهو لعب في عقلها ولا منعرف رااه دماغي وقف وتشربنت
دليلة ..." مشات حداه ودوات معاه بالهداوة واخا مكيعرفش ليها ".. ... بالعقل ا عصمان جلس و فهم ماشي ضروري ديك الحالة لي درتي ...يقدر يكون كلامو صحيح ولي كتهيئو نتا ممنوش .... "تنهدت "......شوف السيد معقوول ودخل من الباب ... عكسك انت لي حطيتي ليا ورقة نسنيها ومدرتش هاد الحالة 
عصمان ..." هز فيها حاجبو " .. وشنو دابا تضربيني بسلاحي 
دليلة ... " ربعات ايدها وهزات ليه كتافها "...وتاا بسلاحي الى بغيتي سير خرج تفاهم معاهم و نتا غير فردي و معمرينو 
عصمان .." ابتاسم على اخر كلمة قالت " ... ونتي ما تجيش نتافهمو في حوايج خرااا 😉
دليلة ..."صغرات عينيها فييه و فهمات قصدووو وفاتو لهيه " .. وسير خرج راك خليتي قيامة نايضة بعد الانفجار لي درتي 
..."دار يدو على ذقنو وصدرو كيطلع وينزل بطريقة عادية عرفات كيف تبردو...مدات ليه ايدهااا وقالت " ...
دليلة. .....يالله زيد خرج الا مكانش على وجهي على وجه باك ومك 
عصمان....."شد في يدها وزير عليها مقربها لعندو صدرها على صدرو "... اييه ا عصمان حياتك كلها كلامك ما يجي فوق منووو كلام ، جااات هاد نص صبع مقصحة راسها معايا يا الصگعة راه غنخرجها منك 
دليلة .." قلبات فيه عينيها " .. لوصلتي لودنك گرش عليها بعضة و العود لي تحگرو يعميك قالات نص صبع 
عصمان ..." غفلها و عضها من نيفها " .. دابا نشووف واش هاد العود غيعميني ولا نصدق غا گارضوو و نمرض انا في صحتي ..
" جرها حداه فجنبو و تم غادي كيطرطق فعنقوو و حل الباب " 
دليلة ... سبع زعمااا و لا اش قالك طنطون تاع راسك 
عصمان ... تي قادي فمك !!
دليلة ... ياكما داير معايا كونطرا عليييه 😡 ...
"حط يدو على عنقها قاجها ومهبط ليها راسها لتحت "....خاصك اعادة الهيكلة ونعاودك على يديي في ترابي ونخاليك تعلمي تسدي فمك !! 
دليلة....." هزات راسها لفوق تا تهز الشعر من على وجها ووقفات حاطة يديها على خصرها ".......اش في جهدك مدير 
عصمان....." تبتها بايد باش متزهقش ليه وخدا صبااعو كيدوزهم على فمهااا قبل مينزل شفايفو يحطهم على شفايفها خاطف منهم بووسة حنيينةةة خلاات وجهااا يتزنگ حيت قرات في عينيه بلي عندو رغبة كبيرة فيها وباغي يمتلك قلبها وجسمها وكلشي فيهاااا "

دفعاتو ومشات البيت داخلة كتنهج ووجها حمر جلسات حداا مو ، مرة تصايب شعرها مرة تكحب تا بان ليها دااخل مثقل رجليه شافيها لقى وجها مزنگ و الحسنية مرة مرة تسول مالها 
الحسنية .."تتهضر غا من تحت سنانها " .. ريحي لي گاشوش قلبي هاد السخط ضربك عليا بليمين نوض نعاودها ليه قدامك 
دليلة ..." وركت ليها على يديها و دوات تا هي بنفس الطريقة " لا لا اشمن يضربني بغيتيني نعودو 
"مقلتهاش مزاح وانما بصح وواثقة من راسها ومتيقة ههه "
الحسنية ..."شافت فيها مبهوضة من بعد مبان ليها غصمان داخل طالق غوباشتوو " ... هذا وليدييي 🙄
جلس حدا دليلة ومقابل مع ياسر لي كان مهبط راسو و شاد فيه و رنااا جالسة من جيهة لخرا ديال الحسنية شداها تنخصيصة .. ومع كل شهقة ياسر كيحمر عينيه تا عروقو تنفخووو .. 
عصمان .." جبد گاروه شعلو وبدا كيكميه شاف في دليلة لي سدات نيفها زعما خنقتينا.. رفع فيها حاجبوو بحالا كيقوليها ياك المرضية .." احم ها وذني لييك الي عندك قولو نسمعوو 
ياسر .." كيف سمع صوتو وعرف الكلام موجه ليه هز راسو فيييه عينيه حمرين بالأعصاب " ... كلامي اعشيري و خويا قلتو لييك ،ختك هااا هييي قدامك شوفة خايبة عمري شفتها فيييهاا فما بالك نفكر بشي حاجة عوجة ... وراها بنتييي تنحسها بنتي اخوياا .."بدا يضرب في صدروو" .. نمووت ونعرف علاااش عقلك توسخ جيهتي فاش سمعتيني باغي ختك ... شنووو زعما متتعرفينش 
"وقف وحل يديه قداموو ...رنا هزات راسها فييه حسات بقلبها تكمش في هاد اللحضة اي نعم منكرووش بلي تيعجبها و ماشي غير شوية بزاف .." 
ياسر.....هاني قدامك شنوو لي يخليك ترضى و تبرد باغي ضربني اجي ضرب 
" بقات دليلة غير تتشوف و الحسنية شداها الخلعة مع البكية و عجبها تصرف ياسر و زادت تأكدت هذا هو راجل بنتهاا .. اما صعصع الوقت بقا كيشوف فيه و مصغر عينيه .. تا ناااض قدامو ووقف قبالتوو .. تمت واقفة معاه دليلة و دور راسو ليها " 
عصمان ..."شافيها " .. واقلة تا نفطمك عاد ندوي معاه ...."بصووت مبحوح "..... تي سيري تجلسي الارض شوية عطي راحة لراسك وخلي ديك الغرزة تنشف 😠...
"خنزر فيها يا الله غتجاوبو وهي تنغزها الحسنية ،اما هو رجع نضراتو لياسر لي كان كيتسنى شي ردة فعل منوو .. تا صدموو " ...
عصمان......." طفى لگارو وحنحن "... وقتاش العرس 
ياسر ..." طلق ملامحووو و ضحك و تلاح عليه عنقووو " .. عشيييرييييي
عصمان ..." بادلو العناق " .. نعرفك قلقتيها نخشي ليك وجهك في التراب 
دليلة ... " ما حسووو تا غوتات عليهم ضارو عندها " ... واش شوية لباس وتشاورتي معاها واش باغا ولا ما باغاش ولا انت تتحكم و مول الري و الشوار 
عصمان ... زلي دوك الحجبان ولا نجي نهبطهم لييك وزايدون كي درت وحلت معاااك اس بغيتي تااني ها العقل و دويت بيه اش باقا باغا 

دليلة ..." بحالا شارجاهاا " ... كيفاش اش بغيتي ثاني واش هاد البنت معندها رأيي معندها كلام ... او الى هي مبغاتووش تبزز عليها مثلا ..
" ضارت لرنا " ... دوي ارناا لاش ساكتة ؟؟
عصمان ..." دور راسو جيهت ختو لقاها حادرة راسها و تتفرك في يديها " ... شتك تتحرضي عليا ختي لا صبر ا شفيق نعطيك مضى و بدا تشلخ فييناا .. ولا نعطيك شي گارو تشعلو باش طفى 
دليلة ..." خنزرات فيه " ... قطعتووووووو 😡
عصمان ... زميه وتبتي " دوا مع ختو " نتي اش بان ليك ارناا في هاد الكلام 
رنا ..." السيد عاجبها و غاطير بالفرحة ولكن تبين لخوها ينوض يخلي عشتها " ... لي درتيها اخويا انا موافقة عليها 
عصمان ..." شاف في دليلة و غمزها " ... الحسنية اري عليها شي تزغريتة
الحسنية " ناضت تتعنق في ياااسر و تخبط ليه في كتافو لي يديرو منها الضوبل لاح عينيو في رنا لقاها تتشوف فيه و هو يغمزهاا تا بانت ليه ابتسامة عرفهاا انها راضية على زواجها بيه و باس الحسنية يديها " .. الله يرضي عليك اوليدي ويتاويكم وراك رااجل 
ياسر ..." باس ليها راسها " ... تربية يديك متتخرج فالصووو ههه 
الحسنية ..." هزات خنافرها السما " ... وشنوو ما شاء الله اللهم بارك واحد ينسيك في لاخر ربي يحفضكم ليااا ..
" بقاو شي يبارك لشي تا حسات دليلة بالعيا وبنفسها ضاقت عليها ناضت لبيت النعاس ترتاح مبيناش .. غير باش ميتبعهاش يخليها تحط راسها ... ولكن هو عينو عليها ومكيغفلش دغيا تبعها 
دليلة ..." نفخات بقلة صبر " ... واش متخلينيش نعس ولا شنوو؟؟ واش مخرجك الطبيب لياا ،ضروري تبعني فين ما مشيت 
عصمان ..." جلس حداها و مقرب ليها " ... جيت نشوف مرتي واش تحن عليا وتشووف من حاليي .. ها رنااا غتجي غا وراك وتكون حلال راجلها في كل شي .. و اناا تقول مجوج بشفيق ما عندو لا احساس ولا ضمير جاامد و معششة فيه البرودة ... لباسك لباس الزوافرية اما هضرتك حدت ولا حرج غا موس وماضي 
دليلة ..." حكات وذنيها " ... ساليتي و نوووض خليني نعس تااا دواا مخليتيه فياا يشد بلاصتو داير بحال العجاجة غا كتصووط...."يالله تغطات بالمانطة غانة راسها وهي ترجع تعري راسها "....ونزيدك معاك شفيق وعلال القلدة وعزري الدوار غير بلاما تحل ...
"رجعاات غطات راسهاا اما هو عطاها جوابو بلي تعيش وتشوووف ،خلاها ترتاح وخرج برا يتحرك مع ياسر شوية ومنها يكمي ليه عاد يدخل .
.....
صبح الصباح وحلات عينيها في بيت عصمان نعسات مرتاحة مقفزات ولا تشطنات دورات راسها في لبيت بان ليها حسو مقطوع ...جمعات الوقفة وخرجات غسلات وجها ،صبخات على رنا والحسنية لي كانو كيوجدو في الفطور ...رجعات لبيتها تبدل مشات لصااكها وهي تصدم لقات ايدها وضس ، لا سيرفيتات لا والو مخلي ليها غا سراول يدورو ....عرفاتو غا هو وشكوون من غييرو ، مدارت تا رد فعل مشات تركنات فوق ناموسية حيت عارفاه غيبان يبان ...مزال مكملتهاش تاا تم داخل هاز ومحمل ممخلية تاا حاجة حط ليها بلاستيكات فوق ناموسية وغمزها 
عصمان.......صبااح لمعسلل 
دليلة....." هبطات عينيها لشنو خاط وحركات ليه راسها " .....فين هما حوااايجي وشنوو هادشيي !!
عصمان..." بغى يجاوبها وهو يصوني ليه تليفون "...من ليووم هادو هما حواايجك راني قلت ليك غنقادك ، بغيتي تلبسيهم مرحبا مبغيتيش بقاي عريانة ولكي الاجر فياا
" دوز الخط وحط تليفون على وذنو وخرج اما هي مشات ايدها كتبقشش لقات مكاين غاا كساوي هابطين ثواب جلالب طالعين،
خسرات ملامح وجهها حيت طير معزة ولا تنزل الارض متلبسش ليه هادشي ...مكانتش من العاكزين مشات هزاات سروال من دياولها لبساتو وحلات الماريو جهتو لقات قبية في الابيض لبساتها ليه وطلقات شعرها وضربتهاا بتعكيرتها المعتادة ....مجات فين تكمل حل الباب وحل معااه فمو وطرطق عينييييه
عصمان ... عشيري شي شعلة و الله يعفو

كييقوليك في زمانة الحشمة مشات مع ناس زمان.... مشات ملوحة العيالات و فحولة الرجال ....وبقاو غير صحاب عري عليه وارا نشوفو ...
تلقايه يتسابق مع ختو في المرايا وديما المشطة في جيبو ...يدوي مع البنت من هنا ويدور من لهيه يبغي يتزوج ويأسس دار وهو مهاز تا سروالو من الارض ... 
اما بنات ليوم مكاين غا الله يعطيك صحيحتك عند بالهم زواج غير عسل ومشماش معارفينش بلي راه غير يومين الباكور ويدوزو لمسگي ويدوقو الكرموس الهندي 
لكن في كل بلاصة كاين حجر و طووب .. كاينة بحال دليلتنا لي لا هي من ناس زمان و لا هي من ولاد هاد الوقت .. طاحت و تمرمدات قاصات و تعذبات .. و في الاخير ربي جزاها 
بعصمان راجل تتمناه اي مرأة لبنتهااا ، قد فمو قد ذراعو قد جيبو ، لغابرة يحضرها والواجدة يجيب منها بزاايد لي شافتو بغاتو وتمناتو ولي مشافتووش ربي يعطيها شخص فحالو ، سعدو سعد ، عمرو حبى ولا عرف للحب جرة تا نهار بانت فيه دليلة جاا على راسو وغير هي لي جات ليه مع هبالو 

••••••••

بعد ما دخل و لقاها بداك المنظر كان متمني و حالم يشوووف انثى قدامووو كحيلة غلى قميص ولا كسيوة بحال گرانها ساعة خاب ضنوو و لقى قدامو غااا واحد كيبيع ديطاي 

عصمان .... عشيري معاك شي شعيلة و الله يعفوو 
دليلة ..." مكانتش من العاگزين مشات الكوافوز لقات بريكة .. ومشات تا وقفات قدامو خشات يديها في جيبو لقات البكية جبدات منها گارو خشاتو لييه في فمو و شعلات لييه " .. لعفو على من تلفو ، دوز حيد من قداميي خليني ندووز 
عصمان ..." تنحى على الجنب و خلاها الدوز " ... اييه دوز اخوويااا بان ليا خاصني نصلي و ندير قيام الليل و نكتر من الصداقة باش ربي يشووف من حالي راه بان ليا الحال تزاد عندك. 
دليلة .....لي شاف شي يقول الله يستر 
عصمان ..." نقز عليها تا جرها من يديها و دارت عندو ، جرها من خصرها مزيرها عندوو وهز صبعووو كيدوز على فمها منها كيمسح ليها داك العكر دار ليها حجة و زيارة ..شوية حسات بيدو تخشات تحت القبية دازت على الضربة تا غمضات عينيها تعگرات" ... هاد الضربة مغتسواناش 
دليلة ..." دفعاتو من صدروو عليها " ... حيد يديك و انت شتك ولفيتهااا يا بربي تا نحط عليك باطل و مكاين ما سهل منوو .. و ديك الضربة خليها تخماااج 
عصمان ..." جرها من راسها تاا لاسقها مع جبهتوو كينهج بالأعصاب " ... جوج كلمات تسمعيهم منييي كيف. قطعت ليك داك الگارو نقطع ليك تا لسااانك و فمك فاااش نهضر تسديه و فاش نقوليك الكلمة ديري سمعا و طاااعة و دابا دووزي نسواني ليك الضربة 
دليلة ..." بقات على نفس الحركة " ... دستوووور جلالة السلطان عصمان .. "خنزرت فيه "....و انا قلت ليك ما غنسوااانيش وكلامك يتمشى على راسك و لساني ربي عطاه ليييااا باش نعرف نجاوب لي فحالك .."كحزات علييه ورفعات يديها و كتافها وغمزاتو " ...هادشي لي هزات ليك مغرفتك 

مشات لصالون لقات رنااا و موو جالسين معمرين كويس ديال أتاي و تتهضر هي و ياها على العرس و داكشي لي خاصو يكون ...جلسات حداهم بحال العجاجة .. مجات فين تدوي معاها الحسنية تاتم خارج تا هو خابط وراه باب البيت و داز من حداهم بدون ما حتى يشووف جيهتم .. خرج وزدح معاه باب الزنقة 
الحسنية ... بسم الله الرحمان الرحيم ..
"هزات عينيها في دليلة لقاتها معيطة على اللاص وجامعة الحضاش ... شافت في رنا غمزتها با ش تخليهم بجوج و داكشي لي كان " .. دليلة بنيتي هاكي كويس وخودي فطري راه خاصك تقوتي 
" خوات ليها كاس ومشات جلسات قريبة ليها تجبد معاها خيوط لكلام " .. بنيتي دليلة راني بحال ميمتك لا قولي ميمتك نيت .. وهاد الهضرة مكانش جا وقتها حيت كل شي جا بالزربة و دابا بغبت نسولك 
دليلة ..." شقلبات عينيها بتساؤل " ... وانا كنسمع اخالتي اش كاين ؟
الحسنية ..." شدات ليها في يديها " .. متخافيش غا هضرة العيالات .. نسولك و جاوبني ابنيتي واش عصمان ولدي قااصك دخل بيك 
دليلة ..." فهمتها اش قصدت ما هي لا مكلخة و لا هبيلة ..عضات على قنانفها وجوبات " .. احم لا اخالتي علاش غيقيصني الا كان زواجنا على الورق 
الحسنية ..." خرجت عينيها و خبطت فخاضها " .. وعلاش ابنيتي لي باقي واشمن زواج على لوراق 
دليلة ... راك عارفة اخالتي. انا مناش دزت و عااد زيدي زواجي منوو كان بزز يعني داك النهار كون ما عرفت و فهمت الورقة اش فيها كوراني لدابا مشموتة ولكن عرفت اش ضاير بيا راني مانيش مكلخة و كون ما سنيتش مغنكون لا انا ليه مرأة ولا هو ليا راجل. 
الحسنية ... ا سمعي كلامي مزيان ابنتي طوال زمان ولا قصار غدخليه لعقلك و لقلبك ....وهاد تخربيق لي كتقولي فيه مكاينش...اجري راجلك عندك و خليه في فراشك وإياك تفرطي فيه يصبر تا يعيا و يمشي يقلب على فراش خر .. رجال يصبرو على كلشي جيهم تال داكشي ويتقادا ، واش هادشي فيه بزز منو حلي عقلك معايا وسمعي كلامي ، ربي كيبغيك حيت دارو ليك في طريقك بلاما تبقاي تقصحي راسك راكم مكتوبين لبعضيااتكم ملي تزاديتووو 
"بغات تجاوبها دليلة وهي تقاطعها ".....تا كلمة منسمع منك راكي بحال رنا الا تلفات كنرجعها لطريق ونتي كذلك ...ايزا فرحيني بشي وليد ولا بنيتة يعمرو عليا الدنيا راه عصمان كيمووت على دراري صغار 

اول مرة عقلووو يتشغل مرة يخمم كيفاش يدير ليها تا يهربها من عندو ويفرزها بوحدها ويخليها تخوي لمزيودة ، مبغات دخل ليه في بالو ولا بغا يتيق بلي راه مع راجلها مرتاحة ،مخاصها خير ، تحت جناح زريقة و في دارو و على سميتو مكاينش لي يتجرأ عليها ولا يهز فيها الصبع ، وهي عاجبها لحال .. جات في بالو اخر لقطة فاش شدات ليه في يديه و تحدات كل شي على قبلووو ....
تعصب ولاح لي في يديه الارض مبغاش يتهضم ليه كلامها ولا يسرطو و خرج من لاصال غيبخ الدم ، مشى لدارو دوش وتقاد وخرج من جديد وهاد المرة لبلاصة الى شافو فيها صاحب دعوتو غيكون اخر نهار ليه في هاد الدنيا ....وقت قليل و كان وسط زيرو كاط .. بلاصة طموبيلتووو و هبط كيتسارا و كيشوف هاد القنت كيف داير و بنت عمتو فين عايشة ... ..
بقى غادي وكيشووف في جنابو ويضور في عينيه ، هاد المرة كان جاي بلبس يبورتيف وداير كاسكين وجهو ممفرزش وقف عند الحانوت لي فراس الدرب ولي گاع خبار الدنيا والسوق جامعها عندو ، مد ليه لفلوس وطلب منو مونادا باردة، بان ليه كرسي حداه جرو و ريح حداه .. 
ادام ..." وجد كلامو لي غيقول و باش يجبد منوو داكشي لي باغي " .......بغيتها تكون باردة معاك 
-"جبد قرعة ديال المونادة و مدها ليه و حيت كيعجبو تقرقيب الناب جبدو بالكلام " .. هاك و بالصحة واقلة ماشي ولد هنااا ، سيفتك غريبة ومكتشبهش ولاد سيكتور 
ادم ..." تبسم ليه " .. وباش عرفيتيني ماشي ولد هنا علاه نتا عارفهم كاملين مفلت ليك تا حظ 
- ياو شكندير انا هناا ولاد الدرب تنعرفهووم من لقبيح فيهم عصمان زريقة تال اصغر برهوشة مزال كيرضع 
ادم ..." تبسم و هز حاجتو ودار عندو متعجب " .. عصمان زريقة ، كنسمع بيه هنااا 
- مكنينها عليه ولد الله يعمر ليه الدار فحل وراجل و فين ما بغيتيه تلقاه ،.. ولكن راه كلمتو ما تجي فوق منها كلمة ، ودابا من ورا فاش خرج من الحبس تزوج من واحد البنت مهاا مدوخة نص في رجالة الدرب ونص لاخور فرحان حيت تشدات 
ادام ......"تقاد في الجلسة وبدا يجبد منو الهضرة فير بريط وبلاما يبين ".......علاش اش دارت ياكما حصلتها شي وحدة مع راجلها
- ابلاتي نجلس حداك راه عندنا الحيوط تيسمعو توصل اخبار لزريقة تنعاود لشي حد يعلقني في الضو وانا كنشوف ..
" خرج جلس حداه و بدا يعاود ليييه من اول مرة حطات دليلة رجليها الدرب حتى لنهار ضرباتها مهاا .. على قبل عصمان و بلي مها غير خارجة الطريق و مكانتش معتارفة ببنتهاا كون ما شوهة لي وقعات والرمانة لي تفرقعات 
حس بعنقو تشنج وتصلب ومبغاتش تسرا معاه بلي تشمت ...زاد خلفة مع طريق خلاه راجل يسول ويجاوب الراسو ، طلع لطوموبيلتو وقصد الكوميسارية كان صاحبو تما دخل نيشان لعندو 
ادم.....بفيت نعرف گاع المعلومات على دليلة 
- " بتساؤل "....ياك لاباس 
ادم ...." تلاح فوق الكرسي مزول على راسو الكاسكيطا ".....شي حاجة ماهياش هنااااا 
- اوك لسيدي تسنى واخا هادشي كان خاصك اول حاجة ديرو ، ماشي هو اللخر 
" طابة سميتها وسمبة مهاا وطلع ليه سجلهااا من نهار تزادت تال نهار تشدات في الشفرة "
ادم ..."كان حداه وقرا كلشي ".......بغيت عنوان باها حيت هو الوحيد لي غيوصلني ليهااا 
" بحث عليه قيدو ليه في ورقة وعطاه ليه "
- شي حاحة ااخرااا
ادم ....." ناض فحالو ".....داابااا لااا

جالسة هازة تليفونها بين يديها وكتقلب في نوامر ....دازت على نمرة حسن وطاح في بالها ومعرفات اشمن جايحة شد......لقات نمرة سعاد وتساءلات اش مدوزة تم ....في لخر شافت تا عيات وحطاتو في جيبها وقررات تخرج قدام الباب يضرب فيها البرد ....غادا ومحاولة على الجرحة بانت ليها حسنية واقفة مع شي جارة وعاطينها لتقرقيب سطالي وقفات حداهم كتدور في عينيها
حسنية.....ياكما خاصاك شي حاجة ابنتي ؟؟
دليلة...."دايرة يديها بزوج في الجيب "...لا والو بغيت غاا البرد يضرب فيا ،دورات راسها بان ليها واقف مع وحدة طول بعرض .. و لابسة واحد السرڤيط تجلس قفازي تقطع .. جا كلام الحسنية في وذنيها ...ونطقات مع راسهاااا 
"الله يبارك في عمر سيدي .." مشات تتعرج تا وصلات قدام وجهوو وبلا متحاشيها للي واقفة معاه تفركعت عليه ، شنو يخليها في الدار ويحبس عليها الما والضو وهو طلقها تسرح ابدا واش تدوزها ليه ، " .. تعت ربي ملي نتااا هكااا عطيني غا خريتي نزيد نقود فحالي غا باش منبقاش معلقة ما ني من المزوجات ماني من المطلقات 
عصمان ..." خنزر فيها " ... اش مخرج حبك نتي من الدار 
دليلة ... برد الخاااالق اخووويا 
" يا الله غتزيد تا سمعات صوت محلون من عند لي حداه " 
-زرريقة شكون هادي 
عصمان ..." جر دليلة و خشاها في جنبو " ... هادي الاوكسيجين 
.... " دارت راسها مكلخة وبغات تفقصها حيت من اللول عرفاتها مرتو" .. كيفاش أوكسيجين " طلقات ليه ضحكة مقحبنة "
دليلة ....." عرفاتها وقراتها وحلفات لا فبها بقات ...بعدات على عصمان وتلاحت على شعرها مهبطاه لتحت "....هو لي غنصيفط مك ديريه في ليغجونص

(ثم شيئًا غريبًا بعلاقتك مع الحب .. دائمًا يُعاندك الحظ .. فتقع بغرام من يُخزيك ويلفظك ..و إما ان لا تلتفت لمن يهوی النظر إليك .. 
كانت تلك دائما مشكلتك ،الكبرياء ..
إنك تخشی البشر وتخشی الاقتراب منهم .. تُثير مخاوفك فكرة الإختلاط .. فتخشی أن تتجرع مرارة الفقدان .. الخزي .. والخذلان مرة أخرى .. تُظهر جانبك السيء في بداية كل شئ لتبدو بشعًا .. كئيبًا .. وصعب المِراس .. انت لستُ كذلك ..
فقط اعلم ان الحب أجمل مافي الحياة .. وقد يكون الحياة لبعضنا.. لن يعرف معنى الحب ..إلا من زاغ طعمه ..ولن
يزوغ طعم الحياة إلا من زاغ طعم الحب ..فالحب يمنح الحياة إحساس يغمر القلب بفرحة لا 
توصف .. وسعادة لا تنتهي..فالحب هو قلب الحياة..

~~~~~~~~~ rouh at ~~~~~~~

الا وقفات وغوتات وتا الا ضربات ماشي كتبغيه وغارت عليه وحسات بقلبها كيتقطع من البنت لي كدور بيه ... ابدا هادي غا هضرة ودايزة اما بالنسبة ليها هي حييث مكتحملش راجل يستحمرهاا ولا يخشيها في دار ويلعب برا...يحرم عليها شلا حوايج وهو حلال عليه تحت ماا يسمى هذااك راجل وراجل مكيعيبو غير جييبوو....بالنسبة لدليلة هاديك غا هضرة الكيلو زايدة ناقصة مفارقاش معاها...بغض النظر على زواجهم وكيف ما بغى يكون ...بصح ولا مزور هي على ذمتو وناس عارفينها مرتوو ونقطة ورجوع لسطر خاصو يحتارمها كيف محتارماش ، يدير بحسابهاا كيف هازاه والا كان العكس تعلن الحرب ولهلا يقلب 

دليلة....."عرفاتها وقراتها وحلفات لا فيها بقات ، بعدات على عصمان وتلاحت على شعرها مهبطاه لتحت ".....هو لي غنصيفط مك ديريه في ليغجونص
تغرساات صباعها في شعرها ونزلاتها لتحت تنتف وتعاود....تكسرات الدنيا بالغوااات وتا حد متجرأ يقرب ولا يفك حيت عصمان واقف 
هاد الأخير لي مكان هامو غير الضربة لي في جنبهاا ، الحسنية غير شااافتهااا هزات على جلايلها غادة قاصداها تتجري
-الحسنية ..." بانت ليهااا درية منزلة راسها التحت و دليلة واخا رقيقة لكن عظمها صحيح وضربها خايب وقااصح " ... اربي نتفتهااا وااا عصمان اويلي فك فك ..
" شدتها بجرية تالعندهاا ،كتحيد يديها من شعرها وهي مكينااش هناا جعراات وطلعات واش جا منزلهااا " ...واااا عصمان جالس تتفرج فيهم تا دير شي حاجة 
عصمان ..." خاف يجرها تعگر خاااف يهزهاا تسيل ليها الجرحة ليها بالدم ما لقى حال معاها غير لغوات " ... طلقييي من البنت و دخلي الدار اش هاد شوووهة خصايل لعيالات 
دليلة ..."مزيرة عليهااا ممعتقاش ولا هي طلقت "... ... اناا يا بنت القحبة طلعي فيا وتهبطي ، نعجة حداك تعطيني من تحت الدف انا نوريك ردان الصرف كيف كيكووون بالفعل ماشي بدوي 
عصمان......." غمض عينيه وحلهم معصب منها ، جرها من يدها بجهد حتى زغب بقى لاصق فيهاا ....واااا صاافي الق *** تي دخلي فحالك ظهرك گاع تعرى ولقحاب كيطاالو واش دمدومة انااا حداااك هناااااا 
"ضارت لعندو وجوباتو قاصح ممسوقاس للبشري " ... طلللللللللللق منيييييييي طلللللللق ، سيير حكم على راااسك وتهز على گرانك 
عصمان ..." شدهااا من معصمهاااا مزير عليها " .. دلييييلة متعصبيش ديلمييي راه غنخبط جدك مع الحيط 
دليلة ..... سمع نقووليك داك التصعصيع ديرو مع هادو لي كيتفرجووو انااا ما بيني و بينك تااا شي ق " قالت نصها وسرطات الباقي ".... فوتني عليييك هاد ساعة 
عصمان ..." صغر عينيه فييها و قرب ليها لوجهاا و طرطق عنقووو وشدها من شعرهااا اللور " ... داك اللسان الى مقطعتووو ليييك راه مااا والدنيش راجل " كيضرب في صدروو " .. وكلااامك بربيييي غندم القح** مك عليييه ..".... ضار عينيه في الدرب لقا كل كيتفرج غوت غوتة تاا تشتت بنادم " ... وولااااد الحضاااية ، قابلو شغالاتكم وااا حضيييونييييي اناااا ، 

شد دليلة جرهاا من شعرهاا و دفعهااا على الحسنية .." هااادي دخل تدفن ديلمهااا في الدار تانسالي ليها 
دليلة ... " طلقات من الحسنية و مشات تقابلات لييه في وجهو و شافت فيه بواحد النظرة مَشْكْلاتُو كثر ماهو مَشْكَلْ من كلامها لي قالتو ليه قدام الناس لي كيدير ليه اعتبار و كيحسبو ليه حساب ،و جات هي جوباتو و بنفس اسلوبو طلعات فيه و هبطت و ودارت اشارة براسها وقالت ".......هاهي دااخلة وغتوريك

حط يدو على جنابو كيطلع النفس و يهبطها بالزربة فيها تبع ليها لعين تا غبرت... ورجع دار شاف في البنت لقى گاع وجهااا مجلخ وشعرها طالع لسماا " ...
عصمان......."ضربها لكتافها كيعرعر "....بغيتي تعرفي هاديييييك شكووون ، " سااسهاا مزيان من ذراعها "...
مرتي لديلمك مرتييييي ...." طلق منهاا هاز ايديه لسمى بمعنى غبري "......
"ضار شااف في مو لقاها مخسرة سيفتها فيه و عرف القضية شعلت ليه من گاع الجوايه .. تقدمات الحسنية لعند البنت " ...
الحسنية ...." مشربنة و مخرجة نيابهااا و ما حملت الفيلم لي داز قدامهاا " ... نووورة اسمعييي نقوووولييك ولدي فووتيه علييك تزوج وولا بمرتووو حق ربي ميفكني معاك غير عزرين ... تلاحي طرگي مك وها وذني منك 
" مشات تبعت دليلة .. ما جات فين تعتب في عتبة الدار تا حست بيه موراهاا .. حبساتو في الدخلة..حاطة يديهااا على الباب ".... 
حسنية......سمعني اولد كرشي نقوليك هاد جوج كليمات هاد البنت لي الداخل نهار بغيتي ماا وقفت ليك في طريق ما عكست ليك امور .. ولكن باش دير بحسابها ومتنقسش منها..راه تا مراا متبغي راجلها يوقف ولا يدوي مع شي مسخة رجليها فالتين ومن لبسهاا عنوانها باين 
عصمان......" شنق على تريكوه بيديه "....ومتشعلينيييش امييي راه غاا بنت هناا جات تسولني جوبتهااا 
حسنية........"غوتات ".....عصمااااااااان داك الفم عندك سير دير ليه حصص وروضو باش تعود تعرف اش كتخرج منو 

جالس حدا باه في لبيت راسو مزير ودماغو غينفاجر ، تا كيقوول الامور تقادات معاها كتجي شي حاجة لي كتريب كلشي ، مزاجهاا مريض ومرضو معاه ،تصرفاتها غراب وممفهومينش ليه ، مبقى عارف واش هادي كبرانية فيها ..ولا غير ريح كيسووط ليها في وذنيهاا.......
-مصطفى .... "ضربو لركبتو "....اش تمااااا ا با با 
عصمان ..." مشابك يديه وحاط مرفق ديالو على مخدة نااشر رجليه " .. غرقتها ا با صطووف 
مصطفى ..." تبسم ليه و كيدوي بشوية عليه بزز الهضرة كتخرج كقادة " ... اش د رتي اس بع 
عصمان ..." شاف فيه و غمزو " .. سبع ولد سبع 
" تهز باس ليه راسو ورجع بلاصتو" .. المدام كحلناها معاها 
مصطفى ... منخا فش عل عليك غترجع تقاد هااا ولايني رخف حتى انت راني عارفك عصية بحالي غير انا كنت ح حسن منك عندي مع حلاوة الل لسان 
عصمان ..." بتااسم ليه " .. حيت لقيتي الحنانة خبز ربي في طبگو ، انا الوليد عندي عبيقة ولد راس الدرب نيشان 
مصطفى ... " هز على حواجبو عاجبو الحال "....مرأة مع راجلها و سبع و را ضهرو ، الله يرضي علي ها و علي ك ... 
ونوض راضيها تقيلقة لعيالات ما مزيانة " سكت شوية حيث سخف بالهضرة ورجع دوا ".... لا ليك لا ليها نوض اولدي و برد السوق ...
" خبط على رجليه بخفة جامع الوقفة ، هز يدين باه باسهم " .....داكشي لي غيكون ابا صطووف 
"خرج من عندوو و تاجه البيت ديالو لقى عاصفة الصحراء مگرفدة ليه و تتڤيبري 
عصمان ..." وقف موراها متكي على الحيط و مكروازي رجليه " ... قياس الخير ؟؟
دليلة ..." غير سمعت صوت حلقووو و هي دور عينيها حمرين و وجها حمر " ... سمع ! سمع ! سمع ! ...نقووووليك لا تقووول قطعت الواد و نشفووو رجليك .. زعما راك تزوجتيني غديرني تحت رجليك ، أفيق ابابا من الگلبة راه عمرك تحلم تكوون ليا راااجل و لا نكون مرااا ليييك ... و تا زواجي منك ما هو الا انتقام لسعاد اما ديك الورقة لي كتجمعناا ندفل عليهاا و نكب عليماا لمااا وطول مغتجمعنااا منسمحش ليك تنقص مني وتدوي مع القحبات وانا كتشووف الا هادي منقبلهاش ليك 
عصمان....."بغى يتبع الكذاب لباب الدار "....ياك زواجنا غا ورقة ومزور وانتقام.....نوقف مع عشرة وزوج وتا عشرين فاش قاصك 
دليلة......قاصني حيت حلال عليك ومنكدها عليا ، هادا ميشوفيك لا متخرجيش ، ايوا اسيدي تا انا غنوقف معامن ما بغييت ووقت لي بغيت ومتدخلش فيا 
عصمااان........دابا اش باغا في هاد الصبااح 
دليلة....." دوات من تحت سنانها "...عرفتي اش باغا ، باغا نهلص ديني ليك ونهني راسي منك 

." خرجت من فمها كلام خايب و قاصح ... بقى كيشووف فيها مدة و هي عينيها في عينيه و مزحزحهمش عليها ... مكانش بغى يجاوبها كان فقط كيڤاليدي هضرتها في عقلووو قبل ميدور لجيهة الباب ويخبطووو ويخرج مبدل ساعة بختهااا منها يكمي ليه جواان هو لي غيگر معاها اما لگارو مبقاش قادي 

مشات تلاحت في بلاصتها كدوز ايدهاا على جبهتها ، عارفة فمها مبري منعا ولكن مكتحمش في لسانهاا ، عدوها لي يبرز عليها عضلاتو ويديرها تحت السباط لي عطاها ضربة بدمها ترجعها ليه كلمة بسمها تخليها تطلع وتهبط فيه ، راسها تزير وغيتشق عليها من قوة الهم والصداع والقطعةة لي لاعبة عليها.....غمضات عينيها كارزة على حواجبهاا كتسنط لدماغها وصداعو وهي تسمع صوت تليفونها ولي شحاااال مصوونا .....هزاتو وشافت شكون لقات نمرة عامرة صيفراات شطون ما شطون قررات تجاوب ولي ليها ليهاا 
دليلة......" هزات حاجبها ودوات مبحوحة وحلقها مجروح"....الووووو 
- الوووو بنييتيي دليلة انا هادا باك عتقيني كنموووت !!!

وشحااال كانت مْشَوْگَّة تسمعها منووو


دخلاات لكااريااان ، لبلاصة لي دوزاات فيهااا أقود ايام حياااتهااا ولي من نهار جراا عليها المختار مبقاتش حطات فيها رجليييهاااا ، غير عيط ليها وقال كلامو سولات على مكانو وعرفاتو وخرجات .
غادا مسلتة بلاماا يشووفها حد ولا تجاوب على شي سؤال كيف ما بغى يكون لي هامها تشووف بااهااا شنو بيه واخا كلامها اخر مرة ليه كان 
* نشووفك كتموت منعقلش عليك ومنحنش فيك .....*
كتبقى غير هضرة بردات بيها على راسهاا. ...حيت المختاار بنسبة ليهااا لعمش وسعااد لعمى ..واللهم العمش ولا لعمى 
داخلة دايرة القب على شعرها وخاشية ايدها في جيووبتها...مكاينش لي معرفهاش ...مشيتها معروفة ولبسها ميخفى على حد.....لي دازت من حداه يتبع ليها لعين ويضرو راسو باغي يعرف اش غيجرا من بعد مغدق باب المختاااار 
وصلات قدام براكتهم كانت مردودة كيف لعادةة....حسات براسها بحالا اعوام منفاصلة على هاد المكان وهما غير شهور قليلة ....دفعات الدفا ودخلات بنترة وديك ساع تصدمااات 

دليلة....." حيدات القب من فوق راسها وهزاتو شمين زيمال ختى تطلق شعرها وضحكاات باستهزاااء "......عرفتييييي انااااا بصح بنت لقح*** حيت مزاال متردعتش من طعيينكم لياا في ظهرررر .....
ادم....." جمع الوقفة وتم جاي قاصدهااا "....اناااا لي قلت ليه عيط ليها ، حيت كتبقى هادي هي الطريقة الوحيدة لي غندوي معاك فيها بووحدك 
دليلة....."شافت في باها مداتهاش في ادم ".....كان عليا نعييق ملي قلتي ليا جي بووحدك ولكن حيت اناا ديلمي مزااال معشمة من عندك تعطف عليا غير بشوية لمحنة تيقتك وجييت نجري بحال الكلبة نستاااهل كل ميجرا ليهااا ...وغدركم ليا لا نتا لا سعااد خااصني نوشموو في ايدياااااااا باش عمرو ميتنسى ليا
المختار ......سمعي راجل اش يقووليك 
ادم......" بغى يحط ايدو على يدها لكن جمعتها قبل ميشدها "....تعالي غير جلسي وندويو 
دليلة.......احدك تماااا اشريف ، والله يرحم بيها الواليدين الا معبر شبرك وجلس عليه راني على ذمة رااجل ، شفتك باغي تسرح ليا مع الدم 
"غوتات حتى ضرها جنبها "......اش باااغي منيي ولاش جايني هنااا فارزني 
ادم......"ملي حمرت فيه وعاندت ومبغاتش تجلس بقا تاهو واقف وتقابل معاها "....لي جايبني هنااااااا عمتي ....لي هي مك سعاد 
دليلة ....."عطاتو بظهرها وتمات خارجة "....عمتك نتا اما انا معنديش مِّي 
ادم....."قطع طريقها قبل متوصل لباب "....واش حتى من عقلك غسلو ليك من جهتهااا 
دليلة ...." دارت لعندو بشوية حتى تبادات معاه وهي تعطيه بالكلام "....شفتي هاداك لي ضاارك في خاطرك راااجل عليك ، كيجي گود ومكيجيش بالمعقووود 
ادم ......راني قلت ليك لي جايبني سعااد ، واش غتخليها مرمية في الحبس وهي بغات غير تعاونك وتفكك منوو والوقت لي بغات تضربو جات فيك 
دليلة...." حطات ايدها على فمها وعطاتها لضحك "...ربي ربي شكون هاد سيناريست الفاشل لي حكى ليك هاد لكليمات.....واش شام ولا ضاارب الطااسة ....."عضات على فكها من لداخل ودفعاتو ودخلات "....ماشي مشكيل الا مكلخ نوعيك ونقريك ونعرفك على شكون داير بيك ...
" خدات كرسي وحطات ايديها على ركابيها وشيرات لمختار لي كان كيكمي شقيفات ممسوقش "......
دليلة.....لي قدااامك المختار صاحب عمتك قديما الشخص لي غلطات معاه وولدات المدعوة اناااا ولاحتنيييي ليه وعاشت حيااتها ، شفتي هو واخا تشووفو حشايشي ومبوق ومكيعقلش كثر مكيعقل واخا هكاك هزني حتى كبرت عاد صيفطني لزنقة.....
امااا عمتك اسي الواعر معقلاتش علياا ولا قالت اش كندير في بنيتي وضو عينيا ، 
تجيي نهار وتغبر اعوام ....ونهار وليت كيف كتشووف عاد تجات تطلب فيا وملي هو جرا عليا ومشيت لعندهاا لعبات كيف بغات بيااا
" ادم حس بالصهد طلع معاه وهو كيسمع ليها مبقى عارف ميقوول ولا باش يجاوب ...كيبغي يرد عليها كيصرط الهضرة وكيتصدم كثر بالكلام لي من وراها ".....
دليلة.......شفتيي سعاااد هاديك البلاصة لي فيها وبزاف عليها ، حيت اللي تقرقب بنتها ودخل عليها الرجال تستاهل مكثر .....ولي تبغي تقتلهااا على قبل راااجل تستاهل الاعدام ....
" ادم شاف في مختار باغي يقرا ردة فعلو باش يتأكد من صحة كلامها لقاه منغم بوحدو "......بنتي لياا مكلخ حيت ساهل عليك تعرف الصح من تلفاق الكذوب ، غير ملي رشيتيه "شافت في باها "....بورقة ولا زوج وعيط كيمثل علياا غتعرف بلي اناااا غا وحداانية في هاد الدنيا معندي لا اب ولا أم من غيييير رااجلي لي واخا تزوجتو بزز مني هو لي وقف معاياااا مفرطش فيااااا 
يعني بالمختصر اسي الحااج جوابك ولي باغي تسمعو مني مغتلقاهش حيت لي عندي قلتو ليك وسعاد هي لي ضحكات عليك....
ادم.........."حس براس شماااتةة "...يعني كانت قاصدة تقتلك نتي 
دليلة....."غمزاتو"....على سلامتك ، على ود عصمان حيت كتبغيه بغات تهنى مني باش تهنى بيه هه 

كان جالس في القهوى وحاط قدامو باكية ديال الگارو يكمي ويبخ .. و ياسر مقابل معااه كيشرب في قهيوتوو و مبادلين خيوط الكلام على الخدمة و گاع لي كيخص فيهاا ... شي ساعة وهو كيتلف و يبرد اعصابووو كان في حالة ما تسمحش لشي حد يدوي معاه حيت اخرتو في السبيطار معلقين ليه سيرووم ... حس براسوو تكاالمااا و وراسو بدا يتقال بالعيااا .. ناض سلم على ياسر وخلص الكونسوماسيو ... ورجع بأدراجو الدار غادي وكلامها كيرجع ليه لمخوو و في كل خطوة كيخطي تتجي خت الكلمة اللولة .... تا وصل كيف دخل بامت ليه مو غاطسة في الكوزينة و ختو جالسة مع باها ...وهو يمشي داخل البيت وعاقد حجبانوو معول على خزيت غير تقول شي كلمة غيزدحهاا مع الحيط ... لكن خاب ضنووو مع حل الباب حس بالبيت بارد بزاااف طلع تنهيدة ملي ملقاش ليها الاثر ... بلا ما يعيي راسو يالتفكير و لا يقول فين هي ... نيشان جاه في بالو البعد و انهاا فعلا تخلات و مبقاتش باغاه و فعلا هاد المرة دارتها و مشات ... جلس في فراشو منزل راسووو الارض و شاد فيه.. معمروو حس بدراعو ملوية تا جات دليلة ولواتها ليهااا 
عصمان ..." هز عينيه مقابل مع الحيط مصغرهم و عرق في راسو كيخبط " ... فين حدك امدام عصمان فين ؟؟ ... هزيتي هاد الاسم و صعيب ديري لي قالك الحمار تاع راسك ...
" ناض خرج لعند مووو ما حست تا وقف موراها " 
الحسنية ..." شهقت لقاتو واقف وراها كي عاصي مولانا " ... بسم الله الرحمان الرحيم مالك واقف عليا كي قباض الرواح 
عصمان ..." بلا ميكتر معاها الهضرة " ... مابانتش ليك .. غتسوليني في البيت غنقووليك لااا مكايناش فيه.. خليتها معاكم في الدار اذا فين هي 
الحسنية ..."تهز قلبها و تحط و خبطت حناكها " ... اناري ميمتي عنداك تكون هربات ليا بنيتي.. عصمان وليدي لقاها ليااا راه وحيدة و ما عندها حد ..." بدات دمع لييه " 
عصمان ..." كان متامل من مو تقوليه خارجة هنا ولا مشات هنا وغتجي ولكن صرفقات بكلامها ،باس ليها راسها وطمنها بعزم " ... فين حدها الحنانة ؟؟ كوني هانية اليوم تبات في حضنك غير رتاحي ...
" طمن قلب موو و وهز موطورو وخرج ....اول حاجة دار هي طرگ الطاكسيات لي في الشارع .....
واحد بحالو دكي مغيعييش راسو بالتفكير و لا يبقى يقلب ... اول حاجة الا بغات تزيد غيخصها فاش تركب .. مشاا لكورس وضارو بيه المعرفة ....سولهم عليها وعطى ملامحها ، كاين لي فايت شايفها معاه وكاين لي شبه عليها ... بقى يستنى لجواب تا نطق شيفوور .. 
- ايييه اوليدي ركبات معاايا اليوم في الصباح 
عصمان ..." دار ليه ابتسامة جانبية " ... اييه و فين ديتيها
...." خاف على راس ووو " ... الكاريان الكاريان 
عصمان ..." نفظ يديه " المختااار 
~~~~~~

بزز باش ستوعب لكلام وعرف بلي سعاد ممثلة خطيرة ضحكات عليه وقدر يتيقهاا....
ادم........" كان جالس في كرسي مقابل معاها ".......مهم انا مستعد نعاوك الا بغيتي نطلقك منو وندبر ليك في خدمةةة لي تهزك....
دليلة....."هزات راسها فيه بثقة وداوت ضارها راسها"....كتكني 
ادم....."حرك راسو مستفسر ".....اه علاش 
دليلة......"مدات ليه يدها "....شعل ليا واحد واراه 
مختار ......"نطق من بعيد "....
معاك شي واحد ....
" عكى لمختار زشعل ليه وليها "..
دليلة......"سفات النص منو ردات بيه مزااجهاااااا عاد جوباتو على هضرتو اللولة ".....وشكون قاليك باغا نطلق ؟؟
ادم.....على مقلتي زواجك منو بزز 
دليلة.......كان بزز اشريف ودابا لااا , "نثرة نترة وساست في الخوا ".....شووف لي نطولوه نقصرووه بغيتي تعون شي حد راه سعاد منك ليها اما اناا غا فووتني ممحتاجة لشفقة ولا مسااعدة حد 
" مزال غتزيد تبرر حتى سمعات الباب تخبط والبواني وصلات لعند رجليها .....دخل بعجاجتوو لقاها عاطياه بالظهركانت جالسة معاه والبراكة دايرة بحال الغرزة بالدخان....
دورات وجهاا ولگارو لايحاه في فمعا ممفارقاش ، غير شاافتووو وهو يتحل عينيهااا لايحة الگارو تخت رجليها وصايطة دخانووو لفووق ،عرفاات الطرح حماااض 

لأول مرة مكانتش باغا تشد الضد ولا تكمي عناااد .....ولكن ملي رجعات اللور وتفكرت مااضيها لمزفت كان ولا بد تكمي عليه گارو واخا مغيقديش فيها ... اخر حاجة كانت باغاها هي يجي عصمان ويشووفها هاكداك حيت عارفاه غيكبتها ويريب دنيا فوق راسهم كاملين ، لاحت الگارو تحت رجليها عافطة عليه ،خرجات دخان قوي من فمهاا عاد وقفااات ، نزلات راسها الارض كتصوط وهزات عينيها وشافت فيه
لقاتووو حاط يديه بزووج على خصرو صدرو كيطلع وينزل ، نفسو ممقادش ايديه بقوة ممزيرين برزو عرووقهمم ، عقد حوااجبوو وكمش عينيه مشى قصدهاا بلا تكلمة تتقاد معاهاا وجا حداها ، ميل راسو شمال ويمين ونزل عليها بتصرفيقة مكااانتش متوقعاااها خلا الدم يترش من نيفهااا.....
ادم....." تهز من بلاصتو وجا قدامو داار فيها واعر وكاين "......متحطش عليهاااا يدك الحيواااااان 
عصمان......." كان مخليه هو اللخر يختم بيه ساعة ملي بان ليه زربان على رزقووو معطلووش ، لاح دجاكيط الارض وشنق عليه من لكول تا قرب وجهو لعندو عاد نزل عليه بروسية متلفو بيها على شنو اسمو وناشرو الارض .....نزل عندو ورجع جمعو حوايجو بين يديه ممفلتوش بقى شادو وزادو تانية وتابتة ملامح وجهو غبرات وسط دموو , المختار تخشى في الحيط مكرهش يتقبو ويتخزن فيه اما دليلة.....كانت حاطة ايدها على نيفهاا كتقيس في دم لي مبغاش يحبس......لثاني مرة يتجرأ عصمان ويهز يدو عليهااا ، ملي رجعات لوعيهاا وشافت ادم بين يديه كيف شرويطة مَّرْمَدْ قالت صافي قتلوو وهادي تالية ليه ، نسات راسها والضربة ووقفات عليه ....
دليلة .....طلققققق منو ازريقة معليه والو انا لي جيت هناا بإرادتي ....المختار عيان وعيط ليا جيت نشوفو....."لكذبة لي بدا باها كملاتها هي ،ماشي خوف على راسها منو ، لا خافت عليهم هما حيت شافت نظراتو ميبشروش بالخيىر 
عصمان. ..."زادت ستفزاتو بكلامها لي كتلوحو ليه في وجهو بلاما تحشم ولا ترمش ، زفر بقوة وهز راسو فيها منفاعل "...ملي باااغا تجي تشووفو بااك لاش ناس دايرين هاد لقل*** تاع تليفون ، علاش لي متعيطيش نجي معااك ، شتي هاد الفيلم مغاداش دوزيه عليا غا ستناي نسالي من هادا وندوز لييك نصفيو لحسااب ، 
دليلة......" حطات يديها فوق يديه كتعذب فراسها وتفكهم من ادم "...واااش باغي تمشي العكاشة ابنادم ، شوف كيدرتيييي ليه غادي تقتلو 
عصمان....." لاحو اعلى ظهرو جابو مخبووط ودار لعندها وقف ووقفها بنثرة معاه ز بدا يدفع فيها من كتافهاا ومحاول عليها كيضرب ويقيس "......واااااتي الله يعطييني مع عدو ربك الحبس الالة ، " يدييه كيتهزو فوق راسها فكل حركة منو كتقول جاياني دقة "..... نخليك في دار نجي لقاك عند زامل تاع باك " دور راسو لعندو وهددو ".....جايا نوبتك غا ستنى حيت كلشي من تحت من راسك المسخ ، شحااال عطاك 
دليلة......" تلجم ليها لسان حيت عارفة الغلط راكبها من ساسها لراسها، بغات تدوي معاه بالهداوة ولكن عارفاه مكيفهمش بيهااا ، بغات تشعلها وتزيد تهلل خااافت تدفن باها وولد خالها بسبابهااا ،جراتو من ذراعو وقالت ".....يالله نمشيو فحالنا من هنا ، صافي ساليت علاش جيت ....
عصمان ......"حس بالعافية شاعلة في ذاتو لدرجة ممتحكمش بفمو شنو كيخرج "....صافي ساليتي كتقووليها ليا فوجهو...دويتي مع زامل لي جابك عندو بااك ..و كميتي مع ك*** القحبة مدايراش لراسك ولا لصحتك حساب ، واش لديلمك انا غلبني لگارو نشريه ليك باش تجي تكميه لياا هنااا ..
دليلة......."الدم تجهد من نيفهاا رعفات بجهد ،ولات حابسااه بيدها ".....واش غتخرج معايا ولا نمشي راسي 🤨
عصمان....." حاط يديه على جبينو مصبر راسو بزز ، طوى لساانو بغى يسبهاا ورجع سكت ..قرب منها وشدها من فكها مطلع رااسها لفووق ، ضاغط بصباعو على نيفها كيحبس في الدم " .....سرررر لكلب تاع بوووك تهراس الفم ماشي غاا نرعفك ...

كيحبس في الدم " .....سرررر لكلب تاع بوووك تهراس الفم ماشي غاا نرعفك ...
دليلة....."كتشووف في سقف براكتهم لي كان من زنگ وكتعافر "......وااصافي متعيقش راني سكتتت ليك ......
عصمان......" جرها من شعرها هبطها لتحت ومكاالي ظهرها بفخدو "......غاا هضري وتفرگي نتي گاع ، باش نفرگع لمك لعين ونخليك تشدي لرض شوية .....
"گعدهااا وجبد من جيبو مشوار لاحو عليها "......شدي مسحي
" رجع بزوج خطوات اللور ومشى لعد المختار هازو من حوايجوو ".....
عصمان....دويييت معااك دااااك نهاار ياااك ومحشمتيش شنو داابا نقتللللل **** 
المختار......" كان مستعد يتبرع بگاع لحشيش وشقووفة لي عندو غير يطلقو ، بدا يقاقي كي الفروج مفكاتو غا بنتوووو لي جات حداه "
دليلة........."دوات بحدة ".....طلق منووو اعصمااااااان 
عصمان....."شافيها وقرا فعينيها بلي مغدوزوش وكيف وقفات في وجهو على قبل مها غتوقف على ود باها ، داكشي علاش معياش راسو طلقو من يدو ومد يديه لمعصمها جرها بقوةة وراه ،وصل لعند ادم بان ليه كيحرك راسو وحال عينيه كيتألم......تحنى يهز دجاكيط ديالو ،عند بالها غيرجع يدخل ليه وهي تجرو. "......
عصمان....."وراها دجاكيطو لي في ايديه وقال "......متخااافييش تا نفرزووو وديك ساع يكون لكلام ......
ضرب برجليه لباب وخرج لبرااا ، غادي قدامها كيخطوي بزربة اما هي كتجري باش تسايرو في المشي حيت كان جارها، ليدازت من حداه يبقى يشووفيها ويوشش مع لي حداه......وقف عند الموطور هز الكاسك دارو ليهااا وسدوووو وهو بقى بلاش ركب وركبات من ورااه شادا فيه من جنابو حيت عارفاه غيطير ....
موقف بيها حتاال اخر دنيااا ، غير لخلا ولبحر وصقييل والقيفار 
عصمان.......نزلييييي !!
دليلة........وافين جاايبني ماالكم تحولتووووو 
عصمان ......"دوا من تحت سنانو "....دويت معااااك ... " تسناها تا نزلات ونزل لايح الارض ، ومد ليها يديه ووجهو مكيبشرش بالخير ".........اري داااك تليفون !!
دليلة....." خنزرات ".....وعلاش بسلامةةة 
عصمان ....."معطلهاش ، حيت خلقو ضيق في ديك اللحظة ومافيه ميتجاحد مشاا نيشات لجييب بدا يقلب وهي تنتر حتى لقاه وخداه ، حلو تحت تجعويقها وجبد لاكارط هرسها ، ولاحو في الارض مشخشخو مزياااان ".....من الأول هاد الخرااا مكانش خاصو يبقى عندك 
دليلة....."بدات تنفس بصعوبة ، ما رمش ما راعى مقال حشومة هزو وهرسو قدامهااا ، تاهيا مكانتش من العاگزين مشات ليه لجيبو بالفووور وهزات تليفونو ، خلاها على خاطرها يشووف جهدهاا فين غيوصل ، هزاتو تال سما على باب جهدها وخبطاتو ليه مع الارض تااا سكتات ليه الحس "......عليااا وعلى اعداائييي ودابا رجعني بحالي قبل منشوهك هناا 
عصمااان .....غوتي شكون حبسك شوهي نشوف ولا عرفتي شنووو ...." دار يديه بزوووج على فموو وبداااا يغووووووت".....وااااااااا ناااس افينكم 
"دورات وجها بان ليها صقيل وغير صوتو لي كيرجع ،عرفاتو جابها لقيهرة كحلة كاينة غير هي وياه فيهااا ".....
دليلة......" وقفات ليه حدا الموطور "......راه امااا غنمشيو من هنا ولا غنهرسو ليك 
عصمان..........غتقوولي ليا داك زامل فاش كان باغيك ، عاد نتحركو 
دليلة........."نطقتها ليه ببرود "....بغى يعاوني باش نطلق منك ....
عصمان ....."علا حواجبو كيحرك راسو مبهوض ".....اهاااااه ونتي اش قلتي ليه 
دليلة.........مخليتينيش نقوووليييه دخلتي كي رعدة سطتي في كلشي ..."هزات يديها "....صافي ساليتي ممكن تحرك هاد الخرا نمشيو 
عصمان........" مسح على وجهو ومشى بثقالة قصد موطورو خدا منو ليصانص و بداا يخوييه علييه وهي حداه تنگر، 
اش كدير ، واش تسطيتي ، راني كندوي معاه 
" دار شافيها و جرهاا عندووو شادها من خصرها وملصق راسها على صدرو تحت نظرات عينيها لمصدومين ،رجع شوية اللور مزير عليها عندو ، جبد بريكة من جيبو وشعلهاا ولاحها على الموطور حاارگوووو ، ونزل عينيه لعند وذنها وهمس " ...هاهو هاد الخرا حرگناه گاااع يالله كمي !!

دليلة ..." شدات في راسها و مطرطقة عينيها و تتشوف في الوسيلة الوحيدة لي تخرجهم من تم تتحرق " ... لا لا لا نتا أكيد مريض و لا طايح لمك في الضس فاش تزاديتي
عصمان ..." مربع يديه و راجع اللور حاضيها الى كان غير على الضد هوو موولاااه " ... بالعكس راني كنت مريض و عاد وليت بعقلي 
دليلة .... كون كنتي بعقلك مغديرش هاد الحالة ومتفكر لا في مك ولا ختك لي معارفين لينا طريق اش غنديرو معاهم ؟؟
عصمان ... "هز ايدو قدام وجهها بتهديد "....هادشي فكري فيه قبل متعتبي برا داااارك و بلا متعلمي حد ... ...
" بقات تتشوف فييه معرفات ما دير معاااه وغير مزايد فيه وكيعصب فيها ... عگراتها الجرحة و شدات فيهااا " 
عصمان .." شافها تتألم بجنبها و غمض عينيه مقرب ليها " ... دابا شنوو ندير لديلمك واش متتعطيش لكرك الراحة .. ملي تحل ليك الغرزة خيطيها بصبعك
دليلة ..." خنزرات فيها و مبعدة عليه " ... مسوووقكش فيييا عطيني غااا شبرين تاااع التيساع نموت و لا نحيا داكشي كيخصني 
عصمان ..." جرها من دراعها تا خبطها فيه " ... لا سووووقي و زيد القدام راك وليتي مرأة راجل ماشي رعواني باش ديري ما بغيتي مرة أخرة نتي لي غتكوني في بلاصة الموطور راك جربتيني يمكن ..
" بلا ما تجاوبو كحزات عليه و بقات دور في راسهااا اش غيديرو في هاد الخلا .. حسات بالبرد وولا تحك في يديهااا .. شافها هكاك حيد جاكيط ديالووو و ولبسها ليهاا " ..
دليلة ... اقسم بالله الى الهضرة معااك راها تقادااات و سالات راك مريض و عندك انفصام في الشخصية الحاجة الوحيدة لي تخرجنا من هنا حارگها شنو 
نكوتو هناا 
عصمان .......باش هاد المرة ديري عقلك في راسك ملي نقووليه خوي وقولي اش عندك تجاوبيني ومتعانديش ودابا زيدي قدامي 
جرها من كتفها غادي بيها لقدام 
دليلة....... فين غادين واش مكاين تا حد هناااا
عصمان ......اابرد هادا ولعشية شكون غيكون 
دليلة....."كرزات على يديها بزوج وغوتت "....كتقووول فيهااا ودابا شنو نديرو 
عصمان....."شير ليها لواحد الكبانو ".....غنمشيو ليه تاال غدااا 
" البلاصة لي كانو فيها وقت البرد كيكون غير الخلا و القيفار الغابة و البحر ... و صعيب توصل لييها طريقها كلها بيست ...
وصل لباب ديالو بان ليه قفل طرطگووو و تم داخل "
دليلة ... اويلي فين غادي و ديالمن هاد الكبانو
عصمان ... " زفر بغيض ".. ديال جدي الله يرحمو "خنزر فيها " .. دخلي الى باغا دخلي و لا بقا تم تموتي بالبرد .. راه هاد قصوحية راسك هي لي غنصفييها ليك بيهاا
دخلات وراه كان الكابانو شبه خاوي من الاثات معادا بيت واحد فيه ناموسية صغيرة فووقها قوة المانط وليزور ،حست براسها عيات بدات تحيد فيهم باش تسرح اما هو خرج حدا الباب يكمي بقى گارو تابع خووه حتى ضرب نص البكية 
حطات راسها على المخدة كتفكر وراسها كيمشي ويجيي بحال لمواج لي كتسمع فيهم براا ، توقعات بزااف ولكن عمرها توقعات رااسهاااا تزوج واحد مكيخاف غير ملي هلقو ، شاد فيها بيديه وسنانو، قابل عليها بعيووبها واخطاىها وتجعويقها وحنى تخراج لعينين لي فيها ...حطات ايدها تحت راسها وتنهداات ....كل مكتبغي تبعدو عليها كتلقااه متشبت فيهاا بجهد ....هو مباغيش يفرقهاا وعلى حساب مفهمت كيبغيها ولكن هي مغتكونش كذابة وتقول كتكرهو ولا غتقوول كتبغيه ، حيت احساسها من جهتو عادي ، شخص كابر في عينيها وفضلو كثير عليها ،شافت منو غير الخير ، شخص لي ممكن يرمي راسو العافية على ودهاا وميفرطش فيهاااا ....تنهدات ملي حسات بظلو وراها فوق ناموسية لي ناعسة فيها.....بدات تدور في عينيها ملي حسات بيه كيقرب ...مقدراتش تدور ولا تشووفيه بلعات ريقهااا وحلات فمها ملي حط ايديه على خصرها جارها عندو ظهرها مع كرشو ووجهو في عنقها ، بقات مفيكسية مدوااتش اما هو ستحلاهااا وغمض عينيه شوية قبل ميطبع قبلة ورا وذنها... ويخاطبهاااا ويقول ".......وااش بغيتيني نطلقك ادليلة ؟؟ 

طلاق يعني الفراق يعني تبعد على عصمان وتحرم من دفئ العائلة من بعد محساات بيه ، كون سولها قبل شهر مترددش ولا تبقى تلوي سؤالو فبالها تخسر عليه كلمة وحدة ولي هي اياه وتنوض بحالها حيت مولفة الفراق ومغاديش يجيها غريب ...الا كان اقرب ناس ليها وتخلاو عليها شنو هو مغاديش يتخلى ....؟ 
ولكن ديك اللحظة بالضبط مكانتش باغا تسمعها من عندو حيت مبغاش دير فيها عزة نفسي وتقول كلام مراضياش عليه ...عصمان الوحيد لي واخا تاهموها بشفرة متخلاش عليها ....بغاها واخا حاولو يتعداو عليها....رومها ليه واخا مها قحبة وكطووف بيه ، 
وقف معاها وخفف عليها وقت لي صلاتها الليام وعطاتها لگفاها

جا تخشى موراهااا جارها عندووو بجهد و غارس وجهو في عنقهاا و كيشم ريحتهاا ... اما هي فكتفات انها مكمشة يديها عندهاا و مداريرا تا حركة ... فقط تتسمع لصوت انفاسو لي خربقوها 
عصمان ..." طبع قبلة تحت وذنيها حتى غمضات عينيها ... ونطق بصوت بااح وناشف " ... دليلة واش باغا نطلقك ؟؟؟
" طرطقت عينيها فور ما سمعات كلامو و حسات بغضب في الداخل ديالهااا و الدم طلع ليها لوجهااا ...مجوباتووش خلاتو يقول اش عندو وهي النفس كطلع ليهاا بزز ....حس بيها و بدا يطلع يديه من الفوق التحت على جنبهاا وكيهضر و الهضرة تتهرب ليه " ... دليلة سولتك سؤال واش نعطيك حريتك مني ، واش باغا ترتاحي مني 
دليلة ..." ضارت لعندوو ناعسة على ظهرها و قابلات عينيها مع عينيه و كانو قراب بزاااف...كيشووف فيها بعينيه لمعسليين وانفاسهم مخلطين ....كتبغي تهضر وترجع تسكت ، مرة تعض على شفافيها مرة تعوج فمها في اللخر دفعاتو من فوقها ووقفات معصبة ومسيفة عليه ثلتمية وستين درجة "......
دليلة....."بدات تصفق "....هادي درتيها واعرة وصدمتيني حيت جيتي وعتابرتيني بنادم وبغيتي دير بريي وشواري ومجبتيش ليا لوراق لعندي نسينيهم تاني بلا خباري....
" عطاتو بالظهر وبقات غادا جايا عليه في البيت وتعرعر اما هو حط ظهرو على الحيط وطوا رجل حاط عليها يدو ولوخرا مسرحها وجلس يتفرج فيها ".....
-حييت نتاا زريقة الواااعرلي كلشي كيخاف منو وكيدير ليه حساب ولي كيدير شنو بغى ووقت لي رشقات ليه...نهار كيبغي يتزوج كيتزوج ونهار كيفكر يطلق تاهيا كتكون عندو بحال السلام وعليكم ....اناني وحاس براسو وكيفكر غير ليه اما البشار معندوش فيه ،غنتزوجو ادليلة ،دليلة واش بغيتي نطلقو بحالا كاين غا نتا 
نتا لي كتملي ونتا لي كتفتي 
" سالاتكلامها مخنزرة ومحمرة فيه عقد شوفاتو فيها وناض من بلاصتو جاي ليها داير يديه وراه وهي بقات محافظة على وقفتها ورجعات كملات على كلامها بنفس تخنزيراتها "........اسيديي گاري على رااسك وقرر على راس
" وتحبس ليها الكلام في الحلق ، ورا محط فمو على فمها كيبوس فيها بعنف وتملك ، دار ايدها وراها وشدهم بيديه ، غادي دافع بيها جهة الحيط بدووون ميفصل فمو عليها...صدرها كيطلع وينزل وصدرو هو عرقاان .....زيرها مع لحيط تا كلاها وتكاا عليهااا صدرو حاكمها باش متحركش .....بعد عليها مخليهاا تاخد السووفل وتطلع النفس ، نصل تريكووه ورجع قابل وجهو مع وجهها ، خدم ايدو هاد المرة ودخلها لشعرهاا....بغات تفلسف ورجع سكتهااا وكمل على ماا بداااه ،

نصل تريكووه ورجع قابل وجهو مع وجهها ، خدم ايدو وهاد المرة دخلها لشعرها...بغات تفلسف ورجع سكتهاا وكمل على ما بدااه 
قبلتوو كيقووليها بيها بلي عمري نفرط فيك ولا نتخلى عليك ...دليلة ولات عندو بحال لبليا مقادرش يبعد عليهااا اول وحدة تجي وتنزل ليه كواريه الارض وتدفع شبابها عليه غاالي 
حط جبهتو على جبهتا وايديه بزوج شد بيهم وجهااا ،ضربتها اللقوة وبقات بحال صنم لكن هو كان كيبوس وهي حسات براسها مستمتعة معاه
عصمان......"كيدوي فوق فمها "....غا عبرت ليك طونسيون اشريفة ، راني وشمتك هنا
"خدا يديها وحطها على قلبو ودغدغ حنكها بلحيتو "... عمري نخليك راحتك معايا وهناك هو اناايا 
"بعد عليها وعطاها بالظهر "....زيدي قدامي نقودو من هنا شعلتي فديلمي العافية وتحنصرت ، غندم علاش حركت زام*** بوه داك الموطور 
" هز تريكوه لاحو فوق كتافو وعطاها تجاكيط ديالو داير ليها طريق قدامو دوز "
دليلة....." دارت راسها مسمعتاش شنو قال لول جوبات غير على تالي ".....شتي سخوونية الراس باش كترجع داابااا
عصماان...." لاح ايدو باهمال على كتافها ".....هاد ساعة حاس غا بسخونية لي ركبتي فيا 
" دوزات لسانها على فمها كتعاود قدامها اللقطة وكيفاش كانت منغامسة هي وياه وكيفاش حتى ترفعاات ومبقاتش وْعَاتْ ، خرجو من الكابانو محركين رجليهم في الرملة ...طاح الظلام ولعشية تعاشات ، وقفها مد ليها تيشيرت ديالو وبكية لگارو نصل لگاط من رجليه بلاما يدوي مشى كيجري للماا غطس تحت نظرااتهااا المستغربين بقات بعيدة مربعة يديها وحاضيااه .....برد راسو مزيان عاد رجع لعندهاا ، سروال باراا في زيتي ولا كيبان كحل وثقيل ....نزل راسو لتحت ساس شعرو مزياان عاد هزو لقاها حاضيااه وكتشووف فيه 
عصمان....."بغمزة"...اش تما اشفيق 
دليلة......."ضحكات جنب وجمعتها ممبيناش ".....عمتي فهاد الوقت والبرد وظلام من لفوق مكتخافش 
عصمان....."حل ذراعو وقرب منها عنقهااا مزير عليهااا وجها حطاتو ليه في عنقو لي حساتو بارد وسارد ....." .....عنقيني باش تدفيني 
دليلة......" هزات تريكو لي كان فيديها وحطاتو ليه على ظهرو وهو مزال معنقها...هربات وجها بريط ونطقات "....لبس دابا تمرض!!
لبس عليه بغات تعطيه تجاكيط مخلاهاش ...رجع ايدو فوق كتافها وهي خلاتو على هواه حيت بان ليها ظلام وخافت ولكن بلاما تبين...داك القنت كان حافظو وشحال دوز فيه ...خدا ايدهاا شدها بيدو وحطها على جنبو متبتها باش مطيحش كانت دنيا عامرة حجر وغير غادين معارفينش فين كيحطو رجليهم 
دليلة.....احم...عصمان واش عارف فين غادين شووف راه ظلام 
عصمان....."طبطب على يدها "....وااش خفتي 
دليلة......وا بزز باش كنشووف شنو قدامي ومغاديش نخاف ؟؟ دابا الا خرجو لينا وزعونا ....
عصمان....."ضحك برجولية "....خليهم يتلهاو معايا وعيطي جبد متلفتيش وراك راني منخافش عليييك 
دليلة......"تنهدات ".....كون غير بقيناا فين كناا 
عصمان....." غوت تا قفزهاا "....الا الالة باغي نكمل اش بديت في داااري على خاطري حيت مغيقدني معاك لا ليل لا صبااح 

جالسة في عنبر لعيالات حاطة رجل على ختها مقادة و مصايبة تقولها جالسة في دارهااا و مقدها حد ... واخدة الفراش ديال الفريع و جلسة الفاروعي الناس دوز مدة الحبسية ديالها بمشقة الأنفس و لالة سعاد تقول عندها كونجي مقابلة غا الماكلة والكوا متحني ما دني ما تعاون عيالات في شقا ... تأمر وتناهي ومكاينش لي ينفنف معاها و لي حاول سبحان الله كيرجع في حبس انفرادي ... ناضت من بلاصتهااا و مشات البلاصة فين مستفة حوايجها بعد ما شافت مگانتهااا و لقات الحال وصل وظلام طاح ... هزت كسوة مطرطقة عليهااا و هي من بين الحوايج لي نزلووو عليهااا ...تقادات و ماكات و تريحات... ناضت تتمشى قدام العيالات لي شي كيطلع فيها ويهبط و شي كيدور ليه في راسو غير ينوض يصفيها ليها و تزيد محكومية على ختهاا ..بقات تبوزا وتفقص لبشري ، دخلات حارسة السجن تتعلمهاا بلي جا وقت الزيارة الخصوصية ... تبسمات و طلقاتها ليهم ضحكة مقحبة و خرجات .. ها لي تتقول هادي ركيزتها صحيحة لاهما التيقار و ها لي تتقول اش آخرتها مع هاد الموصيبة ... اما سعاد مشات قدام الحارسة تتخطوي قدامها وتمختر و تتقول يا ارض اتهدي ما عليكي قدي ... وصلو حداا البيرو لي داير ليها عبرة و شان وساد عليها لفام ..
حلات الباب لي جايباهااا دخلاتهاا وعطاتووو التحية .. عطاهاا هووو السلام بيديه باش تخرج.... داكشي لي دارت كيف خارجت ناض هوو قاصد سعاد ... داير ابتسامة جانبية و فاتهااا و طرق الباب بالسارووت .. ورجع ليهاا مدور يديه على خصرها غاارس نيفووو ووجهوو في عنقهااا 
...." كيبووس و منشوي مخلي راسو يجيب راسووو و يعيش لحضتوو " ...توحشت وباغيك ودابا وعلى الواقف 
سعاد..." مكانتش من العاگزين طيحت الكسوى من كتافها منزلة معاهاا سلبيهاا وتكات على البيرو" ... انا ليييك دير ما بغيتي ..
" داكشي لي كان عاشووو لحضتهم اوو نقولو غير هوو لي عاش اما هي في راسها بلان اخووور و تتخط ليه .. عرفات راسها ممسلكهاش البكاء و التهرنيط قررات تستخدم قوتها لي هيي تق*** و تلعب بيه كيف بغاات ... طيحات مدير السجن لي فينما يسخن ولا تجيه حالتو تتجيه في بالو غير سعاد ... لي تتعرف كيفاش تخليه طاير في السما و هادي هي خدمتهااا و لا تمشي تدفن راسهاا الى متقناتهااش "
..." كيف سالا طاح عليها كينهج " ... لقيتيني كبرت في العمر شوية و ما بقاش الجهد اما نمحنك 
سعاد ..." خسرات سيفتهااا و مشات لبسات حوايجهاا و رجعات جلسات فوق منو نيشان ... تتلعب ليه فمو " ... انا كيف ما بغيتي غنكون ليك و كيف طلبتيني نفد .." باستو في فمو " ... ايمتاش الجلسة ديالي " ميلات فمعا بتلحوين " ...الجلسة لي جات يأجلوها قهروني بهاد التواخر ... وانا ماشي ديال هاد البلاصة... " حطات يديها على المعلم "
-" عاض على شلقوومتوو " عندك السيمانة الجاية و غندير ما في جهدي باش تخرجي ليا من هناا .. خاص غير بنتك تحضر 
سعاد..." شافت قدامهااا و نضرتها كانت بعيدة دارت ضحكة لي كلها شر و حقد وتتعود لبنتها بأيام كحلة " ... قريب ابنتي دليلة قريب ابنت كرشي
"رجعات تكات ليه على عنقووو تلحس و تبووس و تحكك علييه ... كل ما تتفكر راسهاا هادي الطريقة الوحيدة باش تخرج كتزيد تنغامس في افكارها الشيطانية ... هزات كسوتها لفوق ونزلات سليبها وهاد المرة هي لي صاگت ديمارات وماسالات حتى سالات معاه خلاتو كي الشرويطة سخفان و كيلهت ...هبات سليبها لواتو عليه باستو فحنكو مع غمزة .. و تمت غادة قاصدة الباب خارجة والضحكة على وجها حلات الباب و علمات الحارسة تبعها باش توصلها الجناح ديالها فين مستقرة ... 
هادي هي سعاد عايشة حياتها رجعات من الحبس اوطيل عرفات تلعبها تا ولات من محبوسة لوحدة كل شي كيخاف يغير ليها الخاطر وكيدوي معاعا بالتاويل 

لقى شعالة قدامو هز جدع شجرة شعلها ودار بيها الضو غادي ويضحك وعاحبو الحال اما هي خاشية يديها في جياب تجاكيك ومكمشة فبعضياتها ....بعد عليها جبد گارو شعلوو وغادي كيتنخوى عليه ويعاود ليها اش دوز في داك القنت ومغمرااتو العجييبة...عيات ومبيناتش ولكن قراها ليها في عينيها جا حداها مبعد ايديه لي فيها العافية 
عصمان.....ياكما نهزك ؟؟
دليلة.....اودي هز غا رجليك وتحرك دغيا واش مزال بعادين 
عصمان......" لاح شنو في يدوو هزها بين و هزها بين ذراعو كان كيبان ليه شوية الضو جاي من شارع لكبير لي قربو ليه.....
حطات ايدها على عنقو كدور وجها هنا وهناا 
دليلة....." كتدوي بلاما تخازل تشووف فيه "..
طفت كازا كاملة وكنت خدامة الليل وميجيبنا غا الصبااح وعمري تهزات فيا الشعرة ولا خفت ولكن تحداو ليا معاك.....عند بالي بوحدي لي داير ليا مخ وهارب ليا تا شفتك نتااا ولقيت بلي انا فيا غشوية منك 
عصمان....." صبرو تقادا وهي بين يديه مصبر راسو غا بزز ".....شنو زعمة كتشكريني هااا ، هادي هي الرمانسية عندك اقاصحة القلب 
دليلة.......قبل على ما وجد هاد ساعة 
عصمان......غا وجدي ليا راسك الساعة جايا باغي ما كثر 
" حلات فمها وعينيها بفرحة ملي شافت رااسهااا وصلو لشارع وجاتها من الجنة والناس تراوغو بالهضرة "....
-صافي باراكا حطني 
" دار ليها خاطرها وحطها لكن قبل متبعد جابها قدامو خشى ليها شعرها وسط تجاكيط وطلع السنسلة سادها ليها مخلي غا وجهها لي كيبان "....
دليلة......."باستغراب كتشووف فيه ".....اش كدير ؟؟
عصمان.....كنغطييك راني ناوي نديرو اوطو سطوب باش نرجعو فحالنااا ، قربي حدايا ومتحركيش وعينيك يشوفو في الارض 
دليلة....."بدات تعوج عليه في الهضرة ".....عميييهم ليا نتااااا گاااع وتهنى 
عصماان....." كان طوموبيل لي دايزة كيشير ليها...حتى بانت ليه هوندا كتدير سينيال على ليمن غتوقف "......مزال باغيهم عينيك ...
"شدها من يدها ودارها ورااه ودوا مع السيد "....شريف طاالع لكازاااا !! 
- شحال تعطيني 
عصمان....."لاح ليه الگارو "....عدي بيه " جيد ليه بزطامو "....عمت بيه كلشي سرد توصلني لسيكتور وميكون غير خاطرك 
- " خرج راسو باغي يشووف "....شكون هادييك لي معااك 
عصمان......"دور راسو شافيها ورجع شافيه وجبدو عندو من تريكووووه "......سوووووووووق مك !! 

شخصيتو صعيبة والا طلق صهدو عليك يحرقك ....يكون فشي بلاصة ومعاه ناس وتهز عينك وتشوف فشي بنت معاه واخا ميكون بينو وبينها غير الخير والاحسان فهاداك مشكيل ......
اما الا تمعنتي النظر فختو ولا مو ولا شي وحدة من عائلتو غيكون مشكيل كبيييير.....
فما بالك حشايشي زلال زهواني ديال لخلا يطاول ويلغيه ويديرو مكاينش ويشوووف في مرتووووو ويطلع وينزل عينو فيهااا ديك ساع غتوقع كارثة وغتسالي بدماياات .....
عندو تهراس نيف بحال ضحك مكيعقلش على راسو ومكيتحكمش فيه اول مخشى سيد حمارو ف أسبووع الفرس حسب قوولتو عطاه دقة دوخو على طريق كازا فين جات مندمو حيت دخل فلي ميعنيهش 
كون مدليلة جراتو صحة متساليش على خير ....
تلقاو لترانزيت غادا بشي سلعة طلعو مع مولاها....جلسو اللور فوق الكراطن ،كانت غادا معاه قالبة عليه سيفتها مخلياه داوي بووحدو وهو قتليه ولا تنخليه

عصمان......"جرها من عنگرتها حتى تضربات مع كتفو ".....مااالك الحبس عاقدة عليا سيفتك ..
دليلة ....."عضات على قنانفهاا معصبة من برودية دمو ،عندو كلشي عادي " .....هاد تفرعين ديالك خاصك تنقص منو واش نتا كتموت غا على العنف 
عصمان....."عنكش ليها شعرها ممسوقش لعصبيتها "...وكنموت عليك معاه 
دليلة....."غوتاااات ".....عصمان هادشي مافيهش الضحك....اش هاد الحياة غنعيش معاك الا كنتي مقابل غا مضاربات
عصمان....."هز يدو الفوق " هادشي لي عطاك الله ، واش باغاني نقتل هاد النفس لي فيا ولا شنو ،منها نيت سميني فتيحةة وعطيني طابلية 
"عرفات الهضرة معاه فهاد السيجي مغيوصلهم لحتى بلاصة وغير غضيع وقتها فقررات تسد فمها ، وتزيد تكمل فقلبان سيفته"....
واااا طلقيها تسرح صااافي ..
دليلة......" دارت ليه ضحكة تاع الطنز "....صافي عجباتك هادي ولا بغيتي شي حاة اخرا ...
عصمان ....."رفع حاجب وخلا لاخور نازل "....بلاتي نوريك اش بغيت وقف وجرها من يدهااا هزهاا جالس في بلاصتها ومجلسها عليه ،كيدوي في عنقهاا بصوت ممسموعش خلاها تبوورش وتبدا تهرب في عنقهاا منو ".....بغيت شي شفيق ولا شفيقة بحاالك ، ياخدو داك شوية العقل لي خلات ليا مهم 
"صاط وطبع قبلة سخونة في عنقهاا وممل على كلامو "......راني شرفت ووصل لوقت نشووف زريعتي كتكبر قدامي
دليلة......."كانت مكمشة على يديها وكارزة على سنانها مبغاش تسمع لحديثو، حيت لي كيطلب منها مستحيل ....قبل كانت متمنية لولاد تعيش معاهم لي معاشتوش ولكن دابا خايفة تجيب شي ولد ولا بنت يجيو قلالين زهر بحالها ويدوقو من لي داقتو ، يدويو فيهم ويحگرو عليهم ويعانيو ملي عاناتو ،يكبرو ويعودو ليهم شنو وقع لمك وشنو دارت ليها جداهم وجدهم خايفة دنيا تعطيهم بالظهر كيف عطاتها وتعذبهم كيف عذباتها ، يتكرفسو ويتمرمدو ويوليو يتمناو المووت كيف تمناتها 
تنهدات مخلياه يحاجي وينسج الخيوط كيف بغى اما لي فراسها كان فيه ومغاديش يتبدل "
عصمان ......شفتك ضربتك اللقوة 
دليلة..."دارت لعندو وجمعات لوقفة نايضة فحالا ، جاب الشيفور الدورة ومكانتش شادا فراسها طاحت عليه ومزدوحة معاه ، زير عليها هاد المرة ممخليهاش تنفنف "....
عصمان.....ريحي الارض فين غادا هربانةةة ، 
"شاف في غينيها بانو ليه ذابلين وباينة فيها عيااات ديال بصح خظا يدها ودورها على خصرو ، ونها تصرفو براسها لي تكاه على صدرو 
غمضات عينيها وستاحلاتهااا ،خدا ليدو وبدا يطلعها وينزلها على ظهرهاا بشويو ويلعب في شعرهااا "......صافي جبتي الكاو عييتيي ، 
كتافات تغمض عينيها صحة وتسدهم متحلهم غير على صوت شيفور وهو كيقوول 

- هاهنا وصلنا اشريف !!


هبط هو وياها شاد ليها صحة في يدها ، شكر سيد وتم نازل مع الدرب بانت ليا شي إن تماا ، دراري سااحين وواقفين مقادين مكاين گارو مكاين جوان مكاينة طااية ، لعيالات كيطاالو بتخبية ...اما رجال لي عمرو صلا هاز زربيتو وغادي قاصد الجاامع ....وقف ووقفها في جنبو وهي مفاهمة والو حتى بان ليه يااسر جاي طاير لعندوو وقف علييه ... 
بعد على دليلة وتنحى شوية لعندو مصغر فيه عينيه حيت حافظو و عارفو كيف داير و ديك الجرية لي دار تتبين انو شي حاجة كاينة 

عصمان ..." حط يدو على خصرو و غمزو محرك راسو الجنب " .. اش تم ؟؟
ياسر ..." دار يديه في جيابوو " .. الخاوا الواشمة تتشمشم و الحنوشة باغين يعروفو غارك 
عصمان ..." ربع يديه و ضحك باستفزاز " ... ياك المرضي توحشوو سمي ولا غير بغاو يشوفو عيني 
ياسر ... شي واحد تهرس ليه الكاركاص ديال وجهو هوو مولاك 
عصمان ..." دغيا طاح ليه ادم في راسو وهو يطلقها بضحكة مرجع راسو اللور مخلي دليلة تتفك خيوط كلامهم و مصغرة عينيها فيه " ... ايييه مازال ما كثر الله يطيحو في يدي ..
" شاف في دليلة ودوا بنبرة أمر " .. سيري نتي لدار بدلي حوايجك و سواني ديك الضربة و طيحي تنعسي ، انا عندي شي شغل مغنجيش اليوم 
دليلة ..." وقفات قدام وجهو " .. تتحلم بالكولور ولا بلونواغ .. رجلي على رجلك فين ما مشيتي 
عصمان ..." عقد فيها حواجبوو ودوا منرفز حيت عارفها كيف دايرة و راسها حجرة عاصية " ... كلامي متيتعاودش كلمة وحدة قلتها متخلينيش نتعصب 
دليلة ..."فهمات الكلام وعرفات انو القضية فيها البوليس داكشي علاش حلفات لخلاتو مشا بوحدوو " .. اسمع نقوليك دوك الألغاز سير ديرهم على شي حد ماشي علىا "ضربت راسها " هاد الراس لي داز عليه لي ميدوز ... جيني من الاخر اشمن تهمة تاني 
عصمان ..." هز راسو من حاط صباعو على جبهتو كيمسح عليها باش يتهدن ، حيت ممساليش ليها باش يبقى يتقاشح معاها " ... اش بغيتي تعرفي ياك فهمتي اش كاين 
"صاط الهوا لفوق ودوا تحت سنانو " .....يالله ديري اش قلت ليك راه الوقت لي نبقى ملاج معاك عندي فيه مايدار

دليلة ..." شافت فيه بعيون خايفة " ... غيشدوك ا زريقة ميمكنش نخليك غنمشي معاك رجلي على رجلك منفارقكش
" شدات ليه في يديه " ... الى انت راسك قاصح جيتي عند وحدة كتر منك في هادشي ، دابا قوليا اشنو عندك و شنو غدير
عصمان ..." عجباتو ردة الفعل لي دارت عليه و زاد زير ليها على يديها " ... داك القرد لي كيجيك رفع عليا دعوة ،وخاصني نمشي نشووف اشكاين 
دليلة ...."بإنفعال "...كيفاش تشوف اش كاين ، راه خاصك تغبر تااا تهنى القضية شوية عاد بان ، راه يقشعوك يقرقبو عليك ، راك مقرقش السيد. 
ياسر......دليلة عندها الحق ،تخفى شوية على العيوون 
عصمان.....بقا غير كيشووف فيهم 
دليلة ..." كانت عارفة العاقبة مغتخرجش سالمة ، حيت قرات ادم ومن عينيه وعرفاتو كراابا ،كسرات ليه سكوت ديالو " .. وزيد خلاص قبل ميشموك هنااا " جراتو من يديه 
ياسر...." لاح لعصمان سوارت طوموبيل ".......هاك اصحبي "جبد تليفون من جيبو "......طفي ديالك وخود هادا باش تريحني عليك 
عصمان....."حك على ذقنو ".....ارا معاك شي حاجة " اشارة الفلوس "......كلشي تلاح في الما ومخاصنيش نتيري دابا 
ياسر......"جبد ليه گاع لي في جيبو "....هاك وانا غنقول لدار بلي مسافر نتا والمدام 
عصمان....."هز ليه راسو "....وعليه ...."رجع شووفتوو لدليلة ".. زيدي قدامي هي كون جلستي في الدار حسن ليك ... ولكن تا قدام عيني حسن .." جرهاا بزربة الطموبيل غير ركبووو كسيرا تا قفزات ليه من فوق الكوسان 
دليلة ..." شدات ليه في يديه بقلق " ... دابا فين غنمشيو عارف شي بلاصة تكون بعيدة و ما عارفها حد 
عصمان ..." شاف في يديها لي مزيرة عليه كان حاس بيها و عرفهااا مناش خايفة ... هزها يدها لعندو و باسها " ... عمري غنخليك واخا يبقى غا عرق تيخبط... 
"رجع نظرو متبع الطريق وقال " ... عندي واحد عشيري غنريحو في دارو ..
" شافيها غمزها و هي حركات ليه راسها بالإيجاب .... هز تليفونو و دوز الرقم.. مصوناش بزاف دغيا سمع صوتو " 
... زريييييييقة !!
عصمان ..." تبسم جنب " .. وجد ليا دار الضمانة و شي غطا نقي و متنساش القطعة معاك .. ومنشوفش خليقتك معايا المدام ...!!
" قطع علييه و شدو طريق الجديدة ،ما هي الا ساعة تا كانو وسط المدينة و بالضبط في حي السلام ...
حي راقي و معروف بالسهات لي فييه ... وصل قدام العمارة و نزل و نزلها .. لقا الكونسييغج معلوم و غير كيتسنى فيه .. كيف وقف قدامو عرفو غير من المواصفات لي خلاه ليه ... عطاه السوارت البرطمة فين غيرحيو علاما تهدن الأوضاع ...
كانت دار متولة ومقادة هازاهم وكافياهم وكلشي موفر فيها من اتاث 
دليلة ..." حيدت جاكيط ديال عصمان لي كانت لابسة " .. واش هاد البرطمة عايش فيها شي حد ؟ 
عصمان ..." حرك ليها راسها بنفي " ...هادي ديال واحد صاحبي مديورة غير الطوارئ .." غمزهاا " .. وخصوصا الطوارئ الخاصة لي عيني فيها " عض على فموو خلاها تدور وجها عليه معوجة فمها ".. فين هو الحمام ..
"دارت جيهتو بغات تكمل كلامها لقاتو كينصل في حوايجو ممسوقش لوجودها بلعات فاش شافت دوك لي زابدو مزيرين بالعيا " .. احم خيد من قدامي 
عصمان ..." ضحك عليها عارفها توترات ،حرك رجليه بزربة حتى جا قدامها و هز ليها يديها كيدوزهم على صدرو ". ... علاش امدام حشمانة من راجلك وهادشي غير خيرك و ديالك قيصيه في اي وقت بغيتي 
دليلة........"دلات عويناتها "....عصمااان اناااا 

دليلة ..." دلات عويناتها " ... عصمان انا فياا الجوع واش يومين مدقت نعمة سيدي ربي 
عصمان ..." ضحك بجهد تا بين على سنانو ، فرفراتو بكلامهاا، خدا يدو وجر ليها نيفها "......اودي طلبتي الموجود جاتنا في الماكلة غاا آمر "ضرب على كتفو "......وانااا نفد 
"دفعها بشوية من خصرها حتى وصلهاا لحمام "......متجي فين تخرجي تلقايه فوق طبلة 

دخلات لحمام تغسل وتقضي خاحتها اما هو مشا عيط لكونسييج سخرو ورجع لبيت شاف ميلبس لقى غا شورط قصير هزو مشى لحمام تاني غسل فيه وبدل غى التحت ولفووق بقى على الله عريان مبندر ، تنشر فوق الفوطوي شاعل التلفازة متبع دوري ابطال أروبا جبد گاروه بدا يكمي ويلوح الطفية في الطفاية حتى خرجات... جات مع العشى لي قادو هو فوق طبلة وجمع الباقي اما هي عرفات غا تاكل وتغسل يدها وفمهاا وتگرفد عليه 
دليلة......" كان ناعس فوق الفوطوي داير يديه تحت راسو "... ملقاش عندك بحال داك سروال لي لابس ومكرهتش شي توني معاه الفوق 
عصمان....."قوس عينيه "......لاعبين تورنوااا ولا كيفاش ..."ميل راسو جهة ليمن لي كان فيه البيت "....دخلي تم قلبي ماريو تقدري تلقاي شي حاجة 
" عدفات حوايجها وكان خاصها ضروري تبدلهم.....دخلات لبيت ومشات لماريو لي لقاتو طاغي عليه لبس لعيالات كلو مقزب وقصير اشمن يا كساوي يا بيجامات يا شوميزااات ... اما حوايج دراري قليل عيات تقلب ووالو دورات عينيها وهي تبان ليها فووقية طويلة ومستوورة ، بلاما تردد مدات يدها وخداتها ساترة فيها راسهاااا
دليلة....."رجعات لعندو لقاتو هاد المرة جالس مقاد وكيكمي ويصووط "........واش هاد الدار تاع صاحبك ولا صااحبتك ، 
عصماان ...." دار لعندها من ورا مسمع صوتها وهو يحل فمو وقوس عينيه مفيييكسيي، رفع حاجبو لفوق وطفى لگاارو مندهش عاد تم ناايض لعندها "....صافي هي نصليو زوج ركعات ونتوكلو على الله 

خرجات قداموو بداك المنظر تقول غا فقيه وكيصرع عيباد الله ما جا فين يضور راسو تا طرطق عينيه معاهم .. ما عرف راسو واخد مرأة و لا موصيبة متحركة .. ... حمقاتو وخرجات ليه عقلوو خلاتو يخبط يد مع ختها و يلاوح براسو 
عصمان ... هي نصليو شي جوج ركعات و نبداو على بركة الله 
دليلة ..." دارت راسها مكلخة وماشي بنت الوقت ، حطات يدها على لكادر تاع لباب والايد لوخرا على جنبها معلية الفوقية شويه" .....ايه غنصليو زوج ركعات ونطلبو الله باش تخرج عاقبة هادشي لي درتي على خير 
عصمان ..." قرب ليها تا شدها من خصرها " .. واش دابا انا منبقاش فيك تتخرجي ليا بهاد المنظر على قلة الحوايج ... بالحق ماشي مشكيل حتى بالگنضورة الحال ساهل ..
"هبط يديه لجيهة فخاضها كيطلع فيها "
دليلة ..." خلاتو على هواه و حسابها في راسها .. حط نيفو تحت ودنها كيشم ويبوس و ايديه خدامين باغي يعريوها ساعة معامن هو فايقة ومترفعاتش هاد المرة ....دفعاتو من صدروو و مشات لوات رجليها فوق الفوطوي خلات عرق في ناضرو كيضرب " ... واش باغا تسطي عدو ربيي وراااك حلالييي اعيباد الله حلاااالييييي
دليلة ..." مسحت وذنيها بصبعها " ... صمكتيني الزمر دوز تبرك باغا ندوي معاك 
عصمان ..." جا جلس قدامها " ... يا ربي صبر من عندك الصبر .. واش لمشاش وكلاب كيتزوجو وانا قاطعة عليا الما والضو 
دليلة ..." جاب ليها الضحكة و مع ذلك تمرات فييه و خنزرات" .. سمع نقوليك تزوجتنيي معليش .. ولكن ابا زريقة بنت لييك رطبة مثلا ولا بنت ليك مايعة ولا مرتاحة في حياتي و عقلي هاني ... راه لي داز على مخي يخليك تسنى اعوام وشوف تشوف ... ودابا خلينا من هاد اغنية حشاكم وخلينا في المشكيل لي جابنا الهنا ... " رفعات حاجبها فيه كتحكر بالكلام ".....مهم انت غتسمع !!و انا غندوي ..
" هزت كاس ديال الما قدامها نزلت عليه دقة وحدة شحفها المسخووط ،هو يقدر يكون عاجبها ودوك الحركات لي كيدير معاها ميمكنش يتمسحو من عقلها .. وهي كأنثى مكرهاتش المزيد لكن كانت خايفة من الزمان لي فين ما كتبغي تهز الراس كيخبطها ... 
حطات الكاس فوق الطبلة و تكلمات "... أنا غنمشي عند ادم نهضر معاه يتنازل على الدعوة ..."شافتو عقد الحداش ووقف على وقفتو " .. وا غااا سمع خليني نكمل بلا متدوي .. عصمان راه في كل مرة تطيح في شي موصيبة كنجي نشوف المشكيل كنلقى راسي انا السبب 
عصمان ..." هز فيها عينو مخنزر و كلامها غير مزاد شعلو بعد مكان راشقة ليه ، هز صبعو في وجها كتحذير " .....شماتة اناااا مريوة باش نخليك تمشي تدوي ليا مع الزوامل "ضربها لراسها خبطات متتالية "... الا كان الهم لي انا فيه كيكتقولي بسبابك فراه عاجبني غير خرجي سووقي وتكمشي ليك .....وأحسن حاجة تقدري ديري فهاد اللحظة قبل منفرعك هي تنوضي تخبطي تنعسي و تصنتي لعضامك ...
" بقات تتشوفيه كيفاش سد عليها گاع البيبان مخلاهاش حتى تشرح ليه ....بغات تهز يدو وتقول اش عندها وترجع تقنعو خرج وخلاها مقردة ......ناضت ساخطة على الوضعية طالع ليها دم ...دخلات لبيت نعاس تلاحت فوق اللحاف حاضية السقف
دليلة ...... انت حسابك في راسك وأنا حسابي في راسي ...وانا غنوريك اش غندير 
"جبدات عليها الغطى و طاحت نعسات اما هو خلاتو جالس في صالون كيهز في رجليه بعصبية حس بيها باغا دوز تعفط على كرامتووو وطيح ليه ضرابوه الأرض ..

غير صبح عليها الصباح حلات عينيها تقول محققة عقلها و مخها تنوض على لفيقة بكري .. دارت على جنبها ما لقاتوش جا نعس حداها عرفاتو بقى في الصالون باينة فيه تقلق وبالمزياان بالحق مكيهمش لي هامها هوو تسلك شوكتو بلا دم ...حيدت عليها الغطى خرجات من البيت مشات غسلات وجهها عاد رجعت لبسات حوايج لي جات بيهم ....من بعد مسلات تمات غادة عندو تتسحت على صباع رجليها تا وصلات قدام وجهو لقاتو غير بالبوكسر و حوايجو مليوحين حال فمو وشعرو مخربق 
دليلة ..." دوات في خاطرهاا ".... .. دير لي درتي ا عصمان ميمنكش نخليك تغرق و انا قادة نعتقك ...
" مشات لسروالو هزات منهم باش تركب ورجعاتو لبلاصتو .. هزات سبرديلتها في يديها و عطات رجليها الريح .. تا خرجات عاد لبساتهاا ... شدات الشارع بان ليها طاكسي شيرت ليه وطلعت 
-لاگااار عفاااك 
غادة و حاطة راسها على الزاج وتتفكر و باغا غير وقتاش توصل ، المسافات من جديدة لكازا طوالت وساعتها تجبدت ....في داك الوقت كان عصمان بدا يتحرك ، راسو ضارو وثقيل عليه بالمزيان نعس معقلش على تا حاجة دايرة بيه...قوس عينيه وبدا يخيد الشعر على عينيه....حنحنوجمع الوقفة غادي حمفيان وغربان مشى نيشان لبيت فين كانت مبنتش ليه ، دخل الكوزينة كذلك ....دخل الشك وتوسوس فلى الدار وملقاتاش بانت ليه الفوقية محطوطة وحوايجها مكاينيش وهوو يهز رجليه تال سمة ونزل غلى طبلة دزاج قسما -" خداا حوايو كيلبس فيهم وينگرز ". بربي تا نوري القخ*** تاع مك الا درتي شي حاجة من ورا ضهري 
~~~~~~
كانت في طريقها الكوميسارية عازمة و مقررة انها يا ربحة يا ذبحة تحداتو ووقفات في وجهو و طيحت بكلمتو ومشات وهاهيا واقفة قدام الكمويسير تتستفسر على مكان ادم حيت معندها تا وسيلة اخرا باش تلقاه 
دليلة ..." رافعة حاجب و منزلة خوه و عينيها حمرين بحال الحمر " ... الله يخليك بغيت ادم الرحموني .. انا مدام دليلة العثماني بنت عمتو ، عيط لي قوليه بغيتو يعاوني 
-" تكى على الكرسي و مقوص عينيه فيهاا " .. ايوا فين هو السيد صعصع راجلك امدام العثماني 
دليلة ..." تتغمص عينيها فيه و بالثقالة " ... واقيلة نعاود كلامي ماشي مشكيل....."هاد المرة دوات مكنزة "..... انا جيت لهنا كنقلب على صاحبك عشيرك لي معاونو بغيتو في بلاان عيط ليا لييييه ... 
-"شاف تا عيااا و هو يهز تليفونو ودوز ليه الخط " .. الشريف بنت عمتك هناا واقفة بحال العسكري .. بغاتك في شي موضوع ، نتا قربتي هنا واخا 
"قطع عليه الخط و تكلم معاها " ... راجلك يا يسلم راسو ولا غيزيد علىيه مشاكل هو ما قادرش عليها 

دليلة ... ضريتيني في راسي الشاف سكت شوية و أنت ملي شفتيني راجلك راجلك راجلك .. مال راجلي قاتل كينيدي 
... " وقف خابط يدو مع البيرو وهاز صبعوو في وجها " ... احتارمي راسك و احتارمي الشخصية لي واقفة قدامك .. والى لحد الان صابر ليك فعلى قبل ادم فقط لا غير ...سيد لي تكرفستو عليه والحباس لي مزوجة بيه شوه ليه وجهو 
دليلة ..." ما تحشم ما ترمش و الكلمة ما تخليهاش تبات عندها ... وعندها شعار واحد الخوف من الله وحدو " .. كون ما كانش يستاهل ما يديرهاش ليه وهنا تعرف الرجلة عندمن نابتة 😉 ...
" يا الله غيجاوبها تا دخل ادم بديك الفورمة و طولة و التجريدة لي منفعاتو بوالو ...كانو كلو فاصمات ولعين مزال زرگة اما نيفو منفووخ ...تقدم عندها مد ليهاا يدو خلاتو بلاكة و خرجات من باب البيرو ...جمع يدو بقبضة مزير على صباعو و تم تابعهاا تا وقفات على برا 
دليلة ..." واقفة تتشوف قدامها مكنتشوفش فيه " .. كنت هانية شوية في حياتي ملي ربي سيفط لياا دراع تاع الحنان لا من ناحية الدار لي انا سكنت فيها و لا من ناحية الناس لي فيها ... ومن بين هاد الناس كاين عصمان ولا زريقة .. هذا لي قريب يعطيني حياتو و يبقى هو بلاش و فين ما كيطيح في شي موصيبة كنكون انا السبب الرئيسي فيها 
ادام ..." كان مربع يديه و كيستنط ليها " ... كتبغيييه 
دليلة ..." ضحكت جنب " هادشي راه مكيعنيكش الشريف فقط كيبقى بيني وبينو يعني بين راجل ومرتوو .. هاد الوقفة لي واقفة انا قدامك جيت نقوليك ياك باغي تعاوني و توقف معايا ..هي دابا تنازل على الدعوة لي قدمتي ضدو 
ادام ..." خشا يديه في جيابوو و تم عاطيها باالظهر " ... لاااا 
دليلة ... " عقدت حواجبها وغوتت " ... اذا طلعتي كانبووو ماشي ذكي لعبت عليك سعاد و هانتا خاتم في صبعهااا ..."نطقات بتحذير "..
غتلقى مشكيل معايا انا هاد المرة ماشي هو ..
" تمت هابطة في الدروج وكتردد" ... تذكر كلامي اولد خالي 
ادم ..." بقا واقف حاضيها وكيعظ على قنانفو مخيش براسو بزز منو وبدون وعي منو تبعها شادها من دراعها ، ضورة لي ضارت دفعاتو تا ختل توازنوو وكان غيطيح "
دليلة ... متحطش يديك فيااا 😠
ادام ... بغيت اخر كلام لي مكملتيش ليا ديك المرة اخر كلمة منك على مك 
دليلة .." حركت صبعها قدامو بنفي " .. توتوتوتو فقط سميتها السعدية "وهي تشد في جنبهاا" ... وهاد الضربة اثرها هو لي غيكفرني و منحنش فيها حيت مكتهمنيش ، لي هامني هو لي جيت بتخبية عليه وضربت كلامو في الحيط ووقفت قدامك دابا 
ادم .... انا قابل أني نتنازل على الدعوة 
دليلة ..." عوجات فمها بلا حتى كلمة و عطاتو بالضهر راجعة في طريقها وهو يصدمهاا ".....
ادم......ولكن بالشرط 

🌺 ياترى شنو هو
يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.