متنكرش بلي توحشات بسالتو وشد ليا نقطع ليك ديالو...كانت ظل بالها مشغول غير بيه وفي فمها غير كلامو وجوابها ليه....وذنها على لباب لي دق تقول هو ،مكذبوش لي قالو الا بغيتي تعرف قيمتك عند الشخص وشنو هو بنسبة ليك بعد عليه وشووف في غيابو كيف دير بلا بيه ....دليلة كانت بحال البراني واخا وسط مو وختو لي عز ليها من لي ليها ولكن عصماان كان بووحدو كيقرا عينيها ويعرف مالها وشنو اري ليها، واخا معصب ومضارب مع جنابو لكن طاح الحك وصاب غطاه تاهيا هبيلة ومتمردة لي قالو ليها راسها ديرو ومتفكرش زوج المراتو وواخا هاكداك قبل عليها بالزين والخايب لي فيها ، مرات كتعصبو لدرجة كيطول يدو عليها ويضربها بالحق ميخلي لي يمد يدو عليها ،ولات ادمان بنسبة ليه خاصو يشوفها ويطمئن عليها من اول مشافها نسبها ليه وتحارب على ودها وملي عرف ماضيها المزفت وشهد على الوقائع الكحلة لي طراو ليها مهمووش عاد مزاد صمم باش تكون تحت جناحو وليه ....
اول مقشعاتو فرحاات ومبيناتش دفعات كبير وبايعة شبابها بالغالي ، كانت متوقعة منو يجي لعندها ويمحي تقليقتو بشووفتها ساعة صدمها وخلاها راجعة فحالها مشربنة غادا وتسب فراسها وفعقلها وفين وصلهاا محسات غير بيدو لي جراتهاا وبوستو لي فرعاتعا وموعات غير وهو كيسول فيهاا
- شنو متوحشتيش راجلك زعمة ؟؟
دليلة....."جوابها على نابها مكتعرفش تخبي عندها غير اغاراس اغاراس " .....شايلاه اراجلي فين هوو بعدا مبانش ليا ؟؟ " ميلات فمها جنب كطنز ومكتشوفش فيه".......انا مقلداك الا بان ليك سلم عليه وقووليه عندك واحد المرا معلقة ماهيا مزوجة ماهية مطلقة
عصمان....."قرصها من حنكها " ......امالك غديري ليا فيها خدنة لمراحيم عيني فيه وتفو عليه ..ياكنا من هاد الكلام نفهم بلي توحشتيني ديال الصح " لاح يديه على كتافهاا وزير عليها راجعين لعند موو ".....اودي تانا تقطعت من جهتك ...مقلتيش ليا اش ضارك احي وميت
دليلة....." بعدات عليه مخنزرة فيه "...داك الضحك القرفي ديالك خليه عندك سير عند خالتي مبقيت گاع مشاركة معاك شي طرق اللهم نتصنط لعضامي
عصمان......."خدا يدها مشابك صباعو مع صبااعها علاين يهرسهم "...دخول لحمام بحال خروجو ، جيت ولمحوك عينيا ونوضتي الراگد لي فياا زيدي قداامي باغيييك ولا نهرس ليك هاد العظااام
وصلو فين موقف طوموبيل لقى مو راكبة اللور كانت عارفاه غيرجع وهي فيديه داكشي علاش فضلات تخليهم حدا بعضهم حل عصمان لدليلة لباب لي حداه
" حسات بيديه على ظهرها وظلو وراها خرجات عينيها وتقادات في وقفة عند بالها جهل ولا تسطى دارت لعندو طالعة ليها النقشة "
دليلة....."بالغوات"...اويلي شكديير ؟؟
عصمان....."لصقها على طوموبيل"...كنضرگ رزقي الحاجة راك تحنيت كلك بنتي واش باغاتي نقتل شي حد عاد تهناي وتبردي
حسنية......"ولات طالبة سلة بلا عنب ".....غا ركبي حداه ابنتي اناااا راه كتشدني دووخة تما منقدش على ديك بلاصة
غمضات عينيها وركبات واخا طالبة عليها غادا حاطا راسها على الكوسان ومرة مرة تبغي تخرج من الزاجة معندوش مع احترام مسافات الامان وخلي بينك وبين لي قدامك شبر تيساع مكاين غا فران صيك مو ملي كتركب معاه كتشهد وتغمض عينيها اما دليلة لي بداه ليها القزبر كملو ليه عصمان
دليلة...."كتدوي بزز "....اسووق بشوية اشيفوور
"بحالا دوات مع راسها غادي طالق دويسك ومنغم معاه ومرة مرة يدندن هو وياه
دليلة ...."مدات يديها نقصات من الموسيقى حتى دار لعندها موسع عينيه فيها "......خفف خفف راه مساخينش بعمرناا
عصمان...."بيد وحدة دور الگيدون في المدار حتى دارت معاه " ....علاه انااااا نسخى بيكم ..." زاد كسيرة باغي امتى يوصل حس بيديها على كتافو دور وجهو ليها لقاها حاجة يديها على فمها ،گراطاا لفيتيس ولفت وجهو ليها باغي يهني بالو ، بانت ليه صفرة .. ".....دليلة مالك اش عندك
حسنية....."سمعات كلامو وهي تحل عينيها ويديها مزال على قلبها "....اويلي ابنتي نتي فعار الله ونبي رسول الله
دليلة......."كتدوي بزز "....وقف وقف طوموبيل
"حبس بزربة فكات سانتيغ نزلات كتزرب وهو وراها والحسنية تابعاهم ، گاع لي في جوفها طلعاتو كانت جالسة على ركابيها وهو جالس قفازي وشاد فيها ومرة مرة يدور عند مو عاقدهم
حسنية....."شادة ليها شعرها ومزيرة على جبهتها ".....بالعمى واش كنت عارفة راه تال دابا عاد قالتها ليا ، يمكن الماكلة موفقتهاش
دليلة....."وجهها ولا حمر ونقاطي حمرين بانو فيه تعصرات بالمعقوول ،عينيها دمعو والسخفة شدتها ".......غير داك القزبر نوض عليا اخالتي ترويعة
عصمان ....." خنزر فيهم بزوج اشمن قوبر ولا معدنوس ، مشى لطوموبيلتو كانت فوطة صغيرة تما وريحتو جابهم ورجع لعندها رش على يدوو وحط ليها على نيفهاا باش تفيق شوية ..."
عصمان......مد القرعة لمو ومسح ليها وجهاا مزيان وعينيه كيفليوها واش مزيانة ولا كتالم خلعاتو عليها وحداتهم ليه جايبة ليه تمام ومروناه ، جرها من عنقهاا وخشاها فيه "....داابا شوية ؟؟
دليلة.......حسن منك مزال ندك وندردك عليك
عصمان......"باسها في شعرها وحجبانو موال معقودين "...شي نهار تسكتي لديلمي القلب نتياا
دخلو لمارشي الجملة وتقدات حسنية الخضرة والديسير وگاع لي غيخصهاا هي برداية وهو يدو متقوبة تا واحد فيهم مكيعرف يقوم هي تهز صنظوق هو يزيد التاني هزوداكشي بالگرو عمر والطوموبيل ورجعو فحالهم ولاد الدرب دارو خدمتهم ونزلو السخرة دخلوها لدار ..نزلات الحسنية وبغات تتبعها دليلة وهو يشدها من مرفقهاا "
" بقات كتشووف في ايديها ، مطاحش على بالها بلي خاصها تزين يدها بشي حاجة حيت غا شكليات داكشي بنسبة ليها "..
دليلة.......غنمشيييو لقريعة 🌚
" لقريعة بنسبة لي ماشي من كازا هو سوق عندنا كيتباع فيه اتات والفراش ولباس الدراري، معروف عندنا لي بغى سبرديلات ولا سيرفيتات ولا لحوايج سيغتو لولاد كيطلعو لقريعة "....
عصمان ......" دار شافيها مخنزر ورجع. شاف في طريق "....بغيتك تكوني مرا تأنثي غا شوية واش ممنوع ضرووري مترجلي قدامي
" مجوباتوش ضحكات وضورات وجهها لزاج كتشووف ،وصلو لقيسارية خاصها بلبس لبناات ،خدا ليها وتقدا من كل فن طرب لي شافت فيها ولا غير حطات عليها يدهاا خداها ليهاا ، ومخسرش ليها خاطرها تفتف عليها بحوايج السبووغ ، سيرفيتات البيجامات گاندورات ... تقدا ليها و اي حاجة طيح في بالو تتخص البنات تيدوز ياخدها ليها .. و هي غير متبعة ليه العين دازو من حدا مول المكياج و هو يدخل عندوو لقا بنت هي لي جالسة تتبيع في داكشي ... وقفات دليلة اول حاجة عينيها مشات العكورة لي تتحماق عليهم ... شافها فين تتشوف و هو يقول لبنت تجمع ليه گاع الألوان لي فيه .. جمعاتهم و مدات ليها
عصمان ..." شاف ليها في فمها " ... عندك حاجة خرى محتاج ليها في اقرب وقت والى سربيتي بيها الله يجازيك عليها بيخير
" جمعات ليهم البنت گاع داكشي لي قال ليها دير ... خلص اش عليه و هز الصاشي وجر دليلة من يديها ... داها لعند الدهايبي " ... شفيق ها انت لي عجبك يكون ليك غير هووو .." تكلم مع مول المحل " .. الله يخليك خواتم العرسان ..." جبد ليه الذهايبي گاع داكشي ديال العرسان من عين و حاجب "
دليلة ..." بان ليها واحد الخاتم رقيق وسامبل وعجبها بزااف هزاتو و حطاتو في يديها و بقات تتشوف فيه "
عصمان ..." عجباتو يديها وهي لابسة خاتم زواجهم شاف ليها في عينيها عرفها عجبها و حيت عارفها كيف دايرا بلا مكيصدع راسو معاها ... غير كيفهمها كيتكلف " ... صافي جمع لينا هدااا
دليلة ..." شافت فييه " .. حلال علينا و حرام عليكم خود خاتم ديرو في صبعك قالاك جمع لينا هدا ..."لاحت عينيها في واحد لونو و الرقوقية بحل لي في يديها " عفاك عطيني هداك .." مدو ليها السيد خداتو من عندو جات دور حتى لقاتو ماد ليها يدو "
عصمان ..." ماد يديه و اليد الخرا حاطها على وجهو " ... يا الله ا مدام ركبيه .." بقات تتشوف ليه في يديه شدات ليه يدو بصباعها وركبات ليه الخاتم " ... هاد الصبع العرق ديالو دايز القلب ا مولاتو ..." تبسم ليها و خلص السيد و شد ليها في يديها و تمو خارجين ... هي فرحانة نقولو اول مرة تحس بهاد الفرحة و كيفاش كيتعامل معاها و كيفاش كيحاول يخليها مرتاحة و تبقى غير ضاحكة ... لا و كيجابد مع الوقت على ديك الضحكة لي يشووف في وجها .. مع الخرجة ديال القيسارية بان ليه محل ديال العيالات ...فيه غير البنوارات و لي شوميز دو نوي ... بلا ميسولها و لا حتى يفكر تم داخل بلا حشمة و لا حيا وجه مقزدر و لي في بالو يديرو ... تم جارها معاه و هي غي تتبرقق عينيها في المحل و داكشي لي فيه ... ولي زاد صدمها وخلا عينيها مطرطقين .. اللون لي عجبو و دخل لخاطرو يقول لمول المحل يجمعوو "
دليلة ..." حاطة يديها على خصرها " ... هادشي ناوي تلبسو راه البرد عليك و تصدق واكلها في عضامك
عصمان ..." شاف فيها بقزيبة عينو وخدا داكشي و خرج " ... لا منحتاج انا والو تانتي متحتاجيهمش غير لونهم شفتو فيك ..." هبط عضها من وذنها " .. خصوصا الكحل .." غمزهاا "
دليلة ..." فهماتو و عرفاتو اش قاصد من لي دخل المحل " ... الحلم متعة الحازقين
"حنيو الالة حنة و حناني لالة العروسة و بجاه العالي ..."
صبح الصباح و صباح حنة لالة و زينت البنات رنا ... لي حلت عينيها على بنات جيرانهم و العائلة تيزغرتو بالفرح ليهااا ... صبحت على الحمام لي ولا بدا منووو كانت موجدة راسها بالليل عارفة راسها كيف غتحل عينيها و على بكري اول حاجة غديرها وهو غتمشي ليه ... مشات و مشاو معاها بنات الدرب ووبجنبها دليلة لي خاشية يديها في جيبها وكتضحك
دليلة....."جرات رنا لعندها "...ويلي يا صحبتي شووهة ايديسيون مالك كلشي غيعرفك غتفركي ليوم وغدا تت " غمزتها "...
رنا.......هههه هاحاي تي شووفي الحسنية ومدايرة ليااا
الطريق كلها كانو هازين الطعارج و البنادر فرحانين ... يشطحو شوية ويغنيو شوية....عصمان كان وراهم من بعيد واخا مكاينش لي يتجرأ ويقرب ليهم ولكن ديما خاطرو مكيهنيهش خاصو يهنيه ، وصلو لسخون لقات الطيابات موجدات ليها الحليب بالتمر و الدخلة بالشمووع و بالصلاة و السلام ... حطو قوالب السكار كبياض ليهم وعطاو لرنا شمع تهزو في يديهاا و هذا هو التقليد لي كيكون باش الناس يعرفوها راه عروسة وداخلة على حياة جديدة باش يدعيو معاها بالله يكمل عليك بالخير ... دخلو وراها و تكلفو بيها من حنة واعشاب للحمهاا ... فركوها و حيدو ليها الجلدة الميت .. سالات ودارو ليها العكر الفاسي مع الما ورد .. لي خلا لحيمها حمر و رطبة ... كملات و لبسات بينوارهااا و خرجات بنفس الطريقة جلسات برا ولبنات كيضربو ويغنيو اما دليلة كانت مخشية فسخون لي هي وياه قصة حب مكتساليش ...سخنات داتها تا لحقات عليها كسالة لي فركاتها وتهلات فيها كيف دارت لرنا جاتها من الجنة والناس حيت توحشاتو وشحال مجات ليه جلستها فيه فكرتها في يامات الكرفي ، وصباحات لي صبحت فيهم جايا ليه، غسلات شعرها وخرجات لعندهم لبسات حوايجها باش يرجعو لدار لقاو البرزة تقليدية بايزار مطروز بالطرز الرباطي في الخضر مفرشة في قلب الصالون وقدامها سينيا تاع التمر وتانية دالحنة ولوخرا دلبيض والحليب وزيد السكر ...
مشات رنا ودليلة لبيت كلاو مزيان عاد صايبو الشعر اما المكياج كلها تفننات فراسها بلي كتعرف ليه رنا دارت لراسها ماكياج خفيف بحال ديما وجها منور و من النوع لي مكيجيهاش المكياج بزاف ... فكتفضل تبقى اكترية على طبيعتهاا .. لبسات قفطان مبرة خضر ملكي ... وخرجات الصالون لقات العيالات و جماعة الهواريات مجموعين على الشيطيح و النقاشة لي موجدة ليها الحنة و البلاصة و تتسنى فيهاا ... عصمان وصى موو ووصيتو ليها كانت ... رنا ميخصهاا تا حاجة و فرحها يدوز على اكمل وجه ... وداكشي لي تتحاول دير الحسنية انها تحمر وجها ووجه ولدهااا و تخلي عرس بنتها يدوز في الفام ...
جلسات رنا في بلاصتها و باشرات ليها النقاشة في النقيش ... و اللعبات شادين الميزان كيتسنااو دفووع يوصل ، دفووع لي خاصو يدخل على لعرووسة ويلقااها تنقش وداكشي لي كان تسمع صووت دقة جايا تهزو لمراش وخرجات الحسنية بعلامها...كانت ضاربة تكحيلة بلدية من قنت لعين تال لخرها اما سواك غناها عن شي عكر وقفات في راس الدرب ترحب وتكبر بناس لي جايين مكبرين بيها وببنتهاا ، مخلاو ضرووبة مخلاو حوايج ، بقى كلشي حال فمو ويشووف .... عصمان كان واقف هو باه هاد الاخير لي جالس فوق كرسيه ومقاداه فرحةة ، مشى زريقة ووقف حدا موو ودوا في وذنها
" دار يدو وراه غادي داخل لدار يخرجها وهي تبان ليه واقفة مبعدة لابسة قفطان جوهرة في الباج مع حزامو في الذهبي .. كانت طالقة شعرهاا لي صايباتو وايفاي ..ضارباها بتعكيرتها المعتادة فقط ايديها هازين ليها جلايلها....من وجهها باينة مراضياش على اش لابسة تقوولي حاطين سيف على رقبتهاا ، قادوه رجليه عندها مقوس عينيه كيتاكد واش هي ولا كيتهيأ ليه قرب حدااها ونزل راسو لعندها مبهور ومسحور
عصمان.....زين نسوولك مزوجة ولا مزال على الله
دليلة......"" افافت عليه "....لقيتيني هربت من العرس خليت لعريس بارز بوحدو
رشمتك في عقلي و قلبي ما عرفتك سحور و لا انس و لا مالك الجن ...دخلتي حياتي وليت نشوفها نوور من بعد مكانت ضلام ...قلت ليهم مرانيش مزيان غير سببو ليا و عروفو ما بيا ،قالو ليا حبها في قلبك حفر وجدر ... عارف راسي دقتي صعيبة ما لقيت ليها عشووب و لا طبيبة ... لقيت راسي ماشي على كلام ناس زمان لي قالو ...الغريب لشدك البغو غير تبعوو وخلي راسك ليه ... غير رد بالك وشووف جنابك لتولي هبيل و لايح حوايجك ودايع في ليل
عصمان نفسو حارة ما رباها فيه حد و لا حتى زعامة ... خليقت الله و راضي ....كلامو لمرتوو ما هو زواق و لا بهتان نابع من القلب و لي من القلب كيدوز العرووق ديال القلب ... بنتنا فهماتوو و بعيبووو حباتو سولت راسها ايمتى حسات بالراحة ليه ما لقات ليها جواب وحدرت الراس لحبيب ..
بعد ما جا عندها و خلاتو غير حال فموو و بنات الدرب تيشوفو فييه لابس جبادور بالزرق ملكي والبيج وكي جات معاه ، الطولة والتجريدة ولي شافو يفهى فيه...كتافو عراض ديال تعناق وتعاملو رااجل غير تحزم بيه وعول عليه
عصمان ..." قرب حداهااا و هي مدابزة مع جلايلها " .. الزين مزوجة و لا باقا تسناي على الله
دليلة ..." هزات عينيها فيه و سرطت ريقها " .. هاني هربت ليه من العرس و خليتو بارز غير وحدو
عصمان ..."دور يدو على خصرها و جرهاا عندهاا تا لصقها فيه ما هامو حد لي هاماه ها هي قدامو و بين يدو ..تم غادي بيها مطلعهاا تا وقفو وسط الدقايقية جبد زرقالاف بكل رجولية وعلقها وقال " ....غني ليا عليها وسمعها بلي هاد زيين زيني انااااا
دخل الوسط وبدا يشطح على غدايدها شطيح لعزاارة ورجال يلاوح في يديه ومثقل في رجليه ولد الشعب وبامتيااز ...سخن فيه دم وتم عاطيها لتعلاق الحسنية تزغرت وتصلي على النبي ودليلة بقا ليها شوية وتنصل لقفطان وتقلبهاا سيرفيت ....كيجر في يديها يحرك فيها وهي متعرف تشطح ولا تغني دايرة كيف شيخة الصمكة تقولي جالسة في گنازة تصفق بيديها ومخنزرة بعينيها بلبلوها براا ودخلو لداار على لعرووسة لي كانو رجليها كملو في نقيش وبداو في ليدين
لي طلع فوق طبلة ودردك ولي تحيرت كلها خلا حقو وبرد هوايشو ، خرجو الرجال على برا وبقاو غا لعيالات مع اللعابات ....جرات حسنية دليلة دخلتها لصالون صحةة وعيون ناس غياكلو منهاا نص جلساتها حدا رنا و علمت النقاشة كي تسالي لبنتها دوز ليها ... ناضو العيالات محزمات و يتشاتفووو وهي غير تشوف بعويناتها شيخة مخلات ما غنات عليه ....يالبيضة ويامولات عيون زرقة ودليلة ولا هي هنااا غير الحسنية لي تشطح وتعلق بلاصتها...جرو فيها العيالات حتى عياو باش تنوض حلفت لاناضت ليهم ... فين حطاتها الحسنية بقات تاا حسات بيد النقاشة شدات ليها في يديها
دليلة .."بغات تحيد ليها يديها منها و الحسنية حاضياها "... عمري اهتي نقشت لا فكبري ولا فصغري ريحتها منحملها منقبلها غير فوتيني
- على مزويناتك نتي راه خاصك تكوني ديما عروسة عند راجلك ابنيتي ... غا اري ليا ندير ليك حنة العروس باش ربي يحن عليك
شافتها الحسنية تتعافر مع النقاشة و هي تنقز جلست حداها و شدات ليها يديها و عطاتها ليها ..
" ما لقات ما تقول وسلمت امرها لله و مدات يديها لنقاشة لي عمرات ليها يديها بجوج نقش دايزو لكلام .. اما رجليها حلفات يديها فيهم لحطات بقات جالسة حدا رنا و ينشو ويسوطو بفامهم باش تنشف ليهم الحنة
رنا..." عنقها تشنج " ... ااه يا ختي عنقي غيطرطق بهاد الجلسة ... اما ترمتي تبريسات
دليلة ..." تتنفخ على يديها و حجبانها معقودين " ...انا غنوض يضرب فيا لبرد هادشي كيشوط كون شعلتي حدايا بريكة تشعل فيا لعافية دوليو تلفني على سمية خوك
جمعات الوقفة وتمات خارجة وجلايلها وراها ومعندها كيف دير ليهم محليتها ليديها محليتها لشعرهاا ، غادا وتنفخ وتسوط هازة يديها الفوق باش تعاون على قفطانها يتهز من الكتاف ... تمت خارجة على برا تا شافها عصمان لي كان واقف مع الرجالة و كيهضرو ... غير لاح عينى فيهاا تم جاي طاير ليها
عصمان ... واش نتي في فرح و قرح تمي خارجة ليا ناشرة زينك عليااا هناا ولا شنو ... آخرتي حبس مع جدك نتي
دليلة ..." تتنفخ على يديها ووجها بغا يطرطق بالسخونة لي كاينة الداخل و الصهد .." سد سد شلاقمك ولا دير ليهم كولا سبيسيال عقلي غا في يدي لي مشوطة سكت عليا شوية
عصمان ..." شافها وجها حمر ويديها حمرين ، شدها من مرفقهاا وبدا ينفخ عليها حتى رد لبال " .. افين خاتمك الحاجة
دليلة ..."كانت نسات خاتمها مركباتو في يديها و مع تلفت اللباس لي لبست و الدنيا لي عامرة حطاتو فوق الكوافوز و خرجت " ... منااااااااعررررف
عصمان ..." جمع يدوو بقبضة و حطهااا ليها على حنكها و كيمعس فيه " ... غا تاع لعصى وحق الرب دخلي غسلي هادشي باراكا متوجعي ليا هناا وتفكري خاتمك فين جالياه نرجع ملقاهش في يديك متلومي غير عضامك
دليلة ..." بدات تلبذ ليه همها كان غا تبعد على قوة ناس سيغتو عارلة الحسنية لي شافت في عينيها قوة الاسئلة "..ضرني راسي اعصمان واش مكاينش شي كوان ديني ليه بغيت نرتاح فيه
عصمان ..." تنهد و حط يدو على قلبو " .. أكيد انا وياك خاصنا نتكواناو في بلاصة خرا و غير بجوج ... خصوصا ملي وليتي دليلة ماشي شفيق و لكن ما غاديش نضمن راسي و كلامك لي قلتي ليا باقي كيدور في راسي ... داكشي علاش الالة غدخلي تركني حدا ميي و تكوني شربي ليك شي كينة ديال الراس غيفووتك الحال ... حيت لا مشا تا تحركنا من هنااا الحال انا لي مغيفوتني علييك ..." فهماتو و عدراتو تبسمات ليه و تمت راجعة لبلاصتها جلسات حدا راسي هازة يديها و راسها مزير عليها " .....ولش مزال مطول هادشي
" كيف غتجوبهاتمت جاية الحسنية تتجري هزات مخدة وحطاتها قدامهم
الحسنية ..." خدات يد رنا " ... اري ابنتي يدك عصمان قريب يدخل علينا لهنا كانت هازة في يديها دبليج تاع النقرة باش تحيد ليها الحنة ..." ... ماما حيدي لدليلة هي اللولة يديها دروها
الحسنية ..." شدت في راسها وجرات المخدة قدامها " ... اييه ابنيتي راه دخلني نجري غا على قبلك ... اري ليا يديك نشووف ..تبارك الله ما شاء الله مزينكم ربي يحفضكم ليا ..." خدات الدبليج و زيف بيض قدامهااا تتحيد وتحط في الزيف ... حنت العروس خايب تجلى و ضروري تبقى عند العروسة و تخبيها ... عادات و تقاليد ناس زمان اغلبية مزال ماشي عليهم .. الحنة العيادو بالله الى طاحت في عدو الله يسحر بيها ... داكشي علاش الحسنية كانت مركزة و مصممة هي لي تحيد ليها الحنة
كملات ليهم الحسنية و جمعات داكشي ... خباتو عندهاا .. ودخلات الكوزينة علمات الطيابات يوجدوو الماكلة الناس و تفرق ... تحطت ليهم الماكلة و كلشي كلا و كل شي شبع وها لي دا في ميكة و لي ما جابها الحسنية تعطيها ليه ... دار الجودة و الكرم وهادي باش معروفة ام زريقة تحمر الوجه و متخلي عليها كلام ..دازت ليلة الحنة كيف بغات وتمنات وعگوبة لگاع لعويتقاااات
العرس المغربي مابحالو عرس كيكون مقوم من ماكلة ومشروبات وعواصير وديسير كلها وباش ما سخاه الله وكلها تابع جيبو ، فاي عرس كلشي كيخسر عائلة العروسة والعريس وحتى المعروضين فين الكادو وفين تكشيطة والماكياج كل مرأة تقلب و تجري و تجاري باش تكون زينة و على راسها تاج ... ها لي تمشي تسلف من ختها و لا جارتها و هالي تمشي تكري ..
بدات الحفلة تتعمر و لي جات قبل تشد لصاحبتها البلاصة ... الجوق حاضر ومقضيها تست الله.. الحسنية لابسة قبطانها و مزينة راسها بشال حريري ... واقفة في باب الحفلة و لي بان ليها داخل ترحب بيه و لي شافتو واقف من بعيد تمشي تجرو و تحلف عليه يجلس ... عمرات الدنيا ر الداخل ولا كتر من الخارج و الجوق بداو في غناهم ...وعروستنا كانت خارجة من صبااح الله هي ومرت خوها من لعدول دازت الصالون وهدا كان ري وشوار عصمان العقد يكون نهار لعرس ماشي قبل
من ورا متكاتبت دازت هي ودليلة يتزينو بجوج .. واخدين احسن عناية من لاسيغ بروشينغ الضفار مكياج ... دليلة الا هادشي مكتقوولش عليه لا حيت عزيز عليها تبرع راسها وتهلى فيه
سالاو مكياجهم و كل ما كيخص الشعر .. ناضت رنا هي اللولة لبسات تكشيطة مرصعة كلها بالحجر و تتبري .. في الغوز بيبي و كانت هادي هي اللبسة اللولة باش غنبرز حدا راجلها ... اما دليلة فكانت لابسة قفطان توب حريري في الخضر بارد و شعرهاا خلاتو مطلووق هلات وجها في يد الله للكوافورة لي برعاات في تزيينو ... خرجات هي ورنا من الصالون بعد ما كان وصل عصمان هو وياسر بطوموبيل من الفريع الفاروعي ... خرجات رناا هي اللولة لي شافها ياسر ومد يدو ليها شاد فيها وصلات قدام عصمان خووها باسها في جبهتها وركبها هي وراجلها في الطموبيل اللور ورجع وقف عند لباب كيتسنى فوحدة باقا الداخل مقاتلة مع صباط ديال طالون لي حاسة برلسها لابساه على عينيها
دليلة ..." تتبغي تمشى تتعواج ليها الرجل " ... اووف شكون خرج هاد الزمر. وقال خاصو ضروري يتلبس في شي عرس اووف
-" واقفة مولات الصالون شاداها من يديها و تضحك " ... اختي قتلتيني غير بالضحك زيدي انا نعاونك حتى تخرجي راه العروسة سبقاتك ..
" شدات فيها دليلة بحال داك لي غيغرق ... مشات معاها تاا هزت عينيها في موصيبة حياتها كان واقف لابس لكلاص ومرجع شعرو اللور باهمال واللحية كذلك رفعات حاجبها ونزلات لاخور فيه وهي تصفر ليه باعجااب من بعيد وشيرات
عصمان... "داير يديه ورا ضهروو وكيطلع فيها وينزل عاض على فمو هز يدو كيضرب بيهم على صدرو ووقف قدامها ".........مشى لعند الله عصماان سكتي لحبو القلب والامعاء وماجاورهماا انا غنسالي هاد العرس قبل مغيبدا وغنتقب الاتفاق معاك
دليلة ..." تشعبطات ليه في عنقوو " ... منلقاش عندك شي سبرديلة سكور في طوموبيل
تقدر كلمة تطيحناا وتبقى تحفر فينا وتجي عوضها كلمة تانية تجبر خاطرناا وتداويناا....تصرف واحد بإمكانو يكحل العيشة فعينيا وتصرف اخر يزين الحياة لينا....اشخاص قادرين يمحيونا ويقتلونا ويجي بدالهم شخص وااحد يحييناا ويولي كل ما لينا
وهادشي لي وقع لدليلة طيحوها كلمات وكحلو عيشتها تصرفات وبغاو يقتلوها ويمحيوها ناس وناس ولكن ربي في الاخير جزاها على صبرهاا وعطاها على قد نيتهاا وكافئها وحط فطريقها عصمان لي كلماتو جبرو خاطرهاا وتصرفاتو حياوها ونورو حياتهاا
واقفة قدامو على سنگة مية عينيه معسلين كيشوفو فيها وهي متشعبطة فيه ومايلة برجليهاا
دليلة....."تشعبطات في عنقو "....منلقاش عندك شي سبرديلة سكور في طموبيل
عصمان ....."عض على فكو من لداهل وخدا ايديه قبلها في كفها "...وانا ملقاكش عندك قلب احتياطي هادا راه سكتيه ليااا " تنهد وساط بجهد "....زيدي قداامي راه شيطان كيزن في وذنية
عصمان......"دار يدو على خصرهاا وشد فيديها وغادي بيها لجهة طوموبيل "......انا شغندير هنا لي نخليك طيحي ...
"غادا بين يديه عقلو حماق والحرارة طالعة معاه ،حل ليها باب طوموبيل عونها حتى جلسات وسد لباب ومشى لبلاصتوو يتوكل على الله ..دورات راسها اللور لقات رناا منزلة راسها الارض غارقة بيها دنيا وياسر حداها الفرحة مشكلة فعينيه
دليلة.....الله يكمل بالخير تستاهلو
رنا ......امين اختي ربي يخليك ياربي
ياسر.......لعقووبة ليكم بشي عصمان صغير
قلبات عينيها ورجعات تقابلات مع طريق....طريق كلهاا وهما غادين مزكيين ايديها كانو بين يدين عصمان لي مطلقوهاش مرة يحطهم على لفيتاس مرة على قلبو مرة يبووسهم ومعلابالووش ...جاها لعطش وبانت ليها كانيطة قدامها بلاما تشاور هزاتها وحلاتها تكات عليها دقة وحدة مردت ليها لبال حتى فات لفوت وكملاتها
دليلة......هاد مونادا يمكن بيريمي شفت مذاقها فشكل ...
عصمان ...." شاف فيها وافاف "....اودي رااه نتي لي عينيك فشكل هاديك ريدبوول امدام مالك باغا جهد محتاجاه فشي حاجةة
دليلة.......نتا معاك خاصني جهدين فوق جهدي وواحد سكوور
عصمان....."عض على شفايفو وهمس في وذنيها بهمس حتى تبوورشاات ولأول مرة تزنگات "....هي قرييب الفرج
دليلة...."خدات يديها من بين يديه دورات وجهها لزاجة كتشووف في طريق "......صلي وكثر من دعااء وطلب زهرك يحضر ليك
لخزانة كانت من راس تال لراس عامرة بالناس...جهد القاعة كاين وميغلبهاش ولكن لالة الحسنية دقها قديم و يعجبها العرس التقليدي لي على اصولو والرزين ... كانت لابسة ومجهزة راسها وواقفة في راس الدرب و حداها با صطووف لي تا هو لايقل عندهاا جالس في كرووستو و على وجهو ابتسامة فرح ورضى و افتخااار لما لااا وهو اب زريقة ..الراجل لي تقاتل و تحارب وسمح فراسو غير على قبل عائلتو باش يكونو على خير وبخير....
تسمع الكلاكسوون و الدقايقيا ناضو دايرين خدمتهم ... النگافة و بناتها موراها يصليو على النبي و صحاب العمارية واقفين وواجدين يهزو و يهللو بزينة البنات وصلات سيارة عصمان قدام الخزانة ووقفات والجوق باغنية
"نوضو يا ناس جيبو زغرتات العروسة جات يا يما لالة البنات لالة البنات لعروسة جات لعروسة جات ياا يما لالة لبناات..." للعروسة ستقبلات كانت في ابهى حلة حبابها و ناسها خرجو برا فرحانين بها نزلات ايدها فايد راجلها لي غيكون سندها في الحياة في الحلوة و المرة و البسمة مرسومة على فمها.... بسمة رضا و افتخار قدام مها و باها و خوها ....ناس فرحانة و ناشطة و ميخفااش عليكم الأعراس شعبية في نشاااط ... عصمان زين العزارة نزل من سيارتو وتلقات ليه مو عنقاتو ومن يديه شداتو شطحات هي وياه كان فرحان لختو و صاحبو و عشيرو... اما دليلة واقفة حداه مبرزطها طالون كتخطوي بالحساب ، تقدمات لحسنية لعند بنتها قلبها فرحان و غطير من بلاصتو "... بنتي فرحانة ليا اكبيدتي
رنا ..." باست الما يديها "...بزااااف گاع
الحسنية ..." رجعات باست ليها يديها تا هي "... الله يخليك ديما فرحانة
مصطفة...."شد وجه بنتو بيديه بزوج "....انا راضي عليه ابنتي ، الله يكملك بعقلك ...
ضارت الحسنية عند ياسر لي كان واقف و مشابك يديه..تحنى باس ليها راسها ويديها حتى دعات معاه ورضات عليه " ... الله يرضي عليك اوليدي و يتاويكم على خير
ياسر ... امين اميمتييي الله يخليك لينا نتي و با مصطفى ... " مشا لعندو بدورو سلم عليه وخدا رضاتو من وراها دار يدو ورا ظهر مراتو ... تقدمو لحدا العمارية ... ركبها فيها و تحنى باس ليها راسها ... ضار لعند دراري لي غيهزووها "
ياسر ... "عاقد حواجبو " ...طرا ليها شي حاجة منعقل لا على عرس و لا عليكم نتوما ردو بالكم فاش تهزوها
طار عليه عصمان من كتفوو فاش شافو عاقد حجبانو ...
عصمان ..." شدو من كتفو و رجعو شوية اللور " ... يا الله الخوت بداو .." دوا في وذن ياسر " .. غيدوز كل شي مزيان
" ضرب ليه كتفو " .. رتاااح ..
" ضار لعند دليلة لي كانت واقفة غير بزز و ما حاملة وقفتهاا و لا اش لابسة و لا اش دايرا في خليقتها ... جرها من جنبها و باسها جهة ناضرها " ... مال الزين ديالي مغوبش و ما عاجبو تا حاجة
دليلة ..." شدت في راسها " ... راسي غيطرطق عليا وعاد زيد الصداع و هادشي لي لابسة مكمل عليا تنحس براسي غنهرب
عصمان ..." عنقهاا عندووو " ... غير صبري باقي بزااف ...
" هز راسو لقا رنا هزوها في العمارية و زغاريت طالع السما الارض ... تموو مدخلينها الداخل و ياسر قدامهم و النگافات يصليو على النبي وراها ...شد دليلة من خصرها وزير عليهاا غادي مدخلها بجنبو الحفلة غيير حطات رجليهاا فيها معرفات باش تبلات
واقفة فجنبو وكتشوف بعينيها بحال ايها ناس حتى مبقات عرفات باش تبلات لقات نگافات دايرين بيها والهزازة مغطينهااا متوقعاتش ولا حتى فكرات بلي كاينين ناس كيفكرو ليها وباغين يفرحوها ....ايدين حطو تاج على راسها ولوخرين بالاكسسوار زينو ذاتها ، قلبها خفق وخلعة شداتها دمعتها كانت على طرف عينيهاا حالفة حتى تشق طريقها.....دليلة فرحات لرنا من نيتها محسدتهاش ولا عزات فيها العرس وفرحة ولديها لكن على نياتكم ترزقوون ....فرمشة عين تهزات تاهيا فالعمارية والورد بدا يترش عليها فرحة حسنية كانت زوج وفرحة عصمان كانت كبيرة , كلمتو وعدو ليها كان وعد رجاال نهار قسم يخليها فرحانة وتشوف معاه غير ليام لمزيانة
وعد ووفى ، هاهيا قدام عينو كيفها كيف ختو وحدة يلعبو بيها من هنا ووحدة يضوورو بيها من لهيه ، غير كاين لفرق بين هادي وهادي ، وحدة دمعتها دايزة من الفرحة ولوخراا دموعهاا نازلين حيت اخيرا حسات براسها تفكات من حر الدنيااا وضحكات ليها الوقت وبدات تعوضها فلي فات
طول الهزة باغا غير امتى يحطوها الارض ،اول منزلوها وقف قدامها عصمان باش يشد فيديها ويوصلها لبرزتهم لي كانت محادية لبرزة ختو وصاحبو مشعر حتى لقا راسو تلاحت عليه عنقاتو وخشات راسهااا فيه
واقف داير يديه في جيابو و تيتسنى الواكلة ليه العقل تلبس اللبسة التانية...داير يديه ورا ضهرو وواقف متكي على الحيط لي جنب الباب عقلو صور ليه تقد تهز جلايلها ويلقاها فشي قنيتة تا يسالي لعرس عارفها هارب ليها وديرها وتگد بيها قوة الخيطي بيطي والانظار عليها مموالفاش بيها..... وقفت حداه مو و حطات يديها على كتفوو ململاتو
الحسنية ... " حركات راسها "...ولدي قلتي ليا غتمشي عند باها واش مشيتي و لا درتي بناقص
عصمان ..." دور راسو لجيهة موو و تحنى باس ليها جبهتها" .. مشيت اميمتي مشيت و كنت عارف جوابو غير قلت ما فيها باس الواحد يجرب اش خاسر .. ولكن لي برج الكلب راه برج الكلب
الحسنية ... ياك لباس اولدي اش قالك ؟؟
عصمان ..." خسر سيفتو وتغير ليه مودو ملي فكراتو ، مسح على لحيتوو وعقد حجبانو كل مكيتفكر كلاموو "
#وصمات_من_الماضي
ليلة قبل الحنة مفكرش زوج مرات قرر وعلى ودهاا زطم على نفسوو ومشى لعندو لقات كيف عادتو جالس في براكتو ناشر رجليه عينيه مقلوبين...حاط الهنيكن حداه و في يدو جوان قرب يكمل و مزال ما ساخي ... ريحتو عطات و صحتو تهدات وهذا حال لي ميتاقي الله و لايرحم بنادم ... يا الله غيحط الجوان في فمو حتى تحل عليه باب البراكة .. صغر عينيه و بغا يحقق شكون لي دخل عندوو ... و كي بدا يقرب ليه وهو يضحك تا تسمع صوت صدرو لي شابع دخان و شابع كيف و حشيش كتخرشش.. جلس تقابل معاه و كيشوف في حالتو كيف دايرا
المختار .." باقي على نفس جلستو لا هو ناض و لا تگعد " ... مجيتك عندي مغتكونش غا هكاك اش جابك عندي و انا عارفك اش تسوا
عصمان ..." مخسر سيفتو فيه و مطلع حاجب و منزل خووه " .. بقا لحبك نهار وتودع نوض تگعد غسل باش حتى لمتي تلقى لي بغسلك
المختار ..." حط الجوان في فمو و طلع الدخان " .. اش جابك عندي ازريقة
عصمان ... راك باقي شاد بعدا ....."سكت شوية وحط يديه على فمو عاد كمل "...مجيتي عندك اليوم ماشي موحش خليقتك و لا قلبي كلاني عليك ... غندير عرس لبنتك جي حضر لييه
المختار ..." تگعد و جر الهنيكن لي حداه جغم منوو و نتر نترا و شاف فيه " ... الله يعطيك الخير فكرتيني واش عندي بنت نسيت و بلا منكتر الهضرة راسي ضارني مهم انا مع الوقت ..." رجع بغا يتكى وهو يشوف فيه " ... وزايدون منك ليها علاه هي جات تشاورت معايا نهار تزوجات ... هاديك بنت راسها عمرها كانو عندها واليدين و لا غيكونو .. ولهيلا قالك بنتك وجي حضر ليها ، كيدار تاع بوها
عصمان ..." جمع يدو بقبضة و تلاح شنق عليه " ... كون ما كنتي بات مرتيييييي وجهك نخمجو لملتك .. جيت عندك برجلي عند بالي باقا في ديلمك شوية الانسانية وندمتي ساعة لي حيوان كيبقى غا حيوان.
" دفعو تا تقلشو ليه رجليه ووقف هاز صبعو عليه " .. هادي كانت اخر مجية لهاد القبر واخا القبر حسن من هاد القنت ... نهار نشم ريحتك حداها و لا ناوي دوي معاها انا غنعجل ليك موتك قبل الوقت ...
" دفل عليه وتم خارج من البراكة زاعف وطالع ليه الخز الراس .. شاف تا عيا و بحال هاد الگنوس ما شاف.... لا ام تحط عليها الراس و لا اب توسد كتافز ... ضرو قلبو عليها و كانت متأمل انو يجي يحضر لعرسها ولكن لقا قدامو واحد حتى الضرب فيه ميستاهلش ... ركب في موطورو بلا ميدير لا كاسك لا والو كسيراا و خلا وراه ولاد الكاريان غير كيشوفو و شكون يقدر يدوي و لا يتبومبا حداه ... عطا وجهو لدربهم و حالف ميبقى يحط رجلو في الكاريان لا هو لا هي وزاد واعد راسو ويكون عائلتها وناسها وعزوتها وينسيها
وياريتها مسمعات ولا للباب في وقيتة لي بداو يهضرو فيها حلات ، گاع لي قالو عصمان داز على وذنها بالحرف غير هي دارت راسها متسوقاتش واخا حسات ذاتها بجمرة حامية تكواات ، تنهدات ورسمات ابتسامة مزيفة على وجهها وطلات عليهم جا لحداها وقرب منها ، يالله غيحل فمو يدوي معاها وهي تبدا الحسنية ترش في جنابهم وراهه بالملحة
عصمان....." معندو مع بخور ولا عطور ، مكيدخل لراسو لا سحور ولا هم يحزنون ".....الواليدة ولينا بطانات كتدردري علينا الملحة خايفانا ندودو اتي نعلي شيطان
حسنية.......شوف سكت وجر مرتك ورجعو الحفلة ...
"دور راسو لدليلة لقاها غايبة عن الوجود وهو ينغزها ".....
عصمان......خليك معايا هنا فين مشيتي ....
دليلة....."ضحكات جنب ".......انا رجعت
"قطعوها نگافات بتعشاق على نبي العَرَبي ،ضربات طم غادا حاضية الارض ورادا لبال مع رجليها فين كتحطهم مرتاحت حتى جلسوو في مكانهم وعينين ناس عليهم
عصمان......" جلستو ماهيا جلسة عريس ولا واحد بارز ...كان واخد راحتو وعاقل على راسو قرب لعند دليلة لي كانت بحالا جالسة في القسم بقى ليها غا تربع يديها وقال ".....راني رسمتك !!
دليلة......."دورات راسها ليه "......زعمة...
عصمان...." زرب عليها نصل لافيست حطها في جنبو وغيبداا يحل في قميجتو يوريها مهاماه الكاميرا لي كتصور ولا ناس لي كتشطح "....مبعيدة غااا ميريكان ، بلاتي نوريك
" بقى كيضحك عارفها ديرهااا ، شد في يديههااا ورجع كيشوف
في ناس كل واحد فيهم باغي غير امتى يسالي هادشي هو براسو صبرو قليل ولكن معارفش بلي الحفلة عاد بدات والمعازيم ماشي كلها حضرات
داخل العرس و لابس و مجهز راسو للمناسبة ... تمشى بثقالة جاي قاصدهم حتى وقف قدامهم ، غير هزات عينيها فيه و هي تزير على يديه خايفة لتوقع شي كارثة والفرح يرجع قرخ وعارفة كلشي عند عصمان مباااح وقريب
واقف وجه لوجه قدام عصمان بكل ثقة وعلى وجهو شبه ابتسامة ... اما دليلة فكان ويلها ويلين ولات باغا طلب غا التعادل و حداهاا عصمان لي عينيه مفيكسيين غير فييه زيرات بيديها على دراعو تا عصرات لييه الدم
دليلة ..." لون وجها تبدل خوفها على عرس رنااا يخرب هو لي دارها ... قربات شوية لعصمان ودوات " ... عصمان نوض نمشيو فحالنا مخصني بعمليات و لا تكاشط
عصمان ..." طبطب ليها على يديها " ... ريحي و رخي الدم في عروقك انا لي عارض عليه باش يملي عينيه بالمزيان حيت المرة الجاية لدار شي حاجة نقطع ليه ورقتو ديريكت لقبر ...
" طلق ليها من يدها ووقف قدام عينيه ... دار يديه في جيابو و كيتسنى فييه اش غيصنع و لا يدير ... كانت ردت فعل ادم مسالمة مد يدو لعصمان باش يصافحو هاد الاخير عاملو بالمثل هاظشي كيبقى من شيمو الرجولية حيت هو لي عارض عليه
ادام ..." كيشوف في عصمان و عينيه مرة مرة يبغيو يهربو ليها لكن قدامو نزق كثر منو يشوف هاه و لاه هاه يرجع الحفل جنازة و الميت فار " ... مبروك مدرتوو و الله يتمم على خير .. كنت غندير غلط و نفرقكم ، سمعت من طرف واحد وحكمت بلاما نفكر ، على العمووم حمد لله ملي وقفات على قد هاكدا
عصمان ..." تبسم بالجنب و زير ليه على يديه " .. الفراق مغنخلي عبد يكتبوو و الى حاول غيلقى قدامو لي ميعجبو .. مرحباا بييك " ووراه بيديه " ... ختار البلاصة المخيرة وجلس ليا فيهاا
ادام ..." تبسم و شاف في دليلة و حدر راسو باحترام و تكلم " ... بنت عمتي تهلاي فراسك والله يتاويكم على خير
" بقا وقف عصمان تا بان ليه ادم نزل و مشا بأدراجو خارج الحفل معندوش لاش يجلس وجودو غيكهرب الجو ... لهما يزيد خلفة و يقطع هاد الورقة لي منهار حل كتابها وهو لا نعاس لا راحة ... اما عمصان فرجع جلس حدا دليلة لي بقات غير تتشوف بعويناتها
دليلة ..." قربت حداه باش يسمعها " ... ولا كي فليليس الما اش قلتي ليه
عصمان ..." باسها في جبهتها " ... نتي خلي غير هاد الراس مرتاح و الباقي خليه ليا انا نتكلف بييه "غمزها "
بقاو هكاك جالسين و رنا مرة مرة تتبغي تحرك كتافها و الحال ما يشاور ... حس بيها ياسر لي تا هو كتر منهاا و قف و عاونها ناضت ووقف وسط عيباد الله ... و بقاو شتف هيتف غا بالكتااف بردت جنونها هي ويااه و الناس دايرين عليهم دائرة و يزغرتوو ... اما دليلة عينيها غا مع عصمان ليشدو الحال و العلوة بدات وهي لابسة طالون طلع بيه على السحاب ... دورت عينيها ليه لقاتو جالس مشابك يديه في يديها و اليد الخرا حاطها على مرفقو و كيشوف في الناس ومبتاسم
وصل وقت اللبسة الثانية لي كانت متتقلش جمال على الاولى ..خرجو بيها العروسات و شادين في يد عرسانهم دارو عادة الميدة العمارية وحدة كانت تضحك ووحدة مكرهاتش اكتى تنزل...نشطحو وفرحو بيهم لحباب.. وصل وقت الماكلة لي رافقها خوف الحسنية من حلان لفام ...كاينة لي تقول الماكلة باردة وكاينة لي تقول ما طايباش ... ساعة لقاو الحسنية مرأة و گادة واقفة على الكبيرة و الصغيرة و تحميرة الوجه متخطاهاش ... تفرقت الماكلة قدات وشاط الخير وكاو معاهم لحمام ... اما هي محطتش الدغمة في فمها تا سربات و لادهااا لي بقات ليهم اللبسة الاخيرة و هي اللبسة البيضة جات النگافة و منگفة العرايسات على حبيب الله ...دخلات رناا مع النگافات و على محياهااا فرحة و ضحكة تتحسي بيها غير من نضرة في عينيها نابعة من قلبها ... داخلة تزين باللبسة البيضة هاد اللبسة لي اي بنت تتحلم بيها و من بين اللبسات المحببين على قلب العرايسات ... اما دليلة فرفضات تلبسها حيت تتعتابر لبسة الوداع اللبسة لي تتقولي اخر نهار ليا مع عائلتي و انا بنتهم ... بيها باش تتخرج من دار باها و تا دخل برجلها ليمنى لدار راجلها ... وهذا علاش فضلات تبقى بأخر لبسة طلعت بيها حيت بالنسبة ليهاا الى غتلبس اللبسة البيضة لازم يكون معاك خوك و لا باك و لا مك لي تشدك من يديك و تخرجك لعند عريسك ... توصيه و تحذرو يحطك في العين و يكون خاطرك فووق خاطرو ... العروسة تكمل فرحتها بيدها في يد باها و لا خوها و لا مهاا ... واخا عصمان غناهاا عليهم كاملين ولكن تتبقى حزة في القلب و الخاطر ... حيت بيها تتخرج البنت من تحت جناح باها ودخل في حماية رجلها ... خرجات رنا و في يد عريسها ضارو على الناس و تسالمو معاهم ... و ما هي الا ساعة و ها العرس سالا .. الطموبيل واقفة على برا مزينة و مقادة ... كانت بي ام ديكابوطابل كراها خوها خصيصا ليها كانت ديما تشوقها تشهق ... و اليوم ها هي غتركب فيها عروسة
خرجو على برا الكل باغي يودع العروسة عائلة الحسنية هازين طعارج والبنادر وكيغنيو
" يا جيرانها ويا صحاباتها يا رنا مشات عقبة لگاع لبنات "
الحسنية دموعها شلال معنقة بنتها ما بقات بغات تطلقها ..
الحسنية ..." تدوي و توصي و تقرص في بنتها " شوفي حيدي دوك الفشوك ديال دار باك راه ميليقوش مع راجلك .. او الفياق بكري بالذهب مشري .. شري راجلك و بالذهب وزنيه"
اما ياسر فكان واقف مع صاحبو لي كيوصي ويعاود يوصيه لينسى ليه شي كلمة .. وشاد في يديه شفيق لي قريب تلوح حوايجهااا و داك السباط و تسخف ليه تم ... عيات متنغز فيه و لا هو تنغز ليهاا
دليلة ..." جمعاتها معاه بقرصة تا دار عندها مغوبش " ... اسي قعقلي و بسيبيسة واقيلة قريب نودع و نخليك هنا خالدينا فيها
عصمان ... " هبط عينيها لقاها تتحك في ركبتها " ... لا انوثة لا نمي صبري ها حنا غنحركوهاا .." شد دليلة من خصرها لطيح و مشا وقف ورا مو " ... و الوليدة سيمانة الهندي غدوزها وتجي تسكن حداك طلقي المرأة راجلها كيتسنى فيها
الحسنية ..." طلقات منها و تتمسح في دموعها " ... وراها كبدتي فرحانة ليها في نهارها ..." جر عصمان ختو رنا من قرفادتها و لا حها على صدرو و باس ليها راسها "
عصمان ..." هز صبعو كتحذير في وجها " ... كيف وصيتو عليك غنوصيك عليه نسمع منوو درتي الفالطة حسابك معايا ماشي معاه .." حدرات راسها ليه حشمانة و مشات سلمات على دليلة "
دليلة ..." ضحكت عليها و قرصتها " ... غمضي عينيك وحلي رجليك هانتي تفكيتي. ههههه
رنا ... الله يمسخك اووف دعي مع ختك
دليلة ... " هزت عينيها السما " ... ليك الله اختي ليك الله ...
" طلقت من دليلة و مشات رنا شدات في ياسر و مشاو عند مصطفى لي نزلت دمعة على خدو و تحملت مسحتها ليه و باستو في راسو " ... رضي عليا الحنان
مصطفى ... الله يرضي عليكم و يهنيكم في بالكم .." هبط لمستواه ياسر و باس ليه يدو وراسو "
دار ياسر عند عصمان بعد ما حس بيد تحطات عليه و جرو بعيد على البقية
عصمان ..."حاط يدو على كتفو " ... من هنا لدار و لا من هنااا لأسبوع الكرموس
ياسر ... لا ا عشيري من هنا الدويرة ان شاء الله ... من بعد و نسافر انا وياها
عصمان ..." دار شاف في دليلة لي لقاها متكية على الطموبيل و غير شافتو شافيها شيرت عليه بيديها " ... وا عاليييه عفط تنتقاشعووو ..." رجع عصمان عند دليلة و مو ... اما ياسر فركب في الطموبيل و حداه مدامتو وكسيرا غادي لعش الزوجية ديالو ... لي غيشهد ليه وليها فيه بزااف الحوايج ... سوا خايبين ولا زوينين في الحب كل شي بحلاوتوو ... بقا عصمان متبع العين الطموبيل حتى غبرات جا يدور لعند الحسنية لقاهاا شادة نيفها و عاطياها البكى ... "
عصمان ..." عنق مو من كتفو و اليد الاخرى شاد بيها دليلة " .. واا ام كلثوم طيبتي دوك العينين الحنانة ... " باس ليها راسها " ... زيدي قدامي غدا وتشوفيها
الحسنية ..." مسحت دموعها و قدات شالها " ... ويلي على نشوفها غدا مالي سر هنا و الطر لهيه
عصمان ..." دازت قدامو و خلاتو غير كي شوف " ... العيالات غير نص عقيل لي صرف ليكم الله الباقي مشاا في القادوس .." ما حس غير بزوية من دليلة " ... شي نهار نهرس لحبك يديك
دليلة ..." حيدت السباط من رجلها ولاحتوو " ... اخوياا مالنااا لحنا ليك شراوطك في الزنقة تا يكون عندنا نص عقل
عصمان ... شفيق برد اصحبي ياكما نفتخ ليك شي جوان
دليلة ..." دارت يديها على خصرها معليا حواجبها " ... و يكون ميكس الله يحفضك ..
" خلاتو هكاك واقف تيشوف ومشات حدا الحسنية ... اما عصمان دار شاف في بااه لقاه تيضحك عليه "
عصمان ..." تحنى هزو بين يديه " ... اييه ضحك ا با صطوف معاك جات
مصطفى ... و غا ساعف اوليدي هادو هوما العيالات .. غا نص عقيل
عصمان .... " ضحك برووجلية مع صوت فحل " ... زيد قولها قدام لالة الحسنية. اليوم تبات في باب الدرب
جيران لي عندو شي دار تخشى فيها والعائلة تستفات في دار الحسنية مكملين السهرة ، مكاينش عيينا وراس ضرنا خاصنا نعسو ابدا مكاين غا قوولها وضحك على مهاا ، يتفكرو الطرائف ويعبو في لي مشى ويشدو فلي باقي .....شوف اش دارت كيف شطحات اش لبساات وهادا هو حال لعيالات ملي يتلقاو فشي مجمع ....كان واقف براا مبعد كيكمي ليه فجواان يسكت بيه صدااع لفراسو حتى بانت ليه خارجة برا لابسة تحتية طويلة وعريضة تاع مو ورجليها جامعاها بسبرديلة شعرها باقي مصايب ووجهها مسحات فيه نص وباقي نص....حاطة يديها على راسها وكتنج جلسات في العتبة تاع دار غير شافهاا وهو يتم جاي لعندهاا جلس قفازي قداامها...
عصمان......" يدو لي هازة جوان كان دايرها وراه وتانية رجع بيها شعر ورا وذنهاا "......اش باقي مفيقك تال داابا واش مخرجك هناا ؟؟ " قوس عينيه ودوا بامرها بخشونه"...دنيا خاوية دخلي تنعسي !!
دليلة....." دوات بصوت منفاعل ورجعات هبطاتو شوية على ود الحسنية خايفة تسمع وتقلق ".......ومنين غيجيني نعاس راسي ضرني بصداع والهضرة لي عاد جاتهم وعاد منقدش نشارك بيت لي غنعس فيه مع لي مكنعرفووش اعصماان غا خليني هنا حدااك
مزال عادتها هي عادتها صعيب تطلق لسانها مع من والا وتدي وتجيب معاه في الهضرة.....لي عرفها مرات عصمان كلاه الفضوول وبغى يعرف كثر كيفاش تعرفو وكيفاش تزوجو وعلاش عاد دارو العرس وفينهم عائلتهاا ولاش مجاوش
لحسنية سبقات الميم اما دليلة طلعو ليها ولاد علي حيت معندناش مع لي كيبقى يستنطق ويحكر ، دارت بحساب لحسنية ومعطااتش لقاصح اما متعقل على حد تمااا ، غير شافتهم كثرو عليهاا فين وعلاش وكيفاش وهي تلبس سبرديلتها وخرجاات
عصمان....."مفهامش اش جاري وجاوب من خلال كلامها ".....عادي غتعودي وزايدين صبري يوماين ودايزين شنو لعائلة هاديك نلوحوهااا
هنا عصمان جمع يدو عندوو مزير عليهم وعلى سنانو حتى برزو عرووقتو.. بعد عليها وفهم علاش كانت داوية دليلة قبيلة زاش كان مخرجها فليل ....كحكح بصووت مجهد وحنحن عاد عطاها خو جوابها "......سوليها عليا وعلى راسها ...كون كانت مها كون شفتوها وكون كان باها كون بان ليكم ، " غلظ صوتو "....دي الواليدة خالتي تنعس وعيطي ليا على مرتي تجي لعندي
معودتهاش معاه الحسنية ولات
باغا تكمل الجرة بخير وعلى خير مشات لبيت لعند دليلة دقات ودخلات لقاتها فوق ناموسية مغمغمة تحت اللحاف ولبنات شي حداها شي في الارض مزاال مقرقبين ناب ....بتاسمات ليهم ودخلات بزربة تقاقي خايفة طرح يحماض قربات حدا وذنها وعيطات
حسينية....بنيتي دلييلة نعستي
دليلة...."حيدات عليها لغطى " ....انا اخالتي مالك ؟؟
لحسنية....خرجي ابنتي تكلمي لراجلك
دليلة...."رجعات تغطات "..... قوليه نعسات اخالتي مافيا لي ينوض
الحسنية....."خافتو يدخل عليها تال قلب لبيت عارفاه الا طلعات ليه النقشة مغاديش يراعي ويقول لا حشومة ".....انا مزاوگة الا ما نوضي عندو ها لعار ابنتي ..
"باقا مكملات كلامها وهي تسمعو كيغوت ....
" لواااليداااااا
الحسنية...."بدات تجر فيها وتبوس راسها "...نوضي ابنتي
"نعلات الشيطان ولاحت عليها لغطى ,بدات تقلب على سبرديلتها ديرها في رجلها وهي تحيد لحسنية شربيلها وبزز لبساتو ليها "
- هاكي لبسيه وخرجي لعندو...
خارجة عندو عاقدة عبس لقاتو كيلعب بسوارت تاع طوموبيل غير شافتا وهو يكبر خطاويه تا وصل ليها
دليلة ...." شقلبات عينيها "....غتوريني تصويرتي في يدك
غصماان....." بتاسم بجنب وعنكش ليها شعرهاا معنقهاا وخاشيها في صدرو ".....ونوريك ختى حاجة اخرا الا بغيتي
شكون قال لبنت لي كانت كلمتها من كلام الرجاال ، ولي كانت ميهدها حال ولا يعگرها كلام البشاار ....كانت تخاف غا على راسها ودير بريو ، متصنط لتا حد ولا دير بحسابو...لبنت لي شَّمْعَاتْ قلبها وحلفات لبقى ولد لمراا وصل ليه....تعالو داابا تشووفو لقات راسهاا على قبلو توزن لكلام قبل متخرجو ، خايفة عليه ودايرة بحسابو ،وبزز منهااا وبرضاها فتحت ليه قلبهاا وبغاتوو
حل لباب وتكى عليه مخلي ليها طريق دخل قدامو ....كيبان فيها غا راس وسط مونطوه لكبير... غادا بثقالة وكدور فعينيها وتمتعهم بشنو كتشووف....
غرفة في اخر طبقة في الاوطيل حسب وصفها هي وشنو جا في بالها كانت قد ربع في الكاريان شرجم زاج في زاج وناموسية طول فعرض......
اول مرة تجي لبلاصة فحال هادي لميزيرية لي كانت كتعاني منها كانت مانعاها من شلة حواايج ...خشات يديها في جيبها ومشات وقفات قدام الشرجم لي كيطل على لبحر منظر لمواج لي كيضربو في السور خلاوها تنفس براحة باغا تخلص من اي ضغط كتحس بيه....تسد لباب وصوت خطاويه الرجالية بداو يضربو فقلبها قرب منها نزل صاك لي كانو فيه حوايجهم .. حط يدو على خصرها مقربها من كرشو ..عوج ظهرو حتى خشى راسو في عنقهاا ونطق وهو مغمض عينيه
عصمان......عجبتك لبلاصة ؟؟
دليلة...." قصوحية جسمو شلووها على الحركة ناهيك على حر انفاسو لي هيجات مشاعر مبعثرة فيها وخلاتها ترد لبال لفوضى من احاسيس كتعاني منها ، تنهدات ودارت لعندو مبعدة وجهها لجهة تانية باغا تفك من قبضة يديه قبل ميزيد يلوح سحرو عليها وتستسلم ليه "....علاش هاد الخسراان كون غير بقينا في طوموبيل ولا مشيت معاك لمحل حتى يفيقو ورجعو مكانش عليك تجيبنا لهنا گاع ...
"فمها ومجاب ليها فديك اللحظة "
عصمان......" عض على شفايفوو وكرز على عينيه ورجع حلهم مغبووش " ...سيري تنعسي من الاحسن هادشي معندك شغل فيه
" قالها منرفز...طرطق صدايف قميجتو وحيدها من على لحمو بنترة ولاحها فوق ناموسية بختهاا ... مشى لحمام مخليها وراه متبعة ليه طريق وقلبها كيضرب
-دليلة.....اش درتي ادليلة ..."بدات تعيب فراسها "....ويلي كون مشينا لمحل حسن من هنااا علاش لخسران ....يخخخ وقف الكرفي
"صاطت حاسة بسخونية طالعة معاها ، حيدات المونطو علقاتو دازت من حدا لحمام سمعات صوت الرشاشة عرفاتو كيدوش.....بقات غادا جايا فلبيت نعاس طار ولعيا مبقاتش كتحس بيه لاحت الشربيل من رجليها وبقات في بلاصتها كتسنا فيه يخرج....دقائق قليلة وصوت الما تحبس....بقات شوية عاد سمعات بواني دلباب كتحل وخرج من وراه لابس سروال كيطمة ولفوق عريان....داير فوطة على راسو كيمسح شعرو وعنقو محس بيها غير واقفة قدامو ويديها كيمشيو نيشان ليديه وبضبط فووق لوشمة عاقدة حواجبها وقالت بتساؤل
دليلة ....شنو هادشي ؟؟
عصمان..." على حواجبو وشاف فيها بحدة "...كي كتشووفي
دليلة......" بقلق دورازت صباعها على صورتها لي موشومة بيديه ولي كانت ملتهبة "......ولكن شوف الجرح والحمورية
عصمان....." بعد يديه ورجع كيمسح على وجهو وشعرو بالكاد سمعاتو اش كيقول ".....شوية وتبراا متشغليش باالك
دليلة......"لهضرة بالعبار لي كيدوي بيها معاها وهاد الرسميات ممولفاش عليهم "........عصماااااااااااااااان ماااااااالك ؟؟
عصمان........"كان على سبة ، لاح الفوطة بزعاف وخنزر فيها باينة فيه مشربن "......نتي لي مااالك وشنو باغا ...
دليلة....." تعلات على صباع رجليها تا وصلات لعنقو دورات ايديها على عنقو وقربات وجهو لعندها ونطقات بهمس ".....باغيااك نتا ابنادم.....ومكرهتش شي قرعة وزوج كيساان وارا برع
دليلة....." تعلات على صباع رجليها تا وصلات لعنقو ،دورات ايديها عليه وقربات وجهو لعندها ونطقات بهمس ".....باغياك نتا ابنادم....ومكرهتش شي قرعة وزوج كيسان وارا برع
عصمان......"شدهاا من خصرها وزاد لصقها عليه ممخليش لهوا يدوز بيناتهم "....خلينا من لقراعي والكيسان عفى الله عليا منهم ولايني ركزي ليا على باااغياك نتا وفهميني ....
"رفع حاجبو بتحذير ".....واش عارفة اش كتخرجي من فمك ولا داوية خاوية راه دمي حامي وغا يدك الا حطيتيها عليا كتخليتي وراها شااعل....فبلاما تعلقي فين تفلقي وتخليني نبدا وتبداي تهربي
دليلة....." بعدات يديها عليه ورجعات بزوج خطوات اللور مقوسة عينيها.....".....بقى على وقفتك وكمل على شنو كنتي كدير شوية وراجعة ليك وتا الا طفيتي نرجع نشعلك ...
"عطاتو بوسة في الهوى وجمعات الضحكة بعد معطاتو بالظهر ..سدات عليها باب الحمام متكية عليه قلبها كان كيطلع وينزل...حاسة بنفسها تخربق ورا تصرفها الجريء لكن كيبقى ولا بد منوو وهاد نهار خاصو يجي ....وعدات راسها قبل منو نهار تحس بيه الراجل لي ناوية تكمل معاه حياتها وبلي مقادراش تبعد عليه و ترسم فبالها وكيحضر حتى في خيالها وقدر ينسيها في الذي مضى غتكون ليه لأنثى لي خباها الوقت وتكون ليه راجل في ظهرو.... ويلقاها مرااا تاع زمان براااا وق** معاااه لداخل
حيدات قفطان الحسنية لي باقي في العمر ومتقطعش على يد ولدها....مشطات شعرها لي تخبل وجمعاتو الفوق علقات دوبياس لي كانت لابسة وطلقات عليها الما تحيد عرق العرس لقات غير شامبو وصابون غسلات بيهم ، مكانتش معولة ولا جات فبالهاا نهائيا انوو ممكن تكون معاه داكشي علاش مدارتش بحسابهاا وعدات بلي متواجد في الاوطيل يعني مكاين باندوش مكاين مستحضرات الاسترخاء وزيوت معطرة كاين لما وصابون واجتهاد منها دارت شامبو للحمها بلاصة شعرها ....غسلات مزيان حتى حسات براسها تنقات ،هزاات بينوار كانت تما ولحسن حظها لقاتو بعد منشفات لحمهاا بالفووطة لبساتو وخرجااات لعندوو كان فوق ناموسية مسرح على ظهرو داير يديه ورا راسو ومغمض عينيه قربات لجهتو حفياانة وغادا على صباع رجليهاا وقفات حداه باقا مكملتش خطوتها جرها لعندو من يدها جابها طايخة فوق منوو وحل عينيه في عينيها نيفو فوق نيفها وفمو على فمهاا دوا وهو كيحرك شفايفو علييهاا.....
" ضحكات جنب وقالت ".... كلمة شفيق لي غنخليه دابا ونوريك .
بلاصتووو دليلة...." حطات شفايفها على شفايفو مقبلااه ببطىء و رجعات مكملة على كلامهاا "....
دلييلة لي قلبتي سفاها على علاها.....ورجعتي الدنيا بيضة فعينيها بعد مولات كحلة.....
دليلة لي درتي معاها بزااااف وعوضتيهاااا فگاع لي فتقدات....."تنهداااااات بحسرة "....
عطيتيها ام كيف تمنات ...." باست ليه جبهتو ".....وحسستيها باش كيحسو الخواتات....." باست ليه عينين وهاد المرة يديه مشاو تحت لبينوار وجبدهااا لعندوو مزير علييها واصل لطووب بكلامها وتصرفاتها لي وصلووه لذروة ديالو ، رجعات وقفاتو بيديها لي بعدوه من صدرو ".......تسنى مزال مكملتش ..."باستو فنيفو وقالت
ومعاك لقات جناح الاب لي بغات وظلو وخوفو وحمايتو ليها كيف طلباات ...." شدات لحيتو بيديها وطبعات قبلة قوية على شفايفو "....واخيراااا كنتي ليها الراااجل لي بيه حلماااات
قالت لي عندها ورتاحت من وراه مقالت عيب ولا حشومة ....ولا دارت فيها هاداك رااجلي وخاصني ندير فيها حشمانة منو ونخلي ليه زمام الامور يدير مبغى ابدا....كيف عندو فمو حتى هي عندها وباش كيحس هو كتحسو حتى هي .....انفوا سالات اعترافهاا ليه الداخل ديالاها هدا ورتاح....تقلبات حداه على ظهرها مبتسمة ولكن كان ليه رأي تاني
عصماان ....."جا فووقهاا وبدا يحل حزام لبينوار "....درتي خدمة تقنيها متخليهاش في نص ...." بدات تضحك بطريقة تدريجية وصدرها كيطلع وينزل وهو حااضيها قدامو كتماايل كانت بكامل انووثها زادت حلات فعينيه كثر من اللزوم...ممنعش راسو منها بالعكس هبط لعنقها وطبع قبلة عليه خلاها ضايعة فوق ضياعهاا.....دورات عليه ذرعاانها مخلية انفااسو السااخنة كتحرق وجهها ..
بقى طالع بشكل تدريجي قاصد فمها كانت مستمتعة بدغدغة لحيتو ، قرب من شفايفها وقبل ميتوكل على الله ويمتالكهم شاف في بحر عينيهااا شووفةة نارية راضية على الوضع لي هو فيه
بدورها شوفاتها كانو كيقوولو ليه ارا اش عندك ....دار يدو تحت ظهرها بلاما يلهي عينيه ويشووف شي حاجة تخليه يسبق لخر على اللول باغيهاا تغطس معاه بشوية بشوية
دفعها لعندوو وخلا شفايفو يزوورو شفايفها بحب وشوق ولهفةة تمنى هاد اللحظة من اول مرة تكتبات على اسمو ، بغااها تلين ليه وتكون معاه جسد وروح
عصمان......"كيبوس ويعبر ، لاول مرة كيحس براسو جايب لگاو بلا حشيش وبلا دخان ...بوسة منها خلاتوو يتنشوى ويوصل لسماا سابعة "......معاك حاس براسي عمري قست بنت لمرااا ولا عرفت جنس نسا كيف داير....
داز لوذنها عطاها حقهاا من البوس والهمس برجولية مخليها كتجرو لعندها كثر ومزيرة عليه ليهرب ، شكون لي قال عصمان الشخص لي كرهاتو ومحملاتوش اول مشاافتو لي كانت هي وياه بحال زائد وناقص ولي عتابراتو واحد متسلط باغا يخشي نيفو فكلشي ويبين راسو واعر وحاكم ...تكون الليلة بين يديه ويكون اول رجل تبكي قدام عينيه....وهو الوحيد لي يقبسها ويبووسها ويحسسها بانوثتها بين يديه نتاقل ببوساتو لكتفها ويديه تابعينو باحترافية كيهبط البينوار حتى صدماتو ملي بيديها زولاتو وخلات يشووف جسم كامل مكمول قدامو
هنا رجع شعرو اللور وسرعة انفاسو تزادت...كيحس بالعرق كيتصبب من جبينوو مد يدو لسروال لكيطمة لي لابس حيدو وتهنى منوو وعينيه مفرقهمش عليها مخليهم مزال يزيدو يذوبو فيهااا ويتفحصوها من راسها لرجليها....لي كان عند لبنات عندهاا مفايتاش حقهاا وممخصوصاش طايتها غزالة وتفتن لعزارة لحمها بيض ومنقي ...كانت قدامو وحدة كاملة مكمولة قدرات تهيجو وتحرك غريزتو وتخليه باغي يمتالك جسم العاري المستجيييب ليه
دليلة....." كانت عايشة اللحظة مع لي بغى قلبها ووهباتو حياتها وعلى اتم الاستعداد تكتب ليه ذاتها".....انااا ليك ومعاااك وبيك كاينةة
عض على فكو ومد يديه لجهاز التحكم لنرى النوافذ مغلقة والستائر مسدلة وصمت عارم تتخلله تناهيد الحب
ترفعوو بجوج انفاسهم ولات ممزوجة واهاتهم توحدات ... وصل المعقووول و عصمان حس براسو صبرو تقادا و نفد و عقلو معاها و خايفها تضر و بيها ميحس ....ستخدم سحرو عليها وبالمهل حتى تملكهاا وولات مراتو ديال بصح ماشي غاا هضرة وكلام...كانت شادة ليه في عنقوو و مصبرة راسها وعاضة على فمهااا .... حسات بألم خفيف وماشي كيف سمعات عليه ،
على حسب قول لبنات ولعيالات ....ليلة اللولة كتكون واعرة و صعيبة وماشي كلشي كيصبر ليها وكيكون موجد نفسيا ليها ....الالم لي حسات بيه بنسبة ليها ماشي كيف توقعاتو كان خفيف ضريف حلات عينيها لقات فم عصمان فوق جبينها كيبوس فيها.....
عصمان ......الا سرحت مزال اش جا مرجعني وهادشي ممزيانش لييك من ديبار ، كلشي يهون على ودك ازرقة لعيوون
وااهلي كلامو مستوعباتوش ولا عرفاتو فين صاد علات حواجبها الكحلين وعقدااتهم فيه نزلات عينيها لبين رجليها كتقلب على شرفهاا لي كانت معنية بيه وهازرة راسهاا مفتاخرة بيه لقات ليزار باقي فلونو و بياضو كيضر في العينين مكاينة لا نقطة لا زوج نقطات لااا هم يحزنون
قلبها حساتو كيضرب في وذنيهااا وصوت تنفسها خارج مخربق من جووفهت...هز عينو فيهااا يطمئن عليهااا لقا قدامو وحدة وجهاا صفر مصدوومة وفمها كيترعد...نطقات بتلعتم مضورة وجها لجهة لوخراات
دليلة.....عصمان فينو دم عذريتي....
عصمان......كيف شفتي مكاينش الدم عادي هادشي
.من ورا كلامو حسات في الداخل ديالها شي حد كيغوت و كيدابز و باغي يخرج الكلام ... عقلها خدم ورجعها الأرشيف وبالضبط لليلة لي باعتها مها لحسن ......بدات كترجف وحسات بشمتة معاها سرات ميلات راسها لجنب وشافت فيه وفي فمها مية سؤال وسؤاااال
دليلة.......داكشي علاااااش تزوجتيني يااك غير باش تسترني....." شداتو من ذراعو غارسة ظفارها فيه ".....
الصدمة تقدر تشلل او تهرس الواحد من الداخل العقل فاش مكيتقبلش شي حاجة تيخنق ليك النفس و ما تعود تعرف نفسك طالعة و لا نازلة ... وكيخليك متفكرش ومتحضرش المنطق ...وهادشي لي طرا لدليلة الدنيا دارت بيها عقلها قديم و من ديما تسمع الدم هو وجه البنت ... بنت بحالها عاشت وحيدة و مربية راسها براسها ... ملقاتش لي يقريها و لا يوعيها و يقولها كل بنت و نوعها نوع ....ولا لقات لي يجرها لطبيبة تنمي ليها عقلهاا وتوريهاا
دليلة.....علاش كذبتي علياا وقلتي ليا متعداش عليك....علاش خليتي حيوان تاع لخلا ياخد اغلا ما ليا ويكمل حياتو عادي وميتعااقبش على شنو دار فيااا ...
كانت مطرطقه حلقها فييه ، حس بيه ناااشف و من نبرتها عرفو تجرح ...
عصمان ..." حكمهاا بايديه باش متحركش عارفها مقصحة و الحركة صعيبة عليها " ... غتجلسي و تركني و تسمعي اش غنقول و لا ندفن عدو ربك هنااا مال ملتك كطيري وتنواي
دليلة ..." دفعات لييه يديه ولاحت فاش ملوية ووقفت على ركابيها فوق ناموسية عليه " ... لا لا لا قاصنيييي قاااصنيييي ياااك جوبنيييي خليني نعرف اش بياا و نفهم اش طرا ليا ...
" ربع يديه وبقى حاضيها و متبع ليهاا العين مخنزر مخليها على هواها تخرج و تقول اش في خاطرها تا تقادا... صبرو تقادا وهي مزال حس براسو تجنن والا قرب ليها غيعطبها من شي قنت.... بدات تحك في لحمهاا و دفل في جناابها ...مشعرات براسها حتى شدات ليه وجهو بيديها و شووفاتهاا كانو حاريين " ... شوف ليا في عينيا علاش تخليه يحط يدو فييااا و ميتعاقبش علاش خليتيه يقيصنييي ا عمصان علاااااش ..."
بقات تغوت وجيب افم وقول مبقاتش واعيا براسها فشلات ليه وطاخت بين يديه خلعاتو وخلاتو شاد في راسو وملقى غير طريقة وحدة باش يهدنها جرها لعندو وخشاها فيه كيهدن فيها واخا هو شاعل "
عصمان ..." معنقهاا و مزيرها عندووو مزياان حس بداتهاا بدات تهدا لكن نفسها و الترعيدة مزال كيف هيي وقفها مقابلها مع وجهو " ...شوووفي عيني ا دليلة واش كتبان ليك كيدار هنااا ... داك ولد القحبة كون حط يدووو فيييك ولا قاصك كنت علقت طبون مووو من حجروو وسط الدرب و نمشي ندوز على حبو الحبس ... علاش درتي هاد الحالة واشمن دم باغا تشووفيه واش نفرعك باش تبرديييي ...
دليلة ..." فمها باقي كيترعد و التنخصيصة تتطلع ليها مع الكلام " ... تربيت و حيدة و ما عندي حد طوول عمري نعرف حمورية ووجه البنت وعائلتها هوما دوك جوج نقطات تاع الدم ... واخا ما عندي ناس و لا حباب حاربت على قبل شرفي باش ميضيعش بين القنات و يديوه الشمايت ... ما لقيت لي يشد بيدي و يقريني و يقوليا ها شنو كاين ابنتييي ودابا تتسنى مني نتيق بلي راني بنت بنوت كيفاش درتي ليها اصلا داك نهار معقلتش على راسي علم الله شنو طرا ليا واش مخبين عليا
عصمان ..." الدم طلع ليه الراس بالمزيان جرها من دراعها ونزل عليها للحنك مفيقهاا " ... شرفك انا لي خديتو و بيااا تسمى وانا لي رشمتوو ... مزالك كيما نتي و شوية بشوية غتشوفي هاد الدم لي ضريتيني في راسي بيه ... نوعك صعيب يتحل ودقة دقة هانتي مهنية بلا طبيب و لا غيرو راني مدوز تا شاب راسي .. باش منعرفش شمن نوع لي عندك ... دابا نووضي لبسي عليك تمشي الطبيبة تقريك ولا عرفتي شنووو انا نسيل مو هاد الدم ...لاحهااا على ظهرها ورجع فوقها شاد يدهاا وهازها ليهااا لفووق
طلع ليها يديها حاكمهم الفوق ورجليها مفرقهم ومخشي وسط منهم ... بزز عليه رجع نعل راسو من جديد ....عينيها كانو في عينيه جمرة و نااار .. صدرها كيطلع و ينزل مفاهمة والو
عصمان ..." مطرطق عينيه فيهااا و كيدوي ضاغط على كلامو " ... مال ديلمك درتي ليا ايسطوار و ديسك حزين هناا ومنوضة قربالة على والو راني مرجع راسي باللور على ودك بنتي ليا مدوزة عرس و تمارة و العيا وكيف انا مسخسخ تا نتي بحالي و مناعساش الالة وكون زدت قربت ليك كثر ولا قربت ليك دابا غتموتي بين يدي راني ماشي مكبوت " صااط بنفخة "....فكرت لييك ابنت الهم واخا غنجيبها فكري ولايني ملي نعلفك ونوجدك مزيان وتكوني مرتاحة ديك ساع ووجدي راسك و الزيف باش تمسحي هاد الدم حيت مغنعقلش عليك
"ناض عليها زاعف و طالع ليه الخز من كلامها لي قالتو ومن تفكيرها لي فكراتو كيفاش مخها يقوليها انو داك الكيدار دار ليها شي حاجة خبط الحمام مخليها غير كدور في عينيهااا مفاهمة والو جاها راسها لاول مرة تطلع مكلخةة ، زادت عليها غطى وغمضات عينيها كتسوعب هضرتو بقات على داك الحال حنى تهدنات حسات بباب دوش تسد وبيه جا تخشى حداها ، حلات عينيها بان ليها حاط يدو تحت راس ... تقلبت عليه حاطة راسها على صدرو وايدها كتلعب في لحيتو كانت كتعتاذر منو بطريقة غير مباشرة معارفة شنو تقوول ليه حس بيهاا وهو ينطق بصووت خشن
عصمان ..." غمض عينيه معسلين و هبط باسها بوسة حنينة .." ... نتي ديالييي و مكاينش لي يحيدك ليا ... لو كان داك النهار
" غمض عينيه بغيض " ... طرا ليك شي حاجة من هاد النوع لوكان نحرتو و ندوز على مو الحبس
خشات وجها في عنقوو كلامو ريحهااا و فكرة قاصها حسن حيدتها من بالها ... بغات تسولو على بزاف فضلا تخلي كلامها للحسنية لي تفهمها و تشرح ليها اش خاصها دير ... قلبها و تكتب بسميتو و عقلها ورسم صورتوو ... هذا حال البنت لي تايقة في راسها تبغي تشوف صبرها و قوتها وعلاش حاربت بعينيها ...بقاو على داك الحال شي معنق شي داتو كانت سخونة اما هي نعسات ..كيف بداو عينيه يتسدو وهو يسمع صوت تليفون
عصمان ..." صوتو ثقييل و غالب عليه عيا و نعاس " ... الحنانة
" قطع مع مو الاتصال و رجع حط يدو على ضهرها لي كان عريان تيطلع يدو من الفوق لتحت تا داتو عينو
حال شوية من شرجم ومتكي عليه كان لابس بوكسر اما شي لاخور عريان داير گارو ورا وذنيه كيستنى في قهيوتو لي طلب ليه ولماكلة ليها....سمع صوت لباب ضار شافيها لقاها مزال كيف ناض و خلاها ...خرج بشكلو هاكداك مخممش ، خدا علاش وصى دخلوو حطو فوق طبلة هز طاس القهوى و مشا البالكون مقابل مع البحر .. شعل شعلتوو و بدا يكمي و يبخ باش يحل عينيه هوو اللول ... اما دليلة كيف بدا ريحة الگارو تدخل لنيفها حسات بترويعة خصوصا بعد ما قطعاتو .. و هذا حال اي واحد قطع عليه داك الهم من بعد ريحتو تتولي تعيفوو .. حلات عينيها لي كانو حمرين و حواجبها معقودين ... حاسة براسها ماشي حتى لهيه الموضوع مخربق ليها دماغها و مخسر ليها مودها ... واخا كلام عصمان ليها ريحها نوعا ماا و خلى النعاس يزور عينيها .. الا انها مزال مفهمتش الموضوع و كيخصها تفهمو راسها
. هي قوية و تقدر تحدى اي حاجة و زادت قوتها ضاعفت كتر و كتر بييه هوو ... فجأة صبحات حياتها كلها ورود و داك الضلام لي كانت ديما تتشوفو بعينيها قدر عصمان يبدلو ليها ابيض و قدر يخليها تيق و تحس بدفئ عائلي و اخوي و عاطفي من جيهتوو ...
تبعات ليه العين و شافتو فين واقف حنحنات حتى ضار عندها و تم قاصدها طافي كأروع في الطفاية قبل ليوصل عندها
عصمان .. خاصنا نمشي باش نحضرو لفطور رنا
دليلة ..." اومات ليه راسها بالإيجاب و ناضت هكاك قدامو تتمشى و غادة الحمام " ...
عصمان ..." بقى حاضيها و نتبعها و كيشوف جرأتها لي كل مرة تتفاجئو بيها .." دخلات قدات حاجتها ودوشات عاد خرجات عندوو بدو بياس "
عصمان ...لا شارب قهيوتي براكة عليا تنوصل الدار "شاف في ساعتو لقاها غادة لتلاتة ونص" ... غير سربي الربعة غيتحركو لعندها .." كملات دليلة مكلتها دغيا وخرجات هي وياه لطموبيل كيف طلعووو كسيرا نيشان الدرب ... البلاصة لي جمعتهم و لي تعرفو فيها على مشاكل و طباع بعضهم ... كيف وصلوو لقاو الخارج كتر من الداخل في الدار و الدنيا قاعدة و جالسة بالدقايقية لي غاديين بالصباح لعروستنااا رنا ...
نزل شاد ليها في يدها هو لقدام وهي وراه غادي كيسلم براسو حتى دخلو الدار بانت ليهم الحسنية تتجري و تعيط على لي يجري معاااهاا .. مشا قاصدها تا وقف قدامها
دليلة .." شدها من دراعها " .. تي وقفي فين ما نشوفك لقاك تتجري حاولي لصحتك شوية
الحسنية ..." ضحكت ليه وهزت عينيها في دليلة " ... بنتي الزينة جيتي سيري بدلي علييك و زيدي يا الله معاناا
عصمان ... الوليدة قبل من هادشي دي هادي لي قنيتة خاوية و دوي معاها ... راه عندها شي كلام ليك
" شافت فيه دليلة بتخنزيرة وخنزر فيها بما كثر " ... ديري اش قلت ليك ودوي معاها الحنانة ووريها اش كاين
الحسنية.....مفهماتش علاش كيدوي بقات غا كدور في راسهااا
دارت كيف بغى ولدها دخلتها لبيت رنا كيف بغات تدوي كعاها وهي تدخل خالة الحسنية
الام شي حاجة تحط فوق الراس بيها الواحد يربح وبلاها يخسر رضاتها تبقى مغطياك و على البرد مدفياك ... نهار طيح تحط راسك على ركبتها و تشكي همك و طيح دمعتك عليها و تبغي نصيحتها.. تلقاها مخلية كل شي وعاطياك وقتها ...
ودليلة نهار بغات تعيش ليلتها كي البنات و تفرح و تقول ها علاش صبرت داه راجلي حلالي ملقاتش دمها و معرفاتش شنو يقدر يكوون ... هادشي علاش جلسات مع الحسنية وطلقات ليها لسان وداو وجابو في الكلام
الحسنية ..." داتها جاراها لبيت رنا و على وجها مية كلمة و سؤال " .. هاني ابنيتي قولي ليا اش واقع هضرة ولدي وخوشتني ...
" يا الله غتجاوبها دليلة تا دخلت خالة لحسنية لي خاشية نيفها في كلشي "
-وابنتي تي زيدي هاه راه خاصنا نكونو في الوقت ولا غنبطرو بفطور البنت اش سايرة تسناي
خرجتها الحسنية بزز و رجعت جلست حدا دليلة تفهم منهاا و تعرف مالهاا ...
-زيدي ابنيتي خوي عليا قلبك وريحيني اش واقع
دليلة ..." عينيها كانو وسط جغفة الدم ..باينة فيها واصلة فيها لگاشوش وهازة مهازين لجباال" ... والو اخالتي تا حاجة مكتخلع بلاما تدي على ولدك شوية عقلو ممعاهش خاصنا نسوانيو ليه
الحسنية ..." شدت ليها في يديها وطبطبت عليهم " ... وجهك لونو ما صافيش ريحيني وأكدي ليا الكلام ليا فهمتو من ولدي عصمان
دليلة ..." منهار حتاضنتها الحسنية ودارتها بحال بنتها عزات عليها ومقامها صبح عالي عندها ...ترددات باش تقووليها في اللول ولكن من بعد قالت اش عندها حيت باغا لي ينفعها " ... شوفي اخالتي مقامك هنا "حطات يديها فوق راسها " و معتابراك مي ماشي عدوزتي والكلام لي غنقوليك غياكد ليك كلامي حيت انا عارفة طابعي ماشي من والا كندوي معاه فلي كيخصني ولكن معاك قلبي غيكون مفتوح و مرتاح ...
" حدرات راسها لتحت ونطقات بصوت مبحوح " ...
انا كنت مع عصمان و خاطري و نفسي بغاه ليا راجل و ملي قلت نكون ليه ونوهبو راسي مالقيش حمورية وجهي ،فهمني و شرح ليا و قال مزالك بنت و محاديتكش وبلي نوعي هاكدا...مهم كنتمنى تكوني فهمتيني اخالتي
الحسنية ..." تنهدات و شافت فيها عزت عليها و فهمت كلام ولدها ليها .. عرفتها ما فاهمة و لا قارية في هادشي شدت راسها بزيف و تكلمت معاها بجدية ..." سمعي كلامي و دوقيه و خليه حلقة في دنك و لا تزوليه ... تحميرت وجه البنت هو شرفها وجوج نقطات تاع الدم دقتي قديمة ولايني ابنت گلبي كاين لي تفرح بدمها و كاين لي ربي كتب عليها بلاش وهادي ما كتسماش فاجرة غير كلهاا ونوعهاا كاين لي داكشي يدوز عندها كي شربة الما وكاين لي راجل خاصو معاها ماهيا وما لونها مهم نتي تبعيه فشنو قاليك وهو الا كانت الحاجة بيضة راها بيضة كحلة كحلة يعني مغيزوق ليك هضرة ولا غيزين ليك لخايبة
"شداتها من كتافهاا ".....سيري انا راضية عليك ابنتي الله يبيض سعدك ويفرحك ياربي ، متخافيش ومتدهشيش غير وجدي راسك لييه وكوني مرأة يتسوك بيها الفام صباحك باقي ما خرج وغتعذبي شوية عليه ولكن كلشي يهون من بعد
دليلة ..." رتاحت من ورا كلام الحسنية " ..ريحتيني اخالتي
الحسنية ... وهادشي لي بغيت وهانتي نوصيك ثم نوصيك متحشمي و لا دهشي و لا ديري في راسك الحماق خليك كيف نتي وعيونك بوحدها تخلي الفحل دايخ و ما عارف ليه طريق ... باغيك و شاريك و سعداتك بيه راجل .. نوضي خوي بالك و هني حالك ..نقية و مافيك ما يتعاب
"جمعات الحسنية الوقفة " ... دابا ابنيتي نووضي لبسي شي حاجة تكون لايقة بالنهار و زيدي نمشيو ندوزو فطور ختك و ديك الساع ندوز لخبارك
شافت فيها دليلة بارتياح و عرفت راسها ليلتها باقة و خاصها تكون واجدة ليها ... أومات ليها بالإيجاب و ناضت خلات الحسنية تكمل على شغلها و اش خاصها اما هي قصدت بيتهاا حلت البلاكار و جبدت منو جلابة مليفة و سخونة شوية موالمة الجو شعرها خلاتو على راحتو فرداتو على كتافها و مغطي ليها عنقها ضرباتها بتعكيرة بلونها المفضل لي ميخطاهااا و لا يفوتها واخا تنطابق السما مع الارض تديرو في الاحزان والافراح.....بعد موجدات خرجات لقات الحسنية واقفة ورا الكارو تتسنى فيها .. و غير شافتها طارت عليها ووقفتها جنبها ...
بداو الدقايقية يغنيو و بنات الدرب على الفطور يشطحو ... اما دليلة مكتافية تصفق بيديها و غافلة على عينين ملي خرجت وهوما حضيينها ما قدر يحيد عليها عين و لا ينعل الشيطان ... ما حس براسو غير هو موقف الطموبيل وخارج جارها من يديها
دليلة ..." عقدت حواجبها فور ما شفت يديه لي خاطفينها " ... عصمان رخي ليا من يدي خليني مع عيباد الله وزايدون اش متبعك لينا و مخلي با مصطفى بوحدو
عصمان ..." ضار مخنزر فيها " .. متشغليش مخك بهادشي با صطوف معاه مرأة من عائلة الوالدة ... وزايدون الالة اشمن عيباد الله و لا نمي لي تمشي معاهم ....رجليك حدا رجل راجلك عيني منفلتهمش عليك و لا تا شفت شي قرد لايح عينو فيك نطيرهم لديلمو ... ركبي وخلي هاد النهار يدوز مزيان
ما لقات ما تقول ولا باش تجاوبو عارفاه حسكة و راسو يبس من الخبيزة بلا شتاء .. وقفت مربعة يديها وتتشوف فيه ... ضارت الحسنية بغات تدوي مع مرت ولدها ما لقاتها ....طولت عينيها بان ليهاا ولد كرشها موقفها و باين ما عجبها حال ... كحزت من عائلتها و مشات قصدتهم
الحسنية ..." عينيها على ولدها مصغراهم فيه و تسال و تسول في حالتو " ... غا قوليا اولد ميمتو عمري شفتك لا في هدية و لا في دقايقية اش مخليك تابعانا و مخلي شغلك
عصمان ... دارها الزمان لي كتب عليا وحدة دخل لحياتي بلا مدق في بابها .. معاكم شي حاجة تتخصني و ما خاص عينيا تفلت عليها هي لي ليا و انا ليها و شي حاجة اخرى الحنانة مكايناش
الحسنية ... اييه سعداتي بولدي لي ولا يوزن كلامو عاد يخرجو لياا حقك هداك و خا يكون القاضي ميحيدو ليك ..
" شافت في دليلة " ... جلستك حدا راجلك و رجليك يمشيو معاه
طلعات دليلة حدا عصمان خلات النهار يدوز على خير و متشعلها معاه ... اما الحسنية رجعت كملات تطبالها و تزغريتها مع ناسها و حبابها و جيرانها .. دار ياسر كانت قريبة و مبعيداش بزااف ما هي الا ثواني تا وصلو قدام باب الدار كملو على شطيحهم و غناهم على زينة البنات ... تلقى ليهم ياسر بضحكة عريضة و الفرحة باينة في وجهو و على محياه ... هبط لعندو صاحبو و خوه و عشيرو و دابا و لا نسيبو ... تعانق هو وياه وواحد يخبط لراسو في كتفوو ... اما دليلة دارتها ليه على قد الفم و حلفت ليه لهبطت من الطموبيل
عصمان ..."تكى ايديه على لباب وطل عليها بغمزة ".... شفيق هبط اخويا طلع الدار بلا متقصح راس و لا اش بان ليك نطلع و نعوجو الروايض باش نرطبوه
دليلة ..." خنزرت فيه " ... شفيق في عينيك اراجلي العزيز بغيتي نبقى في الطموبيل " حلات يديها بجوج تتوريه " ... سمعا و طاعة وحرام المرأة تعفط في كلمة راجلها
عصمان ..." وحل الباب و قرب ليها حدا وجها مخلي انفاس صوتو يضربو في وجهاا " ... هادشي تتعرفي تقوليه غا في هاد المواقف شي حاجة خرا تيهرب ليك الدين و السمع و الطاعة
دليلة ..." مقالت حشومة و لا الناس كيشوفو فينا زادت قربت ليه شوية ويتكيها تما وميعقل لا على العادي ولا بادي " ... فهمك في الكفاية " كحزت عليه " ... بلاك خليني نهود
عصمان .... ششش البگر بشوية سمعي نقوليك طلعي نص ساعة متكمليهاش الفوق وهبطي عندي غتلقايني هناا ...
" دفعاتو دليلة من كتفوو و هبطات تبعات الحسنية لدار ... كيف دخلات لقات العيالات و العزبات جالسات في الصالون و عاطيينها لهزان الوسط ... قلبت بعينيها على الحسنية ملقاتهاش و دخلات ديريكت لبيت عند رنا عرفتها غتكون تم ...كيف دخلت لاحت عينيها على رنا لي كانت لابسة قفيطين جوهرة بيض مع بليغة و تدوي مع مهاا ... غير شافت دليلة دخلات تفرگعت بالضحك
رنا ... زيدي قربي عندي اصحيبتي
دليلة ..." قربت ليها و دوات في ودنها " ... اتي مال الجلسة عوجة
" لي مستغربة من هادشي.... الشرف مهم بالنسبة للبنت مقلناش لا و لكن الفكرة ديال السروال يخرج و يشطحو عليه لي مبغاتش تدخل ليها لراسها داكشي كيف تتعرف خاصو يبقى بين الراجل ومرتو " ... ولكن اخالتي هادشي راه مبقاش وعاد زيدي بحال هاد الامور خاصهم يبقاو بيناهم بجوج
الحسنية ..." حطت الصينية و تقابلت معاها " ... شتي ابنيتي هاد الناس لي برا و زيدي عليهم تا انا عقلنا قديم و هذا ما موالفين من زمان في دواورنا وراه هاد الجقلة لي جاو غا على قبل الصباح ...
" هزت الحسنية الصينية و دليلة ملقات متقول غير انها طلع حواجبهت لسماا ... خرجات رنا شادة فيها و الحسنية قدامها تزغرت ... ناس الدرب و حباب العروس هزو بنادرهم و طعارجهم و عطاؤها الغنى على السروال و هازينو "
عفااها عفاها ورنا حمرت وجه باها ... و ها هو باقي حمر راه هو تاع الفجر و ياسر يا سيد الرجال ديتي لالة البنات
فرحو العيالات برنا و غناو و شطحو ليهاا ... تفرق الحليب و التمر و تطلات الحنة العزبات باش ربي يحن عليهم و يرزقهم زوج يخاف فيهم الله ... كانت الحسنية مشغولة و بالناس قايمة تا وقفت عليها خالتهاا لي دوات ليها في وذنها
-..." عند بالها صوتها خفيف و ما سمعها حد " ... وسروال عروستك شطحتي عليه
الحسنية ..." دارت شافت في دليلة لي كانو عينيها قرطاس و بغات غير كيفاش دوز ليها ... جرت الحسنية خالتها بعيد شوية و تكلمات معاها " ... مرت ولدي عزبة و لالة العزبات زينة و غزالة و اي مرأة لولدها تمنات ... ولدي خرج من تحت يدي و المرأة على كلام راجلها تمشات و هادشي كيبقى بيناتهم اخالتي و لا لا
- اييه مقلنا عيب ابنت خيتي غا هو الأصل و القاعدة هي هادي و لا نخلفو بيها و لا ندفنوها في تراب
هادشي كولو و دليلة حاضياهم غير من بعيد جمعت الوقفة و قصدت خالة الحسنية
دليلة ... " حواجبها معقودين و نيوفها يتسدو و يتحلو غا وحدهم " ... سمعي الحاجة نقوليك داكشي تاع الهيلالة بقا في زمانك وخليه ليك ... و الى ضاربكم الباشا حمو و باغين تشوفو الدم نعضركم سيرو دبحو معزة و تمرمدو فييه و فرقوه صداقة المحتاجين باش ربي يغفر ليك على ماكلة لحم الناس
الواحد ملي يبغي يدخل سوق جواه و ميحادي حد كيخرج ليه واحد يا يقلب عليه بعينيه يا يسول عليه بفمو و لا قصح وجهو يجي يقصدو ... وهادشي لي وقع لبنتنا بقوة ممسكتة فمها ومصبرة راسها على عائلة حسنية بقوة متماداو وهادشي متقدرش تسكت عليه كلاو خالة الحسنية خلا الدم يطلع لدليلة الراس و مديرش كنترول لفمها و لا تعرف اش تخرج ... من ديما كتميك وكدير راسها فدار غفلون والا كام الواحد لكبير تحتارمو و تحدر ليه الراس بالحق لي تمادا وقاسها و قجر عليها تقدر تقلب عليه الفيستا و تولي وحدة خرا من غير البنت مولات العيون الزرقة ...
لاحت عليها كلام قاصح مخلية لمرا غا كضور فعينيها مكانتش متوقعة طولة لسانها قدااش ...الحسنية خافت الا مشات دليلة ختى عبطات بديك الحالة الفطور يولي عشاا مشات وراها شداتها في دروج حاطة عليها يديها الدافيين
الحسنية ..." بعينين مترجيين الخوف سيطر عليها و من حقها ولدها و عارفاه اش كيسوا طول عنرو زايد نغزة وكيفهم غا لي بغى " ... انا مزاوگة لما رجعي ومسحيي فياا... ولدي اليوم يرب لينا الدار و منلقى فين نخبي وجهي على الناس ..
دليلة ..." طبطب عليها مطمناها ومهنياها من جهة هاظ الهضرة " .. لواه اخالتي ولدك حفضتو و فهمتو منقدر نقوليها كلمة و لا نزعم نعرفو بالكلام لي تقال ليا ... غير هو فاش وصلني علمني باش منتعطلش و نهبط عندو دغيا وها انا نازلةة غير رتاحي وكملي فطوورك على خيير ياما سمعت كثر من هاكداا ومدرتش فبالي
الحسنية ..." عنقهااا و قربتها لحضنها بحنية لي حساات بيها بطلتنا ووصلاتها " ... الله يكملك بعقلك ابنيتي و الله يرد بداك الراجل عندك ...
دليلة...." ضحكات ليها و وسلمات عليها "......سيري كملي شطيحك وبوسي ليا رنا قوليها تا نرجع مع صعصع نشووفها ...
هزات الحسنية براسها وكل وحدة فيهم قصدات طريقهاا ....وحدة غادا لناسها وضيافها وقبل لخالتها توريها خبث كلامها....وتانية هبطت لعند سي سيد لي لقاتو في الباب داخل عندها "
دليلة ..." دفعاتو من صدرو " ... فين مدرم و غير العيالات لي كاينين الفوق
عصمان ..." حط يدو على جنبها و كيحرك صباعو مطلعهم ومنزلهم " ... شنو نفهم مرتي غارت عليا راه لحبك كون تعطلتي كون لقيتيني عندك تم
" خبطات على كتافوو حتى طاق ضحكاتو لمرجلة ، جرها من يديها و مشا بيها الطموبيل طلعها و رجع طلع حداهاا ... و حرك الروايد لدارهم لي كانت في نفس الدرب و مبعيداش ... كيف كيقولو عطس ها انت وصلتي ... وقف حدا باب الدار و دار تكلم معاها
عصمان ..."حاط و على حنكو "... هبطي دخلي للبيت هزي شي حاجة تحتاجيها
دليلة ... " شافت فيه بعيون متسألة " ... علاه فين غاديين و اش غنحتاج مثلا
عصمان ... وزعما راجلك متوريه شوميزات لي خديتي و لا تمتعي ليه عينيه ملي تبقاي نتي وياه الراس في الراس و تنعلي الشيطان عليه .
دليلة ..." قربت وجهاا ليه " ... عوج الكرويلة ا عصمان وراجلي نمتعووو و انا سيفيل داكشي ديال شوميزات من شوفتهم خنقوني لهماا على البر و شكون بحالك
دخلات لدار و هزت لي بغات و لي رتاح فيه خاطرها ... موديلها موديل الدراري و الزوافزيا ما تبغي شوميزات و لا لبسات رقص تعرف غير الصح و العمل وشي حاجة خفيفة تلقى فيها راحتها وتكون قادا تحرك
خرجات لعندو بجلابتهااا وسبرديلة في الرجل شعارها وواخا هاكداك عطاتها حلية من نوع خاص ... سدات الباب بعد محطات صاك اللور و دارت عندو لايحة عليه غمزة ...
دليلة....هزيت ليك شي حوايج على ذووقي ....
عصمان......متأكدة هزيتي حوايجي ليا ماشي ليك ...
خسرات فيه سيفتهت حتى جبدها لعندو من عنقهااا معنكشهاا... عفط عفطتو لوجهة لي قاصد في طريقهم داز لعند ريسطوو خاص بجميع أنواع الحوت و السلطات ديالو هبط و تقدا من كل فن طرب و منساش لراسو الهريسة بيها باش يبنن فمو و يزيد يزيان الحوت ... رجع عندهاا لقاها طالقة اغنية بختة و تتحرك صبعها معاها
عصمان ..." ركب في مكانو و دار سانتيغ ديالو ودار عندها " ... بختة ديالي تتاكلي الحوت ولا نلوح موو مع الشرجم
دليلة ..." ؤفعات حاجبها " ...الا جبتي معاه الهريسة والحامض تكون درتي بات ومت لمزياان
عصمان.......يتوووووووب علييييك
دليلة....."حطات ايديها على فمها مخبية ضحكتهاا لي بينات سنانها....بقا شحال وهو كيشوف فيها كيشوف البنت لي من اول نهار شافها و كيفاش كانت مقصحة قلبها عليه ها هي ولات ليه و لي يقول العكس نهار كحل و يكتب عليه بالبيض ان لله و ان اليه راجعون ... رجع كسيرا و طريقو كلها وهو شاد ليها في يديها و يغني مع الاغنية ... يدندن بصوتو ومرة يهز يديها يبوسهاا و ترجع تعاودها ليه ... دليلة في إحساسها صادق وفاش تتبغي متتخبيش و لي حسات بيه و خاطرها شكات يحاسبها لمدارتش ديك الحاجة بلا متفكر ديرها واخا تكون على حسابها ... محسات غير بيه واقف ثاني و هاد المرة قدام العطار ...نزل من طوموبيل وخلاها دخل لعندو ما خلا گرگاع ما خلا لوز و زاد كمل بالاكاجو خلص وتيسر غير طلع حداها وهو يمد ليها الصاشي ..
دليلة ... اش هادا و لاش دخلتي تم
عصمان ..." راد لبال مع طريق وكيدوي ".. ...حلي و كولي راه مزيان ليك تابعك ليلة طووويلة ميقدها سوايع و ليل و لا نهار
دليلة ... قادة بيك المرضي و فايتاك لهيه لي قدامك دليلة ماشي عارضة أزياء المجلات ...
" ضحك على كلامهاا لي خارج من قلبها و متتزوقوش تحركو الاوطيل كيف وصل كان ديجا مريزيرڤي نفس البيت ... لغى اي طلب الماكلة و لا شي حاجة توصلو الغرفة كان مقدي و موفي خدا ساروتو و طلعو في الاسنسور ... ايد هاز بيها الصاك لي فيه لحوايج والبلاستيكات لي شرا ويد شادها بيهاا
جا لجنبها وحط يدو على خصرهاا جرها لعندو خاشي وجهو في عنقها ...ترفعات وتنهدات مع هاد الحركة واحاسيسهاا خدمو ...
عصمان....."كيدوي مغمض عينيه مصابرش عليها وهي بين يديه......طبع قبلة اسفل عنقهاا ونطق"... بدلي حوايجك و اجي تعشاي ...
دليلة ..." رجعات ليه بدل لبوسة بوسات وحدة في عنقو والاخرة اسفل ذقنو ".....فخبارك ماشي غا نتا لي كتعرف تبووس تا اناا نقدر نحنتك
لاحت عليه كلامها بدفى مع غمزة خدات شنو غتحتاج وقصدات دوش مخلياه متكي على شرجم وعاض على فمو وكيتحلف عليهااا ...دوشات وعقلات على راسهاا مزيان ...لبسات كسوة سميطات بالكحل توب ستان كانت هابطة تال لتحت ..طلقات شعرهاا وعطرات حالتها بريحتها عاد خرجات ليه كان باقي على حالو بلا حوايج واقف في شرجم كيكمي ومحاول يبعد عليها ريحت الگارو قدر المستطاع باش متعيفش و لا تشهاه ... خلاتو على خاطرو حتى ضار و لقاها دايرة رجل على ختها و جالسة في بأنوثة نص في فخدها كيبان من الفتحة تبسم ليها وتم جاي قاصدها مشرع يديه
عصمان......"هز ايدها وعضها بخفة ".....نقول بسم الله ونبدا بيك ....
دليلة......"ضحكات بمياعة لي شافها يحلف عليهاا من باطرونات لكبار "......خليني انا لديسير وبدا بلي فوق طبلة
عصمان .......شهيتي لديلمها باغاك غا نتي وخايف عليييك مني...." شاف فيها و تكلم معاها بجد " .. دليلة سمعي ابنت الناس الكلام لي غنقوليك و لي بغيتيها انا معاك ... واش نديك الطبيبة و تسهل عليك القضية و لا شنوو حيت ديال بصح خايف عليك مني
دليلة ..." هزت حاجب و هبطت خووه " ... تا مالك تسطيتي تتقبني مراا ونتا اش كدير ...
عصمان ..." حط يديو على فموو " ... ما قلتي عييب عقلي على هضرتك ...يالله كولي وشبعي وانا معاك ليومة حتى تشووفي اش باغا
جالس مسند على لكادر ديال الناموسية حال دراعو ليها مخليها مخشية فيه كتلعب بشعرها ...كان كيدي ويجيب معاها في الهضرة كلمة مني زوج منك....بوسة هناااا لمسة ايد فالتة دازت من لهيه...باغي يخليها ترخى وتطلق واخا كانت باغي غير امتى يتوكل على الله وتبين ليه بلي هي بنت وبمية راجل وواخا عاشت حياتها كاملة بين الطرقان وفخدمة الليل مع لي ساوي ولي لا ولكن ممخلياش ولد لمرااا يحط يدو عليهاا ......اما هو الحوت مع العصير مع لي فخوي صيك ونزيدوها عليهم لي كانت بين يديه كتمشي وتجي عليه صافي جابو ليه لكاو وتمام ....
باسهاا في حنكها وناض شعل التلفازة مجهدهااااااا على اللخر كان متاكد بلي صووتها غيتسمع فكازا كاملة ولكن معندو ميدير ليهاا....قرب ليهاا عينيه على عينيها ويديه بدااو يتساراو فيها طلوع ونزول كيتعرفو عليها فكل مرة كتعجبو كتر من قبل ...كتسطيه وتخليه باغي عليها يهبل.....بدا كيبووسها كأنو عمروو ذاق شفايفهاا ولا هادي اول مرة جسمو يلامس لحمهاا...حرارتو طلعات وهي تقوول واش الحشمة معاها سرات بالعكس ترخات ومشااات ولي دارهاا تبعو فيهااا لي شافها يقوول هاد البنت منين تعلمااات
لبووس بنسبة ليه ميبرد جووف بعد مداق وصل لوقت فين يغمس....لاح الكسوة لي بالخف تنصلات الارض وهز مخدة حطها تحت ظهرها باش يسهل القضية عليه وعليهااا ...كانت قدامو بحال نهار ولداتها مهاا دايرة كيف قطيب الغزال طول مع شوية العرض موفياه ومكفياه وملية ليه عينيه وبيها رااضي وقاانع وبايس ايديييه كف وظهر .....زوق لحمهاا ببوساتو المفرقة لي كل بلاصة وكيف كيكون حرهم مرة مخفف ومرة يزيد فلادووز شابك يد وحدة وجمعها مع يديها بزوج باس جبينهاا وقال بصووت شبه مسمووع
عصمان.......ايدي عندك ديري فيها مبغيتي ووقت لي مقدرتيش فيقيني ومتنستيش بلي انا عارفك شكون نتي واش كتسواي وكنموت عليك كيف ما كنتي
" حسات بالخلعة من ورا كلامو قلبها خفق...ورجليها رجفو بالحق قصحات قلبها وصبرات راسها بلي ليلة ودايزة بتاسمات ليه محركة راسها ......ابتسامتها عطاتو الاشارة الخضرا ....كان بكلامو وبوساتو لفوق كيلهيهاا ويصبرهاا على الحرب والعذاب لتحت منها ...مغادينش نقولو صبرات ومتألماتش...بالعكس كل حرة الم لايديه ترجماتها بعضة ....بووساتو ولمساتو مبقاوش قداو فيهاا ولات كتحرك من تحتو ندمانة على نهار لي قالت ليه باغا نشووف الدم ومايجي منوو ....بالحق زير عليها وممخليهاش تتململ
عصمان ......" العرق في جبينو وظهرو وصدرو كيكحب...شعرو سرد...شفرانو تلصقو كان داير جهدين فوق جهدوو ".....متحركيييييييش وصبرييييييي شوييييية
دليلة......." سادا على فمها والاه عندها كتطلع مخلطة مع معيوورها "........ااااه صافي نوض بعد الله يلعن نهار لي تولدت فيه گاع كون جيت رااجل ااااه ولا بنتت
عصمان........." كان كيدفع وفنفس الوقت ايديه كتميح على وجهاا ويطبب عليها "......هههه سكتي ابنت الهم ،لقيتيني مكايس عليك حيت كنبغيك
دليلة....." باغا تنوضو من عليها ولكن مقادراش فشلات وعيات "....اصلا نتونا رجال تجيو لهاد المواقف وگاع لكلام لمعسل تقوولوه فهاد اللحظة نقولوك ارا گارو وتمدو ليا ماشي فوعيك...
عصمان....."ضحك وعينيه حمرين وثقال ومعسلين تقوول ضارب الشيشة...هبط بفمو لعندهااا وطبع بووستو لحنينةة لي حساات بقشعريرة من وراها غناااتهاا على قوة الدفع لي محسات بيهاا حتال اللخر وحتى كان قضى الغرض بعد مرة وزوج وثلاتة وسبعة مع الالم الاخير لي حسات بيه مع العضة لي دات بيها فموو وغوتات .......
~~~~
بعد ما روى عطشو منها كثر ماروات عطشها منه ...بعد الألم الشديد والطاقة المبذولة الممزوجة بلذة النشوة .....
تكى جنبها وهي باقا مسمرة ...حاسة بأنها إذا تحركت من بلاصتها غتزيد تتألم ...دخل يده تحت عنقها ...
وقرب ليها خاص هاد الليلة بالنسبة ليه تعاد عمرو ماعاش وماعمرو غيعيس مع غيرها في حياتو شي نهار بحال اليوم ...هي رغم الوجع اللحظي فرحت من ابعد نقطة فقلبها نزلت دمعة وحدة من جنب عينيها فرحا لنزول دم عذريتها لي حيت بيه ..وهكذا كملت اول ليلة فحياتهم الزوجية فالتحامهم اليوم فقط صارت زوجته حسب تفكيرها أما هو من اول يوم دق قلبه ليها كان عارف انه ليها وهي ليه ... جرهاا ليه لايح عليهم الغطا وغرقو بعدها فبحر النوم بعد ماسبحو طولا وعرضا فبحر الحب والنشوة
ضرباتها الفايقة مقادراش تحرك تحتها طلات على ليزار بان ليها دم بزياادة وهي تبدا تفيق فيه
دلييلة......."كانت مخنزرة وكتبكي زوج دمعات من العين، بدات تحرك فيه وتفيق تا ناض حل عين وساد لخرا خلعاتو معرف مالها وباش كتحس "......
عصماان.......مالك باش كتحسي
دليلة.......كنحس بتحتي مبنج.....اويلي اش هاد الدم كلو...گاع الدم لي فيا خويتيه " بدات تضرب فيه "....نوض ديني لسبيطار واقلة تشللت
دليلة الجزء السابع
محتوى القصة
التنقل بين الأجزاء