معمرها دلات راسها ولا طلبات اي مخلووق كيفما بغى يكون
كديرها فيد الله وكتصرطها ولكن دابا كتحس براسهاا مقيدة حيت القضية فيها زريقة لي كتشووف في عينو مو وختو وبااه محتاجين ليه ،نزلات كواريها الارض وعفطات على نفسها ومشات لعندو كلشي يهون على ودو غير ميتحبسش لكن شرط ادم خلاها تلعن راسها حيت كبرات ليه الشااان من اصلو
ادم.....انا قابل اني نتنازل على الدعوة ..
دليلة....."عوجات فمها بلا حتى كلمة عطاتو بالظهر راجعة على طريقها وهو يصدمهاا "...
ادم.....ولكن بشرط
دليلة....."ضيقات عينيها "....ارا اش عندك نسمع ؟؟
ادم...."بكل ثقة في النفس كيهضر "......يجي لعندي ويعتاااذر مني على شنوو دارر
" غرضو ماشي كلمة سمح ليا وانما بغى يقلل منو ويبين ليه بلي واعر وحدهم ليه كان غالط وبزاف حيت مزال معرف زريقة مزيان ...عند بالو هو من نوع الخواف لي كيتزرا من كلمة وكيخلعو المخزن وكيخليه يقفقف معارفش بلي طريق لي غادي فيهااا ادم زريقة رجع منها شحال هادي ....ميلات وجهااا لجهة لوخرا كتضحك باستهزاء قبل متشووفيه مخنزرة هازة صبعها في وجهوو
.هاد الفترة القصيرة لي جلسات معاه قدر انو يعرفها ويحفضها ولا الحاجة لي تتفكر فيها هي كيقولها قبل. ما تخرجها من فمها بعد ما لبس حوايجوو و هز سوارت طموبيل و خرج سد الباب و تم هابط .. لقا الكونسييغج مريح في بلاصتو مد ليه السوارت باش يردهم لمولاهم .. وركب في طموبيلتو و كسيرا شاد طريق لوتوروت
عنقو مشنج و دمو فاير و عينو على الطريق و مكسيري كيحبس غير فاش كيبغي يخلص و يرجع يعفط تا سمع تليفونو كيصوووني .. هزو لقا ياسر
عصمان ..." كيعض في شلقومتو التحتانية " ... اش تم طلقني
ياسر ... وا العشير تا فينك شفت المدام هنا
عصمان ... عشرة الدقائق انا عندك راني دخلت الكازا .." قطع معاه الاتصال و و ضور الروايد نيشان الكوميسارية .. كيف سمع بلي وصلت الدرب عرفها غدير البلان لي راسها وتمشي تطلب عليه ولكن هو غادي ليها برليه اش في جهد المقص مايدي من الضس ...
وقف بفران السيك طالعة ليه القردة تتشطح . دخل مع الباب مشا بلا ميسول و لا ياخد إذن عارف و حافظ اش غيدير .. وصل الباب ما دق و لا كحب تا وصل الوسط عند الكوميسير .. لي غير شافو و هو يوقف بطوولتوو كيعرعر عليه
- " غير شافو بحالا شاف عدوه قدامو " ... واش انت يصحاب ليك هذا كىووري راه غنهبط فين تربى
عصمان ..." قرب حدا بيروه " ... تتكبرو وتتكتر فيكم الهضرة لي في عينيك ديرها ... قالو ليا تتقلبو عليا ياكما كنت مجلي عليكم .. ايوا هاني قدامكم " هز يديه مطولهم عليه "
-" جلس في بيروه و رجع دار نضاضرو و هبط كيشوف في المحضر لي كان قدامو " ... المشكتي ادم الرحموني تنازل ليك على الدعوة " ... ودار ليه حركة بيديه باش يخرج ...
هنا عصمان وجهو دغيااا طلع فيه الدم و تم خارج رادخ موراه الباب بعصبية
شد في وجهووو كيحك فيه و عينيه غيطرطقوووو بقوة ما كيشووف في نقطة وحدة اشنوو كيدور ليه و لا اش كيخطط في راسو من غيرو هو والله لي عارفين اشنو كاين ...
تم خارج مع الباب تا سمع ضحكة مجهدة مووراااه خلاتو يوقف ويبقا عاطي بالظهر و يدور بالعرض البطيئ تا شاف اخر كمارة باغي يشووف في هاد اللحظة وخصوصا و انووو مكيشوفش قدامو ..
ادام ..." لي مفرگع بالضحك وهو كيشوف فيه قرب حداه وبدا كيصفق حدا وجهو " ... براڤو اسي عصمان العثماني لا لا اشمن عصمان خاصني نقوليك زريقة الاسم لي كيزري عيباد الله ..." وهو يطلقها بضحكة دلقحاب "
عصمان ..." طلع حاجب و منزل خوووه محاول يكالمي السووق " ... الله يتوب عليك اختي
ادام ..." جمع الضحكة و خنزر فيه فهمو شنو قصد " ... نخليو ليك الرجلة ا سيدي ياك كتعنى وشوية ديرها تاج و تخليها فوق راسك ونتا غا مخبي وسط العيالات
عصمان ..." بدا يطرطق في عنقو و مخرج لسانو طاويه بالاعصاب" ... ياك غتخرا اش عندك ولا غندفن عدو ربك ...
ادم ... ما سولتيش راسك علاش تنازلت ليك على الدعوة ، من الأفضل تسول مدامتك ...
" غمزو وتم غادي ما حس غير بيد جاره وروسية داخلة فيه مخلية نيفو غا ما زاد رعف و عواج ... لاحو خلاه منشور شاد في نيفووو .. اما هو مبقات تتبان ليه تا حاجة من غير دليلة تكون قدام عينيه و لا يخوي في راسو فردي ويتهنى ... راجل بحالو مكيبغيش كلمتو طيح و لا مرأة دخل ليه في شي حاجة ... دليلة رداتو صغير و ما فيدوش وما عندو كلمة ... و الأكثر من هادشي عفسات ليه على رجولتو ولاحت كلامو في زبل
معقلش على طريق كيفاش دار ليها ولا حتى كيفاش وصل لدربهم ....بلاصة طوموبيل وخلاها محلوولة ونزل بجهالة حتى دخل لدااار بانت ليه جالسة وبجنها حسنية لي عرفات اش طاري من لولو لاخرو ... من شكلو عرفات راسها قوداتها وبجهد
عصمان......."هز طبلة صغيرة تم ودخل بيها براسو تا تفرقت ".....حيدي الواليدااااااا حيديييييي 😡
كيقووليك اللهم دقة بدمها ولا كلمة بسمهااا وعصمان مخلا دقة مخلا كلمةة من بعد مكان هاز ليها هبالهاا وحاميها ومقاتل مع القريب والبعيد عليهاا......ممخلي حتى نملة تقيسها مخبيها وخايف عليهاا....واللي نواها فيها يلوح راسو بدالها ووبروحو يفديهاا....ولكن نهار يحس براسو صغاار ويتقاس فكرامتو وشكون من غيرها سبابو ....فهنااا هو بروحو معيقلش عليها دوز اللولة والتانية قال هنا تعيق ودابا تحشم وتفيق ...وهي غير مزايدة فيه لا هي كتسمع كلامو ولا كتراعي لييه....جمع ليها حتى بلع السبل الزبى سلخها وخلى ليها الدار بلي فيها
عصماان....."هز طبلة صغيرة تم ودخل بيها براسو تا تفرقت ".....حيدييي الواااليييداااااا حيديييييييي 😡
دليلة....."خرجات من ورا حسنية تقابلات معاه ولكن هاد المرة منفعاتش زعامتها حيت كان واصل لطوب ديالو ...."......علااش هاد الهضرة كاملة دابا
" مخلاش ليها الفرصة فين تكمل ولا تشرح نزل عليهاا بتصرفيقة جمع ليها فم ونيف خلاها شادا وجهاا " .....
حسنية......."دفعاتو من صدرو ".....كتضربها بلا حشمة بلا حياااا ماالها شدارت ليك گاع
عصمان...."جمع قبضة يدو ومشى تال لحيط خشى فيه بوونية وكيغوت صوتو للعلام ".....رجعاااتني ضحكة في لفااااااام....ولا قُوااد ديال لخلا يقووليا كتخبى وسط لعيالات...."بدا يضرب على صدرو ".....ولكن كلشي منهاااا .." مشى حتال وجهااا " ....ياااااك قلت ليييك دخلي سوووووق كررررررررك قلتهااااا ولا لا ، يااك قلت ليك خليتي نعوم بحرييي
دليلة........." عاد مزايدة فيه مكتعرف لا تدوي لا تشرح ".....لا مغندخلش سووقي
" رجع جمعها معاها بتصرفيقة تانية "...
عصمان......نتييي ضاااسرة وانا لي غنعاود مك في ترابي ، وهاد لقفوزية ديالك نحدهاااا ليك ...." جات قدامها حسنية كتبعدو عليها ، مد يدو جرها من شعرها "......جاااايااااا لعدو ربك من جدييدة تال هنا خااارجة بلا خباري ، عند بال ز*** باقا تاع راسك وعليك حمام ولا مزوج نثوة ....
" صبرت تااعيات قالت نفهمو باللتي هي احسن منفعاش ،ضربها المرة اللولة وقالت نستااهل زاد تانية وصبرات راسها بزز عليهاااا ....ولايني باش يتمادا عليها كثر.....واخا تكون صغر منو وضعف منووو تاهيا غتخدم يديها دقة فيها ودقة فيه جرات شعرها تخلات الزغب لاصق ليه فيديه وطلعات فوق سدااري وبدات تضرب وفينما جات فيه "...
دليلة.....متحگرنييييييييش وتحط يدك علياااااا كتسمع !! الا طناي نتاا راجللل انا راه مرااا ورااجل .... بالحق سرييييييييي انا لي بغيت نخرجك فاش وعرتي اما نتا سرك غاا لحباسات راك موالف بيهم وديتي عليهم وتلقاك توحشتيييهم ........
عصمان..........سكتيييييي حسن ليك
دليلة......"هبطات لتحت ودوات بصوت مجهد تا حسات بقراجطها تذبحوو "....مغاااادااااش نسكتتتت ، لي سمعك يقول معرت اش درت وانا مشيت غير عند سيد وخليتو يتنازل ليك
" وحيت هو راجل مغربي دقة قديمة ولد حي شعبي مدوز لوعاوع، ديك كلمة خليتو يتنازل ليك جاتو بحالا قالت ليه جلست معاه وكركرت وتقهويت انا وياه ... ككلامها زادو شعلة فوق شعلات ودقتو هاد المرة خلاتها تطيح عليه سخفاااااانةةةة "
عصمان....."ضغط على قلبو وقصحوو ، حطها فوق السدراري وتم خارج "......تستااهل مجرا ليهاااااا ، راه لبصلة شميها ليها
"خرج وخلا مو تقاقي في طريقو تلاقى برنا لي كانت مسخرة شافتو خاصو معامن بلعات ريقها ودخلات تجري لدار...لقات مها عند راس دليلة هاد الاخيرة لي مجبدة فوق سداري والشعر على وجها ..حسنية ترش عليها لما وتطبطب على حنكها والخلعة قاتلاها "......اعتقيني خوك ضربها
حسنية......"لي خافت منو طاحت فيه".....الله يرضي عليك ابنتي الا مجلسي الارض ومسحي گاع لي جرا ليك فيا والله متبقى فيه
دليلة....."باستهزاء "....اش غديري ليه غضربيه ولا تعاقبيه ،وعلاش نمسحها فيك نتي لي ضربتيني ولا نتي لي قلتي غنحميك من ناس ومحميتينيش من راسك ، عمر شي ولد لمرا مد يدو عليا تا جا ولدك ، فاش كيفرق على سعاد والمختار بواالو ، هاادا هو ظل راجل اخالتي لي كتقوولي عليه وتظلي تنصحي فيا بلش نتهلى فيه....هادي هي كيبغيك وشاريك، ياك على ودو وودك وعلى قبل بااه مشيت عند المسخ وخرجت عيني فيه ، ماشي ضحك ولا شطحت ليه ، راني سبييتو وتحدييييييييتو على قبل عصمااااان باش ميخليناااش " قالتها بلاما تحس "....باش يجي هو في اللخر ويدير هادشي فيا ، معليش ولفت فينما نمد يدي كنتعض هذا هو مكتووووووبيي
من بعد مخرج وخلاها على داام الحاال مقدرش يفووت لباب واخا قصح قلبو تا عيا غلبووو خوفو عليها .....جلس في عتبة بابهم مسرح رجليه وتاني تانية حاط عليه مرفقو ويديه كتمايو فأسفل عنقوو باش يتفك.....شعل ليه جواان باش يتكالماا ويحل عينيه مزياااان واخا مقداش فيه....ضرب فيه نص وعفس عليه وناض رجع داخل لداار وسمعات وذنيه شنو خرج فمهاا
وديك ميخلينااش بقات تخفر فيه جا يدخل عليهم لبيت شافتو خنزرات وخرجات منو داخلة لبيت لي جامعهم هازة صاكها وكتجمع .....تبعها وطرق لباب
مشى ريح فوق ناموسية بلاما يخرج تا كلمة من فمو غير متبع ليها لعين شنو كندير.....كانت مهربة وجها عليه وتنتر مواهياش شنو كدير مرفووعة لي بانت ليها كتخشييها في صااك ....وقف وتم غادي لعندها بخطوات ثقيلة ..مد يديه بغى ياخد لي فيديها وهي تغوت
دليلة....حيد يديييك وخليني عليك
عصمان ......"طلع خاجل ونزل لاخور شدها من يديها موير عليها تا رصات " .....راك جمعتي سرواالي مع حواايجك ...
"جرات يديها وقصدات لباب تحلو وهو يحط يديه بزوج عليه وهي وسطهم....منزل رلسو لتخت وصدرو كيطلع وينزل....مزال معصب وماباغيش يحزر حيت معندوش معاه وعاد منادمش على شنو دار معاها
عاطياه بالظهر وكتدوي بصوت مخنووق عمرو سمعو منها "
دليله.......بعد لهيه خليني نقود فحااالي ...
عصمان ......"جرها من زغبتها تا تأوهت "....متخسرييييييش الهضرة
دليلة....."دارت لعندو من حر النتفة ، وبزز باش نطقات كلاامهاا حاسة بغصة فحلقها "....راه قلت ليك متبقاش تحط يديك علييك الحگااار..." فلتات ليها شهقة لي توالاوعا دمووع لي مقدااتش هاد المرة تحبسهم حسات برلسها تشارجات من جديد وتهرساات ورجعات لنطقة الصفر.....ثقتها تهرسات وتخدعات من بعد مقالت اخيرا لقيت لي يحن فيا....مبغاش يفهمها ولا يتقبل شخصيتها بغى يفرض أرائو عليها ويلغيها ، كلامها وتصرفاتها كيفهمهم بالمقلووب ، معزتو لي فقلبها كترجمهاا ليه بالافعال ، وتوقف فجنبو ومتخلاش عليه ولكن هو كلشي فهمو من زاويتو هو ،
تشووكى ملي شاف دمووعها ....ياما جرا ليها قدامو ومبكاتش ، زاد تعصب وميخرج في نفس من جوفو بزز ، مبغاهاش تحس بلي محگوورة ومعندها علامن تكى هو ماشي هادشي لي كان باغي ...كان باغي يعاقبها فقط على تقليلها منوووو ، مد يدو وشدها من اسفل عنقها جرها لصدرو تا تخبطت ، بدات تنتر ليه تم "
عصمان......"كيمسح على شعرها ويشوف لفوق ويتنهد ".....ششششش صاااافييي بلا بكى
دليلة......" بدات تمسح دموع بيديها عزة نفس دايرة ليها الضحك باقا في صدرو وكتجاوب "....مكنبكييييييش
عصمان.......ايه راه عرفتك مكتبكيش غير شتا كتصب عليك ولا بيتنا فيه القطرة.....
عصمان....ايه راه عرفتك مكتبكيش غير شتا كتصب غير عليك ولا بيتنا فين القطرة....
دليلة......."بعداات عليه".....صافي اعصمان خليناا نبقاو مزيانين ويلاما يبقى واحد يعگر لاخور ....خليني نمشي
عصمااان........سمعيني نقووليك نتي معندك فين تمشي هادي هي بلاصتي والا بغيتي غير نبعد علييك انا لي غنخرج براااا وااخا
" خدا وجها بين يدوو قربها لعند قمو وحط قبلة على جبينها ".......راه مااشي كنحزرك حيت ضربتك راكي تستاهلي، وترجعي ديري مدرتيي تاكلي ما كثر منهااا
" عاود باسها في جبهتهاا ومسح بقايا الدموع لي كانو في خدودهااا "......يالله انا غادي فحاالي.....
حل لباب وخرج تحت نظرااتها مشاات جلسات فووق الناموسية كان يسحابليها غير داوي خاوي ولعشية گاع ويرجع ولايني صدق دارها بصح ....فينما تسمع لبار تحل تقوول هو بقات هاكداك حتى داتها عينيها ومشااات مفااقت حتتال الصباح
حلات عينيها وطلقات وذنيها حسات بدار باردة وخاوية وحسو لي ولفات عليييه مكاينش ... لاحت الغطا عليها وناضت لبسات بانطوفة و خرجات عند الحسنية لي لقاتها موجدة الفطور و جالسة فوق ديك صينية كتشوفيها ... جلسات فوق السداري فمها كان منفوخ بالدقة لي عطاها وعاد عينيها لي منفوخين كتر من فمها بالارهاق و التفكير ...حطات يديها على راسها و حادراه تتشوف في الارض تا نطقات الحسنية
الحسنية ..." بقات فيها حالة ولدها و حالة دليلة " ... قولي بسم الله ابنيتي البراد غيبرد و دوك المسيمنات من قبيلة و هو يساينو فيك
دليلة ..." هزات راسها فيها و تبسمات ليها ابتسمامة خفيفة .." والله اخالتي ما عندو منين يدوز
الحسنية ..." غير شافت وجها خبطت فخاضها تا قفزت دليلة .." اويلي استغفر الله .." مشات تتقلب ليها وجها " .. اش هاد الوجه و هاد الفم لي صبح منفوخ نقولو من الضربة ويلي ومال دوك العينين ... واش باغين تصفيوها ليا
دليلة ... فين بات البارح ؟؟
الحسنية ... "تنهدات "...الله يهديكم على بعضياتكم هادشي لي نقول .. راه سبع هذاك متخافيش عليه تلقايه مشا عند ياسر بايت عندو ...
دليلة ..." حركت ليها راسها وخدات من عندها الكاس " ... الله يكمل ليهم كل شي بيخير
الحسنية ..." مسحت ليها على ضهرها " .. امين ابنيتي و الله يتاويك نتي وداك سخط، ياربي غا بركان و مفرگع الله يحضر السلامة
دليلة ... لا رد
الحسنية ..." يالله شربت جغمة من اتاي وهي تحط الكاس " ... اييه ابنتي نسيت جاتك واحد البرا ..
" ناضت تتجري جابت ليها و مداتها.. حطات دليلة الكاس من يديها و شداتها تتحل فيها .. مع قرات المضمون و هي دير ضحكة بالجنب ولاحتها فوق الطبلة و هزت تكمل كاسها ... خلات الحسنية غا تتشوف فيها " ... اش داكشي ابنيتي
دليلة ... استدعاء ديال المحكمة
الحسنية ..." خرجت عينيها قلبها تهز و تحط " ... اويلييي وحدي طلقك المسخووط يا عليا بليمين تااا اليوم نحيد بوه من الحالة المدنية
دليلة ..." بقوة ما كان طالع ليها الدم و ماحاملاش راسها ضحكات " ... ا لا اخالتي هادي استدعاء المحاكمة ديال المدعوة بمي
الحسنية ..." جلست شادة قلبها " .. غا سكتي خرجت مني ومع هوو لا دار شي حاجة في راسو ا والله مكاين لي يقلها ليه ..."عوجات فمها "... هي قولي غا على حساب مغميتك .. وقتاش عندها المحكمة
دليلة ... الأسبوع الماجي
الحسنية ... ايوا اش غديري غتمشي ؟؟ " سكت تاعيات وملي مجوبتهاش حاولات تدوي هي "....سمعي ابنيتي نقوليك هي انا اييه معنديش معاها و الخاطر عندي هارب منها وزادت كملات ملي ضرباتك "حركات راسها "...يخخ مباغا نتفكر داك نهار لكحل ....غا هو تتبقى مك و اي قرار خديتيه انا معاك فيه غير شاوري مولا دارك في اي حاجة
دليلة ..."تنهدات"... الكلام كتير و السكات حسن اخالتي قلبي عمر و حقد واخا عمرها كانت ليااا ... كنت يديرو لي يديرو فيا كيبقاو وليديا و ملي توصل بأم توصل بنتهاا الموت قبل وقتها هادي ما يبغيها لا ربي ولا عبدو ...
"گرگات كاسها ووقفات دخلات لبيتهااا بدلات حواايجها وهاد المرة لبساات عباية طويلة بالحزام ، ولبسات معاها سبرديلة....سرحات شعرها وطلقاتو وهاد المرة معكراتش خلات فمها هاكداك الضربة فيه باينةة....خرجات لعند حسنية لي كانت مزال في بلاصتها وغير شتفت دليلة حلات عينيها مع فمها فيها...اول مرة تشووفها بهاد اللباس مع طولتها واتاتهااا ".....
دليلة ...." قررات تدير حل ليها وليه " ... فين جات اخالتي دار ياسر بغيت ندوي ضروري مع عصمان عندي منقوول ليه
قررات و خدات قرارها وهو تمشي عندو برجليها و تدوي معاه ... و كيف كيقول المثل لي نطولوه نقصروه خود وارا بلا حزارة ..
وقفات على الحسنية لي بقا فمها غا محلول فيها لابسة ديك العباية و طالقة شعرها لي لونو اسود غااامق ... بقات غتتشوف فيها و عجبتها بزااف لعوينات ملونين وثقبة زين ...
دليلة ... " مطلع حاجب و منزلة خوخ وتتهضر من نيفها " ... خالتي فين جات دار ياسر
" تبسمات دليلة و فكت جبهتها وراتها الحسنية دار فين كاينة بعد مفهمات منها بلي غرضها عصماان... خرجت شدت طريق ليها ...دقات ومجوبها حد عرفاتهم غيكونو في المحل و هي تقلب الطريق ليه ... مع غتحط رجلها في باب العتبة هز راسو فيها عصمان منقز لعندها جاارهاا على براا
عصمان ..." كيكدد في شلقومتو التحتانية تا غيطيرهاا " .... واش ديلمك نتي معندكش عقلك باش تفكري " ضربها ضربات خفاف لراسها " ... اش جاب حبك عندي لهنا
دليلة ..." نترات ليه دراعها منووو وعاقدة دوك الحجبان " ... تا طلق ونتا غرامك هو الغوات و الضرب و الجرح .. زيدون جيت ندوي معاك في واحد الموضوع
دليلة ..." حطات يديها على خصرها هازة راسها الفرق " ... جاتني استدعاء ديال المحكمة على قبل محاكمة السعدية ... باش نحضر ليها
عصمان ... اييه و من ايمتى تتشاوري و ديري بالري ياك من ديما تديري لي قالها ليك كرك
دليلة ... راني متناخدش شوارك غا علمتك وهنا كاين فرق بين هادي و هادي ...
عصمان ... " بدات تشعل البولة الخضرا ثاني و خايف يدير فيها شي عاهة "... ملي نتي واخدة هاد القرارات ديال الحيوانات المنوية متجيش تفرعي ليا كرور كري ..." يا الله غتجاوبو تا سمعات ضحكة تقبت ليها طبل وذنيها وجاية من وسط المحل ... عوجات راسها شوية وهو غا حاضيها ... ما بان ليها حد و هي دفعو على جنب و دخلات ... دورات عينيها في المخل و بقات متبعة صوت الضحكة فين تا بان ليها واحد البيت بابو مردود شوية ... كحزاتو شوية ودخلات لقات ياسر شاد دراع واحد تيوشم ليه وصحبتو فجنبو كتسقي عويناتهت ..... عوجات فمها كي لاحت عينيها في البنت لي عينيها حوالو فاش دخل عصمان تابع دليلة ..
عصمان ..." شدها من يديها و تم مخرجها من البيت " ...دليلة خلي نهارك ونهاري يدوز على خير تجمعي سيري لدارك
دليلة ..." غا ضد في هاديك لي جالسة الداخل حلفت لا مشات لييه ... خرجات برا بان ليها كرسي و هي تجرو ريحات فوق منو ودارت رجل فوق ختها و يدي على يدي "
عصمان ..." مطلع حجبانو فيها شوية و متخرج ليه العقل " ... شنوو حب خاطرك شي بروتين ڤيتامين و لا نزور ليك شي باسبور تقطعي البحور
دليلة......"دورات عينيها كتبقلل فيه ".....بغيت نوشم
عصمان......" هز حواجبو لسمى ونزلهم ، لي فيها ممهنيها لا كلام گر فيها لا عصاتو نفعاتها ".......نشوووف تا نعياا معااك ونشرب شراب
دليلة......"دارت رجل فوق رجل ،ورجعات شعرها اللور بيدهاا ودوات متأكدة من نفسهاا ".......دير حساابي معاك فشي كاس يكون بيان گلاصي عفاك
جر كرسي وجلس بالمقلوب مقابل معاها"....
عصمان........فين بسلامة باغا توشمي باش نوجد ليك موديلات ....
دليلة....." دايراها غير زكارة وضد تاهي،مهم تلهيه ومتخليش ودير سبة بلش تقرد حداه ".....مكرهتهاش تحت ظهري "قالتها وعضات على قنانفهااا ومرة مرة تبلل فمهاا بلسانها
دليلة....."وقفات حداه وحطات راسها على كتفو وايديها معلقين في ذراعو ".....جي في لعوااشر ملي نبغيو نخرجو الصدقة 🙂
" قوسات فيها عينيها مخنزرة وكتشووف بحدة....شووفاتها كانو نارية ولون الازرق عاطيهاا حلاوة من نوع تاني....عصمان حداها بقى غير كيتفرج وعاحبو الحال واخا ممبينش ، نساحبت البنت مع الولد ودارت تشووف فيه عند بالها غيجمعها معاها ولا يجرها من دراعهاا سيغتو ملي اكدت عليه فين باغا توشم عند بالها غيحيح ويقول كيفاش تعطي ظهرك وتعريه لصاحبي واش انااا ميخي ولا ممقنعكش ....معارفاش بلي صاحب دعوتهاا بصنايعووو
". عند بالها كيضحك ولا مطلعها عليها ...مجرات لبالان حتى لقاتو طرق عليهم من برااا ، فمها لي دارها ليها...ورجليها لي خرجو عليها....سرطات الريق وحطات ايدهاا على جنابهااا
دليلة......راني قلت ليك باغا نوشم مكتيقش ....
عصمان ...."بااسم جنبو رجليه غاظين لعندها....نصل تريكوه في طريقو ولاحو فين ما جا معندو سووق ، بقى عريان من لفووق جمافو لعندو ".....نوشم لمرتي علاش لا...."حل ذراعو ووقف"....الوشمة لي حطيتي عليها يديك نديرها ليك يالله تعزلي ليا
عصمان ...."جرها من يديها ودخلها لاصال "....لدرجة علمت ياااسر "طلق منها ومد يدو لحزاام لعباية بدا يحلو ليها ".....
دليلة.......مغتوعتنيييش
عصمان ......" فك العباية ونزلها الارض بلا ماتحس ، خشى يدو لي كانو باردين تحت تريكو تا قفزت وخرجات عينيهاا فيه مقاداش تنفنف ،،بدا يطلع ليها فيه وعينيه معسلين وحمرين "....منقدرش نضمن ليك راسي واش غنقصحك ولا لا ، غا صبرييي معاايا وكان
خرجات من دار لعندو ماشي حيت عينيها تشاور معاه وتدير بريو كيف قالت ليه ، هاديك غير هضرة طاحت فبالها وقنعات بيها راسها باش تمشي عندو ، كيفاش يتقلق وياخد منها موقف وينعس برا دار وعمرو كانت ليه من نهار عرفاتو دارتها حجة وزيارة وصدقات فلي مدايراش بحسابو....كانت بعبايتها ولات بلاش ، كانت باغا تاخد رايو صدقات بين يديه بحجة يوشم ليها وفمها ليدارها ليها
عصمان....."فك العباية ونزلها الارض بلاما تحس ، خشى يدو لي كانو باردين تحت تريكوها تا قفزت وخرجات عينيهاافيه مقاداش تنفنف ، بدا يطلع ليها فيه وعينيه معسلين وحمرين "....منقدرش نضمن ليك راسي واش غنقصحك ولا لا ، غا صبري معايا
قرب من وذنيها حتى سكتات مبقاتش كملت كلامها ، لصق جسمو الضخم مع جسمها النااعم حتى تخربقو انفاسهاا ، ايديه كيتحركو فين ما بغات وكيحركها معاه كيف ما بغى الخاطر....
بلساان ثقيل نطق داخل وذنها حتى تهزات من حر انفاسو
عصمان ......."كيحرك نيفو على وذنهاا وعينيه مغمضين ويديه معنقينها من ظهرها ومقربها ليه "...عرفتي شنو غنوشم ليك
دليلة....." هادشي كان جديد عليها ومعمرها عاشتو ، احساسها فديك اللحظة معارفة فين تصنفو "......امم شنو ؟؟
عصمان ....." تنهد ونزل فمو كيقبل عنق ديالها وهو متنغم وممزرووبش ، واخد حقوو على اللخر ".....غنوشمك بسميتي ، باش تولييي ديالي تاااع بصح
حسات بذاتها كتخدر بسباب وضعيتهم الحميمية لي ممعوداش عليها كان كل كلمة كينطقهاا كيختمها ببوسة لي كتهز من وراها راسها لتحت وكتميلو معاه كأنها باغية المزيد...ردة فعلهاا خلاتو يزعم و ويحيد ليها تريكو ، تنهد ملي شااف البياض الناصع لي كتحلى بيه ، بتاسم بجنب ورجع حكمها . ..خلاها تبوورش وتبدا ترخى بين يديه وهو كيدااعب اذنها وكيبوس فيها بطريقة احترافية عصمانية ، نزل لعنقها من جديد وهاد المرة استقر في العرق النابض مرر عليه صباعو حتى ترخات كثر وهزها بين دراعو ووجهو وسط عنقهاا ،جلس فوق الفوطوي وجلسها عليه وعينيه كيتفحص صدرها المفعم بالانوثة ولي مخبي وراه قلب حديدي بحال الجليد
هز عينو فيها وهو يتصدم بيديها لي ستقرو ورا عنقو وبفمهاا لي تحط على فمووو ... نطق وسط القبلة وشفايفو كيتحركو على شفايفهاا
عصمان......" حمقاتو وجعراتو بحركتها وخلاتو متعطش ليها كثر وأكثر لكن محاول ومسايس عليهااا "........شنو نفهم من هادشي ...
دليلة........" رومانسيتها حرشة بحاالهااا ".....نتا كدير لي في راسك وتا انا كثر منك
عصمان....."عض على شفايفو وتكلم بصوت مبحوح ".....الا كان غير هادشي لي فراسك ديريه وفوتيه ، عاجبني ومسطياني بيه
بغى يتمادى كثر ويبدا يكشف على الجزء المغطي منها لكن منعاتو ..حطات يدييهااا على كتافو وكتحرك راسها بنفي تمات نازلة بصباعها من صدرو وكطلع لعنقو حتى ستقرو في ذقنوو ،حسات بيه وااصل للقمةة من عينيه لي كانو كلهم رغبة بيها ،وباغي امتى يحتويهاا ....اما عينيها هي كانو عامرين خوف وتردد ، باغا وممستعداش...مستمتعة ومبغاش تزرب ويزرب عليها حيت هو باغي ...هز صبااعو ولامس شفايفها لي كانو حمرين
عصماااان .......شنو لي خالعك ، تا حاجة مغتكون بزز عليك
دليلة ......" رجعات صدماتو وصدمات راسها ، باستو هاد المرة في جبينو ونطقات "......بغيت حتى كلشي يتقاااد ، بغيت حتى نبغييك ونحس براسي قلبي مستعدة نعطيه ليك .....مبغاش غير راجل لي يتزوج بيا هو يتحكم فيا وانا نستناه يقوول ليا فلانة ساليت ويعطيني بظهرو وينعس... بغيت رااجل الا حط يدو على وجهي نحطهم على صدرو الا باسني مرة نبوسو زوج المرات ... الا قلت ليه كنبغيك ولا قالها ليا هو متكونش غير كلمة ودايزة في ديك الوقيتة بغيتها فگاع الاوقات ... نحسها ونسمعها بغيتو يبغيني حيت انااا مراااا ماشي ماكينة كيفرغ فيهااا شهوتو وكيحركها بحال المونيكاا ،مبغيت نسلمو رااسي تنكون ماكدة منو بانو هاداك هوو لي هز كايااني وبغيتو كيف بغاني حيت اول ليلة ليا هاديك ومخاصهااش دوز عادية
متصدمش فيها حيت هادي هي دليلة لبنت ليبغى لي كتعبر عن رأيها بكل وضووح ،مكتجاملش ومكتنافقش ومكتسكتش على حقهااا ، عصمان مغاداش تنكر وتقول بلي إحساسها من جهتو بحال اول مرة شافتو واحد عايق براسو وباقي يملك اي وحدة حط عليها عينوو ...
لا ولات كتعزو وتخاف عليه وتشطن الا وقعات ليه شي حاجة الا لقاتو غادي لعافية مغاداش ترمي راسها معاه نو غترجعو منها وترجع هي وياه....يمكن علاقتها بحسن وصدمتها فيه باغا مأثرة عليها ومنساتهاش وهي لي واقفة عقبة في طريق قلبها ....
لحد الان گاع لي صرف فيها عصمان مزياان ولكن مزال موصلات لمرحلة تشووفو وقلبهاا يفرفر وديك الهضرة ونهار تحس براسها وملي تشووف فعينيه وتلقا راسها بصح مقاداش تستغنى عليه ديك سااع هي اللي غتجي منها المبادرة ماشي هوو حيت بالنسبة ليها كيف راجل كيف المرا
عصمان......" خدا كف يدها وحط عليها شفيفها باسهاا فيه ".....هاعلااش بااغيك نتي وميت عليك وميهربش عقلك لبعيد وتقولي هادا كيفكر في حاجة اخرا....انا ماشي مكبووت ولا محرووم دوزت وتمتعت ولكن من نهار تزوجتك على يديك ثبت
دليلة.......وزيد في توبتك والا شفتي راسك تزيرتي عليك بصيام ....حيت معنديش مع الحاجة المشرووكة ... نتا غالي وعزيز ولكن مزال موليتش نهتهت بيك ونهار نوصل لديك المرحلة غتلقاني موجدة راسي ليك وبفمي غنقووليك انا ملكك و بين يديك ..." غمزاتو وضحكات "
عصماان......" ضحك من خاطرو لصراحتها معندهاش مع صبااغة وتزواق الهضرة كتجي بنادم فاص "......غير هو امدام هاد عبد ربو لي قدامك غير الا قستييه بيدك لعافية كتشعل فيه ما بالك...ونتي "بدا يحرك في عينيه فيها "...قدامي وجالسة فوق مني وكلامك لي زاد على ما بيا ، ايوا راعي شوية ليااا
"خلاتو يبرد على راسو ووقفات كتسارا ليه تما وتمتع عويناتها وتمنظر ، دازت على گاع ماتيريال وفلاتو مزيان.....حسات بخطاويه جايين وهي دوور لعندو متكية على لحيط مقوسة عينيها خلاتو حتى حَدَاوْ رجليه رجليها وهي تشد ايديه بين يديها واشارت ليه لرسمة في ذراعو "......امتى رسمتيهااا وفين ،وعلاش ختاريتيها هاد الرسمة بالضبط ....
عصمان......ماشي انا لي ختاريتها هي لي ختارتها 🤨
دليلة.......كنشم ريحة لبنات في الهضرة ...."حطات ايدها على لقلب ".....ياكما هادا قلبهااا بقى عندك هناا
عصمان......"خدا خصلة من شعرها كيلعب فيها"....خلاتوووو ومشاات
دليلة...." ضحكات باستهزاء وبعداتو عليها بشوية حتى وصلات لموس كان فوق طبلة هزات وحطاتو على عنقو ،ودوات بأسلووب تهديد ".....انا انانية وكنبغي كلشي ليا بووحدي ، لوشام كيتحيد يااك ؟؟ تقدر تحيدو " قالتها بتلحوين ......ولااااا تحيدووووو " قالتها بتهديد ولموس في يديها كتقلبو شمال ويمين
عصمان ...."عض على فكو من لداخل وتلاح على شفايفها عضهم بخفة مصبرش وهي قدامو كتلوى عليه ".......نهار تعطيني قلبك نحيد هادا ونحطك نتي فبلاصتوو اش قلتي
دليلة......"ضحكات ولاحت الموس وعطاتو بظهرها "....غير وجد راسك من دابا بدا تحيد فيه
حيت قريب غتوشمني
"هي ليست مغرمة بالكعب العالي مثل بقية الإناث، لا تضع تلك الألوان الصاخبة على جفنيها لا تبالي لبعثرة حاجبيها،ملامحها عادية جدا تأسرك فور رؤيتها، هي ليست مفعمه باللطف و الحنية لكن جمال روحها الصافية تكفي .. ربما هي تكتفي بالقليل من الكُحِل ليضفي رونقا على بريق السماء في عينيها، عيناها التي تشع حرباً وحرباً اخرى مسلوبة الراء .. متعصبة متقلبة و متمردة ، ورغم أنف كل شيء هي جميلة بطريقة مربكة هي دليلة "
~~~~~~
غادي في طريق وهي بجنبو شادة في ذراعو عينيه غير كيدورو ولي داز من حداه كيشووفيه واش حااضيها ، ركب في طوموبيلتوو وتحرك معاها يتغداو على برا وبالضبط في المرسى ، جلسو في طبلة على براا كان جالس على عينيه منرفز وعلى جبهتو راسم الله يقربلهااا
دليلة....."كتاكل في مقيلة تاع لكروفيت وتدوز بمونادا ".....فكهاا ودير يديك معااياا ولا جايبني هنا تفرج فيا ؟؟
عصمان......" تكى على الكرسي باريحية "........جاي مقابلك وناوي خزيت على لي يحضيك ...."شاف ليها في فمها "....شفتك نافخة داك الفم ياك لاباس ؟؟
"قالها لمول لگارو لي بغى يدير فييهااا خطاار وولد الوقت .."
- واش معاااااايااا الواااعر
عصمان....."مكانش من العاگزين دفع طابلة برجليه ووقف غادي ليه "......كتقلب على شي حاجاا طايحة ليك في طبلة عندي هناا ولا غير ملقيتي مدير خليتي عينيك يتساراو ...
"وقف عليه ودفع صندوقة لگاروه برجليه تا تشتت ليه "....
- والله يلعن عدو ربك اولد **** اش عندي منشووف راه لق***ت عطاهم الله
عصمان....."شنق عليه من كتافو وجبدو لعندو ضاربو بدماغ "........هادي راه مرتي اولد الباغية....."هز صبعانو بغى يخشيهم في عينيه "......عينيك نتقبهم لديلمك نخليك عين تخرا وعين تقلب على باش تمسح....."عطاه بكروشي "....سنانك نسووسهم ليك نخليك ترفس الخبز
"تعكس ليها ومبغاش يحيد الراجل من قبضتو رجعات بلور كتنگر هي من نوع لي معندهاش مع صداع بزااف ولكن ملي كتنوض كتنوض بخطرة...بان ليها صاحب الراجل هاز عصا وغينزل على عصمان لظهر مكانتش من العاكزين ملقات قدامها غير ديك المقلة عطاتها ليه لراس "...
...بان ليها صاحب الراجل هاز عصا وغينزل على عصمان لظهر مكانتش من العاكزين ملقات قدامها غير ديك المقلة عطاتها ليه لراس "... صافي هادشي لي بغيتي وازيد نقودو من هنااا لنمشيو بزوج نتكلصاو متندمنيش على هاد ساعة لي بغيت نضحك فيها ونتلف معاك الوقت
بزز باش طلقو ورجع باللور .....
عصمان......"شدهاا من ذراعها ومرجعها معاه ، هز يدو بتهديد ".....عندك زهر اما ندفنك في بلاصتك وندير ليك كادر نخليك عبرة لي يسخن عليه ك** بحالك ، يالله زيدي نتي قدامي
"خدا سوارت طوموبيل من فوق طبلة وتليفونو وتحركو من تم
"صايگ ومخرج ذراعو من شرجم....هادا يكلاكصوني عليه وهادا يسبو وهدا هو حال سواااگا في المغرب وبالخصوص الدار الكحلا ....صونا ليه تليفون طل عليه لقى سمية الحناانة
عصمان......دوزي الخط وكبري معاك الصوت " توجه بكلامو لدليلة لي ملي ركبو وهي مخصرة سيفتها ، نفذت لي طلبت مووو وقربات ليه تليفون لحدا فمو "
عصمان .....اش كاين الحسنية
الحسنية......."عقلها غيخرج من تليفون ".....افينكم اولدي ، اويلي راه واقلة جايين عندي الضياف وخاصني سووخراا
عصمان....واتي الله يهديك راه غا ياسر شابع خبز واتاي عندك في دار ماالك شكون جااي
حسنية......دوز ليا بنتي من الهضرةة
عصمان ...."بلاما يشووف فيها "...هاهياا تسمع فيك
دليلة....."حطات تليفون قريب ليها "....أَ خالتي مالك
حسنية......سمعيني الله يرضي في طريقكم قوليه يجيب ديسير والمونادا.....
"قالت ليها اش خاص من طقطق حتاال سلام وعليكم "
دليلة.....صافي كوني هانية المهم متبداي نتي حتى نجي نعونك
"لتفت ليها من ورا الكلمة اللخرة وضحك خلاها قطعات بلا هواها "
دليلة....ضحكني معاك كيقولو ضحك كينقص من العمر
عصمان.....دابا نتي غتعونيها ودخلي لكوزينةة "بغمزة "...شفيق من اين لك بهذا ؟؟
دليلة .....""حطات ليه ايدها على كتافو وجرات زغبة من لحيتو "......وكنعرف ما كثر غير مبغيتش نقوي على لقليب عندك
" ايديها لي على كتافو ، كلامها وهمسها لي كان قريب منو ، حرارة جسمها لي كان كيحس بيهم هادشي كلو دوخو وخلاوه يحرق الضو الاحمر ومتفك معاه لبوليسي حتى خلص لخطيةةة "
داخلة مشمرة يديها بيد حسنية في الكوزينة،، بحكم خدمتها مع تريتور طيبات تعلماتو ودريساج ولات كتفنن فيه ولات على دراية بكاع لي كيخص في المناسبات.. كانت عاقدة حجبانهااا و طالع ليها الدم و الحسنية تتوجد في البسطيلة باش غيتعشاو الناس و غير حاضياها عارفاها ماشي على برجها وماشي من نوع لي كيسرسب الهضرة بلا سوالات
-الحسنية ....."شافت تاعيات وغاضتها "....ابنيتي حطي لي في يديك و تعالي قولي ليا اش مخلي لگناوية طالعة ليك
-دليلة ..." كانت على نقشة حطات الكيسان لي كانت تتستف فيهم و مشات جلسات مقابلة معاها " ... هاني اخالتي غير ساعة لله و صافي
-الحسنية ...و گاع السوايع راهم سوايع الله ابنيتي غير هو مالك
دليلة ..." عاودات ليها ملي خرجو لمرسى تاا وقفهم البوليسي " ...واااااه اخالتي واش اي حاجة فيها رق باق
الحسنية ..." ضحكت عليها " ... نوضي كملي ابنيتي اش بادية هداك راه هكاك داير غير خوي عقلك منوو ولفت عليه فينما نسكع الغوتة نقول غاا هو ..ياما عرس وتهرس ، ياما ريب سنان عباد الله....ختو كانت تخرج معاه دير نظاظر كحلين وتلوى فزيف غا باس تهنى من صداعاتو غادي ويگعگع لمهم تنساليو هاد النهار ونشووفو معاه...
" داكشي لي كان ناضت دليلة كملت على داكشي لي كانت بادية و لهات راسها فيه ... مكرهاتوش يتبدل و يحيد عليه العنف او على الأقل يتفاهم هو الاول بفمو عاد يشوف واش يخدم يديه ولايني هو من نوع لي كيكره الشفوي خاصو يطبق ..
الدار كلها فاش تشغلات ..من بينهم عصمان لي كان على برااا كيشووف تاني اش خاصهم ... اما رناا فكانت موجدة راسها وجالسة في بيتهاا لابسة جباور في الموڤ مغلووق ... لي واتاتها مع زينها و بينت حروفها ... وجها كتفات بشوية الرتوش كيف كنقولو باش تفرح براسها ...هزات الريحة ترش عليها حتى تحل الباب ودخلات من وراه دليلة مبتاسمة ليهااا
دليلة ..." مشات جلسات حداهاا وطبطبات على كتافها "......فرحانة ارنا بصح باغا تزوحي ولا غير دايرة لخاطر لصعيصعة ، غير نطقي وقولي ليا لا وانا نفرتك ليك هادشي
رنا ..." عينيها كانو كافيين بلش يجاوبوها على سؤاالها " .....فرحانة وبزااف حيت اهيرا غنتجمع مع لي بغيت.....قولي ليا كيف جيت ، غنعجبو يااك
دليلة ..." ضحكت ليها و غمضت عينيها " ... عجبي راسك هو اللول ومن بعد عاد فكري واش غتعجبيهم ...ولكن متخافيش معندهم ميقولو فيك
" بقات معاها شادين الهضرة تا سمعو اللغى على برا خرجات دليلة .. لقات ياسر لي كان بلباسو عادي و الضحكة مخاطياش وجهوو ... وحداه مو وباه لي كانو باين عليهم ناس عاديين ... مشات وقفات بجنب حسنية اما غصمان فكان داخل مع الناس ، تلقلو الترحيب لي يليق بيهم وبزيادة جلسو الضياف و معاهم الحسنية و دليلة .. اما عصمان وقف ونطق
- انا جاي
" مشا لبيت باه مصطفى لقاه واجد ولابس و مقادا ليه حسنية حالتو ... مشا عندو بايس ليه يديه عاد تحنى وهزو بين ذراعو غادي بيه لعندهم الحسنية غير شافتو طاحو الدموع من عينيها ،دمعتها على سبة هاصها غا امتى تكب ، تبدي فالفرح وفي القرح .....اما دليلة كانو كيكتاسحو عينيها نظرات رضى وافتخاار بهاد سيد لي قدامهااا ولي ظاير لباه كي لماا لقليل
حطو فوق السداري و كالاه بالمخاد و جلس حداه عاد ضار عند ياسر وواليديه " .. مرحبا بيكم ، انا جبت الواليد باش تكمل جلستنا
عصمان.....دار ليعا لشارة من بعيد بيديه بمعنى شوري ونتي كي تران "...
-اب ياسر .... تبارك الله و ترحب بيك الجنة اولدي
الحسنية .." جرات الصينية قدامهاا ودليلة فهماتها بلي بغات تعمر اتاي ومشات تجيب ليها لما لي كان مردود فوق البوطة....اتاي لي كيتوجد لضياف في اغلب العاىللت المغربية كيتعمر قدامها كنوع من التكبير بيهم" ... نهار كبير هذا بولدي ياسر وواليديه
-أم ياسر ... الله يكبر بيك ا الالة الحسنية اش خبار صحتك شوية غا سمحي ليا وكان رجلي قلت من عندك ولكن راك عارفة ولينا ساكنين في لبليدة
الحسنية ......سعداتك اصخيبتي لمدينة راه مبقى فيها ميتعجب
"عمر اتاي و شركو بيه اللغى "
اب ياسر....راكم عارفين مجيتنا اليوم علاش
عصمان ... دار داركم ، ايه حنا عارفين ولايني راك نتا باات الاصوول يتعاود من جديد ، نلض من حداهم ومشى حدا دليله حيد ليها اتاي من يدهااا خلاها تخنزر فيه
دليلة.....بلش بغيتيني ندوز كاسي نشرب دمك
أم ياسر ... " نتابهات لدليلة وقطعات كلام عصمان قبل ميخرجو " ... ما شاء الله ربي يحجبك ابنتي
الحسنية ... " دوات بافتخار مزيودها گرادات " ... اكيد غتكونو سمعتو هادي هي مرات ولدي ربي يحفظها سبحان لي صورهاا هكاك
عصمان ..." دور وجهو لدليلة لي شافت فيه بقزيبة عينيها " ... الله يحجبك ليا ا شفيق
"كانت لابسة سيرفيت رنا لي كانتطويلة على خصرهاا ، من صغرها كترتاح في سبوغ ومتقدش تستغنى عليه "
اب ياسر ... ايوا ا سيادنا لي نطولوه نقصروه مجيتنا اليوم مكانتش غير هكاك ... جينا اسيدي طالبين راغبين في الأخت ديالك لولدي ياسر راك تتعرفو كثر مني كاع
عصمان ..." دار لعند بااه و شد ليه في رجلو " ... اش بان ليك ا با صطووف نعكيوه لبنت ولا نمرمدوه
مصطفى ..." كلامو تقيل و لكن كيقدر يوصل شنو بغى...بتاسم جنب وشد في يد ولدو وقال " ... منزيدهم غير الله يتاويهم على الخير
عصمان ..." شاف في اب ياسر " ... ملي عطاها باها فمنزيدكم غير يتهلى و يديرها في عينيه ..." خنزر في ياسر بمعنى اوذني منك"
ياسر ..." شاف تخنزيرات عصمان وهو يضحك .. وناض لعند مصطفى و جلس قفازي قدامو " ... بنتك في عينيها ا عمي مصطفى راك الوليد ماشي غير بات عشيري ..
" ابتاسم ليه مصطفى ... وهز ياسر ليه يديه و باسها و حطها فوق راسو " ... الله يخليك ليناا
الحسنية ..." شافت في دليلة و غمزتها " دليلة بنتي جيبي رنا تسلم على ناسها
دليلة ..." شافت فيها " كيفاش ناسها
عصمان ..." قرب فمو لودنها " ... غير نوضي جيبيها نكون انا وياك ونقوليك شكون ناسها
دخلات لعند رناا و علماتها باش تخرج ... قدات شعرهاا وخرجات وراها الصالون ... عصمان لي عينيه على مرتووو لي ماهياش... وياسر عينيه على رنا و قلبو غيطير و يفرفر بالفرحة ،اما حسنية فكانت فرحتها متعطيها لحد
شكون فينا مكيفرحش لبنتو وكيبغي يشووفها عرووسة ،يكبر بيها ويهزز بيها الا جاو ناسها يطلبوها ...الاب كيقوول ليهم هادي راه ضو عينيااا والام تقوول هادي هي ايديا
هاد اللحظات عند العروسة مكتنساش وكيبقاو بين عينيها كتحس براسها غالية ومقامها كبير لعندهم كلهاا يوصي في راجلها من جيه متكعيهاش متقلقهااش ، الا بكات غتلقاني في وجهك ونذمك وها وذني منك
يااخسارة گاع هادشي دليلة معاشتوش ومكانش عندها لا لي يقولو ليها ولا يكبر بيهاا ويغليهاا.....مكانتش ضانة انها غتحس بالنقص وتقهر ولكن غير تعالات زغاريت وبدااات الحسنية تعنق بنتها ورنا تبوس راس باهاا
عاد حسات براسها بلي بصح عاشت حيااتها بوحدهاااا.....
قلب عصمان كان عندعا وعينيه وگاع تفكيرو فيها متبع تقاسيم وملامح وها واها كانت واقفة والابتسامة على وجها الا انو غرف من وراها كتخبي شحااال تنهيدة وتهيدة ....نطق بصووتو لي زعزع الحاضريين وتكلم وخلا من وراه كلشي حال فمو ومن بينهم دليلة
كل شي دار عطاه الوذن و حتى العقل لاح كلامو و خلا دليلة معجبة فييه وتتشوفيه ....باه عاجبو الخال ورنا وياسر ميستناو اش غيخرج من ورا فموو ... قرب لعند الحسنية و شد ليها في يديها وباسها
عصمان ... .. انا طالب راغب في بنتك دليلة تكون ليا مرا و غطا راسي و ضلعتي ليسرا ... طالب فيها تكون أم ولادي وجدة حفادي
الحسنية ..." نترت يديها من عندو و حطتها على خصرها هازة راسها السما .." دليلة بنتي جي ورايا يرضي عليك ..." دليلة مكانتش من العاگزين مشات نقزت ورا موو و هو بقا غير كيشوف" ... سمع اولدي نقوليك ما عندي بنات لزواج ... جمعنا و طوينا يا الله تصبح على خير ..." ضارت شافت في دليلة " ... نتي لقاك في بيت رناا تخرجي منو نقطع ليك الرجلين
دليلة ..." سلمات على الضياف هي ورنا و تشادو غاديين البيت " ... تصبحو على خير. والله يجعل كل شي مبارك و مسعود... " ضارت شافت في عصمان و بدات تشطح بحواجبها تتفقصو ... مشات تخشات في بيت رنا تضحك عليه ... اما الحسنية بقات على برا تا ودعات الضياف ووصلتهم الباب عاد رجعت عند عصمان لي كيف خلاتو بقا واقف
الحسنية ..." بدات تتفوه و غادة لبيتها " ... عصمان هز باك عفا ولدي باش نبدل ليه حوايجو و يشرب دواه و ينعس يرتاح ...اخخخ عييت اليوم
عصمان ..." واقف مربع يديه و مصغر عينيه في موو " ... الحسنية رجعي لبلاصتك واحد الدقيقة ..." مشا لعند باه تحنى عليه هزو لقاع تيضحك عليه " ... اييه اصطوف ضحك تلاقيتي نتا و الحنانة .." داه دخلوو لبيتو و حطووو في بلاصتو و هز قرعة ديال الما مع دواه " ... هاك الوليد شرب بعدا دواك تنسيفط ليك الوليدة ...
مصطفى ..."كيضحك غير بشوية و كيتكلم " ... ربي عوينك اولدي على الحسنية
عصمان ..." قاد ليه المخاد و باس ليه راسو و تم خارج عندها لقاها جالسة في الصالون وتتسنى فيه يرجع .. مشا جلس حداها و كيشوف فيها " ... الحسنية بالتي هي احسن مرتي تبات في فراشي
الحسنية .... " ضرباتو لكتفو" ... الله يقل حياك يا الماسخ و على اشمن مرأة تتهضر اولدي نتا
عصمان ..." نفسو قليلة و هاد اللغى كيضرو في راسو " ... نديك على عقلك ونمشي معاه اري ليا دليلة
الحسنية ..." تمت واقفة " .. ايوا احنيني جوابي وراك سمعتيه ما عندي بنات الزواج
عصمان ... وهذا لعب دراري الصغار الحنانة
الحسنية ... "خنزرت فيه "...دابا نزويك نوريك لعب دراري الصغار اش يصحابك كبرتي على العصى
عصمان ..."رجع يديه اللور و حنى راسو ليها " ... حشا الوليدة ها انا ديري فيه ما بغيتي غا هو را راسي بدا يتزير اري ليا مرتي خليني نمشي نحطو و نعس
الحنسية ..." جلست فوق السداري " .. ايوا اولدي الا بغيتي بنتي دليلة ليك مرأة تغطي راسك و دفي فراشك ... عندي ليك شرووووط اولد كرشي شروووط
عصمان ... " جلس حداها و عاطيها الراس و مخليها تقول و دير ما بغات " ... اتيني بيهم نسمعهم ؟؟؟
الحسنية ... " گفضت على يديها و شدات راسها بعكسة و جلست جنب " ... سمعني بنتي زينة و زينت البنات عينيها بوحدهم قتالة تخليك غا حال فمك ... وزنها ثقيل عندي وسهمها عالي من نعار لي تزوجتيها كنت غنقول بلي غتهنى معاك ونتا عاد مزدتي شطنتيهاا ، داكشي علاش الا بغيتيها خاصك تعلم وتبدل من راسك و فاش تبغي تهضر مترفعش صووتك ... تقلل من الغوات و من المدابزات الخاوية هادشي لابغيتي مرأة تكون معاك ... وتا فاش تبغي دوي عقلك يفكر قبل يديك و ديك الساع نفكر واش نعطيها ليك ولا لا
عصمان ..." تم واقف كلامها دخل من وذن وخرج من الاخر " ... غا شديها عندك غنجيبها راسي و تحملي مسؤوليتك ..
الحسنية ... اعلى ما فخيلك سرجو ركب عليه و حرگ بيه تا وكان تقاد على خاطرك مزربانينش
خلا الحسنية وراه غير تضحك عليه وهو ما عاجبو حال و عارف موو اش كتسوا ... مشا لبيت رناا وجلس يدق عليها
عصمان ..." طالع ليه أحواش كيشطحو فوق راسو " .. جوج كلمات غتسمعيهم يا تحلي الباب و تزيدي قدامي و لا نفرع موو
دليلة ..." كانت تتهضر معاه ورا الباب" ... ايوا انا كنسمع كلام ماما الحسنية قالت ليا غتجلسي في بيت رنا اذا هي غنجلس هناا...."كتدوي وتلوي عليه فلسانها باغا تفقصو "...
عصمان ..." حط يد على خصرو وضرب يد في الحيط " ... اييه ما قلتي عيب رتاحي في بيت رنا ..." تم راجع تا دخل في موو معصب " ... بلاتي الوليدة ندوز
الحسنية ..." شداها الضحكة و هي تخلي ليه الطريق " ... بسلامتك اوليدي دوز و غير بشوية الاعصاب ميفيدوش ... " بلا ميجوبها بحتى كلمة دخل لبيتو مشربن والقردة تتشطح ليه فوق راسو وخاصو غير معامن ... كون كان يصحاب ليه موو غدير ليه هاد النبازات مكانش گاع حل فمو ولا حاول يدير فيها الجو ززين .. اما دليلة ديك ساع تخشات في بلاصتها بعد ما بدلات غير من عند رنا .. تسنات حسو باش يجي يفرع عليهم لكن خاب ضنهاا ..بقات رنا في جنبها تعاود ليها على ياسر وعلى الربطة الزغبية لي شداتها ملي شافتو اول مرة وتعلقات بيه ....كانت تضحك وتخيل وتحلم....وبطلتنا حداها غير كتكرك ليها رااسهاا ولكن مرفووعة
حطات يديها فوق جبهتها ومخلية عقلهاا يسرح ويحط الرحال عند مْهَا ، هاد الكلمة لي تمناات تنطقها بحال رنا وبغات سعاد دير ليها بحال الحسنية وتوصي عصمان عليها كيف دارت مع ياسر ...المشهد العائلية لي شافت من شوية زعزعها وخلا سعااد لي معارفة عليها والو طيح في بالها ، حاولت تضغط على نفسها وتقنع راسها بلي مدارت تااا حاجة زوييينة تخليها تحن فيها وتشفع ليها ولا حتى تفكر فيها وبلي متلقات من عندها غير الهجر والخذلان والطعن في الظهر والكره ، ولكن كيوقع العكس فينما تغمض عينيها كتجي فبالها باغا تعرف اخبارها واش واقع ليها ...يمكن الدم لي جامع بيناتهم هو لي مزال شافع شي شوية لسعااد وطير النعاس من عين بنتهاا ....
الحاصول الهضرة كانت كثيرة وبالنسبة ليها السكات حسن حيت غير كتخوي الخل على الخميرة وكتزيد تمرض راسها براسهاا ....شتتات تفكيرها وحاولات تغمض عينيها حتى يصبح ويفتح ولكن غير الصبح الحال رجعات ليها نفس السينتا ونفس الهضرة تعاودات فراسهااا وخرجات بقرار انو خاصها تمشي تشووفها كتبقى ايدها ومنها واخا مجدامة وعاد هزتها في كرشها تسع الشهوور وغتحاسب عليها في الاخرة قبل الدنيا
خدات سورڤيط و دخلات الحمام تبدل عليها .. قضات حاجتها و خرجات لقات الحسنية خارجة من الكوزينة و هازة صينية ديال اتاي ... صبحت عليها و مشاو جلسو في البيت و حطو قدامهم الفطور
الحسنية .... كيف صبحتي ابنتي؟ ؟ نعستي مزيان؟ ؟
دليلة.. الحمد لله اخالتي ...
"داخل مقاطعهم صوت عصمان لي قال صباح الخير وتم غادي ميك".....
دليلة ... "وقفات عليه ودوراتو لعندها تتكلم بعصبية " ...دااكشي لي دارت دارتوو في فياااا ماشي فيك و أنا أكثر وحدة عاقلة اش دوزاات عليا وزيدون داكشي كيخصني مكيخصكش
عصمان.. "ضار عندها مشربن "...واش توحشتي المشاكل لاش باغا توصلي دابا من هاد النقاش
دليلة... سمعني نقوليك اعصمان حتى نتا مك مغتفوتهاش لو كان گاع ضرباتك خالتي فمغتهزش فيها العين يعني كتبقى مك خايبة زينة تتبقى مك وحتى انا هاديك مي و كيخصني نشووفها متحكرش اعصمان اتاصل ليا بالمحامي ياخد ليا إذن بالزيارة
عصماان..." بقا ساكت وكيشوف فيها و تنهد حيت عيااا و عارف دليلة راسها قاسح وهاد النقاشات الزائدة غير كيكب الما في الرملة معاها فيهم " .. واخا ادليلة ها حنا نشوفو فين غتوصلي بهادشي ديالك ...
" خرج يكمي يصرط هاد الفقصة لي سمع على صباح ... خرجات هي لقاتو واقف حدا باب دار شافها لاح لكارو وعيط ليااسر يلوح ليه ساروت طوموبيل .... طلعو و شدو طريق العكاشة و تاصل بالمحامي باش ياخد ليه إذن بالزيارة قبل من اي حاجة "...
عصمان.... متأكدة من هاد المشية رااه الكافر يتوب و مك متووووبش..
دليلة.. عصماااان هنينااا و لا هبطني ناخد طاكسي
عصمان... "نعل شيطان و ميك " ... راه غير ناعل الشيطان اما بربي لكملتي خطوة عندها .." كملو طريقهم بلا تا حد ميدوي مع لاخر ...وصلت هي و عصمان لي مرضيش بهاد الخطوة لي دارت و في الأخير قال هاديك أم و بنتها معندي فين ندخل ..سلمو على المحامي لقاوه خدا الاذن بالزيارة "
عصماان ... "شاف فدليلة".. متعطلييش أنا كنتسنا فييك..
مشاات دليلة دخلت للقاعة الخااصة بالزياارة بقاات واقفة كتسناها على ماجات
- سعااااد زياااارة ... !!
ناضت تلوي فمها بالمسكة و تبعاات الحارسة كتعوج بمشيتها المقحبنة و فرحاااانة معرفت شكون جا يزوورها و غير وصلو زحلات ليها لباب لقات دليلة فساعتها بدلات ملامحها لوحدة... نادمة و هي غراضها غير تلعب على دليلة باش تحن و تنااازل فرصة جات حتى لعندها مخصهاش ضيع سيدة مكتهدش و شيطان خدام معاها
سعاد ..." حلت يديها " ... بنتي دليلة
دليلة... "ضحكت حتى دمعو عينيها واش من الفرحة ولا لقرحة الله واعلم" ههههههه من امتا ا سعاااد ؟؟
سعاااد... "بدموووع نااازلين كي الشتا و لي شافهم يقول هادي أم ونادمة و باغا بنتها في حضنها "... ندمت ابنتي و مكنتش عاقلة اش كندير، واش كااين شي ام تقتل بنتها سمحي لي ابنتي نبوووس ليك يدييك راه حكروووني و مبقييتش قاادة نبقااا هنا نعيش خدامة تحت رجليك غير سمحي ليا ....
دليلة..."مقصحة قلبها وبزااف" .... سعاااد بقيمتها و قاامتها كتبكي أنا مقداااش نتيقك شي حمار مات في الملاح .
"دفعات كرسي جنبهم وهزات صباعها بتهديد "...... افيقي ا السعدية راه دليلة بنت كرشك هادي ماشي شي وحدة اخرى لي تمتلي عليها هاد التمثيل ، مالكدقتي حبس الدنيا شوية ، وحستي براسك و حيدة ما عندك لا حنين لا رحيم باش تجي تقولي ليا تعيشي تحت رجلي، سمعيني نقوليك فاتك الوقت و دازك تران انا لي كنت نتمنى نعس غا على ركتبتك ... ولكن توسدت العتبة ونتي باقا تطلعي نفس و تهبطيها......
سعاد......"بغات تاخد يد بنتعا تعنقها "....ندمت على گاع هادشي ومكرهتش نغير كلشي
دليلة......"باستهزاء "...عمر شيخة تنسى هزة لكتف غير مسحي دمووعك و بلاااش من هاد درااااما و لي كيحن كيتمحن اسعاااد و لي دار دنب يستاهل لعقووبة نتي لي بغيتي تجي هنااا و هادي بلاصتك و أنا درت واجبي و زرتك ...
سعااد... "بالبكا لي كيقطع القلب تشووفها تبكي معاها" ... سمحي لي ابنتي و ريحي ضميري راه معدبني ...انا مبغييتش ناديك غير الشيطان والبلية لعبو على عقلي
كانت غادا بيها الحارسة و عينيها كانو عند دليلة وصوتها بقى كيوصل ليها "... عفاااك سمحي لي ابنتي متخلينيش هنااا انا مزاوكة فيك....دليلة سمحييي لياااااا
"ندم سعاد ما دخل ليها لعقل و لا بورش ليها لحم ... كانت جماد وجالس كيسمع لكلام عارفاه كولو كذوب و بهتان و لكن الام تتبقى ام ... والله عز وجل وصانا عليها واخا سعاد منقدرو نحسبوها من الأمهات و لا من لي متخلى على اولادهم ... بل هادي ام حاولت توسخ بنتها و حاولت تقتلها ... هادشي كولو عارفاه دليلة ودايرا بحسابو لكن الطبع غلاب... حسات بغصة في قلبها و مبغاتش ليها ديك البلاصة حيت الحبس غير الرجال و سعاد غير ولية ... الراجل وكيخرج منوو مهرس فمابلك بمرأة كيف تخرج من تم تنهدات وجمعات الوقفة غادا جارة رجليهاا وعازمة على قرار لي مغتغيروش
خرجاات من عكاشة كان املها من هاد الزيارة قلبها يحقد وينفر ويرتاح بالحق غا مازاد تخربق وتشطن .... بان ليها عصمان متكي على سيارتو كان باين عليه الاعصاب و ما عاجبو حال ... بالنسبة ليه سعاد هي اكثر حاجة يقدر يكره في هاد الدنيا في كل مرة كان يطيح في بالو صورة دليلة و هي طايحة بضاية ديال الدم عقلو كيبغي يخرجكيبغي عقلو يخرج ... في الوقت لي كانت فيه دليلة الداخل هو كان شاد باكية ديال الگارو يكمي و يسف و يعطي لصدرو ... بانت ليه خارجة و هو يلوح اخر ما تبقى منو تحت رجليه وحط يديه على خصرو، فكل خطوة كانت تتخطيها عندو كان كيقرا ملامح وجها كيف دايرين توصلت لحدا رجليه ... هزت راسها فيه لقاتو مگرضف و مصغر عينيه فيها
دليلة ..." عاضة على شفايفها " ... مالك مكرفض عليا
عصمان ..." طلع فيها حاجب و منزل خوه " .. مالك نتي اش طرا لداخل
دليلة ... والو .." تخطاتو و مشات ركبات في الطموبيل ... اما هو هز راسو لسما وزير على يديه و زفر بغيض ومشا طلع حداها
عصمان ... داكشي لي موحلة في حلقك نطقيه خلاص بلا متخلي اصل مي نتعصب
دليلة ..." قالتها و بكل ثقة و عازمة على كلامها " ... غنتنازل
عصمان ... " عارفها و حافضاه وقاريها و كان متأكد من كلامها هو لي غتقول .. ما جاوبها ما كلمهاا ديك الساع ديمارا طموبيل و غادي مكسيري و كيغدد في سنانوو " ... نتي راه بنتي ليااا هرب لييك و يااا كما بغيتي نفكرك في الذي مضى راه نعاودو ليك و نسجلو ليك صوت
دليلة ..." حاطة مرفقها على الشرجم و تدوي بكل برود " ... كلامي سمعتيه ومافيا لي يبقى مناتفة معاك على هادشي وهو بالأصل كيخصني.
عصمان ..." ضرب فران تتسمع في الشانطي و شد الجنب ديالو " .. ايه مرحبا ما قلتي عيييب غير هو تحملي مسؤوليتك و حتى فداكشي لي غيطرا من بعد حيت مغنعقلش عليك ..." هز تليفونو و دوز لخط المحامي و علموو بشنو كاين " .. الأسبوع الجاي وجدي راسك المقابلة
دليلة ... واجدة ولله الحمد 😑
القلب كيكون كيشرق و العقل كيغرب ،يقدر داكشي لي باغيه القلب ميكونش باغيه العقل بتاتا و داكشي لي باغيه العقل رافضو القلب ... فاش كنقدمو على شي خطوة نديروها في حياتنا تنكونو قاريينها و عارفين اش غيكون وراها ماشي سخونية راس ولا فهامة زايدة .
بخصوص دليلة قرارها كان ديما كيراودها هي ماشي غشيمة ولا مكلخة باش غتيق زوج كلمات قالتهم ليها مها مرافقين بدميعات..لا بالعكس كانت عارفاهها كتمثل عليها كيف مثلات على ادم وهلاتو يتيق ولكن معندهاش لبديل حاسة براسها في دوامة ومكبلة من يديها بزوج كون كانت سيدة لي طعناتها كتمثل فصفة اخرى من غير الأم ديالها مكانتش غتعقل عليها گاع ولا حتى تفيق ليها من نعااس بالمرة ....
بعد ما علم المحامي بأخر مستجدات ملف سعاد .. رجع ديمارا طموبيلتوو بدون ميدوي و لا يتكلم و لا حتى يحاشيها ليها ... نفس الأمر كينطابق عليها شدات بلاصتها و تركنت محاولة تخليه تيبرد و تهضر معاه ... منحقوو يسمع منهاا و تشرح ليه بعدما كانت هي مكتشرح لحد و لا حتى تعبرو ها هو جا لي خاصها تجلسو قدامها و تدوي معاه بالعقل ... عصمان دار على قبلها بزاف و تكرفص على قبلها و ضرب في المرأة لي كانت خدامة معاه و دخلها الحبس فين تعفن ... وحالف بحلوفو يا بيه يا بيهاا وهادشي لي كتفكر فيه هي خايفة عليه منو كتر ما خايفة على راسها عارفاه يدو سابقاه و يدير الحاجة قبل ما يفكر ولكن معندهاش خيار تاني ..
ما هي الا دقائق حتى كانو في الدار .. غير دخل بدا يضرب في البيبان ويتنثر وحجبانو معقودين... مشات جلسات في الصالون و تتسمع لخبيطوو ... معصب و معرفات كيف دير لييه .. تمات جاية الحسنية لي بدات تتوجد في الطبلة على قبل الغداء
دليلة ..." حركات ليها راسها بالإيجاب و ناضت مشات لاڤابو غسلات يديها و ووجها ودوزت على رقبتهاا ... على الله تبرد و تحاول تكون مكالمية خصوصا انو عصمان خاصو غير معامن و لا مشات حتى دوات غتقربل الطبلة ... مشات الصالون لقاتو سابقهاا وجالس منزل راسو التحت و يديه رابطهم في بعضهم و كيطرطق في صباعو .. جابت الحسنية و رنا الغداء و حطوه و جلسو قبل مييداو نكق بصووتو الغليظ
_لواليد تغدى
رنا......عطيتو غداه اخوويااا
مجاوبهااش باشرو في ماكلتو الحسنية فين ما تتبغي تهز راسها في ولدها تتلقاه عاقدهم و دليلة غير ساهية الى منغزتها متفكر بلي لي قدامها ماكلة ...بدات الحسنية ترطب في الجو على الله يرطاب ليها و هي كان همها غير ولدها معصب عليها ... هزات الخبز قطعاتو و مداتو ليه ... خلاه هكاك و هز طرف اخر مدات ليه كاس الما خلاه و هز قرعة تكى عليها ... خلاتو على خاطرو و مبغاتش تحكر عليه ... حتى بان ليها زاد فيه وجهو مكتبشرش بالخير
الحسنية ..." حطات الخبز من يديها بنترة و تكلمات معاه " ... اهيا اولد كرشي شبر شبر و جلس علييه ياك لباس مالك تاتنتر علينا و موحلها لينا ؟؟
عصمان ..." كان شاد قرعة الما في يديه كمشها بغيض" ... الحسنية كلامك خليه عندك و لغيه في هاد الساعة ... لا انا في وقت كلام و لا في وقت خيط و مغزل ... خليني شاد فمي عندي حيت لمشات تا خرجة كلمة منوو غضرني قبل ما ضرك .." ضرب القرعة مع الطلبة و ناض زاعف "
الحسنية .... بسم الله الرحمن الرحيم .." ضارت عند دليلة " ...هدا داگين ليه برا الغوات
دليلة ..." حطات لي في يديها و شدات في راسها منهدة " ... غير خليك منوو اخالتي معصب من حاجة خرا ...من واحد الموضوع لي حتى نتي مغاديش يعجبك
الحسنية ..." شافت في رنا " ... نوضي جمعي عليا هادشي ما بقى بوو غدا ..
" ضارت لدليلة " ... خويهااا ابنيتي خويها
دليلة ..." كتخرج كلامها بثقة في النفس وبلي لي دارت منادماش عليه " ... مشيت اليوم نشوف السعدية و قررت نتنازل ليها على الدعوة
الحسنية ..." خرجات عينيها فيها " ... ا حبيب الله على غتنازلي ليها
دليلة ..." هزات يديها قدامهاا "... هادشي لي عطى الله
عصمان....."علا حواااجبو "....اياااه واخا الالة مطلبتي غاا الموجود انا غنخليك تعومي بوحدك هاد لبحر عنداك غا تغرقي فيه
" خرج فحالو وخلاهم ، عضات على شفايفها حتى كيطير منهم جلدة بدمها ، معصبة حيت مبغاش يفهمهاا ولا يسمعها، حسات بيد حسنية فوق ظهرها كتطبطب عليها "
الحسنية ... سمعي نقوليك ابنيتي واخا هاد الهضرة راني قلتها ليك ديك المرة ولايني مافيها باس نعاودها... انا معاك في اي حاجة بغيتي ديريها بالحق غير شاوري راجلك فيها ... بان ليا شاورتيه وما عاجبو حال و الى بغيتي تنازلي هدشي كيخصك توحشتي ميمتك و بغيتها تكون معاك راه حقك هذا مكاينش لي يحيدو ليك
دليلة ..." شدات ليها في يديها " ... سمعي اخالتي انا غنتنازل اه ولكن ماشي حيت توحشتها و بغيتها ام ليا ، .."ضحكت باستهزاء ".. هادشي فات عليه الفوت و ما بقاش دابا ... انا بغيت نتنازل ماشي حيت تيقتها ولا حنيت ليها و لا قلبي صفا عليها ... انا خالتي بغيت ندير واجبي كبنتهاا في الوقت لي هي مدارتش واجبها كأم ليااا و لاحتني و انا مزال في خرقتي ... غنتنازل باش حتى لطرات ليها شي حاجة في الحبس ميتقالش راه بنتها لي دخلتها راه واخا نسامح انا المخزن راه مغيسامحش و غدوز شي براكة فيه وحتى الا خرجات مغنشووفش وجها ، ولا غتجمعني بيها هضرة انا المهم عندي نبرأ دمتي قدام الله و نكون انا حسن منها اخالتي ، وكلامها لي قالتو ليا ودموع تماسيح لي رماتهم عليا دخلو من وذن وخرجو من تانية. .مانيش بنت ليوم راني حربية وشلا ما دايز عليا ومي راه عارفاها كثر من راسي ومبقاش ديرها بيااا غير انا نتنازل ليها والله يعوني ويعونها غيكوني ايام لي دوزتهم معاعا هنااا كتاب وقطعت موووو
الحسنية ..." جرتها عنقاتها عندها و تتمسح ليها على ضهرها " ... الله يكملك بعقلك ابنيتي و ربي غيوقف معاك و يحفظك من كل شر وهي الله يهديها على نفسهااااا
تعاشات العشية على ياسر النهار كولو و هو يفكر....عقل يديه و خوه يجيبو باش ينووض يدق باب زريقة و هاد المرة الدقة غتكون عينو لي بغات تشوف محبوبتو .. ماشي بغى باش يشووف خووه و عشيروو ... ناض لبس علييه و خرج من باب دارو و قصد دار عصمان و لي ليهاا ... عصمان دمو سخووون و دقة قديمة و عقلية بيريمي كيف كيقوول الوقت .. واخا عارفو اش كيسوا و لكن تيبقى هو هو ... وصل الباب و ودق عليه المرة اللولة مجاوبو حد حتى دق المرة الثانية عاد حل عليه الباب ... في وجود عصمان في الدار مكينش لي كيحل من غيرو هو ...غير جات العين في العين وهو يبتاسم ليه
ياسر ..."بقى واقف فبلاصتو "....هليها لمرة اخرا غير كنت بغيت نقوليك باغي نخرج مع رناا تشووف داكشي ديال تجهيز الدار
عصمان ..." مسح لحيتو بيديه وشد ليه في كتفو " ... نيفك غيخسر و غتولي تقلب فين دير ليه موديفيكاسيو .. رنا خطيبتك ما قلنا عيب و ما حيدنهاش لييه .. الخروج و تزنديق معنديش في القاموس .. سير حتى ضرب عليها الخط وتوقف عليها العلام و تعالى ديها .. دابا عندك شي هضرة ليها دخل راه الصالون و الحسنية كلامكم يدوز على وذنها
ياسر ..." حدر ليه راسو " ..واعليه ما قلتي عيب ابا زريقة .." دخل ياسر و تابعو عصمان من اللور .. لقاو الحسنية خارجة من عند مصطفى غير شافتو جات عندوو فرحانة بيه و تتسلم عليه "
ياسر ..."باس ليها راسها " ... يحفضك ربي اخالتي كيف بقا با صطووف شوية
الحسنية .." تنهدات " ... والحال باقي على حالو و الحمد الله على كل حال زيد متبقاش واقف ..." حيد سبرديلتو ودخل الصالون مريح فيه ... اما عصمان فلاح بسلامة عليهم و خرج قاصد شغلوو بعد ما وصى موو تبقى مريحة معاهم و متحرك فين و كلامو ليها كان عبارة عن تهديد ماشي غير كلام دايز ... دخلات الحسنية عيطات لرنا باس تجي تشووف خطيبها و يخيطو اللغى .. حلات الباب لقات دليلة دايرة راسها تحت المخدة وناعسة وبنتها شادة مخدة معنقاها و مخدة تحت راسها ومغيبة حتى هيا
الحسنية ..." حطت يديها على خذها وتتشوف في هاد اللوحة لي قدامها " ... اويلي استغفر الله هادي هي لي باغا تزوج ..." مشات تتفيق فيها بصوت شبه مسموع " ... رناا تگعدي فيقي ياسر تيتسنى فيك في الصالون
رنا ..." كان نعاسها خفيف و اي حاجة تقالت تسمعها غير سمعت كلامها مها جلست" ... هانا امي شعري مقاد و لا نمشطو
الحسنية ..." طلعت فيها و هبطت " ... صايبي غا حوايجك ولا لبسي شي حاجة طويلة و تبعيني ... الله يعطيك غا عقل قريبة تولي مرأة الدار و باقا هبيلة
خرجات و خلاتها حتى قادات حالتها عاد تبعتهم لصالون لقاتهم جالسين وكيهضر هو ومها... شافها فحالا ضربو الضو عينو منزلوش عليها . كان عندو خوف وخوف كبيير من انوو عصمان ميعطيهاش ليه .. ولكن كان العكس انو خووه قبل بيه و سط عائلتو و حالف عمرو يخون تيقتو فيه ... اما هي عينيها مهزتهمش من الارض جلسات حدا مهاا حشمانة و تتفرك في يديها ... بقاو هكاك شي عشرة الدقائق وهوما غير شوفيا ونشوف فيك ا طاجين الحوت .. حتى قررات الحسنية انها تنوض تعمر اتاي و دير الصواب و منها نيت تخليهم يديو واخا الى دخل عصمان يقدر يريب عليها سقف الدار ...
الحسنية ..." نغزت بنتها و ناضت الكوزينة " ... هانتا اوليدي لي في خاطرك قولو و تا هي لي في خاطرها تقولو غنوض نعمر كويس باش تحلى الجلسة و نجي ..." حرك ليها ياسر راسو بالإيجاب و هو ينوض جلس حدا رناا .. وشد ليها في يديها يسلم "
ياسر ... رنا اش خبارك ؟؟
رنا ..." تقول دار ليها اللقوة و ضربها الضو " .. هاا احم حمد الله " ...خطفت يديها منوو "
ياسر ..." تبسم بروجولية و هو كيشوف في ها. الكتلة ديال الحشمة و الجمال " ... شي نهار تقتليني ابنت مصطفى
رنا ... " وجهاا حمر غادي يطرطق عمرها جلسات معاه الراس في الراس " ... الله ينجيك من الموت
ياسر ...." حالف تيصفيها ليها " يخلي ليا لي تخاف على راجلها ..." هز ليها راسها بيديه " .. هز عينيك فيا خليني نشووفك و بغيتك تجاوبني على واحد السؤال
رنا ..." مخرجة عينيها فيه لقاتو مصغر عينيه فيها حمقهاا و قلبها قريب يحبس وهو تيشوف فيها " ... قوليا
ياسر ..." كيعض على شفتو التحتانية " ... واش كتبغيني و باغاني حلالك .. حيت ابنت الناس غنقولها ليك هكاا .. منهار شفتك عششتي هناا " شير لقلبو " ... وهنااا "لعقلوو " ... ماشي بغيتك حيت خت صاحبي و عارف تربيتو مغطلعش فالصو ... لا بغيتك ابنت مصطفى تكوني لياا و اصلا راك من الاول لياا و لي كان كيحط العين فيك كانت عينو كطير قبل ميفرح بالشوفة ... دابا جاوبيني و ريحي هاد القلب واش حتى نتي باغاه
رنا ..." حدرت عينيها و قررات تعتارف ليه " ... احم اه حتى اناااااا
تسمع صوت لي خلا كل واحد فيهم يتفافا.....
- حتى نتي اش قوولي نسمع ؟؟
رنا ..." حدرات راسها و مقررة تا هي تعتارف ليه مدام غيولي راجلهاا وراجل دارها " ... .. احم اه حتى انااا
- حتى نتي شنوو قولي نسمع ؟؟
رناا ..." نترت يديها من يد ياسر قافزة و شادة في قلبهاا "
دليلة ..." فاقت من نعاس وجايا لعندهم لابسة بيجامة لاسقة وواصلة ليها حد الرگبة وجامعة شعرها شفنجة ...ضحكت عليهم و مشات جلست قبالتهم " ... تخافو ما تحشمو اش داكم لشي رومانسية هنااا بغيتو تريب علينااا داار
رنا ..." بدات نفسها تطلع و تهبط " ... اووف خلعتيني اصاحبتي ..." يا الله غتجاوبها دليلة تا تمت داخلة الحسنية بصينية و على وجها ابتسامة ... لقات وجه رنا حمر وياسر حادر راسو "
الحسنية ..."مصغرة عينيها فيهم " ... هادو مالهم حادرين روسهم كي الفلالس مالك اوليدي ... را غا مرت خووك هادي ..." دارت شافت في دليلة لي غمزتها باش تسكت فهمتها الحسنية و هي تجر الصينية تترجع البراد "......
- دليلة بنتي جيبي داك طبسيل الحلوة من الكوزينة الله يرضي عليك ...."دارت كيف قالت ليها غادا وتتاوب هزاتو ورجعات جلسات حدا الحسنية لي كتراجع في اتاي "
" بقاو حديت ومغزل قولها وضحك عليها حتى سمعو الباب تحل كان عصمان لي خاطرو مهناهش وحيت هو معندوش ديك خطيبي و خطيبتي تم رااجع بأدراجوو لدار داير بنااقص .. دخل الصالون طارت عينيو نيشان لدليلة لي كانت جالسة و شادة الكاس في يديها ... طلع فيها عينيه على مهل و بخاطرو شافها اش لابسة وهو يعض لسانو من الداخل بغيض ... حيد سباطو و مشا ريح حداهاا بلا ميعبرهاا ، دور وجهو لرنا لي كانت جالسة حظا ياسر وهو يخنزر فيها " ......
عصمان....... " غير عاقد دوك الحجبان و باغي غير فيمن يسوط ..."....تعالي جلسي نتي هناااا ...."ناضت حداه كتبلع في ريقها لي حاساه نشف ....دار رجل على ختهااا ودوا بخشونة".... با ياسر "غمزوو " ... تتوجد و لا عاجباك لعبة الخطوبة ...
" يا الله غيجاوبو وهي تقاطعو الحسنية "
الحسنية ..." تتشرب في جغيمتهااا و تتهضر بتعالي عارفاه مقلقة و هي من عندها غير تفرگع و ماشية على انا لي ولداك ماشي انت " ... غير بشوية عليهم ووقتما ربي سيفط الرزق مرحبا بيييه
عصمان ..." غمض عينيه و حلهم و نفخ " ... الحسنية كلامي نقولو و منعاودوش هادوو يقرقبو على الزواج .. انا ماعنديش مع ديك خيطي بييطي و صباح الخير من هنا و تصبح على خير من لهيه ...وهگا خاصنا نشريو هادي وهدا خاتم وهادو حوايج ونجبدو فمو هاظ لاستيك وبنادم خاصو غا باش يدوز كيسان ديال اتاي ..
"طلع حاجب ونزل خوه وخاطب ياسر ".....ياك بعدا مستعد وواجد ولا غدير لينا فيها تانتا الدار حگا تا نفرشها
ياسر .... ....الله ياودي كلشي يتقاد دغيا
عصمان......واا عليه حددو الوقتلي ييدار فيه العرس ودي مرتك ويكوون تاريخ قريب مكاين لاش تطوال
الحسنية ..." غمزت رناا " ... ايوا ما يكون غا خاطرك اوليدي السيمانة الجاية نوقفو العلام
عصمان ..." هز الكاس لي كبات ليه الحسنية ... و مباغيش يشوف ليها تا في وجها مقلق ديال بصح ... دور نص وجهو لدليلة لي ملقى كيفاش يدوز ليهااا , دوا غير بينو و بينها " ... تگعدي نتي بدلي عليا هاد الخرا لي لابسة ،خارجة ليا بصيگانك مسفحين و الراجل جالس ديووثي انا حداك مال حبك باغا تسطي ديلمي
ناضت دليلة البيت بلا متجاوبو ولا حتى تهضر معاه ... عرفاه من النوع السريف و فمو مقص .. اما هوو دار لعند ياسر و تكلم معاه بجدية " ... العشير توكل انت ووجد راسك و الخبار راه فراااسك بلا منكمل ...
"ناض مخلي صاحبووو لي فهموو انو خاصو يوجد و الأسبوع الجاي يكون عرسو من لاح كلامو وتبع خطيتو خلا الحسنية غا حاطة يديها على خدهااا و تطلب ليه الهداية
تبعها لبيتو حل لباب ملقاهاش فيه سدو بنثرة ومشى لبيت ختوو دخل عليها لقااها كتسد في الفووقاني ديال السيرفيت ....ضرب الباب برجليه حتى تسد ومشى قاصدهاا ....
عصمان......"كيدوي واصل لافان ديالو "....ملي نكون معاك انا تعزراي عليا ها سيرفيتات ها الفوقياات سبحان الله ودابا خارجة نص مغطي ونص لاخور ملقيتيش ليه حوايجو ولا شنوو ؟؟
دليلة ..." حطت يديها على خصرها و خسرة فيه سيفتها " ... زريقة هبط صوتك شوية و انت طالع السما نلبس فوقية و لا سورفيط هاديك تتبقى حوريتي الشخصية انت ..." حطت صبعها على صدرو" ... اش دخلك في لباسي ياكما باغي تلبسني بالمقلوووب اولى ابا عصمان " حيدات تجاكيط بقات بسميطات "...تا دابا بغيت نبقى بلاش اش مشى ليك ؟؟
"طلع معاها الصهد ، عمرهاا تسوقات لهضرة لبشار ولا انتقادهم تال دابا مبغاتوش يعيب تاحاجة فيهاا ضربتها اللقوة وغينيها كيوحيو بلي تقدر تنقز عليه في اي اللحظة ، قرب منها هز تجاكيط ولبسهااا ليها طلع ليها سنسلة تال فووق مغطي ليها عنقهاا مزيان " .....هاكدا مزياان
" عطاها بظهرو وتم غادي خارج وهي توقفو بهضرتهاا لي ستغربها بزااف واها عارفة ماشي وقتها ولا سياق كلامها
دليلة ......فين هو صداااقي ؟؟
كانت متأكدة من شنو خرجات من فمهاا كيبقى هاداك حقها الشرعي ولازمها تدوي عليه حيت بيه باغا تشري ليها لحوايج باش تلبس وتقاد عاد هما داخلين على مناسبة خاصها تعمر جيبها وكرامتها وعزة النفس لي خارجة عليها مخلياها متقدرش تقوليه عطيني نشري وناخد ونضور براسي اللهم تطلب صداقها
ظار لعندها بالعرض البطيء مقوس عينيه بمعنى شنوو ؟؟
-دليلة......كيف سمعتي مالك ملقيتي لي يدوي عليا يسحابليك مغندويش على راسي ......راني فيا كلشي عمرك تنساها داكشي علاش باش تكمل زواجنا كيخصك تحط ليا الصداااق حيت زواج بلا بيه كيقوولو ممزيانش
عصمان......." كان غافل ديال بصح على هاد الموضوع وملي ذكراتو ليه تشوكى و غير كيشووف بالنسبة ليه نهار خدا دليلة ما بقا باغي والو نسا على الأصول و التقاليد ... و بكترت المشاكل حتى من الحسنية خرجت من بالها .. فرح حيت فكرت في راسها و فكرت انوو عصمان راجلهااا و باغا صداقها منوو باش يكمل زواجهااا بييه ."
.....حقك والله يلعن بو هادا لي يقول غير هادشي ، شحال تبغي فيه ، نتي امري وانا نفذ من مليون لعشرة ....
دليلة....."قربات منو وحطات ايدها على كتفو "....ارا غير نص بريكة وكمالة لعشرة المليوون هاديك كنخلص ليك بيها دين لي عليا...
ناس زعير معروفين بالنشاط و بالولاد الخير و نهار فرحهم يعلقو العلام بگصبة و معلق فيها زيف بيض ... من طريق بعيدة تعرفوو فرحان و عندو الفرح في الدار ... في دار عصمان نايض الشطيح و الزغاريت .. ها لي يشطح و ها لي يصلي على النبي ... علامهم واقف و في باب العتبة باين .. الحسنية غاا لابسة طابليتها وتجري.....دارها ولات زاوية كلشي جالس عندها شطيح ورديح بليل ونهار ... كانت من ناس لقدام لي متشبتة بتقاليد والاصول معندهاش مع العرس والحنة في نهار واحد ... ولا سيفط الدفوع القاعة و من القاعة الله يعاون ...واخا الدار غا صغيرة تسلف ديور جيران ... وتنصب الخيم في فم الباب و لوكان الدرب كبير ... كون دارت الخيل و التبوريدة ...هادشي لي خلا دليلة غير حالة فمهاا و عمرها شافت هادشي ... خدمت في عراسات أشكال وألوان ولكن بحال هذا محضرت ... جالسة و عقلهاا ترفع لعند الشخص لي من نهار دوات معاه مشافتووو...داز أسبوع غير ديال الروينة و التوجاد وهو ما بان ليه الأثر ملي كثرو العيالات في دار غبر قليل فين يحي وتا الا جا مكتشبع منو لا شوفة ولا كيشبعها كلام حدو اش خصك ؟ اش عندك؟ ويقلب وجهو معارفاه واش مشطون ولا مزال شاد من جهتها سيغتو انها دارت التنازل لسعدية ولي جلستها تأجلات لاخر الشهر
ناضت قصدات الحسنية لقاتهاا مرونة و كي سفارت الكوكوط ... لي ما كلا توكلوو ولي كلا تزيدو .. محاولة تسولها على عصمان ما لقات لي يجاوبهااا و لا يقوليها فين ...
دليلة...."كانت لابسة گندورة وهازا شعرها لفوق ...وجهاا صفى وتقاد ولوصفة لي كانت دير منها رنا يطلسو ليها حتى هي ..هي زينة وزادت كملات "... ".....خالتي اتي وقفي بغيتك ؟؟
حسنية....." هازة جلابتها تحت باطها وقفت واخا مزروبة ".....هانا ا بنتي ماالك دوي غيا راه كيتسنى فيا برا يتعصب يزيد ويخليني وباغا نخرج نشري اش خصني واش ناقص قبل ميجيو خواتاتي
حسنية......"ماشي من عاگزين مشات بجرا جابت ليها كمشة القزبر مطحون وكاس لما "....هاكي شربي ابنيتي غتفوتك
"بقات غا كضور في عينيها مقدراتش تقوليها لا ، خدات من عندها داكشي غمضات عينيها بزز منها وشرباتو حسات بترويعة وصبرات ...".....
حسنية.....كي كتحسي براسك شوية ...."حركات راسها مقاداش تا تهضر دارت قضية جيت نطل يقطع طلي "....يالله زيدي يالله معايا يضرب فيك البرد ....ريحي شوية وذنيك شوية من صداع
" هادشي لي كانت باغا توصل ليه بلا قزبر ولا كامون شدات فيها وخرجات وهي مرة مرة تحط يديها على فمها مهاضماش اش شربات وممتقبلااهش ...طلعو لراس الدرب وهو يبان ليها مكتوبهاا جالس فوق طوموبيل وكيف العادة في يدو گارو غا شافهم قوس عينيه ولاح شنو فيديه
عصمان........" شاف في مو نيشان "......عشرين الف مرا فدار شنو معندهم تا جلابة يعطيوها لهادي تلبسهااا
دليلة....." ضربات فيه تخنزيرة تاع سلامةة وقلبت الدورة راجعة فحالها طالع ليها الدم...حيت هي غرضها كان واضح غبر عليها وبغات تشوفو مالو ولكن كيف ديما خاصو يشووفها ينقص منها "......
حسنية..... حق ربي الا حرام عليك البنت مريضة المعدة قاتلاها مقاداش تهز راسها جايباها معايا بزز غا يضرب فيها لهوا ونتا كتسممها الا بقيتي هكا طلق سراحها خليها عليك راه شحال من مراا بغاتها لولدهاااا
دليلة الجزء السادس
محتوى القصة
التنقل بين الأجزاء