صورة مصغرة لـقصة العايلة مولاتي

قصة العايلة مولاتي

qisat 9isat molat 
رواية العايلة مولاتي

بعيدا من عالم الحروب والفرادا والقتيل والضلم والتراجيدية المعروفة، واليوم أجيو نعيشو شي حاجة لأي مرأة أو بنت مغربية كدوز منها ✔ ..

زواج تقليدي ...  حب قديم ... عائلات ... أصول وتقاليد ... النسااب .. العراايس .. #الخطبة.. الدرات .. العقد .. ليلة الدخلة 🔞 ...لكل بنت مغربية كنهديها هاد القصة 🇲🇦

♥ بعنوان : العايلة مولاتي 🇲🇦

قصة واقعية وأفكار كتحكي واقع غاتقدر تعيشو أي مغربية .. هي حقيقة وقعات بصح واليوم جيت نذمجها بقصة من كتاباتي .. غادي تعجبكوم حيت هي بطابع جديد ومغاير ..كوميديا رومنسية زويييينة والحب والفن وماجاوراهوما كخخخ داكشي حلو وبشكل جديد .. والتفرشيخ أكييد عارفااكوم كاتمووتو علييه ههه خلينا نفوجو على بعضياتنا بعيدا عن المافيا والقتيل والإنتقامات وأجيو تعيشو حكااايتكوم ونضحكوو شوياا وليي عندها شي تكشييطة توجدها ..
ومرحبا بيييك العايلة 💐💐💐

( قصة غاتحكيلينا واقع مغربي 100 % بعض أحداث القصة مقتبسة من الواقع ) 

أنا العايلة مولاتي عيونك هلكو ذاتي يا لالة 
أمولاتي يا لالة أمولاتي 
أنا العايلة مولاتي القد واللباس إواتي يا لالة 
أمولاتي يا لالة أمولاتي 
أنا العايلة مولاتي الخلف الخذ إواتي يا لالة 
أمولاتي يا لالة أمولاتي 
نساو الخير عليكوم نعم الله مساكوم ألالة 
حاجة ماجابتني الغرام فوجه الحباب ألالة 
أنا العايلة مولاتي عيونك هلكو ذاتي ....العيون لي حبوني مايبغيوش عليا يا العايلة 
أنا العايلة مولاتي القد واللباس إواتي يا لالة 

👑 العايلة مولاتي 👑 


ختها شادا الورقة وكتقيد ومها حداها شادا تيليفون وهي كتقوليها فالنوامر ...
رودينة : أواعدي يانا والله منوعرض فاطمة زووهرا نتينا حااامقا ..
سناء : بصح أممّا ديك نهايراتي فالعورس دحبيبي عملات راسا ماشافتنيشيي لايانا لارودينة ونتينا كتقولي دابا تعارضا ختي لعورسا كحماقتي ..
حبيبة " الأم " : شوفي نتي ماعندك ماتخسري عرضي درية وخليها تحضر معانا ..
رودينة : سماع أممّا قوتلك منعورضاشي هي منعورضاشي متزيدشي دحاماقني كتار من هايدا هادا عورسي وتاواحيد مايداخال ..
وسناء : تشوف أختي عمل لي قاليك راسك ماتسماعلاشي الهاضرا غاتخروج عليك ..
حبيبة " ناضت مقفضة يديها مخرجة عينيها فيها " : اييييوااا شفت بحالي طلقتليك السمطا تاوليتي تجبدي عليا تما راه غاتكمشي قبل مانقلب عليك " زادت خرجات عينيها " سمعييي غاتعرضو البنت هي غاتعرضوها نتونا دايرين كيالمشحاطات سمكوم كيقطر . ..
وسناء : دابا حنا ولينا مشحاطات أممّا ياااااك ؟؟ إوا عقااال عليها سمااعتي أختي !!!؟ سمااعتي ممّا !!وماخلات ماقالت فيا شني غاتخالي لناس ..
رودينة : ممّا انا مابقيتيشي كتفهاملي قسمابالله ..
حبيبة : قيدي تا زوهرا مرات مول الذهايبي نسيناها ..
رودينة : ديك الساعة تمشي عاندا غير وسناء بلا مانعيطولا ..
حبيبة : لا لا غادي نعيطوليها ااااانااا مرات الذهايبي تمشي عندها برجليك مالنا ماعندنا صووولد ..
وسناء : اممّا غير سكوت كون كانت شي عامتي أولا عامّي كون والله لاعيطتيلو ..
حبيبة : نتي غاتنوضي عليا ولا نوض نهرس لمك دلgوشك مابقيتيش كتحشمي ..
وسناء : " ناضت ناافرة " اووووفف هايانا ماشّا وديك الساعة بقا تعايط وسناء وسنااء ..
حبيبة : وتأفأفي عليا تما " خرجات وسناء ماتسوقاتش ليها ورجعات دات عند رودينة " ديري تما لالة ياقوت الفاسية راه تاهية غانعرضها ..
رودينة : ناري يا ممّا غاتعروض ناس عاليين علينا فالمستوى ..
حبيبة : سكتي نتي أش كتعرفي لالة ياقوت راه عشرا قديمة وزايدون غانديرو التريتور ديالها ..
رودينة : إوا لاعانداك شي فلوس غاتحوطهوم ..
حبيبة : هاميييمتي وتي قيدي وسووكتي ...
رودينة : " قلبات عينيها ونزلات على الورقة " هايانا ساكتة ..
بعد ما دخلات لبيتها نافرة مشات هزات تيليفونها لقاتو تشارجا وعيطات حتا تشد الخط ..
سناء : أهلا الحبيبة ديالي .. كيف عاملا نتينا مزيانة .. لاباس الحمد لله ربي يخاليك اوا شني عماليتلي فداك العكار لقيتيه .. رابيي يخاااليك الحبيبة .. وتشو غانطلاقاك فكاصاباراطة .. لا لا غانكون فبّاب دالكافي لي فالداخلة .. يالاه الحبيبة يبقا تيليفون بايناتنا ..
لاحت تيليفون على الناموسية وناضت خرجات عند رودينة ومهوم ..
وسناء : رودينة نوض تمشي معايا لعاند مريم راه جابتلي العكار ..
رودينة : " ماعلاتش عينيها فيها كتكتب " ستنّا أوسناء مشغولة ..
وسناء : ويرحم يماااك سربي ..
حبيبة : " خنزرات فيها " وختتتك مشغوولة باراكة ماطيري سيري جمعي داك البيت راه دابا شوية وهي جات خالتك وتلقا عندك الكوري ..
وسناء : أممّا راه مجموع غير سكتنا ..
حبيبة : راه غانوضليييك ..
وسناء : وصاافي صافي " ترن ترن .. صونيت دالباب " أنمشي نتشوف لبّاب ..
مشات حلات لقات خوها الصغير حمزة كيبكي أو وجهو عامر دم ...
وسناء : ( ضربات ففخاضها شافت دم بدات ترعد ) اوااااعدي يااااناا شكوووون هاااد الكاايظار لي عملك هايدا ( كتغوت بجهد ) أحبييييييببة واااجييي ايماااا تشوووف وللدكك اواااعدي يااانا ...
نزلات عندو كتقلب فراسو وحبيبة جات كتجري ورودينة من موراها باقا شادا الدفتار فيديها ..
احبيبة : ( شافتو شهقات تخوا ليها الما فالركابي ) اوييييلييييي ميييمتيييي ( مشات كتجري كتقلب فيه وهو كيشهق بالبكا .. دارت عند وسناء ) طييريي جيبي الثلج الله عطيك الهرس كاالساا تفرجي فييه وعيطي لباااك إيجي إعتقق ..
معا الباب محلول زاد تحل وكيدخل خوهوم الكبير وهو يشوفهوم وشاف خوه بداك الحالة طار عندو وهبط كيشوف فوجهو أما حمزة فمسكين كيشهق بالبكا ..
√ مصطفى ✒ الإبن البكر فعمرو 28 شعرو قهوي وبيض فورمتو طويل وغليض شوية مي عندو حقو من الزين خدام مصور وعندو إستوديو مكمل قرايتو فالأخير كمل فهاد الحرفة ومع حبيبة طيابة فالطريطورات فكتدبرلو تاهو فالأعراس تاتشهر ..
√ رودينة ✒ البنت الثانية فعمرها 25 شهبة زينها متوسط شعرها قهوي فاتح وبيييضة بلقا ولكن عينيها معسلين غادين للخضر لونهوم زوين كولشي كيشكرهوم مارقيقة ماغليضة ولكن كاتبان وافية وقادا ومرات الدار حاليا كتوجد لعرسها لي باقيلو سيمانة وكانت غير گالسا فالدار ..
√ وسناء ✒ بطلتنا وهي الثالثة فخوتها فعمرها 21 هادا العام الثالث ليها فلافاك إيكونومي وباقي ماطلعات تاموديل غامدوزا بيها الوقت .. شعرها فالشاتان يعني قهوي غادي لزعورية وطويل ومتدرج مسرسب كيف مها وبييضة فرماتها رقيقة شوية وعندها لي هونش هوما لي كيبانو فيها ماهي حاضية غير الماكلة والنعاس حنيكاتها ديما حومر وعينيها مشفرين قهويييين كيبريو أو وااسعين مع أصلا باهوم جبلي أصلهوم من تما مزال مها دكالية من الجديدة هي خرجات كتشبه لطاسيلت باها هي وخوها الصغير حمزة فعمرو 10 سنين نصخة طبق الأصلي منها أما مصطفى أو رودينة كيشبهو لحبيبة الدكالية هاكا كيعيطوليها فالحومة ..

مشات كتجري رودينة لبسات عليها غير جلابة خفيفة من الفوق فالقهوي بارد صيفية ولوات الشال فوق راسها أو جابت فيديها جلابة لمها لقات وسناء هازا الثلج كتكمد ليه راسو هي وحبيبة ..
حبيبة : يالاه سربي دغيا أرايلي داك الجلابة ..
مصطفى : يالاه ايما نديوه لصبيطار ..
رودينة : يالاه أوسناء نشوفو هاد البارهوش لي عملو هايدا ..
وسناء : والله لابقات فيماه راه ولد حليمة مولات الفران هاداك عراافتو غابلاتي أصلا حالفا فيها اليوم نريش يماها ..
هزات جلايل لبيجاما لبسات فرجليها الصابو ومشات خرجات هي ورودينة مخليا حبيبة تابعة مصطفى هاز حمزة فيديها باش إشدو طاكسي إيمشيو إغرزولو حيت جاتو الحجرة فالجبهة ..
وصلات وسناء بالجرى حتا لواحد الباب بدات دق عليه قربات تقلعو وجاعرة ورودينة كتغوت وتحيح والحومة كاملة خرجات تفرج ..
رودينة : اديييك حلييمة واللله يماك أو ماتخروووج ياتندعاس على باباك هاد البّاب ..
خرجاتليهوم مرا غليضة شوية لابسة بيجامة ديال الدار ومحرزة بالفواطة وزيف حياتي على راسها مگفطة على يديها عوالة على خزيت ..
حليمة : امااااالنا ماانخاافووشي ياولا .. ياا بناات حبيبة ماابقييتووشي تحشمووو فعايلكوم على لسان الناس ..
خرجات فيها وسناء عينيها وزادت قرباتليها ..
وسناء : ادييييك هااااااه ( مولفا حبيبة ديما كتقولهاليها ) واللله ومااتجماااع علييياا داك البعلوك دولدك ياتنمرمد يمااااه .. لاتبقااشي تبكي عليااا كتسمااااع ..
روودينة : شنيييي !!!!! هواااا راهه غاتخااالاص الحبيببة دقلبييي ولا نعاايااط للبووليس ..
حليمة : شنيييي غاانخااالاص كااشوفتكووم ماجين دحمااقوو علياا هنااياا كيف شيخاااات مشيو مشيو ...
معا ديك الكلمة الأخيرة، مدات وسناء يديها وهي تهبطليها معا داك الزيف تاتشتت شعرها وهبطات عليها لراس جات بنتها من اللور غاتنزل على وسناء وهي تشدها رودينة دوراتها من شعر ونزلات عليها ... وسناء ماجبداتها غير يد واحد الراجل وهي نازلة كتعطي وتعاود ناضت عرقانة عليها ..
وسناء : ( كتغوت وعرقانة العروق ديال راسها بانو والشعر عرق على وجها والكعكة لي كانت دايرالو هوادا قريبة تفسخ ) واااااا طلللللقووو نواااريي ليماااااهاا شيييخةةة الينعل يماااك يا الحماااراا بزاااف عليك ياااناا ..
تدخلات بنت فمقتبس العمر طويلة شوية وعامرة وزوينة فوجها مسرارة كانت مرياما هي الصديقة ديال وسناء ..
مريااما : اوااااااااااااعديي يااانا على الملعوقة وطلاااق من المراااا ..
وسناء : ( باغا تفك من يديها وشاداها الجعرا ) حااااايد ..
حليمة : ( كتغوت ) واااعتقوووو اوااعدي قتلووني بنات لحراااام ..
رودينة : باااش نعاالمااك تزبل فينا ( تعايري فينا ) المرااا الماجّا ...
ماطلقو منها حتا طلقات الفلوس من مور تريشة لي داروليها رجعوها كيدجاجة لاهية لابنتها خلاو الحومة كاملة كتهضر عليهوم ماهوما معروفين بنات الدكالية حارين ..بعداتهوم مريامة وكولشي باقي كيشوف فيهوم ...وسناء طلقات شعرها على طولو ورجعات جمعاتو ودورات عينيها باقا كتلهت ودايرا يديها على خصرها ..
وسناء : " غوتات على واحد البنت كانت كاتشوف فيها من الشرجم ديال الدار أصلا ماعندهاش معاها " شنييييي كاااتشوووف نتييييينااا ... مشييي تشووووف شييي شغووولل قببل مانخااوار ليماااك عاايننك ..
البنت شاوباتها من الشرجم ديال الدار مغزفة : كااشووفتيي راسك كيف عاملة .. مشي مشي ماغانديهاشي فيك بقيتيلي غانتينا المجعورة .. 
قبل ماتجاوبها وسناء ردخات الشرجم خلاتها كاطلع وتنزل باغا طرطق، شافت فرودينة كانت كالسة على العتبة حدا واحد الحانوت كاتصايب فشالها، ومريامة حداها مشات حتا وقفات فوسط الحانوت ..
وسناء : حماااد أريلي شي قرعة دالما تكون متوسطة وعملي شي نوص كوميرا فيها الكاشير وخالي لحساب على الدكالية ..
حماد ( مول الحانوت سوسي مراكشي ) : امالكي كاشتكوم طادابزو ابشوية ياهاد البنت توما ديما صاعرين بيتي شي نهار توصلي الله إسطر لكووميسيرية ..
وسناء : " خنزرات فيه " ونتينا مالك شووغلك ومشي قي شوغلك ماداخالشي فيا هوما لي كيجيبدو " ضربات على الڤيترينة ديال الحانوت وقرباتلو مخرجة عينيها " ولي جبدني غانخارج ليماه دوك العاينين لي كيتشوف فيا بيهوم سمااعتي ..
حماد كان قصير ورقيق داير طربوش ديال المراكشيين لي فيه شاوية غير شافها هاكاك بعد عليها شوية تخلع مسكين وحرك ليها راسو بأه ..
وسناء : وسربيني دااغي ولا عرافتي شني خاليه عانداك أرالي ديك القرعة " خطفاتهالو من يدو كان يالاه جبدها وكحزات خرجات من عندوورات عينيها لرودينة ومريامة " يالاهو نتوما ولا غانخرااج فشي وااحييد راباقي مابردت ..
رودينة : كاشووفتي يانا ..
مريامة : اوااعدي يا البنات تاقولت بردتو ميمتا ماشوفتكوم كادابزو ودابا عاود رجاعتو ..
وسناء : "وهوما محركين فطريق " لي جبدنا كيلقانا أنا ماكنحملشي ندابز بلحاق " وقفات واحد شوية هبطات على قرعة دالما وسداتها ورجعات كملات " لي كيقالب عليا غايلقانيي ..
مريامة : بفف أصلا ماباقي تاواحيد كيقدار إقول شي حاجة عليكوم ماشي ساهلات ..
رودينة غير ساكتة وكاتسمع، تكاتقول ماغاتبقاش دابز وكيوقف شي مونتيف، ومن البعد كيتنادم معاها الحال، عكس وسناء جبهة وسنطيحة ولي جا مرحبا ماكيگرش فيها قويسحة وشغل مها طالعة غير ليها ..
وصلو لدار تفارقو معا مريامة كينهجو بحكم صهد قتلهوم وهادشي عاد غايقولو بسم الله فشهر سبعة، بقاو كيتعاودو ماهية دقائق حتا دخلات حبيبة بحمزة داير لفاصما على جبهتو، ومشات نعساتو فصالون عاد دارت عندهوم هوما طالقين رجليهوم أو رودينة كتنيش بزيف فالهوى صهدانة ..
حبيبة : شفتكوم بحالي جايين من الحرب، أش كاين !؟ ..
بقات وحدة تشوف فلوخرى وهي تنطق وسناء ..
وسناء : كاشوفتي يا ممّا فارجنااك فحلييمة مولات الفران ريشناها رجعات كيف جّداد " الدجاج " ..
حبيبة : " ضربات فخاضها " هااوييييليييي على الطفلااات عندي شوهووني ماخلاوني فين نرض فوجهي ..
رودينة : وممّا رااه بقات تزبل فينا " تعاير فينا " وتقولنا شيخات شني بغيتي نقيلا " ندير ليها " ..
حبيبة : " غير سمعات شيخات وهي تهز كفوفها على جنابها مخرجة نيابها " شنااااااهوااا .. شااافت رااسها وهي دايرا كيالعوجة تجي تعايرليا يانا بنااااتي، عبرتوو على مهاا نيت باش تاحد مايقرب ليكوم ويعرفكوم علاياش قادات ..
وسناء : ( شافت فخوها الصغير ) اححح يااا الحبييييب دقالبي ونتينا عامل هايدا قاااطااعتيلي فقلبي بلحااق ماتخافيشي كيف نشووف داك الملعووق قااساما بالله تانعاالقو نوريه يانا يضراابلي خااي بالحاجرة ..
رودينة : كاجاباالو فعاينو يحايح علينا بابا ..
حبيبة : ناري غير سكتي راه عيطلو مصطفى فالسبيطار سمعنا الزابور الكحل، دابا وهو يجي نوضوو نتوما جمعو راسكم يسمعكوم دابزتو غاتنوض القتيلة فهاد الدار اليوم ..

رودينة : اواااعدي يانا الحاومة كاملة قايّاالة تهضاار فينا ونتينا ماجّا تقولي دابا يسيق الخبار كون عاوااالا غاتكون فراسو .. مشيت نوض يانا بعدا نمشي لحمّام باش مانسماعشي الهاضرا ماناقصانيشي ..
وسناء : إرحم يماك نمشي معااك راه يقتلني ..
رودينة : ومشي زيد قودامي جماع حواجك ..
حبيبة : ( هزات كفوفها لسما ) يااااربي ...يااااا ربي، شمن موصيبة درت فحياتي ... هزني من هاد الموصيبات ماغايمشيو تاايحمقووني يا ربي ..
مشاو كيجريو جمعو حوايجهوم، بالخف وجمعو السطولة ومشاو خارجين مع الباب يالاه دورة ديال الدرب شافو باهوم جاي، وهوما يقلبوها لدرب لاخور باش مايطلاقاوش معاه ..
دخل محمد لدار بقا يغوت وحبيبة كاطاكي على بناتها وتقولو بلي راه دافعو على خوهوم، أما هوما فمشاو لقاو الحمام فيه القتيلة دابزات وسناء مع واحد خيتي على سطل ..
وسناء : تشوو حووط السطال راه يانا لي حاطيت يدي عليه لولا ..
البنت : مشي مشي قالا نتينا عاد دخولتي ..
وسناء : تشو بلا مادحمااقني ليرحم يماك لامشيت عماالت يدي فيك بربي لافكك شي واحييد ..
تلبنت : شنيي هواا كاشوفت السيبة ولات عاندنا لا إسمك مرا عمل يدك ..
وسناء : مااقولتي غير لي كييناا ..
جبداتها من شعر ونزلات عليها، وهي تجي رودينة تفك هه صدق شكون غايفك رجعات تاهية ضرب معاها ونوضوها مضاربة فالحمام ثاني، تاجات الطيابة تفك ولحسن الحظ معروفين بنات الدكالية وكليانات دياولها جات من جيهتهوم وبقات تبرد فيهوم حيت هي لي عارفة أش فجرتهوم ..
خرجو كيبدلو بالتعفاار معصبين تاشافت وسناء واحد الجرحة قد السخط فعنقها خلاتها ليها داك البنت ..
وسناء : تشوو القييحبة كيف خالاتلي عونقي يعطي ليماها لهرس ..
رودينة : اوااعدي ياانا عونقك غايبقا مشاواه نهار عورسي عملو عملو داغي البوماضة باش تبرد ..
وسناء : نااري كاماخرجاتشي كاعاودتلا شي تريشة هنايا باش تعرااف راسا معامن الحماارة لوخرى ..
بدات تدهن الكريمات لحمها غاقاسماهوم مع رودينة لي كانو جابوهوم ليها فالملاك " الخطوبة " ديالها وبقات تاهية دهن وتعاير وتسب طلقات شعرها المايل لزعورية المسبسب وبدات رودينة تمشطوليها تاسلات ودهناتو بواحد السيروم وجمعاتوليها بالباتشا، ودوراتو بزيف حاياتي، ورجعات تاني لبسات حوايجها بيجامة منزلية خفيفة ديال الصيف سروال وفوقاني ديالو تيشورت وجبدات واحد تخليطة دارتها فدار نيڤيا وشوية ديال العكار الفاسي الحمر مغلط معاها ..
رودينة : " شافتها هازا داك التخليطة كاديرها لرجليها " لاياش دييكشي !؟ ..
وسناء : هادا يالحبيبة دقالبي لرجلي كيخاليهوم هايداااا حمييمري ومزيونين وروطب عملك تانتينا شي شوية ..
رودينة : ارالي ارالي أنا لي عروسة وماكانعملشي هادشي ..
وسناء : ونتينا عاملة كيف شي قردة شني بغيتي نعملك يانا ..
رودينة : نتينا لي كاتبقا مبلقا وجهك فالمرايا ديكشي لي حاضيا ..
وسناء : هو لي عاندي الحبيييييبة دقاااالبي ( غمضات عينيها وهي كتلحنها ) شني بغيتي نقي مثلا ..
طبعا كل نهار داكشي لي حاضيا هاهيا وصفة كادار مين كتفيق من النعاس ... هاهيا الأخرى كاديرها مين غاتجي تنعس ... هلوخرى ديال الوجه ... هالوخرى ديال اليدين .. هالوخرى ديال الضفار مكبراهوم واصلين النص وقويين وبويض كيشعلو .. أما رجيلاتها خلاص ضفارهوم كيحمقو وصغيورين وحميمرين من كترت الوصفات لي كادير .. شفايفها منفوخين غالبثلج ماكاتلقا مايدار تشد ثلج وتبقا دوز عليهوم تاكيتنفخو وي حمارو .. والزيت البلدية ماتخطاهاش دايما داهناها لحناكها باش إبقاو حومر ... ولسنانها باش إبياضو .. السيدة نهار كامل حاضيا غاراسها وتالافاك نهار تكون الشتا ماتمشيش .. فيها النعاس ماتمشيش ..كيوجدو لشي حاجة ماتمشيش ..عگزانة ماتمشيش .. هي ولي قاليها راسها أصلا دايراها غاسبة باش ماتسماش غاگالسة فالدار .. ومرة مرة هي ورودينة كيمشيو لجمعين لي غير قدامهوم فالحومة ... الرئيسة ديالها صاحبت حبيبة كيمشيو إتعلمو الحلوة حتا ولاو فنانين فيها وكل مرة شنو كاتلقاهوم صايبو .. داكشي ديال التخربيق هوما لي مايخطاهومش ... أما الطياب والصح خلاوه لحبيبة وتارودينة بعد المرات .. أما وسناء خبز ربي فطبگو من غير الحلويات تاحاجة ماكاتعرف ديرها واخا كاتبقا بعد المرات حبيبة تغوت ولكن كتميك بعدا كاتنفعها نهار كيكونو شي ضياف جايين كتگلس هي وكاتخلي غير بناتها يتكلفو وكيحمرو ليها الوجه ..

كملات الدهين لرجليها باش إبقاو روطب وحميمرين ودارت عليهوم تقاشر غلاض وهاكاك تا رودينة، دهنات كريم مرطب لوجها وفمها وزادت حنكات بزيف ومشاو خرجو من الحمام غادين لدار دخلو بشوية كيتسلتو عارفين باهوم غايكون مشا يصلي العصر منحيت كان كيأذن باش خرجو من الحمام إيوا دخلو لبيتهوم حطو السيكان وتمو خارجين رودينة مشات لكوزينة أو وسناء لبيت مها لقاتها متكية وحمزة حداها .. ورجعات خرجات لمحات خالتها متكية فصالون عرفاتها جات ومشات دخلات عند رودينة وكلسات فصالة مونجي كاتسنا تاحطات رودينة طاجين باللحم والخضرة والخبز وكلسات كياكلو ..
وسناء : ( كتغمس فالطاجين وتهضر ) خالتو جات كينا فصالون ..
رودينة : ناعسة ؟ ..
وسناء : ( فمها عامر ) مم ..
رودينة : اححح وشحال كيحامقوني الطويجنات ..
وسناء : إيوا الحبيبة دقالبي شغول ممّا هادا كيف غاتمشي ماغاديشي دوقو مازال ..
رودينة : شكون قالالك شني يصحابلك غانعمل بحال هادوك لي كيتزوجو وكيمشيو ماكيبقاوشي عاقلين على دارهوم الحبيبة يانا راه ماغاتحوسوشي بفراقي غير تهنا ..
وسناء : احسن حاجة غاتعملا هي غاتزاوج حيت غانتهنا من الشخير ديالك فليل ..
رودينة : كول كول ماعاندك تاشي كلمة هايدا معاوطا ..

كيف سالاو الغداء ناضو الخواتات بجوج بداو إوجدوليك فكاسكروط أراك يا شمن حلاوي يا شمن كيكات معلوم ماهوما بنات الدكالية الطيابة الحداكة باش معروفات .. خالتهوم كيف شمات ريحة الحلوى دالفران عاطية والقهوى وأتاي والملاوي ناضت لاهيا لاحبيبة ومشاو داخلين للكوزينة كانت وسناء حامية على الفران كاتشوف الحلاوي ورودينة كتملس فالملاوي وترمي للمقلا ..
مليكة ( خالتهوم ) : صلااااااااة وسلااااااام علىىى رسوول الله إلااااه جاه إلى جا سيدنا محمد الله ومعاااا الجاه العالي ..
وقفات وهي ضربها رودينة بتزغريتة تسمعات فالدرب كاامل ..
مليكة ( مفتاخرة ببنات ختها ) : تباارك الله مشاااء الله زيين والحداگة مشاء الله لهلا ينزل عليكوم عنين الحساد يااا ربي ..
حبيبة : إيوا يالاه حطو لينا داكشي ..
وسناء : خالتو فاينيا زينب ماجاتشي معاك ؟ ..
مليكة : راه بقات مع زهير راك عرفة عندو الباك هاد العام راه غدا غاتجي ..
وسناء : اه حيت تواحاشتا بزاف بلا بيها مانقدروشي نعملو شي حاجة ..
مليكة : تاهية توحشاتكوم ..

هزات البلاطو دأتاي ومشات لصالون حطاتو وتبعاتها رودينة بطبسيل ديال الملاوي أو موراه الغريبة دزبدة والبغرير والكيكة ديال الشكلاط أو وحدة أخرى ديال الفلان وگلسو مجمعين وكيهضرو على شنو باقيليهوم وشنو لي موجدين وراكم كتعرفو التوجاد للعرس خاس إيكون مضبوط وداكشي تخلي الهضرة الزينة طبعا لالة حبيبة وأجرك عالله من موراهوم واخا مع هاد البشار ماكاين هضرة زينة .. 
وصل ليل وتجمع كولشي جا الحاج أو مصطفى وناضت حبيبة توجد فالعشا وهوما مجمعين علمهوم الحاج بلي غدا غادي تجي عمتهوم أو بناتها بجوج من الجبل العرس باقيلو سيمانة ..
تعشاو وجمعات رودينة أو وسناء كولشي ومشاو للبيت بعد مافرشو لخالتهوم فالصالون ..
رودينة : فف عيت ليوما ..
وسناء " تلاحت فوق الناموسية " : غير سكوت ماتشوف يانا مارا تساخساخت " طلعات شافت فيها " تشو دابا عملنا كولشي باش نرتاحو فهاد السيمانة ماشي نبانو كيف الخادامات نهار العورس ..
رودينة : فراسك عزيزة الكبيرة ماغاتجيشي ..
وسناء : اواعدي حلللف علاااش !!؟ ..
رودينة : قالت ماتصطابشي ( مالاقتش كيف دير ) تجي .. مااشي مراات عامي ولادت !! ..
وسناء : كملات الحبيبة دقالبي الأربّعيين شني نسييتيي .. ..
رودينة : اييه بلحاق هي ولدات بالعملية وماكينا لي يقابلا لعْيَال ( دراري الصغار ) ..
وسناء : ( قلبات عينيها ) تانتينا انا ماكاتعجبنيشي فيها لبجووق بزّّااااف ماعانديشي معاها، بقات فياا غاا عزيزة الكبيرة ماغاتحضارشي ( جداتهوم مت باهوم ) ...ديك نهايرااتي قالك بابا يعملك العوورس فبني عروس أوااعدي قتلني بالضااحك ..
رودينة : اواعدي تخايل كون عملتو تمايا فالجّبل كاحماقيت ..
وسناء : ( جبدات التيليفون فيديها كاتخربق فيه ) كاماكانتشي ممّا إسما حاابيييبة بااش إعملو تمايا ..
رودينة " كترد الغطا باش تخشا فيه " : اواعدي كنتفاكار العورس كيبقا لحمي هااايدا إبورش عليا ففف ..
وسناء " تيليفونها كيصوني " : على سلااامتك أخاي عاد معاياط ..
رودينة : تشو نتينا را ما... " قاطعاتها دايرا صبعها على فمها زعما سوكتي " ..
وسناء : " رققات صوتها ولحناتو واخا هو ملحن من عند الله " ٱلووو .. لاباس ونتينا .. ههه راك عارف مابقا والو لعورس ختي .. بصاح .. لا مانقدارشي غادا نخرووج معاك .. أواعادي كاحماقتي غاتشوفني ماما تقتلني .. صافي صبار تالمور لعورس .. لا ماغانمشيشي لافاك فهاد سيمانة .. وصافي ماتزيدشي فيه تانتينا ستنا " تسنا " شوية ..ممم .. إيوا عرافتي شني نجي لافاك ... هه صافي .. " بقات كتبتاسم وهي كتلوي زغيبات شعرها بيديها " احم هه تايانا غير مشي .. باي باي ..
قطعات ودارت عند ختها ..
رودينة : عرافتي نهار تحصاال والله ماتلوم غير راسك ..
وسناء : صافي نتينا غير سكوت ماغايعرافني تاواحييد إلى ماقالا تاواحييد إوا سكووت ..
رودينة : واش نتينا حامقا يا ختي يانا ماكونتشي فحالك هايدا بقيت بعزي حتا تزوجت ونتينا بقا من هادا لهادا تاطيح فشي واحييد يعملك عامرة فخاوية وي خاليك هنايا تعملنا شوهة والله لاعقل عليك بابا غايتبرا منك وعمللاا حاالقة فودنك ..
وسناء : وصافي أرودينة ماتزيدشي فيه نتينا عارفة هادا التاني فحياتي لاخور ماكونتشي كنبغيه هو كان لاسقني أما هادا بديت نحاس بالأعجاب فتجاهو ..
رودينة : انوووض برااكة من الحبابش ديالك نتينا هايدا كتعمل أنا كنبغيه لا هو باغيني تاكاتخاليه .. ومشي مشي تشوف راسك كيف عاملة هااييداااا كتحمق وديك اوسامة لي عاجباه فين إبان بيك ونتينا دابا كتعطيه الفرصة ..
وسناء : تشوو تانتينا كون كونتي كتقرا كونتي غاتصاحب غير حيت بقيتي فالدار ..
رودينة : عرافتي شني !! ... عمل لي قالك راسك لاحاصلك بابا ماتجيشي تبكي عليا وهايانا فين قولتالك ..
خرجاتليها وسناء لسانها ..
رودينة : ودابا غادا غاتمشي لافاك وتخاليني واحلا وزينب ماجّا ..
وسناء : وشني بغيتي نعملك يانا ماشي بزاف غير الصباح صافي ..
ودارت عطاتها بضهر جابدة تيلفونها كاتكونيكطة مع أوسامة ..
صباح جديد فاقت وسناء بكري مع 9 باش تمشي لافاك مع العشرة لقات رودينة باقا ناعسة دخلات لطواليط قدات حاجتها وغسلات وجها ..ورجعات لبسات سروال فالأسود مزير عليها ولبسات معاه كابيتشو واسع أديداس فالكري وفيه كتابة فالأسود جمعات شعرها كعكة مشطات حجبانها ..وتسلتات جبدات الريحة ديال رودينة رشات منها هزات الساك وجمعات فيه بوليكوب وستيلو زرق وخشات تيليفون ... ليزيكوتور .. البزطام واخا كيصفر فيه درهم وعشرادريال ولاكارط ناصيونال وكارط التلميذ وروشارج ديال خمسة دراهم محكوك ..جمعات كولشي وسدات بالسنسلة وخرجات لقات مها فالكوزينة هي وخالتها ناضت دير المسمن دازت عندهوم ..

جمعات كولشي ومشات خرجات عند مها لكوزينة لقاتها كاطيب فلملاوي مع مليكة وهوما مجمعين دخلات عليهوم منيرة ..
وَسْنَاء : صباح الخير ..
حبيبة طلعات فيها وهبطات وعقدات حجبانها ..
حبيبة : أفين غادا شفتك مزوقة ..
وسناء : مشـّا لاافاك شني ماتقولي تاصباح الخير ..
حبيبة : سيري تروݣدي ݣالا لافاك ختك باقيليها للعرس سيمانة ونتي كاتقولي لافاك ..
وسناء : أممّا عاندي راطراباش كييخسنيي ضااروري ندووزو دابا مودلي الفلوس نمشي ..
حبيبة : ( خرجات فيها عيينيها حاطا يديها على جنابها ) يااااااااك دايراالييك الكاارطاا دطووبييس ..
وسناء : وممّا كيخسني باش نااكوول ..
حبيبة : دووزي تحنجري أما الفلووس ماااعنديييش رااني زااوية مع عرس ختك قلبي عليا ..
وسناء عوجات شفايفها وضورات عينيها : مابقيتشي بااغاا خااليهوم عاانداك فاينيا سبادري دياالي ..
حبيبة : شوفي فين حطيتيها ماغانبقاش مقاابلك هاااااه شووفي رجعيي بكري تعطلي نشرييهااا لمووك مع الجبلي هااودني مننك ..
بلا ماتجاوبها وسناء نفخات ومشات لبسات السبادري ديالها وخرجات نيشان لدار مرياما دقات فالباب خرجاتليها مها ..
وسناء : خالتو كينا مرياما !؟ ..
الأم : جبارتيها كااتلبس بااش تمشيي لافاك ..
وسناء : اه صافي قوولا وسنااء كاتستنا هنايا ..
الأم : واخا ..
مرياما فالعام الثاني ديالها العام لي فات طلعات لي موديل كاملين وتاهية معاودا العام عكس وسناء لي باقا في S2 وماكاطلع تاموديل ديما راطراباج .. خرجات عندها سلمات عليها ومشاو بجوجات شدو الطاكسي للافاك كيف وصلو طلاقاو مع أوسامة .. مرياما بغات تمشي وهي تشدها وسناء بزز منها تبقا معاها .. داهوم لكافيتيريا خلص عليهوم الفطور بجوج ماهية ديما مسيزياه مسكين وهو غاحال فمو وتابعها .. وكاتبرع معاها حتا مرياما بالفطورات والغداوات .. بقاو معاه داك الصباح مادخلوش لونفي تاوصلات الطناش أونص عاد تمو راجعين ..
كيف دخلات لدار كتسمع الصداع والهضرة ديال البنات ..مشات كاطير لصالون لاحت الساك وتلاحت على بنت خالتها لي جات - زينب .. بنت مسرارة زينها متوسط شعرها مقطعاه حد العنق فالأسود وفعمرها 27 سنة خدامة فمدرسة بريڤي وديما كتجي عندهوم بحالها بحال ختهوم الثالثة مايقدروش إديرو شي حاجة بلا بيها ..گلسو كيجمعو حتا سمعو صونيت ناضت زدينة تحل كانت عمتها وبناتها بجوج ليلى وإلهام .. 
وصلات لعشية جابت حبيبة لبنات إقادو ليدراجي تجمعو على الطابلة ديال الصالون حتا شوية ناضتليك وسناء طلقات الشعبي وخطفات الزيف من الراس ديال رودينة وحزمات ...
وسناء : ( غوتات وهي كتمشي وتجي بنصها مع الموسيقى الشعبي المغربي نايضة ) اييييواااااا يالاااااه ...
مشات جرات زينب وناضت تاهية معاها وبقاو كيحركو فنصهوم ولخرين طلقو من يديهوم كولشي وݣلسو يصفقو .. وسناء كتمشي فالإتجاه المعاكس ديال زينب وتعاود ترجع تالعندها ويضاربو بنصهوم .. تاجات حبيبة جايبة فيديها الصينية بدات ضرب ليهوم نوضو رودينة بيناتهوم بصلاة وسلام حزموليها تاهية كتشطح .. حتا طلقات وسناء داك الشعر على طولتو وهبطات راسها تالتحت وعاود طلعاتو ..ورجعات طلقات الأغاني الشمالية .. وهما ينوضو بنات عمتها كيتمايلو بالخصر ديالهوم بشوية ..
نوضوها داك العشية حيحة بيناتهوم وهاكا دازو خمسيام ودنيا بدات تعمااار والعائلة كاتجي بنات الخوال وبنات العمام والعمات والخالات كولشي تجمع والصهد وكولها فين كاتلقاه ناشر رجليه وهنا وسناء بدا يسخن ليها الراس ...
وسناء : ( كدق فالطواليط لتبسة تيشورت فالأبيض طالع شوية من الضهر كيبان الكيلوط فالكحل وفوق ننو سروال مدربل ديال البيجامة فالغوز بيبي جامعة شعرها كعكة وزغيبات مشنتفين من القدام .. دايرا يديها بين رجليها مزيرة ) وصفاااااء وسربييييي ومن صبااااح ونتييينااا تماااايااااا ...
صفاء ( بنت خالها كاتغوت من الجواليط ) : 5 دقاااااايق ..
وسنااء : ( بصوت خافت ) اللينععل يمااااك ( دورات عينيها كاتلقا ولد عمها صغير هاز ليها الشارجور ) وحوووووووط ليماااااك دااااك الشاارجوور شاارياااه بخمسااااالااف ريااااال ...
ولد عمها : كااانشاارجيي طابلييط دياااالك ..
وسنااء : والللينععل يماااكوم ويمّاا تاايااناا فووياااااخ غااايتساالاا هاااد الخرااا ..

ماخرجات بنت خالها من الطواليط تاقربات طلقها تما عاد دخلات .. جات رودينة لقاتها يالاه خارجة من الطواليط لابسة جوهرة فالأبيض هوادا برانها من العنق دوبياس ومنبتة بعقيق خفيف فالأحمر والشال على راسها فالأبيض الخاتم دزواج فيديها طايح عليها السر وكاتبان عروسة ..
رودينة : ( كتشوف فتيليفون وتشوف فوسناء ) فاااين كوونتي قاايلا نقاالب علييك ..
وسناء : مااشووفيتيشي بنت حبيبو من الصباح وهي تمايا قول غاكاتخرا الوالدة ..
رودينة : ( مادات ماجابت فهضرتها ) سمااع مشي عااند ممّا تعطيك تاوصيل مشي جيبلي التكشييطة من البلانتشا ( الحديدة ) عانداك تنسى ولحاق علينا أنا مشّا لحامّام مشي وأجي لحااق عليينا ( مازادت الهضرة مشات نيشان ) ..
وسناء زيرات على سنانها مغددة ومشات كضرب برجليها تاوصلات لكوزينة كانت مقلوبة بالطياب مها واقفة بقفطان دالمليفة فالأحمر محزمة بمضمة رقيقة نقريا والسرتلة فيديها محسوبة سبعة كيتشقشقو .. ومݣفطة القفطان ومحرزة بزيف فالأحمر واقفة على شغل الطيابات بيديها واخا هي طيابة جابت لي يعاونها .. مشات وسناء هزات ملوية دارت فيها الشكلاط ورجعات عند حبيبة ..
وسناء : أرييلي التوصييل نمشيي نجييب القوفطاان درودينة ..
حبيبة : ( مداتليها الساروت ) شدي سيري شووفييه رااه محطوووط فوق الكوافوز هزييه وسدي البااب وجيسيليي الساارووت حواايج ختتك كولهوم تماا عنداااك .. وشوفي دووزي عند العيووع وديدجي أكدييي علييهااا مع ثمنيية ورجعي باش تمشي عند ختتك راه واخا كاينة زيينب ماانتيق شااي سيري حضي لختك حوايجها ..
وسناء : تشوو إلى دااز هااد العوورس وكونت ماازال وااقفة غانعارفك أحبيييبة رااضية عليا من قااالبك ..
عقدات مها حجبانها مغزفة وهي تخرج وسناء من حداها قبل مادور فيها .. مشات لبيت مها وباها كان كولشي محطوط تما الحلوة لي دراجي البالز لي مجموعين فيهوم حوايج رودينة هزات التوصيل وجعات السوارت لمها .. ودخلات لبيتها لبسات بزربة سروال فالأسود مع تيشورت فالأحمر وفوق منو كاب بارد من الشمس تحافض على راسسها جمعات شعرها كعكة مهملة ومشات كاطير مع الخرجة كاطلاقا مع ولد خالتها ..
معاد : وسناء فيين أبنت خالتي ..
شافت فيه طاح عليها بحال الما فالصحرا ...
وسناء : تشوو معااد يرحم بااااابااك مشيي جييبلي القوفطان درودينة من البلانتشا كاتعرااف هاداك لي دوزنا عليه البارح جيهت دار ميݣنة مين كونتي معانا يانا ومصطفى ..
معاد : وي عرفتو ..
وسناء : ومن تمااياا ( مداتلو التوصيل فيدو ) ..
معاد : كيبانليا تفتنتي ..
وسناء : اواااعدي غير سكووت كون عرافت هايدا كون نتزوج أنا لوليا ونتهانا ..
معاد : ( غمزها كيضحك ) شباانليك نضربو العكري فالكحل ونديرو جوج عراسات ..
وسناء : ( عوجات فمها مطلعة حاجب ومنزلة الأخرة ) هاااهاااي منيتك مشي مشي مانتزووشي بيك لوااااجهي الله ..
معاد : أختي ضبريلينا غير مع إلهام راه كتحمقوني غابهضرتكووم ..
وسناء : ( مشات غادا وهي كتصبعلو ) وبشحاااال ساااوية عااندااك الفييرمة دالعناااب ..
مشا كيضحك يجيب ليها أش بغات وهي مشات لعند مولات العيوع ( هنا فالشمال عندهوم مرأة نهار الحنا كاتغني الموال كيسميوه العيوع بحال تواركا " تقاليد الشمالين غايعرفو ") أكدااات عليها مع الثمنية ورجعات عند الديدجي كذلك عاد مشات لدار جمعات ساكها بالخف ومشات لحقات عليهوم لحمام كيف دخلات لاحت الساك لزوهرا ودخلات عندهوم كانو حامينها فالحمام فالطبقة الثانية بالسطولة والصينيات لي جابو معاهوم .. دخلات كاتصلي على النبي وتزغرت وتعرات عليهوم تمايا بقات غابدوبياس فالأسود فورماتها قتااالة .. بداو يضربوليها وهي كتحرك فنصها مع لوايسات رودينة لي عاجبهوم الحال ورجعو طالقين مع وسناء .. هبطو لرودينة الشعر من مور الخلطة لي دارتليها حبيبة لشعر ليلة البارح وفركوليها البنات مزيان رجعوها بلااارة مع زينها الجبلي .. عاد جاو وسناء وزينب وإلهام شادين إزار فالأبيض مغطينها بيها ومخرجينها مخبعة من فوسط منو بالصلاة على النبي ..خلاتها وسناء مع إلهام وزينب ورجعات هي لداخل كتشلل عليها ..
توالات العشية وناس بداو إدخلو كولشي تلاح الكوافورة من غير زينب ووسناء أما رودينة كانو دوزوها من الحمام لصپا بحرا تسالي مع غادير الصوان .. وسناء طلع ليها الخز لراس واحلة من راسها لرجليها وثقل العرس تحط على كتافها .. بقات مع الديدجي وتريتر لي كيصايب الݣلسة ديال الحنة ومصطفى واقف معاهوم ومع المرا لي جابها كتخدم معاه باش تصورليهوم .. غي سالاو مع الديدجي مشاو كيطيرو لبيت كيجمعو قفاطنهوم باش غايبدلو عند الكوافورة تادخلات حبيبة ..
حبيبة : ستفتي الحلوة فالبلاطويات ..
وسناء : ساااليييتااا .. أجي عطيني الحلااقات لي جابو لرودينة فلملاك ..
حبيبة : شناااااهوااا سيريي لبسيي الكولي لي جاابليك بااك .. جمعت الحوايج لختك ماعندي فين نجبد كولشي مطرقة عليه ..
وسناء : ( غوتات تاسمع صوتها لبرا ) اوااااااااعديي يااانا وششني غاانلبس غاااانمشيي هاايدااا بعوونقيي خاااويي ..
حبيبة : ( خرجاات فيها عينيها ) الللقوةة لدااك الصووت لواالدييك سيري تروݣدي شغانعطييك تشووفهووم عݣووزتها عندك تبقا تخنزرر ..
زينب : ( كتجمع الحوايج وكتسمع فالنݣير ديالهوم ) العار الناس كيسمعو غابشوية ..
وسناء : واااااريلي الحلااقاات دياالك لي عملتيي فالسابع دمراات عااميي ..
حبيبة : ومييييمتتيي علىى غداايدي وشنوو وللدت من كرشيي غااااالخلااااا ..
ماتفاكات معاها وسناء تاطلقات ليها الحلاقات ومشات فرحانة بعدا تلقا باش تباان ..

كيف وصلات لقات رودينة مصايبة الماكياج كاتصايب فالمشطة ...
وسناء & زينب : صلاااااااة وسلاااااام علىىىى رسوول الله إلاااااااه جاااه إلىى جااا سيدنا محمد الللله ومعاااااا جاااه العالي يويويوويويويويويو ...
بقات الكوافورة كاضحك وناضو البنات لي خدامين معاها كل وحدة شدات لوخرى أما بنات العائلة كولها فين تفرقات لكوافورة حيت رودينة كرات كوافورة بوحدها على حساب هي العروسة ..
وسناء : تشو عملي الغوز بارد فوق عايني وماتكترليشي ..
رودينة : عنداك المسخوطة راك عافة ممّا ماتبغيشي ..
وسناء : وشني يانا عومري مانعمل الماكياج لا نبقا بايرة يانا حسن ..
رودينة : الصبااار معااك نتينا ..
زينب : وصافي البنات سكتونا شحال فيكوم خليها دير الماكياج زدتو فيه تانتوما هه قاليك البنت مادير الماكياج تاتزوج على عقلية ..
رودينة : كااشووفتك كاتعاااير فينا ..
زينب : ماعااير فيك حد العااار ..
وسناء ماتسوقاتش ليهوم بداتليها الميكاب ونيت دارتوليها خفيف على حساب وجها جاها فننن مع هي الجمال عندها زايدة نغزة لبسات قفطان فالأزرق توب بروكار جاها كيحمق هابط بسفيفة خفيفة مذهبة ومطروز من جيهت السدر بالطرز الفاسي عاد رجعات صايبات بوكلي لشعرها من لتحت وناضت لبسات الحزام فالذهبي أصوغتي مع القفطان .. زينب خلات شعرها سانبل وميكاب تقيل ولبسات قفطان خفيف فالباج هي كيعجبها السانبل .. أما لالة العروسة لبسوها ليزاكسيسوار ديال العرايس دليلة الحنة تاج عالي بمجوهرات فالأخضر مع قفطان فالخضر ملكي وزقلي بالمضمة مذهبة عاد صايبوليها المشطة ركباتليها السلهام على كتافها وهابط معاها من اللور شبكة فالذهبي ودارت ليها مجوهرات مذهبين مع مجوهرات فالأخضر طلعات واو .. مدات وسناء التيليفون لزينب تصورهوم طلعو مشاء الله عليهوم وصافي ...
إيوا تسمعو الطوموبيلات حدا الباب، ومصطفى بدا يعيط لوسناء باش إخرجو وكذلك نور دين ( زوج رودينة ) كيعيط للأخيرة باش إخرجو .. خرجوها بصلاة على النبي ووناس لي دايزين كيشوفو حدا الكوافورة العروسة خارجة ووجها مغطي بالسلهام المذهب ركبات حدا العريس القدام وخوتاتو من اللور أو وسناء ركبات حدا مصطفى هي وزينب وإلهام أو صفاء والبقية كولها فين راكب ..
قلعو مطيطين فالطريق وخصوصا وسناء فالطوموبيل ديال مصطقى محييحين وكالقين ليك الشعبي دايزين من الشاريع ديال لاكوط ديال طنجة وكولشي كيشوف كيطيطو والناس كتصفقليهوم وتالطوموبيلات لي كيدوزو حداهوم كيعاونوهوم فالتطياط .. تاوصلو للحومة وأراك لتبرݣيݣ مع هادوك لي ماحضرينش كولشي كيطل من الشراجم ولي كانو لداخل خرجو باش إطلو على العروسة داخلة والموسيقى طالقا فالدار مجهدة مسمعة لبرا وفنفس الوقت شاعلين الضواو ودار مزوقة على برا كتعلن بوجود عروسة فداك الدار .. زغاريت تعلاو وخرجات رودينة فتحوليها الباب ديال الطوموبيل رعدة شاداها زالفلاش ديال الكاميرا موجه ليها شادا فيها وسناء وهازا شوية قفطانها كيبان الصباط المذهب من لتحت وهي داخلة كولشي ناض كيصفق والأغنية ديال الحرم يارسول الله تطلقات تعرضو ليها بالماالزهر كينشو عليها وديكوراصيون ديال الدار من لداخل تصايبات كتحمق من طرف مصطفى وديدجي وتريتور لي تكلف بالݣلسة جات كتحمق فالكوان ديال الصالة ..وأصلا دار ديال حبيبة مصايباها على دوقها كولشي كيشعل من برا كاتبان عادية ولكن من لداخل كتحس براسك فدار معتبرة صالونات مفرشين أحسن تفريشة والتريات ديكورات داكشي كيشعل .. گلسوها فبلاصتها والبنات كولشي تصف حداها وماهية إلا دقائق حتا دخلو عائلة العريس تاهوما بزغاريت وبداو إتحطو فالطبوقة واحد مور واحد وكيتفتحو كانو 4 واحد ديال الپينوارات من الصغيرة للكبيرة أو كل ماكيتحتاج فالحمام أو واحد فيه توابات أو جلابة بالفولارا ديالها وصبابط وسيكان أو واحد عامر ماكياج وشي 3 دالسوايع والوايح ولي بخودوي أو 4 كان فين البيجامات والملابس الداخلية ولي شوميز دونوي زائد الطبوقة ديال الحنة والحليب .. داكشي كامل تستف فوق جوج طوابل ديال الصالة .. والنقاشة خلطات الحنة وبدات تنقش للعروسة .. ووسناء طلقات الأغاني الشمالية بدات كتمايل بالخصر ديالها بشوية مع بنات عمتها الجبليات لي كانو غير مصايبين شعرهوم ونقطة ديال الماكياج ماكاينة فوجهوم .. وتقريبا بنات عماتها وعمها كاملين لي مامزوجينش مادايرينش الماكياج غير مصايبين شعرهوم ووكل وحدة تبيين شعرها وتقول للخرى ماشفتي والو غير سوالف مطلوقين .. تاشوية وقف ديدجي وهي تعطي الميكرو لمولات العيوع .. وجات وسناء محرزة بطاقية دجبالا من الخصر مع طربوش ديالهوم فليمن هازا الشمع أو إلهام كذلك نفس اللبسة من الجهة الأخرى هازا تاهية الشماع ..
الالة موووود يدك مودها للحناني لا ترودها يا العزيزة عليااا ..
كيعادو موراها الناس كاملين ..
الالة ميمتي كاتقولك موود يدك لا تروودها ..
صلااااااة وسلااااام علىىىىى رسووول اللله إلاااااه جاه إلى جاا سيدنا محمد الله ومعع جاه العالي ..
بااركليا ياا يما وفرحليياا ياا يما صلااة على النبي وصلاتو بااركيليا ..
موود يديك للحنا يا خايي والحنة فالجنة يا خايي .. مود يديك للحنا يا خايي والحنا فالجنة يا خايي ..
تقدمات مها وفتحانليها يديها كاترش عليها الزهر وجبدات خنيشة خضرة حريرية حزماتليها يديها .. ورجعات بعدات وكولشي كيصلي على النبي ...
هاكا دازت أجواء الحنة طاح ديك الليلة كولشي مسخسخ ...

ولغدليه كان نهار العرس جرات فيه وسناء كتاار من قبل تاوصلات كولشي للقاعة وريݣلات الأمور وفينما تجي تمشي كاتشدها حبيبة فشي موصيبة تاني تابغات تجعر عليها .. مشات كاطير للكوافورة لقات ختها مشاء الله طلعوها كتحمق باللبسة اللولة لي غاطلع بيها القاعة تكشيطة فالأبيض وسهام فوق راسها .. وسناء صايبات بزربة مشيطة خفيفة لشعرها مخلية لوراني هابط مع لور ديال ضهرها واصل لنصها وكيف العادة ماكياج خفيف .. ولبسات تكشيطة فالباج كاتحمق منبتة بالعقيق بسفيفة غليضة شوية مذهبة وصباط عالي مذهب زوين طلعات فنة فنة .. جمعات لختها الحوايج مع الزيانة ولي غايمشيو معاها أو مشات بسرعة ركباتهوم مع مصطفى لي كاري طوموبيل كيتحرك بيها مشات معاه للقاعة تاترجع باش إجيبو ختها .. وصلات للقاعة لقات مها كترحب بالناس وقفات تاهية معاها كترحب بالناس تادخلات مرأة بعباية كولها كحلة وشال كحل على الراس والميكاب زوين فالوجه وطالون وذهوبات فاليد وساك باينة متهلية فراسها ..
حبيبة : اهلا اهلا مرحبا بلالة ياقوت ..
وسناء : مرحبا بيك أخالتو أريلي الشال والعبايا ..
بقات ياقوت كتشوف فوسناء وهي كضحك ..
ياقوت ( كتحيد العبايا على تكشيطة كتحممممق كاملة ذهبية كتبري كتبري باينة من بعيد توبها غاااالي وعرات شعرها بان مقطعاه كاري حد العنق كامل مصبوغ بليميش فالزعر خفاف ) : هه ربي يخااليكوم حبيبة البنت الصغيرة هادي ؟؟ ..
حبيبة : اييه وسناء ..
ياقوت ( مداتليها العبايا والشال ) : مشاااء الله مشااء الله الله إزيد أبنتي ..
وسناء ( حشمانة كتهضر ) : مرحبا بيك أخالتو .. 

داتها حبيبة مجمعة تاوصلو لواحد الطابلة كاتبين العرس كامل وݣلساتها ورجعات كتستقبل الناس بينما وسناء مشات مع مصطفى باش غايجيبو العروسة من الكوافورة ... كيف وصلو .. كانت القاعة عامرة بالعيالات كولشي وقف مع تسمعو الزغاريت وتطلقات الأغنية ديال الدخلة ودخلات مع مو دالعريس ومها بصلاة على النبي ووسناء والبنات فجنب كينشو عليها تاوقفوليها العمارية ركبات فيها وهوما كينشو عليها .. حطوها وكولشي ناض باش إتصور معاها ورجعو داوها النݣافات للبرزة .. وتطلقات الموسيقى الشمالية وناض كولشي كيشطح من عائلة العريس وعائلة باها أمّا عائلة مها فبغاو الزدحة ومالقاوهاش .. بقات وسناء كتمايل بالخصر ديالها وترجع ضحك مع البنات ودوك السوالف كيقيصوليها المؤخرة .. مع المشيطة جات جامعة غير نص الشعر ولاخور مطلوق .. تاشوية رجعوها الرݣدة .. وهوما ينوضو عائلة مها وبقاو هاك بالاك لشطيح وشماليات كولهوم بقاو غير كيشوفو .. تجمعو كاااملين بنات خالتها وخوالها وشي محزم شي لا كيتضاربو بنصهوم ورجعو ماملين دارو دائرة وجابو رودينة بيناتهوم لداخل كتحرك غير بشوية كولشي عجبو داك المنضر لي دارو .. وسناء فينما عطيتوها شادا ريتم .. وغير كاضور كاتلقا الفاسية كتبسم ليها وكتبتاسم ليها تاهية وضحك وتشالي بشعرها مامسوقاش لبنادم غادا جايا تشطح وترد البالب مع الأمور ديال العرس كيفاش غادا حتا تطلق شعبي نايضة بصح ورجعات كتحييح مع عائلة مها ..

هااا ولد عمي .. يا المبرعني ولد عمي المخرجني ولد عمي .. الحبيب ديالي ولد عمي .. المسوطني ولد عمي .. وايمشي ويجي ولد عمي .. المسطيني ولد عمي .. نديرو انا فصباعي ...ونهرس عليه القراعي ونقول هانا ولد عمي .. وسيري ياهااه .. وشطحيي ياهاااه ..عانديرو يانا فالكتاااف .. تاا نخوة ولد عمي وتكايعي عالكبيدة .. عندنا غير وحيدة .. يديك ليه سيري ليه ..

وهاااه تاوالف ..وهاد البوكوس تاوالف .. عطيه الشعر والسوالف .. سيدي نور دين تاوالف .. تطليه مولات الشعر والسوالف ..عطي لهاداك .. عطي لزين ... لي حداك .. هو باغا .. عطيه .. 
فخااطر لي ماحاضرين عرس هاد العام ...

دارت خمسة دلبسات منهوم الشمالية عاد لاغوب هبطات بأغنية إليسا إلبسليك الأبيض طلعات كيف شي أمييرة باللباس الأبيض .. كانو البنات كولشي زاقف كيتسناها باش غادي تقدع لاطاغط .. ووسناء بدلات ورجعات لبسات بحال غوب خفيفة وهي فالغوز بيبي شراتهاليها حبيبة بستة وستين تكشيفة .. كانت طاغط زوينة وكبييرة بطبقات كتسناها والورد فيديها أحمر .. وصلات حدا الطابلة ووقفات كتصور عاد مدات يديها وقطعات لاطاغط معا عݣوزتها وهي لي طعمتها بحكم العرس نسائي وتراجل ماكيدور السربايا الديدجي المصورة كولشي عيالات .. مداتليها وسناء سلة ديال ليدراجي باش تلوحها .. وهزو السربايا الطبلة من حداها ورجعو البنات مصافين قدامها منهوم صحاباتها وبنات عائلة مها وباها وعائلة راجلها .. كيتسناو العروسة غاترمي ليدراجي .. ووسناء جات تصاف معاهوم واخا ديجا حيدات حقها فالدار ... رماتليهزم كاع ليدراجي وهوما كيضحكو ويتزافطو ..عاد شافت فالورد وهي دور عاطياهوم بالضهر وعلات يديها ورمات الورد بقا كولشي كيشوف فين غايجي الورد ... ومغايطي غير حدا رجلين وسناء بقات غير كتشوف وبنات خوالها كولشي كيضحك وكيشوف فوسناء . دارت رودينة شافت شكون جا فيها الورد وبقات كتصفق ..
وسناء : ( رجعات كضحك ) ههه منيتك العايلة انا ماايمكنشيي نتزواااج غير هاااني باالك ..
رودينة : دابا نشوفو الحبيبة دقالبي ..
زينب : اريهلي اختشي لاماابغييتيهش اريهلي ..
عوجات وسناء عينيها بضحك ورماتو عليها ..
مشات خارجة لبرا كان الحال صابح ماهية سبعة دالصباح دابا .. رودينة شافت نور دين كان واقف بكاط كاط لي كراها جديدة وخواتاتو حداه ونݣافات برا خرجو معاها ..رودينة عاد حسات بالفراق وعنقات حبيبة كتبكي أما وسناء مامسوقااش السيدة خاسها غير تفك 😂 وكتنفخ حييت عيات وهاد السيماانة دازت علييها ماراطون . ..
كيف مشات ناضو ناس كيسلمو على حبيبة باش كيمشيو ..
تاجات ياقوت لعند حبيبة كتسلم عليها ..
ياقوت : ( مداتليها بواطا صغيرة فيديها ) إيوا مبروك الحبيبة مادرتي لبنتك ..
حبيبة : ( شداتها من عندها ) لهلا يخطيك الالة ياقوت العقبة لبنتك أدوولودك نشاء الله ..
ياقوت : إنشاء الله الحبيبة إيوا بغيت ندس معاك فشي حاجة ..
طلعات حبيبة حجبانها وجراتها شوية على الباب ..
حبيبة : خير إنشاء الله ..
ياقوت : هههه لا خير خير الحبيبة إيوا بنتك وسناء واش مخطوبة ولا داوي فيها شي حد !؟ 
حبيبة : لا راها مزالة عزبة أحبيبتي يالاه زوجنا ختها الكبيرة اما هي باقا فدار باها ..
ياقوت : إيوا صراحة عجباتني ومشاء الله تبارك الله زين وتباتة ماكرهتهاش لولدي ..
حبيبة تحلو ليها العنين والودنين والفم شكون لي مايبغي بحال لالة ياقوت عائلتها شان وهمة ومعروفين ففاس ..
حبيبة : ( جاوبات مبتاسمة والفرحة فعينيها ) مرحبا مرحبا ياك لتيسير !؟ ..
ياقوت : هه لا ماشي لتيسيير لعثمان ..
- حبيبة : ( دغيا تبدلو لملاح ديال وجها ورجعات طلعات حجبانها ) ولكن لي عارفة عثمان مزوج ولالة !؟ ..
ياقوت : إييه مزوج جوجات وبغيت بنتك تكون الثالثة !! ...
حبيبة : ( بقات غير كاتشوف ) صراحة شغادي نقولك أختي ياقوت مانلقاش حسن منك وراك عشرة قديمة ولكن مانقدر شاي راك عارفة درية صغيرة ويالاه زوجنا ختها ماتجي شاي ندخلها لدار راجلها درة ..
ياقوت : ( شداتليها على يديها ) فهمتك ولكن متقوليش والو فكري .. ونشاء الله مزال نهضر معاك ... نخليك دابا راك مزال مرونة من روينة العرس ..
حبيبة : ( ضحكة صفرة ) نشاء الله الحبيبة يكون خير ..

حبيبة من العرس نيشان لدار مانعساتش خسها توجد الفطور لبنتها وكولشي يكون متول وهو هاداك، نبع الحنان ومايدير، أما وسناء طاحت كاو مع زينب دايرين قاع أو راس وإلهام وليلى كولها فين مليوح تالوحدة عاد تمو نايضين وكولشي داخل لحمام وروينة وشي كيلبس شي كيوجد .. وسناء وزينب كيوجدو كولشي فالطوموبيلات وحدة ديال ولد عمها أو وحدة لي كرا مصطفى كانت مزوقة .. جمعوليها الحوايج والطيافر والغدا كولشي تستف وتحط فالطوموبيلات .. عاد مشاو كيلبسو لبسات وسناء قفطان خفيف بالراندا بالحزام فلبلو غوا وهاد المرا طلقات شعرها ودارتلو بوندو مذهب ومشات هي وحبيبة وزينب يركبو فالطاكسي وشي خوالاتها وعماماتها باش يطلاقاو مصطفى لهيه يحطو داكشي وغايرجع مصطفى يجيب باقي العائلة ( كنشك بعد المرات لي دارو هاد التقاليد باغين الخدمة فالمغاربة 😂 ) إوا وصلو لتما وجابو الدقة المراكشية فالباب ديال الدار نوضو الحايحا بالشطيح ... عاد تمو داخلين طلاقاتليهوم رودينة بقفطان فالأبيض منبت بمجوهرات فالأزرق بالحزام ديال الصم وشربيل بيض فرجليها وفولارا بيضة مقادا وميكاب خفيف وحناكها حومر وحشمانة .. غير شافتها وسناء ضحكات عليها مزيان ايييه هي لي عارفاها على حقيقتها .. دخلو لداخل عند دار العريس كانو طالقين أغاني جبلية .. رحبو بيهوم وكولهوم ݣلسو فصالة من غير وسناء ناضت مشات عند ختها يالاه غاتجي دخل سبقاتها زينب ..
رودينة : شني باغا ..
وسناء : ( كلعات فيها حاجبها ) كيفاش شني بااغا جايا تعاودلي ..
رودينة : شني غانعااودلك ..
وسناء : ( غمزاتها ) وماتزيدشي فيه ..
رودينة : ( بجدية ) مكاانضاحكشي مشي شوف ممّا شني باغا راه كاتعايطلك كيخسني نهضار مع زينب ..
زينب : وي سمعتها قبيلة كتعيطليك ..
وسناء : أواعدي وااش كااتجاااري عليا دابا ولا شني ..
رودينة : وسناء راسي كيحراااقني مافيا لي يهضار مشي قوتلك تشوف ممّا شني باغا مابغتكشي نتينا ..
وسناء : ( تعصبات ومارضاتش ) قووولااالي أختي قولي نتينا مشي بااحالك لاش ماجّا ماغانعاودلكشيي ماتبقااشي تعطييني الأعذاار الخاويا كيف شي حماارة شني زااعما يانا عاقلي صغيير اه عانداك الحاااق يانا لي طاحو كتافي فهاد العووورس ونتينا باارزة بلحااق هاهيا ( لحسات صبعها ومسحاتو فالحيط ) لاكونتي فرحانة براجلك غانديه يانا سييد الرجّال ودابا تشوف ..
مشات خرجات وشعطات عليهوم الباب ..
زينب : أويلي مال هادي !! ..
رودينة : صافي خااليها دابا ترجاااع ..
زينب : إوا خلينا منها دابا ݣوليلي واشنو درتو ..
رودينة : والو ماعملنا والو جينا عاياانين حايدت لاغوب ماعقالتشي عليه نيشان نعاست ..
زينب : اوييلي هههه وهو ماقال والو زعما ..
رودينة : لا لا .. بلعاااكس مين فاقت قالي صافي تاتكون مرتاحة ماشي بالضرورة ..
زينب : اححح يا ختشي الزواج زويين زويين ..
رودينة ( ضحكات حشمانة ) هههه ..

وسناء وصلات حدا مها معصبة .. غير ݣلسات وهي تقرصها مها ..

وسناء : اايي وااش حمااقتي ..
حبيبة : ( خرجات فيها عينيها كتهضر بشوية وتخت السنان ) زييدي لمووك زييدي هادشي كاامل غانخرجو من والديك غير تانوصلو لدار ..

قلبات وسناء عينيها .. مابغاتش تجاوبها .. ولا غاينوضو شي روينة هنايا ..


- دازت سيمانة والعائلة بدات تنقص تالنهار السبعيام دالحزام دوزوه عند رودينة عاد تفرق كولشي بقات معاهوم غير عمتهوم الكبيرة وزينب أما الباقي كولشي مشا .. دازت 3 ايام عاد بداو يحسو بالراحة والهنا والدار كتجمع شوية بشوية ونقصات من روينتها ..

حبيبة ݣالسة فصالون وعايشة حداها ( ختو ديال أحمد وهي الكبيرة فخوتها كيعتابروها بحال جداتهوم ) شادا تسبيح فيديها وكتشوف فيها .. وزينب كطبطب على كتفها ووسناء كاتاكل وكتعوج فشفايفا ..
حبيبة : اااااه يا بنتي ومشيتي وخويتي يعليياا الدااار يا الحبييبة ديااالي ..
زينب : وصافي أخالتي راه غير هنا فمدينتك ديما غادي تجي طل عليك ..
عايشة : شني باغا لاتقولي شاي العايلة مشات لدارا ونتينا عاملة عليها جناازة ..
حبيبة : اااه وماااايعرف بقلبي وحبيبتي ..
وسناء : هااينا أممّا ماعجبتكشي ..
حبيبة : ( عقدات حجبانها وتسيفات عليها ماتقوليش هادي لي كانت دابا عاد كتبكي ) جمعتيي نتيياا البييت اهااا نوض نلقاها مزال ماتجمعات ندووݣ واالدييك هحريييي نخرجو فمك اليوم هادي ربعيام وأنا ندويي ..
وسناء : يخخخزييت هايانا مشّا عاندااك شي نهاار تبكي تايانا عليا ..
زينب بقات كضحك عليها وعايشة غامخنزرة هه جدية كتر من القياس ..

دخلات حبيبة لبيتها لقات الحاج أحمد ݣالس فالناموسية كيقرا القرٱن ..
حبيبة : أحماااد عاااد تفكررت واحد الموضووع كنت نسييتو فهاد العشرياام ..
أحمد : اييوا نتييناا لااتباااقشي طلقاا لينا الواااقت الشغووول النهار كااميييل ..
حبيبة : كااتعرف لالة يياقوت !!؟ ( كتشوف فيه ) يااقوت الفاسية الحااااج !! ..
أحمد : ديك لمراا ليظقي تريتور ديالاا كاادعماال عاندا نتيناااا !!؟ ..
حبيبة : ( كلسات فراس النانوسية وهي كاطوي الحوايج ) هاااديك الله إرضي عليك قاتليك بغااات وسنااء وعجبااتها لولدهاا ..
أحمد : شحااا فعومرو هاد يبنا ( ولدها ) شلاايظقي ( شيكيدير ) هالعايل !!
حبيبة : شمن عايل الحاااج الله يهدييك السيد راه راجل فعمرو 35 ومزوج جوج عيالات ..
أحمد : ( عقد حجبانو ) حبييبة شماااشتقوول ( شكاتݣولي ) نتييناا !!؟ عااندو لمرا وباغي وسناء !! ..
حبيبة : قاليك أسيدي مرتو اللولة مرت خووه لي كان مات وعندها وليد وهو مابغا شاي يخلي حرمة خوه ضيع هي وولدها وتزوجها ولكن مابيناتهوم غالخير والإحسان وݣااليك مرتو الثانية تزوجها ولكن مادايراش عقلها وكيف مزوجين كيف مطلقين إيوا عليها بغا يكون وحدا أخرى ..
أحمد : مانكذيبشيي علييك احبييببة نتيينا دعرااف العاايلة بااقا صغييرة ولادعراافشيي وتزوج هايدا رااجل عاندو جوج دالمرااوات فالدار مانقدارشي نعطييهاالو ..
حبيبة : ودييكشي لي ݣتليها مانقدرش نعطي بنتي وهي لي بقاتليها ماحسيت قلت خليت اللولة تانخلي الثانية ..واخا السيدة مانلقاوش بحالها وتعائلتها همة وشان ولكن مانقدرش ..

أحمد ~ وااصافي قولا لااء ..

حبيبة ~ ديكشي لي غاندير ..


- جمعات البيت وقاداتها ومشات كتبرد فدفرانها حتا كتسمع تيليفونها كيصوني هزاتو لقات أوسامة ..
وسناء : فايين .. بييخير ونتييناا !! .. ( كطول فلمر وتحلون قاعيدتها مين كتكون كتهضر مع الجنس الذكوري أما مين كتسيف على العيالات بلى ماندوي ) ..عاارفا بلحاق ماعندي كينديير .. واش حماقتي ماغاتخالينيشي ممّا نخرووط كوونت كانعمل السبا بلافاك بلحاق دابا مابقات لالافاك لاوالو الصاايف هادا .. صدااعتينيي ا أووسامة صافي صبار غانتلاقاك غالفحومة .. يالاه انا نايضة ..

لاحت تيليفون وناضت لبسات عليها غاجلابة صيفية .. مع الشرقي كيضرب سخوون ... جمعات شعرها كيف العادة كعكة مهملة ودارت فرجليها الصابو وجات خارجة تاكاطلاقا مع زينب فالخرجة ..
زينب : فيين غاادا !؟ ..
وسناء : ماااشيي شوووغلك حايد من قودامي ..
ضربات فيها وزادت من ديك النهار وهي قاطعة فيه لاهية لارودينة .. مشات للكوزينة دخلات على مها مدرمة ..
وسناء : (من باب الكوزينة ومها عاطياها بالضهر كطيب ) ممّا أنا مشّا عااند مااريااماا ..
حبيبة : ( بلى نادور تشوف فيها مكملة طيابها ) ماكااين لاماريامة لا حناااك سيري تروݣدي ..
وسناء : ( خرجات عينيها ) اواااعدي يا ممّا راااه قنااات حراام علييك تعملي هاايدا ماكانخرووشي شني باغاني نعمممل ..
حبيبة : ( دارت عندها والمغرفة فيديها ) غاتمشيي ترووݣدي يا هاد طفلة ولا لااا .... هاااو ماابقيييتشش تحشميي تخرجيي علييا فعيينيك !!! ... نهرس على مك هاد المغرفة ااااشش غاتمشي دييري عند هاد مرياما ..هاااا ..ياااك بت خاااالتك هاهي مبلطةة فيك عيينييها .. اش بغيتي بهاد مراااياما ولا خراياانا سيريي لهييه تكمشي يااااك سييمااانة ونتيي فالضخامات والعراسات وعاد دوزنا عرس ختك اش بااغا ماازال ..
وسناء : عيييت أممّا ماانقداااارشيي هايدا نبقا سيماانة مااخرووجتشييي .. شنيي فييها نمشي عااند مريااامة ..ويااانا نااكاانهضااارشيي معااا زااايناااب دمشي تخرااا ..
حبيبة : ( غوتات وهي كتشير عليها بواحد البوااطا دالبلاستيك ) سيييرييي سييريي العااار غااخويي عليياا ..
مشات كاطير قبل ماتنزل عليها بشي خباطة ..
وسناء : وقولا من الصباااح اوووف ضاااروري ماتعملنا الصدااع وتخالينا نقراااو عليك الزااابور ..تف تف كييعجببااك تمرمرد لواااحييد ..

خرجات من الباب ومشات دارت مع الدرب كان تمايا واقف بالمطور ديالو ... رقيق وطويل وفوجهو مابيهش هي حسن منو .. 
وقفات حداه كاطلع وتهبط .. مد يدو خلاتهالو هاكاك ..

أوسامة : ( شاف فيدو وجمعها ) هايدا تعملي كيخسني نرغاااب باش تجيلي ..
وسناء : شنيي بااغي سربيني غانعمل راسي غامسااخراا ..
ادأوسامة : كيفاش شني بغييتك راه عيشرين يوم ماشوفتكشي .. كااتعرافني ماكانقدارشي نصبار باش مانشوفكشي ..
وسناء : ونتيينا كاتعراافني ماكاانحملشيي لي يتعااناب عليا ( الله يمسخك ) ..
أوسامة : تشوو يمكن نتينا معاصبا أوسنااء صافي تالمرا لوخرى ونهااضرو ..
وسناء : ( شافت فيه صاعرة وعاقدة حجباانها ) شنييي هوااا دااباا جييبتييني تالهناااياا واانا عممملت رويينة فالدااار بااش نجيي لعاانداااك ونتينا دابا كااتقوولي مشيي ..
أوسامة : وشوفتي أكيبدة تانتينا تواحاشتيني .. وعملتي هادشي كامل باش تشوفيني ..
وسناء : ( شافت فيه ماحساتش تاطلقاتها بضحكة من أعماق الأعماق وحطات يديها على سدرو بحالي كاتراشق وعندها واحد الضحكة كيف هضرتها محلونة ) هااااااهههههههههه ضحاااكتيينييي أوااااعدي شنيي قوولتيي نتينا .. يااانا نشوووفك وعا..

قبل ماتكمل كاتسمع سميتها لي تنطقات بأعلى صوت لي درجة خلا قلبها يوقف .. دارت لقاتو كيشوف فيها ... شداتها البولة .. ورجليها تششللو مين كتشوف باها واقف كيشوف فيها .. صافي الما جمد ليها فركابيها عاد عايقة براسها ... شنو دايرا لا وااش هي حممقة وخارجة طلاقا معااه فحوومتها ؟! .. وااش مااخاافتش ولكن دابا عاد كتحس بندامة حتا فات لي فات وحصلات ... أوسامة تم نيت تراجع هز الموطور وقلع وهي تجرات من يديها تاقالت تهرسات .. وبقا جارها ماكيهضرش وهي بزز منها تمشي حسن ماتشوه فالحومة وأرا ماتولي سيرة فلسان عديانها يدوزوييها طرطيق الزريعة فالبيبان .. يالاه مع دخلة ديال الدار وكيف سد الباب عطاها بتصرفيقة تاطاحت على وقفتها ..

أحمد : اللللللله ينعااااااال يماااااااك اللللصلݣووووكة ولييتيي تعمل معااااياا تقاااحبيييين ياا الحنااارة وهاايداا فووجهييي ليماااك هاا ( ضربها برجليها وهي غير مصدومة وعينيها بداو إقطرو مازال مامتقبلاش الصدمة ديال أن بااها حصلها مع شي وااحد ) واااقفااليي مع القحاااااب فالزاانقة فالحااااومة قوودااام الرجاال لي كيعاارفوونيي نتيييناا باااغااا تحاامااااقنيي .. 

حبيبة زينب عايشة حمزة خوها الصغير كولشي جا كيشوف شنو واقع وهو جرها من شعرها تالحها فالصالون ...
حبيبة شافت المنضر مشات كاطير ..

حبيبة : ( كتغوت ) الحااااج ااوييلييي ( شداتلو فيدو لي كاطرش فوسناء تاجرحاتليها الحنك من لداخل وبدا يسيليها الدم ) شكااديير اويلي ططلق الدررية ..
أحمد : حاااااايد احبييييببة نتييينااا السببايب العاايلة خوورجووو رجلييها لشوااري قووداام عااينك ونتيينا مخاالياااها ..
حبيبة : رااه مشاات عند صااحبتهاا الحااج اش كتتقوول !!!؟ ..
أحمد : مشااااات تقااااحبن ماااشيي لعاااند صاااحييببتااا .. شووفتيي الصحااباات شنيي كييعملوو كاادقااايل تقوول خااالي العاايلة تنفس خااالييها تخروووج خاااليها تعمل خاااليها ثراا وهي شنيي كااادعمااال كادمشي تواااليي قيييييحبةة ..
عايشة : أعوووذو بالله شلاضقول نتيينا الحاج !!! ..

زينب فهمات البلان حيت عارفا بلي وسناء مصاحبة ..

زينب : أعمي نعل الشيطان ..
أحمد : من اليووماا نساا شي حاجة اسماا لافااك واريليي داااك التيلييفون غانشاااخشخو ليمااك فووق الرااس من اليووم غااتبقاا فاللداار سمااعتيي ..
حبيبة : الاحاااج العااار ..
أحمد : حاابييبة عاايط لديييك المرااا قوولااا من غاادا تجي تشووف البنت لاعجبااتاا مرحبااا انا نااعاندييشي البنااات الباايراات ولي ماعندوم ماايدار غييير تقااحبييين خاالييها تزوااااج باااش دعمل عاقلااا ..
وشناء غير سمعات حس الزواج ناضت مخنية على ركاابيها كتبوس فرجليه ..
وسناء : يرحمم باابااااك إلاا الزواااج ماانقدااارشي ماانقداااارشيي ...
الحاج : حاااايد منييي نتيينا مااكاااتحشمشيي بغييتيي تاتعملناا شي مووصييبة دابا غانعاايط لمصطفى يتشووف معااك ..
حبيبة : الحااااج شكااتݣوول رااك ماواعييش ..

أحمد نفضليها من يديها مكششكش ومشا خارج اما وسناء غير مصدومة مامتيقاااش هادشي لي كيوقع داابا .. نزلات عليها مها هزاتها من كوعها ..

حبيبة : ( مخضات فيها ) فييين مشييتي المسخوووطةة فيييين .... عننندممن !!!!؟ ... هااااديي مرياااامة هييي هااادي ( لاحتها فوق اسداري جات ݣالسا) فييينااااهيااا ماااريااما لي ݣلتيي غااتمشي عندها ...
زينب : ( دفعات حبيبة ) صاافي أخاالتي برااكا ماكانشووفيش فمها كيداايز بالدم صاافي مااتزييدووش فييه ..
عايشة : مااتهضرااشي العايلة خااليهوم يرااابييوها ..
وسناء ماستحاملاتش هضنها بحالي زنات ناضت بجرية لباب بيتها دخلات وشعطاتو موراها ..

حبيبة طاحت فوق السداري ݣالسا شادا على راسها وعايشة ماسكتاتش من نݣير داكشي لي باغا نيت هاهيا كاتشفا فيهوم ولقات فين تهضر ..وتامن زينب ماعجبهاش الحال مشات لبيت مصطفى وݣلسات تما ..
غير دخلات لاحت عليها الجلابة وهي كتبكي حتا نزلت على شعرها كامل بيديها وبقات ضرب فراسها وتنتف ماصبراااتش وعدو ربها لي يتشفاا فيها وطييح قييمتها ..ماضنااتش توصل تالهاد الدراجة .. مااكااترضاااش مااكاارضااش عندعا واحد النفخة واقفة ليها فجبهتها ..

رجعات لبسات سروال كحل وتيشورت فالأسود واسع بكتابة فالغوز بيبي ودارت كاسكيط وطلقات تحت منو الشعر باش نايبانش وجها لي نذباتو عاد لبسات سبادري فالأسود بالغدايد وعينيها منفوخين هزات بزطامها كان فيه شي صرف ورجعات طلات من باب بيت كيطل على الصالون مالقات تاواحد ݣالس تما وكتسمع الهضرة فالكوزينة مشات نيشان خرجات بشوية تاوصلات لباب برا وسداتو علات عينيها كتشوف فهاد الحومة لي ماشافت منها غير الݣحط والمدابزات ...

شدات طاكسي ومشات نيشان تالقات راسها واقفة حدا دار ختها دقات وفتحاتليها رودينة ..

رودينة : وووسناااء ( غي كتشوف ) ..
ماحسات كيفاش تلاحت عليها كتبكي .. حيت هي الوحيدة لي كتقدر طلق عليها دموعها كيفما باغا ماشي بحال قدام الناس لوخرين ماتقدرش ديرها ..
رودينة : شش وسناااء أوااعدي مااالك ...شش دخلي بعدا دخلي ..

دخلاتها وسدات الباب كانت أباغطومون زويينة فواحد الموبل فسونطغ .. ݣلساتها فصالون وتقول بغات وسناء تسكت ..

حيداتليها رودينة الكاسكيط ورجعاتليها الشعر من مور وذنيها تاكاتشوف ٱثار التسرفيق على وجها وٱثار القميش لي دارت هي ..

رودينة : ( كدورليها فوجها ) اوااااااااعديي شكوووون عملللك هااايدااا .. 


وسناء ~ صااااافيي خروووجتت علىى حياااتيي انااا وااشش مااكنحااقييشيي نفراااح فهاااد الدووونييا وعيييت اختي ..

رودينة ~ وماالك اختيي ماالك شكوون عمااالك هااايدااا وعااودليي خلااعتييني ..

وسناء ~ " بالبكا وكتشهق " بابا سطااپااني " حصلني " مع اوساامة ...

رودينة ~ "حلات فمها على جهدو وبسرعة ݣلسات حداها " اوااااااااعديي ... يااااك قووولتااالك قوووتلك عاااندااك يسطااپييك بابا ونتينااا ماكااتسماااعشي ... 

وسناء ~ " دازت كتبكي مغددة " وقاااااليي غااايزووجينيييي ..

روديينة ~ اييماااااا قااالبييي فففف منك اوااسنااء ففففف " دارت يديها على راسها " وااش نتييناا حاامقا شني عملتي دابا شنيي عملتييي .. شنييي غااتعمااال نتيينا كاتعرااف بابا لي فااسو ولي قالاا كيعملاا ..

وسناء ~ ماابااغاشي نتزاااواااج ..

رودينة ~ شنيي ياااكماا كوونتي كااتستناا اووساامةة يتزااوااج بييك انوووض العايلة بااراكة مااتقوول هاايداا هواا لقاك هايدا مزييونة شكوون لي ماايبغييشيي شيي وااحدةبحااالك ونتيينا حسااان منو قولي شني صطااپاك بابا كااتعمل معااه ..

دارت وسناء من فوسط بكاها وشهقات كطلع النفس وتردو ..

وسناء ~ ياااك ارووداااينةة يااااااك هاايدا اهئ اهئ هااايدا تانتيناا رجااعتي تشووك فيياااا ..

رودينة ~ " عزات عليها فداك الحالة مالقات ماتقول جراتها عندها ضاماها لسدرها " وااش نتيينا حاامقا شنيي كااتقوول ...أناا عارفااك عوومرك مااغااتقداار تعماال شيي حااجة انا غااسواالتك باش نعرااف كييف وقااع ..

وسناء ~ واالو كونت اهئ اهئ اكاانهداار معااه فالحاااومة ..

رودينة ~ وااش نتيينا حاامققاا اواااسنااء مشّا تشووف العاايل قودااام الداار ..

بعدات منها وسناء بشرعة وضربات راسها ..

وسناء ~ مااعراافتشييي ماااارااافتشيي نسييييت مااعراافتشيي شني وقااااعلي اهئ ا هئ ..

جرااتها رودينة من يديها ..

رودينة ~ صااافيي اواااعدي خاااساارتي وووجهااك الحمااارة صااافي ..

وسناء ~ عاافااك اوودااينة عمليي شيي حاااجة اهئ اهئ ماانقداارشيي نتزوااااج أنموووت قاااسمااا بالله تانموووت ...

رودينة ~ ففف ياااربيبي الحبييب يااا ربيي شنيي هااد المووصييبة ايمااا وشني هااادااا صباار نجييبليك كاااس دالما بعدا ..

ناضت من حداها كتفكر فهاد الموصيبة لي نزلات عليهوم مشات لكوزينة زجابتليها كاس دالما بردات بعدا على روحها عاد رجع الصمت سيد الموقف ووسناء غير كتنخصص حتا دخل عليهوم نور دين " راجل رودينة " ..

نور دين ~ وسنااء ختي ماالك شني كينا ..

رودينة ~ غير سكووت أنور ديك الساعة ونعاودلك " دارت عند وسناء " علاامتي بعدا ممّا قولتيلا يانا عاند روديينة ...

شافت فيها وسناء وحركات راسها بلا ..

رودينة ~ أيماا وشنيي هادا اوسنااء نوور موودلي تيليفون ن..

باقي ماكنلاتش تاكيسمعو الصونيط فالباب ..

نور دين "شاف فيهوم " ~ اناا نحووول ..

تنهدات رودينة وجات مقربة من ختها تاكاتسمع الغوات ديال باها كيقرب .. ناضت وسناء واقفة من بلاصتها مخلوعة ..

أحمد ~ فااااينييااا الحماااارةة " شافها " هااايداا رجعاااتي تعمااالل اوييلةةة قوووول رجعاااتي تخروووج من الدااار بلى ماتقوول واالو ..

رودينة ~ بابا شني كااتقول نتينا صاافي نعاال الشيطان ..

مشا مقاارااب ليها تاجرها من يديها بلى مايهتم برودينة ..

أحمد : زيييد قوودااامي " عطاها دقة من اللور فقرفاادتها " زيييد الحمااارة مشيي قوودااامي ينععاااال واااالديييك ... " دار شاف فرودينة ونور دين " سمحوولنااا هاااد الكاالبة شي نهاا غااتخاارااجلي العقااال ..

ومشا سد الباب من مورااه .. رودينة ماارضااتش هادشي يوقع لختها وقدام راجلها .. بقات غير ساكتة وݣلسات على الكناپي لي فالدخلة ديال الباب تاݣلس حداها نور دين كيدوز يدو على ظهرها ..

نور دين ~ صاافي ماغاايوقاااع واالو نشاء اللّه ..

رودينة ~ نشااء اللّه ..عطيني تيليفون نهضار معا ممّا ..
مدليها التيليفون ومشات دخلات لبيت نعاس ديالها كتعيط لمها ...

رودينة ~ ٱلو ممّا ..

حبيبة ~ ٱلووو رووديييينة كاانت عندك وسنااء ..

روديتة ~ اااه رااه كانت عندي وجا بابا داها دابا تشوفاا وصلات عناادك قوولي شني وقااااع اممّا ..

حبيبة ~ شتي ختتتك ررااه غااترككب فيياا الققلبب أما سكااار رااه فيااا وااش الكلبة ݣااتليا غاااتتمشي عنند دييك خييتي .. وهي مشاات عند صحاايبها لواالدييهاا وفيين فرااس الدرب ..دابا نااشي بغاات تحمقنيي هااادي ..

رودينة ~ وشمااان زواااج كييقووول بابا كييفاااش غااتزااوااج شكوون هادا ليي دواا فييها ..

حبيبة ~ هااديك كااتعرفييك لالة ياقوت الفاسية ..

رودينة ~ ماالا !!؟ عراافتا ..

حبيبة ~ عجبااتهاا وسنااء وبغااتها لولدهاا مزوج جوج عيالات وسناء تكووون الثالثة ..

رودينة ~ " تصدماات " شنيييي هواااااا اواااااعدي واااش كاااتحمااااقو علييااا ولاا شنيييي واااش منيييتكووم يااغيين تعطييو هاايداا العاييلة واااش شاايطاا علييك ماابقييتيشيي بااغا ترمييهاا هاايدا واش عارفاا شني هواا الثااالثة مااقاالو ثاانية أواااعدي الثاااالثة ...

حبيبة ~ تاااناا ماابغييت شاااي وغير هضراات معاايا نهار عررسك ݣتليها ماانقدر شااااي وبنتي نااشااايطااش علييا وماهية مطلقة ماهي فاسخا خطوبتها البنت عندي عزبة وغزاالة وباقا صغييرة مارخييصاش غليا نعطيها هاكا وبقات تأكد عليا وكل خطرة تعيط ليا وقاتليك من وسنااء نخلااق ..

رودينة ~ وياااك عاانداا ولدااا لاخور الصغيير ماالها عطااتها للكبيير باينة ايكوون شاارف ..

حبيبة ~ لا الحبيبة ݣاتليك فعمرو 35 عام أما ولدها لاخور راه يالاه فعمرو 24 وماشي دياال الزوااج وباقي ماجامعش راسو يالاه كيقرا إيوا شبغيتي نݣووليها ..

رودينة ~ وبابا باااش عراااف علااش قوولتييهااالو ...

حبيبة ~ وراااه هاد الفم عنديي تاياااكلنيي وراااه بااش ݣتاالو ݣااليك مانعطييش بنتيي بااطل وماابغاش ݣاليا نݣوليها مااعندييش بناات لزوااج ولكن هي الكلبة كااطير تاخرجات على راسها ...

رودينة ~ واخا أممّا تعممملل لييي عمللاات ماتقولااشيي هايدااا مااشيي حشوومةة علييكووم شني بحاالي كونتو كاتستنااوها غير فووياااخ تعملل هاادشيي بااش تلووحووهاا ..

حبيبة ~ الله ياااينتي وااش هاااد الباااطل وااش نتيي تعرفيي عوااايدي هااادو ..

رودينة ~ وممّاااا ونتييناا داباا كتقووليي غااتزوجااا شنيي بااقيي غاانعرااااف ..

حبيبة ~ هي ماكاتسمعش أبنتي كون كانت تݣلس وتحط قزيتها للأرض كانت غاتكون هانية فمخها دابا، وراك شفتي باها كيفاش كان مفششها الزيف ببزو عليك وخلاها هي القرايا لي ماقرنيهاش نس قراتها هي واخا شي قرايا مانفعاتتا، إيواا بزااااف على داااك الفشووش فلخر ديرلو خاااوية فعاامرة وبغيتيه إبوسليها راسها من الفووق .. لاباااس لي ماجراااش عليييها ..وزاايدوون مالها تامازوجش اش بغاات السيد بدااارو أو خيرو وخمييرو تزووج وتشدوو فيديها وديك الساعة يبقا معاها غير بوحدها وحنا ماشي رميناها رااها برغييب والمزااوݣة باش غاتمشي كون تشوفي لالة ياقوت تصبح بوسناء بنتي وتسد بوسناء بنتي واالو وحرام واش بغات طلق منها ..إيوا وراك عارفة ياقوت شان وهمة ..

رودينة ~ اوووف اممّا ونتيييناا فاااش كااتفاااكاار عراافتي شنييي ستناا غانجي فالعشياا ونهضرو ..

حبيبة ~ واايييه صاافي تاتجي فالعشيا مانضيعوووش هااداك ..مم ..أشسمييتو .. ايييه الصووووولد ..


دخلها باها بالدق والبكاوات ... حبيبة غير سالات مع رودينة تاكاتسمع الغوات دوسناء من الكوزينة .. 

أحمد ~ نتييييناا ياا الحمااارة تعملييي هااايدااا تمشيي بلىى شواااار قوووول غامرااابييي فيييك الخلاا أ
دويييي ( طااااااااخ ) قووووول اا الوييلة ..

عايشة ~ " مربعة رجليها فوق السداري ومبردا ومحزمة بطاݣية دجبالة وتسبيح فيديها قول غير كتفرج فشي مسرحية " لا واالو يا الراجل مااعملتيي ماراابيتي فهاد العاايلة ...

يالاه غايزيد إعطيها تاوقفات بينو وبينها حبيبة مخرجة عينيها دفعاتلو يديها ..

حبيبة ~ سيييير ݣعوووود لهيييه حيييد على الطفلة قتلتييهاا سيير حييييد ..

أحمد ~ حااايااااد أحاااابيبببةةةة لاانغلاااط فييييك زوااااال مننن قووودااامييي ...

حبيبة تسيفات عليه وهي ترفع كفوفها لعند وجهو ومع هي وازنة تبارك الله وغليضة ووافية وأحمد رقيق كاتبان تعفط عليه تبعزو ..

حبيبة ~ " بالغوات " هااااااايوااااا حييييد لهييييه علىىى الدريييةةة سيير ياا جبليي شووفلييييك شييي شغللل وحييد على البنتتت لهيييه ...

أحمد ~ زووول أحااابييبة من قووودااميي ..

حبيبة ~ اشوووف أدااااك الجبلييي سيير قلببب علىى شيي شغللل راانيي بحلوووفي وهواايشي نطلقهووم هااد النهااار ونخليي عشاااياا يدوزو بييه العدياان جغمة أتاااايي سييير ݣعووود على الدرييةة تقووول غاشفتييها كااتزنييي مااالنا علىى هااد الحكاام هااااووو ماالقينيي لييي يحكم ..

أحمد ~ " طلع صبعو فوجها وووسناااء غير مخبعة من نور مها لقات الحمية " ياا واللله أنمشيي ومنواااليييشيي ...

حبيبة ~ " رفات يديها فوجهو كاتجابد معاه " أسييير لهلااا يولييليييك ولا يرجع بوووك .. سيير يا الجبليي شرفتي وهترتييي تااماابقييتي عرفتييي تهضرر ..

مازادش معاها الحاج الهضرة باش مايوصلوش هوا وياها لخيزو وماحلاه ومشا رادخ الباب تاقرب يتهرس ..

حبيبة ~ " بالغوات " الهررررس إنشااااء اللله ..." دارت عند وسناء " هاادشيي ليي بغيتيي لمووووك وجمعيي الوقفةة غبريي علياا كماارتك هالجبليي غاايزووجك بحراا تركنيي قزييبتك للرض وتهنيينا من صدااعك يالاه سيري تووݣدي ..

جات زينب كتهز فيها وحبيبة ݣلسات فوق السداري شادا على راسها أما عايشة غير كتشوف فيها وتقلب فشفايفها ههه علاه هي تقدر تهضر والله يا تاتكمل بيها لي باقي وتخلي الجيران إجيو إفكو ..

توالات العشية بقات فبيتها ماخرجاتش تامن الغدا والو ماتغداتوش غير كتبكي وتقول مابكيت .. تغمق على راسها وطلق العنان لدموعها .. هوما لي يقدرو يفشو على خاطرها ...وهي دايراها بيديها .. جات رودينة لقات حبيبة متكية فسداري ديال الصالون ومحزمة راسها بزيف حياتي معاه الطرافي ديال الحامض .. وعايشة كيف ݣلستها المعتادة .. وزينب فتيليفون .. 

رودينة ~ فااينيا وسناء !؟ ..

ماجوبها حد تاشافت فيها زينب ..

زينب ~ راها فبيتها مين جات مع عمي ماعاودات خرجات ..

تنهدات رودينة بصوت مسموع ورجعات شافت فحبيبة ..

رودينة ~ دي عاايناااك أممّا ديي عايناااك لما عااملاتلكومشي شيي موصييبة هااايااناا هانتوماا ..

حبيبة ~ " هزات كفوفها لسما " يا اااااربيي يااا ربييي .. ودينيي من هااد المصاايب لي صلطتييهوم عليااا .. واابعدوو علياا فووتوني عطييوني التقااار .. خلييي بووهاا .. تمشي تزوج وتريحلي راسي من صدااعها .. كون مرا اللولة ماتمشييش وتركن ..

ناضت رودينة معصبة ومشات كتزدح برجليها وتبعاتها زينب من اللور تادخلو عليها لقاوها محشية فراسها بوضعية الجنين ومغطية على راسها بليزار ...


رودينة ~ " حنات عندها كتحركها " وسنااااء وسنئتيي ووووسناااا ..ههه وصااافي وسنئتيي ..

حيدات الغطا وكتشوف فيها وزينب ݣالسا فالناموسية الأخرى لي جنبها ..

وسناء ~ " عينيها منفوخين بالبگا " شني باغا !! ..

رودينة ~ وصاافي شني عاملا هاد الحالة كاملة .. 

وسناء ~ بلا ماتجبدلي الموضوع حيت طلاعلي فراسي ..

رودينة ~ " دارت شافت فزينب غمزاتها وعاوات شافت فيها " ماعرافتشي شني نعملك أوسناء منكذبشي عليك ..

وسناء ~ " تنهدات " زاهري وعارفاه فاين عومري عرافت شي حاجة مزيانة ..

زينب ~ كولشي غايفوت أختي تاحاجة ماغاتبقا ماكتعرفي الخير فين مكتابليك ..

وسناء ~ واش نتينا عارفة أزااينب بلي غانتزوااج راجل عومري شووفتو ... عوومري ... عراافتو ... فوياااخ شاافني وعجبتو ؟؟ ماانعراااف !!! ولا تشووف أصلا واش هوا كييعراافني ولا لاااءاا ...

رودينة ~ واش مافرااسااشي " شافت فزينب مصدومة ..

شافت وسناء ردة الفعل ديالها مافهمات والو ..

وسناء ~ شني لي مافراسيشي !!؟ ..

زينب ~ احم م .. ماݣالهاليها تاشي واحد ..

روديتة ~ اوااعدي " دارت شافت فوسناء " واش ماعارفااشي الراجل لي غاتزوجا مزوج جوووج عيالاات ونتينا غاتكون الثالثة ...

دام الصمت لوهلة حتا كتشوف فيهوم بصدمة مخلطة بالبكا ٱخرتها طلقاتها بضحكة وعينيها مغرغرين ..

وسناء ~ هااهاهاهااهاها لاااا كااضحكو ههه يااك قوولي غير كاتضحااك معايااا قولاالي ..تشو ماكيعجبنيشي بحال هاد الضااحك ..

شافت الجدية فوجه م بجوج ومن رودينة لي غير كتنهد تاهية تصدمات ماعرفات ماتقول .. ماحسو بيها كيفاش نقزات من الناموسية ومشات كتجري فاتحة الباب تاوصلا لصالون .. وهي تهبط على وجها بضفارها تالأرض ونزلات معاه م تاشعرها .. كتغوت لربها لي خلقها ..

وسناء ~ واااااااشششششش بااااااغيييين تحاااامقوووونييي ،،، ومااابااااغاااااااشييي نتزواااااااااج اعبااااااااد الللله وعوووتقووو الرووووح ...

ناضت حبيبة بالخلعة مشات كدردݣ لعندها جراتها من يديها وطلعاتها نيشان ضماتها لسدرها ...

حبيبة ~ الله يا بنس وماديريش فراسك هاد.الحاالة اياا بنتي نعليي اشييطان ..

وسناء ~ " كتغوت لدرجة صوتها تبح بكثرة ماكاتغوت على حر جهدها " وااابااعدو منيييي ... وباااعدوو منييي ... وباااعدووو ... 
شوية بشوية كيخفاف صوتها وسنيها كيطلعو للفوق تاطاحت من يدين مها .. غوتات رودينة وهي كتهزها من اللور ..أما حبيبة شافتها غيبات تخلعات هزاتها وحطاتها على السدااري ..

حبيبة ~ " مع زينب " وجييبيي الزهههر من الثلااجة سربيينا .. اللله ياا بنتيييي اااااا عوييينة ليي عندي غايعمويينيي فييهااا وناااريي ضربووهااليي بالسيين ونااااريي بنتييي ليي عندييي ..

رودينة ~ خرووجتوو علىالعااايلة وزووجووهاا داابا زوجوهها ..

زينب ~ " كتمدليهوم الريحة والزهر " هاكو هاكو ..

عايشة ~ وشووموولاا شوياا دالبصااال غاااتفيييق ..

رودينة ~ عزييزة يرحاام يمّااك لماا سكووت ...

عايشة ~ " عقدات حجبانها " ينعاااال شببربااباك كون تحشاام رجااعتي تروووود عليينا الهااضرا اولاا مشي ظقي الشغوول عاند راجلك ماجا لهنايا رااه ختتااك دابا شوية تفييق ..

رودينة مابغاتش ترد عليها خلاتها تهضر بحال الحمقة بالها غير مع ختها كتحكليها مها ريحا مع نيفها وكف يديها تابدات تقلب فعينيها وتفيق شوية بشوية ... 

حبيبة ~ الله ياا بنتيي يا الحبييبة دقلبيي ..

بلا ماتهضر معاهوم ناضت من حداهوم عتباتهوم وفاتهوم واخا باقا دايخة ..وصلات لبيتها وسدات عليها الباب ونزلات معاه كتبكي وهي شادا بيديها جيهت قلبها ..عاد.ناضت كتحرك بشوية تكات ففراشها وماهي ثواني تادخلات عندها مها شافتها هاكاك بقاات فيها وقطعاتليها فقلبها ...


مشات مقربة ليها تاݣلسات حداها .. وتاهية غاحسات بمها دارت عندها وحطات راسها فوق رجليها وسدرها كيطلع وينزل بالتنخصيص.. بدات دوز حبيبة بيديها على شعر وسناء وهي كدوز على دوك النذبات لي دارت فوجها ...

حبيبة ~ الله يا بنتي وغاقوليلي أش هاد الحالة درتي أبنتيي .. 

وسناء ~ " ببكاء " مااباغاشي نزواااج اممّا مابااغاشيي ..

حبيبة ~ فيناهيا بنتي الحبيبة لي مايهرسها جبل بنتي اي قدها وقدود العايلة مولاتي لي كتضلي تغني وتصدسني بيها فيناهيا دابا لي بغيت نشوفها ..

وسناء ~ توما مابقييتوشيي حااملينيي ...

حبيبة ~ شكون لي مابقاش كيحملك الهبيلة واش حماقيتي علاااه شحال من وسناء عندي أنا مم .. راك غانتي وحيييدة وعسينة وحدة هي نتيي ماكاين غيرك ... 

وسناء ~ وممّا واش عراافتي شني هيا نكون يانا ثالثة باغين تزوجوني لشااارف ..

حبيبة ~ شكوون ݣاالييك الحمقة شاارف السييد بااقي صغيير فعمروو 35 عام ومراتو اللولة غير مرات خوه لي مات وباش ماضيعش تزوجها ومراتو الثانية لي شارك معاها الفراش ولاكن مدام بغا يزيد ٱذن راه مامرتاحش معا هاديك خيتي .. شوفي أبنتي بّاك راه ماغاديش إغوفل عليك ..واخا أنا أبنتي نقطعك من سناني ومانخليش لي يأدييك .. ونهار لي غانشوفك مامرتاحاش فديك الدار غانجيبك .. ياقوت أبنتي عشرة قديمة ومرأة صخية ونقى منها ماكاين .. ومابغاتش تحيدك من بالها .. ونهار ومطال تشكرلي فولدها .. واخا هاكاك ماقبلتش وتابّاك ماقبلش النهار اللول ولكن مين شافك هاكاك رجع قبل " طبطبات عليها " وصافي أكبدتي صاافي باراكة طيبتي دوك العوينات الله ٱرضي عليك راه ولا بد إيجي النهار لي ديري فيه راجلك ووليداتك ولا بد ديري هاكا حتالفوقاش غاتبقاي هاكا ...وصاافي أحبيبتي صااافي ...

بقات خاكاك كترطب عليها وحتا الأخرى نعسات تحت ظل همسات نبع الحنان .. تاناضت وسدات من موراها الباب ..

رودينة ~ شني !!؟ ..

حبيبة ~ رانعسات صافي خليها ترتاح ...

رودينة ~ فففف أنا ماعجبنيشي حالا خايفة لاتعمل شي حاجة فراسا ..

حبيبة ~ هييييه تقتلك وماديرش شي حاجة فراسها هاديك راها بنس وانا لي عارفاها غدا تصبحليك دايراليك شي تخليطة لداك الكمارة " لحسات صبعها ومسحاتو فالحيط " وهاهيا فين تعقلي عليها ...

رودينة ~ إوا الحاجة لماشبهات مولاها " أشار ليها " بلاش منها ..

حبيبة ~ ياك با خرجات حارة بحالي والحمد لله ..

زينب ~ ههه والحمد لله بعدا غامين ضحكنا شوية ففف هاد النهار داز بحال جهنام الحمرا ياربي السلامة ...

دازت ثلاثة أيام وسناء كتخرج تاكل فالكوزينة وترجع تنعس ماكاطلاقا لامعا باها لامعى مصطفى لي كان كمل عليها فداك الليلة مين جا وسمعها الزابور الكحل .. عاشت أكفس 3 ايام فحياتها .. ولكن ماندماتش حيت تصاحبات ندمات غير حيت طلاقات معاه فالحومة .. الفكرة دالزواح باقا ماداخلةليها لعقلها وكلام مها دخل من ودن وخرج من ودن .. واخا كتشوفوهوم بداو إوجدو .. من حيت حبيبة عيطات لياقوت وقالوبلي غايجيو إهضرو معاهوم سشوفو العروسة منهنا سيمانة .. وديك السيمانة وسناء مابقات طيحات دمعة وحدة غي الماكلة والنعاس والوصفتت تاصفا وجها ورجع كيفما كان وشي هضرة ماكاتهضر دايرا مقاطعة مع كولشي، ومخلياهوم كيوجدو راسهوم وهي مامسوقاش ولي شافها مايقولش هادي هي العروسة ...

فاقت هاد الصباح طالعة ليها القردة ندوأصلا فايقة تال12 دخلات قضات حاجتها ورجعات جمعات حوايجها لبسات جلابة ݣرونة صيفية والصهد كيقتل جمعات كولشي الحوايج فالساك وسرقات الريحة لزينب ويالاه خارجة تاكاطلاقا مع زينب داخلة ..

زينب ~ فين غادا !؟ 

وسناء ~ " وهي كتجمع شعرها كعكة مهملة ورجعات شافت فيها " شوووغلك !! ومشيي دخوول سووق رااسك ...


زينب ~ مالكي نهار كامل نافرة علينا وجهك أش كاين ݣاع ! ..

وسناء ~ " هزات الساك فيديها عاد دارت شافت فيها " مشّا لحمّام، شني باغاني ؟ ...

زينب ~ يويوي وٱخيرا لالة العروسة طلقات البشارة إيوا على سلامتك مني تقبلتي هادشي ...

وسناء ~ " فخاطرها : واييه ستنا، غانواريكوم الزواج كيف عامل غير صبار " زول من قودامي مشي لشي موطع ٱخور طناز فيه ماتعملشي يانا عليا هاد الضاحك ..

ضربات فيها وزادت خلات زينب غير مبلقة عينيها ..
مشات نيشان دخلات مدرمة على حبيبة فالكوزينة كطيب فالغدا وفنفس الوقت مقابلة الحلوة والملاوي وعايشة تاهية حداها كتدلك الرغايف كيوجدو للعشية أما رودينة بقا ماجاتش .. غاتجيب الشهيوات واجدين من دارها باش ماداحسهومش هنايا ...

وسناء ~ حاابيبة خمسة آلاف ريال نمشي لحمّام ..

عايشة ~ يمّاك هادي ونتييينا كاطعايطلا حاابييبة ..

يالاه غاتهضر حبيبة هضرات وسناء ..

وسناء ~ عزييزة ماهضارتشي معااك " دارت عند حبيبة " مودلي دااغي !

حبيبة ~ ماعنديش، ماعطاني الجبلي تاريال دوشي فدوش لي لتحت حمييه مزيان ودوخلي يكمدليك عضامك ..

وسناء ~ قوتلك كيخسني لحمّام هو الحمّام ...

حبيبة ~ وميمتي يا حبيبتي أش درت تاخرجاتلي هاد الشيخة فعودي ..

وسناء ~ داغي كنستنا ..

حبيبة ~ شدي هاطاعت ربي زويتيني لانتي لاباكووم " حلات جيب دالفواطة لي محزمة بيها وجبدات من بزطامها خمسين درهم ورامتهاليها شداتها وسناء بالنفخة " وسيري باتي تم عاوتاني ..

خنزرات فييها ورجعات وسناء بادلاتها نفس تخنزيرة ومشات كتخبط تاسمعو الباب ددار تخبط ..

مشات وسناء لحمّام، دخلات كمدات عضيماتها وضرباتها بتحميمة من داكشي، وتازوهرة الطيابة ماخلاتش من جهدها فركاتها ورجعاتها بلارة، تاخرجات ولبسات حويجاتها دهنات رجليها ووجها ولحمها شي سارقاه من زينب شي من رودينة شي غاملبقاه من الوصفات ديال الدار لموهيم كاديباني راسها رجع لحمها كيشعل وݣاع الضرابي لي كانو فوجها مشاو عينيها ووجها منفوخ بالنعاسة والراحة، وبيض وصافي بالمسكات لي حاضية كل نهار .. 

وصلات لدار دازت نيشان لبيتها تفاديا طلاقا مع باها وهادا حالها سيمانة دابا، خلات حتا تفرقات جماعة ومشات للكوزينة كانو كيوجدو ودنيا مقلوبة ..

رودينة ~ " شافت وسناء " إوا على السلامة الالة العروسة فاين غابرة ..

قلبات وسناء فيها عينيها ماجاوباتهاش ..

زينب ~ الناس جايين فيهوم الخطاب اليوم وهوما قالبين وجهوم ..

حبيبة ~ وسربي أرودينة كملي داك الحلوة خلاص وسيري قادي حالتك راه مع 6 غايدخلو " شافت فوسناء لي هزات كتسخن الغدا " هاديك هاااه سيري قادي حالتك بحرا تسالي ..

وسناء ~ " كتاكل وكتهضر ودايرا رجل على رجل " بشوييييييية عليا مازربااناشي، ولكانو هومايا زرباانين تاواحييد ماقالوم إجيو لعاندي ..

حبيبة ~ "شدات على راسها " مييمتي غاتفقصني هاد الطفلة ..

رودينة ~ " تنهدات " وكول غير كول تاواحيد مابزز عليك شي حاجة ..

مشات رودينة بدلات عليها ولبسات قفطان سانبل بلا حزام فالباج بسفيفة خفيفة مذهبة ودارت شال ذهبي على راسها ماباينة تاشعرة صايبات وجها ودارت الكحل والفونديشن وعكر خفيف فالحمر .. رشات من ريحتها ودارت ساعتها وسنسلة لي جابوليها واليديها فعرسها كادو والخاتم زواج وشربيل دالصم فرجليها جات كتحمق .. وباينة عروسة جديدة .. عاد دخلات عليهوم وسناء لبيت لقات زينب كاتصيب لراسها بوكلي فشعرها لسقات فيها تسرحليها شعرها واخا مسرح من عند الله ولكن عزيز عليها تشوطو مسكين .. داروليها خاطرها، مع هي أصلا غير على مسبة .. عاد لبسات قفطان خفيف وسانبل فالأبيض منبت بمجوهرات من السدر كراتوليها رودينة .. وطلقات شعرها المذهب خلات وجها بيض لامع كتافات تمشط حجبانها ودارت شوية ديال البودر فحنيكاتها زادو حمروهوم كتر من الحمورية لي فيهوم مع شوية دريسي لعويناتها المشفرين ولونهوم العسلي الخفيف وخلات فمها طبيعي منفوخ بالثلج لي كاديرو كل نهار وغوز جات فنة فنة .. لبسات الكولي لي جابليها باها نهار نجحات فالباك .. ورشاتليها زينب من الريحة لي كاتعجبها " J' adore " .. وغادي كتشالي بشعرها وتشوف من المرايا لي شافها هاكاك مايقولش هادي لي ظارت داك الحالة كاملة على الزواج ...


وسناء ~ " ضارت كتشوف فيهوم " تشو لماكانشي شي مزيون منتزوشي بيه ..

رودينة ~ " ماداتهاش فيها أصلا " يانا مشّا نكمل مع ممّا ..

زينب ~ تانا معاك ..

وسناء ~ " حنزرات فيهوم " تشوفليك الحمارات خلاوني هايدا ...

ݣلسات كتبرد فدفرانها وتقادهوم وهوما كوال وبويض وكيبانو زوينين صبغاتكوم بلاباز وخلاتهزم باش إبانو غير كيبريو وطبيعين .. 

وماهي دقايق حتا كتسمع صوت الهراج والزديح ديال الطوموبيلات بسرعة حسات قلبها مشا وجا، كيف أي بنت مين كتكون على قابلية الزواج .. هوما جايين اليوم على ودها .. باش إخطبوها .. يالاه غاتنوض كادخل عليها زينب، الأخيرة كانت لابسة سروال فالگري مخطط بالأسود من نوع زارا واسع مامزير ماواسع .. مع شوميز فالأسود طويلة من اللور وقصيرة من القدام دايرا مجوهرات خفاف وشعرها بوكلي مع ميكاب لائق ..

زينب ~ جاو جاو جاااو ..

وسناء ~ " بلا ماتحس بدهشة " كييف عامليين !؟؟ شني جابو !؟ فااين جااو ؟! دووخلو ولا مزال ؟! ..

ربعة دالأسئلة فدقيقة وحدة بسرعة ..

زينب ~ " وقفات وشافت فيها بنص عين وهي كتحرك فراسها " ياودي على لي ماباغاش تزوج ..

وسناء عاد عاقت براسها ورجعات اللور كتلوي فزيغبات شعرها ..

وسناء ~ وراعادي نتينا وكونتي غاتعمل بحال هايدا ..

زينب ~ المهيم أنا مابانليش مولاي سلطان يالاه قشعت مو حيت ديجا كنت شفتها فالعرس عرفتها وتميت جايا لعندك بانليا جابو بوكلي دالورد ..كانت مطلعاه مو فيديها وشمنك ياورد داكشي فن ماشي بحال الورد العادي لي كيجبوه فالخطييبة ..

وسناء ~ بفف " ناضت كطل من الشرجم دبيتها كاتبانليها كاط كاط فالأسود مبلاصيا حدا باب الدار دارت بسرعة لعند زينب " اجي اجي تشووف على حدييدة كيف عااملا ايمااا شحال كيحاماقني الناوع دطوموبيلات فحال هايدا ..

زينب ~ ناري مي تانا بحالك ولاهيلا ياختشي هادا باين بوكو عاقة ..

وسناء ~ وشنو راها يااقوت نتينا ماكاتعرفاشي سولني بانا غير ممّا فرعاتلنا راسا بيها كيقولو لاباااس عليها ففاس ..

زينب ~ " مشات حاطا ودينيها على الباب " شش نسمع شكيقولو .." بعد دقائق من الصمت " انا خارجة نبرݣݣ تانعاود نرجاع راه نسا فالصالة لي مقابلة مع بيتك ..

وسناء ~ مشي شوفلي كيف عاملين مشي ..

بقات فبيتها كاتاخد نفس وتهبطو وهي كتمسع الهضرة دالعيالات أما مزال الرجال ݣلسو فصالة وحدة أخرى " عادات الشماليين أنهم ماكيخلطوش وفأي مجمع كاتلقا الرجال بوحدهوم والنسا بوحدهوم " شوية كتحس براسها مزيرة .. بصح شداتها داك البولة طوييلو لي ماقادراتش تشدها .. تادخلات عندها زينب ورودينة ..

زينب ~ يالاه العݣوزة كتسول فيه ..

وسناء ~ فيا البولة كنحاااس غانطلقا فحواايجي ...

فتحو فامهوم مصدومين ..

رودينة ~ اواااااعدييي ياانا ...

وسناء ~ ودااباا طااالقووني العايلاااات ماانقداارشي نخروووج هايدا ..

رودينة ~ وشني باااغانا نعملولااك ياكما نفتااحلااك فومي تبوول فييه ..

زينب ~ مرا اللولة كون بقيتي فبيت عمي وخالتي بعدا جات مركنة جنب طواليط اما دابا غاتخرجي فوجهوم نيشان ..

رودينة ~ ايماا الحبييبة ونسنا غاطلااعلي السوووكااار والقااالب صبااار نجييبلك شي طااسة ..

مشات وسناء خرجات قدام الناس وكتبتاسم حداهوم باش ماتعيق بوالو جابت سطل صغير ودارت عليه سربيتة من الفوق باش مايبانش شنو داكشي مدخلة ورجعات دازت كتبتاسم ومها غير كتشوف وكاتجمعليهوم وكاديرليهوم داك الضحكة ديال غابلاااتي ...

دخلات رماتليها السطل مغزفة ..

رودينة ~ شباااار تفووو الشووهة الشوووهة ...

وسناء ~ " كاطلع فالقفطان " ودووروو لهييها خااليوني نبوول فخااطري ...

رودينة ~ " زينب ضارت كتموت عليها بالضحك " وسربيييناا خلاااص يخ على عايلة كيف عاملاا ...

وسناء ~ حسااان مننك لاالااكوم ياناا ...


تسناتها تاقدات الغراض، غسلات يديها بواحد القرعة دالما كاينة تما ورجعات عندهوم ..

زينب ~ صافي واحدة نخرجو ..

وسناء ~ واخا يالا ..

رودينة ~ " فتحات الباب " صلاااااااااة وسلااااااام علااااااااه رسووووووول الللللله إلااااااااه جاااه إلى جااا سيدنا محاااماااد ...

زادت تاحابيبة معاههوم ووسناء بخطواتها البطيئين كاتمشا بسلاسة وبكل البروطوكول لي تعلماتو فحياتها العذرية جا الوقت فين طبقها مهبطة راسها وحناكها غايطرطقو بالحنورية زينب فليمن ووسناء فليسر .. والصلوات على النبي وتزغريت حاضر .. شربيلها دالصقلي المنقر كيبان شوية من تحت القفطان .. وشعرها الطوييل لي واصل لخصر مطلوق على راحتو وكيجذب النظر .. نطقات عݣوزتها " مشاء الله " بلى ماتحس .. مشاو بيها تاݣلسوها حداها .. والصلاة على النبي ماوقفوش .. دوزات يديها على ظهرها بكل تمعن وهي كتوصف جمالها، وكتسمع فهضرة البنات لي كانو حداها من الجهة الأخرى ..

لالة ياقوت ~ " بإعجاب " مشاء الله تبارك الله وصلاة على النبي، " طلعات عينيها فحبيبة كاضحك " اش هادشي أحبيبة هادا كولو زين تخبيه علينا ..

ضحكات حبيبة بفخر وطبعا شكون لي مايبغي يفتاخر بجمال بناتو ..

طلعات عينيها بسلاتة باش تخطف شوفاتها من الحاضرين .. وهي كتسمع صوت مرأة فثلاثينيات من عمرها وجها بيض دائري وعينيها قهويين ناصعين لابسة جلابة فالݣرونة بسفيفة عريضة فنفس اللون والطرز الفاسي فجناب سدرها .. حجاب مزين وجها فالأحمر وداخل فيه الأسود .. ساعة فيديها مذهبة وجنبها نبالة ديال الذهب وسنسلة طويلة ديال الذهب مزينة موديل الجلابة من العنق .. وساك أسود صغير بموديل أروبي زوين .. جبنها بنت كتشبه ليها وكاتبان صغيرة شوية عليها لابسة سروال وااااسع فالأسود وطالع تالكرش مخشية فيه شوميز باردة فالأبيض وفوق منهوم ݣاب طسل صيفي فالأخضر والغوز بيبي وتاهية بحجاب بستايل تركي فالأخضر والأسود لابسة سرتلة فيديها وخاتم ديال الزواج مع سنسلة نقرية فعنقها غليضة بمجوهرات فالأخضر الملكي بحال الزمرد ... كانو ٱنيقين والحجاب ديالهوم زاد عطاهوم هبة .. بحال ياقوت لي كانت لابسة عبائة بستايل الخلجيات بدونتيل من اليدين بالݣرونة وشال فالأسود بشبكة فالجناب ديالو مطروز وساك صغير جنبها فالأسود .. لا فعلا الٱناقة كتفوح منهوم وباينين كيتهلاو فراسهوم من الحطا .. هادشي كامل قشعاتو وسناء ومن صباط رجليهوم للزيف لي فوق راسهوم ...

مافيقها من سهوتها غي حبيبة كتنوضها تقطع طاغط لي كانت فوق الطابلة ديكشي لي دارت ناضت بشوية .. وبتمعن مداتليها رودينة الموس وباش تهز عندهوم خاصين ديال المناسبات .. صلاو هوما على النبي وزغرتات زينب فالأخير .. قطعات كل طرف حطاتو فالطبسيل ورجعات ݣلسات بهدوء كاتبتاسم مع ياقوت ..
تانطقات مولات الجلابة ..

فاطمة الزهراء ~ تبارك الله عليك أختي ..

كملو رودينة وزينب التفراق ديال الحلوة كل واحد بطبسيلو وكيدورو غليهوم بالبلاطوات .. التستيف والتاويل من طبعهوم ..

بقاو كل موضوع لموضوع وياقوت وفاطنة الزهراء تاهوما مابخلوش بهضرتهوم وبلعكس كسهضرو بكل تواضع وي ضحكو ويتعاودو وماكيبانش عليهوم دوك الناس ديال النفخة من غير الثانية لي معاهوم لي هضرتها قليلة، أما رودينة وزينب تاهوما مشاركين وكيهضرو وعايشة تاهية ..

من بعد النقاشات ديال مجمع العيالات نطقات ياقوت وهي حاطا يديها على ظهر وسناء وكتشوف فحبيبة ..

ياقوت ~ إيوا أحبيبة هادا نهار كبير لي تجمعنا باش نرجعو عشرتنا مناسبة .. 

حبيبة ~ راك عارفة أحبيبة عشرتنا عشرة زماان .. ودينا وجبنا .. وراكي عارفة لي كاين ...

ياقوت ~ إوا أحبيبة بنتك راهايحال وحدة من بناتي كيف هي كيف فاطمة الزهراء كيف خديجة " ٱشارت لثانية " كيف شيماء .. وأي حاجة بغاتها على الراس والعين ولي تقالت عليكوم خفافت علينا ...

حبيبة ~ راك عارفة أختي، جوج عوينات لي عندي هانتي كاتشوفيهوم حداك وحدة مشات وهاديك هي لي بقات ليا راني غادي نقطعها من كبدتي ونعطيها ليك وكون ماكنتي نيت صاحبتي وكنعرفك وكنعرفكوم ناس الخير والكرم مانعطيها ليك شاي وبنتي وعزيزتي وراها جاتني صعيبة ...

ياقوت ~ الله ياودي علاه توريني فمفارقة الكبدة راني مجربة مع فاطمة الزهراء وخديجة ماعطيتهوم غاسديت على قلبي وقلت لاباس ايييه مفارقة الكبدة صعييبة يا حبيبة يا ختي ..

حبيبة ~ ديكشي لي كاين أودي يالالة ياقوت، وراك عارفة البنت صغيرة وولدك عندو الذرات وماشي ساهلة ..

سرطات وسناء الريق ديالها وتزيرات ماحملاتش راسها فهاد اللحضة ...

فاطمة الزهراء ~ راكي مزال ماعرفتي خويا ديري غير عقلك شوية وترجعيه بين يديك ...


ياقوت ~ عثمان أبنتي ماغادي يخليك مخصوصة من والو وعلى راسو وعينو ومن اليوم عتابري راسك بنتنا ..

حبيبة ~ إيوا لكان هاكا مانزيدكوم غير الله إجعل كولشي مبارك أو مسعود ..

يالاه سالات حتا طلقاتها وسناء بتزغريتة وتبعاتها زينب بوحدة أخرى ..
تاشوية كيسمعو صوت الرجال القوي كيقراو الفاتحة كاملين سكتو ومدو يديهوم قدامهوم مخشعين ..

حسات بداك الصوت الرجولي القوي كيقشعر البدن ديالها .. واش هي بصح لي عروسة فهاد اللحضة .. اه الفاتحة ديال الخطبة ديالها هادي .. دابا هي غاتبدا تسما مراتو فالشرع .. واحد الصوت رهيب دخليها فالأحاسيس ديالها .. مادا يديها كترجف وني كتمسع بصوت قوي روجولي " ٱميين 🙏 " ماعرفاتش باش حسات ولكن لوهلة حبسات دموعها .. تاكيمسح كولشي بكف يدو وجهو وكينوضو العيالات كيتسالمو .. بقات هي ݣالسة وكتشوف .. حبيبة وياقوت كيتسالمو وكيهضرو على الملاك وفاطمة الزهراء كتسالم مع رودينة جات عندها ياقوت وسلمات عليها . وجبدات بواطة حمرة ..
وجراتها لجيهت طبلة عاد جابت رودينة السليفون وكتصور وحبيبة وزينب وفاطمة الزهراء كيصليو على النبي .. جبدات منها خاتم رقيق ديال الذهب وسانبل وهزاتليها يديها ركبات ليها الخاتم ..

ياقوت ~ هاحنا رشمناك دابا راكي عروستنا .. كرحبا بيك أبنتي بيناتنا .. مبروك أبنتي

وسناء ~ لهلا يخاطيك أخلتي ..

إبتسمات ليها بحنان ودارو عند رودينة تصورو وجات تاحبيبة حدا وسناء من ليسر كتصور معاها وكل مرة واحد .. تاجات سلمات عليها فاطمة الزهراء ..

فاطمة الزهراء ~ مرحبا بيك أختي معانا، عتابريني بحال ختك الكبيرة ..

وسناء ~ إنشاء الله أختي ..

كولشي بدا يخرج غير فاتو الصالون ناضت وسناء بسرعة لبيتها كاطل من الشرجم .. تاتبعاتها زينب بجري نقزات فوق ضهرها ..تاضرباتليها راسها مع الشرجم ..

وسناء ~ اححح الهرس الهرسس ليماااك ...

( هه فكراتني فالخطيبة ديال ختي كانت كاتبرݣݣ على الخطاب تاجيت بزربة غانفتح الباب وانا نضرب ليها راسها وݣلسنا ندابزو تاجات ماما تفك 😂 ) 

زينب ~ حييديي نشوووف ..

وسناء ~ وشكووون غايتزوااااج نتيينا ولاي ااانا زوول ..

زينب ~ اوااعدي انا شووف غير لااوري من دروج هاواد.كوونت غاانسخااااف حاايااااد نشوووف ..

بداو بجوج مقلزين من شرجم كيطلو على الشراريع والكاط.كاط محلولين ليها البيبان ديال القدام الجنب دالمقود كان واقف راجل عاطيهوم بالضهر كان طوييل وعامر من الكتاف وعريض رجل بمعنى الكلمة شعرو أسود بتحسينة شبابية خفيفة ويد محطوطة فوق الباب كاتبان فيها ساعة روجولية .. لابس شوميز فلبلو مارين .. مخشية فسروال توب فالأسود وسباط كلاص فالأسود .. وجنب لي قبالتو واقف رجل كان كيبان فوجهو كيبان كبير ماشط شعرو الأبيض وجلابة فالأصفر خفيفة تحت منها شوميز فالأبيض كاتبان من العنق .. تاهو طويل وعريض .. شوية عاد شافت النسا كيخرجو لعندهوم ..فتحو الباب اللوراني ودخلو وركبو فالطوموبيل .. عاد ركب فبلاصت الشيفور وسد الباب وكينزل الشرجم عاد كيبانليهوم ..وسناء حلااات عينيييها مزيااان .. مين بدات كاتشوف اللحية ديال الكثيفة شوية ولي جات فخط واحد وهو داير لهيه كيهضر بشرتو السمراء كاتبان ليها ولاعة فعينيها .. تاديمارات اللوطو وقلعات كادور عند زينب مصدومة والأخرى أكثر منها ..

زينب ~ شفتيييه شفتييه نااريي مييمتيي مييمتي غاانسخف ..

ويناء ~ " باقا مصدومة " واش هادا لي غانتزواااج بيه يااناا ..

دخلات عليهوم رودينة كاتغااوت ..

رودينة ~ اوااااااااعديي جييبوووهليي يكوون مزواااااج تاعااشرااا نااخدووو ...


رودينة ~ اوااااااااعديي جييبووووهليي يانااا يكووون مزاااواااج تااعاااشرااا ايمااا قااالبيي وشحااال مزييويينن .. 

زينب ~ ناااريي ياااختيي تيتيييييييز ...

وسناء ~ " شافت فيه م وعاقت براسها وهي تقلب عينيها " من البااااعد.كون يشووفني هواا كون رااه يدوووخ ..

صبعاتليها رودينة ..

رودينة ~ هااالييميااااك انا مادييتلو يدي سلم عليا غابراسو تااحشاااامت ...

زينب ~ بحااال هادوك أختشي كاتكون عندهوم النخوة هنا " حطات صبعها على نيفها " ...

رودينة ~ يا ختي وهاانتينا اواعدي يانا كيصحاابلي شي وااحييد شاارف صداااق ياختشيي هااايدا كيحااماااق وݣلللس نتيينا هايدا تاتفاالتو من د يديك ..

زينب ~ زعما مايقبلش بالراابعة ..

دارت وسناء خنزرات فيها ..

وسناء ~ اوااعدي ومزااااواااج العايلاات مزواااج واقييلة نتوما ماكااتفهاموشي بلي دابارا عاندو مراا أووخرة كاتستناااه ..

زيينب ~ يكونو عندو تاعشرة جيبيه بين يدي نرجعو خاتم كوني مرا وقادا وشديه بين يديك ..

رودينة ~ سماااعتي قااالك المرا للولة غيير حوورمة خوووه يعااني ماكيشركشي معاها الفراااش والمرا الثانية لي مراتو نيييت ورااك شووفتي كييف هوا تيتيز وبااينة كيف غاتكون مرااتو الثانية ..

زينب ~ باينة غاتكون شي ستيزة يصحابليك بحال هاد الخرية لي كاينة هنا ..

وسناء ~ سمعو را واخا تقوولولي لي قولتو كيبقاا جاي رااغب فييا يااااااانا سماااعتو وهو بزز باش غايديني وزاايدون انا ناقاابلااشي بييه وماغانتزوشي بييه ..

رودينة ~ هاه واخا هاحنا غانشووفو ... حااااابيييييييبةةةةةة ...

غاعيطات وهي دخل كانت أصلا جايا لعندهوم ..

حبيبة ~ مالكوم أش كااين ..

وسناء ~ والو شني باغا اممّا ..

حبيبة ~ صافي راه الملاك سيمانة جايا والعرس منهنا شهر ..

وسناء ~ " قفزات من فوق الناموسية " شنييييي هواااا لااا نتيييناااا حماااقتيي يااانا غاانواااجد لعوورسييي فشهاااار تساااطيتييي ولا شنييي ...

حبيبة ~ " حرزات على قفطانها ناسة خزيت وهي تخنزر فيها " اماااااالكيي يااااااك لااباااس أشش بااغاا ياااك قااالو كوولشي علىىى حسااابهوووم ..

وسناء ~ يكوون ولا مايكوونشي مااشي شووغلي شهااار ماكاافينيشي واصلا ياانا مااغانتزوجشيي بييييه ماقاابلاااشيي ..

حيدات حبيبة الشربيل من رجليها وهي طلعو تم نيت وسناء نقزات للناموسية لوخرى ...

حبيبة ~ زييدي لموووك لهنااااياا توحشتيي ندݣ واالدييك ..

وسنااء ~ وااا واللللللله لااتزوااااااجتت والعداااااااااو ...

عايشة ~ " يالاه داخلة مع الباب من بعد ماسمعات الهايلالة نايضة وعاد وسناء عندها واحد الصوووت رقيييييييييق وانووووووثي مين كتغوت بجهد كتحس بالطبل ديال ودنك غايطرطق " شلاضقييو نتوما هنايا ..

نقزاات من تم نيشان لمور عايشة هازا قفطانها ..

وسماء ~ عتااااااق اعزييزة راااه غاتقتتاالني ..

عايشة ~ الله ياهدييك أحبيبة زوول على العاايلة ...

زينب ~ " كتشد فحبيبة " خاالتي ازييلي نعلوو الشييطاان ..

حبيبة ~ قتلاااتنييي الزغبييية غانضررب راشي مع الحييييط ..

وسناء ~ " جبهتها صحييحة " راااه فااينوااا ضراااب تاتشباااع ...

رودينة ~ " ماعرفات ماتسكت " اوااااعديي وشكوووت اوااسناااء ..

حبيبة ~ شدووووهااااااااااا اليوووم نقتتتلك ...

وسنااء ~ هااااي هااااااي عطيينييي حاااجتك ولاا نهرس راااسك اييواا لااااااااءااااا ...

حبيبة راسها قاسح ووسناء قاتليها ماكتعرفي والو وهي من النوع لي إلى شعلات غير وي طريق ..والصبر لي صابراه فهاد التزويجة غير خوفها من خوها وباها .. ولكن عارفا فوقاش غاترجع دقتها ومتوعدة لزوجها قرة عينها بالحياة الهنيئة غير بلاتي .. حيت هي ماشي من النوع لي كيسكت وحتى إلى سكتات فهي الهدوء قبل العاصفة .. وهي عارفة بلى تاحد مايقد عليها غير لي خلقها ولي كيحݣرها راه كتعميه ...


الحرب العالمية الثالثة جايا فالطريق .. وسناء ماشي شي وحدة سويهلة .. دايرا بحال شي شيطان بقناع الملاك .. تقدر تغويك وإلى قصتيها تحرق .. 

يتبع...