🔥عاده ما يتهامس العشاق بكلمات الحب و الغزل،ولكن عشاقنا هنا يتهامسون
بكلمات التهديد و الوعيد🔥
ياسين بهدوء:ناصر احم.غنتزوح بيها انا لا كنتي
ماباغيهاش
ناصر ضربو الضو من هضرتو تصدم ..طاهرة خرجات من الحمام وهي تسمع هضرتهم.تصدمات هي تانية..بقات مبلوكية فبلاصتها وكتشوف فناصر باغة تعرف ردة فعلوو
ياسين كمل هضرتو :انا نديها و نسترها..لبنت ماتستاهلش هدشي كلو..خليها تأسس معايا عائلة وتعيش شوية هانية بعيد على المشاكيل..انا غنعوضها على كلشي..شنو قلتي..شتك سكتي
ناصر بلع ريقو هو كيمسح على راسو ولا كلو كيرجف يديه بانو لعروق فيها وهو جامعها على شكل بوكس👊..هو منهار دخلها لدارو ولات ديالو..بوحدو ممنوع شي حد اخور من غيرو يقرب ليها..بلاصتها معاه..حياتها مرتابطة بيه هو..هو لي كيتحكم فحياتها وماصيرها..
ياسين:جاوبني
ناصر بقوة الاعصاب والتوتر وقف وهو كيمسح على راسو ويحاول يتهدن..قبل ماغليقلب عليه داك الطبلة..ويفرشخها فوق راسو ..خاص يتهدن بعدة عاد يجاوبو..دور وجهو وهو يلقاها واقفة وكتشوف فيهم..زادت شعلات فيه لعافية غوت على حر من جهدو:تحركي تقوديي من قدااامي
طاهرة قفزات لدرجة ما قداتش تحرك
ياسين وقف فاش شافو غادي فتجاها شدو من يديه:هي ماعندها تاشي دخل فهادشي..انا لي بغيتها لزواج طاهرة ماعارفة والو
ناصر شافيه كلمة باغيها لزواج عصباتوكتر وكتر تنتر منو :انقولهالك قدامها..طاهرة ليا انا بوحدي..مازال ماخلاقش هدا لي غيديها من بين يدي..بلاصتها هناااا معايا..نقتلها ومانخليهاش تمشي مع شي واحد من غيري
طاهرة قلبها تهز من بلاصتو وهي كتسمع فهضرتو
ياسين بنفس الهدوء:ادن تزوج بيها
ناصر شاف فيها:ياك ما تانتي باغاني نتزوج بيك
طاهرة غير ساكتة
ناصر رجع شاف فياسين:راني قلت مستحيل نتزوح بوحدة بحالها..ومن الاحسن تانت تحيد هاد الفكرة من راسك..طاهرة ماتصلاحش ليك..وكنتمنى ماتوليش تجبد بحال هاد المواضيع.وخليك بعيد على هدشي
طاهرة نزلو دموعها حارين على خدها كل نهار كيزيد يحسسها هي شحال رخيصة ..ضيعها ومزال كيقول ماصالحاش لزواج..مالها هي كرهات تاهي تزوج ودير دارها
ناصر شاف فيها لقاها كتبكي
طاهرة بصوت باكي:دابة يجي واحد نهار اسي ناصر نت لي غتبكي فيه قدامي وماغانرحمكش..هدشي لي كدير ليا عمري غنساه ..هضرتك مزال حافضاها كلمة بكلمة باش نهار دور ليام غنفكرك فيها..وعد مني
وطلعات لبيتها كتبكي
ياسين وهو خارج:دمعة دلمضلوم صعيبة اناصر..
ناصر بقا واقف بوحدو وهضرتها كتردد فدماغو..حس باحساس غريب عليه..احساس تأنيب الضمير..هضرتها حركات فلداخل ديالو شي حاجة..نهار الدور ليام غنفكرك كنواعدك...ولكن معاامن دغيااا رجع لوعيوو..ماشي ناصر الزعيم لي يأنبو ضاميرو..مو لي مو وسمح فيها وعاش حياتو بلا بيها..عاد اتجي وحدة تقلب ليه حياتو..مستحيل..هي بحالها بحال غيرها..هز كاس دلما وهبط عليه...باقي مابرد..طلع كيجري فالدروج حل لباب عليها بالجهد كيشي عاصفة كانت متكية فوق النموسية وكتبكي قفزات فاش تزدحات لباب ناضت طافجة ودموع فعنيها
ناصر مشا وجرها من دراعها ووقفها لعندو وعنيه فعنيها:ماشي الزعيم لي تهدديه ..انا ملي كندير شي حاجة ماكاندمش عليها.قتلت وماندمتش عاد اندم عليك نتي لي ماكتسواي وااالو..فهمتيها نتي والو ..وعمرك تحلمي انك اتزوجي بشي حد لا هادي شي حاجة مستحيلة..نتي وليتي من ممتلكاتي..عمرك غتفارقي معايا..غي لا متي ولا مت أناا ..وماتنسايش نتي هنا على قبل لفرااش و لحو... وصافي ..ياك ما يحساب ليك ياسين غيقنعني باش نتزوج بيك لا ..ناصر ماكيتزوجش بلقحبات بحالك..
ودفعها تا جلسات فوق النموسية وهو كيشوف فيها وفدموعها كي نازلين شلال من عنيها كيتسناها تقول شي حاجة...ساعة والو كتبكي ووجها جامد ماعليه تاشي تعبير
ناصر تحنا لعندها وشد فمها بين يديه:لبكى ماعندو باش يفيدك
طاهرة شافت فيه ببرودة:ماكنبكيش عليك.اصلا كنكرهك لاش انبغي نتزوج بيك..هضرتك وافعالك كلها ماكاتهمنيش قول لي بغيتي..ولكن نهار انبغي نمشي من هاد الدار كنقسمك بالله حتى نهرب ليك..وعمرك غتلقاني..ولكن مازال لحال باش نمشي من لهنا..مستافدة منك فبزاف دلحوايج..اولهم لبوليس ماغايلقاونيش عندك.وهدي اهم حاجة..عرفتي علاش كنبكي
سكتات عاد كملات:كنبكي على شرفي لي ضاع على واحد بحالك مايستاهلش
ناصر هز يديه تا لسما وجمع معاها:جربي وحاولي تهربي..غير دريها باش نغبر لمك الاتار..انرجعك منين جيتي..وجهك هو وجه لحبس تعيشي فيه حياتك كاملة ..واخة تمشي لاخر دنيا وتخباي تحت الارض غنجيبك اطاهرة
ودفعها تا طاحت فوق النموسية وتم خارج
وهي توقفو بصوتها:كنكرهك
ناصر شاف فيها ورجع لعندها جمع معاها باللور ديه بضربة لفمها تا توجعات:ديما كنقول ليك احاسيسك خليهم عندك
طاهرة حاطة يديها على فمها لي كينزف بالدم من الجنب:مرة مرة نفكرك
عاود جمع معاها بصقلة :ادن توحشتي لعصة
مسحات فمها من الدم وكتافات بالصمت
بقا كيشوف فيها وناض وخرج
طاهرة بقات كتبكي كتحس براسها كتكرهو بزاف حاقدة عليه ..ولات كترجف غير بوحدها لعب ليها على الاعصاب..كتحس براسها غطرطق..بغات شي حاجة تبرد عليها ناضت و هي كتحالو تنفس ..مخنوقة حكرها بزااف..هزات يديها قدام وجها لقاتها كترعد بالاعصاب..ماكرهاتش تموت دابة وتهنا قلبها كيتعصر .تفكرات انها حاملة بولدو..ماقدراتش تسيطر على اعصابها بقات كضرب فكرشها بعصبية بالجهد وكتغوت ربي لي خلقها:كنكرهك نت وياااااه..كنكرهكم كاملين..موت وهنيني ...
شوية طاحت فالارض وهي كتبكي وضرب فوجها..بحال شي حمقة..عمرها تعصبات تا لهاد الدراجة..حتى تلقاتو هو ركب فيها الاعصاب غيقتلها غير بلفقصة..تكات فوق الارض وهي كتبكي وتنفس بصوت مرتافع عياات..حطات يديها على كرشها وهي كتبكي:سمحلي اولدي عفااااك..
بقات شحال ناعسة فالارض حسات بالردة ناضت بصعوبة دخلات لحمام وردات شلات فمها وهي حاسة بالدوخة تلاحت فوق النموسية وتكات غمضات عنيها بغات غير تنعس تهرب من هادشي لي هي فيه
ناصر خرج من دار وهو معصب مشا
نيشان للشاريكة وبالو كلو مع هادشي لي وقع هاد الصباح..
عند لارا
كانت كتهضر فطليفون:صافي راني عندو دابة فدار..هو لهدر مع بابا غيقول ليه نفس الهضرة
امين:مزياان..ماخاصش يبقا بوحدو معاها.خاص ضاروري يتزوج بيك فأقرب وقت
لارا:المهيم انا اندير كتر من جهدي
امين:المهيم من بعد ونهضرو نخليك دابة
قطع وهو كيفكر فالافكار لي كدور فراسو حتى كتجي عندو سكريتيرة:سي امين..سي ناصر راه فالمكتب ديالو
امين:صافي واخة
عند ناصر غير دخل لمكتب شعل سجار وبقا واقف..حتى كيسمع لباب تحلات ضار بكامل جسمو وهو يشوفها داخلة..طلعها من رجليها تا لراسها لابسة لمنية وسوميج داخلة فيها ومحلولة من جيهة الصدر وطالون عالي..صدعو صوت تقرقيب ديالو
رنيا:سي ناصر جبت ليك التصاميم لي...
قاطعها وهو كيهضر على سنانو:لاش داخلة بلا مادقي فلباب.حسابلك داخلة لدارك ولا شنو
رنيا قفزات من بلاصتها من صوتو لي زعزعها وعاد شوفاتو لحادين وقفولها لما فركابي بدات غي كتفتف:انا..
ناصر:تحركي من قدامي ..
رنيا الدموع تحجرو فعنيها ماحسابليهاش ايعملها بهاد الطريقة شوية وكان ايضربها..أمين كان واقف فلباب وشاف كلشي:انيسة رانيا..ناصر معصب من بعد ورجعي
خرجات وهي كتبكي
امين شد لباب ودخل :مالك اصاحبي مع لبنت
ناصر وهو كيسوط الدخان:والو
امين جلس ودار رجل على رجل:حسيت بيك ماشي هو هداك ياك لاباس
ناصر جلس اونفاص معاه:قلت ليك والو
أمين:خاص نبدلو الروتين شوية ..شنو بان ليك نركبو لخيل غدا ولا بعدو
ناصر:صافي واخة قولها لعيماد
امين:واخة..ادن بعد غدا حسن
ناصر:لي بغيتو
أمين:قاليا احمد تخاصم هو ولارا
ناصر:اه راها عندي فدار
امين:مزيان حسن ماتمشي دير شي فضيحة فراسها
ناصر تنهد ماعندوش لكانة لفشوشها.
ناض وهضر فلفيكس مع سكرتيرة:قولي لانسة رنيا تجي لمكتب دابة
وجلس فالمكتب ديالو
عند رنيا كان فالمكتب ديالها كتمسح دموعها صدمها..اول مرة شي حد ايعاملها هكاك سمعات الدقان:دخل
مداتولو خداه وبقا كيشوف فالتصاميم مدو لامين تا هو شافو
امين:مزيانين
ناصر:ادن خاص نبداو فللخدمة..سمعيني مزيان..نتي لي غتكلفي بيهم فالورشة ..تصاميمك مختالفين على المصصم ديالنا..العمال اتجيهم شوية صعيبة..خاص تكوني حاضرة وعنيك عليهم..علامن يولفو بتصاميمك
رنيا :واخة نقدر نمشي
ناصر بحدة:باقي ماكملت هضرتي
رنيا بلعات ريقها:واخة اسي ناصر
ناصر:اي حاجة صممتيها..اتصيفطيها لحساب ديال الشريكة باش تا لا وقع شي مشكل يكونو النسخ الاصليين عندنا..سكرتيرة اتعطيك لحساب دشاريكة..يلاه تقدري تمشي دابة
ناضت وخرجات وهي مصدومة من طريقة تعاملو معاها مشات للمكتب ديالها:ناري شحال صعيب ..شوية وكان ايضربني
كان فبيتو واقف اونفاص مع لمراية كيقاد فلقميجة..رش لعطر ديالو وهز سوارتو وطليفونو وخرج..
وهو يتفكرها من لبارح ماشافها ..وماباغيش يشوفها ولكن دابة جاه لفضلول يعرفها شكا دير ..شاف فالساعة كانت 9 دليل..مشا لبيتها حل لباب ودخل..سمع صوت فلحمام وقف كيتسناها...طاهرة من بعد ماردات غسلات وجها وخرجات لقاتو قدامها تنهدات ماعندهاش لكانة ليه ولا لهضرتو..هزات فوطى وبقات كتمسح فوجها..طاحت ليها من يديها فاش حسات بيه مدور يديه على خصرها ولاصق فيها من للور بلعات ريقها دورها لجيهتو وهو كيشوف فوجها كيحقق فيه بحاليلا عمرو شافها..طاهرة شوفاتو وتروها نزلات راسها لتحت ورجع علاه باطراف صبعانو..وعنيه فعنيها...طاهرة تفكرات هضرتو دلبارح..قاسية بزاف ..تغرغرو عنيها بالدموع..وحنات راسها..ديما كتقول ماغاتبكيش قدامو..وكتبكي..ناصر طلع يديه مع ضهرها وجرها لعندو وعنقها..ستسلمات ليه..محتاجة لشي حض يعنقها ماكايهمهاش شكون..واش كتكرهو ولا لا..المهيم اي واحد.تبكي على صدرو وصافي..عيات بزاف..دفنات راسها فصدرو وهي كتبكي ربي لي عالم بيها..ناصر كتافا بالصمت ويديه فوق شعرها كيحرك صبعانو بشوية..بقاو شحال هكا..طاهرة غير كتبكي.وهو مخليها على راحتها..
لارا لبسات عليها وقدات...هزات عكار حمر طراساتو فشفايفها شافت راسها فلمراية وبتاسمات فرحانة.كانت لابسة كسوة فلباج صميطات غلاض نص دصدرها خارج توبها واقف مزيرة من جية دصدر وواسعة من لتحت واصلة لتحت الركبة شوية.ليوم ناصر ايخرجها.واخة هي لي لمحاتلو بيها..المهيم اتخرج معاها..هزات بوشط ديالها وخرجات مشات لبيتو مالقاتوش..هبطات لتحت او والو سولات لخدامة:فين هو ناصر
الخدامة:راه عند لالة طاهرة فالبيت
لارا شعلات فيها لعافية:شمن لالة شمن مرض..انا هي لالاك هنايا سمعتيتي..هديك غي مسخة..تحركي من قدامي
الخدامة مشات كطير
لارا بقات غادة جاية فداك صالة معصبة حتى كتشوفو داخل وكي لعادة فيديه التسابيح ..تنهد من.طريقة لبسها
لارا بقات كتشوف فيه كيف حاني راسو بحاليلا مشمائز منها..تعاملو معاها كيعصبها كيستافزها خصوصا فاش كتشوفو كيتعامل مع طاهرة مزيان
لارا:بوفغيديو لاخر..والله تانقولها لبابي ..بزاف عليه نكون قليلة الاداب
تفكرات ناصر وزادت كملات طلعاتود لعندها لبيت تشوفهم شكا يديرو
طاهرة بعدات عليه وهي كتمسح فدموعها شافت فيه بغات ترجع اللور ولكن ماقدراتش يديه مزال على خصرها قربها ليه كتر وعنيه فعنيها بشوية بدا كيقرب لشفايفها يلاه ايبوسها وهوما يسمعو لباب كتحل رجع اللور وشافو بجوج فلباب..لارا وهي مخنزرة فطاهرة:ياك ما ديرونجيتكم
ناصر قرب لعندها:زيدي نمشيو
لارا كتشوف فطاهرة:مافيك نفس..
طاهرة:قوليها راسك
ناصر جر لارا وخرجها من لبيت:قلت ليك مابغيتش الصداع فهاد الدار
لارا :بغيتيني نشوفك معاها نسكت
جرها وتم هابط بيها فالدروج:بحال داكشي..ماسوقك فتاشي حاجة
بغات تهضر وهو يقاطعها:لا بقيتي هكا غير رجعي طلعي لبيتك
لارا:لا لا صافي هاني ساكتة
خرجو حل ليهم شيفور باب طوموبيل ركبات ..ناصر يلاه ايركب وهو يعلي راسو لشرجم دبيتها شافها واقفة..بقا شحال كيشوف فيها تا دوزات الريدو ودخلات..تنهد وركب فالطوموبيل كسيرا بالجهد تا وصل لواحد.المطعم غير وقف حلو ليهم لباب نزل ونزلات معاه خشات يديها فدراعو ودخلو لداخل
لارا سكتات ..جاو حطة ليهم لعشا بقاو كيتعشاو فصمت..من غير عماد وليلى لي ماسكتوش من لهضرة والضحك ضاربين الدنيا بركلة
امين شاف فجنات بتاسم ليها:ياك ما قنطتي
جنات بتاسمات:لا بالعكس
كمل ماكلتو وهي بقات كاتشوف فيه ولا كيعاملها زوين ولا حنين معاها كتر من لول ..خافت تزيد تعلق كتر وتصدم فتالي مابغاتش تعيش فالاوهام.
شوية سمعو ليلى كتشهق:ناري الكوميسير
كلهم شافو فتجاه لي كتشوف فيه..كان داخل ومعاه بنيتة صغيرة شادها ليها فيديها تكون عندها داك 6سنين
عماد:ومن بعد
ليلى:عنداك يكون حاضينا
عماد:شعند مو مايحضي
ناصر بقا كيشوف فيه جلس فالطبلة اونفاص معاهم
كمال قاد بنتو فبلاصتها وجلس وهو كيضحك معاها حتى كيشوفهم اونفاص معاه ختافات ابتسامتو بقى كيفكر حتى كتفيقو بنتو:بابا فيا الجوع فوقاش اتجي عميتو
كمال شاف فيها وبتاسم:هاهي جاية اجي نشوفو شغا ناكلو اوكي
نور:اوكي بابا
بقاكيقرا معاها القائمة ومرة مرة كيشوف فيهم
أمين:كان كيحسابلي شي حد كبير..ساعة باقي صغير
عماد:واقلة هديك بنتو
ناصر :بنتو نور مها ميتة
عماد:دغيا بحتي عليه
ناصر:ضاروري
والصدمة التانية هي لبنت لي جات عندو ..دخلات وهي مبتاسمة نور غير شافتها ناضت عندها كتجري:عميتوو رنياا
رنيا هزاتها بين يديها:وينو حبيبة ديالي توحشتك
نور:تأنا
مشات بيها وحطاتها فبلاصتها وتحنات سلمات على خوها بالوجه:خويا لاباس
بتاسم:الحمد الله ونتي
رنيا:الحمد الله توحشتكم
كمال وهو كيخربق ليها شعرها:تا حنا
رنيا بقات كضحك..
أمين:شتي على صدفة
ناصر:هادي فلتاتلي عرفت راه عندو ختو ولكن ماحسابليش رنيا..زعمة تكون ختو؟
لارا:علاش اش واقع
عماد:خدامة معانا فالشريكة
بقا شي كيشوف فشي
ناصر ببرودة:وهاهي تا ختو ماغايوقع والو مالكم مكبرين الموضوع صافي
أمين:داكشي
عند رانيا
كمال:وعلاش ماتجيش تجلسي معايا فدار
رنيا:هوما عطاوني دار غي خليني على راحتي اخويا
كمال:ايوا لي بغيتي
نور:عفاك اعميتو جلسي معانا فدار
رنيا:مايمكليش احبيبة ولكن انبقا نجي عندكم وتجيو لعندي ياك
نور:اه اه
رنيا:وكملي احبيبة ماكلتك
نور وهي كتمضغ:هنا كناكل
رنيا بقات كتشوف فيها وهي مبتاسمة وشافت فكمال:خويا لبنت بدات كتكبر وغادي توحل معاها.احم علاش لي ماتزوجش وترخف على راسك شوية تعاونك فالتربية وتانت تعيش حياتك المرحومة الله يرحمها راه سنين هدي باش ماتت
كمال:رنيا هاد الموضوع ديما كندويو فيه..بدليه
رنيا:هنا ساكتة ..ماكتبدلش بافي نت هو نت ديما مخنزر
بتاسم:ماتزيديش فيه
رنيا:هههه لا غير شوف راسك فلمرايا
كمال:هههه مالي زوين
رنيا:ناقصاك غير شي وحدة زوينة
كمال:ناري ماكاتسالايش
رنيا:حيت خويا وباغة مصلاحتك
كمال:قلبي الموضوع
رنيا:هنااا ..كي جاتك لبلاصة الجديدة دلخدمة
كمال:مزيانة فلول كان صعيب شوية ..ولكن من بعد رودتهم على يدي..الكوميسير لقديم كان طالق اللعب
رنيا:حسن عوانهم كوراك مرمدتيهم
كمال:لي يستاهل
رنيا:ايوا كاين شي اجرام كاين شي قتيلة
كمال تفكر الطاهرة بقا ساكت:كلشي موجود
كملو هضرتهم حتى كدور وجها وكتشوفهم جالسين بتاسمات:على صدفة
لارا:باينة فيها خفيفة ..غير من عنيها لي كيدورو فبلاصتهم
ناصر:كلشي عندك معاه مشكل
لارا:لا انا قلت غير لي شفت
تنهد
وكملو السهرة ديالهم ..داز الوقت وناضو كاملين باش يمشيو ..كل واحد ركب فطوموبيلتو ومشاو
كمال كان واقف كيخلص ورنيا ونور واقفين حداه..حتى كطيح ليه شي حاجة من المحفضة ديالو..تحنات رنيا هزاتها كانت تصويرة دبنت بقات كتشوف فيها حتى كيخطفها من يديها:اريها
طريق كاملة وهو كيفكر فيها تا وصل لدار لي عبارة عن فلة صغيرة متكونة من جوج طوابق حل ليه لعساس لباب ونزل شاف فبنتو لقاها ناعسة بتاسم وهزها بين يديه دخلو لدار وطلعها لبيتها حطها فبلاصتها باسها من وجها وهو كيمسح على وجها ناض وخرج من لبيت شاف فالمربية جايا:خليها ناعسة فراحتها تا لغدا عاد بدلي ليها حوايجها
المربية:واخة
هبط لتحت شاف فالساعة 12 ونص دليل وقت لخدمة جلس يرتاح بعدة شوية دخل يديه لجيابو جبد محفاضتو حلها وجبد تصويرتها لي خداها من الدوصي ديالها بقا كيشوف فيها..من نهار شافها وصورتها محفورة فدماغو..ماعرفش شنو سميت هدشي..هو مكلف بالقبض عليها مهمتو يلقاها ويرجعها لحبس..ماشي يفكر فيها ويدخلها لحياتو..باغي يفهم شهادشي واقع ليه..ولا كيحلم بيها فنعاسو..ولا باغي يلقاها لرااسو باش يشوفها هو ..ماشي باش يشدها..هدشي غيحمقو..علاقتو بيها كانت محدودة بين متهمة..وكوميسير..ومادوزوش فترة طويلة باش يوقع ليه هدشي .خصوصا وانه كان محيد من دماغو انه يولي يبغي شي وحدة..تنهد وهو كيمسح على راسو رجع التصويرة لبلاصتها ..ديما نفس السيناريو نفس التساؤلات كيدورو فدماغو..علاش هي وعلاش واقع ليه هدشي..
دخل هو ولارا لدار جلس فالصالة وشعل كارو..لارا حيدات صباطها طالون درها فرجليها شافت فيه وبتاسمات قربات لعندو وجلسات فوق رجليه ويديها مور عنقو ..هو كان كيكمي وكيشوف فيها..شافها كتبحلس عليه ويديها كتلعب فعنقو ..ودايرة فيه شوفات جريئة..:كنبغيك اناصر
شافت فشفايفو وهي كتقرب لعندو بشوية ..ناصر مادار تاشي ردة فعل مخليها..من لي عرفها ما ولا قاس شي وحدة من غيرها..مابقات تاشي وحدة معمرة ليه عنيه ..حس بيها حطات شفايفها على شفايفو ..ماباغيش يبقا يفكر فيها غير ماخاصش يستسلم ليها..هو ماشي ديال وحدة هو ديال راسو وصافي..بغة يتحدا راسو ويتحداها تاهي ويبرهن لراسو انه قادر يقيس وحدة من غيرها حيت هي بحالها بحال كاع لبنات..دور يديه على خصرها وهاد المرة تجاوب معاها ..لارا مامتيقاش ان الزعيم كيبوسها ويديه كتلعب مور ضهرها..زادت قرباتو ليها وهي كتبوس فيه..هادي فرصة لا تعوض..بغات تعيش اللحضة معاه وماتحبسش..هبطات يديها لصدافات دقامجتو وبدات كتحلهم بشوية وشفايفها على شفايفو..حتى كتحس بيه كيميلها وحطها فوق الفطوي وجا فوقها وشفايفهم ماتفارقوش
طاهرة كانت هابطة فالدروج وفيديها قرعة دلما خوات ليها بغات تولي تعمرها سمعات شي اصوات فالصالة بغات تعرف ديالاش..دخلات لصالة وهي تشوفهم تصدمات لدرجة طاحت من يديها القرعة..
ناصر ناض من فوق لارا وشاف فيها
لارا ناضت وهي ساخطة على الوضعية:واش كتجسسي علينا ولا شنو تحركي من قدامي..
طاهرة مزال مصدومة ماعرفات مادير شافت فيه لقاتو كيشوف فيها شوفات مامفهومينش حنات راسها بلا تا كلمة لقات اقرب بلاصة ليها هي لكوزينة دخلات ليها وهي كترجف المفروض مايهمهاش ..المفروض يجيها عااادي جدا...ولكن شهادشي واقع ليها..حتى فاش شافت امين معها ماحساتش بهاد الاحساس..هزات كاس دلما وعمراتو هبطات عليه فدقة..ركبات فالمصعد متدابغاتش تولي تخرج ..طلعات لبيتها ودخلات وشدات عليها ..وهي كتخايل صورتو هو وياها..غمضات عنيها وزيرات على لحاف دناموسية بيديها
ناض من حداها لارا تبعاتو وهي كتعنق فيه:انا فرحانة بزاف اول مرة انحس بيك باغيني
شاف فيها وكمل طريقو بلا تاشي كلمة..ماكانش معاها كي كيكون مع الطاهرة..كان معاها بحاليلا كيمتاحن راسو واش يقدر يكون مع غيرها..كان طالع فالدروج وهو كيفكر تا لقا راسو قدام بيتها..بلا مايتردد حل لباب ودخل..لقاها جالسة..دورات وجها لجيهة لوخرا
قرب تا وقف حداها شدها من يديها ووقفها وهو كيشوف فيها:مالك
طاهرة:ماماليش..سير عندها راه خليتيها بوحدها..لاش جاي عندي
زير على دراعها وعنيه فعنيها:شششش ماشي نتي لي اتقوليلي شنو اندير
طاهرة كتافات بالصمت
ناصر:مالك كترجفي غا بوحدك..
طاهرة:فيا نعاس بغيت نعس وعيانة ..
قاطعها بقبلة على شفايفها بشوية ورجع بعد عليها وشاف فيها:غرتي منها
طاهرة مزال تحت تأتير القبلة المفاجأة
ناصر زاد قربها ليه:مالك سكتي
طاهرة حسات على راسها:لا ماغرتش..
ناصر:ومالك كترجفي غا بوحدك
طاهرة بقات كتفكر بصاااح لاش كترجف ودماغها مشوش..هي مأكدة انها ماكاتبغيهش بقات ساكتة شحال عاد جاوباتو ببرودة:كيف مانت ماكاتبغيش تشوفني مع شي حد من غيرك ..باغيني غير ليك واخة ماكاتبغينيش..تانا هكاك..ماكانبغيش نشوفك مع غيري ..وحطات صبعها على شفايفو وبدات تحركو غير بشوية:مانبغيكش تبوس غيري ..ولا تقيس شي وحدة من غيري..هدي تعلمتها منك
بقى كيشوف فيها مالقا مايقول:قلتي باغة تنعسي
هزات راسها باه
ناصر:سيري تنعسي وبراكة من لهضرة لخاوية
طاهرو بتاسمات وطلعات فوق النموسية وتخشات فبلاصتها
ناصر خرج وشد لباب مشا نيشان لبيتو دخل دوش لبس عليه وتخشا فبلاصتو..وهو كيفكر تا داه النعاس
عند ليلى
ليلى وهي نازلة فالدروج:عماااااااد ويلاااه تابعني بزاف دشغاال
عماد كان نازل وهو كيسوط:هاهو نااازل
شدات ليه فيديه وجراتو معاها خرجو وركبو فالطموبيل وكسيراااو نيشان عند جنات لي كانت كتسناهم حدا باب الدار ركبات اللور
نزلو بجوج ودخلو للمول بقاو كيتسراو من محل لمحل تشوف شغا تشري لختها لكادو..عاد الحلوة وداكشي لي غيتحتاج..بغات هي لي تكلف بيه...دخلو لواحد المحال ديال لي زاكسيسوارات بانواعها .عجبها كانت كتشوف الاعلانات ديالو فلانترنيت..بقات كدور بعنيها على المحال وكتشوف شنو كاين..حتى كتجي عنيها على واحد توشية عبارة على سنسلة فيها قليب مزوق بلحجر كيبري.. كيتحل على جوج بامكانك ديري فيه شي تصاور ..واخة قديمة هاد لعيبة ولكن متأكدة غتعجبها...هزاتو بين يديها وفتحاتو وهي مبتاسمة:جناتش وفي
جنات هي كتشوف :زوبيين بزااف عجبني..خصوصا لا درتي تصويرتك نتي وياها
بقاووكيهضرو منبعد ناضو خداو داكشي كامل لي كانو باغين وخرجو من المول من بعد ما عيطو لعماد جا موراهم
عماد:فين انمشيو دابة
ليلى:دينا عند طاهرة حنا واجدين
عماد:واخة
قلب الدورة فتجاه دار الزعيم مسافة الطريق وهوما يوصلو حلو ليهم لباب طموبيل وخداو منهم السخرة من بعد ما وصاتهم ليلى باش يهتمو بالسخرة..دخلو لداخل..لقاو لارا جالسة وكتصبغ فدفارها
عماد.جلس حداها:جمعي رجلك علينا
لارا:قربت نسالي
ليلى:انا غنطلع نشوف ختي
جنات:انا نجي معاك
ليلى:يلاه
طلعو لعندها كانت فلبيت حاسة بالملل وكتلعب فشعرها حتى كتشوفهم داخلين ناضت كضحك فرحانة..ليلى تلاحت عليها عنقاتها
طاهرة:توحشتك الموصيبة
ليلى وهي كتبوس فيها:تأناااا
طاهرة بعدات عليها وشافت فجنات وناضت سلمات عليها:جناات لاباااس عليك
جنات مبتاسمة:الحمد الله ونتي
طاهرة:الحمد الله..مزيان ملي جيتو تفوجو عليا قنطت فهاد الدار بزاف
ليلى وهي كتعنق فيها وتبوس تا طيحاتها فوق النموسية:هناا معاك هناا تا نطلع ليك فراسك ماكاين مايدار
طاهرة وهي كضحك:وصافي انم راك خنقتيني
ليلى ناضت من فوقها وهي كتسارا فبيت النعاس..:اياااه بيتك زين زين..حلات لبالكون ودخلات:الله كتفيقي على لبحر وكتقولي قنطانة يعطيك الدل..
ليلى:غا مع داك الكوميسير دايرلي فيها المحقق كونان هههه
طاهرة:تي شمن كوميسير
ليلى:علاه الزعيم ماقالك والو
طاهرة:ماقالي والو
ليلى:ايوا يا لالة داك الكوميسير عاد فاقت عليه جاي كيسولني عليك قالك حاجة غريبة اني ماجيتش نسول عليك..ايوا وراه كيراقب ويحضي لا تباني منا ولا منا.وعطاني لكارط ديالو زعمة لا شفتك نعيط ليه ههههه من نيتو.وبيني وبينك ماساهلش مع راسو..ولكن معامن جا مع الزعيم ههه ماطحلوش فبالو راك عندو..كوني هانية
خرجو وخلاوها بوحدها..وقفات حدا المراية كتحس بلعيا ودوخة علات تيشيرط تشوف كرشها..باقي مابانت تنهدات ..وجبدات داكشي لي غتحتاج قدات شعرها خلاتو مطلوق ودارت ليه بوكلي خفيف..عاد قدات ماكياج خفيف كي لعادة كتركز على عيونها بالمسكارا..ولبسات الكسوة مع صباط عالي ووقفات كتشوف راسها فلمراية..لكسوة كانت طويلة واصلة حتى الارض لاسقة عليها وبلكمام..كلها مشبكة ..وعاد جوج فتخات فالجيهة دلكرش مع جناب..جات زوينة ..تحلات لباب كانت ليلى
ليلى:اووه حيتي فنة..شوفي اجييي دغية
وخرجات كتجري..طاهرة مافهمات والو شافت راسها فلمراية وخرجات وهي تلاقا ياسين حشمات منو حطات يديها على جنابها باش ماتبانش لفتحة وحنات راسها لتحت
ياسين عارف انه اليوم عيد ميلادها مد ليها واحد لبواطة مربعة:هدي عطيها معاك لعماد لكادو ديالو .انا ماعنديش مع هاد الاجواء
خداتها منو:واخة
حنا راسو وكمل طريقو..تنهدات وكملات تاهي طريقها ونزلات فالدروج ولكن فالضلام ماعرفاتش علاش..بقات هابطة وهي شادة فلحيط باش ماطيحش..ماعارفاش علاش هاد الضللام وصلات لتحت وهي توقف كتقول مع راسها فين غيكونو وهضرات بصوت مرتافع:مال الضو طافي اوووف حالفين تايطيحوني
ماجات فين تكمل هضرتها حتى شعلو ضواوات وهي تلقاهم قدامها..وليلى كضحك هي وعماد وجنات وكيصفقو بيديهم
ليلى:عييد ميلاد سعيييد
طاهرة عاد فهمات ضربها الضو بالفرحة بتاسمات وهي واقفة فبلاصتها ماعرفات ماتقول كانت نتسبة عيد.ميلادها فمرو بقات كتشوف الصالة مزينة بطريقة زوينة وبزاف دنفافخ فكل بلاصة بجميع الالوان ..وحلوة كبيرة فوق الطبلة فيها تصويرتها ..نزلو دموعها بلا ماتحس..
ليلى جات كتجري وعنقاتها:كل عام ونتي بالف خير احبيبة
طاهرة عنقاتها"شكراا بزاف
ليلى بعدات عليها:هدشي والو قدام داكشي لي درتي نتي على قبلي
طاهرة رجعات عنقاتها:تستااهلي وعمري غندم
ليلى بتاسمات وجراتها من يدديها وداتها حداهم..طاهرة دورات عنيها عليهم ..كلهم كاينين الا ناصر ..جات عنيها على امين لي غياكلها بعنيه..شوففاتو كلها اعجاب وحب وشوق..ماكرهش يعنقها ولكن بقا واقف فبلاصتو حاضيها وعنيه كيتساراو على جسمها كامل..غياكلها..
جنات عنقاتها:عيد ميلاد سعييد
ومدات ليها لكادو
طاهرة بتاسمات:شكرا احبيبة
وحلاتو وهي تلقا لكورميط عجباتها:زوينة بزافف شكراا
دارتها فيديها:جات زوينة
جنات:تستاهلي احبيبة
روبي قربات:الناس كبرو وكملو 21 عام
وعنقاتها:عيد ميلاد سعيد
طاهرة مبتاسمة:شكرا
روبي:ماكنتش عارفة ليوم عيد ميلادك وهاد لحمير ماعلمونيش جيت على الله
خشات يديها لجيب وجبدات واحد توشية :هادي عزيزة عليا بزاف ولكن تستاهليها
طاعرة خداتها كانت واحد اللعبة ديال المكعبات شكلها زوين ..كتحيد السطريس..وكتزيدك فالتركيز
طاهرة:شكراا عجباتني كنت كنشوفك ديما كتلعبي بيها ودابة كتاب ناخدها
وقف حدا امين وعنيه مانزلوش عليها طلعها وهبطها مزيان
طاهرة بغات تحيدو من دماغها نهائيا كملات هضرتها معاهم وهي كضحك على على عماد وليلى مدابزين على الاغنية لي غيديرو
عماد:تي كوني تمركي راه راجلك انا
ليلى:ويلي اش جابك الاغاني..انا بنت جات معايا
عماد:ناري شحال فيك دلعكس
ليلى وهي كضضحك:من زمان ياحبيبي
وخدمات اغنية ..ديسباسييوووو
وضارت وهي كتشطح وتشوف فعماد لي كيضحك :ياك لمك بغيتي تنوضي فينا لهوايج
جراتو من يديه:ههه براكة من لهضرة واجي نشطحو
عماد حط يديه على خسرها وبقا كيشطح معاها وهوما كيضحكو جميع لحركات داروهم..
عماد شاف فطاهرة:انا غنشطح مع الزوينة دلعالام
رخا من ليلى وقرب لعند طاهرة ماخلالهاش الفرصة فين تهضر..دور يديه على خسرها وليد لوخرا شادها فيديها:كتعرفي تشطحي تانكوو
طاهرة كضحك عاجبها لحال:شوية..شي حاجة وصافي
عماد وهو كيحركها بين يديها:اري ماعندك
بقات كضحك وهي كتشطح معاه فرحانة..وهو كل شوية كيدورها بين يديه..وشعرها كيطير فهوا..
سات كلشي فهاد اللحضة..كانت فرحانة..وماشافتش لعينين لي كيشوفو فيها كون كانو قرطاس كون تيراو فيها..ناصر ماحملوش يقيسها ..اي حركة عماد كيديرها بديه على جسم طاهرة..ناصر كتشعل فيه لعافية..واخة عماد نيتو صافية هدفو يخلي طاهرة تفرح وتنسى لهم شوية..ولكن ناصر ما كيعرفش هادشي..
سلات الاغنية..عمد ميل طاهرة بين يديه بطريقة كلاسيكية ..باش ختمو الرقصة..ليلى وجنات وروبي كيسفقو وهوما كيضحكو
وبعد عليها هو كيشوف فلبنات:يلاه يلاه شكوون تشطح معايا..ملاااك يا ملاك اجي نشطحو شوية هههه
ملاك:لا ماسكتيش غنهرس هاد لكاس فوق راسك
عماد:عارفك مجرمة دريها
روبي:ايوا سكت شوية
عماد شاف فجنات:مانشطحووش
جنات حشمات
عماد شاف فأمين:ماضربنيش غا كنضحك
امين قرب لعند جنات:تشطح معايا انا بعدة
جنات تزنكات ولات حمرة
امين شد فيديها:تقبلي تشطحي معايا
عماد:تسناااو هاد الرقصة خاصها شي اغنية خاصة
خدم اغنية هادئة رومانسية
امين جرها ووقفها فالوسط علا عنيه فطاهرة بغا يشوف ردة فعلها ساعة ماكانتش كتشوف فيه اصلا بالها مع ناصر لي مخنزر فيها
دور يديه على خسرها وجرها لعندو وشبك صبعانو فصبعانها وبدا كيتحرك هو وياها بشوية وبالو مشا لبعييييد..نهار عيد ميلاد دلارا فاش شطح هو وطاهرة..كان فرحان بزاف كانت ديالو داك ساع..فهاد اللحضة تفكر كلشي..من اول مرة شافها حتى لدابة..لي كلشي تبدل فيه
عماد جر ليلى وبدا يشطح معاها كانت مدورة يديها على عنقو وهو يديه بجوح على خسرها ومنساجمين..عنيهم بجوج كينطقو بالحب..عماد قرب وباسها من شفايفها بوسة خفيفة قدام كلشي:كنبغيك
طاهرة كانت فرحانة وهي كتشوف ختها مع راجل كيبغيها وكيعاملها مزيان..شافت فأمين..ماحسات بوالو وهي كتشوفو مع جنات..جاها عادي ماعرفاتش علاش تنهدات وهي كتشوف دنيا كي كتقلب..حسات بشي حد وقف حداها علات راسا كان ناصر .بلعات ريقها وهي كتشوف شوفاتو ماكيبشروش بلخير
حط يديه مور ضهرها وجرها لعندو:شتك خديتي راحتك بلا قياس
طاهرة:غير عماد راجل ختي وصاحبك..
ضغط بصبعانو على ضهرها:ماكايهمنيش
طاهرة توجعات:قصحتيني
رخف عليها:وا ديري عقلك
سكتات مابغاتش تجاوبو باش ماتخسرش فرحتها..بغات تحيد من حداه وهو يوقفها:تبتي فبلاصتك
تنهدات
عماد شاف فلارا:باربي مالك جالسة
لارا:عاد تفكرتيني
بتاسم وقرب لعندها:راكي فلبااال..خليتك نتي تالية باش نشطحو على راحتنا
لارا بتاسمات:واخة
جرها وبداو كيشطحو وكي لعادة عماد ديما خلق جو فوكاهي هو وليلى....سلاو وعياااو جا وقت يقطعو لكاتو
كانت واقفة وكلهم دايرين بيها من غير ناصر لي بعيد عليهم وكيشوف فيها
ليلى:تمناي امنية قبل تنفخي على شمع
طاهرة تنهدات وهي كتهضر فخاطرها طلبات اول حاجة امورها تقاد وماتبقاش حياتها هكاا.وطلبات ولدها يتزاد على خير.وشافت فناصر بقات شحال كتشوف فيه وطلبات ربي يخرجو من حياتها
ناصر بحاليلا قرالها افكارها على حاجبو وشاف فيها شوفات فهماتهم..بحاليلا كيقولها ماتحلميش..غمضات عنيها وطفات الشمع ..داز الوقت كانو جالسين كيهضرو والخدامات كيجمعو داكشي
طاهرة دخلات نيشان لبيت تبدال جبدات سوميج موريحة فلغوز قصيرة شوية وخرجات من لبيت داتها لروبي لبيت
طاهرة سمعاتها فلحمام عرفاتها كدوش حطاتها ليها فوق النموسية وخرجات..دخلات لبيت يلاه اتشد لباب وهي تحس بشي حد دفعها شهقات وهي كتشوفو دخل وشد لباب
طاهرة:امييين خرج ماناقصة صداع فهاد الليل
امين كيشوف فيها توحشها بزاف:توحشتك
طاهرة قربات لعندو:قلت ليك خرج
امين شدها من دراعها ولسقها مع لحيط:انا عمري غنتفاك معاك فهمي هادي..ما غنرتاح حتى نرجعو كي كنا
بغات تنتر منو ولكن كان قوة منها:اميييين رخي مني
امين كيشوف فيها تبدلات عليه بزاف عكس احاسيسو لي مزال ماتبدلو من جيهتها..:مالك معايا ياك عتادرت
طاهرة:انا نسيت كلشي..امين نسى تانت حيت عمرنا غنتجمعو انا مابقيتش ديالك..وليت ديال واحد اخوور..راك شتي كلشي على عنيك..ترضى تكون مع وحدة قاسها واحد من غيرك فلحرام..
امين هضرتها كتحرق فيه من لداخل:نرضاها غير يلاه معايا من لهنا نعيش غير انا وياك نبعدو عليهم كاملين..كنبغيك لدرجة نزطم على كرامتي على قبلك ..غير قولي اه
طاهرة بقات كتشوف فيه هاد الهضرة جات معطلة بزاف:مانقدش..خرج عفاك من بيتي
امين تنهد وهو كيشوف فشفايفها توحشهم بقا كيقرب يلاه غيبدا يبوسها وهي دفعو:ماتحاااولش ديرها سمعتيني..خرج عليااا
طاهرة:واش نتوما لي سخن عليه راسو يجي يستقوا عليا ويهددني..شنو بنت ليكم انا
امين:انا كنبغيك..انا ماشي هو ناصر لي غير كيدوز وقتو بيك
طاهرة بحدة وهي كتشير للبااب بصبعها:خررج علياا
امين وهو خارج:ليام بيناتنا
بقات واقفة حتى شافتو خرج وشد لباب تنهدات بصوت مسموع :سيرو تقودو كاملين فوقاش يعفو عليا الله منكم ونتهنااااا
وقفات حدا لمراية كتحيد فلكسوة رماتها فوق النموسية وبدات كتشوف فجسمها..وكتخايل نهار اتبان كرشها..بتاسمات بلا ماتحس وهي كدوز يديها على كرشها..ختافات بتسامتها فاش تفكرات شنو غدير مع ناصر خاص ضاروري شي حل لكرش كتبدا تبان ف4شهور وليام كطير...نزلات عنيها لتحت وهي تشوف واحد لبواطة هزاتها وبقات كتشوف فيها عجبها شكلها .حلاتها وهي تلقا خاتم مرصع بلحجر دلالماس وفيه حرفn شكلو زوين بزاف خشاتو فصبعها وبتاسمات جا معاها..بقات متشوف فالحرف وهي تفكر ناصر هدا لحرف دسميتو..يكون زعمة هو لي جابو ليها..علات كتافها ودخلات لحمام دوش حيدات دوبياس ووقفات تحت رشاش..مستمتعة بلما دافي هابط على لحمها
ناصر خرج من دوش وهو لابس شورط وصدرو عريان باغي يبقا مرتاح دخل لبالكون كيشوف فلبالكون ديالها ضو شاعل اتكون فايقة..كان ايشعل كارو وهو يحبس..خرج من لبيت وهبط لبيتها باغي يعرف شنو مزال كدير دخل ماشافهاش..سمع الصوت فلحمام عرفها كدوش
عند طاهرة كانت حاطة يديها بجوج على لحيط ومنزلة راسها لتحت ولما دافي كيتكب عليها حتى كتسمع صوت فلباب ماجات فين الدور حتى كتحس بشي يدين على خسرها شهقات وهي خايفة..خافتو يكون امين رجع..ضاارت لجيهتو وهي تشوفو قدامها بلعات ريقها..وهي كتشوف ..كي كيشوف فيها وعنيه كتسارا على جسمها لعريان..تلفات مالقات ماتقول..ناصر..جسمها دوخوو..فازك زاد جدبو..طلع عنيها تا وصل لصدرها لواقف كيقطر بلما..شاف فوجها..باينة متوترة وشعرها على وجها كيقطر..حطات يديها على صدرو:غير ندوش ونجي لعندك..
شاف فيديها لي علا صدرو وهو يلمح لخاتم..شد يديها بيديه وعنيه على لخاتم نطق بصوت مايل للهمس:لا حيدتيه من صبعك نقطعو ليك
ناصر وهو متبع لحركات دشفايفها:باش فوقما تشوفيه تفكري راني كااين ماتنسايش
طاهرة:ولكن عجبني بزاف
قالتها وهي كتشوف فلخاتم ومبتاسمة..ناصر هاد لبتسامة دوباتو..جرها لعندو وبدون سابق اندار بدا كيبوس فيها ويمص فشفايفها..تحت لما كيترش عليهم بجوج..طاهرة فلحضة ترخات بقات مطلعة يديها مع صدرو تا دوراتها على عنقو وبدات كتحرك شفايفها معاه..ناصر متلدد بيها وهي بين يديه نزل كيوزع قبولات على عنقها وهو كيهبط يديه بشوية على جسمهت بطريقة برشاتها تا وصل لصدرها بدا كيعصر فيه بشوية..طاهرة غمضات عنيها وهي مستمتعة بقبولاتو..وكتحرك ضفارها على ضهرو بشوية..
عند ليلى
شافت فيه لقاتو ناعس:عمااااد انا غنمشي نعس عندختي صافي
كانت كتكمي وهي ملوية عليها فوطة ماحملاتش داك سوميج..ماعندهاش مع داك شي..كتقول مع راسها طاهرة مالقات ماتجيب ليها..بقات شحال كتفكر كون كانت بنت بحالها بحال لبنات كيراها تاهي كتلبس داكشي..طفات لكارو وناضت هزات داك الشوميز عمرها لبسات بحال هادشي..حيدات الفوطة ولبسات السوميج..بقات كتشوف فراسها فلمراية..صدرها كيف بارز وجسمها المنحوت..فورمتها زوينة ولحمها بيض بزاف..فلحضة عجبها راسها هكا حسات بالاونوتة ديالها ولكن دغيا نفضات هاد الافكار حيدات من حدا لمراية وتخشات فبلاصتها ماباغاش تفكر فهادشي..غمضات عنيها ونعسات تاهي
جا نهار جديد باحدات جديدة
كانت واقفة وكتشوف فيهم وهوما كيتسابقو بالخيل..وفنفس الوقت يديها كتلعب فشعر المهرة (العودة) شافت فالمهرة لونها بيض بزاف كيجدب بتاسمات وهي كتشوفها كترمش بعويناتها..بقوة لي عجباتها مابغاتش تركب عليها بغات تبقا غير واقفة حداها
طاهرة بقات كتشوف فيه وهو مركبها دورات وجها مابغاتش تشوف فيهم بقات كتلعب مع المهرة ومرة مرة كتبتاسم ليها دورات وجها تشوف فيهم لقات كل واحد مركب مراتو حداه..حتى من جنات ركبات مع امين..تقرصات طلعات معاها السخونية علاش هوما وماشي هي..
طاهرة مابغاتش تبقا كتشوف فيهم:اجي ندخلو لداخل
شداتها من اللجام ودخلو لكوري وقفاتها فبلاصتها اصلا لحال بدا كيضلام شمس بدات تغرب دوزو نهار كامل مع الخيل..وهي ملي جات ماتفارقات مع الخيل..حسات بشي حد وقف حداها دورات وجها وبتاسمات:خويا ياسين فين مشيتي
ياسين بتاسم:كنت كنصلي المغرب
طاهرة:الله يتقبل..اه فكرتيني شكرا بزااااف على لكادو عجبني بزااف
ياسين:بصحتك..تستاهليه غير حافضي عليه ومرة مرة قراي شي سورة
كان مصحف لكادر ديالو من الدهب
طاهرة:ان شاء الله
بقاو ساكتين
طاهرة:نت ولد النااس مصاب كون كانو الرجال كاملين بحالك مسالم بزاف
ياسين:الله يهدي ما خلق
طاهرة تنهدات وهي كتحرك يديها فوق المهرة:داك نهار فاش قلتي لناصر اتزوج بيا لا ما بغانيش..احم..زعمة ديرها
ياسين بقا ساكت وهو يجاوبها:علاش لا..تانتي بنت الناس وهادشي لي نتي فيه ماشي لخاطرك
طاهرة بتاسمات:اي وحدة تمنا يكون عندها راجل بحالك
كتافا بابتسامة ..ماحسوش على الشخص لي كان واقف وسمع كلشي
ياسين:هنا مشيت
خرج وهو يشوفو واقف:ناصر مالك واقف هنا
ناصر ببرودو:انرجع العود لبلاصتو
ياسين شاف فالعود ومسح ليه على راسو وكمل طريقو
ناصر دخل وهو كيشوفها واقفة وهضرتها كتردد فودنيه وقف العود فبلاصتو ووقف حداها
طاهرة شافت فيه ورجعات شافت فالعود
ناصر:ماتكرهيش كوكان عندك راجل بحال ياسين ياك
طاهرة عرفاتو سمع كلشي
طاهرة:عادي اي وحدة تمناه..قاري وواعي ومساليم وكيحتارم المرأة..وكيعرف الله..بطبيعة لحال مانكرهش
ناصر هضرتها عصباتو:بعدي منو مايصلاحش ليك لاش كدوري بيه
طاهرة تنهدات ديما نفس الموضوع طلع ليهت هدشي فراسها:ديما كتبغي تردني قحبة..مع العلم انك عارف مزيان شكا نسوا ..نت لي ضيعتيني..وراك تأكدتي انك وأول واحد ايقيسني
ناصر :حيت نتي بصاح قحبة باقي مافهمتيها..تربيتي وسط لوسخ..ماشي ديما الدم لي كيتبت انك نقية..ولا قحبة..نتي كنتي كديري داكشي من لحت لتحت..كون جابتها الفرصة باش تبيعي شرفك انا متأكد كنتي اديريها..ادن بلا ماتبقاي ديري ليها فيها الشريفة..كلشي شتو بعنيا..تا ختك خرجتي عليها..كبرتيها فجو مسخ ..راني عارف قصتها مع عماد
طاهرة ماستحملاتش هضرتو ماحساتش براسها حتى جمعات معاه بصقلة
طاهرة بحدة:ختيي بزااف عليييك..ختي باقة صغيرة كانت كتبغيه باش دارتها وحيت متأكدة تاهو كيبغيها وكي كتشوف هاهوما مزوجين.. والوسخ هو لي كنتي نت عايش فيه وكبرتي فيه..غير مك كانت خارجة الطريق يحساب ليك كلشي بحالها..داكشي لي دارتو مك كتحاسبني عليه اناا..بزااف عليك نكون بحالها انا نقا منك ومن مك..عرفتي شنو سير عند شي طبيب يداويك ولا شنو شنو دير ماتبقاش هكا حاقد على لعيالات..
وسكتات وهي كتلهت بصوت مرتافع وكتشوف فيه
ناصر وما ادراك ما ناصر..تلوحي
عليه وقيدة يتفركع..ولا بركان هايج..عنيه حماارو وتزنك عروقو بانو..عمر شي حد تجرأ ومد يديه عليه..وهضرتها لي زادت الطين بلة..حقد عليها كتر من اللول..شياطين ولاو كينقزو فوق راسو
طاهرة عاد سرات معاها شنو دارت ..ضرباااتو وسبات ليه موو..عيراتو بيها..عرفات ماغايرحمهاش..شافت فلباب محلولة بقات كتفكر كي غادير تهرب..يلاه بغات تهرب وهي تحس بيه دفعها تا كانت اطيح هز يديه وجمع معاها بصقلة تا شافت النجوم وطاحت فالارض قدام رجلين المهرة بقات كتشوف فيه كيقلب بعنيه على شي حاجة تا شافتو هز الجلاد(المسوط لي كيضربو ويرودو بيه لعودان) بلعات ريقها ولات كترجف:شوف والله ماقصدت غير فقدت اعصابي وصافي سمحلي عفاك
كتهضر وهي كتكحز اللور
ناصر كيقرب لعندها ونار شاعلة فيه..ولجلاد فيديه طويل كيجرو مع لارض..
طاهرة غوتااات ربي لي خلقها فاش المهرة زطمات ليها على يديها تقصحات بقات كتبكي وهي شادة فيديها..وكتشوف فيها كي ولات حمرة..سمعات صوت شي شحطات علات راسها لقاتو كيضرب المهرة مسكينة..المهرة كانت كدير اصوات كدل على انها كتوجع..ناصر مارحمهاش..هو لوحيد لي يقدر يأديها مابغاهاش تزطم عليها..تخلط عليه كلشي ..طاهرة بقات كتبكي بقات فيها بزاف ولكن ماعندها مادير عارفاه غيسالي منها غيجي ليها هي..
ناصر حبس وشاف فالطاهرة مزال طايحة فالارض وكتبكي..هضرتها كتردد فودنيه..شكون هي لي تعايرو بموو..جاتلو لنقطة ضعفو..سباتو فشرفووو..هديك راه مو ماشي اي واحد..قرب لعندها..طاهرة بقات كتبكي:عفاك لااا
ماسمعلهاش.هز المسوط تا لسما ونزل عليها تا تسمع صوت الشحطة وهي كتغوت تقصحات بزاف زادها التانية تالتة باغي يطفي النار لي فقلو مارحمهاش طاهرة مابقاتش كتحس بلحمها كتحس بيه كيتقطع كانت ملوية على راسها خايفة يقيس كرشها ويطيح ليها لبيبي..كل ضربة كتتنزل عليها كتغوت معاها ربي لي خلقها..ضربها تا تقطعو حوايجها مع كل شحطة..وكيخلي لي مارة حمرة غتسيل بالدم..
على برا نزلو من فوق العودان وهومازكيسمعو لغوات
امين كيعرف صوتها مزيان شاف فالكوري ومشا كيجري وهوما تابعينو تصدم من المنضر لي قداموماحسش براسو تامشا دفعو عماد دخل تاهو كيجري
ليلى طاحت على ركابيها حدا ختها وهي كتبكي:اوييييلي شهادشي داار فيييك
طاهرة غير ملوية على راسها وكتبكي بحرقة بصوت مسموع كيقطع فالقلب.ليلى كتبكي:حرااااام علييك علاش درتي فيها هكااا شنو دارت ليك
ناصر زاد تعصب بقا كيدفع فيهم وهو كيغوت:خرجووو تقودوووو ماسوقكمش
بغا يقرب لعندها وهو يشدو عماد::واش حمق شوف حالتهاااا شوف شنو درتي فيها واش باغي تقتلها
ليلى بغات تعنق طاهرة وهي تغوت ربي لي خلقها توجعات
ليلى :صااافي..لا ماغانخليكش تبقاي مع هاد الوحش ..نت ماشي بشااار
طاهرة غير كتبكي..امين قرب لعندها وهو كيشوف حالتها كيف دايرة كيتشوط من لداخل:طاهرة انا غنديك من لهنا صافي
طاهرة هزات راسها باه وهي كتبكي:ماتخليونيييش معاااه
ليلى كتبكي على ختها
امين بغا يهزنها بين يديه حتى كيحس بشي حد دفعو كان ناصر:اتقيسها نقتلك نت وياها..
امين بغا يهضر وهو يسكتو عماد:ناصر ماشي تا لهاد الدراجة..مايكمنش يكون قلبك حجر تا لهاد الدراجة..شوف حالتها
ناصر مادايهاش فهضرتهم تحنى وهزها بين يديه وهي كتبكي وتغوت:لاااااا مابغيتش نمشي معاااااك...عماااد عفااك مابغيتش نبقا معاااه..امييين ديني معاااك ماتخليونيش معاه
امين تعصب بغا يتبعهم وهو يشدو عماد:انا غنهضر معاه بلا مانزيدو فالصداع
ليلى ناضت تابعاهم وهي كتبكي:قالتلك مابغاتش تمشي معاك حطها
كان غادي وما دايهاش فيهم ..كلهم تبعوه..دخل لدار طلعها لبيتها وسط بكاها دخل وشد لباب بالساروت وخلاهم واقيفن كيدقوو
جلسها فوق النموسية وهي كتبكي:خليني نمشي بحاااالي مابغييتش نبقااا معااك
ناصر غير ساكت وكيشوف فحالتها كيف دايرة..حوايجها مقطعين وكلهم دم وكترجف غير بوحدها خاية بزاف
حل لمجورة جبد مقص وقرب لعندها جلس حداها هي كتبكي وترغب فيه يخليها تمشي بحالها تعصب وهو يغوت:غتسكتي ولا النوض نكمل على مك
سكتات وهي خايفة من غير صوت شهقاتها..بقا كيشوف فيها :نتي لي بغيتي هدشي..نتي لي كتستافزيني شحال من مرة قلت ليك شري رووووحك..راه ماغانرحكمش ونتي كديري غير لي فراسك.وسكت وهو كيشوف فيها..قاد لمقص فيديه وبدا كيقطع ليها فحوايجها..هادي هي الطريقة الوحيدة باش يحيد ليها حوايجها وماتقصحش..كانت غير ساكتة وكتبكي.كتوجع مع كل حركة كيدر..كتقفز من بلاصتها..بقا هكا تا حيد ليها حوايجها بقلت بدو بياس ..شاف جسمها لي كلو ضرابي..خطوطة طوال ديال الضرب كينزفو بالدم.تنهد وناض دخل لحمام جاب علبة الاسعافات..جبد شي بوماضات..شاف فيها مزال كتبكي وكتنخصص..بدا كيدهن ليها لبوماضات على الجرح وهي كتهز من بلاصتها حاول مايخليهاش تقصح سلا وناض دخل لبيت تبدال يجيب ليها شي حاجة تلبسها هز بيجامة بياسة وحدة كتجي فاللبسة واسعة وغير سميطات.خداها وخرج لعندها لبسها ليها غير بشوية..مشا عمر ليها كاس دلما:-شربي
طاهرة ماحبساتش من لبكا غوت تا قفزات:قلت شربي
مداات يديها لي كترجف بزاف ماقداتش تشد لكاس..حنا لعندها وشربها بيديه :ماعندك في وتمشي هادي هي بلاصتك..هنا غتبقاي
طاهرة رتافع صوتها بلبكا:مابغيييييتش بغيت نمشي بحالي.رجعني لحبس لا بغيتي غير مانبقاش معاك
بغا يجاوبها وهو يسمع الدقان صدعو فراسو مشا وحل لباب بالجهد:شنو وااقع كل واحد يمشي لدارو
طاهرة وهي كتبكي:مابقيتش قادرة نستحمل لعيشة معاك لموت حسن ليااا..كرهتيني فحياااتي..كتر من لي كارهاها..عفت راسي وانا معاااك..اللهم نموت ولا نبقا تحت الرحمة ديالك..
ليلى كتبكي:طااهرة الله يخليك نزلي..لمن اتخليني
طاهرة:كلشي كيهضر غير على راسو وانا مابقيتش فيكم..حسو بياا شوية ..عيشو بلا بياااا
عماد:كنواعدك ماغانخليييكش معاااه
طاهرة:لاا عارفاه عمرو غيخليني نعتب هاد الجحيم..اصلاا عييت بغيت نرتاااح
امين بقا شادها تا تحنات عندها ليلى وعنقاتها بقو كيبكيو بجوج:صااافي اختي انديك من لهناااا
عماد شاف فناصر كي واقف ومصدوم قرب لعندو:غنديها معايا بلا ماتعكس..راك شتي حالتها كيف دايرة
ما قال تاشي كلمة
عماد تحنا لعندها:غنمشيو من لهنا صافي
هزات راسها باه
عوناتها ليلى باش توقف وقفات بصعوبة شافت فيه بعنيها الدامعين كتعاتبووو بعنيها ماحساتش براسها تا ترخات كانت عطيح وهو يشدها عماد كانت سخفانة هزها بين يديه..وناصر واقف ماتحركش غير كيشوف فيها عماد تم غادي بيها وليلى تابعاه هبطو لتحت وخرجو من دار ركبها اللور ركبات حداها ليلى وركب تاهو وكسيرا نيشان لدار..
لفوق
امين شاف فجنات لي كتبكي:زيدي نمشيو بحالنا
خرج هو وياها بقا غير ناصر واقف مصدووم ..بقا شحال واقف كيستوعب هدشي لي واقع جلس فوق النموسية كيشوف فبيتها كيتخايل انها عمرها غترجع..عمرو يولي يشوفها..ناض واقف مايمكنش ضاروري يرجعها غير يصبح الصباح يمشي يجيبها.
لارا بقات واقفة مصدومة منو ماعمرها تخايلات انه يقدر يدير هكا فبنت..ولات كتخاف منو غير شاف فيها حنات راسها خرجات مشات لبيتها وشدات عليها
وجلسو كيتسناو هبط لتحت كيتسناها حتى جات طلعها لبيت عندها جلسات حداها تصدمات من شكلها:الله ياربي شكون دار فيها هاد الحالة
عماد:دابة غير شوفي مالها
طبيبة:واخة خليوني معاها بوحدنا
خرجو وشدو لباب
بدات كتفحص فيها وتقيص نبضها..جبدات الماطريال دوات ليها الجرح ..المهيم فحصات ليها جسمها كامل تنهدات وهي كتشوف فيها ناضت وخرجات لعندهم
ليلى:كي بقات
طبيبة:لاباس ..بغيت نضرب ليها شوكة ولكن خفت على الجنين ماتخافوش لا رتافعات حرارتها
ليلى وعماد مصدومين
ليلى:شمن جانين
الطبيبة:مافخباركم راها حاملة
ليلى شهقات:كيفاش حاملة اويلي
عماد:دابة شغا نديرة
الطبيبة:هي شوية وغتفيق شربوها هاد الدوا
مداتولو
الطبيبة:ويقدر ترتافع حرارتها ستعملو لكمادات ولا وقعات شي حاجة عيطولي..هي راها مزيانة داويت ليها لجرح..تا تشري لها هاد البوماضا .والحمد الله الجنين على مابان ليا هو هداك.ويكون خير ان شاء البه
عماد:شكرا اجي نوصلك لباب
نزل معاها ورجع طلع لقا ليلى دخلات لعندها دخل وبقا واقف كيشوف ليلى كتبكي على ختها..شوية بشوية حلات عنيها..وشافت فالسقف بغات التحرك وهي تقصح بلحريق..جسمها كلو كيضرها..دورات وجها لعند ليلى ونزلو دموعها حارين على خدها بقات كتبكي وتشهق وليلى كتبكي معاها..عماد كان واقف بقات فيه بزاف
ليلى:صافي ماتبكيش عمرك تولي ترجعي لعندو
طاهرة غير كتبكي عارفاه غيرجعها بالسيف عليها كتعرفو مزيان..
ليلى مسحات دموعها بقات ساكتة وهي تنطق:حاملة
طاهرة بلعات ريقها
ليلى:قالتها لينا الطبيبة
طاهرة شافت فعماد وهي كترجاه:ايلا ساق لخباار يقتلولي فكرشي..عفاك اخويا عماد ماتقولو والو الله يخليك
عماد قرب لعندها:كوني هانية ماغايعرف والو
طاهرة:مابغيتش نرجع عندو
عماد:صافي ماتخافيش ماغاترجعيش عندو
طاهرة:نقتل رااسي ومانوليش لعندو
ليلى:شششش صافي رتاحي ماتخافيش
عماد:نعسي ماتفكري فوالو انا معااك
ليلى:اه احبيبة نعسي ويكون خير
طاهرة كانت عيانة بزاف كلشي كيضرها غمضات عنيها ودغيا نعسات
ليلى:انا غنبات معاها
عماد:واخة
خرج وطفا عليهم الضو
دازت هاد ليلة وجا نهار جديد
فاقت وهي كتحس بكلشي كيضرها اي حركة كدير كتوجع فيها ناضت بشوية وهي حاسة بالدوخة..نزلو دموعها حارين وغي كتفكر داكشي لي دار فيها..مارحمهاش زادت كرهاتو مابقاتش حاملة ترجع لعندو مابقاتش باغة تشوف فوجهو..ناضت بشوية دخلات لحمام ردات حسات بمصارنها كيتقطعو .غسلات وجها بشوية وخرجات لقات ليلى فلبيت
ليلى:صباح لخير
طاهرة:صباح النور
ليلى:كي صبحتي
طاهرة:مزيان
ليلى:اجي لفطور واجد
طاهرة:ماقاداش والله
ليلى:لا خاص تفطري على قبل لبي بي لا بغيتيه يعيش وباش تسترجعي صحتك
هبطات هي وياها لتحت كان عماد جالس:صباح لخير كي صبحيتي
طاهرة:صباح النور.الحمد الله
جلسات حداهم:عدبتكم معايا
عماد:ماتقوليش هكا راك عزيزة
ليلى كتمد ليها لماكلة .طاهرة مافيها لي ياكل كتبزز على راسها على حساب لبي بي..كلات لي قدات عليه ورجعات اللور ..هزات كاس دلحليب فيديها وبقات كتشرب منو بشوية..شوية صونا لعماد طليفون جاوب
عماد:الو...كيفاش..ناصر راه دوينا..المهيم اجي ونهضرو
قطع
طاهرة :غيديني معاه
عماد:لا ماتخافيشش
ناضت ولكاس فيديها كتشرب منو.. بهدوء عكس لخوف لي فلداخل ديالها
عماد ناض لعندها وحط يديه على كتافها:ماتخافيش انا معاك
رجعات اللور وشافت فيه:عارفاه غيديني..معاه..اصلا ماعندي زهر فهاد الدنيا لي جا كيمسح فيا رجليه..واحد خاني ومشا تزوج وتاني عدبني كيف بغا..غتاصبني وتكرفص عليا وبدا كيعايرني بيها بحاليلا انا لي بغيت..كل واحد كيجر فيا من جيه..
زدحات داك لكاس من يديها..:ماعرفتش شغا ندير ولا لمن انعطي براسي دنيا كلها عليا..لبوليس كيتسناوني..مابغيتش نرجع لحبس..خاايب بزاف..ولكن مانقدش نصبر على لجحيم دناصر دلني بزاف
وجلسات فلارض وهي كتبكي :مابغيتش نرجع لعندوووو
ناضت ليلى تحنات لعندها:ماغا يديكش كوني هانية اختي
عماد تنهد واخة يوقع لي يوقع ماغا يخليهش يديها
ليلى:نوضي طلعي لبيت رتاحي هو غيجي غنهضرو معاه وغيمشي
نوضاتها وطلعاتها لبيت :رتاحي
وخرجات وشدات لباب..
طاهرة بقات كتفكر..غييجي غيديها وهي مستحيل ترجع
معاه..ناضت حلات لبلاكار جبدات كاب طويل فيه القب لبساتو ودارت القبية فوق راسها..شافت طليفون دليلى هزاتو لا حتاجاتو وخدات ليها 20 درهم كانت تماك حلات لباب بشوية وبقات هابطة على ريوس صبعانها وصلات لصالة طلات بشوية شافتهم جالسين وعاطينها بالضهر تحنات وحيدات صندالتها وبقات غادة بشوية تا وصلات لباب حلاتو غير بشوية وخرجات لبسات صندالة ومشات بخطوات مزروبة تا خرجات على دار بقات غادة وملوية لكاب عليها وكتشوف شي طاكسي حتى كتبان ليها وحدة شيرات ليها وهي توقف ركبات
مول طاكسي:فين الالة
طاهرة بقات ساكتة شحال وهو غادي بلا تا شي وجهة شافها طولات:باقي ماقلتيلي فين
كانت غادة وهي كتبكي هادا هو لحل الوحيد اخر حاجة تفكر فيها هي ترجع ليه..مكتابها دوز حياتها فلحبس داز الوقت وهي كتبكي وحاطة راسها على الزاج علات راسها شافت فلكونطرول لقاتها 20 درهم:صافي حبس اخويا غير هنا
حبس خلصاتو ونزلات بخطوات تقال باقي شوية دلمسافة بينها وبين الكوميسارية ..بقات كتمشا بين ناس شحال ما شافت الزنقة وتمشات وسط عباد الله ..مشات مسافة قربات توصل للكوميسارية حبسات فاش شمات الريحة دسفنج وقفات حدا لمحال وهي كتشوفو كيطيب..مول لمحال شاف فيها:شحب لخاطر الالة
طاهرة:والو
مول لمحال بتاسم:ماعندكش لفلوس
هزات راسها بلا ..هز وحدة ومدها ليها:بصحة وراحة
بتاسمات وخداتها من عندو وتمات غادة وهي كتكل فيها ودموع شلال منوعنيها تا وصلات للكوميسارية رجليها فشلو عليها شداتها السخفة لا دخلات ماغاتوليش تخرج تشجعات ودخلات وقلبها كيزدح ودوخة شاداها لخلعة تفكرات كريمة لي كتسناها فلكاريان...نزلو دموعها ..خايفة بزاف ولكن ماغاترجعش ليه..بقات غادة..باغة تمشي لمكتب لكوميسير..حتى كتحس بشي يد جراتها بالجهد ودخلاتها تحت دروج دورات وجها وهي تبلع ريقها بلخلعة فقدات التوازن وسخفات
حلات عنيها بشوية ورجعات شداتهم راسها كيضرها بزاف تشجعات وحلات عنيها وهي كتشوف فالسقف وكتحس بشي يد شاداها فيديها..راسها كان تقيل عليها عاد.جسمها مهلوك..دورات وجها بشوية لجيهة لوخرا شافت بنيتة صغيرة جالسة حداها وشادة ليها فيديها مافهمات والو
نور ناضت كتجري:بابا ..بابا هاهي فاقت
كان واقف فلبالكون وكيفكر فهدشي لي دار غير سمع راها فاقت دخل بالزربة لعندها
طاهرة غير شافتو بلعات ريقها شافت ففجسمها مزالة بحوايجها..ورجعات شافت فيه وهي خايفة
نور ناصت:واخة..ولكن رد لبال للاميرة لي جبتي معاك..شد ليها فيديها بحال كي كنت شادة ليها انا..صافي
كمال بتاسم:واخة
نور شافت فطاهرة:انا غنشوف عميتو واش جات ونرجع
طاهرة بتاسمات ليها بالسيف عليها
نور مشات كتجري وخرجات
كمال خشا يديه فجيابو وهو كيشوف فطاهرة مزال متكية وكتشوف لبعيد عرفها كتهرب من شوفاتو
كمال قرب لعندها وعنيه عليها وقف حداها..هي غير شافتو قرب بغات تموض وهي تغوت بلحريق..حط يديه على كتافها:ماتحركيش راك كلك ضرابي
طاهرة غطات عنقها لي باينين منو ضرابي كمال تحنا لعندها قاد ليها لخدادي مور ضهرها باش تقاد فلجلسة..بصعوبة باش تقادات كل حركة كتوجعها..تنهدات بصوت مسموع وهي كتلعب بصباعها علات عنيها وشافت فيه:غتديني لحبس ياك
كمال دااخ من شوفاتها ولون عنيها..شاف فيهم حزن كبيير..وترجي وخوف..ماطاوعاتوش نفسو يدخلها لحبس..عارف ان هدشي كيخالف لقانون خصوصا وانه كوميسير..ولكن ماشي لخاطرو:لا ماغاترجعيش الحبس على لاقر غير هاد لفترة
رنيا:خويا سمحلي حيت تعطلت غير كان عندي جتماع يلاه سالينا..ياك لاباس بعدة
كمال وهو كيمسح على شعرو ماعرفش شنو غيقولها تنهد:واحد لبنت لفوق فبيتي طلعي عاونيها تبدل عليها وداوي ليها شي جرح
رنيا شهقات:اويلي شكون هدي
كمال دابة طلعي بلا هضرة زايدة
نور:هديك هي لاميرة لي جاب لينا بابا قالي اتبقا معانا فالدار..مسكينة مريضة
رنيا:لا لا خاص نشوف شكون هدي
كمال:تسناي ماتصدعيهاش بأسئلتك راها عيانة
رنيا:واخة
وطلعات لبيت دقات عاد دخلات لقاتها جالسة وكتشوف لبعيد وساهية والدموع محجرين ليها فعنيها منضرها كيقطع فلقلب..بقات كتقرب بشوية تا وصلات لحداها حققات فملاميحها هي نفسها لبنت لي كانت فتصويرة عند كمال بتاسمات:سلام.
طاهرة مسحات دمعة كانت هابطة من عنيها وشافت فيها:وعليكم السلام..
رنيا:انا خت كمال
طاهرة:شكون كمال.
رنيا ستغربات:كيفاش..كمال لي راك فدارو دابة
طاهرة:اه لكوميسير
رنيا بتاسمات:ويلي على لكوميسير..كاين شي وحدة كتقول على حبيبها لكوميسير نتي ناسية حتى سميتو..ياك ما دوخك لحب
طاهرة مافاهماهاش اصلا علاياش كتهضر كتافات بالصمت
رنيا:قال ليا كمال نعاونك تبدلي عليك ونداوي ليك شي جرح.
طاهرة محتاجة لشي حاجة تبرد عليها حر ااجرح لي كيوزوز :اه ايلا بغيتي عفاك
بقات معاها تاحيدو تيشيرط بقات غير بسوتيان ..رنيا مصدومة من حالتها ضهرها كلو خطووطة ديال ضرابي وعنقها دراعها..قلبها ضرها من المنضر هزات لبوماضا:شكون هاد الحيوان لي دار فيك هكا
طاهرة غير ساكتة نزلو دموعها فاش تفكرات ااضرب لي ضربها
رنيا وهي كتدهن ليها لجرح بشوية باش ماتقصحهاش:صافي ماتبكيش قطعتيلي فقلبي الله ياخد فيه لحق يعطيه لهرس لداك ليدين هدا ماشي بشار
طاهرة كتزيد فلبكا وهي كتفكر كل لحضة عدبها فيها وقهرها فيها ..رنيا حبسات وجلسات حداها وقلبها ضارها من منضرها:صافي اختي ماتزيديش تكملي على راسك ربي دابة ياخد ليك حقك
وخرج على برا كيهضر مع رجالو:فين كنتوو هدشي لي بغيت نعرف
واحد من الرجال:كنا غير كنتكيفو فالدورة اسيدي
عماد وهو كيهضر على سنانو:جبتك لهنا باش تكيف لي يا ولد لقحبة قودووو تقلبو عليها تحركووو.
حناو راسهم وخرجو يقلبو
عماد وقف فاش شاف الطموبيل دأمين وقفات.امين نزل:مالك معاهم
عماد:زيد.دخل راه واقع مشكل كبير
دخلو لداخل
امين كيشوف ليلى كتبكي ورجع شاف فعماد:شنو واقع طاهرة فين هي واش واقعة لي ها شي حاجة..هضر
عماد تنهد:طاهرة هربات ماعرفناهاش فين مشات
أمين:كيفاش هربات
عماد:سمعات ناصر ايجي وهي تهرب
امين كيسوط بصوت مرتافع:هداك ناصر ماعرفتش شنو باغي منهاا..
عماد :تاهو تعطل..عندو جتماع جالو على غفلة..
امين:عنداك يكون هو لي داها
عماد سكت فاش شافو داخل حيد نضادرو وشاف فيهم فيهم:مجمعين..ياك لاباس ونت شكا دير هنا
عماد:ماشي وقت هاد الهضرة
ناصر:ماجايش نهضر ..عيط لطاهرة تهبط غنمشيو من لهنا
امين دار بتسامة سخرية:قالك طاهرة
ناصر:عماد طلع عيط ليها ولا انطلع نجيبها بيدي
عماد:طاهرة هرباات رتاحيتي دابة
ناصر ببرودة:طلع عيط ليها لحد الان راني صابر
عماد:كنقولك هربااات ماعرفناهاش فين هي .
ناصر ماحسش براسو تا شنق عليه :كيفاش هربات كضحكو عليا ولا شنو
عماد تنتر منو:خرجتي عليها هاهي دابة هربات علم الله فين مشات
أمين:ومزال باغي تديها معاك ماكفاكش داكشي لي درتي فيها
ناصر باقي ماستوعب انها هربات..كانت حداه واحد الطبلة ضربها برجليه تا رجعات اللور وغوت:انا ماااشي دمدومة ضحكو عليا بجوج كلمااات..ماشي ناصر لي دار بيه ..فيين ديتوهاا
عماد:ناصر ماكانتفلاوش هنايا لبنت هربات ماعارفينش فين هي ماشي وقت هادشي
ناصر فكرة انها هربات مادخلاتليهش لعقل مابغاش يتقبلها..خشا يديه مور ضهرو وجبد لفردي ديالو علاه لسما وتيرا تلاتة طلقات وهو كيغوت:بربي وماتقولولي غين هي نتيري فديل مكم واحد بواحد ونتبعها تاهي بيكم..
لا تستفزي رجولتي كي لا أبعثر أنوثتك الجزء 12
محتوى القصة
التنقل بين الأجزاء