العايلة مولاتي الجزء الخامس

من تأليف الكاتبة 338
2020

محتوى القصة

رواية العايلة مولاتي

عثمان ~ ههه واخا الالة مايكون غير خاطرك ...
حركات راسها فرحانة واخا مكاتبينهاش ديما مخلية نصف تبسيمة على فمها ومطلعة حواجبها وراسها، تحط ليهوم العشا بالموس ولي فورشيت مع كل واحد والكانيط ديالو، هي بدات تحقق فالطبسيل باش تشوف بلي تحطات ليها الكبدة، بغات تجذب تفو كون غير طلبات الدجاج حسن، بدا هو ياكل وتاهي هزات الفورشيت والموس تخدم البريستيج، كيف داقت ماحملاااتش ديكشي، هي ماعندهاش مع الكبدة بحال هاكاك، طلع عينو شافها قارمة وغير كتشوف فالطبسيل .. 
عثمان ~ شنو ماعجبكش ..
وسناء ~ امم ..
عثمان ~ واش تاخدي شي حاجة أخرى ! ..
وسناء ~ " حشمات تقول اه وفنفس الوقت لقالت لا غاتجيبها فراسها " ماعراافتشي ... 
دور راسو كيضحك بلا حول ولا قوة إلابالله وعلا يدو ثاني عيط لسيرڤور من جديد وضموندا ليها على شوارما .. 
تاجابها ليها عاد كلات هو بقا غير كيضحك عليها .. سلاو العشاء ديالهوم عاد ناضو خلص .. ومشاو محركين كان فيها الموت دنعاس مع كانو تساراو السوق مزيان .. وهو كامل عامر عقابي .. 
وصل لدرب بلاصا الطوموبيل كان الضلام الوحدة دليل غير الفوانيس لي بديكور زوين شاعلين فالحومة .. نزل من طوموبيل ودار لعندها حل الباب شاف فيها لقاها غفات ..
عثمان ~ " حركها بشوية " وسناء .. وسناء .. 
وسناء ~ ممم ..
عثمان ~ يالاه أحبيبة وصلنا نوضي نمشيو لبيت ونعسي ..
حلات عينيها مدوخة العيا دالعرس عاد كيرجع عليها نزلات ماكاتشوف تاحداها مخليالو التقدية عاد تم جايبها فيدو تاوصلو لباب ديال الرياض تقدم هو حل بالساروت عاد دخل وسد الباب، ورجع زيدها باش تمشي قدامو وهو موراها .. الرياض غير الفوانيس ديالو لي مشعولين والخصة دالما ضاربة فيها الݣمرة وصوت بورجيج مسمع تعلي عينيك تبانليك السما صافيا وعامرة بالنجوم والسكاات وكولشي ناعس، تقدمو لدروج كيشوف السيدة مدوخة ..
عثمان ~ " بصوت خافت " وسناء صبري .. 
تحرك عندها ورجع التقدية كاملة فيد وحدة وجرها تكاها على كتفها من الجهة الأخرى ومشا طالع بيها فالدروج تاوصلات لبيت فتح الباب بصبعو ودفعو برجلو تادخل، هي تما مشات نيشان لناموسيتها وتلاحت، تاحط هو التقدية ورجع سد الباب عاد دار شاف فيها تنهد وتحرك لعندها حيدليها السنيديلة، والشوميز خلاها غير بدوبياس ومشا فتح الماريو جبد التيشورت لي كاين تما ورجع عندها نوضها وهي متكية ميتة بالنعاس غير كتمتم لبسها تيشورت عاد رجع هبطها بعدا تالابقات بسروال دجين ماشي موشكيل، مد يدو كيلمسها والضو دالݣمرة داخل من الشرجم إبتاسم بشوية على الطريقة باش ناعسة ورجع حنا باسها فجبهتها عاد ناض حيد حوايجو ودخل لدوش، خرج كيمسح شعرو لابس غير الشورط والفوق عريان ومشا تلاح حداها بعد مارد عليها ليزار ...



صبح صباح وشرقات الشمس عماتها فعينيها ناضت كتكسلورات عينيها كتفكر فين كانت قبل ماتنعس، هبطات عينيها وحطات يديها جنبها مالقات تاحد، لقات البلاصة مخربقة، عرفات بلي نعس حداها، تاكتسمع الباب كيتفتح علات عينيها كيبانليها هو داخل بسروال دالكيط فالأسود، وتيشورت فالݣري وهاد المرا شعرو هواد ماشي كيف ديما مطلعو بجيل .. 
عثمان ~ صباح الخير ..
وسناء ~ فووياح جينا البارح !!!؟ ...
عثمان ~ " جاي وكيقرب ليها " مع ديك 12 دليل، بانليا عيتي ؟ ..
وسناء ~ " باقين عينيها منفوخين وهضرتها ثقيلة " وااه ففف العيا دالعرس .. 
عثمان ~ " قاسها لجبهتها " نوضي دوشي ترتاحي ..
وسناء ~ ديكشي لي غانعمل ! ( شافت فيه ) نتينا فاين ماشي ؟ ..
عثمان ~ الواليد بغاني فشي شغل ! محتاجة شي حاجة ؟؟ ..
وسناء ~ تو تو ..
ماحسات غير نزل لعندها وباسها فحنكها ..
عثمان ~ لاكنتي عيانة نݣول لشيماء طلع ليك الفطور ؟! " حاط صبعو على الذقن ديالها " مم ! ..
وسناء ~ " كترمش بشوية وتعسل فعويناتها " لا غير خاالي غانهاواد بووحدي ..
عثمان ~ لي بانليك ! يالاه هانا غادي ..
وسناء ~ بسلامة ..
مشا فتح خرج خلاها ناضت عاد شافت الشوميز محطوطة فوق الكورسي دالكوافوز وهي لابسة تيشورت فالأبيض ديالها .. تنهدات ودخلات لحمام ضرباتها بتدويشة ترجع فيها الروح عاد خرجات .. لبسات دوبياس فالأسود وهزات قنيديرة خفيفة صيفية فالأبيض لبساتها على اللحم .. جاتها زوينة جمعات الشعر كعكة باقي ماناشفش ودارت الذهب ديالها رشات من ريحتها وذهنات الكريم مرطب لوجها ويديها .. عاد هزات تيليفونها ولبسات شربيل فالأبيض ومشات هاطبة ..
وصلات لتحت لقات المراح خاوي عاد سمعات الهضرة من الصالون مشات تادخلات لقات الباتول وياقوت ويامنة وفاطمة الزهراء مجمعين .. 
كيف شافوها ياقوت بتاسمات فرحانة ..
ياقوت ~صباااح الخيير أبنتي كيصبحتي مزيان ؟ ..
وسناء ~ " حيدات شربيليها داخلة " الحمد الله .. 
فاطمة الزهراء ~ بصحة أحبيبة قاتلي ماما البارح خرجك عثمان تشوفي فاس كيجاتك ..
وسناء ~ " ݣلسات حداها " غزاااالة كااتحامق ولااهيلا ..
ياقوت ~ " كتعيط بجهد " السعديييييياااا واالسعديييااا جييبيي للاك وسنااء الفطووور دياالها ..
الباتول ويامنة غامخنزرين .. وهي شدات الهضرا مع فاطمة الزهراء وياقوت كاتعاودليهوم على فاس ولي عجبها فيها تاحطات ليها السعدية ( الخدامة ) الفطور وكحزاتليها الطبلة، ياقوت دارت كتلهي الباتول وتجبد معاها الهضرة باش كاتبقاش حاضيا وسناء ..والأخيرة بقات مجمعة مع ختو كاتاكل دغمة دغمة ودايرا رجل فوق رجل ..
تاشوية ناضت ياقوت ويامنة يوجدو الغدا .. بقات غالباتول ساااكتة وكتسمع لحديث البنات ..
وصلات الوقيتة دالغدا وهو يدخل عثمان وإدريس وولد عمهوم ولد رشيدة .. تم نيت لوات فاطمة الزهراء عليها الحجاب أما وسناء هبطات راسها مين هبطليها ولد عمو راسو كيلقي عليها التحية باركليها ومشا ݣلس حدا جداتو وعثمان جا تاݣلس حدا وسناء وحط يدو مور ضهرها فوق الوسادة ..
عثمان ~ " همس غي بينو وبينها " كيبقيتي صاڤا !؟ ..
وسماء ~ " كدور غير عينيها بشوية " بخير .. 
عثمان ~ فطرتي ؟ ..
وسناء ~ اه قباايلة ..
عثمان ~ نوضي جيبيلي معاك واحد كاس دالما ..
وسناء ~ واخا ..
كيف ناضت حط عليها عينو وبقا متبعها دوك السوتيامات فالكحل أراك من بعيد تحت من ديك القندورة البيضة، تاخرجات من الصالون وشوية رجعات جايبا فيديها كاس دالما مداتولو ..
عثمان ~ شكرا ..
ݣلسات حداه كمل كاس دالما ومدوليها حطاتو فوق الطبلة تارجعات .. تكات وهي تحس بتشحيطة ديال السوتيامات تضربو ليها مع الضهر دارت قافزة لاباس لي ماغوتاتش، خرجات فيه عينيها غير مصدومة ..
عثمان ~ " بشوية ومحافض على الهدوء ديالو " نوضي بدلي عليك هادشي ... 

حشمات مااراا وبقات غير كتشوف بلعات الريق ديالها وسدات عينيها بعصبية وناضت كتخبط برجليها تاخرجات من الصالة، ومشات طالعة لبيتها دخلات وهي تزدح الباب تعصبات ومااااارضاااتش يديرليها هاكاك .. 
وسناء ~ " غادا جايا وكتفتح فداك القندورة " ياااااانااا يعملييي هااااايدااك ..وااخاا لييماااك واااخا ...شووفتي شووفتيي مييين كااضاااسر علييك بنااادم شنيي يوقااعلييك بلحاااق وااخاا .." طلقات السيور " علااش داباا انا كاانحاايداا علااش ..ماللو شووغللوو يمشيي يخراا أنا هاايدا غانبقا واصلاا ماافييا لي يااكوول ديييك الغداا دياالووم يربححوو بيه ..
رطلقات شعرها معصبة ودوراتو بجهد كيضرب بالقطاري دالما تارجعاتو جنب وخطفات الفوطة كتنشفو، تاسلات ورجعات هزات المبرد كتبرد فضفارها .. بقات تما ماهوداتش تاشوية تفتح عليها الباب وهو يدخل .. 
عثمان ~ " دخل وسد الباب كيشوف فيها " ماغاتغدايش ولا شنو !؟ ..
وسناء ~ " جاوباتو مبردة مكاتشوفش فيه كتبرد ضفارها " ماكيخسنيشي ..
عثمان ~ راه اللحم ديالك كامل كان كيبان واش عاجبك الحال هاكاك مافهمتش !! ..
وسناء ~ " حطات المبرد بالنفخة فوق الكوافوز تاتزعزع وضارت شافت فيه " كيييناااا الصااااهد مااغادييشيي نلببس ياانا عووشريين شااروييطة بااش بناادم ماايشووفشيي فييااا ولاكوونتي غاتزوجنيي باااش تلوييني نبقاا فدااار يمااا حساااان مرتااحةة شبييني ياانا وبيين شيي زواااج اووووووف .. 
ناضت كتنفخ معصبة دخلات لطواليط وزدحات الباب بجهد .. غمض عينو كيبرد النفس ديالو تنهد بجهد ومشا خارج من البيت .. 
بقات تاسمعات الباب تسد عاد تمات خارجة ..
وسناء ~ أناا غاانوررييك الزاايغة نعااالمك تحوووط علييا يدااااك .. 
ݣلسات تما من الغدا تالعشية حرام ولا خرجات ولا عتبات الباب وتاهو مجاش عندها وصلات لخمسة جاها جوع ومع ذلك صابرة كرامتها فوق كولشي بقات معددة ومحملاتوش مايرجعش يشوفها ..
وسناء ~ " كضحك بالفقصة " هه ولاااهيلا شووفليييك اللخراا مااجااشيي يشووفنيي .. سمعات تيليفونها كيصوني لتافتات بسرعة هزاتو تاكاتلقا مها عوجات فمها وبردات نفسها ݣلسات فوق الناموسية وجاوبات ..
وسناء ~ ٱلو ممّا ..
حبيبة ~ ٱلو تيي فيينك البارح عين مانعيطليك فليل ؟ ..
وسناء ~ طفاالي تيليفون كييف نتيينا كييف وصاالتو ؟! ..
حبيبة ~ الحمد الله لقيتي يالاه تفرقات العايلة ..
وسناء ~ مزياان كيفنيا روديينة زااينااب مزياانين ..
حبيبة ~ هاهوما حداها كيسلمو عليك ..
وسناء ~ دوزلي زااينب نهضاار معااها ..
ݣلسات مجمعة مع مها وختها وبنت خالتها شي جوج سوايع .. بعدا نسات شوية أش كان واقف تاكيتفتح الباب هي كتسلم عليهوم .. ودخلات شيماء .. 
وسناء ~ اه يالاه اممّا تانعااود نهضاار معااك .." قطعات ورات تشوف شيماء " اهليين فااين كيف نتينا ؟! ..
شيماء ~ " قربات تسالمو بالوجه " لاباس ونتي بيخير غابرة فهاد البيت ..
وسناء ~ لا يا ختي جباارتيني كنرااجااع العياا دالعوورس ..
شيماء ~ وااييه كيبقا شي عيا غاارييب وادلاهيلا ..
وسناء ~ اييوا شكااتعا فاين كونتي تانتينا ماشوفتكشي ليوما ..
شيماء ~ اليوم ياختي مشيت عند خديجة غادي تخرج مع راجلها ومشيت لصقت فيها يالاه وصلوني دابا عاد ..
وسناء ~ مزيان أحبيبة بالصحة .. 
شيماء ~ الله إعطيك الصحة ..
كملات مابداتو مع حبيبة مع شيماء تادازت شي ساعة خرجات خلاتها كتشوف فتيليفون الساعة ..
وسماء ~ لا والله تااعااايق هاد الخراا شني كييستنا زااعما ياانا نجيي عاندوو اييوا تاماتكونشي إسمي وااسنااء خاالييك تمااياا والله ماندييها فييك .. 
حطات تيليفون وناضت خرجات من البيتيديك القندورة نيت والله مابدلاتها، لاحت غير السالف مور الضهر وعاودات رشات الريحة وتمات هوادا نيشان للكوزينة دخلات لقات ديك السعدية تما كتشقا ..
وسناء ~ سلام ..!!
السعدية ~ اهلا لالة وسناء أش حب الخاطر ؟ ..
وسناء ~ كينا شي حاجة مايتكال وسمااحلي بلحاق كان رااسي كيحرااقني ماقداارتشي قباالة نتغادا .. 
السعدية ~ غير قولي الالة أش باغا أنا نصايبوليك ..
وسناء ~ لا لا بلاش غير خاليني أنا غانشوف شني كينا ولاحتاجيت شي حاجة نقولالك تشووكرا الحبيبة .. 
السعدية ~ مرحبا الالة ...
مشات حلات الثلاجة ديال جوج بيبان كبيرة تبارك الله وعامرة، هزات منها الفرماج الصفر والكاشير وقرعة دالعصير وسداتها حطاتهوم فوق البوطاجين ودارت عند السعدية ..
وسناء ~ كينا الخووبز ؟ ..
السعدية ~ أه عايني هاني نجبدوليك ..
جبداتوليها وقطعات طرف بدات تقاد فيه قطع الفرماج تاكادخل عليها منال ..
منال ~ اهلاا وسناء لاباس عليك .. 
علات وسناء عينيها مطلعاها معاها من صبع رجليها الصغير لزغبة اللخرة من شعرها ..
وسناء ~ " بضحكة صفرة " وااعاليكوم السلام الحاامد لله ونتييييينا !! .. 
منال ~ صاڤا .. شكاديري هنا ..
سدات داك الطرف دالخبز ودارت متكية على البوطاجين ..
وسناء ~ إيوا شني كييقييو الحبيبة دياالي فالكوووزينة !! ..

منال ~ " طلعات حجبانها وهي تبتاسم " هه عادي كياكلو .. 
وسناء ~ " دارتليها ضحكة صفرة " إيواا صاافي تايانا كنااكول ههه .. 
منال ~ بصحة أحبيبة ..
وسناء ~ الله يعطييك صااحا ..
منال ~ " بإبتسامة " يالاه نخليك دابا جيت ناخد غير ضانون لسهيل .. 
ماجاوباتهاش ودارت كتكمل الخبز ديالها أما منال حركات كتافها بإستفهام وخدات لي بغات وخرجات من الكوزينة .. 
وسناء ~ عااد غاتجييو تواارييوني كيف نعمل معاكوم مكاانتييقشي فدييك الضااحكا دحبيبة فلوااال .. 
السعدية ~ نعام الالة ؟! .
وسناء ~ " قلبات عينيها " ماشي معاك .. 
قادات داكشي فبلاطو ومشات خارجا من الكوزينة غاترجع لبيتها تاكاتصادف عثمان داخل مع باه .. قلبات عينيها وتاهو طلع عينو وشافها غادا طالعا وباقا فنفس اللبسة ورجع مكمل الحديث مع باه ...
دخلات لبيتها وحطات البلاطو عاد جبدات داك القندورة ولبسات بيجامة شريط قصيير والفوقاني ديالو فشويبي وعاد بينوار مشبك فالأسود مفتوح على البيجامة .. خلات شعرها مطلوق ورجعات غسلات وجها وعاودات الكريم الليلية لوجها وكريم ديال الجسم ورشات ريحتها ثم مشات د جرات داك البلاطو كتاكل وهي كتشوف فالتيليفون تاسلات ناضت حطاتو فوق الطبلة ودخلات غسلات سنانها وقضات حاجتها جات خارجة تاكاتشوفو هو داخل .. دارت راسها بحالي ماشافتوش أصلا ومشات باش تهز تيليفون تاكيخط يديها وكيدورها عندو .. 
وسناء ~ شكاااتعمل طلاااق منييي .. 
عثمان ~ " زاد شوية على النبرة ديال صوتو " وسنااء سمعي بعدا .. 
وسناء ~ " مخرجة تاهيا عينيها فيه وباغا طلق يديها من يدو " شغاانسمااع شنيي بااااغيي .. 
عثمان ~ مافهمتش أنا كيغاندير نتعامل معاك إلى ماعطيتينيش الون نتعرف عليك .. 
وسناء ~ تعارااف ولا ماتعااراافشي شووغلك هاادااك تاتشووف رااسك نتييناا كيف كااتعاملنيي ..
طلق من يديها ووقف كيشووووف فيها، أما هي بقات كتلمس فيديها كيف كان مزير عليها ورجعات خنزرات فيه .. 
عثمان ~ دابا غادي تخلينا نهضرو بشوية ولا غادي يقاو هاكا !! ..
وسناء ~ " ربعات يديها كتنفخ " شنييي !! ..
عثمان ~ أنا مين هضرت معاك فالصباح .. ماشي نقصت منك بلعكس مارضيتش لي ينقص منك، خوتي منبغيوهومش إشوفوك بديك الطريقة .. " عوجات راسها زعما كتسمعلو مطلعة حاجب ومنزلة الأخر " ساعة الله وحنا ماشي ملاك راه إنسان غايطلع عينو غاتبانيلو بديك اللبس المفضوح،راهوالكمالة من راسك ... فيك الصهد قلتهاليك فالصباح ݣلسي فبيتك وبقاي حتا بسليب " هبطات راسها معصبة ماحملاتوش إقول هاكاك " وتمرحي وشعلي الكليما من الصهد ولكن باش تهبطي هاكاك ماشي منظر هاداك إلى ماحتارمتينيش أنا لي راجلك .. حتارمي الكرامة ديالك قدام الرجال .. ومين نكون كنهضر معاك ماشي كنتاقدك أنا كنوعيك .. حنا دابا يالاه كانتعارفو على بعضياتنا إلى دابزنا من اللول كيغانديروو مزال نكملو !! .. 
سكتات مابغاتش تجاوبو .. هو قربليها تاشد فالكتفين ديالها ...
عثمان ~ " رجع لصوتو الهادئ والحنين والثقيل " أنا ماشي كنقلل منك وعمري غانقلل منك، نتي دابا مراتي ومنحملش إشوف فيك شي واحد شي شوفة خايبة .. ومكانبغيش نشوفك معصبة على أمور بحال هاكا .. هانتي اليوم بقيتي بلى ماكلة وعذبتي نفسك على والو .. 
شافها ساكتة وكتشوف غير فجنبها تنهد وجرها من راسها لسدرو وخلاها مدة هاكاك تابعد وهبط راسو وطلع يد شدها من الذقن ديالها مطلع راسها، وحنا طبع قبلة دافئة على فمها، خلاها تسد عينيها بلى هواها، ماحسات غير أنها مجاوبة معاه وطلعات يديها مدوراهوم على ظهرو .. تهزات من بلاصتها مدورة رجليها على حجرو، نساجمات معاه ... 
حلات عينيها على ذغذغات فعنقها الشيء لي خلاها تعوج عنقها كتهر وهي مزال ماعاقلة على راسها تاحلات عينيها بشوية . 
عثمان ~ " بصوت مذعذع يالاه فايق من النعاس " صباح الخير القطيطة ديالي .. 
دورات عينيها ليه، كان مبتاسم كيشوف فيها، إبتاسمات ليه، حنا وباسها من حنكها .. 
عثمان ~ كيصبحتي مزيان .. 
كتافات تحرك ليه راسها بوشية وهو يجرها نعسها على سدرو وتاهية زادت تمخسدششات كاتقاد راسها دور يدو كيلعب فكتفها العار وشعرها مسرح على الناموسية أما هي دورات يديها على سدرو الواسع والضخم وشية كتهز يديها تلعب فشعيرات السدر ديالو ... 
عثمان ~ باقيلينا نهار واحد غدا غانمشيو لتركيا فالعشية .. 
وسناء ~ غدا مّما غاتجي لهنايا ... غايكون غاندي السبعيام .. 
عثمان ~ ههه هاد الروينة ديال النسا ماكاتعياوش ! ..
وسناء ~ إيوا قولالوم هه .. " سكتات شوية ورجعات دوات " عثمان !! ..
عثمان ~ " كيدوز صبعو فوسط أنامل شعرها " وي .. 
وسناء ~ " علات عينيها معسلين تاقابل عينه معاهوم وهي تهضر " فاينيا مرااتك الثاانية ؟

طلع عينو ضحك ضحكة خفيفة بقهقهة رجولية، ورجع شاف فيها هي لي عوجات فمها كتسنى الجواب .. 
عثمان ~ " وهو كدوز يدو على كتافها " كتسولي على عبير ! ..
وسناء ~ " عوجات عينيها للفوق " المووهيم مانعرف شني إيسما .. 
عثمان ~ وعلاش كتسولي عليها، ياك نتي دابا مرتاحة مزيانة شنو باغا بيها !؟ .. 
عقدات حجبانها ..
وسناء ~ علااش مابااغيشي تجاااوبنييي !!! ..
عثمان ~ أنا نجاوبك ماشي موشكيل عبير مشات عند مها هاد الأيامات .. ولكن نتي دابا بالنسبة ليك معايا وهدشي كنضن كافي بلى ماتسولي عليها !! .. 
عوجات عينيها بحالي مارضاتش وجات نايضة ماحسات غي تجرات وتم نيت رجعها تحتو وتقابل معاها بوجهو .. 
عثمان ~ وا المعفر تعفر بشوية هههه مالكي مالكي على هاد قصوحية الراس ..
وسناء ~ زوول من قووداامي حااايااد لااء يااناا ماااشيي شووغلي ياااك اناا جاايبنيي تخاالييني غي هنااياا ماعااندك مادير بيا ..
عثمان ~ الله يهديك، ياك سولتيني وجاوبتك، شنو زعما حيت ݣتليك راك معايا بلى ماتسولي فيها !! ممم ...
عوجات فمها مابغاتش تجاوبو ..
عثمان ~ نتي علاقتك معايا بوحدي، الموشكيل لي عندك عندك معايا مادخلي راسك فحتا شي وحدا منهوم، لاكانت شي حاجة أجي ݣوليهالي، ونفس الشيء لامشا شي واحد بغا يدخل بيني وبينك ماغاديش نخليه، لهذا " مد يدو وضرب نيفها بشوية " ماتبقايش تمرضي راسك بأمور بحال هاكا " شافها غير معلية عينيها مابغاتش أصلا تشوف فيه " تافقنا أحبيبة ! .. 
وسناء ~ الصمت .. 
هبط مع عنقها وعضها عضة خفيفة تاغوتات .. 
وسناء ~ اااااي ..
عثمان ~ شنو تافقنا ولا مزال ! .. "وهز يدو تاوصل لنصها وهو يزير عليه تارجعات غوتات ثاني " ماسمعتش !! ..
وسناء ~ تااافقناا تاافقناا غير زووول يدييك .. 
عثمان ~ " بإبتسامة جانبية ذوباتها " حاجتي الالة " زاد زير " ونحط فيها يدي فينما بغيت .. 
وسناء ~ اايييي ولحميي لاااحميي اواااعدي .. 
عثمان ~ توعودي عليا تما هههه ..
ناض من بلاصتو تاقالت تهنات وهو يدوز يدو بسرعة وحدة تحت من ظهرها ووحدة تحت من فخضها تاطاحليها ليزار وهي تسد عينيها وقلبها كيضرب فالميتين ..
وسناء ~ شكاااتعمااال ونزااالني ...
ماردش عليها وزاد بيها هاكاك كيموت عليها بالضحك وهي بداك الصويت الرقييق كتغوت وتفركل برجليها تادخل لحمام وسد الباب برجليه .. 
خرجات لاويا بالپينوار لقاتو لابس الدجين الزرق وتيشورت فالأسود مع ساعة فالأسود وطالق السجادة كيصلي ..
مشات لجيهت الماريو كتجبد حوايجها وودنيها مع صوتو الرجولي لي كيجود القرٱن بترتيل يقشعر له الأبدان الشيء لي خلا قلبها يفض من بلاصتو ..تاكاتسمعو كيسلم، ناض جمع الصلايا وهو يدور شافها ..
عثمان ~ " كيطوي فالصلايا " بصحة ..
وسناء ~ الله ياااعطيك صااحا والليتاقاابال !
عثمان ~ أمينة أحبيبة ..
مشا جيهت الكوافوز مشط شعرو رجعو لور عاد هز ريحتو رشها وحط و وزها على عنقو .. وهي شوية شوية كطل عليه بنص عين .. تاسالا وجا لعندها باسها من عنقها تاتبورشات وعوجاتو .. 
عثمان ~ هانا غادي محتاجة شي حاجة ؟ ..
وسناء ~ لا فاين مااشي ؟ ..
عثمان ~ " كيشوف فتليفونو " عندي شي شغل فخدمتي غانمشي نشوفو .. 
وسناء ~ الله يعاون .. 
عثمان ~ ٱمين، لبسي عليك وهبطي فطري .. 
وسناء ~ واخا .. 
رجع عاود باسليها يديها عاد مشا خرج خلى ريحتو لاسقة فيها خزات يديها ستانشقاتها وهي راجعة بالور تاتلاحت على الناموسية من ضهرها ..
وسناء ~ فففففف أناا مزاااوجااا أنااااا .. 
حرطات رجليها فالهوا مفقوصة عاد ناضت لاحت داك البينوار وبدات تلبس فحوايجها .. 
هبطات بقنيديرة فالأزرق الملكي بسفيفة فالأصفر باهت وطالقا شعرها بعد مانشفاتو ودارت بانضا فالأزرق .. جات حليلوة لقاتهوم ݣالسين فالمراح .. ياقوت والباتول وشيماء تاهيا يالاه كاتفطر .. 
وسناء ~ صباااح الخيير ... " حنات عند ياقوت وسلمات عليها من وجها " ..
ياقوت ~ صباح الخير أعروستنا الغزالة كيصبحتي .. 
وسناء ~ " وهي كاتنتاقل باش تسلم على الباتول " لاباس راابي يخااليك " يالاه غاتحني تاضورات الباتول وجها هي بقات جامدة فبلاصتها مصدومة، أما ياقوت هجرات الضحكة كتشوف وشيماء لي كانت حانية على الفطور علات عينيها تاهية مصدومة .. رجعااات حممراااا وبقااات مبلووكيييااا فبلاااصتهااا تاشافت الباتول هزات يديها ووجهاتها ليها ...

الباتول ~ الكباار كيتبااسلوم اليدديين، ماشي كيسلمو عليهوم من الوجه .. 
بقات كتشوف فيديها والصمت لوهلة عم فالمكان تارجعات جوج خطوات اللور وطلعات عينيها فالباتول وزادت طلعات حجبانها ...
وسناء ~ " دات إبتسامة بريئة وضاف فيها " أنا ممّا وعومري كانقاال بووستلا يداا .. والوااحييد مين كيجي يسلاام إلى كاانت عاانداك الإحتراام لرااسك هو غايجوورا بلى ماتمداالو نتييناا .. 
الباتول ~ " جمعات يديها وعقدات جبانها وهي تهضر بصوت عالي " شهااااد ألة الإحتراااااام، واش ماارباااتكش يماااك ..
يازت ~ " ناضت بغات دخل حيتاش شافت الموضوع غايبدا يشعل " الحاجة نعلي الشيطان .. 
وسناء ~ ممّا تربيتا ماتوصاالشي لسييفة المخااياار دالتااربية عااندك ..والحاامد لله عارفاات شنيي رااباات .. 
شيناء ~ " تاهيا ناضت من بلاصتها غادا لعند وسناء " وسناء صافي أختي نعلي الشيطان .. 
الباتول ~ ( كتعيط بصوت مرتافع ) ياااااااااامنة، شفتيي أياااأووت ( ياقوت كتعيط ليها ديما ياأوت ) هاااقلة الراااابي فأخر يااامي تجي الماالعووأة لقلب داااري باش تعاااير مزيااان تبااارك الله أأليلة التراابي .. 
ياقوت ~ اوييلي الحاااجة نعلي الشييطاان ..
وسناء ~ " رجعات حمرا وبدات العافية تشعل فيها " مااعااايرتكشيي وكوون عاايرتك دبصاااح كوون رااا ماتقداارشي تجااوب ..
تسمعات غوتة من باب الصالة كولهوم ضارو باش إشوفو سارة داخلة كتݣفض على القفطان الزرقة والزيف فالأصفر معقود بيه شعرها ..
سارة ~ ( جايا وكتقرب ) أشنووو العروووسة دياالنا فااتت ثلاثيااااام دالبااكور ولاا شنووو بااغا تجعريي عليناا .. 
شيماء ~ سااارة دخلي سووق رااسك سيري بحالك .. 
الباتول ~ اششش غاتمشيي اجيي أصغييرتي اجيي تشوووفي يمااك فأخر ياامها دورووها بينااتهوم ..
ياقوت ~ " دارت مصدومة " اش هاااد الكلاام ألالة الباااتول ..
سارة ~ نتييي ياا خاانزة الشوااري جيتي يالااه البااارح تعلي صووتك على يماا لي الرجاال بشلااغهوم ماداروهاش .. 
شيماء ~ ( كتغوت ) سااااارةة ..
طلقات وسناء وااحد الضحكة كاتعلمهوم بلي لي جاي ماغايعجب حد ..
وسناء ~ هااااااهااااااااااااي عووود المسكييي كااايهضاااار، تشووف نتينا يااا غاادعمل رااسك مااشوفتينيشي ولاا غانشبرك غانفرسك ..
شيماء ~ " جرات وسناء " صافي وسناء ماديش عليها .. 
سارة ~ شنااااهوااااا تفرسينييييي .. 
الباتول ~ إيوااا حطييي عليها يدييك لماا يجي سيدي عاابد الباأيي ( عم عثمان ) يشأشأليك الرااس ..
ياقوت ~ شيمااء جري وسناااء سيريي يالااه ..
مع ديك الصداع كيتسمع صوت قوي الشيء لي خلا كولشي يدور يشوف ..
عثمان ~ شنو واقع هنا !!!! ..
طلعات عينيهت جات فعينو نيشان تم نيت رخات من يد شيماء لي كانت شاداها ومشات غادا تادازت من حداه بحال الريح وخرجات من الصالة .. خلات كولشي قارم زعثمان مادورش وجهو شاف فيها بل بقا كيشوف فيهوم وعاقد حجبانو ...
طلهات لبيتها ودخات الباب وبقات غادا جايا ..
وسناء ~ اناا يعملولي هااايداا وااخاا هانتووما غاتشووفوو غانجبد ليماااكوم الصدااع بااش نعاالمكووم شكوون هااادي ليي جااات لهنااا .. 
طلعات النفس وخداتها وبدات تنش على عينيها وتحلهوم مزياااان تابداو إحرقوها والدموع كيتجمعو فيهوم باش إبداو ينزلو وهي عاطيا ضهرها تفتح الباب وهي عارفا شكون دخل أكيد هو، رجع تسد قبل مايهضر دارت بسرعة دموعها وصلو لفمها ..
وسماء ~ " كبرات عينيها وشافت فيه شوفة ذوب الحجر ودموعها كيقطرو " والله اهئ ماعملت شيي حاااجة 

كانو نضراتو هادئين وهو كيشوف فيها تابدات تشهق بالبكا ..
وسناء ~ مااعراافتشيي علاااش عملووولي هااايداااك وااش مااكيحملوونييشيي اهئ اهئ .. " غطات وجهاييدها " ..
كانت هادي أول مرة تبكي قدامو بلى مايحس تقدم عندها بخطوات تاوصل لعندها وهزليها راسها ..
عثمان ~ ششش كالم علاش هاد البكا كامل ...
وسناء ~ هننن أهئ " كتشهق وتنخصص دارت فيها مسلسل هندي " تخاايل انا هاوااادت باش نفطاار اهئ اهئ وجيت نسلم على يمااا اهئ اهئ ودفعاااااتنيي هنننننن دفااعتيي قاااتلي نتييناا كييخسك تبووسليي يدي اهى اهى انا بااقاا جديييدة مااعراافتشي كيف كييعملووووو اهئ اهئ ...
عثمان ~ شش وسناء صاافي ماكاين لاش هاد البكا أنا متيقك أحبيبة صافي " جرها لعندو حط راسها فوق سدرو وهي كتنخصص دارتلو جنازة " صااافي مااوقع والو شش صاافي ..
وسناء ~ هنننن اهئ اهئ وعلااش بقاات ساارة كااتعااير فيياا اهئ ..
عثمان ~ أنا غانشوف معاهوم صافي سكتي نتي " بعدها وهبط يدو لحنيكاتها كيمسح ليها دموعها " هاد الدميعات ماكيعجبنيش نشوفهوم " رجع مسحليها من تحت عينيها وطلعليها راسها فكها حميمر ومنفوخ ونيفها كذلك " توتوتو حمرتي هاد العوينات باطل .. 
وسناء ~ أنا هن هأ ماعم لت واالوو.. " كتنخصص وطلع النفس وتهضر " ..
عثمان ~ الالة شكون ݣاليك درتي " جرها غادي بيها " تيقتك غير نعسي أنا غادي نهضر معاهوم يطلعوليك الفطور .. 
نعسات على ضهرها وباقا كتشوف فيه ..
وسناء ~ إلى ماتيقتينيشي اهئ سوااال شيماااء وخاالتو يااقوت .. 
عثمان ~ اوووه صااافي أوسناء تيقتك أحبيبة غير رتاحي صافي نساي هاحنا غدا مسافرين مين نرجعو ونديرو شي حل .. 
سكتات وتجمعات فبلاصتها تاتحنا وباسها فجبهتها ..
عثمان ~ رتاحي واخا شوية ويطلع عندك الفطور .. 
حركات راسها بالإجاب ببراءة بتاسم ليها وناض خرج .. 
كيف تسد الباب تقادات فالݣلسة ومسحات دوك الدموع كضحك ..
وسناء ~ هههههه شني قاااتلك خاانزة دالشوااري وااحنااياا غاانتفاااارجو فييك أزيينة الشواااري هاااحاااي .. ودااباا غاترجاااع خااتم فصبعي وغاانعراافلك مزيااان ... 
مشات لطواليط غسلات وجها ورجعات خرجات عاودات الميكاب عاد مشات ݣلسات فوق النانوسية تاتفتح عليها الباب داخلة شيماء مدخلة فيديها بلاطو دالفطور .. 

مشا تادخل عليهوم لصالة لقا ياقوت كتهضر مع الباتول .. 
عثمان ~ الواليدة أجي نهضر معاك ..
الباتول ~ أسيدي عثمااان عااندك تمشي تغلب على عألك أوليدي أش ݣالت .. 
دار عندها ببرودة ..
عثمان ~ الحاجة راسي فيه شلا مطارق، ماغاديش نبقا مقابل شغل النسا، راكم بعقلكوم ماشي دراري صغار، هاد الهضرة ديال لعباتليك ولا التخربيق الكحل ماعندي ماندير بيها .. الحرمة ديالي تبقا فالتيقار .. 
مشا خارج واقوت ناضت تابعاه أما الباتول هضمات الهضرة وبرداتها مااحملااتش يديرليها هاكاك، وهو فينما يشوفها يبوس ليها الراس وهي الكل فالكل ...

ݣلسات حداها حاطاليها البلاطو وكتشوف فيها وتاوسناء كذلك تاطلقو الضحكة بجوج ..
شيماء ~ ههه لا نتي بزااف ..
وسناء ~ غاقوولي شني عملاات ديك الباايصاارا ميين طلااعت .. 
شيماء ~ أويلي عليك كانت غاتموووت رااه كاتقفقف من عثمان، الصغير والكبير فهاد الدار ماكينزلش على كلمتو غير كيوقف حداهوم كيموتو بالخلعة ..
وسناء ~ ههههه مسكييينة بقاات فيياا ..
شيماء ~ ماتديش على هاديك راه غير حمقة .. 
وسناء ~ زعما ماايزيدااشي عثمان هي الراابعة ..
شيماء ~ " طلعات وجها كضحك ورجعات شافت فيها " واااش منييتك والسيد ماكييشووفش فيها أصلا واااش إصحابليك عثمان غير كيطلق ويزوج .. راه للضروف أحكام وصافي وحتا من منال راه باغين يتطلقو غير بابا واقفلو فطريقو .. 
وسناء ~ هااايدااااك ..
شيماء ~ وقولي ياكماا غواات علييك عثمااان ! ..
وسناء ~ ههه شننيي نوو الحبيبة دقاالبي ماازاال ماتزاااد هاادا ليي يعاالي صااوتو علياا ..

بقاو مجمعين هي وشيماء تاشوية ناضت ماحد شيماء كاينة تعاونو كتجمع فالحوايج لي غادي تدي لتركيا، كتجمع تجمع وتقول هادي لا وهادي لا شوية تقول ماعندهاااش الحواايج، وشيماء تموت بالضحك مشات وجابتليها شي بياسات واعرين من عندها تلبسهوم مع عندهوم تقريبا نفس الطاية، تاوصل وقت الغدا تخاطرو وصدقات شيماء مخلصة على وسناء الغدا من برا مشات حتا جابت جوج ديال الشوارمات وحدة ليها ووحدة لوسناء، وݣلسو كياكلو وقسارين مع بعضهوم تالشي وقت من العشية عاد مشات وبقات هي بوحدها فالبيت تاكتسمع الدقان ..
وسناء ~ " علات حجبانها " دخوول !! ..
تفتح الباب ودخلات منو لالة ياقوت بقفطانها الباج المحزم وشعرها الكاري وسدات الباب من موراها .. تقدات هي فالݣلسة ..
وسناء ~ خالتو ياقوت زيد مراااحبااا ..
ياقوت ~ " وصلا لحداها وݣلسات حداها " ترحب بيك الجنة أبنتي، كيف راك مزيانة ! ..
وسناء ~ " بإبتسامة " مزياانة أخالتو رابي يخااليك ..
ياقوت ~ " حطات يديها على كتفها " ياكما بقا فيك الحال على لي وقع ݣبيلة ..
وسناء ~ خالتو لي وقااع قبييلة يانا نسيتو ماكينا لاش نبقا نعاصاب فراسي ..
ياقوت ~ سمحيليا أبنتي ماعندك ماديري مت شيخك ساكنة معانا وهي هاكا دايرا .. أما سارة راه غير الحسد إيديرها ليها وراه غير هاد ليام وغاتمشي .. 
وسناء ~ تشوف أخالتو يانا ماغانديهاشي فواحدا عاقلا بااقي صغيير براااصاا .. تطير حتا تطير ومااتوصاالشي ليلي ..
ياقوت ~ تبارك الله عليك أبنتي .. إيوا جمعتي حويجاتك ݣاليا عثمان غدا غاتسافرو ؟! ..
وسناء ~ جمااعت اخالتو وشيماء عاوناتني ..
ياقوت ~ إيوا مزيان أبنتي الله إدير لي فيها الخير .. 
وسناء ~ أمين أخالتو ..
ياقوت ~ هبطي تعشاي معانا ! ..
وسناء ~ واخا مين يجي عثمان ونتشوف ..
ياقوت ~ اه شغادي ديري غدا ..
وسناء ~ ماعرافتش أخالتو ممّا قاتلييلا ماطيبي هي غاتجيب معاها الغداء .. 
ياقوت ~ ولكن حنا لابد من العراضا دالغدا ..
وسماء ~ لي بانلك أخالتو عملو ..
ياقوت ~ واخا أبنتي ...
مشات خرجات وخلاتها هي هزات تيليفونها مجمعة مع مها فتيليفون لقاتهوم كيوجدو لداكشي لي غسجيبو معاهوم الغدليه فالسبعيام .. تالشي وقت عاد قطعات معاهوم .. شافت لقاتها تسعود دليل .. بقات كدور فتيليفون وهي كتشوف من الشرجم الضلام وغير السما نجومها مضويين .. ماحسات براسها تاغفات ...
فاقت فالصباح على صوت النسا والزغاريت مافهمات والو شافت الساعة لقاتها لدالعشرة ناضت طافجة من بلاصتها ..
وسناء ~ اواااعدي وااش ياانا نعااست هاادشيي كااامييل ..
بسرعة دخلات لطواليط تاخرجات وهي تلقا زينب ورودينة فوجها ...
زينب ~ ايييه يالالة العروسة فايقاليك تالعشرة ..
وسناء ~ يدبسمممم الله الرااحماان الراااحيم مناااين خرووجتوولي ..؟ ..
رودينة ~ اد" كقربات كتسلم عليها " اوااعدي ماشي الباااريح قونالك غانقالعو مع الخامسة دالصبااح .. راه شاالاه وصاالنا ..
وسناء ~ فاينيا ممّا ؟ ..
زينب ~ هاهيا شوية وطالعا " كطلع وتهبط فيها " إيوااااا أمدااام الفهريي كيدااايراا ..
وسناء ~ كييف عاااملا !!!!! كييف خااليتينيي شني ماتبداال والو تقوول غامخااليني شهاار يالاه تهاانيت من كماارتكوم لاش مااجين !!! ..
رودينة ~ تشوووفليك الهيمااجيية ..
وسناء ~ احححح اليوم غانمشي معاكوم لطنجة ..
رودينة ~ اواعدي حلاف فووياخ عاندك الطيارة ..
وسناء ~ مااعراافتشي قالي عثماان هاد العشيااا ..
زينب ~ وعلاش غاتمشيو لطنجة شدوها غير من الرباط ولا كازا ...
وسناء ~ راااه غايمشي يرجااع ديك الفييراااري لي كراا ..
رودينة ~ اه حااقاا فكااارتينيي كونت غانسولك عليها يا ختي فاين جبرااا ..
زينب ~ حبيبتي راه الفييرااري هاديك سايوة 300 مليون الكرا دياالها كيكون بشي 5000 درهم لنهار ...
رودينة & وسناء " بصدمة " : شنيييييييي ...
وسناء ~ اواااااعدي على خااامسااالااف ايماااا مااتقوووليشيي خسااار فيها أربّعة دالماااليوون غافهااد السييمااانة ..
رودينة ~ ايماااا قاالبي وشاابروني ..
زينب ~ ورااه ديكشي لي قلت ليكوم داك النهار وسنو راه الفيراري هاداك وعاد لي كراهالو راه دخاس يكون شي بيسطون صحيح ..
رودينة ~ وهاانتييناا صاادمةة..
وسناء ~ اوااعدي كون يصحاابلي هااايدا نقوولالو المااارا اللولية يحووطا ..
( دخلات عليهوم حبيبة كتزغرت ) 
حبيبة ~ صلااااة وسلاااام علااااه رسووول الله إلااااه الجااه إلى جااا سييدنا محمد اللهم ومع الحااه العاالي يويوويويويويويويوويويو ...
مشات وسنء فرحانة تعانقو كيتسالمو ..
وسناء ~ تاوااااحاااشتك اممّا ..
حبيبة ~ احاااي يا كبدي وكون تشوفي أناا ندمت على فراقك أبنييتيي ..
رودينة ~ نداامتي غااعلييها وياانا لاااءاا ..
وسناء ~ ولي فيه شي حاااس كيقفاااز ماالك اختي محساااادةة..
رودينة ~ شلا مانحساااد غير نتييينا !! ..
زينب ~ بدييتو ثااني وااهيا ناااري .. 
حبيبة ~ يالاه يالاه لبسي خلاص باش تهبطي راك فقتي معطلة عاد من المفروض خسك نتي طلاقاي لينا ولكن فيها خير يالاه إيوا جمعي راسك ماتبقااايش مبهططة ...

تعلاو الزغاريت وهي هابطة بقفطان فالأخضر، مطروز ومنبت، وشعرها ديل ، ميكاب العرايس، وأكسيسوارات مناسبين مع القفطان، هابطة بالزغاريت والدنيا كانت شبه عامرا بأقرب الأقريب ديال العائلات بجوج، ݣلسوها فالصالون، وهو يتحط الغدا الرزيزا بالدجاج والبيض واللوز، كانو جوج ربايع، ديال عائلتها وعائلتو، الباتول ويامنة وسارة كانو كيشوفو شوفات نااارية لوسناء لي كضحك مع عائلتها ومتعمدة تفقصهوم .. سالا الغدا ومشات هي طلعات لبيتها كتصوني على عثمان لي من البارح ماشافتو وهاد الصباح تلهات ولقاتو ديجا معيط ليها .. 
وسناء ~ ٱلو ..
عثمان ~ لباس!! كنت كنعيطليك فين كنتي 
وسناء ~ تلااهيت فالصبااح ممّا جات وكانو النسا مااشوفتكشيي كااتعاايط ..
عثمان ~ تانا مافيقتكش فتاصباح قلت خليك تنعسي ..
وسناء ~ تشوكرا " سكتات شوية ورجعات هضرات بصوت حنين " تغااديتي !؟ . 
عثمان ~ يالاه عاد ..
وسناء ~ فاين !؟ .
عثمان ~ مع شي صحابي فريسطوغون ..
وسناء ~ ااه بصحة ..
عثمان ~ الله يعطيك صاحا وجدتي حوايجك ..
وسناء ~ فكاارتيني معايااش غانمشييو ؟ ..
عثمان ~ العشرة عندنا الطيارة يعني خسنا نكونو تما مع الثمنية يعني غانقلعو منهنا مع 5 ..
وسناء ~ هيييه اوااعدي مابقاا والو دابا 2 ..
عثمان ~ يالاه نجيو هوما هادوك شنو سالاو بعدا النسا داكشي ..
وسناء ~ وااه سالاه خاليتوم كيشاربو أتااي ..
عثمان ~ المهيم غاتوصل الساعة غانجي موراك ..
وسناء ~ بفف واخا ..
كيف قطعات عليه حما فيها البيضة عيطات لشيماء تم نيت جات عندها ..
شيماء ~ مالكي أختي ؟ ..
وسناء ~ عتااقني بشي صاالون نمشي عاندو راه غانساافرو مع الخاامسا ..
شيماء ~ ايي وااش اليوم ؟ ..
وسناء ~ وشنيي رااه اليوم ..
شيماء ~ واخا زيدي يالاه نمشي ..
وسناء ~ صباار نعاياط بعدا لختي ..
صومات عليها قاتليها باش تدي معاها زينب وهي تبقى مع حبيبة تعاونها، وديكشي لي كاين حيدات عليها القفطان ورجعات لبسات عابايا خفيفة ودارت النضاضر دالشمس وجمعات شعرها بقراصا وهزات بسطاكها لقات بلي باقا عندها داك الكارط لي كان عطاهاليهابحكم مين تزوجات عطاتهاليها مها .. هبطات طلاقاتو مع زينب وشيماء ومشاو شدوها نيشان عند الصالون صپا، كيف وصلو بداو لوسناء عاودات لإيپيلاصيون وقادات حالتها صايبات المنيكور والبيديكور .. الصوان لوجها .. وقادات لشعرها بوكلي .. عاد خرجات عندهوم رجعات كتشعل بقاو البمات إشكرو فيها وهي خلصات عاجبها راسها .. رجعو شدو طاكسي لدار، مشات كتكمل داكشي ديال الجميع وبدات تلبس فحوايجها هزات سروال دجين زرق غامق خشات فيه شوميز فالبلو مارين ودارت الصمطة ديال ݣوتشي فيه طواتو من لتحت ودارت صباط موكاسان فالقهوي .. طلقات شعرها لي بوكلي وبدات تركب فالمجوهرات ديالها سنسلة خفيفة دالذهب مع الحويلقات ديالها وساعتها الذهبية والخاتم دزواجها .. عاد ݣلسات فوق الكوافوز كاتصايب وجها .. فديك اللحضة دخل هو ..
عثمان ~ حبيبة ساليتي ؟ ..
وسناء ~ مابااقييلي والو ومتينا جمااعتي حوايجك ..
عثمان ~ وي يالاه جمعتهوم دابا عاد ..هاد جوج دالباليزات هوما لي غاتدي ..
وسناء ~ واه صافي وكينا الساك داليد ديالي .. 
عثمان ~ صاافي ههه كون ديتي غير شي حاجة قليلة تاتمشي لتما وتجيبي معاك .. 
وسناء ~ ديك الساعتي ويحاان الله ..
عثمان ~ اييه ونعم بالله .. 
هز الباليزات ومشا خارج حلاها كتكمل وجها دارت أيلاينر هاد المرا جاها فن .. تاسلات ورشات من ريحتها وذهنات يديها ولاحت كولشي فالساك دالخروج عاد ناضت دايرا النضاضر فعينيها ومشات كتكسول .. 
هبطات عليهوم لقات عائلتها كتجمع تاهيا باش تمشي، خرجو تاتسالمو معاها عاد مشات لعندو لطوموبيل لقاتو ستف كولشي وكيتسناها فوسط الطوموبيل، طلعات ركبات السانتيغ عاد شاف فيها . 
عثمان ~ مشينا .. 
وسناء ~ ياالاه ...

عثمان ~ جمعتي المسائل ديالك كاملين ..
وسناء ~ وي شوف نتينا لا تكون نيسيتي شي حاجة .. 
عثمان ~ جمعت لي غانحتاج .. 
وسناء ~ إيوا صافي يالاه .. 
ديمارا الطوموبيل، باش إقلعو خلاو موراهوم عائلتها تاهوما كيوجدو باش إرجعو بحالهوم ..
شد طريق لوتورت وطلق ليها الموسيقى .. تاشوية طلع يدو لبورط لي فوق منو وهو يجبد واحد البواط ديال الأيفون فالأبيض إكس ماكس ومدوليها، هي لي كانت مخشعة مع الطريقة ومتكية راسها على يديها، دورات عينيها كتشوف يدو تاحلاتهوم على جهدهوم ..
وسناء ~ يااااااااي جييبتيييهليي ..
عثمان ~ ديجا قلت غانجيبو ليك هانا جبتوليك .. فتحيه راه درتليك نمرة جديدة فيه بغتي تخليها ولا ديري القديمة لي عجبك ..
وسناء ~ " طلقات الضحكة وعينيها عامرين بالقلوبة وشدات من عندو البواطا " شووووكرااااااا هههههه شووكرا رااابي يخاالييك ليلي ..
ماحساتش تاحنات لعندو وطبعات قبلة على حنكو الشيء لي خلاه يدور عندها كيضحك ..
عثمان ~ هاي هااي هاديشي جديد هادشي كون عرفت هاد البوسة كاتجي من عندك كون راه جبتوليك شحال هادي ..
ماداتهاش ݣاع فهضرو السيدة صافي غاتحماق بالفرحة فتحاتو كتقلب فيه بركات على البطونة الوسط لقاتو مشعول ..
وسناء ~ هههه فوويااااخ شريتييهلي !! ..
عثمان ~ ديجا كنت ضومونديت عليه ووصلني البارح . 
وسناء ~ " فرحاانة " شووووكراااا ههههههه .. 
عثمان ~ " هز يديها وباسها كيشوف فالطريق " بصحة أحبيبة ..
دخلات فرحانة كتقلب فلي زوبسيون ديالو وهو متبعها بعينو وشوية شوية دور تسولو على هادي وعلى هاديك ... دوزات الطريق كاملة خاشية وجها غير فتيليفون أنسطالات كولشي وحلات الأنسطا كتصور طريق وتحطها فستوري مع لبوزيسيون، شوية قلبات الكامرة كاتسليفا تادارت عندو وݣاتلو يدور إتصور معاها .. جا فالتصويرة كيبتاسم وهو كيشوف فيها وهي كتشوف فالكاميرا ... قادات التصويرة وتم نيت حطاتها فالسناب وفالبروفي ديال الواتساب .. 
مهيم السيدة حيحات وصلو لطنجة مع ديك 6:30 بحكم عثمان كيجري فالطريق .. ماوقف حتالقدام واحد المول ..
وسناء ~ لاش ماجين لهنايا ؟ ..
عثمان ~ " جبد الكارط ݣيشي ديالو وفتح السمطة تامدليها السوارت ديال الطونوبيل " بقاي هنا هانا جاي مين نخرج سدي عليك ..
وسناء ~ خالييني نمشيي معاااك بااغا نشريي شيي حاجة ..
عثمان ~ " ضار شاف فيها " يالاه هبطي ...
فتحات تاهيا السانتيغ وهبطات سدو البيبان ومداتلو السوارت سوݣر عاد مشاو داخلين لمول تاشدات فيديه غادين بخطوات مشرعة تاشافتو وقف عند واحد الحانوت كبير ديال الإلكترونيات .. 
جا عندهوز لي كاين تما ~ اهلا اهلا بسي الفهري كيداير الخاوا صاڤا " تعانقو كيتسالمو " ..
عثمان ~ الحمد لله نتا بيخير كيغادي مع الحانوت مزيان ..
الأخ ~ الحمد لله، وجااتليك الأمانة الخااوا ولكن واالو ديال ميتين كينا غير ثلثمية لابغتي تشووفا .. 
عثمان ~ أري نشوف .. 
مشا تاجبدلو واحد الكارطونة ووسناء غير كتشوف فالمحال والپيسيات والتيليفونات أنواع وأشكال ..
الأخ ~ " كيفتح فالكارطونة كانت مصورة فيها كاميرا نوع كانون فالأسود " عييت ألخوا نقالب والو مزال السلعة غادخل السيمانة الماجا من سبتة ..
عثمان ~ پا ݣغاف تاهادي خدامة ..
جبد الكاميرا كيشوفها فيدو ومشا داك الأخ دورلو الپيسي كيوريه تصاورها كيفاش كيجيو ووسناء غي متبعا معاهوم .. تاصافي قالو يجمعهالو خلصو ومشاو خارجين ..
وسناء ~ علاش شريتيها ..
عثمان ~ حنا مسافرين دابا، الكاميرا غاتكون حسن من التيليفون لابغينا نخليو دي سوڤونيغ ..
وسناء ~ ااااه .." بانتليها لاماغك ديال أديداس " مم عووثماااان، نقدااار نمشييو نتشووفوو تمايااا ..
دور عينو فين اشارتلو ~ واخا يالاه .. ..
جراتو من يدو غادين لماݣازان دخلو تما كانو أنواع وأشكال ديال الكيطمات والپيلات دالسبور مع لي سبادري، حطات عينيها على واحد الكيطمة ديال أديداس فالخزي فنا . . مشاتليها نيشان وهو تبعها من اللور تاوقفات كتشوف فيها غير حلات على الثمن لقاتها 1200 درهم وهي تكحل بالعما يالاه غانحيد تاحط عليها عثمان يدو ..
عثمان ~ شنو عجباتك هادي ؟ ..
وسناء ~ a ! " بدهشة " ...هه لا لا غير كوونت كنشووف ..
عثمان ~ جبدي قيصي ولاعجباتك سيري بيها حسن حنا دابا مسافرين لبسي شي حاجة خفيفة ..
وسناء ~ مم بصح !! ..
عثمان ~ ههه واش عاد كتشاوري صافي ديها لاعجباتك ..
عيطات للخادمة كتوريها الطايات عطاتها الإم .. ومشات دخلات قيساتها جاتها خطيرة مع الفورمة ديالها تاعيطات على ديك ختنا عاود وطلبات منها تجيب ليها شي پيل فالأسود .. لبساتو مخشي فالسروال وحلات عليه الفوقاني .. وكملات اللبسة بسبادري فالأبيض .. خرجات عندو ...
وسناء ~ كييف جييت . " قرب ليها " ..
عثمان ~ زوينة يالاه لابانتليك هي هاديك باش نخلص ..
وسناء ~ واخا صافي اناخدها ..
عثمان ~ يالاه .. 
الأخت ~ " بإبتسامة " تفضل معايا أموسيو ..
مدليها ساكها كان شدوليها .. ومشا يخلص .. هي بقات شحال كتشوف فراسها عجباتها الكيطمة .. هزات بانضا جمعات شعرها ديل ...ومشات تبعاتو حط 2400 الدرهم ..عاد خرجو .. شدات فيديه دابا زاد عجبها راسها وخصوصا أنه تاهو بالكيطمة .. ولابس سروال كحل مع سبادري كحل وتيشورت كحل ..

وصلو للمطار ... كيف خرج لقا داك صاحبو لي كيكري الطوموبيلات كيتسناه تسالمو ورجع لعند وسناء لطوموبيل حيت كان وصاها تبقا تم ..
عثمان ~ يالاه هبطي وهزي المسائل ديالك كاملة ..
حيدات السانتيغ واحا ماسخاتش ݣاع بالفيراري ..وهبطات تابعا عثمان لي كينزل الپاݣاج من الطوموبيل .. تاسالاكولشي وسد الكوفر ومد السوارت لصاحبو .. ووسناء غير مهبطة عينيها وواقفة حدا الباليزات دياولها كتسناه .. 
تاسلا عاد جا عندها ..
عثمان ~ إيوا شني كيغانديرو دابا لهاد جوج پاليزات ..
وسناء ~ " حركاتلو كتافها " وشني بغيتي نقيليك يانااا ..
عثمان ~ ماتقلي مانقيليك غازيدي ههه الهضرة معاك نتي عالام " هز ساكو فوق كتافو ساك سبورتيف وجر باليزا وحدة فيد والپاسبورات ديالهوم فيدو الثانية " جري نتي الثانية ...
مشا سبقها وهي خنزرات فيه ..وعيباتو مور ضهرو عاد تمات جارا الباليزا بالنفخة وساكها داليد حطاتو فكتافها .. تادخلو للمطار لي أول مرا غادي دخلو .. شوية شوية بدات تبتاسم وإحساس غادي تغادر المغرب بدا يطلع معاها شحال كانت تحلم بحال هاكا والباسپور هادي عاماين باش دارتو على أساس غادي يديها خوها لسبة صدق مشات لريح ..
وصلو لواحد البلاصة فيها الكراسا ݣلس وتبعاتو تاهية ݣلسات كتشوف فداك المنظر والمضيفة كل دقيقة تهضر فالميكرو والناس غادين جاين وااصوت ديال الطيارات كيتسمع والرحالات كيتعلنو فتلفازات .. دورات عينيها لعندو لقاتو كيشوف فالباسبورات جبد الپاسبور ديالها فيه التيكيت ديال الرحلة ومدوليها ..
وسناء ~ حااقا ماسولتكشي فويااخ جيبتي الپاسبور ..
عثمان ~ " وهو كيشوف فتيليفونو " نهار العقد، راه كان فيدي نهار خليتك فالطوموبيل وهبطت للوكالة ..
وسناء ~ اييه والله ماشووفت .. " وهي كتشوف فالپاسبور " ومناين جيبتيي الڤييزااا ..
عثمان ~ " طلع فيها عينو مدة عاد هضر " وسناء تركيا مافيهاش الڤيزا هي والإمارات وشي دول من الخليج وكوريا والصين كتمشي غي بالپاسپور ..
وسناء ~ " ندمااااات علاااش سولااات ورجعاات حمرااا " اه ههه " ضحكة صفرة " ماكوونتشي عارفة ...
عثمان ~ " عارفها مارضااتش " هه ماشي موشكيل هانتي عرفتي دابا ومزيان مين قلتيها دابا قدامي .. حسن من أنك تقوليها لشي حدخور .. تافقنا ! " ضربها بشوية على راسها بصبعو " .. أي حاجة سوليني ماتحشميش مني ماشي عيب لاماعرفتيش شي حاجة تاواحد فينا ماتخلق عارف ..

وسناء ~ " لي فيها فيها " هه لا أنا رااه كوونت عارفا الإمارات والصيين وكوريا بلحااق مااكوونتشي عاارفا تركياا ههههه ( الله إمسخك ) ...
عثمان ~ " عايق بيها " ههه تانا ماقلت والو عارف زلقاتليك هادي " دايها على قد عقلها " ..
وسناء ~ همم " بتسامة صفرة " ديكشي ..
دورات راسها كتعوج فعينيها وتعض على شفايفها تاتناسات وهي ترجع دور عندو ..
وسناء ~ عطيني الپاساپوورتي ديااالك ..
عثنان ~ ههه شسميتو ؟ ..
وسناء ~ الپااااساااپوورتي .. 
عثمان ~ مم نتوما طنجاوا كتبعو سپانية بزاف ..
وسناء ~ مااعراافتشي دابا أرييليي ..
مدوليها ودور راسو كيضحك بلا حول ولا قوة إلا بالله .. وهي شدات الباسبور كتشوفو شحال من مرا دخل وخرج عكسها هي لي مسكين ديالها صفاحي ديالو كيصفر فيهوم الريح .. وصل الوقت وهو ينوضها ..باش يالاه إساليو الإجراءات .. حطو الباليزات ومشاو دوزو الوراق وريݣلو الأمور .. عاد توجهو لطبقة الثانية باش منهوم لطائرة .. وݣلسو فكراسا ثاني ..
وسناء ~ " دارت عندو " عطيني نهضار مع ممّا ..
مدليها تيليفونو عيطات لحبيبة هضرات معاها لقاتهوم هوما يالاه فأصيلة .. جمعات معاها واخا داكشي بالݣرام ماكاتبغيش تعيق قدامو تاسالات ومداتلو التيليفون .. عيط تاهو لباه وهضر معاه ومع مو عاد قطع ...
سمعات النداء ديال الطائرة لي غاتاجه لتركيا قلبها طار من الفرحة .. وهي كتشوف أغلب المسافرين نايضين باش إتوجهو لطائرة .. ناضو مشادين فيدين بعضياتهوم خارجين لساحة الكبيرة .. فين واقفة الطيارة مشعولين الضواوات فليل داكشي زوين وكتحس بقلبك كيتفج .. وهي دوور كتبتااسم ليه ..
وسناء ~ مااامتيقاااااشيي غاانسااافر ههههههه شوووكرااا 
عثمان ~ على وديت هاد الضحيكة كولشي يهون ههه ..
دورات وجها كضحك هاد الساعة لي قالوليها تقول أه .. وهوما طالعين فالدروج طيارة مزيرة على يدو فرحانا وشعرها كيضرب فيه الشرقي ديال طنجة .. تادخلو لداخل للطبقة الأولى طبعا داكشي فيها الزايد على الطبقات الأخرى باش إمشيو مرتاحين أكثر .. ݣلسو فبلايصهوم .. 
حسات بنغزة فكتفها ناضارت لعندو وهو ياخد ليها تصويرة بالكاميرا كيجربها ...
وسناء ~ " عقدات حجبانها " كااغيرر قولتييهااانا غاانقاادو الحاالة ..
دار عندها كيضحك وعاود هز يديها باسها ..
عثمان ~ نتي زوينة فجميع الأحوال ..
وسناء ~ " دارت إبتسامة غرور وهزات اليد الأخرى مداتهالو " بوس تاهادي مالك كتبوس غير لوووخرا ..
عثمان ~ ضحك من قلبو ) هههه إيه الالة علاش لا " باسها تاهيا وتعمق فيها " رجعي القلب لمولاه أبنت حبيبة .. 
وسناء ~ ههههههه خاالييتلك القاالب اخاااي .. " طلعات عينيها للفوق فرحانة " اناا فرحاااانا بزاااف .. 
عثمان ~ ههههه ..
جبدات تيليفون لي شراليها وبدات تعوج باش تصور فالطيارة وبعد المرات كيرجع ليها الشعر على وجها كيخصر ليها التصويرة تاكاتغوبش وهو كيعجبو يعصبها وكيبقا يضحك .. تاجات الموضيفة كاتعلمهوم يربطو الحزام .. باش تقلع الطيارة .. ركب ليها ديالها وعاد ركب ديالو .. تاعلن الپيلوط بلي الطائرة كتقلع .. شدات فيديه مزيرة عليه ومزيرة على عينيها .. تاقلعات الطائرة .. والوجهة ديالها كانت تركيا ..

تحطات الطائرة على الأراضي التركية .. وبالضبط فمدينة أنطاليا .. مع ديك 4:20 صباحا .. كانت تما 6:20 .. فيقها عثمان بزز عينيها كيتلسقو .. وتمو هابطين من الطائرة .. مع الإجرائات والتخربيق .. ماخرجوش من تم تالسبعة ونصف .. عاد شدو طاكسي للأوطيل لي دايرين فيه الحجز .. 
كيف وصلو لتم نزل عثمان معاونو مول ااطاكسي كيهضر معاه بالإنجليزية .. نزلو الحقائب ووسناء عيانة خاسها غير توصل لشونبر باش تنعس .. 
دخلو لأوطيل أندونيس .. دنيا كانت عامرة مروجة والسياح شي داخل شي خارج .. وقفو فريسيبشن عطاهوم عثمان الحجز كان ديجا دارو من المغرب .. عطاوه الكارط وخلا الخادم غادي يتكلفلو بالحقائب ومشاو لأسانسور يطلعو للغرفة كيف دخلو برك على الرقم 14 وتسد الباب وهي تكا على كتفو .. 
عثمان ~ حط يدو على حنكها ) عيتي أحبيبة .. 
وسناء ~ ممم ..
عثمان ~ دابا وحنا وصلنا وترتاحي .. 
ماجاوباتش عينيها نعسانين .. تاتفتح الأسانسو وخلاها متكية على كتفو دور يدو على كتفها ومشا زايد بيها تاوصل للشونبر وحلو بالكارط .. تادخلو ورجع سد الباب عاد توݣضات من على كتفو .. كانت غرفة زوييينة والزاج كيطل على لابيسين لي لتحت .. كادخلي على لي كنابي وتلفازة .. وكتفوتي واحد الباب عاد كتلقاي الناموسية وحمام بجاكوزي ودوش .. 
معقلاتش تاكيفاش دايرا نيشان لبيت لاحت سبادري والساك لي طلع فيديها وحيدات الفوق ديال الكيطمة وتلاحت فوق الناموسية تكمل نعاسها .. أما هو تسنا تاجا لخادم وصليهوم البالز .. دور معاه .. ودخل حط داكشي فالبيت وحل ساكو جبد منو الفوطة وشورط ومشا دخل لدوش تحمم .. وخرج عريان من الفوق ولابس غير داك الشورط ..لبس عليه دراعية خفيفة وصلا الصبح .. عاد مشا نعس حداها .. يحيد العيا دالطريق ...
طاحو كاو تالوحدة .. فاقت هي اللولة دخلات لدوش دوشات غير لحمها وخلات شعرها وبقات تحك فديك الحنة مكاتحملش تبقا ليها موسخة لها يديها ..
خرجات لابسة الپينوار لقاتو مزال ناعس هزات الدوبياس دسالها كتلبسهوم بزربة قبل مايفيق عاد حيدات الپينوار ولبسات قنيديرة خفيفة نصكوم واصلة لتحت الركبة بشوية فسومو بارد والغوز، لبسات صباعيتها وهزات الميكاب ديالها مشات لطواليط قاداتو ودفرات شعرها جوج دفيرات رشات ريحتها ودهنات لي كريم عاد خرجات لقاتو شاد تيليفونو فيديو .. كيف حس بيها طلع عينو ..
عثمان ~ صباح الخير .. 
وسناء ~ " بإبتسامة " صباح النور ..
عثمان ~ فوقاش فقتي !؟ .. 
وسناء ~ مااشي بزااف دوااشت حايدت عليا الصااهد ..
عثمان ~ حسن تانا يالاه دخلت دوشت باش نرتاح .. 
وسناء ~ مزييونة هاد البيت طاليت من الشرجم ديكشي كيباان مزييون لتااحتي ولابيسين " عينيها عمرو بالقلوبة " فوياااخ نهبطوو نعوومو ؟ .. 
عثمان ~ نمشي بعدا نتغداو هو اللول وغانخرجو نتساراو شويا فأنطاليا تالغدا فالصباح نوضي عومي وفالعشية عاد غانقلعو لإسطنبول ..
وسناء ~ مم صاافي ماغاندوزوشي بزاف هناايا !! ..
عثمان ~ ماشي عندنا سيمانة خسنا نبروفيطيو ونشوفو بزاف دالمدن أما لابقينا غير هنا غاتصدقي شايفا غير أنطاليا ونرجعو بحالنا .. 
وسنء ~ لا لا صاافي صاافي نمشييو نشووفو كولشي حسااان .. 
عثمان ~ " ناض من فراشو " ههه إيوا لي باانليك .. لبسي حوايجك باش نهبطو ..
وسناء ~ شني .. لاء انا لاابسة لبااس غير نتيينا غانجيب غير نضاضري وتليفوني كونت حاطيتو يتشارجا ..
شاف فيها وشاف فشنو لابسا تنهد ومشا دخل لطواليط .. تاخرج عندها هز الكارط ديال الشونبر وتحركو .. هبطو لريسطو ديال الأوطيل ..لي صراحة كانت شي حاجة وااعرة .. حطوليهوم الغدا منوع بأنواع الأسماك البحرية ديال ديك المنطقة .. صورات وسناء داكشي مع يديه زعما بحال داكشي ديال لي ݣوبل وحطاتو فالأنسطا .. وتاهو داير ليها خاطرها .. وعاجبو هبالها .. كيف سالاو طلعو للشونبر بدلو عليهوم لبسو سبوور وتحركو هبطو خرجو من الأوطيل وشدو طاكسي لسونطخ باش إبداو المسارية .. بحكم أن أنطاليا كاتعتابر المدين السياحية الأولى فتركيا .. مناضر فيها جد جد رائعة والطريقة البنائات المعمارية ديالها وأيضا الطبيعة الخلابة بالجبال والهضاب ديالها .. حطهوم طاكسي حدا مسجد يفليف المنارة .. بقا هو كيشرحليها شوية على لي كيعرف عليه وهي فرحانة وكل مرة تصور بالتليفون ..وتاهو هز الكاميرا كيصورها وكل مرا وبوزيسيون فشكل ..وبعد المرات كتخليه يموت عليها بالضحك .. تابدات كضربو لكتافو .. شد فيديها ونطالقو على رجليهوم مقشبين على بعضياتهوم وهاز ݣوݣل ماب فيدو ..تاوقفو فواحد الجرف عاالي كيبان منو البحر والناس كيتصورو وجوايه المغرب غروب الشمس من تم كيبان هائل ..جراتو كضحك معاه وهو شاد الكاميرا فيدو تاوقفاتو على الجرف ..وهي تغوت بأعلى صوت .. تاطلق الضحكة ديالو مين شافها بهاد الفرحة .. دفعها تارجعات عاوتاني غوتات ورجع شدها من ظهرها .. لعندو ..وبقات تخاصم وتغوت ورجعات قلباتها ضحك فالأخير ..وهوما يهبطو طلاقاو مع واحد كيبيع تما سندويتشات خفاف وصغار .. بغا يشريليها وهو يوحل مع مولاه لي كان رجل شارف تركي كيهضر بالتركية .. تاحد مافهم الأخر .. وهي طلق وسناء الضحكة فوجهو تاعطاه الفلوس هو حسبهوملو ورجعهوم عاد جا لعند وسناء لي ماسكتاتش وهو يجي كيجري موراها وهي تهربلو كيموتو بالضحك ..

بقاو تاتعشاو برا، عاد رجعو للأوطيل تالشي وقت متأخر، ماعقلوش على راسهوم دغيا نعسو ..
حلات عينيها على كان الريدو مهبط وغير الشقات ديالو كاتبان منو الشمس والغرفة شبه مضلامة .. ضورات عينيها كتكسل تاشافتو متكي على الكادر دالناموسية كيخربق فتيليفونو ... دار شاف فيها مبتاسم .. 
عثنان ~ صباح الخير " مد يدو كيدوزها على جبهتها وكيهضر بببحة فصوتو " كيصبحتي مزيان ؟! .. 
وسناء ~ مزياان ونتينا .. 
عثمان ~ " ماحسات غير حنا عندها وطبع قبلة على فمها " مين نتي قدامي راني مزيان .. 
هبطات عينيها معسلين كتشوف فيه حشمانة .. وتاهو ماسلمش من القبلة الاولى وزادها الثانية لي كانت طويلة .. تاجرها من يديها وتقلب عليها .. وهبط بقبلاتو كيدوز شفايفو واللحية ديالو على عنقها .. الشيء لي خلاها تبورش وتقلب عنقها للجيهة الأخرى مخليانو فين يزيد يعبر فعنقها ..كتحس بالمصات ديالو خفاف على العضيمات ديال سدرها .. ويدو طالعين مع الدوني كيتلمس البطن ديالها ..ماشعراتش تاحسات براسها متجردة من حوايجها .. وهي معنقاه حسات بأحاسيس جديدة كيغمروها .. وكانت هادي أول مرة تعنقو .. وتاهوا حس بيها معنقاه زاد كمل بيديه تاحيدليها حوايجها دخلانين .. تعسل الجو ..ورجعو غارقين فبعضياتهوم ..
لحمها تشوكا وكينغل كلما كتحط يديداتها رطيطبين على عنقو ودوزهوم بلطف ..تخطفات لعالم ٱخر كاتنادي بإسمو وهي كدوز صبيعاتها على سدرو .. وقبلاتو ماوقفوش كينوضو فيها صممات قلبها الميتين .. وأيضا هادي أول مرة تلمس الجسم ديالو ..فففف حسات بعضالاتو القاصحين ..ويديه العامرين لي متكي بيهوم عليها ومحاوطها بيهوم ..
دخلات هي اللولة للدوش ..وتبعها هو تاخرجات حمراااا وخذووذها حووومر .. كبعا وهي دازت من علاقة حميمة عمرها فحياتها عاشت بحالها .. لبسات حوايجها وهي غير كتفكر كيف كان معاها فالفراش وكيفاش كانت لمساتو وقبلاتو لي كتحس بقمة أنوثها حداهوم .. وبأبسط التفاصيل كيخليها تكون ملكة على عرش الأنوثة .. 
هزات فيديها مايو بياس وحدة مغطي ليها كرشها ومعري من الضهر ..ولبسات معاه شورط دجين واصل للفخاض .. جمعات شعرها كعكة ..ووقفات حدا واحد المرايا كاتصايب وجها تاخرج هو لابس الپينوار .. هبطات هي عينيها كتحاول تشتت النضر ديالها تاكيحاوطها من اللور وكيقرب لودنيها وهمس ..
عثمان ~ كان أحسن صباح معاك " قبلة تحت من ودنيها " شكرا ..
عوجات عنقها طالقا الضحيكة ديالها تاضورها جبدها لعندو محاوط خصرها بيدو ونقض على فمها عضها عضيضة خفيفة ..
عثمان ~ غاناكلك .. 
وسناء ~ " بصوت محلون وتعوج بين يديه " يأ وييلا كليتييني شنيي غايبقاااا .. 
عثمان ~ هههههه لا هاد الشوية دالعقل لي بقا ليا غادي طيريه .. 
وسناء ~ " علات عينيها للفوق بإفتخار " عارفا .. 
طلقها كيضحك غادي باش إبدل حوايجو وهي رجعات كتكمل لميگاب ديالها لوهلة طاحت عليها وتفكرات بيمن مزوجة .. تفكرات جوج عيالاتو لي خلا .. سهات تاطاح القلم دالكحل من يديها .. وبسرعة حنات هزاتو وتنهدات قالبا عينيها وهي تعقد حجبانها كتكمل الميكاب ديالها .. اما هو لبس عليه شورط فالأحمر وتيشورت فالأبيض وحط ساعتو ... رش ريحتو عاد دار عندها لقاها هازا ساك كتجمع فيه لي غاتحتاج ..
عثمان ~ " بقا كيشوف فيها مصغر عينيه " شنو واش غاتهبطي هاكا .. 
دارت عندو مقلوبة تقول هزيتي وحطتي أخرى ..
وسناء ~ " نهضات فيه " وبايااش كيعووموو نااس شنيي ياكماا نعووم بالخييمااار .. 
عثمان ~ وااش غااتهبطي هاكا " كيشير لضهرها العاري من المرايا " أوسنااء هاااكا !! كاتسطااي عليااا .. 
يالاه غاتهضر وهو يقطعها ..
عثمان ~ "بصرامة " هضرت معااك ... رجعي لبسي شي حاجة ماتفووتيش الركبة أوسناء .. واخا تشوفيني ماكنهضر على المزير ولا داك التخربيق هادا ماكيعنيش غانخليك تخرجي عريانة .. سربي هانا غانساينك برا .. 
مشا بلى مايسمع منها والو كيف خرج شيرات بعكر تاتفرشخ مع الأرض .. 
وسناء ~ تفووووو علييييك تفوووووو حمااااار .. 
حلات باليزتها بجهد وݣلسات تحيد فدوك الحوايج بنتفة وتلوح .. ورجعات جبدات كسوة حد الركبة والبيدين حد الكوع توب قاصح باش إليق ليها تعوم بيه هي كتلبس وتعاير فيه وماخلات ماقالت عليه تاسالات وطلقات هاد المرا شعرها باقي شاد فيه البوكلي .. وهزات دارت طربوش وباش كملاتها عكرات بعكر حممممررر .. ودارت النضاضر ولبسات صباعية ومشات خارجا كتكسول هازا فيديها ساكها وتيليفون فاليد الأخرى ..
وسناء ~ " فنفسها " الخرااااا إلى قولتييلي نعمل لي بغيتي مشيي عااند دووك القييحباات يعملوولك لي بااغي تفوووو .. 

كان واقف حدا الأسانسور يد وحدا فجيبو ووحدة هاز بيها تيليفون كيشوف فيه تاكيسمع خطواتها المتباطئة دور عينو باش إشوفها جايا كتكسول بداك النضاضر والعكر الحمر تاوقفات حداه ريحتها كتعطعط .. بقا كيشوف فيها مدة ..
وسناء ~ " شافت فيه من تحت النضاضر " شنييي مااغانهااودوشي !! ..
تنهد مهبط النفس ديالو بعصبية وضغض على الزر باش إطلع عندهوم المصعد وتاهيا واقفة وشوية شوية كطلع يديها تشوف ضفارها وكتفنن باش تمرضو ..
تفتح الأسانسور دخل هو اللول عاد هي من موراه بشوية عليها، وتمو هابطين فجو صامت تاوصلو لتحت مشاو لجهة ديال لابيسن تاخرجو عليه كانت تما دنيا مروجة ناس كولشي مصيف، تحرك هو اللول شدو جوج ديال لي رولاكس وݣلسو تكات وسناء فوق الرولاكس أما هو حيد التيشورت بقا غير بالشوط والفوق عريان، وعيط لسيرڤور ضوموندا على عواصر، عاد دار عندها .. 
عثمان ~ غاتعومي ؟ 
وسناء ~ " كتوجد ليزيكوطور " مشي نتينا يانا ماغانعونشي دابا كيخسني نتبرونزا .. 
حرك ليها راسو ومشا عاطيها بالضهر ..وتاهيا طلعات عينيها كتشووف .. تاتپلونجا فلابسين، عاد رجعات خشات ليزيكوتور فودينها وهزات من الساك الزيت دالبرونزاج .. علات الكسوة على ركابيها تاوصلات لفخاضها ليكيبانو بوووويض وبوولق مع الشمس .. وبدات تدهن فيهوم داك الزيت وذهنات فيديها وعنقها تاسالات حطليها السيرڤور كاس دالعصير فالأزرق مع الثلج بدات تشرب فيه وهي كتخربق فتيليفون .. ومرة مرة كطلع عينيها تشوف فيه كيعوم .. تاقنطات وهي تنوض حيدات الطربوش والنضاضر وجمعات شعرها كعكة ومشات حتا وقفات عليه فراس لابيسين، يالاه طلع من الما مسح عينو وطلع شعرو وهو يشوفها .. 
عثمان ~ " متكي على الباياس ديال لابيسين " يالاه هبطي ..
وسناء ~ باااعدا شحاال كيوصااال فالقد ؟ .. 
عثمان ~ هبطي ونوريك ..
وسناء ~ هااا لاءاا ماكانتيقشي فيك ..
عثمان ~ " طلع يدو مغطي عينو على الشمس باش إشوفها مزيان " واش نتي حمقة !؟ ..
وسناء ~ لاااهلااا يحيييككك كااشووفتييني كنرميي حوااايجيي فزااانقاااا .. 
دار عطاها فالظهر ومشا كيعوم .. 
وسناء ~ هااا شووفليييك الشييطاان دااين الحراااامييي .. " كتعايطلو " تشوو غانهااواد اييييييهه وفاااينك .. 
دار شاف فيها وطلع يديو .. 
عثمان ~ يالاه تلااحي .. 
وسناء ~ " عوجات فمها " شنييي كحماااقتيي بااش نهااواد ماانعااود نطلاااع .. 
عثمان ~ " شداتو الضحكة " دابا واش غاتنزلي تعومي ولا لا ..
وشناء ~ " عوجات عينيها ماراضياش " غاانزااال غاانزاال غيير سكتتنااا اووف مالك ماالك هاييدااا .. 
عثمان ~ ههههه وغاهبطي يالاه نشوف ...
نزلات بشوية منزلة غير رجليها فالما وݣالسا على الپاياس .. 
وسناء ~ وااجيي لهناايا نشباار فيك ..
عثمان ~ " زاد لعندها " هانا الالة يالاه شدي فكتافي ونزلي .. 
وسناء ~ " صغرات عينيها " عاانداااك إقووولك دييك مووخاااك تغاارااقني " علات صبعها بنبرة تهديد " رااماانسمااحلك لادوونياا لا ٱخرة .. 
عثمان ~ " شدليها داك صباع لواه ليها غابيد وحدا تادارت معاه كاملة طالقا زواݣتها " مال هاد الصبع مابغاش يحشم .. 
وسناء ~ اااايااااايايايااياياي ..وطلاااق وااش حماااقتيي اييييي .. وااش مراااضتي فموخك ولاا ...
عثمان ~ هههه " ضحك بشوية " مكاينش لمرضني قدك .. 
وسناء ~ وصاافي طلااق غاانهاااود اااي غانهاااود غير طلااق .. 
مع الكلمة لخرة تجرات من يديها تاتزدحات فكتفو وهي تهبط لعندو .. 
وسناء ~ " ضربات فسدرو وهو شاادها من الخصر ديالها " واااااااع وااافزااااݣتت شعرييي واااا شكوون قااقلااالك .. 
عثمان ~ هههههه واش منيتك .. 
وسناء ~ من ريتيي " كتزيد ضرب فسدرو " ماااضحااكشي علياااا ...طلاق مني طلااااق .. 
عثمان ~ اهاه .." فلتها بين يدو تكتحس براسها غاتهود وهي تشعبق بسرعة على كتاافوو .. 
وسنااء ~ واااش تساااطييتييي وعلاااش طلااقتيينييي .. 
عثمان ~ ههههههه ياك ݣلتي طلق .. 
وسناء ~ وصاافي قووتلك طلاااق طلاااقني .. كيخاااسك تهااانااا منييي .. 
عثمان ~ دابا ماغاديش تسكتي مم .." زيد على الخصر دياالا ...
وسناء ~ اوااعدي شني كااتعمااال عوووثماااان .. 
عثمان ~ عاودي نشوف .. 
وسناء ~ شنييي !! "عاودات نطقات سميتو برطوبة وشفاشفها الحميمرين متبع معاهوم "عثمااان ؟؟ ..
عثمان ~ غاانااكلك القطة ديالي غغاانااكلك .. 
عوجات عنقها كضحك وهو معنقها تازيديها فوسط لابيسين .. وشوية دارها على ضهرو وبقا كيعوم بيها وهي كتموت بضحك .. وبعد المرات إعصبها وتغضب وتبقا ضرب فيه .. بقاو فالما تالشي وقت عاد خرجو كينشفو بالفاطي وي ضحكو .. تكا هو على الپارسول وهي تنوض مدات يديها كتذهن ليه ضهرو بداك الزيت وركابيه وفخااضو كتحس بيهوم قااااصحيين مقارنة مع يديداتها الرطييطبين .. ݣلسات جنبو فالرولاكس وكملاتها بالمساج وهو مرخي ومغمض عينيه .. 
وسناء ~ صااافي بااركة ؟؟ .. 
عثمان ~ لاكنتي عيتي باركا عليك .. 
تيليفونو بدا يصوني جا ينوض وهي توقفو .. 
وسناء ~ غير ݣلس يانا نجيبولك .. 
وهي تنوض غاتهزو تمدو ليه بلى ماتشوف يالاه غايشدو من عندها وهي تقشع السمية تم نيت تكلاشات وتسطووپات فبلاصتها ..

Abir .. 
هاكا كانت مكتوبة وهاكا شافتها .. حسات بيديها غاطيه بلي فيها كون ماشدش من عندها تيليفون، حتا كتشوفو رد بهدوء وحط تيليفون فودنو وهو ينوض من حداها، غمضات عينيها وعاودات حلاتهوم كاتبتاسم .. 
وسناء ~ ههه يقااود هوااا وياااهاا المهييم ياانا مااشي شووغلي ماغانعااصاابشيي رااسي ويااناا خاارجاا هايدا فلكوونجيي .. 
رجعات تكات فوق الرولاكس كأن شيءا لم يحدث عودات ذهنات الزيت لراسها ودارت ليزيكوطور فودنيها وغطات وجها بالطربوش .. 
دقائق وكتحس بالطربوش تحيد على وجها وهي تحل عينيها شافتو واقف عليها .. مدات يديها وحيدات ودن وحدة ..
وسناء ~ شني !! ..
عثمان ~ صاڤا ؟! ..
وسناء ~ " وهي كتحرك رجليها لي مطوية بهدوء " سووپر دسپاااپر ونتيينا ! ..
عثمان ~ كاتفلاي ..
وسناء ~ ونتيينا كااتقوولي وااش صاڤا آواا شني باانلك كيفما خاليتيني راه بااقاا .. 
عثمان ~ واخا يالاه نتغداو .. 
وسناء ~ يالاه .. 
ناضت كتجمع الحوايج وهو شوية شوية يدور إشوف فيها بنص عين وهي عاادي كتجمع وتصنط لموسيقى مامسوقاش .. تاطلعو لشونبر كل واحد دخل لدوش بدلو عليهوم .. لبسات سروال دجين مزير فالأزرق مع پيل سبورتيف فالݣري ماعندوش اليدين وطلقات شعرها صايباتلو بالشيشوار بوكلي ودارت نضاضر دشوف بروطيكسيون مع ميكاب خفيف ..
عثمان ~ وسناء جمعي حوايجك حيت غادي نهبطو نتغداو لتحت وغانمشيو من تم لإسطامبول ..
وسناء ~ واخا ..
كملات جميع ديال حوايجها كاملين هي فجيهة وتاهو فجيهة ثانية كيجمع حوايجو .. تاسلاو كولشي ..عاد خرجو .. كملات تقشاب ديالها عادي معاه ..كضحك وتهضر .. وتاهو كمل معاها عادي بحالي داك الإتصال مازاد فيهوم تالعبا .. كيف كملو غداهوم توجهو للمطار ..وشدو الطائرة لي غاتمشي مباشرة لإسطامبول ..
حطات الطيارة أرحالها وهبطو ثاني جارين الحوايج تاخرجو من المطار وهما يلقاو سيات Fr ..فالأبيض واقفة ومتكي عليها شاب يكون فالعشيرينات من عمرو .. نفس ملامح عثمان .. هي مارفاتوش تاكاتشوف عثمان تقدم كيتساسلم معاه سلام رجولي وهو الأخر ..تاكاتسمعهوم كيهضرو بدراجة ..وهو يضور عثنان لعندها .. 
عثمان ~ وسناء هادا تيسير خويا الصغير ..
تيسير ~ " حمظليها يديو " متشرفين اختي ومبروك الزواج .. 
وسناء ~ " مداتلو تاهيا يديها " الليباارك فيك اخااي وليلي الشااارف .. 
تيسير ~ " مدلو السوارت ديال الطوموبيل " المهيم هالمسائل ديالك الأخ ..
عثمان ~ " ضربلو على كتافو " تانتشاوفو الله يعاون .. 
تفارق معاهوم داير يدو فجيب ومشا يشد طاكسي وخلا عثمان هز الصيكان دارهوم فالكوفر وقال لوسناء تركب وهي مافاهمة والو كيفاش واش خوه كيقرا هنا ولا ساكن مهيم تخربقات تاطلع وديمارا عاد هضرات .. 
وسناء ~ وااش خااك كيقراا هنا ولا شنيي .. 
عثمان ~ كيقرا لهندسة ومستاقر هنا حاليا .. 
وسناء ~ وعلاش ماساكنشي معااكوم نتومااتا كااملين فداار وااحدا علااش هوااياا بووحدييتو لي هنااياا .. 
عثمان ~ تانا كنت بحالو مين كنت فعمرو وكنت غانستاقر هنا .. ولكن رجعت مشيت لفرنسا .. تانات خويا عاد هبطت لمغرب ..وعاودت رجعت ثاني لفرنسا .. 
وسناء ~ حللف وعلااش عوومرك قوولتييلي هاادشي .. 
عثمان ~ ههه النهار اللو مين قتليك أبنت الناس واش باغل تعرفي عليا شي حاجة شنو جاااوبتي ؟! ..
قليات عينيها لزاج وسكتات .. 
عثمان ~ لا هضري ماسمعتكش !! .. إيوا شفتي أوسناء .. كاديريها قد راسك وكتسميها فيا ..
وسناء ~ ديك سااعتي ماكونتشي كاانقدار نهضااار معااك .. ولداابا بااقاا خاليني تاانطلاااق " غمزاتو " وديك سااعتي نجي نسوولك علىى كووولشي .. 
شاف فيها وكلع راسو الفوق كيضحك ورجع شاف فيها .. 
عثمان ~ هههه واش نتي ديما هاكا غي جاوبيني !! ..
وسناء ~ " قليات عينيها " لا غااافووياااخ كااترشااقلي .. 
كمل الضحك ديالو، تاشوية حابليها تاهيا الضحكة حيت فعلا أول مرا كتشوفو كيضحك هاكاك منيتو وسنانو البويض مستفين تاجرهابيدو متكيها على سدرو وهي كاعصب حيت كيخربق ليها شعرها، وصلو للأوطيل حطو حويجهوم هزو التيليفونات القراعي دالما والكاميرا وإنطالقو ثاني فرحلة إكتشاف مدينة الأضواء .. مشاو كيتمشاو شاظين فيدين بعضهوم .. وكل مرا واكد يوري الأحر شي منضر .. ويصورها وتصورو .. ويرجعو يتصورو بجوج .. تاولاو يقشبو على الناس وكيموتو بالضحك .. 
فاقو فالصباح ثاني .. دوشو ولبسات شوميز فالباج مع سروال كلاص وااسع فالأسود وجمعات نص شعرها دفرة هوادا من راس لتحت .. ولبسات سبادري فالأسود .. وتاهو لبس الكلاص سروال فالباج مع شوميز فالأبيض مخشية فيه .. وصباط موكاسان فالقهوي .. ترحيو وأناقتهوم المعهودة عاد خرجو تاجهو نيشان للقوارب ديال إسطامبول .. وركبو فواحد اليخت فوسط البحر .. ودوزو عاود فيه الحماق .. ضحك عليها ويضحك عليها .. تغداو فيه عاد كملو عشيتهوم فمدينة الملاهي .. لي دوزو فيها الحماق ديال بصح .. وركبو فأكبر لعبة .. وبجوجهوم مشدودين فالصمطة غير نطالقات طلقات وسناء أعلى صوتها .. وعثمان كيكت فيها واالو تابدا يضحك عليها .. هي مستمتعة باللعبة وهو مستمتع كيتفرج فيها .. تاهبطات دايخة كادور .. تعشاو فغيسوطوغون برا مارجعو للأوطيل تالشي وقت

دوزو النهار الثالث والعشية ديالتو سافرو لبوردوم .. مدينة سياحية من عالم ٱخر فتركيا .. وصلو لتما إستاقرو فاوطيل وخرجو .. المدينة كانت ساحلية على البحر الأبيض المتوسط .. دايرا فحال شكل الشمال ديالنا حنا .. ووسنااء عجبهاا تمااا دنياا .. بحكم جاتها بحاال شكل درينكوون وتطواان ومارتيل .. لاكوط على البحر ..والمدينة كاملة ف
بالأزرق والأبيض .. تعشاو داك الليلة فغيسوطوغون تمايا .. عاد رجعو لأوتيل باش يباتو دملو مسخسخين .. دخل هوا لدوش وهي بقات كتحيد فحوايجها ولبسات بيجامة دوني إكس وشريط ديالو فالغوز حنات على الباليزا كتقلب تاشوية بقات كتفتش .. 
وسناء ~ اوااعدي فااين مشااااو !!! .. 
حيدات دوك الحوايجيسرعة كتقلب وتعاود واالو ناضت ورجعات لياليزا الأخرى شتتات الساك ديالها واالو .. 
وسنااء ~ ايمااااا واااش نسيييتوووم تمااااياا اواااعدي .. 
تفتح الباب دالحمام وتم خارج عثمان بسروال دالكيط فالأسود وتيشورت فالأزرق كينشف شعرو .. طلع راسو وشافها باقا واحلة .. 
عثمان ~ مالكي صاڤا ضاعتليك شي حاجة !؟ ..
وسناء ~ " عوجات فمها بقلق ماعرفاتش واش تقولها ولا لا " هوواا يااعني مااعراافتشي كيفااش نقوولاالك .. 
عثمان ~ " حيد الفوطة من شعرو ومشا غادي كيشوف فيها " مالكي شي حاجة ݣغاف ؟ ..
وسناء ~ لا بحلحااق نيييت البااسطياات لي كنشرب .. 
عثمان ~ إينا بااسطيااات !!

وسناء ~ " ماعرفاتش ردة الفعل ديالو كيغادي تكون " هو ياانا كنشرب مواانع الحمل .. " كتشووف فعينو وكتكمل " ودااباا يمكن نسيتووم فالأوطييل لاااخور .. 
مد يدو للحيتو كيحكها شوية وعاود شاف فيها .. 
عثمان ~ يعني ماعندي مانقوليك إلى كنتي ماباغاش الولاد دابا ماعنديش موشكيل نتي باقا صغيرة وانا مايمكنش نفرض عليك أمر بحال هاكا ولكن كان على الأقل تعلميني ..
وسناء ~ " حركات كتافها " نسييت ماايصحاابليش غااتقاالاش " دلات فمها " ...
قرب تاشدها من كتافها .. 
عثمان ~ ماشي موشكيل أحبيبة غير أنا راجلك بحال هاد الأمور ماكاتخباش هادشي مشترك بيني وبينك وعلى العموم كنحتارم الرأي ديالك، شنو سميت نوع لي كاتستاعملي ؟ ..
وسناء ~ " طلعات عينيها لقوق كتفكر " مم اسمااا marvelon .. 
عثمان ~ " تحسس حنكها بيدو " صافي أنا عانخرج دابا نشوف واش نلقاها .. 
وسناء ~ حلاااف تشووكراا بزااف " بإبتسامة" .. 
رجعليها الإبتسامة ومشا خارج .. وهي رجعات جمعات حوايجها عاد ݣلسات فوق الناموسية كتعيط لمها وتسولهوم على أحوالهوم كضحك وتقشب وتعاود لمها على داكشي لي شافت كيدايرا .. ناقكعات معاها وعيطات ثاني لرودينة كاتهضر معاها .. وتعاود ليها تادخل هو جايبليها الساشي فيه الدوا مدوليها مخليها كتهضر على خاطرها ورجع طلق السجادة كيصلي .. وتاهي بقات تكملات الهضرة وناضت شربات الكينة داليوم ورجعات نعسات ..
ناضو فالصباح كيف العادة دوزو داك الصباح فالبحر فالعومات وفالعشية فالدوران مشاو لمتحف لي تما شافو فيه العجب خظاو التصيورات وديسوڤونيغ .. ورجعو باتو فالأوطيل .. الغدليه كان ٱخر نهار باش غايرجعو من حيت خداو ستيام وعاد تابعهوم العيد .. قداو الصباح ديالو تما تالعشية طلبات وسناء تمشي لشي مول تاخد كادواات، ديكشي لي كان مشاو لتم وهي ظخل من خانوت لحانوت وعاد الحوايح تما زوينين وغزاالين .. وشرات ردلرودينة شي ثلاثة دالكسيوات دالحجاب .. ولفاطمة الزهراء وحدا وخديجة وحدا وشيماء كذلك .. ومها وياقوت جوج جوج .. عاد جابت كادو خفيف لزينب .. مهيم كل واحد تهلات فيه ورجعات معمرة بلي ساشي وتاهوا هاز معاها وغادي معاها فهبالها .. تارجعو فليل للأوطيل دخلو لشونبر مشا هو لدوش ديما كيسبقها وقبل ماتحيد حوايجها بغات تهبط تجيب أولويز من سوپير ماركت لي تما بحكم ماجابتوش وهي جاتها لي غيݣل .. دقات عليه بشوية ودخلات تلرشاش كيتسمع ورواق مردود عليه .. 
وسناء ~ عووثماااان هاسناا هااوادا تاانرجااع .. 
عثمان ~ فيين غاادا !! ..
وسناء ~ وغييير هنااا صاافي جوج دقااايق هاسناا معااك ..
قبل ماتسمع الرد ديالو خرجات ومشات هبطات لتحت خدات لي بغات وخلصاتو من الفلوس لي هزات من عندو .. وتمات طالعا لشونبر كيف كتقرب للبيت كتسمع صوت عثمان المجهد كيهضر فتيليفون لي هي بيديها عمرها سمعات نبرة صوتو بهاد الطريقة .. حلات الباب بلاكارط باش دخل .. وكتسمع صوتو من البيت لي مردود عليها الباب بشوية وبقات غادا وكاتختالس السمع ..
عثمان ~ نتيي مريييضة مرييييييييضة طلعتتيييي فراااسك بفعاااايللك صااااافي ... 
قطع تيليفون ولاحو على الناموسية بجهد وسناء غي كتسمع وقلبها كضرب ماعرفااتش معاامن مان كييهضر ولاا اش واااقع .. كان معصب باينة من عينيه والݣلسا لي داير وهو كيحرك فخضو بزربة ... بحالي مسطريسي .. عوجات فمها وحلات الباب تم نيت طلع عينو شااف فييهاااا وهو يهضر .. 
عثمان ~ " معصب " شنو مشييتي تجييبي، مالكيي ماصبرتييش تانخرج !! ..
وسناء ~ " علات حاجب ونزلات واحد .. بحالي كتقولو غابشوية قبل تانا مانجعر عليك " شييي شغوول دالبنااات .. 
عثمان ~ " تنهد مطلع النفس ومهبطها بجهد " مهيييم جمعي جدحواايجك عنداك تنسااي شي حاجة غدا عندنا الطياارة بكري ..
يالاه غاتهضر تاكاتشوفو ناض مشا لبالكون .. 
وسناء ~ حمااار، كلب بااغي تصعااار عليياا الخراااااا، مشي تخراا نتيناا وهااديك القييحبة ليي هاااضرااات معاااك ..شمااايت ..
دخلات لطواليط كتبرد فراسها مابغاش تسطريسا وتحرق راسها فيهوم ماشي شغلها .. قادات أولويز وخرجات لابسا بيجامة مسحات وجها من الميكاب ودهنا يديها وعنقها بكريم ليلي ودارت كريم لوجها باش يبقا رطب طلقات شعرها ومشطاتو ودفراتو باش إصبح مدرج عاد مشات تنعس بلا ماتسوقولو ينعس ولا يݣلس .. 
كتحس بيدين كيحركو كتافها وهي فيها الموت دالنعااس .. 
عثمان ~ يالاه أحبيبة يالاه نجيو مع الكيارة هوا هاداك يالاه .. 
وسناء ~ انم من ننننهن خاانيني ..
عثمان ~ " حرك يدو كيعنكش ليها شعرها " قطيطة ديالي، وصافي راك شبعتي نعااس يالاه لطيارة وشبعي النعاس .. 
بزز بااش نوضها كاتقاتل معاه كيف توݣضات وهي تقلي عليه وناضت معوجة سيفتها دخلات لدوش دوشات بماء دافي بزربة بلا ماتقيص شعرها وخرحات لبسات فالضا مطلوقة حد الركبة فالغوز بيبي ومخشية فيها شوميز دجين طوات ليها الكمام، كلقات شعرها لي صبح مدرج وقادات باندا فالغوز بيبي عاد لبسات سبادري فالغوز بيبي كذلك وساك صغير أيضا بسنسلة طوييلة ذهبية .. جاتها لبيسة فنييونة .. لبس هوا سروال فالأبيض مع شوميز فلبلو سيال خارجا على السروال وسبادري فالأبيض .. وتاجهو نيشان لمطار باش غايتاجهو للمغرب ..

طلعو لطائرة وهاد المرا ماشي كيف المرا لي فاتت، حيت كانت متحمسة أما دابا راجعة لدوك الزبولات ولكن فكل الأحوال إستمتعات .. 
تحطات الطائرة فمطار محمد الخامس دار البيضاء .. هبطات كتزف موراالها هاابد وماحملاتتش ترجع للمغرب وماسخااتش بتركياا .. ماكرهاتش تبكي وتجذب باش تبقا تما .. ادمع الإجرائات والتخربيق ماسالاو تاغفرليهاؤبي الذنوب .. خرجو من تما لقاو إدريس كستسناهوم بالكاط كاط ديالو ركب عثمان حداه ووسناء من اللور بعد ماسلمات عليه، مشاو و الطريق لفاس وعثمان وإدريس مجمعين ووسناء شاداها القنطة ومع طالقين القرٱن فالطوموبيل صافي جاها نعاس وهي طيح على جاجة ديال الطوموبيل حالة فمها .. 
ماوصلو تالعشية .. هبط عثمان حل الباب على وسناء كانت متكية على الكوسان .. مد يدو كيفيقها وإدريس كيهز الباݣاج من طوموبيل .. 
هودات مقلوبة وعيانة وبسيف مين فاقت مع 6 وهي شادا الطرقان .. تمشات غادا فالدرب تاوصلات لباب دالرياض وبدات دق وهي تفتح ليها السعدية .. 
السعدية ~ اهلا لالة وسناء مرحبا توحشناك ..
وسناء ~ " ضحكة صفرة " راابي يخااليك ..
السعدية ~ مرحبا سيدي عثمان على سلامتك .. 
حرك ليها غير راسو ودخل من مور وسناء هاد الباليزات دياولها وتاهية مع الدخلة كاتبان ليها الباتول ݣالسا هي ويامنة وياقوت .. مشات متقدمة لعندهوم حيت عارفا عثمان من موراها .. 
يازت ~ " وقفات " مرحبااا مرحباا يويويوويويويويوي .. على سلااامتكوم اولييدااتي .. 
وسناء ~ " وصلات لعندها كتسلم عليها " الله يسااالمك اخاالتو كيف نتيينا وشني كااتعااود ..
ياقوت ~ غير هنا ابنتي كيف خليسنا راه باقين .. " شافت فعثمان كيقربليها بعد ماحط الحوايج " على سلامتك اولدي .. 
عثمان ~ باسليها راسها ويديها " الله إسلمك الواليدة ..
ياثوت ~ الله إرضي عليك ..
وسناء ~ " كتسلم على الباتول من وجها والأخرا غير معفرة ومااقدرااش تقوليها شيي حااجة " لاابااس علييك ايمااا مزياانااا ..
الباتو ~ الحمد لله .. 
وسناء ~ " لعند يامنة " ونتينا اخالتو كيف عاملة ..
يامنة ~ " ضحكة صفرة " غير هنايا ..
كذلك عثمان سلم على جداتو وعلى يامنة .. لي رجعو جاوبوه هو بلطف ( تحلوين بالعربية تاعرابت ) ووسناء غاكاتنفخ .. 
وسناء ~ " مع ياقوت " والمهيييم اخاالتو يانا مااشاا نرتااح عاياانا ..
ياقوت ~ بسيف ابنتي راه الطريق صعيبة .. كون تاكلي بغدا شوية وسيري تنعسي ..
وسناء ~ لا واالو يااخالتو تشووكرا بلحااق ماافيني لي يااكل ..
ياقوت ~ إيوا سيري ابنتي تنعسي سيري ..
حركاتليها راسها ودارت غادا ليستها تادخلات حيدات حوايجها بزربة دايخة بالعيا وزيدها ليغيݣل كاديرليها هاد السخفة فنهارها اللول .. دغيا تلاحت فوق الناموسية ناعسا ..
كتحل عينيها، كتشوف من المرغب الضلام والسكات غير صوت العيالات من فوق الرياض كيتسمع .. ناضت كتفوه .. دخلات لطواليط غسلات حالتها .. وخرجات مفورماطيا .. لبسات فراشة فالباج زوينة وبسفيفة فالأحمر وليموني .. طلقات شعرها ودارت البانضا ديالها الحمرا جاتها فنيونة .. كحلات عينيها وعكرات بالحمر خفيييييف .. وعملات فراجو .. عاد لبسات الذهب ديالها .. وهزات تيليفونها وخرجات سادا الباب دالبيت وكلما زادت خطواتها كاطل على البنات من الفوق وكتشوف خديجة نايضة واقفة كتسلم .. مشات هابطا فالدروج تاكاتقابلها السعدية مطلعا باليزا فيديها .. علات حجبانها تاوصلات لتحت ودارت على الصور باش إبانو ليها كيهضرو ووحدا عايطاها بضهرها بعباية طويييلة فالأسود وشااال على راسها ..وهي كتقررب ..تم نيت ياقوت وقفات من بلاصتها .. وهي باغا تسمع شكون مولات هاد الصوت الثقيل لي كاتهضر معا خديجة .. تاكاتنطق ياقوت .. 
ياقوت ~ ههه بنتي وسناء فقتي .. 
مع نهاية الجملة كادور ديك البنت باش يتقابلو عينيهوم بجوج كل وحدا كطلع وتهبط فالثانية ..
خظيجة ~ عبير هاد .. قب ماتكمل ..
عبير ~ عارفا ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.